تحميل رواية «ماء مغلي» PDF

..♣️🩸   ماء مغلي  🩸♣️..

* adzzon *

- زييين حقج انتيي ششايفه مشايفه مادري بعد

كلشي صاير بحياتج بعد الله اعلم شصار وخلاج هيج تكرهينا

بس اذا انه غيرتلج نظرتج وشوفتج الزين منهم تسلمين وتخلين دينج الاسلام وتمشين بتعاليمه ؟؟

- ههههههههههييي

من كل عقلك اكولك اي ويلا تعال سويني مسلمه !!!

ههههه حيداار شوف اني هذا حجيك يضحكني تره مايصحي ضميري عليكم

انتو بالنسبه الي ورقه محروكه

انته تشوفني زين منك ومن اهلك بس اني شايفه نجوم الظهر من البره

مااصدك بيكم لو بخيط وشعرايتين هالكد اني ماصدك ولا اجرعكم

حتى انته احجيهه الك طك بطك

انته اليوم وياي زين عندك مصلحتك باجر تخلصهه وتكوم تمشي وياي باستشراف واطكطك بسبحتك فوك راسي وتنزلي اياتكم الحنيفه تضبط عليه بيهن

وتاليتك هم تصير مثلهم بالوجه مرايه وبالكفه سلايه

- مااغدرج هيج مو طبعي

- هذا رس عيوني انتو رسكم هيج مو بيدك غصبا عليك تسويهه

- ريري انه اريدج تهتدين لنفسج ماعليه بيج زينه مو زينه بس ليش يعني تتعذبين بعدين وتتعبين باخرتج والدنيا بعدهه بايدج ليش تضيعيهه !!

انتي مو ذكيه وقويه وفاهمه ليش برجلج تروحين للنار

هذا دين شرعه الله النه نعيش بي ليش حاطته وره ظهرج وماشيه بالعواج وموجود عندج صراط مستقيم موضحلج بكتاب الله واهل بيت نبيه

- حيداار اضحك على روحي لو اضحك على الرب والانبياء !

اني من طولي شبرين تارستني الذنوب اجي هسه استشرف واصير علويه !

هيج برمشه عين انكلب من كواده لعلويه !!!

ياهو اليقبلني ؟! حتى الجماعه فوك هم يكعدون يضحكون عليه ويكلولي شجابج هنا !

- والله عادي شكد ناااس تابت ورجعت لربهه

وانغفرلهه كل الذنوب حتى لو جانو كفار

بس يسلمون ويتوبون بعد يعتبرون من المؤمنين وماعليهم ذنب الله غفور رحيم

- مو الي هاي السوالف

اني ادري بنفسي شنو من بشر

اني وحدي ادري بعيشتي شلون مصخمه

هي مو بس عرك وكواده هاي سنين بالشارع عشتهه اشكال سويت

هسه تريدني اروح للرب واكوله تعال اغفرلي يلا اريد اصير مؤمنه واكعد بالجنه !

شنو هي مضحكه !!!

اصلا محلو هالقانون واحد يتعب ويكضي عمره بالشرف ويجد بلكمه الحلال وفوك راسه ضيم يدك وهو يتعبد ويصلي ويصوم

وما يزل منا ولا منا

واجي اانييي ع الحاااضر بس اكول يلا غفرولي اريد اصير منكم حضرولي قصر بالجنه وياكم وراح اصير حبابه شريفه مؤمنه مثلكم يلا اخذوني وياكم سووني علويه وديروبالكم عليه وكبل ياخذوني يكعدوني وياه !

شهالمضرطه هاااي !! 

حتى عيب لا مو عيب اقصد مو حق

خلي هو كل واحد يعرف دربه وين وكلمن يتحمل نفسه وهاهيه لا اني اكدر اتوب واروح وياكم ولاا انتو تكدرون تتقبلوني حتى لو تبت وصرتلكم علويه ثوبي يسحل وراي وانام واكعد على السجاده

متتقبلوني اضل اني بنت شارع ودعاره وتضلون انتو ساده مزكيكم امامكم ونبيكم

هالشي الكم خصصوه عيوني مو النه احنه من يومنا منبوذين ولا دنيا ولا اخره النه مكان غير الشارع

- بس الله رب الكل ما يخصص مغفرته لناس اي وناس لا .. الكل مشموله بيهه

لا تضيعين نفسج بهالفكر

الله رحمته واسعه

- حيداار كافي فدوه

اني حتى لو اريد اصير ماكدر

ماكدر اتوب حتى لو اني تبت حياتي متخليني

جذووور عندي مثبته بيهه

عيشتنه مو قصص وافلام هووليود وبووليود

اني هاااي مغضوب عليه من ساعه مانحطيت ببطن امي الرب غاضب عليه من جنت هنااك

لو يريدني اصير زينه مثلكممم يالمسلمين

جان ما عافني ٢٣ سنه بنص الحرام

هو ميريدني اصير منكم عادي شكو بيهه

هو مصنف الناس واني صنفي بالكحاب

والنار عاادي كولش عادي هو ابو القوانين بعد احد يعترض !؟

فلا نكعد نخبط شيش بيش وكوه نلزكهه

هي مترهم بعد شكو ذابحين روحنا

- حجيج صراحه يقهرني

- دنجب شكو يقهرك تره مدكيتلك اليتيمه

دااحجي واقع حال

- مادري احسج حتى الله عندج وياه عتاب

- متشوفني اكولك يلا ادعيلنه خلي نموت

دانروح نحجي ويه الرب براحتنا

اني مااخاف اموت ولا اخاف انشمر بالنار

اني مااخاف من شي

لان عندي غايه اتمنى اخذها لو جان حسابها

نار وشرار على جلدي ينصب ميهمني عادي

هو اني شحصلت بالدنيا حتى اتوقع بالاخره زين !؟

- ريري اساعدج بكلشي والله بس لا تضلين هيج

عندج وكت بعد تطلعين من كل هذا

- اني مااريدك تساعدني شكو انته ذابح روحك عليه !!

عوفني اموت اتعذب انشوي اتكطع يطبني مرض وعساني بنار ماتخمد معليك بيه اووكيي

ضل انته زين وعوفني اني عميه مافتهم

واريد اضل مو زينه تماااام

بعد لا تفتح هالموضوع حويدر

هالمره حجينا بي وتناقشنا مره الثانيه اعوفك وامشي وحجايه متحصل مني

وتره ضجت بعد ماريد اسوي ريوك راح اصعد انام انته سوي الك ولاهلك

راحت كبل وانه ضليت بالحديقه شويه وبعدين طبيت اسوي ريوك .. واخذت ابويه غسلتله وكعدته بره وامي هم ويسالون على ريري كلتلهم منامت زين وفد ساعه تنزل

تريكنه وبعدين سويتلهه لفه جبن وكلاص حليب واخذتهن وصعدتلهه ..

لكيتهه نايمه ومخليه مخده فوك راسهه

كعدت من جهتهه وخليت الصينيه يمهه على الميز وشلت المخده من راسهه وهي غطت وجهه بايدهه وتكلي ..

- شكوو تره ملحكت انام بعدني

- ايي كومي اكلي اليوم انه مداريج

جايبلج ريوك وحباب وياج شتردين بعد

- اي كول شعندك من مصلحه

-ههههه واالله ماعندي شي بس ادري بيج تجوعين ومانطاني كلبي اكل وانتي لا

-نهجم بيتك يالحنين

- عايز بعد ينهجم

- ماريد اكل نعسانه  عوفني وروح

- يلا انام سوه انه هم نعسااان فدنووب

ذبيت التشيرت ونمت بمكاني وهي دايره ظهرهه عليه ..

ضليت اباوعلهه وافكر بسالفتهه .. تالي كلتلهه  ..

- مادري ليش احسس شي يريدني اضل اسولف وياج

جاي تحسين هيج ؟

-لا

- بس من صدك اريد نضل نسولف ماحب اطنكرين وتسوين نفسج نايمه بدالهه ضلي سولفي وياي ضايج والله شبيج

اندارت عليه وضلت تباوعلي ..

-  هسه عرفت صوتك وين سامعته

- صوتي !!

- ايي من اول ايام وياك واني اكول وين سامعه صوتك ووييين ؟؟

عبالي ملتقيه بيك فد مكان وناسيه بس هسه تذكرت وين اسمعه

-اي وين

- تعرف محمد خضر ؟

اكيد متعرفه بعد انته سيد تستحرم من الاغاني

- هههه بربج عوفي سالفه السيد كرهتيني بنفسي والله

- ديلاااا

بس هذا تعرف شنو اعشق صوته

اغانيه النشيد الوطني مالتي مااا اخلي يمر يوم اذا ماسمعله اغنيه

صوووته شجيي وانته صوتك نفسسه طبق الاصل

بالاخص عندك حرف السين من تلفظه نفسه هم هيج تخلي عبالك يبرز كولش تاكد عليه من تلفظه

وحرف الصاد هم عندك كولش واضح باللفظ

وهاي البحه الي عبالك تطلع من نص هاي التفاحه العندك هناا

ونفس كسره الكلمه من تكول صِدك

وكلمه الهسه هههه نفسسسهههه

بس السين وال اا تبين الهاء ممبلوعه

- ههههه خوش مركزه بيه

- مركزه بمحمد وانته تشبهه فماتعبت نفسي وياك

-هااااااا

- باوع اكو مقطع يكول بي

وين الصبح ما بينت من علمك هذا الصد

تنساني وانه الجنت اطك سن على سن من تبرد

هذاا عبالك انته الكاعد تحجي

اسمعك الاغنيه. ؟ لو تضوج !

- لا سمعيني بله خلي اشوف صدك حجيج

- تره هو يعزف عود يعني مو اغاني طربكه

بس مقاطع اشعار وهو يدمجهه ويغنيهه بالعود

- اي بعد احسن

جرت تلفونهه واجتي ادنت يمي وشغلت الاغنيه .. خلت سماعه باذني وسماعه باذنهه

وشغلتهه بكل علو الصوت ..

وكالت ..

- انتبه شلون يلفظ السين وركز بس ويه الاغنيه استرخي وياهه اووكييي تره تكعد البال وزززن

- شسمهه هاي ؟

- يامذبل جفونك خجل

هاي القناة افتح اليوتيوب بس علمودهه

يلا اسمع وركز بيهه

ضليت اباوع للصوره ابيض واسود والاغنيه حلوه من اول مقطعين ضحكت وهي وكفتهه

- هااا شبيك

- هذا انه صدِك والله خوش لاكطتني

- ههههه مو كلتلك نفسك

بس بقى بعد اسمعك تجر موال مثله

- لااااا لهنا وكافي

- ديلااااا اسمع لتكطعهه بعد

- يلا شغلي

ضلينه نسمعهه ومن خلصت كلتلهه ..

- شايفته لهالمطرب شو ماكو صورته هنا ؟

- لاا هو ولد هيج عادي لا مطرب ولا شي

بس هو عنده قناة ويغني بس تسجيل حسب الطلب يسوي جلسات طرب

هذا موده يجي فيت النه احنه النشرب

هو هم مثلنه سكير تره بس خوش يسوي اجواء فددد شيي صوته يسوي واهس للشرب

- هاااا وهسه صوتي هم يسويلج واهس تشربين

- جر موال واصير اسكر على صوتك

- هههه مو شغلتي اعذريني

- امممم  ديلااا اووكي

- متاكلين ؟

- لا راح اكل طيرت النومه من عيني

- انتي اصلا ماجنتي نايمه بعد شكو

بوزت ودارت وجهه اخذت اللفه والحليب

وصارت تاكل وانه اباوعلهه ..

- نروح نتغدا بيت السيد ؟

- لااا نتغدا هنا ونروح ماضل على مانيه احد اضوج هيج

- وشغلي ؟

- ايي شويه اكعد وياهم وروح مطاير محلك

- يلا جا نزلي كفي البيت وسويلنه غدا من وكت حتى ماتاخر على الولد

- حيدااار التنظيف يتعب

شنو كل يوميه تعالي كنسي ومسحي من فوك لجوه

انكسر ظهري واظافري شووف شوووف شصارت بيهه سواد شكد نظفتهن بس لونهن تغير

اصلا هذا الصغير نكسر وكلبي مينطيني اكصه وضال يدك بكلبي

- هلااااا اجتتتي فرررصه بعد

كصيهن كلهههن رحمه لاهلج اتخبل منهن

- لاااااا عينننييي خاف ميعجبك !!

اكصهن كلهن !! ولك هو واحد ويدك بكلبي

- ريرري اضوج منهن كصيهن فدوه

شلون تطبخين وهذني بيهن وصخ متلعب نفسج !

-لاا .. انته تلعب نفسك

-اييي حييل اتخبل منهن مكان شياطين هذا ووصاخه وانتي نظيفه ومرتبه معدله شكو مبقيتهن

- حلوااات ماكدر اكصهن ايدي تصير صغيرونه

- ميخالف كصيهن ويطولن هنه بعد ضلي رتبيهن لاتخليهن يطولن هيج فد نوب

- ماريد عوفني

- لاااا تريدين ااانه اريد تكصيهن يعني تكصيهن جاي اكلج تلعب نفسي منهن شكو بعد مبقيتهن

- واااني شعليه بيك شنو اشكل نفسي وشكلي على مزاجك ولك !

- ولج ريري استري علينه وكصيهن بدون مشاكل

- ماااا اكصصص اوووكييي

-اريد اشوف مرره الي تطول اظافر بعد

اصبريلي

- دررررووووح عبالك هو بكيفك وتتامر !!

رحت اخذت المقراضه من المجر واجيت عليهه وهي كبل شمرت المخده عليه وانه كعدت وجريت ايدهه وهي تضرب بجتفي

- اكعدي راحه احسن مااجرحج

- لك حوووبدددر بطل هالسوااف عوف ايددي شبيك تخبلت داكولك ماريد اكصهن

- ااانه اريد تكصيهن ويعني تكصيهن

- حيداااار ولك لتلح اعضضضك هسه اشوغ روحك

- عضي شتسوين سوي

اكصهن يعني اكصهن تلعب نفسي منهن

ثبتت ايدهه زين وكصيت الاظفر الصغير وهي تخبلت ضلت تعض بجتفي وانه اكص بالثاني وهي حتى بشعري تجرجر

نتعارك وهي تغلط وانه اغلط .. تعض وانه اضرب راسي براسهه .. واكص اظافرهه

تالي خلصت ايدهه اليسره وذبيت المقراضه

-ههه يلاااا هسه كملي اليمنى عفتج تك وتك

- شكددد حقيييير ونذذذل تننكط خباااثه انته مجلوووب وبيك البله مو فويهي

- بعد عاشرتج شترديني اصير !

- ننننناااا متضحك

-ههه كايلج ضحكي ! قرضي يلا شلون تضلين هيج تك وتك

- اوووف اوووووف الااا احرك كلبك مثل ماحركت كلبي يااحويدر يابن خضير اصبرلي

- يلااا انتظرج تسويلنه اكشن شويه

شو عبالك ضوجه هالايام لا سحوره لا مشاكل لا نتناكر بدا عندي الملل ماوصيج غيريلي جو شويه

- الاا اكرهك بعيشتتتك

تعااال كمل يلا بس تعرف اشوه ايدي وتولي كمل يلا

- كمليي انتي كافي دلال

- كلبي مينطيني تقرضهن لوو لاااا

تره اعوفهن هيج عادي عندي

- لااا جيبي ايدج وبعد كل ماشوفج تطوليهن هيج اكصهن الج واكصهن عووج هم حتى تكرهين روحج بيهن

-اوووف اووووف شجاااني وعااشرتك يالعكره

- قسمتج بعد شلون ماقسمتي مصخمه انتي هم

-انته مصخم اني شكوو

- شالعه باااب كلبي شمبقيه بيه انتي

شايفه لو مزوجج كبل سنه جان هسه انه حارك روحي وخلصااان من منكتج

- ديلااااا ع اساس انته شلونك

هنااا موغف على كلبببي انته خاف متدري

تره بالكوه جارعتك

ابو المغثه انته مدري شلون متحملتك لهسه ماعفتك وشردت

- هااا ابو المغثه ! وانتي شلونج عاد

كل الراحه عندج

- ووولك حويدر ولك ياهو هذا القبل شويه يكولي اكعدي سولفي وياي ضايج!

هسه طلعت اني مافيد ولك

- ايي اضحك عليج غير شفتج مطنكره

بس شهاده لله انتي تشلعين الكلب

عنادج ييبس ريكي

وصوتج بالعصبيه ياااابويه يسطر راسي

- تحملننني مو عندك مصلحه وياي اجرعني بصوتي اليطرشك

- اثنينه اهل مصلحه ومتحملين وجارعين هالعشره

- اييي همزززين طلعت تفتهم

- اكلج عمج شو متخابري هالايام شعجب ؟

- نتراسل دائما معايفته

شكو تسأل ؟

- هيج اجه بالي

يلا امشي انزلي غسلي وشوفي شغلج حبابه

- وانته حتنام؟

- ايي يمكن انام ماعندي شي

- شنوووه !! فوك مامطير نومتي وتريدني انزل انظف واطبخ واشمشم اخبار وانته هنا نايم متختخ !!

- جا شسوي ! هو انه جبتج تشتغلين حتى اناام هنا واتختخ

- ماااكو هيج

مو ماعندك شي اكعد عزل الغرفه امسح اخشاب سويلك شغله لتضل تصفن

- لااا عليج الله !!

-حووويدر هي عشره لو نعل

تساعدني لعد كلشي تذبه فوك رااسي

هم خطيه اني

- ماااعليه هذاا شغلج التنظيف وانه شغلتي اجيبلج فلوس وبسس

- زييين عزل الكنتووور صاير هوسه وماعندي وكت اله

عززل شنو مووهم ملابسك هنا لو هم تذبهه براسي اني اعزل ملابسك !

- ولج هنه هدمتين كلبتي الدنيا عليهن

مو مخليلج الكنتور من الطول للطول الج وهالخانه الوحيده الي ومثكل عليج !

- ايي مثكل عليه

هو انته بالكوه جارعتك النوب شغل بيتك وملابسك وغراضك الملم وراك !

مااااعليييه بعد انطيتك عين زايده ودللتك هواي

حنزل امسح وانته عزل الكنتور

- اعزل بس خانتي معليه بغراضج

- لييش يمه !! شو اني اهورف ليل ونهار لخاطر خشمك الاعوج وانته ملابسي تتعاجز منهن !!

- رييرري وتاااالي وياج

- انته حباب ادري بيك راح تعزلهن

يلااا چاااوووو

طلعت وانه اضحك عليهه ..

كمت فتحت الكنتور .. مو هذيج الهوسه

بس يرادله شويه ترتيب

عزلت غراضي بالبدايه وانه احب اسفط ملابسي مثل المحلات ارتب التشيرت

والبجايم .. ومخلي ملابس الشغل وحد وملابس الطلعه وحد ..

ماعندي هواي ملابس لان انه من احب لبسه ارتاحلهه بعد اجلب بيهه .. الي اشتريه ومارتاحله كبل انطيه ..

سديت خانتي وفتحت خانتهه مال بيت

عدهه هواي ملابس مشلحه هنا .. كلهه شورت برموده وصلوخ ..

شفت دشداشه ناعمه ستن اخذتهه فتحتهه

وشفتهه عريضه وشويه بيهه طول لونهه فستقي فاتح وبيهه شرايط كصار بيض

ضحكت من شفتهه تخيلتهه تلبسهه تطلع صدك حلوه وتضحك ..

سفطتهه الهه بالبدايه خليتهه .. وضليت اشوف شعدهه ماعدهه ملابس ..

شفت علبتهه مال الذهب كله ثكيل ومتين

ضميتهه الهه .. وكاعد اعزل بخانه ملابس الطلعه وشفت جنطه بيضه صغيره معلكه بالتعلاكه .. والبقيه مرتبات فوك بالرف

فتحتهه وشفت بيهه فلوس ضبات اثنين

ام الخمسه وعشرين وضبه بس خمسات

وبطاقة الكي كارد اثنين عدهه ..

قريت اسم الاولى ..

روان عفيف

الثانيه ..

سرى قيس

ضليت صافن عليهن .. هاي منو وهاي منو !

ياهي منهن الصدكيه ! انه حتى باسمهه اشك !

دورت بعد بالجنطه وفتحت سحابه صغيره

وطلعت هويتهه .. باسم روان عفيف

مالكيت الهه هويه باسم سرى قيس..

انتبهت على تفاصيل هويتهه .. واول جذبه لكيتهه بيهه مواليدها ..

هي تكلي عمري ٢٣ يعني مواليدهه مفروض ٩٢ وهنا مكتوب مواليدهه ٩٠ ! يعني عمرها مفروض حسب الهويه ٢٥ !

زين ياهو الصدك بيهن ؟!

انتبهت هنا مكتوب مسلمه .. و سنيه ..

وهي تكول اكره الاسلام ومو مسلمه !؟

نفوسها تقرا الاعظميه !!

كلشي غير شي عن الاعرفه منها .. و وين الصدك مادري !!

رجعتهن وسديت الكنتور ونزلت ادورهه

لكيتهه بالحمام مكمبصه وتغسل الوصله

كلتلهه ..

- اكلج

-شكو كول

- تره عزلت غراضنه وشفت شعندج ماعندج

- ايي عفيه بالسبع

- ماضجتي ؟ تره شفت جنطتج البيضه وكلشي بيهه

-ايي همزين خاف تعتاز فلوس وتستحي تكول بعد انته اندليتهن واخذ براحتك ماضوج تره عليهن

- موو عليهن قصدي الهويه والبطاقتين

- اي شبيهن ؟

- انتي ياهي منهن ؟ سرى لو روان ؟ دوختيني بعلي

- اني شمنطيتك ياهويه بالعقد

- مال روان

- اي بعد شكو تسأل

- وسرى منو ؟

-هم اني .. لتدوخ نفسك بهالسالفه

تره عندي يمكن اربع جناسي حتى اتيه بيهن

صدك اكولك اني منطيتك السنيه لو الكورديه ؟

- السنيه

- ايي زين مو عندي اثنين روان وهواي اتيه بينهن صراحه نسيت اني شمنطيتك ياهويه منهن همزين ذكرتني

- وشدعوا هالكد عندج ومنين تجيبيهن !

- اجيبهن فد معضله هنه

لك بابه ابسسط من الجناسي ماكو

- هسه انه دخت وعلي

انتي منو بالصدك !

عصرت الوصله وخلتهه بالسطل واجتي يمي

كلتلي ..

- ريري وبس

- ريري اصلها منين ! اسمها الصدكي شنو !

- ريري مالها اصل بكيفها تسطر اصلها وين ميعجبهه

- والله من الاول عرفت اسمج جذب

كلتلج ملايك عليج روان

احجيلي شسمج مااكلج تره هو اسم

- شوف اني ادري راح تضل تلح بس هاي شغلات خاصه بيه لتدخل اووكيي

كافي عرفت عندي جناسي مزوره الباقي لتعرفه احسن صدكني كل ما متعرف عني شي هو الاحسن

خلينه حبايب هيج لتفوت بالعميق مو زين على شغلنه

- لججج لااااتسودنيننني ريري شلون اعيش وياج وماعرف انتي منو !

- مو عشت صارلك شكد بعد شكو!

بس شيل هالسالفه من بالك وتكدر تعيش

- مااقتنع هيج

الا اعرفج

- تعب نفسك حتى لو تدعفس بكل شبر بيتي وغراضي متلكى شي يعرفك عليه

اقتنع بالي بديته وياك احسن

وتره هو مو فدشي هو اسم لايقدم ولا ياخر بحياتنا فطنشه اوووكيي

مشت شويه ورحت وراهه كلتلهه

- المهم انه مامغشوش بيج اعرفج انتي غير وحده .. تبقين بعقلي مبهمه بس اتعايش وياج ك. ريري مو روان هاي من الاول انه كارهه بيج ومتلوكلج

- كيفك المهم نكمل العيشه والشغل شتريد تسميني تفكر بيه كيفك ماهتم لهالشغلات ابد

راحت لغرفه اهلي وانه طلعت كعدت يمهم بالحديقه ..

متمدد وراسي بحضن امي وافكر بشخصيه ريري الضامتهه عني ؟ واكول هم يجي يوم

وتثق بيه وتحجيلي عنها؟

اجتني بعدين تشاورني ..

- اكولك حويدر هذا الشيسمونه البرياني شيخلوله ويصير جوزي

- هااه حتسويلنه برياني !

- اييي شعبالك لعد دابدع ادري بنفسي

- عشتتي والله خوش مدللتنه

هذا يخلون دارسين

- وشلون شكله هذا !

- فد شي هيج مطحون ولونه جوزي

-هاا زين وشلون اسوي الشعريه شو هاي كلتلي گليهه وخلي التمن والمي وياهه ونكطع النت عدهه بعد مافهمت زين

- ههههه ريري عيني عوفي هالطبخات جبيره عليج

- لعددد شسوووي كلتلي سهل وبسرعه يصير

- سويلنه كشري

- شلون يسووه ؟

- امشي نحجي جوه

رادله شرح

طبينه بالهول .. وضلينه واكفين يم الشباك

ونتشاور ..

- تطلعين شويه عدس وشويه تمن

تنكعين التمن وتفورين العدس اول فورتين تشوفين طلع الكشور مادري شنو هذا وغف ليفوك

- اي

- اي تشيليه

- شلون اشيله ؟

- عمي لا تشيليه اخذي الجدر صفيه واغسليه وخلي التمن والمي والعدس وخبطي بيهن

وهي تصفى

- هااا بس هيج ! شو سهل

- اي هو صراحه انه ماطابخه كبل بس هيج يمكن يصير حسب معلوماتي بعد مادري شراح يطلع وياج

- هااا هم اثول مثلي

-انجبي لجج

- ديلاا اكولك شوكت اخلي ملح

- من طلعين لاهلي رشي ملح من الناعم مو تاخذين هذاك الخشن وتخلين تمنات تكرط ملح مثل كل مره

-اييي فهمت

- وخلي دهن فركعي ورشي فوكه تمنج دومه ميبس

- ايي انسه اخلي

- يلا روحي اضبطيه بروح الاعزاز

- ايي اووكييي

راحت للمطبخ وانه رحت طببت ابويه صار الجو حار فد نوب بره ..

وكعدنا بالهول ويمنه الجهال ..

وساعه تجر ساعه صارت فوك الاحدعش

وريري مالهه صوت ..

رحتلهه للمطبخ والكاهه تكلب بالجدر

باوعت وكبل جفلت ..

جريت منهه الجفجير وكمشت التمنات وكلتلهه ..

-ولج هاي شمصخمه ريرري

- شكووو شسويت فوك ماصار ساعتين انتظر هالعدس يفور وبعده قوي حجاره مو عدسات

- هذااا عدس هذااا هذا عددددس !!!

ادري ماتعرفين تطبخين هم ماتعرفين شتاكلين !

- هسه عذا مو عدس ! لعد شنو ولك اني شطابخه !

- حمص مجروش ياثوله ماتعرفين العدس من الحمص المجروش !

- ياااااا وانيي اكول شبيي مديستوي بساع

هههههه طلع حمص خخخخخخخ امداني شكد ثوله

- استغفررر الله

ما جان اجيتي وكلتي تعال شوفلي جاره

هسه شناكل بله فهميني !

- ناكل تمن حمص مجروش ههههههه

اييي شبيك تغيير هسه مو زين اغيرلك وانوعلك بالاكل ميعجبك !

- ولج هسه امي شتكول عليج

ابويه شياكل ! غير يشمر الصينيه بوجهج

وفوكاهه معجن غادي مريده

ولج تمن الكبه مو هيج ممرود شجااج ياثوله تمنات مدبرتيهه

- اييييي غير كله منك مكلتلي شلون شكله العدس من الحمص

ماعرف اني اجيت لكيتهن كلهن صفر جريت هذا وفورته

يعني متعرفني مطفيه بهالسوالف غير تحجيلي وتعلمني زين

- اووويلي ربببي ارحمني ولج وتالي وياج

شلون بس فهميني شلون

اكتبهن الج واحطلج صورهن وتحفظيهن!

هيج تريدين !!!

- اي هيج داندل دربي مو اجي هنا افتح السطوله واشمشم مادري شنو هذا همزين اعرف بس التمن واللوبيه الحمره ها والباكله اليابسه هم اعرفهه والفاصوليا

- لتذكرينيييي دخيل الله تلعب نفسي كل ماتنذكر الفاصوليا من ذاك اليوم ولهاليوم ماحطيتهه بحلكي بعد

- اووووي ديلااا ع اساس شلون طبخك انته ماكو  هيج مشبعني اكلات

- والله اوكف اطبخ بدالج واتفشل كدام اخوتي ولا شلعان الكلب هذا اضل جوعان ومحتار شاكل واوكل اهلي من وره ابداعج

- اهووووووو

ديلاااااا بعد ماطبخ اني صوجيي واكفه وشابعه حر ودهن ووجهي راح انصلخ بالحر هنا وانته كلشي ميعجبك ومتقدر

- هووو شنوو السويتيه يسوه واقدره !

لج تمن حمص توكليني ! ريري ماريدج تسمنيني بس خلي اكلي لكمه مثل الاوادم

- ديلاااا اوكف سوي لنفسك راكل اني بعد معليه كلششي ماسوي لو تطلع نخله براسك بعد ماطبخ

- اااحسسن وخري منا خلي اذب هالجدريه لا تفضحينا بيهه

وكفت يم المجمده ومتجتفه وكالبه خلقتهه

وانه فرغت التمن بالعلاكه وذبيته بسطل الزبل ..

كلتلهه..

- تعااي غسلي الجدر

-مااا انته اغسل وانته اطبخ معليه بعد

- استغفررر الله

زين هذني المصخمات وين ولن !

- ديغسلن الفوك

- هاا شعجب  !

-اني تعاجزت امسحه وكلت غرف جهالن وصخه خلي اخليهن ينظفن

عاد ذبيت زيت الشعر مالتي بغرفه جهال عزيز وبالممر

وكلتلهن صعدن خاف جهالجن يتزحلكون

وهنه فد طفره طفرن

- يااااا ملعبه لج انتي داهيه

هاي بس تعاجزتي تمسحين رحتي ضحيتي بزيت شعرج !

- اي بله شفت خسرت الزيت

يلاا المهم مامسحت وانكسر ظهري بالدرج

- مصيبه انتي وعلي

تعااي هنا اوكفي وتعلمي شلون نطبخ الكشري

- ماااريد

-تعاااااي هي براسج براسج

جريت ايدهه ووكفتهه يمي .. ضليت اعلمهه شلون كلشي تسوي بالصحيح مو بس تلزك

ومن شفت نزلت ام سيف عاد سحبت نفسي

وضلت هي واكفه تهدر التمن ..

واجتني بعدين جايبه شويه بالخاشوكه وتكلي استوى اطفي ؟ كلتلهه اي وراحت طفت وصبتنله ويه اللبن وتغدينا الحمدلله ..

اخذتهه ورحنه لبيت السيد .. شفت ملوكه

شلون فرحت بجيتنه وضلينه نسولف وياهه لحد ماصارت بالثنتين طلعت للمحل وعفتهه هناك ..

رجعتلهه بثمانيه اخذتهه وكبل للبيت

انتظرت الجناين صعدن ووكفنه انه وياهه نسوي عشه النه ..

تعشينه وضلينه كاعدين ويه اهلي ناكل فواكه لحد نص الليل وصعدنا ..

ريري كبل طكت الجكاره وتشلحت وتمددت ع السبلت .. وانه فتحت الحاسبه ودخلت لتسجيلات كاميرة اليوم ..

شفت ماكو احد صعد هنا تطمنت ..

وعفتهه مشتغله وضلينه نسولف انه وياهه على ملوكه ..

تالي انه نعست وهي ضلت سهرانه بايدهه القوطيه والجكاره ومخليه الحاسبه بحضنها تكلب بالاغاني ..

نمت وهي ضلت كاعده ..

تالي جفلت وكعدت جانت هي تهز جتفي وتكرص بايدي .. باوعتلهه وهي شفايفهه ترجف ..

-  شكو شبيج شكو

- لك اجتي اجتتتي علينه حيدااار راح توصل

جريت الحاسبه منهه واشوف

شي ماكدر اوصفه بفد كلمه

شي طويل حيل ومربوع اسود والحيايه على ركبته ملتفه كل وحده راسهه من جهه

ولا مبين منه ايد ولا رجل ولا وجه ولا شي بس سواااد بشكل مربع وطويييل جاي يصعد ع الدرج ..

ضلت هي تكلي ..

- لك هاي الجنيه الكالت عليهه اختك هاي اجتي علينه ولك اجتتتي حيداار اجتي

سديت حلكهه كلش عصرتهه بايدي

وضال اباوع للشاشه وهي وصلت يم بابنه وكفت ..

.

.

.

يتبع

..♣️🩸 ماء مغلي 🩸♣️..

* adzzon *

جريت الحاسبه منهه واشوف

شي ماكدر اوصفه بفد كلمه

شي طويل حيل ومربوع اسود والحيايه على ركبته ملتفه كل وحده راسهه من جهه

ولا مبين منه ايد ولا رجل ولا وجه ولا شي بس سواااد بشكل مربع وطويييل جاي يصعد ع الدرج ..

ضلت هي تكلي ..

- لك هاي الجنيه الكالت عليهه اختك هاي اجتي علينه ولك اجتتتي حيداار اجتي

سديت حلكهه كلش عصرتهه بايدي

وضال اباوع للشاشه وهي وصلت يم بابنه وكفت ..

احس النفس بعد شويه وينكطع عندي وضال اذكر الله وكامش ريري وساد حلكهه

وعيونا بشاشه الحاسبه ..

نشوف شلون واكفه او واكف مادري شنو جنس هالمخلوق ..

كدام الباب ضبط وجهه على بابنا وهي جرت ايدي حيل من حلكهه وتكلي..

- البااااب ولك راح تجي هنا

-اششش مقفول شبيج اشش اسكتي

جريتهه وضليت كامش ايدهه ونباوع لهالمخلوق الواكف بعد شبرين عنا

كلشي ميسوي بس صافن على الباب

العجيب الي صار .. هالحيايه من وحدها نزلت من جسمه وراحت لجهه السطح

وهو هم اندار وراح وراهن .. انفتح باب السطح بدون ما يمد ايده بسس وصل يمه انفتح وراح للسطح والحيايه كدامه بالكاع طلعن وياه وضل الباب مفتوح وكلشي هدوووء .....

بعدني جامد دمي وصافن بالي شفته عقلي مجاي يستوعبه وريري كمزت من مكانهه وراحت فتحت الباب ..

ركضت كبل جريتهه من فانيلتهه وهي تدفع بيه وتكلي..

- لك خلي اشوف وين ولت هالصخامه وخرر شبيك

- وييين تولين لا يصيرلج شي استري عليه

- حيداااار لك هاي فرصتنااا غير نعرف شعدهه فوك اذا انته اثول ممخلي هناك كاميرا شمدرينا شصار مصار فوك هسه دعوووفني

مااموت لاتخاف عوفني اشوفهه

- اكعددددي مو مال خبااال هاي اكعددي

جريتهه وقفلت الباب وضلينه واكفين

كلتلهه..

- هسه اكيد راح ينزل اصبري وبعدين نصعد نشوف شكو فوك

- هو هذا شنو شنووو لك شنوو فهمني

- مااادري وحك علي مافتهم شنو جنسه

- يعني هذا جني ؟ هيج يصيرون شكلهم؟

- هسه انه شايف جني ! شمدريني

- لعد شنوووو

زين الحيه شجاااابهه بالنص !!! اذا هذا جني شعنده ويه الحيايه ؟؟

- مااااادررررري

-اييي ادري متدري بس دااسال

ضلت تفتر بالغرفه وتدخن واجتي كلتلي ..

- منين دخل هذا ؟ او منين طلع ؟ شو حتى ماله صوت من يمشي ماسمعنه اييي صوت لا على درج ولا باب ولا صوت نفس شنو هذا !!! شنوووو

كعدت كدام الحاسبه ورجعت التسجيل

وضليت اركز زين بشكله ..

الطول مو طبيعي وهالضخامه غريبه

زين الوجه ليش هيج مابيه ملامح بس سواد !

بعدني اركز بشكله وسمعنه صوت طبه قويه بالسطح ..

كبل اجتي كعدت يمي ..

- لك هاي شديصير فوك روسنا ولك حيدااار شوفلنه جاره

- ريري اصبري خلي نفتهم اصبري

بدات اصوات الدبيج فوك واحنه ضالين متلازكين بالكعده ونبلعم ..

رجعت اتابع تسجيل وانتظر يرجع ينزل

وساعه تجر ساعه وهو ماكو مانزل

ريري كل شويه تريد تصعد تشوف شكو فوك وانه ماخليهه اخاف يطلع بوجهنه ويندمر حالنه ..

صارت الصلاه وانه كاعد وانتظر ينزل او فد شي يصير احد يطلع منا منا وكلششي ماكو

طلع الضوا وبعد ماكدرت اصبر اكثر

رحت فتحت الباب وريري وراي وطلعنا للسطح ..

كلشي ماكو هنا .. السطح فارغ ونظيف وانه عقلي راد يوكف ..

افتر بالسطح وكامش راسي حتسودن وعلي هذا وين راح !!!

ريري تباوع من حافه سطحنا على الجيران

وراحت للتانكي تباوع وراه وفتحت القبق

وراحت للستاره الي ع الشارع واجتي عليه ..

- طاار هذاا طاار شنو فهمننني

- حتسودن وعلي ماجاي افهم شيصير

- حيدااار هذا شنو ؟ شكو هنا ؟

- مخزن مال عادل يخلي بي غراضه الي ماتنباع تضل عنده هنا يجمعهن ويطلعهن بنهايه موسم

- متكدر تفتحه نشوف شكو بي ؟

- لا مفتاحه عنده ماكدر

راحت عليه وكفت يم الباب وافترت على جهتينه .. هو جينكو بس السكف ساندوج ..

جريت ايدهه ونزلنه .. قفلنه الباب ورجعنه لغرفتنا..

ضلينه متمددين وصافنين ..

تالي هي كالت ..

- مامعقول تبخر

مستحيل يختفي هيج بالجو

- ليش يعني صعبه عليهم !

- مو صعبه بس هو لو يريد محد يشوفه ويطلع منا جان كبل هم اختفى وطلع

ليش تعب نفسه وصعد تلث طوابق !؟

مو لو داامسلت اني ؟

- لا صح حجيج

- اي اكو شي بسالفته

اكووو شي ما صدك هيج هو عنده قدره يختفي ويتعب نفسه يصعد درج ويفتر هنا وهنا ؟

شنو غايته ؟ يخوفنا ؟ جان طلع من كاعدين

لو يفوت للغرف ويخبلنه يخلينه ننجلط بساعتنه

بس هو ما دخل علينه واحنه حتى ضوا غرفتنا  ممشتغل يعني مبين نايمين

ليش مادخل وخوفنا ؟ مو هاي سوالفهم كبل ينطون فوك الروس ؟

- صح

مو بس هيج هو اذا يكدر يختفي ميحتاج يفتح باب كبل يدخل

- ايييييي عفيه هسه بديت تفهمني

يعني شنووو

- يعني مو جني !؟

- عفييييه بس وين ولى هذاا ؟؟ وين اختفى ؟

- هي هنا المشكله اذا مو جني يعني انسان والانسان لااازم يبين وين يختفي ! يطير من السطح ؟ وين راح ! وشلون فات للبيت ؟

- يجوز هو من البيت

- ماعدنا احد هيج هالطول والضخامه

- يجوز متنكر حتى محد يكشفه

- يتنكر وجه شعر سمن مو طول هيج بكد الباب

- امممم ماادري بس اكو لغز هنا اذا عرفناه راح نفهم منو ابو السحوره الصدكي

- اييي هذا الخيط الاول لازم نعرفه شنو

- هسه اني اشك .. طنطول وسيف وحنفيش

هذوله حتى لو مطلعو همه السحارين بس الهم ايد بالسالفه ميه بالميه

-بس لازم من نقرر شي كون عدنا اثبات عليه

- يعني؟

- يعني هسه مانكدر نجزم هذا انسان مو جني او شيطان

توقعنا شي احنه بس نريد دليل حتى نمشي بزودنا بعد مانضل نتردد جاي تفهميني

- ايي فهمت

سهله هاي راح انتظره بالليل اليوم هم واثبتلك جني لو انسي

- عفيه عليج

هسه بدينا بالشغل الزين

- اكولك اني راح ابدل وانزل اشوف هذني موجودات ينزلن لو مختفيات

- يلا وانه اراقب منا خاف يصعد احد او يرجع هو ينزل شوف بلكت نلكط فد شغله

كبل لبست دشداشتهه ونزلت وانه ضليت ارجع بالتسجيل واشوف شكله واتعوذ من الشيطان ..

برحمه الله صاحين لهالساعه على هالشوفه ..

ضليت اكلب بالحاسبه وارجع شويه للكاميرا اشوف شكو ماكو وارجع اكمل شغلاتي بيهه

خابرتني ريري ..

- هاا

- اكولك هذني اثنينهن هنا

- من شوكت نزلن

- قبل شويه نزلن سوه وديسون ريوك

- زين امي وابويه كعدو ، اكلو

- اخذتلهم ريوك لغرفتهم بره حاره عليهم

اجيبلك ريوك لو تنزل

- لا راح انزل هسه

سديته ونزلت صليت بالهول وهي جابت الريوك .. ناكل وساكتين ..

كملنه اكل وانه دفعت الطبله شويه ومديت رجلي .. ادنت هي وخلت راسهه على جتفي

وانه هم خليت راسي على راسهه .. كلتلي ..

- اريد انام تره ماغفيت ولا دقيقه

- والله يرادلنه نومه  طويله نرجع بيهه الحيل

- دمشي نصعد نام هسه شعدنا

- متنظفين ؟

-العصر مابيه حيل هسه

راح انام على نفسي ويكلي نظفي

ضحكت وجان تجي ام فاطمه .. رافعه حواجبهه وتكول..

- عيني النسوان بالباب من رخصتكم

ريري شالت الصينيه وكالت ..

- عليمن جايين ! اصيح العلويه

- لا جايات على ام سيف

- ميصير اجي اسلم هم احب يصير عندي جارات اسأل عليهن ويسألن عليه

- مادري اسألي ام سيف اذا قبلت تعالي سلمي

-اوووكييي

طلعنه وضليت يم اهلي كاعد انتظرهه

وهي شويه واجتني تضحك ..

حجت شويه ويه امي وبعدين صعدنا

هي وتنزع دشداشتهه تكلي ..

- هاي جيرانكم البصفكم جنتهم الجبيره بعد ط..ي صاحبه طنطول

- ما رتاح لا الهه ولا كل بني ادم يوكف وياهه

اجتي تمددت يمي وقفلت تلفوناتهه وضلت تباوعلي وانه انزع التشيريت وبعدين خليت الغطى على وجهي ونمت ..

حسيت على الباب تندك .. كمت افتحه وانه مفتح تك عين .. جان اشوف احمد ..

- هاااا ولك شجابك

- عمممي اشتاكيت وعلي صاير ما تفكدني

بالك بس ويه مريتك

- لاااا بالي انته بس مشغول هالايام

اوكف هسه اجيك وننزل

- شكوو نازلين خلي نسلم

-ويييين بطل خفيتك هاي صرت مشورب اعقل عاد

- اصلا السلام من الاصول بس انته مدري شلونك

- مرتي مو من اصولك فهمت ولك

طبكت الباب بوجهه وريري لكيتهه جاره مخدتي مخليتهه فوك راسهه .. لبست تشيرت كلتلهه..

- متنزلين ؟ اجه احمد حضريلنه غدا

- نعساااانه مااااا

- ريري كملي نومتج وره الغدا

- مو بطلت اطبخ بعد شكو حير انته بالغدا

كعدت يمهه وجريت المخده من راسهه وهي مكفوش شعرهه على وجهه ..

سحبت شعرهه المكفوش وكلتلهه ..

-ولج احمد هنا تريدين تفضحيني كدامه

انزلي بس اليوم اطبخي باجر انه دوري يلا بس كومي

- حيدااااار

- شعجب بنعوصه هالمره ! تريدين شي ؟

- اخذني باجر لبيتي

- ليش مو بعد وكت

- اريد اروح ارتاح شويه حتى صبح اطلع من وكت

-شوكت تكليلي شعندج شغل ؟

- تاخذني لو لااااا

- كعد جبار بسم الله

-هههه نعلى عليك ولك شكول جبار اني

-شكلج مال نونه الحنونه بس صوتج جبار مأصل

- ايااا عوينجي شعرفك بنونه الحنونه ولك

- تطلعلي بالفيس هههه كووومي يلاا

- صدك ولك ممصادق ابد لا منا ولا منا

- شعليج خصوصيات شكو تدخلين

- ديلااااا لتكول شعليه اني اووي عشتو عسى ماتصادق درزن بنات متهمني

- بس انتي تهميني واليوم اكعدج استجواب

- درووووح حجايه متحصل.

- انشوف

كامت تلبس دشداشتهه وكبل ما تلبس حجابهه كلتلهه..

- ريري حطي من هذا الكريم

- اووي حاره ماريد احط  شي بوجهي

- لاااا جاي اكلج حطي منه يلا لتجادلين

- اي شكو ليش شبي وجهي هيج ؟ مو تكره المكياج انته !

