تحميل رواية «لك ياذا الجمال اليوسفي» PDF

ي

‏إلى قِباب سَمارك الخاشع

تحجّ كُل الديانات السمَاوية ........ حر لـ درة

واكفة انتظرة وكلبي من قوة نبضاتة تكول صار يدك بكل انش بية

هيج يرجف يرجف، ما يقبل يهيد

وعيوني متلهفة الشوفتة

أذني عدهة لهفة حارقة لسماع الكلمات لتتناغم و ترسم حبهة ع شفايفة ... وتذوب بيهن ..

ثواني معدودة و حسيت انكضيت من خصري ، كل ع بالي سداد

دفعني ع نخلة انضرب ظهري بكل قوتة بكرب النخلة حسيت انغرزت بظهري

رفعت ايدي بشكل لا ارادي كضيتة من قميصة بعدني ما مستوعبة الصار

بعدني بلهفة لقائي لسداد و انتظارة

بالظلمة الدامسة ، وجوة ضوة الگمرية .. همست ... سداد كسرت ظهري اشبيك .

حضني قوي ، شدد حضنتة ، شميت عطرة

مو سداد هذا

اعرفة مو هوا، نار انفاسة لامست اذني

شواربة تنغز بأذني، وكلماتة مثل العلقم مرمرت ريگي وگلبي ..

بصوت خدران همس ... وراح اكسر ضلوعچ بحضني ، انه عندي گلب ميت عليچ ، همس بصوت ناصي كلش ... وهسة سداد راح يشوف الحب العميق بيناتنة انه وياج ...

مثل الصعقة نزلت ع راسي واتزلزل كياني ، شهكت مصدومة الشهكة شكت صدري وطلعت

جمعت كل ذرة قوة عندي ودفعتة من صدرة حيل

ابتعد أثر دفعتي بس رجع كضني من زنودي ودفعني ضربني بقوة ع نخلة احس انغرز الكرب بظهري ..

اتلعثمت الكلمات بشفايفي وكبل عقلي ربط كلامة كلت يريد يوكعني بمصيبة ويشوه سمعتي گبال سداد

حجيت بصوت يرجف ... ليث حرام عليك لا تضلمني انه واخوك بسبب تفكيرك القذرة ، انتة رجال متز....... قاطعني وهوا يتقرب من شفايفي يلتقطهة بين شفايفة ..

اشمئزيت و ارتعش جسمي ، شكد ما اكول حقير شكد ما اكول انتهيت من الخوف والقرف ما اوفي

ضليت ادفع ابي واقاوم ابعدة ويرجع يهجم ع شفايفي ..

جن واحد ما شايف، حسيت نيتة سودة وراح يوكع المحظور

ابجيت و أنيت بوجع، سكنت روحي

ما اعرف ليش اذا خفت تسكن روحي واصير مثل المخدرة بس ارجف ..

ما فادت ويا مقاومتي، ولا حتى من سكنت ابتعد عني

اصلا اتجرأ اكثر، ارتفعت ايدة انمدت ع رگبتي لزمهة بقوة وقطع نفسي ببوسة عميقة

بهاي الساعة حتى سداد كرهتة و زفر كلبي منة

شلون اصير مرتة و انام بحضنة وهسة اخو يحضن ويبوس بية بلهفة و جرئة

مجرد فكرة انة راح اضل حبيبة سداد تحسسني انه رخيصة بشكل مو طبيعي .. و عاهرة ..

ما كدرت اتحمل هذا القرب، كبل شمرت روحي بحضنة مثل الجثة الهامدة

انة جذب مابية شي بس ردت اخلي يبتعد عني بأي شكل كان ..

ارتخت ايدة من ركبتي ونزلت ع ظهري

كضني بقوة بحضنة و نزل بالكاع ع اركبة ، دفرتة ابطنة ودفعتة عني اختل توازنة وطاح ليورة ..

ما جنت اكدر اميز شكلة ولا اشوف رد فعلة بسبب الضلمة

حبيت ع ركبي اريد ابتعد واكوم ع حيلي اركض

ما حسيت غير اصابع ايدة تنغرز برجلي

كضني من رجلي وجرهة حيل

طحت ع وجهي بالكاع، ونيت بوجع وشهكت كلبت ع ظهري ودفرتة صاررت الدفرة بصدرة وصحت بصوت عالي

... وخررررر عنييييي لييييث وخررررررر نذل عديم الغيييرة

حط ايدة ع حلكي وجسمي كلة صار جوة جسمة اتمدد فوكي وكتم نفسي بأيدة

حجة بهمس بنبرة مغلفة بالغضب ... ما اخليچ لسداد لا يوكف بعيني اخو ولا ابو رهف اريدچ ..

هزيت راسي ب لا

انتفضت كل اعضائي، رفست برجليني وضليت اقاوم و أون وانتفض ، ارفس برجليني وابجي واعيط بس ايدة كاتمة صوتي

باوعتلة بتوسل و رخيت جسمي، بأيدة اليسرى رفع ظهري ، خلاني ع صدرة وبعدة ساد حلكي رخة ايدة ع شفايفي حجيت بهدوء بدون عياط ... حرام عليك تضلمني ليث حوبتي ما تتخطاك ، واذا ع سداد بعد ماريدة مو انة الأخذ واحد اخو يريدني ويبوس بيه وخر يله خليني اروح واقسملك برب العباد سداد بعد ما اريدة ولا اخذة ولا احجي ويا

لساني ما يطخ ع لسانة بعد

حط راسة ع راسي و همس بصوت واهن متقطع

...بس انه... انه ... اريدج رهف

رهف ... انته سكران

ليث ... سكران بيج رهف شميت عطرچ وضيعت روحي ، عمري ما شربت ولا جربت شعور السكران الا من شفتچ صرت اسكر واخدرن واذوب من تمرين من كبالي ..

رهف ... شكد قذر لعبانة روحي منك ومن قربك وعمري ما راح اريدك ولا راح اريدك وخر يله بعد ما يهمني شي بس وخر عني شيل ايدك عني اريد ارجع للبيت لا تخليني اكرهك اكثر من هيچ .

ليث ... فتحي سحاب ثوبچ اريد اموت ع صدرچ

رهف ... اكرهك عسااا نار كلبي اتحرگك من جدمك لراسك عساك ما تتهنة بحياتك ..

ليث ... دامج اكبالي عندي كل يوم عيد و اجمل من القبلة ، انه كلي اشتعل من تمرين بخيالي ..

رهف ... عساك تشب وما تنطفي وخر ليث عوفني اريد ارجع للبيت تعبت منك وخر ..

حطيت ايدي ع وجهة ودفعتة حيل ، رخت ايدة گمت ع حيلي اعرج من رجلي احس شكلت ما اكدر اكوم

حسيت بي نهض من نهض كال بصوت واهن يا علي

همست بداخلي ... ما شافك علي ولا ستر عليك ان شاءالله ..

مسحت دموعي من وجهي واخذت نفس ارتجيت ع نخلة رجلي توجعني ماكدر امشي عليهة

من جرني وطحت تعورت

نزلت ايدي رفعت ثوبي وتلمست ركبتي رطبة امزلغة ويمكن تصب دم

همس هوا ... شسوين

رهف ... مالك علاقة عورتني وكسرتني تكسر لا خليت ظهري لا رجليني هاي عود تريدني لو تكرهني شتسويلي ..

ضحك و كال ... اوكفي لا تمشين

ما رديت مشيت ع كيفي اجة كض ايدي ويتصفح مبايلة ضغط اتصال ما انتبهت ع رقم بس دك نقال فلك بالكاع

راح شالة وفتحة حذف الرسائل مال سداد عقدت حاجبي و حجيت بصدمة ... انتة داز الرسائل من مبايل اخوك

ليث ... اي سداد شبعان بيج تتحمرين وتجيلة

رهف ... لا تضل تسربت تروحلة فدوة مو مثلك حيوان و عديم غيرة

كضني من فجي حيل وخلة المبايل بصدري ... هنا تحطينة مو ، هنيالة دفيان بنص صدرچ

ولا تطولين لسانج حبيبي فوصتي انه احب اكل شكو لسان طويل ينمد عليه ..

دفعتة و مشيت لحكني كال

اتدخلين هيج خاف احد كاعد خليني اشوف

ما رديت و فتت للمطبخ و حضي الأگشر شفت سداد واكف بالمطبخ ايدة ع حلگة و عيونة حمر دم مثل الباجي و وجهة الأبيض متحول احمر

كل دمارات كصتة وركبتة وايدة ناطة

مادري شبي

صفنت علي ونزلت راسي باوعت ع حالي ..

التفتت ردت اشوف ليث ماكو وراي ..

حجيت بهمس ... سداد شسوي گاعد

شال ايدة من ع حلكة وبلع ريكة كال بغصة ..

... حمرتچ غير تعدلينهة قبل لا ترجعين للبيت ويشوفچ احد

عقدت حاجبي و احس كلبي صار ببلعومي حطيت ايدي ع صدري و بجيت

... شنو قصدك انة بس طحت

هز راسة وزم شفايفة بغيض، جر حسرة مال واحد مخنوك ارتفعت اكتافة ونزلت

... ما توقعتچ هيچ ابد ، من حضن الحضن ما توقعتج

اتلعثمت وتلعثم الكلام بين شفايفي هز راسة بأسى

همست بقهر والحجي يطلع مني متقطع

... سداد ... وداعة امي ... وروح ابوي ماسويت شي هوا هوا والنبي هوا

رفع ايدة فرك عيونة المليانة دموع و كال ... شبي ؟ مو هسة شفتج ذايبة بحضنة عوزج بس تنامين ولج مو هسة جنتي متحاضنة ويا اخوي الهوى مالة مجال يمر بيناتكم ..

وتكليلي هوااااا شبي هوااا

عاد هوى ما طعني بظهررري مثللللچ، ولج رهف صبيتي ع راسي نفطططط وشعلتي بية النار

حركتيني بدون رحمة

هوا مايدري احبچ، مايدري بيناتنة علاقة

بس انتي تضحكيلي و وتسولفين وياي بحب وتكولين سداد احبك، اموت عليك، ما اكدر بدونك انه

وبنصاص الليالي ترحين الحضن اخوي

اااااخ اخووووي اخووووي .... عض اصبع السبابة بحرگة گلب ..

تكشخين ع حباية ونص الي لو اله ؟

الي لو الاخوي

منو تردين تلفتين نظرة وتخلينة يحبج اكثر

وتسودنينة بحسنج وجمالج

رهف ... والنبي ما احبة هوا اصلا استدرجني دز رسائل من مبايلك وكال تعاي اريد اشوفج

عبالي انته

هوا يدري بحبنة ويريد يخرب بيناتنة

سداد ... انه ما حاجي الأحد شلون عرف؟

اخوي ليييث ربينة سوة وكلينة من نفس الماعون

شالتنة نفس البطن ورضعنة من نفس الصدر

تتوقعين يدري بية احبج لو بس شاك واحد بالمية ويسوي هيج علاقة وياج؟

هز راسة ب لا و كال تؤؤؤؤ ... انتي ارخص من التراب

لطمت ع خدودي وانه ابجي والله الحجي يضيع مني ماكدر اكول شي

راد يطلع ركضت كضيت ايدة جريتهة نتر ايدي قوي بحيث طكت بالكاونتر شاغت روحي ..

فز هوا بس غضبة وصدمتة وخذلانة اقوى

رجعت كضيت ايدة وحجيت بتوسل

... والقران هوااا وداعة امي ماعندي شي ويا هوا يريديني ويدري بحبنة استدرجني علمود يوكع بيناتنة سداد وداعة امي ماعندي شي ويا

سحب ايدة و كال ... لو حجيج صدك جان صرختي مو تتهامسين ويا

شنو اصدك الخوف اخذ لسانج

رهف ... ما تهامست ويا جنت اكلة اكرهك وحوبتي ما تتخطاك

سداد ... يله ما صار شي رهف روحي نامي تصبحين ع خير .

حجاها وطلع، لطمت ع وجهي بكل قوتي وضليت ابجي بحركة كلب، ليث مد راسة وفات للمطبخ

باوعتلة وحجيت بحركة كلب

... كون الله لا ينطيك ولا يستر عليك دمرتني الله يدمرك

ليث ... ليش حبيبتي شسويتلج انه ؟ حجاها بصدمة

مو هسة جنتي بحضني خدرانة شو كلبتي علية

رهف ... الله ياخذك شوهت سمعتي وصورتي بعين سداد ودمرتني ..

عفتة ومشيت للغرفة فتت بفراشي ابجي بخنكة

واحس اكو شي بصدري يتكطع

والله جمر تنزل من عيوني

كتمت انفاسي بالمخدة ، وابجي بخنكة وادعي علي و ع روحي بالموت

اريد اخلص من هذا الضيم اريد اخلص من ليث النذل

حسيت ناااار تتمرجح بصدري ، تضخمت حنجرتي بالحسرات

وتجرحت خدودي من الدموع

ياربي نظرة سداد كتلتني، والله كتلتني

مو مجرد نظرة

لا عبالك جااااب سجين وغرزهة بصدري

ليث لاعبهة صح وممحسس سداد ان هوااا يدري بعلاقتنة وخلة سمعتي تتشوه بعين سداد

بعد ما يحبني ، ولا يباوع بوجهي

حسبي الله ونعم الوكيل بيك يا ليث ، والله اندمك والله اذا ما احرگ كلبك واشعل بي نار ف لا اطلع رهف ..

اصبرلي يا مخنث اصبرلي الا اشعل كلبك بنارررررر مثل ما سويت بحالي ..

ماكدرت انام جن جواي جمر، حتى نومة الليل حرمني منهة

اريد الطم واصرخ واملخ روحي

اريد اكوم اروح لعمي فاضل واحجيلة كلشي سواه ليث

بس منو يكول يصدكني، اذا هوا سداد ما مصدكني

هنوب عمي ايصدك

نمت تقريبا ساعة بيومهة

اريد اموت من التعب والتفكير، وكعدت سبحت شفت رجلي ركبتي مزلغة و وجهي شاحب

طلعت لبست ملابس المدرسة شلون ما كان وخلصت اول البنات

اجت فلك كالت اليوم سداد ما يداوم نروح مشي لو ياخذنة ليث

كتلهة بعدم مبالاة ... اي واحد ياخذنة عادي

عقدت حاجبهة مستغربة ... ليش وجهج يتلاطم خاف مريضة خلي سداد يخابر ياخذلج اجازة ، ضحكت وغمزتلي

رهف ... لا ما بية شي لا تخافين بس ضايجة لان ممكملة دراستي اووف

تحسرت بضيق جان يكول ليث

سلامتج من الأوف يله صعدن اوصلجن

مشيت بهدوء ما باوعت بأتجاهة صعدت اول وحدة و نزلت عيني بالكتاب اراجع بس ايديني ترجف وكلبي يوجعني

احس مخنوكة ، بية صرخة بية وجع

اريد اموت ..

درة صعدت وعينهة بالكتاب تقرأ اسم الله ماكلة الكتاب اكل وما مخلية شي ممحددتة

وصلنة للمدرسة نزلت درة ولحكتهة فلك نزلت باوعتلي فلك وكالت ... نزلي يله

رهف ... روحن انه هسة اجي وراجن ويمكن اذا ما اجيت ارجع للبيت

باوعلي ليث بالمراية وابتسم

هنة راحن يمشن للمدرسة كتلة بتعب

... انه مادارسة شي

ليث ... فدوة الج الدراسة هسة انزل احاجي المديرة تعرفني اخو سداد وابن عمج واخذلج اجازة

رهف ... لا مو مهم انه ما اهتم اذا سجلوني غياب لو اجازة رجعني للبيت ماريد اداوم مخنوكة ..

حطيت ايدي جوة خدي وتحسرت .. صدري ضايك كلش

التفتت حط ايدة ع كشن باوعلي وكال

... بسببي

رهف ... انه وسداد ما بيناتنة شي مثل الي ابالك علاقتنة شريفة

ليث ... ادري بي مطي بس يباوع ويتحسر ما يقطف

رهف ... اريد احجي وياك قبل لا نرجع للبيت واطلب منك شي

ليث ... عيوني الج

رهف ... تاخذني للشط

ليث ... شني عاجبج تشمرين روحج مرة ثانية

رهف ... لا تصير لأيم مخنوكة احس الشط يمتص مني الحزن

ليث ... خليني انه امتص حزنج

حجاها بجد

ما رديت علي شغل السيارة وطلع

... وين راح تاخذني

ليث ... للشط مو تردين الشط؟

حجة وباوع بالمرايه

هزيت راسي و صفنت ع طريق اتحسر

حطيت راسي ع جامة وغمضت عيني ، بكلبي ووووورمة شكبررررهة ..

بسيطة ليث اذا ما ادمرك مثل ما دمرتني اصبرلي ، بس اصبرلي ..

وكفت السيارة فتحت عيني ورفعت راسي همست وين الشط

ليث ... مناك ننزل ونمشي مسافة نزلي يله

عفت جنطتي و نزلت مشة ومشيت بصفة كتفت ايديني جنة ثنينة ساكتين

حجة بحسرة

... صدك أذيتج بس مو بيدي عقلي مو وياي ما اتحمل اشوفج الاخوي وانه روحي وكلبي ونفسي بيچ

ما رديت علي

ليث ... ما اصلح شي مستحيل اصلح انه ردت اخرب علاقتكم علمود تصيرين الي ..

... شلون أصير الك ؟

ليث ... بأي شكل من الأشكال زوجة او عشيقة او حتى صديقة

المهم تصيرين من ضمن الأشياء الخاصة بليث وبس

رهف ... بس هاي انانية انته متزوج ومخلف ، وانه لا

عمي ما يقبل تتزوجني

وانه ما اقبل اكون عشيقة

ليث ... ما تقبلين تكونين عشيقة بس تقبلين تكونين زوجة

رهف ... لا الاثنين لا انه تعبت من وراك البارحة كلة بس ادعي عليك

وصلنة للشط هوا ضحك وما رد شي

كعدت ع صخر نزعت حذائي و جواريبي كال ... لا تغركين

رهف ... اذا غركت انقذني انته وهم تحضة بفرصة حضن مني

ضحك عفتة ومشيت حافي، معلومة تكول المشي حافي مفيد

والطاقة السلبية تتفرغ وتختفي اذا مشينة حفاي

لحكني هوا ، حطيت رجليني بالماي و مشيت ع طرف شوية الماي بارد منعش

رفعت صدريتي لنص سيقاني و ضليت امشي والعب بالماي برجليني

هوا واكف مكتف ايدينة ويباوعلي ، ما ادري شنو اريد بس براسي افكار اريد اطبقهن

ورة عشر دقايق تقريبا حسيت انتضمت افكاري

وكدرت استرجع قوتي و نبضات كلبي انتظمت

طلعت من الماي اتخطيتة و سحبت الجوايب مسحت رجليني بيهن ولبست الحذاء ...

ليث ... هاا ارتاحيتي ؟

رهف ... ايي بس ماريد ارجع للبيت هسة سداد اليوم ما مداوم ماريد اتواجه ويا

ليث ... خوش وين تردين اخذج تاكلين لو نضل هنا

رهف ... لا خلينة هنا ونرجع بالحلة ع بنات شتكول ؟

ليث ... براحتج الي تحبينة وترتاحيلة

رهف ... صاير مؤدب وياي ، البارحة حركت صفحة الخلفني

ضحك بهداوة و كال ... مقهور كلبي عليچ

رهف ... انته تسممني وتنقهر علية والله يا الله خبل والقرآن

اتقرب كعد كبالي كض كفوف ايديني باسهن ما بدر مني اي رد فعل

كال بنبرة حب يغلفهة التوسل

... رهف لا تحجين ويا سداد لا تكعدين كبالة انه من اشوفة يباوعلج عبالك الموت ويفوت برجليني

ما اريد عين تباوع ع طولج غير عيني

سامحيني ع صار قبل و ع كلشي سويتة وياج وحبيني والله ادللج وسيد سامي اعيشج ملكة

وشنو تردينة يجرالج

دراستج اخليج بأحسن وارقى الجامعات ، و وين ما تردين انه وياج

و بيت احطلج وحدج واخذج

انتي تفصلين وانه البس ..

لا تسأليني ليش احبج انه بنفسي ما ادري ليش

ما ادري ليش كلبي رجيج كبالج

ارجف رجيف من اشم عطرج

وروحي تخدر من اسمع صوتج

اذا جابو سيرتج اغدي نار ، اغار حتى ع اسمج من تنطقة شفايف غير شفايفي

اذا ماترديني وما تاخذيني لا تاخذين اخوي ، لا تصيرين مرتة

لا تتوسدين حضنة ويبوسج ويشم عطرج

ما اريد ايدينة تفل شعرچ وتمشطلج

رهف مو سهلة عليه اخرب علاقة اخوي و امكر

واتخذ اساليب موحلوة

اراسل حبيبتة من مبايلة واطلعهة بنص الليل

وقبلهة اكلة راح احجيلك سر

من يسالني شنو اكلله عندي علاقة برهف

وخلي مصدوم

وبعدهة اكلة بالليل راح اشوفهة يمكن

واخلي يجي وينصدم

ويمكن يصير بي شي من الشافة، مو سهلة وسيد سامي بس مو بيدي والله مو بيدي روحي تحترك من اتخيل ينسد عليكم باب واحد

وتنامون بنفس الغرفة واحد بحضن الثاني

ما خليتة يكمل و سحبت ايديني من بين ايدينة

... لا تحجي وتخليني انقهر عوفني ساكتة

يولي كلشي انتهة لا انتة ولا اخوك ما اريدكم ثنينكم

اخوك ما صدكني لو ينصاغ ذهب بعد ما ارجعلة

وانتة هم ما اريدك لأن عندك نذاله وحقارة

والغيرة عندك معدومة

ليث ... صح صح كلشي تكولينة صحيح بس من تشوفين انه شلون احبج راح تحبيني و تسايريني

وتضلين تموتين عليه

رهف ... عوفني هسة مو بحالك

ليث ... ع راحتج

........

درة ... دخلنة للمدرسة بدون رهف و ضلينة ننتظرهة ما اجت كالت فلك يمكن رجعت ويا ليث للبيت

مبينة مريضة

كتلهة اخذي اجازة ما رضت

درة ... ميخالف ماعدنة امتحان اليوم

فلك ... اي الحمد لله

درسنة و خلص اليوم عادي طلعنة من المدرسة

تلفتت ادور بعيوني علي

من يوم المشكلة لليوم يجي يوكف ع صفحة بعيد عن الانظار يشوفني مداومة ابتسملة حتى يتأكد مابية شي ومحد مأذيني واحس وجهة يرتاح ..ويرجع بي الدم

ما اكدر اروح احجي ويا سداد يجي و هم خاف احد يشوفنة و يوصل الحجي لعمي فاضل

شفتة واكف يم السيارة اليوم يمكن ماشاف سيارة سداد وتوقعة ما جاي

لابس بنطرون جينز وتيشيرت نص ردن ابيض كاض باكيت الجكاير و واكف طابك رجل ع رجل

باوعتلة وابتسمت هوا ابتسم و بسرعة دار وجهة ، فلك كالت

... هذا مو خالج حر

درة ... اي هوا عندة هنا شغل قريب ودوم يجي والمحة

فلك ... روحي سلمي علي

درة ... تعاي وياي خية

فلك ... يا استحي

درة ... نجبي انه استحي اروح وحدي كدام الطالبات خاف ياخذن نظرة عني

فلك ... جا كعدي وسكتي ولا ترحين تسلمين شوفي هوا اصلا ماشافج مبين عندة وحدة هنا وجاي علمودهة

درة ... شنو قصدج

فلك ... قصدي يحب وحدة من طالبات المدرسة لو من المدرسات الممزوجات وجاي يشوفهة

شبت بية نار زميت شفايفي وحجيت بغضب

... نجبي فلك ما يصاحب بنات ادري بي

فلك ... جب يجبج والنعال يحبج حبي ، ما فسرتي وكفتة هنا شنو ؟ يصلي بالطالبات جماعة ؟ لو ينشر الأسلام

غير واكف كبال مدرسة بنات بوكت الحلة

درة ... اي يجوز جاي ع احد ضلي رايحة اسألة واجي وهم اسلم علي

فلك ... روحي، ردت امشي كضتني

... اكلج ذاك مو ليث اخوي جاي ويا اختج رهف؟

باوعت و همست ... اي ولج وبملابسهة مال المدرسة

الظاهر حر شاف ليث وليث شافة وراح يتسالمون

راح صف السيارة قريب من سيارتة و نزل هوا ويا رهف وانة هم رحت وياي فلك رهف سلمت علي وانه سلمت علي من بعيد

باوعتلة بنظرة دلال و هوا ييباوعلي بلهفة عيني ما طاحت من عليه

يحجي ويا ليث وكل لحضة يرمقني ويرجع يحاجي ليث

ساله شعجب هنا

رد عليه

.. مو كتلكم عندي هنا علوة فتحتهة من شفت وكت حلة كلت اجي اشوف البنات صار هواي ماشايفهن

ليث ... خوش حجي انه صعدت رهف ورحنة اشترينة اكل من المطعم وهسة راح اخذ البنات ونرجع للبيت اتفضل ويانة ع غدة

حر ... لا حبيبي مشكور الف عافية الشباب منتظريني بالعلوة

ليث ... الله يعافيك

توادعو و ليث كال صعدن بنات

راحت رهف صعدت و فلك وهوا دار مشة صعد

عبرت من يمة مشيت ع كيف همس

... شلونج خو ما أذاج فاضل

درة ... لا ما سوالي شي ... رفعت راسي باوعت ع ليث صعد وباوعلي وباوعت علي حجيت بسرعة

... مشتاقتلك موت

حر ... انه ميت شوگ ميت، صعدي درة خاف هذا يدري ويوصل حجي لـ عمج ويأذيج ..

مشيت من يمة وانة ارفع راسي اباوعلة بلهفة

يا بوية شنو يصبر كلب العاشك من يشوف محبوبة

وبودة يركض علي ويحضنة حضنة تكسر ضلوعة

صعدت بالسيارة كبل حجيت

... رهف مو كلتي ارجع للبيت

رهف ... لا مالي خلك وليث اخذني ع شط تونست شوية لا تحجن كدام احد

فلك التفتت باوعت ع رهف وخصمت عيونهة بشك

ليث ... واشتريت غدة الجن مخصوص رهف ذكرتجن كالت انه اتونس وهنة يدرسن خلي ناخذلهن شي انسكتهن

فلك ... والله لو كايليلي اعوف الدوام واجي وياكم اتونس

ليث ... نيتهة ترجع للبيت بعدين كالت حباب ليث فرفر بية شوية بالسيارة كتلهة المن افرفر انتي مو تحبين الشط اخذج؟

كالت اي والله أخذني اتونس هههههههه .

درة ... اذا ما افتن

رهف ... اموتجن والله اذا حجيتن ترة دايخة وتعبانة وانعم الله علي .

رهف ... رجعنة للبيت جذبنة ع بنات شوية و نزلنة اول ما فتت صار بوجهي سداد كاعد بالحديقة كاض راسة بتلاث اصابع من ايدة وبيدة كلاص جاي

باوع علينة باوعتلة بنظرة عتب بعدهة شحيت بنظري عنة كلبي يوجعني منه

جانت عيونة كلها عتب وشك و خذلان ..

فتت غسلت وبدلت و طلعت اتغدينة بالاكل الي اشتراه ليث ..

من خلصنة اكل اخذت الدروس من البنات وضليت ادرس الباجر بس براسي الف حسبة و بكلبي مية الف حسرة ..

خابرت ع امي من نقال عمة نجوى

بعد ما سلمنة وتبادلنة السؤال عن الاحوال

كتلهة كاتي شلونهة ما جابت مو الدكتورة كالت طفلهة نازل وجبير شو حد هسة ماطلع شسالفة

اسمع كاتي يمهة تصيح

... وعد كال يمسي يله يدلع

وعد كالت يمشي سله يطلع

وعد ... هههههه كتلهة ابنج ما يقبل يصير هسة من اتجيبين يطلع كبل يمشي ..

رهف ... انة كلت ع حجي الدكتورة الطفل جبير وجبير بس تجيبة كاتي اكض ايدة وامشي

وعد ... لا وين مايقبل يصير امجلب ابطن امة ..

رهف ... يمة شوكت نرجع نعيش وياج مشتاقيلج

وعد ... شبيدي ييمة بيت هناك ومجاي احصل ولا احصل قطعة ارض هم انسدت بوجهي

رهف ... ليش احسج موقفة البحث والجماعة هنا نفسج واحنة ياغافلين لكم الله

وعد ... ليش اكو واحد مضايقكم اجيبكم يمي

رهف ... لا لا محد مضايقنة كلش مرتاحين بس مشتاقيلج صار هواي ماشايفتج ولا كاعدة وياج

وعد ... هاي الايام اجيجن اشوفجن

رهف ... تمام يمة

نهيت الأتصال وياها، انطيت المبايل العمة نجوى اخذتة وكالت خلي اخابر سوسن اختي

هنا وطب علينة سداد رفعت راسهة باوعتلة ورجعت باوعتلي وضحكت

بس من شافت لا سداد باوعلي ولا انه باوعتلة استغربت

كللهة ... يمة اريد احجي وياج بموضوع بيناتنة

هية ابتسمت وباوعتلي ورجعت باوعتلة بأمل ما اعرف شنو فكرت بهاي اللحضة وشنو استنتجت من كللهة هيج

بس متأكدة اول شي خطر ع بالهة الموضوع يخص علاقتي بسداد

كمت اترخصت وطلعت من يمهة سديت الباب بس ما كدرت اروح بقيت واكفة يمة اريد اسمع شيحجون

وهم جانو يحجون عادي يعني مو بصوت ناصي

اكدر اسمع كل كلامهم ببساطة

كلتلة كول يمة اسمعك أامر

سداد ... اريد اطلب منج طلب ، انه نويت اتزوج

نجوى ...هاي الساعة المباركة بس يمة البنية بالسادس اصبر خلي تخلص السادس علمود لا انته ينشلع كلبك ولا هية

سداد ... يا بنية يمة انه ما حددتلج وحدة

ردت بصدمة ... رهف

سداد ... يا رهف ما اريد رهف شوفيلي وحدة من القرايب غير رهف

نجوى ... ياااا تضحك علينة انته مو كلها هنا بهذا البيت يدرون بيك عينك ع رهف

سداد ... جانت عاجبتني وهسة لا ما اريدهة من قررت اتزوج شفت مو هية المناسبة الي

نجوى ... بس انه اريد رهف چنتي جمال ولسان حلو وشخصية

سداد ... منو الراح يتزوج انه لو انتي البنية طلعت من نفسي وحرمتهة عليه حرمة البت الأبوها ..

شهكت وكلتلة ... صخااام ليششش شنو السبب شغييير رأيك

سداد ... نفسي ما تريدهة يمة لا تسوينهة سالفة اذا ما تردين خلص كولي وابطل حتى عرس ما اعرس

تخطبيلي مرة ع عرفج

لو ابطل وما اعرس واخذيهة مني بالعشر سنين اضل

نجوى ... خليني افكر واحاجي ابوك واخوانك والله كريم

حجتهااا بغيض

سداد ... لا تضوجين يمة انه هذا قراري ما تردين سعادتي انتي

نجوى ... لا اريد بس انته گلبت گلبة ماصايرة

سداد ... شسوي بعد نفسيتي هاي

عفت المكان ومشيت للغرفة، احس روحي انسلبت مني، الله لا يوفقك ليث

دمرتني، كسرت كلبي ودست بي

حركت ايامي الحلوة وحولتهة رماد

كل احلامي البنيتهة ويا سداد راحت ، كل تفاصيل حياتي السابقة ويا صارت ذكريات حلوة اذكرهة واشبع قهرررر وسم وحزن ..

صار ليث بوجهي بالصالة كاعد، باوعتلة بنظرة سريعة وكملت للغرفة

الا اندمك واحرك كلبك ، بسيطة ...........يتبع

في البارتات القادمة ...

_انتي شلون تسوين هيج انه من شفتج بهذا الثوب مو كتلج ماريدج اتضلين بي

ذبيت شعري ليورة و شلت ايدة من ع رجلة و كعدت عليهة لفيت ايدي حول ركبتة و همست يم أذنة

_ يعني شنو موحلوة ؟

_ لا اتطيحين الطير الطاير من سماا ماريد احد يشوفج بهذا اللبس غيري روحي نزعي لبسي شي ثاني وتعاي اشوفج

سويتلة بحلكي حركة رفض عقد حاجبة بغضب وكض ايدي قوي ضغطهة

_ ليش تعانديني

_ لأن احب اشوفك عصبي ونار الغيرة تطلع من عيونك

غمض عيونة متأثر بقربي و تنهد وضل مغمض عيونة

حطيت ايدي ع وجهة وبستة بخدة برهاوة

همست بصوت ضعيف _لخاطر عيونك راح ابدل

لتنسون تصويت + تعليق بتوقعاتكم 🖤🖤🖤🖤🖤🖤🖤

صعدو البارت 💋

رواية .. .

بقلم .

قراءة شيقة كيكاتي 🖤 ..

‏إلى قِباب سَمارك الخاشع

تحجّ كُل الديانات السمَاوية ........ حر لـ درة

واكفة انتظرة وكلبي من قوة نبضاتة تكول صار يدك بكل انش بية

هيج يرجف يرجف، ما يقبل يهيد

وعيوني متلهفة الشوفتة

أذني عدهة لهفة حارقة لسماع الكلمات لتتناغم و ترسم حبهة ع شفايفة ... وتذوب بيهن ..

ثواني معدودة و حسيت انكضيت من خصري ، كل ع بالي سداد

دفعني ع نخلة انضرب ظهري بكل قوتة بكرب النخلة حسيت انغرزت بظهري

رفعت ايدي بشكل لا ارادي كضيتة من قميصة بعدني ما مستوعبة الصار

بعدني بلهفة لقائي لسداد و انتظارة

بالظلمة الدامسة ، وجوة ضوة الگمرية .. همست ... سداد كسرت ظهري اشبيك .

حضني قوي ، شدد حضنتة ، شميت عطرة

مو سداد هذا

اعرفة مو هوا، نار انفاسة لامست اذني

شواربة تنغز بأذني، وكلماتة مثل العلقم مرمرت ريگي وگلبي ..

بصوت خدران همس ... وراح اكسر ضلوعچ بحضني ، انه عندي گلب ميت عليچ ، همس بصوت ناصي كلش ... وهسة سداد راح يشوف الحب العميق بيناتنة انه وياج ...

مثل الصعقة نزلت ع راسي واتزلزل كياني ، شهكت مصدومة الشهكة شكت صدري وطلعت

جمعت كل ذرة قوة عندي ودفعتة من صدرة حيل

ابتعد أثر دفعتي بس رجع كضني من زنودي ودفعني ضربني بقوة ع نخلة احس انغرز الكرب بظهري ..

اتلعثمت الكلمات بشفايفي وكبل عقلي ربط كلامة كلت يريد يوكعني بمصيبة ويشوه سمعتي گبال سداد

حجيت بصوت يرجف ... ليث حرام عليك لا تضلمني انه واخوك بسبب تفكيرك القذرة ، انتة رجال متز....... قاطعني وهوا يتقرب من شفايفي يلتقطهة بين شفايفة ..

اشمئزيت و ارتعش جسمي ، شكد ما اكول حقير شكد ما اكول انتهيت من الخوف والقرف ما اوفي

ضليت ادفع ابي واقاوم ابعدة ويرجع يهجم ع شفايفي ..

جن واحد ما شايف، حسيت نيتة سودة وراح يوكع المحظور

ابجيت و أنيت بوجع، سكنت روحي

ما اعرف ليش اذا خفت تسكن روحي واصير مثل المخدرة بس ارجف ..

ما فادت ويا مقاومتي، ولا حتى من سكنت ابتعد عني

اصلا اتجرأ اكثر، ارتفعت ايدة انمدت ع رگبتي لزمهة بقوة وقطع نفسي ببوسة عميقة

بهاي الساعة حتى سداد كرهتة و زفر كلبي منة

شلون اصير مرتة و انام بحضنة وهسة اخو يحضن ويبوس بية بلهفة و جرئة

مجرد فكرة انة راح اضل حبيبة سداد تحسسني انه رخيصة بشكل مو طبيعي .. و عاهرة ..

ما كدرت اتحمل هذا القرب، كبل شمرت روحي بحضنة مثل الجثة الهامدة

انة جذب مابية شي بس ردت اخلي يبتعد عني بأي شكل كان ..

ارتخت ايدة من ركبتي ونزلت ع ظهري

كضني بقوة بحضنة و نزل بالكاع ع اركبة ، دفرتة ابطنة ودفعتة عني اختل توازنة وطاح ليورة ..

ما جنت اكدر اميز شكلة ولا اشوف رد فعلة بسبب الضلمة

حبيت ع ركبي اريد ابتعد واكوم ع حيلي اركض

ما حسيت غير اصابع ايدة تنغرز برجلي

كضني من رجلي وجرهة حيل

طحت ع وجهي بالكاع، ونيت بوجع وشهكت كلبت ع ظهري ودفرتة صاررت الدفرة بصدرة وصحت بصوت عالي

... وخررررر عنييييي لييييث وخررررررر نذل عديم الغيييرة

حط ايدة ع حلكي وجسمي كلة صار جوة جسمة اتمدد فوكي وكتم نفسي بأيدة

حجة بهمس بنبرة مغلفة بالغضب ... ما اخليچ لسداد لا يوكف بعيني اخو ولا ابو رهف اريدچ ..

هزيت راسي ب لا

انتفضت كل اعضائي، رفست برجليني وضليت اقاوم و أون وانتفض ، ارفس برجليني وابجي واعيط بس ايدة كاتمة صوتي

باوعتلة بتوسل و رخيت جسمي، بأيدة اليسرى رفع ظهري ، خلاني ع صدرة وبعدة ساد حلكي رخة ايدة ع شفايفي حجيت بهدوء بدون عياط ... حرام عليك تضلمني ليث حوبتي ما تتخطاك ، واذا ع سداد بعد ماريدة مو انة الأخذ واحد اخو يريدني ويبوس بيه وخر يله خليني اروح واقسملك برب العباد سداد بعد ما اريدة ولا اخذة ولا احجي ويا

لساني ما يطخ ع لسانة بعد

حط راسة ع راسي و همس بصوت واهن متقطع

...بس انه... انه ... اريدج رهف

رهف ... انته سكران

ليث ... سكران بيج رهف شميت عطرچ وضيعت روحي ، عمري ما شربت ولا جربت شعور السكران الا من شفتچ صرت اسكر واخدرن واذوب من تمرين من كبالي ..

رهف ... شكد قذر لعبانة روحي منك ومن قربك وعمري ما راح اريدك ولا راح اريدك وخر يله بعد ما يهمني شي بس وخر عني شيل ايدك عني اريد ارجع للبيت لا تخليني اكرهك اكثر من هيچ .

ليث ... فتحي سحاب ثوبچ اريد اموت ع صدرچ

رهف ... اكرهك عسااا نار كلبي اتحرگك من جدمك لراسك عساك ما تتهنة بحياتك ..

ليث ... دامج اكبالي عندي كل يوم عيد و اجمل من القبلة ، انه كلي اشتعل من تمرين بخيالي ..

رهف ... عساك تشب وما تنطفي وخر ليث عوفني اريد ارجع للبيت تعبت منك وخر ..

حطيت ايدي ع وجهة ودفعتة حيل ، رخت ايدة گمت ع حيلي اعرج من رجلي احس شكلت ما اكدر اكوم

حسيت بي نهض من نهض كال بصوت واهن يا علي

همست بداخلي ... ما شافك علي ولا ستر عليك ان شاءالله ..

مسحت دموعي من وجهي واخذت نفس ارتجيت ع نخلة رجلي توجعني ماكدر امشي عليهة

من جرني وطحت تعورت

نزلت ايدي رفعت ثوبي وتلمست ركبتي رطبة امزلغة ويمكن تصب دم

همس هوا ... شسوين

رهف ... مالك علاقة عورتني وكسرتني تكسر لا خليت ظهري لا رجليني هاي عود تريدني لو تكرهني شتسويلي ..

ضحك و كال ... اوكفي لا تمشين

ما رديت مشيت ع كيفي اجة كض ايدي ويتصفح مبايلة ضغط اتصال ما انتبهت ع رقم بس دك نقال فلك بالكاع

راح شالة وفتحة حذف الرسائل مال سداد عقدت حاجبي و حجيت بصدمة ... انتة داز الرسائل من مبايل اخوك

ليث ... اي سداد شبعان بيج تتحمرين وتجيلة

رهف ... لا تضل تسربت تروحلة فدوة مو مثلك حيوان و عديم غيرة

كضني من فجي حيل وخلة المبايل بصدري ... هنا تحطينة مو ، هنيالة دفيان بنص صدرچ

ولا تطولين لسانج حبيبي فوصتي انه احب اكل شكو لسان طويل ينمد عليه ..

دفعتة و مشيت لحكني كال

اتدخلين هيج خاف احد كاعد خليني اشوف

ما رديت و فتت للمطبخ و حضي الأگشر شفت سداد واكف بالمطبخ ايدة ع حلگة و عيونة حمر دم مثل الباجي و وجهة الأبيض متحول احمر

كل دمارات كصتة وركبتة وايدة ناطة

مادري شبي

صفنت علي ونزلت راسي باوعت ع حالي ..

التفتت ردت اشوف ليث ماكو وراي ..

حجيت بهمس ... سداد شسوي گاعد

شال ايدة من ع حلكة وبلع ريكة كال بغصة ..

... حمرتچ غير تعدلينهة قبل لا ترجعين للبيت ويشوفچ احد

عقدت حاجبي و احس كلبي صار ببلعومي حطيت ايدي ع صدري و بجيت

... شنو قصدك انة بس طحت

هز راسة وزم شفايفة بغيض، جر حسرة مال واحد مخنوك ارتفعت اكتافة ونزلت

... ما توقعتچ هيچ ابد ، من حضن الحضن ما توقعتج

اتلعثمت وتلعثم الكلام بين شفايفي هز راسة بأسى

همست بقهر والحجي يطلع مني متقطع

... سداد ... وداعة امي ... وروح ابوي ماسويت شي هوا هوا والنبي هوا

رفع ايدة فرك عيونة المليانة دموع و كال ... شبي ؟ مو هسة شفتج ذايبة بحضنة عوزج بس تنامين ولج مو هسة جنتي متحاضنة ويا اخوي الهوى مالة مجال يمر بيناتكم ..

وتكليلي هوااااا شبي هوااا

عاد هوى ما طعني بظهررري مثللللچ، ولج رهف صبيتي ع راسي نفطططط وشعلتي بية النار

حركتيني بدون رحمة

هوا مايدري احبچ، مايدري بيناتنة علاقة

بس انتي تضحكيلي و وتسولفين وياي بحب وتكولين سداد احبك، اموت عليك، ما اكدر بدونك انه

وبنصاص الليالي ترحين الحضن اخوي

اااااخ اخووووي اخووووي .... عض اصبع السبابة بحرگة گلب ..

