تحميل رواية «وتين قلبي» PDF

البارت الحادي عشر

(للكاتبة طيبة الربيعي)

رائد ...اتصلو علية من الكاظمية وخبروني يردون دكتور بمستشفى، خبرت والدي كلي توكل علة الله حتة لو بعيدة نأجرلك شقة هناك، امي ماقبلت لان بعيدة عليهم منا مناك قنعناهة اني والوالد، حضرت هدومي وامي تقرة ايات وتنفخ بوجهي ههههه اليشوفهة يكول رايح لمكة، والدي كال اخابر صاحبي تبات يمة بين مالكالك شقة كتلة خوش، طلعت للكاظمية واتفقت وية الجماعة وشفت المستشفى اهلي نضيفة وحلوة، اني ردت اشتغل بحكومي حتة اساعد الفقرة بس مالكيت، لان الاعرفة الحكومي مو خوش ميعتنون بالمريض لان ابلاش، خل ارتب اموري واستقر وعود اني ادور براحتي، من خلصت شغلي واخذت الجدول رحت زرت الامام راحة نفسية صارلي شكد مازاير، دعيت وطلبت منة الكة بنت الحلال وكون اخت شهاب ترهملي، من الصبح ماماكل ردت ادوخ واني عندي ضغط من الصغر، طبيت لمطعم ريحتة تكتل اباوعلي مكان اكعد بي لمحت وتين من بعيد، ركزت زين اي والله وتين هاي وبصفهة اخت شهاب وواحد مطيني ظهرة يمكن شهاب، شفت وتين اشرتلي رحتلهم(للكاتبة طيبة الربيعي)

رائد: السلام عليكم

شهاب ...جاي ناكل واشوف وتين تأشر خزرتهة بس ماباوعتلي توني اريد احاجيهة وكف رائد وسلم

وكف شهاب وصافحة: وعليكم السلام، شو هنا

رائد: والله جيت استلم الجدول مال شغل

شهاب: هاا ع الخير، وشلون شفتة الشغل

رائد: لا الحمدلله مستشفى اهلي نضيفة و مكان مريح

شهاب: بالتوفيق انشاءلله

رائد: الله يسلمك غالي

شهاب: اكعد اكعد(للكاتبة طيبة الربيعي)

سلمت علة وتين وردت اروح بس شهاب اصر اكعد، كعدت بصفة واجت عيني علة هل حسن، مارفعت راسهة ولا باوعتلي، صكت براسي لو هاي لو ماريد، نسولف اني وشهاب وتين و بنت خالتهة ياكلن ويحجن سوية، كلت احجي وي شهاب بس مو هسه حتة اخذ الموافقة منة مبينة كلمتة هية الماشية، طبعي اتصرف بعقلانية حتة اكسب المقابيلي وهذا شهاب مبين صعب، خلصنة اكل وطلعنة نفتر بالسوك البنات كدامنة واني وشهاب ليورة نحجي ع الشغل والوضع برة، كلت هاي فرصة متنعاد اخذ منة الحجاية(للكاتبة طيبة الربيعي)

رائد: اكلك شهاب بس لاتفتهمني غلط

شهاب باستغراب: كول خوية

رائد: المحروسة اختك محجوزة لو حاجين بيهة؟

شهاب بحدة عقد حاجبة: ليش

رائد: باوع كتلك لتفتهمني غلط، اريد اجي اطلب ايدهة علة سنة الله ورسولة وكلت افاتحك بالموضوع قبل لا اخطي خطوة، اول وتالي انتة اخوهة وكلمتك الماشية حسب الشفتة

شهاب خفف من اعصابة وكال: الله كريم، اخذ شورهة واردلك خبر تجون لو لا

رائد: اكيد علة راحتكم مامستعجل

شهاب: انشاءالله(للكاتبة طيبة الربيعي)

شوية وودعتهم ورحت للكراج اجاني صاحب والدي سلم ورحب بية ووداني لبيتة، بس هو و ابنة بالبيت وحسب علمي عندة بنية وحدة مزوجة، خاليلي غرفة بيهة جرباية وكنتور يعني مرتبة، شمرت جنطتي وباوعت الساعة بالعشرة وثلث، اتصلت بوالدي وطمنتة، صاحوني ع العشة كتلهم بالعافية توني ماكل، اخذت دوش وشمرت روحي ع الجرباية

افكر بيهة، شلون عاقلة و رزنة بيهة كل معالم الانوثة بس ماتربطني بيهة علاقة، لازم اتعرف عليهة نكعد سوة نطب نطلع حتة تعرف طبعي واشوف شنو تفكيرهة، بس هنا وين اكو هيج، اذا مو زواج ميصير، يلة بفترة الخطوبة، هههه شو اني احجي بكيفي منو يكول يطونياهة مبينة صغيرة(للكاتبة طيبة الربيعي)

شهاب ...رجعنة للبيت واني عيني بكصتي، عرفت حاط عينة علة سرى بس طلبهة مني بالحلال يعني مجان يباوعلهة بعين وصخة، اني شبية كتلة اخذ شورهة

يا شور هذا وهية السادس مامخلصتة، لا افتح وياهة الموضوع ولا اخذ شورهة، كمت اريد وحدة تسويلي جاي لكيتهن ثنينهن نايمات بالغرفة طفيت الضوة شغلت السبلت وطلعت، شربت مي وكعدت بالاستقبال اباوع اخبار دك تليفوني رقم غريب جاوبت(للكاتبة طيبة الربيعي)

شهاب: الو ...ميساء؟ شكو؟ شعندج متصلة...لاتتصلين بعد اذا عندج كرامة...اكلي تبن لج تسوة راسج...لتجاوزين...اذا اتصلتي بعد واجاوزتي عليهة اشوف بالله ابوج واخوتج شيكولون علة هذا الحجي

سديتة بوجههة و شمرت الجهاز، كامت تغلط علة وتين وتكلي اكيد هية السبب هية الكح... اخذتك مني، طاح حظهة اي والله حتة اسلوب ماعدهة، درت وجهي شفت وتين

وتين ...من رجعنة رتبنة الغرفة جانت هوسة، شمرنة نفسنة ع السرير وبعد محسيت اني الة علة صوت شهاب يحجي بصوت عالي بالفون، تقربت عرفتهة ميساء انتظرتة يخلص

من خلص شافني رحت كعدت بصفة

وتين: بعدك تحبهة؟(للكاتبة طيبة الربيعي)

شهاب: انجبي، كتلج لتدخلين بهاي الامور

وتين: ليش، من حقي ادخل

شهاب: من حقج اكيد بس مو هسه بعدج بكد الفصمة، كومي سويلي جا وتعاي نباوع فلموتين كامت: اشكرك ماريد

ردت اطلع جرني وكعدني بحضنة وضربني علة خدي بخفة

شهاب: زعلت الطنكورة ههههه، حياتي ماريد اشغلج بهل سوالف مو هسه، من تكبرين راح تعرفين كل الاسوي لمصلحتج

حاولت اكوم: عوفني شهاب ضجت

لزم خشمهة: لج هم صايرة اطنكرين والله عمي زين

دفعت ايدة لان خشمي كام يأذيني: اتركني

تركهة: هههههه يلة سويلي جاي وتعاي(للكاتبة طيبة الربيعي)

كمت سويت جاي والنوم طار من عيني، اني اعرف مراح نخلص من ميساء مدام تحب شهاب واكيد هو يكنلهة مشاعر حتة لو تفارقو مو هينة ينسة حب دام اكثر من ثمن سنوات، صبيت الجاي بالاستكان واخذتة، ميحب الشكر يحبة مر، خليتة كدامة وداروح جرني وكعدني بحضنة مرة لخ

شهاب: وين

وتين: اريد انام ممكن تتركني

شهاب: وتين لتخليني اتخبل عليج، طبج طوب روحي

دفعتهة واخذت الاستكان اشرب توني اريد ارجعة ع الميز باوعتلهة شفتهة مدمعة وتباوعلي دارت وجههة تمشي سريع(للكاتبة طيبة الربيعي)

كمت جريتهة الحضني

وتين تبجي: ما ما عوفني ماحبك بعد

شهاب: ششش كافي اش، اسف عمري متنعاد

ضلت ادفع بية شوية وتعبت بس ضلت تبجي ماسكتت اخذتهة من ايدهة وكعدتهة بصفي ومسحت دموعهة وبستهة براسهة

شهاب: لتنعانديني بعد حتة ماتعصب

وتين: يعني كل متتعصب تسوي هيج، ماريد ابقة يمك لعد

شهاب: هههههههه لج والله صايرة لسان، وتونة اشاقيج شعندي غيرج، سامعة المثل يكول من حبك لاشاك

وتين: لا مسامعتةعرفت الكلب اذا حب مياخذ رأي العقل والعقل ضعيف امام الكلب، رحت زيارة لاهلي شهر مشايفهم مجرد مكالمات بيناتنة، كالعادة والدتي تستقبلني باكلاتهة الطيبة ودلالهة المفرط ووالدي ممقصر بس تأييدة الية كافي، فتحو وياية موضوع اخت شهاب وشوكت احب نروح نخطبهة، ماردت اكلهم شهاب ردني كتلة يابة عوفهة هسه البنية خل تكبر وتكمل عود الله(للكاتبة طيبة الربيعي) كريم، الحلو بيهم ميلحون يثقون بكلمتي وميلاسنون ابد، مرت نص سنة تقريباً واني ابد مارايح لبيت خالة وتين شكد يلحون علية اهلي اجي وياهم اتحجج بالشغل وتعبان ومن هل سوالف، بس احس بشي تجاه هل بنية رغم ماشايفهة هواي ولا اعرف عنهة الة القليل، قررت ابقة بالمستشفى الاهلي لان الحكومي مالكيت مكان كلهة تشتغل بي، بيوم طلبو مني احضر بجامعة علمود القي كلام بخصوص العمل كدكتور خارج البلد، مارديت طلبهم وقررت اروح، اطيت خبر لوالدي انو الجامعة بمدينتنة البيهة بيتنة(للكاتبة طيبة الربيعي)

يعني يم اهلي تروحلهة بتكسي توصل بنص ساعة بسبب الازدحامات، بتت يم اهلي وثاني يوم اجة علية الولد الدزلي الطلب، وصلنة للجامعة طبينة وهو يحجيلي هنا فلان قسم وهناك فلان قسم ووو، لحد موصلنة لقاعة كلي الطلاب منتظريك ومتحمسين للتقرير الراح يكتبو، طبيت القيت سلامي وبديت اكلمهم كذا وكذا، اباوع ع الطلاب اجت عيني علة طالبة متاكد شايفهة، ركزت واحس لساني ثكل، هاي اخت شهاب، شجابهة هنا، شنو شجابهة غير طالبة، ياربي شلون صدفة حلوة، كملت كلامي والطلاب بدو يطلعون وبعضهم من الفضول يسالوني واني(للكاتبة طيبة الربيعي) اجاوبهم، باوعتلهة شفتهة تباوعلي بس شافتني انتبهت عليهة دنكت وترتب بكتبهة، اترخصت من الشباب ورحتلهة شفتهة ارتبكت كعدت بصفهة وعاكس عليهة متجي ايدي ع الرحلة

يتبع...🌺🌺🌺

البارت الثاني عشر

(للكاتبة طيبة الربيعي)

رائد: عرفتيني

سرى بارتباك: لا

رائد ابتسم: اني رائد، ابن عم وتين، شنو متذكريني

سرى: اهاا، اي اذكرتك

رائد: شلونج

سرى ...خلصت سادس ومعدلاتي بالتسعينات، دخلت طب لان بنفسي اصير صيدلانية، شهاب محاربني ع اللبس والروحة والجية، خانكني خنك بس امير لا يفهمني ويكلي معليج منة، حتة زملاء ميقبل، كمت اخاف من خيالي اخاف ليطلعي شهاب، من يجي شاب يحجي وياية بخصوص الدراسة راسان اتخلص منة بحجة عندي محاضرة، بيوم طلبو منة نسوي(للكاتبة طيبة الربيعي) تقرير ع الدراسة بالعراق مقارنة بالخارج بخصوص الطب، كالو حيجينة دكتور من الخارج يكلمنة شوية حتة ناخذ فكرة معينة عن الدراسة بالخارج، كل الطلاب جانو متحمسين من طب انصدمت، هذا ابن عم وتين اذكرة، مادري شبية ارتبكت من شفتة خفت ليجي ويحجي وياية، لا شيحجي هو اصلا ماعتقد منتبهلي، حتة لو منتبهلي شيذكرة بية صار هواية مجاينة بس اهلة يجون، من خلص باوعتلة يحجي وية الطلاب، جان بنفسي اسالة سؤال بخصوص مهنتة بس ترددت وخفت يكول لشهاب وتعاي يا سرى شيخلصج، من وجه نظرة نحوي بسرعة نزلت عيني وسويت نفسي ارتب بكتبي، ياربي ماكدر اكوم جامدة بمكاني(للكاتبة طيبة الربيعي)

نحطيت بموقف محرج، حسيت احد كعد يمي رفعت عيني شفتة، سويت نفسي مذكرتة بس ماعرف اجذب عود اذكرتة

من كلي شلونج خفت ليكول لشهاب حجيت وية اختك وشهاب كبل يفهم غلط ميتفاهم

سرى: الحمدلله

كمت: اني لازم اروح، مع السلامة

كمت وياهة: لحظة

باوعتلة اريد اتخلص منة وهو يرد لحظة مني يا لحظة هاية الحتخلي شهاب يكطعني وذر ويذبني للجلاب

رائد: شبيج خايفة انتظري(للكاتبة طيبة الربيعي)

سرى: اعتذر بس ماكدر انتظر عندي محاضرة

رائد ابتسم: بس الاعرفة هاي اخر محاضرة الكم

ارتبكت بالزايد اني ويني وين الجذب

رائد: ع العموم، هذا رقمي اريد احجي وياج من تصيرلج فرصة خابريني

انصدمت ومخذتة: ماريد

رائد باستغراب: ليش كل هل خوف، قابل راح اكلج،بس اريد اكلمج بموضوع مهم

سرى الة شوية تبجي: الله يخليك ماكدر اتركني

رائد باستغراب: شنو القصة يا بنت الناس شمسويلج، اخذي اريد احجي وياج ضروري

تركتة وطلعت من القاعة وكلشي يرجف بية، ركضت للحمامات كوة اجر النفس، اول مرة انحط بهيج موقف يعني بكل مرة اذا واحد اجة يحجي وياية من اصدة كبل يروح بس هذا ماكو ميخاف، كوة جريت النفس طلعت شافوني بنات من قسمي سألوني اذا بية شي اظاهر جان الخوف والارتباك باينات علية، كتلهم ماكو شي اليوم كولش حارة لهذا السبب، شوية واجة أمير علية هم سألني شبيج كتلة مابة لان حارة، طبيت للبيت كبل وعدل لغرفتي شفت وتين من شافتني اخترعت(للكاتبة طيبة الربيعي)

وتين: شببيج

سرى: سكتي مني سكتي، ولج وتين روحي جيبيلي مي

وتين ...خلصت خامس علمي ودخلت سادس، مقررة ادخل هندسة لان من واني صغيرة احلم اصير مهندسة، كلهم يشجعوني بالاخص شهاب واذا اخذت درجة موزينة يعيط علية و يرزلني ووو يمنعني حتة من الكعدة وياهم، يجبرني احسن الدرجة واكعد مثل المخبلة بالغرفة ادرس وحدي، بيوم كاعدة ادرس طبت سرى وجههة اصفر وترجف خوفتني ركضت جبتلهة مي شربت يلة شوية هدأت

وتين: شكو شصاير(للكاتبة طيبة الربيعي)

سرى: خل ابدل واحجيلج، بس ياويلج اذا حجيتي لأحد وتين والله ازعل عليج

وتين: صدك تحجين، شوكت حاجية اني

سرى: متحجين اعرف بس الحذر واجب

سرى ...لازم احجي لوتين ماعندي غيرهة ماكدر ابقيهة بكلبي

صح هو ابن عمهة بس وتين متحجي لان اني وياهة كل وحدة بير مال اسرار لبعض، بدلت وكعدت بصفهة

سرى: لج وتين ابن عمج ماعرف شسمة، هذا الدكتوروتين: اي رائد، شبي

سرى: عدنة تقرير نكتبة ع الدراسة بالخارج مقارنة بالدراسة هنا، وكالو حيجي دكتور دارس بالخارج يحجيلكم ع الدراسة هناك، من طب طلع ابن عمج

وتين: صدك؟؟(للكاتبة طيبة الربيعي)

سرى: والله، لج مو هنا المصيبة، المصيبة اجة حجة وياية وراد ينطيني رقمة

وتين شهكت وحطت ايدهة علة حلكهة: عزةةة

سرى: والله

وتين: شلون، شنو ليش انطاج رقمة منين يعرفج اصلا

سرى: مادري مادري، انطاني كال يريد يخبرني بشي ضروري وشكلة جان جاد

وتين: عزة بعينة، هذا الاعرفة ماعندة هيج سوالف، ذاب نفسة ع الدراسة والشغل(للكاتبة طيبة الربيعي)

