تحميل رواية «لك ياذا الجمال اليوسفي» PDF

دره منصيه رسها ، ماقابلة تفرك باصابعها وترجع ترفع راسها وتنصي

وكل شوية تمسح دموعها ..

فجأة انگلب الجو ركضت لباب المطبخ اباوع باب البيت السلايت مفتوح على وسعه

خوالي وعمي ارفد بالطارمة و همام وفالح وسداد وبارق وعلى رأس القائمة عمي خالد مسلحين برة البيت

همام رفع السلاح ليفوگ وضل يرمي بالجو وعمي خالد تقدم ورا الولد

همام صاح بغضب _اااجيت اخذ بت عمي ، انه جاي نهاي عليهااا

عمي ارفد تقدم عليهم يصيح النسوان يضلن يتصارخن على الصوت الرمي

صهيب طب للبيت يركض صاح على كاتي

_وييين سلاااح عمي

من خوفها كلتله _فوگ كنتور هر

دفعتها ام صهيب بغضب تعيط عليها

_الثووولة الفاهية شلون تگليله

راحت تركض ورا ابنها تتوسله يهدأ

امي حطت عبايتها على رأسها وطلعت تركض تحاجيهم

وگفت ويا عمي خالد مگابل وضلو يتصايحون

خالي قصي دفع عمي خالد ورفع ايده بوجهة

صهيب طلع اجة ركض من يمي سحب اقسام وضل يرمي بالجو

ركضت درة رافعه بدلتها البيضة وطلعت من باب الهول

خالي سد الباب لان العالم ضلت تتفرج

همام صيح _بعد هذا هووووو بت عمي الي انه نهاي والياخذها تهدر دمة

صهيب _مو هية بكيفك غير اسرت حلگك

همام _امشي لككك ابو حلگ الفاهي تسرت حلگمن؟

ارفد _طلعووو منا انتم بكيفكم تلعبون شني مالكم رداد

خالد اخذهم واطلع

خالد _بت عمة رايدته بس هاي وعيدة تريد تخرب وتخلي العالم تتكاطع

ارفد _وانت من يمتة صاااير خير وتريد مصلحة العالم

خالد _اااارفد!!

صاح بتحذير

همام تقدم دفع صهيب من صدره وفالح حول سلاحه من ايد الايد وركض حتى يكون بظهر همام ويسيطرون على الوضع

كام صهيب ضرب همام بوكس رجعه اله همام وعلگو سوية

ضلو يفاككوهم وامي ونسوان خوالي يعيطن

صيوان ابن خالي دخل امه لان ضلت تصرخ حييل خايفه على ابنها

بعدو همام وصهيب عن بعض يهدون بيهم

وهم واحد يريد يكطع الثاني من الغضب ويهاددون

درة تقدمت مادري شبيها وليش تتقدم

وترجع ليورا خايفة مترددة

صهيب تقرب منها وعاط بوجها

_كووولي انتي راضية وراح نعقد هسة احجيلة الابن عمج

عمي ارفد لزم درة من ايدها واضحه عليها الرجفة

وكاال بصوت عالي

_هي تقرر اذا درة راضية بصهيب وراح تاخذه معناها تطلعون منا ورجليكم فوگ روسكم

همام _والله لو مو ترضا لو عاقدة تطلك وتطلع ويااااي

درة غطت وجهة بايدها ماتعرف شنو تحجي اوضاعها تخوف

امي تصيح على همام ماانطي بنتي الك امك هناء وتريد مني مرة?!! من كل عقلك

صهيب نتر حييل _احجييييي درة

تخبل همام من سمع صهيب ينتر على. درة وجه سلاحة للگاع يرمي ويتقدم ، صاح بغضب

همام _لااااا تصيييييييح عليهااااا نعااال

اجت طلقة برجل صهيب درة عاطت وانه لطمت وجهي الدم ضل ينفض ولطخ فستانها

عمي ارفد تخبل وخالي قصي سحب السلاح وراد يرمي على همام ولزمو

درة واكفة تبجي وترجف والصريخ صار اعلى صهيب طاح لازم رجله متألم

والما جنت متوقعته صار درة ركضت متخطية همام لفالح گبل ، عثرت يمة لزمها من زندها وطلع وياها من البيت ركض

وهنا عمي خالد والولد انسحبو ، شخطو السيارات وطلعو درة وياهم

عافو الدنيا كايمة والعياط وصهيب متصوب بالگاع يتلوة من الالم كل وجهة معفوس

درة _مو هيچ فالح مو هيچ گتلي ليش ليش سويتو مصيبة

فالح _چا شمدريني خابرتيني الو فالح الحگلي راح ينطوني الابن خالي بدون علمكم تعال اخذني

درة _كتلك اخذني مو تجيب همام ينهي عليَ؟!! ياربي امي راح تغضب عليه اليوم الدين

فالح _ما تغضب

درة _فاالح امي راح تشب نااار من ورا هاي العملة

فالح _الله يركض عليها عمي ارفد يشبگها ويطفيها ونشوف مشهد رومانسي ثاني من بطولة وعد والعم ارفد

اوو شبيج تنوحين كاافي مسحي دموعج انه نقطة ضعفي عيون النسوان ودموعهن

درة _ياااربي انه ردت اخلص من صهيب وديتلي همام

فالح _انجبي شماله همام يبز يعض عاد انه موجود يمج ومطيح حظ همام وساحلة بالقندرة اذا يمد ايده لو يرفع صوته عليچ تلگيني فوگ راسه كاض توثيه

احسن ماتاخذين ابن قصي مانكدر نتدخل ونتصرف ونكفخ بي

درة _افهمممني فالح ما احبه ما احبه ياربي طلعت من مصيبة دخلت بمصيبة وهسة همام ينسجن ويمكن صهيب يموت بسببي

فالح _ولج كاافي بجي سحب كلينس مده الي مسحت دموعي ، باوعلي مبتسم وهو يسوق

_والله يا درية انه لو ماگلبي هاوي غير وحدة جا نهيت عليج الي وخذيتچ

درة _جيرة بفرگك وبفرگ الخابرك وكلك الحگلي

فالح _مشكورة مو حجي عسل

حطيت ايديني على راسي ضغطته ، ماكو ضل يوجعني بشكل عنيف ولعبت نفسي كلش

النوب منا خالد جايبي اكيد هذا هو لاعب بروسهم ومحزمهم على شر

رفعت راسي حجيت متألمة _خالد محزمكم على الشر

فالح _ههههه ولج من خابرتيني طلعت من البيت ركض ركبت سيارتي وكبل لبيت عمي ارفد

لكيت همام خامد ولج شمرت روحي علي ركعته بوكسي بصدره من الخرعة يمكن انكطعت خلفته وتضلين بحسرة الجاهل ... هههههه

كتله مطي كوم راحت حلقومتك ، گبل طفر مفزوع يلبس بهدومة ويسالني شبيها ماتت؟!! وانه احجيله

ولك درة خابرتني راح يزووجوها وابوك هناك غدرك يالمطي

امشي اخذها من يمهم وجيبها

عاد هو ماصدك كبل كال راح اخذ عمي فاضل واروحلهم نهاي

كتله عمي فاضل مايفيد وراح يمنعك وتروح منك ماتلحگ عليها امشي لخالد شراني يكيف

وجبنة خالد وخابرنة سداد ادري بي كلبه مورم ويكيف ، والتمينه واجينة

كلنا ماكو حل اذا همام ما ينهي على حلقومة معناها تروح من ايده وامها تنطيها لصهيب

درة _بس ماياخذني؟

فالح _باحلامج هو يريد الحجة وهاي اكبر حجة نهى عليج وراح يتزوجج

ضليت ابجي بصوت عالي نصيت اون من الالم

طبگ فالح على مستشفى وطلب مني انزل

نزلت اتعثرر دايخة ما اكدر امشي باوعلي وكال بنفاذ صبر

_ الله كاتبلي بكل مرة اكضج وانتي ما تحلين عليَ شسوي بعد

لزمني من زندي وايده الثانيه لازم كتفي ويمشيني بهدوء

كال بفزة _نسينه هااني يابوية راح تعلگ بين همام وهاني مايحلها غير عمي فاضل لازم نلعب براسه ونخلي يصير بصفنا

دخلني للمستشفى ارجف وبدلتي متلطخة دم العالم كلها تباوعلي ، حسيت روحي مصلخة

دك نقال فالح جاوب

نمت على السدية قاسو ضغطي وفالح مستمر يحجي

عرفت هذا بارق وجاي يسأله احنة وين و وين اخذني فالح واخير شي كله انتظركم يم المستشفى

ضغطي نازل حطولي مغذي وارجف من الخوف وابجي من اتخيل امي تتبرئ مني اذا عرفت انه مخابرة فالح وطلبت منه يجي ياخذني

بس والله ماتوقعت هيج يصير والله والله توقعت الموضوع اسهل

كل الي ردته مااخذ ابن اخو لان زواجي من صهيب يعني انه وحر ماراح ننجمع للموت ..

غمضت عيني فتحت على صوت همام

همام _راحو قبلنة خل نطلعها لبيت عمي فاضل ونحجيلة كل شي

فالح _هذا هو

فلك _چنة كاعدين بالهول ملتمين الدنيا مغرب ، ابوي يسولف ويا بيبي سعدية وامي

يحجون عن سالفة درة وموضوع همام ما اعرف ليش مستعجلين ويردونهم يتزوجون باسرع وكت اكيد صاير شي بس شنو؟!

الله وحدة يعلم

فجأة دخلو بارق وسداد وخالد مسلحين ، ابوي كام من مكانه واحنة فزعنه

فاضل _شصخمتو؟

خالد _وعيدة ال** جانت رايده تنطي درة لابن اخوها بدون علمنة وجايبين شيخ وضيم يردون يعقدولهم

سعدية بشهكة _صخام الصخمج يوعد

فاضل بأستفهام _وانتم شسويتوووووو؟

خالد _شسوينه خذينا همام ورحنه وهو حلها فحللل ابن ارررفد فحل

فاضل _تتصرفون دون علمي!! كووواولة مالكم اصل مسررربتين ماتعرررفون تكلووولي وانه اتصرف

خالد _ شنگلك وشتتصرف انته ماتبرد الگلب وهاي وعيدة تلعب من ورانه عبالها ما نردها

بهاي الاثناء دخل همام ورا فالح مبين همام اعصاب وناوي على مصيبة وبأيده سلاح ، ابوي باوعله والغضب سيطر على كل ذرة بي ..

همام طلع سلاحه وگال _بسلاحي اردها واعدلها لو مالت ورادت تلويني

_اوگف لِك اوگف ارعن لا تسويلك طرگاعة .

قبض ايده حيل وصاح بغضب ..

_سويت الطرگاعة ومشيت ، سويتها دماية ونهيت عليها وجبتها واجيت

تعالي لچ تعالي

جان يزمخ زمخ ، اخذتني رجليني للصالة بسرعة وكلهم ركضو وراي

اتسعت عيوني بصدمة التفتت باوعتله بخوف

گامت وگفت على حيلها دمعتها بعينها بس ما نزلت

ترجف غضب ،، بدلتها البيضة ملطخة بالدم

شهگت بصدمة وابوي صاح بغضب ..

_كتلتلك واحد؟!!

_صوبته الافندي برجله خليته يرفس

_الله ينتقم منكم الله ينتقم منكم انتم بلااااء بلااااء انه شنهي شغلييي هناااا ماتعرفون تجولي

وين صادق اسد ارفد خابرولهم اريدها كلها تلتم

الله ينتقم منكم

همام _ارفد هو الراد ينطيها وموجود و واكف بصفهم

خالد _غير يريد يغطي على عمايل وعد

سعدية _فلك طرج يوعد خطتي الشوارب خوط

فاضل _انه بعد ماعندي صبر عليكم مزعطة انتم مزعطة بكيفكم تنهون وترمون على الوادم همج

صار شي للولد تعوق الولد من الله ينتقم منكم

خالد _اووو انتة خواف

فاضل _اليريد الخير والسلام خووواف انعل والديك اليوم اذا ما وليت من كدامي

خابرو الولد اريد الكل هنا بالدوانية بظرف ساعة

تعالل سداد خابرلي عمك ارفد اسولف ويا

وانتن اخذن درة لغرفة الحجية ماتطلع منها لو تموت انه انطيت مجال زايد

خالد _ازيدك معلومة ي فاضل درة هية الخابرت فالح

فاضل _شنهو شلون

فالح _عمي درة ما راضية خابرتني علمود اجيبها وانه كلت ماتنحل وما ناخذ درة اذا مو بنهوة

عمي فاضل دار كعد احنة اخذنه درة لغرفة الحجية وهي ضلت يم عمي فاضل يتشاورون

اشتعل الجو والمشكلة بدأت تكبر وناس تركض للمستشفى حتى تتاكد من سلامة صهيب وناس تعارك

وهذا كله درة حجي ما حجت مصدومة ومريضة مصفرچة

رهف _ خابرونة طمنونة عن صهيب امي بس تبجي وتنوح وتملخ بوجهة تصيح

كله مني كله مني راح يصير شي بالولد

دخل عمي ارفد ضلت تدفع بي وتصيح

_جذبت عليه وخابرررتهم جذبت

ارفد _كفيلج العباس ابو راس الحار ما خابرت ولا حجيت درة مخابرة فالح كايلتله تعالي امي راح تنطيني غصب عني

امي جثت على اركبها تبجي وتلطم وتعيط

ياربي ليش هيج ربي ليش

ارفد _ليش مصعبة الامور والله مادري شلونج وعد هذا صهيب سالم وسالفة درة محلولة ان شاءالله

وعد _وخرر عني الله ينتقم منكم من يوم مات جعفر وطبيت الكم ماشفت الخير وراها الا من رجعت لاهلي

ماصدكتو كبرن البنات اجيتولي متفرعنين وربطتوني بيكم مرة لخ

يمتة اخلص منكم يمتتته يمته

ارفد _انتي مصعبتها وله هي سهله شربة ماي

رهف _اي والله يمة صدك مصعبتها

دك نقال عمي ارفد جاوب انقطبت حواجبة وضل يهز براسه دخل خالي اسامة كله دم من شايل صهيب

ترف _ها شلونه

اسامة _زين بس جنها راح تصير طلابة

ارفد _والله خجلان منك ابو جون ابني معتدي على ابن اخوك وراد يموته وبعدني بنص بيتك

اسامة _جا انته مودي هوا ارعن والصوج صوج صهيب ابن عمها نهى المفروض يسد حلگه هوا حتى ماعاقد عليها

ارفد _تنحل ان شاءالله وانه ركبتي سدادة

اسامة _اهل احنة

رجع عمي باوعلنه وكال _خابرني فاضل كال تجيب البنات وتجي

وعد_يا بنات

ارفد _بناتنا رهف وترف

وعد _لا والله؟ مو هية بكيف فاضل انه اخذهن وارد لبيتي

تنهد مسح وجهة وكال _هذا هو انتي والبنات اخذجن هسة لبيت فاضل وبعدين حولن لبيتكم

وعد _خوش روحن حضرن لبسن وجيبن غراضجن

مشينة تجهزنة بسرعة الدنيا ليل ما حسينة غير سداد صار موجود ، طب للطارمة كال

_ابوي يكول لا ارفد ولا وعد يدخلون البيت ودزني اخذ رهف وترف

امي باوعت لعمي باستغراب كللها _جذب خابرتني الحجية مو فاضل كالت جيبهن وتعال كبل لا فاضل يقرر شي ويخلينه مجتفين

وعد _بناتي يمي والله مايطلعن

رهف _يمة احنة مانروح

سداد _شمالجن خايفات انتن مالجن شغل عمتي وعمي ويا ابوي يحلونها انه ماجاي اخذجن للمگصبة

وعد _ ياربي انتقم مني خرربت ماعمرت

ارفد _كولي يالله رهف بوية امشن ويا سداد محلولة لا تخافن

رهف _ والله مصيبة .. حجيت متضايقة

حضنت امي ودعتها وترف ضلت تبجي متعلقة بامي

قبل لا تطلع كالت لعمي

_جيبها ورانه عمو حباب

اجتي طلعنه ويا سداد كرصت ترف وهمست

_صعددي كدام ، ما صدكت كيفت كعدت يمة وانه ركبت ورا

اول ما صعدت توسطت ومديت روحي استفسر

_عمي شكال شحجى

سداد _غسلنة غسل رزاايل رزايل طيح ابو حظنا بس يله بالريش

رهف _ودرة شلونها

سداد _درة ساكته بعد هية مالها شغل وطلعت منها من عرف ابوي هي مخابرة وطالبتنة واحنة طبعا كلنا شهامة ما رديناها

رهف _ تؤ بلوة هية ماتريد همام ماتحبه وماتريد تتزوج خطية بس لا هسة يجبروها على همام

سداد _همام يفكها بعد؟ گالوها عافها

ترف _يعني هسة راح يتزوج درة

سداد _على الاغلب والله احسنلها ابن عمها ويتعاتب ورايدها

رهف _ليش ابن خالي ما يتعاتب لو موخوش

حجيت بغضب

سداد _لا مو هيج بس ابن العم يمون شما كان وشما سوا

رهف _شنو عم علينا غير هذا الحجي ابن العم وابن العم واحنة ماكلين تبن

ضحك تك خد وكال _اي والله

رجعت ليورا دك نقالي رفعته اشوف فاقد اليوم كله يراسل يخابر ما اجاوبة

رديت _ها رهف قلقتيني بأختفائج وشغلتي بالي عليج كلش

رهف _لا تفكر مابية شي وهسة راجعة للبيت انه بالسيارة

فاقد _هاا خووش من توصلين انطيني خبر حبيبتي

رهف _تمام عمري

فاقد _يلا حبيبتي اخذي راحتج

رهف _االله وياك

ترف _سدودي ابن عمي شيال همي وحزام ظهري مصارينا تكطعت وانت كريم

جان صافن متضايق من سمعها ضحك وافتكن حواجبة

سداد _لازم مماكلات شي ولو شتاكلن احنة البعيدين لا اكل ولا شرب

هسة اطبك على مطعم وانزلجن

رهف _لا عيني وين تطبك شوفلك كشك اخذلها لفة فلافل سمبوسة

ترف _هسة انتي شدخلج انه جوعانة وهوا يريد يكرمني

رهف _احنة بيا حال ترف!!

ترف _وانه شعليه بحالكم انه جوووعااانه المصايب هاي تنحل قابل راح تضل

هية كم حجاية. ورزاله الامي وعمي وتفض

سداد _لا والله ماتفض ماطول صارت نهوة الا ينكسر واحد يا درة يا همام

رهف _الله يستر

طبك سداد على مطعم تأفافت نزلت وياهم كعدنا مكابل ترف ضلت تقرا بالمنيو ومقربة روحها منه كلش مندمجة ويا اختارو اكل نزلولي على ذوقهم ما جنت اشتهي بس من نزل الاكل ماتحملت كلت اكل ونازل خل اكل اشبع روحي

ترف _الله يساعدك سداد

رد باستغراب _على شني؟

ترف _هيچ حسبة ابالي ، ابن عمي ما عايدتني اليوم عيد ميلادي صرت 14 سنة

ضحك وكاللها _كل عام وانتي بخير الج مني هدية ابرة وخيط تخيطين بيهن حلگج لان من تحجين تنزل على روسنه مصايب

ترف _والزايد من الخيط الك خيط بي جرحك

صفن عليها مستغرب نترت _ترف!! فضينا خل نطلع

سداد _خليها تاكل براحتها شبيج وياها

ترف _شوف هذا البصل صاير اسود

سداد _مثل گلب الي ابالي

ترف _صح مثل گلبك محترگ وصاير فحم اسود

لم شفايفه للداخل لازم ضحكته جانت تنيشن وتضرب وتجيبهن فيت بالملم

كملت اكل كالت بأمتنان _شكرا ابن عمي شيال همي حزام ظهري

سداد _ستين عافية

حاسب وطلعنة ، صعدت ورا دك نقاله استبطو كللهم بعدني ب... لان ازدحام وسد الخط

شمر المبايل كباله ضل يتأفاف

رهف _هاا شو تتأفاف شصاير

سداد _الجماعة صايرين نارر وبس يصيحون والله عمتي وعمي ارفد علگوها

رهف _اووف اووف غير كله من عمي يريدها تاخذ همام وهي ماتربده

سداد _شستفادت هاي دارت دارت ورجعت الطيرة راح تصير لهمام بالطيب لو بالغصب

بس يله عاد واحد من احفاد نعمان يبرد گلبه وما ينكسر من ورا بنات جعفر

رهف _المهم هذا الواحد مو انتَ

ترف _يعني افهم من كلامكم انته سداد تحب وحدة من عدنا

سداد _المن حطيتي روحج كلج خلگ زعطوطة توة طالعة من البيضة

سكتي لا تتدخلين بحجي الكبار

ترف _ اسفة انه بس سألت لان شفتك قبل يومين من اجة فاقد ضليت تحوم تحوم وتالي صعدت للسطح تدخن وتلعن وتتقيء

سداد _ترررف لا لا تفكرين من يمج انتن كلجن بحسبة خواتي

ترف _مو عبالي تحب رهف شبيك ، يله همزين ما تحب رهف لان فاقد لايگ الها كلش

بيوم الخطوبة النسوان يكولن واحد مفصل للثاني ، ما تلوگلك .

عض اصبعه كرصتها كالت _اخ

ضلت تباوع النه ببرائة وگالت انطيني مبايلج مبايل امي ضل يمها

مديتلها مبايلي حتى اخلص من لسانها ، ضليت كاعدة وساكته ما ينسمع غير صوت تنهيداتنا

اجتي رسالة ترف قرتها بصوت عالي

فاقد كاتبلچ "راح يموتني الشوگ يمتة توصلين"

غمضت عيني بقلة صبر مديت روحي اسحب المبايل منها بالغلط طك عكس سداد بصدري ، من كد الفشلة المبايل طاح مني جوة الكشن

حد ما وصلنه للبيت احس روحي ردت اموت فتنة للبيت بوقت متاخر البيت هدوء فدك وفلك واكفات ينتظرن بخوف

بس طبيت كتلهن وين درة

فلك _بغرفة بيبي

رحت بسرعة لكيت عمتي نجوى كاعدة وحاطة راس درة بحضنها وتمسح على راسها

وبيبي كاعدة متكترة

درة بنفس الملابس الكلها دم وجهة اصفر

نجوى _ ها شصار للولد

رهف _يكولون زين

سعدية _خل ترتاح وعد الحضيرية هذا اليمشي بدون مايفكر وما يحسب

لو رايح ابن اخوها وجتاله ابن ريلها وابن عم بناتها

شينفعها العناد؟

رهف _والله ما ادري بيبي هاي بيناتكم تحلونها وبعدين عمي ارفد قابل وهوا بنفسه اجة ينطيها الابن خالي

سعدية _غير من وراهم هاي البت مفجوعة راح تموت انه الهم

تقربت يم درة مصخنة ، و وجها اصفر طب هاني للغرفة شايل علاكة ادوية

هاني _وين امج

رهف _غير عمي ما يرضا تجي هنا هي وعمي ارفد

هاني _استغفرالله

حجة بقلة صبر

تقرب فحص حرارتها وطلع ادوية شربناها ماتحجي

لزمت ايدها بخوف وحجيت بحنيه

_لا تخافين محلولة يانظر عيني انتي بس لا تاذين روحج وانتي ماسويتي غير الصحيح

سعدية _لو ماتخابر فالح جا هسة البنية بذمة زلمة واحنة ماندري

اندك الباب طب فالح ، حطينالها شالها على راسها يباوعلها بخوف

تقرب من هاني وانطاه نظرة غريبة عقدت حاجبي باوعت لفالح زم شفايفة ودار وجهة

ضليت مستغربة ، بيبي منصية تسبح

هاني مسح عيونه يمنع الدموع تنزل قربها من حضنه وضل يمسح على راسها

رهف _وگفتو گلبي اريد اعرف شصاير بيبي عمة احجو صار شي لـ درة بهاي الفترة الاجتكم بيها

عقدتولهم هي وهمام؟ حجيت مقطبة حواجبي بأستياء وخوف

عمتي هزت راسها ب لا وكالت _لا والله ابد وماصارلها شي غير نزول بالضغط

هاني _هي مصدومة

بعدها من صدره وحضن وجهة بايدي وكللها بنبرة توسل

هاني _ما راح اكلج بداعة خوتنا لان الدنيا فركتنة وماخلت بيناتنة شي اسمه خوة بس راح اكلج بروح امنا وترابها ومعزتها بكلبچ ،، حاچيني بس حاچيني گليلي تسمعيني

دموعها تنزل ما تجاوب ردت اتخبل ضليت افتر طب سداد باوعلها بنظرة اهتمام

انطيته نظره رفع اكتافه بمعنى ما بأيده شي

تقرب منهم كللهم _ناخدها للمستشفى

سعدية _مو شغلة طبيب يدة مو شغلة طبيب بس هية مخترعة والصار وياها اليوم ماهو شوية

نجوى _مخترعة من الرمي والدم

دك نقال فالح جاوب …… هلا .. زينة بس ما ادري مصدومة

ها تعاي تعاي بكيفج تعاي

منو يجيبج؟

هذا هو

نهى الاتصار وكال موجه كلامه لفلك والي _وحدة منجن تجيبلها ثوب نزعنها هذا ابو الدم انته هاني شمالك تنحب وخر وخليها يم البنات هسة يم خواتها وحبايبها تذب ضيمها وترتاح

يلا برة يلا سداد اطلع انته هم

عفتهم وركضت فوگ ،، جبتلها دشداشة انه وعمة نجوى بدلنالها ضليت محتارة بيها اتوسل بس اريدها تحجي

تباوع مقهورة ومهضومة دمعتها بعينها ادري شسكتج يا اختي شسكتچ شنو السمعتي وهيج صار بيج

_وين ترف

فلك _ماادري خية يمكن صعدت ترتاح تنام

تنهدت بضيق هاي البنية بلوة اذا اختفت يعني اكو بلوة واستغرب من تغط وتطلع بدون ما تسوي سالفة لو تنبش ورا احد

سعدية _ماكو مرض ياذي الابني ادم ويعلعله غير اليصيب الافاد ، الله يبرد كلبج يدة درة

هاي البت ماترتاح مكرودة مالها من الحظ نصيب

رهف _الله يكتبلها اجمل الحظوظ مابيها شي درة

هزت راسها بيبي جنها تدري بعشگ درة لخالي حر وتدري بيها راح تضل معلعله لان تعرف بكلب درة يهواا لحد الموت مستحيل تنساه لو تتقبل رجل غيره كان من يكن

دك الباب هاني وطب تقرب منها وانه ابتعدت عيني صارت على الساعة ب11 طبت ام فالح وبتها جمانة وياها

سلمن وضلن يسألن عليها شوية وطلعن للصالة

هاني _لخاطري درة بس كولي نعم كدام الشيخ والله احنة لمصلحتچ نحجي

عرضت عنه غطت وجهة بايديها تنهد وطلع بيبي سعدية صاحت

_يله جلوح ملوح كلمن يندل دار اهله ويروح عوفن البت ترتاح

نجوى _غير نبات يمها نتفگدها ونشوف خاف يجرالها شي

سعدية _مااهي بعازة احد انه يمها

طلعنه للصالة ملتمين وعمي فاضل يم عمامي بالدوانية ضلينا نحجي مقهورين فوك الساعة يله فضت وكل واحد راح البيته وانه صعدت لكيت ترف نايمة شعجب مو عوايدها تفوت على روحها هيج امور وما تحشر روحها

طلعت تلفوني لكيت خمسة وعشرين مكالمة فائته من امي غير مكالمات فاقد

خابرت امي رأسن جاوبت

_ها شنو الاخبار درة شلونها

_مصدومة ماتحجي وبس ترجف وتبجي

_الله ينتقم منك همام

_مو بسبب همام هية درة ماخذة هذا وله هذا نفس القهرة الولد شعلي

_خافت من صوت الطلق

_ماادري احس بيها غير شي بس ماتحجي مصدومة

_طمنيني عنها كل شوية خوش كلبي غادي نار

_ان شاءالله ديري بالج على روحج

انتي وين هسة

_بيت خالج اسامة

_وسالفة عمي ارفد شني

_كتله تريد وعد تجي تساندني وننطي درة لصهيب وهوا قبل بس بعد اختج رعنة ركضت خابرتهم والله لو تطلعين تدرين اذبحج

_والعباس ماادري حالي حالج

_تعاليلي هسة تورطت ويا ارفد ، النوب هاي بلوة جديدة على راسج يا وعد كلت اطلع بتي من نار هناء تالي انه وياها طمسنة بيها

بس انه خل اهدأ واحلها

_هواي حاسبيلها حساب وشايلين همها فد نمونة هية بحجايتين طلعت مطلگة منا

_يمة مو قصة حاسبيلها حساب هاي هناء اتهمتني بعلاقة ويا عمج فاضل من مات ابوج وانه نفسه وخلت لمياء وخالد يشهدون جذب وصارت طكني واطكك وطلعت منهم بوجه اسود وانه كلشي ماعندي

ما استبعد تذبلها طركاعة على درة ..

كملت حجي وياها ونهيت الاتصال كتبت لفاقد

"عمري اعذرني اختي تخربطت" ماجاوب يمكن نايم

الساعة وحدة الا عشرة حاولت انام اغفى واحلم بدرة بالبدلة البيضة تبجي كلها دم وافز مخروعة اتعوذ بليس وارجع اغفى دقايق واتحلم وافز

حد ماصارت ثنتين ونص ، مليت طگت روحي كمت غسلت وجهي لكيت شال ترف ابيض مال المدرسة ع منشرة يم الحمام جريته حطيته على راسي وطلعت

امشي على كيفي عن لا احد يسمعني اصوات جاية من برة مشيت للمطبخ بدل غرفة بيبي باوعت الباب مال المطبخ مردود على النص والمطبخ ضلمة واضوية البرة كلها مشتغلة عبالك نهار

جفلت من شفت واحد فوگ السياج ورجع نصه وباوع ليورا صخام هذا بارق ويمة واحد لاف على رأسه شماغ وناطيني ظهرة جان بعيد ما كدرت اميزه

طفر من فوك برميل اول مرة اشوفة محطوط هنا

دنجت ومشيت يم الشباك برة ضوة نهار عبالك وجوة ضلمة مايشوفوني مع هذا حاولت اشيل البردة شوية واباوع منها

بارق واكف لابس بنطلون وتيشيرت ومحزم بأيده سلاح وهذا الناطي ظهره كدرت اميزه سداد التفت نص التفاته شفته وتاكدت

راحت عيني لمكان ثاني اشوف فالح واكف بايده جكارة يدخن والايد الثانية بيها سلاح ومحزم ومسافة عنه هاني كاعد بالكاع مخلي ايده على وجهة والسلاح متچي على الحايط

غيث لازم مخزن ويعبي طلق ، وحتى ليث وياهم نرعبت من منظرهم الظاهر اكو مصيبة

بس لا ويا خوالي بعد عمله همام

لهناك انفتح الباب وطب همام ويا جاسم وحمودي وسدو الباب

ما سمعت حجيهم مع العلم جانو يحجون سوية ومبين عليهم منفعلين واعصاب

انسحبت بهدوء ودخلت لغرفة بيبي درة بس شافتني رفعت راسها تقربت منها بهدوء كتلها بصوت ناصي

_شصاير؟

ما جاوبت بس دموعها تجري على خدودها ورجعت نصت

جنت واكفة مقابيل سرير بيبي ناطيتها ظهري

شهگت وصاحت _دخيلك يملچ الموت خلني قرا الشهادة دخيلك

رفعت الشاهود وكالت اشهد ان لا اله الا الله واشهد ان محمد رسول الله واشهد ان علي ولي الله

بقيت صافنة تقربت منها بهدوء اريد اطمنها كالت _قريتها اقبضها الحمدلله

رهف _بيبي! خوفتيني انه رهف

رفعت راسها بصدمة وغمتني _فلك طرج عبالي ملچ الموت اجة يقبض روحي من فلك طرج بت وعيدة شيابچ هنا ماتكليلي

رهف _اتفقد درة

_ولي ولي ماهي بعازتج لا بارك الله بيج وكفتي كلبي صعد لزردومي

رغم خوفي وقلقي ضحكت ، اجيت تمددت يم درة اهمسلها اريدها تحجي ماكو

بس وجودي يمها خلاني اطمن صار الصبح ومحد بينه راحت للدوام ضلينة بالبيت وغياب الولد عن دواماتهم زاد قلقي

مشيت للمطبخ شفت عمة نجوى صافنة بالفراغ

حاجيتها بهدوء _عمة شصاير ماتگليلي وحق الحق كلبي يريد يوكف صاير شي على اختي وانه مادري لو الولد مسويلهم سالفة

نجوى _ماصاير عمة السالفة مو يمنة بس لازم نتحذر

_مافهمت

نجوى _واحد من العشيرة كاتله زلمة وصارت عامة

_عمة ليش احس جاي تسكتيني وبس

_لا وحگ هاي النعمة السالفة ومابيها واحد من العمام يصير ابن ابن عم ابوج كاتلة واحد وهوا هم خاف ماتدرين يصير ابن حمة نورية عمتچ بعد عمام وشي داخل بشي

طكله واحد موته وكبت عشيرة المكتول سووها عامة ، واحنة بعد تورطنة عامة مو عامة متورطين

رهف _لان نفس الفخذ يعني نتورط حتى لو ماعامة

نجوى _اي يمة الله يستر الولد ويحفظهم ويبعد عنهم الشر هاي غير .... قطعت كلامها وسكتت

رهف _اكو سالفة ثانية

نجوى _ماصايرة وان شاءالله ماتصير

رهف _اكو خطر متربص النه مو

هزت راسها وتحسرت

رهف _ودرة تدري

رفعت اكتافها وقوست شفتها بمعنى ما تدري

ضليت متوترة للعصر يلا صعدت كبل سبحت فتحت المبايل رديت على فاقد

وضحتله انه ملتهية بدرة لان مريضة

رد متفهم الموضوع والله يحل مشكلتكم

كتله سمعت؟

رد اي سمعت

_شنو سمعت بالضبط بله شو حجيهم ماقنعني وخايفة

سولفلي كل شي مثل حجي عمتي شوية ارتاحيت كلت لا بد تنحل مامن المعقول يقتلون واحد من ولدنا شعليهم

بس ضليت خايفة من الموضوع الثاني

تاخرت ساعة فوك دخلت ترف تعيط وتبجي وكف كلبي الا شوية من شفت منظرها

ترف _ولج صايرة عركة امس احنة ماندري وهسة طبت عمتي نورية تلطم كاتلين ابنها زامل وكاتلين زلمة ثاني ماعرفة يصير ابن عم ابوي

كعدت على الجرباية رجليني بادن وجريت نفس

وهمست _المصايب شلون تصير؟!

ترف _عمتي جوة كطعت روحها بس ما ادري يكلولها ما ميت صدك جذب ما ادري

بقيت ارجف غطيت وجهي وبجيت ياربي شنو هاي المصيبة الدم راح يصير للركب واحد يموت واحد

العياط على اكثر نزلنه ركض عمتي تصرخ وتلطم هي وبناتها والحجية تنعي وتبجي وترجع تلطم وتگول

حتى لو الولد بي روح موتنه بنعاويهن

طب سداد بأيده سلاح يركض وعاط

_لا تصرخن كلنالجن ما ميتين لا تصررررخن

نورية _بالحسين عليك صدك عدل لو تجذبون عليه

سداد _والعباس خـابرونه كالو عدل صلن على النبي مايصير هيج عياط بعياط

عمي دخل جان اعصاب ويحجي ،، لحكة سداد لغرفتهم وطلعو ورا دقايق كاعدة ع درج خايفة

صعد سداد ركض بس جان فاير صعدت ورا استفسر ردت اتاكد زامل صدك ميت لو عدل

ركضت ورا الغرفته احجي

_جاوبني الله عليك وبرد كلبي زامل صدك عدل ماميت

باوعلي ودار بسرعة رفع المندر طلع طلق

_عدل والله بس يكولون مرتضى ابن عم ابوي ميت وساعة يكولون لا عدل بس بالانعاش

رهف _زين عركتهم على شنو

سداد _ابن ابن عم ابوي حبيب لاگي واحد ويا مرته وكاتله بس ما كللهم السالفة لهيج الحك صار علي وعلى عشيرتنة لا تحجين كدام اي بشرررر ابد ان زل لسانج كصيته لان تصير مصايب اذا ذاع الخبر

رهف _خل يحجي ويفضحهم طز احسن مايروح واحد منكم هاي اذا ما زامل والويا ماتو

سداد _عنده بنات مايكدر يفضحها تلوحهن سمعة الله يستر اذا راد يحجي ويوكف الدم بعد بكيفة بقت يمة

بهاي الاثناء الرمي خرشني كمزت بخوف وعبالك يم راسي يرمون ركض سداد جرني سحبني ويا للكاع طحت وايدي صارت على فخذه جرني حيل من زندي بعدني من كبال الشباك

صرت جوة هوا مكبص كبالي وكلش قريب مني وانه صرت بالزاوية

ركب المخزن وراد يكوم للشباك لزمت السلاح وعطت بخوف

_لا سداااد الرمي قريب تتصوب عوووفه عوووفه

دفعني وعاط

_وخررررري

ركض فتح الشباك وكف على صفحة وحط السلاح ضل يرمي بالجو

حطيت ايديني على اذاني ابجي بخوف ، هدأ الرمي سحب السلاح

باوعلي وكال _لا تصيرين كبال الشباك ونزل يركض

مر اليوم بصعوبة علينا ميتين خوف بس تاكدنا المصاويب ماميتين شوية ارتاحينه

صار الليل جان هدوء ، وبنص الليل دكونة

لان مايقبلون بالعطوة ومصرين يكتلون واحد من ولدنا موت عبالك كاتليلهم خير هوَ كله خلك كو** ومات

متنة خوف نمنة انه وخواتي يم بيبي سعدية وحتى فلك يمنه حشرت روحها

مرن علينا يومين نفس الوضع نرجف والرمي كل شوية والجيش تارسين الشارع

وثالث يوم العصر الولد فجأة اختفن اسلحتهم لهناك وكالو لبسن عبي تسترن

تسترنه اقل الساعة وجفتو علينا الجيش والضباط رتبه رتبه ترسو البيت ترس

الجيش ضلو يفتشون بالبيت واحنة كاعدين يم بيبي سعدية خايفين ، كامت بيبي سعدية

تحجي ويا الضابط عن تفاصيل العركة عبالك هي الضابط مو هو

اخير شي كللها حجية يصير خير

وقبل لا يطلعون درة تخربطت طاحت وفوك ما البيت مخبوص درة خربت علينا

طب هاني شالها شيل واخذوها هي وفالح جلبت بذيالهم اخذناها للعيادة القريبة

بس شنو الولد متلثمين ، وهاني طلع سلاح من جوة الكشن

عرفت هم ضامين الاسلحة عن الحكومة

فالح _ ضمة ضمة

هاني _شلون لو رمو علينه

فالح _مايرمون علينا هوا انه وياك عبالك نثاية واذا كابلونا ورادو يذبحونه نضل نبجي ونتوسل نكللهم يتامى مالنه احد ويهدونه

هاني _*** عرضك

وصلنة للعيادة نزل درة شيل نازل صغطها حطولها مغذي شلنا شيل وصعدناها بالسيارة

كلبي يدك بسرعة خايفة لا يصير شي على الولد لو يعترضون طريقنا ويكتلونهم

ضليت اتلفت واشوف بظهرنا سيارة بيها اربعة ملثمين ، عطت بخوف

_فااالح ورانه

رد بصياح _شفتتتتهم

هاني _نصييي نصييي رهف لا ترفعين راسج

نصيت ودرة منيمينها على الكشن شهگت

انهبطت الخوف غزى صدري

صار رمي وهاني طلع السلاح رمى والسيارة تمشي بينه

فجأة اختفة كلشي صاح _شوفي درة شبيها

باوعتلها ترجف حجيت بخوف

_لو نروح يم خوالي احسن درة مريضة راح تموت من ورا الخوف البيها مكفيها

سكتو ماجاوبو ،، وصلنة للبيت نزلت منهارة ورجليني يرجفن

عمي فاضل جامعهم بالاستقبال وبس عياطهم طالع

ياربي دخيلك لا تفجعنا بواحد منهم الله يعلم صارو عزاز على الگلب وخسارتهم بالنسبة النه جبيرة

ولد عمامي خوش ولد رغم سلبياتهم بس والله حزام وسند وعزوة وينحبون رغم ماصارلي اعرفهم غير سنتين بس عزيتهم وصار الخير اليجيهم يفرحني والشر اليمسهم يأذيني

امي كلساع تخابر تتطمن وتريد تجي بس عمي ارفد يكللها ماترحين فاضل مايقبل لا تخلي يثور بالزايد

هي مااجت صدك تخاف تكسر كلمته ويروح يصدمها بقرار اقسى

متجفية الشر وكاعدة يم بيت خالي اسامة

وصهيب زين مابي غير العافية وسالفته ويا عمامي تأجلت بسبب هاي المصيبة

نمت بصف درة جانت تتنهد توسلت بيها تحجي ماكو اذا حجت كالت ماي حمام اريد انام

هيج مختصر بس ماتسولف البيها وعيونها خالية من الحياة

بالليل صاير اشتباك بين الطرفين وتصوب واحد ثاني من اهل المكتول والمصوبة واحد من اولاد عم ابوي يعني مو من ولدنا

وللصبح الزلمة مات وهاي بدل الواحد صارو ثنين وتعال يا عمي شايلني

عماتي ضلن بس يبچن خايفات بعيونهن خوف كل وحدة تخاف تخسر عزيرها بسبب وحدة ساقطة خلفتها بطولها وت**د

خلص اسبوع كامل واحنة لا ليلنة ليل ولا نهارنا نهار عمي فاضل كال انتن بنات محد يگرب الجن داومن

بس انطانة توصيات هواي من ضمنها نطلع من الباب للسيارة ومن السيارة لباب البيت

فعلا هنا العشاير شما صار النسوان مالهن دخل ومحد يوصل الهن

عمي هواي حذرنا داومنا الوضع جان طبيعي بس درة ماداومت لان مريضة ضغطها بس نازل ماكو ع مغذيات خلصتها

اسبوع ثاني مر نفس المصيبة ما انحلت الشيخ منع الزلم تطلع كالو ماكو تكعدون بالبيوت اذا واحد طلع وانكتل تكبر بالزايد

برجعتنا من الجامعة يومية نشوف سيارات يحومن بالمنطقة وبيهن زلم ملثمين ومرات ماكو من يجون الجيش هذول يختفون

حد ما يوم امي طبت علينا فجأة تبجي ركضنة انه وترف حضناها عمي فاضل وبيبي كاعدين

باوعتلهم وكالت

_انكطع كلبي على بناتي مااكدرت اضل بعد احس جن ماكو هوى بلياهن

ما حجو ولا كلمة زعلانين

خذيناها لـ درة حصنتها تبوس بيها ودرة بس تبجي وتحضن بأمي حيل

امي حتى ما عاتبت درة سكتت لان المصيبة الاحنة بيها كافي

شوية الوضع هدأ ،، وبيوم العصر عمي حجة ويا امي وهي ضلت تبجي شنو گللها ماندري

طبت امي يم درة وطلعن سوية راحن للاستقبال

ورا دقايق طلعن ، بيبي سعدية صاحت

_مبارك المهر يدة درة .....

سعدية _مبارك المهر يده درة

درة _يبارك بيج بيبي

وعد _بوسي راس وايد الحجية يمة يلا حبيبتي

تقربت درة باست ايد الحجية وراسها وبوست عمة نجوى والبنات كلهن بوسنها يباركن الها

وصلت يمي وكفت كبالي بعينها دمعة وغصة حضنتها وهمست _مبروك

وبعدني مبنجة ومبهوته من الصدمة كعدت درة يم بيبي سعدية

كلتلها الحجية ...راضية؟

درة _راضية الحمدلله غير تردون مصلحتي؟!

الحجية هزت رأسها برضا كمت من يمهم صعدت گبل لعبت نفسي من هاي المهزلة لكيت فالح وسداد ناطيني ظهرهم وفالح يربت على كتف سداد

ما سمعت غير اخر كلمات طلعن من سداد

_خذت صاحبي شلون اخرب؟ مجبور وتقبلت الواقع الله يلهمني الصبر والنسيان

فالح _الحمدلله المكتوب ما منه مهروب ..

تحمحمت انطيتهم خبر بوجودي ومشيت من يمهم دخلت للسويت فالح يباوعلي مبهوت وضايج

سمعت فالح گال لسداد _امشي نبارك لدرية وهمام على الخطبة

غسلت وجهي بماي بارد ضليت اسب والعن درة امي بيبي عمي كلهم وراهم شي والله طكت روحي يمتة اعرف كلشي

بعدني بالحمام وگب الرمي يا طلابة الرمي الماراح تفض ، طلعت من الحمام مرعوبة ونزلت گبل

كلهم ملتمين بالصالة عمي ارفد واولادة ثلاثتهم وفالح وعمي صادق وعمي فاضل والولد بأستثناء ليث لان عمي مانعه يدخل للبيت الا للضرورة ..

درة گاعدة يم بيبي وفاضل بالنص وهمام مكابلها الفرحة مبينه على وجهة كأنه ملك العالم كله ..

فالح وغيث يباوعوله بمكر وكل شوية فالح يلگزه بخاصرته ويضحك ودرة صارت حمرة من الخجل خطية ..

صادق _عندي حجي ولو الظرف شوية ما يسمح بس بعد شنكول الحياة لازم تستمر وما نضل ناجل ناجل على ما تنعدل وتفض ونطلع خسارة

سعدية _داخلين بالله يبعد عنه الخساير

عمي صادق باوع للحجية وابتسم _انه حاجي ويا الحجية بهذا الموضوع واريدها هي اميمتي تحجي قبلي حتى نتبارك بحجايتها

فلك كالت بهمس _ يحسسوني احنة كاعدين بالبيت الابيض وهسة راح يصدر قرار مصيري للولايات المتحدة الامريكية

ضربتها بخفة حتى تسكت اباوع لفالح توتر رجلة ضلت تهتز ويمسح بوجهة من العرك

والحجية انطت مقدمة شطولها بدأتها بأيه وانهتها بطلب ..

سعدية _اخيك صادق يريد يطلب اريد كريمتك فلك لوحيده فالح

فلك بهت وجهة غطيت شفايفي ضامه ضحكتي

باوعتلي وكالت مستنكرة

_شيسوون بأيدي ماعدهم ايدين

طبعا هي فهمت وعرفت بس كالت هيج من كثر صدمتها ..

فاضل _وانه اتشرف انطي عزيزتي لفالح وليدنا ومتربي على ايدينا نعرفه ماعندة دروب تعبانة ولا هو صاحب نسوان ولا شرب ومكسرات الواحد ينطي مرة وهوا مأمن ومرتاح

فالح _تسلم عمي وانه ان شاءالله اكون عند حسن ظنك واحطها بعيوني وبگلبي و ..... سكت وبلع ريگ متوتر

_هذا حجي مثقفين انه ما اعرفلة من الاخير عمي بتك تاج رأسي واحطها هنا

وأشر على رأسه

ضحكنة كل احنة حتى فلك ضحكت خجلانة يمة يمة منها .. مو جانت كاتلة روحها وتبجي على هاني يمتة نسته؟ بس ولو هي ماتحجي بالموضوع حتى جائز تكوون طلعته من گلبها من زمان واحنة مااندري ..

