تحميل رواية «وقار إلمياس» PDF

أرُوح لِويّن ؟

كُلشي گبالي مِن لَونك

أغمُض وألتِفِت والگاك

كُل الدِنيا بِعيّونك ..

لاتنسون التصويت والتعليق بين الفقرات

الكاتبة نور المنتهى

" " " " " " " " " " "

أنغام : فهد خطبني وماااااعرف شسويييي أخاف اقبل واخاف ارضى

مرام : سوي مثلي اثكلي أول شي عود تفكرين بعدين وافقي حتى سحلي مثل ما أني هسة ساحلة منتظر

أنغام : متأكدة أنتِ ساحلة منتظر ؟

مرام : جذب هوة ساحلني

أنغام : ومكيفه هههههههه

مرام : ضرب الحبيب زي أكل الزبيب

أنغام : ههههههههه مسحولة ولله

مرام : لا عوفي الشقة فهد خوش ولد وافقي

بس هاااااا مو ترحين لبغداد وتضلين تبيعين علينة بغداديات

أنغام : افه تردين اغير لهجتي

مرام : اي كفو

أنغام : اي لعد شعبالج

مرام : لاررربحنة من دبششش

أنغام : هههههههههه لكل حادث حديث هسة ما نحكم

" " " " " " " " " " " " " " "

ٱلحسن : زُها عدها حساب ؟

باهر : ليش

ٱلحسن : أريد احاجيهة

باهر : شتحاجيهة ؟

ٱلحسن : شحاجيهة مثلاً أسأل عن أخبارها أخبار البنات

باهر : دزيته إلى ، مو  تجفص ودكلهة باهر باهر ازوج

ٱلحسن : ليش ؟

باهر : شنوووو ليششش شبيك انتَ أنا أريدها ترجع تحن يكلي ليش

ٱلحسن : يعني مو من حقهة تعرف ؟

باهر : لااااا مووووو منننن حقهةة البنية مامزوجها محبببببة بيها وانتَ تعرف ليش ازوجتهة فا ماكو داعي تعرف وتكرهني بزايد

معة مرور الأيام بس تسند نفسهة وأمن الهة كلشي انفصل عنها

ٱلحسن : وتتوقع أنا اكلهة صدك ؟

باهر : چاااااا ليششششش حركتتتتت دميييي اجيب ابويييي هسة بهذا اليومممم نذلل

عفتَ وطلعت للفندق سحبت البطاقة فتحت الباب

ما موجودة بمكان الإستراحة دكيت باب الغرفة

صحت بأسمهة ماكو فتحت الباب ريت ماشفت المنظر

جسمهة ازرك منتـ**ـحرة شنق  حسيت نفسي صدك سويت العلية بس كان الأمر مو بيدي

أذكرت لمن ما لحكت على شهاب هيا هم ما لحكت عليها نزلتهة

شفتهة بييضه وماكو نبض

ليش عمو ليش جان صبرتي وكسبتي الدنيا ويمكن الآخرة ليش خسرتي الإثنين

فهد يتصل بكَ...

باهر : ها فهد

فهد : بستغراب ، شبي صوتك ؟ تعبان

باهر : بصوت مبحوح ، فهد تكدر تجي شاهي انتـ**حرت

فهد : حسيت بصاعقة ، صددككك تحجييين ليششش

باهر : فدوة تعال مابيه حيل ماكو شي يعيني أحرك أيد

تعال انتَ حتى تاخذهة

فهد : ابقى بمكانك مسافة طريق ما أتأخر

باهر : شمرت جهاز وخرتهة عني وشفت ورقة على الميز

شاهنيزان :

لأخر مرة أكول عمو شلونك  - عمو صح كنت تريدني اكون قوية بس ولله ما أكدر عمو تعبت  ما كدرت أتحمل الأيام الداومت بيهة كلام الوياي بلقسم

أنتِ منهزمة أنتِ كذا اهلج كذا عمو صعب ما كدرت أتحمل صح السويتة غلط ورب العالمين غضب علية بس هوة أعلم بحالي وهوة اعلم شكد متأذية

وشكد الموت أهون إلي من هل عيشة انتَ ما قصرت ما أعرف شنو ضروف حياتك وبشنو تمر بس البيك مكفيك وماقصرت وياي

أخر شي أريدة منك أهلي ميعرفون حتى مايدفنوني يم أهلهم عمو أدفني بلنجف 

أن شاء الله السعادة الروحك

باهر : ماعرفت شنو صاير وياي بهل لحظات الاعرفة شدت أيدي على الورقة قبضت عليهة بحرگان گلب

" " " " " " " " " " " "

ًزُها : في لحظة ما سينصّب النضج عليك فجأة، فتعاودك ذكريات الماضي كحلمٍ سريع، ويبقى سؤالك الثابت دائمًا متى مرّت الأيام بتجاربها بهذه السرعة ؟

مرت سنه ونص واحنة بألمانيا  البنات بقـن بدون دراسة لأن صعب مو بسهولة يكدرن يدرسن وبدولة

لغتة مو شي منعرف آلهة اعتادينة على الأمر

وكلنة معة مرور الزمن نتعلم كلشي وأن شاء الله العمر كدامنة ويكملن أني بديت أشتغل

شمسين علمتهة هواي أشياء وثقت أحداث اول ما بدت تزحف لحد ما صارت تمشي وتوكع

ثبتت صورت باهر رغم كلشي ماريد تجهل وجود أبوها بقيت اعلمهة أنو هذا بابا وهيا صيح به بابه

أنغام انخطبت لفهد وقرب موعد زواجهم وأنغام

تتوسل بية أحضر بس ماتعرف أني مو بلعراق

طيبة ماكدرت تتأقلم حبهة لمصعب ما كدرت تتخطى عكس حوراء تجاهلت حسن بس بداخلة تريده بس كبرياء انثى بعد

ٱلحسن شكد حاول يوصل النة بدون فايدة بقى ويانة بس على تواصل النت ههههههههه بس مثل المخبل

يومية متصل هاد علية هاااا شوكت يحن گلبجج

باهر هم بقى بس على تواصل النت وبكل مرة يحاول

يحجي وياي زايد اطلعلي عذر

ودائماً ناري مشتعلة شون عندك گلب تحجي وياي

ومرتك يمك ؟

كاعدين ملتمين بلحديقة خالين الأكل وشمسين كلساع تهمش شي

دُنيا : بعدد خالتج متجييين تاكليني فد مره

شمسين : به به {بابا}

زُها : بيش طالبة بنيتي شماكلة هيا بس موزة

آسل : أكلي أكلي سموسه خير خالتج يغزر

حوراء : ههههههههههه هسة خالتهة اجرهة زيججج

زُها : باوعت لدُنيا وغمزت ، لالا خوش خالة خالتهة هههههههههه

دُنيا : ولله عيب عليجن شنو اصنفن علية هههههه

أنغام يتصل بكَ...

زُها : ديربالجن على شمسين لاصدك تهمش شي وتغص

طيبة : وين رايحة أنتِ ؟

زُها : أنغام جاي تتصل راح ادخل جوة وأرد

هله حبيبتي نغمة

انغام : هله بيج يروحي شخبارج صالح أسبوع ماكو

زُها : اي والله اسم الله عليج فلاونزة طمرتني أسبوع بلفراش

أنغام : الحمد لله على سلامتج وهسة شلونج

زُها : الحمد لله أنتِ شخبارج شنو آخر التطورات شوكت تنزَفين 

أنغام : منتظرتج ههههههه

زُها : اي والله شكد متمنيه أحضر بس بعد شاء القدر مراح أكدر

أنغام : هففف تعرفين ولله حيل مقهورة أتصلت حتى ارجع اقنعج

زُها : ولله ياريت بيدي شي أنغام أنتِ تستاهلين وأحد يوكف وياج بكل للحظة

أنغام : هاي هيا شسوي بعد أن شاء الله نشاوف بأقرب وقت

زُها : آمين حبيبتي

أنغام : فصلتة لكيت فهد متصل عاودت الاتصال

فهد : ويامن جنتي تحجين

أنغام : وي زها

فهد : شخبارهة

أنغام : فهد ولله مقهورة باهر ولله من يوم الراحت زها وهيا حالتة للأسوئ

صح قوي شوفة بس هوة من داخلة منهار باهر حيل يحب زها

فهد : صدك ؟

أنغام : شنو صدك شبيك ؟ معقولة محد يعرف وينها

على الأقل أني أحاول وياها  هسة على الأقل أتمنى لو تحضر عرسنة زها أكثر من أخت إلي

فهد : الله كريم حبيبتي باهر هسة وين ؟

أنغام : كل عادة اذا مو بلدوام بغرفتة فوك

فهد : أنا هسة أحاجي  - احبچ فؤادي

أنغام : ببتسامة ، ههههه أموت عليك

فهد : جريت نفس واتصلت على باهر  وشيصير خل يصير

باهر : الو فهد

فهد : هله باهر

باهر : شخبارك  خو ما صاير شي

فهد : عندي موضوع وياك بس جنك تعبان ؟

باهر : الجو بارد فا شوي بلاعيمي وعيوني كوة فاتحهن

فهد : چا عوفهة بعدين

باهر : احجي أسمعك ماعندي شي

فهد : بدون مقدمات دخلت بلموضوع ،

باهر أنا أعرف زها وين

باهر : وين ؟

فهد : بألمانيا هيا وخواتهة !

باهر : انتفضت من مكاني ، شنووو بألمانيا ؟؟؟؟؟

شودااااها لألمانيا ؟

فهد : من أول يوم اجت بي لبغداد هيا عدنا لحد ما أنا سفرتهة لألمانيا

وأنا عرضت عليها تسافر وتستقر برة

باهر : حسيت نار ضلت تطلع من عيوني ،

فهددددد انتَ منتبهه شنووووووووو جاي تحجييييي

فهد : بعد أنا مصخمهه مصخمهه ، وأنا خليتهة تعرف

من زوجت شاهنيزان الله يرحمهة

باهر : من ازوجتتتتتت تدريييييي يعنيييي فهدددد وييييين انتَ

فهد : بلبيت ليش ؟

باهر : إذا انتَ زلمة تبقىىى بمكاااااانكككك أنا جاي

فهد : تخسى أنا بمكاني ما روح لمكان ثاني

أنغام : نزل باهر بساع سوى الدرج طفرتين وعروگ

ركبته وجهة طاگ ركضت وكفت كدامة

شصاررر باهر شبيككك

ماجاوبني دفعني وطلع بسيارة طاير 

يآرب ستررررك

أتصلت على فهد  ما جاوبني

بقيت احوس لحد ما اجة مصعب

مصعب : شبيج. نغمة ؟

أنغام : باهرررر باهررر طلع بساع ومبين عصبي كلش أول مره أشوفة بهل حالة

مصعب : هسة أتصل علي

أنغام : أتصلت ماكو فايدة ما ياجاوب

مصعب : أتصلت ماكو ، مغلق

أنغام : أنوبة مغلققق

مصعب : لازم اكو مشكلة بعدين تنحل ويهدأ

تعالي جوة لاتبردين

أنغام : يعني ماكو شي ؟

مصعب : لا ههههههه

" " " " " " " " " " " "

فهد : جاي اتمشى بلباب منتظُر باهر يجي اجاني أتصال من أحد ضباط الجيش

أهلاً وسهلاً

محمود : شلونك سيدي

فهد : الله يسلمك شعجب حنيت

محمود : تعرف بعد مانكعد بس دوامنة ماخذ نص عمرنة أتصلت علمود باهر

فهد : شبي ؟

محمود : معة الأسف ولله على طريق البصرة لبين الناصرية مسوي حادث ومكلوبة سيارتة 

وأقرب مستشفى إلى كدرنة نقلة للناصرية

فهد : الله ياخذك فهد ، وييين الله يخليككك بيا مستشفى جايي أناا

محمود : مستشفى الـ**** الأهلي راح أبقى موجود لحد ماتجي

فهد : اي فدوة لاتركة - 

" " " " " " " " " " " "

زُها : كاعدين نلاعب شمسين حرفياً هيا ونستنة

دُنيا : ماماااااا

زُها : زمنهه گاااايييهه

حوراء : گاااايهه بعد شوية

زُها : گايبببهه أشياء وحگااات

طيبة : هههههههه گيبببهه معاهه شنطططه

زُها : فيهااا وزة وبطه  وبتصيح ؟؟

الكل صاحن سوا : وط وطط وطططط وطططط وططط

دُنيا : ههههههههه البت هاي طلعت فيوزاتتة كلهة

طيبة : هههههههههه اي والله حتى أني جاي انصدم بشخصيتي التظهر كدامهة

شمسين : نو نو

زُها : ونبيييي متقببببل أحد يضحك عليهة كافييي

دُنيا : يمة يمة شكدددددد عياااارة 

زُها : موبايلج جاي يدك 

دُنيا : باوعت فهد يتصل كمت من مكاني يم شباك

الو فهد

فهد : زُها يمج ؟

دُنيا : اي شبيك فحطان ؟ !

فهد : بطريق هسة ما أكدر احجي بس روحي وياها هسة اذا أكو طيران للعراق

حجزيلهة بساع خل ترجع بس هيا

دُنيا : يااااساااتررر شصايررر

لاتخبلنيي

فهد : كليلهة فهد يكول شي ضروري وبس لاتخوفيهة

دُنيا : اي تمام تمام

زُها : اجيت يمهة ، شيريد فهد ؟

دُنيا : ايكول أنتِ وزها روحو للمطار يريدج ترجعين للعراق هسة

زُها : عزااا شصاير ولج مكلججج

دُنيا : هففف هوى هذا مخبل ينحچي ويا  المهم أبقي يم البنات أني

أروح أشوفلج حجز بلكت الله أكو اليوم

زُها : ماشي عمري الله يسهلج أن شاء الله

آسل : وين رايحة

دُنيا : شمرتلهة بوسة بلهوى ، ما تأخر عمري شغلة كم ساعة بس

" " " " " " " " " " " " " " "

مصعب : صار اليل كلش وباهر جهازة مغلق أتصلت على فهد لازم يعرف شي

فهد : هففف ، ها مصعب

مصعب : يمعود ماتعرف باهر وين طلع وحالتة مو شي

فهد : بناصرية بلمستشفى سوة حادث

مصعب : حاددددثييشش ليشششش ما كتلي فهدد

فهد : أنا هنا يما هسة  وضعة تمام بس بعدة ماصاحي

مصعب : الموقع وين خل اجي .

فهد : تمام بس ديربالك من طريق لا سوي المصيبة مصيبتين

أنغام : حادث شنو ؟ مصعبب بييي شيي

مصعب : سوة حادث هوة بس مو شي خطير لاتخافين

أنغام : احلففف احلففف مو خطيرررر كلييي

مصعب : أستغفر الله ياللهي بابا خل اشوف دربي بس أوصل اصورة الج حتى تتأكدين

أنغام : كوووول والله ماخليك تعبر إلى تحلف

مصعب : يااااااطلابة الما تخلصصص عمييي من شالج الله وركعج كووووون

وخرييي

شني من فرخة لزززكة

أنغام : روححح العتب مو عليك على فهددد المعفننن

أتصلت علي بس وحق الله اذا ما جاوب إلى احرمة من صوتِ أسبوع

فهد : نغماتي

أنغام : عوففف نغمااااتك اخويييي شلووونه

فهد : شبيج لاكفة طين أخوج زين

أنغام : خل حاجي وتأكد

فهد : حبيبتي يروحي - ولله بخير هوى بس يسمحولي أشوفة اخليج تحجين ويا

بعد شتردين ؟

أنغام : من كتلي راح احاجي وهوى نزل شاب نار شحاااجيته ؟

فهد : شمرين صواريخ علية شوكت لحكت أحاجي أنا

أنغام : اها يعني ماحاجيته

فهد : لا

" " " " " " " " " " " "

دُنيا : رجعت للبيت البنات نايمات بس زها لكيتهة مجتفة أديهة لصدرهة وتفتر

هاييييي

زُها : هايات تأخرتي

دُنيا : الجوووو ثلججج - حجز ما لكيت هسة بس لأيران خابرت فهد ماقبل

فا أنتِ طيارتج تطلع الفجر

زُها : شفت الساعة بـ٢ ونص مو مال أنام بعد ،

هفففف ما أخذ ملابس مو ؟

دُنيا : لا ميحتاج لأن مبين مستعجل

زُها : تمام راح اجهز نفسي حتى أطلع

دُنيا : تمام عمري أني جوعانة راح أسوي شي أكلة

زُها : رحت جهزت نفسي بقيت اصفن جهازي موجود وياي علاج الدوران موجود ؟ صورة باهر موجودة طلعتهة خليتهة على الميز

بوست شمسين وهيا نايمة بقيت اشمشم بيها فقرتي المفضلة

هم يلة أطلع ؟

دُنيا : اي اي خو ما ناسية شي

زُها : لا كلشي موجود بس من أوصل وين أصرف اليورو ؟

دُنيا : بقاعة الإستراحة مال الطيران أكو صيرفة صرفي بيها للعراقي

زُها : كاعدة تاكل هيا حضنتهة ومطكتهة أبوسة  ،

ما وصيج بنتي ثمَ بنتي ثمَ بنتي ثمَ خواتِ عينجن عليهن تمام

دُنيا : وإني ما انتبهة لنفسي ؟

زُها : ههههههههه لا أنتِ أهم شي لأن لو ما أنتِ ما ائمن يبقون وحدهم بلبيت

دُنيا : هههههههه يروحي أنتِ أن شاء الله توصلين بسلامة  لو ما البنات نايمات اجي أني أوصلج

زُها : ميحتاج يروحي يلة معة السلامة . 

طلعت  للمطار الناس كلهة كاعدة خو العشاگ يبووو فلاَ يناموووون

طلعت  للمطار طارت تقريباً الساعة بـ١٢ الظهر { سلام الله على الأمة الاثنة عشر }   لحد ماحسيت نفسي على سماء البصرة  نقبض گلبي

اجذب من أكول عايشة اهناك مرتاحة تبقى روحي هنا

تبقى ماما هنا وكلشي هنا الإنسان مهما يمر بمواقف

مستحيل ينكر أصلة ولا وطنة

اخخخخ صدك اشتاكيت لمي انه ولخبزت التنور

نزلت بمطار البصرة أتصلت على فهد

فهد : بصوت هادئ ، وين أنتِ

زُها : بمطار البصرة شوكت توصل

فهد : أنا بناصرية هسة اصعدي بتكسي يوصلج للناصرية وذا بي ناس وذا عبرية بعد أحسن

زُها : شجاي تحجي وشكووو جاية للناصرية

فهد : خوية هسة تتعالي  وأنا افهمج

زُها : يصير خير ،  بقيت أدعم بشوارع بس ما بينت نفسي خايفة

بقيت أمشي بشموخ وبرجولة  شفت تكسي ما رتاحيت آلة

مشيتة بعدين وكفت رجال شايب 

طلعنة تقريباً الساعة ٢ ونص الظهر وصلت للحبوبي

الو فهد !

فهد : وصلتي ؟

زُها : اي شعبالك

فهد : عمي سباعية ولله 

زُها : هسة وين اجي ؟

فهد : لمستشفى الـ****

زُها : شصايرررر ؟ بيك شي خالة بيها شي

فهد : يابة وعلي ماكو شي مابينة شي تعالي راح أبقى منتظرج برة

زُها : تمام ،

طلعت للمستشفى دقايق أوصلت لكيت واكف برة ويمة ضباط 

شافني كبل اجة

فهد : طولانه لو لابسة كعب

زُها : هههههه هيج تلكيتني

خلة أيدة على راسي باس راسي

فهد :  الحمد لله على سلامتج شلونج

زُها : ضل عندي لون من وراك شنو صاير شنو هل جية المستعجلة

فهد : أخذتها على صفحة بلحديقة كعدنة

اريد اسولف وأنتِ سمعي

زُها : جريت نفس ، يلة بطيت چبديييي ،

فهد : من دُنيا كلتلج باهر ازوج أنا كلتلهة دكلج

زُها : أبتسمت والمخاوف بين بية ، ليش شنو يعني

فهد : باهر صح ازوج بس البنية   إلي زوجهة*****

يتبع...

لاتنسون التصويت

لا بأس أن ضاق صدري،وانخفض نبضي، وتأكلت اوردتي من شدة الحزن ،لا بأس أن احتضنتني الوحده،وتهت في ليلي اصارع الماً يكاد يقتلني -لا بأس حقاً- يكفي انني لم اتكئ لأحد قاومت كل هاذا لوحدي ،حتى أولئك الذين سببوه ضحكت في وجههم كأنهم لم يؤذوني على الإطلاق ..

