تحميل رواية «نصف شهر عسل» PDF

أجيتك جيه الخطار

اجيتك نار !!

اجيتك نهر

عشر اسنين ماضاكن اجروفه الماي

اجيتك شايل اجروحي العتيجه وياي

وانت دواي

غزل الحجامية ..

غزل لبست فستان احمر والمكياج خفيف والحمره حمره واني بياضي زين صح تعبانه بس كلش حلوة طلعت وبطني البارزة شويه

وي الكسرات الي بالفستان صارت تجنن ورجليناتي والحجل صرت حلوة طلعت حتى ارتب الاستقبال وجنت مخليه عبايه ور باب خالتي

اول مطلعت شفت سعد بوجهي كمزت كبل هو بقه يباوعلي فصل جسمي اني كبل سديت الباب وجريت العبايه

خالتي اسم الله يمه شنو هذا الصوت

ريحانه لا خاله ماكو شي بس سمعت صوت يمكن اجه احد خجلت وسديت الباب

الحجيه دشوفي منو يمه يجوز وحده من النسوان

لبست العبايه وفتحت الباب 

ريحانه اهلا ابو محمد نورت

ريحانه خاله اجه رجل اطياف

سعد السلام وعليكم

يحجي فهاوة ويباوعلي اني لفيت نفسي عدل بالعابيه وطلعت وهو طب للغرفه رحت للاستقبال ارتبها

شكد حيوان وحقير نضراته مالت حيوانات وبكل عين صلفه جاي هنا شعنده شيريد

وانوب اشلون يباوع غسل

رحت للمطبخ سويت عصير ورحت شفته يحجي وي الحجيه

سعد حجيه احنه اهل وهيج سوالف ماتخربنه ان شاء الله

الحجيه لا يمه مانتخارب وانته اختك وتعرفها بعد محجة اكلك اني

سعد اي حجيه صار معلوم

خليت العصير كدامه بقه يباوعلي ولزم ايدي خليت الصينيه بالكاع قويه وخزرته شال العصير وغمزلي

رحت كعدت يم الحجيه وبقيت احجي وياها هو كام

سعد يله عمه اني اروح محتاجين شي

الحجيه لا يمه سلامتك

طلع واني بقيت يم الحجيه شويه بعدين ذبيت العبايه وطلعت للمطبخ لانو منير البارحه كال الاكل كله راح يصير يم بيت جيرانه بس يجيبون نصه للمطبخ للنسوان حتى ماتصير هوسه

هستوني طلعت من الغرفه وارتب بشعري ومنزله راسي اسوي بالفستان وايد جرتني من ايدي قوي وطببتني للمطبخ

درت وجهي وخايفه

ريحانه هاي شكووو

اطياف اسمعي لج سوالفج متمشي عليه ديري بالج مني

ريحانه شهل حجي هذا شكو شصاير

اطياف شيلي عينج عن رجلي لا ومحمد افضحج فضيحه كدام خلك الله كلهم

ريحانه انتي شجاي تحجين انتي منتبه لحجيج

اطياف اي منتبه ومنتبه كلش زين لحركات لا عبالج نايمه ورجليه بالشمس لا حبي عيوني عليج وعلى سوالفج

ريحانه لا انتي تخبلتي رسمي امشي اطلعي بسرعه من بيتي

لزمتني من ايدي وخزرتني

اطياف اسمعي هذا هسه بيتج بس بعد ساعه ساعتين مايصير بيتج واذا منير انثول ومايطلكج اني الي راح افضحج واخلي يدفنج مو يطلكج

ريحانه اهاا انتي هذا الي رايدته اوك زين اني شنو ذنبي بهل سوالف رجلج يفتر ورايه واذا دكولين مخليه عينج عليه اكيد لاحضتي نضرات رجلج اليه صح

اطياف اكلي نعل لج لا تحجين عليه انتي الي ساقطه وادورين زلم تريدين تاخذين ثارج مني حاقدة عليه وتريدين تاخذين رجلي مني

ريحانه والله حبيبتي ممخليه هاي الفكرة ابالي لانو اني احب الصعب ماحب الرخيص ورجلج مطلط بي فرصه تجي كدامه يحاول يتقربلي واني انزعج من هل شي بس اذا تحبين اخذه منج

كم يوم ترتاحين منه عادي هسه بس امد راسي من الباب اخلي يجييني

اطياف تحلمين سعد اليه اليه وبس الي قبلج ماخذنه وانتي همين ماتاخذينه

لزمتها من ايدها قوي

ريحانه لعد اسمعي واعرفيني زين لحد هسه ساكته اني على سوالفكم بس اذا احجي افضحكم كلكم خلي رجلج بحضنج ليش اشوفج حركات واخلي كدامكم

ياخذني ويطلع ديري بالج مني وهل حجي ماريدة يتكرر فهمتيني يا مرت سعد

بقت تباوعلي وخرت ايدي منها وطلعت اول مطلعت اتنفست قوي

يمه عزة اشلون اجتني الجرءة هيج احجي سعد شنو فد نعال بس مجان لازم هيج احجي

لا شنو ملازم هيه حيوانه وحقيرة اشلون تحجي هيج حجي وياي هو اني هيه ماطيقها انوب رجلها اهمداكم اثنينكم

بقيت بالمطبخ وافكر بيها باطياف اطياف ابدايه زواجي مجانت هيج يعني اذكرها بحنتي اشلون اعتذرت مني وبدايه زواجي اشلون تنصحني

ليش هسه اتغيرت  يمكن صدك عبالها مخليه عيوني على رجلها وهله سبب ضايجه مني ديله هيه بقت على اطياف الدنيا كلها ضايجه مني

بلحضتها اذكرت اسد علي صدك لو جان اسد علي هنا مراح يخليني هيج يصير بيه معقوله اسد علي هم هيج يعذبني مستحيل

هو حتى الحبوب الي نطاهن اليه مو حبوب مخدره كامله على رئي سعد من كال انو الحبوب الي نطاهن اليه اسد علي

بكل صيدليه ممكن نلكاهن يعني هو حتى بهاي مجان يقبل يعذبني

بديت اتذكر اشلون جان يضوجني واشلون يراضيني بصورة مو مباشرة بس مبين عليه

اشلون من نكعد على الاكل يداهر بيه بس حتى اتعصب واشمر خاشوكتي (الملعقه) وياخذها وهو يضحك بدون ماينتبه احد

حتى اني ماجنت انتبه لخباله ومن جنت اسوي شي يبين الثول مالتي بي ويكلي انتي فاهيه احله فاهيه بالدنيا

كل ذني السوالف ادل ع انو اني صدك ثوله يعني بوقتها ليش جنت اضوج من هيج سوالف ليش جنت اضوج من اسد علي من جان هيج يسويلي

يمكن جنت ثوله وفاهيه صدك على رئيه  واني افكر باسد علي كمزت

ايد نخلت على جتفي

درت وجهي بسرعه شفته منير لابس قاط بيجي ومزين وساعه بيدة ومبتسم

باوعلي من شعري ونزل جوة بقه يباوع لجسمي وللفستان ومبتسم رفعه وجه وباوعلي

منير صافنه اليوم شبيج

ريحانه عرفته يريد يستفزني

ريحانه اممم اي صافنه بمكياجي حلو لو لا اريد اخذ رئي وحده من البنات اشوكت يجن

منير محاجه تاخذين رئيهن حلو مكياجج

ريحانه بس جاي احس الحمرة مصايرة وي فستاني

منير بلعكس كلش حلوة .. يحجي ويباوع على شفايفي

ابتسمت بداخلي الزلم صدك خطيه يعني حتى لو يكرهونها للبنيه ويحقدون عليها بس يم غريزتهم ينسون كلشي

ابتسمت وعفته وطبيت لغرفت خالتي

ريحانه خاله منير اجه

طب هو ورايه

منير ها حجيه اشلونج

الحجيه شلوني يمه شلوني

منير يمه اليوم عرس ابنج افرحي بي وانسي الكل وهو يوم ويعدي

الحجيه غلطه يوم بس راح ادفعك العمر كله يايمه وكول امي كالت

منير لا ان شاء الله ميثير شي عماتي ترة راح يجن هسه شويه ونروح نجيب زهرة من الصالون وهنه مارضن يجن لانو انتي مريضه

الحجيه بيهن الخير يمه

منير يله يمه رايده شي

الحجيه لا يمه سلامتك

باوعلي وطلع اني كعدت يم الحجيه

ريحانه اكلج خاله غرفه العروس جاهزة لو لا

الحجيه اي يمه من البارحه حضرتها اطياف الها

ريحانه اي زين

بقيت كاعده شويه يم الحجيه بعدين فضولي كتلني اريد اشوف غرفتها اشلون رتبوها الها هيه صح غرفتي نفسيتها بس ردت اشوف شسوو الها

كلت للحجيه رايحه للمطبخ

وطلعت من الغرفه باوعت باب الشارع مفتوح مهتميت صعدت الدرج ورحت للغرفه الباب مسدود بس العطر كلش حلو

فتحت الباب بقيت اباوع الغرفه اشلون حلوة مغيرين ديكورها والاضويه سادينها بس اضويه الوان هادئه بالغرفه ورد على الجربايه

والقران على الميز نفسيتها فرشتي مالت العرس والشموع على الميز ممفتوحه الكاع اغلبيتها ورد ابتسمت

على نياتكم ترزقون يمكن صدك زهرة قسمه منير

طلعت وسديت الباب ورايه بطني صار بيها حركه الي ابطني اتحرك

درت وجهي بدون ماحس على نفسي لزمت الدرج ....

صح الوقت متاخر بس هسه خابرتني ريحانه ونطتني هذا الحجي وراحت باجر الصبح تخابرني وانشر بارت اوك انتضروني اصبح موووح

بنات والنبي جاي العب ببجي واجاني شعار انو دزت رساله ريحانه .. باقين اخر ثنين ونثولت ومتت 😂😂😂

طلعت من الببجي تيمي اله شويه يطلعون من الفون ويكتولني

ورحتلها حجت شويه وكالت ماكدر اطول اروح هسه وباجر الصبح اخابرج واكملج

هيه اكثر من مره كالت اختميها بطريقتج بس اني ماريد هل شي اني اريد مثل مبديتها حقيقه اختمها حقيقه صح جاي اضيف

احداث بس اريد النهايه حقيقيه ماريد اضلم احد بالقصه

انتضروني الصبح مثل مكالت ريحانه وادري تعبتكم بهاي القصه بس ادري بيكم حبابين وتتحملوني شعندي غيركم موووح

تحياتي غزل الحجامية

الصبح چذبه اذا ما جابلي رسومك

يرد جم حيل بيه الجابلي علومك

الدمع ميكف اذا مو بيك

احلفنه..

چم موسم جزه

وچفي بقى متانيك

ترسم بي.. اثر حنه

عطرك رازقي لا هيل

خل ينرش..

يصوغه بكل وقت محلاها

من تنطش..

چف ايدك بعيد

الغيم منه أقرب

مكانك ذاك كلما اروحله

مترب..

غزل الحجامية..

ريحانه بقيت اباوع على الغرفه كلت يمكن صدك زهرة قسمة لمنير الله يتمم عليهم بالخير سديت الباب بطني تحركت حسيت الي ابطني تحرك

كلبي حسيته يريد يطير من احس بحركته احس روحي تروح مني

لزمت الدرج وبقيت اباوع درت وجهي على الدرج شفت منير واكف ومجتف ايده على الدرج

توترت هسه اني شصعدني لو مصاعده مو احسن بعدين كلت يله عادي هيه اصلا غرفتي جانت واذا صعدت رجعت شعري ليورة ولزمت بطني ونزلت

منير شسوين هنا

ريحانه ماسوي شي

منير مبين كلش شجنت تسوين هنا

ريحانه كتلك ماسوي شي بس صعدت اشوف ذهبي وبعدين نسيت انو اني اصلا نزلته وياي

منير اها تشوفين ذهبج زين شفتي غرفتي

ريحانه ترة هيه لحد هسه غرفتي اشلون مشايفتها

منير لا قصدي ورة التعديلات

ربحانه اي مبروك يارب

منير شفتيها يعني يكولون فال مو حلو اذا هيح اشلون تشوفين غرفه عروس بيوم عرسها وانتي مرت رجلها الاوله

ريحانه شهل خرافات انوب منو كلك

منير والله كلشي يصير واليوم اول يوم ننحمع بي اني ومريتي ماريد شي يضيع مزاجنه

باوعتله وهزيت ايدي وردت انزل

لزمني من زندي باوعتله عيونه حمر يريد يتعارك مبين

ريحانه اترك ايدي منير

منير ليش مثلا راح اكلج

ريحانه مو قصه تاكلني بس عوف ايدي جاي تاذيني

منير اي عادي قابل هيه اول مره ع رئيج دائما اذيج اني

ريحانه اوك عوفني

جرني من ايدي ودخلني للغرفه واني ادفع بي شمرني ع الجربايه فجاءة

لزمت بطني لانو اتاذيت

اجه ونام نص نومه يمي وبقه يباوعلي

منير شفتي الغرفه عدل مو ترة هواي تغيرت وين جانت وين صارت هسه احس بيها روح صارت

ريحانه اي الله يهنيك

بقه يباوعلي معجبه الحجي

منير عود انتي ليش باردة يعني مامهتمه معقوله هذا الوجه ذبي

ريحانه ليش شبي وجهي حتى اذبه

منير تعرفين شبي

خله ايده ع خدي وصار يحجي

منير يعني مضايجه لانو راح تجي وحده ثانيه فد ساعه ساعتين وتشاكرني بيج وممكن ادللها اكثر منج

من حجه هيج وخرت ايده وكمت

ريحانه هههههه شنو اتشاركني بيك انته مو مالتي حتى تجي وحده تشاركك بيه

منير باعي صار ست الاف مرة تعيدين هذا الحجي واني ساكت حتى لو جانت علاقتنه مو طبيعيه بس ابقه اني رجلج

ريحانه منير لا تضحك على نفسك انته اتزوجتني حتى تنتقم مني كو لشي ثاني والكل يعرف هل شي وانته تعرف فلا اطلع افلام جديده

منير احترمي نفسج واعرف اشلون تحجين وي رجلج

ريحانه وانته شوكت صرت رجلي من تزوجنه لحد هسه كايله محتاجه شي كايلي رايده شي شيوجعج حامل وراح اجيب وماتدرري بيه بيا شهر اني

مكاتلي خلي اخذج للدكتور يفحصج كلشي ماكو صح لو غلط لو رجلي بس بالاسم هيج رجل ترة مينراد ومحد تتحملك

اول محجيت هيج ضربني راشدي فقدت توزاني وكعت ع الميز مالت الجربايه ع بطني شاغت روحي حسيت نفسي نكطع

هو مانتبهلي لزمني من شعري

منير هذا حتى مره ثانيه تعرفين تحجين عدل

مابيه احجي اصلا حسيت دم نزل مني لزمت ايده لمنير هو باوعلي حس اكو شي

ريحانه ابني منير

منير شكووو شبيج اني وين وانتي وين

ريحانه منير بطني بطني

باوعلي شاف الدم نصدم بقيت لازمه ايده واحس نفسي نكطع بقه هو يباوعلي مصدوم

منير هاي شنوو شكوو شكو شصار

ريحانه ابني منير ابننني

منير شسوي شسوي

ريحانه صيح اطياف صيححح اطياف

احجي والنفس صدك نكطع مني متت احس بطني تريد تنفجر وثكيله صارت

خابر ع اطياف وهو مرتبك واني بعدني لازمته من ايده

منير الوو اطياف ..اي اني بالبيت ..اهووو ..عوفي هاي السالفه تعاي تعاي بسرعه.. ريحانه تنزف.. لج لج لا ياتتعيقل تعاي دم تنزف.. لا مو من كيفها اني ..ضربتها تعاي بسرعه اي اي يله بسرعه.

اطياف لا تخليني اكفر تعاي وعوفي كلشي بسرعه

سد التليفون وبقه يباوعلي نزفت دم هوواي بلحضه شالني واخذني ونزلني فستاني واني

وشعري الجبه مالتي ع الدرج جانت كعدن واني لازمه بطني لبسنياها وذب الشال عليه وشالني فتح باب الشارع اطياف بوجهنه صارت

منير بسرعه بسرعه دم هواي تنزف

اطياف اي واذا اي حامل هيج يصير بيها عادي وين ماخذها

منير اصعدي واسكتي خلاني بالسيارة اليورة وصعد وهيه صعدت ومعاجبها الوضع كل هاي الاحداث صارت حسيتها بثانيتين لانو الوجع موتني احس الوقت يريد يموتني

اطياف هسه هاي هم شغله الناس منتضرينه بالبيت واحنه مدري وين رايحين

منير ايطاف راح الصمج على حلكج ابني ابطنها ترة ابني

اطياف اي ابنك شنسوي يعني اي حامل هيج يصير بيها هسه انته وين راح تاخذها

منير للدكتورة غير

اطياف يادكتورة منهن

منير نفس الدكتورة مالتها

وصدك اخذني للدكتورة وشكله خايف بس طبعا مخايف عليه لا خايف على ابنه الي ابطني

هنا استحقرت روحي معقوله هيج معقوله حياتي لهل درجه رخيصه عنده ابد مفكر بيه وهاي اخته لهل درجه حقيرة

بس صدك هيه الي تاخذ فلوس حتى تكعد وي امها شنو تسويلي اليه

وصلنه للدكتورة نزلني مسيت على رجلي بس احس روحي ميته دموعي تنزل عشرة عشرة طببني من شافني النسوان هيج كالن طببوها هيه بالبدايه

وصدك طببتني الدكتورة كالت لازم افحصج فحصتني واني احس روحي شاغت اخاف بس ماكدر احجي واطياف واكفه على راسي

متت موت والفحص يخوف ميبقي مي بالحلك متت

فحصتني الدكتور ونضفتني

كاات كوميها

كومتني نزلت ملابسي ورحت ساعتدني اطياف كعدتني على الكرسي

منير ها دكتورة بشري شصار

الدكتورة مضروبه ضربه قويه ع بطنها نبض الطفل كلش ضعيف لازمها راحه وهيه بدايه شهور الحمل لازم ترتاح متتحرك هواي الدرج ممنوع عليها واي علاقه حميمه ممنوعه

ريحانه دكتورة الطفل يعيش

الدكتورة اعتقد بنيه هيه صح

ريحانه مادري دكتورة ممسويه فحص

الدكتورة مبين بالسونار كلش بس بنيه ع الاغلب ماما انتبهي ع نفسج وفحص كل سبوع لازم مايصير تهملين نفسج راح انطيج مثبتتات ومقويات بس ملازم تتحركين هواي ديري بالج ع الي ابطنج

ريحانه ان شاء الله دكتورة

كتبت الادويه وشكلها حبابه الدكتورة تبتسم وتنصح اهواي كالت النزيف يبقه هل كم يوم

طلعنه اني ومنير واطياف ورانه بقيت امشي اني مخليت احد يلزمني لو يسندني ماريد منيتهم اوف هو بهيج وضع البنيه منو الها

غير امها اووف يايمه احس الدنيا متعبتني وينج مني رحت وعفتيني لا اخت ولا اخ اسند نفسي بي

بقيت اباوع عليهم يحجون بس اني مامنتبه الهم

اطياف شوف انوب تتكلب علينه تمشي وحدها هسه الي يشوفنه شيكول ممهتمين بيها بس الحجي من وراها وانته ساكات ابقه ابقه هيج

منير اطياف كافي مناقصج

اطياف اي مناقصني هسه شنكول للخطار والله عيني ست الحسن بطنها توجعها وركضنه بيها

منير البنيه حامل ترة

اطياف دسكت اسكت كلنه حبلنه اشو مصار شي جبناها تبجي وهسه تمشي وحدهاولا كانو اكو شي بيها شوفها شوفها

بقيت امشي واكول حسبي الله ونعم الوكيل عليكم اني هم ثوله متحملتكم وين اكو وحده تتحمل هيج عيشه