سرى: اني خايفة ليكول لشهاب شفت اختك وحجيت وياهة، غير يكطعني تكطيع

وتين: لتخافين قابل شمسوية، هو دكتور حالة حال الاساتذة من يحجون وية طلابهم

سرى: ماعرف بعد، دير بالج وتين امي لو احد يعرف

وتين: انتي اكيد انجنيتي، ولج هو اني اخاف من خيالي احجيلة ادور لخالة لو لشهاب

سرى: عفية

سرى ...مر اليوم بصعوبة حتة شهاب حس علية بس كتلهم حارة اليوم والشمس ادك براسي، الليل كلة افكر بي وشلون جريء مخاف وراح من صديتة، داومت ثاني يوم عادي بس ورة المحاضرة قبل الأخيرة صاحوني الاستاذ الاحياء يريدني بمكتبة، استغربت اول مرة هاية، رحت دكيت الباب اجاني صوتة كلي تفضل، طبيت وجان اشوف هل شوفة رجلية انشلن، نفسة ابن عم وتين، رائد

سرى بتلعثم: سلام عليكم(للكاتبة طيبة الربيعي)

الاستاذ&رائد: وعليكم السلام

الاستاذ كام: تعاي بنتي تفضلي، اخذي راحتج وسألي شكد متردين، الدكتور رائد مستعد لكل اسألتج

اني مدري شصار بية، شسأل ويا اسئلة مستعد الهن، طلع الاستاذ واني مابية اتحرك من مكاني باوعتلة مستغربة(للكاتبة طيبة الربيعي)

رائد ...منطتني مجال اكلمهة، بكد ما ضجت ارتاحيت ماتنطي مجال، توقعتهة راح تفسحلي المجال انطيهة رقمي بس ردة فعلهة عجبتني، قررت ماتراجع عنهة ولو راح اتعبني

ثاني يوم رجلية اخذني لجامعتهة، اخذت اجازة ربع يوم لان دوامي من الاربعة الصبح للخمسة العصر، طلعت من الدوام حوالي الساعة الوحدة، استقبلني استاذ احمد ابو الاحياء وتشكر مني لان اجيت بحجة ارد ع الاسئلة مال طلاب الي مسمحتلهم الفرصة يكلموني، خبرتة علة اخت شهاب انطيتة مواصفاتهة لان ماعرف اسمهة، كلي اي الطالبة سرى اكثر طالبة خجولة و بنفس الوقت شاطرة، كال جنت متوقع مراح تسألك لان هية بطبيعتهة تستحي هواي، شكد فرحت شلون سمعة طيبة يعني مو بس اني(للكاتبة طيبة الربيعي) الاشوفهة هيج،دز عليهة الاستاذ واني الفرحة ماواسعتني، طبت ومن شافتني ارتبكت نفس ارتباكهة البارحة، بداخلي اكول وكعتيني تحملي النتيجة، طلب منهة تكعد بس شفتهة جامدة متتحرك، طلع وتركنة وحدنة

كمت: تفضلي كعدي ليش واكفة

سرى ...كعدت لان مهما يكون هو دكتور عيب انزل من شأنة

سرى: نعم دكتور، اي أسئلة اني ماعندي اي سؤال

رائد: هههه بس اني عندي

سرى باستغراب: اسأل(للكاتبة طيبة الربيعي)

قدمت راسي ليكدام وخليت ايد بأيد: انسة سرى، كتلج البارحة عندي وياج موضوع ضروري بس عفتيني ورحتي، وماعتقد هذا التصرف يليق لا بحضرتج ولا بحضرتي، مو صح؟

سرى: صح، بس علة اي اساس اخذ رقمك، ماعندي شي يربطني بيك

رائد بجدية: شوفي، اطبلج بالموضوع بدون لف ودوران

سرى: ياريت

رائد: قبل فترة طلبتج من اخوج شهاب بس الرد مجان مثل ماتوقعت

سرى صارت حمرة(للكاتبة طيبة الربيعي)

رائد: كلي تريد تكمل وممستعدة للزواج هسه، واني بكل رحابة صدر تقبلت جوابج وباستعدادي انتظرج لحد متتخرجين ماعندي اي اشكال، المثل يكول اليريد الحلو يصبر علة مرة واني مستعد اصبر ع الحلوة و ع المرة لخاطر اجيبج ابيتي

سرى ...يمة كلبي، شديصير ياربي اني بحلم لو بعلم، وين اني ومنو هذا، زين شهاب ليش مخبرني شنو الغلط بالموضوع(للكاتبة طيبة الربيعي)

كمت: مدام اجاك الجواب من اخوية ماكو داعي تسألني دكتور

رائد كام: اعرف، بس اني اعرف مطلب رأيج، تعلميني بشهاب عرفتة من اول يوم شفتة، انطيني فرصة وخليهة بيناتنة اذا شفتيني مو كد كلمتي وماناسبج بساعتهة انتي من طريق واني من طريق

شفتهة ساكتة وفاكة عينهة علية

رائد: شتكولين

سرى: اعتذر اني مافكر بالزواج هسه، مدام اهلي موافقو اني مموافقة

رادت تطلع وكفت كبالهة: كتلج اطيني فرصة، عوفي اهلج هسه، اعرف هنا هذا الحجي ميمشي والاهل كلمتهم الماشية بس اني جيتج من الباب وجيتج بنية زواج، بس من حقي وحقج اعرفج وتعرفيني وبعدين نحكم(للكاتبة طيبة الربيعي)

سرى: ارجوك اتركني اني مافيدك، ماكدر اسوي علاقات ولا اكدر اخون ثقة اهلي، ارجوك لتضغط علية

رائد: كل الطلبتة منج فرصة تعارف، ماعتقد هذا الطلب راح يأثر عليج سلبياً

سرى: حيأثر علية شلون ميأثر، اني طالبة طب وهاية السوالف متفيدني وخاصة شهاب اخوية اذا عرف بيك حاجي وياية مراح يصير خير لان ميقبل تعرف شنو يعني ميقبل، واني ممستعدة اعرض نفسي للخطر بسببك، اعذرني بس كلامي منطقي اني ماعرفك ولا انتة تعرفني والتجربة التريدني امر بيهة وياك منعرف شنو نهايتهة(للكاتبة طيبة الربيعي)

رائد: هو اني ليش داطلب منج فرصة لعد، غير حتة تعرفيني واعرفج، مابيهة اي غلط وكتلج راح تضل بيناتنة لا اهلي يعرفون ولا اهلج واذا متوافقنة مثل مكتلج بساعتهة انتي بطريق واني بطريق، مجرد فرصة لترديني اول مرة احس نفسي مصر علة هيج طلب، رايدج بكل ماتحتويه الكلمة من معنى واحسج تناسبيني بكلشي

سرى ...كلامة حلو الى درجة بس ماكدر اجازف

سرى: دكتور، عوفهة للايام الرقم ماخذة واني اصلا ماعندي تليفون حتة اتصل بي عليك، اني بنية ماعندي غير بيتي وجامعتي ارجوك لتضغط علية

رائد: اني اجيبلج تليفون سهلة شيرادلهة

سرى: لا اشكرك ماريد، ارجوك اتركهة للايام واني مطايرة مثل متكول اليريد الحلو يصبر علة مرة، اذا مستعد تنتظرني انتظر هسه ماكدر اوعدك بشي

رائد: انتظرج اذا ثبتيلي تستحقين الانتظار، خوما اضيع سنين عمري انتظرج وتالي متالي تروحين لواحد لا تعب ولا اتحمل علمودج(للكاتبة طيبة الربيعي)

سرى: ههههه زين اذا اكلك ثق بية مراح اوافق بأحد ومستعدة انتظر وياك بس بشرط مابيناتنة علاقة من اتخرج الله كريم

رائد فرح: مثل متريدين، نصبر ومن الله الفرج، ترة اني جاي علة شغلة ثانية

سرى: شنو هية

رائد: البارحة الطلاب كلهم سألوني بس انتي، جيت انطيج الاجوبة علة اسئلتج

سرى: ماعندي

رائد: كعدي، وبطلي هذا المستحة، لا حياء في العلم، سألي اليعجبج واني اجاوب

سرى خجلت: اشكرك متقصر(للكاتبة طيبة الربيعي)

سرى ...متتصورون الفرحة البداخلي، اسلوبة ساحر عود مثل شهاب هههههههه ايدة والضرب، ياربي ماعرف منين اجتني الجرئة وجاوبتة، اني سرى؟ معقولة؟ اول تالي، رجعت كعدت وهو كعد بمكاني مقابيلي، طلعت ورقة وقلم وبديت اسألة وهو يجاوبني بكل رحابة صدر، نظراتة حلوة وكل متجي عيني بعينة يبتسملي ابتسامة ساحرة اضطر انزل عيني والهي نفسي عود داكتب، خلصنة هو تشكر مني لان خليتة يكلمني، ودعتة ورحت للقاعة عندي اخر محاضرة، ياربي معقولة اكو هيج انسان راقي(للكاتبة طيبة الربيعي)

يتبع...🌺🌺🌺

البارت الثالث عشر

(للكاتبة طيبة الربيعي)

ورة الدوام اجة علية أمير كالعادة رجعنة للبيت واحس نفسي طايرة من الفرح بس خايفة لا شهاب يعرف، لا ميعرف منين يعرف اذا هل شي بيني وبين رائد، حجيت الوتين بير اسراري كامت ترجف تخاف من شهاب، هو اني المفروض الاخاف مو هية بس هذا احنه، كلشي نشارك سوية لا ارادياً

وتين ...خفت علة سرى لان اذا عرف شهاب ميصير خير، مرت السنة حلوة وشهاب مدللنة اني وسرى صح متشدد وصار بالزايد بس هذا بدافع الحب والحرص علينة، نجحت بمعدلات متفوقة مثل سرى بس الرياضيات اخذت 89، شهاب مضاج كال المهم ذبيتي جهدج علة الدراسة وحاولتي، كلش احب شهاب يوم عن يوم يكبر حبي الة اكتشفت بي(للكاتبة طيبة الربيعي) الانسان المخلص الفاهم العاشق، يثبتلي حبة بكلشي، مرات اكعد اخلي ايدي جوة المخدة الكة ورد الجوري حقيقي، اضمة بعلبتي مال ذكريات بعد ماشمة واشبع بي، صارن عندي كومة مينعدن وسرى متكول شي لان تعرفة يحبني كأخت، مكايلتلهة شي اشوف الموضوع حساس، دخلت جامعة، عالم ثاني، اشوف البنات يحجون وية شباب ويشاقون عادي، مرن اسابيع بالجامعة واني يومية احجي وية نفسي واكول ليش شهاب يمنعني، مابيهة شي مجرد زمالة، يعني يريد يقنعني هو مجان يحجي وية بنات بايام دراستة؟(للكاتبة طيبة الربيعي)

بالايام اجازتة هو يوصلني ويرجعني بس من هو بالدوام امير ياخذنة امي وسرى بسيارتة، شهاب اشترالة سيارة حديثة لان أمير يستاهل هم شاطر وهم مثقف، ميقبل ع الغلط بس مو مثل شهاب يخنك، أمير عندة التفاهم احسن من العياط والصراخ، مرت النص سنة واني محاجية وية شباب بس اذا صرنة بكروبات اضطر علمود درجاتي، بيوم كاعدة بالحديقة مال جامعة والجو حلو، منتظرة سرى تخلص حتة يجي علينة امير، اجاني ولد ماعرفة مشافيتة بقسمنة اتوقع بغير مرحلة، طلب مني يحجي وياية بموضوع مهم، مرديتة لان جان عندي فضول اعرف شنو يريد

مثنى: اني طالب مرحلة رابعة ومن يوم الاجيتي اني عيني عليج(للكاتبة طيبة الربيعي)

رفعتلة حاجبي مستغربة

مثنى: لتفهميني غلط اني رايدج بالحلال بس اريد عنوان بيتكم حتة ادز الاهل

مدري شصار بية استحيت كلش لساني انعكد معرفت اجاوبة

مثنى: باع المستحة يالله، وين الكة مثلج اني، ارجوج جاوبيني ترة فتيتي كلبي فت ماجرأت احجي وياج الة هسه لان اخاف تصديني

من الخجل عفتة ورحت سريع للقاعة، ارجف يمة هاي اول مرة واحد يصارحني، خفت كلش خاف شهاب يعرف، مدري ليش اجيت للقاعة هو اني من الغباء(للكاتبة طيبة الربيعي) معرفت شسوي، رحت لقسم سرى شفتهة هستوهة خلصت سألتني شبيج وجهج احمر وخايفة، حجيتلهة واحنه بطريقنة للخارج، كالت بعد وبعد بس زين سويتي ابد لتطيهم عين، المهم رجعنة للبيت شهاب بالدوام، مر الاسبوع بشكل عادي وهذا الولد مأجاني بعد، بالعطلة كاعدين بالهول خالة تشرب جاي وعمي والولد مو بالبيت راحو لبيت واحد صديق عمي يباركولة مسوي عملية ونجحت، خالة تسالنة ع الدوام والدراسة شلونهة واحنه نسولفلهة، اندكت الباب كامت خالة تفتحة، اني شلت الصينية مال جاي وسرى وياية، طبن نسوان نسمع صوتهن وخالتي ترحب بيهم، طبت ورة شوية تباوعلي وتضحك كالت سوي جااي وطلعي كيك وانتي جيبي، اني وسرى نباوع لبعض اول مرة خالة تطلب من وحدة معينة بينة دائما اطب تكول سون كذا وكذا، المهم سويت جاي وسرى طلعت كيك وبقلاوة رتبنا بصينية واني رحت البس ملابس لان(للكاتبة طيبة الربيعي) جنت لابسة بجامة عيب اطلعلهم ابجامة، لبست ثوب عادي وسويت شعري ضفيرة، اخذت الصينية ودخلت سلمت شو ذني اللهم صلي على محمد وال محمد،شبيهن ياا، قدمت ابتسملهن وهنة يتبسبسن بيناتهن، شفتهن اربع نسوان ثنين كبار وثنين يطلعن هيج بالتلاثينات، ردت اطلع خالتي صاحتني تعاي كعدي يمة وين رايحة، هاي شبيهة خالتي شكو، كعدت علة اعصابي معجبتني نضراتهن ومن كالت تعرفين مثنى فكيت عيني، عرفت ذني من طرفة جايات يخطبن، محجيت شي عبست من صدك ضجت، اني لشهاب وماصير لغيرة، حبيبي يمة لو اموت، شوية و راحن بعد ماطلعني عن طوري، وصلناهم للباب وسرى ويانة، بطلعتهن جوي عمي والولد، هذا شهاب اذا عرف شراح يسوي ناقصني مشاكل هو اني كلش(للكاتبة طيبة الربيعي) حذرة ويا خاف اسوي شي ويكب علية، طبو سلمو وشهاب خزرني لان طالعة للطرمة بدون حجاب، هو اني انسطرت نسيت نفسي يا شهاب متسكت رحمة لأهلك، دخلت للغرفة وسرى وياية

وتين: ماريد، ليش دز اهلة

سرى: عادي واذا، رفضي وهذا هو قابل حيغصبوج

وتين: لا بس اذا شهاب عرف...

نسيت انو سرى متعرف، عزة العزاني شبية نسيت نفسي

سرى رفعت حاجب: ولويش ميقبل

وتين: لا مو هو حتة انتي مقبل قابل اني حيقبل، متعرفي اذا منتخرج ميزوجنة(للكاتبة طيبة الربيعي)

سرى: اي والله راح من بالي، لتعبسين يمعودة هسه شصار طبيعي بعد وبعد يخطبون قابل كل واحد يجي ندك ونلطم شهاب هم مصخهة

وتين: سكتي لج، حقة شنو نزوج واحنة ممخلصين

سرى: دنجبي

وتين: هاا لازم تريدي لرائد من هسة

سرى ضحكت: يمة فديتة، شلون ماريدة بس غير اخوج كاعد ابلعومي

وتين: يولو خل يخطبج من عمي، شهاب ميكدر يعارضة اذا كال اي

سرى: لا يمعودة تفتحيلي باب جهنم، بابا ميكول لا لشهاب وشهاب همينة فاذا بابا عرف شهاب ميقبل مراح يوافق(للكاتبة طيبة الربيعي)

وتين: يلة مبقن بس تلث سنوات

سرى: لا هاي هية مكايلة شي اني متأكدة مراح يصبر وياية كل هل سنين بس حبيتة بعد مو بيدي

وتين: لا يصبر، رائد مبين يحبج مو حب عادي، لو ميحبج جان ازوج من اولهة من شهاب رفض ولا جازف وحجة وياج

وبعدين هو جاي من الخارج مية وحدة تلكيهة كاتلة نفسهة عليه، لتفكرين هيج، من يجينة يدور بعيونة عليج عيونة فاضحتة شكم مرة اشوف شهاب يتعصب من يجي رائد ومن اسئلة ليش يكلي معليج اختي اغار عليهة

سرى: بس اريد افتهم شهاب ليش هيج معقد، شمسوين احنه قابل

وتين: ماعرف، تسأليني اني

سرى: لج عرفت ليش طلكهة لميساء، ذاك اليوم جريت لسان ماما وحجتلي

وتين كعدت عدل: ليش

سرى: الكلبة، تشرب حبوب مانع حتة مجيب اطفال لان رحمهة مدري شبي،محجت لشهاب ثمن سنين ضامة عليه(للكاتبة طيبة الربيعي)تالي متالي كشفهة وسحلهة سحل لبيت اهلهة وطلكهة بنفس اليوم

وتين شهكت: عزةةة، صدككك

سرى: والقرءان، نذلة من زمان مارتاحلهة

كلش انقهرت علة شهاب، ليش يا حقيرة شكد جان مدللهة صدك متستاهل، همزين خلصت منهة جان تعذبت بحبة، ماتحمل اشوفة وية غيري، دنحجي جان يطب أمير

أمير: توتو، صعدي شهاب يريدج تكويلة قمصانة

عرفت حيرزلني، زين هسه اني شعلية اني الكتلة دز خطابة، صعدت خايفة من يعصب ينسة حبنة وينكلب شهاب الوحش، دكيت الباب وفتت شفتة حاط ايدة ورة ظهرة ويروح ويجي

باوعلي وأشرلي اتقرب، يمةةة هذا الهدوء ماقبل العاصفة(للكاتبة طيبة الربيعي)

شهاب ...مرن سنتين ووردتي تكبر كدام عيني، كل متكبر تحلة وذني عيونهة ساطراتني، ليل ونهار افكر بيهة، مابقة شي وارجعلهة حلالهة كل هاي السنين واني اشتغل عله هاي الشغلة، عندي هواي عرف ساعدوني، لزمت هواي دلائل صح حيل تعبت واطلب مجهود هواي بس تستاهل حبيبتي ام كلب الطيب، الة اخليهم بلسانهم يعترفون، بيوم رجعنة اني وابوي وامير من واحد صاحبة مسوي عملية، من وصلنة شفنة نسوان طلعن من بيتنة، عادي طبيعي هواي نسوان يجن علة امي، من طبيت شفت وتين بدون حجاب وبالطرمة خزرتهة هاي متوب يرادلهة فركة اذن، والسطوح كلهة مطيرجية وكواويد، استغفرالله ياربي، كاعدين بالاستقبال جان امي تكول جوي خطابة علة وتين، يايابة الحرارة صعدت عندي للستار

شهاب: منو

ام شهاب: واحد بالجامعة، معجب بيهة وداز اهلة

شهاب: كليلهم ماعدنة بنات للزواج

ام شهاب: شبيك يمة ياهوة اليجي نردة، غير نسمع منهة اذا تريد

شهاب: ومن شوكت نمشي بشور الزعاطيط، كليلهم ماعدنة وهذا هو(للكاتبة طيبة الربيعي)

ابو شهاب: خليهن يخلصن ام شهاب، شعدهن مزوجات هسه

ام شهاب: اي ميصير هيج يا حجي، ياهوة اليجي نرفضة

هيج حتوكف قسمتهن، شبيهة اذا ازوجن ويدرسن بنفس الوقت

كمت: يمة سدي الموضوع، زواج ماكو يتخرجن والله كريم

صعدت روحي شايطة، وين اضمهة وييين، دزيت أمير يصيحلياهة، ياربي صبرني حتة مامد ايدي، طبت اشرتلهة تجي، كوة متحكم بغضبي

جريتهة من اذنهة: هذا الصار جوة شنو؟

وتين: اي اي اي، والله معلية اني

ضغطت اكثر وقربتهة علية: شدرا بعنوان البيت اذا مو انتي الحاجيتلة، (عاط) هاا!

