تحميل رواية «عندما نعشق» PDF

نزل ايديه من على شعرها حط راسه على قلبها بقلق:- الحمدلله كويسة اومال مصحيتش ليه لحد دلوقتي وشها هادي عن امبارح اومال مش بتتحرك ليه

بعدا عنها بقا بيمسح على شعرها بحنان :- فوقتي النهاردة بكرا ان شاء الله بعد سنة هفضل جانبك و مستنيكي يا اغلي حاجة في حياتي

قبل راسها و راح التواليت زينة فتحت عيونها بهدوء و توتر مش عارفة اي الى حصلها و جت هنا ازاي قامت ببطء و هى حاسه ببعض الدوران و التعب قامت لبست الروب مسكت فرشة الشعر و بقت بتسرح شعرها بهدوء و سرحان و يا تري ابوها عامل اي كويس ولا تعبان اي الى حصله :- ماشي يا حيوان اصبر عليا علشان تستغل تعبي ان هتشل من شوية انا مكملة معاه ليه بيعمل اي دا في حياتي بيعمل اي مخلش فيا عقل مغرور و مش متربي بس انا هربيك من تاني يا

زين خرج من التواليت:- اوعي تغلطي لزعلك على لسانك الى فرحانة بيه دا

مسك دراعها لفها له و قال بعصبية ممزوجة بقلق:- عايزة اي هاا عايزة اي عايزة تموتي نفسك ، انتي بتعقبيني بالطريقة دى ليه كل دا علشان غلطت طب مانا صلحت غلطي و بحاول ارضيكي باى شكل عايزة اي تاني وصلت بيكي الجنان و الأنانية انكي تموتي نفسك هانت عليكي نفسك ااانتي بتعملي كدا ليه انتي ازاى كدا انطقي

زينة بصتله بألم:- زين دراعي انت ازاى تتعامل معايا كدا هااا انت اخد عليا اوي انت فاكرك اني هخاف منك

زين ضغط عليها بغضب:- لم القيكي وصلتي لجنان يبقا افوقك عايزني اعمل اي لم القيكي بتموتي نفسك هااا

سابها و مسك ايديها المجروحه و رفعها في وشها:- عجبك كدا عجبك منظر ايدك كدا بتنتحري يا زينة فكرك انى هخاف لم القيكي كدا تمام برضو مش هطلاقك و الى عندك اعمليه أو اقولك على الاحلي اشتكيني في المحاكم

زينة بصتله بصدمة و عدم تصديق:- انا مش مصدقة نفسي انك نفس الشخص الى كان بيحاول يرضينا و يرجع حياتنا زى الاول انت مصدق انى اعمل كدا ااانت يا زين

زين نزل ايديها:- و مين الى غيرني مش انتي و جنانك بتكرهيني لدرجة تنتحري علشان تخلصي من وجودي

زينة بعدت عنه و قالت:- انت حيوان و غبي و عمرك ما هتنفع في حاجة بسبب غباك و طريقتك

سكتت شوية رجعت شعرها لوراء:- انا منتحرتش

زين بصلها بحادة و غضب من نفسه:- اومال اي

زينة بهدوء عكس الغضب الى جوها:- كنت بقطع السلطة و سرحت شوية أو دوخت محستش بنفسي غير لم السكينة وقعت مني و بعدين اغمو عليا محستش بحاجة تاني تقريبا لسه فايقة دلوقتي

ربعت ايديها و بصتله بسخرية:- و بالنسبة لي الى استغل تعبي و لقيته جانبي و تخطي الحدود دا يبقا اي انا الى المفروض اتجنن عليه

زين بصلها و جذبها له و حاوط خصرها بصلها بحب:- زينة انا معملتش اتفاق و مخدش بكلامك لانه نكد ستات و حفظو منك انا لم بعوز حاجة بخدها انا مش قذر علشان استغل تعبك لا عشت ولا كنت انتي مراتي يعني اغلي حاجة عندي

قال بهمس جانب ودنها:- انا مش بحبك انا بعشقك يا زينة حياتي

زينة زقيته رفعت ايديها علشان تضربه لكن رفعتها في الهوي غمضت عيونها:- اطلع برا

زين ببرود:- على فكرة دى اوضي مش اوضك لو نسيتي افكرك

زين بصلها و ابتسم لها ببرود :- هاا اي رايك انا بقول ننزل نفطر و بلاش خناقة على الاوضة الاوض كتير

زينة قعدت على السرير و سندت ايديها:- انزل شوف هتعمل اي و سبني في حالي لاني مش فايقة ليك ولا لبرودك

زين بصلها بهدوء اقترب منها و شالها :- مانا مش فاضي ولا وقتي يسمح انى كل شوية مستشفيات و وجع دماغ

زينة بعصبية:- يبقا سبني في حالي و خلصني

زين و هو نزل على السلم:- حاضر هفكر في الموضوع دا لم اموت باذن الله ممكن تفصلي شوية

زينة سندت راسها على كتفه بتعب و على اخرها بعد ساعة زين و زينة قعدين في الصالة زينة قامت بتعب زين مسك ايديها و جذبها لحضنه

زين بصلها بتامل و حب:- رايحة فين

زينة ببرود و غيظ:- رايحة انام لاني عندي صدع عندك مانع

زين سند جبينه على جبينها و قال بهمس:- سلامتك من الصدع يا روحي بس مينفعش تنامي دلوقتي ، وحشتيني

زينة بتحاول تقوم:- انت مستفز و انا مش فايقة ليك سبني اتخمد

زين :- اتخمدي في حضني اي العيب في كدا

زين مد ايده اخد كوبية اللبن من التربيزة:- الحلوين الى بيسموع الكلام فين يلا يا روحي افتحي بؤك و اشربي اللبن زى الشاطرين مين هيشربي دى مني

زينة بملل و عصبية:- حد قالك عليا انى مشلولة ولا انت عايز تشلني بجد روح شغلك و سبني في حالي انا هبقا كويسة لم تحل عني و خد الشئ دا من وشي