لاتنسون التصويت والتعليق بين الفقرات

الكاتبة نور المنتهى

" " " " " " " "

زُها : أبتسمت والمخاوف بين بية ، ليش شنو يعني

فهد : باهر صح ازوج بس البنية   إلي زوجهة لكيناهة أثناء عملية

القبض على تجار المخد**رات

ويتاجرون بلبنات هم  والبنية لكيناهة عدهم مخطوفة وتعرضت للأغتصاب

البنية مجان إلهه ذنب بشي حاول باهر وياها حتى يوصل لأهلهة بدون فايدة أخذها للفندق

وبقى أيام والبنية قافلة من الخوف إلى أن قبلت

تروح لأهلهة  أخذها باهر

زُها : طول ما هوى يحجي قبضت أيدي تنشد ودموعي تنزل

ومن انتحرت ماتت ؟

فهد : معة الأسف - زُها باهر جان دائماً يفكر بيج

وحتى من بدة يدور عليج وعرفت يريد يلكاج  طلعت الج ولشمسين جوازات سفر حتى مايلكاكم

زُها : حسيت نار طلعت من عيوني ، بعد ؟ شنو مسوي

فهد : زُها باهر مو من نوع ال...

زُها : ما تحملت حسيت نفسي جنت مئمنة بذيب

انتفضت من مكاني وطولي كلة يرجف ضربتة راشدي

حسيت نفسي لأول مرة أكون بهل صلابة

ضربتة ومشيت خطواتي بثقل وصاح

فهد : باهر هنا على الأقل شوفي قبل لاترحين

زُها : وكفت ردت أمشي بدون ما اهتم إلى بس السؤال راود نفسي شيسوي هنآ ؟

معقولة يعرف راح اجي -  بدون ما التفتت إلى

شيسوي هنآ ؟

فهد : سولفتلة كلشي بالاتصال ومن جان جاي لبغداد حتى يشوفني سوى حادث

زُها : جان صوت واحد بداخلي يالله ساعدني مابية بعد ،

شجاي تحجي ؟ فهدددددد شجاااي تحجييييي

أول مره أدعي على أحد الله ياااااخذكككك الله ياخذكككك

بقيت أضرب بي راشدي ورا راشدي حسيت نفسي راح اوكع

عفتَ ودخلت جوة ودموعي تتسابق أنفاسي

بقيت أمشي ماعرف ما اندل دربي شفت ثنين بنات لازمات إبر ويفترن

طلعت صورت باهر

فدوة هذا المريض بيا غرفة

ما جاوبن هزن راسهن بمعنى منعرف

بقيت أمشي وادعي جلباااااتت يعرفن بس يلطخنننن حمررة

صعدت للطابق الثاني شفت رجال بقسم صيدلة

عمو فدوة هذا المريض اليوم اجة ؟ ماشايفة بيا غرفة اسمة باهر

__ اي البارحة اجة مو اليوم تعالي وراي

زُها : رحت ورا  اشرلي على غرفة

فتحت الباب ورجعت سديتة ما كدرت أدخل بقيت ألف شي أفكر بي جريت نفس بألم

ودخلت

گصتة كلهة مجرحة وصدرة همين أبشع شعور من

أتقدم خطوة وأرجع خطوة  - يالله ساعدني

سحبت كرسي كعدت كدامة بقيت اسولف ويا بس أعرف بي مايسمع

اخخ اخخ باهر ولله تعبت أني انتَ تعبتني الدنيا تعبتني أهلك تعبوني

مو سهلة علية احرمك من بنيتك ولله جان اليوم اليمر

علية وهيا بس كدامي بدونك جان مثل الموس أبلعومي

أكعد وعد تشوف بنيتك بس أكعد

أحس نفسي اختنكت طلعت ركض من المستشفى

فهد كاعد يم ضباط برة لزم أيدي دفعته

وخررررر اموتتتتك أجر أجرممم بيككككك والله

فهد : موتيني بس كليلي وين رايحة هسة

زُها : احسسسن ما افشلكككك هسة كدام خلگ الله واتبلة عليككككك تعوفني

عفتة وطلعت أمشي بشوارع إلى أن حسيت نفسي بفلگت الحبوبي 

أذكرت أني ماعندي أحد هنآ كعدت على كتر أشوف

الناس واباوع شفت لعابات أذكرت شمسين أبتسمت مشيت خطوات بفرع شفت مطعم

دخلت طلبت شوربة بسفري حتى أرجع للمستشفى أخذها لباهر

أخذتهة  رجعت للمستشفى صعدت لكيت مصعب واكف بلباب لفت كبل حتى أرجع ولكفني

مصعب : زُهااا تعاي تعاي

زُها : ها مصعب ماشفتك

مصعب : ما لايكلج الجذب شفتيني ورحتي

زُها : مو مهم - اي شلونك

مصعب : أنا لو أنتِ ؟ زها شبيج أنتِ ليش محد يشوفج شنو مثلاً مانريدج لو ما تهمينه

زُها : بعدين نحجي - خل أشوف باهر

مصعب : ماهو أنا جاي أدور علي

زُها : شنوووو ماهو هاااي غرفتةةة فهد وينننة

مصعب : حتى فهد ماهو - منتظره

زُها : يمعوددد يا تنتظر تعال وياي خلننزل

مصعب : ليش خوف ؟ شصاير

زُها : دمشييي ، أخذتة ونزلنة طلعنة برة المستشفى

اشرتلة على ضباط البرة ، ذول يعرفون فهددد

اسئلهم أكيد يعرفوو فدوة بلكت شايفي من طالع

مصعب : تمام أبقي هنا

زُها : بقيت احوس خايفة لحد ما اجة يمي

مصعب : باهر رايح هوى وفهد

زُها : وتحجييييي بكل برودددد

مصعب : يمعودة لا تخافين لو ما حس نفسة أحسن ما يطلعون

زُها : يمعوددددد انييي خايييفة لا يسوي شيي ابفهد فدوة خل ندورر 

مصعب : وينننن انوليييي شبييي فهد حتى يسويلة شي وحتى ما اندل بناصرية

زُها : مابييي شييي شلووون يعني نبقى هنا

مصعب : لا نرجع للبصرة وين طايرين

زُها : يا بصرة شبيك انتَ

مصعب : بابا تفهميني أنتِ لو لا كتلج طالعين سوية يعني حتى إذا ننتصل مايجاوبون ومستحيل يبقون هنا عاد نرجع للبصرة إحتمال راجعين

زُها : روح انتَ  - هسة أشوفلي تكسي

مصعب : خايبة شو تمسلتين خليني محترمج زهرة أنا جاي بسيارتي توكلي وياي وطلعي

زُها : يمع...

مصعب : مقاطع كلامها ، اصعديييييي لا انتحر هسسسة

زُها : صعدت ويا الطريق كلة أفكر اباهر وفهد خايفة شصاااير .

مصعب : مشتاقلج

زُها : التفتت على حنين الكلمة ، بعد روحي أنهم ولله بس مجبورين

مصعب : زُها  ماكو شي مجبورة علي وين ما تردين تعيشين عيشي صدكي محد يجبرج على

شي تعيشين مرفوعة راس وكرامة ترة مو حل هذا عايشة بعيدة عن عيونة

تبقين أنتِ زُها إلي حبيناهه كا اخت وكا غالية وفعلاً أنتِ غالية علينة

انطيني شي واحد مقنع احنه صح ائذيناج بس اذا تجين للواقع

باهر يحبج أنغام تموت عليج أنا أحبج الحسن يحبج حبوبتي تحبج منو ما يحبج بعد ؟

شو حتى الجيران يحبونج فدوة كبري عقلج أنتِ فاهمة

زُها : مسحت دمعتي بطرف إصبعي ودرت وجهي ،

هوى هذا أكبر غلط سويتة غلط بين الأدب أخوك وبين الندمني على الما يستاهلة

باوعلي ابتسم مر الوقت بساع غفيت لحد ما كعدني

مصعب : الغالية يلة وصلنة نزلي

زُها : شلت راسي باوعت سيارة كدام بيتهم انلچم گلبي نزلت ورجعت لورة

مصعب : يلة تعاي ؟

زُها : ببتسامة خفيفة ، لا أني رايحة لبيت مرام

مصعب : شسالفة زها على الأقل شوفي أنغام

زُها : غير مرة فدوووة  - عفته ومشيت وكفت كدام بيتنة  اااخخخ بديرة هلي بطعم يختلف حتى الماي وحتى الهوى يم هلي يختلف ولله هواي

لو اعرف جاية للبصرة وهيج يصير بية جان جبت مفتاح البيت مشيت خطوات لبيت مرام ودمعة تكسرني

دكيت الباب شوي وطلعت مرام قبل لا تفتح الباب اصيح زهاا عزااااا وين عرفت

مرام : شمرت نفسي عليهة حضنتهة حيل وابجي ،

ولججججج برب*** مشتاااقتلجج طااااااگ گلبييييي عليججججج چلبببببه

زُها : بقيت أبوس بخدودها بشعرها وگلبييي لهفاان عليةة ،

اخخ مرايييم گلبييي چا هينة عبالججج

مرام : تعالي فوتييي

زُها : دخلت وكفت اباب الصالة انزع الكعب ،

وين عرفتيني اني هههههههه

مرام : شفتج من الكاميرات ههههههههه

زُها : لوووتية منتظر وين

مرام : يلعببب بوبجي بس ادخلين راح اسمعين صياحة من الغرفة

زُها : هههههههههههه خرب يومج  دخلت رجعت ذكرياتي من رادت تزوج واجينة أني وانغام

كعدت على التخم خليت مقعد بحضني وهاي ولت

مراييييممم ترةةة مو جوووعانة أبد ولا اريدددد فواكة أبد

مرام : اييي اييي وصلتلي 

زُها : هههههههه جابتلي فواكة وكعدت مقابيلي ،

سمنانه ولج شنو السر ؟

مرام : چا الزواج هم بي فيتامين

زُها : هههههههههههه عزااااا فضضيععة

مرام : جريت حسرة بقيت صافنة بيها وهيا تاكل ،

البنات وينهن أنتِ وينج شعجب اجيتِ وبهذا الوقت ولله گلبي معصور عليج

" " " " " " " " " " " " " " "

فهد : كاعد على الكرسي بغرفة وباهر نازع قميصه وكاعد مقابيلي من بعد ما فلش خشمي

بعد ؟

باهر : أحس عيوني كوة فاتحهن من نار القهر ونار المرض شغلت جكارة دخنت نصهة ونص ثاني بقى بيدي اتقربت يمة

شكيت قميصة

فهد : تفلت الدم ورجعت التفتت إلى ،

بعد شنو ؟

باهر : تقربت يما خليت جكارة على مكان گلبه ،

صرخخخخخخ

فهد : بقيت راص على اسنوني بدون صوت ،

ليش اصرخ

باهر : صرررررخ أكلك طلععععع صوتتتت اتوجعععع

اتوجعععع أكلك  اريددددد تحس شلون جنت موجوع من داخلي

فهدددد حسسسس شلون جنت عايششش وصوت الصياح بگلبيييي يفجععع صيحححححح

فهد : موبيدي

دفرة ابطنة وصاح

باهر : بيددددمننننن بيدمنننن صوچيييي ثاااقققق بيكككك صوچييي حاسبكككك أخو من الله ياخذنيي

فهد : إلي سويتة كلة من شهاب

باهر : شكووووو شهابببب شكووووو محذركككك من  اخوووو

فهد : اييي قبل لأ يتوفة بنفسسس اليوممم شرطططط هوى إلي جاب زُها وخواتهة النه

وهوى الائمنها عدنة بوقت جنت نايم ومن كعدت  طلعت برة لكيت زها بوجهي توة مودعة شهاب

خابرتة قبل لأ يبعد حتى يرجع وطلعت

من البيت توة نازل بلشارع

" " " " " " " " " " " " " " " "

فهد : اشرتلة مد راسه من جامة سلم ، شسالفة مستعجل  ضل هنا

شهاب : فدوة اروحلك أبو حسين مستعجل شغل ولله لكيتك نايم بعد كلت بعدين انطيك فلوس همزين اجيت

فهد : طلع فلوس خلاهن بيدي ، شنو ذني مال بيت ؟

شهاب : اي بعد أخوك على معرفتك شوف بيت يلم هل بنيات وذا قريب يمكم بعد أحسن

أن شاء الله أنا بس كم يوم عندي سالفة افضهة وأرجع اشوف وضعهن

فهد : دا رجعهن ونجب مثل خواتِ هنا قابل شلفرق بيني وبينك

شهاب : ولعباسسس تاخذهن عود اذا چملت من يمك بيها الخير

فهد : صار بعيوني - بس شلون باهر ميعرف اذا يعرف بعدين شكله ؟

شهاب : معليك ميعرف اذا عرف أنا افهمة - المهم نحاول كلشي أهم شي مايوصل الهن

زها تعبت وبلسانهة كالتهة أهلي اذوها حيل لهذا راح أحاول اي شي أسوي

وأبعدها عن باهر وأهلي حتى لو يكلفني اخسرهم إلى أن هيا تقر بلسانهة ودكول خلص سامحته

لو أريدة

فهد : هاي هيا فهمتك

شهاب : ماوصيك بعد ماريد اكسر بوعدي آلهة

فهد : ولا يهمك بعيوني ولله - هسة ماتنزل اتضل

شهاب : ههههههه ياريت بس مو هسة أحاول عگبه أن شاء الله لو الثلاثاء

فهد : هله بيك بكل وكت

" " " " " " " " " "

فهد : ومن سويت هيجج مو حاطططط عيني على زها ولا كرهن بيكككك

باهر أناا فهدددد تتوقعععع أسوي هيجج

ماجاوبني دفر الكرسي وطلع اوجهة نار من الحرگة

" " " " " " " " " " " "

زُها : سولفت لمرام كلشي وحلفتهه  مدكول شي واحد ما سولفته إلها هوا عندي بنوتة

اذا احد أريدة يعرف أول فا هوى باهر

مرام : ولله بنفسي نرجع مثل قبل ونداوم

زُها : أن شاء الله أني مابيها مجال السنة الجاية أكمل أخر مرحلة

مرام : اميييييين ونرجع نلتممم

زُها : صدكك ما حبلتي ؟

مرام : بقهر ، لا بعدني راجعت ماكو شي خليتهة يم رب العالمين

زُها : اي والله احسلج أن الله يرزق من يشاء بغير حساب

فهد يتصل بك...

زُها : يمةةة گلبييي يمهم بس دك ما لحكت بسس كون افتح الخط ،

فهددددد وينننن باهررر يمعود انتَ وينن

فهد : بتعب ، بشارع هسة أنا باهر قبل شوي طلع يمكن رجع لأهلة

زُها : شصاااار ويييين رحتووو بس لا تأذى أو انتَ سوالك شي؟

فهد : لا محد متأذي شداخلين معركة صفين أنتِ وين هسة خل اجي اخذج

زُها : من كل عقلك بعد تاخذني وجيبني  بمزاجكك

فهد : زها فدوة عوفي صخامج عتابج بعدين وشتردين اسوين سوي المهم

هسة وين أنتِ اجي أخذج وعود تفهمين كلشي

زُها : أني بلبصرة بيت مرام مصعب جابني

فهد : تمام مسافة طريق

" " " "  " " " " " " "

أنغام : مصعب اجة وكال باهر عندة شغل لو بليل يجي لو باجر بس گلبي محترگ

بقى متمدد كدامي راسة يوجعة وأني أدلك براسة واباوع بلكت

يجي

إلى أن غفة مصعب غطيتة بمكانة بديوان وطلعت برة

انتظرة  إلى أن ائيست وردت ادخل اجة هوى

باهرررر خوفتنييي وابو فاضل شلعتتتت گلبيي شبيكم ماتحسونن

باهر : بصوت ناصي ومبحوح ، ليش تخلين بالج يمنا

لاتخافين يروحي بس شوي تعبان صاعد أنام

أنغام : ويننننن وجهك شبيييي مجرحح باهررر

باهر : أبوس راسج عوفيني مابيه شي حادث بسيط هذا أنا كدامج كلشي مابية

أنغام : تمام ما اضغط عليك بس راح اعاقبك باجر على هل هبطة

أشر بيدة على عيونة

باهر : صار من ذني العيون

أنغام : دخل بقيت كاعدة برة ابجي أتصل فهد ما جاوبت رجع يتصل مارديت

لحد ما دزلي مسج برصيد

__ أدري بيج ما تنامين هسة جاوبي

أنغام : رمشت علي ورجع أتصل بية ،

ها

فهد : يابعد آهات گلبي شبيج ضايجة

أنغام : بصياح ، شلوووون ما اضوجججج أخوي الله يعلم شبييي حالتة تكسر گلب العدووو

شلونييي مثلاً شلونييي مسوي حادث ماعرف شنووو

ولله تعبانة مو اتذمر على قضاء الله وقدره بسسس تعبت فهددد

تعبتتتت عماد راح شهاب راح الحسن وباهر بشهر اشوفهم كم يوم بس من يوم راحت زها

وشهاب وهما صارو حتى وقت نزلتهمم يخلصوها برة بسبيل مايجووون

فهد : الله يساعدج مو شوي چا أنا شمرمر گلبي غير حنيتج

حنينة انغامي  نغمتي  - كافي بچي

أنغام : بدموع ، فهد چا هوى الحنين دائماً هيج مشلوع گلبه

فهد : وجهج صاير أحمر هسة ؟ متأكد أنتِ من ضحكين اصيرين طماطة هسة شنو ؟

أنغام : ببتسامة خفيفة ، تحشش ههههه

فهد : فدوة لهل ضحكة خايف خايبة

أنغام : هههههههههه شو ارجع كول خايبة ؟ حلوا منك

فهد : ههههه بشرط

أنغام : اممم ، شنو ؟

فهد : كولي فهيدان

أنغام : هههههههه عرفتك ولله

فهد : كوليهة يلة  أعرف بس دكوليهة اندعم

أنغام : ياااا جاي سوق ؟؟

فهد : اي كوليهة لا تلوتين

أنغام : انتَ  {فهيدان گلبي}

فهد : يبوووووو خرررررب روحككككك باهررر

أنغام : شعليييييي اخويييي

فهد : مو خايف ياخذج مني وعلي إلى أفقد

أنغام : شبيك تخبلت شكو ماخذني منك هوى مكيف بيك

فهد : خايبة خاف ياخذج كبل لا اخليج على گلبي إجرممم بييي

أنغام : لاتخبلني باهر شعلييي لو هم عندك هرمونات مثلنة وكبت عدك

فهد : بصوت عالي ، ههههههههههههههههه خربببب يومجج شكد قوية هاي

يتبع...