وتين: والله شهاب وروح ماما وبابا محاجية ويا، والله بس انطيني مجال افهمك

اذكرت من ماسمعتلهة من نزعت الحجاب، عفتهة ورجعت خليت ايدية ورة ظهري(للكاتبة طيبة الربيعي)

شهاب: يلة اسمعج، (عاط) فهميني يلة

وتين: والقرءان ذاك اليوم كاعدة وحدي بالحديقة واجة ولد ماعرفة كلي اريد عنوان بيتكم اخطبج، شهاب وروح بابا مجاوبتة عفتة ورحت للقاعة، والله محجيت ويا والله

شهاب ...اباوعلهة شلون تحجي، متعرف اجذب ومبين من ركبتهة صارت حمرة يعني ممجذبة، حافظ كل تفاصيلهة

شهاب: جا شدرا؟!

وتين: والنبي ماعرف، شعرفني واني ماعرف منو هوة اصلاً

شهاب: يعني مموافقة؟

وتين: شبيك شهاب، شلون اوافق واني احبك الك

اويلي يابة من كالت احبك الك ابدي ابوسهة بس ماترهم بعد(للكاتبة طيبة الربيعي)

جريتهة لحضني وبستهة براسهة

شهاب: وتين عذبتيني، وين اضمج من عيون الناس متكليلي، وين

وتين ...جرني وحضني، ضعت بحنانة حاوطتة بخصرة وخالة راسي علة صدرة

وتين: شهاب فدوة لتعصب علية بعد، شنو ذنبي اني

شهاب: اسف عمري، ماتحمل واحد غيري يباوعلج، وانوب داز اهلة ابن السكط والله لو اعرفة اشرب من دمة(للكاتبة طيبة الربيعي)

بعدت عنة وحجيت بجدية: شهاب مو حالة هاي، يعني كل واحد يخطب تروح تهجم بيتة، خلاص اني احبك الك مستحيل اقبل بغيرك

شهاب: غصباً عليج، منو يكول اني اطيج

باوعتلة صفح

شهاب ضحك: صيحي سرى وتعالن نامن يمي اليوم، مشتاقلج بكد رحمة الله

وتين تلعب بياختة وتحجي بدلع: ليش مو بس اني وحدي

شهاب: اشتعلت عشيرتج بتل...استغفرالله ليش تخليني اسب

وتين ضحكت: شبيك

شهاب: ثولة لو مانتي عرضي جان سويت سواية مو زينة(للكاتبة طيبة الربيعي)

دفعتهة: امشي صيحي سرى وتعالن، يلة

وتين ...فدوة شكد احبة من يخاف علية، حبيت اداهرة بس عصب ههههه، نزلت اضحك سرى صاحتلي المخبلة، كتلهة خل ناخذ فراشاتنة ونصعد انام يم شهاب، اليوم الله هادي

كالت شعجب، كتلهة شمدريني، صعدنة اوت مطبيت طفرت عليه وسرى طفرت علية

شهاب: نعلاعلا شرفجن، ولجن مجلووبااات خوما مجلووبات

وتين تضحك: مواااح

سرى: احبك واليحب بلوة

شهاب دفعهن: لواكة ماريد، يلة فرشن حتة وحدة تلعب بظهري ووحدة بشعري

وتين: اني بظهرك(للكاتبة طيبة الربيعي)

سرى: ولي لج، اني

يتبع...🌺🌺🌺

البارت الرابع عشر

(للكاتبة طيبة الربيعي)

باوعت لشهاب مبرطمة

شهاب: المرة الثانية الج سرى، لتتعاركن ترة اطلعجن

سرى زعلت: باع التفرقة، ماريد

طفرت عليهة وتين باستهة: خلاص انتي سوي ظهرة واني شعرة

سرى باستهة: لا انتي سوي اشاقيج

شهاب: امشن طلعن، امشن

وتين&سرى: لا لا خلاص

وتين ...شهاب نزع فانيلتة ونام علة ظهرة، لأول مرة استحي العب بظهرة، شجاني ورطت حالي، سرى تلعب بشعرة واني مديت ايدي العب بظهرة، فدوة لحبيبي شكد احبة، داسويلة وخطرت ابالي فكرة جهنمية، هو يسولف واحنه مندمجين ويا، او بالاحرى اني مسوية نفسي مندمجة(للكاتبة طيبة الربيعي)

شهاب ...اروح فدوة لهل ايد الناعمة، شوكت تصير مرتي وينكسر الحاجز البيناتنة، اني ردتهة تبات يمي لهذا السبب صحت سرى لان مهما يكون غلط تنام وحدهة يمي، اني هم رجال والشيطان قوي لعنة الله عليه، احجيلهن علة دوامي وماحس الة وتين كامت ادغدغ بية

شهاب: ولج لعنة الله عليج، اااخ وووخري

وتين تضحك وادغدغ وسرى الملعونة وياهة، كمزت جتفت وتين وكمت ادغدغهة واعضهة

وتين تضحك: لاااا الله عليك لااا

سرى توخر بشهاب وتضحك: عوووفهة

شهاب: ام حلك شلونة احساسج هسه هاا

وتين: لا الله يخليك اتركني، والله ماتحمل بعدد، لجج سرى ساااعديني وخررري

سرى ادفع بية بس شخفاتهة، هية الثانية هم طبكتهة وي وتين وادغدغ بيهن واعض بوتين، شكد احبهن يا الله، بس يختلف الحب سرى اختي بس وتين(للكاتبة طيبة الربيعي) حبيبتي، تركت سرى بس وتين ضليت مجتفهة

شهاب: تعيديهة بعد

وتين: لا وروح ابوية ماعيدهة، بداعة كل عزيز عليك اتركني

تركتهة ورجعت اتمددت: الادك الناقصة وعلي امردهة، خلني انام نعست

وتين&سرى: اي اي ابد

وتين ...يمة موتني لو ادري مدغدغتة ولا مندكة بي، رجع انجطل علة بطنة واني عدلت ملابس وسرى كذلك لان جنة بمصارعة، رجعت العب بظهرة ورة نص ساعة هيج سرى غفت وشهاب دار نفسة ونام علة ظهرة

شهاب: تعاي نامي كافي بعد

فتحلي ايدة نمت عليهة، كمت العب بلحيتة وهو نايم وسرى راحت بسابع نومة، ضوة خفيف كلش يجي من الباب لان مطابكي بس رادي، العب بلحيتة واباوعلة، شكد احبك اني؟ معقولة تحبني بكد حبي الك؟ يجي يوم ونعيش سوية وحدنة، بست لحيتة حس علية(للكاتبة طيبة الربيعي)

شهاب ...نايم وبحضني وتين وبالصفحة الثانية سرى مطيتني ظهرهة، احس بوتين تلعب بلحيتي كلش ارتاح اذا واحد لعب بشعري لو بلحيتي يغلبني النعاس، تفاجئت بوتين من باستني بلحيتي فكيت عيني وباوعتلهة تباوعلي، شكد احبهة واحب اعتنائهة بية، ليش هلكد احبهة؟ ماحبيت ميساء بكد ماحب وتين هسه

شهاب: وتين نامي

وتين: مشتاقتلك

شهاب: واني هم بس ميصير تبوسيني بعد كبرتي انتي واني جبير غلط

وتين بغباء: ليش

شهاب: اعرف بيج فطيرة بس هذا الشي غلط، من نزوج بوسيني مو هسه

رجعت نمت بحضنة وشبكتة: ماشي(للكاتبة طيبة الربيعي)

شهاب ...اعرف بيهة فطيرة ومتعرف بهيج سوالف حافظهة بس غلط واني رجال لا ارادياً تحرك بية مشاعر محرمة، شبكتهة ونمت فزيت علة صوت الاذان كومتهن ثنينهن ورحت اتوضة، صلينة سوية وبكل صلاة ادعي من الله يعيني علة عمامهة الانذال، و تصير حلالي وام جهالي، رجعنة نمنة بس هل مرة اطيتهة ظهري حتة اذا حضنتني وماحضنتهة متفكر اني ماريدهة، اعرف بيهة تحبني بس بعفوية واني اموت عليهة وماريد احس وياهة بمشاعر محرمة قبل لا تصير حلالي

سرى ...بهل فترة اكتشفت علاقتي برائد كلش حلوة ونضيفة، اني بديت اتعلم من البنات الوياية سوالف توعية، يعني بالبيت منعرف لان اهلي متحفظين خاصة شهاب، صح ماما تعلمنة هذا غلط وهذا صح بس وحد من تسمع وتشوف من اشخاص غرب، كمت(للكاتبة طيبة الربيعي) اعرف الولد الزين من المزين، كمت اعرف اليريدني بغاية واليردني لان يحبني، مشفت اي غلط من رائد دائما جان ينصحني ويحفزني، تحفيزة يشجعني اطمح للأكثر بديت احبة واتعلق بي، علاقتي بي مو تليفون ابد، يومية يجيني للدوام بالرست الكا ينتظرني يعرف كل خطوة اخطيهة ماعرف شلون ومن منو، بس احس بالامان يمة مثل ماحس يم شهاب وأمير، احسة دنيتي و فارس احلامي،

دائما يحسسني اني أميرة وماكو بعينة غيري، صح يحجيلي علة علاقاتة القديمة واضوج بس يكلي اي شاب عندة هيج سوالف بس من يلكة التسكن كلبة ميكلبهن بعد، مرات يعصب ويضوج علية فجاة ومن اسألة يكلي اريد اجي اتقدملج من ابوج واني ارفض اكلة مو هسه، اعرف هل شي يضوج بس متاكدة شهاب مراح يوافق وراح تصير حزازيات بين العائلتين وهذا الشي لا اني ولا هو نريدة، كعدت الصبح شهاب ووتين بعدهم نايمين، نزلت غسلت واحس بفراغ لان ممداومة، ماكدر اشوفة بس(للكاتبة طيبة الربيعي) بالدوام واحس مشتاقتلة مو شون ماجان، شوية وكعدو بابا وماما تريكنة سوية، أمير همينة بعدة نايم محبيت ازعجهم عطلة خل يرتاحون

وتين ...كعدت علة صوت التليفون مال شهاب، باوعتلة نايم اخذت الفون رقم غريب فز شهاب باوعلي واخذة من ايدي

شهاب ...فزيت علة صوت التليفون يدك فتحت عيني شفتة بيد وتين اخذتة باوعت الرقم غريب جاوبتشهاب: الو...انتي ماجوزين شتريدين...اذا ضلتلج ذرة من الكرامة لاتتصلين بعد

وتين ...من رفع السماعة شكلة عصب، شمر التليفون وكام يفشر، اول مرة شهاب يفشر كدامي

وتين: شبيك

شهاب: بتل خرة منية يعني، ميساء

وتين: ختولي ياعيني ليش حارك دمك

(للكاتبة طيبة الربيعي)

شهاب: كلبة بت كلب يومية متصلة

وتين: شبيك شهاب علة كيفك، انتة ليش اجاوبهة

شهاب: شمدريني هية، رجال عندي مشاغيل وكل اتصال يجيني مهم، ادور علية الكح...

وتين: خلاص اهدة يمعود، طنشهة ختولي، بس لتعصب وتحرك بدمك

شهاب ...باوعتلهة شلون خايفة وتهدي بية، جريتهة لحضني وسديت عيوني

وتين: شهاب لازم نكوم بعد باع الساعة

شهاب: ششش

وتين: دكوم

شهاب: اريد انام

وتين: حباب كوم خل نتريك حتة نروح لبيت عمو مصطفى(للكاتبة طيبة الربيعي)

فكيت عيني: وشعندج هناك

وتين: عمو البارحة كال عازمينة وعيب منروح صارلنة كومة مرايحين

شهاب: وتين لاتخبليني، عدهم زلمة مشورب ماكو روحة انطمي وكعدي

كمت منة باوعتلة: شنية قابل وين رايحين غير ابن عمي

شهاب: انجبي كتلج ماكو روحةوتين: شمعنة اني شمعنة مو جانت ميساء توديهة كل مكان ليش بس اني حارمني من كلشي، لا فون لا اصدقاء لا طلعة لا اروح ابيت احد

شهاب كام لبس فانيلتة وكال بعصبية: صمي حلكج كتلج(للكاتبة طيبة الربيعي)

كمت لميت الفراش وهو دخل للحمام، طكت روحي من كلشي حارمني والله شنو احافظ عليج، مو جانت ميساء كلشي يجيبلهة وكل مكان يوديهة حتة فون اخر موديل عدهة وصديقاتهة يروحلهة للبيت وتروحلهن ليش بس اني، مكتوب علية ماعيش براحة، لميت الفراش ونزلت غسلت وصبحت عليهم خالتي كالت كعدي شهاب كتلهة كعد، رحت اكعد أمير كوة كعدتة اظاهر هو هم سهران، خالتي كالت ذاك ريوك عمج جاب واذا معجبكم سوو التريدو كتلهة اني ماشتهي خالة تعجبت ولحت علية اكل كتلهة ماريد، رحت الغرفتي وسديت الباب، يعني الى متى اني وسرى يبقة هيج خانكنة، اوك حقة هل زمن(للكاتبة طيبة الربيعي) يخوف بس مو معناتهة احنه نخوف، شوية ودخلت سرى وسدت الباب

سرى: شبيج

وتين: مابية

سرى: هم شكو يمعودة مصارلنة كم ساعة من جنة نضحك ونشاقة

وتين: ماكو ماكو

سرى: شجاج وتين اخرفيتي، دحجي

وتين: يعني الى متى اخوج يتصرف هيج، اكلة نروح لبيت عمو مصطفى عازمينة يكلي متروحن والله شنو عدهم زلمة مشورب، شنو يعني ننحرم من كل مكان لان بي زلم مشوووربة

سرى: يمعودة علة كيفج، علويش تحركين باعصابج عود راح يغير رأية مثلاً، شنسوي يعني هذا هو شهاب من زمان

وتين: ليش لعد ميساء مو جان مدللهة وكل مكان يوديهة شنو البيهة يفرق عنة(للكاتبة طيبة الربيعي)

سرى: ميساء نعال، شمدريني غير حظنة هذا، كومي تريكي هسه انتي علة هاي متتريكين

وتين: لا يمعودة بس انسدت نفسي مو بيدي

سرى: دكومي تريكي يلة، مراح تستفادين شي كومي

كمت طلعت شفتة كاعد يمهم بالهول، خالة كالت سون ريوك لشهاب، رحنة للمطبخ سرى كعدت تسولف واني اسوي ريوك

طكيتلة اربع بيضات عيون يحبهن، واني سلكتلي بيضة وجبن

سويت الجاي وصبيت كلت السرى تصيحة اني ماصيحة، صاحتة اجة يباوعلي بخزرة، سرى راحت خالتي صاحتهة تقيسلهة الضغط، همسلي

شهاب: تريدين تروحين روحي، بس وحق الله يا وتين لساني بعد ماطخة بلسانج

وتين: ماروح ولتحجي وياية اني ماحجي وياك بعد

شهاب: بسيطة(للكاتبة طيبة الربيعي)

