تحميل رواية «لك ياذا الجمال اليوسفي» PDF

جانت ليلة من العمر سهرنا على انغام الحب ، ايدينا داعبت كل جزء بجسمي وشفايفه قبل كل ذرة مني وانحنت احاسيسة المرهفة كبالي

صرنا انه ويا واحد روح وحدة، جسم واحد، نشغه الحب عشتها ويا اول مرة بحياتي وجان اجمل احساس

سرقني من روحي حسيت نفسي فاصلة عن العالم كله وعايشة بمكان آخر تمامًا مكان حلو يحكمه الحب

ويقوده الحنين

مرر اصبعه على خدي وشفايفي برقة عيونه ذابله ويتأملني بحب

نصة وقبلني بلهفه قبلة ادمت شفايفي

ابتعد عني جر نفس عميق مغمض براحه فتح عينه وهمس :- تخووووف

جمانة :- ا انت التخووووف .. كتم انفاسي بقبلة ثانية

مرت نصف ساعة تقريبا ابتعد مني يضحك ويميل بشعري عن وجهي

باس جبيني مبتسم :- يا جمالچ شكر لمه مو بنيه وبنكها الهيل

وهذني الشامات حبات هيل مطشرات بجسمچ

جمانة :- ا اول مرة و واحد يوصف ش شاماتي بش بشكل حلو واحبه م من صدك

بارق :- محد يوصفك عدل غير اليحبك

عض خدي حيل صفگته راشدي ودفعته جر راسي حيل ورجع عض خدي مرة ثانيه

بارق :- شلون تطگيييني

جمانة :- ب بكيفيييي ر رجلي و وبيناتنا ا اريد اكتلك ع عندك مانع؟

بارق :- لا ... كتليني فدوة الچ انه

:- ش شمالك بس تعض ش شنو ا امك متنسية بيك ع عضه ج جلب

بارق :- ان المحب لمن يحب عضوض شتفتهمين انتي؟

حطيت راسي على صدره وغمضت عيوني براحة

ما حجيت اي شي بقيت ساكته ضل يحرك اصبعه على زندي صعود ونزول

همس :- من امرر ايدي على زندج يضل اثر احمر ادري جسم لو جبن الله يحرسچ من عيني

جمانة :- ل لا تبااالغ مو ل لهاي لدرجة ب بيضة

بارق :- ما تفتهمين انتي

جمانة :- ي يمته قررت ت تخطبني؟ و شلون؟ ا اريد اعرف

ضحك بصوت عالي وسحب ايدي حيل عض زندي ضربته على صدره ودرت وجهي عنه بعد بارق وانجلب شيخلصنا بس يعض

حضني من ورا وهمس :- بعرس هاني شفت زرورچ طالعات من العباية وحبيتچ تتذكرين لمن انه وفالح رزلناجن وفالح ضل يصيح راح اهلس شاررربي

جمانة :- ههههههههه ا اي اتذكر ي يعني شفت رجليني

بارق :- اي شفت الرجل بيضة جبن والچاز وردي والاظافر صبغ احمر وانه انسطرت خذيتلي شهر يومية اتعوذ ابليس الف مرة قبل لا انام

جمانة :- حب م من اول ن نظرة للرجل يعني م ما حبيت و وجهي ا امداني ر راودتك عن نفسك م ما ما ماتستاهل

بارق :- لا بغير مرة شفتج يم بيت عمي فاضل وشالج هيج شامرته شمر وركبتج طالعه وجنتي محمرة اتذكر حاطة حمرة هيج لونها شلون البرتقالي

وعيني طاحت على ركبتج وركست بالذنوب شلون عايزلي ذنوب انه

شفت الشام وتسودنت عقل ما ضل براسي ويومية اتمنى اتزوجج وابوسهن واحسبهن

وحلكج يخبل وتعلجين بوية النزاكة هيج ترفة بس طلعتي جبار يا ترفه عمي انه الترف

جمانة :- ط طبعا انت الترف ل لو ما انه ا اا اتحرك بعد ع عشر سنين ما نشوف الخلفة

بارق :- مفلفلة ما تستحين والله نسوان اخر وكت

جمانة :- ا اي ش شسوي كلت انت زلمة م ما عندك جرئة تسويها ا انه اسويها و و افض السالفه مو ااااخوف

بارق :- صدگ تخوف

...

فاضل ...ها يَ بعد عمج؟ اجيج انه اخذچ لو اجيبلج اميمتچ ونجي

رهف بغصة ... لا عندي طلب ثاني عمو

فاضل ... ما تطلبين بوية تامرين امر انتي

رهف ...ضاگت بيه كاع البصرة والغرفة خنگتني وعطر الهدوم ما يروي الفاد اريد للنجف

فاضل ... تأمرين أمر يا بعد بيتي انتي حضري هدومج وانه والحجية نمر ناخذج ونخلي الولد يطلعون بينه للنجف

رهف ... مشكور عمي ما تقصر

فاضل ... لا تشكرين ابوچ

سديت الاتصال كمت بثگل فتحت الكنتور حطيت هدوم بالجنطة وسديتها طلعت بوشيتي والجفوف ولبست جواريبي وگعدت بالگاع بمكاني الأنحفر بي اثر من ظهري طول هاي العشرين يوم

يم الميز كبال الجرباية وعيني عليها ولليوم اشوفة نايم وفايض بدمه

ايدي ترجف البس بالجف وعيني هلت دمعها وبللت حتى ايدي

الله لا ينطيكم ولا يوفقكم جان كتلتوني ويا وريحتوني من هذا الهم والقهر والحزن

الگلب شابة بي نار ما تطفئ والعين ما وكف دمعها من ذاك اليوم الهذا اليوم وما اظن توكف دمع طول العمر

رفعت عيني على فراشة وسجين احس تنغز بكلبي هنا شقانة هنا ضحكنا هنا نمنه وكعدنا وسولفنة

وبنفس المكان انكتلت ودمك فاض

حسيت روحي صرت مدينة حزن واسواري الدمع

ارتفعت عيني على صورة عرسنا معلگة

غمضت عيني ورجفت شفايفي انيت بوجع ودموعي تارسة وجهي

انفتح باب الغرفة وانه على وضعي عيني ما فتحتها

زينب تحجي وتبجي :- بيبيتچ وعمچ هنا يردونچ شني عايفتنا ورايحة؟!

رهف :- ارجع بس اروي شوگي

زينب :- نستاحش بدونچ لا تبطين من نشوفج نحس نشوف فاقد

رهف :- لا انه ولا انتم راح نشوف فاقد بعد راح وعافنه

احجي واهز رأسي بأسى وشفايفي ترجف مبللها دمع عيني

كعدت يمي حضنتني ضلينا نبجي ثنيناتنا لحد ما گلنا بس

مسحت على ظهري و همست :- وليدة ابطنچ ديري بالج علي بس هذا راح يرجع لروح النا ولحد ما تجيبين نضل نحس رواحنا موتة

رهف :- يرجع روحي ويملي دنيتي بس مايرجع ابو من يجي ما ينسد مكانه جبير فاقد مكانه ما ينسد

محد يترسه ، التارس الدنيا بضحكته عافني ابجي دم ريحة دمه وحرورته بجسمي تحركني حرك

زينب :- الحمدلله الحمدلله الله يحبه واخذه

رهف :- كتلووو

احجي وبس اهز براسي بأسى

:- شستفادو زنيبة هااا؟ شستفادوووو؟ رجلي ونايمة بحضنه افتح عيني الكى الاسلحة بروسنه وبرمشة عين الكاه مكتول يمي ودمه تارسني نايم بصفي هيج مثل الوردة والدم يفيض منه

ام فاقد :- ها يمة عمج يتانيچ شني يكول ماخذج للنجف

رهف :- اريد اروي شوگي الگلب ما يتحمل بعد ليلة وحدة ويوگف

ام فاقد :- سلميلي على هذاك المات مظلوم سلام چثير وگليله امك ما مررررتاحة تعاتبك

هزيت راسي وكمت غطيت وجهي ولبست عبايتي وطلعت شلت الغطة سلمت على عمي ورجعت نزلته على وجهي وطلعنا

اخذني لبيت عمي ارفد مناك لكينه امي تنتظر ومبدلة وما كعدنا عشر دقايق اجة غيث واخذنا للنجف راحت امي وياي وبيبي وعمي فاضل

جنت كاعدة بالسيارة عيني على الشارع بس ما شفت شي منه

الدنيا صارت كلها كاعدة فوك اجتافي ما اكدر ارفع روحي ،، احتار اعاتب منو واعوف منو

اعاتب عمامه ليدرون بهذول الكلاب مهددينا وما حاجين؟ لو اعاتبمن

انه الكتلني عمامه ورا وفاته يله حجو وكالو فاقد مداين جماعة 60 مليون ومتفق وياهم يرجعوهن بسنه متاخرين ومطالبهم بدل ما يدفعون ضالين يهددون بي وينكرون فلوسه

وكايل لعمامه حتى يسوونها عشاير متهاونين

وانه ولا جنت ادري ما حاجي لا كدامي ولا كدام اهله ضام علينا يمكن ما يريدنا نقلل

تالي المايخافون الله دخلو علينا وكتلو وهسه بالسجن روسهم تشم الهوى وانه رجلي جوة التراب

ارتجيت علي الكشن بعدني على وضعيتي افكر وافكر وافكر وكلساع اكول لو .. و لووو .. لو حاجي .. لو ممداينهم ... لو عمامه حالينها ... والف لو وما اكو اي فايدة

والقهر ياكل بروحي مثل ما تاكل الارضى الخشب

انه بيا حزن وبيا عين اجيلك

يالساكن ارض النجف ومعذب محبينك

انه الدمعة على خدي تطرزت

انه المات الها گلب وعلى العذاب تعودت

عايفني ونايم جوة التراب شگلتلك روحك شگلتلك روحك من ضربوك؟ وبشنو فكرت

وليش كلمة وداع ما حجيت رحت بلا موادع

حطيت ايدي على عيوني من فوك الغطة غصيت بدمعتي

حنين وتخاف عليه لاخر لحظة بأيدك غطيت عيوني ماتريدني اشوف شلون يكتلونك

ماتدري بالصار بيه خلاف عينك ..

جنت ساكن بروحي وهسه سكنت النجف

شلت ايدي من عيني لمن بيبي وامي صلن على النبي باوعت شفت النجف ترحب بكم

مشت بينه السيارة هواي وانه كلبي يفرفح بس اريد اوصله

عمي كال لبيبي :- من رخصة ابو الحسنين نزور المكابر ونروح للامام علمود ناخذ راحتنا نصلي ونكعد بالامام

سعدية :- اي يمة وهم نغسل ونصلي ونندعي لاحبابنة براحة ونرتاح يمه ابو الحسنين بعد عيني

فاضل :- غيث تندله؟

غيث :- اي بوية جا شلون كبل اسبوع احنه يمة والله من راد يسافر سداد كال ما اسافر اذا ما اودعه واجينا

فاضل :- وين كبرة يا فتحة

غيث :- كلش يم سيد الصدر مدفون من تطلع تمشي شوية وذاك هوا حاطين صورته وكبرة عالي

فاضل :- الف رحمة على روحه ..

وصلنه نزلت امشي عمي كض ايدي ويماشيني جنت امشي بصعوبة حملي ثكيل والتعب واصل عندي الاقصى مرحلة

شفت من بعيد عيني وكعت على صورته محطوطة ومكتوب عليها المغدور الشاب فاقد سلام لو انه فرفحت كلبي حسيته من الوجع يريد يطلع من بين ضلوعي

وصلتله جثيت على اركبي شلون قريت الفاتحة ومنين بديت ويا ما ادري ، وصوت نحيبي ترس المكان الشهگة تشگ صدري وتطلع ..

اعاتب وابوس شاهد القبر وارجع اعاتب واسولفلة حزني ..

وبنبرة حزن خاطبته ( خلي النوم يالحبيب والي اكعد ، ودي وياك نتسامر انا وانته ، اناغيك بحكايتي وتناغيني ،، يالحبيب الى صدرك تضمني )**

طلعنا من المكبرة مكسرة سبحت بالفندق وتوضيت وزرنا الامام علي شوية خف حملي من صليت وقريت قرآن ودعيت .. ورجعنا للبصرة يوم ثاني من الصبح

عايفين ورانه عزيز نايم حدر التراب ..

فلك ... لامة رجليني لصدري وعيني تراقب تصرفاته الغريبة

يفتر على روحه اكثر من عشر دقايق حاير وبعيونه حزن ما عهدته ، ورث جكارته وراح فتح الشباك و وگف گباله يسحب نفس من الجكارة وجمرتها تشتعل ويزفره بحرگة گلب ..

ارتجيت على تاج السرير وهمست بعتب :- ما كافي؟ راح تموت روحك والله وضعك غريب وهاي الجگاير موتتك

ما رد شمر الكطف وسد الشباك رد البردة وضل جامد بمكانه حط ايده على الحايط ونصة رأسه بحزن

مشيت اله لفيت ذراعي حول كتفه وحضنته من ورا

فلك :- أذيتني فالح والله أذيتني

دار وجهة الي حط رأسه على كتفي وضل يبچي ويهتز كل جسمه ، متألم ، وگلبه مكسور

گال بنبرة حزن متحسر :- القاهرني ادرررري وخضعت لتحذيراته وما حچيت

راح صاحبنا لان ماحجينة والله لو حاجي جان ما تجرئو ودخلو علي للبيت وكتلوو

فلك :- شبيدك فالح ماتكلي غير هو كدام مرته واهله ما حاجي ضام الموضوع شبيدك انته هم الله يرحمه ما قابلك تحجي

فالح :- گتله فاقد هذول خاف يسوولك شي ويأذونك عمامك مابيهم حظ تعال دخل عمامي واسطة وخل ياخذولك حقك لو على الاقل تصير علني والناس تعرف عندك مشكلة وياهم من هيج يخافون يوصلولك لان اصابع الاتهام كلها تتوجه الهم اذا صارلك شي

كليي لاا ماريد اقلق الاهل وعرسك منا ورا العرس اجي لعمي فاضل

والله لو ادري ما معرس وماجلها ومخلي فاقد حال سالفته ندمت كد شعر راسي ما حجيت وخليت الموضوع ينتشر جان محد وصله

فلك :- الله كاتب هيج شنو تعترض على الكاتبة ربك

كافي تعال شو تمدد هنا

جريته ذب روحه على الجرباية حطيت راسه بحجري ضليت امسد على شعره واصبره

فلك :- ما ضاع دمه والسفلة بالسجن راح ياخذون عقوبتهم

فالح :- هذوووول لازم اعداااام وبأسرع وكت

فلك :- ياخذون جزاتهم فالح بس كافي صارلك شهر على هذا الحال شنو ما مليت والله ايمانك ضعيف ما ظنيتك هيج

فالح :- فلك صاحبنا صاحبنا

ولج بليلة عرسي انكتل صاحبي وانه جنت ادري مهددينا اااااخ اااخ لو حاجي

عض ايده بحرگه گلب

اختنكت بعبرتي حاولت اخلي اعصابة ترتخي ماكو يفور عفته وطلعت يم عمة رحاب بس شافتني كالت هااا

فلك :- بعده بحزنه وقهره

رحاب :- يله يمة صبري الصار مو هين ماغير صاحبه وابن ديرته ورجل بت عمه

فلك :- عمه صابرة شعندي بس غير كلبي يتكطع من اشوفه مهموم شبيده هو ترة ما جان بيده شي اذا المرحوم موصي ما يحجي

رحاب :- الله يرحمه غلط من ضم بعد مات شيفيد الندم

فلك :- والله انه لليوم ما ارتاحيت يعني عروس افتح عيني نص الليل على هيج خبر مو هينة وخصوصا انه اعرفه من صغري وبكبري جنت طالبة عنده

هم انصدمت ولهسه بيه رعشه

رحاب :- يرادلج علوية انتي

فلك :- اي والله ترقي عليه قبل لا اتخبل انضريت من الصدمة

رحاب :- تعاي يمة كعدي هنا ، راحت جابت طاسة بيها ايات وحطت بيها ماي وشربتني وهاي صار شهر يومية تشربني ماي بيها وتشرب فالح تكول انضريتو

صحيح كلامها اذا احنة بأحلى ليلة بعمرنا انصدمنا بخبر هزنا هز شلون ما ننضر ونتاثر

درة ... شلون مشت الايام وركضت بينا ما ندري ، فجأة لگينا نفسنه راجعين من اخر امتحان

انه وجمانة وياسمين وفلك وبدون رهف لان تركت والله يعلم شوكت ترجع هاي اذا رجعت

مرات الانسان يمر بمصيبة تخسره الفات والجاي

الماضي والمستقبل

ويضيع بالحاضر ..

تنهدت وعيني ما نزلت من الطريق ، شلون بيه؟ شلون تصفى وياي

الگلب ميت ما يقبل يدگ لهمام دگة حب ومات من جانب حر ، لا راح يرجع للماضي ولا يكدر يتقبل المستقبل

احس روحي صحيت بأخر شهور ولگيت روحي ومن لكيت روحي نسيت الباقي وضيعتهم

حب الذات اعظم شي

حبيت روحي واكتفيت بروحي وما اريد من احد يجي يحبني وحياتي ما توگف على احد

بس جيب اليقنعهم بهذا الشي ..

ياسمين :- درة .. حجت بهمس

درة :- هاا

ياسمين :- شنو رهف يمته تجيب؟

درة :- دخلت بشهرها منا وهيج تجيب ادعولها الله يسهل عليها ويجي الطفل سالم وتقر عيون اهله بشوفته

ردن :- ان شاءالله تكوم هي ويا سالمين

ياسمين :- مالها نيه ترجع يمكم ترة الوضع كلش لا يطاق البنية راح تتخبل روحو جيبوها عمي

فلك :- هسه وكت هذا الحجي؟

ياسمين :- اي وكته بنية مكسورة وحزينه ومصدومة صدمة عمرها عايفينها شهور بنفس الغرفة الي نكتل بيها رجلها والله مو خوش تخبلت صار بيها شي بعد شيفيدها

درة :- انه وياج وشكد لحيت وامي لحت ماتقبل نجيبها يمنه لليل تموت روحها بجي ونرجعها لبيت عيالها

حتى عمي ارفد كال هاي صارت بيها حالة نفسية ودخل عمي فاضل بس ماتقبل

فلك :- ما يصير تضغطون عليها

ياسمين :- لازم اول مرة تضغطون لحد ما تتعود والله غلط مخلينها مگابلة الفراش المات بي الزلمة بس بعد واحد شيحجي هم ما يكدر يلح وياها خاف يصيرلها شي وهي حبلة

جمانة :- گ گالت ذاك ا اليوم م من اجيب و واطلع الاربعين ا ارجع لاهلي

درة :- بلكت الله

دك مبايلي نصيت شفته همام انطيته رفض ، هسه يعرف انه مو وحدي كايلتله من ارفضك احد يمي

رجعت احجي ويا البنات اقل الدقيقة دك مرة ثانيه باوعت فالح يخابر انمغصت بطني مغص شنو السالفة الجماعة واحد ورا الثاني بس لا صايرة مصيبة حتى اخاف ارد

رجفت ايدي باوعت لفلك عينها صارت ع مبايل وباوعتلي مستغربة وبعيونها الف سؤال مثلي قوست شفايفي بمعنى ما اعرف

وجاوبت وبداخلي ادعي ربي كوون ما صاير شي ولا راح اسمع شي يخوف بهذا الاتصال

فالح :- سمعيني ولا تحسسينهن بشي خوش

درة :- هلا فالح الحمدلله

فالح :- عفية عليچ هسة راح يطلع بيچن السايق لبيتكم وتنزلن كلجن نزليهن لاي سبب كليلهن مثلا فالح كلي نزلي البنات وراح نلتم نتعشا سوية هنا

يمكن ياسمين تعترض گليلها فالح مخابر حتى نجم وكايله وماخذ أذنه وراح نلتم كلنا واريدج تضحكين لا تحسسينهن

درة :- ها ان شاءالله ان شاءالله

فالح :- عفية من توصلين وحدج خابري الي لو لهمام

درة :- المناسبة شنو

فالح :- من توصلين وتصيرين وحدج خابري واحجيلج

درة :- تمام باي .. سديت الخط ورسمت ضحكة على وجهي

... فالح عازمكم على العشا يمنه وكلكم ماخذلكم الأذن لحد تكول ابوي امي رجلي كلجن مضبط امورجن فالح

ياسمين :- لا فدوة انه ما اكدر امي تذبحني

درة :- مخابر نجم ومضبطلچ لا تخافين ونجم هم معزوم والولد كلهم

صفگت بفرح :- گولي والعباس مضبط كلشي ولمه و ونسه ومحد فوك راسي لا خالد ولا لمياء

لكزتها فلك لمت شفايفها تضحك ودارت وجها جنت مبتسمة جذب وكلبي يرعش وانفاسي تتسارع كوة مسيطرة عليهن مبين اكو شي ورا هاي المكالمة

مبين اكو طركاعة

ياربي سترك يارب دخيلك تعبنه وما ضل عدنا لا گلب يتحمل ولا خلك طويل

معقولة رهف بيها شي؟!! فتحت مبايلي كبل كتبتلها ع خط شلونج رهف

ماطولت خمس دقايق وردت هلا درة الحمدلله زينه

تنفست براحة عد عيالها وزينة يعني صاير شي يم عمامي ،، وصلنا نزلنا استقبلتنا امي مبتسمة سلمنا وكعدنا وضلت تهلي بالبنات وتكللهن فرحت بجيتجن فرحني فالح من كال عمة اليوم اللمة عدج

ياسمين :- اي انتي فرحي وانه ارجع انكتل

تحجي وتضحك

وعد :- لا ما تنكتلين ان شاءالله ..

عفتهن وطبيت للغرفة طلعت مبايلي وختلت ورا الكنتور وامي عدها خبر يعني فالح سابقني لامي بس شنو صاير دخيلك يا علي

دكيت على همام جاوبني فالح خفت اكثر

درة :- فالح شصاير انه وحدي كلبي راح يوكف وحق هو علي

فالح :- بيت عمي خالد طاگة عليهم الكهرباء واحترگ البيت كله شب وطفا

درة :- يمة دخيلج يالزهرة

فالح :- انه هسه كتبت رساله لفلك وجمانة وانطيتهن خبر عينجن على ياسمين خطية خوش

درة :- خوش خوش بس شنو اهلها متأذين

بجة وگال :- نجم بالانعاش حالته خطرة وعمة لمياء ماتت طلعوها مفحمة

حسيت رجليني ارتخن كعدت بالكاع مبهوتة :- لا حول ولا قوة الا بالله دخيلك ربي كلبي راح يوكف دخيلك يا ربي فالح شنو شلون غير نكللها شني نجذب عليها جا

فالح :- جذبن عليها بس لحد ما نرجع ساعة زمن علمود ابوها يحجي وياها لو عمي فاضل احنة مانكدر نصدمها

درة :- خوش .. يله طالعه

نهيت المكالمة لشتي كلها ترجف غمضت عيني بتعب رغم كرهي لعمة لمياء بس انقهرت ومتت كلبي يرتعش كله ونجم طيب ما يستاهل

ياربي المصايب ورانه مانرتاح فترة! كل فترة خبر يصدم اكثر من القبله ينشف ارياگنا ويخلينا مانندل درببنا الك بيها حكمة وارادة ربي

كمت مسحت وجهي وطلعت اتختل غسلت وجهي ورجعت يم البنات وحدة تباوع بوجه الثانية كوة لازمين دموعنا

فلك عيونها صارن دم كامت للمغسلة گبل بحجة تغسل

ياسمين متربعة وبحضنها مخدة وتحجي مبتسمة منطلقة

وتحشش على خالتها هناء كدام جمانة .. وجمانة تضحك جذب وتهز برأسها

ياسمين :- والله امي تكتلني اليوم هسه تكلي وين مولية لبيت شريجة خااالتچ وتجيب النعال براسي بس يله فدوة للطيبين

وعد :- اصبلجن الغدة بعد هواي للعشا

ياسمين :- لالا متغدين بالجامعة احنة لفاتنا ويانه بالخط ناكل وما ضل شي للعشا نريد نضمها ونترس الكرش ترس نصير كلنا حوامل

وعد :- ان شاءالله بخير فلوحي .. حجتها وزمت شفايفها وباوعتلي بقهر

درت وجهي عنها بس يكلولي بز ابجي ومنا ياسمين كبالي كاعدة ، طيبة ما تستاهل ولا مرة شفتها خبثت ويا وحدة لو ذبتلها حجاية سمانية ودومها مبتسمة واحس كلبها نظيف

لهذا السبب تنحب وابد ما تأذي احد لو حتى غلط بحقها اخير من غلطة رهف من فضحتها وما سوت شي ولا عاركت حتى بنية فقيرة وبس تضحك الدنيا هيج ماشية عدها

هسه شنو راح يصير بيها من تعرف؟ لطمت رجلي بدون ما احس وعضيت شفتي بقهر

بسرعة تلاحكت روحي وسويت روحي انكت شي من ثوبي

بعدنا نبجي ع مصيبة فاقد حتى ما وكفت عيونا دمع عمي بعدنا ما مصدكين

لك الحمد ربي لك الحمد ..

تقريبا ساعة ونص وانفتح باب البيت ركضت للمطبخ واول مرة بحياتي ينكسر كلبي على عمي خالد واحسه مسكين

كبال باب البيت كاعد بالكاع دشداشته مشكوكة من الطول للطول وكله صخام صام ايدينا ويضرب على رأسه بثنين ايدينا ويبجي

دخل عمي فاضل وجهة اسود من هول المصيبة ، وشعره الابيض مهوس

منصي والباقين حالهم شوية ارحم من حال فالح

ياسمين جانت بغرفتنا كاعدات ع تلفزيون وما سمعت صوت العياط

طلعت من باب المطبخ ايدي على كلبي ودموعي تصب

وانهد حيلي من سمعت عمي خالد يصيح

خالد :- بووووية نجم ولك بوووية لا منك ولا من امك نجممممم بوية

عرفت نجم مات كعدت بالكاع مهدود حيلي حتى قوة ماعندي اگوم البنات سمعن وطلعن يركضن ياسمين شافت حال ابوها وهو شافها لو كام مفرفح فاتح ايدينا ويركض عليها مثل المسودن يبجي ويصرخ

خالد :- ولج بوية امج واخووج راحو بوية ولج ياسمينة احتركو امج واخوج وعافونه وراحووو بوية

بعده مالحك لزمها يحضنها وهي طاحت مثل الجثة انه ضليت اضرب على وجهي واعيط ربي رحمتتتتك ما طلعنااا من صدمة فاقد ربيييييييي

فالح زاد بنحيبه وهمام شاك زيكة ويضرب على صدره بقبضة ايده

وعمي فاضل مغطي وجهة بأيده وجسمه كله يهتز من البچي وينحب نحيب

عمي ارفد انهار حاط راسه ع حايط وبس يبجي

بعمري ما توقعت الكبر والادراك راح تخلينا نتأذى هيج اتمنى روحي ما كبررت وعمري تجمد لحد 8 سنوات من مات ابوي ما حسيت بهذا الحزن لان ما جنت اعرف وافهم شنو يعني موت

بس هسه صرت اعرف وصرت يومية افقد احد ويومية انصدم بوفاة احد عزيز واضل اتعذب بحزني على فراق الميت وحزني على الحي الضل متعذب

ياسمين فتحت عيونها وضلت فاكتهن ع وسعهن مصدومة ما رادو ينقلولها الخبر هيج بس وفاة نجم خلت المصيبة اكبر بهواي وانهارو لأبعد حد

عمي فاضل لزمها من كتفها يهز بيها ويكللها :- بنيتي قضاء الله وقدره وانتي مؤمنة بوية

ياسمين همست ...شيصير ع بت من ترحل امها؟

نعم سألت هذا السؤال ماذا يحدث للفتاة بعد ان تفقد والدتها؟

أأجيبكم الأن؟ ام اترك الاجابة لوقت لاحق؟

أ أخبركم ماذا حل بتلك الفتاة الضعيفة حين رحلت والدتها ام اترك لكم المجال للتوقع

لا .. سوف اخبركم الان ..

اسبوع واحد تراب امي واخوي ما نشف ، وبعدني ابيت عمي ارفد حتى ما عدنا بيت نروحله بيتنا انهجم واحترك واندك الباب مال بيت عمي ارفد وطلعت عمه وعد دقيقة وطبت مرة للبيت شايلة بنية عمرها يطلع سنة

جنت كاعدة وضليت كاعدة تقربت مني دنكت بوستني وجهة مو وجه وحدة تعزي محمرة ومكحلة ولابسة الوان

باوعت لعمة وعد اريد اعرف منها هاي منو كلت هسه تعرفني عليها بس طاحت عيني بعينها كالت

وعد :- المرية تكول من اهلكم

ردت المرية :- اي من اهلها وظنيتها ببيت خالتها شو ضاله يم الغريبة والله وكت

وعد :- اطالبچ بالاحترام وانتي بداخل بيتي والبنية بنيتنا هنا لو ببيت خالتها ماكو فرق ،، وعرفيني عليچ اذا ماتصير زحمة

رفعت حاجبها وكالت :- مرت خالد سماهر وهاي اخت ياسمين ريحانة

عقدت حاجبي ومن مصيبتي ضحكت

سماهر :- حجيت شي يضحك؟ ذبيت نكته هذا الاحترام الربتچ علي امچ

وعد :- تفضلي بيتي يتعذرج اذا عندج سم ومشاكل روحي ذبيهن بغير مكان مو يمي

سماهر :- وانه شعندي وياچ وتطردين جاية اعزي بت رجلي والله يالله طالعة عيوني تاليتنا حبايب ونلتم ونكعد غير نسوان حمة

فرت ايدها ما عاجبها ورفعت طرف جبتها طلعت رجلها ومشت ، عيني وراها راقبتها لحد ماطلعت عمة وعد بسرعة طلعت وسدت الباب وراها بغضب

ضليت صافنة واضحك الصدمة مسيطرة علليه ، ما مستوعبة الصار

وعد :- تولي هاي وحدة ماتخاف الله

ياسمين :- متزوج على امي متزوج هاي الساقطة الماتوصل لأظفر امي ومخلف منهاااااا عمة

وعد :- لا تبجين عمة لا تبجين

ضليت اصرخ وابجي :- يمممة فدوة تعاليلي يمة وينك نجم خوووية تعال لاخيتك راح تموت عگبك وعكب امي كوون ضاله ومحتركة وياكم وميته ولا شايفة هذا اليوم والله خلص حيلييي المن ضليت عدلة ليش ماتاخذني ربي مثل ماخذيت امي واخوووي

درة :- طلعت من الحمام اركض وشعري يكطر ماي

:- شصايرر متت خوف شصاير كلبي راح يوكف

وعد :- ماصاير شي وحدة سافلة اجت تزيد مصايبنا و ولت من عساها لا ربحت ولا وصلت

درة :- لا حول ولا قوة الا بالله .. امي تصبر بياسمين ومن خلال حجيها وصلتني نص السالفة وطبعا مو شي غريب عمي خالد تطلع منها هاي وغيرها ماكسرني بس بالفاتحة حتى ورة الفاتحة بيوم من شفته ما عجبني عبالك رجع للطلطة مالته

ياسمين فرفحت ونامت بالهول من كثر التعب امي راحت خابرت عمي ارفد ضلت تحجيلة وعن طريق حديثها ويا عرفت كل شي

حقها المسكينة تنصدم تراب امها ما نشف بعده وما لحكت تستوعب الصار

اجو عمامي التمو وكعدو وياها يصبرون بيها ويذمون بعمي خالد لان عرفو متزوج بالسر ومخلف بنيه ومحد يدري بي ..

وهي المسكينة تفرفح بجي وتصيح ما ارجع يم ابوي اضل هنا ولا اروح يم هناء خلوني هنا لو تودوني للنجف تدفنوني

ارفد :- لا هنا يمي تضلين احطج بعيوني مالج شغل بابوج ما اخلي ياخذچ

ياسمين :- بس ياخذني انتحر والله وكلكم شهود

فاضل :- لا تحجين هيج يابوية خلي ايمانج بربج قوي واحنه وياج هذا هو ما يصير شي خارج عن ارادتج وهسه تجي الحجية من يجي هور وتشبعه الج رزايل وتطرده

دك مبايلي من الغرفة ركضت شفت زينب اخت فاقد تخابر جاوبتها ردت بصوت يرجف

زينب :- وينكم ليش امج ماتجاوب

درة :- والله عمامي عدنا رهف شلونها زينه شبيچ ليش صوتچ يرجف؟ جابت رهف

ردت بصوت يرجف وهي تبچي :-

ردت بصوت يرجف وهي تبچي :- جابت رهف صارت عدها ولادة فجأة وخذيناها للمستشفى وجابت ولد جابت منتظر اجة ابن اخونه اجة

درة :- يا الله يا الله شني شلونها هيه زينة زينة والطفل

زينب :- زينيين يخبلون الحمدلله هسه راح نطلع مسافة الطريق واحنه بالبيت ما قبلت نخابركم

درة :- الحمدلله من توصولون خابريني نجي فورًا

.... عيني فاضت بالدمع

نهيت الاتصال وسجدت سجدة شكر لربي وحمدته وشكرته على سلامة اختي ومولودها حمد كثير

حسيت هذا الخبر هو نسمة هوى باردة مرت على روحي ونعشتني ، لك الحمد ربي

طلعت من الغرفة احس روحي مرتاحة واعصابي مرتخية شوية جانو كاعدين يسولفون ويواسون بياسمين ويرزلون بعمي خالد بغيابه

شاورت امي :- بتج جابت

وعد :- ولادة؟ عدها ولادة كالت مفزوعة

درة :- يا ولادة جايبة ومكملة وهسة طالعين للبيت ننتظر توصل ونروح

كلت لزينب تنطيني خبر

وعد :- تشاقين مو؟ حجت وعيونها مغوركة دموع

درة :- لا صدك الحمدلله رب العالمين كضت

غمضت عينها براحة وجررت نفس عميق

درت وجهي باتجاهم يباوعون علينا بس وكعت عيني عليهم حجيت متحمسة

:- رهف ولدت بالسلامة الحمدلله

ردو بصوت واحد مرتاحين :- اييي الحمدلله والشكر لله قرت عينها بشوفة مولودها

شلونها؟

درة :- زينة جايبة بالمستشفى وحماتها كالت طالعين وراجعين للبيت مسافة الطريق

فاضل :- الحمدلله على سلامتها واظن وراها البنية لازم تجي هنا

ارفد :- اي حاجي وياها انه كالت عمي من اجيب واطلع الاربعين ارجع الكم

فاضل :- اي هذا هو كافي الدنيا مشت ما وكفت ورهف بنفس النقطة

ماتطلع من حالتها اذا ضلت هناك

وعد :- بس والله شايله هم عيالها متعلقين بالطفل گبل لا يجي هسه شلون؟ بالنسبة الهم روح فاقد وردت

فاضل :- هذول همه شمرة عصا ماكو مشكلة تمرلهم يمرولها ويشوفونه ويشبعون منه

صادق :- انه اقترح السنة التجي ترجع لجامعتها وتكمل دراستها الكعدة بين اربع حيطان ما تفيدها وتعقدها بالزايد بعد هاي عليك ابو ليث

قنعها ترجع تكمل علمود تطلع تمشي تشوف العالم تصاحب بنات وتشوف الدنيا شلون ماشية وما واكفة

فاضل :- بعد هواي للدوام الله كريم

ارفد :- ام رهف جددي الچاي ما عليچ امر عيوني انتي

وعد :- تدلل

كامت للمطبخ مشيت وراها عيونها تدمع بفرح تمسح بردانها دمعها وتحمد الباري وتشكره

غسلت الستكاين طبت ياسمين للمطبخ كعدت على الميز وحطت راسها علي كعدت بصفها مسدت على رأسها رفعت راسها حضنتني تبجي

ياسمين :- عندج عمة وعد انه ماعندي واجتلي وحدة ما ينعرف اصلها منين ونفسيتها شنو وصارت بمكان امي العزيزة

درة :- ياسمين المؤمن مبتلى والله ابتلاج ويريد يختبر صبرچ ويشوف ثقتچ بي شلونها

وعد :- ثقي الله ما يعوف عبدة وانه اخليج يمي البيت اذا ما شالچ هاي عيوني تشيلچ وتغطيچ حالچ حال بنياتي ويمكن تصيرين اعزهن

حجت مبتسمة

ياسمين :- لا تخلونه ياخذني والله انتحر

وعد :- هاي مرتين عدتي هاي الحجاية وتحلفين شنو اي واحد مر بمصيبة انتحر؟ شبيج امي انتي شبيچ

خليج قوية واحنة كلنا يمج وهاي عمامج موجودين وكلهم بظهرچ

لا تفكرين هيج تخسرين الدنيا والاخرى

درة :- وترحين لجهنم وامج ونجم هسه بالجنة وما تلتقين بيهم صيري زينه وارضي ربج ولا تغضبينه علمود تلحگينهم للجنة ولا تنسين بالاخير كل احنه ميتين اذا مو اليوم باجر

وعد :- درة!!

درة :- اي المن تنتحر غير الموت ورانه وراح ياخذنا كلنا

دك جرس البيت ، امي ضلت واكفة كبال الباب تباوع وياسمين تبجي

ياسمين :- خايفة! الواحد شلون يعيش ويا مرت ابو ما ادري اخاف واخاف فوك عذابي تحملني اضعاف

درة :- واذا مرت ابو شنو تايهه الها ؟

وعد :- دخيلك يا علي اجة خالد وجايب الحجية ومرته

ياسمين :- شنو ممصدگ؟! بعده ما نشف تراب امي

وعد :- بعد هذول الزلم مو مثل گلوبنا نموت روحنا ورا الزلمة من يموت ومانتقبل غيره هم عدهم عادي

ياسمين :- منين دخلو؟

وعد :- من الاستقبال گبل دخلهم عمج ارفد

كامت تمسح بوجها وكالت متحسفة :- ما عندي شي اخسرة بعد هاي انه مقدمة روحي للدنيا شلون ماتريد تلعب بيه خل تلعب

عمة بس تعاي ندخل سوية يمهم

درة :- وانه هم اريد ادخل وياجن اريد اشوفها هاي الركطة

وعد :- تعالن امشن وراي .. دخلنا ورا امي سلمنه ع حجية ياسمين كتفت ايديها وكعدت ويا ابوها مكابل قاطبة حواجبها بغيض و وجهة ما يگصه السيف

خالد بنبرة توسل :- سلمي على ابوچ ولا تزيدين ضيمه

ياسمين :- شلون الك نفس تراب امي ونجم ما نشف بعدنه بصدمتنا وجايبها وجاي اصبرلك شهرين ثلاثة على الاقل للاربعينية

خالد :- والله ما ادري بيها جاية ملت من السر رادت تعلن وخافت اروح على غيرها

باوعتلها تباوع بنظرة بريئة وكامت اجت بأتجاه ياسمين نصت باست راس ياسمين والدموع طاحن

سماهر :- بنيتي انه ان شاءالله اعتبرج مثل بنيتي ريحانة واحطچ بنص گلبي وتاخذين صفحة من صدري حالج حال ريحانة اختج

ياسمين فكت عينها مستغربة اسلوب سماهر ودموعها

هزت راسها بدون جواب ..

سماهر مسحت وجهة وباوعت لعمو خالد وحجت

:- والله يا خالد انته تعرف انه شنو وكلبي شنو طيبة ونيتي بيضة واحب حتى اليكرهني وان شاءالله ما اقصر وياها واصيرلها ام

ياسمين :- محد يسد مكان امي ولا اريد ام غيرها وانه اضل هنا ما اريد اجي يمكم

خالد :- مو حجي هذا بنيتي والله كلبي خلصان صلي على محمد وبيت خالتج سماهر موجود واحنة نفرغلج غرفة وتجين تعيشين يمنا وعندج اخت صغيرة

ياسمين :- ما اريد .. حجت مختنكة

سماهر :- الجنة بدون ناس ما تنداس والبيت شحلاته وعامر بس ما بي روح تعاي يمي ونصير انه وياج صاحبات ونسيني و اونسچ نكعد سوة ونطلع سوة

سعدية :- ردي كعدي خاله عوفي البت .. حجت بجزع

بيبي سعدية انهد حيلها ورا المصيبة وما اظن راح تكدر تحجي اكثر من الحجي الحاجيته ويا عمي خالد بيناتهم لان جان يمها واكيد حاجين ما من المعقول ما وصته على ياسمين وانطته كم رزاله

ترف :- خالة شنو تمرضتي؟

سماهر :- لا خالة!! ردت مستغربة

ترف :- من اجيتي قبل هسه محمرة ومكحلة والوان والحجل يدك بالرجل وهسه وضعج مختلف كلت تمرضتي لو جرالج شي

سعدية :- تعاي ترف كعدي يمي يده ..

اشرتلها على مكان يمها ضلينا نباوع و سماهر تباوع بنظرة برائة ومن وجهة مبينة شرانية سبحان الله سيماهم في وجوههم

وجهنا انظارنا لبيبي سعدية لان هي جانت منتظرة ترف تكعد يمها عمي فاضل زم شفايفه ما قابل ومبين جزعان من عمي خالد وهسه من مرته الجديدة

سعدية :- شلونچ يده ترف شو احسچ متضايگة من مساع وجهچ ما ضحك ولا تبسم وما متعودين عليج هيج

ترف :- ليش المصيبة الاحنة بيها شوية؟ منو اله خلگ يضحك ذاك رجل اختي راح يصيرله خمس اشهر ميت وعافها بطنها كدامها حبله بيتيم

ومنا الصار بعمة لمياء ونجم

خالد :- والله يا بوية اليسمع حجيج يكول جنتن تحبن لمياء ونجم

ترف :- ما نكره لمياء ونحب نجم جان ولد طيب وكاف خيره شره الله يرحمه ما طالع عليك ماخذ صفات عمي فاضل حكيم وعاقل ويفكر ويحسب الف حساب قبل لا يحجي ، الواحد يحبه غصب

عمي فاضل ابتسم وهز راسه بحزن منصي حجيها صحيح نجم جان زلمة والنعم منه بس الموت يركض وين على الفقير

الحمدلله لا اعتراض على قضائك ربي

خالد :- انه الشي اليقهرني ويطلع لساني ويجبرني احجي سكوتكم عن وكاحتهن تنطونهن مجال زايد انه الشيب تارس راسي هاي الفصمة عمرها 15 تشبخ فوك راسي!!!!

حجة بغضب متعجب

سعدية :- شحجت البت انطت الفرق بينك وبين ابنك المرحوم لو ضايج من حجت كدام مرتك

خالد :- صلافة هاي

ترف :- اسفة عمو مو قصدي اقلل ادبي وياك كلش اعتذر وصارت بوجه عمامي بس انه مغثوثة اليوم كلش اعذروني رايحة علمود ما يطلع مني حجي ثاني يغث واحد

فكيت عيوني متعجبة وامي تاشرلها تسكت بيبي جرتها من ايدها وخلتها كاعدة

سعدية :- شنهي هسه نعوف سالفة خويلد ونشوف منهو مضايك ترف ونحلها ونرد لسالفة خالد

قطبت حواجبي خصمت عيوني بشك بيبي سعدية وترف وحدة عقلها متصل بعقل الثانية

ومن نظرات عيونهن لبعض مبين وراهن شي

ترف نصت ضايجة عمي فاضل كال :- هاي تعذرت منك البت شوفة عينك صايرة عاقلة

ماعدها وكاحة بعد

ترف :- شكرا عمو عادي احجي مشكلتي هسة؟

خالد :- هسه نعوف بلاوي الكبار ومشاكلهم ونركض ورا المزعطة

سعدية :- سد حلگك ولا تتدخل

سماهر بصوت ناصي :- يقدرون ام ال15 اكثر منك كرة عينك يخالد

ترف :- انه انقهرت من حجي صار ، ، هوا الواحد اذا ينتر نتر و يباوع بنص عين ويشمر حجي مو يعني ماجاي يحترمك؟

ومساع خالة سماهر نترت على امي وعلى ياسمين وضلت تشمر حجي وحتى امي طردتها طرد من البيت بس ما حجت سكتت مارادت تكبرها

سماهر بتعجب :- انه نترت وشمررررت؟

ترف :- لا ابوي طلع من كبرة كال انتر واشمر حجي واجي شامته ببنيه ماتت امها ومات اخوها كبل اسبوع وارجع للكبر مرة ثانية

سماهر :- شو الزلم الكبار ساكتة والمزعطة تشمر والله لو ادري بيكم مالكم جبير والزغار تمشيكم ما اجيت

فاضل :- احنة نكرم زغيرنا ونقدره الما متعودة علي يم اهلج لازم تتعودين علي يمنا

هاي ياسمين بتنا وراجعة النة وراحتها يعني راحتنا كلنا

واذيتها اذيتنا كلنا ،، وبعد الحادث صارت خط احمر ما نقبل واحد يتعداه كائن من يكن

واليتعداه اندمه اشد ندم اخلي يتمنى بمكان العشرة عنده الف علمود يعضهن ، وصلت رسالتي يا بت الناس لو احجي اكثر

انه زلمة ما احب احجي هواي ياريت تكون وصلت

سماهر :- وصلت وانه كتلكم احطها بعيوني هسه شني قابل معاديتها انه؟

فاضل :- تعذري منها ومن ام رهف جدامنا

سماهر :- على شنو؟ على شي ممسويته سمعتوه من وحدة زعطوطة ترة ماصايرة هاي لا عد عرب ولا عد عجم

فاضل :- وتعذري من ترف حجيتي عليها كبالنه هم كولي شي ما صاير

بلعت ريكها باوعت ما عاجبها وحجت :- عذروني ام رهف ماما ياسمين عذريني يمكن مفتهماتني غلط انه نيتي صافية وحجيت على طبيعتي

وعد :- ياريت تنتبهين لطبيعتچ من تحجين ويانه مرة ثانيه

سماهر :- ان شاءالله

فاضل :- ترف ..

سماهر :- ابو ليث تحجي صدك بعد كلي كومي طيحي عليها .. حجية تحجون صدك مرة شكبرني بالثلاثين اطيح على وحدة اقل من نص عمري

سعدية :- الاحترام مايعرف زغير وجبير والجبير جبير بعقله مو بعمره هذا خويلد شكبره بكد البغل وعقله بكد حبة التمن

خالد :- يمة يمة شسالفة

سعدية :- لو عندك عقل جا ما .... استغفرالله فضيها واخذها يا خالد وروح

سماهر :- عذريني عيني ابو نجم راح اطلع كبلك للسيارة

جرت عيونها بغرور وكبل كامت تفور تحاول تسوي روحها عاقلة وما عدها شر بس ملامحها فاضحاتها واسلوبها واضح

خالد :- والله عيب

سعدية :- انجب ماتعلمني العيب

خالد :- انتم شمالكم ما تحجون

صادق :- كلوبنا خلصانة احنة خالد مالنة خلگك ترة واصلة لهنا وياك

حجاها يأشر ع طرف خشمة

باوع لياسمين ونتر

خالد :- كومي جيبي غراضچ وهدومج نولي للبيت

ياسمين باوعت لعمي فاضل تتوسلة بنظرة عيونها

فاضل :- عوفها ماتريد تروح هسة خليها يم بنات عمها لحد ما تگلك تعال اخذني

خالد :- لا ما اعوفها مالكم حق تتدخلون بيني وبين بتي كومي ولج بسرعة راح اطلع اتانيج بالسيارة

ارفد :- اكلك شو انته ماتعرف تحجي انه اريدها تضل كتلك بأمانتي

خالد :- لا ما اريد بتي غير بنص بيتي ويمي وكبال عيني فاقد امها واخوها خليني ارتاح بشوفتها يله بابا والله الدنيا طالعة من عيني

حجة اخر كلامه بتوسل ارتخت ملامح ياسمين

ياسمين :- بس انه اخاف من هاي مرتك

خالد :- خوش مرة وانه ابوج وبظهرج اذا تأذيچ احطها وافصم ظهرها شني ماتصدكين بابوچ

ياسمين :- اصدك بس ربع ساعة الم هدومي بيها

فاضل :- لا كعدي هسه ماتريد تروح تعبانة خليها يم بيت عمها ارفد

عمي خالد ضل يفور وعمي فاضل عصب وصارت اصواتهم عالية ياسمين لزمت ثوبها بقوة وعيونها دمعت

كالت :- تاليتي رايحة ويا ابوي بعد يوم يومين شهر نفس الشي اروح هسه ميخالف علمود اتعود فدوة عمو لا تضوج انه اريد اروح

خالد :- اتاني بالسيارة

حجاها وكام بسرعة طلع وياسمين انفجرت بجي كام عمو صادق ورا خمس دقايق ودخل كال

راح يكول خل تضل هسه وبعدين الله كريم

ياسمين :- المرة هاي مبينة شرانية وراح تعذبني وتراويني نجوم الظهر

فاضل :- وراج فاضل وتخافين؟

ياسمين :- والنعم منك عمو ..باوعتلي وكالت :- شخبار رهف

فاضل :- الله لا ينطي العدو نسينا البت اخابر ابو فاقد ونروح هسه نشوفها ونتحمد الها بالسلامة

درة :- واصلين للبيت زينب كلتلي برسالة ..

خابر عمي ابو فاقد وطلعو عمامي لبيت عيال رهف وامي وبيبي خذاهن عمي ارفد راحن يشوفنها انه ضليت يم ياسمين ما اكدر اعوفها البنية تحتاج مراقبة و لازم واحد يخفف عنها

طلعتها بالحديقة كعدنا وضليت اسولف وياها هواي واشرحلها عن الصبر وجزاء الصبر وشلون واحد يتعامل ويا مشاكله

وانه ممعالجة مشاكلي لهسه طبيب يداوي الناس وهو عليل

حتى ملامحها ارتخت وتمددت ع ثيل حسيتها هانت عليها شوية ، تمددت بصفها اباوع للسما

ومثل كل يوم اخاطب روحي والومها وماكو فايده

روحي معذبتني وكلبي ما بي خير مات وما يدك لبشر ولا يريد يرجع يدك

عدم روحه بحبال العشك وفقد قدرته على الحب مرة ثانية

اكثر من سنتين انه وحر مفتركين و صارلي سنة مخطوبة لهمام

لا كدرت ارجع لحر وارجع مشاعري اتجاها واكمل ويا

ولا كدرت اتقدم خطوة بأتجاه همام من ناحية المشاعر

ضيعت روحي بنص الدرب واجذب من اكول انه قوية ومسيطرة على مشاعري

بس مظهر

ورا المظهر الجميل والمرتب اكو فوضى كبيرة اكو تشوهات روحية تركتها مخالب الزمان بروحي

تعودت البس قناع الراحة وامثل الاستقرار وروحي مرجوحه بنص هوى هي بصوب والاستقرار بصوب ثاني

وگلبي صار مثل شجرة وكعت بيد حطاب ، وغدت اغصانها حطب للنار

شبت وطفت وضل منها بس رماد محمل على اكتاف الهوى الهاب

رهف ..

شايلة فرحتي بين ايديني بعد ما جان بين احشائي

عيوني تدمع فرح و حزن

حزن على فراگ فاقد وفرح لان احس الله اخذ روحه ونفخها بمنتظر

وصارت روحه بين ايديني

بنص دموع اهله اشوف ضحكات فرح صارو يشيلو واحد ورا الثاني فرحانين بولادته اكثر مني حتى

يمكن انه جنت احس بحمل وثكل لان راح اخاف علي من نسمات الهوى ومن اول لحظة اريد اضمه بگلبي عن الدنيا وهذا الشي يتعب ويخلي البشر ما يحس بالراحة طول عمره

حطته زينب يمي اخذته لصدري بلهفة اتامل وجهة الصغير وايديناته الناعمات

همست متحسفه :- لو يمي وتشوف ابنك وياي

تشيله وتأذن بذانه وتبوسه حرموك من شوفة ظناك

ام فاقد :- يمة حكج محد يلومج بس مايصير تجبدين انتي هسه ترضعين يطلع بالطفل كلشي بداخلج

رهف :- لا خالة ان شاءالله ماكو شي سبحو بالاول علمود ما اذب تعبي علي انه ما عليه شي واتحمل

ام فاقد :- خرافات هاي مالج شغل بيهن حجي تهاني لا تسمعينه دخلي منا وطلعي منا مجبورين نتحملها

رهف :- ما اريدها تعتب غرفتي بس تطب لهنا اعتبروني طلعت من البيت كله

ام فاقد :- ما تطب مو بكيفها نامي هسه ارتاحي وينج زنيبة تعاي مديلي فراش انام يم مرت اخوج تعتازني بالليل

كعدت حطيت حضينة وكماط كمطته وعيوني تلمع بفرح الله رجعلي روحي الخسرتها بجيتك حبيب امك يابعد امك واسمها

حطيته بسلة الطفل وطلعت الفلوس سفطتهن

ام فاقد :- صلاوات على محمد هذني من عمامج؟

رهف :- اي عمامي مساع نگطو منتظر ههههه اجدادة يحبو من هسة وصار غني الفصعون

ام فاقد :- الله يكتبله محبة الناس كلها ويكتبله من الاقدار اجملها

زينب فرشت لعمتي نمت ليلي مرتاحة خمس شهور تقريبا الراحة ما شفتها وما نمت ولا ليلة مرتاحة بس هسه بعد جيتك حبيبي الله كتبلي انام ليلي بهني

ثاني يوم الصبح اجن عماتي وامي ودرة هم اجن

ساعة وراحو ،، صار المغرب عمتي حركت سجين على الطباخ واجت جايبة طشت حطته وحطت السجين ببطن الطشت وذبت عليها ماي وبخرتنا بالبخار الطلع منها انه ومنتظر

وحطت جوة راسي سچين وترست سله منتظر خرز وثوم علكتهن تعليك

ورا 3 ايام انفتح باب غرفتي جنت نايمة عبالي البنات ضليت على نومتي لحد ما سمعت بجي وحده وهمسها متحسرة

نور :- حبيته وردتك ابني سنين اتاني هاي اللحظة بس ما جنت محسبة حساب اشيلك وانته جاي من مرة غيري

رفعت راسي مفزوعة وطفرت عليها مثل اللبوة المجروحة خمشته من ايدها خمش وحطيته على صدري نترت بغضب

رهف :- شتسوووين طلعي من غرفتي ما تستحين انتي شكد صلفة

نور :- الله ما هناچ بفاقد جيف نفسي بي من صغري عيني ماتطيح من علي واموت على التراب اليدوسه تمنيت من الله مايكمل وياج وشكد شمتانه بيج هسه بس الله يعلم

رهف :- الجنتي متمنيته لحد اخر لحظة وهو يحبني ويموت عليه ومات وهو عاشكني والولد اجة مني والدم اليسري بجسمه مختلط دمي ودم فاقد الي عمره ما حبج ولا رادچ ولا حتى فكر بيج

جانت تبجي وتباوعلي ابتسمت وكالت :- مات وبرد كلبي انحرمتي منه مثل ما انحرمت منه انه

دفعتها بغضب وصرخت :- طلعيييي برة ساقطة طلعييي

طبت تهاني تلطم وتنعي :- تطرررد بينا وتريد تحرمنا شوفة وليدنا الما تخاف ربهاا

رهف عيطت منهارة :- اخذي بتج وطلعن طلعنننن منااا وجوهجن ممسوخة جنجن شياطين وتفترن فوك راسي وراس ابني

تهاني عاطت :- منين اجة ابنج الولد ابنه ودمه دمنه وانتي مرة غريبة تاليتج رايحة معرسة واحنة ماخذينا منج

ام فاقد :- تهاني طلعي مو جاية محزمة على الشر البينا كاافي

تهاني :- ما اطلع شو والله كاعدة هنا ركبة ونص واشوف شلون تطردي من غرفة ابن اخوي خلته يموت وهو زعلان مني وحرمتنا من دخلة غرفته وشمة ريحته وهسه تريد تحرمنا من بزره

فتحت كنتوري جريت شال وعباية حطيتهن علي ايدي ومنتظر بأيدي

:- ما اتعب روحي وياج انتي مرة ماعندج عقل ولا احترامات وبتج ساقطة جاية تتشمت بموت ابن اخوج المسوية روحج تحبينه وحنينة علي

نور :- والله جذابة والله والله بس ردت اشوفه غير من ريحة المرحوم ونتذكره بشوفة ابنه

نصت راسها وطلعت خلت امها تدردم طلعت عبايتي بايدي اريد البسها واطلع منا الوضع صار ما ينحمل

اجت عمتي باست كتفي تتوسل وخلتني بالدوانية كاعدة وضلت تتعارك ويا تهاني وطردتها من البيت بكبره

طلعت من البيت تتحلف وتتوعد الي ولعمتي بالعذاب والأذية

ما اهتميت رجعت لغرفتي وبس رجع عمي طبت ورا تهاني للبيت تنعي وتبجي عبالك منتظرته بالباب

وضلت تشكيله وتترس برأسه علينا وخلته يهوس فوك روسنة ويغلط ويسب وحتى فاقد سبه ردت اموت من وصلت بي يسب بفاقد لان تزوجني ومديت لساني ما تحملت

رهف :- الشيب تارس راسك شمالك اختك تدفع بيك وانته عربانه بسرعه تندفع ، وتوصل بيك تسب ابنك المات مظلوم من وراها والله يا حيف زلمة مشورب تخوط بشاربك مرة مابيها حظ

ما حسيت غير حرورة الراشدي على خدي فر وجهي فر عمتي دفعته من صدره وضلت تتصايح ويا مد ايده عليها وضل يضربها دخلنا انه والبنات فكيناها منه راح للدوانية متعصب

عمتي فرفحت تدعي على تهاني وتشيل روحها وتركعها بالكاع شلون عمي ضربها بسبب تهاني

وسب فاقد وهو ميت

مشيت للغرفة لميت ملابسي هسه انه شنو جابرني على هذا الضيم!! جنت كاعدة علمود ذكرياته وهسه جبت وصارت عندي روح من ضلعه تسوة ابو الذكريات اخذه واعيش يم اهلي بكرامه هناك محد يكلي فوك عينج حاجب ولا احد يأذيني بشي

لميت صورنا انه ويا وكل شي يذكرني بي اخذته طبت عمتي ضلت تنوح وتبجي وتتوسل بيه اضل

كسرت خاطري كتلها هذا هو ضاله لخاطرج

بس بداخلي كلت اضل فترة واطلع برضا مو بمشكلة علمود تضل وراي مرتاحة

ام فاقد :- عوفيهم ما الج شغل بيهم يمة وهاي الك** تهاني والعباس الا اكتلها خلاص اذا عادتها طكت مرارتي بعد ما احمل

رهف :- ناطينها مجال المرحوم والله جان يكرها ويكره بتها هاي الصلفة

ام فاقد :- غير ساقطات ياهو يحبهن هنه بس الماعنده عقل برأسه يحب هذني

رهف :- انه اقل السنه ومليت منهن شلون جارعتهن سنين عمي حطيلهن حد هذني يموتنچ موت

ام فاقد :- شسوي والزلمة طلي بيد اخته شكبره وشكده وهاي جدامج دفعته علينا وخلته يهوس من جيرة بفرك هيج زلمة تمشي مرة مثل تهاني

رايحة اولي ارتاح عينج على منتظر ونامي هم ارتاحي تعبانة انتي وجهج اصفر

رهف :- خوش عمة

سديت الباب قفلته ونزعت شالي اجيت تمددت سحبت مبايلي اول ما فتحت النت اجن اشعارات هواي من البرامج

شفت رسائل على الواتساب من وقم دولي فتحتهن ومن محتوى المحادثة عرفت المرسل سداد

سداد "الحمدلله على سلامتچ وسلامه ابنچ"

"جنت مثل الطير المكسور جناحة وانجبر كسري من عرفت بيج جبتي بالسلامة وصار ابن فاقد"

كتبتله "الله يسلمك رحم الله والديك" وسديت المبايل شمرته على صفحة ومثل كل مرة تهجم الذكريات عليه تسلب روحي وتنزل دمعي كله

تجلد روحي بسياط من نار وتدمي كلبي وتخليني انام ودمعتي بخدي على فاقد

جمانة ... ايديني ترجف المبايل بين ايدي يهتز سديته بسرعة وشمرته بالكنتور

منين جاب رقمي هسه وليش هسه تذكر يرجع يتواصل وياي ويهددني بشي انتهى؟

رسائله خلت كلبي يدك بعنف كعدت على جربايتي ارجف والله لو بارق يشوفهن يحطني كبال السيارة ويدوسني يمردني يطلع مصراني من حلكي

كاتبلي بكل صلافة صورنا وفيدوهاتنا كلها تصير يم اخوج اذا ابن عمج ك** وسترلج انه اك**د منه وادز كلشي لفالح

اذا ما ارجع اتواصل ويا وارجع علاقتي بي!!