لاتنسون التصويت

حبيباتي أني كل الأحداث المهمة جاي أذكرها

وأبد مجاي اختصر غير اكلنة+ نمنة + الأيام الفارغة

مثل مرور أكثر من سنة هاي جانت أيام فارغة بنسبة لزها وباهر وكلمن بكتر أكيد ما أضل أكتب بارتات بس على شوكت كعدو وشوكت نامو لا هل شي غلط لهذا السبب اختصرت بس ذني الأشياء

ائما الأحداث أبد مجاي اختصر فد حدث معين وجايتنة أحداث بعد هم ما اختصر منها فقط الوقت الضايع اتمنى فهمتني

احبجن حلوات

أكثر رسائل هنا ويحجون علية مايعرفون ظروفي

بنات والقرآن الكريم والقرآن الكريم الأيام الفاتت ابچي بواچي من الألم واكو بنات مامتابعتني بلأنستا

فا ما يعرفـن بنات ولله هل فترة أني مريضة وعندي انزلاق بلفقرات القطنية السابعة وما أكدر أكعد ولا احرگ رجلية اتحملوني بس هل فترة بلكت أكدر أكعد شوي ورجع أكمل أتمنى ماتزعلون مني

يا انه، و هَلي و صَبري و جرِيب الناس

يا عُمري اليجي و عُمري العَزيز الفات

البارت يحتوي على مشـاهد حساسة أرجو التنبيه ❌

الكاتبة نور المنتهى

فهد : لا اطمئني ، سبحت وصليت. طلعت متوجهه للدوام لحد ما وصلت

سمعت صوت صياح أحد العساكر اتوجهت للغرفة الطالع منها صوت دخلت شفت

باهر نازع قميصه و لازم سوط ،، شجاااي سويي باهرر

باهر : بصوت يهز البدن ، ااااااااخ عوفنيييي عوفنييي شوووف هلمراااا تعدييي المرة الجاية أنعل شيبب الخلفككك فهمتتتتت

__ : فه فهمت سيدي

__ طلع جكارة وعيونة بكصتَ مشتعلات نار

فهد : شصاير يازلمة

باهر : رفعت عيوني إله ، اهنا احنه شنسوي ؟

فهد : غير شغل هذا

باهر : وهسة احنه شلابسين ؟

فهد : ملابس أو الزي الرسمي

باهر : كافي چا لاكلساع تسئلني شبيك كلمن بحالة فهمتت

__ راح باهر كعد بمكانه ورجله اليسرى تهتز بتوتر وعصبية

باهر : شلون انتقم من نفسي

فهد : شنووووو ؟

باهر : اخوييي مات بسببي والأحبهة خسرتهة شلوووووون انتقم من نفسيييي

فهد : شعليك انتَ لو راح تخليهة براسك بدال ماتتندم حاول أصلح كلشي وزُها خليهة اتسامحك وتبدون من جديد البنية تحبك يعني تريد تنكر هل شي ؟

باهر : اسامحني ؟

فهد : ببتسامة ، أكيد انتَ بس أسعى خطية البنية الله يعلم شكسرتُ بگلبهة

باهر : بقيت أبرم بشواربي وافكر ، أي يصير خير بس أرجع

سجاد : سيدي اجانة نداء

باهر : وين ؟

سجاد : بملهى بـ***** وعلى راسهم وحده كح****

يتاجرون بلمخد**** وياخذون بنات يمهم كل فترة ما الهن أي معلومات

فهد : تعرف العنوان

سجاد : اي هوا اجة النداء من النقيب أسعد ، والملهى خاص بيهم كل اليل بي

باهر : غمزتله ، عضيدي هذا أسهل نداء حضر روحك يلة نطلع

فهد : لادكولهة ؟

باهر : ليش عرفت شنو بالي ؟

فهد : يمكن عرفت

باهر : أبقى انتَ

فهد : شنوووو بكيفك ندخل اقتحام ؟

باهر : تووووو ، نروح بزي عادي وكشخة خليهة وراي

فهد : هههههههههههه فهمتك راح يصعدوك رتبة على هل ذكاء

باهر : لبست زي كامل أسود ، شلوني ؟

فهد : طالع عريس هههههه

باهر : اشرتله بصبعي ، هوا هذا المطلوب أمشي يلة

فهد : أهم شي نفوت اجيوبنة اثكال

باهر : اثكال اثكال يلة نطلع يلفطير

__ مشينة لزيـ**** دخلنة

__ اتفضلو

اجت وحدة تمشي ايچة مربربة يجي عمرها بلـ٣٠ اطك بعلچهة

إيمان : تفضلو عيوني

باهر : طلعت الهوية العسكرية شوفتهه إلها ، كالو شكو حلوا هنآ نلكاهة واجينة نخفف تعبنة

اتقربت مسحت على صدرة وتباوع لحلگه

إيمان : هههههههه فديتَ لذوقك تدلل تعال أهنا

_____________________

زُها : كعدت العصر على مغص وألم قوي بقيت أصرخ من الألم وابجي

طبـن البنات وأم فهد للغرفة ركض

أم فهـد : ركضت وخرت الغطة عن زها ، شعلننن الضوة يمة شبيج ألم طلوگ اجاج تحسين

زُها : أسمع بس مو بحال اسئلهة شلون تعرف بقيت بس ابجي ، خالة راح اموت فدوة بنتي لاتروحح

أم فهـد : خلت العباية على راسهة ، ضلنن يم اختجن راح بسرعة اجدملي تكسي

حوراء : سودا عليه زهره سودا عليه موجوعه كلش ؟

طيبة : ماتكدر تحجي عوفيهة بس بعدها هسة مو وقت ولادة

آسل بقت متكتره على كتر والخوف مبين بوجهة

أم فهـد : ناوشني شال بساع

حوراء : هاچ

أم فهـد : عينني خل انكومهة

زُها : ياعلي راح اموت

أم فهـد : اسم الله الرحمن يمة كلشي مابيج

طيبة : خالة خل اجي وياج فدوة

أم فهـد : اسدن بابچن وتكعدن أي واحد يدكة ماتفتحنة

زُها : طلعنة للسيارة واعصر بأيد أم فهـد من الألم حسيت شفايفي يبسن

أم فهـد : فدوة يمة استعجل البنية حامل

زُها : بدموع ، خالة بنيتي مجاي تتحرك بس لاماتت

أم فهـد : تفاولي بلخيررر يمة شجاجج ..

زُها : خذينة الطريق كلة خالة تدعي وماخلت واحد من أهل البيت مانختهم لحد ماوصلنه جابو كرسي متحرك كعدوني واسعفوني لصالة الولادة

أم فهـد : تحملي فدوة اروحلج

الدكتورة : بيا شهر

زُها : بداية ثامن

الدكتورة : ماماتي بطنچ زغيره الجنين ما ماخذ نمو الازم

زُها : بقيت أصرخ بأعلى صوت حسيت جسمي يحترك بنار بنتييي بسسس لاتموتتت شنو يعني كلامجج

ماردت علية

الدكتورة : ممكن تجين شوي

أم فهـد : ها يمة بس لا حالتهة خطرة

الدكتورة : معة الأسف الخطر على الجنين مو عليهة وين زوجهة

أم فهـد : يمة أبني بدوام ضابط

الدكتورة : لعد لازم نحولهة لصالة العمليات

أم فهـد : يمة فدوة روحلج سوي التشوفي صح

__________________

إيمان : أشر بصبعك منو من هل حلاوات تريدها يمك تكعد

باهر : رفعت حواجبي ببتسامة ، أريدج أنتِ

إيمان : هههههههه سيدي شدعوى هلكد حلو

باهر : ضربتهة على زرهة بخفة ، حلو أنا

إيمان : كُلش شتشرب

فهد : جاوبت بسرعة ، أي شي ما نشرب ورانة شغل

باهر : تقربت مشيت اشفتي على اذانهة همست ، مرات ما أفرغ اجي اهنا هذا رقمي من أفرغ عادي أشوفج

إيمان : تجرأت بلمساتهة وحجت ، صار انتَ تؤمر

باهر : يلة فهد البنات ماقصرن نجي غير مرة ليلة كاملة

فهد : ههههه صح هاي مامحسوبة

باهر : چاو يبنات

فهد : طلعنة ركب بسيارة بدون ما يحجي شي صعدت ويا ، شهلللل قرفففف

باهر : التفت إلى ، يا قرف ؟

فهد : أستغفر الله باهر ريحة الشرب والعياذ بالله والكح**** مصلخات لربهن ماخلقهن ودكول ياقرففف

باهر : لازم اسحبلي دليل عليهم يهدم هل ملهى بكبرةَ

فهد : تمام بس دائماً خلي زُها على بالك حتى لاتغلط غلطه ما تنغفر هل مره

باهر : كافيييييييي أجيب سيرتهة على السانك حي****

فهد : خذينة الطريق سكتَ أتصلت الوالدة ، الو هلا يمة

أم فهـد : يمة ما أدري شكلك

باهر : سلملي عليهة

فهد : يوصل ، يمة شصاير ؟

أم فهـد : سولفتله كلشي ، وخطية يمة البت هسة بلعناية حالتهة تعبانة نقص مو طبيعي عدها وبنيتهة بلخندچ هم تنفسهه ضعيف

فهد : باوعت لباهر يعني هسة هوا صار اب ؟ وبدون ما يدري ؟ ، أستغفر الله العظيم يمة ديربالج عليهة أنا أشوف مسافة الطريق وأرجع

باهر : شصاير ؟

فهد : ماكو شي بس الوالدة محتاجتني عدنة كرايب حالتهة شوي تعبانة ، راح أرجع

وصلنة للمقر ، صعدت بسيارتي

باهر : أسعد مايدري ؟

فهد : خيولي هوا شيسوي كل قوته يخصم من راتبي خل يخصمه

باهر : ما عاش روح وخليهة يمي

فهد : باهر ديربالك مثل ما كتلك خوش

باهر : بربك روح وخلصني شنو چلبت

__ طلعت لبغداد رحت للمستشفى لكيت الوالدة برة

أم فهـد : ولك يمة شجابك بهل ليل طالع الصبح وجاي

فهد : يمة اجيت بعد بس كليلي هذا الحجي شنو مجاي يدخل عقلي

أم فهـد : يمةة فدوة لعينك شيفيد الحجي هسة البت من الظيم الشافتة حتى دمهة مصفر حال الظيم حالهة

فهد : هففف جنتي تدرين بيهة حامل ؟

أم فهـد : أي يمة بس مو من زمان

فهد : بيا غرفة هسة البنات بلبيت ؟

أم فهـد : اي سودا علية بلبيت بالي يمهن ماريد يحتاجـن شي هل بنيات

فهد : لاتخافين يبقن أمانة عندي من شهاب الله يرحمه رغم كلشي

أم فهـد : فدوة روح لخياتك بحدهـن بليت حتى الصبح تجي تعاگبني

فهد : صار بس خل أشوف زُها ،

أم فهـد : مو هسة يمة

فهد : تمام الله وياج

___________________

أنغام : كاعدة بغرفة شهاب ابچي وسمعت صوت هز البيت نزلت ركض ، شكووووو

يصيح وعروگ وجهة طاكه

ٱلحسن : البناااات وينهنننن ؟

أنغام : شكووووو تباوعليي اني شعلييي

ٱلحسن : أنغام لاجذبييين عليه بلبيت ماهم طفرت الطرمه كلهة تراب من زمان محد طاب للبيت رحتت لعمامهن الگوا**** مايدروننن بيهننن

أنغام : بسسس ما أدري كتلكككككگ كاعدة بلبيت مكابلتگم

مصعب : شكو ؛ ؟

ٱلحسن : بنات جميلة ماموجودات بلبيت راح أتخبـل

مصعب : لاتخاف

ٱلحسن : سحبتَ من ملابسه حيل ، شنووووو لاتخاااف تعرف بيهن وين ؟؟؟

مصعب : وخرررر إيدك شنو تحاسبني مثلاً أتريد انتَ دورهم ما أدري بأحد أنا

ٱلحسن : أي ادورهم ليش لا وذا طلعتُ تدرون وماتكولون احرگ البيت عليكم

أنغام : ولله يالله مخبل

ٱلحسن : ويامن مخبل ؟

أنغام : ياااالله أسكت كاااافي أسكت ارد أموت نفسيتي تعببببت تعبتتتت مخنووووگ گلبييي محد جاي يفهمممم

__ طلع ٱلحسن برة واجة مصعب حضني

مصعب : اشش كافي يروحي كافي

أنغام : مصعب تعبت ولله تعبت مشتاقة لأخوي بسبب غلط وضلم عائلتيين ادمرررت ويننن الإنسانية وين الالتماس لأخيك ألف عذر ولا ضلمة

مصعب : وعد ترجع الروح بهل بيت الحمد لله على كل حال الله غفور رحيم

أنغام : بس شهاب ميرجع ؟

مصعب : بس هوا عايش بروحنا !

أنغام : صدك زها وينهة ؟ اذا مو بلبيت ولا عد عمامهة خاف صاير شي عليهم

مصعب : لا ما أعتقد ، أمي ماحجت شي ؟

أنغام : لا كلشي ماكو عدهة حچي بس ماندري شنو

مصعب : الله كريم الله المُشافي

أنغام : اشتاقيت لطيبة ؟

مصعب : جريت نفس وزفرت بحسرة وتعب ، حيل حيل مالي واهس أي شي

أنغام : لاتعوفهة مصعب اتمسك بيهة

مصعب : صار وبعد شتردين

أنغام : هههه

،،،،،،،،

حوراء : كاعدين بصالة وندعي واسل تبجي خايفة زها تروح هم صارت تخاف من كلشي ، كافي يروحي زها ماراح يصير عليهة شي

آسل : اذا هيج اتصلي خل أتأكد

طيبة : يا حبيبتي ولله ماعدنة رقم خالة أم فهد ما اجة بالنة ناخذ رقمهة

حوراء : نامي يروحي حتى نروح آلهة بس تجي خالة لو تجي هيا بلكت الله

طيبة : معقولة هسة جابت ؟

حوراء : عندي إحساس جابت بس أن شاء الله بسلامه جايبة

طيبة : بلكت الله أن شاءالله ،

بقينة كاعدين انغفي آسل غفت على رجلي وحوراء لامة رجليهة وصافنة مرت ساعات حسينة باب انفتح انخمش گلبنه

حوراء : بس لا حراميي ؟

طيبة : اشش صوتج يا حرامي

فهد : سلام عليكم

حوراء : بلهفة ؛ وعليكم السلام خوية فدوة أتصل على خالة زه....

ماكملت وقاطعني

فهد : اي أدري ، كعدت گبالهن

جنت بلمستشفى وصرتن خالات

البنات : صدُوووك

فهد : هههههه اي والله بس شوي زها مرت أكيد بهواي تعب وظروف فا هواي راحة مسلوبه منها أن شاء الله بس أصير احسن ترجع للبيت

طيبة : عليك العباس اذا تروح أخذنة وياك فدوة

فهد : غاليات وطلب رخيص متعشيات ؟

حوراء : الحمد لله ،

فهد : تمام نامن هسة حتى الصبح اخذجـن

طيبة : الله يخليك أن شاء الله

فهد : فدوة لگلبج ، تصبحن على خير ،

صباحاً "

يشرق الصباح وتشرق معه الأمنيات، كل صباح يأتى حاملاً معه الأمل، ومع كل شروق شمس تشرق أمانينا

هل أعتبر هذا اليوم رحلة آمل بنسبة إلي ؟

فتحت عيوني ريحة المعقم تارسه الغرفة وألم شديد ابطني والممرضه أشكل بلمغذي

وين بنتي ؟

الممرضه : حبيبتي موجودة أهم شي هسة أنتِ مرتاحة

طبت أم فهـد من سمعت الصوت

أم فهـد : سبع فدوات أروح لهل صباح شلونج عزيزتي

زُها : بصوت ناصي ، زينة بس ظهري موتني

أم فهـد : كله يهون يروحي

زُها : وين بنيتي خالة فدوة كليلي ليش مجاي اشوفهة

أم فهـد : بحسرة ، اي اي هوا هذا گلب الأم بعد راح يضل گلبج يمهة بس لاتخافين شحلاتهة صلاوت على محمد زايدة قاطات عليج وعلى أبوها.

زُها : فدوة يعني هسة هيا بخير ؟

أم فهـد : وداعتج بخير موت الكرفني اذا اجذب عليج

زُها : اسم الله عليج يروحي ،

أم فهـد : چا لا تحسبين بيها وهسة خواتج بطَريق

مسوياتلج شوربه

زُها : تعبتكم ولله

أم فهـد : خايبة شمالج تتعايرين شو سكتي

زُها : هههه ، علما غيرت ملابسي خالتي وغيرو الفراش المستشفى جان هدوء ونضافة لأن أهلية

الدكتورة : شلونهة بنيتنه ههههه

زُها : الحمد لله

أم فهـد : ماقصرتِ يمة إيدج العافية

الدكتورة : لا يمة هذا أقل واجب نقدمة صح حالتهة جانت صعبة بس الحمد لله عدت وان شاء الله كلشي تعوض بهاي الأيام حتى ترجع وردة

فهد : السلام عليكم

: وعليكم السلام

__ اجني اسل وحوراء وطيبة حضنني

طيبة : الف لحمد الله على سلامتج حبيبتي

آسل : ولله خفت عليج من شفتج يلة أرتاح گلبي

زُها : بعد گلبي الحمد لله أني

فهد : الف مبروك خوية أن شاء الله

زُها : الله يبارك بيك تسلم

أم فهـد : اكعدي يمة خل اوكلچ

زُها : أكلت والبنات بقن وياي غيرن الجو عندي هوايي لحد ما راحو كلهم وي خالة منايمة بقة بس فهد

سحب كرسي وكعد مقابيلي

فهد : موجوعة ؟

زُها : لا الحمد لله أهون

فهد : الحمد لله ، باهر ميعرف بيج حامل مو ؟

زُها : فهد فدوة فدوة ماريد يعرف محد إله حق هاي بنتي بس

فهد : أهدي أهدي هاي هيا ميعرف ميعرف بعدين نحجي بهل موضوع شسميتيهة ؟

زُها : شمسين أريد أسميها ياريت أشوفهة هسة

فهد : تردين شوفيهة !

زُها : هزيت راسي بمعنى اي

فهد : ههههه صار راح اجيبهة الج

زُها : صدك ؟

فهد : ههههههههه انتظري

زُها : صدك طلع عدلت كعدتي والإبتسامة انزرعت على وجهي وأني منتظرتهة

فهد : جبناها وجت ويانا

زُها : ههههههه يمة ماماتي مامصدكة

فهد : لحضة لحضة قبل لأ انطيهة الج

زُها : اشوفه بقة مخليهة بحضنه واكف وعيونه تلمع أذن بعدين صاحلهه شمسين شمهه برگبتهه

فهد : هههههههه افيش هيج الطفل لذيذ لو بس شمسين

يتبع...

الكاتبة نور المنتهى 💕🦋

لاتنسون التصويت ورداتي

لا تكن سجيناً

لماضيك لقد كان

درساً فَقط وليس

حكماً مؤبداً

لاتنسون التصويت والتعليق بين الفقرات

الكاتبة نور المنتهى

فهد : هههههههه افيش هيج الطفل لذيذ لو بس شمسين ؟

زُها : صدك ؟

فهد : هاچ شميهة وتأكدي

زُها : اول مره بحياتي ألمس طفل لأن كنت ما اتجرئ

ولا بنتي ؟ خلاهة بحضني وحسيت مو طفل حسيت مشتل ورد انحط بحضني خالط وجهي الدمع والضحك معاانيهة ناعمة ملمسهة ناعم أنعم من الحرير چان أجمل شعور وأصدق شعور وحُب أعيشَ

رفعت راسي لفهد ودموعي تنزل ، فهد ؟

فهد : هههههه ها

زُها : شعور الأم يخبببل مجاي اصدك أحس نفسي بخف الريش هسة وبنيتي بحضني

فهد : أي وان شاء الله تبقين دائماً هيج أن شاء الله تكون هل بنية رزق من الله حتى تنسين كل ظيمج

زُها : آمين

فهد : شموسه ياشموسه زين ليش شمسين ليش مو شمس ؟

زُها : حسيت العبره كسرتني بهل سؤال ، اءءء شسمة فهد فدوة صيحلي دكتورة

فهد : تمام

زُها : بقيت أمشي أصابعي على خديداتهة أجاني شعور حتى لمستي هاي خاف تأذيهة للحضة راودني حنان امي ؟ كل هل سنين يعني خوفهة علينه مجان طبيعي مثل ما نحسبه ؟ عجيب سبحان الله

الدكتورة : شلونج وردتنة

زُها : الحمد لله أحسن بس شوكت أطلع

التفتت على فهد تحجي

الدكتورة : تكدرون اليوم اطلعوها بس لازم أسوي إجراءات لبنتك للخروج

زُها : شنو ؟

فهد : اي تمام أنا رايح من أكمل اجي اطلعج

زُها : فهدددد عزا عافني وراح ؟

الدكتورة : ماما اتكدرين ترضعين بنيتج

زُها : صدك ؟

الدكتورة : اي حبيبتي

زُها : بقت تشرحلي كلشي وإلابتسامة ترس وجهي

___________________

مرام : كاعدين أني ومنتظر على فلم وهوا يلعب بشعري ، نظوري

منتظر : ها يروحي

مرام : زها أتصل عليهة متجاوب خل نروحلهة بعد شوي حباب مشتاقتلهة ولله

منتظر : اي شكو بيها

مرام : أحبك

منتظر : لو تحبيني چا خليتني ا....

