تحميل رواية «نداء القلب» PDF

#نداء_القلب

بقلم اماسي الليل

الجزء الاول

لا نعلم متى .... يدق الحب ... باب القلب

لا نعلم ... اين ولا لمن .... ولا متى ... لانه مثل الموت

ياتي غفله ...

رشا : نور( خالتي) شكد تحبي لاحمد الله عليج 

نور: ما ادري

رشا: لا الله عليج احجي

نور : ولج والله ما اعرف احسه كل حياتي

رشا: اممم شوكت يتقدملج

نور: هالايام يجي من بغداد وبعدها بيت عمي يتقدمون

لان يريد .. كلشي يتم  خلال شهر بالزايد نتزوج 

رشا: نور من تزوجين مو تكطعين بيه وتنسيني

نور: لا يوميه اتصل عليج 

يوم الي افرح بتخرجج وراها بزواجك

رشا: لا اطمئني اذا بقيت هنا معناها معنسه هههه

نور: ليش ولج شنو ينقصج

رشا: لا العيب مو بيه بأبويه واختج ....الا عراقي يزوجوني

ميقبلون من غير جنسيه ... من جنت بسوريا تقدملي سوري رفضوا وهنا بالامارات هم تقدملي ولد بالكليه رفضت اصلا احرجه واخلي يتقدم  بسرعة انطيته الموشح 

مع ذلك تقدم الولد وصدك رفضوا

وهنا قليل عراقيين ... يعني ماكو عرسان

لذلك اني شايله موضوع الزواج من راسي ... طموحي ورا التخرج .... مختصر على الشغل ... انتِ اتزوجي واني اشتغل

ووحده تفرح للثانيه وتكمل النقص .... لا صدك نور راح تشتغلين

نور: اي طبعا ... اشتغل بمستشفى بس يطلعلي تعيين  ديسعالي احمد بالموضوع 

رشا: ان شاء الله ... اذا كدرتي تخلين زواجج للعطله مالتي

اجي

نور: كذابه

رشا: والله اقنع امي نجي حتى بدلات لا تاخذين  اني اجيبلج ويايه منا تخبل البدلات وسوالف العرس

نور: والله راح  احجي ويا خوله اذا اكدتلي  تجي   لخاطركم 

اخلي بالعطله اني اقنع احمد اگله لخاطر خوله

رشا: ان شاء الله اني اقنعها  كله بأذن الله اذا كاتبلنا نحضر عرسج هو يسهلها

يله حبي اخذي راحتج مع السلامه ،

تسلسلي اصغر وحده بين ٣ خوات  متزوجات اخر وحده اتزوجت ابن خالتي  قبل سنتين وسافرتله لمصر واخوه ٢ كبار متزوجين واحد يمنا بالامارات ساكن بغير اماره  والثاني سافر يشتغل   وقبل سنه اتزوج عراقيه متعرف عليها بالشغل ، تركنا العراق بعد احداث ٢٠٠٣ ... بالاول لسوريا ... كملت متوسطه بيها  وراها ...بسبب شغل ابويه واخويه الچبير

طلعنا للامارات ... كملت الاعداديه ودخلت علوم   باقيلي  سنه واتخرج ....

ابويه ميحب يختلط بالجاليه العراقيه هنا  لذلك قليل  متواصلين ويا  الناس فقط الاقرباء

قبل ما كنت  حاسه بالوحده لان رغد( اختي) كانت  موجوده

ومرافقتني طول الوقت لكن بعد ما اتزوجت وسافرت بقيت وحدي كان   متنفسي الوحيد  اتصل بنور ( خالتي نور صديقتنا من الطفوله اني ورغد هي بكد رغد اكبر مني بس نحسها اختنا مو خالتنا ...

علاقتنا علاقة خوات حتى من طلعنا لسوريا اجتي ويانا لحد ما طلعنا للامارات يله رجعت لبيت جدي

خالتي نور تسلسلها الخامس بين ٥ بنات .... خالتي سحر الجبيره الي ابنها يصير زوج رغد

وامي تسلسلها الثاني .... والثالثه متوفيه  والرابعه سمر  ماخذه ابن عمها وهم عايشه بتكريت

بيبيتي اصلها سوري  لكن بعد زواج دام لسنوات اطبعت بطبعهم وحتى اتقنت لهجتهم وعاداتهم صعب تنعرف مو منهم  بعد ما توفى جدي بقت بيبيتي وخالتي نور بنفس البيت ما قبلت تنتقل لبيت خالتي الجبيره لان الشارع كل بيوته تقريبا اقارب يعني من يحتاجون شي

بصفهم بيت الاخ والعم والخاله والعمه والاقارب بالنسب بعد ما

انخطبت خالتي نور وعقدت طلبت من امي ان تحضر عرسها

وبعد الحاح وافق ابويه يدزنا لبغداد حتى نحضر العرس

كان اخر يوم امتحانات صف ثالث  بعد ما خلصت

رجعت للبيت اخذت امي وبوجهنا للمول حتى  اشتري لخالتي نور ملابس وفستان   وبدربي اخذت الي فستان  للحنه وكوستم للعرس لان فهمت من نور  الحنه بقاعه ... والعرس بس زفه

بهاليوم كملنا كل امورنا وما رجعنا الا من عزل المول

لان بعد  يومين طيارتنا ويادوب نلحگ نتحضر للسفر

جنت مشتاقه ارجع للعراق  واشوف بيتنا ببغداد اخر مره زرت  تكريت جنت  صغيره ،

من  اول ما حطت الطياره ونزلت منها استنشقت الهوا

تلهفت وردت بيه الروح الذكريات بدت تنعاد كدام عيني

لكن بعد ما طلعنا من المطار   وبديت اتفرج من شباك السياره حسيت نفسي غريبه ببلد غريب عني ميشبه الوطن الي عشت بي احلى ايام عمري  .....

وصلت لمنطقتنا ... ولبيتنا ... يا الله كل ذكرياتي بهالمكان طفولتي والعابي

الاثاث والغرف والحديقه ولمتنا  بقيت اتأمل زاويه زاويه واني افتر بي

وامي دموعها تنزل مفتقده هالمكان وحياتها بي ولمتنا تحت جناحهم

بعد مافرقتنا الغربه مر الوقت واني وياها بين دموع وبين ضحك وابتسامات وحزن نستذكر مواقف وقصص بالماضي ،،

لليل رحنا لبيت عمي

بناته الي بعمرنا متزوجات ووحده منهن زوجه اخويه  اما ولده ثلاثه واحد منهم متزوج

مثنى الي كان  بعمرنا هو الي مر علينا حتى ياخذنا لبيتهم   من التقى بينا  انصدم من لمحني

مثنى : لج رشا صايره مره

رشا: وانت صاير شايب هههه

خوله: اي والله عمه ... الغربه كبرتنا .... هسه احس روحي ردتلي

مثنى : اي والله عمه .... الغربه متنراد ...

رشا : بقينا يومين بين عمامي وبيت عماتي كلهم عزمونا.....

حسيت شكد مفتقدين هاللمه وهالاهل ... بعد ما قضينا الليله ببيت عمي وطلبوا من امي نبقى اكثر لكن امي بلغتهم

خوله :  لا والله باجر نطلع لتكريت ان شاء الله احمد يجي علينا المغرب يوصل ان شاء الله يادوب نلحگ نوصل ونتحضر للعرس

في اليوم التالي _______

رشا :للمغرب  وصل  احمد  خطيب خالتي نور ( ابن عم امي ) وبعد صعب نطلع بالليل لتكريت اضطرينا نبات يم بيت عمي بعد ما حدد احمد وكت طلعتنا

احمد: ان شاء الله باجر نطلع من الصبح لتكريت حتى نوصل من وكت

وترتاحون لان عكب باجر الحنه ونور ... اكلت راسي

تريدكم حاضرين

خوله: والله اني لا بالي حنه ولا نور ... بس اريد اوصل اشوف امي ... راح اموت على شوفتها

احمد: بأذن الله شكد ناوين تبقون

خوله: شهر ان شاء الله اجازتنا ....

رشا: التفت عليه احمد ...

احمد : ان شاء الله ...رشا صايره عروس

جاوبته بأبتسامه

رشا: احمد بلا عروس وبلا مجاملات ... مو تاخذ

نور مني ... يوميه ترى ازرف راسكم ... بالتلفونات

احمد: ههههه.... عمي قابل ... بس خلي خالتج... ترتاح ... ثبرتني صار شهر

علمود نحدد الموعد على جيتكم ... حتى كرهتج  لو ملحة نور على جيتكم وتأجيل العرس كان  متزوج قبل شهر

رشا:  عرفت حب يداهرني

اني هم والله بقيت خايفه لاتغدر بينا ومتقبل تأجل

احمد:لا خوله عزيزه وحبيبه  ما تكمل فرحتنا الا بوجودكم

جدتج هم قلبها نار عليكم

من طلعت وصتني ... بيكم وامشي على كيف ... تخاف من الطريق

هسه يبقى بالها لحد ما نوصل بأذن الله

____

رشا: ثاني يوم ... طلعنا لتكريت .... الطريق كله ... اتفرج

على البيوت والمناطق

دخلنا بسوك ... مرتب ...

التفت عليه احند گلي

احمد:  هذا شارع الاطباء ....

رشا : بعدها دخلنا بفرع بي بيوت حديثه وبي بيوت قديمه بس كلها كبار وحدايقها جبيره ....

طبگنا يم باب بيت جدي .... رجعتلي الذاكره وتذكرت بيت جدي ايام قبل من نجي وخالاتي وبنات خالتي .... كل شي حلو راح

راحت ايام الطفوله والللعب ... والونسه واللمه

قبل ما نطلع لتكريت احمد گلي خلي شال على راسج هناك بناتنا ... يلبسون شيله .... اني و

امي لبسنا  عبايه اسلاميه وشال .... من وصلت لباب بيت جدي عدلت شالي مرتبكه

دخلت امي تركض ... حسيت نفسي خطار بهذا المكان

مستغربه الناس ولهجتهم  دخلت وراها واني مو شايفه ملامح بيبيتي وهي حاضنه امي وتبجي

اسمعها هي وامي يحجون بلهجه  مو كلش افهمها ....

بس الي فهمته  من حركاتهم اشتياق ولوعة فراگ... ودموع فرح ...

ثواني وشفت نور كدامي ... بدون وعي من الفرحه حضنتها ...

ودموعي تنزل يمكن خففت عني  هالغربه من شفتها حسيت اعرف شخص قريب عليه  التقيت باخت   انحرمت منها سنين فرقتنا الغربه بعدما كانت ساكنه ويانا  ببغداد وبنفس المدرسه فقط   بالعطله نفترق

من ترجع لتكريت وبقينا سنين سوا الى ان افترقنا بالمراهقه ومنها بعد ما التقيت بيها الا بهاللحظه  مو مصدگه  

نور:لج  رشا والله مدا اصدك انتي كبالي ....

رشا: اسكتي دموعي مدتوكف من الفرحه ... احس جنت مضيعه شي ولگيته ولاكأنه احنه البارحه ... طول الليل نسولف

بيبيتي: تعالي جده اوف ... صايره مغيه ( مره)

رشا: حضنتها وحسيت هالحضن يشبه حضن امي ....

تحجي ويايه واني ما مفتهمه بعض الكلمات .... بس حاضنتها

وابوس بيها ... احسها تشتمني ... متريد تعوفني ...

بيبيتي: جده الحمد  لله... انطاني عمغ وشفتوكم  .... قلبي تلوع

من فغاقكم( فراگم)  ....

خوله: أمي والله ماحنيتوا لهودي غيرك انتي ( ما حنيت لاحد غيرج )

رشا : بقيت صافنه على امي ... حسيتها حتى بلهجتها رجعت لمكانها ولبيتها ولحياتها .... حسيت شكد جانت محرومه وقلبها

محترك على فراك اهلها .... وناسها

نور: هههه شبيج صافه ولج ... مثل الاطرش بالزفه

رشا: اسكتي مدا افهم عليهم  حتى الي جنت افهمه بالصغر هم نسيته

نور: ولج حولي كل حرف غ... ر تفتهمين ... ولو اكو كلام مراح تفتهمي

احمد: لعد  اترخص  اني ... سلمت الامانه

نور:  خجلت منه لان نسينا والتهينا بخوله ورشا

حمودي... ابقى بعد وكت

احمد: ابتسمت ... أخاف... من لقى حبابه نسى اصحابه

رشا: ابتسمت.... لا اطمئن ... القلب يمك ..

خوله: ابو شهاب كثيغ( كثير )  أعتنى... بينا  ... الخيلق( الخالق) يحرسك ويتمم زواجكم بالفرح

احمد: انت بت عمي وأخيتي ... اشيلك على الغاس ( الراس )

رشا: ورا ما راح احمد... دخلت ويا نور ... للغرفه بقينا ... نسولف ونستعيد الذكريات

لحد ما  تعبت من الطريق والبچي والضحك

اكلج كافي جعت اريد اكل ....على الريوك اني

طلعنا للمطبخ لكيت خالتي جايه وجايبه الغدا ... وكاعده تسولف ويا امي ... سلمت عليها

سحر: يابعد غيحي( روحي) قمغ( قمر) ... صيغه مغيه كبيغه

( صايره مريه وكبرانه)

رشا: حضنتها وهم ما فهمت 

حبيبتي خاله والله اني مشتاقتلكم ... كلكم ... شلونه عمو والبنات والولد ...

سحر: الحمد لله كثيغ... فغحنين بيكم ( فرحانين بيكم )

رشا : بقيت شويه كاعده يمهم  بعدها اخذتني نور حتى اكل

بعد ما كملت  طلعت  اتفرج ويا نور على البيت والحديقه ...

لج نور ... تذكرين من چنه نلعب ... ورغد ويانا وبنات خالتي

نور: اتذكر ... شكد تزعلين ... وتريدين تمشين الكل بكيفج

واللعبه الي تريديها لازم نلعبها لان اذا ما لعبناها وراها عياط وبچي

رشا: ههههههه لج تعالي خلي نفوت نفتح الجنط اطلعلج بدلاتج

وغراضج

نور:  امشي لعد خلي اشوفهن  ... حتى اكدرهن اني هم اخذت وحده احتياط

رشا: طلعت الفساتين  .. والغراض  ومن بينهن فستاني

نور: لج هذا الفستان  مالتج ... لونه حلو

رشا: اخذي واني اللبس غيره

نور: لا لج لو اريد هاللون جان وصيتج هاي الالوان  الفاتحه ترهملي اكثر

البسيها خلي اشوفها عليج

رشا: لبستها ... ها

نور: والله كلش حلوه

رشا: لج نور من يحجون فهميني ترى خالتي كلشي ما فهمت منها ولا بيبيتي ..

نور: لج كلتلج بعد  روحي قمر صايره مره وكبرانه وامي كلتلج مشتاقتلكم والحمد لله  طول بعمرها وشافتكم

رشا: الله عليج ... جانو يحجون هالحجي ... حرام اذا فتهمت غير بس الحجي الي يشبه لهجة بغداد

نور: ههههه يولي صوج خوله ما علمتكم

رشا: ويا منو تحجي ونتعلم ابويه بغدادي ... واحنه بالبيت والمدرسه مو تذكرين  نحجي لهجة بغداد .. اني من جنت صغيره ... مجنت مركزه ... بهالموضوع

شلون جنت افتهم من نجيكم ما ادري وليش هسه ولا فاهمه شي هم ما ادري

نور: ديله الي يسمعج  يكول جنتوا يوميه جايين ...  هي بالسنه حسنه يومين  لو ٣ وترجعون ...

رشا: اني ويا احمد ... احجي بغدادي .... بس ويا الكل لا

لهجتنا .... ترى هم يفهمون  عليج انتي الي متفتهمين عليهم

لان بس بيناتنا نحجي لهجتنا ..... بس ويا الغريب عادي نحجي

مثله ... بس هم تطلع كم كلمه ... من كلماتنا بين الحجي

اعلمج بهالشهر ... هههه

رشا: لج لا تتفيكين عليه  ترى احجي وياكم اماراتي وسوري هههه

نور: لتذكريني بأيام سوريه ... شكد جانت حلوه وشكد تونسنا

بأيام العطل والاجازه جبل قاسيون واللاذقيه  وكسب والبحيرات السبعه والسواگه بسوك الحميديه ومرطبات  بكداش والصفيحه... اريد ارجع اعيش هناك  يم خوالي وخالاتي شكد مشتاقه ل

رغد مكانها خالي اليوم

رشا : وين تكدر تجي خطيه جهالها...صغار مبهذليها

نور اليوم شبيج ... شنو دتودعين العزوبيه .... اتذكرتي دفاتر عتك

نور: اي والله ... حنيت لذيج الايام ...

رشا: شوكت تروحين للصالون تسووين شعرج

نور: هسه ابدل... واحمد يجي يوديني ..... ليش متجين ويايه

لون شعرج حلو بس اخاف ميرهملي

رشا : ليش ميرهم انت هم حنطيه ... يطلع حلو سوي خصل مو صبغ مثلي ... وروحي وحدج ويا حمودي مابيه حيل هلكانه من التعب اريد انام

نور: يله براحتج ....

رشا :..... نمت وما كعدت الا المغرب ... لا ادري منو اجى ولا منو الراح ..... گضيت هاليوم كله لو  نايمه لو خاتله بالغرفه ويا نور مخبوصه تحضر لحنتها ... الى ان تعبنا ونمنا

#نداء_القلب

الكاتبه اماسي الليل ام مريم

الجزء الثاني

حقوق النشر محفوظه

رشا: صباح الخير

نور: صباح النور ....يله تريگي وكملي ... امورج حتى تجين ويايه للصالون

رشا: لا ما  اكدر اروح راح الف شعري وابقي مفتوح واني اخلي مكياج امي تريدني  اساعدهم   بكم شغله  روحي انت حتى ترجعين تلگينا مكملين ومتحضرين

نور: دمشي ويايه على الواهس منتأخر....

رشا:والله منلحك .... روحي انت حيري بروحج تجين تلگين كلشي تمام ... اني هم هسه اسوي شعري والفه ... حتى ماعدنا شي

خوله: هاي بعدكم ... يله يمعودات ... فضوها رشا ماما يله تعالي  تريگي و ساعدينا ...

رشا : هسه بس اسوي شعري حتى الفه واجيكم

يله نور.... روحي انتِ اتريگي حتى تروحين للصالون

نور: دمشي نتريك ووراها سوي شعرج ....

رشا:  يله دخلنا للهول  من شافتنا بيبي كامت  تحجي على نور ....

بيبي: اليوم يقولناعغيس... تِغَفي (عروس تغفي ( نعسانه)

نور : ضحكت لان بقينا البارحه سهرانات وامي بقت تصيح نامي

جاوبتها

أمي قعد نحكي ونجلته للحواس ....(امي كاعد نسولف ورتبت ملابسي )

البيبي: قعيد جده.... على السكملي  ( اكعدي بيبي على الكرسي

رشا : نور گلتلي اكعدي دتكلج .....كعدت ... وامي تضحك

خوله: أمي رشا ما تعغغف... لهجتنا

رشا: بيبي انت سوريه ... شو كله تحجين بلهجتهم

البيبي: ما ادغي... اخذ لسيني(لساني) من عمغي ١٣ الكل تحيكيني

تعلمت ( ما اعرف من عمري ١٣ كلهم يحجون ويايه وتعلمت لهجتهم)

رشا:  ورا ربع ساعه خالتي عاطت  بنور قيم اللبس إعبايه وغيح...

( كومي اللبسي العبايه وروحي )

نور: رايحه... كلها اليوم  اعصاب

رشا: طلعت نور واني دخلت  اسبح واسوي شعري .... من خلصت لفيته

حتى قبل ما اروح للقاعه افله ....

طلعت اساعد امي وخالتي ....اخذنا الوقت الى الى دخلت نور .... خالتي هلهلت ....

جانت طالعه حلوه ... والفرحه مبينه بوجهه .... سألوها منو جابج

نور: يزن ... وصلني للباب ... قلي يجي بليل يسلم على خوله

رشا: دخلت ابدل ...ملابسي

ونور  كاعده قريب مني  واني كبال المرايه  اخلي مكياج ..

التفت الها مستعجله

اكلج  بعد شكد نروح للقاعه

نور: نص ساعه

رشا: ها زين لعد بعد عني وقت

بعد دقايق كملت

تحركت باتجاها واني احجي وياها

اكلج  خلي ننزل قبل ميحجون علينا

نور: يله دجيبي عباتج وعباتي وياج

رشا : شنسوي بالعبايه

نور : غير من نطلع نلبس إعبايه  فوگ الفستان  ... ماعدنا وحده تطلع

هيج   نص ردن وقصيره بالقاعه ننزعها .

رشا: لا والله اني اذا اخلي شال هسه كل شعري يخرب

نور: لج فرعنا  كله گرايب غير  اذا شافج  احد من ولد عمي طالعه هيج

يتخبلون ...

رشا:  راح اللبسها لخاطرج .... حتى حمودي لا يسويلج  طلابه

نور: هههه اي والله مو وكت تهيجين اعصابه .....  هو بلا شي

عاگد حاجبه ...

  رشا: طلعنا للقاعة .... وبتدت الحفله ... وبدا السلام بين 

الكرايب وامي وكل شويه صايحتني اسلم على وحده ....

ركصنا نوراني وبنات  خالتي  الى ان تعبت وردت اكعد  واني بطريقي للميز مريت من يمي خالتي سألتني على السلال الي بيها الضيافه  ... جاوبتها

نسيتها بالسياره بين ما رحت وراها  دتنطيني مفتاح السياره حتى اروح اجيبهن ...

... لكيت احمد داخل .... طلعت ... شفت مجموعه شباب واگفين برا

.... وصلت يم السياره فتحت الباب هي ثواني و

سمعت واحد ورايه يولي ....

انداريت   لكيته كدامي فزيت وجاوبته

ويايه

يزن: آي....انت من الضيوف

رشا: آي اكو شي

يزن : عجل لويش اهلج وحدج مطلعيج

رشا: وانت شعليك ... ترى عيب على طولك لاحگني

يزن : رفعت حاجبي الليبس مشگطم ( قصير )

مو مال اهلنا والي يشوفج يحسبج من بنياتنا

رشا:  شنو تقصدمشگطم  .... احترم نفسك ... ( عبالي يقصد لبسي مال مو زينات او هيج معنى )

يزن : بعصبيه دغيحي (روحي ) بدغبك (بدربج)قعد(كاعد) احكي بأدب وأنت بلا أدب

رشا : افتهمت من اشر معناها روحي ... تركته و .... رجعت للقاعه ...  منزعجه وقلبي ايدك من الموقف خوفني

سولفت لخالتي

سمر الصغيره  عنه .

خاله  كلشي ما افتهمت من كلامه بس  من صوته وعصبيته عرفته ديرزلني

سمر :  صوجج شلون تطلعين بدون عبايه ....هذا  اكيد واحد من ولدنا

يزن: عمري ٢٧ سنه ... دارس ببغداد اداره واقتصاد .... طلعت ويا احمد وولد ٢ اصدقاءه ... للقاعه ننتظره برا بين ميحني العروس ونرجع .. ورا ما دخل بدقايق .....

طلعت بنيه مجنت منتبه عليها الا من حجى واخد من جماعة  احمد  ... گال

يول بوي مغيه تدخل بالقلب .... ( يايابه مره تدخل القلب) التفتت شفت وحده لابسه

فستان نيلي قصير وربع ردن  ... والله يستر عليها حلوه شعرها اشگر  ومكياج ... من بعيد تجذب

بس بداخلي انغثيت بالرغم هي مبينه غريبه مو من بناتنا

لكن  خفت يتصورها وحده من  بنياتنا لو كرايبنا  ...

رحت عليها انبهها متطلع بعد وهي لابسه هالشكل ميصير عدنا .... شفتها گويه ... رزلتها واشرتلها اتفوت

رجعت  انتظر احمد ... لحد ما طلع من القاعه وبعد ما راحوا الولد ... ورجعنا للبيت لحگته للغرفه

احمد ... اتفطنتوا مغيه ليبسه كحلي حلوه ... طيلعه من القاعه

بدون إعبايه

بت منو

احمد: والله ما ادغي ... اكيد هيدي مو من بيناتنا 

اتفطنتوا هيدي رشا بنت خوله لقيتوه  بالحفله ... صح ليبسه  كحلي

يزن : ماتعغف عاداتنا .... والاصول ( ما تعرف )...

احمد: شجالك ( شبيك) البنيته عيشه  بالامارات ... من وين تعغف ( تعرف) عاداتنا ... حتى ما تفهم لهجتنا

يزن: صح حكيت  مشكطم ... (قصير)ما فهمت ....

احمد:  و انت عليش تحكيه تكغيتي ( ليش تحجي تكريتي)من سمعت لهجته بغديدي ( لهجتها بغداديه)اخاف شفته حلوه وصفنت اعليها ونسيت تحكي بغديدي

ههههه

يزن: ابتسمت الخيلق حيل اعتنى بهذا الجمال هههه

(الله معتني بجمالها خالقها حلوه )

بعد ساعة غاح اغيح( راح اروح)  على بيت عمي اسلم على خوله

طلع احمد للقاعه  رجع نور لبيتهم ... وراها  رحت ... لبيت عمي اسلم على خوله ..... واتحمدلها بالسلامه

السلام عليكم نورتينا ام فيصل ( خوله)

خوله: يا بعد غيحي (يا بعد روحي ) الله يسلمك ... أقعيد  ...(اكعد)

البيبيه: يزن سبيع .... (سبع )كثيغ احبه ( هوايه احبه )

يزن: أمي انت تاج غاسي ( راسي)

رشا: رجعنا ويا خالتي  واحمد رجع نور .... دخلنا ....

للغرفه انغير ملابسنا سولفت لنور ... على هذا الشاب  ... الي رزلني وما فهمت وهي  ميته ضحك عليه سألتني شگلج

جاوبتها ما ادري افتهمت على ملابسي بس الحجايه مفهمتها ... مبينه محلوه

نور: لج شلون شكله ...

رشا: شمدريني ... اني خفت منه ... سويت روحي سباعيه وجاوبته وما افتهم شديحجي ويايه .... على اشارته  فهمت ديگلي فوتي .... اخذت السلال ودخلت .... بعد ما لبست بجامتي ونور بعدها بدشداشتها تفتح بالماشات اتمللت انتظرها

اكلج اني راح اطلع اكعد وياهم من تخلصين تعالي  طلعت من الغرفه واني اسمعها

نور:  بصوت عالي لج وين رحتي تعالي ساعديني احضر جنطتي

رشا: وصلت للممر جاوبتها  والله مابيه حيل من الركص هلكانه

عود من ارتاح اساعدج والله .... وصلت لباب الهول دخلت

خوله : ها ماما  شبيكم انت ونور

رشا :  ما انتبهت من دخلت اكو احد ... على القنفه الي ورايه

هاي بطرانه اني هلكانه من الركص وهي تريدني هسه اصفط جنطتها مستعجله تريد تروح ويا حمودي امي ضحكت  وخجلت حسيتها وهي تباوع ورايه

  خوله : من دخلتي غير تسلمين

التفتت على اشارة ايدها   واشوف واحد مبتسم بس على شكل ضحكه مكتومه

من فشلتي وارتباكي  طلع مني السلام

هلو

يزن: جنت كاعد القنفه البعيده من يدخل احد يصير ظهره عليه

سمعت صوتها قبل متدخل ... للهول ... من دخلت مشافتني ...

لان دتسولف ويا  امها

ضحكت  على كلامها .... من التفتت سلمت ... شكلها حلو ....

جذاب ....

جاوبتها .... يا هلا بيج ....

رشا: شو من شفته بالضوه انثولت ... رحت كعدت بصف امي

بقيت اسمعهم يحجون وما افتهم عليهم ....

بس اتذكرت كلمته الي ما افتهمتها .... ردت افشله واسأل نور كدامه عليها

من دخلت نور سلمت .... كعدت قريب عليه ....

اگلج نور شفت واحد من رحت اجيب السلال .... رزلني على ملابسي ما فهمت شنو گلي ....بله شنو الكلمات الي تنتقدون بيها الملابس

التفت عليه  مبتسم

يزن: مشگطم .... معناها قصير ... وما ادري بيج بت خوله من حجيت عليج

خوله: ليش وين شفتها  .... وهيج صاير بينكم

يزن: ما ادري بيها بنتج ... رحت انبهها ميصير تطلع برا القاعه

بدون عبايه بدلتها قصيره ....

رأسا انگلبت شرسه ... عطت بيها گتلها فوتي ....

