تحميل رواية «وقد كانت صدفة» PDF
بقلم غـدير عبداللّٰه
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
" " تصادفنا كثيراً من الكلمات التي نقراها في عباره مكتوبه في نهاية كل صفحه من الكتاب.! قد تُلفت الإنتباه وتأخذ الكثير من التفكير والبحث حتى تدرك معناه وتكترثُ بها الحديث وكأنك أتقنت التعايش معها وأصبحت مُلماً بها وكثير الكلام . وهكذا نصادف أشخاصاً كهذه الكلمات التي أخذت بنا مجهوداً حتى عتدنا على التفكير بهم دون ملل ولا كلل. لكن لا نعلم من اين وكيف أتت وعلقت في الأذهان كرياح عاصفه قد هبت وبعثرت كل المكان . والصدفه لوحه رسمها القدر واضعاً بها جميع الالوان.. الاحمر حباً! والاسود حزناً! والابيض يعني...
رواية وقد كانت صدفة الفصل الحادي وثلاثون 31 - بقلم غـدير عبداللّٰه
"وقد كانت صدفة"
وانت بغيبتك
طاريي مامر بيك ؟
وكَلبك مايكلك وين صار فلان
ضميرك ماكَعد؟
ماشبع من النوم
ماشافتني عينك من رحت زعلان ؟
_________________________________
نزلت أخذت التلفون وهو بعد مستمر يبعثلي مسجات وأغلبها صوره اباوع جان تنفتح اول صوره اني وامير من اجه واخذني للسياره وهو يسحب ايدي وهواي صور اني ويا وصوره النه بالسياره بيوم الي عرف مهيمن من تحرش بيه واكو صور مفبركة مو اني الي بيه ومتأكده ميه بالميه مو اني بس شلون سواه وشوكت وليش ومنو هواي اسئله اجت بالي بهاي اللحظه وما اعرف جوابه شنو ايدي ترجف اريد استوعب الي ديصير ماكو بعدين دز...
💬ها شلونه المفاجأة اكيد عجبتج مو؟
حاولت اسيطر على نفسي ورديت
💬منو انت، ومنين الك هل صور شنو تريد مني بالضبط؟
رد وجان رده كُلش يخوف
💬 مجهول🤡
دزه وبعد ما رد صرت اكل بأضافيري من الخوف ارد اتصل ميشيله صار يطلع لي خارج منطقة التغطية ياربي منين هاي البلوه الي اجت صرت ابجي ما اعرف شنو اسوي المن اگول زين شعرفه برقمي والصور منين أجن ياربي ضليت احوس المن اگول إذا اگول الرافد يتخيل من حيشوف الصور وبابا ينجلط اكيد ضليت افكر وصافنه جان ماما تفتح الباب وافز ذيج الفزه
شيماء:بسم الله الرحمن الرحيم شبيج ماما فزيتي عبالك شو شنو وشبي وجه اصفر؟
ايلاف:هااا ءء لا ماكو شي بس جنت صافنه وأنتِ دخلتي وفززتيني
شيماء:هااا لعد هاي ليش لسه بملابسج يله بدلي خلي نسوي سحور لان تأخرنه؟
ايلاف:طلعت هي بدلت ونزلت بس عقلي شارد بهاي المصيبه الي نزلت على راسي،بعده خلصنه وصبينه الاكل كله اجت واني انقش بالاكل بالي شارد جان يگول رافد...
رافد: شبيج ليش متاكلين ؟
ايلاف:ها لا دا اكل بس ما اشتي لان أكلت كيك ف مو كُلش أشتهي.
رافد:تمام براحتج ،باحر تداومين؟
ايلاف:يي ليش؟
رافد:لا بس هيج مجرد سؤال
ايلاف:سكتت بعد ما رديت عليهم وصعدت لغرفتي رحت للتلفون دخلت على الرقم نفسه اشوف الصور ماكو اختفن هاي شنو ليش اختفن دخلت على اعدادات المحادثه ماكو اي شي بس اسم مجهول موجود دگيت طلع الرقم هم خارج التغطيه نطيته حظر گلت بالكي نسه أو شو شنو حاولت اغشم نفسي بانو الصور مسحن والرقم ماكو حظرته گلت اكيد راح .
حاولت اطمن نفسي كُلشِ ماكو بس بعده القلق ملازمني نمت من بين آلاف الأفكار الي اجت براسي حتى إذن وما صليت الصبح .
فزيت من كابوس مزعج واني اتخيل هذا المجهول دخل لغرفتي وحاول يخنگني اريد أصيح صوتي ميطلع فزيت على المنبه وگمت بدلت ملابسي اتصلت ميسم عليه طلعت اله اني وجاي أمشي متوجه للسياره جان توصلني رساله فتحت تلفوني جان بأيدي وهم رقم غريب خفت كُلش وگلبي گام يدك من الخوف بس الفضول جان اقوه اريد اشوف شنو بعثلي فتحت المسج جان كاتب...
💬عبالج من حظرتيني ما اگدر ادخلج من غير رقم
💬بس شلون طالعه اليوم بالرصاصي بويه
هنا بعد ماتحملت صرت كلي ارجف دگت ميسم عليه هورن حتى استعجل واشرتلي يله تأخرنه ،بعدين اريد أمشي وبعثلي صوره الي واني بيه على نفس وگفتي الازمه التلفون لو اني تخبلت صرت ادوره مثل المخبله تتنقل عيني من مكان لمكان اريد اشوفه هذا وين وشنو يريد مني وليش ديسوي هيج بيه، نزلت ميسم من السياره الي غلقت التلفون بسرعه ورحت اله سألتني
ميسم:هاي شبيج صدُك تحجين ولج ياله تأخرنه
ايلاف:ي ء يله جايه أمشي صعدت واني ما اعرف اسوي شنو تايه شأسوي المن اگول ما گلت بذيج الساعه لميسم خفت أو مو خفت اصلا ماجنت بوعي كل فكري منين عرفني وشلون يندل مكاني هذا اكيد مراقبني وله شلون يدز الصور .
قاطع صفنتي ميسم وتگول....
ميسم:هاي شبيج داداه صار الي ساعه الغي وأنتِ ساكته شبيج صاير شي من طلعتي ولونج مخطوف شكو هيج الصوم مأثر عليج؟
ايلاف:لا ماكو شي بس هيج راسي يوجعي ماكو شي لتشيلين هم
ميسم:ماشي
ايلاف:وصلنه دخلنه احس شويه امنت من دخلنه للمستشفى لان گلت ميگدر يراقبني لبست ملابسي وبديت شغلي مشه الوكت جان كومت شغل عندي واكثريته بصالت العمليات يعني مامنه ميشوفي لان أيقنت اذا هو من طلعت من البيت مصورني اكيد مراقبني.
خلص الدوام من وكت لان رمضان نطلع ب12خلصنه وطلعنه اني وميسم وصلتني للبيت دخلت للبيت ميته تعب والجو حار اريد بس هو اتنفس رغم ميسم جانت عالگه تبريد بس ميته حر رأسا ذبيت أغراضي ودخلت للحمام طلعت اريد انام لان كُلش نعست والبارحه مانمت وكون بال4اگعد ويه ماما نسوي الفطور خليت راسي على المخده بعدين تذكرت تلفوني جوه وهذا بس لا يبعثلي رساله گمت مثل للمخبله اركض اريد اطير حتى لا احد يشوفه نزلت الدرج ركض جان تلفوني يرن يدل على وصل رساله ورافد ستوه دخل جان يمه على التخم اجه يريد يشيله واني على الدرج وجان تنلوب رجلي واگع وصحت بصوت.....
ميسم
خلال شهر رمضان مگضيه نفس الروتين ماكو شي جديد الصبح اروح للدوام ارجع انام شويه وبعدين اكعد اجهز الفطور ويه ماما وهكذا،اما علاقتي ويه سيف نفسه ما تغير شي مجرد سلام وها هيه حتى صار الي هواي مشايفته آخره مره قبل ليسافر وها هيه ما شفته واني هم نقطعت عن الجلسات بعد ما رحت اله لان رمضان وما الحگ.
بيوم بعد ما خلصنا فطور وغسلت المواعين وصعدت لغرفتي اريد اعدله صار الي هواي ما مرتبته وبما انو عندي ثاني يوم عطله گلت ما عندي شي التلهي والله فرغت الكنتور واعدل بالملابس جان يصير گبالي الفستان الي لبسته بعرس ماهر نفس مكانه من نزعته ذاك اليوم وگطفته وبعد ولا شفته وهسه صار گبالي طلعت واني اتذكر الي صار ووكانو مثل الشريط نعاد عليه حاولت هالمره ما ابجي وأتذكر كلام الدكتوره بانو شي صار وراح .
شلته اريد اعلگه بمكانه وشفت بي بقعت الدم منين هاي اجت احجي ويه نفسي ضليت افرك بيه ماكو متروح تذكرت من صار الحادث وتعورت بحاجبي ومن اجه سيف وساعدني صرت اتذكر كل الي صار من حضنته جنت بساعته محتاجه أحد أفرغ همي يمه محتاجه حضن يواسيني جان هو أقرب واحد ماعرفت اتصرف بوقته جان المشاعر تحكم مو العقل خاصه بهيج مواقف من حضنه حسيت حضنه دافي حسيت بأمان يمه وهواي من المشاعر ما اعرف لان جنت وضع حساس لهيج حسيت.
وبعده من عالج جرحي واخذني بسيارته وله من سولفته على مشاعري اتجاه ماهر وشنو سوه بيه وهو جان يسمع بكل اصغاء وشلون نصحني،صرت ابتسم من وحدي بعدين نفضت الأفكار من راسي وخليته ويه الملابس الوصخه، ونزلت من نزلت سمعت ماما تحجي وبالتلفون بس ما عرفت ويه منو اسمعه تگول...
اسراء:أن شاء الله بس اشوف ابوه واسئله وبعده اخابرج الله وياج معسلامه الله وياج ،وجان بابا گاعد يمه گالتله ...
..ها هاي منو؟
اسراء:تتذكر هاي مره گلت الك عليه بنت خال أبويه ام وئام الي خطبته ميسم بعرس ماهر تتذكره.؟
..ها يي سولفتلي عنه شبيه ؟
اسراء:رجعت خطبت ميسم مره ثانيه لابنه، وانت تدري شنو الي صار وره العرس ونسيت اكوله اله واليوم خابرت المره تريد من عندي جواب .
.. والله اني مادري شنو اگول إذا الولد زين ومتمكن ليش لا ما اقبل بس ما اگدر اقبل اله اشوف شنو رأيه يالله بهذاك الوقت نشوف شنو يصير
اسراء:يي هو هم هيج الحجي الله كريم اگوم اشوفه نجس النبض ونشوف
.. ههههههههه، والله كبرت وصار يخطبوهه ،تدرين لو شنو؟
اسراء:شنو؟
.. ودي أضمه بمكان وما انطيه لأحد ما يهون عليه ازوجه وما اشوفه يوميه گبال عيني ،ميسم وحسن كل حياتي ذوله الهوه الاشتمه اكيد من بعدج
اسراء:يي عبالي والله لو گايل ما احبج جان گطعت عنك الهو وخنگتك
.. هههههههههههه لا شلون انتِ غير
اسراء: بس تدري احس ميسم هواي نضلمت واحنه السبب
..باستغراب ليش ضلمناه شو كلشِ عده ما مخليه عايزه ولو تري...
اسراء:لا مو هيج قصدي ،قصدي بانو خليناه تتعلق بأمل وراح يعني دوم جنه نگول ميسم لماهر وماهر الميسم لحد ما خليناه تحبه وبعدين فجأة صار هذا الأمل مثل الكابوس اله ،بس كون بجاه هذا شهر رمضان الله يرزقه بواحد يحبه ويعوضه الي صار كله ،بعده غيرو الحديث وضلوا هواي يسولفون وتركتهم وصعدت يعني مو بس اني داحس حتى اهلي ملاحضين هذا الشي ويباوعولي بعين الشفقه .
شويه وصعدت الي ماما وبدت تلمح الي بالموضوع بالاخير گالتي رديت ...
ميسم:ماما سدي الموضوع ما اريد ما اتزوج
اسراء:بس ليش أنتِ شفتي لولد تعرف....
ميسم:ما اريد اني ما اريد ليش دتضغطين عليه
اسراء:لي..
ميسم:ماما حبابه لتلحين عليه ما اگدر صارت الي عبره من بعد الي صار نفسي بعد متتقبل اي بشر وخاص جنس آدم بعد ما عندي ثقه بيهم ما اريد ما اگدر
اسراء:ماما أنطي لنفسج فرصه؟
ميسم:ماما يا فرصه التحجين عليه أنتِ متدرين بالي جنت اعيشه القلق والتوتر وهواي شغلات تصير بيه بس ما أبين گدامكم تدرين ليش؟
اسراء:ليش؟
ميسم:لان جنت اراجع عند طبيب نفسي ماصرت زينه اله من رحت اله
اسراء:بصدمه طبيب نفسي شنو ليش بيج شنو مخبله؟
ميسم:نفعلت،شنو مخبله ماما صدُك تحجين يعني أنتِ هذا فكرج مخبله ليش بس المخابيل يرحون طبيب نفسي تدرين لو ما الطبيب النفسي التحجين عليه جان هسه اني مفكره بالنت**حار ومسويته.
شهگت وگالت...
اسراء:اسم الله يمه الله ليگوله واجت حضنتني وتمسد على راسي اششش يله كافي انسي الي گلته وحرجعله خبر ما الج شغل انسي تمام يله ماما ديري بالج على نفسج
ميسم:تمام بعدين ضلت تسألني شنو گالت الطبيبه بس من گالت منو يروح وياج
ميسم:توترت هاا ايلاف هي الي راحت ويايه
اسراء: تمام
مشت الايام يوم يشبه يوم الى ان يوم كملت ورحت الايلاف دگيت عليه طلعتلي اول ما طلعت شفته مو على بعضه بعدين هي ونتوجه للسياره دگ تلفونه فتحته تغيرت ملامحها بعدين ضلت تدور منا منا ومنا صحت اله هي ماكو بعدين رحت دور ما اعرف على شنو نزلت اله وگتله تاخرنه ردت وهي متوتره ما اعرف شبيه هاي صعدت حتى سلام ما سلمت احجي متسمعني صحت بالاخير ياله گالت رأسه يوجعه ومابيه شي اني هم ما ضغطت عليه وسكتت بس ضل بالي يمه اكيد صاير شي لو ابن عمته شو شنو مسوي مادري وصلنه وكلمن راحت لجهه اني جان عندي عمليه ويه الدكتور.
دخلت صالة العمليات وغسلت اديه و لبس الملابس الخاصة وبدينه نشتغل جانت العمليه مال مراره خلص الدكتور وگلي أنتِ كملي الخياط گتله....
ميسم:تمام دكتور
بقيت اشتغل وهو واگف ويوجهني خلص الحمدلله وطلعت رحت الغرفه مالتنه اريد اشوف لان وضعه مو طبيعي بس للاسف لگيته ما موجوده عفته التهيت بالشغل ومنا صيام وحاره راحت عن بالي خلص الدوام وصلته واني رجعت لبيتي دخلت ماكو كله نايمه اني هم خليت وصعدت ميته نعس.
گعدت العصر نضفت وماما تسوي فطور بعده صارت الخمسه بديت اسوي العصائر والبن والزلاطه وهاي السوالف إذن فطرنه وخلصنه غسلت المواعين عليه بعده صليت صعدت لغرفتي جان عندي شغل وأوراق وتحاليل وهوسه اني ودا اشتغل اجت بالي ايلاف گلت خلي اتصل عليه تصلت ماكو مترد مره ثانيه هم مترد كُلش خوفتيني بالثالثه يالله ردت گلت بعصبيه..
ميسم:صدُك تحجين ولج صار الي ساعه ادك متت خوف عليج عبالي شو شنو صار؟
رافد:اسم الله .....
غنى
هالمره بشهر رمضان بيبي ويانه ضلت هي على أساس تروح بس بابا ما قبل گال ضلي هنا شعندج راجعه وجانت عمه عد بيت خالته من سمعت بيبي حاضل يمنه گالت اروح البيت خالتي.
احس شهر رمضان مثل باقي الأشهر لا اكثر اصلا عادي مو مثل باقي الناس تستعد لهذا الشهر بكل لهفه لو وده يضل عكسنه نريده بس يخلص.اما اني مگضيته بالبيت لان نقطعنه عن الدوام وضاله بالبيت وبيبي لازمتني سوي هاي ونظفي هاي حتى ماما ادوار تضوج فترده طبعاً بيبي من النوع الكُلش نظيفه وقويه مثل متگول بعدني بحيلي، يعني احنه صح انظف البيت هيه لا تعالوا رجعوا نضفوا مره ثانيه .
من يصير الفطور لا كله تجي تفطر بس امير مرات يطلع ويه جماعته يفطر .
خلصت صلاه وگعدت على التلفون تصلت لمريم سولفنه شويه وغلقته ضوجه وين اروح گلبت شوي بالبرامج ماكو شي جديد بعدين دخلت على رقم حسين واگلب بالرسائل القديمه وابتسم على سوالفه ،طبعا من يوم الي سوالي أسناني وبعده ما شفته لان جان اخر يوم دوام كل ما اتذكر الموقف اضحك واشوف نضراته من التوتر من ضليت اباوعله شويه ودز
💬شلونج؟
💬 الحمد لله تمام وانت؟
💬بخير شكو ماكو لا تسألين لا تگولين هيج بسرعه نسيتي
💬اگلك هو كون اني اسأل مو انت
💬يله عادي ماكو فرق ،يي شدسوين؟
💬ماكو گاعده، ماكو شي جديد جنت دا اگلب بالرسائل مالتنه القديمه واضحك
💬تدرين واني هم
💬هههههه الگلوب سواجي على گولت بيبي
💬يي والله
وضلينه نسولف عادي شويه وصاحت بيبي الي ستأذنت من حسين ونزلت ....
غنى:هاااا بيبي صحتيني؟
فردوس:يي بيبي روحي شوفي اخوج وين؟
غنى:ما هو طالع
فردوس:لا هسه اجه روحي شوفي وين وتعالي گوليلي
غنى:تمام
صعدت فوگ بالاول رحت للمكتب لان المكتب يصير قبل غرفته دگيت الباب ماكو صوت فتحته ما موجود رحت لغرفته دگيته ودخلت لگيته واگوف وبيده اوراق سألته...
غنى:اميغغ
امير:هااا خير رايده شي؟
غنى:لا ماكو بس غدت اشوفك عبالي ما موجوده تغيد شي اسولك گهوه جاي؟
امير:يي فدوه اريد گهوه وسط
غنى:تمام
سديت الباب واجيت البيبي گالت....
فردوس:ها وين؟
غنى:بالغرفه مالته بس ليش شنو تغدين منه؟
فردوس:اريد احجي وياه اريد أشوفه شبي من يوم الي اجيت وهو مدري شبي مو من عوايه من اجي يضلي يمي لو يسولفي على شغله بس هالمره ما اعرف شبي اروح اشوف احسن ليصير بي شي وهاي امج الفاهيه مدري شبيه بس بالفلوس تشم الريحه..
غنى:بيبي مو هيج الحجي تره هي امي
فردوس:وإذا امج روحي شو وخري عن طريقي
غنى:وين تگدرين تصعدين ورجليج متگدرين؟
فردوس:لا كُلشِ ما بيه احسن منج
غنى:براحتج
عفته ورحت اسوي گهوه خلصته وصعدت تقربت على الغرفه مالته لگيته الباب مردود وجذبني الحديث الدار بينهم جان تقربت وشفت بيبي گاعده على الجربايه وامير نايم على رجله مثل الطفل دائما من تجي بيبي وهو هاي نومته على رجله جانت تگله...
فردوس:شبيك بيبي ليش أحسك مهموم وشايل حمل الدنيا على راسك احجيلي يمه شبيك؟
امير:اخخخخ اخخخ تعبان بيبي تعبان
فردوس:يمه جعل هل اخخخ بفاد عدوينك شبيك يبعد عمري
امير:يطول بعمرج يالحبيبه
فردوس:منين تعبان احجيلي من وحده مو؟
امير: هههههه ولا تفوتج تلگفيه وهي طايره!
فردوس:لعد شلون اذا هي شكو مشكله لازم وراه مره ،اذا هيه حرب وشكبره كله من وره مره تريد انت مشكلتك مو من مره اوف اوف ذكرتني بمثل."ان جان گلبك لوعوا گلبي عطابه وجوا" احجيلي يبعد بيبيتك
وبده يسولفله شلون شافه وتعرف عليه وشلون راقبه ومن سمعه تحجي ويه ابن عمه مدري منو وهواي مواقف وبالاخير من رفضت بيبي هنا حجت
فردوس:وإذا عافتك خلي تروح وسبع حصوات وراه اشمر وليش مكدر روحك وتسحن وتطحن خلي توالي واخطبلك آغاته والله.
امير:گام من حضنه ،بيبي هذا هواه بعد شيقنعه بغيره احبه؟
فردوس:حبه گرص وداسه فرس وشلك بيه عافتك وانت بعدك تلوحگ وراه عيفه خلي تروح متفيدك شافت منك ما يطلع من جيبك شي ايست اني ادري بيهن ذني يدورون وره مصلحتهن واولهن امك .
امير: هههههه هسه امي شله دخل ؟
فردوس:هي امك همين خذت ابوك علمود فلوس وله اني ولا قنعتني سالفتهم حب وخرابيط وهاي السوالف هسه المهم وتالي شنو صار
امير:بيبي مو راسلته وگالت مجبوره من رفضتني
فردوس: وإذا مجبور جان حجت گالت ليش راسلت ليش ماگالت وجها لوجه لو شو شنو عده يجوز عده واحد وأنت جان تاكل بعقلك حلاوه ؟
امير:تعصب ورد لا اني ادري بيه هيه مو من هذا النوع وأعرفه كُلش زين متسوي هيج سوايه ولو تحب جان بينه عليه لان صرت حافظ كل حركاته .
وضلو يتجادلون هو بيبي هو يگله اني احبه وبيبي تگله متفيدك واني واگفه اتسمع عليهم تعبت من الوگفه درت وجهي وانصدم بالي وراي وإذا اشوف....
يتبع....
شلونكم بنات احوالكم
مواعيد النشر حتكون كل يومين انزل بارت بالليل هيج وقت حتى الكل گاعد ادري بيكم
وكُلش شكراً على تفاعلكم وتعليقاتكم الحلوه احبكم مو❤️
وبعد هم اكو شغله ثانيه جزعتوا ادري والله بس تحملوني المهم بالنسبة للڤويز كل ما اريد انشره مدا اعرف ليش فنشرته بالانستا تگدرون دخلون على الريلز موجود...
لاتنسون التصويت وتعليق ومتابعة للحساب بدربكم والانستا هم@ghe.92
دمتم برعاية الله وحفظه
غدير عبدالله
رواية وقد كانت صدفة الفصل الثاني وثلاثون 32 - بقلم غـدير عبداللّٰه
"وقد كانت صدفة"
وآنه بروحي
حِزن دِيرا
ومَلامِح خوف
وحَرب چذبةة ، وحِلم تَايه
ونَهر ثالث حُفر خَدي
غَريب بڪاع مَتلمني
چم ليلة أذب دموع على ألمامشَ ولاا أدري .
____________________________________
ميسم:صدُك تحجين ولج صار الي ساعه ادك متت خوف عليج عبالي شو شنو صار؟
رافد:اسم الله لتحجين هيج …
ميسم: هاا منوو؟
رافد :اني رافد
ميسم:هااا رافد اسفه عبالي ايلاف بس تگدر تنطينياه بالي مشغول عليه؟
رافد: حالياً ما اگدر لان نايمه متگدر
ميسم: بخوف ليش شبيه؟
رافد:لا ما بين شي بس رجله نلوت وگعت وهسه الحمدلله احسن..
ميسم:يا سوده عليه متشوف شر أن شاء الله اذا گعدت خلي تخابرني ..
رافد:تمام
ميسم: يله معسلامه ،قبل لا اغلقه گال
رافد: ميسم
ميسم:نعم تفضل
رافد:ءءديري بالج على نفسج ولا تقهرين نفسج على شي مصار الج عادي عسى أن تكرهوا شيء وهو خير لكم وعسى أن تحبو شيء وهو شرا لكم وأنتِ بعدج والحياة گدامج واي شي تحتاجين گليلي وإذا تستحين گولي لايلاف وهي تگلي...
ميسم: باستغراب ،بس ليش تگلي هل كلام وشنو قصدك ما فهمت؟
رافد:واله اگلج انسي ،اذا گعدت ايلاف اني اگول اله اخابرج
ميسم:غلقته منه وما عرفت شنو يقصد بكلامه وليش هسه يگلي هيج ضليت أفسر كلامه بس ما وصلت لنتيجه وحسيت اكو شي يريد يوصله الي ،بعدين نفضت الأفكار من راسي جانت الساعه بال9 ما انتظرت تتصل ضل بالي يمه رحت گلت الماما تروح ويايه نشوفه فم مگالت شي لبست عبايه واجت وصلنه للبيت دگيت الباب شويه ضلينه واگفين جان يفتح الباب رافد ويصفن بوجهي بعدين نزل راسه تلافه الوضع ما توقع جيتي بعدين رحب بينه دخلنه لي جوه بالستقبال گالت خاله...
شيماء:خاله روحيله تلگيه بغرفت رافد والولد كله طلعت ماكو احد بالبيت ،اني هم طلعت من لاستقبال ورحت اله جانت غرفته جوه دگيت الباب سمعت صوته دخلت جان تتفاجأ بجيتي رحت حضتنه خطيه كُلش قهرتني رجله كُلش وارمه ومجبسيه لان صار بيه فطر ومتگدر تمشي عليه سألته بعد ما تحملت.
ميسم:اگلج شبيج أنتِ اليوم ابد مو على بعضج من اول ما طلعتي وأنتِ بس تتلفتين صاير شي ،ابن عمتج هم رجع سوالج شي ،بينت ملامح التوتر على وجه وگالت لا ماكو شي وصل بعد آخر لقاء بينهم ماتعرضله وحتى من راحت لبيت جده جان ما مهتم عكس كل مره بس ما قنعني كلامه حاولت ما اضغط عليه وهيه مبينه ماريد تحجي بس متگدر تضم عليه يمكن اليوم تضم بأجر الگاه مسولفتلي كُلشِ .
غيرت الموضع بعده ستأذنه اني وماما ورجعنه للبيت ونفس روتين كل يوميه ماما على التلفزيون واني لو اشتغل لو اگعد اتفرج وياه وعلى هذا النحو ،خلص رمضان واجه العيد واطوني عطله 3ايام على ايام العيد اول يوم العيد گال بابا اطلعكم طلعنه كل احنه بسيارته رحنه فترينه بالمولات بعده تعشينه ورجعنه ثاني يوم گالت ماما نسوي كليچه سوَناها وجانت كُلش طيبه .
ثالث يوم العيد ماما راحت لأخته ام ماهر لان اخته الكبيره وماعده غيره طبعا اني من يوم العرس وبعد ما رحت اله بس ماما تروح وكل ما تروح تدز ماما تگله ليش متجي صرنه منعجبه وماما تتعذر منه متگدره تگله متجي من وره ابنج ولو هو ابنه بالخارج بس بعد مادري صرت اكره هذاك البيت كل ما اشوفه اتذكره ،جانت تطلع حجه على انو عده شغل وهاي السوالف واني أروح يم ايلاف عايدته ونطيته هديت عيد ميلاده لان نسيت انطيه اله من صارت الوگته مالتنه ونيسته أخذته بطريقي وتعذرت منه ....
