تحميل رواية «لمة عيلة» PDF

خالى : فرح كويسه!!؟؟

ماما : فيه آيه ي دكتور

الدكتور : فضل ساكت وقت طويل و بعدها سأل ،.. أيه إللى حصل !!!؟

ماما : فيه آيه ي دكتور قلقتني

خالى : بعصبية فيه آيه ي دكتور , فرح كويسه؟

الدكتور : للأسف لا حضرتك مين؟

تسنيم: أختي مالها ي دكتور

الدكتور : اتعرضت ل صدمة شديدة أدت ل إنهيار عصبي

تسنيم : يعنى أيه... مش هتتكلم تانى؟؟

ماما : بزعل متقوليش كده ي تسنيم.. فرح هتقوم و هتتكلم دى أكتر واحده لسانه طويل فيكم ... ومش بتسكت خالص ... بدموع اتكلمي ي فرح ... مكناش نقصد لما قولنا ان لسانك محتاج مقص ...

تسنيم: عمو عمر جه ، ردي عليه ي فرح مش أنتِ عايزه تكوني محامية زيه ...

فرح :...

عمو عمر : فيه آيه!!؟

تسنيم: بدموع فرح جالها إنهيار عصبي ومش بتتكلم

عمو عمر : بصدمة هاااا!!

الدكتور : متخفوش هى ممكن تأخد من ثلاث أيام ل اسبوع و هتتكلم ان شاء الله بس أهم حاجه الراحه

تسنيم : كله ده بسبب بابا ربنا ياخده ،حسبي الله ونعم الوكيل

الدكتور: بدهشة بسبب مين؟؟؟

تسنيم: بعياط للأسف إنك اه سمعت صح .

الدكتور : بااابا!!!!

تسنيم: قولت ل الدكتور كل حاجه

عمو عمر : عايزين تقرير طبي

الدكتور : حاضر

عمو عمر : إحنا محتاجين فرح ساعه ننهي المحضر و تيجي تانى لو سمحت ي دكتور

الدكتور : تمام ، بس أهم حاجه بلاش تقابل أبوها

خالى : حاضر ي دكتور

( عملنا التقرير الطبي و طلعنا على المحكمة .. ، بعد ما جبنا يمني من البيت )

عمو عمر : زي ما اتفقنا يمني و تسنيم هنكمل المحضر إللى ضد ابوكم

( أصعب ما مر علينا هو عدم كلام فرح إزاى ده يحصل دى أكتر حد بيتكلم إزاى مره واحده تسكت كده ,,, الزعل كان باين فى عين فرح اووي، إزاى فرح تزعل دى أكتر حد بايع الدنيا و مش بيفرق معها حد ولا بيفرق معها حاجه.. إزاى السعادة اتقلبت فى ثانيه كده ل كل الحزن ده إحنا كنا بنشتري لبس الكلية و المدارس و إحنا مبسوطين إزاى كله ده اتقلب ل كل الحزن إللى بان علينا كلنا ده..)

عمو عمر : أيه ي بنات سرحتوا فى أيه

تسنيم :لا مفيش .. اه هنكمل المحضر ان شاء الله

ماما : إحنا ممكن نكسب القضية ؟؟؟

عمو عمر : مش ممكن دا أكيد ان شاء الله

*** فى المحكمة***

الظابط : مين إللى قالكم تعملوا محضر ضد ابوكم

تسنيم: رفعت حجابها.. مين أيه إحنا بابا كان هيخطفنا

يمني : قالت بصوت واطي ي تسنيم اتكلمي ب إحترام علشان..

الظابط : بتقولي أيه ي بت أنت ِ

يمني : قولت ل الظابط كل الحكاية من أول ما بابا سابنا

الظابط : فضل شوية ساكت ..هو مش مصدوم لأنه بيقابل حاجات أصعب من كده أكيد

يمني : هو حضرتك مش مصدقني ؟؟

الظابط : لا بس ابوكم من عيله معروفه ، و متوصي عليه مش هعرف أساعدكم

يمني : إيوه بس مش من حقه ياخدنا من ماما

الظابط : ..

تسنيم: هو ده العدل !!

الظابط : فضل شوية و بعدين قال أنا هكمل المحضر ، رغم إنى كنت هقفلة على ان إللى خطف فرح شخص مجهول .

تسنيم: .. بدموع على الأقل حق فرح ييجي إللى مش بتتكلم دى

يمني : بتعيط حضرتك متخيل ان اب يعمل كده فى بناته !!!!!!!!

الظابط : الحزن كان باين فى عينه و كان ساكت رغم ان مفيش ظابط بيسكت و سأل فين المحامي إللى معاكم

يمني : موجود بره

( طلع نادى على عمو عمر و بدأوا القضية رسمي .. مش عارفين مسير الظابط أيه.. بس كنا عارفين مسير بابا ، ما هو الظلم وحش ..)

^^ بعد يومين

تسنيم : بتعيطي ليه ي يمني هانم .. دا يستاهل أكتر من كده

يمني : بدموع حتى ولو دا بابا

تسنيم : يعنى هو يفضل عايش يقرف فينا و نفضل عايشين فى خوف و رعب

إسراء: ولا أختك إللى مش بتتكلم دى ،كله ده مين هيدفع تمنه غيرنا

ماما : بعياط و صوت عالي كفاااايه مش عايزه إسمع صوت

تسنيم : أنتِ كمان مضيقة أنه اتسجن صح!

ماما : ..

عمو عمر : هو فعلاً يستاهل

تسنيم :اقفلوا الموضوع ده بقا

ماما: أنا عايزه اتنازل عن القضية و..

عمو عمر : بعصبية أنتِ بتقولي أيه

يمني : اه و نكتب شروط أنه ميجيش جنبنا تانى

ماما : اه أنتِ صح ي يمني

خالى : بعصبية أنتوا بتقولوا أيه!!!

ماما : لازم نقفل القضية

عمو عمر: ب استغراب ليه؟؟

ماما : لو القضية استمرت هم كمان هيضروا بعد كده دا ابوهم و مش فى قضية عادية دي قضية خطف ، محدش هيشغلهم لو ابوهم عليه قضية زى كده

( فضلنا ساكتين مش عارفين نقول أيه ما هو كلام ماما فعلاً صح .)

خالى : القرار ليكِ ي ام البنات

ماما : انا قرارات خلاص .. بشرط أننا ناخد عليه شروط بعدم التعرض لينا

تسنيم : ماما شوفي مين بيتصل

ماما : هاا مين!؟؟؟

.....

تسنيم: بدهشة ماما شوفى مين بيتصل

ماما : بعصبية وده عايز أيه دلوقتى؟؟!!!

عمو عمر : مين إللى بيتصل ؟؟؟

ماما : أيه رأيك رد أنت و خلاص

عمو عمر: مين طيب ؟؟

ماما : إبن عمك

عمو عمر : مش هينفع أرد عليه لان..

ماما: بدون أى تردد منها ردت وقالت أزيك ي أخويا، عامل أيه

خالى : بعصبية وصوت عالى يعنى إحنا فارقين معاكِ ؟؟

ماما : ب استغراب فارقين معايا؟؟! دا إللى بينا لحم و دم ولا إيه؟

خالى: لو كنتِ عامله حساب الدم إللى بتقولي عليه كنت هتجبيلنا العار فى البلد كله كده.

ماما : بدموع عاار؟!!

خالى : إللي تحبس أبو عيالها ده مش عاار !!؟؟

ماما : هو أنت متعرفش أننا بنعيش أيام رعب وخوف علشان هو موجود فى حياتنا !!

خالى : ..

ماما : شكل محدش قالك إن بنتي مش بتتكلم بسبب أبوها.. الناس نسيت تقولك إن بنتي إللى فى طب بتخاف تنزل الكلية لحسن حد يخطفها .. أقولك إيه ولا إيه .. خليني ساكته أحسن

خالى : لو المحضر متقفلش هيبقا فيها كلام تانى معاكِ أنا عرفتك أهو

ماما : بعياط يااها فعلاً كنت أحسن سند ليا فى محنتي ، دا بدل ما تقولي أنا معاكِ و هجبلك حقك و حق بناتك ؟؟.. يااها اتغيرت اووي ي أخويا.. مكنتش اعرف ان الزمن بيغير الناس اووي كده

خالى : حق أيه!؟ حقك إنك تدخلي جوزك السجن !؟؟

عمو عمر : بعصبية شد التلفون من ماما .. أنت أيه إللى بتقولوا ده ،.

خالى : عمر ؟؟

عمو عمر : اه عمر ، عالفكرة أختك بقا مصممة تقفل القضية بس ده مش علشانك ولا علشان جوزها دا علشان بناتها .. فاهم يعني أيه, يعنى ام بتعمل المستحيل علشان مستقبل بناتها ام ب مئة راجل منكم

خالى : (فضل ساكت .. ما هو هيقول أيه، أصعب إحساس ان الغريب يكون السند و القريب يكون الألم )

عمو عمر : سلام عليكم، هى ام يمني كانت واخده القرار بدون مساعده منك إنها هتقفل المحضر

( عمو عمر قفل السكة و بدآ فى عين ماما شرارة من الشر ، ما بين إنها مش عايزه تتنازل عن القضية علشان إحنا هنكسبها أكيد و هتكون نقطة سوداء فى حياه بابا .. و ما بين إنها خايفه علينا وعلى مستقبلنا و قطع الصمت ده عمو عمر لما قال..

عمو عمر : هنروح فين دلوقتى ي ام يمني!!؟؟

ماما : فضلت تفكر و عماله تبص علينا و بعدين قالت هنستنا أبو لين (خالى ) لما ييجي و نطلع على المحكمة

يمني : بفرح يعنى بابا هيخرج؟

تسنيم: بعصبية أنتِ مبسوطة كده ليه ؟؟

إسراء: خالى جه أهو

خالى : فيه آيه مالكم .. أنتوا بتعيطوا ولا إيه؟؟

ماما : لا أبدًا

تسنيم: هاتى الآكل ناكل ي خالى نصبر نفسنا بالكلام إللى..

ماما : بصت ل تسنيم بعصبية إللى هو مش عايزه خالى يعرف حاجه علشان متحصلش مشاكل

عمو عمر : هنرجع على المحكمة علشان نقفل المحضر

ماما : ردت بسرعة بشرط ناخد على ابوهم شرط بعدم التعرض لينا و كمان مش عايزه البنات يشوفوا ابوهم هناك

عمو عمر : ماشي

^^^ بعد يومين ^^^

تسنيم: ماما رايحه فين ؟؟

ماما :..