بعد ما كرهته وتزوجت غيره وحبيت زوجي واستقريت راجع يريد يهجم بيتي ويخرب عليه حياتي المستقرة

اندك باب الشقة مسحت وجهي زين وجريت نفس فتحت الباب طبت حماتي هيفاء ابتسمت مجاملة منتظرتها تسلم

باوعت بارجاء المكان ورجعت باوعتلي

:- انتي شنو من بشر؟! يعني عمتج ميته اختها ومكسورة انزل اساعدها اطبخ بدالها واسد حاجة البيت شمالج ضاله معلكة فوك حتى عطله مو دوام

جمانة :- ن نزلت اسبوعين و ر ركضت ركض و ما قابلة ع عليه شسوي بعد ا اشعل العشرة شمع ع. علمود ترضون؟

هيفاء :- وشنو اسبوعين نمونه نزلي يله طبخي ونظفي البيت خايس جوة

جمانة :- انتي م. مو هنا. ش شنو شغلج خ خدمي امج يمكن ترضا ع عليج مو م مثلي م ماترضا عليه لان ما تحبني

هيفاء :- انه خطار جاية ارتاح لو اخدم؟

جمانة :- و و انه مو خدامة ع عدكم م مرة عازلة و سويت واجبي و قدمت ك كلشي اكدر علي بس ع عمتي ما تقبل م م ممجبورة اتحمل ح حجي يسم فوك خ خدمتي و ركضتي

وبعدين وين ا اكو بشر حزين و مكسور ي ي يذب سم على العالم و اربعة و ع عشرين ساعة عينة ب بالنقال؟

هيفاء :- معذربة الحجي مو وياج ويا رجلج .. عافتني ونزلت تفر بأيدها ما عاجبها تهي بهي عبالها بارق مايعرف امه لو يهتم لهيج امور

طبيت ضليت الوب وكل شوية افتح المبايل واشوف تهديداته وارجع اسده رد مارديت علي بس الخوف كتلني انه حبيت واحد ناقص مثل عباس شنو اتوقع من واحد ضحك على عقلي وخلاني اشرد ويا

شنو جنت انتظر من واحد سكير؟

دائما حجي اهلنا صح واختياراتهم صح بس احنه نجلب ونذب نفسنا بالتهلكة بدون مندري

ضل يخابر سويته صامت و كل لشتي ترجف لا رديت ع رسائل ولا على الاتصالات

دز بصمة عليت الصوت ايدي ترجف فتحتها واحس مغص صار بكل جسمي مو بس معدتي

جان يحجي بالبصمة بنبرة واحد مو صاحي والواضح الاخ سكران

عباس :- ساقطة شعبالج انه اعوووفججج هيييج هههههههه اذا ماخليتهم على القبلة يذبحونج هم اتسمى عباس؟ لا اغير اسمي اسمي روحي لباس ههههههههههه

حظرته بسرعة صورت كلشي وما حذفت المحادثة كلت كل شي يصير يروح يتهمني النوب بعلاقة ويا ورا الزواج ومصيبتي تصير اكبر

على الاقل اذا فضحني صدك وذاع سر علاقتي بي ، اطلع اي حجة اكللهم غلط اكللهم جنت صغيرة وما افهم والف حجة وحجة تسد السالفة ولو ما اظن تنسد هيج

لليل انه وضعي مو طبيعي حتى بارق لاحظ عباله بسبب حجي اخته ولان جاية تدور مشاكل ما يدري بالمصيبة الضامتها عنه

رهف ... بعدني نفسه عشر ايام صارلي من جايبة

نايمة ليلي بغرفتي مرتاحة وابني يمي قريب بسلته

كعد ضل يبجي رضعته ونام ، ورجعت تمددت ذبيت روحي ميته من التعب عبالك مخدرة تخدير

وما فتحت عيني الا وانه اشوف غرفتي تحترگ والدخانه جن غيمة سودة ونازلة بغرفتي

صرخت بأعلى صوتي وركضت اريد اجر منتظر من سلته ما لگيته

رفعت طرف حاجبي وباوعتله بأستياء :- گول والله حبيبي

سداد :- والله حبيبتي ..

رهف :- وينها النار ما تشوفها عيني؟ بله راوينياها بدون زحمة عندي فضول اعرف مصدرها هم

ضحك ورفع تك حاجب :- ما تنشاف بالعين المجردة تحسين بيها من اغمرچ بحضني. حييل وابوووس هذا الوجه الحلو

لزم حنجي ورفع وجهي بأصابعه باس رأسي بوسة رقيقة و ضل مغمض عيونه يشتم قربي

ابتعد خطوة مبتسم و طلع من الغرفة شبي هذا مسودن تصرفاته مو طبيعية

شوية و رجع متوضي يمسح بايدينا بدون كلام مد السجادة وصلى

انه مامتوضية لازم هسة اسبح واذب كل المكياج والسبري وصبغ الاظافر يله اگدر اتوضا ضليت گاعدة بمكاني كمل صلاة المغرب والعشا وصلى صلاة ثالثة ركعتين و سجد سجدة طووويلة رفع رأسه مبتسم برضا

همست :- شنو صليت؟

سداد بهدوء :- ركعتين لوجه الله شكر جيف جمعني بمحبوبتي الجنت مأيس انولها

نلتچ يارهف كمشتي نلتچ

رهف :- حبيبي!! همست ونزلت دمعتي

گام تقرب الي حضني دموعي تجري وامسح بيهن رفع رأسي باسني وباس دموعي

سداد :- دموعچ مالحات شنو حاطين بعيونچ ملح؟

ضربته على صدره ودفعته :- هادم اللحظات الحلوة شبيك ياعيني وخر وخر خليني اسبح واذكر الله احسن منك شستفاد منك

سداد :- اندري بيش الكيلو انه رب العالمين ابدى مني

رهف :- بدون شك

فتحت الاكليل ذبيته و بديت افتح بتسريحتي كعد ع السجادة وبدأ يقرأ قرآن بصوت عالي يرتل بخشوع

مندمج ويا القراءة وابد مو يمي ومايشوفني انه جنت بظهره

نزعت البدلة و طلعت من الغرفة ركض للحمام سبحت وتوضيت رجعت للغرفة لبست الاحرام ومديت سجادتي ورا سجادته بشوية ، صليت الواجبة وركعتين لوجه الله ، كعدت اسبح انتهى من قراءة سورة النور صدق وطبگ القران ، كام من يمي للكنتور بدل ملابسه رفعت رأسي لگيته واكف مرتجي ع الكنتور يتاملني مبتسم

ابتسمت بخجل و همست :- شبيك تراقبني

حطيت السبحة يم التربة وطبكت المصلاية

جاوب بهدوء بنبرة مغلفة بالسعادة والحب :- امنيتي جانت هاي اشوفج تصلين بغرفتي واتأملچ وما عليه اثم لانچ حلالي صرتي حرمي رهف

رهف :- مممم اذا هيچ متحمس الي وحابني ليش ماشفت شي منك فترة الخطوبة حسستني كاره شوفتي وما تريد قربي

سداد :- عمت عيني اذا تكره شوفتچ انه اريد اشوفج كبالي بكل وكت

همست :- اسم الله ع عينك

شلت المصلاية ضميتها نزعت الاحرام تقربت من الميز رشيت عطر و خليت حمرة بعده على وگفته يراقب حركتي ويتامل تفاصيلي

رهف :- شيل عيونك وترتني شبيييييك

سداد :- بيييييييه انتي رهف بيه عشگچ سباني سبي

رهف :- حبيبيييي ، تعشيت؟

هز رأسه ب اي :- وانتي هم متعشية ادري بيج مو تتحججين

رهف :- ههههه شمدريك متعشية

سداد :- بوكت العشا گتلهم عشنها لا تعوفنها جوعانة

رهف :- فديتك فدي

شلت فرشة المكياج من ع وجهي حطيت شوية لمسات بسيطة كلش مشطت شعري اجة اخذ المشط مني گال بهدوء وهو يسحبني للجرباية

:- انه امشطلچ شعرچ

كعدت ناطيته ظهري ضل يمشط شعري خلص شال المشط من شعري مد روحه خلاه ع ميز و بدأ يلم بشعري بهدوء قرب وجهة من شعري شمه حضني ظهري صار بصدره يبوس برأسي من ورا و يحجي بذبول

سداد :- عطرچ تملكني سحرتيني برقتچ وانوثتچ عندج جاذبية عجيبة سحرتيني من اول نظرة سنين وانه كلبي يرجف بكل مرة اشوفج بيها اكثر من المرة القبلها

كل ما اباوع بعيونج احس هاي اول مرة وگلبي يضل يخفق بجنون

رهف :- احبك سداد

غمر رأسه بشعري حييل يشمني همس :- ‏يقال .. لا تقع في حب عيون عسلية لانه في كل

لقاء بينهما وبين الشمس ستفقد عقلك

و فعلا فقدت عقلي

درت وجهي علي حضنت وجهه بأيديني و بسته بخده برقة ، حجيت برهاوة :- حبيبي ، حياتي انتَ، عمري، و حب عمري، سلطان گلبي

همس بذبول :- صرتي الي رهف صرتي حلال سداد فاضل نعمان

نزلت ايدي لزمت ايده ورفعتها حطيتها على صدري

همست :- حس بدكات كلبي حتى تعرف لهفتي

غمض عينه همست بوجهه :- هذا الك گلبي

سداد :- ضيعت روحي اخ بوياي بوية ابنك راح يموت بعشگ هاي الكشمة

رهف :- لتجيب طاري موت يمي!

هز رأسه لف ايده حول خصري ضل حاضني لصدره ويلعب بشعري ، باس خدي ونزل رأسه شم رگبتي حييل وباسها

غمضت عيني بقوة گلبي يدك بعنف حسيته يريد يطلع من بين اضلاعي حسيت بحرورة سخنت وجسمي كله ضل يرجف

سرقني من نفسي واخذني اله بدون شعور ..

ليلة تسوى الف ليلة وليلة

ليلة العمر ، كان رومانسي بكل لمسة وهمسة و قبلة

قطف ثمرة تعبه اخيرًا صرت زوجته گول وفعل

ما حسيت على روحي بين ايدينا حضني بقوة غمرت رأسي بصدره تنفست براحة وابتسمت

سداد حب عمري صار زوجي ! سداد الماجنت متوقعة راح يجمعني بي الوكت مرة لخ صار زوووجي انه بحضنه نايمة حلاله وهو حلالي

تمنيت اصيح بعلو صوتي يانااااس يا عااالم هذا الاحبه صارررر رجليي

سداد :- شنو السر الموجود بيچ شنوووو البيچ يا رهف وهيچ سحرتيني واخذتي عقلي وگلبي

رفعت رأسي حجيت بهدوء :- ماكو سر المحبة من الله

بسته بركبته بهدوء ورجعت رأسي ريحته على صدره و ضحكت

اكو شي موجود بينه احنة الاخوات الثلاثة انه ودرة وترف ، هوَ نظرة العيون من نحجي ويا الشخص الي نحبه ونخلي عيونا بعيونه نسبل عيونا بشكل لا ارادي

و الصوت الهادئ والحجي ب بطئ بأسلوب انثوي

يمكن هذا السر الي يخليهم هيج بسرعة يوگعون بغرامنا

ويمكن لا نصيبهم هيچ

غمضت عيني غفيت مرتاحة ما گعدت غير ويا الأذان گمت سبحت ورجعت گعدته مديت السجادة وصليت ردت اتمدد ع السجادة وانام هاي بالنسبة الي احلى نومة بس استحيت منه واكف يصلي بصفي

طبكت السجادة ورجعت تمددت بالفراش غمضت عيني على أساس انتظره و غفيت

اجة حشر روحه وراي حط رجليني بين رجلينا وحبسني بحضنه ، كان يعاملني بكل لطافة وحب

كأني وردة ويخاف عليها من القساوة

وهو هذا الاصح ما اعرف شلون بعض البنات يعجبهم الشخص القاسي والي يأذيهم !!

البنت تشبه الوردة تحتاج من يسقيها بحبه ولطفه وحنانه مو الي يعنفها ويجردها من كل شي حلو بيها!!

اتوقع هن عديمات كرامة ومريضات نفسيًا ..

واله ماكو انسان فطرته سليمة وصاحي وعنده كرامة يقبل بأنسان يذله ويأذي

كعدت على حركته جان يسحب ايده من جوة رأسي فتحت تك عين همس :- اسف گعدتچ رجعي نامي

رهف :- تؤ زين كعدتني حتى ننزل

سداد :- ههههههه منو كال ننزل حبيبتي

حجيت بخنكة :- هسة يجن امي وخواتي ويجيبن منتظر اريد اشوفة واشمه مشتاقتله

هز رأسه :- حقچ حبيبتي يله كعدي

كمت اتمغط باوعتله يلم بملابسة من الگاع نزلت رجليني ولميت شعري صوفر التفتت باوعتله بنص عين :- شبيييك

سداد :- جاي اشوووف الظهرررر مو ظهر مرمررر مرمر لك اوف اوف

رهف :- انه مو مرمر المرمر صلب انه وردة

سداد :- شنو سحلني انه وشاربي غير هذا الدلع وهاااي العييوووون لج هاي اخذي اخذي

جلى صوته وكمل ‏

السيف في الغمد لا تخشى مضاربه..

وسيف عينيك في الحالتين بتار...

أن المفاتن في عينيك مخمره..

من نضرة منڪ يغدو المرء سكرانا..

حركت كتفي بدلع و كمت للحمام غسلت وفرشت اسناني على مارجعت لكيته مرتب الفراش ولام الملابس كملت ويا ترتيب الغرفة و بدلت ملابسي اندك الباب طلع فتحه شوية ورجع

سداد :- عمة نورية وامي

طلعت من الغرفة شفتهن واكفات مبتسمات وصينية الريوك محطوطة على صفحة بيها كل ما لذ وطاب

سلمت عليهن باركلي و وطلعن ..

گعدنا نتريگ گال وهو يشيل عسل من الماعون

:- مغشوش .. العسل الحقيقي بعيونچ

رهف :- حبيبي فداك عيوني

وكلني من العسل صار بشفتي بأبهامة مسحه واكله ضحكت وضربته على كتفه

كال :- شعبالج استنكف منج

رهف :- مممم

كملنا ريوگ ونزلن سلمنا على بيبي سعدية وعمي فاضل عمي انطاني صباحيتي كعدت يمهم بالهول شوية و نزل غيث ومرته حنان تمشي ورا منصية راسها بخجل

سلمت علينا و كعدت ويانة جوة بالهول عيني ع باب كتبت رساله لدرة شنو يمتة تجون

ردت دقايق

ورا نص ساعة تقريبا اجو جايبين منتظر عيونه حمر من البجي بس شافني فرفح وركض الي شلته اسكته و احجي ويا حتى يسكت :- حبيبي ماما يمك انه مارايحة بعيد

ليش عفته فرحان شبي

وعد :- افتقدچ الصبح وضل يبجي

رهف :- حبيبي يمك انه شوف يمك

منتظر :- وين لحتي

رهف :- مارحت امي هياتني وهذا عمو سداد وجدو فاضل

منتظر :- ماليدهم اليدج

رهف :- ماما وانه هم اريدك يله نتصاحب

مديت اصبع الخنصر عقدنا صلح جديد كعدته بحضني شوية شوية اخذ ع وضع وراح ويا جعفر يلعبون بحضن عمو فاضل

قررت اخلي يمي وما ارجعة وياهن الظهر نومته بالغرفة الثانية الي مخليتها اله مخصوص ورجعت لغرفتنا انه وسداد

سداد جان ضايج باوعتله وجها محتقن عبالي لان تاخرت علي وانه انوم منتظر

گتله بهدوء :- شنو مغير مزاجك جنت مثل الورد قبل شوية

سداد :- خابروني يردوني التحق باجر صايرة مشكلة ويردوني ضروري

رهف :- صدك تحجيي!! شسالفة مو يدرون بيك عريس شلون يخابرونك

سداد :- والله مادري بس انه جبير والي كلمتي يمكن المشكلة تحتاجني احلها لازم اجهز جنطتي واطلع بالليل

رهف :- ربي يستر زين خابرلك واحد ثاني بلكي اكو حل سداد لتعوفني وانه عروس

سداد :- ارجعلج والله

مشيت للكنتور طلعت ملابس خفيفات بدلت و رجعت تمددت يمة خنگتني العبرة ضل يشاقيني علمود يغيرلي جو و يطلعني من جو الحزن الدخلني بي

بصعوبة ضحكت وتناسيت كلت يله هو بأمانة ربي ، وماكو واحد بامانة الله يصيبه مكروه

صار وكيح واخذ حق غيابه مقدمًا قبل اذان المغرب ركضت سبحت و كعدت منتظر

متنحس انطيته عصير سكت والتهة بي ضل يشرب بي رحت طلعت جنطة سداد و بديت احضر بيها خانگتني العبرة طلع هو من الحمام شال منتظر يطير بي ويلعبه

عيوني دمعن مسحت عيوني بمتني ورجعت اكمل

اجة حضني ومنتظر بايده الثانيه

سداد :- لاتبجين ارجعلج واعوضج

رهف :- هسة ليش دزووو علييك ... حجيت متذمرة

سداد :- تعودي حبيبي

درت وجهي متضايقة ومقهورة اذن المؤذن نزل يصلي ويا عمي والولد وانه صليت بالغرفة مختنكة دعيت ربي يرجعه سالم وبجيت حسيت خفيت كلش ارتاحيت من بجيت

غسلت وجهي و نزلت لكيتهم يسوون عشا خليت منتظر يم جعفر وفتت للمطبخ ضايجة باوعت لعمة نجوى وجهة محتقن باوعتلي ودارت وجها گبل

نجوى بغيض :- احجي ويا گليله لا يروح اثري علي مادري سويله اي شي ولا تخلينا يروح كلبي ما مرتاح لهاي روحته

گبل دمعت عيوني :- شسوي يكول مشكلة صايرة محتاجينا

نجوى :- تقبلين يعوفج عروس ويروح الله يعلم شگد راح يضل؟

رهف :- لا تخافين عمة سداد بعين الله

فدك :- مو اگللها ماتقتنع كل روحه هيج تكول وتضل تحسب الدقايق لرجعته يمة قتنعي سداد وغيره جاي يحمون اعراضنا لو ما ذول الابطال احنة الله يعلم شيصير بينه

هزت رأسها والتفتت الي :- انتي عروس طلعي من الطبخ

رهف :- لا عمة اريد التهي اريد شي ينسيني

لهيت نفسي وياهن ساعدتهم بتحضير العشا عمة نورية جانت موجودة وهم ساعدتنا تعشينا سوية اجو جماعة سداد وغيث ضل بالديوان يمهم لحد ما اجة وكت روحته

صعد سد الباب ركضت حضنته حيل ضل يبوس بمتني و يحجي :- لا تخافين رهبتي ارجعلج باسرع وكت يجوز يومين ثلاثة وانه يمچ

رهف :- انتظرك عمري

بدل ملابسه واخذ جنطته باس منتظر جان نايم ونزل نزلت ورا خانكتني العبرة ودع الكل وطلع ذبت عمة ورا طاسة ماي ودعت ربي يحمي ويرجعه سالم النه ..

درة ...

بالليل اتگلب بفراشي احس نار جواي مادري شنو جاي يصير بيه ندم وحزن وخنگة ليش رديت علي ليش

هو كتب السلام عليكم

هسة الا ارد؟ جان غلست وما فتحت الرسالة حتى بس ما اتوب مصخمة وملطمة دائما اغلط وراها اكول لو ممسويتها

رفعت راسي جريت المبايل وباوعت ع رسالته من الاشعارات كاتب شلونج ست درة

حـر الدين نوفل لا ترجع عليه انه گلبي جاز من الحب اخذ كفايته ومابي حيل بعد

طفيته للمبايل ورجعت شمرته اكثر من ساعة اتگلب وعيني ع مبايل اباوعله ضايجة والشيطان يوسوس الي يگول ردي علي هذا حر شما كان مالازم تتجاهلينه بهذا الشكل

غمضت عيني عدلت گعدت تربعت وجريت نفس عميييق و فتحت المبايل دخلت ع رسالة كتبت الحمدلله زينة اذا انت زين غمضت عيني تنفس بقوة وضغطت ارسال

بقيت اباوع شوية وشافها كتب عساج زينه بكل وكت درة

رديت تسلم حـر

حر "عادي اخابرچ اريد احجي وياج شوية"

درة "بيك شي؟"

ما رد كبل خابر رجفت ايديني ما اريد ارد ما اريد اسمع صوته شي بداخلي مايريد بس من لا جارة رديت

همست الووو

رد مساء الخير درة

درة بهمس :- هلا مساءالله

حـر :- عذريني خابرتج يمكن الوكت غير مناسب بس مادري شصارلي توازيت اريد اسمع صوتج خنكني الهوى ردت اسمع هذا الصوت

درة :- صاير وياك شي؟

حـر :- صايرة نار بفادي

درة :- سلامتك .. حجيتها وتحسرت

حـر :- نضل هيچ درة نضل؟

درة :- شلون يعني؟

حـر :- بعيدة عني ومتجاهلتني

درة :- لانك تستاهل

حر :- لا والله صدك تحجين شسويتلج حتى استاهل شو حبيتج اكثر من روحي وخفت عليج من الهوى لا يأذيج صرتلج ضرا

درة :- ما انكر صحيح بس راجع نفسك شوف شسويت

حر همس :- عفتج

درة :- مرتين مو مرة مرتين عفتني بدون وداع خوب اول مرة عفتني اتجرع المر نسيت لو اذكرك

اعتقد وصلك خبر ردت اموت

حـر :- المرة الاولى جنت مجبور مو بيدي شكد ما ابررلج يمكن ما تقتنعين بس صدقًا جنت مجبور

والثانية يا درة انتي جنتي على ذمة رجال مو من شيمي اطلك مرة من زلمتها واخذها لو اعرف روحي تصير بيها

درة :- اي خوش انته مقتنع بحجيك ماراح اناقشك ولا احجي حجي زايد

حر :- الخبلني انتي مو جنتي كارهته وماتردينه وتبجين شلون حبيتي

درة :- طبيعي احبه سنتين يتوددلي ويتقربلي ويدلل ويهتم وسندني بهواي مواقف صعبة جان تجايتي

حر :- هاا خوووش

درة :- انت هم ماقصرت لو جنت يمك هم جان سندتني شنو انسى كل شي سويته الي؟ ما تروح من بالي ذكرياتك جنت سند النة ونعم السند

حر :- رحم الله والديج

درة :- ويرحم والديك

حر :- كملي

درة :- شنو اكمل؟ يعني مواقفك كلها حلوة واكثر موقف اتذكره وادمع وافتخر ان انت من معارفي من اذكره لمن سترتني بهدومك وشلتني وخليتني بحضنك اتذكر شكد حسيت بالامان يمك رغم كرهت الزلم بوكتها وجنت متأثرة بس وياك كلشي جان مختلف

حر: - بالنسبة الي اسوء موقف اشتعل نار من اذكره

درة :- مممممم تذكر لمن جنت توصلني للمدرسة بصف الرابع شكد تغيب رهف وكله انت توصلني وتغنيلي عمي يابياع الورد بالطريق شكد حلو جنت اسمعها بصوتك

صوته ارتاح اكثر جاوب وهو يضحك :- هههههه اي الشاطرة ولا جنتي تقبلين تغيبين

درة :- غير الشاطر مايغيب

حـر :- ههههههه تذكرين لمن طلعتي من البيت بنص الليل

درة : وين اذكر غير جنت فاقدة بس اتذكر كعدت لكيتك نايم وانت كاعد يم القنفة وامي والبنات بالصالة غافيات استغربت وجذبتو عليه كلتولي سخنتي

حر :- اااااااح اي شكد جنتي تتمرضين هسة شلونج

درة :- لا زينة تغيرت

حر :- واضح

درة :- اريد اگلك شي

حر :- شنو

درة :- يومية اشوف واحد عيونه نفس عيونك بس ماعنده اثر جرح وملثم كل ماشوفة اكول هذا انت

ضحك بصوت عالي ورد

:- يجوز انه

درة :- انت عندك اثر جرح بوجهك

حر :- كل اثار الجروح الي بالجسم يتعالجن مو مثل البروح

درة :- لا تگلي سويت تجميل للأثر

حر :- لا والله ماسويت بس جلستين وصار خفيف كلش عفته يولي مالي خلك حتى روحي طالعة كلش

فزيت مستغربة :- عود صدك يعني هذا الاشوفة انته

حر :- اييي

درة :- لا بشرفك

حر :- اي بشرفي شنو غلط اجي امر من يم المدرسة؟

درة :- لا لا بس هيچ تفاجئت يعني تمر عندك شغل لو شنو

حسيته جر نفس من الاركيله ورد بعد ماذبه

:- والله عندي هناك بنية مخلي عيني عليها كل فترة امر اشوفها اكحل عيوني بشوفتها وارجع لبيتي

درة :- ممممم بالعافية عليك

حر :- الله يعافيج

درة :- شنو مانعست

حر :- لا

درة :- انه نعست راح انام تصبح على خير

حر :- وانتي من اهله هلا

سديته حسيت ارتاحيت من عرفت هو مو غيرة جنت خايفة يطلع واحد مراقبني باوعت واصلني فيديو من فلك فتحته شفت رهف تركض للباب وكفت ورا متحمسة ثواني وفات سداد شمررت روحها بحضنه حضنها ورفعها عن الكاع من كد لهفته الها

وكاتبة جوة الفيديو اخير رجع وارتاحت رهف ..

رديت 'الحمدلله والشكر'

كمت سويت جاي وطلعت للحديقة اشرب جاي واتمشى احس بداخلي طاقة غريبة اريدها تتفرغ مشاعري ملخبطة وعقلي مشوش

الوكت تأخر جبرت روحي انام علمود الدوام كمت بملل بدلت ترف تصيح يله السايق بالباب وانه اعدل شالي خلتني اطلع ركض

وصلنة للمدرسة صعدت ترف وانه كعدت بالادارة جنة متفقين نتريك سوية جايبات جاي ومعجنات انه اخذت فطاير بالدجاج سوتهن امي الي

سألتني مدرسة ويانه اذا انه مسويتهن كتلها امي تفاجئت ان انه بهذا العمر ومعتمدة على امي

درة :- ليش اجذب عليج انه حدي العشا وما اسوي وحدي علاقتي مو قوية ويا المطبخ بس هسة جاي اتعلم

الدرس الثالث عندي شاغر كعدت بالساحة على صفحة وحدي اشم هوى قبل لا ينتهي الدرس شفت استاذ هادي طالع يتمشى ويخابر نهى الاتصال واجة باتجاهي سلم عليه

هادي :- شلون ناس بخيته عدهم هواي شواغر

درة :- بدون حسد كل يوم عندي 4 دروس ودرس شاغر لا تلحكني علي استاذ ههههه

هادي :- انه بالاسبوع عندي بس ثنين هسة خلصت درسي وطلعت ارتاح راسي كلش كلتلهم ع جاي تردين؟

درة :- لا ماريد شاربة مرتين اليوم انسحنت روحي

هز رأسه تحمحم وباوعلي :- ست انتِ مامتزوجة مو؟ سألت المدرسات كالن ماندري بس ماتجيب طاري زواج وهيج

درة :- صح ما احب احجي عن حياتي الخاصة

هادي :- اسف على التدخل

درة :- لالا لا تعتذر ابد انه ما احب احجي بس عادي اذا سألني احد اجاوب يعني حياتي مو سر وضامته

هادي :- صحيح بالاخير الزواج مو سر ينضم

درة :- اي انه مامتزوجة

هادي :- شعجب ماشاءالله عليج ماناقصج شي

درة. :- جنت مخطوبة وفسخت وبعد ضجت من الموضوع

هادي :- هااا مو انه بالحقيقة ادور مرة لأخوي ماامدحلج بي بس والله خوش انسان ومتدين يخاف الله ماعنده سوالف موزينة ، خريج تحليلات متعين هو ويشتغل بمختبر ويا ابن عمي ان شاءالله كم سنة ويفتح مختبر خاص اله ويزيد خيره

درة :- ما اعرف شنو اجاوبك افكر بالموضوع واستشير الوالدة ويصير خير

هادي :- ان شاءالله والله انه لان اشوف اخلاقج ماشاءالله عليج مابيج شي يتعيب اكول ليش ندور وناخذ وحدة مانعرفها خوب ناخذ البنية الكدام عيونا

درة :- تسلم استاذ رحم الله والديك

دك الجرس قطع حديثنا رجع قبلي للادارة ضليت واكفة متصنمة اسأل روحي ليش گتله افكر واستشير الوالدة؟ معقولة الي نية ارجع اوافق وارتبط من جديد؟!!

اي ليش لا قابل الدنيا وگفت لو طاح مني سن الكبر واستحي انخطب واتزوج؟ فريت ايدي انتبهت لروحي وضحكت على غبائي وتصرفاتي الغريبة

انطيت كل الدروس بس بالي جان مشغول وحتى غلطت هواي افكر ليش انه كتله افكر ليش اجتلي هاي النية فجأة وقررت اكمل حياتي

مو جنت بنص الطريق ما معقولة انسان من النص گبل يوصل للنهاية لو هذا النصيب الاسمع عنه دائما

زين و حـر!! هو مبين لهسة عنده امل يرجعني اله ويخطبني ذاك هو يصيح الامه وابو بعده يحبني

بس السؤال الاهم ... انه چنت احبه بصدق وهسة راح ترجع مشاعري اتجاها؟

لو الصار قبل مو حب .. انما شفته انسان ناطيني حب وحنان وخفت اخسره وچلبت بي

دگ الجرس انتهى الدوام انطيتهم واجب وطلعت السايق ماجاي رجعنا للمدرسة كعدنا انه وترف دزيتله رسالة

رد راح يتأخر علينا شوية

كتله مو مشكلة عمو براحتك

ترف ضاجت كالت خل نطلع نتمشى اكو محل قريب ناخذ منه حلويات واجباس لليل وافقتها الرأي جنت محتاجة گهوة

طلعنا نمشي خطفت سيارة من يمنة بسرعة جنونية ترف من. الخرعة كمزت حجيت من بين اسناني بغضب

:- ثول حتى ثول لهيج ناس مستهترة مو شارع وناس شمالك

ترف :- وين يسمعج وصل لغير محافظه هسة من كد سرعته

نترت :- اي ملطلط خرب بعرضه

ترف :- يولي

دخلنا للمحل اشترينا كل شي نريده وطلعنه الشارع شبه فارغ لان الدنيا ظهر وكت غدة

والطالبات راحن لبيوتهن ، المحل قريب ع مدرسة ضلينه نتمشى ونسولف وما نحس غير ابو السيارة السريعة اجة من ورانه بسرعة وعرض گبالنة

ترف لزمت ايدي بقوة ومبين من ملامحها تريد تهد انفتح الباب وفكينه حلوگنا بصدمة واحنة نشوف ليث ابن عمي گبالنه

ليث :- مساهن الله بالخير ال ح ل و ا ت شلوونهن

درة: :- ليش هو اليشوف خلقتك يشوف الخير شجابك علينا مو نسيناك

ليث :- ماعندي شي وياجن الاريده شي واحد

ترف: - لا تاخذين وتنطين ويا اممممشي

ليث: - لا ليش تمشي تجن تصعدن يمي انه اوصلجن ونحجي بموضوعي

درة :- اسمع ليث ماكو حجي بيناتنا احنه اصلا مابيناتنا حجي لا قبل ولا هسة ولا بالمستقبل

تقدم اكثر علينا ترف نترت بغضب :- لا تتقرب استحي ع روحك بنص الشارع تسوي هيج تصرفات ابتعد

ابتسم تك خد وكال :- فداوي هاي الصغيرة هيج كبرت!

درة :- فضها عاد

ليث :- الجماعة تزوجو ومرتاحين وكل واحد گعد بمكانه وانه اريد ارجع علاقتي ويا ابوي

درة :- ذاك عمي روحله محد لازمك ترة المن جاي علينا ترة مانفيدك وما نگدر نسوي شي لان المشكلة تخصكم

ليث :- احجن ويا رهف مادري شتردن تكللها كولن المهم قنعها تحاجي ابوي علمودي اريد ارجع لاهلي

ترف باستهزائ: - لازم ماعندك فلوس فلست وتريد كم فلس

ليث: - سدي حلكج لا افركه احترممممي

درة :- لا تصيييح امشي لج جريتها امشي اعترض طريقنا كاز على سنونه بغضب ودماراته بارزة من عصبيته وتنفض

ليث :- وحق من نزل القران يا درة اذا ماتحجين ويا اختج وتخلينها تحل سالفتي والله اسود عيشتج

درة :- مو تايهة الك درة وتسود عيشتها

ليث :- الا **** وقد اعذر من انذر اخليج ماتندلين دربج اتجفي شري ونفذيلي الاريدة اختج مادري ماكدر احصلها وصليلها كلامي كليلها الليث يريد يرجع علاقته بأبو حليها

نهى كلامه وما حسيت غير واحد ملثم هجم علي شمره وفرك وجهة بالكاع

ليث حچة بخنگة بكلمات متقطعة ..

_ولك .. انتَ ... ياهووو؟

_انه الموت الراح اخذ روحك ، انه اليهابني الذيب لو طريت الصحاري

مرجف الليل ودايس بصدر الخوف ، انه التتجراف گبالي شوارب زلم

ليث :- حر الدين!!

حر :- حر الدين نوفل الراح يعلمك النسوان شتجيب

شواربك هذني اذا مازينتهن بالقندرة ما اتسمى حر

عار الزلم تتعرض لبنات وتهدد وتجاوز؟ بسيطة

ليث: - مالك شغل انه وبنات عمي

حر :- انته هسة مشمور من العشيرة وبحسبة غريب لا تصيح بنات عمي يا نكرة

التفتت طاحت عيني بعينه خزرني وصاح روحن سايقجن اجة

باوعت ليث يقاوم يريد يكوم ويهد لو يلوي وحر حاط رجلة ع ظهره ولازم رأسه مشيت بهمة جارة ترف وعفته وراي هو يعرف يحلها ويا مالها داعي وگفتي اصلا

صعدنا بالسيارة عيني ع مكانهم من بعيد الناس بدو يتقربون منهم حتى يفكونهم ويحلون السالفة طلع السايق وانه اراقب بخوف

ترف :- الله ينتقم منه شنو تنتظرين خابري عمامي

درة :- لا عوفي السالفة لا تحجين بيها راح يحلها

ترف: - خالي؟

هزيت رأسي بـ اي و هي بقت تلوب خايفة علي وصلت للبيت انتظر رسالة منه بعدين كلت هوا مايدز لازم انه ادز واسأله شلونك وشنو صار وياك

كتبتله رسالة سلام وسألته عن السالفة

طول ومارد نمت وكعدت المغرب لكيته مجاوبني "علمته النسوان شتجيب بعد مايگرب الجن"

طلعت غسلت مرتاحة احس هم وانزاح عن صدري سمعت عمي يحجي ويا امي بموضوع تقسيم حلال جدي لان عمي خالد طالب بحصته ومهما كان حصته اله لازم ياخذها ف راح يقسمونه واحنة النه حصتنا انه وهاني والبنات بأعتبار ابوي متوفي

امي تسأله تستفسر وهو بكل هدوء لازم ايدها ويحرك ابهامة ع مكان النبض ويجاوبها

كعدت ورا العشا ويا امي وحدنا وحجيت الها عن موضوع اخو الاستاذ هادي ... وطلبت تنطيني رأيها بالموضوع

وعد :- خوش كلش خوش بس انه اكو شي ماراح اضمه عليج علمود ما اظلمج مرة ثانية

اخوي حـر راح يتقدملج يوم الجمعة يجيب مشية ويجي يطلبج من عمامچ والموضوع كله بأيدج درة ترضين ماترضين راجعلج وهلمرة محد يتدخل بيچ ..............

كعدت ورا العشا ويا امي وحدنا وحجيت الها عن موضوع اخو الاستاذ هادي ... وطلبت تنطيني رأيها بالموضوع

وعد :- خوش كلش خوش بس انه اكو شي ماراح اضمه عليج علمود ما اظلمج مرة ثانية

اخوي حـر راح يتقدملج يوم الجمعة يجيب مشية ويجي يطلبج من عمامچ والموضوع كله بأيدج درة ترضين ماترضين راجعلج وهلمرة محد يتدخل بيچ ....

بهتت ما عرفت أرد حتى حسيت عقلي تجمد مو البارحة يحجي وياي ما گلي شي

وعد :- شوفي يمكن هو نصيبج من هاي الدنيا بحيث افترت افترت ورجعتج اله

درة :- منو گلج انتي

وعد :- خابر الي وحجة ويا عمج ارفد

درة :- وشكال عمي

وعد :- بالبداية گال شلون حر جبير وارمل ما يناسبها وفرق العمر بينهم كلش هواي

گتله من الاخير انطيها الك ترة درة راغبة ورايده من زمان بس الصار غير الموازين وهسة لا بد ترد الطيرة العشها

وحجيتله كل شي هو تفهم الوضع وگال اذا هي رايده سهلة انه احجي ويا اخوتي وما طول انه صرت مسؤول عن البنات موافقتي يعني موافقتهم

گتله بس انتظر احجي ويا درة بالاول واشوف ردها شتگولين؟

درة :- احس گلبي جاي يدگ بسرعة ما ادري شنو اگول يعني ما اعرف ما اعرف اجالي شعور غريب عمري ماعايشته

وعد :- رغبة بالرضا والرفض بذات الوكت

هزيت رأسي ب اي ونصيت فركت جبيني وضغطت رأسي بقوة اخفف وجعه

وعد :- ثقي واعتقدي حـر هو نصيبچ وشريك حياتج ما طول گبل عرسج بكم يوم انفصلتي يعني مكتوبة اله والله مايخلي حق احد يروح لاحد ثاني

درة :- بس چنتي رافضة انت اول وحدة وگفتي بطريقنااااا؟!!

وعد :- انه ماوكفت بطريقكم عبث بالمرة الاولى عمامج ماجانو يقبلون ينطونج وبالمرة الثانية جنتي مخطوبة وعلى ذمة رجال شنو عبالج مسلسل تركي وهيج بسهولة تنزعين الخاتم تحطينه بأيد همام وتركضين ل حر؟ لا طبعا احنة بمجتمع يرفض هذا الشي رفض قاطع

وما اجذب عليج انه لهسة متخوفة اخوي حر عصبي وما يتحمل اخاف تتأذين ويا بس الخلاني اوافق شفته يريدج ومصر ياخذج گلت هي هم تريده ماراح اوگف بطريقهم

درة :- فاجئني الموضوع

وعد :- بكيفج بعد بس ردي خبر علمود احجي ويا عمج

هزيت رأسي ضليت اجر صفنات حسيت بوجع بگلبي كمت اخاف من الحب اريد اخذ غريب ماعرفه ولا احبه واعيش ويا حياة عادية ماريد شخص احبه واعشقه

امي نزلت استكان الجاي من ايدها وكالت :- شوفي خلي اگلچ تاليتج متزوجة اذا مو اخو الاستاذ لو حر غيرهم اكيد فكري زين قبل لا تنطين كلمة

درة :- انتي شتگولين؟

وعد :- ما اريد اگول شي هاي المرة الموضوع كله يمج اريد قرارج تاخذي من كيفج بدون ما احد يجملج الموضوع لو يمدحلج

درة :- مممم افضل صح

وعد :- احسن شي صلي استخارة وذبيها ورا رب العالمين رهف مو صلت والحمدلله رشدها ربج للصح وهسة ذيج هية ماخذة سداد والحمدلله

درة :- اصلي استخارة علمود منو

وعد :- حر بعد علمود منو ذاك الزلمة عود من يجي يخطبج بشكل رسمي ونشوف شبي مابي يله.

درة :- تمام

تبسمت كأنها تتذكر شي بعدها گالت

:- الحجية سعدية صاحتلي مرة گبل لا ارضا بعمج ونجي هنا گلتلي وعد اذا اكو بگلبچ دگة لأرفد وتحسين الروح مالتلته و لو هيج شوية ، توكلي وارضي بي

سألتها اي ليش اكيد اكو حكمة شرحيلي

گلتلي الايام تشرحلچ

رضيت بعمج و صدك الايام شرحتلي الدگة الجانت لعمج ماضلت دكة وحدة لا صار كلبي كله اله

وروحي تعلكت بي حسيت روحي شفت الدنيا ويا

ما اكلج ابوج ظلمني بالعكس دللني والنعم منه بس ويا عمج صدك كلشي جان مختلف يمكن لان عمج يحبني اكثر من ما احبه انه

درة :- مممم صح سامعة اذا الرجل كان الطرف الاكثر حب راح تكون الحياة سعيدة

ابتسمت واحمرت خدودها كرصت خدها :- وعد خجلانة من الحب مخجلها الحب عيني عيني

وعد :- ادبسزز استحي ع روحج كومي يله اخذتي عين زايده

درة :- اوي عيني وعد گايمة گايمة

دخلت للغرفة لگيت ترف عيونها حمر وايدها على گلادة جاسم ، باوعتلي ودارت وجهة بسرعة تضم دمعتها

درة :- ما نزل

ترف :- تؤ ما نزل مختنگة كلش فراگه خانكني

درة :- شتسوين يا ترف؟ لا تأذين روحج خلي الموضوع كله ورا رب العالمين يرجع سالم بأذنه وحده

ترف :- ان شاءالله

تمددت حسبة تأخذني وحسبة تجيبني الوكت تأخر ولهسة ما اعرف شنو اريد احس روحي مشوشة كمت توضيت وصليت استخارة فتحت القرآن بشكل عشوائي وقريت ارتاحت نفسي وحسيت بالي صفه وانشرح صدري

وابتهجت اساريري

طبكت القران و نمت براحة كعدت للاذان بالي مرتاح كلش واحس كل هم انزاح من صدري

كعدت ترف تريكت بسرعة وكامت ضليت انه اكل بشهية مفتوحة دخلت امي تفرك بعينها لمت شعرها وكالت بصوت نعسان

:- ها راح ترحن .. هزيت رأسي

غسلت وجهة و اجت للمطبخ كعدت تتريگ شلت جنطتي من سمعت صوت الهورن وگلتلها بدون تفكير

"انه موافقة ب حر بلغي عمي"

حجيت كلماتي وطلعت بدون ما انتظر جواب ما ادري ليش حجيت قبل لا افكر حتى بس هذا هو ارتاحت نفسيتي من صليت استخارة راح اذبها ورا رب العالمين. هو ينضملي حياتي ما اريد افكر بشي بعد

انطيت استاذ هادي رفضي سألني عن السبب بلغته ان اكو شخص متقدملي قبل ايام وماعندي علم والاهل موافقين وامس اخذو رأيي

دعالي بالتوفيق وتمنالي السعادة والتمام

جنت طول اليوم مرتاحة واحس روحي فراشة طايرة

جان يوم اربعاء عيني تبعت الساعة انتهى الدوام ونزلت بهمة قبل الطلعة لمحته واگف بسيارته مسافة عن المدرسة ما جنت افهم شنو اللذة بالموضوع من يجي كل ذيج المسافة الطويلة حتى يلمحني من بعيد

ما ردت امشيله خفت يكون ليث موجود ويخرب كل شيء ضليت واكفة اباوعله من بعيد و هو كذلك لحد ماطلعت ترف ورجعنة للبيت

بيوم المشية عمامي عدهم خبر وعمي فاضل عزم شيخهم الجبير للغدة رحنة لبيت عمي فاضل كل احنة امي وعمة طبخن للغدة سوية و حضرن كل شي

ورا الغدة صعدت فوك لغرفة رهف غسلت وجهي وعدلته بشوية مكياج خفيف وبدلت هدومي دخل سداد شافني هز ايده وغمني

سداد :- ترة جاي يخطبج مو يعقد عليج

رهف :- اسكت انت اخر من يتكلم لا تخليني اذكرك لا لا مو اذكرك افضحك عليت صوتي وحجيت

من جانت تصير لمة ونجي نلگاك معدل ومرتب ومعطر ولابس احلى لبس وتكعد بالحديقة تنتظر رهف وتخيب ظنك وما تجي

عضلي ايده بتحذير ركض للجرباية شال مخدة ركعني بيها طلعت ركض من الغرفة اضحك وهو يصيح

سداد :- جذاااابة جذااابة

درة :- والله صدك رهف جان من يشوفنة وحدنا تختفي ابتسامته ويغندب على گولة فليح يغندب يصير جنة عجوز مااكول عشاها

رهف وهي تضحك وتمشيله :- حبيبي اعترف اعترف ليش النكران

سداد :- اووووو شلون ثنين خوش درة اذا ما اخربها اليوم انه الج اطرد المشاية

درة :- اطردهم عادي الزلم ضاله الف واحد يجي يخطبني شنو يعني ابجي لو الطم بس انت خطيييية جنت مثل اليتيم .. مثل طفل بايكين لع .... شمر الجداحة عليه

ركضت بهمة طلعت اضحك علي وهو يصيح مو لهاااي الدرجة ماجنت مفضوح هيج رديت من مكاني وانه اضحك علي :- العراق من شماله الجنوبة شافوو وضعك وانقهرو عليك كال ما مفضوح كال

ورة فترة سمعتهم طلعو عرفت اجو صعدت فوگ بسرعة مشيت للشباك الي يكشف الشارع ضليت واكفة

.... شايلة البردة واباوع من الشباك السيارات صفن سيارة ورا سيارة

وبدو الشيوخ والسادة المعممين والشيوخ المعممين والشخصيات الكبار معارف قصي ينزلون منهن ويمشون باتجاه البيت

يم باب البيت عمامي فاضل وارفد وصادق واسد الله و حسين يستقبلونهم ، يسلمون ويفوتون جوة للديوان

اباوع وبداخلي رجفة ، وعيوني تدمع

ترف ... نزلي يله بساااع بسااع عيب لا يفگدونچ

درة ... يووو شوف منو يحچي بالعيب عيني الصاير مؤدب وعاقل وهاي بوسة تعااي

جرت روحها تنتر ... شمالچ تسودنتي والله يالله نزلي فشلتينا الله يفشل وجهچ

درة ... نازلة روحي جاية وراچ

رجعت اباوع من الشباك الناس كلهم دخلو تقريبا هوَ ماموجود ماجاي يمكن لان داز هاي الناس تخطبني اله مايصير يجي

ماعرف جاي وما شفته ..

عيني على الشارع انترس سيارات ، من بعيد لمحت سيارة سودة بلعت ريگي بقلق واختفت ابتسامتي

هاي سيارة همام؟

طلع فالح من الديوان يركض ورا غيث وفالح مبايله على أذنه ، نزل همام بيده سلاح خرطت خدي بخوف

فالح ركض تلاحكه وسحب السلاح من ايده وغيث حضنه ويجر بي يريد يفوته للسيارة بالغصب

طلع وراهم سداد وتكابل ويا غيث يدفع بهمام للسيارة صعدو بسيارته ورا و صعد فالح كدام وساق سريع وطلع من الشارع بس الترابه ضلت ورا

سداد يحجي ومبين من شكله متعصب ويشمر بأيدينا و غيث حط ايده على كتف سداد حاچاه ودخلو سوية للبيت

اعرف كلهم ضد همام وبالوكت نفسه متعاطفين ويا يدرون بي شكد يحبني بس ...!! القدر ما جان يريدنه سوية

تذكرت كل كسرتي وألمي ومرضي بعد الانفصال ، جنت دوم اسأل روحي اكول هذول الناس الي يعشيون سنوات يحبون بعض وبينهم عقد رسمي خطوبة لو زواج

يكونون قريبين من بعض يتحاضنون و يتلامسون وكلوبهم تكون متشابكة

هو رجلها حلالها وهي حلاله يلمسها و يسرق منها القبل

كلشي بينهم مباح ... ويفهمون بعض وبينهم اهتمام متبادل حب غيرة شغف جنون ومغامرات

ورا الانفصال وين تروح مشاعرهم؟

و بعد ما يطلقهم الشيخ وفجأة وبثانية هذول الثنائي الي كل شي بينهم كان مباح وبينهم عشرة صار كل شي ممنوع ومحرم عليهم

شلون تقبلو هذه الفكرة؟

وشنو مشاعرهم؟

كلها عشتها .. كل المشاعر الحلوة والحب والشغف تحولن كدمات ظهرت على بشرتي و هالات سودة استقرت حول عيوني

والفراشات الي كانت ترفرف بداخلي تحولت الى وحوش تفترس كلبي وتنهش بروحي وتشوه مخيلتي كل يوم

عانيت من مرارة الفراق ، ومرارته تحولت ايام سودة شفتها مايعلم بيها احد غير الله

بداخلي جنت اموت الف موته واتظاهر ان اني بخير و متخطية ..

وهمام الجان حلالي و اني حلاله .. شفته بعد الانفصال ايدينا الكانت تحضني بكل لقاء ترجف

وشفايفه الي تقبلني بشوق مجرحة و عجزت حتى عن النطق ، اجفانه الحلوة متقرحة

واني مو اقل منه ..

حضنت روحي بحزن و عيوني تراقبه رجليني ارتعشن هذني الجانن ياخذني ركض لحضنه هسة ادركن ان الديار ماعادت دياري و ما اكدر اركض والقي نفسي بين الحضن الجان وطني وداري بيوم من الايام

تذكرت كل كلمة وكل لمسة .. و كل ضحكة و همسة بيناتنا ودمعت عيني غصب گدامه

الفراق كان اصعب من ما تخيلت خصوصا بعد علاقة خطبة دامت اكثر من سنتين عشنا بيها لحظات ومواقف

سندني و وكف وياي بالمرة وحلاها الي .. و كان وياي بالحلوة وزادها حلاوة

حسيت روحي مثل غريق متمسك بحبل متين وفجأة انقطع الحبل واستسلم لطغيان البحر و صار يغرق وهو بكل ضعفه

فززني من رحلتي بديار الذكريات صوت فلك وهي تحثني انزل .. جريت نفس عميق و نزلت

البنات بالمطبخ يسون جاي وانه يم بيبي سعدية

كل شوية تصيح ها بشرن ... نصف ساعة تقريبا ودخل محمود

گلتله ... ها يده بشر؟

محمود ... انطوها لـ حـر الدين قبلوا ينطون درة ...

بيبي سعدية رفعت ايديها ونشغت الحمدلله ربي ماقصرتي يالزهرة نخيتج ولك تعال محيميد هك روح جيب كيلو جكليت نذرته

تفتح بصرة مسويتها باالشيلة وطلعت خمسة انطتها اله

كللها لا انه اجيب

كلتله لا النذر ندري، ، نخيتج يالزهرة كون هذا الزلمة يعوض درة كل شي خسرته ويرجعلها الفرحة

حنان همست ... خطبها على حب؟

فدك :- لا تقليدي يصير اخو عمتي

حنان :- ها وانتي معتبرتها عمتج ام رجلج

فدك :- طبعا غير هية مرت عمي

دخلن عمة وامي فرحانات يباركن انه بكل هذا صافنة ما فاهمة شعوري شنو ، تنفست براحة بعد ما بيبي حطت ايدها على ايدي وعصرتها حيييل

سعدية :- صدگ لو گالو محد ياكل غير رزقه

ترف :- مختنگة گلبي عاصرني صعدت فوگ بحجة العب منتظر كعدت ع صفحة مختنگة بعبرتي جرئت روحي وخابرت علي ماكو شبكة مايرن شمررت المبايل بغضب ع صفحة وضليت افرك برأسي بغضب

صدك الحب بهيج مرحلة مشكلة جبيرة صار فكري مشوش وبالي على طول مشغووول بي احس حتى بدأ يسرقني من الواقع واروح لعالم الاحلام الوردي

ومرات لعالم مظلم كله قلق وتوتر والتفكير السيء

منتظر كفخني على عيني وهو يلعب استغليت الفرصة وانفجرت بچي جنت اريد الحجة

دگ المبايل مديت روحي جريته رقم غريب جاوبت ونترت :- الوووو منوو

جاسم بتعب :- جاسم ترفتي

شهگت بصدمة وهمست :- گول والله

جاسم :- والله مشتاكلج موت ردت اسمع انفاسج خاف اموت

حجيت وانه ابجي :- مو بكيفك والله ما تموت العب بيك جولة مو بكيفك افتهمت

جاسم :- جاي تسمعين الطلق؟ فوك روسنة مثل المطر واحنه محاصرين بس امانة الله لا تبلغين احد لا تقلقينهم بعد اذا ما وصلن الامدادات وكدرو علينا واستشهدت اطلبج هناك من سيد الشهداء

ترف :- لتحجي هيج ترجع والله انه يومية اندعيلك بصلاتي

جاسم همس :- شنو تندعين؟

ترف :- الله يحفظك بعينه الماتنام وترجع سالم النه

جاسم :- النه؟!

