تحميل رواية «وقد كانت صدفة» PDF
بقلم غـدير عبداللّٰه
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
" " تصادفنا كثيراً من الكلمات التي نقراها في عباره مكتوبه في نهاية كل صفحه من الكتاب.! قد تُلفت الإنتباه وتأخذ الكثير من التفكير والبحث حتى تدرك معناه وتكترثُ بها الحديث وكأنك أتقنت التعايش معها وأصبحت مُلماً بها وكثير الكلام . وهكذا نصادف أشخاصاً كهذه الكلمات التي أخذت بنا مجهوداً حتى عتدنا على التفكير بهم دون ملل ولا كلل. لكن لا نعلم من اين وكيف أتت وعلقت في الأذهان كرياح عاصفه قد هبت وبعثرت كل المكان . والصدفه لوحه رسمها القدر واضعاً بها جميع الالوان.. الاحمر حباً! والاسود حزناً! والابيض يعني...
رواية وقد كانت صدفة الفصل الاول 1 - بقلم غـدير عبداللّٰه
"وقد كانت صدفة"
تصادفنا كثيراً من الكلمات التي نقراها في عباره مكتوبه في نهاية كل صفحه من الكتاب.!
قد تُلفت الإنتباه وتأخذ الكثير من التفكير والبحث حتى تدرك معناه وتكترثُ بها الحديث وكأنك أتقنت التعايش معها وأصبحت مُلماً بها وكثير الكلام .
وهكذا نصادف أشخاصاً كهذه الكلمات التي أخذت بنا مجهوداً حتى عتدنا على التفكير بهم دون ملل
ولا كلل.
لكن لا نعلم من اين وكيف أتت وعلقت في الأذهان كرياح عاصفه قد هبت وبعثرت كل المكان .
والصــدفه لوحه رسمها القدر واضعاً بها جميع الالوان..
الاحمر حــباً!
والاسود حزنـــاً!
والابيض يعني الامـــان!.
غدير عبدالله
الانستا ghe.92
🌼🌼
رواية وقد كانت صدفة الفصل الثاني 2 - بقلم غـدير عبداللّٰه
"وقد كانت صدفة"
ربما تقودنا الصدفه إلى واقع او زمن لم نكن نعلم حدوثها وقد تجمعنا الصدفه أو ما يسمى بالقدر الذي يلعب دورا مهماً في حياتنا مع أشخاص تصادفت اقدارنا معهم ...
..اول ما طلعت شافني وأجه هام بكل خوف بتجاهي گال..
..شلون صار وضعه دكتوره ؟!.
..بعدني ممجاوبه جان تجي مره وجهه اصفر تبجي وترجف جبيره بالعمر يطلع عمره نهايته الاربعين تقريباً.
..جاوبته، خاله على كيفج الحمد لله وضعه احسن انتِ بس طولي بالج وادعيله بدال متبجين، بس گلت هيج حسيته هدأت شويه بعدين انتبهت وياه بنيه شابه و رجال جبير بالعمر أخذه وكعد يهديه االتفت إليه الولد..
.. كال دكتوره ترى ماقتنعت بكلامج
.رديت واني مقهوره عليه،ما اريد اخوفه اضطريت احجي هذا الكلام
..رد يعني دكتوره وضعه خطر كلش؟؟
.الصراح وضعه كلش خطر وإذا استمر احتمال ...
_______________'''''''
رجعت مره ثانيه للغرفه اجيك وضعه اول مدخلت عليه شفته ضليه فتره مركزه بملامحه رغم هو فاقد بس مادري جتاحني شعور غريب اول مره احس بي كأنوا اكو شي ديجذبني اله شيء غريب مادري مادري شعور كلش حلو بنفس الوقت بعدين استغفرت وتعوذت الشيطان وخلصت شغلي ...
_______________''''''''''
...عفته شايط ويصيح وحده بعدين اجت مريم نقذتني ضلت تحجي ويا مبين كلش عصبي بس ماسمعته شديگول اله رحت بسرعه لان اجه ابو الخط صعدت ولبست النظاره بس احس راسي حينفجر من الألم عيني مشت السياره ماعرف شوكت وصلت للبيت دخلت سلمت وصعدت محد انتبه على وضعي...
وهاي مشاهد تشويقيه من روايتي أن شاء الله تعجبك الرواية
واهم شيء التصويت وانتظر تعليقاتكم
وياكم غدير عبدالله
دمتم في رعاية الله وحفظه...🌼🌼
رواية وقد كانت صدفة الفصل الثالث 3 - بقلم غـدير عبداللّٰه
" وقد كانت صدفة "
گاعده بالحديقة مال المستشفى مثل كل مره اقره كتاب مشتريته جديد ويمي كوب جاي وقت استراحه واليوم عندي خفر والهوى كلش حلو بي بروده لأن بداية شتاء ساعه أقره وساعه اسرح بخيالي لأفكار بعيده كل البعد عني أو عن شخصيتي أصلا .
جنت كلش احس بغرابه من اسمعه بطاريه الحب أو أحسه مو لوني جنت احجي لميسم صديقتي من ايام الجامعه والاقرب الي كُلش دائماً تگلي..
.. هسه توگعيب بي وعلى وجهج هم بحيث متشوفين منو اليمج من تسمعين صوته ..
جنت اضحك عليه واگله واني متاكده من قراري مراح يصير حتى لو صار هم نفس متگولين ..
خلص وقت الاستراحه رجعت اشوف المرضى واشرف عليهم مرت تقريبا ربع ساعه واجت الاسعاف للطوارئ واني داطلع من غرفه الانعاش أول ما طلعت اجه مباشرةً دكتور علي گلي
دكتور علي :دكتوره بسرعه جهزي غرفت العمليات والمستلزمات بسرعه لان المريض حالته خطره وهواي نزف...
..تمام دكتور رحت جهزت الغرفه والممرض وياي لان دكتور علي هو مشرف على حالته واني اساعده وممرض ويانه دخلنا للغرفة خلينه بالاول اوكسجين وشكلنه الأجهزة الضغط وهاي السوالف وبدينه العمليه كانت خطره لان نزف هوايه دم ونبضه كُلش ضعيف .
خلصت العمليه وگدرنه نوقف النزيف بس بقه وضعه مامستقر والي عرفته انو متعرض لحادث سير على الخط السريع وضاربته اتريله(شاحنه كبيره) وضال ينزف بين ما جايه الناس وناقلته فاخابروا أهله وهم هسه بالطريق ميدرون بوضعه خطر .
وره ماخلصنه العمليه رحت للحمامات بدلت الملابس الوصخه وطلعت من الحمامات واني داامشي بالممر وجان صدفه انضرب بواحد وكعن الغراض من ايدي ردت اوگع لزمت بالحايط واستندت عليه ونداريت بقيت صافنه ماشفت شكله بس گفاه، شبي هذا عابت اي والله ناس همج رحت شويه ارتاح بالغرفه تقريباً ساعه صارت الخمسه صليت وطلعت رحت الغرفه الإنعاش اشوف المريض اسمه سيف دخلت جيكت وضعه..
اول ما طلعت شافني وأجه هام بكل خوف بتجاهي گال..
..شلون صار وضعه دكتوره ؟!.
..بعدني ممجاوبه جان تجي مره وجهه اصفر تبجي وترجف جبيره بالعمر...
.. دكتوره ابني شلون صار وضعه..
_جاوبته خاله على كيفج الحمد لله وضعه احسن انتِ بس طولي بالج وادعيله بدال متبجين، بس گلت هيج حسيته هدأت شويه بعدين انتبهت وياه بنيه شابه و رجال جبير بالعمر أخذه وكعد يهديه التفت إليه الولد
.. كال دكتوره ترى ماقتنعت بكلامج
..رديت واني مقهوره عليه،ما اريد اخوفه اضطريت احجي هذا الكلام
..رد يعني دكتوره وضعه خطر كلش؟؟
.الصراح وضعه كلش خطر وإذا استمر احتمال يدخل بغيبوبة يعني موت سريري لا سامح الله لان خسر هواي دم ونبضه ضعيف بس نبعد الأجهزة عنه هاهيه حسيت ملامح توتر وجه صار احمر وعيونه مدمعه ومنا المره بس تبجي وتدعي والرجال والبنيه يهدون بيه خطيه كلساع ويهبط الضغط مالته وشكلوله مغذي يخلص وترجعه ،رحت منهم واني داروح صار ابوجهي رافد !!
..شدسوي هنانه رافد خير شكو صار شي ماما بابا بيهم شي احجي.؟
رافد :شبيج يابه كلشي ماكو كلهم بخير بس صديقي اهنا ومسوي حادث خابروني وگالوا بالمستشفى وهاي اجيت .
..ها خوفتني يي البارحه جابو واحد امسوي حادث وحالت كلش خطره خطيه اسمه سيف مو ؟
رافد:يي هو هذا صديقي كلش عزيز عليه شلون صار ؟؟..
.. والله حالته كلش خطره وبالانعاش وأمه خطيه كلساع تبجي وتتخربط كلش قهرتني .
رافد :يله اني اروح اشوفهم ،وراح شويه بعده ما وصل وصحتله اندار عليه ها!!.
..اكلك اذا خلصت تاخذني للبيت لان ميسم مو هسه دوامه واني خلصت دوامي
.
رافد : تمام بس اشوفهم واجي بين متخلصين شغلج تعالي اهنا تلكيني يله اني رايح
رديت تمام راح هو واني خلصت دوام جانت الساعه ثمانيه رحت جهزت الغراض وبدله رحت للطوارئ لكيت رافد مستند على الحايط وعيون مدمعه مسح عيونه وكال يله أمشي خفت اسأله خاف احرجه مبين مقهور على صديقه أحنه ودنمشي صار بوجهي نفس الولد رد علي رافد ..
رافد:ها خويه انه هسه رايح بس اودي اختي للبيت واي شي تحتاج بس خابر.
..لا حبيبي تسلم ما قصرت اذا ردت شيء اخابرك تمام سلم عليه ورحنه للكراج وطلعنه للبيت احنه ود نمشي بالسيارة سألته ..
..منو هذا الولد من البارحه هو موجود حتى قبل اهل سيف اجه شنو اخوه لو شنو لان سمعته يگول للمرة خاله؟؟!
رافد : لا هذا ابن خالته لسيف.