ايلاف: يعمري عليمن تتعذرين هي جيتج كُلش كافي
ميسم: لعد اذا ما اجيب لاختي المن اجيب ،اجت حضنتني واني هم وبعده رجعت وهم نفس الروتين رجعت للدوام بس هيه اخذت اجازه لان متگدر تمشي.
فد يوم وصلت لبيته دگيت عليه طلعتلي وجه ابد ميتفسر وبس تتلفت تگول احد مراقبه اجت صعدت حتى ما سلمت بسرعه گالت...
ايلاف:ميسم بسرعه أمشي ستعجلي
ميسم: هاي شبيج على كيفج بس ليش شبيج ترجفي
ايلاف:عاطت أمشي على السريع بعدين احجي الج من نوصل
ميسم:سكتت لان جان الوضع ميسمح احجي وياه مبينه كلش خايفه ومتوتره ف فضلت السكوت .
وصلنه للمستشفى دخلت قبلي واني صفيت السياره ودخلت رحت وراه دخلت الغرفه لگيته دتلبس ملابس سألته...
ميسم:شبيج احجي شنو الي صاير
ايلاف: ميسم حبابه مو هسه لان عندي عمليه من اخلص اني اوعدج احجيلج كُلشِ لان بعد ما بيه اتحمل
ميسم:اكيد مو تغلسين عليه.
ايلاف: اوعدج احجيلج لان وصلت حده واريد منج تلگيلي حل بس مو هسه من اخلص ونلتقي واسولفلج كُلشِ،وراحت وخلتني بحيره ما اعرف شنو الي صاير .
بدلت ملابسي وبديت بشغلي مشه الوقت وصار وقت الغده ورحت اله والف حسبه بالي شنو ياترى الي صاير وياه والي مخليه كل هل الايام تسكت وهسه ياله تحجي رحت لگيته ستوه داخله للغرفه أخذته ورحنه للكافتريا جبت اله عصير والي هم..
ميسم:يله احجي بعد ماكو الج مهرب؟
اتنهدت وحجت
ايلاف......
غنى
..هاي ليش واگفه هنا شدسوين؟
غنى:هاا مو شسمه امير راد گهوه وسويتله وخليته هنا لان الكوب حار وماگدرت الزمه،مادري شلون صفطت الحجي وگلته
..زين لعد بيبيتج شو ماكو؟
غنى:ما ادري ،عافتني ونزلت مديت راسي من الدرج شفته راحت للغرفه نزلت بسرعه سويت وحده ثانيه لان هذيج بردت كملته وصعدته اله جانت بيبي توه طالعه أخذته ونزلت بيبي لان متگدر تنزل.
قبل العيد بالليل اجه بابا كل احنه مجموعين بالصاله حتى امير گال بابا...
عصام:بأجر حيجون كل اخوتي هنا يتغدون همه ونسوانهم ولدهم
عبير:صدُك تحجي لعد ستوك تگول غير قبل بيوم اشوف اموري شنو اسوي
..ليش شعندج اذا جان على الطبخ ف لطبخين اني رح اوصي اكل من المطعم وانشوف شو شنو بعد وانتن عليج بس المقبلات والزلايط حتى لبن لتسون اني كله رح اجيبه بعد عليمن تعترضين.
عبير:مادري بعد بكيفك ،بس ضلت ضايجه ليش تحجي هسه .
همزين احنه منظفين البيت قبل العيد لان گلنه خاف يجي خطار وبيبي الله يسلمه هم مامقصره كل ساعه تگلي تعالي مسحي ومرات اغلس تجي تسحلني من اذني وأيسر الحقير يضحك عليه ومن تشوفه هيج يسوي تجبره يجي ويايه .
صار الصبح واجه بابا هو وامير وأيسر من المسجد بعد ما صلوا صلاة العيد وجايب وياه كاهي وگيمر عايدتهم كلهم واكيد العيديه ما أنساه اهم شي تريگنه وخلصنه بعده بابا وصه امير هو الي يجيب الاكل من المطعم قريب الاذان يروح، راح بابا وأيسر يتسوگن الفواكه والعصائر والبن واحنه عزلنه البيت فتحت المبخره وبخرت الاستقبال .
رحت بدلت لبست ملابس العيد جان لبسي جينز مو كُلش عريض وسويتر فوگاه وحجاب هم لان استحي وخليت شويه مكياج مو هواي وبعده نتضرنه يجون .
شويه وندگت الباب راح امير يفتح دخلوا بيت عمو محسن هو وزوجته وابنه كرم وبناته الاثنين بعده بدوا يجون عمامي واحد وره الثاني وهاي اول مره اشوفهم بس عمو محسن اعرف أولاده أما الباقين لا كل واحد عنده لو ثنين لو تلاثه الاستقبال انترس بعد ميكفي گنالهم يجون بالصاله اكبر .
اجيب واودي بكاسات ألمي يمه رجليه راحن من الروحه والجيه وبس اني وحدي ماما نطلقت ويه نسوان عمامي والبنات وحدهن يسولفن لان هم دائما ينجمعون سوه بس اني مو هالگد اعرفهم وبس ماما وبابا يرحون ليش مياخذونه وياهم ما اعرف .
واگفه داخلي الكاسات بالثلاجة جان يجن وحده وره الثانية گالت اخت كرم وسن...
.. حبيبتي غنى تردين نساعدج بشي
غنى:لا حبيبتي ماعندي شي بس مجغد دا اغتبه الكاسات غوحوا رتاحوا انتو ،گالت وحده ....
..اوي فدوه عندج لدغه بالراء اوييي اموت عليه
غنى:ضحكت وضلينه نسولف وندمجت وياهن جانن كُلش حبابات ومرحات بس وحده من عدهن جانت تباوعلي من طرف عينه حتى ما اجت ويانه ضلت گاعده يم امه ،راح امير يجيب الغده إذن الاذان صعدت فوگ رحت جبت سجادات للكل حتى يصلون اجه بابا هو وأيسر سلم عليهم وأيسر دخل الغراض وگال...
ايسر:اخخ بويه ولج غنى نطيني كاست ماي متت من الحر لو ادري خاتل بالحمام ولا رايح هل روحه الگشره
غنى:ضحكت عليه ليش شبيك؟
ايسر:ولج عيني غير موت حر والله يخلي الوالد ما خله شي ما أجابه ادري منو جاي قوم قريش لو منو هو بس عمامي ونسوانهم
غنى:متاكد تعال شوف اجه ورايه وفتح عيونه وحلگه ،سد حلگك لاتفوت ذبانه
ايسر:اللهم صل على محمد وال محمد ولج هذوله حتى قوم قريش أقل منهم اجه تقرب عليه وگال اگلج خاف الاكل ميكفي
غنى:مادري غيغ هو بابا حاسب حساب الكل ومنطي لامير فلوس هسه غوح سلم عيب كل ساعه يسألون عليك راح هو واني رجعت اكمل جان جايب ويا خيار وطماطه وفواكه جاي اشتغل وهم أجن البنات ساعدني سون الزلاطه والبطيخ والرگي والطرشي... رغم ما اقبل بس هنه هاي طبيعتهم كل ما يرحون لأحد هاي طبيعتهن ميعرفن يضلن گاعدات أخذنه الوقت بالسوالف والضحك وتعرفت عليهن شنو يدرسن واتبادلنه الارقام...
شويه ودخل امير وصاح الي اجيت اخذت الصواني من عنده بعدين صاح لايسر طلع وياه وصاروا ينگلون بحيث المطبخ نمله بعد ماكو مكان أمشي .
أجن البنات اخذن السفره وفرشنه بالصاله هم ياله تكفي لان كله گعدت نسوان ورياجيل بس بيبي على الميز الطعام لان متگدر اخر وحده اجت هيه اني اريد مكان اگعد بي ماكو جان اگو مكان گبال كرم ما رحت رفع راسه امير سوالي مجاله بينه وبين ايسر اجيت گعدت عرف بيه ما اطيقه وگعدت اكل .
شفت ماما اشرتلي اخلي القوري على النار بين مايخلصون حتى اصب گمت گال امير...
امير:ها وين بعدج ما اكلتي؟
غنى:بس اخلي القوغي على الناغ واجي ...
مادري صارت عيني عليهم كله كاتمه ضحكته ويسولفون صدُك كُلش نقهرت يعني شي مو بأيدي ليش يستهزئون حتى خليت القوري على النار وضليت گاعده ما رجعت من الفشله كُلش نهضمت اجه امير من شافني تأخرت گال...
امير:ليش ما اجيتي؟
غنى:هاا لا ما أشتهي شبعت
امير:عبالج ما ادري نقهرتي من شفتيهم يضحكون عادي خلي يضحكون على نفسهم تره كُلش عادي قابل بيدج...
غنى:هزيت راسي ب لا ...
امير:يله لعد تعالي كملي حتى اني ماكملت اكلي نصي القوري وتعالي شلون سمج تخبل ...
غنى:صدُك والله ولا شلت هم من شافنه بابا اني وامير اجينه ابتسم وكانو يگول ميخالف لزعلين اني هم رجعت وكملت اكل...
خلصنه طبعن كله جان سفري شلته وذبيته بالزبل بس بقه كاسات الزلاطه غسلناهن اني والبنات ما قصروا خطيه هدرت الجاي بين ما حضرت الاستكانات صبيت قسم للرياجيل بالاستقبال والنسوان بالصاله اخذت الجاي للرياجيل بالاول اجه ايسر تلگاني وأخذه مني...
اما اني رحت ويه البنات هن صبن الجاي واني شلت الصينيه وديته قدمت الهن وصلت يم هاي الي اسمه بنت عمي بعدين عرفت اسمه ودق أخذته وتباوع للستكان شافته ما عجبه رجعت ضليت صافنه عليه هاي شبيه عفته ورجعت ما صبيت اله جاي خلي تولي كله اخذت اله هيه عود خلي هيه تصب لنفسه ...
خليته ورحت اجيب كاسات ماي اني وجاي اطلع من المطبخ وعيني على الصينيه جان تجي وبيده ستكان الجاي وتذبه على أيدي وهو حار وگعت الصينيه مني وصرت اعيط....
كله لتمت واجت رحت للسنگ اريد اغسله صاح امير...
امير:لا غنى لتغسليه هسه اجيب الج عندي دهن دقيقه راح صعد لغرفته ...اجت بيبي تحجي عليه واني روحي مفرفحه
اجه گال... نطيني ايدج شافه جاب ماي مغذي ماعرف شنو وغسل ايدي بيه صار تحرگني واني ابجي وماما تگله... على كيفك وياه غسله وخله إليه الدهون ولفه بالشاش بعدين كله رجعت واني هم أخذني للصاله گال اگعدي بعد لتفترين ...
أجن البنات يمي شويه هدئة بس ضلت عينه عليه ولا سألته بعدين بالاخير لمن رادو يطلعون اجت عليه تريد تبوسني وقربت يمي وگالت...
ودق:ديري بالج على نفسج حبيبي واياج تتقربين يم كرم هذا الي والي يتقرب يم شغله تخص ودق مراح يلوحه خير ...
ابتسمت ورديت...
غنى:واي شي يخصه الودق تلعب نفسي منه وإن جان على طلبه إليه للزواج ف اني الي رفضته وباراتي وگولي للي وصلج الحجي گذب عليج ماشي يا حلو وعفته ورحت خلي تولي صح بنت عمي وبعد ستوني تعرفن وهيج ويايه هاي لو اروح اني يمه الله اليعلم شنو تسوي...
طلعوا كلهم البيت صار هدوء اذا اذب الابره ينسمع حسه حتى بيبي راحت ويه بيت عمو محسن گالت لليل وارجع لان يردون يرحون يزورون وگالت اروح وياكم ،رحت للغرفه ارتاح لان حرفياً ميته تعب صار الليل محد يشتهي ياكل بابا طلع عنده شغل وماما بالغرفه وامير طالع وأيسر نايم.
دگيت على مريم سلمت عليه سولفتله على الي صار اليوم تعجبت ..
مريم:اول تالي يجون هاي من عجائب الدنيا السبع
غنى:يي والله ،انتِ شلونج شكو ماكو؟
مريم: والله ماكو شي گاعده وساكته وكل ساعه يجون خطار وتعال ضلي يمهم وسمعي سوالفهم المتخلص خاصه النسوان هاي جابت وهاي طلگت وذج رجله تزوج عليه وذيج رجله يخونه وبالاخير تگول شلنه شغل بالناس مناخذ غيبتهم لعد شنو جنان تسون تفلسن باگله...
غنى: هههههههههههه خغب ببليسج صدُك نسيت اگلج شنو صار اليوم والو تأذيت بس اهم شي فوخت گلبي
مريم:شكو ولج شنو سويتي؟
غنى:سولفتله على ودق ردت
مريم:معقوله منج من الشيطان اول مره اشوفج هيج اللسان ولا ادري غنى ام نص اللسان هيج تسوي والله وطلعتي ذيبه
غنى:لعد شعبالج ،وضلين شويه نسولف على الدوام بعده غلقته منه...
بعد مرور شكم يوم جان يوم سبت جان عندي عطله گعدت على صوت هوسه وعياط نزلت وإذا اشوف الوجه مگلبه وبيبي بس تبجي وتصيح يمه بنيتي راحت سألت ايسر گال...
ايسر:عمه عذراء مو عد بيت خالته اخت بيبي وخالته على أساس طالعت رايحات زياره ابنه ماخذهن ومسوين حادث وهسه عمي وابويه راحو يشوفوه ومن سمعت بيبي بعده مامخلص... جان توگع بيبي وتتخربط رحت اله بسرعه ....
ايلاف:بيوم عيد ميلادي بعد ما رجعت من بيت جدو وصلتني رساله كُلش تخوف وراه صار يبعثلي صور اني وامير من أخذني لسياره بيوم الي عرف مهيمن متحارشت بيه وهواي صور النه واكو صور مفبركة لان متأكده ميه بالميه مو اني ....
ميسم:يي وبعد شنو الي صار ؟
ايلاف:بعده سألته انت منو ...رد مجهول ويمه سمايل مهرج... بساعته ما اعرف شنو الي صار بيه ضليت اسأل يشوف الرسائل ميرد تجرئت وتصلت عليه رغم ميته خوف طلع عندي خارج التغطيه ماكو .
وبعده رحت شويه ورجعت لگيت الصور ممسوحه وتتذكرين بيوم الي اجيتيني من اخذتيني للدوام جان مراقبني ودزلي صوره واني واكفه وأقره الرساله مالته صرت أتلفت مثل المخبله ما اعرف شنو اسوي...
ميسم:هذا كل الي صاير وأنتِ هيج ساكته...
ايلاف:دسمعي بعد ،من وصلت للمستشفى امنت گلت بعد ميگدر يراسل لو يتصل وجان ماعندي نت هم رتاحيت بس هذا الهدوء ما سبق العاصفه رجعت بيومه رجلي نلوت وصار بيه فطر كله من وراه لان اني وعلى الدرج شفته رافد يريد يشوف تلفوني لان كل ساعه يبعثلي رساله على إثر عياطي والبجي گعدوا ماما وبابا واخذوني للمستشفى شفت الموت بيومه ومناك اني صايمه صار عندي هبوط بالضغط واغمه عليه هناك....
ميسم:لعد ليش ما گلتيلي واني بيومه اجيتج واگلج شنو صاير احسج مو تمام وتردين ماكو شي كملي كملي ...
ايلاف:بعده صار ميبعثلي شي او يتصل احسه من يتصل يريد نبهني انو اني وين ماكان مراقبج ،وهو طلع صدك مراقبني يمكن شافني من أخذوني للمستشفى عرف بعد ما اگدر اطلع ، المهم اول يوم العيد أنتِ تدرين بينه نروح لبيت جدو لان كله هناك مثل عادتنه خطيه رافد هو الي بتله بيه اگله اگدر أمشي على العكازه....ميقبل يشيلني من مكان المكان حتى هو خطيه أخذ الي الاجازه.
ميسم:يي وبعده؟
ايلاف:اوف كل ما اتذكر الي صار بهذا اليوم تخيلي احس يريد يموتني على البطيئ لا اگدر اگول لأحد يساعدني ولا اگدر احجي يأبه هذا يهددني خاف يشوفون الصور وانفضح ،العصر بعد ما تغدوا كلهم طلع رافد ويه جماعته تعرفيهم سيف وامير...
ميسم:يي اعرفهم كملي...
ايلاف:يي جنت گاعده ويه البنات جان تجيني رساله منه اني شفته من عنده لو يبس الدم بعروگي ما اگد أبين الهم ولا اگدر اگوم من وره رجلي سويته عادي ماكو شي گلت لرفل ولارا يساعدوني اريد اروح للغرفه مال بيبي اريد ارتاح أخذني فتحت الرساله جان باعثلي فيديو فتحته وإذا رافد گاعد وميدري مصوره وكاتب الي...
مجهول:شنو تگولين بالسجينه لو بالكاتم ؟
ايلاف:اني هنا تخبلت بعد ما اعرف شنو اسوي بس اريد اجذب على نفسي بعثتله...
..شنو تقصد وشنو تريد من رافد؟
مجهول:اقتله🩸
ايلاف:هنا بعد ما تحملت بسرعه تصلت بعد ميهمني يسمعون ميسمعوا طز بيه اهم شي عندي رافد ليسويله شي اتصل ميشيله مره ثانين ماكو بالثلاثه فتحت اتصال وگتله واني ابجي...
ايلاف:والله العظيم اذا صار لاخويه شي والله أخبر الشرطة عليك وإذا اضطر الأمر اتصل على مكافحت الجرائم الإلكترونية هيه الي تتصرف فاهم لولا وإذا على الصور ف انشر ميهمني بعد ...بالاخير ضحك ضحكه طويله وكانوا يستفزني من ديسوي هيج وغلقه بوجهي...
هنا بعد نهاريت بعد ما اتحمل رجلي هم گامت توجعني لان نسيت أخذ العلاج دخلن عليه البنات كلهن عبالهم ابجي من الم رجلي ميدرن بالي صاير اجت ماما شافتني سألتني على العلاج گتله ماماخذته ضلت تحجي عليه...
بعدين صار الليل ورافد ماكو اني بعد صبري نفذ گلت الماما... تتصل برافد گالت... ليش گتله...تأخر مو من عادته ضلت تسأل بالاخير جزعت گتله نطيني تلفونج اني اتصل ،تصلت عليه جهازه مغلق مره ثانيه هم ماكو مره ثالثه ورابعه وماكو بعد ما اعرف ختنگت يا ربي احفظ الي يارب بعد ما اتحمل اموت اذا صار اله شي بسببي...
صبوا العشه گالوا الي تعالي اكلي گتلهم ما أشتهي وصُدك اني ما أشتهي العسل يارب شلون بيه اتصل عليه رقمه ماكو خارج التغطيه الله ياخذك وينتقم منك...
ضليت افكر هواي اخرشي ماعندي غير هذا الحل وهو اتصل على امير اشوفه وين رحت على رقمه اريد اضغط اتصال واتراجع مره ثانيه هم حاولت واتراجع بالاخير ردت اتصل وسمعت صوت يمه احس روحي ردتلي من سمعته وكانو ماي بارد وذبوا عليه ضليت أصيح ما صدگت اله لمن اجه وگف گبالي وگال....
رافد:هاي شنو ليش لسه ماماكله مو وراج علاج؟...
ايلاف:اجه گعد يمي ماتحملت حضنته هو استغرب مني وصل يمسد على راسي... رافد خو ما بيك شي محد اذاك الله عليك گلي....
رافد:هاي شبيج أبويه كُلشِ مابيه ليش هيج خايفه وبعدين منو يأذيني؟
ايلاف:لا ماكو شي هيج شفتك تأخرت وقلقت عليك ...بعدين حاول يساعدني وشالني بالصاله وگعدنه ناكل وياهم ضليت كل ساعه اباوعله مامصدكه من بعد الهبطه الاكلته صرت دائما اخابره اذا تأخر شويه بالي يجيب ويودي بالافكار...
ميسم:زين مافكرتي بانوا مهيمن اله ايد بالسالفه؟
ايلاف:هم فكرت بس جان ماشايل هم أصلاً حتى من رحت الهم سلم عادي ولا كانوا اكو شي بينه لاهذا بعدته هذا الإحتمال وحتى عمه گال بابا اله بقرار الرفض بس هيه ما قتنعت اله لمن صاحتلي وگتله السبب
ميسم:عززه بس لاگلتي اله سالفه التحرش
ايلاف:لا گلت اله...عمه ما اگدر اتقبل بانو يوم من الايام مهيمن يكون زوج الي لان اعتبره مثل اخويه وحالياً اني مامفكره بهيج قرار فكرت الارتباط باعدته عن فكري حالياً يعني ياريت تفهميني....
..لا حبيبتي عادي ما بيه اشكال واصلا اني من يمي مجرد اقتراح وبس ولا تبررين ..
ايلاف:زين شعجب عمه أنتِ جنتِ كُلش فرحانه شنو الي غيرج هسه شنو سامعه شي عني من مهيمن هو گلج على شي؟
..لا والله مگال شي بس گال سدي السالفه وبعد لتگولين سألته شنو السبب الي غيرك ماقبل يگول وعفته براحته وهسه اني اسألج هم تعرفين شي؟...
ايلاف:تلبكت لا ما اعرف شي مادري اني ...
..يله حبيبتي براحتج روحي .
ميسم: والله ما ادري شنو الي اگلج وسالفتج تحير
ايلاف:لعد شلون واني اگلت الج حتى تساعديني مجاي تعرفي حالي هسه ولج تخيلي هسه بس اطلع يراقبني ولج متتت احس نفسي عايشه بفلم رعب...
..اني اساعدكم اذا تردون.....
_____________________
يتبع......
لاتنسون التصويت وتعليق ومتابعة للحساب بدربكم والانستا هم ghe.92
ولا تنسون سوا منشن للروايه
دمتم برعاية الله وحفظه
غدير عبدالله
رواية وقد كانت صدفة الفصل الثالث وثلاثون 33 - بقلم غـدير عبداللّٰه
"وقد كانت صدفة"
آنه الصاير هوى مداريك بكتارك
آنه اليعرف چذب بَس يقبل اعذارك
تَعال وماعليك نقَدس اعذارك
تَعال شكثر مشتاگين لأخبارك
__________________________________
احساس جداً حزين من تحب شخص وتهتم لأدق التفاصيل وتشوفه بده يحس بهذا الشعور من ناحيتك وتغار وتحلم بانو وأخيراً حيكون من نصيبي بالاخير يطلع كل هذا كذب وحب من طرف واحد.
من بعد ما رفضتني وسمعت كلامه الجارح، لا لهنا وبس ذليت نفسي بما فيه الكفايه ودست على نفسي ومبادئي هواي وشوهت بصورتي.
كُلش حتقرة نفسي وماتوقعته هيج تحجي وله من گالت ...اخويه مأمني عندك تقبل لو احد هيج سواه باختك... هنا ما تحملت خليت وطلعت بس ضلت بگلبي حچايه گلته اله وطلعت، ضجت وتندمت بنفس الوقت لان نسيت هاي امانه صديقي مأمني عليه ونسيت الدنيا دواره اليوم اني اسوي باجر شو منو يسوي ويه اختي لو بنتي....
مع كل الي صار بيه مجنت منتبه لتصرفاتي بس من حجت هيج مثل الي جنت نايم وصحيت من نومي وعتني على هواي امور مجنت حاسب اله حساب،وخلال الفتره الي عفته أيقنت انو اني احبه ومتعلق بيه واحس يومي اذا ما اشوفه أو اراقبه يومي ميكتمل بدونه....
ذاك يوم وهذا يوم واني ابد مراحت من بالي وگلبي وكلما احن واريد ارجع وأتذكر كلامه احتقره واتراجع، حتى صرت البيت ما اطيقه اهلي اصدقائي حتى ما اروح وياهم ذبيت نفسي على الشغل حتى انسه... وارجع ميت تعب هلكان حتى رأسا انام ما اضل افكر بيه...
طبعا الكل ملاحض عليه هذا الشي واولهم غنى الي ابد ما عافتني اسمه ترگض ورايه تحاول تساعدني بس تريدني أسولف لو تجيب لي لفه لو تسويلي گهوه بس شنو اسوي واني هذا حالي...
اجت بيبيتي رغم كُلش أحبه لان هي الي ربتني جنت دومي يمه حتى انام بينه وبين جدي وأكثر وحده تعرفني إذا ضايج هيه ،بس هالمره مو مثل كل مره كبرت على هيج سوالف صرت اتهرب من نضراته حتى لا تعرفني لان ما اريد اگول الاحد.
بيوم جنت اشتغل على قضيه جانت كُلش مهمه دخلت غنى سألتي على گهوه وگلت اله يي... بعده شويه وصعدت بيبي ستغربت اول مره تصعد لغرفتي لان متگدر ذبيت الي بيدي ورحت اله....
امير:هاي ليش صعدتي بيبي مو متگدرين؟
..وخر عني اصحه منك بس انتو هذا درجكم كل درجه شعلاته
امير:الدرجه لو أنتِ متگدرين؟
..يي يله اني ما اگدر تعال يله سولفيلي شبيك من اجيت وانت ابد مو على بعضك شبيك؟
امير:لا كُلشِ ما بيه بس شغل وقضايه عندي هواي لهذا ما الحگ
..يي مو عليه سوالف المحامين ذني اضحك بيهم على القاضي مالتك مو فردوس.
امير:ضحكت ليش فد يوم مكذب عليج اني؟
..يي وهسه، يله تعال نام على رجلي وسولفلي...
امير:هااااا لا هنا على الكرسي اگعد احسن
..وجعا على گلب عدوينك تعال لا بهذاي العصه مالتي.
امير:لا بيبي عيب مو كبرنه ..
..منو هذا الكبر يمه لو تصير شايب هم بعدك بعيني ذاك امير الي يسويه ج...قاطعته
امير:هااا بيبي يله سوي مجال خلي انام ،ونمت على رجله وضلينه نسولف بس صدمتني من گلتلي مشكلتك من وره مره وضلت تسولفلي سوالف اكيد ما تخله من ضرب المثل بامي،شويه غيرت جو بجيته عليه بس الچمه الي بلگلب تظل لچمه..
وبيوم من الايام جان عندي قضيه وسهرت عليه للصبح نمت متأخر ما بين النايم والگاعد واسمع هوسه جوه غلست بس بعدين سمعت عياط غنى وهي تگول بيبي بسرعه طفرت ونزلت جوه شفتهم ملتمين عليه ويردون يصحوه بعدتهم واجيت اني اصحي بيه اضرب على خده على خفيف ماكو بعدين صحت ...جيبوا ماي بسرعه ...
راحت غنى تجيب اجت بيده گلاص ماي اذب ماي ماكو متگعد شفته يبست اگعده ماكو بالاخير بدت تصحه شويه بس تون بسرعه گلت الهم يلبسوه حتى اخذه للمستشفى بسرعه صعدت غيرت ملابسي ونزلت اخذته متگدر تمشي شلته اجه ايسر ويايه فتح الباب اجت غنى وامي مبدلات يردن يرحن گلت لغنى تضل وامي تروح بسرعه خليته بالسياره ومشيت .