فاضل _والنعم منك عمي فالح بس ها ترة فلك فقيرة مو تطلعلها كلب بصف كلبها

فالح _هسة انتة انطيني ومعليك

صادق _هههه ولك عمك لا تجفص

فالح _اعذرني عمي وعبرها الي وانه هم راح اسد حلگي وما احجي شي لحد ما يتم كل شي علمود ما اخرب

سعدية _اسكت انته لا تفرح خل نشور البت

ها ولج فليكة شتكولين؟ بعد كافي انتي حك زواج والبكبرج عدهن ثنين وثلاثة وراح يكعدن

فلك توشح وجهة بحمرة الخجل ونصت تفرك بأصابعها خجلانة عمتي نجوى كالت

_وين تلگى احسن منه علمود ترفض

فالح _السكوت علامة الرضا شوفوها خجلت يعني موافقة بس تستحي تحجي

فاضل _تسكت لو شلون؟

سوة حركة على حلكة بمعنى سديته وهز رأسه وشح نظره عنها

فاضل _فلك احجي بوية قابلة ما قابلة

كالت بصوت خافت كوة سمعته _قابلة

ضحكت وغطيت وجهي ترف صاحت _تكول قابلة

سعدية _الحمدلله بنياتنا لوليداتنا

يده فالح باوع لبنيه عمك شوفها عدل مو بعدين تگلب وتكول ماعجبتني ولو انته باينتك مفصل من زمان

حجتها وفرت حلگها

الله يذب واحد بحلگ بيبي سعدية سداد كفخ فالح على رأسه وفالح صار احمر من الخجل

فلك _اكثر من هيج رومانسية ماكو طلب ايدي تحت الرصاص

.. حجت بهمس

رهف _انيالج عيني جوة الفشگ يخطبج المحروس

فاضل _بعد احنة هسة لا طربگة ولا من هم يحزنون نفس هذولي الزوج درة وهمام نعقد الهم بسكته لحد ما تفرج ونسويلهم كلشي يتدللون حفلات وصالونات ما نخليهن هيج

درة كالت معترضة بفزة _انه ما اريد

همام خطية اختفت ابتسامته وانعقدت حواجبه بقهر

فاضل _شنو بوية وحد عن النسوان انتي وماتردين بعدين انتي عزيزة كلبي انه ما ارضا اذا ماتلبسين اغلى واحسن بدلة وترحين احسن صالون وتصورين وكل شي يسونه البنات تسوين الاحسن منه

درة نصت راسها ما حجت شي قرب راسه منها حاجاها ضلت تهز براسها وابتسمت اخير شي

ارفد _وانه و وعد قررنه نعرس

شهگت مصدومة بارق كال بهمس مستهزأ _هاي شمالهم كلهم صاعد لراسهم اليوم

سعدية _هيهووو الحضيرية رضت منها من الشيطان

باوعت لترف كاعدة على رجل القنفة تبتسم وتباوع الامي خوب هاي بلوة بس حبت عمي ارفد رضت امي تاخذة ولا جنها اول مرة موتت روحها وهدت وعاركت

درة ماعلقت تدري وانه هم ادري امي واعدة عمي تاخذة وتكمل ويا من يطاوعها ويزوج درة بغض النضر عن النتائج

عمي جان متوقع ما تتم او تفسخ وهيج شي لهذا السبب كان ذكي وشارط عليها يتممون كلشي حتى اذا الخطبة خربت

فاضل _والله هاي الساعة المباركة يوم المنى الاشوفكم سوية ومرتاحين

ارفد _وعد تدري انه رجعت ام بارق ورا ما ندمت على سوايتها وقطعت وعد ما تتدخل بأحد

بس جان شرط وعد اكعدها وحدها وياها درة وهمام

فاضل _من حقها

ارفد _اي صحيح هم بنيتها يمها وهم بعيدات عن المشاكل وهمام راضي طبعا يكعد ويا حرمة ابو بنفس البيت ماعندة اشكال

ودرة راضية الحمدلله

فاضل _وين راح تكعدهن؟ اقصد يا بيت

ارفد _ردت اشتري من وعد بيتهم بس صغير ما ترهم انه اريد بيت جبير علمود درة وهمام ياخذون راحتهم اسويلهم مثل الشقة المعزولة والها باب على البيت

وهم ترف ترتاح خو ماتروح تتقيد كبال ابن عمها

باوعنة لترف كاعدة ع رجل القنفة وكصيبتها صفح لا شال ولا شي وضحكنة بعد شكد تاخذ راحتها هي شال ماتلبس من الولد عبالك اخوانها بالرضاعه

بس لبسها كله تراكات واسعه تستحي تلبس ضيك هم زين طلعت منها مو من امي لان لو امي كايلتلها غيري لبسج تنجلط وترف ما تتغير

ترف كالت باستغراب _شبيكم تباوعولي وتضحكون حتى ما حجيت شي علمود تكولون ترف جفصت وترف سوت مشكلة وترف متعمدة تذبلها حجاية وتعلك لحية بلحية

فاضل _لا عمي ما حجيتي شي رجعي كملي صفنتچ

هزت راسها وسكتت متأثرة بنعال امي الي تركعها بي ورا كل جفصة وما تتوب من المصايب والتجفيص رعنة ومالها حل امي ملت منها ماكو نتيجة .. تتأثر يومين وترجع

كملو حجيهم وعمي ارفد يخطط ويسولف عن قراره بشراء بيت قريب طابق ونص ، ويرممه الجوة لامي وفوك لدرة وهمام ايده عمي فاضل وطلب منه ياجل الموضوع لحد ما تفض هاي الطلابة ..

وبعدها بدو يخططون لعقد فالح وفلك ، ومن سالفة لسالفة خلصت الكعدة

صعدنة فوك انه وخواتي وامي ، درة كالت الامي معاتبة

_هسة ارتاحيتي يمة هذا التردينه انتي بس مستحية تكولين

ردت امي مبهوتة _شنو الاريدة ومستحية ولج درة؟!!

درة _تردين تتزوجين ارفد وتكملين ويا

امي ضربت على صدرها وكالت بنشغه _ولللججج انه اريد اررررفد !! ولج اننه ااااريدة!!! ولج انه الجرعت الضيم لخاطرچ ونزلت روحي لزلمة ماهاويته لاجلچ تكليلي هيج

درة طبت للغرفة ودخلت جوة الفراش تبجي امي ضلت تنشغ وتبجي وتعاتب رب العالمين لحد ما ملت كامت غسلت وجهة ونزلت يم عمتي نجوى

وادري بيهن هسة يتكابلن ويخططن امي من رافگت عمتي نجوى قبلت بأرفد وصارت تتقبل قرارات عمي فاضل دائما ..

ترف _عادي ليش درة ضايجة امي بكيفها تريد تكمل حياتها

رهف _شغير رايج؟ ست

ترف _سألت حمودي گلي عادي امج صغيرة لازم تكمل حياتها وتعيش ويا انسان يحبها تريد تطب تطلع تسولف وتشكي وتلكى من يواسيها من تحتاج

انتن راح تشوفن حياتجن وكلجن تعرسن وهي تضل وحيدة خطية

رهف _هلووو امي وبيبي سعدي وعمة نجوى حجن ماقبلتي وبكلمتين من حمودي ذبيها تراب وقبلتي ولا صرتي متكلمة وتعرفين شنو امي تحتاج

ترف _اي غير ابن عمي شيال همي حزام ظهري گلالي هيچ

قوست شفايفي ماعاجبني احس من اجينة لهنا الكل تغير تفكيرهم وكل واحد صار يفكر بوادي

كعدت يم درة اتوسلها تحجيلي شلون قبلت وليش والاسباب ماكو ولا حجت لا حياة لمن تنادي ..

للساعة بالعشرة درة معتكفة على نفسها وما تحجي بس تبجي وتمسح بدموعها اندك الباب طلعت لكيت هاني فتحته كبل عينه صارت على البيت جوة يحجي ويباوع

هاني _هااج هذني حلويات واجباسة الجن ، وين درة

رهف _اي كول جايبهن علمود درة بس ابشرك ماراح تاكل منهن ولا يعجبها شي بس تبجي

تنهد بضيق ونصة حك طرف حاجبة بالسويج

_مصيبة نزلت على روسنه والله

رهف _يعني انه مو اختك ليش ماتحجيلي

نگرني بالسويج حيل _ سالفة ما تنحچي رهف

رهف _سرني وشوف

هاني _نتخارب

رهف _واحنة شلونه هسة سلام الله على خوتنا تخبل وما نريدها تخرب

گالي بنبرة حزن _انه احبجن بس مااعرف شلون اطلع الحب تعودت من صغري كاعد ببيت بي بنات اريدهن ياخذن راحتهن وما يتقيدن اشرد للشغل الهي روحي

لحد ماصارت عندي عادة اشتغل شفتين من الصبح لليل وما اكون موجود بالبيت هواي حتى اشوفجن وتجمعنة مواقف، ، وما عشت مثلجن سوة وجربت شعور يكون عندي خوات انه حتى ما اعرف شلون اتعامل ويا البنات وخصوصا وياجن

رهف _بعد شنسوي الدنيا فرگتنا الحمدلله على كل حال وهسة ما تحجيلي

هاني _تؤؤؤ ولي خمدي لالا احجي ويا درة حففي عنها وخليها تاكل شي

هي شني تحب؟

رهف _عادي اي شي بعدين انتن استجن لا تطلع النوب يكتلونك اكعد واسكت

هاني _الجيش تارسين الشارع

رهف _وينهم من صار الرمي عشتو

هاني _اي من ورا وبعيد مايكدرون يجون يدخلون بالفرع يخافون من الجيش يحطونهم بالبدي هم واسلحتهم

عافني وراح لغرفته دخلت كلت لدرة _هاني جاب هذني الحلويات ويسأل عليج

باوعتلي باهتمام

_اخوي هاني جابهن صدگ؟

رهف _ اي والله وباله يمج كلش خايف عليج

درة _شنو الفايدة واحنة معرضين للخطر بسببه؟ شنو الفايدة وهو خلاني اعيش اسوء لحظات حياتي خلي محبته اله الاناني السبيندي

رهف _شسوالج هسة الولد كاف خيرة شره واذا غلط مرة مرتين وياج عبريهن ماجان حاس بالاخوة

درة _ اليدري يدري والمايدري يكول كضبة عدس

حجتها بغيض دارت وجهة سحبت المبايل ورجعت تتصفح بي

رهف _يمتة تتفضلون علينا وتخلونه نعرف الاسرار الضاميها انتي والحزب الجوة

ما ردت فتحت العلاكة اخذت منها ككو وجبس ورحت كعدت على الصفحة خابررت فاقد

سلمنه وبدينه نحجي عن العرس الي تأجل بسبب هاي المشكلة

دزلي صور غرف علمود اختار وحدة گلبتهن جانن غرف صاج عراقي تصاميمهن حلوة جديدة

واكو غرف اخشاب ابيض بذيج السنين ما جانن مرغوبات من قبل الاهل فقط الشباب وانه وفاقد من ضمنهم اختارينا وحدة بيضة بتصميم بسيط

والسرير مدشن التاج مالته دزاينه بسيط وراقي

كال فاقد هذا هو الغرفة باجر نروح نحملها ونجيبها

رهف _حبيبي براحتك مو شرط باجر

فاقد _اسكتي ممصدك روحي اجيب واحط اوكفي اصورلج

جنت حاطة سماعة واحجي ويا شوية وصلني صور وكال ها وصلن شوفي

فتحتهن كله فرشات مال جرباية وتحف وتيبلام بدزاينات حلوة وبعد سوالف مال غرف

رهف _مبين عليك متحمس كلش

فاقد _مو شغلة حماس وبس هاي من كد الفرح احتاج شجيب وشخلي بيناتنة الحجي امس بالسوگ ردت اتسوگ كراتين حلويات وكرزات واضمهن للعرس بس كلت هسة اهلي يضحكون عليه ويكولون ماشايف

رهف _هههههههههههه معود اصبر من نتزوج جيب لا تتحمس زايد

فاقد _رهف

رهف _مممم

_سداد زعلان مني؟ يعني ما حجة كدامج شي يخصني

_تؤؤ ما حجة ما زعلان ليش يزعل قابل شمسويله

_ماا ادري ماا ادري يتصرف وياي ابرود مو ذاك سداد الاولي

_هوَ مريض

_خيرة؟

_ما ادري بس معدته خطية وبس يتقيء قبل الطلابة سمعت عمتي كالت لبيبي سداد رايح للدكتور ومحلل طالعه عندة قرحة بالمعدة وتحسس بالقالون العصبي

_ها هل اكول ما يتحمل شي بسرعة ينكلب

_اي القالون دمرة خطية الله يساعد اهل القالوون كل مشاعرهم تطلع بشكل اوجاع ضاجو عصبو انقهرو يلزمون البطن

_اي يصير الوجع مثل السجاجين بالگلب وحسرة عليهم ياكلون لگمةة

_الله يشافي

_امين ..

استمر حديثنا قرابة الساعة نضحك ونسولف قبل لا انهي بدقايق اجت رسالة على الماسنجر من سداد وطلع صوتها

فاقد _منو درلج

رهف _صديقتي بالدوام ..

فتحت الرسالة من سداد كاتب "بس خففي صوت ضحكتچ ما اگدر انام"

رديت "تدلل"

گلت لفاقد اريد انام ترخصت ونهيت المكالمة ، حطيت المبايل جوة مخدتي ضليت احاجي درة على امل اطلع منها بفايدة ماكو ..

جمانة ... كاعدة مكابلة عمتي هناء مجبرة ويمي كاعد بارق

بارق _نور البيت برجعتج ست الحبايب الروح رجعتلي والله

هناء _تسلم ماما حبيبي وانتي يمة جمونة شلونج شلون العيشة ويا بارق ولو حبيبي وين اكو منه واصلا انتي صاحبة حظ جبيير شني يهو اجة وصار بارق؟

جمانة _ ا الحمدلله

ابتسمت مجاملة وعيني راحت للتلفزيون الهي نفسي عنهم مالي خلگهم عائلة ما تنجرع كلهم ثگال على الگلب

بارق _فالح خطب فلك اليوم الجماعة كلها راح تعرس

جمانة _ ي يا ف فالح؟

بارق _فالحنا

قوست شفايفي ما عاجبني شنو الجماعة يخطبون ويعرسون وانه ما ادري غير يگلولي علمود اتحضر ادور ملابس مكياج

بارق _راح يعقدون سكتاوي مثل همام لمن تنحل المشكلة

هناء _اسكت اسكت لا تذكرني بهمام من ساعة السودة الصارت بيها هاي العبدة والله لا ينطيها العافية المشوهة خذت الولد

هاي هاي درة حياله من جوة لجوة حية ركطة

بارق سكت ما جاوب ما يحب يتدخل بهيج امور ، شوية وفتح وياها موضوع جديد انه مليت

مديت ايدي دخلتها جوة التيشيرت مالته تحسست ظهرة جر نفس واستقام ظهرة كـ رد فعل لحركتي

تحسست المكان بلطف ولگطته گرصة ناعمة باظافري

غمض عينه متألم باوعلي ابتسمتله ابتسامة صفرة ورفعت حاجبي

همس شكو

جمانة _ ا اصعد؟

بارق _ لحظة .. يمة روحي ارتاحي الوكت تأخر واحنة هم نعسنة صاعدين نرتاح اليوم جان طويل ومتعب

هناء _اخذو راحتكم

كمت سبقته ركضت وصلت قبله ذبيت شالي ودشداشتي ضليت بالشلحة ، رتبت شعري بأصابعي

وكفت كبال المراية رشيت عطر ورحت كعدت على الجرباية متصنعة الهدوء ..

دفر الباب بكل قوته ودخل بأيده عودة الماسحة ، فرها حيل

بلعت ريگي بخوف الظاهر حركات الهدوء والانوثة ماراح تخلي ينسحب اليوم ناوي يكسرني

جريت رجليني بهدوء تقرب بسرعة يريد يطكني انه طفرت فوك الجرباية ، احجي بتوسل

_ والله ب بعد ما ا اكرصك والله والله ل لا ل لا باارق تعور و والله

عض شفته وعمص عينه بمكر

_العين بالعين والسن بالسن والبادي اضلم

جمانة _ا اصررررخ

طفر على الجرباية نزلت من الجهة الثانية ركضت لحكني طفر وراي بايده العصة ويحجي اوووكفي اوكفي ولج

جمانة _ م ما اوكف م مخبل تكتللني والله ا اروح لاهلي ز زعلانة بس ت تطكني بالعصا

حصرني بالزاوية مال الغرفة سويت نفاخة بالعلچ وتخصرت _ طكني ا اروح زعلانة ل لاهلي ا اكللهم ط ط طكني بعصا و واخلي فالح ي يكتلك ب بالنعال

رفع اكتافه بأستسلام وشمر العصا بالكاع

_غلبتيني لوتيه البربوقه جمانة حية حية تلدغين وتضمين راسج

سويت نفاخة وفشيتها ركصتله بحواجبي ومشيت للجرباية

_ ح حية للعربيد م مالتي

بارق _ انه عربيد؟

جمانة _ م مو انه ح حية؟

ضل يباوعلي بنظرة برائه مستسلم ، تمددت گتله _من ت تطلع طفي الگلوب والصبح ك كعدني من و وكت عندي. د دوام

بارق _بعيوني .. گالها بمكر

طفة الضوة وتقرب مني رفعت راسي مستفسرة

_عندي موضوع وياج بس كعدي سمعيني

كعدت مستغربة شال الغطة جانت ظلمة وشلحتي صاعدة مانزلتها مايشوف

ثنى رجله وكعد جر نفس عميق وكال _جمانة سامحيني بس والله مجبور على هذا الشي

اهلي والمجتمع فرضو عليَ هذا الشي انه صرت مجبور على شي ما رايدته

جمانة _ ر راح تطلگني؟ س ساعة لمباركة

بارق بحزن _لا مو طلاگ

تحسر وگام وگف منصي خفت حجيت بقلق _ش شكو بارق؟

سحب الغطة حيل ولزم رجلي جرها ولگطني عضة بزري ، عطت وضربت رأسه ضل مجلب عاض زري

دفرته حيل ابتعد يضحك _الثار حلو الگرصة بعضة

جمانة _ م مجلوب

بارق _ انه مجلوووووب ؟

جمانة _ جا ا ابوي؟ م منو عضني بزري غيرك

نزلت الشلحة غطيت افخاذي ضليت افرك بمكان العضا مخنوگة اريد ابجي متوجعة

جرني من رأسي حيل ليفوك نترت

شكوووو

عضني بخدي عطت وبجيت راسن

جمانة _ م مستففففززززز م متعجرررف

سحب عيونه بغرور وطلع يدندن _گرحتووو ااه أذيتووو ااه بكيتووو ااه حبيتوو لااا

كمت شمررت علي مخدة ضربته براسه حيل وسديت الباب قفلته ونمت ..

كعدت ثاني يوم قررت اغيب ورجعت نمت سمعت الباب يندك كمت فتحته ورجعت ذبيت روحي على وجهي نمت

سمعته يخابر ويفتر بالغرفة يبدل اخير شي نهى الاتصال ، جنت بين الغافية والكاعدة

تقرب حط شفايفه على خدي جفلت من حسيته تحسس خدي

وكمزت من لگطني بعضه بخدي

كعدت افرك بخدي وابجي _ش شبيج ي ياربي بيمن ورطتني ب بواحد مجلوب

بارق _شبيج حبيبي من حبك عضك

جمانة _ ل لاشاااك مو ع عضك

بارق _ تخووووووووف شنو هذا بوية تخوف تخوف بنفسجي وحركات

غطيت روحي وخزرته لبس ساعته وهو يباوعلي مبتسم بأستهزاء وانه افرك خدي متوجعة ، رفعلي حاجبة وحط اصابعة يم رأسه ودعني بهاي الحركة وطلع ..

كمت سبحت ورتبت المكان اندك علي الباب وطبت عمتي سوتلي مداهمة تتأمر عليَ

من لا جارة نزلت وياها كبرتني كرب شيلي هذا وحطي وهذا وجيبي ذاك

خلطي طماطة نكعي تمي ثرمي البصل اخير شي جريت نفس وكتلها بهدوء

_ خ خلي احوس ا الجدر ض ضلت علي؟

هناء _ يااا يااا ما عاجبها ام نص لسان وتحجي فوگها اكول انه ماجايبتج اعاين على طولج ساعديني من حلگ ساكت لان حجيج ما ينجرع لا صوت ولا لسان سليم

جمانة _ م ما اسمحلچ تحجين عليَ ، م ما ارد ل لخاطر عمرج

هناء _لااا يمة ناقصچ ترردين بعد ام التشلح طالعلها لسان وترادد لو ما ابني سترج هسة راسج طاير

جمانة _ م ما سويت شي حتى ابنج ي يسترررني

هناء _لا شسويتي يا يمة بس شلحتي ويا واحد وابني لفاچ وسترچ يالك**

جمانة _ ما ي يلفي الك** غ غير الك**د ، ذميتي ابنج ب بدون ما ت تحسين

د دائما ت تمكرين و ت تشمرين بس بس ت تضرين ولدج بدون ما تحسين

عفت من ايدي الطماطة وصعدت ضلت تصيح وراي وتريدني انزل قفلت بابي وكعدت حتى صعدت ضلت تدگ بي وما طلعت الها زايدة مني انزل اخدمها وانه اصلا شقتي وحدي ..

امي خابرتني تبلغني بالليل العقد ضجت شنو هاي لا انه ولا فالح سوينه عقد وحفلة

بس هي طمنتني ورا المشكلة كل شي نسوي بالاخير احنة نريد نفرح هذا اخوي الوحيد

ويستاهل نتعبله ونحضرلة ونهوس

بالليل رحنة بس بالسكتة انه وبارق وامه وعمي ومناك همام وجلال وبيت عمي صادق راحو

بكل هدوء دخلنا ملتمات الحبايب واجت فلك لابسة البدلة مال خطوبة رهف لان مانكدر نطلع ونفتر بالسواگة بسبب البلوة الاحنه بيها

وحاطيلها مكياج بسيط ساحبة شعرها ومخليته نازل على ظهرها

بس طالعة تخبل والبدلة جاية عليها فيت لان فلك ورهف نفس الجسم

كعدت بصف درة بهدوء بعد ماباركت الها وكتلها مبارك مرت حماي

ضحكت ونصت ، فلك صافة ويا رهف يحجن ورهف تعدل شعر فلك

كامن امي ونسوان عمامي هلهلن وهوسن شوية وسكتن ماكو نفس لشي احنة ايدينا على گلوبنة خايفين لا يدگونة لو يكتلون واحد

فاضل _بوية جيبنها ام ليث جيبيها تقربت مها منها تصادفت ويا رهف حطت عينها عليها بحقد

وطبعا حقها محد يلومها اذا رجلها عاشگها وراد ينزلها ضرة عليها

لبست فلك عباية وشال واخذتها يم الباب من ورة الباب تم العقد واكفين نتصنت بس انطت فلك موافقتها احنة هلهلنا بفرح

كامت متوترة معمية على عينها بوسنها وكعدنها ملتمات داير مادايرها ترجف مرهوبة

امي طلعت حلقة وگالت _جبتها اليوم الصبح ما يهون عليه ماكو حلقة يلبسها لمرته بحجة الخطر والوطر

نجوى _بارك الله بيج ام فالح

بس هسة اخلي الولد يصيحولة يجي يلبسها الحلقة

فلك _يمة لا لا المن جيبن انه البسها .. امي خزرتني وعمتي ضحكت

_شلون يصير غير رجلج يجي يلبسچ الحلقة

راحت ام فالح ضليت افرك بأيديني متوترة ، فالح خوش ولد وانه رضيت بي لان ادري راح اعيش سعيدة ويا وراح يصوني

ماكو بداخلي اتجاها اي مشاعر انه بصدري ارض جافة خالية من الحياة متعايشة وياها شي على شي وماشية

دخل فالح رفعت راسي شفته لابس دشداشة وعگال وجفية بدون بشت ، حسيت رجفة سرت بكل ذرة بيَ نصيت راسي ارفع الفستان من يم صدري اضم الطالع

الله ينتقم مني شلون جنت اشوف منظر رهف وفاقد حلو وهي لابسة هذا الفستان!! احس ما يصلح رجال اول مرة يصير حلال وانه لابسة گدامه هيج

كعد بصفي بيبي سعدية تصفك وتهوسلة _فلوحي صاد الحمامة تباركولة يا عمامة

امي وعماتي يصفكن ويضحكن .. وهو مسح وجهة خجلان

والله تطلع منك يا فالح وتخجل ما اظن ..

كاعدين صفة متوتوين ايدي ترجف هو مخلي ايده على فخذه اباوعلها كل شوية يقبضها ويفكها

رفعت عيني باوعتله وهو هم باوعلي لم ضحكته ودار وجهة عمي ، شبي هذا شنو اليضحك بله؟

رجع قرب رأسه وكال بأنتصار _اخيرًا انتهى صيامي وفطرت ، ذهب الضمأ وراح تبتل العروق ان شاءالله

فلك _شكد صارلك صايم؟

رهف _من جنت صغير

ضحكت وغطيت حلگي رجعت نزلت ايدي مبتسمة رفع ايده حطها فوك ايدي ولزمها بقوة

باوعتله مبتسمة بخجل رفع ايدي باسها وضل لازمها

عمتي انطته الحلقة دار عليَ ورفعها اخذ ايدي لبسنياها وضل لازم ايدي يباوعلها تلمع بيها الحلقة مبتسم

رفع طرف غترته مسح عيونه وحضني بسرعة بنص الهلاهل والتصفيگ من قبل عماتي والبنات ..

بعدني عنه گلبي ينبض بعنف وكل اجزائي ترجف نشوة غريبة مشاعر عجيبة اجتاحتني

دائما اسمع عن نبضة الحب بالحلال

وهاي هسة جاي اجربها نبضة حلوة غريبة مريحة

احس بالقبطة حنجرتي تضخمت بس باردة

احس يطلع شي من عيوني بس بارد

رهف _ولو احنة مو بوضع يسمح بس فلك جانت حابة تركصون سلو على اغنية حلوة

ما تأثر مو

فالح _سلو شني هذا؟

رهف _ركص رومانسي عيني فالح شسالفة مال اتراك

فالح _هذا مال يتشابگون؟

رهف _اي

فالح _رحم الله والديج موافق

ضحكت بخجل راحت رهف طلعت ام بي ثري صغير وشغلته الحبايب قليلات بس بناتنه وهم مو كلهن جايات

كعدن على القنفات گمنة انه ويا بنص الصالة فارغة

حطيت ايد على كتفه والثانيه بنص كف ايده

لف ايده على خصري وضلينا نتمايل على الحان الاغنية

نصيت راسي خجلانة حط رأسه قريب مني همس _شكد حلو من تضل تنتظر تنتظر صايم وحارم روحك من كل شي وبعدين تفطر بالحلال

شكد اشوفج كبالي واشح نظري عنج يطلع شعرج مااباوع تصيرين قريبة اكتم انفاسي عن عطرج

مااريد الحرام وياچ جنت رايدها هاي لحظة الحلال ..

جر نفس عبالك شهگني بي وقربني اله اكثر

فالح _ ترعطين رعط

فلك _ههههههه بله هذا هم حجي

فالح _شلون يغازلون ما اعرف انه زلمة معيدي وما اريد اغازلچ غزل معدان خاف تضوجين

فلك _عادي ما اضوج غازلني غزل معدان مو مشكلة

فالح _يبا بالعباس انه عاشگچ من راسج لحد جدمج ، انتي تاااج رراااسي

والله هاي كل قوتي

ضحكت ضليت منصية شفته يصفن همست بخجل

_شبيك صافن

_جاي افكر شلون احصرچ وهذني كلهن كاعدات؟

رهف _خلصنا راحو اهل فالح وطشينة كل واحد بغرفته ، جنت اسبح طلعت من الحمام شفت درة لازمة راسها بايديها الاثنين

اجيت اتفقدها رفعت ايديها تمنعني المسها

رهف _يممة تعاي شوية .. اجتي تركض

شافتها تقربت منها

وعد _شبيج يمة شنو تحسين؟ راسج؟

درة _راح اموت

تقربت باوعت الامي خافت كومناها نريد نحطها بفراشها وطاحت علينا اغمى عليها

ركضت امي جوة تجيب جهاز الضغط ورجعت وياها هاني

كال لبسنها ناخذها للعياة بسرعة

كعدناها تون وبس تبجي

امي لبست بسرعة وانه لبست درة اجة هاني شالها شيل ونزلت امي تركض ورا

درة _هاني شايلني وانه روحي راحت اريد اتقيء وراسي موتني وجع سمعت صوت همام يگله صعدها صعدها

حطوني بالسيارة وشغلوها وطلعو اسمع اصواتهم يتناگرون

هاني _المن لاطش وياي انه اوديها

همام _هلوووو وطلعلك واحد يريد يكتلك شلون؟

هاني _يضررربني مرررض شلك شغل

همام _ومرض يضربك يهو ميت عليك انه على درة انته بيش الكيلو واذا ماتت جلب وفطس ندفنك ونحط عليك نعال علامة

هاني _بالعباس سااافل صوج القدرك وانطاك مرة

همام _شني تريد اجامل؟ خوش

انته تهمني ابن عمي وشريان كلبي الابهر

هاني _وتاج راسك وابو لگمتك ومتفضل عليك وناطيك مرة تسوة راسك

همام _صحيح بهاي ماجذبت

نزلوني للعيادة شسوة همام دفع هاني ولزمني من ايدي هاني خزرة همام سوة روحه ماشايف

كعدوني ع كرسي امي كعدت بصفي وبالجهة الثانية همام

اكو ناس قبلنة يم المضمد ، همام يفرك بأيدي ويحاجيني

_وليداااتي مريض يروحلك فدوة الي ابالي

هاني _ميل عنها

همام _مرتي شلك شغل .. لزم طرف وجهي رفعه وكال

_وليدي حبيبي شنو تحس؟

بلعت ريكي مرتبكة _لعبان نفس وراسي كلش

همام _هبوط

هاني _خوش اكتشاف صلاوات على محمد

همام _ كام يزكط

هاني _راح ازكط صدك واطكك بعجل

همام _اكول الي ابالي عليمن طالع يزكط بالعالم

درة _اذا ما تسكتون انتم الزوج اصيح واعزيكم المن جايبيني المن لو مخليني ميته اشرفلي

سكتو وصل سراي حطولي مغذي ورجعوني للبيت ، بالليل كله مريضة ورهف سهرانة وياي وامي كذلك

ثاني يوم ماداومنا حتى بس فلك داومت عدها امتحان ، دخلت ترجف وصفرة وكبل راحت للغرفة حتى ما سلمت ..

كلها نص ساعة مو اكثر ودخلت ام فالح تلطم وتكطع بروحها ذبت شيلتها وضلت تكطع بشعرها وتعيط

_راااح وحيدي رررراح فااالح ..........

في المستشفى ، يوم النهوة ..

بارق _كلمتين وياها لا تصير مادري شلونك ما راح اخذ نصها

فالح _مو انتَ سماني ولسانك ينگط سم ما اريد تأذيها بحجاية وهي بامانتي

بارق _صدگ ما راح تتأذة ،، باوعلي شحيت نظري عنه لحظات ورجعت باوعت لفالح

_عادي فالح انه متعودة على لسانه اذا سمعت منه شي يضوج ما اهتم

بارق _سمعت؟ اطلع يله ما عليك امر

فالح خزره وانطاه نظرة بمعنى لا تجفص وتأذيها بس وين هذا بارق ابن هناء السم يمشي بداخله اذا تشرحو مايطلع دم يطلع سم عرابيد ..

طلع فالح باوعلي بارق وكعد على السدية لميت روحي وكتله بجزع

_طالعة روحي لا تطلعها بالزايد والله ما اطولها هاي الكهرباء موجودة احط ايدي كلها دقيقتين واسمع من هو ربك من هو نبيك

رفع ايدينه يهدأني ويسكتني وكال بهدوء

_ اريد اطلب منج شي واحد مو اكثر

_اخذ اخوك

_ذكية ما تعبتيني

_ اي ولان ذكية ماراح اخذ اخوك وما تلزمني نهوة عمي فاضل موجود

_ جاوبيني على سؤالي ، انتي ماتردين همام لانه همام لو اكو سبب ثاني

مثلا تعلقچ بالمرحوم حر

عقدت حواجبي ورفعتله ايدي استفهم

_شقصدك؟ لا تشمر

_ما مشمر انطيني جواب

_معليك

_زين عوفي الشطر الثاني وجاوبيني همام همام رافضته لان بي شي بي لوله لو هيج منها والدرب ما عاجبج

_منها وللدرب ما عاجبني

_ما تشوفين بي شي

گلبت عيوني بضجر وكتله بأعصاب

-مابي شي همام احسن منك وشريف ومحبوب وكلبه نظيف لا يأذي لا يجرح بس انه ما اريده هيج من الله احسه مو مناسب ما احس راح نتوافق سوية

_ويمكن اكو توافق بالاخير البشر ما تعرفينه زين الا تعاشري همام يطلع احسن من ما متصورته بعد

انسان نظيف وحقاني وبي من الصفات زينه ما لا تعد ولا تحصى انه اخو يومية انبهر بي

_منو حماد العروس؟

_لا والله مو قصة احمد بأخوي ترة انتي بنفسچ مدحتي وانه ادري رفضچ لهمام ورا سبب

يمكن انتظارج للعزيز الغايب هو السبب؟

مو شي منطقي واحد ينتظر بشر نايم جوة التراب

فزيت من سمعت كلامه وكعدت اباوعله بأستغراب كل الكلمات ضاعت لساني عجز حتى عن النطق

بارق _استغربتي ؟ حر ما يرجع بعد يرادله نبي يحيي العظام وهي رميم يله تشوفي واگف گبالچ

يحجي مبتسم

بكل صدمة كلت بصوت باهت _انغام؟

بارق _اشتريتها بالفلوس ولا تنفعلين احنة بمستشفى واكو ناس مرضى ومرافقين عيب بنيتي

حطيت راسي على المخدة الدنيا كلها افترت بيَ فر حسيت بصدري اكو شي انملخ

عبالك بارق مد ايده بين ضلوعي وشلع گلبي بكل قسوة

رجفت شفايفي ما اعرف شلون سألته

_تلاعبت بمشاعري شهور؟ وهمتني حـر عايش وهو ميت صدگ؟

بارق _للاسف ..

درة _ هم حاسب روحك بشر؟

بارق _ مو بشر ، انه عاصفة، برق، انه الصاعقة النزلت على راسچ بيوم الفشلتيني ورفضتيني گدام كباريتنا واصحابي وما حسيتي بوجعها الا بهاي اللحظة

درة _دفتر مذكراتي !!

بارق _ اخذته بفاتحه حر اجيت بيومها ويا عمتي نجوى اخذت الجن ملابس وغراض استغليت انشغالها وفتشت ومن وكع الدفتر بايدي ورسائل حر لمحت منهن كم سطر ما كدرت اكمل ضميته جوة قميصي ثبته بالبنطلون ، ومن صرت وحدي قريتهن ويا بوية على الحبيات والغراميات والمواقف الوفيرة الي خلتني اعرف كل تفاصيل علاقتكم ..

قريت كل شي اكثر من عشر مرات وعرفت شلون اجيج ، اخذت الاوراق الي بيهن كلام حر

ورحت لخطاط اعرفه كتله حاول شگد ما تگدر تكتبلي هذا الحجي الاريده بنفس هذا الورق طلعلي ورق مثله لو من جوة الگاع

اخذله شهر تقريبا ونفذ ..

وقبل لا يطلع قبولج كاعد يم سداد سألته عنجن

كال كلهن قدمن وبدن التربية بجامعة الكرمة ومعدلاتهن زينه واثقين من قبولاتهن

هنا انه شسويت بحكم عندي علاقات بهواي ناس نخيت واحد من جامعة الكرمة گتله اريد على عرفك بنيه نگدر ندفعها وتسوي الي نريده بمقابل مادي

گلي هاي سهلة حبيبتي لو تگللها امشي للموت وانطيج عشرة تركض ..

_انغام حبيبته اتفقت وياها ضدي

_عفية عليج وانطيتها صورتج وصورة حر وكلشي مطلوب ودفعتها بفلوس وهاي شوفة عينج شهور ما حسيتي وجنتي فرحانة مت عيني عليچ

فقيرة والناس تمشيچ بمزاجها وشلون ما تحب

نشغت مسحت دموعي استرسل بالكلام ... جنت متمني تحجين لامج وتخليها تتأمل وياج وتالي تنكسر

_ما حجيت

ضرب فخذه حيل _حرامات جان انقهرت وياج ورديتلها شوية من عذاب امي

_من امداك وجيرة بفرگك وبفرگ امك

_حبيبتي ..

_كوم اطلع منااااااا حيوان

_خليج هادئة بنت عمي ضغطج نازل ومعلگيلچ مغذي والحجي الجاي هواي

ضربت راسي حيل بأيديني وضليت احجي ويا من بين اسناني بغضب

_اطلع اطلعع نذذل حيواااان اطلع اطلع

بارق _طالع بس ردت اوضحلج وابينلج الحقيقة حتى ما تضلين عايشة بأوهام

ضيفي عليها همام ماايدري لو يدري جان خرب واجة كلج ماله ذنب لا تحقدين علي

حقدي عليه انه قاطعيني انه سبيني انه بس همام ماله ذنب والله وان كسرتي كل شي بدفترچ ينفضح

وضيفي عليهم دفتر حر الصار يمي

فكيت عيوني على وسعهن _شووووصله الك؟

بارق _سفانه صلاوات شلون تكرهجن بس كتلها فتشيلي ودوريلي دفتر اوراق شي ركضت ماصدكت واستغلت سفرنا للزيارة وفتشت لگتلي الدفتر وجابته الي

ضحك مستهزء _خرب بعرضها ولا تحب الفلوس بت الفگر

گام وكف على حيله وگال بنفس النبرة المستفزة الهادئة الي ما يوم شفته غيرها ..

_ترجعلج الدفاتر من يعقدلچ همام ، وانه اعترفت حتى ماتضلين متأملة وتأيسين

نكدر نكول هسة صرنه متصافين رديت اعتباري واخذت الاريدة وزيادة

بت عمي العزيزة من اليوم وصاعد مابيناتنا حسابات ولا كتابات

بأستثناء الدفاتر المتروووسة اسرار ..

طلع ضليت ارجف ما مستوعبة مصدومة واحس انسلبت روحي ، اجة فالح وطلعوني للبيت

اول شي عمي فاضل يرزل بيهم ويحجي عليهم وانه يم بيبي سعدية اسمع كل شي هي جانت تقرأ على راسي

لهناك وطب عمي فاضل وسد الباب كعد على الجرباية واحنة بالكاع صرنه كباله

فاضل _شلون صرتي بوية

درة _زينه

فاضل _ابن عمج ما رايدته انه وياج بس احنة مجبورين ننطيج اله ما نريد ننطيج للعار مؤمل ابن فرهود الناقص ابن النواقيص

كعدت ارجف باوعتله بكل صدمة فتحت شفايفي اليابسة احس اريد انطق ما اكدر مسح وجهة حيل بحيث صار احمر

فاضل _بوية احنة ندري من انخطفتي وكل شي نعرف وتدخلنا وخذينا حگج مربع بس هسة هذول ردو ويردون يستغلونه ويهددونا بيج يعني الا اكلج لو ما تاخذين ابن عمج تاليتج تصفين لابن فرهود

بجيت ضليت اناشغ وابجي عمي نزل للكاع ذب عكازته ومشى على اركبه لزمني حضني حيل وكال بحنيه

_عسى دموعچ غسلني وللگبر نزلني بوية درة

درة _راااح اموت رااح اموت الف صدمة والف سر عدكم والله تعبتووووني وعلعلتوووني من الله يااخذني واررتاح الله ياخذنيي وارررتااااح

فاضل _والله علمودج ساكتين غير ما ردنا نفتح دفاتر مسدودة

درة _شلون رجع وليش يريد ياخذني عمووو لا تنطيني اله هذا راد يعتدي عليَ والله اذا ذيج المرة ما متت هاي المرة انه بنفسي اصب على روحي نفط واحرگ روحي

فاضل _ابوج فاضل موجود وراسه يشم الهوى وتصيرين لمؤمل؟

سعدية _ابو ليث فهم البت اشرحلها علمود تعرف شكد يعزونها عمامها وشسوة علمودها وليش يردونها تاخذ همام

جنت اشهك وهوا حاضني يمسح على زندي وراسي

فاضل _ سمعي بوية كبل سنتين اخوج هاني سوا طركاعه

سعدية _جا انته تكرها باخوها؟!!

فاضل _لزوم تعرف كل شي حجية

درة _شسوة هاني؟

فاضل _سمعي هاني من جان زغير متعلك بنهى بت خالج المرحومة مرت حر هي جانت مثل لمربيته فهمتي شلون وان جان فارك العمر مو كلش بيناتهم بس شايله مسؤوليته سنتين ثلاثة من جان يم جدتج عايش

صارت وحر كتل نهى وحرگ جهاله وانسجن

بعدت راسي وكلت مستنكرة _لا تجذبون مايسويها حر هذا اعرفه اكثر من روحي حمامة ما يأذي

فاضل _وهوا اعترف وانسجن بعد شلنا غرض غير من لسانه ومحد يعرف الاسباب بعد الله يرحمه هم تاب هو وربه ينجازون

درة _لا تكمل ما اصدك الباقي

سعدية _سكتي وسمعي كلشي لا تكاطعين عمج

فاضل _سمعي بوية هاني حقد على حر ورجع حقد علي اضعاف من عرف انتن مرتاحات يم حر وهم تعذب يم خواله ورا ماماتت الحجية جدتج

شلون صار عندة مرض نفسي

سعدية _تسودن الولد وعقلة ماهو اله الحقد عمى عيونه

فاضل _الحقد صار على امج وخواتج رهف وترف شلون ماادري بس هوا تعقد ويكوم ويكعد يكول اكره حر لان كتل نهى واكره وعد لان خذت درة وعافتني يم خوالي متعذب ، لهناك اجة مخبل علينا رجعو خواتي جيبو خواتي

كلناله بوية مانكدر هي اصلا وعد حرمة عمك وعمك راضي ماطولها ماماخذة وكاعدة على البنات

وهم شرحناله الاسباب والحروب الصارت هنا كال هذا هوا واقتنع بوجهنا

بس بالظهر زاد كرها ما قل

روح لفرهود يدري بي يكره حر وبيناتهم عداوات واتفق ويا تعاال يا فرهود اخطف رهف علمود اجي لعمامي اكلهم ترة ماحافظو على البنات وبعدين رجعها واريدك تسوي سالفة كون تبين خطفك لرهف هو بسبب عداوتك ويا حر

بس بدون ما تكشف روحك كون ما ينعرف الخاطف منو ..

هو شايف رهف يم الباب عباله انتي ومصورج من بعيد مراوي الصور لفرهود وكايله الثانية رهف اخطف التمشي وياها لا تخطف درة هاي اختي من امي وابوي مااريدها تتأذى

شلون استنتج البنية الشافها درة ما ندري يكول شفتها تشبه النه ما تشبه وعد ورهف بيضة هاي حنطية مايله للسمار يعني هاي درة

اجة فرهود خطف درة ،، صارت السالفة احنة ما ندري ورجعتي واحنة ماندري

ورا مارجعتي اجة هاني يكول وصلني خبر درة مخطوفة عباله ماراح نسأل ونشوف وندور ..

شلون منو خاطفها كال ما يدري ، احنة والله رحنا ونشدنا بالمنطقة عرفنه الخاطفينها ذابين تهديد وعدهم عداوة ويا حر بطريقتنا عرفنا فرهود الخاطفج وانسجن

بدينا نشتغله وهو بالسجن اول شي ما اعترف بعدين زاعها كلك بعد انه انفضحت خل افضح هاني وياي خو ما بس انه اطيح بيها ويعلگ ويا عشيرتنا والعيبة تصير علي وحده

درة _وفرهود هيج غبي ويورط روحه

فاضل _مو هيج بلاش غير بفلوس وهم راد ياخذ دفاتر من حر وما جان محسب حساب ينفضح عبالهم كل شي راح يصير بالسكته

وهاني عرف المخطوفة درة من فرهود كايله طلعت درة هاي مو رهف

درة _وليش ما انسجن هاني

_ماكو دليل وانتي ماذكرتي هاني

درة _لان ماشفته لو شايفته جا ذكرته بس اريد اعرف مؤمل شعنده فوك ما انه المخطوفة والمتأذية

_احنة ما عبرناها عوقنا فرهود خليناه تك رجل ومؤمل عدمنا رجولته جيف راد يعتدي عليج

هسة طلع مؤمل وفرهود شارد من السجن ، دزولنه تهديد يتوعدون ما ندري شراح يسوون

خلينا واحد من كرابتهم يشمشم النه خبر كال يردون يجون يخطبون درة لمؤمل واذا رفضو يفضحها يكول صاحبتي وطلعت وياي وسلمتني روحها ما جانت مخطوفة

ناس بربرية ما يستحون ولا يخافون ما يهمهم شي المهم يكسرونه وياخذون حقهم مثل مايدعون

واله هم مالهم حك يمنه الصار بيهم مستحقينا

سعدية _ما ظنتي صدك هذول نيتهم گشرة لزوم نحافظ على بناتنا وحتى الويلاد بخطر

فاضل _ادري حجية ادري

سمعي درة احنة طردناهم كبل يومين كلنالهم مالكم مرة يمنه وضلو يهددون بينا احنة مستعدين نتكتل كلنا ولا يكعدون بنص ديوان ويجيبون سيرتج بالشين

الله يعلم شني اكو بداخلهم ولشني ناوين الظاهر راح يسوولنه طركاعه احنة هسة لنريدة منج تقبلين بهمام حتى تكونين بذمة زلمة عاد شما يوو وعملو انتي مرة معرسة ومايصير ننطيج لمؤمل تحت اي حجة او ظرف

مو بس انتي وداعتج اتفقنا انه وصادق حتى فلك راح ننطيها لفالح حتى ما تضل عدنا بنيه ويسوولها كولبة وتعالو انطونا مرة تالي يلزمونا من ايدنا التوجعنا وتصير وحدة من بناتنا حدر رحمتهم

درة _وهاني؟ ماشاءالله مكافئه وناطي بنتك فوك عملته

فاضل _والله عذبناه اسوء عذاب لا خلينا ضرب ولا اهانة ولا حتى حبس وهو ندم وبچى وتوسل يله غفرناله

درة _وين انه اجيت ورا فترة كصيرة وكلشي مابي

فاضل _هسة هسة اذا ترحيله وتشوفين .... انفتح الباب طب هاني عبالك جان يتسمع عيونه تدمع

سد الباب ونزع تيشيرته جسمة يخوف كله اثار جروح

هاني _انه اشوفها عمي هاي اثار الضرب والجروح السووها الي ولد عمامي لزموني وكتلوني وكل ما تصير مشادات كلامية بيني وبين واحد منهم بسبب الموضوع يضربني جانت اعصابهم نار لان بسببي واحد دنس العرض

وحتى سلمت روحي للشرطة يومين وطلعوني عمامي

هناك انه بنفسي خليتهم يعذبوني علمود اخذ جزائي وندمت اشد ندم والله وروح امي خالد عماني ويوز بيَ عليجن وعلى حر

غطيت وجهي بايديني مو كل شي جان منطقي بالسالفة والي خلاها سالفة مؤذية هو كونها ماجانت منطقية بالشكل الي يرضيني ويخليني استوعب واكول اي والله لازم اخذ همام واسامح هاني وكل شي يمر طبيعي ..

بيومها جانت صدمة تمرضت عمي فاضل يشرحلي

ويوضحلي ماراح يصير شي وان صار هم عشيرة قوية وراح يندمونهم بس الخوف كتلني كتل

رجعت امي وحجتلي نفس السالفة عمي حاجيلها من هيج رادت تنطيني الصهيب حتى ما اروح واصير مرة لمؤمل تحت اي ظرف او حجة

وافقت على همام بالاخير انه طلعت مخدوعة وحبيبي صدك جوة التراب عافلي الاه والونه وراح وحياتي بعد ما تسوة شي

شنو يريد يصيرلي خل يصير اكثر من المريت بي؟ لو هناء تسببلي اذية اكبر من الاذية السببها الي مؤمل؟!

ورا العقد بارق اشرلي اطلعله للمنور وسلمني الامانه

باوعتله وعيني مدمعة

_حسبنا الله ونعم الوكيل بيك عيشتني بچذبة جبيرة طيرتني للسما وفجأة نزلتني اسفل السافلين

خليتني افقد روحي من روحي

بارق _بعد يا بت عمي الفات مات وهسة انتي حرمة اخوي ما بيناتنا

درة _تضحك؟! امدا شاربك هم حاسب روحك زلمة ولك انته عار الزلم

عفته ودخلت اغلي ضميت الدفاتر وحسيت روحي ميته ضليت اطلع دفتره وكروته احضنهن لصدري وانام ابجي

_____

دخلت ام فالح تلطم وتكطع بروحها ذبت شيلتها وضلت تكطع بشعرها وتعيط

_راااح وحيدي رررراح فااالح ..