..زين وانت شلون اتعرفت عليه ؟
رافد: مره اجه الدائرة مالتنه وتعرفت عليه من خلال سيف جان عنده شغل يمنه وخلصنا راد ينطينه فلوس ماقبلنه وسيف گله منريد فلوسك مرجوعه اعزمنه على غده ومنا وتعرفت عليه
كتله:هااا فهمت بعد ماسالته ...
____________________________
يتبع ...
وان شاء الله يكون عجبكم البارت واهم شيء التصويت واريد رايكم بالتعليقات ودمتم في رعاية الله وحفظه...
غدير عبدالله 🦋🌼
رواية وقد كانت صدفة الفصل الرابع 4 - بقلم غـدير عبداللّٰه
"وقد كانت صدفة"
لم تَكن صدفه حين عَثرت عليك..
كُنت مرسومًا على حدود أيامي،
كنت شيئاً انتظره وينتظرني
ولم يكن لقائنا الا بدايه حكايه صاغها القدر بإتقان.
ضلينه نمشي .... خلي احجيلكم على نفسي اشويه بين منوصل للبيت .
اني اسمي ايلاف عمري25سنه اني دكتوره اشتغل بالمستشفى مصارلي هواي من مشتغله بيه بعدني مامارسه مهنتي فاكون مساعده وي الدكتور الرئيسي لما ابدي امارس شغلي تمام.
بابا اسمه علي دكتور جامعي وماما اسمه شيماء مدرسه بعدادية مال بنات بابا وماما اتزوج عن حب ماما.
كل واحد من محافظة بعد ما أهل بابا قرروا ينتقلون بسبب خلاف صار بين جدي واخوانه، بعدين تزوجوا ورجعوا لمحافظتهم وضل جدي مع خلاف ويه إخوانه بس انتقلوا لغير منطقه.
بعد سنه من زواجهم اجه اخويه وحبيبي رافد وهسه رافد عمره 26سنه مهندس معماري مامزوج يعني اعزب ميفكر بالزواج وكلما نگوله يكول مو وقته وبس مكضيه ونسه وطلعات وسفرات وي جماعته.
بعده اني ورايه اخر العنقود آدم حبيب اخته19سنه عمره اني ربيته مو اخويه هذا ابني وهو كلش متعلق بيه،وكلش شاطر يحب يدرس خاصه قانون من هو وصغير يحبه هذه المهنه ومن كبر حقق حلمه،وحاليا هاي السنه مرحله اولى وي بابا بس محد يعرف بهذا الشي حتى الاساتذه ميكولون ينجح ابنه واسطات وكذا لاهذا فظل محد يعرف .
آدم من النوع اليحب يشاقه حياته عباره عن تحشيش وضحك ونسه .
حياتنه هادئه مستقره كلمن ملتهي بشغله بس وقت الاكل لا كله تلتم مهما كان السس لازم الكل موجود
دائما نحب نطلع والكول يطلع محد يبقه بالبيت نروح مطاعم مولات حدائق ،اوقات نروح لبيت جدي أهل بابا لان هم بغير منطقه مو كولش بعيده علينه تقريبن ٥دقائق.
اما اذا واحد عنده شغل مهم ميرحون وخاصه اني لان اوقات عندي خفر ميطلعون بدوني لان يدرون بيه مااطلع وحدي لو وي اهلي لو وي ميسم لان عده سياره.
صِحَيت من الصفنه على صوت رافد وهو يكول يله وصلنه نزلنه فتحت الباب البيت نزعت الحذاء تكرمون ودخلت البيت هدوء ماكو احد الكل بالدوام بس ماما مرات اذا دوامه ظهري تضل نايمه رحت لغرفتي اوووف يامخدتيي اولي عليج هفففف الغرفه بارد بس نزعت الشال ونمت نومه عمييقققه...
في مكان ما الساعه بال8:36الصبح بالمستشفى
ميسم
دخلت المستشفى رحت الغرفه مالتي بدلت الملابس
ورحت عل الطوارئ افتر على المرضى يلي حالتهم طارئه بعده خلصت رحت على غرفه الانعاش انراقب وضعه المرضى البيه اني ودامشي شفت مره واكفه باب الغرفة لازمه قرآن وتبجي ويمه رجال كبير و ولد شاب الصراحه كسرت خاطري رحت للغرفه ردت افوت وچانت صيحني دكتوره..
ميسم :تفضلي خاله ؟؟
ام سيف : فدوه العمرج دكتوره بس ادخل اشوفه ابني فدوه
ميسم : خاله ميصير دخلين ! .
ام سيف : فدوه دكتوره بس اشوفه ولو 5دقايق گلبي نار عليه ،تبجي وتحچي كلش قهرتني كتله بس 5دقايق
كالت ماشي دخلته انطيته صدريه وكمامه وجفوف عمود متتلوث الغرفه ودخلت اول مدخلت بجت اني واكفه قريب منه واسمعه اتگوله..
ام سيف:يمه حبيبي سيوفي كوم من فدوه رحتلك بعد طولي طولك يمه كوم كون عمري گبل عمرك گوم اريد اشوفك عرييس واشوف اطفالك يمه كوم وازوجك التحبه واليختاره گلبك وافرح ورقص بعرسك
واني مادري ودمعي اتصب من وحدهن بعد ماتحمل رحت يمه وگتله..
.. يله خاله خلص بعد ميصير تبقين لان دخلتج على مسؤليتي فدوه كومي وهي تبجي وتبوس بأيده واني عيوني غوشه من الدمع .
جانت هاي اول مره تنزل دموعي على هيج موقف من بعد مصار ويايه الي خلاني اقسم قسم واقسى على گلبي وبعد ما ابجي لان الي صار وياي حسافه انقهر واتعب نفسي بسبب شخص ما قدرني ولا حسب الي اي حساب مهما كان السبب الي ميقدر العشره وحبي اله بالي برجلي ماا اغلي..
رجعت مره ثانيه للغرفه ضايجه لان تذكرت الي صار وياي، اجيت اجيك وضعه اول مدخلت عليه توقفت ضليه فتره مركزه بملامحه رغم هو فاقد بس مادري جتاحني شعور غريب اول مره احس بي كأنوا اكو شي ديجذبني اله شيء غريب مادري مادري شعور مخربط ما اعرف افسره بنفس الوقت.
بعدين استغفرت وتعوذت الشيطان ورحت شفت السجل مالته والحادث الي متعرضله وطلعت وصار وقت الاستراحه الغده رحت للحديقه مال المستشفى جبت غدايه وكعدت على الطبله وطلعت تليفون وتصلت على إيلاف يتصل مره مرتين وشالته
ايلاف بصوت ناعس :الوووو
ميسم :صباح الظهر عمري اشلونج
ايلاف : ههه هل حبي الحمد لله انتي اشلونج
ميسم :بخير ردت اسولف وياج عل شغله بس بعدج نعسانه خله غير مره كملي نومتج حبي.
ايلاف :يي همزين
ميسم :عابت اي والله لبالي تگول خلي اكوم اشوفه شكو ماكو مو من عوايدج تعوفين السالفه وترحين!
ايلاف: هههههههههههه لا ولج شتدرين بيه انتِ اكدر اعوف السالفه وانام اصلاً كمت هم ياله الساعه بالوحده اشوف امي شنو طابخه اليوم كلش جوعانه .
ميسم:ها يله بعدين اخابرج واسولفلج يله حبي باي
ايلاف:يله باي .
كمت رحت بدلت ملابسي مال الدوام ورحت للحمام غسلت وتوضيت وصليت وخلصت وراه رحت للمطبخ شفت ماما شطابخه اليوم طابخه باميه كلش طيبه اموت عليه وتسويه ماما ثخينه اتخبل وره ربع ساعة اجه بابا
علي (ابو ايلاف): السلام عليكم
ايلاف: وعليكم السلام هله حبيبي بابا
علي :يله بابا حبيبي اني اروح ابدل واصلي بين متخلصين الغده لان كلش جوعان وانام لان وراي طلعه العصر
ايلاف :صار يله ،راح بابا واني كملت الغده خابرت رافد كال مااجي انتو أكلوا اني أتأخر وحطيته الاكل على الطاولةخلص واجه سألته
ايلاف:بابا مو ادم تأخر لي هسه ما اجه؟؟
علي:يي مو خابرني گال عازمه صديقي بالمطعم.
ايلاف:ها خلصنه غده وبابا راح نام واني غسلت المواعين عدلت المطبخ بعده رحت دكيت على ميسم يتصل مشيله عفته وگعدت اگلب بالتليفون شويه وراه رحت للحمام غسلت لان صاره الساعه بال2:30 رحت طلعت ملابس وجهزت روحي للدوام لان دوامي خفر اليوم گعد بابا من النوم كتله
ايلاف: بابا وصلني بطريقك للمستشفى!
علي:ماشي حبيبي بس ابدل ونتوكل ،بدلت وخلصنه وطلعنه وصلني للمستشفى وراح لشغله واني دخلت ونفس روتيني اليومي..
ميسم
بعد مخلصت مكالمة وي ايلاف رحت حضرت غراضي لان بال3 اطلع للبيت خلصت شغلي وصارت الساعه بال3 طلعت رحت للگراج ركبت السياره ومشيت متوجه للبيت شغلت المسجل طلعت اغنيه شيرين مال مشاعر كلما اضوج اسمعه عليته شويه واني ساده الجامات مال السياره واغني وياه لمن وصلت لمقطع مال ...
اللي بيفكر يفارق
بس لولا المشاعر
واللي سامح حد جارح
راضي ذل المشاعر
واللي إيده في إيد حبيبه
بس مش حاسس مشاعر
واللي راجع بعد لما
انتهى وقت المشاعر
آه يادي يادي يادي
يادي يادي يادي المشاعر يادي
أحسه كلش تقصدني حسيت بدمعه نزلت على وجنتي دافئه واني اتذكر شريط حياتي بالماضي أي بالماضي لان بعده ماعاد يعنيني شيء وداحاول انسه بس ابد مراح من بالي.
نرجع للزمن ...
كنت بعمر ال16سنه نريد نروح لبيت خالتي انتقلوا لبيت جديد وحدهم ماجانت كاعدمه وي عياله بسبب المشاكل وهاي السوالف قرروا ينتقلون بغير بيت جنت ماروح الهم ابد بس امي اذا تريد تروح وحده متخليني لان تكول بس ولد عدهم متخليني تكول عيب فمن انتقلوا وكلتله .
