تحميل رواية «عشقها اذاب قلبي» PDF

الحكاية بدأت لما زينة، اللي كانت عايشة في قرية صغيرة، بتذاكر فوق سطح بيتهم الجديد اللي كان وسط الأراضي الزراعية.

كانت زينة، اللي في سادسة ابتدائي، بتبص على الأراضي اللي حواليها والخضرة والترعة اللي قدام البيت، وبتتأمل في جمال المنظر شوية وفي كتابها شوية.

مرة واحدة شافت واحد مع إخواته مروحين قبل المغربية بحماره وجواميسه، وكانوا بيهزروا مع بعض وفرحانين. هو لفت نظرها بالتيشيرت الكورة الأزرق اللي كان لابسه، إنه أكتر واحد بيهزر فيهم.

ضحكت زينة على هزارهم وهما مروحين.

وتفوت الأيام وتعدي، وزينة كل يوم على السطح بتتفرج على الواد أبو تيشيرت أزرق وإخواته وهما مروحين، لدرجة إنها حفظت معاد المروح بتاعه وكانت بتستناه عشان تشوفه.

ولما كان يوم يفوت وما يعديش، كانت بتبقى زعلانة، على الرغم إنها ما تعرفهوش.

وكانت زينة وهي رايحة المدرسة الصبح، كان بيقابلها وهو مودي جواميسه الغيط، كانت بتبقى فرحانة ومش عارفة فرحانة ليه. عيلة لسه في سادسة ابتدائي مش عارفة تفسر إحساسها ده بإيه.

وفي يوم، زينة راحت الكتاب تحفظ قرآن عند شيخ بيقولوا عليه بيحفظ حلو. كانت أول مرة تروح له.

دخلت زينة للشيخ في الكتاب أول مرة تروح. دخلت زينة ورمت السلام للشيخ. رد الشيخ وقالها: "اقعدي يا زينة، ها أحفظك بعد ما أحفظ طلاب الأزهر."

الشيخ نادى على طلاب الأزهر، ومرة واحدة دخل عليه الواد أبو تيشيرت أزرق وإخواته عشان التسميع. الشيخ نادى له باسمه وقال له: "اقعد يا ....."

قلبها اتخض لما لقت الشيخ بينادي عليه وبيقوله تعالى ياعلي عشان تسمع.

احساس الخضه والفرحة خلى وشها جاب ألوان.

"إيه ده؟ اسمه علي وكمان هايبقى معايا في الكتاب اللي بحفظ فيه كل يوم."

قعد علي وسمع هو وأخوه وأولاد عمه الاتنين.

وكان معاهم بنت عمهم أكبر من زينة بسنة، كان اسمها سارة.

وابن عمه اسمه محمد والتاني سيف.

وأخوه اسمه عبده.

دول اللي زينة كانت بتشوفهم من على سطح بيتهم وهما مروحين.

بس من وسطهم ما شدش انتباه زينة غير علي.

اللي كانت أما تشوفه وشها بيضحك وهو مش واخد باله منها.

مرت أيام وعدى أسبوع ورا أسبوع.

وزينة اتصاحبت على سارة بنت عم علي وبقوا أصحاب.

وبتكلمها في التليفون.

وبقت زينة تروح لسارة البيت.

وكان بيتهم في طريق بيت زينة وهي مروحة.

كانت دايماً تقف مع سارة وتتكلم معاها في أي حاجة عشان تشوف علي.

وهي شخصياً مش عارفة هي بتبقى عايزة تشوفه ليه.

غير إن فيه نغزة حلوة في قلبها بتحصل أما تشوفه.

مع الوقت علي عرفها وعرف اسمها، بس ما كانش مهتم.

دي صاحبة بنت عمه وبنت صغيرة بتروح الكتاب معاه.

كان علي أكبر من زينة بسنتين.

عدت سنة.

لـ زينة وعلي نفس الحال.

تقف على السطح أو تقف في الشباك عشان تشوف علي.

لغاية ما دخلت إعدادي.

فهمت زينة واتأكدت إنها بتحب علي.