رشا: يسولف وامي وخالاتي وبيبي يضحكون على ضحكته بس اني حاقده عليه  شكد ملعب   .... سواها بالضحك

عكدت حاجبي .... زين انت تعرف تحجي بغدادي .... ليش حجيت ويايه تكريتي ... من شفتني ما افتهمت

يزن: ابتسمت ....ما جاوبتها نور گلتلها

نور: مو هو دارس ببغداد

وكتلج احنه نعرف نحجي ويا الغريب وبداخل تكريت نحجي تكريتي بيناتنا

رشا : بقى طول الكعده ... كم مره ... يسترق النظر ويتقصد يخلي عينه بعيني ....

اني هم جنت كارهته ... صرت صلفه ويا ... اباوعله بحقد ...

وهو يبتسم

بعدها دخل  احمد بقوا كاعدين  يسولفون

ضجت لان بقيت ما  افهم عليهم  ارتخصت منهن و طلعت للحديقه على المرجوحه....

ورا نص ساعه  تقريبا لمحت  يزن  طلع للكراج

انتبه عليه  كاعده على المرجوحه .....

ابتسم ...

يزن: ها يالبغداديه.... اتخاربنا من اول يوم ....

رشا: استحيت منه .... لا مصار شي  ...  بنتر بس ترى مو من حقك

ترزل وحده وهي مو اختك

يزن: احنه هنا كلنا اهل وكرايب  عرضنا واحد ... من نشوف غلط

نحجي حرصا على بناتنا ...

رشا: زين مو دتحجي بغدادي شكو استلمتني تكريتي

يزن: ( ضحكت) من شفتج حلوه نسيت البغدادي ...

رشا:خجلت منه  هو هم حسيته ارتبك او خجل من الي گاله 

يزن: يله اني اترخص ... تصبحين على خير

رشا: دخلت يم اهلي بالهول .... الى ان راح احمد....

دخلنا اني ونور للغرفه 

نور: لج سولفت لاحمد عليكم انت ويزن ... گلي سأله عليج

وگايله الله معتني بجمالها من خالقها وضاحك

رشا: ادري گلي محجيت وياج بغدادي نسيته من شفتج حلوه

نور: لا بربج هذا يزن هيج يحجي .... ههههه ولج اخاف انعجب بيج

يزن آنفه مو من النوع الي يجامل ويضحك ...

رشا: لا مو اعجاب يجوز استحى من امي گلك خطار يومين ورايحين خلي اتحملهم

نور: يله ضحكت وياج هواي  كافي كومي خلي نرتب  الجنطه

رشا: اول ما بدينا ... اتصل احمد على نور وبقوا يسولفون ..

خلصت  ترتيب الجنطه تركتها  ونمت ....

———— يوم العرس

ثاني يوم بالزفه لبست ستره وتنوره قصيره   ... امي احتجت

خوله : بنتي  البسي شي طويل عيب من ولد عمي

رشا: لبست نفنوف بسيط

بعدها اجتي الزفه ودخل احمد ...

صاحتني ... نور

نور: فدوه رشا  بس طلعي الجنطه ليزن يخليها بالسياره

رشا : طلعتها بالكراج وصحت واحد من الصغار يصيحه ياخذها للسياره ...  دخلت بعجله

هلو هاي جنطة  نور

يزن: هلو  ماشي  ويا ما حملت الجنطه رفعت راسي الها

انت  وامج تعالوا ويايه  بالزفه

رشا: اخاف وياك احد ....

يزن : لا بس امي ...

رشا:صعدنا وياه   وكل ما ارفع عيني الگاه يباوع عليه .... لحد ما نزلنا يم المصور بين ما العرسان اخذوا الصور واني تصورت وياهم بسبب الزحمه طلعت انتظرهم برا بين ما

دتطلع الزفه وگفت يم السياره انتظر امي تجي واصعد شفته اجى مبتسم  من صار قريب مني وهو يتوجه للسياره

نطق بشي ما افتهمته

يزن : قمغ... ويضويلي الدغب .... ( قمر ويضويلي الدرب )

رشا: شنو  ؟

انتبهت عليه يضحك

يزن: لا هيج سلامتج دا اسأل على أمج بعدها جوه ويا العرسان

#نداء_القلب

الجزء الثالث

الكاتبه اماسي الليل

حقوق النشر محفوظه

رشا: من وصلونا يزن وامه لباب البيت

الحجيه طلبت من امي ان نشرفهم على الغده ثاني يوم

كعزومه .

—————- في اليوم الثاني

نور واحمد بيتهم وحدهم بنفس الشارع تقريبا فرق ٧ بيوت عن بيت بيبي

وبيت يزن موالبيت الگبال بيت جدي الي بصفه

كنت  متصوره بيت عم امي عدهم بس احمد ويزن ... لكن من فتحت الباب ل ولد يطلع بالاعداديه ... (منتصر )... بعد ما دگ الباب ....

السلام عليكم

رشا وعليكم ... ماما تعالي

منتصر: شلونك ( ام فيصل )أمي...قيعده  تنتظر) ....تجون

خوله: هلا غيحي( روحي) ... بعد بطيه( بعد وكت)

منتصر: لا تدزووني ( لا دزوني )  أناا... اجيبكم مَعايي( اجيبكم ويايه

خوله: يله ماما البسي عبايه وامشي نروح ...

رشا: دخلت لبست عبايه وطلعنا ويا منتصر ... وصلنا لبيتهم دخلت حديقتهم حلوه ... وبيتهم حديث ... من دخلنا تلگتنا امهم

كل الهلا

خوله : هلا بمرة عمي ملقاكي طيب مثلك ...

رشا: اكتفيت بال مرحبا .... ودخلت  كعدت بصف امي .... اسمع

امي ومرة عمها يسولفون ... كلمه افتهم وعشره لا

ام يزن :شلونك  يا عغيس ( شلونج عروس)

خوله : دتگلج شلونج عروس

رشا: ابتسمت على الهبل العندي خجلانه .... الحمد لله خاله بخير

بعدها نادت ام يزن ... غفران ...

دخلت بنيه حلوه .... شفتها بالحنه ....

غفران: السلام عليكم ....

رشا وعليكم السلام .... امي هم سلمت

خوله: هيدي مغت... ياسين شفتوه بالحني( هاي مرت ياسين شفتها بالحنه)

ام يزن: أي مغت ياسين ( اي مرت ياسين )

ديغبالك على الجدريه 

غفران: طفيتا

رشا: كان بداخلي شي يترقب احد يدخل من الباب ....

منو رشا؟ وليش تريدي يدخل ؟

مرت اكثر من الساعه واني كاعده مثل الاطرش بالزفه الى ان دخل الي جنت انتظر دخلته

قلبي رف من الفرحه ...

يزن: شلونك ام فيصل

خوله: مليحه... ( بخير) .... شلونك يزن

ام يزن: مله كيف( مريض)

خوله: ليش سلامتك

ام يزن:مصخن

يزن: شلونج رشا ...

حجيت ويا نفسي ( شو هاي يوميه الها شكل ومره عن مره اشوفها احلى من المره القبلها )

رشا: الحمد لله بخير سلامتك

يزن : الله يسلمج ..... بديت اسولف ويا خوله

إمي عِنده جيهل مصخِن و كل الليل سُهغانه  معانو

(امي عدها طفل وكل الليل سهرانه وياه )

مبية شين بس هية هاكد خواَفة( مابيه شي بس هي خوافه)

ام يزن: غير نخاف عليك من تِزوج اطعيك ( انطيك) لمغتك( لمرتك ) تحيغ بيك(تحير بيك)

خوله: إبقَيت بس أنتَ أدَوغلك عُغيس ... نَفغح بيك

(بقيت بس انت دورلك عروس نفرح بيك )

يزن: ان شاء الله .... ابتسمت

رشا ما فهمتي كلامنا مو

رشا: ابتسمت... لا والله ما فهمت شنو دتحجون

خوله: ماتعغغف لهجتنا ( ماتعرف لهجتنا )

يزن : ام فيصل التقصير منج ... شعجب ما معلمتهم

خوله: مو لان ابوهم بغدادي ... كلامنا كله بغدادي .... تعلموا

وبالمدارس ... بعد لسانهم اخذ

اني من دخلت تكريت اتذكرت لهجتنا ... وميهلي احجي بغدادي ... هنا اريد ابقى متذكره لهجتنا

يله باقين شهر تتعلم

(ضحكت)

رشا:  ابتسمت....والله يمكن لو اكعد سنه ما اتعلم ولا افتهم

يزن: لا عاد مو هيج صعبه .... بس ياخذ لسانج تتعلمين

رشا: بقوا يسولفون ... هو وامي .... وامه توجهت للمطبخ

تصورت ابوهم متوفي طلع

متزوج بغير بيت .... لان امي سألته من گامت مرةعمها

خوله: عمي اخباره

يزن: الحمد لله بخير .... من اتزوج امي گلبت عليه ... باقي

ببيته .... الثاني ... بالحنه جان موجود ... والله سأل عليج

من عرف احمد جايبج

خوله: والله يراد اروح اسلم عليه ... هالايام ان شاء الله

يزن: يا يوم تريدين اني اوديج

ام يزن: عود خيبر على أحمد يَجي يتغدة معانا( خابر على احمد يجون يتغدون ويانا)

يزن: لا  خطيه عفيم  عغايس .. العُصغية اأغيح اأشوفم اذا محتجين شين شيات( لا خطيه اتركيهم عرسان  العصر اروح اشوفهم اذا محتاجين شي )

رشا: رجعت امه  للمطبخ .... وامي ورا شويه گالت ... خلي اگوم اصلي ....

بقينا بس اني وياه

يزن: شلونها تكريت

رشا: واني شنو شفت منها غير بيت جدي

يزن: الي شفتي

رشا: اني احبها ... لان اتذكرت ايام قبل

يزن: اتفطنتوا... طِلع قمغ بتُكغيت.. تربع بقلبي ...صاغ يومين

( اتذكرت طلع قمر  بتكريت تربع بقلبي صار يومين) 

رشا: يعني شنو

يزن :( ابتسمت) دا اعلمج اللهجه... گتلج شفتي القمر كامل صار يومين بالسما اقصد البارحه من جنتي بالحديقه

رشا : حسيت بي كذاب حجى غير شي لان افتهمت قلبي

جاوبته اي شفته .... بس انت مقصدت هذا المعنى .... لان تعرف

ما افتهم عليك ... ضحك ...

يزن: لا هذا المعنى

رشا: الله الي يعلم ... يجوز تحجي عليه لو دتنتقدني واني مدا افهمك

يزن: مو گتلج أتخاربنا من اول يوم

رشا: لا مو من طبعي احقد على احد ولا من حقك الي صار

يزن: بعد غيحي ... دغبنا ويحد ( بعد روحي دربنا واحد )

رشا: احجي ويايه بغدادي ...

يزن : انت بتكريت تتعلمين لهجتنا ... اذا احجي وياج بغدادي متتعلمين

رشا: والله اشك دتعلمني صح

يزن: هههه.... اسألي نور ...

رشا: جان سألت لو حفظت كلمه من الي حجيته

يزن: تتعلمين بعدين وتفتهمين ....

من دخلت امي التفت عليها

يزن :اتقبل الله

خوله : منا ومنكم ...

رشا :ورا شويه دخل شخص هم شفته بالعرس .... طلع اخوهم ياسين

التموا كلهم يسولفون واني مثل الاطرش  بس اتفرج عليهم

وانتبه على يزن يباوع عليه كل شويه ويبتسم

للعصر  رجعنا للبيت ....

اتصلت عليه نور ...الو

رشا: هلو ولج اني جايه علموج وانت حايره بحمودي وعايفتني

نور: ههه والله هو گلي خابري خوله ورشا امر اجيبهم يمنا يغيرون جوا

رشا: احسن منج عنده اصول

نور: يله تعالوا ....

رشا: هسه نجي اني وامي ....

نزلت على امي يوم خلي نروح لبيت نور ... هسه خابرت تنتظرنا

خوله: والله مابيه حيل .... خلي يجي احمد ياخذج روحي انتِ

رشا:رجعت اتصلت على نور

اكلج امي متجي مابيها حيل قبل ساعة رجعنا من بيت عمج

نور:لعد راح ادز احمد يجي عليج .... هسه

رشا :ورا شويه اندكت الباب طلعت لگيت احمد .... هلو

احمد:خالتج اكلت راسي .... فتحتله الباب دخل شويه كعد

بعدها طلب مني ان نطلع ونتوجه لبيتهم 

دخلت سلمت على نور اخذتني ورحنا كعدنا وحدنا

نور: ولج شمسويه بالولد .... صار يومين

رشا: يا ولد

نور: يزن .... هسه خابر على احمد وحجى ويايه يسألني عنج

رشا: ابتسمت شنو سألج ...

نور: والله شكله راح يخطبج .... سألني بأي مرحله انتِ وگلي شوفيها بدون متحس

تقبل تزوج هنا خطيه عود مأمن بيه  واحمد  هم گلي مو تحجيلها ... انتِ سوي نفسج متدرين بشي

رشا: لا ما افكر اتزوج هنا وحتى لو افكر ... شمعرفني بي وبأطباعه... منو يگول اتوالم ويا ....

نور: لج ولدنا رياجيل ويحبون المره بالاخص اذا اخذ من الگرايب ... ولو هم اغلبهم يحبون زواج الگرايب ... قليل يتزوجون غريبه

رشا: لج هو اني يحجون ما افتهم عليهم ... شلون تريديني افتهم اطباعه وضعه ...

اني اليوم حسيت بي ذبلي حجي مفهمته ... وبقى يتمضك

نور:ههههه شنو الحجي

رشا : ما ادري بس فهمت كلمة قلبي .... الباقي مفهمت

نور: ههههه اخاف گلج دخلتي قلبي

رشا: ما ادري والله بس انطاني معنى القمر طالع بسما شفتي

حسيته جذاب ما اله علاقه بلي حجاه

نور: فدوه لولدنا من يتغزلون .... لج هذا متونس عليج يطلع الي بقلبه وانتِ متفتهمين

رشا: هههه گتله اخاف دتنتقدني

گلي مو گتلج تخاربنا من اول يوم ....

نور: لج وافقي .... نبقى سوا .... تصيرين قريبه عليه

رشا: ولج هو خطب واوافق .... يجوز هيج فضول .... ديسأل

نور: شكد عياره مو دا اگلج گلي شوفيها تقبل تعوف اهلها وتزوج هنا

رشا: ما ادري عوفيها لوكتها.... بعد كدامي شهر ادانش عقلي

بقت نور اداهرني ....بعدها اجى احمد ... طبعه حلو ونفسه طيبه  ومداري نور

حتى من حسها فرحانهو متونسه لان اني يمهم جلب بيه مقبل ارجع گلي باتي يمنا ... واتصل على امي قنعها .

احمد: اليوم هي يمنا ران شاء الله باجر نرجع نتغدا وياكم .

رشا: بعد  ما  اخذ الموافقه من امي  ...عرفت يزن متصل يريد يمرلهم بس من عرف اني يمهم   غير رأيه ( لعد غير وكت امر )

ثاني يوم ..... ورا ما اتريگنا

نور :سمعت باب المطبخ اندگت فتحته دخل يزن  للهول صار بوجهي

يزن : مرحبا ...

رشا: هلوگلها لنور

يزن : عبالي تجون تتغدون ويانا .... ما ادري برشا جايه

نور: لا باتت يمنا .... هسه اكعد احمد .... دقيقه بعده نايم

رشا: دكعدي حتى توصلوني وتروحون ....

يزن: لا ليش تعالي وياهم تغدي يمنا واني امر على امج هم

نور: اي صدگ تعالي ويانا .... خلي اروح اكعد احمد

رشا احمي الجاي ...

رشا: دخلت للمطبخ بيقيت انتظر نور واحمد ينزلون يله ارجع يمهم بالهول

اجتني نور سوت اكل واخذته بصينيه لاحمد رحت وياها للهول لگيتهم يحجون ويضحكون ... من دخلنا سكتوا

احمد: نور تحضري  انت ورشا حتى نمر لاهلي ويزن يجيب عمتي وام فيصل ويجون ورانا ... نتغدا كلنا ... خابريهم

طلعت نور وراها طلع احمد .... يغسل ... التفت يزن عليه

من الاخير رايدج مره

#نداء_القلب

الجزء الرابع

الكاتبه اماسي الليل

حقوق النشر محفوظه

رشا: لا .... طلعت مني من الارتباك بدون ما افكر بيها....طلعت  .... والي بداخلي غير

... رفع حاجبه وابتسم

يزن: اكو احد ثاني

رشا: لا والله

يزن : ضحكت على طريقه جوابها  ... لتخلين اول لقاء بيناتنا ينطيج انطباع غلط عني

راح اعتبراللا ... انطيني فرصه افكر

رشا:  احس وجهي صار احمر من الخجل ... انطيني فرصه اتعرف عليك هالفتره

يزن: شوفي اني اجيتج من الاخير لان ما اريد اللعب امج بت عمي يعني عرضي ... جان بالي من اشوفها اليوم افاتحها

بس گلت خلي اشوف ردج بالاول

رشا: وعرفت ردي

يزن: ابتسمت .... راح اخليج أتوافقين .

رشا: دخل احمد ونور مكدرت اجاوبه ... أنتبهت نور مبتسمه

احمد: اتزهبوا ...حتى نغيح غادي ( اتحضروا حتى نروح هناك)

يزن: لكن...اقعيد... نحكي بين ما يخلصون ... (لعد اكعد نحجي بين ميخلصون)

رشا : طلعت ويا نور....

نور: ها.... اعترف ترى سمعت... واحمد راد يدخل مخليته حتى تحجون

رشا : جاوبته لا

نور: كذابه

رشا :والله

نور: ليش ولج الولد رايدج

رشا: ما ادري ... طلعت مني ... واصلا ما مقنعه بالموضوع

لا اكدر اتأقلم وياه ولا اكدر اعوف اهلي واسكن هنا

نور: شكد ثوله اكو وحده تلگى واحد يحبها وترفضه

رشا:  حبني ب ٤ ايام .... شنو هالحب ....روحي بدلي حتى نروح .... قبل منطلع نور نادت على احمد عرفتها ... تقصدت تخليني وحدي ويا يزن

يزن: اخدي وقتج وفكري زين خلگي طويل وياج

رشا: العيب مو بيك بيه اني ما اتأقلم لا ويا طبعك ولا اكدراتزك اهلي

يزن: اويلي يابه ...قلبي يحكيني( قلبي يگلي )  ... دغبنا ويحد ... ( دربنا واحد ) لكن بعد بطيه وأخذ القمغ ( بس بعد وكت واخذ القمر)

رشا: ليش متريدني افهم ... الي دتحجي ... ضحك

يزن : هذا حب تكريتي للبغداديه ....

رشا: حب من طرف واحد بدا يأشرلي باصبع ايده مثل الي يهدد وهو مبتسم

يزن: ديغبالك لو تصغين  عُغيس الي لو تبقين تيسه (انتبهي لو تصيرين الي لو تبقين عانس)

رشا: ماكو داعي اصلا احجي وياك واني ما افهم الي تحجي

عگدت حاجبي ضجت منه وهو يضحك

يزن : من  اخطبج اگلج كل الي حجيته ومفهمتي

رشا: لعد مراح اعرف ( قصدت ماكو خطوبه)

من طلعنا هو واحمد يمشون قبلنا واني ونور  دنمشي وراهم

بين السوالف نور ضحكتني طلع صوتي

اندار وعينه عليه ....

يزن: يولوا احنه بالشارع بدون صوت

رشا : فشلت

التفتت لنور لا هوايه راح اقبل .... بهالمعقد ما حسبت المسافه بيناتنا ممكن يكون سمعني

لكن اثاري اذنه يمي صح ديسولف ويا احمد لكم من وصلنا ....  لبيتهم توجه احمد لبيت جدي يجيب امي وبيبيتي   واحنه

دخلنا للهول ... كعدت وحدي هو ونور دخلوا جوه ...سمعتها دتسلم

شويه ودخلت ام يزن

الام: شلونك حبيبه

رشا: الحمد لله خاله ....

الام: خذ راحتك ... هيدي بيتك

رشا : فهمت... گلتلي اخذي راحتج ... ورجعت للمطبخ

بقينا اني ونور .... لحد ما سمعت احد

نادى على نور  .... طلعت من الهول

بقيت وحدي  شويه ودخل ووگف يم الباب يضحك

يزن: من انبهج ميطلع صوتج مو معناها معقد هاي غيرتنا على بناتنا تخليني حريص محد يسمع صوتج .... وضحكتج

هاي اول شغله تعلميها ....

رشا: بين خجل وارتباك حاولت اكون مسيطره

وانت مخلي اذنك  يمي

يزن : كل حواسي وياج من ليلة الحنه

رشا: ابتسمت

حب من اول عركه

يزن : يا قمغ مو يقلون ماكو محبه الابعد عداوه ... ( يا قمر )

رشا: ترى هاي فهمتها .....

يزن: اويلي  يابه البُغديديه فهمت ...  لَكَن بدا قلبه يدق(لعد قلبها بدا يدك)

رشا: انت متونس اني ما افهم عليك مو بله

يزن: والله احلى مابيج متفتهمين ... ومخليتني براحتي احجي الي بقلبي ههههه.... اليوم لليل ... يله ارجعكم للبيت ...وين متلتفتين تلگيني بوجهج  ضحك و

طلع دخلت نور وغفران لگوني مبتسمه .... ما ادري بالعائله كلها تدري بسالفته ....

نور:... والله ميفك منج الا يخليج توافقين ....

غفران: التكغيتي( التكريتي) من يحب ... يعند لو هيه لو مياخذ غيرها

نور: يول يابه على كويلات التكغيتي ... من يحب ( يايابه على خبالات التكريتي من يحب)

رشا: فتحت عيني

اوگفوا لتگلولي البيت كله يدري بي

نور: هههههه لج بابا احنه  عدنا ... بس قلبه يدك .... بوجهه يدك الباب .... والله كلها تدري بي ....

رشا: عزه شكد عيب والله لو ادري ولا اجي .... زين ليش گلهم

نور: غبيه غير لعد يريد يخطب غير يحجي لامه ولاخوته

رشا: اريد اروح والله ما اكدر بعد ابقى ....

نور: يولي شبيج امج هسه جايه .... وعمتي بالمطبخ هسه تخلص وتجي بعد ميكدر يحجي وياج ....

من طلعت  غفران

رشا:  لج نور  انت شكد متحيزه صافه ويا ابن عمج مو اني بت اختج

نور: مو هو لان بت اختي اريدج تبقين هنا... اكو احلى من تصيرين بت اختي ومرة حمايه هههههه

رشا: ابقي تخيلي ... واني هم ماخذتكم وماخذته  على كد عقلكم  ... اكول خطار ... كم يوم ورايحه ... عيب افشلكم

نور: ههههه والله ميفك منج الا ياخذج

رشا: اي مو هي گوه

نور: لا مو گوه .... برضاتج

رشا: نور كافي ... ترى والله ميته خجل هسه من عرفت كلهم يدرون ....

صاحت ام يزن... احمد وخوله بطيوا (تأخروا )

نور : هسه اخيبر (اتصل)احمد .....

إمي  يقول جيتوا ....(اجيت)

رشا: ورا شويه الكل التم على الغده...صار عندي احساس كلها ...تدري بين يباوع عليه ... بحيث صوت ما طلعت ...

حتى مره خزرته وگلبت وجهي عليه  ... هو هم رجعلي الخزره  وراها حسيته عكد حاجبه ...بقوا يسولفون ... وشربوا الجاي ...

يزن: اغيح انجضع...( اروح اتمدد)

ام : يزن... اخاف ملك خلك

يزن: مابني (مابيه )شي ...ساعة واقعد

رشا: من طلع ... حسيت بي ضاج مني ....

ورا فتره اجتي مسجات على تلفوني طلعته من جيبي

(غيتك( رايدج)  بالحلال جبرتيني اخذ رقمج حتى احجي وياج

التصرف الي صار قبل شويه ميتكرر ما احب المره الگويه )

جاوبته.... (لعد شيلني من راسك مو گتلك اني ما اتوالم وياك )

يزن: خلص ملي لازم بيكي ....

رشا : ماجاوبته لكن حسيت بداخلي ضجت ... بقينا لليل يمهم وما التقيت بي بعد

بعدها طلعنا ويا احمد ونور وصلونا للبيت

وهم راحوا لبيتهم ...

بقينا كم يوم ما ملتقين الى يوم سبعة نور .... سوولها حفله بيتهم ... ولان حفلة بس بنات لبست براحتي نفنوف قصير لبست فوگاه عبايه   طلعنا اني وامي وخالاتي  لبيتهم كل الگرايب موجودين ... ( النسوان) علاقاتهم حلوه حسيتهم   صدك فرحانين  واني اتفرج على البنات رفعت ايدي اصفگ انتبهت اسواري مو بأيدي ... دورته بالمكان ماكو  طلعت للكراج ادوره مدنگه راسي سمعت صوت

ادخلي .

شلت راسي ولگيته كدامي منطيني ظهره ديحجي ويا احد گله   يزن : لا تفوت انتظر دقيقه ...

رشا :سد الباب التفت شايل صينيه مسلفنه ...

...  دا ادور سواري  وكع .... عاكد حاجبه

يزن: ادخلي هسه  لا يشوفج احد وناديلي وحده من البنات تاخذ الاكل ...

رشا: دخلت .....رحت  لامي گتلها اطلعي يريدوكم برا ... رجعت كعدت بمكاني مقهوره على السوار

شويه واجاني مسج ....( البسي عبايه وتعالي  دوري  وين وكع )

لبست العبايه وطلعت ... لكيت غفران ... دتحجي ويا رجلها ...سلمت عليه

سالتني  (راح تروحين)

لا دا ادور سواري ضاع ...بقيت ادوره ملگيته بالكراج

التفتت على غفران

عفيه اذا امي سألت عليه گليلها رجعت للبيت ادوره

فتحت الباب وطلعت

شفته واگف يم السياره عاكد حاجبه تركته وتوجهت لبيت جديد

بقيت ا دوره ملگيته انغثيت واني  احجي ويا نفسي

( متأكده من طلعت من البيت هو بأيدي) .... دكيت على امي

الو يوم راح ابقى بالبيت ما الي واهس بعد اجي

خوله : شلون هالحجي بنتيذ عيب ضاع هاهيه فدوه يله لا تنغثين تعالي انتظرج

رشا: رحت من ورا خشمي .... وصلت  لبيتهم وهو جان موجود بعده برا

بس ويا ولد ... فتحت الباب و دخلت بسرعه كعدت يم امي

شويه واجاني مسج

اشبيك يا قمغ مامليح ما لقيتيا  ..... ( شبي القمر مو بخير ما لقيتيا  ) 

جاوبته لان  مترجملي الحجي   لا ما لگيته

دزلي( فدوه الج بالخطوبه اجيبلج اغاته )

ابتسمت

دزيتله مو گلت بعد ما الك دخل بيه

يزن:  ميطعيني قلبي اشوفك ضيجه( مينطيني قلبي اشوفج ضايجه )

رشا: والله يا يزن انغثيت عليه لان رغد اختي هدتنيا

عليه اسمي واسمها محفور ....

يزن: عود اجيبلج واحد مثله محفور اسمي واسمج عليه

رشا: ما اعرفت اجاوبه، كتبتله بدت دروس اللهجه

يزن: مو تريدين تفهمين الي احجي ...

رشا: اي اريد

يزن:يعني احجي ويا خوله

رشا: لا بعد

يزن: معاكي اصبر صبر  ايوب يا بغديديه  ( يا بغداديه  )

يزن: غاسه قوي بنت خوله

احمد: انت أتغيد خيذ مغه( انت تريد تاخذ مره)... بلا تعب هيدي بنت عمك

سنه... وجعتلي غاسي( راسي)... اركض وغاها ( اركض وراها).... وصاغت مغتي.... ( صارت مرتي)

انتَ خف عليها المغيه هم من تلقي غجال يغيده تثقل علينو

( المره من تلگى رجال يريدها تثگل عليه)

يزن: لَكَن ابيع ثقل  هالايام واشوف نصيحتك

احمد: اسماع مني ... وانا اخذ الكلام من نور  واحكيك

رشا: مرت كم يوم عن اخر مره التقيت بيها يزن ... من ليلة السبعه

سبعه نور بعدها

مرتين رحنا يمهم العصر  ....و احمد يوميه يجي

ياخذني عدهم للبيت ابقى ويانور... ولا مره مر يمهم   او شفته اخر شي قررت اسأل عنه وعن سبب اختفاءه

نور... شو يزن مختفي

نور: ابتسمت ماموجود .... راح لبيت خاله بالقادسيه ...

ليش تسألين عنه اخاف گلبج دگ

رشا: لا مجرد سألت لان اخر مره بالمسجات طلب مني يحجي ويا امي جاوبته لا بعد وگلت اخاف زعل ...