بعدين سألته شنو الي صار گالت عمتك مسوي حادث أبوك وعمك راحوله ومن سمعت بيبيتك تخربطت وگعوت هزيت راسي وصلنه نزلت بيه ورحت للطوارئ استلموه مني ودخلوه للغرفه ضليت اروح وارجع بعدين تذكرت تلفوني طلعته خابرت أبويه ماكو ميرد طلعت بره بالحديقة .
وگفت وجان اسمع صوت ايلاف ليش ما أبويه رد بس بالي ضل يمه أبويه يحجي وعقلي يمه غلقت التلفون وجذب انتباهي من گالت...
.. ضليت افكر هواي اخرشي ماعندي غير هذا الحل وهو اتصل على امير اشوفه وين رحت على رقمه اريد اضغط اتصال واتراجع مره ثانيه هم حاولت واتراجع بالاخير ردت اتصل وسمعت صوت ....
وصرت اتسمع على الحديث الدار بينهم جانن ميدرن اني وراهن عرفته واگعه بمصيبه ومتگدر تطلع منه هنا صار صراع بين عقلي وگلبي ،عقلي الي رافض ادوس على كرامتي واساعده وگلبي الي يريد يساعده هنا جان القرار گُلش صعب بين منو اختار بالاخير انتصر الگلب وما يهوى وگلت الهن...
امير:اذا تردون اني اساعدكم؟...
ايلاف:درت وجهي واشوف امير ورانه بس لا سمعنه درت وجهي على ميسم ضلت وحده تباوع للثانيه،ءءا بشنو تساعدنه؟
امير:حسب الي دريت انو انتن وگعات بمشكله وردت اساعدجن ...
ايلاف:لا شكراً منريد وماكو شي أصلاً بس دنسولف على بنيه صديقتي واگعه مشكله،ندستني ميسم بس ما هتميت ..
امير:براحتكم ،وراح
ميسم:أنتِ ليش ثوله ليش ما قبلتي يساعدج مو تدرين بي هو محامي ويعرف بهيج شغلات وبعدين لتنسين هو هم وياج بالصوره يعني ثنينكم لازم تحلوه؟
ايلاف:ما ما اريد يساعدني بعدين يمن عليه واخاف هم يگول لرافد وبدال ما وحده اصير بثنين ....
ميسم: بالعكس يحضي لازم واحد يكون ويانه شلون وحدنه نتصرف والله أنتِ ما أعرف شنو يدور براسج ،هسه گومي خلي نروح ومن نطلع الله كريم...
طبعاً اكبر خطأ رتكبته هو ما سمعت كلام ميسم لو ماصار الي صار بيه رجعت للبيت دخلت فتحت تلفوني ماكو شي طبعاً من يوم الي صار سالفه رافد وهو بعد ميبعثلي شي وهذا الي مخوفني أحسه يستلذ بتعذيبي على البطيئ معيشني بقلق صرت وين ما اطلع أتلفت خاف شو شنو يسويلي لو يخطفني اشكال يسوي بيه....
ايلاف.
رجعت للبيت تعبانه تغديت ونمت ...گعدت تقريباً ب5 هيج گمت اريد اغسل وجهي رن تلفوني فتحت رقم عرفته هو لان دائماً يدخلي رقم جديد فتحته عصرني گلبي من يبعثلي أو يدزلي فديو ايدي ترجف فتحت الفديو ديحمل ضليت فتره صافنه عليه اريد يفتح بالاخير فتح وجانت الصدمه امير....
هو وديمشي يريد يعبر الشارع وجان تجي سياره سريعه وتريد تضربه ونگطع الفديو ....
اريد اصبر على نفسي ما اگدر ايدي ترجف دموعي ملت التلفون تصلت عليه ميرد كتبت....
💬انت شنو تريد مني دمرتني يوميه باعثلي شي كافي ياخي گلي شتريد تهددني بالصور انشرهن ميهمني بعد تريد فلوس گلي انطيك ليش مجاي ترد احجيي....
شافه وتصل...
..ها ياحلو على أساس الصور مو الج وهذا مو حبيبيج مو ها وضحك ضحكه طويله
ايلاف:يا اخي انت شنو من بشر شنو تريد فهمني كافي دمرتني، تريد فلوس گلي ولا جايني يوميه فديو شكل تموتني بالاخير يطلع كذب ....
..اسم الله عليج يا عمري ،امممم فلوس لا مو هسه كُلشِ بوقته حلو ...
ايلاف:لعد شنو تريد؟ غلقه بوجهي ما تحملت وتصلت على امير گلبي نار عليه رن هواي ماكو ياربي سترك كون كُلشِ مابي ...
ضليت ابجي گعدت على الكرسي وضليت احجي ويه نفسي،بس لا صاير اله شي ...شنو الي رح يصير بعد ليش ما سمعت كلام ميسم ليش ما اخذت بحچيه من گالت انتو ثنينكم واگعين بالمشكله .... جان يرن التليفون شفته امير بسرعه رديت بس گال....
..الوووو
ايلاف:بجيت،الووو امير هذا انت مو يعني ما بيك شي
امير:يي أبويه شبيج تبيجين يي كُلشِ ما بيه خو مصاير شي شفتج هواي متصله؟
ايلاف:سحبت نفس باريحيه ،لا ماكو شي بس بس...
امير:بس شنو شبيج ايلاف صاير شي رافد بي شي أنتِ ؟
ايلاف:بس بعثولي فديو الك وسياره تريد تضربك ونگطع الفديو عبالي م....
امير: دقيقه دقيقه شنو بعثولج فديو منو همه وشنو السالفه، ويي صح اليوم ردت انضرب بس الحمدلله الله لطف وأبو السياره جان مامنتبه..
ايلاف: يعني هالفديو صحيح؟..
امير:ييا فديو لتخبليني احجي..
ايلاف:راح اگلك على شغله بس اياك تگول لأحد لان محتعدي على خير اذا احد عرف وخاصة رافد اذا عرف ها هيه بالنسبه اليه..
امير:ماشي ماراح اگول شي وخاصه رافد ..
ايلاف:وعد؟!...
امير: تمام وعد....
ايلاف:شوف اكو احد ....... وهسه اتصلت بيك حتى اتاكد لان بعد ما اعرف الصُدك من الكذب مالته وكل ما اسأله يگول كُلشِ بوقته حلو وهذا اني الي مخوفني..
امير:تمام كافي لتبجين خليه يمي واني اتصرف وخاف بعد يبعثلج فد شي حاولي تسايري شوفي شنو غايته من عندج ،زين الصور عندج؟
ايلاف:لا ماكو مسحن....
امير:زين والفيديو مالتي؟
ايلاف:ثواني
رحت اشوف الفديو دخلت على نفس الرقم الي دز الفديو دخلت ماكو يا ربي هسه شلون رحت لامير تصلت بسرعه شاله
امير:هااا وينه؟
ايلاف:ماكو حاذفه
امير:ايا نذل ،زين شوفي دزيلي الارقام الي يتصل بيهن عليج
ايلاف:تمام دزيتهن اله وضليت گاعده اروح وارجع بالغرفه مالتي وهو بعده ماكو عنه خبر شويه وسمعت ماما تصيح ....
ايلاف:ها ماما ؟؟...
..ادري اليوم ناويه تضلين فوگ شلون يعني حتى الاذن اذن وانتِ بعدج .
ايلاف :يله نازله ،نزلت رحت شفته شنو تسوي عشه گالت ....
..طلعي كبه بالمجمده وسوي فنگر وطماطه گلي بين ما اصلي وأخذ عنج..
ايلاف:تمام ،بديت اشتغل وعيني على التلفون خاف يتصل امير ضليت افتر منا واجي من اجت ماما گالت روحي اني اكمل رحت توضيت وصليت صبينه العشه وتعشينه وهو ماكو خبر عنه ،بالليل تقريباً ب10خابر بسرعه رديت....
ايلاف:ها بشرررر؟
امير:شوفي خابرت صديقي يعرف بهاي السوالف گاله هذني الارقام ذات الاستعمال محدد
ايلاف:يعني شنو؟
امير:يعني فتره معينه ويخلص مفعوله وينتهي..
ايلاف:لعد شلون ياربي هسه شلون اعرفه وصرت ابجي يعني حرفياً يخوف مرات بالليل ويدزل بصمات لو صوت ضحك لو اصوات غريبه مادري مريض نفسي
امير: ميخالف لتبجين الله كريم بعد اي شي يدز أثناء المحادثه لو الاتصال صوري كُلشِ يدزلج انتِ صوري ودزيلي ..
ايلاف:تمام امير شكراً على مساعدتك الي؟
امير:لا ماكو داعي للشكر اصلا اني هم اعتبر واگع بهاي المشكله شنو نسيتي صوري هم موجوده يعني لتشيلين الذنب بس عليج ..
ايلاف: مسحت دموعي تمام باي،وغلقته
من بعده صار اي شي يبعثلي أو اتصال اني اصور وادز لامير اي شي حتى هو أخذ حذر وصار يراقب الارقم والصور واني ويا على تواصل ابد ما تركني رغم شگد اذيته وكُلش هم ورغم هذا ساعدني بس اني تخوفي وأفكاري الزايده هي الي غلبتني وخلتني اتسرع برفضي اله....
غنى:من بعد الي صار طلعت الحمد لله عمه مابيه شي بس صاير عده روضض وكسور اهون من خالته كُلش حالته خطره من بعد ما رجعت بيبي من المستشفى جان صاير عده رتفاع بالسكر والضغط زين ما مضروب جلطه واله راحت بيه قررت ترجع لمحافظه مالته متگدر تضل أخذوه بابا وعمو .
رجعت حياتنه لطبيعته ورجعت اني للدوام
غنى:جبت الاكل وگعدت،تفضلي عيني ست مغيم الفه اباوعله هوايه تضرب صفنات ،عيني الي بالج يتهنه
مريم:هااا يي يتهنه ليش لا
غنى:هاي شنو الاخت صايغه تتحسغ
مريم:يووه نطيني لفه جعت
غنى:يي ضيعي السالفه مو، بالله منو هو تعيس اقصد سعيد الحظ؟
مريم:غصبن عليج سعيد الحظ ما اگول أمشي ولي
غنى:لا لا گولي خلي نشوف منو هو؟
مريم:اخوج
غنى:صارت عيني على حسين من بعيد ويه بنيه،حتى ما سمعت مريم اگلج هذا مو حسين الي واگف ويه هاي ام الشال الاسود
مريم:وينه ولج
غنى:هذيج مناك على اليمنه
مريم:ولج شون شفتيه
غنى:بسيطه اني اله ،وگمت توجهت اله ومريم تصيح ورايه وصلت قريبه يمهه واسمعه يسولف وضحك وياه واني الغيره صعدت عندي گلت حبيبي....
دار وجه ونصدم
حسين:غنى؟
غنى:يي وشبيك متفاجأ ورفعت تك حاجب
حسين:ها لا بس ماتوقعتج ت.....قاطعته
غنى:يي ما عغفتني على الاخت وهي تباوعلي من فوگ ليجوه ماعاجبه
حسين:احم غنى هديل زميلتي ،هديل غنى ز....
غنى:حبيبته تشرفت بمعرفتج حبيبتييي وجريت الكلمه
هديل:اهلا بيج عيني
غنى: حسين ممكن شويه تجي وهو بعده مصدوم من الگلته
حسين:يي يله تعالي
غنى:بعدت عنه شويه،حسين هاي منو التحجي وياه ها لا وتضحك وشي
حسين:اگلج دتشمين اكو ريح
غنى:ستغربت غيحت شنو؟
حسين:دا اشم ريحة غيره منج طالعه
غنى:اني اغاغ عليك وليش عيني
حسين:لعد سويتي شنو ومن گلتي اله حبيبتي ها؟
غنى:هاءءا وجان تجي مريم وتنقذ الموقف
مريم :يله حبيتي غنى تعالي شوفي هاي الملزمه نفسه مالتج..
غنى:عاشت ايدج عمغي تجين بلمهمات الصعبه ابوسك اني
مريم:يي مو ادري بيج دومج جفصين بالبطن وتصيحين مو اني عرفتج حجفصيه
غنى:بعد لوحي أنتِ...
بيوم العصريه گاعدين كل ااحنه جان ينزل امير على السريع هو يخابر بس منو ما اعرف سمعته يگول...
امير:يي جاي هسه بس لتسون اي شي اني حتفق ويه واحد واجي يمكم لا لتجي هسه بعدين يي احتمال يراقب الرايح والجاي مو هسه تجي.
ما فهمت شي يگول حجيه عباره عن الغاز بسرعه نزل فتح باب الحوش طلع سيارته وراح ما اعرف ليش خفت عليه بيومه والله يستر قريت اله سوره الكرسي تحفظه وبعد ما ادري ....
يتبع....
لاتنسون التصويت وتعليق ومتابعة للحساب بدربكم والانستا هم@ghe.92
دمتم برعاية الله وحفظه
غدير عبدالله
رواية وقد كانت صدفة الفصل الرابع وثلاثون 34 - بقلم غـدير عبداللّٰه
"وقد كانت صدفة"
فاهمني چنك غلط
چنت اقصد اهلاً تره من گتلك شجابك؟
ومن سولفت ع الحزن چنت
اقصد احتاجك !
گاعده بمحاضرة الاستاذ الغثيث وبصفي غنى سارحه مدري وين المهم خلي اعرفكم عن نفسي،اسمي مريم بنت عاديه شكلي عادي ماعندي شي يميزني عن غيري أحياناً بعض البشر مو شرط اله يتميز بشكل مرات أسلوبه او طبيعة تعامله ويه الباقيين هي الي يميزه عن غيره وهاي الشغله الي تميزني عن باقي البنات ،شخصيتي اجتماعية احب اضحك انكت ما احب النكد شخصيتي قويه لازم اخذ حقي مهما كان السبب وحق غيري اذا جان شخصية ضعيفه وخاصه غنى .
احب الاكل واعتبره هوايه من هواياتي اكل وما اسمن عكس غنى اذا اكلت لفه صغيره بسرعه تسمن دومه اذا تريد احل اله مشكله لازم تعزمني على شغله،اعتبر غنى أكثر من صديقه الي دومه سري يمه وسره يمي صديقتي من اني وياه بالمتوسطة لحد ما دخلنه الجامعة سوه وسبحان الله نفس القسم طلع النه
لكن غنى احس شخصية جدا ضعيفه دومه فطيرة وثوله ....
مريم:ندسته من خاصرتها...
غنى:هاااا شكو؟
مريم:تقبلين احجي عليج!
غنى:يي احجي بس عدل مو تنزلين بيه اكس مربع
مريم: ميخالف ،المهم نرجع لموضوعنه مثل ما گلنه غنى شخصية ضعيفه دومه دمعته بطرف عينه وفاهيه يبووو الفهاوه العليه لكن تمتلك گلب ابيض .
وهوايه تعرضت للتنمر ومن اقرب الناس اله وهذا الي خلاه تكون ضعيفه الشخصيه والاهم من هذا كله الأهل الهم دور جدا كبير بتعزيز الثقه عند أولادهم لكن أهله ماجانو يهتمون اله وهذا اكبر خطأ لذالك خلوه ضعيفه الشخصيه وبسرعه تنغبن .
لكن دا احول انو تعزز من شخصيته وهلشي مو عيب بالعكس جاي اساعده حتى يوم الي اني ما موجوده تگدر تدافع عن نفسها،تصيحلي ام المهمات الصعبه دائماً أنقذه بالوقت المناسب ،لكن هالايام دتعجبني بردوده بس دومه تثبة ثوله ومتحسب حساب لكلامه واضل اعلم بيه وهي تنسه...
احس علاقتي ويه الحب وهاي السوالف علاقه عكسيه ابد ما مريت بعلاقه حب اشوف هاي البنات تعشق وتحب واني ولا يهمني ضاربته بعرض الحايط ،صح مرات احجي واگول هذا حلو وهذا صاك ويجنن بس ابد ما حبيت شخص وهتميت اله اهم شي ادلع كرشي حتى غنى الفطيره حبت وطلعت تسوي علاقات واني ما ادري يله الله يهنيهم ما أحسد اني...
لكن اجه هذا اليوم الي ما جنت متوقعته الي خربط كل موازين حياتي كلها ما اعرف شلون وليش وشوكت حبيت وشلون صار كل هذا....
..بيوم جنت گاعده ماعندي شي جاي نسولف اني وخواتي مفتوح مول جديد اول سؤالي هو...
مريم:اذا بي مطعم اروح وإذا لا ف ما اگدر اقنع حيدر(اخويه) ياخذنه اعذروني...
..شي اكيد بي مطعم
مريم:اذا هيج تم ... بعدني ما مكمله كلامي قاطعني صوت التلفون يرن رقم رحت لغير غرفه لان ما اسمع هوسه خواتي هن وجهالهن جاين فتحت اتصال ...
مريم:الوووو
..الووو مريم؟
مريم:نعم منو ويايه...
..ءاني ايسر ....
مريم: باستغراب ايسر منو خويه شبيك ،دقيقه ايسر اخو غنى مو؟
ايسر:يي اني
ومن هذا اليوم وصرنه نتواصل اني ويا رغم صح اجتماعيه وبسرعه اندمج لكن بحدود مثل ميگولون لا اذا تعده حدوده لا هنا يختلف الكلام اخزي تخزي الي يدوسلي على طرف لو يحجي حجايه زايده .
لكن من يصير الموضوع بي ايسر لا هنا احس تتغير شخصيتي لا شنو تتغير تنمحي شخصية جبار الي بداخلي وتظهر مريم الحقيقة الناعمه الكيوت ومن اغلق التلفون اني من نفسي استغرب معقوله هاي اني بس كل هذا ما تعديت حدودي ويا صح جنه نسولف لو على الدراسه يعني مواضيع حياتيه مو رساله حبيبتي وحياتي لا....
إلى أن بديت احس بشعور الاشتياق صرت اشتاقله صرت اتواصل اني ويا يوميه صار يجيني هاجس غريب گلبي ينبض يمه ربي دخيلك شديصير معقوله هذا شعور الحب معقوله اني صرت احب واكو من يحبني بس دقيقه زين هسه اني شلون اعرف يحبني لو لا زين يجوز يعتبرني صديقته أو لا شمدريني بهاي الدنيا يجوز يريد مني استغفر الله شنو هل حجي طاح حضج على هل تفكير بس ولو هالدنيا بعد ما بيه امان تخوف(احجي ويه نفسي)....
ايسر:شوفي مريم اريد اگلج بشغله بس ياريت متفهميني خطأ حتى من هسه اگلج اذا متردين حتى نبقه على صداقتنه ومتخرب ..
مريم:يمه خوفتيني شكو ؟
ايسر:مريم شوفي من يوم الي شفتج بي لمن نضربتي بيه بالمستشفى يوم حادث غنى..
مريم:يي كمل...
ايسر:وشفتج شلون تواسيه وتحبيه واسلوبج ومن بعد ما تعرفت عليج وگدرت اتعرف على طبعج...
مريم:يي كمل وشنو
ايسر:مريم اني احبج
مريم:اممممممم
ايسر:ها شنو تگولين؟
مريم:شوف حگلك على شغله وخلي اكون جديه وياك رغم اني يعني ما احب هاي الشغالات والسوالف لكن انت من گلت احبج شنو تاليته، اريد اعرف وخاصه زمنه هسه يعترف اله وهيه هم ويقنعه بالزواج ويستغل وياخذ الي ريده وبعده يدور وجه ويروح ف من هسه اگلك شنو الي تريده وانت تعرف طبعي صح اضحك وهاي بس بحدود وانت بعد اعرف....
ايسر:والله ما اعرف شنو اگلج وكلامج عين العقل بس اني اريدج على سنه الله ورسوله بس مو هسه بعد ما تخلصين جامعه ومكون نفسي بهذا الوقت ،شنو تگولين لان اريد اعرفه منج موافقة أو لا حتى إذا لا بعد منسولف بهذا الموضوع ونضل مجرد اصدقاء شنو تگولين موافقه....
مريم:ضليت حايره شنو اگول وصدُك كبر بعيني من خلال كلامه ف دزيت اوك وبعده غلقته وهو عرف جوابي وبعد ما گالي شي وبيومه ضليت افكر واتخيل معقوله لو بحلم وثاني يوم داومت واني بس اضرب صفنات حتى غنى ستغربت وضعي لان مامتعوده عليه اسكت وما احجي دوم مدوخته بالسوالف ومن سألتني منو تعيس الحض وگتله اخوج لان اني دومي صريحه حتى ويه نفسي ما اعرف اكذب بس ما سمعتني،وشافت حسين ويه وحده بس ما توقعته بهل جرئه والكلام الي دار بينه عرفته رح توگع روحه الثوله ....
غنى:ولج كافي رجلي موتتني كافي تحشين بيه...
مريم: هههه لا خلصت كافي سكتي
...بنات انتو الي بالاخير گوموا طلعوا بره
غنى ومريم:احنه دكتور؟
..يي انتو يله
غنى: گبغ لفه هذا شبي عابت بس هو كله من وغاج أنتِ
مريم:دسُكتي ام لسان مبتور كافي بس تغوغي علينه
غنى: هههههههههههه حقيغه أمشي بس تدرين همزين طلعنه لان جوعانه كُلش أمشي نغوح ناكل..
مريم:يله أمشي ...
غنى:كل ما اتذكر الطرده مالتنه اخرب ضحك عكس ذيج المره وحدي هالمره ويه مريم ،رجعت للبيت شبعانه ما أشتهي لان أكلت بالدوام بدلت ملابسي ونمت گعدت العصر كُلش جوعانه نزلت اريد اسوي اندومي سمعت صوت جوه نزلت شكم درجه وإذا اشوف جايه خاله ام سيف وسيف وايناس طبعا احنه كُلش نحبه صعدت بدلت ملابسي ونزلت....
غنى:هاي شنو اليوم منو جاينه اگول الگمغ اليوم منين طالع طلع خالتو هنا هلا خاله شلونج، ورحت بوسته
..هلا حبيبتي انتِ شلونج
غنى: الحمدلله ،هلا سيوفي شلونك؟
سيف: الحمدلله بخير ما دام انتِ بخير.
غنى:تسلم سلمت على ايناس ترد عادي ،هذا طبعه دومه ابد متغيره دومه مغروره ومتحب الخير بس النفسه رحت قدمت الهم سأل سيف على امير ردت ماما....
..هو وين احنه شايفي يطلع الصبح ميرجع اله بالليل...
سيف:عادي خاله قابل زعطوط هو غير عنده شغل ،اشرلي تعالي طبعا اني اعتبره مثل اخويه سيف يعني ميانه وياه
طلع هو بالمطبخ وگف وگال...
سيف:اگلج شنو السالفة امير وين صار مينشاف طبعا ماردت اگول گدام امج حتى ليضل باله تدرين امير اني شهر ما شايفه ..
غنى: والله ما ادري شنو اگلك هو حتى قبل رمضان هو هاي حالته يطلع الصبح ميرجع اله بالليل يجي بس ينام ويطلع لو يجي الظهر ويطلع وميرجع اله تالي الليل حتى مره سألته گال ويه جماعتي بعد ما دري صدُك كذب حتى ذاك اليوم نزل مستعجل وسولفته على المكالمه الي اجته...
سيف:تمام اني اشوفه ليضل بالج واني هم التهيت بالسفره مالتي وشغلي ونسيته يله اني اروح وخلي امي من تخلص تتصل عليه اجيه معسلامه..
غنى:راح سيف ورجعت گعدت يمهم شويه وگالت خاله اني اروح ضلت ماما تتوسل بيه على العشه ما قبلت گالت ما اگدر بس كالت ماما خلي ايناس تبات يمنه اني هنا سكتت رغم جنت احجي ويه ماما تضل على العشه بس من گالت ايناس تبات سكتت لان ابد مااحب تصرفاته ومياعته رغم اني ما اكره بس تصرفاته متعجبني مادري شلون أمه تصير خالتي الي دومه أخلاقه الحلوه ينضرب بيه المثل حتى سيف اله هيه مدري عليمن طالعه.
مدري شعجب خاله وافقت تبات هنا رغم كل مره متقبل بس مادري شنو الي غيره ،اجه سيف أخذ أمه وراح طبعا ماما كُلش تحب ايناس حب مو طبيعي يمكن تحبه أكثر مني مادري دومه حبيبتي وحياتي شتردين واني اضل صافنه معقوله هاي امي لو مبدليه ويايه متتعامل هيج المهم ضلت ايناس يمنه اكيد راح تنام بغرفتي وتلبس من ملابس رغم اني ما احب احد يستعمل غراضي بس شسوي عيب خطار دخلت بالليل دخلت للغرف تريد تنام صاحت...
ايناس:اگُلج حبيبتي اني انام على الجربايه وأنتِ بالگاع لان ما اعرف انام بالگاع ،اني ضليت صافنه هاي شبيه (حجيت ويه نفسي)هم نزل وهم يدبج گتله، يي عادي نامي ..
ايناس:يي حبابه تعالي بدلي وجه المخده غير هذا
غنى: استغفر الله ياربي صبرني يي نطيني شالته بقرف ونطتنياه أخذته منه بدلت وأخذته وطلعت مخده ثانيه فرشت ونمت بالگاع .
وظل على هذا الوضع لمدة أسبوع وهي يمنه واني بالنسبه اليه سنه بس أريده تروح .
اخر يوم اله جنت اريد اكوي قمصان امير وصاني عليهم اكويهن صعدت الغرفة مالته دخلت ادري بي بهيج وقت هو ماموجوده دخلت وإذا اشوف ايناس بغرفته واگفه على المرايه وتشم بقمصانه اني ستغربت ونقرفت بنفس الوقت شنو هاي صحت بيه،هاي شدسوين هنا؟
ايناس:تلبكت وذبت القميص،ءءءجنت اريد ادور شسمه ...وجان يطلع .....
ايلاف: على أساس يريد الفلوس اليوم ف اني گتله لا على باجر ما اگدر اطلع خاف اهلي يشكون ..
امير:صدُك تحجين واني عبالي اليوم واجيت ركض ،سحب نفس بقلت صبر..بس احسن يله مو مهم على نفس الخطه مالته تمام مو تنسين.
ايلاف:ماشي بس كُلش خايفه ومتوتره اول مره اتعرض لهيج موقف وخاف اخرب كُلشِ....
امير:لا لا سمعيني ايلاف اياج تفكرين بهيج شي أنتِ قويه وگده تگدرين بس لازم تكونين هادئه حتى لتكشفين نفسج زين الفلوس عندج كامله ..
ايلاف:يي كامله بس كون لازم ميسم تجي مااگدر بدونه؟
امير:لا تره ميحتاج اني اجي وراج وليش خايفه ..
ايلاف:لا لازم تجي ميسم مادري احس بالامان وياه
امير:اففف أمرنا الله يله ديري بالج على نفسج وباجر اول ما تطلعين اتصلي عليه تمام .
ايلاف: تمام باي وغلقته التلفون .
من بعد آخر مسج وصلني منه وهو يطلب الفلوس كُلش خفت وليش هسه يالله طلب ليش مو من البدايه طبعاً صورت الرسالة ورسلته لامير هو اتصل عليه عباله اليوم أروح بعدين گتله لا على باجر اتفقنه على الخطه الي هو سواه....
اتصلت على ميسم وهم گالت...
ميسم:تمام اني وياج خلي نشوف شنو تاليته ويا هلمجهول مدري منتول والله صدُك منتول ،ادري بيه هيج تسوي تحاول تضحكين وتوخر الخوفه مني بس مو بيدي كُلش خايف من الي ديصير وخاصه ما اعرف شنو الي ينتضرني هناك وشنو راح أواجه وهواي افكار تجيني نمت وكلت امري بيد ربي...