بس هو ما يعرفش.

ولا هي في باله.

وفي يوم وزينة في مدرستها بتبص من شباك المدرسة.

لقت علي واقف تحت.

فرحت وكان هاين عليها ترقص.

كانت ديما أما تشوفه تبصله وتضحك بكسوف.

وكان هو يبصله.

"إيه ده؟ دي عيلة غريبة."

فاتت الأيام.

وعلي كان ديما بييجي آخر اليوم الدراسي.

وزينة كانت بتبقى فرحانة.

مش مهم بالنسبة ليها بييجي ليه، المهم إنها بتشوفه.

وفي يوم منه صاحبة زينة اللي في الفصل التاني.

دخلت لزينة فصلها.

فـ لقت زينة بتبص على علي.

قالت لها: "هو جه؟ ده بييجي عشان هدي صاحبتها بيحبها."

خلصت منه الكلام من هنا.

والكلمة نزلت على زينة زي الصاعقة.

خلت زينة جواها من العجز زي الصحراء اللي ما فيهاش حياة.

زينة استجمعت بواقي قلبها وقالت لها بتعجب: "هو بييجي عشان حد إنتي تعرفيه يامنة؟"

قالت لها: "ده قريب ليا من بعيد. البنات اللي في فصلنا بيقولوا إنه بيحب البت هدي وبيكلموا بعض."

زينة مسكت في كلمة البنات.

بتقول عشان تقنع نفسها وقلبها إنه كلام أو إشاعات.

وإن اللي بيتقال ده مش صح.

بتحاول تقنع نفسها بأي حاجة.

رجعت زينة لبيتها.

وهي قلبها اللي كان فرحان مكسور وخايف.

زي ما يكون حد رماه في ضلمة وسابه خايف.

لغاية ما قررت إنها تعرف الحقيقة بنفسها.

صحيت زينة تاني يوم وهيا مش قادرة تفتح عينيها. عايزة تنام، مش عايزة تفكر. قلبها طفلة، لسه أول إحساس في كل حاجة. ملخبطة، مش عارفة تعمل إيه. ماهيا لسه برضو عيلة صغيرة.

راحت زينة المدرسة. وف الفسحة راحت لـ منه فصلها عشان تشوف هدى شكلها عامل إزاي وتحاول تفهم أي حاجة. دخلت الفصل لقت البنات قاعدة ومنه. سألتها على هدى. شاورت منه عليها. كانت هدى قاعدة مع مجموعتها بتهزر وتضحك. شافت زينة، بصتلها بـ صة. زينة ما فهمتش هيا بتبصلها ليه كده.

زينة كانت من البنات الشاطرة واللي دمها خفيف. كانت معروفة وسط أصحابها بإنها جدعة وطيبة، وإنها أطيب قلب. فكان البنات يتلموا ويهزروا معاها في الفصل.

منه وزينة واقفين يتكلموا مع بعض. جات هدى وسلمت عليهم وقالتلها: "إزيك يا زينة، عاملة إيه؟"

زينة ردت السلام واتكلموا شوية مع بعض، وبعدين مشيوا.

جه في آخر اليوم الدراسي وهما مروحين، زينة أخدت بالها إن علي واقف وبيـ بص لـ هدى وبيضحكوا. كان أول مرة تاخد بالها من كده. وبعدين هدى مشيت قدام وعلي وراها. مشيت زينة بقلبها المكسور ورجعت بيتها وهيا حزينة.

تاني يوم في المدرسة، هدى اتقربت منها أكتر. وهيا اتقربت منها وبقوا أصحاب. وزينة بكل حسن نية كانت بتعامل هدى كويس. وعرفت إن هدى مامتها منفصلة عن باباها، وإن أبوها متجوز واحدة تانية. وكانت شديدة في المعاملة مع هدى. زينة عشان قلبها طيب صعبت عليها هدى. وبقت تزور هدى في بيتها وتعدي تسلم عليها في الإجازات. وكانت هدى بتصعب على زينة لأن أبوها كان أسلوبه وحش معاها. زينة كانت بتحاول تساعد هدى وكانت بتديها لبسها الكويس ليها وتحاول تفرحها. ومحاولتش مرة تسألها إذا كانت هيا وعلي بيحبوا بعض. ونسيت الموضوع.