ميسم :ها ماما وين تروحين ؟؟؟
اسراء (ام ميسم):ماما اني رايحه لبيت خالتج لان منتقلين لغير بيت هم اروح اشوفهم وهم اادي واجب .
ميسم: زين عادي اروح وياج اشوفه رنا بنت خاله لان والله كلش مشتاقتله وهم ضايجه حبابه وهم ارفه عن نفسي شويه .
اسراء : على كيفج عيني أم نفسي مو البارحه بالمول وتعشينه بالمطعم وهسه تكوليلي ضايجه؟
ميسم:يي عادي يله اني رايحه ابدل.
اسراء :هيي انتِ اني كلتلج روحي شو من كيفج تر..قاطعته
ميسم:حبابه ماما فدوه وانتي مو تكولين نتقلوا يعني ماعدهم ولد غربه يعني عادي اروح ولد خاله مو غربه فدوه قبلي حبابه
اسراء :مممممم يله روحي بدلي عطلتيني بعده مامكله كلامه ركضت لغرفتي واسمعه تكول خبال حتى خبال..
هههههه رحت غسلت ووبدلت لبست جينز اسود وقميص أحمر مقفل بأسود وشال اسود وخلصت واسمعه تصيحلي نزلت لكيت مكمله وكاعده عصبيه كالت واخيرا يالله أمشي گبالي صعدنه بالسياره بابا .
وصلنه لبيت خاله وراه بابا كال عنده شغل و راح دخلنه وسلمنه كعدنه بالاستقبال شويه ودخلت رنا وبيده صينيه التقديم سلمت وگعدت يمي رنا اني وياه نفس العمر بس اني اكبر منه ب3اشهر كعدنه نسولف اشويه عن الدراسة ،بعدين گالت..
رنا: أمشي نصعد اشوفج غرفتي استأذنت من ماما ورحنه دلتني على غرفته وگالت هس اجي اجيب حبشكلات واجيج كتله ماشي صعدت الدرج رحت الغرفه لگيت باب بصف باب ماعرف ياباب هي..
دكيت اول باب ماكو صوت دكيت مره ثانيه هم ماكو بعد تذكرت اني شكد ثوله لعد مو راحت للمطبخ واني مثل الحماره ادك الباب ضحكت على روحي بالاخير فتحته الغرفه ضلمه وبارده رغم الجو كان زين مو كلش حاره بي بروده بس هاي الغرفه مفتوح مكيف بيه .
دخلت شويه شويه واني الفضول يقرأ الف عندي داستكشف عفت الباب مفتوح عمود يدخل ضوه منه واني أمشي انضرب اصبعي الصغير بالجربايه شاغت روحي كعدت على الگاع واني افرك برجلي وأكتم صرختي جان ينفتح الضوه واسمع واحد يگول...
.. شدسوين هنا ؟
واني منطينة ظهري درت وجهي اشوف ماهر بقيت صافنه عليه كان لابس بجامه سوده وفانيله بيضه ربع ردن وشعره مهوس مال واحد ستوه كاعد من النوم رجع كال
ماهر :اني ويامن داحجي اشبيج نلصمتي ،رديت
ميسم:اجيت لغرفت رنا مادري ودخلت لغرفتك بالخطأ واريد اطلع وانضرب اصبعي بالجربايه وانت فتحت الضوه مخروع جنك عتوي بايگن عشا هو نايم فتح عيونه بعدين رجع حجه بهدوء وكال بأدب
ماهر:ممكن اطلعي لان اريد انام وعيب ادخلين بدو استأذن غير ادگين الباب رديت
ميسم: بس اني دكيت الباب ومحد رد والي ادري بس رنا معبالي انت موجود
ماهر:مره ثانيه دكي الباب وهسه طلعي من غير مطرود ، حسيت الحراره صعدت الراسي من الفشله ورأسا كمت حتى الم اصبعي نسيته وطلعت اول ما طلعت صارت بوجهي رنا ....
_________________
يتبع ...
مرحبا يا جماعه أن شاء الله يعجبكم البارت رجاءاً رجاءاً الكل يصوت واريد أعرف ارائكم بالتعليقات ودمتم في رعاية الله وحفظه
غدير عبدالله 🦋🌼
رواية وقد كانت صدفة الفصل الخامس 5 - بقلم غـدير عبداللّٰه
مرحبا قايز شلونكم أن شاء الله زينين
طبعا اني بسرعه آخذ ميانه اريد تتعودون عليه
وعندي طلب منكم صغيروون هيج 👌
هلگدوته اريد اهم شي تصوتون واريد اسمع آرائكم بالتعليقات من بين الفقرات واذا عندكم شي تحتاجوا او شي مفاهمي
راسلوني على حسابي بالانستا ghe.92
حنشره بالاخير
وتابعونا حسابي الواتباد الخاص مالتي
هااا ونسيت شغله مواعيد النشر يوم الخميس باليل وكولش اشكركم على المشاهده حبايبي وشكراً ❤️✨
ودمتم في رعاية الله وحفظه
غدير عبدالله 🦋🌼
رواية وقد كانت صدفة الفصل السادس 6 - بقلم غـدير عبداللّٰه
"وقد كانت صدفة"
في المرَة الأولى التي وقعَت عَيني بعينكِ كُنت
متأكد أنّكِ لن تكون عادياً يوماً ما ، لن تَكون
عابراً كمن مرّوا من قَبلكِ و هذا ما حدث مُنذ ذلك الوقت حتّى الآن.
🖤
ميسم...
وين صرتي غير تگوليلي عالغرفه مالتج يا هي.. قاطعتني وهي اتگول
رنا :بس لا دخلتي لغرفت ماهر يبوووو هسه يگلب البيت عليه لان نومته عزيزه عنده، بعدين رحنه لغرفته كعدنه سوالف وضحك شويه وصاحت ماما گالت..
هم ياله نروح لان نزار بالطريق شكد توسلت بينه خالتي على العشه بس ماما ماقبلت گالت بابا وحده بالبيت وحسن يم أصدقاءه قبل منطلع نزل ماهر سلم على ماما واني بس صافنه عليه شلون صاير كبران وملامحه متغيرت،فززتني ماما هيه وتكول يله هاي ابوج بالباب طلعنه ورجعنه للبيت .
طبعاً ماهر جان سنه أولى جامعة علوم تكنولوجيا كان شكله كلش جذاب على أهل ابو عكس اخته على خالتي ويميز شكله عيونه العسليه ،مشت الايام وزاد تعلقي بيه وزادت زياراتنه البيت خالتي اوقات وحدي اروح بحجث ضايجه لو رنا تريدني واني اصلا كذب حتى بس اروح اشوفه.
حبيته يمكن تگولون حب مراهقات لا اني كلش حبيت بي وقوت علاقتي بي صرنه اصدقاء نشاقه ونضحك بس يعتبرني بنت خالته وبس غير هيج ماكو اله اني كلش حبيته.
ومشت الايام وصرت بالسادس هواي ساعدني ونصحني وصدوك مشيت بنصيحته من كثر حبي وتعلقي بي صرت اي شي يصير ويايه اگوله نجحت وطلعت معدل عالي ورحت طب عام ،وهنا وتعرفت على صديقتي وعمري ايلاف.
الي مافد يوم تركتني ولو انطيه عمري كله مااوفي اله لان وگفت ويايه وگفات يمكن الاخت متسوي هيج تعرفت عليه بالمرحلة الأولى بالبداية صداقه عاديه بس بعدين صرنه نحجي عن اهلنه حتى هي ماعده صديقات فنسولف اني وياهِ تعرفنه صرت احجيله كلشي عن حياتي وحبي لماهر واعجابي بي وأسلوبه ويايه وتنصحني وهي هم تسولفي عن أهله وعلاقته باخوته بس هي مامرت بتجربت حب .
بعده فديوم من الايام اني وايلام ننتظر السايق جنه طالعين من الجامعة لأن اني وياه نفس السايق لهناك وجان اشوف ماهر جاي بتجاهي ستغربت شعنده جاي وصل يمنه وگال..
ماهر: السلام عليكم.
ايلاف ( باستغراب ) ميسم: وعليكم السلام
ماهر : اشلونج ميوس
ميسم: الحمد لله بخير شعجب اليوم منور الجامعة عيني؟
ماهر:ههه بوجودج يله عيني تعالي وياي نروح للجزيره لان كله منتظرتج وگتلهم اني ورنا ناخذج ويانه ورنا بالسيارة تنتظر .
ميسم:ماشي صدُك نسيت اعرفج ايلاف هذا ماهر ابن خالتي ماهر هاي ايلاف صديقتي.
ايلاف:تشرفت ..
ماهر: اهلاً وسهلاً تشرفت بحظرتج يله وين السايق گليله علمود نروح لان كُلش مستعجل ..
ميسم : تمام دقيقه هذا السايق اجه ،رحت وگتله عمو اني حروح وي ابن خالتي واخته بهذيج السياره واشرتله
.. شكله مامقتنع بس اهلج عمي يدرون
ميسم :يي هو رايحين الهم اذا تريد خابر بابا وگوله
..ماطول هيجي يله اني اوصل ايلام الله وياج
بنيتي ،سلمت على ايلام ورحت لماهر راح قبلي السياره صعدت وره لان رنا گاعده گدام ..
ميسم: السلام عليكم شلونج رنو حبيبي؟
رنا :هلا گلبي تمام انتِ اشلونج؟
ميسم:ماطولج بخير اني بخير صدُك شعجب اليوم الكل مجتعين ومسوين سفره صارلنه شكثر مطالعين .
رنا :يي والله كُلش ضوجه واليوم خميس وثاني يوم
جمعة عطله فگلنه نغير جو شويه خابرنه على خاله وگالت شلون وميسم بالدوام وحسن ماهو بالبيت گاله اله ماهر اني ورنا نأخذه گالت ماشي خلي اگول لنزار (ابو ميسم) ونجيكم وهاي احنه اجيناج ...
ميسم :متقصرون يعمري اي ماهر حباب شغلنه اغنيه فد شي ضوجه حاطه على الصامت ؟
ماهر :لعد مو صارلجن ساعه سولفن لوك لوك لوك وستوجن ياله اخذتن نفس صارت ضوجه يله شتردين اغنيه ؟!