نور: استغربت ...ليش انتِ ويا متواصلين بالتلفون

رشا: خطيه متدرين مو منج اخذ الرقم

نور: لا والله ما مطيه رقمج لاحد ... احتمال ماخذه من احمد

رشا: ماكو تواصل ... مجرد مره دزلي مسج بيوم الي جنت بايته يمكم ورحنا يمهم تغدينا ..... كتبلي جبرتيني اخذ رقمج حتى اكدر اتفاهم وياج

والمره الثانيه بالسبعه ضاع سواري ... وسألني اذا لكيته

نور: اي هاي هيه لعد ماطول مره ثانيه گلج احجي ويا امج وصديتي ... يجوز شاف ما منج رجاء شال الموضوع من راسه

رشا: لعد خبالات التكريتي من يحب وينها

نور: غير اذا شاف الي يريدها هم رايدته خو مو ماعنده احساس يركض ورا وحده متريده هو اجى وياج من الاخير ...

بشغلة خطوبه وزواج ...

رشا: اي هاهيه هو اني ما بقالي شي ... واسافر ماكو داعي ...

اعلق الولد بيه واخلي يتأمل ...

ولا اني اخلي براسي ... من ورا ملحته خلاني ... افكر بي صار كم يوم بس اسمع صوت التلفون اكمز عبالي مسج منه ... ويطلع مو هو .... انغث

نور: يعني معناها حبيتي .... او معجبه بي

رشا: اي هيج شي .... بس مو تحجين لاحمد ... الله عليج

نور: والله ما احجي ....بس من يگلج مره ثانيه خلي احجي ويا امج اقبلي

رشا: ان شاء الله ...... لليل رجعني احمد ....

بقيت افكر بيزن.... وبموضوع الخطوبه .... قررت اوافق .... بس يفتح ويايه الموضوع مره لخ

فكرت ادزله مسج حتى يعرف ما رافضته ....

(هلو يزن .... اخبارك) .... مجاوبني ....

يزن: مشيت بكلام احمد من گلي انطيها مجال اتفكر بدون ملحتك ...فتعمدت ما التقي بيها .... لايام ....

ومن تكون يمهم احمد ينطيني خبر حتى ما امر وتتصور ...

جاي لان ادري بيها موجوده ....

كل الكلام الي يوصلياه يخليني ما اتأمل توافق... لذلك بديت الهي نفسي عنها ... رحت لبيت خالي بالقادسيه بقيت ويا ولد خالي .... ورا كم يوم بليل طالع ويا الولد ....

وصلني مسج .... ما اجى بالي هي الي دازته .... ما فتحته الا

من رجعنا للبيت كاعدين نسولف ... طلعت التلفون اگلب بي

لگيت مسج منها ...

جاوبتها ... الحمد لله بخير ... شعجب ذكرتيني

رشا: لان انتبهت عليك مختفي صار كم يوم .... حبيت اطمئن عليك

يزن: مامليح يا قمغ ( مو بخير يا قمر)

رشا: شنو معناها

يزن: كيف يهلك تعفيني ايام بلا قمغ ( شلون قلبج انطاج تعوفيني ايام بلا قمر )

رشا: يزن راح اروح اخذ راحتك

يزن: ماخمن... ( ما اضن) يرتاح قلبي الا ياخذ الي يغيده( يريدها)

شفتها بعد ما ردت دزيت

وين رحتي

رشا: يزن كلشي مدا افهم عليك

يزن: اويلي يابه شعلت ضوّ ( نار) بقلبي البغديديه

رشا:فهمتها معناها شعلت ضوه بقلبك

يزن: لا نار بقلبي

رشا: وانت صدك هلكد تحبني ....

يزن: يا قمغ حبك بقلبي مابينو( مابي) دغش

( كذب )

رشا: يا قمر حبج بقلبي مابي .... شنو دغش .... وشلون اكتب تكريتي

يزن : دغش معناها كذب .... وتكريتي تُكغيتي

رشا: يا تُكغيتي.... شوكت اشوفك ...

وافتهم الي كتبته وما فهمته

يزن: يا هيله عليك ... ياقمغ ... قلبي تلوع من فغاقكم( بفراكج)

رشا: ترى صح ما افتهم بس دا احس كلام حلو طالع من قلبك

يزن: راح اسألج سؤال وهاي اخر مره اسأله ..... احجي ويا امج ؟

رشا: اي احجي ....

يزن: اويلي يابه راح ارجع هسه

رشا: لا دنيا ليل وطريق ... باجر تعال

يزن: بعد الي سمعتوا منك ماطيق اتاني

رشا: الله عليك گلي شنو كتبت بالمسجات بالبدايه

يزن : وعيونج من اشوفج اگلج ... وانت كدامي ...

اخذج للشط ... تغيرين جو

رشا: لا ما اطلع وياك وحدنا

يزن: يا اصيله ما اخذج لمكان وحدنا الا وانت مرتي ...

قصدت نطلع لمة اهل ونروح للشط .... تغيرين جو

رشا: اسفه ... اي نروح

يزن: ياقمغ والله ما اشتقت لهودي غيرك) ما اشتاقيت لاحد غيرج) راح اخيبر بس قولي

الو اسمع صوتك .... فهمتي ؟

رشا: اي فهمت ..... دك جاوبته الو ... سمعت صوت نفسه ...

واحد گله يويل قيعد تحب ... سد الخط و

دزلي مسج يمي ناس ما كدرت اجاوب ... روح يا قمر باجر اشوفك

ثاني يوم ..... للعصر ... اندگت الباب ... طلعت امي سمعت صوت نور ... طلعت اشوفها لگيته بالهول گبالي .... احس قلبي طلع مني وراح يمه .... نسيت الدنيا من شفت ابتسامته

سلمت على وعلى احمد ....من ديسولفون .... عيني كل شويه تروح لعينه .... احسه يگلي مشتاقلج وعيني تگله اني هم

فتحوا موضوع ... نروح للشط كلنا وحتى خواتهم ... اتفقوا ثاني يوم نروح .... بقوا يمنا كم ساعه وراحوا .....

لليل دزلي .... من شفتوا القمغ غدت غيحي ( من شفت القمر ردتلي روحي )

جاوبته ترى بديت افهم كلامك .... يا بعد غيحي

يزن: يول لا تخليني اطلع كويلاتي ... وارجع هسه احجي وياها

مابقى بيه صبر

رشا: اموت على گويلات التكغيتي

يزن: يول اشجالك ... طيغتي النوم من عيني بهاد الحكي

وحق الخيلقك ماخذ مغيه غيرك

رشا: تصبح على خير

يزن : وانت من اهل الخير

رشا: ثاني يوم .... لبست بنطرون وقميص ... وتحظرنا...

قبل ما نطلع مر ... يمنا ... ويا احمد ونور واخته .... اشرلي اشوف التلفون .... رحت قريت المسج كاتبلي ... غيري البنطرون

بتنوره ...

جاوبته تنانيري كلها قصيره

يزن: يله ماشي ..... شر احسن من شر

رشا: اتفقوا اني وامي نروح ويا نور واحمد .... من طلعنا لبست عبايه اماراتيه كلها شغل ...

من شافني ابتسم ... طلعنا عوائل من وصلنا ... نزلنا ...

صار ورايه ... يمي نور

يا قمر هالعبايه زادت الطين بله تلفت النظر

نور ضحكت .... جاوبته ... ترى حرت وياك ... بنطرون مقبلت

لبست عبايه هم مقبلت

يزن: شبيها العبايه السوده الساده ...

نور: على كيفك العافيه درجات .... لتتنحس

رشا:گلبت وجهي ... وهو بعد مكدر يحجي لان ... اجتي اخته

واحمد ... ينزلون الغراض ويانا

المكان جان مليان عوائل .... وشباب ... وهو عيونه مثل الصگر ...

تفتر ورايه ... من نزلت للمي ويا نور والبنات كفيت البنطرون . ... شفته يسبح ويا الولد .. مشيت شويه بعيد عن البنات ... ما احسيت بي الا ورايه

يزن : حدري هين ( تعالي هنا) ونزلي البنطرون

رشا: التفتت... مو يتبلل

يزن : ملي خلق عناد ... خل يتنگع

رشا: ترى جايه اتونس مو اطلع كويلات عليه ( ابتسم )

يزن: يول يابه ... غاسه قوي هالبنيته .... هس غايح لامك

احاكيا

رشا: صدك راح گعد يم امي .... وبدا يحجي وياها ....قلبي بدا

يدگ....لمحتها ابتسمت وبقت تحجي ويا وهو هم يضحك وياها

رجعت كعدت ويا البنات .... ونزلت البنطرون

شويه واجى... گلي ... اليوم تحجي ويا ابوج .... بس يگلي موافق نتحاسب

مكدرت اجاوبه لان يمي البنات واستحيت شفتهم ضحكوا وأتشاقوا وياه وويايه ....

گلولي الله يساعدج وهو يضحك ....

نور: هاي بغداديه متتحمل سوالفك .... صير اريحي

رشا: التفت عليه ....

يزن: عيوني للبغداديه بس تمشي على مرامي

#نداء_القلب

الجزء السادس

الكاتبه اماسي الليل

حقوق النشر محفوظه

رشا: بقيت  كاعده يم البنات ومثكله وجهي عليه ... ديسبح كدامنا هو والولد ...

كل ميطلع... راسه يخزرني بأبتسامه .... حاولت التهي عنه واستمع لسوالف البنات ونور والكلمه الي ما افهمها اسألهم شنو معناها يعلموني ... ركزت ب كلمات و حفظتها حتى احجيها ليزن

تعبت من الكعده على الجرف ... رجعت كعدت يم امي والنسوان ...

ورا شويه نادوا على الكل يجون يا كلون ....ا لتمينا وضجت الكعده باصوات الضحك والمداهر انتبهت بديت افتهم بعض الكلام ....

واضحك وياهم

انتبهتله يباوعلي ويبتسم ورا شويه دزلي مسج ... مكدرت افتحه

الا غيرت مكاني و كعدت بصف نور والبنات  ....

فتحت المسج بلهفه ( عاد دتفهمين وتضحكين لو دتجاملين )

جاوبته بمسج ... (ملي قنصال...للمديهغ( مالي مزاج للمداهر ) ابتسم

يزن: حبيبه  .... لفي الشال طالع شعرج

رشا: اني مو محجبه ... عادي اذا طلع

يزن: اويلي يابه غير لو منطيني  الحجي الموافقه هسه اكوم كدام  الكل ... الف الشال.... يول بلا عناد ...

رشا: راح الفه بس بعد لتنقنق ... طلعت روحي...

ضميت تلفوني بجيبي .... بعدها رجعنا للمي وتبللت العبايه من جوه .... بعد ما انتهت سفرتنا وتوجهنا للسيارات

من وصلت يم السياره  نزعت  العبايه حتى ميتبلل المقعد ... خليتها بجيس ويا الغراض 

طول الطريق سرحانه  افكر  برد ابويه من امي تبلغه بطلب يزن

.........

ورا ساعة من رجعنا للبيت سمعت  امي تحجي ويا ابويه .... بقت تسولف ويا فتره  واني   ادعي ... يوافق.

للنهايه وقت الغروب ... اندگت الباب طلعت افتحه...

يزن: ياقمر صرتي الي ....

رشا: ليش رجعولك خبر .....

يزن: وافق بس ديريد يحجي ويايه  هسه خوله  خابرتني طلبت مني اجي ...

رشا: دخل بقى هو وامي وحدهم يحجون  واني احاول استرق السمع بدون فايده الى ان اخذت صينيه

الچاي ودخلت

لگيته  يحجي بالتلفون ويا ابويه

( الي تريده حجي اني حاضر بي )

اشرتلي امي اطلع ... طلعت واني ما رايده اطلع

بقيت انتظر اعرف شي

الى ان  صاحوني

خوله: تعالي ماما

دخلت وهي تأشرلي

خوله : اكعدي

يزن گلي سألج  من قبل ما يتقدملج 

وانت موافقه

رشا: اي صح

خوله : لعد احجي ويا  اذا عندج شرط او طلب  يريد يتفاهم وياج

يزن : موضوع الدراسه انحسم تخلصين هالسنه يله نتزوج اتفاهمت ويا الحجي

رشا: لعد ماعندي شي الي انتوا شايفي  مناسب اتفقوا علي

خوله : عكب باجر يزن وعمامي يروحون لبغداد يخطبوج من عمامج وسفرنا راح يتأجل حتى نسوي النيشان

رشا: ان شاء الله

يزن : ام فيصل من رخصتج راح نطلع للحديقه اريد احجي ويا

رشا بكم شغله

رشا: طلعنا كعدت على المرجوحه وهو بقى واگف .... ابتسم

يزن : اريد تتحجبين  وتبطلين تزعلين من احجي وياج بشي اني اشوفه صح

رشا:  انت هم لا تغثني  .

يزن: حبيبتي راح نصير واحد المفروض محد يزعل من الثاني مو صح

رشا: راح اذكرك بهالجايه من تزعل .

يزن: يول انت دغهيه .

رشا: ابقى احجي ويايه تكريتي اموت عليك

يزن: يول لتشعلين الضوّ بقلبي  غح خيح احاكي ابويي  يله

احكيك يا قمغ اليوم سُهران ويا صوتك

رشا: غخ اتانيك 

ترخص سلم وطلع

  اول ما دخلت للهول

طلبت مني امي ان اتصل

خوله : دگي على ابوج  يريد يحجي وياج

اتصلت

_ بابا انت الولد مقتنعه بي ورايدته مثل ما وصلتلي امج

_اي مقتنعه الولد محترم ونور مدحتلي بي

بقينا نسولف اني وابويه لكن  حسيته تعبان

بابا انت بيك شي

_  لا  حبيبتي بس اشتاقيتلكم يله اخذي راحتج. اخابركم غير وقت

_ ورا ما خلصت المكالمه ويا ابويه 

انتبهت اشعار بمسج من يزن فتحته

( قيعد القمغ )

دكيت عليه .... الو

يزن: يولو شيصبرني يومين .

رشا: ضحكت ( بدت الكويلات )

يزن: وحق الخيلقك ... ما خمنت( ما ظنيت) بنيته  تاخذ عقلي وقلبي ...ليل بنهار .... مثل ما صاغ (صار)بيني من يوم لقيتك

رشا: فديت الطول والخطوه الرزينه غلاك يا الزين تعدى الوصف

يزن: يول هيدي لا بغديدي ولا تُكغيتي  ...  اماراتي

رشا: اي صح ...

يزن: يول حبيتني ...

رشا: لبست العبايه فوك البنطرون /ومن غبت  دزيتلك مسج سألت عليك / من خزرتني ورحت نمت ضجت/ ومن طلعت ادور سواري

گلت ادخلي  سمعت كلامك ودخلت / وحبيت اللهجه ودا اتعلمها علمودك .... يعني شنو

يزن: احكي.... اغيد اسمع

رشا: اي حبيتك ...

يزن : حبيبه السوار عندي لگيته  من دخلتي ...

رشا: صدك لگيته لو دداهرني ...

يزن: والله لگاه منتصر ... من دخلنا الاكل ... ومن عرفت هو الج ...

اخذته منه ههههه والعبايه هم اخذتها يومين واخذ صاحبتهن

رشا: هههه انت قابليه رجعلي غراضي ...

يزن: من نتزوج وتجين يمي اعتادي راح يرجعولج  ممكن السوار

ايجوز ارجعه  ورا ما ارجع من بغداد

رشا:  ان شاء الله  قليبي روح نام  تصبح على خير

———————-

يزن: يوم المشايه طلعنا لبغداد على عمام  رشا مثل ما اتفقت ويا ابوها عمهم الجبير استقبلنا دخلنا للصاله كل عمامهم ولدهم موجودين سلمنا   وتعارفنا

اول ما عمي الجبير  فتح الموضوع

گام واحد من مكانه معترض اسمه مثنى

_  ما الكم مره عدنا الي جايين عليها اني رايدها بت عمي واني اولى من الغريب .

_ انتظرت  اشوف وين توصل تاليها وشنو راح يحجون

لكن من عمها گال  اعذرونا جيتكم على العين والراس بس ابن عمها رايدها

وابويه وعمي اعترضوا

( احنه ماخذين الموافقه من ابوها )

صار مرادد بالكلام  واني متماسك لاخر لحظه لكن من سمعت عمي

_ يله گوموا نطلع

_ متحملت ... وگفت ووجهت الكلام لابن عمها شوف

(هذا الشارب مو عليه  وما اتسمى رجال بين الزلم اذا خليتك تاخذها لو اعرف اسويها دم  ) طلعنا

بعد ما رجعنا  لتكريت

وابويه وعمامي گلولي (خلص البنيه تنساها ... بعد مينطوها واحنه هم بعد منوصل لاهلها ....  ولا تتعرض لابن عمها ترى بس يصير بي شي يبلوك )

فقدت والدنيا طلعت من عيني أتخيلتها صايره لابن عمها وگف قلبي 

رديتهم  بعصبيه

لو هالبنيه لو ما اخذ على موتي تصير لغيري

رشا: سمعت امي دتحجي ويا ابويه وصارت عصبيه

خوله : شنو رايدها ومنو گله هي رايدته ....بله هاي سوايه يسووها

بزلم مشوربه مو عيب شنو ديضحكون عليهم جان المفروض من البدايه يگلولك حتى منتفشل ونفسل العالم

_ماما شكو شنو صاير ... اشرتلي انتظري

خوله  : عيني  انت لا تقهر روحك  وتاكل بنفسك ليرتفع عندك السكر مو تخلي بالي

_من  نهت المكالمه التفتتلي

خوله: مثنى ابن عمج مخرب الخطبه گايللهم ماعدكم مره يمنا  رشا بت عمي واني رايدها .

رشا: اني ما رايدته  على اي اساس هو يقرر بكيفه

خوله: ماما هاي عادات ابن العم ينهي على بت عمه مينطوها للغريب فهمتي

_ يعني شنو اذا اني ما اريده ينطوني غصب .

خوله: لا شنو بكيفهم بيا زمن عايشيين بس ابوج هسه گلي

ما اكدر انطيها ليزن حاليا لان ميريد  يتخارب ويا اخوته  ديشوف شلون يحل الموضوع  ويا عمامج

المصيبه شكد عيب  زلم داگين هالدرب ....يفشلوهم هسه لو حاجين قبل ميرحون العالم جان مصارت مشكله وخربت الخطبه عمامي واعرفهم بعد ميوصلون ولا يخطبوج منهم

رشا: انهاريت وبچيت

والله لو يبقى  مثنى اخر رجال ما اقبل بي .

——————

للمغرب   اتصلت نور وسولفتلي

عرفت منها  الي صاير بعد ما احمد مسولفلها 

_ ويزن شنو اخباره

نور: اخذه احمد وطلعوا ... لان ضايج ومتلاغي ويا عمي

ومتحلف لابن عمج

رشا: نور راح اروح  بعدين اخابرج  نهيت المكالمه و

دزيت مسج ليزن

(لا تنغث والله ما اقبل بغيرك لو اعرف انتظرك طول العمر .

يزن: حبيبتي والله الدنيا طالعه من عيني  لكن من  قريت المسج ردت روحي لو اعرف اتاني عمري كله وتصيرين الي

هم انتظر يا قمر بغداد مكانك بقلبي يبقى لاخر نفس بس الموت ياخذج مني

—————- بعد يومين

يزن: ياقمر  راح اجيبلكم نفط هسه امج اتصلت

اطلعيلي انتِ اريد اشوفج ...

رشا:  بعد ما وصلني مسج من يزن ... جاوبته

ماشي

طلعت كعدت بالحديقه الكهرباء مطفيه  انتظره دقيقه دقيقه

لحد ما  اندگ الباب

اخذت اللاله وطلعت فتحت الباب

هلو

يزن: ليش طالعه بلا حجاب .

رشا: ابتسمت  مطفيه الكهرباء محد يشوفني

يزن :  قمر وشايل لاله اويلي يابه ...يولي لتشلعين قلبي ترى البيه مكفيني ..لو ما هالبلى ابن عمج كان اليوم لبستي الحلقه

والله لكسغ غاسه  ( لكسر راسه)

رشا: يزن بداعتي ... لاتدخل  بمشاكل فدوه لعينك لا تخلي  بالي

يزن: خل يولي ما اتفاصل  بينو   ...(ما الي شغل بي) طول ما هو بعيد عنك

رشا: لا تخاف  ابويه ميغصبني بسالفه  زواج .... كل خواتي  مينطيهم الا يوافقن يله يوافق

يزن: ما خايف من ابوج خايف من اخوج الي ماخذ بت عمج

عرفت من امج من سولفنا بالموضوع گلتلي ابوج ميكدر يتخارب وياعمج لان ماخذين اخت الميسمى فلازم يحل الموضوع يله اتم الخطبه

رشا: الكلمه لابويه انت بس اصبر لا تخلي  العصبيه ... أتخليك أتسوي شي يخرب الوضع بالزايد

يزن: لاحبيبتي لحد هسه ساكت ... بس والله اذا لح وما انردع

بعد ما يفهمه ابوج انت ما موافقه عليه   ... ذاك الوكت لا والله ما اسكتله

رشا: يزن الله يخليك لا تخوفني  ... ترى قلبي انقبض من كلامك

جاوبني وهو يمد ايده بجيبه

يزن: بعيد الشرعليك يا قمر... هاصدگ هذا السوار

رشا: اذا تريد تبقي يمك بقي .

يزن: لا عندي العبايه بس اريد العطر الي مخليته عليها

رشا: من اشوفك مره ثانيه انطيكياه انت هم انطيني شي

منك حتى من اسافر يبقى ويايه

يزن : أتنهدت رشا  لا تجيبين  سيرة السفر والله ما متحمل صار يومين مشايفج

شلون راح اتحمل فراگج والله اليعلم شوكت اشوفج مره لخ .

رشا: مو مهم اتشوفني المهم متنساني ومن اغيب عن عينك ما اغيب عن قلبك .

يزن: يولي صدك تتخيلين اكدر انساج وعد بس الموت ياخذني منج

رشا: اسم الله الله يحفظك اني بقيتك واگف حتى مخليتك اتفوت

يزن: يله حبيبتي خلي افوت اسلم شويه واروح ...

رشا: دخل يم امي وبيبيتي سمعتهم فتحوا الموضوع ... وديسولف لامي على موقف ابويه ...

_  حقه اني  مقدر وما الومه

مترهم يوگف ويانا على اخوته ... ان شاء الله تنحل بس ام فيصل

اريدج ويايه اني رشا شاريها واتعهدلج اخليها بعيني بس اتصير الي

رشا:  بعد ما سمعت كلامه ويا امي ونبره صوته الحزينه

خلاني اتعلق بي يوم بعد يوم

لدرجه  اذا ميشوفني  مايتحمل يدز مسج

(  راح امر من كدام البيت افتحي الباب  شويه بس اشوفج وسدي )

ومره من المرات ه نسيت اخلي الشال طلعت  ولابسه بجاما بنطرونها قصير ويا ما فتحت الباب لمحت نظره

دهشه وغضب عض شفته بعصبيه  وخزرني سديت الباب ...

ورا شويه اجاني مسج منه ...

_ يولي ليش تحرگين اعصابي ...مو اتفقنا راح تتحجبين حتى اني ميصير اشوفج  ...شلون اني ويا عنادج ... يمكن بالامارات اول متوصلين اتذبيها ... اني ما اريد تلبسيها حتى ترضيني اريدج تقتنعين لابستها  ترضين رب  العالمين ...

رشا: بعدني مامتعلمه عليها فنسيت اللبسها

وطلعت بسرعه ردت اشوفك .... روح بعد ما احجي وياك

اذا هاي ثقتك بيه ...

يزن: يولي غير لان احبج احرص عليج .....واغار

وين رحتي بس لاسويتيها زعله صدگ

رشا: مجاوبته .... للمغرب  دزلي

يزن: ياقمر  ابقى زعلان بس اريد العطر....

رشا: مجاوبته .... ورا شويه دزلي

يزن: يزي عاد .... شلون غاس ( راس )قوي ... لَكَن ملي لازم بيكي ( ما الي علاقه بيج)

رشا: هم مجاوبته ... واعرف صار عصبي بس ردت ادلل عليه

بعد مدزلي شي ....

ثاني يوم ... اتصلت عليه نور

نور: راح يمرلج احمد يجيبج يمي لان هو راح يروح  ويا الولد يطلعون يسبحون ...

رشا: يله عشر دقايق  خلي يمرلي ...

ورا شويه دخل احمد ...

السلام عليكم .... ها رشا خلصتي ...

رشا: اي ماعندي شي ... يله... من طلعت لگيت يزن بالسياره دينتظر صعدت هلو ... شفته عاگد حاجبه

يزن : هلو ...

احمد : نوصل رشا ونطلع بوجهنا لعمار وللولد

يزن : ان شاء الله

رشا: من نزلت بقى ينتظرني ... لحد ما فتحتلي نور الباب

نور: تعالي  ...احمد يگلي البارحه ... بت اختج

مطيره النوم من عين اخويه ...

رشا: يستاهل ... زعلت عليه

نور: ليش شبي

رشا: ينقنق ... على اللبس

نور: ولج والله حتى احمد ... هم هيج دمهم حار يغارون

الله لا يوفقه لابن عمج جان هسه مخطوبين .... والولد ارتاح

من يوم المشيه لليوم احمد يسولفلي يگول روحه طافره .... گايله

لو بس صايره خطوبه حتى من اتسافر ... مطمئن هي الي ...

من هاي خطيه  من سمع راح تجين يمنا گله اني اوصلك ... ونمر عليها نوديها يم نور ... حتى يشوفج

رشا: الله كريم ... الصدك ما اريد اتذكر هالموضوع ... لان اخاف لا تالي يغصبوني على مثنى

وبالاخص ورا ما فيصل خابر امي مأيد عمامي ... مبين محركته مرته ... اكيد هسه تعبي براسه علمود اخو ها

امي رزلته گلتله يعني اذا اختك متريده لمثنى شنو هي غصب

گلها انتِ طابگه ويا ابن عمج ... بس من هسه اگلج ماعدنا مره اله ... بقت تحجي عليه ... خفت لا فيصل يأثر على ابويه ويقنعه

يوافق على مثنى

نور: لا ما اتوقع ابوج يغصبج على زواج هاي الشغله مابيها خطرانيه ... اذا يشوفج متقبلين ميوافق انت هم احجي ويا ابوج

رشا: ما اكدر استحي منه ... امي گايلتله (رشا مقبلت  بمثنى ...

لان تعتبره مثل اخوها اما من سألتها على يزن يريد يخطبها وافقت ).... وحجتها يزن مخلص كليه ومثنى ممخلص حتى سادس اعدادي ...اني هم گلت من اروح ويحجي ويايه ابويه او فيصل ... اگلهم نفس الحجه ... اني مهيمن ادري بي ميقبل

على مثنى بس هذا بعيد ... ميكدر يسوي شي ... فيصل راح يبقى يزن براس ابويه علمود يرضي مرته .... على حسابي

نور: فيصل من قبل ... اناني ... مو مثل مهيمن حنين ويحبكم

اتذكره بسوريا جان حاير بينا خطيه ... ذاك اليوم خابرني ...

باركلي ... وبقى يتشاقى ويا احمد .... گله ترى هاي مو خالتي هاي اختي ... ديربالك عليها ...

نور: فرق من السما للگاع بينهم ... انوب فيصل من اخذ تمارا

بعد زاد اكثر ... كلش يسمعلها ... لذلك احنه نتكفى شرها ....

من اول ما اخذها كومه سوتلنا مشاكل ... من جابت رحت اداريها لان ماكو احد يمها ....تالي سمعتها بأذني تگله لفيصل

ترى اني ممستفاده منها ...بس لخاطرك .. ما احجي

هو بيومها اتعارك وياها گلها ليش مو دا اشوفها مداريه الجهال  وتطبخ وتنظف ... وممقصره تگله بس كدامك وراك هي تكعد واني اشتغل ... لليل خابرت امي گتلها ما ابقى ... وامي جبانه گلتلي لا ابقي ... معليج بيها اخوج وجهاله خطيه محتاجيج كم يوم

بين مطيب عمليتها ونجي ناخذج .... بس اني ثوله هسه بديت اتذكر  نظرات مثنى بيوم الي وصلنا وكلامه ... وسوالف تمارا... جانت دائما تمدح مثنى كدامي وكدام امي اكثر من بقيه اخوتها ... وحتى مره كالت دزيت صور عيد ميلاد ميمي.. انتي طالعه بيها  ... ومثنى أتخبل عليج شلون كبرانه محلوهَ..

امي ذكرتني بهالسالفه اول البارحه  دنسولف ، گتلها شفطنه بيه هو  بقينا يمهم  نص يوم من وصلنا لبغداد واليومين الباقيه گضيتاها بين بيت عماتي وعمامي الباقين...

نور: لتضوجين خلي عينج بعين الله ان شاء الله متصيرين غير ليزن ... والله اني من اصلي دا ادعي ليزن اكثر منج لان اذا مصرتي اله ... يتخبل .. احمد يسولفلي عليه ...يگول انگلب حاله من يوم الي عرف بسالفة ابن عمج ... ويضرب صفنات ... احمد گلي والله دا اخاف عليه لا الشيطان يلعب براسه ... ويروح يتعرض للولد ... انوب تصير مشاكل وطلايب ...