وفي يوم في الكتاب، زينة قاعدة وبترسم قلوب. على أخـ د باله. قالها: "ارسميلي على إيدي قلب واعمليلي سهم."

زينة فرحت. مسكت إيد علي وهيا قلبها بيرقص من الفرحة. ورسمت القلب والسهم.

قالها: "اكتبيلي حرف H + A جوا القلب."

زينة من كتر طيبتها وإنها بتقنع نفسها إن علي مش بيحب حد، قالت: "الـ H دي أول حرف من حروف إخواته." مع إن أول حرف من حروف إخواته كان G و W. زينة طبعًا عشان هيا هبلة أقنعت نفسها بكده وقعدت تفكر مين الـ H دي. ومجاش في بالها خالص إنها ممكن تكون هدى.

عدت سنة أولى إعدادي وجات سنة تانية. لغاية ما في مرة زينة واقفة لقت علي بيضحك لها وبيقولها: "إزيك يا زينة، عاملة إيه؟"

فرحت زينة وقلبها من السلام رجع يدق تاني. ورجعت زينة إنها تستنى علي يعدي وتستناه. وأخد علي باله من اهتمام زينة بيه. فبدأ أما يلاقيها واقفة يضحكلها وتضحكله.

وعدت الأيام. وزينة لقت علي بيقولها: "هاتي رقمك."

زينة اتخضت من الفرحة والخوف. وبقت مش عارفة تعمل إيه. مرة ف مرة أخدت زينة رقم علي. لأنها مكنش معاها تليفون. لسه عيلة في تانية إعدادي. بس زينة أخدت رقمه. وهيا اللي اتصلت بيه من تليفون بيتهم الأرضي. وكلمته. وقالها إنه معجب بيها وإنه أخد باله منها لما بتقف في الشباك وتبصله.

زينة طبعًا قلبها اتنطط. وقالتله: "انت مش بتحب هدى؟"

قالها: "إزاي، لأ طبعًا، مفيش كلام من ده."

عدت أيام. وأهل علي اشتروا حتت أرض قدام بيت زينة وعملوها للحيوانات. زينة كانت طايرة من الفرحة عشان هاتشوف علي كل يوم. ومعظم الوقت كان علي ديمًا بيقعد على حرف الترعة في وش شباك زينة. كانت زينة بتكلم علي من التليفون الأرضي كل فترة والتانية.

وفي يوم سمعت خبر خطوبة هدى على واحد جارهم اسمه أحمد. كان شاب محترم وجميل. وأهله ناس طيبين. طبعًا عشان أهل هدى فلاحين. فكان عادي إن البنت تتخطب وهيا في الإعدادي عادي. هدى أهلها قعدوها من الدروس والمدرسة. قابلت زينة تستنجد بيها عشان تكلم جدها وأهلها يرجعوها المدرسة تاني. ما زينة كانت بنت ناس ومن عيلة كبيرة. وكان ليها كلام مع جد هدى. راحت زينة واتوسطت لهدى عند جدها. ووافق جدها على إنها ترجع المدرسة. بس كانت هدى مش عايزة العريس ده. وكانت بتعامله أسوأ معاملة. وطبعًا عشان كانت بتحب علي.

عدت الأيام. خلصنا تانية إعدادي ودخلنا تالتة إعدادي. هدى لسا مخطوبة. وعلي لسا. زينة بتشوفه وتكلمه كل فترة والتانية.

جه العيد. وزينة راحت لـ هدى عشان تعيد عليها. أول ما وصلت لبيت هدى زينة اتفاجأت إن...