زين بصلها ببرود :- انا لو قعد مع بنت اختي مش هتمرمط اهلي بالشكل دا و دا مش شئ يا روحي دا لبن و هتشربي و رايح سادة ، كنتي هتموتي امبارح لو ناسية ما الهانم لو تهتم بالنفسها زي ما مهتمية بالشغل و غيرها مكنش وصلنا لهنا و بعدين انتي عايزني ابقا ارمل في السن دا انا لسه صغير

زينة بصتله بغيظ و غضب:- بتفول عليا يا زين قول بقا انك عايزني اموت علشان تتصرمح براحتك

زين لم شعرها و مسكه بخفة:- يا بنتي متخلنيش اتجنن عليكي انا لو عايز اتصرمح ولا تقدري تعملي حاجة و بعدين انتي بتموتي نفسك مش بتعملي دايت انتي بتنتقمي من مين معرفش حتي لم تبقي تيته مش هشوف غيرك اثقي فيا

زينة:- انا اثق في العصافير ولا اثق فيك فاكر ولا نسيت

زين بمزح:- احنا هنغني بقا

زين بص لكوبية بابتسامة مستفزة:- والله كبرت و كلامي بيمشي يا زيزي كدا اتعدلنا انتي بتخليني اغسل رجلي كل يوم معرفش ليه و انا شربتك اللبن غصب عنك اي رايك مش سهل انا برضو

زين قبلها زينة غمضت عيونها :- زين

زين بعد عنها:- قلبه

زينة فتحت عيونها :- انا عمري ما كرهتك ، بس انت مستفز و ابعد بقا عن وشي اي الارف دا فاكر نفسك بتثبتني بحركاتك دى اااي انت متربتش

زينة زقته و قامت طالعت على فوق و هى بتشتمه زين:- مفيش فايدة فيكي اعمل اي يارب اقتلها و يقولو الواد قتل مراته بحب مجنونة بس اعمل اي فيها مش عارف

بالليل في قصر المنشاوى في اوضة خديجة

خديجة واقفة قدام المرايا بتغني و تغزل نفسها :- والله قمر يا خديجة ولا فيه في جمالك اتنين بس الغبية بتحب قرد زوقك معفن

خديجة حست بصوت في البلكونة بس مدقكتش اتسعت عينيها لم شافت البلكونة بتفتح وووو

خديجة تعبيرات وشها اتغيرت من صدمة لغضب لفت وشها له و ضربته كف عز حط ايديه على وشه و بصلها بصدمة طال الصمت بينهم لدقيقة عز مسك دراعها و قال بعصبية:- اتجننتي هاا اتجننتي بتمدي ايدك عليا يا خديجة اي علشان بحبك تتمدي فيها فكرك انى هسيبك

خديجة بصت لعز و لايديه على على دراعها بألم:- هو انا مليش تمن يا عز لدرجة دى شايفني رخيصة انت مش طلاقتني جااي دلوقتي في نصاص الليل تعمل اي مع واحدة ملكش علاقة بيها عاايز تفضحني اكتر من كدا حرام عليك ارحمني بقا يا اخي

قالتها بصوت عالي و وجع دموعها على خدها عز بعد عنها بصدمة :- انتي بتقولي اي انا عمري ما شوفتك كدا انتي اغلي حاجة في حياتي بسببك كنت هروح في داهيه بسبب ابن عمك الى ثاومني عليكي ، قاسم لم عرف الى بينا مسكني من ايدي الى بتوجعني هه ايدي اي بقا مسكني من رقبتي

فلاش

خديجة كانت بتكدب على اهلها بحجة انها رايحة عند خالها في مصر لكن كانت بتقابل عز و بعدين بتروح عند خالها الى عايش في مصر طبعا عز كان صاحب قاسم

قاسم كان في الوقت دا في مصر و شاف عز و خديجة في العربية مع بعض كتير و اخر حاجة شافها طالعه معاه العمارة

في بيت خديجة و عز

عز فتح الباب و اتوتر:- قاسم انت جاي ليه دلوقتي على حاجة اقصد مش عادك انك تجي قبل ما تتصل خير

قاسم قفل الباب بهدوء دخل اكنه بيدور على شي دخل كل الاوض بتراقب و بيصفر و عز وراه بيحاول يمنعه

عز مسك ايديه بغضب:- انا بكلمك و دى قلت ادب لم تتهجم على بيتي في وقت زى دا

قاسم فتح باب التواليت بابتسامة:- طب مش كنت تقول انك عندك موعد مع بنت عمي حتي كنت ظبط ليك الجو اكتر

عز بغضب:- احترم نفسك و انت بتتكلم

خديجة كانت رجليها مش شايلها بتضرب وشها و بتصوت

عز:- اخرسي خالص لفتي طرحتك اطلعي برا دلوقتي

خديجة بدموع:- قاسم

قاسم بصلها بهدوء ممزوج بسخرية:- هو مينفعش قاسم هه بهزر يا بت عمي انتي زي اختي برضو و بعدين انا مستحمل واحدة بالعافية ، الى يخطب زينة اكنه خاطف عشرة يلا يا ديجة علشان الوقت اتاخر و زمان خالك قلقان عليكي يلا

خديجة جريت بسرعة و خوف

قاسم ببرود:- طب اتكسف على نفسك عايز تصيع قولي و انا اتصرف مش تبص لبت المنشاوي بس هى شبهك و شبهم متفرقش كتير

عز بغضب:- احترم نفسك و لم تتكلم عن مراتي تتكلم بادب خديجة انضف مني و منك

قاسم حط ايديه في جيبه:- و انا اعمل اي بجوازكم انتوا كسرتو العائلتين و الى كان كان المهم قولت اي في الصفقة الجديدة

