تحميل رواية «عشق الفهد» PDF

فهد. أنا هقولكم حصل إيه. اللي حصل إن الأستاذ المحترم رامي الألفي حاول إنه يتحرش بمراتي.

في الوقت ده رامي الألفي بيتصدم ورجال الأعمال كلهم بيبصوا عليه باشمئزاز.

فهد بيكمل كلامه. وأنا زي أي راجل دافعت عن مراتي وشرفي. وبيشد عشق لحضنه. وكمان لما ضربته، مكتفيتش بكده، لأ ده كمان راح طلع إشاعات عليا وعلي مراتي إنها "عشقتي" عشان يدمر سمعتي وشركات الحديدي. بس هو لو كان نسي إني فهد عامر الحديدي، أديني فكرته.

الصحافة كلها بتجري على رامي وبتستجوبه.

صحفي. أنت صحيح حاولت تتحرش بالمدام؟

صحفي آخر. أنت إزاي عملت كده؟

في اللحظة دي بيتقدم رجل أعمال مشهور وبيكون ليه سمعته.

رجل الأعمال. إحنا آسفين أستاذ فهد إننا شكينا فيك، وكمان نعتذر للمدام إنها اتعرضت للموقف ده. وبالنسبة لرامي، إحنا كلنا نوعدك إننا مش هنتعامل معاه. وأضمن لك إن شركاته في الأرض.

فهد. شكراً جداً ليك أستاذ سليمان.

ورامي الصحافة بتكون محوطاه من كل جهة وهو بيصرخ وبيقول: "ابعدوا عني". وبييجي حراسه وبياخدوه.

رامي. والله يا فهد لأندمك أشد ندم، أنت والسنيورة بتاعتك.

كيندرا بتتقدم على فهد وعشق وبتصفق.

كيندرا. برافو عليك يا فهود، أنت كنت فخم أوي.

فهد. هههه، يابنتي خفي شوية.

كيندرا. ههههه، ظريف.

عشق بهمس. فهد، فهد.

فهد. قلبي.

عشق. أنت قلت إيه؟

فهد. بقولك نعم.

عشق. أنا تعبت من الوقفة، تعال نقعد.

فهد بياخدها وبيقعدوا على طاولة والصحفيين كلهم متجمعين حواليهم.

الصحفي. أنت اتعرفت على المدام امتى واتجوزتوا امتى؟

فهد. أنا اتعرفت عليها من مدة قصيرة، وكانت أحلى مدة في حياتي. وبالنسبة إحنا اتجوزنا امتى، أنا سبق وجاوبت.

فهد بيشاور للحراس يبعدوهم.

***

في منزل عشق.

حنين. شوفتي يماما؟

أمها. إيه؟

حنين. فهد عامل لقاء صحفي مباشر وجاب حقه وحق عشق.

أمها. أنا حاسة يا بت يا حنين إنهم هيعيشوا مع بعض مدة طويلة وهيحبوا بعض.

في الوقت ده الكاميرا بتيجي على مراد، وحنين بتكون شيفاه في الشاشة.

حنين بسرحان. آه يماما، هيحبوا بعض.

صابرة. ربنا يعوض على عشق ويراضيها، هي تعبت أوي عشاننا. ربنا يحفظها يا رب وكمان يعوض عليكي بابن حلال.

صابرة. يابت سرحانة في إيه؟ بكلمك.

حنين. لا يماما، مش سرحانة.

***

في القصر.

نور بتكون واقفة مع صحبتها.

نور. شوفتي؟ اهو عامل الحفلة دي كلها عشانها.

صاحبتها. يابنتي سيبيهم في حالهم، فهد مش بيحبك وأنا نصحتك كتير، ابعدي عنه.

نور. يوووه، خلاص، إنتي مالك؟

صاحبتها. براحتك يا نور، في الآخر هتندمي.

***

عند فهد وعشق.

بيتقدم شاب جميل جداً على فهد.

فهد أول ما بيشوفه بيقوم ويتقدم عليه وبياخده بالحضن.

فهد. رائد.

رائد. فهد، والله وحشتني يا راجل.

فهد. هو حد بيشوفك أصلاً؟

رائد. ما أنت عارف ظروف الشغل.

فهد. تعال أعرفك على مراتي.

مراد وعمر. بخخخ، إحنا هنا.

فهد. إيه البرود ده؟

مراد. ده برودك يا فهودي.

فهد. بس يازفت.

مراد. أوووه، رائد وحشتني يبني، محدش بيشوفك.

رائد. آه والله يا مراد، شغل.

مراد. بيجيله تليفون، دقيقة وجاي.

فهد. تعال يارائد.

عمر. هاجي معاكم.

***

عند عشق بتكون واقفة مع منار وأسماء.

فهد. عشق، أعرفك ده رائد صاحبنا، ضابط في المخابرات.

عشق. أهلاً، اتشرفت بحضرتك.

رائد لفت نظره أسماء وكان بيبص عليها.

رائد. الشرف ليا.

فهد بيلاحظ نظرات رائد لصحبة عشق.

فهد بهمس. اتقل يولد، البنت مكسوفة من نظراتك.

رائد بضحك. نظرات إيه دي؟

عمر بيكون مركز منار.

فهد. بص كده على عمر.

رائد. هنتفضح، يلا بينا.

فهد. أنا هقعد معاهم.

عشق. تمام.

والشباب بيمشوا.

فهد بضحك. رائد لأسماء وعمر لمنار.

وفي الوقت ده بيجي مراد.

مراد. ومراد لحنين.

فهد بضحك. حنين مين؟

مراد. أخت مراتك يجدع.

فهد. هو أنت لحقت؟

مراد. أعمل إيه، القلب وما يهوى.

وبيحكوا.

***

بعد وقت الحفلة كانت خلصت.

عند عشق وفهد في جناحهم.

بيكونوا غيروا لبسهم وأخدوا شاور.

عشق. فهد، أنا عاوزة أقولك حاجة.

فهد. اتفضلي.

عشق. هو أنا ممكن أرجع أشتغل معاك في الشركة زي ما كنت قبل ما نتجوز؟

فهد. بس أنتِ مش بحاجة للشغل.

عشق. لا، أنا عاوزة أشتغل عشان برجع من الكلية بدري وبزهق.

فهد. ماشي، تعالي من بكرة.

عشق بفرحة. بجد؟

فهد. بجد.

عشق. شكراً جداً جداً ليك يا فهد، أنا مهما أقول مش هكفيك حقك.

فهد. تاني برضو. وبيتقدم يبوسها بوسة خفيفة على خدها.

فهد. كل ما تقولي شكراً هعمل كده.

عشق بخجل. خلاص مش هقول تاني. وبتجري.

فهد. عشق، أنا عاوز أقولك حاجة بس متفهمنيش غلط.

عشق. اتفضل يا فهد.

فهد بياخد نفس طويل.

فهد. عشق، أنا بحبك.

عشق بصدمة. إيه؟

فهد. أنا مش عارف حبيتك امتى، بس كل اللي أعرفه إنك بقيتي شخص مهم جداً في حياتي ومش مستعد إني أخسرك.

عشق قلبها بيدق جامد.

فهد. لو انتي مش مستعدة تقضي حياتك معايا أو بتحبي شخص غيري، أنا مستعد أطلقك وتعيشي حياتك.

عشق. لا يا فهد، أنا كمان.

فهد بلهفة. انتي إيه؟

عشق. أنا كمان بحبك.

فهد بيحضنها. بجد بجد يا عشق؟

عشق. أيوه يا فهد.

فهد بيسند جبينه على جبينها.

فهد. انتي مستعدة تكملي حياتك معايا زي أي اتنين متجوزين وتنسي الاتفاق اللي كان بينا؟

عشق بخجل بتهز راسها.

فهد. انتي من النهارده عشقي وأنا فهدك.

فهد. بحبك أوي يا عشقي.

وبياخدها وبيروحوا على عالمهم الخاص وبيصبحوا زوج وزوجة.

في جناح فهد

يستيقظ فهد ليجد شيئًا ثقيلًا عليه. يفتح عينيه ليجد عشق في حضنه. ينظر إليها ويرى كم هي جميلة، ويقبلها قبلة رقيقة على خدها.

تستيقظ عشق.

عشق: صباح الخير.

تقبله في خده.

فهد: صباح النور. إيه ده، صباح جديد ولا إيه؟

عشق تضحك ويسرح فيها فهد. تتكسف عشق ووشها يحمر، وتجري على الحمام.

فهد: بتهربي يا عشق. ماشي، المرة الجاية مش هتقدري.

عشق: ههههه. كان غيرك أشطر.

فهد: مااااااشي. قد كلامك.

عشق: آه.

بعد مرور دقائق

فهد بصوت عالٍ قاصدًا أن تسمعه عشق:

فهد: إيه ده يا نور، إيه الحلاوة دي؟ هاتي بوسة.

عشق تخرج فورًا من الحمام ولا تجد أحدًا غير فهد يضحك. تجري مرة أخرى إلى الحمام، لكن فهد يكون أسرع ويمسكها.

فهد: اسمعيني، كنتي بتقولي إيه؟

كان يقترب منها وهي ترجع للخلف حتى التصقت بالحائط.

عشق: مبقولش حاجة. وبعدين ابعد يا فهد.

فهد: ولو مبعدتش؟

عشق حاولت تهرب منه لكنها لم تستطع، فقررت أن تلعب عليه.

عشق: لو مبعدتش أنا هقرب.

تبوسه في خده.

فهد: انتي قدها.

عشق: آه.

فهد يقبلها من شفتيها بكل حب، ثم يحتضنها ويقبلها من جديد. عشق تستسلم له.

في صباح يوم جديد

عشق: صباح الخير.

فهد: صباح النور يا قلبي.

عشق: فهد، أنا عايزة أطلع مع صحابي.

فهد: لا يا حبي.

عشق: والنبي يا فهد، عشان خاطري.

فهد: خلاص، أنا هخلي السواق يعدي عليهم ويجيلك هنا.

عشق تقوم وتحضنه وتقبله في خده.

عشق: شكرًا ليك.

فهد: مفيش شكر بينا. يلا ننزل.

عشق: تمام. هاخد شاور وأنزل. انت انزل وأنا جايه وراك.

فهد: تمام.

على السفرة

فهد: يلا، اتفضلي افطري يا عشق عشان تروحي الجامعة.

عشق: حاضر.

عشق وفهد يفطران. فهد يوصل عشق الجامعة ويمشي.

منار وأسماء: عشق.

عشق: تعالوا يلا نقعد قبل المحاضرة ما تبدأ.

منار: عشق، هو كيندر وعمر سافروا؟

عشق بغمزة: لا، دا انتي بتسألي على عمر بس. فهماكي أنا.

منار: احم، لا عادي.

عشق: طيب يا ستي، مسافروش. قاعدين.

أسماء: هو صحيح يا عشق، مين اللي كان في الحفلة ده مع فهد؟ تقريبًا كان ظابط مخابرات.

