تحميل رواية «للعشق وجه اخر (الرواية» PDF

الفصل السابق الفهرس الفصل التالي

الحلقه الحاديه عشر

الحلقه 11

من روايه / للعشق وجه اخر

بقلم سحر فرج

فارس ضربها بالقلم على وشها ونزل من العربيه وفتح الباب بتاعها.

ومسك دراعها ودخلها على الفيلا من جوه .

يسر…. استنى بس يا فارس استنى ارجوك ؟

فارس .. ما كنش سامع اى حاجه من كلام يسر .

مسكها جامد اكتر وفتح باب الفيلا وزقها لجوه .

صرخت يسر من الزقه ووقعت على الأرض .

كانت الهام وسلمى قاعدين بيتكلموا على موضوع عبد الرحمن.

الهام اتخضت من الصرخه اللى صرختها يسر وقامت تجرى عليها وتشوف ايه ؟؟؟؟؟

سلمى .. جريت هى كمان وبصت لقيت يسر واقعه على الأرض وعماله تعيط جامد وهدومها مقطعه.

بصت لفارس وسألته ؟

سلمى … فى ايه يا فارس ايه اللى حصل ؟؟؟

الهام … فى ايه انطقى يا يسر مين عمل فيكى كده ؟؟؟

الهام .. قولى انت يا فارس فى ايه وايه اللى عمل فيها كده ؟؟.

فارس بص ليهم وقالهم اهى عندكم اسالوها وسابهم ومشى.

سلمى جريت وراه علشان تعرف فى ايه وايه اللى عمل كده فى يسر بس كان ركب عربيه ومشى .

الهام … يسر يا حبيبتى فى ايه واحكيلى اللى حصل ومين عمل فيكى كده .

يسر…. اه يا ماما اه. الحقينى.

الهام …. يسر

يسر

ردى عليا .

لكن يسر كان أغمى عليها وما حستش باى حاجه .

جريت الهام على الموبيل بتاعها ورنت على عبد الرحمن اخوها .

الهام … ايوا يا عبد الرحمن الحقنى بسرعه الحقنى يا عبد الرحمن.

عبد الرحمن …. الهام فى ايه ايه اللى حصل احكيلى .

الهام … تعال بسرعه وانتى هاتعرف كل حاجه .

عبد الرحمن … طيب انتى كويسه والعيال وسلمى كويسين .

الهام …. مش وقته يا عبد الرحمن تعال بسرعه .

وبعد ربع ساعه كان وصل عبد الرحمن بعربيته ودخل بسرعه على الفيلا .

عبد الرحمن … بيسأل الشغاله فى ايه يا جماعه ايه اللى حصل …

الشغاله .. كلهم فوق يا عبد الرحمن بيه اطلع لهم بسرعه .

طلع عبد الرحمن جرى على فوق ودخل على اوضه الهام لقى يسر على السرير وعمالين يفوقوا فيها .

عبد الرحمن … فى ايه يا الهام مالها يسر وايه اللى مقطع هدومها كده .

الهام كانت عماله تعيط جامد على منظر بنتها وما قدرتش ترد على اخوها وهو بيكلمها .

سلمى …. مش وقته يا عبد الرحمن اطمن الاول على يسر وانا هابقى اقولك على اللى حصل .

بدأ عبد الرحمن يفوق يسر واحده واحده لحد ما فاقت واطمن عليها وفتحت عنيها .

عبد الرحمن …. يسر انتى كويسه ؟؟؟

يسر …. دموعها بدأت تنزل اول لما شافت خالها وحضنته وفضلت تعيط جامد .

عبد الرحمن … اهدى يا يسر احكيلى فى ايه ومين عمل فيكى كده .

يسر …. حاضر يا خالو انا هاقولكم على كل اللى حصل.

وفعلا بدأت يسر تحكى لخالها ولامها وسلمى على كل اللى حصل معاها من ساعه ما كلمها عادل لحد ما فارس جابها الفيلا .

عبد الرحمن …. الحيوان الحقير ازاى يعمل فيكى كده ؟؟؟

الهام …. ازاى يا يسر يضحكوا عليكى وانتى تصدقيهم ازاى انتى لسه صغيرة .

سلمى …. وفارس جالك ازاى يا يسر وعرف مكانك؟؟؟

يسر ….. مش عارفه يا عمتو مش عارفه .

انا فجاه لقيتوا اودامى وبيضرب فى شريف .

ده لولا فارس جه كان شريف …. ……..

يسر فضلت تعيط جامد والهام حدتها فى حضنها .

عبد الرحمن … انا لازم ابلغ عنه ابن ال ……..

والحيوان صاحبه هو كمان لازم اوديهم فى ستين داهيه .

الهام … اصبر بس يا عبد الرحمن علشان سمعه يسر .

وعلشان الحاج حسين لو عرف حاجه زى كده هايحصل مشاكل كتير .

سلمى …. يا لهوى لو حسين اخويا عرف مش هايسبهم غير الا لو موتهم .

اصبر يا عبد الرحمن وما تستعجلش .

عبد الرحمن … طيب هو فارس راح فين دلوقتى ؟؟؟

سلمى والهام مش عارفين هو جاب يسر وسابها ومرديش يرد على حد فينا ربنا يستر وما يعملش حاجه فيهم .

عبد الرحمن .. طيب انا هاروح اطمن عليه وانتم خلوا بالكم من يسر.

وراح عبد الرحمن علشان يتصل بفارس .

بس ما كنش عاوز يرد عليه خالص فارجع تانى عبد الرحمن ليهم فى الاوضه .

قامت يسر وراحت على اوضتها وراحت معاها سلمى علشان تساعدها وتغير لها هدومها وتخليها تاخد دوش يفوقها من اللى مرت بيه .

عبد الرحمن دخل لالهام وقالها أنه مش عاوز يرد عليه خالص .

الهام … هنعمل ايه يا عبد الرحمن انا مش قادرة اصدق كل اللى حصل ده .

وازى يسر تعرف واحد من غير ما انا اعرف .

و ازاى تروحله بيته بسهوله كده ازاى يا عبد الرحمن .

انا قربت اتجنن من كل اللى بيحصل ده ومش عارفه اعمل ايه ؟؟

عبد الرحمن خد أخته فى حضنه وطبطب عليها وقالها وحدى الله كده وقولى يارب .

وربنا هايستر انشاء الله المهم دلوقتى تخلى بالك من يسر وما تفتحيش معاها الموضوع ده تانى خالص .

وانا هاتصل على فارس تانى واعرف هانعمل ايه .

واقوله ما يجبش سيرة للى فى القصر وبذات الحاج حسين .

علشان زى ما بتقول سلمى مش هايسيب العيال دى بسهوله . واكيد هايموتهم .

الهام … ربنا يستر ومايكونش رجع لشريف وعادل تانى ده مجنون ويعملها .

خلصت يسر حمامها وراحت نامت على السرير وقعدت جنبها سلمى وحاولت تهديها وتنسيها اللى حصل .

وما تحولش تفكر تانى فى الزفت اللى اسمه شريف ده تانى خالص .

فارس كان راح على بيت شريف تانى علشان يكمل ضرب فيه أو يشوف الزفت اللى اسمه عادل ده ويضربه هو كمان ويحاسبه على اللى عمله مع يسر .

بس فضل يخبط على الباب ومحدش رد عليه لحد ما سال بواب العمارة اللى اودام الفيلا .

وقاله أنهم دايما بيسهروا فى النايت كلاب وإداله العنوان بتاعه .

فى النايت كلاب كان قاعد فارس ومستنى يشوف عادل أو شريف علشان يحاسبهم على اللى عملوه فى بنت عمه .

بس فضل قاعد كتير وهما ما جوش وعدى ساعتين .

وكان طول الساعتين دول عبد الرحمن كان مش مبطل رن عليه ..

وبعد شويه فارس قرر أنه يمشى ويادوبك مسك موبيله ومفاتيح العربيه لمح شريف وعادل وهما داخلين النايت كلاب .

وكان وش شريف شوارع من ضرب فارس ليه .

شريف …. اول لما شاف فارس مسك دراع عادل ورجع تانى بسرعه على برة .

عادل … فى ايه يا عم انت خضتنى مالك راجع تانى ايه .

شريف … اخلص بس يا عادل هافهمك على كل حاجه .

عادل …. هاتفهمنى ايه بس وهانروح على فين دلوقتى ؟؟؟

شريف …. اركب بس وانا هقولك على كل حاجه بس اركب معايا بسرعه .

عادل … وطب وعربيتى يا جدع انت هاسيبها هنا ولا ايه ؟؟؟

ركب شريف عربيته بسرعه وركب عادل معاه ومشيوا زى الطيارة بالعربيه قبل ما فارس يلحقهم .

فارس شافهم وهما ماشين بالعربيه قام راكب عربيه بسرعه وطار وراهم علشان يلحقهم .

فارس … وحيات امك انت وهو ما هاسبكوا النهاردة ابقوا ورونى بقى هاتروحوا منى فين ؟

فضل فارس وراهم بالعربيه وهما ماشين بسرعه جونونيه وعمالين يدخلوا شوارع كتير وهو برضوا وراهن .

وشريف كان كل شويه يبص على فارس يشوفوا هو وراه ولا لا .

لحد ما فجاه جت عربيه مقطوره كبيرة ماشيه بسرعه وشريف مكنش مركز خالص فى الطريق لحد ما خبطت عربيه شريف وقلبت العربيه .

نزل فارس بسرعه على قالبه العربيه واتلم ناس كتير علشان يطمنوا على شريف وعادل بس كانوا غارقانين فى دمهم .

اتصلوا بعربيه الإسعاف وفضل فارس واقف لحد ما جت بعد عشر دقايق وخادتهم على المستشفى .

بعد ما شاف العربيه واخداهم وماشيه على المستشفى رن موبيله وكان عبد الرحمن هو اللى اتصل فرد عليه فارس .

فارس …. ايوا يا عبد الرحمن

عبد الرحمن … اخيرا يا فارس رديت عليا . انا غلبت يا عم رن عليك انت فين .

قاله على مكانه وعبد الرحمن قاله طيب خليك وانا جايلك على طول ما تمشيش من عندك .

فارس … ماشى يا عبد الرحمن انا مستنيك خلى بالك من نفسك .

يا ترى ايه اللى حصل لشريف وعادل .

ويا ترى فارس وعبد الرحمن هايتفقوا على ايه

تواقعتكم ايه ؟؟؟

تابعونى على صفحتى روايات وقصص نوتيلا

صفحه ال

الحلقه على ال

بقلم سحر فرج

الفصل السابق الفهرس الفصل التالي

الفصل السابق الفهرس الفصل التالي

الحلقه الثانيه عشر

الحلقه( 12 )

روايه / للعش وجه اخر 💔

بقلم سحر فرج

راح فارس على المكان اللى اتفقوا عليه هو و عبد الرحمن .

وفضل قاعد مستنيه لحد ما شافه جاى عليه ووقف وسلم عليه .

عبد الرحمن … ازيك يا فارس ؟؟؟

فارس … زفت والحمد لله يا دكتور.

عبد الرحمن … اهدى يا فارس واحكيلى كل اللى حصل النهاردة مع يسر .

وازى انت روحت ولحقتها .

فارس … هاقولك على كل اللى حصل يا عبد الرحمن حاضر.

وفعلا حكى فارس لعبد الرحمن على كل اللى حصل من ساعه ما وصل اسكندريه علشان يرجع سلمى البلد .

لحد ما رجع يسر الفيلا بالمنظر ده .

عبد الرحمن … وهانعمل ايه دلوقتي يا فارس رايك ايه .

فارس انا كنت ناوى اموتهم هما الاتنين بس. …… وسكت.

عبد الرحمن … بس ايه يا فارس اتكلم ؟

فارس … ربنا يمهل ولا يهمل .

ربنا خد حق يسر منهم هما الاتنين وراحوا فى داهيه.

ربنا انتقم ليسر والبنات كلها اللى ضحكوا عليهم الاشكال اللى زيهم دول اذا كان شريف ولا عادل .

عبد الرحمن … مش فاهم حاجه هو حصل ايه يا فارس قولى .

فارس حكاله على اللى حصل ليهم وأنهم راحوا على المستشفى وشكل حالتهم خطيرة علشان كانوا خلصانين خالص وغرقانين فى دمهم .

عبد الرحمن … فعلا ربنا كبير وقادر على كل شىء .