همست :- الي انه وگلبي

جاسم :- انتِ وگلبچ بنص روحي ترف انه احبنچ يابعد العين وصبيها ونظرها

بجيت اختنگت ضليت امسح بدموعي اسمعه يتنهد وصوت طلق والشبكة تكطع ، همس

جاسم :- اذا ما استشهدت ارجع اخذچ اريدچ حلالي علمود تصيرين من اهلي بالجنة

ترف :- لا تروح جاسم فدوة اروحلك لا تروح اريدك لتعذبني

جاسم :- ااخ ابوي انتي عينچ على روحچ يا نظر عيني

داري روحچ

ترف :- لا تودعني ولا توصيني راح ترجع واشوفك واكعد وياك وتلبسني حلقة والله والله

جاسم :- هذا هوَ تدللين ... ضل الصوت يختفي ويفصل بسبب التغطية متت من البواجي انكطع الخط خابرت على نفس الرقم ماحصلته وخابرت على رقم جاسم هم ما حصلته شنو السالفة ياربي هم حظي هذا

دعيت ربي من كل گلبي يحفظه ويرجعة الي سالم

سمعت الباب انفتح مسحت وجهي وركضت للحمام غسلت وجهي وطلعت لكيت رهف جرت منتظر تنزلة وكالت نزلي راحو الجماعة

ترف :- وافقو اكيد

هزت راسها تضحك :- استغفرالله اسكت خاف احجي وازيد الطين بله

ترف: - شكوو

رهف :- شي يضحك بله درة من تخلف شتكللهم عليه هاي بت عمتكم لو خالتكم

ترف :- يو عبالي فد شي كلشي موجود بالعراق العظيم

رهف :- ايي والله

نزلنه سوية گعدنا كلنا بالصالة عمي ارفد وفاضل يحجون عن المشية ودرة تفرك بأيديها خجلانة

بيبي سعدية تسألهم عن يوم العقد گلولها هاي ضلت النسوان

طال الحجي بيناتهم وانه احسب بجاسم بالي كله يمه

حمودي انطاني جكليت وككو اخذته مخنوكة تذكرت بعرس رهف وسداد صعدت ويا بالزفة بنفس السيارة ما حجة وياي شي بس انطاني جكليت وضل يباوعلي مبتسم

سمعت ذكرو اسمي رفعت راسي باوعت الهم ضحكو كتلهم شكو

كال عمي ارفد :- نگول ضلت بس ترفه عدنا ان شاءالله تتزوج ونفرح بيها وبجاهلها يجون هيج يطفرون فوگ روسنة ويكسرون الغراض

ضحكت وهزيت راسي

فاضل :- رجلها موجود ترف بس تخلص سادس ان شاءالله شنو الجماعة ماحجو وياكم شي

ارفد :- والله اطياف حاجية ويا وعد

باوعت لامي متفاجئة عمي كمل كلامه :- وعد گلتلها تخلص سادس وتعالو هلا بيكم كبل لا تكمل ما انطيها

فاضل :- جا خطبها وعقدو ورا السادس يعرسون

وعد :- لا بعد ماريد خطبة تطول اخاف انه انكسرت روحي من ورا درة بعد مابية ويا ترف

فاضل :- والله بهاي وياچ حگ الخطبة لو طالت تخرب

امي هزت راسها توافقة الراي ضلو يباوعولي ويضحكون حسسوني مسوية شي

حجيت بحدة :- شبيكم تباوعولي هيچ

فاضل :- هههههههه مامتعودين نشوفج مستحية وساكته هاي جيف حجينة بموضوعچ

ترف :- ما حجيتو بموضوعي انتم بس گلتو امي گايله لعمة اطياف ورا السادس

عمامي تفاجؤ وضل يضحكون حيل

ارفد :- ها ولچ شني عندج غير رأي يعني خاف ماتردين جاسم

سعدية :- يا ماتريده غير البت هاويته مبينه ذيج هية تصيح الامها وابوها ان شاءالله تخلص ونعرسهم يضلون عدنا جلال وكاظم و وليدات حسين بعدهم زغار من يكبرون

بلعت ريكي متوترة همزين اخوي هاني وسداد وغيث مو هنا جا شبعت من الاحراجات

فاضل :- حجية احنة نسمع منها احسن بكيفها هيه تريد ورا السادس ماتريده عين ولن عادي اهم شي راحتها هاي عزيزة الگلب

ترف :- لا انه اريد هسة من يرجع گلوله يجي يخطبني ويلبسني حلقة

شهگن البنات بصدمة وما احس غير امي كفختني حيل وتخزر بيه بغضب همست بغضب شديد :- اذا ماكسرتج اليوم كومي اختفي من كدامي

رهف بهمس :- خلي عندج حياء عييييب فضحتينا

برطمت باوعت لعمي ارفد مغطي وجهة ويهتز من الضحك وعمي فاضل يمسح بلحيته يضحك ويستغفر ربه

ترف :- شبيكم حجيت شي غلط لو حرام كلت خل يجي يخطبني لان انه بالي يمه يومية واريد اخابره اخاف حرام عليه ع الاقل يصير حلال واكدر اطمن علي

قبل لا انهي كلامي امي كرصتني حيل بزندي وجرتني من ايدي گومتني بسرعة عمي فاضل صاح خليييها خليييهاا

ضلت تخزر بيه وتتوعد ما ادري اذا حجيت شي غلط صدك لو هم يبالغون مثل ماتوقعت

كعدت مرة ثانية عمي فاضل صاح

فاضل :- غصبا ما علي بس يجي يلبسج حلقة غصبا على شاربه

ترف :- اوكي شكرا عمو

وعد :- النوب تحجي بأريحية انه هاي بتكم ماعرفت اربيها فالته، بسيطة انه الج بالبيت تعرفين شنو العب ع راسج

حجت اخر كلمات بهمس

ومثل ما توقعت بس وصلنا للبيت من الباب تنزع بشحاطتها وتشمر بيها عليه وسبت اسلافي بقبورهم وركضت وراي للطابق الثاني تصيح اذبحج اليوم فشلتيني صلفة ما تستحين شيكولون عليج هسة ما مرباية ماعندج مستحى

ترف :- ترررة هم خاطبيني انه بس قربت الموعد شبيييج

وعد :- اليوم اگضيچ گضيااااان ، قفلت ع روحي باب الحمام الفوك عاطت فتحي لا انهييج نهي

ترف :- يمة سمعي لا تنهيني ولا شي ما سويت شي غلط بس قدمت الموعد

وعد :- انتييي كلششش منتهية فاااالته هاي الله يعلم ياهو خربج

ماجنتي تدورين عرس

درة :- اهووو يمة عوفيها هسة هية شنو حجت بس كالت اريد. اطمن علي علمود حلال بالعكس هسة لازم تكولين مانزلت راسي لان ماتتواصل ويا بالحرام

وعد :- من امداها الصلفة يهمها حرام حلال هاي فالته مفلفلة ولج خواتج صارن جامعة يله قبلن بالرجل واكبررر منج مستهترة اليوم اگضيچ دومج مفشلتني

ترف :- يمة حبوبة

وعد نترت :- ولبوبة فتحيييي ..

ترف :- هسة انتي من عرستي تدخلت بيچ؟ مو خذيتي عمي ومحد كلج فوك عينج حاجب ليش تتدخلين بيه انه اريد اعرس

وعد :- يبووووووي هاي منتهية البت اليوم اعيد تربيتها من جديد طلعت مو بس لسان وصلافة شايله اشياء ثانية

درة :- يمة ههههههه عوفيها راح اموت ههههههههههههه خرب بعرضچ ترف والله ماتستحي

ترف :- والله اذا ماتنطوني لجسوم ما اداوم بعد ابطل من المدرسة

وعد :- لا هاي خربانة فيطي شمرت من ايدها النعال ونزلت تفر بأيدها ما عاجبها ومأيسه من الوضع

ترف .. طلعت من الحمام باوعت لدرة بشك والقيت نظرة على باقي البيت

الحمدلله راحت وما اكلت كتله معدله تنفست براحة

درة ضلت توبخني وتكلي عيب مالازم تحجين هيج بينتلي بعض الامور هزيت راسي برضا بس بداخلي مقتنعة انه ما سويت شي غلط

بقيت الوب انتظر منه رساله يطمني عنه وكل مايدك مبايل احد گلبي ينقبض واحس رجليني يخدرن احس جابولي خبر سيء عنه

درة وامي يجهزن للخطوبة جانت امي زعلانة ماتقبل تحجي وياي شكد حاولت اتقرب اصالحها ماتقبل

خطوبة درة بقاعة بالبصرة وقبلها بيوم يسوون عقد

كعدت من الصبح انظف البيت ويا امي انسحلت سحل ، ورا الغدة طبيت سبحت وانه بالحمام سمعت امي ضلت تصرخ ..........

رهف :- هسه فهمت سالفتچ كلها وعرفت حبچ لعباس ومنين بدت علاقتكم و وين انتهت بس الماعرفته لحد هسة شذكرچ بي؟

جمانة :- ص صارلة ش شهور يهدد بيه ي يريد ارجع علاقتي ب بي وانه على ذ ذمة بارق

و انه لو ا اموت ما اسويها ش شرفي ر ردت اضحي بي م مرة ما ا اعيدها م مرة ثانية

رهف :- و بشنو يهددج صخام الصخم عينه من لا عرفه العباس كون المسمينة بأسمه

جمانة :- ي يدز كل صورنه س سوية لفالح ي يكلي ابن ع عمج سترچ وانه ا افضحچ ب بس انه ما جاي ارد ع علي وا احظرة يجي من ر رقم ثاني

رهف :- شوفي مبدئيًا لازم تعرفين شي وتكونين واثقة منه ان عباس ما يسويها ويدز الصور لفالح ويفضح روحه قبل لا يفضحج اذا سواها معناها تنفتح علي بيبان جهنم بدون ما تنسد

جمانة :- ش شبيجج انتي ه هذا ساقط

رهف :- ساقط بس جبان حسب كلامج مبين كلش جبان وما يسويها لان تصير طلابة ويكومون الدنيا على راسه وتعال ضل خاتل طول عمرك واهله يتورطون لان هاي سالفة شرف

ولو يريد يسويها جا سواها من زمان شمعنى شهور وممسويها .. ولك جووون لا تطيييح

بس اوكفي جمانة انتظري لحظة

رهف :- اخذي ابنچ وداري لا يتعور خطية وشلون تحطين هذني هنا ماغير يتعور بيهن شيليهن فدوة

كاتي :- هاي صشيشة وكيهة (وكيحة) اكول لـ هر تگول خلي تلعب صشيشة صغير

رهف :- هههههههه داخذي اخذي ياعيني

اي جمانة وين وصلنه مثل ما كتلج سالفة شرف ما يورط روحه ابد لا تخافين وارتاحي وتطمني لو اذا كلش كلش احجي لبارق

جمانة :- ا احجي لبارق و ي يسوووي شي وتعاي الزلم ت تتكاتل من و و وراي واصير ع علج بس احجي ل لبارق تكبر السالفة

رهف :- هذا هو لا تحجين بدلي رقمچ ولا تنطينه لأي بشر من خوالچ حتى ما يوصل اله ويرجع يهدد

جمانة :- ا اي ه هااي مشكلتي ش شلون ابدل رقمي اذا ا اكسره بارق ي يشك و اذا ا اكلله احد مضايقني ا اكيد. راح يطلب ر رقمه عل علموود يطيح ح حظه وشلووون؟

رهف :- هاااا لازم تضيعينها يعني

جمانة :- ش شلون؟ ش شوفي انه ا ادري م ما يسويها بس بس لازم اغير ر رقمي لان ن نفسيييتي تدمرت ا الخوف ذ ذبحني ذبح ص صرت اوهووس و وبس ابجي م من الخوف بالحمام

رهف :- لحظة اصفن الها شوية .. شتسوين شتسوووين؟ بيش الساعة بارق يرجع من الشغل

جمانة :- اكثر شي بالثنتين ونص

رهف :- بعد ساعة يعني سمعي راح اعلمچ شنو تسوين ونفذي بالحرف علمود تبدلين خطج هاي الخطة اتوقع تفيد

جمانة :- ا اي اسمعچ

رهف :- ترحين تنكعين مبايلچ بالماي تنگع و شتسوين تفتحينه تشيلين البطارية وتشيلين الشريحة يعني تفتحين غراض المبايل كلهن وتحطينهن ع هذا الميز شفته عدكم مال الاكل بالمطبح حاطينه يم الكاونتر

جمانة :- اي ا الميز

رهف :- تفرغين غراض الثلاجة والنواعم مال الكاونتر الجياس القواطي كون تترسين الميز ترس غراض خوش وزباله اريد تصير زبالة

وتعوفيهن من يجي بارق كون انتي بالمطبخ من يدخل يشوفج عباله جاي تنظفين شتسوين هنا تستقبلي عادي لا تحسسي بأي شي وتغدينا وهيج بالغدا بالسوالف تگليله مبايلج طاح بالماي يمكن عطل

واذا سألج وينه ومن هذا الحجي گليله ذاك على الميز فتحت غراضه كلهن

و ورا الغدة ترجعين للمطبخ تشتغلين وتلمين علاكة زبالة هنا شتسوين تذبين الخط بمجرى الماي ويروح

وتنزلين علاكة الزبالة وتصعدين عادي تحطين البطارية بالمبايل وتشغلي عطلان ما يشتغل تجين لبارق تكليله المبايل عطل احترك بالماي وتذبينه بالكنتور بالجرار بأي مكان بعيد عن ايد بارق حتى ما يگلبه وخاف يفتحه وشي

هنا شنو تكليله تردين جديد طبعا هو عنده خير من الله ماراح يرفض بس شنو اريدج تماطلين تكليله اريد مبايل على ذوقي ها اريد سامسونگ ها تريد ايفون خليني اصفي بالي ماطلي كون يومين هيچ

بعدين ثبتيلج على مبايل خلي يجيبه الج خوش

من يجيبه سوي روحج رايحة تطلعين شريحتج حتى تحطينها بالمبايل ومن ما تلگيها سوي روحج مستغربة وتدورين وكولي يااا بس لا كنستها ويا الزباله لو لميتها ويا غراض المطبخ وراحت ويا الزبالة

جمانة :- ا اذاا نكع ب بالمااي ماتخرب ال الشريحة

رهف :- لا مرة نكع نقالي ماكو ماخربت ضلت تشتغل بلوة

جمانة :- ر راح ا اطبق خ خطتچ لو ب بالهدف ل لو بالنجف

رهف :- بالهدف بس صيري سباعية احنه مانريدة يحس انتي مخربته حتى ما يشك بشي

جمانة :- خوشش ... نهيت الاتصال منها جبت مبايلي وحطيت دولكة ماي جوة الحنفية وذبيت المبايل ابطنها بس كلبي انمرد على مبايلي شسوي مجبورة علمود ما يشك ، خليته فترة

طلعته من الماي غركان اشغله شاشته صارت سودة

ذبيت الماي وضميت الدولكة وفتحت غراضة حطيتهن على الميز وبديت افرغ بالغراض اجيب واحط ع ميز وسويتها هوسة وطشرت شوية فاصولية اعذرني ربي طشرت النعمة بس مجبورة لا ينهجم بيتي

وعندي بهارات بكوارتين فرغتهن بعلب وشمرتهن ع ميز وسويتها هوسة وهم من التوتر ضليت الهي روحي بالتعزيل وعزلت جزء والهوسة هي هي على الميز

لحد ما اجة فتح الباب باوعلي اشتغل فتحت الحنفية اغسل ايديني

جمانة :- ا الله ي يساعدك ح حبيبي

اجة حضني بسته بخدة و هو يباوع ع الهوسة

بارق :- اليوم تعزلين الله يساعدج

جمانة :- اي والله ا اعزل الكاونتر والثلاجة و و وصخااات

هز رأسه ابتعد وتمغط : شنو الغدة ميت تعب اسبح واجيج لو ماطابخة؟

جمانة :- ل لا شلون مسوية م مركة بامية وتمن ع ما تسبح اسوي ز زلاطة

هز رأسه جاي يطلع و وكف كال :- شنو هاي مبايلچ شبي مفصخته

بلعت ريگي بتوتر گتله :- طاح بالماي

اخذ الجهاز گلبه نكته يطفر منه ماي

:- وين مطيحته هذا

جمانة :- ا انكع ت تمن و هو ب بيدي اشوف مسلسل و فجأة طاح بالماي بس ط طلعته محروگ ف فتحته ب بلكي يشتغل

اخذ البطارية ركبها فتحه محروگ گال وهو يقوس شفايفه :- هذا عطل وتصليح ما يتصلح نقال بنية وبي صورچ الطرگاعة اجيبلچ واحد جديد

جمانة :- ب بس ت تجيب الي ي يعجبني و أريده

بارق :- خوووش تدللين

شمره ع ميز وراح للحمام سبح كملت زلاطة ونقلت الاكل للصالة طلع تغدة و راح نام كملت تعزيل المطبخ سويت بالضبط مثل ما حجت رهف

سألني العصر وهو واكف ع مراية يمشط

بارق :- تردين بدربي امر على صاحبنا عنده محل تلفونات واجيبلچ واحد

جمانة :- ل لا ببالي اكثر م من نوع خليني ابحث ب بعدين و اختار نوع من ا اصفي بالي ا اكلك تجيب

ابتسم و خصم عيونه بمكر :- چنچ راح تختارين واحد يكسر الظهر و تهلسيني هلس

رديت بدلع :- يغلى ع ع عليه المبايل؟

بارق :- يخسى المبايل جنج على اغلى مبايل يرخصلچ

حضنته وبست كتفه

:- الله ل لا يحرمني م منك ح حبيبي

نصه باس طرف شفتي :- اروح فدوة لهذا اللسان الحلو بس حبيبي الي يجييبلج اغلى مبايل ما اله هدية؟

عمزلي بمكر غطيت شفته بأصابعي

جمانة :- ل تطلب تفقد ق قيمتهة الهدية ا اذا نطلبت خ خليها عليَه حبيبي

كرص خدي ورفع حواجبة بأعجاب :- تخوووووف مرتي حبيبي

درة ... چانت ذكرياتنا حلوة بس بعد الوكت مشى وكبرنا وكل واحد اخذ نصيبه من الدنيا

حر ... شلونه وياچ

درة ... والله زين همام گلبه طيب ويخاف الله بيه الحمدلله

حك حاجبة ونصة يباوع على الگاع و بعودة صغيرة لازمها وبالكاع يخطط بيها

حر ... تستاهلين واحد يرفعچ فوگ الغيم هنياله فاز بيچ انتي اعظم شي كسبه همام

هزيت رأسي وابتسمت بدون رد

رفع رأسه يضحك وباوعلي مستغرب ...هاي يمتة طلع لسانها

درة ... من قبل بس ما جنة ملاحظين

ترف ... لا تغير الموضوع خاااالو

حـر ... طلبي التردي واجيبه ما اعرف بسوالف البنات انه ، باوعلي وكال

...شنو اجيبلها همام شيجيبلچ هدايا؟

درة ...ليش؟ تاخذ افكار قصدددك هااا

هز رأسه بالموافقة قوست شفايفي ورفعت عيوني للسما اتذكر و رديت

:-اخر مرة اشترالي سترة وبنطلون قماش وحذاء تكرم وجنطة ومرة جابلي ساعة حلوة مممم ومرة جابلي محبس ذهب جان عيد ميلادي

ترف ... التنسيقة تموووت خالي شنو الجنطة تعجب اخذني للسوگ واشتريلي نفس المشتريهن همام لدرة يخبلن

حـر ... هاي هيه تدللين كومي بدلي وجيبي سويجي ومحفظتي وتعاي

هزت راسها وطفرت حضنته وباست خده ...شكرااا خالوو

راحت للبيت تركض ضلينه بس انه ويا وحدنة كاعدين الدنيا عصر والهوى حلو بي برودة اليوم شمال

ضل منصي ويسوي بحركته نفسها بالعودة يشخط بالگاع ، گتله بحسرة

درة ...فوگ السنتين

حـر ... اييي بعدها جروح الزمن تنزف بگلبي روحي تشوهت عطـ... درة

درة ... صرت عطـر غيرك

حـر ... لا والله

درة ... ممممم يحضني وعطره يختلط بعطري من اشم ثوبي الگه عطره بيه ومن يرجع للبيت يگلي عطرچ تارس هدومي ترس

حـر ... واكيد يشم قميصه ويضيع بريحتچ

درة ... ممممممم

حـر ...تردين تحرگيني

درة ... يعني

حـر ... ليش؟

درة ... مرتين عفتني بدون وداع مرتين تدير وجهك تروح وكلمة وحدة ما توصلي المرة الاولى بله نگول معذور والثانية؟

حـر ... اخاف من الوداع درة

درة ... خوفك خلاني اصير بحضن واحد غيرك ثق واعتقد لو ادري بيك عايش ما قبلت بهمام بس انته ... رحت وما حسبت انه بنية شابة وعندي اولاد عمام وعمات وعمامي ناس معروفين والعالم تتخطب منهم بأي لحظة ممكن يجي شخص ياخذني و ها شوفة عينك اخذني همام

حـر ... انه ما محملچ شي ولا الومج ادري بروحي غلطت بس يا حيف الزمن جبرني والمصايب اخذتني اخيذه ورجعت الدنيا خسرررتني اعز ناااسي من جديد

كمت بدون جواب ماكو رد وانه گلبي جاز اصلا والحجي مايفيد جاي اعبر حسيت رجلي تشنجت والتوت وطحت بسرعة تلگيت الگاع بأيديني زين ما طحت ع وجهي ، طفر الي بسرعة جريت رجلي تعورت وعيوني غورگن دموع

لزم رجلي بايدينا يتفحصها سحب من جيبه منديل قماش ( چفية ) وحطها على الزلغ

حـر ... هاي عيني حسدتچ قل اعوذ برب الفلق

سحبت رجلي بسرعة باوعلي صفن بلع حسرته و گال متألم

... متعود اركضلچ من تطيحين وايدي تداوي جرحچ قنعتي روحج والعالم صرتي لغيري بس جيبي اليقنع گلبي

جيبي اليقنعه درته وعطره صارت لبشر ثاني

يحجي ويضرب بقبضة ايده على گلبه ..

مشيت للبيت غسلت ونفضت ملابسي ورحت للصالة تمددت يم رهف وكاتي جانن يحجن ع اطفالهن غمضت عيني بدون شعور غفيت

كعدتني رهف تحجي ... كومي صار المغرب حضري روحج نروح لبيت خالي قصي

كمت متضايقة غسلت و صليت وجهزت روحي شلت منتظر ابن رهف افتر بي على ما تلبس

طلعت اخذته مني امي صاحت حرر خوية حر خلصنا

اجة اخذنا كلنا حتى كاتي ويانه وخالي اسامة بس راحو بسيارتهم وياهم ترف واحنه ويا حـر ..

شغل النه اغنية خذانا الواهس من بعيد وضل يغني وياها لحد ما وصلنه هو يعيدها ويغني بنبرة مجروح

انقبض كلبي ما صدكت خلص هذا اليوم ورجعنة للبيت الساعة 12 كبل صعدت فوك عزلت روحي الم شتات نفسي ارجع لتوازني وامسح دم جروحي

مشت الايام داومنا صرت مرحلة ثالثة وباول يوم دوام اعاتب رهف لان رفضت تداوم بالوقت الحالي تكول الا اكبر منتظر يله

درة ... صدك حلو

... اي بس يرادلج عباية سمنانة و

درة ... no حبيبي لا لا لا انه هيج مرتاحة عباية ما اريد

عفس وجهة طلعت ويا صعدت بسيارته حرك وطلع

اقترح عليَ يوصلني اول يوم دوامي وانه قبلت ما رفضت لان هاي رغبته

همام ... حبيبي فتحي الجكمجة انطيني الشسمة هذا

مديت ايدي افتحها واحجي ... شنو الشسمة

فتحت عيوني وضحكت باوعلي وابتسم من شافني تفاجئت

تارسها ورد احمر واكو علبة سودة صغيرة

درة ...الي؟

همام ... طبعا اكو واحد غير وليددداااتي يستاهل الورد والهداية

درة ...لا طبعا بس انه بهاي الدنيا استحق منك وها طبعا امك عيب انساها

همام ...الحنين يمة فدوة غديتلج

مديت ايدي سحبت العلبة والورد نصة تطشر وطاح يم رجليني جان اوراق جوري احلف علي مشلع نص ورد حديقتهم وعابر ع حدايق الجيران بحيث طالع بهاي الكمية الزينه

سديتها و خليت العلبة على رجلي فتحت الشريط الاحمر الناعم الي مشدود على العلبة مبتسمة وعين علي وعين ع علبة جان مبتسم على فرحتي

فتحت و فكيت عيوني بصدمة

درة ...شمدرررريك هذا السوارررر عاجبنييي؟

همام ...شفتچ قبل شهر معلقة بالفيس على صورة ممثلة لابسه هذا السوار كاتبة السوار يجنن ومخلية سمايل يبجي كلت عفا مرتي تبجي ع سوار شو الا اسويلها مثله

درة ...يممممة والقران من كد ماحابته حافظه صورتها وشكله بعيني كلت بس احصل مثله اشتري منينن جبته

همام ... خذيت صورتها للصايغ كتله اريد مثل سوارها صياغه وصاغه الچ ان شاءالله يكون مثل ممتخيله ويعجبج

درة ... عمررري شلون ما عجبني غير يجنن وجنت متمنيته

فتحت القفل ولبسته ومديت ايدي اراوي

...شلونه؟ حلوووو على ايدي

لزم ايدي باس باطنها و همس ... شگد محظوظ الذهب صار بأيدچ ياريتني مكانه

الذهب صار بيد الياقوت

درة ...انه؟

همام ...ياقوتي ودرتي

درة ... انتَ شگد صافي وگلبك حنين؟

همام ... بس وياج ههههههههه

اليوم تجين لبيت عمي فاضل للعزيمة

درة ... لا مالي خلگ بس ارجع اطكها نومة لليل

همام ... البنات راح يلتمن مساع جمانة من طلعت للخط كلتلي كول لدرة تجي كتلها هي راجعة وياج وكليلها

درة ... مو احس اول يوم اتعب شيجيبني

همام ... العزيمة بمناسبة زيارة الولد للعراق سداد وجاسم تعاي سلمي تحمديلهم بالسلامة صارلهم هواي ماجايين

درة ... هاي هيه اروح

وصلني للجامعة وراح بيومها رجعت نمت كعدت المغرب بدلت لكيت رهف مبدلة عبالي تروح وياي بس تفاجئت من كالت عيالها عازمينها ومشتاقين لمنتظر اخذها عمي ويانا وصلنه ورجعنة لبيت عمي فاضل

دخلنا وكل عادة ما شفنه غير سداد جاسم ما نشوفه ردنا نتحمدله على السلامة ما شفناه

واكفة بالمطبخ وطب سداد باوعلي وابتسم

:- ولج انتي شنو طلعتي بنات آل نعمان كسر

درة :- نفسك انت هم مطلعهم كسر

جر عيونه بغرور وعدل ياخته ... طبعا طبعا غير انه سداد فاضل، يحجي وياي وعينه تتجول بالمطيخ وتروح على باب الهول

درة ... لا تدور ما جاية معزومة عند عيالها وبعدين كلبك شنو ما مات بعدة

سداد ... لا والله هناك ميت بس من ارد يشب نار ويضل يرجف بين ضلوعي يرجف عليها شسويله ذالني

درة ... ها وما الك نيه تتزوج؟

سداد ... الغلط الغلطته قبل ما اعيده وما اورط بت ناس وياي وانه كلبي ما هاوي اتاني جرحي يطيب وكلبي يجز منها يله

درة ... سالفتك طويله

ترف ... سدادددددد

خزرتها لان امي محذرتها ماتلگف

سداد ... هااااا يحجي ويقلد عليها

ترف ... وين بطبوط اخوك

سداد صاح بصوت عالي من باب المطبخ

... بطبووووووط يصيحولك

اجانه صوت محمود متذمر ....بوووية فاضل ابنك صار اسمه بطبوووووط

طبت ياسمين للمطبخ تشرب ماي ضل سداد يحجي وياها ويشاقيها يضحكها كللها بصوت ناصي

:- وين مرت ابوج يكولون حيه

ياسمين ... ركطة بعدها ما لافيه ، انه من الجامعة ويا جمانة من بيتهم لهنا ماشفت خلقتها اليوم

طب محمود ورا فالح رفع ايدينا ثنينهن للسلام

:- مساچن الله بالخير خواتي الما جابتهن امي مساكم الله بالخير خانة الشواذي

درة ... هلو مساء النور وين همام؟

فالح ... هذا اوكفي يحجي ويمد ايده بجيبه

كلبت عيوني بضجر ... ماكو جيبي مزروف يمكن طايح منه

درة ... ولا ترد عدل الا اذب سبحتك وبعد ما اسبح بيها علمود مايجيلك اجر مني ماتستاهل

فالح ... حيييل بعدج محتفظه بيها

درة. .. يا صار سنين اسبح بيها واتذكرت بدعائي بس بعد هذا هو اذبها مو وجه نعمة انته

فالح. .. دررررية

درة ... والله

التفتت شفت ياسمين وسداد يحجون وهي متضايقة جانت تشكيله من سماهر

بنهاية الحديث كللها احجي لأبوي

كلتله ماكو داعي هي سوالف تافهة بس تنرفز وعيب نحجي بيها

هز راسه التفتنه على صرخة محمود يخرط بخدوده

محمود ...ولج صفي نيييتج واختارررري اطك راسي بالحايط والله

ترف ... يلا يلا جبس و كرزات اصلية اريد بيهن كاجو والباقي على ذوقك

جر الخمسة من ايدها فالح گله ... ثول حتى ثول خذاها من ايدها من جيرة بفرگك غير تجيبلها على حسابك شلون تخلي بت عمك تدفع

عفتهم بالمطبخ صايرين مطاحن وفتت جوة يم النسوان

لكيت عماتي وبيبي سعدية يتناقشون وسمعت اسمي بنص حديثهن بس كعدت باوعلي

سعدية ... هي لو تگله يرضا

درة ...شكول

سعدية ...لهمام كليله تعرسون كافي نشف ريجة الولد جا شني وين اكو خطبة سنة ونص مادري شكثر الله عليجن مو من الطلابة شكد صارلها؟

نورية ... يا هواي هواي مايجوز عمة كليله عرسو بس مو هنا سافرو انتي ويا وسوو عرسكم بغير ديرة روحي لتركيا حلوة هم تونسو وهم فضوها مايصير

درة ... لا شلون ترة لا فاقد ولا نجم وعمة لمياء دارت سنتهم ما اكدر ولا همام يكدر

سعدية ... جا ليش نكللكم روحو لغير ديرة وعرسو علمود تاخذون راحتكم وبعد هو ابن عمج مو غريب

رفعت اكتافي وقوست شفايفي ... ما ادري نشوف الله كريم

نورية ... مو تغلسين عن الولد وانتي نجوى دوري مرة لغيث وسويله عرس سكتة ولد مطلك مايصير يضل بدون مرة وصارله هواي

سعدية ... ما يرررضا تطلع سفن ساحرته غضب الله على رأسها

جفلنه على صوت طبه طفرت فدك وصرخت ... يمةةةة جعفررر

طفرنا وراها ركضت للدرج جرته يمه جعفر طايح من الدرج هي شالته والدم ينزل من حلكة وراسه انخبصت ضلت تبجي وتصيح يمه جعفررر وين هاااني صيحوووو الهاني

جريت باكيت لكلينس وركض اخذته منها حطيت على رأسه وضغطته عماتي وامي والبنات كلهن انخبصن طب هاني ركض وغيث وعمي فاضل

وجعفر فرت روحه يبجي ودمه يسيل

فاضل ... شنيي منين طاح

نجوى ... من الدرج سودة بعيني

نورية ... لا تضلون واكفين هااا هاي عباتي يله للمستشفى بساع تعاي درة انتي شايلته بسرعة تعاي

فدك ... انه انه

نورية ... على ما تلبسين دهر امشي درة بساع

هاني ... انطينيا

نورية ... عوفة وسوق امشي

طلعت شايلته واخذنا للمستشفى فارة روحه فر بس يصرخ فحصو الجرح يحتاج خياط خيطو راسه ولسانه مشكوك بس ما خيطو ولا سووله شي بس انطونه ادوية وابر

هاني جان اصفر وروحه فايرة ... شبيك هاني مو هاي مابي شي

... ردت اموت من شفته غركان بدمه

... الحمدلله مابي شي

نورية ... دخيلك ربي مانرتاح لا بطلعه لا بزيارة ولا بلمة

اشيله عنج عمة

درة ... ياريت

اخذته مني عمة رجعنا للبيت لگينا فدك مفرفرة روحها اخذته هاني عاط بيها ... وينچ عنننه هاا

فدك ... لتصيح! غير يلعب شسويله يعني احبسه لو اربطه ربط طفل يريد ياخذ راحته

هاني ... ما فگدتي كاعدة تدكين فج وشامرته بحجة يلعب

سعدية ... صلي على نبيك يمه مابي شي مابي تعداه الشر وروح اطلع يم اولاد عمك يله

نورية ... يله عمة كول يالله

جرته عمة نورية برة البيت فدك كعدت تبجي بالزايد مهضومة لان صيح عليها كدام الكل

باوعت وشفت الوجه الي لعبت. روحي منه كله شر وسم وجه سماهر مرتاحين من هناء ماتحضر لماتنا من ورا طلاكها طلعت النه سماهر

رجعو كعدو وكالو يله مابي شي باوعت لسماهر جانت تتصنع اللطف والحب وهي من عيونها مبينة اكبر شرانيه

ياسمين بهمس ... مسلسل زوجة الاب الحنون

فرت ايدها ما عاجبها سماهر باوعت الها وعقدت حواجبها وبسرعه فكتهن ورجعت تحجي

كل واحد رجع لبيته واحنة رجعنا سبحنه ورهف جابها عمي ورانه جانت ليلته ويا امي وضل عدنا كاعد بالصالة مشغلين التلفزيون على فلم وحاطين حلويات وعصاير وشامية وكاعدين كل احنة نباوع

جنة صافنين ع تلفزيون التفتت اريد احاجي امي

شفتها نايمة متمددة وحاطه راسها على رجل عمو تباوع للتلفزيون مندمجة وهوَ يلعب بشعرها ويتأملها وباله مو يم شي ثاني غيرها ، عيونه كلها حب الها وعبالك هي كل انتصارته او اعظمها

ابتسمت براحة

قصصmyhopes

درت وجهي اكمل الفلم بس ضليت اضحك مرتاحة وكل شوية اسرق النظر الهم

باب البيت اندگ عمي كال مستغرب

... يهو هذا جاينه هسة

درة ... اذا ما طلع همام تعال عاتبني هههههههه

... ولج بس لا كايلتله يجي ويكطع رزقنه

جان يحجي وهو يبعد راس امي يحطه ع مخده كرص خدها وهي مبتسمة تباوعله

درة ... ماكايلتله بس هو يجي فجأة

كمت للاستقبال اشوف الكامرات وهو طلع للباب عقدت حواجبي متفاجئة الشكل شكل بنيه ما جانت واضحة فتحت باب الاستقبال وطلعت شفته توة فتح الباب وطلع خطوة برة البيت وبثواني دخلت ياسمين حجابها لنص راسها وبتراك مال بيت اسود

نشغت مصدومة وهي تبجي وعيونها حمر دم

حضنها عمي واجة يمشي وياها من وصل يمي عافها اجتلي حضنتها وهمست ... شبيج؟

ياسمين ... سماهر طردتني واصيح ابوي مايسمع مادري يسمع وساكت الله يعلم

طلعن البنات على صوت شهكاتها وراهن امي انصدمن كلش وهيه تبجي بحضن امي

وتحجي تناشغ

.. بس نام ابوي لزمتني بالحديقة وكتلتني بالصوندة مال السگي تكلي شلون مساع تباوعيلي وتفرين ايدج وانه اصيح بوية وينك بابا تعاال ولا اجة تكلي صوتك هوس هوس ابوج نايم وتكتل بيه اخير شي تكلي بس تصرخين بعد الا اكوله لابوج لكيتها تخابر زلم

وفتحت باب البيت ودفعتني برة البيت انه تخبلت وماعندي غير شال على اكتافي

ضليت ادك بالباب وادك بالجرس محد يطلعلي وفوك الربع ساعة ابجي وادك بالباب اخير شي تمشيت لبيت صاحبتي كلتلهم يجيبوني الكم

حتى مبايلي بالبيت ما اكدر اخابر احد

وعد ... يا عمت عينها وهاي شني مالها رداد يردها شلون تطرد بنية شابة بنص الليل

ياسمين ... والله كلبي طاح من الخوف وطلع جلب ينبح عليه ابجي واركض والله بضلمة الليل وهسه لو شايفني احد مو يذب عليه مصيبة فوك ضيمي

عمي طلع نقاله يخابر لعمي خالد ولا يجاوب مل اخير شي خابر لعمي فاضل كلتله امي عوفها للصبح

كلللها ... خاف الجلبة تذب شي على ياسمين خلي فاضل يتدخل من هسه

جاوبة عمي فتح سبيكر ونسمع صوت عمي فاضل مخترع

كله عمي ارفد ... لا ماكو شي يخوف بس هاي سماهر مرت خالد طاردة ياسمين من البيت واجتلنه البنيه بتراك وزين من اكو شال ساتر راسها

فاضل ... هسه؟

ارفد ... اي والله كاتلتها وطاردتها واخابرة مايجاوب الجلب مغلس هذا مررض مرض البت اذا تضل عده تتبهذل

فاضل ... سده انه اله

سد الخط ورا عشر دقايق رجع خابر عمي ارفد وكله. .. خليها يم البنات وتعال نروحله للبيت وهاي مرت ابوها شوفلي اهلها وين بالضبط وين بيتهم وجيبلي ارقامهم اذا تكدر

ارفد ... همام يعرف اخوها

فاضل ... خابرة جيب رقمه اذا ما اسود ليلتها

سده عمي وخابر همام وطلع بتراكسودة حتى ما بدل وراح لعمي فاضل ضلينه ننتظر اكثر من ساعة ونص بحيث وحدة ونص تقريبا يله رجع عمي جنة تك عين من كد النعس

ارفد ... نامن هسه الصبح نحجي

وعد ... واحنة متانينك نريد نعرف شسويتو

ارفد ... سالفة طويلة نامن مرتاحات ماكو شي وين ياسمين

وعد ... من كد البجي غفت ذبت روحها هي والميت سوية

ارفد ... يله وعد يله بابا نامن تصبحن ع خير

ردينا اجمعين وطبينه للغرفه

نايمة بسابع نومتي وفزيت على صوت عمي يصيح طلعت فاتحة تك عين والبنات يطفرن وراي

ارفد ... ز** عليك من زلمة وعلى شاربك ولك بتك بتك تجذبها وتصدك وحدة توها اجتك

خااالد لا تخبلني واذا مرتك والخدامة كالن هي طلعت من كيفها شنو انته تصدكهن طبعا خدامتها تجذب عليك وياها

سكت ورجع عاط ... وصياحهااا ماسمعته

ما صيحت؟ ما صيحت؟ روح انته طلي حشى الطلي بريء من امثالك

حجاها وسد المبايل بوجها تقريبا فهمنة كل شي وما نحتاج يشرح ياسمين ضلت تشهك وتحلف

... وروح امي ونجم هي كتلتني وطردتني وصيحت صياح الدنيا ما طلعلي

ارفد ... ابوج ك واد وناقص وشادلة كرون ستيل لو ما مكرن مايستر لمرته لجلبة

يله يله غسلن وتريكن وروحن للدوام يله

لا تحسبن زايد محلولة

اجة وكدام كل العالم جرها من ايدها حيل بكل همجية وضربها راشدي وجرها حيل وهو يتوعد الها

... السا** انه الج اذا ما حرمت عليج عتبة باب البيت ولج انه تطلعين من بيتي شاردة بنص الليل؟ الا افصم ظهرچ ........

ي

رهف :- هسه فهمت سالفتچ كلها وعرفت حبچ لعباس ومنين بدت علاقتكم و وين انتهت بس الماعرفته لحد هسة شذكرچ بي؟

جمانة :- ص صارلة ش شهور يهدد بيه ي يريد ارجع علاقتي ب بي وانه على ذ ذمة بارق

و انه لو ا اموت ما اسويها ش شرفي ر ردت اضحي بي م مرة ما ا اعيدها م مرة ثانية

رهف :- و بشنو يهددج صخام الصخم عينه من لا عرفه العباس كون المسمينة بأسمه

جمانة :- ي يدز كل صورنه س سوية لفالح ي يكلي ابن ع عمج سترچ وانه ا افضحچ ب بس انه ما جاي ارد ع علي وا احظرة يجي من ر رقم ثاني

رهف :- شوفي مبدئيًا لازم تعرفين شي وتكونين واثقة منه ان عباس ما يسويها ويدز الصور لفالح ويفضح روحه قبل لا يفضحج اذا سواها معناها تنفتح علي بيبان جهنم بدون ما تنسد

جمانة :- ش شبيجج انتي ه هذا ساقط

رهف :- ساقط بس جبان حسب كلامج مبين كلش جبان وما يسويها لان تصير طلابة ويكومون الدنيا على راسه وتعال ضل خاتل طول عمرك واهله يتورطون لان هاي سالفة شرف

ولو يريد يسويها جا سواها من زمان شمعنى شهور وممسويها .. ولك جووون لا تطيييح

بس اوكفي جمانة انتظري لحظة

تعال انزل من احترگو

كاتي :- صشيشششة تعال انزلي

رهف :- اخذي ابنچ وداري لا يتعور خطية وشلون تحطين هذني هنا ماغير يتعور بيهن شيليهن فدوة

كاتي :- هاي صشيشة وكيهة (وكيحة) اكول لـ هر تگول خلي تلعب صشيشة صغير

رهف :- هههههههه داخذي اخذي ياعيني

اي جمانة وين وصلنه مثل ما كتلج سالفة شرف ما يورط روحه ابد لا تخافين وارتاحي وتطمني لو اذا كلش كلش احجي لبارق

جمانة :- ا احجي لبارق و ي يسوووي شي وتعاي الزلم ت تتكاتل من و و وراي واصير ع علج بس احجي ل لبارق تكبر السالفة

رهف :- هذا هو لا تحجين بدلي رقمچ ولا تنطينه لأي بشر من خوالچ حتى ما يوصل اله ويرجع يهدد

جمانة :- ا اي ه هااي مشكلتي ش شلون ابدل رقمي اذا ا اكسره بارق ي يشك و اذا ا اكلله احد مضايقني ا اكيد. راح يطلب ر رقمه عل علموود يطيح ح حظه وشلووون؟

رهف :- هاااا لازم تضيعينها يعني

جمانة :- ش شلون؟ ش شوفي انه ا ادري م ما يسويها بس بس لازم اغير ر رقمي لان ن نفسيييتي تدمرت ا الخوف ذ ذبحني ذبح ص صرت اوهووس و وبس ابجي م من الخوف بالحمام

رهف :- لحظة اصفن الها شوية .. شتسوين شتسوووين؟ بيش الساعة بارق يرجع من الشغل

جمانة :- اكثر شي بالثنتين ونص

رهف :- بعد ساعة يعني سمعي راح اعلمچ شنو تسوين ونفذي بالحرف علمود تبدلين خطج هاي الخطة اتوقع تفيد

جمانة :- ا اي اسمعچ

رهف :- ترحين تنكعين مبايلچ بالماي تنگع و شتسوين تفتحينه تشيلين البطارية وتشيلين الشريحة يعني تفتحين غراض المبايل كلهن وتحطينهن ع هذا الميز شفته عدكم مال الاكل بالمطبح حاطينه يم الكاونتر

جمانة :- اي ا الميز

رهف :- تفرغين غراض الثلاجة والنواعم مال الكاونتر الجياس القواطي كون تترسين الميز ترس غراض خوش وزباله اريد تصير زبالة

وتعوفيهن من يجي بارق كون انتي بالمطبخ من يدخل يشوفج عباله جاي تنظفين شتسوين هنا تستقبلي عادي لا تحسسي بأي شي وتغدينا وهيج بالغدا بالسوالف تگليله مبايلج طاح بالماي يمكن عطل

واذا سألج وينه ومن هذا الحجي گليله ذاك على الميز فتحت غراضه كلهن

و ورا الغدة ترجعين للمطبخ تشتغلين وتلمين علاكة زبالة هنا شتسوين تذبين الخط بمجرى الماي ويروح

وتنزلين علاكة الزبالة وتصعدين عادي تحطين البطارية بالمبايل وتشغلي عطلان ما يشتغل تجين لبارق تكليله المبايل عطل احترك بالماي وتذبينه بالكنتور بالجرار بأي مكان بعيد عن ايد بارق حتى ما يگلبه وخاف يفتحه وشي

هنا شنو تكليله تردين جديد طبعا هو عنده خير من الله ماراح يرفض بس شنو اريدج تماطلين تكليله اريد مبايل على ذوقي ها اريد سامسونگ ها تريد ايفون خليني اصفي بالي ماطلي كون يومين هيچ

بعدين ثبتيلج على مبايل خلي يجيبه الج خوش

من يجيبه سوي روحج رايحة تطلعين شريحتج حتى تحطينها بالمبايل ومن ما تلگيها سوي روحج مستغربة وتدورين وكولي يااا بس لا كنستها ويا الزباله لو لميتها ويا غراض المطبخ وراحت ويا الزبالة

هنا الزبالة مموجودة البلدية ماخذينها يعني وحتى اذا مماخذيها صايرة هواي ماتعرفون العلاگة الذابتها انتي يهي علمود تدورونها

وسوي روحج تدورين ومتضايقة لان بيها ارقام صديقاتچ وراحت

هو ماراح يحس وراح يشتري خط جديد مثل الورد ولا تنطي لأي بشر من خوالچ خلي يولون

جمانة :- ا اذاا نكع ب بالمااي ماتخرب ال الشريحة

رهف :- لا مرة نكع نقالي ماكو ماخربت ضلت تشتغل بلوة

جمانة :- ر راح ا اطبق خ خطتچ لو ب بالهدف ل لو بالنجف

رهف :- بالهدف بس صيري سباعية احنه مانريدة يحس انتي مخربته حتى ما يشك بشي

جمانة :- خوشش ... نهيت الاتصال منها جبت مبايلي وحطيت دولكة ماي جوة الحنفية وذبيت المبايل ابطنها بس كلبي انمرد على مبايلي شسوي مجبورة علمود ما يشك ، خليته فترة

طلعته من الماي غركان اشغله شاشته صارت سودة

ذبيت الماي وضميت الدولكة وفتحت غراضة حطيتهن على الميز وبديت افرغ بالغراض اجيب واحط ع ميز وسويتها هوسة وطشرت شوية فاصولية اعذرني ربي طشرت النعمة بس مجبورة لا ينهجم بيتي

وعندي بهارات بكوارتين فرغتهن بعلب وشمرتهن ع ميز وسويتها هوسة وهم من التوتر ضليت الهي روحي بالتعزيل وعزلت جزء والهوسة هي هي على الميز

لحد ما اجة فتح الباب باوعلي اشتغل فتحت الحنفية اغسل ايديني

جمانة :- ا الله ي يساعدك ح حبيبي

اجة حضني بسته بخدة و هو يباوع ع الهوسة

بارق :- اليوم تعزلين الله يساعدج

جمانة :- اي والله ا اعزل الكاونتر والثلاجة و و وصخااات

هز رأسه ابتعد وتمغط : شنو الغدة ميت تعب اسبح واجيج لو ماطابخة؟

جمانة :- ل لا شلون مسوية م مركة بامية وتمن ع ما تسبح اسوي ز زلاطة

هز رأسه جاي يطلع و وكف كال :- شنو هاي مبايلچ شبي مفصخته

بلعت ريگي بتوتر گتله :- طاح بالماي

اخذ الجهاز گلبه نكته يطفر منه ماي

:- وين مطيحته هذا

جمانة :- ا انكع ت تمن و هو ب بيدي اشوف مسلسل و فجأة طاح بالماي بس ط طلعته محروگ ف فتحته ب بلكي يشتغل

اخذ البطارية ركبها فتحه محروگ گال وهو يقوس شفايفه :- هذا عطل وتصليح ما يتصلح نقال بنية وبي صورچ الطرگاعة اجيبلچ واحد جديد

جمانة :- ب بس ت تجيب الي ي يعجبني و أريده

بارق :- خوووش تدللين

شمره ع ميز وراح للحمام سبح كملت زلاطة ونقلت الاكل للصالة طلع تغدة و راح نام كملت تعزيل المطبخ سويت بالضبط مثل ما حجت رهف

سألني العصر وهو واكف ع مراية يمشط

بارق :- تردين بدربي امر على صاحبنا عنده محل تلفونات واجيبلچ واحد

جمانة :- ل لا ببالي اكثر م من نوع خليني ابحث ب بعدين و اختار نوع من ا اصفي بالي ا اكلك تجيب

ابتسم و خصم عيونه بمكر :- چنچ راح تختارين واحد يكسر الظهر و تهلسيني هلس

رديت بدلع :- يغلى ع ع عليه المبايل؟

بارق :- يخسى المبايل جنج على اغلى مبايل يرخصلچ

حضنته وبست كتفه

:- الله ل لا يحرمني م منك ح حبيبي

نصه باس طرف شفتي :- اروح فدوة لهذا اللسان الحلو بس حبيبي الي يجييبلج اغلى مبايل ما اله هدية؟

عمزلي بمكر غطيت شفته بأصابعي

جمانة :- ل تطلب تفقد ق قيمتهة الهدية ا اذا نطلبت خ خليها عليَه حبيبي

كرص خدي ورفع حواجبة بأعجاب :- تخوووووف مرتي حبيبي

درة ... چانت ذكرياتنا حلوة بس بعد الوكت مشى وكبرنا وكل واحد اخذ نصيبه من الدنيا

حر ... شلونه وياچ

درة ... والله زين همام گلبه طيب ويخاف الله بيه الحمدلله

حك حاجبة ونصة يباوع على الگاع و بعودة صغيرة لازمها وبالكاع يخطط بيها

حر ... تستاهلين واحد يرفعچ فوگ الغيم هنياله فاز بيچ انتي اعظم شي كسبه همام

هزيت رأسي وابتسمت بدون رد

ترف ... خالووو وين هديتي مال المعدل مو گتلي الج هدية جبيرة شو ضربتها تغليسة لا عبالك انه استحي وما اذكرك لو ما اطالبك

رفع رأسه يضحك وباوعلي مستغرب ...هاي يمتة طلع لسانها

درة ... من قبل بس ما جنة ملاحظين

ترف ... لا تغير الموضوع خاااالو

حـر ... طلبي التردي واجيبه ما اعرف بسوالف البنات انه ، باوعلي وكال

...شنو اجيبلها همام شيجيبلچ هدايا؟

درة ...ليش؟ تاخذ افكار قصدددك هااا

هز رأسه بالموافقة قوست شفايفي ورفعت عيوني للسما اتذكر و رديت

:-اخر مرة اشترالي سترة وبنطلون قماش وحذاء تكرم وجنطة ومرة جابلي ساعة حلوة مممم ومرة جابلي محبس ذهب جان عيد ميلادي

ترف ... التنسيقة تموووت خالي شنو الجنطة تعجب اخذني للسوگ واشتريلي نفس المشتريهن همام لدرة يخبلن

حـر ... هاي هيه تدللين كومي بدلي وجيبي سويجي ومحفظتي وتعاي

هزت راسها وطفرت حضنته وباست خده ...شكرااا خالوو

راحت للبيت تركض ضلينه بس انه ويا وحدنة كاعدين الدنيا عصر والهوى حلو بي برودة اليوم شمال

ضل منصي ويسوي بحركته نفسها بالعودة يشخط بالگاع ، گتله بحسرة

درة ...فوگ السنتين

حـر ... اييي بعدها جروح الزمن تنزف بگلبي روحي تشوهت عطـ... درة

درة ... صرت عطـر غيرك

حـر ... لا والله

درة ... ممممم يحضني وعطره يختلط بعطري من اشم ثوبي الگه عطره بيه ومن يرجع للبيت يگلي عطرچ تارس هدومي ترس

حـر ... واكيد يشم قميصه ويضيع بريحتچ

درة ... ممممممم

حـر ...تردين تحرگيني

درة ... يعني

حـر ... ليش؟

درة ... مرتين عفتني بدون وداع مرتين تدير وجهك تروح وكلمة وحدة ما توصلي المرة الاولى بله نگول معذور والثانية؟

حـر ... اخاف من الوداع درة

درة ... خوفك خلاني اصير بحضن واحد غيرك ثق واعتقد لو ادري بيك عايش ما قبلت بهمام بس انته ... رحت وما حسبت انه بنية شابة وعندي اولاد عمام وعمات وعمامي ناس معروفين والعالم تتخطب منهم بأي لحظة ممكن يجي شخص ياخذني و ها شوفة عينك اخذني همام

حـر ... انه ما محملچ شي ولا الومج ادري بروحي غلطت بس يا حيف الزمن جبرني والمصايب اخذتني اخيذه ورجعت الدنيا خسرررتني اعز ناااسي من جديد

كمت بدون جواب ماكو رد وانه گلبي جاز اصلا والحجي مايفيد جاي اعبر حسيت رجلي تشنجت والتوت وطحت بسرعة تلگيت الگاع بأيديني زين ما طحت ع وجهي ، طفر الي بسرعة جريت رجلي تعورت وعيوني غورگن دموع

لزم رجلي بايدينا يتفحصها سحب من جيبه منديل قماش ( چفية ) وحطها على الزلغ

حـر ... هاي عيني حسدتچ قل اعوذ برب الفلق

سحبت رجلي بسرعة باوعلي صفن بلع حسرته و گال متألم

... متعود اركضلچ من تطيحين وايدي تداوي جرحچ قنعتي روحج والعالم صرتي لغيري بس جيبي اليقنع گلبي

جيبي اليقنعه درته وعطره صارت لبشر ثاني

يحجي ويضرب بقبضة ايده على گلبه ..

مسحت الدم من رجلي لان تلزغت ما كدرت احجي اختنگت بعبرتي وبس افك حلگي ابجي اجت ترف تركض بيدها السويج ومكملة لبس

حاجاها مختنك صوته كوة يطلع

:- بس وصلي اختج للبيت تعورت

كلت لا شسالفة كمت ع حيلي

مشيت للبيت غسلت ونفضت ملابسي ورحت للصالة تمددت يم رهف وكاتي جانن يحجن ع اطفالهن غمضت عيني بدون شعور غفيت

كعدتني رهف تحجي ... كومي صار المغرب حضري روحج نروح لبيت خالي قصي

كمت متضايقة غسلت و صليت وجهزت روحي شلت منتظر ابن رهف افتر بي على ما تلبس

طلعت اخذته مني امي صاحت حرر خوية حر خلصنا

اجة اخذنا كلنا حتى كاتي ويانه وخالي اسامة بس راحو بسيارتهم وياهم ترف واحنه ويا حـر ..