المستشفى ساعه9:00ص
رحنه اني وميسم اخذنه اجازه زمنيه بالگوه سمحولنه يالله قبلوا تصلت على امير گال....
امير:رح ادزلج ابو التكسي، وهاي مواصفاته..
... اصعدي وحدج ميسم حتجي ويايه اني واگف بالركن ،سوي نفسج وكانو اجرتي تكسي لان أنتِ اكيد مراقبه هسه تمام لا تخافين اني وياج سوي الي گتلج عليه ولتتوترين اعتبري نفسج دتسوين عمليه ولازم يرادله تركيز حتى لتفشلين ويموت المريض بسبب توترج وعدم تركيزج ....
ايلاف:تمام يله اني طالعه باي...
طلعت بره باب المستشفى جان اكو هواي تكسيات اباوع بالوجوه مو نفس المواصفات الي گال عليه بعدين شويه واجه تكسي رجال جبير گال...
..بنيتي تردين تكسي امير
ايلاف:من گال هيج عرفته هو بسرعه أجرته وصعدت بس احس گلبي يدگ بصوره مو طبيعيه من الخوف ،قريت أية الكرسي وسلمت امري بيد ربي نطيته العنوان وبده يمشي....
ميسم:بعد ما طلعت ايلاف طلعت وراه رحت لامير جان واگف بالركن بسيارته اجيت صعدت بالصدر شاف سياره طلعت من فرع وره سياره ايلاف بسرعه حرك السياره ومشه وراه بعدين گتله ،لازم تخبر الشرطه ترى الي دتسوي مو قانوني ...
امير:اعرف ومحسب لهيج حساب بس تطلع ايلاف بخير وسلامه اني مخبر الشرطه وتجي تلزمهم لان اذا خبرت هسه ويسبقونه حتصير سين وجيم وتحقيق ولازم ياخذوه للمركز بعتبار هي الضحيه ف ما اريد هذا الشي يصير وتدخل مركز، اني اتحمل هذا الشي بس كون تعدي على خير والله كريم ،بسرعه فتحي الدشبول تلگين ورقه وقلم سجلي رقم السياره بسرعه قبل لتدخل الازدحام....
ميسم:تمام:فتحت الدشبول جان يوگع بحضني قلم حمره ومسدس خترعت درت وجهي اله، هاي شنو هذا المن عزززه بس لا راح تقتل بي؟
امير: درت وجهي يي همزين ذكرتيني بي نطينيا أخذته وخليته بالحزام وره،لعد شنو ادغدغه بيه مثلا كُلشِ توقعي منهم بابه يمكن بأي لحظة يغدر أخذته احتياط..
ميسم: اخذت ورقه كتبت الرقم وگتله زين مرخص؟
امير:طبعا لعد شلون وخاصه من صار حادث اختي غنى أخذه وياي..
ميسم:رجعت الغراض لمكانهم بس ستغربت هذا القلم مال منو اني شايفته نفس قلمي بعدين(احجي ويه نفسي) صفنت يااا هذا مال ايلاف يعني طلع الاخ صدُك يحبه لهذا محتفض بي ولو مبين كُلش يحبه من خلال خوفه الي واضح عليه وعايف شغله وجاي يساعده ....
ايلاف:دخلنه منطقه زراعيه بس جانت المنطقة شبه منقطعه تخوف ووهواي تبعد عن المدينه سألت گال احنه على أطراف المحافظة هنا لزمت گلبي ايديه ورجليه يرجفن گال وصلنه نزلت اني وراح هو لان حسب الي گال اله امير انو يروح ....
ضليت أتلفت منا منا ماكو احد بس شجر ونخل عالي والخوف سيطر عليه بعدين مشيت شفت حديد اخذته بعدين شويه ولمحت بيت صرت أمشي وأقره شكو سوره حافضته وصلت جان البيت كبير ومتروك على النص من بنائه صرت احجي ....
ايلاف:ءءاكوا احد هنا، ءءءاني جبت الفلوس الي طلبتهن مني وهسه اريد تمسح الصور الي عندك...
ماكو ما اجاني رد بعدني اريد احجي وجان يتخله على خشمي مدري شنو مثل الوصله وبيه ريحه مو حلوه صرت ارفس أريده يوخر ماكو ختنگت اريد احجي ما اگدر إلى أن بدت عيوني تغوش وفقدت ....
ميسم:وأخيراً وصلنه لمنطقة زراعيه سألته ,هاي وين احنه؟
امير:على أطراف المدينة الحقير خوش مختار مكان بعيد ومحد يوصله...
ميسم:يمه يخوف اگلك اني بديت اخاف على ايلاف بس لا يصير بيه شي والله ابد ما مطمئنه ،وگف السياره اجه ابو التكسي سأله امير وين راحت گله ما ادري بس راحت من هذا الطريق وأشر عليه تحاسب وياه وراح ضلينه اني وامير ننتضر ماكو،اگُلك شو تأخرت خاف صار شي اله؟
امير:مادري والله خلي ننتظر شويه ونروح
ميسم:بس جان التوتر عليه واضح لو يهز رجله لو يلعب بلحيته بالاخير ما تحمل نزل نزلت وراه گال...
امير:ها وين؟
ميسم:اروح وياك ما اگدر انتظر وحدي ،ضل يقنعني اضل بس ماكو قفلت اله اروح،شافو ماكو مني استجابه اتقبل الأمر الواقع ورحت ويه دخلنه نفس الطريق الي گال عليه ابو التكسي نمشي ونتلفت المنطقه زراعيه مابيه مكان بس نخل بعدين لمحنه بيت گال.....
امير:تعالي يمكن هذا،رحت بتجاه أمشي واني خايف بس مو على نفسي لا خايف على ايلاف بس لا يطلع الي بالي صح كل ما اريد أمشي اارجع خطوه وصلنه قريب البيت خليت ميسم ورايه وطلعت السلاح دخلت على كيف ماكو صوت وميسم ورايه كل غرفه ادخله ومن اشوفه ماكو ارتاح بقت غرفه بالاخير...
ميسم:يمشي هو واني وراه كل غرفه ندخله ماكو احد بيه بس جانت اكو غرفه بالاخير كبيره دخل اله هو ضل واگف بمكانه وخرت من يمه واشوف المنظر لا إراديا عطت بكل صوتي ايلافففففف....
يتبع....
لا تنسون التصويت وتعليق ومتابعة للحساب بدربكم والانستا هم@ghe.92
دمتم برعاية الله وحفظه
غدير عبدالله
رواية وقد كانت صدفة الفصل الخامس وثلاثون 35 - بقلم غـدير عبداللّٰه
"وقد كانت صدفة"
أنتَ لو شِفت
السَواد الجوة عَيني
ما مِشيت
لو دريت شگالت
الوادِم علي
من فارگتني
چا بچيت
شگد گلتلك انه
لو ما أنتَ أضيع
وچي گلتلك هل عفتني
شگد بقيت
مچلب بمگفاف حد ما
ضل قمَيصك بين أدية
وما ردتني
انه ذنبي تعَودت
وأنتَ ذنبك تيهتني .
______________________________
..ايلاف بالنسبه اليه مو بس صديقه اخت واعز من الاخت هم عليه،دومه ويايه على المره قبل الحلوه ماعافتني ابد دوم اني وياه طلعاتنه سوه ملابسنه سوه سالفته سوه ياهو الي يشوفنه يگول خوات...
ولو تريد انطيه روحي وهم قليل بالنسبه اله لان وگفاته ويايه متنسي ابد ... من بعد ما شفته بهذا المنظر گلبي صار يوجعني عليه مرميه على الأرض وشعره القصير الحلو الي دوم نتعارك اني وياه هي تگلي...
..جزعني القراصه متثبت بي ابد، واني اگله
ميسم:لعد اني شعري اليختل بي جريدي ويتيه جن نضحك اني وياه جان شعره يجنن والي زايه حلا هو الخصل البيضه الي تبدي من بدايت شعره وعلى طوله من جهة الجبهة كله هذا جان ويه التراب صاير واله ملابسه المشگگه والدم ،هذا المنظر خلاني مو بس انصدم واحس گلبي نمرد عليه من دون وعي وماحاسه باليمي عطت باسمه دموعي تنزل بحرگه اگعد بيه متگعد ....
ميسم:ايلاف ايلاف حبيبتي ايلاف اني ميسم صديقتج اني اجيت يمج گومي، خليته بحضني وابعد التراب عن شعره وجه واحاول أضم بجسمه باقي الملابس ، درت وجهي على امير الي ضرب أيده حيل بالحايط وطلع شويه واجه بتجاهي وهو وعيونه حمر اجه بتجاهي وگال..
امير: بسرعه گومي هذوله اجو تعالي هنا ختلي بسرعه...
ميسم:بس شلون ماكملت كلامي وگمت وراه صرت على جهة الحايط حتى ميشوفونه ولو ميهون عليه اعيفه بمكانه صرت اسمع خطوات جايه بتجاه الغرفه وأصوات سوالف وضحك كتمت صوتي واسمعه يگله...
..ههههههه يي ناخذ هسه الصور وبعده ندزهن لحبيب الگلب مالته...
..زين ما عرفت شنو گال إذا خلصنه المهمه؟
..هو گال أخذوا لفلوس الي جابته وعيفوه بعد ما الكم دخل وهذا المكان لحد يجي بعد...
.. تمام بس تدري شلون نعوفه والله تخبل هذا الجمال كله ونعيفه ....
ميسم:نتبهت على ايد امير قابضه والشرايين حسيت تريد تنفجر من العصبيه ،دخلوا للغرفه جانو ثنين دخل واحد والثاني وراه هجم عليه امير وضربه على رأسه بالمسدس هذا صار يصيح دار الثاني وجه وطلع سلاحه وجه واحد على الثاني، هذاك وگع بالگاع وصار يلوج واني احس روحي خرطت جنت واگفه وراه من شفت المسدس واحد موجه على الثاني صرت ارجف امير گال....
امير:من بعد ما شفته بهذا الحاله ما تحملت ضربت ايدي بالحايط و طلعت بره جنت متوقع حيصير شي بس اكذب على نفسي ياربي ساعدني شلون كُلشِ ماريد بس تكون بخير ياربي نزلت دموعي عليه على وضعه وحالته...
بعدين سمعت صوت دخلت بسرعه اكيد رجعوا مره ثانيه دخلت گلت لميسم تختل ورايه اسمع حجيهم بس گوه مصبر على نفسي دخلوا ضربت واحد على رأسه وگع بالگاع ماتحمل دار وجهه الثاني نصدمت منه معقوله وهو هم وجه سلاحه بوجهي گلت...
.. وأخيراً تواجهنه بعد ما جنت تتختل بين مكان ومكان مثل الجريدي يا حقير واخيرا صرت بين ايديه عبالك نسيت شنو سويت بيه ...
..هههه اخيرا بس گلي شلون جانت المقبلات وگتلك لتلعب ويايه تره الوجبه الرئيسيه تكون دسمه كُلش بس انت عاندت ورحت لشيخ عشيرتنه وهددت وصيحت وهم ما تبت وضليت تنبش ورانه وشوف هاي تاليته وأشر على ايلاف المرميه على الأرض الي مندري هيه ميته لو عايشه...
امير:بس انت گلته ما تبت ولحد هاي اللحظة هم ما تبت تدري شلون....
..رد بستهزاء شلون بالله؟
امير:شايف هاي واشرت على ايلاف هو دار وجه ضربته بالمسدس حيل على أيده الي بيه المسدس مالته وگع من أيده بصف صاحبه الي يلوج وينزف نزل بالگاع بسرعه جيتت عليه وصحت ميسم بسرعه أخذي المسدس....
ميسم:بسرعه رحت أخذته جان يلزم ايد هذا الثاني گمت ضربته برجلي حيل وهده بسرعه أخذته ضل امير يتلاوه ويه هذا الثاني بس امير طويل گدر يسيطر عليه وضل يضرب بي حيل هذا الثاني راد يگوم حتى يساعد الخ لزم امير ميدري اني وراه ضربت جانت اكو حجاره جبيره خفت اضربه بالمسدس وگع واغمه عليه ورحت يم ايلاف احاول اصحيه...
صار يضرب بي حد ما خله دمه بطوله بلگوه يأخذ النفس بعدين اجه گال خلي نأخذه بالسياره اخاف شو شنو يصير بيه اجه شاله مثل الطفله بين أيدين ابوه بس هل طفله مجروحه ومتگدر تگوم أخذه واني أمشي وراه ودموعي تنزل على حالته وصله يم السياره صعدت اني ونيمته على رجلي گال هسه شويه واجي ديري بالج عليه وراح...
امير:اضرب بيه واريد غليلي يشفه ماكو حد مادميته وصحت منو الي سوه هيج بيه احجي وشنو الي ردت منه انت عداوتك ويايه هيه شله دخل احجي وضربته بوكس...
.. اني الي سويت بيه هيج محد دزني...
امير:لك احجي وضليت اضرب وادفر،تحجي لو شلون حد ما گال...
..كافي رح اگول كافي تعبت الله يخليك كافي...
امير:يله احجي...
..أخذ نفس وگال اكو واحد مادري منو ما اعرف شنو يريد منه وگلي ضل هدد بيه ودزلي صور ،لان بيوم راقبتك وشفتك رحت للمستشفى وصورتك جنت اريد أوكل عصابه من جماعتي الي صار الك هواي تدو وراهم يقتلوك وصدفه شافني اصور وجه وياي وگلي عليك وصراحه عجبتني الفكره ومن شفتك طلعت وياه تأكدت هيه تصير حبيبتك گلت احرگ گلبك بيه...
امير:اسمع كلامه واحس شويه وانفجر من العصبيه ،ولك ليش تحرك گلبي بيه انت مشكلتك ويايه هيه شله شغل ياربي عفته وضليت افتر وصحت ولك ليش ودفرت بطنه ضل يلوج بعدين گال شي خلاني منصدم من الي گاله...
..ءءاني ماسويت اله شي ءء كله هذا مجرد تمثيل حتى بس...
امير:ولك بس شنو احجي؟...
..ءءانصوره وندزه الك وبس...
امير:لك لتخبليني شنو نصوره الك لعد وهذا الدم وملابسه استغفر الله ياربي ...
ميسم:بعد ما راح امير قست النبض مالته لا الحمدلله بعده عايشه حاولت اصحيه واضرب على خده ماكو استجابه بعدين صرت ادور على ماي بالسياره دورت لگيت بطل بي شويه أخذته وفتحته رشيت عليه شويه عكمشت وجه رشيت مره ثانيه هم عكمشت وجه افففف صحت رحت نزلت ردت اروح لامير اگله بس خفت عليه ما اگدر اروح ضليت حايره وين اروح سحبت تلفوني وتصلت على الشرطه وخبرتهم على المكان وسديته
ورجعت صعدت يمه....
ميسم:ايلاف ايلاف حبيبتي تسمعيني ايلاف اصحي حبابه واضرب على خده بدت تون وصارت تتحرك فرحت ضليت فتره اصحي بيه بعدين تذكرت امير بعده ولي هسه ما طلع ورح تجي الشرطه شلون اگله واني ماعندي رقمه نزلت بسرعه اركض لنفس المكان ...
امير:لك احجييي شنو السويته اله ومنو الي گلك هيج تسوي احجي ودفرته؟
...اخخخخخ ءءءاكلك بس كافي الله عليك
امير:الله ياخذك احجييي
..ءءشوف اني ما شايفه ءبيوم الي اجه وطلب مني ءءءءجان لابس نظارات وبعده ما شفته ءصرت اتواصل وياه على التلفون
امير:شنو اسمه احجي لتسكت احجي وضربته مره ثانيه بخاصرته
..اخخخخخ يايابهءءء مهيمن....
امير:من گال اسمه ما صدكت معقوله توصل بي هلنذاله ويسوي بنت خاله هيج اريد اكمل عليه وجان تجي ميسم وتگلي خبرت الشرطه،ولج ليش تسوين هيج غير خرببب أمشي طلعي بسرعه هسه جاي وراج ...
راحت هيه اخذت المسدس مسحت البصمات العليه وطلعت بسرعه متوجه للسياره لان سمعت صوت سيارت الشرطه قريبه وصلت يمهن واشفه تون نزعت الستره وغطيته بيه صعدت بسرعه بالسياره ومشيت من هلمكان بتعدنه عن هاي المنطقه وهيه ماكو ما تحملت وگفت نص الطريق ونزلت فتحت الباب درت وجهي لميسم...
..ليش ما صحت بعده خاف صاير اله شي نأخذه للمستشفى ؟
ميسم:مادري والله بس قبل شويه رشيت ماي عليه بدت تصحه بس خلص ...
امير:بعده ما مكمله جانت اكو اسواقه من تعدينه عليه بسرعه رحت جبت بس تأخرت شويه لان جان الرجال ملتهي رجعت لگيته گاعده من فرحتي ردت احضنه بس الي صدمني ردت فعله مني وخاتله بحضن ميسم وحاضنته وخايف اتقرب اله رجعت بمكاني ومشيت كل ساعه اباوع اله بالمرايه مو هذيج ايلاف الي اعرفه عيون رايحه ذبلانه وجه مدري شبيه وشعره القصير الاسود ماتحمت اطول بنضرتي اله كسرت گلبي...
ميسم:حاضنتني وخايفه صار وجه قريب عليه شميت ريحه مو حلوه من وجه وكانو ريحت كحول وله مخدر ما اعرف شنو ،وبس صافنه ما بدر منه اي رد فعل ما اعرف شبيه لا بجوت لا صاحت جنت كُلش خايفه عليه بعدين سأل...
امير: ميسم اني وضعه ما عاجبني ناخذه للمستشفى هنا اكو وحده قريبه؟
ميسم:اني اگول لا ناخذه للبيت واني اضل يمه لان اذا أخذناه هيج ويشوفون وضعه وملابس حتمال الدكتوره متفحصه اله يفتحون مجره تحقيق وانت تعرف هل شي...
امير:هم صح بس لازم تروح مستشفى هسه اوصلكم للبيت مالته واروح للمركز...
ميسم:ليش بعد شكو اكيد هسه الشرطه القت القبض عليه...
امير:حاليا ما اعرف أخذوا أو لا بس عندي ادله ضده واريد اسد قضيه ايلاف لان غراض مالته ضلت هناك،بس هذا كله بكوم والي سوه العمله الخسييسه بكوم ثاني...
ميسم:ليش هو اكو غير هذا ؟
امير:باوعتله بالمرايه وگوه مصبر على نفسي ،ابن عمته مهيمن النگس الحقير اخخخخ لو الزمه بيدي شاسوي بي ...
ميسم:عززززه مهيمن معقوله،مادار الي بال لان جان كُلش عصبي مبين من دمرات رگبته بحيث وجه صار احمر وكل ساعه بياوعله بالمرايه وهي ابد ما تحركت بس صافنه....
وصلنه للبيت مالتهم نزلت اني ونزلته وياي فتحت الباب همزين جان ماكو احد بالبيت دخلته وياي وامير راح صعدته لغرفته ودخلته للحمام گتله تگدرين لو اساعدج هزت راسها تگدر عفته وطلعت رحت اجيب اله ملابس وصلت قريب الحمام واسمع بجيه وشهگاته نكسر گلبي عليه هيه تبجي واني ابجي على بجيه دگيت الباب فتحت واخذت الملابس .
طلعت من الحمام واجت حضنتني وتبجي وگالت...
ايلاف:ميسم ولج اني صرت مو نظيفه ميسم شفتي شلون سوه بيه ميسم ولج رح اموت والله ولج ابن عمتي يسوي هيج بيه الله لا يوفقه اخخخ يا ربي وضلت تبجي واني ابجي واهديه...
ميسم:اششش كافي حبيبتي كُلشِ ما بيج اسكتي يله تعالي نامي رتاحي تعبتي اليوم هوايه،اخذته للفراش وغمضت عيونه وتشهگ ضليت يمه إلى نامت ضليت ادور على تلفوني نسيته جوه نزلت دخلت للصاله جان .....
.. سيدي لگينه هاي الجنطه النسائيه وبيه تلفون...
..زين شفتوا شنو بي؟
..يي سيدي يمكن مال الضحيه الراد يعتدي عليه لان دخلنه على السجلات لگينه ارقام وداز اله صور مهدده بيه ومو بس رقم واحد مهدده لا هواي ارقام بس حسب ما عرفنه الصور محذوف ...
..شلون عرفت داز اله صور؟
..سيدي من خلال المحادثات بينه وبين على أساس مهدده بصور وبعدين ما سحهن وهيه تگله انشرهن وهو ماا راد عليه بالاخير مهدده باخوه يمكن طلبه منه فلوس هيج يعني حسب مع فهمت..
..تمام زين هيه شنو الشكوه الوصلت شنو گلت؟
.. سيدي الشكوه جانت حالت ابتزاز وبعد من راحو الشباب گالوا على أساس جايه الضحيه منطيته فلوس وراد يعتدي عليه وما اعرف شلون شارده ولگوا هو مدمه ...
..اممممم لگوا مدمه گلت تمام هسه هو وينه؟
.. سيدي عار كُلشِ مابي اجه هذاك وياه بس لافين ايدي وراسه وگاعده بغرفت التحقيق...
..تمام هسه جاي اشوف شنو سالفه هسه انت تگدر تروح ،ضرب تحيه وطلع ضليت اگلب بالملف مالته شويه وگمت اخذت المسدس وطلعت متوجه لغرفتي التحقيق....
امير:طلعت متوجه لبيتنه على أساس اروح للمركز أخذ الادله واروح بس بعدين فكرت وگلت اذا اروح هسه يجوز يشكون بيه إذا هاي على باجر اروح ،وصلت وصعدت الغرفتي دخلت للحمام كل ساعه تجي صورته بالي ما ادري شيصير بيه وله الحقير حرام اسمي ابن عمته لا والمشكلة عرضه وهيج يسويه بيه لعد شنو خليت للغريب طلعت بره لزمتني الدوخ اكيد ضغطي رتفع حاولت اسيطر على نفسي ونزلت صحت غنى ماكو ما موجوده يمكن بعده بالدوام وامي جاي تصلي.
دخلت للمطبخ أعصر ليمون سمعت حركه ورايه درت وجهي اهوووو شكو شكول زفره الله يبلاني بيه تصير گبالي ....
ايناس:هاي شتدسوي؟
امير:سكتت
ايناس:مو دا احجي وياك
امير:شتشوفين مثلا شداسوي أعصر ليمون.
ايناس:نطيني اني اسوي الك
امير:أخذته مني لان فعلا ما اگدر اكمل الدوخه موتتني رحتو للصاله گعدت ورجعت راسي ليوره وغمضت عيوني شويه وگالت...
ايناس:هاك عيني تفضل
امير:رفعت راسي وأخذته منه جان تطلع امي من الغرفه وتشوفنه وتبتسم فهمت قصده ولاه اني ويني ويه هاي السوالف اني راسي يوجعني وهاي تدورلي سوالف تعبانه جان تگعد گبالي ،ادري اليوم محيعدي على خير بعدين شهگت وگالت...
ايناس:عزززه هاي شبيه ايدك امير ليش هيج؟
امير:يطلابت امير المتخلص بابه كُلشِ م....قطعتني امي ...
..يمه شكو شبيه ايدك ايناس تعالي خاله سويله أيده اني ايدي وصخه..
ايناس:يي خاله هياتني اجيت ،شو نطيني ايدك
امير :اخذت ايدي وگعدت گبالي وجابت العلبه طلعت منه الدهن خلت على المكان الي بي جرح وضلت تدهن وتباوعلي جريت ايدي منه واني كملت الباقي ولفيته...
وگمت عباله ما اعرف سوالفه هيه وامي عود تريد تقربه مني متدري اني روح لعبانه منه عفتهن وصدت گلت الامي من تصبون گعدوني ثاني يوم رجعت من المركز متأخر بسرعه بوجهي للحمام، اني من أمس گلت لغنى تكوي قميصي خلصت وطلعت جان اشوف....
غنى:وجان يطلع امير من الحمام مستغرب من وجودنه وبالاخص ايناس وجه الكلام اله وگال...
امير:أنتِ شعندج هنا متستحين دخلين لغرفتي اني سمحتلج؟
ايناس:مو اريد اگولك على شغله....
امير:واله بغرفتي ورفع تك حاجب وبالله شنو هيه الشغله؟
ايناس:اريدك بالليل توديني لاهلي...
امير:أمشي طلعي بره أمشي عبالي شو شنو وأنتِ غنى كويتي القمصي؟
غنى:طلعت هي وفشلانه ابد ما احب تصرفه وخاصه هسه نزلت من عيني ،يي هو جايه أخذهم عبالي ما موجود
امير:يي ستوني اجيت شوفي غنى بعد لتخىيه تدخل الغرفتي حتى امي شنو تره زايده منه جايبته يعني نريد نمشي نريد نطلع منگدر حتى غرفتي ما أمن عليه ...
غنى:ماشي حبيبي لتضوج هيه اليوم تروح ونخلص منه قابل اني المرتاحه لهل وضعيه، عفته وطلعت بعد ما اخذت القميص رحت كويته ورجعت المكانه بالليل اخذه البيتهم يمه واخير رجعت لفراشي بعد ما تكسر ظهري من النومه بالگاع....
..هاي الايام الفاينل ومخبوصه خبص حتى ماما گتله بعد لتصيحيلي كل ساعه عندي متحانات هيه هم مگالت شي خلصت على خير،بأخر يوم گالت مريم خلي نطلع للمطعم والله اني هم عجبتني الفكره...
غنى:يي والله خوش فكغه تمام بيش الساعه نطلع؟
مريم:مادري خلي بال5 احسن حتى الشمس رايحه...
غنى:تمام حتى اگول لايسغ نمر عليج وناخذج...
مريم:هاءءايسر يله تمام
غنى:طلعنه قريب لنوصل الباب اجه حسين سلم علينه وگال...
حسين:شنو رأيكم اليوم نطلع للمطعم شنو تگولن اني والگروب مالتنه يعني ولد وبنات؟..
غنى:باوعت لمريم گتله ،ماشي يي وياكم ...
مريم:يي ماشي وراح، ولج أنتِ دومج تضلين ثوله..
غنى:شكو بيه وإذا خلي نغوح اشو غايحين بفلوسنه منغيد منهم اهم شي نتونس.
مريم:ما ادري اشو ما مرتاحه الهاي السالف هسه يله اني اروح باي
غنى:باي
العصر....
..يله ايسغ مو تأخغنه بسرعه..
ايسر:يله أمشي،هسه وين نروح ؟
غنى:لمغيم تندل بيتهم هذا....
ايسر:تمام
غنى:مشينه وصلنه لبيتهم دگ هورن طلعت النه جان مخلي اغنيه حزينه من صعدت غيره الاغنيه خله اغنيه حب شميت اكو ريحه حب بالسالفه صعدت وره درت وجهي اله
غنى:ها شلونج گلب
مريم:ههههه الحمد لله أنتِ شونج اليوم شطالعه غير تخبلين ...
غنى:بعد عملي ابوسك اني
ايسر:لا عيب فشله من البنيه شتگول علينه
غنى:انت منو يمك احد حجه وياك
ايسر:أنتِ منو يمج دا اخابر صديقي هاج شوفي وطلع التلفون
غنى:عابت عبالي خال أذنه ويانه
بعده ضلينه ساكتين لحد ما وصلنه الازدحام وجان تجي عيني على ايسر اشوفه يباوع لمريم بالمرايه ويضحك باوعت لهاي لمرايه لبصفي لا هذوله عابرين مرحلت الاعجاب بعدين مشه السير وهو بعد حمحمت يالله مشه هههه واگول هذيج الايام ليش صافنه الاخت طلع عاشگه ....