ومش معقول ربنا كان هايسبهم بعد اللى عملوه ده .

فارس … طيب تعال نروح على المستشفى ونعرف حالتهم ايه انا سمعت بتوع الاسعاف وانا واقف هما رايحين على مستشفى ايه .

وفعلا راح وفارس وعبد الرحمن على المستشفى اللى فيها شريف وعادل .

دخلوا على الاستقبال وكان فى دكتور صاحب عبد الرحمن واقف فراح وسلم عليه وسأله عن الحادثه اللى جت من ساعه .

الدكتور … الصراحه يا عبد الرحمن حالتهم خطيرة جدا وبذات اللى اسمه شريف .

وهما دلوقتى فى اوضه العمليات ولسه اودمهم ساعه تانى .

بعد ما عرفوا حاله شريف وعادل خدوا بعضهم ومشيوا .

وصلوا على الفيلا بعد ما عبد الرحمن فضل يتحايل على فارس أنه يروح .

.لان فارس ما كنش عاوز يروح الفيلا خالص دلوقتى.

_______________

دخلوا الفيلا وفتحت لهم الشغاله .

سلموا على الموجودين وكانت الهام وسلمى .

وكل ده كانت همس وكريم فى تدريب السباحه بتاع كريم فى النادى .

ويادوبك كانوا جم وعرفوا كل اللى حصل .

قعد فارس وعبد الرحمن وحكى لأخته على كل اللى حصل مع فارس ويسر .

وان فارس كان جاى بظروفها علشان ياخد سلمى .

تليفون فارس رن .

فارس … الو ايوا يا حاج .

الهام خافت ووشها احمر هى وسلمى وخافوا ون عرف حاجه من اللى حصلت ليسر .

حسين … ايه يا فارس يا ابنى ماجبتش عمتك وجيت ليه لحد دلوقتى؟

فارس ….. معلش يا حاج اصل كانت مرات عمى عوزانى فى حاجه مهمه

بكره الصبح فى الشركه بتاعه عمى احمد .

وهبات هنا علشان اروح معاها انا والمحامى بتاع الشركه .

حسين … طيب يا ابنى طمنتنى مش عارف ليه قلبى كان مش مطمن وحاسس أن فى حاجه حصلت لا قدر الله .

فارس .. اطمن يا حاج كلهم بخير .

وانا هاخلص موضوع الشركه ده واجيب عمتى واجى على طول .

حسين … ماشى يا فارس وحاول تقنعهم أنهم يجوا معاك يغيروا جو شويه علشان جدتك عاوزة تشوفهم .

فارس … حاضر يا حاج كل اللى تؤمر بيه وانا هاقولهم واحاول اجيبهم معايا وانا جاى كلهم .

قفل الموبيل وبدأ يتكلم مع مرات عمه علشان يبلغها باللى ابوه طلبه .

الهام … بس يا فارس مش وقته خالص احنا فى ايه ولا ايه ؟؟

سلمى …. لازم تيجوا يا الهام وتغيروا جو علشان يسر تنسى كل اللى حصل النهاردة ده.

وتنسى الزفت اللى اسمه شريف ده خالص .

عبد الرحمن … سلمى عندها حق يا الهام لازم تبعدوا عن هنا شويه علشان خاطر يسر.

عبد الرحمن .. هى عامله ايه دلوقتى انا هاطلع اشوفها .

تيجى معايا يا فارس ؟؟؟؟؟؟

فارس …. لا مش عاوز اشوفها

طلع عبد الرحمن ليسر واطمن عليها هو والهام .

وتحت كانت سلمى هى وفارس بيتكلموا .

سلمى … انا حاسه بالنار اللى جواك يا فارس وعارفه انت حاسس بايه دلوقتى بس معلش .

يسر لسه صغيرة واضحك عليها من العيال دى .

وسبحان الله ربنا خد لها حقها منهم .

فارس … انا عارف يا عمتى بس مش هقدر اسامحها .

انا كنت هاتجنن وانا شايف الحيوان ده بيبوسها بالعافيه ومقطع لها هدومها .

انا لولا هى معايا كنت خلصت عليه وموته.

بس انا عملت حساب انها معايا وعلشان سمعتها اللى هى من سمعه عيلتنا .

نزل عبد الرحمن هو والهام وقعدوا يتكلموا شويه .

واستاذن فارس أنه يقعد فى الجنينه برة لوحده شويه .

وقامت الهام تجهز حاجه يشربوها .

والصح علشان عبد الرحمن يتكلم مع سلمى براحته .

عبد الرحمن … سلمى .

سلمى … نعم

عبد الرحمن …. فكرتنى فى الموضوع اللى اتفقنا عليه .

سلمى .. هو ده وقته يا عبد الرحمن.

عبد الرحمن .. عيون عبد الرحمن وقلب عبد الرحمن من جوه .

انا ما كونتش اعرف ان اسمى حلو اوى كده ؟

سلمى اتكسفت اوى من جرأته ووشها احمر وبصت فى الارض .

عبد الرحمن … ايه ده هو انتى لسه بدورى على اللى وقع منك من ساعه ما كنا فى القلعه 😉

سلمى ضحكت وقالت له تصدق انك ظريف .

عبد الرحمن … دى اقل حاجه عندى يا بنتى انتى لسه شوفتى حاجه .

المهم !!!!

رايك ايه بقى خلصينى علشان اجى معاكم واخطبك من الحاج حسين والحاجه الكبيرة .

سلمى …. بكسوف انا موافقه .

عبد الرحمن ….. ياااااه اخيرا .

الهام جت على كلمه اخوها وقالت خير فرحان كده ليه ما تفرحنى معاك .

عبد الرحمن … سلمى وافقت يا الهام اخيرا وهاجى معاكم بكرة انشاء الله .

علشان اخطبها انا وانتى مش انتى اختى الكبيرة برضوا.

الهام … الف الف مبروك يا حبيبى .

الف مبروك يا سلمى يا حبيبه قلبي وربنا يتمملك على خير انشاء الله .

همس كانت قاعده زعلانه على اللى حصل لاختها .

مع كل التحذيرات اللى هى حظرتهالها .

بس يسر ما كنتش بتسمع كلام حد الا نفسها وبس .

فجاه رن موبيل همس وكان كرم هو اللى بيتصل .

همس .. الو

كرم … حبيبتى عامله ايه يا قمر وحشتنى اوى والله .

همس …. الحمد لله .

كرم … مالك يا همس صوتك مش عاجبني انتى تعبانه ولا ايه .

همس … لا ابدا مفيش حاجه .

كرم .. همس مالك فى ايه انطقى .

همس عيتط وحكت لكرم على كل اللى حصل .

وأنهم هايجوا بكره يقدوا شويه فى البلد علشان يسر تنسى اللى حصل .

كرم …. انتى بتقولى ايه وازاى فارس ما قاليش حاجه زى كده . ازاى .

همس … اهدى يا كرم واوعى تقول حاجه لأى حد عندك ارجوك .

كرم .. خلاص يا همس ما تخافيش مش هقول لحد طبعا .

خلصوا كلامهم وقفلت السكه وراحت تنام .

______________

طلع النهار وبدؤا يجهزوا شنطهم بعد ما اتفقوا أنهم يروحوا يقعدوا شويه فى البلد

وعلشان كمان موضوع سلمى وعبد الرحمن .

وعلشان يسر تنسى اللى حصل لها خالص من شريف .

يا ترى ايه اللى هيحصل .

ويا ترى شريف وعادل هايحصل لهم حاجه .؟؟؟؟؟

تواقعتكم ايه.

بقلم سحر فرج

الفصل السابق الفهرس الفصل التالي

الفصل السابق الفهرس الفصل التالي

الحلقه الثالثه عشر

الحلقه ( 13 )

روايه / للعشق وجه اخر

بقلم ✍ سحر فرج

عبد الرحمن كان معاه فى عربيته الهام ويسر وهمس.

وفارس كان معاه سلمى وكريم.

بعد حوالى تلت ساعات سفر كانوا وصلوا على القصر .

بدؤا ينزلوا من عربياتهم ودخلوا على جوا والكل بدأ يرحب بيهم .

الجده كانت فرحانه اوى أن فارس اقنعهم يجوا علشان كانوا وحشنها اوى.

كرم جرى على همس وما كنش شايف الا هى .

فارس اول ما دخل طلع على اوضته وكان طول الطريق والسفر مابيتكلمش خالص مع أن سلمى حاولت تهديه .

وكانت عماله تحاول تقنعه أنه يسامح يسر .

حسين رحب بالكل وسلم على الدكتور عبد الرحمن والهام .

وخد عيال اخوه فى حضنه وسلم عليهم.

هيام جريت على كريم وفضلت تحضن فيه وتبوسه لأنه فعلا كان وه

حشها اوى .

قعد الكل وبدؤوا يجهزوا الاكل علشان الكل يقعد يتغدى .

بس قبل الغدا الكل طلع على اوضته علشان يغير هدوم السفر .

اتجمعوا الكل واتغدوا وجهزت ليهم ملك الشاى .

عبد الرحمن كان قاعد مش على بعضه وكان عاوز يفاتح الحاج حسين فى الموضوع بتاعه هو وسلمى .

وبعد ما اتشجع والهام غمزتله أنه يفتح الموضوع بدأ يتكلم .

عبد الرحمن …. الصراحه يا حاج حسين انا جيت النهاردة علشان كنت عاوز افتحك فى موضوع مهم.

حسين … انا تحت امرك يا دكتور عبد الرحمن اتفضل .

عبد الرحمن .. انا يا حاج طالب القرب منك فى اختك سلمى.

حسين … اختى سلمى يا دكتور ؟؟؟؟

الهام …. الصراحه يا حاج انا عمرى ما هلاقى واحده لعبد الرحمن اخويا افضل من سلمى .

ادب وجمال وتربيه وعيله والافضل من ده كله انها اخت المرحوم احمد الله يرحمه .

حسين … وانا عمرى ما هلاقى لاختى افضل من الدكتور عبد الرحمن. بس …….

وسكت .

عبد الرحمن …. بس ايه يا حاج ؟؟؟

حسين … انا قصدى الظروف اللى مرت بيها سلمى وموضوع طلاقها والخلفه ده .

عبد الرحمن … معلش يا حاج بعد اذنك الطب اتقدم جدا

وانا عارف كل الظروف اللى هى مرت بيها .

انا عاوز سلمى لنفسها مش علشان خلفه ولا عيال انا شريها هى .

هى ملهاش ذنب فى انها مخلفتش دى حاجه بتاعه ربنا وبس.

حسين … وانا علشان الكلام الحلو ده عرفت انك راجل وتستاهل أنى اديك اختى .

حسين ….انا موافق يا دكتور .

الكل فرح من رد حسين لعبد الرحمن وبدؤوا يباركلهم هما الاتنين .

وراح عبد الرحمن وسلم على ام سلمى وباس ايديها .

وسلمى راحت لاخوها وحضنته وباسته.

وحدودا أن تانى يوم يكون قرايه الفتحه والشبكه .

والدخله كمان شهر وان سلمى هاتروح تعيش مع عبد الرحمن فى شقته اللى هو مجهزها من كل شىء .

______________

فى المستشفى كان عادل بدأ يفوق ويسترد صحته بعد العمليه اللى هما عملوها ليه .

وشريف هو اللى كان لسه فى العنايه المركزه علشان حالته لسه خطيرة .

وكان أمه وأبوه موجودين اودام العنايه وعمالين يدعوله أنه يقوم بالسلامه

______________________

الكل كان فرحان فى القصر وبدؤا يستعدوا للفرح .

فارس كان بيحاول يبعد نفسه خالص عن يسر والمكان اللى هى بتكون موجوده فيه كان بيبعد عنه.

يسر لاحظت تجاهل فارس ليها بعد ما حاولت أنها تكلمه وهو مارديش يكلمها ولا يديها فرصه تانى .

طلع نهار يوم جديد كله فرح وسعاده على اللى فى القصر .

خرجت سلمى وعبد الرحمن ويسر وهمس وكرم وراحوا على السوق علشان يجيبوا فساتين الخطوبه .

وفعلا جابت كل واحده فستان غير التانيه .

وراحوا نقوا الشبكه الدهب للعروسه اللى تليق بيها وبعيلتها .

وفى القصر

كان كل واحد بيعمل حاجه .

الحريم كلهم فى المطبخ بيستعدوا لعمايل الاكل علشان الضيوف اللى هاتيجى.