نجوى _يمة الزهرة يمة

سعدية _حضرينا يَ ام الحسن والحسين ولج شمالچ رحاب شمالچ الولد شجراله

ام فالح _گابليني حجية ولطمي وياي على حظي يمة راح وحيدي يمة

سعدية _فتيتي افادي فت تحجين لو شلون؟

ام فالح ضلت تنعى وتبجي

_شحجييي يا حجيييية شحجييييي

وليدي وحيدي وهل كسررر ظهررري

ايده تعدت على بني ادم وطگه والولد موااات

ويمة لو مااات شگولن للعمات وللخوااات

وليدي وحيدي وصار بل ظللمااات

وما يشوف النور لو هل ولد مااات

نجوى صرخت وضلن يگولن ويلطمن _يبووووووووي

اسم الله عللولد من نشغه المووووت

رحاب _ صدك مسجون يالبراسك يحلفون

سعدية _يبوووووووووي

نجوى _هذا ابن اختنا صدگ شااالع گلوبنااا يبوووي

رحاب _انا ردت الولد بنعشي يتمشى يبووووي فليح يبوووي

وعد _يمعوووودات شبيجن تفاولن وتلطمن وانتي حجية تلطمين وياهن خذاج الواهس وتصرخين

سعدية _هيهووو الحضيرية تريد تعلمني جا غير تكلك جاتله واحد شلون ما الطم واصرخ

وعد _هذا فال موزين خية ام فالح فهمينه السالفة كلوبنا راح توكف

ام فالح _ ماادري خية ما ادرررري

نجوى _يبوووي راح الفرخ راااح

رحاب _ولك يممة فليييح يمة انه ردتك بيدك تغسلللني

نجوى _يممممه

رحاب _يمة وللگبر بيدك تنزللللني

نجوى _ولججج خييية

رحاب _وبيدك تهل تررراب گبرررري

سعدية _يبووووووي

رحاب _يمة فالح من كون السجن لمني

سعدية _اي والله لام رحيب ولا فليح المكرود توة عريس ماشابع بعده

رحاب _يمة فلييح يمه

وعد _والقران ما تصير الجن جارة ترف ركضي لعمامج بالديوان تأكدي شوفي شصاير ورجعي

ترف _خوش يمة

طلعت للديوان شفت الولد سوولي حركة بمعنى دخلي

كتلهم

_دزوني يردون يعرفون شصاير

_سالفة طويلة دخلي بس فالح مابي شي والولد ما ميت

قوست شفايفي ما عاجبني ودخلت كلت الامي هذا الحجي كالت الحمدلله الله يستر

عمة رحاب ونجوى وبيبي سونها فاتحة

وفلك كاعدة ع درج تبجي وتمسح بدموعها بطرف ثوبها

الحجية تباوعلها وتصيح _جبح حظج يفلك جبح حظج حتى ما حبچ (باسج) وعافج وراح للسجن

وفلك تزيد بالبواجي والنحيب يحسسوني فالح مات اسم الله علي واحنة لسه ما فاهمين شي

حد ما طب سداد رهف جانت واكفة يم الدرج تلگته تكله هاا

سداد _فالح متخالف ويا ولد وطاگة والولد موات

رهف _فالح وين؟

سداد _بالتوقيف

رهف _ياا منو بلغ علي

سداد _توة السالفة وبكتلته طابين الجيش للفرع وكبل شايلينه

رهف _واذا مات الولد

سداد _طبه مرض لجهنم وبئس المصير

وعد _عمة فهمني وليد عمك ليش طاك هذا الزلمة

سداد _واحد ناقص غيرة وشرف ويستاهل عساه بالموت ونلم فصله على العشيرة الف الف

وعد _وفالح غير ينسجن

سداد _يتنازلون ونطلعه غصبا ماعليهم طفح عدنا الكيل وصار لازم نخوفهم ونخليهم يلزمون حدودهم

رهف _يااا يعني اهل العركة نفسهم من الله لا ينطيهم

سداد _لا غيرهم ناس سرسرية يدورون حك ويانه وهم مالهم شي يمنه

درة .. من حجة هيج عرفت المقصد هذا يقصد خوالي وسالفتهم ماكو غير فرهود وابنه

كعدت يم فلك ابجي واناشغ ياربي فالح بسببي راح ينسجن ويمكن ينعدم امسح بدمعه وينزلن اربعة

فلك بهمس _كله بسببي الله ينتقم مني

سمعتها مستغربة ورديت عليها بهمس وانه امسح دموعي

_لا بسببي انه الله ياخذني راح يروح فالح من وراي من الله خلقني عذاب بعذاب لو بية خير ما ماتت امي من جابتني

ضلينا ننحب ونبجي عيونه ورمن من البجي لليل والدنيا كايمة فوك روسنا لا اكلنا شي ولا النه خلك لأي شي ثاني

عن طريق حجيهم وعياطهم من برة سمعت اسم فرهود ومؤمل يعني انه السبب بكل شي فعلًا

ل12 صعدت ابجي طلعت صورة حر حضنتها وانه ابجي مختنگة

تعال شوف شصار من وراك تعاال ولو ما بيك جية واعاتب الصور وماكو فايدة

ماراح تجي وتمسح دمعتي وتشيل عني همي وغمي وتبرد كلبي بحجاياتك

بعد ماراح اسمع منك كلمة عطري ولا تگلي جعب گلبي ، امسح بدموعي واعاتب الصور والمشكلة الصور مثل ما گلت سابقًا لحظة سعيدة نجمدها ونرجع نشوفها وتعتصر گلوبنا ونتمنى لو يرجع بينا الزمن دقيقة وحدة لوراا

اعرف ما الك جية

وانه وداعتك هم كلت هاهيه

بس حتى من اصد والتهي بغير اشياء

بالصدفة ذكرياتك يتحارشن بيَ

نص الليل ودگونه وهسة ماندري يا عشيرة دگتنا جنة بوحدة صرنه بثنين

طكت روحي وكرهت روحي سحبت روحي ونزلت جوة ابجي واشهك كعدت ع درج منهارة

وكف الرمي مشيت للمطبخ اجر بروحي جر سديت البيبان وفتحت الغاز وكعدت جوة الطباخ ابجي

ياربي كون اموت هاي المرة ويرتاحون مني ومن مشاكلي وضيمي

انه عاله على العالم ومأذيتهم ومسببتلهم قلق وضيم بسببي هسة فالح بالتوقيف ويمكن ينحكم مؤبد والله يعلم اذا اكو شي اسوء من المؤبد

امسح دموعي وارجف ، كلساع ارفع راسي اشم ماكو ريحة غاز جا يمتة اختنگ واموت؟

تمددت كلت خل انام شوية واختنگ واموت بدون ما احس

قريت الشهادة والفاتحة الام البنين بنية تسهيل امري

وغمضت عيوني گلبي ينبض بقوة وجسمي كله يرجف اكو غصة بداخلي اريد انفجر واصرخ واكللهم كتلوني موتوني ولا تضلون متعذبين بسببي

غمضت عيني وما حسيت غير صوت واحد يگلي

_منو هو ربك

درة _الله ربي

_من هو نبيك

_محمد نبيي

_منو زوجچ

_ما متزوجة

_مخطوبة

_اي همام خطيبي

_ثول حتى ثول هو اليفتح الغاز غير يتأكد من راس المنظم

فتحت عيوني متفاجئة شفت سداد وحمودي واكفين يضحكون رفعت راسي خجلانة همزين لابسة طويل والحجاب يمي ..

حطيته على راسي وهم بعدهم يضحكون

محمود _محاولة انتحار فاشلة مو خوش مفتحة العيون ومنظم القنينة مگلوب

سداد _حظًا أوفر

درة _لا تستهزئون حرام عليكم والقران عبالي متت حتى كلبي راد يوكف من سمعت حمودي كلي من هو ربك عبالي منكر ونكير

حمودي _والله بطرانة على شنو منتحرة هية كلها يومين تلاثة تنحل المشاكل وتصير سوالف

درة _فالح ما ينحكم مؤبد

سداد _لا نسويها عشاير ونحلها ويرجع بعد المن شايلة هم ومقهورة وجاية تنتحرين

محمود _وما كتل مؤمل علمودج اكو سبب ثاني

درة _شنو

سداد _شعليج يله صعدي كملي نومتج نريد نتريگ هنا

كمت صعدت لفراشي كملت نومتي بس كله اتحلم وافز مخروعة

ساعة ابجي وساعة اتخيل فالح بركبته حبل الاعدام ويباوعلي بحزن واضل اناشغ من البجي الا شوية جان عقلي ضرب ما اعرف شلون سيطرت ..

رهف _ايامنه صارن سود من جهة فالح

ومن جهة ثانية درة وفلك ثنينهن مريضات وحدة نكعدها تطيح الثانية تموع علينا المغذيات صارن بالبيت اكثر من الاكل والشرب من ورة فلك ودرة

وبس ينوحن ، والرمي تعودنا علي من يضلون يرمون ننزل نسأل هذول يا عشيرة دگونه؟

تكول مو الگرنة صارت الارض الطيبة

هم زادت غياباتنا احنة كلنا خل تولي السنه اهم شي سلامتنا بس بعد درة الشاطرة كالت الا نداوم

عمي فاضل بدل السايق واجانة واحد غيرة اخذنة ثلاثتنا ومرينا ع ياسمين وجمانة خذيناهن ويانه

صعدن بالسيارة جمانة جانت ضايجة حيل حقها غير اخوها وبالسجن وماينعرف ليش بس الزلم يدرون وما يحجون گدامنا

ياسمين _الحمدلله تخطينا مرحلة الخطر منا وهيج ما نسمع لا اصوات البيكيسيات ولا البنادق من كون الله هلكهم موتونه موت

شاركتها الحديث وكملت كلامها

_عوزهم بس بذبون علينا رمان صايرة مسلسلة الارض الطيبة

ياسمين -والله انه گلت وادي الذئاب والبارحة كله ابجي طبت امي كلتلي شبيج

كتلها بس لا ياخذوني فصلية واشبع كتل

رهف _شنو بكيفهم

جمانة _ ن ناقص يدورون ف فصليات ن نهد عليهم ن نسويهم مزق

ياسمين _اي والله نطب بيهم طول بعرض بس المشكلة العشاير ما يعترفون بالنسوان وما يهدون عليهن بس ع الزلم

رهف _بعد احسن محد يحاسبنا

استمر حديثنا شوية طلعنا من جو الحزن والاكتئاب وحتى كدرنا نضحك جمانة

وصلنة للكلية اخذنا محاضراتنا وطلعنه ننتظر درة بملل

وهسة تجي هسة تجي ماكو كالت ياسمين بأهتمام

_خاف طاحت؟

جمانة _ ا اي صدك

رهف _هسة لو ميته هم يمها عالم ترد على نقالها والله راح اروح اشوفها

ياسمين _نجي وياج ونطلع سوية ما نضل نجرجر على السايق

فلك _انه ما اكدر امشي رجلي تأذيني راح اكعد هنا انتظركم لا تتأخرون

رهف _جمانة ضلي يمها انه وياسمين نشوف درة ونرجع

هزت راسها وكعدت بصفها انه وياسمين اخذنا الطريق سوالف وضلينا ندور بالوجوه ماكو

نخابر ماتجاوب ، فوك النص ساعة ماكو اهل المسائي دخلو محاضرات وفلك تخابر تكول ما اجت

السايق خابر على عمي فاضل ، گله خليك شوية والولد جايين بالطريق

رجعنة يم السيارة نخابر وماكو رد منها تقريبا ساعة وكسور وصلو هاني وسداد ونجم

گلوله للسايق اخذهن وارجع انه جنت ابجي وخايفه دكيت رجل وكلت ما ارجع

سداد خزرني وتقرب مني حيل

_كتلج رجعي احنة راح نخلي اسمها ومعلوماتها ونطلع للمستشفيات ندور يمكن طاحت لو صار عليها قدر

رهف _اضل وياك

سداد بغضب - رهف كتلللج رجعي رجعي هي عناد

رهف بتوسل _مو عناد بس هااي اختي

هاني طكت روحه كال _غير اختنا احنة هم صعدي يله حط ايده ع راسي ونزلني خلاني اصعد غصب باوعتلهم بتوسل وعيوني تجري

_خابروني من تحصلونها لو تعرفون خبر عنها

رفع ايديهم ومشى السايق

ضليت اتلفت اباوع لسداد بقهر وهو يباوعلي

انتبهت سيارة همام طبكت ونزلو منها بارق وهمام

راحت تصير مصيبة بس لا درة انخطفت لو!!!

لو شردت!!

النجف الأشرف ، مقبرة وادي السلام

وحيد قبره مسافة عن باقي القبور مطل من بعيد على نهر

الطيور طايرة والسما مغيمة بيومها كعدت يم گبره اتحسس أسمه بأيدي

وابجي دموعي صارت تنزل من عيني گبل على شاهد الگبر ، نصيت ابوس بأسمه وابجي

ما مصدگة انته صدگ رحت ما مصدكة والله جان عندي امل بس يا حيف خابت كل امالي

وين من جنت يمك وهسة وين محد يكدر يحميني مثلك ولا اكو بشر احس بالامان يمة بكدك

الدنيا صارت تخنكني اريدك يمي اريد احس بالامان من جديد

حطيت راسي على قبره ابجي ونمت مرت ساعات وانه على گعدتي رفعت راسي الدنيا صارت حمرة مغرب الخوف دب بگلبي بس مجرد ما لمحت اسمه اختفى كل شعوري بالخوف وحلت السكينه محل الخوف

حتى وانت جوة التراب احس بالامان وانه يمك ..

ابتسمت وحاجيته _راح اضل يمك حد ما اموت واندفن بصفك

اجاني صوت من وراي مو غريب على أذني

حر الدين _عندما اشتدت رياح الحنين في قلبي قلت ربي ارني اياه حتى لو حلم

واذا بكِ حقيقة تعادل الف حلم سعيد

شهگت مصدومة من الشافته عيوني واگف بطوله گبالي بأيده عكازة وجهة ذبلان ولحيته طويله

غمضت عيني وفتحت ابتسم وتقدم خطوتين بأتجاهي

طفرت من مكاني وركضت الحضنه ، جنت مثل الحمامة ولكت عشها لف ايده على ظهري وحضني حييل

حر _يَ عطري الماكو هوى من بعد هواچ ملئ ريتي .................

لهذا السبب اي خطأ اي شي اعدلة تمام ..

_______

النجف الأشرف ، مقبرة وادي السلام

وحيد قبره مسافة عن باقي القبور مطل من بعيد على نهر

الطيور طايرة والسما مغيمة بيومها كعدت يم گبره اتحسس أسمه بأيدي

وابجي دموعي صارت تنزل من عيني گبل على شاهد الگبر ، نصيت ابوس بأسمه وابجي

ما مصدگة انته صدگ رحت ما مصدكة والله جان عندي امل بس يا حيف خابت كل امالي

وين من جنت يمك وهسة وين محد يكدر يحميني مثلك ولا اكو بشر احس بالامان يمة بكدك

الدنيا صارت تخنكني اريدك يمي اريد احس بالامان من جديد

حطيت راسي على قبره ابجي ونمت مرت ساعات وانه على گعدتي رفعت راسي الدنيا صارت حمرة مغرب الخوف دب بگلبي بس مجرد ما لمحت اسمه اختفى كل شعوري بالخوف وحلت السكينه محل الخوف

حتى وانت جوة التراب احس بالامان وانه يمك ..

ابتسمت وحاجيته _راح اضل يمك حد ما اموت واندفن بصفك

اجاني صوت من وراي مو غريب على أذني

حر الدين _عندما اشتدت رياح الحنين في قلبي قلت ربي ارني اياه حتى لو حلم

واذا بكِ حقيقة تعادل الف حلم سعيد

شهگت مصدومة من الشافته عيوني واگف بطوله گبالي بأيده عكازة وجهة ذبلان ولحيته طويله

غمضت عيني وفتحت ابتسم وتقدم خطوتين بأتجاهي

طفرت من مكاني وركضت الحضنه ، جنت مثل الحمامة ولكت عشها لف ايده على ظهري وحضني حييل

حر _يَ عطري الماكو هوى من بعد هواچ ملئ ريتي ....

بين الوعي واللاوعي شددت علي بالحضنه وشميت قربه كل ظني هذا حلم وبس افتح عيني يختفي وارجع وحيدة رغم كثرة ناسي ..

عطرة ملئ رياتي نبضه مخربط احس گلبه يدك بسرعة وكل نبضاته تسللت الجسمي رجفة

اسامة :- درة خالي مو جنج غفيتي بحضنه وانتي واگفة

همست بخوف :- اخاف افتح عيني خالي اخاف يختفي وترجع الامي

اسامة :- فتحي عينج درة الحلم صار حقيقة والعزيز الغايب رجعلچ قرة عينج برجعته

حـر الدين :- عوفها ابو جون عوفها ، ملگاها رد روحي

ذاني سمعت صوته واشم عطرة واحس بحضنه صدك واكف كبالي صدك شفته وصدك سمعته وشميته ضليت ابجي بشكل هستيري ممصدكة ارجف مصدومة عقلي انسلب

شمني حيل وگال بحسرة ..

حر الدين :- عطشانچ ..

درة :- عفت النبع اليرويك حـر ورحت عفت نبعك

واجة غيرك وطالب بي واخذه وراح يروي عطشه وانتَ تضل عطشان

اسامة :- بالسيارة كملو حجيكم

رفعت راسي امسح دموعي واباوعله بعدني ممصدكة عيونه تعبانات يباوعلي مدمع ويفرك بعيونه و وجها اجاله اسامة حط ايده جوة ذراعه سنده وباوعلي كال

اسامة :- يلا تعالي متت من الصبح الهسة كاعدلج اراقب بيج وانتي نايمة ومرتاحة ع كبر من جيرة بوجهج وبوجهي وساعة السودة الرديت بيها على اتصالج وطاوعتچ ..

امسح بوجهي اسمعه وعيني على حر وهوا عينه عليَ يباوعلي ومبتسم

درة :- اخاف يطلع حلم

حجيتها وبجيت ورجعت استرسلت الكلام :- بس والله كلبي جان مو كلش محترك من كنالهم فتحو التابوت ومافتحو والله كلبي حاس بيك موجود لحد ما .... سكتت اشهك وامسح دموعي

اسامة :- البومة شيسكتها بعد

حر :- عوفها ... حجاها وعكش وجهة بألم متوجع

درة :- شنو شبيك شيوجعك؟

حر :- ماكو .. ما يوجعني شي غيرچ

اسامة :- هلووو يقصد گلبه الشاب العراقي اللوتي مايوجعني شي غيرج عود كلبي يوجعني وانتي كلبي

ساعده بصعود السيارة راد يكعده بالصدر بس حر كله لا ورا

وبدون كلام صعدت يمه اباوعله بتمعن متأذي وجهة اصفر تعبان ،، رجعت باوعت الاسامة ورفعت حاجبي بتساؤول رمشلي بعيونه وما جاوبني

كاعدة اباوعله متألم فتح عينه وگال لأسامة :- اطلع بينا گبل للبصرة ...

اسامة :- واحنة مطلعينك من البصرة خوفًا عليك و وراك عالم وضيم ودنيا

حـر :- مالك شغل .. اطلع للبصرة

اسامة :- يااخي موزين عليك وهاي جيتك من بغداد للنجف وهسة تكملها للبصرة انته رجال مريض

حر :- لا تناقش ..

اسامة :- طنگر ابو صابر ..

باوعلي لگاني سارحة بي اشوفة مو هو نفسه الطلع من يمي قبل شهور لا الوجه وجهة ولا الاسلوب ولا النظرات اخاف اسئله واكله شبيك وين جنت وشنو وصلك لهاي الحالة بس خفت جوابة يموتني .. فضلت اسكت وانتظره هو يفسرلي

ابتسم وكال :- عرسچ يمته؟ بعيد قريب

درة :- تدري بخطوبتي يعني؟

اسامة :- شعلعل گلبه غير خطوبتچ؟ على كيفچ ويا بوية ماصارلة هواي من سوة قسطرة لا تدوسين بگلبه بالحجي

كالها يحذرني ..

سكتت لميت شفايفي لداخل حلگي ، نصيت مارفعت راسي

كالي :- ماجاوبتي شنو مامحددين موعد لو بعدكم ممتعرفين زين وتردون تتعارفون وتنسجمون

درة :- ما ... ما اريده .. ابتسم وهز رأسه برضا

وضل ساكت دك نقال اسامه جاوبه متنرفز

وينتر

.. راجعين .. غطو عليناا ... راجعين مسافة الطريق حتى عشا ماراح نتعشا بس علمود مانبطي عليكم

سكت يستمع ورجع يحجي

...هسة ماتكدر تسكت وعد؟ كللها جاي خل تصبر علينا شلون اطير خو ما اطير

ينتر نتر وسده وشمرة شمر

درة :- شكوو

نتر :- سكتي انتي

انهضمت كلش حر نتر بي :- حيوان صوتك لا ترفعه عليها وتنتر شنو تايهتلك لو زايدة علينا

اسامة :- كله منها كتلها مانروح مانروح طنحرت ودكت رجل تبجي اذا ماتاخذني لحر اروح للنجف وحدي عاد انه شسوي خفت كتلها امشي بوية امشي امري لله

كلت تزور الكبر ونرجع ونمشيها طلعتلي انته صفح تعال رجعني للبصرة ، كتلوك؟؟ ها ماتحجي

نتر :- يضربني مرض يكتلوني يسجنوني عساني بالحرگ المهم درة ماتضل مكسورة وتبچي

اسامة :- اي هاي هيه شافتك انته ارجع لبغداد واحنة راجعين للبصرة ولا عبالك شايفتك ولا تدري بيك

حـر :- تؤ .. اخذني للبصرة خاف الله كاتبلي موته قريبة اموتها بنص اهلي وناسي ويم عطري

درة :- عطرك اشتمه غيرك ..

حـر :- ما تسويها وتخلي يوصلچ

درة :- لا والله ماسويتها ولا راح اسويها انه ويا مثل الغرب وراح نفسخ

حر :- تفسخون؟

درة :- اي خابرته امس كتله ما اريدك اذا عندك ذرة كرامة عوفني وانه يطبني طوب شنو يريد يصيرلي خله يصير

حر :- شكلج؟

درة :- ما رد سدة بوجهي خطية

حر :- خطية؟

درة :- يحبني وجرحته برفضي وصدي اله

هز راسه بدون اجابة حط ايده ع صدرة متوجع همس بتعب :- اريد اموت يمچ وبحضنچ وانه اشتم عطرچ

دفنيني بكلبچ لو متت لا تدفنيني جوة التراب

درة :- لا تجيب طاري الموت والله گلبي خلصان والله والله ما ضل عندي كلب يتحمل فراكك مرة ثانية احسبها لو صار عليك شي ، اندفن قبلك

نهيت كلامي وبجيت بصوت عالي اشهگ ..

حر :- لا تبچين بوية لا تبچين هسة ماتگليلي على شنو تبجين المتت والضليت عايش نفس الضيم

درة :- ثگلن همومي على گلبي وبچيت

حـر :- اروحلچ فدوا لا تبچين ، باوعتله شفته يباوعلي بتوسل همس

:- لخاطري ..

دك مبايلي جنطتي بالصدر سحبتها فتحته هواي مكالمات فائته لكيت همام يخابر انطيته رفض وخليت المبايل بحضني ايديني يرجفن رجع دك ردت ارفضه طلعت رهف تخابر

جاوبتها وقررت ما احجي شي

حطيته على اذني وهمست الو

ردت بغضب تنتر جنها بركان

رهف :- طركاعة على عمرج طركاعة على عمرج جاوبي همام راح يموت جاوبي جذبي علي كليله انه يم بيت خالي قصي رحتلهم لان تعبت من المشاكل ولا تحجين اي شييي ثااني

كليلة خابرت خالي قصي اخذني وگتله امي تدري خوششش

درة :- ما اجاوب والله ما اجاوب

رهف :- من احترررگوووو بناررر ونفط لا تطلعيني من طوري

وعد :- انطييينيييي .. اجالي صوتها يرعد

:- من الله لا يوفقچ جاوبي الولد راح يموت جااوبي كاعد بالكاع مثل النسوان ينحب عباله شاردة لو صاير بيج شي مايصدكنااا ستري علينا وجاوبي لا توصل لفاضل ويجيبة ويجي لبيت خاااالج

درة :- هوا وين وين شمالة زعطوط

وعد :- هوا ابيتهم خابرتنا جمانة تكول راح يمووت وكل شوية يخابرني ويخابر رهف الولد نط نط ولو ما سالفة صهيب والسوااا جا هسة هنا يهوس فوك روسنة بس ارفد مانعة وله هو شيهمة مخبل

درة :- جا انتن وين

وعد :- يم بيت قصي ولج اذا ما كتلتج كتله اموتج موت اكطع النعل كلها على راسج

درة :- هذا هو كطعيهن من اوصل

وعد :- بربوك بربوك وصلفة اااااخ اذا اكضضج يله سدي وبردي كلب الولد مادري سويله اي شي اتدلعي تمسكني خلي تموع روحه ويصدكج لحد مااا تووووصلين للبيت من غضب الله على راسج

درة .. خوووش

سديته منها حر كال :- الظاهر راح تنكتلين

درة :- هية من تشوفك تنسة الكتله والضيم تنجلط من الفرحة .. حجيتها وضغطت اتصال على همام ..

حر :- تدري بيَ موجود ..

بهتت ضليت اباوعله بقهر وعتب وكتله بحسرة

:- الناس كلها تدري الا الماخذ گلبهااا

حر :- الماخذ گلبها ماخذة حيلي كله ..وسالبة راحتي ...... رفعت ايدي قاطعته

ورفعت المبايل بسرعة الاذني ما ادري مجاوب لا ما اعرف بس حطيته على اذني وحجيت الو

اجاني صوته المبحوح مختنك كلش

همام :- وينچ درة؟

درة :- يم بيت خالي قصي همام لا تسألني ليش والله تعبت وبزعت روحي اريد ارتاح كاافي

همام :- متأكدة؟ يمهم

درة :- عندك شك؟

تنهد وكال :- لا ما عندي شك والله روحي لابت ويبس دمي عليج ما ارتاح كلبي الا من خابر عمي وكال رجعو البت يم بيت خالها قصي

ردت اجيج وهاني راد يجي كلش اتعصب بس الولد هدؤونه ورجعونة للبيت مارادو تصير مشكلة ويا خوالج احنه هيج هيج متفاشلين وياهم ومو على وفاق

درة :- مممم

همام :- شلونچ

درة :- شتريد همام؟ اكلك تعبانة وانه اظن نهيتها وياك بعد

همام :- روحي لايبة عليچ واگلچ شلونچ تگليلي شتررريد؟

صوجي وصوج كلبي صوجي كلب ابن كلب وتلوعت بعشكج صوجيييييييي انه الكلت هسة نخطب وتحبني وتتعلق بي حالها كل البنات من ينخطبن

عض اصبعه وصاح حيل بشوغة مختنگ اااااخ اااخ من گلبييي اااااخ كون اطلعة وامردة بييييدي واكطعة بسنوني واشمرة بنص النار ذلللللنننييي هذاااا الگلب ذلننييي

شهگت وغطيت وجهي بأيدي گلتله :- عوووفني عوووووفني ما اريدك ما احبك كلبي ما دك الك ولا دكة شسوي الحب جبر خوما جبرر

سدة بوجهي مستفز ، ضليت منصية ابجي وامسح بوجهي بشكل هستيري اكثر من ربع ساعه يله هديت باوعت للجهة الثانية شفته حاط عكسة ع باب السيارة ولازم جبينه ، وجهة معفوس من الالم والايد الثانية على صدره

رفعت رجليني على الكشن مديت روحي حطيت راسي على رجله لامة رجليني ولزمت رجلة بايديني الاثنين

ماطلع منه اي رد فعل مغمضة عيني واحاجي روحي اكللها ولج رجع عزيزج ولج رجع الغايب

اسامة :- عمي الله راح يگلبها بينا ..

درة :- ما گلت الله يكلبها بينه قبل

اسامة :- قبل النية صافية وبت اختي ومثل بنتي هسة الوضع اختلف وانتي مخطوبة وعلى ذمة رجال

درة :- راااح نفسخ وبعدين انه مجبوورة مجبورة قبلت من ورا ملحتهم

اسامة :- كالوها عافچ همام سولفيها للبطة

سكتت رجع كال وهو يضحك :- طلعنة كيولية

كلش انقهرت من حجايته كتله متحسرة :- محد يريدني غيرة وما احس روحي عالة علي ولا هو يحسسني متفضل عليَ

اسامة :- اكلج حبيبتي درة ممكن تنچبين؟ وهاي العالم المخبوصة خبص عليج

انه بصفحة ماحملت دمعتج وارتكبت غلط شكبرة وخذييتج للنجف

وقصي مناك عاف الزعل والبلاوي والضيم وخابر عمج فااضل يكله البنية يمنه ، وهاي وعد تريد تنجلط وتنتظرج ابيت قصي ومناك عمامج يتلاطمون سويتينا مانريدج ونحسسج بفضل

درة :- لا محد محسسني ماكلت هيج بس انه ما ارتاح غير يمه وما احس روحي خفيفة غير على گلبه

حط ايده ع راسي حسيت روحي سكنت غمضت عيني مرة لخ مرتااحة ، مد ايده ع دنبوس شاله فتح شالي فتح قراصتي وضل ينثر بشعري ويمسد على شعري

همس :- طولان حيل

درة :- منتظر اصابعك تمشطه ..

تحسر ورجع الشال غطة شعري مد ايدة من فوكي وحطها على ايدي صرت جوة ايده

درة :- وين جنت منو وياك؟ منو يريد يأذيك لدرجة خلاك تزيف موضوع الحادث وتموت روحك

حـر :- وعد وكفاية من گللهم قصي حر عدل ما ميت وطلعنا لسوريا تدرين شنو سائلات قصي؟

...شنو؟

حر :- شمسوووي؟ خواتي ما واثقات بيَ بگدچ وسألن قصي حر شمسووي

ابتسمت وهمست :- ثقتي بيك عمية

حر :- درة رادو يكتلوني ومو بس يكتلوني فرهود شرد من السجن شلون محد يدري منو طلعه محد يعلم ويريد يورطني بمصيبة ويرجع يسجني مثل ما سجني قبل بتهمة باطلة

درة :- وهسة؟

حر :- ما ضل شي راح تطلع برائتي جاي نسعى كلنا وقصي وجماعته والمحامي والناس الجانت موجودة قبل وعدهم معلومات عن حادثة قبل كلهم راح يبرئوني ولو متأخر بس المهم فاضل يعرفني نظيف وينطينياچ

درة من حبيتچ حتى الهوى وگف بوجهي!!

درة :- راح تطلع برائتك صدگني وبالمناسبة ورا ما شاع خبر موتك اجو يكملون حقدهم ويا عمامي

حـر :- ادري بيهم

درة :- احجيلي عن نهى

حـر :- شحجيلچ؟ الله ينتقم منه فرهود بسببة تدمرنا

درة :- جنت تحبها وتموت عليها وخلفتلك جهال ثنين شنو صار وراها شلون احتركت الغرفة وماتو ادري بيك ماتسويها وتحرقهم

حـر :- جنت ناوي اقتلهم فعلا وحبستهم بالغرفة ورشيت عليهم نفط وطلعت من البيت من رجعت لكيتهم محتركين ولكيت نهى مذبوحة ومدفونة بالحديقة انه ما جنت موجود جنت ويا ناصر يم جيرانة رحتلهم يطفون نار گلبي حتى ما ارتكب هاي جريمة واحرك الاطفال ..

تحسر صوته راح الغصة خنگته همست :- ليش ردت تحرگهم؟

حـر بغصة :- طلعو جهال نهى من فرهود نهى مرتي زنا بيها اخوووها وحبلت منه جابت التوم من اخوهااا درة من اخوووهااا سنين اربي بيهم ثلث سنين طلعووو مو جهاااالي

يبجي وجسمة كله يهتز من البجي

اسامة بعصبية :- لاااا كلبك كلببببك

كمت بسرعة من حضنه وتقربت منه حضنته ابجي بدون صوت واهمس

:- اهدئ اهدئ لا يصير بيك شي اهدئ فدوة اروحلك اهدئ

تنفس بعمق حط ايده ع صدرة وهز رأسه كمل حجي :- اكو ناس شافت فرهود طلع والدخان يطلع من الغرفة اكو ناس شافوووو اكو شهود بس انه اخ يا انه اعترفت بشي ممسوي

درة :- اعترفت ؟!!!

حـر :- من هول المصيبة ماتت الدنيا بعيني ماتت الدنيا بعيني اخذوني الشرطة من عرفو اكو جريمة وما جان اكو غيري بالبيت كلهم برة طاحت التهمة براسي بس اخذوني للتحقيق كلولي اعترف منو كتل نهى وحرك الاطفال كتلهم انه

كلولي شنو الدوافع كتلهم عداوة ويا اخوها

درة :- بسسس هيييج

حـر :- ما ردت تنفضح ورا ما ماتت ردت استرها وهيَ ميته كلت يضربني مرض ماريد يكولون طلعو شمس وعلاء مو اطفاله ويعرفون بسوايتها الجبيرة

حط ايده على وجهة يحجي بغصة :- شمس جانت تلعب على صدري وعلاء يجلب برجلي يحضنها ويلعبون يلعبون

شمس تكلي بابا اريد هذا واريد ذاك وانه من كثر حبي الها اركض واجيب واحط

اطفالي ثلث سنين روحي بيهم ما انام اذا ما انومهم بحضني واخليهم بفراشاتهم

ما يبدأ يومي اذا ما ابوسهم بالصباح واريكهم بايدي يله اطلع لشغلي

الدنيا جانت ملونة بعيني ورا ماعرفت المصيبة صارت سودة

درة :- شلون عرفت المصيبة هاي

حـر :- من امها خوش مرة مالت الله كلش خوش اجتي وكلتلي الساكت عن الحق شيطان اخرس وانه مرة مواته شكول لربي؟ گـلتلي هسة عرفت السالفة امانة الله لا تفضحها بس تصرف من يمك

ضربتها وحبست الجهال وذبيت عليهم نفط ما تحملت ردت احركهم صرت اشوفهم شياطين سودة عليه راحو محروكين شمس اذا انچوت ايدها اليوم كله تبجي شكلتلج روحج بابا وانتي تحتركين

ماكدر اعتبرهم غير اطفالي درة ما اكدر

درة :- الله يصبرك ويعوضك ، تنهدت

:- امها شلون عرفت

حر :- زاني بيها من جانت يمهم وگاطعه شهريتها ، اجتلي استعجل بالعرس وبيوم العرس امها اجت وجهة مجبود كلتلي خاله بيناتنة اگلك البنية ترة طاحت وتعورت كبل سنتين خاف مايطلع دم اتهدى وناخذها للدكتورة هي اعرف وتبرد كلبك واذا طلع دم بعد الحمدلله

اخذتها وماطلع دم كلت هذا هو انه عرفت الصدك من امها بعد المن دكتورة وسين وجيم وهذا يسأل وذاك يسأل

جنت مخدوع بوجهة البريئ

عض ايده بحركة ولطم رجلة :- غبي غبي وامها رادت تسترها عرفتني ورا هذا الحجي حتى اذا ماطلع دم اسكت لان جنت واثق بيهم وهي ام صاحبي واعرفها من سنين درة مال الله وماتجذب شريفة صايمة مصلية

درة :- من باب اجت كلتلك هيج وسترت بتها ومن باب فضحتها شلون

حـر :- مو بيها خبيث وصلت للموت رادت تبري ذمتها وتريح ضميرها وهي من غصبا عليها اجتلي وسترت بتها والله خوش مرة شريفة الله يرحمها بس خلفتها عارات

وهذا الحيوان فرهود يروح ويرجع ولزمني من ايدي التوجعني ويكلي غدرتني لان بلغت علي من باكني مرة وهو بلاوي مسوي

درة :- ونهى؟

حـر :- ما ادري مظلومة معتدي عليها تكول يجبرني ويتقربلي ومن باب احسها جانت مكيفة لان علاقتها بي زينة يعني ورا زواجنة جانت تكدر تقلل طبتها وطلعتها عليهم وتبتعد عنه بس هي ضلت تروحلهم وشقاها ويا وكعدتها وكومتها

درة :- وهسة شلون

حـر :- بعد سوالف ماتفهمين بيها بس احنة حگينا وهسة التهمة نلزگت بي بس المشكلة هو شارد ومحد يدري باراضي وين

اسامة :- يطير يعلي ينلزم بس كون قبل مايسويلك شي

حـر :- وانه اضل شارد؟ لحد ماينلزم بعد هذا حدي هل راجع وشيريد يسوي خل يسوي بالاساس هو تورط بهواي قضاية هسة

اسامة :- مو احنة خوفنا يزور شي شيات

حـر :- لتخاف

درة :- وانت ماتريد تفضحها عمي فاضل شلون يعرف؟

نصيت كلي :- ما افضح زناها بس سالفة الكتل واحنة هسة حكيناهم بالعشاير وراح نسوي كعدة وندز على عمج فاضل من باب هو جبير حتى يعرف حر بريء

درة :- وين جنت حر وين جنت صار سنين هسه يله

حـر :- علمودچ ..

تبسمت ابتسم وكال :- احس صرتي بعيدة درة

درة :- المهرة ماترهم لغير خيالها وانه ماارهم بس الك

حـر :- اصيلتي ، عطري ..

درة :- شگد مشتااااقة لهاي الكلمة عطري عطر حر الدين عطره ..

ضل مبتسم يباوعلي وخر كذلتي الطالعة من الحجاب وعدلي شالي يباوع لوجهي مبتسم وانه اتأمل وجهة التعبان سودة عليَ ذبلان

حـر :- دعم سيارتي راد يموتني طلعت من الحادث انه والميت سوية اصلا سفروني علمود يتلاحگولي وما اموت

درة :- الله يطول بعمرك روحي تروح من دونك

.. وصلنا للبيت خايفين ونفكر بس دخلت لكيت امي بالباب هي وترف عمتي نجوة بس شافتني كالت

درة مولية لبيت خالج قصي مخابرة خالج رايح ماخذها من كون ولت روحها هبطتنا وخبلتنا

رهف :- تحجي صدك؟ خاف تشاقة ست درة شلون تروح شلون تطلع بدون ماتنطينا خبر

وعد :- مصخمة وملطمة

رهف :- ومناك الولد راحو والدنيا من خ** بيهااا بله صار على واحد منهم شي مو سالفة هاي مو سالفة صدك جذب

دخلنا للمطبخ ذبيت كتبي على الميز بغضب

:- رعنة هاي رعووونية زايدة منها

نجوة :- بعد شنسوي يكول خالج مخابرته متخربطة

رهف :- جان خابرتني خابرتكم

نجوة :- اي غير احنة بعاد وخوالج اقرب بهواي راحولها ، الله يحفظ الولد ويرجعهم سالمين

رهف :- استغفرالله العظيم استغفرالله

وعد :- ست الحسن تكللهم تعبت من المشاكل خلوني يمكم ما ارجع لعمامي نفسيتي تعبت على اساس عمامج مشتهين الطلايب لو حابينها غير من غصب عليهم!! والله هاي درة اخذت وجه زايد انه الها اذا ما اكسرها تكسر ما اطلع وعد

نجوة :- فلك طرج ترحين تسودنينها بالزايد وهي البت تريد تموت من القهر ترة حگها والله انه لو بيدي اعوف البيت وانكلع لاي مكان بس حتى ارتاح

طكت كلوبنا من صوت الرمي والله راح نموت ..

تحجي منغعله معصبة خطية ..

وعد :- خية جا انتي قابله بالسوته درة؟

نجوة :- والله قابلة طكت روحها البت طكت روحها وبعد انتي تعرفيين كل شي المفروض تبرريلها وتلتمسيلها العذر ترة درة جزعت من الدنيا والبيها كافي ذاك اليوم رايدة تنتحر

وعد :- شلوووون يمتة؟

نجوة :- غير الولد الصبح لاكينها سادة باب المطبخ ونايمة وفاتحة الغاز ربج ستر المنظم مگلوب رادت تموت روحها بالغاز والله سداد وحمودي يكولون ضحكنا بوجها بس بداخلنا ميتين ميتين عليها واجو حجولنا وانه هم حطيتها وسولفت وياها صبرتها

وعد :- رااااح تموتني تجلطني هاااي البت تجلطني انه كله مني من مات جعفر واذبهن عليكم تلاثتهن وانكلع الاهلي احسلي كله مني جلبت بالضيم

تحجي نتر ..

رهف :- يعني هسة صرنة ضيم يمة شمسويلج احنة مو جنة شحلاتنا بس الظروف اجتنا صفح ومحد مرتاح هاي كدامج الناس كلها متعلعله

وعد بنتر :- تعبت تعبت من الله ياخذني

نجوة :- ما تنحل هيج فضوها عدلي حياتچ ابدي ويا ارفد وخلي البنات يتقربن منه وهاي درة زوجيها لهمام وتكعد يمج وكبالج وديري بالج عليها ، ورهف هل متزوجة وان شاءالله ترتاح

ما ادري ليش هيج ضالين انتي لا طايلة السما ولا طايلة الكاع وبناتچ مثلچ

لا عبالج مستگلتج لا والله شاهد الله وداعه وليداتي لو تردين تشرطين على ارفد تكعدون ويانه ويجي ارفد بايامج هنا يمج ويعيش ويانه ما اكول لا وحق الله افرح انه اموت على اللمة وبكعدتكم ويانه احس البيت بي روح خصوصا ورا طلعه بيت ليث منه سديتو مكانهم وهم البنات مونساتنة واحسهم بناتي وشكد افرح من اشوف طولهن يفترن بالبيت .. بعد انه علمودج لا عبالج مستثكلتجن ابد والله كتلج وداعه وليداتي وبنياتي ..

وعد :- ادري بيج خية شني قابل ماعرفج وحجيج صحيح بس خل تصفة العرايك وتفض الطلايب وانه احلها وحجي الحجية سعدية اطبقة بحذافيرة كافي بعد جزعت كلش

طبو الولد كلهم سوية شفتهم من باب المطبخ بارق ضل واكف يم همام ينتر والبقية طبو من الاستقبال راحن عمتي وامي وفلك راحت لغرفتها اول ما وصلنا مريضة واسمع صوت عمي فاضل وهاني يتصايحون الي فهمته هاني معصب ورايد يروح يطيح حظها ويجيبها والله تستاهل الرعنة

بس عمي عاط بي گله

فاضل :- هذا حصاد الزرعته هااااااني انتَ تتحمل مسؤولية كلشي واحمد ربك طلعت رايحة لبيت خالها وما شاردة لو مسوية بروحها شي

كل ما كبر الذنب المرتكبته يطيح برگبتك انت ماغيرك

عمي الظاهر ضايج لان هاني مبتعد وما محتوينا بس والله خطية مايعرف يطلع مشاعرة وما يلحك يشوفنا ملتهي بشغله ، ومن انسرق ذهبي هو انطاني فلوس اشتريت بداله ذهب جديد وكالي لا تكولين كدام رجلج الذهب انباك وجبنة غيرة زحمة عيب ..

وحتى من احتركت درة تخبل ولحكهم للمستشفى ونازل ضغطه من الهبطه عليها

ومن غركت بس عرف ورغم كلهم يمي اجا بنفسه يتطمن ويسوي نفسه ممهتم بس هو كلش مهتم

وكلش حنين بس ما يبين هذا الشي بس نظراته تشرح حنيته

فززني صوت بارق دخل للمطبخ يلهث

:- رهف ماااي مااي

مشيت للبراد صبيتله انطيته الماي ضايج معصب وماله خلك روحه اباوعله جاي يشرب انتبهلي اباوعله نزل الكلاص وكال بغضب

بارق :- انه هاي اختج عرفتها صلفة من طبت بنص الديوان رفضتني كلت وراها طراكيع

رهف :- بله لا تكبرها مو زين ومنها راح تموت من القهر والخوف وانجبرت على واحد ماتريدة

بارق :- انجبرت؟

رهف :- اي سوي روحك ماتدري لحو عليها وهو مناك نهى عليها وصارت مربطة تربط شتسوي بزعت وطكت روحها قبلت بهمام من غير طيب خاطر

الدنيا كلها طالعة من عينها لحد يلومها والله يلوم اليلومها

بارق :- لا تحجين هذا الحجي كدام بشر بالخصوص همام مالازم يعرف

رهف :- وعلى اساس اخوك مايعرف بدرة اخذته كوة من ورا الملحة مالتهم لا تحبه ولا تريده وما اظن طريقهم طويل سوية تاليتهم فاسخين لو مطلكين ورا العرس بشهر شهرين

جنت احجي ما منتبهة لهمام فجأة دخل ورد على كلامي

:- اليزرع طيب يلگى طيب وانه ماراح ازرع غير الخير وانتظر يردلي

رهف :- والله تنكسر همام انه علمودك مو بس علمود درة

بارق نتر :- سكتي!!

همام :- لا تزمخ شنو طفل كدامك وتخاف على مشاعرة تنجرح

باوعلي وكمل :- الايام بيناتنا طويلة وراح تحبني واذا ماحبتني راح تتعلق بي وماتعوفني مثل ماكلتي انه متفائل ماراح تكسرني درة

درة صافية وطيبة وما تكسر بشر شاريها بروحه ..

رهف :- كيفك

همام :- عندج خبر وينها

:- علمي علمكم والله كالو رايحة لبيت خالي

:- بس انه ما احس هيج .. اخر كلمات حجاهن وراح

واحنة كبل طلعنة لبيت خالي قصي عمي كايل الامي اخذي البنات وروحن انتن هم تعبتن ارتاحن وضلن يم درة شلون تضل يمهم وحدها ولا تطلعن من البيت ابد ابد للباب لا توصلن

والله رحنة وصلنا شو درة ماكو

دخل خالي قصي يحجي معصب

:- درة واسامة ذبو عمل

درة مخابرة اسامة تعال انه طكت روحي هسة تاخذني للنجف اذا ماتاخذني لكبر حر اموت روحي لو اروح وحدي وماخذها ورايح ونقاله طافي شحن المطي نازل بمطعم ومدور شاحنة شاحن وفاتح نقالة يله مخابرني وبتج الفاهية تكله ناسية نقالي بالبيت

همزين محصل شاحنة وما طول اكثر وطيحنة بطركاعه وكبرت السالفة

وعد :- يييمة شلون لو اجوووو يمة شلون لو هسة فاضل دك علينا الباب؟

قصي :- لا لا يثق بكلمتي خابرتله وجذبت الله يسامحهم

صيوان :- مرار مرار والله درة تمرمرت والمصيبة هاي البنية احسها ماتلگى روحها غير يم عمي حر

وعد :- بلوة عمة بلوة والنوب هاي سالفة فرهود وابنه

رهف :- سالفتيش شبيهم هذول

سكتت ما حجت رجعت حجيت :- دحجي يمة احجي خلوني افهم والله شيبتو كلبي فرهود وابنه شسالفتهم

قصي :- خالي فرهود شارد من زمان ومؤمل طلع ومتحلفين الماتدرين بي عمامج من انخطفت درة درو بكل شي وانطوهم المقسوم وهم بالسجن وهسة الجماعة يعتبرون ارواحهم ابرياء واحنة وعمامج ضالمينهم ويردون يأذونه عود ياخذون ثاراتهم

ضحك وباوع الامي :- ما يدرون احنة تغدينا بيهم

صيوان بمكر :- قبل لا يتعشون بينا بس اخ يفرهود وين تروح تنلزم ماتطول شهر ونعلكك فلقة

صفنت وصرخت ولطمت وجهي فزو وصاحو شبيج

:- فالح تورط وياااهم من ورا هاي السالفة

وعد :- اي متعرضلة مؤمل النذل بس كون ما يموت ويحسبونه زلمة براس فالح وين ام البنين وتسهل السالفة وتنحل ويطلع فالح مايستاهل

رهف :- ودرة تدري بكل هذا؟

وعد :- تدري جا ليش رضت بهمام

رهف :- عمي وانه احجي عليها خل اسكت وانطم اشرفلي زين ومنها صاحية ما متسودنا عمت عيني

جمانة ..

