رواية منطقه 13 || مريم السعدي — الفصل 21 — بقلم ﮼جنات،عزيز 👑
#منطقه__13
مريم السعدي
#بارت٢١
التاقلم على اللااحتواء صعب
مكان ليس لي به صله الا انه بيت اجدادي
نضرات الاخرين المشفقه تحرق رجولتي
اين بقيه اهلي اين لهفتي برويتهم واين شغفي بالحياه لهم وبهم قد اختفت معهم ايعقل ان تركب حقل المعاصي بعد تعب التربيه المكثفه. المعتمده على حروف النور
ايعقل ان تنسى ما تعلمناها
تنسى تعب امي
وحب ابي
وقصصه ورواياته وتجاربه.
اتنسى عرق جبينه وامانه بعز ايام الخوف
لم تكن بشر عادي
كانت ملاك تخاف الله بكل خطواتها
معاذ الله ان تخطيء
معاذ الله ان اشكك
ايعقل ان تجبر على الخطيئه
وهاانا اشكك بقدره الله على استجابه دعاء امي وابي بصلاتهما
اللهم ابعد عنهم المعاصي والاثام
اللهم احفضهم بسترك وابعد عنهم اولاد الحرام
---
ايام الكضت مرت عراك وتحقيق حتى عمي راجح رجع مره لخ. حقق وياها واللي شفته بعيونه وعيونها
ماباقيه بينهم علاقه.
الباقي بس حقد وكره
عمي. بس فهمني. شوكت راحت اريد وكت مضبوط شوكت راحت ويامن بليل بالنهار خالتي الاخذتها
عمي راجح تبهذلت احواله ورجع صيح. اني عايفها هنا وي ببيتها. خابرتني. تصيح امك ماتت واجيت ركض الكه امي ميته. وبت اخويه ماكو تكولي انهزمت ويامن تكول مااعرف بليل بليل راحت
اباوع لقاسم وخليل منصين راسهم وحمزه. يخزر بيهم
نترت
احد اذااها احد ماذيها الطلعت وين راحت اروح واجي اصيح وين تروح
اباوع مرت عمي ام اسينات تقربت من عمي راجح وتباوعلي بتوسل. على كيفك وياه. عمي وجهه انطعن احمر دم صار وبنته ركضت جابتله مي والحبوب
واني اتصفن لزمت راسي حيطك
قاسم كال
مخليت مكان مبلغت. بي مخليت مستشفى مدورت بيها عليها ملكيتها.
يومين مرت وايست.
نومتي صارت عد عمي محمد بالصاله اللي مسويها غرفته
الولد فوك بانين بعد غرفتين
قاسم وخليل بكليه الشرطه
حمزه سادس وابراهيم اول جامعه تربيه
واني ليوره اخرهم خريج ثالث متوسط اني الاول عليهم جنت
عمري محسدت احد بس كرهت روحي. وحضي. يومين كضت. ومن الصبح لليل مشاكل بين الفوك والجوه
اسينات اذا نزلت تعلك الماطور دقيقه ويطفو
وترجع تنزل تشغله
رقيه. كلسا ضاربتها لو جاره شعرها لوتعاركها وهي تخنس وتصعد ركض
والله مره من يمي فرفحت ضربتها وانركص راكعها بثر الطرمه. الا شوي واطلع من الصاله اضربها
بس لكفها حمزه سحلها من شعرها وشمرها بغرفتها. واشتغلت خاله مروه بانواع الدعاء والغلط وصعدت اسينات تركض
فوك
خوافه حيل وطيبه وقشمر كلشي وانذب براسها
خاله مروه. هجرها عمي راجح بطلب منها والولد مقبلو تتطلك وهو ماعده مانع متزوج من وكت ابويه والعرفته حتى ابويه جان يدري. بنيه هدوها اله. من طفا حريق راد يحرك اربع جهال اخوتها الصغار ونقذهم وهو. راسن قبل الهديه.
حيل حلوه
طيبه ناعمه وصغيره وبت عشاير واصول
كم يوم اني جوه. العشا تنزله. بيد اسينات الي ولعمي محمد
وتبتسم. وتلم هدومي وهدوم عمي تاخذهن تغسلهن وترتبهن وترجعها عالقنفه.
جنت ليل نهار افتر اريدلي شغله وخاله مروه تتقصد
بيت مال عطليه. اكل ونوم. فوك اللحم العدي حرامات ينحسبون زلم
واني من ومت ابويه متعلم عليها واغلس
واخيرا لكالي عمي محمد شغل عمي لحد الان ميشتغل لكالي شغل عد صاحبه. بنجرجي واني بلشت ليل نهار ٩ ساعات باليوم حيل حيلي ينهد
وانتضر راس الشهر تصير جم فلس جوه ايدي واساعد بالبيت ولو اخلص من المنيه
جنت ارجع هلكان ميت جوع ولا فد يوم كلت. اريد عشه راسن اسينات تنزل الصينيه.