حسين وكرم وفارس وعبد الرحمن كانوا بيستقبلوا الضيوف .

همس ويسر وسلمى كانوا مع بعض وبيستعدوا للخطوبه

وبيلبسوا فساتنهم ويحطوا مكياجهم .

والكل كان مستنى العروسه تنزل .

وكانوا مشغلين الاغانى والبنات بتوع العيله بترقص هى والأطفال .

وفجاه نزلت العروسه مع اخوها حسين وكانت طالعه زى القمر .

لابسه فستان بمبى وحاطه تاج صغير على رأسها وكان عاملها زى الاميرات .

يسر كانت لابسه فستان اسود طويل بفتحه من جنب وكانت مسيبه شعرها الكستنائى الطويل على ضهرها.

همس كانت لابسه فستان احمر مخليها زى القمر وماسكه دراع كرم اللى اول ما شافها كان هايتجنن عليها .

نزلوا وقعد عبد الرحمن وسلمى جنب بعض وقروا الفتحه كلهم ولبسها الشبكه .

الكل بدأ يهنى ويبارك وجت واحده وقربت من سلمى وحضنتها وباستها وكانت دى عبير بنت خالها وكانت من سن يسر وهمس .

عبير طول الفرح ما نزلتش عينيها من على فارس وكانت بتحبه اوى وهو عارف بكده لكن هو مش بيحبها وبيعتبرها زى اخته بالضبط.

يسر لاحظت نظرات عبير لفارس وكانت هاطق .

ولما لاحظ فارس أن يسر اديقت من عبير قرب من عبير وفضل يهزر ويضحك ويتكلم معاها علشان يغظها اكتر .

يسر خدت بعضها وقامت طالعه على اوضتها وفضلت تعيط .

طلع فارس على فوق بعد ما هى طلعت من غير ما حد يلاحظ وقرب من اوضتها وسمعها وهى بتعيط.

كان فى نفس الوقت قلبه هو كمان بيتقطع عليها بس ما كنش قادر يسامحها على اللى هى عملته .

وفجاه جى يلف نفسه وينزل لقى عبير واقفه وراه وبتقرب منه .

فارس …. عبير انت ايه اللى جابك هنا ؟؟؟

عبير .. ابدا يا فارس انا قولت اطلع اشوفك طلعت ليه واطمن عليك .

فارس … انا كويس يا ستى يلا انزلى على تحت قبل ما حد يشوفك هنا.

يسر سمعت صوت فارس برة وبيتكلم مع حد .

قامت فاتحه باب الاوضه وبتبص لقيت فارس واقف هو وعبير مع بعض.

فارس شاف يسر طلعت من الاوضه وبتبص عليه قام ماسك ايد عبير وقالها يالا يا قمر ننزل على تحت او اقولك تعالى نروح الجنينه.

عبير ما كنتش مصدقه أن فارس قالها كده .

قامت يسر بعد ما سمعت كلام فارس دخلت الاوضه ورزعت الباب وفضلت تعيط جامد .

فارس كان سامع صوت عياطها بس مش قادر يقرب منها ونزل هو وعبير على تحت .

اول لما نزلوا ساب ايد عبير وراح قعد جنب الهام .

عبير … ايه يا فارس مش هانروح الجنينه ؟؟؟؟

فارس … معلش يا عبير اصلى مصدع شويه .

الهام كانت سامعه كلامهم و كانت ملاحظه من اول ما عبير قربت وبدأت تتكلم مع فارس .

وان يسر كان كانت هاتتجنن من كده.

لحد ما طلعوا فوق ونزلوا .

الهام … فارس انت كده هاتخسر يسر .

فارس … اعمل ايه بس يا طنط مش قادر اسامحها.

الهام … اديها فرصه طيب يا فارس وحاول تسمع لها.

فارس … مش قادر

يسر انا بموت فيها وبحبها من سنين ومكنتش مصدق انها تعمل كده .

يسر جرحتنى اوى اوى وهى مش حاسه .

وفجاه سمعه صرخه جايه من فوق .

جرى الكل على فوق علشان يشوفوا فى ايه ؟؟؟؟

يا ترى ايه اللى حصل ومين اللى بيصرخ ده .

تواقعتكم ايه ؟؟؟؟

بقلم سحر فرج

S🌴F

الفصل السابق الفهرس الفصل التالي

الفصل السابق الفهرس الفصل التالي

الحلقه الرابعه عشر

الحلقه. ( 14 )

روايه / للعش وجه اخر

فارس….بس يسر جرحتنى اوى اوى وهى مش حاسه.

وفجاه سمعوا صرخه جامده اوى جايه من فوق .

جرى الكل على فوق علشان يشوفوا فيه ايه ؟؟؟؟

اول واحد طلع كان فارس وجرى على اتجاه الصوت اللى كان جاى من اوضه يسر.

فارس…. دخل بسرعه لقى همس قاعده على الأرض وعماله تعيط وماسكه ايد يسر وعماله تنده عليها.

يسر كانت واقعه على الأرض وشكلها فاقده الوعى.

همس اول لما شافت فارس قالتله الحقنى يا فارس .

فارس … فى ايه يا همس يسر مالها ؟؟؟

همس … مش عارفه انا كنت طالعه علشان اشوفها هى طلعت ليه لما بصيت تحت وملقتهاش .

فتوقعت انها تكون طلعت فقولت اطلع لها واشوف هى طلعت ليه.

همس… واول ما طلعت فتحت الباب لقيتها واقعه على الأرض .

جريت عليها حاولت افقوها مارديتش.

كل ده وكان الكل طلع وسامع كلام همس.

عبد الرحمن جرى عليها وسألها وحطها على السرير وخرج الكل بره وساب الهام أخته وسلمى والحاجه الكبيرة معاه

الهام .. خير يا عبد الرحمن يسر مالها.

عبد الرحمن .. اهدى يا الهام لما اكشف عليها وشكل كده انها مغمى عليها .

الجده …حبيبتى يا بنتى شكلك من ساعه ما جيتى و انتى مش عجبانى .

الهام بصت لسلمى بس ما ادروش يقولوا حاجه .

عبد الرحمن …. الحمد لله هى بدأت تفوق اهو اطمنوا .

الهام قربت منها وباستها وفضلت تعيط على منظر يسر وعيونها الحمرا من العياط اللى هى عيتطه لما شافت فارس وعبير مع بعض .

فارس برة كان واقف مش على بعضه وكان حاسس بالذنب وحس أنه زودها اوى عليها وبذات مع اللى اسمها عبير دى .

خرج عبد الرحمن بعد ما اطمن عليها واتاكد انها كويسه .

جرى عليه حسين وفارس علشان يطمنوا على يسر .

عبد الرحمن … اطمنوا يا جماعه هى كويسه مفيش حاجه .

هو شكل الضغط بس وطى فجاه علشان كده هى داخت ووقعت.

حسين … يعنى هى تمام يا دكتور .

عبد الرحمن … الحمد لله تمام يا حاج حسين.

فارس …. ما نطقش بكلمه وفضل ساكت خالص واول لما اطمن انها كويسه خد بعضه ونزل على تحت وركب عربيته ومشى بيها .

اطمن الكل على يسر وخدوا بعضهم ونزلوا على تحت علشان الضيوف اللى موجودين ونزلت سلمى وعبد الرحمن وكملوا ليليتهم عادى خالص .

الهام والجده فضلوا قاعدين مع يسر علشان يطمنوا اكتر عليها .

همس كان كرم خدها ونزلوا الجنينه علشان يفوقها من الخضه اللى هى شافتها على اختها .

وفى الجنينه كانوا قاعدين هما الاتنين.

كرم … يا بنتى اهدى هى بقت كويسه وخالك طمنا عليها ايه بقى لزوم العياط ده دلوقتى.

همس … انا خوفت اوى عليها يا كرم لما شوفتها بالمنظر ده .

كرم …. يا ستى والله ابوس ايدك هى الحمد لله تمام فوكيها بقى يا حبيبتى وماتخافيش .

همس … تمام خلاص يا كرم انا بقيت كويسه الحمد لله.

كرم …خدها فى حضنه وحسسها بالأمان وقالها متخافيش من حاجه طول ما انا جمبك ابدا يا قلبى.

زقته همس وقالتله . ايه يا عم انت ؟ انت ما صدقت ابعد شويه وبطل استزراف .

كرم .. اموت انا فى الاستزراف يا هموستى.

جريت همس منه علشان تدخل على جوه .بس هو حصلها ومسكها من وسطها وقربها منه.

وشها بقى فى وشه

ودقات قلبها بقت مسموعه وقرب من شفايفها ولسه هايبوسها .

عبد الرحمن وسلمى … احم احم نحن هنا . انتم بتعملوا هنا ايه يا شباب دلوقتى .

همس .. خالوا ابدا ابدا مفيش حاجه .

اصل كان فى فار وانا خوفت منه وكرم كان بيجرى وراه.

كرم … اه صح ده كان فار كبير اوى. ومقدرتش امسكه.

عبد الرحمن … ضحك وغمزله بعينه وقاله طيب ادخل انت وهمس بقى لحد لما ادور على الفار انا وسلمى ونموته .

كرم … ماشى يا دكتور ربنا معاك ولوعزت اى حاجه انده عليا على طول .

فضلوا يضحكوا هما الاربعه وكرم خد همس ودخل على جوا.

عبد الرحمن … ما تيجى ندور على الفار يا سلمى ايه رايك؟؟

سلمى … اتكسفت ومعرفتش ترد عليه ووشها احمر .

عبد الرحمن … ايه يا بنتى هو انا كل لما اكلمك وشك هايقلب طمطمايه كده .

عبد الرحمن… مبروك يا سلمى.

وربنا يقدرنى واقدر اسعدك.

انا بحبك اوى. والكلمه دى اول مرة اقولها لحد .

وانشاء الله مش هاقولها غير ليكى لانك حبيبتى وحياتى وعمرى كله انشاء الله .

ولسه هايقرب منها .

كرم .. ايه يا دكتور وغمزله بعينه وقاله لقيت الفار .

عبد الرحمن .. تصدق انك رخم ياض يا كرم .

كرم … الحق عليا انا . ده الحاج حسين بنفسه كان جاى ينده لكم ويشوف موضوع الفار .

وانا قولتله استريح انت يا حاج وانا هاروح اشوف الفار واجيبكم واجى .

سلمى … يا لهوى يالا بينا بسرعه قبل ما اخويا يجى .

مشى الكل وفضلوا يضحكوا ودخلوا على جوه .

انتهى اليوم والكل طلع علشان يستريح وينام من المجهود اللى عمله فى الخطوبه .

همس و يسر وهما على السرير .

همس … بصراحه كده يا يسر انتى كنتى زعلانه من ايه.

يسر… ابدا يا همس مفيش.

همس … عليا انا يا يسر ده انا اختك وتوأمك وملناش غير بعض.

هاتحكى لمين غيرى يعنى.

يسر …. الصراحه يا همس انا زعلانه من نفسى اوى .

ازاى كنت بحب واحد زى الحيوان شريف ده .

وعمرى ما حسيت بحاجه ناحيه فارس .

مع ان فارس فتح الموضوع ده اكتر من مرة.

بس انا كنت بصده ومش بديله فرصه علشان انا كنت عمياء بحب زفت شريف .

همس … الصراحه يا يسر انا حظرتك اكتر من مره وانتى ما كنتيش بتسمعى كلامى .

يسر… انا عرفت دلوقتى أنى بحب فارس ومش هقدر اخليه يبعد عنى تانى.

بس هو مش عاوز يدينى فرصه ويسامحنى على اللى انا عملته معاه.

همس … انشاء الله هايسمحك وهايرجع يحبك زى الاول واكتر.

نامى انتى واستريحى ومتفكريش فى اى حاجه دلوقتى .

****************

طلعت الشمس وجه يوم جديد والكل صحى وبدؤا ينزلوا على تحت علشان يفطروا مع بعض .

وبعد الفطار جت عبير تقعد معاهم شويه و تقترح عليهم اقتراح.

عبير … ايه رايكم يا جماعه نروح الملاهى كلنا مع بعض وبالمرة نفرج يسر وهمس المدينه بتاعتنا .

سلمى …. فكرة والله يا عبير برافو عليكى.

كرم… ياه يا عبير اول مرة تقولى حاجه كويسه. وبالمرة نشوف اخبار الفيران ايه هناك 😉😉😉

عبد الرحمن … اه تصدق يا كرم عندك حق وشكل الفار بتاع امبارح راح على هناك.