عشق: تقصدي رائد؟

أسماء: آه.

عشق: ده رائد صديق الطفولة لفهد ومراد. بس شكلكم انتوا الاتنين واقعين.

منار: لا يا أختي.

عشق: بس يا بتاعت عمر.

أسماء بضحك: ههههه.

عشق: وانتي يا بتاعت رائد.

والبنات يضحكن.

من بعيد كان هناك شابين يراقبانهم.

أحدهما: البت اللي في النص دي عجبتني.

(كان يقصد عشق)

الآخر: دي تخص فهد الحديدي. انت اتجننت؟

الشاب: لا، أنا لسه هتجنن.

يذهب ليتقدم من البنات.

الشاب: انتي يا مزة، منكِ ليه؟

منار: لم نفسك لو سمحت. إيه اللي جايبك عندنا؟

الشاب: (ويقرب منهم) انتي. (ويكون قاصد عشق) بقولك إيه يا حلوة، تعالي قضّي معايا يومين.

عشق تضربه بالقلم قدام الجامعة كلها.

عشق: انت اتجننت؟

الشاب: بترفعي إيدك عليا؟

ويضرب عشق قلم ويشدها من حجابها.

منار وأسماء يدافعان عن عشق.

ويحضر العميد.

العميد: إيه اللي حصل هنا؟

الشاب: البنت دي بتقولي تعال قضّي يومين معايا، ولما رفضت ضربتني بالقلم.

منار وأسماء: ده كداب، محصلش.

العميد: بس يا بت انتي وهيا، ده راجح المنياوي ابن رجل أعمال مشهور. أكيد البت دي هي اللي اتعرضتله.

ويأخذ عشق إلى مكتبه.

أسماء: منار، هنعمل إيه؟

منار: أنا معايا رقم شركة فهد. هرن عليه.

منار ترن على فهد. هدى تفتح.

هدى: نعم يا فندم، معاكي شركة الحديدي للمعمار.

منار: أنا عايزة أستاذ فهد.

هدى: ليه إن شاء الله؟

منار: أنا صاحبة عشق، مرات حضرتك، وهي واقعة في مشكلة. محتاجينه.

هدى: هو مش فاضي لكلام الأطفال ده.

وتفصل في وشها.

أسماء: عملتي إيه؟

منار: دي شكلها السكرتيرة اللزقة اللي عشق حكتلنا عنها. مرضيتش تديهولي.

أسماء: لازم نتصرف.

منار: آه، أنا معايا رقم عمر. هرن عليه.

أسماء: وجبتيه منين يا أختي؟

منار: مش وقته.

وترن على عمر.

منار: الوو، استاذ عمر.

عمر: آنسة منار. نعم، اتفضلي.

منار: أنا رنيت عليك عشان عشق واقعة في مشكلة كبيرة في الجامعة ولازم فهد يجي. وأنا رنيت على السكرتيرة ومرضيتش تديهولي.

عمر: طيب، سلام. ادينا جايين.

عمر يذهب إلى مكتب فهد.

عمر: فهد، فهد، الحق.

فهد: إيه فيه يا عمر؟

عمر: عشق واقعة في مشكلة كبيرة في الجامعة ولازم نروح لها.

فهد: طيب، وهي ما رنتش ليه على هدى أو عليا؟

عمر: صاحبتها اللي رنت عليا ورنت على هدى وهدى مرضيتش تخليها تكلمك.

فهد: إزاي ده حصل؟ هدى دي حسابها تقيل معايا. بس لما نرجع، يلا نروح بسرعة.

لعشق

في الجامعة، وتحديدًا في مكتب العميد.

عشق في مكتب العميد ومنار تبكي. والعميد عمال يزعق فيها.

فجأة فهد يدخل بكل هيبة ويلاقي العميد واقف يزعق في عشق.

فهد يجري على عشق ويأخذها في حضنه وهي تنهار من البكاء.

فهد: إيه اللي بيحصل هنا؟

العميد: البنت قليلة الأدب دي بتقول لزميلها راجح: تعال قضّي معايا يومين. ولما رفض، ضربته بالقلم.

عشق بعياط: والله ما حصل يا فهد.

فهد بحنية: اهدّي، اهدّي يا عشقي. أنا مصدقك.

منار وأسماء: العميد بيكدب يا فهد. ده راجح المنياوي. حاول يضايق عشق وقالها: تعالي قضّي معايا يومين. راحت هي ضربته بالقلم قدام الجامعة كلها. راح هو ضربها بالقلم وشدها من حجابها وبهدلها.

فهد بعيون تشبه الجمر وصوت غاضب: ده مد إيده عليكي يا عشق؟

عشق بخوف: آه.

فهد: فين راجح ده؟

منار تشاور على شاب واقف في ركن الغرفة بخوف.

فهد يترك عشق ويتقدم على راجح.

منار وأسماء يأخذان عشق في حضنهما ويهدآنها.

فهد: بقى انت اللي اتجرأت ومديت إيدك على حرم فهد الحديدي؟ ده انت ليلة أهلك سودة.

راجح: انت ما تقدرش تعمل حاجة. هو انت ما تعرفش أنا أبويا مين؟

فهد: لا، ما أعرفش. عرفني.

فهد بصوت جهوري: نادولي صاحب الجامعة ده.

العميد: ناديه يعني هتعمل إيه؟

فجأة يدخل مدير الكلية.

المدير: أستاذ فهد، إنت امتى جيت؟ اتفضل، اتفضل.

فهد: ولا اتفضل ولا زفت. إيه المسخرة اللي بتحصل دي؟

المدير: حصل إيه يا فهد باشا؟

فهد: الأستاذ اللي واقف ده حاول إنه يتعرض لمراتي وضربها قدام الجامعة كلها. لا، وكمان العميد جاي يزعق فيها.

المدير: إزاي ده حصل؟ ما قلتيش ليه يا مدام إنك تبع فهد بيه الحديدي؟

المدير: وإيه يرضيك يا أستاذ فهد؟

فهد: أولًا، العميد يتفصل. والبيه راجح ده يتفصل وما تقبلوهوش أي جامعة. وبالنسبة لأبوه، أنا هتعامل معاه.

المدير: اللي تشوفه حضرتك يا أستاذ فهد.

فهد يأخذ عشق في حضنه ويخرج قدام نظرات الجامعة كلها، ويركبان السيارة ويروحان.

العميد: انت هتنفذ طلبه ليه إن شاء الله؟

المدير: احمد ربك إنه جت على قد كده. هو انت متعرفش فهد الحديدي ولا إيه؟ ده أكبر رجل أعمال في الشرق الأوسط. كبير وصغير الدولة بيعملوا له ألف حساب.

العميد: 😳.

عشق في السيارة تبكي في حضن فهد.

فهد: خلاص يا عشقي، كله عدى بخير.

عشق: آسفة إني عرضتك للموقف ده.

فهد: لا يا عشق، أنا الأسف إني سمحت لحد يمد إيده عليكي. وبعد كده مفيش جامعة تاني نهائي.

عشق: إيه؟ لا يا فهد، أنا عايزة أكمل تعليمي.

فهد: أنا هجبلك أحسن المدرسين في البيت. وبعد كده تقدري تروحي الامتحانات. وبالنسبة لأصحابك، بيتنا مفتوح في أي وقت.

عشق بابتسامة: ماشي يا فهد.

فهد: قلبي فهد انتي.

عشق تبتسم.

فهد وعشق يصلان.

فهد: روحي ارتاحي، وأنا ورايا حاجة في الشركة هعملها وأجي.

عشق: تمام.

في مكتب فهد في الشركة.

هدى تدخل بتوتر وقلق.

فهد: أستاذة هدي، شرفتي.

هدى: أنا آسفة يا فهد بيه.

فهد..............

فهد. انتي ازاي يجيلك تلفون إن عشق في مشكلة ومتحوليهوش ليا.

هدي. أسفة يا فهد بيه بس حضرتك كنت مشغول.

فهد. أول وآخر مرة تحصل منك، الأ بعد كده متلوميش غير نفسك، فاهمة؟

هدي. فاهمة.

وطلعت.

مراد. ليه يا فهد مطردتهاش؟

فهد. يا مراد أمها تعبانة ومعاها إخوات بنات صغيرين، فهي محتاجة الشغل، وبعد كده أي غلطة تاني هطردها علطول.

مراد. اهاا.

تاني يوم في الصباح في جناح فهد.

صحت عشق ولقيت فهد صاحي.

فهد. صباح الخير.

عشق. صباح النور.

فهد. أنا نازل يا عشق، خدي شاور وانزلي ورايا.

عشق. تمام.

فهد. أيوه صح.

فهد بيروح على الدولاب وبيفتح خزنة وبيطلع منها تليفون.

فهد. عشق خدي التليفون ده خليه معاكي عشان لو حصلك أي حاجة ترني عليا أنا. أنا سجلتلك رقمي وكمان صوري.

عشق. ماشي يا فهد.

فهد لسه هيطلع.

عشق. فهد استنى.

فهد. أي يا عشق؟

فهد راحتله وظبطت الكرافتة بتاعته بحب وسرحوا في عيون بعض.

فهد. عارف إني مز وقمور.

عشق. اممممم.

فهد محبش يكسفها أكتر.

فهد. أنا نازل يا عشق.

عشق. أوك.

نزل فهد وعشق راحت تاخد شاور.

***

على السفرة.

فهد. صباح الخير.

الكل. صباح النور.

رنا. أومال فين عشق يا فهد؟

عشق. أنا أهو يا قلبي.

رنا راحت حضنت عشق.

نور بنظرات حاقدة.

نور في سرها. ماشي يا ست عشق أنا هوريكي.

فهد. يلا يا عشق عشان تروحي الكلية.

عشق. النهاردة مش ورايا محاضرات مهمة، فأنا مش هروح.

فهد. أوك، يلا سلام. عايزة حاجة يا عشق؟

عشق. لا يا حبيبي.

فهد فهم إنها عايزة تغايظ نور.

فقرب منها وباسها من خدها.

فهد. ماشي يا قلبي، يلا باي.

عشق بفرحة. باي.

***

في الشركة.

مراد للسكرتيرة.

مراد. فهد وصل؟

السكرتيرة. لسه يا مراد بيه.

مراد. لما يوصل بلغيني.

السكرتيرة. تمام.

بعد عشر دقايق وصل فهد.

فهد للسكرتيرة. لو في أي أوراق صفقات هاتيها أراجعها.

السكرتيرة. تمام يا فهد بيه. ومراد بيه كان عايزك.

فهد. مش وقته يا هدي.

فهد. متدخليش حد.

السكرتيرة. تمام.

***

في غرفة عشق.

تليفون عشق بيرن.

عشق. الوو مين معايا؟

أسماء. أنا أسماء يا عشق.

عشق. آه أسفة بس مش مسجلة الرقم.

أسماء. عادي ولا يهمك، المهم أنا ومنار رايحين نتسوق، تيجي معانا؟

عشق. تمام، هبلغ فهد وأبقى أبلغك.