وصلنه للمكان المتفقين عليه وصلنه لگيناهم گاعدين سلمنه وگعدنه جان حسين حاجز كرسي بصفه الي ومريم گعدت بصفي على الجهه الثانيه جابوا الاكل اكلنه بعده جابوا كيك جان عيد ميلاد واحد من الولد سوله عيد ميلاد كُلش تونسنه ...
بعدين گامت مريم گالت اروح للحمامات دار وجه حسين إليه وضليته نسولف ونضحك ما حس غير ايد تخلت على متني واحد يگول غنى...
يتبع....
لاتنسون التصويت وتعليق ومتابعة للحساب بدربكم والانستا همghe.92
دمتم برعاية الله وحفظه
غدير عبدالله
رواية وقد كانت صدفة الفصل السادس وثلاثون 36 - بقلم غـدير عبداللّٰه
"وقد كانت صدفة"
كلشي يگودني لطاريك
الغبشة والورد
والناس وأُم كلثوم
والدُخان
وشچم زهرة بالبُستان
الگاهن يفكرن بيك
كلشي يگودني لطاريك
________________________
غنى:وصلنه للبيت دخل هو قبلي وگال....
امير:لحگيني فوك بسرعه....
غنى:دخلت للصاله جانت ماما موجود من شافته شلون دخل اجت سألتني...
..شكو شنو صاير شبي اخوج وأنتِ ليش تبجين؟...
غنى:ماما ... وعاط تعالي بسرعه..
صعدت فوك لگيت باب الغرفة مالتي ...
امير:دخلي بسرعه!؟...
غنى:امير بس افهمني... عافني ودخل واني دخلت وراه
امير:شوف رح اسألج سؤال واحد اريد تجاوبيني عليه ولي هو أنتِ مو گلتي اني طالعه ويه صديقتي مو گلتي لاامي؟ ... هزت راسها بيي...لعد ليش تكذبين وعاط هاااا ليش تكذبين وهذا الولد منو احجي؟...
غنى:ءءزميلي وياي بالجامعه...
امير:لعد صديقتج وين راحت أنتِ مو گلتي اطلع ويه صديقتي هااا احجي لتسكتين...
غنى:مو هي جانت ما موجوده غاحت للحمامات...
امير:ههههه أنتِ شنو تضحكين عليه لعد وهذا اليحجي شنو والباقين الگاعده وياهم شنو لا ويگلي وخر ايدك لا اكسره وبعدين صديقتج شو ما شفته وينه غنى لتخبليني احجي شنو بينج وبينه...
غنى:بدموع والله ماكو شي بينه ومجغد زميلي وگتلك مغيم راحت تغسل...
امير:غنى وتالي وياج أنتِ شفتي شكلج شفتي مكانج وين گاعده يمه لزگ يعني تردين اشرحلج بعد وشلون تضحكين ومنو يگول زميلج ...
غنى:اميغ شبيك ممصدگني اذا تريد خابغ على مريم هيه تگلك منو حسين...ما كذبت مريم عليه من گالت ثوله على هاي جفصتي....
امير:اهاااااا وطلع اسمه حسين خوش عاشت ايدج نطيني تلفونج خلي اشوفه بالله....
غنى:ليش شنو تسوي بي شنو تغيد منه؟
امير:لا نطينيه اريد اشوفه...
غنى:خليت ايدي على الجنطه وگتله لا ما أنطي الك بي شغلات وصور صديقاتي....
امير:اعرف ما ادري بي صور ...هااا شو خفتي يعني اكيد اكو شي بينج وبينه وله ما جان ماخفتي عليه حسيييين....
غنى: بصياح ،داگول ماكو بينه اي علاقه بس مجرد زميل لا اكثر شبيك تصيح يعني لهل درجه متثق بيه؟ وجان يضربني راجدي...
... لتعلين صوتج مره ثانيه فهمتي ،طبعا اثق بيج بس هو لا وشعرفني اني شنو يسوي الدنيا مابيه امان بعد وأنتِ شلون هيج طلعين ومتكولين لأحد هااااااااا ، شوفي بعد طلعه وأمور طلعه ماكو من الجامعه للبيت ومن البيت للجامعه وإذا تردين تطلعين اني لو ايسر ياخذج حتى امي مترحين وياه الا إذا جانت ضروره عود ترحن وحدجن وصديقتج هم گولي اله بعد لتجي عليج خوش..
.. واجه بتجاهي أخذ التلفون مني وگال... تلفون حيضل يمي واجيبلج واحد غيره .
...بدموع لا الله عليك لتسوي هيج امييير وراح وطلع من الغرفه، ضليت ابجي گعدت بالگاع وابجي ليش اني هيج ليش دومي ما اعرف اتصرف ليش ما سمعت گلمت مريم من گالت لترحين اخخخخ الى متى اضل هيج ،وهذا خطأ ثاني اتصرفه من دون وعي اهم شي عندي الونسه ما جنت اعرف هاي الونسه رح تكون نقمه بالنسبه الي....
ومن هاي للحظه صرت لا اطلع ولا أمشي لو امير لو ايسر هو الياخذني وبيده يرجعني حتى تلفوني أخذه من عندي وره سبوع جاب الي تلفون غير هذاك بي فقط ارقام ماما وبابا واخوتي وبس من بعده تغير اسلوب امير ويايه صار يعاملني بأسلوب بارد ومن وره خشمه يحاجيني عكس مثل كل مره من يطلب مني شغله لو اسويله گهوه لو اكل صار هو الي يسوي لنفسه لو يوصي ماما ...
واني كله هذا اموت من القهر كُلشِ يسوي اله تعامل ويايه بأسلوب بارد اموت منه ،بحيث من اشوفه هيج وميباوع بوجهي اروح بالغرف اسد الباب وابجي اموت من القهر شكم مره حاولت احجي لو اعتذر منه يعوفني ويمشي وهواي حاولت ماما وياه ماكو بعد قفل ومن هذا اليوم صرت دائماً انتبه لتصرفاتي واحسب اله الف احساب ياله أسويه صرت نبه على هواي امور جنت أسويه بعدم إدراك أو جهل ...
اتذكر شلون جنت اتواصل ويه حسين واغم نفسي معقوله هيج جنت اسوي معقوله جنت بهل ولدنه هاي بس رغم هذا بعدني أحبه بعدني على أمل التقي بي وافهم على الي صار ...
مريم بعد ابد ما توصلت وياه وشگد توسلت بأمير ينطين رقمه من التلفون العنده ماكو مقبل كل ما اگله يگلي...
امير:مستحيل أنطي الج ويروح ...
بعد مرور شهر رجعت علاقتي ويه امير عادي مثل قبل واحسن بس رغم الي صار ضل مصر مينطيني التلفون ذاك.
فد يوم جنت گاعدين اني وماما العصر جنه دنلف دولنه لباجر...
نزل امير من غرفته اجه گعد وگال...
امير:يوم اريد اگلج على شغله...
..يي ماما گول شنو تريد؟
امير:غنى حباب سويلي جاي ...
غنى:گمت غسلت ايدي وحميت الجاي لان قبل شويه سوينا صبيت واجيت سمعت يگول...
امير:يوم اني قررت اتزوج...
..بصدمه معقوله مادا اصدگ امير يريد يتزوج...
امير:يي وشبيج هيج مصدومه...
..ماما طاحت وصله من الساني واني اگلك تزوج بنت....
امير:ها ها اني گلت اتزوج بس مو بنت اختج...
.. صاحت شلوووون لعد منو؟....
ميسم:
"تمر عليّ أيام يكون فيها كل ما أريده،
أن أستلقي على الأرض.. وأنام تحت السماء
هادئة،
مطمئنة،
و وحيدة،
لا صرخات حولي،
ولا أصوات في رأسي."
جنت ستوني گاعده من النوم نزلت لگيته امي دتگشر بتيته أجيت گرصت خده عاطت رغم هيه مو سمينه لكن عده خدود....
اسراء:أنتِ متوبين من هذا طبعج وتالي وياج!...
ميسم:نمونه لعد بس بابا يگرص خدج؟
..ولج شو أنتِ صايره كُلش صلفه وفلتانه...
ميسم:عادي هسه شنو مسويه قابل هيه گرصه خد،صدُك ذكرتيني شلونه ماهر شتگول خاله عليه...
..وشذكرج بي عوفي بعد ميفيدج....
ميسم:لعد ما ادري ومن زمان بس بتج جانت مطفيه على حبه وغميت نفسي ،هسه گولي قابل اروح وراه لا عليك الله لتعوفني...
..ما گالت شي تگول مرتاحين ...
ميسم:امممم شعجب ليش ما حبلت فتونه لي هسه حيصير سنه على زواجهم؟
..ها ما ادري هسه شدخلنه بيهم يتهنون ،گومي بسرعه أخذي البتيته وسلگيه بسرعه يله سويت الي گلتلي عليه بعدين اذن راحت تصلي وان ضليت گاعده يمه خاف يفور لان مجان عندي صلاة...
رن تلفوني فتحت سيف شعجب شذكره بيه صار الي هواي مامتواصله وياه گال...
💬شلونج ميسم؟
💬تمام زينه، والحمدلله على السلامه
💬بعد وكت ستوج ذكرتي
💬ليش انت من شوكت رجعت ؟
💬ههههه لا والله صار الي سبوعين من رجعت
💬ياا والله ما ادري وجانت عندي مشكله والحمدلله نحلت ف ملتهيه....
💬 عسى ما شر؟..
💬لا نحلت ماكو شي...
💬يي أنتِ شلونج بعدج ترحين للجلسات لو خلصتي؟
💬لا بأجر اخر وحده وبعد ما اروح...
💬تمام يله اروح بس حبيت اسألج لان صار هواي ما متشاوفين ازعجتج....
💬لا بالعكس ماكو أي إزعاج وشكراً هو سؤالك كافي باي
سديته لان فاح الگدر نسيته بسرعه طفيته....
ثاني يوم العصر:
ميسم:كملت اريد اطلع سألتني ماما....
..ها خير يا طير وين رايحه؟...
ميسم:ماما عندي جلسه والاخير هم لازم اروح...
.. بس....
ميسم:ماما الاخير خلصت وبعد ما روح والله شبيج...
..ماشي بس ديري بالج على نفسج ومو تتأخرين...
ميسم:ماشي باي وگرصت خده...ههههه فوديت ابو خدود اني...
طلعت ركبت السياره ورحت وصلت العياده دخلت جان ما عده أحد سلمت عليه وبدت خلصنه من وكت لان جانت مجرد نصائح...
..وبالنسبة للعلاج اتركي بعد لهنا وخلص اله في حال رجعت الج الحاله تگدرين تأخذين نصف حبايه وهاهيه خلصته منه بعد ما ودعته وهواي تشكرت منه ولو ما هيه ما جان هذا واضعي الي اني بي وبصحتي كله الفضل يعوده اله ولسيف هم وعلى طاري سيف بس طلعت ونصدمت بجيت ما توقعته يجي ضحكت ...
ميسم:هاي شنو ماتوقعتك تجي عبالي نسيت لو بعد متجي...
سيف:معقوله اني ما اجي واني الي شجعتج ودعمتج تالي ما اجي لا وسفه عليج...
ميسم:هااا واني اگول البارح ليش سألت ...
سيف:يي جانت سبرايز ،هسه بما انو خلصتي وبهل مناسبه اني عازمج بمكان...
ميسم: باستغراب وين؟
سيف:بعدين تعرفين أمشي يله...
ميسم:مشيت وياه وصلت يم السياره مالتي، گال..
سيف:شوفي اني اروح بسياتي وانتي أمشي ورايه تمام ...
ميسم:هاا يعني وين؟
سيف:هاا شو احسج ما مقتنعه...
ميسم:تريد اصراح يي مادري يعني لو مكان عام بيه مجال...
سيف: تمام أمشي نروح لمطعم اكله فد شي...
ميسم:تمام،ركبت بسيارتي وهاي اني اول مره اتجرأ وطلع ويه ولد يعني رغم اهلي منطيني مطلق الحريه بس خو ما استغله مشه هو قبلي واني وراه دنمشي وگفنه بزدحام فا اجت سياره صارت قبلي ف تيهته مشت السيارات الگدام وصل السره الي وگف المرور صرت بالبدايه صدفة درت وجهي بالجه لبصفي واشوف سيارته هو دار وجه شافني نزل الجامه وگال....
سيف:عبالي تيهتي...
ميسم:يي...جان اكو طفل يفتر ويبيع ورد صار يمه گال...
..هاك عمو تشتري ورده لزوجتك؟
شال رأسه وباوعلي ما فشله واشتره وحده وأشر عليه گال...
سيف:نطيه لهاي لبنيه...
ميسم:دار وجه الولد ونطانياه وراح اريد احجي مشه السير بعد ما گدرت مشه هو قبلي واني وره،وصلنه للمطعم الگال عليه دخلنه جان كُلش حلو گعدنه شويه وجابوا المنيو گال ...
سيف:شوفي خلي اني اطلب الج على ذوقي ورح اطلب حلو لو تردين تأكلين غير شي؟
ميسم:عادي وياك حلو اي شي...
سيف: تمام،طلب هو على ذوقه ...
ميسم :شويه واجه الطلب اكلنه وخلصنه طبعا ما اكلت هواي لان مو هلگد ويه الحلو بس ما ردت افشله، خلصنه گال...
سيف:احم بما انو خلصنه اريد احجي بموضوع...
ميسم:يي تمام اسمعك تفضل....
سيف:شوفي ميسم ....
.. ايلاف ايلاف يله گومي ليش هيج نايمه...
ايلاف:فزيت مخروعه وخر منو ،رافد هذا انت احجي شنو الي صار خو ما سويت شي احجي عليك الله؟..
رافد:بابه ماكو شي ما سويت بس تفاهمت وياه وها هيه ليش نايمه هيج گومي اكلي جبت وياي اكل شعجب اهلي ما اجو بعدهم ...
ايلاف:گمت لا بعدهم ما اجو احجي شنو الي صار خو ما سويت شي ادري بيك من تصير عصبي متشوف گدامك...
رافد:گلت ماكو شي والتلحين اني رح انام ...
ايلاف:سكتت ما حجيت وراح نام هذا رافد لا ينوخذ منه لاحق ولا باطل گمت شفت الساعه بيش حيل هاي اني شگد نايمه رحت للمطبخ شفته جايب لفات اخذت وحده أكلته وكملت رحت تصلت على ماما گالت جاين بالطريق...
جان ما عندي شي وشبعانه نوم صعدت لغرفتي ضليت افتر واعزل بيه سمعت الباب نفتحت هذوله اهلي اكيد اجو نزلت لگيتهم هم سألته ...
ايلاف:ها ماما اجيتوا شلون العقد شكو ماكو؟
..يي اجينه والله العقد حلو بس بيبيتج زعلت هي ورفل خطيه گالت ليش ما اجت گتله عده شغل ومريضه متگدر...
ايلاف:يي وشنو گالت؟
..مگالت شي بس من طلعنه گالت گليله تره زعلت منه عود حتى العرس لتجي...
ايلاف:ليش هو شوكت العرس؟...
.. نهاية هذا الشهر لان جدج گال هواي طولهوه وإذا طالت بعد تصير مشاكل...
ايلاف:تمام الله كريم لهذاك اليوم ....
مشت الايام نفس الشي وابد ولا عرفت شنو الي صار بين رافد وامير شگد حاولت وردت ولا حجه ولا گال ضليت الوج اريد اعرف شنو الصار ماعرفت بيوم طگت عندي جان هو بالغرفه دخلت عليه وگتله....
ايلاف:رافد عليك الله شنو الصار بينكم ليش مترضه تحجي يعني وذا گلت شنو راح يصير؟...
رافد:يعني متملين مو كانو هواي لحيتي ما اگول بعدين تعالي وذا گلت شراح يصير مثلاً شنو راح يتغير شي وصار بعد وبعدين امير گتله ليدخل بشي اني اعرف شنو اتصرف كافي بعد مو زين مني سكتت وماسويت الج شي على هاي سوايتج ...
ايلاف:بس گتلك...
رافد:لابس ولا شي كافي ايلاف تعبت عبالج هينه الي صار بالنسبه الي صديقي يتورج على عرضي ولو ما امير ابن اصول جان هسه سيرتج على كل اللسان كافي حبابه بعد لتلحين...
ايلاف:من شفت كلامه هيج ما تحملت وبجيت رافد والله مو ابيدي الموضوع والله اني اسفه جبت الك العار كله صار بسببي اني...
رافد:كافي لتبجين انتِ هم ما الج دخل أنتِ جنت مجرد أداة حتى يتحكم من خلالج بيه واني عرفت السالفه بعد كافي لتلومين نفسج كافي يله شو ضحكي خلي اشوف القمازه على گولت آدم مدري مين يجيب هلمسطلحات ...
ايلاف:حاولت اضحك، ومن بعده ما سألت مره ثانيه ...
قبل يومين من عرس رفل وليث شگد حاولت وياي ماما ما اريد اروح ماكو ما خلتني حتى بيومه سويت نفسي مريض حتى ما اروح ماكو گالت...
.. والله يا ايلاف اذا ما رحتي اخرب وياج ... واله خاف صاير شي واني ما دري هااا ايلاف باوعتلي بنضرت شك ...
ايلاف:لا ماكو شي تمام اروح... خفت وتوترت بس گدرت اسيطر على نفسي...
ثاني يوم العرس جنت اخابر ميسم مادري وطلعت مني وگتله ما اعرف شنو البس ...يبووو ستلمتي
ميسم:صدُك تحجين كنتوري يغص ويبلع فساتين تعالي وختاري بالي يعجبج ...
ايلاف:مادري هو إذا ما عندي شي غير الج اجي...
ميسم:تمام اني رح احضر الج حتى بأجر من تجين متنخبصين والمكياج اني امكيجج هم خوشش...
ايلاف:هااا ميسم مو ادري بيج اخف تصبغيني وتدرين بيه ما احب المكياج الصارخ...
ميسم:لا ما الج دخل اطمني بس سلميني نفس وانتِ بين ايادي امينه وحنونه ولطيفه واي شي تردي بالخدمه...
ايلاف: هههههههههههه شبيج خيه شنو جنج طاگج الجفاف شو كله حنان ولطافه...
ميسم:اخخخخ اجت على الوتر الحساس بويه اهووو اني اروح أنتِ تلهين الواحد هسه تجي ام خدود تخبص الدنيا خاف المرگه تحترگ لان ذاك اليوم حرگت التمن وضلت تعيط...
ايلاف: هههههههههههه يله روحي الله وياج...
يوم العرس:
طلعت من الحمام بسرعه صبيت غده الي ولرافد وآدم لان اهلي راحوا قبلنه لان هوسه عدهم هناك عد بيت جدو ومسوين طبخ رافد گال اوديج لميسم ومناك نروح لبيت جدو.
خلصت غسلت المواعين وبدلت وطلعت وصلني رافد لميسم وراح...دخلت سلمت على أمه وصعدنه لغرفته دخلت ولگيته خابصته خبص...
ايلاف:هاي شنو ادري قابل اني العروس...
ميسم:اشش ولا كلمه يله نزعي حجابج وختاري اي واحد تردين...
ايلاف:درت وجهي على الفساتين والله كلهن حلوات وهي هم ذوقه بالملابس كُلش حلو بعدينه اجت عيني على فستان نيلي شيفون طويل كُلش عجبني أخذته وگتله هذا...
ميسم:والله عرفتج رح تاخذي يله شو لبسي بسرعه ...
ايلاف:لبسته طلع يجنن بس شويه الصدر مالته كُلش مفتوح گتله لا ميسم خلي انزعه استحي صدره كُلش فاضح..
ميسم:اششش لتخليني احجي يخبل عليج ما اريد اسمع كلمه يله گعدي خلي اسويلج كفشتج بسرعه...
ايلاف:ولا خلتني أبدله وضلت تلعب بخلقتي سرحت شعري واله أصلاً هو مسرح من گاعه وبدت تشتغل بالميك اب گالت ...
ميسم:شوفي أنتِ عيونج حلوات ف حركز عليهن بالمكياج ف هسه شنو الاريده منج عندي عدسات رصاصي جدد بعدني ملابستهن اريدج تلبسيهن...
ايلاف:لا بابه شنو عدسات لا ما البس ما اعرفلهن...
ميسم:دنجبي ومالج شغل شو فتحي عينج...
ايلاف:وضلت تشتغل لمن احس راسي نشل ومتخليني اشوف ،ادري جويل؟
ميسم:واحسن من جويل وين هاي ام عطوب توصلي...
ايلاف:اكيد وين جويل واين أنتِ اصلا ماكو مثلج....
ميسم:مح حياجي ،وهسه خلصته بقت شغله وحده...
ايلاف:شنو هيه لعد وهذا صار الج ساعه تسوي شنو؟
ميسم:اشش سكتي هذا سر المهنه وهسه نخلي من هاي الحمره مال اموري...
ايلاف:ياااا هاي ياحمره مال اموري.؟..
ميسم:يي علينه سوالفج اموري ابو عيون جتاله على گولت شهد...
ايلاف:يااا حقيره واني مصدگه عبالي صدُك اكو حمره هيج اسمه عابت..
ميسم:هههه يي وهسه خلصنه...
ايلاف:وخرت مني واباوع لوجهي ولا عرفت نفسي ،معقوله هاي اني
ميسم:لا أبويه ،يله بسرعه تصلي على رافد خلي يجي عليج ..
ايلاف:يا عزه ولج شلون اطلع هيج نطيني شال اسود اخلي فوگ وجهي لو شو شنو تصلت برافد گال جاي بالطريق ، بعدين ضلت دور ...
ميسم:اگلج ما عندي وله اوگفي فتحت الميز ظلت دور مدري شنو شويه وطلعت نظارات شمسيه كبيره هاج هاي وانتِ بس عيونج البارزه ومن السياره للقاعه قابل رح تهوسين ويه الزفافه...
ايلاف: هههههههههههه لا ولج بس خاف رافد ميقبل...
ميسم: ميخالف طلعيلج حجه شي منا ...
ايلاف:دگ التلفون رافد رفضته ونزلت نزلت ورايه گتله بعد عمري زحمتج ويايه...
ميسم:دكافي بس تشكرين من اجيتي ليهسه يله اهم شي أخذي صور مو تنسين...
ايلاف:تمام لبست النظارات ولابسه عبايه اسلاميه والكعب عالي جان ،فتحت الباب وصعدت ونزعت النظارات مشه ودار وجه عليه وگال...
رافد:هاي شنو شلاعبه بخلقتج ؟
ايلاف:حباب لتعترض وهو شنو من السياره للقاعه قابل رح انزل وافتر... سكت ما حجه وصلني نزلت باب القاعه ودخلت اول ما دخلت جانت ماما واگفه متدري بيه رحت اله ...
ايلاف:ها ماما شلوني؟
..دارت وجه وشهگت عزززه هاي شنو ايلاف شمسوي...
ايلاف:بصدمه ها ماما مو حلو كله من وره ميسم گتله لتسوين هيج....
..ولج تجننين اللهم صل على محمد وال محمد .
ايلاف:صدُك والله ؟
..يي والله يله روح لبيبيتج كل ساعه تسأل عليج ...
إيلاف:رحت البيبي سلمت عليه نصدمت وضلت تصلي كل ساعه كلهن تفاجأن من التغير الصار بيه بعدين اجت المعازيم وگالوا رح يدخلون العرسان ، لبسن النسوان واني هم لبست عبايتي الإسلامية دخلوا وجانوا يجننون مثل طيور الحب وخاصه رفل تجنن ضلوا يرگصون واني گاعده يم بيبي وحنين ولارا يرگصن وياهم سلو مثل العرسان يخربون ضحك بعدين گصوا الكيكه وراه شتغلت الاغاني والقاعه كله تردح رحت سلمت على العروس ما توقعت اجي وجانت زعلانه رغم اني بالعقد خابرته وباركتله بس بعدين سامحتني...
وضلت ترگص اني هم شويه رگصت لان ما اعرف واستحي ف ضليت گاعده يم بيبي ما اعرف من شفته حسيت بغصه والدموع حصرتني گمت ما تحملت حتى بيبي سألتني وين رايح ما جاوبته...
رحت الحمامات ابجي لان احس نفسي ناقصه مراح احيش هذا الشعور مراح اتهنه بحياتي كل ما افرح اتذكر يوم الي اعتدوا بي عليه ورح يضل هذا العار ملاحگني طول حياتي ضليت ادعي على مهيمن الله لا يوفقك الله لاينطيك العافيه الي خليتني بهذا الحال احس ختنگت اريد هواه والغصه موتتني ليش مادنگت الباب وإذا ماما....
..ايلاف شبيج ماما شصار بيبيتج خوفتني گلتلي روح شوفيه مدري شبيه...
ايلاف:بالگوه حجيت ماما ما بيه شي بس شويه تخربطت معدتي ...
..تمام هسه ما بقه شويه وتجي الزفه تحملي شويه حتى اخابر اخوج يجي ياخذج...
ايلاف:تمام ،حاولت اعدل شكلي وعدلت المكياج همزين ما خرب لانوا خلتلي مثبت وطلعت رجعت بمكاني ،شويه واجت الزفه لبس عبايتي اجت ماما گالت...
..اخوج خابرته گال خلي تطلعلي بالباب بس خلي دير باله لان هوايه اكو زلم بره خلي تضم نفسه...
ايلاف:تمام رحت الحمامات مسحت المكياج راح بس بقه اثر شأسويله ما الي خلك بس اريد اوصل للبيت طلعت بره ادور على رافد ماكو ما هوه أمشي واتلفت وهوسه وزلم صرت أمشي ويه النسوان لهناك وجان تنجر ايديي حيل...
يتبع...
شلونكم بنات احوالكم شوف بنات سويت قناة على التلگرم تابعوني موجود الرابط بالبايو ما الصفحه مالتي سويته حتى البنات الي ما عدهم انستا تگدرون دخلون عليه لان رح انشر بيه الأحداث وهاي السوالف ورح تكون خاصه بس بنات ف الي تريد تابع موجود الرابط بالبايو....
لا تنسون التصويت وتعليق ومتابعة للحساب بدربكم والانستا هم@ghe.92
دمتم برعاية الله وحفظه
غدير عبدالله
رواية وقد كانت صدفة الفصل السابع وثلاثون 37 - بقلم غـدير عبداللّٰه
"وقد كانت صدفة"
روح وشكل عاجبني
ومثل ما أحَبك تحبني
ما ناقصني شي غيرك
لگيتك والله كملني ،
هلا بالچان مَرسوم بخيالي ،
هلا باليمشي ويضلّ إعلى بالي
آنه لو عندي غالي بجيتك انساه
واجيت إنتَ بوكت ما عندي غَالي !
حاسد رُوحيّ حاسدني
على الشال التَعب مني
الحُب مثل الرزق مرات ..
وأحَس بيك الله رازقني
هلا بالماكو منه إنسان ثاني !
والأرتاحله حتى من أعاني
يگولون الأناني يصير مَكروه
خيكرهوني بيك أني أناني 🤍!.
_________________________________
ايلاف:طلعت بره ادور على رافد ماكو ما هوه أمشي واتلفت وهوسه وزلم صرت أمشي ويه النسوان لهناك وجان تنجر ايديي حيل زين ما وگعت على وجهي واني لابسه گعب والفستان طويل رفعت راسي....