مرام : اششش اهوووو أسكت لاتكمل وخر عني

منتظر : اشاقة وين رايحة ههههههه

مرام : ههههههه هسة انتظرني

صعدت فوك لابسه ثوب أني عريض صعدت حتى أطلع من الجنط الفوك ألبوم صور طفولتنة حتى نضحك

رحت بساع طلعتَ ومن نزلت عيني على الألبوم بدون ما اباوع على درج دست على طرف ثوب للحضة حسيت نفسي طرت بلهوى اتحرچت من درج وكعت من فوك ليجوا

منتظررررر ااااااااخ راااااح امووووووتت

منتظر : شكوووو سحبتها لصدري تبچي وتصيح

مرام : بدموع ، دم دم منتظر أحس بدم بسسس لا أبني مااات فدوة لااا

منتظر : أهدي بس خل أشغل سيارة وافتح الباب

مرام : راح شغل سيارة خلاه حجاب على راسي وشالني واني النزيف ماخذني وروحي شايطَ للسما

مادرييي شلون هيج صار مادري فدوة بساع

منتظر : فدوة كافي بچي خل اشوف دربي لا ننكلب

مرام : وصلنة للمستشفى بس للأسف مچان مقسوملي الطفل خلصتهة ابچي وأنهارت أعصابي

منتظر : كافي حبيبتي

مرام : راحت فرحتنة منتظر راحت

منتظر : أنتِ فرحتي

مرام : ولله ماعرف هيج راح يصير لو أدري ما صعدت

منتظر : بعدنة ابداية شبابنا نخلف درزن مو بس طفل

مرام : مضايج ؟

منتظر : ليش اضوج رب العالمين انطى النه وهوا الأخذه الحمد الله

مرام : وجهي شاح لونه وارجف مخليني على گلبه هذا أكثر شي هون عليه المصيبة ، خايفة منتظر

منتظر : ليش ؟

مرام : خايفة مايصير عندي أطفال بعد بسبب الصار

منتظر : اهووو خليني محترمج لا اسحلج من كفشتج هسة

مرام : بهاي الحالة ؟

منتظر : ضحكت بحُب ، هههههههه لا اشاقة ما أسويهة

__________________

أم فهـد : بنياتي البشارة

البنات : بفرح ، شنو ؟

أم فهـد : اخيتجن وبتهة جايين بطَريق

حوراء : صدددددوككك الف لحمد الله

أم فهـد : عوفن الصدك من جذب اريدجن اتضحكـن تعالن وياي للمطبخ مرگبه باچه وهم خل نسوي برياني

طيبة : رحنه وياها للمطبخ للعلم هيا بس رجعت من المستشفى ولا هادت وكعدت عبالك بزر بطنهة احنه راحت للسوك اشترت أحلى گاروك وجابت نيشان كامل على عنايات طفل على حفاظات جانت الأشياء كلهة كفيلة بأنُ تسعدنا ورتبتهن بلغرفة يم جرباية علمود يم زها

آسل : اني شسوي ؟

أم فهـد : اثرمي زلاطه بعد گلبي

حوراء : ههههههههه واني

أم فهـد : كشري بتيته وكصصيهة مكعبات

طيبة : ههههههههه ولله ياشيف الشغل وياج حلو

أم فهـد : لا أنتن نادرات رحمة الله على روح امجن ربت أخلاق وندارة وهذا الزاد راح اطبخة بثواب روحهة الطيبة

طيبة : شعور الأمان يحاوطنة يمهة غصباً علينه لا إرادياً رحنة حضناهة ، الله لا يحرمنه منج

آسل : اي والله أني حيل احبج فدوة أبقي ويانة

أم فهـد : اخ اخ شلون اعـوفچن ولله لو يبقى أخر يوم بعمري ما أقصر وياجن ولا انتظر منچن شي بس تضلن يمي

حوراء : مانعوفج ولله

طيبة : خلصنه الوقت ضحك وسوالف وتسولف عن أيام قبل وعن جمالهة للعلم هيا برغم هسة حبيرة بس تخبل

آسل : اجووووو

أم فهـد : هله بيهم

فهد : السلام عليكم

طيبة : دخلو وشموس بيد فهد ، وعليكممم السلام هلااااا اوييي انطينياهة

فهد : بخزره ، وخري ايدج ممنوع أحد يلمسهة

زُها : ههههه يشاقة وياج

أم فهـد : انطيني إيدج يمة

زُها : لزمتني خالة أم فهـد من أيدي للغرفة لأن عملية وحركتي صعبة شوي البنات خو افترن على فهد وهوا ضخم وهنا قزمات يردن ياخذنهة ماكو لامهة بحضنة

طبيت للغرفة انصدمت بجمالها !

خالة هاي شنو ؟

أم فهـد : يمة اكعدي مددي رجليج

زُها : اتمددت على الجرباية وعيوني تتمايل على جمال الغرفة ، فدوة هاي شنو

أم فهـد : حطت أيدها بأيد زها ، يمة هذا قليل بحقج ياريت من تردين شي دكوليلي

زُها : هذا كله بعد شكول ولله ماعرف شنو أكول وجازيچ تعبتجج هواي وياي ماقصرتِ حتى بحنانج

أم فهـد : هذا الاريدة أريد حناني ما أبخله عليچن

زُها : بقيت ابجي بدون ما اتماسك نفسي حضنتني وتبجي وياي

فهد : احم احم

حوراء : اهووو خالة حاچي فهد ميقبل ينطيهة النه

فهد : يمة أنا أخاف عليهة

أم فهـد : صلاوت على محمد وآل محمد عين الحارة باردة كون بجاهة النبي

زُها : سميتهة شمسين

أم فهـد : اسم على مسمى سبع فدوات اروحلهة

طيبة : يعني شوكت اخذذذهةة

أم فهـد : يمة بعدها رقيقة وخاف تنملخ شو ادنن كل وحده تبوسهة وتنطيني عرض اچتافهة

فهد : هههههههههه حل

أم فهـد : يا يمة حاط عقلك وياهن

فهد : تمام رايح أسبح

زُها : شلونجن حبيباتي

طيبة : بشوفتج صرنة أحسن

زُها : الحمد لله

آسل : سموسه

طيبة : شمووووسه مو سموسه سويتِ إنقلاب بأسمهة

حوراء : الفرخة چنهة بياض باهر هههههههه

طيبة : حوراءءءءء

زُها : مكالت شي جذب ترة صدك تشبهة أبوها

"""""""

أم فهـد : يمة فهود موبايلك يدگ

فهد : بلحمام أنا خل أطلع

أم فهـد : يمة هذا أخيك باهر خاف شي ضروري

فهد : ناوشينيا

أم فهـد : هاك يمة بس لايتبلل

فهد : راح افتح خط ديربالج البنات يطلعن صوت

أم فهـد : خوش

فهد : الو عضيدي

باهر : وينك يمعود

فهد : شصاير ؟

باهر : راح اروح لبيت هاي البر**** طلع عدها بيت وخذيت موعد وياها بحچت العاشق الذايب

فهد : ينعود لا تغلط وتتورط انوب

باهر : توووو ، لهذا السبب أتصلت عليك راح ادخل لبيتهة فد ساعة واتصل علية بحچت الواجب حتى أطلع

فهد : وشسوي بساعة ؟

باهر : انـ*****

فهد : هههههههههه گو***

باهر : يلة مو تنسى وصخم وجهي

فهد : لا

باهر : لبست نظارة ونزلت من السيارة دكيت الباب ،

إيمان : منو ؟

باهر : منتظره غيري ؟

فتحت الباب تضحك

إيمان : ههههههه منتظره قطعة من القمر توصل

باهر : دخلت سديت الباب لابسه مصلخ هههه ، شهجمال ؟

إيمان : اتقربت همست ، بعدك مشايف شي

باهر : دخلت للصالة محضرة أجواء أتذكرت أجواء الجانت أسويها زها ، احم

إيمان : انزع

باهر : عقچت وجهي ، شنو ؟

إيمان : هههههههههه دا أكول انزع أقصد قميصك

___________________

زُها : كاعدة أرضع بشمسين وطبت خالة بيدها صينية

ليش تعبتي روحج أني أكعد واجي يمكم

أم فهـد : أكعدي وهودي عمليتج لاتنفتگ هذا شويته الج زينه الچبد يعوض الدم وعندج بنية ترضع أكلي كله

زُها : ولله هيج تقيديني

أم فهـد : أكلي وسكتي كتلج

زُها : بقيت أكل وعيني على شموس وأتمنى وأتمنى لو شهاب موجود ويفرح بيها ياريتك موجود يروح أختك ياريت

طيبة : هيلاووو

زُها : هلاوين تعالي فوتي

طيبة : شبيج ؟

زُها : ابچي على شهاب ماحسبت احساب يروح بدون ميشوف بنيت أخته

طيبة : الله يرحمة أن شاء الله هذا أمر الله بعد لاتبجين لخاطر شموس

زُها : فهد وين ؟

طيبة : جاي يتغدون

زُها : فدوة إذا خلص صيحي إلي

طيبة : أي

زُها : أكلت وخليت شمسين على رجلية گمطتهة غفت مخلصتهة نوم اندك الباب أكيد فهد خليت الشال على راسي ، اتفضل

فهد : مديت راسي للگاروك بست شمسين ، چَني تعلقت بيها ههههههه

زُها : ولله هيچ أشوف

فهد : كعدت على الكرسي كدامهة ، أمري رايدتني

زُها : أني عندي بنية هسة وعندي خواتي ما أريد أبقى كاعدة أريد أشتغل بس كلشي أني ادبرة الاريدة منك بس تشوفلي اجار هنا قريب يمكم

فهد : خلصتي ؟

زُها : أي تقريباً

فهد : امي مقصرة وياج ؟

زُها : لالا يشهد الله

فهد : البيت بيتكم هذا وجبير وذا مايشيلكم اتشيلكم العين

زُها : أعرف ولله ماتقصرون والعرگ الطيب يمشي بدمكم بس أني لازم اعتمد على نفسي أخذ راحتي

فهد : عمييييي حتى راحتج أخذيها وأنا أطلع من البيت

زُها : أعتذر بس ما أقبل

فهد : براحتج يلة أخذي راحتج

زُها : بس ما جاوبتني ؟

فهد : باجر اجاوبج

زُها : وشمعنى ؟

ما جاوبني أبتسم وطلع سمعت موبايلي دك

ٱلحسن يتصل بك...

حسيت لون وجهي انخطف شيريد ؟

فتحت الخط بدون ما احجي

ٱلحسن : بهدوء ، الو

زُها : أهلاً

ٱلحسن : شلونج

زُها : زينة وانتَ ؟

ٱلحسن : عوفج مني أنتِ وين هسة ؟

زُها : ليش شنو أدور علية

ٱلحسن : زفرت بقلة صبر ، اي أدور عليكم ماخليت مكان بلبصرة يعتب علية شنو ما وراكم أحددد

زُها : بعصبية ، ايي ما ورانة أحددد احنه لنفسنة وبس محد يتحكم بينة كول شتريد قبل لا اسد الخط

ٱلحسن : من احجي أنا مو حتى أدخل بيكم لا أنا أخاف عليكم يلة خوية كولي وين أنتِ خل اجي اخذج

زُها : شكراً بس أني بمكان ائمين ميحتاج وياريت حتى حوراء اشيلهة من بالك

ٱلحسن : بصياح ، شنووووو اشيلهة من بالي تتعااطيين أنتِ شوووو كلامجج ماموزون زها أنا احترمج وأقدرج لا تخلين كلامج يأثر على الكل

زُها : اسفة بس هذا الواقع أتقبله حوراء شيلهة من بالك مثل ما طلعت من حياتكم أني بمذلة وطعن الش...

ٱلحسن : مقاطع كلامها ، كافيييي شعلييي انااااااا طاعنج اناااااا حاچي عليجج مثلاً شو حتى شهاب راحح وهوا آخر نفس منَ باذله لأجل براءتج

لاتعممين على الكل

زُها : ماسيطرت على دموعي من أفكر شهاب راح بسببي أنهار ، كافي كافييي تعبتتت أني تعبتتت خسرت كلشيي بسبب هل عائلة رجاءً لا تفكر بينة ولا دور علينة ترة مجرد أتعب نفسك باي

فصلت الخط شمرت الجهاز ودموعي ترسن عيوني

نزلت من جرباية وادعي الله يصبرني على هل مصايب ويعينيي. طلعت لكيت البنات فرحانات

أم فهـد : يمة شگومچ

زُها : مليت من النوم كلت أكعد يمكم

أم فهـد : هله بيج بعد روحي أكعدي

زُها : شبيجن ؟

طيبة : فه..

أم فهـد : مقاطعة كلامها ، يمة أني اسولفلج

فهد راح يسويلهن قبول حرامات أضيع السنين منهن ومحد يفيدهن غير دراستهن

زُها : بس صعبببة وتعب ولازم من البصرة

أم فهـد : معليج يمة فهد يدبر كلشي

زُها : ما عارضت بقيت ساكتة لأن صراحة أني صعب اقدملهن مدام هوا راد يسوي كلشي ليش حرامات مستقبلهن يروح بقيت أفكر أدور على شغل بكروبات الفيس بوك عسى ولعل الگة شي يناسبني

لكيت محتاجين سكرتيرة بعيادة أسنان بلكرادة الراتب 900 شهرياً راسلتهم بقيت أدعي العمل موجود لأن أحتاج اي شي بس كون مكسب من تعبي

حوراء : شجاي سوين

زُها : هيج أصفح

أم فهـد : يمة خاف موجوعة وما دكولين ؟

زُها : لالا وعلي الحمد لله

آسل : بصوت عالي ، كعدتتتت سموسسس اجيبهة الج

زُها : كمت بساع بخوف ، لاااا أني عوفي

طيبة : آسل فدووووة لاتمشين عليهة لقب سموسه

أم فهـد : ههههههه شبيجن وياها عوفنهة براحتهة

آسل : اي والله شنو عبالك زعطوطه يمشني على كيفهن

طيبة : خوش عمي سكتنه

زُها : جبت شمسين واجيت كعدت يمهن

طيبة : زها شوفيلنة أخبار مرام ولله مشتاقتلهة هيا وأنغام لو عندي أرقامهن ما أضل عليج

زُها : أحسن أني ماريدجن تتواصلـن وي أحد

طيبة : زين أنتِ حاجي مرام

زُها : تمام ، دخلت على الواتساب أتصلت عليهة جهازها مغلق طلعت رقم حسن أتصلت علي

حسن صحة : منچ من شيطان

زُها : چندوب أعلم بيك أول شي سلممم

حسن صحة : ما تستاهلين وأحد يسلم عليج

زُها : ههههه شلونك عمري

حسن صحة : ولله الحمد لله أنتِ شخبارج البنات شخبارهن

زُها : الحمد لله يسلمن عليك

حسن صحة : جبتلكم مسواگ دكيت الباب طاحن اديةَ وماكو واحد

زُها : ياااا هلكول مطنگر عليه ههههههه

حسن صحة : انجبي ادبسززز شنووو مطنگر

زُها : سودا عليه مرام شلونهة

حسن صحة : موزينة الطفل مات عثرت وطاحت من الدرج

زُها : يا يا صدُكككك سودا عليه مرايم وهسة تعبانة هيا

حسن صحة : لا ضايجة ومقهورة تعدي معَ مرور الزمن

زُها : الله يعوضهة أن شاء الله أتصل عليهة ماكو بلكت شوي وتفتح جهازهة

حسن صحة : ماكتيلي وين أنتِ

زُها : ماجاوبتَ صحت الو ما سمعك كله جذب بس حتى اطفي النت وشرد من سؤاله

طيبة : هذا حسن ؟

زُها : اي خطية مرام صار عدها اجهاض وحالتهة تعبانة

حوراء : خطية وشلونهة هسة

زُها : چا شحجييي كردي غير اكلجن حالتهة تعبانة

حوراء : اعصابججج عميي

زُها : رحت للغرفة انوم شمسين واجتني رسالة من حساب العيادة

حساب تجاري... : للعمل يجب أن يكون العمر من ٢٢ إلى ٣٥ سنة وتجيد التعامل معَ المراجعين بأحترام وصاحبة لباقة في الكلام وتجيد اللغة الإنكليزية

الدوام من الساعة 3 عصراً إلى الساعة 7 مساءاً الدوام على مدار الأسبوع ماعدا يوم الجمعة

زُها : بحالتي هاي لازم أقبل كلشي أهم شي أشتغل وافقت على الشروط لأن سهلة ، شوكت المقابلة ؟

حساب تجاري... : غداً الساعة ٣ عصراً العنوان الكرادة عيادة ******

زُها : تمام ،

______________

عضيدي يتصل بك...

فهد : ها شصار

باهر : سحبت منها كلام وسجلته البر*** طلعت نفسي يمها واحد شغلة مو مهني ويتعامل كله برشاوي. والفساد لهذا السبب أرتاحت إلي

فهد : هههههههههههههههههههه خررررب يومككككك شنو من عقل عندك ولله خوش تفكر

باهر : ههههه تعال باجر ناخذ فريق المهام الخاصة ونروح نقتحم المكان

فهد : متكدرونـ.......

يتبع.....

لاتنسون التصويت

الكاتبة نور المنتهى 💕🦋

"كُل ما في الأمر أنك في نهاية كل مطاف أنت المسؤول عن نفسك، أنت الضاحك وأنت الباكي وأنت فقط من يشعر بالشعور ولو أطلعتَه على أهل الأرض جميعًا ..

لاتنسون التصويت والتعليق بين الفقرات

الكاتبة نور المنتهى 💕🦋

،،،،،،،،

فهد : هههههههههههههههههههه خررررب يومككككك شنو من عقل عندك ولله خوش تفكر

باهر : ههههه تعال باجر ناخذ فريق المهام الخاصة ونروح نقتحم المكان

فهد : متكدرون بدوني ؟

باهر : تتشرد لو شنو بضبط ؟

فهد : لا عليمن بس ما أكدر اجي

باهر : فهد هاي اول مره يظهر منك هيج إهمال صاير وياك شي ؟ ترا جاي اغطي عليك هنا

فهد : تمام تمام الصبح أطلع أن شاء الله

باهر : الله وياك ،،

رجعت للبيت مشتاق لشمسين لكيت بس أمي كاعدة

السلام عليكم

أم فهـد : وعليكم السلام

فهد : شلونج حبيبتي

أم فهـد : لحمد الله يمة وين چنت

فهد : عندي شغل بره ، شمسين نايمة

أم فهـد : ولله يمة مادري مو تروح للغرفة خل البنات ماخذات راحتهن أمفرعات

فهد : الصبح طالع أنا للدوام

أم فهـد : اسويلك شي تاخذه وياك

فهد : ببتسامة ، سلامتج

أم فهـد : ياعلي ، يلة يمة تصبح على خير

فهد : أنتِ الخير ، بقيت أفتر بلصالة ما كدرت أنام بدون ما أشوف شمسين

صباحاً

زُها : كعدت الساعة ٦ حتى أكعد شمسين أرضعهة خليتهة على گلبي بقيت اشمشم بيها وجمال الشعور مينوصف

لزمـت الجهاز لكيـت رسالة من أنغام جاوبت بس ماردت أكيد نايمة

رجعت غفيت فزيت الساعـة بـ١٠ من التعب أخذتني النومة باوعت شمسين ماكو حسيت عقلي وكف

طلعت بساع لكيتهة بحضن طيبة

بعصبية ، جيبييي منووو كلج تاخذيهةة منووووو

طيبة : شنو شبيج تره أني خالتهة خايفة عليهة مني ؟

حوراء : شسالفة زها شبيج ؟

زُها : بدموع ، شفت كابوس أخذو بنتي مني ومن فزيت ماشفتهة فقدت

طيبة : لاتخافين يروحي محد ياخذهة منج

زُها : اسفة ولله مو قصدي وروح ماما

طيبة : لا يروحي عاذرتج ينرادلج راحة

زُها : خالة وينها ؟

حوراء : راحت للسوك

زُها : بنات العصر عندي شغلة شمسين أمانه عدجـن وذا سئل فهد كأنه ماتدرن شي

طيبة : فهد مو هنا راح للدوام بس شغليش هذا ؟ واحنى حتى منعرف أحد هنآ

حوراء : اي صدك شنو يدور ابالج

زُها : مو هسة اكلجن عود من أرجع حتى ما تخرب ماوصيچن تمام !