ع 4الجزء الرابع عشقها_اذاب_قلبياتفاجات زينه ان على قاعد مع جد هدى ف بيتهم وعامل يضحك ويتكلمو وهدي واخواتها واقفين سلمت زينه على هدي وقفت اتكلمت معاها وعيدت عليه ومشيت وهيا عامله زي اللى كان بيتنطط ومره واحده وقع على جدور رقبته اتكسرت مشيت وهيا مش عارفه ولا فهمه في ايه بعدها بفترة زينه لقت اللى بيتصل على التليفون الارضي واما حد يرد مايردش اتكرر نفس الاتصال كذا مره حست زينه انه علي ف اتصلت هيا بيه كلمها وقالها انتى بتتصليش بيا ليه قالتله انت كنت عند هدي ليه اتلخبطت ف الكلام وقالها انه كان معدي و وقف وعيد عليهم وعادي زينب حست بحاجه غلط بس هيا عبيطه وصدقته ومرت ايام على ده الحال وف يوم ف المدرسه بتسال زينه على هدي عرفت زينه ان هدي سابت خطيبها ومجاتش المدرسه عشان اهلها ضربوها ومش عايزينها تسيب العريس وبتسال زينه ليه ردت بنت عمة هدي وكانت معاهم ف المدرسه ان هدي سابته عشان هيا وعلى بيحبو بعض زينه من كتر الصدمات اللى اخدتها وشها اصفر ماهي ياعيني مش عارفه تصدق مين او تعمل ايه ........مشيت زينه وهيا مروحه قابلت .........

قابلت زينة وهي مروحة وجرى وراها.

كسرت قلبها سارة بنت عم علي. وقفتها وسألتها:

"مالك يا زينة؟ شكلك زعلان؟"

سارة كانت عارفة إن زينة بتحب علي. أصرت سارة تعرف زينة مالها. حكت لها زينة اللي حصل، وإنها سمعت إن هدى وعلي بيحبوا بعض، وإنها سابت خطيبها عشانه.

ضحكت سارة وقالت لزينة:

"نفترض إنها بتحب علي، انتي اتأكدتي إن علي بيحبها أصلاً؟ كده كده عمرها ما ها تدخل بيتنا، ولا هاتتجوز علي، ولا ها يبص لها."

جد علي، الحاج حمد، كان راجل هيبة وعارف أهل زينة وأبوها، وكان بيحب زينة زي عينيه. وكان برضه بيكره أهل هدى لأنهم كانوا معروف عنهم إنهم ناس بتوع مشاكل وأعمال وسحر.

زينة ما كانتش تعرف الكلام ده غير من سارة. فجأة وهما واقفين، خرج الحاج حمد وشاف زينة. كان دايماً يقول لها:

"إزيك يا غالية يا بنت الغالية والغالى."

الحاج حمد كان تاجر مواشي كبير وأهل علي كانوا ناس أغنياء ومبسوطين. سلمت زينة عليه، ولاقاها زعلانة. قال لها:

"مالك؟ مين مزعلك؟"

وكان ديماً يهزر معاها ويقول لها:

"والله لازم أجوزك جنبي."

قصده إنه يجوزها لواحد من ولاد ولاده. كانت زينة بتبقى مبسوطة بالكلام. رجعت تضحك تاني وقالت لنفسها إن أهل علي بيحبوها، أكيد هو كمان.

قالت سارة لزينة تعدي عليها الصبح عشان يروحوا الكتاب سوا.

تاني يوم، زينة راحت لبيت سارة عشان يروحوا الكتاب سوا. شافها الحاج حمد والحاجة آمال، جدة سارة. ومسكوا الأكل واتفضلوا يفطروا معاهم. وكان موجود وقتها أبو علي وأمه وسارة وأمها وإخواتهم كلهم. أصروا إنها تقعد تفطر.

زينة كانت محرجة جداً. قعدت زينة معاهم على الطبلية وقالت إنها هاتشرب بس كوباية لبن عشان هيا فطرت ومش عايزة تكسر بخاطرهم.

قعدوا كلهم على طاولة واحدة. ونده أبو علي، الحاج محمود، على ابنه علي كان جوه عشان يفطر. خرج علي عشان يفطر. بص لاقي زينة قاعدة. بص لها بضيق. هي ما فهمتش ولا عرفت تفسر إيه البصة دي.

أول ما شافها قال لهم:

"مش فاطر."