سلمى وهمس كانوا فاهمين الكلام وكانوا مموتين نفسهم من الضحك .

فارس … فيران ايه دى بقى انشاء الله منك له ؟؟؟؟

كرم… لا لما تكبر شويه هانبقى نقولك يا فارس .

فارس حدفه بالمخده اللى كانت جمله وفضلوا يضحكوا كلهم.

يسر … معلش يا جماعه انا مش هاروح .

سلمى … يسر لازم تيجى بطلى رخامه .

يسر .. معلش يا عمتو مش هقدر والله. روحوا انتم .

طلعوا على فوق كلهم بعد ما يسر ما رديتش توافق انها تروح معاهم والكل عرف انها مش هاتروح .

همس .. لازم تروحى يا يسر وحياتى عندك اليوم هايبقى حلو اوى .

يسر …. يا سلام عوزانى اروح والزفته اللى اسمها عبير دى راحه .

همس .. معشان كده لازم تروحى وما تديش فرصه للزفته دى انها تاخد فارس منك.

اقتنعت يسر بكلام اختها ولبسوا ونزلوا على تحت .

اتفاجاء الكل أن يسر لبست ونزلت مع همس.

فارس كان فرحان اوى من جواه انها رضيت تروح معاهم علشان تغير جو شويه.

علشان حس بالذنب لما تعبت واغمى عليها .

ركبوا عربياتهم وراحوا على مدينه الملاهى .

بدؤا يلعبوا اكتر الألعاب والبت عبير كانت لازقه دايما لفارس فى كل لعبه .

وده اللى كان مدايق يسر وكانت هاتتجنن من كتر الغيرة عليه منها.

وجم عند بيت الرعب والكل كان فرحان أنه داخل جوه .

كرم … اخيرا يا عبد الرحمن هاندور على الفار هنا .وغمزله بعينه.

عبد الرحمن… عندك

حق يا صاحبى بس اياك نلاقيه .

يسر اعترضت انها تدخل وقالت أنا هتستناهم هنا.

الكل كان زعلان انها مش هاتدخل بس سابوها واقفه برة ودخلوا كلهم .

يسر مسكت الموبيل بتاعها علشان تشوف اخر الاخبار عليه لكن فصل شحن وهى فتحاه.

خرج الكل من بيت الرعب وكانوا فرحانين اوى وعمالين يضحكوا ويفتكروا اللى حصل لهم جوه .

ويفتكروا البنات وخوفها من الضلمه وصريخهم.

فارس كان بيدور على يسر مطرح ما سبها بس ملقهاش.

فارس … يسر راحت فين يا جماعه .

الكل بص بذهول لما ما شافوش يسر .

فارس بسرعه مسك موبيله ورن عليها بس للاسف لقاه مغلق .

الكل بدأ يتوتر وبدأ كل واحد يدور فى مكان وكأن الارض انشقت وبلعتها 😱

يا ترى ايه اللى حصل ليسر واختفت فين ؟؟

علشان تعرفوا يسر راحت فين واقولكم

لازم الاقى اكتر من 1000 واكتر من 500 تعليق.

الحلقه على ال

بقلم سحر فرج

Sahar Farag

S 🌴F.

الفصل السابق الفهرس الفصل التالي

الفصل السابق الفهرس الفصل التالي

الحلقه الخامسه عشر

الحلقه ( 15 )

روايه/ للعش وجه اخر

فارس مسك موبيله بسرعه ورن عليها بس للاسف لقاه مغلق

الكل بدأ يتوتر وبدأ كل واحد يدور فى مكان وكأن الارض انشقت وبلعتها 😱

اتجمعوا كلهم تانى بعد ما لفوا مدينه الملاهى كلها والكل كان بيدور فى كل شبر فيها .

سلمى … احنا غلطنا اننا سبناها لوحدها ودخلنا كلنا بيت الرعب .

كان المفروض حد فينا يفضل معاها.

همس بدأت تعيط وكرم بيهدى فيها وقالها هنلاقيها انشاء الله اهدى بقى.

عبد الرحمن .. طيب نعمل ايه دلوقتى نبلغ الشرطه ولا نعمل ايه.؟؟؟

فارس …. لا شرطه ايه احنا لازم نرجع ندور تانى .

عبير … طيب ايه رايكم نتصل فى البيت ونقولهم علشان يدوروا معانا .

فارس … تسمحى تسكتى انتى خالص دلوقتى ونقطينا بسكاتك.😡

احنا لو اتصلنا بالبيت الدنيا هاتتقلب وممكن جدتى يحصل لها حاجه من الخوف عليها.

عبد الرحمن … طيب ايه رايك يا فارس هاتصل انا بالهام وكأنى بتصل عادى اطمن عليهم كلهم .

فارس … اللى تشوفه اعمله يا عبد الرحمن.

عبد الرحمن مسك موبيله ورن على الهام أخته .

عبد الرحمن…. الو ازيك يا حبيبتي عامله ايه واخباركم كلكم ايه .

الهام …. الحمد لله يا عبد الرحمن انتم عاملين ايه والبنات همس ويسر عاملين ايه معاكم .

عبد الرحمن.؟ الحمد لله يا الهام كلنا بخير.

الهام …. طمنى على يسر عامله ايه اوعى تكون تعبانه لسه .

عبد الرحمن … لا تمام كويسه والكل كويس سلام بقى علشان هانكمل لف فى الملاهى .

فارس وسلمى فى بوق واحد .

ايه ده يعنى يسر ما روحتش 😱

هاتكون راحت فين طيب .

كرم .. أهدوا كده يا جماعه وخلينا نفكر هانعمل ايه .

همس … يا ترى انتى فين يا يسر وفضلت تعيط جامد وسلمى بتهدى فيها .

همس … يسر يا عمتو. يسر هاقول ايه لماما دلوقتى.

_______________

يسر كانت قاعده فى العربيه من ورا وريهام عماله تكلمها وتتعرف عليها.

فلاش باك.

يسر وهى ماسكه الموبيل ولقيته فصل شحن كانت بدأت تزهق وقررت انها ترجع على البيت .

وهى ماشيه فى الملاهى لقيت واحد وواحده ماشين وبيتكلموا مع بعض .

يسر… لو سمحتوا ممكن اعرف لو حبيت اروح موقف العربيات اللى بتودى على قريه الجبلاوى أروح ازاى .

ريهام … ايه ده انتى من قريه الجبلاوى .

يسر … لا ابدا انا عمى وجدتى القصر بتاعهم هناك .

وانا كنت هنا مع ولاد عمى بس توهت عنهم.

عمر… ايه ده انتى بنت اخو الحاج حسين ؟؟؟؟؟؟

يسر … اه انت تعرفه ؟؟

عمر ….. يا بنتى احنا بيتنا لازق جنب القصر على طول وكنا مروحين دلوقتى انا واختى ريهام.

ريهام …. ايه ده اهلا بيكى يا …… وسكتت .

يسر …. انا يسر

ريهام ….. وده عمر اخويا صاحب كرم وفارس .

يسر …. اهلا بيكم .

طيب ممكن تورونى موقف العربيات اللى هنا .

عمر …. وعربيات ليه احنا معانا العربيه بتاعتى وياريت تيجى معانا واحنا نوصلك فى سكتنا .

يسر…. بس هاتعبكم معايا.

ريهام … ولا تعب ولا حاجه احنا طلعنا معارف اهو وعيب نسيبك لوحدك ونمشى .

يسر…تمام انا موافقه.

ركبت معاهم العربيه وبدؤوا يتعرفوا على بعض اكتر واتصحبت على ريهام وعرفتها انها فى كليه صيدله هى وهمس اختها وأنهم عايشين فى اسكندريه.

وصلوا بالعربيه اودام القصر ونزلت يسر وعزمت عليهم انهم يدخلوا معاها جوا بس هما اعتذروا وريهام اتفقت معاها انها هاتعدى عليها باليل ويسهروا مع بعضهم .

ودعتهم يسر ودخلت على جوا واول لما دخلت استغربوا اوى انها راجعه لوحدها.

الهام … ايه ده انتى لوحدك ليه يا يسر فين الباقى ؟؟؟.

يسر … حكت لامها وجدتها وملك مرات عمها كل اللى حصل .

وقالت لهم انها زهقت ورجعت من غير ما تعرف حد منهم.

الهام … وازى تعملى كده يا يسر زمانهم بيدوروا عليكى فى كل حته دلوقتى .

اكيد علشان كده عبد الرحمن اتصل بيا وكلمنى .

انا لازم اتصل بيه دلوقتى واطمنهم انك رجعتى .

الهام مسكت موبيلها واتصلت على اخوها. بس ما كنش بيرد عليها .

عبد الرحمن لما موبيله رن ولقى انها الهام خاف يرد عليها .

ملك … خير يا الهام رد عليكى ؟؟؟

الهام لا يا ملك؟؟؟.

ملك طب استنى انا هاتصل بفارس .

اتصلت ملك بفارس واول لما رد عليها .

ملك … ايوا يا فارس انتم فين ؟

فارس .. بصوت مخنوق . ايوا يا امى احنا لسه فى الملاهى قاعدين شويه ليه فى حاجه.

ملك … يسر رجعت يا فارس هاتوا بعضكم وتعالوا بسرعه.

فارس … بتقولى ايه يا امى يسر روحت .

ملك … ايوا يا فارس يسر اهى قاعده اودامى.

فارس .. رجعت ازاى المجنونه دى .

ملك … مش وقته يا فارس هاتوا بعضكم وتعالوا.

فارس قفل الموبيل وطمن الكل أن ملك روحت.

عبد الرحمن …. طب ازاى ؟ روحت ازاى دى ؟

_______________

رجعوا على القصر ودخلوا على جوا .

وملك بدأت تحكى ليهم على كل اللى حصل مع يسر .

فارس …. يعنى هى كويسه ؟؟

ملك … اه يا فارس هى كويسه وطلعت مع مرات عمك على فوق .

حسين كان راجع من برة ولقى الحوار ده شغال واستغرب هما بيتكلموا على مين .

حسين …. خير يا جماعه فى حاجه .

عبير … اه يا عمى حسين يسر تاهت مننا وقعدنا ندور عليها ولفينا الدنيا عليها واتاريها رجعت على البيت من غير ما تقول لحد فينا .

حسين …. ازاى يا فارس وانت يا كرم كنتم فين لما بنت عمكم تتوه عنكم ؟؟؟ انتم رجاله انتم اخص عليكم .

كرم… عجبك كده يا عقربه وقعتى الدنيا فى بعضها يا عبير هانم.

فارس … عندك حق يا حاج أحنا غلطانين واوعدك انها مش هاتتكرر تانى .

طلع الكل على فوق علشان يغيروا هدومهم بعد ما حسين اداهم درس كويس .

****************

جه الليل وريهام جت زى ما وعدت يسر علشان يقعدوا مع بعض وتتعرف على همس اختها .

يسر … اهلا وسهلا بيكى يا ريهام نورتى .

ريهام … الله يخليكى يا يسر .

فين همس عاوزة اتعرف عليها شوقتينى أنى اتعرف عليها ؟

يسر خدت ريهام وطلعت على اوضتها هى وهمس اللى كانت بتتكلم مع كرم فى التليفون وقفلت معاه اول لما يسر جت.

يسر…. همس دى ريهام اللى كلمتك عنها .

همس .. اهلا وسهلا بيكى يا ريرى .

ريهام … اهلا بيكى انتى يا همس . ايه ده انتم شبه بعض اوى اوى .

وانتم الاتنين احلى من بعض .

يسر شكرا يا ريهام انتى اللى قمر.

فضلوا قاعدين مع بعض ويتكلموا عن حاجات مروا بيها وقربوا من بعض اوى وريهام كانت فرحانه انها اتعرفت عليهم .

طلع نهار يوم جديد وكانت يسر واقفه فى شباك اوضتها وسرحانه فى الشمس والنور وجمال جنينه القصر .

فارس كان صحى من بدرى وكان بيلعب رياضه فى الجنينه.

وكان لابس فانله كت موضحه عضلات دراعه وبنطلون ترنج وده اللى لفت نظر يسر وفضلت باصه عليه وهو بيلعب وسرحت معاه . وفيه وفى شهامته ورجولته

وكان فارس طويل وشعره اسود ناعم وعيونه بنى فاتح .