طيبة : اي تمام بس ديربالج اذا مصيبة

زُها : ههههه لا

""""""""""''''''

ٱلحسن : الو

باهر : نعم ؟

ٱلحسن : زُها وين ؟

باهر : مافهمت ،

ٱلحسن : محد موجود أبيتهم ولا عد كرايبهن وماترضى دكول وين هيا

باهر : اتواصلت وي زها ؟

ٱلحسن : اي وخايف صاير شي عليهن

باهر : بهل حالة وين اتروح هيا والبنات وهنى ماعدهن أحد صعبة

ٱلحسن : هذا المخبلني

فهد : يلة بكوع

باهر : بعدين اتفاهم وياك طالع بعملية

فهد : فريق المهام برا ، طلعنه بسياراتنه وسيارات الأمن ورانة ،

بهـل وقت موجودين ؟

باهر : هيا هاي عيشتهم بأي وقت تلكاهم موجودين

وصلنة رفعنة أسلحتنة أتقدمُ رجال المهام دفرو المدخل

__ أرفع إيدك

__ اتفضل سيدي

إيمان : بصوت صارخ ، شدا يصير هنا اتفضل باهر

باهر : اششش صوتچچچ برب****

مجهول : صاحب الملهى ، شنو هذا الاقتحام أكو شي مو قانوني حتى ادخلون هيج أو حرام

فهد : انجب حيواااان يتفلسف عود

باهر : كلشي هنآ مو قانوني

اخذوهم للسيارة

مجهول : سيدي شنو المو قانوني

باهر : بنبرة حادة منطي ظهري وادية لورا ،

المووو قانونييي يلشريفف التجارة بلمخد****

المو قانوني التجارة بنساء

المو قانوني خطف مثلاً ؟ !

إيمان : فدوة لا ياخذوني معلية انيييي

باهر : اخذوهم بسااااع

فهد : امشو انفتش المكااان

باهر : صعدت فوك الغرف فارغة

فهد : سجاد تعال أكو صوت منا

باهر : صوت بشر ؟

فهد : لاعتوي

باهر : اتقدمت الباب حديد ، سجاااد

سجاد : سيدي ،،،

باهر : أفتح الباب

سجاد : أمرك

باهر : فتح الباب بس المنظر مو صادم النه بقَدر ما شفنا مصايب بس چان بشع

فهد : أستغفر الله بنية مربطه ودمها بطولها وملابسهة مخلعة كأنُ حيوان مفترسهة

باهر : شمرت السلاح وتقدمت منها وخرت الوصله عن حلكهة دموعها تجري طاحت بيدي

فهد : شنو ماتتتت ؟

باهر : شلتها ، وخروو فهد أفتح السيارة

فهد : اصعد ورا وياها أنا أسوق

سجاد روح ورا هل حثاله

باهر : البت تنزف أمشي أسرع شبيككك ميتتت

فهد : منين تنزف ؟

باهر : بدون رد ، اصحي بابا لاتموتين

وصلنة حولوهة للأسعاف وأنا وفهد بقينه برا واكفين

""""""""""""""""""""

زُها : جهزت نفسي وبقيت أعصر بأديه متوترة وخايفة خالة تعارضني

بس لازم أشجع وأكون قوية وما أخلي أحد يفرض شخصيتة علية

اكول خالة !

أم فهـد : كولي حبيبتي

زُها : أني عندي شغلة اخلصهة وأرجع فدوة ديربالج على شمسين

أم فهـد : يا ولج وين تردين ترحين أنا اروح وياج شنو محتاجة

زُها : لالا فدوة خالة من أرجع اكُلج بس خل أروح هسة

أم فهـد : ولججج شلون اخليج وحدج حتى ماتندلين هنا

زُها : فدوة ثقي بيه

أم فهـد : چا يمة ديربالج على رويحتچ

زُها : صار يروحي

طلعت ركبت تكسي وكفت شايب

__ وين بنيتي !

زُها : للـ***** شكد الكروة

__ خليهة

زُها : لامشكور

__ ١٠ الألف

زُها : اتفضل ،

انطيتهة إلى هل موقف ما أكدر أنسى

لأن من أخذ الفلوس باسـهن وخلهن على كصتَ

عمو انتَ تعبان ماعندك ولد يشتغل بمكانك

__ لابنتي عندي بس ٣ بنات يجـن بحلچ يداومن بجامعة

وشغلي بس حتى اعيشهن وما اخليهن يحتاجـن شي

زُها : أبتسمت لا إرادياً ودمعتي خالطت ابتسامتي ،

الله يطول بعمرك أن شاء الله ويعوضنك تعبك

__ آمين بنيتي الله يستر عليج ويسهلج كل نية سليمة

زُها : حسيت الدعوى لامست گلبي وصلت للعيادة قريت الفاتحة لأم البنين عليها السلام ودخلت ،

السلام عليكم

الجميع : وعليكم السلام

زهراء : مراجعة لو باص

زُها : لا عمري أني جيت علمود عمل سكرتيرة

زهراء : ها العفو حبيبتي تفضلي

زُها : دخلت لكيت الدكتورة تشتغل للمريضة حشوى

السلام عليكم

الدكتورة : وعليكم السلام

زهراء : هاي البنية اجت عن طريق الإعلان

الدكتورة : اتفضلي كعدي بين ما أخلص

زُها : فديت اللطيف

الدكتورة : نعم ؟

زُها : خرب ،. هيج دكتورة

بقيت كاعدة علما تخلص وعيني على كل المكان والأدوات كان هذا حلمي بس الحمد لله

خلصت وطلعت بقيت بس أني وياها

الدكتورة : اي بنيتي كولي شنو تعرفين

زُها : بكل ثقة ، أعرف انكليزي جربيني اذا تحبين وكنت داخلة تحليلات ومرحلة أخيرا بس بسبب الضروف تركت مؤقتاً

الدكتورة : حلو حبيبتي أهم شي أسلوبج وطول خلگچ

وأكثر الأوقات راح احتاجج جوا أيدي من أشتغل للمرضى

ومن ناحية النزاكة أنتِ نازكة

زُها : شكراً الج دكتورة يعني قبلتيني ؟

الدكتورة : نعم للدوام يبدي من الساعة ٣ عصراً إلى الساعة ٦ مساءاً

ماعندج مشكلة مو

زُها : لا ماعندي

الدكتورة : راتبج ٩٠٠ ومعه الأيام أنتِ وجُهدج يصعد

زُها : بفرح ،،، جداً أشكرجججج

الدكتورة : ببتسامة ، ولو تكدرين تروحين هسة ومن باجر تبدين

زُها : أن شاء الله معة السلامة ، طلعت وأني الفرحة مالية گلبي وأخيراً راح أكدر أعيش بناتي

زهراء : راح اداومين ؟ !

زُها : اي باجر

زهراء : الله يوفقج

زُها : تسلمين طلعت اتوجهت للبيت وصلت ردت ادك الباب وطلع ولد بوجهي

أيمن : تردين منو ؟ !

زُها : بستغراب ، مو أحد يعني أقصد كرايبي ذول

أيمن : اها !

زُها : دكيت الباب طلعت خالة

أم فهـد : هله ، يا أيمن شوكت اجيت

أيمن : جابني اعتابج ههههههههه

أم فهـد : ديلة فوت

زُها : يمكن كرايبهة عفتهم ودخلت للغرفة

البنات كاعدات يم الگاروك ،

هيلاووو

البنات : هلةةةةة بيجج

زُها : يمة نيتي نايمة

طيبة : اي هيا مخلصتهة نوم ياهي خالتهة آسل

آسل : اهووو وين شوكت نايمة هلكد

زُها : ههههههه تشاقة وياج ! خو ما تعبتچن ؟

حوراء : لاحبيبتي أصلاً اتونست وياها

طيبة : يلة كولي وين رحتي ؟ !

زُها : بس خل يروح الولد حتى فد مره اسولف يم خالة

طيبة : يا ولد ؟

زُها : ماعرف يمكن كرايبهة

________________

الدكتور : البنية متعرضى للأغتصاب وصاير عدها نزيف ومتعرضى للضرب

باهر : هسة هيا واعية ؟

الدكتور : نعم تفضلو

باهر : دخلنة دايرة وجهة وتبچي

شلون صرتي !

أبد ما التفتت النه وزاد بچيهة بصوت مسموع

فهد : تمام ارتاحي هسة بعدين نحجي

تعال باهر

باهر : طلعنه سحبت جكارة وكعدنة برا ، شدكول ؟

فهد : شنو !

باهر : وياهم هاي لو هم مخطوفة

فهد : الله العالم

باهر : هفففف ، متأذي

فهد : الله يساعدك ضلعي

باهر : العالم العايش بي وحد وعالم عقلي وحد

فهد : عقلك شيفكر ؟

باهر : عقلي داخل بحرب فهد عقلي رافض فكرة بعد ما أشوف شهاب

ياريت أنا بمكانه ياريت

فهد : مسحت على ظهره ، خلي عندك إيمان قابل شبيدك انتَ

باهر : جريت نفس شفت بنية طلعت تركض

فهدد شردتتت البتتت

فهد : ركضنة ماتدري بينة كاعدين هنا

باهر : لزمتهة من أيدها ، وييييين راييييحة ولججججج

__ برجفة ، فدوة لاسلموني لهلي فدوووة ولله يقتلونيي

باهر : كافي أهدي

فهد : محد يسلمچ بس لا ترجفين

__ وع انطوني وعدد

باهر : وعد شرف تعالي صعدي

__ وييين وينن

باهر : بوية ولله مانسوي شي اصعدي اصعدي

فهد : اتقربت وخرت شعرها عن عيونهة ، بس نريد نعرف وضعج نساعدج ثقي منأذيج فا صعدي ويانة بأمان تمام ؟

__ تمام

باهر : طلعنة ، وين رايح ؟

فهد : غير للـ***** ؟

باهر : توو ، أخذنة للفندق ماريد أشوف هل چلاب

فهد : تمام اوصلك واطلع اشوفهم

باهر : هذا المطلوب وصلنة أخذنة غرفة

فهد : هامس ، شيصير كلي

باهر : تمام ، يلة دخلي

__ عمو فدوة لاتأذيني

باهر : هههه لاتخافين عمو يلة أدخلي كعدي

أريد اسولفيلي كلشي ومنو سوا هيچ ؟

وشجابج يمهم ؟!

بدت اسولف وتبچي

__ عمو أني طالبة جامعية ومن رجعت من دوام

وكفت سيارة نزل منها رجال أصلع خله أيدة على حلگي وصعدني غصب

وخذوني بهل مكان إلي اجيتو علي ومن دخلوني كال هذا كبيرهم ،

بضاعة مهمة هاي بقيت ابچي واصيح

لأن من كال هيچ خفت

باهر : انطيتها كلنس ، كملي عمو

__ بعدين وحدة يما كالت صح مدام حلوا هواي راح يرغبون بيها ويدفعون فلوس علمودها

بقو يشرحولي كلام قذر وشنو يردون أسوي

بقيت أصيح أني بت ناس فدوةة عوفوني ماريد أفقد شرفي

بهاي الكلمة من كلتها لزمني من وجهي ضربني بعدين سحبني للغرفة قفل الباب

باهر : واغتصبج ؟

__ بشهكة ، اي عمو كلي راح أخذ شرفج حتى ماعندج حچه بعد وضلين هنا قابل ترجعين لهلج بدون شرف بقى يضحك وغتصبني

وكلما أحاول أبعدا يضربني

عموووو الله عليك يقتلوووني ولله يقتلوني اذا أرجع فدوة لا ترجعني

باهر : لاتبجين هوا العديم شرف مو أنتِ شلون تردين تأخذين حقج

__ ما أكدر أخذ حقي

باهر : لا تكدرين أنتِ تقررين شلون يتحاكم ؟

بدون رد بقت تبچي وجسمهة مزورگ

انا رايح

__ ماسگة أيدا ، وييين رايحح لاتعوفنيي يجوني يجوني

باهر : كلهم بلنقطة عدنا محد يكدر يلمسچ أبقي هنآ بأمان وهسة أوصيهم يصعدولج أكل تمام

__ وذا ا...

باهر : مقاطع كلامها ، أستغفر الله اسمعي مني يلة معة السلامة

___________________

زُها : راح الولد كاعدين بصالة أريد افتح الموضوع وي خالة ،

خالة أريد اكُلج شي

أم فهـد : اي حبيبتي كولي وين رحتي اليوم

زُها : هوا عن هل موضوع أني قبل كم يوم كنت أدور بلفيس عن شغل

ولكيت عيادة محتاجين سكرتيرة

حوراء : بصدمة ، جذاااااااااااابة

زُها : خل أكمل المهم رحت اليوم للعيادة بلكرادة هيا عيادة أسنان ودكتورة فا رحت مثل المقابله

والدكتورة قبلتني ومن باجر راح ابدي اداوم

بقت تبچي أم فهـد

أم فهـد : يمة كتلج ما اخليجن تعتازن شي العندي الجن لا اخليجن اجوعن لاتشتهن شي

كلشي تلگنه يمجن ما قصر بشي أني ليش رحتي ليش هيچ

زُها : أعرف ولله وادري بيچ ماقصرتي بشي يشهد الله چنتي بمقام أم النه بس حنيتچ أنتِ كافية لو شسوي ما اجازيج

بس هم ماريد أبقى أريد اكون نفسي من تعبي عندي بنيات اريد أحس نفسي

مسوية شي من تعبي ماريد أضعف

ولا أريد الدنيا تكسر جناحي أريد أشتغل

واريدج راضية عني بعد گلبي ولله لاتخافين

أم فهـد : مايطاوعني گلبي

زُها : حبابة !

أم فهـد : ما يفيد الحچي الله يسهلج أن شاء الله

ويبعد أولاد الحرام عنج

زُها : حضنتها ، آمين فدوة اروحلج يلحنينة

طيبة : احم نحجي ؟

زُها : ههههه اي تفضلـن

طيبة : اول شي مبروك حبيبتي وهذا إنجاز صراحة

ثاني شي شمسين براسـنن اطيح ؟

أم فهـد : يا چا وين رحت أني متت

زُها : لااا اسم الله عليج بس شمسين أفكر أخذها وياي أصلاً مو متعبه هيا مخلصتهة نوم اخذهه وياي

أم فهـد : كلشي رضيت بس مال تاخذيهة لا ديربالج الجو متلوث البت زغيرة بعدها تضل يمي وأني عيني عليهة شعدي قابل

زُها : الله لا يحرمني منج

أم فهـد : بس يمة إلي طلب يمچن

زُها : صدك جذب تدللين

أم فهـد : انتن بعدچن زغيرات وكلشي ما شايفات من عمرچن اريد منچن تنزعن الأسود ترة ولله كلشي ما يسوي يايمة

والحزن تراهه بلگلب موش بلأسود

زُها : بنات ماعرف بكيفهن ياريت ينزعنه صدك بس أني ما أكدر نفسيتي ما متقبله هل شي

آسل : مستحيل اني

طيبة : ولا أني يعني مالنه واهس بلألوان

أم فهـد : براحتجن شوكت متردن بس ولله اذا تنزعنه امجن ترتاح بكبرها هوا شيسوي الأسود

زُها : الله كريم خالة

أجاني إتصال من مرام من رخصتكم

رحت للغرفة فتحت الخط فرحانه

هلااااا ولججججج

مرام : هلاا بيك حبيب روحي

زُها : شلونجججج عمري ولله مشتاقتلجج فوك ماتتخيلين

مرام : أنهم ولله مامتعودة ماشوفج كل هل وقت شخبارج

زُها : بعد گلبي الحمد لله انقهرت عليج ولله من عرفت حاولت أوصل الج ماكو

مرام : حبيبتي أي ولله الحمد لله الله يعوض أن شاء الله صح مقهورة بس تعدي أنتِ شلونج وين ؟ الله عليج كوليلي أني صديقتج واختج

زُها : بعدين اكُلج - هسة ما أكدر ولله

مرام : أمانه اذا بيج شي كولي

زُها : لا يروحي ولله بعدين اتعرفين كلشي

مرام : هاي هيا براحتج بأي وقت تردين اتصلي علية

زُها : شكراً يروحي يلة أخذي راحتج سلميلي وياج على منتظر

مرام : يوصل

زُها : فصلته وبقيت صافنة

اجة ثاني يوم وداومت وكنت مليانة نشاط صح خايفة بس عبر اليوم بسلامة وعرفت شلون أصرف مرت الأيام بسرعة فائقة شي عادي طبيعي فهد دائماً يتصل حتى يشوف شمسين

""""""""""""""""""

فهد : البنية تبقى بلفندق ؟

باهر : تروح ويانة لبغداد

فهد : بصدمة ، شنووووو ؟ !

باهر : شبيك ؟

فهد : راح تروح لبغداد ؟

باهر : اي ليش لا أريد أشوف أمي لو عندك اعتراض ؟

فهد : لا شسالفة - البنية وين اتضل ؟

باهر : البنية اتضل يم الوالدة علما نشوف وين تصفى تاليتهة بلكت تقنع ترجع لأهلهة

فهد : مصيبةةة

باهر : شكلت ؟

فهد : ماكو شي بس مو مال تبقى عدنة أكول فندق هم

باهر : فهمت تمام راح تبقى هنا بلفندق واوصي عليهة

فهد : اي نبقي جهاز عدها نطمئن عليهة

يلة نطلع

باهر : توكل على الله

فهد : رحنة للفندق وصى الشباب عليهة ونطاها جهاز وطلعنة لبغداد الطريق كلة أفكر خاف يدخل چفت على وجهة مثل كل مره بحچت البيت بيتة مو غريب علينة ويشوف البنات وجهازي طافي

وصلنة حاولت أنزل قبله بس نزلنة سوا الساعة 9 بليل

دكيت الباب طلعت الوالدة

أم فهـد : حاضنة باهر وتبچي ، هله يمة عمت عين روحي مشتاقتلك نمرد گلبي عليك

باهر : لادموعج غالية عزيزتي شلونج

فهد : ابن چيس حب ولا معبرتني

أم فهـد : هههههههه تعال يمة شلونك

فهد : حضنتني ، بعد گلبي لحمد الله

أم فهـد : فوتو يمة

فهد : من كالت فوتو كلت أكيد البنات نايمات لو بلغرفة وكالت دخلو بس صدمة من فتحنة الباب

يتبع...

لاتنسون التصويت ورداتي 💅🏻

جمـيع الامور باتـت "

لاچمـةة گليبـي لَچم .

الكاتبة نور المنتهى

لاتنسون التصويت ورداتي

"""""""""""""""""

أم فهـد : فوتو يمة

فهد : من كالت فوتو كلت أكيد البنات نايمات لو بلغرفة وكالت دخلو بس صدمة من فتحنة الباب شمسين بلصالة

بلعت ريگي أشرت لأمي بخزرة

باهر : ببتسامة ، ههههه منين هل بيبي

أم فهـد : اءء يمة شكلك جارتنة مختاضه من رجلهة وجاية هنا تبات اليوم

باهر : بيها الخير

فهد : من رخصتك ضلعي ، دخلت للبيت لحكتني أمي

يمة وين البنات

أم فهـد : نايمات يمة بس زها بلحمام تسبح

فهد : وشسوييييي بصالة البنية

أم فهـد : ولك غير كويعدة على تلفزيون ومخليتهة يمي وبعدين باهر وين يدري بيها

فهد : أستغفر الله العظيم رايح أكعد ويا

زُها : طلعت من الحمام خالة واكفة بلباب ، ها حبيبتي ضوجتج شموس

أم فهـد : صوتچ يمة باهر هنآ والبنية يما

زُها : حسيت الدنيا دارت بيه ، باهر ؟ هنا

أم فهـد : اي يمة بس لاتخافين كتله هاي جارتنة مختاضه وجاي تبات هنا وهاي بنيتهة

زُها : تمام عمري روحي اكعدي وياهم

أم فهـد : هسة اجيبهة الج

زُها : بدموع ، لالا عوفيهة بلكت يحضنهة حتى لو ما يدري بيهة عاد يعيش الشعور ومايندم بعدين

أم فهـد : اخ ولج سودا عليه حنينة

زُها : راحت وردت الباب رد رحت اباوع من الباب حسيت روحي طلعت أي حسيت روحي طلعت

وتدرون شنو ؟

اتمنيت احضنة بهل لحضة من شفتَ

شلون طالعة لحية إلى شلون تعبان ومسومر ويباوع لشمسين ويضحك

باهر : ههههههه أم حليگ

فهد : تحب الأطفال !