- مااكرهه بس احب بس هنا تخلين

ووجهج هيج فد مره يجذب العين هذا حمارج

واحمد عوينجي راح نقطه نقطه يباوعلهن بوجهج واضوج هيج ماتحمل اسكتله

ضحكت وفتحت علبة مكياجهه وتكلي ..

- صاير تغار ولك شالموضوع!

- شايفتني مكرن ماعندي غيره ! شو انتي هم تغنين

- هههههه ممتعوده عليك اصلا مادري بيك منتبه على نقاط الحمر هذني عبالي فد نوب مطفي

- لااا منتبه على كل شي بس

- بس من جوه لجوووه عيننني هههههه لكطتك ولك حويدر

- ههههه انتي حلوه هي كوه اغمض

- هااااا لك فد مره متطور

- بس مالي دخل بيج صدكيني يعني شتسوين هنا سوي ما اتجاوز حدي وياج

- اي بعد احسن

باجر تاخذني ؟

- ماكدر ريري يومين صعبه عليه هم سفط جذب وهم شغلي واهلي يضلون منو يداريهم

- نروح بالليل ونرجع ثاني يوم بالليل اووكي هيج !

- متوازين نطلع بالليل

-اييي متوازين داكولك شغل عندي من صبح مالحك شوكت اوصل شوكت اتحضر واطلع والشوارع ازدحام تكتل

نتعشى هنا ونطلع اوووكييي

- شرط اسألج شي وتجاوبين بصراحه

- اذا على شغلي فاكطع نفسك

ضل انته واني اخذ سيارتي واروح

- اكص رجلج واااالله

- سياررتي تره ورايحه لبيتي شكو بعد

- طرطور كاعدلج هنا وتاخذين سيارتج بنص الليل وتطلعين

-اهووووو هسه انته شتريد فضني كول

- اسألج غير الشغل وبصراحه تحجين

-اووكيي

- يلا لياخذج الواهس وتكومين تخطين منا ومنا كتلج بس كريم وخري هالحمار شكو طولتي

- اصير شبح غير بس كريم لازم شويه منا ومنا يرجع روح الوجه

وكفت يمهه وشتاخذ من مكياج اجره من ايدهه .. ونتعارك هي تريد تخط عيونهه وانه ماخليهه اعاركهه شكو تبرزهن

كرهتهه بالمكياج وبس خلت حمره انه كبل خليت ايدي عليهه ومسحتهه وهي تدفر بيه

تاليهه مسحت كلشي حطته ورادت تطلع ماخليتهه كامت تعيط ..

- لك شتريد خبلتني شبيك وياااي شسوي لاا لااا شكو شكووو شبيك

- انتي تعاندين متفهمين شريد

- مو حطيت صخام بوجهي واجيت لغمطت الاول وتالي شسويلك بعد

- كلت حطي كريم مو حمره تخلينه يفتح عشر عيون عليج

- اهووووووو ولك هو زعطوط هم حاسبله حسااب

- عوينجي هذا اعرف افكاره شلونهه

يلا بس هيج خلي خفيف

- ووييين اخلي كولي خلصني

- هنا بكصتج يم خشمج المدعبل وهاي جوه حنجج هم حمره اكلبيهه ابيض

ضلت تأفف وتمشي الاسفنجه على وجهه

شفتهن راحن هالنقط يلا نزلنه ..

كعدت ويه احمد وهي بس سلمت وراحت

شو هذا ضاج ويكلي..

- شبيهه مرتك شايله خشمهه علينه شدعواها لين حلوه هيج متتحاجى

كبل كفخته على راسه ..

- انجججب لك شكوو حاط عينك عليها

شتريد منها تجي تروح شعليك بيهه انته

- عمي ضااايج انه غير تحس بيه اريد اسولف اتشاقى كلكم وجهكم يبجي وين اروح انه وين فهمني

- ومرتي تونس !! هاي انه يمك سولف وياي

- مااريد

طلع بره ورحت وراه كالي ..

- تعال خلي استفاد منك اكعد دعفس وياي بالدراجه مبين غداكم مطول

- شبيهه هاي

- مادري ثكيله صايره متعبتني

ضليت وياه نفك بغراضهه وندعفس بيهه

وريري اجتي جابتلنه بطل مي هو بس يشوفهه ينتعش كبل يضحك ..

وانه ارزل بي وهو يطنش ..

صار الغدا وجنت حاط ايدي على كلبي لا تطلع اكله من سابقاتهه منعرف شلون تنأكل

تالي طلعت صينيه افخاذ شوي ومرتبتهه بتيته على بصل وطماطه وكاسات لبن ..

ضليت متفاجىء .. كبل رحت يمهه شاورتهه

- منينلج هالافكار ولج

- من صاحبتي لتخاف ماعرف هيج افكر من وحدي

- اييي مو كلت جبيره عليج هالسوالف

-ديلااا اكل واسكت

- منين هالافخاذ

-دزيت من المحل بعد سواية طنطول ماامد ايدي على مجمدتهه حاطتهه بكلبهه وقافله عليهه امداهااا شكد نفسهه ضيكه

- اي زين سويتي كلشي هنا ميتأمن

كعدنا ناكل واحمد يسولف ويحجي بريري كوه .. عاد امي كالتله..

- شكو متعب نفسك بيهه بيعهه واخذلك جديده

- جده ااانه ارتاحلهه هيج

- علويه هذا ابو فليس مياخذ الا مستعمل ويضل يدك بيهه تصليح

- عمي اانه احب كلشي اخذه مستعمل وداعتك حتى المره هم اخذها مستعمله

كبل ريري طكتهه بضحكه عاليه وهو خرب ضحك وياهه .. كرصتهه برجلهه وهي تكلي

- مثل هالولد جذذب اكو واحد يفتهم

- ثكككل ثكككل

ضلت ساده حلكهه وتباوع بالوجوه جان تطكهه بضحكه النوب وهذا يكيف بس يريدله سالفه ..

كللهه ..

- هسه انه شكلج انتي شسمج بروح ابوج شو عمي مسوياهه فدنوب علينه شحجي يسكتني

- عادي كولي ريري مثل عمك

- ااااخ  ريري شلوون لكطه

كبل دفرته برجلي ووخرته من الصينيه

وهو يكلي ..

- الدجاج يخبل وداعتك عمي مماكل مثله كد ماطيب

- انجبببب فك حلكك بعد الااا ابلعك سنونك

وااالله بعد بس تمسلت بهالحجي اكوملك وحلفت الله بعد سويهه وشوف

ريري جرت ايدي وتكلي..

-شجاك حيداار دنتشاقى هسه شصار

-معليج انتي اسكتي

كعد وهو يضحك ويكول ..

- جده هذا الحب هيج يسودن الوادم جا انه هم احبلي وحيده تاليتي هم اتسودن مثل عمي هيج

امي تضحك وتكله ..

- الزواج يعقل الوادم يايمه بس الغيره تسودن

- هاااا وانته شبيك تغار مني زغيرون انته شبيك يا ازلمه شبيك

- لاااا اله الا الله

ااانه صوجي وانطيتك مجال

- هسه اكلج ريري هذا دجاجكم منين اصله فصله ما ضامين وحيده بعد اخذهه لاهلي

- اااااحممممد وتااالي وياك

- عمي شبيك هسه انه كلت شي جاي اسال على دجاج انته مسودن اليوم اطبك على صفحه اطبك عوفنه جاي نتفاهم عوفنه نشوف وجه الله هسه شكو حاط اذنك ويااي

- حلفت الله اكوملك وانته جلدك يحكك جاي حتى تنكتل

طفر هو بره طلع وانه رحت وراه كمشته يم السياره وضليت  ارزل بي وهو مختنك من الضحك كلتله..

- شبيك انته ماعندك احساس حس شويه وكول عيب مرت عمي هاي

- وعلي حبيتهه يكلك الكلوب سواجي عمي

- لاااانعل ساعه الخلفوك بيهه ياااجلب

امشي اطلع بره امشششي بس توصل هنا بعد اكسر رجلك

سحلته من فانيلته وطلعته بره بالشارع وهو يكحكح ويضحك .. قفلت باب الشارع وطبيت جوه ..

كعدت يم امي وهي تلومني عليه وجاي اشرب جاي وهو طب ويكول ..

- هااا وين استكاني خاف اخذته انته

- شجابك ولك ماعندك كرامه

- اااخ عمممي كلبي يحبك ياكرامه يابطيخ

شوف هيج كلبي يرفرف عليك خلاني اعبر امن الباب واجيك ركض وحاافي بهالظهريه

انته تدك بيه رزايل وانه رجلي انسمطت اكول هسه يحس هسه ينجوي ويهدني وانته ابببد قفلت على صويحبك فرررد نوووب

- ايي بعلي انجويت بس موبالي

- والله عمي هنيالهه لريري شلون ازلمه خذت

يشيل الوادم ويطكهم بالكاع لعيونهه

- اي صير مثلي لتضل مهتلف

- علمني شلون جبتهه وانه اكوم اضبط براسهه مثلك

ضليت اضحك وانه اتذكر سالفتي وياهه وشلون جبتهه بالف ياعلي وتواسيل وشروط وعناد ومشاكل وفلوس بكد راسه المربع تطلبني انطيهه ...

اخذته ورحنه للمحل وهو استلم الولد دك سوالف .. رجعنه من وكت للبيت ولكيت ريري محضره العشه نشواف بس نص ونص مستويات وصايرات دهن على حاله ..

احمد كبل كللهه ..

- حسدتج يمعوده شبيج ويانه

فكت عيونهه بوسعهه وتباوعلي .. وانه ضليت الزكهه منا ومنا واضيع الوكت بالسوالف وياه لحد مااكلنه وكمنا .. اغسل واشاورهه..

- تعلمي بعد تنشفين دهن الاكل لا كبل تشيلين من الطاوه للماعون

- وهسه يلا تتندر وتكولي احجي من وكت قبل ماطبخ كول تعليماتك

- صاار عيني امري لله بعد كبل الغدا والعشه اعيدلج الدرس كل يوميه

- اييي رااح اصعد اتحضر

- اووكفي شكول لاهلي هسه وين رايحين

- كللهم نروح لعمي المريض

- بعد التوبه اجذب هالجذبه

- هههه كللهم عدنا موعد الصبح بدكتور بصخام اي شي دبرهه

عافتني وصعدت .. رحت كعدت يم اهلي

واحك بشعري وافكر شكول شكوول ؟؟

تالي احمد كال ..

- اكــــِلك شوكت تصير ابو مو عجزت متكلي شوكت شو زواج وتزوجت يلاا عاد لحلحهه

- شعلييك انته هو رزق شوكت ميجي يجي

ضل يفر بايده ويكول ..

- تجي الحجايه  واستغفر الله

طنشته وكلت لامي ..

- علويه هاي ريري تريد تروح لدكتوره

وباجر موعدهه من الصبح وراح نطلع هسه نبات بيت عمهه هم نسلم عليه وهم نلحك لسره من الصبح

- هااه دكتوره ! ليش يمه

- ااا هي تفهمج بعدين بس حجزنا بعد

- مو بعيده يايمه ما ترحون هنا ماعدنه دكاتره

- بعد هي تكول من صاحباتهه وتعرفهه

مانتاخر باجر العصر نرجع

- يلاا يمه توصلون بالسلامه ضل خابر لاتخلي بالنه عليكم

-اي صار صار

عفتهم و صعدت لكيتهه فاتحه خانتي وصافنه

جان تكلي ..

- يلا زين اجيت تعال شوف شتريد تاخذ ملابس

- اي شي خلي انتي

تمددت على بطني وهي تكلي ..

- شو مكلوب شكلك شبيك

- ريري هاي طلعتلنه سالفه صفح النوب

- شكو

- الجهااال يردوني اصير اب

- هههههههههههه من ط... ي اجيبلك ولد

- انجببي

- عادي كللهم مرتي متخلف وفض السالفه

- اوووووف ربييي اوووف

- كوم يلا نزل الغراض حلبس عباتي واجيك

- طفي كلشي يلا تنزلين

-اوووكيي

اخذت غراضهه نزلتهن وشغلت السياره

وطلعتهه بره وهي اجتي صعدت وطلعنه

اول شي مريت فولت بانزين

وبعدين اشتريتلهه من المحل جكاير وحلويات

وكملنه الطريق لبغداد...

كاعده متربعه وشايله البوشيه من وجهه

وتشغل اغاني كل شويه تكلب وحده

وانه بالي يم السلفه بعد خمس ايام لازم ادفعهه

وهالمره مالحكت اجمع شي واخلي نص راتب وياه .. والمصرف زاد هوااي مادري شلون حدبرهه ..

كلتلي ..

- بعدك تفكر بالجهال

-لااا يا جهال انتي

- لعد شبيك

- هيج سالفه بالي

-هااا محتاج فلوس؟

-لا

- سلفتك هالاسبوع ادري مجامعلهه شي

- شمدريج

- مرتك لو قندره انيييي

كلشي ادري

-هههه

- اداينك

-لا

- باوع اني انطيك هسه عادي ادري بعدين حاخذ منك الضعف

- الله يستر منج

- ايييي دسولف ولك طريق طويل طكت روحي هيج ساكتين

- سوووولفيلي انتتي

- شنو

- اتفقنه صراحه لا تضمضمين عليه

- دحجي عااد شتريد

- هنه سؤالين اريدهن منج

الاول .. ابوج صدك ميت !

- اي ميت لعد شلون اخذت تقاعده

- شجان يشتغل

- مهندس طرق وجسور.

- وااالله

- مااحلف انييي داحجي صدك

- شلون مات

- مات بعد هو شنو شلون ماات لتضل تلح بسالفته عوف اهلي على جهه عندك غير شي كول لااا اسكت احسن

- زيين ززين

الثاني .. هم حبيتي واحد وعلاقه وهيج يعني

طكتهه بضحكه طويله وتضرب على رجلهه وهي تضحك .. جان تكلي ..

- لك بابه ياحب هذا !!

همه وينهم الزلم حتى احبهم شو اني سايكتهم سوووك

- يعننني ابد ماسويتي علاقه باحد

- شوووف هالبطراااان

لك هي العلاقه شنووو حجي ويه ولد تقصد !

هذا تلفوني متروووس ولد كلهم احاجيهم يعني عندي علاقه بيهم ! لاااا بس هيج شغل هاي علاقاتي

بس حبجيات وعمري وكلبي مااااكووو يا مصخم هذا يستاهل احجيله هيج

- ههه ااانه حجيتيلي

- انته اجذب عليك وعلى اهلك قابل صدك

- المههم هسه يعني كلبج فارغ

- مصفرر وروح ابويه

ماحبيت

الولد العرفتهم كلهم شغل

لو يردون بنات مني وادبرلهم

لو يردون ادبرلهم شغل يم فلان لو فلان

لو استغلهم اني حتى امشي شغلاتي

والي اشوفه بي مجال وخيخه اخليه ويه طلياني وهيج ماشيه الحياه

- هااا والبشاوات تذكريهم

-اي موجودين بس ماحجيت بيهم كلت خاف اطنكر عليه

شنو يهموك ؟ تريد تعرفهم ؟

- لااا كافي سدي الموضوع

- جنت تريد تسمع مني هذوله ماكو مو

- ردددت بس هي متصير

- بس قليلين تره

لان شغلي گواده اكثر

- وشتفرقين عن البنات العندج !

- لك بابه هذنيج كحااب وااني الگواده مالتهن

يعني انيي شغلتي ادزهن للولد وادز الولد الهن هاي يعني الگواده

هنه شغلتهن  كله بالعميق فتختلف السالفه

شويه خلي عندك ثقافه معلومات

لا بالجلاب عندك ثقافه ولا بالكحاب

اووف اووف

- هههه والله متشرفني هالثقافات

- ديلاا ع اساس شلونك انته

اكوولك  اني من الصبح تره اطلع فد بالسبعه اني طالعه فلا تكعد تسال وين وشعندج واجي وياج وتأخرني بهالسوالف من هسه داكولك اوووكييي

- بسس كليلي وييين وروحي شريد منج

- شعليك اسرار هاي

ولو انته صاير تخوفني صراحه

-لييش ولج

- احس بالك وياي وهالشي يضوجني

حياتي ماحب تحط خشمك بيهه وتنبش باسراري

- هااا وانتي ينعرف منج شي مااشاء الله مصفرره كلشي حواليج اسمج ماعرفته شنو شبعتيني جذب وماعرفت صدكج وين

- لحيت خو انته لحييت باسمي

رجعنا نتعارك بسالفه الاسم وشغلهه الممعروف وين .. لحد ما وصلنه بغداد احنه نتناكر بهالسالفتين ..

وصلنه البيت بنص الليل .. قفلت السياره ونزلت الغراض وطبينه البيت اضلم يخوف

كلتلهه ..

-هاي شلون دبرتيهه عيشتج هيج وحدج هنا

- تعودت

شغلت الاضويه والسبلت وراحت بدلت

واجتي كلتلي ..

- راح يجي حبزبز تريد اوصيه يجيبلك شي بطريقه

- لاا ، راح يجيب كانيور

- لا باجر اخذه منه بس فلوس عنده اريدهن

روح فوت نام الغرفه بدت تبرد

- لا خلي يروح المحروس ونام

ضلت بغرفتهه وره شويه اندكت الباب

وطلعت انه افتحه واجتي وراي ..

شفته شايل علاكه جبيره كبل اخذتهه من ايده

وانطاهه فلوس وراح ..

راحت كبل خلتهه بالثلاجه واجتي كالت

- راح اسبح انته نام على راحتك بيت بيتك عيننيي

راحت هي للحمام وانه ضليت متمدد ماكدرت انام بالي يم العلاكه .. شموصيه؟

رحت للثلاجه وفتحت العلاكه شفت كارتونه كيك .. ماكدرت اشيل لاصق خاف تدري بيه شفتهه ومبينه شغله خاصه عدهه ..

رجعت تمددت وضلت بالي شغلتهه وين تروح وشعدهه بالكيك ؟

اجتي لابسه الروب ولافه شعرهه وكعدت تصبغ اظافرهه .. انتبهت رجليهه منظفتهه

جان بادي الشعر بيهه هذنيج اليومين

ضلت تمشط بسرعه واجتي جرت مخده من جوه راسي وتكلي ..

-مخدتي هااي اخذ غيرهه

طفت الاضويه واجتي نامت ..

الغرفه فد نوب ظلمه وانه عيني ماخذت نوم بس اتكلب ..

ضليت منطيهه ظهري ومغمض اريد انام

وجان احس برجلهه بارده طخت رجلي

دفعت رجلهه برجلي ورجعت غمضت وهي كل شويه تشيل مخدتهه واطبطب عليهه

وترجع تنام .. تالي انداريت عليهه ..

- شبييج اركدي عاد

- شو ممرتاحه مدري شبيه يمكن لان كوني مو وياي هنا

- واانه شذنبي اريد انام

- ديلاااا عاد نمت

ضليت مغمض شويه وانداريت عليهه

وهي شالت مخدتهه وشمرتهه يم رجلي

عاد مديت ايدي كمشتهه جان اجفل

صحت بيهه ..

- هييي شبيج

-شكو

- ملابسج وين

-ههه سفردحي اليوم بيتي وبراحتي

- هاي صارلج ساعه نايمه هيج !

- اييي شنو ضوجتك !

- جفلتيني وعلي

- ههههه ليش يمه هاي بس لمس لو شوف شيصير بيك

- وعلي وعلي جفلت من طخيت بطنج

بويه استري على روحج شبيج وياي لخاطر الله

- شمسويتللك يااا تره معليه بيك

بس نوم مثل الاوادم مجاي انام

تفكيري باجر ومطير النوم من عيني

وهنا اني متعوده اناام هيج ارتاح اشبع بروده

- زين نامي بس لتخليني اشوفج هيج صبح

البسي حتى لو شورت بس لا هيج

- هههههههههه سوووده عليييه حويدر كاسر كلبببي

درت ظهري وعفتهه وهي خلت راسهه من يم رجلي .. مانداريت عليهه بعد وضليت مغمض لحد مااا نمت ..

حسيت الصبح على صوت الباب يندك  ..

هجموه هجم ..

كعدت واصيح ريري وماكو مترد ..

رحت فتحت الباب وشفت حبزبز سلم وانطاني علاكه بيهه صمون وجبن وكليجه

وكانيور وياه ..

ربطه بالشباك وراح ..

خليت العلاكه بالمطبخ وشفت الثلاجه ماخذه الكيك ..

خابرتهه مغلق جهازهه .. باوعت ساعه ثمانيه وثلث ..

هاي شوكت كعدت وتحضرت وطلعت؟؟

ضليت ادور على جاي وماكو هنا

لبست بجامتي وتمشيت لراس الشارع اخذتلي كلاص جاي واجيت للبيت تريكت وبعدني ادك عليهه ومغلق ..

للعشره ونص يلا نفتح خطهه وكبل خابرتهه ..

جاوبتني وصوت اغاني يمهه ..

- انتيي وين

- بالطريق فد لتلاثه  هيج وارجع 

- شكو طفيتي تلفونج

- اريد اخذ راحتي ميصير يعني

- استغفررر الله شكو هالكد تتاخرين بيامنطقه انتي

- طالعه هسه للرواد اريد اشتري كم شغله وارجع

- يلا لتتاخرين اكثر ولتقفلين تلفونج بعد

-اووكييي چااووو

سديته وضليت اكلب بالتلفون وبالي السلفه

عاد كبل سويتله فورمات وطلعت رحت ادور محل حتى ابيعه ..

دورت كم واحد يلا حصلت بي سعر زين وبعته واخذت نوكيا خليت بي سيمكارت ورجعت اتمشى للبيت ..

صارت هالمنطقه اليفه عندي حفظتهه وحفظت ناسهه .. محد يندك بيك اذا ماتندك بي ..

صح هوسه بس كلمن  حاير بنفسه الغريب كلهه تلتم عليه متخليه يعبر بس العرف مالهم دخل بي ...

طبيت اسبح وشفت عدهه بانيو هنا مبني ومغلف فرفوري ابيض .. اسبح واباوع لغراضهه هنا كلشي مافهم شنو هنه ..

بس كلهن ريحتهن طيبه كضيتهه اشمشم واسد

طلعت وكعدت اباوع تلفزيون جان تخابرني

ممتعود على صوت النوكيا كبل جاوبتهه ..

- هاا

- اكوولك كوومي مو تخليه بره صارت حاره تسمط فوته جوه ع البروده وانطيه مي بالطاسه الزركه

- اييي .. وينج عاد ماخلصتي شرايه

- لا بعد شويه يلا ماتاخر چااو

سدته وانه شمرت التلفون .. وكمت اريد اجيب هالجلب وهو ماينكمش اجيه منا يروح منا لو يكمز عليه واضل ادفع بي

وبالويل يلا فتحت السلسه وجريته جوه ..

سديت الباب وكابلته وكعدت .. هو راح يم السبلت وكعد بهدوء ..

جبتله المي ونزلتله الريش وعفته هيج هادىء بكعدته وانه اكلب بالتلفزيون..

كضيتهه صفنه وملل لحد مارجعت ريري ..

فاتت وجهه احمر ولابسه ثوب وردي كصير جوه الركبه بشويه وبي نفشه .. وردانه مثل الكركش للعكس وكعب ابيض وشعرهه مسويته ظفاير منا ومنا ..

كبل صحت عليهه ..

- شهالللبسسسس

- يبوووو

- ووووين وليتي من الصبح هييج بلبس الحفلات شعندددج من فاااينه

- تره لبس طلعه هذاا مو حفله ثوب عادي لو تعودت عليه بالبنطرون

- عاااادييي هيج عااادي

تكيفين بالعري

- ايي اييي اكيف بي معليك انته

هاي حياتي وهاي اني البس بكيفي اطب واطلع بكيفي لا تضل كل مانجي هنا تكلبهه سم عليه تره البيه مكفيني لا تنرفزني زايد

طبت لغرفتهه وانه شمرت الريمونت للكاع

وضلينه نتصايح كل واحد من مكانه لحد ما طلعت من الغرفه واجتي يمي تفرك بوجهه وتكلي ..

- هنا ممتعوده اخذ رايك بلبسي وطلعتي افهمني عاد

- يطبببج مرض رووحي عساج للقير مالي دخل بيج بعد

- ماااارحت اگوود تره لتضل تحرك برووحك انطيتك كلمه اني ماخون الوعد

- لااا خنتي هواااي خنتي

طلعتج هاااي مدري وين وبهالشكل اكبر خيانه

- باوع اني ممجبوره اقنعك بس وروح ابويه ماخنت ومو الي بالك طلعتي

حيدااار هاليوم اني عندي يأذيني لا تزيدهه عليه

تره لو اريد اخون كلشي اكدر اسوي بس اني انطيتك وعد ومحترمه عشرتنا صدكني روحتي لشي بعيد عن بالك

ضليت ساكت وداير وجهي عنهه وهي راحت

بره .. واجتي شايله العلاليك خلتهن يم رجلي

وضلت تفتح بيهن ..

كلتلي ..

- حويدددر لطنكر شبييك

شوف ششتريت ل امليييكه شووف

باوعت وجان بيدهه ثوب سمائي طويل عبالك بدله قماشه وتطريزه ..

-حلو

-طبعا حلو بورقتين الا شويه  هذا اكيد حلو

- شدعوا هيج غالي جايبته

- غير عيد ميلادهه الاربعاء واريدلهه شي يسوه تلبسه وتفرح بي

مو اني وعدتهه اطلعهه ملكه بهاليوم وهي تنتظر مني الوعد

رحت تعنيت لارقى محل واخذتلهه ارقى فستان

شوف حتى حذاء اخذتلهه ووصيتلهه الايباد اليوم حبزبز يجيبه العصر

هااا وتره فلوس حلال هاي لاتكعد انته وابن عمك تستشرفون براسي هذني من فلوس ابويه اووووكييي

- زين

- هم اشتريتلك تره مانسيتك عبالك افكر بس بنت اختك وانته لاا

هاك هاي علاكه كلها الك

خلتهه يمي وانه بس متجتف واباوع لللغراض

طلعت بعد كلبيه سوده كلهه شغل وكالت ..

- هااي لامك اختاريتهه

من شفتهه كلت شكد حلوه تكعد عليهه

وهم اني مقرره اخذهه ويانه لبيت ابن عمك

غصبا عليهه اخذهه

- الله كريم

- بعد بقى ابوك مالكيت محل براسه خير  مال دشاديش فمااخذتله شي بس يلا نروح العصر ندور على ذوقك هالمره

ضلت تباوع بوجهي وتكلي..

-شبيك ! بعدك ضايج مني

-لا

عفتهه ورحت تمددت بالغرفه .. وهي اجتي يمي توخر ايدي من وجهي وانه مغمض وماحاجيهه ..

ضلت تحاول وياي وانه ساكت ..

تالي اندكت الباب وراحت ..

وراهه اجتني تكلي ..

- يلا وصل الغدا تعال ناكل

-شبعان

- حيدااار شبيك لتخبلني شهالاسلوب ويااي

مارديتلهه وضليت على نومتي ..

اجتي كعدت يمي وتجر بايدي وتكلي..

- شبيك ليش ضجت هيج يعني متعودت عليه وعيشتي الزفره شبيك مدكلي شجاك

- مضايج منج عفتج بعد مالي دخل بيج

-لعد شكوو

- هيج مالي خلك

-تره اني هم مالي خلك كوولشش بس علمودك داحجي ولا اني طافره روحي

-اسكتي وارتاحي معليج بيه خلي كل واحد بعيد عن الثاني احسن

راحت وانه تغطيت وضليت اريد انام

ماريد افكر بشي بعد ..

سمعت الباب نفتحت كبل غمضت وهي اجتي نامت بمكانهه .. وانه انداريت انطيتهه ظهري

جان تجي تلزك بيه .. كلتلي..

- مالبس كصير بعد راح افصل غير فستان لهاليوم

- معليه بيج بعد ضلي لبسي كصير شسويلج

- هسه انته شبيك ويااي

جرت جتفي ودارتني عليهه وضلت مخليه راسهه فوك راسي ..

- جاي تصعبين عليه بيه شي لا اكدر افهمه الج ولا اكدر اتحمله

- كل الي ردته بالبدايه سويته الك بعد شنو

- مابينه تفاهم هنا ريري

هنا افكارنا كل واحد بصوب

لا اتعبج ولا تعبيني خلينه ساكتين احسن

ضلت تباوع لعيني وساكته .. بعدين وخرت ودارت ظهرهه ونامت ..

عفتهه وطلعت تمددت ع القنفه .. جريت العلاكه الجابتهه الي .. لكيت مشتريه بجامتين وحده زيتوني ووحده رصاصي وقميص وشورتات اثنين وفانيلات ...

ماعندي اي شعور هنا شمرت كلشي بالكاع ونمت ..

كعدتني بعدين وهي تكلي..

- كووم اكل وخلي نرجع يلا

لكيتهه معزله المكان ومخليه صينيه الاكل

والساعه سته صارت .. كعدنا ناكل وساكتين

وقفلنه وطلعنه وطول الطريق احنه منحجي

سلمنه على الاهل وانه كضيتهه اشتغل بحاسبتي وماحاجيتهه بعد لثاني يوم الصبح

كاعد بنفس مكاني وحاسبتي بحضني اشتغل بيهه ....

انه عندي موقع لازم اضل كل يوميه اتفقده والشغل الي ماسويه بالمحل اسويه هنا

ريري اجتي واخذت ملابسهه وراحت عرفتهن راح تسبح ..

وره شويه رجعت طبكت الباب حيل وضلت تباوعلي ..

انه لابس نظارتي وارفعهه اباوعلهه وارجع اباوع للشاشه ..

جان تكلي ..

- حيدااار انزع

- شنو شنزع

- اففف انزع ملابسك بله داشوف

-شتشوفين ؟

ذبيت الحاسبه على جهه ونزعت النظاره

كلتلي..

- انزع داشوووف

-هوو شكو وتشوفيه شكوو

- هو الموجود اريد اشوفه

- شبيج انتي صاحيه ! مو رحتي تسبحين شرجعج !

- يبووو حيدااار تنزع لووو لااا يلا تره بزعتني

-مااانزع هي بكيفج

- لك بابه بس اشوف واروح عادي لتستحي اني هم انزع اذا تريد

- ولج لا تسودنيني هو شكوو وتشوفيه

شكو شتردين

اجتي يمي وانه رجعت ليوره ونزلت من طرف الثاني وهي تكلي ..

- مااكلك بس اشوف

انزع عاد شبيك عليت كلبي دنزع عاد

- مااا انزع مااريد تشوفين هو شكو وتشوفين ولج بويه استجلي عاد اثكلي

- لتخليني امشي وياك بالموزينه انزع عاد

- ولييي منا ريري لتلعبين باعصابي

- حيدااار راح اجيك تنزع لووو انييي اتصرف

-وعليييي اكسر ايدج بس تمديهه على جسمي

ابقي يمج لتتحركين

- ههههه ولك باااابه شبييييك نخلست

بس اشوووف واروح

- شتسوين تشوفين شكوووو شبييج مو عيب هالحجي

جايتني هداده انزع مانزع شبيج الله سودنج عليه بهالصبحيه

- زيييين يعننني متنززع موووو

- بكيفج هو انزع ماااريد هي كوتره تجيني انزع اشوف شبيج انتي شبيج طبكن عندج اليوم

- خوووش لعد انته واحد عاجز وتخاف ادري بيك

- شنوووووه !!! صددك تحجيين !

شهالخرابيط هاااي شبييج

- اي هسه انته متريد تنزع كولي اني عاجز جنسي وااستحييي كووولها شكو بيهه

- رااح الطمج على حلكج انجبي عاد

- هسه شنوو تنزع لو لا

- هااااي شبييييج شكوو انزع حتى تكعدين تفحصيني يعني هيج تردين !

-اييي هيج اريد اتأكد شغاال لو لا

- استغفررر الله وتاالي ويااج منين طلعتيلي بهالسالفه ولج بويه عيييب عييب شجاي تمسلتين انتي

- شكو عيب مو مرتك انييي والي حق اشوف واعرف

هسه اخر مره اكولك تنزع لووو لااا

-لااا لااا لااا

- زيين لعد راح اعوفك هسه تفكر براحتك بس الك منا لليل تثبتلي انته مو عااجز

اذا ماسويت شي يثبتلي بعد اضل لاااازكه عليك بهالكلمه وهالمره مو شقه نحجيهه مثل قبل لااا من صدك اكرهك روحك بيهه

فاكعد فكرر ولليل اريد اثبات

.

.

يتبع

..♣️🩸   ماء مغلي  🩸♣️..

* adzzon *

- شكو عيب مو مرتك انييي والي حق اشوف واعرف

هسه اخر مره اكولك تنزع لووو لااا

-لااا لااا لااا

- زيين لعد راح اعوفك هسه تفكر براحتك بس الك منا لليل تثبتلي انته مو عااجز

اذا ماسويت شي يثبتلي بعد اضل لاااازكه عليك بهالكلمه وهالمره مو شقه نحجيهه مثل قبل لااا من صدك اكرهك روحك بيهه

فاكعد فكرر ولليل اريد اثبات

طلعت وانه كبل تمددت واجر نفس

وعلي احس روحي حتسودن من وراهه

رحت للثلاجه  شربت ماي وضليت كاعد صافن بسالفتهه .. هاي شجاهه!؟

رجعت ع الحاسبه وبالي كل شويه بهالسالفه

واشكال الافكارصارت بالي ..

اجتي ريري ووكفت تنشف شعرهه وتباوعلي وتضحك .. وانه اعدل مناظري والتهي بحاسبتي بس هي ادور حرشه

تجي ادنك يمي وتخلي وجهه يم اذاني و تعضهه بطرف سنونهه وانه ادفعهه وهي تخرب ضحك وتروح ..

تمشط وتكول ..

- اللييل ااااااااه ياااليييل

معذبنااا اللييييل

مذووووبنا الليييييل

- انجبي عااد انجبي

امشي انزلي شعندج مكابلتني اليوم متنزلين ماعندج شغل

- ااااانته شغلي اليوم حيدددااار عوومرري

-ريرررري وتاااالي وياج بطلي سفاهه

- دلع هذا حووبي دلع شمفهمك بي انته!

بس يلااا لليل نتفاااهم بي

- تحلميييييين تعرفين شنوو تحلمين

- كيفك ماتجيني انييي اجيك

ضل انته مستحي واني اتفحص براحتي

- طااااحظج على هالحجااايه امشي ولي منااا وووولي نعلللى عليج كرهتيني يووومي

حتخليني اهج من البيت والله ماضل بعد واكابلج

-ههههههيييييي

شبيك هيج انته كزه متتحمل !!

شمرت النظاره ع الفراش ورحت عليهه خنكتهه وهي تضحك .. جريتهه طلعتهه بره وقفلت الباب ..

ضلت ادك بالباب تريد الشال عاد فتحته شمرته بوجهه وسديته ..

كعده بعد مثل الاوادم ماعرفت اكعد

مادري شجاني وياهه هيج اكرهه بس تحجي بهالطاري ..

بدلت وطلعت من البيت .. ضليت افتر بالسياره وافكاري تجيب وتودي

اكثر شي افكر بي هو الفلوس . .

يحتاجلي شغل ثاني حتى الحك على المصرف وادورلي فد سلفه ثانيه استفاد منهه لذاك الوكت اضل اجمع لحد مانطيهه فلوسهه ..

رحت فتحت المحل وضليت هناك لليل يلا رجعت للبيت ..

من كعدت ويه اهلي هي راحت صعدت

وانه لعب كلبي كلت هاي بس لا بعدها على نفس النيه ..

للاحدعش وصعدت .. لكيتهه مخليه ماعون كرزات وكلاصها بايدها مليان ثلج وتلفونها فاتحه سبيكر وتحجي ويه بنيه بس يتمضحكن ..

سدت تلفونها وانه واكف ابدل ملابسي

وهي تباوعلي وتشرب ..

- الواحد يسلم يحيص يفيص مو يجفت سكتاوي

- هلو

- هلاااووو

تمددت وجريت الغطى خليته على وجهي

جان تكلي ..

- تلفونك وييييين ؟؟؟

- بعته

- ليش ! وشوكت ؟

- عجبني ابيعه شعليج تسالين

- شنو لعد اني شلون اراسلك !

متفكر انته شكد احتاج اراسلك !!! هسه شعندك ياتلفون

- نوكيا عادي خابريني مو عندج رصيد

- حويدددر شعندك من فاينه مادري بيهه

سولف يلاا

- ولج تلفوني وبكيفي شكو بعد

- احتاجيت فلوس مو ؟

اييي عرفتك علمود الفلوس

وشكو تروح تبيع تلفونك ياهوه هسه شايل نوكيا !!

متدري شكد نحتاج نتراسل كل شويه من تطلع ؟!

مو كلتلك شكد تحتاج فلوس اخذ بدون متكولي شيسموهه هاي تروح تبيع تلفونك

- معليج لتدخلين

تريدين شي خابري ونحجي

- اووكييي اوووكييي بكيفك

يلاااا شو مبين تريد تنام

- چا مو دنيا نص ليل وراجع من شغل تعبان شسوي غير انام

حتى هنا حطيتي نفسج

- اكععععععد عينيي اكعددد

شو بسرعه انته تفرمت دماغك !!

مو كلتلك بالليل اريد اثبات يلاا وينك

شلت الغطى وضليت اباوعلهه ..

- يعني شتردين مني !

- كيفك بعد انته وشطارتك

شوف ، لمس ، ضوك كيييييفك

- استغفر الله

ريري شلج بهالسالفه مو جارين عدل وحياتنه شلوناتها تخبل شجاج !

- حيداااار لتلعب باعصابي وتخليني اكمز عليك هسه واخذ الاريده

عوف السوالف التعبانه هاي

ويلا تلحلح عاد انطيني اثباتي ..

تربعت وكلتلهه تكعد كدامي ..

- زين ماشي

انتي شتردين تعرفين ؟ عاجز لو لا ؟

اني شكول واحد عاجز برايج !

- اي كلشي يصير

لعد اكو رجااال يمه وحده بهالجماال والترتيب والنظافه ولا يريد شي ولا يتقرب ولا يدور منا منا

- حتى لو اريد احنه مو متفقين هالشي ماكو بينا بعد شكو تعتبين عليه هسه !

- غيرت رأيي وعجبني هسه اريد

متنطيني ؟

- اي مانطيج

ماريد نوصل لهيج شغلات

- ليش يعني تخاف اصير حامل مثلا واربطك بولد وبعد متكدر تخلص مني !

- بويه علكيفج شبيج كبل تهدين عليه

- اييي الهه غير معنى حجايتك !

انته تخاف تتورط ويااااي موو لو لا

- اي طبعا اخاف يصير بينا ولد

مو تفكيري هذا وراح يخربلي كل شغلي

- باوع اصلااا اني الي مادمر نفسي واحبل منك

فلتخاف انيي الي ماريد اورط روحي وياك

- چاااا شجااج عليه اليووم

- اريد اتونس

عاااجبني اتونس شويه ويه رجلي

حراام يعني ؟

- ريرررري

- حيددااار تدبرهه لو لا كولي ايييي لوو لااا

لتبط كلبي

- ولج شبيييج

يعني تشككين برجولتي عينك عينك

جاي اكلج ماريد نوصل هالشي ماريد نتورط ونغير نمط علاقتنه هاااي وعيشتنه بعد تصير صعبه

ماتفهمين انتي شبيج ؟؟؟

ضلت صافنه عليه شويه وكالت ..

- زيين .. هسه شغل ماكو خلي نحجي

- شنحجي ؟

- هسه اني مثلا اشتهيك عجبتني بفد شغله مثلا وضليت بالي وردتك وانته متقبل

شسوي اني بهالحال ؟

- شتسوين سوي كيفج

- انته شتسوي من تجي بالك هالسالفه ؟

-ماسوي شي

- شنو متسوي شي !! فهمني احجيلي بالقلم العريض مثل ماداحجيك احجي وياي بطل خجل عاد بطيت كلبي احجي فضني

- ياااااا الهيييي لج شتردين مني

جاي اكلج ماسوي شي

شايفتني نايم ويه وحده ! شايفتني اخابر !

شسوي يعني كلشي ماسوي اكعد واسكت

- ماااكو شي اسمه اكعد واسكت

هرمونات هاي هرمونات

وين تروح بيهه !!

- ريري شتردين توصلين احجيلي من الاخير

- احجيلك وتحجيلي كلشي بالتفصيل

تماطل اضل اماطل وياك

تحجي الصدك اعوفك براحتك اوووكييي

- يلا ماشي احجي خلصيني

- حياتك الجنسيه بالتفصيل تحجيها

-يااابويييه مرتي حاميه اليوم فددد نوووب

هههه ولج ريري شكو تدخلين هنا

- حيداااار وتالي وياك

احجي عاااد

- عادي حياتي مثل اي رجال

- يعني شنووو عاادي .. احجيلي شوكت وشلون وا ذا اكو مشكله عندك هم احجيها

مرتك اني اذا الي متحجي لعد المن تحجي !!!

- ماعندي مشكله والله ماعندي شبيج لحيتي

- اكووولك هو انته مجرب ؟

-لاااااااااااا الف مره كلتلج لاااااا انتي اول مره اعرفها بحياتي والحسسسيييين انتي اول وحده اعاشرها

- اي شوووف هو هنا الخلل

انته مو صاحب تجربه فماتدري عندك مشاكل جنسيه لو لا

بعد شمدريك انته لا شايف ولا مجرب شمدريك شبيك مابيك

- بله هاي حجايه !!!

انتي مسودنه وعلي خيط عقل ماكو براسج

- ميخالف اخذني على كد خبااالي واحجيلي

شتسووي من تطلب الحاااله عندك

- ولج بوووويه ماااسووووي شي

شلزكتتتي ماتكليلي

- لاااااا مدتحجي صراحه

ماكو رجال ميسوي شي بهالحاله

لتقنعني مو صغيره اني وتسفط جذب عليه

احجي الصدك هسه شكو مستحي وخايف

- هسه شعليج بيه شريد اسوي خلي اسوي شكو حااااطه روحج بالنص شعللليييج انتي شعليج بيه

- مرررتك ااانييي واعرف غصبا ما عليك

حتى لو مابينه علاقه بس لااازم اعرف

حويدر احجي وياي هسه واحنه متفاهمين احسن ماشغل شيطنتني ويااك واجيبك مثول ومنسطر واعرف كلشي اريده

- يااالهي صبررررك

ولج انتي حتسودنيني وعلييي كرهتيني بعيشتي

- احجججي عااااد لتضل تماطل تره سلكت ابو ابويه بفهاوتك احجي بطيت كلبي

- ماااعندي شي احجججججييي

- يبوووو

زين هسه اني حجر الحجي منك جر داشوف علتك وين

- مابيه عله والحسين مابيه لتضلين تلحين

- عقلي من يقفل بعد لو تسطر مية امام ماصدكك الا بشوف عيني يلا

- شتشووووفين يااا مره انتي شبيج مستخفه فد نوب

- اشوف الصدك مو اشوف الصخامه مالتك

لتخاف ضل ضامه ماطخه عيني

حعوفه الك تتصفن عليه

-هههههههه استغفررر الله

ولج وتالي وياج

- شكم مره تشتهي بالشهر ؟

-هااا ؟

- حويددددر ولك لا تصير صم وبكم وياااي ركزز عااد وجاوب

شكم مره احجي هسه شكو راح اكطع عمرك دحجي عاد

- يعني مو هواي

مادري شكد ممنتبه

- شكد يعني عشره ؟

- لااا شدعواا شبيج

- يااااا ولك لعد شكد

- يعني مادري بالضبط بس اقل

شوفي اني طبيعتي من صغري بالي مو بهالسوالف كِلش مو يمهه

زين يعني افهميني لاتضلين متعجبه

- زييين ديلا نفرض سبع مرات

بهالسبعه انته شنو شيصير وياك؟ شتريد ؟

احجيلي تفاصيل

- شريد يعني هو هالمعروف اريده

-المعروووف شنووو حركت الخلفوني ببرودك متحجي طك بطك هسه مستحي من الحايط

- ولج بويه شبيييج تسودنتي

جاي اكلج هالمعروف يعني شنو اريدلي مره شحجيلج بعد اكثر من هيج

- اووووف

زييين هم تتخيلهه وهيج يعني مو

- اي

- والشغله عندك عاديه تصير لو تتاذى فهمني هناا احجيلي بالمضبوط تره تعبتني

- شتقصدين

-يبوووو يبووووو

داكولك من تسوي يعني تحس بيهه صعبه !