شغل النه اغنية خذانا الواهس من بعيد وضل يغني وياها لحد ما وصلنه هو يعيدها ويغني بنبرة مجروح

انقبض كلبي ما صدكت خلص هذا اليوم ورجعنة للبيت الساعة 12 كبل صعدت فوك عزلت روحي الم شتات نفسي ارجع لتوازني وامسح دم جروحي

مشت الايام داومنا صرت مرحلة ثالثة وباول يوم دوام اعاتب رهف لان رفضت تداوم بالوقت الحالي تكول الا اكبر منتظر يله

طلعت من البيت لگيته واكف بالطارمة منتظرني يكتب ع شجرة بسويجة شافني ابتسم بفرح لان لابسة هديته افتريت اراوي صفك وصفر

:- ملكة الدنيا كلها واحلى كيكة بالدنيا كلها

درة ... صدك حلو

... اي بس يرادلج عباية سمنانة و

درة ... no حبيبي لا لا لا انه هيج مرتاحة عباية ما اريد

عفس وجهة طلعت ويا صعدت بسيارته حرك وطلع

اقترح عليَ يوصلني اول يوم دوامي وانه قبلت ما رفضت لان هاي رغبته

همام ... حبيبي فتحي الجكمجة انطيني الشسمة هذا

مديت ايدي افتحها واحجي ... شنو الشسمة

فتحت عيوني وضحكت باوعلي وابتسم من شافني تفاجئت

تارسها ورد احمر واكو علبة سودة صغيرة

درة ...الي؟

همام ... طبعا اكو واحد غير وليددداااتي يستاهل الورد والهداية

درة ...لا طبعا بس انه بهاي الدنيا استحق منك وها طبعا امك عيب انساها

همام ...الحنين يمة فدوة غديتلج

مديت ايدي سحبت العلبة والورد نصة تطشر وطاح يم رجليني جان اوراق جوري احلف علي مشلع نص ورد حديقتهم وعابر ع حدايق الجيران بحيث طالع بهاي الكمية الزينه

سديتها و خليت العلبة على رجلي فتحت الشريط الاحمر الناعم الي مشدود على العلبة مبتسمة وعين علي وعين ع علبة جان مبتسم على فرحتي

فتحت و فكيت عيوني بصدمة

درة ...شمدرررريك هذا السوارررر عاجبنييي؟

همام ...شفتچ قبل شهر معلقة بالفيس على صورة ممثلة لابسه هذا السوار كاتبة السوار يجنن ومخلية سمايل يبجي كلت عفا مرتي تبجي ع سوار شو الا اسويلها مثله

درة ...يممممة والقران من كد ماحابته حافظه صورتها وشكله بعيني كلت بس احصل مثله اشتري منينن جبته

همام ... خذيت صورتها للصايغ كتله اريد مثل سوارها صياغه وصاغه الچ ان شاءالله يكون مثل ممتخيله ويعجبج

درة ... عمررري شلون ما عجبني غير يجنن وجنت متمنيته

فتحت القفل ولبسته ومديت ايدي اراوي

...شلونه؟ حلوووو على ايدي

لزم ايدي باس باطنها و همس ... شگد محظوظ الذهب صار بأيدچ ياريتني مكانه

الذهب صار بيد الياقوت

درة ...انه؟

همام ...ياقوتي ودرتي

درة ... انتَ شگد صافي وگلبك حنين؟

همام ... بس وياج ههههههههه

اليوم تجين لبيت عمي فاضل للعزيمة

درة ... لا مالي خلگ بس ارجع اطكها نومة لليل

همام ... البنات راح يلتمن مساع جمانة من طلعت للخط كلتلي كول لدرة تجي كتلها هي راجعة وياج وكليلها

درة ... مو احس اول يوم اتعب شيجيبني

همام ... العزيمة بمناسبة زيارة الولد للعراق سداد وجاسم تعاي سلمي تحمديلهم بالسلامة صارلهم هواي ماجايين

درة ... هاي هيه اروح

وصلني للجامعة وراح بيومها رجعت نمت كعدت المغرب بدلت لكيت رهف مبدلة عبالي تروح وياي بس تفاجئت من كالت عيالها عازمينها ومشتاقين لمنتظر اخذها عمي ويانا وصلنه ورجعنة لبيت عمي فاضل

دخلنا وكل عادة ما شفنه غير سداد جاسم ما نشوفه ردنا نتحمدله على السلامة ما شفناه

واكفة بالمطبخ وطب سداد باوعلي وابتسم

:- ولج انتي شنو طلعتي بنات آل نعمان كسر

درة :- نفسك انت هم مطلعهم كسر

جر عيونه بغرور وعدل ياخته ... طبعا طبعا غير انه سداد فاضل، يحجي وياي وعينه تتجول بالمطيخ وتروح على باب الهول

درة ... لا تدور ما جاية معزومة عند عيالها وبعدين كلبك شنو ما مات بعدة

سداد ... لا والله هناك ميت بس من ارد يشب نار ويضل يرجف بين ضلوعي يرجف عليها شسويله ذالني

درة ... ها وما الك نيه تتزوج؟

سداد ... الغلط الغلطته قبل ما اعيده وما اورط بت ناس وياي وانه كلبي ما هاوي اتاني جرحي يطيب وكلبي يجز منها يله

درة ... سالفتك طويله

ترف ... سدادددددد

خزرتها لان امي محذرتها ماتلگف

سداد ... هااااا يحجي ويقلد عليها

ترف ... وين بطبوط اخوك

سداد صاح بصوت عالي من باب المطبخ

... بطبووووووط يصيحولك

اجانه صوت محمود متذمر ....بوووية فاضل ابنك صار اسمه بطبوووووط

طبت ياسمين للمطبخ تشرب ماي ضل سداد يحجي وياها ويشاقيها يضحكها كللها بصوت ناصي

:- وين مرت ابوج يكولون حيه

ياسمين ... ركطة بعدها ما لافيه ، انه من الجامعة ويا جمانة من بيتهم لهنا ماشفت خلقتها اليوم

طب محمود ورا فالح رفع ايدينا ثنينهن للسلام

:- مساچن الله بالخير خواتي الما جابتهن امي مساكم الله بالخير خانة الشواذي

درة ... هلو مساء النور وين همام؟

فالح ... هذا اوكفي يحجي ويمد ايده بجيبه

كلبت عيوني بضجر ... ماكو جيبي مزروف يمكن طايح منه

درة ... ولا ترد عدل الا اذب سبحتك وبعد ما اسبح بيها علمود مايجيلك اجر مني ماتستاهل

فالح ... حيييل بعدج محتفظه بيها

درة. .. يا صار سنين اسبح بيها واتذكرت بدعائي بس بعد هذا هو اذبها مو وجه نعمة انته

فالح. .. دررررية

درة ... والله

التفتت شفت ياسمين وسداد يحجون وهي متضايقة جانت تشكيله من سماهر

بنهاية الحديث كللها احجي لأبوي

كلتله ماكو داعي هي سوالف تافهة بس تنرفز وعيب نحجي بيها

هز راسه التفتنه على صرخة محمود يخرط بخدوده

محمود ...ولج صفي نيييتج واختارررري اطك راسي بالحايط والله

ترف ... يلا يلا جبس و كرزات اصلية اريد بيهن كاجو والباقي على ذوقك

جر الخمسة من ايدها فالح گله ... ثول حتى ثول خذاها من ايدها من جيرة بفرگك غير تجيبلها على حسابك شلون تخلي بت عمك تدفع

ترف صفگت وركصت بحواجبها ... لان حمووودي مو ابنه يشتغل ميجيب النه عايف امه وخواته ويشتغل لحبيباتتته ويشتغل لحبيباته يحمودي يحمووودي

محمود ... صوجي انه وبعدين شني عندي بنگ الخلفكم

عفس وجهة ترف رفعتله حاجبها خزرها كلتله بصوت ناصي يلا بطبوط

محمود ...انه الج

عفتهم بالمطبخ صايرين مطاحن وفتت جوة يم النسوان

لكيت عماتي وبيبي سعدية يتناقشون وسمعت اسمي بنص حديثهن بس كعدت باوعلي

سعدية ... هي لو تگله يرضا

درة ...شكول

سعدية ...لهمام كليله تعرسون كافي نشف ريجة الولد جا شني وين اكو خطبة سنة ونص مادري شكثر الله عليجن مو من الطلابة شكد صارلها؟

نورية ... يا هواي هواي مايجوز عمة كليله عرسو بس مو هنا سافرو انتي ويا وسوو عرسكم بغير ديرة روحي لتركيا حلوة هم تونسو وهم فضوها مايصير

درة ... لا شلون ترة لا فاقد ولا نجم وعمة لمياء دارت سنتهم ما اكدر ولا همام يكدر

سعدية ... جا ليش نكللكم روحو لغير ديرة وعرسو علمود تاخذون راحتكم وبعد هو ابن عمج مو غريب

رفعت اكتافي وقوست شفايفي ... ما ادري نشوف الله كريم

نورية ... مو تغلسين عن الولد وانتي نجوى دوري مرة لغيث وسويله عرس سكتة ولد مطلك مايصير يضل بدون مرة وصارله هواي

سعدية ... ما يرررضا تطلع سفن ساحرته غضب الله على رأسها

جفلنه على صوت طبه طفرت فدك وصرخت ... يمةةةة جعفررر

طفرنا وراها ركضت للدرج جرته يمه جعفر طايح من الدرج هي شالته والدم ينزل من حلكة وراسه انخبصت ضلت تبجي وتصيح يمه جعفررر وين هاااني صيحوووو الهاني

جريت باكيت لكلينس وركض اخذته منها حطيت على رأسه وضغطته عماتي وامي والبنات كلهن انخبصن طب هاني ركض وغيث وعمي فاضل

وجعفر فرت روحه يبجي ودمه يسيل

فاضل ... شنيي منين طاح

نجوى ... من الدرج سودة بعيني

نورية ... لا تضلون واكفين هااا هاي عباتي يله للمستشفى بساع تعاي درة انتي شايلته بسرعة تعاي

فدك ... انه انه

نورية ... على ما تلبسين دهر امشي درة بساع

هاني ... انطينيا

نورية ... عوفة وسوق امشي

طلعت شايلته واخذنا للمستشفى فارة روحه فر بس يصرخ فحصو الجرح يحتاج خياط خيطو راسه ولسانه مشكوك بس ما خيطو ولا سووله شي بس انطونه ادوية وابر

هاني جان اصفر وروحه فايرة ... شبيك هاني مو هاي مابي شي

... ردت اموت من شفته غركان بدمه

... الحمدلله مابي شي

نورية ... دخيلك ربي مانرتاح لا بطلعه لا بزيارة ولا بلمة

اشيله عنج عمة

درة ... ياريت

اخذته مني عمة رجعنا للبيت لگينا فدك مفرفرة روحها اخذته هاني عاط بيها ... وينچ عنننه هاا

فدك ... لتصيح! غير يلعب شسويله يعني احبسه لو اربطه ربط طفل يريد ياخذ راحته

هاني ... ما فگدتي كاعدة تدكين فج وشامرته بحجة يلعب

سعدية ... صلي على نبيك يمه مابي شي مابي تعداه الشر وروح اطلع يم اولاد عمك يله

نورية ... يله عمة كول يالله

جرته عمة نورية برة البيت فدك كعدت تبجي بالزايد مهضومة لان صيح عليها كدام الكل

باوعت وشفت الوجه الي لعبت. روحي منه كله شر وسم وجه سماهر مرتاحين من هناء ماتحضر لماتنا من ورا طلاكها طلعت النه سماهر

رجعو كعدو وكالو يله مابي شي باوعت لسماهر جانت تتصنع اللطف والحب وهي من عيونها مبينة اكبر شرانيه

ياسمين بهمس ... مسلسل زوجة الاب الحنون

فرت ايدها ما عاجبها سماهر باوعت الها وعقدت حواجبها وبسرعه فكتهن ورجعت تحجي

كل واحد رجع لبيته واحنة رجعنا سبحنه ورهف جابها عمي ورانه جانت ليلته ويا امي وضل عدنا كاعد بالصالة مشغلين التلفزيون على فلم وحاطين حلويات وعصاير وشامية وكاعدين كل احنة نباوع

جنة صافنين ع تلفزيون التفتت اريد احاجي امي

شفتها نايمة متمددة وحاطه راسها على رجل عمو تباوع للتلفزيون مندمجة وهوَ يلعب بشعرها ويتأملها وباله مو يم شي ثاني غيرها ، عيونه كلها حب الها وعبالك هي كل انتصارته او اعظمها

ابتسمت براحة

درت وجهي اكمل الفلم بس ضليت اضحك مرتاحة وكل شوية اسرق النظر الهم

باب البيت اندگ عمي كال مستغرب

... يهو هذا جاينه هسة

درة ... اذا ما طلع همام تعال عاتبني هههههههه

... ولج بس لا كايلتله يجي ويكطع رزقنه

جان يحجي وهو يبعد راس امي يحطه ع مخده كرص خدها وهي مبتسمة تباوعله

درة ... ماكايلتله بس هو يجي فجأة

كمت للاستقبال اشوف الكامرات وهو طلع للباب عقدت حواجبي متفاجئة الشكل شكل بنيه ما جانت واضحة فتحت باب الاستقبال وطلعت شفته توة فتح الباب وطلع خطوة برة البيت وبثواني دخلت ياسمين حجابها لنص راسها وبتراك مال بيت اسود

نشغت مصدومة وهي تبجي وعيونها حمر دم

حضنها عمي واجة يمشي وياها من وصل يمي عافها اجتلي حضنتها وهمست ... شبيج؟

ياسمين ... سماهر طردتني واصيح ابوي مايسمع مادري يسمع وساكت الله يعلم

درة ... شلون يعني شلون

ارفد ... طبن للبيت هسه طبن يله

طلعن البنات على صوت شهكاتها وراهن امي انصدمن كلش وهيه تبجي بحضن امي

وتحجي تناشغ

.. بس نام ابوي لزمتني بالحديقة وكتلتني بالصوندة مال السگي تكلي شلون مساع تباوعيلي وتفرين ايدج وانه اصيح بوية وينك بابا تعاال ولا اجة تكلي صوتك هوس هوس ابوج نايم وتكتل بيه اخير شي تكلي بس تصرخين بعد الا اكوله لابوج لكيتها تخابر زلم

وفتحت باب البيت ودفعتني برة البيت انه تخبلت وماعندي غير شال على اكتافي

ضليت ادك بالباب وادك بالجرس محد يطلعلي وفوك الربع ساعة ابجي وادك بالباب اخير شي تمشيت لبيت صاحبتي كلتلهم يجيبوني الكم

حتى مبايلي بالبيت ما اكدر اخابر احد

وعد ... يا عمت عينها وهاي شني مالها رداد يردها شلون تطرد بنية شابة بنص الليل

ياسمين ... والله كلبي طاح من الخوف وطلع جلب ينبح عليه ابجي واركض والله بضلمة الليل وهسه لو شايفني احد مو يذب عليه مصيبة فوك ضيمي

عمي طلع نقاله يخابر لعمي خالد ولا يجاوب مل اخير شي خابر لعمي فاضل كلتله امي عوفها للصبح

كلللها ... خاف الجلبة تذب شي على ياسمين خلي فاضل يتدخل من هسه

جاوبة عمي فتح سبيكر ونسمع صوت عمي فاضل مخترع

كله عمي ارفد ... لا ماكو شي يخوف بس هاي سماهر مرت خالد طاردة ياسمين من البيت واجتلنه البنيه بتراك وزين من اكو شال ساتر راسها

فاضل ... هسه؟

ارفد ... اي والله كاتلتها وطاردتها واخابرة مايجاوب الجلب مغلس هذا مررض مرض البت اذا تضل عده تتبهذل

فاضل ... سده انه اله

سد الخط ورا عشر دقايق رجع خابر عمي ارفد وكله. .. خليها يم البنات وتعال نروحله للبيت وهاي مرت ابوها شوفلي اهلها وين بالضبط وين بيتهم وجيبلي ارقامهم اذا تكدر

ارفد ... همام يعرف اخوها

فاضل ... خابرة جيب رقمه اذا ما اسود ليلتها

سده عمي وخابر همام وطلع بتراكسودة حتى ما بدل وراح لعمي فاضل ضلينه ننتظر اكثر من ساعة ونص بحيث وحدة ونص تقريبا يله رجع عمي جنة تك عين من كد النعس

ارفد ... نامن هسه الصبح نحجي

وعد ... واحنة متانينك نريد نعرف شسويتو

ارفد ... سالفة طويلة نامن مرتاحات ماكو شي وين ياسمين

وعد ... من كد البجي غفت ذبت روحها هي والميت سوية

ارفد ... يله وعد يله بابا نامن تصبحن ع خير

ردينا اجمعين وطبينه للغرفه

نايمة بسابع نومتي وفزيت على صوت عمي يصيح طلعت فاتحة تك عين والبنات يطفرن وراي

ارفد ... ز** عليك من زلمة وعلى شاربك ولك بتك بتك تجذبها وتصدك وحدة توها اجتك

خااالد لا تخبلني واذا مرتك والخدامة كالن هي طلعت من كيفها شنو انته تصدكهن طبعا خدامتها تجذب عليك وياها

سكت ورجع عاط ... وصياحهااا ماسمعته

ما صيحت؟ ما صيحت؟ روح انته طلي حشى الطلي بريء من امثالك

حجاها وسد المبايل بوجها تقريبا فهمنة كل شي وما نحتاج يشرح ياسمين ضلت تشهك وتحلف

... وروح امي ونجم هي كتلتني وطردتني وصيحت صياح الدنيا ما طلعلي

ارفد ... ابوج كواد وناقص وشادلة كرون ستيل لو ما مكرن مايستر لمرته لجلبة

يله يله غسلن وتريكن وروحن للدوام يله

لا تحسبن زايد محلولة

كملنا وطلعنه للدوام ، وبطلعتنا بالكراج لكينه عمي خالد واكف والشرر يتطاير من عيونه

اجة وكدام كل العالم جرها من ايدها حيل بكل همجية وضربها راشدي وجرها حيل وهو يتوعد الها

... السا** انه الج اذا ما حرمت عليج عتبة باب البيت ولج انه تطلعين من بيتي شاردة بنص الليل؟ الا افصم ظهرچ ........

رهف ... كاعدة بالحديقة ويمي منتظر يلعب بالحجلة ويناغي ويصيح مم مم مايكدر يكول ماما

يدوس بالدكم وتشتغل موسيقى ويضل يكمز بالحجلة

اباوعله ومبتسمة براحة منتظر فاقد شايل اسم ابوك ودمه رجعت الروح الي من اجيت حبيب امك

والله لا يغفر للي يتموك وانت جنين ببطني ويحركهم ربي بنار جهنم مثل ما حرگو گلب امك

رن مبايلي برسالة شفتها بكروب العائلة من عمتي نورية بصمة

فتحتها تحجي بصوت متلعثم ... ها عماتي ماكو واحد منكم يعرف اخبار سداد

جمانة ردت كتابة. .. لا والله بارق طلع لبغداد يكولون ناقلي هناك

وفلك كتبت ... خابرت غيث ما يرد كلبي نار يكولون صوابة خطر لهذا السبب ناقلينه لمستشفيات بغداد ومحد يجاوبني

رهف ... شبي سداد

جمانة ... شني ما تدرين ؟ متصووب بهجوم ..

فكيت عيوني متفاجئة و خفت كلبي نغزني رديت ... لااا وين ادري محد گلي وانه وترف وحدنا بالبيت ف ما ندري اذا امي وعمي عدهم علم لو درة

فلك ... اي عمي ارفد يدري

جمانة ... شنو ما رجعو من التخرج؟

نورية ... عمة فلك من يردون انطيني خبر

رديت على جمانة ... لا وين ما ردو يكولون هي هيج حفلات التخرج يتأخرون بيها

نورية ... شني جا ليش امج وعمج رايحين خالد وين مايروح ويا بته لو نساها اجت سمهورة وخذته حتى من بته

رهف ... عمي خالد ومرته بالزيارة

فلك ... وصلت زيارتهم ان شاءالله ..

جمانة ... ههههههه فلك طرجن فلك سكتي لا يسطي علينا عمي خالد ويطشرنا ما ناقصين مصايب احنه

فلك ... غيث جاي يكتب لحظة

رهف ... من يدزلج دزيلنه

شوية وحولت رسالة غيث

غيث ... زين صوابة مو خطر بزنده بس هو تعب بسبب السكر وهسة ما بي شي جنة يمة الدكتور كال باجر طلعوو طمني امي كليلها لا تخاف ابد

غمضت عيني مرتاحة وكتبت ... الحمدلله على سلامته

بس شني يمته تصوب يمته راحولة لبغداد

فلك ... من الفجر خية بس مادرينه للظهر ما حچو احنه ابختهم.

نورية طكت هلهولة ببصمة وكالت ... الحمدلله ربي ومن اشوفة بعيني زين واكف على طوله اهلهلة لحد ما تتشلع بلاعيمي

جمانة ... عمة تكيفين على الهلاهل

رهف ... هههههههههههه

نورية ... انجبي اجمينه ابن اخوي وفرحانة بسلامته شلون ما اهلهل طلعنها من الكروب هذا يهي رئيسة لكروب خل تطلع هاي ام الگلك

جمانة ... ياااا هههههههه رئيسة الولايات النعمانية الكروبية هي انا جمانة صادق

والمستشارة فلك مستشارتي

نورية ... احجي بصمة

جمانة ... علمود تمزقيني باي رايحة اسبح

نورية ... روحي المحمضة الله يساعد بارق هسة حموضتچ واصلة لذاك الصوب

جمانة دزت ايموجي ماد لسانة وعمتي ردت بأيموجي معصب وجهة احمر

ضحكت عليهن و سكتن كلهن .. سديت مبايلي وشمرته على صفحة كل الذكريات السودة هجمت على رأسي وصارت تنعاد كبال عيوني

انه كل ما تثور رصاصة الدنيا توكف عندي ونفس اضل ما اكدر اتنفس ملمس ايده فوك عيوني احس بي وتتغوش عيوني لحظات وخدر يصيب رجليني ..

شكد مر من الوقت ما ادري بس ما حسيت غير الدنيا غروب ومنتظر نايم بحضني والباب يندك و ترف تطلع تريد تفتحه

صحت الها ... شفتي منو

ترف ... اي اهلي

فتحت الهم الباب كمت شلت منتظر دخلته جوة خطية باردة و طلعت يمهم وجوهم محقتنة الظاهر الخبر وصلهم وضايجين وتاكدت من گام عمي يسبح و يبدل حتى يروح لبغداد وامي تمشي ورا تحاجي بنبرة توسل ..

وعد ... ارفد الدنيا ليل ومو امان فدوة رحتلك اجل روحتك للصبح خاف يصير عليك شي تسويلك حادث لا سامح الله

ارفد ... خاف يحتاجوني شلون

رهف ... عمو خابر غيث وتأكد منه كال باجر يطلعون ويجيبونه واصابته مو خطرة بزندة فدوة لا تروح والله ليل وخاف ماتسيطر ويصيرلك شي

ارفد ... هسة شمالجن متسودنات واذا ليل اول مرة اطلع بالليل ما ادري شلونجن لا تعرضلي

درة ... مو قصة نعرضلك بس صدك مو امان وفوكاها ليل اكعد هسة واصبر لباجر بالنهار اذا ما اجو الولد ياخذونك يله عموو

امي لزمته من ساعده تباوعله بنظرة توسل فرك عيونه محتار و هي تهمسلة

... لخاطري والله الليل ماراح انامة واضل متعذبة يطاوعك كلبك تعوفني هيج

وسداد ما بي شي والله زين انتظر ابدل ونروح انه وياك لبيت فاضل وشوفهم وتاكد

ارفد ... بسرعة يله اتانيج لا تبطين

ابتسمت برضا هز رأسه وطلع كعد بالحديقة ركضت غيرت ملابسها وراحت ويا سديت الباب و رجعت يم البناات اول شي ضايجات شوية شوية بدينا نسولف عن تخرج ياسمين ونسينة الضوجة وكعدنا نضحك على المواقف الصارت بالتخرج

درة ... من مطرت ياسمين رادت تنجلط ابوي .... انتبهت لزلة لسانها وكالت ... عمو نزع سترته حطها ع راسها ويركض بيها لياسمين وهي تصيح عموو اركض طاح المكياج اركض فدوة

وعمو زلگ زلكة معدلة الا شوية جا طاح على رأسه هههههههه

رهف ... هههههههه لو طايح المگرود كلة من وراچ ياسمينه

ياسمين ... كلت هسة اتشوه ويطلع جعفر المخفي جوة المكياج واتفشل كدام العالم وعمي خطية سترته فوك راسه والله لو تشوفينه تنقهرين وتضحكين

رهف ... صورتن بله خلي اشوف

درة ... صورتتتها صور يموتن يموتن طبعا شنو طلعن حلوات بزودي لان ايدي بركة تعاي شوفي

حطيت رأسي اباوع وترف فوگ القنفة تباوع من فوكنه متحمسة ، ما حسينه غير الوكت مر وعمي وامي رجعو متطمنين

وعد ... ارتاح عمجن حجة ويا سداد يله حواجبة فكن شوية

ارفد ... يمكن امجن تغار من سداد ههههههههه شني هاي الغيرة عمري

ترف ... عمرررري

وعد ... ضحكت بناتي عليه بطولي صارن وتصيحلي عمري كدامهن

رهف ... الحب والغزل ما اله عمر صح عمو .. غمزتله

ارفد ... اييي بس امج كبرت زايد على الغزل وتستحي

وعد ... يااا بعدني صغيرة تحجي صدك ارفد؟ بداية الاربعينات واذا انه كبرت زايد انته صرت منتهي الصلاحية

ارفد ... ههههههههههههه متأكدة

كرصته بزنده ودارت وجهة بزعل تنزع بحجابها وتمشي بغضب

... كبرني وطيح مني سن الكبر امده حظي اي والله الما لحگهن

ارفد ... حبايب وين عشاجن الظاهر ست وعد اعلنت الحرب وراح نموت جوع

صفنة كلنا علي وما جاوبنة ... ما مسويات اعترفن

ضحكنه فر ايده ... امداجن اربعة بالبيت مادبرتنها تسون عشا جا شنو تدبرن رايح اجيب كباب وصمون هاي اذا حصلت هسة كومن حضرن زلاطة شي

رهف ... عمو جيب لبن وياك ماعدنا

درة ... اي وكثر صمون وخبز ترة ماعدنا خبز

ياسمين ... وجيب وياك خيار للزلاطة ماعدنا ترة شنو نسوي زلاطة بس طماطة؟

رهف ... طرشي هم ماعدنا كباب بدون طرشي مو حلو جيب طرشي وياك

ترف ... انه احب الببسي وامي هم تحب ببسي ويا الكباب جيب ببسي ماعدنا

حط ايدينا ثنينهن فوگ رأسه وكال ... يا بووووية بدلن بدلن اعشيجن برة عمي بعد المن رايح اجيب اذا كلشي طلع ماعدنا وين جنتن توة تتذكرن

احنة سمعنة بيها تبديل وعشا برة وصرنة نتطافر

... اي عموو اي نطلع بس نبدل انتظرنة وروح صالح امي يله

ضل يفر بأيده ويضحك علينه و هنا بدينا نتعارك على العبي لابسين اسود احنه كلنه وكل عبينه الخليجية سود بس تصاميمهن واضافاتهن تختلف لهذا السبب صرنة حرب كل وحدة تريد الاحلى الا درة الافندية وكفت تعدل وجهة و اجت فتحت كنتورها وطلعت عباية بكيس جديد مال هداية تباوعلنا بطرف عينها وفتحتها ع طولها ولبستها جرت عيونها بغرور وفتحت شال العباية

ترف ...والعباس اذا ما اخذ رجل مثل همام ما اتزوج ولج يومية لبسة جديدة هدية منه عمي خل ياخذني

دمغتها ع راسها

...كولي ماشاءالله شتردين منهم

ياسمين ... الله تخبل تتهنين بيها والله ذواق همام هههههه اصلا ذوقة مبين من اختارچ

ترف ... جبح حظي محد يجيبلي عباية هيج حلوة والله الا اخابر خالي وادزلة عبايتج اخلي يجيبلي نفسها

رهف ... سويها واذبحج والله

ارفد ... يلللله بنااات تأخرتن يله مو صار سحور مو عشا

ياسمين باوعتلي بنظرة توسل وجرت العباية ... فدوة خليني البسها بنفسي ما تتهنين بيها اليوم اذا لبستيها

رهف ... هااااي عممميي جابها الي من راح للامارررات

ياسمين ... اييي مو تعاركنة عليها بيومها وكال انتن خوات لبسن سوية

رهف ...لبستيها بالجااامعة انتي انه ما لبستهاااا بس مرررة وحدة

ياسمين ...اخذيها تذكرت عبايتي ام تطريز الذهبي

جرت عينها بغرور شمرت العباية عليها

رهف ...لبسي هاي احلى عليج ام تطريز الذهبي طويلة زايد عليج تطلعج مكناسة انه البسها لان اضخم منج تجي ع طولي

باوعتلى بأنتصار وهي تلبس العباية ، انه راحت من بالي هاي العباية كلش احبها واحسها تطلعني مميزة

لبستها جانت تخبل بس الماحبيته بيها شوية من فوك ضيكة ردت ابدلها وعمي وامي ثنينهم يصيحون نزلت الشال غطيت صدري بي وشلت منتظر وطلعنا سوية

تعشينا وغيرنه جو ما رجعنة الا للوحدة بالليل ...

ثاني يوم العصر سداد وصل للبصرة امي رفضت نروح كالت هوسة عالم وهو تعبان راحت بس هية وعمي

وطولو لليل يله رجعو امي هلكانة كالت اجو ناس يتحمدوله بالسلامة وصاحب عمج جايب ذبيحة ذبحها وتصدق بنص لحمها ونص سويناه عشا الهم ساعدت نجوى وفلك ندمت ما خذيتجن جا عاونته

ترف ... همزززين ما خذيتينا جا كربتينا كررراب

وعد ... باجر عطلة واربعتجن هناك نجوى كالت جيبيهن اكيد يجون هواي خطار وطبخ وركضة علمود تركضن ويانه جا شني وحد احنه

درة ... سهلة سداد شلونه

وعد ... اصفر خطية بس زين مابي شي ويمشي وسولف ويانه هو خطية السكر لو ما السكر

حجت وباوعتلي حسيت روحي انه مرضته بالسكر هو غير ليث طيح حظه ومرض اخو

رهف ... وليث ما اجة الاخو

وعد ... شيجي على صخام وجهة عمي خلي لا هلا بي عسا لا اجاهم يجيب مصايبه ويا الجلب

كمت للغرفه عفتهن يحجن شلت منتظر بحضني اسولف ويا رغم بعدة مايحجي بس احسه يسمعني ويفهمني وبنظراته يحاجيني اراوي صورة ابو واحجيله عنه وعن حنيته ولطفه

وهو يضحك ويصيح ببا ببا

كل ما يكول هيج عيني تدمع واحضنه لصدري سودة بوجه امك حبيبي لان ورثتك حظها بكل شي حتى باليتم ثنينه تيتمنه وانحرمنا من كلمة بابا ومن حنية الاب انه حتى ما اذكر شي يخص ابوي

بس على الاقل اذكر شكله وبعض المواقف تمر مثل الحلم لدرجة ما اعرف حقيقة لو خيال

بس انت ماعندك ويا ابوك غير موقف صار وانت ابطني وابوك حاط ايده على عيوني ودمه فاض

نمت مخليته بحضني ثاني يوم كعدت لكيته مسخن غسلتله وبدلته البنات يتحضرن يردن يرحن البيت عمي وانه مخبوصة بمنتظر

رهف ... يمة شسويله انطيته خافض حرارة ماكو بعده

وعد ... تؤؤؤ سودة عليه ناخذة للمستوصف

رهف ... يوو يضربو ابر والله انسحن وينه وين الابر هوا طفل

وعد ... لا شسالفة ينطو دوة ، وينجن روحن وحدجن شعليجن وانه ورهف نجي وراجن درة تعذريلي من نجوى كليلها خذت ابن رهف للمستوصف وبس ترجع تجي كبل

درة. .. خوش بس همام ما يرضا نروح وحدنا يكلي لا تطلعين اذا مو انه لو ابوي وامج وياج

وعد ... اييي خابررري

وين نقالي اشوف عمج اكلله ياخذنه روحي بدلي انتي مو يومج سنة وسنتج بألف الطفل مريض

طبيت جهزت روحي بسرعة ركض وضليت محتارة بي بس يبجي لحد ما اجة عمي اخذنا هناك انطو علاج ورجعنة عمي للبيت كال ضلي هنا لحد مايصير زين خاف هناك هوسة وينشلع كلبه

بقيت افتر بي شوية شوية نزلت حرارته و نام ، وحدي بالبيت امي كتلها تروح لعمة خطية تساعدها بالطبخ خاف ماكو وحدة يمها ولو اشك عمة رحاب تعوفها لو عمة نورية سباگات

للساعة 12 منتظر كعد بس الحمدلله مصحصح زين ، دك مبايلي عمي ارفد يخابر جاوبته

... هلو عمو

... هلا بوية امج تكول ماتجي؟ وابنج شلونه

...زين الحمدلله .. اجي بس منو يجيبني

... اوديلج محمود تحضري

... خوش عمو

نهيت الاتصال وكمت لبست العباية ام التطريز الذهبي جانت معلكة بكنتوري وبس هية بوجهي ولبست شالي شلون ما كان وجهي كله شعر وحواجبي بدون حفافة بس شاربي حافته لان احس الشعر ماله علاقه بالحزن وانه اكره الشعر اموت منه و لو بيدي احف وجهي كله بس امي تكول الناس تاكل وجهج سنة رجلج توة دارت وانتي حافة

وانه حتى شاربي حفيته ورا دوران السنة مال فاقد بوكتها رحت للزيارة ويا اهلة من رجعت حفيت

لبست شحاطتي وطلعت منتظر قفلت البيبان وطلعت لمحمود نزل اخذ مفتاح الباب الرئيسي قفله على ما انه صعدت واجة اخذني لبيتهم من وصلت لكيتها صايرة كربلة الاقارب كلهم ملتمين والحديقة والطارمة متروسة زلم كلهم من الاهل بس مو كلهم اعرفهم بحيث على عمامي ما سلمت محمود كلي بوجهج عدل للبيت

دخلت للبيت سلمت وكعدت يم الحبايب جانن مخلصات والولد متكفلين بنص الشغل وطلعن كاعدات مرتاحات

شافتني عمتي نورية وقوست شفايفها ما عاجبها ... وجهج يرادلة منجل ونحش منه كارة مال شعر

رهف ... كون تسمعج امي كبل تكلج لا لاااا

نورية ... لا والله عمة مايصير رجلج دارت سنته كافي بعد حفي وجهج مختنگ بالشعر ما يصير ترة النظافة مالها شغل بالحزن وانتي سودة عليه لهسة دمعج مانشف حزنج بعدة سواء حفيتي او لا

رهف ... بعد مالي خلگ احف

سعدية ... حفي يدة وجهج يخرع جنج سعلوة

رهف ... شكرا بيبي شلون حجي يرد الروح

رحاب ... والله شبيج خلي جمانة تحفلج تعرف يطلع وجهچ تنورين وهم تتغير نفسيتج وتكص اطراف شعرچ شفته ذاك اليوم بي كرطيفه

سعدية ... روحن لحجرتي اخذنها طلعنها الي تبرگ برگ وجهة اريدة حمرر

رهف ... يااا

سعدية ... وغمااا كووومي جدامي لا بالعكازة اكسر سنونج بحلكج

جمانة ضحكت واشرتلي اكوم كمت بس بداخلي ما مرتاحة احسهن بدن يتامرن ضدي ويردن يوصلن لشي ببالهن واني فاهمتة بس تعمدت اتغابه واسوي روحي ما فاهمتة لان مو ببالي ومالي نفس

جابت الخيط وكعدت حفت وجهي الشعر يتطاير من كد ما هواي انطتني فلك مراية باوعت لوجهي صار يلمع واحمر بس صدگ نظف وطلع شكلي

رهف ... هسة امي ترزلني

جمانة .. ع عاددي المهم ا الجمال

ضليت اباوع لوجهي وحسيت رجع شي من رهف القديمة الدفنها الوكت جوة انقاض الحياة

طلعت للحجية باوعتلي برضا كعدت شوية جان بيبي حجت بتساؤول

... سلمتن على ابن عمجن؟

انه سكتت جمانة ردت لا م ما شفناه والله

سعدية ... حاطينه بحجرة فلك لقديمة علمود مايصعد وينزل روحن سلمن علي توة طب للحجرة وتحمدله بالسلامة عيب زحمة منه

جمانة .. ان شاءالله كامت جمانة وعينها عليه

سعدية ... شمالج لطشتي كومي وياها ترة بس انتن ما مسلمات شني جمانة تروح وحدها وانتي كاعدة هنا اتانينه هو يطلع يسلم عليج شو كومي كومي

بلعت ريكي متوترة ما اذكر يمتة اخر مرة حجينة بيها انه ويا وجه الى وجه، ، اخر مرة شفته بنفس الليلة الي انقتل بيها فاقد وحتى ما سلمت علي

وقبلها شفته من طلعت حامل وحجينة وبعد ما حجينة ابد

احس عبالك غريبة واول مرة التقي بي ما اعرف شلون اسلم ومنين ابدي و شنو اگله احس لساني نربط

الحجية نترت ... يااا كووومي

هزيت راسي شلت منتظر ومشيت ويا جمانة للغرفة دكينة الباب صاح ادخل

فتحنه الباب. ودخلنا عفنا مفتوح هو باوعلي جان متمدد كبل جر نفسه متوجع وارتجى على السرير

جمانة سلمت وتحمدت اله بالسلامة

وانه وراها حجيت الحمدلله على سلامتك وسكتت

رد الله يسلمج منتتظرر عموو تعال حبيبي تعال ابن الغالي عادي تجيبينه ابوسة هذا ابن العزاز

هزيت رأسي وتقربت منه قربت منتظر منه لزمه بايده الصاحية وانه لازمته اله حتى ما يتأذه صرت قريبة منه والمسافة بيناتنة جانت قليلة لدرجة احس رجفة جسمة صارت تسري بجسمي

باسه وضل يحرك ايده ع شعره التفتت اشوف جمانة مهي شاردة والقران جاي يتأمرون من وراي

سداد ... شلونه منتظر

رهف ... زين حبيبي بطل وجاي يكبر بسرعة عبالك امس صار

سداد ... ما شاءالله هذا الشبل من ذاك الاسد

هزيت رأسي بدون جواب متألمة ضل يباوعلي شلت منتظر وابتعدت مسافة كال بحسرة متحسف ... ما شبعت من ريحته ولا من قربه رجعي

نصيت حجيت باحراج ... مو ماتكدر تلزمه وانه صرت يمك عادي احطه الك من هاي الجهة بس لا تخلي يتحرك هواي خاف يطيح من فوك

هز رأسه ب اي وعفس وجهة بألم تقربت مديت روحي احط منتظر وطخ جسمي بجسمة حسيت كهرباء لزمتني نترت روحي بسرعة منقرفة من نفسي احس روحي بعدني على ذمة فاقد وجاي يشوفني

سوا نفسه ممهتم وضل يلاعب منتظر وانه واكفة قريب منه كل شوية ادور اباوع للباب وارجع اباوعله

باوعلي و عقد حاجبة ... شنو هاي عبايتچ هم عباية عمي ذبيها ضلي عريانه اشرف

رهف ... يااا شبيك تخبلت

حجة بغضب ... ما تشوفينها مخيله على جسمچ حتى الاعمى هم يلاحظ ومناك الولد كلهم برة شلون دخلتي كدامهم هيچ؟

رهف ... محمود وصلني يم الباب

حجيت ونزلت شالي كلش غطيت بي صدري وزنودي وحجيت ... انطيني منتظر

سداد ... عوفي يمي وروحي شوفي اخذ عليه بسرعة اذا بجة اصيحلچ

رهف ... لا اريده ما اعوفه يم احد انه

سداد ...احد؟

رهف ... متعودة ابني اربعة وعشرين ساعة يمي اخاف علي انه ملجومة لهذا السبب اخاف علي من الهوى

سداد ... لا تخافين ادير بالي علي بس شوية عوفي يمي العب ويا والله

غوركن عيوني خفت اعوفه لان هو تك ايد و ع جرباية اتخيل منتظر يلعب ويطيح من فوك ويتعور عقلي هيج يألف ويتخيل واموت بخوفي

سداد ... تعاي اخذي لا تبجين لخاطر الله كطعتيني وذرتيني الله لا ينطي الساعة الجابتچ وحطتج كبالي

رهف ... اعذرني بس انه اخاف

سداد ... كتلج عيني علي والزمه ما اخلي يبتعد

رهف ... يله شوية واجي اخذه خوش

هز رأسه وطلعت ضليت الوب علي ربع ساعة ورحتله نايم ومنتظر على صدره يلعب لازمه بأيده الصاحية

سداد ... اجت امك وراح تاخذك مني الخوافة

رهف ... والله الخوف من الفقد راح يموتني مو سهلة الواحد يفقد عزيزه يصير عنده خوفه هم

سداد ... مجرب

رهف ... ممممم

سداد ... اي شخبارچ وين وصلتي كملتي دراسة لا

رهف. .. لا اخاف اطلع واعوف منتظر من يكبر بعد ارجع اداوم

سداد ... خير ان شاءالله وبعد

رهف ... شنو بعد

سداد ... حياتج شلونها

رهف ... سواد بسواد بس منتظر كام يلونها الي حبيبي

سداد ... الحمدلله هاي المرة ما الج طلعة

رهف ... شنو؟

سداد ... تفهميني زين

رهف ... اذا قصدك سالفة زواج وارتباط لا تفكر انه اضل كاعدة على ابني العمر كله

سداد ... هذا حجي سامعينه قبل من مليون وحدة بس يطيب الجرح يقبلن ويتزوجن وانتي هم تاخذيلج سنة سنتين بالزايد ثلاثة وتقررين تكملين

رهف .. اي؟

سداد ... اي ومن تقررين تكملين حسبي حسابج الي مو الغيري

رهف .. شتخربط؟

سداد ... اخربط بكيفي انه هسة مو سداد مال كبل الطيب انه سداد النذل الاخذ خيط من ليث والله انهي عليچ واخليج خوش لو مو خوش

رهف ... لا مو خوش وانه ما اتزوج شبيك انته شنو نسيت الصار بيناتنا قبل

سداد ... اي نسيته انه ادري بيج ترديني وتحبيني وانه اريدج لو بعد الف سنة هم اريدج انتي مرض مزمن ماكدر اطيب منچ صدكي هاي المرة اسويها كاتل ومكتول وما انطيج لغيري ما انكسر مرة ثانية

اخذت منتظر بنتر عفس وجهة وعض شفته بوجع

... انته تخبلت يمكن د ااعش خبلوك

حجيت معصبة ودرت وجهي وطلعت والله يا الله شلون واحد شافط وقافل عليه فد مرة

كلهن عينهن ع باب بس طلعت سون نفسهن يسولفن طلعت للمنور ابجي على حظي وقسمتي ما ادري شبيه صايرة حساسة كلش وبس ابجي ع اتفه سبب

طلع بوجهي فالح مسحت وجهي برداني باوعلي مستغرب

...شمالج خايبة

رهف ... مابية مقهورة

... شقاهرچ؟

... الدنيا ومصايبها

... دخيلك ربي بس مبين من وجهج رايحة لنستله وداك بيج الناقصة

...ههه خرب بيومك شكد تلاحظ تخوفني والله بهاي ملاحظاتك

... اعجبج فالح سيد الملاحظات ملك التوقعات

... اي وخر عني خليني افوت

... فوتي شنو شايفتني كاضلج سيطرة والرتبة على اجتافي

دخلت جوة كعدت ع نار گوة خلص اليوم و رجعنة للبيت

ضليت ايام اتكلب وحال الضيم حالي ما صافية على شي

بعدين التهيت ويا درة بتجهيز بيتها فوكنا طبعا مو بعيد ،، جابو قنفات

وجابو كاونتر يردون يعزلون وياخذون راحتهم بس امي كلتلها انتي اكبر لوتية يومية تنزلين تاكلين ويانه ما تدبرينها وتطبخين

درة ... يومية اكدي اكل منكم ، ضلت الغرفة شيفضهاا

رهف ... يمتة تجيبونها

درة ... لج يموتن يموتن بس حيرة احتار يا غرفة اختار عيني شاهت بلكي باجر نثبت ع وحدة

رهف ... ان شاءالله

راحو ثاني يوم وجابو غرفة تجنن و بدو يصعدونها ويشدون بيها وجايبين وياها فرشة وبردة واكسسوارات الغرفة

صعدنا ورا العشا كلنا نرتب بيها وبدت تنقل ملابسها الجديدة وما شاءالله ملابسها كومة صارن ونصهن هداية من همام هيج يحب يشتريلها هداية وكلش ذواق هم

كملنا ترتيب تقريبا ضلن نقوصات بسيطة نزلنه درة راحت تدرس وياسمين وياها لان امتحاناتهن قربن وراح تخلص السنة

وانة لزمت مبايلي وترف تخيط باوعتلها مستغربة ...شتسوين؟ شنو تخيطين

ترف ... بدلتي هاي اضيكها

رهف ... يااا تخبلتي ولج انتي تارسة وجسمج ماشاءالله بملابس عراض وما مستور وهاي بدلة شنو؟

ترف ... مال كشخة شبيج البسها بالمناسبات يعني بعرس درة مثلا الصبح مو هوسة وخطار البسها اتكشخ بيها ما اطلع بيها برة حرام الله يحاسبني

رهف ... ههههه وجوة مو يدخلون الولد؟

ترف ... عادي اولاد عمامي وعماتي مو مشكلة انستر كدامهم من اكبر

رهف ... يمة منچ

ياسمين ... شوفن ابوي شنو دازلي بابا ياسمين باجر معزمة يمنة من الصبح نريد نشوفج ونحتفل بيج لان ما احتفلنا وياج بتخرجج

تحجي مبتسمة وعيونها تلمع

اخيرا التفت الي وتذكرني

رهف ... ما ارتاحيت!!

درة ... شسالفة

ياسمين ... صدك شسالفة بس احسه هيج جفيان شر عود شوفو بعدني احبها واريدها لان لو يريدني صدك يسأل عليه يجيني لو يعزمني كل اسبوع اسبوعين ويشوفني

حجت وهي تغيم حزن وكل الفرحة طارت

درة ... لالا كولي يالله ترة يحبج بس مرته حية مكرهتة بيج لا بد يجي يوم ويفتح عيونه و يشوفچ ياسمين بنته الي مالها احد من اهلها غيره

هزت رأسها ورجع الها الامل .. راحت ثاني يوم ياسمين لعزيمة ابوها متحمسة وفرحانة

البيت هدوء كل واحد ملتهي بشي ، لحد ماصار الليل خابرت على ياسمين اشوفها ترجع لو لا

طلعلي جهازها مغلق ضليت اخابر ماكو

رحت لعمو للاستقبال ... عمو خابر عمي خالد شوف ياسمين تبات لو تجي شو ماكو ما الها حس

... جيبيلي نقالي

اشرلي ع شحن فصلته وجبته اله

ضل يخابر يرن وماكو جواب كالي ... يمكن سهرانين لو طالعين يتونسون وما رجعو غير محتفلين بيها

رهف ... كلبي ما مرتاح تدري بعمي خالد شنو

ارفد ... لا شسالفة عمو غير ابوها ويحبها وهسة هية دام صارت بعيدة اكيد مشتاقلها ومعزتها زايد سبحان الله دائما البعيد يصير عزيز

باوعتله بحيرة ورفعت اكتافي بمعنى ما ادري محتارة

ارفد ... لا تخافين عمو شسالفة شبيج انطعن وجهج

رهف ... گلبي ما مرتاح

ارفد ... كولي يا الله ..

رهف ... يااالله

ياسمين ... الشارع فارغ ملابسي من يم صدري مشگگة الساعة تجاوزت الوحدة اركض بالشارع بشعري مثل المخبلة وما اعرف شلون اوصل لبيت عمي ارفد وبيا وجه اقابل عمامي وشنو اگللهم

روحي مكسورة كلبي ينزف وكرامتي مجروحه

تلوثت تلوثت ،، حسبنا الله ونعم الوكيل .......يتبع

البارت وصلت 5000 كلمة ونصه طار ورجعت كتبت 😭😭😭💔

احداث ياسمين جنت كاتبتها بلسانها وصرفت جهد كومة حرامات طارن

بنات تدرن عدهن عم انه نفسي ناسيته لان ماينذكر كد ما هو وعائلته منعزلين ومالهم شغل بأحد وعقال 😂😔😔

والله مساع ذكرو كدامي واستغربت

رواية

بقلمي ... فاطمة العبادي

قراءة شيقة كيكاتي 🖤 ..

رهف ... كاعدة بالحديقة ويمي منتظر يلعب بالحجلة ويناغي ويصيح مم مم مايكدر يكول ماما

يدوس بالدكم وتشتغل موسيقى ويضل يكمز بالحجلة

اباوعله ومبتسمة براحة منتظر فاقد شايل اسم ابوك ودمه رجعت الروح الي من اجيت حبيب امك

والله لا يغفر للي يتموك وانت جنين ببطني ويحركهم ربي بنار جهنم مثل ما حرگو گلب امك

رن مبايلي برسالة شفتها بكروب العائلة من عمتي نورية بصمة

فتحتها تحجي بصوت متلعثم ... ها عماتي ماكو واحد منكم يعرف اخبار سداد

جمانة ردت كتابة. .. لا والله بارق طلع لبغداد يكولون ناقلي هناك

وفلك كتبت ... خابرت غيث ما يرد كلبي نار يكولون صوابة خطر لهذا السبب ناقلينه لمستشفيات بغداد ومحد يجاوبني

رهف ... شبي سداد

جمانة ... شني ما تدرين ؟ متصووب بهجوم ..

فكيت عيوني متفاجئة و خفت كلبي نغزني رديت ... لااا وين ادري محد گلي وانه وترف وحدنا بالبيت ف ما ندري اذا امي وعمي عدهم علم لو درة

فلك ... اي عمي ارفد يدري

جمانة ... شنو ما رجعو من التخرج؟

نورية ... عمة فلك من يردون انطيني خبر

رديت على جمانة ... لا وين ما ردو يكولون هي هيج حفلات التخرج يتأخرون بيها

نورية ... شني جا ليش امج وعمج رايحين خالد وين مايروح ويا بته لو نساها اجت سمهورة وخذته حتى من بته

رهف ... عمي خالد ومرته بالزيارة

فلك ... وصلت زيارتهم ان شاءالله ..

جمانة ... ههههههه فلك طرجن فلك سكتي لا يسطي علينا عمي خالد ويطشرنا ما ناقصين مصايب احنه

فلك ... غيث جاي يكتب لحظة

رهف ... من يدزلج دزيلنه

شوية وحولت رسالة غيث

غيث ... زين صوابة مو خطر بزنده بس هو تعب بسبب السكر وهسة ما بي شي جنة يمة الدكتور كال باجر طلعوو طمني امي كليلها لا تخاف ابد

غمضت عيني مرتاحة وكتبت ... الحمدلله على سلامته

بس شني يمته تصوب يمته راحولة لبغداد

فلك ... من الفجر خية بس مادرينه للظهر ما حچو احنه ابختهم.

نورية طكت هلهولة ببصمة وكالت ... الحمدلله ربي ومن اشوفة بعيني زين واكف على طوله اهلهلة لحد ما تتشلع بلاعيمي

جمانة ... عمة تكيفين على الهلاهل

رهف ... هههههههههههه

نورية ... انجبي اجمينه ابن اخوي وفرحانة بسلامته شلون ما اهلهل طلعنها من الكروب هذا يهي رئيسة لكروب خل تطلع هاي ام الگلك

جمانة ... ياااا هههههههه رئيسة الولايات النعمانية الكروبية هي انا جمانة صادق

والمستشارة فلك مستشارتي

نورية ... احجي بصمة

جمانة ... علمود تمزقيني باي رايحة اسبح

نورية ... روحي المحمضة الله يساعد بارق هسة حموضتچ واصلة لذاك الصوب

جمانة دزت ايموجي ماد لسانة وعمتي ردت بأيموجي معصب وجهة احمر

ضحكت عليهن و سكتن كلهن .. سديت مبايلي وشمرته على صفحة كل الذكريات السودة هجمت على رأسي وصارت تنعاد كبال عيوني

انه كل ما تثور رصاصة الدنيا توكف عندي ونفس اضل ما اكدر اتنفس ملمس ايده فوك عيوني احس بي وتتغوش عيوني لحظات وخدر يصيب رجليني ..

شكد مر من الوقت ما ادري بس ما حسيت غير الدنيا غروب ومنتظر نايم بحضني والباب يندك و ترف تطلع تريد تفتحه

صحت الها ... شفتي منو

ترف ... اي اهلي

فتحت الهم الباب كمت شلت منتظر دخلته جوة خطية باردة و طلعت يمهم وجوهم محقتنة الظاهر الخبر وصلهم وضايجين وتاكدت من گام عمي يسبح و يبدل حتى يروح لبغداد وامي تمشي ورا تحاجي بنبرة توسل ..

وعد ... ارفد الدنيا ليل ومو امان فدوة رحتلك اجل روحتك للصبح خاف يصير عليك شي تسويلك حادث لا سامح الله

ارفد ... خاف يحتاجوني شلون

رهف ... عمو خابر غيث وتأكد منه كال باجر يطلعون ويجيبونه واصابته مو خطرة بزندة فدوة لا تروح والله ليل وخاف ماتسيطر ويصيرلك شي

ارفد ... هسة شمالجن متسودنات واذا ليل اول مرة اطلع بالليل ما ادري شلونجن لا تعرضلي

درة ... مو قصة نعرضلك بس صدك مو امان وفوكاها ليل اكعد هسة واصبر لباجر بالنهار اذا ما اجو الولد ياخذونك يله عموو

امي لزمته من ساعده تباوعله بنظرة توسل فرك عيونه محتار و هي تهمسلة

... لخاطري والله الليل ماراح انامة واضل متعذبة يطاوعك كلبك تعوفني هيج

وسداد ما بي شي والله زين انتظر ابدل ونروح انه وياك لبيت فاضل وشوفهم وتاكد

ارفد ... بسرعة يله اتانيج لا تبطين

ابتسمت برضا هز رأسه وطلع كعد بالحديقة ركضت غيرت ملابسها وراحت ويا سديت الباب و رجعت يم البناات اول شي ضايجات شوية شوية بدينا نسولف عن تخرج ياسمين ونسينة الضوجة وكعدنا نضحك على المواقف الصارت بالتخرج

درة ... من مطرت ياسمين رادت تنجلط ابوي .... انتبهت لزلة لسانها وكالت ... عمو نزع سترته حطها ع راسها ويركض بيها لياسمين وهي تصيح عموو اركض طاح المكياج اركض فدوة

وعمو زلگ زلكة معدلة الا شوية جا طاح على رأسه هههههههه

رهف ... هههههههه لو طايح المگرود كلة من وراچ ياسمينه

ياسمين ... كلت هسة اتشوه ويطلع جعفر المخفي جوة المكياج واتفشل كدام العالم وعمي خطية سترته فوك راسه والله لو تشوفينه تنقهرين وتضحكين

رهف ... صورتن بله خلي اشوف

درة ... صورتتتها صور يموتن يموتن طبعا شنو طلعن حلوات بزودي لان ايدي بركة تعاي شوفي

حطيت رأسي اباوع وترف فوگ القنفة تباوع من فوكنه متحمسة ، ما حسينه غير الوكت مر وعمي وامي رجعو متطمنين

وعد ... ارتاح عمجن حجة ويا سداد يله حواجبة فكن شوية

ارفد ... يمكن امجن تغار من سداد ههههههههه شني هاي الغيرة عمري

ترف ... عمرررري

وعد ... ضحكت بناتي عليه بطولي صارن وتصيحلي عمري كدامهن

رهف ... الحب والغزل ما اله عمر صح عمو .. غمزتله

ارفد ... اييي بس امج كبرت زايد على الغزل وتستحي

وعد ... يااا بعدني صغيرة تحجي صدك ارفد؟ بداية الاربعينات واذا انه كبرت زايد انته صرت منتهي الصلاحية

ارفد ... ههههههههههههه متأكدة

كرصته بزنده ودارت وجهة بزعل تنزع بحجابها وتمشي بغضب

... كبرني وطيح مني سن الكبر امده حظي اي والله الما لحگهن

ارفد ... حبايب وين عشاجن الظاهر ست وعد اعلنت الحرب وراح نموت جوع

صفنة كلنا علي وما جاوبنة ... ما مسويات اعترفن

ضحكنه فر ايده ... امداجن اربعة بالبيت مادبرتنها تسون عشا جا شنو تدبرن رايح اجيب كباب وصمون هاي اذا حصلت هسة كومن حضرن زلاطة شي

رهف ... عمو جيب لبن وياك ماعدنا

درة ... اي وكثر صمون وخبز ترة ماعدنا خبز

ياسمين ... وجيب وياك خيار للزلاطة ماعدنا ترة شنو نسوي زلاطة بس طماطة؟

رهف ... طرشي هم ماعدنا كباب بدون طرشي مو حلو جيب طرشي وياك

ترف ... انه احب الببسي وامي هم تحب ببسي ويا الكباب جيب ببسي ماعدنا

حط ايدينا ثنينهن فوگ رأسه وكال ... يا بووووية بدلن بدلن اعشيجن برة عمي بعد المن رايح اجيب اذا كلشي طلع ماعدنا وين جنتن توة تتذكرن

احنة سمعنة بيها تبديل وعشا برة وصرنة نتطافر

... اي عموو اي نطلع بس نبدل انتظرنة وروح صالح امي يله

ضل يفر بأيده ويضحك علينه و هنا بدينا نتعارك على العبي لابسين اسود احنه كلنه وكل عبينه الخليجية سود بس تصاميمهن واضافاتهن تختلف لهذا السبب صرنة حرب كل وحدة تريد الاحلى الا درة الافندية وكفت تعدل وجهة و اجت فتحت كنتورها وطلعت عباية بكيس جديد مال هداية تباوعلنا بطرف عينها وفتحتها ع طولها ولبستها جرت عيونها بغرور وفتحت شال العباية

ترف ...والعباس اذا ما اخذ رجل مثل همام ما اتزوج ولج يومية لبسة جديدة هدية منه عمي خل ياخذني

دمغتها ع راسها

...كولي ماشاءالله شتردين منهم

ياسمين ... الله تخبل تتهنين بيها والله ذواق همام هههههه اصلا ذوقة مبين من اختارچ

ترف ... جبح حظي محد يجيبلي عباية هيج حلوة والله الا اخابر خالي وادزلة عبايتج اخلي يجيبلي نفسها

رهف ... سويها واذبحج والله

ارفد ... يلللله بنااات تأخرتن يله مو صار سحور مو عشا

ياسمين باوعتلي بنظرة توسل وجرت العباية ... فدوة خليني البسها بنفسي ما تتهنين بيها اليوم اذا لبستيها

رهف ... هااااي عممميي جابها الي من راح للامارررات

ياسمين ... اييي مو تعاركنة عليها بيومها وكال انتن خوات لبسن سوية

رهف ...لبستيها بالجااامعة انتي انه ما لبستهاااا بس مرررة وحدة

ياسمين ...اخذيها تذكرت عبايتي ام تطريز الذهبي

جرت عينها بغرور شمرت العباية عليها

رهف ...لبسي هاي احلى عليج ام تطريز الذهبي طويلة زايد عليج تطلعج مكناسة انه البسها لان اضخم منج تجي ع طولي

باوعتلى بأنتصار وهي تلبس العباية ، انه راحت من بالي هاي العباية كلش احبها واحسها تطلعني مميزة

لبستها جانت تخبل بس الماحبيته بيها شوية من فوك ضيكة ردت ابدلها وعمي وامي ثنينهم يصيحون نزلت الشال غطيت صدري بي وشلت منتظر وطلعنا سوية

تعشينا وغيرنه جو ما رجعنة الا للوحدة بالليل ...

