تحميل رواية «عشق لا ينتهي» PDF

بعد أن اطمئنت دولي بأن عشق ستكون بجانبها. وخلال الأسبوع يجدوا حل لتلك المشكلة.

أخذت عشق دولي للنزول لأسفل لتناول الإفطار.

وما أن نزلوا حتى وجدت عشق فتاة تحتضن قاسم وبدلع تتحدث.

كاميليا: وحشتني يا بيبي.

يبتعد عنها قاسم.

قاسم: رجعتي امتى؟

كاميليا: لسه راجعة حالا وجيت من المطار على هنا.

وقفت عشق متسمرة مكانها لما تراه.

دولي: تعالي يا عشق وسيبك منها. دي عروسة المولد بنت عمي.

كاميليا: مين البنت دي؟ انتوا جايبين خدامة جديدة؟

قاسم بحده: كاميليا...

واقترب من عشق واحتضنها.

قاسم: عشق تبقي مراتي.

كاميليا: مراتك!!! ذوقك غريب أوووي يا قاسم.

حضرت سلوى ورأت كاميليا.

سلوى: إزيك يا بنتي. حمد الله على السلامة.

كاميليا: إزيك يا طنط. كدا عاصم يتجوز من غير ما تعزمونا.

سلوى: الموضوع تم بسرعة. أومال فين باباكِ ومامتك.

كاميليا: أنا سبقتهم. بابي عنده شغل كتير. لما هيخلصه هيرجعوا. وبعد إذنك يا طنط هقعد معاكم على ما بابي يرجع.

سلوى: تنوري حبيبتي.

كاميليا: إيه يا دولي مش هتسلمي عليا؟

دولي: لقيتك مشغولة بالكلام. انتظرتك تخلصي.

جلسوا جميعًا على مائدة الطعام لتناول الإفطار.

لمى: عايزة أقعد جنبك يا عشق.

عشق بحب: طبعًا حبيبتي الأمورة.

جلست عشق تطعم لمى بحب.

كان قاسم سعيدًا بعلاقة عشق بلمى.

وفجأة قامت كاميليا ومالت على قاسم.

كاميليا: آسفة حاسة بدوخة شوية.

سندها قاسم.

قاسم: أكيد من السفر. تعالي أوصلك أوضتك علشان تستريحي.

شعرت عشق بالغيرة على قاسم.

وقامت من على الطعام ولم تكمل فطارها.

سلوى: ما كملتيش أكلك يا عشق.

عشق: خلاص شبعت يا ماما.

سلوى: انتي زعلتي علشان تصرف كاميليا. عايزة أطمنك. قاسم ما بيفكرش أبدًا فيها. وديما كاميليا بتحاول معاه. وهو مش في دماغه.

دولي: كاميليا إيه اللي تفكري فيها يا عشق. دي ما تجيش 1% من جمالك وأخلاقك.

شعرت عشق أنها مع أسرة تحبها. شكرتهم وأخذت لمى وخرجت للحديقة.

عاد قاسم.

قاسم: هي فين عشق؟

سلوى: خرجت الحديقة.

ذهب قاسم إليهم. وجدها تلعب كالطفلة مع لمى على الأرجوحة بحب.

قاسم: ينفع أقعد معاكم؟

لمى: أيوا يا بابي.

نظر قاسم إلى عشق وعلم من نظرتها بالغيرة.

قاسم: إيه رأيك في كاميليا يا عشق؟

عشق: من ناحية إيه إن شاء الله؟

قاسم: بنت عمي مودرن وستايل وكمان خمس لغات.

عشق بغيرة أكبر: لما هي عاجباك أوووي كدا ما اتجوزتهاش ليه؟

قاسم بضحك: أتزوجها ليه وأنا معايا القمر والنجوم وكل الدنيا.

عشق: يا سلام.

اقترب قاسم منها أكثر واحتضنها.

عشق بصوت هامس: انت بتعمل إيه لمى قاعدة.

قاسم: بحبك يا عشق.

نظرت له عشق: بجد يا قاسم. يعني انت مش مغصوب عليا؟

قاسم: انتي مجنونة يا بنتي.

اتغصبت عليكي إزاي. وأنا اللي طلبتك للزواج.

عشق: طيب بعد إذنك عايزة أروح الفيلا. أونكل فؤاد الله يرحمه. قال لي إنه شال لي كل الأوراق في المكتب.

قاسم: طيب قومي البسي وتعالي نروح.

عشق: حاضر.

ذهبت عشق وارتدت ملابسها وكانت كالقمر في تمامه.

نظر لها قاسم بحب.

قاسم: يلا يا عشقي.

سلوى: ما تتأخروش يا ابني. هننتظركم على الغدا.

قاسم: إن شاء الله.

أخذ عشق وذهب بها إلى الفيلا.

فتحتها عشق بدموع دامعة. لتذكرها بعمها.

قاسم: ربنا يرحمه حبيبتي.

عشق: يارب.

دخلوا غرفة المكتب.

أمسكها قاسم من وسطها ورفعها على المكتب.

قاسم: انتي حلوة ليه كدا.

عشق بخجل: انت الأحلى.

قاسم: بجد أنا مش مصدق عنيا. الجمال دا كله ملكي أنا.

عشق: بحبك يا قاسم. وربنا عوضني بيك. أنا فعلًا ماليش حد غير ربنا وانت بعده.

قاسم: أوعدك هعوضك كل الأيام اللي عيشتيها وحيدة يا عشق. وكل اللي نفسك فيه هحققه ليكي.

وفتحوا الأدراج ليجدوا أوراق ممتلكات عشق ووصية فؤاد لها وتحذيره من سميرة وابنها.

فؤاد: عارف يا عشق لما تقرأي رسالتي دي هكون أنا قابلت رب كريم. أنا من يوم ما جيتي على وش الدنيا وأنا اعتبرتك بنتي اللي ما خلفتهاش. ووالدك الله يرحمه وصاني عليكي. عارف إنك قوية وهتقدري تعدي أي محنة. بس يا عشق في سر كان لازم تعرفيه يا بنتي. والدك الله يرحمه له ابن. وقع في غلطة مع واحدة قبل ما يتزوج والدتك. وبعدها بعد عنها وانقطعت أخبارها. وبعد سنين كانت والدتك توفت. ظهرت الست دي تاني. وقالت له إنها ولدت ولد. والولد انكتب باسم زوجها. حاول والدك يعرف اسم زوجها إيه. بس الست دي اختفت تاني. وأنا قبل ما نيجي هنا قدرت أوصل ليها. وعرفت ابنها. وعرفت اتجوزت مين. بس للأسف تعبت وما لحقتش أعرفك. الموضوع حساس. وأعراض ناس. حبيت أعرفك وأريح ضميري. إنك ليكي أخ. ربنا يسامح الجميع. الظرف الأبيض هتلاقي فيه كل بيانات الشاب ده. خليكي عاقلة وحكيمة زي ما اتعودت منك. لا إله إلا الله.

