تحميل رواية «وقد كانت صدفة» PDF

"وقد كانت صدفة"

واسولف بيك

حسبالي سوالف وادم وتسمع

وحسبالي الوهم ينفع

وحسبالي الطيوف تشوف

تجيب عيونها وتدمع

وحسبالي اليغيب يرد

وحسبالي الگلب يشبع

شمدريني اليروح يروح بس البشر ما يقنع

واثاري مسودن وحنتيت ومتاني الوكت يرجع...

__________________________________________

وجان تفتح الباب وتريد تذب نفسه من السياره صحت مفزوع من الي سوته وعتيته حيل من أيده اجت عليه..

سيف:ولج تعالي أنتِ مخبله تسوين بنفسج هيج..

ميسم:بصوت مبحوح يي مخبله يي اني مو عاقله اريد اموت كافي ياناس ارحموني كافي تعبت اريد ارتاح واريح الناس من تعبي انت متعرف شنو الي دا احس بيه متعرف شنو الي ديصير بداخلي نار وتسعر بيه متعرف شنو الي دا اعاني محد يحس بيه والله جاي اموت الف موته

سيف:اسمعه تحجي وتبجي بحرگه ذكرتني بنفسي بذاك اليوم الي عافتني بي ثنينه نفس الشعور نفس الخيبه ثنينه نخانينه وثنينه نفس الآلام عانينه تركت أيده وهي رجعت رأسه لي وره وغمضت عينه ماحجيت اي شي وصلنه للمكان الي گتله علي جان منتزه حلوه للعوائل وگفت السياره فتحت عينه شافته وفتحت الجامه اجت نسمت هوهه بارده وهي نفس مكانه ما تحركت بعدين باوعتلي وگالت...

ميسم: تدري هذا الهوه البارد شد يسوي بيه جاي يأذيني مثل الواحد محترگ وتجي على مكان الحرگ مالته هوه بارد شايف شلون يموت من الألم هذا وضعي هسه ..

سيف:هلگد تحبي؟

ميسم:وجرت نفس ،واكثر من متتخيل هم..

سيف:لعد ليش عافج ،وعلى الرغم أنتِ مناقصج شي من جمال وشهاده وكُلشِ

ميسم:حض ناقصني جان حض ماعندي كذب عليه وهمني بحبه حبه جان مصلحه وشاف اني اقرب وحده يگدر يضحك عليه حتى يأخذ البعثه مالته واني هم جنت غبيه وحبيته مجنت اعرف هو يحب بنت عمه ف من گال اطلب ميسم بعد مشفت شي گبالي نعميت من وره حبه وهو جان يدري اني احبه قبل ميخطبني بس يسوي نفسه ميعرف وقبل ميسافر بليله خابرني اني عبالي يودعني بس گال ،وسگتت

سيف:يي شنو گال؟

ميسم:حباب اخذني للبيت تعبت بعد مابيه حيل احجي ما عندي طاقه اكمل

سيف:حاولت ما اضغط عليه مبين كُلش متأذيه گالت عنوان بيتهم وصلته وگتله،نطيني رقم تلفونج حتى من تتصلح السياره اتصل عليج نطيته رقم تلفوني وهي هم اطتني رقمه ،تردين اساعدج دارت وجهه وگالت..

ميسم:لا شكراً ونزلت بعد ما اخذت أغراضه وراحت.

ايلاف

جان ما الگه أحد من أهل المريضه لعد وين راحوا اني هم خليت وطلعت بره حتى اخابر ماما اگول اله أتأخر بالرجعه لان اريد اروح لميسم .

طلعت بره واشوف مهيمن هذا شديسوي هنا بعد عملته الي سواه صرت كُلش اكره بكثر ما جنت أحبه واحترامه هسه ما اطيقه صرت قله اروح لبيت جدي من ورى حتى لا احتك بي ،اجه بتجاهي وگال...

مهيمن:شلونج ايلاف؟

ايلاف:شعندك جاي لهنا لمكان شغلي ماكفاك اي سويته بيه جاي لهنا هااا؟

مهيمن:على كيفج اجيت اشوفج ليش بعد مدتجين لبيت جدو؟

ايلاف: والله أسأل نفسك ليش مااجي تعرف كُلش زين بعد سوايتك الي سويته استحي اباوع لوجه عمه وابنه هيج يسوي بيه فرجاءً روح منا ما اريد مشاكل.

مهيمن: ايلي اني كلش اعتذروالل..

ايلاف:لتصيحلي بهذا الاسم صرت كُلش اكره من وراك واعتذارك مامقبوا روح منا رجاءً وبعد لتجي لهنا!

درت وجهي وكملت طريقي رحت خابرت ماما گالت منو ياخذج گلت اله عود من اطلع اتصل برافد گالت تمام سديته من ماما رحت كملت شغلي وبعد ابد ما شفت امير ضل بالي مشغول .

خلصت دوام واگفه باب المستشفى اتصلت على رافد حتى يجيني گال...

رافد:ما اطول شويه واوصل

ايلاف:بس مو تتأخر حباب..

رافد:هسه عشر دقائق واجي

ايلاف: تمام،غلقته ستوني وجان تشخط يمي سياره نزل الجامه وإذا امير..

امير:بعصبيه تعالي صعدي بسرعه..

ايلاف:شنو وين اصعد؟

امير:تره واضح كلامي تعالي صعدي

ايلاف:ما اريد اصعد حيجي رافد وياخذني..

امير:تصعدين لو اجي اني اصعدج بطريقتي

ايلاف:شنو انت بكيفك تحجي شنو تايهتلك اني وما ادري.

امير:تصعدين لو شلون ؟

ايلاف:لا ما اصعد

امير:اللهم طولج يا روح بعصبيه اصعدي

ايلاف: لا ،شو هذا نزل واجه بتجاهي رجعت لي وره جان يجي يلزم ايدي وجرني حيل جان اكو شكم ولد ضلو يباعون علينه يمشي ويجر بيه حيل بعدين وگفت هو دار وجه گتله عوف ايدي فضحتنه گدام العالم ماشي حصعد هد ايدي ورحت صعدت..

امير:اله بالعين الحمره ياله

ايلاف:خاف متقبل اني لو ما الناس فلا اصعد وياك وشنو تريد مني؟

امير:بعصبيه بس بهدوءاتصلي على رافد ليجي

ايلاف:ليش شنو الي تريده بالضبط

امير:تتصلين لو اني اتصل واگوله اني اجيبه..

ايلاف:اني سمعته هيج گتله لا لا دخيلك هسه اخابره زين شنو اگوله..

امير:گوليله اني ارجع ويه صديقتي

ايلاف:هو يدري اليوم مجايه

امير:گوليله ويه صديقتي الثانيه

ايلاف: ماشي اتصلت وگتله حأاجي ويه شهد گال تمام غلقته ودرت وجهي وگتله وهسه شنو تريد مني وعگدت حواجبي مشه بالسياره ،وين تروح وين موديني ما رد هاي شبيك مو داحجي وين رايحين دار وجهه الي گال...

امير:منو هذا الوگفتي يمه مو هذا نفسه الي اخذج للمستشفى؟

ايلاف: باستغراب ،يي بس ليش تسأل ؟

امير:شنو الي سوالج

ايلاف:شسوالي؟

امير: ايلاف من اسألج لتردين بسؤال جاوبيي شنو سوالج وبعد مترحين لبيت جدج؟

ايلاف:جحضت عيون وگتله شمدريك؟

امير: صح مو احجي شنو سوالج

ايلاف: الصراحه كُلش خفت بس مبينت گتله كُلشِ ما سوه بس هيج اني ما رحت وهسه انت شنو الي هامك،

عصب حيل وشراين رگبته بينت..

امير:ولج احجييي شنو الي سواه وخلاج تستحين تباوعين بوجه عمتج مو اني بأذني سمعتج تحجين..

ايلاف:عزززه هذا طلع سامعني فززني وهو يضرب الستيرن حيل ويگول..

امير:احجي لا ابتلي بيج هسه

ايلاف:خفت كُلش وگتله هذا ءءااشسمه..

امير:شسمه؟

ايلاف:ءءتحا-ر-ش بيه ،داس بانزين زين ما ردنه ننضرب جان يگول..

امير:شلون تحارش بيج وأنتِ وين جنتي وتحارش بيج اهلج وين ولج احجي..

ايلاف: صحت كافيي بس تصيح اخذتني حاصل فاصل كافي يعني شنو اسوي رحت حتى اشرب ماي درت وجهي ولگيته ورايه....

امير:ييي وشسوه وشوكت شنو ماكو احد جان؟

ايلاف:كل ما اتذكر هذا الموقف شي بداخلي ينقهر اگول جنت مامنه بي أحبه واحترمه معتبرته مثل اخويه تالي هيج يسوي بيه نزلت دمعتي وسولفته شلون حاول يتقرب عليه ولزم شعري واني ابجي واشوفه شلون يضغط على لستيرن حيل وگصته يصب منه العرگ باوعتله واشوف دم ينزل من خشمه بسرعه لزمت رأسه ونزلته لجوه وگتله لترفع راسك دقيقه

امير:هاي شدسوين ؟

ايلاف: ضغطك رتفع دقيقه هسه أسويه الك مسحت دموعي فتحت الجنطه طلعت من عده كلينكس وتعقيم وخرت أيده وخليته الكلينكس گتله عندك بطل ماي

اشرلي على مكان بالدشبول فتحته اخذت من بطل الماي بللت شويه كلينسه ثانيه مسحتله الدم ضل شويه إلى أن نگطع الدم گتله صعد راسك صعده وسند راسه على الكرسي اخذت كلينسه ثانيه هم بللته بالماي ومسحت گصته شويه ورگبته وجهه وهو مغمض عيونه بعدني ما وخرت ايدي جان يلزمه ويگول..

امير:كملي بعد ،ضليت امسح مكان الدم وما ادري وهو صافن عليه اجت عيني بعين وهذني وحدهن سالفه كل ما اشوف عيونه ياخذني لمكان بعيد حسيت گلبي گام يدگ بسرعه ونفسي عالي صار احس الحراره صعدت لراسي أخذ ايدي وباسه وگال...

..هاي المره صارت المره ثانيه تره غير حساب حسابه

ايلاف:بعدت ايدي من عنده وعدلت گعدتي وگتله شنو تقصد؟

امير:هاي المره تحا... ما كمله هاي المره سواه المره الجايه قسماً عضماً تره تصير مو خوش .

ايلاف:وانت شمدريك ويسويه مره ثانيه؟

امير:ها يعني حلالج الوضع الگفج مثل ما لگفتج هسه

ايلاف:اكيد لا ولا اخلي يوصل لطرف ثوبي ..

امير:عفيه بنيتي

ايلاف ط:شنو تره مجاي اقنعك بس دا اوضحلك مو اكثر ودرت وجهي واشوف نفس قلم الحمره مالتي الي جنت مضيعته مديت ايد وأخذته هو حرك السياره گال...

امير:هسه اوديج لبيتكم مو ؟

ايلاف:لا لبيت ميسم..

امير:ميسم منو عده اخوان

ايلاف:انت تره والله عايش الدور وميسم صديقتي ومن زمان اني اروح اله من زمان، ويي عده اخو واحد وبيته بهذا المكان... وصلني يله انت مو گلت اني اوديج

امير :غصبن عليج وعلى هذا السانج الطويل هم

ايلاف:تعال وهذا مالتمن قلم الحمره؟

امير:دار وجه شافه ورجع كمل الطريق،وانتِ شكو ما الج شغل

ايلاف:اكيد مالي دخل بس هذا نفس القلم مالتي وكُلش أحبه وضاع من عندي فشفته عندك هوه هم نفسه بي نقطه سوده اعرفه وهذا هم بي؟

امير:أخذه من عندي ، اي شي داخل هاي السياره يصبح مالتي وهذا هم الي صار خوش وغمزلي

ايلاف:ما فهمت قصده شنو گتله نطينيا أخذته من عنده وعندي مرايه صغيره طلعته فتحته وخليت من الحمره واباوع صفح واشوفه يباوعلي ويهمس

..شتعل ابن عمتج الدثو

ايلاف:ضحكت وگتله ليش تغلط على الولد خطيه.

امير:رفع تك حاجب تضحك المدام خطيه مو جنه الوضع حلالج وتردي بعد يتحارش ها.

ايلاف:يعني انت صدُك متستحي وتفكيرك سخيف ابد ما توقعتك هيج ودرت وجهي للجامه وجان تجيني گرصه بايدي صحت اخخخ شبيك..

امير:منو التفكيره سخيف ها احترمي نفسج لا ...

ايلاف:يي بس انت تفكيرك مو راحه ليش تحجي هيج ها عبالك الناس كله مثل تفكيرك ،درت وجهي وافرك بايدي صارت حمره وصلني للبيت لميت أغراضي والقلم رجعته لمكانه ردت انزل جان يلزم ايدي جريته منه وهو لازمه بأحكام

امير:جره من عندي وشاف مكان الگرصه سحبته من عنده وطبكت الباب حيل ورحت ولا درت وجهي ولا شفته واسمع شخط السياره شخط..

وهو أبو راهي هم يلوگ لابو عيون مو گرصه عگربه تگول دكيت الباب طلعتلي...

امير

نزلت طبكت الباب حيل وراحت بنت الذين عفته مادرت اله بال لان كل بالي يم غنى وضعه لو يم هذا الي طلعلي مدري منين لو هاي جايه تتزعل والله احس راسي حينفجر من التفكير.

وصلت للبيت على نفس وضعه نزعت الستره صرفنت القميص فتحت الدگم البدايه بديت اشيل بالزجاج الناعم جبت كراتين خليتهم وگلت على بأجر اجيب ابو الزجاج حتى يسوي الجام دخت كُلش راسي گام يفتر رحت للثلاجه سويت عصير الليمون وشربته شويه احسن اتصلت بصديقي حتى يعرفلي مكان النذل وين وإذا ملگا اروح على أهله لو اعرفه رايح لجهنم هم اجيبه اجيبه بسيطه.

دكيت على أبويه

امير: ها يأبه بشر شلون صار وضعه غنى؟

عصام: والله بويه نفس وضعه ماكو اي خبر وانت وين هسه شنو سويت

امير: حالياً بالبيت عدلته شويه وخابرت على صاحبي حتى يشوفلي على مكان الحقير واذا ما لگيته اروح لأهله واسجنهم كلهم والله

عصام:على كيفك اهدء لتستعجل اصبر بس خلي تصحح اختك واني اتصرف لتتسرع

امير:يابه شلون اهدء گلي شلون واختي بين الحياة والموت شلون النذل عايش ومتونس واختي جاي تنازع بروحه وتگلي اهدء يأبه انت شدتگول

عصام: امير اسمع كلامي ولتتسرع گتلك اني اجي واتفاهم وياك ولتنسه مكانتي شنو والله بس اتصال واحد اسحلهم سحل للسجن بس خلي تصح اختك عبالك اني مرتاح بس ما اگدر اسوي شي وامك كل ساعه متخربطه مو كلكم عليه

امير:ماشي يله اني اروح مع السلامه

سديته ورحت دخلت الحمام سبحت وكملت اجه ايسر ميدري بالي صار دخل متفاجئ من منظر البيت سولفته گام هم يهد ويصيح وهم گتله على كلام أبويه گال...

ايسر:لعد اني اروح اشوف غنى

امير:اصبر شويه بس ابدل حتى اني هم اروح وياك

ايسر:يله استعجل شويه

بدلت على السريع واخذت ايسر ورحت قريب منوصل نزلت يم مطعم اخذت اكل ورحت للمستشفى.

وصلنه ونزلنه لگيت امي وابويه گاعدين ينتظرون نطيتم اكل محد يقبل ياكل أجبرت امي تاكل حتى تأخذ الدوه.

صار الليل وهم ماكو شي بعده بالعنايه المركزه اباوع اله من الشباج واشوفه الاجهزه الكهربائيه كله متصله بيه وجهاز الأوكسجين وصوت الأجهزة الي سوالي قلق بالنسبه اليه طلعت بره ما اتحمل المنظر گعدت أدخن وصافن بالفراغ وافكر شلون الگه هذا النذل حسيت ايد على متني درت وجهي واشوف أبويه

عصام:لتفكر بشي ربك هو يسهلهه اصبر شويه واني اعرف شلون اتصرف

امير:يأبه شلون اصبر واني الوم ياكل بيه اكل كله من ورايه اني الي بلشت ويا لو ما ماخذ الدعوه من البدايه اني جنت ابد مامرتاح اله بس ما اعرف شنو الصار بذاك الوكت وافقت كله من ورايه اني الي خليت غنى بهذا الحال اني وگمت ابجي اجه حضني وگال

عصام:لتبجي انت عيب عليك زلمه مشورب تبجي لعد امك شسوي گوم واسنده

امير:يأبه انت متعرف غنى بالنسبة إلي شنو غنى مو اختي بس غنى بنتي أحسه والله

عصام:الله كريم يله گوم امسح دموعك عيب عليك تبجي وربك أرحم بعباده يله وليدي بالعكس كون هسه انت الي تصبرنه مو احنه الي نصبرك وإذا على هذاك الحقير بس خلي اختك تگوم بالسلامه اني اعرف شلون اطيح حضه.

امير:يي أن شاء الله واني هم عندي ادله

عصام:خوش ها هيه شوف ربك ديسهله شويه شويه يله اني رايح اشوف امك واخوك هذاك هم كل ساعه اشوفه رايح للحمام ويجي عيونه حمره يله وليدي توكل على الله وشد حيلك واختك هي المحتاجتنه حتى ندعيله مو تبجي وتفاول عليه.

الظهر الساعه 1:00

طلع الدكتور من الغرفه

..ها دكتور بشر

..انتو أهل المريضه غنى عصام

...يي احنه

..بنتكم....

_________________

يتبع....

شلونكم بنات طبعا اعتذر عن التأخير بسبب الشبكه فرد مره كولش مو زينه

وها عندي شي الكم تتذكرون البارت 18الصوره النشرته الي تعرف منو بالصوره اول وحده تعلق واشوف جوابه هو الصح البارت الجاي اله هديه

لاتنسون التصويت وتعليق ومتابعة للحساب بدربكم والانستا همghe.92

دمتم برعاية الله وحفظه

غدير عبدالله

"وقد كانت صدفة"

خلينه ب بساطة

معيش الروح

ما محتاجُ ادخلة

بمتاهات

النهايات الحزينة

يردن دموعَ

وأنه دموعي خلصت

بالبدايات...

_________________________

طلعتلي أمه سلمت عليه ودخلت للبيت گعدنه نسولف شويه بعدين سألته گتله...

ايلاف:اگول خاله شنو الي صاير شبيه ميسم اول تالي تطلب اجازه ومتشيل تلفون هم؟

اسراء:اوف اوف يايلاف ميسم رح تسويلي گلب ثاني بصف گلبي من وره عمايله!

ايلاف:ليش شنو الي صار؟ شبيه ميسم خاله خوفتيني، عدلت گعدتي وباوعت عليه..

اسراء:بعده ماحچت وجان تدخل ميسم مو ذيج ميسم ابد شكله وضعه ،وهاي اجت ميسم سولفوا انتو اني رايحه براحتكم..

ايلاف:هزيت راسي وگمت لميسم أمه طلعت بره رحت اله شكله الوجه اصفر وحاجبه مخليه لصقه جروح نتبهت على أيده بيه كانيولا ،هاي شبيج ولج شصاير بيج تعالي سولفيلي وسحبته من أيده وگعدت گباللي....

ميسم:ايييه ماكو شي بس تمرضت شويه جنه العرس ميرهملي ضربوني عين ههه ،انتِ شلونه العرس مالتكم؟

ايلاف: ميسم لتغيرين الموضوع احجي شنو الي صاير وضعج ابد ما عاجبني شكلج مثل وحده مسويه حادث..

ميسم:يي هو سويت حادث الحمدلله..

ايلاف: ميسم بلا تفاهتج هسه سولفيلي.

ميسم:يي والله شبيج مدا اكذب !

ايلاف: صدُك تحجين؟!

ميسم:يي والله.

ايلاف:عزززه بعينج وتگوله برود أنتِ صدُك تحجين لو شنو فهميني ،سولفيلي شنو الي صار الحادث وين وشلون وليش؟

ميسم:اوف والله ما اريد اتذكر بس شنو اسوي .. دخلت للقاعه... وانطانيا رقمه ومنتضره يتصل بيه بس مو تگولين لماما على الي صار وهاي السوالف وجنت بوضع ميسمح انتبه لتصرفاتي يعني خاف تحجين گباله گلت اله ساعدني الرجال وأخذ السياره يصلحه ها حبابه...

ايلاف: يعني أنتِ هسه مقتنعه بهاي سوايتج والحادث الي تعرضتيله علمود واحد باعني برخص ولج أنتِ شنو من بشر اني شفت هواي بشر بس مثلج وحده ضعيف وبلا كرامه ما شفت ولج أنتِ الى متى تضلين هيج وضعج ليش ميسم؟

ليش تسوين بنفسج هيج مو دتأذيه لروحج حرام بعد شكم يوم الله يحاسبج على نفسج ليش.

گامت تبجي واني مدري شنو يصير بيه من اشوف واحد يبجي وهو ضعيف مو بيده اي شي يسوي

حضنته خطيه ما تحملت هم صرت ابجي وياه واني أشوف ماكو بيده شي تسوي غير البجي، اوف يعمري أنتِ لتبجين والله كل ما اريد اقسه عليچ گلبي مد ينطيني والله كله هذا لمصحتج الي دا اسوي واني شنو الي بايدي غير اساعدج مسحت دموعها وگالت..