ميسم :امممم مادري على ذوقك طلع اغنيه لكاظم الساهر لان هو كلش يحبه اغانيه هل عندكي شك الطريق كله نسمعه وانغني وانصور ،وصلنه للجزيره لگينه اهلي
وخالتي وزوجه گاعدينه سلمنه وكعدنه ،شويه بعدين گاموا الزلم يشوّن تكه وكباب واحنه گاعدات نسوي زلاطه ونسولف ونضحك خلصوا وكعدنه ناكل وخلصنه، الجاي
حاطي ع الفحم صار بي ريحه فحم كلش طيب لمينه السفره وذبيناه وگعدنه نشرب الجاي ونسولف احنه وگاعدين جان يكول ماهر ...
ماهر : ماطول الكل گاعد اني عندي موضوع اريد افاتحكم بيه وصارلي شهر دارتب عليه اني اريد اسافر للخارج اكمل دراستي وإذا الله راد كملت ورتاحيت للوضع احتمال استقر اني وبعد ويايه جماعتي ٣نأجر شقه ونكعد بيه شنو رايكم...
مشى السير وحركت السياره وصلت البيتنه اول مفتحت الباب اتلگاني فلوي(چلب ميسم) سديت الباب الشارع وشلته ودخلته وييايه دخلت من باب المطبخ حطيت المفاتيح يم الباب بالتعلاگه دخلت للصاله هدوء مريت على الاستقبال واسمع صوت ماما وصوت مره ولد شاب بس صوته مو غريب عليه، فتحت باب الاستقبال وجان تصير بوجهي...
ايلاف...
بعد مخلصت شغلي رحت لغرفه الاستراحه اخذت كتاب وجاكيتي لان بارده الجو بره طلعت للحديقه مكاني المميز رحت للكافتيريا حطيت الكتاب على الميز ورحت اجيب جاي لان اني من عشاق الجاي ما احب الگهوه ابد وأحبه وسط مو كُلش حلو أخذته ورجعت اني ودا ارجع لگيت واحد واگف يم الميز الي خليت عليه كتابي، ومنطيني ظهره ولازم شي بيده مانتبهت عليه جان ماكو احد بس شكم واحد بره والكافتيريا مفتحه فگتله ..
ايلام:عفوا ؟؟!
دار وجهه عليه و هو وعاگد حواجبه كال ..
..تفضلي بنتر اكو شي ،تفاجأت من أسلوبه شبي هذا گتله ...
ايلام: حاجيته بحديه بس بهدوء بس بلا زحمه وخر اريد الكتاب هذا الحجي هو يباوعلي ومخنزر رد..
..هذا الكتاب ويأشر بأيده
ايلام :بلي هو
..اممم حلو ذوقج
ايلام :حجيت بثقه ادري حلو، اجيت اريد اخذه شو هذا أخذ الورده الي بص الكتاب وراح ..
اني بيه طبع من اوصل لصفحه اخلي بيه ورده فاصله وتجف بنصه وتصير بي ريحه حلو ..حجيت وين نفسي
عابت اي والله وجان اسمعه ايكول
..سمعتج ترى، واني رأسا درت وجهي وگعدت حتى جاي مالتي برد الله لا يوفقك گعدت اقره وصفنت فجأه يا ترى هذا وين شايفته بس ويييين بعدين ...
يتبع...
شلونكم قايز ها شلونه البارت ؟؟
اريد تعلقون بين الفقرات وتصوتون بليززز
وتسون متابعه لحسابي بالواتبا وشكراً ❤️
غدير عبدالله 🦋🌼
دمتم برعاية الله وحفظه ...
رواية وقد كانت صدفة الفصل السابع 7 - بقلم غـدير عبداللّٰه
وقد كانت صدفة
مرت من هنا
كان كل شيء يتبعها،
الهواء ،
والليل ،
والغيوم ،
والأغاني..
_________________
ايلاف :بعدين اجتنب لحضه إدراك وتذكرت يا هذا صديق رافد عزه شلون فشله هسه شيگول عليه باله بس لا نوب يگول لرافد اي كُلشِ اتوقع اي؟!.
خلصت ورجعت على شغلي صارت الساعه تقريباً 6:30 رحت للغرفه الانعاش اشوفه دخلت الممر ماكو احد بس الممرضين يفترون دخلت الغرفه جان بس واحد بيه الي هو سيف.
داجيك بجهاز الضغط فجأه گام ينخفض النبض رأساً
طلعت شفت الممرض كتله على السريع يصيح الدكتور ويجيب جهاز ديسي شوك (جهاز صعقه كهربائيه) ورجعت، اجه وهو ويا الدكتور وبعد ممرضه حضروا الجهاز وهم ديخلون الجل بالجهاز ..
..كتله حوله100 انطاني وصعقته صعقه ،حجه الدكتور نزيد مره ثانيه هم حوله عل ال180وصعقته هم ماكو كتله عل 200 صعقته صفر النبض...
هنا جانت اخر مرحله توقف القلب فجأه ،بعد ماجان نبض المريض ضعيف ضربته ابره ادرينالين بس جان عندي شعور انو يعيش كتله بعد مره كال الدكتور الثاني
..ايلاف هاهيه مات صفر الجهاز ؟
ايلاف: گتله بسرعه على ال250صعقته جان يرجع ينبض للقلب هففففف وخرت الجهاز رجعت الاجهزه مال الضغط جيكت وضعه تركت الممرض يكمل شغله وطلعت ويه الدكتور الثاني ..
..عفيه عليج ايلاف بس مره ثانيه ملازم تخاطرين بهيج شي
ايلاف: دكتور حتى تنقذ حيات شخص بينه وبين الموت شعره لازم كُلشِ بين ايديك تسوي حتى لو جان خطر..
وصلنه الغرفه اول مفتحت الباب اتلگاني الولد المرافق ويه المريض
..دكتور خير شصاير شبي سيف ؟!
..الحمدلله احسن بس قبل اشويه ردنه نفقده بس يمكن دعاء الوالده أثر بأنو يرجع يعيش وهسه استقر وضعه خلال ثلاثة ساعات او اكثر يگعد من البنج .
تركتهم يحجون بعدني ما مشيت خطوه حجه ..
..زين دكتوره يصير ادخل اشوفه؟
ايلاف : باوعت عليه مدري ليش حسيته يريد يحاجيني.. حالياً لا بس يگعد ويستقر وضعه تكدر تشوفه وهسه عن اذنك ..
.. تمام شكراً دكتوره
ايلاف:والو هذا واجبي ، رجعت كملت شغلي، بعدين رحت للغرفه شويه استراح احس راسي حينفجر من الصداع وصيت على جاي گاعده سانده راسي على الكرسي مغمظه عيوني اندگت الباب
ايلاف:تفضل
الفراشه ام احمد : صباح الخير دكتوره
ايلاف :صباح النور ام احمد اشلونج ؟
ام احمد: الحمد لله عايشين بهاي الدنيه هذا جاي حضرتج
ايلاف: تسلمين حبيبتي
ام احمد :اكول دكتوره اجه والد شاب سال عليج كال اريد دكتوره ايلاف
ايلاف : باستغراب منو وينه بالله موجود ؟!
ام احمد:ماعرف والله، يي موجود ذاك اليوم شفتج واكفه ويا وتسولفين تكوليله رافد ماعرف منو
ايلاف:يااا خاله هذا اخويه
ام احمد :يا سوده بوجهي خليت الولد ينتظر اوگفي خلي اصيحله
ايلاف:لا اسم الله عليج خاله لتگولين هيج عادي، هسه اني اروح أله لأن هو يدري هيجي وقت اطلع لان اني ودكتوره ميسم نختلف 3 ايام بالاسبوع فهو يجيني بس هو وينه ؟
ام احمد: هنا واگف بالباب ،گمت رحت فتحت الباب دار وجه واجاني رأسا وگال
..صدُك ايلاف سيف راد يموت احجي بداعت غلاتي عندج ؟
ايلاف :عل كيفك شبيك بالاول أخذ نفس تعال أهنأ بالغرفه.
ام احمد :يله اني استأذن اعذرني خاله ماعرفتك وطلعت حتى ما رد عليه مخبوص
رافد :, ايلاف احجي عليج الله شبي سيف وضعه كلش خطر شبيييي
ايلاف:شبيك على كيفك انت منو كالك هيجي؟
رافد :يعني صحيح الحجي
ايلاف:لا والله مو هيجي اهدء اشويه واكعد وهسه اگولك وضعه گعد وحسيته كُلش متوتر اول مره اشوف اخويه بهيج وضع شلون خايف على صديقه سولفته على وضعه كولشِ وهسه وضعه احسن.
خلال شكم ساعه ويگعد وهسه يا اخي العزيز گوم وصلني لان رح اوگع على وجهي من كثر النعاس .
رافد: اني ماگدر اوصلج لان هسه وقت اني اضل يم سيف خلي اشوف امير يوصلج !؟
..بس منو ام...!؟ بعدني مامكمله أخذ تلفونه وراح ياا هذا شبي هسه اني بيا حال والله كُلش نعسانه بعد ماعرف شكول بس اثاوب حتى شربت الجاي هو وبارد حتى بس اصحصح خلصت اخذت غراضي والجنطه وطلعت رحت لمكان الگال عليه لكيته واكف ومنطيني ظهره.
وديخابر من حس عليه دار وجه ونهى المكالمه
ايلاف :ها يله خلصت توصلني ؟!
رافد : لا اني حظل رح يجيج امير يوصلج
ايلاف:لا منو هذا أمير عزه شلون اروح وحدي ويا؟
رافد :هاي شبيج بويه امير ابن خالته لسيف الي ويا المرافق حيرجع للبيت يرتاح ومن يصير العصر يجي لان احنه هيج مقسمين مسوي مناوبات علي لان أمه متكدر تجي بس تجي تتخربط حتى ابوه فبقينه اني وامير ويا يله هسه اجه هذا
درت وجهي اي والله هذا اجه تقرب علينه اجه يم رافد
امير :ها يله بس تحتاج شي خابرني اني بس أسبح وارتاح واجي ما طول أن شاء الله
رافد :لا ما احتج شي متقصر بس دير بالك على الدكتوره
امير :افااا لا توصي حريص الدكتوره بالحفظ والصون دار وجه عليه ها دكتوره نتوكل ورفع حاجبه؟
ايلاف: سويت روحي ماكو شي صايىه ،تمام مشينه للگراج مال السيارات هو يمشي قبلي واني وراه وصلنه يم السياره.