كمل اكلة وراح كعد يمهم بالهول، غسلت المواعين وبعدها نضفنة اني وسرى بس نفسيتي زفت، ادري ضوجتة وهو من غيرتة ميقبل بس شسوي اني هم حقي اشوف العالم الدنيا

اووف شسوي هسه، شجاني وكتلة ماحجي وياك، صارت بالثنتين الظهر يلة خلصنة تنضيف، طبيت سبحت بعدين سرى طبت وراية، نشفت شعري ولبست بجامة طبت خالتي

ام شهاب: يلة وتونة بدلي وكولي السرى خل تبدل حتة نروح مضل وقت

ترددت اكوللهم منروح، راح تتفركش الروحة كلهة، كتلهة ماشي خالة هسه نبدل، طلعت ورة شوية طلعت سرى

وتين: شلون شهاب حذرني منروح

سرى: هذا هو لعد منروح، وتين يمعودة مالنة حيل خبالاتة اذا جتي امي نكوللهة منروح

وتين: هستوهة جتي كالت بدلن(للكاتبة طيبة الربيعي)

سرى: غير تكوليلهة

وتين: لا ميحتاج، انتظري هسه اجي

سرى: تمام

دورت علة شهاب ملكيتة بالهول، صعدت الغرفتة دكيت الباب

شهاب: فوت

شهاب ...ماريد لا وتين ولا سرى يروحن هذا ابن عمي همام عيونة زايغة وشاب حالة حال كل الشباب، بالاخص وتين ماريدهة تروح وين عود اتحمل اشوفة يباوعلهة غير افكس عينة واسوي مشكلة، ضجت منهة حيل صايرة تحاسب وتلاسن، حلفت اذا راحت صدك اسويهة وماحاجيهة بعد(للكاتبة طيبة الربيعي)

صعدت سبحت وطبيت للغرفة ابدل واعصابي نار، خاف تسويهة صدك وتروح وتكسر كلمتي بوقتهة من صدك اسكطهة، شوية واندك الباب صحت فوت، طبت هية وسدت الباب

شهاب: خير شكو؟

وتين: شهاب فدوة لتزعل مني مو قصدي

شهاب: مازعلان

وتين: لا زعلان

وكفت كدامة قريبة والعب بقميصة: ماعيدهة بعد وداعتك، منروح لا اني ولا سرى

وخرت ايدهة ورحت للكنتور طلعت مشط

شهاب: وتين روحي مني لسانج طولان وماتحترمين طلعي

وتين: اسفة والله مو قصدي بعد ماعيدهة، فدوة شهاب لتسوي هيج(للكاتبة طيبة الربيعي)

محجيت صدك ضايج منهة

وتين ...هووف شيصالحة هذا اذا قفل، شبكتة وخليت راسي علة صدرة

وتين: احبك لتسوي هيج

مجاوب ولا بادلني الحضنة بس اصريت وحضنتة اقوة

وتين: شهاب احضني

محضني

رفعت راسي باوعتلة ميباوعلي، حجيت بصوت شبه عالي

وتين: شهاااب(للكاتبة طيبة الربيعي)

شهاب: وجعع

وتين بعصبية: كتلك احضني

شهاب: ماحضن، امشي ولي

وتين: هاا صدك؟

شهاب: اي صدك

عفتة وكمت ابجي صدك ضوجني داريد اطلع جرني وشبكني

شهاب: افيييش، احبج رويحتي

يتبع...🌺🌺🌺

البارت الخامس عشر

(للكاتبة طيبة الربيعي)

وتين تبجي وشهاب يسكت بيهة

شهاب: كافي حبيبتي كافي، بعد لتعيديهة ضوجتيني

وتين: شهاب دتجرحني هواية شبيك

شهاب ضحك: ولج شني متأثرة بالمسلسلات، ماتوقعتهة منج، كافي حياتي عمري كبدي جلاوي معلاك تكة كباب

وتين ضحكت

شهاب: يالله فرجت

بستهة براسهة: بعد لتبجين عمري انتي

وتين مسحت دموعهة: بعد لتوضحني حتة مابجي

شهاب: صار بعيوني هاي قبل هاي

ضحكت بخجل وكالت: لعد انتة حتروح؟

شهاب: لا شلون اعوفجن واروح، راح اكل لأمي اخذهن نتغدة برة و مناك افرجن

وتين بفرح: صدك

شهاب: والله، يلة روحي بدلي وخل سرى هم تبدل

وتين: ماشي(للكاتبة طيبة الربيعي)

نزلت ركض كلت السرى كمنة نطفر ونضحك، يعني مراح نبقة بالبيت ونكابل الحيطان، شوية ودخلت خالتي كالت همزين متجن لان مسوين باجة، ويييع الحمدلله، راحو كلهم وشهاب ينتظرنة بالحوش، لبست ثوب حصر اسود وفوكا سترة بيضة توصل لافخاذي وشديتهة من خصري، مسكرت رموشي وسرى همينة وخلينة مرطب همينة

لفيت شال اسود وطلعت حذاء سبورت بيضة ورشيت عطر خفيف بس ريحتة تموت، اخذت جنطتي صغيرة سودة لبستهة وسرى همينة خلصت، صاح شهاب طلعنالة كلنة يلة خلصنة شو هذا شمر الجكارة سحكهة برجلة واجة يمي شمني

شهاب: عطرج سابقج واللبس حصر وحاطتلي مكياج، وين ماخذجن للملهة بنات النعل، بسرعة طبن غيرن التبن وطلعن يلةةة

سرى: ياا شبيك شهاب مخالين والله هذا مرطب

وتين: والله مرطب وبعدين شبي لبسنة

شهاب: ماكو روحة جا ضلن(للكاتبة طيبة الربيعي)

جرينا توسلنة بي كوة منا منا يلة قبل بس بقة طول الطريق

متنك مو طلعة طلعت هاي سم، نمشي بالمول سرى اجت عينهة علة ساعة حلوة طبينة نشوفهة، التهت تباوع ع الساعات وتختار اني استغليت الفرصة لزمت ايد شهاب بثنين ايدي

وتين: حبيبي لتعصب كافي رخي

مجاوبني

وتين: شهاب لتبجيني شو تعودت تجرحني شجاك

شهاب: ماستكتين رحمة للكائنات، مكرن واسكت، خو انتي اخرفيتي فد نوب بالله سرى لابسة طويل وعريض انتي شبيج(للكاتبة طيبة الربيعي)

وتين: شنو اخرفيتي، حرام اكشخ

شهاب: كشخي احد كلج لتكشخين، بس مو هيج وتين اجبرين الواحد يباوع عليج

وتين: يعني بربك اني شلابسة، شو الحلوة والموحلوة متسلم منهم قابل شسوي اضم روحي

شهاب: كافي سدي الموضوع

تركت ايدة: ماشي شهاب مثل متريد، خلي ابالك هذا تفكيرك اكبر غلط

شهاب: تعلميني شلون افكر بعدج بكد القندرة شعرفج بالدنيا شلونهة مالونهة

وتين: اي خلاص، بس انتة الفاهم وبس انتة العاقل، نعتذر اسفين

شهاب: لسانج كافي

طلعهة من خشمي الطلعة، كام يعاندني وميحاجيني بس وية سرى، انقهرت حيل ومتحملت بعد

وتين: يلة خل نرجع

سرى: بعد وكت ليش

وتين: تعبت رجلية كامت توجعني، كوليلة يلة

شهاب: ماعندج لسان انتي تحاجيني لو انوكل

سرى ...عرفت الجو متعكر بيناتهم، عرفت هاي الطلعة مراح تكون حلوة(للكاتبة طيبة الربيعي)

سرى: اي شهاب اني همينة تعبت، خل بطريقنة ناخذ سناكس لليلشهاب ...ضجت منهة كلش، صاير ماكدر اسيطر عليهة تلاسن، الطلعة كلهة ماحاجيتهة تستاهل، بس كلبي يوجعني عليهة الدمعة بعينهة، شسوي ياربي اريد اشوفهة التسوي غلط ميصير تحاسبني لو تراددني، نزلت يم اسواق جبتلهن اليحبنة وصعدت شمرت العلاكة بحضن سرى كاعدة ليكدام يمي، وصلنة للبيت طببت السيارة للكراج ونزلنة طبن كدامي صعدت بدلت هدومي اجاني اتصالي من واحد ولد كلفتة يصيدلي دليل اي شي مستمسكات اوراق تثبتلي همة مزورين الكيعان، جاوبتة كلي(للكاتبة طيبة الربيعي) لكفنة شلون اوراق تحفة تخليهم يعيشون ع الرصيف، حسيت براحة مو طبيعية، هذا ابسط شي اكدر اسوي الهة بعد روحي، نزلت شفت بس سرى بالمطبخ تعزل العلاليك

شهاب: وينهة

سرى: منو

شهاب: وتين

سرى: شهاب عوفهة دتبجي، ليش هيج تقهرهة متتحمل

ضجت من نفسي حيل، رحتلهة فتحت الباب شفتهة حاضنة المخدة وصوت بجيهة مسموع، سديت الباب ودنكت بستهة بركبتهة، علة صوت بجيهة

وتين ...كلبي صار يأذيني والدمعة بعيني خنكتني العبرة، انقهر من يعاملني هيج كلشي بعيني يصير اسود، اوت مطبينة بدلت وكمت ابجي متحملت، سرى حاولت تهديني كوة لزمت دموعي كدامهة كتلهة بعد مابجي بس اريد انام، كالت هسه اعزل العلايك واجي، حضنت المخدة وكمت ابجي حتة محد يسمعني، ليش ياربي فرحتي متكمل ليش بسرعة ينفعل و يقهرني، شوية وحسيت بشي حار علة ركبتي عرفتة هوة(للكاتبة طيبة الربيعي)

شهاب ...كمت ابوس بركبتهة وهية تبجي

شهاب: كافي عمري كافي شجاج، امداني طز بية ليش تنقهرين

بس تبجي ماكو، شلتهة جلبت بية هههه بس بعدهة ضامة وجهة بركبتي وتبجي، طلعتهة للهول وصحت سرى

سرى ...صاحني شهاب طبيت شفتة شايل وتين يضحك وهية تبجي، خربت من الضحك عبالك طفلة وابوهة مزاعلهة

شهاب: جيبيلتة شي خل انكنك، يرادلنة شغل هواي

سرى تضحك: ثوااني

راحت سرى ووتين ماترضة تباوعلي، كمت ابوس بيهة وهية ادفعني بخفة عود زعلانة ام حلك هههههه

شهاب: لج كافي تعبتني والله انوب صايرة شثكلج ام طحش(للكاتبة طيبة الربيعي)

وتين: اتركني ماحبك ولا اريدك ااااتركني

شهاب يضحك: فدوة عود زعلانة، ولج شبعتج بوس غيرج يتمنن بوسة وحدة

ضربتني وكامت تريد تشرد جريتهة كوة وادفع بية

شهاب: ااه شنو كرندايزر خالي شني زلمة

وتين: اتركني جديات مو على مزاجك تعاملني

(للكاتبة طيبة الربيعي)

شهاب: بوية اسفين، كافي ولج تعبتيني والله

وتين: خلاص لعد اترركني

جتي سرى شايلة صينية بيهة اشكال، ادفعة ميوخر بقة مجلب بية بالنص ساعة وسرى تاكل وتضحك، خزرتهة تكوم تساعدني بس مكامت، تعبت ماكدرلة عبالك طير مذبوح بحضنة

وتين: خلاص مسامحتك

شهاب: خاف متقبلين

وتين: لعد شتريد متكوولي، عفية سرى حاجي ايدي كامت توجعني

شهاب: يلة سرى حاجيني، عود راح امشي بحجي سرى اني

اذا طنكرتي ورحتي اعضج والقرءان

وتين: لا ماطنكر بس اتركني

شهاب: خوش

تركني سويت نفسي حكعد بس طفرت اركض ماعرف وين اروح صعدت ركض واشوفة يركض وراية ويصيح وين تروحين مني، طبيت الغرفتة اريد اسد الباب وهو يدفع بي دفعة قوي وكعت بالكاع(للكاتبة طيبة الربيعي) الضحكة لزمتني شالني علة ظهرة واني اضحك واكلة اشاقيك وهو يرزل بية،سرى الفطيرة ورانة تركض تاكل وتضحك

شهاب ...عفتهة شو هاي طفرت كمت بسرعة وراهة تريد اتسد الباب دفعتة لكيتهة بالكاع تضحك شلتهة واخذتهة جوة كعدت ع القنفة وحصرتهة بين رجلية

وتين: لا عزةةةةة، بعد ماعيدهة واللله لج سرررى

سرى تضحك: يمة كلبي، تستاهلين

شهاب: قسماً بالله اعضج

وتين: لا لا هذا هو ماعيدهة

بقة مجلب بية لحد مندكت الباب اضطر يعوفني نزلت بالكاع يم سرى كمت اجر النفس كوة، دخلو عمو وخالة وامير، اجة امير كعد يمنة ياكل وعمو وخالة بدلو وكعدو يمنة ع القنفة وشهاب كعد ع القنفة بنفس المكان ويسولف، عين علية وعلية عليهم، كل ميباوعلي اغمزلة وهو يضحك بالكوة(للكاتبة طيبة الربيعي) يسوي نفسة عود جاد، مرت الايام والأشهر والسنين سرى تخرجت واني اخر سنة الية ذبيت مجهود جبير والفضل يعود لبيت خالتي كلهم يشجعوني، أمير كام يشتغل لان متعين ماكو تعيين، فتحلة اسواق وخبر عمي وخالتي انو من زمان عاجبتة بنية جيرانة ويريد يخطبهة، خطبناهة البنية درة مال الله، مكملة معهد معلمات بس هم ماكو تعيين، كاعدة بالبيت حالهة حال كل الشباب البالعراق، كلمن وحظة، شهاب صار متشدد بالزايد ومحاربني محاربة حتة خالتي وسرى بدو ينتبهون عليه، صار ميهتم بسرى بكد ميهتملي، كلش خانكني وحسرة علية الضحكة برة خاف انكفخ علة حلكي، رغم هذا احبة اموت بي وهو ممقصر وياية كام يتغزل بية ومرات بليل يدز علية وحدي ويكعد يتغزل واذا حضنتة لو بستة يضوج ومرات يدفعني يكول ميصير، ماعرف ليش ميقبل مع انو قبل جان حتة ينومني بحضنة(للكاتبة طيبة الربيعي)

سرى ...تخرجت الحمدلله ورائد صابر وياية ويشجعني، اخر ايام كام يلح مو شلون ماجان واني اخاف اكلة تعال خاف شهاب يرفض ماعرف ليش عندي هل احساس، من تخرجت كمنة منتشاوف هواية بس من يجونة او نرولحهم، بيناتنة مخابرات من تليفون ماما اني ادك عليه هو ميدك حتة محد يشك، بس وتين تعرف وبهل فترة كمت اشوف شهاب مو طبيعية تصرفاتة وية وتين، اشوفة ميتصرف وياهة كأخت مثلاً اني عادي يبوسني او يحضني بس هية صار ميقبل واشوفة يصفن عليهة هواي، مبينت لأحد بس اشك بي يحبهة، رائد كل ميكلي اكلة اصبر لحد ما فد يوم خابرني معصب ويعيط كلي راح ادز اهلي وانتي يطبج طوب ترضين مترضين، حقة هواية صبر مو سهلة، خفت كلش خبرت وتين كالت ميحتاج كل هل خوف قابل هو منين جايج(للكاتبة طيبة الربيعي) متكوليلي، بيومهة رتبنة نفسنة بس محسسنة احد بالبيت، خالة ام رائد متصلة بماما وكايلتلهة جاييكم جية خير، ماما كايلتلهة كل الهلة بيكم، كلش تحبهم ماما ودائما تمدح بيهم وبابا همينة يمدح برائد كلش بس بقت يم اخوية الوحش شيقنعة،

أمير اخوية بعدة خاطب ديكون نفسة وشهاب ديساعدة ممقصر، يريد يسويلة الفوك كلة الة ماعرف شنو البالة يريد حتة غرفتة لأمير، بدو يجهزون الفوك، هو الفوك غرفتين ومخزن وحمام وبي بلكونة بغرفة شهاب، جابو اثاث سوو غرفة للكعدة وغرفة للنوم حسب طلب أمير والمخزن طلعو منة الغراض خلوهن بغرفة أمير الجوة، ماما فرحانة طايرة من الفرح لان البنية تعرف اهلهة وهية وامهة صديقات من زمان، اسمهة روى ماشاءلله عليهة شنو من جمال محظوظ اخوية بيهة حتة اخلاقهة حلوة من(للكاتبة طيبة الربيعي) نروحلهم تحير شطلعلنة اظاهر تحب اخوية أمير هواية، المهم اجة اليوم الي خايفة منة، جونة بيت اهل رائد وشهاب وقت اجازتة يعني موجود بالبيت، رحبو بيهم واني وسرى بالمطبخ اني اطكطك من الخوف وهية تهديني، طبت ماما تبتسملي وكالت سون صينية وانتي جيبيهة سرى وطلعت، وتين شكبتني من الفرحة المفروض اني اشبكهة، رتبنة صينية مال عصائر واللاخ مال حلويات، طبيت اني اول وحدة سلمت وقدمت العصير يمة شهاب شلون يخزر بية سترك ربي، يمة فدوة لحبيبي شطالع، قدمتلة همسلي