متشوفي صار كم يوم ميعوفه ... لليل بس وكت النوم والدوام ...

رشا: انتبهت عليهم علاقتهم مثل التوم ...

نور: لج بينهم اقل السنه ... صدك مثل التوم ... واحد سره عند الثاني ...

رشا: من سمعت من نور بحال يزن انقهرت عليه لان اني هم زيدت همه بالزعل .... دزيتله مسج

برد قلبك بالمي  ... واتونس... يا رشا يا حب

يزن: بيدي التلفون صار نص ساعه اريد ادزلها مسج اتحارش بيها ... من وصلني منها مسج ابتسمت ...

احمد  بصفي ... گلي ها ولك صار ساعه دايخ هسه ضحكت معناها.. رشا

جاوبته اي هي ... دگيت عليها

رشا: الو

يزن: انسى اسمي وما انساج  حالي وياج مثل اليل متحلى ساعاته الا من يطلع الگمر ... لو مو شوفتج ردتلي الروح جان مطلعت ...

رشا: لا قلبي كذب اني اريدك تطلع وتتونس ... بس ردت نتصالح

يزن: بلا زعل... ترى يضيق خلقي ...مابقى ايام وتفارقيني ..

لاتخلصيها مديهغ ...

رشا: لعد شوكت ادلل عليك .....ههههه

يزن: يولي والله مطيغه عقلي من غاسي  .... ميحتاج تدللين...

كلي الك

رشا: يله روح أتونس ... يا روحي انتَ

يزن: انتِ هم روحي وحياتي اشوفج من ارجع

رشا: يزوني جيبلي وياك السبحه مالتك ابقيها عندي

يزن: بعيني ...

رشا: يله قلبي اشوفك من ترجع ......

يزن: ان شاء الله حياتي ..... ورا ساعتين ... خبصتهم على الرجعه

يولوا... تعبت اغيد اغيح .

احمد: يول تضحك على الكل عليه لتضحك ... تغيد تغيح ..للي بالي ... ما تعبت

يزن: يول ماباقيلها كم يوم وتغيح خلي اشبع منها .... وقت ثاني

نجي .... لاحقين على الطلعات ...

احمد: غح احكيلهم انغيد نغيح .... اذا يغدون يضلون  ... برحتم  ...

يزن: رجعنا اني واحمد.... للبيت... دخلنا ماكو احد ...

احمد: يمكن بالغرفه فوگ.... نور نور

رشا: سمعنا صوت احمد ... نزلنا .... سلمت

نور: شو رجعتوا من وكت .....

احمد: اشتاقيتلج حبيبتي .... شفت يزن ابتسم

ها يويل شو تضحك ....

نور: والله شكله هو الي رجعك .... اعرفك بهيج حالات تنساني ...

شط واصدقاء ...وونسه

احمد: يويل مو صوجك صوج الرجع وياك ... دفوت اسبح بين متجيبلك نور ملابس

يزن: فوت انت قبلي ... افتهم احمد اريد احجي ويا رشا ...

لان كدامه تستحي تحجي ويايه .... بقت نور تشاقى ويايه

سألتني .

-انت رجعته لو هو صدك راد يرجع

_ضحكت ... لا

راد يرجع علمودج ...گومي سويلنا چاي ...

من طلعت التفتت على رشا رجعت علمودج

رشا: وگفت راح اروح ويا نور استحي يجي احمد يلگاني كاعده وياك وحدي  ....

- دقيقه

_ وگف گبالي

انطاني  السبحه ... اخذ ايدي  خلاها على قلبه

يزن :يجوز متصدف بعد اكدر احجي وياج وحدنا ... انطيني وعد للموت ...

متصيرين لغيري ... ومتنسيني

رشا: وعيونك  ما اقبل بغيرك ... طول ما الموضوع ... بأيدي ...ولا انساك ... بس انتَ ابقى بظهري لتعوفني وحدي اواجه الموضوع

يزن: وحق الخلقج .... ما اخلي احد ياخذج مني ... وما ارتاح الا وايدج بأيدي ولابسه حلقتي ..... دتحسين بالنبض

رشا: اي

يزن: هيدي انتِ ...  قلبي ينبض بيك

خليت قلبي بين ايديك ا تقيدي بينو ( حافظي عليه)

رشا: ان شاء الله عمرك طويل ... ويجي اليوم الي الله يجمعنا... ونتذكر هالايام  ويبقى قلبك الي وحدي طول العمر

يزن: ان شاء الله  يله حبيبتي روحي ... يم نور  وحاولي هالايام دائما تجين يمها حتى اكدر اشوفج ...  يوميه قبل متسافرين ...لان من فاتحت امج بموضوع الخطبه لليوم استحي

امر يوميه .... ووصي نور تحضرلي الملابس والبشكير ( المنشفه)

رشا: ماشي ....

—————

مرت الايام ... وجنت يوميه اروح للبيت نور ....

وهو يمر يكعد ويا اخو .... بس مجرد يشوفني ... ومرات كلنا ننجمع نسولف ونضحك  ... بس نظراتنا من تلتقي ... نحس

وحدنا كاعدين ... وتسولف الي بداخلنا ...  ومن يصير مجال يكدر يحجي ويايه .... يبقى يتغزل ....

يزن : يا قمر شلون راح اتحمل أتغيبين عن عيني فتره ... ما اشوفج

رشا: والله اني هم مثلك ... تعلمت اشوفك يوميه حتى لو من بعيد

يزن: الله كريم ... ما اخليج تنتظريني هواي ... هالايام اقدم فيزا ... بس تطلع اجي اشوفج

رشا: قلبي طار من سمعت بي مفكر يجي للامارات علمود يشوفني ... هالوعد يخليني اصبر وانتظره طول العمر ....

سألته صدك ناوي تجي

يزن: وعيونج لو بأخر الدنيا هم اجي .... حتى اشوفج ...

————-

رشا: بعدها  قبل لا اسافر  بيوم جابلي ... نفس السوار الي مكتوب عليه اسمي واسم رغد اخو بالضبط بس الفرق بدل اسم رغد اسمه

گلي جنت مقرر ارجعلج السوار بيوم الخطوبه لان وديته للصايغ

يسويلي نفسه بأسمي واسمج واللبسه الج ويا  النيشان  بس هسه راح البسجياه حتى ابقى على بالج ... وتذكرين وعدج الي

خلى ايدي بين ايديه ....

يزن: انتظريني حبيبتي ان شاء الله ما اتأخر عليج .... وباجر اني اطلع اوصلكم اتفقت ويا امج ....

رشا: جاوبته اموت عليك والله ما حبيت ولا راح احب غيرك .

واجى موعد السفر  ... امي گعدت بصفه بالصدر ... واني وراه ردت ابقى اشوفه من المرايه ... حتى اشبع عيني منه

لكن بقيت الطريق كله ... دموعي تنزل .... من ودعت نور والكل ...

ما سكتت وبالحقيقه هالدموع اله وحده شكد احب نور... وفراگها

مو سهل عندي بس هو حبيته اكثر احسه صار روحي ....

بقى هو يباوعلي من المرايه .... واحس من نظراته متألم اكثر من عندي  من وصلنا ... نزل الجنط ... گلي بصوت ناصي لتبقين بالي يمج ... وعيونج اقرب فرصه اجي اشوفج ... لتعذبيني بهالدموع ....

جاوبته .... انتظرك لطول الغيبه ...

يزن: مأمنج عد الله ان شاء يجبر   قلبي بيج .....

#نداء_القلب

الجزء الثامن

اماسي الليل

حقوق النشر محفوظه

رشا: لاخر لحظه جنت اتخيل نفسي ... راح اطلع من المطار حتى ارجعله .... ميهلي اخطي خطوه للطياره ...شكد من وصلت للمطار  بغداد بأول يوم اتمنيت الايام تمشي بسرعه حتى ارجع شكد ما اتمنى اليوم ما اطلع من العراق ولا اصعد طياره

شهر قلب حالي ذقت  بي اروع مشاعر حب سريعه ... بطلي

انسان بقدر القوه الي عنده بداخله قوه وحنيه ومشاعر ...التفت عليه

من قدمي لراسي ... ملكني ....وملك روحي الي تركتها وياه ...

بخبالاته وغيرته ... ولهفته ونظراته ... احس ويا كل مره نلتقي ...

قلبه يوصل لعندي ... واشوفه بكل نبضه من نبضاته ينطق اسمي  ياريت ما ضاع يوم ياريت من اول مره شفته بيها بالحنه حبيته ...رجعتلي ذكرى هاللحظات وخفقان قلبي من صاحني يولي

التفتت عليه.... وسامه ورجوله ونظرات جريئه ارتبك

مو من الخوف والخجل ارتباكي جان حب واعجاب من اول نظره

وردي القاسي مجان شجاعه بالعكس شعور بسيطرته عليه

وضعفي كدامه ...بدليل.... من اشرلي ... طعت امره وبقيت اطيعه

لاخر لحظه .... داحس بلمسة ايده من حاوط ايديه بين اديه

احس بي ويا كل حركه يتحركها السوار بأيدي ... ومحد راح يعرف المكتوب اسمه لان الكل راح يظن لابسه نفس سوار رغد

بس قلبي يعرف صاحب  الاسم وغلاته

غمضت عيني واتذكر ابتسامته ويا كل مره يطلع بيها من المي

اتذكر كل كلمه وكل تفصيله ..عشتها وياه بهاليوم ( الشط)

اتذكر كلماته وحركة شفايفه من تنطق الكلمه بلهجته ... بكد ما

عنده وسامه زادته هالكلمات وهاللهجه وسامه ... ورزانه ....

اوف يا قلبي .... بكد ما حبيت هالانسان اتمنيت ما التقى بيه ولا التقيت بي .... ولا نمر  بهالعذاب الي دا احسه بأول يوم فارگته

ياربي  .... سبب الاسباب حتى التقي بي....

ياربي انت عالم بالقلوب وألمها..... هون عليه وعليه واجمعنا من جديد ... جنت عايشه بعالم وحدي وياه اتخيله ويايه ووجهه ما فارگني لحظه  .... شفت امي دتسولف ويا مره هم رايحه للامارات

طلعت تلفوني ... اريد ابقى عايشه  بهالحقيقه ... ويطلع سفري وحياتي القبله هي الحلم  .... يا الله اريد اسيطر على دموعي ...حتى حسيت امي عرفت سبب هالدموع .... لكن

صعب عليها وعليه نعترف اني وياها نتحجج بنفس الاجابه من تحجي ويايه ماما ليش البچي قابل مراح اتشوفيها ( نور) ادعي الله يجمعنا وياهم بالخير ومن تسألني اگلها راح اشتاق لنور ولبيبي تعلمت عليهم واحس تعرف الي اقصده بهالكلام مو نور ...ياريت جنت اكدر اصارحها بحبي لابن عمها ....

يزن : من لحظه وداعها حسيت بمعاناة هالحب والفراگ..جنت اتمنى  من شفت ادموعها هي حلالي واكدر اخذها بحضني ...

اطمنها محد يأذيها واني موجود ولا احد يكدر يتقرب من قمري

مهلي ارجع لاهلي ولتكريت وهي ماكو ... راح يبقى الها ذكرى بكل مكان ... وين ما اروح راح اشوفها واتذكرها ... من امر من كدام بيت جدها من راح ادخل لبيتهم من راح افوت لكراج بيتنا وللهول ... من اروح لبيت احمد من اروح للشط من اركب سيارتي من انام بغرفتي ... وعبايتها نايمه بحضني ... حتى احساسي

ببشره ايدها لهسه احسها بين ايديه...نظره عيونها زعلها وضحكتها لسى ترن بأذني ... وكلامها حافظه كلمه بكلمه من اول يوم شفتها

ارتباكها باول يوم صادفتها سحرتني ... ودخلت قلبي بلا استأذان .. لو ادري بيها راح تصير اغلى من روحي جان ما

عصبت عليها واتهمتها بلا ادب ... حبيبتي  جمال وادب

عفويه صادقه متمرده .ساعة الغضب ... ( تنهدت) وعندي اخر امل ما تقلع  الطياره ويتأجل سفرهم ... اشتاقيتلها وهي بعدها

بالعراق ... شلون راح اتحمل غيابها عن عيني ... رجعت بوجهي لصديقي عدنان ... من ايام الجامعه بيتهم ببغداد ... يشتغل بالخطوط الجويه ... رحت سألته اريد اقدم فيزا لدبي ....

والولد ساعدني ... واخذت كل المعلومات الي احتاجها ... حتى اقدم ... الشي الي اجى بالي واني بغداد ... على كل الالم الي دا احس بي .... ردت اروح لمثنى اطلع قهري بي ... بس لعنت الشيطان ... وگلت اصبر وما ادخل نفسي بمشاكل .. بسببها

افقد اخر امل يجمعني بحبيتي....

دزيتلها مسج ... ياقمر شلونك بالي يمج

رشا: دزيتله يزن اكدر ادك عليك اسمع صوتك

بلحظتها دگ عليه الو

رشا:  (بدموع )الله لا يحرمني من هالصوت ولا من صاحبه

يزن: رشاوي ليش تخلين بالي ... والله اني متأذي اكثر منج

بس متأمل بأقرب وقت ان شاء الله اجي اشوفج.. ثانيا يوميه راح ابزعج بالمسجات والتلفونات وانطيج اخباري مفصله ..بعد ليش ضايج الحلو

رشا: دزلي هسه صورتك واني هم راح ادزلك صوره

يزن: حبيبتي بلا صور ... ادزلج صوره بس امسحيها اخاف احد يشوفها بتلفونج وتصيرلج مشكله .

لكن صورج لا ما اقبل ادزيها الي ولا حتى لامج ... شغلة التلفونات مو أمان يروح يضيع لو ينباگ ...ماشي قلبي

رشا: ماشي بس دزلي صورتك

يزن: دوگفي خلي ادزلج فد صوره حلوه ... اخاف تبدلين عليه

رشا: هههه اموت عليك وعلى خلقتك

يزن: اضحكي حبيبتي ريحي قلبي

رشا: اخاف انت تنسى شكلي ....

يزن: لا ما انسى عندي ٤ صور من وراج ايدي طولت  تعلمت الخمط بديتها بصور العرس مال احمد ونور اخذت منهن ٤ صور بدون ما اگلهم  انت طالعه بيها كامله ... وراها السوار وختمتها بالعبايه بقت بس صاحبة الغراض ان شاء الله يجي اليوم و اعقد عليها  ... وراها ما اريد من الله شي

رشا: يزن والله ويا كل مره تحجي ويايه احبك اكثر ... واحس

بحبك الي اكثر ... ومن سمعت صوتك ارتاحيت ...

يزن: ابقي ويايه اذا ماعندج شي ...

رشا: لا ماعندي انت هسه وين ...

يزن: يم ابن خالي اليوم ابات وباجر ان شاء الله ارجع للبيت

رشا: يله قلبي راح اروح نادوا على رحلتنا

يزن: توصلين بالسلامه ... عود طمنيني من ادخلين للبيت

رشا: ان شاء الله

وصلنا لمطار دبي ....  دزيت ليزن مسج وصلنا الحمد لله جاوبني 

من طلعت شوفت ابويه فرحتني و شالت من همي ...بكد ما مشتاقتله .. حبيبي بسبب هالموضوع طلع متخربط ومرتفع السكر عنده ...ومگال حتى ميخلي بالنا .... من وصلنا للبيت ... ورا شويه گعدنا فتح ويايه الموضوع ....راد يسمع مني سبب رفضي لمثنى وسبب قبولي بيزن

الحجه الي لگيتها مثنى ممخلص ويزن مكمل ... صعبه ابين مشاعري  كدام ابويه تحججت بيزن عجبتني اخلاقه ونور حمدتلي بي ... وشفت احمد زوجها كلش خوش ولد ... فوافقت على يزن لان نفس اطباع واخلاق احمد ... بس ردت اوصل  فكره لابويه عن رفضي لمثنى گتله حتى اذا ماقبلتوا تنطوني ليزن اني مثنى ما اقبل بي ... ما اتوالم وياه ... ولا ارتاحيتله ...

الاب: لا بابا اني ما اغصب بنيه على زواج ... هاي عشره وقناعه

ما اتحمل خطيه وحده منكم باجر عگبه متتوفق ويا الرجال ابقى طول عمري اكل بنفسي لان غصبتها ...

بس اني يزن ما اكدر انطي موافقه حاليا الى ان احل الموضوع

واحجي ويا عمج الچبير ....

اني حتى فيصل تلاغيت ويا قبل كم يوم من ورا هالموضوع ...

خابرني مثنى گلي فيصل منطي كلمه  ... گايله انت اولى برشا من الغريب

واني وياك ... اقنع ابويه ينطيك كلمه ... رشا متصير لغيرك)

جاوبته ابني انت فاهم الزواج مابي كلمه الكلمه والموافقه للبنيه

اذا وافقت اكيد انطيها الك بس اذا معتبرتك مثل اخوها وماقبلت

ما اغصبها ....

رشا: بابا والله اعرف نفسي ما اتوالم ويا مثنى ... اني عندي فكره عن بيت عمي واطباعهم من خلال تماره واطباعها ...والامور الي تحجيها عن اهلها ... بابا اني الولد رحت وشفته عاملته مثل اخويه وحتى من عرفت رايدني متقبلته كخطيب ولا اتقبلت الفكره

الاب:الله كريم خلي اشوف شلون احل هالموضوع

والله من يوم المشيه لليوم اني مريض ... والسكر ما نزل ... انوب هذا فيصل عقله صغير مع الاسف .... ادري بي علمود مرته ...

متخبل علينا ... ويعيط

خوله: وشسوي لمرته شنو حتى يرضيها لازم ينطي اخته لاخوها

والله هاي حلوه بنيه متريده شنو هو غصب  وانت شلون تقبل يعيط عليك

الاب: يعني هو صغير ميفتهم ... شنو اسويله ميحترم ..ليش اني مقصر بتربيتهم مو ذاك اخو صوته ما اسمعه من احجي

الا هذا كل ميكبر يشيخ ...

خوله: مو اخاف احجي وتزعل ...

الاب: اعرف مرته ... أتزن براسه وهو يسمع الها ..

رشا: ثاني يوم الظهر ورا الغدا .... اجى فيصل ومرته وجهاله

جنت بغرفتي ... ما احس الا باب الغرفه انفتح ... تمارا ....

تمارا: هلو اشتاقينالكم ... مكانكم خالي ... ولج من هاي مثنى متخبل عليج واگعتلج السفره وصايره حلوه

رشا: هلو اني هم مشتاقتلكم ...بوستها وگتلها من تخابري امانه گليله رشا تگلك انت  اخويه وبمعزة فيصل ومهيمن ...

شفتها گلبت خلقتها ....

طلعت سلمت على فيصل .... هلو شلونك بوسته

فيصل: هلو ... تعالي اكعدي عندي موضوع وياج ماطول كلنا كاعدين

رشا: قلبي گام يدك سريع عرفت ... راح يحجون بموضوع الخطوبه

خوله: فيصل ماما مو وكتها ... غير وكت

تمارا : ليش خاله ... متريدين فيصل يدخل هي هم اخته ويريد مصلحتها

رشا: اباوع على ابويه ضايج وروحه طافره ... خفت عليه ليصير بي شي مكدرت احجي شي

فيصل: تدرين بمثنى رايدج ... لج بابا هذا ابن عمج احسن من الغريب ... ترى اني دا احجي وياج  افهمج مو دا اقنعج لان

رضيتي او ما رضيتي ... اني نطيت حجايه للولد انتِ اله

الاب: شوف اني محترمك كدام مرتك وجهالك ... حجايه زايده اسمعك كلام مسامعه مني قبل  رشا مسؤوله مني ...لا انت ولا اخوك الكم حق أتجبروها على شي واني عايش ... ولا الكم كلمه

تخص مستقبلها وحياتها الكلمه يمي اني اقرر مو انت بعدني مامتت وكاعد كدامي تتأمر

رشا: گام ابويه ودخل للغرفه ضايج

خوله: والله ما اعرف شحجي وياك دتشوفه مريض ... متخاف عليه يصير بي شي ... شبيك ماما شو كلش مخبوص بهالموضوع ... ليش منو بيكم اتزوج غصب حتى تريد اتزوج اختك غصبا عنها ... شوف من الاخير اختك طول ما اني وابوك عايشين الكلمه النا ومسؤوله من عدنا انت مو من حقك تجبرها على شي ...

فيصل: شوفي لج اخاف سمعتي حجي امي وابويه عبالج راح اخليج تفشليني ويا الولد ... وافقي احسن الج حتى لتسووين مشاكل بيني وبين ابويه وبين ابويه وعمي ...

رشا: مكدرت اجاوبه ...  بس ابچي لان اخاف منه ... سمعت ابويه صاحني ... گمت .. رحتلها نعم بابا

الاب : فوتي بابا بغرفتج وتكفي شره ...

رشا: بقى فيصل اسمعه صوته عالي يحجي ويا امي ... ويگلها

اخاف عبالج تنطوها لابن عمج گطنه وطلعوها من اذنكم .. مرته بقت ساكته ما اسمع صوتها بس امي من كلامها وياه جانت كلش مقهوره وصارت عصبيه عليه رزلته گلتله شو انت صاير متحترم لك اني امك ذولي جهالك شسوي ويانا يردوا الك ...تالي اخذ مرته وجهاله وطلع.

من طلعت  لگيت امي تبچي مقهوره لان يصيح عليها كدام مرته

ومحترم ابويه ...وراحت لگت ابويه نايم ....

گلتلي ذولي ديسووها شغلة عناد لان انت وافقتي على يزن وهو گرايبي عبالهم اني ما اقبل بمثنى علمود هالشي ... ماما خلي نتكفى شرهم ... ونگول ما ننطيها لاحد بعدها ممخلصه ...

ونگول ردينا خبر لعمامي وليزن  ماكو نصيب ... ونفض السالفه

حتى تخلصين واني اليوم احجي ويا مهيمن اوصي عليج اخاف يصير عليه وعلى ابوج شي ما أأمن عليج يم فيصل ومرته .......

راح اخلي يشوف طريقه ... يصير ميصير تروحين يمه .....

رشا: بكلام امي حسيت الدنيا ضاگت عليه ....وانقهرت عليها

وعلى ابويه ... گتلها اسم الله لتحجين هيج وتخوفيني ...

الام: لا ماما الواحد لازم يعرف اوادمه ويفكر للبعيد .....

رشا: للعصر سمعت امي وابويه يحجون ويا مهيمن ... ويوصوا عليه .... وراها صاحني ابويه گلي اخوج يريدج

الو

مهيمن: هلو بشه  شلونج

رشا: الحمد لله قلبي

مهيمن: لتضوجين ولا احد يكدر يغصبج على زواج هذا فيصل يحجي لحاله ....هسه راح ارتب اسويلكم انت وابويه وامي لم شمل ... بس تطلع اجيبكم يمي ... الله يسامحه ابويه من اول ما سافرت گتله  راح اسويلكم لم شمل تعالوا يمي ماقبل ....

رشا: مجان يدري ... الامور راح تصير هيج وفيصل .. كلش تغير

من ابويه تمرض وكعد بالبيت مهيمن ابويه وضعه الصحي كلش تعبان ... السكر صاعد عنده صار كم يوم مدينزل ... وامي تدري بيها من اتشوفه هيج نفسيتها تتعب ... عفيه من تصير الك فرصه تعال ... شويه من يشوفوك ... يرتاحون ...

مهيم: والله حبيبتي غير هالشغل ماخذني منكم ... بس ان شاء الله اخذ  اجازتي السنويه اجي اني وحوراء  نبقى يمكم .....

وابويه وامي اني متواصل وياهم يوميه ... واعرف الاخبار ... لتقلقين ان شاء الله ماكو شي

عمي حقهم صاير عليج مذابح ... دزتلي نور صور عرسها ...

طالعه تخبلين بشه ( اسم الدلع)

رشا: مهيمن والله مشتاقتلكم صار شكد مسامعه بشه ... منك ومن رغد وروان وريام كلكم صرتوا بعيدين ...

مهيمن: والله يا حبيبتي هاي الدنيا فرقتنا صرنا كل واحد بمكان .. والله ترى اني مامرتاح على بعدكم ...وفراك امي وابويه مو هين عليه ...والله اتحسر على كعدتي وياكم ولمتنا ايام قبل ...

الله كريم ان شاء الله نرجع نلتم مثل قبل

رشا:  ان شاء الله

بهاليوم مكدرت احجي ويا يزن ..... لان بقيت ويا ابويه ...

اتخربط .... ثاني يوم ... الحمد لله ودينا للدكتور ... طمن امي

وضعه احسن ... من رجعنا ... دخلت لغرفتي ... لگيت مسجات

من يزن عتب وباقي باله ....

مكدرت ادگ عليه دزيتله الو .... بسرعه جاوب

الو وين من البارحه لهسه ناسيتني

رشا: مكدرت احجيله بسالفة فيصل خفت عليه يضوج ويبقى باله .... حبيبي ابويه بعافيه ... هسه اجينا من الدكتور والتهيت وياه

يزن: انشاء الله مابي غير العافيه خيره

رشا: السكر صار كم يوم عالي اليوم الحمد لله احسن

يزن: الحمد لله جان طمنتيني بمسج ... خليتي بالي البارحه مكدرت انام ...من گلتيلي الظهر فيصل راح يجي وشفتج بعد ما رديتي ... حسبه تجيبني وحسبه توديني گلت هاهيه جبرها اتوافق ..

رشا: ( كذبت)لا مافتح الموضوع لان ابويه موجود ... بقوا يمنا شويه وراحوا

يزن: ريحتي قلبي جنت خايف منه ... اريد اسمع صوتج

رشا: ما اكدر هسه ...اني هم مشتاقه اسمع صوتك ..اشتاقيتلك يا تُكغيتي

يزن: مو بكدي يا روح التكريتي وكل اهله ... اليوم رحت قدمت على فيزا.... دبرت جماعه يساعدوني تطلع ... راح يرتبوها ...

عن طريق شغلهم ... اذا ما طلعت اكلف   ابو طه اكيد تعرفي ...

رشا: تقصد ابو طه ابن عمة امي اي اعرفهم كم مره رايحيلهم للبيت

يزن: اي هو حبيبتي  ابن عمتي بس دا انتظر بلكت تطلع بدون ما احتاجه ...

رشا: ان شاء الله يزوني راح ادزلك صوره

يزن: شتفقت وياج

رشا: اصبر شوف شنو الصوره ... مو صورتي ...وصلتك

يزن: هذا منو ...

رشا: مو حلو

يزن: يولي شو طالعه عينج ... هذا منو اخوج

رشا: اي مهيمن شلون عرفته

يزن :  بي شبه من القمر مالتي ... راح امر من يم الباب اطلعي اشوفج

رشا: يزن لتقهرني والله ترى تأذيني بهالحجي ...ياريت صدك

هسه اطلع واشوفك گبالي ...

يزن: لعد اني شگول على الاقل انت هناك ماكو مكان يذكرج بيه

اني وين ما التفتت الگاج كدامي ... البارحه رحت لبيت احمد

العصر ... والله متحملت ... من دخلت للهول اتذكرت من لزمت ايدج وخليتها على قلبي ... اوف يا البغداديه قلبتي حالي ورحتي

رشا: يزن مو تتمنى لو مشايفني .... ولا جايه وملتقي بيه  احجي والله ما ازعل

يزن: اي والله البارحه بليل اتمنيت لو مشايفج على الي دا احس بي بفراگج وحالة الخوف الي بداخلي لا القدر ياخذج مني وتصيرين لغيري ...

رشا: لو اعرف اموت نفسي ولا اصير لغيرك ... وعد

يزن : لا حبيبتي متصيرين لغيري لو اعرف  اكتلج واكتل روحي وراج حتى متشيلين الذنب

رشا: ان شاء الله ربك يوگف ويانا ... ويجمعنا ... بالحلال

يزن: ونعم بالله ....

#نداء_القلب

الجزء التاسع

اماسي الليل

حقوق النشر محفوظه

رشا: مر اول اسبوع .... ويوميه متواصله ويا يزن بالمسجات والتلفون .... وراها  ب فتره ... جاوبني مقهور .... (علمني من يصير عندي مجال ادزله مسج حتى يحجي ويايه لو يراسلني ميدز شي

بدون ما انطي علم لان يخاف احد يشوف المسجات ويتسببلي بمشكله )

صباح الخير يزوني

يزن: صباح النور حبيبتي

رشا: منو يمك ... دا اسمع اصوات انت بالدوام ...

يزن: لا اليوم عطله ... والبارحه اجيت بليل  ويا سجى ورجلها ( اختهم) سهرنا ب بيت احمد وچلب بينا ... وهسه ملتمين بالهول 

واني واگف بالممر ... 