وخد نفسه ونزل. أحرجت زينة، وكانت قاعدة وكأن نزل عليها صخرة. مش قادرة تتحرك من الإحراج. سارة أخدت بالها، قالت لها:

"يلا يا زينة."

وأخدتها وراحوا الكتاب. وهناك زينة شافت علي تاني، وبرضه كان بيبصلها بضيق. زينة ما فهمتش، وقررت إنها أول ما تروح تسأله في إيه.

س 6بارت ٦عشقها_اذاب_قلبيخلصت زينه الكتاب وروحت ودماغها فيها مليون سؤال ومحتاجه اجابات عليه روحت زينه و اول ماوصلت البيت اتصلت ب علي مردش غير بعد اكتر من مره هيا الو ايوا ياعلى عامل ايه هو بكل برود كويس الحمدلله طب ياعلى انا حسه انك مش طايقنى مالك رد على وقالها مش عايز يبقا ليكي دعوة ب هدي ماتقفيش معاها او تكلميها طب ليه ايه اللى حصل هو كده وخلاص زينه طيب ماشي تمام عدت الايام وزينه جه وقت امتحاناتها ف الاعداديه وكانت الامتحانات بتكون في بلد تانيه جنب بلدهم قريه برضو جنبهم وكان ليها طريق بيروحو منه من قدام بيت زينه كانو البنات بتمشي مجموعات كل شله بتمشي مع بعضها زينه كانت بتروح بعربيه مع صحابها التانين وف لجنه الامتحانات كانت فيه واحده وراء زينه قاعده تتكلم ع علي وانه كان ماشي وراهم عشان يوصلهم وهدي معاهم وانهم بيكلمو بعض وان فيه بنت على بيكلمها كده استبن عشان يسلى نفسه وهدي عارفه انه بيكلم واحده وكانت بتتكلم على قد ايه انها بنت مغفله وعبيطه وطول السكه وهما ماشين مع هدي بيضحكو عليها وازاى هدي مصحباها عشان تبين لصحابهم التانين انها كويسه وغلبانه زينه سمعت الكلام وكأنها في حلم او كابوس عامل يخنق فيها وعايزة تصحا منه مش عارفه واد ايه هيا من كتر برئتها مكنتش عارفه ايه اللى بيحصل ولا فهمه حاجه واد ايه هيا مغفله وحبها عمي عنيها عن حاجات كتير خلصت زينه الامتحان اليوم ده وهيا خارجه شافت على على حصان مستنى هدي يروح معاها لانها كانت بتمشي مع صحابها مكنتش بتركب ف بيستناها عشان يبقا معاها لانها ف قريه غريبه روحت زينه البيت اخدت شاور مايه بارده عشان تفوق وتفكر هاتعمل ايه اول مره زينه تحس ان قلبها مثقل بوجع وانها عايزة تعيط بحرقه بس مش قادرة لان زينه اهلها طبعا مكنش عندهم حاجه اسمها البنت تحب او الكلام ده وان بينت انها زعلانه البيت كله هايعرف وهاتكون مشكله خرجت زينه من الحمام وهديت شويه وقعدت تذاكر وكل ما تذاكر تفتكر علي من كل الشخابيط اللى ب اول حرف من اسمه ف كل صفحه افتكرت زينه كل مره شافته فيها وقلبها كان بيرقص من الفرحه وتفتكر ضحكته اما كانت الدنيا بتمطر وهو لابس قميصه البرتقالى وراكب الحصان والمطر نازل عليه وهو بيضحكلها افتكرت اما كان بيهزر على الطرق وهو مروح مع اخواته وفجأه............