رائد: شهاب راح يطردني

ضحكت بالكوة لزمت نفسي، قدمت لاهلي واريد اطلع صاحوني كلهم وين وين تعاي، رجلية يرجفن شعور مينوصف شكد جنت اتمنة هل لحظة بس من اجت تمنيتهة تختفي، كعدت بصف ماما ووتين كامو يحجون بالالغاز رفعت عيني بالغلط شفت رائد صافن علية مبتسم راسان راحت عيني علة شهاب يصك(للكاتبة طيبة الربيعي) بيدة ويباوعلي بخزرة يمة عزة العزاني شجاك يا خوية شمسوية اني

وتين ...طبينة نقدم واشوف رائد شلون يباوعلهة كلش فرحت تستاهل سروش، خو هذا شهاب عبالك راح ياخذون مرتة بس يخنزر عليهة، كعدت يم خالة وسرى كعدت بيناتنة

يتبع...🌺🌺🌺

البارت السادس عشر

(للكاتبة طيبة الربيعي)

باوعت لشهاب فدوة لطولة شكد احبة، كرهتة من اشرلي اكوم، يوووو شنو هاي عفية مالي نصيب افرح وية بنت خالتي، ترخصت منهم بحجة عفت الطباخ مفتوح، شوية واجة أمير وراية

أمير بعصبية: ولج وتين هاي شلابسة

وتين بخوف: ها

أمير: غير طالعة تموتين

راح كلبي: شجاك عبالي صرت مثل شهاب

أمير ضحك: مبين من ردة فعلج، ليش طلعتي خوما اكو شي

وتين: لا ماكو بس نسيت الطباخ مفتوح

أمير: ديلة تعاي نفوت

وتين: لا لا روح انتة فوت، هسه اني شوية واجي

أمير: ماشي براحتج، مو اطولين

وتين: لا ماطول(للكاتبة طيبة الربيعي)

راح أمير واني كعدت ع الكرسي اطكطك بالعلج واسمعلهم، امدة حظي اي والله بيت عمي هنا ومحرومة من الكعدة وياهم

شهاب ...مرت السنين وأمير عاجبتة بنية من زمان كايلي عليهة وكتلة كون نفسك يلة ماريدك تعتمد علة ابوية ولا علية اني اساعدك اشتريلك مصدر رزقك وانتة تعين نفسك بعد، مشة بحجايتي وبدة يتعب علة روحة بالاسواق، جمعلة جم فلس واشوفة ملهوف عليهة كلت اساعدة بالاثاث وعلة حسابي سويتلة الفوك كلة، حتة غرفتي ماريدهة قررت اعيش ابيتي بعد لان قرب وتين غلط واني صاير اتمادة كلش متعجبني تصرفاتي، بعدتهة عني ونبهتهة وفهمتهة حتة لتنقهر ويضل ابالهة ماريدهة، حبيبتي(للكاتبة طيبة الربيعي) تسمع الكلمة بس اني ماتحمل بعدهة مرات ادز عليهة من ينامون اتغزل بيهة خاصة بعيونهة واشوفهة تفرح بس مانومهة علة ايدي مثل قبل كبرت بعد،

جوي بيت عم وتين مجنت متوقع جايين يطلبون ايدهة لان كل مرة يجون عادي، اضوج اشوف وتين كاعدة بيناتنة وعدنة رجال غريب ماكدر مو بيدي، اشرتلهة تطلع همزين ماعاندتني منا اني طاكة عندي تروح هية تزيد النار حطب وتخليني اسحلهة كدامهم، حجة عمهة وكال نطلب ايد المحروسة لرائد، باوعتلة يستاهل وهسه ماعندي حجة ماطيهة دراسة وخلصت بس عجبني الولد صابر كل هاي السنين معقولة، الوالد حجة شافني راضي اشرتلة براسي وابتسمتلة، حجة وكال نتشرف بيكم وعلة راسنة بس ببة شور البنية يلة نردلكم الجواب كامل، شفت الفرحة بعيون رائد و سرى مبين عليهة راضية، قبل لا يروحون بالباب تشكر مني رائد ووعدني يحطهة بعيونة كتلة تستاهل انتة واتشرف بنسابتك، راحو(للكاتبة طيبة الربيعي) واحنه طبينة امي حجت وية سرى بالغرفة وجتي كالت تريد تفكر، عفتهة علة راحتهة، رجعت لبيتي بدون ماخبر وتين لان اعرفهة راح تنقهر واموت اذا شفتهة دمعتهة، صارلي جم يوم انام ابيتي وهية تكلي ليش متنام يمنة اتحجج بالشغل عود يجوني جماعتي ومن هل سوالف، يومية اكللهة اليوم ابات ومابات، منتظرهة تتخرج اخذهة واطفر اشبع بيهة، اخليهة تمل مني وهية تكوم تكلي روح للدوام هههههه، رحت لاهلي ع الغدة ثاني يوم، وتين مطنكرة لا سلمت ولا باعتلي، هاي شنو يومية تحلة بالزايد، خالتي الله يرحمهة شماكلة بيهة شكر عسل، عيني عليهة تاكل لكمة كل عشر دقايق، خلصنة رحت اغسل ايدي غسلتهة وبطلعتي شفت وتين تريد تروح للمطبخ جريتهة جوة الدرج

شهاب يلعب بخصلات شعرهة: زعلان العسل

وتين: بالله صدك تحجي انتة، كل الدتسوي ومتريدني ازعل، كتلي لتحضنين بعد كتلك اوك ومحضنتك كتلي لتنامين يمي كتلك اوك ومنمت بس تروح تبات ابيتك وحتة متطيني خبر هاية صدك لعبان نفس(للكاتبة طيبة الربيعي)

شهاب: حقج عمري بس كتلج لحد متتخرجين حتة نزوج، غلط ابقة وياج بنفس البيت واني راغب بيج

وتين: روح شهاب وبعد لتجي

عافتني وراحت، حقهة هو اني من يمي ضايج وطاكة روحي رجعت كعدت بالاستقبال وجانو يحجون سرى موافقة، شبسرعة خيتي مستعجلة هههه، بالي يم وتين ومادري امي تحجي وياية

ام شهاب: يااا يمة شهاب الصفنة مو الك

شهاب: ها يمة

ام شهاب: وين بالك حبيبي

ابو شهاب: شجاك بوية هاي الفترة بس تصفن، خير

شهاب: لا ماكو شي يابة(للكاتبة طيبة الربيعي)

ام شهاب: وليدي شوكت افرح بيك انتة هم، خل اخطبلك الى متى تضل هيج لا مرة لا وليد

انصدمت بحجاية الوالدة: لا يمة مو هسه

ام شهاب: ابالك وحدة حبيبي، هسه اروح اخطبلكياهة وعلي

شهاب ضحك: لا يمة شسالفة، من يطخ ابالي اني اجي اكلج

خطبيلي

ام شهاب: حبيبي نريد نشوف جهالك شضل بالعمر متكلي

شهاب: عمركم طويل انشاءلله تلحكون وتشوفون احفاد احفادكم همينة

ضلينة نسولف وفكري كلة بوتين، ابوي راح نام وامي تقرة قرءان وأمير يحجي وي خطيبتة، كمت دكيت الباب مال غرفتهن طلعت سرى وسدت الباب

سرى: ها حب(للكاتبة طيبة الربيعي)

شهاب: وتين وينسرى: نايمة، خطية هلكانة من التعب اليوم الصبح نضفت الطرمة كلهة وحدهة اني وامي رحنة للسوك

شهاب: ها خوش

سرى: ليش تريد شي اني اسويلك

شهاب: لا حبيبتي بس زعلت مني جيت اصالحهة، من تكعد كليلي

سرى: ماشي واني اكول ليش تبجي من اسالهة تكلي راسي يأذيني

خرب بية ليش اقهرهة اني وهية متتحمل حساسة، اجاني اتصال من نفس الولد كلي باجر نلقي القبض عليهم كتلة اني الصبح يمكم لتتحركون قبل لا اجي كال خوش، اخذتلي غفة اني هم بالهول لحد ماسمعت صوت سرى

سرى: شهاب كوم بابا مدري شبي صدرة متنك

كمزت: ااه

سرى: والله ماما تكول لازم تاخذة للطبيب صارلة كم يوم علة هل حالة(للكاتبة طيبة الربيعي)

كمت علة حيلي طبيت لغرفة ابوي شفتة كاعد لازم صدرة ويجر النفس كوة، امي تمسح علة ظهرة وتقرة ايات و أمير كاعد بصفة و وتين واكفة وبيدهة كلاص مي والدمعة بعينهة

كومت امير وكعدت بصفة

شهاب يمسح علة ظهر ابو: سلامتك يابة شبيك

ابو شهاب: مادري وليدي احس النفس ضاق بية

شهاب: اسم الله عليك بوية، سرى روحي جيبي السويج مال سيارتي بالهول، أمير كوم خل ناخذة للمستشفى

أمير: خوش

كومنا وانتجة علينة اثنينة، طلعنة للطرمة سرى جابت السويج امي لبست عبايتهة وصعدت وي ابوي ليورة وأمير ليكدام يمي، اخذنا للمستشفى وكالو همزين جبتو بداية ربو ولحسن حظة نوع الربو خفيف منقطع يعني يجي مرتين تلاثة بالاسبوع واذا معالجنا يزيد يصير يومية، انطوني الراجيتة والطبيب كال كتبتلكم اسم البخاخ لازم يستعملة فوراً من يصير عندة ضيق بالتنفس، أمير اخذهم للسيارة واني رحت للصيدلية انطوني الدوة اخذتة ورجعت للسيارةشهاب: ها يابة شلونك هسه

ابو شهاب: الحمدلله يابة الله يحفظك ويرزقك انشاءلله(للكاتبة طيبة الربيعي)

حيل خفت علة والدي حسيت الدنيا ضاقت بية تمنيت الوجع بية ولا بي، رجعتهم للبيت وراح من بالي البنات وحدهن، نزل امير فتح باب الحوش دخلت السيارة ونزلت والدي طبينة للبيت تلكنة والدمعة بعينهن، وصلت والدي لغرفتة ووصيت سرى ع العلاج تركضلة ركض اذا مو يمة، ضلينة لحد الليل يمة اني ماكدر اضل هنا بعد لازم ارجع لبيتي احضر اهدومي وراية طلابة

شهاب: يوم اني رايح اذا صار شي اتصلو بية، باجر وراية دوام

ام شهاب: ليش متبات يمة البنات يحضرلك هدومك ضامتلكياهن هنا

أمير: اي شهاب ضل شعندك وحدك، الصبح يسولك ريوك

سرى: ابقة حبيبي نام يمنة(للكاتبة طيبة الربيعي)

كلهم طلبو مني ابقة بس وتين اباوعلهة متباوعلي

شهاب: خوش

طلعت للاستقبال صحتهة جتي تحجي بثكل

وتين: نعم

وتين ...قهرني مو شلون ماجان، عبالك يشرد مني اعرف لان يحبني وحفاظاً علية بس اشتاقلة متعودة عليه واضوج ينام هناك منو يسويلة ريوك من يتصخرلة، ابد مباوعتلة لان مقهورة صح فرحت راح يبقة بس مبقة بطلب مني، طلع وصاحني رحتلة

شهاب: وتين مو وكت زعلاتج هسه، تعاي كعدي

وتين: هيج مرتاحة شهاب كول شعندك ماكدر اعوف عمي وحدة

شهاب بعصبية: عمج يمة مرتة تعاي كعدي

رحت كعدت بس بعيد عليه

شهاب: تعاي تقربي

تقربت شوية: نعم

شهاب: وتين تعبان والله مالي خلك اضل سهران وافكر بيج(للكاتبة طيبة الربيعي)

عندي شغلة مهمة باجر، كلش مهمة وجبيرة واحتمال تصير دموم، ادعيلي انتي نضيفة وكلبج طاهر

وتين ...كلبي نغزني

لزمت ايدة: شنو شهاب شكو، فهمني شنو القصة

شهاب جر راسهة وباسة: حبيبتي لتشغلين بالج بعدين تعرفين بس ادعيلي ولتشيلين بكلبج علية، ماتحمل انام وانتي زعلانة علية

وتين: مزعلانة بس فهمني شكو باجر

شهاب: اذا اطلب منج تريحيني ومتسألين تسويهة؟

ترددت بالبداية بس بعدين جاوبت

وتين: ماشي(للكاتبة طيبة الربيعي)

كمت ومديت ايدي: يلة تعال افرشلك تنام

شهاب ابتسم لزم ايدهة وكام وياهة، دخلو للغرفة فرشتلة يم الحايط وهو منتجي ع الحايط ويباوعلهة مبتسم، جرتة للفراش وغطتة

وتين: هسه اجي

وتين ...طلعت أطمنت علة عمو، احسن وشفتة يضحك وياهم

كلت السرى تجي حتة انام ورانة دوام، تاكدت من خالتي اذا يحتاجون شي كالت اذا احتاجيت اصيحجن روحن حبيباتي، رحنة للغرفة اني تمددت بفراشي وسرى بصفي وشهاب من ذيج الجهة، اباوعلة شبسرعة نام هيج تعبان؟ سودة اعلية الله يبعد عنك كل شر ويحفظك ويوفقك انشاءلله، ضل بالي شنو الشغلة الليل كلة منمتة حسيت عليه كام وية صلاة الفجر كمت ويا

شهاب يهمس: نامي حبي ماريد شي

وتين: لا اني كعدت بعد

طلعت ويا من الغرفة راح هو للحمام واني طبيت لغرفة خالة وعمو اخذت ملابسة من الكنتور وطلعت بهدوء، خليتهن بالغرفة مال أمير القديمة وطلعت اسويلة ريوك، شوية واجة(للكاتبة طيبة الربيعي)

اني مصليت مجازة من اجة مسألني، صار ميسأل من عرف بلغنة، كعد ع الميز خليت الاكل كدامة وكعدت اباوعلة وهو ياكل

شهاب ...كعدت الفجر كمت علة كيفي كامت وتين كتلهة ترجع تنام مقبلت، رحت غسلت وتوضيت وطلعت صليت، طبيت للمطبخ كعدت انتظر وتين تخلص وفكري يم سالفة عمامهة، خلت الاكل كدامي بديت اكل رفعت عيني شفتهة صافنة علية، حافظهة، اعرف ابيش تفكر

شهاب: ليضل بالج، مارايح وحدي

وتين: شهاب الى متى يعني، ليش تخليني بحيرة

شهاب: مو كتلج ريحيني ولتسألين، اول وتالي تعرفين واليوم همينة بس لتنكين

وتين: خلاص سكتت

خلصت اكل غسلت لكيت وتين محضرتلي الملابس بغرفة اخوية امير، بدلت وطلعت اخذت محفظتي والجكاير والموبايل، قبل لا اطلع بستهة بخدهة، صارلي سنين مابايسهة بس براسهة

وتين: تروح وتجي بالسلامة(للكاتبة طيبة الربيعي)

شهاب: ادعيلي كلبي

وتين: شعندي غيرك لعد، اذا مو الك ادعي المن ادعي انتة ابوية وامي وكل هلي

جريتهة الحضني: يروحلج فدوة شهاب وعشيرتة

وتين: اسم الله عليك، شهاب اتصل عود فدوة

شهاب: اكيد جا شلون، يلة طبي وديري بالج علة نفسج واذا صار شي خابريني من تليفون امير لو امي، بنزلتي هاي اجيبلج تليفون بس ماكلج شنو مفاجاة

وتين: ماريد بس سلامتك، شهاب دير بالك علة نفسك لتنفعل بسرعة وتسويلك عداوات(للكاتبة طيبة الربيعي)

شهاب: انشاءلله عمري، لعيونج مراح انفعل، يلة طبي

باستني وشبكتهة حيل، احسهة النفس اليصعد وينزل بية، وتين كلبي، طلعت واحس نفسي كلي طاقة

يتبع...🌺🌺🌺

البارت السابع عشر

(للكاتبة طيبة الربيعي)

مرتاح لان متوكل علة ربي بكل خطوة، ومرتاح لان طالع علة

باب الله وبنيتي ارجع حق اليتيمة الانوخذ بالحرام

وتين ...طلع شهاب وروحي راحت ويا، بقيت اليوم كلة قلقة حتة خالتي وسرى انتبهو علية كتلهم جايتني واعصابي تلفانة، اوف يا شهاب الى متى ابقة عايشة بخوف من وراك

مركزة ع الفون مال خالتي هسه يخابر هسه يخابر ماكو، صار العصر لا حس ولا خبر، بعد متحملت اخذت التليفون طبيت للغرفة واتصلت بي، يدك يدك وماكو، خاف جنت عايزة قلق اني، طلعت الخالتي

وتين: خالة شهاب ميجاوب

ام شهاب: اي يمة غير بالدوام تلكي مشغول، هسه هو يرجع يخابر(للكاتبة طيبة الربيعي)

سمعت كلام خالتي وكلت انتظر لليل اذا مجاوب اكلب الدنيا

سرى ...بليل اتصلت برائد فرحانة لان مصارتلي فرصة احاجي، دك جاوب بغزل

رائد: هلا برويحتي هلا بكل هلي وناسي

سرى ضحكت: بالله واحد من اهلي متصل شتكلة

رائد: ان الرقم المطلوب حالياً خارج نطاق التخطية

سرى: ههههههههههه، لا صدك عود متنلكف

رائد: والله لو شهاب، انلكف وانعدم همينة، شلونهة الدبة مالتي

سرى: دبة؟

رائد: اي حبي مربربة جنتي قبل معصعصة كلشي مانفتهم منج

سرى: رائد

رائد ضحك: اشاقيج سنفورتي، ولج جسمج مثالي لا ضعيفة ولا سمينة واني اموت علة هيج جسم(للكاتبة طيبة الربيعي)