يمني : ماما الساعه ١٢ ونص بالليل

ماما : بعصبية يعنى هو أنا مش عارفه الساعه كام ي يمني هانم؟؟!

إسراء: هم مش قصدهم ي ماما لكن مستغربين أنتِ رايحه فين متأخر كده

ماما : بدموع مش عارفه بس عايزه أطلع.،، هاخد فرح معايا

إسراء: إللى يريحك ي ماما بس خدي تلفونك معاكِ

ماما : حاضر ي إسراء، يلا ي فرح

تسنيم: ماما أنا نفسي اجى معاكِ

ماما : فضلت ساكته

يمني : خديها ي ماما علشان أنا هشرح ل إسراء الكلية و هى هتصدعنا

ماما : يلا ي ستي تسنيم

( كانت لسه فرح مش بتتكلم و كلنا بدأنا نرجع طبيعي ما عدا فرح ،، ما هي أكتر حد أتعرض ل الصدمة ..)

^^^ و إحنا بره^^^

ماما :بدموع إحنا اتفقنا أننا نكمل تعليم و نكون اشطر بنات صح ؟؟

تسنيم: اه

ماما : بتبص ل فرح إحنا اتفقنا ان إحنا هنشوف صعوبات كتير بس هنكون قدها .. علشان أنتوا جامدين.. اتفقنا إن كل حاجه هتعدي بس إللى هيفضل نجاحكم فى الكليات

تسنيم: صح

ماما : صح يا فرح ؟؟ كل حاجه هتعدي !؟؟

تسنيم: امم

ماما : حضنت فرح ,يعنى المفروض تتكلمي يا فرح تكملي .. متخليش العالم يدوس عليكِ .. عارفه مش شرط يكون الدعم ديما موجود من أقرب الناس ,ما هو مش كل الناس هتقف معانا و جنبنا .. بس شرط أننا نحس أن أحلامنا تستاهل نحارب علشانها ، بصوت عالى و عياط فررررح ردي عليا بقا

تسنيم بخوف : هاا طلع مين ؟؟؟!

يمني بدموع : بلاش تعرفوا أحسن.

تسنيم: حد تبع بابا ؟؟

إسراء: كأن هيخطفك صح ؟؟

فرح بصدمة: هااا!!!!!

يمني بصوت واطي وقلق: مش عارفه أقولكم أيه بس أنا هسقط السنه دي

تسنيم بصوت عالي : يالهوي ليه

فرح: طلع دكت*ور عندكم ؟

يمني بعياط جامد : اه للأسف

إسراء: وعرفتي إزاى؟؟

يمني : أنا قاعده فى المدرج مع أصحابي و بنتكلم لاقيت الواد الصايع داخل علينا ،البنات قالوا دا المعيد الجديد .. أنا سمعت كلمه معيد و تنحت 😲😲 لا عارفه أرد أقولهم إنى اتخانقت معه .. فضلوا يسالوني فيه آيه مالك؟! .. لحد ما بدآ يعرف نفسه و قال انه دكتور جديد و اس٦مه إبراهيم

تسنيم بضحك : ي حلاوتك ي إبراهيم

يمني : تعليمك ي أختي تعليمك هسقط أهو بسببك

تسنيم ب إبتسامة: أنا مالي يعم

إسراء: دلوقتى أنتِ مالك .. كملي ي حجه

يمني : هو ختم كلامه ب إن كل واحد فينا يعرف نفسه ،و أنا جسمي كله ارتعش معرفتش أعمل أيه و لا عرفت أطلع من المدرج ، فضلت سرحانة فى الدور إللى هييجي عليا هقوله أيه.. دا هو إللى هيقول البت إللى مش محترمة إللى اتخانقت معايا أهي ياالهوي.. لحد ما جه دوري

فرح بخضة : ها وقا *لك أيه؟

يمني : بدأت أعرف نفسي و أقول أنا يمني جايه من الصعيد و بدرس هنا ونفسي أدخل قسم جراحة سألني ليه قولتلها علشان هو القسم الصعب و الحمد لله دخل على البنت إللى بعدي

تسنيم: وقعتي قلبي ما هو طلع نسي أهو

يمني : كله عرف نفسه و بعدها شاور و قال أنت ِ تعالى هنا

إسراء بخوف : دا يقصدك أنتِ!!؟

تسنيم بعصبية: لا يقصد الجيران و بعد ما طلعتي عمل أيه

يمني : أخد إسمي علشان اشيل المادة

تسنيم: يااربي

يمني بعياط جامد اووي: مش عارفه أعمل أيه

إسراء: اهدى ان شاء الله فيه حل

( كلام يمني كان صدمة لينا كلنا. طب لو ماما عرفت هتعمل أيه دا مش بعيد تخلينا نرجع الصعيد فضلنا نفكر هنحل الموضوع ده إزاى لحد ما تسنيم قالت..

تسنيم: إحنا نقول ل خالكم ، أيه رأيكم.؟؟

يمني بصدمة: أيه خالك لا لا خالك لا

إسراء: مفيش حل غير كده.

تسنيم: هو لسه جاي من الشغل من شوية ، خمسة كده ماما هتروح مع فرح ل العلاج الطبيعي و إحنا نقوله إللى حصل

يمني بعصبية: أنا مش هقولك حاجه

إسراء: إحنا هنقوله ي ستي

** بعد ربع ساعه**

تسنيم بخوف : ي خالى إحنا عايزينك تساعدنا

خالى : عنيا ليكم عايزين أيه؟.

إسراء بتوتر : أنت تعرف حد فى كلية الطب ؟؟

خالى ب استغراب: كليه الطب ،، إللى أنتوا فيها ؟؟!!!

تسنيم: اه

خالى : ليه ؟؟؟

إسراء: قالت ل خالى إللى حصل ، بس الغريب ان خالى مزعلش من يمني ولا حاجه دا كان باين في عينه نظره الفخر بينا

خالى : الكلام ده حصل أمتي

يمني : النهارده

خالى : أعرف دكتور عندكم كبير و هروح معاكِ بكره و ان شاء الله الموضوع يتحل

يمني نطت من الفرحه : بجددد يعني مش هسقطت ؟؟

خالى : لا ان شاء الله، بس الغريب إنك ديما مش بتردي . لو حد ضيقك بتمشي و لا كأن حاجه حصلت

يمني بضحك : تسنيم هانم كانت قبلها ب يوم بتكلمنا ان مينفعش نسيب حقنا و لازم ..

خالى بضحك : هو الموضوع فيه تسنيم كده أنا اطمنت عليكِ

( فضلنا نحاول نتوه الخوف إللى جوانا ب كلامنا و نتكلم عن الكليات و المدرسة و كل واحده تتكلم على أصحابها و إللى بيحصل و فعلاً اليوم عدا )

**تانى يوم **

تسنيم: هاا طمنيني أيه إللى حصل

يمني بسعادة: يااها حصل كل خير

فرح: بجدد!!

إسراء: اخلصي قولي بقا بلاش رخمتك دي ، عملتي آيه؟؟

يمني : دكتور إبراهيم طلع من عندنا من الصعيد

فرح ب إبتسامة: بجددد !!

يمني : اه ي ستي و طلع عارف خالك كمان

إسراء: هيييي يعني مش هتسقطي

يمني : الحمد لله دا الواحد كان هيموت من الخوف

تسنيم: الحمد لله

يمني بضحك.: أوعى حد يمشي وراء كلام تسنيم هانم تانى

فرح بضحك : حصل

*** بعد فترة طويلة***

إسراء: ماما أنتِ لسه زعلانه

ماما بحزن : ٧٠ ٪ دى هتدخل بيها أيه

إسراء: والله تسنيم هتكون شاطرة فى حقوق

ماما بعصبية: حقوق أيه إللى تدخلها دي !!

إسراء: ي ماما هو ده نصيبها خلاص بقا

ماما بدأت تعيط

يمني بعصبية: هى عملت إللى عليها و ده قدر ربنا بقا إياك ِ تزعقي تانى بقا ولا تتكلمي معها

ماما: هى فين ؟؟

فرح : جوا منهاره عياط

ماما بدأت تتنهد من العياط : قدر و لطف

فرح : يلا ي ماما ندخل عندها ،، و بعدين أنا حلمي أكون محامية هنفتح مكتب أنا وهى

دخلنا ل تسنيم و حاولنا نهون عليها

ماما : ي بنتي يمكن تدخلي حقوق و تكون محامية شاطرة

إسراء: أو تكون فى القضاء

فرح بضحك : او نفتح مكتب مع بعض

خالى : مبروك ي حبيبتي و هتخرجوا النهاردة

فرح : هييي

ماما : لسه طفلة زى ما أنتِ

خالى: فيه خبر حلو عايز أقولكم عليه

ماما : يااها أخيراً هيكون فيه خبر حلو

( لبسنا و كنا مبسوطين و فضلنا نفكر خالى عايز أيه و إيه الخبر الحلو إللى ممكن يفرحنا ..)

*** و إحنا بره***

ماما : أيه الخبر الحلو؟؟

خالى : فيه عريس متقدم ل يمني

تسنيم نطت من الفرحة: بجدددد

إسراء: هو مين ؟؟

فرح : قول بقا ي خالى هو مين، حلو طيب شبه مين ؟؟

خالى : إيوه طبعا حلو

فرح : طب هو مين

خالى :...

يتبع....

فرح بسعادة: هااا مين العريس ي خالى؟

يمني بدهشة: عريس ليا أنا ؟؟

ماما: أنا مش موافقة غير لما تخلص تعليم

خالى بصدمة : يعنى أيه ؟؟

ماما : يعنى تخلص و تتخطب

خالى : عادى تتخطب ولما تخلص تعليم تتجوز

تسنيم ب سعادة: قول بس مين العريس و لو مناسب إحنا نقنع ماما

ماما: شاورت علينا اه قولهم العريس ما هما مستعجلين اووي على الجواز

( كلنا أستغرابنا من رد ماما .. إللى هو إزاى يكون ده تفكيرها .. بس ما هي معها حق .. لو يمني أتجوزت او إتخطبت مش هتهتم بالدراسة و بدأ الصمت علينا لما ماما صممت على قرارها لكن قطع الصمت ده خالى لما قال..)