تتاذى من شي ؟ تحس ممرتاح ؟ اكو فد شي مديعجبك بحالتك هاي ؟ احجي فهمني

- لا عادي

-لاااا مو عااادي ادري بيك مو عادي

ماجاي امسلت حجي اني اعرف وين اريد اوصل فاحجي احسن مااطلع من طوري

فهمني

-لتضلين تنكين فوك راسي وتصيحين جاي اكلج عادي شتردين بعد !! انجبي وسدي السالفه بعد لتضلين تلحين

- يبووووووو

حويدر ولك داريد اساعدك ولك ااااني خايفه عليك وجاي الح وياك لتضوج مني

اني اذا مساعدتك وفهمت علتك وين محد بعد يكدر يساعدك

ماتجي غيري مره تتفهمك هيج

التجي وراي وتتزوجهه وتريدهه ام الجهال هاي تره تتشمت بيك ماتفهمك مثلي

اني الي اخاف عليك واريدلك الزين ومااشمت بيك

اني اساعدك وسرك يروح ويه روحتي منا يندفن مثل طاريي بينكم بعدين شلون تنسوه

هيج كلشي بينا يصير ادفنه وياي ماطلع حجايه

اذا متعرفني فاني داحجيلك صفاتي شلونهه

حجايه بيني وبينك لا اتشمت بيهه ولا الزمهه عليك واذلك بيهه

اني ماعندي غايه وياك ولا اريد اسيطر عليك

شغلتي وياك سالفه شهور معدوده واروح اولي بعد متشوف وجهي هنه فليساتي اخذهن واكولك بيباي بزينك وشينك ادفرك من حياتي

بعد معليه بيك .. فهمممت

فاحجي فهمني اني ادري عندك مشكله بس انته مداتفهم هي هااااي مشكله وانته مترضى تحجيلي دافهمهه شلونهه

ساعدني فهمني هسه اني جايه اخذ روحك

داريد راحتك .. احجيلي المتعبك شنوو

الي تحسه مو طبيعي شنوو !! دافهم الي بالي صح لوو لااا

ضليت اعدل بشعري وهي صارت تدخن

وضلينه ساكتين شويه .. تالي كلتلهه ..

- ريري انه ما مجرب والله حتى افهم الي بالج واكلج هيج وهيج

بس عايش حياتي عادي مثل اي رجال ممتزوج

تجي بالي شغلات .. تصير بنفسي مرات اجرب هالشي وهالشي بس انه استحرم هواي

وماتكرب لاي بنيه ولاا حتى بالتلفون مخابر وحاجي ويه وحده هيج حجي

ولا حتى شايف شغلات محرمه افلام وهيج يعني مااوصلهن

- ليش ؟. ليش يعني رغبتك ضعيفه مو !

مو بهذيج القوه مو الخبال الي تخليك تفقد بعد

-اي هيج مسيطر عليهه ماوصلتني لهالخبال

الي بالج

ماحجت شي بعد .. راحت طفت جكارتهه

وطلعت ... دقايق ورجعت مغسله وجهه وضلت تنشف و نزعت الدشداشه اللبستهه فوك ملابسهه من نزلت..

طفت واحد من الاضويه واجتي يمي وكامشه تلفونهه .. قفلته وخلته ع الميز يمي و حجت يم اذاني ..

- هواي تسيطر مو

- اي

-عفيه اريد اشوف هاي سيطرتك شلونهه

صار ساعه احجي بس مستفاديت وهاي هنا المفيد بيهه

- شحجيلج بعد جاي اكلج اسيطر يعني بافكاري ماروح للحرام بعد شتردين اكثر تعرفين

- والي بالحلال ؟ هم تسيطر ؟

خلت ايدهه على جتفي وترفع بحاجهه

وخرت ايدها مني وهي رجعت خلتهه

و تتلمس ركبتي .. كلتلهه

- متفيدج هالسوالف وخري كافي عرفتي المفروض تعرفيه بعد ماعندي شي احجيه

الج ..سالفه وسديناهه يلا وخري خلي انام

- مو انته الي تقرر نسدت سالفتنه

اني الي اسدهه من اعرف جوابهه الاريده

خلت ايديهه على وجهي واني اجر بيهه

وهي خلت راسهه بركبتي وضلت تبوس

وخرتهه ورزلتهه بس هي ماهتمت

تبتسم وتتلمس بركبتي ..

جريت ايدهه حيل وخرتهه مني وادنيت على الجهه الثانيه من الفراش تمددت وانطيتهه ظهري ..

طفت الضوا واجتي يمي جرت جتفي وانه اكللهه ..

-وتااالي وياج ليش تلحين وتخلينه نتخارب

خلت اصبعهه على حلكي وكعدت فوكايه وضلت تبوس بشفتي ..

دفعتهه وضلت مخليه ايدهه على صدري

ورجعت مره ثانيه تبوس .. وايدي منين مااكمشهه اريد اوخرهه مني هي تضل تدفعهه ..

الى ان صرت احس بشي تغير بيه شي مثل دفو بنص العظام جاي يصير ..

مااحس بوستهه كد ما خفيفه وبس نعومه احس بيهه على حلكي ..

ضلت تتفنن بيهه وانه شبه استسلمت وياهه

عقلي يكلي لا وجسمي مايعيني ..

طولت هواي بهاي وضعيتهه وصارت ايدهه تمشيهه على وجهي وركبتي وايدي وصارت تنزل تبوس على جسمي وتكلي ..

- ليش مداتسيطر وياي ؟؟ ليش هدئت هيج

عاركني يلا ليش سكتت

- مادري

رجعت خلت وجهه على وجهي بس ماباستني

ضلت هيج تحرك خشمهه على وجهي وترجع تبوس بطرف شفتي وتوخر

مرتين وتلاثه لحد ماانه بوستهه

عافتني على راحتي ابوس شفايفهه وبعدين وخرت وجهه مني ..

كلتلي..

- نكمل ؟

-لا .. لاا كافي هيج كافي

- ها سيطرت ؟ بعد متريدني ؟

- لتلعبين باعصابي

- اروح ؟

كامش ايدهه وهي تحرك اصابعهه بايدي

نفسي يرجف وهي رجعت دنكت وخلت وجهه على وجهي

تبوس شفتي شويه وتكلي

- اوخر ؟ اعوفك ؟

ضليت ساكت واتلمس بوجهه ..

جرت ايدي الثانيه وخلتهه على ظهرهه

وقربت كل جسمهه على جسمي

كلتلهه..

-اريدج بس مااريد نتخارب

- ماتغير عليك لتخاف

حيدااار اريد منك بس هالليله خليني احسك رجلي حبيبي من صدك بس هالمره

- الحمل؟

- مااكووو ميصير لتخاف كلشي امان

بس لتكسر بخاطري هالمره حبااب هالمره خلينه نعيش متزوجين صدك وهو هذا حقنا بالحلال لتضوج نفسك وياي هسه حباااب خلينه مرتاحين شويه

حضنتهه حيل وضليت ابوس بيهه وهي مستسلمه الي .. ضليت منين مااشتمهه وابوسهه هي هااادئه وياي حتى صوت نفسهه مااسمعه ..

نزعتهه ملابسهه صرت منين مااكمشهه افقد عليهه ... منين مااشتمهه احس تزيد حراره بصدري واريدهه بعد اكثر اريدهه

طولت وياهه بجسمهه من فوك كله شبرته بشفايفي وهي ساكته بس تتلمس بظهري

كل ماريد اتقربلهه اكثر واوصل مرحله اخلص وياهه ماكدر شي يأذيني باخر ظهري يقلص كل رجلي وظهري يتيبس .. فجأه نفسيتي تغيرت .. رغبتي كلها راحت اختفت

وجسمي عبالك تخيط خياط

حست عليه هي وكمشت ايدي باستهه وخلتهه وره جتفهه والثانيه هم جرتهه باستهه

وخلت راسي بركبتهه وضلت حاضنتني

حيل تبوس راسي وتحضني اقوى ..

- كافي حلالك الجو جنت اشاقه وانته ماصدكت

كافي لتفوت بالعميق خلينه بس رومانسيات احلى ..اثنينه شابعين جفاف بوس وحضن

خلي نشبع هيج لتروح تصير كارثه جوه يمعود

- ريري ليش هيج صار ؟! انه مو هيج والله

مرتاح مابيه شي

- اعرف اعرف هسه دسترخي بحضني ماشبعت حجي

غمضت عيوني وضليت مخلي كل جسمي عليهه وهي تمشي ايدهه على ظهري

وصلت لنهايته .. كلتلي ..

- يوجعك هنا

-اي حيييل

ضلت تضغط عليه باصابعهه وانه روحي تشوغ .. هي ماتعبت مني ضلت تفركلي ظهري وكل ما يطلع صوتي من وجع هالعظام الي تيبست وجاي تنفك بايدهه

تخلي ايدهه الثانيه على وجهي وتبوس بكصتي وترجع تفرك .. ضليت حاضنهه ومخلي كل نفسي بركبتهه وهي تحملتني هيج اضغط عليهه وضلت تفركلي بظهري الى ان استرخيت من صدك ..

رفعت راسي وضليت اباوعلهه .. مااشوفهه زين لان ظلمه بس اتلمس وجهه وكلتلهه..

- شكرا رور

- صرت زين ؟

- اي احسن هسه خف وراحت النغزات بس رجلي احسهه بعدهه من فوك متشنجه

- زين دتعال نام هنا خلي نسولف شويه

.. تمددت و جريتهه لحضني .. بايدي الثانيه افرك راسي وهي تكلي..

- فهمتني هسه موو

- شمدريج هيج يصير بيه ؟

- حسيت عليك قبل فتره

اني افهمك من تعابير وجهك وعيونك كبل افهم ممرتاح

وصراحه صراحه جنت مراقبتك بهالشي

-لييش ولج

-مو تذكر بالبدايه من تراهنه وكلتلك بيك لوله والكاها واصبرلي هالشهرين

وهاي ضلت بالي عبالي راح تطلع عندك سوالف مكسره منا منا

عبالي عندك مقاطع بتلفونك بحاسبتك بس كلشي ماعندك

بعدين صرت اراقب حتى وكت سبحك وصلاتك تأخرها لا .. وكلشي عادي

احسك تريد ومتريد واكثر شي انتبهت عليه

متاكل وكت الي تريد هالشي وحتى لو تاكل احس عبالك هيج غاصب نفسك ع الاكل

المرتاح بالجنس شهيته مفتوحه وياكل هواي يجوع هواي ونشط انته كلش خامل

- صح هالشي

كلشي كلتيه صحيح بس مافد يوم وجعني جسمي هيج

انه اكلج اتأخر بهالشي بس ماصارلي هيج ولا مره

- لتضوج تره من الزينات صار هيج هسه

حتى نفتهم الغافلين عنه

- اراجع دكتور هالاسبوع اريد افتهم العله شنو !! ليش هيج يصير وياي !

- اي روح بس خلي اكولك فد سالفه سمعتهه وشغلت عقلي عليك

-شنو ؟

- انته تطلع النهار كله متدري بيه

بس اني اسبح هواي يعني اسبح الصبح و وره الغدا واسبح قبل مترجع وبالليل قبل مانام هم اغسل كل جسمي بس شعري لا

-شدعوا هيج شعندج

- مو اني اشرب اذا عركت شويه تبين عليه ريحه المشروب فلازم دائماً جسمي نظيف

وهذني المصخمات حاطات عينهن عليه

كم مره يبسمرن عود اني ابالغ بنظافتي

وجلدي حينصلخ من الجلف

عاد الصبح من فتت للحمام سمعتهن يحجن علينه ويكولن ..

مشرمهه حيدر فد مره كاضي بيهه التوبه

ويضحكن جان طنطول كالت

تلكيهه بس نفخه وبالضيم حالهه تتلاطم وياه

عاد اني كبل طخت عندي وكلت هذني اكيييد مسوياتلك شي ممعقول العايله كلهه وكعت وانته طلعت منها سلامات !؟

هنا حتى الحجي ضاع مني .. ضليت بس صافن .. وهي رفعت نفسهه وضلت مخليه ايدهه بشعري وتكلي ..

- هم لاحك نصيب من سحورتهن بس انته ماحسيت بي لان مامجرب قبل

هواي اعراضهه عندك جانت مبينه بس انته مانتبهت وماحسيتها شي جبير

بعد منا وجاي لا تخلي هالشي عادي عندك

الي تحس بي احجيلي كل تفصيل حتى لو تشوفه تافه كولي عليه ولتخلي بيناتنه هالمستحى لو الخوف اني مااستغلك اني جايه بشغلي اكمله واروح وماعليه بيك بعد

شبيك وين بالك ؟ مدتسمعني ؟

- ريري

لشوكت نضل هيج

- مفهمت شنو

- لشوكت نضل ماندري بروحنا شبينه مابينه

وغصبا علينه نشوف عدونا كدام عينه ونسكت ونسلم ونكعد وياه

لشوكت هالحال تره صبر ما ضل بيه

اريد انزل اخذهن ثنينهن احركهن ما جاي اطيييق نفسهن ويانه بالبيت مااطيقه

يعني امي وابويه مايردوهم واذوهم يردون يموتوهم ويضل البيت الهم فهمناهه زين اختي الراحت ليش !! بنتهه ليش ! اخوتي ليش !

ااانه ليش !! شمسويلهن انه حدي السلام وياهن من يوم ما حطن رجلهن بهالبيت لهاليوم كلاص جاي ما طلبت منهن

ملابسي انه بايدي اغسلهن ومامثكل عليهن بشي

ليش هالحقد ليش هالاذى !! شيردن يوصلن والحسييين عقلي ماجاي يستوعب كرههن النه

- هنه مو بس يكرهن هنه شياطين حقودات

ما يحبن يشوفن كدامهن احد زين ومرتاح يردن الكل تعبانه وخاضعه الهن

هذا حب السيطره هيج يسوي شيطان يتلبس بانسان ويعميه بعد يضل مايشوف غير اذيه المقابل حتى هو يضل زين ومسيطر

- استغفررر الله استغفررر الله

الله يمهل ولا يهمل ..يمهههل ولا يهمل

من الله اريد يشوفني بيهن يوم ما مر على بني ادم

- كافي لتضل حارك اعصابك بعد الصار صار

هسه احنه نشد حيلنه عليهن ونشمرهن منا فد شمره .. خليهه عليه ومعليك بعد الا انعل شيب الخلفوهن واسمطهن سمط بعيشتهن

يلا عاد فكهه لتضل مدلغم هيج وتحرك بروحك

- رور هم انتبهي منهن ماريد ابتلي بيج هم

كافي الفوك راسي مصيبتهم لهسه مانحلت

- انتبه شعبالك اني مطفيه

اني انثول بس بالطبخ بغير شي عقلي يجدح جدح

- همزين

- اكولك شو جديده هاي رور

ههههه انطيتك بوستين وكمت ادلعني

- مادري هيج طلعت وياي

بس بوستج طيبه

ههه كل جسمج طيب والله تسطرين ماتوقعتج هيج تسوين وياي وانه ارفضج

- لو ما غايتي واريد اشوف شيقصدن

جان خليتك تبوس ايدي حتى بعد احاجيك كلمتين

- ههههه بطرااانه انتي وعلي

دارت ظهرهه الي وتغطت لحد ركبتهه

وره شويه انداريت عليهه وضليت الف بشعرهه على ايدي واكللهه..

- حسيتج غير وحده وياي

شعجب صرتي هادئه هيج ؟ توقعتج غيرشي من اتقربلج

- جنت مرتاحه هيج

- زين هسه انتي هم ضجتي ؟ تندمتي ؟

-لا ليش اتندم

لتضل توهس نام عاد

- ممرتاح مادري شبيه ابد ممرتاح

نوم طار من عيني بعد السمعته

اندارت وجرتني من جتفي الهه وكلتلي..

- نام هنا بحضني يلا لتضل تفكر

عادي كلنه عدنا مشاكل شخصيه مو بس انته

عندك هيج مشكله وتحسهه كارثه

عادي اني هم عندي مشاكل شخصيه هوااي

بس ماكبر الامور

انته حتتغير متضل هيج صدكني راح تصير احسن مني واحسن من الكل

مخلي راسي على صدرهه وهي تتلمس بجتفي .. كلتلي

- راح تعيش مرتاح .. وتنسى كل هالسوالف و يرجعون اهلك زينين وترجع الفرحه بيتكم

وهالمره تتزوج بين اهلك وامك تفرح لعرسك وتحضره .. وكل شي يصير احسن من قبل

مدام اني بظهرك كلشي سهل لتخاف

تره ميصعب عليه شي ولو تريدني من باجر اصفي بيتكم من هالصخايم اجيب جماعه شحط يشحطوهن وهذا جلدهن المعفن يصلخوه عن لحمهن وعظمهن وضل تشفى بيهن

متدري شكد عندي امكانيه اني

من غير الي يشتغلون جوه ايدي والي اعرفهم وعندي وياهم مصالح عندي عقل شراني بس تكولي ريري تصرفي بعد اني اطلع منهه

احسبهن اندفنن ومحد يدري بيا كاع صارن

- لااا لااا ريري انه ما ريد اشيل خطيه احد بركبتي اريد بس السحوره هنا اطلعهه واخلص من بلاهه وهنه نشوف شلون نطلعهن من البيت بس ما نكتل وندفن لا تورطيني هيج اموت وعلي كلبي مايتحمل ذنبهن

- هسه نشوف بالاخير وين تصفى

بس داكولك يعني لتخاف الي وياك تشيل الدنيا واطبكهه وتحطهه بجيبك اذا تريد

صح عمري صغير بس اني السنه الي اعيشهه تعادل خمس سنين من الي تعيشوهه انتو وتكبرون عقلكم بيها

والفلوس شكد متريد اخذ وروح ابويه مايهمني عندي هواي حتى احير وين اصرفهن اخذهن انته خلي نستفاد ونسرع شغل بيهن ضالات بخت الكنتور ليش يعني !

خو نشتغل بيهن ويفيدنا احسن من ما ضالات

وانته هنا كلشي دتجيبلي ممقصر وياي

بعد اني وين اصرفهن !!!

- تسلمين انه ماحب اخذ فلس من احد

وعيشتنه الحمدلله دابره وممعتازين زياده فلوس

- براحتك بس خاف تحتاج وتستحي مني تكولي اريد هيج انته اخذ وحلال عليك

اني هناك ياهو الاحس بس متضايق على فلوس لو مديون انطي ضبات عشرات اشيل وانطيهم وهمه غربه مو عاد انته الصرت رجلي وبينه زاد وملح ماانطيك واعزهن عليك

- انتي روحج طيبه وسخيه حرامات هالزمن ضيعج هيج

- اسكت فدوه لتجيب هالطاري خلينه مرتاحين

- انه كلشي حاجيلج عن حياتي شوكت تحجيلي انتي؟

- ليش احجيلك ! انته تحجي لان هذا شغلنه

بس انته ماعندك فد شغله مهمه بحياتي واعرفك عليهه

-حتى لو من باب العشره هسه انه بكل خصوصياتي شاركتج ليش انتي هيج بعيده عني

- ماشاركك اني حياتي مدفونه براسي ومايعرفها حتى خيالي

اسمع حيداار اني اثق بيك بشغلنه وبيتك

بس بره هالبيت ماثق بيك صراحه

ولا أمنك على سر

-لييش ووولج شايفتني يعني اشهر باسرارج !

هو انه منو عندي غيرج واكعد احجيله

مو صاحب احد انه صاحبج انتي وبس

تعوفيني كل هالكرابه اردلهم بس السلام

بعد المن احجي واغدرج !!!

- حتى لو زين انته وصدك تحفظني بغيابي بس اني طبع بيه ما امن احد على اسرار عيشتي

تريد امنك على فلوسي على بيتي عادي

بس بغير شي مانطيك لزمه عليه

- ليش هيج ولج ليش

مو حسبت بينه ثقه جبيره ليش تفكرين بيه هيج

- حبيبييي احنه بينه مصلحه مشتركه مو ثقه عميه

انته تثق بيه مجبور لان مصلحتك عندي

واني اثق بيك هناااا لان شغلي اساسه انته يبدا منك فلازم اثق بحجايتك وفعلك

بسسس شنووو داااخل اطار الشغل الحياه الشخصيه هاي بعيده عن الثقه اوووكيي

لتضوج مني بس هذا واقعنا لنغشم نفسنا حتى بعدين محد ينصدم بالثاني

- مااااريد اعيش وياج هيييج

ريررري ااانه لعبانه نفسي من ناس ام وجهين لتصيرين منهم

- مو منهم اصلا اني كولش صريحه وياك

الاعوج مني اكولك هذا اعوج والزين اكولك زين

لا افخفخ عليك ولا استشرف براسك

تعرفني كلش زين شنو طينتي وتعرف عيشتي

كلشي تحتاجه حتى تعيش وياي براحه انطيته الك بدون جذب بس كل انسان عنده ماضي

مو من حق احد يجبره يحجيله بي

اني ماعشت وياك بوجهين وكل مره ارجع اكولك من احجيلك فد سالفه اكولك ماحب اصير ام وجهين يمك اضوج اااني اضووج

اضوج احمل نفسي اكبر من طاقتهه بس يم اهلك اجذب بشغلات لصالح شغلنه بس كدامك ماجذب ولووو ردت اجذب مراح تحس عليه

واقنعك وانته الممنون لان جذبت عليك هيج عندي قابليه خاف متدري

وخرت منها وضليت اخذ نفس

تالي كلتلهه ..

- هذا الي ارتاحيتله بيج يمي انتي نفسج ريري متتكلفين وياي لا بحجيج ولا تصرفج

وضلي هيج الله يخليج

تصدكين انه صاير ما أمن الا من اكعد وياج

-ههه عااايز متأمن وياي ولك

- لااا والله احس هنا من نكعد سوه صدك أمان

يم امي وابويه اضل قلق عليهم افكر بصحتهم و عيشتهم .. بس وياج احس مايحتاج افكر

بشي بس اكعد وارتاح

- اييي غير اني شايله عنك كل تفكيرك وهمك

طبعا ترتاح يمي

بكل شي اريحك حدووره لتهتم وياك وياك للوزه

- والله والنعم منج خوش وكفات وكفاتج رور

- ديلاا اووكي

كافي اني الحجي الحلو يضوجني

- هههه وعلي انتي فطيره بس لسانج عام عليج

-اييي شفت بله مشوه سمعتي

راحت فتحت الثلاجه وشربت مي وجابتلي بطل .. شربت وكلتلهه..

- بله متفتحين الحاسبه خلي نشوف شصار مصار اليوم

- لاااا عيني لاا عوفنه خلي نام

تعبانه اني اريد ارتاح شويه ماضل هذا اجه وهذا راح خلي اصفي دماغي

- ههه والله حقج

چا يلا نامي والصبح نشوفهن

نامت على بطنهه وانه ضليت افر برجلي وافكر باجر اروح لدكتور وافتهم العله وين جاي تصير ؟ واذا اكدر اعالجهه حتى لو شي بسيط . خاف هالشي يضل متراكم ويأثر عليه بعدين

انداريت عليهه وخليت وجهي يم شعرهه ونمت ...

حسيت على بروده بوجهي وفتحت عيني

اشوفهه تضحك وتحرك بشعرهه المبلل على وجهي ..

- شبييييج

- متكعد ولك صاير تنبل مال نوم

- هسه شعندي متكليلي عوفيني مرتاح

- حيدااار جوعااانه كوم جيبلنه صمون حار دنتريك

-بس صمون؟ اكيد

-لا وحبشكلات الريوك وياك شبيك يعني كل يوميه اعيدهن عليك

-ايي مو عرفت چا انتي شوراج غير الخساره

-هاااااا حويدددر هاااا

-لااااا تدللييين انتي رور شعندي غيرج تدللين

نزلت سبحت ورحت جبت ريوك وصمون

وكعدنا نتريك ويه اهلي .. بدلت وطلعت للمستشفى ..

ضليت بالنص ساعه انه افتر من غرفه لغرفه بس حتى الكه الدكتور ..

تالي كعدت وره شويه اجاني واحد من الممرضين ويصيح اجه الدكتور اجه الدكتور

وصارت العالم كتل ع الباب ..

انه ضليت كاعد وانتظر يخفون .. بايدي بطل الماي اشرب كل شويه واباوعلهم

شفت خفت الهوسه يلا رحت ..

شاورته للدكتور وحجيتله مشاكل جنسيه

وهو كبل كتبلي تحويل لدكتور ثاني ..

ورحت ما جان اكو هواي عليه..

سد الباب وضلينه نحجي ..

حجيتله كلشي و كتبلي تحاليل لازم باجر اجي اسويهه ع الريك بدون مااكل شي  ..

طلعت كبل للمحل وخابرتني ريري بالاربعه

- ها رور

- هلوووو اكولك اريد اطلع للسوك

-شعندج كولي اجيبلج وياي شكو تطلعين

- لاااا اني اريد اطلع اشتري براحتي ماضل اعددلك اريد بكيفي اشوف واخذ

- ادري شنو شمحتاجه كليلي

- شعليييك شهالفضوول ياااا

داكولك اريد بكيفي افتر هنا وهنا يلا راح اطلع تره اني مبدله بس داكولك يعني

- هاااااا شبييج ويامن تروحين

- ههههه ويه ام ابن عمك المصون لتكولي شنو وشلون تره مخابرتهه من الصبح وكلتلي العصر نطلع وهسه راح تجي عليه اووكييي

- وهذا كله وانه مادري ! عفيه بالسبعه

عفيه هيج موصيج

-يلا من ارجع نتعارك اووكيي

- اييي نتعارك ليش لا

ضبطي لبسج مثل مامعلمج وخابريني من تكملين مسواك اجي اخذكم انه قريب ع السوك محلي لتنسين ماشي

-اوكييي چاااوو

سدته ورجعت انه للمحل طبيت ع البروده

وضليت اراقب الشبكه وعيني على الساعه

صارت بالخمسه خابرتها تكلي بعدني

وللخمسه ونص هم خابرتها تعاركنا لان تتاخر وانه ماعرف شعدهه هناك اضوج

ترخصت من الولد وشغلت السياره ورحت وكفتلهم كدام السوك وضليت اخابرهه

خبصتهه لحد ما طلعت ..

نزلت واخذت منهن الغراض ترست صندوك بيهن وصعدت .. هي كبل رفعت البوشي من وجهها .. صحت عليها..

- هيييييي نزليها

- حاااره اختنكت ماتحملهه بعد

- جا من صارلج ساعتين بالسوك تفترين ماختنكتي

نزليها يلااا هنه خطوتين ضلن للبيت

- وانته خليتني اشوف دربي كل شويه الو والو

- ساااعتين شعندج من الاربعه وهسه راح تصير السته شعندج هالكد !! انه  ربع ساعه ماطول بالمسواك

- يااا تره هنه ساعتين هسه قابل ضليت سنه

اصلا يادوب لحكت اشوف شكم شغله

قابل مثلك اني ع الطاير اشتري لااا عيني الاا ادقق واشوف الزين واختار

- همزين الله ما طلعت وياج جان طلكتج بنص السوك ومشيت اذا تضلين تلحين ومن محل لمحل متوكفين

ضلت مرت عمي تضحك و ريري تتافف

لحد ماوصلت لبيت السيد نزلت مرت عمي وطلعت لبيتنه ..

نزلت الغراض وهي اخذتهن لامي

قفلت السياره وطبيت غسلت ورحت تمددت بفراش ابويه جان هو كاعد ع السكملي مالته

ضليت اباوع لريري فتحت هالعلاليك الكبار

وضلت تطلع بالغراض وتشوف لامي ..

مشتريه غطوات اربعه ناعمه وتخلي بحضن امي وتكللهه..

- هاي يمه وحده الج ووحده للحجي تغطو بيهن ابرد من هذني الخشنات

وهاي وحده النه وحده لملوكه

امي جرت راسهه وبوستهه وريري تضحك

و فتحت علاكه بيهه بس شموع ونشرات وشرايط وخلتهه بحضن امي تشوفهن

واخذت علاكه ثانيه وراحت وكفت يم ابويه

جانت ماخذتله دشداشه بيضه وصارت تقيسهه عليه .. وتكله ..

- نفس القياس جبتلك يابه شوفها خوما قالبهه يختلف ابدلهه الك

اخذهه ابويه شبر عرضهه وكللهه زينه وتشكر منهه .. رجعت كعدت يم امي

وتفردش بالعلاليك .. وطلعت فرشات تلاثه بالباكيت .. امي اختارت وحده وضلن اثنين

كالت هاي لغرفتنا وماخذه كوشات شمرتهن عليه .. تكلي ..

- حتى نتعارك بيهن مليت من الحبجيات تره

- ههههههه مو صوجج صوج اليصير زين وياج

شمرتهن عليهه وامي تضحك وتباوع لابويه

واخر شي شالت علاكه حمره ودحستهه جوه مخده امي .. وبعدين لملمت باقي الغراض وصعدت ..

ضليت جوه متمدد وهي خابرت .. رفضتهه ورحت صعدت ..

لكيتهه تدخن .. كبل كالت ..

- يعني متصعد اله اخابر

- شتردين

- شنوو شتردييين شنوو

غير تجي تشوف شبيه مابيه تسال تكول شو مطنشني شبيك !!!

- شوووكت طنشتج مو اليوم كله وياج

- لاااا مطنش لو اني اخابر واسال واصيح لو ماكو

هاي اعوفك ماخابر بعد تنساني تضل لليل يلا ترجع وكبل تعبان خلي انام

متكعد تكابلني تره طكت روحي

- هههههه شبيج رور شجااج هسه انه بس الظهريه عفتج الليل كله وياج والصبح وهاي العصريه وياج شتردين بعد.

- ايييييي ديلااااا هسه حاسبهن عليه مانيه

اني يعني داكولك حتى تسال على البيت تشوف شسوي شنو افكاري شيصير وياي

هيج يعني  افهم شويه لتعبني

- اييي اييي صدكتج

- غصبا عليك تصدك شنو داجذب عليك!

- ريرري

هسه شنو نضل نتناكر ! تره متسوه والله

- ديلااا كافي مابيه حيل

شوف هاي اخذت بيت العاب ل امليكه عود انطيها انته هديه ميلادها باجر منك هاي يعني اوووكيي

اخذت الكارتونه وكعدت اباوع لشكل البيت بي قطع اثاث صغار ومسبح و لعابات صغار

..

-  حلو ذوقج

- طبعا مو جديد عليه عيني اني ام الذوق

ضحكت وتمددت كلتلهه..

- بيش هاي ؟

- بلاش

- ريررري جاي سالج بيش

- ماريد تنطيني فلوسهه لو رايده منك جان اخذت قبل ماروح مو بالتالي اجي اكولك انطيني هالكد دفعت

- بس هي هديتي صارت غير انطيج فلوسهه

- ماريد هسه عاتبه عليك انطيني !

روح جيبلي باكيت جكاير احسن

- بالليل هسه اريد انام شويه كبل الصلاه

-ديلااا نام

حنزل اسبح عركانه

-اكلج اوكفي .. هاي شنو الخليتيهه جوه مخده امي

- تراجي ذهب هديه امك

- من فلوسج !

-لا من فلوسها

-والله منها ؟

- روح اسألها اذا متصدك ماكعد احلفلك

- مو انتي تخوفين كلشي يطلع منج

-لك بابه شبيك مو كلتلك امك حاخذهه نرجع علاقات.. يعني غير منطيتهه شحنه شويه ومتكتكه وياهه فرادت اخذلهه هديه وانطتني

فلوس جبتلهه بعد شكووو

- بعلي اذا سويتيهه صدك وامي وملوكه اشوفهن بعيني كاعدات سويه الااا اصوغج ذهب

- شكرااا ماريد اتعبك بس اريدك تلزملي ابن عمك وتخليه يكعد اخرس اطرش ليضوجنا ويضل ينط كل شويه اوووكييي

- سهله هاااي يمعوده

- من ط .. ي اذا كعدتو وسكتو باجر

بس شسوي اكول بلكت يفيد الحجي

- انتي ضلي اشتغلي حسب الاصول واحنه نضل ساكتين

-اييي شلوون لعد مو تدلل

ضحكت وراحت حتى تسبح .. وانه طفيت الاضويه ونمت ..

كعدت على الصلاه .. نزلت اتوضى وشفت سيف يفتر يم الغرف .. ما حاجيته وطبيت للحمام .. توضيت وطلعت وصارت ام سيف بوجهي ..

رادت اطب للحمام وسيف مخلاها وطب هو وسد الباب .. ضلت هي واكفه تنتظره

وانه عفتهم وصعدت ..

صليت بس ضل بالي على سيف

اريد اتأكد اذا جارفه درب السحر حتى اساعده من هسه كبل ما يتاذى ...

نزلت جوه ورحت للمطبخ اشوف ريري شسوت ماسوت ... لكيتهه منفوخه ومكلوبه حمره على ورديه .. كرصت زندهه وكلتلهه

-شبيج حتنفجرين

- لك موووت حررر حرررر صخام بعينك وعين اهلك متحطون بالمطبخ سبلت عزا بعينكم هسه اني شذنبي انصلخ هنا بالحر حتى اسوي لكمه لحلوكم

- ههههه شدعووواااج هسه ماتعودتي ع الحر

-شهامك انته شابع نوم وبروده واني المسموطه هنا

- هسه اطلع اجيبلج موطتين تبرد كلبج

- جيبلي جكاير ماريد صخام

-يلا يمعوده اجيبلج بس فكيها شجاج

حتطلعين العشى علينه سم

- بيك خير تعال انته اطبخ لتضل تحجي شحطلك تاكل وتسكت زين مني واكفه بنص الدهن واطبخلك

حرف واحد لتحجي تره عقلي فصل بعد وهسه ابيس بيك واشعل صفحه الخلفوك

وخلفوني لهالعيشه الزفره

رووووح مناا عاد شلزكت يمي

فتحت البوري وشلت مي بايدي وذبيته على راسهه وهي ادفع بايدي وانه امسح وجهه واكللهه ..

- اطفي اطفي يلاا كافييي اطفي

حميتي هواي من التعب

هذا الصيني هيج بس يشتغل هواي كبل يحمى ويحرك صفحه الخلفونه

- درووووح هسه اني بحال تفاهتك

- شبيييج هسه شتريدين اطبخ بدالج ! هيج ترتاحين

- ايييي ايييي ارتاح مدامك تعرف متجي لعد تمد ايدك وتساعدني شكو عايفني ونايم

- ايي بس هاي ضلت والله يالله

ريري انتي حاميه هسه فاصله من الدنيا

من تعقلين نحجي

طلعت للمحل اخذت جكاير وموطات وببسي للعشه ورجعت .. شفت ام فاطمه واكفه يمهه بالمطبخ كلت خلي اغثهه شويه صار هواي كاعدين وساكتين ..

رحت خليت العلاكه ع الكاونتر وفتحت وحده من الموطات واكلت منهه شويه ووكفت يم ريري وكلتهه منهه وكلتلهه..

- ياابويه غاديه نار وجهج انكلب دم

- اييي ادري

- اكلي بردي كلبج و بعد اذا تضلين هيج تعبين وتحترين لتسوين اكل نجيب من بره هو احنه نفرين شكو تعبين هيج تهلكين نفسج

باوعتلي وضحكت واخذت الموطه من ايدي اكلت وبقت شويه غمزتلي ووكلتني وتكلي ..

- فدووه اروح للحنين على مريته

ضحكت وانه اباوع لام فاطمه وهي تحضر صينيتهم واخذتهه وطلعت ..

شاورت ريري ..

- لا صدكين ولج تره مفلس مو مال مطاعم

- مصخم ادري بحظي تعلمني بي

حضرت الصينيه وانه اخذتهه وكعدنا ناكل ويه اهلي ..

ضلينه يمهم للاحدعش همه ينامون وصعدنا

كبل بدلت ملابسهه ضلت مشلحه بس ثوب خفيف منين ماتندار يبين كلشي ..

اخذت البطل والجكاير وكعدت بالكاع من جهه الجربايه يم السبلت .. منزله ريش عليهه

وتجر كاس ..

وبدات بالتلفونات بعد .. مره رزايل ناشفه

مره بس تريد تخلص منهم وتسد الخط

اخر شي سبتهم كلهم وخلت السماعات وذبت تلفون بالكاع وضلت جكاره وره الثانيه

انه راجعت تسجيلات الكاميرا كلشي عادي

بس ضل بالي سالفه سيف .. هذا مافهمه الا اراقبه .. وفلوس هالشهر ماتكفيني سلفه وسحب ومصرف وبانزين .. لازم للشهر الجاي شويه ارتب وضعي واجمع من شغل التصليح ..

سديتهه وذبيت نظارتي وغطيت راسي اريد انام ماكدر ..

رحت ادنيت على جهتهه وخليت راسي يم راسهه ..

اندارت وجرت سماعات من اذنهه ..

-شكو شبيك

- ضايج

- اي متنام شسويلك يعني

- منعسان

-هاك اخذلك جره من هالكاس وتنسطر وتنام

- ههه مشكوره

- هسه شنو تريد تسهر تره مابيه حيل اسولف اريد استرخي وحدي واعدل المزاج وجوي ميناسبك

- ايييييي

رور باجر عندي تحليل

- ماليش

- هو مال هذني الشغلات رحت لدكتور اليوم وكالي باجر سوي تحليل ع الريك بس متوتر الصراحه النتيجه مخوفتني

-هاي شبيك بابه شكو تخاف

هسه عسى مايطلع بيك سرطان تضربله ابرتين على شكه موس عمليه وتطيب

شكو بعد

- ههههه خرب بعرضج كلشي عندج تلزيك بتلزيك

-اييي مكبرهه للسالفه هو شكو هسه انته ممستفاد منه عوفه خلي ليشتغل هالايام

بعدين اني الكالك حل قبل ماروح ارجعك بلادي وخلي المسعده التجي تاخذك تشبع بيك شبع وتخلفلك درزن جهال رادلك طابق رابع حتى تلمهم بي عود جمع فليساتك

- ههههه

هم عود صدك واتزوج مره ثانيه !

-تزوج لعد تضل عليه ؟ شهر تاخذلك اتكتك بي كدام اهلك وبعدين تصيح اريد مره وتركض على علوياتكم تلكطلك وين المدفونه بنص سرداب البيت وجلدهه ماشايف شمس وشعر حاجبهه بطولهه تروح امك تخطبهه الك

وتعيش عيشه سعيده انتو تكيفون على هيج نسوان تمرغلون روحكم لسحله عبايتهن

- بنت الاصول والشريفه الكل تتمناهه وتشتريهه شرايه مو بس احنه ست ريري

- ادري بنفسي مو شريفه ميحتاج تبسمر

اندارت وخلت سماعات باذنهه وصبت كاس ثاني ..

جريتهن من اذنهه وكلتلهه..

- لاتضوجين مني ماقصدت ابسمرج بس جاي افهمج يعني

- اي اووكي

شريد منك هسه حجيك يقدم يأخر

لتضل تكطع جوي كل شويه عوفني وروح التهيلك بغير شي لحد ماتنعس لتضل فوك راسي

رجعت سماعات باذنهه وانه ضليت اباوعلهه

وبعدين رحت لمكاني وضليت احاول انام

حسيت عليهه تكعدني .. فتحت عيني الدنيا صبح صايره ..

كمت غسلت وصليت وبوجهي طلعت للمستشفى.. سويت تحاليل ورحت تريكت جرك وجاي ..

ورجعت انتظر التحليل يطلع ...

بهالاثناء شفت ولد اخذ تحليله ويضحك فرحان واجه وكف يمي ويخابر بس مايردون عليه ..

باوعلي وكال ..

- شايف من يبشرك داحي باب خيبر الا يترس روحك فرح فدوات اسمه مايقصر

- الحمدلله نلت مرادك

- والله خويه احجيلك انه سبع سنين متزوج وماعندي جهال والخلل مني شكد راجعت وجيب ودي علاجات وابر والنسبه ماتصعد

تالي دكيت باب اهل البيت وماردوني اليوم كل تحاليييل نسبتهه زينه وبأذن الله راح يتغير الحال و يصيرلي ولد

- ان شاء الله ربك يعوضك ويرزقك بالولد الصالح

ضل يتشكر مني ودك تلفونه ترخص وراح

وانه ضلت بالي هالسالفه .. رحت لابو المختبر سألته اذا هالتحليل بي يبين العقم لو لا

كالي لا هذاك غير تحليل .. عاد كلتله اريد اسويه ... كلت خلي اتأكد من كل شي ومااضل اوهس بعدين ..

طلب عينه من المني واستسهلت هالشي هالمره بدون اي اذيه ولا ضعف ..

ضليت كاعد انتظر التحاليل وريري خابرت ..

- هاا رور

- هلو وينك شو مارجعت لهسه صار الظهر ماخلص تحليل

- لا بعد يطول

- زين شلون مو مرت عمك خابرت تريدنه نتغدا يمهم ونسوي عيد الميلاد العصر

كلتلهه خلي بالليل تكلي السيد يرجع تعباان

من خفت هالشكولات وبلت

- ماكدر اجي يمعوده شبيج دبريهه

- اييي شدبرهه المره محضره غداها وتنتظر

دعوفه باجر اخذه هسه طاير

- بويه هذا بمستشفى ماتحصله هسه بعد ينشمر وين الكاه اضل اتوسل بفلان وعلان يدوره الي

- اووووف زييين حكوللهه نتاخر لان انته بالشغل وعلى راحتنه نجيهم

- اي عفيه هيج وخلصيني من الاول

سديته ورحت اتمشى بالممرات وانتظر ساعه وره ساعه لحد ما دكت ثنتين الظهر يلا صاحو اسمي ...

واخذت تحليل ورجعت للدكتور قراهن الي

وضل يفهمني على هالحال بس انه يبس ريكي .. رديتله مشكور وطلعت كبل للبيت ..

طبيت للبيت وكبل صعدت لغرفتي محروكه روحي حرك .. راسي ثكل ..

طبت ريري وشافتني الوب .. ماحجت شي

وانه نفجرت صياح بعد ...

- دمرررني دمرررني

لييييش لييييش ياااااررررربيييي ليش سلطتهن علينه الهيييي

- شبيك لتصيح اهدأ شجاك

- لجججج انكسر ظهرررري ريررري

انكسررر ظهري

جااااي اموووت انه تفهمييييين شنو جاي امووت

ااانه اطلع عقيم و مريض بكلشي وهنه السبب كله منهن هننننه

يندفن عمررري هيج ليييش شسوووويت ااانه شسويت المن مأذي ! المن محاااجي المن كاره !!!

ضليت اضرب على ميز المرايه واصيح ..

- ليييييييش ربيييييي ليييييييش لييييييش

مااااكافي ضيم السنيييييين الرااااحت

يكسرون ظهرررري بعااافيتييي لييييش

جرت ايدي وكعدتني على الفراش وانه دفعتهه ..

- ماااااااطاااايقج رووووحي منااا رووووحي كرهت جنس البشر لتضلين فوك راسي ولي عوفيني وحدي

حضنت راسي على بطنهه وانه ضربتهه بظهرهه حيل واكللهه..

- لاااااا تأذيننننني بمسكنتتتج وياااي ولييييي منااا لتلحين  ويااي لتلحيييين

- كااافي حيدااار كافي اهدا متسوه هالاعصاب

- شنووو متسوووه شنوووو ولج اااانه عقييييم تفهمييييين شنووو عقيم وانه باول شبابي بعدني كلشي ماشفت من حياتي غير الضيم

والموت

- واذا يعني متتعالج

- شيتعااالج ولج شتعالج اكلهه كلشي مو زين كلشششي لاااا الحجم ولا الحموضه ولا العدد ولا الشكل كلهه غللللط بغللللط عندي

- ميخالف يتعالج انته تدري كلش زين هذا مو مرض منك هذا سحر ماذيك بس تخلص منه تتعالج بساطه

- شيعاااالج هذاااا حتى يعااالج السحر

هووو انه شمصخم عيشتي لهاليوم غيره

وييين الكاه وييين فهميننني وين لذاك الوكت مايضل بيه عقل ولا حيل بعد يحمل مصايب

- نلكاه شبيك نلكاه بس علكيفك ويه نفسك

بعدين انته شكو رحت سويت مال عقم

شكوو توهس هيج

- لوووو ما موهس جان ضليت اعمى مادري بحالي شمفينين بي

- زين وهذاك تحليل شطلع

- اضرررربين

يكلي نقص هرمونات وفقر دم وحاله نفسيه كلها تأثر

- ديلا سهلات هسه شجاك هيج تخبلت

عبالي طلع بيك سرطان ديلا هو فقر دم هسه اغرك اكل ونعدله

- ريرررررري ريررري

حضنتني اقوى وانه كلتلهه..

- تعبت والله ماضل حيل بيه اتحمل اذاهم

ريري مو هين على الرجال هالحال اذا ماتفهمين فافهمي حالي ماينبلع وياي جاي يشكك برووحي جاي يدميني والله عمري ماتهنيت بشي كضيتهه ضيم بضيم منين مادير وجهي الكه التعب ينتظرني

ماردت شي بس اسلم من اذاهم وهمه سكطوني وانه بحيلي ماشي

- ميخالف ميضل هالحال ينصلح لتخاف كلشي يتغير

- شيغيررره شيغيررره شيصبرني لذاك الوكت ياااربييي تعبت والله تعبت واااالله

وخرت مني وراحت للكنتور وانه ضليت افرك براسي .. دمعتي بعيني وامسحهه

وهي اجتي نزعتني التيشرت والفانيله

ولبستني فانيله ثانيه ..

انطتني بطل ماي شربت وهي طفت الضوا

كمت نزعت البنطرون وتمددت ..

اجتي رفعت راسي وخلته على ايدهه وضلت حاضنتني وتكلي ..

- واذا هالاشياء عندك هسه مابيهه شي

عادي احنه لا محتاجين الجنس ولا الاطفال

ليش تهتم الهن !