عز:- كان فيه و خلص انسا انا مش هكمل في الارف دا تاني فاهم و الى عندك اعملو بس مش هبيع ضميري اكتر من كدا و كمان انا توبت سبني في حالي بقا

قاسم فتح الفون بتاعه:- ممم طب شوف كدا اي رايك لو وريت الفيديو دا لكل العيلة ولا احطه على مواقع السوشيال اهو يجيب إيرادات اكتر و احط التطش بتاعي

عز مسكه من هدومه:- دا انا اشرب من دمك يا حقير انت بتعمل اي عايز تفضح بنت عمك يا واطي

قاسم نزل ايديه و قال ببرود:- ابويا نفسه لو كان عايش و وقف في طريقه افضحه أو اقتله على حساب قدامك اسبوع لو الصفقة متمتش في معادها هنفذ وعدي سلام

قاسم مشي ببرود عز قعد يكسر في كل حاجة و هو بيحاول يفكر لان قاسم مش سهل و يعمل اي حاجة علشان مصلحته

مشهد تاني يوم الحادثة أو وقتها

قاسم ببرود:- يعني مشوفتش حاجة اتنفذت لا خد بالك كل فيديوهاتك انت و ديجة معايا

عز:- انت هتستفاد اي لم تعمل كدا حرام عليك

قاسم:- انتوا اخر اتنين تتكلمو عن الحرام

عز عيونه احمرت من الغضب و الخوف:- قولتلك مراتي والله العظيم مراتي عايز اي تاني

قاسم:- بفكر انشر الفيديو بعد ما اتجوز على طول اهو الكل يشهد

عز طالع المسدس:- اقسم بالله لقتلك و اريح الكون منك انت اااي شيطان براس بنادم

قاسم ببرود و ضحك:- انت اضعف من انك تقتل نملة مش بنادم مممم يمكن علشان زي النمل بينداس عليه

عز ضغط على الزناد

الرصاصة جت في قلب قاسم قاسم بص له بصدمة عز ضربه تاني قاسم وقع على الأرض و سايح في دمه عز قرب منه بتوتر بعد ما ساب المسدس اخد الفون من جيبه و فتحه و مسح كل حاجة أو بمعنى تاني كسر الفون مليون حتة و اخد الى في الفون الخط و الكارت و جري بخوف قبل ما حد من الحراس يشوفو الكلام دا كان بعيد عن القصر بى شوية جري و هو مش مصدق انه يعمل كدا بس هو يستاهل بصراحة

باك

خديجة بدموع:- انت هتذلني و بعدين انت كنت هتخسر كل حاجة مش لوحدي انت وجعتني و دا بسببي عارف ليه علشان حبيتك بس انت ولا مرة شوفتني أو حبيتني زى ما انا حبيتك

عز مسح دموعها حاوط وشها بايديه :- لو مكنتش بحبك مكنتش عملت كدا انا اموت ولا تتكسري يا ديجة ، كنت متلخبط و مش عارف اعمل اي بعد طلبك باعلان جوازنا عارف انكي استحملتي و جيتي على كرامتك كتير اوى و انا والله العظيم مقدر دا بس اعمل اي كلام قاسم مش مفارق خيالي دا شككني في نفسي و في اخويا

خديجة زقيته و قالت باستسلم و وجع :- و اهو اطلاقنا و بقينا اغراب عن بعض

عز قبل راسها:- محصلش ولا عمره هيحصل ، لاني رديتك ديجة رديتك امبارح ، ليه لاني مقدرش اعيش من غير ما اشوفك أو اسمع صوتك

قالها بهمس:- والله العظيم انا محبتش غيرك انا بحبك اوى اوى اوعدك اني هصلح كل العك دا بس بلاش تسبيني ارجوكي

بعدا عنها خديجة بصلته بدموع عز جذبها لحضنه و قبل راسها و خديجة بتبكي في صمت مش عارفه تفرح ولا تخاف من الى جاي

تاني يوم في اوضة زين و زينة

زينة:- مش معنى انى سامحتك انك تشوف نفسك عليا و بعدين اي البرود الى فيك دا ، زين هو انت اخر مرة كنت عصبي أو عيط كان امتي

زين بصلها بابتسامة مستفزة:- و انا لسه مولود

زينة بصتله بغيظ:- ما هو باين ولا ابعد عني و عن وشي لاني على اخري انا اصلا مش طيقك

زين حاوط خصرها قربها منه اكتر:- ما هو باين يا حبيبي انكي مش طيقني

زينة بغيظ:- فعلا قليل الرباية واضح عمي منعم نسي يربيك

زين حط ايديه على خدها:- زينة انتي مراتي على فكرة ، و بعدين كفاية اسود بقا لاني مش بحبو مش ليقك عليكي بحبك

زينة :- انت عارف الإجابة و بصراحة انا مليش في المرار الطافح دا ارجع زين المجنون احسن خليك على طبيعتك

زين سابها:- صح اصلى متجوز صاحبي حقك عليا يا هيما

زينة بصتله بغيظ و ضربته في كتفه:- هيما في عينيك يا بايخ و انا الى بحاول اكون عاقلة معاك انت مخلتش فيا عقل يا اخي انت بتبصلي كدا ليه

زين بصلها و قال يعشق:- تعرفي انكي زي القمر و خصوصا و انتي بتضحكي

زينة بابتسامة بصتله بحب:- قمر علشان انت معايا و جانبي صحيح بتعصبني و بتجبلي الضغط لكن وجودك ليا حياة ، انا اصلا انت مكنتش في دماغي مكنتش اتخيل انى اتجوزك اصلا أو احبك بس سرقت قلبي

زين قربها منه اكتر:- قصدك انى حرامي

زينة حاوط وشه بحب:- تو لا عشت ولا كنت ، انت غيرت نظرتي في كل حاجة حببتني في الحياة و نفسي اخدني من نفسي من غير ما احس انا كمان بحبك يا زين و مش ندمانه على دا