ميسم: مسحت دموعي ،لا هاهيه أن شاء الله حتجاوز هاي المرحله وأنتِ وماما والكل وجودك كافي بالنسبة إليه خلص اني البارحه گعدت ويه نفسي وأخذ قرار وان شاء الله مراح أتراجع عنه واترك شكو ذكره لان حرفيا تاذيت نفسي بعد ما تتحمل اكثر من الي هي بي ..

ايلام:اسمعه تحجي وشي بداخلي فرح وأخيراً صحت من السبات الي جانت بي.

واني وياج حبيبتي احنه خوات اي شي يصير وياج اني اول الناس حتى قبل اهلج اوگف وياج ما اريد اشوف ضعيفة اني هذيج الايام لا ربما قسيت وياج بس المصلحتج ،جنت اريدج قويه صبوره تگدرين تتحكمين بمشاعرج اتجاه اي موقف شفتي واگف ويه غيرج ..

لاتخلين گلبج هو دليلج لان المشاعر تجرف الشخص للهاويه ،دائما القرارات الي تاخذيه تكون عقلانيه حتى لا توگعج بالخطأ تمام...

بعدين غيرنه الموضوع اجت هم أمه جابت التقديم ضلينه نسولف ونضحك حاولت اغير اله شويه جو أطلعه من الكأبه الي هيه بيه.

بعدين اتصلت برافد يجيني گال بالطريق انتضرته شويه ورمش الي سلمت وطلعت.

راحت إيلاف رجعت اني دخلت للبيت گالت ماما ..

اسراء:ها شلون صرتي شويه غيرتي جو مو لتضلين خاتله بغرفتج طلعي گعدي هنا حبيبتي اخاف عليج مثل اول أمس من لگيتج واگعه بالگاع..

ميسم:ماما لتخافين والله ما بيه شي هياتني كُلشِ مابيه وهاي اروح بس اشرب دواه واجي اگعد يمج ..

اسراء:يله روحي

رحت صعدت لغرفتي دخلتله تذكرت يوم الي وصلني سيف يوم الحادث..

نرجع للزمن شويه..

بعد ما دخلت للبيت الگه ماكو احد بي دخلت وامشي على كيفي احس جسمي ثگيل بالگوه أمشي وكله يوجعني بحيث وصلت للدرج اريد اصعد ما اگدر جسمي كوله يرجف اصعد درجه درجه وصلت للباب الغرفه فتحته دخلت بعد ما سيطرت رأساً وگعت واغمه عليه بعدين ماما سولفت تگول...

اسراء: دخلت للبيت لگيت نزار گاعد على التلفزيون وحسن بالمطبخ دياكل سألت بعد ما سلمت...

اسراء:لعد ميسم وين؟

.. مادري لعد مو وياج راحت..

اسراء:لا راحت قبلي وگالت متصله عليك وگايل اله بالبيت وحسن هم جاين من العرس اني اروح ..

..لا والله ولا تصلت ولا شي وهاي ستونه اجينه ..

اسراء:صدُك تحجي لعد وين راحت، صحت حسن ولك حسن وينك تعال..

حسن :ها ماما

اسراء:ما شفت اختك وين؟

حسن :لا والله ما شفته ..

اسراء:يا يمه وين راحت ولك روح شوفه وين خاف نايمه ولو حتى سيارته ما هيه ..

حسن :يمكن بره صافته بالشارع..

اسراء:لا وين تخليه دروح شوفه بسرعه..

راح صعد واني افتر على نار وين راحت هاي البت بالليل ماكو بالخمس دقائق واجه شايله ودينزل الدرج تلگيته

اسراء:يمه بنيتي شبيه ولك وين لگيته احجي..

حسن:ماما مو وكتج هسه صحي لبابا خلي نأخذه للمستشفى لگيته واگعه مغمى عليه.

رحت بسرعه صحت لنزار اجه يرگض ورحنه للمستشفى بالسياره أخذوه من عدنه ودخلوه للغرفه يفحصوه ننتضر على نار شويه وطلع الدكتور رحنه

..بشر دكتور شبيه بنتي

..ماكو شي بس صاير عده نهيار عصبي اثر حاله تعرضت اله المريضه خلاه تفقد أعصابه وتنهار مما أدى لحالت الاغماء وداوينه الجروح الي بجبينه هم خيطنا اله والحمد لله على سلامته

.. شكراً دكتور زحمناك زين نگدر نشوفه؟

..حاليا لا بس تصحه تكدرون تخرجوه هم

..تمام شكراً الك مره ثانيه

بعدين تذكرت هي اذا جايه للبيت لعد سيارته وين؟

ضليت افتر اريد اعرف شنو الي صار وشنو الي خلاها تنهار ضليت اسأله هواي تتردد براسي وانتظرت تصحه حتى اسأله شنو الي خلاه بهاي الحاله وليش كذبت عليه وگالت ابوه جاي معقوله لان شافت ماهر بس لا هي اكيد بعد ميأثر هذا الشي عليه واني شفته هم رگصت وتونس اكيد قسه گلبه وكرهت اكيد.

بعدين صحت دخلنه اله واشوف بايده الكانيولا وگصته مضمده رحت اله گعدت يمه بست راسه وگتله...

اسراء:شلون صرتي احسن مو؟

ميسم:هزت راسها ييي

اسراء:ميسم شنو الي صار شنو الي خلاج تفقدين وتنهارين هيج وليش كذبتي عليه وگلتي بابا جاي وتصلت عليه وسيارتج وين؟

ميسم:باوعت لماما بنضره هي فمتني انو ما اريد اگول گال بابا

..عوفيه هسه مو وكت اسألتج خلي نطلع وبالبيت ستجوبيه ،وطلع طبعا مبين زعلان لان كذبت عليهم وخليته يخاف عليه

اجه الدكتور سجل النه خروج وكتبولنه وصفه علاج هم ورجعنه للبيت

اول مدخلت حسن ساعدني صعدت لغرفتي بدلت ملابسي وگعدت على الجربايه بعدني اريد انام جان ماما تقتحم الغرفه ونفس الاسأله عادتهم الي بعد ما أكدر أضم عليه لازم اكول اله

ميسم:ماما سمعي سويت حادث ... بعدني ممكمله كلامي

اسراء:وشگت عزه بعينج ولج شلون احجي منو الي ضربج شنو صار احجي عقلي بعد ميشيل احجي

ميسم:سولفتله على الي صار بس ما گلت اله على سيف هو الي ساعدني والي صار بينه بس گتله الرجال الي ضربني گال اني اصلحه الج طبعا سويت اله فلم

اسراء:زين ليش اغمه عليج؟

ميسم:ماما أنتِ تعرفين ليش ماكو داعي اسولف

اسراء:على ماهر قصدج مو؟

ميسم:يي

اسراء:بس هذا جواب مو مقنع واني شفتج صح نقهرتي بس مو لدرجت يسبب انهيار ورفعت تك حاجب

ميسم:ماما ليش مد تصدگين بيه حبابه اريد انام ما الي واهس احجي والله بعدين اسولفلج كُلشِ!

اسراء: تمام حطلع اني بس بعدين اعرف اعرف يله هسه نامي أخذتي العلاج

ميسم:يي أخذته ،طلعت هي واني رأسا نمت لان العلاج بي مهدء

ثاني يوم اخذت اجازه 3ايام لان كُلش ما أكدر اداوم بعدني مابيه حيل اشيل ايدي هم مشه اليوم كوله نايمه بالفراش وماما كل ساعه تجيبلي الاكل بالاخير ما تحملت

اسراء:ميسم فضيه يله شنو الي صار

ميسم:عن شنو

اسراء: ليش اغمه عليج احجي

ميسم:يوهه ما...

اسراء:ميسم تحجين ترى والله أخذ السياره من عندج وانطيه لاخوج واخليج ترحين بالخط

ميسم:لا ماما مو هيج طبعا كُلشِ ولا السياره مالتي ،تمام بعد قبل ما اسوي لحادث جنت كُلش مقهوره وابجي وما دا اگدر احجي بس احمس بروحي ومن نضربت ضليت ابجي وصارت خوفه بيه ورهبه رجعت للبيت كل ساعه تجي بالي صورته مدا اگدر انساه من الكتمان صرت ابجي حيل إلى أن اغمه عليه وبعد ما اعرف شنو الي صار

اسراء:باوعت اله بنظرت عدم تصديق كلامه مابي ربط بس مبين على ملامحه هذا الشي عفته ونزلت طبعا ابوه هم زعلان من عده من سولفتله نقهر على حالته وحتى خطيه فلوي گاعد بمكانه وين كل يوميه يروح اله رگض من تجي من الدوام وديتله اكل مياكل يريده اله

.. ميسم ميسم وينج شو تاخرتي

ميسم:هياتني جاي ،نزلت رحت للمطبخ گعدت يمه دتسوي لحم بعجين لحسن يحبه وعشه رحت ساعدته شويه ضلينه.

صار الليل كلمن راح الغرفته دخلت الغرفه اريد انام واسمع رنه موبايل شلت المخده واني مخليته صامت فتحته وجان تجي رساله من...

امير..

..بنتكم الحمد لله عدت مرحله الخطر

عصام :الله يبشرك بالخير دكتور شلونه وضعه ؟

عبير:دكتور نگدر نشوفه؟

.. الحمدلله وضعها تمام وبس تصحه من البنج تكدرون تشوفوه وهسه حينقلوه لغرفه خاصه

امير: تمام شكراً الك دكتور

..والو العفو هذا واجبي

راح الدكتور والفرحه على وجه امي وابويه باينه اجه ايسر جان بره هم فرح خطيه وعيونه دمعت راح لهناك مسحهن واجه طلعوه من غرفه العنايه لغرفه ثانيه بدت تصحه بالبدايه تعكمش وجه بعدين گامت تحجي وتغرد ما خلت شي مضموم...

غنى:ولك امييغ؟

امير:ها ولج لصيحين ..

غنى:اميغ وينك تعال؟

امير:هاي اني يمج واگف

غنى :ولك ليش ما جبتلي اندومي ها؟

امير:ميخالف اجيبلج بعيني بس اصحي..

غنى:اريد هواي مو تصيغ بخيل ؟

امير:انعم الله عليج صرت بخيل يله شگد تردين.

غنى:اريد 5 لا هذا الحقيغ ايسغ اكلهن كلهن..

ايسر:ايا حقيره هو اني وين شفتهن حتى اكلهم .

غنى:ايسغ وينك؟

ايسر:ها اني يمج

غنى:حقيغ ليش اكلت الاندومي مالتي إذا ما اگول لاميغ يحجي ويه وحده ثلاثينيه ويگوله يغوحلج اميغ وعشيغته اذا مافضحك اصبرلي..

ايسر:هسه أنتِ شنو الي خليتي حتى تفضحني ..

امير:درت وجهي لايسر راد يطلع صحت ،هيوو وين رايح امير يروحله فدوه مو اصبرلي.

غنى: گامت تصيح ولك اميغغ ؟

امير:خليت ايد على حلگه، اشش ولج فضحتينه..

غنى:وخغغ ايدك وهاي الحمغه الي لگيته بالسياره مالتك مالتمن ؟

امير:كله گامت تباوعلي ،الله يطيح حضج غنى فضحتني واني الج اصبريلي همزين ربك دگ التلفون وإذا صديقي واني خوش أخذته فرصه وطلعت د..

امير:ها خويه بشر لگيتهم؟

..لا والله ما لگيتهم دورت عليهم سألت ماكو رحت لمحلاتهم سألت گالو عدهم أقرباء بغير محافظة ودائما يرحولهم واني هم طلع عندي معارف بنفس المحافظة خابرتهم وهم سألو ماكو اني هم ما تصرفت گلت اخابرك حتى اشوف شنو تسوي واني بالخدمه..

امير: حبيبي ما قصرت بس ممنون منك حالياً اشوف والدي شنو يگول حتى ابدي لان گال اني اتصرف وهسه اني متوقف عليه ومن اريد منك شي اخابرك مع السلامه

غلقته ودخلت مره ثانيه لا هالمره لگيته صاحيه بس تتألم راح ايسر صاح للدكتوره حتى تجي تضربه ابره أو فد مهدء لان كلش متأذيه ..

طبعاً اني واگف ومنطي ظهري للباب دخل ايسر والدكتوره وإذا اشوف ايلاف الجايه مادري شنو الي صار تخربط وضعي هي ابد ولا باوعت ولا رفعت عينه ليش هيج تسوي بعدين وجهت كلامه لابويه وگالت...

ايلاف:عن اذنك عمو تگدرون تطلعون بره حتى المريضه تاخذ راحته ..

عصام:يي براحتج دكتوره يله عبير يله امير..

امير:أبويه يحجي واني عيني عليه ابد ما رفعته وباوعتلي راحت لجهه الثانيه مال غنى وماادري شنو سوت خليت وطلعت بس كُلش ضجت ليش هيج تتصرف ويايه بعدين تذكرت البارحه اني شنو سويت اهوو هاي شلون مشكله رحت لابويه وگتله شنو گال صديقي....

عصام: خوش اني اتصرف

امير:يأبه شنو انت تتصرف هو يريدني اني الاتأذه أنت شعليك؟

عصام:امير گلت اني اتصرف واني اعرف هذوله النماذج إذا رحت انت راح تخرب الاول والتالي لانك عصبي ومتعرف شنو تسوي تالي كلشِ ما نحصل اني ادز جماعه واروح الأهل واگوله يسلمهم وإذا ما انطونه خبر اتصرف غير تصرف

امير:بس يأبه هو يقصدني ال....

عصام:أمير كافي خلص سد الموضوع هاي طلعت الدكتوره خلي نشوفه..

امير:فور دمي عصبني حيل ضجت شنو هاي ليش محسسني طفل صغير درت وجهي واني عصبي واشوفه باوعتلي خطف ودارت وجه ،وانتِ هم الثانيه مدري شبيكم اليوم هفففف راحت هيه ودخلنه مره ثانيه للغرفه لگيت غنى نايمه گلت الامي ..

امير:يمه روحي انت وابويه وايسر للبيت واني اضل يمه ميحتاج تبقون..

عبير:لا ماعوفه وحده

امير:يمه اني يمهه شنو السالفة

عبير:ماكو ما اروح اضل اني يمهه

امير:يأبه احجيلك كلمه من البارحه انتو هنا روحو شويه رتاحوا وتعالوا ما اگول الكم لتجون.

عصام:يي عبير امير كلامه صح شوفي وضعج شلون صار حتى علاج مالتج ما اخذتي خاف هم تتخربطين علينه ونصير بدال وحده بثنين ..

عبير:بس ش...

عصام :لا بس ولا شي امير موجود وأيسر هم..

ايسر:يي عادي اضل

امير:لا ما كو أحد يبقه حتى ايسر انت هم روح بأجر عندك دوام واليوم ما رحت روحو كلكم ولا تجادلون بعد كلهم قبلوا وراحوا وبقيت بس اني..

جريت كرسي وگعدت بصف غنى وخليت راسي بين ايدي وغمضت عيوني حاولت شويه انام من البارحه اني منايم غمضت عيوني طبعا اني من النوع بسرعه اكعد من النوم ابره إذا وگعت بسرعه افز واگعد.

نايم ومغمض عيوني سمعت حركه مال الكيلون الباب دينفتح بس اني نفس وضعي ما تحركت بس اسمع الباب نفتح ...

___________"

يتبع...

شلونكم بنات طبعاً اغلب التعليقات على الصوره الي نشرته سابقا تگولون امير وايلاف وهو خطأ مو هذا الثنائي

الصوره الي نشرته لميسم وسيف.

أما ايلاف وامير هم الي بغلاف الرواية بس الفرق انو الي بصوره الولد عيونه هم ملونه بس مو نفس الون المذكور من الگه صوره للعيون حنشره الكم

لاتنسون التصويت وتعليق ومتابعة للحساب بدربكم والانستا همghe.92

دمتم برعاية الله وحفظه

غدير عبدالله

"وقد كانت صدفة"

شلونكم بنات أن شاء الله زينين شوفو اليوم حنزل الكم صور الابطال حسب ما تخيلتهم بس رجاءً بدون زحف 😂😂

انشر واغني هيثم يوسف اضعف گدامك

فأنتوا هم شويه ثگلوا تمام 😂

ايلاف

امير

نفس الصوره بس العيون تختلف وهذا لون عيونه

رافد

آدم

ميسم بس شويه خشمه كبير

سيف

حسين

غنى

ايسر

مريم

ومثل ماگلت الكم نزلتهم الصور فا انتوا هم لاتقصرون بالتعليقات والتصويت لان والله كولش تعبت واني ادور الصور وحسب الوصف فا انتوا هم قدرو ا تعبي وسوو التصويت وخلي اشوف ارائكم بالتعليقات شنو وشكراً

وها اذا لگيت بعد صور اسوي جزء ثاني الباقي الشخصيات تمام

دمتم برعاية الله وحفظه

غدير عبدالله

"وقد كانت صدفة"

أحَبه هوِاي

بگد عّمري المْضى والجُاي

بگد ماتعشگ الوَردات طعم المَاي

بگد الماوفوا وياي

بگد الكَون✨

وبالكّون

وبگد النجم بسمِاي

أحبه هواي❤️...

____________________

فتحت الرسالة جان جاايني اتصال بس اني ما رديت بعدني دا اشوف الرقم جان يدك واشوف سيف يمه گلبي گام يدگ جني وحده مسويه مصيبه گمت بسرعه قفلت الباب خذت شهيق وزفير وفتحت المكالمه ورديت ..

ميسم:الووو

سيف📞الووو ميسم شلونج

📞مو بخير

📞ليش يا ستار صاير شي خوفتيني؟

📞هل درجه خايف عليه؟

📞ها لا بس دا اطمن لان وضعج ذاك اليوم مو تمام خفت يعني خاف صاير شي حتى اطمن ..

📞فهمت قصدك

📞يي ،وها بخصوص السياره كملت اذا تردين شوكت اجيبه الج؟

📞اها شكراً عادي بأي وقت مناسب الك

📞اجيبه للمستشفى لهناك؟

📞لا مو ما اداوم هل شكم يوم

📞ليش؟

📞اخذت اجازه لان شويه وضعي الصحي مو تمام ف ما أكدر اداوم

📞يعني انتِ صدُك تحجين يعني من اگولج شبيج تگولين ما بيه شي

اسمعه يحجي ومن فعل اني من يمي نصدمت من رد فعله بعدين گال..

📞اسف شويه نفعلت بس والله نصيحه مني الج لتهملين صحتج على شخص باعج وما قدر حبج اله نصيحه دا احجيلج عن تجربه عشته وسببه الحادث الي صار وأنتِ تعرفين شلون جان وضعي فا ارجوج كملي حياتج عشيهه بأدق تفاصيله تره احنه نعيش مره وحده مو مرتين حاولي تصيرين انسانه ثانيه انسانه نولدت من جد وجديد من بعد تجربه علمته هواي امور جانت غافله عنه..

اسمعه يحجي وشي ديحفزني لكلامه لان كلامه عباره عن طاقه ايجابيه

📞 الصراحه شكراً لك وما اعرف شنو اگول كلامك جداً محفز بس عندي سؤال اذا تگدر تجاوب جاوب وإذا متگدر عادي لتجاوب

📞 عادي اسالي!

📞ما اعرف اذا يمكن حيأثر بيك أو لا شوف اني ما اعرف شلون أصيغ السؤال بس حگوله كوله..

📞ههههه يله گولي شنو هو سؤالج؟

📞 عندي الفضول اعرف منو هي نور وشنو سبب الحادث مالتك الصراحه ضل بالي هذا الاسم وإذا متكدر عادي براحتك..

سكت صار هدوء بعدين سمعت صوت جداحه صحت الووو تسمعني

📞يي اسمعج

📞هاي شنو انت تشرب جگاير؟

📞يي ليش

📞صدُك تحجي داده مو زين انت شبيك مو ستوك مسوي حادث وتشرب جگاير.؟

📞يي اصلا عادي اول ما طلعت من المستشفى خلصت باكيك اصلاً هن الي صبرني على جاي اعيشه هسه ،واسمعه سكت يعني جاي يسحب نفس

📞 والله مادري شنو اگولك يي المهم تجاوب على سؤال لو لا

📞يا بويه ولا تنسه اوفففف اوف شهيجتيني هسه شوفي، اني.... وهذا الي صار

📞اسمعه يحجي واني ابجي من خلص كلامه گتله ببجي يعني عافتك علمود الفلوس..

📞 هاي شنو دتبجين ؟

📞لا

📞 تمام ،والله ما ادري لان حسب الي ادري انو اني ابد ما قصرت عليه بشي ابد لا هيه ولا إخواتها وساعدته بكلشِ وأكثر ما تتصورين حتى اني الي مشيت بتسجيل  الكليه مالته وحتى خط اني خليت اله وكله مني لبسه كله كله شنو الي تحلمي بي سويته اله ومابخلت وياه بحاجه ،جنت احبه حب متتصوري ميسم شگد وكل هذا ما جنت محصل منه بس لشلونك.

المهم ما اطول عليج  السالفة كله هذا الي سويته تالي هذاك الاسبوع عرفت صدفه وعن طريق صديق الي معيد بالكليه مالتهم طلع الدكتور مالته متعرف عليه ومتزوجه وراح لغير جامعه ما اعرف محافظة وماخذه وياه..