كمت الزم شفت ثاني لليل. وابو الورشه كيف اكو عالم تنطي بغاشيش من تشوفني اداري سياراتها. وانضف المحرك من يمي كمت اكضي بيها يومي
كمت اطول للوحده. بليل ونوبات الكه الباب مقفول اخجل ادكها. ابقه بره بالطرمه شوي وتنزل اسينات بهل الضحكه البريئه. والحجاب وتفتحها وهي ساكته
ادنج وافوت والله وجهه من اشوفه يجيب العافيه جنه وجه ملوكه. وبراءتها من جانت تستقبلني وتداريني
افوت اسبح واطلع. اخجل حتى اخذ راحتي بلبسي لازم مستر لافانيلا لا شورت اخجل لان اكو بنات
عمي راجح جان يثق بيه وخله ام اسينات تثق بيه هم اللي تدز الاكل بيدها
بس هي كانت نضراتها غير
-اليوم امي سوت بابا غنوج تحبه لو تريد اسوي غير شي
بقيت صافن عالصينيه بالمطبخ وحدنا والولد البيهم خفر والبيهم لزم صنعه يم خواله بالعطله والبيهم بيت جده. يدرس للسادس والباقي نايمين
همست
متحبه مو انت مثلي كتلها لامي كالت اذا محبه كلي كبه عدنا كبه اكلي
بقيت منصي راسي باوعتلها
اني ممجربه ماريد اتعبج روحي نامي اكله
لا ليش تجبر روحك تعبان من الصبح لليل
ابتسمت وراسي بالصينيه
اسينات هاي جايبه لبن وخضره وخبزه مكسبه. وطماطا حمس شريد بعد روحي. عاشت ايدج روحي ارتاحي
ماشي يله اذا تريد شي بس صيحني اني غرفتي قريبه عالدرج
رفعت راسي ابتسمت ونصيت
جريت الصينيه حتى الباب غنوج اللي كااكدر اكله شفته. قوزي من الجوع ماكل لفه فلافل بالشغل من الشهر وهسه يله اكلت كلشي مبقيت كمت غسلت الغراض مال اكل وخليتها بصينيتها رجيتها عالدرج لان ادري مواعينهم تختلف والصينيه تلك بييضه وحتى الطاوه تلمع تختلف عن بيت خاله مروه خليتها عالدرج
بنفس الوقت --
سمعت خاله خلت الصينيه عالدرج واني جوعانه ومعانده. روحي مكدرت الرجفه سرت بجسمي نزلت اخذتها وصعدت اكل واباوعلهم
همه همه متغيروا دياكلون مكدرت انام بيومها ساعه وحده بالليل وعيوني جافت النوم معقوله. اعيش واموت هنا هاي صارت حياتي
كملت اكلي وافكر والسبحه بيدي المشكله التسبيح صار عاده. عدي نسيت اغيره وكلما اسبح عجغير اصفن والكه لساني راجع عليه واعيد
وارجع نفس الحاله
اليوم صارو فرق فرق وزعهم ابو قبضه وطلعو من المنطقه. بحدود السبعه الصبح ماجان قابل وهمه لحو بيها خوش رزق ابو قبضه
ابو كزله- استاذي مالك دخل
يولد مامحتاجين تصليح الاسلحه وبيعه كافي ويزود
ابو قبضه احنا نريد نامن عوايلنا احنا هنا وهمه مامكتفين
اني ازيدكم
ابو قبضه خلينا نفوت هالمهمه لاتعرض اللي يريد يتراجع يتراجع واللي يريد خلي يجي ويانا
اباوعله مخلي ايده على خفيه لحيته يمشيها وبجيفتر بينهم يوصيهم فرش بالكع خارطه ويكوللهم هذا هنا نفق حافرين قبل كم سنه هذا مخزن هذا بستان كله من جوه سراديب وين متلكون بير بصفا سرداب معناتا
جانو مندمجين يسمعون ومنصين عالخارطه ولمحت احد بسطح ابو خبزه والله هذا راس واحد وبيده موبايل لمعه الجامه جذبتني وانتبهت منووهذا بقيت اباوعله ماعرفه مداميزه ولاواحد نقص بيهم هذا عزوز هياته منو هذا
كملو وتفرقو سيارات سيارات وابو قبضه يوصي
يولد اذا فشلت عوفو كلشي وردو طززز مو بعوزتها
ابو قبضه اطمئن جاوبه ابو كزله طلعو حتى ابو النار وياهم كلها طلعت بقه عكروط بصفه
راحو وانسدت الباب والهودج وجماعته راحو للبيت اللي يطل عالفرعين
عكروط فات نام ببيت ابو قبضه وهو ضل الدنيا بارده كلش وهو عالكرويته والجلب يمه يروح ويجي يتصفن والتلفون بيده. متوتر تالي بلع حبايه وانجطل رفع راسه باوع لشباكي وكانما جان ناسي وتذكرني بقه يباوع ونصه خله ايده بين افخاذه ونام نومته الاعتياديه