هسه تصير زين من ينظف بيتكم وناخذ هالصخايم نحركهن ونرجع كلشي حسب الاصول

هسه انته حالك شويه احسن من البقيه

خطيه لعد ابوك عافيته ضاله بس نفس ولكمه

وضل صابر وقوي وينتظر الفرج ما أيس

وانته بعدك هستوك دريت وهيج تشائمت

- تعبان من كثرهن فوك راسي افهميني

- افهمك ادري مليت وتعبت وتريد ترتاح بعد مابيك حيلهن بس مو كلشي نريده نحصله

لازم نضل نتعب لحد مااا نوصل للنريده

- مابيه حيل بعد كرهت كلشي كرهت هالبيت وهالعيشه مخنوك هنا ريري مخنوك ماجاي اطيق بشر

- ميخالف ارتاح انته واني بيه كل الحيل

اني اهتم واشيل كلشي فوك راسي وانته حتى لو تريد تطلع منا كم يوم روح عادي ريح نفسيتك وارجع على راحتك

اني اضل هنا بمكانك اشيل حملك وادير بالي على اهلك وانبش البيت نبش لحد ماترجع تلكى كلشي زين وميتعبك

- ماريد اطلع لمكان واشبع هوسه وناس منافقه ومشيطنه تكابلني ماريد بعد هالبشر كرهتهم

- لعد شتريد فهمني خلي اعرف شلون اساعدك

انطيك بيتي وضل هناك وحدك لاتشوف احد ولا احد يشوفك

- ماااريد. مااااريد

اريد راحه بالي ريري لو وين ماروح الي براسي مايطلع ويخليني ارتاح بيومي

- اضل وياك ؟ انسيك هالشغلات كلهه اني اغيرلك جو حتى لو شويه

- هسه بس ضلي هيج يمي وكلشي لاتسوين

- متكرهني ؟

- لا بس ديربالج تغدريني بيوم وحق الله موتج على ايدي يصير وضيم الدنيا كله اطلعه بيج

- اني الي بعيني اخليه ماغدره

- اي هيج حجيج يطمن شويه

ضحكت وجرت ايدي خلتهه على ظهرهه

وضلت تلعب بشعري وتكلي ..

- انته يمي بأمان من الدنيا ومني هم

اذا تريد تريح بالك هنا بهالنومه ريحه

اني اسندك واخلصك من تعبك وانته بس ارتاح وبعدين ساعدني واذا متريد تساعدني تبقى مابيك حيل هم ميخالف ماضوج منك ابد

- ضلي احضنيني بس لتغدرين بيه بيوم لتكرهيني بأماني وترجعيني ضايع

- ماغدرك اني احتاجك ماغدرك

حتى لو انته تغدرني اني بعمري ماغدرك

غطتني زين وضلت تفركلي جوه ركبتي

وانه بس اشتم ريحتهه ومغمض ..

غفيت شويه وحسيتهه جرت ايدهه وتريد تكوم .. ماخليتهه ..

- حيدااار امك دتصيح  مو تاخرنا على بيت عمك

- نعلى عليهم كلهم عوفيهم ضلي هناا

- بس اكوللهه منروح واجي

- روووحي ولي روووحي

راحت وانه انداريت وضليت متلفلف بالغطى

وتالي يلا اجتي وشغلت الاضويه ..

- طفيييهن متشوفيني نايم

- اكعد اكل وارجع نام

- عتبت عليج كتلج رايد اكل !! ماريد كلشي ماريد

اجتي جرت الغطى مني وخلت الصينيه

ضلت تكلي ..

- امك طبخت صايره تدريني مادبرهه وشكلهه طكهه الجوع وكامت تعبت نفسهه حتى تخلص من اكلي المخربط

- اي زين

- اكعد اكل يلا متغديت اني انتظرتك

يلا خلي ناكل شلون بانيه الا تجنن ريحتهه تفتح النفس لو اضل خمس سنين اطبخ مادبرهه مثل امك

دكوم اكل ياحظي اخلص من اكلي المحروك المعجن كوم هذا شلون اكل والله يجوع الواحد

دكوم شبيك ع الواهس هسه احنه من شوكت نضوج ومناكل مو نتناقش بضوجتنه ع الصينيه شبيك بعد هسه تغيرت

كعدت وضليت مرتاج ع المخاد وافرك بعيني وماحسيت عليهه الا تبوسني بخدي ..

باوعتلهه وهي خلت الخاشوكه بحلكي بس بلعت الاكل باستني مره ثانيه كلتلهه

-شنو

- داشجعك للاكل يلا كل خاشوكه بوسه

ادللك اليوم حدورررره

-شكراً

وكلتني وخلت الخاشوكه على جهه وشالت ثانيه اكلت بيهه ورجعت اخذت خاشوكتي جاي توكلني كلتلهه

- اكلي بنفسهه تره ماضوج متعود عليج متلعب نفسي من هيج شي وياج بس اذا انتي

ماكملت حجيي وهي وكلتني ورجعت اكلت بنفس الخاشوكه وكلتلي ..

-بوسه لو لكمه ؟

- ثنينهن سوه اريدهن

شالت الخاشوكه وخلت وجهه كلش يمي

كلتلي..

-اضحك شوو خلي اشوف عندك خدود اضحك يلا

بس ضحكت شويه هي وكلتني وباستني بنفس الوكت ..

ضليت اباوعلهه واضحك وهي تاكل شويه وتوكلني .. ومن شالت الصينيه خلتهه ع الثلاجه جابتلي قوطيه سفن شربت نصهه وانطيتهه الباقي ...

اجتي كعدت يمي وانطتني تلفونها الكلكسي

- اخذه كلب بي احسن من الحاسبه متعبتك

-هااا واسرارج وخصوصياتج

- عادي كلشي بي تعرفه انته مو تسمعني يوميه اتعارك وياهم بعد حفظتهم انته

شنو ضامتهم عليك

- هاااا زين والثاني ماتنطيه؟

- لاا اخذه اذا يعجبك بس لتنبش اووكيي

- اشووف بعد

انطيني رمز

- اربع سبعات اثنين اثنين  ..الكلكسي مابي رمز يتعبني يصفن مرات فشلت الرمز

فتحت الكلكسي بس ماكلبت بشي مالي خلك

بعده بايدي واجتي رساله من وحده اسمها

' مولاتي فاطمه '

- منو هاي رور ! ام البصره؟

- لاا

.

.

يتبع

..♣️🩸 ماء مغلي 🩸♣️..

* adzzon *

فتحت الكلكسي بس ماكلبت بشي مالي خلك

بعده بايدي واجتي رساله من وحده اسمها

' مولاتي فاطمه '

- منو هاي رور ! ام البصره؟

- لا

هاي صديقتي مثل اختي

شبيهه شدزت

- تكول مشتاقتلج ومحتاجتج وياي وين مختفيه

- هااا

دزلها .. وكت الصدك اجيج هسه مشغوله بحياتي الخاصه

- حتى هاي ماتعرف حياتج الخاصه !

- كل غريب ذيب وكل قريب عقرب

بس نفسك امينه سرك

احفظهن هذني ماضل كلساع اعيد

- چا انه امنت بيج يالغريبه هم تصيرين عليه ذيبه ؟

- اذا ندكيت بيه اندك بيك وجه لوجه بس ماغدرك

اليغدر بس الضعيف اني عندي شجاعه احط الطلقه بنص كصتك  ومايرفلي جفن

- صراحه كلبي متطمن منج

-اي زين

ذبيت التلفون على جهه ونزلت مخدتي تمددت وهي طفت الضوا واجتي تكلي ..

- حنزل جوه اذا تريد شي دزلي رساله

افتح فيسك وراسلني اووكي

- لاااا لترحين

بعدني مارتاحيت كلش

جريت ايدهه وخليتهه تكعد .. كلتلهه..

-عوفي كل شي خليج بس وياي اليوم

لا طبخ لا اهل لا شي بس ضلي خلي اريح بالي

- وملوكه عيدميلادها وتنتظرنا خطيه

- ريري تعبان والله بحال عيد ميلاد !!

جريتهه نومتهه وضليت حاضنهه ومخلي راسي بركبتهه ...

ضلت ساكته وانه هيج مرتاح نمت

جان تكعدني وهي تبوس بوجهي

وتكلي...

- صلاتك هم تعبان متريدهه كوم صار المغرب

كرصت خدهه وكلتلها..

- صايره حنينه وتكعدين برومانسيه

وين جنتي تجفليني كل مااخذلي غفوه

- ههههههه كلت خطيه حويدر تعبان خلي ادللـه

تريد ارجع مثل قبل عادي هسه انكلب جبار مو صعبه تره

-لااااا برووح ابوج ضلي هيج وعلي فد مرتاااح

- ديلااا لعد مادامك ارتاحيت امشي نروح ل امليكه المكروده ولك خطيه مو تنتظرني

شبيك فد مره شلت الحساس هسه هيج كالوهه

- مو صار الليل بعد خليهه باجر

- شنووه باجر هو غير اليوم يومها

شلون باجر شبيك انته بابه شبيك

باوع اذا متكوم اخذ امك وابوك واروح

تريد تجي متجي بعد يطبك مرض

- هاااااااااا شجااااج

شبيييج هم رجعتي للخبال !

- اييي انته تحجي الاخرس

تكوم لو لا

- كمت كمت من نعلى على هاليوم الاكشر

- شبيييك شكو تحجي هيج

مو يوم ميلادها خطيه

- وانتي شكو هامتج هي اكثر مني

يعني انه التعبان ومتدمره نفسيتي وانتي حايرتلي بالحفلات والجهال

طايره هي وميلادها طايره !

اخذت ملابس من الكنتور وهي اجتي

عضتني من ظهري ...

- شبييييج يااالله شبييج ويااي

شكو تخبلتي عليه بهالليل عايز انه خبال !

- ولك حويدر

تره كلشي داسوي علمودك

اعوفك هنا تضل تقهر بروحك وتنسل من الهموم

امشي هناك نغير جو وتشوف امك وابوك شلون مرتاحين ويه بنت اختك مو هيج تريدهم يرجعون حبايب شكو بعد ضايج !

- اييي اريدهم بس مالي خلك احد

- ميخالف بس ساعتين تحملهه لخاطر اهلك

خطيه امك تلوب هم عليك سمعتك تصيح

وضل بالهه

وهم على الروحه هناك كلبهه يرفرف على هالبنيه ديلا لتكسر بخاطرهه خطيه

- من هسه اكلج ماكو ضله هناك

مو تكعدين تتمسكنيلي هناك زيين !!

- اييي اييي

يلاا راح انزل اكول لامك تحضر نفسهه

سبحت وصليت ولكيتهم متحضرين ..

اباوع امي لابسه الاسود الملمع ومتعطره بالمسك

وابويه لابس الدشداشه البيضه والغتره الخضره ومحلق وجهه

وريري حايره بالجنط والعلاليك وتلفونها بايدهه تراسل ..

اخذت ابويه كعدته بالصدر طبكت السكملي وخليته بالصندوك وخليت الغراض واجتي ريري انطتني تلفونها الايفون ..

- هاك الولد يريد عنوان مضبوط

دليه واطلع تلكاه

- موصيه شنو ومنين طالبه ؟

- كيك شنو نحتفل بالتمن

خابر معليك هسه دخابر

والفلوس بالحافظه تلكاهن

صعدت هي وامي وانه ضليت اخابر الولد ودليته البيت .. نزلت ابويه والسيد واكف ساعدني واخذه جوه وانه نزلت الغراض

وضلينه كاعدين انه وامي وابويه ويه السيد وامه .. وريري جوه يم ملوكه ..

من خابر الولد طلعت اخذت الكيكه منه

وجان وياها ظرف فلوس وايباد بكارتونته ..

اخذتهن وصحتهه من باب المطبخ ..

اجتني وتضحك ..

- ها اخيرااا

- منين هالولد ؟

- دزه حبزبز ،الايباد موجود ؟

-ايي

- زين يلا خلي اروح اكمل وانته بقي الفلوس بجيبك

اخذت الكيكه خلتهه بالثلاجه وراحت وانه رجعت يمهم ..

راحت مرت عمي جوه وضلت امي عينها على الباب ..

صاحونه نروحلهم .. واخذت ابويه جوه وامي ايدهه بايد ريري ...

طبينا للهول جوه مرتبيه نشرات ونفاخ

والميز بالنص بيه الكيكه طابقين ابيض ووردي والشموع طوال بالشمعدان صايرات

و ملوكه لابسه فستانها السمائي المذهب

وشعرها مفتوح ومسرح ولابسه تاج ذهبي

واكفه وكامشهه اخوهه من جوه جتافها

ابويه والسيد كبل صلو على محمد وال محمد من شافوها هيج متغيره ..

وامي تبجي .. رحت يم ريري وهي كلتلي ..

- كول لامك خلي تنزع عبايتهه هاي خوافه بالكوه قنعتهه

شاورت امي وقنعتهه نزعت عباتهه وانطتهه لمرت عمي ..

ريري اخذت امي لملوكه .. وضلت مدنكه يم ملوكه وتشاورها وتعدل بشعرها ..

امي دنكت وبوست راسهه وملوكه بس تباوعلها وتباوع لريري ..

خلتهه ريري تبوسها بخدهه وامي حضنتهه وتبجي وتبوس بيهه وتكللهه ..

- يااايمه والله احبج بنيتي انتي كل صبح ومسيه ادعيلج

ريري جرت امي ومسحت دموعها وانه اخذتها وكفتها وملوكه بس تباوعلها

مشاها اخوها وريري حتى توكف يم الميز

و ضليت انه موكفها بدل اخوها .. وهو ضل يمهه يغني ويه ريري ويصفك و هو وياها

كصو الكيكه وكلهه تصفك لملوكه ..

كعدتها واجتي امي كعدت يمهه ولبستهه تراجي الذهب وتبوس بيها .. وملوكه

بس كلتلها .. شكرا ..

امي تحضن بيهه كل شويه وتعدل ملابسها وشعرها ..

حسيت على كرصه بايدي باوعت هاي ريري تأشرلي روح وتكرص ..

اخذت بيت الالعاب وانطيته الهه وهي حضنتني وتبوس بيه ..

واجتي ريري اخذت مني التلفون وصارت تصورنا وضلينه ناخذ صور وبعدين كعدنا ناكل الكيك واجتي ريري شايله كارتونه الايباد و بوست ملوكه وخلته بايدها وكالت ..

- ملوكتي تدلل وكل غالي الها رخيص

بعد هذا ايبادج اشبعي كارتون بي

ضلت ملوكه تضحك بسنونها المكسره

وتبوس بريري .. باوعت للسيد كلب خلقته

اباوع لريري كاعده تفتح الايباد وتعلمهه هي واخوهه عليه ..

كعدت يم السيد وكلتله ..

- ديربالك تاخذه منها تره ملوكه جاي تتغير وتتحسن نفسيتهه لا تكلبها علينه

- انته غشيم بيه حيدر ! ليش جبتلهه هالجهاز

ماعرف اشتريله انه منتظرهه منكم !

- هديه خويه هديه هسه شصار

- تفهم كلش زين شصار مو انه الاعلمك

بناتنا وحدودهن

- خويه هاذي صغيره ومريضه شتريد تسوي يعني !! لا تكبرهه .. خليهه هي تلعب بي تشوف كارتون تتلهى شويه فكها ياخويه

البنت هم بنتنا خوما رايد اذيتهه انه !!

ضل ساكت بس مدلغم ..

كامت ريري اخذت ملوكه شالتهه وراحت يم ابويه ..

اخذها كعدها بحضنه .. وضل يبوسها ويحاجيها وهي تضحك وتحاجيه وبعدين خله راسها على صدره وضل يمسح على وجهه ومغمض ورافع ايده يدعيلها ...

بعدين طلع فلوس وخلاهن بايدهه وانطه لاخوهه هم .. وهي حضنت ريري

وشالتها ريري رجعت كعدتها يم امي

وضلت ترتب شعرها وتحاجيها هي وامي

وهي متجاوبه وياهن .. تضحك وتسولف

صارت بالعشره ونص عاد كلتلهم يلا نرجع

وضليت انتظر ريري بره لحد مالمت غراضها واجتي ورجعنا لبيتنه ..

امي وابويه من صعدنا السياره لحد ماوصلنه البيت همه بس يتشكرون من ريري لان مداريتها ومفرحتها وهي يتيمه ام ومريضه

وريري بس تكول عادي ماسويت شي

ضلينه يم اهلي لما اخذو دواهم ورتبنا نومتهم

يلا صعدنا ..

عفتهه تنزع حجابهه وجواريبهه وبدلت وتعطرت ورحت حضنتها من وره ودرتها عليه ..

بوست خدها اليمنه .. كلتلها ..

- هاي لفرحه ابويه

وبوست خدها الثاني وكلتها ..

- هاي لفرحه امي

وبوستها من بين عيونها وكلتها ...

- هاي لفرحه المرحومه امل

اكيد فرحت هسه لبنتها من تشوف هالمداره والاهتمام الها

- ديلا اوووكي

دنكت عليهه وحضنتهه حيل وكلتلها..

- وانه فرحتي بفرحتهم

والله كفيتي ووفيتي سويتي الي ماكدرنا احنه اهلهه نسويه الها بيوم

- هسه مو كلنا اووكي

-ههههه لج رور لج انتي كارثه

- ادري

- شبيج ضايجه ؟

-لاااا بس لتضلون تلحون بالشكر وهالسوالف مره وحده وكافي تخلوني ماعرف شحجي

اني بهيج سوالف اضوج من الملحه

- غير نعبرلج عن فرحتنا بانجازج

- اييي كولو عفيه عليج وكافي

ماريد بعد تمدحون بيه

راحت تدخن يم الشباك وانه طلعت الفلوس شمرته ع الفراش وكلتلهه..

- هذني مال شنو الفلوس؟

-  تكدر تكول دخل مال هذا الشهر

حبزبز حوله ورق وكلتله دزهن الي استفاد منهن هنا احسن من البطاقه

- هااا والله عمي الرزق بس الكم عبالك

- شغل عقلك يجيك رزقك محد يجيه ع الحاضر كلشي بتعب

فتحت الحاسبه وضلت اقدم بالتسجيل

وتالي شفت ام فاطمه تحاول تفتح باب غرفتنا

واحنه قافليه .. ضلت تروح وتجي للغرفه

وكمشهه سيف .. جرهه من حجابهه وهي تضرب بي وهو اخذه سحل ع الدرج

من صدمتي حتى ماصحت ريري تشوف

ضليت فاك عيني ع الشاشه ...

ياهو الزين منهم ياهو الشين !!!

ام سيف وين ؟؟ ليش مالكاهه بشي ؟؟

ام فاطمه شتريد من غرفتنا ؟

سيف شلون مسيطر عليهه هيج ؟؟

كلهه تجمعت براسي هالاسئله وما حسيت الا على ريري تجر الحاسبه مني وترجع التسجيل وتشوف الي شفته ..

جان تضحك ...

- لك هذوله عصابه لتحتار بيهم

هذوله واحد لازم خيسه الثاني

- منو راس البله بيهم !

- بعد قيد البحث

بس خوش لقطه هاي حييييل انسحلت

اوووف اووف تمنيتهه بيدي لاسحلهه الدرجين

- لازم ناخذ حذرنا بعد اكثر

هاي ناويه نيه النه مبينه تريد شي من غراضج

- زيييين شتكول انطيهه انييي غراضي

واوفر عليهه تعب

- خبله انتي شبيج !!

- انطيهه شي مو الي ودانشوف وين تشتغل سحري

شتكول نجرب ؟؟

- منين تجيبين !

- انته تشتريلي شي جديد واني انطيهه

- خاف ياثر عليج يمعوده مادري اذا ينحسب الج لا لتورطيني

- بابه شبيك هسه حتى لو يسولي سحر

اسمي كله غلط بغلط مايوصلني

- مو اكيد شدراج شنو عدهن من انواع سحوره

- هسه دخلي نجازف هي موته الوحده

شيصير خلي يصير

- ماجازف بيج انه رايدج تعينيني عليهن مو توكعين براسي هم

- معليك معليك ميصيرلي شي صدكني احساسي فول راحه خلي اضحك عليهن

شويه

- هي صح خطره بس على كولتج نشوف وين يشتغلنه

-اييي مو لازم نتاكد هناا شغلهن لو بره يسلمنه لوحده ؟؟؟

دنعرف شنتصرف

- ايي والله لازم نعرف هالشي

شوفي حتى لو لا سامح الله وصار عليج شي

انه اعالجج بساعتهه لتخافين

- متعالج نفسك لعد شكو ضام شطارتك الي

- جربتهه والله بس ماتجي كامله

-هي شنو ؟؟

- سالفه طويله مالي خلكهه هسه بس اتذكرهه تلعب نفسي

عوفيهه بعدين شوكت مارتاح احجيلج

-ديلاا اوكيي

- تعاي خلي انام ولتضلين تخابرين ولا تحوصين

- متنام وحدك شنو حلالك الحضن !

- اييي حلالي تعاي مابيه حيل حجي

جريتهه ونومتهه وضليت ارفع شعرهه من جهه ركبتهه وهي قفلت تلفوناتها وكلتلي .

- حيدااار لو باجر ارتاحت نفسيتك وصرت زين هم بعد ادور حضني لو ترجع مثل قبل ؟

- انتي مرتاحه وياي هيج ؟

- انته احجي اني سألت بالاول

- خلي اشوفج اذا مرتاحه وياي ابقى واذا لا لا

- يعني بس وكت تتعب ادور حضني مو !

- اي من اتعب صدك اريد حضنج

جاي احب هالشي الي يخصني وحدي

مكان امان ودلال شوكت مايضيك خلكي الكاه موجود لراحتي

انتي حبابه وياي حيل اشوفج عكس حجيج

وطبعج اول ماعرفتج

احسج صدك تخافين عليه

- ايي ديلاا ابو الاحاسيس نام نام

- شبيج رور

- شبيه نعسانه شبيه يعني

- لاا نكلب مزاجج

خليت ايدي على وجهه بس تلمسته شويه هي وخرت ايدي وكلتلي ..

- تنام لو لا !!

- شبيييج

- طكن فيوزاتي

كرصت خدهه وهي تتافف .. رجعت حضنتهه ونمت ..

ثاني يوم ريري غير شكل ..

لا صبح وياي ولا تحاجيني الا كد كلمتين

على الغدا تاكل وممهتمه الي جانت عينهه ويه كل لكمه اكلهه هي تباوعلي هسه ولا كأن يمهه

طلعت للمحل ولليل وهي لا تخابر ولا تراسل

رجعت عاتبتهه تكلي ماعندي شي احجيه شكو اصرف رصيد !

اجيت اريد انام وانتظرهه تجي يمي

وهي طلعت قوطيتين وجبس وكعدت بالكاع وفتحت تلفونها وخلت سماعات ..

ضليت اتكلب وارجع اباوعلهه تالي رحت يمهه  جريت سماعاتها..

- شبيج وياي احجيلي يلا

- شكو شبيك فاز من نومك عليه !

- مانمت اصلا

احجيلي شنو بالج ! ليش هبج تغيرتي وياي !

- هو شنو تغيرت وياك شسويت ! مو كل يوميه اني هيج اكعد واسهر جديدة عليك!

- تغشمين روحج انتي !

البارحه جنتي وين واليوم وين !!

ليش تسوين هيج مو تدريني بعدني اريدج يمي شكو تتشردين مني ؟؟

-  انته صرت زين

التعب يوم مو كل يوميه

ماضل حاضنتك اني كل العمر وادلل بيك

مو حبيبتك اني اوووكيي لتخربط وتعيش بالاحلام تذكر اني منو وشنو كعدتي وياك

من بعد حجايتهه هاي صدك صحيت

وشفت انه وييين راايح وهي وييين !!

فركت راسي وكلتلهه..

- صح صح انتي مو حبيبتي

هو حتى اهتمامج تمثيل لمصلحه

بس انه الظاهر رحت زايد .. نفسيتي تعبت ولكيتج راحه بس يلا مشكوره وماتعبج بعد

- ديلا اووكييي

رجعت تمددت وضلت غصه بلعومي حجايتها

وهي شويه وطفت الضوا واجتي نامت ومنطيتني ظهرها ..

ثاني يوم اخذتلها من السوك دشداشه كصيره

ومن رجعت بالليل انطيتهه الهه وهي نفس برودها وياي بس شكرا واوكيي هاي الاحصلهه منه ...

بالمحل الظهر ودزتلي رساله

' انطيتهه لحنفيش وكيفت عليهه شد حيلك وجيب الكاميرات عاد بطيت كلبي '

دزيتلهه ..' باجر العصر اشتريهن '

بعد ماردت .. رجعت بالليل متاخر ولكيتهه حتى عشه ممحضرتلي.. ماكله هي واهلي ولا حتى انتظرتني ولا خابرت سألت ليش تاخرت !

ماعاتبتهه ورحت كبل صعدت سبحت ونمت

ثاني يوم العصر طلعت اشتريت زوجين كاميرا وضميتهن بالسياره وكلت بس ادبرلي مجال بالبيت اشدهن ...

ريري جرت الاسبوع كله هيج وياي

حتى حجي الشقى بيناتنه راح ..

حجيهه وياي بس تريد اكل لو فلانه سوت هيج وجيب جكاير بس هذني تحجيهن كل يوم

الصبح كعدت وريري ماكو نزلت للحمام والباب مقفوله دكيتهه وطلعت ريري هنا

شويه وطلعت وجهه اصفر وتكمش بالحايط وتمشي .. راحت صعدت وانه غسلت ورحت وراهه ..

شفتهه رجعت نامت .. صليت ورحت وكفت يم راسهه .. بعدني اريد احاجيهه وهي

كبل حفزت من الفراش وراحت اخذت سله الزباله وضلت تتقيء..

غسلتلهه وجهه وكمشت ايدهه ترجف

كلتلهه..

- شبيج  شجاج مستبرده؟

-لا

- جا شبيج احجيلي شيوجعج

- مايوجعني شي بس اريد انام

رجعت للفراش وضلت متلفلفه وانه كاعد يمهه .. شويه ونزلت شفت اهلي وخليتلهم الريوك وسألو على ريري كلتلهم مريضه بطنها توجعها ونايمه ..

امي دزتلها دوا اخذته الهه وهم لكيتهه تتقيء

بس اكعد يمهه واكمش ايده او وجهه كبل توخر وتغسل وترجع تنام ..

انطيتهه الحبايه ماخذتهه عافتهه ع الميز

ضليت يمهه احاجيهه مترد عليه

جان يدك تلفونهه اخذته باوعت هذا اشعار مذكره .. مكتوب ' ٢٨..٢٨..٢٨'

كلتلهه..

- شنو هاي ثمانية وعشرين ؟

- هيج شخابيط

- لتجذبين شنو هاي ! شكو مسويته تذكير

- شعليك تلفوني وبكيفي

متنزل شعندك يمي تره ممحتاجتك

- ادري بس انه بالي يمج

- مااموت لتخاف

- بس كليلي شبيج خاف هذني اشتغلنج يمعوده لتهبطيني فهميني شسالفتج

- لاااااااا ماعليهن هنه

مريضه اني وحدي مو سحوره

- شبيج مريضه ؟

- حيدااار مطايقتك لاتضل تلح

- اعوفج يعني وحدج ترتاحين؟

- اي كلش ارتاح بس عوفني

- زين يلا ضلي ارتاحي

عفتهه ونزلت ضليت بالهول كاعد وام سيف تسأل عليهه تريدها تنظف وكلتلهه مريضه متنزل عوفوهه ..

ورادت هي تصعد تشوفهه كبل رحت كدامهه

صعدت للغرفه وكلتلهه..

- راح تجي ام سيف هنا تشوفج

- اي شسويلهه خلي تجي

- راح اضل كاعد يمج هاي تخوف متتامن

- شتسوي سوي مالي خلكم

ضليت فاتح الحاسبه وكاعد واندكت الباب وطبت ام سيف ضلت تحاجي ريري وانه عيني على ايدهه .. تتلمس بالكنتور وتحرك اصابعهه بالطول .. كبل كلتلهه..

- تعاي كعدي شكو واكفه اكعدي هنا

وكفت يمهه واشرتلهه تكعد .. وضلت عيني عليهه لحد مانزلت ..

كبل اخذت وصله نكعتها ومسحت مكان ايدهه ع الكنتور .. ريري تباوعلي ومتحجي شي

ضليت يمهه وهي نايمه وطلعت للمحل وهي نفس نومتهه ..

خابرتهه العصر جاوبتني وبس تثاوب ..

- هم رجعتي نمتي

-لاا هسه كعدت من نوم

-بعدج !! كلشي مماكله لهسه !

- اييي ماشتهي راح انزل يم اهلك هسه

تريد شي ؟

-لا بس جاي اشوفج شلون صرتي

-زينه يلا چااااو

سدته وانه ضليت اعصاب اليوم كله

بتفسي اريد اعاركهه واعاتبهه ليش تغيرت وياي ؟؟؟

واكول هي شيهمهه ! انه شغل وفلوس عدها الحجايه منها الي تحسبهه فلوس تجمعهن لبعدين شكو اذل روحي وياهه

عفتهه بس باعصابي كاعد وياهه

هالايام .. وهي بس نايمه الصبحيه كلها والعصريه والليل من الاحدعش تنام

يعني انه اشوفهه ويمهه بس هي بعالم نومها وانه بعالم اعصابي ..

صعدت للسطح الظهريه وشديت زوج كاميرا

وضل عندي زوج اريد اشدهن كدام غرفهم

وبعدين اشتري للجوه ..

اول يوم راقبت بي السطح كلشي مابيه

ثاني يوم نفس شي ثالث يوم لكيتهن مشفرات

رحت صعدت عليهن لكيتهن ملطخات بجير اسود ومطعجات !!!

ضليت كامشهن واباوع للمكان منين عرفوهن

شلون وصلولهن !!!

انه كل شغلي بترتيب ماينلكف شلون شافوهن!!!

شافتهن ريري وتخبلت .. كلتلي ارجع شد الزوج الثاني هسه بس انه كلتلهه..

- عرفونا نراقبهم خلي نرجع كلشي لمكانه ونخليهم يأمنون ونلكى غير مكان

رجعتهن بمكانهن ومتعجب شوصل الجير هنا عليهن !! وانه ماشفت احد صعد ولا وصل السطح !! منو اللكفهن هيج وعطلهن !

منو الي شاك بيه ومراقبني هيج !!

ضليت اليوم كله افكر بيهن وثاني يوم وره الغدا ريري رادت تروح لملوكه وكلتلها اوصلج واطلع للمحل ..

صعدنا هي تأخرت بالغرفه ضلت تخابر وتاخرت يلا لبست وانه كلت خلي انزل اشغل السياره بين متكمل ..

نزلت وصلت الدرج الاول جان يدك تلفونها الي بجيبي شايله .. طلعته جاي اشوف  منو

وشفته حبزبز ..

على وكفتي رفضته وبس نزلت رجلي على البايه  الجواهه جان تنسحب رجلي اليمنى

من وره دخلت كلهه بين البايتين وانه من شوغت روحي كبل صحت بعالي صوتي

- ريررررررري

ضلت رجلي مدندله بين البايتين وجسمي على البايات الجوه سانده بايدي بس الوجع يصل بعظامي من اصبع رجلي لحد عظم جتفي صله الوحده ينفض نفض بالوجع

وريري محتاره شلون تساعدني وضلت تصيح لسيف واجه وياهه سندني وهي طلعت رجلي وانه اعيط منين ماتكمشهه ..

امي تصيح خابرو عادل خابرو عزيز

وريري ضلت تعدل رجلي وتمدها بهداوه

سيف يصيح على امه حتى تخابر ابوه

والكل نخبص وانه بعظمي نار تلهب لحد جتوفي ...

اريد اكوم ماكدر رجلي من فوك من نص ظهري لاصابعي كلهه تصل صليل عليه

ضليت على كعدتي لحد ماجاني عادل

و تكابل هو وسيف وشالوني للسياره

وهناك ثنو رجلي واعيط عيطه من نص كلبي

طلعت

وصلنه المستشفى ويردون يجرون رجلي وهي تيبست على هالحطه .. كم زلمه تعاونو وكل واحد شالني من جهه لحد ماخلوني بالسديه ..

وراسي هنا افتر فر .. بعد عيوني غوشت

واذاني صفرت .. ما غميت بس ماركز وياهم بعد اسمعهم بس مادري شيحجون ..

حسيت على واحد يضرب بوجهي وركزت اباوع وشفته دكتور ويسالني وين الوجع

اشرتله على طول رجلي وظهري

وضلو ياخذولي اشعه وانه اعيط بس يحركوني ..

مادري شلون غفيت بس تالي حسيت على ايد دافيه تفرك بجتفي .. فتحت شويه وشفت مره لابسه سواد .. دنيت وجهي على ايدهه وعرفتهه ريري ..

صحت عليهه ..

-شجااابج هناا

دنكت يمي وتكلي ..

- شكو غير داشوف شبيك

- وين جايه بنص المستشفى شجابج انتي شطلعج وحدج

- جابني احمد بعد شكو

- امشي رجعي لتضلين هنا وتحركين اعصابي ماتشوفين الردهه كله زلم

- ويطبهم مرررض فوك مرضهم هذا

شعليه بيهم ااانيي جايه عليك

هسه اني شايفه شي كدامي غيرك اسكت خلي اركز لتضل تتعارك مو وكتهه

- ريرري مابيه حيلج وعلي لتعاندين

امشي رجعي اخوتي هنا كافين

- شدبرو اخوتك همزين اجيت جان هسه سكطوك

حبيبييي خاف متدري تره كسر عندك بالركبه

والرسخ و عظم الفخذ فاصل من مكانه

وهذوله يردون هنا يسوولك عمليه بهالمستشفى المصخم همزين تلاحكتلك

- ربييي عااايز قهر انه عااايز

استغفررر الله ربي واتوب اليه

- ديلا لتخاف دادورلك على جراح مضبوط بغداد بس انطيني صبر

شوكعك متكولي شوكعك حظي

- ريرري شايفتني جاهل واوكع من درج ماعرف محط رجلي وين !!!

انسحبت رجلي من وره والله انسحبت

-عزاااا يمممه عزاا شسحبهه ولك !!

- انه ادري !! ماتشوفين وكعتي صارت على وجهي مو على ظهري ماتفهمين انتي !!

رجلي نسحبت كلهه من وره ضلت حاشره بين البايتين .. يا مطي يوكع نفسه هيج وهو ينزل فهميننني !!!

- لااا حشاك

لعد هاي شلون ولك !! عزاا شجان وراك !

- قنادر لاحكتني من الله يبيلهم بامراض مانخلق علاجهه بجاه ابو الحسنين ما يلكون يوم راحه بدنياهم

ضلت تفرك بجتفي وتخابر وانه اون من رجلي .. اخوتي يمي اثنينهم واحمد

وامي كلساع تخابر على احمد تساله

واجه الدكتور جبس رجلي من الطول للطول

وانه بس يطخهه اعيط واضرب براسي من الوجع يدك بكل جسمي ..

من كمل انه انتهيت تعبت فد نوب

وريري اجتي تكول لاخوتي ..

- حجزتله بغداد والدكتور من الصبح  يجي للمستشفى يدخله عمليات

خلي نطلع من هسه وهناك يداروه احسن

بمستشفى اهلي

ضلو يتجادلون اخوتي وياهه ويكللوهه تعبان مو مال طريق وهي عاندت وياهم بالحجي

واخر شي كالت ..

- يضل هنا يسكط ومحد بحاله

متاخذوه اني اخذه كلشي رتبتله هناك شكو العجز والعناد هذا بعد داكللكم عمليته من الصبح يحتاجلهه نقاش هاااي

اليجي يجي والماله خلك خلي يضل

تره محتاجين حيلكم مو مالكم

بيكم خير بس وصلوه لبغداد وعوفوه الي ورجعو اذا مالكم خلك مستشفيات

جريت ايدهه وهي سكتت .. عاد عزيز

كبل كال ..

- لا نعوفه هسه ولا بعدين اخينه بركبتنا لا تزامطين حجي احنه اهل المزامط والفعل

ما نعز عليه روحنا بس ردناه يرتاح اليوم

- ميرتاح دتشوف وجعه بي راحه !

- يلا بويه طالعين خلي ننطي خبر للاهل ونتوكل

عافت ايدي واخذت احمد وراحت وضل عزيز يخابر ابويه يفهمه على الحال

وشويه واجوي اثنين ممرضين واحمد وريري

دنكت شاورتني ..

- دبرتلك الاسعاف بس ماكدر اصعد وياك

لتخاف هناك اريحلك زين

اني وراك اجي بسيارتي حخلي عزيز يسوق

ليضل بالك زين حاجيني وين صوتك خلي اسمعك

- زين

طلعوني للاسعاف واخوتي مخبوصين يركضون كدامي ..

بهالطريق والوجع والقهر كله حمدت ربي وكعني بايد مره قويه مثل ريري

شوكت ما اوكع بشده الكاها تعرف شتسوي وتساعدني ..

طريق كله اغفى واكعد وراسي انسطر من الصوت وادعي ربي بس يسهلها ماريد تتسكط رجلي واخسرها ..

فتحت عيني وشفتهم يريدون ينزلوني

وضليت ادور بعيني على اخوتي

شفت احمد اول من ركض واجه يمي

وريري كدامنه طبت المستشفى..

دخت من الفره راسي يروح منا ويجي منا

ومادري شلون وصلت للغرفه واستقريت

اجوي اخوتي يمي يحاجوني وانطوني مي

اريد اكعد شويه اميل ظهري ماكدر

شربوني قطره قطره ..

عزيز طلع وره ريري وعادل يكلي ..

- مرتك عرمه يابويه كضت الطريق تتعارك حتى ويه روحها

ضحكت وكلتله ..

-وينها هسه

- ينفهم منها شي ! مادري وين تروح

ماخذه الدنيا مغالب

غمضت وانه مرتاح ادري بيهه جاي ترتب لراحتي هنا واثق بيهه تسوي الزين ..

تالي سمعت صوتهه وصوت دكاتره

يمي .. ضلو يضربون بايدي ابر ويشوفون الاشعه .. وواحد منهم كال ..

- بس اثنين يبقون هنا رجاءاً

جان تكله ..

- ديلااا اوووكيي رووح مشكوور تعبناك

طلع الرجال وهاي سدت الباب وراه وكالت ..

- العاجبه ينام هنا ينزل يدفع عشره الاف

والماعاجبه اكو حديقه انتظرو بيهه للصبح

ضلو كلهم صافنين عليها وهي كعدت يمي وتشرب مي .. وصاحت ..

- احمممد مطعم بعد شارعين منا روح جيبلنه عشه

- زين شجيب ؟ شتاكل عمي ؟

-عمك مياكل بعد صبح عمليته

جيب لعمامك شوف شيعجبهم

شالت خمسه وعشرين خلتهه بايده وهو يكللهم ويكلوله كيفك ..

طلعو اخوتي وهي دنكت بوست راسي

وتكلي ..

-ولك حويدر تصير قوي لا اشعل شيب الخلفك هبطتني اليوم حتى دمي نشف

ومن وراك صارو يسموني العرمه

عبالك مادري بعادل شيحجي عليه !!

- وانتي شدعواج تذبين حركتج  بيهم

مو كايلج ثكل كدام اخوتي اثكلي

-ياااثكل يابطيخ شبيك بابه

غير اخوتك يبطون الكلب

مو هيج حااارين ودمهم فاير فاهين مثلك

سمطو ابو ابويه احجيي وميفيد راس حجار

عبالهم داتبطر لو دالعب هنا

- هيييي لسااانج

-ديلااا يلاا هسه شحجيت

اكولك جوعان مو ادري بيك

- لعبانه نفسي فد مره

- اوووف شسويلك هسه والله حرت

كلتله لهالمصخم الدكتور يكولي عاادي اثر التعب

اثر بط...ك كون يا جايف

- هههههه ريرري

- دددضحك من خرااا بهالدنيا العوجه

عمرها مانصحت وياك يامكرود

هسه ما كسروني اني جان عشت الدلال براسك ماشايفه واحد يدللني تره

هيج جان وكعت وصحت ااااخ حيدااار

الحكليييي وتجي تشيلني وتضل حاير بيه

وكل ماريد اتحرك اصيح حيدااااار وتجيني تركض

اااخ اااخ فاتتني حراااامااات لو بس نازله قبلك جان هسه اني بقمه الدلال

-ههههه عاجبج تتكسرين ولج والله ضيم مينحمل ماسمعتي صوتي رج البيت

من الوجع

- لاااا مووو انته متعرف هالوجع شكد يجيب رومانسيه

باوع اني مال اكعد ابجي عليك واحضن بيك هاي ماسويهه

بس لووو واكعه اني جان انته سويتهه الي واصير مثل الافلام اتعلك بركبتك واباوع بعيونك وطممم الزكك بوسه

-هههههههههههه خرررب بعرضج

ولج كل هالصار بيه وماستاهل حضن

- اكولك تره شابعه حر ومستلك ابو ابويه

مو مال قنادر

باجر عود من تطلع من العمليه احضنك

- وعلييي ماااريد

واذا وصلتي افشلج

- بعد احسن خفه وراحه

شربت مي وتكلي ..

-تريد ؟ لا موزين عليك بعد منا لباجر

بس يلا غمض مو تباوعلي من اشرب تضل بنفسك خاف تعطش

- ماااريييد اسكتي عاد

ولتضلين تعلين صوتج كدام اخوتي بعد

عيب لا تفشليني هيج كدامهم

- ديلااااا فهمت

نام نام عفيه رجال ماتتعب دنام حاط عينك عليه شحجيت وشكلت وشسويت

- اي ويصفالج الجو بعد

حيدر تكسر ووكع وانتي الساحه الج صارت

- اييييي اجتي عدددله الا اكلب بيتكم ملهى

وبيك خير كوم وكفني

- ريرررري شبيج انتتتي شبيج متشوفيني بيا حاال

وكت هالصخااام مالج

- ديلاا سكتت

- متسكتين انتي لو يجي الحمزه امشي صيحي اخوتي وعدلي عباتج

-اووووي دعوفهم خلي ارتاح شويه

لك عيني استلكت اريد اسبح يمممه حموووت

عرك عرك مي صرت مييي

- وييين لترحين هسه يجون اكعدي هنا ولج لاتعبيني

-بس خلي اسبح بسرعه هسه شبيك انته متنام

لو حكرص بيك الا تنك فوك راسي

- يااااابوووويه وتالي وياج

ذبت العبايه وراحت للحمام  وانه كل شويه اصيحلها يلا اطلعي كبل مايجون ..

لحد ماطلعت واجتي مسحت وجهي بايدهه المبلله وعدلت شعري وتكلي ..

- ولك خاف بعد يكتلك الوصخ متسبح لان رجلك ملفوفه

- ريررري امششي روحي لبيتج لتضلين وياااي اليوم

انتي جايه تريحيني لو تزيدين نااري

- ديلا هسه قابل جذب غير اخاف على نظافتك شبيك

يلااا لتضوج اني اسبحك بعد شلنه المستحى هااا

- وليييييي وووولييي

- هههههههههههه

لك شبيككك حويدر داشاقه

تعال احضنك هسه على البروده

- ماااريد

- اني اريد انته اخد طالب رايك ! دانفذ اني اوووكيي

حضنت راسي وتكلي ..

- صير قوي لتخاف كلنه وياك ونداريك

شكد مايطول الكسر ابقى اداريك ماتعاحز منك تره

- جذابه تمليني يومين بعد تطلعين لسانج هالطول

- لك بابه بس حجي اني بالفعل غير شي

شوكت تتعلم طبعي مو فتيته لكلبي

- اطباااع عندج هنه واحد اثنين واتعلمهن

-ديلااااا بس عدل هالخشه هي بدون شي مورمه النوب مدلغمهه صاير فووول فاااول

- استغفررر الله

دفعتهه وهي راحت لبست عباتهه وكعدت وتتمضحك وتأشر على خشمهه ع اساس صاير هالكبر خشمي ..

رجعو اخوتي واحمد وكعدو يتعشون

بس ريري مااكلت غير مقبلات شويه

وبعدين شاورت احمد وطلعو صحت على احمد ومد راسه كالي ..

- هنا بس شويه نحجي

عزيز انطاني امي حجيت وياهه وهي بس تبجي وابويه يصيح عليهه وتالي حجى وياي وضل بس يدعيلي ويقوي بيه ..

السيد هم خابر على عزيز حجيت وياه وويه ولد عمي البقيه كل شويه واحد يدك ..

وكل هذا وريري واحمد مارجعو ..

ضل عزيز يخابر على احمد وهو يرفضه

وتالي اجوي .. كعدت ريري وهادئه شلوناتها

واحمد هم ساكت ويسمع رزايل عزيز وعادل

وانه هالاثنين مارتاح لسكوتهم ..

جريت ايدهه وهي اندارت باوعتلي كلتلهه

- وين رحتي ؟

ابتسمت وطلعت كل سنونهه ورجعت اندارت

وتلفلفت بالعبايه ...

شويه وكلتلي ..

- ماتعبت ! دنام يلا

لو اصيحهم ينطوك منوم مايصحيك منا لباجر العصر وكلشي تلكاه كامل مكمل مو احسن

- انجبببي وعوفيني

-اووكيي

شويه وكامو اخوتي وكالو حينامون بره

وضلو ريري واحمد مكابليني وكاعدين ساكتين ..