زين حضنها و قبل راسها بفرح و هو مش مصدق انه قدر يرجع زينة ليه شالها و قعد يدوخ بيها بفرح :- بحبك

عد شهرين من غير احداث غير ان زين و زينة رجعو البلد و رجعت قصر بدران و بقيت حياتها مستقرة مع زين منعم بقا على اد ما هو فرحان ان ابنه رجعله على اد ما حزين و خايف على عز جليلة بقا منعم طبعا مش طيقها بس مستحملها علشان بت عمه اما رحمة في قررت ان تفكر في دراستها و بسس اما جابر في بيحاول يصفو لزين بعد الى حصل و خطف بنته قدام عينيه و بالنسبة لمروة ف قررت تبعد عن كل دا و تربي ابنها في سلام بعيد عن عايدة و تحكماتها

في العيادة

زينة بتوتر و قلق:- هو التحايل فيها حاجة يا دكتورة

الدكتورة بتقرا التحليل بتركيز:- هقولك بس روقي

زينة بهدوء:- دكتورة انا بقولك انى مش طبيعي و بتعب كتير و تقوليلي روقي

الدكتورة حطت التحليل على المكتب و سندت ايديها عليه:- انا اول مرة اشوف حد متسرع زيك كدا العصبية حاليا غلط عليكي

زينة بهدوء:- دكتورة هو التحايل مالها

الدكتورة:- انتي

الدكتورة بهدوء و ابتسامة:- روقي يا مدام زينة الحكاية مش محتاجة كل التوتر دا ، شوفي هو طبيعي في اول الحمل مبروك يا مدام زينة انتي حامل

زينة اتسعت عينيها بدهشة قلبها بيدق بفرح :- انتي متاكدة يا دكتورة

الدكتورة بهدوء و تاكيد:- طبعا متأكدة مبروك يا زينة انتي حامل بس انصحك ابعدي عن العصبية و التوتر و اى حاجة تزعلك لان دا حاليا خطر على البيبي الأدوية دى تمشي عليها لحد ما تجيلي تاني

زينة قامت بفرح و ابتسامة:- شكرا اوى يا دكتورة

الدكتورة قامت بابتسامة و هدوء:- العفو دا وجبي يا زينة متشكرنيش

زينة سلمت على الدكتورة و خرجت من العيادة و قلبها هيطير من الفرحة حاولت تتصل بزين بس مكنش بيرد و دا لانه في اجتماع ركبت العربية و السوق اتحرك بعد وقت وصلت الشركة و دخلت كان زين و عز و طارق خارجين من الاجتماع لانه خلص

اتجه ليها بلهفة و قلق:- زينة اي الى جابك انتي

كويسة فيكي مش عادك انكي تطبي عليا و

زينة بصتله بغيظ و ممزوج بغضب:- قصدك انى برقبك مش واثقة فيكي ولا بتكك لخناق معاك مين معاك عايز تقول اني نكدية طالما مش طيقني كدا طلاقني احسن

عز:- طيب يا اخي العزيز نرحل احنا على مكاتبنا بدل نترفد صباح الخير يا ابلة زينة

زينة اتسعت عينيها بخضة عز راح على مكتبه و طارق كمان زين راح مكتبه و هو مسك ايديها و قفل الباب

زينة حررت ايديها منه:- اانت متفق مع اخوك يفرسني اكتر ما انت فرسني دا بيقولوا ابلة

زين حط ايديه على الباب و بصلها بهدوء زينة ارتبكت و اتوتر:- خير يا زيزي بتتخنقي مع نفسك ليه على الصبح يعني كنتي بتضحكي مرة واحدة و طيرة من الفرح فجأة الحالة اشتغلت معقول بنتي العزيزة لحقت تقلبك

عليا بسرعة دى

زينة بصتله بدهشة بتبصله و ساكته لفترة لكن قالت بهمس و توتر:- انت

زين هز راسه بهدوء:- انا عارف من الصبح بس حبيت اشوف رد فعلك بس ابهرتيني بتقلبتك المزاجية بس انا بحبك و راضي في كل حالاتك انا بعتذر انى مكنتش برد عليكي بس كنت في الاجتماع و معرفتش اقولك بسببه

زين قبل ايديها بفرح و حب:- انا مش عارف اوصف فرحتي و ان حلمنا اتحقق

زينة بصتله بغموض:- يعني مش زعلان

زين شالها و قعد يدوخ بيها بفرح و هما مش مصدقين زينة مسكت فيه بقوة و الدموع اتجمعت في عينيها نزلها سندت راسها على كتفه و هو محاوطها بايديه بعدت عنه قبل جبينها:- مبروك يا احلي ام في الدنيا

زينة بصتله بابتسامة و خوف قالت بصوت متوتر و مرتعش:- فكرك هيكمل يا زين يعني هيعيش اصلا ولا

زين قبلها بعدا عنها و قال بهمس و هدوء و هو بيضمها له:- هيعيش يا روحي هيعيش و هيكبر و هيجنن معاه بلاش نتوقع الوحش و بعدين الى بينا مش طفل الى يربطنا ببعض الى بينا اكبر من كدا بكتير انتي حبيبتي و مراتي و امي و عيلتي كلها انا مش عايز اشوف وشك و الدموع دى تانى كفاية كدا انا عايزك فرحانة و بس

قالها و هو بيمس دموعها غمضت عيونها و سندت راسها على كتفه تاني و هى مطمنة و حاسه بامانة هدوء :- بس انا بتحاول بسرعة يا زين اكني مجنونة

زين بابتسامة :- انتي طول عمرك اي الجديد الجرعة هتزيد شوية مش اكتر

زينة بعدت و ضربته في كتفه بغيظ:- انت مش متربي و هتمشي ولا مش هتمشي في يومك دا

زين نمشي اهو بطلي عصبية بقا

زين مسك ايديها و خرجوا و هما بيتكلمو و بالصدفة شافوا جابر الى مش طيق زين قال بسخرية:- اهلا اهلا بى بنتي العزيزة بنتي الى نسيت ان ليها اب بتبعيني علشان حيوان زى دا منعم ينس يربي ولاده و احنا الى نلبس