وده اللى لفت نظر يسر وكأنها اول مرة تشوفه .

فارس بيرفع رأسه لقى يسر واقفه فى الشباك فسلم عليها وقالها صباح الخير وابتسم لها .

يسر من جواها فرحت اوى أنه اخيرا ابتسم لها وكلمها.

وخدت بعضها ونزلت على تحت تروح تشوفه فى الجنينه.

ويا دوبك لسه خارجه الجنينه وهى مبتسمه وفرحانه اوى بصت واتفزعت من اللى شافته 😱😱😱

يا ترى يسر شافت ايه وايه اللى خلاها تتصدم من اللى شفته.

تابعونى على (روايات وقصص نوتيلا )

تواقعتكم ايه ؟؟؟

الحلقه على ال

بقلم سحر فرج

الفصل السابق الفهرس الفصل التالي

الفصل السابق الفهرس الفصل التالي

الحلقه السادسه عشر

الحلقه (16)

روايه / للعشق وجه اخر

بقلم سحر فرج

ويا دوبك لسه خارجه الجنينه وهى مبتسمه وفرحانه اوى بصت واتفزعت من اللى شفته 😱😱

فلاش باك.

فى المستشفى كان شريف بدأ يفوق من اللى حصله وكان معاه والده ووالدته دايما .

الدكتور دخل علشان يطمن عليه ويطمن ابوه وامه كمان .

الدكتور … صباح الخير ازى مريضنا النهاردة .

شريف …. الحمد لله يا دكتور .

وانا راضى بكل حاجه ربنا كتبها ليا .

انا عارف أن كل ده عقاب من اللى عملته .

الدكتور … ليه بتقول كده يا شريف ؟؟

الام بدأت تعيط من كلام شريف وقالتله ما تقولش كده يا ابنى هاتخف وتقوم بسلامه انشاء الله.

الدكتور … انشاء الله يا حاجه ولازم يمشى على اللى نقوله عليه.

شريف .. بعد ما اتشليت مش عاوز علاج ولا حاجه تانى ابدا ..

انا عارف انى هتفضل مشلول وعلى الكرسى المتحرك ده طول حياتى.

ده عقاب ربنا ليا من كل اللى عملته فى بنات الناس وبالاخص يسر اللى كنت مفكرها زيهم.

الدكتور فضل يهديه ويقنعه بالعلاج الطبيعي اللى هايمشى عليه حوالى سنه .ولازم يحسن من نفسيته لأنها اهم من العلاج نفسه.

شوفه هو عاوز ايه واعملهوله

عادل كان بدأ يرجع لحياته الطبيعيه تانى بس كان ماشى على عكاز لفترة معينه.

شريف ارجوكى يا امى اتصلى بعادل وخليه يجيلى ضرورى.

ام شريف … حاضر يا ابنى اللى انت عاوزه كله هاعملهولك .

وفعلا اتصلت امه بعادل وقالتله ان شريف عاوز يشوفه ضرورى.

بااك.

يسر اتصدمت من وجود عادل بجنينه القصر وقربت منه وقالتله.

انت ايه اللى جابك هنا انطق ؟؟؟

عادل … ارجوكى يا يسر اهدى انا جاى لكل خير .

يسر .. وانت هايجى من وراك ولا من ورى صحبك خير .

انت ازاى عرفت توصل للبلد هنا وجيت ازاى.

عادل … انا روحتلك على الفيلا علشان مش كنتى بتردى عليا على الموبيل .

ولما روحت عرفت انكم هنا وخت العنوان من البواب .

عادل … ارجوكى يا يسر اسمعينى وحاولى تفهمينى .

ولسه ما كملش كلامه لقى فارس جاى نحيته وقرب منه وقاله انت ايه اللى جايبك هنا يا حيوان انت وقام ضربه بالبوكس فى وشه .

وقع عادل على الأرض من شده الضربه والعكاز وقع على الأرض .

يسر …. استنى يا فارس لما نشوف عاوز ايه ده .

فارس … هيكون عاوز ايه يعنى .

يسر…

ارجوك يا فارس نسمعله الاول .

جت واحده فجاه ودخلت من باب القصر .

فارس .. حضرتك مين ؟؟؟

ردت وقالت … انا ام شريف وعاوزة اقابل يسر لو سمحت ارجوك وبدأت تعيط جامد.

يسر قربت منها وهدتها وعرفتها انها يسر .

فارس صعبت عليه ام شريف ودخلهم على جوه علشان يشفهم عاوزين ايه .

دخلوا جوا وقعدوا . وبدأت ام شريف بالكلام .

ام شريف … عارفه أن ابنى غلط جامد فى حقك يا يسر يا بنتى .

بس ربنا يمهل ولا يهمل واداله جزاءه .

شريف اتشل ومبقاش بيتحرك الا على الكرسى المتحرك.

يسر اتصدمت من كلامها وبدأت تهديها لما بدأت تعيط جامد من زعلها على ابنها .

ام شريف …. ارجوكى يا بنتى سامحيه على اللى عمله فيكى هو غلط وندمان .

والدكتور قال لازم نفسيته تهدى الاول علشان يقدر يعمل العلاج الطبيعى .

وقال شوفوا ايه اللى مخلى نفسيته كده وحاولوا تريحوه .

وانا جيتلكم هنا يا يسر يا بنتى علشان تسمحيه على اللى عمله .

هو ما طلبش غير انك انتى بالذات اللى تسمحيه دونن عن البنات اللى عرفهم قبل كده.

علشان حس انك بنت ناس وغيرهم كلهم وهو ندم على اللى عمله معاكى .

فارس كان قاعد سامع كل الحوار ده ومتكلمش خالص وكان عاوز يعرف رد فعل يسر بعد الكلام ده.

يسر … انا مش هقدر اسامحه يا طنط على اللى عمله معايا.

شريف كان هايضيعنى معاه وهو مش عارف ولا حاسس.

ام شريف … ارجوكى يا بنتى تسامحيه ابوس ايدك .

يسر صعبت عليها ام شريف وقالت لها حاضر يا طنط انا مسمحاه .

وبعد ما خلصوا كلامهم مع يسر وفارس مشيوا ورجعوا على المستشفى ليطمنوا شريف أن يسر سامحته .

يسر بعد ما مشيوا خدت بعضها وطلعت اوضتها وكانت مش مصدقه ان شريف يوصل ليه الحال أنه يكون انسان عاجز كده .

_____&____&___

جت ريهام فجاه ليسر ونزلت يسر استقبلتها هى وهمس

وريهام بلغتهم أن فى رحله تبع شركه السياحه اللى شغال فيها عمر اخوها طالعه الاقصر وأسوان وكانت عوزاهم يروحوا معاهم.

يسر …. الله يا ريهام انا كان نفسى اوى اننا نروح الاقصر وأسوان .

همس… اه فعلا يا ريرى كان نفسى اوى اروحها من زمان.

ريهام … يعنى موافقين تيجوا معانا .

عبير جت فجاه وعرفت بموضوع الرحله دى وقالتلهم انها عاوزة تروح معاهم .

يسر … هو انتى كده شابطه معانا فى كل حته ولا ايه.

فارس وكرم كانوا جايين من برة وشافوا البنات وهما قاعدين يتكلموا .

كرم … خير يا حلوين قاعدين كده ليه .

عبير اللى ردت وقالت عجبك كده يا فارس عاوزين يروحوا رحله تبع شغل عمر ومش عاوزنى اروح معاهم .

فارس … رفع حواجبه وبص ليسر.

رحله ايه دى بقى انشاء الله يا هانم.

كرم … الله حلو اوى لازم نروح كلنا .

فارس …. تسمح تسكت وتستنى شويه .

يسر … اه يا فارس هاروح مع ريهام وعمر والرحله عندك مانع ..

حسين كان نازل من فوق وسامع الكلام بتاعهم .

حسين .. ايه ده يا ولاد رحله ايه دى اللى عاوزين تروحوها.

يسر جريت على عمها بدلع وقالتله على الرحله وأنها هى وهمس كانوا نفسهم يروحوها .

حسين… ماشى يا حبيبت عمك بدام انتم عايزين تروحوا روحوا بس فارس وكرم ولاد عمك يجوا معاكم .

عبير … وانا كمان يا عم حسين خلينى اروح معاهم ..

حسين وانتى كمان يا عبير ولا تزعلى .

يسر وهمس جريوا على عمهم وفضلوا يحضنوا ويبوسوا فيه ويشكروه على موافقته دى .

فارس كان على آخره أن ابوه قرر بكده .

ويسر كانت على اخرها علشان عبير راحه معاهم .

عبد الرحمن كان خد بعضه ورجع على اسكندريه علشان شغله وعلشان يحجز القاعه بتاعه الفرح علشان الوقت قصير اوى .

مشيت ريهام بعد ما اتفقت معاهم وبلغتهم بميعاد الرحله على اخر الاسبوع ..

يا ترى ايه اللى هيحصل لما يروحوا الرحله دى .

تواقعتكم ايه ؟؟.

تابعونى على صفحتى على الفيس روايات وقصص نوتيلا 🌷

الحلقه على ال

.بقلم سحر فرج

S🌴F

الفصل السابق الفهرس الفصل التالي

الفصل السابق الفهرس الفصل التالي

الحلقه السابعه عشر

الحلقه ( 17 )

روايه / للعشق وجه اخر 💔

بقلم سحر فرج

عدى كذا يوم وجه صباح يوم رحله الاقصر وأسوان

وكان الكل جهز نفسه علشانها وجهزوا شنطهم ولبسوا هدومهم ونزلوا على تحت .

سلموا على كل اللى فى القصر وراحوا على الشركه علشان يركبوا الاتوبيسات اللى هاتوديهم الرحله .

وفعلا طلعوا الاتوبيس وكرم وهمس قعدوا جنب بعض .

وعبير قعدت وندهت على فارس علشان يقعد جنبها.

فراح وقعد جنبها علشان يغيظ يسر ويشوفها هاتعمل ايه.

وريهام و يسر كانوا جنب بعض.

لكن عمر قعد على كرسى جنب السواق علشان هو المسؤول عن الرحله فعلشان كده قعد هناك .

ركب الكل وقعدوا فى أماكنهم وبدأت الاتوبيسات تتحرك من مكانها .

وطول الطريق كان كرم وهمس مش مبطلين رغى وهزار وضحك .

واتفق كرم معاها أنه هايكلم باباه ويخلى الفرح مع فرح عبد الرحمن وسلمى .

فارس كان على آخره من رغى عبير طول الطريق وكلامها اللى مش بيخلص .

وقرر أنه يروح يبدل مع ريهام القاعده ويقعد هو جنب يسر 😉

ولسه هايقوم من مكانه لقى ريهام بتنادى على عمر فاستنى لما تخلص كلامها .

وفجاه 😏

لقى ريهام راحت تقعد مكان عمر وعمر قعد جنب يسر 😠

كان هايتججنن من اللى حصل ده وان يسر وافقت أنه يقعد جنبها.

عمر … عامله ايه يا يسر ؟؟؟

يسر… تمام الحمد لله يا عمر .

عمر … انا فرحان اوى أن انتى جيتى الرحله دى.

يسر … وانا كمان كان نفسى فعلا اروح الاقصر وأسوان .

عمر … ايه ده بتتكلمى جد ؟ يعنى انتى اول مرة تيجى الاقصر وأسوان.

يسر …. اه فعلا اول مرة هاروحها .

كتير كنت بقول لبابا الله يرحمه يودينا

بس للاسف محصلش.😢

عمر … الله يرحمه .

فارس كان متابع الكلام بتاعهم هما الاتنين . وكان فاضل شويه ويروح يرمى عمر من الاتوبيس .

وقف الاتوبيس فى الاستراحه علشان اللى عاوز يستريح ويشرب حاجه ينزل .

قعدوا على التربيزة فى الاستراحه وطلبوا عصاير وحاجه ساقعه وقهوة .

يسر…. عن اذنكم هاروح الحمام.

همس استنى يا يسر جايه معاكى.

ريهام خدونى معاكم يا بنات .

عمر … استنوا انا جاى معاكم.

فارس لا خليك انت يا عمر انا هاروح معاهم.

مشيوا البنات وفعلا راح معاهم فارس بس همس وريهام كانوا ماشين جنب بعض ويسر قبلهم بشويه .

وفجاه .

فارس قرب منها وشدها من دراعها ووقفها .