انه بعد تعبت فد نوب عفتهم ونمت ..

الصبح حسيت على اصوات يمي .. فتحت عيني واشوف دكاتره واخوتي كلهه فوك راسي ..

دكتور جبير مشيب دنك عليه وضل يفحص خشمي ودزوني فحوصات جديده ..

وضلو يفترون بيه ع الاشايع ..

ورجعوني للغرفه وانه دايخ فدنوب

كمت اتقيء وعيني بعد ماكدرت افتحهه

لا المخليني اكل ولا المخلصيني بالعمليه ضال مشتول وشابع وجع ...

رجع الدكتور مره ثانيه وشاف الفحوصات

وكال ..

-لااا هاي تشخيصهم غلط

.

.

يتبع

..♣️🩸 ماء مغلي 🩸♣️..

* adzzon *

رجع الدكتور مره ثانيه وشاف الفحوصات

وكال ..

-لااا هاي تشخيصهم غلط

اخويه عزيز كامش جتفي

والدكتور رجع اخذ غير اشعه وكال ..

- لييش هيج لييش بابه حالتك كومه رادلهه شغل

عظم الفخذ عندك مفصول من مكانه ماعندك دعامه دهنيه تحفظه

زين الحوض عندك سليم بس هذااا رادله شغل

نجي للساق عظم سليم من فوك متاذي من الاسفل بملتقى القدم

هنا بالقدم عندك هوسه صايره

الرصغيات متاذيه والاربطه

عظم الكاحل والشظيه بينهن انفكاك وتمزق اربطه اعتيادي ..

بقت الركبه خلي اسويلك ناظور وافهم الاذى بالضبط وين

كبل اخذوني لغير غرفه و صار يفتح شك بالركبه وانه بس يطخها اعيط وعزيز ضال يمي مثبت جسمي وانه روحي تشووغ منين مايطخها . .

رجعوني لغرفتي وانه بس اون .. ودايخ حتى عيوني غوشت بعد ..

وره وين سمعت الدكتور رجع وضل يصحي بيه ويكلي ..

- شد حيلك بابه رادلك صبر اذا متصبر وتتحمل الوجع هالشهور ماترجع تمشي بزودك بعد

خلي ابشرك

ماكو كسر بالركبه هذا تمزق حاد بالاربطه مثل القطع

عندك هاي الرضفه او تسموها صابونه هاي فوكها وتر متمزق و رباط جانبي للرضفه هم متمزق والرباط الصليبي الامامي كذلك

الرباط الداخلي الي بين عظم الفخذ والقصبه هذني الي بالركبه مو كسر واطلع كبل لا بابه هاي ادق من الكسر

رادلهه جراحه لان هاي من الدرجه الثالثه تنهي حركة رجلك اذا ضلت لان التائمها وحده صعب جسمك ضعيف يطول ويجوز ميرجعها مثل اول

- دكتور ظهري فد نوووب وجعه ميبسني

- اعتيادي بابه هذا وجع العضل هسه

بعدك بدون اكل ؟

-ايي

- زين .. الشباب راح يحضروك للعمليه ويكملون فحوصات والاهل يمشون وياي نتفاهم بالاجور

طلع عزيز وضل عادل يمي واحمد وريري من البدايه هي بره ..

اخذو دم وتخطيط قلب وضغط وضليت انه اغفي واكعد من وجع راسي ..

حسيت على ريري تكعدني .. ضليت اباوعلهه وهي تكلي ..

- دكتور هنا يشوف خشمك هذا اختصاص دزه هذاك الجراح

اريد ادير راسي بالكوه يلا .. وجهي ثكيل راسي يون والوجع احسه ينخر بكصتي

ونفسي كله من حلكي .. خشمي انتهى ماحس بي بس ثكل ..

ضل ينظفه من الدم ويفحص وتالي كلي ..

- كسر يتعالج بس كمل عمليتك واشتغله الك

من يصير بيك حيل شويه

- ماكدر اتنفس منه بعد ؟

- رادله شغل شغل انطي صبر بس يسكن جسمك اعالجه الك

- سويه هسه راسي حينفجررر خلصني منه لخاطر الله

- لاا متتحمله هسه تفقد مابيك حيله

سكن وجع جسمك وهذا بعدين تفرغله

طلع وانه صحت لريري .. دنكت يم راسي

كلتلهه..

- دخيلج رور بس انتي جاي تفهميني

دبريلي شي اريد راسي يصفى

جاي احس وجهي كله مخنوك ومعصور عصر

- ادبرهه ادبرهه بس هسه اصبر شويه

خلي نضبط رجلك وبالمسكنات راح يخف وجع راسك وتنام مرتاح

- يلااااا عاااد وينهم خلي يخلصوني شبيكم من بارحه لليوم تفرون بيه

ماضل بيه حيييييل ياااابوووووووووويه

دخيييلك

-هسه ماضل شي

ماضل شي صبر شويه ويخلص هالوجع

حيدااار شد حيلك وليضل بالك اني كلشي ضبطتلك بس فوت العمليه بزودك لا تخاف منها ماشي

- ماااخايف بس اريد اخلص

اييي شي هسه لو تموتوني بس خلصوني لتخلوني متعلعل هيييييج

- دكافي شبيك بس هدي نفسك شويه هسه ديحضرون لعمليتك بس انطي صبر

- فركي راسي خلصيني منه جاي اتعذب هيج وعليييي ماينحمل ماضل بيه شي صاحي كلها تصل عليه

- دكافي ياعيني كاافي لتضل تعب نفسك هيج

ضلت تفرك راسي وتكلي ..

- هسه بالبنج بعد متحس بشي ومن تطلع هم تضل مسكن هوااي

وتنام على راحتك

وراح اترسلك الثلاجه هنا بس اكل وعصاير

واعوضك جوع هاليومين

اجيبلك شوربات من مطاعم مضبوطه

وحتى طلي اذبحلك وهالمره كله اخليه الك اضل اشبعك مشاوي

يمكن اشتري مجمده بس النه واقفل على لحماتك خاف طنطول تريد تبحوش اكسر ايدهه واذلهه بعد لا خليهه تحصل كلب ولا جلاوي

بس هسه تحمل شويه ومن تطلع من العمليه

كلشي يتغير ويصير احسن

- لا تشترين شي حتى طلي مااريد بس

لا تسوين مشاكل ويه احد

- لاااااا ويه اخوتك بعد ماتعارك

شبيك غير فلت لساني بوكت اعصاب

هسه رجعت حبابه

- ضلي هيج لخاطر الله لا تخليني اشيط باعصابي بعدين تره والله مابيه حيل

- ديلاااااا مو كلت ماسوي شي كافي تحلف

انته اسكت ونام ومعليك بعد

طبو اخوتي وهي وخرت مني ..

اجوي يقووني وطلعو وياي

وانه لحد ما طبيت العمليات اون من راسي

جاي ينعصر ويتمدد ويرجع ينعصر

شفتهم هنا كلهم يضحكون بوجهي وبعد ماحسيت بشي ..

حسيت على اذاني واحد يتلمس بيهه

وصوت ضحك .. مابيه حيل افتح عيوني

بس احس بواحد يمي قريب كلش عليه

حسيت بعدين على صوت اخويه عادل

يحاجيني ويضرب بوجهي ..

ضليت افتح واغمض واكله هاا

وهو يكلي ..

- شلونك احجيلنه شتحس

- مادري

- اكعد صحصح يلا صحصح واكل

- وين ريري

- فتح زين وتشوفهه

حسيت على ايدهه تفرك عيوني وتمسح وجهي بالخاولي المبلل ..

باوعت زين واشوفهه كاعده يمي وراسي صاير على جسمهه ..

ضليت اباوعلهه وهي تكلي ..

- عطشان ؟

- شجابج هنا ولج

ضحكت واندارت شالت البطل وضلت تشربني ..

وخرت منها وضليت اباوع لاخوتي واحمد خربانين ضحك

اجاني احمد بوسني وشاورني ..

- عمي حقك شابع عسل انته حقك شمتسوي حقك

- شبييييك ولك وكت خبال

راح كعد واخوتي اجوي يتحمدون بالسلامه وعادل يكلي ..

- احضنك لو متريد

- شبيك خويه هسه انه صادك

- هههه تعاال بعد اخوك ماعندك الا العافيه

وتعبرها ان شاء الله وتصير سوالف

- ان شاء الله

كعدت ريري يمي وبايدهه شوربه شاورتهه

- انطيهه لاحمد يوكلني اذا يدبرها

صاحت لاحمد وهو كبل ضحك وكال ..

- عمي اكِل اكِل هسه ضلت على هاي

اكل منشوف احنه منشوف يلا اشبع دلال اشبع

- ولك احمد مابيه حيلك ضم شقاك بعدين

- يلا هسه اكِل شعليك بيه اكِل يلا

ااانه وعمامي لا نشوف ولا نسمع

باوعت لاخوتي مدنكين ويضحكون..

كلتلهم..

- شبيكم ؟

عادل كالي ..

- هسه انته زين مصحصح فول

- ايي

- جا ماتاكل ضال تصفن بالوجوه اكل

خلصنه ياخويه اكلك لكمه مو صار الليل

وانته على غدا البارحه شضل بيك ياخويه

اكل من ايد مرتك يلا لا تستحي

وكلتني ريري وانه اتلمس خشمي ملزك بمدري شنو بس صاير حجاره ..

باوعتلهه وهي وجهه خابط لونه احمر وصفار بشرتهه ..عبالك جانت تخبز بالشمس

كلتلهه..

- متنزلين بوشيتج

- حويدر بعدك هسه صحيت وشغلت عينك عشره عشره دنطي مفكه لنفسك

- ولج احمد عينه زايغه يضوجني

- ماابيه شي الوليد فقير انته المتكعد راحه

ضلت توكلني وانه عيني على احمد يكلب بتلفونه ويباوعلي يغمزلي ويضحك ويرجع يدنك ..

اخذت الكلينس اريد امسح حلكي واحس وجهي مورم حتى شفتي توجعني . .

شويه غمضت وصرت احس وجهي ينفض نفض بالوجع وعيوني تدمع .. شفايفي صارت حجاره وبالسن احس يدك من وجعهه ..

صرت اون من هالوجع واعصر براسي وعادل يجر بايدي وانه اعيط من وجع راسي

جان احمد يصيح ..

- احضنيه احضنيه يمعوده خلي يسكت هسه يلم علينه الوادم

- احمممممممممدددد انجببببب

ضل يرزله عزيز وطلعو يصيحون الدكتور

وانه عاصر راسي واريد بس افكه نصين واخلص ..

ضل دكتور يفحص بخشمي وبعدين خلالي عليه عصاره وطلع ..

كمت اصيح عليهم ..

- شبيكم انتو ماتكلوله ينطيني مسكن ترحون تجيبون وين الاثول وتخلوه فوك راسي

ريري تفرك راسي وتكلي ..

- انطوك قبل مو كل شويه هي ميصير

- شوكت من طلعت ؟

- ايي متشوف رجلك مسكنه

تلمست رجلي واحمد يكلي ..

- ماكصوهه بعده لتخاف ماكصوهه

- اي ادري ميكصوهه

- ههههههه لا الله عليك صدك تدري !

-هاي شبيك !

- عمي انته الي شبيك

سودنتنا بعلي ماندري نضحك عليك نشوف شبيك مابيك

باوعت لريري وهي تضحك ..

- شكو هذا شجاي يمسلت ؟

-ماكو شي هيج متعرفه يعني

باوعت لعادل وعزيز يتشاورون ويضحكون

كلتلهم ..

-انه شوكت طلعت !

عزيز كالي ..

- من المغرب طلعوك

باوعت لريري وكلتلهه..

- انه بنجوني عام مو ! خوما حجيت شي

- لااا لاا كلشي محجيت

كبل احمد صاح ..

-هي شننني ماتحجون وتفضوهه

عمي انه اكلك حجيت حجيت

صاحت عليه ريري وتكله اسكت وهو وكف ويكول..

- ليش اسكت هسه كلنه ندري بعد شكو

عمي انتو مو سمعتو لو ماتدرون !

مو كلكم دريتو بعد شكو مانحجيله ونضحك عليه هسه شني والله طكت روحي

عادل جره وكعده وهو يحوص .. تالي عزيز

كال ..

- عمي احجي احجي ضحكه لعمك

هي خربانه خربانه

- ههههههههه وكعت بايدي ولك عمي شيخلصك بعددد

ولك ابو الاحضان شبيك مشايف مشابع لما مكابلتك المره ليل نهار ماتشبع انته

- انجججججب لك انجججب لتضل تمسلت

جم مره كايلك لتجيب طاري مرتي شبيك انته ماتوب

-ااانه شعليه

عمي انتو شاهدين انه احجي لو هو !

كولو كولوو منو الحجى !!

كلهه تضحك وانه جريت ايد ريري كلتلهه..

- شبيه هذا شصاير. !متحجين شبيج

وخرت ايدي وضلت تباوع لاحمد وهو يكلي ..

- لك فضحتنا شبيك صغيرون

مو الشيب حيطك براسك شبيك مخبل نسوان

- اننجبب

جلب انته ماتنعدل مايفيد بيك حجي الا اسكطك يلا تجوز مني

- ايييي شبليتني

انته تصيح ريرررري احضنيني ريرري

شكوو جايب الحجي من جيبي !!

- جذااااب ماحجي هيج لو اموت ماحجيهه

- تهي بهي

لك كشفناااك بعد عمممي لاتضبط بروسنا

بعد احتركت ورقتك ابو الحب

عزيز كام يكح من كد مايضحك وريري

دايره وجهه وحاصرتها الضحكه ..

كلتلهه..

-هذا صدك يحجي لو يلعب باعصابي

ولج ريري كليلي حجيت هيج لو لا

احمد وكف يمي ويصيح ..

- عمي والله حجيت والله حجيييت

جا هسه انه ماخايف من اجذب عينك عينك

جا غير كلهه تدري صدك وساكته

-عليك علي !

-وعلييي خزيتنا

-شحجيت ولك كلي

- طلعوك جنت ساكت احنه كلنه هذا مات

جان تكوم تون وتصيح

ولج ريري كصوهه لرجلي كصووهه

المره تكلك لاا بعدهه رجلك مابيهه شي

وانته تصيح كصوهه الجلااااب

الدكتور يعدل رجلك وانته تصيح

الكواد الجبتيه كص رجليييييي نعلى عليج

-لااا يالله

ولك هاي شمسوين بيه نعلى عليهم

- ههههه مطفيي انته بس لسانك يرطن

جلبت للمره ليش تجيبين هالكواويد عليه

ليش تسكطينيييي شمسويلج ريررري

وهي تكلك هذا دكتور يمعود اسكت وانته فصلت فدنوب

نزلت دك مسبه على عمامك شجابهم بالنص مادري

النوب ترجع على هالمكروده تصيحلهه كله منج متعرفين تشتغلين زين كسرتيني

ومانطيج فلس واحد

- لك لااااااا

لايروح بالك بعيد غير سالفه بينا

- سالفه سالفتين انته بعد جفصتهه

هسه هاي كلهه عاديه بس من جلبت احضنيني هاااي فدنوووب فاول لهيبتك عمي

- لاااا يااالله

وانتي شبيييج حاطج هنا تضحكين عليه

متسكتيني ..الله ذب عليج الثكل بس هسه

- هسه انته شبيك تروح تروووح وترجع عليهه

خاب عوفهه من يمي بزعت

- معليييك انته لتدخل

- هههههه خرررب بعرضك عمي شلون خوااف يبووووويييي فضحتنااا ولك فضحتنا

- انجببب عااااد كااافي لتلح كااافي

- بس كلي شغله هي شبيهه مزاعلتك ؟

ليش تسبهه لييش

- لاا ممتزاعلين

-جا شبيك تصيح متحبيني مصلحجيه

ام الفلووس

- اييييي هيج هاي مسلته حجي هسه قابل صدك

-صدك جا ليش مو صدك

بس بيك بختتتت عدلت حجيك ومزعلت منك

هي كلبت خلقتهه بالاول بس من ضليت تبجي

-انه ابجي !! ليش ابجي ولك. !

-والله اسأل نفسك شدراني بيك

انته تبجي وتصيح كصووووهه لرجلي

رااحت رجلي رااحت

نجيب ايدك نخليهه على رجلك يمعود هاي رجلك ماطارت هاي بعدهه وانته تبجي

تصيح سكطوني ريررررري سكطوني

هي تكلك مابيك شي هسه تصير زين عمليتك زينه نظيفه وانته تصيح ريرري ميخلوني الا يسكطوني ويموتوني

لا ترجعيني للبيت خلي نبقى بغداد

تكلك ميخالف نبقى تكللهه احضنيني ريررري رجلي توجعني راسي يوجعني خشمي ماكو خشمي ماتنفس ريرررري نعلى عليج وين جبتينيي

حارت المره وياك تحضنك تغلط عليهه

تعوفك تصيح

وين تعوووفيني وييين ولج تعبااااان ريررري

حسي بيه ضلييي ويااااي نعلى على ابوووج الكواد خلفج وانه ابتليت

باوعت لريري وهي تضحك كلتلهه..

-ولج لاتزعلين احب ابوج انه مالي شغله بي

-ديلاا اووكيي

احمد كعد يمي ويكلي ..

- هسه انه كاعدلك هنا اريد اعاتبك

اريد اشوف ياهو الاعز ااانه لو مرتك

ليييش انه اكلك عمي انه احضنك تكلي ولي كلكم ولو منا شيااااطين ولو جيبولي ريري

ليش مو اانه صويحبك ومثل وليدك ليش هيج عمي ليش

- ايييي هسه شلحيت كلتلك مادري مو بوعيي

- هااا وحتى اخوتك ياهو اليحاجيك تسبه

خو عمي عادل شبع مسبه

طلعته من الكلجيه

لاخليت شرف لا هيبه للزلمه نزلت دددك

مسبه شجاك هيج محمل كلبك علينه

- ياااابويه والله مااادري

هسه متعذرون واحد تعبان ومتكسر ومنعول يومه

شبيكم وكفتولي ع الكلمه

- نعذرك بكل شي بس مااال نحضنك وتصيح وخرو شياطين ماانعذرك بيهه

شني هيج حضنه يبزز وحضن المره بلسم يصيرلك

خبصتنه احضنيني ريررررري ولج رييررري عذبوني حيموتونييي ريررري

الحكيلي ريرري

- هههههه نعلى على هاليوووم الاكشر

ولج انتي شبيييج الله ثولج بساعته ماسديتي حلكي هسه ماتسمعيني شحجي

- عمممي هو انته تسكت

المره تحضن بيك وانته تصيح احضنيني

شتسويلك بعد !!

-ايييي مااادري مااادري

- بس خطيه عمي عادل يركضلك هنا وهنا وانته دكيته وعايلته مسبه

مانعجبك بعددد عيني مانعجبك

بس ريري صارت الكل بالكل هنيالج عمييي

لك ساحرتك هاي

- لاااا ولك لااااااا انجب ريري متسحر

كااافي سكتتلك هواي بس هنااا اطيح حظك

لتحجي بالعاطل عليهه لا وعلي احط ضيمي كله بييييك

- هسه شحجيت يااعمي سبينه العنب هي ريري

- تسووووى رااااسك ولك كوووم منا كوووم

مابيك خييير حرااام عمرك ماتفلح بشي

حجي متعرف تحجي ولييي منا ولي شعندك مكابلني عاتب عليك انه

رووح خلصني منك بس حركان اعصاب

مامنك فايده

هو خربان ضحك ويحضن بيه وانه ادفع بي

تالي جره عزيز وكعده يمه

وانه ضليت اتعذر من عادل وهو تفهمني

ومازعل ...

انطتني ريري عصير شربته وكلتلهه..

- هسه شوكت اطلع منا

- هو باجر تكدر تطلع بس اني حجزتلك هنا خمس ايام

- لييش ولج شعندي باقي بعد

خلي ارجع للبيت هسه امي اطك وتموت اذا متشوفني

- اييي غير نصلحك ونوديك لامك

دنطي صبر بعد خشمك رادله تصليح

بس تطلع منا بعد شيرجعك يضل خشمك اعوج ومتسوي

- وشدعوه خمس ايام خلي باجر يسوه

- غير ترتاح بيك حيل عمليه الثانيه

هو انته هسه يلا صحيت افوتك باجر عمليه ثانيه وتضل تلوب ! ياوجع ووجع تتحمل

خلي شويه يصيرلك حيل تسكن رجلك وهنا خوش دكاتره يضلون يداروك اخذتك هناك وضليت تون وين اروح بيك ! رجلك لازم تضل ممدوده .. شيحركك كل شويه لمكان !

- صدك اكلج شو هاي مامجبريهه

- غير عمليه يااا شبيك حيداار

- زين هاي شنو ابر ! شياش شنو فهميني

- هاي مؤقته كالو تثبت الركبه

- متوجع بعدين مو ! شكلهه يخوف

- لا متوجع شبيك هسه هي مو متوجعك !

- اي بس خاف بعدين تبين عليه

-لا لا لتضل توهس مابيك شي

- اكلج اريد انام بس احس راسي راح يوكع

صاير عبالك طابوكه

عدلتلي مخاد وضلت تدير راسي بهداوه

وغطتني واخوتي طلعو ضل بس احمد

طفى الضوا وتمدد وهي اجتي  كعدت يمي

ضلت تشاورني ..

- معبالي هيج تحب الحضن ولك جان انطيتك

ماخليك بحسرته

- فد نوب انتي مشرمتهه وياي

-هههه شبيييك لي ضايج مني هيج

- ليش مسكتيني مو عيب الحجيته كدام اخوتي والله فشلان منهم

- ديلاا عااادي بعد ابو البنج معروف يخربط حجي

هسه اكو شي يوجعك ؟ اجيبلك شي ؟

- لاا كلشي ماريد

- لا حضن لا بوسه هم متريد

- اي ماريد

غمضت وحسيت عليهه تبوسني بخدي

وضلت تحجي يم اذاني ..

- اول مره بعمري  اخاف على احد

مابقيت شي مسويته الك حتى تصير زين

بقى بس تعين نفسك وترخي اعصابك لاتضل متنرفز اووكي

- شعجب خفتي عليه ؟

- والثول غير رجلي ليش ماخاف عليك

- هههه ماصدكج

- ديلااا لتصدك شسويلك

وخرت مني وانه كلتلهه..

-وين تنامين !

- مانام حسهر ع التلفون

- متعبانه ! وكت تلفون. !

- نام نام معليك بيه

- بارحه وين نمتي ؟

- هيج نفس مكاني

- وليش تضلين متكسره هيج كومي طردي هالدثو هذا ونامي بمكانه

- دعوفه فايدني عوفه خلي ينام باجر هواي نكرب عليه

- ريري تعاي ادني

ادنت يمي وشاورتهه..

- هم حجيت على هذنيج الصخايم

- لا بس سبيتهن عادي هو انته نزلت العشيره مسبه فماكو شبهه عليك

- زين اكلج منو دفع الفلوس وشكد ؟؟

-اني دفعت

-واخوتي !!

- تكفلو بالعلاج والاكل

-شكد دفعتي ؟ ومنينلج ! بس لا خابرتي واحد من الولد واجه هنا

-لااااا رحت سحبت فلوس واني جنت جايبه وياي وكفن وعندي زايد بعد

- زين شكد دفعتي كليلي

- مو هواي لتخاف

- شكككد احجي عاد

- لحد هسه اربعه ونص مليون

- كلهن منج ! ليش هيج !

- اني ماطلبت من اخوتك

بين ماكللهم ويروحون يتناقشون ويه هذا وذاك اني دافعه ومخلصه

-بس هواي على يوم واحد

- تره مستشفى اهلي هذا كت فلوس

واني ادفعلهم زياده حتى يداروك

الدكتور بس طلبت حجز يمه ع التلفون

خمسين الف اول ماوصلنه ورقتهن يلا شفته

وحسبها الك عمليتين بس الركبه والفخذ القدم كال عدلتها بس رادلها وكت تلتئم

هذني هم لكل وحده حسابها

من عدا حجز الغرفه مال يومين

- شكرا رور صرت اخذ منج بدل مانطيج

- عادي بس صير زين ضجت وحدي اتصفن بوجهم المبوم

- ههه احتاج تعب يلا اصير زين

تضلين تتعبيلي ؟

- هو تورطت بيك بعد غصبا عليه اتعبلك

- ولج رووور

-هااا سكنوك واشتغلت دوده المشاكل عندك

- ههههه انجبببي جاي اكلج اشتاقيتلج بس متستاهلين

-ديلااا معايزه على حجايتك

ورت وضلت تكلب بتلفونها وانه اباوعلهه

وافكر شلون اردلها هالفلوس وانه بعد لاكدر اشتغل ولا اسوي شي ..

كل ماكول مو وكتهه تنكسر رجلي افكر لو واكع هالوكعه وهي ماكو جان شصار بحالي؟

نمت بعد ماحسيت عليهم الا الصبح

اخوتي يكعدوني .. تطمنو عليه وعادل كال ..

- راح نرجع للبيت نطمن الاهل ونجيبلك ملابس والوالده تريد تجي تشوفك هم نجيبهه ونرجعلك

- روحو خويه الله وياكم

- مفتاح الغرفه انطينه حتى اجيبلك غراضك

كبل ريري كالتله..

- مشكور خويه هنا اني مدبره غراضه

ممحتاجين شي من البيت لا يضل بالك

- هااا ملابس شي

- دابرات خويه دايرات لتخاف عليه ماخلي ينقصه شي روحو توكلو

طلعو اخوتي وهي اجتي كلتلي ..

- اريد اروح لبيتي ساعتين وارجعلك ماطول

- وين رايييحه ريري منو يضل يمي

- احمد هنا ماتاخر شبيك بس اجيب ملابسي

واشتريلك كم شغله وارجع

- دزي احمد لتروحين انتي

- شمعرفه هذا

كلتلك ماتاخر .. اشرب عصير هسه واني اجيبلك ريوك من ارجع

خلت بايدي بطل العصير ولبست عباته وطلعت ..

ضليت اباوع لاحمد وهو بسابع نومه

كضيتهه بس اتصفن على رجلي واغفى شويه واكعد .. لحد ما رجعت ريري ..

وياهه عامل نظافه شايل العلاليك .. خلاهن بالكاع وانطته فلوسه وراح ...

طبت سبحت وطلعت لابسه بنطرون وقميص طويل اسود .. وتنشف شعرهه وانه ارزلهه

حتى تلبس حجابهه كبل مايكعد احمد ..

لبسته وراحت بللت خاولي واجتي نزعتني الفانيله وضلت تمسح جسمي ولبستني تشيرت

وشورت ضلت تمشي علكيفهه برجلي المتاذيه ورتبت ملابسي وكعدت تمشط شعري وتكلي ..

-هسه رجعت حويدر النجر ابو كرفش

- شكرا

- عفوا

باوع راح الزكه لاحمد بكفخه واكعده

جايبته حتى ينام !! لو مااهله ميتين جان سبيته مسبه هسه اووف اووف واكفه على لساني واستخطيه

ضليت اضحك وهي راحت مفخته على ركبته

وضلت تتعارك وياه .. وهو كعده مدلغم وراح يغسل ويصيح ..

- انتو مخابيل ااانه شكو مورطيني بيكم

عمي لا ريدك ولاعرفك بعد ولانعل ابو اليسويلكم زين

طلع من الحمام وانه كلتله..

- واك صخيم لو تكعد وتسكت هنا لو تولي لاهلك

مابيه حيل صياح فهمت

- اي خلي اكلك رايح الا تشهرني بالعشيره

وكلهه تتكاون عليه بعد عايف عمك ورايح

ميدرون انه مطرود وكاعد ومنجب

ريري خلت كدامه ماعون كاهي وكيمر وخلتله كلاص جاي وهو ياكل وساكت

كعدت يمي توكلني شويه وهي تاكل وهو يباوعلنه وكال ..

- انتو شدعوه هيج متفاهمين !

اثنينه ضحكنا بعلو صوتنا .. وهو يكول ..

- عمي علكيفكم وياي تره محدق للنخاع

شجم وحده صاحبت بوسه ماينطن عاد انتو شابعين كل عمركم معشكه ومحاضن

خووو عمي ملك مللللك لك صرفت عليك صرف المهابيل عمي مبخت

انه صاحباتي بعيد الحب يعوفني حتى ماينطن هديه خيرتهم جابتلي ساعه ام خمسه الاف

- ههههههه ولك محد فكرني غيرك والله

عينك هاي ماتوكعلي

- غصبااا عليه احسدك جا هي مره لو ضربه حظ

هله هله لك هاي انه لو مرتي عدها سياره وهالكد فلوس وتدللني هيج وحلوه ومعدله

بوووويه الا كل يوم انكسر واتمدد بحضنهه

حتى لو محد يوكعني ويضربني انه اكسر اصابعي واجيهه اتبجبج

لك عمي من يمي مرتاح من اشوفك مدلل عاد انته شلون حالك ماتكلي

- خااااب اسكت ولك عييينك لا تطير مني المره وجوالاتها

اسكت هي هالمره كعد حظي خليني اتهنى

لاتضل عينك وراي وراي

ريري وكلتني وتكلي ..

-عوفه حبيبي الولد يغااار

اكل واشبع وضل تدلل على كلبي شعندي غيررك

- شوف ولك شوف هيج اختارلك مره لو تحجي عسل لو لتاخذ وتورط روحك

- بالجنه اذا مقسوملي عمي

عافنه وطلع وريري خربت ضحك عليه

وعلى غيرته ...

ضلت متمدده وغفت وانه هم اخذتلي غفوه

وكعدنا احمد جاي الدكتور ..

فحص وضربني ابر وطلع وريري هم اخذت جنطتهه وطلعت ..

من رجعت خلت الجنطه بالمجر وقفلته

وخلت مفتاح بجيبهه ..

ضلت كل اليوم مداريتني واحمد خايبه نضحك عليه .. وانه بس وجع وجهي

متعبني رجلي مااحس بيهه لا بوجع ولا باي شي ...

اجوي اخوتي وامي واختي ورجلهه و ولد عمي .. وصارت الغرفه خنكه وريري قايمه بواجبهم هي واحمد ..

لليل رجعو وضل بس عزيز هنا واحمد

طلعو هالمره ثنينهم باتو بره وضلت بس ريري يمي ..

كلتلهه ..

- تعبتي مو

- نعست فد مره

وكفت يم الشباك تدخن جكاره وره الثانيه

وبعدين غسلت واجتي اخذت علج وضلت كاعده يمي ..

انطتني تلفونهه وكلتلي..

- هاك تلهى بي

- ماريد راسي  يوجعني

- لعد نام يلا ارتاح

- اكلج.. هسه انه جاي انام هواي بس ممرتاح

- ههه تريد حضن

- هههه وعلي ارتاح من صدك هسه تحمليني بس هالايام

- يلا تعال تعال

فتحت ايدهه وحضنتني وتكلي ..

- باجر راح احجزلك لعمليه خشمك

حتى بين مايجي الدكتور وتسويها وتاخذلك يوم راحه وفحوصات تخلص الخمس ايام

- ريري تدرين خشمي يخوفني من ينذكر طاري عمليته

والله كبل احس بوجع

-هههههه سوده علييييه

اوصيه يداريك لتخاف هي وجع يومين ويخف

مو زين راح اسويلك خشم حلو بعد شتريد مني

كول مرتي مدللني

- لااا والله شبعتيني دلال

صدك مره ينشد بيها الظهر انتي والله ماتصدكين شكد مرتاح ومطمن لان انتي وياي

احس كلشي ميحتاج افكر ولا اهتم

انتي مكفيه وموفيه

- شعبالك لعد انته متزوج مره ربتها الدنيا

ومصايبها

صارت تلوي الخوف والمشاكل والمرض لوي

- انه كلبي من اول ماشفتج كالي هااي التحتاجهه واخذني ركض ركض لبيتج

خوش عرف يختار

- همزين عرفك عليه

شوف حويدر شكد تريدني اوكفلك واسندك تدلل بس كون تقدر

لا وكت تشبع تعض ايدي

- لااا وعلي انه مو هيج

وانتي وكفتج هاي مانساهه لاخر عمري

والله اهلي واخوتي ماكدرو يسون ربع من السويتي وحدج

- اهلك مو ميهتمون بيك بس ميعرفون يتصرفون بسرعه

اني اعرف معدن الناس وشلون استفاد منهم

عندي فلوس كلشي اجيبلك بلمح البصر

هسه الاسعاف همه لو ضاله عليهم ميفكرون بيهه يحسوها شكبرهاااا

بس اني رحت كلتلهم يابه السلام عليكم

عليكم سلام

كروه ميه الف تاخذون مريض لبغداد

كالو لاا وموافقه ومو بكيفنا كلتلهم

ميه وخمسين وانتظركم جوه

خليتهه بايدهم واجيتك وهمه وراي كبل اجوي اخذوك وهمه الممنوين

- والله عشتي هاي اكثر شي خلاني ارتاح

لو ماخذيني بسياره عاديه جان متت بالطريق من وجع رجلي ماتنثني تموتني

- اي مو ادري بيك مو مال واحد يحركك

بس همه اسيتعاب بطيء لو يمكن مخبوصين ومشدوهين البال

بس اني متعوده على هالسوالف كلتلك اني عقلي بكل شي يجدح جدح بس بالطبخ انثول

- ههههه مصدكج والله

- حيدااار تدري صار يومين منايمه

بس غفوه الظهر

- عرفتج والله

كومي نامي مدام احمد نزل

- اريد ارجع لغرفتنا اشتاقيت لجربايتي

راحت تمددت على القنفه وتكلي..

- بس تريد شي كعدني راح يضل بالي يمك بسرعه اكعد

نامت وانه هم غفيت بس كلساع اكعد اريد اندار ضجت من هالنومه .. وماكدر ..

ضليت للصبح الوب وهي كعدت واجتني

كلتلهه ..

- ظهري نمل اريد اندار انام صفح رهميهه الي

- شرهمهه ! ميصير تتحرك رجلك

- نعلى علييييييهم وين ماانكبرو وناااامو ريرررري تعبان هيج شوفلي حل ماضل هيج وعلي ماتحمممل مجاي اكدر انام

ضلت تفتر بالغرفه وتتافف تالي اجتي

كعدت كبالي وخلت ايديهه وره جتوفي وسحبتني الهه .. ضلت حاضنتني هيج

وتفرك بظهري ...

صدك ارتاحيت هيج من حركت جسمي

وضليت حاضنهه لحد ما ارتاحيت كلش

وخرت منها شويه وبوست راسهه ..

رجعت نومتني وضلت تعدل شعري وتكلي..

- بعد من تريد تتعب هيج كولي ونرجع نسويهه هاي الحل الوحيد تره

- شكرا رور

-اووكي العفو

كدرت انام مرتاح هيج .. وضليت بعد مسلم امري كله بايدهه ..

بس انام واكعد الكاهه كلشي محضره

العلاج والاكل وتبديل ملابسي ونومتي

وعلى فلس واحد ما حاجتني حتى شكد تصرف باليوم مادري بيهه واذا اسالهه تكلي ماصرفنا بس علاج وانه ادري هي ماتوكف صرف ..

يوم الرابع العصر سويت عمليه الخشم

وهالمره من اول ماطلعوني بديت اصحى مركز لان الوجع يصحي الميت

هرجت الدنيا بالصياح و ريري يمي تحاجيني بس ماكدر اتحمل وجعه واسكت ..

مادري شلون وشوكت نمت بس ماحسيت الا صبح وامي مكابلتني وكاعده ..

لكيت ولد عمي كلهم هنا ويه اخوتي وانه

من الكل ادور على ريري وهي ماكو

صحت احمد ودزيته يشوفهه وين ..

تالي رجع وياهه وشاورتني تكلي ..

- جنت احاجي دكتور دافتهم شلون اداريك بالبيت

- لتضلين تروحين منا ابقي ودزيهم همه مو كومه ولد واكفه شكو متعبه نفسج

-متعوده مو بيدي

ضلت واكفه يم امي .. والاكل كله صار سوائل .. اذا احجي انسطر .. ارفع راسي شويه ادوخ واحس بثكل عبالك وجهي راح يوكع كدامي ..

تعذبت عذاب هاليوم .. وهم خلوني  يومين

بعد هنا ..

واخر يوم جبرو رجلي من الطول للطول

و ريري كعدت يمي وتخابر جان تكلي ..

- هذوله هم قفاصه قنادر بحلوككم كون

- شبييج منو هذوله

- اهل الاسعاف يردون ٤٠٠ الف كروه

- عوفيهم بويه نروح بسيارتنا

- شيحركك ابويه

هسه بس خلي ينزلوك من السديه ويشتغل عياطك ماعرف بيك يعني

- ريرري كافي لتدفعين شي

صيحي لعادل عنده فلوس خلي يدفع

- مانحتاج مانيه احد بديتهه بفلوسي وانهيهه بفلوسي

اني ماغلي الاربعميه عليك بس همه ميستاهلون ماحب اليستغلني

هسه ادبر غيرهم شنو خلصت السيارات!

ضليت اتلمس بايدهه وهي تخابر

وره ساعه كلتلي ..

- دبرتهه وتدلل حدورتي

- ههه تسلمين رور تسلمين

بشكد ؟

- ٢٧٠

طلعو الولد الغراض وضلينه بس انه وياهه بالغرفه .. لحد مااجوي الولد واخذوني للاسعاف ..

وصلت لبيتي مرتاح و لكيت هناك محضرين

سرير مال مستشفى ابيض وفراشه الازرك

ومخليه بالهول ...

نوموني الولد عليه .. واجه ابويه ضل حاضني ويبوس بيه ويدعيلي بالشفاء

وعمامي كلها هنا وخوالي ..

وامي اجتي وايدهه مدمايه وخلتهه على كصتي .. صحت ريري ومسحت الدم

وكلتلهه..

- هذا انتي جبتيه ؟

- اي ليش معجبك ؟

- لااا ياعيني بس هواي هيج والله

- دكتور كال راح تبقى على هالنومه اقل شي

٣ شهور وشلون تبقى ممرتاح بالكاع ؟

هو صرفنا صرفنا ضلت على هاي بسيطه

- منو وصله هنا !

- اني وصيت حبزبز يشتريه ودزيته للبيت

واستلموه اهلك عادي كلشي مضبطه ليضل بالك

راحت وعافتني بين كل اهلي بس انه بالي يمهه .. افكر شسوي واشكرهه .. !؟

تفرش هي وامي وينامن بالكاع يمي

وكل شويه وحده كاعده تسال خاف اريد شي

ثاني يوم الظهر ريري اخذت صينيه الغدا وراحت غسلتهه واجتي كعدت يمي وتضحك ضحكتهه ام السنون ..

كلتلهه..

- بيج شي ؟

- احسب للعشرين ويجيك خبر يبرد كلبك

- شكو شسويتي !

- واحد .. اثنين ..

- احجي ريري شمسويه احجي

- خمسه .. سته .. سبعه .. ثمانيه .. تسسسسعه

كول عشره

- شكووو

- عشره .. احدددعش .. اثنعششش

ههههه اسممممع الصيحه وتلذذ

- ريري منو بس فهميني

- داحسب اوكف .......

عشرررريييييين ... انتقمنا

-هاا ؟؟

ضلت اطك باصابعهه وتضحك وطب ابن عزيز يصيح ..

- عمممي خابر على ابويه امي تخربطت

وعمه هم

فكيت عيني عليها وهي تكول ..

-اوووي خطيييه شبيهن لاا لاا معقول يتخربطن !

- ولج شسويتي ريري عزا بعينج شسويتي

- شسويت يعني انتقمت منهن

شنو بس احنه نتلوع ! وانته مو انشك كلبك وانته تعيط من الوجع عبالك انساهه !

الا اطلع كل عيطه منك من نص عيونهن

بعد كل اسبوع اوكعهن هالوكعه وخلي يحيرون بيهن بالدكاتره وابن ابوه الي يلكالهن دوه

.

.

.

يتبع

..♣️🩸 ماء مغلي 🩸♣️..

* adzzon *

- ولج شسويتي ريري عزا بعينج شسويتي

- شسويت يعني انتقمت منهن

شنو بس احنه نتلوع ! وانته مو انشك كلبك وانته تعيط من الوجع عبالك انساهه !

الا اطلع كل عيطه منك من نص عيونهن

بعد كل اسبوع اوكعهن هالوكعه وخلي يحيرون بيهن بالدكاتره وابن ابوه الي يلكالهن دوه

اخذت التلفون وخابرت على اخويه عادل

ودزيتهه تروح تشوفهن وامي وياهه راحت

وانه ضليت خايف لا بالتحليل من يسوولهن يبين هاي شمسويه وتنكشف والنوب مشكله ثانيه نطب بيهه بعد شيخلصنه منهن ..

بين ما وصل عادل واخذهن البيت انكلب بجي جهال وهوستهم وريري بس طلعو اجتي كعدت يمي وتكلي ...

- لك مبخت انته شابع نوم وتبريد واني ظهري انشك بالنص من الوكفه

لك عيني اريد اتمدد بعد انتهيت حعوفك واصعد انام شويه ارتاح اووكيي

- لج انتي صدك تحجين!

يانوم هذا ولج هسه شورطتينا بيهن

شسويتيلهن انتي يمعوده ولج هسه يحللولهن

شصخمتي

- يبوووو هسه شبيك بابه هيج اني ثوله مادري راح يحللون !

معليك كلشي مدستر عندي

- شسويتي لتشلين حالي هيج احجي

- ههخخخخخخ

لك اااخ ااخ لك اعرفهن نفسهن دنيه

مثل البزون وتانيلهه  شحمه

اني كلبي مفور عليهن ومقرره لو اوكعهن نفس وكعتك هاي واكسرهن لوو اسممهن واخليهن متزوهرات ويطبهن مرض فوك مرض بلكت يموتن ونخلص منهن فد مره

- وهسه سممتيهن !

- اييي يعني راح انطيهن سم بجرعااات

لحد ما شوف شوكت يبزع كلبي منهن

اطكهن بجرعه مال موت ونكعد هنا نهلهل

يااابه وداعت كانيووور بعد ماعندي اغلى منه شايف وداعته بس يموتن حتى اخوتك يهلهلون و وجههم يتفح ويصير هالعرضه

-ههههه ريرررري رييرري لتبليني بيهن

بداعت جلبج

- معليك انته اطلع منها

بلوه صخام اي شي توكع براسي اووكيي

انته مكسر ونايم معليك شبهه

واني اليحاجيني اعرف شلون الصم حلكه

- والله خايف من تاليهه

بس كليلي شلون سممتيهن هنه مفتحات باللبن ماتعبر عليهن هالسوالف !

- ههيييي

اكوله النفسسس دنيه

حيييل بيهن خلي هسه محتركه بطونهن حرك

اوووف اوووف ثلج ثللللج على كلبي

سويت سراحيه عصير بس شنو نزلتها من فوك .. بس عيني شلون عصير ههييي

الاا يسطررر

هنه كاعدات بالمطبخ واني اشرب منه

قدمتلهن مارادن بعد ط..ي  ثكيلات

عاد خليته على يم الطباخ على الحراره

حتى يشتغل عدل

وعفته وطلعت وهنه نفسهن تلوووب راحن شربن وتزوهرن

- عليييج علي !!!

جا هذني شكد حاطات عينهن عليج ومكيودات

- يغااارن امهات الوصخ

بس لووو تدري ششربتهن ههيييييي الااا هسه تنجلط

- من القواطي العندج ! هاي اذا بعدهن

- لااا وين خلصن وراحن

بس عندي فودكا مركزه برااااسهه

هاي اني جايبتهه احتياط خاف المزاج فد يوم يطلب يفرمت شويه ويشطح من الراس

عود اخذلي قطرتين واشربهن واصير ريلااااكس

هااي مركزه برااسهه تعرف شنو يعني براسهه يعني تذبح تحرك حرررك

اني من اخذ منهه اذا كولش اريد فد مره اطوخ بكد خاشوكه مال كوب

لان فد مره تحرك

عينيي واحطلهن خااشوكتين مال اكل ترس

بالسراحيه

- فلك الفلكج ياريري سكرتيهن !!!

- لااا بس سممتهن شويه

ماسكرن ولك هو كمع اخذن شيسكرن !!

- جاااا شصاار !!

- مو السر هنا شنو

اني سويتلهن كوكتيل ينشرب بالبدايه عادي

بس تعبر دقايق يبدان ينحركن حرك حتى عيونهن تغوش بعد يكومن يطوطحن ويصيحن الغوووث

- ياااابويه وعلي تخوووفين

ريري لا تسويهه بيه فد يوم انه وعلي فقير

- اييي ديلا ع اساس مادري بيك فقير

هسه انته شكو خايف عليهن يطبهههن مرض

خلي ناخذ راحتنه شويه نبحوش منا منا

- زين بس كليلي هاي منينلج سوالف الكوكتيل شوكت مشتريتهن ومادري ؟

- لاا ماشتريت بس اعرف شلون اشغلهن

خبطت شويه من العندي ويه هالخاشوكتين المركزه بالمي وهو ميصير بالمي تطلع حرارته اكثر بس ينشرب وهنه بعدهن ممتغديات بس غدن جهالهن فيعني بطنهن فارغه وشربن هذا كبل بدون لا حامض ولا شي فصارن جممررر جمررر

اتحداااهن يومين اذا كدرن ياكلن لكمه وحده

اذااا ماسويلهن قرحه بالمعده فلا ارتاح

هي تضحك وتفر برجلهه وانه صافن عليهه

كامت وكلتلي ..