زينة بتسمع الكلام بهدوء و صمت و ضحكة مكتومة :- و انا اقدر انساك يا بابا

زينة سابت ايد زين و حاوطت ايد جابر :- انت كل الى ليا في الدنيا يبقا انساك ازاى هو انا ليا غيرك ، بابا

جابر رفع عينيه و قال بسخرية:- عايزة تخدي اجازة ليه زين مات و انا معرفش

زين بصلها بغيظ و غضب مزيف:- و انا جيت جانبك يا حماي العزيز انا جوز بنتك مش ضرتك اقصد مش عدوك

جابر بحادة:- و انت تقدر يا روح ابوك انت هتشغل دماغك عليا يا ابن منعم والله ما عارف انت وقعت علينا من انهي مصيبة مستحمله ازاى دا بسخفت اهلو

زين بابتسامة:- مانتوا اهلي يا عمي ولا نسيت

جابر بص له بغيظ:- اه يا ابن منعم انت هتجيبه من برا

زين:- تربيتك يا حاج

جابر:- تربية عايزة الحرق و انتي بتضحكي ليه يا مرت الاهبل صحيح اتلم القرد على النسناس

زينة:- قصدك انى قردة

جابر:- خير اي الحنية الى جاتلك فجأة دى

زينة :- مش انا بنتك حبيبتك و الوحيدة

جابر بعد ايديها عنه:- من غير تلزيق بس لانى على اخري عايزة اي و من غير لف و دوران

زينة:- لحقت تقلب

زينة وقفت بهدوء و مسكت ايد زين و بعدين بقت وراه:- عايزة اجازة لاني واجب انا أفصل شوية من العيال و الدوشة و بعدين بكرا عيد الشرطة كل سنة و حضرتك طيب

جابر بيبص حواليه:- هو احنا حد فينا ظابط بتشتغليني يا بت جابر طب عندا فيك و فيها ل تخدى خصم السنة كلها خلي بقا البيه ينفعك و الاموات الى بتموتي فيها و من الساعة خمسة و نص تبقى في المدرسة مفهوم عيال تتجنن بلاد و انت خف سفر شوية يا خويا مش كدا خلص شغلك الاول و سافر مخصوم ليكم امشوا من وشي

زينة:- طب و الإجازة اصلا زين عنده كورونا و لازم ينعزل عن العالم و انا لانى معاه ف اكيد اتعديت منه هو عطس ذنوبكم اي تخدو العدوة مننا دا جزاتي

زين بصلها بدهشة و فتح بؤه

جابر:- ابقا البس كمام و انت دخل الشركة و مكتبك موجود و محدش هيدخلك و انتي نفس الكلام ابقي حطي معقم في ايدك و برضو مفيش اجازة

زينة :- انت مش ابويا انت جوز امي

جابر :- تصدق اه معلش بقا حظك مهبب

زينة :- يعني مفيش امل

جابر:- ولا وفاء ويلا بقا لانكم خنقتوني

زين مسك ايديها و مشيو و هما بيضحكو

جابر بص لطيفهم بابتسامة:- ربنا يسعدكم و يهديكم يارب

جابر لف وشه لق عز واقف وراه بتوتر و ارتباك:- عمي ممكن تتكلم مع حضرتك شوية انا والله العظيم عارف انى غلطان و ان الغلط ركبني بس والله العظيم من خوفي لتكون لحد غيري و لم طلقتها لان خوفت اخسرها و لم ردتها في لاني بحبها هو انا مش ابنك

جابر بحادة و حزم:- مانت لو كنت ابني كنت دفنتك ااي تتجوزها في السر لا ملهاش اهل ولا مقطوعة تبيع و تشتري فيها و جاي دلوقتي فرحان و تقول بكل فخر انك ردتها يا بجاحتك يا اخي انا اتكسفتلك انت بتكلمني انا ليه ليها اب تكلمه

عز اتنهد:- لانك كبير العيلة و هى بتعتبرك ابوها احنا تربيتك يا عمي بلاش تقسي علينا علشان خاطر خالتي زينة الله يرحمها حاول تقنع عمي حسني ان يوقف على رجع خديجة ليا ابوس ايدك و ابقا زي الجزمة في رجلك بس هو بيحبك و بيسمع كلامك

جابر:- يبقا تلم نفسك و تمشي عدل و تتقي ربنا فيها و في اهلك و شغلك و توب على الهبب الى بتهببو

عز بسرعة:- توبت والله العظيم توبت شكرا اوى يا عمي ربنا ما يحرمني منك و يخليلك الابلة زينة و تفرح بيها

عز حضنه بسرعة و جري على قصر المنشاوى زي الطفل كان فرحان جدا و بيغني

طارق من وراء جابر:- عمي

جابر بص له:- الله يخرب بيت عمك على الصبح عايز اي انت كمان طلقت و عايز ترجع مراتك

طارق:- انا متجوزتش بس ناوي

جابر بهدوء و فرح:- عين العقل يا ابني مين بقا سعيدة الحظ

طارق بهدوء:- الانسة رحمة بنت عمي منعم

جابر بص له بهدوء :- هى كويسة الوحيدة الى مقبولة في اخواتها بس ملقتش غير اخت المجانين دول دى عيلة ناقصة عقل و رباية

طارق بمزح:- ما تفك بقا يا عمي و بعدين انا هعمل اي باخواتها انا عايز البت و يولعو اخواتها عموما هقف معاك في الجوازة دى لانك عاقل و راسي و محترم غير ولاد الكلب الى كانوا هنا من شوية

طارق حضن عمه بفرح و خرج من الشركة بالليل كان العائلتين عارفو ان زينة حامل و باركو ليها و صح خديجة رجعت لعز