خرب حضي اذا صدك وين اسد علي اطلع خلصني من هل ضيم

ميته من دونك والله اشوكت تطلع وتخلصني

بدون ماحس دمعتي نزلت ع عيوني هنا صدك حسيت نفسي نكسرت وكفت ومسحت دموعي

جرني منير من ايدي مسمعت اطياف شنو كالتله وكعدني بالسيارة

منير فضينه ورانه زفه يله

صعدت اطياف ورجعنه واطياف تباوع بشماته وصلنه بسرعه نزلت اني وطبيت شفت الباب مفتوح

منير طب وواني طبيت ورا شفت عماته

كلنه كلله خير شصاير وين مريتك شفنه دم بالكاع شصاير

منير لا سلامات ماكو شي بس نزيف صار عدها ولازمها راحه

عمته يمه فدوة الله لو شايفينها قبل مايصير بيها النزيف جان كلنه عيونه حسدتها

ريحانه تسلمين خاله من ذوقج البيت بيتجن بس اشوف خالتي وابدل

طبيت لخالتي

ريحانه ها خاله

الحجيه يمه شبيج كالن اكو دم شكوو خيرج كلبي هبط عليج

ريحانه لا خاله ماكو شي بس نزيف بسيط ومنير اخذني للمشفى

الحجيه سلامات يمه سلامات تعاي نامي يمي ارتاحي ولا دكومين اليوم اني كلت لعماته ميخلن احد يدخل هنا

ريحانه لا خاله مبيه شي لا تخافين عليه ابدل واجيج

الحجيه اي يمه دير بالج

اخذت فستان بيجي نازك ودخلت للحمام غسلت جسمي وبدلت وطلعت

منير كاعد يم عماته شافني باوعلي ودار وجه

عمته ولك منير من كل عقلك تزوج على هاي دشوفها

منير زهرة شناقصها عمه

عمته عمه دسكت اسكت وجه جنها حمودي ابني مصدك روحك انته

منير المهم احبها عمه

عمته شحبيت منها اندري شبيك انته

ريحانه لعد شوكت تجيب الزفه

منير شويه وانطلع

ريحانه من بيتههم وتجيبها خطيه اخذها فرها بالشارع للمصور شي

عمته يا باع هاي الفطيرة شتحجي

ريحانه ها لا عمه مو ع شي بس خطيه يوم عرسها هذا

منير اي اني هم هيج كلت اخذ السويج وباوعلي

منير مو تخلين الزلم يشوفونج هيج ادري بيج اني

بقيت اباوعله هذا شبي خبل قابل اني ساقطه اخلي الزلم يشوفون جسمي

هزيت ايدي وكعدت يم عماته وخالتي

بقن يسولفن اني كعدت بالكاع يم خالتي دخت شربت مي وخليت راسي على رجل خالتي وهيه تسولف وي عماته بقت تلعب بشعري وتقرة قران وتسمي بسم الله

غمضت عيوني وهديت ع صوتهن شويه وماحس اله الهلاهل ملت البيت فزيت

الحجيه اسم الله اسم الله يمه

ريحانه نمت بدون مادري

الحجيه اي ومن شافنج نمتي طلعن وسدن الباب حتى ماتكعدين

ريحانه اجتي الزفه خاله ماطلعين

الحجيه لا يمه ماطلع اني هذا الزواج منوافقه عليه

ريحانه حاى لو خاله صارت بعد

الحجيه لا يمه ماطلع شعندي

ريحانه بكيفج خاله بقيت كاعده يمها

الحجيه يمه النزيف اشلون صار عندج منير ضربج

ريحانه ها ليش هيج دكولين

الحجيه يعني هو الي ضربج اوف منك يابن بطني اوف منك

ريحانه والله خاله ضربني راشدي وكعت ع الميز مقصدة ياذيني

الحجيه وج يمه انتي فاهيه لو هيج طبيعتج

صدك من حجت ضحكت عليها

ريحانه ليش خاله

الحجيه والله يايمه ماكو منج هواي بعد الله يريح بالج ويرزقج ويكعد حضج يايمه مايخليج تحتاجين احد ويفتح الابواب كدامج

ريحانه الله احله دعوة والنبي ويحفضج النه

الحجيه لا يمه مابقالي شي اني واودع

ريحانه لا اسم الله

الحجيه يمه قبل يومين اتحملتلج بالحجي ضايج كلش

ريحانه ليش

الحجيه والله مادري يايمه بس تلكينه زعلان ع الي جاي يسوونه اطياف ومنير

ريحانه لا خاله يمكن لانو ممسويله ثواب شتكولين نسويله ثواب حتى لو بينه ونقراله الفاتحه

الحجيه ان شاء الله يمه

ريحانه ارتاحي انتي

شفتها تعبانه غطيتها وطفيت الاضويه وفتحت الباب الهوسه قوت سديت الباب كبل عليها حتى تبقه نايمه

كلهن باوعلي اجتي مريم سلمت عليه وتبتسم

مريم عمي شطالعين منو العروس اليوم

ريحانه حبيبتي انتي تسلمين من ذوقج انتي العروس اليوم شنو هل جمال

مريم دسكتي عود لابسات نفس الون وانتي تخبلين

ريحانه لا والنبي تخبلين .. احجي وي مريم واباوع ع اطياف وزهرة يريدن ياكلني اكل درت وجهي منهن وبقيت اباوع ع النسوان وابتسم وهنه يباوعلي ويحجن

رحت للمطبخ لانو جنت مخليه التليفون بالكاونتر خليته بيدي شويه وخابرت شذى

بس مجاوبتها كلت تبقه تحجي وكلشي ماسمع منها

شويه ودزتلي رساله

شذى ريحانه جاوبي بسرعه شغله ضروريه

هنا كلبي وكع بمكانه خفت مدري ليش حسيت اكو شي صاير

رجعت خابرتها اول مديكت جاوبت وتبجي

اني منا نزيف ودايخه كعدت بمكاني

شذى الو ريحانه وياي . وتبجي

ريحانه شذى شكو شصاير ...

...

هنا وخلص البارت اتمنى يعجبكم

وبنات مسويه مسابقه ع العيد بحسابي الانستا بيها هدايه كومه 15 هديه فساتين ومكياج واكسسوارات وصور وملابس اطفال ورجاليه وكتب كومه اسولف بيها

باجر ح انشرها الي تحب تشارك بيها تدخل لحسابي الانستا يمكن تفوز وتاخذ هديتها ع العيد

انستغرامي oz___3

باليـوَّم يوميَن أفگِدك وأنـهّ الأحـٰس متغَير ..

حنيتلِك بس الصـوَّر كُِلش حضّنها صغَير !

غزل الحجامية

..

ريحانه كعدت بمكاني ماكدر اتحرك خفت كلت يمه شصاير خفت ع ابوي وهيه تبجي

شذى الو ريحانه وياي

ريحانه احجي شذى شصاير شكوو ابوي بي شي

شذى لا مابي شي

ريحانه ليش تبجين لعد هبطتيني احجي شصاير

شذى شصاير شصاير حضج المصخم ابجي عليج شناقصج هذا وياخذ عليج هذا هم حضنه

خليت التليفون بحضني وبقيت صافنه عود صدك هبطتني وكعدتني بالمطبخ خايفه وبالاخير هيج دكلي

ريحانه اكلج شذى الله عليج مضروبه براسج وانتي صغيره

شذى لا واني جبيرة والنبي من البارحه ابجي عليج وابوج اليوم كال خابروها بالي يمها يمكن حلمان بمج الله يرحمها بس ميريد يحجي

ريحانه الله يرحمها لا اني تمام مبيه شي

شذى عود صدك تحجين انتي ابد ممقهورة

ريحانه لا والله ابد مقهورة ع نفسي ضيعت نفسي بس ان شاء الله اخلص

شذى امين زين هسه انتي شجاي تسوين

ريحانه مجاي اسوي شي كاعده يمهم

شذى يعني جابو الزفه

ريحانه اي قبل شويه وجنت نايمه وقبل شويه طلعت يمهم

شذى زين منير وين

ريحانه مادري بس العروس واهلها هنا

شذى طبعا جاي يقهرن بيج

ريحانه على شنو وداعتج اني الي اقهرهم

شذى نجبي نجبي تقهرينهم هو انتي شايفه روحج شكد باردة اهمداج

ريحانه اوك باردة يعني شتريديني اسوي المهم امج اشلونها

شذى زينه الحمدالله اكلج العروس حلوة طالعه

ريحانه اي زينه نفس شكلها بس مكثرين مكياج خطيه انوب اسود وبنفسجي صايرة جبيرة عبالك

شذى اي زين منير عجبته

ريحانه يعني شنو عجبته غير مرته

شذى يمعودة قردة والنبي جنها سناء المخبله الي جانت ويانه بالمدرسه

واني احجي وي شذى دخل منير من باب الشارع شافني بالمطبخ واحجي بالمبايل واضحك ع سوالفها طب شافني رفع حاجبه

ريحانه شذى اروح هسه بعدين اخابرج

شذى ميخالف بس ديري بالج على نفسج

ريحانه ماشي حبي يله باي

سديته التليفون هو طب عليه بالمطبخ باوعت من الشباك كلهم يباوعون علينه

منير شجاي تسوين

ريحانه شنو

منير ردي ع السوال

ريحانه شسوي يعني واكفه

منير ويامن تضحكين لعد مو جنتي مريضه

ريحانه يعني اذا مريضه مالازم اضحك

منير نطيني التليفون

ريحانه شبيك منير تخبلت

منير كتلج نطيني التليفون

مد ايده اليه حتى ياخذ التليفون باوعت الهم كلهن يباوعن علينه ومريم مبستمه وزهرة واطياف يخزرن وهنه اصلا ممفتهمات السالفه

نطيته التليفون فتحه شاف شذى باوعلي وخله التليفون بيدي وطلع يمهن ابتسم

وكلهن هلهلن ويباركن اله

خليت التليفون بالكاونتر وطلعت يمهم هو كاعد يمها

ومريم واكفه يمه باوعتلي وابتسمت

مريم شنو خويه لحد هسه تغار ع ريحانه

منير شنو  مافهمتج

مريم يعني لحد هسه تفتش بتليفونها وتغار عليها وتتعصب وماتشوف احد كدامك ياريت رجلي يرجع هيج صاير ميغار عليه

اطياف يمعودة يا يغار شبيج انتي منير يغار ع ريحانه مستحيل

مريم لعد الي شفتي قبل شويه شنو

اطياف تصرف عادي يريد يشوفها وي منو تحجي

مريم حقج اطياف ممجرب سعد يغار عليج فامتعرفين هل سوالف شتكولين عمه

عمتها اي والله حقه يغار عليها كمر الله يحفضها

باوعت مريم اليه ورجعت باوعت لاطياف نضرة هزيمه ابتسمت اني الهن الحمدالله مخابيل ذني

انوب يذبني بنصهن سترك ربي

باوعت لزهرة تباوع لمنير وتباوعلي لانو منير يباوعلي

شغلو اغاني وكامن يركصن وهوسه

وكفت يم غرفه الحجيه اني ومبتسمه واباوع عليهم

اطياف فرحانه وتركص وتباوعلي بقيت واكفه بمكاني متحركت وعماته وبنات عمه يركصن وخوات زهرة هماتين يركصن

بس مريم لازمه ابنها واكفه تباوع مثلي باوعتلي واحتي ذبت ابنها يم عمتها واجتي يمي جرتني

ريحانه وين وين

مريم نركص يعني وين يله يله

ريحانه يمعودة ياركص اني جاي انزف مالت ركص

مريم يمعودة لاتصيرين مدري اشلونج قابل لازك لعلج دركصي اركصي

جرتني وكفتني يمها وتركص ع الخفيف بس تتحرك واني همين

اطياف اول مره اشوف مرة تركص بعرس رجلها

مريم ان شاء الله تجربينها حبي هسه عوفينه نركص

اطياف مريم عرس اخوي ماريد اسويلي مشكله

مريم وسعد هنا هم ماريد اسوي مشكله اني ترة

بقت تباوعلها اطياف وسكتت

ريحانه شنو شبي سعد

مريم يمعودة يولون اثنينهم واحد اخبل من الثاني

ريحانه ليش شصاير

مريم اطياف دكله انته حاط عينك ع وحده واني اعرفها هيه هيج حجت وسعد كام عليها موتها يكللها تريدين تذبين براسي كل يوميه مصيبه وكتلها

ريحانه يا وهيه ليش هيج تحجي

مريم دكول شاكه بي يحجي وي غيري

ريحانه يا

مريم يمعودة هيه هاي خبله تدري طول الوقت هو يحجي وي غيرها بس بالمزاجيات يله تتعارك ويا

ريحانه تغار عليه

مريم ههههههه منو تغار اطياف لا حبي اطياف ماتحبه اصلا بس تحب نفسها دكلج وين اروح وهيه بهل حقارة وي اخوها وامها وعبالها احنه ماندري

ريحانه يا يعني انتو تدرون بيها تاخذ فلوس من منير حتى تكعد يم امه

مريم من زمان بس مغلسين هيه ماعدها احساس

ريحانه يمعودة ماعليه بيهم اني نارهم تاكل حطبهم

مريم معقوله يعني ابد متضوجين لانو هو مزوج عليج

ريحانه اني ماعندي احساس انو راح ابقه وي منير ماعرف ليش عندي احساس انو ح انفصل عنه

مريم الله لا يكولوها يمعودة تطلكين يعني قصدج

ريحانه اي وليش الله لا يكولها

مريم يمعودة انتي تدرين المطلكه شنو سمعتها بمجتمعنه

ريحانه اكلج المجتمع الي يحجي اتحدا اذا ماجان عنده وحده من العائله مالته مطلقه لازم لو عمته لو خالته لو اخته لو امه ماكو عائله حاليا مابيها بنيه مطلقه

مريم حتى لو بس السمعه تبقه

ريحانه يكوون ممرتاحه واطلكت احسن مايكولون معذبه رجلها لو جاي تخون بي واني ماستبعد هذا الحجي من اطياف واخوها

مريم حقج انوب هسه هاي راح تصير وياج بنفس البيت يمه تشردين

ريحانه يمعودة ع شنو اشرد بيتي قبل لا يكون بيتها لا احتك بيها ولا اتقرب منها اصلا

مريم هاي انتي زين وهيه تتوقعين تبقه ساكته

ريحانه مالي دخل بيها يطبها طوب اني كاعده يم خالتي

مريم صدك خالتي اشلون صارت

ريحانه مثل ماهيه والله

مريم خير ان شاء الله

اطياف شنو رئيكم نزف العرسان

عمتهم براحتهم احسنلهم هسه

صدك زفيناهم زهرة تباوعلي بطرف عينه اني اصفك وساكته منير باوعلي وصعد نضرته مالت شماته مغثه معرفت اوصفها بوقتها سكتت وطبيت يم الحجيه بعدها نايمه

اول مطبيت كعدت ع صوت الباب

ريحانه عمت عيني كعدتج

الحجيه لا يمه سالمه عينج شنو زفوهم

ريحانه اي قبل شويه زفوهم اسويلج عشه جوعانه

الحجيه هو يمه بالعرس ممسوين عشه شنو

ريحانه مسوين بس انتي متاكلين منه موزين عليج اني اسويلج عشه

الحجيه براحتج يمه بس مو هسه فد شويه هسه ماشتهي

ريحانه براحتج بقيت الباب مفتوح حتى اذا يريدن يدخلن يسلمن عليج يجن

الحجيه اي يمه زين سويتي

صدك شويه ودخلن عماته لمنير ومريم سلمن ع الحجيه

بس مبقن هواي شويه وراحن اول مطلعن اني كمت للبيت غيرت ملابسي و رجعت الكراسي للحديقه ورتبت البيت الغراض الاماعين مالت الاكل شالوهن همه طلعوهن بره

اني مسحت البيت وعرس وهوسه البيت صايرة عبارة عن وصخ ذبيت مي بسرعه وجريته نضفته ونضفت المطبخ يمه كل هذا الوصخ والطبخ مو بالبيت لعد لو طابخين بالبيت شيصير

طلعت اكل اسوي لخالتي واليه فتحت الثلاجه داشرب مي

وطبت زهرة لابسه سيت نوم ابيض مفتوح من كل مكان وبدون ملابس داخليه بحيث جسمها كله مبين

بقيت صافنه عليها هاي شبيها كبر

زهرة يا اسفه بس ردت اسبح ونسيت الحمام وين

ريحانه لا عيني ع شنو حقج  الحمام ع اليمنه

زهرة اي شكرا اريد اسبح تدرين عروس ومنير ستعجل واني اريد اصلي كلت خلي اسبح اذا نطاني مجال اصلي اذا لا الله يعذر

ريحانه عفتها تحجي لانو اعرف شنو غايتها من الحجي ونطيتها ضهري عاد هيه عافتني وراحت للحمام

شويه وطب وراها منير لازم الخاولي بيدة ينشف بشعره

منير وين زهرة

ريحانه بالحمام تسبح

منير اها شجاي تسوين

ريحانه عشه لخالتي

منير انتي تعشيتي

ريحانه لا هسه اتعشه وياها

احجي ويا واسوي بالاكل وهو ورايه منطيته ضهري شويه وحسيته تقرب عليه كلش خله راسه على ركبتي

منير اممم مابديتي تغارين

ريحانه من شنو

منير من زهرة

ريحانه ياستار شكو حتى اغار شعدها اني ماعندي

منير اني

ريحانه شبيك

منير اني عدها وانتي ماعندج

ريحانه ومنو كلك انته شي الواحد يغار عليك

منير يعني مغرتي ابد هسه

ريحانه منير ترة مو بحالك اني تعبانه واريد اكل دخت ابتعد

زهرة منير

اول ماحجيت هيج زهرة طبت لابسه روب ولافه شعرها بالمنشفه

منير من سمع صوتها ابتعد مني بس بقه واكف يمي

زهرة شجاي تسوي

منير احجي وي ريحانه

زهرة بشنو

منير ميخصج زهرة اصعدي فوك

زهرة اني العروس ترة مو هيه مو كافي اني سكتت ع حجيها وياي هسه حتى ماخرب يوم عرسي

ريحانه ياستار استر ياحجي

زهرة اي سوي نفسج الملاك البريئ اسمع نزلت كتلها وين الحمام نسيته

دكلي مو خدامه عندج اني هذا بيتي وانتي اجيتي عله بي تريدين شي روحي بنفسج وشوفي انوب شافتني لابس ملابس النوم دكلي

همزين لبستيهن قبل لا تموتين متي عليهن انتي عروس اول يوم عرسها هيج تستقبلها

ريحانه هيه تحجي واني صافنه هاي صدك تحجي شوكت يفكرن بهيج جذب ويجذبن عزة العزاهن

ريحانه بربج اني هيج حجيت

زهرة بعد ناقص جذبيني عيني عينك

ريحانه لا ع شنو اجذبج قابل ماعرف طينتكم شي اخس من شي

اول ماحجيت اجاني راشدي نضربت ع الكاونتر

باوعت لمنير لزمني من شعري

منير شنو شي اخس من شي اشو انتي ماتحترمين

ريحانه اني الي ماحترم صح اني ماحترم ابتعد اخذت العشه وطلعت زهرة بالباب شافتني باوعتلي بطرف عينها نضرة انتصار وشماته اني غلست ورحت يم خالتي

مر الوقت عادي بقيت اني وخالتي تعشينه وسولفنه وبقت تسولف ع ايام زمان يبو شكد سولفت بوقتها اسمعها واطفي اريد

انام وهيه مو ماتشوف عبالها اني مستمتعه صح اني جنت مستمتعه بس نعست هههههه

عاد شويه ونمت بدون مادري وماحسيت ع نفسي

للصبح كعدت ع صوت ضحك كلش قوي

مالت زهرة ومنير

حتى خالتي كعدت

خالتي يمه ريحانه كاعده

ريحانه اي خاله هسه كعدت

خالتي يمه الباب مفتوح شنو

ريحانه لا خاله مسدود

كمت رتبت شعري وكمت باوعت للساعه 10 ونص كلت خلي اكوم احسلي لزمت القراصه وطلعت من الغرفه الف بشعري

رحت غسلت واخذت المنشفه انشف  وجهي وطبيت للمطبخ شفت زهرة ومنير واكفين يم الثلاجه ويتباوسون اني غلست درت وجهي بسرعه بس منير شافني ابتعد وصاحني

منير ريحانه

رجعت واني انشف وجهي وريلاكس ولا كانو شفت شي واني اصلا خجلت متت من الخجل

منير تعاي يمعودة شردتي تاخذين

ريحانه لا مردت شي بس ردت اسوي ريوك بس كلت بعد وقت

زهرة يامسعدة يابعد وقت ساعه راح تصير 11 وانتي لحد هسه نايمه شكوو

ريحانه اذكر بيوم عرسي كعدت من الصبح ونضفت وكذا انتي هسه مو كاعده من الصبح شبي السينك كله ماعين

زهرة عروس حبي ماسوي شي

ريحانه اني هماتين جنت عروس حبي ونضفت باول يوم

زهرة هاي انتي مو اني

ريحانه ليش ع ايدج نقش الحنه لو متعرفين تغسلين يله حبي اغسليهن بسرعه ع ماجيب خالتي تريد تتريك اليوم بالمطبخ وماتحب تسمع المطبخ هوسه