جلست عشق وهي في حالة ذهول مما قرأت.

عاصم: أهدي يا عشق. عارف أن الموضوع صدمة.

عشق: عشت طول عمري وحيدة. وبعد العمر ده كله يطلع لي أخ!

عاصم: أهدي.

عشق: فين الظرف الأبيض ده.

وبدأت بالبحث عنه في الأدراج حتى وجدته.

عشق: خايفة أوووي يا قاسم افتحه.

قاسم: أهدي حبيبتي. أنا معاكي في كل الأحوال.

وامسك قاسم الظرف وقام بفتحه.

ليجد اسم الشاب هو...

يا ترى الشاب ده هيطلع مين.

بعد أن وصلت عشق للفيلا وقرأت وصية عمها فؤاد

بدأت تبحث عن الظرف الأبيض.

وجدته. كانت متوترة وخائفة أن تفتحه.

قاسم: اهدئي يا عشق.

وأخذ الظرف منها ليفتحه. ليجد

فتح قاسم الظرف وجد اسم ذلك الشاب هو

عمر سامح السعدني. وقف مذهولاً. مستحيل.

عشق بتساؤل: أنت تعرفه؟

قاسم: عمر ده يبقى ابن خالتو حنان.

عشق بذهول: تقصد دكتور عمر؟

قاسم: أيوه. وهوا... هنتصرف إزاي؟

عشق: مش عارفة يا قاسم.

قاسم: إحنا لازم نتأكد الأول قبل ما حد يعرف الموضوع ده ويحصل مشكلة.

عشق: وإحنا هنتأكد إزاي؟

قاسم: مفيش غير تحليل DNA.

عشق: أنا خايفة يا قاسم أوي.

اقترب قاسم منها واحتضنها بحب.

قاسم: طول ما أنا جنبك عايزك ما تخافيش أبداً.

ويلا بينا نرجع. زمان ماما ودولي ولمى منتظرنا.

عشق: والست كاميليا كمان.

قاسم بضحك: بتغيري يا عشقي؟

عشق: ودي أغير منها؟ دي زي عروسة المولود.

قاسم: أيوا بقى حقك. ما أنتِ الجمال كده.

عشق: المهم أنت وبس اللي تشوفني جميلة.

قاسم: جميلة وبس. ده إنتِ جننتيني بحبك ده.

ويلا نمشي قبل ما أفتكرسك هنا.

عشق: وعلى إيه؟ يلا بينا.

غادرا الاثنين وعادوا إلى الفيلا.

سلوى: ولاد حلال. كنت هأتصل عليكم حالا.

عشق: القلوب عند بعضها يا ماما.

سلوى: طب يلا اطلعوا غيروا هدومكم وانزلوا نقعد سوا.

قاسم: ماما بعد إذنك اتصلي على عمر يجي يتغدى معانا.

على دخول عمر.

عمر: مين بيجيب في سيرتي؟

قاسم بضحك: هههههه. يا ريتني كنت افتكرت مليون جنيه.

عمر: أنا أغلى من المليون يا ابن خالتي.

قاسم: طبعاً يا حبيبي.

كانت عشق تقف وهي تنظر إلى عمر بإمعان

وتتساءل: معقول يكون ده أخوها؟ وبدأت تركز في ملامحه.

عشق: يا الله! شعره وعينيه نفس شعر بابا وعينيه.

قاسم: عشق. يا عشقي.

عشق: هه. بتقول حاجة؟

قاسم بصوت منخفض: شيلي عينك عن عمر هتفضحين. ثم إحنا ما اتأكدناش إنه أخوكي وأنا بغير.

عشق: لا خلاص. هطلع أغير هدومي.

وتركه وصعدت إلى أعلى.

قاسم: تعال يا عمر نقعد في المكتب على ما عشق ولمى ينزلوا.

حضرت كاميليا معهم.

كاميليا: إزيك يا عمر؟

عمر: إزيك يا كاميليا. حمد الله على السلامة.

كاميليا: الله يسلمك. ينفع أجي أقعد معاكم بدل الملل اللي أنا فيه ده؟

قاسم بتنهيدة: اتفضلي. ودخلوا ثلاثتهم إلى المكتب.

عند دولي.

ذهبت دولي إلى حجرة عشق وطرقت الباب.

عشق: ادخلي.

دولى: عشق. الحقيني.

عشق: مالك حبيبتي؟ في إيه؟ قلقتيني.

دولى: عمر.

عشق: ماله عمر؟ انطقي.

دولى: كلمني وقال إنه هيجي النهاردة يطلب إيدي من أبيه قاسم.

عشق: وده يزعلك في إيه؟ المفروض إنك بتحبيه.

دولى: بحبه جداً. بس خايفة من موضوع سامر.

يعرف إني اتخطبت. يعملي مشاكل.

عشق: هو كلمك تاني؟

دولى: آه. بعتلي رسالة وقالي عدي يوم.

عشق: ربنا يسهل. وأنا مش هنام النهاردة غير لما ألاقي حل. بس الأهم من كل ده. هات لي بيانات الشاب ده النهاردة.

دولى: حاضر.

عشق: يلا بينا بقى. نسيت أقولك إن عمر تحت.

دولى بفرحة: يلا بسرعة.

نزلت الفتيات.

دخلت عشق ودولي وجدوا كاميليا مع عمر وقاسم.

قاسم: أهلاً يا نور عيني. وحشتيني الشوية دول.

عشق بحب: وأنت أكتر.

عمر: طب فرصة بقى أتكلم.

قاسم: تتكلم في إيه؟

عمر: ثواني. خالتو تحضر.

سلوى: في إيه يا عمر؟

عمر: اقعدي الأول يا خالتو.

جلست سلوى والجميع ينظر له.

عمر: أنا قررت أكمل نص ديني.

سلوى: مبروك يا حبيبي.

عمر: بعد إذنك وموافقتك يا خالتو. وطبعاً إذن أخويا الكبير قاسم.

أحب أطلب إيد دولي.

كاميليا بغيرة. فكلاهما من عشق ودولي فتيات صغيرات تصغرها بسنين.

كاميليا: إيه الجهل ده! أنت مش شايف إنها صغيرة؟ بلاش شغل الفلاحين ده.

مش كفاية قاسم راح اتجوز فلاحة صغيرة.