باهر : صراحة ما أعرف بس حبيتهة

أم فهـد : چا يمة خليهة على گلبك

فهد : بخزرة ، يمة شسالفة

باهر : لا رقيقة لانوب تنملخ بيدي وين ترحون بيها

زُها : بقيت ابچي وادعي بلكت الله يشيلهة ، خايب فدوة شيلهة

أم فهـد : لا يمة شلقضية أني أعلمك نزل هاي إيدك وشوي أرفع هاي الايد حتى راسهة ماينزل

باهر : خلتهة بين اديةَ وهيا فاتحه حلگهة تناغي ،

أم فهـد : شمهة يمة

باهر : يمة لادفعيني ترة هسة اسويهة وشفطهة

زُها : دموعي جمدن بخدي ضحكت على كلامة

أم فهـد : هههههه يمة اشفطهة

باهر : جريت نفس وقربت شفتي لرگبتهة زفرت الهوا بتعب حسيت البت لامست روحي لا يشهد الله على كل حرف

مو بس هيچ حسيت بترافة زُها ؟ !

هاچ يمة

أم فهـد : ليش بعد روحي

فهد : عوفي تعبان انطينياهة

باهر : أكو مجال اسبح ؟ !

أم فهـد : اي عزيزي

زُها : ركضت بساع للغرفة وگلبي بيدي واشهگ

بقيت ابچي بهل لحضة بس رب العالمين يعرف كمية الألم إلي بداخلي

انفتح الباب

أم فهـد : يمة بنيتچ رضعيهة حتى تنام

زُها : مدنگة راسي ، شكراً خالة.

أم فهـد : تبچين يروحي فدوة لدموعج ليش

زُها : گلبي گلبيييي يوجعني باهر حط بنته بحضنه حضنهةةةةةة

أم فهـد : كافييي خايبة مردتي گلبي مرد

روحي حاچي تفاهمو يمة محد معصوم من الغلط خلي بنيتكم تعيش بينكم !

زُها : مسحت دموعي ، ما أكدر صعبة صعبة هفف ولله ما أعرف أني بين هيچ وبين هيچ ما أكدر كرامتي غالية .

إلي سوو مو قليل -

أم فهـد : يمة أني ما اضغط عليج براحتج يلة صبحين على خير خل اشوفهم جوعانين لو ينامون

زُها : أجمعين -

نامت شمسين طفيت الضوة اتمددت بقيت احوس ما كدرت اغفى خذتني الذكريات لبعيدددد

سمعت ضويات طفـن

كمت فتحت الباب شوي باوعت ضلمة لبست شال

طلعت على كيف يم صالة وكفت حتى أشوف نايم لو كاعد

بس جان كاعد متمدد مايكدر يشوفني مخلي الجهاز على صدرة وأيده على عيونه مشغل قصيدة مردت گلبي

- علي راح يازينب گومي اسنديني علي راح

تعالي يا أختي يازينب تعالي انكطع راس الولد يَختي كبالي

- علي راح أحس گلبي وكف لمن علي راح

علي راح على ذبحة تگابلو مية ألف سفاح

__ ما كدرت أتحمل رحت للغرفة حسيت ماي عيوني نشف من البچي وروحي تزهق من جسمي

خذتني النومة

حوراء : زهرة أكعدي

زُها : بتثاوب ، ها ..

حوراء : خطية شمسين جوعانة ماتقبل ترضع ممة

زُها : شهكت ، وين البنااااات بس لا شافچن باهررر

حوراء : باهر ؟ شجاب سيرته

زُها : البارحة اجة هوا وفهد وينةةةة

حوراء : ماعرف ولله كعدنة بس فهد موجود طلع ماشفت باهر

زُها : رفعت شعري شبعت شمسين وطلعت برا -

صباح الخير خالة

أم فهـد : صباح النور شلون صرتي يمة

زُها : الحمد لله - باهر وين ؟

أم فهـد : يمة لگيتَ طالع لهلة حتى مالحگت عَلي شوكت راح

زُها : همزين - رحت طلعت اغسل وجهي

اباوع عيوني مورمة

_________________

أنغام : كاعدة بس ميتة من نعاس علمود حبوبتي تتريگ لأن امي تعبانة حيل - حبوبة تردين كصايب لو بس بيض سلگ ؟

الحجية سدرة : حبوبة كلشي ما أشتهي بس نطيني برتقالة اذا عدچ

أنغام : ميصير وعلاجج

الحجية : فدوة أغديلج حبوبة لا تلحين علية

أنغام : براحتج هسة اجيبلج

طلعت جبتلهة برتقالة وبقيت كاعدة يمهة لاهيا سولف لا أني اسولف فاقدين شغف الكلام

شفت باهر من شباگ طلعت ورا قبل لا يصعد

باهررر

باهر : سحبتهة لحضني ، مشتاق لريحتچ

أنغام : مشتاقتلك صرت أخاف اطلعون صرت أشتاق الكم بكل ثانية وكون ما اضيعهة بدون شوفتكم

باهر : هههه يروحي انتِ عليش تخافين مو هذا أنا

أنغام : حتلو أريد دوم اشوفكم

باهر : افديج بروحي امي شلونهة

أنغام : نفس صدمتهة على حطت إيدك تعال تتريگ

باهر : نعسان يروحي تريگي أنتِ هلگانه خل أصير بيچ لحمه

أنغام : يبو سدرة الثانية

باهر : ههههههه فدوة لبتسامتچ

عفتهة وطلعت للغرفة شمرت روحي على جرباية

ما كدرت أبقى هناك لا اول ولا تالي اختنگ من ذاك البيت طلعت الفجر بس حتى ما أبقى لأن

حسيت المكان متروس ريحة زُها - وحسيت راد ينفجر راسي وأنا أفكر وين احضى بيها !

أنغامممممم

أنغام : صعدت على صوت باهر ، هااا!

باهر : أكول زها هم تحجين وياها ؟

أنغام : ءءء لا

باهر : ولا تعرفين وين هيا هسة ؟

أنغام : لا ولله

باهر : تمام اذا تواصلت وياج كليلي

أنغام : راح تلكاهة ؟

باهر : ببتسامة - واخليهة على گلبچ

أنغام : احلى شي فديتك

باهر : يلة انشطحي برا وسدي الباب

أنغام : ها خلصت مصلحتگ

باهر : تعالي اخذيلج راشدي

أنغام : الله ياريت اجرب هل شعور

باهر : تردين تتعلمين شلون تقللين الأدب ؟

أنغام : لا صدك جذب بوية اشاقة راح أبقى مُحترمة

باهر : احسنتِ - هسة برا

أنغام : نوم العافيه

باهر : بلحضة الخليت راسي على المخدة وبديت اغفى دك الجهاز

أستغفر الله اللهي الصبر

منو ؟

__ أستاذ احنة أهل الفندق البنية الائمنتهة عدنة

اجتهة حالة انهيار ومانعرف شلون نصرف وياها بس تصيح

باهر : حاولو تسيطرون عليهة راح أطلع من البصرة أتأخر يلة اوصل

__ راح نحاول

باهر : لبست ملابسي اخذت المفتاح طلعت بساع وأحس روحي طافرة صدك حسيت نفسي جازع

""""""""""""'''''"""""

فهد : السلام عليكم

زُها : كاعدين نشرب چاي ودخل فهد ، وعليكم السلام

البنات : وعليكم السلام

أم فهـد : يمة وطلعت من غبشة تعال أكعد اتريگ

فهد : شبعان زها جهزي نفسج نريد نطلع

زُها : عقجت وجهي مستغربة ، وين - ؟

فهد : من نروح تعرفين

زُها : تمام - رحت لفيت شال ولبست صاية لأن مابية حيل ابدل متعاجزة ،

يلة نروح

حوراء : چا ما تاخذنة وياك

فهد : هههههههه أي اخذجن بس مو هسة يلة نطلع

زُها : طلعت ورا ما صعد بسيارة مشى مشي

شنو وين رايحين ؟

فهد : بدون رد

زُها : تقريباً مسافة أربع بيوت بيت وكف كدامة فتح الباب ،

منو ذول ؟

فهد : اتفضلي

زُها : دخلت للبيت فارغ التفتت على فهد ،

فارغ البيت ؟

فهد : مو تردين بيت وما ترتاحين عدنة

زُها : ههههههه ياااا شكراً ولله كلش تعبتك شكد إجارة

فهد : البيت مُلك الج

زُها : مافهمت !

فهد : البيت الج اشتريتة مشترة مو إيجار

زُها : منو سمحلككككك تشتري انييي من المستحيل اقبل

طلعت وحسيت سحبني من أيدي

ايدككك شيلهة عني

فهد : أنا صح اشتريتة بس ما اشتريتة من فلوسي هذا البيت

من شهاب الله يرحمه ومن جابج هوا الانطاني فلوس وكلي شوفلهة بيت حسب خبرتك وأني فترة وارجع

أرتب وضعهة

زُها : حسيت نفسي جمدت بمكاني ماكدرت استوعب

مستحيل مستحيل

فهد : زها البيت الج ماكو شي مستحيل ويشهد الله من شهاب وأكيد جان يحبج لهل درجة وأكثر

وهاي وصيتة بس عبالة جان يرجع وهوا يفهمج بس شاء القدر

زُها : ليشششش هيجججج ليششش

فهد : تمام ابچي بس اذا قبلتي شهاب راح يفرح

زُها : رفعت راسي وعيوني كوة فاتحتهن ،

بس صعبة فهد راح أشوف شهاب بكل كتر هنا أذا اعيش

فهد : لازم تفرحين بهل شي لأن راح يبقى دوم بگلبج

ويعم الفرح بهل بيت وبضحكات شمسين ؟ تتخيلين شهاب شكد بفرح

زُها : خل نرجع

فهد : رضيتي ؟

زُها : بعدين أفكر

فهد : براحتج

زُها : بقيت أمشي سريع وسمعتَ يضحك درت وجهي إلى ، شنو ؟

فهد : هههههههههههههههه چنچ بطة تمشي بلماي أمشي على كيف شبيج

زُها : لاحسيتَ مدح ولا حسيتَ ذم الاعرفة هوا تنرفزت ودخلت للبيت ،

دخلنة للحمام أني وخالة ودخلنا شمسين خليناهة بحوض حتى نسبحهة خالة لازمتهة وتتمعن بيهة وأني اصب مي وخربانة ضحك لأن سبح بيهة وتحجي هوسات

أم فهـد : يمة سبعة وكول گليلات يمة البنات وياريتهن عشرة اهدعش ومدللات

فـدوه ييمــه فــدوه

كيمر وفـــوكــه كشــوه

كــل الكشاوي حمضــت كشــوتنه ضـلت حلوه

زُها : هههههههههههه شتريدددد بنيتي بعد من هسة مدح

طيبة : دكيت باب الحمام ، شنوووو هذا الضحك

أم فهـد : اسمعي أسمعي هاي منـو ويـاج منـو وياج

زرع الخضيري يفداج لو سمع بينه كريدي

أيذبنـه ابنهر اني وياج

طيبة : فتحيي الباب زهرةةةة خل نشوف الجمال

زُها : انجبي ولج ههههههههه

خلصت سبحتهة لفتهة خلتهة على گلبهة والماي ينكط على ملابسهة وهيا ولا هامهة

أم فهـد : صلِ على محمد وآل محمد

فتحي الباب يمة

زُها : خذتهة للغرفة لبستهة ملابس عطرتهة بلمسچ

طب فهد

فهد : الشحم صار نظيف

زُها : شنو قصدك بنتي وصخة

أم فهـد : غير بتج سابية گلبي

زُها : ههههههه تسوى تسوى

آسل : أكلك شوكت نداوم

فهد : ماضل شي بس هل فترة

زُها : ليش تعبت نفسك

فهد : ماكو تعب

زُها : بقينة ملتمين وسوالف وفهد مخلي شمسين بحضنة مرمرهة كلساع بايسهة لحد ماصارت بـ٢ ونص الظهر كمت بدلت جهزت نفسي حتى أوصل قبل الـ٣

خالة أخذ شمسين وياي لو تبقى يمج

أم فهـد : لا تضل يمي محد ياخذهة

فهد : وين ؟

زُها : للشغل

جان كاعد شمر المخدة وكام

فهد : شغليش ؟

زُها : سكرتيرة بعيادة أسنان

فهد : من شوكت هذا الحجي وليششش أنا ما أدري

زُها : هواي صالي من جنت انتَ بدوام بديت اداوم

فهد : بعصبية ، يمةةةة صدك تحجين هيا هاي الأمانة ليششش ما ادري أنا

زُها : لا صيححح شعليك حتى لازم تدري كفيل بية القرار قراري أني وحرة ولله حلوا يريد أخذ راية

أم فهـد : يمة سمو برحمان

فهد : اي تاخذين رايي عوفي يلة وكعدي بنتج أولى من الشغل كتلج ما تحتاجين شي اي شي تردين تلكي موجود

زُها : حسيت روحي طلعت من عيوني ، ألف مرة أعيد واكرر لا انتَ ولا غيرك يتكفل بشي أني حرة وأريد أعيش نفسي وبناتي مالك حق

يلة خالة الله وياج

طلعت بساع إنتر بجنطه نتر حسيتهة بشر وأريد أطلع حركتي بيها

طلع فهد وراي شغل سيارة

فهد : صعدي

زُها : شكووووو لحكتني شكووو

فهد : اريد اوصلج ما احجي شي

زُها : أني أعرف أروح وحدي معليك

فهد : أستغفر الله عيوني أم شمسين ممكن صعدين بله زحمة بس اوصلج واطمئن المكان أمان اذا ماصير زحمة

زُها : يحجي وعاوج حلگه يتماوع بلحچي عود يتنكت علية صعدت ودرت وجهي للجهة الثانية

، أمشي سريع

فهد : وين المكان

زُها : الكرادة بلـ*****

فهد : أبقي ريلاكس

زُها : معليك أمشي بدون كلام

فهد : أخ

زُها : شبيك ؟

فهد : مبتسم ، خلي ضيمي بگلبي أحسن

زُها : ويطبك طوب

فهد : وياي ؟

زُها : شنو ؟

فهد : كلتي يطبك طوب -

زُها : غلطان يمكن متوهم

فهد : يمكن

"""""""""""""""""""""""'''

باهر : وصلت للفندق صعدت للغرفة البيهة

الباب مفتوح وقافلة باب الحمام عليهة

__ أهلاً وسهلاً - نعتذر ماكدرنة نسوي شي

باهر : شكراً تكدرون تروحون هسة .

وكفت يم الباب فتحتة مقفول

أنتِ جوا ؟

__ ماريد اطلع أريد اموت. صعب أعيش

باهر : فتحي الباب بابا خل نحچي

__ ها

باهر : تعاي كعدي هنا

أنتِ حيرتيني كتلج اهلج أنا افهمهم متقبلين اكلج شنو اسمج متقبلين

اخليلج بيت وحدج وتكملين واضمن الج الأمان هم ما تقبلين كولي شنو اسوي

__ ولله أعرف أهلي ولله أعرفهم عمو يقتلوني

أني أني أساساً مو كادرة أعيش صعبة

باهر : يعني تردين تموتين ؟ !

__ اي

باهر : أبقي هنا راح اشتريلج حجاب واجي حتى نطلع

__ أني مو محجبة

باهر : لويت رگبتي ، تمام تعالي يلة

__ وين ؟

باهر : تعالي ومعليج

شبيج هيج تباوعين ماثقين ؟

__ بعد على شنو أخاف

باهر : سحبتهة من أيدها ونزلنة ،

تتنعوصين متجين بالعدل

تحاسبت وطلعت أكو أسواق أهنا محتاجة شي قبل لا نروح

__ اي أريد نضارات

باهر : عندي بسيارة سالفتج دابرة صعدي

__ وين ماخذني

باهر : للبصرة

__ شسوييي

باهر : لأهلي تبقين عدنة منا يصفى رايج

__ ليش ساعدني

باهر : ما جاوبت بقيت أمشي سريع

__ عمو ليش ما جاوبت

باهر : من دكولين شنو اسمج ساعتهة اجاوبج

__ شسوي بأسمي تريد توصل لأهلي مو

باهر : لاحول ولا قوة الا بالله

__ شاهنيزان

باهر : نعم ؟

__ اسمي شاهنيزان

باهر : صدك ؟ شاهنزان

شاهنيزان : مو شاهنزان لا شاهنيزان

باهر : انتِ كردية ؟

شاهنيزان : عمو كافي اسئلة

باهر : اي بعد عمچ كافي ليش لا

بنص الطريق ونامت اشوفهة كردية ومتأكد كردية

طلعت صورة زُها بقيت متعمق بتفاصيلهة شكد مشتاقلهة الشلنفص طلعت رقمهة حتى أتصل وتراجعت

"""""""""""""""""""""

زُها : مخلية رجل على رجل وكاعدة بمكاني مكابلة المُراجعين وبالي بعيد

أفكر لازم أقبل البيت مدام من شهاب بنفس الوقت گلبي ما يطاوعني

صارت الساعة بـ٦ ونص بقت اخر مراجعة وطب فهد

فهد : خلص وقتج

زُها : شجاااابكك

زهراء : يحح هذا زوجج ؟

زُها : بعدين اسولفلج

دكيت الباب

الدكتورة : اتفضلُ

زُها : أكدر اطلع ؟

الدكتورة : أي حبيبتي

زُها : شكراً معة السلامة زهورة

زهراء : الله وياج عيوني

زُها : راح تبقى تاخذني وترجعني شنوو

فهد : فتحت باب سيارة ، اتفضلي بخدمة الطيبين

زُها : اللهم صبرچ يا روح

البيت بي كهرباء ؟

فهد : كلشي بي حتى أثاث بس طبعاً مو ذوقي

زُها : تمام

فهد : راح طلعين للبيت !

زُها : اي وهسة

فهد : شسالفة باجر متوازية هسة حتى أمي تزعل

زُها : تمام

فهد : ليش گالبه وجهچ ؟.

زُها : صايرة اختنگ وياك أحسك تحاسبني

فهد : هههههههه شوكت محاسبج أنا نزلي يلة أصف السيارة واجي

زُها : دخلت للبيت لكيت طيبة برا تبچي

""""""""""""""""""""

مصعب : كاعد برا بلحديقة وكل بالي يم طيبة حسيتهة جاي تفكر بية حسيتهة مشتاقة إلي

مستحيل إحساسي تجاه طيبة يغلط مستحيل حسيتهة على لحضة تتصل بيه برغم رقمهة مغلق من يوم إلي ختفو

دنكت راسي ألعب بشعري وحسيت الرنة اجت بگلبي كبل لا تجي بأذني باوعت للجهاز هاي طيبة

الإبتسامة شكت حلگي

فتحت الخط - طييييبة

طيبة : بدون رد

مصعب : طيبتي يروحي احجي ولو حرف واحد أدري بيج اتسمعيني

طيبة : ماكدرت اسيطر على دموعي بقيت اشهك وأيدي على حلگي بدون ما احجي كل الجنت رايدتة هوا أسمع صوتَ

مصعب : عافيتي ؟ طيبة لاتبچين فدوة اروحلج بس خل أسمع صوتج ليش هيج اتعبيني

انسد الخط بوجهي رجعت أتصلت الخط مغلق

ليششششش هيجج لووو بس سامع صوتچ

باهر : السلام عليكم

مصعب : رفعت شوفي باهر وبنية ، وعليكم السلام

باهر : شلونك

مصعب : الحمد لله منو الأخت ؟

باهر : ضيفة

مصعب : أهلاً وسهلاً بيج

شاهنيزان : شكراً

باهر : مشيت خطوات التفتت وراي واكفة بمكانهة -

ماتمشين ؟

مصعب : لاتستحين خوية اتفضلي

أنغام : صايرة بية خوفة من وفاء صرت ماثق بوحدة تدخل للبيت ومن شفت البنية إلي وي باهر

ما كدرت أتقبل

باهر : امي وين

أنغام : بغرفتهة كاعدة

باهر : مستغربة مو هاي ضيفة من شمال

أنغام : شسوي جايتنه ؟

باهر : اش صوتج لاسمعج بعدين اسولفلج

مصعب تكدر تبقى بغرفتك ؟ كم يوم بس

مصعب : أي عادي شسالفة بس شنو سالفة البنية

باهر : راح أصعدها وشوف شمحتاجة بعدين أنزل اسولف الكم

شاهنزان

شاهنيزان : ها

باهر : تعالي صعدي

شاهنيزان : ولله جاي أثقل عليكم

باهر : اؤش صعدي وراي

فتحت باب غرفة مصعب - تكدرين تبقين هنا وهذا الحمام وأنغام ماتقصر وياج راح اجيبلج ملابس علما باجر تطلعين للسوك

شاهنيزان : بدموع - أرجع أكرر أعتذاري

باهر : أنا الجبتج مو أنتِ إلي جيتي خلي هذا الشي ابالج

تمام شاهنزان

شاهينزان : شاهينزان *

باهر : غلسي بعدين اتعود علي

يلة أخذي راحتج

يتبع...