وعفتهم وطلعت زهرة بقت فاكه حلكها عبالها راح اخليها تتحكم بيه لو تخليني اشتغل عدها صح ساكته اني بس مو بكلشي

ورحت يم خالتي حسيتها حست بيه ضايجه بقت تحجي وياي كتلها امشي للمطبخ ناكل وماعترضت كالت يله يمه

كومتها ع كرسيها وطلعتها بالمطبخ شفت منير كاعد يشرب جاي وزهرة تغسل بالاماعين

منير ها يمه

الحجيه هل يمه صباحيه مباركه

زهرة اشلونج خاله

الحجيه هل يمه

ريحانه زهرة كملي بسرعه حتى اكمل ريوك خالتي جوعانه ترة

زهرة مابقه بس ذني كم ماعون

ريحانه اي هواي الله يساعدج من البارحه لليوم الاماعين ع السينك حتى الاكل بقه عليهن

الحجيه يا يمه وين اكو مره تعوف اماعينها من اليل للصبح

ريحانه عروس جديده خطيه ماحكت

زهرة اي والله منير منطاني مجال انتو نمتو من وقت اني ومنير للصبح يله نمنه

ريحانه الله يساعدج حبي

بقت تباوعلي من جوة لجوة ومنير مدري شعجب ساكت عاد وخرت اني كمت سويت الريوك وهيه واكفه تباوعلي كملت الريوك مالتي ومالت خالتي خليته ع الميز

ريحانه خاله نطلع بالحديقه

الحجيه يله يمه بكيفج

باوعتلي زهرة ورفعت حاجبها

اخذت خالتي وطلعنه خليتها بالحديقه ورجعت اخذت الريوك لكيت زهرة ومنير يحجون بس مبين يتعاركون اني مهتميت اخذت الاكل وطلعت

كعدت يم خالتي شفت من شباك مالت المطبخ زهرة ترفع بيدها وتحجي يعني عصبيه ومنير هماتين مهتميت شويه وزهرة صعدت فوك

ومنير شويه ولحكها

كملنه ريوك ونضفت البيت وسويت الغده واسولف وي خالتي مشطت شعرها

للعصر واجتي زهرة يمنه هستوني نزلت الطاسه مالت خالتي الي تخرج بطنها بيها

زهرة باوعت ومعاجبها

كعدت تسولف وي خالتي واني كاعده عاديه

زهرة اكلج خاله انتي ليش تسوين بالطاسه ليش متلبسين حفاضه مو احسن الج واكو مالت كبار الج

ريحانه لا ليش تلبس اني موجودة واني اخدمها متحتاج الحفاضات

زهرة اي عادي اني همين موجودة واخدمها بعيني بس هيه سالفه نضافه يعني افضل الها هيج قذارة

الحجيه خلفله عليج يمه يعني هسه اني صرت قذرة

زهرة لا خاله مقصدي اني هيج شي

الحجيه قصدج يمه مقصدج انتي حجيتيها

ريحانه زهرة لا تدخلين بخالتي اني الي كايمه بيها تسويها بالطاسه بحفاضه شي راجع الها لا تدخلين بهيج سوالف

زهرة اي عيني صدك مالي دخل هيه السالفه اذا تبقه وراج نخيس

ريحانه شنو شنو اكلج عيني ترة انتي هذا اول يوم الج هنا لا تشيخين فهمتي

اماعينج من البارحه لليوم محد حجه وشي يخصج ميخصنه معليج بسوالفنه

شي يخصني نخيس منخيس البيت بيتها لخالتي وهيه تقرر شتريد

منير زهرة

طب منير واحنه نحجي وشكله سامع كلشي بقه يخزر بزهرة بس زهرة ولا جنها عاديه

زهرة ها حبيبي كعدت

بقه ساكت ويباوع خالتي غلست واني همين نمت ع رجل خالتي وبقت تلعب بشعري وتقرة قران

عاد منير كعد يم زهرة شكله متعصب وهيه ولا جنها عاديه يعني مبين السالفه سوت نفسها محاجيه شي

بقينه كاعدين ومنير يسولف وي خالتي وزهرة تباوع يمنه ويسرة

زهرة اكلج ريحانه وين تخلين غراضج هسه انتي

ريحانه هنا اشرتلها ع المكان

زهرة يا اشو صغيرة اشلون كفن شنو ماعندج ملابس انتي

ريحانه لا حبي نص ملابسي عفتهن الج عروس جديده كلت خطيه اشياء ماحتاجهن عفتهن الج شنو مشفتيهن

بقت تباوعلي بعدين باوعت لمنير منير مهتم يعني شي عادي غلس عاد هيه كامت بعصبيه وطلعت من الغرفه

صح حسيت نفسي جلبه بوقتها اشلون هيج احجي وياها خطيه بس بعدين كلت لا والله يطبها سم عبالها هيه الي راح تسيطر عليه لا والله

لو شيصير اني وحدي وهيه وحدها محد تدخل بالثانيه

مر اليوم عادي منير قرر ثاني يوم يروح للشغل واسمع صوتهم باليل يتعاركون اشلزن منير يروح للشغل وهيه بعدها عروس

اتذكرت يوم عرسي ثاني يوم كعدت منير ماكو الحمدالله والشكر

لفيت راسي ونمت وصدك ثاني يوم منير راح للشغل كمت الصبح اني سبحت خالتي وكعدتها بالغرفه سويت الريوك

ريكتها لاحضت خالتي تسولف هواي اليوم يعني اذكرت سوالف يبوو قديمه كلش واني وياها خليتها

على الكرسي وين اروح اخذها وياي وتسولف هيه واني اندمج وياها

نضفت البيت وغسلت الملابس ونضفت المطبخ قبل لا يجي منير بنص ساعه نزلت زهرة

هستوني اني طفيت الغده

زهرة صباح الخير خاله

الحجيه هله يمه صح النوم

زهرة اممم والله خاله منير للصبح يله خلاني انام ميكعد ابد

الحجيه الله يسعدكم يمه

طبت سبحت وصعدت بدلت بسرعه ومكيجت ونزلت كعدت يمنه اني وخالتي نسولف وهيه تباوع علينه وتباوع ع التلفزيون معاجبها

طب منير تلكته هيه كبل حضنته وباسته

منير ها يمه اشلونج

الحجيه هله يمه الله يساعدك

منير ويساعدج

زهرة الله يساعدك حبيبي

تحجي ويا وهيه حاضنته بيدها وهو يباوعلها

منير البارحه مو نمتي مطنكرة من وقت شغيرج اليوم

زهرة هاا لا حبيبي بس الزعل مو حلو بينه وزعل الحبايب ميطول

منير الله يهديج

زهرة هاي شبيك حبيبي قابل مخبله اني

منير لا عمي حشاج

حضري الحمام

زهرة تدلل

راحت حضرت الحمام اله وهو كعد يمنه اني والحجيه سكتنه بقت الحجيه تسبح واني صافنه

منير شمسوين غده

ريحانه مركه قيمه وتمن

منير اي ترة ميت من الجوع

زهرة طب اسبح حبيبي وتطلع تلكي الغده جاهز

منير ان شاء الله

كام منير وهيه هم راحت

اصبله غده

ريحانه خاله تتغدين

الحجيه لا يمه مو هسه فد شويه

ريحانه براحتج

شويه وطب منير ينشف بشعرة وكعد

طبت ورا زهرة وبيدها الصينيه

منير يمه تتغدين

الحجيه لا يمه الف عافيه ماتغده هسه فد شويه

منير اممم ريحه القيمه تشهي منو طابخها

الحجيه المعدله ريحانه

منير عاشت ايدج

ريحانه باوعت لزهرة عوجت حاجبها وابتسمت اني غلست

اشو منير هستوه اكل وصاح

منير خرب عشيرتج شنو هاي

وذب الاكل من حلكه

الحجيه خير يمه شكوو شصار

منير المركه متروسه لامندوزي

الحجيه يا يمه ع بختك اشلون هيج

ريحانه لا مبيها اني ضكتهت قبل لا اطفيها مبيها شي

زهرة شو خلي اضوكها

ويععع هاي شنو يالمعدله صدك اشو طعمها كلها لامندوزي شبيج متميزين الامندوزي من الملح

ريحانه يله عادي يجوز بالغلط اذا اني كعدت من الصبح تنضيف وطبخ وغسل ملابس بعد الطبخ عليج زهرة شتكولين خالتي

الحجيه اي يمه تتعاونن بيناتجن الاكل على زهرة والتنضيف عليج

منير هسه انتن قسمتن الشغل شاتغده

ريحانه اكو دجاج ولحم كومي زهرة سوي غده سريع وبس مركه اطبخي التمن مبي شي مو

بقت تباوع زهرة على منير منير رفع حاجبه الها يعني كومي

اخذت الصينيه وكامت

عرفت هاي السالفه منها هيه الي مسويتها عبالها راح اسكت كبر يكبرها سوالف

جهال منير بقه كاعد ساعه كامله وبعدها زهرة بالمطبخ عاد اجتي مسويه مركه دجاج حمرة ومنير ميحبها حمرة بقه يباوعلها وكام

زهرة هاي شنو حبيبي وين رايح

منير اكلي لفتين هواي احسن اليه 2 نسوان ومابيجن خير شكد تصيرن بعد

الحجيه يمه ريحانه شكو شصار

ريحانه خاله مسويه مركه حمرة مالت دجاج

الحجيه يا يمه زهرة شبيج ماتدرين بي يكرها الحمرة

زهرة شدراني اشم ايدي

وعافتنه وطلعت حتى الصينيه مشالتها حريت الصينيه وتغدينه اني وخالتي بيها

نص ساعه ورجع منير صدك جايب لفات وببسي تغده وصعد

للعصر نزلو اني بالمطبخ اسوي كيكه وخالتي نايمه

زهرة زين شلبس اذا نروح

منير زهرة عدتي هل سوال 100 مرة كتلج بكيفج

زهرة اوك اني اشوف شي حلو

منير امي نايمه

ريحانه اي نامت كالت كملي وكعديني

منير شجاي تسوين

ريحانه كيكه

زهرة هيه مالت كيكه دزي من برة حتى رخيصه ارخص من مالت البيت

ريحانه احب اسويها بالبيت واكو باذنجان بالثلاجه طعي وسوي محشي للعشه

زهرة اليوم اني ومنير مو هنا فماسوي عشه

ريحانه عادي حبي حتى اذا مو هنا قابل خالتي اذا مو هنا انتو متتعشه

زهرة سوي انتي اي شي سريع

منير لا تسوين هو كلنه نروح سوة

زهرة شنوو

منير اي هيه زيارة امي تروح ويانه وقابل نعوف ريحانه وحدها هم ناخذها

زهرة ليش يعني يروحون ويانه اني وانته العرسان خلي نروح وحدنه

اباوعلهم بالجام مالت الكاونتر منير خزرها هيه باوعتله وعاديه وعافته وصعدت

منير حضري نفسج ساعه 8 نروح

ريحانه لا اني ماروح اخذت الحجيه وروحو

منير كتلج حضري نفسج نروح سوة

وعافني وطلع

كملت الكيكه اني وماهتميت ورحت لخالتي اول مطبيت كعدت

ريحانه صح النوم ياحلو

الحجيه الله يصحح طريقج يمه

ريحانه ساعه هسه 6 ونص صلي وكملي حتى ابدلج لانو منير راح ياخذنه للزيارة

الحجيه يازيارة يمه

ريحانه والله مادري بس اكيد للامام الكاظم

الحجيه سلام الله عليه بس يمه بيه حيل الطريق اني

ريحانه لا حجيه شبيج بالكرسي والسيارة حتى متحسين

الحجيه ان شاء الله

جبت الكيكه وسويت وياها عصير واكلت اني وخالتي طب منير

منير شوف الخيانه ماذكرتني

الحجيه تعال يمه تفوتك كيكه ريحانه

كمت جبتله عصير وماعون خليتله كيك اكل ويسولف وي خالتي باوعت للساعه 7 كملنه الكيك كمت شلت الاماعين نضفت المطبخ

وحضرت شيلت خالتي وعبايتها  وطلعت فساتني اسود وبي ورد ابيض

من جوة وصاعد لنص الخصر وشال هماتين مزهر من الصفح

اخذته وطبيت اسبح بدلت وطلعت رتبت وجهي ادري بيهم

بالامام الكاضم يمسحون المكياج فخليت خفيف بس لعيوني كحل ومسكارة وملمع شفايف

من طبيت سبحت منير صاعد فوك ساعه 8 الا ربع كملت اني وخالتي طب منير وزهرة

باوعت لزهرة لابسه قميص وردي فوك الخصر وبنطرون اسود وشال اسود ومخليه مكياح ع اخر حبايه

والذهب لابسته كله  منير باوعلي وحجه وي امه

منير ها يمه كملتي

الحجيه اي يمه

جر الكرسي ودفعه وطلع وزهرة بس تباوعلي اخذت عبايه وياي اني خليته

بالجنطه وفلوس همين عندي اخذتهن اخاف احتاج شي 

طلعنه من البيت سديت الباب وقفلته ونطيت المفتاح لمنير

منير فتح الباب الي بالصدر حتى يكعد خالتي اجتي زهرة رادت تكعد

منير وين زهرة ارجعي ورة

الحجيه ها يمه تريد تصعد هيه هنا خليها تصعد عروس جديده خليها تكعد يمك

منير لا يمه ارجعي زهرة

بقت تباوع ورجعت ساعدت منير اني صعدنه خالتي بالصدر وخله الكرسي مالتها بالصندوق وكعدت ورة خالتي وزهرة ورة منير

يمشي بالطريق واذكرت ابوي من اخذني للزيارة بس الفرق جان مو نفس الهوى ومو نفس الحياة الي جنت عايشتها

هسه صرت احس روحي غريبه مو غريبه ع الناس لا غريبه ع نفسي

ماحس نفسي ريحانه قبل الي تتعارك وي اسد علي وتتعارك وي شذى وهبه وانضف واسولف براحتي واضحك

وعايشه حياتي

هيه احس روحي كائن يتحرك بس حتى يسكت المقابيله بس حتى محد يحجي عايشه بس مو لنفسي احس نفسي صرت بارد

ع رئي اسد علي ابرد منج ماكو وصدك هسه صرت باردة ..

اسولف وي نفسي وماحس بالباب من انفتح ونزل منير اباوع مقابيل ابو حنيفه نزل منير وزهرة ورا اخذت جنطتي ونزلت اني

ساعدت منير بخالتي كعدناها ع الكرسي نزلت يم رجلها لبستها حذائها ورفعت راسي باوعتلها وابتسمت

عبالك تشوفني خلت ايدها ع ايدي وابتسمت

وكفت منير يدفع بالكرسي وزهرة واكفه يمه ومخليه ايدها بيده من فوك عبالك راح يشرد

واني امشي بصف الكرسي مالت خالتي

عبرنه الجسر والهوى مالت الجسر يضرب بالجسم عبالك ينطي امل للحياة المنضر يجنن طول عمري جنت احب هل منضر نمشي واذكر باهلي وصلنه للتفتيش

منير مقبل يطبب خالتي  ويانه كال عادي من يمنه لانو مرة جبيرة

وصدك طببها من يمه مشينه بالشارعين الي قبل الامام المطاعم والاسواق والمحلات كلها عبالك عيد الجو ابغداد يشتغل طول اليوم ميهم ليل صبح ضهر

لحد ماوصلنه للتفتيش مالت الامام الكاضم وهنا جان لازم ناخذ خالتي من يمنه

اخذتها اني وطلعت عبايتي لبستها وزهرة همين

طبينه التفتيش هووواي اباوع للساعه ساعه 9 الى ربع ومخلين كامرات بالتفتيش شكلها مدور عجبني

ريحانه خاله تدرين اكو كامرات مراقبها هنا شكلهن كلش حلو

الحجيه يا يمه مخلين كامرات يشوفونه شنسوي

ريحانه اي خاله مو بس احنه هنا هووواي نسوان قبلنه ورانه

الحجيه اي يمه والنعم منه الكاضم كلهم يجونه

ريحانه اي صح

وصل التفتيش النه اني وخالتي بالبدايه وزهرة ورانه

فتشوني وفتشت خالتي وصلت لزهرة

المفتشه شنو هاي المكياج عرس لو جايه تزورين

زهرة هو اني عروس

المفتشه يعني من تكابلين الامام دكليله اني عروس اجيت مكيجه

بقت زهرة ساكته صاحت المفتشه ع وحده ثانيه وكفت يم زهرة ونطتها كنلس خلتها تمسح مكياجها كله

باوعت اكو هواي بنات مخليات مكياج بس مو مثل زهرة لا مكياج خفيف يعني بس مسكارة فونديشن بس زهرة مشاء الله مخليه مالت الله واعبادة

المهم مسحت المكياج وطبينه زرنه بقيت اهواي بالحضرة اني وخالتي صلينه ودعينه

بوقتها دعيت

يامامي مو يكولون انته الي تقضي الحوائج اقضي حاجتي اجيتك من بعد وقت طويل كلش طويل

واريد حاجتي منك ماحس روحي عايشه يالكاضم يرضيك هل شي ماريد ابقه هيج محيرة

يعني اني تزوجته بس ماجنت اعرف انو هو عباله اني الي كتلت نبراس

ومن اكتشفت انو قاتل نبراس زوج اطياف بقيت ساكته حتى ماهجم بيتهم وهمه تالي هيج يسوون بيه

يعني لا اني اليه ذنب ولا اسد علي اله ذنب بكل هل شي بعد ليش هل شي دايصير وياي انجدني يالكاضم ماريد ابقه هيج

فرج عن اسد علي خلي ينقذني من هل شي الي اني بي

اريد ارتاح يالكاضم

احجي وي الامام وابجي بدموع هادئه وعمتي ع كرسيها وتحجي وي الامام

وتدعي بقيت ادعي حياتي تصلح واسد علي يطلع

حسيت الامام مراح ينساني

زرنه وطلعنه نتمشه اني امشي بصف عمتي وطبينه مطعم اتعشينه وسوالف وزهرة ماتبطل سوالفها

بس اني مغلسه

منها وساكته ومنير هم منتبه الها بس شيسوي هم حاير بيها

رجعنه للبيت والنفسيه مرتاحه من زمان اني من اروح للامام وي ابوي من ارجع احس مشاكلي كلها تنحل

كبل سبحت ورتبت افراشي ونمت لانو رجعنه بوقت متاخر وحتى خالتي شمرت روحها ونامت

كعدت ثاني يوم ع صوت التليفون فتحت تك عين شفتها شذى نطيتها رفض باوعت للساعه الساعه 9 ونص

خرب يومها حلمانه بيه شنو

شمرت الفون بس حاولت انام ماكدرت كلت خلي اكوم

كمت غسلت ولملمت البيت وطبيت للمطبخ خليت بيض ع النار وخدرت الجاي

منير جان بوقتها طالع للشغل

كعدت ارتب بالمطبخ نزلت زهرة وشكلها معاجبني بس غلست اني

زهرة ها صباح الخير

ريحانه صباح النور

زهرة اي والله خوش جاي جنت محتاجته

ريحانه هسه يخدر وصبي

زهرة عمتي ماكعدت

ريحانه لا بعدها خليها ترتاح شويه

زهرة اي خطيه البارحه خابرت اطياف باليل شايفتنه من رجعنه من الزيارة

ريحانه اي

بقت تحاول تفتح وياي موضوع مر الوقت عادي بين خالتي والغده وشغل البيت

لحد ساعه 2 الضهر طبت اطياف وشكلها مسحوله سحل

وجهالها وراها بقيت صافنه جنت هستوني اريد ارتب الحديقه حتى اسوي بيها عصريه

اطياف ع شنو تباوعين وخري من شفتجن ماشفت الخير

ريحانه بسم الله شنو همه يطلعون هيج وقت اعوذ بالله

وخرت منها وهيه طبت كبل لغرفته خالتي اني مهتميت بس صوتها عالي وزهرة طبت وراها كبل

اطياف خبلني يحب وحده اني ادري بي بس يخابر انوب شربه وحبوبه رجع ع سوالفه وهو حلف مايعيدها لهل شغله

الحجيه يمه هو هذا اختيارج كتلج يمه الي يشرب ويكبسل مايتوب ورجلج مشه بالطريق وعاجبه

اطياف يمه الله يخليج اجيج تواسيني لو هيج تحجين اكلج خبلني خبلني شراب العرك البارحه كتلني بدون سبب وهسه هيج سوة بيه كدام مريم كدام اليسوة ومايسوة

زهرة اكلج رتبي السانج شنو شراب العرك قابل هو اول شخص يشرب وانتي جنتي تدرين بي من اخذتي يشرب

اطياف اي عيني انتي شعليج حايرة طلعات وفرات وي رجلج واني مصيبتجن رجعت عليه يكلي جنتي تكودين الهن

زهرة تكودين ع شنو يحبني واحبه وتزوجنه

اطياف اي مو هو يصدك هل حجي اول ماكله هيج يصدك

ريحانه واكفه بالمطبخ واسمع حجيهم من يحجون ماحس اله الباب نفتح عليه مالت الشارع

....