واكفة بباب الاستقبال اباوعله وروحي تتكطع كاعد بالكاع وعمي واخوانا يحجون علي ويصيحون بغضب

ارفد :- اذا توليييي الهم لبيت قصي تصيررر سالفة غيرررر انته مصوب رجل ابنهم والولد لسه ماطايبب

بارق :- عووفة عوفة مو صاحي والله نكله البت يمهم

همام :- والله انه كلبي حاسني لو بيها شي لو شاردة راحت درة راحت ماتريدنا وعافتني وراحت كسرت كلبي علعلت روحي خسارتين ما اكدر خساااارتين انه مو حمل خسااارتين

رفع راسه للسما وصاح بشوغه

:- ربيييي اخذت الاولى لا تحرمني من الثانية

بالكاع ينحب مثل النسوان اخوانة وابو مستغربين وهيفاء جانت عدنا تهز بأيدها ماعاجبها وتهمس الامها

هيفاء :- اكص ايدي اذا ماساحرته ومخليته يعبدها عبادة

هناء :- لا ساحرته ولا شي هذا حظ الگبايح بالسما لايح جا مثل حظج امي شحلاتج وماكو بخت الله ينطيج من حظ الزرك البكع امهات نص لسان

مشت دفعتني وطبت يا هاي شكد شافطة

باوعتله يخابر عليها يكول يدك يدك بس ما تفتح ليش ما تجاوب بيها شي انه اروحلهم وشيريد يصير خل يصير اجيبها واجي اخليها يمي

انقهرت علي واشوفهم يمنعونة انمرد كلبي مرد مرتجي على سندانة كبيرة وحاط ايدي على اركبة وينحب عليها نحيب سودة عليَ نفس نحيبة على ورود من ماتت عبالك اليوم ماتت حلقومته

همام بالحب كلش ضعيف وخصوصا بعد ما خسر ورود يخاف يخسر درة ..

خابرت رهف كتلها راح يموت همام خليها تجاوبة لا ينجلط ورا نص ساعه تقريبا وهو ع كعدته مهموم وجهة محتقن وكل شوية يخابرها ماتجاوب

والله ودك نقاله رفعه حطة ع اذنه فرحان وكف متحمس والضحكة شكت وجهة بسرعة اختفت ضحكته وعقد حاجبة بقهر مستاء ونزل كعد على كاع بصعوبة بحيث حط ايدة ع كاع بتعب وشمر روحه

ما حجة ولا كال الو اخذله لحظات يله حجة عرفتها هية وارتاحيت جنت ميتة خوف اكول خاف درة سوت سوايتي الطايح حظها عاد انه بارق طلعني وصحاني هوا منو يطلعها ومنو يلحكها ويستر عليها

صعدت فوك مرتاحة شفت بارق واكف لازم مبايله كال ها ما جاوبته

جمانة :- خ خابرته صح م مبين تعارك وياها بس عل على الاقل تطمن عليها

فرك وجهة تعبان اباوعله مبتسمة بس الله يعلم بهاي الفترة شكد حبيته رغم احنة بس نتعارك و واحد يستفز الثاني وشامرته بالصالة مع هذا انزرع حبه بكلبي ، يمكن لان طلع عكسي توقعاتي

جنت اظن راح يسود عيشتي ويندمني ويطلعلي كلب بصف كلبي

بس لا ابد ما سوالي شي جبير صح يعضني وينرفزني هواي ويمكرلي بس كلها اشياء تافهة احسه ما ينطي كلبه يأذيني بشي جبير ..

واقارنة ويا عباس بارق وين وعباس وين عمي بارق صدك زلمة امداني ماحبيته من الاول جا هسة هو يحبني وما يستفزني ولا يضوجني بس بعد ماصارت

تنهدت

بارق :- تباوعيلي وتبتسمين وتتحسرين وعيونج ذبلانات لا انتي تردين

لا تستحين انه رجلج

حجاها ونزع التيشيررت مالته

فكيت عيوني مصدومة وشمرت علي باكيت البخور جان ع ميز

:- س ساقط م ما تستحيييييييي

بارق :- مررررتي شعندي مستحي منج يله تعاي لا تتحسرين عمري تعاااي ياحلوة تعالي ام شامات

اوف بت عمي اوف ما اريد اخلي شي بنفسج

طفرت من الغرفة بسرعة يمة دخيلك ربي شبي هذا الولد استهتر فلك طرة ، خابرت امي خطية تلوب على فالح طمنتها وكتلها لتخافين يطلع مايطول تنحل

مشيت لمطبخي طلعت من الثلاجة مواد للعشا ، كلت احمس صدر دجاجة واسوي ويا بتيتة گلي وزلاطة ولبن

بديت اشتغل لابسه كفوف واكصص بالصدر تبلته وغسلت ايديني زين جنت اعلج واسوي نفاخات بالعلج ، نشفت ايديني وفتحت الثلاجة دنكت اخذ منها بتيته ما احس الا بارق طكني على فخذي

جمانة :- ا انت اليوم ز زايع المستحى ك كلشششش اخلي البتيتة. ب براسك والله سرسري

بارق :- خليها اذا بيج زووود

خزرته ورحت اكشرها واكف وراي يسولف يسولف وانه افكر شلون اخلي بارق يبطل هاي سوالفة ويصير خاتم باصبعي ويموت عليَ وما يستفزني

واجت ببالي فكرة جهنمية سمعتها من رهف مرة مو صرنه مقربات واحجيلها كل شي بالتفصيل الممل

وهي تنصحني مرات ، ف مرة اني كتلها عن اطباعه وافكر اكسبه واكمل ويا بس ماعرف شلون

كلتلي بارق بارد مستفز وهدوئة مزعج ، وما راح يبطل هاي سوالفة وياج الا تأسرين كلبه وعقله

كتلها شلون

كالت بالحنية انطي حنية ودفو شبعي خلي شلون الطفل بحضن ام حنينه وتسقي من عطفها وحنانها وتشبعه

اذا جر عدل خير ع خير ما جر عدل هذا الطفل العايش بحضن ام حنون شمري لشارع بارد قاسي وديري وجهچ عنه

وشوفي شراح يصير بي

رجعني من صفنتي صوته ينتر :- انه احجي وياها الافندية بالها مو يمي حتى

باوعتله معصب ويحجي قاطب حواجبة

غسلت ايديني نشفتهن بالمنشفة وانه احجي ويا بهدوء

:- ب بالي يم همام خطية م مو مكسور على د درة

تقربت منه بهدوء حطيت اصابعي بلحيته وكتله بهدوء

:- ليش م معصب؟ متسوة

بارق :- غير حضرتج مو يمي مصفنه

ابتسمت وكتله اسفه حقك عليَ رفعت روحي على اطراف اصابعي وبسته بخده ضل جامد احسه مصدوم من تصرفي بس ما بين ابتعدت كملت تكصيص

:- ك كمل ا اسمعك بارق

كمل كلام ونزل ، خابرتله من كمل العشا تعشه ورجع نزل سبحت وتعطرت ورتبت الغرفة

مديت سجادتي صليت وقريت قرآن ، كملت ضليت ادعي لفالح الله يفك اسره كلبي يمه

الشي الي مخليني مرتاحة هو حجي عمامي وابوي وحتى بارق گالو يطلع منها مثل الشعرة من العجين لان بالعشاير كل شي ينحل بالفلوس واحنة ما تصعب علينا فلوس

دخل بارق شمر روحة ع جرباية اعرف هسة راح يبدي سوالف الاستفزاز حتى يضوجني واطردة ويعضني ويطلع ينام برة مثل كل ليلة

مسكين مايدري انه اليوم نويت اخبله ..

شلت سجادتي والقرآن نزعت الجادر لابسه جوة بجامة بيت حرير لونها بيجي ، تقربت منه مغمض كتله

:- ش شخبار فالح؟

بارق :- اوو زين جنة مطي ومتونس بالتوقيف وحتى ويا الحرس والضباط ذاب ميانة ودك فج

جمانة :- ا الله ع عليك مايعذبونه؟

بارق :- لا والعباس غير ناطينهم فلوس ونجيب ونحط بجيوبهم بهاي الفلوس علمود ما يأذونه ، ونسيت اكلج عكب باجر يمكن يمكن يطلع

عطت بفرح وحطيت ايديني على وجهي ضل يضحك كرصني بفخذي

:- شبيج تعيطين عيب هسة اليسمعج يكول شكد مرتاحين وبارق منشنش مايدرون حال الضيم حالي

جمانة :- اوووو. ب بارق غير ا اخوي يطلع من السجنننن

بارق :- توووقيف مو سجن

جمانة :- هوا ه هوا

تنهد وهو يباوعلي استغليتها فرصة ومديت ايدي كضيت كف ايده وبديت اباوع لايده وامس بباطن ايده بحنيه

حجيت بهدوء :- ا احجيلي ش شبيك؟ ذب حملك ي يمي اريد اخفف ع عنك

بارق :- جمانة درة ماتريد اخوي خايف تعوفه ويرجع همام يتمرض من وراها

جمانة :- ا الله ليكولها

زم شفايفه ضل يتحسر ضايج

بارق :- همام كاسر ظهري اخاف علي من درة كلش اخاف هاي البنية كلبها حجر وتسوي سوالف اصلف الصلفات ماتكدر تسويهن

جمانة :- ل لا والله ف فقيرة

بارق :- انه ما قصدي ملعبة وعدها هيج شي بس هاي البنية بداخلها جرئة عجيبة فجأة تطلع وتذبلها حجايتين تحرك الاخضر واليابس

جمانة بنص ديوان وعالم وضيم ومعكلين وكفت وكالت ماريدة عمي والله انه زلمة لو انحط بهيج موقف استحي ارفض واتردد وهي كالت لااا

زيدي عليهن موقفها من رادو يزوجوها خابرت فالح وكلتله تعااال اخذني يعني ماحسبت حساب الاحد لا قررت فجأة وعافت ابن خالها بالكاع مدمى والناس تلطم وركضت على فالح طلعت ويا ولا حسبببت ولا شي

اتعجب هاي الفقيرة الفطيرة شلون هيج فجأة تسويلها سالفة شكبرها؟

وباعي لا تحجين ترة احنة اليوم كلنا توقعناها شاردة بس بعد من عرفنة قصي بنفسه مخابر عمي ارتاحينه

ردنا نرجع هاني وهمام ثنينهم رادو يرحون البيت قصي منفعلين ويصيحون ويهددون بس فجأة همام صفن ثواني وفز كال لهاني لا عوفها وخل نرجع انه اتفاهم وياها هي مرتي

من وصلنا البيت عمي فاضل حاجيت همام يكلي خفت تطلع شاردة وجاي يطمطمولها يكول ماعندي مشكلة اذا شاردة اقنعها ترجع واسترلها لحد ماترجع المهم مايعرفون وتتأذى

يعني تخيلي شكد يحبها؟!! لدرجة يكول اذا شاردة اطمطم الها واسترلها

ابتسمت وكتله :- يعني ا انت تحبني؟ وس وسترتني

عفس وجهة وكال :- احب فالح علمودة

باوعلي بنص عين وكعد يريد يطلع

كتله :- ا احسك تعبان ا اليوم تعال نام ه هنا انه اروح ادرس ب برة وانام هناك

ما رد وطلع يمكن ضاج من ذكر السالفة كمت طلعت ورا لكيته متمدد تمددت بصفه باوعلي وضحك

:- مو اكلج اليوم تردين ما تقبلين عليَ

جمانة :- تؤ .. ا انه حاستك ت تعبان والله و ما اريد اعوفك و وحدك ت تعبان

بارق :- احساسج صحيح ومضبوط زوجتي العزيزة

مديت روحي تعليت وحضنت راسه لصدري حسيته جمد بعدها حضني صار نايم على صدري

كمت امسد على ظهره واحاجي بحنيه

كالت بصوت خدران :- تخوووف!!!

ابتسمت بانتصار ... مسوي روحك صياد وانه بأول شبجة صدتك ........

رهف ... صدمة ورا صدمة واكفين مبهوتين اني وترف ومرت خالي وبناتها بس الزلم وامي كلهم يدرون بخالي عدل ما ميت ..

ابچي من الصدمة وعيوني متشخصة علي خايفة ارمش وافتح وما اشوفة كاعد بنصهم متوسطهم وامي يمه تبوس بكتفه كل شوية وهو يضحك ويكللها

:- وعد كافي بجييي لو ماتدرين بيه شلون

وعد :- قرت عيني بشوفتك بعد عيني ونظرها ..

كمت دخلت يم درة كاعدة بغرفة البنات وحدها عينها بالمبايل انطيتها المقسوم وكعدت ع جرباية معصبة رفعت رجليني تربعت وفتحت مبايلي

خابرت فاقد جاوبني .. بعد السلام كتله

:- اعذرني ما اخذت الرخصة منك قبل لا اطلع

:- وين؟

:- عمي دزنة لخوالي نرتاح تعرف المشاكل تعبتنة واذت نفسياتنا

فاقد

:- الله يفرج عليكم ان شاءالله ،، بعد من عمي فاضل يقرر شي انه نفسي ما ارفض هههههه عيب زلمة جبير واله مقامة الواحد مايكدر يكله لا لو يكله خل اترخص من احد ثاني

:- اي والله حبيبي صح

فاقد :- دريتي؟

رهف :- بشنو؟

فاقد :- مؤمل وبعد ماعرف منو منهم متنازلين وراح يطلع فالح

رهف :- لا والله؟

فاقد :- اي والله يكولون نحلها عشاير ومتنازلين بعد بس والله عجبة فالح يطك واحد وهيج بدون سبب غريبة

رهف :- هااا مو يكولون متجاوز على فالح

فاقد :- فالح ما يموت واحد تجاوز علي غير طاكة طكة مخلي موات

بلعت ريك متوترة كتله :- بعد يمكن مو بقصدة وصارت الطكة قوية الحمدلله ما مات وانحسب زلمة براس فالح سودة عليه

همس :- مشتاقلج يمتة اخليج بحضني وانام مرتاح ميت على حضنج

همست :- ماضل شي ان شاءالله عمي فاضل كلك اخذها يمتة ماتريد

فاقد :- اي تحضري بس يطلع فالح اخذج والله كل صبر ماعندي صوتج وصورج ماجاي ترويني اريدج كبالي واطلع بيج عطش السنين كله

ضحكت بخجل وهمست :- اسكت شبيك هههه خجلتني من نتزوج عود احجي هيج

فاقد :- ما احجي انفذ وانزل بيج طول بعرض اكلج اكل

ضليت اسولف ويا ربع ساعه تقريبا سديته وتمددت انام باوعت الدرة بعدها تباوع بالمبايل وتكتب

:- ويامن تحجين

درة :- ويا فالح

كمت فازة :- ليش طلع واحنة ماندري

درة :- لا مدخليله مبايل تهريب وراسلني علمود همام الظاهر حاجي ويا

رهف :- شنو

درة :- اريد افسخ

رهف :- اووو انتي هيج هيج متهرفلة النوب خالي رجع شدو روسكم يا كرعان بعد ما تحطين رجلينج بالكاع

ما ردت وضلت تراسل ..

درة ... كملت حجي ويا فالح مثل كل مرة محاولات اقناع عقيمة كلبي ما يكدر يقبل برجال غير حر ..

طلعت من الغرفة صح مستحية مالي عين خصوصا صهيب جان كاعد وماد رجلة خطية ، بس اريد اكابلة واشبع منه شوف عيني تريد تنترس بي

كعدت كلهم باوعولي امي نترت :- طلعت الرعنة

حـر :- عوفيها شتردين منها هاي العزيزة

صيوان :- راحت العزيزة بعد عمي شيل عينك الدار مو دارك والحلال مو حلالك

حـر :- اكل تبن لا اوكلك تبن ابن التبن

قصي :- هاا هووو شو انته مترهي وتغلط

حـر :- من رخصتك ابو صيوان بس اللسان يحك ويريد من يغلط ..

ضحكت وباوعت الامي تخزر بيَ .. لميت ضحكتي وسكتت

وعد :- بعد هي درة راح تاخذ ابن عمها ومنهي عليها اذا تفكر مجرد تفكير تاخذ غيرة عمامها يسوونها كربلة

حـر :- بدأ التشمر عدوها مو اخوها انه ..

باوعتله وسكتت ، كل واحد راح بغرفة وهو فرشولة بالاستقبال نام انه دخلت يم البنات واستلمتني امي كفخ ورزايل بس ابجي بدون رد ملت مني وتمددت تنام

وهي تهدد :- والله بس تفض سالفة فالح ويطلع اعرسچ ماتنكدرين راح تسويلنا طركاعة

درة :- ترة اخوج اخوج

وعد :- اي بس ما ترهم شما كان همام احسن مناسبج من ناحية العمر وابن عمج مو غريب ويريدج

درة :- جنتي رافضته لان امه هناء

وعد :- وبعدني ضايجة بس احسن وانسب الج من حـر يمة ما اكو توافق بيناتكم العمر يختلف اكبر منج بهواي

درة :- 13 سنة تقريبا مو ذاك الفرق حرام عليج تكسرين بينا حرام والله اموت علي ويموت عليَ والله گلبي ما يريد غيره وهو كال راح تطلع برائته يعني بعد ماكو حجة عمي فاضل راح يعرفه شنو

صفنت وسكتت .. شو سكتي

وعد :- بعد اذا عافج همام يصير خير

درة :- ما رايدته راح يشتري كرامته ويعوفني

سكتت ما ردت تمددنا ننام وفجأة فزيت فراش امي فارغ ، كمت حطيت ع راسي شال كلت اطلع للتواليت وهي وين تروح غير للتواليت

طلعت لفتني ضوة الاستقبال شاب مبين من جوة الباب ، ابتسمت شعندة كاعد لسه

تقربت من الباب حطيت ايدي ع يده ترددت افتحه وافوت هسة امي تجي وتلاحظني وهم حرام مو اخذني الواهس كافي غلط

لفتني صوت حجي حطيت راسي على الباب اتسمع ردت اعرف ويامن يحجي والله وسمعت صوت امي تفاجئت شعدها تحجي ويا بنص الليل ..يا نص ليل هسة راح يصير فجر

حـر بحسرة :- اخوچ انه!

وعد :- لانك اخوي احجي وياك هذا الحجي درة مو الك البنية مخطوبة لابن عمها وما يعوفها ابد

لا تأملها بشي صدها وخليها تكمل حياتها والله ياخوية ما متناسبين انتم بينكم هواي فرق ، عمر وتجارب وافكار

حـر :- انه اشوف العمر مو مهم ومتفاهمين جنة اعرفها زين وتعرفني زين اعرف افكارها وتعرف افكاري والاكثر من هذا يوعد احنة كلوبنا مترابطة

وعد :- اجي وياك ميخالف وابن عمها؟ هسة لو ما مخطوبة نكول اي سهلة بس البت مخطوبة واذا فسخت وخطبتها راح يدرون عافت همام علمودك ويمكن يعاندون وما ينطوها الك وتضل درة لا حضت بيك ولا صارت لهمام

خوية عوفها كللها تكمل حياتها بعيد عنك واذا اجت من همام وعاف من هل كيفه بذيج الساعة اتقدم انتَ

حـر :- احط ايدي على خدي واتاني يطلكها

وعد :- حدك للعرس لعافها خير ع خير ماعافها انت شوف حياتك ويا غير مرة والله يوفقك ويوفقها

حـر :- شلون حجي هذا وعد؟ هية مارايدة لولد تكله اريد افسخ وانتي اوكفي وياها

مو حجي هذا ننتظره يعوفها هو غير يحبها شما تسوي هسة ما يفسخ

وعد :- والله انه ما اشارك بدمار الولد شفت بعيني شكد يحبها ويريدها ومستقتل عليها اذا عافته يدمر

حـر :- وانه ما اتدمررررر وعد ما اتدمررر جاية تكليلي عوف البنية العشكتها من كل كلبك علموده ما يتدمررر

وعد ما تررريدة يعني ننكسر انه وياها علمودة

وعد :- اهدا خوية اهدا واسمعني بعد هي انخطبت حرام علينا ندور حجج وندمر الولد ودرة ما انجبرت علي والله احنة صح لحينه عليها بس علمود نأمنها

وهي رضت علمود سلامتها

على يا مال هسة تعوفة وهو شاف الدنيا من صارت حلاله

حـر :- جاااي تمردييين بفادي

وعد :- بعد هذا الصدك ي حـر وانتَ هم عصبي كلش والحياة وياك متعبه ودرة مو بذيج القوة

اعصابك نار وتخوف احنة خواتك ونكول الله يساعد التاخذك يرادلك وحدة كلبها شكبرة وصبرها وخلكها طويل

هي ما تشوف اعصابك لان بعدكم بالحلو بس من ينسد عليكم باب بيت وتصيرون مرة ورجلها راح ترجع تبجي منك وتصيح طلكوني وهنا راح يصير خراب بيناتنا يااخوي انه ما اريد الخراب

حـر :- سويتيني وحش والله انه من حبيتها تغيرت وصرت هادئ وما ينطيني كلبي اجيسها بريشة

وعد :- بعدها عزيزة من تعرسون وتخلص ايام العسل يرجع طبعك وترجع عصبيتك ، وانتَ هم وين تفكيرك جبير وهي تفكيرها طفولي وتكب المشاكل وتطلكون ونتخارب لا لا ما اريد اخسر درة لو اخسرك

احسن حل تبعدها عنك لا تخليني ازعل منك وبعد حتى سلام ما تسمع مني واضل هناك كبلي بالكرنة والله جية صوبكم ما اجي

حـر :- خلفلة عليچ وعد سويتيني مجرم و وحش هذا هو الج التردينه خلي درة تروح بفالها وتكمل حياتها وانتي وصليلها هذا الحجي انه ما احجي ما يطاوعني كلبي

وعد :- صدك تحجي

حـر :- شكول بعد؟ تكليلي البنية مخطوبة وبذمة رجال غيرك ولا تخليها تتطلك وساعة تكليلي ازعل وما تسمع مني حتى السلام شأحجي شأكول؟

وانه هم اطلع ناقص اذا خليت البنية تعوف رجلها علمودي وتتطلگ

من رخصتك هسة اريد انامن تعبان

وعد :- لا تزعل مني بس والله لان مخطوبة حرام

هوا مو لعب جهال ويمته ماتريد تتطلك وتاخذ غير واحد وانه لان اشوف ماينطوها الك وراك اعداء ومشاكل وهم راح يعرفون عافت ابنهم علمودك يكرهونك

حـر :- هاي هيه ... عفتهم ومشيت للغرفة دخلت جوة البطانية مصدومة وعيوني تجري بدون صوت كتمت شهكاتي وضليت الوب الدنيا كلها طلعت من عيني

حسيت بامي طبت ونامت

ليش يمة ليش تدمرين بينا ليش هيج

صح هوا عصبي كلش وانه شفت منه هواي مرات يفقد ويخوف يصير بس والله ويا الانسان الزين الي مايثير اعصابه سمسم

واصلا هوا مايعصب الا اذا سالفة قوية وتأذي

وحتى تفكيرة زين ما اشوف فرق التفكير بيناتنا شي جبير لو يكون عائق بدربنا

بجيت لحد ماكلت بس عيني ماخذت نوم صار الصبح يله غفيت شوية ، وكعدت على صوت هوسة

طلعت شفتهم ضايجين وخالي قصي ببدلته العسكرية واكف بالباب ضايج

وعد :- حتى ما ودعنا

حجت ضايجة

صهيب :- عوفو براحته

قصي :- لو كايل خلينا صهيب اسامة بنفسهم يودو لبغداد مو يطلع وحدة بهل خطر هذا

هنا عرفت حـر عافني من صدك هاي المرة وسمع حجي امي وراح علمود انه اكمل حياتي بعيد عنه ..

ماكو شي يوصف شعوري بذيج اللحظة ما اكدر اكول غير الدنيا كلها طاحت فوگ راسي ..

راح قبل لا اشبع منه شوف حتى

لملمنا ورجعنة للكرنة العصر بس الوجوه محتقنة ، ومتنكين مانكدر نحجي وصلنا سلمنا بيبي وعمو وجوهم ثكال خزرتني امي تقربت بست ايد عمو وهمست

اعذرني بس حيل ضاكت بيه الدنيا وما بقالي صبر ردت بس ارتاح

هز راسه برضا وما حجة وجهة ثكيل بست ايد بيبي وصعدنا

كعدنا كلنا بغرفتنا وامي واكفة فوك روسنا كالت بصرامة ..

:- المشاكل بدت تنحل طلابة عمامجن راح تفض الزلمة الكاتل سلم روحه وراح يفصلون كعدتين تلاثة وتنتهي ، وطلابة ابن فرهود من فرهدو عمرة كون الاصنگ هم تفض بحيل الله عمامجن ما ينخاف عليهم والضربات على روس اهل فرهود وعمامة راح تكثر مو بعيدة يشمروهن من العشيرة بكبرها ويضلون للمصكعه مالهم احد ضعاف وهم تنتهي

بس تفض العركة الجبيرة ويا عشيرة .... كبل نسوي عرس درة وهمام ونروح انه وترف نسكن وياهم بالبيت الي اشتراه ارفد

ترف :- يعني هذا هو راح تكملين حياتج ويا عمي

وعد :- اي ودرة تصير يمي علمود اعرف شلون اضبها

وانتي رهف انطي خبر لفاقد بس يطلع فالح العرس يتم اهل فاقد من غير عشيرة ماعليهم شي يجون وياخذونج ماكو ضرر ولا ضرار ، وانتي اللخ ترف بطلي لكافية انه هواي رزلت وحجيت مافاد وضربت مافاد بس والله ثم والله ثم والله اذا ماتبطلين لكافة واستهتار اشد وياج شدة اشوفج نجوم الظهر

كافي هواي سربتن وهواي خطتن وخربطتن ولعبتن لعب بالولد منا رهف عبالج عبرت عليه لو نايمة والماي يمشي من جواي؟ لا حبوبة كلشي ادري ومغلسة الولد راح يموت اصفر وصابة المرض من وراج معدته تدمرت وقالونه تدمر والله يعلم بنفسيته شلونها والله يعلم بشنو يحس وضام

كافي عرسي وطلعي منا خلي ينسى

باوعتلي وكالت :- وانتي الثانية افكارج الشيطانية بطليها والولد بعد صار رجلج العجبج والماعجبج

وافقتي بي لان راد يحمييج صحيح مو عن رغبة اجي وياج بس كافي مو اول ولا اخر وحدة تاخذ واحد ماتحبه الايام بيناتكم طويلة وراح تخليج تحبي

الصار بسداد ما نريده يصير بهمام كافي يمة كافي حرام عليجن شنو ذنبهم؟ دمرتنهم

ذنبهم كلوبهم طيبة؟ لو ذنبهم يحبون بصدق ويضعفون كبالچن؟

هاي هية انتن هسة مخطوبات كل وحدة تاخذ خطيبها وتسعده وتجر ويا عدل

رهف :- عن نفسي قابلة بفاقد وماعندي رفض لو شي وياريت اتزوجة اليوم قبل باجر

وعد :- ما ضل شي. وانتيي؟

درة :- بعد انتي مقررة ومكملة عندي مجال ارفض واكول مااريد همام طلكوني

وعد :- لا تتزوجينة وتحبينة

درة :- عادي ماتهمج مشاعري

وعد :- ليش قبلتي بي

درة :- من ملحتكم

وعد :- لا رضيتي لان خفتي يجي مؤمل يسويله طركاعه وتاخذينا شفتي همام احسن الج من مؤمل

درة :- صح بس ما احبه

وعد :- الايام تخليج تحبينه مو اول وحدة تاخذ واحد ماتريدة ذنيج عاشن وخلفن وهسة يموتن عليهم انتي بس انطي فرصة وراح تتقبلينا

هزيت راسي ونصيت ..

هواي نسمع هذا الحجي

اخذي بمرور الوقت تحبي اخذي مو اول وحدة تاخذ واحد ماتحبه اخذي يحبج اخذي عاقد عليج ماعدنة بنية تفسخ

هاي الجمل خلت ملايين البنات عايشات ويا زلم جسد بدون روح

هاي الجمل خلت ملايين البنات نايمات بفراش رياجيل ما يهونهم

.....

كتبتله :- شبيك مستعجل

رد :- شعليج انه زلمة كلبي حار وكاعي حامية

ضحكت وكتبت :- بعدني ما واصلة للبيت اكلك صدك السايق خابروله امه تعبانه وضل ينزل البنات ع شارع تكدر تجيلي للشارع اخاف امشي وحدي للبيت الفرع طويل

دقيقة ورد :- ابدل واجيج ..

رديت :- اوكي ..

نزلني السايق على الشارع شلت جنطتي على كتفي امشي اباوع الشارع فارغ دب الخوف بگلبي بس كلت يله انه بنيه والعشاير ما تهد ع بنات هسة لو يشوفوني ما يسوولي شي

ضليت اتمشة كلت ع مايجي فالح واصعد ويا من وراي اجت سيارة ضحكت والتفتت من شفته خفف بس اختفت ابتسامتي من شفت شاب غير فالح وابتعدت خطوات عن السيارة

نزل واجة بهمة عليه عبالك قاصدني باوعتله من جوة الجوا وكملت مشي هم بخطواته وضل يتلفت الشارع يصفر

كلبي ضل يرجف سرعت بخطواتي وهو سرع اكثر وكبل لزمني من زندي عطت ونترت ايدي رجع لزمني حيل وضل يجر بيَ وهو يخزر وينطق من بين اسنانة

:- تعالي بت الك* بت الس**

فلك :- عووووفني ولك والله اخلي اهلي يحكونك ويكعدونك ويطيحون ابو حظك

مؤمل :- وانه المن جاي اخذج غير حتى اكسر الك** اهلج، يحجي ويجر

:- دمروني من ورا وحدة زركة تخرع خليني اخذ الحك من وحدة حلوة ترد الروح طول وجسم

يحجي ويسد بحلكي ويسحب بيَ للسيارة فتح الباب وضربني ع راسي ادفع بي واعيط ويسد حلكي ويحاول يصعدني وما احس غير طاح من طولة رفعت راسي بخوف اشوف فالح كبالي وجناية بيده ضرب مؤمل على رأسه ودمه ضل يسجب

جرني من ايدي حيل وفتحلي باب الصدر صعدت بخوف لزم وجهي بثنين ايدينا وهمس

:- لا تبجين لا تبجين يبا يروحلچ فدوة لا تبچين

باس راسي وهمس

:- لا تحجين كدام بشر لا تكولين شي غير لعمي فاضل هوا يتصرف

ايديني ترجف ما اعرف شنو احجي الشارع فارغ مابي بشر غير صاحب محل واكف يباوع وشاف كل شي

فلك :- بس لا مات

فالح :- اششش اشش

دار ركب السيارة شغلها وطلع بسرعة وصلني للبيت ما حجة ولا حرف بس انفاسه عالية كال نزلي ولا تحجين

فلك :- عفية وانته

فالح :- راجعلة لحيوان اريد يوصل خبر لابو ويعرفون الطكة ياهوووو مو احنة لنخاف وما ندافع على عرضنا رايحلة وان جانة بعدة بي روح ارجع اقضي بي التوبة واموته موت

نزلت بعد ما عاط نزلييي

فتت مشيت للحديقة كعدت فوك النص ساعة ابجي خايفة ارجف ومنظر الدم بعدة بعيني

ضربة بقوة صوت الضربة ترن بأذني لسه ..

رجعني للحاضر صوت مبايلي دك برساله رفعته لكيته كاتب

اريد اخابرج

:مو انتة بالتوقيف اخاف عليك يلزموك

:- واذا لزموني اصلا صاحبتهم كلهم يشوفوني ويسكتون

بعدني اقراها دك وحجة يهمس همس

الو وينج الو

:- وياك فالح كلبي يمة خايفة لا يلزموك شنو انته ماتخاف

:- لا والله اخاف والدليل لابد بالتواليت واخابرج

:- ههههه خرب بيومك ولا تكعد المن مخاطر

:- علمود اسمع صوتچ فلك وارتاح من هموم الدنيا

:- مممم شوكت تطلع

:- هانت فلوكة هانت شخبارج

:- فالح يومية احلم بذاك الموقف ومحملة نفسي مسؤولية الصار

:- انجبي محملة نفسها المسؤولية

:- لا تكلي انجبي ولك

:- ولك بعينج انجبي

:- اوووو

سكت تحسر انقهرت كتله :- لا تتحسر تطلع ماضل يوم يومين بالهواي اسبوع

فالح :- لا ما ضايج على هذا الموضوع عادي شنو يعني خليني اضل شهر اصلا متونس

فلك :- مصدكتك

فالح :- احجي صدك ماضايج على هاي السالفة

فلك :- وليش ضايج جا متعارك احد مضوجك بحجاية

فالح بحسرة :- مقهور لان انسجنت وما حصرتچ ضلت بنفسي عاد انه بيومها ركضت غسلت وبدلت وتعطرت كلت اطب وياها للبيت واحصرها بس بعد

تحسر

ضحكت بصوت عالي :- كل عقلك تحجي

فالح :- باع الضحكة ترد الروح اويلي يابة يا ءحبيب يابوية شكد احبها

فلك :- يمته لحكت تحبها

فالح :- اهووو من زمان من الصغر وانه عيني عليج ام شامة

فلك :- لطش ماعندي شامة

ضل يضحك ما رد

همست :- يعني صدك تحبني من الصغر

فالح :- اي والله انتي فارسة احلامي ..

غميت كصتي رديت :- ترة هاي انه اكولها لازم فارس احلامي

فالح :- عادي انتي فارسة احلامي نفس الشي .. يله يله روحي لا يعلسوني وبعد ماكدر اخابرج

فلك :- تمام تمام

فالح :- فلك ..

فلك :- هاا فالح ..

فالح :- صوتج شكد دافي وحنين ياريته ينحضن

ابتسمت نهى الاتصال تمددت على ظهري مبتسمة شكد حلو كلامه شكد حلو حبه ، شكد حلوة غيرته

ورا يومين ضبط كعدة العركة الجبيرة وبهذا اليوم طلع فالح بوكت الكعدة الولد راحو يجيبونه انه دكيت رجل والله الا تاخذوني البيت عمي صادق استقبله من يطلع

نصبو علي يكلولي مستعجلة تروحين البيته ويضحكون

صاحت عليهم بيبي :- غير رجلها شو انتم تسربتون انه اخذوني وياكم يم رحاب اتلكى الولد من يطلع

رحنا انه وياها دخلنا لكينه عمتي تلوب وجمانة وياها شافتني ضحكت

وغمزتلي ، مشيت للصالة انزع بالعباية مالتي وشالي واحجي ويا جمانة بهمس

:- اخذيني لغرفتج بسرعة بسرعة بس سوي روحج يعني انتي ماخذتني

جرتني من ايدي وكالت :-ت تعاي وياي ل للغرفة فلللك

دخلت للغرفة ركضت للمراية عدلت شعري فتحت جنطتي حطيت حمرة ورشيت عطر ، باوعت لنفسي برضا جمانة تباوعلي وتبتسم

جمانة :- هسة ي يكول لو ضال ب بالسجن احسن ل لان ما يتحمل ي يشوف هذا الكيك و ما ي يكدر ياكل

ضحكت بخجل وهمست :- سكتي لج

جمانة :- و ولجل ولجلاجة هههههه م ماتطلع لساني ثكيل ك كوة احجي بلوة

فلك :- عادي عادي

سمعنة عمتي رحاب تهلهل انمغصت بطني بدون شعور رجعت وكعدت على الجرباية باوعتلي جمانة متحمسة وصاحت اجةةة

فلك :- استحي اطلع بهذا شكلي كدامهم روحي انتي انه اخابرة واشوفة وحدنا

طلعت مني حطيت ايدي ع صدري يرجف كلبي يرجف ، كمت للباب فتحت فتحه صغيرة واباوع همام وغيث جايبينا وكعدو بالهول اشوفة مرتب ولحيته محددة وشكله نظيف ولا عبالك جان بسجن

شبيج فلك ترة بسجن مو تايه بالجول يعني اكو حمامات والولد يودولة غراض وشامبو وصابون وكل شي اكيد يسبح ونظيف ويرتب لحيته قابل يضل مخمخم

فاتحة الباب شوية وحاطة وجهي لازكته عبالي ما يشوفوني اباوعله مندمج ويا عمتي وهي تبوس بي وفجأة ثنينهم باوعو بغير صفحة وبنفس اللحظة باوعو باتجاهي وطاحت عينه بعيني عبالك احد نبهم

بهاي اللحظة باوعت للكل صافنين عليه وانه بكل صدمة واكفة ولاطشة وجهي واباوع تك عين من الفتحة جني مسودنة

سديت الباب رمشيت للجرباية كعدت وجهي صار نارر وايديني يرجفن من الخجل والفرحة بشوفته

دقايق وانفتح الباب فات للغرفة مبتسم وسد الباب ورا كمت بسرعة بلهفة ركضت فتح ايدينا وتحاضنا

حاضني ورأسه بركبتي يشم بية ويشدد بحضنته

همستله :- الحمدلله على سلامتك شلونك

جر نفس شمني وهمس :- ردت روووحي هسة

بعدت نفسي شوية اباوعلة حط كصته ع كصتي ويباوعلي يتنفس بسرعة ويحجي بهمس صوته يرجف

:- شكد مشتاكلج يبا شكد اذا اكلج بكد رحمة الله يمكن تجذبيني

فلك :- ليش اجذبك وانه مو اقل منك شوگ

دفعني على الحايط ورفعني بايدينا على صدره

صرت ويا نفس الطول باس خدي وضل حاط شفته ع خدي ومغمض

كل احوالي تدهورت جسمي كله ارجف كلبي صار يدك بكل جسمي ، سبلت عيوني وضليت اتنفس سريع

فتح عينه خدران وعيونه ذابلة ، همس :- احبنچ من كل گلبي احبنچ ي صبي عيني

غمضت عيني وعصرت قميصه بأيدي حيل ، ما حسيت غير اتحدت انفاسنا شفايفه غزت شفايفي ..

لهفة شعور غريب ، مغص رجفة رغبة مشاعر غريبة ، ضل بايسني لحد ما نفسي انقطع ابتعد عني جريت نفس وذبيته بتنهيدة رفع ايده لزم راسي من ورا ورجع باسني بلهفة اقوة من القبلها رفعت ايدي تخللت اصابعي خصلات شعرة ببرائة وجرئة

حب وتعلق

رغبة وامتناع

ايدي ترجف اريد ابعدها وترجع تمشي من راسه لرقبته ابعدها بامتناع وترجع برغبه على راسه

ابتعد مني حضني باس خدي وهمس

:- تعبان اريد انام

مشة لجرباية جمانة تمدد غمض تنهد فتح باوعلي مبتسم

:- ولچ صرتي حلال فالح صرتي الي

تقربت كعدت يمه مبتسمة لزم ايدي وجرني لصدرة وهمس رفعي رجليج يبا نامي يمي

فلك: -عيب لا يجون

حط اصبع السبابة على شفايفي يباوعلي بخدر وهمس

:- ماكو عيب حلالي صعدي

رفعت رجليني وتمددت حط ايده جوة راسي وجه بوجه انفاسنا مختلطة عيوني بعيونه وتسولف هواي تريد تروي عطشها بالشوف

وايده الثانية على خصري كل شوية يعصرني حيل بحضنه

رهف :- طلع فالح من السجن كبل فاقد بدا يحضر للعرس وصار بسرعه بسرعه ورا طالعه فالح بثلاث ايام ، جنت كاعدة منتظرة جيتهم والبنات داير مدايري

طب عمو فاضل باركلي ولبسني سوار ذهب انغمصت بطني من تذكرت سداد بنفس الطريقة لزم ايدي ولبسني اسوار اووف اووف اذكر من انفصلنا عقجته بايدي وخربته وجنت شامرته جوة هدومي حتى من انباك ذهبي هو ما انباك محد يندله

اجت الزفرة لفوني بالبرنص زين ، طبو اهل فاقد وعمي طلع دقايق من الهوسات ورجع ويا عمي صادق وسداد وفاقد وبحكم صداقة سداد وفاقد وخواتهم وعده بعرس بارق من نتزوج هو ينطيني اله

اعرف سداد بهذا تصرفه اله مقصد يمكن حس اكو شك بدر من فاقد بسبب تهرب سداد منه ورا خطوبتنا انه وفاقد

وراد يثبتله ماكو شي واحنه اخوان

سداد وكف بصف عمي باوعتله خطية وجهة اصفر ومجبود جبد يريد يطك زام شفايفه تنعقد حواجبة ويرجع يفكهن ويتنهد

عمي لزم ايدي كومني ونزعت بشته خلاه عليه دمعت عيوني باس راسي ولزم ايدي حطها بأيد فاقد وصاه عليه

فاقد باس عمي وطمنه ، رجع سداد تقرب وصار كبالنه انه وفاقد

كال لفاقد

:- بنية عمي صارت بركبتك امانة فاقد ادريك كفو وراح تصونها وتسعدها وتقدر هاي الجوهرة الثمينة المنطيها الك

جان واكف يمي سلم على فاقد وبنفسه انطاني لصاحبه وانه عروس

درة ... طلعت رهف من البيت لو اخذت ارواحنا نبجي كلنا وراها وبس امي وبيبي سعدية و وحدة من عماتي راحن وياها احنه ما رحنة

ضلينه للبيت نبجي بباب المطبخ صعدوها بسيارة مزورقة بالصدر ودار فاقد سلم على سداد بوسة وحضنه وصعد بمكانه طلع السيارة ورا النسوان طلعن

هوسات وهورنات ومشن السيارات سداد حاط ايدينا ع ظهرة، جان ظهرة النه وعينه ع باب مفتوح والسيارات تمشي وبدأ صوت الفرح يبتعد وصوت حزن سداد يقترب اكثر

وردة مزروعة بنص كلبه واخذها صاحبه شلعها واخذها بدون مايدري بصاحبه شلون متعذب

مشة للحديقة سحب كرسي وكعد الولد رادو يتقربون منه رفع ايدة وسوالهم حركة باصابعه يبتعدون

ابتعدو محد اقترب منه شابك اصابعه ومخليهم فوك راسه مدنج

نجوى :- الله يشفي كلبه

حجتها وتنهدت ..

الحزن واضح بعيونها بس هي هم تعرف سبب الصار وتعرف ابنها ليث هو الخرب لهذا السبب ماذابة الصوج بواحد غير ليث

لا هله بي مكروه وهمزين عمي فاضل بعده وحرمة دخلت البيت جان رجع سوالنه مصيبة

كعدت ع ميز بالمطبخ من المطبخ اباوع برة عيني ع سداد ع كعدته اكثر من ساعة ، صار الغروب اذن المؤذن سداد كام وكف ورجع كعد

ردت اطلع امشيله وترددت ، كلساع يجي احد يباوعله ويدخل كلها بالها يمة وكل احنة خايفين يصير بي شي

لان صدقا سداد تدمر كلش تدمر ، وعرفنة هو يحبها حب ما ينشرح حب بجنون ولو ما فاقد صاحبه جا سوا سوايه همام ونهى على رهف وخرب كل شي بس الوكف بعينه صداقته وخوته ويا فاقد

طك كلبي كمت اخذت عصير وطلعت من المطبخ انفتح الباب فات ليث شافني ما اهتم التفتت لفلك اشرتلي اكمل خايفه

مشيت خطوات جان ظهر سداد الي وليث لنذل شافني وغلس وتقرب بهمة من سداد على وجهة شبح ابتسامة

سداد حس بخطواتنا ورفع راسه باوع لليث وكله بعتب

:- جاي تشمت باخوك وتشوف دماره؟ ابشرك تدمرت اشمت براحتك

بس اسألك بالله شلون تنام ليلك مرتاح وانتَ كاسر اخوك وغادره؟ شلون تنام مرتاح وانت شالع من صدر اخوك گلب؟ وسالب روحه وعافيته

ليث :- بعد هاي الدنيا وهسه الصار هو الاحسن لا الي ولا الك شنو يعني يعجبك تاخذها ونفسي بيها؟

سداد سكت ما كدر يجاوب، مو ضعف منه بس ليث دنيء واصلا سداد ماكدر يدافع عن حبه لان خصمه جان اخو جانت صعبة علي يستوعب الموضوع

ليث مبتسم ابتسامة نصر وكال

:- عزمني فاقد استحيت ما اروح والله هاي جيتي من العرس تعشو العالم وزفو فاقد كبل نص ساعه تقريبا كلش ويا العشا ما ضل الهسة يباوع لطولها اكيد خذاها وسوا الأنته جنت تتمنى تسوي

صاحبك قطف الثمر مو انتَ عظم الله اجرك

ضحك بصوت عالي مستفز وطلع من البيت عيون سداد تمشي ورا حمر دم والوجه صار ليمونه

ردت اتقرب منه وما حسيت غير سداد مالت بي الدنيا وطاح انكلب هو والكرسي بالكاع مثل الجثة ، طاح العصير من ايدي وصرخاتي وصرخات فلك وصلن لسابع جار

درة :- سدااااد ..........

طلعو على عياطنة الولد يكعدو يذبون علي ماي مايكعد بسرعة شالو حطو بالسيارة وطلعو بي للمستشفى مثل الميت وجهة مابي روح سودة عليَ

فلك تبجي وتعيط الله ينتقم منك ليث لزمتني من جتفي وتهز بيه تعيط

درة احجييي شگله هلخنيث احجي بروح ابوج احجيييي شحجاله وخلاه طاح هو والميت سوية

جنت ابجي اباوعلها واباوع لعمتي نجوى فرفحت روحها حتى لطم ضلت تلطم

لزمناها دخلناها للبيت كعدت بالمطبخ تعيط وتملخ بروحها تملخ بشعرها

فدك :- يمة دخيلك ربي بس لا صار علي قدر

فلك :- هو من ورا ليش شيجي غير المصايب شكو سم بعمي خالد موجود بليث الله ينتقم منه

نجوى :- ليش جان يم سداد؟

فلك باوعتلي حجيت :- اي وحجة ويا حجي انه من يمي اشتعلت وجاي ارجف

حجيت ورفعت ايدي ترجف

عقدت حواجبها وكالت بتساؤول

نجوى :- شني حجة ويا؟

بلعت ريكي اخاف احجي ويتخاربون عاطت بيه حيل :- شني گله ولللج احجي شگال لاخوووو وموته

درة :- عمة گلاله جنت بالعرس وصار نص ساعه من زفو فاقد هسة ماخذها ومسوي الانته ماسويته وجنت متمني تسوي وبعد هواي حجي شماته ويحرك الگلب

نجوى بغضب :- جيبلي العباية بساع

فدك :- لا يمة وين رايحة الله يخليج ستري علينا والله ابوي يتبرأ منه اذا عرف

نجوى بغضب :- فللللك ركضي جيبيييي عبايتي وجزداني ونقالي وياااج

جابتها لبستها وكفت تحجي بغضب :- اذا ما العن سلفه سلفاه لويث ف لا تسمى نجوى شيريد من اخو بعد شيريد من غضب الله على رأسه الناقص

تمشي وتحجي باوعت ع قنفة عباية خليجية جنت لابستها بالصالون ونزعتها ضلت هنا ماصعدت ركضت جريتها البس بيها واركض ورا

فلك :- يااا يااا درة وين

درة :- بالله طاحت صارلها شي جاي ترجف عاد واحد وياها بالدرب يفزع الناس يخابر عليكم

ركضت وراها اصيح :- عمة تانيني

التفتت عاطت بيه :- امشي طبي انه رايحتله احرك صفحته

وعافتني ومشت ضليت امشي وراها تمشي وتحجي علي بينها وبين روحها بصوت مسموع

من الله ينتقم منك موتت اخوك ماخليت على حاله حال حرمته من عشكه وتحرشت ابت عمك ما كفااااك هذاااااااا كو**د و ساقط شترجى منك اذا عمك خويلد الخايس

وكفت تكسي صعدت ما حست الا ركبت من الجهة الثانية باوعتلي وخزرتني وعاطت بصوت مكتوم

:- ولج مو كتلج ردييي

بجيت وحجيت بخنكة :- خفت عليج يصير بيج شي وانتي رايحة وحدج

سكتت ما ردت مشت بينه السيارة اقل العشر دقايق و وصلنه نزلنه عمتي دكت الباب حييل بكل قوتها وحجت

:- هو يمتة اجة يمتة طلع

:- كلش كبل لا يطيح سداد بلحضات شخط سيارته وطلع

:- لا يوفقه ولا يرضا علي نزل روسنة هل ك** ولج ماربيته هيج وعلي ماربيته هيج

بس وين عمة خالد شـأتوقع منه

فشلني ونزل رأسي والله يسألوني ليش سداد ما اخذ رهف انزل راسي واسكت شكللهم؟ اخو النچر سوا مكيدة و وكع بت عمة وكره اخو بيها لو اكللهم ابني العود يتحرش ابت عمه وهيه ويانه حدر سكف واحد وما حسينه

لو عمامج دارين اااخ ااخ يالفضيحة اااخ روسنة تصير بالطين

رجعت ربدت الباب حيل وهي تحجي بغضب

:- اليوم العن صفحته الك** هذا

اجة صوت ليث يصيح اجييتك اجييتك

فتح الباب ع عرضه وفاتت عمتي ضل وجهة فالت گبل جابته براشدي على وجهة ودفعته من صدره ليورة

ضل وجهة باهت عاطت بي غسلته بالغلط غسل ماخلت على حاله حال .. ورجعت ضربته على وجهة وكلتله

:- الصلف شترررريد بعد شترررريد اكثر من هييييج كلوبهم كسرتها مرض ومرضت اخوك بعد شتررريد

كلي الترررريده شني؟ تموت سداد؟

هذا سداد هل طاح ميت ومايندرى شبي ما بي

صفكت ايد بأيد وكلتله بشوغه :- ولك اخوووك طااااح ميت من ورااااك ولك شتكول لررربك من توووكف كباله كثرن عليك لوووويث كثررررن علييييك يأبني العوووود كثررررررن

ولك بيا وجه تكابل ربك

ليث :- يضربة مرض هوا الخذاها مني وخل يحمد ربه وكف بعيني وماخذيتها غصب

نجوى :- ولك لوووووويث دمررت اخوووك خربته ويا خليلته من وراك البت راحت واخوك تمرررض ولك ترجع الييوم تدوس بكلبه وتشمت بي!!!! والعباس انت ك***

ضحك وفر ايده :- غير هي جانت حبيبتي وتريدني منين جبتوها لسداد؟ هو رايدها من طرف واحد وخرب بيناتنا

نترت

درة :- لا تچذب جانت تحب اخوك ويحبها ومتواعدين على الزواج انتَ الخرررربت لانك ناقص غيرة ومابيك رجولة واناني السويته مو بدافع الحب السويته انانيه

ما حسيت غير راشدي بنص وجهي جفلت ضليت وجهي باهت والراشدي الثاني نزل من ايده ع خدي الثاني ضل يدفع بيه ويضربني ع راسي وعمتي نجوى صارت بنصنه تدفع بي وتصيح ومها تجر بي بس هو فقد يضرب بي على راسي و وجهي ..