خالى : و مين قال إنهم مستعجلين على الجواز و بعدين العريس هيساعدها تكمل تعليمها و دراسات عليا و كل إللى أنتِ عايزه هيعمله بس وافقي

إسراء ب إبتسامة: بجددد؟!! طب فين بقا المشكله يا ماما ، يلا ي ماما وافقي

فرح بضحك : أنا مش موافقة بقاا غير لما أعرف هو مين العريس ( هو الصغير ديما كده حاشر نفسه فى كل حاجه 😂)

تسنيم: و مين بقا طلب رأيك ان شاء الله 😅

فرح : ولا حد طلب رأيك أنتِ كمان

إسراء: يبقا عايزين رائ العروسة

خالى : أيه رأيك ي عروسة

ماما : مش لما أعرف مين العريس الأول؟؟

خالى : العريس دكتور إبراهيم .

فرح نطت من الفرحة : بجددد !!!!

تسنيم بسعادة: إزاى ؟!

إسراء بضحك : ما محبة الا بعد عداوة

تسنيم من الفرحة زغرطت : لولووووي

ماما : أيه الهبل إللي بيحصل ده ، بتزعرطي على أيه ي فرح هانم ؟؟

فرح : من الانشكاح إللى أنا فيه لولووووي 😂💃

إسراء بحزن : أيه ي ماما أنتِ لسه مش موافقة ؟؟؟

ماما ب إبتسامة: لا هفكر

فرح بسعادة: يمني هتكون أجمل عرووسة ي ولاد

(كلنا فرحنا اووي تقريباً نسينا مجموع تسنيم و فضلنا نضحك و نهزر طول اليوم لحد ما ماما قالت ..

ماما : بس لازم نأخد رائ أبوها

خالى بعصبية: هو يعرف إنه عنده ولاد بنات أصلا دا نسيهم

إسراء: بجددد ي ماما إياك ِ تعملي كده دا مش اب و لا يستاهل أننا نقول عليه كده

فرح بدآ يظهر عليها الزعل اووي : أنتِ بتتكلمي جداا ,؟؟ لا لا أكيد بتهزري ي بنات

ماما : بسسس خلاص مش هقول لحد ،.. يمني أنتِ أكتر حد عارف دكتور إبراهيم لو شايفه أنه مناسب يبقا مباااااارك ي حبيبتي

يمني : ...

خالى : السكوت علامه الرضا

إسراء: هيييي أخيرًا ي ولاد هيكون مننا عروسة

خالى : عقبال بقا ي إسراء ، دكتور إبراهيم هييجي الجمعة ان شاء الله

( من يوم الجمعة الصبح و إحنا بنستعد علشان مقابلة د إبراهيم ، إحنا كلنا نفسنا نشوف شكله اووي , ماعدا يمني ما هي عارفه .. كلنا نفسنا يكون عندنا أخ ولو دكتور إبراهيم كويس هيكون لينا أخ و سند و كلنا كنا مبسوطين اووي و داخلين طالعين نشوف يمني هتلبس أيه و هتعمل أيه ، هتحط ميكب أيه لحد ما خالى جه)

خالى بسعادة : يلا ي عروسة العريس بره

يمني بتوتر : هااا عريس مين !!؟؟

فرح بضحك : هنبدا الحكاية سرحان عريسك ي قمر يلا♥️

يمني : عريسي ؟؟!!

خالى : يلا ي يمني

تسنيم : إحنا لازم نطلع نشوف العريس .. ملناش دعوه

خالى بضحك : أنا حاسس إن أنتوا الأربعة هتتجوزوا نفس الشخص مش يمني بس الله هتتجوز

تسنيم: حصل المهم شويه كده و لو وافقتو هطلع اشطاا

( يمني طلعت بس كانت متوتره اووي .. ده طبيعي ل أى عروسة لكن معانا كان مختلف لأننا متعملناش قبل كده مع ولاد ، لا أخوات، ولا ولاد عم ،ولا ولاد خاله، كنا لوحدنا .. لكن خالى كأن بيحاول يهدي يمني و طبعاً عرفنا إنهم وافقوا لما خالى قال )

خالى : ي بناات تعالوا اأتعرفوا على خطيب يمني

( كلنا طلعنا و كان باين علينا الفرح اووي .. إحنا كنا عارفين إنهم هيوافقوا لان كل الناس شكرت فى إبراهيم.. تسنيم فضلت تزعرط و فرح و إسراء يحضنوا فى يمني .)

إبراهيم: باين حبكم ل بعض اووي ربنا يزيد المحبة

إسراء: إحنا روح واحده

فرح : شاورت و بتعد فينا و هى بتقول ١ ،٢ ،٣ ،٤ بس فى روح واحده

تسنيم : مبااارك ي دكتور ي زين ما اخترت

يمني بضحك : ومين يشهد ل العروسة

إبراهيم: و انا أمى بتحبني إنها وافقت عليا

ماما : ربنا يزيد المحبة

إبراهيم: ياارب

( و من هنا أتغيرت الحكاية بدآ يكون عندنا سند تاني فى الحياه .. دكتور إبراهيم مكنش فعلاً خطيب ل يمني بس دكتور إبراهيم كان إبن ل ماما و كان أخ لينا

*** بعد فترة ***

تسنيم: ماما أنا قررت أنزل تدريب مع دكتور كبير عندنا و فاتح مكتب محاماة كبير

ماما : ..

إسراء: ماما ساكته ليه؟؟

ماما : لأنى مش عارفه إللى هتنزل معه ده حد كويس ولا لا

إسراء: يعني أيه.. توقف حياتها علشان أنتِ خائفه عليها ؟!!

ماما : لا .. بس هفكر

تسنيم بعصبية: هتفكري فى أيه ي ماما هو أنا بقولك نازلة دسك-وو

ماما بصوت عالى : أنا مش ضد أحلامكم بس الواقع زفتتت فاهمين يعنى أيه يعني سهل حد يضحك عليكم ب كلمتين .. الدنيا بقيت أوسع و أوحش من زماان و ده إللى مخليني خايفه عليكم أكتر

( مكناش عارفين نرد ما هو هنرد على كلام ٩٩ ٪ منه صح )

تسنيم: بس ي ماما إحنا تقريباً فاهمين الصح و الغلط و إحنا مش صغيرين

ماما بعصبية: لا لسه صغيرين

تسنيم بزعل و دموع : خلاص ي مااما إللى حضرتك تشوفيه

ماما : مش عايزه حد منكم يزعل مني انا بس عامله عليكم والله مش أكتر

تسنيم: أكيد ي ماما مش زعلانة

*** بعد يومين ***

ماما داخله من بره : تسنيم فين ؟؟

يمني : فرحانه كده ليه

ماما : هى فين بس

تسنيم طالعه من جوه: فيه آيه ي مااما؟؟

ماما :

....

رواية لمة عيلة الفصل السادس عشر

يمني بدهشة: ماما فرحانة كده ليه !!؟!

ماما بفرح : هى تسنيم فين بس ؟؟

تسنيم طالعه من جوه : أيه ي ماما ؟؟

ماما بسعادة: عارفه ي سمسمه عملت إيه علشانك ؟

تسنيم ب استغراب: علشاني؟!!!

ماما: عارفه هتنزلي تدريبي مع مين ؟

تسنيم: فضلت مسهمة كده شوية إللى هو إزاى ماما وافقت إنى أنزل التدريب..

فرح : أنا عرفت هى هتنزل تدريب مع مين

يمني : وأنا شبه عرفت برضو

تسنيم بضحك : ي غبائي ي أنا ، أنا مش عارفه قولوا طيب ي ولاد

فرح : مع عمو عمر صح ؟!

ماما بسعادة: اه ، أيه رأيك ي تسنيم

تسنيم نطت من الفرحة : هو وافق أنزل أتدرب معه ؟؟!!ده أكبر من المكتب إللى كنت هنزل فيه

فرح : ماما إحنا بنحبك اووي ( هو عالطول الصغيره كده بيحلج و بيكسب كبير العيلة 😅)

ماما : ها مبسوطة ي تسنيم؟

تسنيم: حضنت ماما بسعادة مبسوطة اووي ي ماما

ماما : ربنا يوفقكم كلكم ياارب

( كلنا فرحنا اووي ل تسنيم ما هو نجاح أى حد مننا بيعتبر نجاح لينا كلنا ، من زمان ماما معلمنا ان إحنا أيد واحده مفيش فرق بين حد فينا )

**تاني يوم**

عمو عمر : مبسوط اووي إنك جيتي ي تسنيم

تسنيم بدهشة: هااا بتكلمني أنا؟

عمو عمر ب أستغراب: لا بكلم نفسي ، هو فيه مين فى المكتب غيرك

تسنيم: اممم ، شكرأ

عمو عمر ضحك : شكرأ 😅 ، أنا بقولك أيه جو إنى مدير و كده مش معاكِ أنتِ بنت أختي ، و بعدين بقااا لازم تنجحي و تكوني حاجه علشان بصراحة كده الحجة أمك مش واثقه فيكِ ف أنتِ لازم تثبتي العكس بقا .. ولا إيه

تسنيم: ..