يتبع

طبعا سوري اعرف هواي اتاخرت عليكم اتمنى يعجبكم البارت

#غزل_الحجامية

انستا.oz_ _ _3

هلو بنات اشلونكم اشتاقتلكمم هوواي والنبي شوفن اتفقت البارحه وي البطله

منا وهيج اي شي ادزليا حتى لو بس ١٠٠ كلمه انشرها اوك

لانو مدارس واني هل سنه مدرسه ادعلي فلازم انتبه يعني كل يوميه اذا ادزلي حتى لو كلمتين ثلاثه انشرهن حتى اكمل القصه هل شهر وهل بارت جديد اتمنى يعجبكم وانتضروني باجر

تحياتي

..غزل الحجامية

بهت بيـا ضوه العشرين، العمر يركض بكل حيله 👌

🏻🖤.

ريحانه واكفه واسمع بحجيهم وانضف وشفت الباب نفتح من ورايه باوعت منير وشكله يدري باخته جايه

باوعلي ورفع حاجبه

ريحانه ها الله يساعدك

منير منو يمنه

ريحانه اختك

خله المفاتيح بجيبه وحجه وياي

راح اصعد فوك جيبي الغده مالتي ولا دكولين اني اجيت

ريحانه اكول لزهرة تصبلك

منير كتلج لا دكولين لاحد صبي واسكتي

ريحانه ماشي

بقيت اباوعله عرفته ماله خلك ويدري باخته تبقه بس تحجي ماتنطي حل عفت الي بيدي ورحت للمطبخ

حضرت الغده اله وصبيته وطلعت صعدت الدرج بالكوة صدك الحامل الدرج موزين عليها

صعدت دكيت الباب كال فوتي

طبيت لكيته نايم ع الجربايه ونازع ملابسه باقي بس بالفانيله والشورت مهتميت خليت الاكل ع الميز

ريحانه محتاج شي بعد

منير لا شويه واصعدي اخذي الصينيه وصبي جاي

ريحانه ماشي

منير صدك ترحين اليوم لاهلج

ريحانه صدك شعجب

منير هيج روحي ارتاحي كم يوم شتكولين

ريحانه والله ياريت بس مو اليوم اطياف يمنه خليها ع باجر

منير اذا ع اطياف اطياف راح اطول يمنه

ريحانه انشوف يايوم عود اروح

منير بكيفج

درت وجهي وطلعت مبتسمه لانو كال راح تروحين لاهلج صدك محتاجه اروح الهم

طلعت من الغرفه سديت الباب صارت عيني ع الدرج شفت زهرة تصعد هيه واطياف اول ماشفني

زهرة خزرتني وتعصبت واطياف متفاجاءه شصعدني اني هنا

زهرة هاي شنو شسوينن انتي هنا وشصعدج لغرفتي بدون مادري

ريحانه شبيج زهرة قابل شسوي

زهرة شسوين كلشي مسوين بس اصعدين لغرفتي واني جوة شتردين بالضبط انتي تريدين تخليلي سحر حتى منير يطير مني مو ويجيج

اطياف يا زهرة شبيج مو هاي البنيه مابيدها شي لو تريد  تسوي شي جان بين بيدها

ريحانه عود حجيتي انتي يعني مثلا اذا جان اكو شي بيدي معناها اريد اسويلها سحر شهل عقليه  هاي

اطياف ياريحانه هم حقها زهرة يعني شسوين انتي يم غرفتها وهيه جوة

ريحانه سويت غده وصعدته لمنير

زهرة شنو منير هنا

دفعتني من الباب وفتحت الباب باوعت شافت منير بعده ع نومته وصينيه الغدة موجودة

هو من شافها بس باوع محجه مهتم يدري بالخبال منا وهيج يشتغل غلس

هيه سدت الباب

ولزمتني من ايدي

زهرة باعي لج اخر مرة اخررر مرة اشوفج صاعده لغرفتي فهمتي ولو مو منير يكلج لو ابو منير يكلج اسعدي ممنوع فهمتي لو لا

ريحانه شو وخرييي ترة مالي خلكج هم نزل وهم ادبج ع السطح

ترة هل غرفه غرفتي قبل لا تصير غرفتج واذا اريد هسه هسه اخليج تنزلين

واصعد بغرفتي واني حامل واريد مدارا انتي شعندج انتي انزلي جوة واخدمي رجلج وحماتج وعمتج لو بس بالحجي وبالفعل كلشي ماكو

اطياف شنو هل حجي من شوكت

ريحانه رجا لا تدخلين هاي اسوالف عائليه انتي جايه خطار كم يوم اعتقد

اطياف شنو بنت الجلب انوب اطرديني من بيتي

ريحانه لا تغلطين هاااي وماطاردتج اني كتلج خطار وصدك كلنه خطار ابيت اهلنه واعتقد بيتج بيت رجلج مو هذة

زهرة شفتي شفتي حتى تصدكيني من احجي هاي حيه حيه من جوة لجوة

ريحانه من عاشر القوم عيني وبعدين انتن الي بديتن واذا ع الصعده والله منير رجلي مثل ماهوة رجلج طلب مني اسويله غده

وانتي جنتي اتسولفين قابل شكله لا

اول ماحجيت هيج اندفعت عليه لزمتني من ايدي

زهرة ريحانه هاي سوالفج مو عليه اني حذرتج وانتي تدرين بيه شنو ممكن اسوي وهسه يله انزلي احسن الج

ريحانه بقيت اباوعلهن اثنينهن مسمومات ذني يمه عبالك حيايه عفتهن ونزلت مالي خلكهن وهنه طبن للغرفه

نزلت يم خالتي سولفتلها ضاجت

الحجيه يمه منهن اشلون اثنين اجتمعن

ريحانه لا اني غلست منهن

الحجيه اي يمه غلسي منهن هاي مخبله كم يوم وتروح لبيت رجلها انشوف شوكت يجيها وهم هم الله يساعده عليها

ريحانه ع اساس هو الزين

الحجيه اي والله يايمه شكد نصحتها منا وهيه ماكو ولحد هسه اني اكللها يمه رجلج مو خوش رجل بس هيه رايدته

ريحانه هيه ابدايت زواجي جانت تحجيلي علي ودكول موزين

الحجيه ولحد هسه دكول موزين بس تحبه وماتريد تعوفه

....

بقت اطياف يمنه يومين وطبعا هل يومين المشاكل زادت وع اتفه الاسباب والحجيه تدري وتحجي بس شيفيد ومنير يدري بسوالفهن بس مل

هنه يومين عبالك سنتين

وهاي لانو متعاركه وي رجلها تخبلت ازيادة واني الي ضعت بينهن

كعدت البارحه اطياف وي الحجيه ومن البارحه الحجيه مدري اشلونها احسها تمرضت ازيادة وكل ماطبلها الكيها تدعي

متحملت للمغرب طبيتلها

ريحانه شبيج خاله اشو من البارحه مو ع بعضج صاير شي بيج شي

الحجيه لا يمه ماكو شي سلامتج

ريحانه خاله والله بيج شي ماحسج ع بعضج احس سامعه شي مغثوثه من شي اذا ع سالفه اطياف ترة سهله

بكل بيت تصير المشاكل

الحجيه لا يمه موهيج السالفه

ريحانه اي اني مو بنتج دسولفيلي كوليلي شبيج والله قلقتيني

الحجيه والله يايمه مادري شكلج عذبناج يايمه تتعذبتي ويانه انتي

ريحانه يا ياخاله شبيج قابل اني شاكيتلج اكو وحده تتعذب من اهلها

الحجيه يايمه عذبناج وعذبنه اهلج واخيج باجر عكبه اني شكول الله من يسالني شذنبج انتي

ريحانه شكو خاله شدخل اهلي وشدخل اسد علي بالموضوع

الحجيه اووف يايمه ضيعناكم ومالكم سبب انتو

ريحانه دحجي خاله خوفتيني

الحجيه يمه البارحه اطياف كعدت يمي وسولفتلي ع نبراس وعلي سعد وعليج وعلي اخوج

.. من حجت هيج خفت كلت يعني فهمتها انو اني السبب بموتت نبراس بس بعدين كلت لا اشلون اني لسبب وهيه دكول عذبناج

..

ريحانه شكلتلج اطياف خاله

الحجيه يايمه نبراس ما ماتت بسببج ولا بسبب حبوب اخوج

ريحانه اي ادري اني بهل شي بس انتي اشلون دريتي

الحجيه البارحه اطياف دكول ماخذه تليفون رجلها وسامعه مكالمات قديمه كلش وي واحد وجاي اسم اخوج بالنص

اخوج جان مديون والديانه كايليه تاخذ حبوب وتبيعهن وذوله ناس

خطره خايفين منه بالبدايه اخاف يبلغ عنهم منطينه حبوب عاديه لا مخدرة ولا شي  وانتي عبالج نبراس ماخذتهن منج ومخدرات

ريحانه بس نبراس صدك ماتت بحبوب مخدره

الحجيه اي يمه ماتت بس مو بسببج بسبب حبها لاسعد

ريحانه اشلون يعني

الحجيه نبراس جانت تحبه لاسعد واسعد ساقط وسرسري جان ينطيها

حبوب مخدرة وهيه ادمنت عليهن بس اخر فترة رادت تعوفهن وصدك عافتهن بس بعدين رجعت  وماخذه شي ثكيل وهل ماتت ماتت امانه ابني الله يرحمه

ريحانه مستغربت من حجي الحجيه لانو جنت اعرفه اسعد سولفلي عليه بس استغربت شجاي اسعد ع اسد علي

ريحانه خاله بس شجاب اسعد ع اسد علي

الحجيه يايمه اسعد هو يبيع هيج سوالف يعني يعرف كل الي يشتغلون

بهل سالفه وسبب عركه اطياف ورجلها من هل شغله هيه دكله بطل وهو مايتوب

ريحانه بس اني ادري بهل شغله خاله ومن زمان

الحجيه شنو يمه تدرين بكل هذا وباقيه هنا ليش يمه شجرالج روحي يمه اخلصي اذا تبقين هنا تحصلين نبراس

ريحانه واعوفج اشلون وابني ابنكم اشلون اعوفه وامنعه من اهله وهو بعده مجاي

....

بين صديقاتها هي الاكثر وفاء واستماعآ لهم .بين اقاربها هي المغرورة الغامضة. هي مجرد

صورة يراها كل شخص حسب منظورة.. اما عنها ف هي لا تعرف نفسها من الاساس .

..

ريحانه وتريدين اعوفكم اشلون خاله

الحجيه يمه انتي ماعندج شي هنا اني بنتي وجنتي وابني موجودين واذا ع ابنج ترة مو اول طفل ينولد بهل دنيا وامه وابو سوة

هواي يايمه ينولدون واهلهم مو وياهم لا تسوين هيج يايمه باوعي لنفسج يايمه عيشي حياتج لا تضيعينها ع غلطه مامسوينها يايمه مامسوينها انتو

ريحانه خاله اني عشت ابيت بي مرت ابو ماعشت وي امي امي متوفيه من اني صغيره صح مرة ابوي زينه بس مو مثل الام

يمكن اني اكثر وحده تعرف معنى بعد الام من البنيه الطفل يجي عمر يريد

يشوف امه وابو سوة مايفرقهم حتى الموت مرات من جنت اشوف ام اسد وابوي كاعدين سوة  اضوج وازعل من امي لانو

توفت وعافت ام اسد تزوج ابوي وتجي ابمكانها

بس بعدين اكول امر الله هذا وحرام الاعتراض واني خاله ماريد بنتي لو ابني يجون للدنيا ويشوفون امهم وابوهم منفصلين ماريدهم يعيشون يم واحد منا اريدهم يعيشون بينه

الحجيه والله يايمه امرج عجيب ولو ماهل طفل ابن ابني ادعي عليه عسا لا اجه يايمه وعذابج بسببه وبسببي عسا الله ياخذ هسه امانته مني

ريحانه لا خاله لا دكولين هيج اسم الله عليكم اثنينكم وانتي مريضه وهيج تحجين ميصير

باوعت لخالتي صدك شكلها مريض الله يساعدها

الك حكمه بيها يارب يعني شي مالنه دخل بي وطاح براسنه

اوف ياسد علي شمسوي بدنيتك وهيج طحت طيحه

يعني حتى الشغله الي موزينه الي سويتها طلعت زينه حبوب وماحبوب وبالاخير طلع مضحوك عليك بيهن اوف ياسد علي اوف

شوكت الله يفرجها عنك ..

بقيت كاعده يم خالتي وبقت تسولف وياي ع نسوان قبل وسوالف قبل وذكرت نبراس وسوالف نبراس هواي وابنها الله يرحمه

هيه تسولف واني اكل باضافري طبعا صارت هاي طبيعه بوقتها انتبه لنفسي من اكل اضافري يصير شي موزين وياي يعني اتوتر

وصدك بوقتها خالتي وهيه تسولف غفت

طلعت كلت خلي اسوي كاستر ع ما تكعد خالتي ناكل سوة

طلعته وطلعت الحليب كسرت بسكت حتى اخلي عليه  طبت اطياف وزهرة يسولفن بقن واكفات ويحجن

اني مهتميت جريت خاشوكه وايدي ادهنت الخاشوكه كلها دهن

باوعت الخواشيك ممغسوله عدل لعبت نفسي

ريحانه هاي منو اليوم غاسل الاماعين

زهرة اني عيني انتي جنتي يم عمتج كاعده

ريحانه لو عايفتهن هواي احسن

زهرة والله ماعوف البيت وصخ لكد ماتكملين انتي

ريحانه ع اساس انتي غاسلتهن عدل هاج الخواشيك كلهن زيت بعدهن صدك تحجين

زهرة والله اذا معاجبج الغسل انتي اغسلي وبعدين شقصدج يعني اني ماغسل عدل

ريحانه اي مغاسلتهن عدل هاج مو كدامح

اطياف عيب ريحانه زهرة عروس جديده وحتى لو شفتيهن مونضيفات اغسلسهن واسكتي مو اله دكوليلها هسه اذا احد يسمعج يكول زهرة وصخه

ريحانه اني مكلت زهرة وصخه كلت مممنضه عدل وهل شي مو جذب والي

يسمع مو مثل الي يشوف هل مره اني شفت الخواشيك ونبهتها باجر يمكن  منير يشوفها شدكله اذا هو الي شاف

واحنه نحجي طب منير ماتوقعت زهرة راح تحجي وراح دكله كلت راح تخجل وراح تسكت اشو هاي ركضت لمنير وتحجي

زهرة شوف منير هل مره اختك شاهده كافي اني مليت كل يوميه نفس الحجي ومايعجبها العجب صح هيه

مهتمه بخالتي بس مو هيج اني هم ماكدر ع كل هذا الوحدي ومن نحجي وياها نطلع احنه الموزينات

منير هاي شكو شصاير

اطياف مصاير شي بس انته تدري بريحانه وحجيها وهل مره صدك زودتها بس يله زهرة عادي غلسي منير هم جاي من الشغل وتعبان

منير احجن شصاير

زهرة انته تدري البيت كله عليه وهسه من اجتي اطياف صارت تساعدني وريحانه عليها بس بشغل خالتي

طبت للمطبخ وشافت الخاشوكه ع الطباخ بيها زيت

يعني اذا ع الطباخ اكيد بيها زيت غير جاي نسوي عشه

منير اي واذا يعني بيها زيت شصار

ريحانه مو هيج الحجي الخاشوكه جانت بالكاونتر وكلها وصخ

زهرة لا جانت ع الطباخ واطياف تشهد جنه واكفات نرتب وهيه طبت علينه

ريحانه شنو ترة اني طبيت اريد اسوي كاستر وانتن طبيتن ورايه

اطياف يا ريحانه شبيج احنه جنه واكفات ع الطباخ وانتي طبيتي علينه

ريحانه ياااا راح تخبلني صدك تحجن انتن

زهرة وفوك كل هذا صارت تصير وصخات جايفات خواشيك وصخه اني تحملت هواي اكثر من هيج ماتحمل شوفلك حل وياها

ريحانه ولجن انتن شنو صدك ساقطات انوب اني كلت جايفات وخايسات

..واني احجي منير ضربني راشدي وجرني من شعري

منير هاي اني هنا وهيج تحجين لعد اذا اني ماكو شنو تسوين واطياف

وزهرة يحجن بس ماصدكهن واكللهن هيه ريحانه ثوله ثاريج صدك مثل مايكولن

..  اباوع لاطياف وزهرة وحده تبتسم للثانيه ويباوعلي بنضرة شماته فرت منهم دفعت ايده مني وعطت

ريحانه كافي عاد انته شيحجن تصدكهن جذابات ماحجيت هيج اني كتلها انتبهي مره ثانيه البيت بيتنه وعيب احد

غريب يشوف البيت وصخ هل مره اني شفته يجوز المره الثانيه منير يشوفها شنو يكون ردت فعلج

زهرة احجي عدل انتي كلتي الخايسات الجايفات اماعين متعرفن اتنضفن وهسه كدامه كلتي ساقطات شنو احنه هيته عندج

ريحانه هسه اني كلت خايسات جايفات اوكي لو انتي جايه وشايفه الخواشيك مالت الاكل كلهن زيت ومضمومات شتكولين ع الي غسلهن

زهرة مو اني الي غلستهن انتي غسلتيهن احجي هل حجي لنفسج

ريحانه اهاا يعني هسه صارت اني وقبل شويه دكولين لمنير البيت كله عليج انتي وريحانه عليها بس بخالتي

..بقت تباوع ماعرفت شتحجي واني باوعت لمنير الي خزر زهرة لانو عرف هنه جذابات

زهرة اي قابل كلشي بالبيت عليه انتي هم مرات تكب عندج الندارة وتساعديني

ريحانه انتن الحجي وياجن يقصر العمر ومامنه فايده جذب بجذب واني مالي خلك الكم

عفتهن وطلعت رحت للحمام طبيت وسديت لباب ورايه قوي وكفت ورة الباب واحجي وي نفسي شهل برود الي اني بي

ليش هيج صرت باردة احس مالي روح الله لا ينطي الي هيج سوة بيه هاي مو اني

اني وين جنت اربعه وعشرين ساعه اعراك ب اسد علي وشذى هبه هسه

اني ذني الاثنين ماكدر عليهن صدك عود والله لو ريحانه القديمه اله تدفنهن بمكانهن .

غسلت وجهي وطلعت طبيت يم خالتي لكيت اطياف كاعده باوعتلي اني مهتميت درت وجهي منها رحت يم خالتي

شفت نومتها مو طبيعيه عيونها مفتوحه وتشخر بصوت ماعرف اشلونه

ريحانه اطياف هاي شنو شبيها خالتي

اطياف شبيها نايمه

ريحانه بس نومتها مو طبيعيه

اطياف هاي اشلون شلج بيها يعني حتى النومه خليتي بيها اشكال

ريحانه هاي شبيج ترة جاي احجي ع امج ونومتها صدك موطبيعيه مجاي تشوفينها وشنو هاي الي جاي يطلع من حلكها

..سائل ابيض يطلع من حلكها وهيه تشوخر

اطياف غير نايمه لازم يطلع هيج من حلكها واسكتي رجا مالي خلككم

..بقيت اباوعلها من كبر لفج اي والله اكو وحده تشوف امها هيج وتغلس بقيت كاعده يم خالتي وطولت بنومتها

ردت اكعدها كلت اكعدها اسولف وياها شويه بلكي تصير زينه اول ماردت اكعدها دكت عليه شذى اطياف باوعتلي من دك التليفون

رفعت التليفون وجاوبتها

ريحانه الو هلو شذى اشلونج

شذى لحمدالله بخير انتي اشلونج عندي خبر  الججج يخبلل

ريحانه خير اشوفج فرحانه شكو شصاير

شذى اسد علي اسودي باجر يطلع

ريحانه شنو شتحجين انتي صدك تحجين

شذى والله العظيم ابوج وضرغام وعلاوي راحو هسه يوصلون ساعه ٤ الصبح اله الكتاب مالته طالع وكامل  الصبح هوة هنا يعني

ريحانه الف الحمدالله

شذى شبيج اشو احسج مفرحانه اني كلت هسه تهلهل بالتليفون

ريحانه لا بالعكس كلش فرحانه

شذى منير اشلونه وياج والعروس الجديده اشلونها

ريحانه بخير الحمدالله

شذى شبيج ولج احس بيج شي

ريحانه لا مبيه شي والله بس دايخه شويه الحمل متعبني

شذى صدك بعدج تنزفين

ريحانه اي والله ولج ماحس اكو حركه ابطني ليش

شذى اي عادي هاي الاشهر الحركه مو هواي بيها انتي شوكت تروحين للدكتورة

ريحانه والله مادري

شذى باعي باجر من تجين تباتين واذا يصيرلنه مجال نروح اني وياج شتكولين

ريحانه ماشي باجر اني اجيكم

شذى عوزها ماتجين حتى العب بيج فلك كلهم راح يجون اريد نستقبله من الباب كون كلنه موجودين

ريحانه ماشي بس يعني خبر اكيد موو

شذى اكلها راحو يجيبونه

ريحانه زين امج اشلونها

شذى زينه الحمدالله من سمعت لخبر لحد هسه لازمه المصلايه وتدعي

ريحانه حقها والله

شذى يله حبيبتي اني اروح اشوفج باجر

ريحانه ان شاء الله يله ياعمري باي

..