سرى ...اول مرة رائد يحجي وياية هيج حجي، من عرفتة الي هسه بيناتنة حدود بس هسه اظاهر مرتاح لان علن حبة رسمي

سرى: مازين هذا

رائد ضحك: شتسوين متسوين بغيابي

سرى: والله كاعدة وساكتة، البارحة بابا صدرة تنك واخوتي اخذو للمستشفى كالو بداية ربو الحمدلله لحكنالة

رائد: ااه، صدك جذب غير ادزون علية، ماحبيتهة منج سرى

سرى: لا حبيبي ماكو داعي لو شي قوي صدكني جان كلت الماما تتصل بيكم، بس شهاب اخذة ومكدرت اعترض تعرف بعد

رائد: سلامتة انشاءلله مايشوف شر

سرى: تسلم عمري

رائد: وهسه شلونة؟(للكاتبة طيبة الربيعي)

سرى: لا احسن جبنالة بخاخ من الصيدلية وبعد على الله

رائد: اذا صار شي لا سامح الله بس دزيلي رسالة واني اجي عود صدفة

سرى: حبيبي متقصر، شلونك انتة الدوام شلونة

وبدينة نسولف ونحجي اشكال الوان، هستوني داكول الرائد حروح اسوي عشة سمعت عياط، شمرت التليفون وركضت طلعت للصالة اشوف امي ادك وتلطم ووتين شبه فاقدة ووأمير يهدي بيهن وابوية يحاول يستفسر منة، ركضت لامي جبتلهة مي واني ماعرف شنو القصة

وتين ...لليل وشهاب ممتصل والمصيبة الكبرى ميجاوب، ماعرف اعصب لو اقلق كلشي شبك عندي، كاعدين اني وخالة وعمو بالصالة طب أمير كال شهاب داخلهذا وحدة يثبت جرائتهم، اذا يرفعون السلاح بوجه الحكومة كلشي يتوقع منهم، صارت اشتباكات وجماعتي رفعو السلاح عطت بيهم نزلو منريد دموم، جريناهم سحل طلعو بس فخفخة ولسان عبالك نسوان، اخذناهم للسجن وهوسة راسي انفر فر، لليل واشوف ابوي(للكاتبة طيبة الربيعي)  وأمير واكفين كبال مكتبي، طببتهم لمكتبي وكتلهم هسه اجي، طلعت حجيت وية الآمر هم اجة شوفتة الادلة وكلشي حجيتلة والوياية هم شهدو كال عفية عليك خاف جنت مرفوع بعيني هسه انتة بالقمة، تشكرت منة وطبيت لمكتبي والدي حظني ويبجي يكلي شسويت وشورطك وياهم بستة براسة وهديتة، منا هو مريض ماريد ازيدهة عليه، حجيتلهم من اول خطوة لحد هاي اللحظة، ضلينة للصبح وذولة بس يتصايحون ويتوعدون وعمهة الجبير الشفية يكلي ماخليك سالم استهزئت بي استفزيتة كام يعيط ويصرخ، اجة الآمر كال اذا متسكتون أأجل القضية الى يوم يبعثون وتخيسون هنا، شوية شوية هدئو، صار الظهر تفاجئت بوجود عم وتين ورائد، الرجال طبك(للكاتبة طيبة الربيعي)  بصفحتنة وراح حجة وية اخوتة وعاتبهم وهمة ولا عبالك اخوهم صارلهم سنين ماشايفي، شكد شايف ضيم وضلايم وناس زفرة بس مثل ذولة عمري ما واجهت، ارتاحيت نفسياً رغم التعب الجسدي، رجلية يوجعني وظهري احسة مفطور، أمير كلي امي والبنات فقدن خل تشوفك امي حتة تهدأ الي هسه ماخبرناهم بشي التهينة، انكسر كلبي ع الوالدة وفكري بوتين جانت حيل خايفة علية قبل لا اطلع، رجعنة للبيت وعم وتين ورائد ماقصرو الله يجازيهم كل خير، اوت ماطبيت طفرت علية امي تحظني وتبوس بية ممصدكة عايش، هاي شموصليلهم حجي رايح للموصل، بوستهة وسرى هم شكلهة تعبان، ادور بعيوني علة وتين لمحتهة واكفة اباب الاستقبال وتباوع وتبجي، ماكدر اروحلهة خاف اتهور كدامهم، كعدت وامي(للكاتبة طيبة الربيعي)  بصفي تبوس بية، صبتلي سرى كالت اكل يلة تحجي، صدك ماماكل شي من البارحة ولا مصلي، رحت نزعت هدومي بغرفتهن وطبيت اسبح، طلعت بية شوية طاقة بدلت وتوني انشف شعري طبت وتين

وتين ...شفتة شافني ويباوعلي بحنان اعرف ميكدر يجيني كدامهم، كعد واني رحت للمطبخ صبيتلة اكل جتي سرى كالت هسه يسبح ويبدل يلة، التهينة ومصارتلي فرصة احجي وية سرى، هم زين استحي احجي وياهة واكوللهة احب اخوج ويحبني احسهة واكفة، استغليت الفرصة وطبيت لغرفتنة شفتة ينشف بشعرة سديت الباب وركضت حضنتة(للكاتبة طيبة الربيعي)

شهاب: افييش بعد روحي، كافي لتبجين شتفقنة

وتين تبجي وكوة تحجي: ليش مكتلي، ليش مجاوب علة اتصالاتي انتة مو كتلي اذا ردتي شي خابريني

شهاب: ششش كافي، التهيت والله وتليفوني بجيبي صامت ماشفت، كافي عمري لتبجين

وتين بعدت عنة وباوعتلة بجدية: شهاب شسويت، ليش تعاركت وية عمامي

شهاب: تعاي بليل نحجي اني وياج هسه خل احجيلهم الصار شفتي امي خطية شصاير بيهة، امشي وياية(للكاتبة طيبة الربيعي)

اخذني وطلعنة ترك ايدي قبل لندخل، دخل واني دخلت ورا كعدت يم عمي ابو رائد، باسني براسي وسالني علة احوالي كتلة تمام، انصدمت بالحجا، صارلة كل هاي السنين يدور علة حقي؟ كل هل سنين ومخبرني، ذب نفسة بالنار علمودي، ياربي شما اسوي ماوفي فضل بيت خالتي كلهم علية، من عمو لحد سرى، كلهم مقصرو وياية واصلا دلالهم زايد علية، الف الحمدلله الله عوضني بأهل درة، نام مطمن بحضن الي يخاف الله سبحانه، هو يحجي واني عيوني تجري وعمو يمسح بيهن ويكلي حقج ميضيع، بالي مو يم الاملاك ولا يم الكيعان، بالي يم حبيبي شهاب، شكد يحبني؟ يمكن مراح اكدر احبة بكد(للكاتبة طيبة الربيعي)  ميحبني هو، مسويتلة شي ينفعة بكد ما هو سوالي، لليل راحو بيت عمي وشهاب صبينالة ياكل، سودة علية اكب تلث مواعين وشرب سراحية كاملة مال لبن، شكد جوعان لعد، فرشنالة بنفس المكان يمنة، سرى راحت صعدن فوك تحجي وية رائد بحجة اطلع ملابس أمير اليحتاجلهة غسيل، سديت الباب وكابلت شهاب وكعدت

شهاب ...لليل فرشتلي وتونة بغرفتهن، يرى راحت اكلع هدوم امير الوصخات وامي نايمة لان حيل تعبت اليوم والوالد همينة، أمير راح البيت خطيبتة رايدة عمة، دخلت وتين كعدت كبالي واني مستلقي ع الفراش وايدي جوة راسي(للكاتبة طيبة الربيعي)

مديت ايدي الثانية اتلمس شعرهة

شهاب: تدرين شكد اشتاقيتلج

وتين: مو بكدي

دنكت راسي العب بالزولية: شما اسوي مراح اكدر اردلك السويتة علمودي

جرهة لحضنة: ششش، بعد لتعيديهة، هذا قليل مقابيل اعتنائج بية وبأهلي

(للكاتبة طيبة الربيعي)

يتبع...🌺🌺🌺

البارت الثامن عشر

(للكاتبة طيبة الربيعي)

وتين متتصورين شكد مرتاح بوجودج، من اليوم الشفتج ابيتنة حسيت نفسي انولدت من جديد، حسيتج انتي تعنيلي الدنيا والمابيهة، متتصورين شكد احبج، شما احجي ماكدر اوصف شعوري وانتي يمي وبحضني، تكفيني نظرة منج تمدني بطاقة وقوة مو طبيعية، السويتة هذا جان المفروض اسوي من زمان بس مجنت اعرف السالفة هيج قوية ومن يوم العرفت لحد هسه يلة كدرت الزم دليل عليهم، حلالج كلة راجعلج بس اصبريلي جم يوم

كمت ابجي متحملت غركت فانيلتة وهو يضحك

وتين: احبك شهاب اكثر من كل شي

شهاب: واني اموت بيج، تتخرجين واخذج واطفر

وتين: وين

شهاب بمكر: لبيتي

وتين: اييي ويومية انام بحضنك

شهاب ...اظاهر وتين متعرف شي عن الزواج عبالهة بس حضن ههههه(للكاتبة طيبة الربيعي)

شهاب: وتين عمري تعبان كلش، نوميني ولتكومين الة لمن تسمعيني اشوخر

وتين: من عيني

بقيت العب بشعرة وكلسع لازم ايدي وبايسهة، ياربي اشكرك عوضتني اشكرك هواية، ربي سبحانه ميترك الضعيف وحدة والقوي يحنن كلبة ع الضعيف، نمت من سمعت شهاب كام يشوخر ههههه، سودة علية شكد تعبان لعد هاي ميشوخر اذا مو تعبان فد نوب، كعدت الصبح بعدة نايم باوعت علة فراش سرى كمزت من مكاني من لكيتهة نايمة، شكد فشلة يعني البارحة من دخلت شافتني نايمة بحضنة وهية حست اكو شي بيناتنة، شكوللهة هسه، كمت لميت فراشي ع الكيف وطلعت غسلت ورحت للهول اريد ارتبة البارحة بقة هوسة، لكيت خالتي ترتبة(للكاتبة طيبة الربيعي)

وتين: صباح الخير خالتي

باستني: صباح النور كليبي، شنو خالة الهسة نايمين

وتين: والله خالة تعبانين البارحة محد بينة نام خاصة شهاب، روحي كعدي هسه بس ارتب الهول واسوي ريوك

ام شهاب: لا خالة شعندي خليني التهي مليت من الكعدة

وتين: لا خالة كعدي لخاطري

كوة قنعتهة جريتهة كعدتهة ورتبت الهول وبهل اثناء كعد عمو صبح علينة وبدة يكلب بالتلفزيون، سويت ريوك وقبل لا افرش السفرة رحت اكعد سرى، اضوج بدونهة خاصة الصار البارحة زاد كئابتي، طبيت علة كيف حتة ماكعد شهاب

همست باذنهة: سرى، سرووش، حب حب كومي يلة

سرى نايمة: مممم(للكاتبة طيبة الربيعي)

همست: كومي منتظرتج نتريك يلة

دارت علية وباوعتلي كوة فاكة عيونهة، حسيت نظرتهة تعاتبني  كامت بدون متصبح علية ولا اجاوبني اصلاً، هاي هية امداج يا وتين ليش مخبرتيهة من البداية، ماكدر انكر بعد اذا نكرت بعدين تعرف اكيد اضوج مني ومتثق بية، طلعت فرشت السفرة جتي سرى صبحت عليهم ومباوعت بوجهي، بدت تودي وياية المواعين اخر ماعون دتودي لزمت ايدهة

وتين: سرىسرى: وتين بعدين(للكاتبة طيبة الربيعي)

عافتني وراحت، كعدنة نتريك بس انسدت نفسي كوة اكل اللكمة، مباوعتلي ابد، كعد امير كمت اريد اطك بعد بيض سرى سبقتني، ورة الريوك هية غسلت المواعين بعدها التهينة كعد شهاب حبيبي سويتلة اني ريوك تريك وكعد بالهول يدردش وياهم، سرى ترتب الغرفة والفراشات واني امسح، اليوم هم مداومت لان هلكت البارحة، سوينة غدة تغدينة بعدها جوي بيت عمو مصطفى كلهم، التهينة وياهم وهم يحجون علة الصار البارحة، صار المغرب راحو،(للكاتبة طيبة الربيعي)  صلينة كلنا بعدها سوينا عشة وابد مصارتلي فرصة اكلم سرى الة بالليل الولد طلعو وخالتي يباعون اخبار، طبيت للغرفة لكيت سرى تعزل بالكنتور كعدت كبالهة

وتين: اعزل وياج

اشرتلي براسهة لا

وتين: سرى شبيج وياية، شسويت

سرى: مسويتي، شمسويتلج قابل

وتين: اعرف علويش ضايجة، مو مثل متفكرين والله

تركت البيدهة وباعتلي بجدية: ضميت عليج شي فد يوم؟(للكاتبة طيبة الربيعي)

وتين: لعد اني يا يوم ضامة عليج، بس استحيت اكولج والشغلة حساسة

سرى: اوك الشغلة حساسة، مو معناتها اضمين علية وتخليني مثل الاطرش بالزفة بيناتكم

وتين: اسفة والله بعد ماعيدهة

رجعت تلمملم الكنتور: ميفيد الاسف وتين، بعديش، الله اليعلم من شوكت هذا الحجي

كعدت بصفهة بالكاع: هو من زمان بس استحيت كتلج شغلة حساسة، واني شنو غايتي لحتى اضم عليج(للكاتبة طيبة الربيعي)

سرى: ليش اني شغلة رائد مجانت حساسة؟ مو كبل بنفس اليوم جيت حجيتلج كلشي ويومية احجيلج بالتفصيل الممل عن كلشي يصير وياية بخصوص هل موضوع

وتين: اعرف حقج، كلشي تكولي الج بي حق

دنكت: اني استحي تعرفيني كلش زين، خاصة سوالف الحب كلشي ماعرف عنهة ومن بديت احب شهاب معبالي ححبة لهل درجة، جنت محتاجة احد يوجهني بس استحيت وخاصة هوة محذرني افكر بهيج سوالف او احجي بيهن الة لمن اخلص دراستي

سرى: زين سؤال

وتين: جواب

سرى: من شوكت هذا الحجي

وتين صفنت بعدين كالت: من عمري جان 15، يعني بوقتهة يلة عرفت شهاب يحبني مثل مااني احبة

سرى: ااب الله وتين؟ كل هل سنين ومكايلتلي او ملمحتلي؟؟(للكاتبة طيبة الربيعي)

وتين: هفف شسوي مو بيدي، اخجل والله

سرى: بعدين تعاي شنو شهاب شلون اعترفلج وشوكت

حجيتلهة شلون وشوكت

سرى: يا ملعون، واني اكول شبي اتخبل من عرف بيج رحتي لبيت عمج، ياربي واني الغبية شلون محسيت

وتين: اكيد متحسين، شعرفنة احنه بهل سوالف، طبينة جامعة يلة

سرى: اي والله، بس بعدني زعلانة

بستهة وحضنتهة: ماكدر علة زعلج، انتي اختي شلون ازعلج(للكاتبة طيبة الربيعي)

بادلتهة الحضنة: حبيبتي وانتي اختي وكلبي وروحي، بس بعد لتعيديهة لان من صدك ازعل عليج

وتين: ابد، اذا عدتهة قوتليني

(للكاتبة طيبة الربيعي)

سرى ضحكت: بس لا عبالج افوتهة بدون مقابل

وتين: من عيني شتريدين طلبي

مرت الايام والاسابيع اتفقو بيت خالتي وبيت عمي علة الخطوبة مال سرى ورائد، و أمير سوينالة عرس مطنطل كل المنطقة كامت تحجي بي، بالبداية سوينا هنا ودك وركص بعدين بقاعة جبيرة، واكيد زلم وحد ونسوان وحد، شهاب اغا بعد، مراة أمير كلش حبابة وردة مال الله اجتنة اخت ثانية، أمير يموت عليهة ومدللهة وهية كذلك حتة خالتي تكوم وتكعد تمدح بيهة وبندارتهة، اني تخرجت سوولي حفلة بيناتنة وبوقتهة شهاب كاللهم راح اخذهة افرهة بس فاجئني من اخذني البيتة، اوت مطبيت شفتة شلون مزينة يخبل والضوة احمر دخلني للاستقبال وجان اكو كيك وعليه صورتي وصورتة ومكتوب الف مبروك وتين قلبي(للكاتبة طيبة الربيعي)

شهاب ...حبيبتي تخرجت ورفعت راسي بشهادتهة ولو هية دومهة رافعة راسي بادبهة واخلاقهة والجامعة كلهة تمدح بيهة، حبيت اسويلهة مفاجأ بسيطة ابيتي وخبرت اهلي اطلع افرهة لان بوقتهة جانو بيت عمي يمنة يعني ماكدر اخذهم كلهم، خوش حجة، اخذتهة ووكلتهة كيك بيدي(للكاتبة طيبة الربيعي)

وتين ...وكلني بيدة وباسني براسي وطلع علبة صغيرة ووحدة كلش جبيرة مخليهة بالاستقبال، فتحهة وطلع خاتم ذهب مدكوك اسمة عليهة "شهاب"، محد يتصور سعادتي ومن الفرحة كمت ارحف ولساني انعكد حتة معرفت اشكرة، لبسنيا وطلع علبة ثانية نفسهة وطلع منهة حلقة رجالية واسمي مدكوك عليهة بي ويا قلبي "وتين قلبي"، باوعتلة شلون يبتسم وعيونة كلهن حب، اخءت الحلقة لبستهيا وحضنتة، كبعا كل هذا واحنه ساكتين، ماعرف شحجي شكول، او بالاحرى لساني ثكل(للكاتبة طيبة الربيعي)