تكشخين ع حباية ونص الي لو اله ؟

الي لو الاخوي

منو تردين تلفتين نظرة وتخلينة يحبج اكثر

وتسودنينة بحسنج وجمالج

رهف ... والنبي ما احبة هوا اصلا استدرجني دز رسائل من مبايلك وكال تعاي اريد اشوفج

عبالي انته

هوا يدري بحبنة ويريد يخرب بيناتنة

سداد ... انه ما حاجي الأحد شلون عرف؟

اخوي ليييث ربينة سوة وكلينة من نفس الماعون

شالتنة نفس البطن ورضعنة من نفس الصدر

تتوقعين يدري بية احبج لو بس شاك واحد بالمية ويسوي هيج علاقة وياج؟

هز راسة ب لا و كال تؤؤؤؤ ... انتي ارخص من التراب

لطمت ع خدودي وانه ابجي والله الحجي يضيع مني ماكدر اكول شي

راد يطلع ركضت كضيت ايدة جريتهة نتر ايدي قوي بحيث طكت بالكاونتر شاغت روحي ..

فز هوا بس غضبة وصدمتة وخذلانة اقوى

رجعت كضيت ايدة وحجيت بتوسل

... والقران هوااا وداعة امي ماعندي شي ويا هوا يريديني ويدري بحبنة استدرجني علمود يوكع بيناتنة سداد وداعة امي ماعندي شي ويا

سحب ايدة و كال ... لو حجيج صدك جان صرختي مو تتهامسين ويا

شنو اصدك الخوف اخذ لسانج

رهف ... ما تهامست ويا جنت اكلة اكرهك وحوبتي ما تتخطاك

سداد ... يله ما صار شي رهف روحي نامي تصبحين ع خير .

حجاها وطلع، لطمت ع وجهي بكل قوتي وضليت ابجي بحركة كلب، ليث مد راسة وفات للمطبخ

باوعتلة وحجيت بحركة كلب

... كون الله لا ينطيك ولا يستر عليك دمرتني الله يدمرك

ليث ... ليش حبيبتي شسويتلج انه ؟ حجاها بصدمة

مو هسة جنتي بحضني خدرانة شو كلبتي علية

رهف ... الله ياخذك شوهت سمعتي وصورتي بعين سداد ودمرتني ..

عفتة ومشيت للغرفة فتت بفراشي ابجي بخنكة

واحس اكو شي بصدري يتكطع

والله جمر تنزل من عيوني

كتمت انفاسي بالمخدة ، وابجي بخنكة وادعي علي و ع روحي بالموت

اريد اخلص من هذا الضيم اريد اخلص من ليث النذل

حسيت ناااار تتمرجح بصدري ، تضخمت حنجرتي بالحسرات

وتجرحت خدودي من الدموع

ياربي نظرة سداد كتلتني، والله كتلتني

مو مجرد نظرة

لا عبالك جااااب سجين وغرزهة بصدري

ليث لاعبهة صح وممحسس سداد ان هوااا يدري بعلاقتنة وخلة سمعتي تتشوه بعين سداد

بعد ما يحبني ، ولا يباوع بوجهي

حسبي الله ونعم الوكيل بيك يا ليث ، والله اندمك والله اذا ما احرگ كلبك واشعل بي نار ف لا اطلع رهف ..

اصبرلي يا مخنث اصبرلي الا اشعل كلبك بنارررررر مثل ما سويت بحالي ..

ماكدرت انام جن جواي جمر، حتى نومة الليل حرمني منهة

اريد الطم واصرخ واملخ روحي

اريد اكوم اروح لعمي فاضل واحجيلة كلشي سواه ليث

بس منو يكول يصدكني، اذا هوا سداد ما مصدكني

هنوب عمي ايصدك

نمت تقريبا ساعة بيومهة

اريد اموت من التعب والتفكير، وكعدت سبحت شفت رجلي ركبتي مزلغة و وجهي شاحب

طلعت لبست ملابس المدرسة شلون ما كان وخلصت اول البنات

اجت فلك كالت اليوم سداد ما يداوم نروح مشي لو ياخذنة ليث

كتلهة بعدم مبالاة ... اي واحد ياخذنة عادي

عقدت حاجبهة مستغربة ... ليش وجهج يتلاطم خاف مريضة خلي سداد يخابر ياخذلج اجازة ، ضحكت وغمزتلي

رهف ... لا ما بية شي لا تخافين بس ضايجة لان ممكملة دراستي اووف

تحسرت بضيق جان يكول ليث

سلامتج من الأوف يله صعدن اوصلجن

مشيت بهدوء ما باوعت بأتجاهة صعدت اول وحدة و نزلت عيني بالكتاب اراجع بس ايديني ترجف وكلبي يوجعني

احس مخنوكة ، بية صرخة بية وجع

اريد اموت ..

درة صعدت وعينهة بالكتاب تقرأ اسم الله ماكلة الكتاب اكل وما مخلية شي ممحددتة

وصلنة للمدرسة نزلت درة ولحكتهة فلك نزلت باوعتلي فلك وكالت ... نزلي يله

رهف ... روحن انه هسة اجي وراجن ويمكن اذا ما اجيت ارجع للبيت

باوعلي ليث بالمراية وابتسم

هنة راحن يمشن للمدرسة كتلة بتعب

... انه مادارسة شي

ليث ... فدوة الج الدراسة هسة انزل احاجي المديرة تعرفني اخو سداد وابن عمج واخذلج اجازة

رهف ... لا مو مهم انه ما اهتم اذا سجلوني غياب لو اجازة رجعني للبيت ماريد اداوم مخنوكة ..

حطيت ايدي جوة خدي وتحسرت .. صدري ضايك كلش

التفتت حط ايدة ع كشن باوعلي وكال

... بسببي

رهف ... انه وسداد ما بيناتنة شي مثل الي ابالك علاقتنة شريفة

ليث ... ادري بي مطي بس يباوع ويتحسر ما يقطف

رهف ... اريد احجي وياك قبل لا نرجع للبيت واطلب منك شي

ليث ... عيوني الج

رهف ... تاخذني للشط

ليث ... شني عاجبج تشمرين روحج مرة ثانية

رهف ... لا تصير لأيم مخنوكة احس الشط يمتص مني الحزن

ليث ... خليني انه امتص حزنج

حجاها بجد

ما رديت علي شغل السيارة وطلع

... وين راح تاخذني

ليث ... للشط مو تردين الشط؟

حجة وباوع بالمرايه

هزيت راسي و صفنت ع طريق اتحسر

حطيت راسي ع جامة وغمضت عيني ، بكلبي ووووورمة شكبررررهة ..

بسيطة ليث اذا ما ادمرك مثل ما دمرتني اصبرلي ، بس اصبرلي ..

وكفت السيارة فتحت عيني ورفعت راسي همست وين الشط

ليث ... مناك ننزل ونمشي مسافة نزلي يله

عفت جنطتي و نزلت مشة ومشيت بصفة كتفت ايديني جنة ثنينة ساكتين

حجة بحسرة

... صدك أذيتج بس مو بيدي عقلي مو وياي ما اتحمل اشوفج الاخوي وانه روحي وكلبي ونفسي بيچ

ما رديت علي

ليث ... ما اصلح شي مستحيل اصلح انه ردت اخرب علاقتكم علمود تصيرين الي ..

... شلون أصير الك ؟

ليث ... بأي شكل من الأشكال زوجة او عشيقة او حتى صديقة

المهم تصيرين من ضمن الأشياء الخاصة بليث وبس

رهف ... بس هاي انانية انته متزوج ومخلف ، وانه لا

عمي ما يقبل تتزوجني

وانه ما اقبل اكون عشيقة

ليث ... ما تقبلين تكونين عشيقة بس تقبلين تكونين زوجة

رهف ... لا الاثنين لا انه تعبت من وراك البارحة كلة بس ادعي عليك

وصلنة للشط هوا ضحك وما رد شي

كعدت ع صخر نزعت حذائي و جواريبي كال ... لا تغركين

رهف ... اذا غركت انقذني انته وهم تحضة بفرصة حضن مني

ضحك عفتة ومشيت حافي، معلومة تكول المشي حافي مفيد

والطاقة السلبية تتفرغ وتختفي اذا مشينة حفاي

لحكني هوا ، حطيت رجليني بالماي و مشيت ع طرف شوية الماي بارد منعش

رفعت صدريتي لنص سيقاني و ضليت امشي والعب بالماي برجليني

هوا واكف مكتف ايدينة ويباوعلي ، ما ادري شنو اريد بس براسي افكار اريد اطبقهن

ورة عشر دقايق تقريبا حسيت انتضمت افكاري

وكدرت استرجع قوتي و نبضات كلبي انتظمت

طلعت من الماي اتخطيتة و سحبت الجوايب مسحت رجليني بيهن ولبست الحذاء ...

ليث ... هاا ارتاحيتي ؟

رهف ... ايي بس ماريد ارجع للبيت هسة سداد اليوم ما مداوم ماريد اتواجه ويا

ليث ... خوش وين تردين اخذج تاكلين لو نضل هنا

رهف ... لا خلينة هنا ونرجع بالحلة ع بنات شتكول ؟

ليث ... براحتج الي تحبينة وترتاحيلة

رهف ... صاير مؤدب وياي ، البارحة حركت صفحة الخلفني

ضحك بهداوة و كال ... مقهور كلبي عليچ

رهف ... انته تسممني وتنقهر علية والله يا الله خبل والقرآن

اتقرب كعد كبالي كض كفوف ايديني باسهن ما بدر مني اي رد فعل

كال بنبرة حب يغلفهة التوسل

... رهف لا تحجين ويا سداد لا تكعدين كبالة انه من اشوفة يباوعلج عبالك الموت ويفوت برجليني

ما اريد عين تباوع ع طولج غير عيني

سامحيني ع صار قبل و ع كلشي سويتة وياج وحبيني والله ادللج وسيد سامي اعيشج ملكة

وشنو تردينة يجرالج

دراستج اخليج بأحسن وارقى الجامعات ، و وين ما تردين انه وياج

و بيت احطلج وحدج واخذج

انتي تفصلين وانه البس ..

لا تسأليني ليش احبج انه بنفسي ما ادري ليش

ما ادري ليش كلبي رجيج كبالج

ارجف رجيف من اشم عطرج

وروحي تخدر من اسمع صوتج

اذا جابو سيرتج اغدي نار ، اغار حتى ع اسمج من تنطقة شفايف غير شفايفي

اذا ماترديني وما تاخذيني لا تاخذين اخوي ، لا تصيرين مرتة

لا تتوسدين حضنة ويبوسج ويشم عطرج

ما اريد ايدينة تفل شعرچ وتمشطلج

رهف مو سهلة عليه اخرب علاقة اخوي و امكر

واتخذ اساليب موحلوة

اراسل حبيبتة من مبايلة واطلعهة بنص الليل

وقبلهة اكلة راح احجيلك سر

من يسالني شنو اكلله عندي علاقة برهف

وخلي مصدوم

وبعدهة اكلة بالليل راح اشوفهة يمكن

واخلي يجي وينصدم

ويمكن يصير بي شي من الشافة، مو سهلة وسيد سامي بس مو بيدي والله مو بيدي روحي تحترك من اتخيل ينسد عليكم باب واحد

وتنامون بنفس الغرفة واحد بحضن الثاني

ما خليتة يكمل و سحبت ايديني من بين ايدينة

... لا تحجي وتخليني انقهر عوفني ساكتة

يولي كلشي انتهة لا انتة ولا اخوك ما اريدكم ثنينكم

اخوك ما صدكني لو ينصاغ ذهب بعد ما ارجعلة

وانتة هم ما اريدك لأن عندك نذاله وحقارة

والغيرة عندك معدومة

ليث ... صح صح كلشي تكولينة صحيح بس من تشوفين انه شلون احبج راح تحبيني و تسايريني

وتضلين تموتين عليه

رهف ... عوفني هسة مو بحالك

ليث ... ع راحتج

........

درة ... دخلنة للمدرسة بدون رهف و ضلينة ننتظرهة ما اجت كالت فلك يمكن رجعت ويا ليث للبيت

مبينة مريضة

كتلهة اخذي اجازة ما رضت

درة ... ميخالف ماعدنة امتحان اليوم

فلك ... اي الحمد لله

درسنة و خلص اليوم عادي طلعنة من المدرسة

تلفتت ادور بعيوني علي

من يوم المشكلة لليوم يجي يوكف ع صفحة بعيد عن الانظار يشوفني مداومة ابتسملة حتى يتأكد مابية شي ومحد مأذيني واحس وجهة يرتاح ..ويرجع بي الدم

ما اكدر اروح احجي ويا سداد يجي و هم خاف احد يشوفنة و يوصل الحجي لعمي فاضل

شفتة واكف يم السيارة اليوم يمكن ماشاف سيارة سداد وتوقعة ما جاي

لابس بنطرون جينز وتيشيرت نص ردن ابيض كاض باكيت الجكاير و واكف طابك رجل ع رجل

باوعتلة وابتسمت هوا ابتسم و بسرعة دار وجهة ، فلك كالت

... هذا مو خالج حر

درة ... اي هوا عندة هنا شغل قريب ودوم يجي والمحة

فلك ... روحي سلمي علي

درة ... تعاي وياي خية

فلك ... يا استحي

درة ... نجبي انه استحي اروح وحدي كدام الطالبات خاف ياخذن نظرة عني

فلك ... جا كعدي وسكتي ولا ترحين تسلمين شوفي هوا اصلا ماشافج مبين عندة وحدة هنا وجاي علمودهة

درة ... شنو قصدج

فلك ... قصدي يحب وحدة من طالبات المدرسة لو من المدرسات الممزوجات وجاي يشوفهة

شبت بية نار زميت شفايفي وحجيت بغضب

... نجبي فلك ما يصاحب بنات ادري بي

فلك ... جب يجبج والنعال يحبج حبي ، ما فسرتي وكفتة هنا شنو ؟ يصلي بالطالبات جماعة ؟ لو ينشر الأسلام

غير واكف كبال مدرسة بنات بوكت الحلة

درة ... اي يجوز جاي ع احد ضلي رايحة اسألة واجي وهم اسلم علي

فلك ... روحي، ردت امشي كضتني

... اكلج ذاك مو ليث اخوي جاي ويا اختج رهف؟

باوعت و همست ... اي ولج وبملابسهة مال المدرسة

الظاهر حر شاف ليث وليث شافة وراح يتسالمون

راح صف السيارة قريب من سيارتة و نزل هوا ويا رهف وانة هم رحت وياي فلك رهف سلمت علي وانه سلمت علي من بعيد

باوعتلة بنظرة دلال و هوا ييباوعلي بلهفة عيني ما طاحت من عليه

يحجي ويا ليث وكل لحضة يرمقني ويرجع يحاجي ليث

ساله شعجب هنا

رد عليه

.. مو كتلكم عندي هنا علوة فتحتهة من شفت وكت حلة كلت اجي اشوف البنات صار هواي ماشايفهن

ليث ... خوش حجي انه صعدت رهف ورحنة اشترينة اكل من المطعم وهسة راح اخذ البنات ونرجع للبيت اتفضل ويانة ع غدة

حر ... لا حبيبي مشكور الف عافية الشباب منتظريني بالعلوة

ليث ... الله يعافيك

توادعو و ليث كال صعدن بنات

راحت رهف صعدت و فلك وهوا دار مشة صعد

عبرت من يمة مشيت ع كيف همس

... شلونج خو ما أذاج فاضل

درة ... لا ما سوالي شي ... رفعت راسي باوعت ع ليث صعد وباوعلي وباوعت علي حجيت بسرعة

... مشتاقتلك موت

حر ... انه ميت شوگ ميت، صعدي درة خاف هذا يدري ويوصل حجي لـ عمج ويأذيج ..

مشيت من يمة وانة ارفع راسي اباوعلة بلهفة

يا بوية شنو يصبر كلب العاشك من يشوف محبوبة

وبودة يركض علي ويحضنة حضنة تكسر ضلوعة

صعدت بالسيارة كبل حجيت

... رهف مو كلتي ارجع للبيت

رهف ... لا مالي خلك وليث اخذني ع شط تونست شوية لا تحجن كدام احد

فلك التفتت باوعت ع رهف وخصمت عيونهة بشك

ليث ... واشتريت غدة الجن مخصوص رهف ذكرتجن كالت انه اتونس وهنة يدرسن خلي ناخذلهن شي انسكتهن

فلك ... والله لو كايليلي اعوف الدوام واجي وياكم اتونس

ليث ... نيتهة ترجع للبيت بعدين كالت حباب ليث فرفر بية شوية بالسيارة كتلهة المن افرفر انتي مو تحبين الشط اخذج؟

كالت اي والله أخذني اتونس هههههههه .

درة ... اذا ما افتن

رهف ... اموتجن والله اذا حجيتن ترة دايخة وتعبانة وانعم الله علي .

رهف ... رجعنة للبيت جذبنة ع بنات شوية و نزلنة اول ما فتت صار بوجهي سداد كاعد بالحديقة كاض راسة بتلاث اصابع من ايدة وبيدة كلاص جاي

باوع علينة باوعتلة بنظرة عتب بعدهة شحيت بنظري عنة كلبي يوجعني منه

جانت عيونة كلها عتب وشك و خذلان ..

فتت غسلت وبدلت و طلعت اتغدينة بالاكل الي اشتراه ليث ..

من خلصنة اكل اخذت الدروس من البنات وضليت ادرس الباجر بس براسي الف حسبة و بكلبي مية الف حسرة ..

خابرت ع امي من نقال عمة نجوى

بعد ما سلمنة وتبادلنة السؤال عن الاحوال

كتلهة كاتي شلونهة ما جابت مو الدكتورة كالت طفلهة نازل وجبير شو حد هسة ماطلع شسالفة

اسمع كاتي يمهة تصيح

... وعد كال يمسي يله يدلع

وعد كالت يمشي سله يطلع

وعد ... هههههه كتلهة ابنج ما يقبل يصير هسة من اتجيبين يطلع كبل يمشي ..

رهف ... انة كلت ع حجي الدكتورة الطفل جبير وجبير بس تجيبة كاتي اكض ايدة وامشي

وعد ... لا وين مايقبل يصير امجلب ابطن امة ..

رهف ... يمة شوكت نرجع نعيش وياج مشتاقيلج

وعد ... شبيدي ييمة بيت هناك ومجاي احصل ولا احصل قطعة ارض هم انسدت بوجهي

رهف ... ليش احسج موقفة البحث والجماعة هنا نفسج واحنة ياغافلين لكم الله

وعد ... ليش اكو واحد مضايقكم اجيبكم يمي

رهف ... لا لا محد مضايقنة كلش مرتاحين بس مشتاقيلج صار هواي ماشايفتج ولا كاعدة وياج

وعد ... هاي الايام اجيجن اشوفجن

رهف ... تمام يمة

نهيت الأتصال وياها، انطيت المبايل العمة نجوى اخذتة وكالت خلي اخابر سوسن اختي

هنا وطب علينة سداد رفعت راسهة باوعتلة ورجعت باوعتلي وضحكت

بس من شافت لا سداد باوعلي ولا انه باوعتلة استغربت

كللهة ... يمة اريد احجي وياج بموضوع بيناتنة

هية ابتسمت وباوعتلي ورجعت باوعتلة بأمل ما اعرف شنو فكرت بهاي اللحضة وشنو استنتجت من كللهة هيج

بس متأكدة اول شي خطر ع بالهة الموضوع يخص علاقتي بسداد

كمت اترخصت وطلعت من يمهة سديت الباب بس ما كدرت اروح بقيت واكفة يمة اريد اسمع شيحجون

وهم جانو يحجون عادي يعني مو بصوت ناصي

اكدر اسمع كل كلامهم ببساطة

كلتلة كول يمة اسمعك أامر

سداد ... اريد اطلب منج طلب ، انه نويت اتزوج

نجوى ...هاي الساعة المباركة بس يمة البنية بالسادس اصبر خلي تخلص السادس علمود لا انته ينشلع كلبك ولا هية

سداد ... يا بنية يمة انه ما حددتلج وحدة

ردت بصدمة ... رهف

سداد ... يا رهف ما اريد رهف شوفيلي وحدة من القرايب غير رهف

نجوى ... ياااا تضحك علينة انته مو كلها هنا بهذا البيت يدرون بيك عينك ع رهف

سداد ... جانت عاجبتني وهسة لا ما اريدهة من قررت اتزوج شفت مو هية المناسبة الي

نجوى ... بس انه اريد رهف چنتي جمال ولسان حلو وشخصية

سداد ... منو الراح يتزوج انه لو انتي البنية طلعت من نفسي وحرمتهة عليه حرمة البت الأبوها ..

شهكت وكلتلة ... صخااام ليششش شنو السبب شغييير رأيك

سداد ... نفسي ما تريدهة يمة لا تسوينهة سالفة اذا ما تردين خلص كولي وابطل حتى عرس ما اعرس

تخطبيلي مرة ع عرفج

لو ابطل وما اعرس واخذيهة مني بالعشر سنين اضل

نجوى ... خليني افكر واحاجي ابوك واخوانك والله كريم

حجتهااا بغيض

سداد ... لا تضوجين يمة انه هذا قراري ما تردين سعادتي انتي

نجوى ... لا اريد بس انته گلبت گلبة ماصايرة

سداد ... شسوي بعد نفسيتي هاي

عفت المكان ومشيت للغرفة، احس روحي انسلبت مني، الله لا يوفقك ليث

دمرتني، كسرت كلبي ودست بي

حركت ايامي الحلوة وحولتهة رماد

كل احلامي البنيتهة ويا سداد راحت ، كل تفاصيل حياتي السابقة ويا صارت ذكريات حلوة اذكرهة واشبع قهرررر وسم وحزن ..

صار ليث بوجهي بالصالة كاعد، باوعتلة بنظرة سريعة وكملت للغرفة

الا اندمك واحرك كلبك ، بسيطة ...........يتبع

في البارتات القادمة ...

_انتي شلون تسوين هيج انه من شفتج بهذا الثوب مو كتلج ماريدج اتضلين بي

ذبيت شعري ليورة و شلت ايدة من ع رجلة و كعدت عليهة لفيت ايدي حول ركبتة و همست يم أذنة

_ يعني شنو موحلوة ؟

_ لا اتطيحين الطير الطاير من سماا ماريد احد يشوفج بهذا اللبس غيري روحي نزعي لبسي شي ثاني وتعاي اشوفج

سويتلة بحلكي حركة رفض عقد حاجبة بغضب وكض ايدي قوي ضغطهة

_ ليش تعانديني

_ لأن احب اشوفك عصبي ونار الغيرة تطلع من عيونك

غمض عيونة متأثر بقربي و تنهد وضل مغمض عيونة

حطيت ايدي ع وجهة وبستة بخدة برهاوة

همست بصوت ضعيف _لخاطر عيونك راح ابدل

رهف ... مرات انتيه بين ازقة الحياة القاسية

نُجلد بقوة من قبل اسواط الظلم المتعجرفة

يُحبس كل وجع بداخل جوفنة ويضل ينهش بأفئدتنة

ان اسكت خوفًا من ليث او لا ، احجي او ما احجي

ايصدكوني لو يصدكون ابنهم

منو راح يكرهني اذا حجيت

ومنو راح يضل يحبني

راح اصير منبوذة، الكل يضوجون مني و ينبذوني

راح يميلون الأبنهم و انه اطلع الغلطانة ..

فضلت السكوت ع الكلام ، مسحت دموعي الغزت وجهي بمجرد ما ذكرت كلام سداد ويا عمة نجوى

رفعت شعري عن جبيني بأصابعي وشديتة بقوة و أنيت بوجع ... ااااخ روحي راحت من هذا الضيم يربي ليش انه من دون العالم امعلعلة ..

نزلت ايديني رجعت امسح بدموعي و بعدهة لطمت ع افخاذي متحسرة و متحسفة

و شهكت شهكة شكت صدري وطلعت

... اريد اطلع منا يربي تعبت ورب العباد تعبت

الله لا ينطيك يا ليث ولا يوفقك عذبتني والله عذبتني علمود شهوة و رغبة بداخلك الي ..

انفتح الباب جان ظهري اله بسرعة رفعت ايديني مسحت دموعي و جريت نفس، حطيت ايديني ع حواف السرير و ما التفتت

حسيت بدرة تفتح الكنتور و تدور بي و بعدهة رجعت سدتة وطلعت بدون ما تنتبهلي حتى

همزين جان تسائلت عن سبب البجي و صرت بموقف محرج ، فتحت جنطتي ضليت اورق الكتب بدون نفس

و راسي بي صداع مو طبيعي الوجع ينخر براسي نخر

أنيت بوجع ورفعت اصابعي فركت جبيني بقوة

"راح يطك راسي راح ينفجر"

قريت قريت حد ما تعبت و سديت كتبي

رحت لغرفة فلك لكيتهة تدرس هية ودرة ومندمجات رفعن روسهن باوعلي و كالن

... راح يشرحلنة سداد جيبي كتبج وتعاي

رهف ... لا ما اريد مفتهمة الموضوع ، عفتهن و سديت الباب احس الدنيا ضايگة بية وماكو حضن يلمني ويمسد ع راسي ولا اكو من ينصحني

ما اكدر اسولف لأحد ولا اكدر اضل ساكتة

احس السالفة مثل الموس بالبلعوم لا اكدر اطلعة ولا اكدر ابلعة

و وجعة مرد روحي مررررد ...

مسحت زندي بايدي هاي الحركة اتقلل توتري و اتطمني شوية ، رحت تمددت وحطيت ايديني ع عيوني حسبة تاخذني و حسبة تجيبني

مثل الغركان و ينازع يريد النجاة و هوا غركان

هيج وضعي ويا حزني و همي .. الافكار السودة الحاصرت عقلي

وجاي تفرض نفسهة علي ..

ما اريد انزل لهذا المستوى واكون بعلاقة ويا ليث وانه جنت ويا اخو احس بالرخص و العهر والأشمئزاز من نفسي

بس بنفس الوكت اريد اكسرة مثل ما كسرني

اريد اقسم ظهرة نصفين

مثل ما سوة بحالي ، اتمنة اشوفة متدمر و متشتت مثل ما خلاني اضيع واتشتت

ثاني يوم كعدت الصبح سبحت وطلعت من الحمام شفت ليث ينزل و ورة سداد يحجي ويا

بكل صلافة يسولف ويا اخو و هوا خرب حبة و شوه صورة حبيبتة

ومسوي نفسة ملاك بريئ كلشي ميدري

و سداد وجهة اصفر وانتبهت ما يباوع بوجه ليث و شاح بنظرة عنه

وحتى من شافني امشي للغرفة رمقني برمق سريع و دار وجهة عني

بينما ليث استغل الوضع واكلني اكل بعيونة

مادري شنو غايتة يمكن يريد يحسس سداد ان بيناتنة علاقة و قصتنة حلوة وميدري شنو جان بيناتنة انه وسداد ..

اقذر منه ما شفت منحط ..

بيومهة بدلت وكشخت وعدلت نفسي ع اخر درجة حد ما ضل سداد يصيح لان اتاخرت وانة متعمدة ما اطلع و أاخر بروحي ..

فلك ... يله رهف راح يبدي الدرس الأول

رهف ... بس شوية اوكفي انطوني صبر لا تأذوني اوووف

درة ... وين رهف وين رهف وين رهف

رهف ... كضي بريك طلعتي كبل هاي انه كبالج اعدل حجابي دقايق شبيجن

فلك ... سداد ضل يصيح ويتأفأف بعد دقيقة اذا منصعد يعوفنة و يروح ويخلينة اندك الدرب مشي

رهف ... اي خلي يروح واحنة نروح مشي عادي

فلك ... اوووف من عنادچ يله يله عدلي بسرعة و خلي نطلع انريد انروح للدوام احنة رايحات نطلب علم لو نطلب ارجولة علمود كاعدة تتعدلين

رهف ... اللهم طولج يا روح اوف اوف كافي شبيجن ماروح والله ابطل ما اروح لا تلحن كتلجن بس اعدل حجابي شبيجن انهديتن عليه

ردت ادمع اخذت نفس و كملت ، اخذت حذائي بايدي و طلعت هنة راحن يركضن صعدن قبلي و فلك متدري شسالفة كبل صعدت ورة عايفتلي الصدر يم سداد ، هوا صعد بالسيارة ما يباوع بأتجاهي لابس نظارة شمسية امغطية نص وجهة ..

ورافع شعرة لابس سترة اوف وايت وبنطرون وقميص اسود

غير طالع جنة هلال العيد ..

اتحسرت اوووف سداد كلبي يرجف من اشوفك عبالك بس انته زلمة، كل العالم من حولك يختفون

ركضت فتحت الباب الورة وصعدت دحست روحي يمهن كالت فلك متذمرة

... اي صعدي كدام متشوفين احنة كل وحدة جنطتهة ماخذة مكان مال نفرين

... اريد اراجع وياجن جا وحد انه

كالت نزلي نزلي خلي اصعد يم سداد هنا تصير حصرة

وخرت و خليتهة تنزل صعدت يم سداد وانه ضليت ورة

تعمدت اسأل درة كم سؤال حتى ما احسسهم بيه شي لو ضايجة من شي وصعدت ورة ..

وصلنة للمدرسة وعبالك الدنيا تتعمد تصفكني ع وجهي و تصحيني و تهيج مواجعي

صارت دخلتنة للمدرسة ويا دخلة مريم و وجه مريم صار بوجه سداد ابتسمتلة و هوا بادلهة ابتسامة بداية الدوام

غير احس الدم بعروكي صاررر حمم بركانية، و كل ذرة بية صارت ترجف

نوبة حزن اجتاحتني و كلبي ما يكدر يتحمل

ركضت ورة و صحت استاذ سداد ..

التفتت نزع النظارة و باوعلي بنص عين

وكفت كبالة و حجيت بصوت هامس

... لا تروح خلي احجي وياك سداد والله وروح ابوي ماعندي شي ويا ليث

حط اصبع السبابة ع شفايفة بمعنى اششش

وكال ... الموضوع انتهى سد

رهف ... ماكدر انهي سداد تحجي كل عقلك انته ولك انه جاي اشتعل نار واطفة كل ما اشوف نظرة عيونك الكلهة لوم وعتب انة اتكطططع من جوة وانتة ماحاس بية ..

سداد ... الموضوع هذا ما ينحجي بي هنا من نرجع للبيت اشوف وكتي اذا عندي وكت الج نسولف ، حجة بنبرة استفزتني

نبرة لا مبالاة عبالك انه ولا شي والموضوع مالتي مو مهم ..

زميت شفايفي بغيض و كتلة بنبرة غضب

... اصلا اكلك من الأخير سدة يولي لا اريدك ولا اريد اخوك النذل عديم الغيرة ، ولا اريد احجي وياك مو مهم ما تهمني انتة ..

سداد ... مو هسة جنتي محتركة وتتكطعين هسة صرت مو مهم

رهف ... ما تشوف روحك شلون تحجي وياي وما تقبل اتصدكني

سداد ... اصدكج واجذب عيوني ، زم شفايفة بأسى وبعدهة كال

... رهف شفتتتج ذايبة بحضنة مو زين ومني ماصار بية شي ليلي ما نمتة

النار شبت بضلوعي

الماي اشربة مثل العلقم بحلكي

اخ جنت اشوفج مهرة اصيلة ما تلوكين لغير خيالج بس تالي طلعتي .... قطع كلامي ولم شفايفة ضغطهن

عبالك حط خنجر بنص كلبي ،والله حسيت نغزات بكلبي مو طبيعية جن سهام تنغرز بي

رادت تنزل دموعي بس كابرت و جريت نفس

رفعت انفي بغرور و همست ... انسة كلشي مو مهم ماصار شي الله يوفقك بحياتك اعتبر روحك ما حبيتني ولا تعرفني

سداد ... روحي لـ صفج رهف راح يبدي الدرس الاول و انظار الطالبات صارت علينة زحمة

درت وجهي و مشيت عنة طبيت للصف اغلي شمرت جنطتي ع رحلة وطلعت الكتاب كعدت حطيت ايدي جوة خدي و افتح بالكتاب ما اسمع شي

كل الاصوات احسهة توصل الأذني ع شكل وشوشة ..

ما اعرف هذا اليوم شلون مشة و شلون صارت حلة

بالي طول الدوام وين جان مادري

ما اذكر شي

كل امالي خايبة كل الناس من حولي اشوفهم وهم

حتى درة حاجتني و طلبت مني قلم جاف مادري شلون حطيت المحفظة كلهة كبالهة و رجعت صفنت ..

درة ... اباوع ع تصرفات رهف الغريبة وكلبي ينقبض شبيهة اختي يا تُرى شنو مضوج خلكهة لهذا الحد

معقولة متعاركة ويا سداد لو شنو لأن هوا هم وجهة ما يكصة السيف وعوزة بس يهجم ع واحد بينة ويقتلة خلاص ..

جانت الشكوك اتدور براسي ، واحنة نغادر المدرسة مديت راسي وهمست لفلك

... اختي واخوج متعاركين

فلك ... واضح هذا الشي وطشارهم لاحنة ما لاحظتي سداد طول الدرس يريد يموت و واكف ع اعصابة مو مثل يومية يتشاقة ويضحك

درة ... يي مخابيل والله .. واحدهم عوزة بس جناية ويكتل المقابل بيهة

جنت احجي وانتبهت لسيارة حر بس هوا ماكو

اتلعثم كلشي بية

صوتي

ونظراتي

والكلمات بين شفايفي

همست لفلك ... وين سيارة سداد

فلك ... ذيج كبالنة

درة ... تيهت روحي يَ خية و تهت .

فلك ... شنو شفتي وتهتي بس لا شفتي واحد حلو وينة الله عليج وينه

درة ... بگلبي ..

فلك ... هجم بيت البامية شكد تنفخ

بكلبهة انوب انوب

امشي لا سداد يحطنة انه وياج ويدوس بمصارينة من ورة اخيتج الزعلانة منه

مدري هوا زعلان منهة

درة ... لا ترة وضعهم مو طبيعي و لا زعلهم طبيعي اكو أنَ بالموضوع

فلك ... اش وصلنة كافي لا يسمعج سداد

بس والله اخوي واختج يخبلون سوية شوكت يعرسون واركص بعرسهم ركص واذب شحم ولحم

صعدنة بالسيارة و جان السكوت سيد الموقف

هاي المرة الموضوع مو طبيعي و غريب

باوعت بأتجاه سيارتة ل حر ما شفتة

زفرت نفس جنت كابتة بداخلي و رجعت راسي ع كشن ...

وصلنة للبيت نزلنة غسلنة و بدلنة وصلينة صلاتنة ، جان نسمع هوسة بالبيت

نزلنة الكتب و رفعنة روسن نتصنط

انرسمت ابتسامة ع محياي و كلت بفرح

... هلوووو فالح هذاااا

فلك ... هلو هلووو فالنشمر العلم والقلم ونجري خلفه

ولج يا مالح هسة كعدي اقري خلصي وطلعي شوفي فالح

خصمت عيونهة بشك وكالت

... بس الي بگلبج هوا فااااالللح

رهف ... ويع ناقصصص درة تاخذ لميس

فلك ... بعدج بذيج السالفة ترة فالح خوش فالح

درة ... لا لا يمعودة مو هوا الي بكلبي انه البكلبي ماكو منه ثنين ولا اكو واحد يشبهة .... حجيتهة وابتسمت بحب وانه احط ايدي ع صدري

رهف ... منووو هذااا لج انه مادري

درة ... مالجن شغل درسن يله درسن بس اكمل انكليزي اطلع يم فالح اضحك ويا شوية اغير جو

فلك ... مو بس فالح هذا ترة اكو اصوات ثانية

درة ... مادري شوف منو يطلع هسة جاي ويا

رهف ... عوفن الگركة ودرسن حبوبات

تأفأفت بضجر و رجعت اكمل دراسة ، جان اسمع صوت فالح يصيح

... دددرررررة دررررية درررية أبنة عممي درييية

رهف ... شنو هاي الميانة الزفرة درية

فلك ... كومي شوفي شنو يريد منج درة

درة ... اوووف مو اريد اكمل انكليزي

فلك ... هستوة تردين اتطلعين اتكابلين فالح وتكعدين هسة صرتي تردين تكملين

كمت وعيبت عليهة مديتلهة لساني

... رايحة

فتحت باب الغرفة وطلعت جان اشوف همام و فالح بلعت ريكي بارتباك من شفت همام كاعد كبالي حاط رجل ع رجل و ومرجع ايدة ورة راسة

باوعلي وابتسم ابتسامة هادئة

وكأن يكول هااا حلقومة

بلعت ريكي بأرتباك

جان يكول فالح بصوت عالي ... هلا بدرية و زورية و جريةة جووورية هلا بأبنة عمي الراح تسويلنة كلاص جاي ثكيل معدل ..

همام ... لا خفيف اريدة

فالح ... ثكيل يعدل الراس بلا امر عليج درية انريد كلاص جاي عمتج مادري وين راحت

درة ... شنو ماعدكم جاي وجاي تشرب عدنة

فالح ... لا امي فارضة علية حصار و ما تخليني اشرب جاي

همام ... اي تخاف تبول ع روحك وتبلل المندر

فالح ... لا يا ادبسزز منو كلك انه همام لك لا تخليني اطلعهن وحدة وحدة كلهن جوة ايدي

همام ... اوووو ف لا يتشاقة والله شكد نفسية اشاقة عمي

حمودي ... درة لا تسوينة لا خفيف ولا ثكيل خلي وسط خوش ... حجة وابتسم ابتسامة هادئة شكد لطيف هذا الولد ..

سويت قوري الجاي الهم و جبت اكواب كبار و شكر وحطيتهن بصينية و حطيتهن كبال فالح

... أوامر ثانية أبن عني

فالح ... لا يا أبنة عمي جزاكِ الله خيرًا يا سمرة الوجه وبيضاء القلب بس انتي احبج

همام ... تحبك العافية اشرب جايك واسكت

فالح ... حار اخاف احترگ

همام ... انفخ علي

فالح ... يصعد البخار ع خشمي

همام ... جيب ابردة الك انه

فالح ... لا احط علي ماي وابردة

همام ... شنو زعطوط

فالح ... شسوي والزهرة حار يحرك لساني اخاف اشربة

همام ... من كون جيرة عود هذا انتة الزلمة شخليت للنسوان

فالح ... الحمرة والكحلة

همام ... لا بربك

فالح ... شايفني مكحل ومحمر

همام ... بس هاي ناقصتك

درة ... يمة صار عندي دوار كافي تتعاركوون دوختوني خلي ارجع ادرس احسن

فالح ... شنو عندج ما فاهمتة ادرسج

درة ... لا ما احتاج اعرف ادرس وحدي

فالح ... ع اقل كولي شكراا رصاصة

درة ... لا صدك تعرف رياضيات ?

فالح ... لعبتي

درة ... اكو تمرين ما فاهمتة تفهمنياه لو ما تعرف

كون اريد مضبوط

فالح ... جيبي وتعاي وشوفي

ركضت اخذت كتابي ودفتري وقلمي وكعدت قريب منة كعد يحل التمرين وخطوة تتبع خطوة طلع صدك خوش يفهم اخير شي صفحة كاملة و كال راح اطلع الناتج ، طلعناه سوية و جان يطلع. ( 1 )

فالح راد ينتحر الا شوية

يكول هذا التعب كلة ويطلع واحد والله زحمة كبال الله وخلكة

ما يسوة التعب والحساب و الضيم

ضحكت بهدوء واخذت الدفتر منة و كتلة شكرا خوش تفهم انته

فالح ... تدللين زورية

درة ... اثبت ع اسم

فالح ... زورية الحورية

ضحكت وكمت رمقت همام برمق سريع شفتة يسترق النظر الي كل شوية

جان هادء

ما يطلع صوت

ما يعلق ع اي شي

ما اعرف شنو بي و شنو يريد

صراحة جان موضوعة يخوفني

حد هسة اتذكر سالفة الصورة الحاطهة بمحفظتة وكلبي ينقبض

شفت سفانة ستوة تفوت للبيت جانت عد اهلهة سلمت و صعدت كبل

وانة رجعت ادرس

و ع هذا المنوال مر اسبوع امي ما اجت لان كاتي جابت، صار عدهة ولد اسمة "جون"

طبعا عمتي كالت جنت احجي ويا امج وكالت كاتي جايبة ..

درة ..جنت كل فترة اشوفة من بعيد البعيد

العيون تسولف والكلب يتراقص بفرح ع شوفة المحبوب

ف مرة كالو ان اهل همام مسوين عزيمة، لان دوران سنة جدي

مشترين ذبايح وراح يسوونهة

انه هنا انتفضت و رفضت رفض قاطع

باوعت لرهف وگتلهة ... انتي روحي انه ما اروح ولا ادخل لبيت المرأة الهانتني ونزلت قيمتي

رهف ... ولا انه اروح شنو هاي الجربوع واروحلهة اضل وياج هنا

درة ... بعد كيفج بس العلي كتلج ما اروح انه

وافقتني الرأي و هي كذلك رفضت تروح بس عمة نجوى ضلت تلح علينه و من باب انتن كبار وعيب

امشن بس حگرن اليحجي عليجن لسانك حصانك ان صنته صانك

انتبهن لكل حجاية تطلع منجن وما تتعرضن لأي موقف محرج ولا تسمعن حجاية

انتفضت ورديت معترضة ... و شنو تسمين كلامهة ذاك اليوم ? معقولة انتي معتبرتة رد فعل لكلام سيء بدر مني

سألي مها سأليهة

مها ... لا عمي درة ماحجت شي هية كبل طبت هاجمة

نجوى ... ادري بس ما تعيدهة بعد

ضجت بس ما باليد حيلة استحيت من عمة نجوى و قررت اروح

قبلهة خليت رهف تحفلي وجهي لان حفت لفلك

و غسلت وجهي شب نار

رتبت وجهي بشوية مكياج و لبست لبس انيق مرتب

مال ناس طكوك

مو هية اتدور مظاهر ام بارق

خلي تشوف

القيت نظرة اخيرة ع شكلي بالمراية انعجبت بنفسي

كلت ع روحي ما شاءالله ..

شنو هاي الثقة الزايدة ..

و رحنة الهم، جان يوم ممل

ام بارق ما تسولف بس بالأثاث الغالي و البردات الي موصيتهن من دبي مدري من بيروت

و شكال العطر المشتريتة بورقة و شكالت المبخرة وبخورها الراقي ..

كمية التفاخر والمبالغة بأسلوبهة لعبهة لنفسي و خلاني ع اي لحظة ممكن اتقيء و اطلع شكو شي بداخلي

صارت صلاة والكل راحو يصلون بس انه مجازة ما اصلي ضليت كاعدة العب بالكاع برجليني و اتأفأف

"شوكت تخلص هاي العزيمة المملة"

رحت للمطبخ شفت مها واكفة بي وحدهة حجيت بضجر

... اوووف مها ميتة جوع ميتة شوكت يتغدون ترة طكت روحي واريد ارجع للبيت

انه جوعانة وراح اضل اسربت لان اذا جعت ابوي ما اعرفة ..

جان مها تحجي بتحذير

... درة اسكتي عيب لحد يسمعج ترة غداهم يتأخر للثنتين ضبطي روحج وحافظي ع هدوئج منا للغدة

فكيت عيوني و حلكي و اشرت ع روحي

... انه لازم اصبرررر للغدة يعني اصبر للثنتين

مها ... اي جا شلون احطلج وحدج تاكلين زحمة شيكولون عليج طفلة

... زين هم شنو طابخين كون شي يسوة اصبر علمودة

مها ... برياني لحم

... بس هم ما اصبر للثنتين مهااا والحل والحل راح اموت من الجوع ..