- اووي تعبت خلي اصعد ارتاااح احتفل شويه براحتي اطكلي كم اغنيه وجكارتين ولانعل يوم الاسود التخلفن بي هالزفرات

راحت وانه بعدني مصدووم .. وعلي خفت على نفسي منهه ... بس تضوج مني تسممني هيج ! هم أمن بيهه هاي !!!

خابرت على عادل سألته عليهن وكال

بس يتقيأن ومحتار بيهن ...

سديته ومادري اضحك مادري اتشمت بيهن

مادري والله ..

وره شويه اجوي خطار .. اختي وعيالهه

وخابرت ريري تنزل .. ضلو جوه النسوان والزلم كاعده يمي .. جان تخابرني ريري

جاوبتهه بصوت ناصي ..

- هاا كولي

- اكولك هاي شنو امك تكولي حضري تاجينه و بيهه بزليه وهذا شيسمونه كشمش

هاي شلووون يسووهه !!!

وتريدني اطبك تمن وطلعتلي جدريه بكبر راسي مااعرف اني ماسيطر عليهه هالكد جبيره ماعرف اسوي هيج هواي

هسه شورطني بالخطااار خررب بيكم شليتو حالي

- ههه هسه انه اكدر اعلمج وناس كاعده !

اسالي امي وتعلمج

- متقبل تكولي  مايرادلهه شي وكاعده تجرش سوالف ىيه نسوان عافتني وحدي بالمطبخ اتصفن

شوفلي حل يلا تره افشلكم بالعشه ومعليه قد اعذر من انذر

- استغفررر الله

اصلا هسه حتى لو اعلمج تشلعين كلبي ومتدبريهه

-لعددد شلووون يلاا فضني كول شسوي

اشويلهم بس فخاذ وبتيته وبصل كافي هيج!

هسه ادز خمس  كيلوات وخلي يشبعون اوكيي

-لاااااا لتفشلينه هيج ولج بابه عيب سفره لازم مرتبه .. روحي وهسه انه ادبرهه

سديت الخط وخابرت على بيت السيد

وصيت ابنه يطلع يجيب سمج شوي وكباب

ورجعت خابرتهه ..

- رور  دبرتلج سمج وكباب شوي بعد سوي بس زلاطه وتمن احمر تدبريهه مو !

- بهالجدر الجبير لاا مادبرهه ماوصيت وياه تمن !!هسه شكو تورطني مو كلتلك ماعرف

- ولج منين اجيبلج جدر تمن هسه

استغفررر الله دزيلي تلفوني خلي اطلعلج من يوتيوب وسوي مثله

- ديلاا عود اكتبلي ملخص هيج بالملاحظات

همينه اووكيي

- ايي ايي بساع يلا

سديته وضليت اتافف وجهال جابولي تلفون

خليت تك سماعه واحجي ويه الخطار واباوع لفيديو التمن الاحمر ياهو السريع اشوفه ورحت كتبتلهه شتسوي وبقيت الفيديو مفتوح

ودزيتلهه التلفون ...

وكل شويه تخابرني تكلي خليت هيج وراح انتظر هالكد صح ؟ واكللهه اي صح وتروح

وترجع تخابر وتكلي استوى هسه لو بعد  ؟ وتخليني اريد الطخ راسي بالحايط ..

ابن السيد جاب الاكل واجاني سلم وانطيته الفلوس وراح لبيتهم . .

لحد ما خلو السفره انه روحي طلعت ..

تعشو وانه ماكدر اكل حلكي كله مطكك حب مال حراره ووجهي بعده مورم وثكيل

فمكضيهه شوربات وعصاير ..

الولد راحو وضلت اختي وجهالهه ..

كعدو كلهم يمي بالهول ويخابرون على عادل وعزيز يشوفون شوكت يرجعون وانه وريري بس نتمضحك بسكوت ..

اجتي شاورتني ..

- ولك راح اخلي اختك هنا سبير يمي

اعوفهه بالمطبخ واكابلك مو احسن

- وليش ماتستغلين جيتهه وتتعلمين منهه طبخ

-يبووو ماااا ماريد

لك اني مشكلتي اضوج بس احتر شويه بعد بودي اشيل الجدر اركعه براس اليريد اكل

ماطول خلك واتفنن .. مزاجي يكلب بعد لووو هسه بيضه مالي خلك انتظرهه تستوي

- وشلووون نكضيهه مزاجيات !! ريري صار بزعت روحي تره دبري نفسج عاد

- ولي لك بزعت روحك شنو ! لعد اني شكول !

هاي بس اسألك كم سؤال على الاكل هيج بزعت روحك !!! نيااال حظظظظي

لعد مو مسموط ابو ابويه هناك شو ماحجيت مثلك !!

- يااااربيييي اسكتي اسكتي عمي لا تتعلمين ولا شي ضلي شلون مادبريهه دبريهه

مالي خلك

-ديلاااا

خلي اكولك غير شي

- شكو بعد

- هذا ابن اختك الصغيرون عزااا بعينه وعين تربيته وعين اهله المتدينين

- هاااا ولج شبيييج الله خبلج عليه هسه

- دسمع .. اني بغرفه ابوك دالملم الكلاصات

وهو اجاني يكولي

خاله اريد السجاده بسرعه

كلتله المن تريدهه ؟ يكولي الي فاتتني صلاه الجهال معافوني اصلي اخروني عنها

عزااا خلاني صافنه هو شكداته بطول زري

وشلون حجاي ومنضبط وهاا جايني متوضي

ويحجي وياي مدنك عزاا بعينه شلون اوليد

-ههههههههههه شعبالج لعد هذوله اهلهم

فد مره متدينين هاي حتى بناتهم هم هالكداتهن

وكل وحده ثوب صلاه وسجاده وقران خاص بيهه

- يمممه جهاال لو ملايجه

زين لعد انتو هنا شبيكم شو مو كلش يعني اطكطكون بالدين مو فد نوب مثل ماخبصتني

- ههههه ريرررري استغفررر الله

لج انتي جيتي على التوالي من كلهه وكعت

وضامنه الضيم

همه لعد بيت اختي عيالهم وين ربو ؟ كلهم ويانه ويه ابويه وعمامي واهلي جانو بالدين يمشون بحذافيره تخيلي هذا رمضان كله يحيوه بالامام خو ليالي القدر مبيت يباتون هناك بس صلاه وذكر وزياره

بس من بعنا البيت وتوفت اختي ووكعت ابويه بعد ماضلو اهلي مثل كبل صارو على كد حيلهم .. همه ماتركو الصلاه ولا القران بس مو بكثره مثل كبل لان رادلهه حيل وهمه راح حيلهم

- هاااا زين واخوتك شبيهم ؟؟ شو هم طكطوكين !؟؟

- اخوتي مادري بعد والله ماجانو هيج

بس هسه انه ملاحظهم صلاه بالكوه يصلوهه

مادري شغيرهم

- امهااات السحوووره نسوانهم

هجمن البيت هجم خرااا بيهن

- ايييي من الله لا يهنيهن بعيشه

- اكولك شو اختك منزعت الحجاب ؟

- هههه هي هيج من كبل ماتنزع حجابهه كدامنه يمكن من تنام تنزعه مدري لا والله ماشايف شعرهه شلونه

-عزاااا ياااااا هاي شدعواهه هيج معقده

- هي متعلمه عليه من الصغر لان جانو ولد عمي من صغار يطبون علينه هواي وعمامي وخوالي اغلب الوكت يمنه فاخواتي دائما محجبات ولبسهن طويل وعريض بس قرص الوجه وجف الايد يطلع منهن بالبيت

حتى رجليهن جواريب لابسات صيف شته

- يمممممه وهاي من يطلعن العبايه والبوشي والدرع كله همين مو !

- اي جا شلون يعوفنه!

- عزاااا عيشتيش هااي

مجفنات حتى بين اخوتهن شساااالفه

هههه لك اني عمي من سويت البانيو بحمام بيتي وصورته اله وره شهر دزلي مايوهات

من الخارج ويكلي من شفتهن تذكرتج كلت ليش متلبسين منهن وتسبحين تغيير جو شويه

- هههههههههههههه خررررب بعمج اذا صدك

- وداعت جلوبي دزلي وبس نروح لبيتي اطلعهن واشوفك

هاا من عدا الشورتات والفساتين الي يدزهه كل كم شهر واني البس واصور ادزله يكيف

عليهن يكولي من اشوفج حلوه بيهن يصيرلي واهس اشتريلج بعد

- تدزيله صورج بالمايو والشورت !

- بالمايو لا بس بالشورت اي

شويه هذاك فد نوب بس خيوط ههههههه

- نعلى على غيرررتج

- هههه هسه اني من داباوع لاختك وهيج لابسه الدرع كدامك وكدام ابوهه اخرب ضحك ههههه هوو انييي الچنه ونازعه الحجاب كدام ابوك وكاعده براحتي

هي شدعواها هيج خانكه روحها !

- انتي مستهتره وميفيد بيج الحجي قابل هي مثلج !

-ايبااااه هجم بيت الشرف

هسه الا اكمط روحي كدامكم يلا اطلع خوش !

هو شسويت اني بس نزعت حجاب وماكو احد هنا شو بس انته ومحلل عليه وابوك هو بحالي ! وهاي جهال ونسوان بعد شكووو انهديت عليه تبسمر

- ريري سطرتيني وانه منا مسطور

اسكتي  شويه داريني فركيلي لا تضلين ترطنين يم راسي

- ديلاااا احضنك ! واخلي اختك هسه تشك ثوبهه هههههه

- اهووو بعد جلبت باختي شيخلصهه هاي

-يبووو سكتت يلا ارتاح

ضلت ساكته وتكلب بتلفونهه وانه جريته منهه

ونطت عيونهه ..

-شكووو

- مو كاعدين ! شكو عينج بالتلفون وعايفتهم

روحي اكعدي يم اختي وسولفي احسن

- اوووووف اووووف

كوله حساااب عليك هذا لاعبالك فلوس هاي كلهه فلوس حاسبتهه اوووكيي

-وعلي ادري راح تبيعيني حتى ملابسي بس راضي والله كلشي انطيج بس هالله هالله بينه هسه

كلبت وجهه للضحك وراحت كعدت يم اختي

وتفر بشعرهه منا ومنا وتسولف وياهه

وره شويه سمعنه صوت الهورن بالباب

اخوتي رجعو من المستشفى وكبل صحت لريري ولبست حجابهه واجتي كعدت يمي

طبو اخوتي كلمن كايد مرته وهنه يسحلن بروحهن سحل وكل وحده بايدهه المغذي والوجه اصفر ..

كبل اخذوهن  فوك لغرفهن واختي راحت وياهم .. بس ريري رجعت كعدت يمي

- مارحتي وياهن

- شكو اروح شنو خايفه عليهن اني لو اريد اداريهن ؟

- مو هيج بس يعني بالوجه شويه سوي زينيه وياهن

- مو ام وجهين اني اكرهن بالوجه وبالكفه

يطبهن مرض بلكت ميتات ونخلص عاد

عوفني هيج اكعد استررريح يمك واتشمت بيهن

- استغفررر الله لج ريري حرام الجاي نسوي

-شكو حرام ! لعد كل الي بيكم مو حرام هنه على هالساعتين بالمستشفى حرام !!!

- ريري اذية الناس حرام واحنه جاي نصير مثلهم

- عيوووني بالحب والحرب ماكو لا حرام ولا حلال ولا عيب ولا صخام هو بيهن لو تعيش لو تموت هاي قاعده بالحياه

وهسه عدنا حرب كل الطرق مباحه

هنه يسحرن احنه نسمم

هنه يخبلن  احنه نموت اوووكييي

- والله ياريري ادري تاليتنه عوجه بس حجيج صحيح شنسوي على بلاهن ماعدنا حل ثاني

- ايي هيج خليك لا تصير نانسي

خليك نجر عدنا حرب هاي حرب ويه جيش سحارين وجن وصخام بعينهم لازم نجفت عليهم بكل الطرق الملتويه

والبقاء للاذكى تره

لا تغرك قوتهم واسحارهم تره الفوز عمره ماجان بالقوه كوله ذكاااء وتكتيك

القوه تضعف فديوم بس الذكاء ماينتهي

اوووكييي

- والله حجيج معدل رور

شغليهن لذكائج وقوتج  وانه عذريني حكعد واتفرج عليج لان الحال شوفه عينج منتهي بعدين ارجع اساعدج اذا الله راد

- ليش يمه ! شبيك هسه انته بس متكسر شويه بس راسك بعده يشتغل شكو مستخف بروحك !

ولك اني ماعاشر ضعيف ديربالك تصير ضعيف حال تره كبل اسوك عليك اني طلياني ماصارو طليان الا من استضعفو روحهم

وسكت عليهم لهاليوم بعد ماطلعلهم صوت يمي

تريد تصير مثلهم !!!

- اشك حلكج والله بس يعلى صوتج لو تجين تتأمرين هيج وعلي ماارحمج ولا اسكتلج

لاتشوفيني هادىء واتجنب المشاكل وياج

تره بس تعيلين وياي وكتهه بس الله يخلصج مني

- اييي اييي هذا حويدر النجر الاعرفه

هيج ضل حامي اريدك تبقى هيج زلمه حوك

لا تستهين بنفسك واذا مكسوره رجلك

عندك اني موجوده

شتفكر من شغله زينه اني انفذ

وعندك رجليه تركضلك ركض احسن من رجليك طول بلا فايده

- ههههه والله متقصرين مريتي الحوك

اسبع مره بالدنيا انتي

-اي ادري يلا كافي لتلح

ضليت اضحك وهي تثاوب .. وراحت فرشت

لاختي وجهالهه بالغرفه وفرشت الهه هنا وكلتلي ..

- لك اليوم يومنا اليوووم حويدر اشبعك حضن

اليوم امك كرصت يم اختك وابوك ..

واخوتك مينزلون بعد واشبع يابعد عووومررري

- لج هلللا لج اليوم كله طك اخبار تفرح

تعاااي ولج طكت روحي

وعلي ظهري متيبس هاي انه شلون اضل ماتحرك هيج جم شهر !! جاي الوب وعلي عيشتيش هاي

- ديلاااا اني عندك اهونها عليك لتضل تبجي

-هههههه امشي سدي الباب وخلصيني

بس اوكفي كبلهه روحي كولي لامي راح نام حتى لا كبل تجفت علينه تكول ها نمتو !

من هسه كليلهه نايمين

- ههههههههههههه خرررب بعرضك ملوووت

ضليت اضحك وانتظرهه اجتي مغسله

وجايبه عنب .. وضلت واكفه  تاكل وتراسل بتلفونهه ..

صحت عليهه..

- يلااا عاد وكت تلفون ماشبعتي اليوم كله مكابلته وتراسلين !

-اي دصبر هسه طايره

- اذا متجين هسه بعد لتجين ماضل اتوسل بيج

كبل سدت تلفون وطفت الضوا واجتي

تكرص بوجهي وتكلي..

- شبيك متكولي ميت ع الاحضان

- مميت عليه بس ظهري يوجعني هيج ومضوجني رايدج تفركيلي

- ديلااا تعال

- شو مبدلتي بعدج ؟

-ههههه تريد البس شورت هنا !

-لاا بس يعني هيج سألت لان متعود عليج تبدلين

كيفج ضلي هيج بعد احسن

ضلت تضحك ونزعت دشداشتهه واخذت ايدي خلتهه على جتفهه ..وتكلي...

- افهمه لعقلك افهمه

حضنتهه وخليت بوجهي على جتفهه وهي تفركلي ظهري وكلتلهه..

- شفهمتي من عقلي ! شو انه بنفسي ماجاي افهمه شبي

- هههه انته معوز حنان رادلهه فهم علم هاي!

- اييي وانتي حنانج ماكو هيج

حتى حنانج يجدح مثلج يجوي جوي

- عيني هذا الموجود ميعجبك هسه اكوم

- لااا ضلي يمعوده شويه احسن من ماكو

- ديلااا اووكييي

ضلت تفركلي وتكلي ..

- بس عظم لك ماكو لحمه افركهه شلون بيك

- غير معتمد عليج تسويلي لحم

وانتي تنكلبين جني بس تطبين  المطبخ

- لك اوووي لا تذكرني وجهي صاير شكد ماغسله يبقى وصخ مدري شلونه مدهن مدري شبي

تلمست وجهه وخشمهه وكلتلهه..

-لج بويه انه الوجهي وصخ ومدهن ومنعول اهله انتي وجهج صبه شبي متكليلي

- متفهمني اني معتنه بي غير شكل هسه كلشي مدالحك

- متعتنين بالليل واوكفيلج نص ساعه اعتني بي وارتاحي

- لك بابه اني اعتني بي بالمراكز

مو بالبيت

-هاااا هنا الحجي

- اييي تدري اني بالشهر الواحد اصرف على نفسي بس بالصالونات حوالي مليون ونص مرات اذا عندي حفلات اعبر مليونين

بس الي يعني مو للبنات

- والله مادري شكلج

بس انتي حيل مبذره

- مو مبذره بس ماعندي غير نفسي اصرف عليهه لو عندي شي ثاني جان اقتصدت

بس كلشي ماعندي اهم من نفسي

وفلوسي هواي وين اوديهن لو امشي واشمرهن هم ميخلصن

- شكد يعني عندج لو خصوصيات؟

- لاا باوع اني ماعندي مبلغ محدد اجمعه بالشهر

بس عندي كل كم شهر يجيني مبلغ جبير

هو الي مخليني مسيطره

- هسه انه شفتهمت ! متحجيلي هسه شبيج كلشي ضامته عني والله مابوكج ولاحسدج على فلوسج

- اييييي هسه افركلك احجيلك دوختني

-احجي عوفي التفريك

وخرت منهه ورجعت ارتاجيت على المخاد

وهي تكلي ..

- راح احجيلك بس لتتفاجىء اووكي

اخذ الامور برحابه صدر

- عادي تعودت وياج كلشي مفاجىء احجي كلش عاديه عندي صارت السالفه

- زين لعد اسمع

عمي هو صاحب الملهى يعني باسمه هو

بس اني هنا متكفله بي

لان بس عقلي من بين الكل يعرف يفرغ الجيوب على الميوزه فعمي صار بس بالاسم اله وكلشي منه يجي الي اني ادير بي الشغل

واصرف على البنات لبسهن الصالونات

فساتين السهرات كلهه خياط خاص ومن عدا عنايتهن والمسواك وكلشي كلشششي

اني اخصص فلوسه كل شهر ويبقى اجورهن يعني انطيهن على حسب الحفله

لان هاي بيهه هواي شغلات ادوخك عوفهه

وعندي دار ازياء بتمويل من عمي فتحته

وعمي كل خمس شهور  يدزلي

خمسه وعشرين مليون ... خمسه الي تروح للبنك والعشرين اداول بيهه شغل يعني

- عمج شيشتغل ؟

- عمي هواي عنده شغل

هو وكيل حصري توزيع النبيذ بالعراق

يعني لتسالني منين وشلون هاي شغلته بعد

بس هو يجيب افخر الانواع يعني البطل بالورق يشتروه

- زين وبعد شيشتغل؟

- معارض سيارات عنده اثنين

وعنده وياه شركاء

- زين هاي منين يجيب هالكد فلوس

وانتو صرفكم مو بالمعقول شلون تجمعون لهيج شغل ؟

- مانجمع احنه

كل واحد اذا يريد يجمع لحسابه الخاص بدون ماحد يدري بس نحولهن شغل ونشارك بيهه ناس لااا ماكو هيج

عمي اشتغل بغسيل الاموال

بالوجه هو تاجر سيارات ومعارضه بارقى الاماكن بس الفلوس تجي بالحيله والتكتيك

- صدك والله !!!

- داجذب عليك ! مو كلتلك لتتفاجىء بعد شكو

- والله شكد مااكول تعودت على عيشتج ومفاجاتج يطلع بعد ازيد منها يصدمني

- ههه هسه هو شنو ! هو غسيل اموال شحجيتلك متكولي وجفلت !! شبيييك

- هاي لعبه وسخه غسيل الاموال ريري

مو هينه

- ادري تعلمني بيهه! اصلا هاي عند عمي

مثل فره السبحه عندكم هيج بهالسهوله يفرها

- حياتج تدوخ انتي وعمج

- ايييي حياتي جذب انقسمت مثلهه لبشر

كلتلك اني عندي السنه اعيشها بعدال خمس سنين انتو تعيشوها

- مااعرف بعد انتي متحجيلي وافهمج شتقصدين

- شتسوي بدوخه الراس خليني اكملك على فلوسي

ايييي بعد شنوو هااا شوف اني عندي اضافه لكل هذا راتب ابويه .. راتبه ماجنت استلمه  لان مقبلو يصرفوه للقاصرين

فهو عمي تكفل بيه رسمي كدامهم وصار يستلمه ويخليه الي بالبنك اني كلتله ماريد اصرف هذني الفلوس هسه ماعندي شي احتاجه خليهن للمستقبل يفيدني

فمن عبرت العشرين اني عندي من راتب ابويه خير يغطيك بطولك بشدات الفلوس

ماصرفت منهن الا هسه عليك

- والله !

- اي لعد منين صارلي اسبوع اصرف !

كلت خطيه انته مكضي عمرك تسبح وتصلي وتصوم اجي اني اوكلك مال حرام واضيعلك كل هذني

انقهرت عليك فرحت سحبتلك من فلوس الحلال مال ابويه

حتى اهلك هنا من  ادز مسواك او شي الهم

ماخذلهم الا من فلوس ابويه لان همه خطيه ميستاهلون بعدين باخرتهم يلكون نفسهم ماكلين مال حرام ويتحاسبون عليه وهمه لامنهه ولا عليهه

اني عندي هواي يعني من هذنيج وتدري حبزبز كله ورق يحول ويدزلي هنا هم

بس كلت هيج احسن ..

مو احسن ؟

ضحكت وجريتهه الي حضنتهه وكلتلهه..

- احسن هواااي احسن

مثلج كلب طيب ابد ممعاشر وشايف

يعني والله والله على تفكيرج هذا وحده النه

ان تخافين علينه من الحرام وتصرفين مال ابوج النه وانتي جامعته من سنين على نفسج ماصرفتي وهسه كله النه .. تستاهلين انطيج ماي عيوني والله شكد ماجاي افكر شلون اردلج هالتعب واشكرج مالكه شي يناسب وكفتج هاي

يعني بالاخص  انه الله يعلم شجم مليون بس بالمستشفى صرفتي من غير الملابس والاكل والعلاج بكلشي مدللتني وتفكريلي وانه ماطلبت منج ولا كلتلج بيوم اريد هيج

والله اتمنى الله يوكفني على حبلي من جديد بس حتى ارجع اشتغل وابادلج بشي اشكرج بي على هالصرف والتعب

- اكولك تره عادي هي فلوس هسه شنو سويتهه قصه شكبرهه

عادي الملايين الصرفتهن لعملياتك والي بعدهن لعلاجك 

هاي اني اصرفهن بالشهر هيج اتلفسهن واني ماشيه

فكلش عااادي عندي لا عبالك فد شي جبير

هاي اني متعوده والمليون عندي مثل شربه المي

لك اني اصرف على عنايه رجلي وشعري

وصبغ اظافري بالمليون واذا اخذت الربع وياي كل مره بعد نعبر المليون

هاي من عدا لبسي ومكياجي والاكل يبوووو

اني لو جامعه فلوس الصرفته ع الاكل جان اني هسه مشتريه ارقى بيت بمنطقتكم

- هههههههههه لج اعررررفج كمت اعرررفج رور هالصوت كمت اميزه

- اييي ديلا اووكي نام كافي عاد تعبتني بس سولفي سولفي

كامت وانه رجعت راسي للمخده وشويه كلتلهه ..

- رور تعاي نامي يمي

- حتى تجينه امك الصبح تهلهل نام واسكت

- اقفلي الباب ومعليج باحد ااانه اريدج تنامين يمي شكو تفكرين بفلان وفلان

- وييين انام يمك مو مريض لا اروح اطخك وتكلبهه عياط

خليك مسكن هيج احسن

- تعااي ومعليج يلا تره منعس من صدك

بس عاجبني احضنج وانام

- واني امشي باليعجبك مااجي نام واسكت

- رووووور

شبيج مريض مو كلتي اداريك وادللك وينج يلا شو بزعتي مني !

اجتي وهي تتأفف وانه رفعت الغطى وخليتهه تنام على ايدي .. كلتلي..

- لك هاي بس اندار اوكع شورطتني يامصخم

- ههههه ضلي لتحوصين خلي نام هيج باماان واطمئناان

- ننناااا من يدكولنه طبل الصبح عود هم حس بالامان ماوصيك اووكي

- هههههههه خلي يدكون المهم نام بامان والصبح الله كريم

ضليت حاضنهه وكامش ايدهه مخليتهه على جتفي .. ونمت ..

حسيت الصبح بوجع العمليه وحكه برجلي موتتني .. كعدتهه وهي كبل كامت وضلت مخبوصه تدور بالادويه وتكلي ..

- شنو شنطيك هسه دكوولي

- مااادري شمدريني خابري دكتور

-هو ماعنده شغله غيرنا وكل شويه الو

احجيلي شتحس بيهه بالضبط دافهم

- هيج جاي احس حكه بالمفصل مال رجلي

ووجع بالركبه ررريري وجع جاي يدك بكلبي

- يبووو سوده عليه

من اشتعلتن بنااار وشرار يالبرابيك انتن يالي فوك روسنه معزياتنه ومصخماتنه

ضحكت وانه الوب بالوجع وهي لبست وطلعت وره شويه اجتني وجايبه ثلج

كلتلهه..

- هسه هي مجبره تحطين الثلج وين يوصل لجلدي !!! شبيج وين عقلج

- اييي شسويلك لعد مالكيت غير حل

- ياااا يابه ياااابوووويه لج بس اكعدي حكي رجلي حموووت والحسسسين

- ثلج مايوصله ! وايدي توصله !

ضليت اعض بالغطى وهي جابتلي حبايه وخلتني ابلعهه وضلت كاعده يم راسي

وتكلي...

- ديلا هسه بس صبر شويه وهاي تنومك هسه ومن تكعد بلكت محصله الدكتور واشوفلك حل

يلا دخذ نفس وطول خلكك ياعيني اي شبيك فد نوب صرررت

- من كووون ربيييي يبليهن بالطاعوون ويمردهن مرد

ريررري احلفج بالعباس اذا تعرفين العباس

وتخافينه اريدج اليوم تلوعيهن مثل مالوعني وخلني على لحم جسمي مااكدر امد ايدي

و وجع عظامي يدددك بكلبببي والله يدددك بي

ياااربي دخيلك

- صح اني مو يم العباس بس يلا لخاطره مبين عزيز عندك وتحبه

اليوم ابيتهن مستشفى ولا يهمك

.

.

يتبع

..♣️🩸   ماء مغلي  🩸♣️..

* adzzon *

- من كووون ربيييي يبليهن بالطاعوون ويمردهن مرد

ريررري احلفج بالعباس اذا تعرفين العباس

وتخافينه اريدج اليوم تلوعيهن مثل مالوعني وخلني على لحم جسمي مااكدر امد ايدي

و وجع عظامي يدددك بكلبببي والله يدددك بي

ياااربي دخيلك

- صح اني مو يم العباس بس يلا لخاطره مبين عزيز عندك وتحبه

اليوم ابيتهن مستشفى ولا يهمك

ضلت تفرك براسي وانه نحل جسمي

رجعت نمت وتالي حسيت على احد يهز جتفي .. باوعت هاي حوراء بنت عزيز

تكعدني ومخبوصه ..

- شبيج

- خالي بالباب و و و امي واكعه بالحمام

و و و خالي يكول اريد اصعد اخذهه و و و هايه عمه كالت كعدي عمج اذا قبل خالج يصعد

- امشي صيحي ريري بساااع

راحت ركض و اجتني ريري كلتلهه..

- شكو احجي شصار؟

- بعدين افهمك هذا الرجال مشتول بالباب

دز عليه خلي يفوت ياخذ اخته المهجومه ويولي

-استغفررر الله طبي جوه وسوي طريق

وكولي لواحد من الجهال يصعد وياه

وبس يطلعون تجيني زيين

-اوووكيي

راحت وانه تلمست وجهي احسه مدبك

انتظرتهه تجي وتشوفه شبي ..

اسمع صوت هوستهم والرجال مخبوص

وام فاطمه بس تصيح يااايمه الحكيلي يمه

وانه اضحك .. عرفت هاي سوالفهه ..

تالي اجتني و وياهه كلينس رطب وكعدت تمسح وجهي وتكلي ..

- لازم بعد متنزل راسك هيج من تنام

خلي عدل دتنزل الوصاخه خاف تضل وتخنكك

- نمت انه بعد ماحسيت لا بخشم ولا برجل

احجيلي شصار شكو هاي شبيهه متصركعه

- شبيهه بعد اكو غيري يندك بيهه

اليوم كلت اغير الخطه شويه

انتقم من هاي اليوم وطنطول باجر

-هههههههه بس ديربالج لا يدرن بيج وعلي يطكنج بالدهن

- اصلااا ولا يمي السااالفه

تدري عود رحت ويه اختك اشوفهن و ياهي الافوت لغرفتهه كبل تكولي

انتتي تريدين تسممينا عووذه منج ومن وجهج الاصفر

كلتلهن اني يمجن حواليجن

حايره برجلي المكرود شوكت شفتجن وكعدت وياجن !

ويكولن السراحيه مو ردتي تشربينا منهه

جايبتهه مسمومه النه

كلتلهن اني مسويته عصير لرجلي يقوي مناعته وشربت منه كدامجن وعفته ورحت

انتن شكوو هالدوده وتروحن تشربن منه !

اني اجيت ضحكت عليجن وشربتجن ! لو انتن رحتن بنفسجن عليه !

عاد يسكتن بعد يضلن يونن

- حييييل وابو زايد وين الله ويضلن مزوهرات هيج فد اسبوع شهر

- يضلن يضلن

ههههه لك متدري شسويت لحنفيش

وهججتهه منا

-اييي متحجين فرحيني

- مو كعدنا اليوم نلف كبه طبعا اني صخمتهه واختك خربت ضحك عليه بس عادي تونسنا

مو سلكت منهن وسويت زلاطه ناعم و

جبت زيت الخروع ورشيت الباقي بالشيشه كلهه بكاسه حنفيش واني شلون مسويتلهه زلاطه

كاااسه بكبر خشمها المدهن

ههههه امك تكولي شتسويين بي لان رحت ابحوش بوفيتهه كلتلهه اريد اداري بي رجلي

وخمطته وطلعت

-هههههههه خرررب بعرضج

وهذا شيسوي ؟

- شنو شيسوي !! يسهل البطن بحيث هي

بس اخذولهه الجاي ههههههه وراه كبل

راحت للحمام واني خووش غاسلته غسسله

كله بالمكيف مال شعر وعفته يدبك حتى نعال الحمام هم ليصته من جوه وراحت زلكت فد زلكه يبووووو مانسمع بس العياط

هههههههااااي لك فد تونسست خرررا بيهن

شكد مضحكه

-هههههههههههههه لج انتي كاااارثه

-ههه تدري طنطول من خوفهه لهسه ماطلعت للحمام وتدز ابنهه ياخذلهه مي بالطاسه وتغسل

-ههههه حيييييل اووووف وعلي بردتي كلبي

خلي يضوكن اللوعه شلونها من يلوعن بني ادم بعافيته

بس هذا خالهم شجابه بالنص ؟

- هي غير ثبرت الدنيا وخابرو اخوتي وطنطول خابرتهم

اكولك انتبهت على شي

-شنوو

- سيف ماله دخل بيهن

من بارحه لليوم مادار بال لكلشي صارلهن

امه بهالغرفه وهو بهالغرفه ماطلع وكاللهه شلونج

و الهوسه هاي كلهه صارت وعياطهه

وبجي الجهال وامك واختك خايفين لا سحر صايرلهن وهيج داياذيهن وكضنهه لطم

وسيف فاتح الباب ومتمدد بجربايته ويباوعلهه شلون متمدده بالكاع وتصيح ولاااا همه شي

وصعد الرجال واخذهه واخذ جهالهه وراح وهو كلمه شكو ما كال

- عجيب امره

مدوخني سيف وعلي مافهمه هو ويانه علينه !

- اني احساسي يكولي هو طرف ثالث مستقل

بس عيونه مفتحه ع الكل

- شلون يعني ؟

- يعني هو لا وياهن ولا ويانه عنده غايته وحده بس اليندك بغايته هو يلا يحرك نفسه

- كلشي يصير .. انه لو ماهالوكعه جان هسه شاد كاميرات كدام غرفهم وافهم شي عليه

- ذكرتني بيهن ...

فتحت الحاسبه وشفت بالتسجيل حنفيش داكه اربع بسامير بحافات الباب منا ومنا

كل اثنين بجهه

- شنوووه !! هاي شوكت يا يوم !

- من احنه بالمستشفى بس المفاجاه اني طلعت داشوفهن ومالكيت بس زروف والبسمار ماكو

- علييييج عليي !!

- والمفاااجاااه الاكبر ان ماااكو احد بالتسجيل طلع جاي شايلهن !!!

فهسه اني مادري هالبسامير وين راحن؟؟

- لااااا ياربييي دخيل اسسمك رحت

دخيلك الهي رحمتك

- هسه شنو هذني تبخرن! ماعن ! شنو فلمهن ؟

ضليت افرك براسي وانه ادعي ربي مايطلعن مؤثرات بشي ..

- حيدااار هسه شنووو شسوي فهمني

- لازم تتاكدين حتى لو تحفرين مكانهن اكثر

بس تاكدي موجودات لو لا

- بابه ماكو بس زرف مااكو بسمار اصلا مبين مشلوعات لان بياض واكع مثل نحت بالكاع والزرف هذااك وينه مبين مشلوع منه

شنو عميه اني ماشوفهن لو موجودات !!!

- جاااا منو الي وصل شالهن وماطلع بالتصوير !!!

لتسودنيني هيج امشي جيبي الحاسبه خلي افتهم بنفسي

- وانته شكو تصيح عليه فوك ماادور واتعب واحجيلك !

طلعت وكالبه خلقتهه .. وانه ضليت استغفر ربي وتالي جابتلي الحاسبه

وراحت ..

شغلتهه وفتحت تسجيلات وكعدت اراجعهن من اول يوم وكعت بي ... و بهاليله محد صعد فوك ولا ثاني يوم بس ثالث يوم ام سيف صعدت للسطح الصبحيه ونزلت وياهه

سطل ... واليوم الرابع صاعده ام فاطمه وادك بحافه باب غرفتنه البسامير .. وبعدين هنا نكطع تسجيل اليوم انتهى !

وماكو تسجيل بعد !

دزيت ريري تجيب الكاميرا حتى افهم العله وين ضليت انتظرهه واجتني تكلي ...

- لك هذني ماكو مشيولات مناك

- لاتسودنيني !! منو يشيلهن !

- صدك مالكيتهن

شلت الورد كله وهنه ماكو

زين شلون اختفن والتسجيل موجود !

- ياااااربيييي

لج انه مسوي حفظ تلقائي هنا كل اربعه وعشرين ساعه يحفظ تسجيل

وانه امسح كل يوم واخفف ذاكره

هسه هااااي منو اخذهه !!!

شلووون ابتليت وجبت كاميرات ! ماخلو عليه شي من نعلى على يوم العرفتكم بي

ضلينه واحد يتصفن بالثاني .. كالت ..

- هسه النقص يعني مال ثاني يوم وره ما دكت البسامير؟ بعد مناك ماشتغل شي مو ؟

-ايييي

ومبين الي ماخذهه يفتهم شلون يقفلهه ويلعب بالميموري

هذا اكيد سيف امشي صيحي خلصيني يلا كومي

- ويين شعندي صايحته !

شنو يعني راح يكولك اي اني اخذتهن !

راح يكضيهه جذب بجذب ويدوخنا بالزايد

-جاااا شلووون فهميني يلاا !!!

-عوفني افكر

ضلينه ساكتين .. انه اتأفف وهي تهز برجلهه

واجتي اختي وتدفع ابويه وضلو كاعدين يمنه

وهي اجتي شاورتني ..

- عوف سيف خلي هو راح يدلينه على كلشي

مبين هو يعرف كل الي يصير بالبيت وديبعد الاذيه عنك .. فخليه هو خوش عقل عنده

واحنه نستفاد منه من بعيد لبعيد

ضل زين وياه حتى يحاميلنه بظهرنا

هو اكيد شالهن حتى مانعرفه هو ديساعدنه

- اريده كدام عيني شلوون ؟؟

- ميكدر يضل كدام عينك هو متمركز فوك وعايش بافكاره

بيك خير انته بعدين تقربله وخليه جوه ايدك

راحت وانه ضليت افكر بسيف شنو غايته ؟

شلون كدر يسيطر عليهن ويعرف كل خطواتهن ؟

وشلون عرف انه مخلي الكاميرا هنا ؟

ماشفته فد يوم واكف يم غرفتي ولا واصلهه !

جابتلي الغدا واكلت وره ساعه اندكت باب الهول وطب احمد و وياه الاهل ..

اجاني يبوس ويسلم وخوالهم يتحمدولي بالسلامه واجني نسوان اثنين وكفن يمي وشالن البوشي ...

دنكن بوسن راسي وانه فرحت بيهن وضليت مكعدهن يمي واسولف وياهن .. وامي بعدين اخذتهن وياهه جوه ...

تعشو الجماعه من وكت وطلعو لبيت السيد

فرغ الهول جان تجيني ريري جايبه عشايه

وخلته بحضني وضربتني على جتفي

- هااا ولك صخيم اني محروكه روحي بالمطبخ ومثبوره بيك وبخطارك وانته كاعد هنا تكهكه ويه البنات !!

وين غيرتك يابو الغيره شو حاطلك اثنين وكهكه ما كهكه شبيييك مستخف هيج

- لااا اله الا الله

ولج بابه انتي شبيج عقلج يعطب بالمطبخ !

-ايييي يعطب

شكو انته حاطهن وتكركر وياهن منين هذني

النوب !!

- بنات هادي شبيييج بنات اخويه خوات احمد

شلون بلوه هااي

- ياااا ولك هذني نسواان صايرات !

يااا هاي شوكت كبرن هيج

- بنات بعد ويكبرن بساع بساع هنه من كبل خشنات وبساع شبن وكبرن شعندج هسه وياهن شبيج !!

- شبيه يعني !!

ماعرفهن وضجت شيكولون هسه رجلي كاعد يكهكه ويه البنات ومامحسبلي حساب !

شويه فكر بيه فكرر ماضل اتعارك وياك وكل شويه معلعل كلبييي حيدااار

- ولج شسوووويت شسووويت هسه ماتكليلي شسويت بنات اخويه وكاعد اشوف شلونهن

جرمت !!!

- ديلاااا بعد لتعيدهه

اكل يلا اكل

خلي اروح اكعد اشوفهن زين

شو هاي امك هم منثوله غير تكولي بنات ابني هذني شو بس فلانه وفلانه وبوس وروح

كبر مايعرفون الاصول

تدردم وتمشي وانه اضحك عليهه وصرت اكل وجماعتي خابرو راح يجون هسه

عاد صحتهه .. اخذت صينيه ورتبت المكان

واجوي جماعتي ...

ماتاخرو وطلعو واجتني ريري تكلي ..

- لك راح نفتح محل ببسي وميرندا

ادري هسه اكو واحد يجيب قواطي ببسي لواحد مكسره عظامه !!!

- خليهن يفيدن ابيعهن لان رجلج كنسلو شغله

- صخااامات ولك صدووك شحتوك !!!

- اييي والله شفتي هسه الولد صاحب البرج يكلي خلي نفك الشراكه يريدون يشيلون لغير منطقه ويريد يغير محله

راح ينطيني فليساتي واكله الله وياك واضل مصفن بوجهج هنا بعد اضل مكابلج وكاااعِد

-اووووف ديلااا هسه واذا خلصت الدنيا

عود دبرلك غير شغله عاادي لتضوج

-الله كريم

انه هسه مالي حيل افكر لا بشغل ولا بمحل

بس اريد ارجع اتحرك واتنفس مثل هالبشر

والله ياريري العافيه كلشي كدامها رخيص

- ديلاا لتضوج عاد هسه تصير زين

تره مابيك سرطان بالعظام هو كسر وجبروه شكو بعد .. هسه شهر زمان ويطيب

وره شويه اجتي تنظف الهول وبس سمعت الباب انفتحت مال شارع صحت عليهه تروح

منا .. واجوي احمد وخواله ..

بعدين الخوال راحو واخذو البنات وياهم وضل بس احمد يمي ..

كضاهه ويه ريري سوالف وضحك وانه ارزل بي اصيح عليه ميفيد هالولد عديم احساس ..

ضل نايم يمي بالليل وريري صعدت فوك نامت .. ثاني يوم الصبح كعدت وبعده احمد نايم ضليت اكعد بي لحد ما صحصح وضل يضحك على وجهي لان مورم وبي وصاخه

وانه امسح بي بس على الاتلمسه

طبت ريري وكبل صاحت عليه ..

- هاااا ولك شو ضحكتك هالمره جايده

شبيك ويه عمك

هو خنس بعد ضل يلم بفراشه وريري كامشه وجهي وتكلي ..

- زين زين اليوم احسن

خلي احمد ينظفه الك بين ماسويلك ريوك

راحت واحمد بعده بره يغسل بين مارجع وصار يفتح الاصق ويسولف منا ومنا

ريري جابت الريوك وراحت وهو بعده

يشيل اللاصق على كيفه ويمسح شويه شويه

جان يطبب الكطنه حيل بنص خشمي ويعصره من فوك وانه روحي شاااغت كبل عطت ودفعته

ماحس الا ريري يم راسي ودير بوجهي عليهه وانه روحي شايغه .. احمد كال ..

- شبيك عمي صاير فد نوب كيكي متتحمل

بعدني مارديت عليه وريري ضربته بعكسهه على فجه وهو عاط ..

- ايااا ادبسزز

فوك شينه كوة عينه

مو كل شي شقه وضحك متشوف عمك متلوعه روحه من وره ثولك

هالمره ردتهه منك تداريه وكلبتهه عليه سم

متعرف كول ماعرف اخاف ليش هيج خليته هسه شايغه روحه... وجع الخشم بالعمليه هين

عبالك وتصيحله كيكي

دفك حلكك النوب وياه هيج وشوف الرد شلون يجيك

ضلينه اثنينه ساكتين وهي كعدت تمسح وجهي وشالات الاصق خلته بايد احمد وصاحت عليه ..

- يلااا كص وانطيني لتضل تصفن

نظفت خشمي على كيفهه واحمد ينطيهه لاصق و خلتلي العصاره كملته كلتلي ..

- هسه زين لو يوجعك

- شويه زين

- ديلا تكدر تاكل لو مابيك حيل

- لاا اكل مابيه شي

باوعت لاحمد مدنك ويعدل بتشيرته

رجعت باوعتلهه وعاتبتهه جان تكوم

وتجر شعره وتكله ..

- ولك انته هم كرفش على عمامك

شووو بلعت لسانك شبيك دنشاقى لعد بس الك الشقى

دفعهه وطلع وهي كلتلي..

-عوفه معليك هسه ادبره بس اني صدك متحملت ثوله ولعلعه لسانه وياك وانته توك مصبح ويشوغ روحك

- بس موو هيج فشلتيه خطيه هو متعود ميانه وياي

- مياانه مو ثول

خلي هسه كتلك اني ادبره معليك انته اكل اكل

هي طلعت وهو رجع تعذر مني وضل كاعد يكلب بتلفونه ..

جان تجيب ريوك اله وكعدت يمه ..

جرت راسه وضلت تشاوره وهو يباوعلهه صفح .. جان تضربه على رجله وتكله..

- اخووويه حمود دكل يلاا اكل اليوم اريدك بمهمه خاااصه

- شنو شعندج وياي

- اريدك تصعد وياي للغرفه نجر الغراض ونظف واسويلك غدا اليوم الاا بشده

هااا تجي

- اي ميخالف

جرت وجهه وباسته وهو كبل فتح عيونه وضحك وانه عطت عليهه .. وهي تضحك

وهو يكلي ..

- هااااا رجعت عينك عليه هسه بوسه خوه هااي شبيك تصركعت

- ريرري حسابج بعدين وانته تلم جوالاتك وتروح لبيتك لا غدا ولا تنظيف

- لاااا والله عمي تعذرني بعد اخيتي طلبتني وانتخت بيه مااا كدر تعذرني

ضلينه نتلاغى وهي تاكل وكامت شاورتني

- عوفه خلي اكرب عليه تره الغرفه ريحتهه تكتل خلي اشوف شبيهه

وكفت كلبي بهالحجايه .. وضليت انه اكله روح ساعدهه ..

وصعدو وضليت انتظر حجايه منهه

وساعه تجر ساعه الى ان نزلو

كبل كعدت يمي وتشاورني ..