بعد تردين تسمعين لو لا؟

📞لا وشكراً الك كُلش هواي اسفه لأن ذكرتك بيه بس تعرف الفضول يقره الف عندي تصبح على خير

📞 هههههههههههه لا عادي وأنتِ من أهل الخير يا الخير كله

(تره الحجي كله الواتساب مو عالرصيد)

غلقته من عنده وضليت افكر بقصته يعني اكو هيج ناس ضعيفة نفس كُلشِ تسوي مقابل الفلوس وهو خطيه شنو وضعه من عرف شنو الي صار بعدين غلبني النعاس ونمت.

مر يومين عادي اليوم الي بعدهم گعدت الصبح احسن بهواي من الي قبلهم احس كولي نشاط وطاقه مو مثل قبل ما احس بهذا الشعور، أما اليوم لا گعدت الصبح سويت ريوگه گعد بابا هم تريگ ويايه خلصنه گلت اله ينتظرني حتى يوديني للدوام لان سيارتي بعده ما جابه سيف من هذاك اليوم وبعد ما اتصل ..

واستحي اخابره بدألت وكملت اني ودا الف الشال حبيت اغير من شكلي حبيت اخلي گحل يبرز عيوني الي يميزني دوم دا اخلي بالكحل وصفنت على شكلي وين جنت وشلون صرت احس شخصيتي قوت وهرمون الغرور صعد عندي صرت ابوس نفسي بالمرايه و احجي وامدح بروحي..

..من يرحون فدوه لميسم الحلوه ..

طلعت من الغرفه وصرت امشي على الدرج بس ويه كل درجه أنزله بحذر جنت احجي بيني وبين نفسي ..

كل ما أنزل درج اكون حذره حتى لا اوگع وهسم هم لازم اكون حذره باختيار العلاقات حذره باختيار الأشخاص الصح حذره بالطيبه ويه الناس الزينه والموزينه حتى خاف وان يجي يوم لا اوگع أو أعثر برجه من هاي الدرجات ،لحد ما وصلت لنهايه الدرج بسلامه وهيج لازم اكون حذره وصفحت ماهر نطوت وانا كملت بسلام ...

ايلاف

بعد ما اجه عليه رافد صعدت ومشه هو بالسياره سأل..

رافد:ها شبيه ميسم ليش اليوم ما اجت ؟

ايلاف:اسكت غير خطيه مسويه حادث بس الحمدلله عدت سلامات بس من راجعه من وره الهبطه مغمه عليه وحالته حاله وضليت اسولفله على الحادث..

رافد: معقوله هاي كل عقله تسوي هيج ادري يعني وإذا عافه مو تسوي هيج وتأذي نفسه..

ايلاف:اگولك اسكت يعني تره الي سوا مو شويه اله تخيلل الي صار وياها يصير وياك شنو حتسوي مراح تنقهر مراح تتأثر..

رافد:اكيد أتأثر بس مو لدرجه اسوي هذا ال...

ايلاف:اكول اسكت انت تره مو زين ما صار بيه شي يعني شخص متعلق بي وتحبه ويهتم بيك فجاه تشوف كل هذا الاهتمام صار من نصيب غيرك شنو الي يصير طبعا تتاذه..

رافد:وهسه شلون وضعه صار؟

ايلاف:تگول احسن بس اني اعرفه ابد مو زينه بس تمثل علينه هيه بخير..

رافد:ديري بالج عليه وخاص هسه وضعه كُلش حساس حاولي تلهيهه حاولي تغيرين جو عليه ونسيه ..

ايلاف:اكيد اني وياه ،سكتت بس نصدمت من رافد اول مره اشوفه يحجي بخصوص بنيه لان من طبعا ابد ميدخل بس ما اعرف شنو الي صار حسيت مجرد احساس لا اكثر اكو شي اتجاه ميسم بعدين حاولت اشتت بالي يجوز احساسي خطأ ،وصلنه للبيت مره اليوم عادي .

ثاني يوم هم وصلني رافد وصلت للمستشفى بصمت ودخلت مارست نفس الروتين صارت الساعه تقريباً١:٠٠ظهر

رحت لدكتور طلبني حتى اشوف مريضه سوت عمليه اكشف عليه اشوف وضع جرحه ...

وصلت الغرفه ودخلت وجان اشوف امير وأهله  بعدين عرفت المريضه اخته طلبت من عدهم يطلعون بره بس ابد ما باوعتله ولا درتله بال شفته وضعه نطيته ابره مهدء خلصت وطلعت لگيته ديحجي ويه ابوه اجه ابوه حتى يسألني ..

هو دار وجه هم مادرت بال شفته من طلعت مبين كُلش عصبي عفته ورحت كملت شغلي رحت لغرفتي شويه ارتاح واصلي بعدين مرت جم ساعه رجعت للغرفة دخلت واشوف ماكو احد بيه بس هو موجود ومنزل رأسه ضليت شويه صافنه عليه سديت الباب وتوجهت للجربايه قبل ما اوصل جان يرفع رأسه اني تجاهلته  وجوده ودرت وجهي وصرت اعدل بالأجهزة اشوف المغذي خلص حتى اشيله بعد ها هيه دا اشتغل وحسيت بي گام وگال..

امير:يي دكتوره شلونج؟

ايلاف:مدرت بال ارد لان اني بمكان شغلي ما مجبوره ارد على اسئله متعلقه بيه أما إذا سأل عن حال المريض يي اجاوب..

امير:عصب وگال شلون صار وضعه؟

ايلاف:لا هنا تطلب ارد، زينه بس يخلص المغذي حتى أشيله،خلص شلته درت وجهي وعبرته اريد اطلع جان يجر ايدي حيل ..

امير:مو دا احجي وياج ليش متردين؟

ايلاف:يحجي هو واني دايره وجهي عصر ايدي حيل كو

ُلش اذتني نترته حيل وطلعت جان الباب مفتوح طلعت وسديته حيل صار صوت قوي ومشيت بسرعه..

احس گلبي يدگ حيل رحت لغرفتي دخلت وسديت الباب گعدت على الكرسي وبعده گلبي يدگ شفت ايدي حمره واصابعه طابعه عليه اوف يا ربي اني شلون بتليت بواحد غريب بس لو اعرف شنو يريد من عندي جان رتاحيت مدخل نفسه بكُلشِ ياأخي انت منو حتى تسوي هيج اخويه ميدقق مثلك ضليت اسولف ويه نفسي وجان تقتحم الباب ...

امير

عافتني وراحت ردت اطلع وراه والزمه اگضي بيه التوبه شلون نترت ايدي هيج وبكل عين صلفه هو محد عم عليه غير گلبي الاغبر حبج،ستوقفني صوت غنى...

غنى:عوفه لتغوح اله من تهدء يالله مبين انت مضايقه كُلش!

امير:غنى ورحت اله، شلون صرتي احسن مو الحمدلله خوفتينه عليج هواي حتى ايسر گام يبجي عليج..

غنى: الحمدلله احسن بس شويه دا اتأذه وگامت تعدل گعدته..

امير:على كيفج شويه شوية خليت المخده وراه ها احسن هسه..

غنى :يي احسن

امير:تمام

غنى:اميغ هي هاي؟

امير:منو هي؟

غنى:الي لگيت حمرته بالسياره..

امير:يأبه أنتِ شبلتيني بالحمره حتى وأنتِ بالبنج وگلتيه وفضحتينه

غنى:گول والله

امير: والله ما خليتي واحد ما فضحتي لو شايفه ايسر شلون صار خطيه

غنى:عزه بس لاگلت على ...

امير:يي خويه كله درت

غنى:هههههه اخخخ

امير:ها شبيج؟

غنى:لا بس شويه وجعتني هسه گول هي ام الحمغه؟

امير:اهوووو يي هيه فضينه

غنى:بس تدغي

امير:شنو ،وعگدت حواجبي؟

غنى:خوش لگطه والله وصرت تلعب بذيلك ياموغي

امير:ولج احترمي نفسج والله لو ما مريضه جان عرفت شلون اادبج.

غنى:قابل مكذبه صدُك حلوه وخاصه عيونه،اشوفه بتسم ها خويه وين وصلت بشر.

امير:يعني مريضه وبيه بله يله رتاحي خلي اشوف الدكتور شوكت نخرجج

غنى:يي والله كُلش لعبت نفسي ما اريد اضل

امير:تمام يله اني رايح رايده شي

غنى:يي حباب اغيد ماي لان كُلش عطشانه.

امير:هو اروح اسأل الدكتور اشوفه يصير ننطيج لو لا ،طلعت بره اشوف الدكتور حتى اشوف شوكت نخرجه وصلت سألته گال ..

..يي يصير تشرب ماي بس نخرجه لا بعد لازم نتأكد من الجرح بذيج الساعه تگدرون تطلعوه..

امير: تمام دكتور شكرا

مريم:اتصل على غنى جهازه مغلق ياربي بس لا صار اله شي حتى دوام مداومت اليوم واگفه بالسنتر دا اخابر عليه ماكو مترد جان اسمع واحد يگول..

...شو غنى اليوم ماكو؟

درت وجهي واشوف حسين

مريم:يي ما اعرف شنو صاير من البارحه اتصل عليه ماكو واليوم هم ما اجتي للدوام كُلش خايفه خاف صاير اله شي..

..ليش شنو الي صار ؟

مريم:مادري دقيقه هذا تلفوني يدوگ ،يي هاي هيه رديت

..الوو غنى وينجججج خوفتيني عليج ليش متردين يا حقيره

ايسر:العفو منج اني اخوه للحقيره

سمعت هيج يبووو عليج مريم شلون فشله عزززه رديت

..ءءالعفو بس غنى وين من البارحه اتصل ومترد خو مصاير شي

... والله غنى بالمستشفى البارح....

..شلون شبيه شنو الي صار عفيه احجي شبيه غنى وليش بالمستشفى

... دقيقه شبيج الحمدلله وضعه احسن هسه

..ليش شنو الي صاير اله

... البارحه صار رمي على البيت وهي نصابت بوحده من الطلقات ونقلناه للمستشفى

..يا عمري وهسه شلون وضعه ؟

... لا الحمدلله احسن

..يصير اجي واشوفه ؟

...يي عادي العصر تعالي

.. تمام شكراً كُلش اعتذر منك مو قصدي صارت بوجهك

...لا عادي ما كو اشكال يله اني اروح

غلقته درت وجهي على حسين اشوفه يروح ويجي ومبين متوتر من شافني نهيت المكالمه گال...

حسين:ها شبيه احجي ليش ماخذيه للمستشفى؟

مريم:سولفته على وضعه ضل يسب ويلعن ،اني حروح اله بس يخلص الدوام بس كون اشوف السايق يقبل يوديني لو لا

حسين:اني اوديج إذا ما قبل

مريم:بس شلون هسه شنو يكولون أهله اني صدقته ميخالف انت بصفتك منو ..

حسين: ميخالف اهم شي اروح اشوفه شلونه بأي طريقة

مريم:بس شلون؟

حسين:اني اروح لان بنت عمي هناك دكتوره ترحين ويايه لو لا؟

مريم:يي اروح بس خلي اكول للسايق

حسين: تمام

خلص الدوام ورحت السايق گلت اله ما اروح اريد اروح لصديقتي بالمستشفى گال ..

..زين بابا گلتي لاهلج لان بيه مسؤولية شلون ترحين؟

مريم:يي هسه حخابرهم

أتصل على ماما گلت اله حروح بتكسي لان السايق ميگدر يوديني واخيرا وافقت بعد معاناة

رحت لباب الجامعه لگيت حسين واكفلي بسيارته

صعدت وره ومشه وصلنه للمستشفى نزلت اني وحسين رحت سألت عن رقم الغرفه اخذت رقمه گال حسين ..

حسين:اني اروح لبنت عمي بلكي تگدر تدخلني وأنتِ روحي اله خوش ..

مريم: تمام

رحت بسرعه للغرفه جانت غرفته ركن فاني ودا أمشي جان انضرب بواحد صرت بصدره بعدت گلت ...

مريم:العفو اسفه مو قصدي..

ايسر:لا عادي مصار شي

مريم :وصلت للغرفة دخلت واشوف غنى نايمه اول مشافتني گالت ....

غنى:مغيم

مريم: واني من شفت مسيطرت على دموعي بجيت ،يعمري شلونج شلون صرتي؟

غنى:مغيومه ليش تبجين هياتني مصاير شي حبيبتي

مريم:يا حقيره خوفتيني عليج ،وحضنته على كيف

غنى:ما توقعتج هلگد تحبيني؟

مريم:ليش ما احبج غير صديقتج اني لو ما غنى أم نص للسان اني شلون اعيش

غنى:هههه يا حقيره والج ما اگدر اضحك

مريم:دا اضحك وجان يدخل...

____________________

يتبع.....

شلونكم حبايب احوالكم كولش اعتذر عن التاخير لان والله اليوم اجونه خطار وستوني يالله گعدت اكتب وهوس كولش،وها شلونه الصور مو يشگون شگ

بس بنات الي يردون صفحاتهم طبعا ولا واحد اعرف حسابه لان الصور شفته بيجات أخذتهم وقارنت بينهم وبين المواصفات ونزلتهم يعني لسألون فدوه لان كولشِ ما اعرف عنهم

لاتنسون التصويت وتعليق ومتابعة للحساب بدربكم والانستا همghe.92

دمتم برعاية الله وحفظه

غدير عبدالله

"وقد كانت صدفة"

وحالف لو

اشوفك جاي

أمد شوفي ع

طولك ماي

اباوعلك لحد

ماكون

كلك تنگلب

شفاف

من ابعيد

ألمسك

شوف اخلي

بداخلك

احساس

اول مره چن

تنشاف،،،،

__________________

رجعت لغنى لگيت ايسر موجود گتله...

امير:ها شو اجيت؟

ايسر:يي مو امي گالت ودي لاخوك غده مماكل من أمس وهاي جبته الك..

امير:يي والله كُلش جوعان يله تعال خلي ناكل اني وياك بس غنى مو هسه تاكل لان الدكتور گال بس تشرب سوائل بعد مو هسه..

غنى:اصلا كُلشِ ما أشتهي اكل لعبانه نفسي من الاكل والمستشفى كله..

امير:تحملي ما بقه اله القليل وتطلعين أن شاء الله،گعدنه ناكل اني. ايسر بعدين گال ...

ايسر:صدُك غنى اليوم صديقتج اتصلت عليج هواي بعدين رديت عليه گالت يمكن تجيج العصر..

غنى:منو مغيم؟

ايسر:ما اعرف يمكن هيه ومبينه خايفه عليج.

غنى:يا حياتي

ايسر: اگول حلوه لو لا وجان تجيني ضربه من وره على راسي من امير

امير:انت وتالي ويك متبطل سوالفك التعبانه

ايسر:يااخي انت شلك شغل واصدك انت ماكو ما عندك منا منا وشفته باوع لغنى وهي هم ،هاااا شوف الخيانه يعني اكو يله گول منو هي..

امير:كافي يله خلص حتى تروح

ايسر:يي يي غير الموضوع غيره اليوم الخبر بفلوس بأجر بلاش يله اني اترخص رايدين شي

امير:لا تعال اوگف تذكرت اني اروح للبيت ابدل ملابسي وارجع وراه روح انت

ايسر:يله ماشي

امير:لم هو الاكل واني رحت للحمامات غسلت وطلعت رحت البيت لگيت امي بالمطبخ وابويه بغرفته صعدت غسلت وبدلت گلت لامي اريد ملابس لغنى گالت من اجي اني اجيبه ويايه گتله تمام ورجعت مره ثانيه تقريبا راح يصير المغرب دخلت الغرفه ايسر گاعد ويلعب بتلفونه وغنى نايمه گتله ...

امير:ها يله تروح؟

ايسر:بعد وكت ما بتت احسن الك خاف المره متقبل تطلع تغار عليك

امير:هسه شنو اسوي اضحك مثلاً

ايسر:لا كركر يله اني رايح مع السلامه

امير:الله وياك،راح صليت وضليت گاعد على التلفون قريب ال9 دخل أبويه وامي جانت جايبه ملابس لغنى بدلت اله بعدين اجه الممرض گال لازم تمشي شويه تحرك جسمه ميصير تبقه خامله ...

مشيناه اني منا وامي منا خطيه متگدر العمليه تأذيه بالاخير گامت تبجي رجعت گعدت وهم ضربه ابره مهدء ياله صارت احسن گلت لامي انو تروح بس مقبلت إله تضل اني هم ما اصريت عليه بقينه بس اني وياه نبات وابويه راح مشه الوكت صار نص الليل ما أكدر انام مو مكاني بعدين مادري شلون ونمت.

گعدت الصبح على صوت سوالف بس ما فرزنت الصوت منو گعدت واشوف الوجه الحسن يابويه واحلى صباح بحياتي هي ما نتبهت بويه ليوم لابسه اخضر غير يموت عليه لو هي تلبس لاخضر لو محد فركت عيوني خاف احلم لا والله هاي صدك گمت على حيلي وهي تسولف ويه الممرضه على وضع غنى هم دتسولف على موضع الآلم وين رحت يمهم هي دارت وجه گلت اله ...

امير:دكتوره وهسه نگدر نخرجه

ايلاف:يي تگدرون بعد ما تطلع الاشعه سالمه بهذيج الساعه تكدرون تطلعوه هذا الحجي تحجي ومدنگه ما اعرف شنو تكتب بالسجل ...

امير:حاولت شويه اضايقه وگلت اله،شكراً ايلاف تعبناج

هيه شالت رأسه باوعتلي وبعدين نزلته ،يابه شنو هل غرور الي شايلته هل بنيه اول مره اشوف هيج شخصية واني سحلت روحي سحل بسيطه اذا ما اخليج أنتِ تجيني بنفسج وتعترفين فلا اطلع المحامي امير بسيطه

(تسريع الأحداث)

گاعدين كل احنه وعمامي وعمام والدي وسيف وأبو وبعد شكم رجال من جماعته أبويه وشيخ عشيرتهم وناس معگله من عدهم وبعد شيوخ من غير عشاير ،بعد ما ودينه جماعه يسلمونه ابنهم وما انطونيا بعد ضلت مشادات بينه وبينهم بالاخير طلعوا من جماعت الفصول والثارات طلب أبويه نروح الهم..

رحنه لشيخ العشيره مالتهم اذا ميسلمونه الدوله هي الي رح تدخل مو احنه هم من سمعوا السالفه بيه دوله گال شيخ عشيرتهم...

...يأبه ماكو داعي ندخل الدوله احنه نحله بيناتنه احسن وشتفصلون احنه نلبس بس لا تدخلونه الدوله بينه ويوم كذا تعالو تفضلو بمظيفنه ونحله بيناته وان شاء الله هم ماكو عدكم اشكال ،رد والدي...

عصام:مشكور شيخ والنعم من اصلك ماطول هيج احنه قابلين .

واليوم احنه گاعدين بمظيفهم ما قبل أبويه يضيفونه اله بعد ما ناخذ الي نريده ضل شيخهم يحجي سكته أبويه بعدين بده شيخهم يحجي اقوال وايات قرآنيه وهاي ضل يسولفنه على قصص بعدين گال ...

..يا ابو امير تفضل شنو الي تريده بالضبط واي شي تحت امرك تفضل

عصام:تسلم شيخنه ما قصرت ونعم من اصلك والله ياشيخ احنه نريد تسلمونه ابنكم لان اجه وتهجم علينه وعلى حرمت بيتنه وجان مابي اي واحد من عدنه يعني هذا شنو تسمو مو تعدي على حرمت البيت وبقانونك بقانون العشائر مو يصلح القتل يي لو لا انت جاوب شيخنه؟

..يي خير ما گلت يبو امير تفضل كمل...

عصام:يي شيخ احنه نريد الي تعده علينه لو نضل نطلبكم ثار وتالي يروح بيه الفقير فا الاحسن تسلموا النه قبل متصير السالفه غير شكل؟

..ما اعرف شنو اگلك يبو امير وأنه اعتذر منك على الي صار بس يا خوي انت تدري وانت يمكن رحت وشفت الولد ماهو شارد وحتى احنه إذا ردنه ندور فمندري وين راح وأبو رجال فقير ما يگدر يسوي اي شي ماعده بس هل الاثنين من الولد واحد بالسجن والآخر شارد !

امير:مره خصتك بويه زين هو معقوله ولده كُلشِ ميدري عنهم ليش واحد بالسجن والثاني شارد ما سأل زين ميعرف شنو الشغل الي ديشتغلوا هم تعرف انت؟

..غير يشتغلون بمحلات مال انشائيه!

امير:ههههه والله شيخ اعذرني وانت مصدك يشتغلون هل شغل زين لعد ليش نسحگ الطفل؟

..مو هو الي سحگه هو الطفل صار گباله ونضرب الله يرحمه!

امير:منو گال؟

..شنو منو گال غير هي هاي السالفه الي سمعناه من ابوه.

امير:هااا ابو زين تدرون هو الاخ جان متعاطي مخدرات يعني بالعاميه مكبسل لو تريد بعد أوضحه الك ،هم وجوهم كله صفورت بعد ميعرفون شنو يحجون راد يحجي شيخهم ..

.. وش...

..وأخو الي تهجم على بيتي هم جان يشتغل ويا نفس الشغل وكذالك يتاجرون بيهن معقوله ابوهم مجان يدري هاي لفلوس الي جاي تجي من وين ومن منو زين هسه هو وينه انت تدري؟

.. مسافر لفلان محافظة

امير:لا خطأ شارد ويه ابنه وصلتني اخباريه عنهم تريد بعد اشرحلك لو لا واذا تريد هم عندي ادله تثبت هذا الشي بس اني من استلمت القضيه ما گدرت اشهد ضده لان هو موكلي اكيد رح يأذيني والي يشتغل هاي الشغله اكيد عنده ايد طويله تمده قابل مو بلوشي ،ضل يودون بالسالفه ويردوه وناس ترفع وناس تكبس..