طلع السويج وفتح السياره چانت نوعيته( تاهو )ماعرف شنو اسمه بالضبط
لان اني مو كُلش اعرف بالسيارات بس هو حجه اسمه جان لونه اسود صعد هو بالصدر فتحت الباب الخلفي وصعدت على الجه اليمنه وسديت الباب بس رفعت راسي اجت عيني بعينه، بالمرايه كُلش خجلت رأساً درت وجهي للجامه مشت السياره..
بس ما ادري ليش احس الحرارة صعدت الراسي، ماعرف ليش هاي اول مره اصعد وحدي كلمره لو ميسم وياي لو بابا لو احد من اخوتي يوصلوني فتحت الجامه أخذت هوه شويه ارتاحيت سديته مادري ليش أحسه أو يتهيئلي انو ديباوعلي ..
مشت فد مسافه قطع الهدوء الجنه بي وهو تليفوني رن بعد ما جنت سارحه مدري وين من دك فزيت فهو من سمعه تحمحم، اخذت الجنطه مالتي جانت بصفي فتحت ادور على الموبايل ماهو وكومه غراض حاطه بيه حتى وگع مدري شنو ما انتبهت عليه من وره الخبصه مالتي بعدين انگطع ورجع دك واخيرا لگيته طلعت ماما دتتصل رفعت الخط
ايلاف:هلا ماما صباح الخير؟
شيماء :صباح النور امي وين صرتي مو اتاخرتي الساعه بال9صارت وانتي بعدج مدگوليلي وين صرتي
ايلاف:ماما هياتني بالطريق جايه ما أتأخر
شيماء :زين منو الي يوصلج ؟؟
ايلاف:بصوت خافت ماما صديق رافد هو الي يدوصلني
شيماء: شلون لعد اخوج وين مو گال اني اجيبه !
ايلاف :ماما بعدين مو هسه هاي وصلت لمنطقتنه ،نهيت المكالمه ورفعت راسي عبالي ديباوعلي ضليت اني صافنه عليه انتبهت على عيونه وهاي اول مره اركز بشخص كُلش حلوات لونهن رصاصي على زرك مادري شنو هالدمج كُلش حلوات ،بعدين رفع رأسه للمرايه شتت نظري عنه گتله اني واريد إتلافه توتري..
..ءءبلازحمه ممكن تستعجل شويه لان امي قلقه عليه لان اتاخرت هز رأسه كال
.بصوت قريب الهمس أو كانوا ديحاجي نفسه تدلل ماما وبنت ماما ماعرف اشصار بيه كُلش خجلت رغم هو ديحجي ويه نفسه، واخيرا وصلت للبيت بعد معاناة نزلت وكتله
ايلاف: شكراً خويه زحمتك وعطلتك عن شغلك.
امير :لا عادي دكتوره شنو السالفة
ايلاف :تسلم ،سديت الباب هو شخط السياره وراح واني ركض اول مفتحت الباب ماما تلگتني
شيماء :وين صرتي مدگوليلي
ايلاف: دكولي وعليكم السلام هياتني يمج يعني ياماما متدرين عندي شغل والازدحمات كومه
شيماء:لعد ليش مو اخوج جابج
ايلاف:لعد متدرين صديقه مسوي حادث!!
وهو ويا بالمستشفى الي اداوم بيه
شيماء:شهگت وحطت أيده على گلبه يم اسم الله عليه منو بس لا سيف ؟!
ايلاف:يي هو
شيماء:الله يساعد أمه هسه شلون وضعه تعالي أمشي سولفيلي ،هذا الحجي احنه دنمشي بالحديقة دنفوت من باب المطبخ للبيت نزعت حذائي تكرمون وسولفتله كولشي بالاخير كتله
.. كافي ماما راسي گام يوجعني اليوم هواي سولفت كولش تعبانه عفته ورحت نمت على وجهي من التعب ...
ميسم
فتحت باب الاستقبال وجان تصير بوجهي خالتي وماهر گاعدين احس روحي تخربطت رجليه تخشبت بعد ماعرف أمشي لا اني المتقدمه خطوه وإلا اني الراجعه
شعور لا أحسد عليه
(تذكرت يوم الي نه كُلشِ بي) شايفين من واحد يحب شخص والشخص لو ودك تنطي عيونك هم تنطي والاخير يجيك بمكالمه ينهي گُلشِ بهذا كلامه الي ابد طول عمري محنساه ابد وهو يگول..
ماهر:اسف ميسم البيناتنه انتهى واني ما احبج وافقت علمود اهلي يقبلون حتى اقدم على البعثه وإذا اريد اتزوج فحتزوج الانسانه ال... قاطعته
ميسم :بخنگه لعد واني شنو اني هااا ؟؟
ماهرانت مو اعترفت وكتلي احبج وتعرف بيه اني احبك وما اگدر بدونك،صرت أصيح واني احجي ويا وحجيت شكو شي بگلبي واني اعاتبه..
صح اگوله حبيبي بس اول مره اعترفله وابوح بكل مشاعري اله بس ماعرف الدمعه منين نزلت احس الهوه شح عليه اريد اتنفس بعد ماگدر گوه تجرعت وگتله يعني هاهيه انتهى اليناتنه روح الله وياك بس خلي شغله بالك انتهيت انت من هاي اللحظه لا خطيبي هههه خطيبي بعد تحلم تعرف يعني شنو تحلم تشوف طرف ثوبي ومن هاي اللحظه حالك حال الغريب لا ابن خالتي ولا كُلشِ وسديت التلفون بوجه .
بيومه حيل متت من البجي لان جان العقد مالتنه مقرري بعد يومين..
مادري من شفته بهاي اللحظه وهو واگف گدامي گانو رجعلي ذاك اليوم وذيج اللحظه وجان دگول امي
اسراء:هلا ماما اجيتي تعالي سلمي على خالتج
ميسم:حاولت اسيطر وابد ما أبين ضعفي گدامه شجعت روحي ومشيت بثقه بس داخلي نار تسعر رحت سلمت على خالتي وهو كتله
ميسم :اي شلونك ماهر شو من شوفك وبينتله ولا كانو اكو شي بينه؟!
ماهر : الحمدلله بخير والله تدرين جنت مسافر وهاي خلصت والبارحه اجيت واليوم كلت اشوف خالتي شلونه ،طبعاً ماما من يوم الي فسخ الخطوبه صارته مو كُلش علاقته وي خالتي رغم بس هي الوحيده اله واخ واحد بالخارج عايش مزوج..
واليوم جاين بحجت أنو يردون يشوفن ماما صارله شكم يوم تعبانه عود يطمننون عليه بس ماما گلبه حنين على اخته بس هالاخت الوحِده عده
رسل (خالته ميسم):اي خاله انتِ شلونج احوالج أن شاء الله تمام الدوام شلون وياج ؟
ميسم: والله الحمدلله بخير اصلا كُلش متونسه بالدوام رغم التعب الي دا تعبه بس الحمدلله.
رسل :اي الحمدلله ماطول مرتاحه تمام يي هسه اگدر احجي براحتي ما دام تصافت لگلوب والله يا داده جايتج اليوم بشغله واريدج مترديني خايبه!
ميسم :رأسا طخت عندي جيتهم بيه مصلحه مو حتى يشوفون ماما ردته
اسراء : لا داده عليمن خايبه شعندي غيرج غير اختي الوحيده انتِ.
رسل :بعد عمري خيتي ،والله جايتج اليوم اريد نروح اني وياج لبيت حمايه نخطب فاطمه لماهر.
ميسم:طول ما هيه تحجي اني جنت منزله راسي وامسح على فلوي بس من گالت نخطب لماهر رفعت راسي اجت عيني بعينه أحسه ديحتقرني بنظرته وكانو ديكول على عنادج اخذ الي احبه مو انتِ بس ماجنت متوقعه فاطمه الي هيه بنت عمه لأن اني اعرفه جانت ويانه بالجامعة بس بغير قسم ومغروره بشكل رغم هو يعرف اني اموت منه حتى من جانت تجي للبيت خالتي من جنت اروح الهم تباوعلي من طرف عينه عبالك بس هي مخلوقه والباقي حشر .
اسراء :وجهت نظره إليه وهي تگول ماما ميسم گومي رتاحي وراج دوام كانو دتقره الي بداخلي لان صدُك اريد اطلع احس كُلش اختنگت منا ماهر گبال عيني ومن خبر خطوبته لفاطمه ما اريد اگوم حتى بس لا أبين ضعفي گدامهم من گالت ماما گمت وترخصت طلعت رحت لغرفتي.
فتحت الباب ودخلت احس الدنيا دتدور بيه ماعرف شصارلي لزمت الحايط واستند عليه گعدت على الجربايه احاول اهدا نمت بس راسي يفتر الى أن ماعرف شگد وغفيت .
حسيت على ايد دتمسح على راسي اكيد اعرفه لزمت أيده وبسته واني مغمضه عيوني جان تگول...
اسراء :يله حبيبي گومي دخلي للحمام سبحي وصلي حتى تتعشين مگعتج ويانه گلت تعبانه هم يالله رح تصير صلاتج قضاء .
ميسم:گمت للحمام غسلت وخلصت رحت جففت شعري لان الجو بارد بعدين صليت ور ما خلصت ستغربت امي ليش مجابت طاري الخطبه بعدين گلت حتى يجوز لتجرحني .
نزلت لگيته محضرتي الطبله وگاعده رحت بسته بخده قوي
ميسم :مدگوليل منين ذني الخدود عمي هنيال بابا عليهن ،جان تضربني على راسي اخخخخ شبيج غير نتغزل بيج مو زين بس بابا يتغزل گدامنه بيج.
اسراء :شو صاير كُلش متستحين هاي عود انتي دكتوره وهيج اخلاقج لعد لوغير شي شتسوين..
ميسم :منو گلج كل الدكاتره أخلاق يله هس عوفينه من هالاخلاق ،شعجب اليوم مسويتي اكلتي المفضله (صاج دجاج) لازم اكو شي اليوم ؟!