- لك حويدر اكو احد حاطنه براسه

لك جانت ريحه بالغرفه بس تكتل ريحه عبالك بيض فاسد واني تعرفني شلون اطب واطلع ارشش بالعطور والغرفه نظيفه

- ايي وشطلع

- المبرده بيهه كوشه هالكبرهه مال ديدان حمر ملتمه على شحمه يمكن مادري شنو مافهمتهه لان ريحه وييييع ماتحملت اضل اشمهه كبل كلت لاحمد يلفهه بالجيس ويشيلهه

- لااا يالله !!! لج هاي شجابهه هنااا

- شمدريني بعد اكو غير هالصخايم شوف من شوكت داحسينهه

- زين انتي شلون عرفتيهه ب المبرده !

احنه مو سادينهه بعد شوصل الريحه !

- شبييك يعني مانفتح شباك ! مو تدري كل مادخن افتح واهوي الغرفه بعد شنو هالاسئله التعبانه !!!

اكوله كوشه جيفه هالكبرهه يكلي شلون وصلت ريحه !! داجذب عليك يعني !

- لج لاا بويه بس على كيفج

- ايي انته تبط الكلب .. احنه ضلينه نبحوش ونجرجر بالغراض والغرفه تلمع مابيهه شعرايه وحده عاد احمد فتح شباك المبرده

وضل يشمشم عباله ميت بيهه فاره ومن التاف عليهه وفتحهه شاف هاي بيهه وانخبصنه عاد

- زين زين اكلج هسه شمرتوهه بالزباله ! لو وينهه ؟

- بعدهه بالسله بعلاكتهه

كلت داسالك شسويلهه

- وتالي ويه هالحال

امشي صيحيلي احمد خلي افهمه

اجاني احمد و وصيته ياخذ العلاكه بره ويغسل الي بيهه ويقرا ايات ويشمرهن بعيد منا ..

ضليت من وراهه حتى غدا ماتغديت لعبانه نفسي وراسي مسطور ..

رجع احمد وكعد يمي وضل يدحس بايدي ورقه وكام ..

جريت الغطى شويه عليهه وفتحتهه ..

الورقه مطبكه مثلثات من الاطراف واربع طبكات مربعه وصغيره .. اول ماوكعت عيني على اسمي مخطوط اربع مرات وكل مره محاوطين الاسم بطلسم احمر

من الطول للطول وبالنص كتابه طويله ...

قريت باطراف الورقه الي جانت مطبكه مثلث

' الم

فقر

مرض '

مكرره هالكتابه بكل طرف من الورقه ومطبوك مثلث ..

وبالنص بين الاسماء مكتوب ...

' بسم الله الرحمن الرحيم

ربطت على وجهه احد

ربطت على عنقه صمد

ربطت على رزقه ان لم يلد ولم يولد

ربطت على قدميه مرض لم يكن له كفوا احد

ربطت بالخيط و الدم وثلاث ايام بيض ولحم ابيض والماء والطين والظلمه والهواء

وايقظت كل فقر وداء '

رجفت ايدي وانه اقراهه وضليت اباوع لاحمد وهو وجهه مصفر .. صحتله وكعد يمي .. ضليت اشاوره ..

- وين لكيتهه ؟

- من جاي اغسلهن جان ينزل طين من نص الشحم وانه هيج ادججه بالعوده وطلعت هالورقه

- استغفررر الله استغفررر الله

- عمي هاي يعني صدك سالفه السحوره بيتكم

جنت اسمع بس ماصدك

كالو اهلي ماتو بالسحر بس ماصدكتهه الا اليوم من شفت وقريت بنفسي يلا صدكت

- جا شعبالك احنه متبطرين !

ضيم ومايعرف حاله غير الله جل اسمه وعظمته .. يكتبوه بهيج جيفه استغفر الله ربي واتوب اليه

- هسه هاي وكعتك كلهه من السحر

زين هاذ منو يسوي ويحطه هنا ؟ لك انه بالدفرات يلا فتحت المبرده شلون همه فاتحيه ومخليهه ومحاسين انتو عليهم !

- مااادري بعد العلم عند ربك

شوصله هناك وشوكت مااادري !!

كوم اخذ الورقه وخليهه بايد ابويه يلا روح

اخذهه وانطاهه لابويه وضل ابويه يقرا ويباوعلي وصاح لاحمد اخذه جوه

بعدين رجعو واجاني احمد شاورني ..

- جدي يكول احمد الله واشكره وربك لطف بالحال وخلصت منه

هو شككهه ونكعهه بالمي وملح وعافهن

- الحمدلله على كل حال

روح صيحلي ريري

اجتني ريري وكعدت يمي شاورتهه..

- انه الله يحبني بيج

- هااا شعجب

- رور شكرا والله لو ما فطنتج جان انه من مرض لمرض اتكلب

-هاا يعني طلع هذا سحر الك

-ايي احمد لكه الورقه بنصه وجابهه قريناهه

هسه وانطيتهه لابويه تكفل بيهه

- عوووذه من جيافتهن وين ميرحن يشمرنهه

هسه بس لا خايف ولك

- لااا والله ماخايف بس كشت روحي

الكتابه تكزبر الجلد .. من واحد يقراهه باسمه

وهو عايش بالاذى الكاتبين يصيرله شي

صعب ..

انه لعبت نفسي فد مره هسه جاي احس معدتي تفور

- ديلا هسه مو حركتهن الك حرك واضل ازوهر عيشتهن منا لما اشردهن من البيت

درتاح هسه اجيبلك حبايه معده بلكت تصير زين

راحت وانه ضليت مرجع راسي بس احس بدوخه ونفسي تلعب ... اجتي ريري تنطيني حبايه وانه كبل ضليت اتقيء

ضل خشمي يكت دم و انه مدنك كل شويه اتقيء وريري تخبلت من خشمي .. ضلت ترفع براسي وانه اوخر ايدهه وارجع اتقيء

وكلهه هوسه يم راسي وانه بعد فصلت عنهم

صرت اسمع صوت ابويه يم راسي وايده على صدري ويقرا قران .. رجعت غفيت

وتالي كعدت على وجع برجلي وعيوني ثكااال اريد افتح مابيه ..

ضليت اصيح لريري واجتي انطتني المسكن

وامي تحاجيني واختي وانه مادري شلون حالي صار كلشي تخربط ..

رجعت كعدت مره ثانيه وهالمره شفت ريري

يمي تمسح بوجهي ..

كلتلي..

- هاا يمعود سلامات شبيك هبطتنا

- لج دايخ مادري شبيه

شعندج كاعده بوجهي

- خشمك هواي دينزف وضاله بس انظف بي وانته تشوخر

لك كسرت كلبي شبيك هيج خاويه روحك

شويه شد همتك شجاك حيدااار

- ولج هو بيدي

جيبيلي مي اكل يلا تره طكني الجوع

- ايي ايي هيج اطلب وكول اريد اكل اريد اشرب لتضل ساد حلكك ونايم تضوجني

وهذا دكتورك مديجاوب هم شال خشمه علينه

امدااه هسه باجر ادورلك غيره

راحت وانه باوعت الساعه احدعش بالليل

وانه نايم من الظهر ..

اجتني ريري وكعدت توكلني وكملت بدلت ملابسي ونظفت ركبتي وانطتني الدوا وضلت

واكفه تمشط بشعري وتكلي ..

- شعرك رادله غسل شلون بيك !!

اجيس وجهك واغسل شعرك ؟ ترهم ؟

-هههه عوفيييه انه بحاله

- ديلاا صير زين عاد شوكت اخذك اسبحك

تره ضجت هيج باقي

- هسه لعبانه نفسج مني ! لان ماسابح !

-لك لا قصدي ضجت عليك هيج متتحرك ومتسبح

متلعب نفسي منك شبيك مو بايدي ارتبك واغسلك .. عفتك فد مره مبهذل ! اشو شكلك ارتب مني اني متبهذله بالمطبخ والحر وانته كاعد بكشختك هنا

- هههه كاتلج كتل المطبخ

رور اهلي نامو ؟

- اي ابوك نام بس امك بعدهه بالهه يمك

كل شويه تجي تشوفك وتلكاك نايم

ها واخوتك هم اجوي ولكوك نايم وصعدو

ابشرك طنطول حالتهه انتكست وشتاكل تذبه

يمكن صارتلهه قرحه

- ههههه ماريد اتشمت بس هي صدك تستاهل

- حيييل كون سم وزهر بدمهه الجايف

راح اسبح واجيك

راحت هي وانه ضليت اتصفن وشفت تلفونهه هنا .. اخذته وصرت اكلب بي .. فتحت الاستوديو وكلبت بالصور ..

شفت صوره الهه ماخذتهه من وجهه احمر

وبالكاميرا العاديه .. ضحكت عليهه

وشفت صوره الهه ويه جهال اثنين ولد وبنيه

سمر ومدبدبين ..

وباقي صورهه بس ويه كانيور.. بالشارع والسياره والمنتزهات ..

فتحت النت و دخلت على الفيس وكبل وصلت اشعارات الماسنجر .. دخلت عليه واغلبه كروبات سكسيه ..

طلعت وفتحت الواتساب مابيه بس محادثه وحده ويه حبزبز وكل الحجي على كانيور

وين ماكلب كلشي ممسوح حتى الارقام نصهه مسجلتهه سمايلات ..حتى سجل المكالمات ممسوح ..

شمرت التلفون وانه صاير وياهه كل يوم اتعجب بنباهتهه وحذرهه اكثر من الي كبله ..

اجتي وفرشت واخذت تلفونهه كلتلهه ..

- تره كلبت بتلفونج

- اي عادي

- ليش هالكد كروبات جايفه مشتركه بيهه

شنو الحلو بيهه شو انه بس لمحتهن كشت نفسي

- هذني جزء من شغلي عيوني

هالكروبات مو مشتركه بيهن هذني شغلي وفلوسي

- شلون فلوسج مفهمت؟

- سوالف الكحاب انته متفهمهه عادي شكو مدوخ نفسك شوف وطنش اووكيي

- لااااا تعاي احجي فهميني

شعندج شغل بهالمقاطع !!

- شوف حويدر انته تلح وتسأل ومن احجيلك راح يكلب مزاجك عليه بعد وهم تكش رووحك مثل مكلت

فاحسن شي لتعرف وخلينه حبايب هيج

- لااا متكش روحي منج شنو جديده عليه انتي !

احجي عادي بس خلي افتهم

تمددت بفراشهه وصارت تكلي ..

- عندي بنات شغلتهن الكروبات

يجمعن مقاطع وكوله عراقي يعني ما يسحبن من الاجنبي

- منين يحصلنهن !

- اكو يتفقن ويه ولد يدزولهن المقطع بفلوس

واكو يرتبن مكان ويسجلن بالتلفون وبعدين ياخذنه ينشرنه بالكروب

وعدهن ناس هم يشترون منهن المقاطع وينزلوهن بمواقعهم الخاصه بالسكس

يعني هاي الشغله ضروريه الهن هم يكثرن زبائن وهم يشتغلن بالنت

اكو جماعه يطلبون بنات بس ع التلفون

يعني كاميرا وهيج .. فهنه بهالكروبات يدبرنها يجيبن ولد ويروجن بنات والي يدخل يشوف يا مقطع عجبه يكللهم اريد الي هنا

ويتفق بعد لو كاميرا لو يجيهه بيوم ويلكاهه محجوزه اله

وكل شي بسعره طبعا

- صدك تحجين !!!!!

- دتشوف اكو جذب بالموضوع !

- يعني لهالدرجه الولد مهموشه بالنسوان !

- ههههه لك شبيك هاي بس حجيتلك طريقه الشغل بهالكروبات ماحجيتلك الووولد شيسوون حتى تنصدم هيج

- ريررري عجييييب عجييب

هذوله من يا مله اريد افتهم !!

- يبووو كووومه ملل

شيخطر بالك .. العسكرين كلهم يمنه

من كل الرتب

الدكاتره واهل المولات وعندك المدرسين

يبوو هذوله كااارثه .. جحفيه وطلابين متعه

نكرههم احنه

تدري اني مشغله اثنين محللين عندي

اختصاصهم يحضرون كوكتيل ويضبطون الكاس للجماعه

ولد اثنين خريجين كيمياء اشتغلو كم مره بمختبرات فصرت اسميهم محللين شويه الكيمياء ثكيله ..

بس هذوله صعدو شغلي للقمه يبدعون بالانواع والعصاير الكحوليه والكوكتيل لكل زبون ثكيل شي خاص بس اله يحضروه

وهيج خلو اسم المكان بالعالي

هواي داريتهم بالفلوس شبعتهم صارو اذا فتت المكان يجون لطاولتي محضريلي قطعه جيز كيك و مشروبي يدارونه

ويضلون كل السهره عينهم وبالهم يمي على الاشاره يفهموني شأريد وينفذون ابببد ميتعبوني هذوله الاثنين وحدهم يريحون كلبي هناك ولا البقيه كلهه تشلع الكلب

- حياتج دوخه ولعبان نفس صراحه

- اي ادري

- بعد شعندج شغلات تصدميني بيهه

- بابه اني ماعندي شي جاي من المريخ

هاي حياتنه كلنه هيج شنو الجديد يعني !

خاف انته بعدك مؤدب وخلوق وتفكر حلال وحرام تره غيرك طامسين لنصهم بهوسه الدنيا

هاي الكروبات منو مشترك بيهه ابويه !

غير الولد امثالك كلهم بعمرك هذوله انتو اهل الثمانينات تخربون على السكسي

شطيح حظنا غيركم

- هاا هاا شبيج شنو هي بالمواليد وكبل

تره اهل الثمانينات اطيب منهم ماكو

هالجيل كله خبث وملعب احنه مو هيج

- عيووووني انته مو هيج بس غيرك

اضربين من جيل الالفين

لك بابه اني اعرف رياجيل صايرين خيوط بيد نسوانهم تعرف شنو خيوووط

هيج بكيفهن يلعبن بيهم لعب على مزاااجهن

وهمه شتردين تأمرين وحاضر

فلوس سفر ملابس طبات طلعات ومطاعم

كلشششي شيطلبن ينطونهن بس كون تريحهم

هذوله هيج عقولهم طابكه هنا لوو هسه ابو الثقافه عدهم وابو الشهايد همه عدهم

حياه = ن...ج وانتهى .

- والله مو كلهم والله

هسه انه منهم ! مو هم ثمانيني بس لا يم هالسوالف ولا واصلهه

مره وحده وصلتج بيهه وانتي الي ردتيهه

ولا انه بعمري ماواصل هيج مواصيل

لا بحجي ولا بتلفون ولا رايح ولا جاي على وحده ولج حتى صحباني نفسي .. واكو هواي زينين بس همه هذولاك عمو علينه

- انته مو كلتلك ينراد يخلوك بالمتحف

ويتبركون بيك

هسه يطبهم مرررض خلي يولون شلعبت نفسي هسه .. خلي انام

- وتعوفيني ؟

- ضل اسهر على حاسبتك مابيه حيل سهر بعد طفيييت اليوم كله اركض هنا وهنا

خلص حيلي

من وره هاليوم ريري صرنا متشاركين بالتلفون .. اشوف كل شويه دازين بالكروبات والح عليهه تطلع منهن وهي تكلي ..

مالي شغله بيهم بس لازم تضل عيني على حجيهم ..

خليتهه بعد تكعد تفتحهن يمي وتقرا الرسايل

نضل نضحك على كم واحد مهتلف وانه اخذه وانطي كتم ومحددلهه بس بالليل تجي تشوف شكو ماكو وتسده ..

عرفت صورتهه ويه الجهال هاي ولد صديقتهه الوحيده وتحب جهالهه ..

حالتي ضلت نفسهه تعبانه واليوم كله يكضي نوم لو اكعد اكل واسولف ويه ريري شويه ويه امي وابويه واخوتي مره مرتين اشوفهم

وارجع انام ..

ريري بكلشي مداريتني والحلو بيهه متضوج مني بشي اذا طلبته منهه او تلعب نفسهه من شي وياي .. بكل شي حركه وسريعه و عينهه على البيت وتحاول بكل حيلهه تتعلم تطبخ زين ..

صرت اطلعلهه بالليل فيديو لاكل باجر وافهمهه عليه وهي تسوي ثاني يوم ع الغدا

ام سيف هم رجعت خلتلهه فودكا وكلبت معدتهه وقنعت اختي ترجع لبيتهه حتى مايضل احد يداري ام سيف وياخذهه رجلهه لبيت اهلهه ..

وضلت ام سيف متزوهره لحد مااخذهه عادل

لبيت اهلهه وضل البيت بس لريري ...

صرت اليوم كله ماشوفهه بس وكت الاكل والدوا .. ضاله بس تنبش بالبيت كله نزلت عليه تعزيل وتنظيف وكلشي تجلف الحياطين والكاع ومخليه احمد وياهه يجر الكاونترات

ويغسلهن وينظف البنكات والقنفات وهي تورقله و ماخذته بالضحك والسوالف وهو يشتغل ولا يتعب ويكول لا ...

انه اخذ دوايه وره العشى واضل بعد اغفي

كل شويه انام واكعد على صوتهم وارجع انام

هالمره هي تكعدني .. وتشاورني ..

- حيدااار اريد اروح باجر لبغداد

ضروري

- الله عليج وكت روحه ! متشوفين حالتي !

- اسمع اني اجلت روحت اول الشهر بس هاي ماكدر لازم اروح افهمني تره مو بس حياتك مهمه حياتي هم

كلشي انطيتك انطيني بس هاليوم اريده منك

- هو شكد بالشهر اليوم

- ١٩ وباجر عشرين تعرفني لازم اطلع

من الصبح

- من كل عقلج ! ولج بويه ويامن تروحين !

لو انه بيه حيل والله اخذج بس مابيه متشوفيني مريض وكت روحات

- اووووف حيداااار اني اروح انته بس كول اي ودبرهه ويه اهلك واني اخذ سيارتي واروح نفس اليوم ارجعلك

- ريررري صاحيه انتي !! اهلي ميكلولي مرتك وين موليه وحدهه بسيارتهه من الصبح !

جاي تفهمين انتي شتطلبين !

- يبووووو داكوولك اريد اروووح ماكدر هاليوم مااكدر هسه يوم اربعه عفته الك بس هسه ماكدر ابد لازم اروح

- ريري تعذريني بس روحه ماكو

طلعه وحدج منا متطلعين

خلي اصير زين واعوضج لو تردين شهر تضلين بغداد ابقيج بس هسه بهذا حالي لا

تعوفين كلشي وتضلين يمي .. ماكو شغل اهم مني المفروض عندج يصير

عافتني وراحت ... بالليل اباوعلهه وهي بس تتكلب بفراشهه .. والصبح كعدت متحاجيني

تداريني مثل كل يوم بس متحاجيني

ووجهه متكأب .. وكل شويه تطلع بره تخابر وترجعلي ..

تلفونهه كل شويه يدك وهي تطلع تجاوب

فصار الغدا وبس انه وياهه بالهول كاعده يمي

وتفلسلي لحم وانه اكل جان يدك تلفونهه

كبل جاوبت وكالت ..

- هااا .. اي مخليتج هناك صننننم

دبريهه بزعتيني

سدته وضلت تمسح بايدهه وانه مركز بوجهه

اشوف شفتهه ترجف وعاكده حواجبهه

ورجع دك تلفونهه .. جاوبت وضلت ساده حلكهه وتسمع بالتلفون ..

تالي كالت ..

- ياروحي صبرج عليه بس ساعتين واني يمج

اي اكيد اكيد اجي اكيد يلا شويه واني يمج

سدته ونزلت دمعتهه .. كمشت ايدهه كلتلهه..

- اسف ريري

دفعتني وكالت ..

- انجب

راحت بعد مارجعتلي اليوم كله ماشفتهه

حتى منامت يمي .. وضليت بحيره عليها

منو هاي الي مخليتهه هيج حساسه وياهه ؟؟

ثاني يوم رجعت وياي عادي كأن مصاير شي

تضحك وتسولف وتتشاقى وتنظف وكلشي عادي ..

صار يوم عرفه .. وامي مكعدتهه تسوي كليجه وريري بس تتأفف وتجي تعيط يمي من الحر وتروح لامي ...

مصباح العيد اجتي الصبح متكشخه ومتمكيجه ولابسه ذهبها .. ولبستني ملابس جديده

وغسلت شعري علكيفهه ومخليه المنشفه على وجهي ..

عايدت الكل وانه بوستهه وعايدتهه وانطيتهه عيديتهه وابويه انطاهه ..

والجو هنا كلش راحه وهدوء وفرحانين سوه

جان ينزل سيف ..

عايدنه وطلع .. وره شويه رجع وجايب وياه

.

.

.

يتبع 💓

تابعوني بالكروب الفيس منشور للنقاش 💕

للبنات الي ماعندهن فيس

هلوو نجماتي ✨✨

اليوم جايبتلكم تغشوشه صغيرونه 😍

بس تعرفون تغشوشاتي انتو تحزروهه

هالمره راح انطيكم مقطعين من مستقبل القصه .. مقطع يخص ريري ومقطع يخص حيدر

وانتو ضلو فكرو بيهن وكلولي توقعكم

خلي نبدا 🌷🌷

- حيدااار  اخذ السلاح هذا ثارك انته

- مااا اكتل نفس ريري كلبي مايحمل ذنب لو تلطخت ايدي بالدم انه مااعيش ضميري يكتلني وياهم

- لتصير فطير اذا ماموتتهم يموتنا اثنينا

اذا انته  متهمك روحك اني روحي تهمني وماياخذ روحي الااا الي خلقهه

مااموت على ايد شيطان اني محد يستضعفني ولا حتى بموتي

- ماااكدر لاااا تضغطين عليه مااكدر اكتلهم ريري انه مو سفااح مو مجرم لا تحوليني مجرم وبركبتي دمهم يضل بيا وجه بعد اكعد بين اهلي

- اكتل اثنين واني اثنين يلااا لعد تذبهه كلهه براسي.

حيدااار افهم بس نطلع منا ننذبح لو احنه  نموت اليوم لو همه 

استعجل تعاااال يلاا

.

.

ظنكم .. منو الاربعه؟ منو الي راح  يصير كاتل ومنو مكتول ؟

.

.

🌷🌷

- ريري وين جنتي ؟

- شغل كل شهر يعني اضل اعيدلك

- شغلج وين ؟ تحجين لو احجيلج اني العرفته

- حاجيتلك كل مره شعندي اني

اذا لكطتلك شي عليه كول عادي

- شعندج بابن الرشد ؟

- قبل مااموت اكولك عود ذكرني اووكي

.

.

تعرفون ابن الرشد شنو ؟ اذا عرفتوه راح ترتاحون نفسيا بفضولكم ويه ايام ريري 💕

نزل سيف ..

عايدنه وطلع .. وره شويه رجع وجايب وياه

ملوكه ...

كلنه صفنه عليهم ..

جان هو شايلهه ويضحك ووياه اخوهه شايل علاكه والايباد وتلفونه ..

امي كامت بكل حيلهه راحتله ورادت تاخذ ملوكه من ايده وهو ماقبل

جابهه يمي كعدهه وضل كامشهه و هي تضحك ..

حضنتهه وضلت تبوسني و تعايدني

وضلت تصيح تريد ريري ..

صحت لريري واجتي متفاجئه كبل كعدت كبالهه وضلت تحضن وتبوس بيهه

وسيف بعده واكف يمهه وكامشهه

واخوهه كاعد يم ابويه ..

كلت لسيف ..

- شوداك عليهم ! السيد يدري اخذت بنته ؟

- اي عمي يدري ويسلم عليك كال وره العشى امرلكم وكالي اترخص من ابويه خاف مايرضى بجيته

- هااا .. هلا بي شعجب رحت !

- عجبني اروح

- سيف بالك شي !

- عمي عجبني اروح واسلم عليهم مو ولد عمتي هذول لو لا !! شصار يعني واذا جبتهم هنا ماخطفتهم انه جبتهم يعايدون اجدادي

- يلا بويه زين سويت عفيه بالسبع خوش مفاجأه سويتلنه

شالهه وراحو كعدو ويه اخوهه وكلمن فتح تلفونه وضلو كاعدين كدام عينه ويلعبون بالتلفونات ويضحكون بملوكه

وهو وره شويه طلع ورجع جايب علاكتين حلويات .. خله وحده الهم والثانيه انطاهه الي وكالي وزعها ..

كعد يفتح بالجباسه ويقسم لكل واحد كدامه يخلي لملوكه واخوهه

كلنه نتصفن عليه واحس الكل مامرتاحين من محنه سيف المفاجأه مثلي .. بس كلنه سكتنا وعفناهم براحتهم ..

شاورت ريري ..

- بله متفهميني هذا شبي !

- ههه عاااادي كلش

- شنوووه العادي !! لج خاف ناويله شي على البنيه هذا مايتأمن بي

- لتخاف عووومري لتخاف هذا هو  سيف بذاته مو متصنع

- هااا وشمدريج ! معاشرته من ورايه ومادري !

- هه تضل غبي انته لو شويه مفتح عينك وياي جان عرفت ليش هيج سيف وليش اني عايفته

دفعتهه وراحت من يمي .. وضلت عيني على سيف ...

لليل اجانه السيد وجايب حلويات وياه

سلم وكعد ويانه وفرحان بخطوه سيف

وضل يكول بلكت يتعدل الحال ويه عادل

وترجع كعداتهم مثل كبل ..

ملوكه اليوم كله منطلقه ويه ريري والولد

وامي تجيب وتخلي بحضنهه .. كل ساع جايبتلهه شغله ومكابلتهه وكاعده وياهم

من بعد هاليوم صارت امي كل يوميه العصر تصيح سيف حتى يروح يجيب ملوكه يمنه

الجناين بعد مارجعن من ذاك اليوم بس عايدن على التلفون وضلن هالضله بعيدات هنه وجهالهن ...

خلص العيد وانه الدكتور سمحلي اتحرك بس شويه امشي جسمي بدون ما اثني ركبتي

اخوتي جابولي عكازات وكدرت امشي شويه وهمه يمي يمشون وياي ..

جانت صعبه عليه اخلي هالرجل عدله ماتنثني

لا بوكفه ولا بكعده ...

بس ضغطت على نفسي وحاولت وضليت كل يوم امشي مرتين الصبح والعصر .. رجلي ماطخهه بالكاع ومثكله جسمي بس حتى ويه العكاز اخوتي وياي سهلوهه عليه ...

قرب يوم الغدير واشوف ريري تتصفن بالوجوه من ينحجي بطاريه .. عاد لليل

من رادت تنام كلتلهه ...

- ريري .. تعرفين الامام علي ؟

- اي اعرفه  مو

هو الي رضع الايمان طفلاً ويافعاً

و ماعرف غير الايمان

ثغرًُ ماولجت فيه كلمه الكفر ابداً

وجَبينٍِ ماسجد لصنم قط 

ونفسًُ ما ركعت الا في رحاب الله

ليش  شبي ؟ كول ..

بعلو صوتي كلتلهه ...

- هاااااي انتي صدددددك !!

منين تعلمتي هالحجي !

- تعلمته هسه شعليك

شتريد تكول عليه احجي يلا اسمعك

- طيرتي الحجي من راسي ولج فهميني

شسالفتج ! انتي يوم كافره يوم تحبين الله يوم تعرفين علي !

انتي منو ! من يا مله فهميني !!!

- بعدني اكره الاسلام بس  احب الرب

وبعدني مو مسلمه بس اعرف علي

اني صراحه مااعرف من حبشكلاتكم احد

بس امير الخلافه المظلوم علي

- اسمهم ائمه مو حبشكلات

ريري عدلي كلامج

-ديلاااا لتعيط

- استغفررر الله .. شعرفج بالامام علي وحده ! والبقيه شنو !؟ كنسلتيهم !!

- كيفي اني اعرف اليعجبني

تعترض !

- اي اعترض لان هذوله ائمتنا الهم احترامهم

ومكانتهم عدنا لو تحجين بالزين عليهم لو لاتجيبين طاريهم على لسانج فهمتي !

- هسه اني حاجيه عليهم !

لك بابه اني اصلا ماعرفهم شكو داجيب طاريهم بالموزين !!!

ماعرفهم لا بزينهم ولا بشينهم شعندي وياهم

يشرقون يغربون لا اتدخل ولا احط بالي يمهم

انته سألتني وجاوبتك بعد شكو حجيت شي موزين وكبيت عليه !!! لو بس تريدلك حجه

- هاذ هوه بويه سكتي اسف انه اسف

بس احجيلي شلون عرفتي وحده وليش بس هو ! اشو عايفه الانبياء مالج دخل  بيهم وتعرفين بس الامام علي !

ليش تلكطين شي وتعوفين شي !!!!

- تره اني اصلا عرفته بالصدفه

- شلون احجيلي فهميني

- اكو شيخ يعجبني واحبه

الشيخ الدكتور احمد الوائلي

- تعرفينه !!!

- اي اعرفه واسمعله هواي محاضرات

يعني من باب الفضول لا اكثر

هذا عجبني من بين الكل بشغله وحده

انه رجل علماني .. ياخذ الدين بالعلم والدلائل

وعبالك يسولف ويه الواحد ويقنعه شلون كانما واحد كاعد ويه بيبيته وتحجيله سالوفه

هيج عجبني هادىء مو مثل هذولاك متعصبين ويرطنون من المنبر بس عذاب وصخام واقتلو وجاهدو وعزو وصخمو

يمكن انته تشوفه شي عادي بس بالنسبه الي

شي مهم  .. لاني ماعرف شي عن الدين

ولا توارثته من اهل ويكون عندي مثلا هالكلام من ابويه واخذه سند لانه متوارثه من اجداداه وماشين عليه صح

او من ام وتعلمني بيهه تعاليم واصول الدين

منو الرب منو النبي منو الامام .. ليش اكو نبي وامام !؟ شنو همه !  شلون عاشو هذني اني ماعرفتهن ..

ماحصلتهن ويه جيتي للدنيا ولكيتهن متحضراتلي كبل امشي عليهن مغمضه

اني اصلا الرب تعبت وبحثت وسألت بكل الاديان يلا عرفته

- ليش انتي مو داخله مدرسه ! ماعلموج عن الدين بالمدرسه !

- مادخلت مدرسه اني ولا بعمري وصلتلها

- جا شلون انتي هيج ومدارسه !

- تعلمت بالبيت

- ليش بالبيت ! ليش اهلج مدخلوج مدرسه شعجب !

- شعليك بهالسوالف

انته هسه تريد تعرف على الدين لو سوالف اهلي !

- واذا سألتج هسه شبيها يعني

انتي شكو هيج يم اهلج تشيش اعصابج

- اييييي بكيفييي

ميعجبني تدخل باهلي وشبيهم مابيهم

تريد شي مني اسئل واحجيلك طاري اهلي لتجيبه على لسانك .. ناس ميتين عوفهم لا كل يوم واهلج واهلج

- يلااااا بويه يلاا عوفيهم

الله يرحمهم عوفيهم كافي سدينه سالفتهم

- اي اووكي

- زين هسه اريد احاجج بشغله بس طولي خلكج شويه

- اييي كوول عادي احجي شنو

- حسب الفهمته عليج .. انتي من وعيتي ماتعرفين لا رب ولا نبي ولا اي شي بالدين

-اي

- زين من كبرتي وصرتي تسألين عن رب العالمين وتسمعين للشيخ ليش ما تبعتي دين الاسلام ؟ ليش ضليتي بدون دين !

- شوف اني يعني قبل جنت شخص ملحد

عشت بس ماعرف شلون تدبرت عيشتي

يعني هواي شغلات صارتلي جنت اكول ليش دتصير ؟

بعدين عرفت اكو شي اسمه قدر ومكتوب

صارت بالي منو الي كتب القدر ! واسئله هواي على تفاصيل الدنيا فصرت اطلع على الديانات عرفت بوكتها اكو رب خالق الكون وكاتب القدر وعرفت اكو يوم حساب وجنه ونار ..

عرفت اكو انبياء وائمه بس ماتعمقت بيهم

هيج قريت اسمائهم بلمحه يعني حتى هسه ناسيتهم

ادري انته دتتعجب بس الشخص الملحد

يحتاج دلائل حتى يؤمن ويتبع شريعه دين مايحتاج احنه لازم هيج وهيج نسوي طقوس الدين وامشي كبل وانتهى ...

دتفهمني ! اني الشغلات الي انتو على الفطره عشتو بيهه ماااااعرفهه

وماقتنعت الا بالقليل من كل ديانه

اخذ كل نقطه منه بدليل واقناع عقل يلااا اكول اني اعرف واحب واتبع هالشي

بس مال اجي واحط اسمي ويه دين اني عميه بي كلشي مافهم وامشي ويه الجماعه بدون علم وفهم شديصير ! وشبقصدون ! وليش هيج !

هااي مااسويهه لو اموت واني كافره وملحده بس ماامشي على خطى واحد يجي يجرني وراه بحجه ان هذا دينا وانتي ملحده وانتي كافره وانتي منبوذه من المجتمع وانتي وانتييي ....

يبووو شيخلصهه وياكم اهل العمايم

- صراحه ماتوقعت هيج مبدأج

- اي عادي انته اثول بكل شي وياي شنو الجديد !

- انجبببي لج

- ديلااا هسه شتريد من سالفته ! اخر مره تحجي لو لا

- ولج عبالي ماتعرفيه حتى احجيلج عليه

لان باجر وعكبه وعكبه عدنا احتفاليه

- ليش تحتفلون بشنو !

- عيد الغدير

- هااا عيد الولايه

هههه شستفاد المكرود من هاليوم

ضلت العالم لليوم تتذبح من وره غيرة ورفض الناس اله بيوم الغدير

بشر محسووود على كولتهم لا يخلص من الحسد امام ولا نعام

- ههههههه اي بعلي صحيح

ريري

ايدج ويه امي بالتحضيرات

احنه كل سنه نسوي احتفال من احتفال

لان هذا جدنا علي .. احنه من نسله مو اي ناس تحبه لا هذا جدنا من ظهر لظهر

فلازم نسوي كلشي يليق بمقامه

- ايييي نيالكم عيني يالعلويين

جدكم يشفعلكم عسى ماصخمتو ولطمتو

عدكم الكارت الاخضر بالاخره

- هههههه ولج بويه كلمن باعماله وبعد على كبر محبه الامام بكلوبنه نحصل شفاعه

مو ياهو الجاي ويحصلهه

- هو انتو بس يدفنوكم يمه هاي كعد حظكم

بعد الباقي هم عدكم حظ بي

شنو جديد على اهل العمايم !

- هههه وعلي انتي تضحكين عليه وهسه تطلعين مسلمه بس تدورين وياي دروب

هاي سوالف الي بالدفنه والشفاعه ماتجي هيج بالخالي بلاش

- اي طبعا مو كلتلك اني ادور بعقل

- احجيلي بله شدورتي بعقلج هذا الفريد

شلكيتي مالكيتي علينه

- لكيت الشيخ الوائلي احبه خوش انسان

ماينبذ احد ولا ينتقص من احد كائن من يكون

شكد تمنيت التقي بي بس مالحكت عليه وكت الي عرفته هو شابع موت

احجيلك شغله تريد تزعل تريد ترضى كيفك

بس انتو نسل علي ماتعرفون علي

- هاا هاااا شبيج شايفتنه ولج!!

- تعرفون هالحجايات الماخذيهه مقاوله بينكم

هالحديث وهالكلمتين وهالوصيه بس

ولا بيكم روح علي

- انتي ليش هيج تكرهينا بويه !! هسه انه عاشرتيني شفتيني اذيت احد بديني !

شفتيني زليت بشي ! اهلي شفتيهم مقصرين بعباده مقصرين باخلاق ويه الناس !

شبيج انتي تنزلين هداده بدون فهم .!

- اني معليه بيك ولا باهلك

اني داكولك الي اشوفه بعيني

كم مره اكولك اني الديانه عندي سطر وتفسير  .. عقل بابه عقل ماخذتهه

كلتلك انتو تحبون علي وتمشون بوصايا علي بس متعرفون علي

جان الشيخ الوائلي الوحيييد الي صدك هذا بي ريحه وحب وعقل وشيعه علي

اما انتو البقيه مجرد استنساخ محبه وسيره

وكلشي كلشي تورثوهه نفسهه لولدكم وولدكم ياخذوهه بدون علم وفهم وهم يرحون يطشوهه هنا وهنا يزامطون بيهن ولوو تجي تكعد واحد منهم وتحاججه بحجايتين من الكالهن علي .. هيلاااه اذا عرف يجاوبك مثل الاوادم

كبل يكولك شنو تشكك بدينا ! تشك بالامام علي ! ويسويهه مشكله شكبرهه شكدهه

لان ميعرف هو يجاوب ينحرج فيكوم يزامط ويلعلع بحسه

- صح حجيج شهاده لله صحيح

لان الامام علي بحر علم ماينعرف بيوم ويومين ولا من ورث الاهل بالدين

زين انتي تعرفينه اكثر منا  !

- يمكن مادري

بس اني حبيته لان علماني

امير الخلافه المظلوم .. يعجبني بثقه نفسه

ورزانه كلامه .. قريتله ردود قصيره على محاججه من الناس اله بذاك الوكت وعجبني رده البليغ

اني يعجبني الي من ينطق كلام يعرف قدر واثر كلمته بالمقابل

وهذا رضى متطلبات عقلي صراحه

فضليت ابحث عليه .. اكثر شي عرفته من الشيخ الوائلي .. يمكن جان يجسدلي ولو شي بسيط منه

يعني جنت احب اسمعه يحجي عليه حتى اعرفه اكثر .. طبع بعقلي ورضى كل تفاصيل شكوكي الي جانت بالي لدرجه صرت اسأل نفسي

هذوله الي عاشروه شلون كدرو يجذبونه !

شلون عادوه وهو هالكد مسالم !

اني حبيت علي لان عالم ومظلوم

حبيت شخصه الي تصرف بي

ماحبيته كونه امام والكل تحبه وتوصي بي

لان اني اصلا ماجنت ادري هو امام

ولا اعرف اصله من فصله

شويه صير افهمني اني مالي دخل بيكم مو لان انتو مو زينين واني عود يعني زينه

بس مااحبكم لان ماعرفكم مثل مااريد

والي عرفتهم وطلعو بحياتي كرهوني بام الاسلام والعمامه والصخامه الي بروسهم

عاد صرت الكط الدين والشريعه الالهيه

بعقلي .. الي يكدر يقنعني يطبع بيه حبه ويأثر بيه والي مايقنع عقلي لو الف نبي يبصموله بالولاء والمحبه اني ماكون منهم

- ريحتي كلبي والله كلامج هيج ثلج كلبي ثلج

ريري كل انبيائنه وائمتنا عندهم علم ويحاججون بالعقلانيه ماجبرو احد على الدين

ولا فرضو دينهم بالقوه

كلشي بدلائل الهيه يحجوه ..انتي هسه يمكن الج نفس تعرفين عن الديانات والج نفس تناقشين وتطلعين وتسمعين من المقابل

بس اهل كبل جانو جاهليه ..

مايعرفون غير الاصنام وتوارثوها هم بدون علم وفهم من نزلو الانبياء على الناس نزلو بادله وبراهين قطعيه لوجود الله لان يدرون الحل الوحيد حتى يفتحون كلوبهم هو عقلهم وادراكهم ..

فما اخذو الدين الا بالعقل والاقناع كلهم جيل بعد جيل تعاملو بعقلانيه وعلم جانو جايبين بايدهم علم ومنفعه للناس بس الناس هي الي ماترضى تفتح عينهه وتشوف هذوله شيقصدون !!

- اي ادري الخلل من الناس مو من الرب وطريقه تنزيل الدين اعرف هالشي

- جا ما بحثتي عن الدين كله والائمه كلهه

ليش واحد ووكفتي ! عندج الامام الصادق عليه السلام .. منبع علم وبلاغه .. مرجع صاير للناس من بعد الامام علي عليه السلام

- مادري ماعرفه

اي لتصفن بوجهي .. مااعرفه

اني الامير المظلوم بالخلافه هذا عرفته بالصدفه وبعد قفل عقلي عليه ضليت اذا ادور بس لاسمه البقيه اتجاهلهم حتى لو ولده ابوه عمه خاله ميهموني ..

اني طبع بعقلي بس هذا مااصدك اكو بعد يجي مثله نفس الانتيكا هاي متطلع ثانيه

- غلطانه والله

مو بس غلطانه وانما حرامات هيج انتي عقل وامكانيه فكر ونقاش وقابليه بحث وعلمانيه لهالدرجه ومتعرفين باقي الائمه

كل اماام بي كتب تعرفين شنو كتب للنقاش الي براسج

لو نريد نحجي بيهم واكعد اعددلج واحجيلج سالفه كل واحد للصبح مانخلص

بس اكلج حرامااات هيج انتي قابليه معرفه وشغف علماني ومتعرفين اهل العلم وممهتمه الهم

- اممم

كلهم عندهم شفاعه ؟

- اي كلهم لان كلهم احباب الله والنبي

بعد احنه من نتوسل لرب العالمين بحاجه نتوسل باهل بيت النبي وهمه الائمه كلهم من اهل بيته فيشفعون عند الله النه ولقضاء حوائجنا

- هااا  زين اكو مقبره يعني مثل مال علي ؟

يعني كل واحد عنده هيج مقبره يدفنون بيهه يمه لو بس هو !

- لاا مو كلهه

لان اكو ائمه عاشو وماتو مظلومين

منهم الي تغرب ومنهم الي تفلش كبره وصار معزول بس من بعيد تشوفيه

ومنهم الي موجوده مراقدهم بس المقبره بعيده عنهم شويه مو مثل النجف تحسيهه حد بحد

- عررررفت

من حجايه الشيخ عرفتهه المكانه هاي بس لعلي

- يا حجايه يعني ؟ تره كلهم يشفعون بس هي المقابر بعيده شويه عنهم

- لاا .. الشيخ جابهه بالمضبوط

- شلون ؟ شسامعه منه احجي خلي نتفاهم !

- اسمع وانته احكم بعد

يكول الشيخ :

ايا رملةً على مطلع  الحمى سلامًُ على

رمل الحِمى  وشعابه

على منزل حطو الاحبه رحلهم به

ف أراحو الخد فوق ترابه

وعهدي ان القبر خوفًُ ووحشهًُ 

فلا منشدًُ ولاسامع لخطابه

ورملُ علــي  بالغريب طلاقه ًُو بشرًُ

وافقًُ ضاحكًُ  برحابه

فَديت أثراً فيه شددت مشاعري 

واهلي ثثو في مفرعٍ ممرعٍ من جنابهِ

ضحكت وكلتلهه..

- تعالي رور تعالي

كامت من فراشهه واجتي .. جريت ايدهه وكعدتهه يمي .. ضلت رافعه حاجبهه وتكلي ..

-شبيك شو ممرتاحتلك

-هههههه مكسر عيني انتي كلشي ماسويلج

بسسسس

ردتج يمي افرحج وتفرحيني

- بشنو افرحك !

- اول شي انتي هسه كِلش فرحتيني

تصدكين انه لو هسه ابويه سامعه يقرا هالابيات بحق الامام جان نقهرت والله

بس من سمعتهه منج لاااااا وعلي هووواي فرحت

- ليش يعني

- ابويه يقراها وينعى بيها ولده واهله

بس انتي غير شكل

انتي شي مختلف .. من اشوفج تعرفين شي عن الدين وتحبين احد الائمه بهيج عقليه

وطابع بفكرج كل كلمه عليه

افرح فرحه ماتتوقعيهه والله لو هسه يكلولي باجر ترجع عافيتك وتكوم على حيلك ماافرح مثل هالفرحه وياج

وعلي انتي بنيه طيبه وعقليتج حرامات تضيع هيج .. انتي هسه جاي تصيرين بعيني احسن من هواي نسوان هجامات بيوت متغطيات بالعبايه

- هاا زين

- اييي بس بعد ناقصج تكملين معرفتج بالبقيه وتصيرين توب

- اي ادري بس يعني يحتاجلي وكت

كل واحد اذا اريد انبش كلشي عليه براحتي يحتاجلي فد كم شهر

وانتو اسلامكم بي عشيره شيخلصهم !

-هههه ااانه احجيلج عليهم واختصرلج الوكت

وشيجي بالج اسئليني والي ماعرف اجاوبج عليه اجيبلج عليه مصدر وانتي عرفيه بنفسج

- لاااا ماريد

مالي خلك هسه ... اني شوكت ماطخ بالي اروح ابحث عليهم

- زين على راحتج شوكت ميعجبج بحثي

بس خلي اكلج شي

- شنو بعد

- انتي مو تحبين الامام علي

باجر راح افرحج باجواء خاصه بس اله

شوفي هو عيد الغدير عكب باجر بس احنه اهلنه من باجر يبدون يحتفلون بي ويحضروله

- شيسون يعني ؟ امك كلتلي عدنا هواي شغل باجر بس مفهمتهه شتريد بالضبط

- اول شي اخوتي راح يتسوكون مال عزيمه

وانتي وامي واختي باجر تجي هم تعاونكم

تضلون تحضرون للتوزيع

باجر توزيع فواكه وحلويات اخوتي صياني راح يجيبون وهاي كلها تتوزع على حب الامام

الشارع راح يتنظف من الطول للطول

وتصير بي كعده مرتبه .. سكملي وطبلات

وسماعات كبار ونشرات ضوئيه يعلكوهه الولد على البيوت

والشموع على كل سياج تنعلك

ويبدا كل بيت يطلع صينيه مشكله ومرتبه

ياس وحلويات وشموع ويعرضهه بنص الكعده يعني ..