مها ... والله يا درة راح تفشلينة انتي تحملي

... من ل7 متريكة

مها ... انه هم وجوعانة بطني راح تفشلني بس شنسوي خو ما ناكل وحدنة فشلة

طلعت هية من المطبخ وانه سحبت كرسي من الكراسي الفخمة المحاوطة الطاولة الطويلة

كأن قصر احد الملوك و كعدت برأس الطاولة

عبالك سلطانة ..

قوست شفايفي بأعجاب و همست بيني وبين نفسي ما شاءالله ..

و ضليت كاعدة، هذا مطبخ وعدهم مطبخ ثاني هسة جاي يطبخون بي

النوب واحد احلى من الثاني

دقايق مرت ورجع الصوت بالبيت من خلصو صلاة وانه كاعدة بمكاني

منزلة راسي بحزن لأن جوعانة

واحس كلبي ممرود اريد شي يلزم كلبي ماكو

انفتح باب المطبخ حطيت ذراعي ع كرسي والتفتت شفتة همام يفوت من شفتة انقبض كلبي جن الموت ودخل علية مو همام

ضليت ابلعم .. بيدة علاكة صغيرة جان وجهة مبتسم و هادئ

كال بهدوء ... سمعتج تكولين جوعانة جبتلج هذني من المحل سدي بيهن جوعتج

رمشت بعيوني و كتلة بثول ... انه

همام ... اي انتي مو جوعانة

درة ... لا منين ما جوعانة اصلا متخومة

همام ... مو قبل شوية اتلطمين من الجوع

درة ... لا سامع غلط

رمش بعيونة و فك حلكة رفع ايدة حك شاربة و كال ... يلة وين اوديهن انه سمعتج وجبتهن الج اكليهن الف عافية

درة ... لا شكرا ما اريد .... اكلهن انته لو انطيهن للجهال

عفتة و كمت اطلع من المطبخ اسمعة يحجي بصوت ناصي كال

"وانه رحت ركض للمحل اجيبهن وفشلتني"

ضحكت علي و سويت روحي مابية شي و رحت كعدت يم رهف مثل الأمورة ..

حد ما عمة نجوى كالت ليش كاعدات بنات تعالن حطن الخضرة بسلات

كمنة للمطبخ انحط ، و جان ام بارق تنطيني علاكة زبالة كالت ... ذبيهة بالحاوية ..

من دون كل البنات جابتهة وحطتهة بأيدي من صفنت بوجهة مستغربة اسلوبهة وطلبهة الغريب

كالت ... شبيج درة عندج طرش جاي اكلج ذبي علاكة الزبالة بالحاوية برة لونهة اصفر ..

والله اجيت اكللهة لا الحاوية كبالي لابسة ازرق قاتم بس تعوذت بليس و اخذت العلاكة من ايدهة بنتر

جانت ريحتهة تعط مادري شسالفة يمكن ذابين بيهة ماي و خايس

سديت خشمي بأصابعي و طلعت ادردم ..

... عبالك اشتغل عد الخلفوهة و النوب ناطيتني علاكة ريحتهة زفرة مدري خا**

همام ... درة درة

... ناقصني تطلع انته بوجهي وتكمل السبحة

همام ... شنو كلتي

... سلامتك اريد اذب هاي بالزبالة وين اذبهة؟

... انطيني عنج انه اذبهة

اخذهة من ايدي اللوكي وانة طكيتهة ركضة رجعت للبيت

جانت امه تسولف المرت عمي ام فالح عن وحدة وماعرف ليش حسيتهة تبسمرني وحاطة كورهة من كوري

تكول ... هية مو من مستوانة ولا راح تصير بمستوانة .... وباوعتلي بطرف عينهة

كتلهة بصوت ناصي ... العفو شكد لازم تنزل حتى تصير بنفس مستواكم

كالت بنتر شنو !

درة ... عمة جاي اكلج شكد تحتاج وتصير بمستواكم

فرت حلكهة يمنه ويسرى وكالت

... يرادلهة جمال وعلم وفهم مادري شمسويتلة وعاميتة ع عيونة يكوم ويكعد يسولف بيهة ويريدهة

تحجي وتباوعلي بطرف عينهة حتى عمة ام فالح ضلت تباوع بشك و كأن عرفت انه المقصودة

بس منو يريدني ويكوم ويكعد يحجي بية؟

خلصت العزيمة و رجعنة منهكين و منفوخين من الاكل

جان الغدة طيب صراحة و الصحن الصار كبالي مليان بكل ما لذ وطاب ..

ذبيت روحي نمت شوية و كعدنة للعشا بعدين

واحنة ملتمين ع سفرة عمي طك حجاية صفنة

كال قصي خال رهف خطبهة مني الأبنة صهيب و الزلمة يكول بعد احنة مو غرب و ان شاءالله ما تردونة انه كتلة اذا عليه اكلك كبع واخذ بس البنية رايهة الاول والاخير وهوا اليمشي

و تردون الصدك انه اشوف سداد ناوي يرتبط برهف بس ما كتلة البنية ابن عمهة يريدهة ..

باوعت ع سداد و رهف وابتسمت بس فجأة و سداد فجر القنبلة من كال

... منو كلك انه اريد رهف ؟ بت عمي مابيهة العيبة بس انه كلبي ما هاويهة

مها شهكت مصدومة واحنة كلنا باوعنة علي مصدومين ، رهف زمت شفايفهة بغيض و وجهة صار احمر ما حجت شي ..

جان يرجع سداد يكول

... اذا خطبو درة عود منك كللهم ابن عمهة يريدهة

انه اريد درة مو رهف ...

غصيت باللكمة و زعتهة بنص الأكل ، و ضليت ابحلق بعيوني

سفانة صاحت ... ويععع لعبتي روحنة

درة ... مو صدمني اسفة

شلتهة و شربت ماي وانه عيوني تدمع لان شاركة ومصدومة اباوع ع رهف وجهة صااار احمرررررررر دم

عمي فاضل حجة بنبرة واحد مصدوم

... عود هذا حجيك صدك كل عقلك تحجي انتة

سداد ... اي من رخصتك بوية انه احب درة واريدهة وناوي اخطب واتزوج اذا هية توافق .....يتبع

لتنسون تصويت + تعليق بتوقعاتكم 💋💋💋 ..

رواية

بقلمي ... فاطمة العبادي

قراءة شيقة كيكاتي 🖤 ..

رهف ... مرات انتيه بين ازقة الحياة القاسية

نُجلد بقوة من قبل اسواط الظلم المتعجرفة

يُحبس كل وجع بداخل جوفنة ويضل ينهش بأفئدتنة

ان اسكت خوفًا من ليث او لا ، احجي او ما احجي

ايصدكوني لو يصدكون ابنهم

منو راح يكرهني اذا حجيت

ومنو راح يضل يحبني

راح اصير منبوذة، الكل يضوجون مني و ينبذوني

راح يميلون الأبنهم و انه اطلع الغلطانة ..

فضلت السكوت ع الكلام ، مسحت دموعي الغزت وجهي بمجرد ما ذكرت كلام سداد ويا عمة نجوى

رفعت شعري عن جبيني بأصابعي وشديتة بقوة و أنيت بوجع ... ااااخ روحي راحت من هذا الضيم يربي ليش انه من دون العالم امعلعلة ..

نزلت ايديني رجعت امسح بدموعي و بعدهة لطمت ع افخاذي متحسرة و متحسفة

و شهكت شهكة شكت صدري وطلعت

... اريد اطلع منا يربي تعبت ورب العباد تعبت

الله لا ينطيك يا ليث ولا يوفقك عذبتني والله عذبتني علمود شهوة و رغبة بداخلك الي ..

انفتح الباب جان ظهري اله بسرعة رفعت ايديني مسحت دموعي و جريت نفس، حطيت ايديني ع حواف السرير و ما التفتت

حسيت بدرة تفتح الكنتور و تدور بي و بعدهة رجعت سدتة وطلعت بدون ما تنتبهلي حتى

همزين جان تسائلت عن سبب البجي و صرت بموقف محرج ، فتحت جنطتي ضليت اورق الكتب بدون نفس

و راسي بي صداع مو طبيعي الوجع ينخر براسي نخر

أنيت بوجع ورفعت اصابعي فركت جبيني بقوة

"راح يطك راسي راح ينفجر"

قريت قريت حد ما تعبت و سديت كتبي

رحت لغرفة فلك لكيتهة تدرس هية ودرة ومندمجات رفعن روسهن باوعلي و كالن

... راح يشرحلنة سداد جيبي كتبج وتعاي

رهف ... لا ما اريد مفتهمة الموضوع ، عفتهن و سديت الباب احس الدنيا ضايگة بية وماكو حضن يلمني ويمسد ع راسي ولا اكو من ينصحني

ما اكدر اسولف لأحد ولا اكدر اضل ساكتة

احس السالفة مثل الموس بالبلعوم لا اكدر اطلعة ولا اكدر ابلعة

و وجعة مرد روحي مررررد ...

مسحت زندي بايدي هاي الحركة اتقلل توتري و اتطمني شوية ، رحت تمددت وحطيت ايديني ع عيوني حسبة تاخذني و حسبة تجيبني

مثل الغركان و ينازع يريد النجاة و هوا غركان

هيج وضعي ويا حزني و همي .. الافكار السودة الحاصرت عقلي

وجاي تفرض نفسهة علي ..

ما اريد انزل لهذا المستوى واكون بعلاقة ويا ليث وانه جنت ويا اخو احس بالرخص و العهر والأشمئزاز من نفسي

بس بنفس الوكت اريد اكسرة مثل ما كسرني

اريد اقسم ظهرة نصفين

مثل ما سوة بحالي ، اتمنة اشوفة متدمر و متشتت مثل ما خلاني اضيع واتشتت

ثاني يوم كعدت الصبح سبحت وطلعت من الحمام شفت ليث ينزل و ورة سداد يحجي ويا

بكل صلافة يسولف ويا اخو و هوا خرب حبة و شوه صورة حبيبتة

ومسوي نفسة ملاك بريئ كلشي ميدري

و سداد وجهة اصفر وانتبهت ما يباوع بوجه ليث و شاح بنظرة عنه

وحتى من شافني امشي للغرفة رمقني برمق سريع و دار وجهة عني

بينما ليث استغل الوضع واكلني اكل بعيونة

مادري شنو غايتة يمكن يريد يحسس سداد ان بيناتنة علاقة و قصتنة حلوة وميدري شنو جان بيناتنة انه وسداد ..

اقذر منه ما شفت منحط ..

بيومهة بدلت وكشخت وعدلت نفسي ع اخر درجة حد ما ضل سداد يصيح لان اتاخرت وانة متعمدة ما اطلع و أاخر بروحي ..

فلك ... يله رهف راح يبدي الدرس الأول

رهف ... بس شوية اوكفي انطوني صبر لا تأذوني اوووف

درة ... وين رهف وين رهف وين رهف

رهف ... كضي بريك طلعتي كبل هاي انه كبالج اعدل حجابي دقايق شبيجن

فلك ... سداد ضل يصيح ويتأفأف بعد دقيقة اذا منصعد يعوفنة و يروح ويخلينة اندك الدرب مشي

رهف ... اي خلي يروح واحنة نروح مشي عادي

فلك ... اوووف من عنادچ يله يله عدلي بسرعة و خلي نطلع انريد انروح للدوام احنة رايحات نطلب علم لو نطلب ارجولة علمود كاعدة تتعدلين

رهف ... اللهم طولج يا روح اوف اوف كافي شبيجن ماروح والله ابطل ما اروح لا تلحن كتلجن بس اعدل حجابي شبيجن انهديتن عليه

ردت ادمع اخذت نفس و كملت ، اخذت حذائي بايدي و طلعت هنة راحن يركضن صعدن قبلي و فلك متدري شسالفة كبل صعدت ورة عايفتلي الصدر يم سداد ، هوا صعد بالسيارة ما يباوع بأتجاهي لابس نظارة شمسية امغطية نص وجهة ..

ورافع شعرة لابس سترة اوف وايت وبنطرون وقميص اسود

غير طالع جنة هلال العيد ..

اتحسرت اوووف سداد كلبي يرجف من اشوفك عبالك بس انته زلمة، كل العالم من حولك يختفون

ركضت فتحت الباب الورة وصعدت دحست روحي يمهن كالت فلك متذمرة

... اي صعدي كدام متشوفين احنة كل وحدة جنطتهة ماخذة مكان مال نفرين

... اريد اراجع وياجن جا وحد انه

كالت نزلي نزلي خلي اصعد يم سداد هنا تصير حصرة

وخرت و خليتهة تنزل صعدت يم سداد وانه ضليت ورة

تعمدت اسأل درة كم سؤال حتى ما احسسهم بيه شي لو ضايجة من شي وصعدت ورة ..

وصلنة للمدرسة وعبالك الدنيا تتعمد تصفكني ع وجهي و تصحيني و تهيج مواجعي

صارت دخلتنة للمدرسة ويا دخلة مريم و وجه مريم صار بوجه سداد ابتسمتلة و هوا بادلهة ابتسامة بداية الدوام

غير احس الدم بعروكي صاررر حمم بركانية، و كل ذرة بية صارت ترجف

نوبة حزن اجتاحتني و كلبي ما يكدر يتحمل

ركضت ورة و صحت استاذ سداد ..

التفتت نزع النظارة و باوعلي بنص عين

وكفت كبالة و حجيت بصوت هامس

... لا تروح خلي احجي وياك سداد والله وروح ابوي ماعندي شي ويا ليث

حط اصبع السبابة ع شفايفة بمعنى اششش

وكال ... الموضوع انتهى سد

رهف ... ماكدر انهي سداد تحجي كل عقلك انته ولك انه جاي اشتعل نار واطفة كل ما اشوف نظرة عيونك الكلهة لوم وعتب انة اتكطططع من جوة وانتة ماحاس بية ..

سداد ... الموضوع هذا ما ينحجي بي هنا من نرجع للبيت اشوف وكتي اذا عندي وكت الج نسولف ، حجة بنبرة استفزتني

نبرة لا مبالاة عبالك انه ولا شي والموضوع مالتي مو مهم ..

زميت شفايفي بغيض و كتلة بنبرة غضب

... اصلا اكلك من الأخير سدة يولي لا اريدك ولا اريد اخوك النذل عديم الغيرة ، ولا اريد احجي وياك مو مهم ما تهمني انتة ..

سداد ... مو هسة جنتي محتركة وتتكطعين هسة صرت مو مهم

رهف ... ما تشوف روحك شلون تحجي وياي وما تقبل اتصدكني

سداد ... اصدكج واجذب عيوني ، زم شفايفة بأسى وبعدهة كال

... رهف شفتتتج ذايبة بحضنة مو زين ومني ماصار بية شي ليلي ما نمتة

النار شبت بضلوعي

الماي اشربة مثل العلقم بحلكي

اخ جنت اشوفج مهرة اصيلة ما تلوكين لغير خيالج بس تالي طلعتي .... قطع كلامي ولم شفايفة ضغطهن

عبالك حط خنجر بنص كلبي ،والله حسيت نغزات بكلبي مو طبيعية جن سهام تنغرز بي

رادت تنزل دموعي بس كابرت و جريت نفس

رفعت انفي بغرور و همست ... انسة كلشي مو مهم ماصار شي الله يوفقك بحياتك اعتبر روحك ما حبيتني ولا تعرفني

سداد ... روحي لـ صفج رهف راح يبدي الدرس الاول و انظار الطالبات صارت علينة زحمة

درت وجهي و مشيت عنة طبيت للصف اغلي شمرت جنطتي ع رحلة وطلعت الكتاب كعدت حطيت ايدي جوة خدي و افتح بالكتاب ما اسمع شي

كل الاصوات احسهة توصل الأذني ع شكل وشوشة ..

ما اعرف هذا اليوم شلون مشة و شلون صارت حلة

بالي طول الدوام وين جان مادري

ما اذكر شي

كل امالي خايبة كل الناس من حولي اشوفهم وهم

حتى درة حاجتني و طلبت مني قلم جاف مادري شلون حطيت المحفظة كلهة كبالهة و رجعت صفنت ..

درة ... اباوع ع تصرفات رهف الغريبة وكلبي ينقبض شبيهة اختي يا تُرى شنو مضوج خلكهة لهذا الحد

معقولة متعاركة ويا سداد لو شنو لأن هوا هم وجهة ما يكصة السيف وعوزة بس يهجم ع واحد بينة ويقتلة خلاص ..

جانت الشكوك اتدور براسي ، واحنة نغادر المدرسة مديت راسي وهمست لفلك

... اختي واخوج متعاركين

فلك ... واضح هذا الشي وطشارهم لاحنة ما لاحظتي سداد طول الدرس يريد يموت و واكف ع اعصابة مو مثل يومية يتشاقة ويضحك

درة ... يي مخابيل والله .. واحدهم عوزة بس جناية ويكتل المقابل بيهة

جنت احجي وانتبهت لسيارة حر بس هوا ماكو

اتلعثم كلشي بية

صوتي

ونظراتي

والكلمات بين شفايفي

همست لفلك ... وين سيارة سداد

فلك ... ذيج كبالنة

درة ... تيهت روحي يَ خية و تهت .

فلك ... شنو شفتي وتهتي بس لا شفتي واحد حلو وينة الله عليج وينه

درة ... بگلبي ..

فلك ... هجم بيت البامية شكد تنفخ

بكلبهة انوب انوب

امشي لا سداد يحطنة انه وياج ويدوس بمصارينة من ورة اخيتج الزعلانة منه

مدري هوا زعلان منهة

درة ... لا ترة وضعهم مو طبيعي و لا زعلهم طبيعي اكو أنَ بالموضوع

فلك ... اش وصلنة كافي لا يسمعج سداد

بس والله اخوي واختج يخبلون سوية شوكت يعرسون واركص بعرسهم ركص واذب شحم ولحم

صعدنة بالسيارة و جان السكوت سيد الموقف

هاي المرة الموضوع مو طبيعي و غريب

باوعت بأتجاه سيارتة ل حر ما شفتة

زفرت نفس جنت كابتة بداخلي و رجعت راسي ع كشن ...

وصلنة للبيت نزلنة غسلنة و بدلنة وصلينة صلاتنة ، جان نسمع هوسة بالبيت

نزلنة الكتب و رفعنة روسن نتصنط

انرسمت ابتسامة ع محياي و كلت بفرح

... هلوووو فالح هذاااا

فلك ... هلو هلووو فالنشمر العلم والقلم ونجري خلفه

ولج يا مالح هسة كعدي اقري خلصي وطلعي شوفي فالح

خصمت عيونهة بشك وكالت

... بس الي بگلبج هوا فااااالللح

رهف ... ويع ناقصصص درة تاخذ لميس

فلك ... بعدج بذيج السالفة ترة فالح خوش فالح

درة ... لا لا يمعودة مو هوا الي بكلبي انه البكلبي ماكو منه ثنين ولا اكو واحد يشبهة .... حجيتهة وابتسمت بحب وانه احط ايدي ع صدري

رهف ... منووو هذااا لج انه مادري

درة ... مالجن شغل درسن يله درسن بس اكمل انكليزي اطلع يم فالح اضحك ويا شوية اغير جو

فلك ... مو بس فالح هذا ترة اكو اصوات ثانية

درة ... مادري شوف منو يطلع هسة جاي ويا

رهف ... عوفن الگركة ودرسن حبوبات

تأفأفت بضجر و رجعت اكمل دراسة ، جان اسمع صوت فالح يصيح

... دددرررررة دررررية درررية أبنة عممي درييية

رهف ... شنو هاي الميانة الزفرة درية

فلك ... كومي شوفي شنو يريد منج درة

درة ... اوووف مو اريد اكمل انكليزي

فلك ... هستوة تردين اتطلعين اتكابلين فالح وتكعدين هسة صرتي تردين تكملين

كمت وعيبت عليهة مديتلهة لساني

... رايحة

فتحت باب الغرفة وطلعت جان اشوف همام و فالح بلعت ريكي بارتباك من شفت همام كاعد كبالي حاط رجل ع رجل و ومرجع ايدة ورة راسة

باوعلي وابتسم ابتسامة هادئة

وكأن يكول هااا حلقومة

بلعت ريكي بأرتباك

جان يكول فالح بصوت عالي ... هلا بدرية و زورية و جريةة جووورية هلا بأبنة عمي الراح تسويلنة كلاص جاي ثكيل معدل ..

همام ... لا خفيف اريدة

فالح ... ثكيل يعدل الراس بلا امر عليج درية انريد كلاص جاي عمتج مادري وين راحت

درة ... شنو ماعدكم جاي وجاي تشرب عدنة

فالح ... لا امي فارضة علية حصار و ما تخليني اشرب جاي

همام ... اي تخاف تبول ع روحك وتبلل المندر

فالح ... لا يا ادبسزز منو كلك انه همام لك لا تخليني اطلعهن وحدة وحدة كلهن جوة ايدي

همام ... اوووو ف لا يتشاقة والله شكد نفسية اشاقة عمي

حمودي ... درة لا تسوينة لا خفيف ولا ثكيل خلي وسط خوش ... حجة وابتسم ابتسامة هادئة شكد لطيف هذا الولد ..

سويت قوري الجاي الهم و جبت اكواب كبار و شكر وحطيتهن بصينية و حطيتهن كبال فالح

... أوامر ثانية أبن عني

فالح ... لا يا أبنة عمي جزاكِ الله خيرًا يا سمرة الوجه وبيضاء القلب بس انتي احبج

همام ... تحبك العافية اشرب جايك واسكت

فالح ... حار اخاف احترگ

همام ... انفخ علي

فالح ... يصعد البخار ع خشمي

همام ... جيب ابردة الك انه

فالح ... لا احط علي ماي وابردة

همام ... شنو زعطوط

فالح ... شسوي والزهرة حار يحرك لساني اخاف اشربة

همام ... من كون جيرة عود هذا انتة الزلمة شخليت للنسوان

فالح ... الحمرة والكحلة

همام ... لا بربك

فالح ... شايفني مكحل ومحمر

همام ... بس هاي ناقصتك

درة ... يمة صار عندي دوار كافي تتعاركوون دوختوني خلي ارجع ادرس احسن

فالح ... شنو عندج ما فاهمتة ادرسج

درة ... لا ما احتاج اعرف ادرس وحدي

فالح ... ع اقل كولي شكراا رصاصة

درة ... لا صدك تعرف رياضيات ?

فالح ... لعبتي

درة ... اكو تمرين ما فاهمتة تفهمنياه لو ما تعرف

كون اريد مضبوط

فالح ... جيبي وتعاي وشوفي

ركضت اخذت كتابي ودفتري وقلمي وكعدت قريب منة كعد يحل التمرين وخطوة تتبع خطوة طلع صدك خوش يفهم اخير شي صفحة كاملة و كال راح اطلع الناتج ، طلعناه سوية و جان يطلع. ( 1 )

فالح راد ينتحر الا شوية

يكول هذا التعب كلة ويطلع واحد والله زحمة كبال الله وخلكة

ما يسوة التعب والحساب و الضيم

ضحكت بهدوء واخذت الدفتر منة و كتلة شكرا خوش تفهم انته

فالح ... تدللين زورية

درة ... اثبت ع اسم

فالح ... زورية الحورية

ضحكت وكمت رمقت همام برمق سريع شفتة يسترق النظر الي كل شوية

جان هادء

ما يطلع صوت

ما يعلق ع اي شي

ما اعرف شنو بي و شنو يريد

صراحة جان موضوعة يخوفني

حد هسة اتذكر سالفة الصورة الحاطهة بمحفظتة وكلبي ينقبض

شفت سفانة ستوة تفوت للبيت جانت عد اهلهة سلمت و صعدت كبل

وانة رجعت ادرس

و ع هذا المنوال مر اسبوع امي ما اجت لان كاتي جابت، صار عدهة ولد اسمة "جون"

طبعا عمتي كالت جنت احجي ويا امج وكالت كاتي جايبة ..

درة ..جنت كل فترة اشوفة من بعيد البعيد

العيون تسولف والكلب يتراقص بفرح ع شوفة المحبوب

ف مرة كالو ان اهل همام مسوين عزيمة، لان دوران سنة جدي

مشترين ذبايح وراح يسوونهة

انه هنا انتفضت و رفضت رفض قاطع

باوعت لرهف وگتلهة ... انتي روحي انه ما اروح ولا ادخل لبيت المرأة الهانتني ونزلت قيمتي

رهف ... ولا انه اروح شنو هاي الجربوع واروحلهة اضل وياج هنا

درة ... بعد كيفج بس العلي كتلج ما اروح انه

وافقتني الرأي و هي كذلك رفضت تروح بس عمة نجوى ضلت تلح علينه و من باب انتن كبار وعيب

امشن بس حگرن اليحجي عليجن لسانك حصانك ان صنته صانك

انتبهن لكل حجاية تطلع منجن وما تتعرضن لأي موقف محرج ولا تسمعن حجاية

انتفضت ورديت معترضة ... و شنو تسمين كلامهة ذاك اليوم ? معقولة انتي معتبرتة رد فعل لكلام سيء بدر مني

سألي مها سأليهة

مها ... لا عمي درة ماحجت شي هية كبل طبت هاجمة

نجوى ... ادري بس ما تعيدهة بعد

ضجت بس ما باليد حيلة استحيت من عمة نجوى و قررت اروح

قبلهة خليت رهف تحفلي وجهي لان حفت لفلك

و غسلت وجهي شب نار

رتبت وجهي بشوية مكياج و لبست لبس انيق مرتب

مال ناس طكوك

مو هية اتدور مظاهر ام بارق

خلي تشوف

القيت نظرة اخيرة ع شكلي بالمراية انعجبت بنفسي

كلت ع روحي ما شاءالله ..

شنو هاي الثقة الزايدة ..

و رحنة الهم، جان يوم ممل

ام بارق ما تسولف بس بالأثاث الغالي و البردات الي موصيتهن من دبي مدري من بيروت

و شكال العطر المشتريتة بورقة و شكالت المبخرة وبخورها الراقي ..

كمية التفاخر والمبالغة بأسلوبهة لعبهة لنفسي و خلاني ع اي لحظة ممكن اتقيء و اطلع شكو شي بداخلي

صارت صلاة والكل راحو يصلون بس انه مجازة ما اصلي ضليت كاعدة العب بالكاع برجليني و اتأفأف

"شوكت تخلص هاي العزيمة المملة"

رحت للمطبخ شفت مها واكفة بي وحدهة حجيت بضجر

... اوووف مها ميتة جوع ميتة شوكت يتغدون ترة طكت روحي واريد ارجع للبيت

انه جوعانة وراح اضل اسربت لان اذا جعت ابوي ما اعرفة ..

جان مها تحجي بتحذير

... درة اسكتي عيب لحد يسمعج ترة غداهم يتأخر للثنتين ضبطي روحج وحافظي ع هدوئج منا للغدة

فكيت عيوني و حلكي و اشرت ع روحي

... انه لازم اصبرررر للغدة يعني اصبر للثنتين

مها ... اي جا شلون احطلج وحدج تاكلين زحمة شيكولون عليج طفلة

... زين هم شنو طابخين كون شي يسوة اصبر علمودة

مها ... برياني لحم

... بس هم ما اصبر للثنتين مهااا والحل والحل راح اموت من الجوع ..

مها ... والله يا درة راح تفشلينة انتي تحملي

... من ل7 متريكة

مها ... انه هم وجوعانة بطني راح تفشلني بس شنسوي خو ما ناكل وحدنة فشلة

طلعت هية من المطبخ وانه سحبت كرسي من الكراسي الفخمة المحاوطة الطاولة الطويلة

كأن قصر احد الملوك و كعدت برأس الطاولة

عبالك سلطانة ..

قوست شفايفي بأعجاب و همست بيني وبين نفسي ما شاءالله ..

و ضليت كاعدة، هذا مطبخ وعدهم مطبخ ثاني هسة جاي يطبخون بي

النوب واحد احلى من الثاني

دقايق مرت ورجع الصوت بالبيت من خلصو صلاة وانه كاعدة بمكاني

منزلة راسي بحزن لأن جوعانة

واحس كلبي ممرود اريد شي يلزم كلبي ماكو

انفتح باب المطبخ حطيت ذراعي ع كرسي والتفتت شفتة همام يفوت من شفتة انقبض كلبي جن الموت ودخل علية مو همام

ضليت ابلعم .. بيدة علاكة صغيرة جان وجهة مبتسم و هادئ

كال بهدوء ... سمعتج تكولين جوعانة جبتلج هذني من المحل سدي بيهن جوعتج

رمشت بعيوني و كتلة بثول ... انه

همام ... اي انتي مو جوعانة

درة ... لا منين ما جوعانة اصلا متخومة

همام ... مو قبل شوية اتلطمين من الجوع

درة ... لا سامع غلط

رمش بعيونة و فك حلكة رفع ايدة حك شاربة و كال ... يلة وين اوديهن انه سمعتج وجبتهن الج اكليهن الف عافية

درة ... لا شكرا ما اريد .... اكلهن انته لو انطيهن للجهال

عفتة و كمت اطلع من المطبخ اسمعة يحجي بصوت ناصي كال

"وانه رحت ركض للمحل اجيبهن وفشلتني"

ضحكت علي و سويت روحي مابية شي و رحت كعدت يم رهف مثل الأمورة ..

حد ما عمة نجوى كالت ليش كاعدات بنات تعالن حطن الخضرة بسلات

كمنة للمطبخ انحط ، و جان ام بارق تنطيني علاكة زبالة كالت ... ذبيهة بالحاوية ..

من دون كل البنات جابتهة وحطتهة بأيدي من صفنت بوجهة مستغربة اسلوبهة وطلبهة الغريب

كالت ... شبيج درة عندج طرش جاي اكلج ذبي علاكة الزبالة بالحاوية برة لونهة اصفر ..

والله اجيت اكللهة لا الحاوية كبالي لابسة ازرق قاتم بس تعوذت بليس و اخذت العلاكة من ايدهة بنتر

جانت ريحتهة تعط مادري شسالفة يمكن ذابين بيهة ماي و خايس

سديت خشمي بأصابعي و طلعت ادردم ..

... عبالك اشتغل عد الخلفوهة و النوب ناطيتني علاكة ريحتهة زفرة مدري خا**

همام ... درة درة

... ناقصني تطلع انته بوجهي وتكمل السبحة

همام ... شنو كلتي

... سلامتك اريد اذب هاي بالزبالة وين اذبهة؟

... انطيني عنج انه اذبهة

اخذهة من ايدي اللوكي وانة طكيتهة ركضة رجعت للبيت

جانت امه تسولف المرت عمي ام فالح عن وحدة وماعرف ليش حسيتهة تبسمرني وحاطة كورهة من كوري

تكول ... هية مو من مستوانة ولا راح تصير بمستوانة .... وباوعتلي بطرف عينهة

كتلهة بصوت ناصي ... العفو شكد لازم تنزل حتى تصير بنفس مستواكم

كالت بنتر شنو !

درة ... عمة جاي اكلج شكد تحتاج وتصير بمستواكم

فرت حلكهة يمنه ويسرى وكالت

... يرادلهة جمال وعلم وفهم مادري شمسويتلة وعاميتة ع عيونة يكوم ويكعد يسولف بيهة ويريدهة

تحجي وتباوعلي بطرف عينهة حتى عمة ام فالح ضلت تباوع بشك و كأن عرفت انه المقصودة

بس منو يريدني ويكوم ويكعد يحجي بية؟

خلصت العزيمة و رجعنة منهكين و منفوخين من الاكل

جان الغدة طيب صراحة و الصحن الصار كبالي مليان بكل ما لذ وطاب ..

ذبيت روحي نمت شوية و كعدنة للعشا بعدين

واحنة ملتمين ع سفرة عمي طك حجاية صفنة

كال قصي خال رهف خطبهة مني الأبنة صهيب و الزلمة يكول بعد احنة مو غرب و ان شاءالله ما تردونة انه كتلة اذا عليه اكلك كبع واخذ بس البنية رايهة الاول والاخير وهوا اليمشي

و تردون الصدك انه اشوف سداد ناوي يرتبط برهف بس ما كتلة البنية ابن عمهة يريدهة ..

باوعت ع سداد و رهف وابتسمت بس فجأة و سداد فجر القنبلة من كال

... منو كلك انه اريد رهف ؟ بت عمي مابيهة العيبة بس انه كلبي ما هاويهة

مها شهكت مصدومة واحنة كلنا باوعنة علي مصدومين ، رهف زمت شفايفهة بغيض و وجهة صار احمر ما حجت شي ..

جان يرجع سداد يكول

... اذا خطبو درة عود منك كللهم ابن عمهة يريدهة

انه اريد درة مو رهف ...

غصيت باللكمة و زعتهة بنص الأكل ، و ضليت ابحلق بعيوني

سفانة صاحت ... ويععع لعبتي روحنة

درة ... مو صدمني اسفة

شلتهة و شربت ماي وانه عيوني تدمع لان شاركة ومصدومة اباوع ع رهف وجهة صااار احمرررررررر دم

عمي فاضل حجة بنبرة واحد مصدوم

... عود هذا حجيك صدك كل عقلك تحجي انتة

سداد ... اي من رخصتك بوية انه احب درة واريدهة وناوي اخطب واتزوج اذا هية توافق ....

سداد ... اي من رخصتك بوية انه احب درة واريدهة وناوي اخطب واتزوج اذا هية توافق ..

فاضل ... حجي جديد هذا

نجوى ... هوا شوف ابو ليث گلي شوفيلي مرة بس ما حدد درة ..!!!

سداد ... و هسة جاي احدد شبيكم سويتوها سالفة انه يمتة كلت اريد رهف

حجة و هوا يعقد حواجبة الشقرة و يتعقج جبينة الأحمر نتيجة ارتباكة و غضب دفين اخفاه خلف قضبان روحة .. و اسرار كتمها ، وما افصح عنها حتى اثقلت الهموم روحه .. و ملئت الحسرات جوفه ..

ما عرفت شنو اعرف، يمكن الكل فكر بسداد ومحد التفتتلي و باوعلي بعد

الكل عينهم ع حلك سداد منتظرين يطلع كل ما جعبتة من سوالف تصدم الحضور ..

استرسل بالكلام بجدية تامة ... يعني والله امركم عجيب واحد يريد بت عمة و يخطبهة بيهة شي يا جماعة؟

انه حجيت حجاية غلط؟

فاضل ... لا بس احنة حاسبين غير حساب هواي گلنة رهف الك و ما حجيت شي

سداد ... ما جنت ماخذ الموضوع بجدية

فاضل ... ما تمشي عليه سوالفك سداد ، المهم هسة كملو اكلكم بعدين نحجي بالموضوع

و خطبة صهيب لرهف اتم او لا

الموضوع راجع لرهف و موافقتهة .

هنا تحولت الأنظار لرهف الرافعة ايدهة تمسح بقطرات العرك المنتشرة ع جبينهة ابتسمت ابتسامة جامدة مجاملة و بعدهة اردفت ... الله كريم

رهف ... انفاسي انضغطت، ارتبكت و تعلثمت

باوعت لسداد طول ما هوا يحجي تحسة كلبة محترك و الكلام يطلع من حركة كلب

احسة يكول غدرتيني ويا اخوي ، وانه ويا اختج

احسة يكول مثل ما شفتج بحضن اخوي

راح اخليج تشوفين اختج بنص حضني ومتوسدة ذراعي الي طالما تخيلتج ناثرة شعرج عليها و متوسدتهة ..

رمقت ليث بسرعة ، يسمع حجي سداد و مبتسم بخبث و مكر .. يعتبر روحة ضفر

كلام سداد بالنسبة اله ما هوا الا ثمرة لخبثة و مكره و شيطنتة ..

من باوعولي كلهم مسحت جبيني و ابتسمت و اردفت ... الله كريم

فاضل ... شتشتوفين روحج الج نية ترضين بأبن خالج بوية

رهف ... صراحة صهيب ربيت ويا من الطفولة واعرفة و ما اعتقد الگة احسن منة ، بس احتاج افكر لأن الموضوع موضوع ارتباط طول العمر مو يوم لو يومين ..

فاضل ... عفية عليج بنيتي فكري زين هذا مستقبلج

و هنا انتقل عمي فاضل للأسئلة و تعمدت اجاوبة بأسلوب يثير غيرة سداد و نارة ..

كال متسائل ... هوا فتح صيدلية لو بعدة

رديت ... اي فاتح بالجديد ، هوا و زميل اله بخمسة ميل

فاضل ... ما شاءالله سبع ، ومبين علي ولد ثكيل ورزن الواحد أيأمن يسلمة مرة

رهف ... ههههه صهيب صحيح كد المسؤولية و سبع اخو اخيتة ياما جان سند النه ..

باوعت لدرة ابتسمت و كالت اي والله ..

احجي بأبتسامة بس بداخلي حسرات نط ليث من مكانة وكال ... لا انه اشوف مهتلف

حجيت بهمس ... مثلك

كمل كلامة بدون ميسمعني ... صراحة يابة انه من رحتلهم اجيب البنات مرة و شفتة ما ارتاحيتلة حسيتة هتلي

رهف ... بالعكس خوش انسان وشكلة واسلوبة يبعث طمئنينة للمقابل منين جبتهة مو راحة

ليث ... بس انه ما كلت مو راحة

رهف ... كلت مارتاحيتلة يعني تقصد مو راحة ..

ليث ... وانتي ع شنو احترك دمج هيج بس لا تردينة

رهف ... طبعا يحترك دمي غير جاي تحجي ع ابن خالي ترة صهيب ربيت ويا

ليث ... خوش حجي ربيتي ويا يعني اخوج

رهف ... لا عيوني ماعندي اخوان انه بس هاني ..

هاني ... وهم ما صرت اخوج الااا قبل اقل من سنة

رهف ...خوش حجي

ليث ... لا حول ولا قوة الا بالله يتعمدون يشلعون كلبي مو انه الولد شايفة مو راحة

رهف ... وانته شتعرف عنة ليش تحكم ع شكل الخارحي

ليث ... انه اذا واحد ما ارتاحيتلة وحسيتة مو خوش يطلع صدك مو خوش

رهف ... واحنة نعزل تجارب ونمشي ع احساسك ..

ليث ... رهف!!!!

فاضل ... بعد بعد انطوهم نعل من حشا نعمة الله خلي واحد يكتل الثاني شبيكم زعاطيط

ما تحترمون وجودي ولا وجود امكم

زميت شفايفي بغيض وباوعت لعمي فاضل

... بس عمو مايصير يحجي ع صهيب ابن خالي ترة وعزيز عليه

فاضل ... حقج ، ليث انته ما تعرفة مثل ما هية تعرفة تضل هية العاشت قريب منهم وصار سنين معاشرتة ..

ليث ... بس انه ما ارتاحيتلة الولد مبين هتلي وصاحب علاقات تزوجهة اله يومين وترجعلك تريد تطلك

فاضل ... هسة هية وافقت ؟ بعدهة تفكير ما مفكرة وانته طلكتهة

ليث ... الواحد لازم يفكر قبل لا يخطي هيج خطوة

رهف ... عود اذا اتطلكت لا تكعدني ابيتك ، حجيت بغضب و نتر

فاضل ... رهف لسانج ! ابن عمج الجبير هذا

رهف ... مو المفروض ابن عمي الجبير يحترم وجودنة انه ودرة قبل ميحجي

فاضل ... يله ماصار شي ثنينكم غلطانين ليث اتعذر من بت عمك وانتي تعذري منه وفضو السالفة

ليث ... ما حجيت شي غلط علمود اتعذر خابر عليهم وكللهم مالكم مرأة يمنة ما ننطي بناتنة لهتلية

سداد ... هية بكيفك ليث اذا البنية موافقة ليش تعرض بقسمتهة

كمت من مكاني بسرعة و فتت للغرفة بدون ما التفتت الهم ... بعد مادري شنو صار بس اختنكت بعبرتي و احس كلشي من حولي صار اسود ..كلبي توشح بالسواد حدادً ع روحي الماتت حزن من كثر خيباتهة ..

شبكت اصابعي و ضليت اتأفأف و حجي بيني وبين نفسي "هسة وكتتك صهيب وكتك جان اجلتهة"

لا لا همزين اجة خلي اوافق بي واحرك دم سداد اخلي يموت قهر ..

استلقيت ع سرير و عيوني صارت تباوع ع سكف .. وافكر .. اوافق بصهيب علمود احرك كلب سداد

لان ما صدك بية و مصر ان ليث ما يعرف بعلاقتنة

غبي و الله غبي حتى اهلة الشياب حاسين و يدرون و عبالة اخو الشاب الماتمشي علي هاي السوالف ميدري ، نفخت نفس "اووووف" غبي .. مستهتر ..

فاتت درة ورة دقايق قليلة و كالت بصوت مهزوز ... انه مو لعبة بيناتكم انتي مو تحبين سداد ويحبج مو كلتي تتخابرون و تتغازلون شو هسة گلب شسالفة

كعدت ع حيلي ... اي هوا حقير قفلي الباب وتعاي اسولفلج

ركضت قفلت الباب و اجت تركض وهية تذب الشال من ع راسهة وتتناثر خصلات شعرهة القصير ع خدودهة ... احجي سولفي شصاير

ربعت كبالي و حطت ايدهة جوة حنجهة تنتظر الاجابة ...

رهف ... هذا ليث الادبسزز يتحرش بية

شهگت مصدومة ونفكت عيونهة حتى لامست اطراف رمش عينهة حاجبهة و تشنجت ملامحها

قوست شفايفي بحزن و استرسلت بالكلام ..

... درة يتحرش بية يكول يحبني وما يخليني اخذ سداد ، عاد شسوة دزلي رسائل من مبايل سداد واستدرجني وهناك مخلي سداد يجي لنفس المكان و هوا حاضني سداد شاف كلشي و عبالة انه عندي علاقة بليث ومتونسة بحضنة

وصار يباوعلي ان انه خاينة و حقيرة ..

درة ... شنو استدرجج واستدرج سداد بنفس الوقت ممعقولة

رهف ... افكارة شيطانية ماعرف شلون جار سداد لنفس المكان وعرف شلون يلعبهة صح وهسة انه وسداد انتهت علاقتنة

و حتى لو سداد عرف الصدك بعد ما ارجعلة ..

نزلت راسي تنهدت بضيق ... تخيلي كل هذا صار وياي انه تعبانة درة اريد امي

حضنتني بأيديهة الصغيرة وخلت ايدهة ع راسي تمسد علي ، تسلل عطرهة الهادئ لريتي و غمرت راسي بدفو حضنهة، هذني السببين جانن كافيات لتفجير الدموع الراقدة بخوف داخل جفوني

هلت الدموع ع خدودي و تعالت انفاسي بشهكات جنت كابتتهة بصدري ..

سألتني بفضول بنية مصدومة ... شلون تحرش بيج ذبلج حجي

رهف ... ولج يا حجي يحصرني ويسد حلكي بأيدة ويبوسني ويتلمس بجسمي

رجعت شهكت بصدمة و كالت ... وانتي شتسوين

رهف ... اضل ارجف واعض بأيدة مايشيلهة كل جسمي يضل يرجف وروحي من الخوف تروح

درة ... ما صرختي

رهف ... اول مرة تحرش بية ما صرخت لان ساد حلكي عضيت ايدة وضليت اون من الخوف ما شال ايدة من حلكي

وثاني مرة صرخت وسد حلكي، رفستة بصدرة وردت اشرد كضني من رجلي وجرني حيل طيحني بالكاع

درة ... الله يهلكة احجي لعمي فاضل علي لا تضلين ساكتة

... يصدكني ويجذب ابنه ؟ اذا هوا سداد ما صدكني

اوف اوف ..