أسماء. تمام، هستنى اتصالك وسجلي رقمي.

عشق. تمام.

وفصلت.

عشق فضلت ترن على فهد عشان تبلغه بس بيديها إنه مغلق، فـ قررت إنها تروحله الشركة.

***

في القصر.

في غرفة نور.

نور. بقا الست عشق هتروح لفهد الشركة؟

نور. أنا لازم أبعدهم عن بعض.

مفيش حل غير إني أروحه الشركة وأتقرب منه وهي هتروح وتشوفنا.

أيوه دي أحلى فكرة.

***

نور لبست وراحت الشركة قبل عشق.

نور للسكرتيرة. فهد جوه؟

السكرتيرة. آه يا فندم، بس ممنوع حد يدخله.

نور. إنتي إزاي تكلميني كده؟ إنتي متعرفيش أنا مين؟

وسابتها ودخلت.

كان فهد بيراجع أوراق الصفقات.

فهد. إيه اللي دخلك يا نور؟

نور. وحشتني يا فهد، فـ جيت أشوفك.

وبدون سابق إنذار راحت حضنته وكانت بتبوسه.

وفي الوقت ده تدخل عشق ودموعها تنزل على وجهها.

فهد بيشوفها.

عشق. أنا آسفة، جيت في وقت مش مناسب.

وطلعت وهي بتبكي.

وفهد بيجري وراها.

فهد. عشق اصبري هقولك.

عشق. متقوليش حاجة.

الشركة كلها بتبص على فهد ومستغربة معاملته.

مراد بيقابل عشق.

مراد. وأنا بقول الشركة منورة ليه؟

عشق مش بترد.

مراد. في إيه يا عشق؟

فهد. متخليهاش تعدي ي مراد.

بس بتكون عشق عدت وبتطلع من الشركة.

وهوبا تصطدم بعربية وبتخبطها.

وبيطلع منها خالد.

خالد. إيه ده؟ عشق؟

وبينزل من العربية.

وبيروح لعشق في الوقت اللي طلع فيه مراد وفهد.

خالد. عشق يا حبيبتي فوقي.

وبياخدها على عربيته وبيوديها المستشفى، وفهد من الصدمة مش بيتكلم.

ولأنه مش وقته، بيروح هو ومراد بعربيته وراهم.

***

في المستشفى.

خالد. حد يجي يشوفها معايا، حالة خطيرة.

بيجي دكتور.

دكتور. خدوه على العمليات.

فهد. بس أنا عايز دكتورة مش دكتور.

الدكتور. تمام.

وبيدخلوها العمليات والكل زعلان.

وبعد مرور أربع ساعات بتطلع الممرضة من أوضة العمليات بتجري.

بيسألها فهد.

فهد. إيه اللي حصل؟

الممرضة. محتاجين دم وفصيلة دمها مش موجودة.

فهد. إيه الجنان ده؟ يعني أكبر مستشفى في الشرق الأوسط ومفيهاش دم؟

الدكتور خرج على أصواتهم.

الدكتور. إيه يا أستاذ الأصوات دي؟ إنت في مستشفى محترمة مش في زريبة.

فهد. المستشفى دي مستشفى مين؟

الدكتور. مستشفى الحديدي.

فهد. وأنا فهد عامر الحديدي، تحب أطردك وأخليك تقعد في البيت زي الحريم؟

الدكتور. أنا آسف، ونحن هندور في بنك الدم على فصيلتها.

فهد. تمام.

بعد مدة.

الدكتور. أستاذ فهد، للأسف مش لاقيين فصيلتها، هنعمل إيه؟ لازم نلاقي متبرع.

خالد. أنا هتبرعلها.

فهد. وإنت تتبرعلها ليه وبصفتك إيه؟

خالد. بيتجاهله. يلا يا دكتور.

الدكتور. هنعمل تحاليل ولو طلعت متطابقة تمام.

خالد. تمام.

وعملوا التحاليل وطلعت متطابقة واتبرعلها.

بعد ساعتين خرج الطبيب.

راح عليه فهد بلهفة.

فهد. طمنا يا دكتور.

الدكتور. الحمدلله قدرنا نسيطر على الوضع.

خالد. نقدر ندخلها؟

الدكتور. آه طبعاً، بس واحد. واحد بس كمان شوية.

بعد وقت.

وفهد في الوقت ده بيكون بيخلص أوراق المستشفى.

ومن غير كلام دخل خالد.

وفي الوقت ده صحيت عشق.

خالد. الحمد لله على السلامة يا عشق.

عشق بتعب. إيه ده؟ خالد وحشتني أوووي.

وراحلها خالد وحضنها.

وفي الوقت ده بيدخل فهد.

ياترى إيه اللي هيحصل؟

استنونا في البارت الجديد.

فهد. ايه اللي بيحصل ده وانت ازاي تحضنها؟

عشق بتبعد عن خالد.

عشق. لو سمحت استاذ فهد متكلمهوش كده.

فهد بغضب. لو سمحت واستاذ.. دا انتي كده اتجننتي خالص ي عشق.

عشق بدموع. ايوه اتجننت لما اشوفك ف مكتبك مع وحده وحاضنها وكمان بتبوسك.

فهد بيتوجع اوي لدموعها.

فهد بنبره حنان. متعيطيش ي قلب فهد. انتي فاهمه غلط ي عشق.

عشق. لا انا فاهمه صح.

ف الوقت ده بيتدخل خالد.

خالد. دقيقه كده انا مش فاهم انتو بتتكلمو علي ايه.

خالد. عشق فهد الحديدي بيعمل ايه هنا؟

فهد. انا جوزها. انت مين؟

خالد. جوزها؟ انتي اتجوزتي امتا ي عشق؟ وكمان من فهد؟

عشق. خالد ده موضوع كبير ابقي احكيهولك.

فهد. تحكيلو ايه ده مين ي هانم؟

عشق. ده اخويا ي فهد.

فهد بصدمه. اخوكي؟ بس انتي مش معاكي غير حنين.

عشق. خالد اخويا من بابا وهو كان مسافر.

فهد. طيب ماشي سيبك منه انتي حاسه بتعب؟

عشق. اعااااا.

فهد. مالك؟

عشق. انت بتخوني ي زبااله.

خالد. انا هطلع واسيبكم تتفاهمو.

عشق. لا متتطلعش.

فهد. شكرا لذوقك.

خالد بيطلع ويسيب فهد وعشق.

ف الوقت ده بيجو عيله فهد.

رنا. عشق فين؟ عشق وبتخبط ف خالد.

خالد. عشق جوه. انتي مين؟

رنا. وانت مالك ي جدع.

عامر. عيب ي رنا.

عامر. انت مين يبني؟

خالد. انا اخو عشق.

عامر ونعمه ورنا بصدمه. ايه اخوها؟ هيا مش معاها اخوات.

خالد. دي قصه كبيره ابقي احكيهالكم لما عشق تخف.

رنا. انا عاوزه اشوف عشق.

خالد. اهدي ي انسه هي كويسه وفهد جوه بيتفاهم.

رنا. بيتفاهمو ليه؟

خالد. اختي عملت الحادثه بسببو هي مفكره انو فهد بيخونه.

رنا. لا مستحيل فهد بيحبها.

خالد بيبص عليها وبيضحك.

رنا. انت بتضحك علي ايه؟

خالد. ولا حاجه.

***

فهد. عشقي والله هي حضنتني وباستني.

عشق بدموع. انت مقدرتش تبعدها عنك عشان عجبك الموضوع.

فهد بيتقدم عليها ويبوس جبينها.

فهد. يا روح قلبي انتي دموعك غاليه عليا كفايه والله انا هندمها انها عملت كده. وبعدين انتي تصدقي اني ممكن اخونك؟ زعلتيني اوي اوي ي عشقي.

عشق. يفهد انا قلبي اتقطع لما شوفتكم مع بعض ده رد فعلي بس.

فهد. طيب خلاص سيبك منها قوليلي بقا حكايه خالد.

عشق. بص يفهد بقا. خالد ده يبقي اخويا من بابا زماان بابا اتجوز علي ماما وماما مكنتش تعرف ف مرات بابا حملت وجابت خالد وهي بتولد اتوفت وبعد كده بابا جاب خالد لماما تربيه ولما ماما عرفت زعلت اوي من بابا ومن ساعتها بابا مشي ومسألش علينا وماما حبت خالد واعتبرتو ابنها وهو كبر وسافر وبقي ضابط وبيسافر مأموريات ويرجع.

وعشق كانت بتحكي وهي بتبكي.

فهد حضنها ودفن وشو ف رقبتها.

فهد. خلاص ي روح فهد اهدي.

عشق. عارف ايه مزعلني انو بابا مشي ومسألش علينا.

فهد. وانا يستي ابوكي وامك واخوكي وصاحبك وكل حاجه.

عشق بإبتسامه. وفهدي كمان.

ف الوقت ده بيدخل باقي العيله.

رنا بتجري علي عشق.

رنا. عشق حبيبتي مالك الف سلامة عليكي ياقلبي.

عشق. الله يسلمك ي رنا.

نعمه. الف سلامه عليكي ي عشق يبنتي.

عشق. الله يسلمك يماما.

فهد بضيق. مكنتوش تعبتو نفسكو وجيتو.

نعمه. تعبك راحه يبني.

فهد بضيق. بااين.

عشق ف نفسها. انا لازم اعرف ليه علاقه فهد وباباه ومامتو متوتره.

الدكتوره بتدخل.

فهد. دكتوره هتطلع امتا؟

الدكتوره. هي كويسه الحمدلله تقدر تطلع النهارده.

فهد. تمام.

بعد وقت.

عشق بتكون رجعت القصر.

عشق. فهد انا عاوزه اشوف ماما وحنين بقاا.

فهد. هما شكلهم لسه ميعرفوش انا هرن علي حنين واخليها تيجي.

فهد الو.

حنين. الو ي فهد.

فهد. اهلا ي حنين عامله ايه.

حنين. الحمدلله بخير عشق كويسه.

فهد. والله لسه عامله حادثه وهي ف القصر تعاليلها انتي والحجه صابره.

حنين. ايه عشق عامله حادثه.

صابره. بنتي.

فهد. اهدو اهدو هي كويسه.

حنين. طيب شويه وهنكونوا عندكم.

فهد. تمام وبيقفل.

عشق. فهدي.

فهد. قلب فهدك.

عشق. هو انا ممكن اسألك سؤال.

فهد. اهاا اتفضلي.

عشق. هو انت مش بتحب اهلك ليه؟

فهد بغضب. متجيبيش السيره دي. وبيطلع.

عشق. هو اتحول كده ليه بس بردو مش هسيبو.

بعد وقت.

بتيجي حنين وامها.

حنين. عشق حبيبتي انتي كويسه.

عشق. ايوه انا بخير الحمدلله ي نونه.

صابره. الف سلامه عليكي ي قلب امك.

عشق. الله يسلمك يماما.

عشق. صح في مفاجأه. ادخل ي خلودي.