ثاني يوم العصر سداد وصل للبصرة امي رفضت نروح كالت هوسة عالم وهو تعبان راحت بس هية وعمي

وطولو لليل يله رجعو امي هلكانة كالت اجو ناس يتحمدوله بالسلامة وصاحب عمج جايب ذبيحة ذبحها وتصدق بنص لحمها ونص سويناه عشا الهم ساعدت نجوى وفلك ندمت ما خذيتجن جا عاونته

ترف ... همزززين ما خذيتينا جا كربتينا كررراب

وعد ... باجر عطلة واربعتجن هناك نجوى كالت جيبيهن اكيد يجون هواي خطار وطبخ وركضة علمود تركضن ويانه جا شني وحد احنه

درة ... سهلة سداد شلونه

وعد ... اصفر خطية بس زين مابي شي ويمشي وسولف ويانه هو خطية السكر لو ما السكر

حجت وباوعتلي حسيت روحي انه مرضته بالسكر هو غير ليث طيح حظه ومرض اخو

رهف ... وليث ما اجة الاخو

وعد ... شيجي على صخام وجهة عمي خلي لا هلا بي عسا لا اجاهم يجيب مصايبه ويا الجلب

كمت للغرفه عفتهن يحجن شلت منتظر بحضني اسولف ويا رغم بعدة مايحجي بس احسه يسمعني ويفهمني وبنظراته يحاجيني اراوي صورة ابو واحجيله عنه وعن حنيته ولطفه

وهو يضحك ويصيح ببا ببا

كل ما يكول هيج عيني تدمع واحضنه لصدري سودة بوجه امك حبيبي لان ورثتك حظها بكل شي حتى باليتم ثنينه تيتمنه وانحرمنا من كلمة بابا ومن حنية الاب انه حتى ما اذكر شي يخص ابوي

بس على الاقل اذكر شكله وبعض المواقف تمر مثل الحلم لدرجة ما اعرف حقيقة لو خيال

بس انت ماعندك ويا ابوك غير موقف صار وانت ابطني وابوك حاط ايده على عيوني ودمه فاض

نمت مخليته بحضني ثاني يوم كعدت لكيته مسخن غسلتله وبدلته البنات يتحضرن يردن يرحن البيت عمي وانه مخبوصة بمنتظر

رهف ... يمة شسويله انطيته خافض حرارة ماكو بعده

وعد ... تؤؤؤ سودة عليه ناخذة للمستوصف

رهف ... يوو يضربو ابر والله انسحن وينه وين الابر هوا طفل

وعد ... لا شسالفة ينطو دوة ، وينجن روحن وحدجن شعليجن وانه ورهف نجي وراجن درة تعذريلي من نجوى كليلها خذت ابن رهف للمستوصف وبس ترجع تجي كبل

درة. .. خوش بس همام ما يرضا نروح وحدنا يكلي لا تطلعين اذا مو انه لو ابوي وامج وياج

وعد ... اييي خابررري

وين نقالي اشوف عمج اكلله ياخذنه روحي بدلي انتي مو يومج سنة وسنتج بألف الطفل مريض

طبيت جهزت روحي بسرعة ركض وضليت محتارة بي بس يبجي لحد ما اجة عمي اخذنا هناك انطو علاج ورجعنة عمي للبيت كال ضلي هنا لحد مايصير زين خاف هناك هوسة وينشلع كلبه

بقيت افتر بي شوية شوية نزلت حرارته و نام ، وحدي بالبيت امي كتلها تروح لعمة خطية تساعدها بالطبخ خاف ماكو وحدة يمها ولو اشك عمة رحاب تعوفها لو عمة نورية سباگات

للساعة 12 منتظر كعد بس الحمدلله مصحصح زين ، دك مبايلي عمي ارفد يخابر جاوبته

... هلو عمو

... هلا بوية امج تكول ماتجي؟ وابنج شلونه

...زين الحمدلله .. اجي بس منو يجيبني

... اوديلج محمود تحضري

... خوش عمو

نهيت الاتصال وكمت لبست العباية ام التطريز الذهبي جانت معلكة بكنتوري وبس هية بوجهي ولبست شالي شلون ما كان وجهي كله شعر وحواجبي بدون حفافة بس شاربي حافته لان احس الشعر ماله علاقه بالحزن وانه اكره الشعر اموت منه و لو بيدي احف وجهي كله بس امي تكول الناس تاكل وجهج سنة رجلج توة دارت وانتي حافة

وانه حتى شاربي حفيته ورا دوران السنة مال فاقد بوكتها رحت للزيارة ويا اهلة من رجعت حفيت

لبست شحاطتي وطلعت منتظر قفلت البيبان وطلعت لمحمود نزل اخذ مفتاح الباب الرئيسي قفله على ما انه صعدت واجة اخذني لبيتهم من وصلت لكيتها صايرة كربلة الاقارب كلهم ملتمين والحديقة والطارمة متروسة زلم كلهم من الاهل بس مو كلهم اعرفهم بحيث على عمامي ما سلمت محمود كلي بوجهج عدل للبيت

دخلت للبيت سلمت وكعدت يم الحبايب جانن مخلصات والولد متكفلين بنص الشغل وطلعن كاعدات مرتاحات

شافتني عمتي نورية وقوست شفايفها ما عاجبها ... وجهج يرادلة منجل ونحش منه كارة مال شعر

رهف ... كون تسمعج امي كبل تكلج لا لاااا

نورية ... لا والله عمة مايصير رجلج دارت سنته كافي بعد حفي وجهج مختنگ بالشعر ما يصير ترة النظافة مالها شغل بالحزن وانتي سودة عليه لهسة دمعج مانشف حزنج بعدة سواء حفيتي او لا

رهف ... بعد مالي خلگ احف

سعدية ... حفي يدة وجهج يخرع جنج سعلوة

رهف ... شكرا بيبي شلون حجي يرد الروح

رحاب ... والله شبيج خلي جمانة تحفلج تعرف يطلع وجهچ تنورين وهم تتغير نفسيتج وتكص اطراف شعرچ شفته ذاك اليوم بي كرطيفه

سعدية ... روحن لحجرتي اخذنها طلعنها الي تبرگ برگ وجهة اريدة حمرر

رهف ... يااا

سعدية ... وغمااا كووومي جدامي لا بالعكازة اكسر سنونج بحلكج

جمانة ضحكت واشرتلي اكوم كمت بس بداخلي ما مرتاحة احسهن بدن يتامرن ضدي ويردن يوصلن لشي ببالهن واني فاهمتة بس تعمدت اتغابه واسوي روحي ما فاهمتة لان مو ببالي ومالي نفس

جابت الخيط وكعدت حفت وجهي الشعر يتطاير من كد ما هواي انطتني فلك مراية باوعت لوجهي صار يلمع واحمر بس صدگ نظف وطلع شكلي

رهف ... هسة امي ترزلني

جمانة .. ع عاددي المهم ا الجمال

ضليت اباوع لوجهي وحسيت رجع شي من رهف القديمة الدفنها الوكت جوة انقاض الحياة

طلعت للحجية باوعتلي برضا كعدت شوية جان بيبي حجت بتساؤول

... سلمتن على ابن عمجن؟

انه سكتت جمانة ردت لا م ما شفناه والله

سعدية ... حاطينه بحجرة فلك لقديمة علمود مايصعد وينزل روحن سلمن علي توة طب للحجرة وتحمدله بالسلامة عيب زحمة منه

جمانة .. ان شاءالله كامت جمانة وعينها عليه

سعدية ... شمالج لطشتي كومي وياها ترة بس انتن ما مسلمات شني جمانة تروح وحدها وانتي كاعدة هنا اتانينه هو يطلع يسلم عليج شو كومي كومي

بلعت ريكي متوترة ما اذكر يمتة اخر مرة حجينة بيها انه ويا وجه الى وجه، ، اخر مرة شفته بنفس الليلة الي انقتل بيها فاقد وحتى ما سلمت علي

وقبلها شفته من طلعت حامل وحجينة وبعد ما حجينة ابد

احس عبالك غريبة واول مرة التقي بي ما اعرف شلون اسلم ومنين ابدي و شنو اگله احس لساني نربط

الحجية نترت ... يااا كووومي

هزيت راسي شلت منتظر ومشيت ويا جمانة للغرفة دكينة الباب صاح ادخل

فتحنه الباب. ودخلنا عفنا مفتوح هو باوعلي جان متمدد كبل جر نفسه متوجع وارتجى على السرير

جمانة سلمت وتحمدت اله بالسلامة

وانه وراها حجيت الحمدلله على سلامتك وسكتت

رد الله يسلمج منتتظرر عموو تعال حبيبي تعال ابن الغالي عادي تجيبينه ابوسة هذا ابن العزاز

هزيت رأسي وتقربت منه قربت منتظر منه لزمه بايده الصاحية وانه لازمته اله حتى ما يتأذه صرت قريبة منه والمسافة بيناتنة جانت قليلة لدرجة احس رجفة جسمة صارت تسري بجسمي

باسه وضل يحرك ايده ع شعره التفتت اشوف جمانة مهي شاردة والقران جاي يتأمرون من وراي

سداد ... شلونه منتظر

رهف ... زين حبيبي بطل وجاي يكبر بسرعة عبالك امس صار

سداد ... ما شاءالله هذا الشبل من ذاك الاسد

هزيت رأسي بدون جواب متألمة ضل يباوعلي شلت منتظر وابتعدت مسافة كال بحسرة متحسف ... ما شبعت من ريحته ولا من قربه رجعي

نصيت حجيت باحراج ... مو ماتكدر تلزمه وانه صرت يمك عادي احطه الك من هاي الجهة بس لا تخلي يتحرك هواي خاف يطيح من فوك

هز رأسه ب اي وعفس وجهة بألم تقربت مديت روحي احط منتظر وطخ جسمي بجسمة حسيت كهرباء لزمتني نترت روحي بسرعة منقرفة من نفسي احس روحي بعدني على ذمة فاقد وجاي يشوفني

سوا نفسه ممهتم وضل يلاعب منتظر وانه واكفة قريب منه كل شوية ادور اباوع للباب وارجع اباوعله

باوعلي و عقد حاجبة ... شنو هاي عبايتچ هم عباية عمي ذبيها ضلي عريانه اشرف

رهف ... يااا شبيك تخبلت

حجة بغضب ... ما تشوفينها مخيله على جسمچ حتى الاعمى هم يلاحظ ومناك الولد كلهم برة شلون دخلتي كدامهم هيچ؟

رهف ... محمود وصلني يم الباب

حجيت ونزلت شالي كلش غطيت بي صدري وزنودي وحجيت ... انطيني منتظر

سداد ... عوفي يمي وروحي شوفي اخذ عليه بسرعة اذا بجة اصيحلچ

رهف ... لا اريده ما اعوفه يم احد انه

سداد ...احد؟

رهف ... متعودة ابني اربعة وعشرين ساعة يمي اخاف علي انه ملجومة لهذا السبب اخاف علي من الهوى

سداد ... لا تخافين ادير بالي علي بس شوية عوفي يمي العب ويا والله

غوركن عيوني خفت اعوفه لان هو تك ايد و ع جرباية اتخيل منتظر يلعب ويطيح من فوك ويتعور عقلي هيج يألف ويتخيل واموت بخوفي

سداد ... تعاي اخذي لا تبجين لخاطر الله كطعتيني وذرتيني الله لا ينطي الساعة الجابتچ وحطتج كبالي

رهف ... اعذرني بس انه اخاف

سداد ... كتلج عيني علي والزمه ما اخلي يبتعد

رهف ... يله شوية واجي اخذه خوش

هز رأسه وطلعت ضليت الوب علي ربع ساعة ورحتله نايم ومنتظر على صدره يلعب لازمه بأيده الصاحية

سداد ... اجت امك وراح تاخذك مني الخوافة

رهف ... والله الخوف من الفقد راح يموتني مو سهلة الواحد يفقد عزيزه يصير عنده خوفه هم

سداد ... مجرب

رهف ... ممممم

سداد ... اي شخبارچ وين وصلتي كملتي دراسة لا

رهف. .. لا اخاف اطلع واعوف منتظر من يكبر بعد ارجع اداوم

سداد ... خير ان شاءالله وبعد

رهف ... شنو بعد

سداد ... حياتج شلونها

رهف ... سواد بسواد بس منتظر كام يلونها الي حبيبي

سداد ... الحمدلله هاي المرة ما الج طلعة

رهف ... شنو؟

سداد ... تفهميني زين

رهف ... اذا قصدك سالفة زواج وارتباط لا تفكر انه اضل كاعدة على ابني العمر كله

سداد ... هذا حجي سامعينه قبل من مليون وحدة بس يطيب الجرح يقبلن ويتزوجن وانتي هم تاخذيلج سنة سنتين بالزايد ثلاثة وتقررين تكملين

رهف .. اي؟

سداد ... اي ومن تقررين تكملين حسبي حسابج الي مو الغيري

رهف .. شتخربط؟

سداد ... اخربط بكيفي انه هسة مو سداد مال كبل الطيب انه سداد النذل الاخذ خيط من ليث والله انهي عليچ واخليج خوش لو مو خوش

رهف ... لا مو خوش وانه ما اتزوج شبيك انته شنو نسيت الصار بيناتنا قبل

سداد ... اي نسيته انه ادري بيج ترديني وتحبيني وانه اريدج لو بعد الف سنة هم اريدج انتي مرض مزمن ماكدر اطيب منچ صدكي هاي المرة اسويها كاتل ومكتول وما انطيج لغيري ما انكسر مرة ثانية

اخذت منتظر بنتر عفس وجهة وعض شفته بوجع

... انته تخبلت يمكن د ااعش خبلوك

حجيت معصبة ودرت وجهي وطلعت والله يا الله شلون واحد شافط وقافل عليه فد مرة

كلهن عينهن ع باب بس طلعت سون نفسهن يسولفن طلعت للمنور ابجي على حظي وقسمتي ما ادري شبيه صايرة حساسة كلش وبس ابجي ع اتفه سبب

طلع بوجهي فالح مسحت وجهي برداني باوعلي مستغرب

...شمالج خايبة

رهف ... مابية مقهورة

... شقاهرچ؟

... الدنيا ومصايبها

... دخيلك ربي بس مبين من وجهج رايحة لنستله وداك بيج الناقصة

...ههه خرب بيومك شكد تلاحظ تخوفني والله بهاي ملاحظاتك

... اعجبج فالح سيد الملاحظات ملك التوقعات

... اي وخر عني خليني افوت

... فوتي شنو شايفتني كاضلج سيطرة والرتبة على اجتافي

دخلت جوة كعدت ع نار گوة خلص اليوم و رجعنة للبيت

ضليت ايام اتكلب وحال الضيم حالي ما صافية على شي

بعدين التهيت ويا درة بتجهيز بيتها فوكنا طبعا مو بعيد ،، جابو قنفات

وجابو كاونتر يردون يعزلون وياخذون راحتهم بس امي كلتلها انتي اكبر لوتية يومية تنزلين تاكلين ويانه ما تدبرينها وتطبخين

درة ... يومية اكدي اكل منكم ، ضلت الغرفة شيفضهاا

رهف ... يمتة تجيبونها

درة ... لج يموتن يموتن بس حيرة احتار يا غرفة اختار عيني شاهت بلكي باجر نثبت ع وحدة

رهف ... ان شاءالله

راحو ثاني يوم وجابو غرفة تجنن و بدو يصعدونها ويشدون بيها وجايبين وياها فرشة وبردة واكسسوارات الغرفة

صعدنا ورا العشا كلنا نرتب بيها وبدت تنقل ملابسها الجديدة وما شاءالله ملابسها كومة صارن ونصهن هداية من همام هيج يحب يشتريلها هداية وكلش ذواق هم

كملنا ترتيب تقريبا ضلن نقوصات بسيطة نزلنه درة راحت تدرس وياسمين وياها لان امتحاناتهن قربن وراح تخلص السنة

وانة لزمت مبايلي وترف تخيط باوعتلها مستغربة ...شتسوين؟ شنو تخيطين

ترف ... بدلتي هاي اضيكها

رهف ... يااا تخبلتي ولج انتي تارسة وجسمج ماشاءالله بملابس عراض وما مستور وهاي بدلة شنو؟

ترف ... مال كشخة شبيج البسها بالمناسبات يعني بعرس درة مثلا الصبح مو هوسة وخطار البسها اتكشخ بيها ما اطلع بيها برة حرام الله يحاسبني

رهف ... ههههه وجوة مو يدخلون الولد؟

ترف ... عادي اولاد عمامي وعماتي مو مشكلة انستر كدامهم من اكبر

رهف ... يمة منچ

ياسمين ... شوفن ابوي شنو دازلي بابا ياسمين باجر معزمة يمنة من الصبح نريد نشوفج ونحتفل بيج لان ما احتفلنا وياج بتخرجج

تحجي مبتسمة وعيونها تلمع

اخيرا التفت الي وتذكرني

رهف ... ما ارتاحيت!!

درة ... شسالفة

ياسمين ... صدك شسالفة بس احسه هيج جفيان شر عود شوفو بعدني احبها واريدها لان لو يريدني صدك يسأل عليه يجيني لو يعزمني كل اسبوع اسبوعين ويشوفني

حجت وهي تغيم حزن وكل الفرحة طارت

درة ... لالا كولي يالله ترة يحبج بس مرته حية مكرهتة بيج لا بد يجي يوم ويفتح عيونه و يشوفچ ياسمين بنته الي مالها احد من اهلها غيره

هزت رأسها ورجع الها الامل .. راحت ثاني يوم ياسمين لعزيمة ابوها متحمسة وفرحانة

البيت هدوء كل واحد ملتهي بشي ، لحد ماصار الليل خابرت على ياسمين اشوفها ترجع لو لا

طلعلي جهازها مغلق ضليت اخابر ماكو

رحت لعمو للاستقبال ... عمو خابر عمي خالد شوف ياسمين تبات لو تجي شو ماكو ما الها حس

... جيبيلي نقالي

اشرلي ع شحن فصلته وجبته اله

ضل يخابر يرن وماكو جواب كالي ... يمكن سهرانين لو طالعين يتونسون وما رجعو غير محتفلين بيها

رهف ... كلبي ما مرتاح تدري بعمي خالد شنو

ارفد ... لا شسالفة عمو غير ابوها ويحبها وهسة هية دام صارت بعيدة اكيد مشتاقلها ومعزتها زايد سبحان الله دائما البعيد يصير عزيز

باوعتله بحيرة ورفعت اكتافي بمعنى ما ادري محتارة

ارفد ... لا تخافين عمو شسالفة شبيج انطعن وجهج

رهف ... گلبي ما مرتاح

ارفد ... كولي يا الله ..

رهف ... يااالله

ياسمين ... الشارع فارغ ملابسي من يم صدري مشگگة الساعة تجاوزت الوحدة اركض بالشارع بشعري مثل المخبلة وما اعرف شلون اوصل لبيت عمي ارفد وبيا وجه اقابل عمامي وشنو اگللهم

روحي مكسورة كلبي ينزف وكرامتي مجروحه

تلوثت تلوثت ،، حسبنا الله ونعم الوكيل .......

ياسمين .. بيت خالد ، الساعة 12:45 ص

بعد ما تغديت و تعشيت ببيت ابوي صار نص الليل وابوي بعده ماجاي حتى يرجعني لبيت عمي ارفد

سماهر كالت ... شنو راح ناكلج لو نطير نصچ دباتي هنا ابوچ يكعد بالكهوة يم جماعته يتأخر واذا طلعو من الكهوة يكعدون بالشارع يسولفون وياخذهم لواهس

ياسمين ... جان خابرت عمي بس مبايلي طافي شحن وما جايبة شاحنتي ، تؤ عدكم شاحنة سامسونگ؟

سماهر ... حاطة عليها نقالي من يصير بي مية انطيجياها

ياسمين ... جا شلون اريد اخابر عمي

سماهر ... بالوحدة الا ربع شني تخابرين عمچ مطرودة خو ما مطرودة دطبي نامي بدون عيارة

باوعتلي بنص عين وفرت ايدها ما عاجبها الوضع ..

بهاي الاثناء اندگ الباب گلت هاا ابوي الله جابة

طلعت سماهر تفتح الباب مشيت وراها لباب المطبخ فتحته لمحت شاب غريب دخل عدلت شالي وضليت اباوع شفتهم تقربو من باب المطبخ استغربت غير تاخذه للاستقبال درت وجهي وطلعت من المطبخ رجعت للغرفة

ضليت ادور بالكنتور وبالجرارات استاهد شاحنة هنا بس ما ادري بيها وين ما اذكر بالضبط

ضليت ادور زين لگيتها بالجرار جوة حطيت مبايلي طلعت علامة الشحن ضليت واكفة على نار وعيني تباوع انتظر يصير بي واحد واشغلة

ضجت حطيته فوك الشاحنه وفتحت الباب باوعت محد بالموزع وطلعت جاي امشي للحمام وطلع من باب المطبخ هذا الشاب الغريب باوعتله بأستغراب طلعت ورا سماهر

سماهر ... اخوي هذا لا تباوعين هيچ

ياسمين ... واضح يشبهج .. حجيتها ومشيت للحمام سمعته يكللها

... هية هاي بت رجلج ياسمين؟

... اي هاي

...الله يستر عليها

استخدمت الحمام ورجعت للغرفة الخوف دب بداخلي حسيت اكو شي غريب وابد مو مريح ، طبيت للغرفة ركضت للمبايل شغلته

ردت اخابر عمي كلت خاف نايم طلعت رقم درة ودكيت عليها

ردت بصوت نعسان ... ها ياسمين؟ هلو

ياسمين ... هلو شنو نايمين

درة ... بس انه وترف نايمين الجماعة كاعدين

ياسمين ... يكدر يجي عمو ياخذني؟

درة ... هسة اشوف .. يالله وين عمووو

رهف .. نام

درة ... ياسمين عمو نايم صاير شي اگعدة؟

ياسمين ... لا ماصاير بس انه مامرتاحة تگدرين تخابرين لهمام يجي يرجعني الكم؟ درة ما مرتاحة ابد فدوة

درة ... سهلة هسة اخابرلة ..

سدت الخط ورا دقايق خابرت ... راح يجيچ تحضري

جريت نفس براحة شلت المبايل سحبت جنطتي حطيت المبايل بالجنطة اندك باب الغرفة كلت هاي مينا صحت نعمم

انفتح الباب وانه ظهري للباب و رجع انطبگ التفتت مستغربة شفت اخو سماهر داخل عليه للغرفة

عطت بي ... اطلع ما تستحي .. وجريت شالي بسرعة حطيته على رأسي

جان يباوعلي بنظرة شهوانية وعيونه تنكط خبث و شر رجعت نترت ... اطلع مو وياك احجي سماااهر باباااا سماااهر وينچ

مد ايده ع قفل ، قفل الباب حسيت الدنيا ضاكت ونقفلت عليه ويا طكة المفتاح كلبي حسيته صعد لحنجرتي عطت حيل ... باااااباا سمااااهر وينج ميناااا وينجججج

... محد يسمعچ لا اتعبين روحچ

ياسمين ... شتررريد اطلع سمااااهررر وينكممممم

اجة باتجاهي بسرعة ابتعدت وركضت باتجاه الباب مد ايده ع خصري وجرني بسرعة عطت باعلى .... لحگووووليي سمااااهررر باباااااااا لحكووولي راح يفرهد سترررري

حط ايده على حلگي و همس يم أذني بفحيح ثعباني ... لا تبيعين شرفيات يمي ويم غيري كلشي مباح

نزلت دموعي على ايده احاول انتر روحي منه واقاوم ما اكدر جان اقوى مني ضليت اعض بأيده وادفع

ايد ساد بيها حلكي والثاني يتحسس جسمي بيها ولازك ظهري على صدره حط رأسه بركبتي وروحي صعدت ونزلت بلحظة حسيت هاي نهايتي راح انتهي بهاي اللحظة ..

بقيت اعيط اعيط بس صوتي مايطلع كاتمة بأيده القذرة

بكل قوتي نترت روحي وركضت للباب ركض وراي جرني حييل درت ضربته بعينه حيل بأظافري تأذت عينه مد ايده ع زيگي لزمه بقوة وعاط متوجع غطة عينه بأيده الثانية ..

نترت روحي منه حيل انشگ زيگي فتحت القفل مادري شلون وهو جرني من ايدي طحت ع كاع عيطت بأعلى صوتي صار كدامي رفعت رجلي وبكل قوتي ضربته جوة حزامه شاغت روحه وانطعن وجهة وتشنج

ركضت بكل حيلي فتحت باب المطبخ وركضت للباب الخارجي ما صرخت بعد لان ادري صريخي ما يجيب نتيجة بابا ما موجود وسماهر مادري شنو سالفتها راضية ما ادري مسويلها شي

حسيت شريط حياتي كله انعاد كبال عيني ، التفتت شفته يركض بس متأذي كوة سند روحه ع باب المطبخ فتحت باب البيت الخارجي وركضت بگاع الله

.. الشارع فارغ ملابسي من يم صدري مشگگة الساعة تجاوزت الوحدة اركض بالشارع بشعري مثل المخبلة وما اعرف شلون اوصل لبيت عمي ارفد وبيا وجه اقابل عمامي وشنو اگللهم

روحي مكسورة كلبي ينزف وكرامتي مجروحه

تلوثت تلوثت ،، حسبنا الله ونعم الوكيل ...

احس ايدينا تمشي على جسمي و شفايفي بعدهن يتجولن على ركبتي مهضومة من روحي بكبرها

اركض واحس الدنيا ظلمة عكس كل يوم حتى ضوة النجمات ما بيها

عثرت وطحت على وجهي جسمي كلة حسيته تشخط وخدي تأذة وشي حاد حسيته انغرز برگبتي ، رفعت ايدي اتحسسها جان ملمس شضية مال خشبة سحبتها من ركبتي روحي شايغة و كمت كملت ركض

الهث وكلبي يوجعني من الحزن ، حسيت بالمذلة عمري كله ما حسيت بشعور الذل غير لمن ماتت امي وبدت المصايب تنزل على رأسي

نار شبت بصدري حنجرتي تحرگني الخوف موتني اركض واتعثر واتلفت ماكو بشر وراي ، شكد ركضت ما ادري بس حسيت بطمئنينة لمن فتت بالفرع مال بيت عمي ارفد

ضليت اجر بخطواتي بالكوة طاقتي كلها خلصت حطيت ايدي ع حايط سندت روحي وشهگت دموعي نار تنزل على خدودي

غطيت وجهي بأيدي كل طاقة بعد ماعندي جثيت على اركبي اشهگ واباوع للشارع فارغ وظلمة الليل اشد من ظلمة روحي

وكفت جريت نفس مسحت وجهي وايدي الي لامة ملابسي بيها ثابته ماتحركت على صدري

ركضت بكل سرعتي وضليت ادك بالباب حييل واشهك

تهسترت والخوف اخذ من حيلي حيل

ضليت اربد بالباب حييل محد يفتح اخذتلي دقيقتين تقريبا بس جانت بالنسبة الي عشرين سنة من الخوف اتلفت وارجع ادك بالباب

سمعت صوت السرگي وانفتح الباب وصار بوجهي عمي ارفد عاقد حواجبة ومستغرب شكلي فك حلگه وجرني من ايدي للبيت وسد الباب عمة وعد واكفة ورا بمسافة هي شافتني ونشغت مصدومة

وعد ... هاااي شبيچ؟!!!

ارفد ... يا ابو الحسن يا ابو الحسن .. جرني من ايدي وانه اناشغ دخلني للبيت وماكو على لسانه غير ذكر ابو الحسنين

يا علي يا ابو الحسن ياعلي

وعد ... دخيلچ يالزهرة بس لا الي ابالي دخيلچ يا ام البنين احجي ياسمين شصاير وياچ ولج منو مسوي بحالچ هيج ويامن اجيتي مو راحلج همام انتي؟

عمي ارفد لزم وجهي يطمني بنظراته ويحچي ... شبيج عمو احجي خليني اسمع منو مسوي بيج هيج احد متعرضلج منو جابچ لهنا

ياسمين ... اخوها راد يعتدي عليه راد يغتصبني

احجي واضرب على وجهي متهسترته

ارفد ... اخووومن سماهر؟

ياسمين ... اي اخو سماهر اخو نعال من الله ياخذها وياخذ عمرها اخوها راد يعتدي عليه وابوي ماموجود اصرخ وماتجيلي مادري مخدرها ماادري متفق وياها

اضرب ع وجهي وابجي واحجي

وعد ... لا ياااجلب زين ماسووالج شي هوا احجي ولج

ياسمين ... لا طكيته وشردت ركض اجيتلكم ركص

درة ... الدم البركبتج منين طاكج شني

ياسمين .. طحتت

درة ... لا حول ولا قوة الا بالله شنو عمو تخابرمن

ارفد ... فاضل نگلب عاليها واطيها اليوم ،، ما جاوب نزل مبايله والتفتت الي

... متأكدة اخوها ، رفعت اكتافي وهزيت راسي ب لا

ممتأكدة هو دخل الولد للبيت وانه بالمطبخ كالت هذا اخوي كتلها اي يشبهج لان وجهة مابي رحمة نفس وجهة الشراني بس صدك اخوها جذب ما ادري اول مرة اشوفة

ارفد ... ولجن هاي خاف هية مطببته وتريد تصخم وجهچ من الله لا ينطيها العافية ولا راحة البال

ياسمين ... وين ادري من جبح حظي اليتمني وانطاني هيج مرت ابو

ارفد ... المكرن الطلي وين

ياسمين ... تكول بالكهوة ويطلع من الكهوة يكعد يم جماعته ويتاخر

ارفد ... ياكهوة كولي يم كح...ه المكرن من خرب بروحه خر**

رجع يدك على عمي فاضل وماكو جواب فصله و ضل يفتر عاط حيل

... جيبن السويچ ..

رهف ... عمو لا تروح انت معصب خابر واحد من الولد شوف منو غيث سداد اي واحد ويحاجي عمي

ارفد ... لا اريد اروح ...... دك مبايله مقاطع كلامه حواجبة معقودة وجهة احمر من الغضب

كال بنتر هذا همام جاوبه وصاح

الووو .... صفن فك عيونه بصدمة ولطم كصته حييل عاط

... طركاعة سووودة وينننك هسة

سكت و رجع كال

خابر بارق خابر فالح يجيب عمك صادق وانه رايح لبيت عمك فاضل اجيبه واجيك

سد الخط وباوع علينا ... سماهر هاي الساقطة .... بووووية عض اصبعه بغضب

نزلت مصيبة على روسنة داخل همام للبيت وطالعة تصرخ هذا لكيته ويا بت عمة ابيتي صيحتتتتچ وصيحت همام السااقطة

درة لطمت وجهة وشهگت بصدمة ... صخام الصخم وجهي

اخذ سويجة وطلع واحنه وجوهنا انطعنت

وعد ... هااي شنو من البشر ماعدها ضمير ماعدها رحمة شلون تسوي هيج دخيلك يا ربي تصيحنه من وراها واحنه المستورين

درة ... يمة شلون هسة؟ تحجي بخوف

وعد ... جا اندري يمة؟ بقت يم ربچ هو يحلها بس مادريت شنو كاضين همام لو شكو

درة ... ماكال عمي

رهف ... غير افتهم هيه سماهر شعدها وياچ؟

ياسمين ... تريد من ورث امي الضل الي

رهف ... يااااااا و ع اي اساس تريد

ياسمين ... ما تريد بشكل مباشر يعني تريد ابوي ياخذه ويتصرف بي واكيد هية لاطمته ع عينه وتاخذ منه التريده وانه مو رفضت حقدت عليه بالزايد خاف ما جانت حاقدة كلش

رهف ... ماتريدلج الخير لان ما اخذت من خيرچ الله يستر من الجاي الولد تذكرين شكله؟

هزيت راسي ... شلون انساه وانه عمري ماراح انسى هذا الموقف عمررري كله الله لا يوفقچ سماهر خليتي بكلبي نيشان من القهر

وعد ... كومي كومي حضريلها هدوم ترف بسرعة

ترف ... خوش

اخذتني للغرفة بدلت هدومي بصعوبة ماعندي طاقة احرك ايديني مسحت الدم من ركبتي وصدري وضلت تتحسس ركبتي بايدها

وعد ... هاي اثار

درة وجهة انطعن حطت ايدها على حلگها وركضت ما تحملت تقيئت بالباب لزمتها رهف وسندتها جرتها برة

ضليت اون بوجع تمددت غطتني وارجف ضلت تقرا عليه و شغلت قران بالمبايل

غمضت عيني ارجف طبت ترف كلتلها هاا?

ترف ... جاي تتقيء مادري شبيها

ياسمين ... روحي شوفيها مابيه شي

وعد ... رهف يمها نامي انتي علمود تنسين يله امي نامي

غمضت عيوني ارجف وصوت درة تكح مختنگة

وراها رهف ضلت تعيط ... يمة لحكي طاحت طاحت

ركضت عمة من الخوف كل اعضاي ترجف ورجليني بادت واحس روحي تخدرت وصار بصدري خدر غمضت عيني و بعد ما حسيت بالدنيا ..

رهف ... رفعي رجليها رفعيهن ع مخاد

ضغطها نازل ، هااي تذكرت موقف مؤمل الجلب من شافت ياسمين

وعد ... عديمين الغيرة موتو البنات ماعدهم تربية ولا رحمة هذني ثنينهن يتيمات وثنينهن مكسورات راح تشوفين عقاب الله الهم شلون جبير اذا مو بالدنيا بالأخرى

رهف ... حسبنا الله ونعم الوكيل مالهن غير رب العالمين يصكعهم الگواويد هذول

وعد ... ولج اش ، شربي يمة درة شربي

مغمضة عيونها وتأن شربناها بصعوبة و ضليت افرك بايديها

وعد ... ترف روحي شوفي بت عمچ كل شي يصير ترعش لا يصير بيها شي

ترف ... الليلة سودة من سود الله عشيتهم الجلاب

عقدت حواجبها بغضب وراحت للغرفة ، شوية وطلعت وجهة مطعون

ترف ... ما ادري نايمة ميته ما اعرف بس شكلها مو نايمة يمكن ماتت

وعد ... يبوووووووي

رهف ... يمة خابري عمة نجوى وبيبي يجن هاي الليلة ما نكدر عليها وحدنا

ركضت امي لياسمين و درة مبهوتة وما تكدر تتحرك بس تكلب بعيونها

ترف بالباب واكفة كالت ... هاا

وعد .. تتنفس بس فاقدة جيبي عطر

ركضت ترف ضليت من مكاني اصيح هاا شلونها؟

وامي تجاوب ما ادري ترف طلعت بيدها المبايل خابرت عمة نجوى كلتلها البنات خربن علينا تعالي النة وجيبي بيبي وياچ نحتاجكم كلش احنه خايفي

سدت الخط منها ، ياسمين ترعش كلش تعبانة حتى امي لبستها شال و طلعت عباية ولبست جواريبها

كالت ياهو من الولد يجيبهن نخلي ياخذنه للمستشفى

رهف ... درة تحتاج مغذي بدونه تضل هيچ

وعد ... يالله اندك الباب لااا تطلعن لا تطلعن انه اطلع

طلعت تعدل بشالها وتنخى الامير علي ..

فتحت الباب جان محمود وعمة وبيبي وسداد

دخلو للبيت امي دخلتهن ع ياسمين عمة نجوى كالت ... لازم مستشفى الوضع مالها مو طبيعي

وعد ... اي كلت

وهاي درة هم ضغطها نازل وطايحة

نجوى ... ياسمين ماتكدر تمشي نشيلها ابطانية

محمود ... شسالفة ترحن تموتنها عمي انه بحسبة اخوها واشيلها يا بطانية تكلكلن بيها عايزة ضيم

سعدية ... الله ينطيك يدة شيلها .. نجوى و وعد اخذن البنات محمود ياخذجن وانه وسداد نضل يم رهف وترف

جيف سداد ذراعه مصوبة ومايكدر يشيل لو وحدة منهن خربت هناكة

سداد ... لا اصلا لازم اضل خاف كل شي يصير شلون تضلن نساوين وحدجن

سعدية .. الله ينطيك يدة

محمود نصة شال ياسمين سابلة ايديها وماتكدر حتى ترفعهن سداد فتحله الباب صعدت امي وصعد ياسمين لزمتها ودرة سندتها انه صعدتها بالسيارة

ركبت عمة نجوى وطلع بيهن محمود للمستشفى ..

سداد سد الباب والتفتت شافني اشرلي بأيده افوت جوة زميت شفايفي بضجر و طبيت ترف بالمطبخ كاعدة ع كرسي وحاطة راسها ع الميز

رهف ... روحي نامي انتي

ترف ... ليش ضل بعيني نوم؟

سعدية ... تعالن حذاي يدة وينجن تعالن

رحنة كعدنا يمها بالهول سداد ما طب يمكن كعد بالدوانية وانه تعبانة تمددت حطيت راسي ع رجل بيبي ضلت تقرا علينا تكول مخترعات

سمعنه صوت سداد يتحمحم انه كعدت وعدلت شالي وترف ضلت متمددة وحاطة راسها بحضن بيبي

طب سداد كعد على صفحة

سعدية باهتمام ... خابرت عمامك؟ الويلاد؟ شفت شصاير

مسح وجهة متردد يجاوب رفع حواجبة بحيرة

سعدية ... احجي يدة نسمع المصايب تعودنا

سداد ... خابرت غيث يگول سماهر مصيحة همام وياسمين تكول لكيته ... احم وياها وهي شردت وهو ضل اعتدة عليه ضربني لان ردت افضحه ويكولون املخه روحها تملخ ومشرمخة وجهة عود هذول همام وياسمين ضاربينها

سعدية ... تزين راسها .. وهسة؟

سداد ... مخابرة اهلها وعالكة بين عمامي واهلها هم يكولون ابنكم ضارب بتنا وراح نحگكم وعمامي يصيحون بتكم مدخلة واحد للبيت ومتعرض لبتنا ورايد يعتدي عليها واحنه الي نحگكم لان بسبب بتكم راد يتفرهد ستر بتنا و عالكة مايندرة الصدك من الجذب

سعدية ... ليش ما يندره همام. عاشك درة عشك شعنده يروح لياسمين وهي ياسمين بنيه مكسورة وينها وين هاي السوالف

سداد .. لا مايندره الصدك من الجذب يم سماهر تكول ماداخل احد لبيتي لا اخو ولا غريب

وهية مو كايله لياسمين هذا اخوي وهسة نكرت

وغيث يكول اخوانها يكولون ماكو واحد من عدنه طاب لبيتها الليلة ومستعدين نواجه وهاي احنه موجودين جيبو لبنية تشوفنه وتگول ياهو من عدنا متعرض الها

سعدية ...چا الزلمة الطاب عليها غريب عمك وين ابو گرون؟

سداد ...يخابرونه مغلق الدنيا محترگة وعمي خالد ماكو ماله حس ولا نفس الله يعلم وين

سعدية بعدم رضا ... خير الله عليه الجبير دايح والحرمة تلعب شاطي باطي هسة يجي يهوس ويتهم بته وابن اخو هذا وجهي. ي سداد وكول يدتي سعدية كالتها

سداد رد متعجب ... عجيب امره هيچ زلمة گايدته گود ومخليته محبس بأيدها!! كلش شي غريب هذا مو شغل رب العالمين

سعدية ... لا حبوبي وحدة من الاثنين لو عمك طلي لو سحورة واذا ماطلعن ثنينهن شتريد انطيك

سداد ... لا حول ولا قوة الا بالله .. فرك عيونه حيل

رهف ... افرشلك؟

سداد ... لا بعد ماكدر انام عادي تسويلي كهوة؟

رهف ... تدلل

كمت للمطبخ سويت كهوة النة كلنا شربناها شوية ارتاحينة ضلينة كاعدين نسولف وسداد كل شوية يخابر غيث يگله بعدهم ابيت عمي خالد يتحاجون والدنيا مشتعلة كل شوية يتعاركون

اخير شي والساعة صارت فوگ ثلاثة وهم بعدهم حطيت ايدي على القنفة وسندت راسي عليها وانه كاعدة بالكاع وغمضت عيني ما حسيت بروحي بعد

فزيت من حسيت احد ذب فوگي غطة فتحت عيني بنعس شفته سداد يغطيني و بيبي امددة ونايمة وترف ماكو

سداد بهمس ... طبي للغرفة نامي

رهف ... مممم و بيبي يمته نامت

سداد ... توة يله كومي انه جبتلج الغطة بس بعد فزيتي ماله داعي

جان الغطة فوكي والنومة بعيني جريت الغطة لركبتي وسحبت كوشاية حطيتها بالكاع وحطيت راسي عليها ورجعت غفيت ، همس ... رايح للاستقبال ذبي شالج

فتحت عيني شفته مكنبص كبالي

عبالي حلم رجعت غمضت ندسني بجتفي فتحت

همس ... شالج خنگچ رايح للاستقبال ذبي ولچ وجهج مختنك

رهف ... مممم

هزيت راسي ... صفن بوجهي ضليت اباوعله استوعبت الموقف وحسيت طاررت حتى نومة عيني

كعدت باوعتله بعده ع كعدته ...شبيك خرعتني ماتنام شنو خفاش

سداد ... لا وين ماكدر انام بعد

رهف ... ماخابرك محمود

سداد ... اششش همس ... خابرني ياسمين ضاربتها جلطة مؤقتة مادري شلون هيج حجي كال وزينه مابيها شي ودرة ضغطها نازل لا تكولين جلطة كدام بيبي

رهف ... اوكي سداد روح نام

سداد ... نعست كلش ردت انام وفجأة طارت انتي نامي

رهف .. وين طارت بيش الساعة هسة ماردو وين اكو عركة بالليل وهيج تطول

سداد ... لا ردو بس عمي ارفد بذاك بيته يم همام كتله لا تجي انه يمهن وعمي صادق وابوي راحو للمستشفى لياسمين عبالهم بيها شي و بعد ما ادري

رهف ... تؤؤ مو خوش هاي مصيبة شنو راح يصير هسة؟

سداد ... بهمس ... ماادري تطلعين للحديقة نحجي بيبي نايمة

هزيت راسي وكفيت الغطا كمت غسلت وجهي وطلعت ورا كعدنه بالمرجوحة كل واحد بصفحة رفعت رجليني لميتهن الصدري اباوع الدنيا فجر

رهف ...اذن؟

سداد ... اي اذن وصليت الحمدلله

هزيت راسي وضليت كاعدة انه علي الدورة مااكدر اصلي بس خجلت اجذب واكول رايحة اصلي لو اضل كاعدة خاف يكول شو ما صلت هاي؟

غلست و بقيت صافنة ..

سداد ... احچيلي شنو غيرچ هيچ صايرة وحدة ثانية تمامً ولا جنج ذيج رهف الصغيرة المشاغبة تسوي حركات تافهة وتضوجني وترجع ترضيني بدلعها وين غرورج اختفة وين جنونچ

رهف ... كبرتني الدنيا قبل اواني

سداد ... هاا وانه رجعتني بالكماط

رهف ... ماتضحك

سداد ... الوجه شاب ومن جوة شايب لو تدري شصارر بالكلب من بعدچ رهف ااخ لو تدرين بهذا الجان عزيز شلون انذل

رهف ... شسوي يعني شنو جان بأيدي

سداد ... كل شي جان بأيدج انتي وصلتينا لهنا بعنااادچ وغرورچ انتي شمرتينا ثنيناتنا بالنار وحرگتينا

حجة بقهر وغضب

رهف _ شنو تريد هسة؟

_اوصل لـ صدرچ انام علي

_وبعد؟

__وراها اكسرچ ، انزل دمعتچ ، اخليچ محطمة وفاقدة كل قواچ

اكفر بعشرتچ الكفر بعشرة وحدة مثلچ حلال

حجيت بغيض و غصة

_ كسرتني و نزلت دمعتي وخليتني محطمة وكفرت بعشرتي من رفضت تسمعني وتدور على برائتي كسرتني من بجيت كبالك مظلومة بس بدل ماتروح تطلع برائتي رحت خطبت خليتني اتجرع الموت والمر ليلية

لا عبالك نسيت السويته بيه على ذمة فاقد بعدني عروس وتمرضت من حزني وقهري عليك جنت ويا فاقد اعيش حرب داخلية شايف من انت ويا بشر ماتكرها وتريدة ومتعلق بي لان زين ويحبك وبنفس الوكت كلبك يم واحد ثاني

حرب حرب جنت اعيش بين عقلي اليريد فاقد ورافضك وكلبي الجان يريدك ورافض فاقد

سداد ... واضح ما جنتي ذايبة بحضنه ليش مو بعيني شفت

رهف ... الله يرحم ايام تجي كلك حمرة من خطيبتك الهام سداد احنه بشر وانه بعقلي جنت رايده فاقد لان مناسب الي وتعرف طبيعتي انته اذا استخدمت عقلي شبه انسى كلبي ف لا تلومني وبالاخير هو يضل رجلي وياريته هسة موجود ويانه انه ومنتظر يارييت

سداد ... ولچ تدرين شصااار بية وانه اتخيلچ بحضنه؟

رهف ... تدري شنو صار بيه وانت بخطوبتك كاعد يمها لو من شفتك كلك حمرة وتكول جنة ابيتهم فارغ واتخيلك حاضنها وتبوسها ، انت البديت وانت البعت خليني اذكرك خاف ناسي

سداد ... ماقصرتي انتي جم مرة الكاج يم ليث وكتيلي راح اصير مرت اخوك من لسانج طلع هذا الحجي

رهف ... جنت اريد اقهرك

سداد ... اي قهرتيني وكطعتي نفسي وعليتيني وخليتيني ما اشوف الصدگ لو ما ورا سالفة حر وجنتي مكسورة وحلفتي بروحه يله كدرت افتح عيني

تنهدت باوعتله محتقن ويحجي بحسرة

... وهسة شنو يفيد هذا اللوم سداد ثنيناتنا غلطنا هاي هية انته غلطت وانه غلطت والفات مااات لو يرجع جا رجعلي فاقد

سداد ... هاي هي مات النه بالجاي وكتلج وارجع اكلج مستعد اجبرج وما اخليج تطلعين لغيري هاي المرة

رهف ... جرحي بعده ما طايب وانته وين تحجي

سداد ... ما يطيب شلون يطيب وانتي بين اربع حياطين لا بدوام ولا بطبة ولا بطلعة شلون تنسين شلون تتأقلمين

رهف ... ما ادري والله

سداد ... طيب سؤال بشرفج بس فكري زين قبل ماتحجين وتجاوبين لو هسة انه خطبتج ترفضيني لان بعدج حزينة ع فاقد لو لان ماترديني وبعدج تكرهيني

رهف ... ما كرهتك ترة!! منيلك هذا الحجي

سداد ... تصرفاتج هيج جانت توحي قسوتچ وياي بالحجي والافعال

رهف ... جنت اريد ارد اعتباري لا اكثر بس انه بداخلي جنت اتعذب

سداد ... يعني؟

رهف ... ما ادري بس ماجنت اكرهك

سداد .. جاوبيني على سؤالي

سكتت تنهدت وكتله ... ارفضك لان حزينة على فاقد

سداد ... واذا كتلج هذا الحزن ما راح ينتهي اذا ما دخل حياتج شخص وملئ الفراغ العافه فاقد بروحچ؟

رهف ...يعني تقبل تكون قطعة تملي فراغ تركه شخص غيرك؟

سداد ...لان احبچ اي ..

رهف ...انتَ شنو؟ ليش هيج تحبني حبك الغريب الي يرهبني

سداد ... شسوي الگلب هذا هواچ وهام شسوي ما بأيدي شي على كلبي ماعندي سلطان علي

رهف ... بس حبك الي ما يعني تخلي روحك بهيج موقف

سداد ... كلها فترة وتنسين فاقد ومشاعرچ اتجاهي ترجع مثل درة اختج منو جان متوقع راح تحب همام وتتعلق بي وهي جانت ماتريده شلللع

مو مثلنا انه وياج بيناتنا حب لحد هسة موجود ومستمر

رهف ... اي بس انه دفنته

سداد ... يطلع عادي اعتبري بذرة غطاها التراب وحبي الج الغيث الراح ينزل ويروي روحج ويخلي هاي البذرة تنبت وترجع الحياة الروحچ الميته وكلبچ

رهف ... ماعندي جواب هسة

سداد ... اخذي راحتچ بالتفكير كدامج الوكت كله قبلي وخلينا نرجع البعض ونرجع حياتنا

سنين مرت رهف سنين جم سنة صارن مفتركين

رهف ... ثلاثة

سداد ... 3 سنوات ميت ماعندي روح ضلت وياج رهف كلبي عليل داوي بقربج

نزلت رجليني نصيت راسي كمت وانه منصية حجيت ... الله كريم فايته انام

سداد ... نوم العافية. .

طبيت للبيت عقلي حسيته يريد ينفجر ضليت اعصر براسي عصر بس كون ارتاح كثرن على عقلي بقيت لل7 يله غفيت فزيت الساعة باال9 ع صوت عياطهم

شلت راسي واسمع عمي يصيح ويغلط ع عمي خالد وصوته يبتعد

باوعت شفت ياسمين ودرة نايمات مادري يمتة رجعو كمت طلعت لكيت امي وعمة نجوى يبجن وبيبي سعدية لازمة عكازتها و واگفة بباب الهول محتارة

رهف ... شصار ؟

نجوى ... سماهر تهمت ياسمين وهمام والجيران لكبالهم عدهم كامرات كالو عطلانة ماتشتغل يخافون من الطلايب والعركة كبت بين عمامج واهل سماهر وخايفة لا يروح بيها واحد من ولدنا

رهف ... استغفرالله العظيم واتوب اليه ، زين همام شنو حجة ما راواهم وكت مكالمة درة؟

نجوى ... اي مراويهم گـايللهم شوفو هاي خابرتني درة ورحت ع ياسمين كايليله شمدرينه يمكن مخابرتلك هيج مكالمة عادية وين ندري شنو حجيتو بيها واهل سماهر هسة يطالبون بحك بتهم والله ابنكم طگها

وعمامج يطالبون بحك ياسمين ويردون من اهل سماهر يخلون بتهم تعترف

اخير شي مدخلين الخدامة وشاهدة ضد همام وياسمين كايله شفت ياسمين مدخله هذا الشاب للبيت وصارت المشكلة

انكلبت السالفة كلها ضدنا بشهادتها ، واحنه ندري جذب بس هم اهلها والعالم يكولون بعد الخدامة شهدت شنو نريد اكثر من هيچ

رهف ... وخالد؟

سعدية ... الله ياخذه العارررر

نجوى ... خالد للصبح يله لفه هناك للمستشفى ورجع اتعارك ويا اخوانه وضارب همام

رهف ... يعني مصدك مرته والخدامة؟

سعدية ... مصدك نعالته والخدامة هذني مرض انتقام دخلوهن علينا

نجوى ... لو تدرين بالمستشفى شصار يهد يريد يكتلها وكدام الممرضات والدكاتره فضحها و منا عمامج يكلوله اخو مرتك ومنا هو يصيح همام اخير شي طلب فحص وفحصوها فحص عذرية من كد الخجل والعذاب وهم يفحصوها طاحت فقدت الوعي

ضلت تشيل روحها وتركعها على السدية وتناشغ وتصيح بابا فدوة والله نظيفة ويردون يوصخوني بس مايكدرون

ماتحملت دمعت عيوني حضنت روحي احس برد ورعشة سرت بعظامي ، جانن مقهورات ويدعن النا كلنا بالستر

بيبي سعدية ضلت تحوم اخير شي گالت ... هسة شلون بهاي الطرگاعة هاي شني نحط الها وتطيب

نجوى ... اندري مصيبة هاي ومالها حل غير خويلد الله ينتقم منه لو شوية يصير بني ادم وعنده ضمير ويوگف بصف بنته ضد مرته حتى تفك حلگها وتعترف

سعدية ...من صغره ما يوكف ويا الحك تردينه هسة ويا هاي الركطة يصير حگاني؟

ضلينه بقلق تقريبا ساعتين وفتت للغرفة لكيت ياسمين كاعدة بس طبيت فزت مخروعة بيها خوفة

ياسمين ... اجة يكتلني؟

رهف ... لا شيكتلج يمعودة لا تخاافين

ياسمين ... لالا سمعته وانه بالمستشفى سمعته يريد يكتلني ويغسل عاري وانفضحت بين العالم هناك

رهف ... ما انفضحتي وما راح يكتلج لا تخااافين كتلج عمامج كلهم بظهرج ومصدكينج ومصدكين بهمام ودرة يدرون حجيها جذب

ياسمين بخوف ترجف ... لا سمعته انه جنت فاقده وهو يكول الهم

:- بأيدي اذبحها واغسل عارها وهذا عگالي ما يطلع للحظ والبخت ان ما سويتها

نزع عگاله ذبه باالگاع بغضب

اذني لقطت بعض الكلمات ما اعرف مصدرها بس اكو شخص حجة مستغرب

:- اخو مرت ابوهااااا!!!!؟

تخيلي الدكاترة الناس كلهم سمعو عركهم انفضحت انه فضيحتي صارت على كل لسان

رهف ... اششش محد يعرفج هنااك يولون النظيف يعرف روحه وماكو داعي تنقهرين ابد يله ارتاحي رايحة اخليلج اكل علمود تاكلين لكمة

رجعت التفتت الها ... زين عيني ابوج ابو عكال عشتو وين جان طول الليل

ياسمين حجت بغضب... وين ادري بيا خيسة طامس تالي لبس عكاله واجة صار شيخ وخير براسي شكد كرهتا اتمنى اشوفة كبالي محترك وشابة بي النار وبيدي نفط ازيدة علي

صبيت الها شوربة سوتها امي وشربتها درة كعدت سبحت واكلت شوية بالاجبار

الجو صار مشحون والخوف من الجاي خوفنا اكثر

رجع عمي ارفد بالخمسة العصر وجهة مجبود جبد شمر عكاله وجفيته وذب روحه بتعب ع قنفة

ضل يفرك براسه امي وبيبي يباوعله ينتظرنا يحجي

باوعلهن وكال متحسف ... يا حيف اخويييي يوكف ويا الغريبة ضد ابني وبته يا حيف والف يا حيف حجية ابنج كاعد بنص ديوان فاضل وبنص عمومتنا يكلي ابنك دنس بيتي وعرضي

سعدية ... بنات بليس لاعباتها صح الخدامة ومرته وذبنها براس هذول المكاريد فقرة وماعدهم دروب الشياطين العد هذني البرابيك

ارفد ... حجية طاحت بروسنة وصار الحك علينه من ورا خالد الكواد خلانة هيج صرنا هل كبرنه كدام العالم وطلعنه احنه الغلطانين وهمام ماعندة اخلاق ودانس عرض عمة وطاك مرت عمة

سعدية ... موتني خالد موووووتني لايرضا علي كون لا يرضااا علييي

ارفد ... راح اتسوووودن راااح تسووودن حجية هجم بيوتنا خويلد راح يخرب علينا هواي

سعدية ... زين وهذول اهل الكامرات مارضو

ارفد ... تووسلنه كالو عطلانات ماتصدكون نجيبهن الكم وشوفو يمكن صدك على حظنا عطلن

مسح ع شواربة وزفر نفس محتار

رفع رجلة ع قنفة متضايك كلش و درة تباوعله بداخلها اسأله عيونها تحجيهن

سعدية ... وخالد هسة شيگول

سكت عمي ما جاوب بس يزفر بغضب بيبي باوعت لدرة ورجعت باوعت لعمي وكالت بخيبة امل

... انهدم بيتك يدة همام من عمة بعين العدو وعين سماهر البربوگ

درة ...شنو يعني؟

ارفد ...تنحل ان شاءالله لا تحسبين زايد محلولة

سعدية ... شكال خالد احجي ارفد

وعد ... مبينة اكيد كال همام ياخذها لان انفضحو وطاحت بروسهم سالفة جبيرة

ارفد ... ياريت هيج كايل جا شلون ماكان ركعناها وكلناله انطينا البت احنة نحدد مصيرها

وعد بخوف ... جا شكال ..