امير:وإذا ما سلمتوا بمجرد اتصال واحد واحد هم اكدر افتح القضيه واخليه بدال ما عشر سنين ينسجن مؤبد واحتمال ياخذون واحد من عدكم يحجزوا علما يلگوا ها شنو تگول عقيد عصام ؟

هم كله صفنت بعد ميعرفون شنو يحجون وشيخم ضل ساكت...

.. والله ما اعرف شنو اگول واعذرني عقيد عصام ما عرفتك بس والله ما ادري وينه وشنو الشغل الي يشتغله وهاي الله شاهد عليه ستوني عرفت من عدكم وبعد ما عرفت وهاي گدام الكل أنه اتبره منهم والعشيره كله تتبره منهم وإذا تردون ما عدنه غير ندفع فصل لان ما عدنه غير هذا الحل شنو تگول....

عصام: لا يا شيخ اني ما اخذ فصل بس ابنكم إذا وصل للبيت أو عتب المنطقة يصير غير كلام ..

...لا شلون لازم تأخذ انت راح تفشلنه بكرمك..

عصام:لا يشيخ معروف عن كرمك انته متقصر ،يله يابه احنه نترخص .

...لا يبو امير وين؟

عصام:لا شيخ احنه نروح هم يالله الأهل وحدهم بالبيت وخاف يصير شي مره ثانيه.

..لا ميصير لازم تتفضل على السفره هاي جهزوا الاكل ميصير تطلع وحتى گهوه ما شربت ميصير وانت تعرف معناه هاي تدخل مضيفنه ما تشرب الگهوه يعني احنه مو زود ومو كفو..

عصام :لا محشوم شيخنه يله احنه نتوكل يله بويه امشينه ،طلعنه واحنه ورافعين رؤسنه بعد ماتفشلوا گدام باقي العشائر .

ايلاف

وجان تقتحم الباب شهد وتدخل اجت گالت...

شهد:ها شكو شنو صاير شبيج شفتج شلون سديتي الباب حيل شكو؟

ايلاف:ماكو شي.

شهد: عيني هذني سوالفج مشيهن على غيري مو عليه احجي شكو..

ايلاف:تتذكرين هذاك الي ذيج المره شفتي بالغرف.

شهد:يي هذا ابو عيون المحامي يي شبي؟

ايلاف:يي ابو عيون داده جزعني موتني وين ما اروح الگاه گبالي تخيلي حتى بحياتي گام يدخل لعبت نفسي منه..

شهد: داده خاف يحبج

ايلاف:اني وأشرت على نفسي يحبني هو شنو شاف مني حتى يحبني

شهد:شنو الي دراج قابل انت گاعده بگلبه والله هاي لو اني منج أجلب بي بديه ورجليه هههههههه وجان تضربني اوووي شبيج

ايلاف:احترمي نفسج ولدگولين هيج

شهد :هاا غرتي حوبي

ايلاف:لا ماغرت وعلى شنو اغار اصلا ميسوه اغار عليه

شهد:لا لا اصلا كُلش متغارين هههه.

ايلاف:ننننن ،وجان تندگ الباب صحت من اجاني صوت ولد فتح الباب وإذا حسين..

.. هلا حسين شدتسوي هنا خير خو ماكو شي؟

حسين:هلا بيج لا ماكو شي بس رايدج بشغله ممكن ..

شهد:يله اني اروح اكمل شغل بعدين نكمل وراحت

دخل حسين گعد وكال...

حسين: شوفي اني اجيت على الله وعليج اريد من عندج شغله بس كون محد يدري.

ايلاف: تفضل شنو هي الشغله؟

حسين:شوفي هي..... ها شنو گلتي

ايلاف:اممممم طلعتوا كلكم تحبون واني استر عليك يله ميخالف بس بشرط

حسين:موافق اي شي تردي

ايلاف: تمام اريد اندومي تشتريلي فد خمسه وبيتزا وببعد شنووو ها ويا صاج وببسي..

حسين:خوش قطه يله موافق بس كون تسويلي الي أريده حبابه

ايلاف:ماشي يله گوم..

حسين:ها نسيت اگلج بيبي هواي دتلح حتى تجين عود ليش مدا تجين؟

ايلاف: والله شغل كومه عندي أن شاء هاي الجمعه اجي هم اريد اشوفه كُلش مشتاقتله..

حسين:يله تمام

غنى

دنسولف اني ومريم وجان يدخل ايسر علينه من شافنه راد يطلع صحتله...

غنى:ايسسغ تعال ماكو احد هاي صديقتي ..

ايسر:لا ضلوا براحتكم اني طالع..

غنى: راح هو ،ضلينه نسولف اني ومريم على الدوام والمحاضرات وهاي وجان تندگ الباب وتدخل الدكتوره نفسه وياه دكتور واحد والصدمه هذا الواحد طلع حسين لابس ملابس دكتور وجاي وياها ضلينه اني ومريم وحده تباوع للخ هذا شديسوي دخل هو وگال...

حسين: الحمد لله على سلامتج غنى شلون صرتي أن شاء الله احسن

غنى:بعدني بالصدمه وجانت تحجي مريم

مريم:داده الولد ديحاجيج شبيج .

غنى:ءءا الحمدلله بخيغ الله يسلمك بس شلون دخلت بذني الملابسك وشدسوي هنا .

حسين: والله اجيت اشوف بنت عمي دكتوره ايلاف وهم گلت أمر اتحمد على سلامتج ..

غنى:هااا شكراً مقصرت تسلم

مريم:اباوع لحسين هذا شنو ديحجي لعد منو الي خلص نفسه بعدين من راد يطلع اشرلي اجي اني هم ترخصت وطلعت صحت حسين داره وجه ...

حسين:هااا

مريم:تمر لبنت عمك لعد منو خبص نفسه واني اروح وإذا مترحين اروح وحده؟

حسين:يي هو جنت دا اريد اروح لبنت عمي عندي شغله وياه وهاي هيه خلصت السالفه يله ترحين اوصلج

.

مريم: يي هسه بس اجيب جنطه مالتي واجي ثواني ،رحت للغرفه خليت ايدي على كيلون الباب دا انزله وجان ينزل وحده وتنجر ايدي اني ولازمه كيلون الباب ردت اوگع جان يلزمني واحد من متوني ويصيح ..

ايسر:الله الله على كيفج

مريم:گمت وگتله العفو مادري اسفه اني

ايسر:لا عادي مصار شي اني لي اسف اني سحبت كيلون الباب

مريم:لا عادي بس ولو تصير زحمه اريد افوت اخذ جنطه مالتي جوه.

ايسر:يي دخلي براحتج

مريم:دخلت أخذته وسلمت على غنى وطلعت لحسين وصلني للبيت وراح ..

غنى:بعد ما ضليت بالمستشفى يومين ويمكن ذني اطول يومين عشتهم بحياتي لعبان نفس اصلا، واخير هسه اني بالبيت وعلى جربايتي بس شويه ما اگدر أمشي لان العمليه كُلش تأذيني هو نطاني الدكتور علاج وهاي بس من ادنگ شويه تصير توجعني .

منتظرين بابا وامير يجون واحنه گاعدين على نار اريد اعرف شنو الي صار لگوا لو بعدهم صار ساعه وهم بعدهم ماجايين وماما ختمت القرآن وهم ماكو صار ساعتين على طلعتهم وهم ماكو نتصل عليهم محد يرد اتصل على ايسر يفصله ياربي شنو الي صار بعد 3ساعات ياله اجوا بس اجو الوجه متتفسر امير صعد لغرفته ايسر هم بابا هم وماما تفتر وراهم تريد تعرف شنو الي صار محد يگول واني گاعده على التخم ما اگدر اتحرك بعدين راحت ورا ايسر لغرفته ماكو اي صوت بعدين...

ميسم

خلصت كُلش نزلت لكيت بابا ينتظرني ركبنه اني ويا السياره وصلني للمستشفى وراح دخلت بصمت ورحت لغرفتي لكيت ايلاف تفاجئت من شافتني ما گلت اله اليوم اجي گالت...

ايلاف:لا هاي أحله مفاجئه حبيبتي ،وشبگته

ميسم:عمري أنتِ شلونج احوالج ها شلونه المستشفى بدوني اكيد وحشه مو ؟

ايلاف:تردين الصراحه يي والله كُلش مو حلوه وجان تجفت علينه وتگول...

...يي وحشه مو لعد واني مو وياج يوميه تنفخين راسي من سوالفج ارجع للبيت أخذ حبايتين بندول من وراج وتگول وحشه يا ناكره.

ايلاف:هههههه لا حبيبتي شهود غير أنتِ الخير والبركة هو لو ما أنتِ منو يتحملني

شهد: اجيت احضن ميسم الحمدلله على السلامه حبيبتي ،ايي هيج احجي من البدايه يي تعالي سولفيلي بعد ما راسلج المحامي ابو عيون؟

ميسم:لحضه لحضه هاي شنو صايرات دهن ودبس واني ما ادري يي وشبي المحامي ابو عيون شنو اخر انجازاته بالله اتحفوني ..

ايلاف:لا والله ماكو شي بس ذاك اليوم...ياختي لعبت روحي وين ما اروح الگا گبال وجهي .

شهد:شوفي شوفي هذا الي يزيح النعمه بايده وين تلگه أحد هيج يركض وراه بهذا الزمن ..

ميسم:لا ميصير اني اتفق ويه ايلاف لان اذا انطته مجال يتماده أكثر يي احسن تجاهلي لو يريدج من صدُك يجيچ من الباب ومو يسوي هاي السوالف ،وگامت تقلد بصوت ولد ،والله حبيبتي اني اغار عليج من الهوه الطاير ..

شهد:هههههه خرب ببليسج عيديه الله عليج

ايلاف:هههههههههه متتت

ميسم: والله قابل مكذبه هسه ،يله كلمن على شغله كافي سختنه هواي بعدنه ديحجي ودخل علينه...

_____________________

يتبع...

رمضان كريم عليكم حبايبي 🌙

إن شاء الله ينعاد عليكم بالصحه والعافيه

شلونكم احوالكم طبعا هواي دخلولي خاص حتى يصير التنزيل يومي يا بنات والله مدا الحگ يعني صيام ودوام ومن غير هوست الفطور طبعا رح انزل الكم بارتين لو تلاثه واوقفه للقصه وره رمضان أن شاء الله ابدي انزل الكم

لاتنسون التصويت وتعليق ومتابعة للحساب بدربكم والانستا همghe.92

دمتم برعاية الله وحفظه

غدير عبدالله

"وقد كانت صدفة"

- كونَ تنباع السوالف

شَكو حچايه تَحبهَا

أروح آنه أشتريها

وأشتريلك كُل أحبَك

بايَته بحلگ أخرس وما حاچيّ بيهَا .

___________________________________

گاعدين اني والبنات ودخل علينه ممرض گال...

.. دكتوره ميسم دكتور علي يريدج!

..ليش يا ستار؟

..مادري والله

..تمام جايه،رحت الدكتور دخلت الغرفه گعدت جان يگول..

.. الحمدلله على السلامه دكتوره گالوا مريضه؟

ميسم: الله يسلمك دكتور يي والله بسبب ضغوطات نفسيه

..اهااا يله تصير ماكو احد بينه ما عنده ضغوطات نفسيه ومره ثانيه الحمدلله على السلامه ....وضل يسولفي على باقي أمور تخص الاجازه ..

طلعت من عنده رحت اكمل شغلي شويه وصلت حاله مرضيه طفله خطييه مجروحه بالسجينه وشويه جرحه عميق يحتاجله خياط وهي تفرفح من البجي اريد الزمه اضربه ابره تخدير ما اگدر بالاخير لزمته أمه وضربته وهي تبجي خيطته اله وهي على نفس البجي بالاخير من خلصت اله نامت من كثر التعب هاي لو شافته ايلاف يمكن تگابله وتبجي ابد متتحمل هيج مواقف وخاصه اذا جان طفل .

غنى..

واسمعه گامت تصيح ليش ما خذتوا ليش ماشتكيتوا عليه وتصيح وايسر يهدء بيه بس يريده تسكت بعدين نزلت راحت البابا وايسر يمشي وراه ويگول..

ايسر:ماما عوفيه مو هسه تحجين وياه كلشِ مو وقته .

عبير:شلون مو وقته ها گولي لمن يجي يتهجم علينه مره ثانيه ويروح واحد من عدنه يالله بذيج الساعه نشتكي وجان يطلع بابا ويصيح...

عصام:شبيج تعيطين ها شعندي جنج وحده عايق متستحين ولدج بطولج وصيحين شكو واذا ما شتكينه شنو الي صار هو بس دخلي يوصل للمنطقة غير اهده فوگ روسهم يعني اني من ساكت عبالج عفتهم هاااا لا ما عفتهم واني ادري كُلش زين يدرون بمكانهم بس محد يحجي كافي سُكتِ من اجيت لي هسه وأنتِ تنگين ،عافنه وراح بعد ما صار احمر من العصبيه دخل ورگع الباب وراه رد ايسر ...

ايسر:ها رتاحيتي من خليتي يعصب گتلج مو هسه تحاجي هاج ستلمي ..

عبير: احترم نفسك ولتگولي هيج تره اني امك فتهمت لو لا ،عافه وراح نزل امير مغير ملابسه وطلع صاحت ماما عليه ما رد عافه وراح صار الليل كلمن بغرفته حتى كل واحد اكل بغرفته اصلا كله طالعه امير وايسر طالعين وبابا وماما ما اكلوا بس اني سويت اندومي وفنگر اكلت وخلصت وصعدت لغرفتي سديت الباب وحاولت انام بالگوه ياله گدرت سحبت تلفوني فتحته شويه أتصفح ماكو شي مهم .

مثل حياتي كله مشاكل وانفجارات طلعت رحت على الواتس دخلت هم ماكو شي بس مريم دازتلي مقطع فيديو دخلت عليه ومصورتلي حسين هو ميدري مصورته جان ديضحك ضليت صافنه عليه ومبتسمه مثل الثوله مادري شنو احس طلعت منه بعدين ضليت افتر بالاخير جزعت رحت على المحادثه مالته فتحت الحظر جان تجي رساله منه كاتب بيه...

.. وأخيراً فتحتي الحظر

رديت

...ليش؟

.. صار الي شگد اريد احجي وياج اسأل عن وضعج ما اگدر وأنتِ مداومين ومريم اسأله تگول نفس وضعه .

...هااا

..يي شلون صرتي ؟

... الحمدلله احسن من قبل يعني أكدر اتحرك شويه وهيج يعني..

..اممم تمام

ضلينه نسولف ونضحك واحد يحشش على الثاني

... هههههههههههه اسكوت ابو اربع عيون

..وانتِ لسانج لابس برموده ماكامل النمو مالته هههه

...لا ما اسمح لك تحجي على للساني

..ههههه زين اطلب منج طلب؟

...گول

..اريد دزين بصمه وتگولين ابو اربع عيون والله اريد اسمع فويز بصوتج صار الي هواي مسامعه

... تستهزئ حظرت جنابك؟

..لا والله بس اريد اسمعه منج جد والله

...تحلم

..لا فدوه ،وضل يتوسل

...تمام ودزيلته فويز

(ابو اغبع عيون)

..ههههههههههههه خرب والج شنو أنتِ اموت على للسانج والله ينگط عسل

...ههههه هاي كوله لان عندي لدغه بالراء؟

..عمي واحلى لدغه سمعته بحياتي

ومن بعد هل يوم صارت علاقتي بحسين كُلش قويه مثل الاصدقاء دائما نتواصل اني وياه من غير لقائاتنه اني وياه ومريم بالجامعة صراحه من بديت اتعرف عليه عرفت حسين شنو عرفت طبعه حسيت شخصيته حلو انسان جدا هادء ومسالم دائما كل ما اشتكيله على وضع اهلي والمشاكل الي دتصير دائما يحاول يغير الموضوع لو ينكت لو يحشش على شغله يحاول ينسيني الشي الجايه اشكي اله حرفياً من اتواصل ويا ادخل بعالم ثاني عالم بعيد كل البعد عن اهلي ومشاكلهم صرت اتجنبهم احول أعزل نفسي عنهم صرت بس أشوف فاتح بسرعه ادزله يحاجيني صار عندي شعور بداخلي حب على فرح على أمور غريبه دتصير ويايه .

وطبعاً هذا اكبر خطأ اسوي بحياتي مجنت اعرف الي دا اسوي صح او خطأ لأن مجان أحد ينصحني محد يگولي عيب اوحرام مجرد بس اريد اهرب من واقعي بس اريد انسه مشاكل اهلي بس رغم هذا مجان يطلب من عندي شغلات يعني صوره اوافتح كام ويا لا بس نحجي فويزات ومراسله منصعد اتصال او كذا ،فد يوم فاجئني من گال...

حسين:غنوه عندي شي اريد اسألج عنه واتمنه تجاوبيني

غنى:يي گول.

حسين: شوف اكو بنيه تعرفت عليه ومن هذاك اليوم دتظهر عندي مشاعر غريبه اتجاه

غنى:يعني بديت تحبه مو هيج قصدك؟

حسين:يي تگدرين تگولين هيج ،وضل يحجيلي مشاعره اتجاه شنو واني شي بداخلي يفرح معقوله بده يحبني لو شنو ضليت اسولف ويه نفسي وبنفس الوقت شعور ثاني يگول مو اني هاي لبنيه ونقهرت

حسين:هسه شنو رأيچ اعترف اله لو لا وشنو حتكون ردت فعل برأيج

غنى:ما اعرف شنو اگول الك زين هي البنيه عده مشاعر تجاهك يعني شون اگولك يعني هي هم تهتم من تشوفك زين منو هي وياك بالجامعة گرايبك ؟

حسين:يي ويايه بالجامعه ونفس القسم والمرحلة هم

غنى:اكول اني اروح ماما دتصيحني باي ،سديته ورحت خابت امالي من گال نفس المرحله صدُك بذيج الساعه نقهرت وبس واحد يگلي شبيج ابجي اريد انزل اشرب ماي بس خليت رجلي على الگاع رن الموبايل شفته ابو أربع عيون يتصل أخذته اخذت نفس وفتحت اتصال...

غنى:الووو شنو تريد ؟

حسين:هههههه شبيج ليش شردتي شنو غرتي؟

غنى :ليش دتضحك يي اقصد لا ماغرت وعليمن اغار ومنو أنت حتى اغار عليه قابل حبيبي لو زو....

حسين:غنوه اني احبج

غنى:سديت التلفون بوجه ....

يكذب من يقول

أن الحب في القلب فقط

أنا مثلاً حين أشاهدكِ

تصاب عيوني بالخفقان ..

ايلاف

صار يوم الجمعة واني حاسه بشعور انو حيصير شي رحت ويه اهلي لبيت جدو واني ايدي على گلبي دخلنه وسلمنه طبعا بيت عمه بعدهم مجاين ،رحت اريد اسلم على بيبي جان تدور وجه گتله....

ايلاف:ليش بيبي هيج تسوين مو تدرين بيه عندي دوام شلون يعني اعوف دوامي واجي ..

خوله:يعني حتى يوم الجمعة هم اكو دوام روحي عني ما احجي وياج

ايلاف:لا بيبي مو هيج تسوين تدرين بيه ما أرضه على زعلج حبابه والله كُلش مشتاقتلج..

خوله:لارد

ايلاف:زين هسه گوليلي شنو تردين حتى تقبلين تسامحيني،جان يرد جدو

فاروق:دسامحيه خطيه شوفيه شلون مشتاقتلج

خوله:ماشي تعالي

ايلاف:بس گالت تعاي ورحت اله شبگته وبوسته

خوله:يول متتخيلين شگد مشتاقلج يالگطعيه عيديه مره ثانيه اله اگطع جدومج خوش..

ايلاف:خوش هههههه بعد عمري بيبي

آدم:يي حظوظ لعد اني مو كل جمعه اجي متسويلي هيج مثله لو اني ابن البطه سوده

خوله:بضحكه اسكت يالمسودن تعال احبك تعال وراح اله يبوسه ورافد هم ،شويه ودخلت عمه وأولاده اني هنا مدري شصار بيه اول مدخل مهيمن هو باوعلي اني درت وجهي وسلمت على عمه وباقي ولده وصل يمي سلم اني مرديت عفته ومشيت رحت ويه البنات المطبخ ظلينه نشتغل إلى أن خلصوا الولد شوي السمج وجان هاي اخر غده لان الاسبوع الجاي رمضان .

صار وقت الصلاة رحنه صلينه بعد صبينه الغده والحظ صار مهيمن مقابيلي اني هم سويت الوضع عادي ولا درت وجهي ولا باوعته كل احنه نسولف ونضحك ..

خلصوا اكل جابو الرگي ياكلون واحنه لمينه المواعين غسلناهم صبينه الجاي و شربوا بعدين نقسموا الرياجيل بالاستقبال والنسوان بالصاله وضلينه نسولف بعد سوالف نسوان وضحك ونسه بعدين كل وحده تسولف على يوم زواجه وشلون لتقوا اول مره ومن شافه وشلون جانت كل وحده تتخيل الي يجيه تالي اجاه العكس وحتى بيبي هالمره مراحت نامت لا ضلت ويانه وتسلولفنه شلون جدو جان يغار عليه حتى من ولده واحنه نضحك صار الليل سوو كباب شوي ومقبلات، بعدين گالوا ماعدنه صمون ونريد طرشي و وصوا آدم وفهد قبل ميطلعون اجه آدم وگال...

آدم: ايلاف ايلاف.