حنين. خالد حبيبي. وبتجري تحضنه.

مراد بيكون داخل القصر.

مراد بضيق. مين ده يفهد والبت حضناه ليه كده.

فهد. ههههه بتغير طيب متتجوزها وتفص ده يسيدي اخوهم.

مراد. اممم.

صابره. خالد الف حمدالله على سلامتك يبني بس جيبت هنا ازاي.

خالد. الله يسلمك يماما انا اللي خبط عشق بالعربيه.

صابره. الحمدلله جت بخير.

مراد. يحاجه صابره ممكن اتكلم معاكي.

صابره. اتفضل يبني.

مراد. احم انا عارف انو ده مش وقتو بس انا طالب ايد الانسه حنين.

حنين. اتوترت وفرحت.

صابره. يشرفنا يبني بس البنت لسه صغيره.

فهد. متخافيش ي حاجه هو هيشيلها ف عنيه ولو زعلها انا موجود.

صابره. علي بركت الله.

خالد. طيب وانا كمان عاوز اخطب.

فهد. انت لحقت ومين سعيده الحظ.

خالد. اختك.

فهد بصدمه. ايه.

رنا. لا انا مش موافقه.

عامر. اسكتي انتي.

خالد. هاا يفهد.

فهد. انت اخو مراتي وانا مقدرش ارفضلك طلب بس الرأي رأي العروسه.

خالد. طيب تسمحلي اتكلم معاها لوحدنا.

فهد. تمام.

خالد بياخد رنا ويخرجوا بره القصر.

خالد. انا عارف انك متعرفنيش ودي اول مره تشوفيني بس انا من اول نظره ليكي بصراحه حبيتك.

رنا بتعجب. ايه.

خالد. اه والله وياريت توافقي والله هشيلك ف عني.

رنا. بس انا معرفكش.

خالد. احنا هيبقي بينا فتره خطوبه واتعرفي عليا فيها.

رنا. اوك.

وبيدخلو.

فهد. ايه رأيك.

رنا. موافقه.

عامر. يبقي نقرا الفاتحه.

***

بعد اسبوع.

عمر. عشق متأكده انو ده بيت منار.

عشق. ايوه يبني متخافش.

وبيدخلو كلهم.

فهد. يشرفني يعمي اني اطلب ايد الانسه منار لإبن عمي عمر.

والد منار. الشرف لينا يبني.

عمر. انا يعمي معايا شركه خاصه لياا وهاخدها بيت وحديها.

والد منار. مش مهم يبني المهم انك تراعيها ف ربنا.

عمر. خليك واثق فيا دي ف عيوني.

عشق بتدخل عند منار.

عشق. لولولولولييي الف مبروك ي منوور.

منار. الله يبارك فيكي ي عشق.

عشق. يلا اطلعي مستنينك بره.

منار. بتطلع وبتكون ف قمه الجمال.

وبيلبسها الشبكه وبيتكلم معاها.

عمر. أخيراً هتبقي حلالي.

منار. بإبتسامه. ربنا يقدم اللي فيه الخير.

اسماء. كلنا اخدنا اصحاب بعض يجدعاان.

عشق. ايوه انتي رائد وحنين مراد واهي مناار عمر.

وبيضحكوا.

***

بعد اسبوع بتكون عشق اتحسنت جدا.

فهد بيكون واقف ف البلكونه وبيتكلم ف الفون.

فهد. طيب انا اسبوع وهاجي بنفسي استلم الشحنه انا عارف ان الشغل ده خطير جدا بس مقداميش غير الحل ده.

عشق بيتسمعو.

عشق. شغل ايه ده الخطير يفهد وشحنه.

ايفهد.

فهد بتوتر. لا دي شحنه تخص الشركه.

عشق بعدم اقتناع. اه ما شي.

فهد. طيب الشغل.

عشق. من امتى ونتي بتدخلي ف شغلي.

فهد. يعشق.

عشق. لا مش قصدي بس بسأل.

فهد بضحك. وبعدين تعالي هنا وحشتيني.

عشق. وانت كمان.

فهد بيحضنها. انا ايه.

عشق. وحشتيني.

فهد بيبوسها بوسه من شفايفها وبعديها بوسات متتاليه وعشق مستسلمه تماما وبيغرقوا ف بحور عشقهم.

***

ف مكان تاني مجهول.

مجهول. الفهد هيجي بنفسو يستلم الشحنه معانا.

مجهول تاني. هي ايه الشحنه دي ي لورد.

اللورد. دي شحنه اسلحه مهربه من ايطاليا.

مجهول. دي هتبقي مكسبه اووي وخاصه للفهد.

وبيضحكو.

***

عند حنين.

مراد. ي نونو.

حنين. بس بقا ي مراد بتكسف.

مراد. ايه خطيبتي بتتكسف الحقو ناس بتتكسف.

حنين. يبني بطل بقا.

مراد. خلاص يستي.

مراد. انا مستني اليوم اللي هتكوني فيه حلالي بأحر من الجمر.

حنين. قرب ان شاء الله.

مراد. متتخيليش يحنين انا بحبك قد ايه عارفه اول يوم وقعتي فيه قدامي وانا انسحرت بيكي بس مبينتش لحد.

حنين. وانا كمان.

مراد بيقبل ايدها.

حنين. عيب كده ي مراد.

مراد. خلاص يستي وعد مش هلمسك تاني غير لما تبقي حلالي.

وبيبتسم.

***

خالد وعمر ورائد واخدين البنات الملاهي.

رنا. خالد انا عاوزه ادخل بيت الرعب.

خالد. لا ي رنون اخاف عليكي في عفاريت هناك.

رنا. بطل هزار بقا انا عاوزه اروح.

منار. معاكي حق ي رنا انا كمان عاوزه ادخل.

اسماء. اه ي اندال بتخططوا من غيري.

رنا. لا ي سوسو تعالي هنروح كلنا.

منار. تعرفوا القعده دي كانت ناقصه مين.

البنات. عشق.

منار. صح بس تلقاها ف عالم تاني مع فهد لوحدهم.

اسماء. يلا قوموا ندخل.

والبنات بيروحوا يدخلو بيت الرعب.

رائد. بتفكروا ف اللي انا بفكر فيه.

خالد. ايه.

رائد. تعالو نخوفهم جوه ونلعب معاهم شويه.

عمر. اشطا يلا.

وبيدخلوا كل واحد فيهم بيلبس لبس مخيف.

البنات راكبين عربيه جوه بيت الرعب وبيصرخوا.

رنا. ياريتني م دخلت.

منار. اجمدي يبت هنضحكهم علينا ولا ايه.

بعد دقايق بيجي عليهم تلات وحوش.

اسماء. بناات بصوا وراكم.

بيبصوا. بيلاقو عفاريت.

وبيصرخوا ويجروا والوحوش بتحري وراهم.

بينحصروا ف مكان مقفول وبيعياطوا.

رنا بعياط. اااعا انا لسه صغيره الحقني ي خالد.

منار. انا بحبك ي عمر هموت دلوقتي بس بحبك.

اسماء. كان تفسي ازور مركز الشرطه عند رائد بس مش هلحق.

وبيصرخوا.

في الوقت ده الشباب بينفجروا من الضحك وبيقلعوا لبس الوحوش.

منار بعياط. ده انتوا.

عمر. اه يقلب عمر وانا بحبك.

رنا. منكم لله والله هقول لفهد.

خالد. اديني جيت الحقك ي رنون هههه.

رائد. ماشي يست سوسو كل اللي هامك مركز الشرطه طيب مش هامك صاحبو.

وبيحكوا.

***

بعد يومين.

فهد. الووو.

مجهول. الشحنه وصلت استاذ فهد.

فهد. اديني جااي.

عشق. رايح فين يفهد.

فهد. رايح الشركه.

عشق بشك. امم.

عشق. فهد قولي دلوقتي حالا ايه مشكلتك مع ماما وبابا.

فهد. عشق انا قولت مش عاوز كلام ف الموضوع.

عشق. لا انت دلوقتي حالا هتقولي والا مش هتيجي تلاقيني ف البيت.

فهد بعصبيه. عشقق متخلنيش ازعلك.

عشق بدموع. لا زعلني انت مش راضي تقولي عشان انا جزء مؤقت ف حياتك وشويه وهتستغني عني.

فهد بيمسح وشه بإيده بغصب وبيمشي.

عشق. ماشي يفهد انا هوريك.

عند فهد بيكون بيستلم الشحنه.

اللورد. فهد بيه اهلا اهلا بيك.

فهد. اهلا يلورد.

اللورد. الشحنه وصلت وفيها سلاح ولقينا فيها كم كيس بودره.

فهد. ايوه انا عارف بالأكياس.

فهد. بعد اسبوع استعدوا للمهمه الكبيره دي احنا هنوقع فيها اكبر شحنه وكمان هنسيطر علي فرانكو.

اللورد. تمام يفهد بيه.

***

ف مكان تاني اول مره نروحله.

واحد من الحراس بتوتر. استاذ فرانكو الفهد النهارده استلم شحنه سلاح وممنوعات.

فرانكو بغضب. ماشي يعني اخدها مني تاني.

وطلع مسدسه وضرب الحارس.

كارم الدراع اليمين لفرانكو. من يوم مدخل الفهد عالم الجرائم وهو علطول بيكسب الصفقات احنا لازم نوقفوا.

فرانكو. سمعت انو اتجوز ومراتو حلوه.

كارم. ايوه ي باشا بيقولوا عليه بيحبها اوي.

فرانكو بضحكه شر. قربت نهايتو هو والسنيوره بتاعتو.

***

بالليل فهد دخل القصر.

فهد. رنا عشق فين مش قاعده معاكي.

رنا. عشق من الصبح قاعده ف الجناح ومش راضيه تنزل.

فهد. ماشي.

وبيطلع علي الجناح.

بيدخل وبيلاقي الجو كله ضلمه.

فهد. اووف عشق.

مفيش رد وبيسمع صوت شهقات.

فهد بيفتح النور وبيلاقي عشق نايمه وبتعيط.

فهد بيقرب منها ويحضنها.

فهد. عشقي زعلانه ليه.

عشق مبتردش.

فهد. عشقي.

عشق برضو مش بترد.

فهد بيقعد جمبها.

فهد. طيب يستي هحكيلك طالما الموضوع هامك.

عشق. يلا.

فهد.

فهد بصي يستي أنا عندي 10 سنين اكتشف حاجة دمرتلي طفولتي كلها، أنا اكتشفت إني مش ابنهم. هما كانوا مش بيخلفوا، بعد كده أخدوني من دار أيتام واعتبروني ابنهم. ولما أهلي الحقيقيين دوروا عليا وعرفوا مكاني وجوا ياخدوني، هما قتلوهم.

فهد ببكاء: قتلوهم يا عشقي! مخلونيش أعرفهم ولا أشوفهم.

عشق ببكاء: متتبكيش يا حبيبي، أنا آسفة يا فهد، أنا السبب، أنا اللي خليتك تفتكر.