واني قفلت عيوني مكدرت بعد غمضت ونمت غفيت وكانما. سنه منايمه فجاءه حسيت بريحه غريبه بخشمي صار قويه حيل ومزعجه
بعدها بشوي حسيت روحي طرت براحه. حتى احس نومتي احلى نومه وماكو شي يزعجني كمت اون. واسمع صوتي حتى احس بشفافي مبتسمه
واحس بيد دافيه على ضهري. --تتلمس بحنيه زيدت راحتي
وتداخلت بحلم بابا من جان يحضني ويتلمس شعري
وقبلاته على راسي وخدي بحنيه
كمت احس روحي اون واسمع ونيني. همست وسمعت همستي
الله يساعدك بابا
شوي واختفه كلشي حسيت فتحت عيني. جنت احلم هذا حلم كمت اتلفت الغرفه ضلمه حيل بس ضوه اقلام الهيتر يضوي جنت احلم
ورجعت نمت بس بعدها الريحه بخشمي.
بقيت صافنه هل هو حلم او يقضه
بابا جان يآمن باحلام اليقضه يكول رويا. بس اني مشفته. بس حسيت بحنان ايده على ضهري
رجعت نمت بعدما تذكرت كل موقف وياه بجييت لحد ماغفيت
--
احمد- صبحيه كعدت ورحت لشغلي هاليوم مفروض استلم شهريتي دااطلع ولاكتني رقيه.
هلو احمد
هله هله ببت عمي
متتريك لعد
ها لا هناك بالشغل
لااني هسه اسويلك ويايه لفه
باوعتلها صافن اول مره من بعد شهرين تحاجيني وتخدمني بشغله كالت
تره ازعل اذا رفضت
لا اخذها منج مااردج. اخذت الفه مال جبن وخضره جانت وشلت ايدي تبتسم بممنونيه همست
فيماللا نضراتها وكحه خجلت من نفسي طلعت واني مسطور السجن علمني اشكال الوان بس مجلب بتربيتي هناك من الشباب الوصخه واللي ضلمها الزمن واللي ضلمتها تربايتها واللي ضلمها حضها مثلي علموني شغلات شيبت شعر راسي
علمتني البنيه الوكحه من البريئه نضراتها تحجي وسوالفها تحجي رقيه. مو بريئه نضراتها كانت لملامح جسمي عرتني. بعيونها
وطلعت مهزوم
خاله مروه كامت كل فتره تروح بيت اهلها تبات نسوان اخوتها وولد اخوتها. وهوسه اهلها. ترتاح هناك. ولو مو الولد جان هسه تطلكت
عمي محمد جان كل ماارجع يكولي فد الف داشتري باكيت جكاره
واخجل من روحي افتح محفضتي وانطي
جانت عينه بالمحفضه شكد بيها واني مابيها غير البغشيش
دااشتغل بالسيارات وبالي بس استلم اشتري فد شي لاسينات خطيه دتتعب. تحسبني حالي حال اخوتها واشتري قمصان تيشرتات لان ماعدي ومعطر ردت لان ريحتي تذبح واخلي بيد عمي راجح فد ميه ولو رغم ماكان يقبل ادفع فلس عالبيت يتعارك ويايه
الولد ويايه بالورشه ٦ بيهم مجاليب واني مااتقارش الشفته بالسجن خلاني اتحاشى المشاكل ابد ماناقشهم من يصير شي سياسي او يقشبون على واحد بيهم اشتغل واكمل شغلي واسكت
لل١٢ توزعت الوارديه عالولد والاسطه كدامي ينطي المشاهره واني انتضر وراسي بالسياره هسه يحيني
هسه ينطيني
تالي كمل توزيع وديطلع واني صفنت باوعولي الولد واستغربو همسو كوله خاف نساك
ذبيت السبانه. من ايدي ولحكته
اسطه
بلي ها احمد خيرك
اسطه اا ههه يمكن نسيتني
باوعلي ابتسم ودار وجهه صاح
يولد عزلو
باوعت ايدي مليانه دهن باوع لمكان نضري كال
بدل ابني وغسل اديك والحكني
ماشي صار
رحت راسن غسلتها وبدلت هدومي ولحككته جنت متلهف حيل كلت الله فرجها ولان اني دؤوب بعملي حيلزمني شغله اكبر من ابتسامته حسيت هيج طلعت وراه جان يحجي وي رجال ثاني تسالم وياه وخله ايده على جتفي ومشه كال ابني تدري انت احسن واحد بشغله بالورشه واني ماريد اخسرك ومجلب بيك بيدي وسنوني
شغلي هذا اسطه واحب احلل لكمتي
لعد اسمع مني يابه
---
مليكه- كعدت مره لخ على هوسه الولد واحد منهم يصيح بعلو صوته -- كتله عوووفههه عووفهم الاخذنا هواي كال لا هذا حصتي
وابو قبضه صييح.