في مكتب منعم

رحمة بهدوء و احترام:- حضرتك عايزني

منعم بهدوء:- تعالي يا حبيبتي

عز:- كبرتي و عايزني نقولك الحقيقة اه احنا مش اهلك لقينكي على باب جامع

رحمة اتجمعت الدموع في عينيها

زين بصلها:- انتي صدقتي يا هبلة دا بيضحك عليكي بيهزر معاكي صح يا حاج

منعم:- ادعي عليكم باي يا بعيد منك ليه بص يا رحمة يا حبيبتي في عريس متقدملك

رحمة:- مش موافقة مش عايزة اتجوز مجنونة بقا و بعدين اتجوز واحد معرفوش علشان ينكد عليا زي ما بتعملوا مع مرتاتكم ولا علشان يتجوز عليا

زين:- مش تعرفي العريس مين الاول

رحمة بعصبية و توتر:- مش عايزة اعرف يا جماعه انا مش عايزة اتجوز اي الصعب في كلامي

عز:ـ حتي لو العريس دا مستر طارق

رحمة بعدم فهم:- طارق مين

زين:- طارق ابن عمي حسني اخو خديجة يعني هو احنا نعرف كام طارق بذكاء اهلك

رحمة حست ان قلبها هيقف من الفرحة ملامحها اتغيرت نزلت وشها تحت بخجل و هدوء زايف:- الى حضراتكم تشوفوا

عز:- يبقا ارفض يا حاج

رحمة رفعت عينيها:- بس انا مش قصدي كدا و بعدين انت مالك اصلا الراي لبابا هو صاحب القرار عطسي الى حضرتك شايفو

منعم بابتسامة:- روحي على اوضك دلوقتي

رحمة:- تصبحوا على خير

منعم:- و انتي من اهل الخير يا رورو

رحمة طالعت جري على اوضة زين بفرح و حضنت زينة :- انا مبسوطة اوى لا انا هيغمو عليا من الفرح لا قلبي هيقف اخيرا يا زينة اخيرا حملي اتحقق الحمدلله يا رب انا مش مصدقة انتي احسن واحدة في الدنيا انتي و ابنك وشكم حلو اوي عليا شكرا اوى

زينة بهدوء و فرح :- انا مقدرة فرحتك بس روقي لانى دوخت روقي و قوليلي سبب فرحتك

رحمة قعدت على السرير و زينة جانبها:- دكتور طارق عايز يتجوزني تحت بابا كان بياخد رايى انا مش مصدقة

زينة حطت ايديها على خدها بفرح و ابتسامة:- مش قولتلك اتقلي و هيجيلك لحد عندك بس اوعي تحسسيه انكي فرحانة اوعى تبقي مدلوقة علشان ميسوقش فيها الف مبروك يا روحي

رحمة بتفكير:- مش يمكن عايز يتجوزني عندا في دكتورة ريماس بديل أو كوبري يعني هو لحق يحبني مش مقتنعة

زينة حضنتها:- يبقا اقعدي فكري مع نفسك بهدوء و شوفي يا حبيبتي عايزة اي قومي صلي استخارة و لو ارتاحتي تمام و بعدين لسه في خطوبة

رحمة:- طب انتي لم عرفتي انكي هتتجوزي زين حسيت باي عارفه ان الوضع غير بس قوليلي

زينة بابتسامة:- كنت بدعي ربنا ان الجوازة تبوظ أو يحصل اى حاجة تبوظ الموضوع بس الغريبة انى كنت مرتاحة عكس لم كنت مخطوبة لقاسم

رحمة بعدت عنها و بصتلها:- ازاى

زينة:- يعني كنت مع قاسم مش مطمنة قلقانة على طول كنت بصبر نفسي انى بحبه صليت استخارة اكتر من مرة مكنتش مرتاحة كنت بحاول على اد ما اقدر أبعده عني و اقلل الكلام معاه مش عارفه كنت صح ولا لا بس على اد ما كنت بحبه على اد ما كنت بخاف منه

رحمة حطت ايديها على خدها:- طب و زين اي النظام

زينة ربعت رجليها:- زين دا يا ستي ف هو حاله خاصة انام و اصح القي نفسي حبيته و شيلي ابنه جويا شوفت كتير بس ولا مرة لفت نظري بس على اد جنانه كنت مرتاحة له ولا مرة شوفته عدوي أو سبب مخاوفي زين كل حياتي بحبه اوي و مش ندمانه على حبي ليه

رحمة بابتسامة و هدوء قامت:- فهمت قصدك انا كدا عرفت هعمل اي متشكرة اوى يا زينة

رحمة خرجت بفرح و دخل زين و اتجه ليها بابتسامة:- حبيبي بيعمل اي

زينة بابتسامة :- حبيبك مين فينا انا ولا البيبي

زين نام و حط راسه على قدميها :- البيبي لسه مشوفتو علشان احبه صحيح ابني أو بنتي و بحبها بس اكيد مش اكتر من شريكة حياتي و دنيتي بس طالما منك في لازم احبه

زينة بابتسامة:- مممم طب و البيبي دا بنت مش ولد هتزعل ولا اي النظام

زين بحب:- ياريت تكون بنت علشان تبقا بنت ابوها زيك كدا و نبقا نقر و نقير زيك انتي و ابوكي بس مش هتتجوز و لو اتجوزت هتعيش معانا انا معنديش بنات تطلع برا

زينة بضحك :- طب و لو هى حب تبعد عننا هنعمل اي انت هتبقا صعب جدا خصوصا انك هتحبها اكتر مني كلامك عنها دلوقتي بيقول كدا انا ممكن اغير منها على فكرة بس تعرف انا هبقا مبسوطة لو حبتها بجد علشان لم اموت أو ملحقتش اشوفها انت تبقا معاها تربيها و تكبرها و تجوزها كمان عارف انا مشوفتش امي غير في ألبواما الصور بتاعها على اد ما بابا عصبي بس كل حياتي ولا مرة حسسني انى لوحدي مش قادرة انسا وقت لم وفقت على قاسم اتبر مني شهر