ارفد ... حطنة كدام خيارين لو تنطوني ياسمين اذبحها واغسل عارها لو گبالي همام يعقد عليها وياخذها ويسترها مثل ما انفضحنا بسببه

درة عاطت بقهر ... توووقعت والله توووقعت راح يسووويها وهيج يطلب خالد الطماع اصلا هسة مكيف يدري بيكم ماتفرطون بياسمين وراح ياخذها همام مجبور وتالي تصير يم همام ابو الخير هو وين اكو واحد عندة خير يحط عينه علي

ارفد ... بلكت تنحل ...

سعدية ... وجهك مايكول هيج انطينياها من هسة وخلينا ننصدم فرد نوب لا كل ساعة تذبلك خبر

درة ... شبيج حجية شبيج يعني ماتعرفين ابنج خالد لا تقنعيني كعدتهم من الظهر لهسه يطلع منها خسران هذا بلبيسسس بحد ذاته بلييسس

لزمتها من ايدها جانت كاعدة وتضرب على رجلها بقهر وعيونها كبل جرن دموع

ارفد ... والله يا بتي مو بيدنا وحق هذااا الله ضغط عليناا كلش متفرعن وسلاحة ويا يكول اكتلها اكتلها

جبرنا نقبل بشي حراام نسكت ونخلي ياسمين تروح من ايدينا

درة ...رضيتو تاخذونها لهمام؟

ارفد ... جا شنسوووي فهميني احنة جبنا يابة تعال نسويلك كذا ناخذها لهذا ناخذها لذاك فاضل كله انه اريدها مرة لمحمود احنه واثقين منها ومن همام مابيناتهم علاقة

بس هو ماكو راسه والف سيف يهوس الا اكتلها شنسووووي نخلي يجي يكتتتل؟

احنة قبلنا بس هذا الشي مجرد موافقة مبدئية نعقد الهم ونشوف شيصير وراها الف حلال يحلها

يعني رضانا مو نهاية السالفة ولا العقد راح يخصمها وينهيها بس خلينا نسكته

درة ...بكيفكم شتردون تسوون سوو بس والله والله حرام عليكم جبرتوني بالحاحكم عليه خليتوني اقبل بهمام وصارلي سنتين ويا وحبيته وتعلقت بي وفرحانة عرووس ومجهزة بيتي ومنتظرة زفتي ويا حبيبي واجيب واحط واحضر تالي تجون تخربون كل شي وتهدمون بيتي وتكسرون فرحتي وكلبي

ارفد ... اذا عمج بحجي الدكتورة مامصدك يكول فاضل وصادق انطوها فلوس وخلوها تجذب شلون نتعامل ويا؟ والله شيب كلبي

كام دفر الطبلة تطشررت غراضها وراح طب للغرفة معصب

سعدية ... رسمنالج جنة ويا همام لو ندري بهاي الجنة تصير نار وتحرگچ جا ما حچينه ولا قنعناچ جبرچ على الله جنها طلعت من ايدينا

ضلينه بحيرتنا ، درة تبجي وهمام يخابرها ما تجاوب المسكين يموت عليها وراح تروح من ايده ويضل بالحسرة وهو حسب ماكلتلي طلع عاشكها ورا وفات حلقومة بفترة وجان يروح للجمعيات يراقبها من تطلع من المدرسة يعني حب سنين وخطوبة سنتين راح تروح من ايده

وياسمين تبجي وتكول خلو يكتلني ولا يعقد عليه ويخرب ويا درة بسببي ، اخير شي ضلت تتوسل تكللها لا تعوفينه بس يعقد عليه واضل ويا غريبة وانتي مرته وانتي الاصل وانه حتى ما اكول عاقد عليه وفترة وخلو يطلگني

ثاني يوم الظهر طبت عمتي نورية وياها فلك وجمانة وكالت

رهف ودرة وترف اريدجن وياي عندي فزعة

درة ... عمة احنه بحال فزعة

نورية ... ولج هاي صيحت رجلج امشي ويانه ندوس بمصارينها ونطلع ضيم كلبنا هاي اوامر فاضل عمجن

وعد ... احنة ابخته فاضل صدك يحجي

نورية ... والله كال احنه زلم مانكدر نسوي شي اخذي بنات عمها مانريد نسوانه لان غريبات من غير عشاير

وروحن طلعن روحها وردن

وعد ... يااا ياااع النوب تنسجنن شلون

نورية ...ما نموتها بس ندميهااا

درة. .. تاني البس عباايتي واجي

ترف ... صدك يعني نكضها ونكتلها الله احب الطلايب انه وهيج اكتلهااا واطكها على وجهة اخليها تتفل دم الجلبة

وعد ... انجبن وين وين نورية خية شمالج يصير بيها شي مو تبتلن

نورية ... اذا فطست بركبتي مالج شغل يله ولجن امشن نربيها هاي تمادت هواي تمادت وبلكت تعترف ونصورها وتفض السالفة

وعد ... جا خوش بس لا تموتنها وخلنها تحجي الصدك هلبت الله وتفرج

لبسنه عبينة جبسنه حمودي بسيارته وحدة بحضن الثانية جمانة كاعدة على رجليني وترف بحضن فلك

رهف ....هههههه والحسين نضحك هاي خوش فزعة

نورية ... لا تتمضحكين رايحين هدادة مو نضحك

لميت ضحكتي وصلنة ونزلنة من السيارة جوكة

جمانة ... ع عمي خ خالد يم ع عمامي ما يخلونة ي يطلع اذا ما تمت المهمة

درة ... اذا ما احط بيها الحمس اليحمسها

عمتي نورية طلعت صوندة خضرة من جوة عبايتها

ودكت الباب ... هية وخدامتها الساقطة ثنينهن هاي خدامتها لو ماساقطة مثلها ماتتهم العالم وتجذب جا رجعت منين ماجابوها

فلك ... تدللين ..

سماهر ...منو بالباب

نورية ... نورية حماتج حبيبة فتحي الباب

سماهر ... ما اكدر افتحه خالد مانعني افتح الباب لأي واحد من اهله كائن من يكن ردي لبيتج حبيبة

نورية ... ياااع وتطرديني وانه خطارچ

سماهر ... تعذريني بس الوضع موزين هاي الايام شلون اطببج وهم اخوج مانعني روحي حاسبي اخوج

نورية ... خوش هاي هية الله وياچ عيوني الله وياچ حبيبة اجيج بغير وكت

عضت اصبعها متحسفة الدنيا ظهر والشمس حمرة تصگع وصوت باب المطبخ رگعته ركع اجانة صوته

نورية ... امشنه نرد بغير وكت كون تتطمن ونجي ناخذ حگنا خنخابر محميد يرجع علينا

ترف ...لا والله شمالچن خوافات تهي بهي لزمن لزمن محد بالشارع

ذبت البشت ضلت بالتراك

وكومي وتشلبي فوك الباب وصعدي وهمزين ما جان عالي

نورية ... تكدرين لو تتكسرين؟

ترف ... شيكسرني؟ الباب ناااصي شبخت الباب حسيت كلبي طاح وهمست لااا تطيحين ولج على كيفچ

ترف ... اوكفي ما اطيح ياا علييي .. صاحت وطفرت وفتحت سرگي الباب النة وطبينا

دفرت عمتي نورية باب المطبخ وطبت هي كاعدة بالهول شافتنه وجفلت

نورية ... ولجججج السااااقطة انتي تتهمين بتنا ام الزلم تطببين صحبانج على بتنا شو تعاي الا ادوس ابطنج اليوم

رادت تشرد وجفتت عليها عمة نورية هي تدافع ع روحها وهم قوية جيتت درة وياها ترف وكضنها كسرنها تكسرر واحنة جلبنه بالخدامة ورفعنه عليها سجين

تعترفين لو نذبحج

...والله مايعرف شي

...احجييييي منو دخللل الزلمة للبيت احجي كولي ليش جذبتي

جمانة تصور من جوة الجوة وانه اهدد بيها

... ماجذب انا ما جذب والله مالي شغل

انه شفت حجيت

رهف ... خوش جا اذبحج وروحي كولي لله شفت وحجيت خوش جااا

مينا ...والله شفت وحجيت مايدري انه

كسرناهن كتل البرابيك ولا اعترفن ولا انطن برواحهن بس شنو فاخت كلوبنة من شفناهن مكتولات خصوصا سماهر ذبينه ضيم گلوبنه كله بيها سويناها زرگة تستاهل الخايسة

وعفناها وطلعنة رجعنة لبيوتنا لليل ضل عمي خالد يهادد كلوله عمامي وين البنات كاعدات بالبيوت لو هاي خطة جديدة من مرتك

كلبوها على خالد ومرته وسكتو كلوله بناتنا كبالنه ما طلعن من البيت ونورية يم ابيتها

وعد ... مصارعات عمي خوش والله

ترف ... يمة طفرت من فوك الباب هههههه كون خالي حر يدري جان يحجي عليه لان اتسلق الحايط والبيبان خلي يجي يشووف

رهف ... اي غير صايرة اطول مني طبعا تكدرين تطفرين وهو هم مو ذاك العلو وبي زخرفة ساعدتج حطيتي رجلج عليها

ترف ... اهوو غارت من طولي انه طولي مال عارضااات عيني بعد شوية واصير مثالية

رهف ... دمشي لج

درة ... كضيتها وفركت حلكها فرك بس مابرد كلبي ليششش ما اعترفتتت

رهف ... ماتعترف تخاف

همام ... يالله يالله احم .. لبسنة حجابات درة رادت تشرد للغرفة امي لزمتها ودفعتها للاستقبال لان هو صوته اجانه من الاستقبال

درة ... دخلوني علي وسدو الباب علينا من برة

علمود نتفاهم بس انه ماعندي شي ويا وما اريد اتفاهم الي اريده كلته

درة ... اسمعني ماراح اطولها اذا تاخذ ياسمين تطلكني وانتهى .

همام ... خل نحجي

درة ... ماكو حجي ادري بيك مجبور وكلشي ادري لا تبرر ولا تحاول تقنعني انه فاهمة موقفك بس اكلك من هسة لو تكعد وياهم تطلب منهم يشوفون حل. ثاني ..

همام ... والله جاي يدورون حل

درة ... اذا لكو هذا هو نكمل عرسنا مالكو حل وخذيت ياسمين نتطلگ همام انه ما اقبل تاخذ عليه وحدة ثانية ما اتحمل

همام ... اي غيررر مجبور بس عقد شبيچ وفترة ونتطلگ يعني ما نعرس

لميت شفايفي للداخل وعيوني غوركن راد يحضني رجعت ليورا

درة ... بس انه اغار اضوج

همام ... ولج كدامچ بس عقد شبيچ نتزوج انه وياج وكلشي كدامج وبعدين نفسخ العقد

بس نسكته هسة

درة ... مانتزوج اذا ماتفسخ العقد

همام ... والله طالت درة

درة ...هذا العندي نتزوج وتروح بعدين تضل تريدها تستخطيها ومادري شنو وتخليها ع ذمتك وانه اموت بقهري

همام ... لا تسمعج خطية مظلومة بعدين انتي لخابرتيني اروح وانه دكيت محد طلعلي لكيت الباب مفتوح ودخلت للمطبخ ادك الباب هيه شافتني وصرخت وتهمتني

درة ... تحملني الذنب؟

همام ... لا بس تدرين بيه ماعندي شي ولا هية عدها ثنينة مظلومين وهسة جاي ننظلم بقرار الزواج

نترت ... لا تكول زواج

همام بتفهم ... عقد عقد وينفسخ

درة ... ورا ماينفسخ تعال نتزوج غير حجي ماعندي دبرولكم اي حل انه مالي ذنب اتعذب

خذيتك بالكوة وصارلي سنتين وياك وتعلقت بيك وهسة والله تعاي يادرة تحملي تشوفينه ماخذ وحدة غيرچ

همام ... ما اخذها صبري والله تنحل

درة .. خوووش .. رايحة ادرس عندي امتحانات

همام ... بس كعدي يمي اريد اطمن ماضايجة

درة ...منو كلك ماضايجة؟ لا ضايجة ونص وانه من كتلك تعقد وتفسخ يله اخذك بس لان ماردت اتسرع وانهي هاي العلاقة بسرعة اريد اشوف شلون تصفى وياكم

طلعت وسديت الباب بنتر ومشيت للغرفة ياسمين تبجي لا هي بيدها شي ولا همام بيده شي بس شنو يقنع كلبي ويطفي النار الشابة بداخلي توة حبيته والله توة مالحكت حتى اتهنى بمشاعر الحب ويا

حسيت كل شي بدأ يخرب ومشاعري صارت مادري شلون ، ولعبت روحي من كل شي سديت الملزمة وشمرتها لزمت المبايل اريد التهي بشي ماكو

اكو بداخلي شعور غيرة كره حزن رغبة بالابتعاد ورغبة اكبر بالاقتراب

اجت عمة نورية ونجوى اخذن ياسمين لبيت عمي فاضل كالن عمي فاضل يكول خاف يتخاربن هيه ودرة وخذوها وراحو

عمي خالد مادري عباله عدنا ف من شاف عمامي يماطلون حتى يلگون صورة حل شسوة عرف بنيتهم

جان يطلع الشرطة واجة يطالب ببنته والله احنه ماخذينها من عنده ومانقبل نرجعها

من عرف مو عدنا اخذهم لبيت عمي فاضل يطالب بيها والله بنتي ومن حقي اطالب بيها وتجي يمي تكعد ببيتي

وماخذها بالغصب من بيت عمي فاضل ، وبيومها بالليل خابر عمي ارفد واحنه كاعدين يمه

گله بصريح العبارة ... تجيب شيخكم وتجي تعقد لياسمين وهمام لو اذبحها واغسل عارها العاهرة هاي الخلت عكالي بالطين؟ .

ارفد ...جااييين جايين شسويتلهااا؟

خالد ... كضيتها كضيان والكم ساعة اذا ماتجون تصبح مذبوحة ومدفونه بچولة

عمي كلة خوش وسدة بوجهة وركض بهدوم البيت لعمي فاضل موتت روحي بجي ضليت ادك والطم على حظي

بيا خيسة نايم هذا الحظ بيا جيفة ما ادري

كمت ابجي صدري مخنوك وكلبي مقبوض افتر بالحديقة كتبتله من تعقد وتكمل ارجع يمي

احس ماريده حتى يشوفها وهيه على ذمته بديت افور واحس بنار الغيرة وحتى اكره ياسمين

اي كرهتها رغم اعرفها مظلومة ومجبورة حالها من حال همام وعمامي الي انجبرو على شي مارايدينا

رد صار .. ضليت احوم

اباوع لايديني ترجف واكز على سنوني بغضب

مرت ساعة ونص وطب عمي وحدة كتله مستغربة ... همام وين؟

ارفد ... رجع للبيت تعبان

هزيت راسي و نصيت كعدت كتبتله وينك؟ ما رد

رجعت راسلته ع واتساب وينك؟ عنده نت

خابرته ما جاوبني خابرته مرتين ثلاثة بالرابعة يله رد صوته مبحوح

...مو كتتتتلك تعااال يمي حجيت وضربت رجلي بالكاع بغضب

رد ماكدرت

نترت ... شنو ماكدرت خاف عاجبك وضليت يم بيت خالد

رد ... لا انه ابيتنا

درة ... تعال يمي اريدك يمي

همام ... هاي هيَ مسافة الطريق انتظريني ..

سديته ضليت انتظره اجة فات للبيت ركضت حضنته بقوة ابجي

... راح اموت كلبي شب نااار اغاررر راح اموت همام شسوي شسوي

حضني حيل وبعدني عن صدره بوس وجهي بلهفة وقوة

ورجع حضني حيل يشم بشعري اكثر من عشر دقايق هوا حاضني كعدنه بالحديقة ع صفحة محد يشوفنه وضل حاضني بقوة يتنهد

درة ...صعبة عليك ادري وانه جاي اضغط عليك وعمامي يضغطون عليك والظروف ضدنا بس والله موبيدي اغااار اشتعل احس كلبي صار جمرة

حط ايده ع صدري وغمض عينه همس سلامة گلبچ

درة ... ليش ما اجيتلي ورحت

همام ... ما كدرت والله امي خابرتني ورحت

شح نظره عني

درة .. حجيت وياها كعدت وياها

همام ... لا وين شأحجي وياها ليش هي الظروف تساعد اصلا؟

درة. ..يعني لو تساعد جا كعدت وحجيتتتت

همام ... لا يعني قصدي اتفاهم وياها واكللها انتي تضلين اختي وفترة ونفسخ العقد

درة ...وياسمين وين هسة

همام ... يم بيت عمي فاضل رجعت

هزيت راسي وحطيته بحضنه ريحته وغمضت عيني

ضل يشم بيه ويرفع وجهي يبوسه ، حسيت رطوبة دموعه على وجهي انيت متالمة ونزلت دموعي اختلطت ويا دموعه

حط كصته على گصتي مغمض عينه يتحسر حسيت روحي خسرته وهو خسرني وجاي يودعني بهاي الطريقة

بس غالطت روحي وكلت لا درة لا ما تفترگون انتم

حط رأسه على چتفي وگال بغصه

همام ...چنت اخاف يصيرلي الصايرلي هسة .

درة ...همام؟!!!

همام ... عيون همام

درة ... خالد شنو شرط؟

همام ... ما شرط عقدت و بس

درة ... هاا

باوع بعيوني نظرة ندم ضل يمرر اصابعة على خدي

رجفت شفايفه لمهن لداخل حلگه ، تحسر

و گال

همام ... ليش ماكو بالقانون انسان حق انسان وانتي تكونين حقي

تجمعت الدموع بعيوني برطمت وضليت ارجف ، ضليت ارجف وكوة طلع صوتي

...هذا حجيك مال موادع .

سكت ما رد

درة ... خالد شرط تاخذها وتشوفه النيشان لان ماجان مصدك حجي الدكتورة

نصة ما رد ..

درة ... تحجي لا اكوم احرگ روحي وخطيتي برگبتك

هز رأسه ب اي ..

درة ...ايي؟ وانتَ جنت يمها .. شح نظره عني مايكدر يحط عينه بعيني

درة ... همام احجي انتَ خذيتها وتممت الزواج وياها؟

همام ... اي .. تممته وشوفته النيشان ......

لتنسون تصويت + تعليق 🖤

لك ياذا الجمال اليوسفي

.

اليوم امشي عليچ الم كل العگل

الما يمشي وياي لأهلچ ينمطل

گوة مو گوة اريدچ بالحلال خوش زلمة خير واصل وفصل

القسمة ما تمشي بعد عندي رصاص الا حيطان اهلچ انخلهن نخل ..

.... شايلة البردة واباوع من الشباك السيارات صفن سيارة ورا سيارة

وبدو الشيوخ والسادة المعممين والشيوخ المعممين والشخصيات الكبار معارف قصي ينزلون منهن ويمشون باتجاه البيت

يم باب البيت عمامي فاضل وارفد وصادق واسد الله و حسين يستقبلونهم ، يسلمون ويفوتون جوة للديوان

اباوع وبداخلي رجفة ، وعيوني تدمع

ترف ... نزلي يله بساااع بسااع عيب لا يفگدونچ

درة ... يووو شوف منو يحچي بالعيب عيني الصاير مؤدب وعاقل وهاي بوسة تعااي

جرت روحها تنتر ... شمالچ تسودنتي والله يالله نزلي فشلتينا الله يفشل وجهچ

درة ... نازلة روحي جاية وراچ

رجعت اباوع من الشباك الناس كلهم دخلو تقريبا هوَ ماموجود ماجاي يمكن لان داز هاي الناس تخطبني اله مايصير يجي

ماعرف جاي وما شفته ..

عيني على الشارع انترس سيارات ، من بعيد لمحت سيارة سودة بلعت ريگي بقلق واختفت ابتسامتي

هاي سيارة همام؟

طلع فالح من الديوان يركض ورا غيث وفالح مبايله على أذنه ، نزل همام بيده سلاح خرطت خدي بخوف

فالح ركض تلاحكه وسحب السلاح من ايده وغيث حضنه ويجر بي يريد يفوته للسيارة بالغصب

طلع وراهم سداد وتكابل ويا غيث يدفع بهمام للسيارة صعدو بسيارته ورا و صعد فالح كدام وساق سريع وطلع من الشارع بس الترابه ضلت ورا

سداد يحجي ومبين من شكله متعصب ويشمر بأيدينا و غيث حط ايده على كتف سداد حاچاه ودخلو سوية للبيت

اعرف كلهم ضد همام وبالوكت نفسه متعاطفين ويا يدرون بي شكد يحبني بس ...!! القدر ما جان يريدنه سوية

تذكرت كل كسرتي وألمي ومرضي بعد الانفصال ، جنت دوم اسأل روحي اكول هذول الناس الي يعشيون سنوات يحبون بعض وبينهم عقد رسمي خطوبة لو زواج

يكونون قريبين من بعض يتحاضنون و يتلامسون وكلوبهم تكون متشابكة

هو رجلها حلالها وهي حلاله يلمسها و يسرق منها القبل

كلشي بينهم مباح ... ويفهمون بعض وبينهم اهتمام متبادل حب غيرة شغف جنون ومغامرات

ورا الانفصال وين تروح مشاعرهم؟

و بعد ما يطلقهم الشيخ وفجأة وبثانية هذول الثنائي الي كل شي بينهم كان مباح وبينهم عشرة صار كل شي ممنوع ومحرم عليهم

شلون تقبلو هذه الفكرة؟

وشنو مشاعرهم؟

كلها عشتها .. كل المشاعر الحلوة والحب والشغف تحولن كدمات ظهرت على بشرتي و هالات سودة استقرت حول عيوني

والفراشات الي كانت ترفرف بداخلي تحولت الى وحوش تفترس كلبي وتنهش بروحي وتشوه مخيلتي كل يوم

عانيت من مرارة الفراق ، ومرارته تحولت ايام سودة شفتها مايعلم بيها احد غير الله

بداخلي جنت اموت الف موته واتظاهر ان اني بخير و متخطية ..

وهمام الجان حلالي و اني حلاله .. شفته بعد الانفصال ايدينا الكانت تحضني بكل لقاء ترجف

وشفايفه الي تقبلني بشوق مجرحة و عجزت حتى عن النطق ، اجفانه الحلوة متقرحة

واني مو اقل منه ..

حضنت روحي بحزن و عيوني تراقبه رجليني ارتعشن هذني الجانن ياخذني ركض لحضنه هسة ادركن ان الديار ماعادت دياري و ما اكدر اركض والقي نفسي بين الحضن الجان وطني وداري بيوم من الايام

تذكرت كل كلمة وكل لمسة .. و كل ضحكة و همسة بيناتنا ودمعت عيني غصب گدامه

الفراق كان اصعب من ما تخيلت خصوصا بعد علاقة خطبة دامت اكثر من سنتين عشنا بيها لحظات ومواقف

سندني و وكف وياي بالمرة وحلاها الي .. و كان وياي بالحلوة وزادها حلاوة

حسيت روحي مثل غريق متمسك بحبل متين وفجأة انقطع الحبل واستسلم لطغيان البحر و صار يغرق وهو بكل ضعفه

فززني من رحلتي بديار الذكريات صوت فلك وهي تحثني انزل .. جريت نفس عميق و نزلت

البنات بالمطبخ يسون جاي وانه يم بيبي سعدية

كل شوية تصيح ها بشرن ... نصف ساعة تقريبا ودخل محمود

گلتله ... ها يده بشر؟

محمود ... انطوها لـ حـر الدين قبلوا ينطون درة .

درة ... همام احجي انتَ خذيتها وتممت الزواج وياها؟

همام ... اي .. تممته وشوفته النيشان ..

حسيت صوت كسر گلبي سمعه العالم كله ...

فكيت عيوني بصدمة و علامات الخيبة احتلت ملامحي خاب ظني و انكسرت مرة ثانية

تجمدت حركتي و ما عرفت حتى شنو ارد احس مامصدگة واريده يعيد كلامه

جر ايدي باسها ولزم وجهي بأيدينا حط عيونه بعيوني يباوعلي بنظرة حزن وتوسل

همام ...ضغط علينا فقدت عقلي ماعرفت شنو اتصرف جنت ادور حل ورايح لبيت عمي فاضل اگلله نجيب ياسمين ترفع دعوة بس مالحگنه ضغط عليناااا

درة ... جبناء! كوم زلم يخوفكم واحد هوَ ومرأة!

دفعته بنترة وگمت نزلت غيمة حزن على عيوني رفعت اصبعي بوجهة و حجيت بنبرة تهديد

...والله اذا ماتطلگني وتطلعني من ذمتك روحي احرگها وقد اعذر من انذر

همام ...دررررة انطيني وكت ادور حلللل

درة ... حل شنوو همام حل شنووو انته دست كرامتي بالقندرة كرامتي صارت تراب جوة رجلك

تعديتني ورحت عقدت عليها وخذيتتتهااا صاررت مرتك گول و فعل وبعد ماتتگدررر تعوفهااا

همام ... اكدرر والله اكدر بس خلوني اسيطر ترة عقلللل ماضلللل عندي

درة ... كل عقلك؟ ههههه ضحكت باستهزاء و فريت ايدي ما عاجبني كلامه

درة ... الف شغلة صارت براسك هسة اول شي خذيتها ومابينكم عقد محكمة يعني لازم تعقد عليها محكمة حتى تصير مرتك بالقانون ومن تطلكها اكو اثبات لان اغلب زلمنة مايعترفون بعقد الشيخ و عبالهم مجرد خطبة وبالتالي محد ياخذهاا

غير سمعتها الي تشوهت وغير وحدتها راح تنجبر تضل وياها لان بت عمك وسمعتها تشوهت وانذكر اسمها ويا اسمك

وما اكو واحد من ولدنا يقبل ياخذها لان دخلت عليها بعد مايكدرون يحطون عينهم عليها حتى ورا الطلاك

انت من خذيتها ربطت روحك بيها للابد .. جنت بكل موقف وياي تتعرف تتصرف شبيك هسة

او بالاحرى كلكم شبيكم فهمنييي شبيكم ليش هنا كلكم صرتو ماتعرفون تتصرفون

الف مصيبة حليتوها بس من صار مستقبلي وياك مهدد وعلاقتنا واكفة على خيط كلكم عقولكم تجمدت يا سبحان الله و يا جبح حظي الاغبر

همام ... هذا مو بس حظچ هذا نصيبي الأسووود نصيبي انتي لووو تدرررين لووو تدرررين ليش تخبلت وركضت عقدت ونفذت كلام خالد وخذيتها ما لمتيني والله ما لمتيني

يحجي بقهر قطبت حواجبي بغضب ونترت

درة ... انسانيتك ادري ماعندك غير انسانيتك انه اعرفك زين بسسس غيررر حل ماعدكم شمالكم يم حظي ماتعرفون تحلون شي وللعالم الغرب تحلون مصايب

نصة فرك عيونه ورفع رأسه رفع ايده فرها محتار حواجبة معقودة

همام ...شفتتت بيها ورود و ما كدرت خفت تنتحر لو يكتلها خفت اغمض وافتح عيني والكاها غركانة بدمها واعيش بتأنيب الضمير طول عمري ماردت انكسر مرة ثانية بشوفة وحدة من بناتنة تموت هيج ولنفس السبب

درة ... ورود اختي؟ شلوون مااتت وروود؟

همام ... بشفرة شگگت اوردتها لكيناها بالغرفة دمها بكل مكان على الفراش وبهدومها ووجهة ابيض مابي روح ماتت مظلومة ومطعون بشرفها ،، كل الهواجس رجعت من طبيت ولكيت خالد مدمي ياسمين وشفتها مشكوكة وتنزف دم من خشمها وهدومها سود ممبين بيهن جرها وصار اثر دم بمكان جرتها

بهتت، بلعت ريگي باوعتله بصدمة ... لحظة!! مو كلتو تكهربت وماتت بالوڤن تكهررربت ورود

هز رأسه ب لا و ضل يرجف رفع تيشيرته من يم زيكه وغطه وجهة ضل يكح اخذ دقايق وهو مبهوت يرجف و انه مو احسن منه بس ابجي واباوعله ممصدگة الجاي اسمعه ولا مصدكة همام كسرني واخذ ياسمين!

وما مستوعبة اي شييي احس فقدت عقلي

همام ... هية مشكلتها چانت ضحية خبث خالتي لمياء والله رجعها بياسمين بس مالها ذنب ياسمين مالها ذنب فدوة رحتلك ربي شنو ذنبها وينوخذ الدين منهااا شذنب ياسمين وتصير حصاد لزرعته لمياء

وليش بكل مرة مكتوبلي انه اتحمل النتيجة؟ فدوة رحتلك حاشاك تظلم بشررر بس الامر بي مااعرف شني اسمي قدر اسود نصيب قسمة گشرة؟

درة ... تحجي لو شلون ؟

همام ... احچي احچي بس تنطيني وعد وراها تنطيني فرصة

درة ... فرصة شنو؟

همام ... احل الموضوع

درة ... الله كريم احجيلي اريد اعرف اختي ورود ليش انتحرت لمياء شنو سوت؟

همام ... حفرتلها كادت ما ادري شنو اسمي السوته بالضبط بس خالتي لمياء طيحتها مثل طيحة ياسمين لكن بغير طريقة سبحانك ربي وهل رجعت

انه عندي بنت خاله من عمري جانت جامعية وتمشي وتكعد ويا ورود بحكم يداومن نفس الكلية انه جنت اداوم بجامعة باب الزبير و ورود وبت خالتي حنان هم يداومن تربية بجامعة باب الزبير يدرسن قسم تاريخ

جان عدهن طبع مو حلو وهو يطلعن من الجامعة يرحن للكورنيش و للاماكن التعجبهن بدون ما احد يدري وما جان عدهن نقالات ومحد عنده اصلا

من يطلعن ما ينطن خبر الاحد واذا رحت لقسمهن اشوفهن علمود نطلع ما الگاهن موجودات وما يرجعن لوكت الطلعة ارزل اوبخ مايفيد وياهن ضلن على هذا الطبع من اول مرحلة لوكت المصيبة

طبعا هسة تكليلي ليش غلست عليهن اكلج ماغلست حاجيت عمتي اطياف الي هي خالتج و لزمتها حتى كتل كتلتها من خوفها وحرصها انفعلت زايد ومدت ايدها هنا شصار ورود ضاجت مني شلون سويتها وفتنت عليَ و وكعتني بمشكلة ويا امي؟

خذتلها فترة تباوعلي بحقد و مزاعلتني ما تحچي وياي من عدها وبديت احس بورود تغيرت وصارت مو ورود القديمة لا صارت انسانة ثانية تمامً

البنية الچانت تطلع للجامعة مستورة لبسها بدأ يتغير تلبس جواريب وتنزل شالها على صدرها علمود ما تشوفها عمة اطياف وبس تصعد بالسيارة تنزع جواريبها والشال ينشمر ليورة وكل معالم جسمها تبين لان هي صاحبة جسم متروس شوية

بديت وياها بالكلام والرزايل والعرايك ضلت تگلي انت معقد و تزعل مني

مليت منها ضليت احاربها بزعلي و اعراضي عنها لان مايهون عليها ، بس صار عكس المتوقعة كيفت وضلت تسرح وتمرح بكيفها

حسيت ورود خربت و كل خصالها الحميدة تحولت خصال سيئة ! و الشيطان دخل برأسها و هذا الشيطان هوَ حنان

الي بدت تستغل ابتعادها عني و تتقربلي ، حتى ضلت تجيلي للكلية مالتي و تكعد يمي تسولف وياي وتذم بورود

حنان ... اذتني ما ادري شبيها تگول امشي وياي نطلع واني والله اخاف من زعلك وما اريدك ترزلني وارفض بس تكول اطلع وحدي واخاف عليها كمت انجبر اطلع وياها

همام ... فهميني انتن وين ترحن؟ شنو الجامعة هم حلوة ما مكفيتچن لو تعاللي انه اطلعجن بس لا تطلعن وحدچن

حنان ... نروح للكورنيش نسولف ونكرز حب ونضحك ونرجع مانسوي شي بس ... احم ما ادري هاي الايام اكو رجال شكله مضوجني و مخوفني لهذا السبب ارفض اطلع

همام باستفهام ... شبي تحرش بيچن؟

حنان ... تؤ

همام ... جا شبي

حنان ... بس امانة بيناتنا ما تحجي شي كدام ورود احسة يحوم عليها وهي عيونها شو بس طايرة علي يمكن تحبه!!

همام ... تحبة؟ هههههه شتحب منه ورود خطيبتي خ ط ي ب ت ي وتحبني واحبها من الصغر

حنان باستهزاء ... يا حب شنو تحجي انت ترة البنية اذا تحب واحد لو تموت علي بس تدخل للجامعة تعوفه وتضل تحب غيره ولو هو هذا الرجال جبير مو طالب حتى

يطلع عمره نهاية الثلاثينات

همام ... لا تعيدين هذا الحجيي مرة ثانية ماتسويها هي بس ضايجة واكو توتر بعلاقتنا انه راح ارجعها مثل ما جانت

بديت احضر لمفاجأة حسيت اخر فترة مشاكلنا هواي واذا نضل هيج علاقتنة تبرد و نخرب

اشتريت ورد و هدية و خابرت على الارضي حجيت وياها كلتلها باجر اوصلج وياي للجامعة بسيارة ابوي ..

ورود ... بس اسأل امي

همام ... لا تسالييينها كليلها ابو الخط سيارته عطلانة وراح يوصلني همام

ردت وهي مامقتنعة ... اوكي

فعلا كالت الامها هيج واخذتها ثاني يوم وطلعنه قدمت الها الورد والهدية فرحت وعيونها ضحكت قبل شفايفها اطمأنيت و الخوف تلاشى كلت مجرد فتور بالعلاقة وراح ينتهي

فتحت الهدية جانت ساعة راقية لكن مو بسعر غالي لان جنت طالب وابوي بعده يشتغل ويلم بخيره ما واصل لمرحلته هاي من الغنى حتى اخذ منه فلوس ذهب

قوست شفايفها وتلاشت ابتسامتها وعيونها ذبلت بخيبة امل

ورود ... شنو همام تعز عليه الهداية الحلوة توقعت جايبلي كلادة ذهب سوار

همام ... ما يغلن عليچ بس بعد تعرفين طالب و ما عندي راتب بس ولا يهمج هديتج الجاية لو سوار لو كلادة ذهب من هاي العين قبل هاي العين

ورود ... لا ما اريد فقدت قيمتها الهدية اذا انطلبت

همام ... ماكو هيچ حچي وانه هم مو كلش اعرف ان شاءالله اتعلم واشوف شنو اليرضيجن يالنسوان

ضاجت ما فكت ابد ، و بدت تبتعد اكثر واكثر من مرة اروح اشوفهة كاعدة منصية وحنان يمها تسولف وياها بكل جوارحها و ورود مندمجة وتهز برأسها متضايقة

الى ان اجة اليوم الي رجعت بي للبيت لان انه بغير خط مال ولد وهي خط بنات ومو يومية ادري بيها اذا طلعت لو لا مرات ما ادري واغفل عنها ومن باب ثاني هم اتعمد اغفل ماريد تحس روحها مقيدة وياي و تكلي معقد

رجعت للبيت وارتاحيت دك الارضي امي حجت بي وكالت تعال تريدك اطياف

كمت حجيت وياها اجاني صوتها تبجي وتحجي بهمس خايفة

... وليدي ورود ماهي ماعندك خبر عنها عطلانة سيارتهم لو عدها محاضرة اضافية

... لا والله ما ادري؟ بس هسة اخابر على بيت خالتي واشوف حنان اذا رجعت لو لا واذا ماراجعة يعني متأخرات بالجامعة

... اي الله يرضا عليك وليدي

سديته منها حسيت بخوف وقلق و بديت اشك صاير شي ، خابرت ع بيت خالتي وسألت عن حنان كالو نايمة رجعت من زمان

طلبت احجي وياها راحو كعدوها و اجالي صوتها النعسان

حنان .. ها همام شصاير

همام ... وين ورود حنان ما رجعت للبيت لهسة صار ساعة

حنان ... ما ادري

همام ...حنان؟ كزيت على سنوني و حجيت ... تحجين لو اجيكم اكلب الدنيا ادري بيجن كله سويه

حنان ... امي يمي بعدين هية تسولفلك لو باجر

همام ... اكللها البنية ماراجعة تكلي اسولفلك ولج احجييي فضيها وين راحت علمود نتصرف ترة دمي فار هااا

حنان ... متواعدة ويا هذا الشايب طلعت تحبه كتلك ما صدكتني تلكاها ويا هسة الله يعلم وين وانه مالي شغل ترة منعتها بس هية اصرت وراحت

همام بغضب ... شسمة هو هذا شنو تعرفين عنه وما تدرين وين راحو ماكلتلج

حنان. ..ماعرف شي عنه والله غير اسمه صفاء وهي كالت راح يطلعون لل .... ، المكان هذا اله طلع زنكيل ومريش وحبيبتك تدور واحد مريش من تنكته يطيحن فلوس

استغربت المكان جان اسم مطعم جديد وراقي بحي الجزائر سديته وخابرت على بيت عمي كلت لعمه اطياف انه رايح اشوفها بنفسي راجع للجامعة خاف مريضة شي و احجي لعمي خلي يروح لبيت ابو الخط يسأله

طلعت بسيارة ابوي للمكان لگالت علي والطريق جان طويل وامشي بسرعتي وعيني ع شارع تمنيت اشوف حادث وتطلع سيارتهم ويكون الشي العطلها حادث مو غيره بس للاسف ما طلع حادث

وصلت وعيوني ضلت تتجول بالمكان ما لمحتها سألت مدير المطعم عن شخص ثلاثيني اسمه صفاء وهو مالك المكان

گلي ماكو هيج مالك المكان اسمه جواد وهوَ حاليًا ابغداد لان مو بصراوي واغلب وقته هناك يجي للبصرة قليل

طلعت هايم على وجهي للكورنيش وبعيوني ادور ادور تمنيت بس المحها ماكو مالها اثر رغم طال بحثي جنت مثل اليدور ابرة بنص البحر

رجعت وكبل لبيت عمي اسد وجنت بداخلي ادعي تكون راجعة ، شفت خبصة وعمامي نصهم واكفين ،

انه تأخرت اكثر من ثلاث ساعات بسبب طول الطريق و بسبب بحثي عنها

نزلت وجنت متمني يكولون ماتت ولا مسوية شي يسود الوجه ركضت اسألهم ها رجعت

رد عمي صادق ... لا وين

خالد ... لمياء والله بذانها سمعت حنان من كالت ورود مصاحبة واحد وطالعة ويا

علگ ويا عمي اسد ضلو يتعاركون طبيت جوة للبيت عمي فاضل واكف يم التلفون وعمة لمياء تخابر و خلت عمي فاضل يسمع كل شي ......

والكل عرفو ورود طالعة ويا صاحبها وعدها علاقة انه الوحيد الجنت مامصدك مستحيل ورود تسويها

طال البحث ولنص الليل يلة شمروها براس الفرع مدماية واهل المنطقة فزعونه

هنا الجان واضح ياسمين متعرضة لاعتداء وبدل ما يسألونها و يعرفون منها الصاير نهالو عليها بالضرب كل ظنهم هي طالعة ويا وناطيته نفسها بأرادتها وانتشرت بين عمامي ان ورود زنت و نزلت روسهم

عمي اسد راد يكتلها رغم يموت عليها بس ما تحمل و عمي فاضل تدخل ومنعه گله حرام بشرع الله مايجوز قتلها اخذوها لدكتورة من اقاربنة حتى ما تنفضح و جان مخططهم ورا ما تكشف عليها وتداويها يسألونها ويعرفون الشخص هذا منو ومنين ... ويحلونها ويا

رجعوها للبيت واول ما فاتت عمي اسد فار وضل يحجس ويصرخ عليها و يكللها نزلتي روسنة انطيناج ثقة وخليناج تداومين ودللناج تالي كسرت رگابنة

هي انهارت اتذكر فرفحت وجانت تباوعلي بنظرة حزن

طبت ورود للغرفة وعمة اطياف وياها بس تبجي وتضرب وجهة من هول المصيبة ، صحت لعمة وكتلها خليني احجي وياها

ضلت واكفة و انه بالباب وكفت وكتلها بس سؤال واحد ... شلون سويتي هيچ ...

باوعت لعمة اطياف خايفة وبس تبجي ، عمة ضربت وجهة حيل وصرخت ماكو نتيييجة ماتحجي ماتحجي

طلعت تضرب روحها وتبجي و ورود كالت جملة وحدة

... حنان وعمة لمياء السبب

وغطت وجهة تقربت منها ردت مليت توسلت بس علمود تحجي ما حجت

طلعت من يمها كلت لعمي اسد و اطياف

كال عمي اسد .. قصدها لان لمياء خابرت گدامنا لحنان وحنان حجت كل شي وفضحتها

همام ... خاف اكو شي ثاني

اسد ... لا وين شي ثاني ذيييج هية البت مو راده الاهلها بوكتها بعد من حجيك انته

همام ... صحيح

اسد ... ولمياء ماسوت شي بس خابرت حنان وسألتها عمي المرة الحجي لله ماكالت شي حتى جانت خايفة وماتريد تخابر يمكن خافت تنفضح بتها

اطياف ... اي صح كلتلي فصلي الوايرر بس انه وين خالد شافني وكلي وين رايحة وضلت عينه عليه ماكدرت اسويها خفت يكولون امها تطمطم الها

همام ... لا حول ولا قوة الا بالله

طلعت ضليت كاعد بالطارمة اخاف اروح وعمي يسويلها شي وحتى عمي فاضل جان صغير وقوي وعمي صادق ضلو بالدوانية علمود اذا عمي راد يسوي شي يمنعونه

ساعتين وعمة اطياف ضلت تركع بالباب وتصيح تريد ورود تفتحه استغربت و عطت بيهم

غير تشيلون المفتاحح مو كتلكم

اطياف ... والله شلنااه يمكن عدها نسخة ثانية منه

ضلت تضرب بالباب وانه اتوسل وعمامي التمو وعمي اسد طلع المفتاح مو شاله وضمه وجابة ماكدرنه نفتحه

ضليت ادفر بي وانكسر

و شفتها بعيني نايمة و كلها دم ، انه تخبلت وضليت اصيح مظلومة ماتت مظلومة واحجي اخر جملة كالتها بس كلهم جان تفسيرهم للكالته يختلف عن تفسيري

تخبلت ماضل براسي عقل و كلت الهم ورود مظلومة وراح يجي و تطلع بالجان السبب بظلمها

وسبحان الله حنان ورا كم سنة تزوجت وثلاث ايام ورجعت لاهلها وماتت يكولون منتحرة بس ع اغلب مكتولة ماريد اطعن بيها بس واثق هي الجانت موزينة وهي الخربت ورود وكادت الها لان رادتني ومو بس رادتني جانت تغار لان ورود جميلة جدًا

وخالتي لمياء ااخ يا خالتي لمياء متأكد مليون بالمية رادت بت اختها الي لو لبارق لان حتى امي جانت تكول اخذ حنان لو تكول لبارق اخطبلك حنان لان بت اختهن ويردللهن الي يعجبهن ويشوفنه مناسب

جنت حاس هية متفقة ويا حنان وحجي حنان مو صحيح و ورود ما جانت متواعدة صدك حنان موديتها ولمياء تدري لهذا السبب خابرتها واله من يمتة خالتي لمياء حنينة وتهتم لأمر ورود وتخابر حنان علمود تطمن عليها؟

درة ... وانت سكتت؟

همام ... تؤ لاا ما سكتت لعبت بحنان لعب صرت كابوسها تخيلي بس ما اعترفت بشي وجانت تبجي وتتوسل ومصرة ان ورود تحب واحد اسمه صفاء ومتواعده ويا

النوب بساع اخذني المرض وصارت بيه حالة نفسية و صرت لا حول ولا قوة وجع فراگها موتني والطريقة الماتت بيها ومنظر موتها عذبني حملت روحي المسؤوليه رغم انه ما سكتت و شكد حاجيت عمة اطياف علمود تمنعها و حاجيت خالتي حتى تمنع حنان ويستجنن بس ماجان اكو فايدة

غلطي خفت احجي لعمي ويبطلها ويتدمر مستقبلها وانه ادري بيها شكد تحب الدراسة ماردت تكرهني وتعتبرني السبب بانهاء مسيرتها الدراسية

ومثل ما كتلج خفت تموت ياسمين مظلومة مثل ورود

شفت بيها ورود

درة ... ليش احسك تحبني لان اخت ورود وانته لهاي الساعة تحبها وماتريدني لشخصي

همام ... لا والله كتلج فرق شاسع بيناتچن وانه حبيت درة وروح درة و وجه درة ، كتلج بالبداية شفت بيج ورود بس بعدين لا تغير كل شي و صرت اعشقج ويمكن كونج بعيده وماكدر اجي واحجي وياج خله الحب يزيد اضعاف ورغبتي بيج تصير اكبر

درة ... وهسة بعد كل هذا الحب ماراح تنولني

همام ... لا انول ان شاءالله

درة ... تعبت نفسيتي! متخيل شكد احس بضيق وعذاب هسة؟ شايف شعورك من فقدت ورود؟

نفسه شعوري هسة وانه اشوف روحي فقدتك

غمض عيونه بتعب مشيت عنه و بعدها التفتت ... عادي تكلي سبب الخلاف بين امي نهلة وخالتي

هز رأسه ... امج نهلة كالت لاطياف انتي مو كد المسؤولية وما راح تحتوين بنتي رجعيها الي بس خالتج رفضت وصار بينهن خلاف بالاخير امج عافتها بس مو من كلب راضي

درة ... وليش تكرهنا خالتي انه ماشفت كرها بس سمعت ماتريدنه

همام ... يمكن لان بنات ضرة اختها؟ الله يعلم

درة ... اليوم انصدمت هواي صدمات واحس المصايب خنگتني الله اكبر يمتة ارتاح انه؟ ويمته تخلص صدماتكم الي شنو عدكم بعد ياريت تحچونه هسة وتفضوني خليها بفرد يوم اموت وارتاح

همام همس بعجز ... اسم الله عمرچ طويل

درة ... اسمع همام هسة انه رغم السويته بس بررتلك وفهمت كل شي وانطيتك عذر وراح انطيك فرصة اخيرة تحل بيها كل شي

اسمعني انه مال اتزوجك وعلى ذمتك مرة ثانية كطنة وشيلها من اذنك ف دور حل مناسب ماتظلم بي ياسمين وما تكسرني ومستعدة انتظرك بدل السنة سنتين المهم انطي فرصة اخيرة لـ حبنا

تنهد و هو يباوعلي بعجز .. انه ويا ندري ماكو حل غير طلاك ياسمين و بعد الصار طلاكها والتخلي عنها صعب

بس انه اجذب على روحي واگول تنحل وهو يجذب على روحه وكام يدور حلول

طبيت للبيت مكسورة كلهن واكفات منتظرات دخلتي انهاريت بجي عرفت عمي حاجي كدامهن و عرفن بالصار ، شهدن انهياري بذيج الليلة السودة

شافن دموعي وشهگاتي وحسراتي و كل صرخاتي المكتومة ، انفتح الباب وطبت بيبي سعدية وانه بنص الهول كاعدة ابجي مكسورة

سعدية ... اجيت اشوفچ يدة ادري الصار بيج ماهو سهل بس ربج كاتب كل شي والمكتوب على الجبين لا بد تشوفه العين

درة ... وليششش بس انه مكتووبلي كل هذا العذاااب ليشششش ليششش بس درة المصايب تنزل على راسها تنخططف ويتحرشون بيها وتتعرض لمحاولة اغتصاب وتنجبر على واحد ماتريده وبس حبته وبنت علي احلام وردية بيت وعائلة وبدلة عرس ، راح من ايدها طاررر وانتم تصيحون قدر وقسمة يا قسمة جا بس انه هيچ قسمتي ؟

سعدية ... لا تكولين هيج يده الله ضاملج بعد كل هذا العذاب والأذية عوووض جبيييررر يخليج تسجديله شكر وحمد

بس حطي عينچ بعينه وشوفي يله يمة كومي غسلي كومي مابياش جا كومتج وغسلتلج ترف جيبي ماي وطشت

سندت روحها على ايديها وكعدت كبالي جابت ترف ماي باوعتلها عيونها حمر من البجي

صبت ع ايد بيبي ماي وغسلتلي وجهي

سعدية ... ذبي حمولچ على الله هوَ ادرى بينا ويعرف شلون يخطط النه وما يحط واحد غير بالمكان المناسب اله وماينطيج اقل من حقج ، وما يقسملچ واحد الا وهو يعرف هذا الراح ترتاحين ويا

انتي نصيب واحد بهاي الدنيا وقسمته وحگه بالدنيا تفترين تفترين وترديله ، الحگ يرجع لأصحابه

وعد ... حجية؟ شو جنچ مأيسة

سعدية ... جا الواحد يباوع زين ويشوف بعد الصار ما اظن تنحل بينهم

واذا رادو يحلونها يطلك ياسمين ، وما اشوف يكدر يهدها بعد صاررت امانة بركبته وسمعتها خربت ومالها احد غيره من اليوم للموت

وعد بحزن ... شسالفة ماكو حل

سعدية ... تاخذ على شرج؟ صعبة بت عمها وبحسبة اختها مو غريبة ثنينهن يتلوعن وهو ثالثهن والمصايب تزيد ماتقل وبنات هذا الوكت مو مثلنا كبل نحمل الضرة

درة ... اريد انام .. حجيت بهمس

رهف ... كومي وياي للغرفة اخذتني من ايدي نومتني وغطتني ضلت تفرك بايدي وتحجي وياي

رهف ... الله كاتبلج شي احسن من الخسرتي الحمدلله والشكر على كل حال

وخلي يكون بعلمچ همام حاله من حالج انظلم شوفي هاي القضية بيها اكثر من طرف مظلوم ف لا تخلين الحزن ياكلج ولا تشوفين روحچ الضحية الوحيدة

اذا باوعتي وشفتيهم شلون انظلمو وياج راح يخف الالم

فكري بياسمين رادو يكتلونها وقارني الصار بيها ويا الصار بيج تذكرين انتي شلون كلنا احتويناج وحتى عمامي اخذو حكج ومن صارت سالفة مؤمل الكل واكف وياج ومحتار بيج ، شوفي شلون الكل سندج

وباوعلي لياسمين ابوها راد يذبحها وماعدها لا ام تدافع ولا اخو

والعمام مايكدرون يتدخلون لان عدها ابو مسؤول عليها ويكدر بكل بساطة يذب ورقته ويطلع من العشيرة علمود محد يتدخل بي ويكتلها غسل عار

همام جان حبل نجاتها الوحيد ، حالة انسانية هاي درة هاي روح بنية وسمعتها وشرفها

وتدرين عمي ارفد شنو كال

هزيت راسي ب لا

رهف ... يكول خالد كال لهمام اجي وياك للبيت تاخذها وتحط نيشانها بايدي تخيلي خالد كاعد بالهول ينتظر همام ياخذها و همام مايقبل يدخل وعمي ارفد مدخله عليها بالغصب

فكري بشعور ياسمين وهي بهاي الحالة فجأة تصير على ذمة واحد مايحبها وبحياته وحدة ثانية وينجبر يعقد عليها و ياخذها واذا ما قبل بيها وما عقد ابوها يكتلها غسل عار متخيلة شكد صعبةةةة

وشلون دخلو عليها غصب وطالع من يمها ناطي لنيشان لخالد عمي يكول ياسمين ميته بجي منهارة كلش حتى متخربطة وماخذينها هناء وبارق للمستشفى عدها انهيار عصبي المسكينة

درة ... ضميري احترگ بنار غيرتي ومات ..