( أنا كنت فاهمه كلام عمو عمر هو مش قاصده إن ماما مش بتحبني بس ماما كان توقعها ليا عالى اوي ، ما هو أنا كان حلمي طب ... بس ظروفي كأنت مختلفةٌ .. مش هينفع أقولك ظروف لان النجاح مش بيتوقف على الظروف .. بس يمكن نصيب أكتر من كونه ظروف )

عمو عمر : لازم تكوني محامية اد الدنيا

تسنيم: إيوه طبعاً لازم أكون أشطر محامية

عمو عمر : ربنا يكرمك

تسنيم: أول قضية أيه بقا ؟؟

عمو عمر بضحك : استني بس معاذ هييجي يعرفك على اساسيات التدريب

تسنيم بحزن و دهشة و خوف : هااا معاذ مين

عمو عمر بضحك : لا متخفيش دا إبني

تسنيم: شغال هنا مع حضرتك ؟؟

عمو عمر :اه

( اتعرفت على كل حاجه مع معاذ .. هو كان شخص لطيف اووي و محترم بس أنا كنت مكسوفه زيادة عن الزوم مكنتش عارفه أتكلم و لا أرد فى أي حاجه كنت بشاور ب رأسي بس لدرجه إنى حسيت أنه يحسبني خرسه😅، بس مكنش ده المهم بالنسبة ليا كان الأهم هو طموحي و أحلامي و إنى أكمل و فعلاً انبسطت اووي و كأن يوم جميل و أتعلمت حاجات أهم ب كتير من النظري إللى فى الكلية )

** فى البيت **

إسراء: إيوه بقاااا الباشا جاي مبسوطة من أول يوم تدريب

يمني بسعادة: هااا عملتي آيه

فرح بضحك : يلا قولي خبرتك بقا علشان استفاد منك

تسنيم بضحك: براحة عليا طيب 😅

( قولتلهم كل إللى حصل بس يمني قالتلي حاجه غريبه اووي مكنتش فاهمه هى تقصد بيها أيه غير لما الموضوع أخد وقته و بدأت أفهم

يمني : ي تسنيم إحنا جايين هنا نتعلم فاهم يعنى أيه ، أنا نصيب كان هنا و إنى اتخطبت ل إبراهيم.. أنتوا نصيبكم ممكن ميكنش هنا

تسنيم بعصبية : أيه كلامك العبيط ده؟

يمني : ي بنتي بقولك بس لأنى عملت ب كلامك فى أول مره يوم ما شوفتيني مع احمد زميلي

تسنيم بصوت عالى و عصبية: لا بجد مش فاهمه !!؟؟؟

إسراء: بصي ي ستي بدون لف و دوران إبن عمو عمر ده إحنا مش عارفين هو محترم ولا لا ،و حتى لو أنتِ شايفه إنه محترم بلاش تاخدي راحتك معه

تسنيم بعصبية: بقولكم اتكسفت أتكلم معه

( بس كلامهم فعلاً كأن صح وكأن فى وقته لأنى كنت حاسه ب ميول ل معاذ , يمكن مش حب من أول نظره بس يمكن كأن مجرد آعجاب ،و كأن كل الكلام إللى قولته ل يمني أول ما شوفتها مع الولد زميلها ،أفتكرت إللى أنا فيه دلوقتي و أفتكرت الايه دي وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ )

* اليوم التالي *

عمو عمر : تسنيم معاذ بره خليه يساعدك فى..

تسنيم: بصراحة ي عمو عمر أنا نفسي اووي أتعلم منك أنت أكتر ولو حضرتك مش فاضي ممكن ابقا اجى لما ..

عمو عمر : ليه بتقولي كده؟؟!

تسنيم:..

عمو عمر : تسنيم أوعى يكون معاذ عملك حاجه

تسنيم بسرعه : لا والله ي عمو عمر دا ابنك محترم

عمو عمر فهم إنى مش عايزه أتعامل مع معاذ: خلاص خليكِ معايا هنا فى المكتب

تسنيم بسعادة: عموماً هاجي ساعتين بس علشان مكنش تقيلة على حضرتك ( أنا مش , مش عايزه أتعامل مع ولاد بس على الأقل أتعامل وأنا عندي وعى كامل يعني أيه أتعامل ب إحترام، أنا حد كان مقفول عليه الباب كان كل حاجه فى حياته التعليم وبس ، حسيت إنى كبرت مره واحده و بقيت انسه ..( و ده تقريبا شعورنا كلنا)

** فى البيت **

فرح : بت ي تسنيم فرحانة كده ليه؟؟

تسنيم: أنتوا كلكم مبسوطين كده ليه ؟!! حاسه ان فيه حاجه عايزيني أعرفها!!

يمني بضحك : قولي أنتِ بس مبسوطة ليه الأول 😅

تسنيم ب إبتسامة: علشان قررت إنى مكلمش معاذ تانى و إن كلامي كله هيكون مع عمو عمر

يمني نطت من الفرحة : بجد مبسوطة اووى

تسنيم ب دهشة: أنتوا بقا مبسوطين ليه ؟

فرح : امم إبراهيم حدد الفرح

تسنيم بصدمة و سعادة: هاااا بجد أمتي أمتي !؟؟؟؟

إسراء: بعد شهرين

تسنيم: إيوه بقاااا هيكون عندنا عروسة

إسراء: إسراء و أجمل عروسة

يمني : حبايب قلبي

فرح بضحك: بس عايزين نبقا نشغل أغنية اجدع صحاب

يمني بضحك : هو أى هبد و السلام.. هنشغل أغنيه الأخوات

تسنيم: أهم حاجه نعمل فرح حلو 😅

إسراء: بس مش عارفه بقا ماما هتعزم أهلنا ولا لا !

فرح : فيه حاجه أهم عايزه أعرفها

تسنيم ب أستغراب: أيه؟؟

فرح : ماما هتجيب الحاجات الناقصة من أين لما مفيش فلوس

إسراء: هتبيع أرض من أرضها

تسنيم: والله ضحكتيني خالك إبن.. هيخليها تبيع أرض دا أنتوا بتحلموا

يمني : فعلاً ماما قالت ل خالكم

فرح : هاا قالها أيه

يمني:..

....

يمني بحزن : ومين قال إنها مقلتش ل خالكم ي حلوين!؟

تسنيم بسرعة: طب قالها أيه؟؟ هيشتري؟؟!!!!

يمني بحزن : إبن.. عايز يجوز إسراء ل البيه إبنه.

فرح رفعت حجابها ومعجبهاش الكلام : طبعاً أمك مش هتوافق على الهبل ده

يمني : ي بت أنتِ عبيطة توافق أيه؟؟

تسنيم: و آيه الحل؟؟

يمني : معرفش بقا

إسراء: ربنا معانا و أكيد فيه حل

خالى جى من بره: أمكم فين ؟؟

فرح : نزلت من شوية

خالى : لما تيجي ..

تسنيم: أهي جات أهى

خالى : أزيك ي ام يمني عاملة أيه

ماما : أنا كويسه,أنت إللى شكلك مش كويس فيه آيه؟؟؟!!!

خالى : ..

ماما : فيه آيه!!؟؟؟

خالى : أخوكي البيه الكبير

ماما بضحك : عايز أيه متقلقش أنا اتعودت على تصرفاته

( كلنا عرفنا خالى و جبروته ف مفيش أى حاجه بعيده عليه و على الظلم إللى بيعمله فينا ..)

فرح بضحك : قوله العروسة و أمها مش موافقين على الجواز

خالى : بصى ي أختي والله لو كان معايا فلوس مكنتش خليتك فكرتي تبيعي الأرض

ماما بحزن : عارفه والله , قالك آيه قول عالطول

خالى : هيشتري الارض لكن ..

تسنيم بعصبية: قول ي خالى إحنا اتعودنا على الظلم خلاص.،مفيش أقسى من إنك تكون بتكلم بنات ابوهم مش عارف عنهم حاجه

خالى بدموع : هيشتري الأرض بنص التمن

ماما بدموع : حسبي الله ونعم الوكيل

فرح : أوعى تعملي كده .. أكتر حاجه بكرها فى حياتي هى الاستغلال

تسنيم ب إبتسامة كلها حزن: فيه حل تانى ؟

ماما : على رأيك ي تسنيم مفيش حل غير ده

يمني : ماما بيعي نص الأرض بس

خالى : أنا مع رائ يمني

ماما : أهم حاجه الفلوس تكون موجودة قبل إسبوع

خالى : ان شاء الله

( كلنا زعلنا اووى ما هو أصعب حاجه ان الاستغلال ييجي من السند .. و الظلم ييجي ب أبشع الاشكال كده لا و كمان من الخال إللى هو الاب.. ولا اب أيه اما الأب هو سبب كل الخذلان و الحزن ده .. مكنش فيه أى كلام يوصف شعورنا كلنا غير الصمت .. فضلنا ساكتين كل واحد أخد ركن من الاوضة و بدآ يذاكر بس هيذاكر إزاى وسط كم الضغط النفسي ده.. لا لازم نذاكر علشان نكون حاجه... )

فرح : ماما أنتِ لسه بتعيطي و مش عايزه تأكلي ؟؟!

ماما مسحت دموعها و تنهدت : ولا بعيط ولا حاجه ي فروحه

فرح بضحك: خلاص بقا ي ماما .. بكره نشتري أرض كتير .. ولو اشتغلت محامية ي ستي ليكِ عليا اجبلك الف فدان ما أنا هكون مليونيريه كبيره 😅😅( معايا فلوس كتير)

تسنيم بضحك: وأنا كمان بس أنا إللى هشغلك معايا ,علشان أنا الكبيرة

يمني بضحك : وأنا هكون دكتوره و هاخدك ي ست إسراء تشتغلي معايا

إسراء: ان شاء الله

ماما بحب و حضنتنا : أنتوا بجد أغلى ما ليا

فرح : أنا جعانه اوووى

تسنيم بضحك : دى الوحيد إللى عماله تأكل ولا فارق معه أى حاجه

فرح بضحك: ما أنا بأكل من غير نفس

إسراء بضحك : دى كل شويه تجيب آكل من جو و تيجي تعزم علينا و كأننا فى مطعم مش فى مصيبه

ماما : مفيش مصيبه طالما أنتوا بخير

يمني : يلا ي حلوين نقوم نعمل الآكل

إسراء: يلا

(قمنا عملنا الآكل و بدأنا نهون على نفسنا ما هى دى الدنيا ،لو مهوناش على نفسنا هنموت من الزعل و الحزن ، ما هو فيه ناس على هيئة شياطين )

*بعد اسبوع*

ماما : ي بنات خالكم جاي النهارده علشان يشتري الأرض

يمني : اه لكن إحنا هننزل الكلية ملناش دعوه

ماما: اه، ربنا معاكم و كل واحد يكمل يومه عادى

( نزلنا كلنا كل واحد راح يشوف مصلحته لكن كأن جوانا خوف على ماما بس ما هو خالى التانى هنا ..)

**

يمني بدهشة و توتر: سلام عليكم

خالى : أزيك ي بنت أختي

يمني ب إبتسامة: هه بنت أختك

خالى : أيه طريقه كلامك دي ي يمني

يمني : هو بجد حضرتك بتسأل؟

(ماما بصت ليا بصه بدأت أخاف)

يمني : الله يسلمك ي خالى ، أنا داخله آكل ي ماما جايه من الكليه تعبانه

خالى بدهشة: أنتِ في كليه؟؟!!

ماما : اه يمني فى كليه الطب

خالى بصدمة: إللى هو إزاى؟!!!!!

ماما : اه نسيت أقولك إنى كنت عايزه أبيع الأرض علشان جواز يمني قرب

خالى بعصبية: من غير ما تقولي

ماما : و لو قولت هيفرق معاك فى حاجه؟؟!

خالى :..