فارس… انتى يا هانم ايه اللى عملتيه ده ؟؟؟؟؟

يسر… فى ايه يا فارس انا عملت ايه وازى تشدنى كده وفى ناس حولينا.

فارس .. بقولك ايه ما تستهبليش وتغور الناس . ردى عليا يا هانم .

يسر… فى ايه يا فارس انا معملتش حاجه لده كله.

فارس …. يا سلام ازاى تسمحى لعمر انك يقعد جنبك .

وياريت كده وبس ؟؟؟؟

هزار وكلام وضحك صح يا هانم.

ولا كأن معاكى رجاله.

يسر…. انا مسمحش ليك انك تكلمنى بالمنظر ده وبعدين وطى صوتك ومالكش دعوة بيا انت فاهم .

ولا حلو ليك انت والزفته عبير وبس 😏😏

فارس … يسر لآخر مرة هاحظرك مالكيش دعوة بعمر ده خالص انتى فاهمه.

يسر…. لا مش فاهمه يا فارس وعن اذنك بقى .

وسابته ومشيت وهو كان بيغلى من جواه على طريقه ردها عليه واستفزازها ليه وقله سمعانها كلامه.

وقال جوه نفسه ماشى يا يسر اما وريتك مبقاش انا فارس .

خلص الوقت بتاع الراحه وطلعوا الاتوبيسات وقعد عمر مكانه جنب السواق .

ويسر وريهام مع بعض .

فارس قعد جنب عبير وبدأ يتكلم معاها وصوته كان عالى . وضحك وهزار علشان يغيظ فى يسر .

يسر كانت متغاظه من جواها بس ما حولتش تبين ليه كده .

&&&&&&&&&&

فى القصر كان الكل قاعد وعمالين يتكلموا على الشباب اللى راحوا الرحله واتفقوا أنهم يبقوا يروحوا كلهم مع بعض ويتجمعوا لما عبد الرحمن وسلمى يتجوزوا .

الحاجه الكبيرة…. القصر فاضى خالص علينا من غيرهم .

الهام … ايه يا ماما لحقوا وحشوكى ده لسه مكملوش كام ساعه !!!

هيام … فعلا ده لسه هايقعدوا تلت ايام هناك هاتعملى ايه بقى يا ماما كل الوقت ده ؟؟؟؟

الام….. ربنا يرجعهم بالسلامه انشاء الله .

البنات راحوا على أوضهم اللى كان فيها اربع سراير ليهم كلهم وبدؤا يغيروا هدومهم علشان ينزلوا على المطعم علشان الغدا.

فارس كان هو وكرم وعمر مع بعض فى نفس الاوضه وكانوا غيروا هدومهم واتصل كرم بهمس علشان هايسبقوهم على المطعم عقبال ما هما يخلصوا.

شويه كان البنات بدأت تنزل ويسر كانت لسه ما خلصتش.

راحوا على المطعم ولقوا الشباب قاعدين مستنينهم هناك .

فارس ملقاش يسر معاهم وسأل همس عليها .

همس قالتله… لسه كانت بتلبس واحنا نزلنا وسبناها وهى لما تخلص هاتيجى .

فارس …. لا انا هاروح اجبها .

خبط فارس على اوضه يسر .

ويسر افتكرت همس وراحت فتحت لها الباب وهى لسه ما كملتش بقيت هدومها يادوبك كانت لابسه بادى كت وشورت .

فارس …. اتصدم لما لقى يسر بالمنظر ده وهى كمان اتفاجأت ووقعت الفستان اللى كانت هاتلبسه على الأرض.

يسر …. فارس ؟؟؟؟

فارس …. احم احم اه فارس يا يسر مانزلتيش ليه .

يسر…. ويهمك اوى نزلت ولا لا ؟؟؟

فارس …. اه طبعا يهمنى واوى كمان وقرب منها .

يسر بدأت ترجع على وروا وهو يقرب اكتر وهى تبعد وهو يقرب لحد ما وصلت للدولاب وبقى فارس وشه فى وشها وبدأت تحس بسخونه نفسه فى وشها.

فارس …. يسر انا بحبك اوى ونفسى تحسى بيا.

وقرب منها ومن شفايفها وشاف لمعه عنيها ورعشه جسمها وقام بايسها 😉

يسر غمضت عينها وتاهت عن الدنيا خالص.

وفجاه قاومت الاحساس اللى حست بيه وقامت زاقه فارس بعيد عنها وقالت له امشى يا فارس دلوقتى.

فارس .. يسر انا اسف سامحينى.

يسر.. امشى يا فارس لو سمحت .

فعلا فارس خد بعضه ونزل وهى قعدت على السرير علشان تجمع اعصابها بعد اللى فارس عملوا معاها 😊

نزل فارس وشويه ونزلت يسر بعديه وطلبوا الغداء وكلوا .

خدهم عمر علشان يبدأ يفرجهم على المدينه وجمالها وآثارها اللى السياح بيجوا من اخر الدنيا علشان يشوفوها .

بدأ كل واحد يتفرج براحته بعد ما كانوا ماشين مع بعض كلهم وبدأوا يتفرقوا .

وبعد ربع ساعه حاولوا أنهم يتجمعوا تانى وفعلا اتجمعوا بس عمر ويسر ما كانوش لسه جم وده اللى خلى عمر متغاظ وكان هايتجنن .

يا ترى عمر ويسر اختفوا فين ؟؟؟؟؟

ويا ترى فارس هايسكت ليسر

تواقعتكم ايه ؟؟؟

تابعونى على صفحتى على الفيس روايات وقصص نوتيلا 🌷

الحلقه على ال

بقلم سحر فرج

الفصل السابق الفهرس الفصل التالي

الفصل السابق الفهرس الفصل التالي

الحلقه الثامنه عشر

الحلقه ( 18 )

للعشق وجه اخر💔

بقلم سحر فرج

بدأ الكل يتجمع تانى بس للاسف عمر ويسر ما كنوش موجودين وده اللى خلى فارس كان هايتجنن منهم.

فارس…. هيكون راحوا فين دول ما احنا اتفقنا محدش يبعد عن التانى .

كرم ….اهدى بس يا فارس اكيد بيتفرجوا على المحلات اللى هنا دى وزمانهم جايين .

فارس … هى غاويه وجع قلب ليه مفيش سمعان كلام خالص ما انا محظرها مليون مرة قبل كده .

همس .. انا هارن عليها واشوف هما فين .

كرم .. ماشى اتصلى يا همس وشوفيهم فين .

مسكت همس موبيلها ورنت ولقت تليفون يسر معاها فى شنطتها وده اللى خلى فارس مش على بعضه .😡😡😡😡

ريهام …. اهدى يا فارس انا خلاص هاتصل بعمر واشوفهم فين.

وفعلا وقبل ما تتصل ريهام كانوا جم هما الاتنين وعمالين يهزروا وبيضحكوا مع بعض .

يسر.. خير يا جماعه واقفين كده ليه ؟؟؟

فارس جز على سنانه وقبض كف أيده وكان عاوز يضرب اى حد بس مسك نفسه بالعافيه .

همس … غمزت ليسر وقالتلها ايه يا بنتى كنتم فين واحنا قالبين الدنيا عليكم .

فارس ما استناش يسمع ردها واستاذن أنه هايرجع على الفندق .

وعبير ما صدقت وقالتله خدنى معاك يا فارس علشان تعبت وعاوزة انام.

استغرب عمر ويسر من اللى حصل وعلى تصرف فارس .

المهم خلصوا لفهم فى المدينه ورجعوا على الفندق علشان يستريحوا.

وصلت البنات على الاوضه واللى استغربوه أنهم ملقوش عبير موجوده ولا نايمه زى ما قالت لهم.

يسر … هى ست زفته ما نمتش زى ما قالت يعنى ؟ اومال هى فين ؟؟؟؟

همس … ايه ده بجد اومال راحت فين المجنونه دى دلوقتى ده الوقت متأخر اوى .

ريهام … استنوا بس يا جماعه واتصلى يا همس بكرم وشوفوا فارس هو كمان فى الاوضه معاهم ولا مش موجود .

همس فعلا اتصلت على كرم وسألته وأكد لها انهم جم ومالقوش فارس موجود فى الاوضه .

وقفلت همس معاه بعد ما قالته أن كمان عبير مش موجوده .

وده اللى خلى كرم ينزل يدور عليهم هما الاتنين .

يسر …. اومال فالح بس يعمل محضر معايا وهما بيلفوا فى الشوارع لحد . دلوقتى ويا عالم هما فين دلوقتى 😏

نزل كرم وراح اول حاجه على الكافيه اللى موجود فى الفندق وفعلا لقى فارس قاعد بيشرب فى السجاير والقهوة .

كرم…. ايه يا عم انت كمان عمالين ندور عليك انت والمخفيه عبير اومال هى فين .

فارس .. عبير !!!!!

هى مش فى اوضتها ولا ايه ؟؟؟

كرم … لا مش هناك .

انتم مش كنت راجعين مع بعض على الفندق اومال هى راحت فين ؟؟؟

فارس … انا عارف هو كنت ناقصها انا موصلها بايدى لحد الاوضه وبعد كده نزلت على الكافيه علشان كانت دماغى هاتتفرتك .

وماشوفتهاش من ساعتها .

كرم … اومال هاتكون راحت فين دى هى كمان .

المهم.

خدوا بعضهم وراحوا يدوروا عليها فى الفندق كله لحد ما لقوها قاعده على البسين على الكرسى والظاهر راحت عليها نومه ونامت وهى قاعده .

فارس …. عجبك الفضايح دى يا كرم بيه .

شايف الهانم نايمه فين وزمان الرايح واللى جاى بيبص عليها .

كرم .. هزها من كتفها جامد وصحيت واتخضت وفى منتهى البرود !! ايه فى ايه حد يصحى حد بالمنظر ده ؟؟

فارس …. تصدقى انتى انسانه بارده فعلا فى حد ينام هنا برضوا يا متخلفه انتى ؟؟؟

عبير .. ايه يا فارس مفيهاش حاجه يعنى انا كنت نازله اشوفك انت فين ولقيت المنظر الحلو ده وقعدت شويه وغلبنى النوم 😴

كرم .. طب امشى اودامى يالا امشى علشان نطمن الباقى .

راحوا وطمنوهم وبدؤا يغيروا هدومهم ويناموا علشان كانوا تعبوا وفصلوا من كتر اللف .

**************

طلع النهار والشباب بدؤوا يصحوا قبل البنات .

فتحت همس عينيها على تليفونها وهو بيرن وبصت لقت كرم هو اللى بيرن عليها .

كرم .. ايه يا قمر انتى لسه نايمه ولا ايه نموسيتك كحلى .

همس … ايه ده انت صحيت امتى .

كرم دى الساعه عشرة يا حبيبتى وكده اليوم هايضيع مننا اجهزوا يا حبيبتى وانزلوا على تحت هانستناكم .

همس .. حاضر يا باشا يالا سلام علشان اروح اصحى العالم اللى لسه نايمه دى .

قفلت همس مع كرم الموبيل وبدأت تصحى ريهام ويسر وعبير . وبدأوا يصحوا ويفوقوا ويجهزوا لبسهم اللى هاينزلوا بيه .

وبعد حوالى ساعه ونصف كانوا نزلوا على سنجه عشرة وكانت يسر لابسه طقم روعه وشكلها كانت موزه موزه.

فارس اول لما شافها كده مكنش مصدق حلاوتها وفى ثوانى افتكر أن عمر كمان هايشوفها كده واكيد هى عامله كده علشان تعجبه اكتر .

فارس … برق لها بعنيه وقالها تعالى يا يسر عاوزك .

يسر استغربت من طريقه كلامه دى بس راحت علشان تشوفه هو عاوز ايه .

فارس … ايه اللى انتى لبساه ده وايه المكياج الأوفر ده انتى بتستهبلى .

يسر …. والله انا حرة والبس اللى البسه انت مالكش فيه .

فارس قالها وهو بيجز على سنانه جامد .

يسر اطلعى غيرى الهباب اللى انتى لبساه ده واغسلى وشك .

يسر … مش هاطلع يا فارس واعلى ما خيلك اركبه انا حرة . انا حرة .

فارس قام ضربها بالقلم على وشها وخد بعضه ومشى .

يسر اتصدمت من اللى فارس عمله وبدأت تعيط جامد .

وكانت همس بظروفها راحه علشان تشوفهم لقت اختها عامله تعيط جامد اتخضت عليها وسألتها فى ايه يا يسر مالك وفين فارس .