شهاب ضحك: خطبتج رسمي منج بقو بس الاهل

وتين: شهاب ماعرف اعبر عن البداخلي، بس الاعرفة اكولكيا انو اشكر الله سبحانه رزقني برجال مثلك، رجال بمعنى الكلمة مو كلمن عندة شوارب يتسمة رجال

بستهة بخدهة: وانتي جوهرة بمعنى الكلمة، الله عوضني بيج وبحبج، وتين من هسه احذرج، ابد لتضمين علية شي بيوم

ميهم اذا جانت الشغلة جبيرة او صغيرة لان نهايتهة راح اعرف وميصير خير

وتين: لا حبيبي شضم عليك هو اني شعندي حتة اضم عليك، انتة دفتري اكتب بي كل البكلبي مضميت ولا راح اضم عليك شي بيوم

شهاب: اروحلج فدوة

وتين: اسم الله عليك عمري(للكاتبة طيبة الربيعي)

فاجئني من شغل "سمعني نبضك" ومد ايدة، لزمتهة وبدينة نركص سلو، خليت راسي علة صدرة وهو راسة بشعري، حسيت نفسي أميرة ويا، دائما يحسسني اني ثمينة اثمن شي بحياتة وهذا المخليني اشوف نفسي بحبة

شهاب ...اوف يا حضنهة، بي كل انواع الحنان، بحضني بس ماشبع منهة، ضلينة علة هل حالة لمدة طويلة، الاغنية خلصت وراحت وهية بحضني مابدي ابعدهة بس حسيت نفسي راح افقد بعدتهة وكتلهة خل ناكل حتة ارجعج هم يالله ساعة صارت ب 9

وتين ...احساسي مينوصف، الامان الاحسة واني يم شهاب ما ممكن ينوصف، كعدنة ناكل كيك ونسولف ونضحك لحد ما دك فون شهاب، خالتي كالت يلة تعالو تاخر الوقت

شهاب ...بقة الباكيت الجبير مافتحنا، كمت جبت مكص وحطيتة بيدهة

شهاب: فتحي(للكاتبة طيبة الربيعي)

وتين ...كمت فتحتة تفاجئت بدب كلش جبير ولابس فانيلة عليهة صورتي واني صغيرة وهو شايلني

شبكتة: يااااي، شهاب كلش حبيتةةة

باسني بخدي: حتة تعرفين انتي مو بس عشيقتي وراح تصيرين مرتي لا، انتي بنيتي الربيتهة علة ايدي وتعبت حتة اشوفهة مهندسة ويا محلاة هل تعب

وتين: مقصرت بس دلالك يكفيني، تعبت وياية وتستاهل اتعبلك صدكني اخليك بعيوني ذني واشيلك فوك راسي يا تاج راسي

بست راسهة: يسلم راسج يا رويحتي، يلة خل نروح لا الحجية تفطس

وتين ضحكت: ماشي(للكاتبة طيبة الربيعي)

ردت ارتب الهوسة بس كلي عوفيهة باجر عود، رجعنة للبيت ثاني يوم جابلنة شهاب ثنين ايفون واحد الية واحد لسرى وثنينهن ايفون 7 plus كلش فرحت وسرى كامت تركص وكلهم يضحكون علينة، واخيرااا، بس بعديش تخرجت يلة،(للكاتبة طيبة الربيعي)

شهرين وازوجت سرى همينة والعرس يخبل احلة من مالة امير وجان فخم لان اغلب المعازيم دكاترة او غير شهادات عليا، بيومهة بجيت بجي مصاير وسرى خرب مكياجهة كوة عدلتة الهة، راحت اختي بعد ماعندي من يشاركني ملابسي وفراشي، حيل انقهرت وبيومهة اني مكابلة صورنة وابجي وأمير ومرتة يسكتون بية، شهاب بوقتهة راح نام ابيتة لان مقبل ينام يمنة بعد لحد منزوج

سرى ...فرحتي مكملت لان وتين مو وياية بعد، صح نتشاوف ونطب ونطلع سوية بس مو مثل قبل، هسه راح اشارك فراشي وية غير شخص وحبدي حياة جديدة، امي حجتلي ع الزواج شلون يصير وشلون لازم اطيع زوجي مهما يكون واعتني بأهلة واعتبرهم اهلي الجدد، دموعي متوقفن مادري ابجي علة اهلي مادري علة وتين(للكاتبة طيبة الربيعي)

رائد ...واخيراً اخذت الانسانة الهواهة كلبي، انسانة راقية بمعنى الكلمة، بس خلصت العرس كلة تبجي، لحد مزفونة للغرفة سديت الباب ورفعت الطرحة من وجههة، تخبل فدوة لهل وجه الحلو بس المكياج خربان والامة مشعولة هههه

مسحت دموعهة: كافي حبيبتي كافي، راح تموتين

سرى تبجي متكدر تحجي

رائد: قابل راح يطيرون، باجر يجون شجاج

ماكو ولا سكتت، اخذتهة كعدنة ع الجرباية لزمت ايدهة بوستهة(للكاتبة طيبة الربيعي)

رائد بجدية: سرى كافي عمري، راح تخلصيهة بجي، مناوية تحنين علية، الليلة ليلتنة المفروض اضحكين وتفرحين

يتبع...🌺🌺🌺

البارت التاسع عشر

(للكاتبة طيبة الربيعي)

سرى: ماكدر ماكدر

رائد: شلون شغلة هاي، اخابر امج تجي؟

سرى: اي فدووة

طلعت التليفون وكمت اروح واجي شكللهة للمرة بالله، اتصلت يدك يدك تالي جاوبت عمتي

ام شهاب بقلق: الو

رائد: السلام عليكم عمة

ام شهاب: وعليكم وليدي، خير يمة محتاجين شي

رائد: عمة اذا تكدرين بلا زحمة عليج تجين

ام شهاب: اي عمة بس ليش خوفتني

رائد: لا لا ليضل بالج بس سرى تريدج وتستحي مني، اجي عليج اخذج

ام شهاب: لا يمة انتة ابقة هسه أمير يذبني يمكم

رائد: خوش(للكاتبة طيبة الربيعي)

سديتة وكعدت بصفهة كامت تبجي زيادة شلون شغلة هاي ياربي

رائد: كافي حبيبتي هسه تجي عمتي بعد المن تبجين

ماكو جواب بس بجي، انوب مجاوبني كل ماحجي وياهة تزيد، ضجت حيل نزعت السترة وكمت اروح واجي، بيتنة شوية بعيد عن بيتهم يعني ياخذ بالقليل ثلث ساعة، ربع ساعة اني بس اروح واجي

رائد بعصبية: سرى شنو السالفة شجاج، المن البجي هسه متكليلي

سرى ...اني مدابجي علة اهلي، خايفة، خايفة اذا تقربلي واني انصدمت من عرفت شنو اليصير بين المرة والرجال بيوم الزواج، صح اتشجعت بالبداية بس من صارت صدك لا ارادياً انزرع الخوف بداخلي وتجيني افكار تخوف، من خابر ماما ارتاحيت حتجي، اشو فجاة صار عصبي

سرى: اريد أمي اهئ اهئئئ

رائد بعياط: طفلة انتي طفلة، شنو اريد امي

سرى: اهئ اهئ ليش تعيط

رائد: استغفرالله ربي استغفرالله(للكاتبة طيبة الربيعي)

طلعت من الغرفة تلكتني امي، لا هاي هية انفضحنة

ام رائد باستغراب: ها ماما محتاجين شي

رائد: لا يمة بس آنسة سرى تبجي تريد امهة، عمتي علة جية

ام رائد: يااا غير تكولي شجاك يا ماما

رائد: يمعودة طبي شوفيهة راح ابتلي بيهة

ام رائد: علة كيفك هسه اني احجي وياهة

بنفس اللحظة اندكت الباب، همزين والدي مو بالبيت جان انسحلت شخصيتي بالكاع، رحت فتحت الباب بس عمتي جاية اظاهر أمير راح، طبت المرة لونهة مخطوف، رحبت امي بيهة واني رحت للهول كعدت انتظر الفرج(للكاتبة طيبة الربيعي)

سرى ...طلع معصب شسويلة مو بيدي، حاولت اهدئ نفسي بس الافكار السيئة مناوية تبعد عن تفكيري، شوية ودخلت ماما وسدت الباب كمت حضنتهة وابجي

سرى: ماما فدوة اريد ارجع مااريد

كعدتني ع السرير وكعدت بصفحي انطتني كلينكس مسحت دموعي

ام شهاب: يا يمة تخبلتي بنيتي لا تفضحينة كدام الزلمة، حبيبتي باعي اذا سويتي هيج راح يبزع منج ويروح لغيرجكومي مسحي مكياجج غسلي وجهج ولبسيلة احلة ماعندج وفرجي سنونج وتعطري، يا يمة ميصير هيج حبيبة شفتي شكد يحبج ويدور رضاج حتة ماخلة اخوتج يدخلون ابلبسج كللهم اني راضي بدلتهة مابيهة شي مدام بس نسوان

امي تحجي واني شوية حسيت براحة، حقة عصب صار سنين ينتظر هل لحظة(للكاتبة طيبة الربيعي)

رائد ...كاعد علة اعصابي اهز برجلي وامي تهدي بية، ساكت ماحجي شي شحجي، عود هاي تحبني واحبهة وهيج تخاف شنو شحاجيلهة بس اريد افتهم، شوية ونزلت عمتي حجت وياية كالت اتعامل وياهة بهداوة وانشاءلله التريدة يجرالك

تشكرت منهة وبست راسهة، كتلهة اني اخذج كالت لا امير كال يمر علة صديقة وينتظرني بالباب هسه اكيد جاي، طلعت وياهة شفت امير سلمت علية، راحو واني رجعت طبيت وامي وياية

ام رائد: يمة علة كيفك بهداوة حبيبي، كل البنات يخافون باول ليلة، واذا تريد تكسبهة لتحسسهة انتة مصر تاخذهة، تعامل برقة بعد انتة و شطارتك

رائد: انشاءلله يمة(للكاتبة طيبة الربيعي)

عبالك هسه اني هجمت عليهة، شو ماخذهة كل هاي السنين اتغزل وومخلي حدود، بس اليوم ماكو حدود واليخلي احركهن، صعدت فتحت الباب لكيتهة مبدلة بس شلابسة يا الهي، صح هواي شايف بنات والاجنبيات معروف عليهن شكد حلوات ويغرن بس محد حركت هل مشاعر بية غيرهة، حاولت اتمسك بهدوئي، ابتسمتلهة اخذت شورت من الكنتور وطبيت اسبح لان عركان واحس نفسي عصبي الى درجة

سرى ...سويت مثل ما ماما كالت مسحت المكياج وفكيت التسريحة ودخلت خضيت جسمي وعطرتة بعدها طلعت ماما مطلعتلي سيت نوم بالبداية ترددت بس قنعتني وهدئتني بكلامهة العذب، شكرتهة هواية وباستني براسي وكالت راح اطلع واريدج متنزلين راسي وراس ابوج، لبست السيت واحس وجناتي راح اطك من الحرارة، اووف ياربي عدي هل ليلة علة خير، هذا فخ قوي، سرحت شعري ع السريع وعطرت نفسي بعطر ريحتة اجنن، ركضت كعدت ع السرير(للكاتبة طيبة الربيعي) وحاولت اغطي نفسي بس اذكرت حجاية امي، شوية وطب رائد ردت اموت بلحظتهة لان بقة لمدة طويلة يباوع ويبتسم كوة كتمت دموعي وحاولت اكون طبيعية، من طب للحمام جريت نفس واحجي وية نفسي

سرى: اهدئي، كابوس ويخلص، مو هذا التحبي تحملي النتيجة مو كتلتي نفسج سكتي خلاص

اهدئ بنفسي لحد مطلع مفاد لا تهدئة ولا صخام، هبطن المعنويات وكلشي راح ع الخالي بلاش، لابس بس شورت لاول مرة اشوف عضلاتة وبطنة معضلة بشكل مدريت بنفسي فاكة حلكي وصافنة علة عضلاتة الة لمن سمعت ضحكتة

رائد ...طلعت من الحمام من شافتني مدري شبيهة فكت حلكهة وعيونهة، انتبهت تباوع لبطني ضحكت، تقربت من السرير بهدوء واني ابوية مشتعل، مديت ايدي علة ايدهة سحبتهة

باوعلهة بغضب: وتالي؟؟(للكاتبة طيبة الربيعي)

سرى ...كعد علة حافة السرير ومد ايدة لزم ايدية ماعرف ليش خفت وجريت ايدي، حجة بعصبية حاولت احافظ علة هدوئي

رائد: مو وضعية هاي سرى، تخافين مني؟

سرى الدمعة بعينهة والكلمة كوة تطلع: اي

رائد غمض عيونة وجر نفس

رائد: لتخافين عمري، متريدين هاي هية، مو الة اليوم، تعاي بس نامي بحضني خليني ع الاقل اطفي اشتياقيباوعتلهة بتوسل واخيرا ابتسمت وهزت راسهة بأي، رفعت الغطة انتجيت علة التاج مال الجرباية وفتحتلهة حضني راسأن اجت حضنتهة بقوة وبستهة بشعرهة شميتة افييشش يا ريحة حبيبتي

سرى ...صح خفت بس تمنيت اجرب حضنة، شفتة كلش متساهل وياية راح الخوف وبقة القليل، نمت بحضنة وحاوطت خصرة بيدي، حسيت جسمي كزبر وسارت قشعريرة علة طول جلدي، اول مرة اكون(للكاتبة طيبة الربيعي) قريبة علة رجال لهل درجة، صح جنت انام بحضن شهاب وبحضن بابا بس يختلف اذا رجال غريب وخاصة اذا الشخص التحبي

سرى: رائد

رائد: عيون رائد

سرى: جسمك حلورائد ضحك: جسمج هم ممقصر

خجلت، لهذا السبب ماكدر اتغزل بي لان يطيني غزل اضرب

رائد: سرى تدرين شكد احبج، بكد عدد النجوم ويمكن اكثر

من يوم الشفتج كلت هية هاي الاريدهة، هاي الاكمل حياتي واريدهة تشيل اسمي وافتخر من اسميهة ام كرار

سرى بكل حب: حبيبي مو بكد حبي الك، بس لويش كرار

رائد: علة داحي باب خيبر عليه السلام

سرى: عليه السلام، اني ماريد كرار

رائد: لعد شتريدين يمة(للكاتبة طيبة الربيعي)

سرى ضحكت: اذا بنوتة كرستال واذا ولد أيمن

رائد: وليش بالله كرستال و أيمن

سرى: اكلك بس مو تضحك

رائد: لا ماضحك

سرى: كرستال لان هل اسم احسة بي طاقة ايجابية و أيمن حتة يكون ذراعك الأيمن ويعينك بكلشي

ضحكت علة تفكيرهة البريئ

بستهة براسهة: حلو تفكيرج عمري، اول ولد نسمي كرار والثاني أيمن و اول بنية كرستال والثانية وعود

سرى كعدت عدل وباعتلة: وليش وعود؟

رائد: لان وعدتج ووفيت بكل وعد حطيتة كدامج

سرى ...ماعرف شلون اجرأت وبستة بخدة

رائد ...باستني بخدي انصدمت بحركتهة بس رجعت حضنتني أيست هاي مراح تفكهة اليوم، ضلينة نسولف لحد ماغفيت من التعب(للكاتبة طيبة الربيعي)

سرى ...اسولف ويا بعد مجاوبني باوعتلة غافي، غطيتة ورجعت حضنتة ونمت، كعدت الصبح بعدة نايم بس علة بطنة، كلت لازم اتنازل بعد كافي علة شنو خايفة هية فترة وتعدي، كمت غسلت واخذتلي دوش بس هل مرة غسلت جسمي بالغسول ريحتة تخبل، طلعت بس بالخاولي لكيتة بعدة نايم حمدت ربي وشكرتة، طلعت غير سيت نوم هل مرة أحمر، قصير والظهر من ورة طالع بس من كدام دانتيل، لبست روب فوكا هم احمر و رتبت شكلي بس محليت مكياج لان ميحب المكياج، هيج شي خفيف، سرحت شعري طويل همزين يغطي ظهري وخليت حمرة حمرة، تعطرت ويا لحظي السيئ وكعت مني الشيشة وهميزن منكسرت، درت علة رائد كبل شفتة فز خفت كلش(للكاتبة طيبة الربيعي)

رائد ...نايم وماحس الة صوت قوي رن بأذني، فكيت عيني باوعت من شفت سرى مصدكت فركت عيوني وفتحتهن بالكوة، بلعت ريك يعني ابقة اتشعوط اني شلون بالله، كمت صبحت عليهة وطبيت للحمام غسلت وطلعت لكيتهة واكفة كدامي وتفرك بيدهة، يايابة هاي شناوية علية، انوب هية بيضة تكتل والأحمر الضارب علة بياضهة طالعة جنهة كيكة ام الفراولة، تقربت مبتعدت، جريتهة من خصرهة اظاهر مراح تمشي الة بالقوة

سرى ...من شافني خجلت من نفسي بس شجعتهة، هذا رجلي اذا مو الة المن، تقرب مني تذكرت كلام ماما وبقيت بمكاني، تفاجئت جرني من خصري وبعد خصلة من عيني