لاتنسون التصويت ورداتي

الكاتبة نور المنتهى

ألِم بروحِي

أحاوِل ما اضَل مكسور

و اعرُف صَعبة لَم الجام المكَسر

أمشي و ألتفِت...

مَطلوب دَم و دِين

انا اتمنى استقِر بَس كون غِير أگدَر

لاتنسون التصويت والتعليق بين الفقرات

الكاتبة نور المنتهى

"""""""""""""""""""""""""

زُها : شمرت الجنطة بلكاع تقربت يمها - شبيج يروحي ليش تبجين ؟

فهد : رفعت حاجبي مستغرب ما أكو أحد هنآ يضوجهة أمي مستحيل ،

خوية موجوعة شي ؟

زُها : وكفتييي گلبييي كافي بچي غير تحجييين

فهد : أنا راح ادخل أخذو راحتكم

زُها : مسحت دموعها وگلبي مأذيني ، طيبو يروحي أني اختج كولي

طيبة : بشهكة ، بس أكلج راح ضوجين مني وراح تروح ثقتج مني

زُها : مستحييل ولله الج مُطلق الحرية كولي ما اضوج

طيبة : الخط شغلته

زُها : اي ؟

طيبة : جنت مشتاقة لمصعب زها أني أحبَ ولله أحبَ

زُها : وحاجيتي ،

طيبة : خابرتَ بس ما حجيت بس هوا حچى ما كدرت أنطق بأي حرف

زُها : تكدرين بدونة لولا ؟

طيبة : بقيت ساكتة ما كدرت اكلهة لا لأن أحبَ وما كدرت اكلهة ما أكدر بدونة لأن أعرف مستحيل نرجع ندخل لذاك البيت الراحت أمي بسببة

زُها : تمام عرفت جوابج كومي طبي جوا

طيبة : أغسل وجهي واجي وراج

زُها : عفتهة دخلت جوا كل عادة سحبت شمسين من خالة سلام كلام ورحت للغرفة شمرت الغراض وخليتهة على گلبي

بريرتي الزغيرة

""""""""""""""""""""""

أنغام : من اجه باهر صعد البنية للغرفة سبح ونزل شرب چاي يم حبوبتي وكعد وي مصعب اوياي يسولف عن البنية

انكسر گلبي عليهة

صعب الأبنية تتعرض لهل شي شلون تعدي هل صدمة

باهر : تكدرين تكعدين وياها عسى ولعل تقنع نوصل لأهلهة

مصعب : وذا ما وصلنة ؟

باهر : نوصل نوصل المهم محد يضغط عليهة

أنغام : سودا عليه تعبان حيل

باهر : فايتني شكثر نوم نعسان

الحجية سدرة : حبوبة ما هيسگم شتحجون

باهر : هههههه نسربت حشاج

الحجية سدرة : ماسمعك

مصعب : بصوت عالي ، يكلججج جايييي نسررربببت يعني مو ساااالفة بيهة خيررر

أنغام : هههههههه خطية محد منكم فارغ ويكابلهة بس أني

باهر : عاشت ايدج - يالله

مصعب : وين رايح !

باهر : أنام - نغمشتي تعالي وياي

أنغام : صعدت ورا - ها

باهر : دخلي شوفيهة خاف محتاجة شي رايح انام

أنغام : من عيوني

باهر : أبوس عيونج

دخلت قفلت الباب طلعت الأرقام أتصلت على فهد

فهد : مساااء الخيرر

باهر : مساء النور - شلونك

فهد : بخير ،

باهر : أريد الگة مكان زها باجر اتفرغلي

فهد : تلگاهة وين ؟

باهر : شغلتك وشغلتي هاي شنو شلون الكاهة

فهد : اجوز تريد ترتاح فترة عوفهة براحتهة

باهر : انتفضت من مكاني ، شنووو فترة اعوفهة

انتَ كتليييي حاول وياها

فهد : ولو مكايلگ

باهر : هممم أبقى أحاول والگاهةة

فهد : يصير خير باجر

باهر : عوف لاتنتظرني باجر أني ادورها

فهد : لا سوة مبين تعبان هسة أرتاح وباجر نحجي

فصل الخط بوجهي

- يمة وين زها

أم فهـد : بغرفتهة

فهد : دكيت الباب ، اكدر أدخل ؟

زُها : سحبت شال لبستهة ، اتفضل

فهد : ،، ءء جنسيتج عندج ؟

زُها : بستغراب ، أي عندي ليش ؟

فهد : محتاجهة تكدر تنطينياهة ،

زُها : فتحت الجنطة طلعتهة ، اتفضل بس شسوي بيهة

فهد : بعدين أكلج

زُها : اي أنتظر

فهد : ممكن اخذلج صورة !

زُها : أكيد لاااا شسوي بيهة

فهد : يمعودة قابل شسوي بيها بس محتاجهة وي الجنسية اذا ممكن بس اثبتي أخذ صورة

زُها : بغضب ، تمام بس اذا سويي شي مايعجب اندمك

فهد : ههههههه تهدد يالله

زُها : أريد أنام صور يلة

فهد : شغلت الكامرة جذبني كثافة حواجبهة المتقاربات ولونهن

زُها : خلصت ؟؟؟

فهد : العفو بعدني توى اشتغلت الكامرة

يلة تصبحين على خير

زُها : اجمعين

بقيت أفكر شيسوي بيها بس معه كل الأسف وألف ياحيف ما وصلت لأجابة

البنات بقـن يم خالة وأني نومت شمسين وتمددت حتى انام ما كدرت أسهر من التعب

""""""""""""""""""""""

اليوم التالي

فزيت على دكت الباب - منو

شاهنيزان : أني

باهر : فتحت عيوني كعدت ، تعالي

شاهنيزان : كعديتك !

باهر : لا أصلاً لازم أكعد عندي شغل تعالي كعدي

شاهنيزان : انتَ ليش ما تخوف

باهر : هههههههه ليش يابة غوريلا كدامج حتى لازم اخوف

شاهنيزان : هههه لا مو هذا قصدي أقصد إلي اعرفة الضباط

يخوفون

باهر : مو كلهم أخوي من النوع إلي يخوف وحش

شاهنيزان : أخوك ضابط ؟

باهر : أي بدوام هسة

شاهنيزان : أها الله يخلي ألك.

باهر : نزلتي ؟

شاهنيزان : لا

باهر : لاتستحين انزلي

شاهنيزان : أخذ راحتك راح أرجع انام

باهر : نوم العافيه ،

أتصلت على ٱلحسن...

ٱلحسن : الو

باهر : شبي صوتك مبحوح

ٱلحسن : سبحت بماي بارد البارحة من ورا ولد الكح*** ذول وتمرضت

انتَ شخبار الأوضاع

باهر : سلامتك - بس أريد أوصل لزها شوكت آخر مرة أتصلت عليهة

ٱلحسن : بيوم إلي كتلك حدد موقع جديد اذا تريد

باهر : هذا الأفكر بي

ٱلحسن : سبع انتَ تلكاهة شوف فهد يساعدك

باهر : خيولي هلمبلل هذا

ٱلحسن : ألعب صاير شي

باهر : لا بس غثني - أخذ وقتك راح أروح أنا أشوف شلون الكاهة

نزلت جوا

نغمة

أنغام : جاي اغسل المواعين التفتت على صوت باهر

ها خوية !

باهر : تكدرين تتتصلين على زُها

أنغام : اي ليش لا بس شأكلهة ؟

باهر : اي شي هيچ من باب شلونج شخبارج

أنغام : تمام ، نشفت اديةَ أتصلت عليهة

زُها : جاي أسكت بشمسين تبچي واتصلت علية أنغام ،

هله بحبيب الـروح

أنغام : فتحت اسبيكر باهر يسمع ، هله بيج يعمري شلونج

زُها : الحمد لله أنتِ شلونج مشتاقة الج

أنغام : أي ولله ياريت اشوفج

زُها : شمسين بقت تناغي أريد اسكتهة ماكو وكفت گلبي ،

الله كريم يروحي

أنغام : ءء صوت طفل أسمع

زُها : منين اجة الطفل هههههه نغمة خاف محتاجة شي

أنغام : لا ولله بس كلت أشوف أخبارج

زُها : الله يسلمج حبيبتي - باهر شلونة ؟

باهر : من سمعت أسمي بصوتهة رجعلي جزء من روحي جان مفقود .

خذيت جهاز بدون ماترد أنغام فصلته

أنغام : تريد تسمع صوتهة لهذا سبب خليتني أتصل

باهر : لا محتاج جهازج أخذة

أنغام : وين تاخذةةةة

باهر : اريد أروح أشوف موقعهة

أنغام : صددددك تمااام أخذه بس لا تفوت للصور

باهر : هههههههه ماشي عينج على البنية

أنغام : من عيوني بس روح

"""""""""""""""""""

زُها : طلعت للمطبخ كلهة نايمة كلت اجهز الريوگ على ذوقي بقيت اتفنن وخدرت الچاي ..

بقيت كاعدة على الكرسي صاير بنص المطبخ هوا وطاولة

طلعت صورة شهاب قريتلة الفاتحة وتسبيحة الزهراء عليها السلام

لأن ما أعرف شلون اجازي كل وكفاتة اذكرة باشياء تفيدة هذا أقل شي ممكن اقدمة

أم فهـد : صباح الخير يمة

زُها : ببتسامة ، الخير كلة وجهج

أم فهـد : ريتج دوم هيج فرحانة

زُها : الله يسمع منج جهزت ريوگ راح أكعد البنات

أم فهـد : خوش بس فهد. طالع لاتحسبين حسابة

زُها : خوش ،

باوعت لأسل مليانة براءة خواتي كلهن بريئات دمهن ينحب غصب اتقربت بستهة بخدهة

كعدي يروحي منو تكعد أول منو تحضني أول

حوراء : أبتسمت من جوا البطانيه طلعت بس أيدي صحت ،

انييييي

طيبة : لا أني

زُها : عليمن ادلعجن شو كلجن كاعدات يلة كعدن حتى نتريگ

ونروح لبيتنة الجديد

اباوعلهن انتفضت نفضه وحده من الصدمة

طيبة : شنووو بيتتتتنة شوكت إجرتييي

آسل : يعني راح نعيشش بحدنة وأخيراً

حوراء : سكتي لا سمعج خالة لا نوب ادكول مالات مني

زُها : بعدين بلبيت اسولفلجن كلشي هسة كعدن

حوراء : تمام سكرة

زُها : مح

كعدنة الكل تريگ بقيت منتظره فهد يجي حتى أروح للبيت

صارت الساعة ١١ يلة شرف للبيت

فهد : صباح الخير

الكل : صباح العافيه

أم فهـد : يمة مغبش مدري وين شعدك

فهد : شغل يمة شغل

أم فهـد : چا يمة لا بدوام نشوفك لا بلبيت نشوفك

فهد : غير شغل شسوي - شلونجن بنات

__ الحمد لله

فهد : اداومن السنة الجاية أن شاء الله

آسل : شكراً عميييي

فهد : بشقة ، انجبي شنو عمي كولي فهد

آسل : فهيدان هههههههه

زُها : اتكيف بس كون واحد يطيهة مجال

أكول فهد نكدر نروح للبيت هسة

أم فهـد : يابيت

فهد : أي بكيفج

أم فهـد : چا مو جاي احجي يابيتت

فهد : يمة بيت أبو سالم اشتريته جانت وصية شهاب الله يرحمه انطاني فلوس من باب مكان ائمين أشتري

كلت قريب يمنة أحسن

حوراء : بصدمة ، البيت من شهاب مُلك النه ؟؟؟؟

فهد : اي

زُها : ما جاوبت خالة رادت دكول لاچت دمعة بعينها لزمتهة

فدوة لا زعلين أعرف شكد تردين الخير ألنه وتردين راحتنة وهاي راحتنة ولله

أريد اتعود وتعلم أعتمد على نفسي ونعيش سوا ماريد الدنيا تكسرني بعد بمواقفهة

أم فهـد : بدموع ، يمة تعودت عليچن تعودت على بنيتچ اخليهة على گلبي أصبح بيچن

چا هيااااا هينةةةة

زُها : چا نعوفج لا ولله أصلاً شمسين تبقى نايمة على گلبججج من اروح للدوام ما أثق يبقن

يم البنات يموتنهةة بساعتهة

آسل : يااااا

فهد : هههههههه طعنت بيجن بساع

أم فهـد : مو بيدي

زُها : فدوة أرضي أصلاً مشي بينة كم بيت ماريدج تزعلين مني

أم فهـد : خير عليكم أن شاء الله

طيبة : كللللووششش

فهد : هههههههه يلة طلعـن

آسل : تطردنة

فهد : اي قابل لزكة كافي ملينة

أم فهـد : انجب ولك - يشاقة يمة لاصدكين

زُها : فهد أخذهـن أني أني ألم الغراض واجي

فهد : تمام بس الغراض خليهن بصالة أني من أرجع اجيبهن بسيارة

زُها : تمام

رحت لميت الغراض للعلم أني ما مطلعة كلشي فقط الأشياء إلي نستخدمهن

خالة أني رايحة للبيت ياريت تنورينة

أم فهـد : ديربالج البنية لا طيح منج كضيهة عدل

زُها : ههههه حاضر - معة السلامة

أم فهـد : الله يبرالچ

زُها : خذيت المسافة للبيت احجي وي شموس

هاي أول طلعة الج وي ماما

انتِ شمسين وهاي شمس وحدة

هههههههههه

هلو شباب

فهد : انطيني شمسين وشوفي البيت شعايزة

زُها : اللهم صلِ على محمد وآل محمد يخبببل

آسل : تعااالي شوفي غرفتي اختاريت غرفة

زُها : انطيت شمسين لفهد ودخلت أشوف الغرف والمطبخ

طيبة : أحلى شي واحد يكون بيت وحدة

حوراء : أي ولله تتنفسين براحة

زُها : بدون حچي زايد مدام شمسين عد فهد خل نمسح الأرضية والغراض

آسل : انيييي راييييحة أضحك شمسين وي فهد

حوراء : فلتييي فلتييي أهم شي لا تشتغلين

زُها : عوفنهة هههههه - مسحت الغراض بس البنات تعاونن مسحن الأرضية وخالة

جابت غدة سمك شوي بقو ملتمين عدنة

وفهد ما قبل يعوف شمسين لحضة وحدة لحد ما راحو عزلت الغراض كلهة والملابس لحد ما صارت بـ ٢ ظهر انصدمت بلوقت

حسيت ظهري انكسر من تعب

زُها : بنات رايحة أسبح حتى الحك أروح للدوام عينچن على شمسين

حوراء : روحي لاتخافين راح نشغل بيبي

طيبة : وينهة وين بيبي روحي روحي خية

أكلج

حوراء : أني ؟

طيبة : اي بعد منو هنا

حوراء : كولي

طيبة : هم تتواصلين وي حسن ؟ الصراحة

حوراء : أوي عابت شكو أتواصل ويا عمت عينهم

طيبة : يعني تقنعيني مامشتاقه إله

حوراء : گبر ولله عاطفية أنتِ أكيد ما أشتاق ألهم حتلو أحبَ

كان شي قديم مات وي ماما

طيبة : بقيت صافنة - يعني صعب بعد نفكر بأحد من هل عائلة

حوراء : عاد ضلت هاي أنتِ وضميرج

طيبة : بقيت أفكر معقولة اذا أبقى أحب مصعب هاي خيانة لروح ماما ؟ !

يعني اجباري لازم اطلعة من بالي بس صعب حيللل صعب أني أحبَ

بقت الدمعة بعيني نلعب برجلين شموس ينگرطـن

لحد ما جهزت زُها نفسهة

زُها : تبقن هنا لو بس شمسين أخذها لخالة ؟

طيبة : بس شمسين

حوراء : اي نبقى هنا أحسن اول شي نتعود ثاني شي نصفي الغراض نغير بلبيت

زُها : خذيت شمسين خليتهة على گلبي - تمام ديربالجن من الكهرباء من كلشي تحذرن

محروسات أن شاء الله

حوراء : اوي فدوة للحنينة

زُها : هههههههه خرب يومج باي

طلعت لبيت خالة انطيتهة إلها وركبت تكسي حمدت الله لأن فهد ما موجود حتى ما أصعد ويا

دخلت للعيادة مليانة ملي مراجعين بسم الله هاي عود نهار بعدة أبدايتة

كعدت يم زهراء حيل حبابة وجميلة ماعرف بس كل الصفات الحلوا بيهة كاملة والكمال الله تعالى

صارت الساعة بـ٧ أتصلت خالة علية تتطمئن علية لأن تأخرت

أم فهـد : خفت لا صاير شي عليج

زُها : لا عزيزتي بس مراجعين هواي لايضل بالج فد ساعة وأرجع أن شاء الله

أم فهـد : اي يمة ديربالج على دربج هذا الوكت يخوف حتى فهيدان مو هنا واودي يجيبج

طالع من ظهر

زُها : لا يروحي ولله ميحتاج الدنيا بعدها بخير

أم فهـد : هاي هيا يمة

زهراء : بالهم يمج ؟

زُها : اي والله لأن ممتعودين يتعودون بعدين.

حسيت روحي طكت على شمسين ما عرف شلون خلص الوقت طلعت بساع ازدحام حيل بغداد بهيج وقت بقيت أمشي أريد تكسي ماكو

شفت أسواق نزلت اشتريت نمنميات للبنات وطلعت مشيت

ضوى سيارة ضرب بعيني حرفياً الخوفة ورهبة ماتنوصف أني تحديداً ضوى ضرب بعيني

لا اكيدد راح يخطفوني مشيت بسرعة مدنكة راسي عبرت سيارة التفتت وراي السيارة بقت بمكانهة

اطمئنيت رجعت مشيت بهدوء إلى أن حسيت

أيدي انسحبت ردت اعيط بس بهل أثناء درت وجهي وبلعت ريكي

فتحت عيوني بصدمه

باهر ؟

باهر : سحبتهة من أيدها عن الرصيف نزلنة بتراب بدون ما احجي حرف واحد

زُها : وينننن ماخذنيييي معقولة انتَ باهر هدنييي

باهر : تركت أيدها وغرگت بعيونها بدون حرف الصمت حاوطنة ثنينة

بعيون بعض بدون ما نرمش

مشتاگلـهن !

زُها : حركت راسي بهدوء الهدوء إلي خفت منَ !

منو ؟

باهر : عيونچ

زُها : شلون لكيتني وليش حتى سحبتني شتريد مني

باهر : زُها صعب أعيش بدونج

زُها : صعب مووو هههههههههههه صعببب باهر صعببب

لا مووو صعب لو صعب ما عفتني بأبشع وقت

لو صعبببب چان سمعتنييي لو صعبببب چان صدكتنيييي

باهر : حاوطت وجهة بثنين اديةَ ! كلشي مچان سهل كلشي صار ذبحني وأنا عايش چان لازم أسوي هيج

زُها : اي صح لازم أسوي هيج لأن هذا شرف

باهر : ما أكدر أعيش بدونج أنا أسف على كل لحضة اذيتج بيها

زُها : نزل شلال من عيوني وأباوع إله يبچي أضعاف دمعي !

آسف على شنو باهر على حبي ألك الضيعته

على روحي العلقتهه بيك

آسف على اميييييي الراحت بسببببكم

ضربتة على صدرة حيل - اسسسسف على شهاب الراح على منووووو على منووووو

ما رد علية نزل على ركبة بلكاع كعد ومدنك راسة يبچي

اخخخ اخخخخ لو أسف على ، ما كدرت أكمل واكول على بنتك

باهر : أسوي كلشي أدفع ثمن عمري كلة الخاطر ترجعيلي

زُها : كسرتني صعب تحلم أرجع ألك بعد

نزلت كعدت على ركبي كابلته أرفع راسك

باهررر أرفع راسك باااوعلييي

باهر : رفعت راسي والنفس يصعد وينزل مثل الموت !