ماما : هتتجوز معيد عندها فى كلية الطب

خالى :اه مبروك سلام عليكم

يمني : و عليكم السلام

( خالى كأن باين عليه الزعل .. مش عارفين هو زعل من إنى هتتجوز وهو مش عارف ولا زعلان إنى هتجوز حد كويس )

فرح : خالى جه؟ ولا لسه؟

يمني : جه ولسه ماشي

تسنيم: عملتوا أيه

ماما : الحمد لله إنكم دخلتوا بعد ما مشي

فرح : أيه إللى حصل؟؟

يمني : قولتلهم كل إللى حصل

فرح بضحك : جته داهية يعنى المفروض كان أشتري الأرض ب فلوس كتير بقا علشان أنتِ هتتجوزي لا وكمان معيد فى كلية الطب

يمني : والله العظيم دا أنا كنت حاسه أنه هياكلني

إسراء: الأهم أننا عندنا عروسة

يمني : لولووووي أنا مش مصدقة أصلا

فرح : ربنا يكمل فرحتك على خير

يمني : ياارب

** بعد فرح يمني**

فرح بحزن : هو إزاى نقول ل بابا على جواز يمني و ميجيش

تسنيم: كنت متوقعة أنه مش جاي ، بس قولت ماما تحاول وخلاص

ماما بعصبية: وياريت ما حاولت

إسراء بحزن و استفهام: هو مش عنده قلب ؟؟

ماما بدموع : هو لو كان عنده قلب كان نسى أنه عنده أربع بنات

إسراء: على رأيك ي ماما

ماما : بسم الله ما شاء الله بيقولوا مراته جابت ٣ ولاد و كباار

تسنيم:ربنا ياخدهم هم و ابوهم الظالم ده

فرح : ياارب

ماما : تسنيم عيب متدعيش على ابوكم

تسنيم: أنا همشي أحسن، لأني عندي مرارة واحده ، سلام عليكم.. عندى تدريب

ماما : ربنا يكرمك

تسنيم: سلام

***

تسنيم: ازى حضرتك ي عمو عمر

عمو عمر : الحمد لله إنك جيتي كنت لسه جاي عندكم

تسنيم بخوف : ليه فيه آيه

عمو عمر : مجيش عندكم يعنى ي تسنيم

تسنيم: لا مقصدش ، بس أقصد ان مفيش حاجه حصلت

عمو عمر : حصل كل خير ي بنتي

تسنيم بدهشة: فيه قضية جديد وأنا إللى هبدا فيها ؟؟ و لا أيه ؟؟

عمو عمر : لا عايزك فى موضوع تانى خالص

تسنيم بتوتر: موضوع أيه؟؟!!

عمو عمر : هو مش أنا بالظبط إللى عايزك

تسنيم: بصراحة مش فاهمه حضرتك !؟

عمو عمر : بصي وراه هو ده إللى عايزك

تسنيم بدهشة و خوف و توتر : هاا

عمو عمر:...

....

تسنيم بدهشة:هااا مين ؟

عمو عمر ب أستغراب : فيه آيه مالك اتخضيتي كده ليه ؟!!

تسنيم بثبات : أيه لا عادي متخضتش ولا حاجه

عمو عمر : مش عايزه تعرفي معاذ عايز أيه؟؟؟

تسنيم: لا ..قصدي لا معرفش هو عايز أيه

معاذ ب إبتسامة : تتجوزيني ي تسنيم

تسنيم بعصبية: هاااا معرفش

عمو عمر ضحك : أنتِ شكلك أتفاجئتي صح؟!

تسنيم ب إبتسامة: مش كده وبس .. لا دا المفروض الكلام ده يكون مع ماما مش معايا ولا إيه ي عمو عمر

عمو عمر : ي بنتي أنا عارف الأصول لكن قولنا نقول ليكِ لو أنتِ موافقة نكلم ماما و..

تسنيم: ..

معاذ بضحك : طب نفهم من كده إن السكوت علامة الرضا؟

عمو عمر : طب نكلم ام يمني ولا لا؟؟

تسنيم: ..

عمو عمر بضحك : يبقا هو فعلاً السكوت علامة الرضا

معاذ : طب معايا قضية كبيرة و محتاج مساعدتك هتيجي معايا؟

تسنيم بضحك: لا طبعاً أناا عايزه قضية جديد و لوحدي بقا و آشوف هنجح فيها ولا لا .. أكيد طبعاً حضرتك إللى هتترفع فى القضية ي عمو عمر .. بس إللى أقصده إن أنا إللى هجيب المعلومات من المتهم و كده

عمو عمر بضحك : وأنتِ بقا ي ست تسنيم هتعرفي تجيبي معلومات من المتهم !!؟؟

تسنيم بضحك : ييي سيبلي أنا الطلعة دى بنتك شاطرة هتعجبك

عمو عمر بضحك : طب على الله.. بس ي تسنيم أنتِ عارفه إن المكتب كبير و مينفعش فيه أى غلطه

تسنيم: متقلقش ي عمو عمر ان شاء الله هنجح

( مش هنكر إنى كنت خايفه أتحمل قضية لوحدي بس ديما كأن الدفع ليا كلام ماما إن أى حاجه صعبه بنتعلم منها أكتر بكتير من السهل و بدأت أسأل عن القضية و أحاول أفهم أكتر و أجمع معلومات

تسنيم: القضية تخص أيه ي عمو عمر

عمو عمر : قضية خلع ل زوج

تسنيم: هااا ( بدأت أسرح و أرجع ب الزمن من كام سنه و أنا فى نفس الموقف و عمالها أسأل ماما يعنى إحنا كده خلاص مش هنشوف باابا تانى ، يعنى هو مش بيحبنا علشان إحنا بنات ، طب هو ذنبنا أننا بنات؟!! ، ي ماما آيه ذنبك إنك تكونى مطلقة؟! شعور صعب اووي و فضلت ساكته لحد ما فوقت على ..

معاذ : أيه ي تسنيم القضية صعبة عليكِ ولا إيه, عادى أنا هاخدها و آشوف ليكِ قضية أسهل بس أهم حاجه متزعليش

عمو عمر : لا أنا عارف تسنيم بتفكر في أيه ،و واثق إنها هتكسب القضية ، الام عايزه تطلق لان جوزها أتجوز عليها مرتين و..

تسنيم ب استفهام: علشان كلهم بنات؟؟!

عمو عمر ب إبتسامة كله حزن : لا علشان هو بتاع حريم و بيشرب مخدرات

تسنيم ب إبتسامة: أنا اد القضية و هتنجح ان شاء الله

معاذ : الأهم موضوعي بقا هنعمل فيه آيه

تسنيم ب أستغراب : موضوع أيه.. أنت التانى عندك قضية صعبة؟!

معاذ ضحك : تسنيم متعمليش عبيطة موضوع جوازنا

تسنيم: ااااه جوازنا

عمو عمر : هنروح نشرب شربات مع ام يمني النهاردة

(تسنيم كنت مبسوطة اووى و كأن خلاص هانت و هفرح و هبدا حياه جديد مختلفة مع شخص كويس و كمان بدأت فى أول قضية ليا و ده كان مفرحني اووي أول حلم من أحلامي بيتحقق و هكون محامية كبيرة يعتمد عليا مش عارفه جايبة الثقة دى من أين 😅بس عمو عمر معايا و مش هيخليني أخسر أكيد و بدأت أول ملف من القضية و إنتهاء اليوم على الساعه خمسة و رجعت البيت )

*** فى البيت

فرح : الهانم مبسوطة كده ليها

تسنيم بسعادة: أفندم يعنى مفرحش .. أخدت أول قضية لوحدي

إسراء: دا إللى هو بجد

تسنيم بسعادة: اه بجددد

فرح : بجد فرحت اووي ربنا يوفقك ي حبيبتي

إسراء: محتاجة مساعده إحنا معاكِ

تسنيم: 😅😅 لا لا اما نشوف فرح هتعمل أيه السنه دى فى الثانويه و اخدها معايا القضية الجاية

فرح : حقوق ان شاء الله

ماما بضحك: إللى يشوفك و أنتِ بتتكلمي كده يقول عايزه تدخلي طب دى حقوق بتقبل من ٦٠ ٪ ي هانم

فرح بضحك : حلوه و عجباني هكون أغنى من يمني و إسراء الدكاتره و هتشوفي ي ماما

ماما بضحك : فى دى معاكِ حق

تسنيم: أنا داخله أنام شوية

ماما : فيه حاجه حصلت النهارده مع عمك عمر !!!؟؟؟

تسنيم بصدمة: هاا بتكلميني أنا ي ماما؟!!

ماما بعصبية: عملتي آيه النهاردة .. قولى و متخفيش علشان لما ييجي يقولى أكون عندى خلفية أنتِ عملتي آيه

تسنيم: والله معملتش حاجه خالص ،بس ليه بتسأليني

ماما : علشان عمك عمر كلمني و سأل أنا فى البيت ولا لا ، و قال انه جاي يشرب معايا الشاى هو و إبنه

تسنيم: معرفش بس والله أنا معملتش حاجه

فرح غمزت ل تسنيم: احممم متعرفيش برضو ، قولى فيه آيه

تسنيم بعصبية: اه معرفش لما ييجي ابقا اسأليه .. قوليله أنت جاى ليه

فرح بضحك : اه هسأله 😅 ولا أقولك هو هيقول جاى لسه من غير ما أسأل

تسنيم بضحك: دا أنتِ غرابة ي فرح ، أنا داخله أنام

(فضلت نايمة كتير اووي و كأني كنت فى غيبوبة لحد ما لاقيت فرح داخلة تصحيني

فرح : تسنيم اصحي بسرعة

تسنيم: تؤتؤ عايزه أنام سيبيني بقا

فرح بضحك : اصحي ده مش وقت نوم فيه عريس بره

تسنيم: قعدت زى القرد و اتعدلت هاا عريس مين

فرح بضحك : دا على أساس إنك مش عارفه

تسنيم رفعت حجابها و بثبات : اه مش عارفه و مش عايزه أعرف

فرح بضحك: العريس معاذ إبن عمو عمر عملتيها إزاى دى الواد باشا

تسنيم: طب ماما قالت أيه

فرح : هو أصلا ماشي

تسنيم بحزن : هااا ماشي

فرح : اه

تسنيم بحزن : ليه

ماما دخلت : أزيك ي تسنيم

تسنيم: الله يسلمك ي ماما

ماما بزعل : تسنيم عايزه أقولك..