فهد: خلاص يا عشقي، حصل خير.

عشق ضمتو ليها وفضلت تواسي فيه.

فهد: تعرفي يا عشقي، أنا مش ببين ضعفي لحد أبدًا إلا انتي.

عشق: وأنا سمعاك في أي وقت يا روح قلبي انت.

وفهد نام في حضنها.

***

تاني يوم

تحت ع السفره، الكل قاعدين وعشق بتحطلهم الأكل.

نور: عشق هاتيلي ميه من جوه.

عشق: حاضر.

فهد: عشق تعالي هنا، واللي عاوز حاجة يجيبها لنفسه.

نور بغضب مكتوم وغيره: طيب.

فهد بيسحب عشق وبيقعّدها جنبه.

فهد: انتي كلي وملكيش دعوة بحد، مفهوم؟

عشق: مفهوم.

فهد بيخلص أكل وبيقول: أنا ورايا صفقة مهمة جدا، ادعولي أنجح فيها.

عشق: إن شاء الله هتنجح يا حبيبي، انت قدها.

رنا: بلا شك، أخويا جامد.

فهد: طيب يا عم انتي وهي، وبيبوّس راس عشق.

فهد: عاوزين حاجة قبل ما أمشي؟

نعمة: استني يا فهد، وبتكون جاية وجايبة معاها رز بلبن، وفهد بيحبه.

نعمة: خد كل يبني.

فهد: شكراً، مش عاوز حاجة، وبيسيبها ويمشي.

نعمة واقفة والدموع في عينيها.

عشق اتقدمت عليها.

عشق: متزعليش يا ماما، أنا أوعدك إني هرجع علاقتكم بفهد من تاني.

نعمة: إن شاء الله يا بنتي، إن شاء الله.

***

عند فهد في الشركة.

فهد: هدي، ابعتيلي أوراق صفقة النهارده.

هدي: حاضر يا فهد بيه.

وبيتجيبهم وفهد بيقرأهم.

فهد: حلو أوي، قدميها للشركة وابعتيلي مراد.

هدي: حاضر.

بعد شوية مراد بيدخل.

مراد: إيه يا فهدي؟

فهد: النهارده هتبقى صفقة العام يا مراد، مش عاوز غلط.

مراد: عُلم يا كبير.

فهد: طيب.

مراد: انت مش ملاحظ حاجة؟

فهد: لا، إيه؟

مراد: أنا دخلت من غير ما أخبط وانت متكلمتش.

فهد: منا اتعودت، يلا اطلع وخد الباب في إيدك.

مراد: عمرك ما تطردني بالذوق.

فهد من بين سنانه: يلا والباب في إيدك.

***

في مكان تاني.

فرانكو: بعد أسبوع تسليم أكبر شحنة في حياتنا، دي لازم إحنا ناخدها ومنسيبهاش للفهد.

كارم: إحنا هنعمل إيه؟ الفهد أكيد مش هيسيبها.

فرانكو: لا، ما إحنا معانا نقطة ضعفه، وبيضحك.

***

في الشركة.

الاجتماع بيبدأ وفهد بيكسب الصفقة.

واحد من رجال الأعمال: ألف مبروك يا فهد بيه.

فهد: الله يبارك فيك يا أستاذ محمد.

فهد: بمناسبة الصفقة وشغلكم الحلو يا رجالة، أنا عامل حفلة بالليل، مستنيكم تشرفوني.

***

في القصر.

ناس بتدخل وبتزين القصر.

عشق: أمال إيه؟

فهد من وراها: حفلة يا حبيبتي، بمناسبة الصفقة.

عشق: انت نجحت، مبروك يا قلبي، وبتحضنه.

فهد: الله يبارك فيكي يا عشقي.

عشق بزعل: بس أنا مجبتش فستان أحضرها بيه.

فهد: وأنا منسيتكيش، هتلاقي فوق فستان في صندوق، البسيه وتعالى.

عشق: حبيب قلبي يا فهد.

فوق عند عشق بتفتح صندوق وبتلاقي فستان سهرة محتشم من اللون الفيروزي وحجاب بنفس اللون وكوتشي أبيض.

عشق: الله، ده حلو أوي، هدخل ألبسه بسرعة.

عشق بتلبس الفستان وبتطلع، بتكون شبه الحورية جدا، جميلة جدا بكل تفاصيلها، وبتقف قدام المراية تحط القليل من مساحيق التجميل، وبتكون خلصت. بيجي من وراها فهد بيلبسها عقد من ألماس.

عشق: الله يا فهد، ده شكله جميل جدا، بس غالي أوي.

فهد: مفيش حاجة تغلى عليكي يا روح قلبي.

فهد وبياخدها وبينزلوا، ويكون المعازيم وصلوا على الحفلة، وفهد بينزل ويروح يقف مع رجال أعمال وعشق في إيده. رجل أعمال بيسلم على عشق.

فهد بيسلم بدالها.

فهد: المدام مبتسلمش.

عشق بتشوف أصحابها وحنين.

عشق: فهد دقيقة وراجعة.

فهد: خودي راحتك.

عشق بتروح عند البنات وبيقعودوا شوية يتكلموا وبيكونوا مبسوطين.

بعد وقت.

الكل كان مندمج وفرحان في الحفلة.

فهد بيدور بعنيه على عشق وبيشوفها واقفة مع رجل أعمال وبتضحك بصوت عالي.

فهد بيتقدم عندهم بغضب.

فهد: عشق، إيه موقفك هنا؟

عشق: بتعرف على أستاذ علي.

فهد: لا، انتي مش بتتعرفي على رجالة.

عشق: لا يا فهد، براحتك.

فهد: براحتك، طيب اطلعي على فوق.

عشق: لا، مش طالعة.

فهد بصوت عالي وبيلفت نظر الناس: اطلعي على فوق.

عشق بتبص حواليها بتلاقي الناس بتبص عليهم.

عشق بتطلع جري من الحفلة وووو.

جريت عشق من الحفلة وراحت ورا القصر في الجنينة.

عشق واقفة لوحدها بتبكي.

جت عليها رنا.

رنا: في إيه يا عشق؟ فهد كان بيزعقلك ليه؟

عشق: هو شافني واقفة مع رجل أعمال وزعقلي وقالي اطلع على فوق.

رنا بصدمة: احمدي ربك إنه ماقتلكش، ده بيغير جداً.

عشق بدموع: بس أنا كان قصدي أخليه يغير عشان واقف مع بنات من بدري.

بيجي فهد من وراها.

فهد: رنا ادخلي.

رنا: جوه.

فهد بغضب: رنا.

رنا بتدخل.

عشق مبتبصش على فهد وبتفضل باصة قدامها على المسبح.

فهد: ينفع اللي انتي عملتيه ده؟

عشق مبتردش.

فهد: أنا بكلمك.

عشق: انت بتزعقلي قدام الناس كلها وعاوزني أكلمك؟

فهد: انتي ليه واقفة مع راجل غريب وبتضحكي معاه؟ شايفاني كيس جوافة قدامك؟

عشق: طيب ما انت كنت واقف مع بنات وأنا ما اتكلمتش.

فهد: ده شغلي ولازم أقف وأتكلم معاهم، فهمتي؟

عشق: خلاص يا فهد روح اتكلم معاهم.

فهد بيحضنها وهي بتعيط جوه حضنه.

عشق: انت طردتني من الحفلة قدامهم كلهم.

فهد: انتي عصبتيني، آسف خلاص متزعليش.

عشق: وأنا آسفة عشان عصبتك.

بيدخلوا الحفلة وبيكملوا السهرة.

***

تاني يوم.

عشق بتصحي على قبلات فهد المتفرقة على وجهها.

عشق: صباح الخير.

فهد بحب: صباح الورد يا قلبي.

عشق: الساعة كام؟

فهد: واحدة الضهر.

عشق: إيه! أنا اتأخرت، لازم أقوم.

فهد: محدش يقدر يكلمك يا عشقي، نامي براحتك.

عشق: لا أنا عايزة أقوم.

فهد: طيب يلا يا كسلانة.

عشق: نينينيني.

***

بعد شوية.

فهد بيكون راح الشركة.

فهد: الو.

اللورد: الو يا فهد بيه.

فهد: إيه أخبار العملية؟

اللورد: أخطر شحنة هتتسلم كمان يومين.

فهد: طيب كويس.

اللورد: تمام يا فهد بيه، سلام.

فهد بيفصل معاه.

فهد: هدي.

هدي: نعم يا فهد بيه.

فهد: مراد وصل ولا لسه؟

هدي: لسه يا فهد بيه.

فهد: طيب لما يوصل اديني خبر.

***

عند منار وأسماء.

منار: والله اتوحشت البت عشق، تعالي نروح لها.

أسماء: مين سمعك، يلا.

وبيروحوا لعشق.

الدادة: مدام عشق، في بنتين اسماء ومنار مستنينك تحت.

عشق: طيب يا دادة، دقيقة وأنا نازلة.

منار وأسماء قاعدين مع رنا.

عشق: بناتي.

منار: قلب بناتك.

وبيسلموا على بعض.

أسماء: من زمان مشفناكيش يا عشق.

عشق: والله مشاغل.

منار بغمزة: مشاغل ولا فهد بيه سارقك مننا؟

عشق بكسوف: بس يبت.

وفي الوقت ده بيدخل عمر وكيندرا.

كيندرا: الله الله على اللمة الحلوة دي من غيري.

منار: مينفعش طبعاً يا كوكو، وبتحضنها.

عمر بغمزة: ماليش حضن أنا كمان.

منار: بتتكسف وتنزل راسها لتحت.

كيندرا: بس يا ولا، سيب مرات أخويا في حالها.

أسماء: مراتو إيه؟ دي خطيبته.

عشق: خطيبته وهتبقى مراته، فيها إيه؟

وبيضحكوا كلهم وبيقدوا وقت جميل.

***

بالليل.

عشق وفهد في الجناح.

عشق بتكون بتاخد دش وفهد قاعد على اللابتوب بيخلص شغله.

تلفونه بيرن برقم غريب.

المتصل: أهلاً أهلاً بالفهد.

فهد: مين معايا؟

المتصل: عيب عليك يا فهد، ما تعرفش أخصامك؟ ده إحنا هنتقابل كمان يومين في الخطير، هااا.

فهد من بين أسنانه: فرانكو.

فرانكو: فرانكو.

فهد: اه أخيراً عرفت.

فهد: عايز إيه؟

فرانكو: مش عايز حاجة، بس سمعت إنك متجوز واحدة مزة، نفسى أجربها. اسمها إيه؟ أيوة عشق، عشق اسم جميل.

فهد بغضب جحيمي وعيون بتطق شرار: اسمها ميجيش على لسانك القذر.

فرانكو: عيب كده يا فهد، ده أنا كنت جاي أخيرك بينها وبين الصفقة الكبيرة.

فهد: مراتي خط أحمر، وإلا هحرقكم كلكم.