... نخابر امي نطلب منها تجي تاخذنة، قطعت كلامهة سكتت تحسرت ورجعت كالت

... خلي تشوف بيت تستعجل مو حالة هاي .

رهف ... راح اوافق بصهيب احسن

درة ... انتي اذا ماتردين صهيب لا تضلمينة وتضلمين روحج يولي رفضي

رهف ... ماعرف درة لا توافقين بسداد ترة حقير يريد يحرك كلبي مثل ما عباله انه ويا اخو

يريد يكلي شوفي انه ويا اختج

درة ... لا يخسى ما اوافق لا بي ولا بغيرة ..

درة ... ابتعدت رهف من حضني و كالت

... من يحاجيج عمي كليله ما راضية احسن واخير حل وانه افكر بخطبة صهيب اذا شفت روحي كدهة اوافق واخلص من هذا الضيم

درة ... اي خوش حجي ..

كمت من يمهة مصدومة، يارب احنة عايشين ويا ثعلب مكار

الله اعلم بشنو يفكر و شوكت يفجر قنبلة ثانية و يخرب علينه حياتنة ..

فتحتت الباب وطلعت شفتة بالصالة كاعد بحضنة ابنة ، اول مرة اشمئز من اشوفة

و تلعب نفسي ، باوعلي من شاف وجهي المنقرف منه عقد حاجبة بأستياء ..

عفتة و دافوت للمطبخ سمعت مها وسفانة يسولفن

مها تكول لسفانة ... ليث مرمرني شالع باب كلبي بس يحجي عليه و ع ابسط كلمة مني يضل يصيح ويطيح حظي و اربعة وعشرين ساعة كالب وجهة

سفانة ترد بضحكة ... ولج خاف ما ناطيتة و كالب وجهة

وكفت فتحت الصيدلية الي يم باب المطبخ علمود اتسمع عليهن اذا فتت خاف يسكتن

مها ... وين صار شهر ابدل واكشخ واجي اتدحس بحضنة وابوس بي يله ينام وياي وهيج كد حاجتة حولني وعاء لتفريغ شهواتة لا اقل ولا اكثر

احس نفسيتي تتعب وتنحدر للأسوء

جم مرة بمرة ابدل واتكشخ والبسلة لبس جديد وحلو واتمكيج واجي اكعد يمة يلف راسة وينام

واذا زل لساني لو حجيت شي غلط يصيح عليه حتى يمل ، وبالأخير يغطي راسة وينام ويضل تلث ايام اربعة ما يتحاجة اذا اكلة بز ينفجر ..

متحملتة علمود البزر والله لو ما مخلفة ع الاهانة الهانياها هذا الشهر كلة ف لا اضل عندة يومين

سفانة لعبت روحي كلش

سفانة ... زين واجهي كليله شبيك يجوز من الضغط العلي يسوي هيج

مها ... لا ليش بس وياي شوفي جوة كلشي مابي ويتمضحك وشحلاتة من اسد باب الغرفة علينة الزلمة ينگلب جني عليه

سفانة ... واجهي وفضي السالفة كليله شبيك شمسويتلك وين الغلط ، يجوز شايف منج شي هوا ما يحبة

مها ... الله كريم الليلة اواجهة

سفانة ... عوفي العجين انطيني اكملة صعدي سبحي ورتبي روحج لا يجي يبوسج ويشم حموضتج وينجلط

مها ... خرب بعرضج انه محمضة هسة والله الصبح سابحة

سفانة ... اتشاقة وياج خية شمالج انطيني عنج

سويت روحي اكلب بالادوية و هية طلعت من يمي شافتني كالت

... شنو درة تردين دوة

درة ... اي راسي يوجعني كلش

مها ... وخري ، مدت ايدهة طلعت دوة وانطتنياه

هذا درة اخذي منه وحدة

درة ...مشكورة .. اخذتة منها هية عافتني وصعدت بلهفة تتحضر للزوج الخاين

حتى تاخذ عقلة بجمالهة نست ان جنس آدم ما يردون الجميلة ولا الذكية

يردون الي تترس عقلهم و تدخل نفسهم

بغض النظر عن شكلهة و ذكائهة واسلوبهة ..

وحظ اختي جاب ليث عليهة خلاه يريدهة ودخلهة براسة

و هاي بدايتهة انكلب طنطل ع مرتة المكسينة

نهايتهة شلون ...؟

بعدهة الساعة ب11 و ثلث بالليل گب الصياح ، شلت راسي من المخدة باوعت لرهف الطفرت من فراشهة مفزوعة

و كالت بصوت يرجف ... شصاااير

ركضت بسرعة فتحت باب الغرفة ناسية تلبس شالهة و شعرهة الأسود مغطي ظهرهة ، و نازل اجلالًا لمنحنى خصرها الرفيع ..

كمت وراها اخذت شالي حطيتة بأهمال ع راسي و طلعت

ويا طلعتي شفت ليث واكف ع درج و يحاجي ابو بنبرة قاسية ... قليلة ادب وصوتهة عالي شسويلهة مثلا اضحكلهة

نزلت هية تجر بجنطتهة الدمع ينزل ع وجنة ، بعثر كحلها ..

تجاوب بنبرة مكسورة و صوت متجرح من الصياح الصيحتة وكعدت بي كل البيت ..

... عمي يكلي ناوي اتزوج مرة ثانية شتريد اسكتلة لا والله ما اسكت واذا ع بزر مو اهم من كرامتي السحكتهة برجليك ومشيت ولا جنك

فاضل ... كولي يا الله بوية و تعاي فهميني شكلج وانتي تسودنتي

مها ... طكني و شتمني وداس ع كرامتي ..

فاضل ... ليث شبيك ويا مرتك

ليث ... موضوع خاص بيناتنة صعدي مها

مها ... لا والله ما اصعد خابرت اخوي وجاي ياخذني ما اضل وياك اذا تعدل اسلوبك وياي و تتراجع عن حجيك

ليث ... الباب يوسع جمل درب الصد لا رد ... حجاها بغضب وهوا يسوي حركة بايدة بمعنى ... روحي ولي

عمي فاضل صاح بغضب ... ولك ليث مها احجي المشكلة الي بينكم يجوز اذا اتدخلنة نكدر نحلهة

مها ... عمي يريد يتزوج عليه

فاضل ... شني سمعت اخوك يريد يعرس وغرت منة هي يالله يعرس مالتيش بوية مو عندك مرة ومخلف

ليث ... رايد وحدة لا اول واحد ولا اخر واحد يتزوج نسوان ثنين

فاضل ... لا والله

ليث ... اي والله

فاضل ... بين ياهو الغلطان بيكم هسة عليش تتزوج اذا مها مقصرة وياك حاجيهة بيناتكم وكللهة ع قصورهة شني و حل المشكلة

بس مال تتزوج مرة ثانية هاي كطنة وشيلهة من ذانك

ليث ... مو انه جاهل وانتم تمشوني يابة انه نويت وبس اكمل بيتي الجاي ابني اتزوج

نجوى ... يا بيت!؟

ليث ... صراحة انه من نويت اعرس شتريت قطعة ارض وجاي ابني بيهة بس يكمل البيت اتزوج بي

فاضل ...ولك انته ما تخاف الله

ليث ... ما مسوي شي يغضب رب العالمين الشرع وحلل اربعة لا اول واحد ولا اخر واحد يتزوج ثنين نسوان

فاضل ... ما تاخذ مرة ثانية والله

ليث ...بالعباااس اخذ و الي اريدهة رضيتو وله ما رضيتو شتسووون تتبرون مني وسيد سامي انهبهة واصخمكم

عمي فاضل صاح بغضب رج اركان البيت ... للليييييث وتتتتحجي بصلاااافة ولك مااااا مرررربيك اننننه شننننني واكف كباااالي وكباال امك ومرتك وتكوووول اعرس واذا ما رضيتو انهبهة ..

مها ... شووف عمي شوف كالب عليه علمود وحدة ساقطة فلسين ما تسوة تركض ورة واحد متزوج وتريد تهجم بيتة

انتم هذا مستواكم الساقطات امهات الزبم هنة اليكعد حظهن وياكم وتصيرولهن طليان

وين الملعبة تردونهة و تبوسون تراب رجليهة ..

راد يهد عليهة و صار سداد بيناتهم دفعة من صدرة وحجة بصوت هادء

... لا تصير ناقص رجولة و تطك مرأة لو بيك خير ما تعشك ع مرتك

صاح علي ... و خر انته منو وتعلمني

ما نحس غير سداد طكة كلة براسة مال واحد محمل علي و كلبة مورم عمتي نجوى صرخت ..

صاح بيهم عمي فاضل و ابتعدو واحد عن الثاني ..

ليث مسح ع راسة ويباع لسداد بنظرة غضب، عيونة تجدح ويتوعدلة بعيونة

شفت سداد باوع ع جهة باوعت عليهة شفت رهف واكفة عيونهة حمر و ترجف مثل السعفة ..

انتبهت السداد باوعتلة بنظرة توسل شح نظرة عنهة

جانت نظرتة الهة كلها عتب و لوم

وكأن يكللهة راح تهجمين بيت مها ..

مسكينة يا رهف لا وصلت للعثك ولا لاحتة و تصيحت ..

اندك جرس البيت و نقال مها بوكت واحد

شالت جنطتهة و كالت

اجة سليم

رايحة وما ارجع انته مو اهم من كرامتي التبدت مثل الماي بالكاع

فاضل ... امشي يابة انه احطج بيد اخوج واحجي ويا جم حجاية والله فشلتنة ليث انه الك

مشت و مشة وياها عمي فاضل عمة نجوى وجهت كلامهة ل ليث مثل السجاجين

... يكونك زلمة زين واخو خيتك ونشمي ما تكسر بت العالم الي تحملتك و وكفت وياك بالحلوة والمرة ..

ليث ... كاافي حبيت واريد اخذهة شنو كفرت خو ما كفرت

نجوى ... اييي كفرت ، كفرت بعشرة مهااا

ليث ... لا تصيرون مثاليين براسي ما مسوي شي يغضب رب العالمين انه نويت اعرس القبلت قبلت الماقبلت تروح لبيت ابوها ولا ترجع انطيهة الحاضر والغايب وفوكهن قندرة ..

نجوى ... لا بارك الله بيك ولك انه ما صدك شلتك ابطني انته الناكر للعشرة والمعروف

ليث ... دروحووووووووو

حجاااها وهوااا يصعد بسرعة للغرفة و لحكة سداد بعد ما باوع لرهف يكللهة بيهة "الذنب ذنبج" وخلاهة تريد تنفجر و انفاسهة تتعالى ..

........... نمر ع مشاعر سداد شوية .....

يكول انه المجروح كلبة و جبداه

انه الماله صاحب ونمرد جبداه

انه المتت نوبه بالدمعة و نوبة بالـ ااااه

وتمرجح بصدري الحزن و وعيونهة ..

يكول شفتهة واكفة ، شعرهة الاسود يتمايل و تميل روحي ويا .. عيونهة السود تباوعلي بعد كل كلمة تطلع من مها .. مكسورة مبينة كسرت كلبهة

مردت روحي ، فسرت نظرتهة ندم

كلت يجوز ندمت ع سوتة و تريد تصلح غلطهة ..

ماكو انسان ما يغلط

كلنة معرضين لهيج مواقف صعبة بعد غلط جبير نرتكبة ..

دخلت بصراع بين كلبي الي يأبى استخراج حبها من اعماقة ، وعقلي الكارهة وكاره طاريهة

انه الزلمة هدتني، و بچيت، كل ما اغمض عيوني اشوفهة بحضن اخوي وارجف

بعز الظهر وجوة نار الشمس التلهب ، اتذكر الصار وجسمي يضل يرعش ..

.......في مكان اخر ..

اطفئ اضوية العالم بأكملهة ، صديقي القمر

هل لك ان تختبئ قليلاً ؟ نورك الساطع سوف يفشي سري الصغيرة

، يختبء القمر و اتسلل على اطراف اصابعي

هارب من غربة لحياة لأمكث في قلبكِ يا فاتنتي و معذبتي ..

لا أأبى الخروج، ف انا في حضرتكِ طفل

و العالم بأكمله ظلام

ترمش، ورموشهة جن سعفة تهفني بنسمة هوى

شعرهة القصير يتمايل ويا حركاتهة العفوية

ويقبل عنقها الأسمر بجرئة ..

اتنهد ويا ما يلامس شعرهة ذاك العنق العذب حالي وشل احوالي ، و اتبدة ويا ضحكاتهة و اتوشل ..

اختاضيت من الهوى من طخها ..

جريت نفس من الجيكارة ، بس جمرتهة مبينة

نسمات الهوى تذكرني بيهة

هية مثل نسمة الهوى حلوة و ترد الروح ..

و الكمر المتعلك بالسما ، يشبهة بس هية شوية احلى لأن هية سمرة ..!

گال ناظم الغزالي ... قل للمليحة فالخمارِ الأسودِ

ماذا فعلتي بزاهدِ متعبدِ

قد كان شمّر للصلاة حتى وقفتي بباب المسجدِ

ردي عليه صلاته وصيامه لا تقتليه بحق دين محمدِ ..

انطربت ويا ناظم ، وحاط اعتادي كدامي

اي اعتادي

الصور و الشال، وعطرهة، عتاد اواجه بي شوگي الهة ..

يا عالم انه مجنون بيهة ، انه عاشكهة حد الهيام

صار تلث ايام ما شايفهة ، احس مسلوبة عافيتي مني

تحسست صورهة بأنامل مرتجفة ، وبسنة الصور ..

"الما باس التصاوير هذا ما عشك"

........نرجع لرهف

رهف ... كلة مني الله ياخذني انه انتقام اسود

درة ... انتي شنو ذنبج والله حلوة هاي هوا واحد ناقص غيرة و ما يستحي شنو ذنبج انتي

رهف ... ما اكدر اسكت والله احس روحي مختنكة المراة راحت زعلانة الاهلهة وهذا يكول يريد يتزوج

انتي متخيلة موقفي شلون راح يكون من يكللهم اريد رهف شايفة فشلتي وفضيحتي

بله كالو هية هم تحبة ..

درة ... لا والله شنو ماعندج لسان وتكولين انه ما راضية ولا اريدة ولا احبة لعب هية خو ما لعب

طكطكت اصابعي وما فاد اخذت اقضم اظافري باسناني و افتر بالغرفة مثل حمامة مكسورة الجناح

وتتألم ..

وجارهة ثعلب جائع ..

فلك فتحت الباب ودخلت نزلت ايدي من حلكي و وكفت طبيعي

... رهف راح نروح لبيت عمي صادق تجين ويانه انتي ودرة

...انه لا شوفي درة

باوعت لدرة هزت راسهة ب لا

فلك ... اووف وحدي مالي واهس

رهف ... منو ومنو يروح

... انه وامي وسفانة وفدك ياخذنة ليث

رهف ... اخوج شكد صلف مو البارحة مرتة رايحة زعلانة الاهلهة

... شنو عبالج حبي مثل النسوان يكعدون ينوحون ويبجون هذولي الزلم مو مثلنة فطيرات

... اي والله صدك فطيرات احنه

طلعت .. راحو همة و عمتي توصي ، ثلث ساعة وطفي الجدر لا تنسينة

ولا تخلين الاضوية كلهن مشتغلات خاف ايطكن ونحترك

طلعي الكبة من المجمدة ب3 علمود تذوب

وانه اكللهة ان شاءالله

ضلينة وحدنة بالبيت درة تدرس وانه مالي نفس بشي

السنة اذا جبت معدل 70 ابوس ايدي وجه وگفى

طلعت للمطبخ فتحت الجدر شفتة بعدة و كلت اطلع الكبة هسة ب3 الا عشرة ماكو فرق

فتحتت المجمدة و مديت روحي اطلع الحافظة مال الكبة ما حسيت غير اصابع تكرص خصري ..

كمزت من الألم و الخرعة و حطيت ايدي ع خصري و انه اباوع وراي اشوفة واكف يفر السويج حول صبعة و يضحك

... كبر حتى 12 كبر شجابك انته مو رحت وياهم

ليث ... شنو لازم ما عاجبج وجودي شمسويلج انه

... لا ممسوي شي ولي عن وجهي يله

اخذت الحافظة وسديت المجمدة مشيت للسنك حطيتهة علي وهوا يمشي وراي

... اكلك شبيك انته ترة والنبي اكول لهاني عليك

... اخوج راح من الصبح للعمارة عندة شغل اسبوع يله يرجع همزين تنسين السالفة ..

... وخررر من كدامي شكد مكروه

ليث ... شوفي اذا ما خذيتج وندمتج ع كل هذا التجاوز بسيطة

... يمة فدوة لله خوفتني راح اخذ صهيب ع عنادك لو تموت ما اخذك مكروه

عقد حاجبة و كال ... روحي سألي ابوي اذا صهيب بعدة يريدج لو لا

صفنت بوجهة لحضات وكتلة ... شنو قصدك

رد بمكر ... صهيب شيسوي بوحدة ابن عمهة ماخذهة بالسر استغفر الله مو هية بذمة رجال

ضليت اكمز وافور ... شنووو قصدك ماخذهة بالسر فهمني شقصدككك الله ياااخذذذذك ماعندك غيرررة انته نكطة وزايحهةةةة كلللششش

ليث ... والله يا بت عمي رحت للنثية ابن خالج للصيدلية و كتلة عندي حجاية وياك هم هوا عرفني اخذني بذاك السلام الدسم مايدري جاي اصدمة

يمكن عبالة جاي اسأل علي

كتلة يا ابن الناس انه رايد بت عمي وهية رايدتني وبحكم عايشين بنفس البيت عقدت عليهة بالسر وهسة هية مرتي ع سنة الله ورسولة ..................

ليث ... والله يا بت عمي رحت للنثية ابن خالج للصيدلية و كتلة عندي حجاية وياك هم هوا عرفني اخذني بذاك السلام الدسم مايدري جاي اصدمة

يمكن عبالة جاي اسأل علي

كتلة يا ابن الناس انه رايد بت عمي وهية رايدتني وبحكم عايشين بنفس البيت عقدت عليهة بالسر وهسة هية مرتي ع سنة الله ورسولة ..

ما لكيت روحي غير اتفل بنص خلقتة غمض عينة و مسح وجهة بساعد ايدة ، وفتح عينة ضحك تك خد وكال ... ماي ورد

لعبة روحي منه لطمت ع وجهي و صيحت علي

... ولك انته شنو من بشر اريد افتهم شنو من بشرررررررررر ماعندك احساس ما عندك خجل زين غيرتك وين وين فهمني

شتررريد منيييي انته انه ما اصيرررلك مررررة لووووو تموتتت تفهم ماا تفهم مشكلتك

لا تحاول وياي ..

... ها خوش صار تدللين

رهف ... مستفززززز مكرررروه

ليث ... هذاا الكره كلة راح يصير حب بس انطيني فرررصة وحدة

كتفت ايديني و ارتجيت ع مجمدة رفعت طرف حاجبي و كتلة بمكر ..

... ومرتك ؟

ليث ... مو مهمة عندي من حبيتج صارت مو مهمة تريد تضل و تتحمل تضل ما تريد الله ومحمد وعلي وياها و ورقة طلاكهة توصل وراها

لميت شفايفي للداخل وضغطت عليهم بقوة باوعتلة بتفكير و كتلة بشيطنة وانه اخصم عيوني بشك ... واصدك اذا خذيتني وصرت مرتك راح تضل تحبني وما تحب وحدة غيري مثل ما سووويت ويا مهاا

ليث ... شنووو يومية هية يابة احبج اريدج ما احب غيرج وسيد سامي بس انطيني فرصة وحدة وشوفي .

رفعتي كتفي و قوست شفتي ... افكر بالموضوع

ليث ... تنطيني فرصة يعني ؟

رهف ... ليش لا بما انك تحبني انطيك فرصة واشوف وين توصل وياك

هوا باوعلي بلهفة فرح و عدل وكفتة و كال ... والله ما توصل غير للحلال والزواج انه بس اريدج توافقين والباقي كلة سهل

ضحكت بأستهزاء وفريت ايدي ... صدكت روحك انته لو تموووت ما تضفر بيه لو تموت

وانته شنو فد قندرة علمود ادمر حياتي ومستقبلي وياك

كضني من متني حيل وجرني بغضب، نترت متني من ايدة ودفعت ايدة حيل

... كبر شمالك

ليث ... تضحكين عليه

... اي لأن انته مضحكة اضحك عليك

كضني من فكي حيل و عصرة بأيدة حسيت اصابعة انغرزت بوجهي ..

... ولج رهف اسلوبج وياي راح يخليج تتندمين كد شعر راسج انه ما اضل كل مرة احذرج واطلب منج تعدلينة

رفعت ايدي خرمشتة بركبتة دفع وجهي بأيدة ضليت الهث وامسح ع وجهي ، بس هوا شنو مو خرمشتة عبالك ذبحتة انگلب وحش علية من الخوف صحت حيل ... دررة دررررة استنجد بيهة ..

حط ايدة ع رگبتي وضغطهة حيل، خنكني

كطع عني الهوى ، حسيت عيوني راح تطلع من مكانهة ضليت اصارع علمود اخذ نفس وما اكدر

هوا عيونة شرار ويباوعلي بحقد ..

همس بأذني كلمات مثل السم ... الشراسة احبهة بالفراش مو بالنقاش بطليهة .

سمعت صوت درة تكول ... رهف وينج

ابتعد عني و انه ضليت اكح واجر بنفسي كوة مروة

وصحت ... بالمطبخ

اجتي وانه اعدل بشالي فاتت شافت ليث واكف كبالي و انه وضعي غريب ووجهي ازرك لأن خنكني

خصمت عيونهة بشك و كالت ... صحتيلي؟

رهف ... اي تعاي ساعديني نسوي زلاطة

درة ... من هسة

صحت بغضب ... اي من هسة علمود بعد شوي نكعد ندرس

درة ... خوووش خوووش اعصابج شسالفة كليتيني وشربتيني

رهف ... هواي تتسألين

اتخطيتة وفتحت الثلاجة طلعت منها كل شي وحطيتة كبال درة المسكينة ضلت تشتغل وهية ساكتة ..

وهوا يروح ويرجع اخير شي طلع شغل سيارتة ، استغليت انشغال درة و طلعت ركضت وكفت كبال سيارتة و صحت علي ... ليييث اوكف

طفة السيارة ومد راسة من الجامة باوعلي بتساؤول

رهف ... لا تگلهن رجعت للبيت حباب ..

ليث ... تخافين حضرتج

رهف ... لا ما اخاف بس ماريد يشكون بشي مابية اواجه

ليث ... اول وتالي راح تواجهينهم كلهم تؤ تؤ تؤ شلون راح يباوعولج من يعرفون تحبيني وانتي قبلي عندج علاقة بسداد .

حط ايدة جوة رگبتة كرصهة حيل وجر اللحمة وهوا يضحك

... خوش راح يحبونج يموتون عليج

راح اخليهم كلهم يكرهونج ومحد يريدج غيري

مثل القطة المطيعة تجين لحضني

لأن ما راح يصفالج غيرة

رمشت بعيوني و كتلة ... اكلك انته كلت الصهيب هيج بله كال الامي

وامي اجت الابوك شنو راح تكللهم

ليث ... ضبطت الموضوع وياااا لتخافين ههههههه

شغل السيارة ، غمزلي وراح .. جريت حسرة غمضت عيني وفتحتهة بضجر

حركت شفايفي بحيرة يمين ويسار و بعدهة فتت للبيت

ساعة تقريبا ورجعن عمتي والبنات هنة كملن الاكل واحنة ضلينة ندرس .. جان عدنة امتحان عربي

رحنة للمدرسة نتراجف لان الموضوع صعب

وسداد ممداوم داز الاسئلة لأستاذ فاقد

هوا فات علينة للصف و كبل كال ... بعد السلام

"ما اريد اي شي يتعلق بالمادة بس الورقة والاقلام ع رحلة"

واليبو اسمعهة من جميع الجهات تنزل بأذني ..

درة بس شفايفهة تتحرك باوعتلهة لكزتني بخاصرتي

عقدت حاجبي مستغربة شبيهة

شوية وكالت بهمس ... ولج اقري لفاتحة الأم البنين شبيج

رهف ... اووو نسيت هسة اقراها

نويت الفاتحة وقريتهة و ضليت انتظر الأسئلة تكمل كتابتهة ع سبورة

كمل الكتابة و كال بالتوفيق ..

انه فريت كف ايدي و كلت ... يااا شفيق يا توفيق خرب بيومك سداد ع هاي الاسئلة شجاوب بله ؟

باوعت الدرة تكتب وانه صافنة ع اسئلة محتارة

نص الاسئلة لا اعرفهة ولا تعرفني

ردت اكللهة هلو ممكن نتعرف

وتذكرت انه مو اجتماعية ويا الدراسة ..

خليت ايدي جوة خدي وبديت احل النص الي اعرفة وبقى نص بقيت مصفنة بي

وعيني ع ساعة ربع ساعة ويخلص وقت الامتحان

شفت استاذ فاقد عبر من يمي ، باوعلي ورجع باوع لورقتي وابتسم تك خد

... كل عادة بلكوة تجي ل70

ضحكت و رديت ... والله استاذ هاي المرة الخمسين كوة تجي

فاقد ... شعجب ابن عمج مادرسج

رهف ... انه احب ادرس وحدي

ابتسمت و هوا بادلني الابتسامة وضل واكف ع راسي انه شصار بية ارتبكت كوة لزكت الاجابات و انطيتة الورقة ..

ما لزمهة رفع حاجبة وانة حجيت ... استاذ ترة انه هيج هيج راسبة

فاقد ... ردتج تفكرين اكثر بس يله اذا مصراااا تطلعين براحتج

رهف ... اي مصررة جا شسوي صوجي ما درست زين

اخذ الورقة من ايدي و انه طلعت ضايجة جان مريم تكول ... عمي هنيالج لان ابن عمج استاذ يحسبولج حساب ويشوفون ورقتج

رهف ... اخذي ابن عمي وصيري زوجة الاستاذ ....

احمرت خدودهة بخجل و همست ... عيب رهف لتحجين هيج استاذ سداد مثل اخونة

رهف ... شكد اكره من واحد يكول مثل اخونة لو مثل اختي ترة المن دمك ولحمك بهذا الوكت ما يتسمى اخو والله عليكم سوالف اتبط الكلب ..

ضحكت و قربت راسهة مني همست ... هوا الصراحة انه معجبة بي لأن لطيف

لميت شفايفي للداخل وضغطتهن ، الدم بعروكي ضل يغلي قربت راسي منهة وبادلتهة الهمس

... حتى هوا يحبج ترة

فتحت حلكهة وحطت اصابعهة الناصعة البياض ع شفايفهة الوردية و كالت بصدمة

... تشاقين؟

رهف ... لااا ما اتشاقة هوا يحبج وكووومة يسووولف بيج حتى بالبيت من نلتم ع اكل يعوف كل السوالف الي تصير ويا بالشارع لو بالدوام ويكعد يكول مريم اليوم شاركت اكثر من مرة

مريم اليوم جايبة درجة عالية

مريم اليوم طالعة اجمل من الكمر بليله كمالة

و عمتي اخ تضل تكول اذا خلفتو بنية اسميهة عذراء

مريم ... عذراء ؟

رهف ... اي جا اسمج مريم بتج تسميهة عذراء

مريم ... فدوة لله و والد

رهف ... مادري من يخطبج وياخذج تقررون

سألت بخجل ... هوا صدك يحبني لو تضحكين ع عقلي

كلبت عيوني بضجر و كتلهة بغضب ... شنو بعد كضيلج قرآن وركضي وراي حلفيني مو صوجج صوجي انه الكاعدة اطلعلج اسرار القصر الي ممنوع تطلع لعامة الناس ..

ردت امشي كضتني من ايدي و كالت ... زين ليش ما يكول يحبني

رهف ... يكول المح الهة وما تحس اي انتي مطي هوا شيسوي المسكين

درة ... اجيت يم رهف ومريم شافني وسكتن

كتلهن كملن شكو خلي نسمع

رهف ... لا ع امتحان نحجي

مريم ... بلكت اخذ تسعين تعبت كلش

رهف ... الله ما يضيع تعب احد حشة والله دامج تعبتي تنالين ..

باوعت بوجه مريم خديداتهة حمر و عيونهة تتنقل ع معالم وجه رهف بحيرة، اما لمعتهن

جانت بلهفة

معقولة كل هاي اللهفة والحماس علمود الدرجة ؟

ليش انه ما اتحمس هيج معقولة ما عندي احساس ؟!!

اي كلشي اتوقع انه صايرة مثل الغسالة الخربانة يشغلونهة تركص بدون فايدة

يطفونهة مابيهة فايدة ولا تحس وتشتغل ..

كملنة الدوام استعجلت طلعت ركض قبل البنات مادام سداد ممداوم بلكت اشوفة اريد اصعد ويا احجي ويا مشتاقتلة كد رحمة الرحمن

فاض بية الشوق ، كلبي المتحجر ازهر اول ما شفتة واكف يم سيارتة

وعينة تدور علية بين الطالبات

وجرت بية نار الغيرة ، بس المحترك بنار الشوك ما ينجوي بشرار الغيرة ..

مشيت بأتجاهة واتلفت خاف البنات يطلعن ويشوفني ، شافني وابتسم عدل وكفتة

ابتسمتلة وتخطيتة عقد حاجبة مستغرب والتفتت غطيت وجهي بالكتاب وصعدت بالصدر

فتح باب السيارة وصعد كتلة حرك اطلع

حر ... ولج لا يشوفنة احد ويوصل الحجي لعمج فاضل

درة ... لازم حضرتك تخاف

حر ... اي اخاف عليج درة ليأذيج

يحجي ويفوت السيارة بالفرع طلع وراح وكف ورة المدرسة يله كدررت اتنفس براحة واشيل الكتاب من ع وجهي

تنفس براحة وكال وهوا ياخذ ايدي بين ايدي الدافية ... هسة ردت بية الروح

رفع ايدي لشفايفة باسهن و كال ... شلونج يعطري؟

درة ... انه من اشوفك تردلي عافيتي لسلبهة لشوگ ، انته طمني عنك

رجع باسهة وكال بحنان وعيونة تلمع بلهفة ... من عافيتي ع عافيتج ومن حيلي ع حيلج يابعد العين ونظرهة ..

والمصحف انه اتعافة من تمرين بخيالي مابالج بكعدتج هسة وياي وعطرج ترس رياتي

شاهد الله احس ريتي جانت صحرااااا من شميت عطرج جن سما الله زخت مطرهة وارتوت ريتي وخضررت ..

درة ... جعل الله لا يحرمني منك يابعد اهلي وعشيرتي ههههههه

حر ...عشيرتج

درة ... يغدولك فدوة

حر ... ولج صايرة وكحة ، المهم خلي اختصر موحلوة ضلتنة سوية ورة المدرسة درة مشتاقلج وبعد ماكدر ع بعدج حبيت اكلج حصلنة بيت وهسة بس امج وصاحب البيت يتكاتبون ونسويلة شوية تعديلات من صبغ ع تنظيف فد اسبوعين يعني وتنتقلون بي

اكدر اجي واشوفج واكحل عيوني بشوفة طولچ

ابتسمت بفرح و احس اسارير قلبي ابتهجت، ميلت راسي ع كف ايدة الرفعتة وخليت خدي ع كفة حجيت بدلال ... ما اصدك راح ارجع اشوفك بدون قيود ..

حر ... اي درة صدكي ، انه ما اعيش وياكم انه اضل ابيتي ويا اسامة ومرتة بس امرلكم هواي كل ما گلبي يخنكة الحنين اجي اتنفسج

باوعت بعيونة لكلهة حنين ودفو وتنهدت غمضت عيني كمل كلامة

... ما اتحمل فكرة انتي ببيت بي شباب اربعة من غير اليدخلون عليكم ، احس النار تاكلني

درة ... يعني تغار عليه ؟

حر ... اختاضيت من الهوى من طخ سمارچ ، شلون وضعي ويا العيون التبوس بطولچ !؟

درة انه اتوشل گبالج اااخ انتي چعب كلبي

ضحكت بصوت عالي وفتحت عيوني ، جانت عيونة تتوزع ع ملامحي ونظراتة متلعثمة

حر ... درة انه راح اخطبچ بس انتقلو اخطبچ ادري دربج بعيد عن دربي بس مادام گلوبنة متعلكة واحد بالثاني ان شاءالله كلشي يصير سهل

درة ... اذا امي ما انطتني الك اعوفهة واجي وياك

حر ... امج سهل اقناعهة انتي تكدرين تحجين وياها وتفهمج و انه افهمهة بطبيعة علاقتنة وكبل توافق المصيبة عمامج

درة ... مو بكيفهم نتزوج بموافقة امي يولون

حر ... لا درة انة اريد اخذج منهم وهمة راضين وينطونج الي واحنة مرفوعين الراس ، ما اريد اخذج مثل الناهبة لو مسوية مكسورة

ردت احجي بس قاطعني من كال ... نزلي درة منا نزلي ورجعي يم باب المدرسة هسة ابن عمج والبنات متانينج واذا ارجعج بالسيارة يشوفونج وياي

رديت ... راح اموت مو انزل ما اريد اروح

حجيت بتوسل ... اخذني وياك يم امي ويمك اريدكم انه بدونكم مثل الغريبة ومالهة ديرة

حر ... اجيبج لحضني ويصير ديرتج وانه اصيررررن كل ناسچ

درة ... هوا انته كل ناسي

اباوع بعيونة واتنهد بضيق ما اريد اعوفة بس اتأخرت لازم انزل

عيونة ترجف من يباوعلي، هنا تأكدت هوا شكد يحبني

حتى انفاسة يمي مو منتظمة وشفايفة تريد تكول هواي حجي بس ما يكدر ينطق .. مادري ليش

حط بأيدي فلوس مادري شكد رديتهن بس ضغطهن بايدي حيل وكال ... شنو نسيتي انتي مسؤوليتي من قبل ، اخذتهن منة ..

فلتت ايدي من بين ايدينة الدافيات ، دفوهن حد هسة من اتذكرة كلبي الجنة قطعة جليد يدفة ..وروحي تلوحهة نسمة هوا دافية وتهيد

همستلة ... ابو اگريعة احبك والحسن العسكري

ضحك بهدوء و رد بلهفة ... اموت ع چعب كلبي .

مشيت بطرف المدرسة وانة احط الفلوس بالجنطة اشوف رهف وفلك يباوعون ليكدام ويدورن علية بعيونهن عافسات الوجه ، همزين مشيت سريع لباب المدرسة ما انتبهن وسويت نفسي هستوة طالعة وصحت ... وينجن طاح حظ حظي وانه ادور عليجن حتى رجليني تكسرن فريت المدرسة صف صف

فلك ... خاب دولي احنه الطاحن رجلينة من الوكفة شكو تدورين بالمدرسة ليش ما طلعتي

جان سؤالهة ذكي حجيت وانه امشي

... امشن يلة

واسترسلت بالكلام ... طلعت دورت بعيوني عليجن ما شفتجن ورجعت للمدرسة ادور عليجن انتن مختفيات شسوي چا ..

مشت عليهن و الحمدلله مر اليوم طبيعي بدون حدوث اي مصيبة مثل ما توقعت ..

انتهت هاي الليلة وبدأت ليلة ثانية، يارب الليل كله اتكلب بعد لقائنة الاخير احس اخذ قطعة من روحي وراح لا اخذ روحي كلها

كل بالي وتفكيري يمة ، نظرة عيونة الحنونة

ولمسة ايدة الدافية

عبالك اخذت كلبي

واخذتني مني

رهف ... كعدت من نومي مسطورة سطر ، فاقدة الذاكرة

حطيت ايدي ع راسي و صفنت وبائت محاولتي بمعرفة انه منو و وين وشنو عندي بالفشل

حطيت راسي ع مخدة ورجعت اريد انام بس تذكرت كمية المواد المتراكمة عليه ولازم ادرسهة وتذكرت انه رهف وطالبة سادس والسنة ع وشك الانتهاء

و كمت من فراشي مفزوعة

مثل الي داس ع جمرة ..

طفرت غسلت وجهي شفت عمة نجوى حاطة استكاين الجاي والكعك و كالتلي من شافتني "تعالي كعدي يمي نسولف واناكل"

وانه ما كلت لا مشيت وراهة وكعدتنة بالحديقة

هية حطت الصينية و الجاي وكعك و خصمت عيونهة بوضع التحقيق و كالت بمحاولة لجر لساني ... رهف يمة انتي راضية بأبن خالچ

انه بلعت ريكي بقلق و جاوبت ... بعدني افكر عمي كال اخذي راحتج اسبوع اكثر ما اضغط عليج ولا تضغطين ع نفسج

نجوى ... وسداد ابني انته مو من تشوفينة عيونج ما تطيح منه ولا هوا تنزل عينة من عليج

صيري صريحة وياي ترة كضيت سداد وحجيت ويا ساعة ما انطاني جواب شافي ع اقل انتي انطيني

انه ام رهف ، وكاعد اشوف ولدي ينهدمون كدامي

واحد مضحوك علي من وحدة ما تستحي هجامة بيوت و الثاني متوشح الحزن وراحت ضحكتة

كليلي انتم متعاركين ؟

رهف ... عمة هوا طلع مايريدني الي جان ابالي وابالج طلع كلة غلط بغلط اصلا هوا طلع معجب ببنية ويانة بالمدرسة

نجوى ... يا مو كال يريد درة اكلكم انتم تضحكون عليه

رهف ... لا هوا متعارك وياها ويريدني اوصللهة هذا الحجي علمود يقهرهة اسمهة مريم

كايللهة اريد اخطبج وهية مأجلتة

من هيج معصب منهة ومتعارك وياها وهسة متزاعلين

نجوى ... بتمن هاااي يمة شلونهة

رهف ... عمة بنية حلوة اهلهة ناس زينين معروفين بأخلاقهم وشيمهم والله سداد خوش اختار

بس خلي هوا يكلج بتمن من يتصالحون ويقرر يخطبهة

نجوى ... وانتي ما انقهرتي

رهف ... مو ذاك اليوم كتلج عمة ماريدة

انه ترة بس هيج جنت موافقة بي لان ما ناقصة شي

ما احبة يعني علمود انقهر

نجوى ... اي كلة مني انه الصوج صوجي خليتهة براس اهل البيت وامشي واكول رهف لسداد

بس انه ما اظن حجيكم صدك ونظراتكم وسوالفكم جانت خالية

رهف ... لا عمة صدكي و بعدين اكلج هاي مريم تتتتتخبل شفايفة شفايفة عمة الماي بريگهة يبين

دكول صينية زنود الست مو بنية

نجوى ... لايكتلة ؟

رهف ... اي ، وهاا همة مقررين اذا خلفو بنية يسمونهة عذراء

نجوى ... مو حلو ما احبة هذا الاسم

رهف ... عمة ابنج يحبة مايصير تكولين هيج تكسرين واهسهم

شوية وترخصت من يمهة بعدين من كاعدين و عمتس شافت سداد كاعد كبل كالت بمكر تحاجي فلك

... يمة اخوج ابو عذيرة يحب النسكافية گومي سويلة ، خطية اليوم ما شرب

فلك باوعت الامهة رمشت بعيونهة وكالت وهية تباوع الأخوانهة ... منو منكم خلف عذيرة وانه وين جنت تخلفون بدون علمي ؟

هم بالهم مو يمنة كالو شنو؟

نجوى ... ابو عذيرة ما تريد نسكافية

سداد باوعلهة مستغرب وكال وهوا يأشر ع صدرة ، بصدمة ... ابو عذيرة ، انه

نجوى ... اي يمة ابو عذراء اكو ابو عذيرة غيرك هنانه

لميت شفايفي و كتمت ضحكتي ، حطيت ايدي جوة حنكي وضليت اباوع ع تلفزيون بس اذني يمهم

هوا يكللهة ... بس ما اسمي بنتي عذراء

وهية ترد ... من صدمتك مبين عندك سالفة ويا الاسم بس راح اسكت انتظرك اتطلعهة ..

خطية خلتة مصدوم يفر بذاناتة ، وفلك قبل كلشي سوت انسحاب تكتيكي قبل لا ترجع تكللهة سوي نسكافية و هية مابيهة حيل وتتعاجز ..

ورة ايام اجانة خبر امي مشترية بيت قريب ومكمل وحتى ناقلة الاغراض بي يعني جانت مفاجئة

بيومهة من الفرحة سجدت سجدة شكر لله

لان راح اخلص من ليث وشوفة سداد وعذاب الضمير

فـ بأخر ليلة الي بهاي البيت ، اندك باب الغرفة علينة فتحتة درة سمعت صوت ليث يكللهة وين رهف

وهية ردت من يمهة

... رهف نايمة ليش

ليث ... كعديهة عندي حجي وياها

... اكلك نايمة الصبح احجي وياها تعبانة واذا كعدت بعد ما تغفة

... تكعدينهة الي لو اطب بنفسي اكعدتهة

جنت كاعدة عادي بلبس مشلتح

كبل طفرت لبست دشداشة مادري شلون دخلتهة براسي ادري بي خبل يسويهة ويفوت للغرفة

و فعلا ما طول ثواني وفات وعيونة تنكط شرار و تكول يا شر اشتر

جنة غوريلا بايكين صندوك موزهة ..طب يرعد

لميت شعري بأيدي مادري وين اودي وتصنمت حركتي ، كال بغضب وهوا يهمس علمود لا تسمع درة ... هسة ترحين الابوي تكليلة ماراضية بهذا الخرا ابن خالج

رهف ... لا والله مو انته خربت كلشي

ليث ... لزكة ابن خالج ما ينشلع مادري وين يريد يوصل مادري اهلة ضاغطين علي لان هوا نثية مبين مو كدهة وانسحب ورأيي اهلة ماشي علي انجبر يكمل

رهف ... تروحلة فدوة

... لا تخليني اهينج هنا هسة امشي كدامي رفضي

ترة ثقي انتي حياتج بين ايديني انه ما اخاف اكدر هسة اكللهم عندي علافة بيهة وماخذهة

رهف ... سويهة اذا بيك زود ما تخوفني

ليث ... اسويهة ؟

رهف ... تريد اكعدهم الك؟

ليث ... تحجين صدك ؟

رهف ... اي والله صدك احجي ما يهمني انه روحي من كثر القرف منك صارت مستعدة تتحمل اي شي

ليث ... بسيطة

رهف ... اطلع برا

ليث ..ليث ... لا تشوفين روحج عليه ترة حياتج هسة صارت بين ايديني

اكدر هسة بحجاية وحدة كدامهم انزلج من سمااااج يعصفورة لأسفل السافلين

رهف ...ما اريدك يا اخي ما اررريدك وكل سوالفك بعد ما تخووووفني تمامممممم

رايحة اكووول العمي فااااضل هذااا الحجي واذا بيك زووود افتح الموضوع وياااا

عفتة ومشيت كال بصوت عالي ... سويهة اذا بيج خير والله اخليهم الليلة يذبحونج كبالي سويهة

وكفتت التفتت علي مكتفة وكتلة ... وشتسوي تكللهم ماخذهة لو مرتي ما يهمني ترة وهاي درة شهدت ع كلشي وراح تشهد ضدك

فر ايدة وكال ... يكولوون تستر الاختهة

رهف ... منحط

والله انه ما اخاف

ليث ... ترة اختج هم عدهة سوالف تعبانة اذا حجت وفشت سري افشي سرهة

درة ... سري ؟

ليث ... ييي وياااا حر درة ويا حر

ماعندي شي وياج بس اريدج تسكتين

فكيت عيوني بصدمة وباوعت لدرة الي انخطف لونهة ... شنو ويا حر ما افتهمت فهموني

ليث ...اختج تحب خالج

لا عيب ولا حرام الزلمة تعب عليهة ورباها يريد حك ربا

رهف ... لا تسربت ليث خالي حر نفسة خال درة ، ما تحبة هية معتبرتة خالهة ومحرم عليهة مثل ما محرم عليه

ليث ... صباح الخير رجعي نامي

غير خالج هوا يحبهة هم

انتي مو كلتي ماكو اخوان؟ ولا اكو خوال ولا عمو

الغريب يضل غريب

حطيت ايدي ع حلكي مصدومة وباوعت الدرة ما حجت شي ابد

وكل شي بيهة يأكد حجي ليث

رجفة ايديهة

فاتحة عيونهة

صفار وجهة

وتلعثم انفاسهة

اشرت ع باب ، ما جنت اكدر اصدك الهذا السبب كتلة ... اطلع ليش اطلع لعبت روحي اتألف حجي من جيبك وتحطة براس درة

امشي اطلع اكفينة شرك

الله اكبر ع راسك تريد اتدمرنة

رفعت اكتافة وقوس شفايفة ... العلي حذرت وكلت

ححجة هيج وهوا يمشي يتبختر بمشيتة غمز لدرة وطلع اتقربت منهة

رادت تحجي رفعت ايدي بمعنى سكتي لا تحجين

سكتت ماحجت لا اي ولا لا

رحت لغرفة عمي فاضل دكيت الباب طلعت عمة نجوى كتلهة عمي كاعد

كالت اي

فتت باوعلي وكال خير ان شاءالله رهف ..