سديته منها واني ممصدكه انو اسد علي هذا هو راح يطلع وراح اشوفه فرحانه بس الفرحه ممبينه عليه ماعرف ليش

صرت مرات اشك بنفسي اكول اني داخذ مهدئات لانو هاي مو سوالف بنيه عاقله الهدؤ الي اني بي مو طبيعي

باوعت لاطياف تباوعلي بس نضرات متباعده يعني تباوع ودير وجه

اطياف شنو اخوج راح يطلع

ريحانه اي ان شاء الله باجر

اطياف خير ان شاء الله بس كون يعوف سولفه المكسرة

ريحانه اسد علي ماعنده سوالف مكسرة

اطياف اي عيني هيه الحبوب مو سوالف مكسرة صحيح ادويه هاي

ريحانه اها كتيلي حبوب اعتقد الحبوب شغلت رجلج مو شغلت اسد علي وانتي اعرف بهل شي

اطياف شقصدج يعني

ريحانه مقصدي شي انتي تعرفين كلشي ولا تخليني افتح دفاتر هسه خالتي

نايمه ومحاجه نفتحها وانتي تعرفين هيه شبيها وتعرفين سوالف رجلج كلها

..خزرتني وكامت بقت تباوعلي احسها تريد تاكلني اني مهتميت باوعت لخالتي وكعدتها هيه عافتنه وطلعت

حاولت اكعد خالتي مكعدت تكعد تحجي وياي وترجع اتنام يعني بين الكلمه والثانيه تشخر خليت

منديل يم حلكها بس بقيت بالي يمها بقيت صافنه عليها واحجي وي نفسي خفت عليها

يعني ندمج بيه شعور الفرح انو اسد علي اخير راح يطلع وخوفي ع خالتي وارتباكي من الحياة الي اني عايشتها

بقيت صافنه واحجي وي نفسي لا ساعه ولا ساعتين واطياف ماجتي عرفتها

راح تنام بالاستقبال  كلت هسه اذا اريد اروح باجر لازم انطي خبر لمنير حتى ياخذني الصبح

واذا اصعد هسه زهرة ومالي خلك كلت خلي ادزله رساله

وصدك دزيتله رساله

ريحانه منير كاعد... شويه وجاوبني

منير اي اكو شي

ريحانه باجر اسد علي يطلع وخابروني اهلي تاخذني من تروح للشغل

منير لا من اجي من الشغل

ريحانه ليش اخذني الصبح

منير كتلج من اجي من الشغل لا تلحين

مجاوبته عفته  طفيت  الاضويه ومددت يم خالتي بس اكو ضوه خفيف بالغرفه اكدر اشوف خالتي بي

واني افكر غفيت كعدت وي صلاه الفجر ع صؤت الاذان استحي ارجع انام كلت خلي اكوم اصلي مدام كعدت وي الاذان

وصدك توضيت وصليت .. رجعت لكيت خالتي كاعده بس شكلها غريب باوعتلي وابتسمت اشلون عبالك شافتني

ريحانه ها خاله كعدتي

الحجيه اي يمه كعدت جاي تصلين

..استغربت منها اشلون عرفت جاي اصلي والاذان ساكت نزعت الرداء

ريحانه اي خاله جنت اصلي

الحجيه تقبل الله يمه

ريحانه منا ومنكم اجيبلج مي تتوضين وتصلين

الحجيه اي والله يمه ياريت بس يمه سبحيني خليني انضف نفسي

ريحانه لا خاله مو زين عليج اخاف تتمرضين

الحجيه لا يمه ماتمرض لا تخافين سبحيني

ريحانه خاله الدنيا نص اليل والله تمرضين

الحجيه ديله يايمه العمر واحد ماتمرض لا تخافين

ريحانه ماشي براحتج

جبت كرسيها وخليتها عليه واخذتها للحمام سبحتها بس هل مره ماخلتني اني اليفها هيه صارت تليف بنفسها وتحجي اشلون الي تقرة ادعيه ع جسمها كلش خفت بيومها

بقيت واكفه واكل باضافري ماعرفت شسوي

كملت ذبيت مي عليها لزمت ايدي وابتسمت بوجهي والنبي بوقتها احسها تشوفني

الحجيه يايمه بحق هذا اليوم اريد من الله يسعدج ويوفقج ومايخليج تحتاجين احد ويفتح كل الابواب بوجهج

يايمه اريد من الله يغسل اذنوبج ويسمح همج ويذب مي بارد ع كلبج ياريحانه

ريحانه شبيج خاله خوفتيني عليج

الحجيه لا يمه شنو الي يخوفج مابيه شي مايصير الام تدعي لبنيتها

ريحانه الله يحفضج اليه يارب بست ايدها ونشفتها  وبدلتلها وطلعتها من الحمام

وديتها للغرفه سديت الباب حتى  الغرفه ماتبرد وتتمرض خليتها ع الجربايه ونشفت شعرها حتى امشطلها

الحجيه شوفي يايمه الدنيا صدك اضحك

ريحانه ليش خاله

الحجيه يعني هسه انتي كون بحضن رجلج نايمه واني كون بنتي الي تمشطلي وتتعب وياي باخر ايامي بس شوفي بنتي حتى منايمه بغرفتي

ريحانه لا خاله خطيه نامت بالاستقبال واني يمج

الحجيه الله يحفضج يايمه بس الي جابتها بطني يايمه المن تعبت ٩ اشهر وتعب السنين ضهري نكسر ع ترباتها وتالي يايمه هيج جزاتي

ريحانه لا خاله شبيج هسه انتي اشو تخبلين واني مودكولين اني بنتج يعني مضاع تعبج شنو قابل مقصرة وياج اني

الحجيه يايمه انتي مقصرة مستحيل مامنج قصور بس يايمه اريد منج شغله تسوينها اليه بس اريدها بيني وبينج ومادكولين لاحد عليها

ريحانه اي تدللين كولي

الحجيه بس محلفتج بروح امج مادكولين لاطياف عليها ولا لمنير بيني وبينج

ريحانه اي والله شنو هيه

الحجيه شوفي يمه اخاف يصير بيه شي اني عندي ذهب وفلوس مخليتهن فوك السطح نبراس ضامتهن كلش زين جوة كاشيه

يم التانكي مالت المي الكاشيه مدمرة بصبغ احمر يعني تعرفينها اول متشوفينها اريدج اذا يصير بيه شي يايمه تاخذيهن وتتصدقين بيهن اليه ولنبراس ولابني الله يرحمه

ريحانه تدللين خاله بس ليش متريدين اكول لاطياف ولمنير

الحجيه يمه اطياف اذا شافت الذهب والفلوس تطمع بيهن وتاخذهن وما تصدقلنه ومنير هسه الي امشيته حيه ماتتخير عن اطياف بشي

ريحانه زين شنو رئيج انزلهن هل ايام ونسوي بيهن ثواب ع روحهن وصدقه الج

الحجيه لا يمه مالحك اني اريدج انتي تسويهن

ريحانه خاله لا تخوفيني فدوة رحتلج

الحجيه لا يمه علي شنو تخافين ماكو شي قابل لي راحو احسن مني

.. من حجت هيج حسيتها تدري بروحها راح تموت دمعتي نزلت بسرعه

ريحانه ليش هيج تحجين اليوم خاله شبيج خوفتيني اكعد منير ناخذج للدكتور

الحجيه لا يمه يادكتور مايفيدني بس اذا هيح كعدي خلي اشوفه اسلم عليه

ريحانه اول ماحجت هيج خليت راسي بحضنها وابجي

خاله شبيج خوفتيني عليج كلش شكو

الحجيه ماكو شي يايمه امشي انتي كعدي منير واني اصلي ع مايجي

مسحت دموعي وكمت منها لبست شيلتها خليتلها التربه وصلت واني طلعت اكعد منير صعدت متردده اكعده وزهرة يمه يبوو

بس شسوي كلت اخاف يصير بيها شي لخالتي خلي اكعدة وامري الله

وصدك صعدت الدرج بالكوة بطني موتتني ودكيت الباب محد فتح ثاني دكه فتحت زهرة شافتني وعوجت حلكها

زهرة خير ياستار شكوو

ريحانه خالتي تريد منير

زهرة شتريد منه بهيج وقت كوليلها نايم

ريحانه تدري بي نايمه ترة كعدي تريد تشوفه نادري شبيها

زهرة  كولي انتي تريدين تشوفينه صاعده نص اليل ملابسج يذبن مي شتردين

وي حجيها كعد منير دار وجه عليه فاتح نص عيونه ونايم ع الجربايه

منير هاي شكو بيش ساعه

زهرة ساعه ٤ ونص حبيبي

منير شكو ريحانه شصاير امي بيها شي .. وي حجايته كعد ع حيله ع الجربايه

ريحانه لا مبيها شي داتصلي بس كالت كعدي منير يمكن لانو البارحه مشافتك باليل تريد تشوفك

كبل خطيه كام جر القميص لبسه واجه يم الباب وزهرة لزمته من ايده

زهرة هاي وين رايح ..

هنا وخلص البارت وطبعا اسفه اني كتلكم انو كل يوميه بارت بس والنبي النت مكطوع عندي ماعرف اذا عدكم هماتين هيج

بس بسبب المضاهرات وكذا نكطع عندي الانترنت هسه لزمت الفون فجاءة ولكيت الانترنت راجع

طبعا الله رحمه ونور ع ارواح الشهداء الي راحو بهل انفجار ويارب القوة للمتضاهرين وان شاء الله هل مره المضاهرات تجيب نتيجه

اتمنى البارت يعجبكم

تحياتي

غزل الحجامية

جهلت عيون الناس مافي داخلي

...

فوجدت ربي بالفؤاد بصيرا

.........ياايها الحزن المسافر في دمي

دعني فقلبي لن يكون اسيرا

ربي معي من ذا الذي اخشى اذا

.....مادام ربي يحسن التدبير

وهو الذي قد قال في قرانه

...وكفا بربك هاديآ ونصيرا

........

زهرة اوكف هاي وين رايح انته مصدك حجيها

منير شبيج زهرة قابل اتجذب غير امي تريديني

زهرة اوكف خلي ابدل وانزل وياك

منير بدلي والحكيني

زهرة كتلك اوكف ابدل وانزل وياك

ريحانه اني انزل كملو نقاشكم وانزلو

عفتهم ونزلت لكيت خالتي بعدها تصلي ومبتسمه بالصلى بوقتها من الخوف شلت فكره الموت من بالي مع انو هيه كلشي بيها يكول جاي تودع

بقيت كاعده يمها ودموعي تنزل ثواني وطب ورايه منير باوعلي ورفع ايده بمعنى شكو

رفعت حاجبي اله ع انو ماكو شي

مسحت دموعي وهو كعد يمها لخالتي كملت صلاة

منير ها يمه تقبل الله

الحجيه منا ومنك يمه

منير شنو يمه شبيج شتحسين

الحجيه ماحس بشي يايمه مرتاحه

منير دومج يالغاليه دومج مرتاحه يعني ممتوجعه ممتاذايه

الحجيه لا يمه لا تخاف

منير ليش كاعده لحد هسه لعد

الحجيه اشتاقيت للصلاة يايمه واشتاقيتلك ردت اشوفك شنو يمه جنك ممشتاقلي

منير هو اني يمر عليه يوم وماشتاقلج بي كل لحضه مشتاقلج

الحجيه الله يديمك اليه يايمه ويديمك لمريتك ولابنك

بهل اثناء دخلت علينه زهرة لابسه روب ع ملابسها ورافعه حاجبها

زهرة ويحفضج النه عمه

الحجيه ها يمه نزلتي انتي همين

زهرة اي جنها اليوم سهرة للصبح

الحجيه لا يمه روحي نامي شعندج سهرانه

منير اصعدي نامي انتي زهرة شويه واجي اني

زهرة لا شعندي النوم طار مني بعد

منير اي يمه شني اليوم الحجي جايج بالحلم ومصحيج

الحجيه يايمه كلهم اجوني بالحلم ودومهم همه يمي وياي ماعايفيني بيوم

منير بس هل مرة منعنشينج كلش جنه بس الحجي هل مره اجه

الحجيه اووف منك اوف وين تريد توصل

منير لباب الشرجي وين اوصل يايمه شكلج اليوم حلو وصاحيه والوجه مدور

ريحانه لا منير ترة خالتي دومها هيج حلوة

منير طبعا واني ابنها طالع عليها مو اخبل

ريحانه هههههه منو ضحك عليك هيج منير كول غيرها

الحجيه لا يمه منير احله مني ابن بطني ماخذ حلاتي واكثر

ريحانه مثل حجي هبه ع اسد علي هاي كل الامهات هيج

الحجيه باجر عكبه من تجيبين الطفل بخير وسلامه راح تشوفينه احله ولد بالدنيا

زهرة القرد بعين امه غزال

الحجيه عفيه عليج القرد بعين امه غزال

منير ها ولج زهرة شقصدج قصدج اني قرد

الحجيه لا يمه ماتقصد

ريحانه صدك خاله ماكتلج اليوم الصبح اسد علي راح يطلع وراح اروح لاهلي

الحجيه اي ع الخير يمه عسا ايامه كلها فرج

ريحانه تسلمين

الحجيه شوكت بلغوج

ريحانه باليل قبل لا انام خابرتني شذى وكالتلي

الحجيه روحي يمه روحي شوفي صارلج هواي مشايفته

زهرة هو مو اخوج مو

ريحانه ابن مرت ابوي بس متربين سوة

زهرة يعني تلبسين كدامه حجاب

ريحانه ليش انتي تلبسين كدام اسعد حجاب

زهرة اسعد ابن امي وابوي هذا لاابن امج ولا ابن ابوج

ريحانه بعد كلمن وقابليتها واني واسد علي مابينه هيج سوالف

الحجيه اي يمه روحي شوفي اخيج

ريحانه هو ياخذني منير كال من يجي من الشغل

ريحانه خابرتني شذى وكالتلي

الحجيه اي يمه روحي شوفي اخيج

ريحانه هو ياخذني منير كال من يجي من الشغل

الحجيه هو شوكت يطلعونه

ريحانه هيه من خابرتني كالت راحوله يعني ب6 7 الصبح هو بالبيت

الحجيه اي يمه منير اخذها الصبح مو من ترجع عاد تكعد وي اختها وي ابوها وهم لازم حبايبهن يجتمعن

منير من ارجع من الشغل عاد تبقه يمج الصبح للضهر اخذها

الحجيه لا يمه اني مادام راح ابقه كاعده هسه يعني انام الصبح واكعد للعصر اخيتك ومرتيك الثانيه يمي من احتاج شي اكللهن

زهرة اي اخذها الصبح وخليها تبات كم يوم يم اهلها قابل شعدها

منير هذا هو حضري نفسج اخذج الصبح بس اشوكت ترجعين

ريحانه المغرب مثل كل مرة

منير هذا هو المغرب امرلج

الحجيه سلميلي عليه وع امج وابوج

ريحانه ليش مترحين وياي

الحجيه لا يايمه اتمنى بس مالي خلك اطلع من البيت اريد ابقه بي

ريحانه براحتج اني كم يوم واخلي يجي تتعرفين عليه

الحجيه ان شاء الله يمه يله يمه منير اخذ مريتك وروح كمل نومتك

منير محتاجه شي

الحجيه لا يمه سلامتك

كام منير باس راسها لامه حتى يصعد هيه هم حضنته وباست بقه يباوعلها ومبتسم وزهرة عاوجه حلكها معاجبها عاد منير اخذها وراحو

اني بقيت اسولف وياها لل6 ونمت بس بيومها خالتي هوواي سولفت وياي وتوصيني وتدعيلي احله شي جان بخالتي ادعيتها

تدعي الدعاء تحسين نفسج صدك محتاجه هيج دعاء

عاد قبل لا انام نمت بصفها وغمضت بدون مادري ونمت كعدت ع صوت خالتي

الحجيه ولج يمه يله كومي

ريحانه ها خاله بيج شي

الحجيه لا يايمه بس منير كال كعديها ع مااسبح كومي يمه حتى تروحين لاهلج

ريحانه اي ماعرف اشلون غفيت صباح الخير

الحجيه صباح الورد يايمه اني سمعتج نفسج ثكل غطيتج وعرفتج نمتي

ريحانه زين انتي نمتي لو لا

الحجيه لا يمه مانمت بقيت اقرة قران واحجي وي الحجي

ريحانه ها جنه صدك اجاج الحجي وحده

الحجيه باخر ايام الواحد عزاز كلبه كلهم يجونه

ريحانه الف سلامه ع كلبج بعدوينج يارب لا تحجين هيج خاله

الحجيه يوم يمر ع الكل يايمه هسه عوفج من هل حجي كومي حضري نفسج

صدك كمت غلست وسويت ريوك حتى نتريك اني ومنير وخالتي باوعت لاطياف نايمه وزهرة همين منزلت يعني متكعد اليوم

كملت الريوك وعفته بالمطبخ ورحت طلعت ملابس

لبست تنورة رماديه وبدي ماروني بسيط والردن تور من جوة وطلعت الجنطه ورتبت وجهي واسولف وي خالتي اول مكملت طب منير

منير صباح الخير

ريحانه صباح النور اكعد خلي اجيب الريوك

كعد يم خالتي اني رحت جبت الريوك وكعدنه نسولف خالتي ومنير مسكتو ويذكرون سوالف قبل ويضحكون

كملو ريوك واطياف وزهرة مكعدو شلت الصينيه وطلعت رتبت المطبخ كملت كلشي كلت خلي ارجع اكمل لبس

رجعت وبوقتها سمعت خالتي تحجي وي منير

الحجيه يمه انته ادري بيك شنو وادري بكلبك وكل هذا الي صار مو بيدك بس يايمه اريدك توكف وياها ماريدها يايمه تتندم اكثر من هل ندم الي هيه بي

منير يمه فدوة رحتلج قابل اني شمسويلها شوفت عينج عايفها ع راحتها

الحجيه يمه صدك اني ماشوف بس احس واعرف بزهرة واطياف اشلون يحجن وشنو يحجن يمك

منير عوفج من زهرة واطياف الي تريدينه كوليلي ايا واني اسوي

الحجيه يمه هالله هالله بريحانه وبالي ابطنها يمه احس ريحانه قطعه من كلبي ماريدك تسوي شي ياذيها يايمه اذا صار شي بريحانه حتى واني بكبري اتعذب

...من سمعت حجيها طبيت عليهم كبل

ريحانه شنو اله لزوم هل حجي ياخاله

الحجيه يايمه بنيتي واوصي عليج

ريحانه الله يحفضج اليه يارب

... بستها من راسها وكملت وطلعت اني ومنير بس بقيت خايفه ع خالتي واخاف ذني مينطنها علاجها لو يسون غده موزين عليها

منير اكلج صدك امي جاي تاخذ علاجها

ريحانه اي بوقتها انطي الها

منير زين اكلها

ريحانه تدري بيه ماسوي شي موزين عليها

منير شبيها اشو معاجبتني اليوم

ريحانه والله حتى اني هيه صارلها يومين ع هل حال احسها متغيرة

منير خير ان شاء الله اشوفها اليوم اذا رجعت وكالت متاذيه لو شي اخذها للدكتور

ريحانه مرلي اذا تاخذها

منير ان شاء الله المغرب اجيج اخابرج عود قبل لا اجي

ريحانه ماشي

منير هسه ناس هواي يمكم

ريحانه اذا طالع اي لازم اسد علي الكل يحبه يعني الكل جاي

..