يسر حكت لها على كل اللى حصل وأنه ضربها بالقلم وخد بعضه ومشى .

همس الصراحه يا يسر انتى زوتيها اوى وانا نصحتك كتير وانتى مش بتسمعى الكلام.

فارس طلع على اوضته وبدأ يجهز شنطته وحط هدومه وخد بعضه ونزل على تحت بس محدش شافوا وهو ماشى.

رجعت همس ويسر على المطعم مطرح ما كانوا كلهم قاعدين والكل استغرب من منظر يسر وسألوا على السبب وسألوا على فارس .

همس حكت لهم على اللى حصل بس ما رديتش تقولهم أن فارس ضربها بالقلم .

كرم طلع على الاوضه علشان يشوف اخوه ويستفهم منه على اللى حصل .

بس للاسف طلع وملقاش فارس واتصدم لما لقاه واخد شنطته وهدومه كلها .

مسك موبيله ورن عليه بس فارس ما كنش راضى يرد عليه .

بس كرم فضل وراه لحد ما رد عليه وقاله أنه راجع على القصر ومش هايكمل الرحله .😠

كرم حاول معاه أنه يرجع بس فارس صمم أنه هايمشى .

نزل كرم وبلغ الكل على اللى حصل وان فارس خد شنطته وراجع على القصر

وده اللى خلى يسر تحس بوجع فى قلبها وانها بتخسر فارس وهى كده فعلا خسرته .

بعندها وعدم سمعانها كلامه .

عدى اليوم وطلع نهار يوم جديد وبدؤوا يجهزوا شنطهم علشان الاتوبيسات بدأت تيجى علشان يرجعوا على القريه .

وبعد كذا ساعه كانوا وصلوا على القصر وبدأ الكل يرحب بيهم .

كرم اول لما وصل سال على فارس وأمه أكدتله أنه من ساعه لما رجع ما اتكلمش مع حد خالص وقاعده فى اوضته.

الهام والحاجه كانوا فرحانين اوى اوى بوصول البنات علشان كانوا مشتاقين ليهم اوى .

وكريم جرى على اخواته وفضل يبوس فيهم ويحضنهم .

فلاش باك.

الحاج حسين كان شاف فارس لما رجع واستغرب أنه رجع ومكملش الرحله وطلب منه أنه يقعد معاه ويتكلموا شويه فى اوضه المكتب .

راح فارس علشان يشوف ابوه عاوز ايه .

حسين … تسمح تقولى ازاى تسيب بنات عمك لوحدهم وتيجى .

فارس .. يا حاج هما مش لوحدهم كرم معاهم وانا كان ورايا شغل كتير وكان لازم ارجع .

حسين .. انا ابوك يا فارس وحاسس بحاجه كده وعاوزك تجاوبنى بصراحه .

فارس … اتفضل يا حاج وانا تحت امرك .

حسين … انت بتحب يسر بنت عمك ؟؟؟؟

فارس استغرب أن ابوه عارف حاجه زى كده ومرديش يكدب عليه وقاله على الحقيقه .

فارس …. الصراحه يا حاج ايوا انا بحب يسر بس هى ……….

حسين …. بس ايه يا فارس احكيلى يا ابنى انا ابوك وهى بنت اخويا الله يرحمه.

فارس حكى لابوه على كل حاجه من ساعه ما كان صغير وكان معجب بكلام عمه احمد عن يسر وعن موضوع شريف لحد ما كانوا فى الأقصر وضربها بالقلم وسابهم وجه .

حسين … كل ده يا فارس وانا مش عارف حاجه . انا يادوبك انا وامك كنا شاكين انك بتحبها لكن كل ده يحصل وانا مش عارف .

وبعدين ازاى تسيب شريف ده . كان لازم تموته يا فارس .

فارس … انا كنت هاعمل كده يا حاج بس ربنا انتقم منه اشد الانتقام .

خلصوا كلامهم بعد ما اتفقوا على حاجه هما هايعملوها واللى هايخلى يسر وفارس يتصالحوا ويتجوزا كمان .

يا ترى اتفقوا على ايه ؟؟؟؟؟

وتواقعاتكم ايه .

الحلقه على ال

بقلم … سحر فرج

Sahar Farag

الفصل السابق الفهرس الفصل التالي

الفصل السابق الفهرس الفصل التالي

الحلقه التاسعه عشر

الحلقه ( 19 )

للعشق وجه اخر💔

بقلم سحر فرج

كرم كان اتكلم مع ابوه علشان موضوع جوازه هو وهمس فى نفس يوم جواز عبد الرحمن وسلمى .

حسين …. بس مش لسه بدرى يا كرم على جوازكم .

وبعدين همس مش لسه وراها كذا سنه لما تخلص كليتها؟؟

كرم … يا حاج نتجوز الاول وبعدين تبقى. تكمل واحنا متجوزين هى الكليه هاتروح فين يعنى يا حاج حسين .

حسين …. استنى يا كرم هاقول لمرات عمك واشوف رأى جدتك وابقى ارد عليك كمان كام يوم.

كرم … هو انا لسه هاستنى كمان كام يوم تعال نقولهم دلوقتى وانا متاكد ان محدش هايرفض ده بالعكس هايفرحوا اوى .

راح الحاج حسين وكرم وكان الكل قاعد وعمالين يتكلموا والبنات بيلعبوا مع كريم اخوهم .

الحاج حسين قرب من والدته وكانت الهام قاعده جنبها هى وملك مراته .

حسين …يا حاجه .

كنت عاوز اقولك أن الواد كرم وهمس عاوزين يتجوزا ويكون فرحهم مع عبد الرحمن وسلمى ايه رايك يا حاجه ورأيك انتى كمان يا الهام .

الحاجه…. ياااااه يا حسين ده يوم المنى لما اشوف فرح كرم وهمس وافرح بيهم .

الهام …. الرأى رايك يا ابو فارس واللى تشوفه .

بس كنت عاوزة همس تكمل تعليمها طبعا بعد الجواز .

الحاج حسين طبعا اكيد يا مرات اخويا وانا فهمت كرم كده .

الهام …. بس مش الوقت قصير اوى اننا نجهز نفسنا ؟؟

يا ترى هانلحق نعمل حاجه ؟ ده فاضل اسبوعين على جواز عبد الرحمن وسلمى.

الحاجه … انشاء الله هايخلص كل حاجه ما تقلقيش يا الهام .

همس كانت فرحانه جدا وعماله تبص لكرم وتبتسمله .

يسر …. فرحت اوى للخبر الحلو ده وراحت على اختها وحضنتها وفضلت تبوس فيها .

الحاج حسين عقبالك يا يسر انتى كمان لما افرح بيكى

ويا سلام لما تكونى انتى كمان يوم فرح فارس على عبير

😱😱😱😱

الكل بص باستغراب على كلام الحاج حسين وأمه قالته انت بتقول ايه يا ابو فارس .

الهام بصت لسلمى واستغربت كلام حسين !!!!

وملك قالت ايه ده حصل امتى ده يعنى فارس ما قالش حاجه زى كده ؟

هو انا اخر من يعلم ولا ايه ؟

يسر بسرعه جريت وراحت على اوضتها

وراحت وراها همس علشان تشوفها .

ولما طلعت لها همس

الحاج حسين قالهم ان دى لعبه او اتفاق عاملينه هو وفارس علشان يسر تحس بيه وبحبه ليها .

الهام خدت نفسها وفرحت من جواها علشان هى نفسها فارس ويسر يكونوا لبعض .

عدى اليوم وجه فارس من المصنع وكان الكل قاعد على السفرة وبياكلوا .

فارس …. ازيكم جميعا اخبار الكل ايه .

انا ميت من الجوع سبقتونى يا خونه . وكانوا بيضحكوا على كلامه .

فارس …. الواحد مش عارف نفسيته مفتوحه ليه النهارده كده .

كرم …. وما تتفتحش ليه يا معلم وانت قربت تخطب وتتجوز كمان بعدنا على طول .

فارس ….. اه يا كرم شكل كده نفسيتى مفتوحه على الاكل علشان السبب ده أخيراً هاتجوز بيروووو حبيبتى 😉😉

غمز لكرم وفضلوا يضحكوا .

لكن يسر كانت هاتموت من كتر الغيظ وكانت مولعه نار من جواها .

كان هاين عليها تحدف فارس بطبق الشوربه السخن اللى فى أديها .

قامت يسر وقالت عن اذنكم انا شبعت هاطلع على الجنينه شويه .

الهام … انتى لسه اكلك زى ما هو يا يسر مكلتيش حاجه .

يسر …. الحمد لله يا ماما ماليش نفس .

خرجت يسر على الجنينه وهى خارجه كانت عبير داخله ليهم ..

عبير .. ازيك يا يسر عامله ايه ؟؟؟

يسر .. مشيت وما ردتش عليها السلام وسابتها وراحت تقعد عند الشجرة .

عبير دخلت على جوا ولقتهم بيكلوا .

قامت شدت لها كرسى وقعدت جنب فارس من غير ما حد اصلا يعزم عليها انها تقعد .

الكل كان بيضحك على منظر يسر لما خرجت .

سلمى .. بس هى صعبانه عليا وكنت وهاقولها على الحقيقة 😢

الهام … لا سبيها يا سلمى تتعلم أن الله حق هى عنيده من صغرها ومش بتسمع كلام حد .

قام فارس من على الاكل وطلع على فوق علشان يغير هدومه ونزل تانى .

فارس كان خارج على الجنينه وهو خارج عبير راحت معاه .

اول لما خرجوا شافتهم يسر وفضلت تنفخ وما كانتش طايقه نفسها .

فارس حس بالغيظ اللى هى فيه وحب يولعها اكتر وراح قعد جنبها وقال لعبير تعالى يا بيرووو اقعدى جنبى علشان نتكلم شويه عن المستقبل .

عبير ما كنتش مصدقه كلام فارس معاها وقعدت جنبه وفضلوا يهزروا ويضحكوا وده اللى كان مخلى يسر على اخرها وقامت وسابتهم .

جه الليل والكل راح ينام وهمس وكرم كانوا بيتكلموا على التليفون وهى نايمه على السرير .

كرم …. حبيبتى انا مش مصدق اننا هانتجوز كمان كام يوم .

وهاتبقى مراتى وحبيبتى وحياتى وام عيالى انشاء الله .

همس …. انا فرحانه اوى يا كرومه اننا هانتجوز وهانكون مع بعض فى مكان واحد .

كرم …. اه يا حبيبتى اخيرا هانكون مع بعض .

همس …. بس احنا هانعيش فين يا كرم معقول هاتيجى تعيش معانا فى اسكندريه ؟؟؟

كرم … يا ستى نتجوز هنا وايام الدراسه نبقى هناك .

همس … كرم انت فعلا بتحبنى ؟؟؟؟

كرم …. عيون كرم وقلب كرم وعمر كرم يا هموسه ❤

انتى لسه بتسألى بحبك ولا لا .

انا بموووووت فيكى يا بنت عمى .

همس …. وانا بموووووت فيك يا ابن عمى .

____________

عدا كذا يوم وميعاد الفرح جه وكان الكل مشغول وبيجهز نفسه للفرح.

وكان طول الفترة دى كان فارس عمال يغيظ فى يسر كل يوم .

والكل محدش قدر يقولها على اللعبه أو الاتفاق ده علشان كل يوم كانوا بيتأكدوا أن يسر بتحب فارس جدا بس مش عاوزة تعترف بالحب ده .

وفى يوم نزلت همس وسلمى مع كرم وعبد الرحمن علشان يشتروا الفساتين اللى هيلبسوها للفرح وهما يجيبوا البدل بتاعتهم .

وفعلا راحوا واشتروا كل اللى كانوا عاوزين يجبوه .

جه يوم الفرح والفيلا فى اسكندريه كانت مليانه على الاخر كل الاهل والاقارب .

همس ويسر وسلمى راحوا على الكوافير علشان يلحقوا يخلصوا اللى هايعملوه .

وعدى كذا ساعه والكل بدأ يروح على القاعه اللى فيها الفرح.

فارس ركب عربيه ومعاه كرم .وعبد الرحمن راح ركب عربيه وكان معاهم كذا عربيه تانى .

وصلوا عند الكوافير اللى فيه العرايس .

ووقفوا اودام الباب ويسر طلعت ليهم .