رفعت راسي باوعتلة و حجيت ... عمي انه اكو شخص جاي يتحارش بي وكلش مضايقني .......

رحت لغرفة عمي فاضل دكيت الباب طلعت عمة نجوى كتلهة عمي كاعد

كالت اي

فتت باوعلي وكال خير ان شاءالله رهف ..

رفعت راسي باوعتلة و حجيت ... عمي انه اكو شخص جاي يتحارش بيه وكلش مضايقني ..

رفعت طرف حاجبة مستغرب و عدل كعدتة اشر ع مكان يمة و كال ... تعالي يمي كعدي ياهو هذا الي مضوج بنيتنة

بلعت ريگي و رفعت راسي باوعت ع ملامحة رغم الحنان الي بعيونة لكن ملامحة مغلفة بالقسوة

صراحة مادري ليش خفت ، وترددت

و بهاي اللحظات عدت التفكير و النظر بالموضوع

اول شي خطر براسي ان انه راح اطلع من هذا البيت وبعد لا اشوف ليش ولا يشوفني ليش حتى اروح اسوي مشكلة .. راح اصير جوة جناح امي

هيج فكرت ، تقربت كعدت يمة و كتلة بخوف

... عمو ولد بالشارع دوم يضايقني وانه اخاف

ما توصي الولد يشوفولنة خط ياخذنة للمدرسة

فاضل ... جا انتن مو ترحن ويا سداد

رهف ... بس راح نشيل منا ومن باجر نطلع يعني سداد شيجيبة علينة واحنة وراكم

فاضل ... جا واذا ورانة لا تخافين سداد يجي عليجن ياخذجن ويجيبجن

واذا مو سداد اودي حمودي وما يصير خاطرج الا طيب

وكليلنة هذا المسربت ياهو؟

رهف ... ما عرفة واحد مهتلف يكض الدرب للطالبات وانه خايفة منه

فاضل ... كولي لسداد علي اذا شفتو بالدرب خلي يضبة

هوا شسوالج

رهف ... عمو يشمرلي حجي

فاضل ... شمرو راسة بعيد عن جسمة كون الناقص

من تشوفينة احجي لسداد وخلي يأدبة

رهف ... ان شاءالله عمي

من رخصتك تصبح ع خير

فاضل ... اجمعين ..

كمت من مكاني دا امشي صاح رهف انتي متأكدة راضية بأبن خالج

درت وجهي علي و كتلة ... اي موافقة عمو هز راسة

مشيت عمة نجوى واكفة يم الباب تباوع وتسمعنة اجتازيتهة وطلعت

اول ما فتت للغرفة باوعت لدرة كاعدة وتقضم بأظافرهة تخصرت وكتلهة بغضب ... ولج هذا ليث الأغم يحجي صدك لو يشاقة

... هوا يعني .. مادري .. يمكن

... وشنو. اليمكن ولج درة هية لو اي لو لا

دارت وجهة بعدم موبالاة وكالت ... اي صدك و شنو يعني مابيهة شي لا عيب ولا حرام الله القى حب خالج بگلبي

دمغتهة ع راسهة ... درة عيب هسة من يدرون شنو يكولون عليج ترة والله واكفة انه هسة مصدومة ومجاي اكدر اصدك يطلع منج هيج

يمتة حبيتي

درة ... ورة مااا حبني هواااا

شهكت و لطمت ع صدري ... الصلافة تبدي منه خالي هلو هلو وهوا نسوي روحة براسي شريف الدين البصري

درة ... هذا يهو ؟ حجتهة وضحكت

رجعت دمغتهة ع راسهة وكتلهة ... انتم مخابيل ترة عيب الي تسوونة والله عيب

درة ... خالج هوا حبني شسوي انه شبيدي كلبي مو الي وكلش رهيف بس شفتة تسرسحت بدون نعال

رجعت دمغتهة اكثر من مرة صاحت بتولول اوي اوي اوي راسي رهف انتي ما راح تحسين لأن ما تعرفين معنى الحب الحقيقي

رفعت طرف حاجبي مستائة و تخصرت الهة ... شلونه بله معنى الحب الحقيقي

جرت نفس وابتسمت اساريرهة و همست ... من ينقهر هوا و گلبچ هوا اليوجعچ هذا الحب الحقيقي

رهف ... يعني اذا هسة خالي حر انقهرررر انتي كلبج يوجعج

هزت راسهة ... اي من ينقهر هوا انه كلبي يوجعني بدالة

واذا خنكتة عبرتة عيني التدمع

صفكت ايديني و غميتهة ... ورطتي روحج وخالي وطبكم حمس شنو تالية هذا العشق العقيم

درة ... مرة كضني عمي فاضل احجي ويا نسيتي من شفتينة جوة الدرج شبيج وكلج تبجي ع مبايل

جذب هوا كلي كسري مدري شنو غايتة من خلاني انه اكسرة بايدي اظن هذا الزلمة خبل

شهكت مصدومة وغطيت شفايفي بأطراف اصابعي ... لا تجذبين

درة ... مجذبة عليج قبل ... رمقتني بطرف عينهة

رهف ... سولفيلي شلون كضج تحجين ويا لو شلون

كعدت يمهة وبدأت تقص عليه الي صار كلة وانه اشهك بصدمة و اكللهة عزة وطين راح يوكفلج سجينة خاصرة ما دام حجة ع خالي حر هيج

رفعت ايدهة بعدم مبالاة وكالت ... شنو بكيفة القرار الأول والاخير الي انه صاحبة الشأن لا تنسين

نمنة بيومهة بعد نقاش طويل ، و انتقلنة لبيتنة الجديد ويا امنه بغرفة خاصة تجمعني انه ودرة بداخل بيتنة الجديد

وتحت جناح امنة

درة ... اول خطوا الي بهذا البيت صار اجمل وابهى من التقت نظراتي المتلهفة و نظرات عيونة الي يحاول يخليهة تكون جافة

حتى ميحسون ما يدري العشك مفضوح

واليحب من صدك

عيونة فاضحتة

انه لو مر بخيالي اسافر العالم ثاني

ما بالكم اذا صار گبالي

احس روحي فراشة ربيع فردت جنحانهة و حلقت ترتشف من عشقة رحيق الغرام

و تنثر ع عيونة عبير الأمان

هوا مرة گلي " انه مثل الطفل المتشرد جنت راح اموت بدون مؤى وأمان لو ما لاگي گلبچ "

ينطيني الهام و يخليني اعشقة بشغف

وانطي الأن الي ينشدة من گلبي

ابتسمت و هوا بادلني الابتسامة ما جنة ابتسم جن فنانة يرسم لوحة بأبهى الوان الطبيعة

خلاني ادوخ بملامحة وهوا مبتسم ..

رافع ردن تيشيرتة وبارز ساعد ايدة ، الي مزينتة ساعة ذهبية ويشد بالكهرباء

هوا ليش الي نحبة نشوفة اجمل انسان ؟ معقولة الحب يخلينة نعشق المحبوب بغض النظر عن كل عيوبة

رهف باوعتلي بنص عين وضلت تباوع الي واله وهوا يباوع للكهرباء ويرجع يباوعلي القينة السلام وبعد ما سلمنة رهف انسحبت ليجوة بهدوء و انه كتلة بصوت خافت

... عينك ع شغلك لا تلزمك الكهرباء

حر ... امانه الله هية لزمتني من فتي ما جنج حاطة رجلج بعتبة البيت عبالك حاطتهة بنص كلبي وفززتي كل ذرة عشك بداخلي

درة ...هههههههه غزلك مال مخابيل بس ميخالف وما الجنون الا للعاشقين

حر ... لا انه مجنونچ چعب كلبي ولا على المجنون حرج

حر ... تنهدت شفتهة فاتت لجوة عافتني انجوي بنار اللهفة الحارقة و الشوق الي حاصرني لأخذهة الحضني وارتشاف رحيق شفايفهة المزينة بلون حمرة وردية ..

و استنشاق عطر الليل الحالك الي نال شرف تقبيل عنقها قبل شفايفي ..

بعدهة قطع سلسله مخيلتي و احلامية المتوجة بدرة صوت عالي من برة البيت ..

عفت الشغل البيدي و طلعت شفت الجيران يتعاركون وبيناتهم مشدات كلامية و قذف بالكلام و باقي الجيران يحاولون يتدخلون ويفاككون بينهم ..

حد ما وصلت للطعن الرجل الي لابس دشداشة سودة كال لأبو البنطلون

"اخو لك** روح كض خواتك **** "

ثارت براكين الرجل ابو البنطلون الي عرفت اسمة امجد من خلال كلامهم ويا وصياحهم علي بمحاولة يهدونة ، وتفجرت و هجم ع ابو الدشداشة وضربة بشيء بعينة خلا الدم ينفض من عينة مثل الحنفية ..

استغربت ، اسلوب ابو الدشداشة الدنيء وتصرف ابو البنطلون ، جان ممكن يكسرلة ايد لو رجل مو يقلع عينة

العين اذا راحت مايجي مكانهة شي ولا ترجع مثل ما كانت ..

بالاخير كلشي يطلع بساعة العصبية ، حطو ابو الدشداشة بالسيارة وسحبو امجد للبيت

رفعت حواجبي وقوست شفايفي بعدم رضا

شلون اامن ع وعد والبنات هنانة ..

درت وجهي شفت كاتي مادة راسهة من الباب وحاطة الشال ع راسهة بأهمال وخصلات شعرهة الأصفر نازلات من مقدمة راسهة ..

قطبت حواجبي ومشيت سريع شافتني وكفت استقامت عضيت اصبع السبابة و كتلهة بغضب

... ليش مادة راسج من الباب ادري شنو كلولج فيلم سينمائي اكشن من بطولة سلمان خان

كاتي ... هر شبيش ردت اشوف ليش يتعاركن

... مالج غرض بالوادم عسما يتذابحون عيب بابا عيب ما يكولون هاي اجنبية واصلهة مو مسملة ولا محجبة لا كببل يكولوون عراقية وصابغة عطوبهة صفر تكول قرقوز

مشت وياي للبيت وتباوعلي ببرائة

... بس هوا انا ما يدري هنة يكولن هيش ، شلهن غرض هنة

حر ... هههههه شيفهمج هذولي بعركتهم طعن اعراض وخاف يجي يوم ويحجون ع عرض هذا البيت بس لأن مديتي راسج من هذا الباب

... انا ما يفتهم ليش تكولين عليه هيش هر انه ما يفتهم؟ تحجي بعتب

حر ... لا بوية انتي عقلج يوزن بلد

بعد تعب وشغل طويل بهذا البيت وعد صاحت "عوفو الشغل حطيتلكم غدة بالديوانية تعالو"

عفت الشغل والنقل من ايدي وغسلت ايديني دخلت محد تربعت براس السفرة ورفعت رداني وصحت

... وينجن يله نريد ناكل جوعانين لو هسة متزوج جا مرتي غدتني من 11

فاتت درة تمسح بأيديهة كالت ... لو هسة مرتك هنا جا دفناهة بالحديقة

وكف الهوى بريتي لا يرضى يطلع ولا اكدر اجر نفس ثاني ، حسيت بحجايتهة ضغطت ع انفاسي

وشي تجمع بصدري وضك نفسي

شايفين من تخنكم العبرة بس ماكو بعينكم دمعة تنزل وتبرد هذا الگلب الموجر؟

شايفين من يشح عنكم الهوى ؟

هيج صار بية حتى لكمة ما اشتهيت اكل ، من غصب عليه علمود ما احسسهن اكلت لكمتين بس

بس غير احس الكمتين نزلن سم ابطني

حتى معدتي تحرگني ضلت ، وتحججت بالشغل وسرعان ما طلعت من البيت

وعد طلعت وراي قبل ما اطلع وكالت ... حتى ما شربناك جاي

حر ... ع جايات ان شاءالله ..

درة ... طلع حر وجهة مطعون اجهل السبب الي خلا يصير هيج بس هوا اكيد الشغل ويجوز مشاكل بالشغل ، انقهرت لأن ما سولفنة وما صارت فرصة

احس حتى الساعات تمر علينة مثل الثواني تركض ركض ومنلحك نشوف بعض لو نشبع من بعض ..

مر هذا اليوم والبعدة ، خربت خطبة رهف وصهيب صار بيهة عارض

وكل واحد يكول شكل اخير شي تم الرفض وكلشي تفركش

لكن الصدمة كانت بأتصال عمة نجوى ع مبايل أمي و عزيمتهة ع خطوبة سداد واصرارهة ان تجي بيوم الخطوبة الصبح و نتغدة يمهم ..

كان الخبر صدمة وزلزال نزل ع راس رهف الضلت ترجف مثل نبتة هشة وسط ريح كادت ان تقلعها من جذورها ..

عيونهة غوركت رأسن ونزلت راسهة ع كتاب بدون صوت ما اسمع بس حسراتهة ، الي لفتت انتباهي وما لفتت انتباه امي الي ما تحس بمشاعرنة ومشاكلنة ..رغم تحبنة

بس احسها من كبرت صارت ما تنتبه، لا لبحة صوتنة المتجرح من توالي الحسراات والشهكات ولا لرموشنة المتقرحة من ذرف الدمع ..

غيمة حزن مطرت ع كلبي قبل كلب رهف ، حزن لهذا الخبر السمعتة .. الي المفروض يكون سعيد

بلحظة حسيت نفسي عاذول مو من الاحباب ...

شمرت الكتاب وكامت بهمة تفتح الكنتور بمحاولة منهة حتى تختار فستان يطلعهة جميلة و تلبسة حتى تعلن للوجود انه اجمل من عروستة انه الي استاهلة مو هية ..

طلعت امي و هية ضلت تذب بكلامهة المحبوس بحنجرتهة ..

.... احنة مو يوميا نروح وياهم مادرينة شنو سووهة فجاة

درة ... مو يكولون اقضو حوائجكم بالكتمان اكيد ما حجو حد ما تمت السالفة وبعدين الخطوبة بعد يومين اكيد كلشي تم امس لو اليوم ..

رهف ... بس احنة مو غرب ويعزمونة المفروض ينطونة خبر احنة ما نروح بعزيمة ..

درة ... اووو هي ما كالت بالاتصال معزومين كالت خطوبة سداد بعد يومين تعالو من الصبح خية لا تضلون للعصر ادز واحد يجيبجن

رهف ... هاي عزيمة معناها وليش امي كلتلهة لا احنة نجي مشي البيت قريب

درة ... جا صدك هوا قريب

دارت وجهة الأصفر و خصمت عيونهة الحمر اثر خنكتهة وتجمع الدموع بتفكيررر

و كالت ... اي زين سوت ..

درة ... يولي ما يستاهلج المفروض يفهم ويحقق بالموضوع

رهف ... نسيتي هوا خطبج بهدف يثير غيرتي و يكلي مثل ما انتي بحضن اخوي، راح اخلي اختج بحضني

... لا مو غلس ع موضوع وهذا دليل ع ان كلامة مجرد يريد يثير غيرتج ويشب نارج

ويجوز حاجة عمي وكلة شوفلي غير مرة ..

رهف ... الله لا ينطي ولا يوفقة

... رهف حرام عليج خية دعائج بنحرج تحسبي ع ليث المطي سداد شكو

... شلبسسسس شنووو البسسس اريد ملابس جديدة

... لبسي ملابسج مال عرس هاني

.... لا شافوهن عليه اريد جديد

اكسر حصالتي واشتري ادري بأمي هسة تكول مشترين بيت من جديد ماعدنة فلوس

ركضت وكفت ع اطراف اصابعهة وطلعت الحصالة الضامتهة فوك بالكنتور و كمت انه محذرة ..

... نص الج ونص الي

... بس انه خليت بيهة عشرة زايدة

... اخذي عشرتج ما ميتة عليهة

جبنة سجين وكسرنه الحصالة بعد ما قفلنة الباب خوفا من امي لا تعترض وتكول مالهة داعي المصاريف الزايدة وخلنهة للعرس ..

فتحناها والفلوس طاحن منا ومنا كد ما متروسة .. بس كلة اللاف وخمسات مابيهة بس ثنين خمس وعشرينات ..

اخذنة كل وحدة خمس وعشرين ورتبنة الخمسات، طلعن 45 الف اخذت عشرة هية والنوب تقاسمنة الباقي ، ورتبنة الالاف و تقاسمناهن ... صار مبلغ زين

ورحنة نگينة ع امي حتى طكت مرارتهة اخير شي كالت اشوف خالجن حر شوكت ما يفرغ يجي ياخذنة للسوك ..

رهف ... خالي حر كللهة ع باجر ، انه شسويت اخذت مبايلهة بخلسة و طفرت بالحمام و قفلت الباب ..

طلعت رقم ليث و ضغطت اتصال، بداخلي براكين تفور وتريد تثور بس ما اعرف شنو مصبرني ..

دك دك وجاوب بألو

القيت السلام ورد بعدهة كال متسائل ... رهف؟

رهف ... اي رهف شمسرع نسيت صوتي

... هوا لو ناسي صوتج ما مها حد هسة زعلانة عند اهلهة

... المهم ردتك بشغلة

... عيوني الج

... كول تم وتدللين وانفذهة وعد بالأول

... غير اعرف شنو هية يجوز صعبة شلون بله

رديت بدلال ... اكو شي يصعب عليك؟ لو شي اطلبة وما تنفذة اليه

رد بعزم ... اكيد لا انتي تأمرين امر

رهف ... اوكي اليوم العصر تعال اخذني للسوك اريد اشتري ملابس لخطوبة سداد

...انتي؟

... اقنع درة وامي يرحن ويانة تعاال

... بس غريبة منج هاي الشغلة بصراحة

... اذا ما تريد ما باللازم براحتك بس عود انه كلت ابن عمي و كلبه يمي ومن اطلب منه شي ما يكول لا حجيت بغيض

رد بسرعة ... لا لا ما كلت لا اجي اجي بس استغربت تغيرج المفاجئ عليه

رهف ... هههههههههعععه مو انه كلت شلي بواحد مطي مثل اخوك ما يفتهم شي ، المستقتل عليه احسن

... وراج شي بس تبين بعدين الظهر اجي السوك بعيد هم ياله نوصل وتتسوكون ..

.... لا بطلت لا تجي ما اروح وياك

... نجبي لج ليش بطلتي شنو تلعبين عليه

... لا دام تكول وراج شي لا تجي ولا تحجي وياي بعد باجر اروح ويا خالي حر

... لا رهف الظهر اجي واشوفج لبسي وردي بربج

... ومنو حضرتك علمود تكول لبسي وردي رجلي لو حبيبي روح باي باي هوا مو صوجك صوجي انه القررت افتح صفحة وياك ..

... عمي يا كلمة ردي المكانج منين تطفين انتي سديت الخط بوجهة، وايديني ترجف

انه مو هيج وهذا مو ثوبي

ولا هاي تصرفاتي

معقولة اكو شي بداخلي دفعني اتصرف ويا بهذا البطش والمكر ..

انه صح وكحة بس مو لهذا الحد !

اكو شي بداخلي يكلي اخذي وكسري سداد مثل ما كسرج قهري سداد اكثر لأن ما سمعچ

خابر سديتة بوجهة ، وكتبتلة رسالة راح انطي المبايل الأمي لا تخابر

مسحتهة وطلعت انطيتة الهة، و هوا شوية دك وهية جاوبتة اخذ وعطة بالسلام اخير شي كالتلة

لا عمة مشكور حر باجر ياخذنة للسوك مشكور بعد كلبي ما تقصر

ضلت تتشكر منه و مبين هوا يحاول يقنعهة ياخذنة اخير شي تشكرت منه وكالتلة صار بالثنتين جاهزين تلكانة ..

ضليت اكمز واصيح ... مو كلتي خالي حر ياخذنة

سدت الخط وغمتي

... ترديني اردة وهوا احرجني احسن ما يجي حر علينة مناك لهنا و بعدين يرجعنة ويرجع للبيت

عاد هذا بيتهم يمنة

... اوووووووووو

عفتهة و فتت للغرفة، اداري دموعي و اسمع خططهة للعصر

ما تشترن شي مصلخ، ما تشترن فستان اغلى من 50 الف

همزين جوة ايدي 100 اطلعهة

اشتري بيهة لبسة الي ولبسة لترف والباقي اچملجن بي خاف تنقصن ..

صار العصر ورفضت رفض قاطع ما اروح وانطيت فلوسي لدرة كتلهة ع ذوقج وقياسي تعرفي ..

و امي وصتني اقفل الباب وما افتح الاحد وعافت فونهة يمي اخابر بي اذا صار شي ..

طلعو ورة دقايق دز

"الفوصة انه اعلمج جاي علمودج وتطكيني بوري"

ما رديت علي متعمدة، ما اعرف اسباب الي داسوي بس اعرف هذا كلة نابع من حقدي ع ليث اريد اشلع كلبة ..

وانة منتظرة دز رسالة ... اختاريتلج فستان ع ذوقي اتمنه اشوفج لابستة بس مو بخطوبة سداد لان شبه عاري

اجن بعد المغرب، و شفت الفستان جان شكلة حلو درة حجت من ورة خشمهة ... هذا ذوق ليث يكول الامي حلو و هاي اختيارات هذا الجيل

... هوا حلو بس مو مستور

بعد ما امي ذبت روحهة من التعب و ترف تلبس بملابسهة تجربهن

الملعونة صايرة تكول عمرها 15 سنة ما جنهة 12 ..

سحبت درة للغرفة وكتلهة بهمس هوا شمدري المبايل عندي

... امي كلتلة عفت المبايل عند العنيدة خاف يصير عليهة شي

المهم، بيوم الخطوبة الصبح لبست احلى شي عندي، مو حتى اكسب اعجاب ليث بمظهري

لا حتى اثير غيرة سداد

لان ليث هوا وقندرتي ..

و لبست شالي مثل قبل ، رفعت مقدمة شعري بف وحطيت الشال بأهمال ويا مجموعة اكسسوارات ومكياج خفيف و عدسات قلبًا شكلي 180 درجة

وزادني جمال فوك جمالي و تمييز فوك تمييزي

طلعت كبال امي فكت حلكهة و كالت بلغة تهديد ... اذا شافج واحد من ولد عمامج ورادج اكضج واذبحج وخصوصا ولد ابو بارق ..

رهف ... محد يريدني لا تخافين ، يلة نروح

مشيت و عيون درة الفاتحة حلكهة تترقبني كتلهة بغضب ... راح يفوت بريعصي بحلكح شدعواج هيج فاتحتة

احسهة مصدومة لان المفروض اليوم الطم ، لحكتني و همست اخر الحب جنون ..

طلعنة من البيت، امي تقفل الباب و عيون بعض الشباب المتجمعين يم باب المحل مال ابو عون تراقبنة او بالأحرى تراقبني بأعجاب

مو غرور مني بس انه فعلا ممييزة و مكياجي والعدسات زادني جمال وتمييز ..

و اخذتنة امي مشي و تحجي عليه العالم كلهة تباوعلج لو ضالة ع طبيعتج احسن هسة شيكولون عمامج عليج انه شمالني ما خليتج تغسلين

... كل بناتهم يتمكيجن شنو يم رهف و وكفت وبعدين مكياجي خفيف كلش بس انه حلوة شسوي ..

... ضمي شعرج

تنهدت و قربت الشال من مقدمة شعري كلش و درة اشرفت ع شكلي بعد ما حلفتهة بروح ابوي اذا حلوة صدك لو خرب شكلي ..

بس اكدتلي ان اني حلوة وصرت احلى من قربت الشال و ضميت الجزء الطالع من شعري و ضل شالي محطوط بأهمال ع شعري ..

وصلنة و عرفت راح اثير غيرتة و اشعل نارة، يتراووالي شفت النار طفرت من عيونة و كفر كدامنة صاح ع اولاد عمامنة وخوالة ... سووو طريق شباب سوو طريق

كتلة بكلبي ... عسا نار كلبي تحرگك سداد ..

التفتت باوعلي بنظرة غضب وكأن يكلي ... بعدج بكلبي لا تدوسينة ..

تجاهتلة متعمدة مو برضاتي لأن مو من عوايدي اتجاهل نظراتة ..

و شفنة ليث تقرب سلم ع امي وسلم علية ضحكت و ضليت اخذ وانطي ويا بالسلام كلة علمود احرك سداد و اخلي رماد منثور مثل ما سووة بية

لا فهمني ولا انطاني فرصة و جرحني كلش

استغربت من شفت مها و سلمت عليهة بعدهة سالتهة شوكت رجعتي

... البارحة عيالي رجعوني و قبلت ارجع بعد ما توسلو بية كلت زحمة و رجعت ..

... الله يهدي سركم حبيبتي

مشت الساعات ، شفت لوعة سداد الي يفوت يصيح ويطلع يصيح والله لوعتة جاست كلبي و حركتة

مرت الساعات و خلصنة غدا فتنة يم فلك نبدل بفساتينة بعد ما خلينة طنون من المكياج تضامنن ويا الموضة الدارجة بهاي الفترة ..

جان فستاني حلو ، والله ذوقك حلو يا ليث، طلعت من يمهن وانه اعدل شعري و اصعد فوك بحجة اروح اشوف مها وما ادري بليث فوك ، بس انه ادري و من خلصت تبديل سمعتة يسولف ويضحك و صعد ..بينما مها جوة ...

جنت حاطة الشال وخافي شي بسيط من ظهري و اكتافي الي مطلعهن الفستان ..

دكيت الباب دكة و فتحة هوا الي تفاجئ من شافني و رفع طرف حاجبة، باوعلي من فوك ليجوة بنظرة اعجاب يصاحبهة الغضب من عنادي و كسر كلمتة ..

حجيت برهاوة ... ويييين مهاا اريييد حُمرررة منهة ..

رمش بعيونة و همس بغضب ... روحي بدلي فستانج لا اكسر راسج

... عفوا و بصفتك منو و شنو تطلب مني ابدل

ليث ... لا تصيرين عنيدة و روحي بدلي ما اريد اشوفج بي و اخذي مبايل امج حتى احجي بي وياج

هزيت راسي بالرفض وسويتلة حركة رفض بشفايفي

باوع ليفوك كال صاعد للسطح لحكيني لا يجي احد

ما رديت تخطاني و صعد فتت لغرفتة عدلت روحي ع مراية و تاكدت ان جمالي ما اختفة و بعدني جميلة و نزلت الشال عن اكتافي ..

و صعدت ورة بس صرت بالسطح سد الباب من برة و كال بغضب

... ولج انتي شلون تعانديني وتلبسينة وانه كتلج ما اريدج تلبسينة هاااا حجاها وهوا يكعد ع كرسي بالسطح ويحط ايدة ع ركبتة بغضب ..هز رجلة و حجيت برهاوة استفز غضبة وانة احط ايدي فوك رجلة التهتز من الغضب ..

... بس انه اريد اكون اجمل الموجودات

... جاي تستفزيني و تشبين نار الشيطان الكاعد براسي اصلا الفستان طالع مدري شلونة عليج ، تنهد وكال ...انتي شلون تسوين هيج انه من اختاريتلج هذا الثوب مو كتلج ماريدج تلبسينة بخطوبة سداد ..

ذبيت شعري ليورة و شلت ايدة من ع رجلة و كعدت عليهة لفيت ايدي حول ركبتة و همست يم أذنة

_ يعني شنو موحلوة ؟

_ لا اتطيحين الطير الطاير من سماا ماريد احد يشوفج بهذا اللبس غيري روحي نزعي لبسي شي ثاني وتعاي اشوفج

سويتلة بحلكي حركة رفض عقد حاجبة بغضب وكض ايدي قوي ضغطهة

_ ليش تعانديني

_ لأن احب اشوفك عصبي ونار الغيرة تطلع من عيونك

غمض عيونة متأثر بقربي و تنهد وضل مغمض عيونة

حطيت ايدي ع وجهة وبستة بخدة برهاوة

همست بصوت ضعيف _لخاطر عيونك راح ابدل

ليث ... انتي وراج شي

رهف ... رجعنة؟

ليث ... اي رجعنة تغيرج غريب انكلبتي بسرعة خيالية

مو صوجك صوجي عفتة و كمت من ع رجلة و حجيت بغضب ... اصلا بعد ما احجي وياك

لفتتني محاولة فتح الباب و التفتتنة ثنيناتنة من اندك الباب مال السطح واجة صوت ... منو بالسطح فتحو البااااب ......

انمغصت بطني وانه اسمع صوت سداد يطرق الباب و يصيح ، كام ليث من مكانة وانه غطيت كل جزء طالع مني بالشال

واجة صوت سداد يحجي بصوت واحد محروك كلبة

... ز*** عليكم فتحو الباااااب ليييث رهف

مشى ليث بكل صلافة فتح الباب لأن يعرف هسة سداد راح يتأكد ان انه بعلاقة ويا اخو

وانه اريدة يعرف ويتأكد

اريدة يشتعل نار يومية ويطفة

انفتح الباب وكبل سداد زنخ ليث من ياختة

... مو من الرجولة تختلي ببنية وهية عرضك ، ان جانك زلمة توكف كبال الملأ وتكول اريدهة وتاخذهة تخليهة ع ذمتك وسوي وياها الي يعجبك ..

ليث حجة بهدوء مفرط ... اهدء انت عريس وكاشخ و وراك روحة المرتك لا تغث روحك بعلاقتي الغرامية ولا تشيل هم بت عمك بأيادي امينة ..

رهف ... اي صح هذا مو شغلك احنة نعرف شنو نسوي

باوعلي بخزرة و عيونة تبث شرار و صاح ... انتي بالذات سكتي ما اريد اسمع صوتچ

ليث ... لا تصيح عليهة سداد انه ضغطت عليهة تجي لأن مشتاقلهة وهية تنك براسي مشتاقتلك وتعال النه وهسة تعال شوفني بلبس الخطوبة كلت ما ارد طلبهة ههههههههه

رهف ... ههههههه مو ردت تشوفني شلوني بالفستان الي اختاريتة الي

سداد ... كل ثنين الشيطان حاضر بيناتهم ليث انه راح اسكت اذا يتكرر هذا التصرف مرة ثانية ثق برسول الله احجي الأبوي واخليك امام الامر الواقع

ليث ... هذا الهوا الي تريدة يجرالك دامك خايف علينه من الوقوع بالفاحشة حجاها بشقة وضحك

و استرسل بالكلام وكأن يرش ملح ع جروح سداد ... بس انته ما تخاف عليهة اكثر مني انه اخاف عليهة من روحي

سداد ... يله نزلو مو زعاطيط ولا انتة مراهق ليث

حجاها بخزرة وتأكد من نزول ليث كدامي و فسحولي المجال انزل بعد ما اتاكدو محد موجود ..

ما كدررت احجي شي بيناتهم بعد ، بس من نزلت واجة سداد وكف كبالي كبال الناس بحجة السلام والمباركة همس بصوت خافت

... هية كطرة رهف لو طاحت .... بكبرج تطيحين وياها

رهف ... قصدك من عينك اطيح

سداد ... صايرة تحجين بوكاحة ، بس يله اعبرهة الج ما تطيحين من عيني بس انتي تطيحين بقعر الهاوية و صدكي محد راح ينتشلج منها انه سداد الجنت ميت بيج راح اوكف واتشمت بيج ..

رهف ... اصححلك كلامك مو جنت ميت بيج انته مازلت ميت بية ، و كلبك هسة غادي نار

بس لا تخاف اذا ردت اتزوج ليث ما اضل هنا اكللة اتزوج بغير بيت حتى ما ينسد علينه الباب انه و اخوك وانت تموت من القهر ههههه

سداد ... ما توقعتج هيج رهف لهاي الدرجة ... حجة برجيف

رهف ...بلعت ريكي عزة شسويت انه

استرسلت ... ترة اشاقة لا اريد ليث ولا شي اكرهة اخوك لأن دمرني بس ردت اثير غيرتك

وحتى من صعدت يمة ردت اتعارك ويا بس انته اجيت

ضحك باستهزاء ... هاي جذبة جديدة

رهف ... والله عاد صدكت ما صدكت طك راسك بالحايط اخر همي

عفتة وراي مصدوم وكأن صفعتة ع وجهة

انه ما كتلة هذا الحجي حتى ابرر لا حتى ازيد حيرتة وقهرة واشغل عقلة لأطول وكت ممكن

لأن لو ينصاغ ذهب هم بعد ما اريدة

فـ مالة داعي ابرر لو اخلي يصدگ انه بريئة ..

رحنة لبيت العروس، ما باوعت عليهة حتى ما ينطيني كلبي اروح واشوفة وياها

لفيت شال حول خصري و ركصت بمهارة و كأن اريد اشتت انتباه الكل واجذب كل الانظار الي ..

ضليت اتمايل واهز بخصري ، ومن دخل سداد بس حطيت الشال على ايديني غطيتهن وضليت ارگص غطيت على الموجودين كله في سبيل اجذب نظره

صارت عيني بعينه غادي نار ويريد ينفجر وگفت ، ورفعت الشال حطيته على رأسي وانه مركزة نظري علي ومبتسمة ، راد يوگف گلبه

بس جذب مثل شعوري انه گلبي ضل يتگطع من شفته بصفها ومن رگصو سلو

قريبة علي ويتمايلون ، وهمسلها بأذنها كم كلمة ابتسمت عليهن .. حسيت رأسي دخن

ما اعرف شلون انتبهت الحفلة وشلون طلعت شوكت اجة هاني واخذني جر لسيارتة صعدني بغضب وكال لفي روحج طالعات زرورج ..

لفيت روحي بدون جواب، احس روحي مخنوكة و بأي لحضة انفجر

الدموع واكفة بطرف رمشي و اكو غصة جاي تجرح بحنجرتي ..

نزلت راسي ما رفعتة، اريد اشرد اريد ابتعد عن كل الموجودين واصرخ من كل كلبي و ابجي بحركة وألم ..

اريد اكض سداد و افرغ نار كلبي بي، اريد اضربة و اصرخ علي وارتمي بحضنة وابجي منه ..وعلي ..

جانت لحضات صعبة، ما اتمناها لعدوتي .. الله يساعد كلبي بيومهة

احس سجاجين جاي تكطع بي .. نياط كلبي. تكطعن من رفعت راسي وشفتة مصعدهة يمة بالصدر ماخذهة يصورون ..

والله اخربهة عليك ، وما اسمح لفرحتك اتم لو اعرف بيهة موتي

دنيت روحي ع باب السيارة كلش ، غمضت عيوني وفتحت الباب ما حسيت غير بروحي اتدحرج ع ارض الشارع و جلدي يتگشط بالتبليط الحار .. شميت ريحة الدم، وسمعت صوت الزلم يصيحون رهف هاي .. وصوت اقدامهم التركض بهمة بأتجاهي

هاني ... مادري مادري لا تكلي شلون طاحت ليث مادري

ليث ... وخر خلي اشيلهة وخر نزل مرتك من السيارة بسررررررعة

هاني ... نزلهة انته انه اشيلهة

فاضل ... ياربي سترك ودخيلك انه مو كتلكم انتبهو شوفهة بيهة روح

هاني ... اي مفتحة عيونهة عمي

رفعني من الكاع بس استغربت من كال مفتحة عيونهة وانه ما جنت احس بشيء

اوجاع بكل جهة من جسمي، رطوبة ع وجهي، اصوات سب

ليث وهاني يتقاذفون بالكلام وليث يحمل هاني المسؤولية و كل شوية يرزلة بـ مطي غير تقفل باب السيارة

يمكن عرف انه فتحتة وذبيت نفسي متعمدة

يتبع صوتهم صوت امي الباكي

"لا تتناكرون صلو ع نبي ان شاءالله مابيهة شي ، سودة بوجهي يمة شيطيحج من السيارة"

صارت وشة بأذني وباد كل جسمي ، بدأت الوجاع تخف شوية شوية بعدهة اختفت وسكن جسمي

بعدها روحي ، رميت ايدي من حضن امي

الى ظنت هذا الوداع الأخير ...

.

.

.

فلك

خطوبة سداد انگلبت علينة يوم اسود ودم

منظر رهف المليان دم وهية تنشال من الكاع ما يفارگ مخيلتي

اصبر بدرة و انه مو اقل منها حزن ولا تأثير

رهف ودرة صارن رفيقات دربي و مثل خواتي

وكل مكروه يصير بيهن يأذيني ..

جنة انه ودرة بمطبخنة كاعدين ولافين نفسنة بالعبي و الكحل نازل لخدودنة لأن بجينة

وطب علينه فالح كال ... جنجن ارامل مابيهة شي البنية هسة خابرنة بس شگ بسيط براسهة ومتزلغة

وانتي درة عبالك وحدة ميت رجلهة وكاعدة تلطم علي وكحلتج واصلة لراس الفرع

فلك ... اي غير اختهة

درة ... فالح وخر عني حجتهة وبجت

فالح ... يا بوية انه غلام بوية حضرولنة بلم راح تغرك المنطقة بدموع درة

عمي ترة انه مو سباح لخاطري لا تبجين ماريد اغرك

ضحكت من بين دموعهة وكالتلة ... صدك مابيهة شي

فالح ... اي وسيد خضير كلشي مابيهة هاي اختج متعودة ما تكمل فرحتهة يمكن حسدوهة

لان هية ماشاءالله طالعة جميلة بشكل انه من شفتهة نشف ريگي

درة ... وليش نشف ريگك؟

فالح ... ارتفع سكري فات همام للمطبخ وكال وهوا يسوي حركة بأيدينة بمعنى اهدو

... مابيهة شي صلن على محمد وبلى بجي درة مسحي دموعج

فالح ... قصدك حلقومة ههههه

همام ... لا يا محمد درة فلك انتن بس تبجن هاي وضيفتجن بالحياة منو يصير بي شي تكعدن تلطمن علي

فالح ... ولك لو طايح انه ما بچن علية هيج بس هية هم حظوظ كلهة تركض ورا الحلوين

همام ... هوا انتة الا شوية جان صخمتنة ويا رهف ماد روحك من الجامة وتطربك جنك طرزان الغابة

فالح ... ع الاقل انه مستور الا رهف فضحتنة فضيحة الكفار بنص المسلمين

كعد هوا بالكاع ومدد رجلينة

هية البنية طاحت ولتفت العباية وصعد الثوب لهنا والرجلين يصيحن رحم الله كل اعزب شاهد وتحسر فمات متحسرًا

يأشر ع زرورة

بس احنة متنة من الضحك

ونوب يحجي بكل جدية ، ولجن بعد لبسن مستور بالعرس انه كبل طفرت من السيارة كلت الم الي تطشر ، چا غير عرضنة صار فيلم سينمائي ..

ادري الخياط ماعدنة قماش و سيد خضير لو ادري كاصلهة وصلة من بردتنة ..

همام ... فالح غير حادث هوا هههه والله عليك سوالف حتى لو لابسة مستور الهدوم يطفرن بالحوادث اسئل مجرب انه مرة اندعمت لكيت تيشيرتي طالع من راسي

فالح ... ايييييي اتذكررر اجيناك لگينالك جنك صخل مدعوم التيشيرت مجلب بگمع راسك ومطلع لسانك وتلهث وتصيح فالح الحگلي ..

طكة بعكسة ويعضلة شفتة ويكلة وهوا يعدل ياختة ... اصلا كمت كلشي مابية

فالح ... ابد مابيك شي بس تلاثة من صابيعك تكسرن وضلوعك ترضرضن ترضرض ..