رهف ... اي الغيرة تموت بس لا تخلينها تكتل ضميرچ خوش ادري بيج مسكينة وحقج تحجين وتكولين ظلموني بس شتسوين حالها اصعب من حالج بالف مرة تنازلي عنه وكسرچ الله يجبره

واذا مستعدة تضلين ويا على شرج ضلي محد يمنعج بس صدكيني صعبة تموتين من الغيرة والهم وتاليتج عايفته حتى ترتاحين من نار الغيرة

درة ... ولج والله لو غريبة اضل ويا بس بت عمي ما اكدر

رهف ... اي ليش اكلج تنازلي هاي المرة وطلعي بخساره الله يعوضج بعدين

درة عبري النهر مادامة ضيگ لا تتهورين وتخلين المشاعر تتحكم بيچ وترحين تقبلين تكملين ويا وهي على ذمته ... انه حذرتج وانتي بكيفج

تحملي نار فراكه هسة اهون من بعدين لان الرجل بس يدخل عليج معزته تصير اضعاف بعد انه اكلج حتى تكونين بالصورة

درة ... الله كريم

رهف ... يله حبيبية نامي وارتاحي رايحة لمنتظر سمعي كاعد يبجي خطية

هزيت راسي طلعت ضليت محتركة احس جواي نار حطيت راسي بالمخدة ضليت أون بوجع واحس بنار بنص روحي تحرگ بيه ، بكل شهگة اشهگها احس روحي تطلع وترجع

جنت اتألم وحايرة ما اعرف شنو اسوي

الف فكرة وحل براسي جنت اكول اضغط علي واخلي يطلگها غصبًا ماعلي ويجي يكمل وياي لان انه الي حق بي والي حق اطلب منه يطلكها انه زوجته الاولى وحبيبته وخافقه و كلبي مربوط بگلبه بقيود العشق مو مشكلتي اتحمل نتائج خبث سماهر

ومن جهة ثانية اگول لا حرام عليج ذكري روحج من صرتي بموقف مشابه وشوفي شلون الكل سندچ وصار بظهرج عكسها مسكينة محد سندها وهسة مالها احد غير همام

وارجع اكول لا خلي يطلكها وتضل يم خالتها هناء شنو يعني تموت لو خالد يكتلها مايسويها بعد

وگلبي يكول تشوهت سمعتها وتهموها بعلاقة ويا همام وهنا ناسنة تدور الزلة ع بشر يعني هسة بعيونهم صارت عاهرة ومحد يريدها

وتضل طول عمرها وحيدة لا اخ لا اخت لا اب ولا ام وحتى زواج متتزوج ، وانتي درة عندج كل هذول هي ماعدها

وكرامتي تنتفض وتكول ليش تفكرين اذا انفصل عنها ترجعين طبيعي ويا وتكملين ترة هذا دخل ع مرأة ثانية وانتي على ذمته

وانسانيتي تخاطب كرامتي بعنف .. هاي بشر وجانت راح تنكتل كاافي مو كل العالم صار ضدها كاافي الله يعلم بحالها هسة يمكن حتى ماتت واحنة مندري

كافي لا تدورون يمها كرامة وكبرياء وهي انهانت كرامتها وانجرح كبريائها وانداست بالرجلين

رهف ... طلعت من يمها وسديت الباب عمو واكف مكتف باوعلي بنظرة اهتمام ورفع حواجبة يسأل

رهف ... تريد تموت مهضومة ومتحطمة

ارفد ... لا حول ولا قوة الا بالله حسبي الله بيك خالد دمرتنا

وعد بنتر ... وانتم مالگيتو غير هذا الحل شنوو ذنبهااا هااا گلي شنو؟ ماصايرة هاي جبرتوها علي كلنا ميخالف لمصلحتها بس من حبته وتعلقت بي اجيتو حطمتووو كل شي وكسرتوها

ارفد ... تنترين بوجهي انه شلي شغل ؟ هو انطانة فرصة انطانة ضيم مالحكنا كفيلج العباس هذا همام جان رايح لفاضل علمود ناخذ ياسمين ترفع دعوة ومن رحنة علمود العقد والله همام بالدرب كال نعقد بس ورا العقد نسويها محاكم ونوكف خالد عد حده .. بس ماكو خالد شيطااان ما انطانة مجال كله اريد نيشانها الليلة

سعدية ... هسة هوَ الدم هيچ صعب يجيبه همام ، هو خالد شمدري وشمعرفه هذا دم البكارة لو غيره

ترف طفرت للغرفة عمي جاوبها بقلة صبر

... هوَ شني خله خالد فقدنه عقولنه وحك الله انتن لو شايفات حالها جا صرتن بالضيم حالچن من حالنة

وعد ...انتم عدكم غير غاية اعرفكم خبز ايدي

سعدية ... حگهم والله

وعد ... اي ياسمين خطية وصارت بمعزة البنات بس ليش ينكرون هم شافو البنية راح تضل ومالها احد وهمام عقد عليها بعد هذا حطوها براسه كوة علمود مايعوفها بعد هسة كالوها كدرو ينفصلون ورا مادخل عليها ، راح يظلمها ويظلم روحه

لو ماخذينها لواحد مايحب وما مرتبط وگلبه خالي مختلي جا سهلت علي و على ياسمين وحتى يكدرون يعيشون طبيعي

ارفد ... مو هو كدامج الا همام ماقبل الززلمة ماقبل قافل

وعد ... مو علمود ياسمين ولا علمود الفضيحة علمود الطمع شاف همام بدا مشروعه بالبصرة وجاي يمشي على خطاك وراح يصير غني وجيبة ثگيل استغل الوضع

وتشوف وهاي الحجية كاعدة وتسمع اذا مو فترة ويجي يطلب ويا ياسمين صلح خالد مايعوف ياسمين والورث الضل من امها ولا يعوف همام وفلوسة

لازم يطلع منهم بفايدة لو مشروع وشراكة

سعدية ... الله ينتقم منه ابو فليس .. اخ يدة رهف جيبيلي فراش ذبيلي هنا انامن ماروح الليلة بالي يضل يمها لمكرودة هاي الماعدها حظ

رهف ... كومي جوة نامي يمنا بالغرفة بفراشي

سعدية ... لالا عوفيني انه عاجبني هنا انام

بيبي نهت كلامهم من طلبت تنام جبتلها فراش فرشت الها امي وجهة محتقن و عمي ارفد هم

طبيت لكيت درة نايمة تمددت ونمت كعدت ثاني يوم فتحت عيني لكيتها كبال المراية تعدل روحها باوعتلها مستغربة التفتت شافتني رفعت حاجبها بتساؤول

رهف ... مبدلة

درة ...والله عندي امتحان ضروري اروح وحتى مادارسة زين

رهف. .. بس انتي درستي اليوم بيومة ومضبطة هسة تذكرين كل شي

هزت راسها باوعتلها مو مثل كل يوم اليوم مالها خلك وكلش متغيرة وحتى تبهذلت هاملة شكلها

راحت للدوام كعدت ترف تقرا دوامها عصري ، سويت ريوك وكعدت النايمين

عفتهم يتريكون وشلت منتظر غسلته وبدلتله واجيت اريگه حسبي تاخذني وحسبه تجيبني

والايام بدأت تمر يوم جر يوم ودرة ذبلت اسبوع واحد بس انخرطت خرط حتى عافيه ماضلت بيها

دز عليها عمي فاضل ورفضت تروح كالت بعد يا عمامي ما ادخل لبيت احد منهم ولا شي وكوة عليها ضاله هنا لو بيدها تهج وما تشوف احد

ثامن يوم عمي فاضل ذب بروة من عمي خالد (تبرأ منه وبعد ما الهم علاقه بي حتى لو انقتل مايطالبون بدمه)

و عمي ارفد ضربه الضربة القاضية من سحب شراكتهم و راح يطلعه من اغلب مشاريعهم المشتركة وباعتبار عمي ارفد صاحب الاموال والحصة الاكبر يعني خالد راح يخسر خسارة جبيرة

طلعو خالد منهم كلششش و بعد ماكو مكان اله بيناتهم وماكو شي يربط خالد بيهم غير ياسمين الي هو اصلا مقاطعها

وضع ياسمين ويا همام مانعرفه بس حسب حجي جمانة كالت همام يم اهلي كاعد وما جاي يجي للبيت

ضال يم فالح

وياسمين حابسة نفسها بالغرفة تكول ع ساعة نطب نلكاها ميتة لان لا تاكل ولا تشرب و بس تبجي مهضومة

هنا درة ادركت شي شگد ما همام يحبها ويموت عليها بس ماراح يگدر يعوف ياسمين وهيه ضلت مالها احد غيره

درة سوت شي واحد لهت نفسها بالدراسة شغلت عقلها كلش ضلت تشرد من التفكير للدراسة وبالحقيقة التفكير جان ياكل بروحها وعافيتها وانسلت سل صارت جلد وعظم بوجه اصفر وعيون محاوطتها الهالات السود

درة ... يدز رسائل و يخابر ذبيته صامت وتجاهلته مدة عشرين يوم و العشرين يوم صارت شهر ونص والوضع سكته ما انطيت اي قرار و لا احد تدخل وسألني عن قراري يدرون بيه جاي اموت واحترگ من جوة وبداخلي براكين متوقدة

الحزن ياكل بيه اكل وكل يوم احس الفراغ بداخلي بدأ يكبر واكره روحي خلصت امتحانات وكل عادة اقرا كم الرسائل الهائل الدازهن واتجاهلهن ما ارد شكد اجة وطلب يحجي وياي اقفل باب الغرفة ضل يدك الباب ويحاجيني من ورة الباب وما ارد

اعرف بي ماجاي يكدر يطلكها وبذات الوكت يريدني

بس لازم يصفي باله ويختار وحدة من عدنا لان من سابع المستحيلات ترهم ونصير انه وياسمين شرايج

ماترهم ابد والكل متفق على هذا الشي

صرت صلفة مثل ما راح تگولون عني هسة ، اي صلفة وتجاهلت الكل شكد عمي فاضل دز وراد يحجي وياي بس مارحت ولا حتى بالمبايل قبلت احجي ويا وماردت اسمع حتى صوته

لان انطاني وعد كال قبلي بهمام وتعيشين بسعادة واحنة نرده اذا اذاج

تالي الاذية ما اجت من همام وحدة اجت منهم كلهم

يعني شنو عمي فاضل مايكدر يكول لهمام حل سالفة الدم وراها يدبرون حل؟

بس هم عرفو بعد فضيحتها لازم تنستر وشافو انسب شي تضل ويا همام ودرة؟ شنو نمونة درة واذا انكسر گلبها طبها مرض ماشايفين درة بشر وعدها گلب ومشاعر

كرهت كل الناس و كمت اكره اباوع حتى لروحي بسبب بشاعتي وكل ما اكول كافي درة رجعي لقديمة كومي رجعي روحج وشكلج وبس اوكف على رجليني واتوجه للميز اريد اباوع لنفسي يخدرن رجليني واحس بعجز وارجع اكعد منصية راسي و كلبي يعتصره الألم

رن مبايلي برسالة من جمانة باوعت وقريتها رأسن "ولچ ياسمين طلعت حامل بعد هذا الحظ من يعكس ويا البشر"

لزمت مبايلي بأيد ترعش اريد افتحها وكبل انحذفت

كتبت لجمانة شنو حذفتي

كلتلي دزيتلج شي بالغلط

عرفت جمانة جاي تبلغ احد بخبر حمل ياسمين الي كطع اخر خيط امل بيناتنا

كتبتلها لا احجي ترة شفت ياسمين طلعت حامل لو السالفة مابيها درة وكلب درة جا ما حبلت بس بعد درة بالموضوع طبعا تحبل

ردت جمانة '' والله يا درة ياسمين لحد هسة تبجي متأثرة لان همام تعامل وياها اسوء معاملة كالت اغتصبني اغتصاب بكل غضب وعنف جيف جان فاقد وتخيلي هذا الطفل الي ببطنها صار بنص عياط امه وهضمها وكسرتها وغضب ابو وجرحه مو عبالج همام رجع نام وياها لان من ذاك اليوم لهذا اليوم مانام بالبيت كله يم اهلي يم فالح ''

انهارت كل اعصابي واخر ذرة صبر و امل عندي احترگن ضليت املخ بروحي تملخ و كبل صعدت لغرفتي جريت كل هدومي المشتريتهن اريد البسهن اله خصوصا هدوم النوم

ونزلت ذبيتهن بالحديقة رشيتهن بنفط وحركتهن وسط انظارهم

كعدت كبالهن اشوفهن يحتركن مثل احلامي وابجي على حظي مهضومة

تخيلت بذيج الليلة حضني وباسني وقبلها جان يمها نام وياها

ردت اذب على روحي نفط واحرگها وارتاح من عذابي بس گلت ربي انطانياها امانه وانه عذبتها هواي ما اختمها بموته ماترضي ربي اخليها ورا الله بلكي ياخذ روحي بسرعة ويريحني بلكي الله يستعجل بقبضها ارررريددد ارتاححح

صرخت بقهر ... ربيييي تعذذذذبببت فدوة رحتلللك ربي تعذذذبت بعد ما اكدرررر اتحمل راح اموووت ليشششش مو حبيته وتعلقت بي وتعلق بيه وصرنه كلب على كلب

رهف ... بعد روحي كافي عذبتي روحج شهر ونص روحج راحت كااافي الله يخليچ رحمي روحج حرام الجاي تسوينه

وعد ... كومي يمة كومي وحمدي ربج وشكري لان اله بيها حكمة واردة ربج ما قسم تفتركون عبث

رهف ... بس احجيلي ليش تنااشغين ولج مردتي كللبييي شبيييج

درة ... ولج اخر خيط امل بيناتنا انكطع بعد مايكدر يعوفها انربط بيها ياسسمين حاامل ، حاامل من رجلييي اليحبني انه ومااايحبها وگلبه الي الي وما راح يصير الهاااا لو تمووت

رهف ...دمررتي روحچ راح تموتين ولج فرفحتتتي راح يوكف كلبج

وعد ...تهسترت درة خابريلنة احد رهف خابري عمج ارفد يجي راح يوكف كلبها وتموت

رهف ... اوكي .. ركضت للبيت ايدي ترجف خابرت عمي ماجاوبت رجعت خابرت هاني جاوبني بسرعة

...تكدر تجي النة اذا فارغ

...اي ماعندي شي جاي بيكم شي درة؟

...تهسترت حركت ملابسها مال العرس وضلت تفرفح تملخ بروحها وتبجي لان عرفت ياسمين حامل

خاف يصير بيها شي تعال فدوة

... مسافة الطريق

سديته منه شوية وخابر عمي ارفد كلي ها

...كتله وينك عمو بس درة كلش تعبت تكدر تجي

...ابيت فاضل انه

....وانه خابرت هاني راح يجي فدوة تعال انته هم مادري شصار بيها بس تخبلت كلش لو تشوفها عمو عبالك ماعدها عقل مقهوورة لان عرفت ياسمين حامل

...ياسمين حامممل؟

...اييي

...اخ جاي عمي جاي راح يموت واحد والله من ورا خالد راح نفقد واحد من هذول الثلاثة

سد الخط شوية واجو سوية بنفس الوكت هاني وبيبي سعدية وعمة نجوى وعمي فاضل وارفد

شافوها بعدها تفرفح تهسترت ما جنت متوقعة درة هيچ حابته ومقهورة لهاي الدرجة توقعت شغلة وكت وتنساه وتتأقلم

دفعت ايد عمي فاضل بغضب وكلتله كله منك انت سبب دماري وين ترحون من الله دمرتوني دماررررر وكسرتوني ولعبتو بمشاعري روحو مبارك عليكم راح تخلفلكم ياسمين طلعت حامل ، هسة تجيب وتفرحون وتهوسووون وشكو عليكم ودرة محد يعلم بيها غير الله

كملت حجيها وكامت ركض للبيت قفلت الباب على روحها

بدينة هنا معاناة جديدة ورحلة جديدة ويا درة ومرضها ضغطها نازل وضالة ع مغذيات

شكد اجة همام يشوفها ترفض وكالت اذا يطب من الباب ويشوفني اكتل روحي وابليكم

عمي ضل من الباب يطرده يكله روح بابا اتأقلم على الفراگ بعد هذا مصيركم

همام جان مو احسن حال من درة هم مسلوبة عافيته ومسلول سل لا ضل وجه لا ضلن عيون حال الضيم حاله

مرن شهرين شوية درة صارت زينة ، و وكفت على رجليها

اول شي طلبته يجي همام يطلكها و تنتهي ويا لان هو صارت عنده حياة وزوجة

التمو عمامي وطلبو منه يطلگ رفض وكال على جثتي ما اطلگها لو اعرف اكتل وانكتل ما اعوفها

كتبتله درة ...ادري بيك شنو وادري بيك تحبني وانه هم احبك ولهسه احبك بس مو بيدنا هذا قدرنا طلكني همام ولا تعوفني هيچ معلكة حرام عليك اريد اتطلك علمود اتقبل قدري وانساك اذا اضل ع ذمتك ماراح اتقبل واضل بعذابي

بقت يمك عندك عادي درة تتعذب وتضل تحترك يومية؟

رد عليها ... لا مو عادي ، انه جاي اموت بفراكج ثلث اشهر ونص ماشايفج حتى عيوني عطشانة لشوفتج وماترويها الصور

درة ... انه مو انه يا همام انه صرت غير وحدة تغيرت رسومي وتغير كل شي بدرتك وياقوتك انكسرت وتشظت، ارحمها هسة واعتقها من النار

همام ...بشرط .. اشوفج مرة اخيرة واشبع من حضنچ اذا عفتج بدون موادع اموت واذا خليتج معلكة هم اموت

درة ... هذا هو بس ماريدك تلمسني شوفني ونحجي وبس

همام ...ان شاءالله

درة .. اجة همام يشوفني طلعت اله بس شافني فك حلكة بصدمة

... شصاير بيچ هيج فراگي معذبچ

نصيت راسي ما رديت تقرب مني رجعت ورفعت ايدي امنعه يتقرب ... لا توصلني همام خلينه هيج لا ترجعنا لنقطة الصفر ، انه ماعندي حجي احجي انت اذا عندك احجي

همام ... انه مسجون درة سجينچ

درة ... همام قدرنا هذاااا

هز رأسه متألم

سألته بخنگة

درة :- بعدك تحبني؟

باوعلي نصة و رجع رفع عينه ..

همام :- بعدني احبچ ،، اكيد

شهگت وفاضت دموعي مسحت عيوني بساعد ايدي اشهگ

درة :- چذب ما تحبني لو تحبني چا حافظت على گلبي الوهبته الك وما كسرتني ، الله يكسر گلبك مثل ما كسرت گلبيييي

همام بحسرة :- حالي مو احسن من حاالچ يَ درة ..

درة :- اي مو احسن تنام ليلك و بحضنك مرأة غيرررري همام غيرررري تحططط رأسهااا هناااا

اشرت على صدره ودفعته بغضب ودموعي تجري

مو بس تناممم هنا مثل ما جنت تشم بشعري هسة تشم بشعررها وتلعب بي والغزل والاهتمام والدلال صار الها روح الله لا يوفقك بيت نعماااان من صغيرررركم الجبيرررركم عذبتوووووني الله لا ينطيكم العافية لعبتو بيه وبمشاااعري اطلع انته هم المن جااااي تشمت بحزني؟ لو بحالي اطللع

همام :- چا وذاك العشگ درة؟!

درة :- حرگتو بضعفكم ، بضعععفكم همام گبال واحد زفر قذر وجبان انتم اضعف من الضعف نفسه وما غلطت رهف من گالت عگلكم كشخة وشواربكم ديكور وشعر زايد لان ماتعرفون تحلون مشاكلكم الا بغلط الا بغلططط

همام :- زين حجيج صح بس شنو احلفلج ماانام يمها بالغرفة جنت يم بيت عمي صادق وهسة بالاستقبال اخمد وعساني ما گعدت

درة :- لا تدعي كااافي كاافي شنسوووي مكتوب النه نتعذب طلكنييي وفضهاا

همام ... تدرين شي انه احبج لأي حد

درة ...ماكو فايدة عرفت او ماعرفت

همام ...حتى تذكريني وتذكرين شكد احبج

هزيت راسي كمل ... احبچ لدرجة ادري بيج شردتي و جنتي يم حر بذاك اليوم شلون و وين ما ادري بس سمعت صوته جنتي تحجين ويا وما جنتي ترديني

سمعت بأذننني بس كد ما احبچ غالطت روحي وكلت همام جاي تتوهم مو صدك السمعته

نصيت راسي مقهورة وهمست ... وراها حبيتك و لو ماحابتك مو هذا حالي جنت طايشة

هز رأسه بقهر ... ادري ماعندي شك وشني القاهرني انه اكول ماصدكت حبتني اخسرها

القاهرررني نحب بعض وراح نتفارك غصب

درة ... بعد راح يصير عندك طفل وانت هسة عندك غير مرة مايفيد هذا الحجي

حضني وشم رأسي وهمس ... الطفل المايجي منج ما اريده درة طلاك ما اطلكج خلينه نتزوج ميخالف الكلب الج والاهتمام الج وكل شي بهمام الج

دفعته خفيف من صدرة ... لخاطر الله عوفني طلكني ما اريد اكمل بهيج علاقة اذا تعزني وتريد راحتي تعوفني لان انه وياك حتى بالاحلام مانتزوج

هز راسه متحسف عفته وطلعت و طلبت من عمي يگله يستعجل اخذله اسبوع بعده رافض بس قنعوه واجة همام جاب الشيخ وطلكني وحتى شوف ماشفته جنت منصية ودموعي تارسه عيوني ...

ترف ... مرت الايام البيت جوة متكهرب لان درة نفسيتها تعبانة وماتتحمل حتى روحها

خلصت العطلة وداومنة انه خامس و درة مرحلة رابعة ، الايام متشابهة دراسة وتعب وكعدة من الفجر ولعبان نفس بس مع هذا صابرة ومتحملة اهم شي احقق طموحي واصير دكتورة اسنان

جنت ادرس بكل جد و جهد اجت امتحانات نصف السنة و هلكت روحي زايد كلة في سبيل اجيب التسعينات والمية

بأخر امتحان المديرة تفتش لان اخر يوم بالامتحانات تصير مخالفات مثل كل سنة ليش ما ادري انه ماجنت مخالفة زين ومني غاسلة وجهي

وصل التفتيش الي لزمت كصيبتي من ورة وكالت شنو هاي انتي شاطرة مخلية كماشة جبيرة

ترف ... لا ست هاي كصيبتي لافتها

رفعت حجابي شافتها كالت ماشاءالله ونصتها بأيدها من ورا لان مرفوعة الكباية صايرة مثل الكماشة ام الوردة

عافتني المديرة و رجعت اكتب كملت امتحاني و طلعت من المدرسة شفت مهابة حبيبة حمودي ابن عمي انطتني رسالة اوصلها الها صايرة طير زاجل الهم

حطيتها بمحفظتي ورجعت اتمشي على كيفي للبيت بنص الطريق ولمحت ثنين زعاطيط طلعو بوجهي شايلين حجار ويردون يشمرون عليه عود يخوفوني

... روحي انتي منين روحي لغير درب

...ولي لا اطلع ضيم الفيزيا بيك وليييي

...انتي ولييي لا ابط راسج واخلي دمج يسجب الدبسة

...وين اهلك انتَ ما ربوك صدك ماعندك اخلاق اذا ما تغديت بيك قبل لا تتعشا بيه

اباوعله وجهة املح وشعرة كله تراب ورافع حجارته

ماكلت باطل دنكت بسرعة اخذت حجار حسيت بظفيرتي انفتحت و نزلت على ظهري ، رفعت ايدي حيل اريد اشمر عليهم الحجار وهم صرخو خايفين وركضو تهيئت للركض وتوني حاطة رجلي اريد اركض وراهم واشمر الحجار ..

و حسيت كصيبتي انجرت من ورة التفتت بكل غضب عيني صارت على ايد واحد اسمر لازم گصيبتي ولافها على ايده وجارها

رفعت عيني على وجهة مبتسم تك خد و عيونه ثابته على وجهي وگال مبتسم

جاسم :- طاال الفراگ يَ ترفه .............

حسيت بظفيرتي انفتحت و نزلت على ظهري ، رفعت ايدي حيل اريد اشمر عليهم الحجار وهم صرخو خايفين وركضو تهيئت للركض وتوني حاطة رجلي اريد اركض وراهم واشمر الحجار ..

و حسيت كصيبتي انجرت من ورة التفتت بكل غضب عيني صارت على ايد واحد اسمر لازم گصيبتي ولافها على ايده وجارها

رفعت عيني على وجهة مبتسم تك خد و عيونه ثابته على وجهي وگال مبتسم

جاسم :- طاال الفراگ يَ ترفه ..

ترف :- صخام عبالي غريب لو ما صوتك ما اعرفك شني هاي صاير خبزة محترگة هيچ الحشد يسوي بالزلم

جاسم :- هههههههههههه اي والله واكثر من هيچ بس ضميلنا هاي الگصيبة ابوي انتي وگليلي شبيچ تعاركين وانه عبالي الگاچ صايرة عاقلة

ضحكت و جريت گصيبتي من بين ايده ودخلتها جوة صدريتي و عيني علي لابس فانيله نص ردن سودة والسروال مرقط وبسطال جيش

وشايل على كتفه سلاحه و جنطة ملابسه

وجهة صاير اسمررر ، ومبين التعب بكل ملامحه

جاوبته مبررة موقفي :- هذول الملايكة اعترضو طريقي ويردون يضربوني غير ادافع على نفسي يعني صرت عاقلة بس مو لدرجة الي يضربني انطي خدي الثاني وابوسة

جاسم :- لا حقچ شنو يا صف صرتي؟

ترف :- خامس

جاسم :- امشي يله .. رفع ايده يأشرلي ع طريق مشيت وهو بصفي

الله يوفقج نص السنة مو

ترف :- ايي اخر امتحان اليوم الحمدلله خلصته ادعيلي اجيب درجات عالية

جاسم :- ان شاءالله تسفطينهن ميات شنو تريد البطلة شنو حلمها ان شاءالله

ترف :- مممم ما حاجية لأحد من يتحقق حلمي احجي مو هسة

جاسم :- تخافين تفشلين

هزيت راسي ب اي

جاسم :- ماكو فشل ان شاءالله شدي حيلج والله يكتبلج المقسوم الچ محد ياخذ غير نصيبة من هاي الدنيا

ترف :- خايفة اتعب اتعب وتالي ما يتحقق الحلم واضل بقهري وحسرتي ويضيع كل تعبي

جاسم :- حاشاه ربي مايضيع تعب واحد الله اذا ما انطاج التردينه معناها يعرف مو مناسب الج ويعرف مكانج الحقيقي وين وراح يجيبج ويحطج بمكانچ المناسب الچ

ترف :- ان شاءالله زين انت شلون ودراستك ليش عفتها

جاسم :- عندي شهادة كافي مالازم اخذ الثانية

ترف :- بس انت طموح وعندك احلام حرامات تعوف احلامك

جاسم :- ذرة من تراب العراق تسوة الف حلم ومليون شهادة بالنسبة الي وانه بعدني احلم بشهادة بس هاي المرة الشهادة الاحلم بيها غير ..

ترف :- يعني شنو تريد تصير ضابط لو قائد بالحشد؟ هم اكو شهايد هناك

جاسم :- تتغابين ترف؟

ترف :- مرات الخوف يجبرنه نتغابة على امل نسمع جواب غير المتوقعينه

جنت احجي بأهتمام باوعلي و ابتسم ..شح نظرة عني للطريق و رد

جاسم :- لا هاي المرة الشهادة الرايدها ترفعني لأعلى مقام وتنطيني احلى حياة تنقلني من جحيم الدنيا لجنات النعيم ، انه رايدها وراح انولها

ترف :- وانه؟ مارايد تنولني؟ ضل هيچ ضل اركض ورا الموت ومخليني وراك ما ادري يا ساعة يجيبونك ملفوف بعلم واضل بحسرتي العمر كله

جاسم :- كون ربي اذا كاتبلي شهادة انولها وانتي على ذمتي اريد بالجنة تكونين من اهلي

ترف :- زين وطلعت منك احسن من الرسائل اكتبلك شلونك تكلي شلون صار شكلج ماكبرتي

جاسم :- ههههههههههههههههه وليش ماتجاوبيني كل يوم اتخيلچ كبرانه وصايرة ومرأة

لج صايرة تجيبين العين خاف ياخذونچ مني

ترف :- محد ياخذني ومحد بحالي لا تخاف هو بس انته گلبتني وهسة تستشهد واضل بالضيم يالتنشد عليه

جاسم :- ليش تحجين على رسائلي انه هم مظلوم وياج اسألچ بيا صف صرتي تردين شعليك على ما ترجع تلگاني متخرجة

ترف :- يعني اصدگ ماتدري بيه ب اي صف

جاسم :- ادري بس ادور سالفة علمود تحجين وياي شسوي ماعندي غير حل

سكتت درت وجهي عنه واجتلي لحظة استيعاب متاخرة باوعتله فاكة عيوني :- بيتكم مو هنا ولا منا شجابك؟ ليش هنا انته شتسوي

مسح على شاربه وحك طرف حاجبة منحرج :- اجيت لمدرستج انتظرت تطلعين واشوفچ وحتى رجليني تكسرن هاي جيتي من بغداد شنو نمتي على الورقة

ترف :- توة تسألني اذا نص السنة طلعت تدري و بعدين انه ما نمت ع ورقة غير اجاوب جا شلون اروح ارسب هم ما ادري بيك راجع مادزيتلي؟

جاسم :- استحي

ترف :- ههههه تستحي تگلي راجع بس ما تستحي توكفلي بالباب مال المدرسة تنتظرني اطلع والله عليك سوالف جسوووم

جاسم :- اوووو ما اعرف احچي ويا نسوان ولا افتح مواضيع هذول جماعتي منين يجبيون الحجي ويخابرون حبيباتهم ما ادري هسة شنو احچي وياج على ما توصلين للبيت؟

ترف :- دبر روحك

جاسم :- شلونچ بعد

ترف :- زينة الحمدلله

جاسم :- امج شلونها

ترف :- زينه الحمدلله

جاسم :- البنات؟ شلونهن

ترف :- زينات الحمدلله وعمك ارفد زين قبل يوصل اله السرة اجاوبك

ضحك ونصة مد ايده بجيبه طلعها ورجع مدها مرة ثانية خلاها بجيبه

جاسم :- زرت الكاظم سلام الله عليه ومناك لگيت صايغ فضة انه ماعرف ذوقچ بس فكرت بيها وگلت مايلوگ للترفه غير كل شي ناعم حتى يلائم ترافتها

ابتسمت بخجل ونصيت مستحية ، طلع ايده من جيبة ترجف خجلان ومتوتر بين اصابعه السمر سلسلة فضية فتح ايده وبينت مدالية الگلادة ناعمة على شكل نجمة بنصها كرستاله لونها وردي فاتح

همست :- هاي الي؟

هز رأسه ب اي وقرب ايده الي همس :- قبليها مني

ترف :- ما اقبلها جاسم خوش لا تتوقع راح البسها اذا تريد ضل سالم وبالوكت المناسب لبسنياها بأيدك وانه على ذمتك

جاسم :- واذا استشهدت شلون بيه لا انه يمچ ولا شي مني مثل گلادة معلگة برگبتچ

ترف :- انتَ تريد الشهادة ماتريدني روح

جاسم :- لا والله اريدچ بس الوطن يريدني وعيونچ ترف وعيونچ ارجع سالم ومحرر الوطن والبسچ حلقة وبرگع عرس ..

ترف :- مممممممم وعد

جاسم :- اوعدچ ترف اوعدچ و وعد الحر دين برگبته

وهسة تقبلينها مني؟

هزيت رأسي ومديت ايدي اصابعي ترجف اخذتها من ايده تلامست ايدينا سرت رجفة بكل جسمي وهو سحب ايده بسرعة صميت ايدي على الگلادة حيل ..

الطريق بسرعة خلص كل يوم يهلكني واليوم ماحسيت بي وصلنا للبيت دك الباب هوَ

طلعت امي سلم عليها ضلت تباوعلنا مستغربة كللها

:- جنت راجع ويا صاحبي وشفت ترف وحدها والشارع فارغ نزلت وصلتها وياي خفت عليها

وعد :- تفضل ارتاح اشربلك كلاص ماي لا تضل واكف عمة

جاسم :- لا امي هسة گلبها نار وتنتظرني بالباب كل مرة هيچ

وعد :- خطية براحتك بعد مر علينا والله نشربك شي ونشوفك

جاسم :- بحيل الله يله اودعناكم

رفع ايده للتوديع ودار وجهة راح يمشي بالطريق عيني ضلت تمشي ورا خلسة اخاف امي تنتبهلي طبيت للبيت كضتني من طرف قميصي تعت بيه وتنتر بغضب

وعد :- لگاچ بالشارع ترف ولچ هااا شعندچ وياا تردين تصخميني كافي ضيم خواتچ عليه

ترف متوجعة :- اوووي يمة شبييج والله تعبانة شنو انه بحال مواعده لو حب ماتشوفيني راسي بالكتاب مثل النعامة ما اطلعة منه و وجهي يطرد النعمة لو مواعدته جا حطيت حمرة

وعد :- صخام الصخمج وتحجي بالمواعده والحمرة وانه ماجبت سيرة مواعدة بسسسس اااخ الا اكول لعمچ ارفد

ترف :- مو انه هيج فسرت كلامچ

وعد :- مشيهن على غيري

ترف :- يم خواتي عمية ويمي مفتحة بالبن

ضربتني على زندي حيل ونترت طبي حسابي وياچ طويل اليوم ام لسان تگول لسان دلالة

ترف :- طبييت

حصرتني بالمطبخ و جرت الجفجير كالت بنتر :- احجيلي يله جاسم شعنده وياچ

ترف :-ماعنده شي والله فقير خوش ولد وماتطلع منه العيبة متربي عشر مرات

وعد :- تررررف اعترررفي لا اموووتچ والقران

رهف :- شمالچن تصيحن شصايررر كلبي طاح خو ما واحد متعررضلج ولج؟

ترف :- لا

وعد :- اختج الفقيرة الماكو منها متواعدة ويا جاسم ابن عمج و وصلها للباب ومطلع حجة والله شفتها وحدها تمشي وكلت اوصلها

رهف :- جاسمنا هذا الفقير متأكدة متواعد ويا ترف خاف ترف جافته علي وجايبته بالغصب المگرود

وعد :- من السكوتي موتي حبوبة

رهف :- لا صدك شصاير ترف احجي الصحيح لا تلعبين ترة بعدج صغيرة لا توكعين روحج بسالفة وتالي تخسرين كل شي وانتي مقبلة على سادس لا مال خطبة وزواج ولا مال مشاكل

ترف :- ادري وانه كل شي ماعندي

وعد :- وشنو بأيدج ليش سادتها فتحيها

ترف :- كلادة هدية من صديقتي وانه اشتريت الها سوار شنو ممنوع مثلا

رهف :- يمة اوگفي مو هيچ العصبية والصياح ماتسوي حل ولا تطلعنه بنتيجة سمعي ترف انه و درة ثنيناتنا جربنا حب ابن العم وعرفنا احنة وارثين حظ امي شايفة حظ امي ويا ولد نعمان نفسه تحول النه ويا احفاد نعمان حب مابي راحة وماتجي من ورا غير المصايب وبالاخير بي كسر گلوب

انه اضطريت اشرد شردة من ولد فاضل وبالاخير كدامج الصار بسداد مايرضي لا صاحب ولا عدو والصار بيه هم مو هين كلش تأذيت و بجيت وتدمرت نفسيتي وتالي هم ارتاحيت حتى بزواجي من فاقد لان نفس سداد بيه

ودرة كدامج يحبها وتحبه وجانو مقبلين على زواج وتالي انكسرو ثنيناتهم وافترگو مجبورين

سبحان الله ماكو حب ويا احفاد نعمان تجي منه راحة لازم هم وغم ومصايب للطرفين

ف نصيحة لا تورطينه وياج ولا تتورطين ويا واذا بيناتكم شي انهي وعبرني النهر مادامة ضيگ

وعد :- جبتيها من الاخير وهذا البگلبي ترف انتي صغيرتي يمة واخاف على گلبچ من الأذية واريدلج مستقبل حلو وشهادة عوفي كل شي ودرسي وتخرجي وتاخذين خييرة الشباب

ترف :- انه ما عندي شي ويا جااااسم ماعندي شييييي وشفته وحجة وياي وهاي اووول مرة يطول الحجي بيناتنة والله شبيجن ماتصدكن وروح ابوي ! عجيب جاي تخلن براسي افكار موحلوة

وعد :- يله خوش صدگناچ احنة من حرصنة عليچ

گلبت عيوني بضجر :- انه اذا اريد واحد اخذه ومايهمني ابن عم ابن خال ابن مادري منو مااا اهتم

وعد :- طركاعة على الرعونية ولج هية درة الفقيرة طلع بيها البلة انتي ام لسان الرعنة انتظر منج تطلعين عاقلة وماعندج شي لا خل اسكت شاحجي بعد هية خربانة

رهف :- لا ما خربانة عاقلة وما عدها شي وما راح تسوي شي مو

هزيت رأسي واباوعت الهن بنظرة برائة وابتسمت

رهف خصمت عيونها بشك وامي دارت وجها للطباخ مشيت للغرفة درة ما هي حجيت مستغربة :- وينها؟ وين درة

رهف :- سكتي يمعودة درة يمكن ميتة هسة هيَ سمعت ياسمين عدها ولادة وكبل طفرت فوك وقفلت على روحها باب الغرفة صارلها فوك الساعة دزيتلها رسالة ردت كلتلي عوفوني اختلي بروحي و سكتنا شنسوي بعد

ترف :- مگرودة هم ماعدهم حظ ثلاثتهم كل واحد بصفحة يريدله گلب هل كبره يحمل ضيمه

رهف :- ايي بله اشوف لگلادة ... رفعتها راويتها لزمتها باطراف اصابعها وابتسمت

:- جاسم ذواق

نترت :- مو من جاسم

رهف :- عليه هاي الدروب؟ تعاي گعدي كبالي واحجيلي كل شي تمام؟ حتى اعرف الصح من الغلط بعلاقتكم

يله .. ترة صايدتچ لا تسوين روحج فقيرة يله كعدي

تنهدت بضيق و كعدت كبالها

ترف :- ما عندي اي شي ويا اجيبلج المبايل شوفي كم رسالة بيناتنة وشوفي تواريخهن

رهف :- جيبي بله

طلعت المبايل و فتحت الها الرسائل ..

رسالة قبل خمس اشهر كاتب بيها اقتباس "صورتچ والعلم يومية بايسهن وعيونچ والوطن اخذهن اخذهن"

وانه راده علي "هذا اعتراف صريح وعلني"

راد "نعم اعتراف"

مارديت بعد ورا ثلاث اسابيع كاتب "موافقة؟"

وانه طبعا بعد تفكير مطول كل ليلة افكر بي وبموضوعه رديت "اي بس موهسة بعدني صغيرة وادرس"

كاتب "الله كريم والصغير مايضل صغير يكبر"

ورا شهرين رجع دز "انه بالبصرة واريد اجي لبيت عمي فاضل اكدر اشوفچ؟"

رديت "لا ما اكدر مريضة"

جاسم "سلامتج اجيبلج دوة شنو بيج"

ترف "مابيه شي شوية فلاونزة مضوجتني لتراسل امي يمي"

واخر مرة كاتبلي "يا صف صرتي وكبررتي هسة اخر مرة شفتج قبل سنتين ونص تقريبًا جنتي صغيرة"

رديت "معليك بالصف من ترجع انه متخرجة"

جاسم "اريد اعرف شكلج شلون صار"

ترف "من نتشاوف صدفة ببيت عمي فاضل لو بطريق ويمكن بعرسك عود شوفني شلون صرت"

رهف :- بس هيج وانه رحت لبعيد عبالي علاقة وحب

ترف :- ترة احبه خليها ببالج يعني ومن جنت صغيرة مو هسة بس ضامة حتى عن روحي ما حجيت

رهف :- يمممة بس ضلي هيج لا تاخذين وتنطين ويا والافضل تعوفي مادري ليش اخاف صرت احس اي وحدة من عدنا تحب ابن عمها تتورط وينشلع گلبها

جريت المبايل من ايدها :- لا تخافين عليه انه مختلفة لان جاسم فقير ومتربي كلششش زين ويخاف الله ما يأذيني هو صحيح مايحجي وياي ولا شي بس انه ادري بي يحبني هواي عرفت من عيونه ورجفته بقربي

رهف :- الحمدلله ان شاءالله مايصير بيج الصار بينا

ترف :- ان شاءالله ..

كمت بدلت ولبست الگلادة صارت على رگبتي تحسستها وابتسمت بفرح رهف جانت تلولي لمنتظر حتى ينام و صفنت شوية وكالت

رهف :- يكلج صورتج والعلم يومية بايسهن شنو يعني عنده صورتچ

ترف :- ما ادري يجوز عدنا هواي صور عائلية جماعية يمكن اخذ صورة الي او قص صورتي من فد صورة

تذكرين بعرس فالح صورنه و بعرس بارق هم صورنه هواي صور عائلية حتى بالعيد بحديقة بيت عمي فاضل هم اخذنه صور ودزتهن عمة نورية بالكروب وعمة اطياف ويانه يجوز لزم جهاز امه واخذ صورة الي

رهف :- هاا مو كلت رسائلكم على الشريحة حتى ماتندز صورة

ترف :- لا احنة مانريد مراسلة وهاي السوالف هيچ كل شي يصير من بعيد البعيد افضل واريح للراس وهم علمود الله يبارك بينا وبحبنا اخاف احجي ويا وما اصير نصيبه العلاقة الينبني اساسها بحرام نهايتها الم

رهف :- سعدية الصغيرة ام حرام وحلال منين جاب رقمچ

ترف :- ماادري والله علمي علمچ يمكن من الكروب

رهف :- هذا كروب المصايب

تمددت رهف طلعت جريت مبايلي كتبت لحمودي "ابو مهابة عيني دزتلك رسالة بأيدي تاخذها لو اشگكها" وحطيتله ايموجي خبيث

ذبيت المبايل وغطيت بنوم عميييق ماكعدت الا للمغرب حتى اكل مماكلة لكيت درة كاعدة كبالي تحط لوجها ماسك باوعتلها بأستغراب عبالي احلم طالعات بس عيونها منفخات من كثر البچي واجفانها حمر

درة :- جاوبتي اليوم

ترف :- ايي جاوبت الحمدلله شلونچ؟

درة :- شلوني هاي كدامچ زينة وحياتي تخبل حاطة ماسك علمود بشرتي تضل حلوة لا طايرة مني رجل ولا طايرة مني ايد ولا مشلوعة عيني الجنت اشوف الدنيا بيها

حجت بغصة

تجمعت الحسرات بحنجرتي ردت اكوم احضنها واواسيها بس هية ماتنطي مجال تتظاهر بالقوة وهي حتى عيونها راحن ذبلن من البچي و كل حيل مابيها الكسرة بينت حتى بصوتها

اول مرة اشوف بشر كسرة گلبه تبين بكل ذرة بي عيونه وجهة و صوته وعافيته

ترف :- عمت عينه كسرچ ما يستاهل نتعاطف ويا لو نشوفه ميت من ورا فراگچ

درة :- ما يهمني وما متعاطفة ويا ولا مقهورة علي ولا كارهته ما جاي اعتبره موجود

تحسرت كفيت فراشي وكمت ادري بيها تكابر وتجذب على روحها بس خليها هيج احسن بلكي الجذب تتحول حقيقة وتنساه صدگ وتنسى هو موجود اصلا

توضيت و صليت دعيت ربي يجبر كسرها ويبرد گلبها لان ماتستاهل هوووواي انكسرت كلش هواي

بالليل اجالنة حمودي وهربتله رسالة حبيبته عبالك مخدرات اهم شي مايلاحظون النوب يرزلوني لان البنية غريبة وهنا عمامي عدهم قاعدة تحب بت عمك عادي بين وتواصل وباوع واحجي ما يهمنه ، تحب غريبة ممنوع حتى تباوعلها روح واخطب

ما جنت متوقعة هذا الشي عدهم من اجيت لهذا السبب تفاجئت توقعتهم متحفظين لدرجة ابن العم مايسلم على بنت عمه بس طلع توقعي غلط

و على كولة بيبي "بنيتنة لوليدنا"

درة ...

كل مرة اگول اليوم انسى واتخطى وارجع بنص ليلي ابجي والگى روحي راجعة لنقطة الصفر مرات احس روحي ضعيفة وماعندي شخصية لان شهور مرت ولسه ابجي كل ليلة وكارهة نفسي و وجودي وافكر بي واشتاقله

ومرات اكول لا عادي لازم كل وحدة بينه تعيش لحظات الحزن وتفرغ كل شي بداخلها وما تضل تضم تضم وتجبد بداخلها

شعور الحزن والتعب من يجي لازم نعيشه ونطلع كل قهرنا سواء بدمعة لو صرخة لو اعتكاف على النفس لفترة والانعزال

انه السويته بجيت وصرخت وحركت كل ذكرياته ورجعتله الهدايا الذهب من رجعهن عليه كلت لعمي اخذهن بيعهن لو ذبهن لو خلي ياخذهن ماريدهن وراح انطاهن اله مادري وين وداهن الله يعلم

وانعزلت فترة انعزلت كلش لدرجة حتى التخرج ماحضرته احس روحي ماتت

وادري راح يجي يوم وهاي الروح الميته يجي شي ويحييها بس احتاج وكت كافي احتاج استوعب الصدمة الي لحد هسة ما مستوعبتها ومرات افز بليلي حسبالي حلم لو كابوس

شكد صار ماشايفته اخر مرة بيوم اجة حضني و ودعني شهور مرت مرته جابت وطلعت الاربعين ودرة بعدها بحزنها و قهرها حتى الارملة هم تتخطى وما تضل مثلي سويتها كلش ضلمه

حتى بيبي سعدية رزلتني بأخر زيارة النه گالت كافي شوفي البنات يومية يبدلن زلمة وماصار بيهن ربع الصار بيج شبيج هيج تعلكين روحج بالبشر اتعلمي يمة لا تخلين روحج معلگة ببشر ولا تبنين سعادتج علي لان بس يعوفج تضلم الدنيا بعينج وتحسين ماكو فرح عكبة وهاي حياتج لمعلكتها بي تحسين الخيط بينكم انكطع وطحتي وانتهت وياچ

لازم تتعلمين تحطين حد محد يستاهل تبدينه على روحچ ولا اكو بشر يستاهل تعلكين روحج بي وتوكفين الدنيا علي شكد ماجان زين وطيب ويحبج لا تسوين هيچ وتربطين سعادتج بي وتكبرين رأسه

وتعلمي الدنيا نصيب والف مرة كتلج هذا نصيبج ونصيبهم سبحان الله صار شي لا على البال ولا على الخاطر لان ربج عمى العيون وخلاها تصير واله بيها غاية وانتي نصيب بشر ثاني ورزقه والله راح يرجعج اله

كتلها بيبي تعلقت بي

كلتلي تعلقي بربج وبروحج وشوفي الدنيا شلون تصير حلوة

حجيها جان درس وعميق واليوم انه فهمت شنو معنى تعلقي بربج وبروحج والحمدلله انه علاقتي بربي زينه بس شوية هاجرة للقرآن رجعت اقرأ و صرت احاول اقنع روحي بسعادة وهمية اول شي

واقنع روحي ب خلص هاي قسمتج ماجنت مقتنعة واجذب اذا كلت مقتنعة

بس شوية شوية احس بديت ارجع لروحي والبعد لمدة سنة خله مشاعري شوية تبرد وتاري بدت تخفت

رجعت اجبر روحي على العناية بنفسي و ترتيب شكلي و معالجة روحي المكسورة بالقرب من رب العالمين

خضت رحلة جهاد استمرت وياي ايام وشهور يله كدرت اتقدم خطوة وحدة بس واتقبل خسارتي

كملت امتحاناتي ونجحت وصرت خريجة رسميًا ..

ورة فترة قصيرة اجة عمي كال السنة الدراسية 2015_2016 مقبلة وان شاءالله راح تكون خير عليچ

درة :- عمو ترة تخرجت

ارفد :- ايي صحيح بس انه عندي صاحب عنده مدرسة اهلية بالدير وبس گتله بنت اخوي تخرجت كال محتاجين مدرسات ومن عرف اختصاصج رياضيات كييف

درة :-كول والله؟ وهيج يعني تصير صدك واداوم

ارفد :- اي جا المن درستي يابابا غير علمود هذا الشي

درة :- زين سولفلي بالراتب وبوكت دوامهم

ارفد :- ما ادري قبل عيد الاضحى يردونج مقابلة وان شاءالله خير

درة :- جا مو صاحبك ليش مقابلة

ارفد :- اي بعد واذا صاحبي يردونج ويردون يختبرونج هم مدرستهم زينة وما يوظفون اي احد

درة :- مو خاف يرفضوني

ارفد :- لا انتي بالتطبيق مو جنتي زينه

هزيت راسي

درة :- هاي هيه روحي واذا قبلوج بعد من يجي الدوام تداومين وياهم

هزيت راسي بالرضا حسيت اذا انقبلت راح تكون بداية جديدة حلوة ومفرحة وتغير حياتي للافضل

الموعد جان قريب كلش فرحتي خلتني اتجاهل كل شي وابدي اتحضر وارتب بروحي بحيث كدرت اتغير للاحسن بوكت كلش قصير ويرجع شكلي اللطيف الحلو

رحت للسوك اشتريت ملابس للعيد وملابس للمقابلة

كويتهن وحطيتهن بالكنتور الفرحة غامرتني ، جنت مثل طفلة وفرحانة بهدوم العيد هيج كل شوية افتح الكنتور اتطمن على الهدوم بعدهن حلوات ونظيفات لو خربن ما ادري شنو جنت احس وما ادري اذا شعوري طبيعي جان لو بالغت لان كسرتي خلتني انتظر اول فرحة اتمسك بيها بهذا الشكل

اجة اليوم الجنت منتظرته بداية شهر ضحية ، كعدت على صوت المنبه صليت وتريكت اخذت حمام سريع و وكفت كبال مرايتي اتمكيج مكياج خفيف ولازم يكون حلو وخفيف ويطلعني راقية ، وبدلت .. طلعت لبست كعبي و كعدت بالحديقة انتظر عمو

اخذني للمدرسة و راح بشغله فتت سلمت استقبلوني و سألوني كذا سؤال بعدها كالو هذا مدرس رياضيات خبرة سنوات حاب يشوف اسلوبج بالشرح تكدرين تشرحين فد موضوع اله؟ لصف الخامس مثلا لان نريدج للخامس ماعدنا مدرسة ولا مدرس

وافقت بس طلبت وقت اقرا المادة وافقو وكالو حقج الموضوع جان سهل وانه جنت كلش مجتهدة ومايصعب عليه شي

وكفت بصف فارغ و كعدو بي المدير والمدرس و قدمت الشرح بس ختمت المدرس كال ممتازة عبالك عندج خبرة سنين و بسرعة انطوني الموافقة و وقعت على العقد وياهم ..

رجعت طايرة من الفرحة احس عندي جناحات وجاي احلق بالسما حمدت ربي وشكرته لان قسملي هاي الشغلة الي راح تسد فراغي و تخليني انتقل لمرحلة جديدة من حياتي

صار يوم العيد كعدنا الصبح سوينة الروتين المعتاد صلينة و تريكنا و عمي رجع من الجامع طلب نبدل ونطلع نعيد

البنات طفرن وامي سألته نعيد اخوانك كلهم؟

ارفد: -يعني منو كلهم نروح لبيت فاضل وصادق واسد الله وحسين

وعد :- هاا اي زين كل مايجي عيد لو مناسبة اكول بس لا يكولون نتصالح ويا خالد

ارفد :- لو يطيح على رجلي بعد ما اسامحة الشك بابني وصدك مرته الغريبة مايصيرلي اخ ليوم الدين

وعد :- زين تسوي خالد مو خوش بشر استغفرالله عيد الله الجبير واخذت غيبته زين رحت لبيتكم عيدتهم

ارفد :- اي رحت وعيدت الولد وام بارق واجيت هههههه نصيبكم اليوم يومج

باوعلي وكال :- جا شنو بابا ماتبدلين انتي

درة :- عمو تدري بيه ماريد اقابلهم

ارفد :- ولج درة لا تخلينهم يفكرون بعدج مكسورة كومي كشخي احلى كشخة مو زلغتيني لهدوم العيد 120 كومي لبسيهن لو جبتيهن للكنتور

وهذا تزوگي حطي الاحمر والاخضر وخليهم يشوفون درة شگد قوية وحلوة

درة :- اولا انه ماعندي مشكلة وياهم والصار شكد ماجان صعب وشكد ماغلطو يبقون مالهم ذنب ثانيًا انه قوية غصبا على خشم اكبر واحد بس كتلك عدهم اغلاط مضوجتني منهم وضعفهم بالقضية الجانت بيها كسرتي أذاني

كلت بغيض

ارفد :- وين فاضل عنج ترة تقصد غصبا ع خشم فاضل

وعد :- مشيها عمري بعدها ملجومة

ارفد باستغراب :- صار اكثر من سنة! لازم توكف كبالهم وتخليهم يشوفون مو درة لتنكسر

درة :- ما اريد

وعد :- عيب عمامج الكبار خصوصا عمج فاضل يحبج ويموت عليج وكلش مقهور من زعلج هذا كافي كومي بدلي وامشي ويانه عيدي وخلي المياه ترجع لمجاريها الدنيا ماوكفت وياما نسوان عرسن وخلفن وانكسرن بس ما سون سوايتج هاي مكاطعة كل العالم وحزينة وبس تبجين جنج وحدة بيها اكتئاب

ارفد :- كيفج بعد بس مثل عيد رمضان هسة عمج ينشد عليچ و من نكله ما اجت ينقهر ويضل ياكل بروحه اكل ويحمل روحه مسؤولية الصار

وهو بس الله يعلم الصار بي من ورة خالد وسماهر موت راد يموت

درة :- گايمة هاي لخاطرك والله بس لا تصيحون يله ويله ترة اتاخر

عدل كعدته و ضحك فرحان رفع ايده وأشر بمعنى روحي وصاح يضحك

روحي عمي ضلي خمس ساعات المهم رضيتي وراح يتصلح كل شي روحي تزوووگي

وعد بهمس :- خاف همام يجي وتشوفه

ارفد صاح بطلعان روح :- خل يجي شني تضل لابدة طول العمر لا بد يجي يوم وتشوفه غير ابن عمهااا وانه رجلج ي وعد علاقتنا ماتنكطع ، بيناتهم رابط قوي خليها تقوي روحها وتواجه وعود اذا تريد حتى سلام لا تسلم علي

درة :- بوجها ما اباوع مو بس سلام ما اسلم

ارفد :- ميخالف

مشيت للغرفه بسرعة بديت اتمكيج رتبت وجهي على الاخر ، لبست ملابس العيد جان بنطلون لون بيج و فوكه لبسه تصير من كدام قصيرة فوك الركبة ومن ورا طويلة لون اسود وبيها ورد بيج رفعت شعري و خليت شالي بدون ما الفه ذبيت اطرافه ليورا جانت موضة بوكتها صبغت اظافر ايديني ورجليني احمر و شلت جنطتي رشيت عطر وخليته بالجنطة وطلعت ..

عمي ارفد باوعلي والبنات واكفات بالباب ضحكن

ارفد بضحك :- تدرين ليش خالد يكره بناتج لان مايلبسن عبي ههههههه

وعد :- لا تجيب سيرته وتعكر مزاج العيد

ارفد :- سكتنا صايرات ماتتحملن حجاية

رهف :- تموتين طلعتي منتظر شوف خالة

يصفك وحضن رجلي بسته و لزمت ايده طلعنه اول شي لبيت عمي صادق النوب بيت عمي اسد ماشفنه بس عمي ومرته وبعدين بيت عمي حسين مالكيناهم خابرهم عمي طلعو بالزيارة

ورجعنة لبيت عمي فاضل بالاخير لان اعرف هسة اليوم الغدا يمهم تعودت على اطباعهم وعاداتهم صار سنين يمهم بس لهسه ما فهمت اللعن الي ملازمة احفاد نعمان وحارمتهم حتى من سعادتهم

من وصلت رجليني احسهن بادن وصار عندي رهاب ، عدلت الشال من يم ركبتي رغم ماجان طالع لا شعر ولا ركبة بس حسيت لو لافته يكون احسن حتى احس بالامان اكثر

نزلت حطيت رجليني حسيت الكاع افترت بيه اكثر من سنة ماجاية هنا ماداخلة لهذا البيت وما ادري شنو مشاعري

مشيت ورا امي مباشرة حتى احس روحي بامان بس دخلت للبيت الانظار كلها توجهت الي حسيت من كثر التوتر راح اعثر واطيح ، عمي سلم بصوت عالي لاحظت الكل مجتمعين بالاستقبال حتى فالح عفناه يم اهلة سبقنا ولگيناه هنا

تقربت ورا عمي واول شخص سلمت علي عمي فاضل لزمت ايده بستها وگتله بصوت خافت اقرب للهمس :- كل عام وانتَ بخير عمو عساك من عوادة ان شاءالله من حجاج بيت الله

رفعت عيني صارت بعينه يباوعلي بنظرة فرح ومبتسم ابتسامة دبت بروحي الامان والفرح حسيت شكد جنت غبية من زعلت منه بسبب غلط هو ماله ذنب بي

حضني وباس راسي عيوني دمعت فرح وكلهم صاحو لا لا تبجييين كاافي

ضحكت كتلهم وانه امسح ... ترة دموع مال شوق مو حزن شبيكم

سلمت على الكل و كعدت بصف عمة نجوى كرصت خدي وكالت ياعمري عمة شحلاتج صايرة

عمي فاضل كال تعاي يمي درة .. سوالي مكان بينه وبين بيبي سعدية كمت كعدت بنصهم

ترف باوعتلهم وكالت :- عمي شو جنك نسيت ترف شيخة ال نعمان وسلمت الشيخة لدرة

سوالها مكان بالجانب الثاني بينه وبين سداد و كال

تعالي شيخة آل نعمان مكانج انتي بالگلب محفور مايتغير سعدية الصغيرة

كامت بفرح كعدت بالصفحة الثانية فلك گلتله تتصنع الغيرة :- من لگى احبابه نسى اصحابه بوية

وجرت عيونها بزعل

كل الكاعدين ضحكو وصاحو عمي النسوان غيرتجن ماتنحمل

باوعت للكل الضحكة تارسة وجوهم جعفر ومنتظر بنص الاستقبال يلعبون سوية وجعفر مسوي روحه قائد على منتظر لان اكبر منه

ضجيج العائلة هو الامان الي خاسري هواي ناااس يعتقدون ان الامان بالبعد

هاي اللمة تسوة العمر و هاي الكعدة ماكو احلى منها

فالح رفع كلاص العصير وصاح :- يله ياعيني نشرب كاس على شرف درة لان واخيرًا صالحت الكل

عمي شمر علي كوشة وكله ساافل تأدب حرام تحجي هيج سرسري

فالح :- اااخ حرام احجي هيج وانت حلال فشرت عليه

فاضل :- والله مو صوجك صوجي الناطيك مرأة

فالح :- اووو ذليتني مرأة ومراة اخذها هاي المرأة ماريدها عليك بالعافية اشبع منها حطها مزهرية بالمعرض

فاضل :- انه راح يطلعلي گلب ثاني بصف گلبي من ورة فليح وحك هذا الله

ارفد :- فالح اششش

فالح :- شني اشش كدامك دجاجة وجاي تنش بيها

ارفد :- جا شكلك اسس

فالح :- كام ينش ذبان

چنت اضحك على مداهرهم ورفعت راسي للباب انفتح دخل بارق ويا جمانة لازمة ايده

بارق لابس دشداشة شكرية وطالع مرتب كلش ويا جمانة لابسة عباية خليجية مفتوحة جواها لبسه بنفس لونها وشال مال عباية بلونها وبس لون الجنطة مختلف عجبتني باوعتلها بنظرة اعجاب وهي ابتسمت الي

مشت ويا رجلها وتقربت للسلام على الموجودين

عيني ضلت معلگة على الباب ماادري ليش انه حسيت راح يكون جاي وياهم گلبي حسني و ما خاب ظني ابد

ما طول وفتح الباب ودخل ، لابس بنطلون كابوي وتيشيرت عادي ابيض مبين هامل نفسه مو مثل من جنة سوية ، شايل ابنه و ورا دخلت ياسمين عينها ع كاع ومخليه ايدها على زنده .........