فارس اول لما شافها مكنش مصدق نفسه أن دى يسر 😱

كانت زى القمر ❤

كانت لابسه فستان دهبى وحاطه مكياچ ومسيبه شعرها على ضهرها وطالعه زى الاميره 👸

فضل متنح لها شويه وضربه كرم فى كتفه وقاله ايه نحن هنا فى ايه يا معلم متنح كده ليه ؟؟

ايه يا يسر همس وسلمى خلصوا ؟

يسر…. اه يا كرم تعال انت وخالوا علشان تخدوهم .

عبد الرحمن … ايه يا بت الحلاوة دى يخرب بيت جمالك وقام بايسها .

راحوا وخدوا العرايس اللى كانوا طالعين حلوين اوى اوى وركبوا العربيات وراحوا على القاعه .

دخلوا على القاعه من جوا . والزفه ابتدأت والكل كان فرحان لاجمل عروستين وعروسين والكل كان بيهنى ويبارك .

والاغانى اشتغلت والكل كان بيرقص ويغنى .

الفرح خلص وكل واحد خد عروسته فى أيده عبد الرحمن وسلمى وكرم وهمس .

وطلعوا برة علشان يركبوا العربيات

ويادوبك سلمى وعبد الرحمن ركبوا

وكرم دخل همس العربيه

وكان بيسلم على فارس ويسر كانت واقفه جمبه .

وفجاه فارس لمح واحد من على بعد وكان ماسك مسدس وضرب طلقه من مسدسه سمعها كل اللى كان واقف .

وبدأت همس ويسر بالصريخ لما شافوا فارس وكرم وقعين على الأرض وغرقانين دم .

( تابعونى على صفحتى روايات وقصص نوتيلا )

يا ترى ايه اللى حصل ؟؟؟؟؟

وحد حصله حاجه فيهم ؟

تواقعتكم ايه ؟

الحلقه على ال

بقلم سحر فرج

الفصل السابق الفهرس الفصل التالي

الفصل السابق الفهرس الفصل التالي

الحلقه العشرون

الحلقه ( 20 )

للعشق وجه اخر💔

وفجاه فارس لمح واحد ماسك مسدس من على بعد وضرب طلقه سمعها كل اللى كان واقف .

وفى ثوانى كان فارس وكرم واقعين على الأرض وغرقانين فى دمهم .

جرى حسين ويسر بسرعه عليهم علشان يطمنوا عليهم والكل اتجمع حواليهم .

والكل بدأ يصرخ لما شافوا الدم على الأرض ومحدش كان عارف دم مين فيهم ؟؟؟؟

عبد الرحمن كان نزل فى ثوانى من عربيته وقرب منهم وعرف أن اللى اتصاب وجت فيه الطلقه فارس 😱

وكرم من شده الوقعه كانت دماغه اتفتحت لما وقع على حرف الرصيف .

بسرعه شالوا فارس فى عربيه حسين وطلعوا بيه على اقرب مستشفى.

الكل راح وراهم والفرح اتقلب عياط وصريخ وحزن .

وصلوا على المستشفى وجريوا بيه بسرعه على الاستقبال وفى ثوانى كانوا دخلوا بيه على اوضه العمليات .

الكل كان حزين ومش مصدق أن الفرح ممكن ينتهى بمأساه زى دى .

فضلوا اكتر من تلت ساعات اودام اوضه العمليات ومحدش كان طلع من جوا علشان يطمنهم .

وخلال الوقت ده كان كرم راح خيط راسه اللى كانت اتفتحت من وقعته على حرف الرصيف .

وبعد فترة طلع الدكتور اللى كان ظاهر على وشه الحزن.

جرى حسين وكرم عليه بسرعه علشان يطمنوا على فارس.

حسين. … خير يا دكتور ابنى جراله حاجه .

كرم … ارجوك يا دكتور طمنى عليه .

الدكتور …. الصراحه يا جماعه احنا عملنا العمليه ونجحت الحمد لله بس الحاله خطيرة جدا وربنا يعدى ال 48. ساعه الجايين على خير

صلوا وادعوا ربنا علشان يقوم بالسلامه .

وفى ثوانى كانت ملك واقعه على الأرض من اللى سمعته والكل جرى عليها وشلوها وودوها اوضه علشان يفوقها .

يسر كانت مش مبطله عياط وكانت مش مصدقه أن فارس حصله كده .

حسين حاول يمشى كل اللى كان موجود ويرجعوا على الفيلا ويبقوا يجوا تانى لما يغيروا لبس الفرح اللى لبسينه ده .

وقال لعبد الرحمن خد سلمى وروحوا على شقتك وابقوا تعالوا تانى .

عبد الرحمن …. انت بتقول ايه يا حاج انا مش هامشى من هنا غير لما اطمن على فارس .

سلمى وانا كمان مش هاروح فى حته غير لما اطمن عليه .

الهام حاولت تهديدهم وخدت الحاجه وهمس وهيام .

بس لما طلبت من يسر انها ترجع معاهم يسر ما رديتش وقالت أنا مش هاتحرك منها غير لما فارس يفوق واطمن عليه .

الهام خدتهم ورجعت على الفيلا .

فضل حسين وكرم وملك ويسر وعبد الرحمن اللى كانوا قاعدين على أعصابهم ومش عارفين ايه اللى ممكن يحصل .

ومش متخيلين أن فارس ممكن يجراله حاجه .

كل ده ومحدش ليه فكر مين اللى عمل كده ومين اللى كان مقصود كرم ولا فارس ؟؟؟؟؟؟؟؟؟

فجاه جه واحد من قرايبهم وبلغهم أنه عارف مين اللى ضرب بالنار على فارس لأنه شافه وهو بيجرى بالعربيه بعد ما ضرب بالمسدس .

حسين بسرعه قاله مين .

مين اللى عاوز يموت حد من عيالى ؟؟؟

الراجل رد عليه وبلغه اسم اللى ضرب بالنار ..

كرم ما كنش مصدق الاسم اللى سمعه .

علشان كان نفس اسم ابوا الراجل اللى اتحكم عليه بالاعدام فى القضيه اللى كان ماسكها وكان ابنه المدعى عليه .

وبكده عرف أنه هو اللى كان مقصود بالقتل .

وان فارس هو اللى فداه بحياته .

حسين … مش دى القضيه اللى انت كنت ماسكها يا كرم .

كرم … ايوا يا حاج هى دى القضيه .

حسين …. حسبى الله ونعم الوكيل انا لازم اقتله ابن ال ………..

عبد الرحمن …. اهدى يا حاج حسين احنا لازم نبلغ البوليس وهما اللى هايتسرفوا ويقبضوا عليه .

والقضاء هو اللى هايحكم عليه ويجازيه .

ملك بدأت تفوق وكانت يسر وسلمى معاها فى الاوضه ومسمعوش الكلام بتاع الراجل اللى جه بلغهم ده .

عدى كذا ساعه وكانوا كل شويه يطمنوا على فارس ويشوفه حالته وصله لايه ..

ملك كانت واخده ركن فى الاوضه وكانت بتصلى وتدعى ربنا أنه يقوم فارس بالسلامه ويخليه لشبابه .

ويسر كانت بتدعى ربنا أنه يقوم بالسلامه وهى مش هاتعنده تانى ولا تزعله .

وهاتعترف ليه بحبها وعشقها وأنه حياتها كلها .

عدى اليومين وكان الدكتور خارج من اوضه فارس وسأل الحاج حسين على مين يسر ؟؟؟؟؟؟

حسين … يسر بنت اخويا يا دكتور خير فى ايه ؟؟؟؟؟

الدكتور ….. فارس طول اليومين دول مش بينطق غير بأسم واحده اسمها يسر .

فياريت تدخله اكيد هو هايحس بيها وممكن حالته تتحسن .

فرح حسين وكرم من كلام الدكتور و. وطلب من يسر انها تدخل لفارس تطمن عليه وتحاول تتكلم معاه علشان ممكن يسمعها ويحس بيها وهى قريبه منه .

وفعلا دخلت يسر لفارس وقربت منه بس هو كان لسه مش حاسس بيها .

يسر مسكت أيده وقالته سامحنى يا فارس .

سامحنى انا تعبتك كتير معايا بعندى واستهتارى .

اه لو تعرف انا بحبك اد ايه يا فارس ومش بتمنى غير انك تحس بيا دلوقتى وتعرف انك كل حاجه بالنسبالى .

انت حبيبى وحياتى وعمرى يا فارس .

انا بحبك اوى اوى .

وياريت تفوق وتحس بيا وبماشعرى نحيتك .

وفجاه حست بحركه فى ايد فارس ليها وأنه بدأ يفتح عينيه وبص ليها وقرب اديها من شفايفه وباسها براحه .

فرحت اوى اوى يسر أن فارس فاق وأنه حس بيها وباسها كمان .

جايه تقوم علشان تبلغ عمها حسين وكل اللى برة .

مسك اديها جامد وقالها راحه على فين يا حبيبتى .

يسر ….. يااااااه يا فارس كان نفسى اسمع الكلمه دى منك .

بس قامت خبطاه فى كتفه وقالتله بتحبنى ولا بتحب ست عبير بتاعتك وهاتتجوزها ؟ فتألم فارس من الخبطه وقالها يا مجنونه براحه انا متعور

وبعدين هو ده وقت عبير دلوقتى ؟

يسر … اخ معلش يا فارس نسيت .

وراحت يسر وبلغت الكل أنه فاق وبدأ يتكلم معاها وفرحوا اوى ودخلوا كلهم علشان يشوفوه .

_______________

عدى كذا يوم وبدأت حاله فارس تتحسن والدكتور كتبله على خروج .

وفعلا خرج فارس ورجعوا على الفيلا .

والكل كان فرحان أنه رجع بالسلامه .

كرم …. حمد الله على السلامه يا بطل .

فارس …. الله يسلمك يا عريس معلش بوظتلك ليله فرحك انت وعبد الرحمن .

عبد الرحمن … ماتقوليش كده يا فارس انت اخويا وبعدين ولا يهمك يا باشا ملحوقه .

فارس … اللى نفسى اعرفه مين اللى عمل كده وكان قاصد كرم ليه وكان عاوز يموته ليله فرحه ليه ؟؟؟؟؟

حسين وكرم حكولوا كل الحكايه وأنه كان ابوا الواد اللى كان المدعى عليه فى القضيه اللى كان ماسكها كرم .

*********

الكل كان فرحان وسعيد برجوع فارس واتلموا كلهم على السفرة واتغدوا مع بعضهم .

وقالوا اننا لازم نعمل فرح تانى كبير اوى لكرم وعبد الرحمن وكمان فارس .

يسر اول لما سمعت كده دموعها ملت عنيها. والكل لاحظ وافتكروا الخطه والاتفاق .

ومحدش كان قالها أن كل دى لعبه وخطه بينهم كلهم علشان تعترف بحبها بفارس .

ولسه جايه تقوم قام فارس ماسك اديها وقالها !!!!!

تتجوزيني يا يسر

يسر …..😱😱 انت بتقول ايه يا فارس انت مش هاتتجوز عبير .

فارس …. لا انا مش هاتجوز غير يسر بنت عمى حبيبتى واول واخر حب فى حياتى .

يسر … مش فاهمه اومال ايه حكايه جوازك من عبير ؟؟؟؟

الكل كان بيضحك وعمها حسين حاكلها على كل اللى كانوا متفقين عليه .

يسر عيتط من اللى سمعته قام فارس خدها فى حضنه وطبطب عليها .

الكل فرح من الموقف وان يسر وفارس اخيرا حسوا ببعض .

وان يسر اكيد هاتوافق على جوازها من فارس .

فارس …. ايه رايك يا يسر .

انا بطلب منك الجواز اودام العيله كلها .

يسر … وانا طبعا موافقه يا ابن عمى .

فرح الكل وبدؤوا يباركوا ليهم .

والهام حضنتها وباستها.

ويسر راحت على جدتها وحضنتها وباست اديها .

وفضلوا يباركولهم .

وفجاه جت الشغاله وبلغتهم ان واحد اسمه عمر ومعاه أخته ريهام عاوزين الحاج حسين .

😱😱😱😱😱

يا ترى ايه اللى جايب عمر وريهام ؟؟؟؟؟

تواقعتكم ايه يا حلوين 😉

انتظروني فى الحلقه الاخيره .

الحلقه على ال

بقلم سحر فرج

الفصل السابق الفهرس الفصل التالي