زين اتسعت عينيه بذهول و غيرة بمجرد ما جابت اسم قاسم :- انتي قولتي اي

زينة كملت:- احنا كبار عاقلين محترمين كام شهر هيبق عندنا اولاد نلم نفسنا و نبطل الحركات دى

زين:- اتبر منك ازاى

زينة بهدوء و حزن :- مكنش بيخليني اشوفو و لو حصل مش بنتكلم كتير او يهزر معايا مش بيخد رايى ف حاجة زى الاول ولا بيحكيلي ممم قالي انا هبقا وكيلك بس لو حصل خناق بعد ما تتجوزو متطلبيش مني ادخل انتي الى اختارتي و انتي الى تتحملي النتيجة مكنتش اعرف قصده اي بس كان دائما بياخر في الجوازة و الفرح كل يوم يطلع بحاجة جديدة بس بيني وبينك كنت بحس انه معاه حق مش علشان صح لكن لان بابا الوحيد الى بيفهم الى في دماغي اكتر مني فهمني اكتر ما انا فاهمة نفسي قالي قاسم لا معرفش ليه بس دلوقتي و تاكد انه معاه حق في حاجات كتير بابا مش من النوع المتحكم في حياتي أو فيا بس لو لقني بعك بيدخل بسرعة البرق انا عايزك تكون زي بابا يا زين مش مقارنة أو بنسخ بس عايزة لم اسيب ابني أو بنتي اسبهم و انا مطمنة انا عندهم اب يخاف عليهم يفهمهم يحبهم حتي لو اتجوزت لان دا سنة الحياة بلاش تنشغل عنهم أو الدنيا تخدك منهم مش عايزة بنتي تحس بغيابي ارجوك لو موت و انا

قبل ما تكمل كلامها كان زين حطت ايديه على بؤها بقلق و عتاب و خوف بمجرد ما قالت كدا هو خسر اهلو و مشفهومش يخسر مراته و حب عمره كمان:- هشششش بس انا مش هربي عيالنا لوحدي يا زيزي عيالنا هيتربو بين ابوهم و امهم هنربيهم مع بعض و نكبرهم و نفرح بيهم مع بعض و هنطلع عين عرسانهم مع بعض

زينة الدموع اتجمعت في عينيها:- بس انا مش مطمنة يا زين انا مش خايفه من الموت انا خايفه على الى جاي خايفة ل يجي الدنيا و يبقا لوحده خايفة عليه اوى

زين جذبها لحضنه و بقا يمسح على شعرها بحنان و حب خوف مشاعر كتير متلخبطة فضل كدا لحد ما هديت و نامت في حضنه عد اسبوع يوم في قصر المنشاوى اخيراا خطوبة طارق و رحمة الكل كان فرحان و مبسوط معادة عايدة

منعم بفرح :- حبيب ابوه الى مكبرني

زين:- حاج دخلتك دى مش مريحاني ادخل في الموضوع على طول

منعم بهدوء:- طول عمرك بتفهمها و هى طيرة

زين:- حاليا انا الى هطير من الخبر الى هتقولو يابا

منعم:- احم بص يا ابني انت الكبير و الكبير

زين:- يشيل مع ابوه

منعم:- تعجبني

منعم:- اصل في مشكله الواد ابراهيم عور صاحبه و صاحب بين الحياة و الموت و ملوش غير اخت وحيدة غلبانة و تمشيها بالجزمة لو حبيت اتجوزها و خد فيها ثواب و اهو تطبق شرع الله يا ولدي

زين اتسعت عينيه:- ابراهيم الى صاحبه عنده عيلة استغفر الله العظيم

منعم:- اوقف جانب ابوك يا ولدي و وقف الدم* و التار الى هيبقا على اخوك

زين كان هيتكلم لكن جريو جو لم سمعو صوت صويت

عايدة معاها مسدس و موجهه ناحية عز و زين

جابر:- بتعملي اي يا مجنونه انتي سيبي الى في ايدك

عايدة بغل:- الى هيقرب هضربه بالنار اااي جوزي زمان و ابني دلوقتي قتلتو ابني و فرحانين و انتي يا مصونة يا الى كنتي هتموتي على ولدي جلك قلب تحبيه و تتجوزي و تخلفي من غيره جالك قلب تنسييي قااسم انتي ازاى كدا

فوزية:- عايدة اهدي احب على يدك

عايدة بصرخ:- ررردي عليا يا زينة تعرفي لم قال انه عايزك حاولت اخليه يغير رأيه بس قالي بحبها يا امي بنت عمي و من دمى لحقتي تنسيه يا ناقصة بس

بصت لزين :- هاا يا ابني تحب مين الى يموت الأول انت ولا اخوك مانا هخد تار ولدي يعني هخده احنا مش اغراب برضو

الكل كان مصدوم منها و من طريقتها لكن فاقو على صوت الرصاص وووو

اتقدمو منها عايدة بترجع لوراء:- سبوني سبوني الى هيقرب مني هقتله هقتلك يا زينة هموتك بحسرتك على عيالك يا منعم زي ما حسرتوني على ضنايا اابعدو عني والله ما هخليكي تشوفي فرح

العساكر اخدو السلاح منها بصعوبة و حطو الاساور في ايديها خرجوا من القصر و حطوها في البوكس مشيو

حسني:- انتوا كويسين حد حصلوا حاجة

قسمت:- منورة يا رحمة وشك حلو

رحمة حست بتوتر و خجل من تريقه قسمت:- صدفة صدفة ان دا يحصل في خطوبتي مش انتي لوحدك يا زوجة اخي الى المصايب بتجي على سيرتها

منعم بهدوء و توتر:- خلاص بقا حصل خير كلنا بخير و محدش حصلوا حاجة احم ،اي رايك يا زين