ويعيط بغضب :- الساقطة جذاااابة انتي جنتي شاهدة على حبنه لو خربت مصالحج جنت استرلج واساعدج

عطت بغضب :- كلب بشنوووو تسترلي شمسوية انننه جذب لا تجذب لا عندك شي وياي ولا وياها وحتى اهلك يدرون بحبهم

ليث :- جم مرة لحكتج تطلعين ويا ..... وكبل للعلوة للمكتب مال العلوة ماتطلعين غير بنهاية الدوام مشي ماتكدرين تمشين

لطمت على وجهي وصرخت :- الله ينتقم منك على هذا الجذب الله ينتقم منك حسبنا الله ونعم الوكيييييل بس عمي يعرف يربيك ويحطلك حد

دفعته حيل وطلعت ركض وراي وعمتي تعيط وتجر بي بنص الشارع لزمني من شعري من ورا الحجاب وجرني كبال العالم الطالعين ع صوت الصياح

جرني جر من شعري للبيت وعمتي تدفع بي وتصيح

:- عوووفها الجلب عووفها لا بارك الله ابطني النكلتك كون طارحتك ولا جايبة ولد عار مثلك

ابجي واعيط دخلني للطارمة عمتي نزعت الشحاطة وشمرتها علي ضربته بيها تفلت علي وصاحت

:- روح انه برية منك اليوم الدين انته بعد ما تصيرلي ولد

جرتني منه ولفتني جوة عبايتها وصاحت

:- ان جستها اصرخ والم عليك الاوادم واذب طركاعة براسك الناقص شترجى من واحد نفسه دنت على عرضه ودنسها وهي بنص بيته

مها :- سويتو رهف شريفة روما بروسنة وهي كلها خلك وحدة كحبة تلعب على الاخوان ويومية بحضن واحد وبختها شكدة خذت الها زلمة يسوا راسها

نجوى :- اكلي خرة ماعندج حظ وبخت عندج بنيه تكبر وترد حجايتج عليها وعندج خوات

مها :- ما حجيت غير الصدك روحي رجعي للبيت شوفي اذا ما رجعها فاقد عليكم هسة يلكاها مو بت بنوت

ليث :- طبي مها هذني بنات جعفر غاسلات روسهم ما تدري هن لعبن علينا وشبچن لحية بلحية وكملن حياتهن طبيعي

يلعبن يلعبن وبالاخير ياخذن خيرة الزلم

عمتي طلعت وبالباب رفعت اصبعها بتهديد :- اذا وگف گلب سداد اخوك و مات يلويث مايخلصك مني غير عزرائيل

ليث :- عار ما يموت وكافي يله سدي حلگج مو بس السداد كل عمرج بس السداد تنحازين

تفلت وصاحت :- اكل تبن ما يوم فرقت بينكم وربيتكم نفس التربية بس انته عار طالع على عمك اخويلد ومن هاي الساعة يالويث لساني ما يطخ على لسانك وما بيناتنا حتى سلام ولو متت ما اريدك تحضر بفاتحتي ولا توگف على گبري

الله يلوع گلبك مثل ما لوعت گلب اخيك وطعنت بهذني اليتيمات حوبتهم ما تطيح بالكاع

امشي يمة امشي ،، جرتني من ايدي تمشي بقينة واكفين نأشر نريدلنه تكسي انه ابجي محترك دمي وجسمي كله يرجف من طعنه بيه وبأختي وعمتي تدردم علي وتطلع سوالفة الخايسة وكرها وحقده

وكف تكسي صعدنه عمتي دلته وانه بعدني ابجي حضنتني عمتي وتهمس

:- لا تبجين يمة هذا خايس اذا ما وكف بعينه لا اب لا ام ولا اخو تردينا يرحمج ويكف لسانه وشره عنجن انتن؟ الله لا يرضا علي فرفحني

درة :- عمة والله وامان الله جذاب عمري وحياتي ماطالعة ..... قاطعتني اشش

لان صاعدين تكسي واحنة منطقة وحدة وشي يعرف شي وكملت حجي بصوت ناصي

نجوى :- ادري بي جذاب يومية يطلع جذبة على سداد ساعه يكول اخذها مني وساعة يعترف بالصدك وساعه يطلع جذبة ع رهف بس علمود يخرب ويطلع سمه من كون سم الحسن بگلبه لا بارك الله بي ..

لا تحجين شي درة كدام بشر البيناتنا خلي بيناتنا انه احجي للحجية وعمج بيني وبينهم

وصلنة للبيت دخلت عمتي مفرفحة لكت بيبي سعدية وعمتي وامي راجعات وهي كعدت بالكاع تنحب وتعيط

:- ولجن يصرخ بوجهي ويتجاوز وينتر ويدفع بيه الا شوية جا طكني ومرته الفقيرة طلعت معذربة ومدت اللسان هل طولة عليه وعلى درة

وعد :- درة وجهج شبي احمر يمة؟ شنو هاي الاثار

نجوى :- غير الجلب طكها واريد افكها الطكات صارن بيه شوفن تحجي وتراويهن صدرها وايديها كلهن اثار حمر ، فرفحننننيي

وعد :- يااا صخام جا شعنده يطك درة

نجوى :- غير كالتله انته جذاب رهف ماجانت رايدتك رادة سداد وهوا رايدها وانته خربت

هو تسودن الجلب

وعد :- شني هذا الحجي النوب والله انه جنت شاكة رهف وسداد واحد رايد اللاخ بس غير اعرف ليث شلون خرب وشصار شو انه نايمة والماي ماشي من جواي

نجوى :- خرب من خطبها وكال اريدها بعد سداد سحب روحه مجبور شيسوي واخو يكله البت احبها ونفسي بيها كام سداد بطل من رهف وخطب غريبة

وعد :- هاا عبالي مسوي شي وهسة شلون بهاي البلوة شلون بسداد بالله ماخابرتوهم؟ شفتو اخبارهم

فلك :- يكولون بعدة ماكاعد ما ادري شلون بس وضعه مستقر ما ادري ما يحجون شي

وعد :- صعدن بنات صعدن يله سبحن وارتاحن

نجوى :- اي يمة صعدن ارتاحن على ما يردولنه خبر يمة فدك انتي ارتاحي مرة بطنج لحلگچ وين بيج حيل واكفة من العصر الهسة

صعدت طبيت سبحت دموعي تنزل ويا الماي النذل شلون يطعن بيه وشلون يحجي وياي ضلت الافكار تتزاحم براسي خصوصا بموضوعي ويا همام ، اخاف اعوفه ويصير بي الاسوء واحنه وضعنه يختلف صرنا مخطوبين وصار يشوفني مرته اذا عفته ينكسر اكثر من سداد ويتأذى ويمكن يرجع يتمرض وهو توة اتعالج

والصوج صوجي خضعت الهم وقبلت همام ماطكني على ايدي وكال وافقي واذا على النهوة اكدر بحجايتين ويا عمي فاضل اخلي ينهيها ويعتقني بس انه رضيت بسبب ملحة امي وبيبي والحجية همام ماله ذنب

ورضيت علمود مصلحتي كلت همام ولا صهيب لو مؤمل ،،، هذا هو درة قبلي واستمري ويا الدنيا مو بكيفنا نمشيها والله كتبلي همام وصار نصيبي بعد هاي هية ..

طلعت عيوني حمر شافتني امي واكفة ترف كبالها متخصرة امي نترت

:- شبيييج

ترف :- ليش سكتي من كلتلج ليث طاكها لدرة يعني شنو هذا الضعف المفروض تحجين وتدافعين

وعد :- درة كليلها نجوى قبلت من طكج

درة :- لا سودة عليه نص الطك صار عليها وضلت تغلط علي وضربته حتى بالنعال لان طكني وكلتله دامك مأذي اخوك وهذني اليتيمات لساني مايطخ لسانك وحتى على كبري ماريدك توكف يعني بين قوسين تبرت منه

وعد :- وراح ياخذ المقسوم من عمچ بعد ليش احجي وهوا امه ماقابلتله وعمج لو درى مايقبل الواحد من يشوف الناس ضدة وهوا مضلوم يحجي

مو من الناس كلها تدافعله

وانتي شمالج عيونج حمر خل يولي يروحلچ فدوة والله عمچ ما يسكت

درة :- عمة نجوى ما قصرت

وعد :- شفتي الفقير من يعشگ شيصير بي؟

درة :- اي ماراح اعوف همام اتطمني وجبري على الله

وعد :- الله يكملج بعقلچ يمة

ترف :- ترة سداد ضعيف اذا يحب رهف ليش ما حجة ليش ما عارك والله غصب عنها اخذها

ما حسيت غير عمة نجوى حجت وهي تدخل

:- سداد مو ضعيف يكدر يهوس ويصيح ويحجي كدام ابو وعمامه ويكلهم عاشكها واريدها ويلعب لعب

بس هوا رادها من كيفها تقبل ماراد يضغط عليها لو على امج ويخليها توافق بس حتى تسكت الحلوگ التحجي

سداد مو ضعيف بس مسالم رادها تسوي الي يريحها على حساب راحته

ترف :- عمة مو قصدي اعيب سداد بس والله من حركة كلبي حتى كلت ياخذها غصب

نجوى :- افتهمچ بس قهرتني حجاية ضعيف من صغرة عمامه يكولون ضعيف وضعيف بس سداد والله مو ضعيف مسالم ومايحب ياخذ شي بالغصب والله مو صعبة علي ينهي عليها بس طيبة كلبه ما تسمحله يأذيها ويجبرها ادري بيجن وبعماته وخالاته كلهن مقهورات علي ويكولن ضعيف وانحرم من العاشكها بس محد يباوع للجانب الثاني

رهف رافضته لان خطب غيرها وماحارب علمودها تخيلن يهوس ويصيح اريدها وينهي عليها ويجبرها علي وتاخذه وهية مكسورة منه وما رايدته

مو الكل راح يحجون ويكولون اذاها وجبرها مو رهف راح تكرها اضعاف؟

مو تكولون كسر بيها همجي نهى عليها

وعد :- صح خية وهذا الاشوفة انه سداد من طيب اخلاقه وادبه خلاها تروح بفالها وما وكف بطريقها وهاي ترف عذريها مقهورة وخانها التعبير طفلة ما تفهم

ترف :- عذريني عمة

نجوى :- لا شسالفة ادري بيها مقهورة علي ..

.................

رهف ..

گعدت الصبح فتحت عيني اباوع المكان مو الانه متمنيته مو غرفه الشخص الحبيته ولا النايم يمي هو الساكن بكلبي

مع هذا غمضت عيني واستغفرت ربي ورجعت سيطرت على افكاري انه اختاريت ابدي حياة جديدة بعيد عنه وعن همه ما اريد افكاري بي تدمر مستقبلي

جنت مغمضة حسيت فاقد باس راسي وهمس :-احلى نومة انامها بعمري حضن الحبيب شكد حلو

ضحكت رفعت راسي باوعتله همست :- صباح الخير

فاقد :- صباح الورد باس خدي وهمس

:- كومي يله راح اطك من الجوع خل نبدل ونطلع نسلم على الاهل ونتريگ

حطيت رأسي بصدره متذمرة :- مااا مااا ما اريد اكوم نعسانة ماخليتني انام بالليل وهسة توة يله ب8

لفني بحضنه ورفع الغطة يضحك :- ولا يهمج يله ل12 شورانه ماتكليلي عرسان ونريد نسهر انام يمته مايعجبنه ونكعد يمته ما يعجبنه

غمضت عيني غفيت فزيت على دگة الباب كمت بسرعة حس وفز يفرك بعيونه ابتعدت من حضنه اضحك وعيني علي الساعة

رهف :- حبيبي صارت الساعة 11 شكد عيب كلت هسة نغفه نفز الساعه بالـ9 جريناها ل11

يضحك ويدفع بالغطة ويجر بية وصاح بصوت عالي :- معاااارررريس معاااريس

اجة صوت مرة تضحك وصاحت :- براحتكم بس والله ضل بالي يمكم يله رايحة رايحة

فاقد :- عمتي هههههه تفكر بدخلتنا اكثر من عدنا

جرني حيل وصار فوكي

:- متوقعه اخليج تطلعين بدون ريوك

رهف :- الريوك برة

فاقد :- لاا الريوك هنا يختلف عن الريوك برة وهذا الريوك بي اجر للمرة ما تردين اجر

ضحكت حط ايده على حلكي يضحك ويحجي :- ضحكة رقاصات هاي لج بطليها ..

اخذ حقه باس راسي وضل حاضني ويبوس بشعري وجبيني ، اذن المؤذن طفرنه ثنيناتنا نتسابق على الحمام

جرني حيل من ايدي ودفعني ليورا وكال

:- انتي تتاخرين

دفرته برجله وركضت قبله :- والله ما اخليك تفوت قبلي

حضني من ورا يجر بيه ويحجي :- شو الا انه ادخل قبلچ ولج يله خليني لا تعاركين اذن اذن اريد اذكر الله واشكره لان انطاني هيج مرة

رهف :- خوش عليك لا تصير لوتي ما تقنعني بهذا الحجي انه هم اريد اسبح واصلي واشكره الله عليك

ضل يضحك وهدني فتت سبحت بسرعة وطلعت لملمت الغرفة عبالك صاير بيها انفجار من ورة ليله البارحة ورتبت السرير هو طلع بعدني لافه شعري بالمنشفة راد يطلع عطت

:- ويييين

:- حبيبتي اصلي يم الوالد بالدوانية

:- لا تطلع قبلي

:- شلون حجي هذا

:- والله استحي اطلع وحدي انتظرني عشر دقايق امشط شعري وارتب نفسي واطلع اسلم على الاهل

:- جا اذا هيج نصلي هنا مايصير نتأخر

:- هذا هو جا

طلع سجادات فرشهن نزعت المنشفة ولبست احرام الصلاة وكفت ورا بشبر تقريبا وصلينا سوية كملنا صلاتنا بست كتفه وحطيت راسي علي

ضل يسبح كمل تسبيح واندار جر رأسي باسه مبتسم وكال قبل الله

:- منا ومنكم صالح الاعمال ..

كمت مشطت هو شاف اكو اشياء محتاجة ترتيب ضل يرتبهن وطلع حلويات من الكنتور رتبهن بالثلاجة وعصاير ، على ما خلصت ترتيب وجهي بشوية مكياج

رشيت عطر وطلعنا تقريبا الساعة بال1 الا ربع

عبرنه الموزع فتنة للاستقبال وتلكونة الحبايب بالهلاهل سلمت على النسوان وعلى عمي انطاني بياضي خمسين ، وكعدني بصفة يسولف وياي ..

مدو السفرة الظاهر غداهم واكف علينا ماجانو هواي بس اهله وجم مرة ثنين عماته وحدة مرت عمة وخالته والشباب يمكن خمسة بس ثلاثه ماعرفتهم الظاهر من عمامة وعماته ..

حجة ابو :- شمالجن تحجن صدك عرسان غير وحدهم

فاقد :- لا عادي مو مشكلة باوعلي وكال بصوت ناصي :- عادي؟

رهف :- اي عادي عمري

فاقد :- عادي ..

خالاته وعماته ضحكن وصاحن :- من هسة بشورها عيني

فاقد :- غير مريتي المايمشي بشور مرته مو زلمة هههههههههه شتكول بوية

ابو فاقد :- اي والله صادگ حجي ..

ام فاقد :- اليسمعك يكول بس تمشي بشوري عاد هاي خواتك يشهدن

ردت اخته ما عاجبها :- اي صدك بس يمشي بشورج جا جذب

ام فاقد انحرجت سوتها بضحكة :- خوش والله طلعت نچرة

ردت اخته من ورا خشمها :- اي نجرة بزود الترشرش

باوعت لفاقد وهمست :- كايمة للغرفة

كمت مشيت لحكني فات منحرج كال عذريني بوجهج صارت

:- لا عادي مشاكل عائلية بس كمت علمود ما تنحرج امك اكثر كدامي تعرف جديدة وتنحرج مني الظاهر البقية متعودين

ضحك وهز رأسه :- اي والله شوية هاي عمتي تهاني ترشرش سم على الوادم

رهف :- اي واضح امس كاعدة يمها بنيه سمرة ضعيفه وثنيناتهن خازراتني تكول ماخذتك منهن بس لا تطلع بتها وعاشگتك

فاقد :- بيها مشكلة

رهف :- لا،،، بس كون ما تضل تشمر عليه والله مو مثل عمتي انحرجت وضلت تضيعها بضحك انه اكضها وامطلها

فاقد :- عمتي؟

رهف :- لا هاي جبيرة عيب بس بتها اكلك هي هاي الدكت الباب

فاقد :- لا الثانية سماح طيبة وردة

هزيت راسي برضا والله وشوية وطبت سماح شايله الصينية ورا ام فاقد تعذرن وطلعن

تغدينا وحدنا وجهزت نفسي اجو ناس يباركولي وهو هم طلع وراها عزيمة عشا وناس طابة وطالعة وانه كاعدة بالاستقبال صار وكت العشا سماح عمته كلتلي فوتي لغرفتج يجي رجلج تتعشون سوية وهم ارتاحي مدي روحج

هزيت راسي وكمت طبيت شفت نقالي يضوي ناسية ارد على اهلي واحجي وياهم

سحبته شفت ترف تخابر

جاوبتها سلمت وباركتلي وكالت امي بالها. يمج ماتجاوبين

:- صامت و ناس خطار طابة طالعة ماطبيت لغرفتي

ترف :- ها خوش هيه جوة من تفرغين خابريها هيج بال9 بال 10

رهف :- خوش

شلونجن انتن اختنكت راح ابجي

ترف صوتها بي غصه والظاهر بجت وكالت :- مو زينين احنه ابد موزينين رهف ما اريد احجي واخرب فرحة عرسچ بس لازم تعرفين

انغمصت بطني حجيت بخوف :- امي بيها شي درة؟ عمي

ترف :- سداد ..

بلعت ريك ، نصيت وحجيت بخنگة :- شبي سداد؟

حجتلي الصار جن سجاجين انغرزن بكلبي خنكتني العبرة كوة كضيت دمعتي وحسيت وجع بكلبي صار ..

رهف :- وشلونه سداد هسه شبي بالضبط فهميني اكثر ما مفهوم حجيج شنو اصفر شنو طاح شنو غيبوبة 10 ساعات وكعد فهمينييي ..

:- لج صاررر بي سكر من القهر وراح يموت ، رهف سداد صاير وجهة شلون الميت تخيلي بس اربعه وعشرين ساعه شسون

رهف :- ما اكدر احجي هسة بعدين نسولف

سديته منها كمت ركضت للحمام سديت الباب على روحي فتحت الماي وضليت ابجي طلعت كل حركة كلبي اكثر من عشر دقايق ابجي ما جنت افهم روحي ابجي لان احبه لو لان مظلوم لو بسبب تأنيب الضمير ما ادري

حسيت روحي بدوامة الدنيا تفتر بيه وما جنت فاهمة حتى مشاعري

كلبي ينغزني ، متنكة وجع براسي وعيوني ضلن يأذني

عذبت روحك وعذبتني يا سداد لوعت گلبك سودة عليه والله ما تمنيت يصيرلك هيج والله ردتك تكمل حياتك ويا الهام وتنساني ..

غسلت وجهي وطلعت فاقد لسه ماكو بدلت ثوبي الثكيل بشلحه خفيفه وتمددت غطيت راسي ومتت بجي ما اكدر اتحكم بعيوني ولا بخنكتي وحزني

ما ادري اختيار لو نصيب

ما ادري افرح بعرسي لو احزن على حال سداد

اريد اختلي بنفسي وابجي لحد ما اموت من البجي واعدل وارجع ابجي لحد ما ينشف دمع عيني الجنت ناذرة نظرها لـ سداد

انفتح الباب فات فاقد عرفته من سد الباب حسيته تقرب مني شال الغطة شاف وجهي استغرب

كتله :- اشتاقيت لاهلي

حضني وكال :- لا تبجين شسالفة باجر اخذج الهم

هزيت راسي ب لا وهمست انتظر العزيمة

مسح دموعي وباس عيوني :- تبجين على اهلج يمي والله عيب عليچ مو بعينج انه غير صرت اهلج

رهف :- ما صرت كل اهلي صرت واحد من اهلي وجودي يم واحد من اهلي ما يمنع اشتاق للبقية

ضحك وكرص خدي وباس اصابعه :- غلبتيني يمة منج ، يله كومي غسلي راح يجي العشا ما اريد بشر يشوفج وبعيونج دموع وبعد لا تعيديها وتبجين رفعي النقال وخابريهم لو تعاي كليلي اخذج تشوفينهم

هزيت راسي وكمت غسلت جريت نفس داريت انهياري ولملمت حطامي سيطرت على مشاعري وطلعت ...

مرت الايام هيج يومية اخابر البنات اسأل علي مايكللي غير زين وجاي يركضون بي للاطباء

اسبوع وبيت عيالي عزمو عمامي غدا ، اجو بيبي وامي وعمتي نجوى ودرة وعمتي نورية

بس الوجوه صفر ومبينين متأذين بالبيت بحيث امي هم صفرة وضايجة

كلت لدرة :- تعاي اراويج الهداية

هزت راسها وكامت وياي دخلت للغرفه سديت الباب ودموعي نزلن جنت محملة بداخلي ركضت حضنتني ضليت اشهك وابجي فرفحت روحي

رهف :- بس گليلي شبي الله عليچ ماصار زين

درة :- والله زين ويكعد ويانه ويحجي بس مقهورين لان صار بي سكر سودة عليه وهم صارت عركة بعد

رهف :- احجيلي درة احجي

درة :- عمي فاضل كال للويث الخايس انه بري منج اليوم الدين

رهف :- يستاهل

درة :- ودز على همام مو محامي ورجع يشتغل كله اريد اغير وصيتي تخيلي حرم ليث من كل الورث وحصه ليث تقسمت على باقي اولاده بالتساوي ماراد ينطينها لسداد بس حتى ما يأذي ليث

ودز على عمامي وكللهم انه بري من ليث شما سوا ليث بعد مالي شغل بي ولو طاح بمصيبة مالي غرض واليوكف منكم ويا ليث بعد لا يعتب بيتي ويتعذرة هذا الدار

رهف :- والله برد كلبييي زين هذا الحجي كدامكم

درة :- لا وين كدامنا بالديوان حمودي يجي ياخذ جاي وينقل النه الاخبار والحجي

رهف :- يعني ليث انكسررر كلش

درة :- اي كلش بعدة ماله احد وعمتي تبرت منه

شهكت :- شلون

حجتلي الصار بيوم عرسي وكالت عمتي نجوى ناقلة الحجي لعمي وبيبي سعديه وبيبي سعديه كايلتله لعمي ابنك ليث طماع جنة خالد حرمة من ورثك مايستاهل منك شي لان كسرك وكسر كلمتك وماحطلك اعتبار وطعن بعرض بنات اخوك اليتيمات وصيح على امه وتجاوز هذا يستحق اقسى عقوبة

وماكو شي بالنسبة اله اكبر من الفلوس حرمة من كل شي

وصدك عمي سواها وحرمه من كل شي وتبرأ منه وطبه مرض يستاهل الاكثر والاكثر ..

درة ... رجعنة للبيت من يم عيال رهف بين الظهر والعصر لكينه فالح كاعد يم سداد وفلك يمهم وفدك وهاني كعدنا يمهم يحجون ويسولفون عن العركة ورجعوني لذاك اليوم المشؤوم ..

بالليل التهينة بحزنه وضيمنه وثاني يوم اصلا عدنا كعده عشاير وعزيمة شيوخ غدا العمام كلها ملتمة والنسوان كلهن وكلنا نشتغل ومناك غيث يم سداد بالمستشفى ماطالع بعده بس خابر عمتي وحجة وياها وتطمنة مابي شي يله ردت الروح بينا هنا بعدهم كايليلنا دخل بغيبوبة عشر ساعات وطكة سكر .. جانو ضامين علينا

للمغرب وخلصت الكعدة وضلو بس العمام دخلنا للاستقبال كلنا ، بدأ عمي ينقل اخبار سداد النه وليث النذل طبعا كاعد عمي داز علي

ويحجي عن حب سداد لرهف بس ماكال عن حيله ليث وسالفته النذلة مو لخاطرة لخاطر رهف يدري بحجيهم بعدين يكولون هي اغرته وخلته يحبها ..

فاضل :- طبعا هسة كلكم عرفتو اذية سداد وعرفتو اليامرحلة واصل ومنو وصله الها

صادق :- لا حول ولا قوة الا بالله شمالك عمي وين كلبك وين عقلك وين ضميرك

ارفد :- ماعنده ضمير ميت ضميره هو العنده كلب وضمير يسوي سوايته

ليث :- انته اخر من يحجي

عاط بي عمي ارفد :- انجب شتقصد شاهد الله يا هل مرة ماوصلت الها طول ماهي على ذمة جعفر وانه عشكتها قبله مثل ماسداد رادها لرهف قبلك

سعدية :- كااافي ما جايين نتعارك ونفتح دفاتر عتيجة ، ردناكم تعرفون كل شي وبعد تعرفون الصار ورا طيحة سداد

وبدت عمة نجوى تقص عليهم كلشي من وصلت للطعن ماحجت كلشي بالتفصيل بس كالت حتى بعرض درة طعن ..

ما حسينه غير هاني طفر على ليث سحبه وشمرة للكاع وطاح فوكة يضرب بي ويعيط

:- وللللكك لاعب لعببب زماااااال زماااال ، ولك تطعن بشرف اختي سافل تروح فدوة للتراب التمشي علي درة

دفعه ليث ولزم ايده :- هسة صارت اختك غير ما جنت تعرفهن حتى وضال من بيت البيت واحد يشمرك على الثاني واحنة لفيناك وسويناك ادمي

هاني فقد بحيث الولد ماكدرو يلزمونه حتى واحلى شي عمي فاضل وبيبي سعدية يباوعون عادي والناس كلها انخبصت الا هم عاديين كلش وكأنهم مكيفين ..

كوة فكوهم هاني معصب ويفشر على ليث ويكله والله من توصل لخواتي بعد لو تجيب سيرتهن على لسانك اكصه واعلكه بركبتك

ليث :- تعال كصة تعال لو ما اختك عايبة شتسوي

ركض علي هاني فرك وجهة بالحايط انحك وجهة حك وعاط :- تااااااكل تبن ك*** ساقط ماكو ناقص وعايب غيرك ماعندك غيرة خنززززير الف درس غيرة ما يفيدنك لانك سافل وخنزيررررر

فالح جر هاني وعاط :- عووووفه عمي يتصرف ويا هذا النذل الناقص

ليث التفتت يصيح بغضب ، وحجة كلام زلزلني والمصيبة كدام كل الموجودين من نسوان وزلم :- هسة صرت ناقص بس من هاني اتفق ويا فرهود وخطف اخته ومؤمل شبع بيها لا ماطلع هاني ناقص يسلم روحه للشرطة وتطلعونا لا تحجيييي بالغيرة وانتة معتازهااااااا ........

فالح جر هاني وعاط :- عووووفه عمي يتصرف ويا هذا النذل الناقص

ليث التفتت يصيح بغضب ، وحجة كلام زلزلني والمصيبة كدام كل الموجودين من نسوان وزلم :- هسة صرت ناقص بس من هاني اتفق ويا فرهود وخطف اخته ومؤمل شبع بيها لا ماطلع هاني ناقص يسلم روحه للشرطة وتطلعونا لا تحجيييي بالغيرة وانتة معتازهااااااا

غصيت بدمعتي وطلعت عفتهم وراي يتمالخون والنوب جانو بس هاني وليث دخل وياهم همام على الخط وصارت كض اخوك لا يطيح ..

صعدت بسرعة قفلت باب الغرفة على روحي وضليت ابجي ادري نصهم يدرون وكلامه ماراح يغير شي

المهمين بحياتي يدرون بظمنهم امي وعمي فاضل وهمام والباقي ما يهموني بس شي يقهر ، ويكول شبع بيها مؤمل؟ من الله لا ينطي

اندك الباب مسحت وجهي وفتحته ترف وراها واكف همام بس فتحت الباب دارت وجهة وطلعت كتفت ايديني ونصيت راسي تقرب ولمني بحضنه ضليت اشهگ ودموعي حركن خدودي

همام :- يمسلت هذا مالچ شغل بي احنه نعرفچ شنو هذا الحثالة منو ويقيم جوهرة مثلچ؟

درة :- والله والله ما سوالي شي مؤمل اجو الشرطة وخالي حر وابن خالي وطلعوني حتى الدكتورة كالت البنيه مابيها شي بشنو احلفلك ب.... سد حلكي وحضني حيل

همس :- اششش لا تحلفين مصدگينچ كلنا ونعرف كل شي وهوا يعرف بس سافل يريد يطلع الناس ناقصين حتى يسد نقصه ويشوف روحه كامل

درة :- قهرني

همام :- عمت عينه .. عساها لا ارتاحت عينه يقهر وليداتي الجلب

ضحكت بين دموعي بعدني من صدره ومسح دموعي وكال

:- شنو هاي من تبجين حلوة!! يومية ابجيج ههههه حتى اشوف جمالج

درة :- انت يوم تريدني احترك حتى تشبكني ويوم تريد تبچيني واذا الي نيه اكمل وياك هسة بطلت عرس ورا هم ودموع ما اريده

ضحك تقرب حطني تحت جناحه ومشى للمغسله فتح الماي وغسل وجهي ولم شعري حطة ورا أذني باس جبيني

مبتسم بلعت ريكي ونصيت

ميل ركبته لم شفته لداخل حلكه رفعت عيني اباوعله اعتصرني الالم بس العايش شعوري يحس بوجعي

واكفة كبال انسان صار رجلي ويحبني وانه گلبي يم واحد ثاني والعالم كله واگف بيناتنا ..

همام :- ما تحچين ..

درة :- ضل شي ينحچي؟ احنه مكشوفين و واضحين

همام :- كلش

ضل يمرر ظهر ايده على خدي ميلت ركبتي خجلت من قربه ولمساته وكلبي اشتعل نار بنفس الوكت احسه اخذ شي مو اله ولمسني وانه مسجلة باسم غيره ..

همام :- ترافتچ! اموت على ترافتچ فراشة سمرة تسر عيون الناظرين

عساهن بالعمي عيون الناظرين جعل ماكو عين تشوفچ غير عيني

درة :- شذنبها الوادم تدعي عليهم

همام :- يباوعون على شي مو الهم

درة :- احسن ما ياخذون بشر مو الهم

تنهد وارتبك بذات الوكت ابتعد مني ورجع يرزل بليث صافنة علي منفعل همست :- متجاوب

مو احسن من الياخذون بشر مو الهم وگلوبهم ما هاوية

همام :- الايام القرب ، الحجي التعود يصنعن الحب ويصير البشر الماجان النه .. النه

هزيت راسي وهمست :- ان شاءالله

نزلنا جوة لكيت الزلم بالديوان ضليت كاعدة بالمطبخ واجن البنات وحمودي كل ماتكب وتهدا يجي ينقل النه الاخبار

رجعت للحاضر اسمع فالح يصيحلي اكعد يمهم هزيت رأسي ب لا ومشيت بسرعة فتت جوة وصعدت للغرفة

بدلت وعيني على المراية اباوع لروحي بحسرة الوجه شلون حاله!! الجسم شلونه

ادري شبيج اموته روحچ والى متى؟

شنو القبلج خذن زلم ما يحبنهم ماتن؟

يمكن الله كاتبلي السعادة ويا همام واختاره الي لان هوا احسن وحياتي ويا افضل

ارجع اغالط روحي واكول لا همام مو احسن محد يعرف حر شكد مناسب الي وشكد انسان مثالي ومستحيل واحد يسعدني بكدة

وارجع انتفض واكول محد يعلم الغيب غير الله يمكن امي تعرف اخوها زين وحجيها صحيح بس نتزوج واصير يمه ابدي اعيش ويا حياة تعيسة واكره الساعة لردته وحبيته بيها ..

الف فكرة وفكرة والف سالفة اجت براسي بس ختمتها بقرار بعد ما اهتم واخلي الله يمشي اموري والعليه هسة لازم اتغير لازم اتعدل شوف حالي شوف وجهي شصاير بي جسمي غابة من الشعر

شعري متقصف وحال الضيم حاله الرؤوس السودة تارسة وجهي ومزيت

سحبت مبايلي كتبت بالبحث :- اكيف اعتني ببشرتي ، خلطات لتصفية الوجه

طلعن هواي ڤيديوهات ومن ضمنهن بنيه عراقية جانت كلش دلوعه وحلوة ونازكة فتت لقناتها وكلش حبيت اسلوب عنايتها وشلون شخصية كلت لازم اصير مثلها واطك الدنيا بطگاگية وطز وين ما تريد توصل خليها توصل ..

اخذت منها خلطات وطرق للعناية وكبل رحت اطبق اخذت فوك الساعة ونظفت جسمي من الشعر ، ورحت جهزت اغراض العناية بالقدم ودخلت للحمام اخذتلي ساعه عنايه وسبح

طلعت حطيت عصارة للأثار مال الحروق الي شبه اختفن الله رحم بحالي وما تشوهت كلش

قلمت اظافري وصبغت اظافر ايديني ورجليني .. رشيت عطر وباوعت لوجهي صار منور ونظيف ويلمع ورحمة صار اسبوع من حفيت ماكو شعر ..

رفعت شعري وحطيت شالي على راسي ونزلت طبيت للمطبخ الحبايب يسون كبة وسمبوسة كلهن باوعلي وصفنن

نجوى :- كولن ماشاءالله شمالجن صفنتن بوجه البنيه

وعد :- ماشاءالله اللهم صل على محمد وآل محمد هاي شسويتي ولج شحطيتي وصرتي هيج حلوة حطيلي خايبة

فلك :- والله حتى انه حطيلي اررريد اصير المع مثلج

رديت بهدوء :- تابعت بنيه على يوتيوب تابعهن وتتعلمن

وعد :- شوف الظافييير

فدك :- شنو هاي درة والله احوال صعدتي جبار نزلتي درة وين همام خابرولة .. خله يجي ياخذج يخطفج كبل هههههه

درة :- والله احس روحي صرت خفيفة ونظيفة والفرق شكد حلو طلع وجهي

نجوى :- والله صدك طلع وجهج ولونج جنتي متنكة وحتى وجهج ماله لون عفية هيج صيري هاي الدنيا تريدلها واحد يشمرها ورا ظهره ويداري روحه وانتي بعدج صغيرة حرامات هاملة نفسچ

هزيت راسي وابتسمت .. وصدك من يومها صرت درة جديدة حياتي وديني وصلاتي صارن رقم واحد والباقي كله ورا ظهري .. ارجع من الكلية تعبانه انام ارتاح واكعد اسويلي روتين صار بشكلي تغيير فضيع وجهي ورد ، ورد بي الدم وحتى وجناتي برزن ولوني صار حلو جنت زرگة افشل ..

نزلت بيوم جمعة صادف رهف صارلها اسبوعين متزوجة واحنة عزمنة عيالها ، من الصبح نزلت لكيت سداد كاعد يتريك شفته انعصر كلبي سودة عليه ما يستاهل واكله طبعا محدد الدكتور حدده اله لمدة ثلاث شهور يلتزم بنظام معين واكل معين وراها نشوف شلون تصفى ..

باوعلي ابتسم وكال :- تعاي تريكي الجاي حار

فتحت الثلاجة طلعت جبن وشكرت كلاص وكعدت كباله اباوعله الوجه مابي روح خطية متغير وذبلان سداد جان زلمة شكبرة وشكده من ورا الفراك غدى جلد وعظم

تريكت ويا جنت اريد اكوم كسر حاجز الصمت بسؤاله

سداد :- شلون صحتها؟ زواجها شلونه

درة :- مريضة گلب يَ سداد ما اخفي عليك رهف مريضة گلب

سداد :- ادري بيها اختارت شي مارايدته عناد مادري كبرياء يمكن رادت تكسرني

درة :- لا ابد رادت تبتعد عنكم بعد كل شي انتهى الحمدلله على كل حال

ضحك تك خد وكال متحسر :- ننسى والجروح تطيب ما يضل شي على حاله والله وهاي طيحتي تمنيت لو ميت من وراها بس بعد .... كلت الدنيا ما تسوة والله انطانه الروح امانه ليش نعذبها؟ ليش نعترض على شي الله اختاره النه

حجيت بحماس :- والله انه هم هيج كلت الله كتبلي شي ماراح اعترض علي واذب كل شي ورا ظهري وابدي صفحة جديدة ما اهتم بيها غير لروحي

ضل يضحك ويهز رأسه :- لاحظت لاحظت

كمت اغسل گلاصي واحچي ويا ، حسيته نفس حالتي يجبر روحه يبدي حياة جديدة ويمشي اموره وما يضل متقوقع بشرنقة الحزن

مثل بعض الناس يضلون اسرى الحزن سنوات ومسجونين بزنزانه الذكريات و هم السجانين ..

يجلدون ارواحهم وگلوبهم بأسياط الحزن لحد ما يموتون بحسرتهم

احنه لازم نتغير ونبدي صفحة جديدة ونخلي نفسنا بالمقدمة ..

جهزنه للعزيمة جنت اشوف سداد كاعد بالحديقة ماد رجلي وفالح يمه كاعد كل ما اباوع على سداد ينكسر گلبي خطية شكد متعذب وهسة متمرض باكثر من مرض

لا يكدر ياكل زين ولا يشرب زين

معدته متقرحة والسكر بصفحة بس الله يعلم بحاله .. من غير جرح گلبه

جان كاعد فالح اشرلي طلعت امشي وصاح

:- ولك هلا شوووف الطول شوف الحسن عمي هنيالك همام

سداد ضربه على جتفه تقربت منه كلي روحي صبيلنا جاي معدل يعدل هذا

واشر على راسه :- عبني ازلمة براسه افكار جثيرة وبالي ماصافي يحتاج جاي مهيل معدل من ايد درية

اشرت على عيوني وگتله :- من هاي العين قبل هاي العين تدلل .. امر ثاني

فالح :- كليجة ماعدكم؟

رهف :- عدنا مشترينها للخطار نضيفهم انت شكو ما احطلك

فالح :- الخطار ابدى مني؟ والله انج جرحتي الكلب با عمي جرحتي صيحيلييي مرتي هسة تجيبلي الكليجة كلها وتجي

سداد :- جيبيله لا يبجي

جاسم :- صبحكم الله بالخير عيال عمي

فالح :- هلا والله بجسوم هلا تريد كليجة

جاسم :- والله ياريت

فالح :- روحي جيبي الابن عمج كليجة

باوعتله وثنينه خجلنا ما ماخذة على جاسم ولا ماخذ علي وفالح اللوتي تعمد يحرجني علمود اجيبلة وياكل التفتت نص التفاته واشرت الفالح بحركة يعني بسيطة انه اعلمك

ورحت سويت چاي وحطيت كليجة وطلعتلهم الصينية كام فالح تلكاني اخذها مني همستله

:- انه اعلمك

فالح :- شتعلميني احفحف واكطكط واصير حلو والمع مثلج ولج شمسوية بروحج والعباس متغيرة

درة :- والله تبالغون عبالك سويت تجميل

فالح :- لا والله مو هيج بس ذيج الايام عبالك ميته شو صلاوات هسة وجهج يلمع ومورد والترتيبات والشال شلون لافته والاصباغ ولج جنه همام وكعج وغركت السفن

درة :- لا سفن غركت ولا انه الوكعت بس هيج لروحي

بهاي الاثناء اجو عيال رهف ودخلو كامو الولد يسلمون وانه هم ضليت اسلم بوست عمتها وحمواتها ورهف حضنتني حيل وباستني ، باوعت للولد وسلمت عليهم واحد واحد بالاسماء من وصلت لسداد احتقن وجهة وهو كذلك

اختنكت والدمع تجمع بعيونها وبياض عينها انگلب احمر ، همست بصوت مخنوك

:- شلونك سداد

بلع ريك وحجة :- الحمدلله شخبارج شلونه فاقد وياج

نصت وكالت زين ومشت كبل للبيت ..

اباوع لسداد انجبد جبد ضل ينطي الوان وجهة اصفر ، وعيونه حمر صارن

فالح لزمة من ايده وشاورة :- ليحس رجلها خطية وتتدمر عبرها على خير

هز رأسه جانو فاقد وابو مسافة واكفين ، محد سمع غيري مشيت للبيت شفتها كاعدة جوة بس احتقنت كلش و وجهة صار اصفر ليمونة عمته تهاني جانت موجودة تباوع للبيت بأعجاب وترجع تباوع لوجوهنا عبالك اول مرة تشوف نسوان ..

غديناهم وكملنا وركض غسلنة مواعين وفالح وجاسم غسلو الجدور بالمنور الخلفي وديتلهم اخر جدر وحجيت بتساؤول

:- اكلك فالح ليش همام ما جاي؟

فالح :- لازم مشتاقتله

درة :- لا والله بس مو عوايدك تجي بدونه متعودة عليكم واحد مجنگل بالثاني

فالح :- تردين تكولين طوط بفرد لباس ومستحية هاي الطوط فهميها بعد

جاسم :- عيييب .. حجة مستحي

درة :- صوجي اسألك

فالح :- رجلي لو رجلچ؟ غير انتي تخابرينه تسألينه وينه انه شكو برجلج والله يا الله

شو صاير همام عبالك مرتي من وراج اربعه وعشرين ساعة ينك براسي ويطلع ضيمه ونكدة براسي

مو بعيده بعد يومين اعيش اللحظة واصبغله شعري اشگر والبس مشبچ عبالي انه انتي

درة :- والله عاد مشهودتلك انته بالميش محد يلحكگ لميس

ضحكت وعفته وراي ركضت غسلت وبدلت ونزلت لكيتهم مجددين الچاي وجاي يشربون ومندمجين بالسوالف بيبي تحجي ويا ام فاقد جان عمته تهاني نزلت استكانها وحجت بصوت واضح

تهاني :- اكلچ خية البت شمالها هم من چانت يمكم هيچ؟

بيبي طفرت ماخلت امي ترد :- شمالها يعني؟

تهاني :- بس مريضة وتصفن وامس طاحت وحطولها مغذي

امي شهكت وباوعت لرهف وكلتلها بخوف :- شمالج يمة اسم الله يحضرج الرحمن وليش ماتكليلي مريضة

رهف :- مابية شي والله نزل ضغطي ماجنت ماكلة

تهاني :- خية البت مريضة خاف بيها شي وضامينه علينا احجو كولو حتى نعبر النهر دامه ضيگ

هذا يعتبر غش

سعدية :- وشنهو الغش؟

تهاني :- الغش من تنطونة بت مريضة وتطيح

سعدية :- من عرستي ما تمرضتي خاله

تهاني :- لا والله حجية ما تمرضت وجني حصان اول يومين كمت افر البيت فر حتى السطح غسلته

سعديه :- عبنچ مفلفلة وما مصدكة حصلتي ريل بنيتنه عزيزة وطلعت من عدنا سلبت ارواحنه لهسه نبجي عليها وتبجي علينا طبعا تتمرض على فراگنا

تهاني :- يا شلون حجي هذا عيب

سعدية :- وشنهو العيب غير هذا الصدك البنيه متعلكة بينا وتمرضت على فراكنة يوم يومين ويرد حيلها

وتردين الصدك هاي جانت يمنه شحلاتها جنها ورد شو ما جاسها المرض الا من صارت يمكم

ام فاقد :- خية تبجي عليكم هواي حتى فاقد كال بالليل بس تبجي بعدها ما متعودة كل النسوان هيچ

تهاني :- لا والله هاي النسوان كلها عرست جنهن حصن لا تمرضن لا شي اذا البت بيها شي كولو احجو

ام فاقد :- تهاني كصري الشر! شمالج انهديتي شني انتي اعرف بالبت من رجلها يعرف البيها والمابيها لا تدخلين روحج بين ثنين حاضرهم الرحمن وتدورين خراب من اولها

سعدية :- والله لو ما اخلاقج يا ام الوليد لاطردكم واكلكم مالكم حرمة يمنه هاي زودتهاا كلش البت مابيها شي ومقهورة على فراگ اهلها انتي مالج شغل لا تحطين روحج

وان جان بتنة مريضة وبيها شي ردوها علينا نحطها بعيونه والف من يتمناها

تهاني :- ويهو ياخذ مطلكه

سعدية :- والله لو مكطعة عشرة مو واحد الزلم تتلاكفها على صيتنا واخلاقنا وحسنها وهسة طبي لسانج بلهاتج ولا تشمرين حجي هاي عمتها ساكته وريلها ماكال شي

صيحولي ريلها وعمها فاضل بساع .. اريد اسمع منه

ام فاقد بتوسل :- حجية لخاطيري لا تكبرينها تهاني تحجي ابحدها

سعدية :- لا خية حتى نطلع بالصورة وبتنا عدكم وابنكم الكم وماترجعون بعد شهرين تصيحون انطيتونا حرمة مريضة

صيحووولهم ودن احد خابرن بكيفجن ..