بدون وعي حضنتهة بكل حيل بية أقرب وصف لهل حضنة هوى من

حضنت شهاب الحضنة الأخيرة

زُها : حسيت صوتي راح حسيت شكد مشتاقة الى من ضمني لصدرة حسيت اعظامي رادت

تتكسر بهل لحضة عرفت شكد هوى ندمان بس ما كدرت دفعتى وسحبت أيدَ كومتة

ركززز لو تدفع عمرك كلة تحلم أرجع ألك

لو تنتضر العمر كلة مستحيل أشوف هذا اليوم الارجعلك بي

باهر : زُها أنتِ وطن ماريد

اخسرج وعيش بغربة

زُها : اذا صدك تحبني بـ*****

يتبع...

لاتنسون التصويت ورداتي

اللهم إني أستغفرك من كل ذنب أذنبته , تعمدته أو جهلته , وأستغفرك

من كل الذنوب التي لا يعلمها غيرك

لاتنسون التصويت والتعليق بين الفقرات

الكاتبة نور المنتهى

""""""""""""""""""""""""

زُها : اذا صدك تحبني بـعد لا دور علية

اذا يهمك أمري عوفني براحتي ماريدك

أني ماريدك بعد تعبت نفسيتي منككككك أفهم

باهر : لشوكت ؟

زُها : للأبد كتلك للأبد لاتنتظر مني ولا حرف واحد

اذا تحبني صدك عوفني

باهر : أي احبج ولأن احبج راح اعوفج براحتج

راح اعوفج لحد ما أنتِ تقبلين راح أبقى منتظر

زُها : هههه راح تنتظر علخالي بلاش

باهر : انتظر لأخر نفس وما يهمني كتلج لو حتى عمري يضيع راح أنتظر الوقت إلي دكولين تعال باهر

زُها : ما التفتت إلى مشيت بخطوات ثكيلة شبهة الموت واعصر بأيدي. - دموعك ريت غسلني

تكسييي

__ وين ؟

زُها : للـع****

رجعت للبيت بساع نزلت أركض اباب بيت فهد حتى أخذ شمسين وصارت سيارتة كدامي إلى شوي جان دعسني

فهد : شبيججججج ماشوفيييين لو داعمج

زُها : لوحت بيدي بمعنى مو مهم ودكيت بابهم حيل ،

فهد : توة رجعتي ؟ تأخرتي زها شبييييهةة حالت..

زُها : قاطعت كلامه ، شعليكككك شعليككك لاتدخل

أم فهـد : هله يمة ضل بالي والزهرة شبيج

زُها : خالة فدوة شمسين جيبيهة اريد أروح باجر أشوفج ونحجي

أم فهـد : لحظة يمة

فهد : أستغفر الله سكتي بعد سكتيييي

زُها : عدم الرد خذيت شمسين ورحت للبيت فتحت الباب ودخلت انهاريييت بلبچي

طيبة : شصاررر بيج يولو

زُها : انتبهت لثنين اديةَ خالايات نسيت الغراض إلي شتريتهن بلكاع يم برير

ما صار شي يروحي بس هذا دوام هيج يطلب جان مراجعين هواي

طيبة : انطيني الفصعونة ودخلي شتاقيت إلها

""""""""""""""""

أ

نغام : البيت هدوء لاخواتي لا أخواني كلهم اطشرو أمي بدون صوت حبوبة نامت

صعدت للغرفة مال مصعب حتى أشوف البنية

اجي يمج ؟

شاهنيزان : أكيد البيت بيتكم بأي مكان تردين أكعدي

أنغام : رحت كعدت بصفهة جمالهة وحد وبراءة وجهة وحد بقيت صافنة بملامح وجهة وشعرها

حلوا أنتِ

شاهينزان : بس ماكو فايدة

أنغام : لا دكولين هيج إلي صار مو بيدج

أنتِ بس وافقي صدكي باهر راح يوصلج لأهلج بدون ما أحد يمسچ

شاهنيزان : عمو وينة ؟

أنغام : هههههههه لادكولين صيحين إله عمو ؟

شاهنيزان : اي عمو

أنغام : أي ولله لايكلة عمو - نتصل علي نشوفة وين ؟

شاهنيزان : بكيفج

أنغام : أتصلت علي مرتين ما جاوب المرة الثالثة فصلة

ببتسامة خفيفة ، يمكن عندة شي لهذا مجاي يجاوب

شاهنيزان : خطية عمو شوكت أشوفو إذا دائماً شغل

أنغام : اتعودنة أشهر ما نشوفة شنسوي الحمد لله على كل حال

شاهنيزان : أني آسفة مو قصدي أدخل بس ليش كلكم هنا لابسين أسود

أنغام : شكلهة مصيبة تجر مصيبة سكتت ما جاوبت ،

جوعانة ؟ ننزل جوا نتمشى بلحديقة ؟

شاهنيزان : بأرتباك - اذا وياج عادي

أنغام : لزمتهة من أيدها ونزلنة للحديقة الساعة بـ٣ تقريباً

شاهنيزان : أنتِ الأخت الوحيدة ألهم

أنغام : لا عندي ابتهاج ومنال مزوجات وماري نفسيتهة تعبانة وعدها دوام فا باقية يم منال

شاهنيزان : ههههه اها عبالي المدللةة انتِ

أنغام : شوفي باختصار كلنة مدللات خواني كلهم گلب على گلب وأهم شي عدهم قانون الاحترام

هذا الباب مال غرفهم ما ينفتح اذا مايندك هذا أبسط شي

شاهنيزان : ولله شي حلو كنت عبالي ماكو بشر ما يسب

أنغام : هههههههه لالا هنا ستوب محترمين أي بس مال مايسبون

لا الشاب العراقي مايعيش اذا ما يسب

باهر زين مو كلش بس عندج أخوي ٱلحسن مصخمهة فد مرة وعندج مصعب همين

شاهنيزان : اجة عمو !

أنغام : درت وجهي باهر اجة بس سواد ملابسة عبارة عن تراب ،

باهررر ليش ماترد شصاير وين جنت

باهر : ما صاير شي چنت بنجف

شلونجن

_ الحمد لله

باهر : شلون صرتي عمو

شاهنيزان : زينة بس انتَ تعبان

أنغام : عمري تسبح علما اسويلك چاي ؟

باهر : لا أريد أسبح ونام

أنغام : براحتك

شاهنيزان : عمو بدة يقلقني

أنغام : بنص إنهياري ودمعتي بعيني من سمعت اليقلقني خربت من ضحك ، هههههههههههه

شاهنيزان : ؟ ضحكين علية

أنغام : لا على اليقلق هههههههههههه

"""""""""""""""""""""""""""""

صباحاً

زُها : البنات نايمات أكذب اذا كلت كدرت اغفى خلصت اليل كلة ابجي ومكابلة شمسين وين مصيرهة

مسج... : كاعدة أنا بلباب

زُها : وصلتني رسالة من فهد فتحت باب الصالة ورحت فتحت الباب إلى

اتفضل

فهد : خو ما نايمة ؟

زُها : لا - دخل كعد بصالة وكعدت مقابيلة لأن حسيت عندة كلام

كول

فهد : هاچ !

زُها : شمر بحضني جوازات سفر رفعت راسي مستغربة ،

هذن شنو ؟

فهد : جوازات سفر

زُها : أعرف بس لمنو ؟

فهد : شوفي زُها راح أكون وياج صريح هذا العرض الج ذني الجوازات سويتهن الج

وأنتِ قرري بكيفج فرصة الج تبنين حياتج برة العراق

مدام أنتِ هنا ما أعتقد راح ترتاحين

خاصة إذا باهر عرف عندة بنية وطبعاً تعرفين هل شي مو صعب علي فراح ياخذ بنتج منج

زُها : شنوووو ياخذ بنتيي فهد اوزن كلاممككك بنتي إلي حتى إذا يعرف القانون إلي

فهد : شسااالفة شبيججج خلي بالج ترة باهر ضابط افهمي ضابطط

لو مو قانون لو مو دولة اذا يريد ياخذ بنتة ياخذهة

زُها : حسيت عقلي وكف أصيح علي بدون وعي ،

لا انتَ ولا أمثالكم لاعبالككك ضابط يكدر ياخذ بنتيي منييي

فهد : تمام تمام كافي محد ياخذ بنتج ضربتلج مثل

وأنتِ فكري زين وهاي جوازات لأن هنا كلهة تعرفج وباهر ما يعوفج

ولا أي احد من أهلة - تقبلين سافرين أنتِ وبنتج وكلشي مئـمن الج وخواتج بعدين

يجـن وراج

زُها : بدون رد بقيت ساكتة -

فهد : أنا رايح اذا صفيتي رايج اتصلي علية

زُها : ما جاوبت طلعت ورا ركعت الباب ودخلت أفكر

شلون باهر عرف مكاني ؟ ! شلون اذا صدك أخذ بنتي

بقيت أنبت اظافري بأدية وخايفة

فكري زها فكري تعيشين حياة بدونة وبلغربة لو تبقين هنا وتحاربين -

حوراء : كعدت أروح للحمام مشيت بخطوات على كيف ما أعرف زها كاعدة بس انصدمت كاعدة بلصالة وتبچي بجزع

- زهاااا شبيجج

زُها : استجمعت قوتي وحچيت ،

خايفة خايفة لا باهر يعرف عندة بنية وياخذهة منيي

حوراء : مستحيل مستحيل ما إلى أي حق ولا تخافين مستحيل يكدر يعرف لو يوصللنة

زُها : هففف ولله نايمة أنتِ البارحة لكاني

حوراء : فتحت عيوني على وسعهـن ، شنوووو لكاچ ؟؟

زُها : كعدي البنات حتى احاچيچن

حوراء : تمام أن شاء الله صباح خير هذا ولو الخير منين يجي

من ولد فردوس. الكح**

زُها : كافييييييي أكلي تببببنننن

حوراء : شبيججج حجيت شي غلط أكو راحة منهم لا

زُها : راح طلعيني من طوري روحيييي كعدي المصخمات

كعدن البنات كتلهن يغسلـن وجهـن ويجن بدون لا ريوگ ولا مقدمات حتى احجي وياهـن

طيبة : بنعاس ، كولي غردي

زُها : أريد مو بس اسمعـني لا افهمن كولشي احنى هنا منو النة من الناس ؟ أو بالأحرى منو من الأقارب عدنة ؟ !

_ محد ؟

حوراء : ولا گوا** محد خاصة عمامي چلاب

آسل : لا عاب حلگج

زُها : غميت وجهي بقلة صبر ، هفففف شوفن

عمامي بزمن الخير محد وكف علينة مو نوب هسة وحتىى اذا رادو يوكفون علينة هسة مستحيل نقبل

حوراء : عمت عينهممم اذا نقبل

زُها : خللللل امسلتتتت لاتقاطعينيييي شجاج شاربة اليوم

آسل : لا حلمانة بحسن

زُها : أستغفر الله العظيم - شوفن من الأخير ما النة أحد هنآ

فقط اصدقاء الطفولة وأصدقاء إلي نحبهم إلي عفناهم بلبصرة بس هذا شي مو يعني نوكف حياتنة عليهم

طيبة : الزبدة ؟

زُها : الزبدة هيا مدام عندي بنية اني مراح أكدر أعيش براحة بال هنآ راح الخوف يبقى بگلبي مدام أعرف باهر أبوها

طيبة : عود قصدج خايفة باهر ياخذ شمسين ؟

زُها : اي ثاني شي أفضل بعد نأسس حياتنة برة العراق حتى نرتاح كلجن ب..

طيبة : قاطعت كلامهه ! شنووووو نأسس ؟

زها صدك تحجين شلووون نعيش حياة غير حياتنة

زُها : عفيييية اريد حياة غير حياتنة هاي ليش مرتاحة بهاي الحياة ؟

حوراء : ولله تفكيرج عين العقل بس شلون صعبة نطلع جوازات سفر ونسكن برة العراق

زُها : رفعت جواز ، هذا جوازي جاهز وقررت أطلع فهد طلعلي جواز سفر وراح اطلع بس ما أعرف ليا دولة وهوة يئـمن كلشي

استقر هناك بنفس الوقت يجهز جوازات الجـن طلعن وراي

آسل : أني موافقة

زُها : من درت وجهي لحوراء علامة الرضى بوجهة بس طيبة لا

ها حبيبتي ؟

طيبة : بكيفج شتردين يصير

زُها : لزمت أيدها بحنية ، حبيبتي مو بكيفي لا

أني أريد أسوي الشي اليخلينة نرتاح طول عمرنة أريد نأسس حياة

وها شرط كولنة نشتغل هناك ههههه لا عبالجن راحة لا أريد انشيل انفسنة وكل فلس يدفعة فهد ما خلي فضل علينة لا كلشي يرجع إلى بعدين

مستحيل أخلي أحد يلزم شي على كرامتنة

طيبة : تمام عمري

زُها : هاي هيا بس بهل وقت أريد تنتبهن لنفسجن فدوة هسة راح اخابر فهد يشوفلي حجز

طيبة :بس الله اليستر من هل فهد

حوراء : ههههههههه ولله عبالي بس أني خايفة منَ طلعتي أنتِ هم هههههههه

زُها : بستغراب ، ليش خوف ؟ شبي

طيبة : شمدريني همة الزلم شتعرفين منهم عبارة عن سرسرة

زُها : اشرتلهة بصبعي بفخر ، عفيييية هدف صحيح خلي هل قاعدة ابالج الزلم عبارة عن سرسرة

آسل : ولله مشتاقة لمرام شلون نروح بدون منشوفهة

زُها : رحت للغرفة خابرت فهد فصلة وهوا دگ

فهد : أمري -

زُها : شوكت تحجزلي طيارة ؟

فهد : شمرت جكارة بفرح ، قبلتي سافرين ؟

زُها : نعم وطبعاً الشرط كلشي سوي يرجعلك بعدين من مصاريف

فهد : ولا يهمج - أن شاء الله هسة أشوف الطيران لألمانيا بيش ساعه وذا ماكو حجز أشوف على غير يوم

زُها : تمام - بس شمعنى ألمانيا ؟

فهد : چان خليتج تعيشين بتركيا بس دولة عنصرية واعرفهم زين مو صالحة للعيش من ناحية العراقيين

فا ألمانيا افضل حتى تعيشون بيهة

زُها : تمام معة السلامة

حوراء : بصياح ، زهااا لحكييي

زُها : ركضت وگلبي واكع عبالي شمسين وكعت منهن

شكوووو

طيبة : ليششش مسجلة شمسين الأب فهد

زُها : شنوووووو ! ؟ شو انطيني

حوراء : بس صدك شلون أكيد لازم يسجل اب شيسجل باهر مثلاً

زُها : انلصمي حتلو مو مقبولة منَ يسجل اسمة

طيبة : جنج دويتي نار ؟

زُها : مو بس هيج احسس راح تطلعلي شخصية وحشية

"""""""""""""""""""""

مرام : جاي أسوي غدة ومنتظر يسبح سمعت صوت رسالة من الماسنجر اجت غلست رن مرة ثانية غلست رن ثالث مرة

مشيت باوعة للحمام صوت المي عالي بعدة يسبح رحت فتحت جهازة أشوف الرسالة

لأن چان گلبي يلعب

__ : براحتك شوكت ماتفرغ اتصل عمري

بقيتتت مصدومة منوو هاي شمرت السچينة من أيدي ورجعت جهازة طفيت نار ورحت كعدت على تلفون

لحد ما طلع من الحمام...

منتظر : حبيبي وين الشسوار

مرام : عدم الرد

منتظر : مراييييم مو جاي احجي وياج

مرام : مارديت بقيت أتصفح بلفيس ورافعة حاجبي

بقى يحجي مارديت إلى أن لزمني من شعري

منتظر : شبيججج مطنگرةة محروگة خبزتچ.

مرام : وخررر ما اسمحلك تمد إيدك علية چل..

منتظر : قاطعت كلامهه قبل لا تكمل عصرت فگهة بحرگة ،

حسسسچ ترديننن تتجاوزيننن مووو

مرام : اييي أضرب بعد أضرب

ماحسيت إلى انصطرت على خدي بحرورة

منتظر : بغضب ، عباااالجججج ما اسويهةةةة

مرام : تضربني ؟ منتظر صدك سويتهة ؟

ركضت للغرفة قفلت الباب بقيت ابچي وهوى ما صدر منَ أي صوت

احترگ گلبي كلشش مو أني الانضرب أتصلت على حسن بساع وابچي بصوت عالي

حسن صحة : ها خوية

مرام : حسن الحكنييي تعااال أخذني

حسن صحة : يااااساااتررر شبيججج تبجين طركاعة

مرام : منتظررررر ضربنييي أكلك تعااال أخذني لا احرگ نفسييي

حسن صحة : أكلي خ*** تنتحر هيا ام حلگ ضلي يمچانچ جاي أنا خل أشوف طركاعتكم

مرام : بساع

فتحت الباب ماهو بصالة ولا بلمطبخ ولله تحلم أبقى وياك واسكت وانتَ تخوني وانتَ تضربني

بسيطة منتظر أعلمك الأمهات شجيببب

بقيت الوچچ بمكاني لحد ما اجة حسن ومنتظر دخلو سوة

حسن صحة : اجيت يمها مسحت دموعها ،

شبيج ليش ضربج ؟

منتظر : يلة كليلة كليلة ليش ضربني

مرام : إذا صدككك عندكك غيرة ما تخليني هنآ ترضاها يضربنييي أني اختككك

ترضاها يخونييي

منتظر : هوب هوب شنوووو اخونج

حسن صحة : شفتي بعينج ؟

مرام : لا بحاجبي أكيد بعيني شبيك حسن خل يفتح جهازة شوف هاي البر*** الله يعلم منين

تحجي ويا ومتواعدين يتصلون

منتظر : حسسسن سكتتت اختك لا يصير الحجي مو خوششش

حسن صحة : لبسي وتعالي وراي منتظرج بلباب

وانتَ بعدين تجي ونتفاهم وياك

"""""""""""""""""""""""""

فهد : بقيت اراجع قراراتي بس مستحيل أحد يعرف إلي يدور براسي ،

دكيت الباب طلعت زها

زُها : تكدر ما تدخل للبيت جاي نغسل

فهد : تمام - حجزت ساعة بـ٣ طلعون

زُها : حسيت برهبة ، صدك ؟ بس كلشي ما لحگت أسوي

فهد : أي شي ما سوين اوصلج للمطار لحد ما طير الطيارة خط ألماني يكون عندج

هناك أول ما توصلين بنية عراقية مقيمة هناك إسمهة دُنيا هيا دزيتلهة صورتج وعُرفتج راح تكون بانتظارج

أي شي مراح تحتاجين حتى من ناحية اللغة هيا كلشي تعرف وللأمانة البنية مهذبة وروحها حلوا

من هل ناحية ائمني

زُها : خواتي ؟

فهد : من هل ناحية هم راح بوقت قصير أن شاء الله يطلعن وراج

زُها : شكراً

فهد : بـ٢ بليل نطلع للمطار أخذي فقط الأشياء إلي تحسيهة مهمة وخلي جهازج شغال حتى أتصل

زُها : أن شاء الله ،

راح دخلت باوعت للبنات سولفتلهن كلشي

رحت جهزت بجنطة فقط أشياء لشمسين والبوم صور

وكتاب مفاتيح الجنان وتربة ما كدرت أنام لحد ما اجة اليل أني مكابلة البنات لأن حرفياً ما عدنة شي نخسرة بعد

أكثر من إلي خسرنا فا هاي المرحلة الأولى إلي بديت أجازف بيها ولدول الغرب

آسل : شكددد راح أشتاق لسموسه

زُها : ياااا لاتبجيننن فترة قصيرة وتجن

طيبة : اي يروحي وان شاء الله بهل وقت هم نبقى على تواصل احنى بنات منو ؟

__ بناااات جميلة الطاهرة ام گلب الأبيض

زُها : والعاشت والماتت وهيا مرفوعة راس وكرامة

حوراء : أوي فدوة أحس بلفخر وعلي

زُها : أبتسمت الهن وگلبي مليان بلأمل الله يعوض عن كل تعب فرح

يلة بنياتي ودعن شموس علما أرتب حجابي

- لبست زي رسمي أسود لأن مانكدر أبد نترگ الأسود

وخذيت فقط جنطة وحدة علمود شموسة تقربت للمراية باوعت للنمش جيت اكسر المراية بس استهديت برحمان

حوراء : زها الباااب يندگ...

يتبع...

لاتنسون التصويت ورداتي