ايلاف:هاا شنو تريد؟

آدم:بسرعه لبسوا أنتِ والبنات نروح نجيب صمون ونجي بسرعه ..

ايلاف: دقيقه بس خلي اگول لماما بس تعال بيا سياره تروح ؟

آدم: بسيارته رافد ولج بسرعه .

ايلاف:يله يله رايحه رحت گلت لماما قبلت وراه گلت للبنات وهنه ماصدگن بسرعه صار الركض بفلس واني هم لبست عبايه اسلاميه وطلعنه لگينه آدم يسوق وفهد بالصدر گاعد صعدنه ندحسنه دحس اني ورفل واخته لارا وبنت عمو احمد حنين بالوره كل هذا علمود بس نطلع اهم شي الونسه...

مشت السياره بس بتعدنه عن البيت شويه وجان يفجره فهد ويعلگ اغاني وعلى علاته ويرگص هو وآدم واحنه خربانين ضحك ويغنونن ويرگصون مامصدگين واني اصورهم خو فهد ذب لحم هز هز مو طبيعي فيفي عبده متلحگه والاغاني مادري منين يجيبوه اول مره هيج اسمعه وحتى لهجه تختلف ما اعرفه..

من وصلنه يم ابو الصمون طفوا ونزلوا مثل الحبابين لا ويمشون بهيبه هم ولا كانوا جانو يركصون گعدنه ننتضرهم شويه وجان تصفط سياره سوده وينزل امير يبو عزه واني جنت گاعده يم الجامه نزل بشخصيه هيبه بطوله وضهره العريض جان لابس فانيله بيضه نص ردن ومبينه عضلاته بارزه وجينز ما اعرف بجامه نيلي وفواگاه ستره رياضيه اخخخ طالع يشُگ شگ صاحت لارا وگالت ...

لارا:ولجن شوفن هذا الكيك اليمشي وهو جان يدور وجه لان جانت الجامع مفتوحه اني نزلت جوه وسديت الجامه عزززه بس لا شافني يبوه عليج لارا ضليت گاعده بمكاني بعدين صاحت رفل راح راح طلعي طلعت وطحت بلارا دگ رزايل وهي خطيه ضلت ساكته..

بعدين اجوا آدم وفهد وهم نفس الرنه وبس وصلنه للبيت طفوا الاغاني ولا كانوا مسوين شي دخلنه كله تصيح وين جنتوا گنالهم رحنه نجيب صمون ويه الولد تعشينه وخلصنه كُلشِ گعدوا يسولفون ويشربون جاي راويتهم الفيديوهات خربوا ضحك على رگص فهد هو خطيه صار هلگدوته مستحي من الفشله بعدين غير الموضوع عمو احمد وگال...

أحمد:ما دام الكل موجود اريد اگول شغله اريد أخطب رفل لابني ليث شنو تگول ابو رائد (عم ايلاف رسول)

رسول: والله يخوي ابن عمه والزود منه واحسن من الغريب، ها بويه شنو تگول اني عني راي من رأيه اشوف البنيه وانت بويه شنو تگول؟

فاروق:بيه الخير بويه كلامك مابي اي خطأ الله يقدم الي بيه الخير

رفل من سمعت الخبر بسرعه طفري احنه البنات گاعدين نفس الجهه جان تگول اخته...

لارا:يمه يمه عن العياره مالته وهي أمس دگسوالف للصبح اريد انام ما اگدر وهسه تسوي روح مستحيه ذكرتني بهذا الفديو من يجي حبيبيج يخطبج ويگول لاهل حبيبته هيه عده تلفون يسوي نفسه ميعرف لعد منو مگضيه ام كيان ..

ايلاف:خربانه ضحك عليه متت بعدني جاي اسولف وجان عمتي تفجر القنبله وتگول...

لمى:واني هم عندي خبر بما انو الكل موجود واني هم نويت ازوج ابني مهيمن لإيلاف شتگول ابو رافد ؟

ايلاف:درت وجهي واباوع لمهيمن يباوعلي ويضحك اشرتلي ماما اگوم گمت واني مصدومه من الي داسمعه جان حاسسني گلبي انو حيصير شي وهاي صار اجو البنات يباركولي واني بغير عالم سارحه ردت حنين...

حنين:يي واخير حيصير عدنه اعراس ثنين ياي واخير واشوف الكل فرحانه واني شعور الحزن يتملكني بعدين گال بابا يله نروح اني ما عولت اروح للبيت احس الملابس الي عليه ثگال وصلنه للبيت دخلنه اريد اصعد لغرفتي صاحني بابا وگال...

علي:بابا سمعتي الي صار طبعا اني ما نطيت كلمه گلت اشوف رأيج وارد خبر واني عني اگول الولد خوش ولد وما شفت علي شي وانت رافد شنو تگول...

رافد:هو الولد خوش ولد بس اني ويه ايلاف شنو تگول اني وياه

علي:وانت آدم

آدم:شوفوا هو الولد خوش ولد ولو اخو صديقي واحمد بي بس اني يعني مادري أحسه ميرهم ايلاف بعد هذا الي عندي شور شوره وشنو تكول اني وياه..

ايلاف:بابا شوف من هسه اگولك اني ما مفكره بالزواج وبالاخص حال...

علي:اني ما گلت الج وافقي أو اجبرتج گلت فكري وبعدين ردي إليه قرار وإن جان على رأي آدم ما الج شغل بي فكري ها تمام..

ايلاف: تمام،ما گدرت ارده واجادله صعدت لغرفتي واني بداخلي يريد ينفجر من تصرفه هذا حسباله يريد يخليني گدام الأمر الواقع عود يحرجني گدام الكل حتى اوفق ولا بأحلامه اقبل بي لو اخر رجال بالعالم ما اقبل بي هو لو صدُك وعنده غيره مجان سوه هيج يمكن لومجان مسوي الي سواه يمكن قبلت أو يعني اقتنعت بس هسه اكيد لا .

ضليت افتر اروح وارجع بالغرفه ياربي شنو شغله هاي فليت شعري القصير يوصل لحد كتفي گعدت على الجربايه ودخلت أصابعي بشعري وادلكه وافكر بالاخير اجت بالي فكره يي لازم أسويه ماعندي غير هذا الحل تصلت بميسم ..

ميسم:هلا بيج داده شلونج شو ماكو اليوم؟

ايلاف: الحمدلله بخير اليوم عد بيت جدو وسولفتله مختصر على الي صار ... وها مثل متفقنه اجيج بعد باجر تمام

ميسم:يي حبيبتي هلا بيج وما الج شغل اني اتكفل بالباقي..

ايلاف: يعمري متتخيلين شگد ريحتيني والله العظيم متدرين الي دا أحسه هسه ومن بعد كلامج هم ونزاح عن گلبي

ميسم: حبيبتي واي شي تردي اني اول وحده اتصلي عليه وتلگيني موجوده وبالخدمه

ايلاف:حياتي سلمت عليه ونهيت المكالمه ونص الهم نزاح بس بقه عندي هم ثاني كون ميصير الي بالي لان حرفيا انتهي اذا صار .

امير

من بعد الي صار والهوسه الي صارت جوه اسمعهم يصيحون واني دا ابدل لان حرفياً اختنگت من الوضع يلي اني بيه نزلت جوه وحتى ولا شفتهم ولا گتلهم شنو الي صار طلعت بره ركبت السياره وافتر ما اعرف وين اروح حياتي متلخبطه من البيت ومن الشغل ومن كله ومن بعد الشغله الي صارت صرت اكره نفسي صرت اكره شغلي احس من وراه حيأذيني حيأذي اهلي وكل الي اعرفهم افتر بالشارع وما اعرف وين اروح اريد شخص الي يفهمني الي يسمعني وينصحني هم اريد شخص يفهمني اريد ابوح الي بداخلي ماكو احد.

رحت لمكان الوحيد الي دوم أفرغ بي همومي واموري الي تعصه عليه بس اروح اله انسه كُلشِ ومابيه من مشاكل هو الامام الي ابد ميرفض احد الي دومه يسمع الكل وابد ميفرقه كوله عنده واحد بس الواحد يدخله بنيه صافيه وگلب محروگ ينطي مراده دخلت واني شايل هم الدنيا كله دخلت الحضره زرت صليت ركعتين الزياره قريت قرآن وضليت گاعد حد ما أذن المغرب اني على نفس گعدتي صليت المغرب وطلعت بس طلعت وكأني خالي من كلشِ كانو سوالي غسيل دماغ طلعت وصلت قريب كافتريه اخذت لفه أكلته بالسياره ما اريد ارجع للبيت أحسه يخنگني بعدين تصل سيف وگال...

سيف:ها ابو شباب شلونك ؟

امير:شلوني بعد مثل لوني ما تغيرت

سيف:يي والله مثل متوقعت عرفتك من طلعت جان وجهك ميتفسر ها اكيد صارت عركه بالبيت مو ؟

امير:يي اني هم عفتهم يتعاركون وطلعت وهاي من الظهر لي هسه اني طالع

سيف:حيل لعد هسه انت وين؟

امير: بالسياره دا اكل لفه

سيف:تمام شتريلي وحده وياك وتعال للكورنيش

امير:تمام جاي ،شتريت اله لفه وببسي ورحت لگيته جاي قبلي نطيته اللفه گعدنه ناكل ونسولف بعدين گال...

سيف:امير بالله سؤال؟

أمير:گول؟

سيف:شعجب لي هسه ما تزوجت؟

امير:ليش تسأل؟

سيف:هيج عجبني

امير:اني عن نفسي مادري

سيف:يعني ابد محبيت منا منا ؟

امير:اووووف اوففف

سيف:ها جنه شالعه گلبك؟

امير:بس شالعته ناعله جد جده

سيف:لهل درجه

امير:وأكثر هم ،زين وانت

سيف:ما اعرف

امير:ها يعني اكو

سيف:شوف خلي اسولفلك ...وسولفته من التقيت بيه لحد يوم الحادث بس ما اعرف يا اخي مشاعر متخربطه

امير:هههههه ذكرتني بيه من تگلي يا اخي تخليني اموت ونجلط منه من تگوله،يي خويه نفس وضعي وهاي مرحله اسمه مرحله طيحان الحظ من هاي المرحله وگطع.

سيف:ههههه جنك خويه مسحول سحل

امير:يي داده على گولته نگلبت زواحف من وراه

سيف: هههههههههههه خرب يالله أن شاء الله تنجمعون بالحلال وتصير من نصيبك ولرگصلك رگص وكسر الكاشيه..

امير: امين يارب وفتحت زيجي وصحت ربي دعوت وحده مطلگه وتزوجت عن حب..

سيف:ههههه لا داده انت واصل مرحلة

امير:لك هيه غير تنحط على الجرح يطيب اويليييي بعدين خلصته وكلمن راح لبيته ..

گاعد بالصاله ودا اتفرج تلفزيون جان تجي امي وبيده ستكان جاي وگعدت عرفته جايه على شي هاي عادته اذا تريد شي تجي تگعد بصفي خلته على الطبله وستكت اني عرفت عده سالفه گتله...

امير:يي يمه من الاخير شنو تردين اعرف عندج سالفه وتردين تگوله تفضلي..

عبير: يمه منك ولا تفوتك فايته يي عندي موضوع مهم واريد افاتحك بي .

امير:يي وشنو هوه؟

عبير:يي يمه مو كافي شوكت ناوي تزوج مو شلعت لگلبي شوف شكبرك صرت وانت بعدك وهسه الي بگدك عدهم جهال وانت بعدك ممزوج

امير: يي وشنو الي تردي ؟

عبير:تزوج

امير:ومن منو؟

عبير:من بنت خالتك ايناس البنيه حلوه ومثقفه و...

امير:وأدب سززز وووو يمه شكم مره گلت الج هذا الموضوع سدي من اريد اتصخم اجي برجلي واگلج اريد اتزوج

عبير:وشبيه بنت خالتك

امير:يمه ما أحبه هل البنيه ما احبه تشمأز نفسي منه ولو تضل اخر وحده بالدنيه ما ازوجه وكافي سدي الموضوع ،ضلت تنگ فوگ راسي عفته وگمت.

خابرت سيف جان عندي شغله وياه تفقنه على مكان نلتقي طلعت بعد مبدلت ملابسي وتوجهت للمكان المتفقين عليه وصلنه اني ويا نفس الوقت دخلنه دنريد نگعد ولمحت ايلاف گاعده بس مو لوحده ويه واحد بس منو هذا رحت بأتجاه وكلت لسيف تعال هنا صرت قريب عليه هيه مطيتني ضهره ودايره وجه صفح فما شافتني وجان اشوف هذا الحقير ابن عمته شديسوي هنا وشعده هيه گاعده يمه گعدت وراه ونطيت ضهري اله اريد اسمعه شنو دتحجي وياه هذا الكلب وجان اسمعه يگول اله...

مهيمن: ايلاف ليش متوافقين؟

ايلاف:انت الحجي وياك ضايع دا گولك ما اريد يا اخي ما احبك هيه گوه.

مهيمن:شنو كله علمود هذاك اليوم اعتبري مصار وانسي وخلي نبدي من جديد نفتح صفحه...

ايلاف:ولك يا صفحه جديده ها گول يا صفحه انت لو صدك كفو وعندك ولو ذرت غيره جان متحارشت على بنت خالك واني عرضك اعتبر يا حقير واني الغبيه الي عتبرتك اخ إليه بس طلعت غلطانه ،گمت وگفت لان اتصلت عليه ميسم منتضرتني بالباب وجان يلزم ايدي نترته من وطلعت ..

امير:بعد الكلام الي سمعته عرفت طالب منه الزوج ايا خسيس وجماله يصيح يدلعه هسه إذا اگوم اشگ حلگه نصين هم واحد يگلي ليش ضليت افور وليش هيه منطيته مجال وشنو عود تطلع وياه وحدهم ضليت اغلي نار بداخلي تاكل اكل نتبه عليه سيف گال:

سيف:امير:شبيك شو أحسك مو على بعضك

امير: دقيقه هسه جاي،رحت للحمامات اغسل اريد النار تطفه ماكو حاولت اهدء شويه من نفسي ،هدئت شويه وطلعت سمعت سيف يخابر ويگول ...

سيف:هااا يعني اجيبه للمستشفى ماشي تمام مع السلامه وغلقه

امير:هاا خير منو المريض يا ستار؟

سيف:لا ماكو احد مريض بس تذكر الي سولفتلك عنه ام الحادث

امير:يي شبيه ؟

سيف :سيارته تصلحت وتصلت عليه حتى اوديله سيارته

امير:لعد توديه للمستشفى ليش؟

سيف:يي مو هيه دكتوره بمستشفى..

امير:اهااا لعد اذا هاي اني وياك اروح لان عند فحوصات اريد اسويهن وبطريقك هم..

سيف: ماشي

امير:ما عولت يصير باجر واروح اشوفه واطيح حظه هم

وأخيراً طلع الصبح بسرعه بدلت وطلعت بعد ما جنه متفقين اني وسيف وهو يروح بسياره الدكتوره واني بسيارتي حتى يرجع ويايه هم وصلنه للمستشفى نزلنه هو راح بجهه واني لجهه الثانية رحت سألت عليه کالوا بغرفته رحت دگيت الباب سمعت صوته دخلت جان ماكو احد يمه من دخلت هي گامت وگالت...

ايلاف:اميرررر

امير:گعدت وبكل هدوء ييي امير..

ايلاف:شنو عندك وشنو الي جابك لهنا؟

امير:أنتِ

ايلاف: باستغراب اني وأشرت على نفسي؟

امير:يي أنتِ ،مبروك گالوا نخطبتي

ايلاف: وشنو الي عرفك ؟

امير:مو گلت الج ذيج المره الگفج الگفج وهاي اني للمرة الثانية هم الگفج..

ايلاف:وشنو تريد مني هاي حياتي الخاصة اتزوج اتطلگ انت ميخصك فهمت..

امير:گمت ورحت اله شلون ميخصني وأنتِ الي من يوم الي شفتج بيه صرتي الي من يوم الي نظربت بيج صرتي الي احجي واتقرب منه من يوم الي عيني وگعوت عليج وبعد ما نشالت عنج ...

ايلاف:يحجي ويجي بتجاهي واني ارجع لي وره وغمضت عيوني رجع الي نفس الموقف الي تهجم عليه مهيمن صحت بصوت قريب للصياح، لا تتقرب وخر ارجوك بعد وصرت ارجف..

امير:من شفته هيج ترجف بعدت عنه وگلت اله بعدت ما اتقرب الج بس دا احجي وياج هاج شوفي بعيد عنج مو يمج فتحت عينه وشافتني مو يمه بعدين گملت ،تدرين كل ما اشوفج احس الدنيا مسايعتني رغم دائما تنفريني بس كل ما هاي اني شي ديشدني الج شي ديدفعني حتى اخذج واحتفظ بيج..

وصلت قريب منه لزمت أيده، هاي ايدج ما تلزم بس ايدي فتهمتي!

امير:احبج يا هوه ريتي...

امير يگول لإيلاف....

يافِاتن العينينِ جئتُكَ مُرهقاً

مِن وَحي حسنكِ راعني أن أقتلا

تلك العيون الناعساتُ فتكنَ بي

باللحظ أم بالكُحل صرتُ مجندلا ؟

فاض الدلال من الدلال تخيلوا

كيفَ الندى فوق الزهور تكلّلا

القتلُ في شرعِ الإلُه محرمٌ

وبشرع حسنِك لايزال مُحللا.

_________________________

والى هنا ينتهي الجزء الاول من روايه وقد كانت صدفة

إن شاء الله يكون هلبارت خفيف لطيف ظريف

طبعاً دمجت بارتين بارت واحد

وبعد رمضان يبلش الجزء الثاني منه واجيكم وبقوه بصوت طيبه😂

واطلب منكم طلب صغيرون هلگدوته 👌

اريد تتفاعلون بهذا البارت وبالستوري اريد اعرف ارائكم عنه فدوه لتقصرون

ووووحشتاقلكم هواي كُلش والله ما اعرف اعبر على حبكم للروايه أما حبكم الي بعد ما اعرف 😅

اما اني اموت عليكم حبايبي

ولاتسون التصويت وتعليق ومتابعة للحساب بدربكم والانستا همghe.92

دمتم برعاية الله وحفظه

غدير عبدالله

"وقد كانت صدفة"

أما بعد انتهائي من قراءة هذه الصفحه التي كانت محمله بعباره المَشاعر تلك تصف به حُب امير لايلاف بوصفه لها بأنها الهواء الذي يسكن رَئتاه..

أما الصدمه التي تلقتهَا غنى من حُسين باعترافه لها كانت بمثابه صفعه جعلت الفراشات التي بداخلها تغزوا قلبها ..

والعِناق الذي حَظىٰ به سيف من قبل مسيم كالشراراه التي تسللة إلى قلبَه فـَصعقته .

ومن ثم اشرفتُ على اقبالي إلى صفحه اخر من الكتاب

أطَلتُ بناظري لها وَجدتوا الكَثير من الكلمات خاليه من العلامات اي بموضوع السُكون .

أثارَت بي هذا الكلمات أن هناك أشخاص قَد تعرضوا للخذلان مما ادا إلى أن مشاعرهم تلبست موضع التخلي اي السكون.

وفي حيرتي أثناء تفسير الكلمات!

ابتسمتوا لوجودي الكثَير من علامات الضم،أي أن هناك حب قد ضم الكثير من الأشخاص وجمع بهم وازداد كثر الضم والحب بينهم ..

مما الذي زادني هم هي علامة الفتح!

اتضح أن هناك أشخاص قد كان للماضي اثراً بهم

مما أدى إلى فتح بعض الجروح التي مره عليها الكثير لكي تحتضن انسجتها،لكن الماضي كان حاضراً لا من مهرب ينسب. له.

والكسر حاله تداركت النظر لها وَجدتوا أن القَلوب كالزُجاجه،ذا كُسرت صعب إرجاعه عما كانت عليه حتى لو كان هناك لاصق لايمكن اخفاء الأثر.

وأخيراً أدركت أن هذه الكلمات معنى لكل المعانات التي عاشتها حتى نُسبت العلامات موضعها..

.

.

.

.

.

مشاهد تشويق...

مشهد...

...مجنت متوقعه موته ابد وحتى هسه أحسه بعده عايشه بهاي اللحظه ويايه وبچيت.

.. ميخالف شنو نسوي يا حبيبتي هذا قضاء الله وقدره هذا الي مكتوبلنه نشوفه كافي يعمري خلص مو موتي نفسج كافي روحي شوفي ابوج واخوتج شلون خايفين عليج....

_______________________

مشهد...

..واگفه بالبدله البيضه معقول اني بحلم والي دا اشوفه حقيقه لو كذب من بعد الي صار بعد ابد ما اجه بالي هذا اليوم واني بالبدله واشوف امي فرحانه ودموعه يلمعن من بعيد كل شويه وتمسحهن بالكلينس وتصفگ وفرحانه...

________________________

مشهد

.. بصياح ،داگول ماكو بينه اي علاقه بس مجرد زميل لا اكثر شبيك تصيح يعني لهل درجه متثق بيه؟

...طبعا اثق بيج بس هو لا وشعرفني اني شنو يسوي الدنيا مابيه امان بعد وأنتِ شلون هيج طلعين ومتكولين لأحد هااااااااا ، شوفي بعد طلعه وأمور طلعه ماكو من الجامعه للبيت ومن البيت للجامعه وإذا تردين تطلعين اني لو ايسر ياخذج حتى امي مترحين وياه الا إذا جانت ضروره عود ترحن وحدجن وصديقتج هم گولي اله بعد لتجي عليج خوش وتلفون حيضل يمي واجيبلج واحد غيره .