..رافد صُدك تحجي زين ما وگعت على وجهي!...
رافد:بعصبيه وأنتِ اله ترحين منا صار الي ساعه ااشرالج وأنتِ مدري وين عيونج يله أمشي بسرعه هاج هذا سويج السياره هذيج وياه بين ما اشوف امي واجي لان خابرتني يله روحي بسرعه...
ايلاف:عدلت نفسي ورحت للسياره اخخ كسر رجليه الكعب وصلت قريب السياره ونزعته صرت أمشي حافيه وصلت يمه وصعدت جانت سيارته مقابل القاعه يعني اگدر اشوفهم نزلوا كله شباب ترگص بعدين لهناك وشفت بابا وعمامي وجدو طلعوا يعني راح ياخذوهم للفندق بعدين شفت آدم هو فهد يرگصون لهناك وجان اشوف الحقير واگف وياهم ويرگص ولا كانه صاير شي خفت منه الصراحه وحاولت أضم نفسي لان سياره مبينه...
شويه واجه رافد بعد عمري شلون طالع يخبل لابس قاط رسمي لون كُحلي وهو طويل يجنن قريت سورت الفلق عليه خاف احسده اجه صعد گتله...
ايلاف:تدري شنو ناقصك ويه ستايلك هذا...
رافد:ضحك يي دكتوره شنو ناقصني؟!..
ايلاف:بنت الحلال بصفك....
رافد: مشه،ههههه ضحكتيني والله صايره تحششين
ايلاف:لا والله تره دا احجي جد شوكت ناوي تزوج شوف يعني ليث اصغر منك وتزوج وانت بعدك وان كانت على الامكانيه ف انت الحمدلله متمكن وعندك بعد ليش؟...
رافد:ايلاف هيه مو قصه متمكن لو لا هيه وين الگه التفهمني وين الگه الي تحترمني وحتى إذا اجت بس يجوز گلبي ميهواه يهوه غيره يعني ليش اجيب بنت الناس واضلمه وياي ...
ايلاف:ها يعني اكو احد حاشر نفسه بگلبك؟...
رافد:ابتسم
ايلاف:ها يعني اكو عليك الله گول منو هيه يعني اعرفه لا؟
رافد:هاي شبيج بابه شو سكتي
ايلاف:تمام ،زين هاي ليش لفت متروح وياهم للزفه؟
رافد:لعد منو يوديج ،بعدين ما حب هاي الهوسه ...
ايلاف:لعد هذا مو طريق البيت؟
رافد:يي مو اريد اروح لصديقي اريد أنطي اوراق...
ايلاف:اهااا ،فتحت المسجل خليته على اغنيه بعده طلعت الاكل مال العرس جبته ويايه واكلت ،صُدك تعشيت؟
رافد:يي وزعوا عشه للمعازيم ...
ايلاف:اممم هاك هاي اكله ونطيته مني بيتزا...
بعده وصلنه لمنطقة راقيه مبينه وگف يم بيت عالي نزل تذكرت قبل ليروح صحت رافد؟....
مد رأسه وگال....
..هااا ؟!
ايلاف:بهل الأثناء نفتحت الباب البيت، اگلك عندك كلينس اريد امسح المكياج؟...
رافد:يي تلگي يمج فتحي هاي وتلگيه وراح يسلم على الولد بس ما شفته جنت ملتهيه بالكلينس وامسح المكياج... خلصت نزلت راسي اريد أشوف منو وإذا اشوف امير جان يحجي ويه رافد ما توقعت هنا بيتهم ضليت أسولف بيني وبين نفسي شويه ونفتحت الباب جان يسلم عليه وصعد بعدين سألت....
ايلاف:اگلك هذا مو امير؟....
رافد:يي هو هذا بيتهم بس ليش ؟
ايلاف:لا هيج اگول ما توقعته بيتهم هنا ،زين هو أبو شنو شغله...
رافد:ما اعرف شنو بالضبط بس يشتغل بالداخلية....
ايلاف:اممم ،بعده سكتت وما حجيت وصلنه للبيت نزلت حافيه رافد شافني گام يضحك...
رافد:ها لعد والكشخه وين راحت؟
ايلاف:شوف هذا يا كشخه يا بطيخ غير بعد ما بيه حيل خلصت بطاريتي وباجر ورايه دوام ...
دخلنه للبيت اني صعدت الغرفتي بدلت ونمت بعد ما حسيت اله وثاني يوم يدگ المنبه گعدت غسلت ولبست ملابسي دكت ميسم طلعت اله وصلنه لهناك وبده الشغل لحد ستراحه يله گدرنه نگعد وسولفتله على كُلشِ صار وراويته الصور هي وشهد گالت....
شهد: هاي شنو طالعه تجننين وتعالي هاي وين صابغه هاي الخصل تجننن طالعه كُلش لايگه ويه البس...
ايلاف:يا ولج ما صابغه هاي من اني وصغيره عندي هاي الخصله ما اعرف ماما على شنو متوحمه مدري شنو سالفته وطلعت هيج....
شهد:بس تدرين كُلش حلو ولايگه لشكلج...
ايلاف: ههههه حياتي ،بعده ضلينه نسولف بعدين كل وحده گامت لشغله،مشت الايام نفس شلعان الگلب والركضه بالشغل ...
بيوم جنت گاعده بالغرفه مالتي ومركز بالشغل عدنه بعد ساعه عمليه وهل عمليه جانت صعبه ندگت الباب گلت ادخل واني ما شلت راسي مركزه اسمع بس خطوات دتتقرب گلت...
ايلاف:شوف گول لدكتور محمد بعد ساعه العمليه لان گلي ونسيت اگوله...
..تمام اگله بعد ما تسمعيني ياله!!
سيف: شوفي ميسم اريد اگلج على موضوع ورجاءً لتقاطعيني...
ميسم:تمام بس شنو هو الموضوع،ما ادري ليش خفت الصراحه؟
سيف:اريد اگلج على شي بعد ما اگدر اتحمله صبري نفذ واني يوميه اريد اگول الج ومن تصيرين گبالي أتردد وما احجي هذا الشي..
هو كل ما ينذكر اسمج گدامي يصيبني شعور غريب واني اتذكر شكلج كلامج واسلوبج وتعاملج وعيونج...
اخخخ يا عيونج الي سبَن حالي،وحجه بصوت واهن مليان حنيه احبج ميسم تقبلين تتزوجيني؟ ...
ميسم:اسمع كلامه واحس گلبي يدگ حيل جان كلامه مليان مشاعر وشلون يوصفني ومن گال عيونج كُلش خجلت رغم الجو زين بارد بالمطعم بس احس جسمي بوخ ومن گال احبج كُلش توترت وجان هلشعور غريب عليه واول مره احس بي حتى من جنت احب ماهر ابد ما اجاني هيج شعور،معقوله هذا شعور الحب صراعات مستمره داخلي ما اعرف شنو اگول اباوعهله منتظر من كلمه وحده...
..احم صراحه صدمتني ما اعرف شنو اگول يعني ما توقعتك بيوم تعترف،ويمكن أنت أكثر واحد تعرف شنو الي صار الي وبعينك شفت ف ما ادري شنو اگولك؟....
سيف:شوفي ميسم ولهذا اني اخترتج لانو اعرف ماضيج وشنو عانيتي وان شاء الله اذا صرتي ويايه مراح تعيشين الي عشتي سابقاً وإذا تردين نبدي بدايه جديده وكانوا ستونه دنتعرف على بعض؟...
ميسم:حرجني بكلامه ما اعرف احتاريت المن اختار عقلي يگلي لا لتعيدين الخطأ نفسه وگلبي يگلي أنطي النفسج فرصه ثانيه ما اعرف المن اختار حسيت نفسي بدوامه قاطع صفنتي وگال...
سيف:شوفي ميسم لا تحتارين اني اريد زوجه الي اريدج ام بيتي وخلال هاي الفتره الي عشته وياج عرفتج شنو أنتِ رغم المده قصيره لكن خلتني اتعرف عليج رغم جنت رافض فكره الزواج لكن من لحظه الي فتحت عيني عليج يوم الي جنت مبنج حسيت گلبي دگ الج وإن جان خايفه انو ينعاد الماضي وياج ومتخوفه بس وافقي وراح اخليج أنتِ بنفسج تعترفين...
ميسم:ههههههه لعد شگد واثق من نفسك وهاي هلگد تحبني واني ما ادري؟
سيف: وأكثر من ما تتوقعين...
ميسم:حاولت أنطي لنفسي فرصه وما ابادر وانطي اهتمام نفس ما سويت ويه ماهر لا هالمره راح اكون حذره بهواي أمور عديته لماهر،شوف حالياً ما اگدر انطيك موافقة وانطيك امل اخلي الايام هيه الي تثبت ...
سيف:بتسم هسه نگدر نگول موافقه مو؟
ميسم:بتسمت
سيف:ها سكوت علامة الرضا يعني موافقه؟
ميسم:گلت ما ادري الايام تثبت ،وهسه صار لازم اروح لان تأخرت باي...
طلعت واكو فرحه بداخلي بس ما بينت گلت خليه سكته هي وحده صارت كان بها إذا ما صارت الله كريم.
ركبت السياره ورجعت للبيت وصلت سلمت على ماما ضلت تسأل شنو الصار سولفتله شنو گالت الطبيبه وصعدت لغرفتي دخلت واني مثل لمخبله اضحك معقوله لو شنو يعني رغم جنت رافضه فكره انو اعيد الارتباط ما اعرف شنو الي صار وكانوا عاصفه اجت واقتحمت داخلي خربت كُلشِ وراحت، بعدين حاولت الهي نفسي واخلي الايام هي الي تثبت وإذا بيه صالح يجوز اوافق ...
ثاني يوم داومت وما گلت الهن حتى ايلاف ما حجيت اله ،بعدين اني وگاعده بالغرفه دا اشرب گهوه الصبح وشهد گاعده گبالي ايلاف جانت ما موجوده شويه ورن التلفون برساله فتحته جانت من سيف كاتب....
💬صباح الخير يا وجه الخير يا ام عيون جتاله ،
ضحكت تذكرت شهد وعلى طاريه شهد شالت رأسه ..
شهد:ها أن شاء الله ضحكت خير
ميسم:يي كل الخير
شهد:ها أن شاء الله!
رديت عليه...
💬صباح النور
💬متتخيلين شگد مشتاقتلج..
💬هاا داده على كيفك تره بعدني ما گلت بسم الله ،شو بديت تزحف؟
💬لا عيني ادري بيج موافقة بس تكابرين يله عمي شيجي منج عسل على گلبي.
💬لا انت اليوم مدري شبيك صاير الك خاف مصخن؟
💬يي بيه أنتِ
ميسم:بتسمت ورديت...
💬انت اليوم ما عندك شغل روح بابه أمشي اني ما أفيدك
💬طبه مرض الشغل اهم شي أصبح عليج كُلش كافي اخخخخ شوكت يجي يوم وانيمج على أيدي...
💬عزززه هاي شبيك داده شو رحت زايد لا انت اكيد صاير بيك شي لو بعدك بحلمك يله اني اروح عندي شغل،دزيته وغلقه لان صار وقت الشغل مشه اليوم عادي واني ابد بعد ولا فتحت التلفون ولا شفته لتهيت بالشغل بعده رجعت للبيت تغديت ونمت...
.......
امير:تصل عليه رافد گال راح اجيك لان عنده عقد يريد يصدقه بالمحكمة وسألني شلون گلت اله اني أصدقه الك عندي عرف بالمحكمة گال تمام اني بالليل اجيك غلقته منه..
صار الليل جنت گلعد بالحديقة مالتنه جان الجو حلو اشرب ارگيله واگلب بالتلفون سمعت صوت سياره عرفته وصل رحت فتحت الباب لگيته ديحجي ويه أحد وياه يمكن بالسياره سده واجه سلمه سلمت عليه گتله تفضل...
رافد:لا والله اريد اروح هاي شوف ستوني اجيت من العرس حتى بس اريد تصدقه لان كُلش مستعجل عليه..
امير:يي دتفضل اضيفك شي ؟
رافد:لا والله ما أكدر واختي هم بالسياره اريد ارجع ..
امير:اها، جان يحجي هوه واني عيني عليه وعين علي شلون طالعه بنت الاوادم جان الضوه مال السياره مفتوح ودتمسح ما اعرف بيمن اخخخ خرب غيرتك رافد(احجي ويه نفسي) بعدين ستغفرت وهو راح ..
دخلت للبيت جانوا كل واحد بغرفته رحت سويت گهوه وأخذته وصعدت لغرفتي دخلت وضليت اگلب بالكتب عندي كتب مخربطه گعدت أرتب بيهن اني ودا أرتب جان الگه ورده اليابسه الي أخذته منه اول يوم شفته بي وأخذته بتسمت واني اتذكر شكله من ضلت تحجي عليه وگتله سمعتج رجعت لمكانه يوم عن يوم ديزيد اشتياقي اله واتخيله شكله وهواي احلام احلم بيه بعد ما خلصت ترتيبهم رحت نمت...
مشت الايام وديزيد اشتاق اله أكثر وأكثر بعد طفح الكيل لازم اروح واگول اله...
بيوم الي حسيت نفسي اني جاهز اروح اله واگول هاي اخر فرصه اذا رفضتني حتى وجهي ما اخليه تشوفه..
اخذت سيارتي ورحت اله للمستشفى سألت عليه گالولي بالغرفه مالته رحت اله كل خطوه أحسه شطوله وأخيراً وصلت دگيت الباب سمعت صوته ودخلت جانت منزله راسه مشافتني گالت...
ايلاف: شوف گول لدكتور محمد بعد ساعه العمليه لان گلي ونسيت اگوله...
امير:تمام اگله بعد ما تسمعيني ياله؟
رفعت رأسه ونصدمت من شافتني گامت وگالت...
ايلاف:امير شنو تسوي هنا وشعندك جاي؟
امير:اجيت وگعدت، شوفي اريد احجي وياج رغم ذيج المره رحت واني ضايج بس هالمره عندي شي ولازم تعرفي؟...
ايلاف: وشنو هو ؟
امير:يوم الحادث الي صار وياج!
ايلاف:بخوف شنو شكو شبي؟..
امير:أنتِ بعدج ايلاف الي اعرفه ايلاف الي مترفع عينه اذا احد حجه وياه نظيفه والكل يحلف بيه وابخلاقه وشرفه الي مانمس ،ايلاف أنتِ شريفه وكُلشِ ما بيج والي صار كله جانت لعبه من مهيمن عباله حيخليني ابتعد عنج وعلى أساس افضحج !
ايلاف:انت شدتگول شنو بعدج لعد بغصه والد...
امير:
يوم الحادث:
..ءءاني ماسويت اله شي ءء كله هذا مجرد تمثيل حتى بس...
امير:ولك بس شنو احجي؟...
..ءءانصوره وندزه الك وبس...
امير:لك لتخبليني شنو نصوره الك لعد وهذا الدم وملابسه استغفر الله ياربي ...
..ءءهذا كله مجرد لعبه من مهيمن حتى يخليك تبتعد عنه وتفضحه أما عن الدم هذا كلهءء صبغ واني خدرته وشگگت ملابسه حتى ءءيبين وكانوا مغتصبيه من نبعثلك الصور!
امير:ايا نذل على هل فكره هاي وضربته حيل...
امير:وهذا كل الي صار يعني أنتِ ما بيج شي...
ايلاف: بدموع ومهيمن شنو جزاته ؟..
امير:بتسم أن شاء الله يجيج خبر بالليل،تمام بس عندي بعد شغله ثانيه؟
ايلاف: مسحت دموعي،يي تفضل شنو هيه؟
امير:گمت رحت يمه شوفي رغم الي صار هذيج المره جان اكو سبب لكن هل مره عرفت شنو هو سبب رفضج الي وهو مهيمن مو لو اني غلطان؟...
ايلاف:هزيت راسي يي...
امير:لكن هل مره ما اريدج تخيبيني ايلاف احبج تقبلين تتزوجيني ونگضي العمر سوه اني وياج؟
ايلاف:باوعتله ودموعي ما اعرف تنزل من وحدهن فرح انو اني طلعت بنيه وما بيه شي لو حزن على الي هو ابن عمتي واني عرضه وهيج يسوي بيه ،بتسمت وهزيت راسي ،يي ...
امير:من سمعته ما صدگت ودي احضنه ابوسه اشيله من الفرح بس الي منعني هو مخافت الله لو حلالي جان گدرت بس مو بيدي باعوت عليه واني كلي هيام ،ايلاف متصدگين شگد فرحان والله لسعدج طول العمر متتخيلين بعد ما اعرف شنو احجي والله...
ايلاف: هههههههه حار شنو يسوي ضل يروح ويجي اجه وگف گبالي وعيونه مدمعه ميعرف يعبر عن شعوره أثناء ما جنه موجودين سمعت خطوات دتتقرب النه شفت كيلون الباب ينفتح واحنه واحد يباوع للثاني وجان.....
يتبع....
لا تنسون التصويت وتعليق ومتابعة للحساب بدربكم والانستا من@ghe.92
دمتم برعاية الله وحفظه
غدير عبدالله
❤️
رواية وقد كانت صدفة الفصل الثامن وثلاثون 38 - بقلم غـدير عبداللّٰه
"وقد كانت صدفة "
شلون بية ، شلون بيك
گلبي انه تعود عليك
وروحي مو يم جسمي روحي
وگمت احسها بـ بين اديك
وردت اگلك انت اني
ومثل سيف برگبتي تمُر الثواني
ليلي من دونك اخلصة
بالجگاير والاغاني .
_________________________________
غنى:ضلوا يتعاركون ماما تگله اله تتزوج بنت خالتك وهو رافض هل شي ...
امير:ادري هو غصب خو ما غصب ما اريده ما احبه هيه گوه!!...
..يي غصب تأخذه بنت خالتك والبنيه حبابه ومؤدبه ليش متاخذه،بعدين اني شنو الي عرفني الي رح تأخذه زينه مو زينه اله اصل فصل بنت شوارع هواي وشافت عندك فلوس وتريد تستغلك مو؟...
امير: الي تگولين عليه بنت شوارع اشرف من الشرف وإن جان على السمعه كله تحجي عنه وعن أصله شنو ،يوم أنتِ صدُك تحجين هاي عود أنتِ الدارسه والمثقفه هيج تحجي،بعدين التحجين عليه تشرف راس بنت اختج التحجين عليه المؤديه،دار وجه عليه وگال هاي غنى گليله شنو جانت تسوي ذاك اليوم بغرفتي گليله؟.. .
غنى:دارت ماما وجه الي منتضره مني احجي گالت...
..شنو جانت تسوي ايناس احجي غنى؟
غنى:ءءءاي
امير:اني اگلج شنو جانت تسوي طلعت من الحمام والگاه بغرفتي گاعده وتشم بقمصاني ودخلت عليه غنى جان تگله والله اريد امير بشغله وهيه ما عرفت تنتظر امير اله بغرفته هيه هاي التحجين عليه المؤدببببه...
وضلوا يتعاركون بالاخير امير حجه وگال...
امير:شوفي يوم اني هذا اخر قرار عندي اذا مترحين تخطبيه وجهي بعد متشوفي بهذا البيت سمعتي بعد متشوفي وهسه شنو گلتي؟
..انت شدا تگول شنو متشوفين وجهي مو هيه بكيفك والله يا امير اذا تطلع بره ما أرضه عليك وخطوبه ما اروح لخطبه بعد بكيفك...
امير:براحتج اني گلت الج وأنتِ بعد اعرف ...
غنى:راح صعد فوگ لغرفته شويه ونزل مغير ملابسه وبيده جنطه ماما ضلت گاعده بمكانه اني ما تحملت وگمت وراه ...اميغ اميغ وين رايح احجي اميغ انعل الشيطان اميغ... مشه قبلي طلع بره اني رحت وراه ركض وصحت... اميغ لتسوي هيج اميغ حباب لتروح... راد يفتح الباب منعته...
.. اميغ الله عليك لتسوي هيج لخاطغي...
امير:وخري غنى كافي تعبت من وره امي تعبت يعني الى متى تضل حاكمتنه دوم خلي تحجي شنو تريد تسوي تسوي بس مال تدخل بحياتي لا هاي واگفه يعني اريد اعرف هيه الي رح تزوج لو اني...
غنى: يعني غيغ تغيد مصلحتك هيه لو ما شايفه مصلحتك ويه ايناس جان مجانت هيج مصغه؟...
امير:يعني وصدگتي اروح واتزوج ايناس ههههه حلم بليس بالجنه اذا اتزوجه وخري غنى لتخلين احجي حجي طالع نازل .
غنى:بعدني عنه وراح طلع رجعت ولگيت ماما على نفس گعدته،يعني ماما لو موافقه جان مصار هذا الي صار ليش معقدته للسالفه؟..
..أمشي غنى وخري عن وجهي لا اطلع كل غضبي بيج مو تجيني انتِ الثانيه تعلميني اني اعرف الصح من الخطأ نوب عليه الزعاطيط تعلمني والله يا الله...
غنى:عفته ورحت هاي ماما غرورها وتكبره الي مستقويه بي علينه الي حاكمتنه حكم ولا تگول احنه أولاده لا عبالك اولاد رجله لازم كلمته هي الي تمشي على الكل حتى بابا ...
صار الليل نزلت اشوف شنو العشه نزلت واسمع صوت هوسه لگيت بابا عصبي كُلش وماما هم يمكن عرف بامير ضل يصيح ...
..لعد ليش تلفونه مغلق شوفي يا عبير اذا ما رجع امير عود خلي غرورج ينفعج ،يعني واحد ميريد گوه هيه غصب...
..تهددني عصام هاي لان گتله خلي يتزوج بنت اختي بعدين شبيه البنيه كلكم تكرهوه يعني لان گرايبي ومتردوه...
..بابا انتِ شبيج من جاب طاريج لو طاريه اني قصدي مو كُلشِ بالاجبار قابل أنتِ رح تتزوجيه لو هو بعدين امير كبير ويعرف مصلحته وين وإذا ما اجه اليوم رح يصير غير حجي...
دخل غرفته ورگع الباب حيل ضلت ماما تتصل وهو ميرد بالاخير گالت رح اخابر سيف بالكي يمه...وتصلت شويه وگال اله انو ميدري وينه بعدين سدته وگالت روحي كملي اني هسه جايه اگل لابوج واجي اني رحت اكمل العشه اجه ايسر ...گتلع يله بسغعه بدل وتعال حصب عشه صبيت العشه وصحت اله اكلوا وگاموا ماما راحت وراه تقنعه وهو بعده مطنگر واني رحت غسلت المواعين خلصت وصعدت فوگ شويه وندگت الباب عرفته ايسر اجه گال...
ايسر:هاج غنى هاي صديقتج مريم اخذت رقمه من تلفونج القديم لان جان بسيارت امير...
غنى:صُدك تحجي جيبه أخذته منه وتصلت بسرعه گالت الوووو صحت اني ولج مغيومه شلونج حبيبتي واسمع شهگته وگالت...
مريم:والج وينج ام للسان مبتور شگد مشتاقتلج ولج شگد تصلت عليج ماكو بعدين عرفت من ايسر...جفصت
غنى:ايسغ امممم ايا حقيغه عبالج ما ادغي مسويه علاقه ويه اخويه ومتحجين مو؟...
مريم: والله مو اني هو...
غنى:هههههه شبيج ولج خفتي ادغي بيكم عبالج ما اعرف بس اني سويت نفسي ما اعغف،هسه عوفينه أنتِ شلونج والله كُلش مشتاقتلج ...وحسين شلونه؟...
مريم:يي والله اني هم مشتاقتلج ،ولج خطيه لو شايفه ذاك اليوم شنو صار بحسين من رحتي معباله امير اخوج وشگد اتصل ما اكو بالاخير اخوج شال التلفون وگال اله أنساه غنى وغالق التلفون بوجه خطيه شنو صار بي وده بس يبجي..
غنى:اسمعه تحجي كُلش قهرني،يا سوده عليه وتالي شنو صار ؟
مريم:بعد ضل خطيه كل ساعه يتصل بيه ويسألني عليج ها ما جاوبت ما تصلت ماكو بعد تصل ايسر وسولفلي على كل الي صار ومن امير ضاربج بالبدايه ترددت اگله وكل ما يخابر اگله ما ادري بعدين اخر اتصل گتله عوفه بعد متفيدك وهو كُلش عصب ومدري شلون وفلت الساني وگتله على الي صار وگال ها هيه اني اتصرف بعد...
غنى:شنو يتصغف مثلا شنو يسوي؟...
مريم:شوفي اني بعد ما اتحمل رح اگول گال.... گال ادز امي واجي تخطبه...
امير:من بعد ماطلعت من البيت خليت الجنطه بالسياره ورحت السيف بين ما أشوف الي مكان أاجر شقه الي طبعا اني تصلت عليه وخبرته ،وصلت دخلت سلمت عليه گال....
سيف:خير شنو الي صار شنو طردوج عيالج وجايتني؟ ...
امير: بلا مصاختك بالله شوف اني اجيت يمك اضل يوم لو يومين وارح أاجر شقه....
سيف:عزززه شتسوبيه ولك اموري ابو السوالف شتسوي بالشقه وصار يغمز؟
امير:ضربته علابي، ولك دوم نيتك وصخه ولك اگعد بيه لان طلعت من البيت واحتمال ما ارجع... وجان تدخل خالتي...
..هاي شنو لا تسأل لا تگول خالتي شلونه اشوفه شبيه ما بيه ...
امير:حقج خاله بس تدرين شغل وقضايا هواي صايره وملتهي...
..يي والله حقك خاله امك ابوك شلونه اخوتك؟...
امير: الحمدلله كلهم بخير،بعدين ترخصت وراحت....
سيف:هسه يي سولفلي شكو شنو الي صار ليش عفت البيت وطلعت؟..
امير:يا اخي جزعت ملت روحي من تسلط خالتك دمرتنه مشيتنه على صراط المستقيم ،عود صرت مثل البشر وناس وگتله اريد اتزوج... بعدني ماماكمل گام يرگص...
سيف: كلللللووووش ونفكت الجبسه ويهل القوط نزعوا القوط اموري....
امير:لك اسكت فضحتنه شبيك بصلتك محروگه اگعد اني صوجي اجيت لو رايح لفندق ولا هل طيحان الحظ هذا...
سيف: لا لا يله كمل يي وشبيه خالتي بعد عمري ...
امير:ما قبلت!!...
سيف:يا ليش اشو من تجي يم امي تدگ وتلطم اريد ازوج امير ولو يقبل ومن هاي السوالف لعد هسه شغيره يي كمل..
امير:لان عده وحده من گرايبه تريد تخطبه الي يا اخي اني ما اريد اني اريد هاي البنيه بعد ليش توگفين بوجهي تگلي لو ما ادري شنو يصير ما اخطبه الك،بعدين تگلي وشمدريني اني يجوز مو من اصل وفصل وهواي حجي....
سيف: والله ما اعرف شنو اگول بس يعني هو القرار قرارك انت الي رح تزوج مو هيه...
امير:هو اني هم گتله بعدين ضلت تصيح عفت البيت وطلعت ...
سيف:اسكت ولا يهمك هيه بعدين من وحده توافق هسه گلي منو هي سعيدة الحظ الخطفت قلبك وفتحت الجبس مالتك؟
امير:اسكت يخوي حتى بشگد ما جنت فرحان هسه گطعت واهسي اني ما عولت ذيج تقنع...