همام ... تسكت لا ارضرض ضلوعك

باوع لدرة لصافنة عليهم والعباية مفتوحة وكللهة ... لبسي عبايتج عدل لا اطير فچچ ابوكسي

فالح ... ولك حدك

همام ... ما تشوف الزلم رايحين جايين اصلا شعندجن هنا كومن كومن طبن للبيت

... وين همة الزلم انته احول شو ما جاي اشوف احد

همام ... كومن دخلن جوة يلة

فلك ... اوووووو حتى ماتخلون واحد يبجي مثل البشر شبيكم الزلم بس تنكون

فالح ... لا ما اسمحلج تتجاوزين بحقنة انتن تنگن مو احنة ويلة فوتن جوة خاف يجي احد ويشوف وجوهجن ويخترع كلهن كحل

كمنة انه ودرة باوعنة بالمراية وصدك صابتنة صدمة الكحل مشخبط وجهنة ضلينة نمسح بي ونضحك ع روحنة جان ام بارق صوتهة شعلوة تكول

... هنة هذني بنات جعفر لازم كل فرحة ينقصنهة علينة شفتي من طاحت بالشط

وكلبت الجو لطم

وهسة نفس الشي مادري شني هاي الفگور مادري

والله لو انه من نجوى ولا اعزمهن ايجيبن شرهن وياهن ويجن

نجوى ... ام بارق زحمة نصي حسج هذا امر رب العالمين ما شفتي البنية شالوهة غركانة بدمهة

هية بيدهة خو ما بيدهة

ام بارق ... اي ضلي نجوى ضلي فقيرة مثل گبل بس مات الرجل وعد حطت عينهة ع زلمتج ولفتة جوة باطهة

درة .. ردت اطلع اهد عليهة ، واتعارك بس فلك كضتني وهمست ... اتجفي الشر

زميت شفايفي بغضب و ضليت اسمع شنو يحجن هواي حجي فاتني من حجيهن واسمع عمة نجوى تگللهة ... ماكو هيج حچي

جان تدخل ام فالح ع خط و كالت بغضب دفين

... ام بارق خلينة ساكتين لو ابو بارق يدري شردت وعد من وراج صارت ، ساعة وحدة ع ذمتة ما يخليچ ليش تفتحين دفاتر قديمة

ام بارق ... انه خفت ع رجلي منهة حقي وشني تايهتلة يطلك ويعوف بكيفة خوش حلوة هاي علمود والله ست وعد شردت انه مالي غرض

صاحت عمة نجوى بغضب ومبين هواي كابتة بصدرهة ... لا الج غرض كلة من وراج لا هية رادت فاضل ولا فاضل رادهة رجلج الحاط عينة عليهة من هية ع ذمة جعفر وخلة جعفر يعوفنة كلنا ويروح يكعد بيهة بعيد ولا يطب علينة ولا نطب علي

ومن مات رجلج انتهز الفرصة بعدة ما نشف تراب كبر جعفر وهوا تشيطن وشد الحزم و كال مرت المرحوم انه اخذهة

ام فالح ... وانننتي هديتي عليهة بليلة ظلمة بشلبة وتكليلهة اذبحج واسم الله عليج مو كليلة شر الحد هسة ابو فالح يذكر دمهة اللي لكينا ع كاع ام بارق كلهة سكتت لخاطر فروخج

ردت مرت عمي الثانية ... الحد هسة اتذكر كالو لا تحجون كدامة هذا خبل ويطلكهة

و وعد لو يركع يم رجليهة ماتاخذة

ما ناقصنة مصايب

واحد مات وعافلة 3 بنات يتامة وما نريد الثاني يطلك ويتشتتون اطفالة

ومن ذيج ساعة الله حد هسة وعد كافة روحهة وما رضت حتى اتطلع البنات العمامهن كلتلهم انتم غرب

ام بارق ... عود تحجين صدك انتي هية وعد حيالة شمالج انتي شني نجوى ماشفتي ابنج ليث شلون فز عليهة من طاحت من السيارة تطلع مثل امها ما تركض الا ع متزوج

نجوى ... خافي ربج كلنة ندري وعد ماخذت جعفر من جان متزوج جان مطلك

ورجع ام هاني و وعد ع ذمتة وضلت عندة وربت بنيتة من المرحومة لو ما بت اصول وحاطة درة بعيونهة هية واهلهة وشايلينهن بالصلاوات

جا ما هاني جاب عمرة يغار ويكره خوالهن

جيف خوالة مرمرو وشبعو ذل وكتل وخوالهن دللوهن

جا هوا عاش اليتم ع اصولة والذلة

وهنة ما عاشنهة ، الولد كلبة من الغيرة صار اسوووود من عباتج

لو ما وعد زينة وبت اصول ما صار هذا كلة

ام بارق ... وشجاب هاي ع هاي

نجوى ... القصد وعد زينة وما كاتلة روحهة ع رجل كل همهة تربي البنات وتكبرهن

ام فالح ... ام بارق اتجفي الشر تراهة بعدهة زغيرة وحلوة لو راد ابو بارق ينزلهة ضرة عليج محد يكضة

وهذااا البيت الصارلج سنين تبنين بي وتأثثين وصرفتي علي ملايين يصير الهة

والرجل الهة والولد ، ف اكول سدي الدفاتر العتيگة وستري ع روحج ، بيتچ لا ينهجم

ام بارق ... عشتووووو تربي البنات يا بنات هاي المستخفة رهيفة لو العبدة خليني ساكتة

ولا ابو بارق ولا غيرة يكدر ينزلهة ضرة علية

نجوى ... هوا من يوم جابو البنات وردت وعد يريد الحجة عليچ وانتي تنبشين بالماضي شنو تتوقعين ?

فأكول لو تسدين السالفة وتعوفين مرت المرحوم وبناتة وما تجيبينهن ع لسانج احسن ما يكض عليج الجبيرة ويخلي ورقة طلاكج بحلكج ويذبج ع اهلج

ام بارق ... انننتتيييي شلووون تحجين وياي بهاي اللهجة

نجوى ... انتي جبتيهة الروحج ام بارق لان محد يسلم من لسانج لا صغير ولا جبير ولازم تعرفين الي بكلبي علمود مرة ثانية ما تكولين وعد رادت تاخذ فاضل منج

وصدكي ام بارق اذا مرة ثانية كدام الصغير والجبير كلتي هذا الحجي الا احط سالفة گبل بذان ابو بارق وهوا يتصرف لأن مو حالة هاي تتهمين فاضل و وعد بشي ما مسوينة

ام بارق ... انه اكوم اروح البيتي احسن كلجن صفيتن ويا وعد ام الزلم بس انه انه وانتن انتن

ام فالح ... شقصدج ؟ حجي الصدك يزعل والله ولا عندج لا حظ ولا بخت

ام بارق ... اي ماعندي حظ وبخت وان شاءالله بتها ما تطلع منهة سالمة الله يحرك كلبج يا وعد مثل ما حركتي كلبي

عساها بعزيز كلبهة

نجوى ... دعائج بنحرج ام بارق ..

طلعت تجر بخطواتهة بغضب و تدعي بداخلهة ع امي بحركة الگلب والفقدان ..

جان ابنهة واكف يستشيط غضب ومن باوعتلة رمقني بغضب ماعرف شنو وليش حسيت بعيونة نظرة حقد ..اول مرة اشوفهة من عيون همام ..

ماعرف شلون دخل هاني علينة ، شوكت رجع من المستشفى وشلون مادري

صاحت عمة بشررر

كللهة الحمدلله بس وجهة اصفر

صعد بسرعة يركض دقايق ونزل يركض لونة مخطوف وعيونة حمر مدمعة .....

ماعرف شلون دخل هاني علينة ، شوكت رجع من المستشفى وشلون مادري

صاحت عمة بشررر

كللهة الحمدلله بس وجهة اصفر

صعد بسرعة يركض دقايق ونزل يركض لونة مخطوف وعيونة حمر مدمعة ..

حجة بخنكة موجه كلامة لعمتي نجوى ... عمة صعدي شوفي فدك شبيهة بس تبجي ما ترضا تحجي شي

عمتي ردت متفاجئة ... شبيهة فدك من ردينة مابيهة شي هية ؟

هاني ...تگول تنزف ، حجة برجيف

صعدت و هي تردد ... يا يا يا جا مخابرتلك راجع من المستشفى وما نزلتلي تكلي

هاني ... تدرين بيهة وبسوالفهة انتي بعد

جان يحجي بخنكة صعدت واحنة ضلينة نتسائل شنو ممكن يكون بيهة، ما هية الا دقايق ونزلوهة لابسة عباية و عمتي حطت عبايتهة ع راسهة و طلعو ..

باوعت لهاني وجهة اصفر و مختنك

التفتت لفدك ازيد منهم ثنينهم همست ... يجوز الله ما كاتب الهم هذا الطفل

ردت بصوت خافت وهية تقضم اظافرهة ... كلة مني انه السبب دعيت عليهة كون يموت الطفل ابطنهة

حجتهة وراحت تلم بشعرهة فاتت للغرفة ركضت وراها وكتلهة متفاجئة ... وليش تدعين ع اختج فلك؟ انتي وضعج غريب ترة ما تنفهمين

فلك ... مو هوا الي وهية اخذتة ... حجتهة و بجت

درة ... منو هوا الي ألچ؟

فلك ... هاني هاني الي انه الي لازم اكون مرتة و اعيش ويا بنفس الغرفة واشيل طفل منه بين احشائي مو فدك ..

دفعتهة من كتفهة حيل و همست بغضب ... ولج صوتج لا احد يسمعج انتم شنو من عائلة لازم الاخوان يحبون نفس الشخص مخابيل لو شنو

فلك ... شنو قصدج

... لا ماقصدي شي بس انتي مخبلة وتبجين النوب تبجين عليمن بله ضميرج ايأنبج لان تبجين لو شنو

فلك ... انه ابجي ع روحي ابجي ع كلبي الغدى رماد ابجي من السواد الي محاصرني من كل جهة ابجي من القيود الي لازمتني وكاطعة عني حتىى هوااا الله ..

درة ... ياااا هاي كلهة ع هاني

فلك ... الله ياخذة

درة ... اسم الله شبيج ويا اخوي شنو هوا ضحك عليج لو شنو ؟

ولو هاني كلشي اتوقع يطلع منة سوالفة مال برابيك

هزت راسهة ب لا ومسحت دموعهة ... ياريت ضاحك عليه ومخليني اكرهة واحقد علي ياريت

لج درة من ورة اخوج وتعلقي بي صرت اشبه بالجثة ماكو بداخلي روح

مثل الشجرة اليابسة صرت

درة ... عادي نسقيچ و توردين

باوعتلي بنص عين ومسحت دمعتهة ... ما يحس بالجرح الا صاحبة

درة ... ما حجيت شي جذب البنية الي تتحكم بيهة مشاعرهة يعني مثلچ هية مثل الوردة تحتاج نسقيهة حب وحنان حتى تزهر

واذا اُهملت تتحول لوريقات يابسة تندثر ويا هبوب الريح ..

انتي مشاعرج تتحكم بيج مو عقلج وهذا الشي غلط بس ميخالف خلي نكول هاي شخصيتچ

علمود تتخلصين من حب هاني بداخلج اول خطوة لازم تحجين كلشي بداخلج

تنهدت وضمت ايديهة بين افخاذهة ... و بدأت تسولفلي شلون حبتة و هامت بي

وتوصفلي احساسهة المرهف من تشوفة و تعتب ع گلبهة القاسي وياها و يرتعش من يشوف هاي

سألتهة بفضول ... يعني انتي ما اعترفتي اله بحبچ ؟ زين سويتي

فرت كف ايدهة و غمت روحهة حيل ... اعترفت وفشلني اعترفت

من هوا خاطب اختي كتلة افسخ خطبتك منهة انه احبك ما اتحمل اشوفك زوج اختي افسخ واخذ اي وحدة غير فدك

گلي تتشاقين فلك انتي بحسبة اختي

كلتلة لا وداعة امي انه اموت عليك و كلبي بس الك دك

نزل راسة المستواية، وهمس يم أذني بفحيح ثعباني

_لج اني زوج اختچ وين اكو وحدة تحط عينهة ع زوج اختهاااا ! ، انتِ ما عندچ بقاموسچ شي اسمة اخلاق ؟ ما تعرفين اكو كلمة اسمها حياء ..

ارتعشت و ارتديت للخلف واردفت بخجل و قهر ... بس انه ما حجيت شي غلط هاني حبيتك قبل لا تخطبهة

زم شفايفه بغضب واشرلي ع باب، من فشلتي ما كدرت اوصل للباب ضليت اتعثر بذيال ثوبي

درة هوا مو بس احرجني لا قطع كل أمالي، مو امالي اتزوجة لا جنت اتمنة ياخذ غريبة وما يصير رجل اختي ..

شسوي انه جاي اتعذب وانجوي بنار الغيرة والحقد من اختي ، اريد ارتاح شسوي

درة ... سوالفج هاي واعترافج هوا نصف العلاج اخذي نفس عميق و راجعي نفسچ بهدوء وشوفي اذا حملچ صار اخف لو لا

جرت نفس عميق وهية مغمضة عيونهة لحضات استمرت لدقايق و فتحت عينهة اردفت متفاجئة ... والله خوش حجي يا درة صدك احس جانت اكو صخرة بنص صدري وهسة انشالت ..

نفخت صدري بفخر و عدلت اطراف شعري و رديت ... شعبالج انه المفروض اكون برفسورة بعلم النفس

المهم باوعي الخطوة الثانية تسوينهة او لا؟

فلك ... اسويهة امري لله من قلة الخيل شدو ع مطاية سروج

دمغتهة ع كصتهة ... صوجي استنزف طاقتي وانه احاول انصحج

فلك ... لا لا لا احجي حبوبة

رفعت انفي بغرور و استرسلت بالكلام ..

... من المهم جدًا عند انهاء العلاقة او قرار نسيان شخص ما

قاطعتني ... بس لا تحجين فصحى انه شفتهم بالعامية وهوش الله بأرض الله

درة ... يعني لازم انزل من مستواية لمستواج الثقافي واحجي بالعامية؟

فلك ...البزون كالولهة خ** دوة كامت تحفر وتطم

درة ... كافي امثال كافي راح احجي عامية ولو انه ما متعودة ع هذا الشي بس يلة

اولا فلك لازم تواجهين احزانج ، تكعدين بينج وبين نفسج وتذكرين كل شي سويتي

تذكرين كل نبضة مضطربة نبض بيهة كلبج لهذا الانسان الي ما حبج

كل رعشة صابتج وقت التقت عينج بعينة، وكل ابتسامة انرسمت ع محيياج وقت تخيلتي راح يكون زوجج ...

فلك ... وانتي شمدريج انه تخيلت راح يكون زوجي وابتسمت

درة ... مو اكلج انه لازم اكون برفسورة

المهم المهم تذكرين كلشي و تواجهين نفسج بكل ذكرى و تقررين تشوهينهة بمخيلتج او تمحيهة

فلك ... شلون يعني

درة ... يعني تجيبين الذكرى الحلوة وتشوفينهة شي سخيف

فلك ... خوش

... و قبل كلشي لازم تقنعين نفسج ان انتي تحبين نفسج اكثر من اي شي ثاني بهاي الدنيا

اذا حبيتي نفسج

للحد الي يخليج واثقة من خطواتج

ما راح تنهزين بعد

فلك ... يعني هسة احب نفسي بالاول

وبعدين اشوه الذكريات ..

درة ... اي وتحبين نفسج واشتغلي عليهة و ع نجاحج ، حتى تحسين نفسج فعلا قوية و كد المسؤولية و كد كلمتج

بحيث من توكفين كبال روحج تكولين انه راح انسه هاني انه شنووو واحب هاني طز بي

تلقائيًا راح تقتنعين ان هاني مو شي مهم و ان انتي قوية لدرجة صدكتي كلمتج بأقل من دقيقة ..

ارتخت ملامحهة وبينت الطمئنينة ع وجها و مبين من اقتضاب ملامحها واسترخائهن ان راح تعيد النظر مرارًا وتكرارً بكلامي الي جبتة من جيبي ..

صح من جيبي و يجوز مو فعال ومايفيد ولا يجيب نتيجة ويا الناس الطبيعين بس مو ويا فلك

لأن فلك حاليا تبحث عن القشة الي يريد يتمسك بيهة الغركان حتى ينجو

و كلامي بالنسبة الهة حبل متين ..

مو لأن صحيح بس لأن هي تريد حجة حتى اتطلعة من عقلهة وكلبهة وكلامي هوا هاي الحجة ..

بعد ساعات مرجعين رهف لبيتنة و فدك امسقطة الجنين ، ورجعت تعبانة كوة تمشي و ساندهة هاني بعيون حمر و الحزن مسيطر ع بوادره

سندتهة مها وكلتلة لا تصعد خلي تنام جوة احسن

و اخذتهة هية و عمة نجوى للغرفة وهية تردد ... الله يعوضهة سودة عليه صرخت صريخ من وجعهة ..

كعد هاني ع باية الدرج وسند راسة بأيدة و جر حسرة مال واحد امعلعل وكال ... والله انشلع كلبي

حطيت ايدي ع جتفة فز وميل كتفة بهدف ابعاد ايدي بعدتهة من وحدي رجع دنك فلك واكفة بالباب تباوع وعيونهة تبث حزن ..

نزلت راسي شفتة فرك عيونة و كال بهمس ... ليش من دون البشر الله ما كاتبلي اعيش بخير وراحة

انه المن ولحدمن اضل امعلعل وما عندي عائلة احس بالأمان وراحة وانه بنصهم .. اتلوعت وتمرمرت من صغري لحد هاي ساعة الله ..

سكت وتنهد بعمق و كمل يمكن يريديني اسمع معاناتة بحجة يحاجي روحة

لأن يشوف من الصعب يفصح عنهة كبالي و يسولفلي كان عايشة ويا وكلبي ع كلبة

... لا ام دامتلي و لا ابو والله تعذبت انه

انه انحرمت من كلمة يمة وبوية

لا اكو ايد انمدتلي من طحت وصاحت اسم الله

ولا اكو گلب انعصر من شافني اتلوع

لا ام التغطيني من البرد ولا ابو اليربيني وحتى الطفل المنتظرة يجي وتكمل فرحتي ويتحقق حلمي وتصير عندي عائلة هم راح

الك بيهة حكمة واردة ربي ..

درة ... ساعد الله گلبك يبن امي وابوي انه اختك واحبك ما تحسبني جزء بسيط من عائلتك ..

هاني ... انجبي انتي

درة ... ياااااع

هاني ... هوا انه امس عرفتج واكرهجن ما اريدجن

درة ... جذاب تحبنة بس انته عود شگلك تكابر ومسوي روحك كلش

هاني .. وخري من گبالي لا العب القندرة ع راسج

درة ... خوش .. حجيتهة بحزن و انه انصي راسي

كمل كلامة بحزن ... ليش انتي عشتي يم امي وعد وتحبج وانه عشت عد خوالي وعذبوني ?

درة ... يمة خوالك عذبوك

هاني ... راووني نجوم الظهر شلعو كلبي شلع ، من انتن تنامن بأمان وحرررر يحرسجن مثل الأسد اليحرس اشبالة

انه انام بنص البستان ..

من انتن امي وعد تاخذجن بحضنهة من تخافن انه ارد للبيت خايف انطك بخشبة

ولمن انتن من تخافن تلوذن بسد امي وعد لو حر انه الوذ بسد الحياطين ..

انه انضلمت حد ما روحي كالت بس ، بس لازم تنتفضين و ترتاحين .... سكت

مسح عيونة حيل من الدموع الي تجمعت بيهة

درة ... اي وشنو سويت ؟

هاني ... تعاركت ويا خالي وطكيتة وذبني هنانة يلة شوية حياتي استعدلت .. بس اضل بعوز

درة .. عوز ?

... درة الي يطب للبيت وما يصيح الله يساعدج يمة ، و ما يحب راس أبو هذا اكبر فقير و كاتلة العوز ...

اردفت بحزن مفرط ... بس انه هم يتيمة ابونة ميت

رفع راسة و غمض عينة بقهر وفتحهة ... من ماتت امنه انه وياج انه تيتمت وانتي لا .. الله يحفظلجن امجن ويطول عمرهة الام ما تتعوض ..

درة ... بس احنة هم اهلك وامي وعد ما تكرهك

هاني ... بس انه ما احبهة

درة ... زين شنو السبب

هاني ... ليش ماخذتني وربتني مثل ما ربتج ليش ما صارتلي ام واب مثل ماصارت الجن

خلتجن تعيشن احسن عيشة وانة عشت اتعس ايام

درة ... بس انتة ضليت عد خوالك

... ااااخ ليش ما كالت هذا بحسبة ابني وطالبت بية واخذتني غصب عني جان عرفت قيمتهة

درة ... يله هاني خلص الفات مات

هاني ... جذب الفات ما يموت يضل عااايش جوانة وياكل بروحنة مثل تاكل الأرضة الخشب

احنة نتأأكل ونكول الفات مات .. ما يندرى يمتة راح ننهد و نوكع ع كاع مهشمين ..

كام من ع درج واخذ يصعد الدرج بخطوات مكسورة

خطوات رجل شاب شعره و انحنى ظهره

انقهرت علي لاول مرة احس روحي احب اخوي هاني لهذا الحد

لأول مرة احس هاني صار عزيز ع كلبي مثلة مثل امي وخواتي ..

رجعت للبيت لكيت رهف نايمة و انه هم نمت ، كعدت الصبح ع صوت امي تخابر وتشكي

و كدرت اميز واعرف ويامن تحجي من طريقتهة و هية تكول " والله يا خوية موتني هذني البنات موتني راح اموت من وراهن، اي اي هلا بيك كل الهلا "

شلت راسي من المخدة و كتلهة ... راح يجيلنة

وعد ... اسم الله ردي نامي

سكتت ورجعت كالت ... وانتي شمدريج انه ويامن احجي

درة ... سمعتج سمعتج تكولين حر

وعد ... هااا حجتهة بشك و كامت اتلم بالغرفة وتحجي علينة همزين رهف بغرفة امي نايمة مو هنا لأن امي محتاجة تضل يمهة بالليل ..

كمت غسلت وشلت فراشي رجعت فتحت باب الغرفة ع كيف واشوف رهف راسهة ملفوف بأبيض

... هلو صايرة شيخ معمم ههههه

ما ردت بس رمقتني بحزن

... الحمدلله ع سلامتج ما تمت ع خير

ردت بغضب ... لا تمت ومثل ما اريد تمت من فتحت عيني ولكيتة اول الناس بالمستشفى

حطيت اصبع السبابة ع شفايفي بمعنى اششش

و خزرتهة

طلعت سويت ريوك وتريكنة ورا كم ساعة اجة حر شاف رهف و كعد بالهول بس امي متعمدة تلهيني بشغل بالمطبخ علمود ما اروح اكعد يمة

عاد هوا خصمهة و كال ... انه رايح من رخصتكم ان شاءالله باجر هم امر الكم ...... وراح ..

بس جن اخذ روحي ويا وكفت بباب المطبخ كاضة الصحن بايدي و بداخلي طفلة تركض ورا تصيح "خُذني معك"

التفت جن سمعني و ابتسم ابتسامة هادئة و كمل طريقة ، خنكتني العبرة من فراكة

رجعت كملت شغلي و ورة دقايق اشتعل الجو بالرمي ركضت للهول ختلت يم امي و من الجهة الثانية ترف

جن جبهة قتال و احنة بالنص

دقايق وسكت الرمي حجينة سوية انه وامي ... يمكن دكة عشاير هاي

وعد ... جا همة هم يدكون بالنهار

... كلشي توقعي من الناس الي عقولهة اصغر من حبة العدس

هذول ناس ينطون عرضهم فصل و يدفعون ملايين علمود دجاجة شنو عبالج كلشي توقعي

وعد ... خوفوجن الله يهلكهم ..

ما عرفنة شنو سالفة الرمي واجة ليش محمل علاليك اشكال والوان

وراح

وبعدهة مر اليوم والبعدة والبعدة

امتحنة سادس بعد المراجعة

و جانت الامتحانات زينة ، خلصنة امتحانات و كعدنة بالبيت

صراحة انه خلصتهة نوم لأن بالامتحانات ما ضكت الراحة ..

و حتى ما اهتميت للنتيجة ، و بيوم احنة كاعدين العصر ع مسلسل و اندك الباب

طلعت امي فتحتة وسمعنة صوت ليث رهف كالت بصوت عالي ويييييع

وكامت ركضت للغرفة

فات للبيت صوتة يلعلع وكال ... وين البطلااات ناجحاتتتت

من الفرحة كمزت ع حيلي وابدي اطفر علي وابوسة ع هذا الخبر الحلو ..

اطفر يمة واصيح شكد معدلي شكد شكد ليث شكد معدلي

ليث ... انتي معدلج 83 و اختج وينهة

درة ... يممممةةةة اننننه شاااطرة يمممة و رهف ورهف شكد

ليث ... اقل منج بشوية

درة ... يعني شكدددذ

ليث ... 78

ثنينجن تنقبلن تربية عادي

امي ضلت تندعي الله يوفقنة وعيونهة لمعت بكل فرح وفخر ..

درة ... منو كلك اريد تربية ?

ليث ... مو انتي مرة كلتي!

... اي صحيح بس ناسية شوكت كتلك يعني جاي اسئل شمدريك ههههه وفلك

ليث ... انصة وحدة معدلهة 65 تكول راح تقدم ادارة واقتصاد

درة ... ميخالف اهم شي شهادة تحارب بيهة الكون

ليث ... قصدج تتعلگ ع حايط لا تحارب بيهة ولا تشبع فلوس من وراها ..

ضحكنة كلنا و مشيت للغرفة فتحت الباب شفت رهف تبجي خصمت عيوني بشك وكتلهة شبيج

رهف ... فرحانة ولج سمعتة كال ناجحة وكال معدي فرحانة

درة ... ليش تبجون بالفرح والله مشاعركم تلعب الروح ..

رهف ... عوفينة هذا وين ويمتة يروح

درة ... بالهول شوية ويروح يمكن ، بس خابت أمالنة من ضل للعشا و ورة العشا يلة راح ...

و بعد يومين صار الي ما جنة متوقعينة ابدًا ، اندك باب البيت و طلعت انه فتحتة

مها دفعت الباب بطرف ايدهة وفاتتت شايطة غضب و كالت ... اختچ الساقطة ويييييين ........

رهف ... بعد يوم خطوبة سداد السيء مرت الأيام ، والتهيت بدراستي اما بالنسبة للي اسمة ليث تقريبا شطبتة من حياتي هوا وسداد ع شنو انه احرك دمي و افوت نفسي بمشاكل انا في غنى عنها

خليني اعيش حياتي مثل ما احب و مثل ما اريد ..

هذا جان كلامي بالبداية، بس من صادف قبل النتائج بأيام رحنة لبيت عمي عزمونة طبيعي و جنت كاعدة بكل هدوء و شفت سداد ينزل و المبايل ع اذنة و يضحك من شافنة شال المبايل وسلم ورجع المبايل ع أذنة وهوا يطلع يكول ... جايلج دقايق ..

فلك حاجتة مادري شنو مبين عليه الخوف والترقب وبعدين طلع

كلتلهة ويامن يحجي

رفعت اكتافهة وقوست شفايفهة بمعنى ما ادري

خزرتهة كالت ... ويا الهام

تقصد خطيبتة ..

رهف ... ها راح يروحلهة يعني شنو يشترون ذهب

فلك ... ما اعرف يمكن قابل كاعدة وياهم يا عيني

رهف ... هههههههههه اي هوا مبين من ضحكة عندة شي وياها يجوز ياخذهة ويحصرهة بمكان

حجيت بهمس

كرصتني بزندي و همست محذرة ... لا تسمع امج عيب

رهف ... لا ما تسمع لا تخافين جاي تسولف ويا امج صايرات دبس وراشي مو مثل قبل

فلك ... الله يهدي النفوس خية

تعشينة و سداد ماكو عيني ع باب اتمنة يرجع واشوفة بس ماكو

ورا العشا بدقايق شرف الأفندي وانه واكفة بالمطبخ هوا فات حتى ما سلم علية

من القهر ردت اهفة بفد صحن واطر راسة بس تعوذت ابليس ، باوعتلة ادرس شكلة واتفحصة

و وكعت عيوني ع اثر حمرة جوة أذنة ..

شهگت مصدومة التفتت علية متفاجئ

... سلامات ست رهف شفتي طنطل

رهف ... لا ما شفت شي لا الهام شلونهة

سداد ... زينة طلعنة انه وياهة شوية نتونس بس ضاجت وكالت خلي نرجع نكعد ببيت اهلي وحدنة احسن

رهف ... اي الظاهر هية مستعجلة تريد تختلي بيك

عقد حاجبة مستاء من ردي كتفت ايديني ورفعت طرف حاجبي ... راح تتزوجون هنا صح

سداد ... اي صح!

رهف ... ان شاءالله فترة واجي هنا يمك

انطعن وجهة و كال بقهر وغضب ... شلون تجين يمي

رهف ... اصير زوجة اخوك ان شاءالله ومثل اختك بحيل الله وقوتة

سداد ... ما تكدرين ما تكدرين لا يمكن ان يصير هذا الشي ابوية و امي راح يعارضون ما تكدرين ..

رهف ... تريد الصدك هوا انه ما احبة الأخوك بس انتة تجبرني اتصرف هيج

سداد ... ما تحبينة ومرتمية بحضنة ومايعة ميوع لو تحبينة شتسوين

رهف ... اخوك ضلمني و انته ضلمتني اكثر حوبتي ما تتخطاكم

خنكتني العبرة جريت نفس ودرت وجهي بكل حزن اكو رجفة اجتاحتني

ضل واكف باوعتلة وحجيت ... اكو بيك حمرة جوة أذنك امسحهة

مد ايدة جوة اذنة

كتلة لا الثانية

شال ايدة وضل يمسح و يتحمحم بخجل ..

__ لا تتوقع انه ميتة ع اخوك كلشي سووة هوا وخطط اله علمود يوكعني من عينك هوا الي حاط عينة علية انه ماعندي شي ويااا

ما حجة شي رفع طرف حاجبة مستهزء

تعبت واني ابرر

سكتت ما حجيت وانطيتة ظهري ..

طلعت من المطبخ اجر ذيال الحزن ، و اداري دموعي عن لا تطيح وتفضحني وتفشي سري الخفي ..

و تبين ضعفي

ضليت كاعدة ع اعصابي و النار تطلع من راسي الي يحاجيني ما اسمعة و بس اتحسر ع روحي و ع حظي السيء ..

ليث من الاستقبال صاح فلك وسويلي كهوة

طفرت قبلهة للمطبخ وضليت واكفة يمهة و هي تسوي و تسولف

من خلصت كتلهة انطيني انه اودي وروحي طلعي ملابسج الجديدات علمود اشوفهن

فلك ... خوش لا تبطين تعاي بسرعة

رهف ... صار فلوكة

اخذت الفنجان و مشيت للأستقبال نزلت الشال من ع راسي ، طرقت ع باب بأطراف اصابعي و فتحتة

جان كاعدة و بحضنة اللابتوب ، ابتسمتلة بهدوء و بداخلي شعور مقرف اتجاهة ..

اتقربت اتجاهة گال بهدوء ... احلى من يجيبلي كهوة

رهف ... الف عافية تفضل

قدمتلة الفنجان بأيدي طخ اصابعي ايدي بأيدة خليتة ياخذة وابتعدت خطوات ليورة

خليت ايديني ورة ظهري و بدلع يحاكي شعورة بالرغبة اتجاهي حجيت ... ما مشتاقلي

ليث ... والله هواي بس انتي فوصة و كلش مبتعدة عني من يوم خطوبة سداد و بعد ما شفتج تباوعين بوجهي ولا حتى تبتسميلي

رهف ... لأن اريدك تتحرك خو ما اضل هيج

ليث ... شلون يعني

رهف ... انته مو تحبني

ليث ... اكيد ما تقبل غلط ..

رهف ... ااااااه صدك

ليث ... والله ونور محمد ، تنهد وخلة الفنجان كبالة

... مشاعري اتجاهج تأذيني كلبي يوجعني عليج رهف

ضحكت بدلع و لوحتلة بأيدي باي

كال اوكفي وين وين تعاي اسئلج سؤال واحجي الصدك لا تلوعين كلبي التطشر كبالج

رهف ... ايييي شنووو

_ تحبيني ؟ ..

صفنت بعينة وذبيت نفس بتعب ..

_ لو ما احبك يا بعد هاي وهاي ، المن احب ..

غمض عينة، بتعب تنهد ومسح ع جبينة، رجع شعرة ليورة وگال ..

_ تعاي بحضني ..

تمايلت گباله بدلع وخليت اصابعي بين خصلات شعري ، بدشداشتي الوردية الضيقة ..

وبدون ما ارد .. اعرف نقطة ضعفة و اعرف شلون اجيبة ..

نزل رجلينة من ع قنفة و گال وهو سابل عيونة بخدر ..

_وين تردين توصلين ؟ صرتي واحد من اكبر ذنوبي، وما اكدر استغفر الله وامحيچ ..

_حطني زوجة بغرفتك وحلل لگمتك باشا ..

_ والعندي والعندي .. حط ايدة ع راسة بتعب ..

_ الشرع حللك اربعة .. اذا الله حللك المن خايف، رفعت كتفي بدلع

_سبحان الله يدري بگلوبكم رچيچة گبالنة ..

_ امچ واهلي ومرتي كلهم احجارة بطريقنة

_ محد عتب عليك وگلك حبني و بصراحة انه بنية شابة و وراي طريق طويل و عمر و حاليا راح اصير بالجامعة ويجوز خطابتي تكثر اذا اتقدملي واحد مناسب ما راح اكعد انتظر حضرتك تفاتح اهلك بالموضوع ..

_ لا بله علمود اترس حلكج قنادر شنو هاي الصلافة ما تاخذين واحد غيري لو اعرف اسويهة كاتل ومكتول

_ جا تحرك خوش ما راح اضل انتظرك جانك تحبني صدك اخطب

حجيت وانه الم شعري وارفع الشال ع راسي

_ حتى شعري عندة رغبة حارقة رايد يندثر ع صدرك

بس انتَ مادري شلونك ..

تنهد بحزن و عيونة نعست حركت طرف كتفي بدلع وانة طلعت بس من الباب الثاني حتى ما يشوفوني و يكولون شعدهة يم ليث بالاستقبال ..

كلشي حجيتة يناقض الواقع ، ما جنت رايدتة ولا طايقتة بس تصرفت برعونية

اخذتنة امي ورجعنة للبيت وطبعا ويانة غيث ماشانة للبيت من وصلنة گبل فرشت ودخلت جوة فراشي ابجي بحركة كلب

اااخ يا روحي لشوكت تضلين تجلدين بية بدون رحمة ، لشوكت تضلين معلكة كلبج بشخص ما صدكج ولا انطاج فرصة ..

ندستني درة بكتفي كتمت انفاسي اسمع صوتهة تهمس ... ترة انتي مكبرة الموضوع اعتبريهة علاقة وانتهت وطلعيهم كلهم من حياتج من ليث لسداد و عيشي حياة جديدة ما بيهة هاي الزبايل

شلت الغطة عن راسي و بصوت مبحوح من كثر البجي اردفت ... اريد احرگ كلبة

درة ... تحركين كلبة ، بس بعدهة انتي الي تحتركين وما يصفة منج غير رماد ينداس بالرجلين

رهف ... لااااا ما رااااح يصيرررر هههييييج انه ما احترك هوااا راح ينقهرررر

درة ... وداعتج وروح ابوية راح يكول عليج وحدة رخيصة وهية كاتلة روحهة ع اخوي ومفلفة علي و يحمد ربة لأن طلعتي من حياتة ويعيش اجمل عيشة ويا الهام

وانتي تضلين بعينة حشرة صغيرة يدوسج ويمشي ..

عقدت حاجبي و جريت ايدهة ... شنو قصدچ

درة ... تفهمين قصدي زين مدام هوا ما صدگچ سوي شي واحد بسيط راح يموتة

من نلتقي ويسلم ردي بكل برود ، لبسي وكشخي ولا تعيرينة انتباهج

واذا حاجاج جاملي وردي بكلمة او ثنين بس مجاملة لا تحسسينة انتي كاتلة روحج علي ومقهورة علي

بالعكس صيري ثكيلة وباردة ، اتعدلي وترتبي، جاملي وبنفس الوكت تجاهلي

رهف ... وين صايرة هاي اجامل واتجاهل

درة ... ثول من يگلج مثلا شنو رأيج بغرفة زواجي هاي ذوق الهام

لا تكليلة حلوة او لا بس گليلة تتهنة بيهة و سكتي .. لا تباوعيلة لبسي ..

هنا انتي جاي تتجاهلين سؤالة وبنفس الوقت تتجاهلينة بنظراتج

خلي اجاباتج محدودة، وكلماتج ما تصير اكثر من اربع كلمات لو خمسة

لا تضحكين هواي ولا تمدين بزوج مترين لا ابتسمي بثقل

واهم شي ابتعدي عن ليث مو علمود سداد وعلمود تثبتيلة ماعندج شي ويا ليث

لا علمود روحچ لا تضيعينهة ويا هيج انسان

الي يتحرش بيج و يبوسج ويجر اخو علمود يشوف

ممكن يغتصبچ ..

رهف ... خوفتيني

درة ... هذا الصدك ، و اذا ماختفتي راح تستهلين الأمور

اصابتني رعشة وانه اسمع كلامهة ما لكيت نفسي غير اتقرب لفراشهة واتمدد وياهة طول بطول واحضنهة بحزن ... سودة علية شسوة بيج ليث

رهف ... درة انه هواي غلطت بحق نفسي ونزلت روحي اله

... ليث !

... اي صخام

... عادي انسي كلشي وابدي صفحة جديدة

... ان شاءالله ..

صدك قررت ابتعد عنهم وابدي صفحة جديدة

طلعت النتائج وفرحت بمعدلي وقررت ابدي حياة جديدة و صفحة بيضة

والماضي ما راح يرجع علمود اعدلة

ع اقل ابني مستقبل حلو ..

و بيوم اندك الباب وطلعت درة تفتحة ورة ما فتحتة اجالي صوت مها العالي تكول ... ويييين اختچچچ السااااقطة

امي طلعت من المطبخ ع صوتهة وهية تنشف ايديهة بثوبهة وتكول ... يااا مهاا هاي شمالچ عممممممة

ردتهة مها الغاضبة و عيونهة تجري ... عمممة تقبلييينهة بنتتتتج عينهة ع رجلي وتريدة ياخذهة

لطمت ع صدري وكلتلهة ... ااااااانة؟ لو درة ؟

وعد ... ياااااا شهالحجي هذاااا مها بناتي ما عدهن هيج سوالف

مهاا ... والعباس ابو فاضل حجاها بعضمة لسانة كال اريد رهف وهية قابلة بية

جريت نفس وكتلهة ... شتحجين مها انه اعتبرة بحسبة اخوي عفا عليج جاية تغلطين علية وانه بحسبة اختج

واذا ع ليث حالة من حال هاني و هوا صدك ذاك اليوم عندكم گالي راح انزلج ضرة ع مها ترديني

عبالي يتشاقة وياي جا انه ويا مثل الاخوان

كتلة بضحكة اي خوش اخذك ..

بس انه لا اقصد اي اريدة ولا شي يمة خية صدمتيني

درة ... وانة جنت موجودة وهم عبالي شقة صخام الصخمك ليث ع هاي السالفة

كعدت بعتبة الباب تندب حظها

و تقص ع امي الي صار

... عمة حطني انه وعمي وعمتي وكال انه هذا هوا بيتي كملتة اطلع بي مها واتزوج هنا

تصدكين تخبلت

و زدت خبال من كال اخذ رهف بت عمي

رهف ... رجلج لو ينصاغ ذهب ما اخذة الصراحة هاي واذا جان بحسبة اخوي هسة طاح من عيني والغريب صار بالنسبة الي احسن منة

انه ما متوقعة من ليث يحط عينة ع عرضة صدمني الصراحة

درة ... وانه هم

وعد ... شني شعبالج رهف تريدة لو حتى صدك تريدة افصم ظهرهة

رهف ... لا يمة ويع ما اريدة والعباس ما اريدة

مها ... هوا يكول ترديني ! و قابلة بية

رهف ... مو كتلج

مها ... الله يفرفح كلبك ليث ما فرفحتني الله يفرفحك

انفتح الباب وطبت عمة نجوى شايطة و تلهث ... مها انكطع نفسي وانه اركض

وعد ... ام ليث شنو هذا الحجي

باوعتلي عمة نجوى ورجعت باوعت الأمي ... ماعندي علم هسة اتسودنت الا شوية ما ضنيت يطلع من رهف هيج شي

مها ... عمةةة تكوووول ماريدة وهوا بحسبة اخوي

رهف ... عمة ترة ما اريدة وذاك اليوم عدكم كلي انزلج ضرة ع مها عبالي يتشاقة وكتلة موافقة

عود لان بحسبة اخوي

بس هسة طاح من عيني ما ضنيت يطلع منة هيج

نجوى ... باع الفلك باع ولج مها كومي نرد للبيت نحاجي عمج فاضل وهوا يحط حد الأبنة

مها ... اذا مو رهف ياخذ غيرهة ادري بي هوووا حاط الفكرة براسة من زمان

نجوى ...شني بكيفة هية والله اشلخة شلخ جايلي من تالي والله يريد يعرس

وتعالو خطبولي رهف

كلنالة انته وين ورهف وين

ما متناسبين

هية صغيرة وانته معرس هذا واحد من اكبر الأسباب ..

امي و عمة فاتن بنقاش انتهى بلوم ليث و تصبير مها ومحاولة اقناعهة ان انه مالي علاقة ويا ليث ولا اريدة ولازم مها تضل تحبني مثل قبل لأن انه مثل اختهة بس هذا الشي مستحيل من هذا اليوم وهية صارت تباوعلي بنظرة حقد ..

انكشف سر ليث و انتشر الخبر اسرع من البرق ، بين الأقارب وهوا الي نشرة

يحجي بمجالسة ويا الاقارب ان راح يتزوج و انه العروس المنتظرة و الجديدة للعائلة ..

الشيء خنكني من اول يومين بس انه لازم اكون اقوى واتجاهل كلشي .. ضليت اعض اصابعي ندم

مرات يبدر من عدنة تصرف برعونية تالي ندفع الثمن غالي

لأن انه حاليا ما اعرف شنو يحجي علية

اذا هوا رايح الأبن خالي كايلة عدهة علاقة بية وماخذهة هنا شنو يسوي ..

اتكلب بفراشي بنص الليل ، الليل الي سكنت بي اوجاع الناس واستسلمو للنوم الا اوجاعي ، اوجاعي صاخبة و صوتهة مسهر امي وياي ..

كل شوية تفتر بالبيت وتفتح الباب تتفقدنة وترجع لغرفتهة ..

و هنا كان اكو صوت اعلى ، طرق مسامعنة واحنة خاتلين بفراشنة هاربين من اوجاع الدنيا

صوت اغنية عالي يوصل للبيت من الشارع

وصوت المطرب العذب و يا كلماتة خلت درة ترفع راسهة من الفراش وتكول منو عرس

ندستهة بكوعي وانه اسمع الأغنية مالية البيت

... تجينة تجينة .. ردتك تجينة

راحت واجت الايااام

ردتك تجينة

وعلينة

وعلينة

بس مر علينة تورد الاحلام

تورد الاحلام

من تمر علينة

المواويل المواويل تحلى المواويل

حبك يطيب اغناي

سمعت صوت الباب ينفتح طفرت من فراشي وبخطوات سريعة لحكت امي الي فتحت الباب و مدت راسهة تعاين و رجعت سدتة من شافتنة طالعات وراها رجعت خزرتنة و ركضنة للبيت

طبت تركض ع غرفتهة و احنة نباوع بعيون بعض متفاجئين وما نعرف شنو جاي يصير

وصوت الاغاني عالي جاي من الشارع

جان اسمع صوت امي عالي تكول

... خية نجوى انطيني فاضل

و ورة ثواني كالتلة ... هلا بيك خوية ، ردت اكلك هذا ابنك ليث شهرنة وخزانة حاط سيارتة يم البيت ومشغل غنة يسمعنة عود

والجيران تباوع

خوية ودي واحد يرجعلة عقلة

شهرنة واحنة عالم مستورين ، وفضيحة المستور ما تتطمطم بسرعة تشيع ..

سدت الخط وطلعت تدعي علي بكلب فاير وتدمغ بية و انه بس صافنة ، اريد الطم ع روحي واملخ روحي ورطت روحي ويا واحد خبل ورطت روحي الله يهلكني ..

ورة دقايق طفت الاغاني وندك الباب بس امي تعمدت ما تفتحة وأمرتنة نرجع لفراشنة وننام

بس ما كدرنة ننام ضلينة نحوس اخير شي درة رفعت راسهة وكالت ... بس هذا التصرف والله حلو بلكت خالج حر يسوي

رهف ... درة هاي فضيحة هسة العالم تضل تحجي علينة

درة ... ترة يعرفونة ابن عمنة و هنا عدهم ابن العم لو يشلح ويا بت عمة محد يفك حلكة

رهف ... يا مطي ضاحك عليج بهذا الحجي

درة ... خالج حر مرة كال بالعشاير ابن العم شما يسوي محد يتدخل لان بت عمة ويحبهة

رهف ... اي بس مو لدرجة يشلح وياها درة انته حافظة ما فاهمة خليني انام يا علي استرنة يا علي راح ننفضح

درة ... والله اذا من ورة هذا الويث تنسد قسمتي ومحد يخطبني احركج انتي ويا

شلت راسي من المخدة ... و خالي ؟

درة ... بله الله ما قسملي اخذ خالج شني اعنس لازم اكمل حياتي واكون عائلة ..

فريت شفايفي يمنة ويسرى وما رديت عليهة نمت ..