قاسم: كااااااميلياااااااا. لولا إنك بنت عمي. ما كنتش سكت لك.

عشق: تبقي مراتي وحبيبتي. وكرامتها من كرامتي.

لو ما احترمتهاش في بيتها. يبقى اتفضلي. اطلعي من هنا.

كاميليا: أبقى أنا كاميليا أطردني علشان دي؟

ماشي يا قاسم. أنا رايحة الفيلا بتاع بابي. بس صدقني هتندم على كلامك ده.

قاسم: مع السلامة.

صعدت كاميليا والغل والحقد يملأ قلبها.

عشق باحراج: آسفة إن المشاكل حصلت بسببى.

سلوى: كلام قاسم صح. وهي وجودها غير مرغوب فيه.

عمر: يا عالم أنا طلبت طلب. قبل ما الحرباية دي تتكلم.

ضحك الجميع على حديثه.

قاسم: طب سيبني أفكر.

عمر: تفكر؟ إيه؟ أنت لسه هتفكر؟

قاسم: بس يا ابني. مش في عروسة لازم ناخد رأيها.

نظر قاسم لأخته وجدها سعيدة بطلب عمر.

سلوى: هو إحنا هنلاقي أحسن من عمر يا قاسم؟

قاسم: طيب إذا كان كده نقول مبروك.

واقترب قاسم من عمر ليهنئه وشد شعره من رأسه.

عمر: إيه يا عم ده؟

قاسم: دي كانت نملة على شعرك يا عريس.

ضحك عمر.

عمر: خلاص يا قاسم. بكرة هاجي أنا وماما علشان نقرا الفاتحة ونلبس دبل الخطوبة.

كانت كاميليا تقف خلف الباب وسمعت اتفاقهم.

أخذت حقيبتها وغادرت وهي توعدهم.

قاسم: يلا نتغدى كلنا. قبل ما عمر يمشي.

جلسوا جميعاً في جو ملئ بالبهجة.

لمى: بابي.

قاسم: أيوا يا روح بابي.

لمى: أنا هتجوز إمتى؟

ضحك الجميع.

قاسم: أنتِ لسه صغيرة.

لمى: أصل أنا بحب ياسين اللي معايا في الكلاس.

قاسم: يا فرحتي بيكي يا لمى.

عشق: والله إنتِ عسل يا لمى. وأخذتها على رجلها كي تطعمها.

أما عمر نظر إلى دولي وبصوت منخفض.

عمر: مبروك يا أحلى دولي.

دولى: مبروك يا عمر.

عند كاميليا.

تصل كاميليا إلى الفيلا والحقد يأكل قلبها.

بحثت عن رقم صديقها واتصلت.

كاميليا: الو.

الطرف الآخر: مش معقول كاميليا. إنتِ رجعتي مصر؟

كاميليا: أيوه. أنت فين؟

الطرف الآخر: هكون فين يعني؟ في النايت كلاب بتاعنا كالعادة.

كاميليا: طب جايه لك حالا.

وأغلقت الهاتف.

بعد مدة وصلت كاميليا إلى النايت كلاب وهي ترتدي جيب قصير جداً وبادي يبرز جسدها.

سامر: أوووف. وحشتيني يا كوكو. إيه الجمال ده؟

كاميليا: إزيك يا سامر. من وقت ما سبتك وأنت زي ما أنت يا ابني.

سامر: ما أنتِ عارفة. مفيش جديد. وإنتِ سايباني من شهرين مش كتير يعني.

كاميليا: المهم عملت إيه في اللي طلبته منك؟

سامر: البت دماغها ناشفة أوي وبتتهرب مني.

عموماً. أديتها مهلة أسبوع.

كاميليا: لازم نخلص بأقصى سرعة لأنها...

وصلت كاميليا إلى النايت كلاب واستقبلها سامر.

كاميليا: عملت إيه في اللي طلبته منك؟

سامر: البت دي دماغها ناشفة أوي... وبتتهرب مني. عمومًا، اديتها أسبوع مهلة.

كاميليا: لازم نخلص بسرعة لأنها هتخطب. ولو اطمنت وحكت لخطيبها، يبقى كل تعبنا راح في الأرض.

سامر: طب أعمل إيه؟

كاميليا: اتصلي عليها تقابلك بكرة ضروري.

سامر: هتحضري معانا وتصورينا كام صورة من تصويرك؟ أنا عن نفسي، من وقت ما شفت الصور صدقت إن فيه حاجة بيني وبينها. إنتي فظيعة.

(تضحك كاميليا)

كاميليا: ده حساب قديم بيني وبينها وكان لازم أخلصه.

سامر: طب احكي، مع إنها شكلها صغيرة. عملت فيكي إيه؟

(تبدأ كاميليا تقص)

فلاش باك

كاميليا: أخيرًا اتخرجت.

قاسم: مبروك يا كاميليا.

سلوى: مبروك يا بنتي. (ونظرت إلى قاسم) عقبال ما نفرح بيكم يا ولاد.

دولي وقتها كان عندها 12 سنة.

دولي: لا يا آبيه، إلا كاميليا.

قاسم بضحك: ليه بس يا دولي؟

دولي وهي تنظر بخوف منها: أصلها بتكلم طول الليل أولاد وبتشرب سجاير كمان.

كاميليا: أنا يا دولي؟ بعمل كده؟ متصدقهاش يا قاسم، دي بتكذب.

دولي: لا يا آبيه، مش بكذب.

عودة من الفلاش

من وقتها صرف قاسم نظره عن الارتباط بيا. وبعدها راح اتجوز سلمى مراته دي. بس سلمى ماتت. وفكرت إن ليا فرصة تانية. بس برضه ديما دولي كانت السبب في إنها تفرقنا. ولازم أرد ليها اللي عملته فيا. وبسببها خسرت قاسم. كفاية إنه اتجوز. حتى عيلة مفعوصة. أكيد دي صاحبة دولي. وأنا مش هخليهم يتهنوا ببعض.

سامر: يا لهوي عليكي! كل ده شايلاه في قلبك؟

كاميليا: شفت بقى.

سامر وهو ينظر إليها وعلى ملابسها المثيرة: طب ما تفكك بقي وتعالى نروح العوامة. هو أنا ما وحشتكيش؟

كاميليا بدلع: وحشتني يا بيبي.

سامر: طب يلا بينا.

عند قاسم

قاسم: طبعًا يا عمر، إنت مش غريب. أستأذنكم يا جماعة، المفروض إننا عرسان.

تضحك سلوى: اتفضلوا يا حبيبي.

يمسك قاسم يد عشق ويصعد بها إلى حجرته.

قاسم: هاتِ ظرف من الدرج يا عشق.