رشا: عود سلملي عليهم .... لعد ليش صوتك تعبان لو مريض قلقتني

يزن: لا مابيه شي  بس خابرني الولد هسه الفيزا من البارحه جايه رفض

رشا: ميخالف قلبي لتضوج اني جنت متوقعه... لان هي مو بسهولة تطلع للعراقيين ....

يزن: راح اقدم مره ثانيه .... هالايام وانتظر ...شو انتي متأثرتي مثلي

رشا: عادي بعدني ممشتاقتلك ..بس كلت اخذك ويايه للمول

يزن: لاداهرين ....ويا منو رايحه ....

رشا: وحدي راح اخذ سيارة ابويه واروح اسوگ ... وهم امر محتاجه كم شغله

يزن: لعد يله راح تأخرينا ... ومن هسه ترى ما احب افتر بالسواگه مو أتشتليني برا المحلات وتفوتين تنسين نفسج

رشا: هههه حسيتك صدك راح تجي ويايه ... عايش الدور

يزن: لعد كذب ... بس لبسي عبايه عريضه ...

رشا: راح افتحلك كاميرا حتى اشوف لابسه نفنوف طويل وحجاب

يزن: لا لتفتحين ميحتاج كلامج ثقه ...

رشا: يله اصعد

يزن: ههههه لا بله ترى حيل واگفه اكعد بصفج وانت اتسوقين

رشا: ههههه يزن والله دا اتخيلك صدك ويايه ....

يزن: من تمشين لتحجين انتبهي على الطريق من توصلين نسولف ... اوكي

رشا: ورا شويه گتله زحمه ... اف

يزن: بلا حجي انتبهي على الطريق ... وخليني اسمع الاغنيه الي مخليتها

رشا: بعدها وصلت) .... يله وصلنا... خلي اطلع الورقه

يزن: يا قمر  طلعتي سباعيه ... وام بيت

رشا:  سباعيه اي بس ام بيت لا ما اعرف اطبخ

يزن: هينه عود ناكل يم بيت احمد خالتج متقصر .... صدك نسيت اگلج نور حامل ....

رشا: الله عليك  خطيه اليوم اخابرها اباركلها

يزن: ترى هاي هم خالتج محتاجه بت اختها اداريها ... بحملها

متجين ... تبقين يمها فد شهر 

رشا: والله لو بيدي جان اجيت ... بس منو يخليني

يزن: وين وصلتي ....

رشا: شويه واخلص ...

يزن: يله يا مره أتأخرنا على الجهال ... ورجلي وكعت

اويلي يابه شوكت يجي هاليوم ....

رشا: مابقيت بالبيت ويا الجهال ... شمستفاده من جيتك ويايه

حتى العربانه اني دا ادفعها

يزن: هههههه خو انت تخربين على المداهر ... بس والله اذا صدك هيج جاوبتيني .... افر وجهج براشدي .

رشا: اتذكر متحب المره الگويه

يزن: لا احبج انتِ سباعيه وبمية رجال بس مو گويه وصلفه ...

شخصيتج قويه ورزنه

رشا: شنو هاي شيم العربي واخذ عباته ... حتى تسد حلگي

لا عادي اخذ  الراشدي برحابة صدر المهم حقي ميضيع وأطلع الي بقلبي

يزن: ههههه يولي شو انتي مستگويه ... تخيليني دا اخزرج ... لا حبيبتي ما اضرب

رشا: هههه دزلي صوره وانت مخنزر ...  ترى انت هم أتحب المداهر وخيالك واسع ...شوف حتى بهاي احنه متشابهين ....

يزن : شسوي اتخيلج ويايه حتى اتحمل ... منا لحد ما اشوفج صدگ

اذا خلصتي يله ارجعي ..... حتى اطلع وراها

رشا: هاي هسه طلعت ... روح قلبي اخذ راحتك

يزن لا ابقى وياج على الخط منا لحد ما توصلين للبيت ...

رشا: هذا حالي وحاله ... كل ميصير عدنا مجال وفرصه ...

نسولف ... تفاصيل يومنا من نكعد الى ان انام .... ونبقى نداهر

لدرجه نتخيل نفسنا صدك سويه واحد يشوف الثاني

ورا ايام ابويه ... فهم عمي  ابو مثنى ... اني ما قابله بموضوع الخطبه لان اعتبر مثنى مثل اخويه .... وابويه گله ردينا خبر لعمام ام فيصل البنيه ... تريد تكمل متريد تزوج ... واني هم

اريدها تكمل بعدها صغيره

طبعا عمي گله اي مابيها شي ينتظرها ... ابويه گله الله كريم

منا لسنه اذا وافقت البنيه ابنك ابني واذا ما وافقت معناها ماكو نصيب

عمي طبعا ماعجبه الحجي..... ومخابر عمي الچبير ... الي ابويه جان حاجي وياه قبلها واقتنع ... بكلام ابويه .... فوگف ويا

ابويه ضد عمي ابو مثنى گله اذا متريده ومعتبرته مثل اخوها

ميصير يغصبها ... هذا زواج مو لعب ... وتالي ميتوالمون ويصير طلاگ

طبعا الموضوع انسد بين عمي وابويه لكن مثنى .... وتمارا ... وزنهم براس فيصل

سببلي مشاكل وعداوه ويا اخويه .... ثاني يوم  فيصل من عرف رد ابويه لعمي اجى  وحده تعارك ويا ابويه وگله الرجال من يكبر يعقل انت دتخرف .. وماشي على مرام زعطوطه ... هسه ادوس راسها

ابويه گام يعيط عليه وطرده .... گله بعد لتوصل ... اني رجال وكبرت وخرفت انت كل متكبر تصير زعطوط وعديم الاخلاق

.... فيصل صاحني ... بعصبيه امي گامت تبجي وتعيط عليه  ... گلتله الا تموته الابوك يله ترتاح .... اطلع شبيك تخبلت

علمود ترضي مرتك واخوها دكافي مو هاي اختك ... انت ماعندك غيره ترخصها ... كدامهم ... بقى يعيط والله لا اطيح حظها ...خلي من يجي الولد للامارات هالفتره وتگله لا .... دا اشوفكم شيصير وراها ....

ابويه ... من العصبيه بقى يعيط  ارتفع سكره ....  واتخربط ونقلنا للمستشفى لليل اني وامي وحدنا ... بقى يزن يدز مسجات مرديت عليه لان گلت مابيها مجال بعد لازم احجيله الي صار ....

الى ان طمني الدكتور ... على ابويه ... گلي لتخافون ... ان شاء الله ماكو شي .... للصبح كلشي تمام     

بلحظة الي شفت ابويه تخربط ...  فقدت من البچي گتله بابا  موافقه بثنى م ... بس لتقهر نفسك اذا يصير بيك شي اموت واتبهذل وراك ...

مقبل ابويه گلها لامي اخاف يصير بيه شي .... ومهيمن سالفته اطول ... بين ميدز عليكم ... تاخذيها وتروحين لتكريت ... منا لحد ما مهيمن يكدر يطلعكم يمه ... ولا تبقين دقيقه يم هذا (قصد فيصل )بقينا اني وامي منهارين ... حسيت باليتم بكلام ابويه وبقيت ادعي الليل كله الله يحفظه الي .... الحمد لله صار احسن

امي وابويه نايمين .....الصبح طلعت بالممر .. دزيت ليزن  الي صار بمسج لان اعرفه بالدوام

وميكدر يحجي ...

ورا دقايق اتصل .. الو

الو ... بعصبيه ليش ضميتي عليه ... الي ديصير وياج ...  احجي فيصل  اذاج...

رشا: احجي مخنوگه من البچي ... لا والله بس يعيط وابويه مخلى

يزن: بسيطه هسه طلعت من دوامي  طالعله لهذا العار ... ابن عمج لا اندمه ...

رشا:  ( اختنگت اكثر ) يزن لتسوي مشكله فدوه لعينك ... ترى حجيتلك حتى تعرف

الوضع ... يمي ...اذا تروحله تجبرني اوافق ... لان مثنى واخته

يبقون يزنون براس فيصل ويأذيني ...حتى اوافق

يزن: غمضت عيني وتنهدت لان عاجز ... ما اكدر اسوي شي ولا احميها وهي بعيده عني ودا انتظر الفيزه الثانيه ... بس تطلع

اسافرلها ... واحجي ويا ابوها ...

كافي ارتاحي شويه ... ما اسوي شي والله ... ولا راح اروحله ...

لتخافين ... اهدي ...

رشا: بقيت احاول ارتاح وابطل بچي ...

يزن: عمو شلون صار

رشا: الحمد لله ... احسن

يزن: انتبهي انت وين دتحجين ويايه اخاف يسمعج فيصل ويأذيج

رشا: لا بس اني وامي ويا ابويه من البارحه ... وامي جوا بالغرفه يم ابويه نايمه  ...

يزن: شكد عار هذا اخوج عايفكم بالمستشفى وحدكم ...

رشا: يزن والله تعبانه ومحتاجتك ... وخابفه على ابويه ليصير بي شي ... اتبهذل وراه ...

يزن: استغفر الله .... واني مربط ما اكدر اسوي شي وانت بعيده ... غير تطلع هالفيزا الگشره ... هسه ارجعلج دقايق

رشا : اخذ راحتك

يزن: لا ماعندي شي ... بس اسوي تلفون وارجعلج انتظريني

سديت الخط وياها اتصلت على ابن عمتي ... ابو طه

حجيتله موضوع خطبتي لبت خوله وابن عمها ... والمشكله ... گتله اريدك ادير بالك عليهم

وابو فيصل ... بالمستشفى وخوله ورشا وحدهم ... الرجال گال هسه اتصل عليها ... واروحلهم .. ورا ما اطلع من شغلي ...

كتله بس اريدك بحجة دتسأل عليهم ما اريد تعرف اني اتصلت عليك وانطيتك خبر ... گلي ماشي ... وسألته على موضوع الفيزا گلي هالايام ان شاء الله تطلع بكفالة الشركه ... ومن تجي نحجي

ونسأل شلون نكدر نرتبلك اقامه عمل ... بس الشغلة الوكاله   الي گتلك عليها رايدلها  فلوس .... گتله  ميخالف   انت رتبلي وشوف شكد تقريبا تكلفني ...

رجعت ... لرشا شويه مرتاح الو تأخرت عليج

رشا: لا عادي هسه  طلعت  دا اخذ گهوه ... راسي مصدع

يزن: رشاوي تحملي حبيبتي ... وادعي تطلعلي الفيزه وداعتج ... ثاني يوم احجز واجي ... واذا ما طلعت ...بعدلا زم احجي ويا ابوج بالتلفون واحاول اقنعه .... اذا يقبل اعقد عليج

ما اخلي احد يتعرضلج ... واجيبج تكملين ... يمي... يم بيبيتج

رشا: الله كريم ... المهم عندي ابويه يبقى بخير ... لو يريدني افدي بروحي ما اتأخر عنه واقبل بأي شي يرضي

يزن: رشا... لتخلين بالي بهالحجي ... دا احس تقصدين أتوافقين على مثنى علمود مشاكل فيصل ويا ابوج ...؟

من شفتها سكتت عط مو ؟

رشا: بقيت بس دموع ... بدون كلام ... واسمع صوت نفسه عالي ...

يزن:  بعياط لج باول موقف بعتيني ... واني احس راسي راح ينفجر من التفكير والخوف عليج .... يطبج مرض روحي وافقي ...

اني هم ما اريد الي تبيعني وانعل ابو الحب الي خلاني عاجز  وقلب حالي سديت الخط بوجها

رشا: رحت غسلت ... شربت گهوه تصحيني .. بقيت افكر ادري بي لان انقهر ... فقد من فهم شفصد  ... بكلامي  ....

كلت شويه خلي يرتاح واتصل عليه .... اراضي واشرحله موقفي

ورفض ابويه على موافقتي بمثنى

بس ملحگت ورا عشر دقايق  وصلني مسج ....

يزن: هسه اطلع  لبغداد اليوم انهي حياته ...  لمثنى

واريحج واخلصج ...من المشاكل وزن فيصل ... ومني

رشا : ضربت وجهي ... فقدت  أتخبل راح يروح يگتل مثنى

اتصلت عليه بقى يدگ ميجاوب

دگيت على نور ... ورا دقايق  الو لج نور خابري احمد يزن راح يطلع  لبغداد على مثنى

نور: عزه خلي اروح اخابره

رشا: بقيت ميته وادگ عليه الى ان  دزيتله مسج والله هسه اسوي بنفسي شي اذا رحت

مجاوب .... بقيت ادك ... مجاوب ...

بقيت اتوسل بي بالمسجات ... اهدي .... وحجيتله صح گتله لابويه اوافق علمودك لان وصل الموت وخفت عليه بس هو مقبل وكتبتله  وصى امي .... ترجعني يمكم اذا صار بي شي ...

اخر شي كتبتله اذا مجاوبتني ... خلال عشر دقايق ... اسوي بنفسي شي ... ورا كم دقيقه اتصلت عليه  جاوب

احمد : الو رشا اني احمد  لتخافين ... يمي

رشا: احمد ... فدوه مو تعوفه

احمد: لا ليبقى بالج ....

رشا: ورا نص ساعه ... خابرت على نور ... اريد اشوفه  يمهم 

گلتلي لا بيتهم ... ياسين حس عليه بي شي ...  وطالع من دوامة ودخل سأل

منتصر على السلاح ...   سمعه  يا سين  رايح ورا   مدخله  للغرفه ... وقافلها عليهم صاير عصبي يريد يطلع ممخلي ... باقي يهدي ويحجي ويا  وگايله  شتريد توگف بوجهي  لو تضربني حتى تطلع 

استحى وكعد

بين ما وصلهم  احمد ... كعد  ويا وحدهم مفتهم الي صاير من عنده بالتفصيل .... باقي يهدي .... بس  احمد يگول فاقد گايله فلا ارتاح اذا ما انهي   ...  لج يگول  لو  ما امي  دخلت تتوسل بي ... وشافها مقهوره  ووصلته مسجات من رشا ... خاف عليها ... انطاني التلفون گلي جاوبها ...

رشا: نور هسه ارجع عفيه ...

رجعت اتصلت على تلفونه ..... طلعلي احمد ... گتله عفيه انطي التلفون

احمد: رشا بعدين يحجي وياج

رشا: احمد عفيه افتح السبيكر ...من فتحه صوتي مخنوگ ...

بالگوه حجيت ... وعدتني .... محد يأذيني  وانت موجود بس

انت اذيتني وزيدت همي اني ما بعتك بس ابويه وامي اغلى عندي حتى منك .. وهو الوحيد الي يكدر يوگف بوجه الكل ...

انت من تسوي بمثنى شي اني الوحيده الي انضر انحرم منك ( ينحكم)

وابقى طول العمر اتحمل الاذيه لان الكل تحملني سبب موته( مثنى)  ...

ويبقى فيصل يأذيني بزن من مرته وابويه يصير بي شي من القهر ... تالي اصفى وحدي بهالدنيا... وين وعدك الي بس حجي ... اذن لتحاسبني اذا خلفت بوعدي وياك .. الله يخليك

اذا حسيت بعتك ... انساني بدون متأذي نفسك وتأذيني  وياك

واني لو يبقى  بس مثنى  بالدنيا ما اقبل بي ... (وصلت مرحله ردت اكمل هالكلمتين بالگوه حجيتهم لان اشهگ )لان ابويه بظهري لا انت ولا اخ تفيدوني 

احمد: رشا كافي  ارتاحي ..... صح محد يفيدج غير ابوج ...

ومحد يعتب عليج ولا على الي سويتي لان هو هذا الصح ...

يزن جنت گاعد وبعدني افور بداخلي .. بس اريد ... اطمن اخوتي ...حتى يعوفوني ... ما اكدر اوگف بوجههم واثنينهم اكبر مني .... بقيت كاعد ويا احمد من حجيتله الي صار بالتفصيل ... ما انطى برشا وگف وياها ... وراها دخلت امي شفتها هبطانه وتتوسل بيه .... متحملت گتلها ارتاحي ليبقى بالج ما اطلع راح ابقى كاعد هنا .... بس بقى الشيطان يلعب براسي ... ويهيج النار بداخلي ...حتى بعد ما وصلتني مسجات رشا ... ما اثرت بيه .. غير اخر شي خفت لا صدك تسوي بنفسها شي انطيت التلفون لاحمد يرد عليها ....

ما اريد اسمع صوتها .... بس من فتح سبيكر وشفتها منهاره وبالگوه تحجي وسمعت كلامها كله ... بداخلي انقهرت عليها ...

وماردت اجاوب بشي لزمت السكوت خفت ااذيها بحجايه تروح صدك تسوي بنفسها شي على الوضع الي هي بي ....

بقى احمد يهديها .... ويحجي وياها واني اسمعهم ... منزل راسي ومسنده بأيدي .... اخر شي سمعتها

رشا: مراح تحجي ويايه شي ....  فهمت براحتك

يزن: من گالت فهمت قلبي انقبض ... احس ألم صار عندي بكل جسمي صوتها مكسور بي نبره توسل ... وخيبة امل ... فهمت

بعد ما اريدها ... جانت اكو قسوه بداخلي مخلتني ... اكدر احجي شي ... ما اعرف شنو الاحساس وشنو سببه ... بس

ردتها تفهم خلص انتهينا ... وجودها بمكان بعيد عني   يخليني عاجز احميها ... وكلامها صح حتى لو اخلصها من مثنى مراح تخلص من الاذيه .

#نداء_القلب

الجزء  العاشر

اماسي الليل

حقوق النشر محفوظه

رشا: للعصر طلعنا من المستشفى.... وامي شافت عيوني مبينه جنت ابچي من سألتني تحججت بمرضت ابويه .... من وصلنا للبيت بالي يم يزن ....

اريد اسمع صوته حتى قلبي يرتاح .... دكيت على نور ... كلت اشوف شنو صار الو

نور: ها رشاوي شلون صار عمو طالب

رشا: الحمد لله هسه رجعنا ... ويا عمو ابو طه وصلنا خطيه ... وگلها لامي اي شي تحتاجي اني يمج انت اختي

نور: الحمد لله .... وهذا فيصل ما وصل ...

رسا: لا بس اتصل على امي سألها شلونه ابويه ... وهاهيه حتى ما گلها راح امو اشوفه ولا جاب سيره يمعوده خلي بعيد حتى ابويه يرتاح ...

نور: صدك رغد راح تجي ....

رشا: اي  اتصلت على امي اسبوع الجاي تجي علمود اتشوف ابويه ... ومهيمن هم خطيه مقدم اجازه ... بلكت يقبلوها ... ويجينا

نور: يله احسن حتى شويه تغيرون جو وياهم ... تلتهون

رشا: نور اخبار يزن

نور: الظهر اجى  ويا احمد اتغدا يمنا ... قبل شويه اخذه احمد وطلعوا ويا الولد ... ما

يغيرون جو

رشا: شنو وضعه ... بعده عصبي

نور: لا بس ضايج .... ومرتين فتت للهول لگيته متمدد على القنفه و صافن

بس عادي هادئ... احمد بقى يشاقى وياه  ويضربه بالشقى ... يگله هاي

لان ضوجت رشا ... دا اتلوگ لمرتي لخاطر بت اختها ...

رشا: وشنو گله

نور : مجاوب بس يبتسم ... واحمد گله ... هاي دروب الزعل ... اخيك مجربها قبل ميقاوم اكثر من اسبوع

رشا: لا نور وضعكم يختلف انتوا .... هو قفل عليه لان اعتبرها ... اني

خلف بوعدي اله بعد ماعنده ثقه بيه ... خلي بعيد عني احسن مما يأذي نفسه ويروح يسوي بمثنى شي هو يخسر واني اخسر

نور: لا سمعته بحجي ويا احمد گله لخاطرها ما اكدر اسويله شي ...

لان يأذوها ... بس من كلامه عرفته متأذي ... لان ميكدر يحميج منهم

وانتِ بعيده

لان گله لو هي بالعراق .. الوضع غير شكل ... على الاقل ما اخليها هي

وامها وحدهم ...وابوها مريض بالمستشفى ... وهو دز ابو طه عليكم

رشا: نور... عفيه انت من تعرفين شي گليلي ... لتخلين بالي ترى والله ملتهيه ويا ابويه وامي ... الوضع بالبيت مشحون ... وامي تعبانه اكثر من ابويه

نور: ميخالف ليضل بالج احمد ويا ... هم ولدنا هيج اعصاب من يبردون يفكرون صح لتخافين

رشا: ان شاء الله ...

يزن : شاورت احمد ... اتصل على نور ...خلي تتصل برشا تشوف شنو الوضع

احمد: هسه اتصل ...

لتخاف ماكو شي رايح ابو طه وموصلهم للبيت العصر ... امور الحجي

تمام ...

يزن: ورشا

احمد:  زينه تگول ... هي هم سألت عليك ... يويل لتتعيقل انت اتواصل وياها  خطيه ...

يزن: لا اعرف اخبارها من نور ...

احمد: بكيفك .

رشا: مر اسبوع عليه ... لا سامعه صوته ولا حاول يتصل ولا  يدز مسج

واني هم من شفته قافل عفته براحته ... لو يريدني ... جان سأل

بقيت اعرف اخباره من نور .... ومر الاسبوع الثاني على نفس الوضع بس كل يوم يمر اتأذى اكثر ... احس خلص ما النا رجعه وكل الي بيناتنا انتهى ... التهيت ويا رغد ورجلها وجهالها ... وامي وابويه .. تغيرت نفسيتهم من اجتي ... شويه التهوا وياها ... هي تعرف بموضوع يزن بس

مجانت تعرف اكو حب بيناتنا ... عبالها خطبه ومصارت ... وحجيتلها

كلشي حتى على تواصلنا بالتلفون وشلون انتهى الي بيناتنا ...لان جنت محتاجه احد ... افضفضله ويهون عليه ... بعد يزن ... واشتياقي اله

ادري  بحاله مثل حالي من نور ... بس معند وحسبها  تخليت عنه بأولها

مهيمن ... وفضوا الاجازه مالته  ومكدر يجي ...نعمان رجل نور يعرف يزن وعلاقته قويه بي من ايام قبل ... بتكريت ...

ومن خاطبني يزن  نعمان مأيد الموضوع لان گايللها لرغد ... يزن خوش ولد

وسبع.

بس ميعرف بباقي التفاصيل ... لان وصيت رغد متحجيله شي

بس عرفت منها  متواصلين بعدهم ... كل فتره يصير بينهم اتصال ....

وبيوم ... طالعين دنتعشى كلنا برا ... دگ تلفون نعمان ... سمعته

جاب اسم يزن عرفت ديحجي وياه ... وبقى يسولف ويا ... اتوقعت الموضوع مو صدفه ... احتمال عرف من نور ... هم بالامارات ...يمنا

واتصل عليه ...

رغد: بشه تدرين منو ويا نعمان على التلفون

رشا : اعرف يزن

رغد: لج ديسأله على الفيزا شلون حصلها

رشا: يجوز عنده شغل هنا... لو علمودي جان ... سأل عليه صارله اكثر من اسبوعين .. گاطع

رغد: ما ادري  والله يجوز لعد صدك شغل خلص انت لتفكرين بي وشيلي من راسج

رشا: ياريت الشغله سهله... وقلبي شلون يشيله

رغد: والله رشا اياج تقبلين بمثنى ترى اتشوفين ظيم ويا بيت عمي واطباعهم الخبيثه ... احنه منتوالم وياهم قلبنا طيب وماعدنا صلافه وخبث

هاي صارلنا اسبوعين يمكم ... بالجذب ست تمارا ما شالت تلفون ... سألت

والعتب مو عليها على اخوج ... حله وربطه بيدها

حتى نعمان البارحه سألني على فيصل شو لا مر لا سلم ... فشلت گتله مو

ميحجي ويا ابويه ... بينهم مشكله

رشا: خلي بعيد احسن ... ما منهم بس المشاكل هو ومرته

اني هم راح يبدي دوامي ... بعد ايام ان شاء الله هم التهي ....

يزن: جان عندي اخر امل ... تطلع الفيزا واروح اصالحها ... وهم اجاني رفض ... حسيت القدر واكف بطريقي وياها ... ومراح ينطينا مجال

نكمل سوا حسيته مثل الاشاره الي بيناتنا شي مستحيل يصير ... شكد جنت احس بالعجز .. ورا الرفض حسيت بالعجز والاستسلام اكثر ..

كل الي اكدر عليه احبها من بعيد وتبقى ... اول حب بحياتي ...حالي نقلب ...

وما الي خلگ الدنيا لا طبه لا طلعه لا ضحكه ... الي مهون عليه ... احمد

متنفسي الوحيد والدوام ... من عرفت من نور رغد بالامارات ... اتصلت على نعمان ... اساله شلون كدر يطلع فيزا...طلع لان رغد اهلها مقيمين ...

تطلعلهم بسهوله فيزه زياره ... ولان هي سابقا مقيمه ويا اهلها ...بسهوله

ينطوهم موافقه .... مات كل امل بداخلي  راح التقي برشا مره لخ ... مرت ٣ اسابيع حسيتها عمر ... ويوم على يوم اعصابي تتعب وما متحمل حجايه من احد ... حتى بالبيت يتجنبوني ... ومخليني على راحتي ... صارت متعتي وراحتي ابقى بغرفتي ... افكر بيها وعبايتها بحضني ... اتذكر كلامها

والشهر الي بقته بتكريت كدام عيني ... حبست نفسي بهالذكريات....

الى يوم الي رحت بي لبيت خالي بالقادسيه ... كاعد ويا الولد ... اجتي على

بالي ... متحملت ... ابقى بعيد اكثر دزيتلها مسج

💔عاهدتني الا تميل عن الهوى

وحلفت لي الا تنثني .... جاد الزمان وأنت ما واصلتني

يا باخلاً بالوصل انت قتلتني ... واصلتني حتى ملكت حشاشي

ورجعت من بعد الوصال هجرتني ... لما ملكت قياد سري بالهوى

وعلمت اني عاشق لك خنتني 💔

رشا : من سمعت صوت المسج قلبي حس هو ... دكات قلبي زادت

بين خوف لا قلبي متوهم ويطلع مو من عنده ... وبين لهفه واشتياق وتمني

يطلع هو

رحت لغرفتي من شفت المسج منه حتى وبعدني ما قاريته .. احس رجعتلي روحي ... من فتحته وشفت الكلام ويا كل كلمه دموعي تنزل ... لان حسيت

الكلام من انسان ميت ... وعتابه مأذي اكثر مما  اذاني ....

قلقت عليه .. وخفت اكو شي ورا هالمسج ... اجى على بالي كل الامور السيئه ... دزيتله

اشتهي الابتعاد عن كل شئ.... الاعنك فأنت راحةٌ لكل اوجاعي )

يزن: من وصلتىني الرد .... وصلني الامل والراحه الي فقدتها من يوم

الي  ما سمعت  بي صوتها وكلامها ...

دزيتلها اكو احد يمج

رشا: دكيت عليه .... الو

يزن: گمت طلعت ...  تنهدت ... الو يا قمر بعدني على بالك

رشا: منو ينسى روحه ونبضات قلبه

يزن: اويلي يابه روحي ردتلي ... موتيني

رشا: بلا عتاب ... اني هم جنت ميته بلياك... وانت هم اخذت روحي

يزن: والحل ... وين راح نصفى بهالحب ....

رشا: خليها على الله ....

يزن: اريد احجي وياج مثل قبل ... وشي يمنعني ... مديطلع الكلام

من سمعت صوتج ... طار كلشي من راسي

رشا : ابتسمت.... احجي ويايه تكريتي ... حتى يطلع الكلام

مو گتلي من شفتج بيوم الحنه نسيت البغدادي .... يجوز من سمعت صوتي

صار وياك نفس. الشي ... سمعت صوت نفسه وتنهيدته

يزن: عجل ليش اهلج وحدج مطلعيج

رشا: ههههه حتى الاقي التُكغيتي واتربع بقلبه

يزن: يا قمغ ليالي التُكغيتي .... ليله أظلم من يوم سافرتي

رشا: والتگغيتي شعل ضوّ بقلب القمغ... وبحبه بعده يضوي ....كافي يله ارجع

احجي بغدادي تعبتني ... بالگوه جمعت كلمتين

يزن: ههههه رجعنا للمداهر

رشا: يانور عيني .... ضحكتك تريح قلبي ... الله لا يحرمني منك ومن حبك

يزن لتعوفني ... والله تعبت بلياك ... من اسمع صوتك احسك ويايه .. ممفارگني

يزن: وانت ما غبتي عني لحظه .... ولا راح تغيبين ... صرت مسجون بيج

رشا: دزلي صورتك

يزن: اخاف ادزلج صورتي حاليا .... وتبدلين عليه

رشا: دزها لتدلل ... يزوني اموت عليك والله

يزن: لعد استلمي الصوره

رشا: ههههه اموت على الخزره والحاجب المعكود

رغد: شو كاعده وحدج ....