بقه ساكت واني هم سكتت بقيت اباوع من الجام ع السيارات وع المحلات فرحانه بطلعت اسد علي

بس ملامحي ماعرف ليش جامده مابيه فرحه بوجهي احس فرحتي بكلبي فقط

بقيت اسولف وي نفسي لحد ماوصلنه للفرع مالتنه كله سيارات وناس طابه وناس طالعه شفت شيوخ طبو للبيت مالتنه

وناس واكفين بالشارع ويسولفون هواي ناس جايين

وكف السيارة شويه من بابنه ونزلنه مشه منير واني ورا

اريد اطب فرحانه بطلعته اريد اركضله واشوفه بس رجليه تمشي ع كيف لحد ماوصلنه للباب شفنه ضرغام مقابيلنه

منير السلام وعليكم

ضرغام وعليكم لسلام اهلا واسهلا خويه نورت

منير بنوركم ع الخير طلعت البطل

ضرغام تسلم بعد روحي تفضل اتفضلو اشلون ريحانه

ريحانه تمام الحمدالله وانته اشلونك

ضرغام الحمدالله بخير من جبنا لحد هسه اسد يسال يكول شوكت تجي ريحانه

منير بعد الاخ وراد اخته

ضرغام اي صح

طبينه فتت من الاستقبال ومنير طب يمهم بالاستقبال بس اني لا طلعت لانو زلم كاعدين

طبيت لكيت شذى وهبه وساميه ونور والبنات كلهن

هبه هله هله

ريحانه السلام وعليكم ع الخير عسا الفرحه الجبيرة بزواجه

سلمت عليهن كلهن

ساميه ولج بذاته تليفون تليفون مترفعين من طلاك شذى لحد هسه مشايفتج

ريحانه والله حقكم بس والنبي الحمل وخالتي والبيت ماخذات كل وقتي

ساميه انوب كالو جايتج ضره صدك هل حجي

ريحانه اي صدك

ساميه وانتي اجابرج ع هل شي عوفيهم وتعاي اشو تخبلين

ريحانه مو وقته هل حجي جايين نفرح باسد علي وينه شذى خلي واحد من الولد يصيحه خلي اشوفه

..واكفه اباب المطبخ واحجي وياهن وهنه يسون بالجاي ذبيت الجنطه ع الكاونتر

وطلعت شذى تشوفه واحد يصيح اسد علي

طبيت شذى كالت هسه يجي

اخذت الشكر اني من هبه وسويت الاستكاين لازمه العلبه مالت الشكر بيدي وطب اسد علي

اسد علي ها عيني اجيتي

.. منطيته ضهري واصب بالشكر درت وجهي عليه ابتسمت ابتسامه عبالك غبيه عيوني ابتسمت قبل

حلكي بقيت اباوعله اريد اتقدم بس احس جسمي مانعني هو بقه يباوعلي ومبتسم بيناتنه يمكن 3 امتار اتقدم خطوتين يمي رفعت راسي واباوعله

احس روحي مشايفته صارلي شكددد لحيته الكبرانه عيونه الي تجدح حواجبه سمارة الي صاير احله واحله

بس ماعرف ليش بوقتها الصمت جان سيد الموقف بيناتنه حتى شذى وهبه وساميه والبنات بقن ساكتات عيوني دمعت لا اراديا من بقه يباوع عليه اريد احجي

احس كلبي يريد يكله اشتاقتلك ضاعت بدونك حارت بس لساني مينطق

بوقتها حاجيته بكل الطُرق و أولها جان الصمت حاجيته بعيوني بحركتي براسي بكلشي وهو هماتين احس عيونه تحجي هواي

خ

بلحضه وحده نشلت من الكاع بحضن بحضنه حضني بيده من خصري وايده الثانيه ورة ركبتي الشكر بيدي وكع مني

بوقتها جسمي تحرر خليت ايدي ع ضهرة وجهي دفنته بركبته وهو هماتين بقه حاضني

وابجي احس عيوني بوقتها اخذت افراج مو هو احس عيوني بوقتها جانت مسجونه وتحررت

بجيت بحضنه بجي احس طلعت العتاب كله عاتبته بدموعي ع الي صار بينه بدون سبب ع بعد ع زواجي ع الي اني بي هسه

احس دموعي جانت مضمومه لهل لحضه

احس كل الي صار بيه من مشاكل وضغوطات وتعب وكلام سمعته وغلست عليه

وكلام سمعته وردت عليه بس مرتاحيت احس التعب الي صار بيه كله مبجيت عليه هسه حسيت بي هسه روحي تحررت بحضنه احس اخذ تعبي مني كلللله

بقه حاضني ويشم بشعري واني ابجي بالبدايه دموعي ساكته بعدين كمت اشهك اشهك بصوتت

وهو يشم بشعري وايده ع شعري من شافني كمت اشهك صار يحجي وياي

اسد علي لا لا لا شنو هاي الدموع تؤتؤتؤ

ويحجي وياي واني ابجي دموع كل هل تعب وهل فترة طلعتهن

طب ابوي ع صوت بجيي واني حاضنه اسد علي بيدي من ركبته ودافنه وجهي بركبته واسمع هبه وشذى والبنات يبجن وياي

ابوي هاي شكو شصاير

هبه عوفهم حجي الي مر عليهم اثنينهم مو قليل

بوقتها ابوي وهبه والبنات واني باقيه حاضنته حتى ماسحيت بمستحه انو خلي اعوفه عيب لو شي

وع شنو استحي ماحسيت انو الي جاي اسوي عيب

ـ

مستحين شبينا غير الحب حلال 🙃♥️.

..

بقيت بالرربع ساعه حاضنته واحس دموعي تحجي ويا وهو يسكت بيه

شذى ولج احنه مابجينه هلكد شبيج نكرصتي

هبه غير مشتاقتله

ريحانه هنا حجيت بعدت راسي من ركبته وكفت كباله وحجيت ويا

ريحانه اي والنبي اشتاقيتلك هواي

اسد علي اني اكثر بس ماشتاقيت لدموعج الفاهيه

ريحانه اهو هم فاهيه هسه اني مسويه شي

اسد علي كولي شنو الي مسويتي هسه

باسني من راسي وابتسمت بوجه شفت بابا واكف ورا

رحت حضنته وسلمت عليه

ريحانه اشتاقيتلك كومه والله

ابويه اني اكثر بويه اشلونج شخبارج

ريحانه الحمدالله تمام

ابويه اشلون حفيدي

ريحانه بخير ان شاء الله

واحنه نحجي طب ضرغام

ضرغام ريحانه رجلج راح يروح

اسد علي اي خلي يروح

ضرغام مرايده شي منه

.. باوعت لاسد علي وحجيت

ريحانه لا ممحتاجه شي

....

هنا وخلص البارت باجر ان شاء الله اذا اكو نت انشر بارت جديد

واريد رئيكم بطلعت اسد علي وشتتوقعن شنو يسوي لريحانه او شنو راح يصير بريحانه

أمشي بدرب مُو درب

بي ضَيعت ونستي

وضيعَت مَدري شنو

ها اعتقد ضِحكتي!

بس گِلت بالله العوض

عديت ربعي الوفو

بالخنصر وخَلصو

ضميت أدية وصحت

يابوية يافَشلتي.🤦🏼‍♀🖤...

غزل الحجامية👑👉

شذى شعجب اجيتي هيج وقت اني كلت هل عقده الي عندج ميخليج تجين

ريحانه هو كال اجيبج من ارجع من الشغل بس خالتي كلتله اخذها هسه تشبع منهم

ساميه همم يعني زينه عمتج مو

هبه ولج مو كتلج زينه وحبابه

نور بس ريحانه حليانه ترة الحمل كاعدلج

شذى باع الجذابه اصلا صايرة ماحلوة الحمل مخربها صايرة شضعفها

ابوي لا بنتي تخبل حتى اذا تضعف يله انتن عوفن هل سوالف وكملن الجاي بسرعه

هبه هذا هو كمل خلي اصبه واخذه وياك

صبينه الجاي وواسد علي وابويه طلعو من يمنه بقينه اني والبنات

طبعا عرف نور نخطبت هيه واختها

ريحانه بس انتي مو ع اساس جنتي تحبين اسد علي

نور يمعودة نصي صوتج لا احد يسمع مو حب اني جنت معجبه بي بس من شفت عبدالله خطيبي حسيت الدنيا تضحكلي من جديد وحسيت هو الحب الحقيقي الي اني اريده

ريحانه امم حلو اسمه عبدالله

نور اي صديقه لضرغام

ريحانه زين اشوكت تزوجون

نور عن قريبا ان شاء الله وتركصين بعرسي ابطنج هاي

ريحانه دولي ماجي يعني انتي بالخطبه معزمتيني تريديني اجيج بالعرس

نور لج ياخطبه مسوينه خطبه لانو جانت عدهم وفاة مالت ابن عمه جده من بعيد يعني سويناها بيناتنه والله حتى مكياج مكيجت بالبيت

ريحانه اممم اي اذا هيج افكر اجي بالعرس بس كون تسون مو هم وفاة

نور لا ادعيلنه هو يكول اسوي لانو هو الي مات مو قريب عليهم كلش بس ستحو بالخطوبه بس بالعرس لا شي ثاني

ريحانه شايفه كل الخير يارب انتي تستاهلين

نور حبيبتي تسلمين زين وانتي مرتاحه وي منير اشلونه الزواج وياج

.... من سالتني نور ماعرفت شجاوبها مع انو همه يعرفون كلشي يعني يعرفون زواجنه اشلونه واشلون ازوج عليه واشلون متحمله العيشه بس عمود خالتي

والي ابطني بس دائما من يسلوني هيج سوال اكتفي لو بالصمت لو احجي قليل ومرات اعوف عيوني

هيه التحجي بدموعها ماعرف اذا يبين عليه لو لا بس اكثر الاحيان احس عيوني الي تجاوب ع الاسئله الي تذكرني بكل التعب الي تعبته

...

ريحانه زين الحمدالله الزواج مرات حلو ومرات مو حلو

نور اممم وانتي مبين من عيونج الزواج كله مو حلو وياج

ريحانه لا الحمدالله ليش هيج دكولين

نور ماعرف يمكن احساسي غلط ويمكن شفت الدمعه هاي بعيونج من اول ماجيتي

ساميه نور عوفي السوالف امشي جيبس تليفوني من الغرفه

نور اي صار

- ترفض دائما" أن تتحدث عن ما يؤلمُها ،

لكن ما يؤلمها. يلمع في عينيها وهي" لا تعلم ،♡🖤

..

عافتني وراحت مسحت عيوني وبقيت ساكته وساميه وهبه يسولفن

وشذى والبنات همين

هبه انتي شخبار النزيف توقف لو لا

ريحانه لا والله مرات يتوقف ومرات يكثر

ساميه تدرين النزيف موزين ولا سامح الله هسه يطلع الطفل ميت

ريحانه لا اسم الله ماكو شي ان شاء الله

ساميه ان شاء الله بس اني قصدي النزيف يحتاجله راحه يعني كون تنامين ع ضهرج فد شهر ونص لحد ماينكطع انتي وين مرتاحه

هبه والله حتى اني فكرت بيها انتي حاي تحسين بحركه منه

ريحانه هل فترة لا مجاي احس

هبه موزين هيج الطفل من النزيف ممكن يموت بداخلج ليش متراجعين دكتورة

ريحانه مو رحت قبل فترة

ساميه اي وشكالت

ريحانه كالت النبض ضعيف وانطتني مثبتات واخذتهن

ساميه اي ديري بالج ع نفسج وبين فترة وفتره راجعي الدكتورة

. ـ

ريحانه صح اشويه خفت من حجي ساميه وهبه ع الطفل بس مابقيت الكلام ابالي ماردت اخوف نفسي ماريد افقد ابني

بقينه نسولف وي البنات ونسوي بالغده قسم يسوي غده نور واختها يسون بالجاي لانو كل شويه ناس جايه شذى ترتب بالبيت

اني وساميه نسوي بالغده

وهبه كل شويه تروح تسولف وي اسد علي وتجي فرحانه بي تريد اتضمه بكلبها

ساميه زين مرته حلوة

ريحانه هيه بنت عمته من زمان جان خاطبها بس فصخو يمكن شايفتها انتي

ساميه منيه منهن اني اذكر الي اجن بالعرس

ريحانه اممم جانت لابسه احمر فستان

ساميه يبوو السمره كلش

ريحانه اي هيه هاي

ساميه يبو ولج هاي لعبان نفس اشاف منها يحضي اهمداج

ريحانه يا اني شعليه

ساميه خليتي يزوج وعلي اني من هبه سولفتلي متت فرت فورة دمي صار يغلي شنو انتي شناقص ويزوج عليج

ريحانه انتي تدرين ابطبيعت زواجي اني ومنير

ساميه اي صدك وهاي هم شغله ثانيه شنو هل حجي انتي مرته تريدين هل شي متريدينه انتي مرته يعني من دكولين اني ويا زواجنه بس عمود الطفل والحجيه ترة تخلين الناس تحجي عليج

ريحانه ليش يحجون عليه

هسه يكولون عدها واحد ثاني

ساميه هيه يكولون عدها واحد ثاني وعاجبها ومتريد رجلها انتي خليتي يتزوج بسهوله

ريحانه يعني قابل اجبره لو اتوسل بي

ساميه انتي تحبينه

ريحانه ياحب هذا اشبيج اني ويا ماذكر كعدنه وسولفنه سالفه عدل

ساميه شجابرج عليه لعد اطلكي منا ولا انتي اول ولا اخر وحده تطلك

ريحانه لا اني ماريد الي ابطني ينولد ومايلكي امه وابو سوة

ساميه شو نطني البهارات من يمج

نطيتها البهارات وصارت تطبخ وتحجي

ساميه زين الي ابطنج ينولد يشوف امه وابو منفصلين وكلمن عايش حياته لو ينولد يشوف امه عايش وي

شخص متحبه وماطيقه لا وفوك كل هذا متزوج عليها وعايشه وياها بنفس البيت وابوه ميعامل امه ع انو هيه مرته لا بالعكس يمكن حتى حترام مابينكم

ريحانه لا مو لهل درجه منير هم حباب

ساميه انوب ادافعين عنه

ريحانه مو ادافع عنه بس هو عاش هيح يعني الي يسوي غصبن عنه

ساميه وبعد كل هذا ادافعين اله

ريحانه شوفي من اتزوجته لحد هسه ماعتبرتله رجلي ابد ولا راح اعتبره زواجي واكف بس ع خالتي وع الطفل الي ابطني ولو ماخالتي والطفل لحضه مابقه ويا بس شسوي

ساميه انتي طيبه كلب ماعرف ثوله الله يهدي بالج ويريحج ماكلج غير هذا

ريحانه شيريح احس نفسي مو اني

مـاعشت عمري عدل كلــساع اطيحن ونعدل خلـص الحيل البيه ...!♡

ساميه هم حقج بس شنسوي هيه هاي الدنيا وهيه هاي اختياراتنه

...

كملنه الغده وطب اسد علي بالمطبخ اني جنت لازمه المواعين اريد اصب التمن وهو اجه ابتسمت اله وهو هم ابتسملي شذى اخذت اماعين صبت المركه

واني كعدت اصب بالتمن

وبطني واني يبو منضري يفشل

رفعت عيني اسد علي يباوعلي حسيته بوقتها يريد يكول شي

....

السجن بالنسبه للسجان غرفه ويخلي بيها ناس ويراقبهم بين فترة وفتره بس بالنسبه للمسجون

فراغ فراغ ياخذ كلشي منه اهله ناسه احبابه طلعاته ياخذه حتى نفسه من عنده

اني السجن حسيته اخذ مني الشي الي جنت عايشه عليه اخذ ريحانتي

واني بالسجن وتوصلني اخباره اتكطع واموت بس مابيدي شي واني بره ماكتلها اني اريدج انوب من فتت للسجن اكلها ماترهم

وسكوتي دفعني انو خسرتها للابد

من جانت تخابرني شذى وتسولفلي عليها واشلون متعذبه وي رجلها احس روحي تعوفني اتعب ونفسيتي تخرب بس بعدين اكول هو كل الزواج هيج يمكن شذى تبالغ

عشت فترة السجن ع امل اطلع واشوف ريحانتي ومن وصلي الخبر انو المحامي مكمل الاوراق وراح اطلع

ماعرف احساسي بوقتها ابجي ع اضحك ع امل ع خيبه امل ماعرفت احساسي بوقتها ردت بس

اطلع بس اشوف الدنيا بيومها بقيت كاعد مانمت سبحت وزينت ورتبت غراضي وبقيت منتضرهم للفجر صليت وكملت

واني منتضر الحجي والولد يجون يطلعوني

وصدك للصبح صاحو اسمي وطلعت شفت الحجي وضرغام وعلاوي اول مطلعت وشفتهم يم الضابط اجوي وحضنوني

ضرغام عمي اذا هيج السجن يخلي الواحد يصير حلو انته روح واني راح ادخل

اسد علي يمعود ياحلا ددخل بي يوم واحد وشوف شيسوي بيك

علاوي اي والله اني هسه هنا وضجت خلي نكمل الاوراق ونطلع بسرعه

صدك كملنه اوراق الفراج مالتي وطلعنه شفت الشمس الدنيا احس روحي جنت بعالم ثاني بحيث بالسيارة نمشي واباوع ع كلشي ع الناس ع السيارات والزرع

حتى الحيونات الي تمشي بالشارع الزبل ع كلشششي كلشي بقيت اباوع

وردت بس اوصل للبيت حتى اشوف ريحانه ورة فترة وصلنه للبيت الكل استقبلوني ولد خالاتي حتى ابوي وعمي ولد عمي وامي بنصهم ركضت عليه وحضنتني

طببوني بالبيت كل شويه بحضن واحد اني فرخان بحضنهم بس ادور ع وردتي ع عطري الي اريد اشتمه صح هسه هيه تزوجت وحرمت عليه

بس الكلب مايعرف زواج وحرام كلبي رادها بس ماكو

هبه يابعد كلبي يايمه هديت حيل بعدك عني

اسد علي ماعاش الي يهدج ام اسد مادرري بيج هيج ضعيفه

شذى ياضعيفه ياخويه هديتنه كلنه بغيبتك هاي

اسد علي قابل بيدي ياخوي

ضرغام ربكم فرجها وان شاء الله ماتتكرر

اسد علي ريحانه وين شنو مجايه

هبه لا بعدها يمكن تجي الضهر  لو المغرب

اسد علي شنو ليش هيه متدري بيه شوكت اطلع

شذى لا تدري اني كتلها بس رجلها شويه حقنه

اسد علي ها زين

علاوي كوم اسد الزلم يريدون يحجون وياك وابوك همين وعمك

اسد اي طالع

هبه دعوفو يمي يايمه خلوني افرح عيوني بي

علاوي يمج يمج استحملي بس هل كم يوم كل شويه نخطفه من حضنج

..

كمت يمهم واحجي وي ابوي بس اني علاقتي مو كلش وي ابوي وعمامي بقيت احجي بس موكلش وياهم وعيوني ع الباب

كل ماواحد يدخل اكول هسه تجي ريحانه

ضرغام شبيك اسد شكو

اسد علي لا ماكو شي بس اكول بلكي تجي ريحانه هسه

ضرغام يمعود رجلها مو مثلنه اسم امي وخالتي يحجن عليه يكولن موزين وياها ماعتقد تجي هسه

اسد علي نسوان وحجن بعد

ضرغام اي والله

...