عشق باستغراب: ليه؟

قاسم: هاتيه بس.

تحضر عشق لـ قاسم الظرف.

يخرج قاسم من جيبه كيس به شعرتين.

عشق: إيه ده؟

قاسم: دول اللي من خلالهم هنعرف إذا كان عمر أخوكي ولا لأ.

عشق: أنا حاسة إنه أخويا. فيه شبه كبير من بابا الله يرحمه.

قاسم: من بكرة هقول إن عندي شغل مهم. هروح أودي دول للمعمل.

عشق: شكرًا يا قاسم، تعبتك معايا.

قاسم: شكرًا حاف كده؟

عشق: مش فاهمة.

قاسم: تعالي وأنا أفهمك. (وأخذها بحضنه وقبلها قبلات جعلتها تعيش معه دنياه).

عند دولي

عمر: هسيبك بقي حبيبتي. وبكرة بالليل هنيجي نطلب إيدك. أنا وماما.

دولي بكسوف: في انتظارك.

عمر وهو يقترب منها: مفيش حاجة كده تحت الحساب؟

دولي: روح يا عمر، أحسن أنادي على آبيه.

عمر: إنتي اللي نيتك وحشة. أنا قصدي فكة علشان المواصلات.

دولي: يا سلام، وعربيتك اللي واقفة دي أخبارها إيه؟

عمر: خلاص بقي، ما تبقيش قفوشة كده.

دولي: دكتور وقفوشة مش لايقين على بعض.

عمر: لا دي قلبت معاكي رخامة. سلام.

دولي بضحك: سلام.

سلوى: أنا هاخد لمى معايا لأنها نامت. وأدخل أنام أنا كمان.

دولي: الوقت لسه بدري.

سلوى: ما تنسيش إن بكرة خالتك جاية وعايزين نرتب لاستقبالهم.

دولي: هو فيه حد غريب؟

سلوى: الأصول بتقول كده. يلا تصبحي على خير.

دولي: وحضرتك من أهل الخير.

صعدت دولي هي الأخرى إلى حجرتها، وهي في قمة سعادتها.

ليرن هاتفها. نظرت إلى الرقم ولم تكتمل فرحتها.

وجدته سامر.

ردت بخوف.

دولي: ألو.

سامر: بقولك إيه؟ عايز أقابلك ضروري بكرة.

دولي: إحنا اتفقنا بعد أسبوع.

سامر: وأنا غيرت رأيي.

دولي: بس أنا أخويا موجود.

سامر: ماليش فيه. بكرة العصر تكوني عندي.

(واغلق الهاتف).

جلست دولي تبكي، ولا تدري كيف تتصرف.

ظلت تبكي إلى أن راحت في النوم.

عند سامر

سامر: إيه رأيك يا حبيبتي؟

كاميليا: كده فل. لازم أكسر نفسها زي ما كسرت بخاطري. وبسببها قاسم بعد عني.

سامر: كل حاجة قاسم، قاسم. هو أنا مش مالي عينك ولا إيه؟

كاميليا: إزاي بس؟ إنت عارف نشوة الانتصار. ثم إنت استفدت برضو. وقعت ليك أوراق قبل كده وسهلت ليك أمور كتير.

سامر: عندك حق. بس ما تقومي كده ارقصيلي شوية.

كاميليا بدلع: ولّع سيجارتين خلينا نعمل دماغ. (وقامت تتراقص أمامه بإغراء).

سامر: إنتي جاااا*مدة أوووي. (وجذبها إلى سريره دون ممانعة منها).

مر الوقت وأتى الصباح على أبطالنا.

قاسم وهو يتأمل ملامح عشق بحب.

اقترب منها وقبلها. لتفتح عشق عينيها.

قاسم: صباح الخير يا ملاكي.

عشق: صباح الخير حبيبي.

قاسم: يلا نقوم ناخد شاور، علشان مشوار المعمل.

وبالفعل أخذها معه وقاما بأخذ شاور واستبدلوا ملابسهم.

نظر إليها قاسم بحب.

وأخرج من جيبه علبة.

فتحتها عشق ووجدتها أسورة من الألماس.

عشق: الله، جميلة أوي.

قاسم: هتكون أجمل في إيدك حبيبتي.

نزلوا لأسفل.

وجدوا سلوى ولمى يجلسون في الجنينة.

قاسم: صباح الخير يا ست الكل.

سلوى: صباح الخير يا حبيبي.

اقتربت عشق من سلوى.

عشق: صباح الخير يا ماما. (وحملت لمى وجلست).

سلوى: لابس ورايح فين يا قاسم؟

قاسم: عايزني في حاجة مهمة في الشغل.

سلوى: بس إنت في إجازة الزواج.

قاسم: مش هتأخر.

سلوى: طب افطر الأول.

قاسم: اطمني، عشق فطرتني. يلا سلام.

لمى: مش هتبوس العروسة يا بابي؟

قاسم بضحك: مين قالك الكلام ده؟

لمى: في الفيلم العريس بيبوس العروسة قبل ما يخرج علشان يجيب نونو صغير. أنا عايزة نونو.

سلوى بضحك: إنتي مشكلة يا لمى.

اقترب قاسم من عشق: وقبلها.

عشق بخجل: بس حرّجتني.

قاسم بغمزة: حضري نفسك علشان نشوف موضوع النونو ده.

(واستأذنهم وغادر).

عشق: أووومال فين دولي؟

سلوى: لسه نايمة. بعت ليها كتير تنزل وبرضه نايمة.

عشق: طب أنا هطلع أصحّيها، علشان نقعد سوا ونشوف هنرتب لليوم إزاي علشان خطوبتها.

صعدت عشق وتركت الباب ودخلت.

لتجد دولي منهارة من البكاء.

عشق: حبيبتي، مالك؟

قصت عليها دولي ما حدث.

عشق: خلاص قومي البسي وأنا هاجي معاكي.

دولي: وهنقول إيه لآبيه؟

عشق: مش هيرجع قبل ساعتين. وهنعرفهم إننا رايحين للبيوتي سنتر.

دولي: أنا خايفة.

عشق: لازم نحط النقط على الحروف. يلا بينا.

وبالفعل غادرت الفتيات ووصلوا إلى العوامة.

فتح سامر وتفاجأ بـ دولي ومعها عشق.

سامر بدهشة: إنتي.

عشق: إنت...

غادرت كلا من عشق ودولي، حيث ذهبوا إلى العوامة.

فتح سامر وتفاجأ بوجود عشق.

سامر: انتي!!!

عشق: انت!!!

سامر بقلق بعدما تذكر ما فعلته به عشق أمام المول، فقد ضربته وأوقعته أرضاً.