...بدموع لا الله عليك لتسوي هيج امييير وراح وطلع من الغرفه، ضليت...

__________________________

مشهد

...كافي تعبت اريد ارتاح ماكو غير هذا الحل الي يريحني منه.

..الطلاق؟!

...يي

..لج بابا أنتِ صدُك تحجين يعني خلصت الحلول بس هذا؟

..يي بس هذا كافي سدي الموضوع بعد ما اتراجع منه ابد وارجوج اطلعي وسدي الباب رجاءً قدري وضعي.

.. تمام حبيبتي براحتج اني اطلع وطلعت من الغرفه لان وضعه ابد....

__________________

بالبداية حابه اگولكم عيد سعيد وكل عام وانتم بالف خير وعساكم من عواده وينعاد عليكم بالصحه والعافيه ،وان شاء الله يتقبل صالح اعمالكم وان شاء الله من العايدين والفايزين...

طبعاً هاي سوالف امي لو باقين عليه بس عيد سعيد 😂😂

طبعاً كولش مشتاقتلكم نفر نفر مشتاقه لحماسكم وتعليقاتكم الحلوه❤️

وحيكون النشر بعد الامتحانات وادري هسه تحجون وحقكم لان كولش مقصره وياكم بس أن شاء الله بعد منخلصه يكون النشر ثابت ويكون عندي المجال الكافي.

أما بخصوص التفاعل ياريت الكل يتفاعل لان والله كولش داتعب بالتنزيل ومن اشوف المشاهدات أكثر من التصويت صدوك يروح واهسي فااتمنه تتفاعلون وتعلقون اي شي حتى لو كلمه وحده هم اقبل واتمنه الكم الخير احبكم .

هذا حيكون غلاف الجزء الثاني من تصميمي اكيد طبعا بي كومت شغلات وسوالف واسرار هم .

تابعوا حسابي الانستگرام هم حتى يوصلكم كولش جديد@ghe.92

دمتم برعاية الله وحفظه

غدير عبدالله

"وقد كانت صدفة"

شنو نوع العلاقة البينك وبيني

لا عايفني اموت ولا مداويني

شنو هذا اللغز متحبني بس تشتاگ

ما رايدني بس تخاف تنطيني !

________________________________

"ما الحُبُّ إِلّا لِلحَبيبِ الأَوَّلِ كَم مَنزِلٍ في الأَرضِ يَألَفُهُ الفَتى وَحَنينُهُ أَبَداً لِأَوَّلِ مَنزِلِ"

...... أبو تمام

..بعض الكلمات الحاله المفتوحه ،وهاي اول حاله حنكتشف الشخصيه الي تجسده بهاي الصفحه...

.

.

.

.

.

.

.

رحت متوجه الهه واني كلي لهفه بداخلي اريد اشوفه احس نفسي صار الي زمان اني مشايفه ومملتقي بيه رحت سألت عليه گالولي بالعمليات عده عمليه قررت اكعد انتضره عل ما تخلص اني ودا أمشي ستوقفني شخص اني سمعته ضليت واگف بمكاني لا المتقدم خطوه ولا اني راجع حسيت گلبي وجعني من گاله...

..حبيبتي نواره باباتي تعالي هنا ..

...هذا الاسم ابد ما أنساه لو شما صار هذا اسمه يي اسمه اني جنت اگوله اله حتى هي تعودت عليه تذكرت مره جنت أصيح اله نور متسمعني مره ثانيه هم مسمعت من گلت اله نواره سمعتني ..

درت وجهي اريد اشوف صاحبة الاسم منو هاي وإذا اشوف طفله صغيره يطلع عمره بال5-6هيج وابوه ديصيحله تكعد يمه حسيت بهضيمه داخل گلبي بس محد يفهمني محد يگدر گلي شبيك لان اعرف بنفسي مدري شبيه.

درت وجهي وتصير ميسم گبالي بسرعه تغيرت ملامحي اله بابتسامه مربكه وهي هم ردت عليه هم ،گالت...

ميسم:اهلا وسهلا نورت ..

سيف: تلعثمت واني اختار الكلام گدامه،ءاهلا بيج اجيت سألت عليج وكللولي بالعمليات ونتظرتج وهاي اجيتي أنتِ..

ميسم:بس لا تأخرت عليك؟

سيف:لا مصار الي عشر دقايق من اجيت.

ميسم:اها لعد تعال تفضل لغرفتي اضيفك شي تشربه.

سيف:لا خليه بره احسن بالحديقة.

ميسم:تمام براحتك اسبقني اني شويه واجي

سيف: عادي براحتج ..

راحت واني طلعت بره رحت شتريت كوبين گهوه وگعدت انتضره شويه واجت گالت اجيب گهوه واجي تالي شافته كوبين گهوه..

سيف:خليه هالمره على حسابي

ميسم:لا ميصير هيج يعني هم جاي ومنتضرني وهم تعزمني !

سيف:عادي خليه على غير مره تعالي تفضلي گعدت ضلينه شويه نسولف على الناس المرضى بعده ،وها صدُك تذكرت سيارتج كملت وهذا المفتاح مالته ،طلعته من جيبي..

ميسم:كُلش اشكرك والصراحه اني كُلش خجلانه لان تعبتك ويايه بس شگد المبلغ حتى انطيك ..

سيف:لا خليه عليه وما الج شغل ..

ميسم:لا شلون ما الي شغل الله عليك گول شگد تره ازعل عليك وها اني زعلي كُلش ثگيل.

سيف:هههه عمي كلشِ ولا زعلج خليه عليه والله متستاهل..

ميسم:ابد والله گول.

سيف:***الف

ميسم:تمام ،فتحت الجنطه طلعت المبلغ ونطيته الك ،تفضل

سيف: شكراً

ميسم:العفو

سيف:ضلينه شويه ساكتين بعدين سألته ،دكتوره ميسم عادي اسألج سؤال

ميسم:يي عادي بس رجاءاً بدون هل رسميات لان ابد ولا احبه تفضل

سيف: دائما اشوفج حزينه وكأيبه من يوم الي صار الحادث رغم مجنتي هيج يعني ولو اني ما التقيت بيج هواي صدف لكن مادري حسيتج هيج اكو شي بداخلج متگدرين تگولي لأحد..

ميسم:ليش انت شنو تشوف يعني قصدي شعرفك بيه ؟

سيف:مادري بس حسيت من شكلج اذا تردين تگولين عادي وإذا لا براحتج..

ميسم: صفنت شويه بعدين كملت،مادري داتجيني حالت كُلش غريبه دا احس بخنگه اريد ابجي ماأگدر حتى مجاي اطيق البيت والشغل كُلشِ ما الي واهس بي متكأبه حتى اهلي ديلاحضون هل شي بس ميگدرون يحجون خاف يأثر عليه وهواي امور دتصير من اقل شغله بسرعه اتنرفز منه .

سيف:زين ما فكرتي ترحين طبيب نفسي او هيج شي يعني تراجعين عن وضعج اكيد أنتِ دكتوره وتعرفين بهيج أمور ؟

ميسم: يي فكرت بهل شي بس ما گلت الاحد لان ميصدگوني بانو هو طبيب حاله حال باقي الأطباء لكن بعتقادهم يعني بس المختليين عقليا يروحله ولا هو العكس ..

سيف:زين ماعندج احد يروح وياج ..

ميسم:لا وحتى اذا اكو فمتگدر تروح وياي وصراحه هواي دتتكرر بالي هاي الفكره..

سيف:زين تردين اروح وياج عادي؟

ميسم:هااا الا ميحتاج اني اروح ..

سيف:عادي اروح وياج اذا تحتاجين ماعندي شي، خاف تخافين؟

ميسم :شوف هي مو شغلت خوف بس لازم أحد وياي لان احس بغربه ،بس خاف ازحمك؟

سيف:لا عادي ماكو زحمه بس اني انصحج ترحين وحيفيدج محيضرج ..

ميسم:اكيد طبعا

سيف:يله اني اروح واي وقت تحددي بس اتصلي عليه واني اجي لان حالياً هسه احنه صرنه اصدقاء مو؟

ميسم:هههه اصدقاء وشكرا على مساعدتك الي وابد محنساه معروفك ابد..

سيف:ولو يله مع السلامه

ميسم:الله وياك.

راح هو واني رجعت لغرفتي قررت ما اكول الاحد حتى الايلاف لان رح تگعد تسويلي سين وجيم .

طبعاً هاي الفكره صار الي زمان اني افكر بيه لان وضعي صاير ابد لا يطاق الكأبه فول عندي النهار كوله اني بغرفتي واليحجي ويايه بسرعه اتنرفز من يوم الي صار الحادث واني على هذا الحال والأفكار مراودتي ودي اضرب راسي بالحايط وصلت بيه لهل درجه.

كملت شغلي مشه النهار عادي حتى ايلاف ما شفته بس من طلعنه اجت حتى نطلع للبيت وهاي الثانيه هم مدري شبيه بس تصفن.

وصلته لبيتهم ورحت اني مر هالاسبوع عادي بين ما سألت على دكتوره زينه واخذت العنوان وقررت ااتصل واحجز خلصت وحجزت على كذا يوم تصلت بسيف گال اني هم ماعندي شي گال اجي عليج گتله لا اني اروح ونلتقي هناك

خلص اليوم والبعده واني انتضر الموعد وخايف من هواي امور أوله بأنو يطلع عندي شو شنو وخاف اهلي يدرون ويمنعون هل فكره واني كُلش رايدته اريد اتخلص من القلق والوسواس البيه والتفكير والأحلام الي ما اله معنى احيانا افكر دخلت بسن اليأس حتى وزني كُلش نزل من هالحال.

اجه اليوم المنتظر جهزت نفسي جان الموعد بال4 العصر خلصت طبعاً گلت لاهلي رايحه ويه ايلاف للسوك ماما كيفت عباله راح اغير جو من الگابه الگاعده بيه حتى ما مانعت

ركبت السياره ورحت لعنوان الدكتوره لان حسيت الدكتوره تفهمني أكثر تفهم الي دا احس بي لان اذا دكتور ما أگدر أخذ راحتي وهل شي خطأ لان الدكتور النفسي لازم تأخذين راحتج ويا حتى يتوصل للي أنتِ دتعانين منه ويعرف شنو هو العلاج وحتى اني هم مهنتي لازم المريض ياخذ راحته حتى الدكتور يتفهم من شنو دي عاني حتى يتوصل للداء مالته.

وصلت للعياده دخلت لگيته گاعده ومنتظرني ما اعرف ليش خجلت منه ،شافني هو گام واجه لناحيتي سلم بعدين گعدنه ننتظر إلى أن صاحوا اسمي دخلت اني للدكتوره دكيت الباب و دخلت گعدت عرفته على اسمي بعدين گالت...

..أنتِ شنو تشتغلين؟

ميسم:دكتوره

..اممم دكتوره شنو؟

ميسم:طب عام

..تشرفت بيج دكتوره تفضلي ، وبديت تسألني على عائلتي واصدقائي وشلون طريقة تعاملهم وياي رتاحيت اله وبديت اندمج وياه جانت الجلسه الاول مجرد تعارف لا اكثر بعدين سألتني...

..زين اكو احد جاي وياج لو جايه وحدج؟

ميسم:زميلي اجه ويايه لان هو شجعني على هاي الفكره واجيت

..زين تمام خلي يتفضل

خابرت السكرتير حتى يجي سيف دگ الباب سمحت اله بالدخول اول ما دخل اجت عينه عليه بتسمتله مجامله هو هم اجه گعد وگالت اله الدكتوره ....

..اسمك وشنو تقرب للدكتوره؟

...اسمي سيف والدكتوره زميلتي

..شلون تعرفت عليه وليش قنعته بانو تراجع طبيب نفسي شنو الي لاحظته عليه ياريت فهمت قصدي شنو؟

سيف:يي فهمتج دكتوره اذا اكلج يمكن متصدگين شلون جان لقائنه

.. باستغراب ليش؟

سيف:جنت اني المريض مالته... وبديت اشرحله شلون تعرفت بس كله جان الحجي مختصر لأن هيه تگول...

..اريد هي تشرحلي الي جانت تعاني اريد منك انت تشرحلي الي صار بينكم وشلون تعرفتو؟

سيف:وهم عدت اله نفس السالفه بس جان اسلوب الدكتوره حلو وسلس وجان مَرح يعني تشاقه من بين الكلام تخليك تندمج وياه وهي بكل اصغاء تسمعك..

ميسم:خلصت الجلسه جانت حلوه ورتاحيت للدكتوره وأسلوبه ،طلعنه من عياده بعد ما انطتني موعد ثاني نزلنه للگراج لتفتت لسيف وگتله...

..كُلش اشكرك على جيتك اليوم وزحمتك وياي هم

سيف:لا عادي ماكو داعي للشكر بالعكس جانت كُلش حلوه وعجبتني واحتمال بعد ما تخلصين أنتِ احجز اني وراج

ميسم:هههههه خاف سويت الك واهس ،بس تعال ليش تحجز ليش شبيك انت؟

سيف:لعد منو گلج اني هم مابيه شي عبالج الصار الي هين تدرين بعدني اتخيله وابد متروح من بالي بس اني دا أبين للمقابل مابيه شي بس من داخلي متدمر دمار

ميسم:لعد انت مو گلت محد يدري بالسالف غير بس اني؟

سيف:يي بس أنتِ ورافد حتى امير ميدري

ميسم:اهااا يله اني اروح لان تأخرت وشكرا مره ثانيه على جيتك اليوم

سيف:گلت الج ماكو داعي تشكريني احنه اصدقاء وها موعد الجلسة الثانية شوكت ؟

ميسم:يوم ....

سيف:تمام، راحت هي واني هم اخذت سيارتي ورحت ..

اتمنى لو عرفتُ ما بداخلكِ من حزن يصعب عليكِ اضهاره لما قلت لك ما بداخلِ من مشاعر مبعثرة، وانا اسف على قولي لكِ هذا الكلام الذي كنت كل ليله اتخيل بأن أقوله لكِ، أنا اسف لم اعلم أن داخله قلبكِ حب لغيري لكن الخطأ كان مني انا تسرعت في قرار بالاعتراف لكِ قد كنتُ اتخيل بانكِ تحملين نفس المشاعر لكن خاب ظني، لما كنتُ قد وضعتوا نفسي في هذا الموقف المحرج منكِ اسف... (أ)

وصلتني هل الرساله من رقم غريب من دخلت عليه وقريت الحرف عرفته هو حسيت بتأنيب الضمير حسيت بكميت الحزن الي بداخله من قريت هاي الرساله ما اعرف نقهرت عليه بهذاك الوقت كُلش حتقرت نفسي من صديته وگتله...

ايلاف:بعدت ايدي من عنده ،بس اني ما احبك اكرهك تعرف شنو اكرهك الشخص متطفل يحب يفرض نفسه على بنيه ويضل يلحگه وين ماچان بحجت احبج ..

يا اخي ليش تلزگ وين ما اروح ألگاك گبالي وين ما ادور وجهي الگاك گبالي كافي مليت منك يعني هاي لان اخويه مامن بيك هيج تخون الامانه..

ما اصير الك لو اخر رجال بالدنيا ما وافق عليك فهمت لو اعيد؟

طبعاً تقصدت اگول هل كلام لان اني اعرف هاي العلاقه حتى وإن وافقت محدوم ما طول مهيمن بيه اكيد حتصير مشكله ضل هو متفاجأ من كلامي وياه و ردي اله بعد عني وراح لناحيت الباب واني اباوعله بغرور دار وجه وگال...

امير:تصدگين ماتوقعتج بهل الغرور والتكبر تخيلتج انسانه فاهم وحساسه لكن اليوم صدمتيني بردج بس تدرين همزين رفضتي وعرفتج على حقيقتج وله جان نغدرت بيج بس ،فتح الباب قبل ليطلع گال، تدرين أنتِ وهذا ابن عمتج كُلش تتوالمون واتمنالج كل الخير بحياتج دكتوره بتسم وسد الباب بكل هدوء.

اخذت نفس وحاولت استوعب الكلام الجارح الي گلته وضليت اردد ويه نفسي يي زين سويتي لازم هذا الي يصير ما لازم اخلي يتعلق بأمل بيه لان اذا عرف مهيمن رح يسويلي مشكله واني اعرف نواياه من بعد ما رفضته بالمطعم گال وخوفني بكلامه ...

مهيمن: بس شوفي اذا طلع لبالي صح وطلع عندج شي والله تره اندمج كل عمرج اخلج تخافين من خيالج خوش يا حلوه وغمزلي اني بسرعه طلعت ...

بس من ارجع ويتردد الكلام بداخلي انقهر على امير اكيد هسه نكسر گلبه جرحت بكلامي افففف.

رجعت للكرسي گعدت وخليت ايدي على راسي ضلت افكار تقتحم راسي شنو الي راح يسوي مهيمن لان اعرف محيعديه على خير ياربي ساعدني وله امير كل ما اتذكر مواقفه ويايه ودي ابجي ليش سويت هيج اني ليش علقت روحي بي ييي علقته وهواي هم سحبت تلفوني بأمل الگه رقمه واگوله كل الحجي كذب اگوله لتصدگه مجرد اتخيل مهيمن يشوفنه سوه تتكون فكره سوده براسي صار الي مثل الكابوس ،ظليت ادور بالارقام عسى ولعل الگه الرقم بس ماكو ماموجود .

حاولت الهي نفسي عن التفكير وانشغل لكن ماكو خلص الدوام ورجعت للبيت لليل وصلتني رساله من رقم غريب

ضليت العن بنفسي ليش سويت هيج ليش كسرته اخذت حفضت رقمه وخليت حرف Aوبصفه عيون حاولت اكتب اله رساله واعتذر اكتب وامسح بالاخير كتبت ...

💬تفضل منو؟ دزيت حتى لا أبين انو اني عرفته طلع عندي تمت المشاهده

رد

💬مكسور ،دز وله اني اريد ابجي من القهر ياربي شلون

دزيت

💬 من منو؟

💬من انسانه جنت اتخيله قمة البراءه واللطف لكن طلعت قمه بالغرور وكسرتني

💬 والمطلوب؟

💬 أنساه بس ما اعرف شلون وين ما اروح الگاه گبالي وأتذكر كلامه، هواي اذتني بكلامه

نزلت دمعتي على التلفون واني اكتب

💬ليش شنو سويت وحتى كسرتك؟

💬اعترفت اله ورفضتني

💬زين عرفت ليش أو شنو السبب؟

💬لا بس يمكن اكو احد بحياته ما اعرف.

💬زين انت شنو الي عرفك انو الكلام الي گالته يجوز مو من گلبه يجوز جانت مجبوره مثلاً؟

💬 لو مجبوره جان بينت من خلال توتره لان صرت حافظ كل حركاته بس الي صار لا بكل ثقة وكانوا متاكده من الي دتگوله.

من شفت كلامه بعد ما تحملت بجيت اخدت التلفون سديت الشبكه وغلقته من الرئيسي وذبيته هاي شلون مشكله اني شنو سويت بروحي تذكرت من گالي احبج وكانوا طالعه من كل گلبه حسيت گلبي رح يوگف لو يصير بيه شي من گد مايدگ ،اوف الله لا ينطيك مهيمن على هاي السالفه ضليت افكر شنو الي اسوي لازم اگول لأحد حتى يشهد ويايه خاف بيوم مهيمن يسوي شي ويتهمني.

بس شلون إذا اگول الرافد رافد عصبي كُلش ميتفاهم مادري ضليت افكر بعدين ما توصلت لحل قررت اسولف لميسم بالكي عده فكره او شي خليته على الله ونمت.

گعدت الصبح جهزت كُلش اجه السايق عليه وصلني للجامعه وراح دخلت للقسم قريب متبدي المحاضر دخلت ودخل ورايه دكتور المكروه يبوو اموت منه وهو جنه ابو بريص ولا ينبلع حتى محاضرته مثله كله تموت منه گعدت بالستول مالتي وبده يشرح مادري بلحضته جنت صافنه والله صلطه عليه يبووو گال...

..يي ست غنى وين صافنه؟

غنى:ها دكتوغ ويايه؟

..يي لعد احجي ويه روحي

غنى:اهاا دكتوغ ماصافنه منتبه وياك

..لعد گومي شرحي الي گلته ،ضليت لا أخذ ولا أنطي كله دتباوعلي حتى اگوم گمت شفت الي كاتبه على البورد لان هو ميعرف إذا ميكتب وهو واگف ديباوعلي شرحت اله ومريم بصفي كل ساعه تردلي ،افففف خلصت وله جان خوش تفشلت گدام الكل وطردني وهو هم كمل شرح خلصت المحاضره قررنه نروح للكافتريا لان جوعانه ما تريگت دائما ما احب اتريگ اول ما اگعد يعني صدف اكل رحنه للكافتريا بعدني بالباب واشوف حسين لازم تلفونه وديگلب بي ما شافنه اني شفته مدري شنو صار بيه بسرعه لزمت ايد مريم وگتله...

غنى:اوگفي ما اغوح أنتِ غوحي وانتضرج بالسنتر؟

مريم:ليش شكو دروحي موت من الحر هنا احسن

غنى:حبابه مغيم حبابه

مريم:يي غير اعرف ليش؟

غنى:مو حسين موجود هناك

مريم:يي وإذا نگعد يمه أمشي وراحت قبلي

غنى:جريت من أيده ،ولج لا ما اروح اني استحي

مريم:عزه بعينج جان وگعت هسه كوله من وراج وليش تستحين اول تالي ورفعت تك حاجب؟

غنى:مو...