مر الوقت واني بين الزلم كل شويه اكوم يم امي والبنات احجي وياهن مشتاق لحضن امي ولشذى

واني منايم ردت بس تفض وانام بس

وين الريوك والجاي كل شويه شكلي اليوم منام

رجعت يم لزلم وشويه وضرغام كام واسمعه يسولف بالباب كلت شوف

منو من الزلم اجه وصدك شويه وطب وطب ويا ولد موغريب عليه شايفه طب سلم ع الكل وسلم عليه

ضرغام هذا زوج ريحانه

.. من باوعتله ماعرف شحسيت مارتاحتله ابد وهو هم حسيته مرايدني

سلمت عليه واريد بس اطلع اشوف ريحانه ماطبت لانو زلم هنا

بقو يسولفون واني اباوع عليه

اوف يالحظ ريحانه ماخذه هذا واني الي جنت اتمنى بس كلمه منها حتى منايتي هسه راحن

شويه عفتهم وكمت اريد اشوف ريحانتي وطبيت للمطبخ شفتها واكفه ع ومنطيتني ضهري نازعه الحجاب ورافعه شعرها بطريقه مهمله بحيث نص شعرها واكع من القراصه بقيت صافن عليها

حجت ودارت وجها عليه ولازم بيها علبه تسوي بالشكر

من شافتني بقت صافنه لا حجت لا سوت بقت صافنه حلكها ماتحرك بس كل جسمها تحرك

احس عيونها دكلي اشتاقيتلك ايدها تريد تحضني رجلها تريد تركض عليه وتكون قريبه مني كل جسمها حجه بس شفايفها ماحجت

تقربت منها من شفت دمعتها بعينها بدون وعي

وعي حضنتها رفعتها من الكاع وكع الشكر من ايدها خليت راسي بركبتها وبشعرها حضنتها حضنت سجين وحضن الحريه حضنت اب اول مره يشيل ابنه الي منتضرة صارله سنين حضنت ام ابنها غايب عنها صارله سنين

بالبدايه هيه حضنتنتي وخلت راسها بركبتي وتبجي بهدوء وي كل دمعه تنزل منها ع ركبتي احس روحي تموع وياها

بقيت حاضنها وماعرف شكد لحد ماكامت تشهك ابجيها هنا عرفت ريحانتي تعبانه ومتاذايه

تشهك واني متحملت بجيها كتلها لا لا كافي اريدها تسكت ماكو لحد ماطب ابوها عباله بيها شي  بس امي سكتته كلهم سكتو بقو يباوعون ويبجون عبالهم اخ مشتاق لاخته ميدرون قلبي مشتاق لبنته مشتاق لبنيتي لعطري لريحانتي 

لحبيبتي

شوُصلني يم گلبج شسويت أنه بروُحي؟! .

بعدتها من حضني ورة شويه باوعتلي وكالت ترة شتاقتلك هواي بقيت اسولف وياها ودموعها بعينها عرفت صدك وردتي ذبلت باوعت لبطنها اوووف

اتمنيت ابنج مني بس القدر من يلعب ويانه

شويه وطب ضرغام كللها رجلج راح يروح هنا ضجت كلش هيه مالتي شنو يكوللها رجلج  رحت يم

الزلم وبالي يمها اريدها اريد كون اكعدها يمي وابقه بس اسولف وياها مشتاق لفهاوتها لعركها لاكلها مشتاق اكل وراها بخاشوكتها اداهرها واخليها تعوف ماعونها واني اخذه مشتاق لتفاصيل صغيره بيني وبينها

هنا وخلص البارت اتمنى يعجبكم

تحياتي

غزل الحجامية

انه شرايد من الله

غير انتي وكمر مثلج

ونتعارك صدك ع النوم

ياهو اليستحق حضنج

..

بس مبين مراح اكدر اكعد وياها اليوم وهذا رجلها الحقنه مبين راح يجيها من وقت ع حجي البنات وامي

والزلم بقو ياطابين ياطالعين واسمع صوتها تسولف وي البنات وي امي اريد اطب اريد احجي وياها اشبع عيوني منها

بس مكدرت لحد وقت الغده طلعت اني وضرغام وعلاوي نساعدهن طبيت اني هيه جانت لازمه مواعين بيدها شافتني ابتسمت واني هم ابتسمت لشكلها بطنها وهيه

كعدت تصب بالتمن واني كبالها شفتها حارت بروحها ابطنها وكعدت الكاع اشو هاي بسطت تربعت تربع بالكاع وصارت تصب بقيت اباوع عليها كعدت يمها واساعدها

والولد هم يساعدون البنات وامي كل شويه تجي وتحضني وتبوسني وتشم بيه

صبينه الغده واني عيوني عليها رحت يم الزلم تغدينه كملنه صبينه الجاي واسمعهن يغسلن بالاماعين صارت دنيا ضهر  طلعو الزلم كلهم وابوي

وعمي ولد عمي هم طلعو بدت تخف بس اكيد للعصر تزيد حبايبنه هواي ع كولت امي

ماصدكت طلعو سلمت عليهم وطبيت مثل الطير الي شرد من القفص رحت للمطبخ كبل شفتها تنشف بيدها هيه ونور

..

ريحانه يمه غسلننه الاماعين اني ونور وتسولف ع خطيبه وع طبعه اشلون مرات عصبي ومرات يغار

وسوالف المخطوبات وعود اني الي متزوجه ومطلوب مني انصحها ههههههه غليت ع الموضوع ولا نصحت هو اني دخل انصح نفسي  بس نور حبابه وسباعيه تعرف اشلون تصرف كملنه وبدو يخفون الزلم

شويه وطب اسد علي والولد ورا راحو يم هبه وساميه

نور دروح يم امك جاي المطبخ شسوي

ريحانه ولك يمكن جوعان بعده يريد جاي

اسد علي مطبخ الخلفتج بنت القنظرة تعاي اطلعي بره

نور عفيه عفيه لو يسمعك خطيبي تغلط عليه يدخل بيك سجن هههه

اسد علي كومي لج انوب نخطبت وصايرة تهدد

نور بزدو عبدالله اهدد الكل ههههههه

اسد علي عمي الله يحفضكم

نور ويحفضك

.. بقت تباوع عليه اني وريحانه شويه وعافتنه وطلعت

ريحانه همم جوعان

اسد علي كلش

ريحانه اصبلك يعني

اسد علي شتصبين اتصبين نفسج

ريحانه مافهمتك

اسد علي جوعانج بس انتي فاهيه

ريحانه والنبي مافهمتك كلي شمشتهي واني اسوي الك

اسد علي انتي الفهاوه عندج فول المهم صبيلي جاي

ريحانه اي تدلل

اسد علي اكلج صدك هذا رجلج اشلون متحملته

ريحانه ليش شبي

اسد علي عمي ياشبي يمعودة ساكت ومبين عليه نفسيه

ريحانه هو طبعه هيج

اسد علي امممم ادافعيله

... خليت الجاي كدامه

ريحانه ع شنو ادافعله بس جاي اكلك انو طبعه هيج

اسد علي زين مرتاحه ويا

..باوعتله وحجيت

ريحانه اي الحمدالله

اسد علي يعني خوش ولد

ريحانه اي

اسد علي زين شنو يكولون متزوج

ريحانه اي قبل فترة تزوج

اسد علي يعني انتي مصارلج سنه من تزوجتي شوكت لحك يزوج عليج

ريحانه صارت ضروف وهيه البنيه جانت خطيبته قبلي

اسد علي يعني يحبها

ريحانه اي مبين عليهم هيج

اسد علي زين سوالف الزوجه الاوله والثانيه اشلونهن وياج

ريحانه تدري بيه بحالي معليه بيها

اسد علي انتي بحالج اذكرج بعركج وي امي وشذى وياي لو ناسيه ولج جنتي تتعاركين حتى وي نفسج

ريحانه ههههههه لا هاي قبل هسه وين ساكته والله ماحجي

اسد علي اي عمي الزواج يربي

ريحانه عابتلك قابل ممتربايه اني

اسد علي اكلج تذكرين من تعاركتي وي امي وردتي تنضفين المطبخ وبيدج قوري الجاي شلتي وركعتي بالكاع والمطبخ نترس جاي

ريحانه هههههه اي اي انوب امك تصيح ها نهجمنه كتلها هجمكم العباس

هههههه

اسد علي وشذى وعركج وياها من جنتي دكليلها انتي طافيه عليج الكهرباء لانو هيه سمره وانتي بيضه

ريحانه ياروحي هسه اني طفت عندي الكهرباء وهيه شتغلت

اسد علي اي الدنيا يوم الج ويوم عليج

ريحانه هههه ونعم بالدنيا الحلا الك عفناها

اسد علي من يوم يومي حلو ترة اني

ريحانه مو جاي تشرب جاي لا تجذب لا انوب تغص

اسد علي ههههههه ها كل هاي ودكولين ساكته

ريحانه اممم يعني متريدني احجي تريد ابقه ساكته اوكي

اسد علي شسكتين هو اني واكف يمج حتى تحجين ولو انتي حتى سكوتج حلو

‏باهَت لوَّن اليحجون ‏وإنيَ حچايتج كمرة

ريحانه شخبار الحريه وياك

اسد علي ولج ياحريه شفتهمت منها اني مصارلي 4 ساعات من طلعت وبس خطار

ريحانه هسه تكعد وترتاح شتكول احضرلك الحمام تسبح وترتاح

اسد علي اي والله ياريت

ريحانه ديله روح اكعد يم امك ع ماحضرة الك

اسد علي تمام

عاف الاستكان مالت الجاي وطلع من المطبخ طلعت اني اخذت جنطتي وياي حتى ابدل احس

روحي تحنطت بهاي التنورة والبدي

اخذت جنطتي وصعدت فوك بغرفتي القديمه بعدها نفس ماهيه بس مخلين بيها غراض اسد علي يمكن راح ينطوها اله

غيرت ملابسي ورتبت وجهي واخذت ملابس لاسد علي وحضرتله الحمام الفوك

نزلت لكيته نايم ع رجل امه وشذى والبنات والولد وابوي كلهم داير مدايرة ويسولفون ويا من طبيت باوعلي وابتسم

ريحانه كمل الحمام كوم اسبح

هبه حلاتك شبيك وتسبح اكعد

اسد علي لا يمه اسبح وارتاح اشويه

ريحانه بابا احضرلك الحمام انته همين

ابوي اي والله بويه ياريت خلي نسبح وارتاح شويه العصر جماعته كلهم يجون لاسد علي وذوله شباب ادري بخبالهم

اسد علي ها حجي شقصدك اني مخبل

ابوي والله بويه جماعتك البارحه خابرتهم صارو يهلهلون بالمبايل

ضرغام همه ذوله الاصدقاء عفطيه

علاوي يمعود مثل عبدالله خطيب هل ثوله اكله ابن خالتي راح يطلع يكلي ع الخير وسكت لا هلهل لا ضحك

نور شتريده يعني يتحزم ويركص

ضرغام شوف اشلون ادافعله شوف

ساميه عوفوها خطيبها وادافعله براحتها

ريحانه همه ذوله من ينصبون ع احد يبوو كوم انته كوم اسبح وارتاح شويه

هبه اي يمه كوم

ريحانه وانته بابا راح احضرلك الحمام هسه

شذى اسد شنو راح تنام

اسد علي اي والله نعسان شويه

شذى باع ساعه 1 ونص 2 ونص نكعدك ترة نريد نشبع منك قبل لا اتروح هاي

اسد علي صدك بيش ساعه تروحين

ريحانه المغرب

..كام اسد علي صعد فوك يسبح واني طلعت حضرت الحمام لابويه واذكرت خالتي وقت دواها هيه كلت خلي اخابر منير

صعدت فوك لانو عفت جنطتي فوك دكيت الباب ماجاوب يعني بعده يسبح وهم سمعت صوت المي بالحمام

فتحت الباب طبيت شلت الجنطه وطلعت تليفوني خابرته اول شي نطاني رفض خفت

رجعت خابرته شويه وجاوبني بس بعصبيه

منير الووو شكوو

ريحانه الله يساعدك شبيك متعصب

منير ماكو شي شكو شرايده

ريحانه مرايده شي سلامتك بس حبيت اطمئن على خالتي اخذت علاجها

منير مادري بعدني مراجع للبيت

ريحانه ليش خير

منير السيارة مالتي ضربتها سيارة واني بالمصلح هسه

ريحانه يا خو ماصار بيك شي

منير لا مجنت بيها اني

ريحانه يا يله بالحديد ولا بيك

منير يابالحديد يمعودة السيارة دمرت كلش

ريحانه خير ان شاء الله بس خابر انته ع البنات كللهن خلي ينطن العلاج لخالتي ويسولها الغده

منير ماشي هسه اخابرهم

ريحانه يله مع سلامه

منير باي

...

سديته منه واخذت التليفون بيدي ونزلت بس كلبي وجعني مدري ليش  خفت ع خالتي بس

يله اطياف بنتها معقوله متنتبه على امها

نزلت كعدت يم البنات وبقينه نسولف وشذى تحجي ع الدراسه مقررة ترجع هل سنه تمتحن السادس وضرغام كللها اسويها الج اخليج تمتحنين بس اخر السنه

لانو عنده معارف بالتربيه بس طبعا صعبه عليها لانو سادس وماباقي شي للامتحانات اقل من شهر

ريحانه وين تلحكين ع الدراسه ولج عوفيها ع السنه التجي عاد وادرسي من البدايه

ضرغام هاي شبيها هاي اكللها عندي عرف بالتربيه يعني  نجاح مضمون

ريحانه باع الخبيث لعد من اني جنت بالسادس وين جان عرفك هذا

ضرغام مصار هواي من تعرفت عليها والله

شذى العب انوب ابنيه

ضرغام ههههه لعد قابل ولد

شذى اي عيني لو هيج العلاقات لو متنراد

ضرغام لعد شعبالج

...

مر الوقت بين السوالف والضحك ابوي نام واسد علي منزل هم نام ونور اخذت

تليفون وراحت تخابر بخطيبها وعلاوي وضرغام يسولفون

وهبه وخواتها نامن واني والبنات بقينه نسولف ومكعدنه اسد علي عفنا نايم خطيه

بس هو ب 3 نزل يفرك بعيونه

اسد علي ها ولجن ماصعدتن كعدتني

ريحانه كلنه خطيه خلي يبقه نايم

كعد يمنه شويه كامت شذى جابتله مي وعصير النه وكعدنه نسولف ونضحك ويسولف ع السجن واصدقاءه الي هناك

شويه وندك الباب مالتنه كام اسد علي يفتحه لانو جماعته من صوت السيارات والاغاني عرفهم

وصدك بس فتح الباب صارو يهلهلون وطلعو وياهم بالشارع يغنون ويركصون فرحانين بي

شذى ركضت هيه والبنات من فوك يباوعن والولد طلعو وياهم

صعدت وراهن اني  اباوع عليهم اشلون فرحانين وشايلينه ويركصون بي وهو همين شكله فرحان

بقيت اباوع لتليفوني احس اكو شي بس ماكدر اخابر منير بعد

عفت البنات ونزلت حضرت الجاي والعصير  والمي شويه وطب ضرغام  وعلاوي ورا

ضرغام هاي شنو وين البنات

علاوي اي بسرعه كملي لجاي الولد طبو

ريحانه البنات بالغرفه الفوك وهذا الجاي والعصير كمل

رتبت الصينيه واخذوهن واسمع ضحكهم وشقاهم بقو يمه للعصر

واني بقيت يم البنات بالمطبخ ماخليناهم يكعدون هبه وابوي سدينه الباب عليهم همه وساميه والبقيه وبقو نايمين لانو تعبو خطيه

بقينه احنه بالمطبخ نسولف ونشاقه ونسوي الجاي ومدري شنو

صارت ساعه 5 ونص كلت خلي اخابر ع منير

اول مدكيت جاوب

ريحانه ها الله يساعدك

منير هلو

ريحانه شنو كملت سيارتك

منير لا عفتها يم المصلح ورجعت للبيت هستوني بعدني اتمشي بالفرع

ريحانه ها زين لعد من توصل عود طمني ع خالتي

منير ماشي

ريحانه يله مع سلامه

منير باعي فد ساعه واجيج

ريحانه ماشي منتضرتك

..

سديته منه وبقيت اسولف وي البنات اصدقاء اسد علي راحو  اجو الولد كعدو يمنه بالمطبخ

بسطو كعدو بالكاع كلنه كعدنه بالكاع ونسولف

شكلنه بوقتها يضحك كلهم كعدو بس اني الكعده اتعبني بقيت واكفه

اسد علي بس شوفو هاي الثوله ماتكعدين

ريحانه اسكت مني اني متوتره منا وانته اجيتني اسكت

اسد علي ها ولج ع شنو متوتره

ريحانه مادري بس كلبي ممطمن

اسد علي اوف منج

شذى لو مادري برجلج زباله جان كلت اشتاقيتيله

ريحانه يمعودة ششتاقله بس بالي يم خالتي

اسد علي دخابري وسالي عليها

ريحانه اي خابرته وكال شويه ويجي هسه لازم يكون جاي

اسد علي عمي صايرة متكدر ع فراكهم

ريحانه دسكتو انتو يرادلكم خلك

اسد علي صايرة  نفسيه الثوله

نور دعوفوها المره حامل

اسد علي اي صدك باعي شويه اذا ماجاج خابري

ريحانه اي

..

بقيت منتضرته وماكو راح علاوي وضرغام جابو دجاج شوي وكباب همه والولد بس حسين طليق شذى مااجى وهل شي جان متوقع منه

صارت ساعه 7 وصبو العشه واني هنا نتهيت كلش اريد بس اروح كلش خفت

تعضو وكعدت وياهم كوه وبقه  اسد علي يداهر بيه

ومثل العاده خلاني اشمر خاشوكتي واخذها هيه وماعوني مني ويضحك

كملنه العشه غسلت الاماعين اني والبنات كملت وخابرت ع منير اكثر من 5 مرات ميجاوب

شذى يمعودة تلكين مرته يمه

ريحانه اي عادي يجاوب يدرري بيه قلقه

نور زين خلي واحد من الولد يوديج

ريحانه اي خوش فكره

..

طلعت حجيت وياهم طبعا ابوي مقبل كال موزين ماجايج بعده خلينه نشبع منج بس من شافني قلقه ويدري بيه من اعاند كال ماشي

ضرغام كال اني اوصلج بس اسد علي كال لا خليني اني اخذج

وصدك اخذت غراضي وسلمت على الكل وبست ابوي وطلعت

صعدت بالصدر يم اسد علي وحرك السيارة وبقه يداهر بيه

شويه نسيت الخوف بقيت اسولف ويا واضحك واشاقه وهو هماتين مرتاح بالسوالف وياي

بوقتها افكار صارت تجيني ياريت مانطيتني الحبوب ياريت ماخذتهن وياي للكليه ياريت موافق ع منير زوج اليه ياريت مابقيت وياهم ياريت اضحي بكلشي وارجع يمكم

ياريت وياريت هو اتمنيت سوالف بس الاماني تبقه اماني حسيت حتى اسد علي هيج يريد حجي

العيون مرات يكون اصدق من حجي السان  اليوم احس البرود الي جان بيه  كله راح واتمنى مايرجع احس نفسي رجعت ريحانه بحضور اسد علي

يصير أحبك من جديد؟

ونخلق لحبنـة بدايـة وصدفـة أشوفك  من بعيد؟

وأنعـجب بيك وأعجبك

وواحد أيمر اعلة الاخر .. بس غريب ؟

يصير اصيرلك حبيب ؟

يصير نزعل

نخرب

نضوج ونفارگ

بس نعود ؟ يصير ميمرنة برود؟

..

جان احله يوم  من وقت طويل

لحد ماوصلنه للفرع  الي بي بيت منير هنا الابتسامه اختفت مني من شفت الباب مفتوح

وناس طابه وطالعه وصوت بجي

حتى اسد علي ارتبك

ريحانه خالتي اسد خالتي

اسد علي اهدي اهدي مو زين عليحوهل شي خلي نفهم

..

طبك السيارة ونزلت من السيارة بسرعه واسد علي نزل ورايه مباشره اسمع صوت البجي الناس تباوعلي وتباوع لاسد علي شفت صعد وامه ونسوان الجيران

واسمع صوت منير يبجي ويصرخ

ركضت من باب الشارع لحد باب الغرفه مالت خالتي باوعت وياريت ماباوعت

شفت خالتي نايمه ع الجربايه واسد علي نايم بحضنها ويبجي واطياف كعظه وتبجي ونسوان هواي

كاعدات ويبجن لزمت الباب مالت الغرفه وعطت اسد علي ورايه  جرني من ايدي  لانو ردت اوكع بالكاع حضني

اسد علي اششش اششش ارتاحت ارتاحت

بقيت اصرخ بحضن اسد علي على خالتي وركضت بحضنها نايمه ومبتسمه

كمت اهز بيها بدون شعور

ريحانه اكعدي خاله اكعدي لا تنامين مووقتها نومتج

بقيت احضنها وابجي واباوع لمنير اشلون منتهي فوك امه ويبجي

بوقتها ماعرفت اشلون اشلون راحت هيج وعافتني اول شي جان مخليني متحمله هل وضع الي اني بي

راحت راحت واني ماجنت يمها

بقيت حاضنتها واصرخ وابجي عليها احس روحي انتيهت فوكاها

وصار احله يوم من بعد وقت طويل اتعس يوم يمر عليه بسبب فقدان خالتي

هنا وخلص البارت اتمنى يكون عجبكم

تحياتي

غزل الحجامية

..