ع 7وفجأة زينه حست احساس غريب انها زي ما يكون بتغرق من غير مايه وانها مش قادرة تصدق اللى سمعته قررت زينه انها تعرف الحقيقه بنفسها وتتاكد منها تانى يوم في الامتحان وكان اخر يوم زينه سمعت نفس البنت بتحكي على البنت اللى هدي بتستغفلها وان حبيبها بيقولها انه بنت مش حلوه شكليا و هبله وان اي حد يقولها حاجه بتصدقها زينه كانت سامعه الكلام وقلبها بيتقطع نزلت زينه وقررت تواجه هدي وتسالها اذا كانت بتحب علي وتكلمه ردت عليها ب ايوا انه بيكلمها زينه مارضيتش تقولها انها سمعت بنت بتتكلم عليها زينه عرفت هدي على حقيقتها وان قد ايه هيا بتكره زينه نظرة الانتصار على وش هدي بينت ل زينه انها بنت قلبها اسود وانها عمرها ما شافت زينه صديقه ليه على الرغم من طيبة زينه معاها زينه كانت جميله كانت بيضا و خدودها حمرا ديما وعنيها بنى لما بيجي عليها الشمس بتلمع وكأنها نهر عسل كانت جميلة شكل وروح وقلب لكن كانت مبهدله شويه ف لبسها وطرحتها كانت مش زي البنات اللى اهم حاجه عندها تبقا على الموضه رجعت زينه البيت بعد اخر يوم امتحان في الاعداديه مامتها طلبت منها تطلع تجيب حاجه من على السطح طلعت زينه وشافت علي وهو رايح المكان اللى قدام بيت زينه بيربط حصانه وبيبصلها اول مره زينه ماتحسش اتجاه على ب اي شعور لا فرحانه ولا زعلانه احساسها زي اللى بيقع مش عارف هو ها يتوجع من الوقعه او هاتكون خفيفه عليه نزلت زينه وقررت انها تبطل تحب علي وتنساه وتركز ف مستقبلها وحياتها زينه بطلت تقف تستنا علي عشان تشوفه حتى اما تمشي او تشوفه صدفه كانت احساسها بيكون زي التلج اللى نازل على جسمنا علي بدء يستغرب هيا ليه اتغيرت كده كان عارف ومتاكد انها بتحبه ايه غيرها حاول على يكلمها زينه ما ردتش عليه استغربت زينه انه هو اللى بيحاول يكلمها على الرغم من انها اللى كانت بتحاول بكل الطرق مابقاش عندها شغف ليه زي الاول حتى الحاج حمد اما كانت تشوفه ويسلم عليها كانت بتحاول تمشي بسرعه عشان مايقولهاش انه عايز يخطبها لحد حتى لو بالهزار مرت ايام الاجازه وزينه قررت انها تدخل دبلوم لانها كان عندها حلم انها تبقا مصممه ازياء راحت زينه للمدرسه الجديده عشان تقدم فيها واقفه زينه مستنيه دورها وفجأة لقت ..........

لقت هدي داخلة، هيا وكأن واحدة تعرفهم، هاتتقدم برضو ف نفس المدرسة معاها.

روحت زينة وهي مدايقة إنها هاتشوف هدي برضو ف نفس المدرسة. قررت زينة إنها ما تخطلتش بيها خالص هناك.

وفي الإجازة، زينة بدأت تهتم بلبسها وتنظم نفسها. وبعد ما كانت بتمشي مبهدلة ولبسها وطرحتها مش مظبوطة، بقت تحسن من ترتيب لبسها وطرحتها. وبدأ جمال زينة يبان وقد إيه هي جميلة. وكانت زينة ضحكتها جميلة، كان على خدودها غمازات، كانت بتضحك الدنيا تضحك معاها.

علي أخد باله من زينة أما كانت بتعدي قدامه وهي ماشية. أخد باله من قد إيه هي جميلة وإن ضحكتها حلوة. كان هو أما يشوفها يضحكلها، لكن هي قررت إنها تقسي قلبها من ناحيته، على الرغم إنها لسة بتحبه، بس كرامتها فوق كل شيء.

بدأت الدراسة وأول يوم، زينة واقفة وبتتعرف على صحاب جداد وبتتكلم مع دي ودي. قدام المدرسة، اتفاجأت إن علي نازل من العربية ووراها هدي كان بيوصلها. زينة إحساسها اتجمد، مش عايزة تصدق ولا تشوف اللي حصل. هدي شافتها، ضحكتلها ضحكة خبيثة.