رائد ...باوعت لحلكهة المحمر، بعدت خصلة من شعرهة(للكاتبة طيبة الربيعي)

عرفت بعد لهنا وماكدر الزم نفسي، كلشي الة حدود والة طاقة واني طاقتي مال هداوة خلصت، احس برجفتهة بين ايدية حتة شفتهة ترجف، كطعت نفسة ابوسة استمرت هواي مدري شكد لحد ماحسيت بيدهة ادفع بية واني مستمر ومجلب بيهة لحد ماحسيت نفسي راح ينكطع بعدت عنهة وباوعتلهة مباجية ارتاحيت لو باجية جان مستمريت وعفتهة

شلتهة خافت احس نفسي هذا هو بعد ماكدر، اخذتهة للسرير وبالكوة يلة خليتهة تذوب وياي، طلعت داهية صح تستحي بس هو مستحاهة المحببني بيهة، انوب كامت تبجي بالكوة سكتتهة وكمت العب بشعرهة يالله هدأت بعدها نمنة(للكاتبة طيبة الربيعي)

سرى ...خفت كلش وجنت مترددة بس الحمدلله عدت علة خير ورائد تعاملة حلو بس اني خوافة مو بيدي، كام يلعب بشعري هدأت بعدها غفيت

وتين ...ثاني يوم حضرنة اني وخالتي ريوك واخذنا لبيت عمو، أمير ودانة وكال من تخلصون دكي علية كتلة اوك، رحبت بينة مراة عمي ساعدتهة سوينة السفرة مال ريوك وكالت رائد و سرى بعدهم نايمين هسه اكعدهم، خالتي كالت لا عوفيهم شوكت ميكعدون خل يكعدون عرسان لتزعجوهم، اني مكاتلني غير شنو الصار او اليصير بليلة العرس كاتلني الفضول، من تنزل سرى اعرف منهة، للظهر وهمة ماكو اتصل أمير كال ابوية تعبان وهم صدرة تنك راح اجي اخذجن، مراة عمي اعتذرت وكالت شمدريني بيهم ينامون الي هسه عساس متفقين الصبح لازم كاعدين، خالتي كالت علة شنو خية خليهم عرسان، رجعنة للبيت وصدك عمي جان صدرة متنك بس مو مثل ذيج المرة، والسبب انو ملاكي البخاخ اني ضميتة بالثلاجة، طلعتة وانطيتة الة وفركتلة ظهرة شوية، نام واني رحت اسوي غدة(للكاتبة طيبة الربيعي) وخالتي سودة علية مو بحيلهة مثل قبل يادوب تخبز، تغدينة وشهاب مأجة عندة شغل، لليل اجة وبيدة كومة اوراق صاحني للاستقبال

يتبع...🌺🌺🌺

البارت العشرون

(للكاتبة طيبة الربيعي)

جان الكل كاعد استغربت حتة عمي ابو رائد

كعدت يم خالتي: ها

شهاب: ذني الاوراق تثبت حلال ابوج كلة بأسمج، ابوج الله يرحمة من انولدتي مسجل كلشي يملكة بأسمج وهذا حلالج بيدج شتسوين بي سوي، عمامج كلهم بالسجن وبعد اسبوع يطلع الحكم

خلة الاوراق بحضني وغمزلي، لحد هسه اني ممستوعبة الديصير شسوي بيهن اني، عمي حجة وكال حق المظلوم ميضيع وهذا حقج يا عمو رجعلج، اني كل هذا وماعرف شحجي شأكول اباوع الخالتي استشيرهة بنظراتي بس شفتهة مدمعة اظاهر اذكرت امي، شوية وعمي راح اني حطيت الاوراق بحضن عمي ابو شهاب(للكاتبة طيبة الربيعي)

وتين: عمو صح هذا حلال ابوية بس انتو الاولة بي، ربيتوني وتعبتو علية ووصلتوني لهل مرحلة، كلشي يخصني يخصكم واني ممحتاجة انتو مدلليني دلال مصاير، اريد كل هذا يصير بأسمكم مو بس بأسمي

ابو شهاب: عمي والله بنت اصول، بس هذا حلالج انتي وتعب ابوج لاتحطي بيد أحد، ولا تعيديهة هاي مال ربيناج وتعبنة عليج انتي بنيتنة وهذا واجب حالج حال اخوتج، انتي هم ماقصرتي عنتيني وعنتي خالتج وشلتي البيت كلة علة جتافج الله يجازيج كل خير مثل ماجازيتينة

بست راسة: عمو عندي شرط

ابو شهاب: اشرطي عمي مايلوك لغيرج

وتين: تسلم عمو، اريد هل حلال يتوزع علية وعلة اخواني(للكاتبة طيبة الربيعي)

شهاب بعصبية: شنو يتوزع عليج وعلة اخوانج، هذا حلالج انتي محد يدخل ولا احد يمد ايدة عليه

وتين: ليش شهاب غير انتو عائلتي، بعدين اني شسوي بكل هذا وين اودي، بس اذا اخواني شاركوني راح ارتاح نفسياً

شهاب: ماكو هيج حجي سكتي

ام شهاب جرت وتين وباستهة: خالة حبيبتي اخوانج ممحتاجين، هذا كلة تعب ابوج وتعبج انتي، شهاب يحجي الصح ميصير احد يدخل بي

وتين: خالة اذا هيج يعني انتو ممعتبريني منكم

ام شهاب: لا خالة شلون، غير انتي بنيتي ونظر عيني

وتين: لعد خلوني اسوي اليريحني وشهاب لتعترض ارجوك واذا متقبلت يعني ممعتبرني منكم

شهاب مقتنع بس مهتميت حلالي واني حرة بي علة كولتهم، سويت عشة وكعدنة نتعشة واني حيل ضايجة من شهاب(للكاتبة طيبة الربيعي)ورة العشرة طبيت الغرفتي طب شهاب وراية

شهاب: مطنكر الحلو

وتين: شهاب شنو هل حجي، انتة مو كتلي اني حرة بالي عافليا بابا

شهاب: اكيد حرة

وتين: لعد ليش متخليني اشارك فرحتي وياكم

حضني بخصري: وتون، عيوني انتي كلبي جلاوي معلاك، انشاركج الفرحة بس حلالج محد يدخل بي

وتين: بس اني اريد

شهاب: براحتج بس لطنكرين ورانة زواج

وتين ضحكت وحاوطت ركبتة بيديهة

وتين بدلع: وشوكت تخطبني

شهاب ضحك وباسهة بخشمهة: باجر

وتين ضحكت: لا عن الشقة شوكت

شهاب: باجر شبيج

وتين: لا شهاب بلة شقة(للكاتبة طيبة الربيعي)

شهاب: والله شبيج، اني من ناحيتي كلشي محضر ماريد لا فترة خطوبة ولا صخام، خطوبة وحنه وعرس نفس الاسبوع

فكيت عيني مصدومة: لا اكيد تشاقة

شهاب: ليش اشاقة هذا حجي بالله

وخرت منة بس بقة محاوطني: شهاب شنو باجر يعني خطوبة بنفس اليوم

شهاب ضحك: لا حبي غير اخطبج من خالتج وعمج بعدين نسوي خطوبة

تنفست براحة: عبالي

شهاب: ام حلك لازم ناوية اطوليهة اكثر

وتين: لاا بس علمود الحك

شهاب: تلحكين عمري تلحكين شكد متريدين طولي شعندي منتظرج(للكاتبة طيبة الربيعي)

وتين: شهاب نام هنا اليوم

شهاب: لا وتونة كتلج ميصير مبقة شي وتنامين بحضني

رجعت جلبت بركبتة: ممم شكد تحبني

شهاب: بكد حب علي لفاطمة، بكد حب قيس الليلى، بكد حب عنتر لعبلى، بكد حب كلبي الج

بستة بخدة وخليت راسي علة صدرة: احبك

حضنهة بقوة: واني اموت بيج عمري، يلة لازم اروح بعد تأخر الوقت ورانة شغل باجر

بقيت مجلبة بي: ماه ماه، ابقة بعد

شهاب ...اشتعلو اهلج، هاي صدك ماتعرف شي

شهاب: حبيبتي باجر من الصبح اني يمكم، ليجون ويشوفونة عيب(للكاتبة طيبة الربيعي)

تركتة: ماشي، اذا مأجيت الصبح خليهة ابالك ماوافق بيك

شهاب: ااه

وتين بكل ثقة: والله

شهاب ضحك: لا بوية، من الصبح باجر تلكيني فوك راسج

راح شهاب وصدك ثاني يوم من الصبح سمعت صوتة بالهول، كمت غسلت وطلعت سلمت ورحت سويت ريوك، ورة الريوك

طبيت لغرفيتي لكيت فوني يدك، سرى

وتين: لج هلا بالبذاتة، يا ظالمة يوم كامل هسه يلة ادكين

سرى ضحكت: وعليكم السلام، لج والله مو بيدي تدرين هسه يلة طلعت من الغرفة(للكاتبة طيبة الربيعي)

وتين: ليش شجنتو تسوون متكوليلي

سرى: لج وتين خليهة سكتة من اشوفج احجيلج مو مال تليفون، هسه كوليلي اهلي شلونهم، خوما امي ضاجت مجنت اعرف اجيتو

وتين: لا بالعكس كالت خليهم عرسان، كلهم زينين الحمدلله

سرى: بابا شلون صحتة

وتين: الحمدلله زين، لج سرى لازم نتشاوف عندي حجي كومةبهل اثناء دخلت خالتي

سرى: اي والله لازم اني همينة عندي كومة حجي

وتين:هاية خالتي تحجين وياهة

سرى: ايي جيبيهة(للكاتبة طيبة الربيعي)

انطيت الفون الخالتي، حجت وية سرى وباركتلهة ونصحتهة بعدين انطتنيا، حجيت وية سرى كتلهة بعدين نحجي، سديتة باوعت الخالتي مبتسمة، سدت الباب واجت كعدت كبالي

باستني وخلت شعري ورة اذاني: يمة كبرت بنيتي وكامو يخطبوهة مني

انقبض كلبي منو خطبني، لا بس لا شهاااب، شكددد عيييب

ام شهاب: حبيبتي وتون، كبرتي وصرتي واعية وتعرفين تاخذنين القرار الصحيح، انتي بنيتي لتستحين مني واني راح احجيلجياهة من الآخر، اني شفايتلي وحدة مثلج تصير جنتي

(للكاتبة طيبة الربيعي)

من حجت خالتي هل حجي ماعرف من الخجل كمت ابعد نظري عنهة

ام شهاب: لتستحين حبيبة، هاي سنة الحياة واني وعمج مادايمين

وتين: اسم الله عليكم خالة عمركم طويل انشاءلله

ام شهاب: هاي سنة الحياة يا امي، واني اريد اامن عليج قبل لا اموت، شهاب يريدج علة سنة الله ورسولة من زمان اعرف بي عينة متابعتج هنا وهناك، مو غشيمة اني بس ماحجيت لان اعرف وليدي ميباوعلج بعين نكسة، القرار يرجع الج توافقين اسويلج عرس كل العالم يحجي بي، متوافقين تبقين معززة مكرمة وماخلي شهاب يزعجج، شتكولينوتين بخجل: خالة اني احبكم اكثر من روحي والله، الصراحة يا خالة اني احب شهاب من زمان واحس بالامان يمة اكثر من اي شخص، ممقصر وياية بشي ودائما يحميني رغم عصبيتة وتحكمة بس من خوفة علية، واني ماعتقد الكة واحد يحبني بكدة، بس خايفة(للكاتبة طيبة الربيعي)

ام شهاب: يمة فدوة لبنيتي، من شنو با بعد طولي

وتين: اخاف ميساء ترجع لحياتنة

ام شهاب: غدييي، ختولي خالة شيرجعهة غير اتبرة من شهاب، هو انتي لو تدرين شهاب شكد كارههة يا خالة، راح اكلج بس مو تفتحين الموضوع كدام شهاب لان شوية حساس

وتين: اعرف خالة سرى حجتلي، شلون كدرت تسوي هيج هاي عود تحبة

ام شهاب: مادري يا خالة هو اني من زمان مارتاحلهة، هية واهلهة شايخين، متشوفيني فرحت من طلكهة، تستاهل هية خربت بيتهة بيدهة، هسه عوفينة منهة ختولي، يعني هسه انتي موافقة

وتين بخجل: اي(للكاتبة طيبة الربيعي)

باستني خالتي ونصحتني ومن هل حجي بعدين طلعت سمعت هلهولتهة والضحك بالهول، بيومهة تمنيت الكاع تنشك وتبلعني، جنت منتظرة هل لحظة بفارغ الصبر بس من صارت صدك عرفت شكد محجرة هل لحظة تكون، للظهر يلة طلعت من خالتي دخلت قنعتني وانو ميحتاج كل هل مستحة، سويت غدة ومن صبيت يلة اجت عيني بعين شهاب شفتهة تلمع وكلسع يغمزلي ويضحك، فدوة لضحكتك يا نظر عيني(للكاتبة طيبة الربيعي)

العصر دكت مراة عمي عزمونة ع العشة، رحنة كلنة بسيارة شهاب بس امير هو ومرتة بسيارتة، باركو لسرى ولرائد وسوالف وضحك، شفت سرى كلسع تصير حمرة مدري شيشاورهة رائد، شوية واخذتني لغرفتهم تخبل ماشاءلله وهية حليانة معقولة الزواج هيج يحلي(للكاتبة طيبة الربيعي)

كعدنة ع السرير

وتين بحماس: اييي احجيلي

سرى: انتي احجيلي بالبداية

حجيتلهة شهاب خطبني ووافقت وبيت خالتي كلهم فرحو وباركولنة، سرى كلش فرحت وكامت تركص كوة كعدتهة

وتين: يلة لتغلسين احجي

بهل اثناء سمعنة مراة عمي تصيحنة، هم مصارتلنة فرصة نحجي، نزلنة ومراة أمير خطية جانت تحضر وياهم، بستهة بركبتهة من ورة كمزت عبالهة امير، ضحكنة كلنة البنية انخطف لونهة بعدين كامت تضحك، اظاهر ختلات اخوية هواية، مشايفتة يبوسهة ابد بس اكيد بالختلة، تعشينة وسوالف وضحك بعدين رجعنة للبيت، ثاني يوم راد شهاب نستعجل بالخطوبة حتة نزوح، بدو يحضرولي ويحضروني ولحد الان ماعرف شي عن الزواج،(للكاتبة طيبة الربيعي) خالتي دللتني دلال مصاير جابتلي اشكال والوان سودة علية يومية تاخذني للسوك لان شها صاير اعصاب ويريدنة نستعجل، مدري شبي تغير وصار بس يعصب علة اقل شي، من احاجي يكلي مابية صبر بعد استعجلي، واني اركض ركض حتة الحك، ورة معقدنة سيد ومحكمة جهزوني جهاز مصاير واجة اليوم المشؤوم الخلاني اطفر حتة انهزم منهم، لزمني ثنينهن سرى و مراة أمير مجنت متوقعة راح اتاذة لهل درجة، سولي شيرة راحت روحي ومن الالم كمت ابجي وهنة يهونن علية، خالتي كلسع اطب اتصلي على محمد وال محمد واني روحي رايحة، من خلصنة طببني(للكاتبة طيبة الربيعي) سبحني لان من صدك انهد حيلي، بهل الايام شهاب مأاجة للبيت التهة يسوي تغييرات، كتلة عادي مو الة تغير بس هو أصر، وامير تكفل ابطائق الدعوة كلش حلوات مختارهن، رحنة للصالون البنات همينة سوو تغييرات، بس اني طلعت مختلفة بشكل، شعري مصبغتة بطلب من شهاب بس كصيتة مدرج صار احلة وحفيت حواجبي صح خفيفات بس ماعرف ام الصالون شلون رتبتهن وسوتلي كسرة تخبل، اني اتعحبت من نفسي مامدح بنفسي لان من مدح نفسه ذمها بس طلعت احلة بقاطات، من باوعت لنفسي بالمراية ضحكت من الفرحة والصدمة بنفس الوقت، كل البالصالون يباعلي ويكولن ماشاءلله، خاف اني جنت عايزة(للكاتبة طيبة الربيعي) واحد يخجلني،كل هذا وشهاب بعدة مشايفني، من رجعنة للبيت امير كام يهلهل كلنة نضحك عليه وكلسع يجر شعري ويكول كبرت ام بولة هههههه

فشلني النذل، بليل عزمتنة مراة امير يمهم فوك علة حلويات وسوالف، كلش جان حلو بوقتهة وأمير نام وعافنة واحنه نسولف فوك راسة ونكرز حب، بليل عاط بينة ركضنة اني وسرى لان كام يريد يضربنة بالحزام، حقة لغينة هواية، خطية روى الله اليعلم شسوة بيهة اكلت الحزام يمكن، ثاني يوم الحنة جوي كرايب بيت خالتي وصديقاتهة وبيت عمو مصطفى وبيت عمي ابو رائد، بنت عمو مصطفى هند ماعرف شبيهة تغار مني لو تكرهني، من اني صغيرة لحد هسه ابد متسلم علية ومرات تضطر اتسلم بس علمود كدامهم، بالحنة ربكتني نضراتهة كلش اجاني احساس غريب معرفت افسرة، لبست بدلة حمرة مدنفشة وشعري سويتة تسريحة بسيطة وام الصالون(للكاتبة طيبة الربيعي)ترستني لمع، خالتي تقرة المعوذات وحركت حرمل من الحسد، من كالو سوو مجال راح يطب العريس لزمت ايد سرى حسيت بخوف علة خجل ماعرف

يتبع...🌺🌺🌺