من صدك شبعنة ضيم من ورة ليث، وكرر تصرفة اكثر من مرة وامي تخابر يجون ياخذنة

ومرة اجة سداد وما نسمع بس عركتهم سوية

درة ... من يوم تعارك ويا سداد و صارلة تلث ايام ما مسوي هاي الحركة الي تخلي امي تلطم

وهوا الحقيقة مصخهة ..

شوية مرتاحين، رفعت هدومي وضليت انظف بالحديقة اندك الباب نزلت هدومي وحطيت شالي البرتقالي ع راسي ورحت للباب اشحط وانه لابسة نعال امي الازرك و اصيح اجيت اجيت كسرتو الباب شسالفة ماشايفين باب

اخر كلمتين حجيتهن بصوت خافت ..

فتحت الباب وبلعت ريكي بأحراج ، من شفت حر وخالو اسامة وكاتي و ابنهم الدنفوش كتلة الخدود بالباب ... بلعت ريكي ورديت سلامهم بكلمات متلعثمة من الخجل

فتحت الباب ع وسعة و صحت تفضلو تفضلو كاتي ديري بالج لا تعثرين انتي وخدود الوطن العربي وتطيحون ..

كاتي ... ما يعثر انا

اسامة ... فوتي حبيبتي، فاتو و بعدهة حر يباوعلي بتركيز احرجني

وانة منا دشداشتي خضرة وشالي برتقالي ولابسة نعال امي ازرك حسيت روحي صرت بهدومي ..

مادري شلون يجون بدون ما ينطونة خبر عاد نعدل خلقتنة ..

فات وراهم و هوا يباوعلي و همس ... شلونة الحلو

درة ... زين زين بشوفتكم يابة

سديت الباب و ماشيتهم للبيت ، كابلتهم وكعدت بحجة حاطة كتلة الخدود بحضني وما اريد اكوم ..

حتى بالعشا ما ساعدت وما سويت شي وياهن الا القليل

جنت اباوعلة بلهفة وحدة ما راح تشوفة للمرة الثانية

و عيونة ما تقبل تنزل منة

من ضلينة انه ويا وحدنة وثالثنة كتلة الخدود اتقرب بالكعدة مني و كال

... والله احس روحي ما اشبع من شوفتچ انه شما اباوعلچ ما ارتوي

درة ... اش لا تجي اختك وعد

حر ... هسة صارت اختك وعد مو جانت امج

درة ... وما زالت امي بس اتشاقة

حر ... ادري بيج تتشاقين درة ، اااخ يا عطري ما اصدك قريبا راح تصيرين حلالي واششششمممچ حد الارتواااء ... حجاها وغمض عينة

درة ... قريبا؟

حر ... راح اتقدم بحيل الله و ان شاءالله ما تكون مهمة اقناع عمامج بذيج الصعوبة ..

بلعت ريكي وانه اتذكر كلام عمي فاضل بخصوص حر و ايقنت ان جمعتي ويا شبه مستحيلة

باوعتلة وابتسمت كتلة تدري انته حلو

حر ... مو بحلاتچ جعب كلبي المايتهزهز

درة ... هههههههه يمة كلبي

حر ... اهم شي يكون كلبچ الي ، انه شريد غير هيج

درة ... اي هوااا گلبي الك يا ذا الجمال اليوسفي ..

حر ... خوش حجي هذا قلب هذهِ العذراء ملكِ ، يا سيد نفسك كُن سيدها

اتعلمين ما تتمناها شفاهي

هوَ تقبيل عنقكِ لأثمل .. وارتعش من نشوة الحنين للمكوث بين قلبًا نابض بلهفةٍ و حنجرة تنسج الكلمات بعشقٍ

يا شكِ ويقيني شتاتي و شرياني شيب رأسي و اشيائي راحتي و تعبي رحيقي وعطري أمني وأماني ومأمني نهاري ونجوتي ونجاتي ..

ابتهجت اساريري و برمق هادء رمقتة و عيوني تلمع حب

جاوبتة ... و انتَ جميلي ومؤنسي دائي ودوائي و كل نبض ينبضه قلبي

حر ... هنيااالي

درة ... غنيلي بربك احب صوتك

عدل ياختة و تحمحم

حر ...ع ذوقي تمام

هزيت راسي وخليت ايدي جوة خدي استمع

وبصوت هادء و ناصي غنة

حر ... نمت وحلمت

انك رجعت

تكولي سامحني ضلمتك جرحتك

سامحني يا عمري وحدك تركتك

بست خدي وبكيت وباحضانك غفيت

بين ايدك يا عمري بردان ودفيت

صحيت والوسايد غرقانة بدموعي

كل شي بيَ جامد ، وبردانة ضلوعي

يا عيني عليا اشسوى الشوق بيا

لا انتَ اجيت ولا جرحك يروح

وحتى حلم عيني ياخذني الجروحي ...

درة ...اغنية تعيسة اريد شي بي حب شبيك انتة

حر ... من خذلتيني و حركتي كلبي جنت اسمعهة تصدكين

هواي سمعتهة وياما عيني دمعت

تحسر و هز راسة بحزن

ودخلت امي قطعت علينة اللحضات و نهتهة ..

و امرتني اساعدهن بالمطبخ

ركضت وياهن وساعدت وبعد ما خلصو عشا وشربو جاي راحو

وكف حر بوس امي وكللهة محتاجة شي يالغالية

وعد ... لا سلامتك خوية ريتك سالم

حر ... ديري بالج ع بنات وعد

وعد ... ان شاءالله خوية مر علينة ، اتقربت انه وكتلة

خاااالي

رد عيون خالج

امي خزرتنة

حجيت ع كيفي ... دوم مر علينة نشتاقلك احنة

حر ... هههههههه ان شاءالله بأقرب وكت امر عليكم

السباعية ديري بالج ع روحج وخليج هيج تحلوين كل يوم

توادعنة ومديت راسي من الباب ويا امي اشوفهم صعدو بالسيارة وطلعو ، حرك السيارة و هوا يلتفت يباوعلي

عصرني كلبي

و الخوف حاصرني

شعور غريب اجتاحني و ثگل استقر بنص صدري

راحو و احس سلبو مني شي غالي ..

بلگوة نمت ليلي ، و ياريت ما كعدت و لا انفتحت عيني و شفت امي تشمر المبايل وتملخ بروحها ...... يتبع

لتنسون تصويت + تعليق 💜 ..

المتابعات القديمات هسة شدن وصلة وردحن 😂😔

تنويه 🚫 البارتات الجديدة المكتوبة انزلهن بين يوم ويوم والي ماكاملات بدون موعد حتى ماتتوقف القصة اريد منكم تتحملون التأخير لخاطري ☺️🩷🖤.

رواية

بقلمي فاطمة العبادي

.

.

.

.

لتنتسون تعليق بين الفقرات لاڤيووو 💜 ..

رهف ... بعد يوم خطوبة سداد السيء مرت الأيام ، والتهيت بدراستي اما بالنسبة للي اسمة ليث تقريبا شطبتة من حياتي هوا وسداد ع شنو انه احرك دمي و افوت نفسي بمشاكل انا في غنى عنها

خليني اعيش حياتي مثل ما احب و مثل ما اريد ..

هذا جان كلامي بالبداية، بس من صادف قبل النتائج بأيام رحنة لبيت عمي عزمونة طبيعي و جنت كاعدة بكل هدوء و شفت سداد ينزل و المبايل ع اذنة و يضحك من شافنة شال المبايل وسلم ورجع المبايل ع أذنة وهوا يطلع يكول ... جايلج دقايق ..

فلك حاجتة مادري شنو مبين عليه الخوف والترقب وبعدين طلع

كلتلهة ويامن يحجي

رفعت اكتافهة وقوست شفايفهة بمعنى ما ادري

خزرتهة كالت ... ويا الهام

تقصد خطيبتة ..

رهف ... ها راح يروحلهة يعني شنو يشترون ذهب

فلك ... ما اعرف يمكن قابل كاعدة وياهم يا عيني

رهف ... هههههههههه اي هوا مبين من ضحكة عندة شي وياها يجوز ياخذهة ويحصرهة بمكان

حجيت بهمس

كرصتني بزندي و همست محذرة ... لا تسمع امج عيب

رهف ... لا ما تسمع لا تخافين جاي تسولف ويا امج صايرات دبس وراشي مو مثل قبل

فلك ... الله يهدي النفوس خية

تعشينة و سداد ماكو عيني ع باب اتمنة يرجع واشوفة بس ماكو

ورا العشا بدقايق شرف الأفندي وانه واكفة بالمطبخ هوا فات حتى ما سلم علية

من القهر ردت اهفة بفد صحن واطر راسة بس تعوذت ابليس ، باوعتلة ادرس شكلة واتفحصة

و وكعت عيوني ع اثر حمرة جوة أذنة ..

شهگت مصدومة التفتت علية متفاجئ

... سلامات ست رهف شفتي طنطل

رهف ... لا ما شفت شي لا الهام شلونهة

سداد ... زينة طلعنة انه وياهة شوية نتونس بس ضاجت وكالت خلي نرجع نكعد ببيت اهلي وحدنة احسن

رهف ... اي الظاهر هية مستعجلة تريد تختلي بيك

عقد حاجبة مستاء من ردي كتفت ايديني ورفعت طرف حاجبي ... راح تتزوجون هنا صح

سداد ... اي صح!

رهف ... ان شاءالله فترة واجي هنا يمك

انطعن وجهة و كال بقهر وغضب ... شلون تجين يمي

رهف ... اصير زوجة اخوك ان شاءالله ومثل اختك بحيل الله وقوتة

سداد ... ما تكدرين ما تكدرين لا يمكن ان يصير هذا الشي ابوية و امي راح يعارضون ما تكدرين ..

رهف ... تريد الصدك هوا انه ما احبة الأخوك بس انتة تجبرني اتصرف هيج

سداد ... ما تحبينة ومرتمية بحضنة ومايعة ميوع لو تحبينة شتسوين

رهف ... اخوك ضلمني و انته ضلمتني اكثر حوبتي ما تتخطاكم

خنكتني العبرة جريت نفس ودرت وجهي بكل حزن اكو رجفة اجتاحتني

ضل واكف باوعتلة وحجيت ... اكو بيك حمرة جوة أذنك امسحهة

مد ايدة جوة اذنة

كتلة لا الثانية

شال ايدة وضل يمسح و يتحمحم بخجل ..

__ لا تتوقع انه ميتة ع اخوك كلشي سووة هوا وخطط اله علمود يوكعني من عينك هوا الي حاط عينة علية انه ماعندي شي ويااا

ما حجة شي رفع طرف حاجبة مستهزء

تعبت واني ابرر

سكتت ما حجيت وانطيتة ظهري ..

طلعت من المطبخ اجر ذيال الحزن ، و اداري دموعي عن لا تطيح وتفضحني وتفشي سري الخفي ..

و تبين ضعفي

ضليت كاعدة ع اعصابي و النار تطلع من راسي الي يحاجيني ما اسمعة و بس اتحسر ع روحي و ع حظي السيء ..

ليث من الاستقبال صاح فلك وسويلي كهوة

طفرت قبلهة للمطبخ وضليت واكفة يمهة و هي تسوي و تسولف

من خلصت كتلهة انطيني انه اودي وروحي طلعي ملابسج الجديدات علمود اشوفهن

فلك ... خوش لا تبطين تعاي بسرعة

رهف ... صار فلوكة

اخذت الفنجان و مشيت للأستقبال نزلت الشال من ع راسي ، طرقت ع باب بأطراف اصابعي و فتحتة

جان كاعدة و بحضنة اللابتوب ، ابتسمتلة بهدوء و بداخلي شعور مقرف اتجاهة ..

اتقربت اتجاهة گال بهدوء ... احلى من يجيبلي كهوة

رهف ... الف عافية تفضل

قدمتلة الفنجان بأيدي طخ اصابعي ايدي بأيدة خليتة ياخذة وابتعدت خطوات ليورة

خليت ايديني ورة ظهري و بدلع يحاكي شعورة بالرغبة اتجاهي حجيت ... ما مشتاقلي

ليث ... والله هواي بس انتي فوصة و كلش مبتعدة عني من يوم خطوبة سداد و بعد ما شفتج تباوعين بوجهي ولا حتى تبتسميلي

رهف ... لأن اريدك تتحرك خو ما اضل هيج

ليث ... شلون يعني

رهف ... انته مو تحبني

ليث ... اكيد ما تقبل غلط ..

رهف ... ااااااه صدك

ليث ... والله ونور محمد ، تنهد وخلة الفنجان كبالة

... مشاعري اتجاهج تأذيني كلبي يوجعني عليج رهف

ضحكت بدلع و لوحتلة بأيدي باي

كال اوكفي وين وين تعاي اسئلج سؤال واحجي الصدك لا تلوعين كلبي التطشر كبالج

رهف ... ايييي شنووو

_ تحبيني ؟ ..

صفنت بعينة وذبيت نفس بتعب ..

_ لو ما احبك يا بعد هاي وهاي ، المن احب ..

غمض عينة، بتعب تنهد ومسح ع جبينة، رجع شعرة ليورة وگال ..

_ تعاي بحضني ..

تمايلت گباله بدلع وخليت اصابعي بين خصلات شعري ، بدشداشتي الوردية الضيقة ..

وبدون ما ارد .. اعرف نقطة ضعفة و اعرف شلون اجيبة ..

نزل رجلينة من ع قنفة و گال وهو سابل عيونة بخدر ..

_وين تردين توصلين ؟ صرتي واحد من اكبر ذنوبي، وما اكدر استغفر الله وامحيچ ..

_حطني زوجة بغرفتك وحلل لگمتك باشا ..

_ والعندي والعندي .. حط ايدة ع راسة بتعب ..

_ الشرع حللك اربعة .. اذا الله حللك المن خايف، رفعت كتفي بدلع

_سبحان الله يدري بگلوبكم رچيچة گبالنة ..

_ امچ واهلي ومرتي كلهم احجارة بطريقنة

_ محد عتب عليك وگلك حبني و بصراحة انه بنية شابة و وراي طريق طويل و عمر و حاليا راح اصير بالجامعة ويجوز خطابتي تكثر اذا اتقدملي واحد مناسب ما راح اكعد انتظر حضرتك تفاتح اهلك بالموضوع ..

_ لا بله علمود اترس حلكج قنادر شنو هاي الصلافة ما تاخذين واحد غيري لو اعرف اسويهة كاتل ومكتول

_ جا تحرك خوش ما راح اضل انتظرك جانك تحبني صدك اخطب

حجيت وانه الم شعري وارفع الشال ع راسي

_ حتى شعري عندة رغبة حارقة رايد يندثر ع صدرك

بس انتَ مادري شلونك ..

تنهد بحزن و عيونة نعست حركت طرف كتفي بدلع وانة طلعت بس من الباب الثاني حتى ما يشوفوني و يكولون شعدهة يم ليث بالاستقبال ..

كلشي حجيتة يناقض الواقع ، ما جنت رايدتة ولا طايقتة بس تصرفت برعونية

اخذتنة امي ورجعنة للبيت وطبعا ويانة غيث ماشانة للبيت من وصلنة گبل فرشت ودخلت جوة فراشي ابجي بحركة كلب

اااخ يا روحي لشوكت تضلين تجلدين بية بدون رحمة ، لشوكت تضلين معلكة كلبج بشخص ما صدكج ولا انطاج فرصة ..

ندستني درة بكتفي كتمت انفاسي اسمع صوتهة تهمس ... ترة انتي مكبرة الموضوع اعتبريهة علاقة وانتهت وطلعيهم كلهم من حياتج من ليث لسداد و عيشي حياة جديدة ما بيهة هاي الزبايل

شلت الغطة عن راسي و بصوت مبحوح من كثر البجي اردفت ... اريد احرگ كلبة

درة ... تحركين كلبة ، بس بعدهة انتي الي تحتركين وما يصفة منج غير رماد ينداس بالرجلين

رهف ... لااااا ما رااااح يصيرررر هههييييج انه ما احترك هوااا راح ينقهرررر

درة ... وداعتج وروح ابوية راح يكول عليج وحدة رخيصة وهية كاتلة روحهة ع اخوي ومفلفة علي و يحمد ربة لأن طلعتي من حياتة ويعيش اجمل عيشة ويا الهام

وانتي تضلين بعينة حشرة صغيرة يدوسج ويمشي ..

عقدت حاجبي و جريت ايدهة ... شنو قصدچ

درة ... تفهمين قصدي زين مدام هوا ما صدگچ سوي شي واحد بسيط راح يموتة

من نلتقي ويسلم ردي بكل برود ، لبسي وكشخي ولا تعيرينة انتباهج

واذا حاجاج جاملي وردي بكلمة او ثنين بس مجاملة لا تحسسينة انتي كاتلة روحج علي ومقهورة علي

بالعكس صيري ثكيلة وباردة ، اتعدلي وترتبي، جاملي وبنفس الوكت تجاهلي

رهف ... وين صايرة هاي اجامل واتجاهل

درة ... ثول من يگلج مثلا شنو رأيج بغرفة زواجي هاي ذوق الهام

لا تكليلة حلوة او لا بس گليلة تتهنة بيهة و سكتي .. لا تباوعيلة لبسي ..

هنا انتي جاي تتجاهلين سؤالة وبنفس الوقت تتجاهلينة بنظراتج

خلي اجاباتج محدودة، وكلماتج ما تصير اكثر من اربع كلمات لو خمسة

لا تضحكين هواي ولا تمدين بزوج مترين لا ابتسمي بثقل

واهم شي ابتعدي عن ليث مو علمود سداد وعلمود تثبتيلة ماعندج شي ويا ليث

لا علمود روحچ لا تضيعينهة ويا هيج انسان

الي يتحرش بيج و يبوسج ويجر اخو علمود يشوف

ممكن يغتصبچ ..

رهف ... خوفتيني

درة ... هذا الصدك ، و اذا ماختفتي راح تستهلين الأمور

اصابتني رعشة وانه اسمع كلامهة ما لكيت نفسي غير اتقرب لفراشهة واتمدد وياهة طول بطول واحضنهة بحزن ... سودة علية شسوة بيج ليث

رهف ... درة انه هواي غلطت بحق نفسي ونزلت روحي اله

... ليث !

... اي صخام

... عادي انسي كلشي وابدي صفحة جديدة

... ان شاءالله ..

صدك قررت ابتعد عنهم وابدي صفحة جديدة

طلعت النتائج وفرحت بمعدلي وقررت ابدي حياة جديدة و صفحة بيضة

والماضي ما راح يرجع علمود اعدلة

ع اقل ابني مستقبل حلو ..

و بيوم اندك الباب وطلعت درة تفتحة ورة ما فتحتة اجالي صوت مها العالي تكول ... ويييين اختچچچ السااااقطة

امي طلعت من المطبخ ع صوتهة وهية تنشف ايديهة بثوبهة وتكول ... يااا مهاا هاي شمالچ عممممممة

ردتهة مها الغاضبة و عيونهة تجري ... عمممة تقبلييينهة بنتتتتج عينهة ع رجلي وتريدة ياخذهة

لطمت ع صدري وكلتلهة ... ااااااانة؟ لو درة ؟

وعد ... ياااااا شهالحجي هذاااا مها بناتي ما عدهن هيج سوالف

مهاا ... والعباس ابو فاضل حجاها بعضمة لسانة كال اريد رهف وهية قابلة بية

جريت نفس وكتلهة ... شتحجين مها انه اعتبرة بحسبة اخوي عفا عليج جاية تغلطين علية وانه بحسبة اختج

واذا ع ليث حالة من حال هاني و هوا صدك ذاك اليوم عندكم گالي راح انزلج ضرة ع مها ترديني

عبالي يتشاقة وياي جا انه ويا مثل الاخوان

كتلة بضحكة اي خوش اخذك ..

بس انه لا اقصد اي اريدة ولا شي يمة خية صدمتيني

درة ... وانة جنت موجودة وهم عبالي شقة صخام الصخمك ليث ع هاي السالفة

كعدت بعتبة الباب تندب حظها

و تقص ع امي الي صار

... عمة حطني انه وعمي وعمتي وكال انه هذا هوا بيتي كملتة اطلع بي مها واتزوج هنا

تصدكين تخبلت

و زدت خبال من كال اخذ رهف بت عمي

رهف ... رجلج لو ينصاغ ذهب ما اخذة الصراحة هاي واذا جان بحسبة اخوي هسة طاح من عيني والغريب صار بالنسبة الي احسن منة

انه ما متوقعة من ليث يحط عينة ع عرضة صدمني الصراحة

درة ... وانه هم

وعد ... شني شعبالج رهف تريدة لو حتى صدك تريدة افصم ظهرهة

رهف ... لا يمة ويع ما اريدة والعباس ما اريدة

مها ... هوا يكول ترديني ! و قابلة بية

رهف ... مو كتلج

مها ... الله يفرفح كلبك ليث ما فرفحتني الله يفرفحك

انفتح الباب وطبت عمة نجوى شايطة و تلهث ... مها انكطع نفسي وانه اركض

وعد ... ام ليث شنو هذا الحجي

باوعتلي عمة نجوى ورجعت باوعت الأمي ... ماعندي علم هسة اتسودنت الا شوية ما ضنيت يطلع من رهف هيج شي

مها ... عمةةة تكوووول ماريدة وهوا بحسبة اخوي

رهف ... عمة ترة ما اريدة وذاك اليوم عدكم كلي انزلج ضرة ع مها عبالي يتشاقة وكتلة موافقة

عود لان بحسبة اخوي

بس هسة طاح من عيني ما ضنيت يطلع منة هيج

نجوى ... باع الفلك باع ولج مها كومي نرد للبيت نحاجي عمج فاضل وهوا يحط حد الأبنة

مها ... اذا مو رهف ياخذ غيرهة ادري بي هوووا حاط الفكرة براسة من زمان

نجوى ...شني بكيفة هية والله اشلخة شلخ جايلي من تالي والله يريد يعرس

وتعالو خطبولي رهف

كلنالة انته وين ورهف وين

ما متناسبين

هية صغيرة وانته معرس هذا واحد من اكبر الأسباب ..

امي و عمة فاتن بنقاش انتهى بلوم ليث و تصبير مها ومحاولة اقناعهة ان انه مالي علاقة ويا ليث ولا اريدة ولازم مها تضل تحبني مثل قبل لأن انه مثل اختهة بس هذا الشي مستحيل من هذا اليوم وهية صارت تباوعلي بنظرة حقد ..

انكشف سر ليث و انتشر الخبر اسرع من البرق ، بين الأقارب وهوا الي نشرة

يحجي بمجالسة ويا الاقارب ان راح يتزوج و انه العروس المنتظرة و الجديدة للعائلة ..

الشيء خنكني من اول يومين بس انه لازم اكون اقوى واتجاهل كلشي .. ضليت اعض اصابعي ندم

مرات يبدر من عدنة تصرف برعونية تالي ندفع الثمن غالي

لأن انه حاليا ما اعرف شنو يحجي علية

اذا هوا رايح الأبن خالي كايلة عدهة علاقة بية وماخذهة هنا شنو يسوي ..

اتكلب بفراشي بنص الليل ، الليل الي سكنت بي اوجاع الناس واستسلمو للنوم الا اوجاعي ، اوجاعي صاخبة و صوتهة مسهر امي وياي ..

كل شوية تفتر بالبيت وتفتح الباب تتفقدنة وترجع لغرفتهة ..

و هنا كان اكو صوت اعلى ، طرق مسامعنة واحنة خاتلين بفراشنة هاربين من اوجاع الدنيا

صوت اغنية عالي يوصل للبيت من الشارع

وصوت المطرب العذب و يا كلماتة خلت درة ترفع راسهة من الفراش وتكول منو عرس

ندستهة بكوعي وانه اسمع الأغنية مالية البيت

... تجينة تجينة .. ردتك تجينة

راحت واجت الايااام

ردتك تجينة

وعلينة

وعلينة

بس مر علينة تورد الاحلام

تورد الاحلام

من تمر علينة

المواويل المواويل تحلى المواويل

حبك يطيب اغناي

سمعت صوت الباب ينفتح طفرت من فراشي وبخطوات سريعة لحكت امي الي فتحت الباب و مدت راسهة تعاين و رجعت سدتة من شافتنة طالعات وراها رجعت خزرتنة و ركضنة للبيت

طبت تركض ع غرفتهة و احنة نباوع بعيون بعض متفاجئين وما نعرف شنو جاي يصير

وصوت الاغاني عالي جاي من الشارع

جان اسمع صوت امي عالي تكول

... خية نجوى انطيني فاضل

و ورة ثواني كالتلة ... هلا بيك خوية ، ردت اكلك هذا ابنك ليث شهرنة وخزانة حاط سيارتة يم البيت ومشغل غنة يسمعنة عود

والجيران تباوع

خوية ودي واحد يرجعلة عقلة

شهرنة واحنة عالم مستورين ، وفضيحة المستور ما تتطمطم بسرعة تشيع ..

سدت الخط وطلعت تدعي علي بكلب فاير وتدمغ بية و انه بس صافنة ، اريد الطم ع روحي واملخ روحي ورطت روحي ويا واحد خبل ورطت روحي الله يهلكني ..

ورة دقايق طفت الاغاني وندك الباب بس امي تعمدت ما تفتحة وأمرتنة نرجع لفراشنة وننام

بس ما كدرنة ننام ضلينة نحوس اخير شي درة رفعت راسهة وكالت ... بس هذا التصرف والله حلو بلكت خالج حر يسوي

رهف ... درة هاي فضيحة هسة العالم تضل تحجي علينة

درة ... ترة يعرفونة ابن عمنة و هنا عدهم ابن العم لو يشلح ويا بت عمة محد يفك حلكة

رهف ... يا مطي ضاحك عليج بهذا الحجي

درة ... خالج حر مرة كال بالعشاير ابن العم شما يسوي محد يتدخل لان بت عمة ويحبهة

رهف ... اي بس مو لدرجة يشلح وياها درة انته حافظة ما فاهمة خليني انام يا علي استرنة يا علي راح ننفضح

درة ... والله اذا من ورة هذا الويث تنسد قسمتي ومحد يخطبني احركج انتي ويا

شلت راسي من المخدة ... و خالي ؟

درة ... بله الله ما قسملي اخذ خالج شني اعنس لازم اكمل حياتي واكون عائلة ..

فريت شفايفي يمنة ويسرى وما رديت عليهة نمت ..

من صدك شبعنة ضيم من ورة ليث، وكرر تصرفة اكثر من مرة وامي تخابر يجون ياخذنة

ومرة اجة سداد وما نسمع بس عركتهم سوية

درة ... من يوم تعارك ويا سداد و صارلة تلث ايام ما مسوي هاي الحركة الي تخلي امي تلطم

وهوا الحقيقة مصخهة ..

شوية مرتاحين، رفعت هدومي وضليت انظف بالحديقة اندك الباب نزلت هدومي وحطيت شالي البرتقالي ع راسي ورحت للباب اشحط وانه لابسة نعال امي الازرك و اصيح اجيت اجيت كسرتو الباب شسالفة ماشايفين باب

اخر كلمتين حجيتهن بصوت خافت ..

فتحت الباب وبلعت ريكي بأحراج ، من شفت حر وخالو اسامة وكاتي و ابنهم الدنفوش كتلة الخدود بالباب ... بلعت ريكي ورديت سلامهم بكلمات متلعثمة من الخجل

فتحت الباب ع وسعة و صحت تفضلو تفضلو كاتي ديري بالج لا تعثرين انتي وخدود الوطن العربي وتطيحون ..

كاتي ... ما يعثر انا

اسامة ... فوتي حبيبتي، فاتو و بعدهة حر يباوعلي بتركيز احرجني

وانة منا دشداشتي خضرة وشالي برتقالي ولابسة نعال امي ازرك حسيت روحي صرت بهدومي ..

مادري شلون يجون بدون ما ينطونة خبر عاد نعدل خلقتنة ..

فات وراهم و هوا يباوعلي و همس ... شلونة الحلو

درة ... زين زين بشوفتكم يابة

سديت الباب و ماشيتهم للبيت ، كابلتهم وكعدت بحجة حاطة كتلة الخدود بحضني وما اريد اكوم ..

حتى بالعشا ما ساعدت وما سويت شي وياهن الا القليل

جنت اباوعلة بلهفة وحدة ما راح تشوفة للمرة الثانية

و عيونة ما تقبل تنزل منة

من ضلينة انه ويا وحدنة وثالثنة كتلة الخدود اتقرب بالكعدة مني و كال

... والله احس روحي ما اشبع من شوفتچ انه شما اباوعلچ ما ارتوي

درة ... اش لا تجي اختك وعد

حر ... هسة صارت اختك وعد مو جانت امج

درة ... وما زالت امي بس اتشاقة

حر ... ادري بيج تتشاقين درة ، اااخ يا عطري ما اصدك قريبا راح تصيرين حلالي واششششمممچ حد الارتواااء ... حجاها وغمض عينة

درة ... قريبا؟

حر ... راح اتقدم بحيل الله و ان شاءالله ما تكون مهمة اقناع عمامج بذيج الصعوبة ..

بلعت ريكي وانه اتذكر كلام عمي فاضل بخصوص حر و ايقنت ان جمعتي ويا شبه مستحيلة

باوعتلة وابتسمت كتلة تدري انته حلو

حر ... مو بحلاتچ جعب كلبي المايتهزهز

درة ... هههههههه يمة كلبي

حر ... اهم شي يكون كلبچ الي ، انه شريد غير هيج

درة ... اي هوااا گلبي الك يا ذا الجمال اليوسفي ..

حر ... خوش حجي هذا قلب هذهِ العذراء ملكِ ، يا سيد نفسك كُن سيدها

اتعلمين ما تتمناها شفاهي

هوَ تقبيل عنقكِ لأثمل .. وارتعش من نشوة الحنين للمكوث بين قلبًا نابض بلهفةٍ و حنجرة تنسج الكلمات بعشقٍ

يا شكِ ويقيني شتاتي و شرياني شيب رأسي و اشيائي راحتي و تعبي رحيقي وعطري أمني وأماني ومأمني نهاري ونجوتي ونجاتي ..

ابتهجت اساريري و برمق هادء رمقتة و عيوني تلمع حب

جاوبتة ... و انتَ جميلي ومؤنسي دائي ودوائي و كل نبض ينبضه قلبي

حر ... هنيااالي

درة ... غنيلي بربك احب صوتك

عدل ياختة و تحمحم

حر ...ع ذوقي تمام

هزيت راسي وخليت ايدي جوة خدي استمع

وبصوت هادء و ناصي غنة

حر ... نمت وحلمت

انك رجعت

تكولي سامحني ضلمتك جرحتك

سامحني يا عمري وحدك تركتك

بست خدي وبكيت وباحضانك غفيت

بين ايدك يا عمري بردان ودفيت

صحيت والوسايد غرقانة بدموعي

كل شي بيَ جامد ، وبردانة ضلوعي

يا عيني عليا اشسوى الشوق بيا

لا انتَ اجيت ولا جرحك يروح

وحتى حلم عيني ياخذني الجروحي ...

درة ...اغنية تعيسة اريد شي بي حب شبيك انتة

حر ... من خذلتيني و حركتي كلبي جنت اسمعهة تصدكين

هواي سمعتهة وياما عيني دمعت

تحسر و هز راسة بحزن

ودخلت امي قطعت علينة اللحضات و نهتهة ..

و امرتني اساعدهن بالمطبخ

ركضت وياهن وساعدت وبعد ما خلصو عشا وشربو جاي راحو

وكف حر بوس امي وكللهة محتاجة شي يالغالية

وعد ... لا سلامتك خوية ريتك سالم

حر ... ديري بالج ع بنات وعد

وعد ... ان شاءالله خوية مر علينة ، اتقربت انه وكتلة

خاااالي

رد عيون خالج

امي خزرتنة

حجيت ع كيفي ... دوم مر علينة نشتاقلك احنة

حر ... هههههههه ان شاءالله بأقرب وكت امر عليكم

السباعية ديري بالج ع روحج وخليج هيج تحلوين كل يوم

توادعنة ومديت راسي من الباب ويا امي اشوفهم صعدو بالسيارة وطلعو ، حرك السيارة و هوا يلتفت يباوعلي

عصرني كلبي

و الخوف حاصرني

شعور غريب اجتاحني و ثگل استقر بنص صدري

راحو و احس سلبو مني شي غالي ..

بلگوة نمت ليلي ، و ياريت ما كعدت و لا انفتحت عيني و شفت امي تشمر المبايل وتملخ بروحها ......

راحو و احس سلبو مني شي غالي ..

بلگوة نمت ليلي ، و ياريت ما كعدت و لا انفتحت عيني و شفت امي تشمر المبايل وتملخ بروحها ...

طفرت بكل شوغة و عيوني هلت قبل لا اسئلهة شصاير ، چن سوادة ونزلت ع عيوني و سيف شطب كلبي من سمعت لسانهة يلهج بأسم حر و هي تلطم و تصيح عمت عيني عليك خوية ..

اتبعثر الكلام بشفايفي و كلتلهة بصدمة ... حرررررر شبي سودة عليه

هاي اول مرة انطق اسمة بدون خالو كبالهة ..

جان تگلي وهية تملخ بخدودهة ... رررااااححح حررر يدرة ررراح اتصخم وجهي عليك خوية ..

ضلت تدور بعيونهة ع موبايل وانه بصريخ احاجي رهف ... ادري غير تگلولي شبي فهمووووني شبي

تضرب ع خدودهة وتصيح ... ولج خااالي حر ماااات درة مااات من عمت عيني عليك يالحنين عمت عيني

جعل الموت ماخذني ومخليك خيمة فوك روس المحتاجيك ، يممممةةة راااح سندنة اتيتمنة مرة ثانية

ضليت ابجي بشكل هستيري و اهز براسي ممستوعبة ضربت ع راسي و انه اسمع امي تخابر ما كدرت اعرف منو بس ما فهمت غير

جاي تطلب من واحد يدزلنة سيارة تاخذنة

سدت الخط وكالت لبسن شالاتجن وعبيجن بسرعة

ركضنة واحنة دموعنة نجري و لساني يردد

يا رب ما ميت يا رب ما ميت

و ارجع اسأل رهف ... شنو شلون هيج مابي شي شلون يموت

رهف ... ماااا اعررررف دررررة مااا اعرف عزة بعيني راح خالي راح عزيز گلووووبنة

حطيت شالي ع راسي وسحبت عباية اسلامية لبستهة وانه ابجي بنحيب و اردد يا حاضر الشدات يا علي احضرنة

يارب ما ميت ولا بي شي

يارب مسوي حادث وما ميت

لبست جواريبي واندك الباب طلعت امي وهية تصيح يله بنات

وتبجي بنحيب وتلطم ع خدودهة

طلعنة شفنة ليث صعدنة ويا و مشت بينة السيارة

طول الطريق نبجي وامي تعيط وتملخ بروحهة

وصلنة لبيت خالي عدي نزلنة العالم مگلوبة ، ومن شفنة الخبصة هنا انه أيست

وكل افكاري واحتمالاتي الي انطاهن عقلي بأن يكون عايش اتبخرت

من كل كلبي صرخت ودموعي هلن بغزارة ..

ركضنة للبيت بخطوات متعرجة و فتنة نلطم ونعيط

واشتد العياط بشوفة خالتي و نسوان خوالي

وصار اللطم و الصريخ الشي الوحيد الي تشوفة وتسمعة بهذا المكان ..

كضيت ايدين خالتي وعطت ... شمووووووووووتة شموووتة

ردت بنفس نبرتي الحزينة وتصرخ ... سودة عليه مدعوم الفجر بطلعتة للعلوة

هيج احس سهام تنغرز بصدري، وصخرة واكفة بحنجرتي

لطمت ع خدودي و حجيت ... انكسر ظهرررري هسة

مثل الطير المذبوح فرت روحي وفرفحت وضليت احوم وادور بوجوه الموجودين خبر ثاني يبرد نار كلللبي الي شبت ..

كسر جنحاني ، مو بس عافني وراح

شذكر وكلشي عافة الي حلو شذكر

يمممممممة ينااار كلبي الوجت يمة

ريت الموت مرني قبلك ريت الدنيا فاركتنة بأي شكل الا هذا الفراگ

ياريت لووو عمي فاضل مفركنة

وصرت اشوفك مثل الغريب

ولا عايفني بهاي الدنيا وحدي

يمة انه بلياك بغربة و الغربة تكتل ..

امي شگت ثوبهة وملخت شعرهة وهي تعيط ... ولللللك حررررر خوووووية يابن ااامي

وتصرخ بصوت عالي ..

حنجرتي اتجرحت ، و كل شريط حياتي ويا مر كبالي بثواني

من يوم فات علينة وهوا طالع من السجن وباسني

و حضنة الي جان ادفئ حضن لمني

الامان الي شفتة بين ذرعانة

نظراتة الخايفة عليه من اعثر لو اتمرض لو اي شي مؤذي مر بية

حد ليله البارحة نظرتة الأخيرة قبل الوداع

حسني كلبي راح نتفارك

حسني كلبي هاي النهاية و بعد ماشوفة ولا يشوفني

يارب اخذني وياااا ولا تخليني عايشة الدنيا بدونة والله ما اكدر ع فراگة ، عيني ع باب ابجي واتمنة بس يفوت بطولة سالم ويكول مابية شي

واركض ع حضنة مثل الطفلة الخايفة والوذ بسدة

.......

بكيت وهل بكاء القلب يجدي؟ فراق أحبّتي وحنين وجدي! فما معنى الحياه إذا فترقنا؟ وهل يجدي النحيب فلست أدري فلا التذكار يرحمني فأنسى ولا الأشواق تتركني لنومي فراق أحبّتي كم هزّ وجدي وحتى لقائهم سأظل أبكي.

......

جانت ساعات من الخوف والرهبة وانه روحي فارقت جسمي وصارت تدور ع دفو حضنة وأذني ما عادت تتقبل اي كلمة تريد تسمع صوتة ..

سمعت حجاية طلعت من حلك صهيب المنهار وهوا يفوت للبيت

جابووو عممممي حررر يحجي ويبجي

بكل ظني مابي شي وجابو وكمت من مكاني مفزوعة وامسح بدمع عيني و اركض ع باب

اجةةة اااجةةة سندنة اااجة جابووو مابي شششي

والله ولن يفتحون الباب ويجيبونة مشيول ع جتاف الحماميل ، المنظر مستحيل يفرگ بالي وعيونة اقسمت ان ما راح تعتبر اي موقف ثاني صعب مقارنة بهذا الموقف ..

هذا مو بس الرجل الي احبة

هذا ابوي و اخوي هذا سندي وعزوتي وحزام ظهري

الي اذا مالت الدنيا يسندهة

هسة مشيوووول بتابوووت مسنوود ع جتاف الزلم

حطو كبالي ماكدرت امشي ع رجليني طحت ع ركبي و زحفت للتابوت الي تحوط بامي وخواتي وكل اليحبونة ..

ماكدرت حتى امشيي، كضيتة بأيديني وحطيت راسي علي و همست بصدمة

... عود صدك عفتني ؟ عود صدك عفتك عطرك

عفت درتك

صدك بعد ما اشوف طولك ولا تغنيلي وتكتبتلي ..

من كون ما اوصل الليل ، ويمدون طولي ويا طولك

ااااااخخخخ يااا ابووووية انننتة ااااااخ

ما حسيت غير ينشال حتى ما شبعت منة ولا حجيت ويا ولا حتى فتحو التابوت

كضيت ايد امي وانه اناشغ حجيت ... يمة ... خلي .. نودعة .. يفتحونة .. اا يمة

ردت وهية تبجي وصوتهة متجرح من البجي ... كسرت ظهري خوية

كامت والنسوان حطن عليهة عباية وراحو نسوان وزلم للدفنة

ضلينة احنة نتلاطم ع خدود و عيونة تهل الدموع و قلوبنة متجرحة

من هول الصدمة تجيلي دقيقة اصفن و اكول لا مستحيل يكون هذا الشيء حقيقة

انه البارحة كاعدة يمة واحجي ويا

مستحيل يعوفني بهاي السرعة ...

لطمت ع صدري وصرخت ... ياااابووووياااااا شلللوووون تناااتم حدرر التررراب

لا تاااخذوووونة هذااا ابووونة لا تاااخذونةةةة

ما حسيت ع روحي غير اكوم وبكل حيلي اركض اطلع الطم ع راسي واصرخ لااا تااااخخذوووونة

يكون يمدون طوووولي ويااا طووولك بفرد كبرررر

مادري منو كضني ورجعني و بس صوت شهكاتي العالية ضل يطلع ، صعب احجي صعب

كلشي مريت بي بهاي ايام الفاتحة كان اشبه بالكابوس

ما اكدر اصدك و اتخيل هوااا صدك عافنه وراح

وبعد منشوفة

ولا نحجي ويا ولا نضحك ويااا

من خلصت ايام الفاتحة رحنة لبيتهم طبينة البيت وحشة اااخ يالدار صار من الاحباب خالي

خالي اسامة كعد بباب غرفة حر وضل يبجي بنحيب

حزنة انرسم ع شكل غيمة سودة داير مداير عيونة ..

مديت ايدي فتحت الباب وخالي اسامة حط ايدينة ع عيونة ما يريد حتى يلمح فراشة

دخلت للغرفة وسديت الباب من كل كلبي صرخت وبجيت ، فتحت الكنتور وشميت عطر ملابسة

تسلل العطر الريتي عبالك جرعات حزن

حضنت قميصة ودفنت وجهي بي اشم عطرة وابجي

اريد بس الكة شي يرويني اريد اخذ اي شي يحسسني هوا بعدة وياي بعدة حي يرزق

مديت ايدي تلمست صندك خشبي اعرفة هذا ضام بي الورق الي يكتبلي بي

فتحتة وشفت مجموعة طلعتهن، تنقلت عيوني عليهن واخذت القلم بستة

و عيوني تجري دمع ..

شفت دفتر صغير ومبين قديم سبق وشفتة عندة من سنوات طويلة فتحت اول ورقة

مكتوب بيهة مذكرات سجين خلف القضبان

عرفت هذا الدفتر بي كل اسرارة ومذكراتة

ضميتة وسط القميص و طلعت من الغرفة ضميتهن بعلاكة الاغراض ..

البيت ضاج بالبجي والنحيب

ومرت خمس ليالي ع فقدانة

معتكفة ع نفسي لامة رجليني الصدري واباوع ع رهف حاطة ايدهة جوة خدهة و تبجي

حاجيتهة بحزن

...شلون بينة من بعد عينة جذب اكو واحد احس بالأمان ويا غيرة

رهف ... النه الله من بعدة شوفي هسة صدك صرنة يتيمات وصدك راح نتذوق المر من بعدة

جريت حسرة و غمضت عيني ، يارب السماوات صبرك احنة گلوبنة خلصت بهاي الكم يوم

شلون نتحمل فراكة اشهر وسنين

غمضت عيني و بمجرد تخيلتة لافينة بالكفن الأبيض وينزلونة وسط القبر

وبعدهة يهلون التراب علي

انعصر كلبي وارتج وشهكت وصارت الدموع تتسابق ع خدودي

ااااخ يمة عزيز كلبي مغطي التراب ، حبيب كلبي مغمض عينة وما يفتحهة بعد

من اخاف المن التجئ

ما اصدك بعد ما اشوف طولة ما اشوفة يمشي

ويكلي عطري اشهگج

لو يكلي جعب كلبي

ما اصدك ان هاي النهاية ، و ان كلبي عكبة صار حجارة صلبة لا تلينهة قطرات المطر ولا تكسرها الصدمات ..