بس فهمننني منو الاخذه. شرطه لو مكااافحههه
استاذي مننعررف لابسين لبس بيجي
خرب----- مو كتتتتلكممممم عوفوووهااااا
ابو النار- ابو قبضه على هونك هدي الولد هووعاند كل احنا طبينا الانفاق وهوضل يشيل ويضم عوفها ييزي يكول هذي حصتي تالي لكفو السيطره ولحكو
اباوع ابو قبضه يروح ويحي وايده على راسه صاح.
هووودج
بلي ابو قبضه
حضرلي البيك اب
كلها جلبت بي
لا ابو قبضه لتطلع حتى الهودج راكض قفل الباب ميخلي يطلع.
وكلها صارت كدامه. سد ويتوسلون بي لتطلع
وحجه ابو خبزه
شسالفه ابو قبضه. اول مره يروح منا واحد
باوعلهم بغضب. اعددددام هاي حكمها اعدددام ووراه سبعه نفرات هذا. اذا صار بيه شي منو يوكلهمم يصيرون. نفسناااا نفس الوجوه تنعاااد
ابو قبضه هو اللح لو مفكر بولده ماذب روحه كل احنا نصحنا عوفهن العدنا كافي مرضه شنسويله
لزم راسه ويفتر يروح ويحي بالفرع والولد وياه يهدون صيح
بسسسسسسسسس خلي افكر خلي افكرر
كعد عالكرويت رفع راسه شافهم واكفين على راسه. واحد منهم طلع حبوبه وكلتص مي دفرهم بديه ووخرهم كلهم صارو بوجهه وهو تقاوى وياهم
صارت عركه والهودج وجماعته تجيشو عالباب
صيح وشال سلاجه وضرب بالجو اربع طلقات
ونتر
وخررررر من الباب لااقتلك
متقتلني ابو قبضه. متقتل واذا طلعت كل احنا نروح بالرجلين. اذا هو ضحى بعائلته اني والولد ماضحو بعيشتهم. ابو قبضه فكر بينا
همس وغمض عينه بتعب
افتحلي هودج مااوصل بس اشوف اكدر اسويله شي افتحلي
ماافتح استاذي اخاف عليك هسه جيوش تجيشت من عرفو شلنا ٣ ارباعه. بس توصل يعرفون من يمنا انت خلي صفحتك بيضه احنا عايشين بصايتك
لزم راسه وصاح واحد منهم
من اباوع عزو
اني اعرف منو اليطلعه
كلها التفتت عليه باوعله ابو قبضه رافع تك حاجب بغضب وذاك انخرط خوف
ااستاذي محد غير صبحو يكدر يرده
ابو قبضه كعد عالقنفه. ولزم راسه همس
خابره وكله بالنص يكول ابو قبضه
راسن خابره والعيون تصوكرت عليه. وسده ابو قبضه وكف كال
بشر
استاذي يكول ساعه وهو عدكم
هز راسه ابو قبضه ونصه الولد كامو يتبشبشون وصوتهم ليمي وصل
عزو شله علاقه بصبحو يعني بعده يتحاجه وياه يعني بعده يتواصل خاف يوصل اخبارنا
عكروط جر ابو قبضه على صفحه وعيونه على عزو وعزو يباوعله بحقد مدري شكله باذنه وابو قبضه غمض وهز راسه كال
ميهم بس خل يرجع وصرخ
وارررريد بعد واحد يكول ويفتح حلكه بشغله غير شغله السلاااااح يطلع منا. مفهوووم يطلع منااااا
صار _ صار استاذي
جاوبو --
لليل وطب صبحو كلها وكفت باوع لابو قبضه بشماته كال
مو كتلك تجيني
رد ابو قبضه بعنتكه
طلعته لو لاا لتدوخني
صاح
جيبو يابه جيبوو
وطببو للولد شايفته بس ماعرف اسمه. مدمى من الكتل يون
ابو قبضه نصه عليه تحسس نبضه صاح
ابو كزززله تعال جيب الصيدليه وباوع لصبحو
باجر نصيبك يوصلك
هوينا. يله
يتبع
عذروني تاخرت شوي تعبانه
مريم لسعدي