فرانكو: سلام يا قط.

فهد بيرمي الفون وبيتكسر مية حتة.

في الوقت ده بتخرج عشق.

عشق: مالك يا فهد متعصب ليه؟

فهد بيقوم ويحضنها وبيقبلها من شفايفها وبيتعمق كتير.

بينزل على الحال ده خمس دقايق وبيبعد عنها لما بيحس إنها بحاجة للأكسجين.

فهد: انتي بتاعتي وبس، فاهمة؟

عشق: أهدي يا فهد، طبعاً أنا بتاعتك.

فهد بيحضنها وبيناموا.

***

عند فرانكو.

بيضحك ضحكة شر.

لقيت نقطة ضعف الفهد.

ههههههه.

كارم: هتعمل إيه؟

فرانكو...

فرانكو. هخطفها.

كارم. بس لو عملت كده الفهد مش هيسكت.

فرانكو. لا لو عملنا كده هيتشتت تفكيره ومش هيعرف يكسب الصفقة.

كارم. طيب وهنخطفها إزاي؟

فرانكو. بكرة هنخطط وننفذ وابقا أقولك هنخطفها إزاي.

ويضحكوا هما الاتنين ضحكة شر.

ـــــــــــــــــــــــــ

في قصر.

العيلة كلها بتبقى متجمعة.

فهد وعشق وحنين ومراد ورنا وخالد ومنار وعمر وأسماء ورائد.

فهد بيضم عشق لحضنه وبيهمس في ودنها.

فهد. عارفة اللمة دي ناقصها إيه؟

فهد. ولادنا يا عشقي.

عشق. بس بقا أنا بتكسف.

في الوقت ده بيدخلوا نعمة وعامر.

نعمة كانت هتقعد بس عامر قاطعها.

عامر. تعالي جوه أحسن عشان ابنك ميكسفكش قدام الناس.

نعمة بتبص على فهد بدموع.

عشق. فهد.

فهد بيقوم.

فهد. طيب ولو أنا اللي قولتلها اقعدي معانا يا ماما.

نعمة. ماما هو انت بتقول ماما ولا أنا بحلم؟

فهد. ماما واحلى ماما.

وبيحضنها.

عامر بفرحة.

عامر. انت سامحتنا يا بني؟

فهد. أنا مقدرش أزعل منكم.

وبيحضنهم والجميع بيدمع لفرحتهم.

وفهد بيبص على عشق بإبتسامة وبيفتكر.

*** فلاش بااااااااااااك ***

عشق. فهد ممكن أطلب منك طلب؟

فهد. عشقي تؤمري.

عشق. سامح ماما نعمة وبابا عامر.

فهد. تاني الموضوع ده يا عشق.

عشق بتمسك إيده وبتاخده تقعد.

عشق. اسمعني للآخر يا فهد ومتقاطعنيش.

عشق. فهد دي العيلة أجمل حاجة هي اللي بتقويك وبتقدر تحتويك وهما اللي بيخافوا عليك. انت مستحيل في الزمن ده تلاقي حد بيخاف عليك زي أبوك وأمك. انت ممكن صح في أوقات بتزعل منهم أوي بس مهما كان اوعى تنسى فضلهم عليك. ده حتى ربنا والرسول ﷺ وصوا عليهم وقالوا إننا نطيعهم ومنعصيهمش.

عشق. وانت يا فهد مش بتكلمهم. بيهون عليك دموع مامتك وهي شايفاك قدامها ومش قادرة تاخدك في حضنها ليه يا فهد؟ حتى لو كانوا غلطوا في الماضي هما غلطوا عشان بيحبوك.

فهد. بس دول قتلوا أهلي.

عشق. أنا قولت متقاطعنيش. عارف يا فهد ماما نعمة قالتلي إنهم مقتلوهمش. قالتلي إنه هما كانوا جايين ياخدوك وعملوا حادثة لوحدهم. انت ليه بتعاقبهم؟ ليه بتحرمهم منك؟

عشق. فهد في ناس بتتمنى صفر من أبوها وأمها. انت في نعمة كبيرة غيرك مش لاقيها. أحسن لوالديك يا فهد. سامحهم عشان خاطري.

فهد. أنا بجد مكنتش عارف الكلام ده. شكراً جدا يا عشقي. شكراً إنك عرفتيني الصح من الغلط.

*** بااااااااااااااااك ***

فهد. بيمسك إيد عشق.

فهد. يبختك يا ماما معاكي مرات ابن تقول للقمر قوم وأنا اقعد مكانك.

نعمة. بلا شك دي عشق زينة البيت.

مراد. خلاص بجماعة سيبكم من الجو العاطفي دي واسمعوني.

فهد. وانت مالك يزفت؟

مراد. طيب عاوز أقول حاجة مهمة.

فهد. قول يا خوي.

مراد. أنا والشباب قررنا إننا هنكتب الكتاب الليلة.

الكل سكت.

مراد. إيه يا جماعة مالكم؟

حنين. انتوا إزاي تقولوا كده وانتوا مشاورتوناش ولا قولتو لأهالينا؟

خالد. لا يا نونة إحنا شاورناهم وموافقين بس منتظرين رأي العرايس.

رنا. أنا موافقة.

فهد. وحياة أبوك. طب وأنا؟

عمر. بس بقا يا فهد متخربش اللحظة علينا.

رائد. إيه يا بنات رأيكم؟

البنات كلهم في صوت واحد.

البنات. موافقين.

فهد. خلاص على بركة الله. أنا هعملكم حفلة ولا في الخيال. يلا روحوا اتجهزوا.

عشق بتطلع فوق علشان تتجهز وبتلبس فستان بيبي بلو جميل جداً وحجاب من نفس اللون.

بيجي فهد من وراها.

فهد. إيه؟

فهد. الجمال ده يا ناس. هاتي بوسة.

عشق. بطل بقى انت قليل الأدب أوي.

فهد. اسكتي أحسن ما أنزلك وأوريكي قلة الأدب على أصولها.

عشق. بس بقى يا فهد أنا بتكسف.

فهد. الله الله الله الله. مراتي بتتكسف يا جدعان.

عشق. يلا ننزل.

فهد. استني.

قبل ما ننزل وبيطلع عقد ماس من جيبه بيلبسهولها.

عشق. مش انت جايب عقد تاني ليه؟ انت كنت جايبلي من فترة قصيرة.

فهد. ولا حاجة تغلى عليكي يا قلبي.

عشق بتحضنه.

فهد. (في نفسه) ده في جهاز مراقبة علشان لو فرانكو اتجرأ يعملك حاجة يا قلب فهد.

عشق. يلا ننزل.

فهد. يلا.

وبياخدها وينزلوا.

ـــــــــــــــــــــــــ

بعد وقت.

في مكان أقل ما يقال عنه تحفة فنية.

عقد قران.

كل منحني ومراد.

رنا وخالد.

منار وعمر.

أسماء ورائد.

البنات بيكونوا جاهزين وكلهم قمرات.

فهد بصفير.

فهد. مراتي هتتحسد ولا إيه؟

عشق بضحك.

عشق. بس يظريف.

مراد لحنين.

مراد. إيه الجمال ده؟

حنين. بس بقا.

مراد. هنكتب وهتجيبي بوسة؟

عشق. محترم نفسك يجدع إحنا واقفين.

مراد. هههههه. ما تشوفي جوزك انتي.

فهد. (من وراه) ماله جوزها يظريف؟

مراد. أحسن واحد.

عمر. اه يا منار واخيرا هتبقي مراتي.

منار. أيوه.

خالد. يلا امشوا عاوز أكتب بسرعة. بطلو جو الرومانسية ده.

فهد. متحمس ليه كده ياض؟ ده أنا أقدر أخليك متكتبش خالص.

خالد. خلاص يا فهد أنا بهزر. يلا بقا عاوز أكتب.

رائد. متصبر شوية ولا البت واكلة عقلك؟

خالد. أولاً مسميهاش البت اسمها مدام خالد.

فهد بضحك.

فهد. أختي على آخر الزمن اسمها مدام خالد. هههه.

بعد شوية.

البنات والشباب كانوا بيكتبوا الكتاب والزغاريط اشتغلت على الجملة الشهيرة «بارك الله لكما وبارك عليكما وجمع بينكما في خير وعلى خير».

مراد. يلا يا نونة هاتي بوسة.

فهد. حتى خدها في مكان تاني مش قدامنا.

حنين بتتكسف ومنزلة وشها الارض.

عشق. بس بقا خليتوا البت تتكسف.

رائد. أنا هاخد مراتي وأطير.

فهد. حتى انت يا حضرة الضابط. ههههه.

فهد. الجواز. مصيبة وبلاء.

عشق. الجواز إيه يا فهد؟

فهد. الجواز أحلى حاجة يا ناس. ده مفيش بعديه.

عشق. امممم.

بعد وقت.

الشباب كلهم أخدوا البنات وركبوا العربيات وراحوا يسهروا لوحدهم.

وفهد. بيجيله تليفون وبيمشي ومبيقولش لعشق.

عشق كانت بتدور على فهد ومش لاقياه.

فجأة بتجيلها رسالة مكتوب فيها.

"عاوزة تشوفي جوزك وهو في حضن واحدة. تعالي على العنوان ده".

عشق بصدمة.

عشق. إيه ده؟ فهد معقول؟ أكيد لا. بس لازم أتأكد.

وبترن عليه تليفونه مغلق.

عشق. أنا لازم أروح.

ـــــــــــــــــــــــــ

بعد وقت.

عشق بتدخل شارع مقطوع وكله ضلمة.

وبتركب عمارة باين عليها إنها قديمة جداً.

عشق. هو ده المكان. بس فهد إيه هيجيبوه والله هنا.

عشق بتخبط على شقة.

بيفتح لها شوية ملثمين.

عشق راحة تصرخ.

واحد منهم رش عليها مخدر وفقدت الوعي.

وووووو.

عشق بتفوق في مكان أول مرة تشوفه وبيكون متوسخ جداً.

عشق بصراخ: "أنا فين؟ فهد! يا فهد!"

أحد الملثمين: "البنت شكلها فاقت."

ملثم آخر: "هرن على الزعيم ونشوف."

الملثم: "الوو يازعيم."

فرانكو: "الوو!"

الملثم: "البنت فاقت وبتصرخ."

فرانكو: "حلو أوي، أنا مسافة السكة وهآجي."

جوه عند عشق، قاعدة بتبكي وبتصرخ: "أنا فين؟ فهد! فينك؟ أنا خايفة أوي. انت فين؟ إيه ده؟ إيه اللي حصل؟"

وبتفتكر إنها جات لها رسالة على الموبايل وجت على العنوان ده، وحد رش عليها مخدر وصحيت لقيت نفسها كده.

عند فهد، كان بيدور على عشق بره الحفلة: "فينك يا عشق؟ وبرن عليكي تليفونك مقفول."

في الوقت ده، فهد بيجيله تليفون وبيرد.

فرانكو: "عاش من شافك يا فهد."