عمة نجوى خابرت عمي كلتله جيب فاقد وتعال الحجية عدها حجايتين وياكم

وام فاقد تخزر بتهاني وهية تكول :- غير واحد يحجي الصدك!! الساكت عن الحك شيطان اخرس

ورهف بس ساكته ومحد حجة غير بيبي لان هي الجبيرة طبو عمي وفاقد فدك راحت للمطبخ وفلك لحكتها يستحن ، انه ضليت كاعدة كلت اشوف الي يصير

سعدية :- يده فاقد شلونك شلون صحتك بنيتنه شلونها وياك

فاقد :- الحمدلله بنص الخير ورهف وردة وشمعة ضوت دنيتي بعد شكلج شلونها وياي زينه وكلش زينه بت اصول ومحترمة ومترباية احسن تربية الف رحمة على روح ذاك الوالد الطيب

سعدية :- سمعت البت متمرضة

فاقد :- والله حتى عيب واستحي اكلج بس الصدك اخر فترة تعبت وتمرضت لان متعودة عليكم وفراگكم اذاها ليل مع نهار تبجي وحابسة روحها بالغرفة تحتاج وكت حتى تتأقلم

فاضل :- الف سلامة بنيتي ما خابرتينا نجيج

رهف :- الله يسلمك عمو بعد كلت اتعود

حجتها ونصت عمو هز راسه فاهم كل شي يدور بصدرها ..

سعدية :- زين يده من خذيتها شلونها هم چانت مريضة لو زينه ويمك تمرضت

فاقد انحرج وضل ينطي الوان ويخزر بعمته

فاقد :- لا والله زينه بس من صعوبة الفراگ تمرضت كلها جم يوم وترجع احسن من قبل

سعدية :- شو عمتك تصيح غاشينة وناطينة بت مريضة احجي البكلبك يده احجي بتنا تضل يمنه ما مستثگلين لكمتها والبيت ان ماشالها وضاك عليها نشيلها لعيونا وفوك روسنا

فاضل :- مو خوش حجي البت طلعت من عدنا وردة ومفتحة ومابيها غير العافية

فاقد :- اي والله صح انه اشهد وما تمرضت الا يمنه من الحزن والفراك ، مرتي وانه اعرفها مالكم شغل بحجي اي بشر ثاني من الاخير هاي ..

خصمها فاقد وطلعو هو وعمي ضلت بيبي تخزر بعمته مبينه حية النوب هية وبيت فاقد جيران رحتي بيها رهف اكلتي تبن بثنين ايدينج ..

راحو العصر امي كالت لرهف هاي عمته تجنبيها كلش واذا اذوج خابرينا نجي ناخذج ماتايها الهم وحتى يعرفون وراج ناس مايقبلون بتهم تنهان وتتأذى لو تسمع حجاية تكدرها

سعدية :- هيهو الحضيرية خوش صايرة تحجي وحجيها صدك لا تسكتين عن حكج بس مو كبل من اول مشكلة رفعتي نقالج وخابرتي لا يده لا شوية شوية جربي ناسج وشوفي شيحبون وشيكرهون حاولي تتعودين وترضيهم وان ضلو ميبسين وما رضو احنه نرضيهم بكعدة وحدة ..

رهف :- لا والله زينين بس هاي عمته مكروها حتى عمتي تكرها ويومية العصر تسد بابها وتجي علينا تنشر سمها وتولي لا هلا بيها

وانه ساكته علمودهم عيالي خوش ناس ولاجل عين تكرم الف عين

سعدية :- معدلة بعد يدتج وعمرها. .

ودعتنا رهف وراحت ويا عيالها ..

بدينا امتحانات وخلصنا حسيت بهاي الفترة صرت طير حر وبديت اعيش حياتي لروحي وبس خصوصا همام ما يلح وياي بس سلام ويشوفني ما احب احجي يروح

حتى الهداية يدزهن بيد عمي من يجي يشوف امي ينطيهن الها تصعدهن الي

مؤمل صار زين وفرهود لزمو الشرطة هنا كلش ضعفو واجة وكت كعدة اهل مؤمل

حددو يوم جنة خايفين لا مؤمل يحجي باعراضنا بس عمي فاضل كال شحدة يجيب سيرة وحدة منجن الا اخلي مسودن ويمشي ويحجي ويا روحه

طبعا استبعد عمي يكون مهدده لان سبق و وصل الهم وهدد ما تصعب علي هسة ..

صارت الكعدة بس گلوبنا ترجف من الخوف وبس سداد ضل بالبيت كلهم راحو

عمي رفض روحه سداد خاف يصير شي وسداد مايتحمل قهر وعصبية ويروح يصير شي للولد ..

جنة كاعدين بالحديقة اندك الباب وطبت عمة رحاب وياها جمانة سلمن وكعدن يمنه يسولفن ويندعن تفض على خير

الكعدة صارت بديوان عشيرة ثالثة لان صديق عمي شيخ وهو يعرف شيخ عشيرة خوالي وطلب منهم لخاطره تصير الكعدة بديوانه ..

سداد :- احس روحي نثية بس انه من الزلم ضال بالبيت

رحاب :- انت شيخ الزلم يمة بس بعد الصحة شوية ماتعينك اكعد ارتاح لحد ماتطيب والباقي على الله

سداد :- اذا اضل هنا ما اطيب عمة باقرب وكت تلكوني بلبنان

نجوى :- باع الوعد .. حجت متحسرة

سداد :- شنو جديدة عليج يا ماسافرنة وضلينة شهور انه اريد اروح ابتعد وارجع الروحي الضيعتها

نجوى :- يمة غير گلبي يضل يمك والله مو حجي زين هذا ابد ابد ما ارضى ولا شي تضل يمي

سداد :- غير جاسم هم راح يسافر نروح سوية جاسم عنده دراسه يريد يكمل هناك وانه ويا اخوان وسوية شعلينا

نجوى :- جاسم ابن اسد؟

سداد :- عدنا غير جاسم؟

هزت راسها وكالت يصير خير ..

صفيت ويا البنات ضلينا نسولف ونضحك نسينة الهم والغم والبلاوي الي على روسنه اندك الباب حيل كام سداد يفتحه

سعدية :- ربي استرنا دكة الباب تخوف ..

ويا حجايتها سداد فتح الباب وطبت رهف تشهگ وصوت بجيها ترس ذاناتنا لابسة عباية خليجية مامسدودة حتى وتلف بروحها ورجليها طالعات كلهن وشالها لنص راسها

ضلينا نتطافر خايفين ركضت لحضن امي تشهك وتبجي وترجف عمتي رحاب تلف بعبايتها جسمها طالع وكحل عيونها تارس خدودها

سداد ضل يلوب ويصيح بغضب

:- شسوووالج الا اكسر راسه

يريد يطلع وعمتي نجوى تكض بي وتكله بس خل نفتهم

سداد :- شنفتهم تبجي وترجف طاكها والله اكسر راسه

ويدفع بامه يريد يطلع وهي تعيط

:- برضاي عندك بس نفتهم

رهف :- ما طكني مو هو وياي .. هدأ شوية واجة تقرب من عدها

يهز بأيده مستفسر :- چا منو وياچ منو مبچيچ؟ فهمينا لخاطر الله كطعتييي كلبييي

رهف :- هذا اخوك ليث الله ينتقم منه صيحني الله ينتقم منك يا ليث شردت منه شراده عرست وضل شره يفتر وراي

سداد حط ايده على رأسه فار دمه زم شفايفه بغيض ضل يلوب

عمتي قفلت الباب وشالت المفتاح

رجع عليها بس تبجي نتوسلها تحجي خايفين ماكو غاصة بدمعها ..

سداد :- رهف باعيلي سولفيلي تعاي كعدي كعديها كعديهااا

كعدناها يم بيبي وبيبي تلطم رجلها وتصيح

:- سواله طركاعه وشهر بت عمه

انطيناها ماي شربناها مسحت وجهة وكالت وهي تباوع الامي وتبجي

رهف :- ما ادري والله مادري شنو الصار انه نايمة وجان يمي فاقد طالع مادري بي وبعد بنية عروس وبغرفتها ولابسه من هذا اللبس الخاص

شو انه ما احس غير اندفر الباب وطبت عمته تهاني شلت راسي وهي هجمت عليه تكتل بيه وتصيح ابحدج شعندج لابسه هيج لو تخابرين بابن عمج

والله كل ضني تقصد سداد

بقيت مصدومة عمتي تدفع بيها وانه ادفع جان تطب بتها نور يانور وجهة ظلمة تتمعلج وتكول لعمتي

عيني عيني طلعت جنتكم سافلة ومصاحبة ابن عمها النوب مختارته وين المعرس العنده جهال

انه عرفت تقصد ليث عطت بيها بغضب

:- لا تسربتين هسة يجي رجلي واخلي يحطلكم حد شنو جايات متحلفات وما تحشمن احد

اخذت نقالي اريد اخابر ما احس غير هاي الاسمها نور فوك راسي تسحب النقال وتشمرة بالكاع حيل وتكسره

والله انه ما تحملت هم طعنت بعرضي وهم تصرفها موحلو كسرت نقالي ، شياطين الدنيا كلها تجمعت براسي وما تشوفون غير اهجم عليها واطيحلها اكسرها تكسر وهي منا مسلبحة وانه شكبرني مردتها مرد خليتها اتفل دم

سعدية :- بعد ايدي يده بعد ايدي هاي النسوان

ضلت تشهك وتعيط :- وكامت هي وامها وطردنا طلعني بالحديقة بهدوم النوم خطية عمتي من شباك المطبخ عبرتلي هاي الجبة والشال لبستهن واجيتكم مشي ربي رحمني والشارع مابي عالم

سداد :- نور منين جابت الحجي هذا؟

رهف :- علمي علمك!!! ماكو غير ليث وصللها يريد يهجم بيته الما لحگت ابني ، شعملت وياك ياربي وهيج تعاقبني هاي تاليتي اطلع من بيت رجلي مصيحيني

سداد فرك وجهة وطلع نقاله خابر على فاقد وكبل انهد بي يغلط ويتجاوز :- شنو هاي النسوان ما الها رداد يردها فاقد، ، فاقد انه بت عمي عمتك وبتها يصيحنها ويطلعنها من البيت مكتولة وتبجي وبهدوم النوم

ولك شحجي روح ارجع البيتك اسأل امك على الصاير خليها تحجيلك اذا ما عمتك صاكرتها وخلتها تطمطم الها

سكت ورجع رد ولك من نعال عليك تعال بعييينك وشووووف حالها تعااال طاردتها عمتك وطاكاتها وتاهماتها بشرفها تكول طبن عليه محملات يردن يهججني ويطلكني

سكت يسمع ورد :- موووزينه هااي موزينه ما نسكت عليها مرة عمتك ومعرسة والها بيتها شعدها تتدخل بحياتكم وتطب وتطلع وتطعن وتأذي

ضل يحجي ونص حجيه غلط وسب اخير شي كله لا تلفي بالليل جيبلي ناس عليهم العتب ونكعد لا تحلم تشوف ظفر بت عمي اذا ما يرجع الها اعتبارها

سد المبايل التفت كللها مالج شغل بس احجي الصدك واعتبري حكج ماخوذ

هزت راسها كومناها للبيت غسلت وانطيناها هدوم لبست ضلت كاعدة وكل شوية تبجي وتندب حظها وتراويني جسمها شلون يرعش

رهف :- ولج طبن عليه تكول عدوتهن وكضتني وطاحتلي ضرب هاي عمته الساقطة وتكلي المن لابسه هيج تخابرين ابن عمج

والله وانه فاقد جان يمي وجنت نايمة ويا وعلمودة لابسه الثوب

تحجي وتبجي ..

اجو عمامي من الكعدة اول شي ما حجينا الهم ردنا نسمع الصاير جان عمي يضحك وكال

مؤمل كال تخالفنة وتحاجينة وطكني كناله هذا هو شلنه تكاليف علاجك ونفصلك شكد ما تريد عمامه طلبو فصل احنه ضحكنة واحد باوع بوجه الثاني وكلنالهم صار حطينا الفصل بايديهم وخليانهم يشدون رايه العباس بعد مايتعرضون النه

بس وجوهم مصفرچة ميتين خوف شجابكم شورطكم واحدكم من يندك الباب يبجي ويلبد بسد امه

سعدية :- زين تسوي وليدي ما خليتها تطول ..

فاضل :- الحمدلله والله انه لو اريد اطولها واعرضها بس مااكدر علمود البنات كلت لو ابيع ثوبي العليه وافصلهم ولا ينجاب طاريهن بنص الديوان

والحمدلله الخوف سكتهم

سعدية :- يدرون برواحهم مو حمل مصايب واذا جابو طاريهن تنفتح عليهم بيبان جهنم وماتنسد كالولك ذاك الاغم رجع للسجن وهذا ضل وحيد شلنه شغل بي ونعارك ورا خل نسدها ونشد راية العباس ونرتاح ..

فاضل :- مع هذا الحذر واجب ..

سداد :- الحمدلله انحلت عدنا سالفة ثانية لازم نحلها

فاضل :- خير ان شاءالله ..

بدأ سداد يحجي لعمي كل شي وعمي شاط من الغضب وكال هسة تجيبولي ليث خابرو يكلوله تعال

يرد عليهم المن جاي مو متبرين مني مالكم شغل بيه

فاضل :- لاااا يجي محلولة بي وبليا لا يجي الحيوان موتني الله ياخذ عمره شمخلف شيطان انه

خالد :- يجوز كاضينها تخابر غيرة

فاضل :- سد حلگككككك ماتطلع منها هاي رهف ولا حتى اشك بيها مهرة اصيله تصون خيالها

سكت عمي خالد ما حجة شي بعد

لليل فاقد اجة جايب ابو وعمامة وكباريتهم وناس منكولة وكعدو بالدوانية واحنة نصب جاي

طب حمودي يدردم ماعاجبة

:- خرب بعرضهم شكد يشربون جاي شنو يصرفونه صرف مناعيل السلفة

نجوى :- عيب يمة عيب اخذه وروح ..

اخذه ماعاجبة عبر من ترف غمزتله وكلتله بطبوط ..

همس انه اعلمج ..

وعد :- خية نجوى انه انطيت خبر لارفد وراح نطلع هاي الايام والله سببنالكم مشاكل وشلعنا كلوبكم

نجوى :- الحك ينكال المشاكل طلعت من ابني بعد شلكم غرض انتم اذا هو لا حسب حساب لاخو ولا ابو ولا الي سكتي خية سكتي غير كلبي موجر منه

وعد :- لا بعد انه هم كتلج اريد استقر وهم شوية المشاكل تخف مو الولد رايدها واذا نضل هنا كل اخبارها بذانه تصير وموزين علي

عمتي تحسررت ونصت ..

صار صياح بصوت عالي ركضنه للاستقبال للشباك اليم الديوانيه فتحنه وذبينه البردة ضلينا نسمع الزلم تتصايح

طغى صوت عمي فاضل على اصواتهم وهو يزمجر بغضب

:- ما تطلعون منا هسة يطلگ المرة الامنتها يمكم انهانت وانطعن بيها وبعد ماتصيرلكم مرة هاي عگالي وشاربي وانتم هنتوهن وما حفظتو كرامتهن

بعد ي رهف ما ترجع لو تتثالث الدنيا ....

صار صياح بصوت عالي ركضنه للاستقبال للشباك اليم الديوانيه فتحنه وذبينه البردة ضلينا نسمع الزلم تتصايح

طغى صوت عمي فاضل على اصواتهم وهو يزمجر بغضب

:- ما تطلعون منا هسة يطلگ المرة الامنتها يمكم انهانت وانطعن بيها وبعد ماتصيرلكم مرة هاي عگالي وشاربي وانتم هنتوهن وما حفظتو كرامتهن

بعد ي رهف ما ترجع لو تتثالث الدنيا ..

:- مو خوش ابو ليث لا تهجم بيت بت اخوك حرام بعدها عروس

فاضل :- لا تشمركم الخوش شني جايلي الافندي يگلي ماكو دخان بدون نار فوك ما مرته وبته طاكات بنيتنا وتاهماتها جاي يكمل

ابو نور :- بعدكم هم طاكة بنيتي

فاضل :- رد فعل طبيعي اليوم اي واحد بينا تنهان كرامته وينطعن بي وينطگ يخلص صبره وينطي رد فعل مشابه ، مثل ما مريتك وبتك طكنها ثارت ونفذ صبرها وردت الها

هسة لو واحد عايل ابتك وطاكها بتك تضل ساكته وخاضعه وتنتظر يموتونها كتل

حجة غير زلمة :- حكها هاي هيه بس يا ابو ليث مو مال طلاك وفاقد مريته واثق بيها ويريدها

فاضل :- ما الكم مرة يمنا بعد

ابو فاقد :- ابو ليث شاهد الله انه مو بالبيت وام فاقد ما كادرة الهن

فاضل :- شلون نسوان الحل والربط بيديهن يكتلن ويطردن بنيتنا بهدوم البيت جا الزلم شني شغلها

مالهم احجاية

ابو فاقد :- يمي ابو ليث انه احلها ، بس خل ترجع المرة وما يصير خاطرك الا طيب

فاضل :- لا ابو فاقد لا ماترجع البت واريد هاي الوجوه يردون عليه نوبة ثانية وياهم بتهم الطكت بتنا وتهمتها يحلفن على كلام الله

وبت اخوي تحلف على كلام الله وراها انطلگ

صاحو لا مو خوش ما ينحلف بالقران لا صادك ولا جاذب

فاضل :- هذا هو مايحلفن يعترفن ام نور وبتها بجذبتهن ويكفن شرهن عن بت اخوي وراها عودك اكلكم تعالو اخذو جنتكم

غير هذني لخيارين ماعدكم

يا يصير حلف وكل واحد يحجي لعنده وبت اخوي تطلك ماترد لعالم ماكدرو يطلعون حكها ويبيضون وجها

يا يعترفن بجذبتهن وانه عندي ثقة واعرف بيهن جذابات من هيج مترررهي ومرتاااح وحاط رجليني بماي بارد

ابو نور :- انه مرتي وبتي ما يحلفن

فاضل :- يعترفن بجذبتهن كدام الخلگ غير حجي ماعندي

بعدين يا ابو نور بنيتك نور المصون منين جابت هذا الحجي ويامن تتواصل ؟ ياهو هذا لمحرضها على بت اخوي

صار حجي ومصايح وفاقد طلع صوته يحجي لعمي ويكله واثق بيها وانه عفت مرتي نايمة وطلعت وهي بت اصول ماتطلع منها العيبة ، وان شاءالله حگها يطلع

ترخصو العالم وطلعو بس مبينين زعلانين وما عاجبهم الحجي عمي ضل فاير دمه وبس يحجي ويغلط ويسب بليث يخابرون بي طلع مغلق

راحولة عمي صادق وفالح للبيت محد يفتح الباب مع العلم يكولون نسمع صوت الاطفال والاضوية شابه يعني موجودين ..

تعبنا كلش هاي اخر شهور بس مشاكل طكت ارواحنه شبعنة قهر وضيم ، عفتهم كاعدين يتناقشون وصعدت بعد ماعندي طاقة لكيت رهف نايمة ندستها كعدت فركت عيونها وباوعتلي

:- ها اجو؟

:- وراحو هم .. حجيتلها الصار ضلت تهز براسها ورجعت تمددت

رهف :- هاي شهر ونص زواج ماشفت بيهن الراحة خلصتهن مريضة ومقهورة

درة :- غير مقهورة على الجوا

رهف :- بس الجوة غير هاي عمته تهاني لزگة يومية تسد بابها وتجينه وتشمر حجي وتركض ورانه انه وعمتي وحمواتي تدور وصخ تدور ماعون ممغسول وتكعد ترزل بينا وحسرة على عمتي تفك حلكها تطلعها تهاني من الملة

وعمي اخرس يم اخته ما يفك حلكة ويحجي

درة :- يعني مشاكل عمة وجنة ههههه بس مو ويا عمتج ويا عمة رجلج

رهف :- هههههه والقهر عيالي فقرة ومايحجون والله لخاطرهم ساكته ولا عاركت ولا اشتكيت

درة :- عمي يكلهم اطلكها

رهف :- ما اعتقد يريد يضغط عليهم علمود يعترفن بجذبتهن

درة :- ما يعترفن منو يجذب روحه

رهف :- من حجيج تبين الي شي

درة :- وهو؟

رهف :- عمي راح يضل وراهم حتى يعرف نور منين جابت الحجي وهذا الشي مو بمصلحتهم الواضح نور وليث صاير بينهم تواصل

ونور ماتكدر تعترف بهذا الشي اتوقع تطلع روحها جذابة وما تكول اتواصل ويا ليث لان اهلها ينهونها نهي

درة :- منو ينهيها تهاني

رهف :- لا تهاني ولا ابوها كولي عمامها لان تهاني تكرهم تكول عليهم متشددين ويدورون الزلة

درة :- والله وعساها تولي لا ذمة ولا ضمير تفضح ببنات الناس وتتهم وين تروح من الله

رهف :- ولج انه يمكن حامل ..

درة :- لا والله

رهف :- ههههه اي والله من عرست بعد مانزلت واحس بروحي متغيرة نفسيتي كلش وشهيتي وكل شي مو انه القبل العرس بس لا تحجين هسة بعدين اتاكد يله

درة :- ياا وعمي يصيح اطلكها

رهف :- مايطلكني شبيج انتي شنو هيه لعبه وهيج بسرعة ننهيها خية هذا زواج

درة :- تحبين فاقد

ابتسمتلها هزت راسها :- خية الرجل عزيز شما كان ما بالج بفاقد خوش رجال ويحبني ومدللني؟

اعزة واحترمة وحياتي ويا حلوة الحمدلله

درة :- يعني تحبينه تحبينه لو هيج حياة روتينية عادية

رهف :- لا حياة عادية مو حب تعلق احترام والدنيا ماشية الحمدلله

درة :- اريد انطي همام فرصة

ضحكت وكعدت على حيلها :- والله ما تخسرين بس فتحي كلبج وباوعلي الايجابياته وعيشي ويا لحظات تلكين روحج تعلقتي بي هاي اذا ما حبيتي وعشكتي

درة :- اخاف اظلمه واظلم روحي الحب الحقيقي ما ينسي

رهف :- ما ينسي بس اكو شي اسمه تقبل وتعلق والله علاقتي ويا فاقد هيج بنيتها تقبل وبديت افكر بي واعيش ويا لحظات ومواقف وتعلقت بي

انتي هم تلحلحي شوية شبيج سادة البيبان كعدي ويا امشي ويا طلعي ويا شمالج يحظي تضلين هيج اموته روحج

درة :- وگلبي خية گلبي غير هوا الكاضني ومجتفني اتجتف الله وكيلچ والمشكلة ماعرف اخبار حر ومن اسأل امي تكلي شيلي من بالچ بديت اقتنع واتعود على فراگه بس ما ادري .. فجأة الگى روحي ابجي علي ومشتاقتله

رهف :- راح وعافچ تكملين حياتج جيف يريدلج الزينية ورادج تتقبلين همام وتكملين ويا الطريق

درة :- كتله راح اتطلك

حجيتها ونصيت راسي

رهف :- درة من رجع لگاچ مخطوبة وبذمة رجال تتوقعين خالي ناقص ويطلكج من زلمتج وياخذج؟!

فتحي عيونج احنه مو بمسلسل احنة هنا بالواقع كلشي يختلف

ماتكدرين تطلكين واذا تطلكتي صدكي ماينطوج اله لان راح يعرفون طلاكج صار علمودة ويحقدون علي

وبعد هواي امور حتى خالي شكد شجاع وقوي بس ماعندة الجرئة يساندج بقرارج ويخليج تطلكين علموده ، ولا هو ناقص وماعنده اخلاق ودنيء ..

درة :- كل هذا الحجي اعرفه ومفكره بي ليش اريد انطي فرصة لهمام انه؟ لان هاي قسمتي وماريد اضل مثل سداد عذب روحه لحد ماخسر صحته وقوته وتمرض

رهف :- عفيه عليچ ماتوكف الدنيا بس انتي حركي روحج شوية

هزيت رأسي ما جنت مقتنعة كلش وصارلي شهر وفوگ اقنع بروحي بهذا الحجي بس ما جاي اقتنع بشكل كامل

تجيلي لحظات اتقبل الفكرة وفجأة انفر منها ..

جنت مثل الغرگان ببحر أفكاره القاسي المظلم وما يگدر يطلع ويشوف النور مرة لخ ..

دك نقالي باوعتله رقم غريب جاوبته خايفة

من يدك رقم غريب كبل بالي وتفكيري كله يروح على حر وكل اعضاي ترجف

درة :- الوو؟

فاقد :- مساء الخير هلا درة شلونچ

درة :- هلا بيك فاقد الحمدلله اسأل عليك

رهف :- طفرت مديت ايدي اشرت الدرة تنطيني المبايل هزت راسها وكلتله

:- هاي رهف يمي اكيد مخابر علمودها مو علمود تسلم عليه انه بيش الكيلو هههه

فاقد :- انتي الخير والبركة ..

اخذته منها حطيته على اذني همست الو

درة كامت طلعت عافتني وحدي

فاقد :- هلا بهل صوت شلونج بوية بالي كله يمج واخابر امج ماتشيله شسالفة زعلت شني

رهف :- ما ادري يمكن مو يم المبايل لان هيه جوة خطية ملتهية

احجيلي شصار ماصار

فاقد :- هوا انه الاحجيلج لو انتي التحجين ترة ماضل براسي عقل صدك فاقد من صدك من بعد طلعتج من البيت والله حتى عقلي عافني فقدته

رهف :- شنو ما حجولك الجماعة

فاقد :- لا حجو وتعاركت ويا بيت عمتي والحك كله وياج انه واثق بيج وادري بنور تدور خرابنا علمود يخلالها الجو ويصفالها الوضع بس اريد اعرف الوضع يمكم شو ابو ليث متعصب كلش ويصيح اطلكها وماترجع

رهف :- شلون فاقد انه انهانيت وانطعن بعرضي

فاقد :- سهله محلولة يمي اخليهن يعترفن بس احجي ويا عمج باجر امر علي خلي يهدي اعصابه شوية شني عباله سهله عليه طلعت مرتي من بيت اهلي بهيج وضع الله شاهد من العصر لسه ريجي مر علقم وميت ميت

حتى امي وخواتي مقهورات لا عبالج بس انه

رهف :- اي ادري عمتي ماراضية وطلعتلي عباية وشال من الشباج وجانت مدمعه

فاقد :- اي والله مو سهلة علينا وما جارعين الصار ان شاءالله محلوله وحكج يرجعلج من يعترفن بجذبهن ويطلعن بالكباحه والوجه الاسود

رهف :- بدون زعل فاقد عمتك رعنه ماتنكدر وابوك يمها يصير اخرس يخاف مادري يحترم الله يعلم

فاقد :- انه احجي مالج شغل من رديت سويتها عليهم كربله وما اخليهم ينامون ليلهم مرتاحين لحد ما يعترفن بجذبتهن البرابيك

رهف :- ههههه صدك برابيك وانه شكيت بيهن يردنك والقران بس ما ظنيت يوصلن لهاي المواصيل ويتهمني

فاقد :- بلوة والله مصدوم شني من نسوان انتقام وانتي نفذتي كلامج كتيلي امطلها ههههههه

رهف :- والله مطلتها لنور ومطست بمصارينها خل تولي هيه بدت وتهجمت لا تكلي غلطانه ترة هواي داسوني انه مو ملاك واتحمل واسكت انه بشر وصبري اله حد

فاقد :- هههههههه والله ما ادري شكلج تولي هسه عينج على روحج انه راح اطب اسبح والله احس هدومي ثكال عليه من القهر واهوس عليهم شوية حتى ما يبرد الجو

رهف :- نعيمًا مقدمًا ،، حجيتها وتثاوبت

فاقد :- اووف نعسانه وبعيده عن حضني وانه الناذر ماتنامين ليله بعيدة عن حضني شلون بيه شلون انام وما اشم انفاسج واحس بحرورتج بحضني

رهف :- هههههه بعد شنسوي من ورا عمتك الحية يلا رايحة انام تعبانه جسمي متكسر

فاقد :- متكسر كد ما داكة بنور

رهف :- ههههههه تصبح على خير

فاقد :- تلاكينا ..

نهيت الاتصال شمرت المبايل ورجعت تمددت بس غمضت غفيت ما فتحت الا ويا اذان الظهر كمت مكسرة وفايتتني صلاة الفجر

فتت غسلت وتوضيت وصليت بنص صلاتي وصعدت ترف صاحت

يله كملي ونزلي ..

كملت صلاتي ونزلت جوة لكيتهم متجمعين نص بالهول ونص بالمطبخ صبحت عليهم

بيبي صاحت :- صار ظهر يمة منين صبح

تعاي جاري

مشيت كعدت يمها باوعتلي بتأني وكالت

:- طاكة مطكوكة

تثائبت وهمست :- طاكة ومطكوكة بعد تدرين حجيتلج امس

سعدية :- عسى ايدها بكسر ما يتجبر تمد ايدها على جعيفر الجلبة ، والله ما تردين اذا ما نحطلهم كلوب بصف كلوبهم ونطلع نخله بروسهم

فاضل :- هية التوكف بالعين زينية عيالهة واخلاقهم بس ان شاءالله محلولة

كمت من يمهم للمطبخ لكطت خضرة لل1 كمل الغدة وصبينة تغدينا كل احنة سوية مثل قبل وسوالفنة وشقانه وضحكنا ولا عبالك عدنا هموم

حمودي يخنزر بترف وهي تجر عيونها بغرور وتذب كباله فاصولية علمود تغثة لان مايحبها

وعمي فاضل يسولف ويا بيبي ويضحك

وغيث وسداد ياكلون ويحجون بصوت خافت ما ينسمع

امي وعمتي نجوى بعالم ثاني يحضرن لولادة فدك

وهاني الوحيد مموجود خطية بالشغل حتى عطله ماعنده نادرا مانشوفه بالبيت احسه يشرد من همومة للشغل حتى ما يموت بقهره

للعصر اجة فاقد لعمي وحجة ويا وراح انه ما شفته بس ناطي وعد راح يخليهن يعترفن بجذبتهن ويعتذرن وما يعتبن البيت

دزلي مبايل جديد وخط وحاط رقمة خابرته سلم وسأل عني وكال مخلصها عليهم هوسة وابو يستحي من اخته وما ينطي بأخته

هو شمسوي ماخذ مستمسكاته وكايللهم هذا هو مرتي طلعت رايح اطلكها واهج وبعد ما تشوفون خيالي لان استحي اراوي وجهي بعد سواية عمتي وبتها واستحي اضل هنا والناس تشوفني وتكول هذا استاذ فاقد الي اهله شوهو سمعة مرته وطردوها وتطلكت مظلومة

امه ضاله تلطم وعمي يصيح ارجع تنحل نحلها ويا تهاني شامر المستمسكات وطالع معصب منهم

يعرف شلون يطلعها هيج عمي راح يعارك اخته وبس عمي يطلع لسانه ويا اخته راح تنحل

ورايح لرجل عمته مهوس فوك راسه وكايله عمتي راجعه النه بس نور غريبة اذا ما تعترف بجذبتها وتبرأ مرتي الي وياك كعدة عشاير مو انه الينطعن بعرض مرتي ويطمطمها والله اسويها فضايح واخلي الما يشتري يشوف

هم جار بوشة وكايله سهلة يمي .. وداك صدرة الطلي وهو البارحة يهوس وما ينطي ببنته ولا جنها هي وامها مسويات مصيبة

طلعت للحديقة علمود انتفه صدري ضايج كلش كعدت جوة شجرة ومديت رجليني طلعن البنات لحكني

ورا شوية طب غيث وطلعتله عمتي تصيح فلك تعاي اختج تطلك تعاي عاونيها

طفرنة كلنا وصعدنا فدك تتلوة وتبجي وتون

طلعت فلك غراضها واحنه ساعدناها تلبس اخذوها بسيارة غيث للمستشفى وخابرو هاني علمود يعوف الشغل ويلحكهم ..

ل12 بالليل يله جابت خطية وصار عدها ولد وصرنا عمات الحمدلله

بعد ما طلعوهم ضلو للصبح ايسنه نشوف البيبي كمنه لفينه روسنه ونمنا

وكعدنا الصبح على اصوات الفرح الطلي مربوط بالباب وعمامي واولادهم ملتمين يباركون صادف يوم عطله والربع ماعدهم شي

ولادة طفل جديد يعني روح جديدة وبداية جديدة شكد اتمنى روحي هيج انسى كل شي بالماضي وتنولد بروحي بداية جديدة مثل ولادة هذا الطفل

سماه اخوي جعفر على اسم والدي طب شايله وفدك تمشي بصف عمتي مبتسمة

قدمه النه شلنا كلنا جانت عيونه تلمع بفرح وكل شوية كال

هذا ابني صرت اب صرت والد

وعيونه تلمع ، يشمه ويصيح افيششش هذا قطعة من روحي وطينته معجونه بطينتي

فدك ضحكت وضربته على ايده وكالت

:- ترة انه الحملت بي وجان برحمي والمشيمة مشيمتي وكلشي اله اطلع منها حبيبي

هاني :- ما ارضى ها ها ما ارضى سدي حلكج اخذه واهج وبعد ما تشوفون وجهي هههههه

اربي وحدي اغار على ابني

فدك :- شنو تغار مني على ابني اوف يمة بطني وظهري وين انام ميته

نجوى :- بغرفة فلك لا تصعدين ولا تنزيل هاي اليومين

كامت اخذتها عمتي تنام ، مشيت وراهم وبأيدي جعفر حطيته بالسله مال الطفل الصغيرة

باوعتله ومررت صبعي على خده ناعم ترف مغمض عويناته حبيب عمته

باوعت لفدك مبتسمة :- الله يرزقچ ويترس حضنج بس مو هسة من تنحل مشاكلكم وتتصافون حتى تعرفين راسج من رجليج

ضحكت ورديت :- والله جنها قربت

فدك :- بيها الخير شنو حللتي

رهف :- لا بعدني بس حاسة وهم ماجتلي من عرست

فدك :- حللي علمود تتاكدين وتدارين روحج واذا ماطلع حمل تراجعين وتشوفين الخربطة والمشاكل الصايرات عندج وتعالجيهن

هزيت راسي وهمست :- الله كريم ارتاحي نامي

فدك. :- وريحة الحسو تضل تدگ براسي اريد اكله

رهف :- ههههه هاي عمتي نورية من الصبح غبشت وهية جاي تسويلچ الحسو وراح تسويلج محمر وسمج يلوك لهذا الحلك

فدك :- الله محمد فدوة كليلها تكثر شكر وتمر احبه حالي راح انام ارتاح ومن اكعد اكلهن

رهف :- تدللين .. عفتها تنام وطلعت يمهم

للساعة 12 ودخلنا عليها نايمة امي راحتلها ندستها وكلتلها عمة فدك كعدي اكليلج لكمة

فدك ضلت تأن ما تجاوب كضتها امي مصخنه نار

اجت عمة نجوى وشافتها البنيه صايرة تنور من الحرورة

نجوى :- امي حاجيني تسمعيني

هزت راسها

:- وينجن تعالن نجهزها ونشيلها للمستشفى البت مصخنة وهي نفسه موزين كلش موزين

ضلينا نتراكض كملناها جهزناها واخذوها للمستشفى جعفر سويناله مميه وشربناه ورجع نام ، وضلينه نلوب

نورية :- دخيلج ياا ام الحسن والله كلبي خلص يا هل راحة ماتصير النه والفرحة ما يوم تمت

سعدية :- المؤمن مبتلى يمة نورية

نورية :- الحمدلله يمة الحمدلله بس كلبي نار مو طبت شحلاتها وتضحك وتسولف نامت وكعدت متخربطة هم حظنا وحظها وحظ هاني المايرتاح بعمره يضل معلعل

درة :- كولو يالله ليش مفاولين بالشر ان شاءالله تكوم سالمة

همام :- مساء الخير

ردينا مساء النور

وكف باوعلي وكال :- درة ماعليج امر بس تعاي صبي جاي بالمطبخ

هزيت راسي وكمت فتت من يمه وطبيت للمطبخ همس يم اذني شلونج

باوعتله بحيرة لميت شفتي للداخل. واباوعله بنفس النظرة

درة :- موزينة جاي احسب بفدك خطيه

همام :- ماعليها شي ان شاءالله

هزيت راسي حطيت القوري وباوعتله ابتسمت

:- هاي شبيك هيج تباوعلي وترتني راح احترك ترة

همام :- اغمض؟

:- لا بس دير وجهك ولا تباوع هيج

تنهد ارتفعت اكتافه ونزلت ضل يباوعلي بنظره عتب وهمس

:- يمته نحلها وشلون راح تصفى بيناتنا واحنة كل واحد بوادي ، يمته تفتحيلي كلبج وتنطيني فرصة مو الشيب ترس راسي من ورا همج درة وكلبي خلص من الصبر

درة :- انطيني فرصة اصبر هاي العالم تضل خاطبة سنين شمالكم كم شهر ومليت

همام :- مو قصة مليت بس احس سجين ومحطوطة بركبتي ماجاي ارتاح حتى بنومتي علاقتي وياج بالنسبة الي مثل حبل النجاة درة واذا انكطع يابوية اذا انكطع كلشي يخرب

درة :- ما ينكطع ان شاءالله انه قررت قرار

همام :- قرار ايش؟

درة :- نبدي صفحة جديدة اريد تصبر عليه وتنتظرني وتتحملني لحد ما احبك

همام :- يا حب كولي لحد ما اتقبلك الحب بعيد مايجي منج بشهر شهرين

صحكت ونصيت رجعت رفعت راسي كتله

درة :- صح اريد نكعد نحجي نطلع اذا ممكن ونتخابر اريدك تكون وياي على طبيعتك اريد اعرفك زين واعرف كل شي بيك خليك وياي بشكل دائم علمود اتقبلك واتعلق بيك ويصير بيناتنا اندماج

ابتسم برضا وفرح وهز راسه :- هذا الاريده انه والله يا درة الدنيا ما توسعني من الفرح بهاي اللحظه بس الله يعلم بحال كلبي شلون جاي ينبض وشعوري شلونه

درة :- الله يديم الفرحة عليك

تقرب يم الطباخ صار قريب مني كلش شلت راسي اباوعله يتامل وجهي تنهد انفاسه ضربت وجهي

همس :- سمرة وسمارج حيل هد حيلي

وانه كبال عينج ما ينعرف حيل لي

ماي واتبدا

فالح :- الله الله ابن العم حاصرها بالمطبخ ويشعرلها والربع منتظرين الچاي عبالك مفطومين

يحجي ويصفك ..

جفلنا وكمزنه ثنيناتنا نصيت خجلانه وبلعت ريك وهمام يضحك ولا يمه وفالح يشمر حجي

فالح :- شوف الوجه احمر ردتلك روحك شكلتك الله عليك شكالت وسوتك شاعر واحمر

درية علمي فلك خلي تگلي نفس الحجي اريد اصير شاعري مثل همام

همام :- هذا مو مال معدان

فالح :- هجم بيت البامية عمي صبيلنا جاي خل نشربهم ونولي لبيوتنا شجابني شورطني بس اشوف مشاهد رومانسية وانقهر وحسرة عليه شوفتها واذا شفتها مالحك امد براطمي اريد ابوس يطلعلي عمي فاضل يطلعلي غيث يطلعلي حتى الجن الازرگ

صبيتلهم جاي وطلعو ورجعت للهول ساعتين وطمنونة عنها شوية ارتاحينا

وهنا بدينا ويا جعفر الصغير لحمه حمرة وصار بمسؤوليتنا ومن ايد الايد مانخلي يطيح بالكاع

يومين وفدك بالمستشفى يتناوبن عليها امي وعمتي نجوى وجعفر صحته زينه

شايلته بحضني اباوعله وانعصر كلبي كتله بحسرة

:- بس لا حظك يطلع نفس حظ عمتك حبيبي بس لا تورث مني سواد الحظ

شفت روحي بي جنت بعمره توني صايرة وماتت امي وعافتني يتيمة ، خفت يصير شي لفدك ... تعوذت بليس ودعيت ربي يرجعها سالمة

حطيته بالسلة وطلعت للمطبخ فتحت الثلاجة شفت الحسو ، من حجي رهف جانت مشتهيته ومشتهية محمر وسمج ما ضاكتهن حتى سودة عليه ماتستاهل

والله رابع يوم وطلعوها كالو زينه وصدك وضعها احسن ، بس وجهة اصفر خوفنا عليها عيشنه بجو من التوتر والقلق

صعدت سبحت حسيت اعصابي ارتخت ولا جن مر اسبوع بعدها الخوفة بينا والوجوه ماتتفسر

جنت احط مرطب لأيديني وطبت امي ضايجة

رهف :- شكو فدك بيها شي

وعد.. لا اسم الله زينه جنها وردة بس عمجن كال البيت كمل ناقص بس تجن وتكعدن بي وشو ضاج خلكي

رهف :- او يمة تضلين بهذا وضعج جرئي روحج بس اول فترة وتتعودين

وعد :- اي اخذ الشور من راس الثور

كتله اصبر جم يوم نتطمن على فدك وترجع رهف وننتقل يمك كال براحتكم

درة :- ههههههه رهف شكلها ماترجع اذا ست تهاني ماتقبل تعترف

رهف :- كافي بتها معترفه وابوها راح يجي ويا الناس ويكللهم بتي اعترفت بجذبتها وجذبة امها

وعد :- وكلولة منين جابت نور هذا الحجي شيكللهم من جيبة الناس تكلك ماكو دخان بدون نار ، احنة نريد حجي مضبوط ونريد نعرف منو دافعها

رهف :- شيسووون بعد يمة ماجاي تعترف بكل شي تكللهم من جيبي الحجي ماترضا تكول منو دافعها والله ويجوز صدك من جيبها ديرة صغيرة ويمكن واصللها حجي ان ليث خاطبني ورايدني قبل استغلن الفرصة وسوووون هاي اللعبة هية وامها الماتستحي

وعد :- هم فكرت بيها بعد يم عمج هوا اذا مايشوف حجي ابو نور يردلج اعتبارج ف لا يرجعج

رهف :- بس ابو نور حتى عمي ابو فاقد كايل لاخته بعد ماتعتبين بيتي ومتعارك وياها فاقد يكول صارت حرب وطلعت تردودم تصيح جايبين حيه شهرين خربتني ويا اخوي وخلته يطردني

وعمتي خابرتني فرحانة تكلي راح نرتاح من شرها

وعد :- عساها لا طبت للبيت خفة وراحة غدي ..

رهف ... جنت متطمنة ومرتاحة من حجي فاقد لان صدك وكف ابو على تك رجل وخلاه حتى يطرد اخته من البيت وابو نور كال بنته اعترفت هي جذابة وراح يحجي كدام العالم ويتعذر وبهيج تكون برائتي طلعت وارجع لرجلي مرفوعه الراس

باوعت لامي جانت ضايجة كتلها يمة ماتاخذيني احلل تحليل حمل

باوعتلي متفاجئة كملت كلامي :- كاطعة وهسة راح يصير شهرين بعد مابيها مجال لازم اتاكد

وعد :- وانه اخر من يعلم؟

رهف :- جا شنو احطلي سماعة واصيح الدورة كطعت ويمكن اطلع حامل

وعد :- هم بيتج يله يله بدلي هسة انزل اشوف محمود يوصلنه للمختبر ونحللج بس مانكول كدامهم عيب لحد مانحلل

هزيت راسي وكمت بدلت ورتبت وجهي ولبست شالي وجريت حذائي كلتلي :- نزلي لمحمود البس شيلتي وعبايتي والحكچ

طلعت امشي بايدي حذائي وكفت يم باب المطبخ البسه رفعت راسي شفت سداد بباب المطبخ الجوة ابتسم عادي من شافني

شحيت نظري عنه كال يعاتب

سداد :- شسالفة هيج الابتسامة صعبة لو ما اعجب وماتشتهين تتبسميلي ست رهف

رهف :- لا والله بس صعبة ماتطلع مادري ليش

هز رأسه وضل واكف كال وين رايحات

رهف :- للمختبر احلل تعبانة يمكن عندي نقص دم

سداد :- اوصلجن

رهف :- لا نخينا محمود راح يوصلنا

سداد :- لا خله يولي انه اوصلجن راح انتظرجن يم السيارة

عبرني وطلع بلعت ريكي مرتبكة طلعت امي خرطت خدي وكتلها

:- فلك سداد راح يوصلنا كتله احلل يمكن عندي نقص دم لا تحجين كدامه

وعد :- لا شسالفة امشي بس كون ما نبطي العالم راح يجون عليج يرجعونج

هزيت راسي وطلعت صعدت امي يمه وانه وراهم اخذنه للمختبر حللت تحليل حمل ، بشرتني المحللة اكو حمل ضحكت وغمضت عيني

الحمدلله حمد كثير الحمدلله على هذا الرزق السريع

طلعنة بالسيارة رجعنة وابد ما سأل شبيها مابيها دك نقالي فاقد جاوبته بعد السلام كلي وينج انه يم عمامج

رهف :- جنت بالمختبر ويا امي راجعة دقايق ويامن اجيت

فاقد :- ويا ناسنة الكبار جوة يم عمامج كاعدين يحجون وراح يطلعون الحمدلله صفت بعدين احجيلج الصار

راح اتانيج وارجعج وياي عمج قبل

رهف :- هذا هو انتظرني ما اطول ..

سديته ورقة الاختبار بايدي اباوعلها برضا مبتسمة الحمدلله هذا احلى عوض بالنسبة الي ، شي يجي مني روح جديدة تعوضني خساراتي السابقة

وصلنة للبيت طبيت جوة ورقتي بايدي راويتها لدرة وفلك وهمست حاااامل

فكن عيونهن بفرح ، ولكفنها مني فرحانات

فلك :- صلاوات متلهف بسرعه حبلج

رهف :- دجيبي جيبي خليني ابشره والله هسة يطير من الفرح يمكن نلكا واصل للسگف هههههه

فلك :- اي عيني اخذي اخذي روحي كليله الحب الزايد شنو جانت نتائجه

درة :- اذا عرست ما اسويها واحبل بسرعه يمة اسم الله الرحمن

رهف :- شمعرفجن انتن .. عفتهن ودخلت سألت محمود

:- وين فاقد مو هنا

محمود :- بالاستقبال يتانيج امج سلمت علي وطلعت

هزيت راسي وفتت متلهفة للاستقبال شافني كام استقبلني حضني بلهفة وباسني

فاقد :- كلبي جمر عليج يمن اندارلج فدوة

بس اضحك وعيوني تلمع ، رفعت الورقة عقد حاجبة وكال يستفسر

فاقد :- شني؟ امج شبيها

رهف ،، حجيت بحماس ولهفة :- حاااامل حبيبي حاااامل انه مو امي ههههه التحليل الي راح نصير ام واب ويجي طفل احنه اهله انه ويااااك

سداد :- صلاوات على محمد خال للمرة الثانية

بس اضحك وعيوني تلمع ، رفعت الورقة عقد حاجبة وكال يستفسر

فاقد :- شني؟ امج شبيها

رهف ،، حجيت بحماس ولهفة :- حاااامل حبيبي حاااامل انه مو امي ههههه التحليل الي راح نصير ام واب ويجي طفل احنه اهله انه ويااااك

سداد :- صلاوات على محمد خال للمرة الثانية

....

ابتعدت عن فاقد خجلانه ضل يضحك وسلم على سداد بوسه

سداد :- النسيييب مبروك تستاهل

فاقد :- الله يبارك بيك تسلم يا خال الاولاد البعدهم ما اجو

سداد :- جايين بالدرب ..