دولي: هو انتم تعرفوا بعض؟

عشق باستخفاف: أيوا طبعاً.

الأستاذ دا فكر مرة يعاكسني، بس أخد جزاؤه.

سامر بعصبية: انتي جايبة البنت دي معاكي ليه؟

دولي بارتباك: أنا أنا...

كانت كاميليا تقف وتسمع ما يحدث.

سامر: طب ادخلوا.

دخلت الفتيات وجلسن.

أشارت كاميليا إلى سامر للذهاب إليها.

كاميليا: عايزة تقرب أوووي من عشق.

سامر: هي البنت دي اسمها عشق؟

كاميليا: أيوا، وكويس إنها جت برجليها.

سامر: البنت دي جامدة، لحد كدا وكفاية يا كاميليا.

ما تدخلنيش في مشاكلك أكتر من كدا.

كاميليا: بقولك إيه، إحنا بدأنا اللعبة سوا، يبقى نكملها سوا.

سامر: مش عارف ناوية تودينا على فين.

وخرج للفتيات.

جلس بالقرب من عشق وهو يتأمل ملامحها الجذابة.

عشق بحده: أنا عارفة كل حاجة وتهديداتك لدولي، وبحذرك. لو فكرت تضايقها تاني أنا اللي هقف ليك.

اقترب سامر من عشق.

سامر: ضحكتيني يا قطة.

كانت كاميليا تلتقط الصور لسامر وهو بالقرب من عشق.

أمسك سامر عشق من وسطها فجأة، فالتقطت كاميليا تلك الصورة.

ضربته عشق ضربة أبعدته عنها.

عشق: مش هحذرك تاني.

ويلا هات الصور بدل ما أخلص عليك بإيديا.

سامر بتوجع: الصور مش معايا هنا.

دولي: أومال فين؟

سامر: في شقتي.

عشق: يلا بينا نروح نجيبها.

سامر: مش قادر.

عشق: وأنا أتأكد إزاي إنك مش بتراوغ؟

سامر: بعد اللي حصلي منك أوعدك بكرة هتاخدوا كل حاجة. ودا عنوان شقتي....

عشق: تمام.

وأخذت دولي من يدها وغادرت.

خرجت كاميليا وهي في غاية السعادة.

كاميليا: برافو عليك.

سامر: روحي منك لله يا شيخة، جسمي كله متكسر.

كاميليا بدلع: هعوضك يا بيبي.

وجذبته إلى السرير.

يلا استريح شوية.

هعمل حاجة وأرجع أوريك اللي عمرك ما شفته.

أمسكت كاميليا هاتفها ووضعت خط جديد حتى لا يتعرف أحد على المرسل.

وقامت بإرسال بعض الصور لعشق ومعها سامر.

وجميع الصور كل من يراها يعتقد أنه على علاقة مشينة ببعضهم.

أرسلت الصور لقاسم على الواتس.

وكتبت: شوف مراتك كانت فين دلوقتي.

فاعل خير.

وصلت الرسائل لقاسم.

كان قاسم انتهى للتو من توصيل العينة من الشعر لعمر وعشق لعمل DNA.

وجد قاسم رسائل على الواتس من رقم غريب.

فتحها ليتفاجأ بصور عشق مع ذلك الشاب.

لم تصدق عيناه وكاد أن ينفجر.

اتصل قاسم على عشق.

عشق بقلق: دا قاسم، كدا ممكن يعرف إني خرجت.

الأفضل مش هرد.

دولي: أحسن، إحنا خلاص قربنا على البيت.

وبالفعل وصلت الفتيات.

سلوى: إيه دا، انتوا لسه بشكلكم؟ فين الميك أب وشعركم زي ما هو؟

عشق: لقينا الدنيا زحمة، قررنا نعمل نفسنا هنا.

ممكن يا ماما ما تعرفيش قاسم إني خرجت، أحسن يزعل.

سلوى: طيب يا عشق، بس بعد كدا لازم تعرفيه يا بنتي عشان قاسم زعله وحش.

عشق: حاضر يا ماما.

صعدت الفتيات إلى الأعلى.

دولي: أنا قلقانة يا عشق.

عشق: سيبيها على الله وإن شاء الله خير.

وجدت عشق قاسم يرن عليها.

عشق: الو، أيوا قاسم.

قاسم: انتي فين؟

عشق: في البيت، هكون فين يعني.

قاسم: أووومال مش بتردي ليه؟

عشق: معلش ما سمعتش الفون، أومال انت فين يا حبيبي.

قاسم والنار تأكل صدره: أنا جاي في الطريق، سلام.

قاسم: معقول اتغشيت فيكي يا عشق؟ معقول انتي ضحكتي عليا ومثّلتي دور الضحية؟

معقول كل دا تمثيلية وأنا زي الأبلة صدقتها؟

والشاب دا طلعتي متفقة معاه.

هو نفس الشاب اللي مثّلتي إنه بيتحرش بيكي عند المول.

والله لأخليكي تتمني الموت.

ومش هتلاقيه.

حظك إن النهارده خطوبة أختي.

حسابك معايا عسير.

وصل قاسم إلى الفيلا وجدها مزينة وجميع الخدم يكمل التجهيزات.

لمى: بابي حبيبي.

قاسم: معلش يا لمى، مشغول شوية، بعدين أبقى أقعد معاكي.

لمى بحزن: كلكم مشغولين.

حتى عشق خرجت وسابتني.

أمسك قاسم يدها: عشق خرجت إمتى؟

لمى: مش عارفة.

بس سمعتها بتقول لـ نانو سلوى.

إنها ما تعرفش حضرتك إنها خرجت عشان هتزعل.

ما تزعلش منها يا بابي، عشق طيبة.

تركها قاسم وصعد إلى عشق، الشر يتطاير من عينيه.

فتح الباب دون استئذان ليجد.

ظل قاسم يتوعد لعشق وما فعلته به. وكيف كانت قادرة على خداعه تلك المدة. وبعد أن علم من لمى طلب عشق أن تخفي والدته أنها خرجت، صعد إليها والشرر يتطاير من عينيه. ليجد عشق تزين دولي بحجرتها.

عشق بحب: حبيبي حمد الله على السلامة.

قاسم وهو يحاول أن يداري غضبه من تلك المخادعة: أنا كويس.

دولي بعد أن انتهت من وضع الميك أب:

دولي: إيه رأيك يا آبه.

قاسم: جميلة كالعادة حبيبتي. بس انتي جهزتي بدري قوي كدا ليه.

دولي بضحك: مش عارفة. يمكن عشان كنا قاعدين فاضيين طول الوقت أنا وعشق فقولنا نضيع الوقت.