سيف:عليك الله منو هيه؟
امير: متوب من سوالفك وحده...
سيف:ادري وحده قابل ثنين بس لا ناوي على ثنين يمه دا اتخيل الموقف بويه وتصير مكافش من الروس هههههههههههه..
امير:ههههه وضربت بوكس لا ولك هيه وبس ،بس خلي الله يهدي امي وتوافق والله كريم اني شايف الام تتوسل بابنه حتى يتزوج اني لا أتوسل بامي حتى تخطبلي والله يا الله...
سيف:ميخالف هسه تصير سوالف وتزوج وشوفه اذا ما ردحت ردح بعرسك گول ما گلت وهسه يالله بمناسبة هل خبر اني عازمك على فلافل اله تخبل...
امير:عابت فلافل عبالي طلي لو كباب فلافل لا يا گرف ...
سيف:داده وشبيه الفلافل يي حقك مو من مستواك خلي نشوف إذا تزوجت مرتك شنو تسويلك، يله گوم نروح بسيارتي خليه سيارتك هنا...
امير:طلعنه جان قريب المغرب طبعا غلقت تلفوني ادري بيه هسه تضل تتصل، رحنه بالبدايه فترينه بعدين رحنه للمطعم وصُدك سواه وعزمني على فلافل بس جانت طيبه گال...
سيف:ميخالف ولا يهمك التمتوعه مالتك عليه اني أسويه الك...
امير:يي بالله شنو هيه؟
سيف:فلافل ...
امير:ههههههههههههه خرب غيرتك حتى خوش تسويلنه سالفه ...
سيف:ولا يهمك ومقبلات تخبل أسويه الك... اوگف هاي تلفوني يرن شاله وگال ...هاي امك دتتصل..
امير:لتگول اله وإذا سألتك گله ما ادري وينه وخاف تگلك خابرك گله لا...
سيف:ليش؟
امير:ما الك دخل بس هيج گلله...
سيف:الووو هلا خاله شلونج..تمام الحمدلله ...هااءلا ما هوه يمي ...يي لا ما اتصل ...يي تمام ماشي الله وياج،وغلقه...
امير:ها شنو گالت؟...
سيف:تگول ابوك گالب الدنيا وإذا ما رجع اليوم شو شنو يسوي بيه تگول خلي يرجع ...
امير:يي خل يرجع كُلش،گلله خابرته وميقبل يرجع اذا اتريده يرجع هي تعرف شنو يريد حتى لتشك اني يمك وگايل الك على السالفه...
سيف: ميخالف امير تره هاي امك وحقه عليك من تزعل وهيه لو تريد مصلحتك جان ما سوت كل هذا ..
امير: سيف اني ادري بيه امي تحب تكشخ گدام الناس وتبين انو هيه عاشه حياته كله رفاهيه متدري بهذا أسلوبه رح تخسرنه كلنه وحتى أبويه يمكن اليوم وياه بعد شكم يوم يعوفه على هذا أسلوبه...
سيف:لا امير لتحجيم هيج ما سامع من حبك لاشاك ماكو ام تكره أولاده وخاصه انت لو شايف من تجي لامي شنو تحجي عليك تگول والله خطيه شلون صاير تگول هذيح الفتره الراحة حتى ولا يگعد بالبيت ولا نشوفه أصلاً...
امير:ما ادري خليه شكم يوم ارتاح وبعدين الله كريم گلله اتصل عليه وگلله ما هو سافر لشغله عنده...
سيف:تمام تصل عليه وفهمه انو هو مسافر عنده شغل ..
امير:بعده رجعنه للبيت دخل هو گال رح اجيب فراشات ونام اني وياك طلع هو واني نزعت فانيلتي ودا ادور بالجنطه على فانيله اخف منه لان ما اگدر انام اختنك ف البس وحده خفيفه سمعت الباب نفتحت واني ملتهي گلت...
امير:سيف ما عندك فانيله خفيفه لان نسيت اجيب وحده ...
ماكو ما اجاني رد شويه وحسيت ايد على ظهري درت وجهي وذا اشوف....
ايلاف:واحد يباوع للثاني بسرعه گتله....
..اختل جوه بسرعه هو هم بسرعه ختل جوه الميز نفتحت الباب وإذا شهد تدخل وباوعت لشكلي....
شهد:يا خيه شبيج شنو جنتي تبجين شكو ليش عيونج حمر؟..
ايلاف:ها لا ومسحت عيوني بس تذكرت البارحه شفت فلم وخطيه حبيبها عافه وهسه تذكرته مره ثانيه...
شهد: وأنتِ هيج تذكرين والله عمي زين اني عشانه مال أمس ما تذكر مو دور الفلم،وگعدت...
ايلاف:يي شنو خلصتي شغل؟...
شهد:يي خلصت اكلج شو هاي الايام دا اشوف ميسم هواي تلزم التلفون وتضل تضحك خاف نفكت عگدته...
ايلاف:ههههه والله ما منتبه خليه خطيه هواي نضلمت خلي شويه تنطي لنفسه فرصه ثانيه ونزلت عيني خطيه گاعد مدحوس دحس شكله يخرب ضحك...
شهد:يي قابل مثلج يحضي عافت ابو عيون جتاله والله شنو ما فكره بالزواج خاب گومي هيه وينه الزلم والله، وضلت تحجي حجي زايد وهذا هنا يسمعه وهيه منطلقه بعدين گتله....
ايلاف:اگلج خلي نطلع بره شو ختنگت اني ...
شهد:يله اني امشي...
ايلاف:شوفي أنتِ روحي قبلي واني شويه واجي بين ما اخابر ماما لان تصلت عليه...
شهد:يله تمام...
ايلاف:طلعت وركضت وراه سديت الباب خطيه هو طلع وجه احمر...
امير:يا بويه متت خرب بالحظ ...
ايلاف:ههههه حتى مره ثانيه متجي لهنا ...
امير:لا مو هيه بكيفج المره الجايه اجي بس مو مثل هاي الجيه...
ايلاف:لعد؟
امير:اجي أخذ مرتي واروح...
ايلاف:اخ احس الحراره صعدت ،گتله يله روح قبل لترجع بسرعه...
امير:اويلي فديت اليستحي ما كذبت من سميتج هوه ريتي..
إيلاف:تمام أمشي روح ليشوفنه احد هنا بسرعه ...
امير:يله رايح طلع وصل للباب وگال احبج مرتي....
ايلاف:يمه ما عولت يروح احس گلبي يدگ بسرعه مثل المنبه بعدين عدلت شكلي وطلعت رحت يم شهد همزين لگيت ميسم يمه گعدنه نسولف شويه وگمنه كلمن على شغله...
بالليل گاعدين كل احنه دگ تلفونه رافد شاله وبس نسمع يي...ماشي...هو بيا مستشفى...جاي بالطريق تمام غلق...
علي:شكو شنو الي صار منو بالمستشفى ؟
رافد:يابه هذا ليث اتصل يگول مهيمن من الصبح يتصلين عليه ماكو ميرد وهاي قبل شويه ابو طالع من البيت لاگيه مدمه دمايه واگع وميعرفون منو هيج مسوي وهسه ماخذي للمستشفى...
گام بابا هو رافد وآدم راحوا كلهم للمستشفى ضلت ماما تتصل على عمه تريد تعرف شنو السالفة واني ولا نقهرت ولا گلبي رف عليه عسى بالزايد...
ضلت ماما تتصل عليه واتخابر غلقته سألته ها شنو گالت؟...
..تگول طلع من الصبح مثل كل مره ويرجع العصر من الشغل لكن هل مره ما راجع يتصلون عليه تلفونه ماكو عمتج ضاله تلوج تگول راح ابو لمكان شغله گايلين الهم ما أجه اليوم عمتج متخبله بعدين تگول قبل اشويه اندگ الجرص طلع رجله تگول دخل يدگ ويلطم ويصيح ابني راح لاگيه ما بي عضم صاحي ومن كل مكان ينزف بسرعه ماخذي للمستشفى....
ايلاف:ياااا يي الله ينطي العافية زين ما عرفوا منو الي سوه هيج؟
..لا محد يدري وهم يردون يقدمون شكوه ...
ايلاف:اهااا،بعدين تذكرت امير عزززه بس لا يشتكون عليه بسرعه تسحبت وصعدت فوگ وسديت الباب اخذت تلفوني وتصلت عليه...
امير:هلا بمرتي هلا بهوه ريتي شلونه أن شاء الله وصلج الخبر؟
ايلاف:عززه امير هاي شمسوي بي واصل للموت...
امير:لا عليج الله...
ايلاف:يي والله...
امير:حرامات عبالي ميت جان وزعت جكليت بثوابه...
ايلاف:ياا وكل برود هيج يحجي ما خفت يشتكون عليك ...
امير:اخخخ لوكله هيج تخاف عليه لو محد،بابه نسيتي اني شنو شغلي طبعاً ميگدرون...تردين اسولفلج شنو سويت وياه شوفي...
ساعه7:00ص
امير:بيوم الي اجيت بي لايلاف جنت متفق ويه واحد يتفق وياه على شغله ويجتمعون بمكان اجه لهذا المكان نفسه الي خطفه واعتدوا بي عليه، المتفقين عليه نلتقي بي....
اول ما دخل خدرته نفس ما سوه ويه ايلاف بعده خليته على كرسي وشديته وشديت عيونه حتى ليعرفني وذبيت عليه ماي بارد ثلج گعد وبعده خليت الهتفون باذانه وعليته كله خليت يطفر ويصيح .
بعده رحت الايلاف وشفته ،من بعد ما طلعت واني الفرحه متنوصف عندي من حماسي رحت اله مره ثانيه على أساس ابيته ليله بس گلت لا أحسن بيومه نزعت سترتب وصرفنت رداني ولبست كفوف حتى خاف يكتشفون البصمات وخرت الهتفون من آذانه وبديت ما خليت مكان بي صاحي وهو يصيح ...
مهيمن:ولك كافي كافيييييي اخخخخ...
امير:كافي مو بسيطه وضربته مره ثانيه وهو مغطي عيونه ميشوف...
مهيمن:كافي بس الله يخليك انت منو كافييييييي
امير:تريد تعرف منو هااا احسن الك لتعرف لان اذا عرفت بعد متخلص مني...
وطلعت منه لليل اجيت لگيته منتهي ميگدر يشيل نفسه شلته وخليته بالجنطه وذبيته گبال بيتهم ورجعت هااا شلونه مو خوش فكره...
ايلاف:عزززه هاي شمسوي ابد ولا توقعتك هيج تخوف ؟...
امير:لا عمي كله تخاف اله مرتي ...
ايلاف:تمام يله اني اروح باي ....
يمه خفت هذا شنو بس لا ونوب يحبني عزززه ضليت افكر اذا اتركه يجوز يسوي ويه رافد أكثر صرت اخاف منه حتى عذاب نفسي معذبه...
بعده كُلش لليل واجوا ضلوا يسولفونه على الي صار طلع صح متفق ويه واحد بس ميعرف هذا الي ضاربه لان شاد عيونه..
..زين متأذي؟
آدم:شوف ماما صُدك تحجين شنو متأذي گولي شنو العضم الصاحي عنده مكسره تكسر...
.. الله يكسر ايد الي سوه هيج بي
ايلاف:گلت بگلبي اسم الله عليه ...
..تمام بأجر لازم نروح لبيتهم لان بأجر يطلعون من المستشفى...
ايلاف:اني ما اروح ...
.. ليش؟
ايلاف:لان عندي دوام شنو نسيت ...
..تمام.
مشت الايام ومهيمن طلع من المستشفى وحاليا ديدورن اله دكتور زين حتى يعالج الكسور الي بجسمه وإذا تطلب الامر حتمال يطلعوا للخارج ويتعالج هناك وعمه مفرفحه عليه ...
بيوم جنت بالدوام ودگ تلفوني رافد...
ايلاف:الووو ها حبيبي رافد شونك خير صاير شي؟
رافد:تحضري بسرعه جاي عليج اخذج...
ايلاف:صوت مجان طبيعي ،ليش شنو صاير رافد خوفتني ماما بابا بيهم شي؟
رافد:بجه وگال، راحت ايلاف راحت ...
ايلاف: بخوف،رافد احجي منو هيه رافد فهمني منو الراحت؟
رافد....
يتبع....
اذا تردون تعرفون اخر اخبار تابعو قناتي على التلي موجوده بالبايو
لا تنسون التصويت وتعليق ومتابعة للحساب بدربكم والانستا ghe.92
دمتم برعاية الله وحفظه
غدير عبدالله
رواية وقد كانت صدفة الفصل التاسع وثلاثون 39 - بقلم غـدير عبداللّٰه
"وقد كانت صدفة"
احنا كِلش فاگدينَك
مِن غِبت ما كُمنا نلتَم
واعتزَلنا الكَعدة ذيچ
ومَرة اذكُر
بيَك نِحچي
ومِن وصَلنا لحَرُف إسمَك
هَب حَنينَك
إنتَ وينَك ؟
لا قَريب وَ نعتنيلَك
لا تِجي ونِلمَحها عِينَّك
فاگدينَك .
__________________
بيوم جنت بالدوام ودگ تلفوني رافد...
ايلاف:الووو ها حبيبي رافد شونك خير صاير شي؟
رافد:تحضري بسرعه جاي عليج اخذج...
ايلاف:صوت مجان طبيعي ،ليش شنو صاير رافد خوفتني ماما بابا بيهم شي؟
رافد:بجه وگال، راحت ايلاف راحت ...
ايلاف: بخوف،رافد احجي منو هيه رافد فهمني منو الراحت؟
رافد:هسه شويه واصل تحضري،وغلقه..
ايلاف:بعد ما اعرف شنو صار بيه گلبي يدگ بصوره مو طبيعيه من الخوف طلعت ما اعرف شلون وصلت للغرفه احس حلگي نشف دخلت جانت ميسم موجوده گامت وگالت...
ميسم:ايلاف شبيج وجهج اصفر صاير شي؟..
ايلاف:غير اريد احجي ماكو الكلمه متطلع مني بالگوه حجيت،ميسم فدوه بس نطيني الجنطه...هي هم ماكذبت خبر بسرعه لمته ونطتنياه دگ تلفوني رافد بسرعه گمت اريد افتهم شنو الصار .
بوقته الدوام نته طلعت اله وصلت يم الباب شفته واگف بسرعه رحت اله فتحت الباب وصعدت واشوفه لابس اسود وعيونه حمر دم ما تحملت وحجيت بخوف....
..رافد منو الراحت؟
رافد:بصوت مبحوح ايلاف بيبي نطتج عمره...
ايلاف:نصدمت وما بدر مني اي رد فعل ضل يباوعلي واني بالي راح بعيد...يعني هسه بيبي راحت بعد ما اشوفه اكيد هسه هيه زعلانه لان ما شفته ...جان كل ما يرحون اهلي تسأل عليه واني ما اروح بحجت الدوام ...يعني هسه بعد محد يسأل عليه بمكانه ضليت اسوالف ويه نفسي هواي مصدومه ما متوقعه موته...
وصلنه لبيت جدو اشوف الباب مفتوحه على كبره ونسوان طابه طالعه نزلت ودخلت وصلت قريب الباب واسمع صريخ تقربت وصلت باب المطبخ الي تطلع على الحديقه هذا صوت عمه وتصيح بكل علوا صوته يمههههه
ولج يوم ليش عفتيني.....
هنا يالله صدگت الي ديصير حقيقه مو حلم نزلت دموعي وحدهن دخلت واشوف كم هائل من النسوان ضليت ادور بالوجه بالكي الگيه وتگول كل هذا حلم، ماهيه ضليت ادور عليه اريد افتهم الديصير شنو درت وجهي جان اشوفه بالاخير تبجي رحت اله بسرعه وسألته....
ايلاف:ماما صُدك راحت بيبي لو كذب ماما احجي فهميني؟...
..يي ماما يي راحت بيبيتج بعد متجي راحت وبجت....
ايلاف:هنا بعد ما تحملت هنا جان صُدگ مو حلم راحت بعد متجي بسرعه دخلت لغرفته فتحت الباب ودموعي تنزل...معقوله عفتيني ورحتي بيبي ليش هيج لان ما اجيتج رحتي زعلانه مني،رحت المكان الي تنام بي گعدت بصف الجربايه على الجهه الي تنام بيه واتخيله نايمه واني اعاتبه...
..اوف بيبي رحتي زعلانه مني بس والله جان مو بيدي متدرين شنو الي صار وخلاني ما اجي اشوفج بيبي حبابه رجعي بيبي بعد منو يسأل عليه منو،بعد ما تحملت صرت اشهگ بالغصه خليت راسي على المخده مالته واشم بريحته بيه...بيبي جانت مثل الملاك بالنسبة ألنه كل احنه نحبه ولو ما هيه جان مننجمع كل احنه جانت مثل النسمه بينه،نمت من بين دموعي وحلمت بيه لابسه ثوب ابيض مثل مالته مال الصلاة وتبتسم أشرت الي اجي يمه جان تگول...
..بيبي لاتبجين تره اني مزعلانه عليج بس نقهرت لان ما شفتج بآخر ايامي، بس هسه رتاحيت من شفتج ولزمت ايدي ردت بيبي ديري بالج على نفسج ....
ايلاف:ليش هيج تحجين بيبي اني بخير كُلشِ ما بيه؟
..بتسمت وردت بعدين تعرفين شنو قصدي...وختفت ضليت ادور عليه واصيح ماكو مترد بالاخير فزيت على هوسه طلعت ولگيت عمه واگعه متخربطه رحت الهم قست نبضه اكو بس ضعيف بعدين صارت زرگه بسرعه درت وجهي لماما وگتله....
ايلاف:بسرعه ماما لازم نأخذه على المستشفى حتمال شكل عده ضغط بسرعه راحت صاحت لواحد من الولد واحنه لبسناه شويه ودخل ابنه ياسر بسرعه شاله وراح واني رحت وياه طلعت جانت رياجيل هواي بسرعه طلعت حتى ما نتبهت منو جان موجود كل خوفي على عمه صعدت وره وخليت عمه بحضني صعد ياسر واجه زوجه ويأنه ورحنه المستشفى وصلنه بسرعه جابوا السديه ودخلوه للطوارئ ردت ادخل وياهم بس بعدين تذكرت من الخبصه نسيت الباج مالتي ف ضلينه ننتضر حد ما يطلعوه....
گعدت على الكرسي ابجي على بيبي والحلم الحلمته ياربي يكون خير الي گالته بيبي ما اعرف شو خفت...
شويه وطلع الدكتور رحت اله ...
..ها دكتور بشر شلون صارت؟
.. والله الصراحه شكل عده ضغط وهم بدايت نوبت صرع أيضا يعني ف لازم تأخذون حذركم منا وجاي لان رح تبدي بين فتره وفتره تجيه نوبه من الصرع اقوه من الخ في حال عدم أخذه للعلاج...
ايلاف:زين دكتور رح تستمر نوبات الصرع عده لفتره طويله او بين فتره وفتره...
.. والله هذا يعتمد حسب تقبل بنيت جسمه للعلاج، وإذا تردون عرضوه على طبيب مختص افضل يكون...
ايلاف:تمام دكتور شكراً...
..العفو هذا واجبي...
راح الدكتور وشويه وطلعناه زوجه لازمه من جهة وياسر من جهة ثانية ركبنه السياره ورجعنه للبيت...
وبعده بدت الفاتحه النسوان طابه طالعه وكل ساعه تدخل مله شكل تقره وتطلع حتى ميسم هيه وأمه اجت الفاتحه ،ستمرت الفاتحه ثلاث ايام والرياجل بره الطبخ والهوسه جانو ناصبين خيمه ،اما اني واگفه على الجاي واصب والبنات كل ساعه ودي الجاي النسوان وجيبي الجاي احس رجله بعد متعيني ودوام عندي هم شگد توسلت ماقبلوا ينطوني حتى لو يوم ماكو واني كل ساعه ادخل الغرفته ابجي وأقره اله قرآن لحد ما صوتي يروح يالله...
أما جدو الله يساعده خطيه يبجي عليه كُلش يحبه وهي هم لان أخذه على عناد الكل لهذا إخوته طردوا لان ما تزوج بنت عمه لذالك طردوا، هم مدري شكم مره متخربط وماخذي للمستشفى ...
اخر يوم بدلت ملابسي اتصلت على رافد حتى يوصلني
طبعا هاي ثلاث أيام احنه بايتين عد بيت جدو طلع رافد يوصلني وصلت ودخلت المستشفى الكل أخذ من خاطري دخلت الغرفه لبست الملابسي وبديت بشغلي مشه الوقت وصار وقت الاستراحه رحت للغرفه بسرعه ما تحملت كل ساعه تجي صورته بالي لمن اجتني بالحلم بجيت جان تدخل ميسم عليه شافتني ابجي گالت...
ميسم:ميصير يا حبيبتي بدال ماتقرين اله القرآن تترحميله مو تبجين شفتيلج فد يوم ميت أهله بجوا عليه رجع...
ايلاف:هزيت راسي بلا
ميسم:لعد كافي مسحي دموعج توضي واقري اله هاي كل احنه على نفس الدرب اليوم هيه بأجر احنه...
ايلاف:ميسم ما اگدر مجنت متوقعه موته ابد وحتى هسه أحسه بعده عايشه بهاي اللحظه ويايه وبچيت.
.. ميخالف شنو نسوي يا حبيبتي هذا قضاء الله وقدره هذا الي مكتوبلنه نشوفه كافي يعمري خلص مو موتي نفسج كافي روحي شوفي جدج خطيه بدال ما تصبري تقوي مو تبجين گدامه شوفي كل ساعه متخربط واگع والله يساعه..
ايلاف:الله يرحمه،وگمت توضيت وگعدت أقره اله طبعاً سوو ختمات كل وحده عليه جزء تقرأه ونهدي لروحه منا لحد الاربعين احنه نختمله ....
خلصنه الدوام هالمره رجعت ويه ميسم لان رافد يوديني وهيه ترجعني وصلت قريب على البيت واشوف كومت سيارات واگفه گدام البيت حتى ميسم ما گدرت تدخل وگفت واني رحت مشي وصلت الباب ودخلت لي جوه دخلت واسمع هوسه مالرياجيل بالاستقبال ستغربت سألت البنات گالن ...
امير:درت وجهي واشوف ايناس ورايه گمت بسرعه وحجيت بعصبيه...
..أنتِ شجابج هنا متستحين دخلين هيج وبهذا لبسج بالله لو اخوج لو ابوج يدخلون هيج وبهل منظر شيگولن بالله اني خطار العتب مو عليه العتب عليج يحظي امشطلعي بره....
ايناس:امير كافي بعد ما اتحمل لازم اگولك على شي؟
امير :باستغراب شنو؟
ايناس :امير انت ليش مدتفتهمني امير اني احبك ليش مدا تحس بيه ليش دوم كارهني ليش دائماً من اجيكم تكره وجودي فهمني ليش ؟
امير:تعرفين ليش لانو أنتِ بايدج تخلين المقابل يكرهج تصرافتج هيه الي تعكس نظرت الناس عليج لتجين تگولين انتو تكرهوني وابسط شي هذه جيتج هسه شنو تفسريه يله أمشي طلعي...
ايناس:امير الله يخليك لتتصرف هيج وياي اني احب....جان يصيح سيف
..ايناس بالله تعاي شو الفراشات ماكو هيه بس سمعت اخوه ركض حتى ما كملت حجيه ثوله متعرف تتصرف بس واحد يگلله كلمتين تصدگ واني اعرف من يحش برأسه بس شنو بيدي اوفففف لبست ملابسي شلون مجان اجه سيف جاب لفراشات وفرشه ونمنه بس والله لو يدري بسوايت اخته جان شلعب بيه لعب ضليت افكر صار لازم أاجر شقه خو ما اضل يوميه مقتحمه عليه ضليت افكر لحد ما غلبني النعاس....
گعدت الصبح اخذت جنطه مالتي وطلعت خطيه خالتي ما خلتني اطلع اله اتريگ ياله سلمت على سيف وطلعت بالبدايه رحت المحكمه جانت عندي مرافعه بعده طلعت ورحت ادور على شقه فتريت هواي ما عجبونني بالاخير عجبتني شقه حلوه واسعه وبسعر مناسب هم قريب على بيت جد ايلاف،اخذته وضليت اعدل بيه لازم اشتري اله اثاث جانت من كُلشِ مجهزه من ماي وكهرباء بس ناقصه اثاث...
ثاني يوم بديت اشتري اثاث اله اني وهناك تصل أبويه عليه رديت....
امير:الووو هلا يأبه شلونك...تمام الحمدلله...يي مسافر ...ما اعرف شوكت تطول...تمام بس ارجع اجيكم ... تمام الله وياك وغلقته...
كملت الغراض ورجعت للشقه بعد ما جبت غده وياي بعده گمت عدلت الشقه نضفته لان بأجر يجيبون الاثاث جان الشقه كبيره زين بيه غرفه وحده وصاله كبيره والمطبخ مفتوح على الصاله والحمام وتواليت ...
تصل سيف سألني محتاج شي اجيبه ويايه وصيت على كم شغله لان العصر گال أمر يمك بعده تغديت ونمت من التعب ما حسيت العصر وجان اسمع الجرص يدگ ضل يدگ واني مغلس ما بيه حيل اگوم ضل يدگ لحد ما سكت شويه ودگ التلفون شلته وحتى ما شفته منو...
سيف:الووو وينك مدگلي ميت ادگ وماكو احد؟
امير:يا هذا انت ولك ما بيه حيل اگوم خرب غيرتك اصبر جاي سديته ....
گمت وفتحت الباب چان يگول....
سيف:هههه هاي شبيك جنك واحد منتول انت وكفشتك وجهك جن واحد ضاربه دفره...
امير:يله بلا تفاهتك گلي جبت الغراض الوصيتك عليهن ؟
سيف:يي شو خلي ادخل برجلي اليمين ودخل...
امير:ديله يله طب بعد اذبح دجاجه جوه رجلك ...
سيف:لا ما اريد خليه لمرتك شوه بالله يي والله حلو شقه يالله أن شاء الله من اتزوج اني أخذه منك شكم يوم...
امير:ها شنو رح تزوج شعجب موجنت كاره فكرت الزواج وعلى أساس اموت من النسوان شغيرك لو غرت مني؟
سيف:لا ما غرت بس ناوي لان بعد اخوك طگت حوصلته وعترف...
امير:لا والله صُدك تعال احجي الي بالله شلون وشوكت؟
سيف:يي بعد اخوك سويته وسولفتله كُلشِ...
امير:تمام الله يسعدكم يارب...
بيوم جنت راجع للشقه ومريت على بيت جدهه وجان اشوف هوسه ونسوان تطب وتطلع وزلم لابسه اسود وتبجي ما تحملت نزلت وصلت قريب وجان اشوف آدم اخوه رحت سلمت عليه گال...
آدم :بيبيتي نطتك عمره...
امير:أنا لله وإنا إليه راجعون واخذت من خاطره جانوا بعدهم ما دافنيه،لهناك وجان تسفط سيارت رافد نزلت هيه جنه متدري بالي صار مبين مصدومه حتى ما نتبهت للموجودين نزل رافد رحت اخذت من خاطره هم خطيه مبين حالته كُلش عليه مبين كُلش يحبوه لهناك وجان اشوفه على الكرسي گاعد ميگدر يمشي ويبجي ولا رحت ولا سلمت عليه رغم كلهم رحت واخذت من خاطرهم
بعده جابوه من المغتسل واخذناه يدفنون ...