واحنه كيكه جبيره نعرضهه بدل صينيه

وتلتم كل الولد بالمنطقه يمنه

وولد عمنا وخوالنه باجر من وره الغدا همه هنا ساعه ثنتين تلكيهم دكو الباب

- يااااا هالكد هوسه حتصير باجر !

- اي اسمعي

ولد عمنا بينهم واحد اسمه ' غدير '

هذا رادود هو بعمرج هيج بس واحد حجاااي و اله صوت عجيب

هذا متكفل الاحتفال يعلك الجو بالقصايد والاناشيد لحب ومدح الامام

من وره صلاه المغرب والعشه يبدا عاد الاحتفال كلهه تلتم بره وتتوزع الحلويات والفواكه والماي ويبدا عاد هو ينشد والكل وياه تهوس ..

وره ساعتين من يتعبون والكل تكعد ترتاح

هنا ابويه وعمامي يكصون الكيك ويوزعون للزلم الكبار .. وابويه معودنا قطعه الكيك مالته ياكل منها شويه والباقي احنه ولده ناكل منهه .. يعني ماناخذ قطع لا ناكل من الي ياكل منها ابونه ..

- ليش يعني ؟ شهالتقاليد شتسوي هيج !

- هو جان من احنه صغار يوكفنه يمه

ياكل شويه ويوكلنه واحد واحد ويكوللنه

ولد علي معلمين على قسمه اللكمه بحلوها ومالحها

وعاد لهذا عمرنا هو يخلينه نتقاسم القطعه مال كيك بيناتنه

- حلوووو

زين هنا هم ياكلون منها لو لا ؟ يعني البنات

- ايي ياكلن نبقيلهن قسم من الكيكه هنا يوزعنها بينهن

- اوووكييي زين اني شلون راح اشوف اذا تكعدون بالشارع !!

- هاااا .. راح اوصيلج سيف يخليج بغرفته من شباكه تباوعين بس طفي الاضويه

ولا تفتحين شباك هو الجام مضلل تشوفين براحتج بس لا تشغلين اي ضوا حتى مال موبايل تره كبل تبينين

- اييي اووووكيي

- ايي باجر لنص الليل تره تضل هاي اللمه

وثاني يوم اللمه هاي كلهه تتحول هناك بضريح الامام

يرجع غدير هناك يعلكهه الهم ويلم شكو واحد من جماعته وياه والعشيره كلهه تلكيهه هناك تحتفل وتزور ومايرجعون هم لليل

وثالث يوم توزيع زرده هاي امي مسويتهه نذر من اول زواجها لان جانت ولادتها تتعسر

فد نوب فنذرت توزع زرده بس تتيسر ولادتها .. وكل سنه هي بيهه حيل مابيهه توكف تطبخ وتوزع

- ايييي اخيراا راح اضوك الزرده

مره وحده اكلتها وجانت حلوووه حيل

محبيتها بس اسمع بيها هواي يوزعون بهيج اجواء عندكم

- هههه اشبعي بيهه من ايد امي ماتنشبع صدكي

- اووكييي

- هسسسه اريد منج شغلتين رور

- ايي كول

- اول شي تكعدين براحتج باجر بغرفه سيف

وتركزين ويانه خلي كل بالج يمنه انتي بعد تحبين علي .. شوفي محبين علي شلونهم

وشيجي بالج بالليل من نكعد سوه اسئليني زين

- ايي اوكييي

بعد شنو

- اريدج متخافين من اي شي يصير

بهالتلث ايام الله يخليج ضلي بهيج كلبج القوي

- ليش شكو شيصير ! شتسوون بعد !

- مو احنه نسوي

بس بيتنا راح ينهجم ههههه

- جذااااب

- والله ينهجم هجمه مال خبال

بس انتي لتخافين احنه هيج نكيف من ينهجم

وتلكينه كلنه كلوبنه قويه  واصلا هالايام ننتظرهه بروحنااا

- شكو بس فهمني شكو ليش شنوو !!

- شوفي

كل شي يصير لان بيتنا مسكون ومسحور

وهالجماعه يكرهون علي كره العمى

وعلي يهجمون البيت هجم لا تضل بوب لا كاونترات لا كهرباء لا صياح اصلا نوم مانكدر نام تلكين الليل كله اهلي فاتحين شموع وقران و الهوسه تضل وكل مااايجي ابن عمي غدير هنا  لااازم لو ينجرح بشي لو ينضرب ويوكع كل مرره هاي لازم تصير

هالحجي انه احجيلج من كبل ثمن سنين يعني مو مال مره مرتين

- عزاااا وهاي شلون هيج تضلون صخام بعينكم

- ميخالف نتحمل وبعدين نخلص منهم شر خلااص

- يعني كلشي يروح ! بيتكم يرجع زين !!

- والله اي بس هالمغضوب عليهن مايخلنه يدوم بزينه

تدرين انه ليش شكيت بيهن نسوان اخوتي

- غير هنه قريبات ويكدرن يمدن ايدهن على غراضكم !

- اي بس هاليوم هو الثبت شكوكي عليهن

شايفه هنه كل سنه هيج وكت يروحن لاهلهن

مرات امي تحجي على اخوتي تريد نسوان وياهه توكف تساعدهه بس همه كبل كم يوم هم شلون هيج هالايام يدزوهن لاهلهن

ويضلون يتعذرون كل مره بشكل

بس خلي نخلص الاحتفالات هنا وره يومين يرجعن ..

البيت نظييييف وكله بخورات وقران ومطهر من كل شي وحتى نفسيتنه مرتاحه

نفسس الليله الي يرجعن بيهه بيتنه يرجع ينهجم لوو واحد منا يصيرله فد قدر

مرات ابويه يفول عنده الضغط يضل حتى خشمه ينزف وهو كلش ملتزم باكله ودواه

امي تختنك فد نوب .. حتى اخوتي ينزلون يهجون من البيت يعوفون الجهال ونسوانهم ويهجون  مايرجعون لثاني يوم بالليل

وانه اصدع فد نوب ويجلب عندي وجع بظهري مال موت .. اذا امشي خطوتين وارفع ظهري شويه تشوغ روحي

واحنه كلنه بنفس الصبحيه الي هنه ماكو بيهه

احنه مرتاحين وعليييي اخوتي ما يهللهم حتى يطلعون للشغل و يكعدون يسولفون ويه ابويه وامي وهذيج الكعده نكعدها براحه نفس

ولليل كلهه تلكيهه تزوهرت بعد

كلمن يلوب من جهه ... ولثاني يوم كلهه على نفس الحال بسسسس ام سيف تلكيهه واكفه مثل الصل

ووجهه يضحك وتكمش البيت مسح من فوك لحد باب الشارع وتطلع الجهال يغسلون الشارع هم وهي فوك راسهم

و شتسوي بعد .. تاخذ الجدر الجبير الي امي طبخت بي .. تاخذه وتصعده بالسطح هااي انه شفتهه بعيني

تاخذه وتترسه طين ريحته ماتنعرف شني

كلشي بيهه حتى ريحه نكاسه وتشمر بنصه

شكو شمعه مال احتفال شكو عود مال ياس

هذني يضلن يعني كم وحده من الاحتفال هنه تلمهن كِـــلهن وتذبهن بنص الجدر المطين

حتى الجكليت هم تذبه وياهن وتعوفهن لثاني يوم تروح تلم الطين الي بي ويه هذني وتغسل الجدر وتنزله

- عزاااااااا بعينهه

ولك هاي طنطنول خاف هي سحاره !!!

- كلشي يصير لان هي دكتهه هاي ماتنغفر

- عزااااا يمه صخام بعيونهن

زين هذا الجدر بعدكم عايفي هنا وتطبخون بي !

- لااااااا بويه اكيد لااا

انه من يوم الي شفتهه اخذته ورحت شمرته بالزباله هيج عبور شارعين

وامي تستخدم غيره عدنه هوااي جدوره نطبخ بيهن بمحرم بس هي غايتهه جايده

لو منين ماراقبهه واحط عيني عليهه هي تضل تنتظر الفرص للاذيه

- ولك حويدر هاااي السنه مانخليهه

راح اسوي تصفيه واخليهه تشيط

اصلا خلي تجي وانطيهه طرح سبع اياام

بالفراش اهيج القرحه عليهه

- ههه الله وايدج صدددك تنقذينا اذا هيج

- اووكيي خليهه عليه

بس اكولك هاي من يصير بيتكم هادى ء

يعني راح السحر !

- اييي ابويه يسوي جلب للسحر بس

اخر مره مافلحت ويانه

-شلون هاي جلب السحررر فهمني ؟

- تشوفيه بعينج رور اهم شي لتخافين

هي ايام زينه هاي احنه تفيدنا بس رادلهه كلب قوي ماشي

-اوووكيي

- تضلين تنامين يمي ؟

- لاااا ماريد

راحت نامت بفراشهه وضليت انه اباوعلهه

وادعي الله يهديها للطريق الصح وماشوفهه فد يوم بضلاله ...

ثاني يوم كعدنا الصبح وره ماكملنه ريوك

كلت لريري تاخذني اسبح براحتي هالمره

و ضلت وياي لحد ما وصلت الحمام لان مشيتي بعدهه ممتوازنه الرجل ثكيله احس راح انجفي على وجهي ساعه الساعه

كعدت على السكملي وضليت مخلي رجلي على طبله وريري تساعدني انزع ملابسي

ضلت وياي تغسل جسمي بدون متوصل مي لرجلي .. هي بهيج وكت متحجي شي وياي

ولا يطلعلهه صوت .. حتى اذا اكللهه على شي تسوي بس متحجي

عاد كملت غسل جسمي وجابت الخاولي

كلتلهه ..

- اوكفي بس انطيني سراحيه مي خلي اعلي جسمي

انطتني السراحيه وضلت تباوعلي وانه اعلي جسمي وهي ساكته .. كملت واخذتهه مني

وكلتلي ..

- شنو هذا السويته !

- عليت جسمي شنو شي غريب !

- اي ماعرفه ليش يعني تسوي هيج !!

- لازم من نغسل نعلي الجسم يعني مثل واحد يطهر جسمه بذكر الله

-هاااا ضروري يعني !

- اي ضروري كلش

انتي مامسويتهه ابد

- لاا ماعرفهه هاي اول مره ادري بيهه

- ممعقول !! زين يعني انتي ماتعرفين غسل الجنابه ! غسل الحيض ! كلهن هم بيهن هيج

مغاسلتهن ابد !!!

ضلت ساكته ولبستني الفانيله والتشيرت

وانه احاجيهه وهي ساكته .. لبست البجامه

وساعدتني حتى اطلع .. ولحد ماخذتني لفراشي هي ساكته ...

ضليت انشف شعري وافكر معقول هاي متعرفهن !!! مغاسله هيج ومتطهره ولا مره بعمرهه !!!!

اجتني مره ثانيه مبدله ملابسهه وجايبتلي عصير برتقال .. شربته وهي كاعده تطلعلي الدوا ..

كلتلهه..

- مجاوبتيني بعدج

ليش تتهربين !

- شجاوبك يعني ! اكولك اي واجذب ! لو اكولك لا وافشل نفسي !

شتريد ياهي منهن تسمع !! هاا كول

- شبيج ريري انه سئلتج عادي

ماريد انتقص من قدرج ولا افشلج

- لعد اسكت كافي

- لاا هاي مينسكت عليهه

ريري انتي مو صغيره حتى تعوفين هيج شغلات هاي طهاره جسم لازم كل انسان يعرفهه

كل الديانات عدهه طرقهه للطهاره انتي شنو دينج الاصلي من ابوج انولدتي بي شنو

فهميني حتى اعرفج عليهه ليش تضلين هيج جاهله باااهم امر لازم تعرفيه

- معليييك باهلي كم مره اكولك عوفهم

- هسه انه اريد اسم دينج ماريد اعرف اهلج شبيج رور طولي خلكج وياي شجاج

- ديلااا اووكي

- احجيلي شنو دينج بالجنسيه شنو

- مادري ديني هوسه

هسه انته فهمني هاي بدينكم شنو يعني شلون يسووهه انته شجنت تحجي ماركزت وياك

- هاي طهاره الجسم تصير كلما واحد يغسل جسمه بالصابون ويكمل ياخذ الماي ويغسل من راسه الى نهايه ايده اليمنه ويكول

سبحان الله تلث مرات والله اكبر تلث مرات

ويكول سبحان الله والحمدلله ولا اله الا الله والله اكبر ..

وترجعين تكملين جهه جسمج اليمنه كلهه ونفس الشي اليسره

وتكولين  اللهم طهرني من الذنب او الجنب او الحيض حسب غسلج انتي شنو وكل وحده هم بيهه تفاصيل بس هاي هيج بشكل عام يعني

تذكرين الله على الماي الي تشطفين بي جسمج

- هااا اوووكي

- بس جاوبيني الله عليج مو تخجلين مني بس كليلي هالشغله خلي افتهم انتي ابد ماغاسله غسول هيج بذكر شي على جسمج لا بجنابه ولا حيض ولا اي شي !!

- ماعرف هاي مال غسل الجنابه ومدري شنو

اعرف اغسل واجلف زين واطلع المع بس هالسوالف ماعرفهن

- ريررري وينج عن نفسج متكليييلي

- ديلااااا هسه عود اسويهه

- روحي سويهه هسه شعندج يلاا روحي

- بدلت بعد

- ميخالف نفسهن البسيهن بس روحي جربيهه

يلاا صدكي تحسين نفسج اخف واريح

- هااا .؟؟

- والله روحي وجربي يلا خسارنه خساره هسه روحي

- اوووكي

راحت وانه مادري شعوري متضارب

يعني كلشي هي تسوي لنفسهه من عنايه ونظافه بس هنااا لاا وهي اهم شي

شلون هسه انه شعتبرهه !! والله دخت !

انتظرتهه لحد مااجتني مبدله مره ثانيه غير شكل وكبل كلتلي ..

- تره نسيت بس دبرتهه منا ومنا

عادي مو ؟ المهم النيه

- ههههه عادي تتعودين كل مره وتحفظيهه بعد

- اكتبهن الي بالملاحظات حتى اركز واحفظهن

يلاا راح ابدا ويه امك عدهه لسته شغل الي

راحت بعد ماشفتهه الا وكت الغدا وهم مخبوصه هي وامي ماكعدن اكلن ..

واخوتي طابين طالعين يجيبون غراض

ولد عمي كلهم التمو وضلو يرتبون الكعده

وانه لحد المغرب يلا طلعت وضليت كاعد على الرصيف مدد رجلي على الطبله واباوعلهم .. واخابر بريري اشوفهه شجاي تسوي واحجيلهه هذا شنو وشيقصد وهذا منو من ولدنه وهي بغرفه سيف ضاله تباوعلنه

ابن عمي غدير علك الجو مثل كل مره

وابد ميخاف رغم هو كل شويه لو تعطل سماعته لو يطك البلوجكتر لو منين مايمشي يعثر بس هو متعود وكل شي جايب احتياط

كل شويه كاطع القصيده ورايح يصلح فد شغله ويرجع يعيد اقوى من الاولى

ابويه بداهه بمديح نثري للامام ومن بعدهه صارت الساحه لغدير ...

من كطعو الكيك اجوي اخوتي وكفو يمي وصرنا ناكل من نفس الماعون مال كيك

والي بقوه الي لفيته بكلينس وكلت انطيه لريري اوكلهه منه وافرحهه ..

من رجعوني جوه وضلو همه ينظفون بره

صرت اسمع بس صوت الصياح جوه ..

ضليت اصيح لسيف وهو طب يركض وجابلي ريري ...

اجتني مجلبه بايد سيف وكعدت يمي وتجر نفس .. كلتله..

- شبييج رور شحجينا ياعيني شفهمتج البارحه

- حيدااار طلع كداااامي طلع بس

هذا سيف سيف

.

.

. يتبع 💕

..♣️🩸 ماء مغلي 🩸♣️..

* adzzon *

اجتني مجلبه بايد سيف وكعدت يمي وتجر نفس .. كلتله..

- شبييج رور شحجينا ياعيني شفهمتج البارحه

- حيدااار طلع كداااامي طلع بس

هذا سيف سيف

هو خلصني منه مادري شسوا ماادري

كمشت اثنين ايديهه واهدي بيهه وهي بس تباوع للباب وين واكف سيف ..

صحتله وكلتله يسد الباب ويروح .. بس طلع

جريتهه حضنتهه وهي ضلت تحضني قوي وتكلي ..

- حيدااار بعيييني شفته بيني وبينه شبرين

هذا ليش بس الي طلع ليييش

- بس اهدي خلي افهم شنو الشفتي شلون شكله ! وين جنتي !

- هو من شفتهم  فوتوك للبيت اني كلت خلي اروح على غرفه عادل مادام عافهه مفتوحه

وبين مايطلعون الولد حتى اجي يمك

-ايي ورحتي !

- اي رحت بس فتت كبل بيبان الكنتور نفتحت من وحدهه بوجهي واني جفلت

لان بسرعه انفتحت البابين هيج بوجهي

كلش جفلت

بعد ماتجرأت الزم شي منا درت وجهي طلعت من غرفتهم بس سديت الباب وانداريت واشوف هذا واكفلي

حيدااار واكف يباوعلي ويحرك براسه

مثل واحد يطك ركبته هيج يحركه وهو

هو مثل دب اسود بنفس طولي وحتى بي هيج شعر طويل مغطي جسمه واظافيره طواااال

يرفعهن ويه مايحرك راسه

ضلت تبجي وانه اهدي بيهه ورجعت تكلي

- ماعنده ملامح وجه بس شعر وسنون طالعااات طوال و و رجله

رجله مو نفس جسمه حيدااار مو نفسهه صدكني مووو نفس جسمه

-لا اله الا الله

لتخافين رور راح بعد رااح كافي اذكري الله وكافي لتبجين شبيج مو وصيتج قوي كلبج

- مدايروح من عينييييي

جان يحرك راسه واظافره عبالك ديريد يلزمني بيهن

لو ماا صعد سيف جان لزمنننييييي حيدااار لييش خليتني اضل وحدددي فوووك

-رور ياعيني كافي بس اخذي نفس واهدي

راح كلشي راح والله هذا خواف مايوصلج

هو بس يخوفج مايوصل ويلزمج والله

- لك اكوله واكف يممممي وهو الي يمكن فتح البوب بوجهي هو ميريدني اوصل لغراضهه

ميريدني اضل فوك اكيد راح يضل يرجعلي

- لاا والله ميرجعلج هذا بس يخوفج حتى بعد متوصلين بس هيج لتخافين رور والله ماخلي شي ياذيج

- ماااااا حيدااار لتعوفننني هيج وحدي بينهم

لك ماعرف شسوووي شسووي من يطلعولي

- لج كافي تبجين شبيييج ريررري

كاافي باوعيلي احاجيج

كمشت وجهه وهي بس دموع .. مسحت دموعهه وكلتلهه..

- ااانه جاي احارب بيج

لا تضعفين وتخسريني

مو كلتي هاي حرب لو نربحهه ونعيش لو نموت

وانه وياج نريد نموتهم ونعيش براحه

ويه اهلنه .. اذا تضلين هيج تخافين شلون نكمل !

هااا فهميني ! مو حجيتلج البارحه كلتلج بيتنا راح ينهجم ... هذوله اسم علي يصركعهم

يكعدهم من كبورهم ويخليهم شايشين علينه

مايردون ينجاب طاريه بالبيت يردون البيت بس الهم .. يكرهون الي يكول حتى بسم الله

وبكل شي يأذونه اكو اذيه احنه نحسهه بتعب

بس مانشوفهه واكو اذيه شوف عين يخلوهه النه من يطك خبالهم

من يحسون صار مكانهم بخطر بعد يهيجون يخوفونا حتى نطلع ونعوف كلشي الهم

بس احنه نضل صابرين ومتحملين كلشي من اذيه تجي منهم لان ندري تالي الربح النه

احنه يوكفلنه بهاليوم داحي باب خيبر

قسيم الجنه والنار يوكفلنه جدنا علي هو يحاميلنه من اذاهم وما يخلينه بطلبه ما يجيبهه

اهل البيت مايخلون مكان ذكرهم مدنس بالشياطين الا ماا يقضون عليهم لان همه اهل الطهر والايمان ودايماً الايمان غالب

بس احنه مشكلتنه هنا الشيطان عدنه انسي

منا وبينا هو جاي يدنس هالبيت ويخليه مكان راحه للشياطين .. وضل حالنه هيج مدهور

لان كلشي نخلص منه ونتعب عليه يجي فلان وفلان يرجعوه اضرب من الاول

- بسس اني خفت ماعبالي يطلعون بوجهي

كلت بس هوسه واصوات مثل كل مره

- لااا رور ماجذب عليج

بعد اكو هواي خبال راح يصير بس لتخافين كلشي خلي بالج هذا كلشي ينتهي

ابويه اليوم شاد الهمه على البيت وحتى دز على عمه الجبير تذكرين الي حجيتلج عليه

هذاك الشايب الي بالكوفه بيتهم

- اييي

- ايي هو هنا اجانه اليوم وهسه بعده وياهم بره فد شويه يطبون وراح يضل هو وابويه

للفجر همه يقرون قران ويمشطون البيت

بالتطهير والذكر

- وااني وين اروح ماصعد فوك بعد

- ايي طبعا متصعدين تضلين يم امي

هي هم راح تضل كاعده وراح تلكين سيف هم وياكم كاعد

تره سيف صوته حلو بالتجويد

صح هو معقد وعنده بلاوي بس قاري قران معدل ..

عنده نفس طويل بالتجويد واذا قرا فد سوره ما يعوفهه ويصدق الااا خاتمهه واذا جود كل احنه مانقاطعه نضل وياه نسمعله لان صوته وتجويده بنفس طويل ويجبر المقابل يركز وياه .. صوته كلش فخم بالتجويد كون يسهر الليله ويه امي على واهسها يجود القران واسمعيه

- مصدكتك .. اني احس بسيف عنده زين اكثر من خباله الي مطلعه النه

- ايي بعد انه مادري هو هواي مدوخني بس احجيلج الي اعرفه عليه يعني

رجعت حضنتني وانه كلتلهه..

- شسوى سيف من شافج ؟

- هو كبل اجه عليه حط هاي بركبتي مادري شنو شوفهه

باوعتلهه وانتبهت هاي ملبسهه سن الذيب

كلاده طويله والسن واصل ويه بطنهه

- ريري هذا يسموه سن الذيب هذا الي يلبسه ماتقربه الجان تخاف منه

-هاا يعني هو لان لبسني اياه هذاك راح !

-اي يجوز .. زين هو شافه مثلج لو بس انتي شفتيه !

يعني من اجاج سيف هو جان بعده واكف

- اي بعده بس سيف ابد ماخاف

مادري اذا شافه او لا بس هو جان يباوع لنفس مكان الي اباوعله وماهتم كبل اجه عليه

لبسني هاي واخذني ركض ركض جوه

كلشي صار عبالك برمشه عين بين ماصعدلي ولبسني هذا ونزلني جوه ماحسيت الا اني يمك

- والله هالسيف غريب امره

بس الله ينطيه الصحه والعافيه خوش وكفه وكفته النه اليوم

جا بعد لتخافين هذا من لبستيه حتى لو تشوفين شي مايتقربلج صدكي انتي وياي بأمان

انه مرات احضنج بس احصنج اخاف عليج وانتي ماتدرين

حتى ابويه موصيه بصلاته دايماً يدعيلج بالحفظ من شر البلايا وحتى لوو لا سامح الله

وصارلج شي صدكي ااانه اخلصج منه

انه لغيري اكدر بس لنفسي مانفعت والسبب هذول الي مايخافون الله

- لعد شبيك متكولي هيج اسوي جان كل يوميه احضنك وضل حصن بيه

لو محصني زين مطلعلي هالمصخم ابو الشعر اليوم

- هههههه الله يحركه بنار جهنم ولا يصيبج من اذاه شي

حضنتهه وضليت احصنهه من كل اذى وشر وكيد شيطان بهالبيت .. بعدين دزيتهه جوه

وشويه واجوي ولد عمي سلمو وراحو لبيوتهم

وضل عمنا الجبير الشايب كاعد وابويه هم

وسيف واخوتي ...

تعشو وضليت انه اكل على راحتي واخذت دوايه .. وهمه يشربون الجاي ..

عمي ترخص من ابويه ومني يريد يشوف مرتي .. وكال بس خلي تجي تسلم وتروح

عاد دزيت سيف يصيحلهه ..

واجتي هي تباوعلي وانه كلتلهه تروح تسلم

وتبوس ايد الحجي ...

راحت سلمت وهو انطاهه ايده بوستهه وضلت واكفه تباوعلي وترجع تباوع للحجي

وهو شال سبحته وضل مدندلهه وكالهه

اخذيهه ...

ريري ضحكت وكلتله..

- حجي اذا اخذهه تره مارجعهه

من هسه كولي حلال عليه لو لا

ضحك هو وكاللهه ..

- حلال عليج انه اريدج تاخذيهه

- زين لعد شكرا

جرتهه من ايده وضلت تتلمسهه .. وشمتهه كالت ..

- هاي نفس ريحتك هنا يابه

شنو كلكم تستخدمون نفس تركيبه العطر

ضحكو اثنينهم وابويه كاللهه ..

- بويه احنه هاي ريحتنا مو عطور احنه مانستخدم عطور

عدنا حبه مسك نتعطر بيهه كل جم يوم

- هااا بس طيبه

شكرا عيوني حجي راح احتفظ بيهه هاي احلى هديه من ريحتك

اردهه الك وعد مني اجيبلك ارقى هديه مقابيل هاي

ضحك الحجي وكاللهه ..

-  تشكرين بعد عمج ماريد غير راحتكم وعافيتكم

هسه انتي روحي حضريلنه شويه حليبه

وجيبلنه نشرب

- مو تدلل حجي اصلا مبين ذواق

خلي يتعلم منك حيدر اكوله عيني اشرب حليب بالليل زين لعظامك يكولي شيشربه ماريد

احجي وياه فدوه حجي بلكت يقتنع

- جاا مدامهه هيج السالفه

تمشين تسويلنه اربع كلاصات حليبه دافيه وتحليهه بعسل بويه موزين الشكر بعمرنه

هذا العسل نفع وعافيه للبشر

- ايي تدلل عيني هسه اسوي واجيبلكم كعك

تاكل كعك حجينا !؟

- ابو الدهن اذا عدكم واذا لا مالازم

- اخلقلك الكعك مو تدلل حجي

ههه خوما ضوجتك تره اني احب اشاقه بس ويه اهلنه يعني مو عبالك خفيفه بس قبل شويه انهبطت هبطه مصايره واذا هسه مضحكت وسولفت اطك واموت

كلهه ضلت تضحك حتى ابويه وكللهه ..

- بويه جيبي الحليب ونكعد نسولف ونسيج الهبطه

كبل ترخصت وراحت .. وانه اباوع للحجي

وهو بعده مبتسم ..

جابت ريري الحليب وانطتهم وبعدين اجتي انطتني كلاص وتشاورني ..

- ولك حويدر بعد اكلبهه لمعدتك بالحليب

فضني عاد صير زين مو شلعته لكلبي حشبع هبطات وانته ماكو تركضلي وتفزع

- ههه ريري بروح ابوج لا تذبين حركتج بيه

عوفيني انه جاي اصير زين على راحتي

- ديلااا يطبك مرض لتشرب

- ياااا والثووول شبيييج

- ايييي نسيت

راحت جاي تنطي لتخوتي مارادو وسيف هم ماقبل يشرب .. عاد الحجي صاح عليهه

وكللهه ..

- جيبي كلاصج واكعدي يمنه

كبل شكت وجهه بالضحكه واخذت كلاصهه

وراحت كعدت يم الحجي وتشرب وتباوعلي وتغمزلي وانه اخزرهه ..

الحجي شرب كلاصه جرتين وبقى بي شويه واخذ كلا ريري بي نص وداره فوك كلاصه

وكاللهه ..

- تاخذين تشربين ! لو شبعتي ؟

ريري ضحكت وكلتله ..

- حجي هسه انته شكو تجيبهه منا وتلوفهه منا

متحجيهه طك بطك

تره اني دااحسك تختبرني واني عادي عندي هسه اخذه واشربه هو شبي يعني

بس لتعوفني بفضولي احجيلي عود اووكي

يعني اقصد مو تخليني كلشي ماعرف احجيلي بلا زحمه

جرت الكلاص من ايده وشربته كله وكلتله ..

- اطيب شي الحليب اني ماشرب جاي الصبح الا حليب بس بالليل حيدااار ميسوي واهس

واحد هم يشربله كلاص

اي شلونكم. ؟ هاي خوش اناشيد اليوم سوو

صدك جنت متونسه

طبعا حجي اني ماشفتك مادري انته وين جنت كاعد ؟ شو ما مبين !

ابويه والحجي واحد يباوع للثاني وانه اكللهه ..

- بويه على كيفج انطي مجال

- اييي ميحجون هسه اني مسكتتهم

- ريرري

دارت وجهه للحجي وكلتله ..

- اكولك عيوني حجي تره اني هيج ذبتي شقايجيه مو تضوج مني تره مو قصدي اقلل احترام بس هيج يعني دانسولف وانتو سكتو

ليش تسكتون متحجولي لعد شكو دزيتو عليه

جان هسه رحت عدلت النضده مال العلويه

وخلصت

عفيه فراش هم لابد يتخربط هي ابد تريده مسطره .. هنه مخدات ويميلن اني شكو ابتليت بيهن اوووف اووف

مو تضوج يابه بس اندقيت من سالفه الفراش بعد ماكدر اسكت يعني شدعوه هيج كل شويه تعالي سفطي هسه مو راح نفرشهن فد شويه

ليش هي ضايجه ومخبوصه عليهن !!

خطيه اني انقهر عليهه ماريدهه تضل توهس بالفراشات خلي تريح بالهه شدعوه هالكد قلقه

كلولهه مخداتهه واللحف مطايرات نسفطهن بس لتضوج اجي الكاهه روحهه بخشمهه

خطيه يمعودين لا فد يوم يفول ضغطهه علمود نضده ! متسوى مو !؟

شبيكم شو عبالك مطايقيني !! اكوم ؟

عادي كولو

ابويه والحجي بس يضحكون بسكوت

وريري تريد بس تلوف كعدتهه وتجر بدشداشته وترجعهه جاي تلوب ادري بيهه

بس تريد منهم حجايه حتى تروح ..

الحجي كال ..

- والله حجايتج صحيحه هالنسوان يتسودنن بنضداتهن

ماتعرفيهن بويه هاي نضدتهن بعزيه روحهن

يتفاخرن بينهن بعلو النضده وعدالتهه

- هااا يعني الكل هيج عبالي بس احنه

يلا لعد ماراح اضوج بعد واضل طابه طالعه اعدل بهالنضده

- اييه ايييه

خوش حليبه تشكرين

- تدلل عيوني حجي

يلاا شو محجيتلي شعندك وياي

احجي عادي تره ماضوج بس الفضول يموتني اذا معرفت

- ههههه انه فهمت زلمتج وهو بعد شلون مايعرفج راح يفهمج مكصدي

- اييي ليش هيج حجي متحجي بوجهي هسه شكو !!

مو خوش كعده كاعدين لعد اذا نسد هالسالفه شنسولف متكولي

- نسولف جا خلصت الحجايات !

هم لابد نلكالنه سالفه

بس انتي شني الهبطج مساعه !

- يبووو عيننني اسكت وخليهه

هبطه اكلت نص عمري

- هااا خير ان شاء الله

- عيوني يااخير هذا طلع جني بوجهي ياخير

غير جان نعلست

يعني قصدي جان مدري شسوالي

- جني ! شلون هذا شفتيه وين !!

ضلت تباوعلي واخوتي ركزو وياهه

وانه كلتله ..

- حجي نفس الي نعرفه بس هي ماشايفته

وخافت هالمره

بعدهه الهبطه بيهه بس هي تضيعهه بالسوالف

ضل ابويه والحجي يسألوهه عليه وهي عادتلهم الحجي نفسه بوصفه بس ماذكرت الغرفه مال عادل كالت غرفه سيف

و الحجي كاللهه ..

- اكعدي بالكاع خلي احصنج بذكر الله

كعدت يم رجله وهو خله طرف عوجيته على جتفهه وضل مغمض ويقرالهه ..

تباوعلي هي وانه اطمنهه بعيوني وانتبهت لعزيز عينه علينه ومنتبه لكل اشاره بيناتنه

من كمل كاللهه جيبيلي مي وصبتله بالكلاص

وانطته شرب منه شويه وانطاهه كاللهه غسلي وجهج بي ..

راحت يم الباب ذبت بايدهه وغسلت وجهه

ورجعت كعدت يمهم .. عاد ابويه كاللهه..

- بويه انتي اليوم تصيرين سباعيه بعد بكلبج ايمان وعقيده وحواليج اهلج كل سوء يدنالج همه واكفيله عرضه لاتخافين ولا تهتمين

اريدج تكعدين ويه العلويه و وياهه تمدين سجادتج وتصلين مثل صلاتهه وتحافظين على نفسج بحدود سجادتج

انه ادري انتي ذكيه مو غشيمه بالصاير عدنا

وحيدر اكيد حاجيلج على هاليوم وانتي بعد شفتي بعينج لازم تعرفين شيحتاااج هسه

بويه !! هاا شيحتاج ؟

- كلب قوي

- ايييه وانتي مو كاصره عندج قوه ومره معدله وسباعيه بعد مرت السيد انتي لازم تصير عندج شجاعه وضبط النفس وايمانج قوي وهي كلها ترهيب للنفس بس الحافظ الله

- اييي ماشي

ترخصت هي وراحت جوه والحجي كالي ..

- هاذي طفله

بس حجي كلبها فطير هاذي ماتكدر تضل وحدهه الليله لا تعوفها

حول هناك نومتك هاليومين

باوعت لابويه وهو هم عادلي نفس الحجي

وصاح لاخوتي حتى يساعدوني اروح جوه وابويه ينام بدالي هنا ...

اخذوني جوه لغرفه ابويه .. وتمددت بفراشه

وهي اجتي كالت ..

- هاا شنو شصار

- شصار يعني اجيت انام هنا

- ها ليش ؟!

- خايف عليج يا مريتي

كعدت يمي وتكلي ..

- ولك حويدر احجي بسرعه قبل متطلع امك من الحمام وبعد تخلينه نخنس

احجي يلا هذا عمك الحجي شبي وياي !

- هههه عمي حبج صدكي لو مامرتاحلج فلا يكعد ويحاجيج هيج و ىيتحمل لغوتج هاي لج سطرتيه للرجال انه من يمي انسطرت

شجاب النضده والمخاد بالنص !

- ايييي سالفه جانت داقتني امك عقلهه ويه هالفراش شكت ط...ي

كل شويه سفطي سفطي ادري هسه احد طاخه مو شعلت الخلفوني بنضدتهه

- ههههه ريررري

- احبهه اني بس هي هم مرات تلح واني روحي طالعه بخلك فراش !

دحجي يلا شبي هذا الحجي الحليوه

لك سنونه تلهث خوش حجي نظيف هذا عجبني

- ههه ليسمعوووج صوتج

-ديلااااا احجي

- شوفي السبحه هاي جان يريد يشوفج

نقيه لو مشبعه بالاثام ..

لو اخذتيهه ووكعت من ايدج او حسيتيهه ثكيله وذبيتيهه فهاي انتي يعني تخوفين بيج الموزين الي نخاف منه

ولو ضلت عادي مثل مصار وياج يعني خوش انسانه ونقيه وتستاهلين العشره

- بس اني مو نقيه

- انتي مالج دخل بالدين يعني ما تظهرين شي وترحين تسوين شي ثاني

المهم هنا انتي روحج نظيفه مو ضغينه

مو مثل عبده الشيطان هذوله مايتحملون

جان كبل شمروهه من ايدهم

الي مشبع بداخله الكفر والشر مايكدر يتحمل شي من ريحه المؤمن او ريحه اهل البيت

وهاي السبحه مختومه بليالي خاصه بمراقد الائمه مو هيج عاديه فالي من الي نخاف يصيرون بينا بعشرتهم همه الي يريد يكشفهم بهالسبحه

لان الحجي هم كلبه جاز من النسوان

راد يتأكد

- هااا اوووكييي

صح اني مو نقيه بس على نفسي يعني ذنوبي ممأذيه بيهه احد ومالي دخل بالدين هيج اني بس اطلع عليه بس ماكفر

- اي هو هذا الي عرفناه ياعيني

وحتى الحليب هو تقصد يطلبه منج

حتى يخليج تكعدين تشربين يمه وياخذه منج

لو من دايره بكلاصه وصايره بي مثل رغوه هيج خفيفه تصعد ليفوك جان كال هاي مسحوره بس انتي الحمدلله ماعليج شي من سحورتهن

- ياااا نغل لك هذا شلون حجي ملعب

- ريررري شبيج لج سيد هذا يمعوده لا تبلينه

- اييي ديلا لساني فلت حبيته اني معليك هيج بس حجي لسان

- شلوون بيج

انتي يجيج يوم وتورطيني بلسانج هذا

شويه ثكل

- يبووووو عاااد بدينا ويه سيد حيداااااار

- رووور .. هسه هنا تفرشين وتنامين

من هسه تعوفين كلشي وتنامين وبس تحسين على شي تعالي يمي هنا انه اضل كاعد للصبح

-اوكييي

فرشت واجتي امي دزتهه تودي فراش للحجي بالهول ورجعت خلتهه تعدل النضده يلا عافتهه تنام ..

ضلت امي تحضر لصلاتهه وانطتني القران خليته يمي وغمضت ..

شويه وصرت اسمع صوت مشي فوك

ضليت اردد لا اله الا الله وبديت اسمع صوت تكبيرات ابويه والحجي ...

اجانه سيف وضل كاعد يم الميز ..

امي تحاجيه خايفه عليه وهو يكللها مو صغير انه ماخايف بس ابويه مايرضى اضل يمهم

ضل كاعد يكلب بتلفونه وانه غمضت وسمعي مركز ويه اصواتهم بره الغرفه ..

ضل الحجي يجود القران ويروح ويرجع على نفس المكان واخوتي حدهم لهنا بعد يطلعون مايتحملون بس يضلون اكثر كبل يتخربطون

فنعرفهم حدهم لهنا وكبل يسلمون ويطلعون

سيف بس سمعهم راحو كبل راد يطلع وانه ماخليته .. كل شويه يريد يكوم واصيح بي

عاد ضل كاعد ويتأفف ..

ابويه صاح بعلو حسه ..

- ياالله ياحبيب قلوب العابدين

يا عون المستضعفين

يااااا الـه العالمين

استعنا برب العزه والجبروت

صار الحجي يسلم على النبي وال بيته

ويمشي يم الغرفه ويجود القران بعلو صوته

ويضرب بالعوجيه ويه كل نهايه ايه ضربتين بكل كاشيه كدامه

هنا كبل صار صوت تركع البوب فوك

وابويه جوه يصيح

' يا مولاي ياجدي ياعلي المدد '

يصلي على محمد وال محمد ويرجع يطلب المدد جان تنطبك باب هالغرفه حيييل

كلنه جفلنه وريري كبل كمزت من فراشها ليمي جلبت بيه ..

وهمه بره مستمرين .. والباب تنفتح وتنركع

امي جرت سيف كعدته يمهه وتحضن براسه وهو يوخر منها وهي خايفه عليه بس هو ميرضى يريد يطلع وياهم ..

حضنت ريري الي ويه كل ركعه باب تجفل

وصار صوت دندنه قوي بحيث احس الصوت جاي يفتر يم راسي ويدندن ومفس الشي ريري ضلت ساده اذنهه وانه حاضنهه على صدري واردد الصلاه على النبي

وامي اجتي وغطتنه بعباتهه وضلت يمنه تردد ايات وتنخى باهل البيت وتبجي

وسيف طلع صحت عليه مارضى يرجع

بس ابويه كالي هذا وينه ضل يمي

بعدنه هستونه خلصنه من صوت الدندنه

وكلنه يالله جان ينكلب البيت صوت صياح

نسوان وجهال كلهه تتعايط يم روسنه

ريري ضلت تضرب بيه وتكلي طلعني منا

بس انه ماكدر اعوفهه تطلع بس تضل وحدهه

تتأذى لو وين متروح ...

ضليت اصبر بيهه وهي داحسه نفسهه بحضني .. وانه فتحت القران خليته على راسهه وضال اهديهه واصلي على النبي

وابويه والحجي بره من تجويد لتجويد

كل مايزيدون هالشياطين بصياحهم همه يزيدون تجويد ...

ابويه صاح ..

- حيدر بويه دك على اخوتك شوف شلونهم

وكللهم يحفظون نفسهم بذكر الله لا يتكاسلون

جريت تلفون من جيبي وخابرتهم وصيتهم

وسديته .. واجانه سيف ..

اخذ من امي النجانه والقماشه البيضه وراح وداهه لابويه ..

ضليت اباوعلهم وهمه كاعدين يم الدرج

ابويه مثل كل مره خلاهه النجانه وبيهه ماي

وضل يقرا سوره الاخلاص على الماي وبعدين غطاه بصينيه وفوكاهه حط القماشه البيضه الثخينه ..

وبعلو صوته يكول ..

- بسم الله الرحمن الرحيم

نقسم ونستعين بالله العلي العظيم

ونستعين بملك السماوات والارض

وبحق صاحب كرسي العرش والسماوات

بأمر الله الكريم

وبحق الاذااان نداء للمسلمين

وبحق محمد النبي الحبيب وآل بيته الطيبين الطاااهرين

تنزع وتغلب اي طلاسم او ارصاد او اسحار خااصه بسحر اسود

ارادو به موتاً او هلاكاً او دماراً او مرضاً

تنزع وتغلب بأمر الله الكريم الذي احاط علماً

بالاسرار والعقائد وابصر حتى دبيب النمل

وسالت لهيبته صعااب الجوامد

الذي بنى بيتا امر بقصده ِ وتلقي الوافد

واقسم بوحدانيته ولا ينكر الا معاني

ونصلي ونسلم على الحبيب المصطفى

الذي لا يخيب سائل وبحق السبع المثاني

وقلب القران يس وبحق علياً وحسيناً ومهدياً

نتوسل الى الله جلب ما لم نستطع له صبرا

صاحلنه نقرا سوره الفاتحه .. وكلنه قريناهه

وصاح يالله .. وشال القماشه البيضه والصينيه

وكبل صاح ...

- اعووووذ بالله من شر نفسٍ وما صنعت

وابرأ الى اااالله منهم

صحتله ..

-بويه دز بيد سيف خلي اشوف شطلع عندك

- جايك بويه جايك

وخرت ريري مني وضليت اعدل شعرهه

وانطيتهه شربت ماي وضليت كامش ايدهه

لحد ماجوي يمنه وسيف شايل النجانه و وكف يمي ..

باوعت وكلت ...

- لا اله الا الله

حسبي الله ونعم الوكيل

الي شفته هنا اضرب من الي كل مره شايفه

هالمره مو بس اوراق بشكل حجاب لا وياهه

جيس قماش وتايخ بالطين والابر كل وحده بطول الاصبع منجخات بي وباخرهن مدندل

بريعصيه يابسه

ريري كبل بس شافتهن ركضت بره وضليت بس اسمعهه تتقيء ..

ضلت امي تشوفهن وتدعي على الي سواهن

وسيف جاب ريري وكعدهه يمي .. ضليت

اهدي بيهه وهي تكلي ..

- راح تجلطوني مو عيشه هاي صخام بعين الخلفوني

- ريري شحجينا ياعيني طولي خلكج كلشي راح يخلص بس همتج ويانه

ضلت نحلانه وكامشه راسهه والحجي كعد واخذ النجانه يمه ودار عليهه بطل خل

وجاي يقرا سوره يس جان كبل يكب العياط بالمطبخ ...

عياط بشر صوت نسوان ..

شكينا لدرجه كلنه اكو احد بالمطبخ ومندري بي !

بس محد منا طلع من الغرفه ..

وضل الصياح يعلى واحنه سادين الباب ومانسمع بس صوت التكسر بالمواعين

والجدوره والصياني صوتهه يضرب بالراس

وصوت العياط بعده مستمر

وريري نزلت بالكاع حضنت امي وتصيحلهم

-كافي راح نموت كااافي

بس الحجي ماهتم لهالشي ولا ابويه

وعلى هدوئهم كاعدين ويشتغلون بفك السحر الي بين ايدهم ..

ريري تعيط عليهم حتى يوكفون شغلهم

لان الصوت مينحمل .. وماضل شي بمطبخنا عامر ..

وهمه مستمرين مايهتمون .. جرو الابر وكصو قماش الجيس وغسلوه بالخل والمي

وملح وصارو يطلعون منه البلاوي المشدشده

واول مافتحو واحد منهن كبل صارت ضربات على باب غرفتنا

وريري وسيف اثنينهم هنا تخبلو ..

.

.

.

يتبع

انتظر افكاركم وارائكم لهالبارتين

بكروب الفيس 💕 حتى النقاش يصير احلى