حسين: شلونكم بنات

غنى:بايي اني اغوح

مريم:ولج تعالي فشلتينه

غنى:جنه واكفين يم الباب جرتني حيل جان أعثر بالحافه مال الباب ويلزمني حسين ويلف أيده على خصريي...

_________________

يتبع...

هلو بنات شلونكم نزلت الكم بارت تصبيره لان ما هان عليه ما أنزل والله رغم تقصيركم بس مو بيدي احبكم وبعده اكمل وره الامتحانات ان شاء الله

وهااا بنات عندي سؤال اريد اعرف رأيكم بالسرد شلونه يعني دتوصللكم الفكره أو لا

لا تنسون التصويت وتعليق ومتابعة للحساب بدربكم والانستاghe.92

دمتم برعاية الله وحفظه

غدير عبدالله

"وقد كانت صدفة"

كلشي منك

عيوني من ما تغفى، منك

الليل من ما يگضي منك

من اتيه بشارع

وما أدري إلمن، هاي منك

من يصيحوني البگربي وما اردّ لصواتهم

هالصفنة منك ..

كلشي منك

________________

..شنو اسمه؟

ميسم:سحبت نفس وگلت،ماهر!

..شنو يقرب الج قبل ميخطبج؟

ميسم:ابن خالتي

..اممم، يي تفضلي كملي..

ميسم:بديت احجي اله بس كل شويه اسكت احاول اسيطر على نفسي خاف تنزل دمعه ،واني ما اريده تنزل،بعدين من شافت الوضع گالت...

..شنو رأي اهلج بالي دتسوي يعني اني الي عرفته انو اهلج منطيج مطلق الحريه أو خلي نگول منفتحين بس ليش رفضوا فكره الطبيب النفسي؟

ميسم:يي صح منطيني مطلق الحريه لكن همه هذا فكرتهم بانوا اني كُلشِ ما بيه ومجرد متأثره زياده بالموضوع يعني مختصر فتره وتعدي ،لكن هم ما عدهم فكره من الي ديصير بداخلي من الاكتأب وصراعات الي دا أواجه ف فضلت ما احجي.

..اممم زين شوفي حبيبتي ميسم حسب ما عرفت شنو دتعاني وشنو الي ديصير وياج الي تعانين من عنده نوع من أنواع الوسواس القهري اسمه( وسواس التلوث العقلي)

«وسواس التلوث العقلي المرتبطة بالإساءة الي يتعرض لها المريض من الأشخاص وليس التلوث بالميكروبات أو الأوساخ.

أحياناً يحس المريض انو هذا النوع يكون عقله ملوث بالأفكار والصور والذكريات المسيئة له والمؤلمة، فيشعر أنه قذر من الداخل، ويشعر بالاشمئزاز وعدم الراحة مع ذاته.»

ميسم:يي صحيح دائماً احس بكره لداخلي اشمئز وبسرعه اتنرفز من شغله إذا ما صارت مثل الي اريده.

..يعتمد علاجه الوسواس من هذا النوع على العلاج السلوكي المعرفي، مثل: طريقة التعرض، والاستجابة لهذه الهواجس، يعني تحاولين أنو تصححين نضرتج اتجاه نفسج أنتِ بايدج العلاج .

وضلت تشرحلي على أسبابه وأسباب حدوثه،بس الحمدلله بعدني بالبدايه لو ضاله وما رايحه لطبيب جان هسه حالي الله اليعلم بي حتمال حتى يجوز احاول انت**حر لا سامح الله من الاحالات الي جايته ومعالجتهم،بس الحمد لله طمنتني انو كُلشِ ما بيه ورح أتجاوز هل الوضع بمرور الوقت.

ميسم:خلصت منه وطلعت لگيته گاعد ولازم لتلفونه ما احس عليه من طلعت كل ما اشوفه احس بأريحيه أو احس اكو شي اتجاهه ،شافني گام وقابلني بابتسامه وگال..

سيف:ها خلصتي؟

ميسم:يي

سيف:يله نروح

ميسم:يله نزلنه سوه ورحنه للگراج واحنه نسولف شنو گالت الطبيبه وصلنه،تره والله زحمه يعني انت هم عندك شغل واهل وعايفهم وتجي ويايه تره كُلش زحمه وفشله؟

سيف:بابه عليمن هل فشله تره ما كو شي يفشل مجرد دا اساعد شخص عزيز عليه وبس.

ميسم: ليش اني عزيزه عليك؟

سيف:هءءا جان يدگ التلفون ،بس دقيقه اشوف التلفون

ميسم: عادي براحتك،راح يكمل مكالمه حسيت تلبك من گال عزيزه ،كمل واجه گال...

سيف:يله اني اروح لان صار عندي شغل محتاجه شي؟

ميسم:لا براحتك اني هم اروح بعد ما عندي شي

سيف:تمام يله معسلامه

ميسم:راح ولوحتله بيدي بمعنى باي، بعده صعدت سيارتي ومشيت بس احس بفرح من الي دا اسوي احاول ارجع من شخصيتي القديمه الي تضحك وتسولف والي تسوي اي شي تريده بعدين شغلت المسجل صدفه جان تطلعلي اغنيه مشاعر ،بس فرق هذيج المره جنت بحاله حزن لكن هل مره بحاله فرح من الي دا اعيشه وأخيراً خطيت خطوه حلوه وجاي اسعه بيه ،لكن هلمره غنيته واني كلي مشاعر غريبة مشاعر حب اغني واني مستمتعه بيه ،وصلت للبيت وتلگتني ماما...

اسراء:هلا ميسم شبيج شو اليوم فرحانه وتتبوسمين؟

ميسم:يي ماما كُلش فرحانه واجيت حضنته

اسراء:يا تخبلت البت شكو ولج؟

ميسم:ماكو شي بس هيج فرحانه.

اسراء:يا يمه الله يجعل كل ايامج فرح أن شاء الله ،يله بما انو اليوم فرحانه خلي بأجر نظف البيت لان كُلش وصخ وبعد شكم يوم رمضان.

ميسم:يوه ماما خربتي ام الفرحه هسه رمضان شله دخل بالشغل مو يوميه انظف؟

اسراء: ميخالف ماما لازم يله بسرعه بدلي حتى نسوي عشه لان ابوج على جيه بسرعه يله..

ميسم: تمام صعدت لغرفتي بدلت ملابسي وره إذن صليت سوينه العشاء اني وماما بعده كربتي غسلي المواعين ..

ميسم:ماما مو اضافيري يتكسرن اني ما عولت اريدهم يصيرن قويات تالي اغسل المواعين!

اسراء:يي مو اليوم أنتِ فرحانه ..

ميسم:تره طلعتيه من عيني الفرحه ميصير هيج ماما ..

اسراء:لعد بعد شكم يوم لمن تصيرين عند الرجل هم لتغسلين المواعين وخلي هو يغسلهن.

ميسم:اصلا من گال اطبخ كله دليڤري نجيب ..

اسراء:يييي كُلش خلي نشوف إذا بعد هذني اضافرج المستعزه بيهم من يصير عندج جهال راسج بعد متگدرين تحُكي من الشغل وگولي امي ماگالت..

ميسم:يي نشوف يله روحي خلي اكمل شغلي ،راحت بعدين درت وجهي واشوف المواعين جبل اخذت صفنه عليهم جان يجيني صوت ...

حسن:اشتغلي لتصفنين الصفنه لابو القاط الرصاصي..

ميسم:تره متضحك ننننننه،راح يضحك ويقلد على اضافري لبست الكفوف وبديت اغسل لين خلصتهن ونص ملابسي ماي صعدت اخذت ملابسي ورحت للحمام سبحت وطلعت ولافه شعري بالمنشفه واسمع تلفوني دتجي اشعارات فتحته واشوف سيف داز مسج دخلت واشوفه كاتب...

💬 مساء الخير گاعده؟

رديت

💬يي گاعده

شافه ورجع رد

💬اسف على الازعاج بس دا اسأل بعد شكم جلسه عندج؟

💬لا عادي،ما اعرف هيه الطبيبه تحدد بس ليش دتسأل؟

💬اهااا هي نفس الموعد مو؟

💬يي

💬مراح أكدر اجي لان صار عندي سفر لشغل ومراح اجي وياج اعتذر .

💬لا عادي اصلا اني اگول لتجي لان كُلش دتزحم نفسك ويايه والله بس ما اعرف اگول كُلش خجلانه منك.

💬لا عيني عليمن تتأسفين ماكو داعي ،هااا جن ضجتي مني لان اجي وياج ها هيه وصلت رسالتج بعد ما اجي ..

💬لاااااا مقصدي هيج والله ..

💬يي فهمت قصدج

💬سيف حباب لتگلبه جد تره مو هيج قصدي والله ..

💬هههههه لا والله فهمتج بس حبيت اضوجج ..

💬اممم واني صدگت،صُدك اليوم ما جاوبت على سؤالي؟

💬يي شنو هو تفضلي

💬شمعنه اني شخص عزيز عليك؟شو تأخر بالرد بس لا حرجته ضليت فتره صافنه على التلفون والمنشفه براسي بعدين طلع عندي

جاري الكتابه.....

غنى

حسين:الله الله على كيفج يالفاهيه شبيج تعثرين برجليج

غنى:ما عثغت بس مريم سحبت ايدي ،وخغ ايدك منا العالم فضحتنه ،وخر أيده

حسين:هاي فوگ ما ساعدتج لو عايفج توكعين وصايره مضحك مو احسن يله أمشي گدامي ام لسان مبتور

غنى: مشينه كل احنه والطلاب كله تباوع عليه من الفشله الصارت گعدت على الكرسي ونطيت ضهري الهم وراح يجيب اكل ويجي درت وجهي المريم....

غنى:وأنتِ شبيج اكو واحد يجر ايدي الثاني هيج جان هسه صغت فلم هندي من وغاج حقيغه

مريم:حرامات لو واگعه يابويه جان خربت ضحك عليج حرامات

غنى:يا حقيغه بسيطه اني الج إذا ما الزم عليج لزمه بسيطه

مريم:متگدرين

غنى:تمام بسيطه اشش اجه سُكتي

حسين:وهذا طلبجن خاتونات

مريم:عاشت ايدك

حسين:مشكور وأنتِ ام لسا...

غنى:ييي فتهمنه ماكو داعي تحجي شكرا تعبناك

حسين:العفو ست ام الس.. ها اسف يي وجنتوا تردون ترحون

مريم:ردن... قاطعني

غنى:وأنتِ شدخلك

حسين:اسف مقصدي بس عبالي تحتاجون مساعده وشفتكم مستعجلين

مريم: قربت عليه وگتله،ولج ليش تحجين هيج حرجتي الولد شبيج اليوم مجلوبه

غنى:أنتِ سُكتي مدا تشوفي كل ساعه وگلي ام لسان مبتوغ

حسين:اجه صديقي،ها بشر ما لگيت أحد؟

..لا والله ياهو الي اگله ميقبل لو البنات يخافون

غنى: طبعا اني ومريم متدري شنو السالفه بس ماخذين وضعيت المتفرج

حسين :لعد شلون وماكو بعد وقت

غنى:ليش شكو؟

..محتاجين أحد حتى نشتغل على أسنانه ومدنلگه احد والازم نخلص لان بعد منلحك حتى لو بس سن واحد اي شي

غنى:امممم جريت مريم وگتله،اكلج نغوح احنه خطيه وبس سن واحد ميأثر

مريم:مو قبل شويه جنتي تحجين عليه هسه صار خطيه وبعدين اني اخاف ما اروح اخاف من الابره

غنى:ولج شبيج ما بيه شي بس نغزه شويه وبعده متحسين

مريم:ما اخاف

غنى:لا حبابه لخاطري شتغدين اسوي الج

مريم:اذا هيج يي اوافق

غنى:عابت مصلحجيه ،احم احم دار وجه حسين...

..اني ومريم نقبل عادي بس ها بس سن واحد خاف تخربون الاسنان كُله

حسين: والله دوله وعلم ام لس... اقصد غنى يله گومو ...

غنى: طبعاً ضربنه المحاضره ورحنه وياهم للمختبر گعدت على السديه ما اعرف شنو اسمه واجه الولد يشتغل خدر السن وبده يشتغل ،طبعا اني من كل شي اخاف اله الابره ولا اخاف منه ومريم حسين هو الي يشتغل على أسنانه.

بنص الشغل وجان يجي حسين يگله الصديقه...

حسين: بعصبيه اياد انت روح لهذيج لبنيه اني اكمل اله

..ليش ..تمام يله

غنى:اجه بنزعاج گلي ،فتحي حلگج فتحته حلگي وببده يشتغل بالسن

حسين:خرب هاي شنو

غنى:شكو ؟

حسين:اول مره اشوف بنيه هيج أسنانه

غنى:بخوف،ليش شبيهن؟

حسين:بيض كُلش حلوات ههههه

غنى:خوفتيني عبالي بيهن تسوس لو شنو أصلا ً اني ابد ولا اعيفهن دائما أروح للطبيب

حسين:عفيه بالشطوره

غنى:اعجبك

حسين:يي والله كُلش

غنى:هاااا

حسين:لا هيج ماكو شي

وبعده كمل،حبيت أخبث عليه ضليت اباوعله وما رمشت ولا نزلت عيني حسيته توتر كل ساعه يدور وجه بعدين ما تحمل وگال...

حسين:غنى نزلي عيونج؟

غنى:ليش

حسين:جاي توترني مجاي اعرف اشتغل

غنى:بس انت دا تشتغل باسناني عيوني شلهم دخل؟

حسين: استغفر الله العظيم شلون أفهمه ،بابه لتباوعيلي مدا اركز بالشغل.

غنى:اووووك، نزلت عيوني،بعدين اجه الدكتور أشرف على شغله وراح ، كمل شغله كمت من على الكرسي باوعلي اشرلي على حلگي ماعرفت قصده گتله شنو؟

أخذ اكلينسه ومسح حلگي وگال...

حسين:بس حمرتج نمسحت ،مسحه ويباوع لعيوني واني بادلته بنفس النظره ضلينه واحد صافن بوجه الثاني بعدين فززتنه مريم وهيه تگول..

مريم:يله داده حيجي السايق

غنى:ماشي جايه ،اخذت منه الكلينسه وعدلته هو فز ونخبص ضل يعدل بالمعدات،گتله شكرا

حسين:ااااا اني اكلج اشكرج لو ما أنتِ وصديقتج جان رسبنه هذا الكورس

غنى:لا عادي يله باي

حسين:الله وياج

غنى:طلعت ولگيت السايق منتضرني وصلني للبيت دخلت ولگيت ماما مخبوصه خبص رحت اله وگلت...

غنى: هاي.......

ايلاف

افتر مثل الي مضيعه شي ما اعرف شنو هو عقلي يسولف ويجيب افكار شكل وگلبي هم كذلك بدلت وخلصت نتضرت ميسم توصل رمشت عليه طلعت اله صعدت وگعدت وبالي شارد ..

ميسم:وعليكم السلام شبيج اليوم؟

ايلاف:هلا يا داده والله نسيت وبالي شارد ؟

ميسم:خير شكو صاير شي؟

ايلاف:اشياء مو شي واحد

ميسم:يا ستار استر شكو ولج وگعتي گلبي؟

ايلاف:خلي نوصل واسولفلج

ميسم:ماشي بس عل كيفج اليوم ابد شكلج مو طبيعي خاف منمتي من وكت

ايلاف:گولي شوكت نمت والله احس راسي حينفجر من التفكير والصداع.

ميسم:تمام هسه نوصل واجيبلج جاي .

ايلاف:ماشي سندت راسي على الكرسي وعيني على الجامه احس عيوني يطلعن جمر من النعاس احس داخلي عباره عن صراعات بين عقلي وگلبي ،بين عقلي مأيد الي سويته ويه امير وگلبي الي رافض الي دا اسوي ومن خلال هاي الفتره عرفت بنفسي بدت تظهر مشاعر تجاه بديت احب أو يمكن اني اغشم نفسي بس هسه لا أيقنت هذا الشي قاطع سلسلة أفكاري ميسم وتگول....

ميسم:يله حبيبتي وصلنه، فتحت الباب ونزلت دخلت المستشفى بعد ما بصمت وهي راحت تصف السياره دخلت الغرفه لبست الملابس الخاصة وگعدت اشوف جدول اليوم شنو همزين ما عندي شي بس عمليات ثنين ويه دكتور علي ساعه ١1يعني بعد ساعه.

خليت راسي على الميز وغمضت عيوني حاولت شويه انام ماكو ماگدرت اجت ميسم خطيه وجايبه وياه كوب جاي وياه لفه جبن.

ميسم:ادري بيج مماكله وهاي جبت الج لفه .

ايلاف:بعد عمري ليش تعبني نفسج .

ميسم:لا تعب ولا شي غير أنتِ اخيتي شعندي غيرج

ايلاف:الله ليحرمني منج بعد اختج ،شربت شويه من الجاي واكلت خلصته ضليت هيج فترت ربع ساعة بلعت حبايتين بندول لان ميصير وره الجاي رأساً يروح مفعول الحبايه .

أما ميسم شويه وراحت لان صاحوله عده شغل اني هم صارت 10رحت بعد ما شويه هدء راسي خلصت اول عمليه جانت سهله وبعد نص ساعه عدنه عمليه ثاني رحت استراح شويه لگيت ميسم گاعده وتشرب گهوه تموت عليه رحت اله گالت....

ميسم:يله تعالي سولفيلي شكو شنو الي صار

ايلاف:اني مو گتلج على مهيمن يوم الي رحت اله...

ميسم:يي

ايلاف:طلع امير جان موجود وسامع كل الحجي

ميسم:يي وتالي؟

ايلاف:ثاني يوم اجه للمستشفى ودخل للغرفه وعترفلي بحبه

ميسم:يي وأنتِ شنو جان ردج اله

ايلاف:حاولت ابلع الغصه وگتله، رفضته

ميسم:عزززه ولج ليش يحضي مو يحبج؟

ايلاف:مو....وقاطع كلامنه دخول شهد وهي تشهگ

شهد:ولج عزززز رفضتي المحامي ابو عيون؟

ايلاف:وأنتِ هيج تسمعين كُلشِ؟

شهد:لا مو جنت ماره وسمعتج هسه گولي ليش رفضتي المحامي ابو عيون

ايلاف: طبعاً شهد متدري بمهيمن بس ميسم تدري گتله،شوفي اني مو هذا النوع يجي يعترفلي بحبه لو شي هذاك بيت اهلي ويجي وحالياً اني حتى لو اجه ما اوافق لان ما مفكره ارتبط بشخص ومسؤوليه وخاصه هذا وضعي اني عند اهلي ما ملحگه اشوفهم تالي اروح اتزوج ما اگدر.

شهد:بعد بكيفج بس تردين نصيحتي أنتِ ضيعتي الفرصه من ايدج ،يووه هسه عوفينه ضيعتي السالفه الي اريد احجيه الكمم يااااي

ميسم:ياا عزه تخبلت البت شكو ولج احجي؟

شهد:ذيج الساعه سمعتو هاي الهوسه الي صارت

ميسم و ايلاف:يي

شهد: اكو ضابط ما اعرف شنو رتبته بس مبين رتبته جبيره متصاب ولو شايف المستشفى نترست ضباط وشرطه ويمه لو تشوفيهم واحد يگول لثاني اني احلى منك يابهههههه

ميسم:عليج الله گومي خلي نشوف؟

ايلاف:شوف هاي عود أنتِ العاقله بابه عيب ستحوا وإذا رحتوا ذوله عينهم زايغه شعدكم

شهد:أمشي سوسه عوفيه هاي عود طبق مثاليات وحجي بروسنه

مقابل الممر...

ميسم:احو ينار گلبي لج شنو هل بقلاوه

شهد:بس بقلاوه لج هذوله حلويات من نوع خاص،وجان نسمع صوت

..شوف هاي حلويات شنو لج هذوله ماعون حلويات دسمه

شهد وميسم:درنه وجهنه ونشوف ......

يتبع.....

شلونكم بنات اسفه والله على التاخير بس جان عدنه مناسبه ف ملتهيه وماكدرت انشر وهسه ياله گدرت انزل 🥺💔

لا تنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه

غدير عبدالله

"وقد كانت صدفة"

هناااك اربع اشياء لاتستطيع

استرجاعها في الحيــاة:

الفرصة بعد ضياعهـا

الكلمة بعد قولهـــا

الوقت بعد انتهـائــه

والثقة بعد فقدانهـــا !.

وإذا اشوف ماما مطلعه الاغراض بره والبيت مگلوب گلاب التخامه والميوزه والمايات جاي أمشي ودخلت رجلي بالماي وجان يطلع ايسر لابس فانيه الداخلية وبرموده ولاف رأسه بفوطه يمه شكله يخرب ضحك وماما ترش وهو يمسح بالماسحه شافوني گالت ماما....

..يله بسرعه روحي بدلي وتعالي ويانه عدنه كومت شغل !

غنى:ليش شكو منو حيجي؟

..بيبيتج فردوس حتجي باجر هسه ابوج خابر گال بأجر اجيبه

غنى:صدُك ؟!

.. ردت بضجر يي والله عساه لا اجت أن شاء الله ،يله بسرعه روحي خلي نكمل شغل

غنى:رحت بدلت على السريع وبدينه بالتنظيف اني وايسر لحد ما تكسرنه تكسر وماما واگفه فوگ روسنه تتآمر سوو هاي وسوو ذيج صارت الساعه ب3 ياله خلصنه تنظيف جان يدخل امير متفاجأ سلم وگال....