رشا: اشرتلها على التلفون

رغد: ها التكريتي قلبه حن ومتعب اختي .....

يزن: ابتسمت  سلميلي عليها ....

رشا: يسلم عليج

رغد : لا سلام ولا كلام متخاربين ..... من قبل منصير نسايب

يزن: ههههه دخلي اصير نسيبكم ... واتخاربي براحتج ... اجي لمصر اصالحج

رشا: ترى سمعتك مخليه اذنها ....

رغد: والله اذا ضوجتها بعد .... بكويلاتك ... ترى حافظتها ... لسوالفكم

من التكريتي العندي ...

يزن: ملي لازم بينو

رغد: لَكَن.. قعيد غاحه ... ولا تعب القمغ ...

يزن: هههه ريحتي قلبي يعني من اخذها ... راح تتعلم اللهجه

رغد:ههههه  تتعلم بدون متحس ... منك ومن جهالك

رشا: ها سمعت اطمئن ...

يزن: ما اطمئن الا وانت الي ... ساعتها لا اريدج تحجين تكريتي ولا اريد جهال ... انت وحدج تكفيني اريدج انت بلهجتج وبأطباعج  وخبالاتج

رشا: لا الخبالات اختصاصك قلبي اني المداهر اختصاصي

يزن: اشتاقيت للمداهر ....

رشا: يا رجال كاعد تتغزل .... وجهالك مجلبين بذيل دشداشتي طلعوا روحي شيل واحد منهم ... حاير بس بروحك

يزن: ههههه اريدهم ٦ واحد ورا اللخ ... بحيث افوت للبيت الگاج ...

مثل المخبله وشعرج مكفوش وصايره اعصاب

رشا: يا لئيم ... وانت وين جنت من تفوت ... حتى اعرف اجاوبك

يزن : جنت اتعلل ويا احمد والولد ...

رشا: مره لخ من تطلع تاخذ جالك لا اشمرهم بالشارع ... كافي عليه خبالات ابوهم ... اريد اروح امشط

يزن: هههههههه بالله مو عاقله .. واموت عليج  واذبحج اذا سويتيها وشمرتيهم

رشا: لعد تريد ٦ تگابلهم ٣ عليك و٣ اوزعهم  يم نور وغفران ويم خالتي ام نعمان ...

يزن: وانت شنو شغلج لعد

رشا: اداري ابوهم ... حتى ليتخبل عليه

يزن: هذا بسمار وعتب

رشا: فهمت يعني .... حسيت شكد اذيتني

يزن: ادري والله بس مو بكد اذيتي ... وياج حسيت نفسي عاجز ... ومربط ومتحملت هالشي ... وكلامج دگ بقلبي ... لا انت تنفعني ولا اخ

رشا: يزن جنت تعبانه والموقف الي نحطيت بي متحملته ولا عرفت اطلع منه ... والله مو قصدي اجرحك لو ازيد همك ... بس وياك ويا ابويه احس نفسي قويه ...

يزن: رشا ... قدمت فيزا للمره ٣ ... وماعندي أمل اشوفج مجرد ... محاوله

وتعبت من الانتظار ... وراح ابقى احاول بلكت وحده من المرات اتصيب

هسه گلولي اذا تروح تسوي اقامه بعمان ... بسهوله تطلعلك ... وناوي اروح اطلع اقامه ...هالفتره ... بس دا انتظر الفيزا ...

رشا: رجعنا مثل قبل .... سافرت رغد ...

وبديت اداوم .... بيوم جنت بالكليه الصبح .... دگ عليه يزن الو

يزن : انت وين

رشا: شنو انتِ وين ... خوفتني اكو شي  

حتى صباح الخير ماكو

يزن: صباح الخير لا ماكو  شي سلامتج ...اطلعيلي افتحي الباب اريد اشوفج

رشا: شذكرك بيها

يزن: ترى دا احجي صدگ...

رشا: يله فتحته وينك شو ماكو

يزن: انتِ ناصبه عليه  شوكت ترجعين للبيت ...

رشا :  الظهر يخلص دوامي ... ترى قلقتني شكو

يزن: تكدرين تطلعين العصر .... دا اوصيج على شغله ..

رشا: احاول من ارجع واردلك خبر شنو الشغله

يزن : فد ٣/٤ ساعات ادزلج صورتها ... حتى اشوفيها

رشا: احاول قلبي اطلع واجيبها

يزن: ضروري شغله مستعجله ...

رشا: ان شاء الله احاول بس دزلي الصوره .... ورا كم ساعة  دزلي  صوره

فتحتها صورته بمطار دبي ... من شفتها طگيت بچي ... دكيت عليه

گول والله انت هنا

يزن: وعيونج اجيت اشوفج ولو بيدي اطلع من التلفون

لقاء ما بعد ٣ شهور ونص

الجزء الحادي عشر

اماسي الليل

رشا: اللهفه والارتباك سيطروا على تصرفاتي ....

حسيت نفسي مثل الطفل يفرح بجية العيد ... ما اعرف ابچي ماعرف اضحك ما اعرف ابتسم ... دوامه مشاعر ...مكبوته بداخلي تفجرت كلها بلحظه وصوله ...

رجعت للبيت اول ما دخلت سلمت ... هلو ماما اليوم اروح للمول

خوله: هلو هاي شبيج دنطي صبر اول ما فتحت الباب ... اريد اروح للمول ... درتاحي بالاول ...

رشا: ما احب اكذب بس مجان بأيدي شي اتحجج بي گتلها مو

اتفقت ويا البنات من اوصل ارجعلهم خبر ...

خوله: اي ماشي روحي غيري جو ... بس انطي خبر لابوج بالاول ديصلي

رشا: هسه رايحتله ... دخلت حاولت اضبط وضعيني ... دا احس نفسي مفضوحه ... الكل تدري مرتبكه ووضعي مخربط ...

هلو باباتي ... رحت بوسته ... وطلبت منه اطلع للمول ... وراها دخلت لغرفتي ... بعدني بملابسي ... فتحت الكنتور ... اختار شي اروح بي ...

نزلت الملابس على جربايتي ... على كومة الملابس العندي حسيت ما عندي شي اللبسه ... حتى ذوق ما بقى عندي ... دزيتله مسج ... يزون

يزن: ها حياتي وصلتي

رشا: اي وصلت شنو راح تلبس

يزن: ليش ... بالج شي معين تريدين اللبسه

رشا: لا براحتك ... فضول

يزن: راح اللبس تيشيرت وجينز ... لحد هاللحظه بعدني مامستوعب ولا مصدك احنه بنفس المكان .... الا اشوفج .. وما اعرف شنو رد فعلي من راح نلتقي ....

رشا: اني هم متشوفني حتى ملابس ما اعرف اختار ... اريدك أتشوفني مثل

اخر مره

يزن: رشاوي اللبسي اي شي مو تتأخرين عليه

رشا: لا ما اتأخر ... لبست مثله قميص وجينز وحجابي وكل شويه اروح يم المرايه اجيك ... اخر شي حسيت شتلته للمسكين ... جانت مشاعر مبهمه كأنه راح التقي بشخص ما اعرفه او عقلي مامستوعب وومصدگ ... راح التقي بي

اتفقت ويا نلتقي بالفستيفال ستي ينتظرني برا يم المي .... انطيته مكان بالضبط يوگفلي يمه

اخذت تكسي ... احس قلبي مو ينبض يرچف ... حاله ما اعرف اوصفها ... مثل القلق من وصلت لبوابة المول نزلت بدون وعي رجليه تمشي بسرعه

حتى بعض الخطوات صارت من سرعتها مثل الركض .... جان بداخلي شعور اشتياق لدرجه تخيلت مراح اتحمل اشوفه وما اركض عليه واحضنه ... بس لحظه الي شفته من بعيد كاعد ويتلفت يدور عليه بين الوجوه ويهز برجله متوتر مثلي ... الخطوات تباطئة والدموع انحبست ...

احس مثل تيار يمشي بجسمي ... خجل وارتباك ... ردت اهون عليه وعليه

اللقاء ... التفيت من وراه ... لحد ما وصلت يمه ... تنهدت ياربي قلبي راح يطلع من مكانه مديت ايدي لزمت خده .... سألته مضيع شي

يزن : من سمعت صوتها وصارت ايدها على خدي... تيار كهرباء مشى بجسمي متحملت جريتها بوست چف ايدها ... واستنشقت راحة ايديها ... جاوبتها مضيع روحي ...

ولهاللحظه ما التفتت ... ردت المشاعر الي بداخلي تهدأ حتى اكدر اسيطر عليها ... وگفت گبالها وايدها لسى بأيدي

رشا: من التقت نظراتنا .... غمض عينه وجر نفس طويل ... لا اراديا على ابتسامته الي اموت عليها ابتسمت

شفايفنا ما نطقت بس العيون حجت كل الي بالقلب .... وعيوني ... متحملت

نظراته ... ولهفتها نزلت دموع ... مكتومه ... حسيت بأرتباكه من لزمة ايده لايدي بقوه لدرجه حسيت بألم خفيف ...

يزن : تعالي خلي نمشي ... اخذتها ومشينا وايديناتنا متشابكه ... نسيت كل التعليمات الي جنت انطيها النفسي ... اياك تحاول تحضنها اياك تتقرب منها ... وتحجي وياها لاحد يشوفها وياك ... الا من تكعدون بمكان .. أمن

اياك واياك ... وبلمسه منها نسيت نفسي وعقلي ... حتى الحجي الي جنت حافظه واريد اعبر بي ... نسيته ويا نظره عينها ... شكد جنت اكره مثنى بهاللحظه كرهته اكثر لان حرمني من احلى لحظات يعبر بيها رجال لمرته

عن حبه واشتياقه ... لو خاطبها قبل ٣شهور ونص جان هسه عاقد عليها

ما احذر ولا انجبرنا نلتقي من ورا الكل ... ولا اعرضها لمشكله ... بس مابيدي حيله ... الشوق غلبني ... وغلب الحذر

كعدنا واحد بصف اللخ ... سحبت ايديها الثانيه ...

رشا: اكرهك

يزن: فتحت عيني وضحكت ... ليش ياقمر

رشا: لان ما بقى بقلبي مكان احبك ازيد .....بعدني قمر متغيرت

يزن: بعده القمر مثل ماهو واحلى..... بس عطره متغير

رشا: ابتسمت ترى ايدي اذتني ... ودا احسك ممشتاقلي مثل ما اني مشتاقتلك

يزن: ابتسمت رخيت لزمتي ... وصعدت تك ايدها على قلبي حسي بدكاته مسوي انقلاب بس الي يريده ما اكدر ابينه ولا اسوي وانت مو حلالي ...( من الاشتياق يتمنى يحضنها )

رشا: ابتسمت ادري بس ردت اداهرك واحجيك ...

يزن: ما اريد احجي خليني غرگان بهالعيون واشبع منها هالعشر ايام ...

رشا: واني ميكفيني عمر وياك

يزن: لو ماره بلي مريته ورا كل فيزا ترفض جان عرفتي هالعشر ايام

عندي عمر ... ونعمه ترجيتها من الله وحققها

رشا: الحمد لله من شفتك ... بخير بالي كله يمك... بس شو انت حليان

يزن: ابتسمت ... مو مستغرب هالعقل ... متعلم على خبالاتج بالتلفون

البنطرون مو كصيف

رشا: هههه اني هم مستغربه ما نقنقت ... شكيت مبدليك بس هسه ارتاح قلبي

موجود ويايه النسخه الاصليه ... عديها اليوم ...معرفت شلبس شفتهن گبالي لبستهن

يزن: يولي شتفقنا...

رشا: يولوا ... شوكت تبطل نقنقه ... وتخليني براحتي

يزن: ههههه لتاخذيني بالمديهغ خزرتها مبتسم .. البيس على مرامي بلا عناد

رشا: ماشي ما اللبسه بعد لخاطرك ... اللبس نفانيف

يزن: هسه نمر ناخذ عبايه تلبسيها هالايام حتى اخذها ويايه

رشا:شگد تحب العبي ... اذا كل مره اشوفك تاخذها ... تفتح محل.

يزن: لا ما احبها بس الرصاصيه الي عندي ... شكلها حلو ... واغيد لخ هم ملونه مو سوده ...

رشا: اريد اعرف ليش تحبها ....

يزن: ما اعرف من شفتها عليج حبيتها .... ( بداخلي اعرف )

رشا: يله لعد خلي نروح ناخذها ... لان فد ساعه ارجع ...

يزن: لَكَن ( لعد) خليها لوقت ثاني ... خلينا هوني هالساعه

ياقمغ من لقيتك كل همي زتيتو( زحته او رميته) ... احمد يديهغ بنور يقله غيحي تعلقت بيك وحبستيها بتكريت ... على الاقل غيح يزن تعلقت ب رشا وسافرت للامارات ... تغير جو

رشا: ههههه الله يسعدهم ان شاء الله تكون نهاية حبنا مثلهم ...

مر الوقت بسرعه ... يزن لازم اروح ... حبيبي والله لو بيدي ما اعوفك ...

يزن: يله حبيبتي نطلع بتكسي واحد ... اوصلج للبيت وارجع للفندق مشي

رشا: لا هنا أمان اني ارجع وانت روح ارتاح

يزن: لا اوصلج حتى اطمئن

رشا: اتفقنا ثاني يوم يمرلي وصلنا مسافه قريبه على البيت مشي خمس دقايق ... بقى واگف من بعيد يشوفني وصلت ويرجع ....

لليل ... دزلي مسج ... اذا كاعده ... خلي اشوفج من الشباك ... فتحت الشباك

شفته ... دزلي مسج ... اريد اصعد لابوج

جاوبته لا ما ريد احد يعرف انت هنا ... مراح اكدر اشوفك اذا عرفوا ...

وثانيا بلغتك ميكدر ينطيك موافقه ...بعده الموضوع ويا عمي متأجل الى ان اتخرج ... فدوه لتفتح عليه باب .. خليني خلصانه منهم ..ادري بيك ممرتاح

لان راح التقي بيك من وراهم ... بس اليوم شفتك بمكان عام ..وادري انت حريص عليه ورايدني بالحلال وصبرت كل هالفتره حتى تجي ونلتقي ...

اتحمل واضغط على نفسك انت مو يوميه موجود ... يجوز بعدها اشهر ما اكدر اشوفك

يزن: ماشي ... اريد اشوف وين توصل ويا عمج وابنه ... واصبر

ثاني يوم

يزن: صباح الخير ... هسه راح اطلع

رشا: انتظرك قلبي ... دقيقه مو تجي مرتب نفسك

يزن: لعد شلون اجي ... ( اوف قلبي مخبلتني هالبنيه )

رشا: يولوا اغار ... مو بس انت تغار ... منين اجيب احساس

يزن : هههه هسه اجي لو ابقى ... وانزل للمسبح

رشا: يزن اذبحك اذا نزلت للمسبح كله روسيات ... انتظرك يزون

يزن: هههه حرام اذا انت عاقله .... يله هسه طلعت

رشا: من وصل دگ عليه ... دليته مكاني ... مبتسم من بعد امتار

صباح الخير

يزن: حبيبتي ها ي ٣ مره نگول صباح الخير .... ويضحك

رشا:عمر حبيبي وروح حبيبي ... صباح الخير صباح الخير ( سويتها مثل الاغنيه )

يزن: هههههه لج شبيج اليوم طاگه فيوزاتج ....

رشا: ههههه اي والله من البارحه لليوم مو صاحيه ... اخاف اطلع دا احلم انت يمي

يزن: ان شاء الله يجي اليوم الي تكابليني بي صبح وليل ... ياقمر هاي الملابس احلى من البنطرون مال البارحه

رشا: ( جنت لابسه نفنوف ) ... امشي يزون ..خلي نتريك ... بعدين اقنعك

بالبنطرون ... بقينا نسولف على موضوعنا ... وموقف فيصل ... وابويه ومهيمن ... حسيته اطمئن من عرف ابويه ومهيمن .. ويايه

وراها بقى يسولفلي على سفرة عمان محصل الاقامه ... ومناك مقدم على فيزة الامارات ومقبوله .... وعدني كل ميصير عنده مجال ويحصل فيزا يجي

رشا: اي يزون نرجع على البنطرون ... انت تريد تلغي من حياتي ...

يزن: لا بس اللبسي شي طويل ويا ... مو هسه شفت بنات لابسي ويا ملابس طويله

رشا: فتحت عيني يزن جنت تبصبص ... على بنات الجامعه

يزن: يولي اباوع الي يصير كدامي بس والله مو مثل نظرتي الج

رشا: انقهرت من كل عقلي وقلبي وجعني ... بداخلي احجي ويا نفسي اذا ما اصير من قسمته ويتزوج وحده ثانيه يمكن اموت ... هالتفكير خلاني متوتره

وكأبني ... حس عليه وبقى يحجي ويايه ...

يزن: خليها بالج الرجال اذا يريد يسوي شي من وره مرته او حبيبته ميخليها تحس ... اكذب عليج اذا اكلج مجان عندي علاقات قبلج بس من اتقدمتلج لليوم ماعندي غيرج ... ولا افكر بهالامور... اني مو نبي بس دماغي مشغول شوكت وشلون راح يقبلون اخطبج ... على طول انت ببالي ...

ومكتفي بيج ...

رشا: يزن غير الموضوع...

يزن: يعني ما اقتنعتي ... بكلامي ... فوتي محاظرات اني رايح ...

رشا: من شفته وگف ... يزن ابقى

يزن: ما اتفكرين صاراكثر من ٣ اشهر شفت نجوم الضحى حتى اجي اشوفج ... وتالي تزعلين على موضوع تافه ... الافضل اروح ...

عفتها وطلعت ....

رشا: من رجعت دكيت عليه مجاوبني ... دزيتله انت ليش بسرعه

تصير عصبي ومتتحملني ... متصدك تزعل ...

يزن: من رجعت منها جنت ضايج طلعت للمول ... من افتريت شويه ارتاحيت ... دخلت محل عطور ...اخذت عطور رجاليه ... وبقى بالي

اخذ العطر الي شميته بأيدها البارحه ... جربت اشتم اكثر من عطر نسائي

معرفته ... طلعت اتغدا ... ورها بشويه وصلتني مسجات منها ....

دزيتلها دا اسبح ...والمسبح مليان صدك شگد اكو روسيات هنا ....

بقيت مبتسم انتظر رد فعلها دقايق ودزتلي

رشا: اخذ راحتك ... بس لتگلي جاي علمودج دا اشوفج انت جاي تتونس

يزن: دزيتلها صورتي ...مو فهمتج الرجال من يريد يسوي شي بس مخافة الله توگفه ... قنعتج اني بالمسبح وصدكتي...... واني بالمول يعني لو اريد اللعب من وراج ما اخليج تحسين ...

رشا: الضوجني مو الي بالك... غير شي

يزن: شنو الي ضوجج

رشا: تخيلتك أتصير لغيري والله قلبي لهسه يأذيني

يزن: ان شاء الله متصيرلي مره غيرج ... بله مو حرام عليج ضيعتيلي يوم

ولو اني محسب حساب هالخبالات وحجزت عشر ايام بدل الاسبوع

رشا: والله حرام عليك انت اني مشتعله وانت بهالبرود

دگ عليه ... الو

يزن: يولي من البارد ... مو مشعول جدي من يوم حبيتج شنو الي يريحج

واسوي اتزوج روسيه ههههه

رشا: حتى ما اذبحك

يزن: يويل يابه القمر يهدد...

رشا: اشتاقيتلك باجر عندي بس محاظره مهمه .. اخلصها ونطلع ..

لأتلانتس.... حتى تاخذ صور ويا الدلافين

يزن: بس اخلص غدا امر اشوفج من الشباك ....

رشا: ورا ساعتين .... مرمن شفته ... بقى واگف شويه يحجي ويايه بالتلفون

يوم ثاني

يزن: حبيبتي انت كل الاماكن تندليها ...

رشا: لعد ماكو لهو هنا بدبي بس الطلعه والمطاعم والمولات ... لا اهل ولا كرايب ...

يزن: بيت فيصل وين ...

رشا: بابو ظبي ... وهذا المكان بس بأيام العطل يجوه علمود المطاعم والدلافين وحوض الاسماك ... شويه ونوصل ...

نزلنا من التكسي... ودخلنا ....

يزن : شو انت اليوم گصرانه ....

رشا: ابتسمت مو دائما اللبس عالي اليوم لابسه فلات..... ها راح تبدل عليه

يزن : ليش اگدر ... دعسوقتي

رشا: عاد مو دعسوقه هياتني صله لجتفك .... تعال نتفرج على السمج

حتى ناخذ صوره

يزن: ردت اداهرها ... دشوفين هاي السمجه ( ضخمه ) هاي اني ودشوفين هاي السمجه الصغيره هاي انتي

رشا: ترى لحيت هرقل افتدي ....

يزن: ههههه لج بالعكس احلى المره اكصر من الرجال .... حتى من تغثه مثل مغثة الصبح براشدي يطيرها

رشا: ها ددك على سالفة البارحه الصبح .... تعال اصالحك بصوره

يزن: لا ماكو صور شتفقنا ....

رشا: يزن بس صوره اريدها تبقى ذكرى ... لخاطري ...

يزن : انطيني ايدج

رشا: خليت ايدي بأيده ...وگفت قريب عليه نزل التلفون على ايديناتنا اخذ صوره ..... هاي شنو دتقشمرني

يزن: هاي ذكرى لخاطرج وخلص .... لتلحين

رشا: بقى ايدي بأيده ....وگفنا نتفرج على السمج .... گتله زين اخذلي صوره عاد اني اتذكر انت موجود ويايه بهذا اليوم

يزن: انت ليش من اگلج شغله متسمعين كلام ما احب بنيه تاخذ صور بتلفون

بله سويتي الگتلج عليه وفرغتي صورج منه ...

رشا: اي نزلتها على الحاسبه ... والله مابي

يزن: ابتسمت لعد هاج تلفوني اخذيلي صوره حتى اتذكرج انت ويايه بهذا اليوم

رشا: عكدتله حاجبي شكد لئيم ... اخذتله صوره.... بقى طول الوقت يداهرني ...

يزن: دعسوقه ...ورا الخطوبه كل ٤ خطوات نمشيها ناخذ صوره بالكاميرا ...

رشا: شو اليوم بدلت القمر بدعسوقه ....

يزن: دعسوقه راهم اكثر ويا طولج .... القمر يحتاجله طول

رشا: حبيبي ذاك قمر الناس يحتاجله طول ... اني قمر ليالي التكريتي بهذا طولي

يزن: والله قمر لياليه .... ونبض قلبه ... ومطيره النوم من عينه ...

رشا: اي هيج صير عاقل ... لتنغر بطولك عليه

يزن: ههههه احبج ام راس القوي

رشا : ورا كم يوم التقينا بمول راد ياخذ شغلات دخلنا لمحل ملابس رجاليه

يزن : اريد قمصان فوتي اختاري ويايه

رشا: شفت قميص مقلم حلو نيلي وبي اقلام ...هذا شوفه

يزن: حبيبتي هذا بي وردي ...

رشا: يزن هذا رجالي بي قلم وردي عادي

يزن: هذا اذا اخذه لازم اشتري ويا فيونكه ورديه لشعري ههههه

رشا: مو اگلك معقد ...

يزن: حبيبه ألوان رجاليه ... اختاريلي ...

رشا: اختارينا ... وراها دخلنا لمحل راد عطور وهدايا ...

يزن: اريد اخذلهم نفس العطر الي تستخدمي

رشا: اني هوايه عندي.... اصلا ما اتذكر اليوم شمخليه

يزن: رشا الي جنتي مخليته اول يوم ....

رشا: ما اتذكره

يزن : امشي شوفيني الي عندج واني من اشتمه اعرفه

رشا: بقى يشتم العطور گلي بعد مدا اميز ... شتميت رجالي ونسائي خبطت عليه... جبتله گهوه گتله استنشق هسه ترجع تميز ... انطيته وراها ماركة بيها كم عطر استخدمه ... اخذ الورقه مني شمها شفته مركز ... رجع اشتم الگهوه

ورجع شم الورقه ... ابتسم هذا ... صدگ ضحكني ..

يزن: مبتسم شكو تضحكين ولج ...فوك ما سطرتي راسي صار ساعة اشتم

حتى فقدت حاسة الشم ...

رشا: زين راح اخذلك عطر هديه .. مني الك

يزن : لا انت گليلي وينه واني اخذه .... اعتبري الهديه وصلت

رشا : رحت بوجهي على عطر گتله هذا شمه ... شمه عجبه گلي منو يخلي منه .. روحتج عليه مال احد مجربه

گتله لا بس مره دخلنا اني وابويه وامي دناخذ عطور ... فمن ينزل عطر جديد ... ينطوك تشتمه بالورقه ... اجيت على بالي وجنت مقرره اخذه الك بس اعرف احد يروح لبغداد ادزه ويا غراض نور ...

يزن: عندج غراض لنور ... خوش حجه حتى اشوفج بيها ...

رشا: همزين ذكرتني بيها خلي امر اخذلها كم شغله مال اطفال ...من فتنا ...

شفته يقلب سألته تريد تاخذ شي

يزن: اريد تختاريلي شي لولد ..لو بنيه بس تخيلي لابنج لو بنتج

رشا: مفهمت لمنو تريده

يزن: اريد اخذه اتفائل بي ... يجي يوم نتزوج ويصير عدنا طفل ...

رشا: انت عندك سوالف اني ما افهمها ساعة عبي ساعه ملابس اطفال

يزن: ابتسمت متلبسني جني اسمه رشا مخبلني .

رشا: وصدك اختارينا سيت مال حديث الولاده ابيض وذكرته بالعبايه ...

جلب الا ناخذ تالي اخذنا وحده بيضه وبيها شغل اسود ... الصدك طمعت بيها من ديدفع الحساب سألت اكو وحده ثانيه گلولي لا بس هاي القطعه رحت عليه گتله هاي متاخذها وياك ..اريدها ...

يزن: اشبعي بيها لبس هالايام ... ورجعيها.. ما اطلع للمطار اذا موهي بجنطتي لو اعرف اجي لبيتكم اگله عمو بلا زحمه العبايه

رشا: ههههه عاد انت اسويها ... گلي راح اسويها ... بس مصدكته

مرت الايام صح سريعه بس حسيتها عمر وياه من فرحتي بي حسيت بكل لحظه تمر واحنه سويه الها طعم ثاني وذكريات طول عمري ما انساها

راح اتذكره بكل مكان التقينا سويه اكلنا ضحكنا اداهرنا ... قبل يومين من سفره

اجى ويايه للدوام من الصبح جنت بيومها معزومه العصر بعيد ميلاد صديقتي بمطعم ... وتعرف بموضوع يزن اتفقت ويا يجي حتى اشوفه ... كعد على صفحه ينتظرني ... من ديطفون الشموع التقت نظراتنا ابتسم بوجهي ...

بداخلي دعيت ياربي لتحرمني منه اكتبلي اكمل حياتي وياه ونرتبط

بعدها كعدت ويا

يزن : شنو دعيتي

رشا : شلون عرفت .......

يزن : شفتج غمضتي ... من جنت اتفرج عليكم

رشا: اي صح ... خلي نطلع نتمشى ... طلعنا لزم ايدي ... يزن راح اشتاقلك

قلبي ...

يزن: الله كريم حبيبتي ان شاء الله ما اطول عليج ..

رشا: رفعت ايده بوستها الله يحفظك الي جان احساس بداخلي وگإبه خلت ادموعي تنزل ...

يزن: مسحت ادموعها ...اتحملي هالوضع المؤقت ان شاء الله تاليها خير

ترى من اشوفج هيج يبقى بالي عليج ... صيري سباعيه اتفائلي .. الجاي

ان شاء الله احلى

رشا: تعودت عليك صار كم يوم ... والله مو هاين عليه نتفارگ مره لخ

يزن: ميخالف نصبر ... مابدينا شي ...

اليوم قبل سفره

رشا: هم اجاني للكليه بقى ويايه الى نهاية الدوام ... لان يعرف مراح اكدر اشوفه غير وقت ...جنت كلش متأزمه لان باجر طيارته الصبح ....

روحي تطلع من اتذكر ... هو هم بقى يواسيني ... وبقى قلق عليه ... گلي هسه راح اروح لان معزوم على غدا يم ابو طه ... ما اكدر بعد اتأخر لتبقين بالي ... من اخلص امر اشوفج من الشباك

رجعت للبيت انتظر منه مكالمه ... بقى مختفي ... وقت بين نهاية العصر على المغرب ... اندگت الباب ...رحت فتحتها ... نصدمت وارتبكت ... يزن وابوطه .. ابتسم لان حس بصدمتي ... امي وابويه ورايه رحبوا بيهم ... دخلوا .... اجيت سألتهم اسوي چاي لو گهوه وما اكدر ارفع عيني واشوف يزن ...