اسراء : اي اكو شي شوف امي طبعا مو كولشِ نريده بها الحياة لازم ناخذه والدنيه قسمه ونصيب اذا الج نصيب بي تاخذي لو هسه تنگلب الدنيه وإذا ما الج فعادي قسمه احنه ليش نبجي ننقهر وندگ ونلطم على شي الله مكاتبلنه بي خير مسامعه الله سبحانه وتعالى من يكول( وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ)صدق الله العلي العظيم ...
______''"'"
يتبع
هلا يابه شلونكم اليوم بارت طويل( بس بدون قفله )+ تصويتكم وتعليق بين الفقرات ...
احبكم وشكراً على مشاهده
ودمتم في رعاية الله وحفظه
غدير عبدالله 🦋
رواية وقد كانت صدفة الفصل الثامن 8 - بقلم غـدير عبداللّٰه
"وقد كانت صدفة "
أُعاني من اِرتباك حاد بشأنك، أخاف أن تكون أحد أوهامي، أخاف أنني حينما أهدأ بجوارك وأطمئن قليلًا إليك، ستهرب للأبد.
..يعني يا امي يجوز مكاتبلج الله تتهنين وياه وشمدريج يجوز هو زين وياج اختي يجوز مو زينه
لان اختي وأعرفه فتوكلي ،على الله وذبي حملج عليه وهو ييسر دربج ويدزلج ابن الحلال لي يريح گلبج .
ميسم :من اگول نياله بابا ضربيني يمه أروح فدوه لام خدود ينگرطن گرط وبسته وهيه تضحك خلصت ورحت غسلت المواعين ورجعت نمت لا اليوم كُلش تعبانه.
دگ المنبه ساعه 6:30ص گمت توضيت صليت بعدين تريگت ،وبدلت مادري اليوم حبيت اغير شويه والبس لون بنفسجي لبست بلوز اسود مو كولش ثخين وبطرون اسود وستره بنفسجي فاتح لحد الركبه لان اغلب لبسي يكون ألوانه غامقه.
حبيت شويه اغير وشال ختاريت يكون لونه اغمق بشويه وحذاء تكرمون كعب اسود مو كُلش عالي لان ياذي وأخذت غراضي ومفاتيح وطلعت تقريبا الساعه بال8:00سلمت على بابا وطلعت لان بابا هستوه يتريگ ويرح لدوامه وماما تضل نايمه طبعا بابه مدير اعداديه مال ولد وماما ربت بيت بس هيه من النوع الي تحب تطلع وصديقات وكذا .
وحسن اوفف يا حسن هذا دومه معذب اهلي يوميه يبات عند صديقه طبعاً هو اصغر مني بسنه بس مبين اني اصغر منه من كثر ما هو اطول مني وحالياً هسه سنه اخيره جامعه علوم حاسبات .
ركبت السيارة وصلت المستشفى دخلت وبصمت لازم نبصم ياله ندخل (اعتذر ماذكرته سابقاً)
رحت لغرفتي بدلت ملابس ولبست لكوت مالتي مال المستشفى .
وطلعت رحت الطوارئ لان اغلب شغلي هناك وخاصه بالعنايه المركزه دخلت للغرفه ماكو بس واحد رحت تقربت عليه شفته هذا نفسه بس دا يون كانو ستوه بده يصحه من البنج يهذي بكلمات ممفهومه..
دققه بسمعي تضح جان دا يكول نور بس منو مااعرف وبعد حجي هواي ..
بعدين تقربت عليه يحاول يفتح بعيونه بس ميگدر من تأثير البنج بعدين گام يون يعني بده يگعد چيكت الاجهزه بده يصحه من فتح عيونه بتسمتله وگتله ...
ميسم :الحمد لله على سلامتك
سيف : بصعوبه شنو صاير اني وين؟
ميسم :انت هسه بالمستشفى لان تعرضت لحادث وصارلك 3ايام هنانه
سيف :وامي تدري؟.منو هنا؟!
ميسم : يي البارحه جانت موجوده بس ماكدرت تضل ولي وياك هسه صديقك هنانه، زين وهسه دتحس بشي دا يأذيك ؟؟!
سيف : بالم، يي دكتوره راسي ورجلي كُلش دتاذيني ..
ميسم:تمام هسه حضربك ابره مسكن وان شاء الله تصير احسن ،ضربته ابره بالمغذي اني مركزه بالشغل.. كتله هسه بعد شويه ويجي الدكتورالمسؤول عن وضعك ويشوف شوكت تخرج والحمد على سلامتك مره ثانيه.
درت وجهي اريد اطلع جان يلزم ايدي حسيت بشي سره لجسمي قشعر وگلبي بده يدگ خوف على قلق جان يكول..
سيف: بصعوبه دكتوره ارجوج اي شيء سمعتي لتگولي لاحد كائن من يكن احلفج باعز شي عندج لتكولين لاحد؟
ميسم : باستغراب ،تمام .
فلتت ايدي من عنده وطلعت من الغرفه بس عقلي شارد بغير عالم على شنو بالضبط ماعرف هو صح گاله هواي شغلات بس اي وحده اووف هسه اني ماالي اي علاقه صادفني رافد ..
..ها شلون صار وضعه ما گعد؟
ميسم :لا الحمدلله گعد من البنج بس انطيته مسكن ورجع نام
رافد: يي الحمدلله عادي اشوفه يصير؟
ميسم:بس لما يجي الدكتور المسؤل عن وضعه وتگدر تشوفه يله اني اروح والف حمدالله على سلامته
رافد: شكراً دكتوره.
خلصت شغلي صار وقت الاستراحه دگيت على ايلاف دگ مره مرتين وشالته....
ايلاف:هلا عمري شلونج؟
ميسم :حياتي الحمدلله انتِ شلونج ،شدسوين ؟
ايلاف: الحمدلله والله گاعده اطبخ التمن ماما اليوم دوامه ضهري وراحت واني داكمل الطبخ وأنتِ
ميسم: الله يساعدج ستوني خلصت شغلي وهسه استراحه الغده ضلينه نسولف شويه بعدين سألتني
ايلاف:اگولج داده هذا الولد صديق رافد ما گعد من البنج؟. لو شايفه ماما شگد بجت عليه من سمعت بي.
ميسم:يي گعد خيه گعد بس خطيه قهرني لوسامع..سكتت ذكرت گلي لتگولين ضربت گصتي
ايلاف:ها ولج شبيج شو سكتي؟
ميسم :ها ؟؟!
ايلاف:وجعاا احجي شكو ؟
ميسم :شوفي اگولج على شي بس مو تگولين لان حلفني ما اگول؟
ايلاف:ها ولج بس لا رجعتي لماهر غير... قاطعته
ميسم:لا ولج مو صخمان ولج سيف ،جان اسمع صوت شهگته
ايلاف :يمصخمه شمسويه گولي؟
ميسم :هسه غير تخليني احجي شوفي هو أنتِ تدرين الواحد من يگعد من البنج
ايلاف :يي كملي مو فتيتي گلبي گولي؟
ميسم :ظل يحجي شغلات وسولفتله كُلشِ..
ايلاف :يي وانتِ شسوتي ؟!
ميسم : كُلشِ مسويت بس انتِ تعرفين لان تدرين بيه ماعرف اضم شغله اذا ما اگولج..
ايلاف:يي احسن
ميسم:اگولج أنتِ باجر هم ترحين لبيت جدج لو لا؟
ايلاف:يي اكيد غير بيبي شتسوي بيه غير اذا ما اجي تشرني على الحبل ، ليش؟!
ميسم :لا عود گلت نطلع نغير جو واريد اشتري ملابس شتويه ماعندي؟
ايلاف: تمام بأجر وره الغده تعالي عليه ونطلع..
ميسم:تمام .
امير
جنت ستوني راجع من يم جماعتي الساعه بحدود 12:30ص تقريباً صعدت لغرفتي دخلت للحمام سبحت وخلصت طلعت .
نزلت للمطبخ لان جنت كُلش جوعان فتحت الثلاجه خذت صفنه شويه لگيت برتقاله اخذت وحده كشرته رجعت الغرفه اني ودا اصعد سمعت تلفوني يدگ بس مستمر يدگ رحتله وجان اشوف 4مكالمات من سيف يا ستار شكو نگطع الاتصال دگيت اني..
شال الخط بس لحظه هذا مو صوت سيف صحت الوووو سيف جان يجيني صوت واحد يگول عمي هذا الولد سوه حادث اني بس سمعت سوه حادث رأسا گتله بيا مستشفى گلي ..... وطبگت التلفون وعلى السريع بدلت واخذت تلفوني وفلوس گلت كُلشِ يصير ..
نزلت ماكو الكل نايمين طلعت بسرعه ركبت السياره وطرت، ماكو الشارع فارغ لان نص اليل بحدود الساعه 1:15ص وصلت المستشفى گبل للطوارئ اول مدخلت رحت على الرسبشن گالو لغرفت الانعاش رحت ركض جان انضرب بوحده حتى ما شفته اني بالي كله يم سيف اگعد اعتذر رحت الردهه الانعاش ماكو احد بس الممرضين يفترون ضليت گاعد شكثر ماكو احد طمني طلعت الجكاير وحده وره الثانيه.
لهناك وجان اشوف خالتي وزوجه وايناس شجابهم يي اكيد عرفوا رحت يمهم تلگتني خالتي..
ام سيف: امير ولك خاله ابني وين ولك يمه ابني وتبجي؟!
.. خاله عل كيفج شويه مابي شي وكعدت اهدي بيه لهناك وجان تنفتح الباب وتطلع دكتوره تطلع بگد غنى رحت اله وگتله
..شلون صار وضعه دكتوره؟
جان تجي خالتي وتحاجيه گالته حالته زينه يمكن جاي تهدي بيه بس اني ابد مو مقتنع بالسالف من هدئت اجه زوج خالتي وأخذوه درت وجهي للدكتورة وكلت اله..
.. دكتوره ترى مامقتنع بكلامج ردت ومبينه متأثره
ايلاف: ما اريد اخوفه اضطريت احجي هذا الكلام!
.. يعني دكتوره وضعه كولش خطر ؟!