استغرب قاسم كيف كانت عشق بالخارج. وكيف لها أن تكون مع دولي. وقرر التريث لمعرفة حقيقة تلك الصور ومن ورائها.

دولي: ميرسي يا عشق تعبتك معايا.

عشق بحب: إحنا أخوات حبيبتي.

تركتهم دولي وذهبت إلى والدتها.

عشق وهي تقترب من قاسم بحب: وحشتني يا حبيبي.

انتفض قاسم وبعد عنها. استغربت عشق رد فعله.

عشق: مالك يا قاسم في إيه.

قاسم: مفيش. بس مجهد شوية وعندي صداع.

عشق: سلامتك حبيبي. هنزل أجيب لك من تحت أي مسكن. وحاول ترتاح شوية عشان الضيوف.

قاسم: تمام.

نزلت عشق إلى الأسفل. كانت الفيلا مليئة بالأنوار والزينة. تذكرت يوم زفافها. ابتسمت بحب. فكم هي عاشقة لهذا القاسم الذي ملأ حياتها بالسعادة.

طلبت من سلوى مسكناً لقاسم وصعدت إليه. وجدته جالس شارد الذهن. اقتربت منه بحنان.

عشق: الجميل سرحان في إيه.

قاسم: أبدا مفيش.

عشق: طب مش هتحكي لي عملت إيه والنتيجة بتاعة التحاليل هتظهر إمتى.

قاسم: مفيش حاجة أحكيها. والنتيجة بعد 3 أيام.

ثم نظر إلى عينيها. كيف لتلك العيون التي يرى فيها الحب أن تكون خادعة إلى هذا الحد. تنفس الصعداء وصمت.

عشق: طب يلا خد المسكن وريح شوية قبل ما يوصلوا الضيوف. وأحضرت كوب من الماء. وجلست بجانبه في السرير تلعب له في شعره حتى راح في النوم.

اقترب موعد وصول الضيوف.

عشق: حبيبي.

قاسم: أيوا حبيبتي.

عشق: يلا عشان تلحق تجهز.

قام قاسم واقترب منها يقبلها. ولكن سرعان ما تذكر خداعها فتراجع للخلف.

عشق: مالك يا قاسم. حاسك متغير.

قاسم بعصبية: قلت لك مجهد.

عشق والدموع تتلألأ في عينيها: آسفة أني عصبتك. الملابس عندك جاهزة اتفضل. وتركته وخرجت.

قاسم وهو يخبط يده بالحائط: ليه قلبي مش مصدق خيانتك ليا.

وبدأ يتحدث مع نفسه.

نفسه: فين التريث اللي قلته.

قاسم: مش قادر أستحمل خداعها.

نفسه: قبل كدا ظلمتها. حرمتها من أمنية حياتها. وشكيت فيها بسوء الظن. هتعيد دا تاني.

قاسم: أنا حبيتها. بقيت مش عارف حاجة.

نفسه: يبقى لازم تتأكد قبل ما تاخد أي قرار.

عاد إلى وعيه عندما سمع طرق الباب.

قاسم: ادخلي يا عشق.

ولكنها لم تكن عشق. إنها لمى.

لمى: بابي. عشق بتقولك الضيوف وصلوا.

قاسم: طب وهي فين عشق.

لمى: أقولك بس ما تقولش ليها إني عرفتك.

قاسم باهتمام: أيوا قولي.

لمى: عشق كانت قاعدة تعيط في الجنينة. ولما سألتها قالت إنها تعبانة وطلبت مني ما أعرفش حد.

شعر قاسم بوخزة في قلبه. فهي عشقه الذي لا ينتهي. كم أحبها. ولم يتحمل حزنها أكثر من ذلك. وقرر التعامل معها بهدوء حتى يعرف الحقيقة كاملة.

نزل إلى الأسفل وعينيه تبحث عن عشقه. وجدها تقف منزويه بعيدة عن الآخرين. اقترب منها وأمسك يدها.

قاسم: تعالي يا عشق.

وذهب إلى الجميع. والدته عمر وهي تنظر إلى عشق.

حنان في نفسها: وهي تنظر إلى عشق. كان نفسي تكوني بنتي.

عمر: هو انتوا ساكتين ليه.

ضحك الجميع على حديثه.

عمر: إحنا جايين نخطب دولي.

قاسم: مبروك يا عمر.

عمر: الله يبارك فيك يا رب. طب نقرا الفاتحة ونحدد معاد الخطوبة والزواج.

قاسم: حيلك حيلك. زواج إيه بالسرعة دي. مش واخد بالك إن دولي لسه صغيرة.

حنان: ما عشق مراتك قد دولي يا قاسم. ثم إحنا ما قولناش الزواج بكرة.

سلوى: طيب يا قاسم نسمع هما ناويين على إيه.

وبعد المشاورات اتفقوا أن الزواج بعد سنة. بدأت الزغاريد في كل مكان. واتفق عمر مع قاسم أنه سيأخذ دولي بكرة لشراء الشبكة ومستلزمات الخطوبة.

نظرت دولي إلى عشق.

عشق وهي تهديها: مبروك حبيبتي.

استأذنت دولي الجميع وأخذت عشق معها.

دولي بخوف: انتي عارفة إن بكرة المفروض نروح ناخد الصور وكل حاجة.

عشق: ما تخافيش هتصرف وأروح أنا. المهم أهدي انتي عشان محدش يلاحظ.

عادوا إلى الجميع وجلسوا على المائدة لتناول العشاء.

مضى اليوم على خير. وصعد قاسم وعشق للنوم. استبدلت عشق ملابسها وذهبت إلى السرير كي تنام دون أي كلمة منها ل قاسم. فهي لازالت حزينة من غضبه عليها.

قاسم: عشق.

عشق: نعم.

قاسم: تعالي نامي في حضني. أنا عارف إنك زعلانة. حاولي تستحمليني اليومين دول.

عشق بتنهيدة وهي لا تدرى سبب تغييره: حاضر.

فاقترب منها وفرد يده لها لتنام عليها وحاوط عليها بيده الأخرى. لتفاجئه عشق بقبلة على خده.

عشق: تصبح على خير حبيبي.

قاسم متناسياً كل شيء في قرب تلك الحورية: وأنتي من أهل الخير حبيبتي.

ليناما سوياً.

يمر الوقت ويأتي الصباح على أبطالنا. تستيقظ عشق لتجد الساعة العاشرة صباحاً. قررت الاتصال على سامر والذهاب إليه قبل أن يستيقظ قاسم. تسحبت ببطء وأخذت ملابسها. ونزلت إلى الأسفل. وجدت الجميع لازالوا نائمين. خرجت ببطء من الفيلا. واستقلت تاكسي إلى العنوان.