ابو طه : شلونج عمو ... جاوبته الحمد لله بخير

گلولي جاي ... اجتي امي ورايه گالت ترى ابوج عزمهم على العشى .. طلعي كبب بورك شنو تلگين بالفريز وابوج هم وصى اكل من برا ... شوفي بعد شنو اتسوين ...

گتلها روحي انت اكعدي وياهم ... اني گلي واسوي مقبلات وارتب الامور

دا احضر بالصينيه مال الجاي ... وسمعت ابو طه گله لابويه .. يزن البارحه وصل عنده شغله وراد مني اجي ويا عليك تلتقي بي ... ويحجي وياك بالموضوع وجها لوجه ...

گلت خلي اطفر اودي الچاي قبل ما يحجي يزن ... وديته ورجعت بسرعه للمطبخ وجهي تطلع منه حراره ... اريد اسمع شنو راح يحجون وشنو الرد

جان كلامه كله موزون ... حسيت ابويه كلش اتجاوب وياه (ابويه اعتذر من يوم المشايه لان راحوا وفشلوهم ... گله لا ما عليك عتب هم اخوتك .. واني مقدر ومحترم وگفتك وياهم ...مو مال تتخارب وياهم علمودنا ... بس شغلة الزواج هاي متجي الا بالتفاهم والموافقه ... اني قبل ما اتقدم طلبت من نور تسأل رشا ... اذا اتقدم توافق ... وگلتلي اي موافقه ورجعت شفتها ببيتهم واخذت المرافقه عن لسانها ... والموضوع الي صار ما خلاني اتراجع عن طلبي ... واليوم اجيت

حتى ااگد بعدني شاريها ... ودا انتظر تنحل المشكله وارجع اتقدملها ... )

بقوا ابويه يحجي ويا على المشكله وگله تخلص هالسنه گتله لاخويه وهي تختار ..اني ما اجبر بنيه على الزواج ... وانت هم اگلك نفس الحجي ...

خلي تخلص دراستها هالسنه واذا بعدها موافقه على طلبك اني منطيك كلمه

هي الك ... بس اذا رادت ابن عمها ... ذاك الوكت ... بعد قسمه ونصيب )

حسيت كلام ابويه مي بارد مزل على قلبي وقلبه لان ... هو انطلق .. وامي دخلت بالحديث كله جان ايجابي وامي ما قصرت بقت تمدح بي وشلون هناك بتكريت قام بالواجب ... ضاربه صفنه واسمع حجيهم سمعت .... وينج عمو شنو احنه غرب خالتله تعالي .... غلست

اجتي امي گلتلي روحي ... اني اكمل اكعدي ويه وتعاليلي .... من دخلت

استلمني ابو طه .... ادري عمو مستحيه مني من يزن كلنا اهل ... كعدت ...

شويه بس وجهي على ابويه ويزن هم ... دنسمع سوالف .. شويه وگمت ...

رحت لامي اساعدها ... گلتلي انتِ بعدج موافقه على يزن ...

جاوبتها اي ... بعدني ... وتأكدت هسه من اجى على ابويه ... بعده رايدني

ودينتظر ... گلتلي ان شاء الله يصير نصيب اني احبه واامن عليج يمه

طلعت اني يمهم اني من فرحتي بي سويت عشى من كل قلبي .. ورحت ارتب السفره يمهم ... هو صاير گبالي .. بس البقيه ظهرهم عليه ...

من شافهم ملتهين بالسوالف بدا يباوعلي ... بشفابفي همستله احبك

شفته ابتسم ودار وجهه عليهم ...

وراها التمينا على العشى ... ومن خلصنا كعدت وياهم ... التفت عليه يزن كدامهم گلي ... صدك نور گلتلي اكو شغله يم رشا جيبها وياك .... اني فهمت قصده على العبايه كذاب ماباله الغراض بس بعد ميتحمل يغلس ... ويروح مماخذها وياه .. جاوبته اي صح همزين اتذكرت ... رحت جبتهن ابويه كلش ارتاحله وحبه.... هو هم لوتي ... عرف شلون يفتح مواضيع يخليهم يستمعون اله ... واتشاقى وياهم... غير مزاج ابويه ...بحيث اول ما طلعوا

(گلها لامي ..ذكرني بمهيمن ... شكد ارتاح من اكعد وياه )

بقلبي گلت الحمد لله ابويه حبه ...

اول ما رجع دگ عليه

يزن: تعالي شلون گلتيلي مره بالتلفون متعرفين اتسوين اكل ...

رشا: والله ما اعرف بس شغلات بسيطه ... بس العشا لا اعرف ... بس قصدت هاي سوالف اللحم والتمن والمركات لا ما اعرف ...ثانيا انت ليش مكلت راح اجي خليتني مثل الهبله .. ومتحملت الا اخذت العبايه

يزن: ههههه شفتج گلت راح تفضحنا...دعسوقه لو گايلج جان مخليتيني اجي

والصدك مخمختها ... گلت فرصه اخاف بعد متطلعلي فيزا وين اشوفه لابوج حجيت ويا ابو طه .... الرجال ايد ني گلي اني اجي وياك .... وهم ردت اشوفج واخذ العبايه الي غلستي عليها ... لا الصدك متحملت اطلع باجر ومشايفج...

رشا: لا باجر اجي للمطار اودعك ... امر عليك بتكسي نطلع سوا وراها اروح للدوام ياه روح نام وارتاح وراك سفر

جان كلشي تمام الى ان وصلنا للمطار ... بعد متحملت ... كلامه ووداعه بقيت دموعي تنزل

يزن : يا قمر ... انتظريني لتخلفين بالوعد هالمره ...

رشا: اطمئن طول ما ابويه على راسي محد يكدر يجبرني على شي

يزن: خايف لا اوصل للعراق ويگولون صاير فيضان بدبي ... من ورا هالدموع .. كافي بداعتي .. ردتها تضحك اتذكرت سالفتها مال الجهال ...

ولج يا مره كافي مو الجهال كاموا يبجون ...

رشا: ابتسمت ... مو اني ما مقهوره عليك مقهوره راح ابتلش بيهم وحدي

وترجع تلگى شعري مكفوش مامشطه ... بوسني من راسي

يزن: ههههه ( اصعب شعور من تودع شخص وتبتسم بوجهه وانت بداخلك نار ... متطفى الابشوفته وقربه منك

#نداء_القلب

الجزء الثاني عشر

اماسي الليل

حقوق النشر محفوظه

يزن: وصلت قلبي

رشا: الحمد لله على سلامتك

يزن: من دخلت للبيت ... تلگتني امي ...جنت مشتاقلها لدرجه شوفتها هونت عليه .. فراگ رشا

الام: نورت البيت حبيبي أمك .... ها شلونها العُغيس

يزن: الحمد لله زينه تسلم عليكم

الام: غدت غيحك من لقيتى ... مبين عليك ...

يزن: ابتسمت

نور: يزن وين غراض ابني ....

يزن: فتحت الجنطه انطيتهم الغراض .... نسيت العبايه بعدها بنفس الچيس

من طلعتها نور ... شفتها انثولت ... گتلها هاي مو الج بس مستحي

نور: ابتسمت لعد المن .... عبالي رشا دازتها ....

احمد: اخذيها حبيبتي ....( شفته استحى وعيونه تضحك يدري دا اداهره)...انطيهياه مبين بيها سالفه ... صار يضرب ألوان

يزن: دجيبوها..... واضحك

الام: احمد يزي ..مديهغ... اشبيك

احمد : التفتت على نور ... شو انت لا انطيتيني عبايه لا انطيتيني ورقه

ما اتعلمتي سوالف بت اختج

يزن: يويل هاي اني اشتريتها الها ... وبقت عندي من نتزوج تلبسها

نور: دتعلم لعد انت من اخوك ...

احمد : يويل انت ما منك بس المشاكل .... صاير رومانسي ....

يزن: تعلمت من اخويه الي جان يتنگع بالمطر حتى يشوف نور من ترجع من الكليه

نور: اي ذكره هالايام ... صاير ناكر ... طلعت اني مجلبه بي

يزن: اني اصعد انام وانتِ ذكري بجليكان النفط الي يوميه تارسه

ومودي لبيتكم يتحجج بي حتى يشوفج ههههه

احمد: يويل مو صوجك صوج العلمك هالدرب ... ما وديت جليكان النفط تركض حتى تشوف البغداديه ... دتبيع ثگل براسي

خيك ذب السناره وهي جتي انت ذبولك السناره ... ركضت للامارات

نور: هاي منو الاجتي....

يزن: اني صاعد انام خلي يفيدك الثقل ... هههه.... استلمي ام محمد ( نور)

صعدت لغرفتي ... اسمعهم واضحك ...

دخلت فرشت العبايه على القريوله تمددت واحسها بعطرها ... بقت ويايه

ما فارگتها ... من التعب نمت ... فزيت على صوت التلفون الو

رشا: الو يزوني وين صرت ... من الظهر ادك... صار المغرب وانت ماكو بقى بالي

يزن: من التعب ما ادري بالدنيا ... ياقمر خلي افوت اسبح واصحصح واخابرج ...

رشا: يله لعد اروح اتصل بنور لان لگيتها داگه عليه

اتصلت بنور الو

نور: عاشت ايدج الغراض تخبل ... العبايه الي جانت ويا الغراض دازتها الي لو صدك ليزن

رشا: هههه لا لج صدك مالته ... وين شفتيها ..

نور: بالچيس ويا الغراض ... بس من شافها گلي هاي مالتي

رشا: لا صدك مالته طخ بعقله واشتراها ... ردت ابقيها ما انطيهيا ...

مقبل الا اخذها ... ليش تريدين اخذلج شي مقارب الها

نور: اذا اكو اختها اريدها ... عجبت احمد ... گلي وصي رشا ...

رشا: لا والله بس هاي اني هم ردت مثلها ملگيت ... لج عنده سوالف

خبلني حتى اوفر طفل اخذ ... مشفتي

نور: هههه لا مشفته ... طلع يزن حنين ... ولا يبين عليه ... عاطفي

رشا: لا عاطفي .... متشوفين بت اختج ...ميته عليه ... اليوم احس روحي تايهه بلياه ..

نور: هو راجع وجهه يضحك ... كلنا انتبهنا عليه مرتاح غير عن ما جان قبل ميسافر

رشا: مو ابويه انطاه كلمه من اخلص هالسنه اذا بقيت موافقه عليه ... اتم الخطوبه

نور: ان شاء الله .... احمد گلي مره لخ اذا يروح نطلع فيزا ونروح ويا

رشا: ياريت ... يله حبي راح اروح لان گلي شويه ويخابرني

ورا شويه اتصل يثاوب الو

رشا: شلون تنسى العبايه بالچيس ... وكلهم شافوها ... شكد عيب

يزن: ابتسمت ها گلتلج خالتج ... والله علگت بينها وبين احمد من وراها ...

رشا: جان انطيتها الهم ... واني ادزلك غيرها ... نور خابرتني توصيني على وحده مثلها

يزن: لا والله انطيهمياه هو اني يمج ما بقيتها ...

رشا: زين انطيها الرصاصيه

يزن: چئ... كلشي ما انطي ... هن الج اول وتالي ... من تجين يمي ...

رشا: زين شسوي بيها الله عليك اريد اعرف ...

يزن: ههههه صايره فضوليه ... دا اجمعلج نيشان

رشا: كذاب ...

يزن: دعسوقه اذا گلتي كذاب مره لخ ... ما اعبرها ...

رشا: دگلي صار عندي فضول لتخليني افكر

يزن: لتشغلين فكرج بغيري ... دعسوقتي بعدني ممستوعب صرتي بعيده

دا اتخيل شويه وراح تگليلي ... راح اشوفك بفلان مكان

رشا: لا اني مستوعبه ... اليوم حسيت بمكانك خالي من داومت تخيلتك

شويه وراح تجي الى ان خلص الدوام ... اقتنعت انت ماموجود بنفس المكان

يزن: انتوا بعطلة نص السنه مو عندج اختج بعمان ... ليش متروحولها ...

رشا: ما ادري ... خليها لوقتها يجوز اقترح على اهلي اذا مهيمن ما كدر يجي ... لان مرات خواتي يجون بالعطله يمنا علمود الجهال ماعدهم دوام

يزن: اذا تجون ... اتفق ويا احمد وياسين نطلع كلنا لعمان نبقى فتره الي انتو بيها ... حتى اكدر اشوفج ...

رشا: الله كريم ...

مرت الايام .... وبدت حالة ابويه تدهور ... وبيوم تخربط ونقلنا للمستشفى

اتصلت على فيصل ... بلغته يجي ... اجى ويا تمارا ... للمستشفى

لاول مره اشوفه قلقان على ابويه ... ومخبوص يروح ويجي ...

بين المختبر والدكتور .... حسيت بقلق من شفت وضع امي ووضع فيصل

سألتهم اكثر من مره گلولي ... ماكو شي بس السكر مدينزل ... وعلى هالشي قلقانين ... جنت متوقعه الحاله مثل كل مره ... والي خلاني احس بهالشي ... من ادخل على ابويه احسه بعده قوي ... ويحاول كدامي يكون طبيعي ... ويضحك ويايه ...

لكن من وصل مهيمن .... لدبي بصوره مفاجئه ... قلبي علمني اكو شي وميريدوني اعرف ... على كد ما فرحت بجيته على كد ما وضعه وحالته خلتني قلقه واحاول ... من اشوفهم واگفين يحجون اروح يمهم استرق السمع ... من يشوفوني يبدلون الموضوع ... جنت اتصل على يزن ...

من يصير عندي مجال اطمنه عن ابويه لان دائما ويايه ويسألني عنه ... الى ان وصلت مرحله تعبت من القلق والتفكير ... الو

يزن: ها حبيبتي شنو الاخبار

رشا: بقيت ابچي ما ادري ... مدا اعرف احس ضامين عليه شي وابويه مو بخير

يزن: بعيد الشر ليش هالتشائم .... حبيبتي اهل السكر تصير عدهم هالحاله

يمكم اكو مستشفيات واطباء زينين ان شاء الله يكدرون يسيطرون على الحاله

لتفكرين اذكري الله وادعيله بدل هالدموع ... ثانيا ابوج من يشوفج بهالوضعيه يتعب بالزايد ...

رشا: يزن حتى مهيمن اجى بدون مرته وبدون مينطينا خبر ... ووضعه

قلقني ... مهموم ....

يزن: رشا غير ابو تعبان وبالمستشفى قابل تريدي يضحك ويشاقى ...

ان شاء الله يطلع عمو من هالازمه ساعتها يرجع مهيمن لوضعه الي متعلمه عليه

رشا: ان شاء الله ...

ورا يومين ... دخلت يم ابويه للغرفه ... گلي تعالي بابا اريد احجي وياج جان مهيمن وامي موجودين ...

ما اعرف شنو الي صار بيه من سمعته هيج گلي نزلت دموعي قبل ما افتهم شكو قلبي علمني اكو شي جسمي كله رچف ...

مهيمن : رشا ماكو شي لتخافين ... شغله سهله ...

الاب: بابا اني عندي عمليه هاليومين ... وهاي دنيا ...اذا الله ما كتبلي عمر ... تاخذين امج وتطلعون يم مهيمن ... شوكت ما يطلع لم الشمل

مهيمن: الشغله ماشيه والمحامي گلي بأقرب وقت تطلع ... ليضل بالك

الاب: لابابا اني مرتاح منك بس اختك وامك يبقون يم فيصل ما اطمئن

اوعدني ... تشيلهم بعينك ورايه

رشا: اسمعهم ( وروحي مفرفحه من البچي ) بالاخص من شفت امي گامت تبچي حسيت الدنيا انتهت .... عفيه بابا لتحجي هيج الله يحفظك الي ما اروح لاي مكان اريد ابقى وياك لتخوفني بهالحجي ...

ان شاء الله تگوم بالسلامه وابوس بأيده ....

الاب: ان شاء الله حبيبتي ... لازم اوصي اخوج ... الدكتور گلي شغله سهله بس اني هيج ارتاح من احجي وياكم ... وافهمكم حتى ادخل للعمليه مطمئن

مهيمن: بابا اطمئن وارتاح محد يكدر يأذي امي لو وحده من خواتي ... واني موجود ... ورشا ميحتاج توصيني عليها تدري اني شكد متعلق بيها واحبها

لتخلي بالك ان شاء الله تبقى انت على راسنا ... ولا يحتاجون لاحد ...

رشا: عرفت ابويه راح يبترون قدم رجله بيومها بچيت بچي لحد مرجعت ويا مهيمن للبيت اجيب لامي غراض تحتاجها ...من نزلت من السياره وگفت الدنيا ظلمه ما حسيت بشي الا كعدت لگيت نفسي بالمستشفى ومعلگيلي المغذي لان ٣ ايام اني ما منتبهه لاكلي ...وبس بچي وسهر وقلق

من دخل الدكتور ... گلهم ان شاء الله ماكو شي ارهاق وتعب ... بس تسترد صحتها اريد تسويلي تحاليل دم اخاف عدها فقر دم ...

الصدك مهتميت لصحتي جان بالي يم ابويه امي والولد هم بالهم يمه .... ثاني يوم عمليته ...بقيت طول اليوم ادعي ... الله يحفظه حتى نسيت يزن ...

لليل گمت طلعت تلفوني من الجنطه

يزن: جنت مريض وبقى بالي ... رشا مختفيه وما اكدر ادك عليها لان ادري يم اهلها اخاف احد يشوف المسج لو الاتصال بقيت انتظر تتصل ... للمغرب طلعت لبيت احمد حتى اخلي نور تتصل وطمني ... بنص الطريق دگ تلفوني رقم اماراتي ... اتوقعت رشا ... الو ... اجني صوت رجولي

ابو رشا: مساء الاخير ابني ... اني ابو فيصل

يزن: اهلا عمي ... شلونك شلون صرت ان شاء الله بخير ( هنا حسيت نفسي غلطت تلافيت الغلط ... گتله نور گالت بعافيه

ابو رشا: الحمد لله على كل حال اني اتصلت عليك لان باجر عندي عمليه ..

وانت تعرف الدنيا حياة وموت ... انت اجيتني وطلبت مني رشا ... واني انطيتك كلمه اذا البنيه موافقه ... هي الك... بس هسه الوضع تغير اني اذا

لا سمح الله ما الي عمر ... فهي تسافر يم اخوها مهيمن ساعتها كلمتي تاخذها من ابني ... وترتب وضعك شلون توصلها وتخطبها ...

يزن: عمو ان شاء الله تگوم بالسلامه ويطول بعمرك واجي اطلبها منك ...

ابو رشا: عمو اني اتصلت عليك حتى ابري ذمتي ... وبنفس الوقت اذا

تصير القسمه اطمئن عليها ويا رجال مثلك ...

يزن: ان شاء الله اذا صارت القسمه اخليها بعيني ... وانت موجود بيناتنا

اذا اريد اطمئن عليك باجر على هذا الرقم

ابو رشا: اي هذا رقم ام فيصل ...

يزن: ان شاء الله تكوم بالسلامه اخذ راحتك عمو ..

بقى بالي ... لان سمعت اصوات يم ابوها بس صوتها ماكو وصلت لبيت احمد طلبت من نور تتصل عليها

ما حصلتها گتلها اطلبي رقم خوله واسأليها بين الحجي ....

نور: رشا اليوم متخربطه وهم بالمستشفى .. هسه احسن على المغذي ...

وعبالي يودولها التلفون بس خوله يم ابو فيصل ... گلتلي من تروح يم رشا

تخليني احجي وياها ..يمكن هسه نايمه

يزن: بقى بالي اكثر ... بقيت انتظر يم بيت احمد لليل ماكو خبر منها ...

رجعت للبيت ... صعدت انام مكدرت بقيت سهران ورا الوحده وصلني مسج

يزن اليوم التهيت ويا ابويه باجر عمليته ... مكدرت اتواصل وياك

دزيتلها : عندي علم انت مريضه ... شلون صرتي طمنيني

رشا: والله تعبانه من التفكير يزن ادعي لابويه يگوم بالسلامه

يزن: ان شاء الله ..رشاوي انتبهي على نفسج ... وصيري قويه ..لتخلين بالي

رشا: ان شاء الله... يزوني راح اروح اصلي ..وادعي لابويه

يزن: روحي حبيبتي ...

رشا: ثاني يوم العمليه جان اصعب يوم بحياتي ... ولا احد من الموجودين بعيني .. بس ابويه كدام عيني وشاغل كل تفكيري ... ولساني ما بطل دعاء وعيوني ما بطلت دموع ... الكل منهارين حتى فيصل ... اتمنيت ابويه يشوفه شلون متأذي عليه ... وبقلبي اعاتبه اگله ليش لعد من هو بخير توگف بوجهه وتغثه ... هسه يله حسيت بقيمته ... جنت اتمنى اكدر احجي هالحجي وياه واعاتبه بس ما اكدر بقيت كاتمه بقلبي ....

اباوع على مهيمن ... يواسي امي ... وحاله مثلنا ..

وراه فتره من الوقت ... طلعوا طمنونه ... وضعه زين ... الحمد لله

ردت بيه الروح ... الحمد لله يا ربي ... من طلعوا للغرفه وفكه البنج ...

دخلت شفته ... اوف ابويه سندي بهالدنيا اضيع بلياه... بوسته وملهوفه عليه

عبالك صار عمر مشايفته .... الحمد لله على سلامتك

دخل فيصل ومهيمن ...واني طلعت اتصل اطمن خواتي كلهن قلقات عليه ....

من خلصت وياهن كلهن اتذكرت يزن وصاني اطمنه دزيتله مسج

يزون بابا الحمد لله طلع من العمليه وصحته بخير بثانيه ردلي المسج

الحمد لله على سلامته ...بالي يمج من الصبح انتظر اطمنيني شلون صرتي حياتي

رشا: الحمد لله هسه ورا ما طلع ردت روحي ... وصرت زينه

يزن: الحمد لله ياقمر اشتاقيت اسمع صوتك ... ترى اني هم راح اتمرض

رشا: اسم الله ... بس يصير عندي مجال اتصل الظهر ارجع للبيت ... اكمل كم شغله وارجع للمستشفى احتمال اخابرك من اروح

يزن: يا روح يزن انتظرج

رشا: ما احس الا ايد على چتفي ... فزيت ... مهيمن

مهيمن: ها بشه تجين ويايه ننزل نتريك

رشا: اي والله اني هم راسي مصدع ما شاربه چاي ...

نزلت ويا مهيمن ... ورا نص ساعه دك تلفون .... جاوب الو ... شفته ركز وعكد حاجبه وعليكم السلام منو

شفته ابتسم ... اي رقم ام فيصل ...وياك مهيمن والحجي بخير الحمد لله ... رحم الله والديك على السؤال ... ان شاء الله بس اشوفه يكدر يحجي ... ادك عليك ... تتحمدله بالسلامه

مع السلامه

گلي العريس ... متت من الخجل .. كل حالي تخربط ... اريد اتصرف طبيعي معرفت ... ردت الغمطها ... گتله مهيمن اريد چاي ثاني

ابتسم

مهيمن: ليش وافقتي عليه ... ومقبلتي بمثنى ... اريد اعرف الي شفتي بيزن وماشفتي بمثنى

رشا: بقلبي شگله اختك تموت وتحتي بكلمه من يزن ... وتموت من مثنى على العذاب الي معيشنا بي اني ويزن

جاوبته ما ادري بس من رحنا لتكريت ... تصرفاته واخلاقه .. خلتني اوافق

ونور حمدت بي وشفت امي هم تحبه وهو هم صاحب واجب ...

مثنى .. ما ارتاحيتله ... احسبه مثل اخويه ...ما اتراهم وياه ويا بيت عمي

وانت ادرى بتمارا ...ميحتاج احجي

مهيمن : ابويه هم گال خوش ولد ... البارحه بليل سولفلي عليه .. من جاي للبيت ويا عمو ابو طه ... خلصي هالسنه ... الدراسه بيها مستقبل للبنيه

وراها تفكرين بالزواج

رشا: ان شاء الله .... شفته ابتسم

مهيمن:ولو امرج مو بدينا بيد مثنى بعد نهى عليج .... ( من شافني فزيت. ضحك) هههه والله يا الله

العالم وين وصلت واحنه بعدهم ابن العم ينهي على بت عمه وياخذها غصب

يعني ما ادري شلون رجال يقبلها على نفسه ياخذ وحده متريده

رشا: هالعرف ظلم للبنيه ... مجنت اعرفه الا من صارت سالفة مثنى

مهيمن: كومه اكو اعراف بيها ظلم والفصليه هاي حاله بعد اتعس من النهي

ورا ما الحمد لله ابويه گام يحجي ووضعه زين ....

رجعنا اني وامي للبيت ... حتى تنام وترتاح ونرجع لابويه العصر بقوا يمه الولد

دكيت على يزن ... جنت مشتاقه اسمع صوته بقى ويايه مساندني ...

شوكت ما ادزله مسج يجاوبني باللحظه ... مترقب شيصير ويايه...

شلونك قلبي

يزن: مو مليح ... صار يومين فلاونزا ...والبارحه لان طلعت المغرب لبيت احمد علمودج ... اتمرضت اكثر

رشا: ليش طلعت من انت مريض جان اتصلت بنور ...

يزن: گلت حتى من اتجاوبيها اخذ التلفون اسمع صوتج اخاف احد يمج ومتكدرين تحجين ويايه تالي شتلتيني لليل رجعت مسطور من الحراره

رشا: ياربي شنو هالاسبوع كله امراض والله قلبي ميتحمل بعد

يزن: ابتسمت ... ابقى احجي ويايه حتى اصير زين ... قلبي من يشتعل

تزيد الحراره

رشا: اذا دتدلل والله مابيه حيل ...گول مابيه شي وادلل

يزن: لج والله مريض ... شنو من دون العالم ما اتمرض ... شوكت تصيرين

مرتي ...ومن اتمرض الگاج يمي .. خايفه عليه

كبرت على سوالف الدلال براس امي ... اريد ادلل عليج

رشا: يزوني اسويلك شوربه ... اطلعوا ولكم ابوكم مريض

يزن: اي والله مشتاق للخبالات.... سويلي حبيبتي بلا غشته ( شعريه)

رشا: شنو مفهمت ...

يزن : بدون شعريه ... خليها وتعالي فركي راسي مصدع

رشا: شنو متزوجه خرده ...

يزن: ههههه يولي تعاجزتي على البعد ... لعد لو صدك شلون

رشا: هههه يزن والله تعبانه مابيه حيل حتى بالخيال احرك ايدي ...

صار كم يوم ... نوم منايمه مثل الاوادم ... اني هم مريضه المفروض اني ادلل ... والله دا احجي وياك ودا اغفي

يزن: ابقي ويايه منى لحد متنامين واسد الخط .... من حجيت وياها وما أجاني الرد عرفتها نامت ...

اوف ربي شوكت تصير مرتي وانيمها بحضني ...

رشا: جاوبته شبه نايمه ... بالگوه احجي ....سمعتك

الجزء الثالث عشر

اماسي الليل

حقوق النسر محفوظه

رشا: شو بعده صدرك متنك ... مو گلت دا اخذ ابر

يزن: صاير عندي التهاب قصبات حاد ...

رشا: دروح ارتاح مابيك حيل حتى تحجي ... دزلي مسجات طمني ترى والله ... ملتهيه ... ويا ابويه .. وبالي يمك ... مناسيتك قلبي

يزن: ماشي ....

رشا: دكيت على نور ... الو هلو اگلج احجي الصدك يزن شبي .. شو وضعه كلش متأزم

نور: والله البارحه .. اخذه احمد ويا للمستشفى سواله تحاليل لان حرارته عاليه وخالتي بقى بالها .... وتخاف عليه .. طول الليل يمه ..جبرته يروح

رشا: اتصلت حتى اطمنيني ... خليتني اقلق اكثر ...

نور: لتخافين التحاليل مابيها شي مجرد التهاب حاد عنده ...بالابر يصير زين ... لو اكو شي اسم الله ..جان احمد .. عرف

رشا: ان شاء الله ... انت هم طمنيني لان هو مابي حيل حتى يحجي ..

نور: من اروحلهم العصر اطمنج والله

يزن : دخلت امي تريدني اكل من ما قبلت ... بزعت مني فقدت ... رزلتني

شوكت عاد تزوج واخلص منك ... من طلعت دزيت مسج لرشا

ترى اذا متجين ... اداريني امي تزوجني تريد تخلص مني

رشا: قريت المسج عرفت يريد يداهرني ... جاوبته طبعا اذا انت كاعد تدلل

براسها بزعتها ... تريد تتبرع بيك

يزن: دگي ما بيه حيل اكتب ...

رشا: الو ... بلا دلال ... كلشي مابيك

يزن: هههه شو اليوم انت وامي گالبين عليه ...