❣

وعيوني چن قاصة طفل

دمعه اعلى دمعه اجبرها

يوميه المها من الصبح والمغربيه اكسرها

،

،

،

راحت خالتي بوسط دموع منير واطياف وزهرة ومريم وسعد وكل الناس الي موجودين

دافنه وجهي بيدها وابجي راحت اول امل اليه عرفت بوقتها ليش جنت خايفه بديت اذكر كل سوالفها من تحجي وياي واسمع صوت منير يبجي ويصرخ

بقينه حاضنينها ونبجي ماعرف شسوي لحد ماجه سعد شال منير وطلعه والنسوان يبجن وينعن

اجتني مريم شالتني من ع خالتي وكعدتني ع الكرسي

مريم موزين عليج هيج ريحانه قوي نفسج

باوعت من الباب شفت اسد علي واكف وبيده التليفون يخابر اباوع ع خالتي الي نايمه واطياف مقابيلي تبجي بهدوء

وزهرة الي طلعت وره منير والنسوان الي يبجن

احس راسي يريد ينفجر ماكدرت اسيطر ع نفسي لحد ماوكعت من الكرسي واخر شي شفته وجه اسد علي وهو لازم وجهي بيده

ويريد يشوف شبيه

ماحسيت ع نفسي تخربطت كعدت لكيت نفسي نايمه بالمطبخ واسد علي يكعد بيه والنسوان داير مدايري

كمت وحضنته لاسد علي وهو همين وبقه يهدي بيه النسوان يدرن بي اخوي فماستغربن بقن يصبرن بيه والعياط كل شويه عالي

غلست وكمت لازم اقوي نفسي الراحن هواي بس شسوي كمت دموعي تجري عشرة عشرة وكمت للبيت شفت منير كاعد بالحديقه رحت يمه كعدت مقابيله

لزنت ايده وهو يبجي مثل النسوان

شافني وكام يحجي وياي ويبجي

منير راحت امي ريحانه راحتت راحت الي توصيني عليج راحت راحت واني بقيت وحدي اووف يايمه كسرتي ضهري بروحتجج

راحت امي ريحانه طبيتلها اكعدها حتى اخليها تحجي وياج بس ماقبلت تكعد ريحانه ماقبلت

ماتحملت حجيه كبل لطمت ع رجلي وبجيت ويا وهو يحجي واني احجي

اجتي مريم شالتني وطببتني للمطبخ وبقت تحجي وياي

ع انو اصبر نفسي ومحد للبيت غيري وخلي منير يكوم ولا اضعف

كمت غلست بس دموعي مايوكفن امشي واذكر حجيها

رحت يمها ردت اقرالها قران بس مكدرت احس النزيف رجعلي

رحت للحمام وصدك جان اكو نزيف غسلت وطلعت

شفت اطياف ع كعدتها

نطيتها القران وصارت تقرة يم راسها

واني كاعده يمها واباوعلها وابجي اوف ياخالتي رحتي بوقت ماردتج ترحين بي

كومي خالي جبتلج اسد علي موكتلج اجيبه يتعرف عليج جبته وياي كومي اتعرف عليه

ادري بيج معدله ماتعوفين ضيفج هيج عفتينه ورحتي

كملت اطياف القران غطينه خالتي وطلعنه منها بالهول والنسوان يتصارخن اني مكدرت لزمت بطني وكعدت ع الدرج وابجي بهدوء انتبهت للملابس الي اني لابستهن كمت رجعت للغرفه الي بيها خالتي

بقيت اباوعلها وابجي واحجي وياها نمت يم رجلها وبقيت اعاتب بيها لا ساعه ولا ساعتين لحد ماطبتلي وحده وخلتني اطلع طلعت ملابس سود وياي

طبيت للحمام بدلت وطلعت شفت اسد علي واكف بالحديقه اشرلي

رحتله

اسد علي شدي حيلج الكل محتاجج لاتسوين هيج بنفسج لخاطر ابنج موززين

ريحانه ان شاء الله انته راح تروح

اسد علي اي خابرت امي كالت باجر نجيها لانو يمنه خطار اني اروح وباجر من الصبح اجيبهن انتي محتاجه شي هسه اخذج للدكتور

ريحانه لا بخير مابيه شي روح انته ارتاح

اسد علي ان شاء الله

..خله ايده على جتفي وطلع بقه يباوعلي وطلع

..

رجعت شفت زهرة واطياف كاعدات سوة بالمطبخ ويحجن

اطياف كله من عدنه كله

زهرة يمعودة اسكتي قضاء وقدر امر ربج شتردين نسوي يعني وعمتي جبيرة

اطياف اووف يايمه سامحيني ولا ماستحق اكلج يمه اوووف مني اووف

...

ريحانه بقيت صافنه ع حجيهن شقصدهن يعني رحت بسرعه طبيت للمطبخ وطلعت الادويه مالت خالتي

ردت اشوف ماخذه علاجها لو لا واني اعرف العلاج مالت كل يوميه

طلعت الادويه ع حطتهن ممنطياتها علاجها دموعي صارت مثل الدوش ع خدودي

الله واكبر صدك عود امي مانطيها علاجها وادري بيها البارحه جانت تودع باوعت ع الطباخ ممسويات عشه ولا غده مبين لانو لو مسويات

جان باقي منه باوعت ع سله الزبل علب مالت اكل من بره

لطمت ع خدي يعني من رحت لاهلي من لصبح لحد مارجع منير حتى مطابات يمها اووف ربي شهل ناس

درت وجهي عليهن كبل

ريحانه منو منجن نطت علاج خالتي

.. بقن وحده تباوع للثانيه واطياف تبجي وساكته

.. زهرة اني نطيته الها

ريحانه لا تجذبين العلاج ع حطته ممنطياتها علاجها ولجن حتى غده يمكن ممغدياتها

زهرة انتي شتحجين شبيج خرفيتي شنو قابل حتى ماننطيها علاج وغده هاي بتها واني جنتها

ريحانه بيش ساعه غديتنها

زهرة ها بحدود ال12

ريحانه متاكدات

زهرة اي متاكدات

... عرفتهن جذابات واحلف عليهن بوقتها ممطياتها لا علاج ولا غدة

شويه وطبو سعد ومنير صعدو فوك وزهرة صعدت وراهم واني بقيت كاعده وابجي كمت

سديت الباب عدل عليها واذكر وصيتها اليه وحجيها وياي بهيج مواقف الواحد ميعرف شيسوي بقيت اتصفن بالوجوه

شويه ونزل منير لابس دشداشه سوده وسعد لازمه وراهم بشويه نزلت زهرة وهم لابسه اسود وبيدها دشداشه سودة وطبت للمطبخ لاطياف

وره مانزلو النسوان راحن كلمن لبيتها لانو كالو ورة الفجر ناخذها نغسللها وندفنها وصدك بقت خالتي

ي بالغرفه واني كرهت روحي بسبب النزيف مالتي اريد اصلي واقره قران الها قبل لا ياخذونها

كمت للحمام شفت النزيف متوقف كيفت كبل سبحت وطلعت اتاكدت النزيف متوقف ساعه 2 باليل منير يشرب جكاير يم باب خالتي واطياف مكابلته وصافنه وزهرة صعدت فوك

طبيت اني يم خالتي منير من شافني طب ورايه

اول ماشفتها مغطايه ومغطين وجها كبل نزلت دموعي شلت قرانها وطلعت سورة يس وواقراها ع راسها وي كل كلمه دموعي تنزل

ومنير يم رجلها نايم وصافن عليها

بقيت اقرة بيات القران ودموعي تجري لحد وقت الاذان وسمعنه صوت السيارات الباب مالتنه مفتوح طب اسعد واخوته

اسعد يله خويه خلي ناخذها نغسيلها

تكابلو عليها واني واطياف نصرخ يمها من شالوها نزلت زهرة شافتنه وسكتت وكفت يمنه

واطياف ادك ع صدرها وتبجي

اخذوها ومنير يصرخ مثل النسوان يمها

طلعت بقينه بس اني واطياف وزهرة اني طبيت لغرفتها بقيت صافنه ع فراشها

بس شسوي لازم اقوي نفسي البيت محد اله ومنير منتهي لازم اقوي نفسي هسه والغرفه بيها فلوس منير وفلوس خالتي لازم انتبه

كمت رتبت الغرفه واخذت المفاتيح وقفلتها وطلعت منها بقيت بالمطبخ فرشت البيت ورتبته وحضرت بخور

غطيت التلفزيونات الي بالبيت ضميت كلشي منحتاجه بالمطبخ

شلت الكراسي من الحديقه بس شنو امشي بالكوة يعني بالساعه يله اكدر اتحرك

واطياف كاعده ع الدرج وزهرة صاعده فوك بغرفتها اشويه واطياف لحكت زهرة بقيت اني جوة ارتب بالبيت واحضرة

فاتحه وناس يعني البيت يصير هوسه خليت الغراض الي منحتاجهن بغرفت خالتي حتى اقفلها باوعت للساعه ساعه 7ونص الصبح

ومنايمه اني وبجي احس روحي راحت مني

ل8 وبدن النسوان يجن وزهرة واطياف نزلن

بس اطياف شكلها متغير يعني جانت منتهيه ع امها هسه احسها لا بس كلت يله احسن لازم تقوي نفسها وجهالها احوي وي عمتها كامت غسلتلهم

شويه وطب رجل مريم كال اكو جدورة فوك ع السطح خلي انزلهن يستفاد منها الطباخ

صعد هو ولد ويا نزلوهن وطلعوهن شويه والجادر انصب بالفرع ع طول الفرع

والطبخ يصير بالحديقه مالت جيرانه مايسوونه يمنه لانو النسوان يمنه

من كملو نصب الجادر جابو خالتي طب منير شايل التابوت هو واسعد وياي اثنين ولد النسوان ركضن ع التابوت يعيطن ويبجن ومنير فارش روحه ع التابوت ويبجي

كعدت يم منير وابجي وانحب اوووف ياخاله مو يومج هذا

شالو التابوت وماقبلو اي وحده تروح من النسوان كالو ندفنها بس ام اسعد مقبلت كالت حبايبها هواي ولازم يودعنها

وايعد قبل كللها بس مو كلهن راح اجيب سيارة ع كد 8 نفرات

شويه وطلعو التابوت والصريخ مالتنه والبجي يخلي العدو ينقهر علينه وخالتي خوش مره وحبايبها هواي

طلعو التابوت ورحت اني كعدت بالمطبخ وابجي بهدوء واباوع ع النسوان

ام اسد واطياف وعماته لمنير وكم وحده من الجيران كالن نروح وياها اني ردت اروح بس كلت اشلون وهنا منو للبيت وزهرة ماتعرف شي هنا كلت ماروح واني من شالو التابوت ودعتها

شويه وطب منير اجانب للمطبخ

منير كومي نطيني مليونين

ريحانه اي تدلل

كمت بالكوة فتحت الباب وزهرة تباوعلي طبيت وطب ورايه منير طلعت فلوس وهو يحسب واخذ الفلوس

منير ديري بالج ع الغرفه وخلي المفتاح بيدي راح نحتاج بعد

ريحانه ماشي

اخذ الفلوس وطلع قفلت الخانه وطلعت اني زهرة تلكتني من الباب

زهرة نطيني المفتاح

ريحانه ليش

زهرة شنو اليش انطي اليه اني انطي لمنير من يحتاج فلوس

ريحانه لا حبيبتي لا تعبين نفسج الفلوس امانه يمي ومنير كال خلي المفتاح بيدج ومووقته هل حجي احنه بيا حال شو وخري

ابتعدت منها واني الالم اموتنيطلعو يدفنونها لل12 يله اجوي والجادر بعده مابيه ناس هواي حتى مسوو غده والنسولن يطبن ويروحن والي تروح ترجع وياها كومه نسوان البيت قبط نسوان

كامن يصلن جبت مصلايات ودزيت مريم هم دزت الحهال جابو مصلايات وترب يصلن عليها النسوان لانو هواي

طبيت للمطبخ وطبت ورايه مريم

وبقت تحجي وياي لحد ماكالت

مريم يمعودة هو منو جان مداريها غيرج انتي بتها ماسوت الي انتي سويتي

ريحانه ماله داعي هل حجي مريم الله يرحمها ارتاحت

مريم اي والله صدك ارتاحت وهيه جانت مرتاحه وياج مثل اطياف طلعتلج هيه وزهرة من الصبح للضهر يله اجني من سوكهن

ريحانه شنو هاي شوكت

مريم هو البارحه طلعن بحدود ال 11 ونص ورجعن ساعه 3 ونص حتى سعد اتخبل وراد يجي يكتلها يكول شنو تطلع بدون علمي

ريحانه متاكده طلعن

مريم اي واللله حتى احنه مندرري بيج يم اهلج عبالنه باقيه يمها عمت عيني عليها ماتت بدون ماحد يمها

...

مريم تحجي واني كلبي متكطع يعني صدك لا مغدياتها ولا منطياتها علاج زين منير يدري بهاي سوالفهن ماعتقد

حسبي الله ونعم الوكيل بيهن شويه وطبت هبه وشذى وساميه وياهن كم وحده من جيرانه يم بيت ابوي

وهم طبن يلطمن وياهن وحده تنعي وتقرة والنسوان كلها تلطم

طبتلي اطياف حضنتني وتصبر بيه

وراهم بشويه طبو منير وسعد والولد دافنينها ومنا بده منير يصحه ع نفسه ويكوم

ي الزلم طبت اطياف والنسوان وياها

شذى اكلج شلون ماتت وشوكت

ريحانه والله مادري شوكت بس هو اني مو كتلج هيه جانت تعبانه

شذى خطيه الله يرحمها رتاحت بس اشو بتها مادري اشلونها

ريحانه مصدومه بموتت امها

..

بقن النسوان يجن يورحن وصوت السيارات وهوسه مر اوا يوم بالفاتحه هبه وشذى والنسوان

الي خاجن وياها راحن المغرب قبل العشه وجان بابا واسد علي جاي وياهم بس مكدرو يدخلون يشوفوني من النسوان راحو وهبه كالت باجر نجيج

صبو العشه للنسوان واني التعب اموتني منايمه من البارحه لحد هسه وما ماكله شي من الصبح

منهد العشه الي اتعشيته يم اهلي

كعدت زهرة واطياف ياكلن سوه ويسولفن وبس زهرة تحجي اطياف بس تهز براسها صدك حيايه

كعدت اني بالمطبخ اكل وطب منير وصعد فوك للغرفه وصعدت ورا زهرة كملت اكل وكمت للبيت مريم خطيه وخوات زهرة يساعدني بشيلت الاماعين خليناهن بالحديقه

واجوي الولد اخذوهن نزل منير سابح ولابس دشداشه ثانيه وطلع للجادر مالت الزلم

واني بقيت يم النسوان هاي الي تسولف وهاي الي تنعي وهاي الي ساكته

بقيت اني بنصهن لليل كمت اني ومريم طلعنه الفراشات فرشنه للنسوان وام زهرة وبناتها راحن وكم وحده راحت وياها

بقن نسوان هواي فرشنالهن ونامن ومريم خطيه مقبلت تروح

زهرة اخذت جهالها وراحت هم تسبح وهم تسبح جهالها والصبح تجي

لليل بدت الحركه تقل طب منير صعد فوك وصاحلي

صعدتلها لكيته كاعد ع الجربايه ويحسب بالفلوس وطبت ورايه زهرة

منير ريحانه شكد عندج فلوس حسبتيهن

ريحانه اذا وي افلوس خالتي 3 ملاينن واذا بدونهن مليون

منير جيبي بس المليون افلوس امي ضميهن

ريحانه ماشي

منير وانتي زهرة الفلوس الي مخليهن يمج طلعيهن

زهرة شسوي بيهن

منير شنو شسوي بيهن جادر وناس وفاتحه اليوم اول يوم و4 ملايين صارف تدرين لو لا وبعد باجر واجر الطباخ

زهرة اي قابل نصرف افلوسنه كلهن هم دير بالك انته

منير كتلج طلعي الفلوس الي عندج

.. عفتهم يحجون ونزلت اني فتحت غرفه خالتي طلعت مليون واذكرت حجي خالتي الله يرحمها ع الفلوس الي كالت ضامتهن

كلت اصعد هسه وانزلهن حتى من تجي هبه الصبح انطي الها

بس هسه اذا اصعد يحسون بيه خلي ينامون من اكعد الفجر اصعد انزلهن

وصدك نامو واني هم نمت بس نومه طفل اغمض وافتح

لحد ساعه 6 الفجر الضوه طلع كمت صعدت فوك بدون ماحد يحس وكلها نايمه صعدت للسطح

ع كيفي ورحت يم تانكي المي وصدك شفت الكاشيه الي كالت عليها خالتي

رفعتها وشفت الفلوس والذهب ملفوفات بنايلون ضميتهن جوة ملابسي ونزلت محد بعده كاعد

طبيت لغرفه خالتي خليتهن بدشداشه وبعلاكه وضميتهن حتى من تجي هبه انطيها الها تاخذهن وياها

كمت للمطبخ سويت الجاي للنسوان وشويه وطب اسعد ونزل منير من طب اسعد ورا طبت اطياف وعمتها والنسوان

واسعد جايب طبقات بيض

خلاهن بالمطبخ وطلع يحجي وي منير اني خليتهن ع النار كلت اسلكهن سلك النسوان هواي مو مالت اقليهن

شويه جابو الصمون ومريم وياي خطيه كملنه الريوك وصبينه للنسوان والجاي واني سويتلي لفه وكفت اتريك

..

للضهر واجتي هبه وشذى وراها بشويه طبت ملايه وبدت تقرة والنسوان يلطمن

بهذا الوقت اخذت هبه وطببتهغ للغرفه مالت خالتي وقفلت الباب

هبه دحجي يايمه شكوو

ريحانه مثل ماكتلج خالتي قبل لا تموت وصتني عليهن وكالت ماريد احد يدري وهنه هواي اشو وياهن ذهب وماعرف شسوي

هبه زين انطيهن لابنها

ريحانه اني كتلها هيج اسوي بس هيه ماقبلت كالت لا

هبه اوف يايمه انوب وصيه ميت لازم تتنفذ

ريحانه اي اني حضرتهن اخذيهن وياج

هبه بس اني مجايبه جنطه وياي

ريحانه اني اخليهن بجنطه مني

هبه ماشي

...خليتهن وانطيتها الها وطلعنه اطياف وزهرة يباوعن اول ماطلعنه من الغرفه وعينهن اجتي ع الجنطه بس هبه مابيت شي غريب كعدت يم شذى وسكتت

للعصر الملايه راحت ورا ماتغدن النسوان وباجر بالثالث هم تجي

صبو عشه النسوان والهوسه بدت تخف شويه لليل واني بالمطبخ طبت عليه زهرة

زهرة اليوم شنو انطيتي لمرت ابوج من غرفتت عمتي

ريحانه شنو نطيتها

زهرة اني جاي اسئلج هيه اجتي بدون جنطه وطلعت بجنطه

ريحانه قابل شماخذه يعني وشكو بالبيت حتى انطي الها

زهرة والله هذا الشي تحجي وي نفسج

ريحانه الي المفروض احجي وي نفس ع طلعتجن انتي واطياف من الصبح مجايات اله الضهر

ودكولين نطيناها علاجها بوقتها وانتن اصلا مجنتن بالبيت

زهرة شنو شهل حجي منين جبتي

ريحانه شنو قابل مجذبه واسعد يدري والكل يدري بس خلي تخف الناس ونشوف منير يدري لو لا

بقت تباوعلي وعافتني وطلعت

طلعت وراهغ شفتها واكفه يم اطياف وتحجي وياها واطياف صفنت عليه من طلعت من المطبخ وشكلهن مرتبكات

الله ياخذجن مو بشر حتى الحيونات عدهن رحمه مو مثلجن

طب منير واشرلي اصعد ورا زهرة هل مره ماصعدت

ورانه طبيت بقه يحجي وياي ع فلوس الفاتحه وانو راح يداين من اسعد همين والعشيرة اتساعده

بالبدايه كلت اداني لو منطيته الفلوس ال ه عاد فاتحه خالتي ماتصير ع الروس

بس بعدين كلت لا ثواب ه روحها لو شي احسن من هل شي

كمل حجي وياي عفته وطلعت وسديت الباب لزمت بطني ومشيت حتى انزل الدرج

بثواني حسيت ايد تدفعني من ع الدرج

رجلي انلوت بالدرج وايدي لزمت المحجر بقيت احاول ماوكع لازه المحجر بيدي بس فشلت وكعت الدرج كله ع بطني وكعت بنهايت الدرج

بدون ماشوف شي بس اسمع صوت النسوان من يصيحن واباوع ع الدرج نزلت زهرة ومنير يركضون ع الدرج منير بقه يباوعلي وشالني وركض بيه

...

هنا وخلص البارت اتمنى يكون عجبكم

تحياتي

غزل الحجامية