تسنيم: فيه آيه..

ماما : فيه عريس أتقدم لك لكن..

....

تسنيم بخوف : عريس؟ و عملتوا أيه!!؟؟

ماما : العريس معاذ

إسراء بعصبية و صوت عالي: طب هى ذنبها أيه.. نفس أعرف أيه الجهل بتاع زمان ده

ماما رفعت حجابها و بصت ل إسراء : أنا قولت إللى عندى

تسنيم ب أستغراب: أفهم طيب فيه آيه !؟

إسراء بعصبية: أنا السبب ي ستي

تسنيم بتوتر : أيه أنتِ السبب .. طب إزاى و ليه؟؟!!!

ماما : أنا معنديش موضوع إن الصغيرة تتجوز قبل الكبيرة، لو هتفهموا ان ده جهل ف هو كده .. و بعدين أنا واثقة ان إللى بيحب حد بيحارب علشانه و هو لو بيحبك هيستنى

إسراء بصت ل ماما بصه كله زعل : و هو ذنبه أيه يستنى ، ذنبه إن أختها الكبيرة لسه نصيبها مجااش و لا يستنى لما إللى بيحبها تكبر ، يستنى أيه ردي عليا !!

(تسنيم تنهدت كده ما هو فعلاً عندهم حق إللى هو أنا إزاى فكرت فى نفسي بس و إزاى نسيت إسراء هو مش جهل زى ما إسراء بتقول بس إحنا إللى فى مجتمع غريب ما هو فعلاً لو أنا اتخطبت إسراء هيطلع عليها كلام كتير ، طب فكنا من هنا و أننا حالياً عايشين فى مجتمع راقي شوية .. لو جه وقت و نزلنا الريف كم الضغوطات إللى إسراء هتمر بيها مش سهل فضلت أفكر كتير لحد ما قولت

تسنيم بضحك : والله ضحكتوني و مين قال إنى عايزه أتجوز دلوقتى دا أنا لسه طفلة فى العشرينات

إسراء بضحك : كلنا نفس العشرينات

فرح بضحك : أنا لسه عشرين الا😂

ماما ب إبتسامة ما بين الخوف و سعادة :يعني أنتِ مش زعلانة ي تسنيم

تسنيم بضحك : إللى عايزنا يحاول علشانا ألف مره

ماما : بصراحة أنا زعلانه إنى رفضت و كمان لان معاذ كويس لكن..

تسنيم بعصبية: ماما أنتِ عملتي الصح ، وعالفكره بقا لو أنتِ و وافقتي أنا كنت هرفض علشان موضوع إسراء

ماما : ربنا يفرح قلوبكم و يرزقكم ب الأزواج الصالحين

فرح : يااارب

تسنيم بضحك : فرح أنتِ عايزه عود كبريت وبس كده 😅

إسراء: حصل 😅

تسنيم: هو إزاى نتيجة الثانويه العامة بانت

فرح بخوف : دا إللى هو بجد ؟!

تسنيم: رقم جلوسك كام

فرح : ٩٩٢٩٨٢

تسنيم بضحك: مبرووك ي ام حقوق

فرح بضحك : بجدد .. ام حقوق دا على أساس إنك فى طب ي تسنيم هانم

ماما بضحك : لا تعايرنى ولا أعايرك الهم طايلنى وطايلك

تسنيم بضحك : هم أيه ي ماما دا إحنا هنبقا معانا فلوس بالكوم

ماما بضحك: إتوكسوا أنتوا الاتنين

تسنيم: الأهم هتدخلي حقوق فين

فرح : معاكِ

تسنيم: العب يبقا كده كملت

فرح بضحك : أفندم عندك مانع ولا خايفه آشوف بتعملي أيه هناك و اجي أقول ل ماما ها!؟؟😂

تسنيم بضحك: إحنا هنبدا كده .. سكوت سكوتتت بقا كده مجموعك مش هيجيب هنا انزلي الصعيد بقا ولا تسكتي و نكلم ماما فى حقوق انتساب 😂

إسراء ضحكت بصوت عالى: ماما طالعه بره

تسنيم: تعالوا نرخم عليها

إسراء: يلا

( طلعنا عند ماما و فضلنا نضحك ل الصبح و نرغي كتير و كنا مفتقدين يمني اووي لكن هى كلمتنا علشان تشوف فرح عملت إيه..)

* بعد اسبوع *

خالى: عمر كلمني تانى امبارح عالفكرة

ماما : ليه تانى!!؟

خالى : بصى ي أختي حتى لو مش موافقة على الفرح دلوقتى يعمل خطوبة

تسنيم: أنا مش موافقة ي خالى حتى لو ماما وافقت

خالى : علشان برضو نفس الموضوع ولا علشان حاجه تانى ؟!

تسنيم: اه ي خالى إزاى أتجوز و إسراء الكبيرة. وبعدين هو نصيب

خالى : أنتِ نصيبك جه دلوقتى إسراء لسه نصيبها مجاش

تسنيم: ي خالى مش عايزه الموضوع ده يتفتح تانى خاصةً علشان إسراء متزعلش .. و عالفكرة لو هو بيحبني هيستنى

خالى : أنا تعبت معاكِ أنت و أمك فعلاً "إقلب القدرة على فمها تطلع البنت لأمها"

تسنيم بضحك: إيوه هو ده و هو انا أطول أكون زي القمر ده

خالى بضحك : سلام عليكم أنا طالع بره

تسنيم: تيجي بالسلامة

( كنت عارفه ان الحكاية مع معاذ منتهتش لان إللى بيحب حد بيعرف يستنى ، إللى بيحب حد بيعرف يعمل ألف حاجه علشان يكون معه فى الأخر .. هو أنا فعلاً مش عارفه هو معاذ بيحبني اد أيه..بس إللى واثقة فيه إنى لازم احافظ على حبي ل أختي ما هو أى حاجه هتتعوض الا هم ..دول أكتر ناس بتقف معايا فى كل حاجه ،كل حاجه وحشة فى حياتى عدت بيهم من غيرهم مكنتش هعرف أعمل أي حاجة)

تسنيم: ماما عمو عمر بيتصل عليا أرد

ماما : اه ي حبيبتي ردي عليه

** فى المكالمة**

تسنيم : أزيك ي عمو عمر

عمو عمر: الله يسلمك ي بنتي

تسنيم: حضرتك عامل أيه

عمو عمر : الحمد لله.. الأهم يعنى مش بتيجي المكتب من ساعت ما إحنا جينا عندكم

تسنيم بدهشة: أيه.. هااا

عمو عمر : أنا فاهمك ي بنتي و فعلاً إللى أنتِ عملتيه ده هو الصح .. بس حبيت أقولك ان معاذ نزل شهر الصعيد علشان عنده قضية هناك تعالى كملي القضية إللى معاكِ

تسنيم بسعادة: بجددد .. يااها بجد فرحت اووي

عمو عمر : هستناكي

تسنيم: من الصبح هكون عند حضرتك

عمو عمر : تنوريني

( كم السعادة إنى هكمل حلمي فرحتني اووي و فعلاً كملت القضية و نجحت الحمد لله)

** بعد ٣ أسابيع**

خالى بسعادة: أمكم فين

فرح: نزلت .. فيه آيه حاجه حلوه؟؟! شكلك فرحان !!؟

خالى : اه خبر حلو

تسنيم: طب إيه!!؟

خالى : لما أمكم تيجي بس

إسراء بضحك : هدخل أكلمها تيجي عالطول

خالى بضحك : جات أهي

ماما : فيه آيه !؟

خالى بسعادة: احممم فيه عريس ل إسراء

إسراء بدهشة وضحك : إللى هو أنا

خالى بضحك : مثلا. إحنا عندنا كام إسراء

ماما : مين

خالى : جارنا إللي فى عماره ٢٢

ماما : شافها فين

خالى : وهى نازلة الكلية مع فرح

ماما : ..

خالى : محترم و في كلية هندسة

ماما بخوف : لكن أنا لسه طالعه من جواز يمني و..

خالى : مش مشكلة الفرح يبقا بعد سنه

فرح : يلا بقا ي ماما عايزه البس فستان

تسنيم: لولووووي عند فرح اجدعان

ماما رفعت حجابها: مش عايزه إسمع صوت حد فيكم ، أدخلوا جوه

( كلنا بدأنا نخاف ليه ماما مش موافقة و آيه السبب و ليه مش باين عليها إنها فرحانة دى كانت لسه بتقول عايزه أجوزكم و أطمن عليكم قطع الصمت ده خالى لما نادى

خالى : تسنيم

تسنيم: أيه ي خال جايه أهو

خالى : تسنيم بكل وضوح عمك عمر عمال يتكلم علشان جوزك من معاذ .. و بعدين مفيش فلوس نعمل فرحك أنتِ و إسراء

تسنيم: ..

خالى : المهم لو عمك عمر سألك هتقولي أيه

تسنيم بضحك : أنا هكلم عمو عمر .. وافقي على جواز إسراء ي ماما.. و عمو عمر أنا هتكلم معه

ماما بعصبية: هتقوليله أيه!!؟؟؟

تسنيم: معرفش بس أكيد فيه حل .. ودخلت أجري على إسراء لولووووي عندنا عروسة

فرح بسعادة: بجد !!!

تسنيم: اه .. الجمعة الجاية العريس جاي

( و فعلاً إسراء اتخطبت .. و إللى كنت خائفه منه حصل بعد خطوبة إسراء و فى مكتب عمو عمر )

عمو عمر : تسنيم قولى الحقيقه

تسنيم بدهشة: حقيقة أيه!!

عمو عمر : أنتِ مش عايزه تتجوزي معاذ !!

تسنيم: بدهشة أيه.. قصدى حضرتك قولت كده ليه ؟!

عمو عمر: علشان خالك بيتهرب كل لما بفتح معه الموضوع ... مره يقولى علشان إسراء الكبيرة و مره علشان..

تسنيم بحزن : بص ي عمو عمر أنت عارف ظروفنا المادية و بدون أى مقدمات مش هينفع أتجوز مع إسراء لو معاذ إبن حضرتك هيقدر يستنى لمده سنتين ف اعتبرنى موافقة لو مش هيقدر ربنا يرزقه ب الأحسن منى

عمو عمر :..