امير:ضلت تحجي بس من گالت يدخل بغيبوبة يعني موت سريري هنا بعد ابد ما سيطرت ختنگت فرد مره معقوله اخويه يصير بيه هيج رحت طلعت بره لان بعد ما استحمل ابد گعدت على المسطبه اشرب جگاير وحده وره الثاني اريد النار تطفه بگلبي ماكو مرت تقريباً أكثر من ساعه إذن وخلص واني نفس گعتي من الشمس بدت تطلع لهناك واشوف صديق سيف يي هذا صاحبه ويا رحتله.
رافد :ها خويه بشر شصار وي سيف ستوني سمعت الخبر واجيت ركض سولفتله كُلش؟
دخل هوه واني رحت للحمامات اغسل شويه
بعدين رجعت الصالت العنايه واشوف رافد بوجهي ورا بنيه بس ما نتبهت عليه منو ؟
سالني كال محتاج شي گتله لا متقصر ؟!
بس بعدين گالي رح اودي اختي وجان اشوف اخته الدكتوره نفسه الي خبرتنه عن وضع سيف ...
بعدين مر النهار عادي بس الكل متوتر وخالتي كل ساعه تتخربط بالاخير گلت لزوجه
امير :عمي أخذ خالتي اذا ضلت هنا تموت من القهر بالبيت احسن ترتاح واني اضل يمه ليظل بالك رد...
...ابني شلون نعوفه وحد... قاطعته
امير :شنو السالفة عمي اني هنا وصديقه هسه هم يجي انت بس اخذ خالتي وايناس وروح ،جان تجي ايناس وتگول
ايناس :يي بابا انت روح واني هنا حظل يم امير لا يضل بالك
امير:درت وجهي اله واني روحي ما طايقه،لا ماكو احد يضل بس اني حتى انتِ ترجعين وبعد كلامي ما أعيده مره ثانيه.
ضلت تتنعوص واني شلون اموت منه عفته ورحت ،طلعت خالتي وصلته للسياره أخذه وراح واني رجعت للكافتريه اخذت جاي لان راسي صطرني خلصت وضليت اليوم كوله بس مره رحت للبيت وبدلت ملابسي ورجعت للمستشفى من اجيت لحد اليل اني بس ساكن ردهت الانعاش لو اطلع بره أدخن جكاير وارجع
دك تلفوني وإذا زوج خالتي ..
امير:ها عمي تفضل صاير شي
..يي عمي هاي خالتك تخربطت وسيارتي مبيه بانزين واريد احد ماكو، گلت خلي اخابرك بالكي تجي لو دز أحد
امير :زين ليش مخابرتو على ايسر بالبيت واني ما اكدر اجي
..عمي اخابر ميرد
امير : تمام هسه ادزلك احد ،خلصت منه دكيت على ايسر ماكو هذا السگط نايم يمكن بالمره الرابعه رد..
ايسر :بصوت ناعس منوووو
امير : قزرقط اني دا اخابر
ايسر:امير؟؟!
امير :لا أمه متسمع الموبايل يدگ
ايسر:لا والله يعني واحد نايم شوكت ياخذ راحته
امير:عوفك من هالكلام الماله داعي كوم خالتك متخربطه واني بالمستشفى يم سيف ماكدر اجي كوم أخذه وزوجه ميگدر وحده ولك وعاط گووووووم
ايسر:شبيك مو طرشت اذني گايم گايم ، ونهيت المكالمه فور دمي الدثو ..
امير :رحت للكافتيريا أخذ كوب جاي اخذت ورجعت وگفت يم مسطبه عليه كتاب أخذني الفضول لعنوان لكاتب ،ضليت اگلب بيه طبعا هوايتي اني أقره الكتب بس هذا روايه ضليت اگلب بي عجبتي الورده اليابسه البنص حسيت أحد ورايه وجان اسمع وحد ه تكول
..العفو ؟!
درت وجهي عليه ورديت بنبره غضب لان عصبني ايسر...
امير : تفضلي اكو شي،تفاجئت بس حاولت تتلافه وردت بحديه
ايلاف:بلا زحمه وخر اريد الكتاب
امير : هذا ؟
ايلاف:بلي
امير :اممم حلو ذوقج
ايلاف :ادري حلو واجت تأخذه ، اني اخذت الورده العجبتني ورحت بعدت مسافه شويه مو هواي واسمعه دگول
...عابت گتله تره سمعتج سمعت شهگته عل كيف صدوك ضحكتني
صار الصبح.دگيت على ايسر اشوف شلون صار وضعه يدگ ميشيله مره ثانيه هم ماكو بالثالثه شاله
امير :متوببب انتَ من عادتك هاي ؟
ايسر:شبيك يا اخي يي مو مطمور ستوني نمت
امير : ليش ؟
ايسر :لعد غير وديت خالتك للمستشفى طلع السكر صاعد ضربوه ابره ومغذي وهاي الشغلات هستونه يالله رجعنه حتى غبت اليوم عن الدوام وانت اجيت وخربت ام السالف
امير :مو اني هنانه العب صارلي يومين اروح وارجع حتى شغلي مادري بي وانت على كم ساعه شو دروح.
ايسر :تعال شلون صار وضعه سيف ؟!
امير :اسكت وخليه هذا سالفته سالفه لهسه ما گعد واني راح اموت والله مادري، ابن السطل شجاك هالسرعه شگثر نبهته وابد لا والمشكله على الخط السريع يمشي 180.
ايسر :يله شنسوي قضاء وقدر يله اني اروح معتاز شي؟!
امير :لا ماريد هسه رح يجي رافد يضل يمه واني اروح لان اتفقنه اني ويا نتناوب يله مع السلامه
ايسر :الله وياك..
رجعت واشوف الممرضين يرگضون شكو يارب سترك بس لا الي بالي رحت وافتر گبال الباب اريد واحد يكلي ماكو مرت قريب النص ساعه وتنفتح الباب وتطلع الدكتوره نفسه رحت اله
امير : دكتور خير صاير شي شبي سيف؟
..الحمدلله احسن ،طمني عن وضعه تشكرت منه ورجعت گلت اخابر امي اشوفه دكيت بس رن شالته
عبير (ام امير):هلا يمه شلونك بشرني شلون صار وضع سيف مصحه؟!؟
امير: الحمدلله اوووف يمه ربج لطف بوضعه جان هسه نمشي بجنازته لو ما دعاء خالتي ،وهسه صار احسن بعد بس يصحه من البنج .
عبير: اسم الله عليه لتگول هيج گدام خالتك غير تموت المكروه هالوحيد عده يله خلي اروح ابشره هسه سوده عليه گلبه نار يله يمه روح ودير بالك من تسوق حتى تصير الكم عبره..
امير : الله وياج ودعته ورحت شويه ارتاح بعد يومين متواصل على فرد وگفه سندت راسي على الكرسي وغمضت شويه تقريبا مر ربع ساعه وفزيت على رنت التلفون رافد يتصل شلته
امير :سلمت عليه وحجيته عن وضعه لسيف .
رافد:يله اني هسه قريب عل المستشفى جايك
امير غلقته رحت شتريت گوب گهو ساده حتى اگعد شوه هم ماطول واجه
رافد :سلمته عله گال اني أضله وانتَ تعال العصر بس والو ازحمك بطريقك توصل الدكتوره
.. كتله تمام بس اروح المغاسل واجيك رحت المغاسل غسلت وجهي عدلت ملابسي ورجعت واشوف رافد واگف واخته بس دايره وجه
كتله محتاج شي كال ؟!
رافد:لا متقصر بس دير بالك عل الدكتوره
درت وجيه اله وگتله ها دكتوره نتوكل كالت تفضل مشيت للگراج صعدت بالسياره وهيه اشوفه مرتبكه وخايفه صعدت بالجه اليمنه للخلف باوعت اله بالمرايه اريد اشوفه خلصت هي رفعت نظره صارت عيني بعينه خجلت ودارت بعده كملت طريقي...
شويه ودگ التلفون هي خطيه فزت من شفته ما بينت اله گلت خاف تنحرج، شالت تلفونه يمكن جانت تحجي ويا أمه بس مبينه عصبيه لان سمعته تگول من ارجع اسولفلج ..
خلصت المكالمه وضلت صافنه بالمرايه بس اني اباوع اله من المرايه البصفي وشوفه صافنه طبعن اني من يمي ما ادقق بنظري بالبنيه بس ماعرف شلون اجت عيني على تفاصيل وجه كولش حلو عيون وساع وناعسيه ولفت نظري بيه غمازه بخد واحد صوته ماعرف حجيه باوعت اله بالمرايه هي مثل الي ارتبكت وحاولت تلاشي الوضع وهذا الي يعجبني بالشخص يكدر يسيطر على الوضع سواء بنيه أو ولد وگالت
ايلام: ممكن تستعجل شويه لان ماما قلقه ،بشنو صوته صح ناعم بس مو مالتنعوص لا
امير :هزيت راسي اله وگلت بصوت شبه الهمس تدلل ماما وبنت ماما .
وصلته للبيت واني طرت بس اريد اوصل للبيت بعد ما اگدر
وصلت للبيت تلگتني امي رأسا گلت ...
يتبع...
_________
شلونكم قايز بارت طويل +قفله =تصويتكم دوسوا ال⭐وتعليق بين الفقرات
هااا خوش معادله مو 😂😂
اريد اگوللكم شغله احتمال احتمال أوقف القصه لان تدرون امتحانات وهوسه السالفه ومادري بعد ويجوز انزل الخميس الجاي وبعده أوقفه ...
ودمتم في رعاية الله وحفظه
غدير عبدالله
رواية وقد كانت صدفة الفصل التاسع 9 - بقلم غـدير عبداللّٰه
وقد كانت صدفة
هلو قايز شلونكم شخباركم أن شاء الله زينين حبيت اگوللكم انو اليوم ماكو بارت لان توقفت القصه بسبب امتحانات نصف السنة .
وكولش اعتذر وادري اني هواي مقصره وياكم والله لان دراسه وشغل كومه وعندي لوحه بعدني ممكملته ويردونه من عندي بالامتحانات واني بعدني والي ميعرف شنو ادرس فا اني معهد فنون جميله والله دا احاول اكتبلكم شكم بارت وان شاء الله اعوضكم بالعطله لان تعرفون الدراسه اهم من كُلشِ واني عند الدراسة اهم من القصص لان الرواية مجرد هوايه احبه اسرده وقت الفراغ .