وفي طريقها اتصلت على رقم سامر لتخبره أنها قادمة إليه.

سامر: في انتظارك.

قرر سامر أن يعطيها كل شيء وإنهاء هذه المهزلة. فلن يورط نفسه مرة أخرى من أجل كاميليا.

كاميليا سمعت مكالمة سامر.

كاميليا: انت بجد هتديها الصور.

سامر: أنا خلاص اللعبة دي مش هكمل فيها.

كاميليا بتمثيل: خلاص يا حبيبي اللي تشوفه. أمشي أنا قبل ما عشق تشوفني وتشك في كل حاجة.

سامر: تمام. سلام.

نزلت كاميليا وهي تضحك.

كاميليا: عبيط أوي يا سامر.

وقامت بالاتصال على قاسم من رقم غريب واستخدمت برنامج تغيير الأصوات.

رن هاتف قاسم.

قاسم بنعاس: الوو.

كاميليا: واضح إنك نايم على ودانك في كل حاجة.

قاسم: مين معايا.

كاميليا: قوم يا محترم شوف مراتك مع مين وساباك يا عريس. وهي في العنوان دا. وأغلقت الهاتف.

جن جنون قاسم. وبدأ يبحث عن عشق ولم يجدها. استبدل ملابسه وأخذ مسدسه وغادر.

تركت عشق قاسم نائمًا وتسحبت حتى خرجت من الفيلا للذهاب إلى سامر، لإنهاء تهديده لدولي. ولكن هناك شيطان يدبر لها.

فاتصلت كاميليا على قاسم وغيرت صوتها ببرنامج تغيير الأصوات لتخبره: "قوم يا محترم، شوف مراتك مع مين وسايباك يا عريس". وأعطته العنوان.

جن جنون قاسم وبدأ يبحث عن عشق ولكنه لم يجدها. أخذ مسدسه ونزل كالمجنون إلى ذلك العنوان.

وبعد مدة، وصلت عشق أمام تلك العمارة. وقفت عدة دقائق تستجمع قواها. هناك شيء بداخلها يطلب منها الرحيل. وفي الأخير، تذكرت وعدها لدولي. استجمعت قواها وصعدت إلى العمارة.

وصلت إلى الشقة ورنت جرس الباب. فتح لها سامر.

سامر: أهلًا يا عشق، اتفضلي.

عشق: أنا مش جايه عشان أقعد، هات كل اللي يخص دولي عندك، ومش هحذرك تاني.

سامر: أنا بجد آسف يا عشق على كل تصرفاتي.

ودخل أحضر ظرفًا كبيرًا به جميع الصور وأعطاها كروت الميموري.

عشق: أتمنى يكون دا آخر يوم أشوف وشك فيه، لأني لو شوفته مرة تانية هيكون لا قاتل يا مقتول.

وهمت أن تخرج من الشقة. فتح سامر لها الباب.

سامر: أوعدك أكون عند حسن ظنك.

ومد يده لها ليسلم عليها. مدت عشق يدها على استحياء.

ولكن لسوء حظها، وصل قاسم ووجدها بهذا الوضع. جن جنونه وأخرج مسدسه وأطلق النار. ليراه سامر من على بعد فيغلق الباب بسرعة، لتكون الطلقة من نصيب عشق.

تقع عشق في الأرض غارقة في دمائها. ينزل إليها قاسم.

قاسم: ليه عملتي فيا كدا؟ ليه خونتيني؟ دا أنا حبيتك.

عشق بصوت متقطع: ما تظلمنيش.

وتشير إلى الظرف ثم تفقد وعيها.

يفتح قاسم الظرف ويتفاجأ بصور دولي بهذا الشاب وجوابات تهديد لها. يصرخ بأعلى صوته: "عشششق". يقوم بحملها بسرعة ويقود سيارته إلى المستشفى.

وما أن يصل، يصرخ في الموظفين: "دكتور بسرعة". ويأخذون منه عشق إلى غرفة العمليات.

كان قاسم كالمغيب، يسترجع كل أوقاته معها. كم كانت جميلة رقيقة تملأ حياته حبًا. أما هو فدائمًا يعاملها بقسوة وسوء الظن.

بعد أكثر من ساعتين، خرج الطبيب. جرى عليه بسرعة.

قاسم: طمني يا دكتور، عشق؟

الطبيب: الحمد لله، قدرنا نخرج الرصاصة، ومن حسن حظها أنها بعيدة عن القلب بحاجة بسيطة جدًا. بس لازم نبلغ الشرطة.

قاسم: اعملوا اللازم، بس المهم عشق تعيش.

الطبيب: تمام، هي عمومًا ساعة وتفوق وتتنقل لحجرة عادية.

جلس قاسم على ركبتيه وسجد لله شكرًا. اتصل على عمر وأخبره ما حدث وطلب منه الحضور. اتصل على دولي وطلب منها الحضور إلى المستشفى.

دولي ببكاء: عشق حصل لها حاجة؟

قاسم بغضب: قولت تيجى بسرعة.

عند كاميليا، كانت تراقب من بعيد وتأكدت من إطلاق قاسم على عشق الطلق الناري. ابتسمت لشعورها بالفوز. فعادت إلى الفيلا.

وصلت دولي إلى المستشفى. وما أن رآها قاسم، صفعها صفعة قوية أوقعتها أرضًا.

دولي ببكاء: أنا مظلومة يا آبي. ارجوك تسمعني، بلاش تظلمني زي ما ظلمت عشق.

وقعت هذه الجملة كالخنجر على قلبه، فهذه الحقيقة دائمًا يظلمها.

بدأت دولي تقص عليه كل شيء عن هذا الشاب وخوفها منه وتهديداته لها. وفي الأخير مساعدة عشق لها.

دولي: وأنا موافقة تواجهني بيه. أنا كان كل خوفي إنك تعرف. خلاص حضرتك عرفت.

وصل عمر المستشفى.

عمر: فيه إيه يا قاسم؟

ونظر إلى دولي الباكية. أخبره قاسم كل ما حدث.

نظر له عمر: غلطان يا قاسم، كان لازم تتأكد. وأكيد اللي بعت ليك الصور وكلمك كان هدفه إنك تضيع نفسك وتضيع عشق معاك.

قاسم: أنا مش هسيبه سامر الـ*ـكلـ*ـب. دا أنا هقتله.

عمر: تاني يا قاسم. عمومًا دا بقي موضوعي أنا، وأنا اللي هتصرف فيه. دولي شرفها من شرفي.

عند سامر، يتصل سامر وهو خائف على كاميليا.