عيني ضلت معلگة على الباب ماادري ليش انه حسيت راح يكون جاي وياهم گلبي حسني و ما خاب ظني ابد

ما طول وفتح الباب ودخل ، لابس بنطلون كابوي وتيشيرت عادي ابيض مبين هامل نفسه مو مثل من جنة سوية ، شايل ابنه و ورا دخلت ياسمين عينها ع كاع ومخليه ايدها على زنده ...

طاحت عينه عليه ابتسمت تك خد مستهزءة بسخرية القدر ضل فاك عينه وفاتح حلگه بصدمة ، شحيت نظري عنه و لهيت نفسي متعمدة

حسب كلام خواتي يگولن ضلت عينه معلگة عليچ و عيونه حمر ب أي لحظة يدمع و هي شالت ايدها بسرعة و ضلت تباوعله و تدرس رد فعله

جان يسلم بدون حجي كد ما اختنگ بعبرته تبسمت و صبررت نفسي ماردت ابين ضعفي و حزني بهاي اللحظة

انه بداخلي بركان و خناجر صارت تطعن بكلبي بدون رحمة

ياسمين سلمت ع كل ومتقربة رايده تسلم عليه ، بس من شايفتني ما اباوع الها وكعدت ورا ماسلمت ع جمانة انسحبت وراحت كعدت على صفحة منصية راسها

ضليت كل دقيقة والثانية اسرق النظر الها مارفعت راسها ابد وابنها كدامها حاطته نايم ، وارجع اوجه نظري اله محتقن منصي وبحركته المتعودة عليها يلعب بالسويج ويشغل نفسه بي

گله عمي فاضل بهدوء :- عمي همام جاي نسولف صوت خرخشة سويچك!؟ ماجاي نفتهم

رفع حواجبه ونظره لعمي فاضل بلع ريگ ونصه حط السويچ على الطبلة گدامة ، عمي فاضل ابتسم و هز رأسه

ضلو يحچون والمكان صار ضجة سوالف وضحك

اجو خطار لعمي فاضل للديوان گام وراحو ويا عمامي صادق وارفد وضل بس عمي أسد ..

جان يسولف ويا سداد عن اخبار الحشد والحرب والاخبار ابد ما چانت زينة عمي اسد احتقن وجهة وخنگته عبرته نصة بحزن

أسد :-ليش مارد وياك جا شني مايريد يشووف اهله ويعيدهم والله الگلب غادي نار علي هو انه شعندي غير هل ثنين واجو بطلعان الروح مابيه اخسر واحد الفگد صعبة والمجرب مرورته يعرف لوعة گلبي هسة

سداد ربت على كتف عمي اسد الله وكله مبتسم :- الله يبعد كل شـر عن جاسم و لا يجيب فراگ

بعدين منو گلك جاسم مايريد يشوفك؟ لو مايريد يعيدك

اسد الله :- حتى ماخابر وسلم واخابره مغلق

سداد ابتسم والتفتت للباب فالح واگف ولازم يدة الباب بس انطاه سداد الاشارة فتح الباب ودفعه شخص من برة عيني طاحت على ايده السمرة ملفوفه حول اصابعه سبحه لون احجارها جوزي

دفع الباب وفات بطوله الفارع ودشداشته البيضة بأزرار ذهبية راقية ، ولحيته الكثيفة المحددة زايدته هيبة ورجولة

نظرة عينه الحادة وسمار بشرته الرسمته شمس السواتر على بشرته تبين مدى قوته وشموخه

ابتهجت اسارير عمو اسد وخالتي اطياف ونرسمت على وجوههم ابتسامة فرح لمعت عيونهم بدموع الفرح والشوق بوسط نظرات العتاب ..

گام عمو بهمة وهو تقرب بعد ما كال بصوته الحاد السلام عليكم

و وصل لأبو نصة باس ايدي وحضنه بلهفة وراها لعمة اطياف حضنها ضلت تبجي من الفرح وتبوس بصدره

قرت عيونهم برجعته سالم بعد انقطاع اكثر من ثلاث شهور ..

انتهو اهله من السلام علي بدأ يتسالم ويا الشباب و يعيدهم و بعد ما انتهى عيد بيبي سعدية وعماتي و راح يم فالح التفتت و گال بنات عمي كل عام وانتن بخير عساجن من عوادة ان شاءالله المامعرسة تعرس والمعرسة تخلف وتحج بيت الله

جان يسلم علينا بشكل عام وعيونه على ترف متجاهل كل الموجودين ويباوعلها بلهفة العاشگ لحبيبته و هيَ عيونها تلمع وأبتسامتها شاگة وجهة ، غطيت حلگي اخفي ضحكتي الظاهر العشاگ انفضح امرهم بأول لقاء عائلي ..

گعد ضلو يسولفون وهو بنص حديثه يسرق نظرات من طرف عيونه وهي كذلك بنص حجيها تلقي علي نظرة خاطفه وتدير وجها ..

امي انتبهت خزرتني جا يمة انه شعليه؟ مديت ايدي لترف لكزتها واشرتلها بطرف حاجبي ع امي سوتلها حركة توعد ترف ابتسمت ابتسامة بريئة مصطنعة وباوعت لامي بنظرة برائة موسعة عيونها

امي خصمت عيونها بشك وصدت عنها

كل مجموعة بسالفة اذني يم همام بدأ يحچي ويا الولد ويسولفلهم عن خسارة كبيرة صارت بمشروعه

انقبض گلبي المشروع جنة نروح لمكانه سويه ويشاركني كل مخططاته واحلامه بخصوص المشروع

گله عمي اسد يصبره :- يله وليدي الخسارة هاي تتعوض ماكو شي ما يتعوض بس هم روحك واشتغل عدل وخلي الولد يعاونونك

رد همام متحسف :- متوهم عمي مو كل خسارة تتعوض ، مرات نخسر اشياء ما تعوضها كنوز الدنيا

صارت لحظة صمت عمي هز رأسه باوعت لياسمين عيونها صارن دم ودمعتها بطرف عينها بجة ابنها. وبچي ابنها بالنسبة الها هو حبل نجاة شالته وبيدها ممية گالت بصوت مسموع حتى توضح سبب گومتها

ياسمين :- رايحة اسوي ممية لادهم وهم اكوم امشي يحب واحد يفتر بي ..

حجت بغصة

طلعت عيونه صارت تتبعها حسيت بنار الغيرة وصلت لرأسي وطلعت من عيوني رغم شفت بنظرته حزن على جرحها وماشفت لا حب ولا اهتمام بس غرت حتى بهاي ..

الكل ضلو ساكتين لحظات مقهورين والطفل ضل يشهگ صوته وصل النه حس بنار گلب امه رجعت دخلت وممة لسه فارغة واجزم ما وصلت لنص البيت توجهت لهمام وگلتله بصوت مخنوك

ياسمين :- همام لزمة شوية مااسيطر هيج وهو حرك

مد ايده اخذه حطه بحضنه الطفل مات بجي ضل يناشغ ويباوع الامه

بيبي سعدية صاحت :- شني السالفة يده شماله خاف ممتون

ياسمين :- لا كبر منين يجي المتن بس جوعان ويبجي ويرافس

همام نتر :- اي روحي سوي ممة وتعاي ليش واگفة؟

اسد بغضب :- هاا شمالك وياها ماتشوفها خايفة علي

مدت ايدها بغضب سحبت الطفل منه وگالت بنترة :- موت روحك عندك حقه مامتعود عليك لا شايف وجهك ولا شايفك فوك راسه اذا حنيت علي تشيله دقيقتين منا لهنا وتشمره عليه

دارت وجها بغيض تريد تطلع بيبي سعدية كالت لهمام :- ليش هيج مو هذا وليدك يدة يشيلك بكبرتك ويشيل همك اذا ما تسگي زرعتك زين ماتنطيك الثمر التريده

ياسمين بغضب :- ياريت يفهم هذا الشي

همام :- گلتها من اول ماحبلت كبالكم كلكم هنا بهذا المكان نفسه انه الطفل المايجي من درة ما اريده ولا يحن علي هذا الگلب ولا ترف العين

شهگت مصدومة اتسعت عيونهم عمي اسد نتر بي يسكت

هاني گله :- هذا هم حچي اختي هسة ماتحل عليك بعد ياطفل اليجيك منها؟ ، ومنا مرتك وبت عمك مو عيب تجرحها بهذا الحجي

ياسمين طلعت فورًا امي گامت وراها ادري بيها هل وعد گلبها حنين ودام عاشرت ياسمين بعد گلبها يضل يرف عليها مو بيدها ..

همام رد على هاني :- وشني اي واحد يتزوج تحترگ ورقته؟

هاني :- ولا عبالك نرجع ننطيك درة شريجة على بت عمها حلم بليس بالجنة

همام ما رد زم شفايفه بغيض انقطبت حواجب هاني وگله يوبخه

هاني :- عيب عليك تتعامل وياها بهذا الاسلوب نسيت هاي ياسمين موغيرها ياسمين يتيمة من كل الجهان لا عدها ام ولا ابو ولا اخت واخو ومالها بهاي الدنيا غيرك ان جان بوجهك شارب تسندها مو تجرح بيها كدامنا!

عبالك هسة كبرت بعين درة شوف نظراتها شلون مستحقرتك

اسد الله :- كلامك درر عمي هاني جيب اليفهم

سعدية :- اكلجن حبايب خل نطب بالهول نكعد نسولف سوالف نسوان هذول الزلم سوالفهم ماتنجرع هسة شوية ويگلبون ويضلون يحجون ع الطوبة والسلاح والحرب واحنه گلوبنا خلصانة

گمنا كل احنة حولنا للهول بيبي نقذت الوضع مشيت للمغاسل فتحت الماي غسلت ايديني و بديت اطبطب على خدودي بخفة اريد استرجع نفسي وتوازني

امي طلعت من المطبخ توقعت ياسمين يمها بس فاجئتني من طلعت من الحمام عيونها حمر دم وابنها مو وياها

وكفت و ضلت صافنة عليه بالمراية عيني عليها ابتسمت تك خد ورفعت طرف حاجبي

سألتها من باب الغيرة ، ردت اسمع جواب يحرگها ويطفيني

درة :- شفتي دلال همام بعدچ؟

بلعت ريگ وردت

ياسمين :- انه مو درته بشر عن بشر يختلف همام مو لين ويا الكل ، ان جان وياچ ورد وياي صخر

انه مو درته واشوف دلاله انه ياسمين ما انطاني غير الذل والاهانة والقسوة ارتاح گلبچ هسة؟

سكتت ما رديت تقربت وگفت بصفي حطت ايدها على چتفي وگالت بنبرة حزن :- لا تحجين شي كافي عليه الاهانة الشفتها منه

درة :- سبحانك ربي اول مرة اشوف بشر مايحب زوجته وهاينها وذالها وبنفس الوكت يحبلها

ضحكت ضحكة وجع وجرت ايدها ردت على كلامي

:- مذلولة نايمة بغرفة واحد مايريدني ابجي ابوي مايريدني يريد يكتلني وكاعد بالصالة ينتظر دم عذريتي او دم برائتي ، واسمع عمي من الباب يدفع بأبن عمي المايريدني وبحياته وحدة ثانية اعتبرها اخت مو بس بت عم

يدفع بي ويگله ادخل شلون ماكان طلعلي دم عذرية ترة ينعرف لا تلعب وتسود وجوهنا لو تخلي عمك يحسبنا نلعب ويسويلها شي

يجي ابن عمي من باب متعاطف وياي ومكسور خاطرة ومن باب كارهني ومايريدني لان بحياته مرة

يجرب يدخل عليه اصده وهو يقسى اصد بي ويقسى اكثر ادفعه يضربني راشدي ويسد حلگي بكل قسوة بأيده

ماطلع دم فقد صبره رجع عليه بنفس الدقايق اغتصبني اغتصاب كله علمود يطلعن كم قطرة يعتقن رگبتي من سچين ابوي علمود مايذبحنني ويگول هذا راس بتي غسلت عارها

ليلة سودة سوودة اسود من ليل الشتا نتيجتها طفل ، مايريده ابووو سماه بالأسم الجان مختارة هو وخطيبته وحبيبة گلبه علمود يشوف بي شي منهااا ومع هذا ما يريده

لا عبالج انه مقهورة لان همام مايريدني ابد لالا ولا انتظر منه حب واهتمام كل الاريده يصير ابو لأبني ويصيرله سند لان ظلم انه ويا هذا الطفل نعيش نفس الحياة ونفس المصير ظلم ثنينا نكون وحيدين وماعدنا احد على الاقل ادهم تكون حياته حلوة انه يطبني مرض

ولا تغرج دخلتنا هو شايل ادهم وانه لازمة ايده ههههه جذب بجذب علمود بيبي سعدية ماترزلنه لان هي كل اسبوع تدز علينا تريد تقربنا بس ماكو نتيجة لا هو يريد ولا انه اريد ضلينا نخدعها واعتقد اليوم كشفتنا وعرفت لزمة الايد والسوالف والضحك يمها كلهن جذب

دارت رادت تروح ورجعت التفتت :- وها بالمناسبة انه لو ابوي مسامحني ومرجع علاقته بيه جا طلبت الطلاگ وضليت خدامة جوة رجلين سماهر احسن من ذلتي ويا مليت وانه اتوسل اريد يشيل أبنه لو يگله بابا

درة :- يأذيچ؟

ياسمين :- جربي تكونين ويا انسان كل مايشوفج يباوعلج بنظرة يكلج بيها انتي سبب دمار حياتي نظرة ماتعرفين شنو تفسرينها كره عداوة ، شفقة ساعات عتب بس النظرة كافيه تذل اكبر بشر هم ياريت يحجي بلسانه ويطلع حقده اتجاهي مثل ماسوة هسة

درة :- همام طيب وگلبه رهيف اذا تردين تكسبينا وتتغير حياتچ ويا للاحسن تقربي منه راح يصدج بالاول بس بمرور الوكت يضل يحبج ويتقبلج

ياسمين :- تنصحيني؟ وانت كاهرتني

درة :- لخاطر ادهم طفل حرام يعيش يتيم وابو موجود!!

قوست شفايفها مامقتنعة و راحت لميت شفتي لداخل حلگي اريد اقاوم ما اريد انفجر وابچي واخرب صورتي ..

اجة جعفر ابن هاني لزم طرف ثوبي يجر بيه ويكول :- ئمة ئمة (عمة) عرفت احد يصيحلي مشيت لكيتهن كاعدات كعدت ساكته بس احس بتعب مو طبيعي جسمي كله يأذيني بديت اسمع تخطيط لخطوبة شخص ما اهتميت بالي مو يمي شارد ، كامن للمطبخ يجيكن ع اكل وبعد ماردن ماحسيت غير للاذان لكزتني جمانة

:- ص صلاة يا عباد ا الله

:- گايمة گايمة

:- ص صح النوم ههههههههه

باوعتلها بنص عين كامت وياي غسلت وجهي وشلت صبغ الاظافر بأسيتون توضيت وصليت بغرفة بيبي كملت فتحت جنطتي طلعت مكياج رجعت حطيت شوية خفيف وصبغت اظافري مرة ثانية مااتحمل منظرهن بدون صبغ خصوصا بالمناسبات

طبت امي كالت :- بدلن يله وين جنطتچن؟

رهف :- بالسيارة انه ما احتاج ابدل لابسة ثوب جوة العباية بس درة وترف يردن يبدلن

ترف :- اطلللع انه اجيبها انه يمة انه

وعد :- انجبي كعدي وين مولية انه اخابر عمج

سعدية :- هيهو. الحظيرية كعدي كعدي المن تخابرينه تطلعينه من يم الزلم ماصدكتي صار عندج ريل

روحي يدة رووووحي جيبي الجنطة

وعد :- حجية السيارة خاف مقفولة

ترف :- لالا عمي دخلها جوة مايقفلها اصلا ..

ترف ... ركضت بهمة طلعت من البيت امي تأشرلي بسيطة رحت للسيارة فتحتها وطلعت مقفولة صدگ لميت شفايفي متضايقة و صحت لحمودي جان ع صفحة يخابر

گتله اريد السويج ضروري اريد ابدل

محمود :- اي طبعا تبدلين حاصرة روحج بالهدوم ماكو مخافة الله

ترف :- ترة المديل هيج يصير وماحاصرة روحي بالعكس بدلتي زينه!! ليش تشمر روح جيب السويج يله

محمود :- ما اروح ما اشتغل عندج خدام وتتأمرين عليه

ترف :- هاا خوش اريد اروح لعمي واگله عدنا بنية بالمدرسة تلبس صدرية كصيرة وتطلع رجلينها ونص شعرها اسمها مهااااابة ابنك حمودي يحبهاااا ويدزلها رسايل بالورق وهي تدزله وبالرسالة كاتبلها اتمنى نتزوج علمود ابوووسج

محمود :- قارية الرسالة ترف؟

ترف :- اي شمدريني شكاتب بيها اروح اوصلها الها ويطلع تهديد وتطيح برأسي

محمود بعتب :- قريتي الحجي بالرسالة ترف؟

ترف :- اي قريت فسادك ابو بوسة

محمود :- بوية فاااضل الحگ ابنك تطشرررن اسرارة

ترف :- تروح لو شلووون؟

محمود بضجر يشمر بأيده ماعاجبة ..

:- راايح راايح عندي غير حل غير انتي حية ترحيله وتكليله بنبرة بريئة عمو اليحب وحدة هيج وهيج يكتبلها هيج وهيج شنو حلال حرام

وطبعا فاضل بس يمي يصير شيخ معمم ويكلچ لا بابا حرام

وانتي بكل برائة ماتعرفين شي تكليله حمودي يحب هيج بنية ويدزلها هيج رسائل

فاضل :- ياهي هاي البت ولك

گمزنة ثنيناتنا محمود ضيع مكان حلكه وانه تصنمت جان برة واجة من ورا السيارات ومندمجين ما انتبهنا

محمود طكة شرجي حتى حلگه انعوج رجع عمي سأله وهو قاطب حواجبة :- يهي يبا احجي وشني تكتب الها ولك لا تصخم وجوهنا وتتصيح بت مستورة من وراك

محمود :- بالحلاال بوية

فاضل :- اي جا ماتحجي منين هيه من يا عمام شني وراها ماوراها كول

محمود :- خووش بنية واهلها خوووش ناس عمها سيد حسن هذا اليقرا بالحسينية كل سنة

فاضل :- هااا بتمن ياهو ابوها

محمود :- قسام

فاضل :- هاا والنعم يصير خير ان شاءالله وانتي بوية شتسوين

ترف :- اريد السويچ ناخذ هدومنه نبدل

محمود :- رايح اجيبه

فاضل :- تعال بله احجيلي منين عرفت البت شعندك وياها

حط ايده حول اكتاف محمود وراح يتمشة ويا للدديوان

ضليت واكفة مثل العمود وعيني ع باب ادري شبيك ماتطلع ما تتنفس ماتدخن جكارة اطلع بس اشوفك

اوووف اجة محمود جاب السويج اخذت الملابس و سديت السيارة بغضب ، جريت الجنطة وضليت امشي للبيت وعيني من جهة الديوان طلع يمشي بهمة واشرلي بأيده بمعنى شوية

مافهمت بس وكفت وعيني علي اجة يمشي بهمة باتجاهي يضحك ويفر ايده

جاسم :- ما ادري شلون بس حسيت هاي انتي الرايده السويچ كلت ماكو وحدة من خواتج تحب التكمز بكدج

ترف :- امدة حظي هم سمعة موزينة هاي بعدين صوجي انه طاالعه على امل المحك گلت طال الفراك

ابتسم وضل يباوع بوجهي وكال :- اول واخر مرة بنص السنة وهاي الثانية

ترف :- لان احنه شرفاء لا للمكالمات لا للرسائل لا للمواعيد هههههههههههههه

ميل رأسه وسبل عيونه

جاسم :- ضحكتچ تذوب الگلب

اعتلى الخجل ملامحي نصيت عيوني وخدودي ارتفعت وسخنت عضيت شفتي بخجل

جاسم همس :-على كيفچ وياهن

ترف :- يهن؟

اشر بعيونه على شفايفي ، ركز نظره عليهن

ترف :- ممممم لا تتسوفل عيب ابن عمي شيل عيونك عني

جاسم :- لو بعقلي ذرة عقل وحدة ما اشيلهن هن مايصدكن يلمحنچ ويلمحن هذا الطول الحلو اويلي بوية شطب ريحان

ترف :- لا يطلع احدد

جاسم :- شيطلعهمممم مايطلعووون اوگفي احلفچ بالمات عطشان توگفين بس اشبع شوف عيوني تريد شوفتچ وگلبي يرف

ترف :- وليششش گلبك يرف وانت جذاب ماتحبني وماتريدني رايد الشهادة بالدليل صارلك اربع اشهر مانازل

جاسم :- ادفي التفگة وارجعلج

ترف :- منو گلك انه بردانه

جاسم :- چا ليش ترجفين؟

ترف :- اسمع انه صرت سادس لو بيك خير ... قاطعني وهو يرفع طرف حاجبة وكال بمكر ايي؟

ترف :- لو بيك خير تجي تلبسني حلقة و ورة السادس نتزوج

جاسم :- تردين يعني؟

ترف :- اذا انتَ تريد تعال .. تقرب خطوة

جاسم :- اجيتچ

ابتعدت وعضيت صبعي بغضب :- شو طالعة عينك جنت فقير وعاقل وحبك طاهر

جاسم :- استغفرالله العظيم صدك تسوفلت انه استغفرك ربي هذول جماعتي طلعو عيني يومية يدفعون بيه ويعلمون بيه

ترف :- ههههههه درووووح ...

عفته ومشيت للبيت بهمة بدلت بثوب مناسب اكثر ومريح بالحركة ودرة بدلت .. ضلت كاعدة بالغرفة

رهف ابنها ضل يبجي شالته اجت كالت لدرة لو تطلعين تساعدينهن لو تشيلين منتظر

درة گلتلها ... لالا اساعدهن اشيله يزرف ذاني من البواجي اشغل ايدي احسن ما يحترگ رأسي

رهف :- يله روحي

درة :- گايمة رايحة .. طلعت للمطبخ بديت اساعدهن وهن يسولفن حطينه النواعم بصواني والتمن واللحم بصواني كبار اجة سداد اخذ مني صينية باوعلي وابتسم وعفس وجهة

ضلينة ننقل بيهن ونركض ومانلحك عمة نورية خبصتنا خبص

شلت صينية مشيت بيها للباب شفت ايدين لزمن الصينية حجيت بسرعة متوجعة

:- سداد بساع اصابعي تعورن ثكيله

رفعت عيني طاحت بعينه جريت نفس عميق كال بهمس

همام :- نسيتيني درتي؟

درت وجهي بدون جواب وطلعت من المطبخ بكبره ..

كعدت بالهول نص البنات كاعدات بي باوعت لياسمين تهز رجلها حتى ينام ادهم عيني ثبتت علي ماخذ كل ملامح ابو شگاره ولون عيونه الغريب الماينعرف لونهن ويا اللبس يتغير و ملامحه كلهن همام سبحان الله حتى بشكل الحواجب رافعهن من مقدمتهن مثل ابو

بيبي لزمت كف ايدي عصرته حيل وكالت بهمس

:- لا تتحسرين يجي يوم وينترس حضنج من زلمة تحبينه الدنيا تمشي وكل ماتمشي بينا نتغير. ويتغير فكرنا

هزيت راسي و سكتت ومر هذا اليوم ورجعنا للبيت طلعت من الحمام لافة شعري واباوع للبنات مندمجات يحجن بموضوع خطبة احد

كلت الهن بتساؤول :- صحيح مساع سمعت حجي عن خطوبة منو راح يعرس

ردت ترف بحماس :- غيث هاي الايام خطبته شايفله مرة وخاطبينها بعد بس يكطعون مهر

درة :- شكد. بعد تقريبا اسبوع

رهف :- لا گالو اقل لان ماعدهم شي

هزيت رأسي ضليت امشط وفكرة تاخذني والثانية تجيبني مادري شكد مر على صفنتي باوعت لحضني وللمشط متروسات شعر غمضت عيني رهف لزمت المشط وشالت بي الشعر من حضني ولمته وذبته بالسلة وهي عينها عليه

رهف :- انه العشت صدمة تشل العقل ماسويت سوايتچ هاي ايمانج شكد ضعيف جنت متوقعة البنت القوتني تكون قوية بس طلعتي فاشوشي بس حجي

رديت بصوت مبهوت :- ياريته ميت ولا الصار الواحد يتمنى حبيبة يموت ولا يشوفة بحضن ثاني

رهف :- هجم بيت الحضن المكرود لا نايم وياها ولا من هم يحزنون هو ابنه الطالع من صلبة مايريده لا عبالج عايش بسعادة ونعيم ولا هي سعيدة كلها ماكلة وحل ترة تمني الله ينسيج وينسي حبج علمود يكمل حياته

هزيت راسي تمددت مبهوته احس اليوم ضعفت كلش غمضت اتذكر نظرات عيونه من گال نسيتيني درتي واحس كلبي ينقبض كلش

ثاني يوم عمي مو موجود يم هناء اليوم الورا حر عازم عمي ارفد وعازمنا كلنا كعائلة رفضت اروح ورهف هم كالت عيالها عازمينها لان عيد قنعت امي اروح ويا رهف واقتنعت

وصلونة لبيت اهل فاقد الله يرحمه وراحو جان يوم ممتع ويا البنات گضيناه ضحك وسوالف ويا خوات فاقد وامه

ومنتظر ويا جده يلعب وجده طاير بي من الفرح ممصدگ حفيده كبر وصار سنتين وبدأ يحجي هواي كلمات ويلعب ويتدلل ويتصنع الزعل اذا جده رفض يسويله شي

دك مبايل رهف باوعتله المكتوب سداد الفار لعب بعبي جاوبته حطيت المبايل على اذني وسكتت حجة برسمية الو شلونج ام منتظر

رديت :- ام منتظر مو يمي تفضل امر خدمة

سداد :- درة؟

درة :- نعم

سداد :- من طاح حظج وصبغج رهف وين اريدها

درة :- بس هية ماتريدك ههههههه شتريد منها

سداد :- شبيج ولج اهووو انه هم صوجي احجي وياج مو انه مريت بالمريتي بي واعرف البشر بهيج حالة يفقد عقله ويضل يجفص ويسوي حركات ومرات ينزع هدومة لو يشلع شعره

درة :- اييي لو يلعب براس اخته ويكللها رفضي سداد لا تاخذينه لان سداد كيت وكيت وكيييت

سداد :- كيت وكيت وكييت .. يحجي يقلد صوتي

نتر :- وينها

درة :- يم عمتها وعمها يلعبون ويا منتظر

سداد :- بوية

درة :- وجعوية تحجي وتفضني لو اسدة بوجهك واعلمك النسوان شتجيب

سداد :- وشتسويلي عيني تكسرين ظفري لو تخربين حمرتي

درة :- اخابر فاضل اگله تعال لأبنك يتحرش بأختي

سداد :- اعلى مابخيلج اركبي انه بعد جريت خيط من ليث وصرت خبييث ها خاف عبالچ بعدني فقير

درة :- ما ضل شي ما حجيته الا الموضوع لرايد رهف بي

سداد :- اريد اخطبها

درة :- لا صدك شتريد

سداد :- اي والله رايد اخطبها قبل محرم علمود بفرحة الزهرة نعرس ويا غيث سوية وردت احجي وياها اذا تقبل بالليل ادز امي وابوي والحجية

درة بفرح :- الله وتصير صدك بعد كل صبر سنين

سداد :- نعم نعم تصير صدگ اخ منجن بنات وعد عشگجن يشيب الراس لعب لعب بينا النوب هذا جاسم شفتي نظراته لترف بشرفج؟ هم غرك تبعنه المكرود

درة :- اي النوب انه خفت شو حبكم يخوف تاليته كسرة گلب خايفه عليها

سداد :- لج سكتي تدرين من شفت نظراته كلبي انقبض تذكرت مواقفها ويا حمودي كلت لا راح حمودي انكسر كلبه وضليت افكر وبالي مشغول وعيني ع حمودي اتخيل كسرة گلبه المسكين لليل وابوي فضح حمودي طلع يحبله علوية النوب شلون علوية بس اسم علوية عفطية

درة :- ياااااا كول والله

سداد :- هههههههه والعباس ويريدها تكمل سادس علمود يخطبها رسبت راح تعيد سنة كسولية النوب بلوة

درة :- ههههههه يله المهم ما حب ترف ويرحون يعلگون حمودي وجاسم ويله وخر شكد لزكة خرب بيومك ولا تنبلع

سداد :- اعبرلها الج لان حلوة وانه يم الحلوات لساني ينربط بس مرة ثانية اسحلج خوش لو مو خوش بت عمي

درة :-خوش

ردت اسده كال :- سؤال درييية

درة :- جواااب ابن عمي

سداد :- شنو سر علاقتچ ويا صبغ الاظافر الاحمر ترة مو نسيواني انه بس والله اللون يجذب عيوني كد ما بارز وكل ما اشوفج مصبغة احمر

درة :- لو ردت حبيبك يحتر صبغله احمر هههههههههههههههه

سداد :- اشوف همام ضل يزاگط طلع الاحمر مأثر بي مفعول الاحمر قوي ويا الزلم اقوة من مفعوله ويا الثيران

درة :- ممكن تروح دوختني

سداد :- جيرة بفرگچ رايح .. سدة بوجهي شلت المبايل من أذني اضحك علي احب شقانة سوية احسه مثل اخوي وماينه عليه

جمانة ...

گاعده بصالة البيت الجبير جوة مخليه رجل على رجل اهز برجلي بملل

گلبت عيوني بضجر ونفخت ..

حمواتي او اقصد حياية ال نعمان جايات ولازم انه وياسمين نستقبلهن استقبال حافل ونكون متهيئات لخدمتهن من يجن لحد مايرحن الخواتين

جنت ما انزل بس هسة كمت انزل علمود ياسمين المسكينة ماتكدر تواجه هيج حياية وحدها ، هن حتى ياسمين بت خالتهن مايردنها زين وهناء تريدها جا. ماتت ياسمين من القهر

طلعت ياسمين من الغرفة مرتبة شكلها واجت كعدت قريب مني كدامنه الميز محطوطة علي الضيافة و على ميز جانبي المبخرة الكبير بيها اجود انواع البخور

عدلت طرف ثوبي و باوعت على ساعة البيت الكبيرة بالاربعة العصر ياسمين كالت بضجر

ياسمين :- ملينا يمته يجن ونفتك اكلج يباتن

جمانة :- ط طبعا و بيت ابوهن ش شنو نطردهن

ياسمين :- يووو لا هلا هسة يضلن يتأمرن ويتشرطن الاميرات وتعاي يا ياسمين خدميهن من حلگ ساكت

جمانة :- ا انه يمج ل لا تخاافين

ياسمين :- الحمدلله وياي واله منو يتحمل العيشة ويا البشر بهذا البيت وهو ما ويا انسان مثلج نقي وطيب

جمانة :- خ خجلت ر راح اصير حمرة ب بعدين ش شني منو كلج ط طيبة ه هسة يجن من تعابير وجوهن ت تعرفين طيبة ل لو لا

ياسمين :- لا وين اكو منج

جمانة :- ت ترة حية ويااااهن والله ي يكرهني ح حتى با بارق مرة گلي انتي ش شگد حية گتله خواتك شربني م من سمهن وما متت ض ضل يسري السم ب بعروگي مرة ه هيفاء حجت ع عليه سويتها سالفة عليها و ن نزلت لعمي ابجي و خ خبلت بارق بالنحيب خ خليتهم يتعاركون

ياسمين :- زين تسوين مايجن الا بالعين الحمرة

اندگ جرس البيت عرفنا البنات اجن زهراء يم اختها هيفاء بايته واليوم جيتهن سوية ، عمتي بالمطبخ ضلت واگفة و العامل فتح الباب اجانة صوتها وهية تگول هلا بالبنات هلا هلا بالحبايب وبدأت تستقبلهن گمنا انه وياسمين استقبلناهن من باب المطبخ وتعايدنا ودخلنا جوة گعدنا گمت رتبت الصحون و رتبت الضيافة كانت عبارة عن كيك مقطع وبقلاوة بدهن الحر والفستق وككاو و كرزات وعصاير ..

قدمت الهم وخليت الي ولياسمين و كعدنا بهدوء الام وبناتها يسولفن وانه وياسمين حلوگنا تلش كل وحدة دخلت بالصحن طول بعرض ، التفتت هيفاء الي وسألتني بفضول

هيفاء :- جمانة ماكو شي منا منا هذا همام وراكم بهواي وصلاوات وليده بحضنه

جمانة :- و والله ه هذا رزق م من الله م ماعندي علم بي

هيفاء :- صحيح مع هذا لازم تفكرين بالموضوع وترحين لدكتورة نسائية تسوين سونار وفحوصات خاف بيج مشكلة تعالجينها احسن ماتغلسين عن الوضع سنين وتالي ياخذج الكبر

للامانة كلامها جان صحيح هزيت رأسي برضا

:- ص صحيح كلامج ا افاتح بارق ب بالموضوع و واشوف دكتورة ز زينة م ماكو على عرفچ؟

هيفاء :- اكو دكتور بالبصرة مو دكتورة والله ماراحولة ناس الا ومراجعة مراجعتين وصار طفل ياما ناس تراجع سنين ومن الله وبعدها ايد هذا الدكتور خلفو

جمانة :- ش شسمة؟

هيفاء :- دكتور عبد الكريم ماعرف تفاصيل هواي عنه اسأل حماتي وروحوله انتي وبارق هم ياله مو صغار انتم وانتي هم تخرجتي ويا ياسمين وكاعدة شعندج حبلي وجيبي

هزيت رأسي بالموافقة عمتي هناء گالت بغيض

:- هم حتى لو يطلعون يراجعون احنة ماندري بيهم كله سكتة يطبون ويطلعون سكتة ماكو مرة اجالي واحد منهم وگلي راح نطلع لفلان مكان عبالهم الز وياهم

هيفاء مستائة :- وليش ماتحجون ترة جبيرة بالبيت عيب تتصرفون هيچ انطوها خبر اذا ردتو تطلعون وتمشون!! عجيب ماتحشمون الجبير

جمانة :- ل ليش يا يوم ط طلعنا بدون م ماتدرين؟

هناء :- اي تنزلون مبدلين ومكملين ورجلج يجر بسويچة ويگلي طالعين يمة الله وياج حتى ما يسألني اذا محتاجة شي

زهراء :- اي بعد كافي شنو تردين يمه ياخذونج وياهم ترة طلعة رجال ومرته يردون ياخذون راحتهم

جمانة :- ب بس بارق ما مقصر ي يجيج و يشوف شمحتاجة. د دائما ب بس بوكت طلعتنا س سوية تكون طلعة خ خاصة الي .

هناء :- سكتي لسانج يدوخني وبعدين ست الحسن هوفة شفتيلها طبيب للخلفه ما تشوفيلها طبيب يعدل لسانها لو يشيل شاماتها صايرة بگعة

جمانة :- اي ي ياريت د كتور للساني ه هو نص ل لسان و م مسكت هواي ع عالم لو ي يكمل شيسوي

هيفاء :- بهاي اتفق وياج نص لسان وحية وملعبتنا لو لسان كامل تطردين امي من البيت للشارع

ضحكت تك خد بهدوء و نزلت الصحن من ايدي ما رديت عليها تنرفزت ضلت تحجي بهمس ويا امها علمود ما نسمع و نضوج انه وياسمين

ما يدرن نرتاح من صوتهن

شوية شوية بدن ياخذن راحتهن ويتأمرن اول شي بدن بالعشا هيفاء امرت ياسمين كلتلها سويلي دولمة مشتهيتها كلش

ياسمين جانت توة طالعة من الغرفة شايلة ابنها يبجي گتلها انه

:- ا ادهم مر مريض بس يبجي انه ا اسويها ب بس كومن ساعدني ب بعد انتن مو غ غريبات ا امهات البيت لان الدولمة تحتاج ش شغل وهسة مغرب يا دوب نلحك ن نكملها

زهراء :- انه اساعدچ

كامت وياي للمطبخ تساعدني و ياسمين تفتر بأدهم مريض هيفاء كلتلها بنتر :- هاملته ومطگگ طبعا يبجي كاتل روحه حطيله زيركون صخام

ياسمين :- لا يمة عصارة عندي حاطتله بس هو عنده غازات

هناء :- اخذي خالة روحي للغرفة نومي .. هيفاء!!

ياسمين :- لا خالة مايفيد ماينام اخذي سويله شي يطلع الغازات خطية متأذي

اخذته عمتي منها واجت للمطبخ يمنة تساعدنا الطفل هدأ يم عمتي وسكت

ياسمين وجها احتقن ابن هيفاء يلعب يطفر من فوگ القنفات للگاع طاح وتأذة وضل يبجي شالته امه تسكت بي گتلها

:- خ خطية هاملته و و طاح غ غير تلزمي و ما ت تخلي يطفر ه هو طفل

هيفاء :- مالج شغل ماتعلميني الامومة انتي صير ام بالاول واحجي

جمانة :- والله صرت ام ط طلعت عاكر هذا ش شغل رب العالمين ، بعدين اذا تضوجين احد ي يكلچ مهملة لا تكولين هاي الحجاية لياسمين اا انتي ماتعلمينها الامومة لان ت تعرفها ز زين

هيفاء :- محاميتها انتي؟

جمانة :- والله ب بوجودچ ي ياسمين ت تحتاج ع عشر محاميات و فوج ك كامل ..

زهراء :- انتن ليش هيج عبالك بيناتچن عداوة ترة مايصير كل مانلتم تخربنها علينا بعرايك كافي بعد بالبداية نكول ما متقبلين بعض بس هسة شكو مو تأقلمنا

ياسمين :- والله ممسوين شي احنه هيفاء هذا طبعها تجي تشمر حجي وتغث بينا وتدور علينا الزلة

جمانة :- وتريد ت تغثنا وتزعجنا وت ت تتدخل بخصوصياتنا واحنة نضل س ساكتين و ما مانرد ابن ادم م ما يتحمل

زهراء :- يله ماصار شي كلجن سكتن هيفاء انتي هم سكتي ما تخافين على ادهم بگد امه ماله داعي كل ماصار شي بالفرخ تكليلها مهملة انه هم لاحظتج كل مرة هيج حسرة على ادهم يبجي تطلعين لسانج علي ياسمين كااافي

هيفاء :- كرت عيني بت امي تصف ويا الجناين الولد اخوان نسوانهم والاخت هم صارت اخت النسوان مو اختي

زهراء :- اختهن واختچ كافي ملينا من صغرنة لهاي ساعة الله منبوذات بسبب المشاكل ومحد يريدنة والله انه كافة روحي بس كوني بنت هناء واختج لاحتني شرارة كرهم الجن وصرت منبوذة

شفتي اول امس بالعيد شحلاتهم شفتي ستورياتهم شلون ملتمين شفتي ستوريات البنات كلهن سوية يم بيت عمي فاضل ومتونسين ليش ما جربنا هاي اللمات الحلوة؟ لان حضرتج لو امي تخربن اللمة بكبرها صار ما مرحب بينا بيناتهم وما عدنا احباب

نفضت ايدها وكامت مختنكة ضايجة

خلتهن صافنات وراها ما يدرن شنو يردن ..

كملنا شغلنا عمي رجع ورا الأذان جان معزوم يم اهل عمة وعد والولد االتمو بالصالة سوالف وضحك واحنة بالمطبخ كملنا العشا و رتبنة ميز الطعام من كل شي وصحنالهم

التمينا نتعشا سوية همام كاعد كبال ياسمين عيني عليهم هذول لاثنين مابيناتهم توافق الغرب مو مثلهم همام منصي ياكل مارفع عينه عليها ابد وهي ما باوعت بأتجاها

من خلصنا عشا وغسل وترتيب لاحظت همام راح دخل لغرفته استغربت هو ماينام بالغرفة اصلا!! و لا يدخل الها الا ما ندر شوية وصاح على ياسمين راحت دخلت

بقيت عيني ع باب غرفتهم اريد اصعد بس شلون ما اتحمل اريد اعرف شنو جاي يصير بالغرفة

سمعت هيفاء تحجي ويا عمي وبارق بموضوع الاطفال كلولي شتكولين كلت اوكي و رجعت افكر شنو جاي يصير هسة بيناتهم .. بالغرفة

مرت اكثر من ساعتين وماطلعو والمشكلة غرفتهم كلش جبيرة ومن يم الباب اكو ممر وحمام كبير خاص الهم النوب الغرفة يعني حتى اذا ردت اروح واتسمع ما اسمع شي

ولج عيب جمانة شنو تسمعين استحي على روحج

لا شبيج غير هم مابيناتهم شي اريد اتسمع خاف يتعاركون وياسمين تحتاج فزعة

لگزني بارق باوعتله بأستغراب :- راح اصعد ماتجين؟

هزيت راسي و كمت بس وصلنه ذبيت شالي وگتله همام دخل لغرفته وصاح لياسمين باوعلي صفن شوية و ضحك

بارق :- هم سالفة هاي بربچ؟ غير مرته

جمانة :- ترة ه همام ماينام ي يمها ابد ابد يعني ه هذا يعتبر شي غريب ك كلش

بارق :- الله يهدي سرهم الظاهر الحجي ويا درة اليوم جاب نتيجة

جمانة :- ي يا حجي؟

بارق :- رهف ودرة رايحات ويا ام فاقد وبناتها لشجرة ادم اليوم شفناهن صدفة همام راح لدرة وحجة وياها

جمانة: - جذاااااب

بارق :- عيب بابا شنو جذاب مجذب عليج بس راح اعبرها الج جيف احبج واخت فليح الخايس

جمانة :- ش شكرا

بارق :- عفوًا اختي ..

جمانة :- خ خوة عظامك اختي ش شنو راضعة وياك م من هناء

بارق :- ههههههههه همزين ماراضعة وياي سمعي هسة همام راح لدرة وكدام ام فاقد كللها عادي احجي وياج شوية ام فاقد كلتلها روحي خاله احجي ويا ابن عمج

راحو كعدو قريب علينا ع صفحة وجوهم عليه ضليت اباوعلهم واسمع حجيهم لان اصواتهم جانت اعتيادية لا عالية ولا ناصية وانه قريب منهم

همام بدأ الكلام بحسرة طالعة من نص گلبه وعيون غركانة بحزنها گللها :- ما تنحل الامور هيچ درة الحب البيناتنا ماراح يموت وداعة عيونچ الماعندي اعز منهن

درة رد وهي منصية :- ماكو شي ينحل لان انتهينه قصتنا كتاب وطويناه بعد ماينفتح اتمنى تنساني مثل مانسيتك

همام :- نسيتيني؟ هزت رأسها و دارت وجهة لأتجاه معاكس

گللها بنبرة توسل :- بس باوعيلي درة رفعي عيونچ لاحبهن حطيهن بعيني وخليني اشوف شلون نسيتي همامچ

غمضت عينها جرت نفس عميق وباوعتله بنظرة حادة وگالت ..

درة :- اذا تعزني صدك وتحبني تنفذ الأريده

همام :- الچ التردي

درة :- تتذكر ليش انه وياك اختارينا اسم ادهم لاول مولود النه؟

هز رأسه استرسلت بالكلام :- لأن الهاء يجي بعد الدال، الدال درتك ودواء علتك و دليلك ، و الهاء همامي و هوى گلبي وهيامي

داري ابنك همام داري ..

همام :- رووووحي ماتگدر تتقبل طفل مو منچ

درة :- باوعله بعيون گلبك وراح تحبه هذا طلبي همام داري ادهم دللة خلي يعيش اجمل حياة ومن يكبر ويحب وحدة زوجها اله حتى ما ينكسر گلبه مثل ابو

همام :- و انتِ؟

درة :- اكمل حياتي بطريق بعيد عن طريقك كل البعد ..

همام بنبرة توسل وملامح مغلفها الحزن

:- لا تكسريني درة وانه انجبرت بيچ

درة :- هذا طلبي همام تنطي ابنك الحب والرعاية وتقبل قدر رب العالمين روح للغرفة يم ياسمين ولعب ادهم واسألها شنو محتاجة وشنو مشتهية اصنع ذكريات حلوة وياهم

وحاول تتقرب من ياسمين تتقبلها والله شوية شوية تبدي تتقبلها وتتعلق بيها ..

من خطبتني جنت ماريدتك وصديتك بس بمرور الوكت حبيتك حب بس الله يعلم بي ليش وشلون؟

جبرت روحي اتقرب منك جانت صعبة بالبداية بس بعدين كل الصعوبة راحت و بديت اتقبلك واحبك وضعك ويا ياسمين هيچ يحتاج مبادرة منك

همام :- انغلقت الابواب بوجهي ..

درة :- ابواب الحب ماتنغلق ما الحب الا لمن كتبها الله نصيبك والبسها ثوب الستر بقربك .. وكتب لك منها الذرية، ، الله يريد هيج همام لو مايريد جا ماحبلت ياسمين

هز رأسه ونصة بكل حزن جر نفس ارتفعت اكتافه ونزلن بتعب وكأن حاضره ومستقبله تدمرن و بعد ما اله واهس بالحياة

درة :- اجبر روحك و كل شي راح يتغير ..... الله يكتبلك السعادة بعيد عني ابن عمي انت تستاهل كل خير ويمكن ياسمين احسن مني وانسب الك لهيج الله بعدني عنك وحطها بدربك

كامت من يمه رفع رأسه بكل حزن وگللها :- حبچ محوطني من اربع جهات منين ما التفت اشوف طيفچ كبالي

درة :- همام صارت عندك مرأة غيري

همام :- همام ماعنده غيرچ يا بعد عيني ونظرها

عافته درة دارت وجها وراحت بدون وداع حتى خلته وراها صافن ويتجرع مرارة الفراگ

جمانة :- خ خطية سودة ع عليه ما ارتاحو الله ي يجبرهم ز زين همام شگال

بارق :- انه هم حجيت ويا وقنعته كتله عوف ياسمين هسة عندك ادهم خلي هو ينسيك الدنيا ومثل ماكالت درة شوفه بعيون گلبك وراح تحبه ويصير اعز بشر على گلبك

هز رأسه وكال يصير خير وسكت ..

جمانة :- ان شاءالله خير .. رحت سبحت ولفيت روحي بالمنشفة وطلعت شافني وصاح :- تتمررررضين

جمانة :- م ما اتمرض انت ن نازوكي ما تتحمل ب برد

طلعت مرطب وكعدت ارطب جسمي حضني من ورا و همس يم أذني بصوت دافي

:- الشامات علامات للبوس .. كل شامة حصتها الف بوسة و الفين شمة اعيش بيهن هذن شاماتج اعيش

جمانة :- مممممم ه هن هم يحبنك ويحبن ل لمسة شفايفك عليهن لتحرمهن م منك

بارق :- اويلي مرتي تخوووف تخوف ، زين عادي قبلة من شفايفچ الحلوة؟

نزلت المرطب من ايدي ودرت علي حوطت عنقه بأيديني و همست بدلع

:- هن ا اصلا متشوقاتلك ل لا تبخل ع عليهن ي يحبن الكريم

نصة لمستواي اخذني ببوسة عميقة رفع ايده لطرف المنشفه لزمت ايده فتح عينه و عقد حاجبة بتساؤول

:- حبيبي مو ت تراوالي اسمع ص صوت صياح من ج جوة ؟

بارق :- ولج عوفيهم خل يحتركون شنسويلهم يمهم جلال يمهم همام هاي اذا ماطلعت عركة نسوان عوفيييهم وتعااي

ولك تعال افرشلك وطن يم روحي واگلك نام يمدلل

جمانة :- ياويليي ياويليي ، ب بس وخررررر .. ما اريد .. حجيت بعناد

بارق بذبول :- لا تعانديني و بوسيني ..

جمانة :- ا ح ب ك

بارق :- ا ح ب چ جمانتي جمانة گلبيييي

......

رهف ..

جنت بالحمام اغسل لمنتظر و لبسته طلعته و سبحت طلعت انشف بشعري و سمعت صوت من الاستقبال مشيت للغرفة سألت درة منو عدنا

ردت :- بيت عمي فاضل وبيبي

رهف :- صدك؟ شعجب زين وياهم الولد لو اروح مفرعة

درة :-لا لبسي حجاب وياهم محمود

مشطت شعري و مشيت للمطبخ حضرت الضيافة و دخلت عليهم سلمت و قدمت الهم ضيافة العيد كعدت بصف امي جانت تحجي ويا عمة نجوى وبيبي بموضوع خطوبة غيث

وعمي فاضل وارفد يحسبون تكاليف الخطوبة و محمود حاط ورقة وقلم و يدك بالحاسبة ويسجل الهم

فاضل :- هاي هيه الحمدلله انحسم موضوع خطوبة غيث

عمي ارفد جر نفس من الجكارة و طفاها بالنفاضة ورد :- اي هسة نحول لموضوع سداد

عدلت كعدتي متفاجئة ومستغربة شبي سداد؟

فاضل :- اي نحول شعدنا ، جلى صوته وبدأ يحجي

قال الله تعالى بسم الله الرحمن الرحيم (ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة) صدق الله العلي العظيم ، يشرفنا أن نطلب يد ابنتكم رهف حفظها الله لابننا سداد البار بحسب ما يمليه ديننا الاسلامي وسنة نبينا ونسأل الله أن يكون جوابكم بالموافقة وإحنه نتشرف ببنيتنا رهف ونتشرف بمنسابة ام رهف

فكيت عيني مصدومة ما ادري ومابيناتنا تواصل ولا اتفاق مسبق ضليت ارمش حتى ما سمعت امي وعمي شنو ردو صوتهم دخل لأذني مثل الوشة

تفاجئت كلش ضليت مبنجة وحلگي بهت ما انكر الحب بداخلي ما مات دفنته وضل عايش بروحي وهسة رجع يتدفق بكل جزء بيَ ويا دمي بس ما مستعدة احس الوكت مو مناسب

باوعت لامي تحجي وياهم مبتسمة والظاهر الجماعة كلهم موافقين ويدرون وانه اخر من يعلم تغير موضوعهم كمت بهمة دخلت جوة لكيت درة كاعدة كتلها لج سداد دازهم يخطبوني

درة: ادري امس خابر وحجيت ويا كال يريد يدزهم شنو ماخابرج

هزيت راسي ب لا

قوست شفايفها مستغربة وكالت: يمكن ماتذكر شبيج اصفريتي

رهف :-احس روحي ما مستعدة يعني وفاقد ماصارلة هواي من مات

درة :- سنتين ونص مو هواي؟

رهف :- اي مو هواي ما ادري ما ادري بس ما احس روحي مستعدة

درة :- بكيفج التشوفينه بعد بس اظن اظن لازم تقبلين انتي مو مامستعدة انتي شاردة من حبه تخافين ينكسر كلبج ويا مرة ثانية وانه اشوف هاي المرة ماكو كسرة گلب ان شاءالله

رهف :- صح صح خايفة انه اخاف اواجه درة اخاااف

درة :- ضلي شسويلج انه تعبت وجاي اشوف الله كاتب اقدارنا بعد ما اتعب روحي الشي اخلي من وحدة يمشي

رهف :- صح اصلي استخارة؟

درة :- ايي صلي

هزيت رأسي وتوضيت ورجعت صليت و قريت قرآن شوية طبگته و خليته على صفحة وتمددت يم منتظر يبوس بوجهي و يحضن بيه حيل نام على صدري

غمضت عيني و غفيت واجاني بعالم الطيف رجال مهيوب حط بأيدي بيضة جبيرة لونها ابيض

الحلم جان حلو وكل المشاعر بالحلم عبالك صدك حسيتهن فعلا

فتحت عيني مرتاحة و كلبي مرتاحة وصدري منشرح

باوعت للبنات نايمات كمت طلعت فتحت شباك الحديقة و كعدت احس براحة وماكو شي اخاف منه حب سنين هذا وعفته مجبورة وين المشكلة اذا هو لسه رايدني ليش اصعبها؟ ثنيناتنا عانينه لهنا وكافي رهف غلطتي مرة لا تكررينها و ترفضينا مرة ثانية

فتحت المبايل لكيت رسائل من الكروب قريتهن و طلعت من الواتساب رحت للماسنجر لكيته مراسل دگ گلبي حيل و حسيت برجفة حتى بضلوعي

فتحته جان داز مقطع ضلت دموعي تنزل حسيت بمشاعر مختلطة بين حزن وفرح شوق وخذلان

رجعت لذاك اليوم حسيت بحسرته و شوغته بذاك اليوم

جانت اغنية قاسم سلطان نفسها الشغلها من جنة راجعين من السوك بيومها اخذت بدلة على ذوقه لبستها لفاقد بخطوبتنا

على خدي احط أيدي واعاود ذكرى ايامي وادور احلى مابيها واشوفج انتي كدامي .....

كتبتله "يمر اسمك على بالي واتحسر على حالي .. فعلًا" باوعت للوكت متاخر توقعت نايم بس فاجئني بسرعة شافها

ضل يكتب دز "انتِ احلى ذكرى بحياتي وحلاوة هاي الذكرى توجعني بالبعد"

رهف "الذكريات الحلوة توجع اكثر من الذكريات السيئة"

سداد "فعلا"

سداد "شنو رأيچ هاي المرة بس لا رفض وحق القاسم انهي عليچ"

رهف" لا مانطيت جواب لهسة اريد افكر زين واشوف"

سداد "لو اي لو نعم"

رهف "سداد جديات افكر بمنتظر"

سداد "انه وياج نربي سوية هذا ابن صاحبي العزيز وبحسبه اخوي جان شلون اعوف ابنه"

رهف "الله كريم تصبح على خير"

سداد "تلاگيه"

طفيت النت رجع دگ برسالة رفعته شفتها منه

سداد "احبچ رهبتي كشمتي المفترسة"

ضحكت و شمرته على صفحة ..

ثاني يوم العصر امي حاجتني جانت فرحانة ومؤيدة لموضوع الزواج خصوصا من جانب راحة منتظر مفكرة بيها اكثر مني

توكلت على الله وانطيت موافقتي و ورة خطوبة غيث بيومين جانت خطبتنة سويت خطبة عائلية بسيطة اشتريت فستان ابيض قصير لنص الساق و تمكيجت بالصالون مكياج بسيط وتسريحة نازلة مبينة طول شعري .. وتاج برأسي ناعم

التمو الاهل والاحباب ، من ورة باب الاستقبال حاچاني الشيخ اخذ موافقتي وارتفعت اصوات الهلاهل ابتسمت ابتسامة فرح وحسيت برهبة من الموقف صوت هلاهل عماتي يرعد بگلبي

سلمت على عمة نجوى وبيبي و گعدت ..

فات سداد شايل بوكيه ورد احمر كبير خلا بين ايديني وباسني من رأسي وكعد بصفي ..

طلع الحلقة ولبسنياها باوعت لايده ترجف عكسي ، جان يرجف بشكل ملحوظ

لبسته الحلقة وضغطت ايده حيل غمض عينه براحة لحظات و فتح

قرب رأسه مني و همس :- ما مصدگ روحي احس روحي بحلم رهبتي صارت حلالي ! حلم السنين صار واقعي

حلمي العشگته صار واقع ملموس ..

رهف :- مممم الحمدلله نصيبك انه شيغييير نصيبك ههههههههه

سداد :- عماتتي الغاليات عمتي وعد من رخصتچن بعد ما اتحمل اريد اشبگ مرررتي

حضني حيل بكل قوته حسيته راح يدخلني بين ضلوعه دمعت عيونه ضل يفرك بيهن ويمسد على رأسي بأيده الثانيه

بعدني من حضنه جرته عمتي نورية ترگص ويا فرحانة البنات يصفكن و ترف تصور الاجواء

سداد :- تعاااي .. هزيت راسي ب لا

جرني من ايدي رفعها يريدني اركص ضليت اضحك واتمايل و منتظر بنصنا يركص ويفتر ..

سداد :- جابج الله وامتلى عمري ورد ..

رهف :- راحة بالي يمك