تسنيم بحزن و الدموع فى عيني : عمو عمر معلش هو أنا ممكن أمشي النهاردة لأنى مش قادره أكمل شغل

عمو عمر : أنا برضو هاخد رأى معاذ و هرد عليكم

( رجعت البيت بس كان صعبان عليا نفسي اووي ..طب هو فين بابا من كله ده دا معه فلوس قد كده المفروض أنه يكون جنبنا ولا يكون جنب مين دا سابنا و إحنا أطفال )

**فى البيت**

فرح : تسنيم فيكِ أيه ؟!

تسنيم: هاا مفيش

فرح : لا فيه !

تسنيم بعصبية: قولت مفيش حاجه ي فرح

فرح : أنا كنت ناوية أقولك خبر حلو

تسنيم بحزن: أيه

فرح : لا ما خلاص بقا مش هقول قبل ما تقولى مالك زعلانه ليه

تسنيم: بدأت أعيط و أقولها إللى حصل

فرح بضحك : طب لو قولتلك ان ربنا بيحبك و فيه حل

تسنيم بدهشة: مش فاهمه

فرح بسعادة: خالك أتفق مع أمك على..

....

فرح بسعادة: تسنيم عندي ليكِ مفاجأة حلوه

تسنيم بحزن : هو بعد العك إللي قولتلك عليه ده فيه حاجه تفرح ؟! تعرفي تسكتي ي فرح

(فرح مسكتني من خدي و بعصبية: وبعدين هو فيه قمر يزعل و أنا فى حياته هاا ؟ المهم ي ستي خالك حل موضوعك أنتِ و معاذ بيه

تسنيم ب أستغراب: إللى هو إزاى؟؟

فرح :مش قولتلك أى حاجه حلها عند ربنا

تسنيم بدهشة: بت مش فاهمة تقصدي أيه؟!

فرح بسعادة: فيه خطوبة الإسبوع الجاي

تسنيم بسذاجة: خطوبة مين !!

فرح بضحك : ي غبائك ي شيخة

تسنيم بعصبية: ما أنتِ إللى كلام مش واضح ي فرح

فرح حضنتني : مبروك ي سمسمه قلبي

تسنيم: إللى هو إزاى و ماما وافقت ؟!

فرح : خالك أتفق مع ماما إنها خطوبة و بعد سنتين الفرح

تسنيم:...

(فضلت ساكته شوية إللى هو إزاى.. هو ربنا فعلاً بيحبني ولا علشان أنا بعدت عن معاذ علشان ربنا ،و ربنا عوضني بيه .. مكنتش عارفه أتكلم من العياط بس دموع الفرح أكيد بتكون مختلفة اووي عن دموع الحزن ..)

فرح بضحك : بجد أنا تعبت منك أنتِ و ماما .. تفرحوا تعيطوا .. تزعلوا تعيطوا أيه النكد ده 😀

تسنيم بسعادة: بجددد أنا مبسوطة اووي

فرح : ماما جات أهى

ماما : تسنيم مالك بتعيطي ليه

تسنيم: هااا لا مش بعيط

ماما : عندى ليكِ خبر حلو

فرح بضحك : قولتلها قبلك

ماما بضحك : فى الحاجات دي ديما سابقين ،على العموم ي ستى الف مبرووووووك

تسنيم حضنت ماما : ماما بحبك اووي

ماما : مش عارفه هعمل أيه لما كلكم تتجوزوا كده ... الدموع بدأت تظهر فى عينها تفتكروا بعد العمر ده كله هكون فى الأخر لوحدي

فرح بضحك: أنا لسه كنت بقولك أيه ي تسنيم أنتِ و ماما تفرحوا تعيطوا ..

تسنيم بضحك: ي حجه صلى علي النبي هو إحنا رايحين نتجوز دلوقتى دا لسه سنين كتيررر

فرح : أهى الهانم إللى متجوزه جات،، خطوبة تسنيم الجمعة الجاية لولووووووي

يمني نطت من الفرحة : إللى هو بجد !!!؟؟ ل معاذ صح

فرح بضحك : بت يعنى إحنا هنلعب معاكِ

ماما بضحك : فعلاً محترمة اووى حتى شوفوا بتحترم أختها الكبيرة إزاى (كلنا عندنا نفس الشخص فى البيت 😂 أصغر واحد لكن على الله حكايته مجنن البيت كله)

فرح بضحك: احممم أنا حاسه إنى بتشتم صح

تسنيم بضحك: تقريباً اه😂

يمني : يلا قولوا تفصيل الخطوبة

تسنيم بضحك: تصدقي بالله العروسة نفسها مش عارفه التفاصيل

ماما : معاذ و أبوه عايزين خطوبة.. ف اتفقت مع خالك نعمل خطوبة و الفرح مش دلوقتى

يمني بضحك: إيوه بقا الحب ولع فى الدرة

تسنيم: احممم بت بتكسف

يمني : أنا كمان عندي ليكم خبر حلو

فرح : لا أوعى تقولي إن إللى فى بالي صح

يمني بضحك: احمم و آيه بقا إللى فى بالك

فرح : هكون خالتوا ؟ صح !!صح

يمني بضحك : هو المفروض إنك تكوني خالتوا بس أنا بنتي هتطلع ليكِ مش هتقول خالتوا خاالص

ماما بسعادة: بجدددد دا أحلى خبر .. ربنا يكملك على خير

تسنيم : مبااارك بجد فرحت اووووي و هكون أجمل خالتوا ي ولاد

ماما بضحك : إياك ِ تبصي ل حد فيهم إبنك ولا بنتك هيطلعوا زيهم😅

يمني : هو أنا هلاقى أحلى منهم طب ياارب تطلع ولا يطلع زي حد فيهم

تسنيم: ي ستى مش هتطلع وحشه أبوها و أمها قمرات

فرح: اه بالحق إبراهيم فين

يمني : نزلني تحت و بعدين مشي على الشغل

فرح : والله نفسي اشوفه

يمني بضحك: بت أنتِ بتاع مصلحتك عايزه أيه من إبراهيم 😂

فرح : عيب عليكِ 😅😂

تسنيم: أنتِ صح هى عايزه حاجه أقولك عايزه أيه.. هيروح معها تجيب الكتب من مكتبها بعيده عن الكلية

يمني : بس كده دا إحنا عنينا ليكم

فرح : أختي حبيبتي

( بدأنا نجهز ل يوم الجمعة من قبلها ب كتير اووي و كأن أول مره عريس يدخل بيتنا .. أو يمكن أنا أول مره أحس بتجهيزات الخطوبة علشان أنا العروسة .. مش عارفه ليه كنت خايفه بالرغم من إنى عارفه معاذ و عارفه كمان عمو عمر و واثقة ان مفيش اختلاف على التجهيزات فضلت خائفه طول الاسبوع لحد ما جه يوم الجمعة

*** يوم الجمعه***

طنط ام معاذ : ي زين ما اخترت ي معاذ جمال و نسب و..

ماما : الله ي يخليكِ ي ام معاذ

فرح : عروستنا زي القمر

إبراهيم: أكيد طالعه ل أختها مراتي حبيبتي

يمني : ربنا يخليكِ ي حبيبي

معاذ : أيه ي عروسة مالك متوتره ليه ؟!!

تسنيم بدهشة: أنا لا خالص .. قصدي مش متوتره ولا حاجه

عمو عمر : يلا نقرأ الفاتحة

خالى : يلا

( فضلنا نضحك و نهزر كلنا و عمو عمر و طنط مشوا لكن الهزار و الفرح اتقلب مره واحده لما معاذ قال

معاذ : ي طنط هو أنا ممكن أخرج بكره أنا و تسنيم يعنى نتعشى مع بعض بره

( أنا فعلاً اتصدمت مكنتش متوقعة ان معاذ يقول كده .. على الأقل كان قالي كنت هقوله ان ماما مش هتوافق على حاجه زي كده )

ماما بعصبية و رفعت حجابها ومعجبهاش الكلام: بص ي عمر ي بنى إحنا عندنا العادات و الأصول مش بتقول الكلام إللى أنت بتقول عليه ده يعنى أيه العريس و العروسة يطلعوا لوحدهم .. حتى لو أنت من هنا ف إحنا أصلنا صعيدي و أكيد أنت فاهم يعنى أيه.. و عالفكرة أنا وافقت على جوازك من تسنيم لما عرفت إللى هى عملته

تسنيم بدهشة: عملته؟!! عملت إيه؟!!

ماما : أوعى تكوني فاكره إنى معرفش إنك حاولتي تبعدي عن معاذ علشان تحافظي على نفسك إسراء و فرح قالولي و هو ده السبب إنى وافقت على الخطوبة.. ف أنا ي أستاذ معاذ بناتي يعرفوا الأصول حتى لو هما هنا فى القاهرة

معاذ تنهدت : والله ي خالتوا عارف و مقصدش ابدأ إللى حضرتك بتقوليه ده لكن أي واحد بيكون عايز ..

ماما بعصبية: ولا تقصد مش فارقة و مفيش حاجه إسمها عايز قبل الجواز بعد الجواز أعمل إللى أنت عايز تعمله

إبراهيم: والله ي ماما معاذ مش قصده كده .. بس أنتِ معاكِ حق

فرح بضحك: هات الآكل وتعالى ناكل كلنا هنا أيه رأيك ،، ي ولاد كلكم معزومين بكره على حساب المحامي الكبير إللى معه فلوس معاذ بااشا😂

تسنيم بضحك: لا خلي فلوس معاك وفر علشان نتجوز

فرح : هنبدا بقا 😂

تسنيم بضحك: أنا مش عايزه إسمع صوتك خالص😅😅

فرح : مامااا أنا قررت..

....