امير:هاي شكو شنو صاير شنو هلمايات ،بعدين دار وجه شاف ايسر شنو لابس باوعه وهو كاتم ضحكته ،ها شنو شلابس انت؟

ايسر:غير امك بعد ما مغسل وجهي من الصبح كربتني كراب المطي

امير:ليش شكو؟

عبير:بيبيتك حتجي باجر وتدري هي من تجي شنو تسوي متخلي شي على حطيته إذا ما طلع بي وصاخه لو سالفه شكل

امير:اها توصل بالسلامه اني صاعد لحد يگعدني ما اتغده

غنى:صعد امير الغرفته هالايام صاير كُلش مو طبيعي ابد يجي من شغل يصعد لغرفته وبعده يبدل ويطلع لو يضل النهار كله هو بالمكتب.

ما اعرف اخويه شبي احس بداخله حزن بس ميگدر يگول لاحد لان مستحيل يحجي لأحد بس بيبي الي هي الوحيده الي تعرف شبي من نضره والي هيه بيبي فردوس .

طبعا بيبي هي تصير ام بابا بس ما ساكنه هنا لا بغير محافظة گاعده لان أصله من غير محافظة بعد ما مات جدو الله يرحمه ضلت گاعده وشگد توسلوا تجي تسكن هنا بس ما قبلت ضلت هناك هي وعمه عذراء الي هي البنت الوحيده لبيبي فردوس من بين 5ولد محسن الكبير وره عمه وبعده بابا وراه وليد ومحمد وسام الصغير.

عمتي عذراء ارمله لان رجله سوه حادث ومات ف ضلت يم بيبي تداريه، المهم طبعا بيبي متحب ماما ابد لان ماما تصير بنت ابن عم جدو ابو بابا ،وجان واحد يحب الثاني بس بيبي ابد ولا تحبه تگول اموت من الگرايب عگارب بس مدري شلون قتنعت ولو هي ما قتنعت وانما تقبلت الأمر الواقع لان بابا جان يحبه كُلش لماما وشكم مره ترك البيت وعافه واسبوع أهله يدورون عليه وهو قافل لو هي اتزوجه لو ما ارجع .

بعدين شافوا مصر تقبلوه ميگدرون يحجون ماطول هو يحبه وهي تحبه راحو وطلبه وافق ابوه وتزوجوا ،حبلت ماما بأمير فرح بابا وفرحته ما نطاه لأحد،بس ضلت بيبي دائما اكو حزازيات بينه وبين ماما دومه اسمه بيبي وماما مسويات مشكله وبابا عنده دوام وشغل ويوميه ناقلي بمكان شكل بس اكثر شي هنا ،كبر امير وصار تعلقه بيبي بصوره مو طبيعيه رغم بيبي دوم مشاكل هي وماما بس ابد ما دخلت أحفاده بهاي السوالف .

بعده بابا جزع من المشاكل قرر يطلع بيت وحده احسن اله وللكل بس ببيبي رفضت هذا الشي على انو ولدي اريدهم گبال عيني يي هو محد حش بروسهم غير النسوان تحجي وتقصد تسمع ماما وماما هم متسكت تضل تزن براس بابا ،ومن غير مشاكل ويه مرت عمو هذيجه هم وكحه وماما اللسان متسكت.

حبلت بايسر من شاف بابا ماما طلعت حامل سدو السالفه قنعه من تجيب بخير وسلامه بذاك الوقت نشيل لان حمل جان جدا صعب ويوميه عند دكتور شكل منا لمن اقتنعت ماما جابت ايسر بعد معانات من الحمل وبابا من سمع اجا ولد ثاني طار من الفرح حتى بيومه جاب ذبيحه وزعه بمناسبه الولد الثاني طبعا جدو جان صاحب أملاك وگيعان ولده هم مشغلهم ويا ابد ما عافهم خلاهم يكملون دراسه ويشتغلون على گولت بيبي طلع گلبهم خلاهم مامعتازين اي شي وأمن مستقبلهم قبل ميموت، كبر ايسر وبعد ماما وقفت بعد متحبل اكتفت بالولد الثنين .

رجعت فتحت الموضوع وياه بابا مره ثانيه بس هالمره ما عارض لان جان مخطط اله من زمان وهم مكان شغله هناك ف بده بأجراءات النقل رغم بيبي زعلت ويا ومتحجي بعد بس حاول يقنعه انو مو عبير الي گايلتله وزانه برأسه لا وانما مكان شغله هناك قبلت وكمل بابا الإجراءات ونتقلوا للبيت جديد محافظة تختلف على الي جانوه بيه من ناسه وقومياته واصنافه لكن كل هذا جان الي شوفهم اخوه واحد يحب الخير لثاني جار يأوي جاره جار يامن عد جاره ....وهوي أموره تميزه عن غيره .

وبيوم من الايام جانت ماما تطبخ وامير يقره وايسر يلعب جان يجي بابا ولونه مخطوف ويگوله ....

عصام:يله بسرعه لمو غراضكم حتى نروح!

عبير: بخوف ليش خير شنو الي صار؟

عصام:أبويه مااعرف شبي ماخذي للمستشفى وطالب يشوفنه يگول هاي اخر شوفه الي الكم اريد أودعكم

ماما لمت غراض بسرعه بسرعه ونطلقوا لبيت جدو وصلوا وجان يلگون جدو مدد على الفراش ويلهج يريد يشوفهم وجان يدري هاي اخرمه مره حيشوفهم وصُدك بس شاف بابا وخله رأسه ومات جانت هاي فاجعه بالنسبه البابا ابو الي رباه وعلمه وخله يكمل دراسته ماقصر عليه بشويه جانت تسولف بيبي تگول...

..سوده عليه نزل على گبر ابو ومات من البجي گام يشيل تراب ويذب فوگ راسه مثل النسوان ...

بعده مشت الايام ورجعوا  وصارت سنه على وفات جدو بس بعده بابا الحزن بداخله ميضهره لأحد حتى لماما ابد ولا يگول لأحد وهذا الشي ورثه امير من عنده ، بعده قرروا عمامي هم ينتقلون ويجون يمنه بس بيبي رفضت تروح ..

فردوس:شلون اروح واعيف البيت الي بي ريحت ابوكم من كل عقلكم اعوفه واروح روحوا انتو الله ومحمد وعلي وياكم ..

..بس يمه شلون منو يضل يمج كل احنه حنروح لان كل شغلنه هناك منگدر نعوفه وأنتِ تردينه هنا يمج شلون؟

فردوس:اني گلت أريدكم يمي لو انتو اجيتوا تردون ترحون حتى ما كلفتوا نفسكم واخذتوا رأيي مجهزين لكُلشِ وطابخيه انتو ونسوانكم وهسه جاين تردوني اروح يمه روحو اني اضل وحدي ..

عصام:يمه شلون نعيفج ونروح لازم اكو رجال وياج ..

فردوس: والله يمه شسوي اني اذا اشوف ولدي بيدين النسوان أنه اسكت احسلي نضل اني وبنيتي هنا وانتو روح ما الي شغل بيكم ،وضلو يتناقشون بالاخير قرروا كله تروح وكل اسبوع يجي واحد يمه يضل إلى أن بلكي تقتنع.

بس ضل بابا الحزن مرافقه على ابو ومنا أمه شلون يخليه وحده وهو ميگدر يروح ملتزم بشغله ومن بعد ما مات جدو توزعت الگيعان لكل واحد ،بعده ماما طلعت حامل بس حاول شويه ينسي هذا الشي والته بين الشغل وماما ومرضه وبعده اجيت للدنيا اني جانت فرحته أكثر من فرحته بامير وايسر لان بنيه لان جان دائما اليگول البنيه عزيزه ابوه جانت فرحته بيه حاولت تنسي وفات جدو ...

فردوس:وهسه روحي جيبلي ماي لان حلگي نشف بس هااا كون تغسلي بماي حار خاف امج متغسله زين طبعا ماما من تسمعه تگوم تفور وتغلي من جوه ،رديت

غنى:بس بيبي اني اغسل المواعين مو ماما..

فردوس:اذا هيج ميخالف يله روحي ،رحت اجيب اله ماي بعد ما غسلته ماي حار اكيد جان تگول ..

فردوس:اگول غنيوه شو امير ما هو ما شفته معقوله ميدري بيه اجيت؟

غنى:بيبي حبابه لتصيحيلي بهذا الاسم شنو عنزه اني؟

فردوس:وشبي عيني معاجبيج ولو هو ماطول امج مسميتج لازم اني اغيره هسه گولي وين اخوج؟

غنى: م...دا احجي وجان يجي لان جان بالشغل مالته اجه سلم عليه وباس رأسه ..

فردوس:هلا وكل الهلا بابو عيون جتاله وهلا بالطش والرش تعال يبعد بيتي تعال ..

امير:ههههه حبيبتي بيبي شلونج احوالج صحتج؟

فردوس: الحمدلله مادام انتو بخير اني هم بخير يي يمه شلونك اخبارك شغلك شلونه؟

امير: الحمدلله بخير

فردوس:يمه يعني شلون ما ناوي تزوج شوف شكبرك صرت الي بگدك خلفو انت بعدك ممزوج يعني تحتاجلك مريه تداريك تشوف شنو تريد؟

امير:بيبي بعد الله كريم بس گاله بحزن وگام صعد لغرفته دارت وجه بيبي وتأشرلي شنو بي سويت اله حركه بما اعرف

غنى:بعده اجه بابا وصبينه غده تغدينه كل احنه جانت لمه كُلش حلو ويه بيبي دائما كل ما تجينه رغم نگرته هي وماما بس دومه تحليه بسوالفه الحلو .

كملت المواعين وصعدت لغرفتي كُلش نعسانه خليت راسي وغفيت صارت ال4 گعدت نزلت لگيته كله گاعده وماما دتسوي جاي رحت وياه اجهز الصينيه خليت كعك وكليچه وأخذته يمهم صبينه الجاي وسوالف وضحك جان ينزل امير مبدل گال اني أطالع...

فردوس:لعد بيبي وين شفناك إذا اول ما جيت گعدت شويه وگمت

امير:اجه بأس رأسها، بيبي مو عندي شغله لازم اگضيهه ومن ارجع أن شاء الله اجي يمج وما اروح تمام

فردوس:اذا هيج ميخالف بس مو تتأخر لان عندي حجي وياك

امير:خير يا ستار شكو؟

فردوس:بعد.....

ميسم

رد

💬گاعده؟

رديت

💬يي عبالي رحت أو يجوز حرجتك بسؤالي؟

💬لا ما اكو اي احراج بس رحت اسوي گهوه واجي

💬يي بالعافيه

ورجع يكتب بس هلمره طول وخرت المنشفه من شعري لان حتريت وضليت انتضر ،ادري جاي تكتب جريده بعدين دز....

💬 لان صرتي صديقتي ومن سمعت القصه مالتج حسيت اكو هواي تشابه بينه حاولت اساعدج قدر الإمكان حتى لتصيرين مثل الي اني بي كرهت كلشِ تركت اهلي شغلي حتى صحتي هملته ،ردتج لتعيشين الي اني عشته ومن بعد الي صار وياي ابد ما تقربت للجنس الآخر يمكن أنتِ صديقتي لوحيده لي تعرف قصتي شنو رغم لاي احد ما گلت بس أنتِ ورافد وهسه يارت ارضيت فضولج

رديت

💬 يي

💬اها مهمد سلاوات

💬 هههههههههههه

💬دوم هل ضحكه

💬 شكراً،زين شوكت السفره مالتك

💬بعد يومين

💬 تمام تروح ورجع بالسلامه ومن توصل طمني

💬تمام

💬 يله تصبح على خير ضوجتك

💬وأنتِ من أهل الخير

غلقت التلفون وخليت راسي على المخده حتى ما نشفت شعري اخذتني الصفنه بكلامه بعدين ما ادري ونمت گعدت الصبح بدلت وكملت رحت لايلاف اخذت بس جان وضعه مو طبيعي حتى صعدت وضلت ساكته مو من عوايده متسلم سلمت اني ردت بعدين اكو شي صاير خفت كُلش گلت اكيد ابن عمته مسوي شي وصلنه نزلت هيه واني صفيت السياره .

دخلت اخذت بطريقي لفه وكوب جاي لان متحب الگهوه دخلت ولگيته نايمه ومخليه اديه جو رأسه من سمعتني شالت رأسه نطيته الاكل وطلعت لان جان عندي مراجعه المرضه لتهيت بين الشغل وبعدين صارت عندي فرصه رحت اله للغرفة لگيته موجوده سولفتلي الي صار كُلش نقهرت عليه حسيت مجبوره من الي سوته من وره ابن عمته.

دتحجي وجان تجي شهد وگالت النه على ذوله الضباط الصراحه صار عندي فضول ما تحملت اريد اشوف بس رغم هيج بنفس الوقت صرت ما اتقبلهم صح احجي واسولف ويه سيف واضحك بس مال حب وهاي السوالف لا كُلش انفره .

من بعد الي صار ويايه صارت الي عبره من اي بشر مرات احس بشعور من اشوف سيف أو احجي وياه شعور غريب صرت أجبر نفسي انو هو مجرد صديق صرت بداخلي اشوه صورته يي كلهم نفس الشي صح هو يساعدني حتى يتقرب مني عود يحببني بي ،صرت اكون قصص براسي وفكر سيئه عنه.

رغم احجي ويا واراسله بس كصديق مو غير شي ومن بعد ما گالي شنو السبب رتاحيت نوعاً ما لكن بنفس الوقت ماخذه حذري منه .

يي هذه اني شخصيه متقلبه احاول اكون للناس شخصية مرحه وحبابه بس بداخلي اكو كره مو طبيعي للجنس الثاني.

وهذا كل الي صار خلال هذا الأسبوع

..بس من خلال كلامج ح تأذيه نفسج هواي ؟

ميسم: مو بأيدي دكتوره مو بأيدي مجاي تعرفين شنو الي أحسه بي صرت احس شخص ثاني مو نفسه ميسم الفطيره الفقيره ليش هيج صرت ،انفعلت حيل واحجي وايديه ترجف گامت من مكانه اجت حضنتني وگالت...

.. عادي حبيبتي الي ديصير وياج من كثر الضغط الي أنتِ بي .

..وعقلج الباطن هو الي يصور افكار ويصدگه حاول شگد متگدرن لتفكرين الهي نفسج بشي اطلعي غيري شويه من نفسيتج مو عندج صديقتج ايلاف روحي يمه سولفيه وياه كلي الي يجيب بالج .

ميسم:ساكته واسمع لكلامه لحد ما خلصت ،تدرين دكتوره مرات احس بنفسي سايكو،ضحكت بصوت

..هههه لا مو لهيج درجة السايكو يختلف جذريا بالنسبة الج هسه ما اشوش عليج حكتبلج على شويه مهدئات وضلت تشرحلي شوكت اخذهن تشكرت من عده وطلعت بعدني ستوني طلعت جان يرن تلفوني رفعت وإذا سيف رديت...

سيف:هلا ميسم شلونج

ميسم:الحمد لله تمام انت شلونك وصلت؟

سيف:يي.

ميسم:يي الحمدلله على السلامه

سيف:الله يسلمج أنتِ شلونج رحتي للدكتوره؟

ميسم:يي ستوني طلعت من يمه وهاي رايحه للسياره

سيف:اها يله اخليج براحتج ديري بالج على نفسج تمام

ميسم: تمام باي

سديت من عنده صفنت على التلفون احجي ويه نفسي يي انتو كلكم نفس الشي كلكم كذابين بعدين قررت اشوف ايلاف تصلت عليه ردت...

ايلاف:الوووو هلا داده شلونج ؟

ميسم: والله الحمدلله أنتِ شلونج

ايلاف: الحمدلله هاي شنو طالعه شو صوت سيارات؟

ميسم:يي ،اكلج أنتِ بالبيت موجوده؟

ايلاف:يي ،ليش صاير شي؟

ميسم:لا ماكو شي بس حبيت أمر عليج وعندي شغله اريد اگلج عليه

ايلاف:هلا بيج حبيبتي

ميسم:يله باي

ايلاف

ايلاف:عززززه بعينجن ولجن هذوله شنو؟

شهد:ها شو اجيتي يوم العلم انتن متستحن وذوله عيونهم زايغه طلعتي أنتِ ينخاف منج

ايلاف:شنو قصدج ولج

ميسم:اشششش ولجن فشلتنه يله كلمن على شغله اني اروح

ايلاف:يله اني هم اروح عند عمليه وشهيدان اني الج بس اخلص اني الينخاف من مو بسيطه..

شهد:هههههه كُلش يله روحن ،راحن هنه ودرت وجهي مبتسمه جان يصير گبالي واحد منهم شواربه ثخان وشعره الاسود وهو ضخم ضليت صافنه بعدين فززني وهو يگول

..أنتِ مو دكتوره؟

شهد:احم يي تفضل رايد شي؟

..اممم زين شلون صار وضعه؟

شهد:منو هو تقصد؟

..هاي شبيج المريض الي جبناه لعد هاي الهوسه كله عليمنه غير عدنه ضابط متصاوب!

شهد:افهم بس على كيفك انت هنا مو بالمركز وترفع صوتك انت هنا بمستشفى بيه مرضى ارجو منك تنصي صوت وبعدين اني ما أشرفت على حالته غير يجي الدكتور المسؤول عنه..

..ضل يخزر بيه ،لعد گول من البدايه عافني وراح عابت عباله مستشفى الخلفه.

بعدين صاحلي دكتور منير رادني اشوف مريض ليش ما طلع المريض هذا الضابط المتصاوب يبوه هسه شلون اروح وهذا موجود اكيد حيفشلني وهم مبين ماعنده ذرت مستحه..

رحت همزين ما جان موجود والمريض بعده ما صح چيكت الاجهزه وإذا يصير بوجهي جان يگول...

...ها لعد مو على أساس انتِ ما تعرفين وضعه شو هسه منا طلعتي؟

شهد:يي هسه كلفوني انو أشرف عليه، وعفته ورحت

ايلاف:خلصنه شغل اليوم متأخر ،بعده وصلتني رجعت للبيت كُلش تعبانه حتى بسرعه نمت من التعب مر اليوم عادي والبعد والبعده هم بيوم العصريه طلعوا بابا وماما يشترون مسواگ الرمضان نص والنص الثاني گال بابا اني اجيبه غير مره بس اليوم نجيب المهمات راحو للعصر وخابرت ميسم گالت حتجي يمي كُلش فرحت بجيته عدلت البيت حضرت حبشكلات وهاي السوالف سمعت الباب تندگ طلع آدم فتح الباب

دخلت سلمت عليه ودخلته للبيت ضليت شويه نسولف بعده گمت جبت صينيت التقديم بعدين گتالت....

ميسم:اريد اگلج على شغله بس مو تگولين هسه بعدين؟

ايلاف:احجي شكو ولج خوفتيني؟

ميسم:شوفي من بعد الحادث الي صار صار عندي مشاكل وسلفتله حالتي شلون جانت

ايلاف :يي وبعدين شنو الي صار

ميسم:وبيوم الي سيف جابلي السياره و .....

ايلاف:ييي كملي شنو

ميسم:وراجعت طبيب نفسي ،ردت اشوف رد فعله ؟

ايلاف:يي وشكو بيه عادي زين سويتي.

ميسم:يعني مابي خطأ الي سوته

ايلاف:ليش خطأ بالعكس سوتي شي الي ريحج ويفيدج بالعكس اني وياج.

ميسم:تدرين ما توقعتج هيج تگولين گلت يمكن اذا اگول متقبلين.

ايلاف: بالعكس كُلش فرحانه بالي جاي تسوي ليش لعد ما گتيلي من زمان جان رحنه اني وياج

ميسم:خفت اگول وتگولين لماما وادري بيه متقبل ف فضلت ما احجي بس اني ما رحت وحدي .

ايلاف:لعد منو؟

ميسم:ويه سيف

ايلاف:ولج سيف منو؟

ميسم:عزززه ولج فضحتنه نصي صوتج شبيج سيف الي ساعدني شبيج ثوله.

ايلاف:شهگت عززه بعينج وشلون ترحين ويا؟

ميسم: شبيج ولج خلصته عزه وعز رحت بعد ولو ما هو جان ما خطيت هاي الخطوه....

تسريع الأحداث

قبل ميخلص رمضان بيومين رحنه البيت جدو على أساس نروح الهم ونفطر يمهم بس بعدين گال بابا ...

..خلوه وره الفطور احسن احنه ،هم ما لحينه بعده فطرنه وخلصنه كُلشِ ورحنه لبيت جدو جانو كلهم موجودين اجت رفل گومتني على أساس تراويني نفنوف الي شترته لعقده وره رمضان بالعيد شفته كُلش حلوه وباركت اله هم.

رجعت لاستقبال فتحت الباب وتنفجر هاي مالت العيد ميلاد عليه وكله تسوي هابي پرث دي تو يو واني

مصدومه .

بعدين اجت رفل وراي وعايدتي بمناسبة عيد ميلاد وكله هم عايدوني صراحه جانت احلى مفاجأة بالنسبه الي ونطوني هدايه..

ايلاف: والله خجلتوني يعني هاي مفاجأتكم كُلش كافيه عليمن هل الهدايا

بعده اكلنه وخلصنه بعدين كل واحد رجع لبيته واحنه هم رجعنه دخلت للغرف مالتي أريد ابدل جان تجي رساله دخلت على الرساله رقم غريب وداز ڤويز وفتحت وسمعته ضليت مصدومه بعدين رجع دز صور وإذا اشوف الصور من بعده ما سيطرت وگع التلفون من ايدي.....

يتبع...

بنات تعالو الانستا انشر الكم الڤويز الي وصل الايلاف

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه

غدير عبدالله