باوعتله عينه صارت عليَ وجهة ما يتفسر بس يضحك چذب ، فاقد باوعلي وكال

:- حضري روحج رهف علمود نطلع للبيت

سداد :- لا مو بكيفك عشاكم يمنا انت والمرة

فاقد :- تضل عدكم العافية والله الحجية فرحانة ومنتظرة رجعة جنتها غير مرة ان شاءالله نمرلكم

عفتهم وصعدت حضرت روحي بس نظراته ماجاي تفارك بالي نظرات الحرمان والعتب

بعدين هذا العتب المن غير انه متزوجة طبيعي احبل شنو ماخذني فاقد يباوع لطولي غير حتى نكون عائلة

طبت درة قوست شفايفها وكالت :- غيم علينا سداد بس ترحين تمطر الدنيا صخر

رهف :-وتمطر جمر شسويله؟

درة :- لا تسوين شي منو كلج سوي هسه بس ليشوفج هسه مايكول من عرسج متمرض من قهرج علي ومطلعه حجتج بالفراك ذابتها بروسنا المكاريد وانتي مو بحالنه حتى

رهف :- صحيح بس مقهورة علي لان تمرض لا عبالج من فراكه

درة :- اي خوش خوش لا تحضرين ولا اتعبين فاقد خابر امه وكللها راح نتعشا يم اهل المرة لان عمي لزمه وانحرج يرده

رهف :- هاا .. درة .. باوعتلها بحزن

درة :- غوركن العيون شكو دخيلك ياعلي

رهف :- اكو شي قاهرني وجاي ياكل بكلبي اكل من يوم اجيت زعلانه لهاي اللحظة بس ما حجيت ضميته بگلبي واريد احجي بس ماكو فرصة

درة باوعتلي باستفهام وكعدت كبالي تنتظرني احجي

رهف :- فاقد الغريب صدكني وجذب عمته وبت عمته وما شك بيه ولو واحد بالمية ولا حتى سألني سؤال يدل على شكه بينما سداد ماصدكني وعافني مكسورة

ميته من القهر اريد الزمه واكله شوف الفرق شوف فاقد شلون سندني وراح عارك وهوس وانطردت عمته وتفشل رجل عمته بنص الديوان

بس اتراجع واسكت اكول مريض ما اريد ازيد الطين بله

درة :- هم لاحظت بس لا تنسين فاقد ما صدگ بعمته وبت عمته مو مثل سداد

سداد هذا اخو اخو الواحد مايكدر يجذب اخو هسة لو شما تسوين ماراح اجذبج وان شفت بعيني عمايلج وتكليلي لا الشفتي مو صح انه نيتي عكس الشفتي هم راح اصدك

رهف :- هذا الغباء بحد ذاته الواحد المن الله انطاه عقل؟

بس يله بعد شنو اكول كل شي صار ماضي وراح واحنه ولد اليوم سكتت وله حجيت ماراح يتغير شي

درة :- ولا تحجين كدام سداد شي خطية البي مكفي

هزيت راسي سديت الجنطة وحطيتها بالكنتور كمت وكفت على حيلي سحبت خيط وكعدت احف وارتب بوجهي صاير غابة حتى شارب طالعلي وحواجبي نازلات لرموشي

كملت ونزلت بيبي سعدية بالصالة يمها امي كاعدة صاحتلي مشيت الها

باركتلي على الحمل بست ايدها ورأسها وكعدت بصفها

باوعت لامي وفرت ايدها وغمتها :- هيهوو الحضيرية راح تصير يده وهي حظ مابيها اربعطعش سنه ريلها ما معرس عليها

وعد :- حجية مو اتفقنا انه ويا هسة المن تغمغمين بيه ممخليتلي قيمة كدام بناتي

حجت بغيض

سعدية :- سدي حلگچ القيمة الانتي ماحاطتها ما احطها الج انه لونج مرة حوك وتحوين ريلج وتسويلج بيت مثل النسوان اكبر واحد يحطلج قيمة بس ضلي ضلي ..

وعد :- ماضل شي حجية الحمدلله

هزت رأسها تعشينا ولل9 ونص دز عليه فاقد نزلت اغراضي وجهزت روحي ونزلتله ودعت بيت عمي وامي وبيبي وطلعت ويا صعدت بالسيارة تنفس براحة يضحك

فاقد :- والله ايدي على گلبي كل ساعة اكول هسه يعصب ابو ليث ويطردني ويكلي روح لك ما الك مرة يمنه ههههههه

رهف :- لا ماعنده شي وياك شبيك خايف ..

جنة نحجي ودك نقاله رفعه انطا رفض وگلبه على وجهة باوعتله بشك وكرصته من زنده

:- شنو ضااام؟

فاقد :- ما ضام شي حبيبتي هذا هچ شوفي

رفعه فتحه وحطه كبالي وهو يسوق

سديته ورجعته لمكانه

رهف :- جا المن تكلب بي وتثير الشكوك بداخلي كلت هاي نور جاي تتلطش بيك

فاقد :- يمة الخوف

رهف :- ما اخاف عليك مسيطرة بس خفت شلون اكتلها وانه حامل ههههه وهيه بعد ما تجي

فاقد :- اي خفة امي يمكن راح تحط على راسج تاج وتعينج ملكة بعد هاي السالفة

وصلنه نزل فتح الباب ودخل السيارة نزلت فتت من باب الاستقبال كاعدين عيالي كلهم كلت السلام عليكم وبوست عمتي وحمواتي

بس عمي وجهة شوية ثگيل ..

مشيت لغرفتي طبيت طب وراي فاقد شايل جنطتي وعمتي وحمواتي ثنينهن ورا يركصن بحواجبهن

زينب ضلت تدك على الباب وتهوس بصوت ناصي

:- وخلصنا من الحية هاا هاا وخلصنا

امها تكرص بيها وتكللها من بين اسنانها :- لا يسمع ابوج ويزعل سكتي سكتي

زينب :- يمة انه جاي اعيش اجمل لحظات بحياتي مو يكلك اكو جنة عتبتها خير هاي عتبتها خير تربيع

فاقد :- خير أس مليار ..

رهف :- ههههه جا بس انه كتلتي تعتبر خير امداني وامداا حظي اي والله ولا طلعت مكتولة وانه حامل

ام فاقد :- يااااع صلاوات على محمد وآل محمد بالمبارك يمة فاقد جا ماتحجي ماتكول

فاقد :- غير اليوم يله حللت شحجي يا يمة حاطلي عيون برحمها واراقب

ضربته على كتفه :- من فلك ولا تكض لسانك

زينب :- الله عليج خليني اساعدج بترتيب الهدوم واتفرج شنو اكو بكنتورج بلكي احصلي شي منا منا ينخمط وينلبس بالدوام

بنين :- المستحى ما ينشرة جان اشترينا الج

رهف :- الكنتور كله يرخصلج زنوبة

ام فاقد :- امشن طلعن عوفن اخوجن ومرته ياخذون راحتهم يله الصبح يطلع وتعالن يمها

فاقد :- لا يمة خليهن طالع خابروني الولد ملتمين بالگهوة يودعون سداد

عقدت حاجبي بتساؤول :- سدادنا ؟

فاقد :- اي سدادنا شنو ماتدرين؟

رهف :- لا؟

فاقد :- راح يسافر ويا جاسم ابن عمج ويقدم على اجازة والظاهر سفرته طويلة

رهف :- هااا شنو المناسبة؟

ام فاقد :- گله خل يمرلي اشوفة كلبي طاك علي

فاقد :- اي يمه صار رجع باوعلي وكمل :- يكول ما عاجبة الوضع هنا يريد يسافر ويستقر فترة يشوف نفسه يشوف اموره اذا كدر يستقر بلبنان بعد مايرجع بس زيارات واذا ما ارتاح يرجع

رهف :- والله ما ادري انه كضيتها نوم عدهم وما اكعد يمهم الله يسهل طريقة ان شاءالله

طلع فاقد ضلن البنات يمي احجي وياهن ويحجن وياي بس بالي شارد بغير وادي

طلعن الساعة 11 كمت بدلت ملابسي وتمددت عيني على الساعة وبالي يم مبايلي تعوذت بليس اكثر من مرة بس بالاخير وازاني الشيطان

عدلت كعدتي ودزيتله مساء الخير

هسة هو يمهم بالكهوة ما ادري كملو كعدتهم خفت لان فاقد يمهم خاف يشوف انه دزيتله ، بس فاقد يقبل احجي ويا سداد غير ضايفته بالفيس وهو يشوف

عيني ضلت على الشاشة شافها وطلع يكتب شوية ودز :- مساء الخيرات بت عمي

رهف :- شخبارك سداد صدك هذا الحجي لسمعته راح تسافر ويا جاسم؟

شوية ورد :- الحمدلله كلش زين وعايش بنص الخير وصحيح ما سمعتي شي غلط راح اسافر

رهف :- السبب؟

سداد :- يهمچ؟

رهف :- اي يهمني انه شفتك تأذيت بسببي اريد اعرف اذا سفرك اله علاقة بيه وبالماضي لو لا

سداد :- منو كلج حياتي تفتر عليج وانتي محورها؟ لا طبعا يا بت عمي انه مسافر لان اريد ارتاح الوضع بالعراق مزعج والمشاكل المستمرة تعبتني اريد ابدي حياة نظيفه

دزيتله لايك وطلعت من المحادثة وحذفتها نرفزني رده على اساس ما ادري بيك تريد تموت روحك والضيم داگك بعد المن هذا التفزنگ احجي عدل

خمس دقايق اقل ودخل فاقد ينزع بساعته رفعت راسي كتله ها بطيت

فاقد :- والله التهينا نقنع بأبن عمج يضل وما يسافر بس قافل جنة يريد ياخذله لبنانية بس مستحي يكول

ابتسمت :- براحته بعد بس انقهرت والله

فاقد :- شنسويله هذا قراره براحته كل بشر يدور راحته وهو راحته بلبنان مو هنا صدگي

راح للحمام غسل ورجع تمدد يمي حطيت راسي على صدره ضل هادئ جر نفس رفعت راسي باوعتله بدلع

:- حبيبي فاقد ابوك ليش وجهة ثگيل قابل انه طارده عمتك لو انه الهاجمة عليها وتاهمتها وطاعنه بعرضها

فاقد :- ابوية انتي المن تفكرين وتشغلين بالچ؟ مالچ شغل الج الصافي انتي ظلم ظلم تفكرين المفروض بس تاكلين وتشربين وتدلعين عليه بدون هم ولا غم

رهف :- هيج عزيزة عندك وماتريدني حتى افكر واشيل هم شي

فاقد :- احبچ اكثر من ما تتصورين ما يهون على فاقد رهوفته تفكر وتشغل بالها بشي يضوج

غمضت عيني وبسته بشفته بوسة عميقة ابتعدت وفتحت عيني همست :- شأحبك الله ليحرمني منك ياروحها لرهوفتك

فاقد :- مشتاكلج مشتاكلج

حضني قوي يشم بشعري ويبوس بوجهي بشكل عشوائي ويهمس احبج مشتاكلج اريد ابرد نار كلبي بيج الليلة وما اعوف ولا ذرة بيج اذا ما اشمها وابوسها واوكفلها اجلالًا ، رهوفتي ، اميرتي حبيبتي ..

حبيبتي .. سمعيني صوتج اذوب بي

فتحت عيني مبتسمة وهمست :- مشتاقتلك فاقد

غمر راسه بركبتي وشمني حيل :- روح فاقد وعمر فاقد انتي ..

درة :- كملنا نقل اغراضنا للبيت الجديد ، وبدينا ترتيب فلك وترف بالمطبخ يسفطن وامي لهسه ماجاية

همام يطب بالغراض للبيت وانه امسح بارضية غرفتنا انه وترف الي المفروض لترف لان انه بيتي فوگ بس اصعدله ورا الزواج التعيس الي ما اتمناه يصير حتى ..

طب همام للغرفة شعرة مهوس وكله تراب يلهث حط الكارتون بالكاع

درة :- كواك الله

همام :- الله يگويچ شوفي هذا بله تردن الغراض البي لو اصعده للمخزن

تقربت فتحته لكيت بي اغراض لامي تحبهن باوعتله يمسح بجبينا عركان والجو حار وصاير احمر من الحر

درة :- لا خلي هذا امي ترتب غراضه بالمعرض شني وين فالح مو كال يجي يساعدنا شو طكنا بوري

همام :- موجود جاي يرتب بالحديقة يكول هاي ماتعجبني هيج موحلوة وكعد يفصل ويرتب علمود نذبلها ثيل ونزيد الزرعات

درة :- جيبلها جوريات وشجرة جهنمية مثل العد بيت عمو فاضل

هز راسه مبتسم :- اعتبري الحديقة انترست جوري وجهنمية بكل الالوان بعد شتحبين

درة :- ورد الصباح ملون وبس كافي

هز راسه مبتسم وعيونه تتاملني مسح على شاربه الخفيف و همس :- تدللين

درت وجهي خجلت من نظراته عيونه جانت تاكل بيَ اكل سحبت الكارتون ومشيت فتحت الكنتور وانه احجي

:- هسة عمي ليش قافل الغرفة مالته والله حيرة غير يفتحها وناخذ غراض امي بيها

حسيت بخطواته بالغرفة ضليت اعلك بالهدوم بس ايديني ترجف متوترة صار وراي همس

:- بكيفه يريد يفتح الباب ويا امج ويدخلون سوية شعليج انتي عوفي

بلعت ريكي ميل راسه حطه بركبتي من ورا نفرت منه وابتعدت دفعته من صدره تصنعت الضحكة وحجيت

:- خوفتني شبيج هههه مامتعودة

جرني من خصري ورا الكنتور حصرني على الحايط

دفعته من جتفه :- عيب همام لا يجي احد شبيك وخررررر

همام :- وين العيب زلمة ومرته وكدام الله حلال شعلينا بالخلگ ولج عوفيهم مايفيدون خلك الله وتعاي بس انه وياج وندخل الشيطان بيناتنا شرايج

درة :- مستهتر ..

ضحك ونصه حط كصته على كصتي كل اطرافي رجفن صارت رجفة باصابعي همست بخجل

:- همام البنات مايدرن بيك يمي

همام :- الكنتور ساترنا

:- غضب الله على راسك ياهمام انه صوجي ماخذة واحد مثلك فاسد

غمض عينه مبتسم وملامحه مرتخية ويسمعلي وانه ادردم علي واريده يبتعد عني لان كلبي ضل يدك بكل جسمي واحس وشه صارت بأذني

انفتح الباب وفاتت فلك تحجي :- بله تعاي شوري علي...... قطعت كلامها بشهكة وصاحت

:- فااااسدين فااااسدين .. وطلعت ركض من الغرفة

دفعته حيل وحجيت بغضب أانبه :- هيج احسن خجلت البنيه والله ما تستحي مو اكلك عيب عيب ضال ساكت وتشمشم جنك بوبي

همام :- بوبي منو بوبي

درة :-شسمة ااا ... واحد حلو يخبل .. شبيك وخر اطلع ما عندك خجل

خزرته وطلعت عفته وراي يضحك فوك الساعتين يله اجو امي وعمي ارفد وياهم بيبي سعديه متكئة على عوجيتها وتمشي بهدوء وتقرأ المعوذات وتدعي النه بالراحة والسعادة بداخل هذا البيت ..

ترف :- يمة تأخرررتووو

سعدية :- انه اخرتهم حبوبة خليت عمج ياخذها للصايغ يشتريلها ذهب نيشان جا غير معرسة شني ياخذها ابلاش وراها تلاثة النوب مو وحيدها

ارفد :- طلعتني كسررررر ماخلت عليه فلس ههههههه بس تستاهل ام رهف شنو الذهب الي بالسوگ كله يرخص الها

وعد :- الله يكثر خيرك ابو بارق

سعدية :- خير الله عليه تصيحله ابو بارق ويصيحلها ام رهف ربحنا شو المعرسين الحبيبي ماتطيح من حلوكهم بس الفهاوة شسوي بعد

فالح :- شمالج جدة كاتله روحج ع حبيات استجني

سعدية :- انجب ولك

فالح :- اااخ حجية انه العندي هم ماتكلي حبيبي تستحي بله احجي وياها رزليها كليلها تغزلي بهذا المكرود وبوسي انطي معطة شي

وروحي حاجي فاضل كليله يجفي شره عني مو كل ما امد براطمي اريد اخذلي معطة الكاهم كلهم مچيتين عليه ومسوين مداهمة ويخرعوني مو حتى خلفتي انكطعت من الخوف

ارفد وهو يضحك بشكل هستيري :- جا شكد متعذب ومحمل

وفلك تكرص بزنده من ورا وتخزر بي يسكت بس وين فالح انهد هدة وحده

فالح :- والقهر جانت تطيح يمي هسة حتى ماتطيح صارت تعرف تمشي وكل شي ماشايف عمي جانت جذابة تطيح بروحها وتشوفني علمود تجيب راسي وبس جابته صارت تعرف تمشي

فلك كامت للمطبخ خجلانه بيبي سعديه نهرته سكتته لان فلك خجلت

وكالت موجهة كلامها لعمو ارفد

:- وين حجرتك الجديدة اريدن اشوفنها يمة

طلع المفتاح ورفعه :- ام رهف تعاي وياي اشوفج غرفتنا

امي وجهة احمر مشت ويا والحجية وياهم واحنة جنة شواذي حاطين نفسنا كوة ونمشي وراهم نريد نشوف

عمي فتح الباب ودخلنا للغرفة ضلينه فاتحين حلوكنا من جمال الغرفة والترتيب مثل الغرف بالمسلسلات التركيا واحلى بعد والترتيب شي راقي واختيار الالوان يبهر

فالح :- عمي انه يمكن ما اجيب هيج غرفه عليكم بالعافية هسة ترجعون شباب

همام همس :- اجيبلج احلى منها

فالح همسله :- هو ابوك عاف احلى منها يمكن مختار احلى غرفة بالسوك واحنه تضل وجوهنا فاهيه ويكولون الشباب عرسو بغرف موحلوة وارفد الشايب جاب غرفه تخبل

بيبي سعدية طردتنا وطلعت الباب ضل مفتوح اشوف امي انبهرت بيها من صدك وعينها صارت تتجول على ارجاء الغرفة بأعجاب ..

ركضنا نكمل شغلنا وراح فالح جاب عشا واجة ورجع ويا عمة رحاب تعشينا سوية وكملنا شغلنا للعشرة بيبي سعدية كرصت امي بزرها وخزرتها خلت امي كامت لغرفتها ولحكتها عمة رحاب وعمة نجوى الي اجت ورا العشا

ضلينه نمد روسنه نباوع الباب مسدود وامي وعماتي بالغرفة ساعة تقريبا وطلعن وترخصن وعجلنهم عجل بس حتى يرحوون

وقبل لا يطلعون بيبي سعدية كرصتني وكالت

:- انتي واختج طبن للغرفة عيب خل ياخذون راحتهم بعد امج الليلة معرسة

رمشت بعيوني خجلانة عبالك انه المعرسة واحس الوضع غريب لان امي جبيرة يمكن وما شفتها ويا رجال من قبل

ترف ما انتظرت كبل راحت للغرفة ادري بيها تغار بس هيه متقبلة الموضوع رغم رفضها بالبداية

بس هسه لا قابلة ومرتاحة للوضع بعد .. طلعن امي مدت راسها باوعتلها تخبل كيك لابسة روب قصير اسود لافته على روحها وشعرها مثل الماي نازل لونه عسلي عمتي نجوى خلتها تصبغه

وحاطة مكياج خفيف بس لمحتني خجلت ودخلت وسدت الباب ..

رحت للغرفة اخذت ملابس وفتت للحمام مرتاحة لان غرفه امي بيها حمام يعني مايجي احد للحمام سبحت ذبيت كل التعب وطلعت تمددت ع جرباية فراشها حلو مريح عمي مشتريلنا ثنين ، فتحت مبايلي وكلبت ع بطني اتصفح بالمبايل

اجاني اشعار طلب صداقة على الفيس بوك قريت الاسم وحسيت حيلي كله انجر

حر حر .. مو غيره حر دزلي طلب

رجفت وعدلت كعدتي والخوف دب بكلبي ويا الحنين والحب

قبلت الطلب وفتحت الخاص كاتبلي قصيده لنزار قباني بقيت اقراها ومصفنه جان نشط

خفت ارد وخفت ما ارد

جنت ارجف وعيوني غوركت ردت اكتبله شلونك خفت

سواية بارق خلتني خوافة كلش اخاف يطلع مو هوَ ..

كتبت اذا انت حر دز بصمة ردت ادزها وترددت وحذفتها وانبت نفسي

حرام درة انتي بذمة رجال وردة ماله ذنب لا تجازينة بخيانة وانتي لهسه ضميرج يانبج من اخر لقاء

لا تضيفين هم زايد لهمومچ وعذاب جديد

بعد احنة انتهينا وقصتنا انتهت ، وان كنت رافضه همام وكلبي يمه ..

الواقع مايتغير تحكمنا عادات وتقاليد واكو ناس اكبر من عدنا فوك روسنا وكلمتهم مثل السيف ما لازم تنسكر

تعوذي بليس وخليها على الله وامشي ورا ارادة اهلچ هاي المرة ..

دخلت على صفحته سويتله حظر وطلعت من الفيس علمود ما اجاوبة اذا ضل الحساب كبالي اضعف كلش

وهاي اذا طلع هو اصلا ..

الليل ما نمته اتكلب كل شوية عيني تروح على المبايل اريد اشيل الحظر واراسله واتردد واتعوذذ بليس اذن الفجر كمت صليت وجريت القران قريت كم ورقة بس دموعي بللت الصفحات ناجيت ربي ودعيت يسهل طريقي ويشرح صدري .. حسيت بالراحة تمددت على سجادتي ورجعت بذاكرتي لايام عبالنه ميت هيج جنت ابجي على سجادتي لحد ما كلبي يخدر

حمدت ربي وشكرته رجع سالم غير هذا الشي ما اريد ..

ما ادري شلون مرت الايام سداد سافر والدوام بدأ رهف طالعلتها بطن .. وفاقد طاير بيها طاير ومدللها دلال مو طبيعي يحتار شيجيب وشيحط وشنو يسوي حتى بس يرضيها

وما يقبل تبات برة البيت جابها النه مرتين لليل ياخذها تكول ما يقبل انام بعيده عن حضنه ما يتحمل فراگي ولو ليلة

ومن يجون كدامنا يتغزل بيها ولازم ايدها ما يهدها

علاقة عمي وامي زينه امي مو كلش متقبلة بس الايام راح تخليها تحبه هية شوية صعبة وما تلين بسرعة

ترف بدت تداوم ثالث متوسط شاطرة وبس تدرس حابسة نفسها بالغرفه ما تطلع الا للضرورة من توصل للسادس يمكن حتى الاكل تخلينا نودي الها

ماجانت هيج بس هاي السنة كلش صارت حريصة وشاطرة

وعن نفسي ويا همام طبيعية كل كم يوم يجي يمي يكعد ساعه نسولف ويروح ومرتين طلعت ويا للكورنيش مرة ومرة تعشينا بس طلعتين مملات ومابيهن شي يذكر مو بسبب همام طبعا بسببي انه ماجاي احس بالمتعة ويا احس روحي ميته ضاله بس جسم

قبل عرس فلك وفالح بأسبوع خوالي سوو الكعدة ودزو على عمي فاضل باعتباره جبير اخوته ورجال منكول ، وهناك جانت الصدمة لعمي فاضل وعمي ارفد من عرفو بـ حر موجود وعرفو حقيقة موت نهى

الحمدلله طلعت برائة حر كدامهم وعمي ارفد من رجع نزع دشداشته وكعد بالصالة مصدوم يباوع الامي متفاجئ

يكللها :- هسة انه منين انصدم من اخوج لزرنا كبرة وطلع عدل لو من الجريمة الصارلها سنين وتوة يله طلعت حقيقتها

ردت :- المهم طلع الصدك والناس عرفت اخوي بريئ وان جانه ميت هم تلكى اخوتي ضلو ورا الحقيقة وطلعوها علمود الناس تعرفه بريء

وبعد ما يحس بالعار وما يحس بروحه مجرم والناس ترجع تباوعله مثل كبل

جانت فرحة بالنسبة اليه حسيت بالفخر من طلعت برائته وشكد كبر بعيني من كتم موضوع زنا فرهود بنهى حتى وهيه ميته سترها ومارادلها الفضيحة

ويجي واحد يلومني بحبه؟ هو هيج زلمة معدل وصاحب نخوة وغيرة شلون ما ينحب؟

طلعت من البيت بكامل اناقتي لابسه عباية خليجية راقية وشالها وياها باطراف الشال خرز ناعم نفس الموجود بالعباية وكعب عالي يطابق فستاني الي لابسته جوة العباية

مكياج خليت نازك وحلو يلوگلي وترست روحي عطر

فتحت باب الصدر وصعدت

:- هلوو

:- هلاااااا بوليداتي

:- تأخررت عليك؟

:- الاطلالة تستحق ومستعدين ننتظرج للصبح

:- انت ويامن؟

:- انه وكلبي طبعا

ضحكت و سكتت حرك ومشة طلعت مبايلي صورت فيدوهات النه سوية بالسيارة واحنه نغني ونصفك ويا الاغنية ، جانت الفرحة غامرته فرحته صارت تخليني افرح ليش ما ادري بس احس اكو شي منه جاس كلبي بالجديد واعتبرتها بداية خير ..

الطريق للقاعه جان طويل وصلنا وانه الوحيدة لمتأخرة لان جنت رايده اجي ويا همام من باب رايده اتعلق واتعود علي بهذا الشكل ..

وصلنا سوية دخل السيارة لكراج القاعة لمحت خالي قصي ينزل ضحكت وكتله بحماس

:- خوووااالي جايين خليني اسلم على خالي قصي

نزلت قبل لا يرد هو صاح

:- خبللللة ولج عالم

يضحك ويهز ايده ركضت لخالي سلمت علي

كرص خدي حيل

:- شنو هاي درة خالي الحلاوة كلها بوجهج

درة :- عيونك الحلوة خالو

:- مال عيوني حلوة كلاوات عمي انتي الحلوة

همام :- السلام عليكم

قصي :- عليكم السلام هلا بابا هلا بيك شلونك؟

همام :- الحمدلله عمو

قصي :- خو ما بعدك تكتل بالوادم وتصوب هذا وذاك علمود درة

همام ضحك خجلان من خالو رغم صار صلح بين عمامي وخوالي وتصافو بس بعده يستحي من الموضوع

همام :- والله ما تنعاد ههههههه اكتل درة النوبة الثانيه

قصي :- هههههههههه خير ان شاءالله

حر الدين :- السلام عليكم ..

فزيت التفتت باوعتله سلم على همام تباوسو وباوعلي

:- شلونج خالي؟

درة :- زينه خالي الحمدلله انته شلونك شلون صحتك

حر :- الحمدلله ليش هنا خالي فوتي جوة فوتي شو انته مادري شلونك موكف مرتك هنا

همام :- تفضل غير هيه شافت ابو صهيب وعافتني وركضت مثل الطفلة

لزم ايدي گدام حر واخذني لباب قاعة النساء ، عفته ودخلت بس كل جسمي يرجف من شوفته من نظرته القهرة مبينه بصوته وعيونه تبين مدى حزنه

ما توقعت اشوفه اعرف بعاداتهم يعزمون كل الاقارب بس هو بالذات ماظنيته يكون حاضر حتى يوجبهم

مادري شلون مر اليوم بس كل الاعرفه جنت مهمومة وما اكو شي خلاني انسى همي غير فرحة فالح وشوفة سداد شوكت رجع واجة للعرس ما ادري بس جان وجهة رادة بي الروح ويضحك ويدبج وياهم حسيت كلبي ارتاح ..

انتهى اليوم طلعت لهمام جان منتظرني لزم ايدي جنت كوة امشي الكعب مكسرني باوع لرجليني كال نزعي بوية

باوعت محد دنكت بسرعه نزعته نزع حذائه لبسته شال حذائي بايده الثانيه وصلني للسيارة فتحلي الباب باوعتله اضحك علي حافي ولازم حذائي صعدت رفع عبايتي دخلها للسيارة وحط حذائي بالسيارة سد الباب ودار لمكانه يصعد ..

بس فجأة راح ابتعد باوعت نجم صاحله ضليت اباوع لنجم يحجي ويا اندك شباك السيارة باوعت شفته بارق تأفأفت بضجر ونزلت الجامة ..

بارق :- حرم اخي ممكن تنطي محفظته نساها يمي

اخذتها من ايده بنتر ضل مبتسم كال بهدوء

:- خطية حر جاي يباوع باتجاهنا مبين محروك دمة

رديت بنفس نبرته مبتسمة بهدوء :- ماكو بشر محروك دمه بگدك وماكو واحد مكسورة عينه غيرك ارفع راسك وروح لامك رجعها للبيت يله يا كتكوت

اشرتله باصابعي ينصرف حسيته احتقن بس مابين

بارق :- انطي المحفظه مو تنسين

هزيت راسي بدون رد ورفعت الجامة ضل صافن عيني راحت باتجاه خوالي يصعدون بسيارة خالي قصي وحر بالذات داير وجهة وميباوع بس بارق يريد يسوي بلبله

خمس دقايق تقريبا واجة همام صعد وورجعنا للبيت ..

دخلت سبحت هو ضل متمدد بالهول ينتظرهم يوصلون علمود ما اضل وحدي لان ليل

طلعت انشف بشعري واحجي ويا عن العرس وبالحديث ذكرت جاسم وسداد بفرحه ..

:- فرحت من شفت جاسم وسداد راجعين للعراق هاي يمته اجو

همام :- الصبح اخ بوية متكسررر ااخ

كعد يطك بركبته متألم ، تقربت منه باوعلي فتح تك عين ورجع تمدد

همام :- هسة شيصير لو تنامين بحضني طول بطول واشبع منج

درة :- عوفك مني عندي موضوع وياك ماكل وشارب وياي وماخذ كل فكري

رفع حاجبة

:- بس كون متتضايق منه من هسه اذا تضوج گول اسكت احسنلي

همام :- لا بوية ما اتضايك منه شسالفة احجي سألي التردينا

درة :- اريد اعرف ليش امي وخالتي اطياف جانن متخالفات و ورود شلون ماتت بس اريد الصدگ انه مال الجذب ما يعجبني اذا نيتك تجذب اسكت ولا تحجي

همام :- هاي دفاتر قديمة خليهن مسدودات لخاطر محمد

درة :- نسدهن شعدنا بس مو للابد انت تعبان هسه غير يوم نحجي ولا تنتر شبيك شحجيت هسه انه وشسألت

درت وجهي بغيض عنه وخليت المنشفه على محجر الدرج

همام :- عذريني نترت مادري شلون طلعت بس الموضوع يسد النفس

درة :- خوش زين صورتي وانه صغيرة منين جبتها

همام :- هههههه غيث باگها الي من عمي فاضل عندة صورجن كلجن من جنتن صغار

درة :- تذكر من دزيت محفظتك بيد ابن ليث اشوفها وبيها صورتي باول لقاء النه

همام اول لقاء شلون شلون يعني صورتي عندك قبل لا نلتقييي!!

همام :- صحيح من ماتت ورود ضليت اجي للجمعيات اراقب مدرستج واشوفج لان اختها من نفس الام وتتشابهن جنت ارتاح من اشوفج احسج ورود ورجعت عايشة بس بعدين اكتشفت انتن مختلفات وحبيتج لذاتج مو لان تشبهينها

ما تتخيلين كل ما اختنك اروح اكابل مدرستج اشوفج من تطلعين مالج شغل باحد عاقلة وشالج ابيض والجنطة متروسة كتب كوة تجرينها جنتي تجرين بروحج جر وشكد اضوج اريد اجي اساعدج واواصلج بس خفت ترزليني ههههههه

درة :- هاااا هنا الحجي يعني ابيت عمي فاضل ما جانت النظرة الاولى

همام :- بالنسبة الي مو الاولى جنت عاشكج وميت بيج واتعالج علمودچ

ثقي بمحمد تعالجت هواي بس علمود اكون مناسب الج وتقبلين بيه لو ما حابج جا ضليت بجنوني ارحملي

العشك وياج بي طعم والحب بس وياج حسيت بي لون

انه صحيت بس بعشگچ تخبلت صرت مالي راي كبالچ

درة :- اويلي

همام :- بعد تردين تعوفيني عوفيني ماعندي مشكلة بس عندج استعداد تشوفين بشر يموت وراج؟ اذا مستعدة تشهدين موتي وهوستي وجنوني عوفيني

درة :- هسه عايفتك انه شو انت مادري شلونك

ضل يضحك رجع تمدد رحت مشطت شعري وطلعت بعدهم ماجاايين ، گتله راح انام بعد نعست ما اتحمل

همام :- تعاي نامي يمي

:- ياا ويجون يلكوني نايمة يمك شكد عيب لا عيني نام هنا انته وانه رايحة للغرفه تصبح على خير

همام :- وانتي من أهله ..

رهف ... طلعت من الحمام كبل ذبيت روحي على الفراش تمددت ميته نعس ، وظهري يوجعني جنت شهر خامس وبطني كبرانه و واضحة

ضليت اتكلب وبالي كله مشغول ليش من يجي وبنظره منه يشغل بالي مو محبه بي بس اكو شي ثاني يمكن الحزن

يمكن الحرمان لو لان ضلينا بنفس بعض

نظراته الي تخليني اكره روحي احس روحي ضالمه

غمضت عيني جان فاقد يم اهله توني اغفه حسيت بي دخل تمدد بس ضايج كلش مبين من حركاته

رفعت راسي همست :- شبيك حبيبي

فاقد :- مابية تعبان نامي ارتاحي

تقرب مني حضني حطيت راسي على صدره وغمضت عيني غفيت

وحدنا بالبيت عيالي بالزيارة كلهم بس انه ويا موجودين بالبيت

فتحت عيني على صوت بالبيت كل ظني هاي عمتي لو البنات نسيت هم مموجودين

فجأة انفتح باب الغرفة وصار صوت خطوات وصوت سحب السلاح ترس أذني فتحت عيني ..

اشوف ثلاثة ملثمين واحد حاط سلاحه برأسه فاقد وفاقد ساكت اخرس وبس عيونه تسولف خوف رهبه قلق حزن ..

شهگت وكعدت تقرب واحد مني سوالي حركة بمعنى اشش ورفع سلاحه عليه

حطيت ايديني على حلگي ورفعت الغطا سترت روحي عقلي ما مستوعب شي كل جسمي يرعش شهگت وكتمت شهكاتي باوعت لفاقد ارجف ، رفع ايده حطها على عيوني وما سمعت وراها غير صوت الطلق وحرورة دم فاقد يطفر على جسمي

فجاه انفتح باب الغرفة وصار صوت خطوات وصوت سحب السلاح ترس أذني فتحت عيني ..

اشوف ثلاثة ملثمين واحد حاط سلاحه برأسه فاقد وفاقد ساكت اخرس وبس عيونه تسولف خوف رهبه قلق حزن ..

شهگت وكعدت تقرب واحد مني سوالي حركة بمعنى اشش ورفع سلاحه عليه

حطيت ايديني على حلگي ورفعت الغطا سترت روحي عقلي ما مستوعب شي كل جسمي يرعش شهگت وكتمت شهكاتي باوعت لفاقد ارجف ، رفع ايده حطها على عيوني وما سمعت وراها غير صوت الطلق وحرورة دم فاقد يطفر على جسمي ...

عطت ويا عيطة فاقد واحد حط ايده على حلگي عيونه مفتوحة بتحذير خزرني وحط ايده على حلگه سوالي اشششش

عين علي وعين على فاقد صدره فاض دم

هزيت راسي عيوني صارن نار ويجرن لشتي كلها ترعش شال ايده من حلگي

انبلع صوتي ضليت اشهگ عضيت الغطا بحلگي وعيني على فاقد فاض دمه وايده بحضني طايحة

منتظرة دوري يجي ويموتوني ورا فاقد

فتحو الكنتور واحد منهم حجة يسألني :- وين فلوسكم الذهب؟

لساني انبلع حنجرتي متضخمة تريد تنفجر ما اكدر احجي شفايفي ترجف

دمغني بالسلاح على رأسي شهگت حيل وطلع صوتي حجيت بـ بجي وغصه

:- بالكنتور ذاك بصندوك خشب

فتحو نبشو نبش ماخلو شي يعتب عليهم ما شمرو بالگاع وشالو الصندوك فتحو نفضو واخذو كل فلوس فاقد وذهبي ..

واحد منهم يفتر بالبيت رجع كللهم بصوت ناصي

:- الناس فزت على صوت الطلقة المنطقة تخلى ونطلع

هاي البومة سكتهااا .. نتر سكتي لج

هزيت راسي وغطيت حلكي بالغطا عيوني تراقبهم بخوف وارجف ،، تقرب واحد منهم حط ايده على رگبة فاقد تحسس النبض

ورجع باوع لجماعته وكال :- فطس هذا

ردو :- فطستهم .. طلع واحد منهم والثاني گله راقب من ورا البيت اذا محد نطفر السياج

دقيقة ورجع انطاه الاوكي

حط سلاحه براسي وكال :- اذا صرختي ارجع افرغة براسچ خوش؟ تصيرين عاقلة وتسدين حلكج

غمضت عيني ك رد الحجي مايطلع لساني تربط من الخوف لو يذبحوني مايلكون قطرة دم بيه الصدمة سيطرت عليه

طلعو رفعت ايدي ترجف ضربت على وجه فاقد ومن خوفي احجي صوتي مايطلع بس نفس اشهك واحجي ماكو صوت

رجليني خدرن ما اكدر احركهن واكوم اطلع افزع احد .. بقيت اضرب على وجهي وابجي مختنكة

وعيوني علي فاقد رجلي حبيبي وابو ابني الما لحكت اشبع منه بفراشه فايض دمه

بأي ذنب مادري وشلون ما استوعب شي عقلي ما مصدك المنظر

شجعت روحي وقويت كلبي وحركت رجليني حطيتهن بالكاع كبل طحت على وجهي وبطني ضليت انشغ روحي طلعت من مكانها ..

سحبت روحي زحفت على اركبي للباب سندت روحي و وكمت مشيت بس ارجف رجليني ماعندي قدرة اوكف عليهن خدرن من الصدمة

اناشغ سحبت روحي للباب الخارجي مسدود فتحت الباب وطلعت كبل بثنين ايديني ادك بالباب مال بيت جيرانه وابجي واشهك وعيوني على الشارع فارغ ..

طحت على اركبي ادك بالباب والطم على وجهي ما اعرف شنو احجي وشنو اكول لو شنو اسوي

فتحلي الباب رجال شافني ما عرفني وضل صافن وصاح على ام البيت وانه ااشرله بايدي واريد صوتي يطلع واكله انه مررت فاقد ادخله للبيت شوفة ماكو حتى لساني مات

اجتي بظرف ثواني ام البيت تركض حتى بدون شال هي شافتني وشهكت وكالت هاااي جنة سميعه مرت فاقد

شبيييج خاله شجرالكم

اشرت على البيت وصرخت بصوت يمكن وصل لسابع سما :- كتلووووووو فااااقد كتلووووو

جرتني تلفلف بيه وتستر بجسمي وشعري وعلى هاي الاصوات طلعت العالم وفزعو للبيت ومخابرين عمامي وانه بطارمة جيرانة ذابين عليه عباية والطم وابجي ما ادري شسوي وما مستوعبة شي

فاقد وليش يكتلون فاقد فقير هذا ما يأذي بزون واذا يبوكون جان باكو بدون كتل ليش لطخو ايديهم بدم هذا الفقير الطيب

اشهك واصرخ :- والله بعدده عرررريس وفرحان راح يجيله طفل والله ما اتهنى وما شاف الفرحة بعده

عافني عرووس وراح عافني كسرر ظهري من الله لا ينطيهم ولا يوفقهم شيردون من هذا الفقير والله ما ينطي كلبه يأذي بزونه

جارتنا تصبرني وتبجي على البجي مالتي :- هذا الزين ما يضل الموت ياخذ الزين

رهف :- كتلووووو خاله كتلوووووووو

طبت امي تصرخ وتملخ بروحها ودرة وياها ، شلون مرت الساعات ما ادري وكلشي ما مستوعبه بعدني بحاله صدمة تجي لحظات استوعب الصار وراها عبالي احلم واضل بس اصفن

حسيتهم سلبو روحي مني كلبي تكطع ونار الفراگ شبت بين ضلوعي ، حبيبي الماينام اذا مو راسي بحضنه عافني وراح ينام جوة التراب .. حبيبي عافني وانه شايله طفله بين احشائي

عافني ارمله وانه بعدني عروس والله هدوم عرسي لهسه ما شابعه منهن مو هواا النوب مو هوووا

حسيت الدنيا كلها ماااالت وطاحت على رأسي ، ومن الصدمة روحي راحت انكتل وهوا حاط ايده على عيوني علمووود ما اشووووف

كتلو حبيبي وهو نايم يمي وبفرااااشي كتلو بفراشه هذا المابي أذية

درة :- بس اهدي شوية باوعيلي الشرطة هنا يردون يحجون وياج جمعي عقلج

اباوعلها ما مستوعبة شي باوعت الامي

:- بله تعاي احجي يمه

وعد مسحت دموعها بطرف عبايتها وكعدت تبوس براس رهف وايديها

:- امي يردون يحجون وياج يسألونج سولفيلهم كلشي حتى ينلزم كتال رجلج

رهف هزت راسها تباوع لامي وعيونها تجري دموع شفايفها ترجف وشعرها مهوس

لبسناها شال جنة مكعدينها بديوانية عيالها .. ضليت كاعدة يمها وامي بالصفحة الثانيه

من كالو اجو الشرطة طفرت وكفت يم الباب جنت لابسه عبايتي غطيت وجهي نصه بيها وضليت اباوع

رهف منهارة وترجف وجهة احمر وتهز براسها بدون هدف

عمي وعم فاقد ويا الجيش كعد وبدأ يسألها وهي تبجي وتقص الصار اله تغص بعبرتها تختنگ وتضل تكح وجهة يصير احمر وعيونها تريد تطلع من حجرها ..

اخير شي سألها اذا عنده عداوة ويا احد او شي؟

رهف :- لا منيله فقير يروح بدربه ويجي بدربة بس هم باكو الذهب والفلوس مالاتنا

رد الضابط :- احد اصدقائه كال مداين جماعة 60 مليون ومتفق وياهم يرجعونهن قبل كم شهر و ما مرجعينهن .. عندج علم

هزت رأسها ب لا وهمست :- ما حاچيلي هيچ شي

فاضل :- ممكن يكونون هم الكتلوه وباكو الفلوس والذهب للتمويه علمود ينكال حرامية سطو ع بيت وباكو وطلعو ..

الضابط :- هذا الاحتمال هو الاكبر والادق من هيج احنة سوينا القاء قبض على الاشخاص الي نذكرت اسمائهم

رهف :- يعني رجلي راح فاقد مات؟ سألته بكل هدوء ولا كأنها تعرف شي

الضابط :- الله ينطيكم الصبر

باوعت لعمي وگلتله بتوسل :- عمي احجي شي شمالك برد گلبي مو رااااح اموت عمي راااااح اموووت انه حامل ما اكدررر يتيمة وتربي يتيم ما اكدرررر عميييي

ابوس ايدك اخذني اله احجي ويا يكعد

دنكت على ايد عمي سحبها يريد يحضنها دنكت لرجله تبجي وتتوسل وتحجي بنحيب :- اخذني اله فدوة اروووحلك بس اشوفة واحجي ويااا يرجعلي والله انه مو حمل هاي المسؤولية ولا اكدر على هذا المصااااب

جرها بسرعة كعد بالكاع وحضنها وهي تبجي وتعيط والنسوان يعيطن ويبجن ويلطمن اهله جانو ما واصلين بعدهم بالطريق وما كللوهم مات كللولهم متصوب بعركة

رهف مووتتني موت تبجي وتحجي لعمي :- عمي فاقد يكلي انه ابوچ وسندچ بالدنيا من بعد الله ويكلي انتي بعيني طفله واذا خلفتي بنيه راح تصير بنيتي الثانيه

عمو رفعني لسابع سما بهذا الحجي وخلاني انسه روحي يتيمة وافرح شلون انطاه كلبه رجع يتمني شلون

شهكت ضلت تملخ بشعرها بس غير حيل ما ضل عدنا كعدت بالكاع ابجي طاقة ماضلت عندي حتى الضابط عيونه دمعت وطلع بجت الحيطان عليها حالها يكسر كلب الكافر الغصة بصوتها والصدمة واضحة بوجها بس منظرها يكول هاي تدمرت للابد وبعد ماترجع تضحك مرة ثانية

رهف :- والله خوش زلمة ومدللني ويحب اهله وراضي امه وابو وبار بيهم ومدلل خواته وجان خيمة على روسنه الموت مو اله مو اله عمي

والله مدللني والله يخاف على كلبي من الهم بحجاااية ما يغثني بحجاية من خطبني لهاي ساعه الله صار سنة ما غثني بكلمة ولا گلب وجهة عليه وسندني بحزني ومصايبي

ولك عمي يگلي هم ما اريدج تشيلين انتي بس تدللين وتتدلعين ما يقبل حتى اشيل هم وكلبه عليه شلون هسه يعوفني ويروح

فاضل :- هي تطيح بخفيف الذنوب والزين بوية لا تعترضين على امر ربج

الحزن غيم علينا ومطر نار حرگتنا حرگ ايام الفاتحة ما شفنه راحة بيهن بس بجي ولطم وصريخ ورهف رادت تموت حتى سداد سكره وطاح بالفاتحه مقهور على فاقد صاحبه وقريب على روحه ..

جان يوم ثالث طلعت من الدوانية عفت وراي رهف وامه وخواته اموتات ارواحهن موت ومشيت للمطبخ غسلت كلاص واجيت اصب ماي اشرب البراد جان يم الباب قريب اكو نسوان ثنين كاعدات ناطيات ظهرهن للباب ويتوشوشن اذني لقطت بعض الكلمات من حديثهن ..

:- وياهو يكول مو صاحبها وكتل الزلمة وشرد تهاني تكول مصاحبه ابن عمها الجبير تلكينها مطببته للبيت

:- لا خية ما تشوفينها تريد تموت لالا سكتي سكتي لحد يسمعج حرام

:- شبيج انتي عيارة نسوان هسه تجيب منا تعرس منا هيه امها هم يكولون كبل عاشگة حماها وهيه على ذمة رجلها وبس ميت ماخذته

ردتها الثانيه تولول :- لااا خية وييين غير توها يله خذته ولخاطير بناتها منيلج هذا الحجي انتي لا تحجين من يمج انه اكوم احسلي هسه كليتي بلحم الوادم وهم بمصيبة باجر تاكلين بلحمي ولحم بناتي

:- شلي غرض تهاني حچت ..