زينة وشها ما ادّاش أي تعبير لهدي. كانت زينة، على الرغم من طيبة قلبها وروحها الحلوة، مكنتش بتبين أي مشاعر، خصوصاً لو لحد هي بقت مالهاش علاقة بيه أو أذاها.

بدأ اليوم الدراسي في المدرسة الجديدة. وكانت زينة مركزة مع الدراسة عشان تحقق حلمها. كانت كل يوم تمشي عشان تروح مدرستها، وكانت بتقابل علي وهو رايح الكلية بتاعته. كان ديمًا بيبصلها بحب محستوش منه قبل كده. زينة ثبتت على موقفها من علي لأن قلبها موجوع منه. زينة لا عاتبت علي ولا سألته، سابته لنفسه ول هدي. قررت إنها تنسى وتعدي، ولكن قلبها من جوا ما حبش ولا هايحب إلا علي. دا حب ٤ سنين، أول حب عينيها فتحت عليه. لكن زينة كل ما قلبها يبدأ يحن ليه، تفتكر الكلام اللي حصل، ترجع تاني تقسي قلبها.

تفوت الأيام وتعدي، وزينة كل يوم يبان جمالها وحلاوتها، وبدأ علي يتشد ليها أكتر. لغاية ما في يوم، زينة سمعت إن هدي اتخطبت لابن عمتها. استغربت زينة. ولما عرفت إن أبوها هو اللي غصب عليها وهاتتجوز بعد ما تخلص الدبلوم، حست زينة بفرحة. لكن برضو ما حاولت تستفز هدي أو تبصلها نفس نظرة هدي ليها.

أما علي كان بيوصلها أول يوم، هدي كانت أما تشوف زينة كانت ديمًا تبصلها بغيظ. كانت دايماً تكره زينة وتحقد عليها.

وفي يوم، زينة رايحة المدرسة قابلت سارة بنت عم علي. سلمت عليها وحضنتها لأنها ماشفتهاش من زمان. والاتنين واقفو يتكلمو مع بعض. وعاتبت سارة زينة إنها مابقتش تسأل عليها وإنها مابقتش تشوفها زي الأول. وعدتها زينة إنها هاتزورها آخر الأسبوع ويقعدو مع بعض شوية.

خلص الأسبوع الدراسي. وجه يوم الجمعة. زينة استأذنت أمها إنها تزور سارة. وافقت مامتها وراحت زينة لسارة. وأول ما خبطت على باب بيتهم فتح ليها.

فجأة علي اللي فتح الباب.

زينة بكل كسوف ووشها أحمر: سارة موجودة؟

علي: أيوه، اتفضلي يا زينة.

علي وزينة طالعين على السلم، وقفها وقالها:

"انتي مابقتيش تكلميني ليه؟ انتي اتغيرتي ليه كده؟"

زينة بكل هدوء:

"مش يمكن زينة الطيبة العبيطة اللي مبهدلة في نفسها كبرت يا علي وفهمت اللي حواليها؟"

علي مش فاهم زينة قصدها إيه.

زينة كملت طلوع وهي طالعة قالتله:

"سلميلي على هدى يا علي."

أما تكلميها وتشوفيها.

علي استغرب ومفهمش زينة بتتكلم ليه كده. قالها:

"ممكن تكلميني أما تكوني فاضية؟ عايز أتكلم معاكي."

زينة بكل برود:

"إن شاء الله."

طلعت زينة لسارة وقعدت معاها شوية. وهي نازلة ومروحة قابلها الحاج حمد. سلمت عليه وكان الوقت بدأ يليل.

الحاج حمد نادى لعلي عشان يوصل زينة:

"ماينفعش تمشي لوحدها."

علي بمنتهى السعادة:

"حاضر يا حاج حمد."

زينة بكل هدوء:

"شكراً يا علي، أنا عارفة طريقي كويس، غير إني مابخافش إني أروح لوحدي، مش محتاجة حد يوصلني."

علي صعق من رد زينة، إزاي وهي اللي كانت بتتلكك قبل كده إنها تشوفه من بعيد حتى.