سامر: الحقيني يا كاميليا، جوز عشق كان هنا وعرفت أهرب منه. وشكله قـ*ـتل عشق. أنا خايف أخرج، يكون منتظرني.

كاميليا: وأنا أعملك إيه؟

سامر بغضب: انتي السبب في كل دا.

كاميليا: ابقي اثبت.

وأغلقت هاتفها.

كاميليا في نفسها: عيل تافه، فكرته راجل.

تبدأ عشق تستفيق. وتصل الشرطة لاستجوابها. يدخل عمر معه بصفته طبيبًا في نفس المستشفى.

الضابط: مين عمل فيكي كدا؟

عشق: مفيش حد. دا مسدس زوجي، وأنا كنت بمسكه معرفش إن فيه رصاص وضغط على الزناد بالغلط.

الضابط: إزاي يا مدام عشق؟

عشق: دا اللي حصل.

الضابط: انتي كدا بتضيعي حقك.

عشق: ماليش حق عند حد عشان آخده.

الضابط وهو ينظر إليها بأسى: اللي تشوفيه.

وأخذ أقوالها وغادر.

نظر لها عمر: ربنا يكملك بعقلك يا عشق. بس صدقيني قاسم بيحبك.

وخرج من الغرفة.

قاسم بلهفة: عشق عاملة إيه؟

عمر: عشق دي كنز، ورفضت تقول عليك. وقالت إن هي اللي ضربت نفسها بالخطأ.

شعر قاسم بالألم أكثر، فهو دائمًا الأحمق. "يا ريتك كنتي بلغتِ عني، على الأقل كنت أخذت جزائي".

طلب منه الدخول إليها.

عمر: تمام، بس ما تطولش.

دخل قاسم إليها. وما أن رأته، استدارت برأسها إلى الاتجاه الآخر لتداري دموعها.

قاسم: حقك يا عشق، تعملي كدا. بس صدقيني أنا بحبك، وكان غصب عني. الغضب كان ماليني. دا غير صورك اللي جات لي قبل كدا.

لم ترد عليه عشق.

قاسم: ارجوكِ ردي عليا. أنا غلطان، بس أنا بحبك. الشك عمّاني.

عشق: من يوم ما عرفتك وأنت بتشك فيا. طلقني يا قاسم.

قاسم: أنا أمـ*ـو*ـت ولا إنك تبعدي لحظة عني. انت العشق اللي بيجري في دمي. عشق لا ينتهي إلا بموتي. ودلوقتي القرار ليكي، لو عايزة تبعدي، فأنا حياتي فداكي، وهموت نفسي وأنا راضي، المهم تسامحيني.

عشق: بعد الشر عليك.

اقترب منها قاسم ولف وجهها إليه ونظر لها بعيون تملأها الدموع.

قاسم: بعشقك يا عشقي.

وأخذها في حضنه، لتسامحه تلك المحبة له، فهي أيضًا تعشقه.

يدخل الطبيب.

الطبيب: المريضة لازم ترتاح.

قاسم: هرجعلك تاني حبيبتي.

ويخرج قاسم ليجد عمر يجلس بجانب دولي يواسيها بكل حنان. خجل من نفسه، كيف لعمر الأصغر سنًا منه أن يحتوي أخته بالرغم من خطأها.

اقترب منهم.

قاسم: أنا هروح لسامر الزفت وأخلص حسابي معاه.

عمر: واحنا معاك.

ذهبوا الثلاثة إلى شقة سامر. رنوا الجرس ولكنه لم يفتح، فهو خائف.

كسر قاسم الباب. وجدوا سامر يرتجف. لكمه قاسم لكمة قوية.

سامر: ارجوك اسمعني.

عمر: قول اللي عندك.

قص سامر كل شيء واتفاق كاميليا معه، على الإيقاع بدولي انتقامًا منها ومن قاسم. وقص عن حضور عشق مع دولي لأخذ الصور وتصوير كاميليا لها. فهم قاسم أن كل المصائب كانت على يد كاميليا.

عمر: إحنا هنروح نبلغ الشرطة، وتقول كل دا. ولا تحب تاخد عقابكم مننا على طريقتنا؟

سامر: أنا والله ندمت وأديت لمدام عشق كل الصور، حتى الميموري بتاع الفون، عشان عرفت غلطي. وأنا موافق على كلامكم.

ذهبوا إلى الشرطة وبلغوا عن كاميليا وأفعالها وشهد بذلك سامر. وأحضر معه ما يثبت كلامه من عقود بينهم وصور لهم وفيديوهات كان يصورها لها خوفًا منها أن تغدر به، لتؤكد تورطها في كل شيء.

تم حبس كاميليا وسامر على ذمة التحقيقات.

مر أسبوع على عشق حيث بدأت تتعافى تدريجيًا. ذهبوا لها جميعًا المستشفى، فاليوم يوم خروجها.

سلوى: حمد الله على سلامتك حبيبتي.

عشق: الله يسلمك يا ماما.

سلمت دولي عليها واحتضنتها.

لمى: ارجعي بقي يا ماما عشق.

احتضنتها عشق بحب.

حنان: حمد الله على سلامتك يا بنتي.

عشق: الله يسلمك يا طنط.

قاسم: يلا حبيبتي، عشان نروح.

عمر: يلا على فين؟ لا طبعًا.

لينظر له الجميع باستغراب.

عمر: عشق هتروح على بيت أخوها، وحضرتك تيجي تطلبها مني، وأنا أفكر أن كنت أوافق ولا لأ.

قاسم: نعم يا أخويا.

عمر: بهزر يا أبو صلاح، ما بتهزرش.

ليضحك الجميع.

عشق: يعني النتيجة ظهرت، وعمر فعلًا أخويا؟

عمر: أيوا أخوكي.

حنان: سامحيني يا بنتي، ما كنتش قادرة أقول الحقيقة. ربنا يخليكم لبعض.

بعد مرور شهرين، حيث تعافت تمامًا عشق. تجتمع العائلة في حفلة كبيرة لإعلان خطوبة دولي وعمر. كانت حفلة مميزة، تراقص فيها الجميع بحب وفرح.

وما أن انتهت الحفلة، بدأت عشق تشعر بالدوار فوقعت مغشيًا عليها. ليستدعي قاسم طبيبته بسرعة كانت في الحفلة. وبعد معاينة عشق.

الطبيبة: مبروك يا قاسم بيه، هتبقى أب.

فرح الجميع لهذا الخبر، وبالأخص لمى لفرحتها لوجود أخ أو أخت لها. ليزداد حب ذلك القاسم إلى عشق. فهو عشق لا ينتهي.