فرح ب إبتسامة كلها خوف : فيها أيه ي ماما لو خرجنا كلنا يعنى!؟

تسنيم بعصبية: احممم احممم

فرح بخوف : ي حلاوه شكلي قولت حاجه غلط

يمني: اه ي ماما و نحتفل بمناسبة ان فيه نونو جاى و خطوبة تسنيم

ماما : بس يكون مكان كلنا مع بعض

إسراء بسعادة: إللى هو بجد !!!!؟؟؟؟؟؟

أحمد خطيب إسراء : دى محصلتش من ساعت ما خطبت إسراء😅

فرح بضحك : أقفل بقا القديم خلينا دلوقتى.. و برضو المحامي إللى هيدفع معاك تدفع ي معاذ بيه .. أصل ماما مش مصدقة ان المحامي دلوقتى أغني من الدكتور😅

معاذ بضحك: أفندم بتكلميني .. لا لو على إللى معه فلوس كتير كلمى البش مهندس خطيب إسراء.. ولا الدكتور إللى شغل فى الجامعه و خاص 😅😂

يمني بضحك : بدأنا كده .. كل واحد على دراع أبوه

( وفضلنا نضحك طول اليوم )

*تانى يوم فى الخروجة*

فرح : ماما هو أنتِ فاكره إنى هسيب تسنيم؟؟

تسنيم بضحك: أفندم يعنى؟!! عايزه أيه😅

فرح بضحك: أنا هبدا إنزل تدريب عند عمو عمر 😅

معاذ بضحك : بابا مش بيدرب حد معه😅

فرح بضحك: تؤتؤ يبقا أنت متعرفش علاقتي ب عمو عمر .. دا أنا بنته و تربيته

معاذ بضحك: إذا كان كده ماشي

ماما : بالمناسبة ي معاذ

معاذ : أيه ي خالتوا ؟؟تحت أمرك

ماما : تسنيم مش هينفع تنزل تدرب تانى فى المكتب عندكم

معاذ بدهشة و أستغراب: إللى هو إزاى وليه؟!!

ماما : علشان أنت خطيبها و..

معاذ : يعنى علشان خطيبها توقف حياته علشاني ولا إيه ي خالتوا..

إبراهيم غمز ل معاذ :ي ماما معاذ يقصد يعنى مفيش مشكلة هيشوف حد تانى يدرب تسنيم معه

معاذ ب إبتسامة سذاجة : امم تمام ماشي

فرح بضحك: وبعدين بقا هو المكتب هياخد كام واحده قمر كفاية أنه و تسنيم هانم اتدربت و أخدت الخبرة من عمو عمر

تسنيم:فضلت ساكته إللى هو هقول أيه ما هو كلام ماما صح .. بس أنا متأكدة ان مفيش مكان أحسن من مكتب عمو عمر أتدرب فيه

يمني : أيه ي عروسة أنتِ زعلتي ولا إيه

تسنيم بزعل: لا عادي

معاذ : أنا هكون معاكِ فى أى قضية متخفيش ،و هشوفلك مكتب كبير تدربي فيه ، بس متزعليش بقا و تكشري كده ,, مش عايز أشوفك زعلانه

تسنيم : فرحت اووي مش علشان هنزل تدريب فى مكان أحسن أو كده ، فرحت علشان زعلي فرق مع معاذ وحاول فى حل رغم إنى عارفه أنه مش سهل يطلب من أى محامي حاجه زى كده لأنه شخصيه تقيلة جداا و ده أول موقف حسيت بحب معاذ ليا

ماما: ي معاذ ي بني بجد أنا مش عايزك تزعل لكن هو ده الصح و..

أحمد: ي عم خلينا مستنيين الحلال حلو

معاذ ب إبتسامة: أعم هو أنا أتكلمت ولا قولت حاجه.. ربنا يكمل فرحتنا كلنا على خير

تسنيم بضحك: الوحيدة الحرباية و المستفيدة فى كل الخطوبات دى فرح هانم .. آكل معانا ،تدريب تاخده مكاني ماشي 😅😅 بس يلا كله يهون علشان هى طيبه و قمر برضو

فرح بضحك: حاسه ب إهانة هنا 😅 حبيبتي

تسنيم بضحك: أنا أقدر أتكلم أنتِ ماما فى صفك و معاكِ علينا كلنا😅

إبراهيم: فيه حاجه كنت عايز أقول ل يمني عليه بس مش عارف الوقت مناسب ولا إيه و خاصةً علشان الحمل و كده

يمني بخوف : فيه آيه؟!!

ماما بتوتر : إبراهيم فيه آيه ؟

إبراهيم: لا دا خبر حلو بس ..

ماما بعصبية: الجنين كويس؟!

إبراهيم: لا دى حاجه تانى خالص ..يمني الأول على دفعتها و التعيين جه و بقيت معيده

ماما بدموع و سعادة: بجددد هتكون دكتوره فى الجامعه!؟؟

يمني : هو أكيد بيهزر .. أنا كنت لسه سألك امبارح قولت الورق اترفض

إبراهيم: حبيت أعملها مفأجاة

وشاور ل الجرسون جاب تورتة مكتوب عليها الدكتوره يمني و صورتها

ماما: الوحيدة إللى كانت بتعيط بطريقه غريبة اووي و كأنه هى فعلاً إللى حققت حلمها مش يمني ما هى أكتر حد فعلاً تعب.. مش تعب مادي بس دى أكتر حد تعب علشان نكمل تعلم .. سابت أهلها و أرضها علشانا سمعت أفظع الكلام و إنهم بنات و قواوير فاكرين مين إللى كانت بتقول كده دى تيتة ام بابا

يمني فضلت تحضن ماما و تقبل ايديها و رأسها : ماما أنا بقيت دكتور و مش دكتوره وبس لا دا أنا كمان دكتورة فى كلية الطب

( ظهر علينا كلنا السعادة و كأن حلم من أحلامنا اتحقق )

*** بعد فترة طويلة***

إسراء: ماما شوفي مين جاي

ماما بصدمة: يااربي أيه إللى جاب ده هنا

فرح بضحك : مش ده إبن خالى إللى كأن عايز يتجوز يمني

ماما : اه

تسنيم: ماما هو شكله عامل كده ليه؟!! دى لو يمني شافته هتموت ضحك 😅

ماما : احممم

إبن خالى: أزيك ي عمتي

ماما : امشوا ي بنات روحوا على العربية

إبن خالى: ليه .. هو أنتوا هنا ليه ؟

(مشينا على العربية كنا عارفين ان ماما كانت خايفة اووى لان إبن خالى شكله مش طبيعي بجد.. إللى يشوفه يقول أنه شارب مخدرات أو.. )

فرح : ماما هو كأن فى المول ليه؟؟؟

ماما بحزن : مش عايزه حد يسأل و محدش يتكلم فى الموضوع ده تانى

تسنيم: الأهم ان فرح إسراء بعد شهر

فرح : و الله ي ولاد الواحد فرحان اووي

إسراء: عقبال تسنيم بقا ياارب

تسنيم ب أستغراب: غريبة يعني إبراهيم بيتصل

فرح بضحك: ديما عامله توتر و قلق كده ، ردي يمكن يمني رصيدها خلص و بتكلمك من عند إبراهيم

تسنيم: أزيك ي إبراهيم عامل أيه

إبراهيم: يمني بتولد .. أنتوا فين

تسنيم: إللى هو إزاى.. طب هى فين

إبراهيم: فى المستشفى.. بتصل ب ماما و إسراء من بدري محدش بيرد

تسنيم: اه التلفونات فصلت شحن

إبراهيم: طب أنتوا فين

ماما : جايين أهو، مستشفي أيه

إبراهيم: مستشفي المعادي

( كنا كام دقيقة و وصلنا عندهم مشاعرنا ما بين الخوف و القلق و الفرحه ب إنتظار مولود جديد)

__ بعد ما وصلنا

ماما : أيه ي إبراهيم ي بني يمني فين ، وعاملة أيه

إبراهيم: فى العمليات جو

ماما بخوف : جوا من بدري ؟؟

إبراهيم: من ساعه كده

** بعد عشر دقائق**

إبراهيم: ها ي دكتور يمني عملت إيه!!؟

الدكتور: الف مبروك ي هيما

إبراهيم: يااهاا أخيراً ،الله يبارك فيك ي دكتور محمود

الدكتور : على أيه أهم حاجه أوعى تزعل إنى رافضت إنك تدخل العمليات بس زي ما قولتلك حالتها كانت فى خطر

ماما بتوتر : ليه !؟ مالها؟

إبراهيم: أهم حاجه يمني عاملة دلوقتى.؟

الدكتور : دكتورة يمني كويسه الحمد لله

ماما : طب ممكن نطمن عليها

الدكتور : عشر دقائق بالظبط و هى هتخرج

فرح : و الطفل عامل أيه؟!

الدكتور بضحك : طالع شقي زي أبوه .. كأن عمال يتحرك كتير بعد الولادةَ

ماما : ياريت يكون زي أبوه و طيبة أبوه

إبراهيم: لا أنا مش مستحمل أنا هتعقم و أدخل آشوف مراتي

الدكتور : تمام بس اتعقم كويس

إبراهيم كان مشي أصلا راح يتعقم و يدخل ل يمني

__بعد ١٠ دقائق

تسنيم: ي يمني عاملة أيه

فرح : طمنيني عليكِ

يمني : أنا كويسة ..الولد كويس ؟؟ هو فين .. و إبراهيم فين

تسنيم: إبراهيم دخل عندك العمليات ؟

يمني : اه شوفته . ولكن هو فين دلوقتى؟!

إبراهيم: أيه أيه أنا جيت أهو

يمني : قلقتني عليكم حرام عليك

إبراهيم بضحك: أدام طالع قمر زي أبوه

فرح : بجددد طب عايزه اشوفه

تسنيم: اللهم باارك فعلاً شبه إبراهيم

ماما بضحك: يمني بتحب إبراهيم اووي بقا لازم يطلع زيه

( شعور ان يكون فيه طفل جديد بيأخد كل الحب إللى فى العيلة و كل الدلع .. كأن خوفاً على أدام أكبر من خوفنا على نفسنا .. كنا ديما بنكلم يمني نطمن عليه من أول يوم و لحد الآن .. بدأنا نتعلق بيه اووي .. و طول تجهيزات إسراء و لحد ما تم الفرح و إحنا كل يوم حبنا ل إبراهيم بيزيد وأنه فعلاً أخ كبير و حبنا ل أدام و كأنه أخ صغير )

** بعد فرح إسراء ب شهر**

فرح : تسنيم, معاذ بيتصل

تسنيم: طب هاتى الفون بسرعة

معاذ : عاملة أيه

تسنيم: الحمد لله.. أنت عامل أيه

معاذ : الحمد لله.. بقولك أنا جاي عندكم النهاردة

تسنيم: أيه.. قصدي ليه

معاذ بضحك : عندك مانع اجي عن خطيبتي

تسنيم بضحك: أنت عارف إنى مقصدش كده

معاذ : أنا قولت أقولك يعنى علشان بابا جاي معايا

تسنيم بدهشة: هي كمان فيها عمو عمر

معاذ : تسنيم هو فيه آيه

تسنيم: تنوروا بيتنا فى أى وقت .. تمام هستناك ان شاء الله

فرح : مالك زعلانه ليه

تسنيم: مش عارفه ليه ..

....