رحت وياهم اني بسيارتي نص الطريق خابر أبويه مبين عصبي...
..شوف يا امير اذا ما جيت اليوم طلقه برأسك اخلي تره ادري انت ما مسافر وكل هذيج الفتره منطيك على مايك هسه وصلت حده امك يوميه متخربطه علينه كله من وراك ...
امير:تمام يأبه أن شاء الله اليوم بالليل اني يمك بس حالياً عندي شغل ...
..تمام يله الله وياك...
غلقته وكملت الطريق رحنه دفناه ورجعنه رحت اني للشقه حتى أخذ غراضي ورجعت للبيت دخلت جان تتلگاني غنى...
غنى:اميغ هاي شوكت اجيت والله شتاقينالك لتسوي هيج حباب ...
امير:أن شاء الله أنتِ شلونج امي وين ؟
غنى:تمام وماما خطيه من يوم الي غحت وهيه كل ساعه سكره يغتفع وانت ولا تصلت عليه ولا طمنت...
امير:تمام هسه اشوفه رحت دخلت لگيت بالغرفه دتقره قرآن صدقت ورحت حضنت مهما تكون وشنو تسوي تبقه امي ما اگدر بدونه حضنته وهي هم ردت...
..هيج تسوي بيه امير تعوفني وتروح لان ردت الك الزين هيج تعوفني...
امير:يا امي هل زين ما اريده وأنتِ تدرين بيه مو كُلشِ بالاجبار، هسه عوفج من هذا كله أنتِ شلونج ليش يوم تهملين صحتج ؟...
..ماما غير كله من وراك من رحت واني ليلي ما نمت وهم ابوك زوده عليه خبص الدنيا شلون يصير كل هذا واني ما ادري ما تحملت ضليت بين نارين نار انت مدري وين ختفيت اتصل عليك مترد ونار ابوك الي كل ساعه اله تهديد شكل...
امير:تمام هسه الله كريم يله اني اروح ارتاح بغرفتي ...
..لعد متتغده اخلي اختك تصبلك؟..
امير:خليه من اگعد لان حالياً متكسر تكسر...
..يوم الجمعه قررت اني وفقار أبو گشوه نطلع نتريك بره طبعا ابو گشوه صاحبي من الطفوله اني ويا ومحمد من الزغر جانو جيرانه وجان كل حلمنه واحد وهو نصير ضباط والحمدلله تحقق حلمنه...
..دائماً كل جمعه نطلع نتريگ بمطعم شكل واغلبه الشعبيه بهذا اليوم حبينه نغير نروح مطعم من هذني الطاگات على گولت ابو گشوه بس محمد لان مسوي عمليه لان متصاوب ما گدر يجي وصلنه لهناك دخلنه جان المطعم شبه الفارغ مابي قليل دخلنه اجه الگرسون گال تفضلوا شنو تردون رد ابوگشوه...
.. والله بعد اخوك نريد صينيه باگله بالدهن وكون دهن حر بلا زحمه عليك...الولد ضل صافن المطعم هيبه واله اسمه وجاي هذا يريد باگله لا وجماله دهن حر ما تحملت خربت ضحك عليه الولد ما فتهم گاله...
.. والله خويه ما عدنه بس اكوا بوفي تگدرن تختارون من عنده انواع من فطائر جبن زيت وزعتر واكوا اومليت وفواكه اذا عجبكم ...
ابو گشوه:مورميت شنو ؟
ضحك الولد رد ...
..بيض وطماطه واكو انواع من المرتدلا بعد هواي انواع ...
ابوگشوه:تمام جيب النه من هذا المورميت والفطائر ونوعلنه ...
ودار وجه الي ،انت شنو تتفضل ...
.. حبيبي مثل طلب الاخ، راح الولد رديت،ها هو هذا المطعم الخبصتنه عليه تالي ميعرف شنو يطلب ابو المورميت ....
ابوگشوه:شعرفني يا اخي بوربيت مدري شنو اني هم صوجي گلت الك ،ضلينه نضحك ،شويه ودخلن بنات تلاثه وراهن طفل وحده بيهن حسيت شايفه ما ادري وين وجه مألوف أجن گعدن گبالنه وهاي صارت مقابيلي يعني تشوفني صدفه دارت وجه صارت عيني بعينه بعدين دارته..
بعدين هم أجه الهم الگرسون شو هذني گامن وراحن مدري وين شويه واجن كل وحده ماعون بيده ورجعن لمكانهم اجه هذا الولد نفسه جايب الاكل وياه ضلينه ناكل خلصت اريد اگوم اغسل ضل ابو گشوه ياكل بعده فد بطيء بالاكل خرب غيرته...
دخلت الحمامات غسلت وطلعت جان تجي هيه نفسه لازمه التلفون وتدخل حمامات الرجال صحت ....
..هوب هوب عمي وين جايه،رفعت رأسه ونصدمت وحجت بثقه..
شهد:للحمامات بعدين انت شعندك هنا مو حمامات النساء هاي ؟
..لا والله خاف متقبلين بابا ما شفتي القطعه اول ما دخلتي ؟
شهد:ها طبعاً اكيد شفته لعد شلون ما شفته...
..متأكده؟!..
شهد:بثقه يي متاكده...
..روحي شوفي زين.
شهد:طلعت اشوف القطعه عزه هاي حمامات الرجال من الفشله بسرعه دخلت حمامات النساء خرب كله من وره ميسم دتراسلني كملت وطلعت رحت يم اخواتي گعدت جان يصير نفسه الرجال يباوعلي ورفع تك حاجب اني من فشلتي سويت نفسي دا احجي ويه امولي ابن اختي بعدين هذا الوياه دار وجه باوعلنه اني گلت الهم ..
شهد:يله بنات خلي نطلع هن هم خلصن وطلعنه...
ابوگشوه:اگلك هاي مو نفسه الدكتوره الي شفناه بالمستشفى من تصاوب محمد؟...
..لك ابوس راسك المربع من يلگفه يا اخي ما جذبت من سميتك ابو گشوه...
ابو گشوه:شوف شوف الأمهات شنو تجيب تعلم اكيد صار الك ساعه صافن مجرد رمقته نظره وعرفته...
..نجب
أبو گشوه:اشكرك عزيزي بالخدمه
..عفيه
ابو گشوه:اعجبك
..يله گوم ورايه روحه للحجيه اريد اشوفه صار الي هواي مشايفه...
ابو گشوه:لعد والجاي؟
..دمشي من نطلع نمر على سمير الجايجي .
ابو گشوه:يله گوم...
دفعنه الحساب وطلعنه ضل بالي يم هاي البنيه كل ما اصفن اتذكر الموقف وشلون جريئه وتحجي بثقه حيل تعجبني المره الواثقة من نفسها أحسه من صُدك مره...
..اگول ابو گشوه؟
أبو گشوه:ها؟ وله اگلك عرفت شو تريد؟...
..شنو؟!
ابو گشوه:الملف الشخصي مال الدكتوره بعد بأجر تلگاه يمك....
..لك فديت ابو راس المربع...
ابو گشوه:هاي عليمن ما اجيب ...
..يله عمي جيب راسك ابوسه ...
ابو گشوه:يي عفيه هيج جريت عدل
..نجب
أبو گشوه: أشكرك عزيز بالخدمه...
..بعد روحي يي هيج عدل....
يتبع...
اعتذر اليوم ماكو قفله أن شاء الله على البارت الجاي...
لاتنسون التصويت وتعليق ومتابعة للحساب بدربكم والانستا هم @ghe.92
وتابعوا قناة التلي بالبايو تلگوه..
دمتم برعاية الله وحفظه
غدير عبدالله
رواية وقد كانت صدفة الفصل الأربعون 40 - بقلم غـدير عبداللّٰه
"وقد كانت صدفة"
وتغيرت آني حسبآلي
آبقه شخص مهموم ويعآني
لمن فقدت الآمل جتي محبتك الي
تعويض ربآني !!♥️
يَـ التستحق العُمر ..
أيآمي كلهن آلك وآحد وره الثآني !!♥️
_____________________________________
اليوم وبدايه وحاله جديده حيتم اروائه بهاي الصفحه وهيه حاله أو شخصية الي تجسده وهيه الضم أو بما يسمى بحالته جبر الخواطر ....
ميسم: بعد وفاة بيبيت ايلاف كُلش نقهرت عليه رغم اني مشايفته لكن من تسولف عليه ايلاف من خلال حجيه وسوالف ومحبته الهم تنحب،اما ايلاف خطيه كُلش متاثره على وفاته حتى ضعفانه مبين كُلش متعلقه بيه...
بعدين سولفتلي على الي صار بينه وبين امير كُلش فرحت اله بس هيه ماكو تحسه ما مهتمه دومه تقره اله قرآن وتبجي بعد اجه يوم الاربعين مال بيبيته رحنه اني وماما وهم نعاد نفس اليوم الي ماتت بي عمته ملخت نفسه وهيه بس تبجي حتى بالاخير من كثر البجي داخت رادت توگع لو ما البنات يلزمنه اخذنه البنات للغرفه رحت وراه دخلت حاولت اهدي بيه...
ميسم:كافي ايلاف موتي نفسج تدرين حتى هسه بقبره ما مرتاح من كثر ما تبجين كافي ياعيني هذا قضاء الله وقدره شنو متئمنين بي؟..
ايلاف:والنعم بالله....
ميسم:لعد كافي شوفي حالتج شوفي نفسج شلون صايره هيكل ادري من تسوين هيج قابل ترجع راحت بعد يم رب كريم ورحيم بعباده هو احن من عدنه عليه يله رتاحي شويه هسه اكيد دايخه يله نامي، گمت من يمه طلعت ورحت يم ماما...
خلص الاربعين ورجعنه للبيت دخلت الغرفتي جان يدگ التلفون وإذا سيف...
ميسم:الووو
سيف:هلا بعد چبدي شلونج ادگ عليج شو ماكو؟
ميسم:يي مو جنت بل اربعين مال بيبيت ايلاف وهسه ياله رجعت...
سيف:أهااا يي شلونج مشتاقلج يول ما الله حنن هل گلب الحجر عندج وتوافقين؟...
ميسم:لا
سيف:اللهم طولج يا روح لعد شوكت؟..
ميسم:ما أفيدك، تحبني من صُدك اصبر...
سيف:تمام عمي يله نصبر يا رب الطف بحالي...
ميسم:ها شو جنك مليت گتلك ما أفيدك تعاند...
سيف:لا عمي كُلشِ منج عسل على گلبي بس اگول يا صبر ايوب...
ميسم:تمام يله الله وياك...وغلقته
هذا سيف من يوم الي اعترف الي بحبه وهو هذا كلامه كل ما اگله...ما أفيدك...يرد على گلبي مثل العسل... وهذا الشي الي يجذبني اله بس ما أبين گدامه ويوم عن يوم يبين تمسكه بيه وابد ميزعلني رغم دومي اني جديه وياه لكن ولا يهتم يتغزل ويسولف واني استمع لكن اكو فرحه بداخلي تخليني دائماً مصغيه لكلامه بدون ملل ولازم كل يوم يبعثلي رساله يصبح ويمسي عليه حتى اني صارت بيه سوله بعدني ما مغسله وجهي افتح التلفون وابتسم وحدي ومن انام هم ارد عليه ويرد...وأنتِ من أهل الخير يا وجه الخير...
بعد مرور فتره معينه:
جنت گاعده بالغرفه مالتي دا اگلب بالتلفون صدفة بصور مال فساتين عرس هيج عجبني شكلهم جان تجي رساله من سيف عبالي يريد يبعثلي تصبحين على خير دز...
💬 ميسم گاعده؟
ستغربت وعدلت گعدتي ولميت الكفشه ورديت...
💬يي،ليش اكو شي؟
💬يي اكو اريد احجي وياج جد ومو كذب!!...
💬يي گول شنو؟ ضل يكتب شو طول ضليت صافنه افكر شنو يريد بعدين رد...
💬شوفي ميسم من يوم الي گلتلج على كل الي بداخلي مجنت مكذب بحرف وصُدك وحد هسه اني نفسي ما تغيرت ورديتي وگلتي الايام تثبت وهم وافقت وشفتي فد يوم حجيت عليج لو زعلتج ورغم اسلوبج البارد بس رغم هذا ما اهتميت وضليت اتواصل وياج ،وهسه اريد اگلج يا بنت الناس موافقه لو لا اذا ما موافقه ليش تخليني اتعلق بأمل على انو انتضرج تالي انكسر كسره ثاني واني ما عولت اصحه من الاول مو بعده تجيني وحده ثانيه واتمنه تردين ...
ضليت أقره واعيد بكلامه كلامه صحيح واني يمكن الي مصعبته إذا رفضته لعد شنو فرقي عن نور هم كسرته ف ضليت متردده اوفق أو لا وصار صراع بداخلي ردت اتصل بايلاف استشيره بعدين ترددت قريت الفاتحه ورديت ....
💬 تمام موافقه....
بسرعه بس طلع عنده ظهور تصل وگال...
سيف:بعد بأجر امي وخالتي يمكم... وغلقه حتى ما نطاني مجال احجي ...
غنى:بيوم الي گالت الي مريم انو حسين حيجي يخطبني ما صدگت معقوله صرت اضحك من وحدي معقوله لو تكذب عليه رحت للمرايه اباوع لشكلي واضحك يعني حيجي ويطلب ايدي يايي ما مصدگه .
بعدين تذكرت امير معقول يوافق ما أضن من بعد ما شافنه من المستحيل يقبل اكيد،خاب املي وراحت الضحكه مني ورحت وديت التلفون لايسر ورجعت لغرفه ما عندي شي ضايجه ضليت اعدل بملابس اعزلهم بعدين خليت راسي ونمت....
گعدت الصبح نزلت لگيت ماما ستوه گاعده وكله طالعه بابا بالشغل وأيسر ما اعرف وين يروح وامير عد بيت خاله ام سيف البارح راسلني سيف وگال يمي بايت لهذا مطمئنه گعدنه نتريك اني وماما گالت...
..اگلج اني اليوم ما بيه حيل أنتِ طبخي الغده...
غنى:تمام شنو اسوي؟
..شوفي بالمجمده طلعي دجاجه قطعيه وسويه سوب وطبخي تمن وحشوا ...
غنى:هزيت راسي بيي...
..صُدك ماما بأجغ اغيد اغوح استلم النتيجة مالتي منو يا خذني؟
..ما ادري خلي يجي ايسر اذا ما اخذج شوفي ابوج ...
خلصنه بعده بديت بالشغل اذن اذان الظهر اني مخلصه كُلشِ هدرت الاكل ورحت اصلي اجه ايسر وبابا شويه ويوصل بديت اصب دخل بابا سلم وراح يبدل خلصت وديته على الطاوله وصحت الهم يجون اجوا ضلت بابا عينه على كرسي امير ياكل ويباوعه لماما حاولت شويه اخفف التوتر الصار وگلت....
غنى:بابا بأجر النتيجه استلمه واريد احد ياخذني منو؟
ايسر:اني ما اگدر عندي شغله ويه صديقي...
..ليش شنو عندك؟
ايسر:شاركت اني وصديقي بمشروع ودنشتغل عليه...
..يي بين الخير بس دير بالك مو تصير قشمر وينضحك عليك بكلمتين!..
ايسر:لا أن شاء الله ماكو شي...
..وأنتِ غنى بأجر اني اخذج واي شي تردي گولي ؟
غنى:لا بابا سلامتك ورحت بسته من خده بتسم كمل وگام والباقين كذالك...
لليل دا اجهز ملابسي الي البسهم بأجر وبلكي اشوف حسين كُلش مشتاقتله ،رحت لايسر دگيت الباب....
غنى:ايسغ گاعد؟
ايسر:يي تعالي ...
غنى:اگل أغيد اتصل بمغيم
ايسر:يي هاج ...
غنى:اخذته ورحت اتصل عليه تفقنه على باجر بنفس الموعد نروح حتى اشوفه وافتهم منه السالفة....
ثاني يوم بدلت وكملت نزلت لگيت بابا ينتظر گتله اسويلك اكل گال لا ...طلعنه وصلته الجامعه دخلت وشفت مريم ورحنه نشوف النتيجه الحمد لله ناجحين شويه وطلعنه رحت البابا بشرته گال...
..لعد يله أمشي نتريگ بمطعم بمناسبة نجاحج وحضن متني ومشينه جان بيوم احلى نجاح عشته بحياتي من خلال نظرات بابا الي حسيت بفخر من شفته فرحان ويگول ما راح تعبي وتربيتي بيج...
نزلوا الاكل گعدنه ناكل ونسولف جنت كُلش فرحانه بهذا اليوم هم ناجحه وهم طلعت ويه بابا لان صار النه وهواي مطالعين گلت...
غنى:تدغي بابا كون فد يوم كل احنه نطلع شويه نغيغ جو...
..أن شاء بس يصير عندي مجال نطلع كل احنه واشوف اخوج الهيبه وين مدري وين مكانه الله كريم...
غنى:تمام..
بعده كملنه رحت اغسل للحمامات طلعت لگيت ثنين اجو يم بابا لابسين لبس عسكري ضربوا اله تحيه ضليت واگفه استحي اروح بس جنت قريبه عليهم لهذا اسمعهم شيحجون ...
..احترامي سيدي...
.. أهلاً نقيب اشتر شلونك وانت ملازم فقار شلونكم؟
... الحمدلله تمام بخير...
..شلون صار وضعه محمد؟
اشتر: الحمد لله سيدي...
..هاا الله يگومه بالسلامه سلمنه عليه...وبعده ضل يسولفون راد يروح بابا گال واحد منهم...
اشتر: أن شاء الله ،تفضل سيدي ويانه؟
..لا بالعافيه اني اروح بس دانتضر بنتي يله بالعافيه عليكم...
اشتر:الله وياك سيدي...
غنى:طلعت ورحت لبابا بعده صعدنه بالسياره سألته منو هذوله؟
..بابا ذوله الضباط ويانه بالشغل ...
غنى:اهاا..
وصلنه للبيت هو راح واني دخلت بشرت ماما فرحت ...
بيوم جنت دا اشتغل وجان فجأة يدخل امير ما توقعت جيته المفاجئه كُلش فرحت ورحت حضنته سأل على ماما وگتله موجوده راح واني كملت الشغل تغدوا كلهم بابا سأل عليه گناله اجه ما حجه شي وكانو جان يدري أو يمكن هو گايله...
ثاني يوم العصر جان ينطيني التلفون ايسر وگال هاي مريم تريدج ستغربت شنو تريد مني أخذته سلمت عليه گالت...
مريم:اگلج غنى بيبيت حسين توفت....
ايلاف:سمعت صوت هوسه مال رياجيل سألت البنات گالن...
رفل:والله ما ادري بس اجه ليث گال حضروا غده بسرعه لانو جاين ناس هوايه بعدين سألته خاله گال اله...
ليث:اجوا اخوت جدو همه ولدهم وعمعهم الكبير ...
..ياا شذكرهم بينه مو على أساس تبروا منه مدري شنو؟
ليث:يوم شمعرفني يعني جايج خطار طردي؟
ايلاف:واني اگول اول ما دخلت جانت كومه سيارت حتى ميسم مگدرت تدخل ،تمام اني اروح ابدل واجي وياجن...
خلصوا غده بعده صاحوا على جاي ضليت اني اهدر والبنات ياخذني الاكل من الولد وعزلنه ضليت أصب بالجاي اجوا الولد أخذوا وراحوا ضليت صافنه ما اعرف على شنو جان اشوف واحد يطلع من الاستقبال ويخابر يروح ويجي دار وجه يا عزه هذا مو ايهم لو اني غلطانه شجابه لهنا وشعرفه بجدو ضليت افكر شويه وطلع رافد صاح بسمه تأكدت هو لان جان بعيد من گال اسمه تأكدت هو نفسه اجه رافد سألة...
ايلاف:هذا منو؟
رافد:هذا يصير ابن ابن اخو جدو ليش
ايلاف:اگلك هو مو اسمه ايهم ؟
رافد:يي وشعرفج بي؟
ايلاف:هذا دكتور اجه ستضافه ويانه بالمستشفى
رافد:اها يله هاج هذني الاستكانات غسليهن وصبي بعد اربعه...
ايلاف:تمام صبيت اله اجه أخذهم وراح طلعوا كلهم بعده عدلنه المكان وبدت النسوان تجي جان اخر يوم والناس تجي الي ما اجت هذنيج الايام يجن بالثالث وهم دگ ولطم اني ما تحملت بعد اريد أخذ نفس ما اگدر....
خيم الحزن على بيتنه صار ما اله طعم وين جانت هي الي محليته بگعداته بگفلاته من اجي يمه تگعد تگفل الي لي هسه اتذكره وازيد بجي...
..بنيتي بنت ابوه وعشره خاطبوه واحد يگل للثاني اني عبد لبوه...
كل واحد بينه ذكره خاصه وياه اشوف البنات شلون يبجون عليه واكثر شي حنين لان عايشه وياهم بعده ضلينه نسويله كل خميس بثوابه ونطلع شكم ماعون للجوارين بثوابه .
مشت الايام واجه يوم الاربعين وهم نعاد نفس الحزن وكانوا ستوه ميته هم تملخنه عليه اني من كثر البجي دخت لو ما البنات لازماتني على گولت ميسم تگلي صايره هيكل صُدك كُلش ضعفت هذيج الفتره ما اكل او ما الي نفس اخلي شي بحلگي...
بعده بدينه نتعود على غيابه لكن ما نسيناه جدو هم مو مثل قبل وبعد ما صارت جيت إخوته عرفنه السالفه جاين يتصالحون ويا بعديش...
والخبر الي حاول يغير من نفسيت الكل ورسم والبسمه على وجوهنه هو خبر حمل رفل الي جانت ماقابل على أساس تخلص جامعه وتفكر بالحمل بس هذا كله بكوم وفرحت ليث بكوم بيومه عزمنه كل احنه وهم ثواب لروح بيبي وضلوا يتناقشون ناس تگول بنيه وناس تگول ولد بعده ختلفوا على الأسماء وهم ما تصافوا بالاخير...
.. جدو گال شيجي من الله انعم الله اهم شي تماما الخلقه...
اما امير اوف يا أمير شما اگول قليل بحقه رغم مو دائما يتصل لكن كل ما يتصل يغير من نفسيتي يصبرني يغير جو الي وكلمته الي دوم تخليني ابتسم واني بنص حزني واني ابجي واشكيله وهيه ...
امير:لامرتي كافي لتبجين ادري بيج أنتِ قويه وگده لتخلين الذكريات تهزمج وتضعفج خليج قويه وها اكلي زين اريد مرتي بيه لحمه شو ضحكي بالله اريد الغمازه تبين يي هيج عدل...
ايلاف:يا عززه وين شفتني اضحك
امير:شفتج بعد يله تصبحين على خير ياهوه ريتي روحي رتاحي ولتنقهرين...
وهاي هيج يضل يصبرني ويرفع من معنوياتِ طبعا بالليل يخابر لان الصبح اني دوام وهو عنده دوام ...
بيوم الصبح اجت عليه ميسم والضحكه من الطول للطول...
ايلاف:خير ان شاء هل الايام هواي تبتسمين صاير شي واني ما ادري ؟
ميسم:يي فاتج كومه سوالف بس أنتِ كاضيته علينه نوح ولطم هسه المره راحت لربه وأنتِ بعدج تلطمين...
ايلاف:يي صح بس لتيهين السالفه شنو سر هل الابتسامه؟
ميسم:اذا اگلج بس مو تحجين حتى لشهد لان ما متاكده يي لو لا؟
ايلاف:تمام وعد ما احجي شنو؟
ميسم:سيف رح يجي يخطبني لو بأجر لو بعده؟
ايلاف:صُدك يا عمري الله يسهل عليكم يارب بس كون هالمره متاكده من قرارج لتتسرعين مثل قبل؟..
ميسم:لا أن شاء الله هالمره تكون ثابته بس تدرين خايف كُلش متوتره ويا ترى شنو رأي أمه بيه خاف مترضه وترفض؟...
ايلاف:لتهتمين لهاي الشغلات ما دام هو قانع لاختياره ها هيه وأنتِ هم لتتوترين حوالي تكونين بسيطه ولا تبينين كُلش اوڤر وكانوا خطار عادين جاين...
ميسم:الله كريم ...
وصلنه ودخلنه وبدينه نشتغل وقت الاستراحه جعت رحت الكافيه اخذت بسكت وجاي ورحت للغرفه مالتنه دخلت لگيت شهد گاعده ولازمه تلفونه وصافنه گتله...
ايلاف:ها داده الصفنه مو الج...
شهد:هااا يي والله صافنه اريد اگلج على شي وسمعيني...
ايلاف: بالله شكو ؟
شهد:شوفي هذاك اليوم طلعنه اني وخواتي تدرين بيه اني انشر صور بس ما اطلع وجهي بس ايدي...
ايلاف:يي
شهد:ذاك اليوم دخلت على حسابي على الركويست ولگيت واحد مراسلني كاتب ممكن طلب اني رديت كتبت اله تفضل...رد ممكن نتعرف واني شفتج هذاك اليوم بالمطعم وصدفه شفت حسابج وعرفتج والصراحة حيل عجبتني،طبعا اني ما رديت وحضرته خفت وامس هم طلب متابعتي حساب وهم لگيته راد...عبالج اذا حضرتيني اجيج من غير حساب ...
من بعده سديت حسابي اصلا والصراحه كُلش خايفه ...
ايلاف:اني اكل واسمعه، بس ديري بالج واخذي حذرج منه وخاف يدخلج من غير حساب اكو ما اعرف شنو هذيج المره قريته شنوو هاا مكافحة الجرائم الإلكترونية اكو رقم وتصلي عليه ،او وسوي حساب غيره وسوي خاص...
شهد:هو هم هيج...
ايلاف:جان تدخل ميسم على نفس ابتسامته الصبح گعدنه نسولف .
مشت الايام نفس الروتين من الدوام للشغل وميسم اجت ام سيف تشوفه وكُلش منعجبه بيه وهيه هم حلو مناقصه شي ومنتظرين على ما ابوه يسأل على الولد وصُدك سألين عليه سمعته سابقه كُلش وأخلاقه لهذا قبل ابوه وردوا الهم الموافقه بيومه خابرتني وده تبجي من الفرح واني هم فرحت اله خطيه هواي نضلمت بالكي هالمره يگعد حضه باركت اله ونزلت گلت الماما جانت گاعده جوه وحده جانت الدنيا عصريه رحت اله وگتله طبعاً هيه متدري اجوه ناس گلت...
ايلاف:اگلج ماما تدرين شنو ؟
.. شنو ؟
ايلاف:ميسم اجوه ناس خطبوه؟
..يا صُدك منو شو مگالت أمه؟!
ايلاف:هيه گالت من تصير عود تگول بذيج الساعه هسه وقبل شويه خابرتني ومنطين الموافقة...
..يا الله يهنيه ويسعده أن شاء الله منو الي خطبه بالله؟
ايلاف:سيف صديق رافد!!...
..يا سيف خوش ولد يس....
منسمعه اله فد شي قوي وگع ونكسر بالمطبخ رحنه اني وماما وإذا.....
يتبع...
لاتنسون التصويت وتعليق ومتابعة للحساب بدربكم والانستا هم @ghe.92
وتابعوا قناة التلي بالبايو تلگوه
دمتم برعاية الله وحفظه
غدير عبدالله