وها بعد شغله اذا تردون تعرفون اخر الاخبار عن الرواية انزله بالانستا مالتي الي حاب يعرف يتابعني حسابي ghe.92 ويارب النجاح والموفقيه للكل .
وبالنهاية كولش احببب اشكركم من اعماق قلبي على مشاهداتكم لان ماتوقعته حتكون هالگد مشاهداته بما انو اول روايه إليه وشكراً ❤️...
ودمتم في رعاية الله وحفظه
غدير عبدالله 🦋
رواية وقد كانت صدفة الفصل العاشر 10 - بقلم غـدير عبداللّٰه
"وقد كانت صدفة"
و آنة گتلك !
گتلك الدنيا لوتني وبيك أحسني إنسان أقوى
ليش خَليت العشگ بعيوني نَزوه !
يَ التسوى ناسي وهَلي شخلاك ماتسوه !
و ترا تعافيت مِنهن لا يظل بالك
مو آنة اليچلب بَعد بذيالك
ولا آنة البَعد يسهر يتاني تعود
خليني لوحدي أعيش
و وحدَك أحلالَك 🤍.
___________________
رمشت عليه ميسم طلعتله فتحت باب السياره وسلمت ومشت السياره طبعاً مشغله قرآن مشينه فتره وهدوء قطعت الصمت وسئلته
ايلاف:شعجب اليوم سايلنت مخليته؟!
ميسم:جرت حسره وسكتت
..ها شكو ولج ؟!
.. ايلاف خليه بعدين اسولفلج ما اگدر بالي مشتت بس نوصل واسولفلج..
..تمام براحتج، كتله هاي الكلمه وسكتت مبين وضعه مو طبيعي لأن اني ميسم اعرفه كُلش حساسه من أبسط الامور وخاصه بعد سالفت ماهر أحسه صار اله كابوس مد تخلص من عنده ،عكسي أحياناً احس ماعندي مشاعر وإحساس لان اني من النوع الي ما تتعلق بشي اله اذا ما اتاكد من عنده بانوا يبادلني نفس الشعور بذاك الوقت اني اتقبله..
وصلنه ركنته بالگراج دخلته للمستشفى بصمنه وراحت كل وحده على شغله اني رحت الغرفه لبست الملابس الخاصه بالعمليات لان جانت عندي عمليه وي دكتور علي كان اشراف .
خلصته بعده رحته لمرضى العنايه بعدين نشغلت راح عن بالي موضوعه بس من صار موعد الستراحه ركض جبته سحل واجيت بس بعده مطنگره جبته ...
ايلاف:كافي عاد سوتيه بلا ملح نطيتج هواي مجال تعالي گوليلي شكو شصاير ؟
ميسم:نزعت النظارات وباوعتله وگلت بحزن مخنوگه بعبره البارحه من رجعت لگيت امي ماهيه اجه بابا گلي ها اجيتو عباله چنت طالعه وياه بعدين گتله لا مو ويايه گال لعد مو رحتي تخطبون لماهر بعدين عرف بنفسه چفص اني سويت الموضوع عادي وسولفتله كُلش،
ايلاف بعد ما اتحمل كُلش متاذيه ما كدر شسوي گوليلي ؟!
.. أخذته ضميته لصدري وحضنته وحاولت اهدء بيه كُلش كسرت خاطري ضلت تبجي بس بعدين ضجت وتنرفزت گلت اله ..
ايلاف:كافي ترى شنو بس أنتِ الوحيده الي عافه خطيبه وراح هاي كومت بنات شنو بس أنتِ كافي ترى ضجت منج بس تبجين بعد ترى والله اعوفج وانسِ اكو علاقه بيناتنه ،هي بسرعه گامت منتفظه..
.. ايلاف أنتِ صدُك تحجين شلون اكطع علاقتي بيج وأنتِ اختي الوحيده لي تعرفيني أكثر من امي يا اختي ما اگد...
..لا تگدرين يي أنتِ بيدج تگدرين تسوين كُلشِ هو لو صدُك يحبج ماجان باع مثاليات براسج هو لو صدُك يحبج مثل مدگولين جان ماجذب عليج من يحبج وجيبلج هدايه وگالج كلمتين حلوات عبالك الحب بس هدايه احبك وحبيبي ،لا عيوني الحب اهم شي الاحترام والثقه اهم شي التفاهم بين الطرفين.
..مو بيدي داده مو بيدي مو يكولون الحب اعمه اني نعميت غشاوه صارت على عيوني صرت اشوفه بعيني ملاك .
ايلاف گمت كُلش ضجت مو بس فورت دمي دومه فطيره تتقشمر بكلمتين ،ضليت افتر اروح منا اجي منا وهيه تباوعلي بعدين رحت اله وگوتله..
.. تمام هسه شتاكلين اني كُلش جعت من الريوك لي هسه مملكله شي ؟!
..زين والله متريگه اني اصلا مامخليه لگمه بحلگي حتى ريوگ ممتريكه
..عزه بعينج صدُك تحجين شوفي وجهج شلون اصفر وايديج شلون يرجفن حقج عيني على الدگ واللطم مال أمس
..تمام هسه روحي، راحت تجيب اكل واني انتضره خطيه خليته تعصب هاي ايلاف احب اهتمامه لو بعز العصبيه متقبل على الغلط وعده نظره لكل شخص اذا ما ارتاحتله ابد متتقربله عكسي اني الفطيره مثل مدكول احس ايلاف شخصيته كُلش قويه رغم هيه مو اجتماعية مثلي لكن تمتلك شخصية كُلش قويه مرات اگول ليش اني مو مثله بس ولو هيه موجوده تاخذلي حقي هههههه واجت وعاگده النونه
...هاج هاي الكيكه والعصير بين متصير الفه .
..داده ماريد ما اشتهي
..ميسم اكليه ولدكولين شي تره فورتي دمي من وراج اكلي وبلا كلام ..
ميسم:اكلته والله طيبه مدري اني جوعانه بعدين راحت جابت لفت صاج دجاج تدري بيه اموت عليه وببسي أكلته هم
..يي وهسه بعد ماكملتي نرجع لموضوعنه شوفي ميسم اني فكرت أنتِ مو تردين تنسي ؟؟
.. هزت راسها بيي
..تمام لعد سمعي مني ونفذي كلامي بعدني اريد اكمل ويجي ممرض ويگول
الممرض:دكتوره ميسم دكتور حيدر يريدج ؟
ميسم:خير ان شاء الله ماعرفته شيريد ؟!
..لا والله بس گال صيحلي لدكتوره ميسم
..تمام هسه جايه راح وگلته لإيلاف يله اني اروح ومن نطلع من الدوام نكمل ،ودعته ورحت للدكتور وصلت دكيت الباب...
دكتور حيدر :تفضل
ميسم :اني دكتور حضرتك طلبتني؟؟
..يي تفضلي ،رحت گعدت على الكرسي رجع كمل
اريدج ترحين لمريض طلع من العنايه مصار اله هواي احنه چيكنه وضعه بعدين نقرر شوكت الخروج مالته لان هسه وضعه تمام بس ننتظر التقارير والاشعه نشوفه ،اريدج هسه ترحين تشوفين جرحه يحتاج تغير لو لا حتى اذا يحتاج أنتِ بعد تعرفين شنو شغلج تمام.
.. تمام دكتور بس هو يا غرفه ؟ گالي الرقم رحت للمريض الي گال عليه الدكتور خلصت شغلي مشه الوكت إلى أن صار وكت انتهاء الدوام رحت للغرفه مالتنه دخلت لگيت ايلاف داتجهز بغراضه كتله..
ميسم:يي همزين خلصتي حتى نرجع للبيت من وكت انتضريني بس ابدل حتى نروح
ايلاف:يله تمام
گعدت انتضر ميسم تخلص حتى نطلع دخلت دكتوره شهد گالت...
.. ها حطلعن ؟
..يي هسه انتضر ميسم تخلص حتى نطلع..
..سمعتوا الخبر الجديد سمعت من دكتور علي بانوا المدير گايللهم على اساس حيجون دكاتره جدد وممرضين هم واحتمال بأجر لو شو يوم يسون اجتماع واغلبهم يعرفون عبالي أنتِ هم تدرين .
.. لا والله والا ادري هاي شوكت شو ما سمعت ؟
..لعد داده انتِ وين نايمه
..يي والله هالايام كلش داتعب حتى نوم كُلش قليل من وره الشغل ضلينه نسولف إلى أن خلصت ميسم وگناله على الخبر هم تفاجئت طلعت مو بس اني ما اعرف هيه هم.
طلعنه للسياره وصلتني وراحت مر تقريبا يومين ونفس الروتين بالليل اتصلوا المستشفى فجأة كالولي باجر بأن اجي الصبح ماكو خفر لان عدهم اجتماع صراحه تفاجئت كتلهم ماشي واتصلت بميسم طلع حتى هيه مخابريه گتله تجي عليه باجر.
صار الصبح اجت ميسم ورحنه للمستشفى بصمنه ودخلنه شتغلنه عادي بعدين گالو رئيس الأطباء يريدكم اجتماع رحنه لقاعه الاجتماع احنه الدكاتره ندخل ونشوف خمس أطباء 2 كبار و3لا زين يعني شباب 3 ممرضين 2 بنات ولد واحد.
دخلنه رحبنه بيهم طبعاً ميسم بصفي على الجهه اليمنى وشهد على الجهه اليسرى شلون ثنين وحده تسحبني منا وحده منا تعرفنه عليهم الدكاتره بس بعدنه مامتعودين عليهم حتى نسيت أسمائهم خلصنه الاجتماع ومر اليوم عادي والبعده هم ....
جاي أمشي بالسياره وصلت قريب المستشفى شفته واگفه وتريد تكسي وگفله واحد على السايد الخ جاي تعبرر تريد تروح اله وجان تجي سياره وتضربه...
يتبع...
________________
شلونكم حبايبي احوالكم والو البارت قصير بس عادي البارت الجاي أن شاء الله حيكون طويل لاتنسون التصويت ومتابعة للحساب بدربكم وشكرا ً
وغلسوا على السحگات إذا لگيتوا 🤓
دمتم برعاية الله وحفظه
غدير عبدالله 🦋