حتى الماي ما شربته عفته ومشيت الدم يغلي بعروكي واحس روحي صرت بركان بأي لحظة انفجر شلون صار الليل ما ادري الوادم فضو وراحو لبيوتهم

طب عمي سلم على اهل فاقد والحزن مسيطر عليهم كلهم بالكاع ويبجون وامه تكله ابو ليث راح وحيدي

عمي صبر عليهم بذكر ايات من القرآن وبعض الكلام الدال على قوته وحكمته وقدرته على تحمل المصايب

وكال لامي وراها

:- ام رهف حضريها تجي يمي اريدها ببيتي رهف

ابو فاقد :- ابو ليث لا خوية ارملة وليدي تضل يمنا لحد ما تجيب جا شلون بينا احنة نفارگ مرتين مانكدر

والبيت يخلى علينا فرد نوبة

فاضل :- هيه تعبانه وانتم ناس محزنين عادك مناك البنات يدارنها

ام فاقد :- انه اداريها بس خليها كبال عيني تسد عليه الوحشه وتشوفها حبله وشايله منه وارتاح

هز راسه وباوع لامي حاجتها :- يمة ترحين لو تضلين هنا بكيفج وين ترتاحين

رهف :- بغرفتي ويا ذكرياته ... حجتها وكامت فاتت للغرفة وسدت الباب على روحها

عمي هز رأسه متأذي وطلعنا كلنا سوية عفنه رهف ورانه مكسورة الجانت وردة مفتحة ذبلت

انكسر كلبها وترملت وهيه بعدها عروس ولا شافت ابشع مشهد ممكن يشوفه االبشر

شافت زوجها غركان بدمه يمها بالفراش

عمي حجة بحزن :- انه ماردتها تضل خاف تضل تتذكر الصار يومية يومية وتتخبل لو يصير بيها شي

وعد :- والله ارد اجيبها

حجتها تريد ترجع لزمها عمي ارفد وكال

:- صلي على محمد غير البنيه تريد تضل بغرفتها علمود تذكر رجلها خلوها براحتها فترة ونجيبها يمنه علمود تتعود

فاضل :- اي كل جم يوم نمر ونطلعها ناخذها يمنه يومين هيج ونرجعها لحد ماتتعود الله ينطيها الصبر وجهة لهسه اصفر من الصدمة وترعش

وعد يومية مريلها لا تعوفينها

امي مسحت دموعها وكالت :- هو هيج امرلها يومية واطمن عليها جيبني ارفد سمعت مو تغلس عليه اموت وعلي لو اطكها وحدي شلي شغل بيك

ارفد :- تدللين بس بطلي بجي راح تموتين

وصلنا عمي فاضل واخذنا ترف من بيت عمي فاضل ورحنا لبيتنا دخلت للبيت وصرت اشوف مكان كعدته من يجينا وصوته يرن بأذني وهوا يصيحلها رهوفتي

جريت عيوني بحزن فتت للحمام گبل ضليت ابجي جوة الماي حسيت عيوني نشفن وصلت لمرحله ابجي بدون دموع بس اشهك واكتم شهكاتي بأيدي ماريد ازيد القهر امي البيها مكفيها راح تموت على رهف

طلعت من الحمام اخذت المشط وطلعت للحديقة كعدت على الثيل امشط وعيوني تفتر على النباتات بالحديقة اريد الهي عقلي شوية ماكو

بالي وفكري كله يم رهف وحزني على فاقد اخذ نص حيلي هيج شي مو طبيعي احس بكسره

هذا البشر الطيب من يروح يكسر كل العالم ورا .. والناس كلها تضل تبجي علي بدل اليوم سنين

اندك الباب ضليت على كعدتي طلع عمي باوعلي ومشة فتح الباب فات همام باوعلي ورجع باوع لعمي وحجة

:- بوية رهف هنا؟

ارفد :- لا اخذ راحتك مموجودة

كبل شهكت وحطيت ايديني على وجهي من عرفت سبب سؤاله لان رهف هسه صارت حادة ومايصير يشوفها

ياناس اختي صغيرة وتوها عروس صارت ارملة ولازمة عدة على رجلها المات مكتول بسلاح الجهل والخبث

همام :- بوية لا خليني وياها وحدنا انه يمها

اجة كعد يمي وحضني حيل باس راسي

:- باردة تتمرضين

درة :- المرض لا شي كدام الامر بي هسه

:- اذا اكلج صيري قوية وتحملي ما اكون منطقي المصاب جبير واختج ما تهنت بعرسها وانصدمت صدمة عمرها ومصيبتها تهد الجبال وكونج اختها يعني مصيبتها مصيبتج .. ابجي وذبي كل حملچ وضعفي لحد ما تقتنعين وتنسين

وانه بظهرج قوي

درة :- شلون الانسان يعيش ورا مايفقد بشر جان قطعة من روحه وماعنده ويا ذكرى سيئة؟ كد ما زين

همام :- يبجي ويذب حمله وراها يقوي روحه ويوكف ويلكى نفسه ضعيف ويطيح ويرجع يوكف ويطيح لحد ماااا يقوة عودة من صدك

رهف هسه منهارة وبعد فترة تحاول تقنع روحها الصار قدر والدنيا ماشية وتوكف وترجع تضعف وتطيح مكسورة وتتكرر وياها الحالة لحد ماتتقبل الواقع وتصير اقوى من حزنها الشغلة تريد وكت وصبر

ضليت ابجي بدون اي رد يمسح على ظهري ويحجي وياي يصبرني حسيت بأحد طلع وصوت ترف تحجي ويا همام بهدوئ

ترف :- عمي دز الغطا يكول سابحة وباردة

اخذه منها وبدأ يفتح بي ويلفه عليه مديت روحي حطيت راسي على رجله مسد على شعري بحنيه

:- تمشين للبيت باردة عليج والله تتمرضين ابوية انتي

درة :- لا البيت خنگة ما اتحمل اختنگ واموت انه شردت لهنا علمود اتنفس

همام :- هاي هيه .. ضل يمسد على شعري ويسمعني وانه اعبرله عن حزني واحجيلة سوالف رهف وحالتها واوضحله شكد جان طيب وزين

وهو يكلي اعرفه من سنين الولد ذهب الله يرحمه

درة :- عندك خبر عن الجماعه المداينهم؟

همام :- يدكون عليهم تلاثة هم نفس ماكالت رهف بعدهم مامعترفين ان شاءالله يعترفون وياخذون جزائهم

ما رديت غمضت عيوني حسيت راسي يريد ينفجر ضليت ارجف رفع الغطة غطة شعري واذاناتي دفيت ضل يمسد على راسي من جوة الغطا

ما حسيت غير روحي بدأت تسكن والالم بدا يخف وغابت الاصوات عن اذني وغوشت الرؤيا ودخلت بنوم عميييق اشبه بالموت

حسيت روحي ارتفعت عن الگاع وانحطيت مرة ثانيه وبلحظات رجعت فصلت وغفيت فتحت عيني الصبح على صوت ابو المخضر تمغطت ورفعت راسي نايمة بالدوانية والشباك مفتوح نايمة قريب علي كلش

جاي اتحرك انتبهت ايد همام على خصري درت وجهي نايم وراي وايدينا وحدة جواي والثانيه فوك خصري

باوعتله غركان بالنوم عبالك صارله شهر مانايم وخرت ايده من حطيتها فز فتح تك عين فركت عيوني وهمست

صباح الخير

رد صباح الخيرات رجعي نامي بعد وكت

:- لا صلاة فاتتني

همام :- ماتصلين عليج الدورة وانه صليت رجعي نامي

بهت وجهي بلعت ويكي خجلانه هوا مغطي عيونه بايده

ويرجع يشيلها يباوعلي ويغطيهن متضايق من الضوة

همام :- انتي گتيلي كل شي الفجر من كعدت للصلاة لكيتج مصخنة حطيتلج كمادات سألتيني كتيلي شعندك كاعد

كتلج اصلي ماتكومين تصلين كلتيلي لا عليه الدورة ما اصلي ورجعتي جلبتي بتي شيرتي وحضنتيني حيل

كتلج عمي رجال متوضي انه وخري عني عوفيني اصلي اذكر الله

كتيلي ماااا مااا اريد بوسة

:- منين تردين بوسة

:- من الشفه

وجريتيني من تيشيرتي بستيني ذيج البوسسسة المعدلة ترد الروح

:- عيب تألف يمكن حلمان

جر مبايله من جوة المخدة سند روحه على عكسه وفتحه لمس بي وطلعلي فيديو مصورني فاتحه عيوني شوية واحجي ويا اگلله تعال اشبكني بردانه دفيني

وهو يسألني بس اشبكج؟ اكله لا بوسني

مسحت الفيديو بسرعة وشمرت المبايل جاي اكوم جرني رجعني للفراش وحضني

وجهي حار صار من الخجل حجيت متوترة :- عيب لا يجون

همام :- مايجون نامي

:- ترة مصخنة عيب عليك تستغل الفرص وتبوس بيه وانه ماقابلة كلش عيب تمام

همام :- طلبتيني وانه كريم ما ارد بشر يطلبني النوب شلون طلب تگليلي تعال اكل من هذا التين واكلج لا من امداني اي والله

درة :- اووووو علج وبحلك همام وهذا الشباك شكو مفتوح مو بردد

همام :- انه فتحته علمودج كلتي مختنكة كلت افتحه علمود ما يضيك نفسج

درة :- همام عيب خليني اكوم والله فشله من عمي هسه هيج ويدخل علينا يلگاني بحضنك

ضل ساكت مقيدني بأيدينا لميت لغطا على صدري مفتشله عبالك مسوية غلط وحرام وخجلانه ..

----

جمانة ... جنت اطبخ وعيني على الصالة اشوفه نايم اليوم جمعة ومايكعد لصلاة الظهر طلع اصعب من ما متوقعة شكد انطيته حنان واهتمام اشوفه يذوب ويرتخي وتعود على حناني بس ما جاي يخطي خطوة بأتجاهي ابد

صارلنا شهور على هاي الحاله والوضع صار لا يطاق بالنسبة الي

ومشاعري اتجاها صارت واضحة مشاعر حب ذيج هيه وهو الفاهي ما يتحرك مادري متعمد والله يمكن متعمد لان شردت ويا عباس ماجاي ينسى

القهر بدأ ياكلني اكل اذا ضلينا هيج يعني هناء تزوجة مرة ثانية وتخليني افر بذاناتي هيه هيج هيج كل ماتشوفني تكول بارق ما احتركت ورقته بعد بي ثانيه الاولى خذاها يستر فضيحتها

هاي عود تحاجي خواتها وبناتها

وانه اموت قهر واحس بالغيرة تاكل بكلبي اكل واصعد مدخنة واحس صافرة انذار تدك براسي

لا والف لا ما اخلي يروح لغير وحدة باردة مبردة هذا رجلي واحبه وراح يحبني اكثر من حبي بأضعاف بس يحتاج وكت

وهاي هناء تحوم مايلحك يحبني تاخذله مرة ثانيه

الله ينتقم منك ياهناء شكو حاطة روحج هسه كبور تلفج

فتح عينه لجحني اباوعله صاح :- تتاملني طايحة على وجهة هاي

جمانة :- ا اكول ن نايم ونوم الظالم ع عبادة خليني اكعدة و و اكطع عبادته

صفك ايدينا وغمني وكعد عدل باوع للساعه وكال ب11 اسبح وانزل يم الاهل واصعد يكون الغدة جاهز

جمانة :- ا اي ان شاءالله

كام طبك فراشه واخذه حطه بمكانه وراح للحمام سبح وطلع لارف روحه بالمنشفة دخل للغرفة بدل ونزل ما صعد للاذان جنت اتوضه وكف منتظرني وهو يكف رداناته باوعتله بمراية المغسله بنظرة حزن مصطنعه بس اني بارعه بالتمثيل ف مشت علي

بارق :- شمالچ؟ العيون تبجي

جمانة :- ل لا هيج .. ماكو ش شي

بارق :- اريد مرأة بيجن تحجي لعدها كبل ماكو لازم تلف وتدور ومابيه شي وماكو شي وبعدين تتمزعلن لان مانعلم الغيب وماعرفنا شمالجن

باوعتله بنظرة حزن اكبر ومشيت مديت سجادتي صليت اجة يصلي كمل ضل منتظرني انه اطول من كملت تسبيح كال

بارق :- مرة ثانيه اسالج شبيج مالها ثالث ..

جمانة :- ا اكو وجع ما ينحجي ل لان اذا نحجي بي ي م ماكو فايدة م مايتغير شي

و الي م ما يفهم حجي عيوني ل ليش حتى اشرحله ا اصلا؟

بارق :- لازم ادور قاموس يترجم حجي عيونچ

لميت سجادتي وباوعتله ببرائة موسعه عيوني وزامة شفايفي .. مشيت للمطبخ اصب غدا اجة وراي يحوم

ضل يشمر حجي حتى يضحكني بس ما ضحكت بقيت ضايجة ومغندبة هنا عرفته هو صدك يحبني وتهمة راحتي بس يكابر

وانتي جمانة ضلي كابري لحد ماتجي مرة ثانيه هنا ويكلج هاي ضرتج تعاي سلمي عليها

يا اني اسلم عليها من عمت عينها اي والله احطها واشلخها شلخ اسويها وصلتين وطبعا تجيلي شعرها محترك من الميش وتهز وهي واكفة مثل المصريات

طلع رد فعل مني قوي وشمرت الخاشوكة بغضب

كمز يباوعلي بخوف. وعيونه تدرس ملامحي

:- تلبسها جني سلاما قولا من رب رحيم

اطللع يا جن اطللع اطللع من جسم زوجتي جماااانه

جمانة :- اسكت ل لا اطلع ضيمي بيك

بارق :- من المتحدث؟

جمانة :- ا الجن الساكن جسد زوجتك انطيني مليون واطلع منها ب بدون خسائر

بارق :- انطيني مليون وتعال تلبسني انه قابل ..

جمانة :- رجل ج جيس كشمش .. اخذت خاشوكتي ورجعت اكل واباوعله بنص عين

بارق :- احد مضوجج؟ امي مسمعتج حجاية

:- لااااااا

بارق :- وغمااا ..

كملنا غدا وطلع كمت افكر افكر وشفت مابي فايدة والكرامة ماراح توكلني خبز انه اتنازل وشنو يريد يصير خلي يصير الكرامة لو تفيد چا محد مات

وين الربط ?شبيج جمانة بطلي تمسلت وخليج بقرارج

هاا مو هيه بكيفج وهيج وفشلج وخلاج جنج وحدة ك** ما ناطينها اتعابها لابسة هدوم النوم وكاعدة تبجي

شبيج غير رجلج عادي ماكو كرامة بين المتزوجين

لا لا شنو نسيتي اخر فترة صاير ثكيل حتى من تحضنينا ما يشمر حجي ولا يلمح لشي يعني يكلج ماريدج

اووو شلون اعرف يريدني لو ما يريدني طبعا لازم اجرب ..

ضليت افكر للعشا اجة تعشا ونزل مشغول جان ويا عمي استغليت الفرصة ونظفت وسبحت ورتبت روحي على اخر حباية حطيت حمرة حمراا

لبست روحي نوم ابيض باوعت لجسمي كله شام وشكد اكره هذا الشام مسببلي عقدة عبالك ضروك ذبان على بنكة ما ممسوحة

بس هو مرة كلي حلوات اصلا الزلم كلشي يحبون هسه لو هايشة هم عدهم عادي والي يحب مايهتم للشكل

اي قنعي روحج بهذا الحجي قبل لا يجي ويفشلچ ..

رشيت عطر رتبت شعري القصير باوعت لنفسي بنظرة رضا سبحانك ربي خلقتني اخبل بس ماعندي ذوق واتنمر على روحي لان انه مو وجه نعمة

حسيته فتح الباب ودخل ركضت كعدت على السرير دقايق وهوا ماكو فتحت الباب على كيف شفته متمدد بدون فراش على الكعدة الموجودة بالصالة

مشيت على كيفي الف بالروب استر بجسمي بخجل بس لساني مايعرف خجل لازم يجفص مابي شي اسمه تحكم

جمانة :- ي يعني انه لابسة ر روب نوم و منتظررتك تجي ت تالي تنام بالصالة؟

رفع ايده عن عيونه متفاجئ باوعلي من فوك ليجوة ضل صافن

جمانة :- ك كوم للغرفة

ضحك بصدمة واشر على روحه :- انه اكوم وياج للغرفة لا اسف اهلي مربيني تربية صالحة ما اسوي شي فاحش

جمانة :- يعني م ماتريدني وما ت تجي للغرفة

بارق :- شتردين انتي

جمانة :- ا اريد حقي

وجهة صار احمر من الضحك عدل كعدته وكال :- لا ما انطيچ حقچ انه زلمة ظالم تردين حقج تعاي انتي اخذي بنفسچ بس بذمتج هذا يعتبر اعتداء

خجلت لميت روحي وكتله مستائه :- قصدي غييييررررر

بارق :- فاهمچ بت عمي

جمانة :- ه هسه تجي؟ لا

بارق :- تؤؤ، ما اجي

جمانة :- ا انه ا اجيك ش شنو عبالك اخيلك ه هيج على حل شعرك تلعب وتسرح وتمرح و ما و و وراك مرة تضبك

حجيتها وانه اتقدم علي لم رجلينه يمثل الخوف وصاح بنبرة باكية مصطنعة

:- لا بعرض اخوج لا مو عندج اخ تطلع بي ستري عليه ولا توصليلي

جمانة :- ع عوف الشقااا

بارق :- امرج ست جمانة فهميني شتردين شسامعة غير اعرف حتى اتصرف

جمانة :- امك ت تريد تزوجككك وانه ا احط ايدي على خدي وانتظر تجيلي ض ضرة والله احركك و احرك العشيرة كلها ت تعال اربطك بطفل

بارق :- صخل كدامج تربطيني

حسيت كلامه بدأ يمس كرامتي عفته ومشيت للغرفة عفته وراي يضحك عليَ بصوت عالي

ارتاحيتي هسه فشلچ وضحك عليج واستهزأ بيج

وباوعلج عبالك حشرة مو مرته من امداج ياعار ما تستحين ذبيتي روحج علي ذب شمالج ماشايفة

انفتح الباب دخل سد الباب ويباوعلي يضحك من فوك ليجوة غمزلي وكال

اجيتج مرتي

جمانة :- م ما ب بطلت

بارق :- شبيج ما تشاقين شفتج خجلانه كلت اخفف خجلج واشاقة وياج والله مرة ماتتحملين حجاية

كتفت ايديني ودرت وجهي ضايجة اجة كعد يمي وحط ايده ع فخذي حجة بصوت ناصي

:- ما اتزوج عليج سواء تم زواجنا او لا خليها ابالج ماكو كمر يعوف سماه ويهجرها وانه بدونج مالي وجود وما انشاف

جمانة :- ا اي و ونضل هيج العمر كله

بارق :- لا ما نضل بس من ترديني من كلبج وتحبيني بساعتها كلشي يتم هسه انتي ماترديني خايفه اتزوج مو اكثر

باوعتله يباوعلي مبتسم وعيونه تلمع حطيت ايدي على وجهة قربت وجهي من وجهة همست

:- احبك م من گلبي ... حطيت شفتي على شفته خليته يتيه روحه وما يندل دربه منين ..........يتبع

لتنسون تصويت + تعليق🖤 ...

رواية

بقلمي ... فاطمة العبادي

قراءة شيقة كيكاتي 🖤 ..

فجأة انفتح باب الغرفة وصار صوت خطوات وصوت سحب السلاح ترس أذني فتحت عيني ..

اشوف ثلاثة ملثمين واحد حاط سلاحه برأسه فاقد وفاقد ساكت اخرس وبس عيونه تسولف خوف رهبه قلق حزن ..

شهگت وكعدت تقرب واحد مني سوالي حركة بمعنى اشش ورفع سلاحه عليه

حطيت ايديني على حلگي ورفعت الغطا سترت روحي عقلي ما مستوعب شي كل جسمي يرعش شهگت وكتمت شهكاتي باوعت لفاقد ارجف ، رفع ايده حطها على عيوني وما سمعت وراها غير صوت الطلق وحرورة دم فاقد يطفر على جسمي ...

عطت ويا عيطة فاقد واحد حط ايده على حلگي عيونه مفتوحة بتحذير خزرني وحط ايده على حلگه سوالي اشششش

عين علي وعين على فاقد صدره فاض دم

هزيت راسي عيوني صارن نار ويجرن لشتي كلها ترعش شال ايده من حلگي

انبلع صوتي ضليت اشهگ عضيت الغطا بحلگي وعيني على فاقد فاض دمه وايده بحضني طايحة

منتظرة دوري يجي ويموتوني ورا فاقد

فتحو الكنتور واحد منهم حجة يسألني :- وين فلوسكم الذهب؟

لساني انبلع حنجرتي متضخمة تريد تنفجر ما اكدر احجي شفايفي ترجف

دمغني بالسلاح على رأسي شهگت حيل وطلع صوتي حجيت بـ بجي وغصه

:- بالكنتور ذاك بصندوك خشب

فتحو نبشو نبش ماخلو شي يعتب عليهم ما شمرو بالگاع وشالو الصندوك فتحو نفضو واخذو كل فلوس فاقد وذهبي ..

واحد منهم يفتر بالبيت رجع كللهم بصوت ناصي

:- الناس فزت على صوت الطلقة المنطقة تخلى ونطلع

هاي البومة سكتهااا .. نتر سكتي لج

هزيت راسي وغطيت حلكي بالغطا عيوني تراقبهم بخوف وارجف ،، تقرب واحد منهم حط ايده على رگبة فاقد تحسس النبض

ورجع باوع لجماعته وكال :- فطس هذا

ردو :- فطستهم .. طلع واحد منهم والثاني گله راقب من ورا البيت اذا محد نطفر السياج

دقيقة ورجع انطاه الاوكي

حط سلاحه براسي وكال :- اذا صرختي ارجع افرغة براسچ خوش؟ تصيرين عاقلة وتسدين حلكج

غمضت عيني ك رد الحجي مايطلع لساني تربط من الخوف لو يذبحوني مايلكون قطرة دم بيه الصدمة سيطرت عليه

طلعو رفعت ايدي ترجف ضربت على وجه فاقد ومن خوفي احجي صوتي مايطلع بس نفس اشهك واحجي ماكو صوت

رجليني خدرن ما اكدر احركهن واكوم اطلع افزع احد .. بقيت اضرب على وجهي وابجي مختنكة

وعيوني علي فاقد رجلي حبيبي وابو ابني الما لحكت اشبع منه بفراشه فايض دمه

بأي ذنب مادري وشلون ما استوعب شي عقلي ما مصدك المنظر

شجعت روحي وقويت كلبي وحركت رجليني حطيتهن بالكاع كبل طحت على وجهي وبطني ضليت انشغ روحي طلعت من مكانها ..

سحبت روحي زحفت على اركبي للباب سندت روحي و وكمت مشيت بس ارجف رجليني ماعندي قدرة اوكف عليهن خدرن من الصدمة

اناشغ سحبت روحي للباب الخارجي مسدود فتحت الباب وطلعت كبل بثنين ايديني ادك بالباب مال بيت جيرانه وابجي واشهك وعيوني على الشارع فارغ ..

طحت على اركبي ادك بالباب والطم على وجهي ما اعرف شنو احجي وشنو اكول لو شنو اسوي

فتحلي الباب رجال شافني ما عرفني وضل صافن وصاح على ام البيت وانه ااشرله بايدي واريد صوتي يطلع واكله انه مررت فاقد ادخله للبيت شوفة ماكو حتى لساني مات

اجتي بظرف ثواني ام البيت تركض حتى بدون شال هي شافتني وشهكت وكالت هاااي جنة سميعه مرت فاقد

شبيييج خاله شجرالكم

اشرت على البيت وصرخت بصوت يمكن وصل لسابع سما :- كتلووووووو فااااقد كتلووووو

جرتني تلفلف بيه وتستر بجسمي وشعري وعلى هاي الاصوات طلعت العالم وفزعو للبيت ومخابرين عمامي وانه بطارمة جيرانة ذابين عليه عباية والطم وابجي ما ادري شسوي وما مستوعبة شي

فاقد وليش يكتلون فاقد فقير هذا ما يأذي بزون واذا يبوكون جان باكو بدون كتل ليش لطخو ايديهم بدم هذا الفقير الطيب

اشهك واصرخ :- والله بعدده عرررريس وفرحان راح يجيله طفل والله ما اتهنى وما شاف الفرحة بعده

عافني عرووس وراح عافني كسرر ظهري من الله لا ينطيهم ولا يوفقهم شيردون من هذا الفقير والله ما ينطي كلبه يأذي بزونه

جارتنا تصبرني وتبجي على البجي مالتي :- هذا الزين ما يضل الموت ياخذ الزين

رهف :- كتلووووو خاله كتلوووووووو

طبت امي تصرخ وتملخ بروحها ودرة وياها ، شلون مرت الساعات ما ادري وكلشي ما مستوعبه بعدني بحاله صدمة تجي لحظات استوعب الصار وراها عبالي احلم واضل بس اصفن

حسيتهم سلبو روحي مني كلبي تكطع ونار الفراگ شبت بين ضلوعي ، حبيبي الماينام اذا مو راسي بحضنه عافني وراح ينام جوة التراب .. حبيبي عافني وانه شايله طفله بين احشائي

عافني ارمله وانه بعدني عروس والله هدوم عرسي لهسه ما شابعه منهن مو هواا النوب مو هوووا

حسيت الدنيا كلها ماااالت وطاحت على رأسي ، ومن الصدمة روحي راحت انكتل وهوا حاط ايده على عيوني علمووود ما اشووووف

كتلو حبيبي وهو نايم يمي وبفرااااشي كتلو بفراشه هذا المابي أذية

درة :- بس اهدي شوية باوعيلي الشرطة هنا يردون يحجون وياج جمعي عقلج

اباوعلها ما مستوعبة شي باوعت الامي

:- بله تعاي احجي يمه

وعد مسحت دموعها بطرف عبايتها وكعدت تبوس براس رهف وايديها

:- امي يردون يحجون وياج يسألونج سولفيلهم كلشي حتى ينلزم كتال رجلج

رهف هزت راسها تباوع لامي وعيونها تجري دموع شفايفها ترجف وشعرها مهوس

لبسناها شال جنة مكعدينها بديوانية عيالها .. ضليت كاعدة يمها وامي بالصفحة الثانيه

من كالو اجو الشرطة طفرت وكفت يم الباب جنت لابسه عبايتي غطيت وجهي نصه بيها وضليت اباوع

رهف منهارة وترجف وجهة احمر وتهز براسها بدون هدف

عمي وعم فاقد ويا الجيش كعد وبدأ يسألها وهي تبجي وتقص الصار اله تغص بعبرتها تختنگ وتضل تكح وجهة يصير احمر وعيونها تريد تطلع من حجرها ..

اخير شي سألها اذا عنده عداوة ويا احد او شي؟

رهف :- لا منيله فقير يروح بدربه ويجي بدربة بس هم باكو الذهب والفلوس مالاتنا

رد الضابط :- احد اصدقائه كال مداين جماعة 60 مليون ومتفق وياهم يرجعونهن قبل كم شهر و ما مرجعينهن .. عندج علم

هزت رأسها ب لا وهمست :- ما حاچيلي هيچ شي

فاضل :- ممكن يكونون هم الكتلوه وباكو الفلوس والذهب للتمويه علمود ينكال حرامية سطو ع بيت وباكو وطلعو ..

الضابط :- هذا الاحتمال هو الاكبر والادق من هيج احنة سوينا القاء قبض على الاشخاص الي نذكرت اسمائهم

رهف :- يعني رجلي راح فاقد مات؟ سألته بكل هدوء ولا كأنها تعرف شي

الضابط :- الله ينطيكم الصبر

باوعت لعمي وگلتله بتوسل :- عمي احجي شي شمالك برد گلبي مو رااااح اموت عمي راااااح اموووت انه حامل ما اكدررر يتيمة وتربي يتيم ما اكدرررر عميييي

ابوس ايدك اخذني اله احجي ويا يكعد

دنكت على ايد عمي سحبها يريد يحضنها دنكت لرجله تبجي وتتوسل وتحجي بنحيب :- اخذني اله فدوة اروووحلك بس اشوفة واحجي ويااا يرجعلي والله انه مو حمل هاي المسؤولية ولا اكدر على هذا المصااااب

جرها بسرعة كعد بالكاع وحضنها وهي تبجي وتعيط والنسوان يعيطن ويبجن ويلطمن اهله جانو ما واصلين بعدهم بالطريق وما كللوهم مات كللولهم متصوب بعركة

رهف مووتتني موت تبجي وتحجي لعمي :- عمي فاقد يكلي انه ابوچ وسندچ بالدنيا من بعد الله ويكلي انتي بعيني طفله واذا خلفتي بنيه راح تصير بنيتي الثانيه

عمو رفعني لسابع سما بهذا الحجي وخلاني انسه روحي يتيمة وافرح شلون انطاه كلبه رجع يتمني شلون

شهكت ضلت تملخ بشعرها بس غير حيل ما ضل عدنا كعدت بالكاع ابجي طاقة ماضلت عندي حتى الضابط عيونه دمعت وطلع بجت الحيطان عليها حالها يكسر كلب الكافر الغصة بصوتها والصدمة واضحة بوجها بس منظرها يكول هاي تدمرت للابد وبعد ماترجع تضحك مرة ثانية

رهف :- والله خوش زلمة ومدللني ويحب اهله وراضي امه وابو وبار بيهم ومدلل خواته وجان خيمة على روسنه الموت مو اله مو اله عمي

والله مدللني والله يخاف على كلبي من الهم بحجاااية ما يغثني بحجاية من خطبني لهاي ساعه الله صار سنة ما غثني بكلمة ولا گلب وجهة عليه وسندني بحزني ومصايبي

ولك عمي يگلي هم ما اريدج تشيلين انتي بس تدللين وتتدلعين ما يقبل حتى اشيل هم وكلبه عليه شلون هسه يعوفني ويروح

فاضل :- هي تطيح بخفيف الذنوب والزين بوية لا تعترضين على امر ربج

الحزن غيم علينا ومطر نار حرگتنا حرگ ايام الفاتحة ما شفنه راحة بيهن بس بجي ولطم وصريخ ورهف رادت تموت حتى سداد سكره وطاح بالفاتحه مقهور على فاقد صاحبه وقريب على روحه ..

جان يوم ثالث طلعت من الدوانية عفت وراي رهف وامه وخواته اموتات ارواحهن موت ومشيت للمطبخ غسلت كلاص واجيت اصب ماي اشرب البراد جان يم الباب قريب اكو نسوان ثنين كاعدات ناطيات ظهرهن للباب ويتوشوشن اذني لقطت بعض الكلمات من حديثهن ..

:- وياهو يكول مو صاحبها وكتل الزلمة وشرد تهاني تكول مصاحبه ابن عمها الجبير تلكينها مطببته للبيت

:- لا خية ما تشوفينها تريد تموت لالا سكتي سكتي لحد يسمعج حرام

:- شبيج انتي عيارة نسوان هسه تجيب منا تعرس منا هيه امها هم يكولون كبل عاشگة حماها وهيه على ذمة رجلها وبس ميت ماخذته

ردتها الثانيه تولول :- لااا خية وييين غير توها يله خذته ولخاطير بناتها منيلج هذا الحجي انتي لا تحجين من يمج انه اكوم احسلي هسه كليتي بلحم الوادم وهم بمصيبة باجر تاكلين بلحمي ولحم بناتي

:- شلي غرض تهاني حچت ..

حتى الماي ما شربته عفته ومشيت الدم يغلي بعروكي واحس روحي صرت بركان بأي لحظة انفجر شلون صار الليل ما ادري الوادم فضو وراحو لبيوتهم

طب عمي سلم على اهل فاقد والحزن مسيطر عليهم كلهم بالكاع ويبجون وامه تكله ابو ليث راح وحيدي

عمي صبر عليهم بذكر ايات من القرآن وبعض الكلام الدال على قوته وحكمته وقدرته على تحمل المصايب

وكال لامي وراها

:- ام رهف حضريها تجي يمي اريدها ببيتي رهف

ابو فاقد :- ابو ليث لا خوية ارملة وليدي تضل يمنا لحد ما تجيب جا شلون بينا احنة نفارگ مرتين مانكدر

والبيت يخلى علينا فرد نوبة

فاضل :- هيه تعبانه وانتم ناس محزنين عادك مناك البنات يدارنها

ام فاقد :- انه اداريها بس خليها كبال عيني تسد عليه الوحشه وتشوفها حبله وشايله منه وارتاح

هز راسه وباوع لامي حاجتها :- يمة ترحين لو تضلين هنا بكيفج وين ترتاحين

رهف :- بغرفتي ويا ذكرياته ... حجتها وكامت فاتت للغرفة وسدت الباب على روحها

عمي هز رأسه متأذي وطلعنا كلنا سوية عفنه رهف ورانه مكسورة الجانت وردة مفتحة ذبلت

انكسر كلبها وترملت وهيه بعدها عروس ولا شافت ابشع مشهد ممكن يشوفه االبشر

شافت زوجها غركان بدمه يمها بالفراش

عمي حجة بحزن :- انه ماردتها تضل خاف تضل تتذكر الصار يومية يومية وتتخبل لو يصير بيها شي

وعد :- والله ارد اجيبها

حجتها تريد ترجع لزمها عمي ارفد وكال

:- صلي على محمد غير البنيه تريد تضل بغرفتها علمود تذكر رجلها خلوها براحتها فترة ونجيبها يمنه علمود تتعود

فاضل :- اي كل جم يوم نمر ونطلعها ناخذها يمنه يومين هيج ونرجعها لحد ماتتعود الله ينطيها الصبر وجهة لهسه اصفر من الصدمة وترعش

وعد يومية مريلها لا تعوفينها

امي مسحت دموعها وكالت :- هو هيج امرلها يومية واطمن عليها جيبني ارفد سمعت مو تغلس عليه اموت وعلي لو اطكها وحدي شلي شغل بيك

ارفد :- تدللين بس بطلي بجي راح تموتين

وصلنا عمي فاضل واخذنا ترف من بيت عمي فاضل ورحنا لبيتنا دخلت للبيت وصرت اشوف مكان كعدته من يجينا وصوته يرن بأذني وهوا يصيحلها رهوفتي

جريت عيوني بحزن فتت للحمام گبل ضليت ابجي جوة الماي حسيت عيوني نشفن وصلت لمرحله ابجي بدون دموع بس اشهك واكتم شهكاتي بأيدي ماريد ازيد القهر امي البيها مكفيها راح تموت على رهف

طلعت من الحمام اخذت المشط وطلعت للحديقة كعدت على الثيل امشط وعيوني تفتر على النباتات بالحديقة اريد الهي عقلي شوية ماكو

بالي وفكري كله يم رهف وحزني على فاقد اخذ نص حيلي هيج شي مو طبيعي احس بكسره

هذا البشر الطيب من يروح يكسر كل العالم ورا .. والناس كلها تضل تبجي علي بدل اليوم سنين

اندك الباب ضليت على كعدتي طلع عمي باوعلي ومشة فتح الباب فات همام باوعلي ورجع باوع لعمي وحجة

:- بوية رهف هنا؟

ارفد :- لا اخذ راحتك مموجودة

كبل شهكت وحطيت ايديني على وجهي من عرفت سبب سؤاله لان رهف هسه صارت حادة ومايصير يشوفها

ياناس اختي صغيرة وتوها عروس صارت ارملة ولازمة عدة على رجلها المات مكتول بسلاح الجهل والخبث

همام :- بوية لا خليني وياها وحدنا انه يمها

اجة كعد يمي وحضني حيل باس راسي

:- باردة تتمرضين

درة :- المرض لا شي كدام الامر بي هسه

:- اذا اكلج صيري قوية وتحملي ما اكون منطقي المصاب جبير واختج ما تهنت بعرسها وانصدمت صدمة عمرها ومصيبتها تهد الجبال وكونج اختها يعني مصيبتها مصيبتج .. ابجي وذبي كل حملچ وضعفي لحد ما تقتنعين وتنسين

وانه بظهرج قوي

درة :- شلون الانسان يعيش ورا مايفقد بشر جان قطعة من روحه وماعنده ويا ذكرى سيئة؟ كد ما زين

همام :- يبجي ويذب حمله وراها يقوي روحه ويوكف ويلكى نفسه ضعيف ويطيح ويرجع يوكف ويطيح لحد ماااا يقوة عودة من صدك

رهف هسه منهارة وبعد فترة تحاول تقنع روحها الصار قدر والدنيا ماشية وتوكف وترجع تضعف وتطيح مكسورة وتتكرر وياها الحالة لحد ماتتقبل الواقع وتصير اقوى من حزنها الشغلة تريد وكت وصبر

ضليت ابجي بدون اي رد يمسح على ظهري ويحجي وياي يصبرني حسيت بأحد طلع وصوت ترف تحجي ويا همام بهدوئ

ترف :- عمي دز الغطا يكول سابحة وباردة

اخذه منها وبدأ يفتح بي ويلفه عليه مديت روحي حطيت راسي على رجله مسد على شعري بحنيه

:- تمشين للبيت باردة عليج والله تتمرضين ابوية انتي

درة :- لا البيت خنگة ما اتحمل اختنگ واموت انه شردت لهنا علمود اتنفس

همام :- هاي هيه .. ضل يمسد على شعري ويسمعني وانه اعبرله عن حزني واحجيلة سوالف رهف وحالتها واوضحله شكد جان طيب وزين

وهو يكلي اعرفه من سنين الولد ذهب الله يرحمه

درة :- عندك خبر عن الجماعه المداينهم؟

همام :- يدكون عليهم تلاثة هم نفس ماكالت رهف بعدهم مامعترفين ان شاءالله يعترفون وياخذون جزائهم

ما رديت غمضت عيوني حسيت راسي يريد ينفجر ضليت ارجف رفع الغطة غطة شعري واذاناتي دفيت ضل يمسد على راسي من جوة الغطا

ما حسيت غير روحي بدأت تسكن والالم بدا يخف وغابت الاصوات عن اذني وغوشت الرؤيا ودخلت بنوم عميييق اشبه بالموت

حسيت روحي ارتفعت عن الگاع وانحطيت مرة ثانيه وبلحظات رجعت فصلت وغفيت فتحت عيني الصبح على صوت ابو المخضر تمغطت ورفعت راسي نايمة بالدوانية والشباك مفتوح نايمة قريب علي كلش

جاي اتحرك انتبهت ايد همام على خصري درت وجهي نايم وراي وايدينا وحدة جواي والثانيه فوك خصري

باوعتله غركان بالنوم عبالك صارله شهر مانايم وخرت ايده من حطيتها فز فتح تك عين فركت عيوني وهمست

صباح الخير

رد صباح الخيرات رجعي نامي بعد وكت

:- لا صلاة فاتتني

همام :- ماتصلين عليج الدورة وانه صليت رجعي نامي

بهت وجهي بلعت ويكي خجلانه هوا مغطي عيونه بايده

ويرجع يشيلها يباوعلي ويغطيهن متضايق من الضوة

همام :- انتي گتيلي كل شي الفجر من كعدت للصلاة لكيتج مصخنة حطيتلج كمادات سألتيني كتيلي شعندك كاعد

كتلج اصلي ماتكومين تصلين كلتيلي لا عليه الدورة ما اصلي ورجعتي جلبتي بتي شيرتي وحضنتيني حيل

كتلج عمي رجال متوضي انه وخري عني عوفيني اصلي اذكر الله

كتيلي ماااا مااا اريد بوسة

:- منين تردين بوسة

:- من الشفه

وجريتيني من تيشيرتي بستيني ذيج البوسسسة المعدلة ترد الروح

:- عيب تألف يمكن حلمان

جر مبايله من جوة المخدة سند روحه على عكسه وفتحه لمس بي وطلعلي فيديو مصورني فاتحه عيوني شوية واحجي ويا اگلله تعال اشبكني بردانه دفيني

وهو يسألني بس اشبكج؟ اكله لا بوسني

مسحت الفيديو بسرعة وشمرت المبايل جاي اكوم جرني رجعني للفراش وحضني

وجهي حار صار من الخجل حجيت متوترة :- عيب لا يجون

همام :- مايجون نامي

:- ترة مصخنة عيب عليك تستغل الفرص وتبوس بيه وانه ماقابلة كلش عيب تمام

همام :- طلبتيني وانه كريم ما ارد بشر يطلبني النوب شلون طلب تگليلي تعال اكل من هذا التين واكلج لا من امداني اي والله

درة :- اووووو علج وبحلك همام وهذا الشباك شكو مفتوح مو بردد

همام :- انه فتحته علمودج كلتي مختنكة كلت افتحه علمود ما يضيك نفسج

درة :- همام عيب خليني اكوم والله فشله من عمي هسه هيج ويدخل علينا يلگاني بحضنك

ضل ساكت مقيدني بأيدينا لميت لغطا على صدري مفتشله عبالك مسوية غلط وحرام وخجلانه ..

----

جمانة ... جنت اطبخ وعيني على الصالة اشوفه نايم اليوم جمعة ومايكعد لصلاة الظهر طلع اصعب من ما متوقعة شكد انطيته حنان واهتمام اشوفه يذوب ويرتخي وتعود على حناني بس ما جاي يخطي خطوة بأتجاهي ابد

صارلنا شهور على هاي الحاله والوضع صار لا يطاق بالنسبة الي

ومشاعري اتجاها صارت واضحة مشاعر حب ذيج هيه وهو الفاهي ما يتحرك مادري متعمد والله يمكن متعمد لان شردت ويا عباس ماجاي ينسى

القهر بدأ ياكلني اكل اذا ضلينا هيج يعني هناء تزوجة مرة ثانية وتخليني افر بذاناتي هيه هيج هيج كل ماتشوفني تكول بارق ما احتركت ورقته بعد بي ثانيه الاولى خذاها يستر فضيحتها

هاي عود تحاجي خواتها وبناتها

وانه اموت قهر واحس بالغيرة تاكل بكلبي اكل واصعد مدخنة واحس صافرة انذار تدك براسي

لا والف لا ما اخلي يروح لغير وحدة باردة مبردة هذا رجلي واحبه وراح يحبني اكثر من حبي بأضعاف بس يحتاج وكت

وهاي هناء تحوم مايلحك يحبني تاخذله مرة ثانيه

الله ينتقم منك ياهناء شكو حاطة روحج هسه كبور تلفج

فتح عينه لجحني اباوعله صاح :- تتاملني طايحة على وجهة هاي

جمانة :- ا اكول ن نايم ونوم الظالم ع عبادة خليني اكعدة و و اكطع عبادته

صفك ايدينا وغمني وكعد عدل باوع للساعه وكال ب11 اسبح وانزل يم الاهل واصعد يكون الغدة جاهز

جمانة :- ا اي ان شاءالله

كام طبك فراشه واخذه حطه بمكانه وراح للحمام سبح وطلع لارف روحه بالمنشفة دخل للغرفة بدل ونزل ما صعد للاذان جنت اتوضه وكف منتظرني وهو يكف رداناته باوعتله بمراية المغسله بنظرة حزن مصطنعه بس اني بارعه بالتمثيل ف مشت علي

بارق :- شمالچ؟ العيون تبجي

جمانة :- ل لا هيج .. ماكو ش شي

بارق :- اريد مرأة بيجن تحجي لعدها كبل ماكو لازم تلف وتدور ومابيه شي وماكو شي وبعدين تتمزعلن لان مانعلم الغيب وماعرفنا شمالجن

باوعتله بنظرة حزن اكبر ومشيت مديت سجادتي صليت اجة يصلي كمل ضل منتظرني انه اطول من كملت تسبيح كال

بارق :- مرة ثانيه اسالج شبيج مالها ثالث ..

جمانة :- ا اكو وجع ما ينحجي ل لان اذا نحجي بي ي م ماكو فايدة م مايتغير شي

و الي م ما يفهم حجي عيوني ل ليش حتى اشرحله ا اصلا؟

بارق :- لازم ادور قاموس يترجم حجي عيونچ

لميت سجادتي وباوعتله ببرائة موسعه عيوني وزامة شفايفي .. مشيت للمطبخ اصب غدا اجة وراي يحوم

ضل يشمر حجي حتى يضحكني بس ما ضحكت بقيت ضايجة ومغندبة هنا عرفته هو صدك يحبني وتهمة راحتي بس يكابر

وانتي جمانة ضلي كابري لحد ماتجي مرة ثانيه هنا ويكلج هاي ضرتج تعاي سلمي عليها

يا اني اسلم عليها من عمت عينها اي والله احطها واشلخها شلخ اسويها وصلتين وطبعا تجيلي شعرها محترك من الميش وتهز وهي واكفة مثل المصريات

طلع رد فعل مني قوي وشمرت الخاشوكة بغضب

كمز يباوعلي بخوف. وعيونه تدرس ملامحي

:- تلبسها جني سلاما قولا من رب رحيم

اطللع يا جن اطللع اطللع من جسم زوجتي جماااانه

جمانة :- اسكت ل لا اطلع ضيمي بيك

بارق :- من المتحدث؟

جمانة :- ا الجن الساكن جسد زوجتك انطيني مليون واطلع منها ب بدون خسائر

بارق :- انطيني مليون وتعال تلبسني انه قابل ..

جمانة :- رجل ج جيس كشمش .. اخذت خاشوكتي ورجعت اكل واباوعله بنص عين

بارق :- احد مضوجج؟ امي مسمعتج حجاية

:- لااااااا

بارق :- وغمااا ..

كملنا غدا وطلع كمت افكر افكر وشفت مابي فايدة والكرامة ماراح توكلني خبز انه اتنازل وشنو يريد يصير خلي يصير الكرامة لو تفيد چا محد مات

وين الربط ?شبيج جمانة بطلي تمسلت وخليج بقرارج

هاا مو هيه بكيفج وهيج وفشلج وخلاج جنج وحدة ك** ما ناطينها اتعابها لابسة هدوم النوم وكاعدة تبجي

شبيج غير رجلج عادي ماكو كرامة بين المتزوجين

لا لا شنو نسيتي اخر فترة صاير ثكيل حتى من تحضنينا ما يشمر حجي ولا يلمح لشي يعني يكلج ماريدج

اووو شلون اعرف يريدني لو ما يريدني طبعا لازم اجرب ..

ضليت افكر للعشا اجة تعشا ونزل مشغول جان ويا عمي استغليت الفرصة ونظفت وسبحت ورتبت روحي على اخر حباية حطيت حمرة حمراا

لبست روحي نوم ابيض باوعت لجسمي كله شام وشكد اكره هذا الشام مسببلي عقدة عبالك ضروك ذبان على بنكة ما ممسوحة

بس هو مرة كلي حلوات اصلا الزلم كلشي يحبون هسه لو هايشة هم عدهم عادي والي يحب مايهتم للشكل

اي قنعي روحج بهذا الحجي قبل لا يجي ويفشلچ ..

رشيت عطر رتبت شعري القصير باوعت لنفسي بنظرة رضا سبحانك ربي خلقتني اخبل بس ماعندي ذوق واتنمر على روحي لان انه مو وجه نعمة

حسيته فتح الباب ودخل ركضت كعدت على السرير دقايق وهوا ماكو فتحت الباب على كيف شفته متمدد بدون فراش على الكعدة الموجودة بالصالة

مشيت على كيفي الف بالروب استر بجسمي بخجل بس لساني مايعرف خجل لازم يجفص مابي شي اسمه تحكم

جمانة :- ي يعني انه لابسة ر روب نوم و منتظررتك تجي ت تالي تنام بالصالة؟

رفع ايده عن عيونه متفاجئ باوعلي من فوك ليجوة ضل صافن

جمانة :- ك كوم للغرفة

ضحك بصدمة واشر على روحه :- انه اكوم وياج للغرفة لا اسف اهلي مربيني تربية صالحة ما اسوي شي فاحش

جمانة :- يعني م ماتريدني وما ت تجي للغرفة

بارق :- شتردين انتي

جمانة :- ا اريد حقي

وجهة صار احمر من الضحك عدل كعدته وكال :- لا ما انطيچ حقچ انه زلمة ظالم تردين حقج تعاي انتي اخذي بنفسچ بس بذمتج هذا يعتبر اعتداء

خجلت لميت روحي وكتله مستائه :- قصدي غييييررررر

بارق :- فاهمچ بت عمي

جمانة :- ه هسه تجي؟ لا

بارق :- تؤؤ، ما اجي

جمانة :- ا انه ا اجيك ش شنو عبالك اخيلك ه هيج على حل شعرك تلعب وتسرح وتمرح و ما و و وراك مرة تضبك

حجيتها وانه اتقدم علي لم رجلينه يمثل الخوف وصاح بنبرة باكية مصطنعة

:- لا بعرض اخوج لا مو عندج اخ تطلع بي ستري عليه ولا توصليلي

جمانة :- ع عوف الشقااا

بارق :- امرج ست جمانة فهميني شتردين شسامعة غير اعرف حتى اتصرف

جمانة :- امك ت تريد تزوجككك وانه ا احط ايدي على خدي وانتظر تجيلي ض ضرة والله احركك و احرك العشيرة كلها ت تعال اربطك بطفل

بارق :- صخل كدامج تربطيني

حسيت كلامه بدأ يمس كرامتي عفته ومشيت للغرفة عفته وراي يضحك عليَ بصوت عالي

ارتاحيتي هسه فشلچ وضحك عليج واستهزأ بيج

وباوعلج عبالك حشرة مو مرته من امداج ياعار ما تستحين ذبيتي روحج علي ذب شمالج ماشايفة

انفتح الباب دخل سد الباب ويباوعلي يضحك من فوك ليجوة غمزلي وكال

اجيتج مرتي

جمانة :- م ما ب بطلت

بارق :- شبيج ما تشاقين شفتج خجلانه كلت اخفف خجلج واشاقة وياج والله مرة ماتتحملين حجاية

كتفت ايديني ودرت وجهي ضايجة اجة كعد يمي وحط ايده ع فخذي حجة بصوت ناصي

:- ما اتزوج عليج سواء تم زواجنا او لا خليها ابالج ماكو كمر يعوف سماه ويهجرها وانه بدونج مالي وجود وما انشاف

جمانة :- ا اي و ونضل هيج العمر كله

بارق :- لا ما نضل بس من ترديني من كلبج وتحبيني بساعتها كلشي يتم هسه انتي ماترديني خايفه اتزوج مو اكثر

باوعتله يباوعلي مبتسم وعيونه تلمع حطيت ايدي على وجهة قربت وجهي من وجهة همست

:- احبك م من گلبي ... حطيت شفتي على شفته خليته يتيه روحه وما يندل دربه منين ..........