فهد: "إيه؟ عايز إيه؟ اخلص."

فرانكو: "بالراحة شوية، أصل فيه حاجة تهمك أو تخصك معايا، ممكن أؤذيها في أي وقت."

فهد: "انت قصدك إيه؟"

فرانكو: "قصدي المدام بتاعتك."

فهد: "فرانكو! لو عشق حصل لها حاجة، مش هيكفيني دمك ودم عيلتك كلها."

فرانكو: "بالراحة شوية يا فهد، أنا مش هموتها، بس هخلي رجالتى يتسلوا بيها شوية."

فهد بغضب: "أقسم بالله لو حصل لها حاجة، ما هيكفيني موتك."

فرانكو: "طيب، خلينا متفقين، الصبح ميعاد تسليم الصفحة، صفقة، فانت مش هتروح وهتسيبها لي، وإلا انت عارف أنا ممكن أعمل إيه كويس."

فهد: "أقسم بالله يا فرانكو، ما أنا سايبك."

فرانكو: "لما نشوف، باي باي."

فهد بيقفل المكالمة: "قدرت تعملها يا فرانكو؟ وحياتك يا عشق، ما يحصل لك حاجة، أنا لازم أتصرف وأدور عليك بسرعة."

فهد: "هرن على مراد؟ لا، لا، النهاردة كتب كتابه، وخليه قاعد مع مراته، مش هشغله."

فهد بيفتكر إنه حاطط جهاز تتبع في العقد اللي لبسه لعشق.

فهد: "أنا عارف مكانك يا عشقة، جايالك يا حبيبتي، ما تخافيش."

عند عشق، بتكون قاعدة وبتـبكي، وفجأة بيدخل عليها ملثم.

عشق: "انت مين؟ وأنا فين؟ وليه خاطفني؟"

الملثم بيشيل القناع وبيظهر إنه فرانكو.

فرانكو: "أهلاً يا مرات الفهد، منورة."

عشق: "انت مالك ومال فهد؟"

فرانكو: "ببساطة، في صفقة لتسليم السلاح، وأنا مش هخلي الفهد يكسبها، فانتِ نقطة ضعفه، فأنا هستغلك."

عشق: "صفقة إيه وتسليم سلاح إيه؟ فهد مش بيشتغل في الحاجات دي، انت كده غلطان."

فرانكو: "آه، نسيت، ممكن ما يكونش قايل لك جوزك يا مدام، أكبر تاجر مخدرات في الشرق الأوسط."

عشق بصدمة: "انت بتقول إيه؟ انت أكيد كذاب، فهد مش كده؟"

فرانكو: "للأسف، هو كده."

وبيضحك وبيسيبها وبيخرج.

عشق قاعدة وبتـبكي بصمت: "معقول؟ معقول؟ فهد حبيبي بيشتغل في المخدرات؟ مش مصدقة، إزاي؟ إزاي هو يعمل كده؟"

في الصباح، فهد كان قرب يوصل لعشق. مراد بيجي عند فهد.

مراد: "مالك كده؟ هو يا فهد متضايق من بالليل؟ وفين عشق؟"

فهد: "اتخطفت يا مراد."

مراد بصدمة: "إيه؟ عشق اتخطفت؟ إزاي؟"

فهد: "أنا لازم ألاقيها بأي تمن يا مراد، أنا... أنا ملبسها عقد فيه جهاز تتبع، وقدرت أحدد مكانها، بس لازم دعم، هات الرجالة وتعالى ورايا."

عند فرانكو، في حد بيرن عليه.

الصوت: "الوو يازعيم."

الصوت: "الفهد كشف مكانكم، امشوا بسرعة."

فرانكو بصدمة: "طيب، اقفل انت."

فرانكو بصراخ: "هاتوها ورايا ع السفينة."

بعد شوية، فهد بيكون وصل مكان عشق، بس مش بيلاقي حد.

وبيدخل فهد: "عشق! عشق!"

ومفيش حد.

فهد بيلاقي عقد عشق مرمي ع الأرض وفيه رسالة جنبه.

فهد بيمسك الرسالة: "عرفت مكانا ي فهد، ههههه، بس لسه اللعبة مطولة، لو عايز مراتك بخير، تعالي ع البحر وتجيب معاك ورق الصفقة وتسلموا واستلمها."

فهد بيقطع الورقة: "آآآه يا عشقة."

عند عشق، بتكون واقفة على الشاطئ، وفي اتنين ملثمين ماسكينها وواقفين وراها.

في الوقت ده، بيوصل فهد هو ومراد ورائد وعمر.

فهد: "عشق!"

عشق بدموع: "فهد!"

فرانكو: "إحنا مش فاضيين للجو الرومانسي ده، سلم الورق وخدها."

فهد: "والله ما تقدر تاخد ولا ورقة."

فرانكو: "خلاص، الورق قصاد حياه مراتك."

عشق: "فهد، انت شغال في المخدرات؟ مش مصدقة، انت مستحيل تكون فهد حبيبي."

مراد: "مخدرات إيه يا عشق؟"

فرانكو: "اللي ما تعرفوش إنه صاحبكم يبقى أكبر تاجر مخدرات في الشرق الأوسط، وفاتح الشركة بتاعة الاقتصاد يداري على عمايله بيها."

عمر: "انت بتقول إيه؟ ابن عمي مش كده؟"

فهد: "أيوه، أنا الفهد، أكبر تاجر مخدرات في الشرق الأوسط."

رائد: "فهد، انت مش مطر خلاص، كشفناهم، ودلوقتي زمانهم مسجونين."

فهد: "لا يا رائد، خليني أكمل."

عشق: "سيبني أروح مع فرانكو، أنا مش عاوزاك."

مراد: "انت من النهارده لصاحبي ولا أعرفك، انت إزاي تاجر مخدرات وما قايلش؟"

رائد: "اهدوا يا جماعة، فهد مش كده."

عشق: "أنا مش عايزة أجي مع فهد، مش عايزة أرجع له."

فرانكو: "يلا، الورق ولا مراتك؟"

فهد: "الورق أهم منها، الورق فيه صفقات كتير وفلوس كتير أهم منها."

مراد: "انت بتقول إيه يا جدع انت؟"

عشق بدموع: "أنا مش عايزة أرجع لك يا فهد، أنا مستحيل أعيش معاك ولا لحظة، انت تاجر مخدرات وأنا مش هسامحك أبداً."

في الوقت ده، بيوصل الظباط، وفهد بيشاورلهم، وبيمسكوا رجال فرانكو.

فرانكو: "لا لا، مستحيل، مخططي كله! وأنا هكشف الفهد، اقبضوا على الفهد، هو أكبر تاجر مخدرات في الشرق الأوسط."

رائد: "لا، انت فاهم غلط يا فرانكو، ده الفهد رئيس المخابرات بتاعنا، انت اللي بتتكلم معاه ده يبقى رئيس المخابرات في الشرطة، وهو دخل معاكم العالم ده عشان يكشف مخططكم وصفقتكم، وهو دلوقتي ماسك رئيسكم كلكم وساجنينه، بس فاضل انت واللورد، وادينا مسكناكم."

الشرطة بتاخد فرانكو وكارم ورجالته.

عشق بتكون واقفة لوحدها عند البحر بتعيط: "أنا شكيت في فهد إزاي؟ ده واكيد مش هيسامحني."

مراد: "فهد، انت ما قلتليش ليه إن انت شغال في المخابرات؟"

فهد: "لا عادي يا مراد، شكراً يا صاحبي لثقتك فيا."

عشق بتتقدم على فهد.

عشق: "فهد!"

فهد بيسيبها ويمشي.

فهد: "عمر، هات عشق وتعالوا."

بعد وقت، في القصر، البنات كانوا واقفين مستنيين الشباب على نار، مستنيين عشق.

عشق بتدخل، والبنات بيجروا عليها يحضنوها.

فهد بيسيبهم ويطلع الجناح.

عشق للبنات: "دقيقة، أنا رايحة عند فهد."

فوق في الجناح، فهد واقف وزعلان جداً، حب حياته شكت فيه.

عشق بتدخل.

عشق: "فهد."

فهد: "اطلعي."

عشق: "فهد، أرجوك اسمعني."

فهد: "اسمعك إيه؟ انتي شكيتي فيا؟ ياعشق، للدرجة دي مفيش بينا ثقة؟"

عشق بدموع: "أنا... أنا..."

فهد: "اطلعي."

وبيبص لورا.

عشق بتجري على فهد تحضنه من ورا.

عشق: "أرجوك متسبنيش، مقدرش أعيش من غيرك."

فهد: "آه... آه... الحب بيعذب أوي."

عشق: "فهد."

فهد بيبص عليها.

في الوقت ده، ولاول مرة عشق بتتجرأ وتبوس فهد من شفايفه، وهو بيتعمق أوي.

وبيبعد عنها وبيسند جبينه على جبينها.

فهد: "عشق، عملولك حاجة؟"

عشق: "لا."

فهد: "طيب."

وبيحضنها.

بعد وقت، عشق وفهد بينزلوا.

مراد بيحضن فهد.

مراد: "آسف، آسف."

فهد: "ولا يهمك، وأنا غلطان إني مقولتلكمش."

مراد: "والباشا رائد مقلش حاجة؟"

رائد: "وأنا مالي يا لمبي."

مراد: "يعني ابن عمي رئيس المخابرات؟ يعني أسهر براحتي وأتخطف؟"

فهد: "واسجنك مؤبد يا روحي."

وبـيضحكوا.

خالد: "بصوا يا جماعة، عاوزين نحدد معاد الفرح."

فهد: "إيه رأيكم بعد شهر؟"

الكل: "موافقين."