رشا: العالم تتمرض يوم يومين مو ٨ ايام ... ثگلت

يزن: ولج بلا مداهر ... صيري حنينه ...

رشا: نعمت صوتي يزوني ... شوكت تصير زين مو طلعت روحي واخاف على الصغار يتمرضون

يزن: يزي عاد ... مو هيج ..

رشا: لا صدك اشتاقيتلك وبالي يمك شلون صرت ...

يزن: صارلج شكد ملتهيه عني ...

رشا: مو تدري بالوضع ... والخطار والله مدا اللحگ...وابويه محتاج رعايه هالفتره

يزن: معذوره ... حبيبتي ... لعد انطي خبر لامي تشوفلي مره .

رشا: ليش اتعبها ... اني اشوفلك بت حلال تكسر عظامك... فوگ مرضك

يزن: هههه مو دا انقهر على امي ... والبارحه رحت يم احمد بالمستشفى

والبنيه السحبتلي الدم ..هم قمر

رشا: صدك دتحجي لو دتشاقى .... لو حرارتك عاليه

يزن: يولي انت تقبليها ابقى متبهذل ... عاد يزوجوني ... اخلص من ملجتهم بين ما تتخرجين

ونتزوج .. صار كم يوم يقنعوني ... وهسه اقتنعت

رشا: لعد بالخير عليك ... بس قبل ما اروح امسح رقمي ...

يزن: مشتاق اداهرها )...لا ما امسح الرقم تبقين انت الاصل ...

رشا: راح اتسد الخط لو اسده

يزن: سدي بوجهي وشوفي شيصير

رشا: يزن شبيك شو متغير ويايه... صاير شي

يزن: ابتسمت ..مشتاقلج دعسوقه ... وانت هاملتني ...

رشا: روح والله وكعت قلبي ...عبالي صدك ...

يزن: صدك هاملتني ... بالاول كلت عمو مريض وهاي صارله اسبوع من طلع وصحته زينه وانتِ على كد شلون صرت وتروحين .. ومرات ادزيها بمسج ...

رشا: ترى انت هواي تدلل ... ان شاء الله اتغار من ابويه

يزن: هههههه لعد اعدلي ... مو مكضيتها ادللي واني عايفتني

رشا: هههه والله دا احسك طفل وتعاتب ... من هاي خاله طگت مرارتها منك

يزن:خالتج عدها الي يتمرض لازم اتعبي بطنه ... خبلتني من كعدت... لسى ... بطني راح تنفجر ... وتصيح شلعت كلبي كلشي متاكل

رشا: ههههه ان شاء الله ... ابويه من يتحسن ... واخلص امتحانات على الاكثر ... نروح لعمان ..يم ريام .. وروان هم تجي اتفاق مبدأي ...هم نغير جو وهم البنات يشوفون ابويه ...

يزن: ما اتحمل بعد ٣ اشهر هم انتظر هالفتره اروح لعمان واطلع فيزا..لو ٤ ايام اشوفج وارجع ....

رشا: ان شاء الله اني هم مشتاقه اشوفك ...

مرت الايام ... ويزن ما طلعتله الفيزا ... ورجعت كويلاته ... واعصابه ...

حتى ويايه گام يتحجج ويطلع.... ضوجته ...

يزن: انت شلون دازه لنور صورتج ليش اني شمنبه عليج

رشا: يزن الصوره قديمه رادتها ... مني من دنسولف على المكان الي اني ماخذتها بي حلفتني ووصيتها تمسحها ... ( گام يعيط )

يزن: جاوبيني شنو منبه عليج

رشا: ما ادز صوره ولا اخذ صوره بتلفون

يزن : ليش لعد دزيتي ...عبالج مراح اعرف ... بس الله راد يوكعج

واني يمهم من وصلت دگت عليج ... وفهمت دازتلها صورتج ...

يعني كاعده تضحكين عليه وتسوين الي براسج ...من ورايه ... يصير خير

رشا: سد الخط بوجهي ... فزيت من عصبيته ... اوف كله من ورا نور ورطتني ... كلت خلي اعوفه شويه يبرد ... يله ادزله مسج لو ادك عليه

متحملت ورا عشر دقايق دزيتله ... اول مره واخر مره ... اسوي شي من وراك متقبل بي

جاوبني .. سوي الي يعجبك ما الي علاقه ولا تخصيني بعد

رشا: من قريت المسج .. تأذيت منه ... وخفت اعرفه من يقفل ...لمت نفسي لو مدازتله المسج ... ومخليته شويه ...تخف عصبيته ...

اتصلت على نور ... سولفتلها ... گتلها كله من وراج ... حلفتيني بأبويه جان ولا ادزها ادري بي يتخبل ... ومحذرني كومه من هالموضوع ... وكومه حاجي ويايه بمصايب الصور همزين ما شافها بدون حجاب وواگفه وحدي

نور: رشا شافها

رشا: عزه شلون شافها

نور: من سديت الخط وياج سالني ... رشا دازتلج صوره گتله اي ... گلي امسحيها نور لتبقيها بالتلفون .. ورا ها بشويه سألني مسحتيها گتله هسه امسحها طلب مني اطلعله الصوره هو يمسحها خاف تبقى بالرسائل المحذوفه ...مسحها ورجعلي التلفون ... ولا بين بي شي لو تعصب ...

جان طبيعي

رشا: اي قابل يطلع عصبيته بيج ... ..

بقيت يومين ... عايفته بس ادري بروحي غلطانه گلت اتحمل وارجع احجي ويا ... دگيت مجاوب ... دزيتله مسج ... يزن ترى والله حلفتني بأبويه

دزيتها لان مأمنه بيها لو غير احد ما ادزها ... مجاوبني بقى قافل عليه

مر الاسبوع والثاني ... والثالث حتى نور طلعت گايلته ترى اني محلفتها هي ما الها علاقه ... الصوج مني مو منها .... مجاوبها ... بهدوء براحتها ..

هي ادرى بمصلحتها اني ما الي علاقه .

من گلتلي نور هالكلام ... عرفته ما منه رجعه قفل ... بقيت كم يوم احس راسي راح ينفجر ... من البچي كل ما يجي بالي الي بيناتنا انتهى ...

اموت... الف موته ... لا ليلي ليل ولانهاري نهار ... اداوم بدون عقل ..

وشكد احاول اگول خلص لازم انسى يوم على يوم اصير اتعس واتعلق بي

وبذكرياته ابقى بس اتصفن ودموعي تنزل ... بدت الامتحانات ...حتى كمت ما اسأل نور عنه .. كلت ماكو داعي اعذب نفسي اكثر ... خلصت الامتحانات ...وراها بيومين سافرنا لعمان ...جان عندي

علم نور واحمد ... راح يجون بس هو مو وياهم ... نلتقي كلنا بعمان ....

وصلنا لبيت ريام ... وراها بيومين اجرنا شقه شهر لان روان راح تجي وعدها ٤ جهال مو مال نلتم كلنا بيت ريام هي هم عدها ٣ معناها ابويه ميرتاح ... هالايام حاولت التهي عن التفكير بي ويا اهلي ... نطلع من الصبح نفتر بالمولات والمطاعم تالي الليل ... نبقى نسولف .. ونتصل برغد نفتح كاميرا ... لتالي الليل نرجع لشقتنا ... ابويه تغيرت نفسيته وتأقلم ويا العكازات والكرسي .... شوفت احفاده نسته المرض ورجله ...

ورا اسبوع وصلوا نور واحمد ... امي عزمتهم يمنا ... بالبيت

اجوي اتغدوا ... بقوا يمنا لليل ...اتفقنا ثاني يوم نطلع كلنا سويه ...

مرت ٣ ايام منفترق بس وقت الليل ... لا نور فتحت ويايه موضوع يزن

ولا اني سالتها ... بس ريام انتبهت على احمد دائما يكتب مسجات ... ويبتسم

گلتلها لنور ولج هذا رجلج عنده شي شو مكابل التلفون ويكتب ويبتسم

نور ... گالت لا ويا اهله ...

رياجيل خواتي اقترحوا نروح للبحر الميت ... نور واحمد گالوا غير مره احنه باقين ... الاتفاق صار بس احنه نروح.... وبعدين نروح مره لخ وياهم

لليل من رجعنا ابويه گال انتو روحوا ... اني وامكم نبقى ... گتله لعد ما اروح ابقى وياكم مره لخ اروح .... ثاني يوم طلعوا خواتي وجهالهم ...

للبحر الميت ... بقيت اني وابويه وامي ... تريكنا بقيت اتصفن ... وراها اتصلت على نور ... ردت نطلع گلتلي احمد طالع ...ديسوكلنا مكدرت اروح ويا من ورا حمودي ( ابنها عمره اشهر ) مريض اليوم تغير عليه الجو ... بقينا نسولف وراها سديت الخط ... سولفت لامي متكدر تطلع ابنها مريض ...گلتلي روحي يمها هي وحدها وانت هم وحدج عاد تتونسون سويه ... صدك بدلت اتصلت على تكسي ( اندل شقتهم اكثر من مره رجل ريام يوصلهم بليل ) دكيت الباب ... فتحتلي نور .. متفاجئه .. دخلنا للمطبخ

جانت دسوي غدا سألتها شلون صار حمودي ... گلتلي خبلني البارحه الليل كله منام ... گلتلي بس اشوفه واجيج ... من راحت لان ادري بأحمد ماكو ..

نزعت الحجاب والستره الجينز الي لابستها فوگ نفنوف نص ردن لونه ابيض ...

سمعت ابن نور يبچي ... ويا طلعتي من المطبخ يصير ممر طويل بي الهول والغرف .. رحت على غرفة نور الي جاي منها الصوت ... بنص الممر انفتحت باب على صوت ... نور اذا بعده مله خلق ... نودي دكتور طلع يزن صار بوجهي ... كلشي صار سريع فتحت الباب على صوته على شفته گبالي على نور جاوبته گلتله خلي اشوف للعصر

من الصدمه ما اعرف شنو صار بيه ا تبسمرت بمكاني ... هو هم ارتبك ...

من شافني ...فتح باب كدام باب غرفته ودخل مبين وجهه جان هسه كاعد من النوم ... انثولت دا احس نفسي دا احلم قلبي يأذيني ... يعني هو موجود وياهم...دا ارجع للمطبخ صحت نور اني رايحه ... بقت تصيحني اجي يمها دتبدل لابنها ... ولا كأنه اسمعها ... لفيت حجابي ولبست سترتي .. احس روحي راح تطلع ... والدمعه بعيني بس اريد انزل حتى اطلع الي بداخلي ...

اجتي نور ... دخلت وسدت بابا المطبخ

لج ابقي رشا شبيج هسه يطلع ... ترى والله حلفني بأبني ما انطيج خبر هو ويانا ....

رشا: ما ردت احسس احد اهتميت لو تأثرت بشوفته ... جاوبتها لا اروح اجيت لان گلتي حمودي مريض ... لو ادري بي وياكم ما اجي ..

نور: الله عليج انتظري هسه احمد على جيه نتغدا سوى

رشا: بداخلي مقهوره من نور ... بس مكدرت اعاتبها ... لان گلتلي محلفها بأبنها .. سلميلي على احمد نتشاوف ان شاء الله

فتحت باب المطبخ وطلعت نور ورايه .. سمعت صوته انتظري ... انزل اوصلج

عفته ونزلت .. اخذ تكسي ... واگفه على الرصيف سمعت صوته ورايه ...

تلقنتي درس لو بعدج كويه راس

الجزء الرابع. عشر

اماسي الليل

حقوق النشر محفوظه

يزن: من ورا سالفة الصوره طخت براسي ... قفلت عليها..بس ورا كم يوم من نور گلتلي هي محلفتها گلت خليني ابقى على موقفي القنها درس

وبقيت اضغط على نفسي ... شكد اشتاقلها بس قسيت قلبي گلت اتحمل ... خليها تبطل عناد وتتعلم من انصحها تاخذ النصيحه بقيت اعرف اخبارها من نور ...جنت انتظر اشوفها بعمان ونتصالح ... حلفت نور واحمد ...

مينطوها خبر اريد تصير فرصه اشوفها وحدها وافاجئها... كضوها اول ٣ ايام يطلعون احمد ونور وياهم واني اطلع وحدي ... وگتلهم من يريدون يجون يمكم للشقه انطوني خبر اطلع لو اذا طالع اتأخر الى ان يروحون ... من اطلع اتراسل ويا احمد ...اشوفهم وين موجودين ...يگضيها ينصب عليه ومره گلي هم بالمول .... مريت شفتها وياهم من بعيد ورجعت

لحد ما انقلب السحر على الساحر ... جنت نايم للوحده الظهر كعدت على صوت ابن احمد الليل كله مخلاني انام مريض ... ويبجي .. صحت على امه نودي دكتور ... شفت القمر گبالي ...شعرها طولان ... ولابسه ربع ردن من الصدمه نسيت هي محجبه طخت عندي ارتبكت اريد ارجع للغرفه دخلت للحمام ... غسلت وقلبي يريد يطلع من مكانه هلكد ما مشتاقلها ...بشوفتها ترد روحي ...بسرعه فتت للغرفه مشطت وخليت عطر ... سمعتها راح تطلع صحت انتظري اوصلج .. بين ما طلعت ملابس نور گلتلي نزلت

نزلت وراها بملابس البيت ... حجيت وياها مجاوبت ... لزمت عكسها

تعالي اصعدي تغدي ويانا بعدين احمد يوصلج

رشا: من لزمني انفجرت بي .. عوفني ما الك علاقه بيه ... شفته

ابتسم ( بداخلي يا الله شكد قلبي فطير بس ابتسم حنيت) ...

يزن: رجعيلي قلبي وما الي علاقه بيج

رشا: رجعلك صارله اكثر من شهر ونص ..( تحول الاحساس من ضعف الى قوه )

يزن: شلون اتعامل ويا راسج الگوي ..امشي اصعدي ابقي يم نور بين ما ابدل ..وننزل نتمشى ونحجي ...

رشا: مابقى بيناتنا حجي ... اذا نسيت ما تخصيني بعد.... اني ما انسى الي سويته بيه بهالشهر ونص ...

دگ تلفونه ...

يزن: ها احمد ...اني جوه راح انتظرك ....( سد الخط ) بعصبيه ...شوفي اني منبهج ما احب المره الگويه ...لتفقديني اعصابي ...اصعدي بسرعه يم خالتج ...

رشا: صعدت يم نور ... كعدت بالمطبخ .. سدينا الباب حجيتلها الي صار جوه ... واتذكرت الي مريت بي گمت ابجي گتلها طيح حظ حظي ويريد شوكت ميعحبه يرضى تعالي رشا تصالحي وياه خلص بعد ما اريده

نور: لتضوجين ...هسه اني اخلي احمد يوصلج ... دقيقه خلي افتح الباب

رشا: رجعت نور ودخل يزن وياها للمطبخ بيده مسواگ شافني جنت دا ابچي ...

يزن : گومي غسلي راح يجي احمد ... طلعت رحت لغرفتي

رشا: گمت غسلت ...نور گلتلي ابقي نتغدا ... واحمد يوصلج وراها ...

گتلها لا هسه راح اخابر التكسي الي جابني ... اتصلت على التكسي .....

دخل احمد مبتسم سلم عليه وسألني الجماعه راحوا للبحر الميت گتله اي .... وسأل نور على حمودي

گلتله هسه رجع نام ... شويه احسن ...

شويه ودك عليه التكسي ينتظرني جوه ... سلمت على نور نزلني احمد راد يروح ويايه يوصلني مخليته گتله ابو التكسي جيران بيت ريام الولديشتغل على الطلب ... رجعت للبيت ...

يزن: على كد ما اتوضيت ودخلت للغرفه اصلي طلعت بالي يمها انقهرت لان شفت دموعها ... دا ارتب شلون اصالحها ماطول راح تبقى على الغدا .. طلعت لگيتها رايحه ...

بذيج اللحظه لو ينطوني رشا ...احرگها ....

احمد: ها خربت المفاجئه ... شكلها صايره خراب

نور: كله من وراكم ... هسه زعلت مني ... لان مگتلها يزن هنا

يزن: اگلج نور هي شوكت تستلم النتائج ...

نور: ما ادري ... والله تريد اسألك

يزن: اي اسأليها ماعندي رقمها الاردني ... دا اشوف الحك طالعه النتائج وهمه هنا لان ابوها گلي ورا ما تخلص رابع وتستلم النتيجه ...اذا البنيه موافقه نتمم الخطبه

نور: ومنو يگول راح توافق ... والله الي سمعته منها هسه ما اتصور توافق

احمد: اشتغلت دروب الخالات طبگتي ويا بت اختج علينا شگلتلج

نور: حجيتلهم الي گالته رشا...

يزن : ابتسمت ...هاي هينه

احمد: يويل ولا تكعد راحه ... بس لا خربتها على روحك ...

رشا: على كد ما مقهوره منه موجود وموصي نور متحجي ..(فهمت ميريد يشوفني) ... بس على شوفته قلبي ارتاح وحن لان ادري بي ويايه بنفس المكان

للمغرب خابرتني نور ...

نور: اگلج شوكت تستلمين النتيجه ...

رشا: بعد مو هسه من نرجع يمكن وراها بكم يوم ... ليش

نور: لا هيج هسه اتذكرت وگلت اسألج .... اگلج يزن يريد الرقم انطيهياه

رشا: لا هذا الرقم الكل يستخدموا متشوفين مخليته بجهاز امي ...

نور: مو يريد يحجي وياج على شغله ... خطيه راح يتخبل

رشا: لا ميتخبل جان تخبل صارله شهر ونص ...

نور: اكلج احمد يگول عازمكم عكب باجر ... نتعشى بمطعم

رشا: الله كريم باجر يوصلون الصبح وعود اتفقوا وياهم ماعندي شي ...

يزن: من هي بعيده اكدر اضبط مشاعري وياها بس ... من اشوفها ما اتحمل تبقى بعيده عني وما اسمع صوتها ولا احجي وياها

اتفقت ويا احمد حتى اشوفها يعزمهم على العشا بمطعم ... ويگولون كدام اهلها البارحه وصلت ... من عرفت من نور ماعدها خط ... طلعت اخذتلها خط ...

رشا: الاتفاق صار نطلع للمول ... وبعدها نطلع نتعشى بمكان مختاره احمد

من التقينا بالمول ... احمد گال كدام اهلي يزن البارحه وصل يجي ورانا للمطعم ....

بداخلي ما اريد احجي وياه بس مشتاقه اشوفه ... فرحت من عرفت راح يجي .... خواتي راحوا يودون الجهال للالعاب وابويه وامي واحمد ورياجيل خواتي يروحون يكعدون بكافيه بالمول ... يأرگلون نور متكدر تبقى علمود ابنها ...فبقينا نفتر بالمول بالمحلات ...دخلنا بمحل اطفال ..نور دتفتر واني كاعده اتفرج على ملابس الجهال ( دعسوقتي هاج هذا التلفون خلي بچنطتج ) فزيت التفتت عليه شفته بيده تلفون ماد ايده حتى اخذه ... (عرفت نور مدليته بالمكان )... جاوبته خلي بجنطه نور

يزن: بي رقم اردني مفعل ... حتى اكدر اتصل عليج

رشا: صارلك شهر ونص ميعجبك تتواصل هسه طخ بعقلك ... وتريد رشا

ترجع تتواصل وياك ولا كأنه شي صاير

يزن: وانت ليش ما اتصلتي لو سألتي ..

رشا: ليش مو دزيتلك مسج وجاوبتني بعد متخصيني ورجعت دكيت عليك وهم ما جاوبت

يزن: من دزيت المسج جنت بحالة عصبيه وبقيت لثاني يوم لان ما اريد احجي شي واتندم عليه مجاوبت المسج الثاني ... وراها كل هالايام معرفتي .. تتنازلين ادزين مسج بالغلط

رشا: وانت ليش مدزيت ولا تواصلت ...

يزن: بله اريد اسألج ... لو تگليلي يزن لتحجي ويا بنيه بالتلفون واروح من وراج احجي ويا بنيه ... وتعرفين شنو تصرفين

رشا: الموضوع يختلف ... هاي صوره مو بنيه

يزن: الموضوع مو صوره وبنيه شغلة ثقه واحترام كم شهر مر عليه ما اشوفج اكو يوم گتلج دزيلي صوره ...متسألين نفسج ليش ...

انت مشكلتج متغلطين روحج ... وعندج عناد حتى بالامور الي بيها مصلحتج ومتقدرين غيرتي وحرصي عليج حتى من نفسي

رشا: ماكو داعي نتعاتب ... لان كل واحد شايف نفسه صح

يزن: دخذي التلفون

رشا: باوعتله مستغربه ولا يبطل ... جيبه ... وبقلبي دصبر

يزن: لزمت چف ايدها ( يا الله شكد مشتاقلها) لو متخصيني ما اجي وابقى متحمل كم يوم حتى افاجئج وانت وحدج .. واجيت للمول وشفتج ذاك اليوم

جنتي لابسه قميص وردي

رشا: شنو الفايده ... الفعل غير عن الكلام ... انت تدري اني شلون مرت عليه أيام تدري كل يوم يمر ... وانت ماكو يأكدلي اني ما اخصك ..

نور: ها خلصتوا معاتب ... لان دگوا علينا رح نطلع للمطعم

رشا: راح انتظرج برا ...طلعت شويه واجتني نور ...طلعنا ويا الكل للمطعم

دز مسج على التلفون الي بقى عندي ... تريدين اجي لو تتقيدين بالكعده

شفت المسج بدون ما افتحه ... گلت خلي شويه اشلع قلبه ماجاوبته

وراها ... دخل سلم على ابويه والولد وخواتي وامي .. من وصل يمي

يا عيني على الهادي الي يشوفه من گلي مرحبا ميگول هذا لسانه منشار

بالحقيقه ويايه ... الولد بداية الميز والبنات بنهايته .. يكدر يشوفني واشوفه بس لفيت نفسي على نور شبه انطيته ظهري وبقيت اسولف وياها لو اللعب ... بأبنها بين ما جابو الاكل ...من شاف فرصه اشرلي على التلفون

سويت نفسي ما فهمت ... بس اعرف يقصد دازلي عليه مسجات يريد ني اقراها ... وراها انطاني ظهره واندار يسولف ويا ابويه والولد ... الى ان

كل واحد راح لبيته

من رجعت ... فتحت المسجات

_دعسوقه .. بس الله يعلم الي مر عليج مر عليه بس ردت تتعلمين من البدايه

حتى متصير مشاكل بهالامور ورا الزواج

_رشا ترى هالاسلوب فاهمه ... مراح اخذه من باب تعامليني بالمثل ... راح اعتبره دتدللين عليه ...

مجاوبت .. لزمت تلفونه ... دخلت على الصور ... بي صور ابن احمد

وصور هو واحمد وولد يم الشط .. ملكيت بي شي يدينه ... بس لگيت محادثه قديمه قبل سنه احمد ينطي اخباري الي احجيها لنور ...

من اول متقدملي وجاوبته لا ... واختفى وراها ... ثاري احمد يعلمه يبيع ثگل ويايه

دزيتله مسج ... باجر انطي التلفون لنور ... ليروح احد يشوفه وبي صورك

يزن: يا قمر قلبك بعده شايل مني

رشا: بعده

يزن: شوكت تكدرين تروحين للمول ... حتى امر اشوفج

رشا: ما اكدر اطلع الا ويا اهلي وخواتي ...اذا تريد شي دزلي مسجات راح احول السم كارت بتلفوني

سلم امره وگام من نطلع وويانا نور واحمد يجي وياهم ... بهالفتره الولد قوة علاقتهم ... وعلاقته بأبويه هم قوة ... طول هالاسبوع ونص هو متحملني بس هم ممنطي بروحه بايع ثگل ..اتفقوا نروح كلنا للبحر الميت حجزوا الغرف

اني ويايه المزعطه بالغرفه بين ما بدلنا نزلنا يم المسبح ... امي وخواتي ..

نازلين بالزي الاسلامي يسبحون واني بقيت ويا نور ... علمود ابنها ما نزلت ...

بس لا ابويه ولا يزن موجودين .... ويا الولد ...سألت نور ابويه وين ...

گلتلي والله ما ادري ...

ورا ساعة تقريبا ... نور گلتلي ابوج ويا يزن ... ذولاگ

التفتت لگيت يزن ديدفع ابويه بالكرسي جايين بتجاهنا وديحجون ...

ابويه طبيعته من يسولف يحرك ايده ... ابتسمت على هاللوتي شلون

مصادق ابويه ... وصلوا يمنا ساعد ابويه يكعد على الكرسي .. ..

بقى متجاهلني .. ترخص من ابويه يروح ويا الولد يسبح

نور: هاي فكرة البحر الميت ابد مو خوش فكره ... رجلي فتح عيونه

على النسوان ...

رشا: يتفرج شيسوي اذا كدامه نسوان بهيج لبس ... يصير فضول

صح حجيت هيج بس اني هم بداخلي غيره ... ذولي متزوجين ...

وعيونهم طلعت هذا شلون ... بقيت كل شويه ... اراقبه ... ملتهي ويا الولد

يسبحون ويضحكون على گولت نور من يضحكون گولي سالفه بيها نسوان

يزن: بهالايام باعت ثگل الى ان شلعت قلبي ... كلت اليوم انتقم منها ...

من وصلنا للبحر الميت ... نزلت ويا الولد .. شفت خوله دتدفع ..ابو فيصل

بالكرسي .. جابته يمنا .. كعدت سولفت ويا ... بعدين طگيتها ويا گتله حجي

شراح يصير بموضوعي ... گلي ان شاء الله خير بس تستلم النتيجه ..

نتفق بدينا نحجي بالتفاصيل ... گتله خلي نمشي ونحجي اذا ماعندك مانع ...

اخذته نفتر ... فهمني راح يحجي ويا اخو الچبير هو يستقبل اهلي ...

ويرد خبر لاخوا ابو مثنى ... ماكو نصيب ...

گتله عمو اخاف يسوون باهلي مثل المره السابقه ... گلي لا اخذ حجايه من اخويه الچبير وافهمه الموضوع منتهي ... اذا صار اي اشكال تجيني انت وحدك للامارات ... تخطب گتله الفيزا صعبه ... قبل فتره انطوني رفض

گلي اذا نويت تجي ... اني اعرف جماعه .. عدهم شغل قوي اخليهم يطلعولك فيزا ...اتشاقيت ويا گتله هاهيه انتهى الاتفاق مابي رجعه .. ضحك گلي لا هاهيه ان شاء الله ...اعتبرها ... تمت گتله حجي والله اني اعزك واعتبرك مثل ابويه ان شاء الله اشيلها بعيني وتكون راضي ومرتاح

گلي انت هم معزتك من معزة الولدي ( قصد ولده ورياجيل بناته) من اول مره اجيتنا للبيت ).... وراها نزلت اسبح ...ومنتبه عليها ... تراقب ...

بقى بالي بين اتهور ... اشعل الغيره بقلبها واخليها تلين وبين اخاف اتهور

تالي تقفل عليه وما صدكت ضبطت الامور ...

اختاريت ما اثير غيرتها بأي تصرف ... خلي الامور طبيعيه ...

رشا: نام ابن نور گلتلي امشي ننزل شويه وياهم ... ماطول ابوج يم حمودي

نزلنا ويا امي والبنات ... والجهال ...صارت عيني بعينه ابتسم ... وغمزلي ..شويه وطلعنا اني ونور ...كعد ابنها .. .. امي وابويه صعدوا ... طلع احمد ...

ورا يزن ... سمعناهم يحجون على الغدا ...

اجى احمد اخذ المنشفه .. يزن گلي مريتي انطيني المنشفه ويضحك

من سمعته فشلت كدام احمد ...

احمد أبتسم گلي فكيها ... صارت صدك ... اخذ الموافقه

يزن: اتفقنا يروحون مشايه لعمج الجبير لبغداد من ترجعون لدبي ...هالمره حتى لو يفز

الغراب(مثنى)... اجي للامارات نعقد ..صار الاتفاق

رشا: من سمعت كلامهم نسيت الزعل اخذ احمد فلوس من المحفظه

وراح نور گالت ان شاء الله تم على خير ...

التفتت على يزن سألته ليش عندك فيزا ... وتكدر تجي

يزن: ياقمر مو جنت زعلان وبايع ثگل وگايله بعد متريديني ...

شو جلبتي بيه

رشا: يداهرني ويضحك .... جاوبته الحب اعمى

يزن: امشي خلي نتمشى

رشا : لا استحي من خواتي ورياجيلهم .....

يزن : ...راح اصعد انتظرج يم المسبح الفوگ ...

رشا: صعدت لگيته ينتظرني ... اتمشينا ... لزم ايدي ورفعها باسها

يزن: ياقمر شلعت قلبي .... صار شكد مسامع احبك يزوني

رشا: يزوني اموت عليك والله ... اني مريتك .. وانت ان شاء الله ابو جهالي