زين حط ايديه على وشه:- يعني انتحر و اريحك مني يابا هى واحدة و مجننة اهلي معاها اقوم اعملها تاني و بعدين يا جماعة كل واحد يشل التار بتاعو كفاية عليا لحد كدا

زينة وقفت جانبه بعدم فهم:- تار اي يا حبيبي مالك

عز بضحك:- بيقول زار زار يا زينة انتي سمعتي غلط طب ما احلي انا الموضوع دا

خديجة بصتله بصة اخرسته:- و مالوا يا باشا

عز بتوتر:- انا بقول الواحد ملوش غير زوجته الاولي و كفاية لحد كدا طب ما تتجوزها انت يا حاج

منعم:- انا متجوز اربعة يا اهبل متتجوزها انت يا

جابر بص له بحادة بمعنى ابعد عني انت و مشاكلك و مشاكل عيالك

زين مسك ايد زينة و جريو برا القصر ركبوا العربية و اتحرك

زينة سندت راسها عليه و غمضت عيونها:- انت بجد كنت هتتجوز عليا يا زين

زين حاوط خصرها و بيسوق بايديه التانية:- يعني معملتهش و انا بكرهك اعملها و انا بموت فيكي انا مش بس بحبك حبي ليكي صعب اوصفه انا بحبك اوى و اكتر من اى حاجة يا قلب زين بحبك

زينة بحب دفنت نفسها فيه اكتر:- و انا كمان بحبك و بموت فيك

زين :- طب ما تفتحي عينيكي و قوليها زي الناس

زينة بحادة مزيفة و خجل:- بطل جنانك و ركز لنعمل حادثة

زين:- طب

زينة:- زززييين

زين:- امري لله سكت اهو

زينة شالت الطرحة حطتها على رقبتها زين قبل ايديها و راسها بحب مسك الفون بتاعه و قفلو و هى نفس الكلام سندت راسها على كتفه و غمضت عيونها تاني

زين:بحب- جاهزة نبدا حياتنا من جديد

زينة بحب:- جاهزة نبدا حياتنا من تاني

عد ست سنين عايدة ماتت بعد ما عرفت حقيقة ابنها جابر كمان مات طارق و رحمة اتجوزو و متفاهمين جدا و الاتنين بيحبو بعض جدا عز و خديجة حياتهم اتحسنت و عز تاب و بقا محترم و ملتزم و منعم على نفس الوضع يخلص من عيل يتجنن من التاني بس موت جابر مقصر عليه لانه صاحب عمروا

في الفيلا في فيلا زين

زينة الصغيرة دخل المكتب كان زين بيشتغل بصتله بهدوء مزيف و اخدت الورق من على المكتب و جريت

زين قام جري وراها:- اه يا بت المجنونة انا هوريكي يا زينة

زينة جريت على برا :- مامي الحقيني مامااا

زينة خرجت من المطبخ و هى شايلة ابنها الى عنده سنتين:- يا ابني اسكوت بقا مالك يا حبيبي متعصب ليه كدا انت كويس

زين بابتسامة و عصبية:- كويس ازاى و الهانم بتعلب باوراق شغلي و انتي بكل بساطة معلش يا حبيبي عيلة صغيرة

زينة:- متتعصبش عليا مش انت الى دلعتها اشرب و بعدين انا هلقيها منين ولا منين

زينة استخبت وراء امها:- انا معملتش حاجة لكل دا و بعدين انت مش عايز الورق دا متعصب ليه

زين بصلها بغيظ:- زينة اطلعي من وراء امك يعني انا هخاف مثلا

زينة بهدوء:- يا حبيبي دى عيلة صغيرة متعملش عقلك بعقلها خلينا محاضرين شوية

زين بصلها:- لو هى عيلة انا اعيل منها هااا

زين مسك زينة من وراء امها:- انا هوريكي

زينة بتبص لامها بتستنجد بيها:- مامي

زين:- عليك و على امك

زين راح الجنينة و زينة وراه و علق بنته في الشجرة

زين:- اي رايك في الجو دايا روح بابي حلو مش كدا

زينة :- يا روحي مش كدا طب علشان خاطري

زين ؛- ولا كلمة دا مش عايز ينام ليه

زين راح مكتبه و زينة وراه و بنتهم بتغني

بالليل في اوضتهم

زين كان شايل ابنهم بيحاول يساكته و زينة نايمة على قداميه مغمضة عينيها لكن بتضحك عليه و على ابنهم و مشاكسة زين و زينة بنتهم ادم نام زينة فتحت عيونها و قامت :- الحمدلله نام

زين حطه على السرير :- الحمدلله نام دا عيل صغير هتعملي عقلك بعقل طفل عنده شهور يا زيزي

زينة بابتسامة:- وحشتيني اوي طنط زيزي منك بقلك كتير مقولتهاش من ساعة ما زينة اتولدت

زين بصلها :- طنط زيزي مبقتش ليقة

عليكي هقولك تيته زيزي

زينة ضربته في كتفه بغيظ:- تيته في عينيك يا بعيد

زين مسك ايديها و قبلها:- احلي زيزي في الدنيا ربنا يخليكي ليا يا حبيبتي

زينة بحب:- و يخليك ليا يا حبيبي

زين بصلها بحب حاوط خصرها

زينة الصغيرة فتحت الباب زين بعدا عنها

زينة نامت على السرير جانب اخوها:- انا هنام معاكم النهاردة يا مامي ممكن

زين:- الله على الادب شوفتي الرقة بتستاذن بعد ما نامت نامي يا حبيبتي تصبحوا على خير

زينة حضنت زينة الصغيرة و غمضت عيونها زين نام جانبهم و حط ايديه على ايد زينة

زينة بضحك:- تيته زيزي هاا

زين:- عندي شغل بدري نامي الله يهديك انتي و عيالك يا بحبك يا طنط زيزي

زينة:- و انا بعشقك يا روح طنط زيزي