بعد شهر ف القصر

ـــــــــــــــــــــــــ

في تجهيزات كتييره وناس راحه جايه

بنسَمع صوت نعمه وهي بتقول:

نعمه: حطو الورد ع اول باب القصر والجنينه حطو فيها الانوار

عامر: ايه ي ام فهد هدي هدي

نعمه: ياااه ي عامر واخيرا هشوف الاولاد بيتجوزوا

عامر: اه ونشوف اولادهم ونبقى جدو وتيتة

فهد من وراهم: هيبقي اول حفيد ليكم ابني

عامر بضحك: اديك متجوز ومعرفتش تعملها

فهد: ومين قال

نعمة: بس يحبيبي متسمعش كلام ابوك المهم روح شوف الشباب جهزوا ولا ل

فهد بيبوس ايد امه: حاضر يست الكل

وبيمشي

ـــــــــــــــــــــــــ

في جناح رنا كانوا البنات بيتجهزوا والكوافيرات شغالين

عشق واقفه من بعيد وتبص عليهم وبتدمع من الفرحه

حنين: مالك بتعيطي ليه

عشق: والله وكبرتو وهتتجوزو

منار: وحد قال لك ان احنا صغيرين

وبيضحكوا كلهم

عشق: طيب انا هروح جناحي علشان اتجهز عقبال ما تكونوا خلصتو

ـــــــــــــــــــــــــ

ف جناح عشق كانت قاعده ع السرير وبتبكي

عشق: انا اتحرمت من اكتر يوم البنت بتحلم بيه بس الحمدلله ربنا عوضني بتاج حياتي ونبضي الحمدلله

البنات من وراها: ومين قال انك اتحرمت

عشق بتبص عليهم وكان فهد معاهم

عشق: انتو ايه اللي جابكم روحوا كملوا تجهيز

حنين بتتقدم عليها وتحضنها

حنين: انا واختي هنبقي اجمل عرايس النهارده

عشق: قصدك ايه

فهد من وراها: قصدها. انو النهارده فرحك

منار: اه يعشق النهارة فرحنا كلنا

عشق: ازاي

فهد بيجيب صندوق وبيديه لعشق

فهد: افتحي الصندوق

عشق بتفتح الصندوق وبتلاقي فستان زفاف جميل جدا جدا وراقي

عشق بدموع: ده ليا

فهد: ايوه يروحي احنا اتجوزنا بسرعة وملحقناش نعمل فرح ف النهاردة هعوضك

فهد: ودلوقتي هيجيلك خبيرة تجميل وتجهزك

عشق بتحضن فهد: ربنا يخليكي ليا ي فهدي

فهد بيبوس جبينها: ويخليكي ليا ي نبض قلبي

البنات: تعالي يلا واتجهزي معانا

البنات بيروحوا يتجهزوا

وبعد وقت كانوا خلصوا وكانوا عن ملكات جماال

نعمة: الله الله ع الجمال الله اكبر لتتحسدوا

البنات بيروحوا وبيحضنوها

صابرة وام منار واسماء: مين دول دول مش بناتنا

عشق بضحك: لا احنا

وكل وحده بتروح عند امها وبتحضنها

ـــــــــــــــــــــــــ

تحت الشباب كانوا واقفين

عمر: انا حلو صح

فهد: لا انت بصل

خالد: اوووف يلا متنزلوا الوقت ده

البنات بينزلوا وبيخطفوا نظر الموجودين

كل واحد بيتقدم علي عروستو وبيمسكها وبيروحوا مكانهم

ـــــــــــــــــــــــــ

فهد: ايه الجمال ده يروح الفهد

عشق بخجل: ربنا يخليك ليا وميحرمنيش منك ابدا يحبيبي

فهد: لا انا مش هستحمل كده اه اخدك واطلع علي فوق علطول

عشق: خلاص اديني سكت

فهد: انتي كنتي متخيله اني هحرمك من اليوم ده

عشق: لا انا بس كان نفسي اعيشو واديني عشتو معاك يحبيبي

فهد بيبوسها من جبينها وبيبوسها من شفايفها

عشق: فهد الناس

فهد: ميهمنيش

ـــــــــــــــــــــــــ

عمر: مراتي سكر يجدعان

منار بتوتر وخجل: وانت كمان

عمر: لا انا مش عاوز خجل ها

منار: بس بقا

عمر بيمسك ايدها بيبوس: ربنا يخليكي ليا واقدر اسعدك

منار: ويخليك ليا يحبيبي

ـــــــــــــــــــــــــ

مراد: ايه الجمال ده

حنين: بجد انا جميل

مراد: واجمل من الجمال ذات نفسه

حنين: شكرا

مراد: اعملها ايه شكرا دي

حنين: اصرفها هههه

مراد: في حد يقول لعريسو كده يوم فرحوا

حنين: لـ

مراد: طيب هاتي بوسه

حنين: اتلم عيب كده

مراد: عيب ايه

وبيبوسها من خدها

حنين: سافل

مراد: دا انا هوريكي السفاله يقلب مراد

ـــــــــــــــــــــــــ

رائد: عسل ي سمسما

اسماء وانت كمان ي حضره الرائد

رائد بضحك: رائد ايه هو في عروسه بتقول كدها

اسماء بغيظ: انا نينينيني

رائد: بكاشه بس بحبها

اسماء: وانا بحبك

رائد بيحضنها

ـــــــــــــــــــــــــ

ف الوقت ده بتشتغل اغنية رومانسية

فهد بيمسك ايد عشق وبيقوم يرقص

والشباب والبنات كلهم بيرقصوا

فهد: مش متخيل انك بين ايديا يروح قلبي

عشق: ولا انا

فهد: يلا بقا عاوزين نجيب الحفيد لعامر بيه

عشق: سافل

فهد بيبوسها من شفايفها بوسه خفيفه

فهد: من بدري نفسي ادوق الكريزتين دول

ـــــــــــــــــــــــــ

بعد شهر

العيلة كانت متجمعة وفهد وعشق كانوا راجعين من مصر

فهد: باركولي يجماعه

عامر: يمسهل في ايه

فهد بيضم عشق

فهد: مدام فهد عامر الحديدي هتجيب وريث العيله

الكل بفرحه: الف مبروك

وكل العيلة بتبارك لهم

عدا شهور الحمل بسرعه وجه اليوم الموعود

عشق بتصحا من النوم وبتتألم

« بقلم حبيبة نادي»

عشق: فهد فهد

فهد بنوم: عاوزه ايه يعشق

عشق: قوم انا بوولد ااه

فهد بيقوم مفزوع: طيب اعمل ايه

عشق بصريخ: نادي ماما نعمه بسررعه

فهد بيقوم ويروح علي جناح ابوه وامه

فهد بيخبط

عامر: مين جاي ف الوقت ده

فهد: انا يبابا نادي ماما بسرعه عشق بتولد

نعمه بقلق: اديني جايه

نعمه بتروح لعشق وبتقول لفهد بسرعه ع المستشفى

بعد شوية بيوصلوا المستشفى

عشق بصرااخ: كلو منك يفهد الكل'ب كلو منك طلقني

فهد: وانا مالي يلمبي حاضر تقومي بالسلامه واطلقك

عشق: انت بتفكر كمان اههههح

حنين: هي بتصرخ كده ليه انا مش هولد يمراد

مراد بضحك وبيحط ايدو ع بطنها البارزه

مراد: طيب ومش عاوزه تخلفي ويكون عندنا اطفال

حنين: لا خلاص عاوزه

بعد وقت

عشق بتولد وبتجيب ولد زي القمري

فهد بيدخل عندها

عشق بتقوق

عشق: فين ابني

فهد: حمدالله على سلامتك ياقلبي اهو مع ماما

وبياخدو يديهولها

عشق بتعب: هتسميه ايه

فهد: مراد فهد عامر الحديدي

عشق: حلو مراد

مراد من وراهم: دا انا حجزتو لبنتي اللي جايه ف السكه هاااح

حنين: بس انا فيا ولد

مراد: ومالو

بعدها

فهد: شكلك هتجيب مزرعة

وبيضحكوا

ـــــــــــــــــــــــــ

الخاتمه

بعد سبع سنين

عشق كانت بتجري ورا بنتها

عشق الكبيره: عشق عشق استني

عشق الصغيره بتجري علي فهد

عشق: بابي بابي

فهد بيفتح حضنو لعشق الصغير

عشق: خبيني يبابي مامي عاوزه تضربني

فهد: عملتي ايه تاني

عشق: الهانم بنتك بتقول لفهد «ابن مراد وحنين» بتقوله هات بوسه

فهد: ومالو ههههه

عشق: طالعه لابوها

فهد: ومالو ابوها

عشق بغيظ: مالوش

ف الوقت ده بيجي مراد الصغير «ابن فهد»

مراد: بابا عمو مراد وخالتو والعيله كلهم وصلوا تحت

عشق وفهد والاولاد بينزلو

ملاحظه « فهد وعشق خلفوا مراد 7سنين وزين6 وعشق الصغيره 5سنين»

حنين ومراد خلفوا فهد 7سنين وقمر 5 سنين

واسماء ورائد خلفو تمارا 5سنين

ومنار وعمر.خلفوا روفان7سنين ومحمد4سنين

تحت عند العيله

فهد: اهلا اهلا

مراد الكبير: اهلا يخويا

فهد: فين فهد الصغير

فهد الصغير: اديني يفهد

حنين: فهد حاف يك"لب

مراد: ابني يعم ويقول اللي عاوزه

فهد: تعالي ي حبيبي

وبيحضنوا ومراد ابن فهد بيغير

مراد: بابا انت حاضنو ليه

عشق: هههه دا حبيب ابوك ي مراد سيبو

مراد: وانت يمراد الصغير حبيبي تعال يولا

اسماء: من يوم مولد فهد الصغير وهو حبيب فهد الكبير

وبيضحكوا

عشق الصغيره: حبيبي فهد

مراد ابن فهد: انتي يبت متقوليش لحد حبيبي فاهمه

فهد الصغير: انت مالك انا حبيبه

مراد: طيب خلاص انا هقول لقمر حبيبتي

والعيله بتضحك عليهم

عشق الكبيره: تعالوا يجماعه الاكل جاهز

كلهم بيروحوا ع اوضة السفره

واثناء مهما بياكلوا بيشوفوا مشهد يموت من الضحك

بتكون. عشق بنت فهد قاعده علي رجل فهد ابن مراد وبيأكله

مراد الصغير: عشق قومي كده عيب

عشق الصغيره: لا دا فهد حبيبي وانا هتجوزوا

العيله كلها بتضحك عليهم وعلي جنانهم

عشق: طالعه لابوها والله

فهد بغمزه: عجباكي ولا لا

عشق بغيظ: عجباني يخويا

منار: روفان فينك

روفان من تحت السفره: اديني يماما

الكل بيبص تحتيه بيكونوا روفان و زين قاعدين تحت السفره وبيلعبوا

عمر: انتو بتعملو ايه عندكم

روفان: بنلعب يبابا

عشق: طاب اطلعو من عندكم عشان تاكلوا

رائد: فين تمارا ي اسماء

اسماء: نايمه

ـــــــــــــــــــــــــ

بعد شويه الكل بيكونوا قاعدين ف الجنينهوالاطفال بيلعبواوالشباب بيكونوا حاضنين زوجاتهم

فهد بهمس لعشق: شوفي م احلا اللمه دي بس ناقصه اهالينا احنا

عشق: كلهم بيعملوا عمره

فهد: ان شاء الله هاخدك ونروح لما يجوا

عشق: بجد

فهد: بجد

عشق: طيب اقلك حاجه

فهد: قولي

عشق: انا حامل

فهد بفرحه: مبارك يقلبي لينا

عشق: حبيبي

فهد: مراتي حامل يجماعه

الكل بيباركوا لعشق وفهد

حنين: اه يجماعه والله احنا احلي عيله ربنا يحمينا

منار واسماء: امين يارب

مراد الكبير: فهد

فهد: ايه

مراد: بص كده

فهد بيبص. بيلاقي عشق الصغيره نايمه ف حضن فهد الصغير

فهد: بضحك دول بيحكوا قصتي انا وعشق

عشق: اه والله يفهد

فهد بيضمها لحضنوا وبيبوسها: ربنا يديمكم ليا ي قلب فهد