الحاج حمد قالها:

"ماينفعش، خليكي يا علي ها أوصلها أنا."

علي واقف مابين حيرة واستغراب.

رجعت زينة البيت ونامت وهي قلبها بيوجعها بحب علي اللي قلبها بيقولها سامحيه، وعقلها اللي بيقولها إنتي إزاي هتسامحي اللي لعب بيكي واستهان بمشاعرك البريئة.

زينة غمضت عنيها عشان تنام وترتاح من خناقة قلبها وعقلها.

صحت تاني يوم وهي بتفكر إذا كانت تتصل بعلي ولا لأ وتشوفه عايز إيه وتواجهه باللي سمعته.

قررت زينة إنها تأجل الموضوع ده شوية.

وهي قاعدة في بلكونة بيتهم شافت علي وهو بيشاور ليها إنها تكلمه.

زينة ما أدت علي أي رد فعل منها غير إنها دخلت البيت وقفلت البلكونة.

خلصت زينة اللي وراها وجه تاني يوم وهي رايحة المدرسة وبتركب المواصلات. لقت علي جنبها.

زينة قلبها كان بيدق من وجود علي جنبها لدرجة إن اللي اتخيل ليها إن اللي حواليها هيسمعوه.

"ما الحب ده شيء لا إرادي، اللي بيحب عمره ما يقدر يكره."

"إزيك يا زينة؟ عاملة إيه؟"

زينة:

"الحمد لله تمام."

دفع علي لزينة أجرة المواصلات، مارضيش يخليها تدفع.

زينة كانت قاعدة مكسوفة ووشها بيجيب ألوان.

علي على كتاب زينة كتب ليها: "إنها تكلمه ضروري."

زينة وعلي نزلوا وكل واحدة راح مدرسته.

زينة قررت إنها تكلم علي من تليفون صاحبتها في المدرسة.

في نص اليوم الدراسي زينة اتصلت بعلي.

رد علي:

"ألو، مين؟"

: "معايا، هيا أنا زينة يا علي."

قالها: "ده تليفونك ده؟"

قالتله إنه تليفون صاحبتها في المدرسة.

ر 10علي بيسأل زينه انتي اتغيرتى ليه بقيتي تتلاشي و جودي او تبصيلى حتى زينه ردت ايه اللى بينك وبين هدي ياعلي سمعت انك بتكلمها وبتحبها علي سمعتي منين زينه ردت من هدي شخصيا قال اه البنت دي هيا اللى بتحبني وبتجري ورايا وانا ببقا عندهم معرفش ليه حتي برد عليها زينه ب استغراب يعني ايه ماتعرفش ازاى بترد عليها علي حلف ليه مليون يمين انها هيا اللى بتكلمه ويمكن عشان هيا بتجري وراه ف كل حته انشد ليها لفترة بس عرفها على حقيقتها بعد اخر يوم وصلها للمدرسه بعد ماهدي اتحايلت عليه عشان يوصلها لانها خايفه من جدها وابوها انهم مايخلوهاش تروح المدرسة زينه قالت ل علي تمام ياعلي حاجه تاني عايز تقولها علي ب استغراب حاجه تاني زي ايه زينه ردت زي ما قولت عليا انى بنت عبيطه اتسلى بيها مثلا واني مبهدله علي ب لخبطه انتي عرفتى منين زينه ل علي مش لازم تعرف ياعلى عرفت علي قالها بصراحه كنت شايفك عيله صغيرة الاول ومكنتش مشدود ليكى لكن مع الوقت ضحكتك وطيبتك وحب الناس ليكي وحب اهلى وكلامهم عنك غير تفكيري خالص مابقتش بحب غيرك زينه قلبها بيرقص من الفرحه هو ده الكلام اللى كان نفسها تسمعه من زمان لكن عقلها فوقها وقالها انتي كل مره هاتصدقي قالتله بكل برود تمام ياعلي مش عايز حاجه وقفلت معاه وسابته ف حيرة والف سؤال ف راسه بعد مكالمة زينه جه ل على مكالمه تانيه هو الو.........