شلت راسي من المخدة مخنوكة و ركضت توضيت و كعدت اقرالة قرآن وادعيلة بالجنة

واحس الحسرات متراكمة بحنجرتي المتجرحة من كثر البجي المتواصل ..

بعد القراءة لمدة ساعة تقريبا سديت القرآن و تحسرت ، حطيتة بمكانة ولميت السجادة

البيت هدوء سنطة مشيت للميز الي علي مبايل امي فتحتة و طلعت رقمة

اريد اخابر ، مثل كل مرة اشتاقلة اضغط اتصال و اسمع صوتة يجيلي ها خالي

اريد بس اسمع كلمة وحدة منة وتخمد النار الي بداخلي

ضغطت اتصال وحطيت المبايل ع اذني و دمعي ينزل

المبايل مغلق ، تلمست الشاشة بأنامل ترجف

ما اصدك انته مو موجود بحياتي بعد

ولا اشوفك ولا اكدر احجي وياك واشتم عطرك

مشيت للغرفة سحبت الدفتر مالي عين افتحة واقرأ حروفة الي هوا كاتبهن

بس ماكدرت اتحمل

اريد اقرا

علمود احس بشي منه قريب مني

اول صفحة

مكتوب بيهة ست كلمات

"اول يوم بالسجن اتعاركت ويا السجان"

انتقلت للورقة الثانية كاتب بيهة "بالحديقة اسفل شباك غرفتي ياريت يرجع بية الزمن"

اسغربت و بدأ عقلي يجمع ، بين الي جنت اشوفة بالبيت وبين هذا الكلام ..

تلمست الحروف وايدي ترجف ما جانت واضحة زين الكتابة قديمة ، درت الصفحة

مكتوب بيهة

اليوم الثالث بالسجن الحرية نعمة والله احس روحي راح انتحر

فزت رهف ضميت الدفتر بيني وبين الحايط كامت وهية تلم شعرهة طلعت ورجعت يمكن شربت ماي

تمددت بفراشهة وكالت

سداد كلي البقاء بحياتچ و جان شكلة مقهور

كتلة انه بوجود خالي حر وجنت ميتة خوف من ورة اخوك وهسة خالي وراح لا تستبعد اي شي

ممكن تجي يوم تلكاني منتحرة

رديت بأستغراب

وبعد

رهف ... تنهد ومسح ع جبينة بقلق

... يعني ليث مصدر خوف الج

رديت ... مصدر خوف وقرف، تحسرت وكتلة

راح اعترفلك بشي

انه صح ماعندي شي ويا

بس من شفتك صدكتة وعفتني وركضت خطبت وتزوجت كتلة اذا تريدني اخطبني

علمود احرك كلبك

بس بسرعة ندمت ع حجي الحجيتة وشلون كتلة هيج و بعدين سحبت كلامي

سداد انه ماريد منك شي بعد الله يوفقك ويسعدك

اطلب منك شي واحد بس

تحميني من ليث اخوك، لان دوم يتحرش بية

واخاف يجي يوم ويسوولي شي

انت تشهد انه مالي علاقة بي ولا اريدة ولا ناطيتة الضوء الأخضر

رديت ... وشنو گلج اكيد ماصدك

رهف ... جان بحالة صدمة وما جاوبني

كتلة اخذ راحتك بالتفكير

بس شوف وروح خالي المانشف ترابة انه ماعندي علاقة بأخوك ومن شفتنة سوية كلة تخطيط منة علمود بس يخرب علاقتي بيك ..

ما عرف شنو يجاوب وجان مصدوم بعدهة عافني و راح ..

درة ... اهم شي ابتعدي عن ليث اذا جان عدنة حر يوكف سيف بوجه الي ايأذينة هسة محد عدنة

رهف ... اي بس ما سمعتي هاني من اجة للفاتحة شنو كلج من سلم عليج وكتيلة راح سندنة

درة ... انه ما جنت بكامل وعيي وحتى ما اعرف هوا اذا اجة لو لا

رهف ... لا اجة وسلم عليج عزاج وانتي كلتيله راح سندنة

حضنج وكلج انه سندج خوية

تنهدت وما جاوبت شحيت بنظري عنهة

مستحيل واحد من البشر ياخذ مكان حر

و احس ويا بالامان مثل حر .. هية رجعت نامت وانة

درت الصفحة وتقوست حواجبي من قريت كاتب

راح اكتب هنا قصتي و سبب دخولي للسجن ......

الليلة .🚫.. بارت 30 اريدكم تفجرونة تفاعل وتعليقات راح ينكشف بي جزء من الاسرار 🖤

شكراً على التصويت!

ِصٌصٌmyhopes

رواية

بقلمي ... فاطمة العبادي

قراءة شيقة كيكاتي 🖤 ..

بارت جديد اريدكم تصعدو تعليقات وتصويت فد 500 تعليق 🖤

__________________

منين ابدي .. و وين اوصل

انه حر الدين ، سجين المشاعر والأحاسيس مظلوم مالي بالسعادة نصيب

بيوم من الأيام ، ايام حصار والوضع تعبان

اعرف جعفر رجل اختي وعد يشتغل بس شغلة على گده وانه بذيج السنين حالتي جانت احسن من حالته

كل اسبوع يوم جمعة اترسلي علاگة جنفاص واروح عليهم مسير

منها اشوف اختي وهم انطيها العلاكة اخاف تكون معتازة وتستحي تحجي

دگيت باب البيت اجاني صوت هاني ابن رجلها يصيح ...اجيييتك اجيييتك

بدون ما يعرف منو ورا الباب

فتح الباب ورفع رأسه شافني ضحك بفرح وطفر لحضني ...خااالي حررر ثلونك

بوسته ونزلته من حضني مسحت على رأسه ...ولك الأثرم صاير زلمة

ركض للبيت يصيح

هاني ...يممممة اجة خاااالي حرررر يممممة

رهف بالگاع كاعدة كامت تمشيلي بهدوء مدبدبة كوة تمشي شلتهة هم وبوستها

طلعت وعد تمسح بأيديها وتحجي ...هلا بالجاينة من بعيد هلا بسند اخته هلا بتچايتي

تقربت عليها رفعت روحها لزمتني وباست خدي

جنت شاب صغير بذاك الوكت .. گعدتني بهولهم وجابتلي ماي

شربته وعيني تتجول بالبيت ...جا درة وين؟

وعد ...يم بت خالها نهى اليوم فرهود مسير صوبنه وجايب اخته وهاني ويا

حر ...فرهود صاحبي؟

وعد ...ياهو غيرة؟ نهاوووي تعالي ماكو غريب هذا حر اخوي جيبي درة وتعاي

باوعتلي مبتسمة وگالت ...ليش مكلف روحك المسواگ تارس الثلاجة

حر ...ما كلفت روحي ولا شي ، هذا واجبي واستحي اجي ايدي فارغة

بعدني ما مكمل كلامي ودخلت بنية شابة طويلة

بيضة

مخليه شالها على رأسها باهمال

رگبتها كزازة اذا تشرب الماي بريگها يبين

والخد تفاحة ريانه ، تمشي على كيف ولازمة درة بأيدها تمشي بيها

نظرة عيونها سهام صوبت گلبي من اول نظرة ..

أسرتني واخذت عقلي وكل تفكيري ، نهى اخت صاحبي المقرب وبنفس الوكت اختي وعد ماخذة رجل عمة فرهود

بس عمري وحياتي ماشايفها وهاي جانت اول نظرة

عشگتها ، طحت على وجهي

ابتسمت وانتظرتها تنطق السلام ، حجت من وصلت يمنه

حتى صوتها ناعم وحلو ويخبل

اختي وعد انتبهت لنظراتي وعرفت اخوها وگع .. ضلت تضحك وتباوع علينا

هي هم بادلتني النظرات والظاهر انعجبت بيَ

ابتسمت ونصت باوعت لوعد وگتلها بصوت ناصي

...متزوجة؟

وعد ...لا

عرفتني نيشنت ، وحطيت هاي البنية برأسي وردتها

من طلعت وضليت انه و وعد بوحدنا گبل كلتلي جنك لگيت المرة المطلوبة

هزيت رأسي بـ اي ...هاي وين جانت عنك يـ حر تعجب تعجب هي وين وفرهود وين اصنگ ههههه

الكلب ضامها عن عيون الناس

بس حقه والله والف مرة حقه

قررت اتقدم الها ، وصيت وعد تحجي ويا امها

خواتي ثنينهن راحن وگعدن وياها وخطبنها

صارت القسمة ، نهى، الحب العشك الغرام صارت من نصيبي

فرحتي بيها ما تنوصف

استعجلت وكملت بناء الطابق الثاني حتى نعرس بي

والبيت الجوة يضل لعدي واسامة جان صغير وابوي بعدة عدل الله يرحمه ..

عرسنة ، وتفاجئت ورة شهر طلعت حامل فرحتي بيها ما تنوصف چن ملكت الدنيا كلها

محبوبتي بحضني وابطنها طفل مني بعد شنو اريد من الدنيا؟

صداقتي ويا فرهود صارت اقوى بعد ما اخذت اخته

بس المشكلة وين

فرهود صار مسلبچي وحرامي

وجنت انجبر اساعدة واطلعة من مصايبة وانقذه وراها ارزلة واعلمة

وهو ضال مصر على افعالة

واكثر من مرة جان مهدد وساعدته ، بس من شفت محمود سحب روحه مني

بسبب سوالف فرهود

فتحت عيوني اكثر وشفت صداقتي بي راح تأثر على حياتي وعلى مستقبلي

ويمكن بعد جم يوم يجرني لهذا الدرب التعبان

قررت اسحب نفسي منه

وگتله ...بعد هاي هيَ لا تدخلني بمشاكلك ولا تودي عليَ احد من توكع بمصيبة

اصلح روحك فرهود الدنيا ما مضمونة باجر متت شتكول لله

هو كلي صح كلامك وبعد ما اعيدها ..

خليته يراجع نفسه ورجعت لاميرتي نهاوي ، شفتها تتگلب من تمشي لان حامل وبطنها كبرانه

ضحكت وصفگت بأيديني ...نتائج اللعب صارت طفل زغيرون

ضحكتلي واجت حضنتني خلت روحها حدر جناحي

لفيتها وبست رأسها ....

سديت الدفتر ، تلمست وجهي لگيته مبلل دمع

نار الغيرة صارت اكبر من نار الفضول لمعرفه المجهول

حتى وان صار جوة التراب ، ومات وگلبه يمي

اضل اغار علي وبعدني حاسبته مالتي

كمت ضميت الدفتر جوة ملابسي انتبهت ان دفتر مذكراتي مختفي ضليت اگلب بالملابس مالگيته انخبصت

خفت لا يوكع بيد امي واتفشل وياها

بي اسراري بي كل مواقفي ويا حر واهم شي بي البطايق الي يدزهن الي حر بخط أيده

وهذني اعتبرهن جزء من روحي وذخيرتي من يخلص صبري ويزيد شوقي

رهف ضلت تتحرك رفعت رأسهة وكالت ...شكو؟

درة ...لا هيج رجعي نامي

اضطريت ارجع انام گلت الصباح رباح وأدوره ، حطيت رأسي ع مخدة كتمت انفاسي وضليت ابجي بدون صوت

من اغمض عيني تجي كلماته گبال عيني

شلون يوصف شلون يسولف ، انكسرت اكثر من عرفت زوجته نهى تصير بنت خالي

وفرهود النذل أبن خاالي .. الحيوان خطفني واني من دمة ولحمه وعرضه

سر مدفون سنين وانكشف بدقيقتين ..

غفيت بعد ليلة مليئة بالألام والدموع غفت وياي اهات وشهگات مكتومة

على مخدتي دمعي طرز سوالف حزن عجز لساني عن نطقها وعقلي عن ترديدها

صار صبح الله رفعت رأسي الثگيل توضيت وتوجهت للقبلة صليت وضليت كاعدة على مصلايتي اسبح وأدعيله بالرحمة والمغفرة

سمعت صوت امي تگح بصوت عالي طبگت السجادة وگمت لغرفتها فتحت الباب لگيتها كاعدة على مصلايتها وتگح بصوت عالي كل جسمها يهتز

تقربت منها حطيت ايدي على كتفها وحجيت بأهتمام

...يمة بيج شي؟ اجيبلج أميه

هزت رأسها مشيت للثلاجة جبت بطل واجيت فتحته مديته الها أخذته من ايدي ، أيديها ترجف

شربت منه شوية

ساعدتها تگوم للفراش مددتها بي وغطيتها گعدت يمها لازمة ايدها بحنيه

واباوعلها بخوف

وعد ...شمالج درة يمة مابية شي روحي كملي صلاتج لو نامي ادري بيج الليلة ما تنامينة وبس تبچين على حر

درة ...بعد ما يجيني نوم اخذت كفايتي منه راح اسوي ريوگ ترجعين تنامين لو نتريگ سوية؟

وعد ...مالي نفس يمة

درة ...بس شوية حتى ما تتمرضين لگمتين هو منو اله نفس ياكل؟

هزت رأسها توافقني الكلام غمضت عيونها قوي جفنها تكرمش ، عرفت هاي بداية لمعاناة جديدة

امي راح تتمرض ..

گمت سويت ريوك رهف كعدت وترف بعدها نايمة ، ساعدت امي تجي تتريك

رهف كامت من مكانها مفزوعة

...شبيها امي

درة ...تعبانة فراگ خالي اخذت ثلثين حيلها

يمة لا تسوين بينه هيج وعلي ابو الحسنين نضيع خلافچ مالنه غيرچ

وعد ...ضاع حيلي من بعد عينه ضاع

اااخ يا بوية يا نووفل يااا بوية ، خوية يا حر يا خوية ، ضلت تجر سوالفها مثل النعاوي

انا اريد اعاتبك يَـ حزام ظهري ، يالرحت بلاية وداع وخيبت ضني

انا ردتك عكازة الكبررتي وردتك لو متت تگابل گبري وترد عني وحششششتي

يالأخوة يا حزام ظهري .. ااخ حـر خوية كسرت گفاي

انه ورهف نمسح بدموعنة صبرناها وخليناها تاكل لگمة ، تمددت بالهول وتعبت فرد نوبة

ترف گعدت تتمغط من شافت امي گالت بخوف

...شنو امي شخيرها

رهف ...تعبت

ترف ...شكلها مال مستشفى

درة ...والقران حتى انه گلت خل نخابر واحد من الولد يجي يساعدنة همة گالو اي شي تحتاجو رفعو السماعة خابرو علينا

رهف ...خابري هاني

ترف ...مليق شمعنى هوَ؟ شوفي واحد ثاني خابري سداد هسة عطلة وگاعد بالبيت

رهف ...لا هاني اخونا ويمون ونكدر نطلب منه اي شي

هو هم گال انه يمجن وسندچن

خابري درة خل نشوف السند بعدة واگف لو شمس البصرة موعته وذب روحه

درة ...خوووش وين نقال امي شنو مسجلته

ترف ...بالغرفة انه كتبت على رقمه المليق

خزرتها رهف لان ابد مو وكت سوالفها رحت طلعت رقمه وخابرته رن رن قبل لا تخلص المكالمة جاوبني

هاني ...ها ام رهف؟

درة ... صباح الخير انه درة

هاني ...صباح النور هلا بيچ

درة ...بيك اكثر هاني ، امي تخربطت كلش نريد احد يجي ياخذها للمستشفى انتة بالبيت بالدوام

هاني ...درة اليوم جمعة يا دوام

يلا جهزنها ابدل واجي عليكم خمس دقايق مو اكثر

درة ...مشكور ما تقصر

هاني ...اكلي تبن ... حچاها وسد الخط شلت المبايل مصدومة

شنو قصده بأخر حجاية معقولة ما راح يجي ويخلينه نشبج (محتارين) وماكو واحد يساعدنا

لالالا ما يسويها بس هوَ يحب يغثني اتوقع هاي غايته يضوجني بكلمة

درة ...يلا رهف بسرعة خلينا نجهرها راح يجي هاني

انتِ ضلي يم ترف واني اروح وياها

رهف ...لالا انتِ رچيچة وگلبچ ضعيف مو مال ترحين وياها خليچ هنا

انه اروح

تحجي وهي تمشي للغرفة تطلع جواريب وعباية الامي

اخذتهن منها

درة ...هذا هوا رهف روحي جهزي روحج على ما نكمل امي

ترف اخذت الجواريب تلبس امي ، واني لفيت شالها هي ساعدتني

لبسناها العباية

طلعت رهف شايلة شحاطتها خلتها بالباب

لبست عباية خليجية وحطت الشال على راسها وشمرته ليورا

سمعنة صوت هورن ، ترف ركضت للغرفة ما تحب تتواجه ويا هاني ابد

رهف فتحت الباب دخلت هي قبلة وهو يمشي وراها

رهف ...والله ما اعرف شبيها بس حيل تعبت

هاني ... صباح الخير

ردينا ...صباح النور هلا ومرحبا

هاني ..ها ام رهف شجرالچ؟ شتهيسين؟ (شتحسين)

وعد ...جن ملك الموت حذاي (يمي) وراح اموتن اليوم ما مطولة الباجر

ضليت ابجي مسحت وجهي وگتلها بتوسل ...فدوة يمة لا تحچين هيچ والله گلبي يوكف

هاني ...وخري ليغاد

اجة تقرب نصة وساعدها گومها لزمها قوي سندها

رهف زامة شفايفها بحزن ، مشيت وراهم

درة ...اتانيج يمة لا تتأخرين صيري زينه ورجعي

وعد ...ان شاءالله، عينج على اختچ قفلن الباب

هاني ... لگيت بارق يمنه وصيته راح يجيهن يضل يمهن لو ياخذهن لبيتنا ، شلون يضلن وحدهن وهنة زغار

وعد ...انعم الله علي

رهف ...لو مودي سداد حمودي شمعنى بارق ؟

هاني ...ماموجودين وشافني اركض سألني اذا صاير شي حجيتله كال اخذ ام رهف وانه اضل يم البنات لو اجيبهن هنا

كتله جيبهن يم عمة نجوى انجبرت اعتمد علي من قلة الخيل

بلعت ريگي متوترة ، ما جنت مفكرة يجي يوم واتواجه ويا بارق

هسة راح اكون وحيدة وجود ترف ما يعني اكو احد يمي لان ترف صغيرة!! كلها عمرها 13 سنة

لا تهش ولا تنش

وصلو للسيارة صعدوها وراح للمستشفى ، رجعت سحبتلي شال لبسته لزمني مغص قوي

استغفرالله اخر شي ممكن اتوقعة هو بارق يجيلي عن طريق هاني

لان هم على خلاف بس الظاهر للضرورة احكام

اندگ باب البيت جريت نفس ومشيت للباب فتحته گبل صارت عيني بعين بارق

گال بنبرة عادية هادئة ...صباح الخير ، شلونج خوية

درة ...صباح النور هلا بيك بارق اعذرنا على الازعاج بس مجبورين

بارق ...ماكو ازعاج جنت جاي لبيت عمي

انتظرجن هنا ، جهزن نفسچن حتى نروح لبيت عمي فاضل

درة ...كلها دقايق ما نطول عليك تعااال تفضل جوة

بارق ...لا شلون ادخل وامج ماموجودة غلط ما يجوز اتانيجن هنا

درة ...تمام دقايق

عفت الباب مفتوح وركضت للبيت ...ترف كومي بسرعة بارق راح يودينا لبيت عمي فاضل

بسرعة لبسي

ترف ... اووف ليش هيج اليوم سيء من بدايته يعني اصبح بوجه بارق

درة ...رحم الله والدي اجة ياخذنة تهي بهي تتمشرط بنت الحلو

سحبت عباية لبستها هي كامت تمشي بملل لبست جبة سودة وحطت الشال على رأسها

عافسة وجهة

يم باب المطبخ وكفت تنتظرني اقفله ، حجت بجزع

ترف ...يلا درة يلا اووف شنو يخلص هذا اليوم

درة ...صبري شبيج خلي اقفله قوي ما يندار

فات بارق بدون ما يسلم على ترف گال ...انطيني عنج

ابتعدت ليغاد دار المفتاح بصعوبة وسحبه گال ... هذا يرادلة تزييت ان شاءالله اشوفلي يوم وامر الكم اسوي

درة ...ما تقصر جزاك الله خير

ابتسم مجاملة مبين علي گوة مجبور ..

طلع يمشي قبلنا واحنة ورا بخطوتين ، الحمدلله وصلنا قبل لا يصير بيناتنة اي احتكاك او جدال

لا بالكلام ولا بالنظراات

دخلنا للبيت سلمنة وكعدنة بالصالة ترف بس دخلت شمرت الشال من رأسها

نجوى ...والله ماگلي جا مشيت وياها للمستشفى احنة أبخته هاني ولا گال

درة ...ماحب يقلقچ ان شاءالله ساعة زمان ويرجعون

نجوى ...استغفرالله ، زين شني اعراضها

درة ...ماتكدر تتنفس زين وذابة روحها ذبة وحدة ماعدها طاقة

حقها وفاة خالي حر اخذت كل حيلها

نجوى ...الله يساعدها الاخو حزام لو راح ينهد الظهر ويروح الحيل

عمة بارق انته هم شوداك عليهن يعني هاني گايلك وما گايلي

بارق ...لا والله ماگلي اجيت الكم شفته طالع يركض بعد شسوي نسيت الزعل وسألته

گتله ...خير ان شاءالله

گال ...ام رهف تعبانه ورايح اخذها للمستشفى

...والبنات؟ اروح اجيبهن لو اضل يمهن

...اكون ممنون منك

...تمام راح اروح مشي وراك عندي شغله هنا

...مشكور

...خادم

نجوى ...هاا ، متريگات يمة؟ وانته بارق؟

بارق ...الحمدلله

درة ...انه متريگة بس ترف ، گومي للمطبخ صبيلج جاي وسويلج لفة

نجوى ...لا شسالفة لفة وجاي هاي البنات مسويات ريوگ ، كومي ترف بالفرن تلگين بيض وطماطة

وعلى الميز اجبان ، صبيلج جاي واكلي امي

ترف ...ما اشتهي والله

نجوى ...لكمتين فتحي ريكج مايصير تضلين على لحم بطنچ

هزت رأسها بدون جواب وگامت ، عم السكوت ارجاء المكان

عمة نجوى گامت للمطبخ ضلينة انه وبارق سوية وحدنة فركت أيديني بتوتر

جر نفس عميق رفعت رأسي باوعتله يباوعلي شح نظرة عني رأسن وگال بصوت هادء بنبرة مستفزة

... مستعدلة .

باوعتله بنص عين ... شتقصد؟

...والله اتذكر من شفتج اول مرة زرگة وحال الضيم يا حالچ جنچ سعلوة

...عود هم حاسب روحك زلمة؟ الزلمة ما يحجي هيج حجي

...لا مو زلمة ... حجاها وابتسم بمكر حط رجل على رجل مترهي

...همزين تدري بروحك

...لا صدگ صايرة تشبهين حلقومة كلش بس الفرق لون العيون والبشرة

...امر طبيعي نتشابه غير بنات عم

ابتسم تك خد وگال مستهزئ ...خوش بنات عم يجيبن الهم والغم والمرض

...وين تريد توصل؟ هاا؟ فهمني؟ شنو غايتك من هذا الحجي

...مرضتن اخوي همام

...انه شكو؟

...رب الأكو .. حجاها بغضب

...لا حول ولا قوة الا بالله ، لك اني حتى ما اعرف اخوك

اول يوم شفته بهذا البيت

...صح

...بعد شكو؟ ليش تگلي رب الاكو شمسوية قابل حبيبته مادري خطيبته ورود وماتت اني شعليه

... شكلج الشبه الي بيناتجن فضيع ، هاي نقطة .

...الثانية؟

... بحال خطبج همام راح ترفضين وراح ترجع حالته القديمة والمرض راح يتفاقم بسببج

...همام يحب حلقومة انه شكو واذا ع شبه ف مو ذاك الشبه نسيت لون البشرة والعيون مختلف

...بيناتچن شي اكبر من الشبه درة اكبر بهواي

...شنو؟

...الدم

...ياخذ وحدة ثانية بنات عمومتنا خير من الله وكلنه نفس الدم

ياخذ جمانة بت عمي صادق

لو ياسمين بت عمي خالد ، وبعد خير من الله واغلبهن شگر بعيون ملونة يعني يشبهن حلقومة

اكثر مني والدم نفسه

ضحك تك خد حك طرف خشمه ودار وجهة بدون جواب ..

...بارق احجي شنو بگلبك

...ماريد اقتل عليچ المتعة بت عمي

...مالي خلگ بارق

...التقيتي بعمة اطياف؟

...مرت عمي اسد الله! طبعا التقيت بيها اكثر من مرة

...شتصير منج عمة اطياف؟

...عمتي مرت عمي! شنو هذا السؤال التافه

... واذا گتلچ هاي خالتچ اخت امچ المرحومة؟ وناگلتهن نفس البطن .

__________________

شلت رأسي من المخدة احاول استوعب انه منو و وين وشنو جاي اسوي

غمضت عيني وفتحتها اكثر من مرة وضحت الصورة

هاي غرفتي وانه جمانة

رجعت امي صاحت بغضب ...لچ جمااااااااانة وطحل طحلچ گعدي الشمس معلگة صار ظهر

جمانة ... جـ جااااية جـ جاية

كمت من فراشي بملل للخمسة مانايمة باوعت للساعة بالـ10 ماشابعة نوم بعدني

گمت اطوطح الا شوية اطيح غسلت وجهي بماي بارد نزيت من برودته

طلعت من الغرفة اركض ، دعمت بفالح صاح ...وثول شمالچ تركضين

جمانة ...امك تت تتصيح م م ماسمعتها، راسي ر را راح يطگ خترعت م من صوت الصياح

فالح ...سلامتج من الخنگة جمونة ، لف ايده حول كتفي وماشاني للمطبخ

ام فالح ...خستي من النوم شسالفتج ، سهرانة على الافلام الا اكسر التلفزيون

فالح ...شتردين منها يمة خليها تسهر وتتونس وتتدلل

...بعد انتم مشجعينها عليَ ، شحجي وشگول اسكت احسن

تريگو يلا ، تعلمتو على نوم الظهاري والله لو تعرفون اضراره ما سهرتو ولا نمتو للظهر

فالح ...بس الجمعة حجية

جمانة ... فـ فلوحي اگلك شي ،، باوعت على امي طلعت من المطبخ وحچيت

...أمس مـ من ر رجعت من يم بـ بيت عمي فاضل بـ بالليل شـ شفت عمي ارفد يـ يطلع من بيت عمة و وعـ وعد

فالح ...منو رجعچ؟

جمانة ...غـَ غَيث رجعني ، هو ما ما ماأنتبه بس انه و وچان عمي أ أرفد يتلفت خـ خايف

خل نمرلهم نـ نتطمن عـ عليهم

فالح ...عمي أرفد شيسويلهم؟ غير هوا عم البنات شني هذا تفكيرچ جمانة؟ لا تفكرين هيچ بعد

جمانة ...أ أمي مسولفتلي أشياء انته مـ ما تعرفها

عـ عمي أرفد عـ عاشگ عمة وعد

فالح ...ندري بهذا الشي من چنة زغار جمانة ومات عمي احنة نتذكر هاي المشاكل الصارت

بسبب عشگ عمي ارفد لعمتي وعد ومنها المرة خذت بناتها وشردت

جمانة ...لـ لا ام بـ بارق گايله لأمي ع على أساس عـ عمة وعد عـ عدها سر يخص عمي أرفد محد يعرفه غيرهم

فالح ...منو قصدج ام بارق وعمتي وعد

جمانة ... لـ لا لا وعد وأرفد بس .

عض شفته السفلية بتفكير ودار وجهة يباوع من الباب بأتجاه الحديقة

يفكر ، رفع طرف حاجبه ورجع باوعلي

فالح ... خابري عليهن ، خابري رهف لو درية سلمي عليها وگليلها اريد امرلكم خاف عدكم شي

هزيت رأسي وركضت سحبت مبايلي واجيته لگيت امي يمه ترددت

بس لفتني كلامه وياها ...خاف عمي ارفد متعارك وياهم مسويلهم شي

ام فالح ...وشيسوي عمك ارفد؟ هوَ عاشگ المرة صارله سنين طويلة بعد شگلك يمة عاشگها من الـ 1989 وأنت قيس

فالح ...جانت على ذمة عمي جعفر!!

حجاها متعجب

...لا يمة لا عمك ارفد زين ماتطلع منه هيج سالفة من عشگها ما جانت على ذمة عمك بعدها ما ماخذته

وعمك جعفر عشگها من طلگ ام هاني

والله كتبها وصارت نصيب عمك جعفر

فالح ....سولفيلنه السالفة يمة من الطأطأ للسلام عليكم خلينه نفتهم

...دفاتر قديمة ليش نفتحها؟

....الدفاتر انفتحت بعد

حط ايدة جوة حنكه وگللها ...سولفي خية

ضربته بخفه على كتفه ...لا تستنثي فليح على گولة رهف لميس ههههه

اسمع ، بس ماريد الحجي يطلع وترجع السالفة تنحجي خاف تصير طلايب

بسنة 1989 ، عمك جعفر مطلگ وعمك ارفد معرس ومخلف بارق وهمام وجلال ، خوش؟

اجو هنا صحبان عمومتك من بيبيتك سعدية ، الله يذكرها بالخير ما ادري بأخبارها زينة موزينة ولا نسأل عليها شكد زحمة

فالح ...يمة گطعتي مصارين گلبي لخاطر الله انطيني القصة وعوفي بيبي سعدية

...اي اسمع اجو هنا زيارة تونسو يم الولد و تعرفو على الجماعة ، وصارو اصحاب ويا باقي عمومتك

گام جدك الله يرحمة ويغمد روحه الجنة وبيبيتك سعدية عزموهم غدة همة والعايلة كلها

فالح ...همة هذول منو؟

....قصي وعدي ، اخوان وعد الكبار

صارت العزيمة جابو العايلة واجو ابوهم نوفل جان عدل الله يرحمه

وجابو نسوانهم جانو معرسين قصي عدي ثنينهم يمكن ما اتذكر زين

وعدهم اخت ما معرسة اجت وياهم

يا هي هاي الاخت عمتك وعد ، يا يمة اجت وعد غير فلكة من الكمر

البنية تكول للكمر كوم انه اكعد بمجانك احنة جنة كلنا ابيتين عايشين

ومن تصير عزيمة نلتم فـ كل احنة الجناين والبنات شفناها وتعجبنة

تشبه اسمهان ، حتى بالشامة

مفرعة الشعر للركبة ، غجري يخبل

واللبس شلون كله من هذا الحلو المديلات ، بعد جاية من الولاية وابوها جان يتنقل بين البصرة وبغداد ويسافر ويجييبلها حسب سوالفها

جانت كلش مرتبة ولبسها كشخة يعجب

رادت تطلع للبستان ، والله العصرية ترسنة كيتلي جاي ونجوى سوت كيكية بالتنور شوتها لحد هسة اتذكر طعمها جانت طيبة

فالح ...شني مكوناتها؟

...لا تستهزأ فليح ترة والله ما اسولف

...لا لا سولفي بس انطيني الزبدة وعوفي هاي التفاصيل

...اي اكملك اسمع ، طلعنة للبستان وسوينه كعدة سوالف وضحك وكل وحدة شامرة فروخها على ريلها

حتى انه شامرتك يم ابوك ههههههههه وجمانة جانت ابطني فدوة يمة جمونة

حجتها وكرصت خدي

عمك ارفد اجة فاير جايب بارق مسوي وكاحة مادري شني ويحجي على مرته

هية البنية باوعت عليهم وگالت

...هذا ليش هيچ يتصرف؟

هو انتبه عليها واستحى وراح ،، ومن هاي اللحظة عمك ارفد عشگ وعد

ومن جاي يطلعون بالباب واگفة البنية تلبس حذائها شافها عمك جعفر جان طاب للبيت هههه شايل صناديك مال عنب ومادري شني بعد عود الهم

وصادفها بالباب ، حط عينه بعينها

ومن هاي اللحظة واحد عشگ الثاني

وحظ جعفر جان مطلگ يكدر ياخذها زعم ماكو حرمة بحياته

بس الله جاب عمك ارفد ما ضمها حجة وكال لجدك انه عاشگها ومناك جعفر هم كال انه اريدها

وتكاتلو الاخوان علمود وعد

عمك جعفر مو وحيد جان يروح هناك للبصرة يوكف يم بابهم يشوفها من تطلع للمدرسة ويلحگها للمدرسة

جانت تشرد من المدرسة تكللهم بطني توجعني

وتطلع تفتر ويا جعفر على الكورنيش

زاد العشگ بينهم والطلايب زادت

جدك كال لا لأرفد ولا لجعفر البنية ماتصير جنة النه

ما اخذها لواحد والثاني عاشگها ما ترهم

وحجية صحيح شلون ترهم؟! البنية تكشخ وتتعدل لرجلها وحماها حاط عينه عليها

أرفد سد حلگه وسكت ، وأمتثل لقرار ابو گال انه ما اخذ وعد واخوي عاشگها

بس جعفر ما سكت وصارت طلايب وجيب و ودي

اخر شي عاف البيت وهام ، وراح لأخوتها وابوها

گللهم اريدهة

گايليله بتنة عزيزة ماننطيها هيج جيب اهلك وعمومتك وتتدلل

رجع لأبوي ابوي طرده كله من يرد عقلك لرأسك وتنسة هاي البت بذيج الساعة تعال ردلي

شسوة جعفر حجة ويا فاضل وأثر علي واخذ ثنين من اجدادك أعمام ابوك وراح خطبها

انطوها اله حطلها بيت متكتر واعتمد على روحه

جدك ما طخ رأس ولا جعفر طخ ثنينهم عناد

كل واحد ضل ميبس رأسه وما يحجي ويا الثاني

اخبار جعفر انكطعت لهناك وسمعنة مرجع نهلة ام هاني ودرة لانها تمرضت واهلها موش كفو

عاشن سوية بنفس البيت يكولون جانن متراهمات بس ما طولت نهلة جابت درة وانطتكم عمرها

هاني ضل يم بيبيته متعلقة بي وتكول هذا من ريحة المرحومة ودرة يم وعد

راحت ايام اجت ايام ، عايشين براحة وسعادة عائلة صغيرة بينهم لرحمن

عمك جعفر يشتغل صياد

ورزقه الحمدلله مغطيهم واهلها ماعايفينها وعد اهلها نفسياتهم حلوة وما يبخلون على خواتهم ولا ابوها عايفها الحمدلله

جم سنة وغرگ جعفر ، بال1999 واجتنة المرة مكسورة محنية الظهر شايله برحمها بنية وبحضنها ثنين

وحدة ثمانية والثانية سبع سنين

استلمنها مرت أرفد ومرت خالد بعد ماكو داعي اگلك ليش مرت خالد شدت على وعد

فالح ...لأن خوات

...اي لان خوات وعمك خالد ما قصر جان يباوع لحلگ مرته تگله خالد كوم يگوم تكله خالد اكعد يكعد

دخل وياهن على الخط

وصلت بيهن خلنه يحط سلاح برأسها نوبة وشوغها وهي نفسه جانت توها جايبة ترف

ونوبة ثانية ام بارق حطت برگبتها سجين

وگلتلها شوفي يَ وعد ان ماخذيتي بناتچ ورحتي وليتي لأهلچ نذبحج ونذبح البنات والج الخيار

عاد المرة خطية شتسوي خذت البنيات وراحت

فالح ...انتم وين? عمي فاضل عمي ارفد ابوي بقية عمامي وين من هذا كله

...موجودين يمة بس احنة ماجنة ندري خالد وام بارق هيج مسوين من شردت حجت لاهلها وتعاركو ويا عمامك ومنها وتخالفو وبعد ماكو لا واحد دخل على الثاني ولا شي حك السلام اذا تلاگو

...سؤال محيرني من زمان وما سألته ماردت افتح عيونهم على شي

شلون عمامي قبلو درية تضل يم ناس غرب

...غصبا ماعليهم البنية ربت بحضن وعد هي صارت امها

وكل هاي السنين عمامك ما وصلو الهم ولا دكو بابهم مالهم حق ياخذونها من وعد

هاي شغلة شغلة ثانية اهل وعد كالو عدنة بيت بالطابق الثاني هذا صار الهة لوعد وللبنيات

وتسد بابها وتكعد ، يعني وعد يم اهلها جانت عازلة

...زين ليش جابو البنات من كبرن

... سوالف خالد لاعب برأس هاني حتى يخدم مصالحه ، عمك خالد وارفد شغلهم سوية هم اخوان وماخذين خوات

ورهف ودرة وترف الهن حصة من الورث العافة جدك

خالد فكر اذا واحد من ولد هناء (ام بارق) اخذ وحدة من بنات جعفر راح يكثر الخير ويلوحه على اساس هوا عايز خير شو صلاوات مسروته اله بس عينه ضيجة

وابشرك ترة ياسمين بت خالد ماتاخذ غير واحد من ولد ارفد

خالد ما ينطيها منا منا يريد يخلي الخير خص نص الهم وما يطلع منا منا وان كانو خوانه

...و و هااني قـ قبل بحجي خالد لـ لان يكره حـ حر م مايدري هوا جان راح يضر أ اخته

فالح ...شو حر الله يرحمه خوش زلمة غير نفهم ليش هاي العالم كلها تكرها

ام فالح ...طبيعي ينكره ، هاني يكرها لان جان يعز نهى بت خاله الخذت حر .. عايش وياها سنين طفولته كلها وجان يعتبرها اخته

والبقية يكرهونة بسبب سمعته

فالح ...هو شمسوي؟ سمعته شبيها

ام فالح ...يگولون كاتل مرته نهى وحارك جهالة ، استغفرالله الله يعلم ........

بدي .. و وين اوصل

انه حر الدين ، سجين المشاعر والأحاسيس مظلوم مالي بالسعادة نصيب

بيوم من الأيام ، ايام حصار والوضع تعبان

اعرف جعفر رجل اختي وعد يشتغل بس شغلة على گده وانه بذيج السنين حالتي جانت احسن من حالته

كل اسبوع يوم جمعة اترسلي علاگة جنفاص واروح عليهم مسير

منها اشوف اختي وهم انطيها العلاكة اخاف تكون معتازة وتستحي تحجي

دگيت باب البيت اجاني صوت هاني ابن رجلها يصيح ...اجيييتك اجيييتك

بدون ما يعرف منو ورا الباب

فتح الباب ورفع رأسه شافني ضحك بفرح وطفر لحضني ...خااالي حررر ثلونك

بوسته ونزلته من حضني مسحت على رأسه ...ولك الأثرم صاير زلمة

ركض للبيت يصيح

هاني ...يممممة اجة خاااالي حرررر يممممة

رهف بالگاع كاعدة كامت تمشيلي بهدوء مدبدبة كوة تمشي شلتهة هم وبوستها

طلعت وعد تمسح بأيديها وتحجي ...هلا بالجاينة من بعيد هلا بسند اخته هلا بتچايتي

تقربت عليها رفعت روحها لزمتني وباست خدي

جنت شاب صغير بذاك الوكت .. گعدتني بهولهم وجابتلي ماي

شربته وعيني تتجول بالبيت ...جا درة وين؟

وعد ...يم بت خالها نهى اليوم فرهود مسير صوبنه وجايب اخته وهاني ويا

حر ...فرهود صاحبي؟

وعد ...ياهو غيرة؟ نهاوووي تعالي ماكو غريب هذا حر اخوي جيبي درة وتعاي

باوعتلي مبتسمة وگالت ...ليش مكلف روحك المسواگ تارس الثلاجة

حر ...ما كلفت روحي ولا شي ، هذا واجبي واستحي اجي ايدي فارغة

بعدني ما مكمل كلامي ودخلت بنية شابة طويلة

بيضة

مخليه شالها على رأسها باهمال

رگبتها كزازة اذا تشرب الماي بريگها يبين

والخد تفاحة ريانه ، تمشي على كيف ولازمة درة بأيدها تمشي بيها

نظرة عيونها سهام صوبت گلبي من اول نظرة ..

أسرتني واخذت عقلي وكل تفكيري ، نهى اخت صاحبي المقرب وبنفس الوكت اختي وعد ماخذة رجل عمة فرهود

بس عمري وحياتي ماشايفها وهاي جانت اول نظرة

عشگتها ، طحت على وجهي

ابتسمت وانتظرتها تنطق السلام ، حجت من وصلت يمنه

حتى صوتها ناعم وحلو ويخبل

اختي وعد انتبهت لنظراتي وعرفت اخوها وگع .. ضلت تضحك وتباوع علينا

هي هم بادلتني النظرات والظاهر انعجبت بيَ

ابتسمت ونصت باوعت لوعد وگتلها بصوت ناصي

...متزوجة؟

وعد ...لا

عرفتني نيشنت ، وحطيت هاي البنية برأسي وردتها

من طلعت وضليت انه و وعد بوحدنا گبل كلتلي جنك لگيت المرة المطلوبة

هزيت رأسي بـ اي ...هاي وين جانت عنك يـ حر تعجب تعجب هي وين وفرهود وين اصنگ ههههه

الكلب ضامها عن عيون الناس

بس حقه والله والف مرة حقه

قررت اتقدم الها ، وصيت وعد تحجي ويا امها

خواتي ثنينهن راحن وگعدن وياها وخطبنها

صارت القسمة ، نهى، الحب العشك الغرام صارت من نصيبي

فرحتي بيها ما تنوصف

استعجلت وكملت بناء الطابق الثاني حتى نعرس بي

والبيت الجوة يضل لعدي واسامة جان صغير وابوي بعدة عدل الله يرحمه ..

عرسنة ، وتفاجئت ورة شهر طلعت حامل فرحتي بيها ما تنوصف چن ملكت الدنيا كلها

محبوبتي بحضني وابطنها طفل مني بعد شنو اريد من الدنيا؟

صداقتي ويا فرهود صارت اقوى بعد ما اخذت اخته

بس المشكلة وين

فرهود صار مسلبچي وحرامي

وجنت انجبر اساعدة واطلعة من مصايبة وانقذه وراها ارزلة واعلمة

وهو ضال مصر على افعالة

واكثر من مرة جان مهدد وساعدته ، بس من شفت محمود سحب روحه مني

بسبب سوالف فرهود

فتحت عيوني اكثر وشفت صداقتي بي راح تأثر على حياتي وعلى مستقبلي

ويمكن بعد جم يوم يجرني لهذا الدرب التعبان

قررت اسحب نفسي منه

وگتله ...بعد هاي هيَ لا تدخلني بمشاكلك ولا تودي عليَ احد من توكع بمصيبة

اصلح روحك فرهود الدنيا ما مضمونة باجر متت شتكول لله

هو كلي صح كلامك وبعد ما اعيدها ..

خليته يراجع نفسه ورجعت لاميرتي نهاوي ، شفتها تتگلب من تمشي لان حامل وبطنها كبرانه

ضحكت وصفگت بأيديني ...نتائج اللعب صارت طفل زغيرون

ضحكتلي واجت حضنتني خلت روحها حدر جناحي

لفيتها وبست رأسها ....

سديت الدفتر ، تلمست وجهي لگيته مبلل دمع

نار الغيرة صارت اكبر من نار الفضول لمعرفه المجهول

حتى وان صار جوة التراب ، ومات وگلبه يمي

اضل اغار علي وبعدني حاسبته مالتي

كمت ضميت الدفتر جوة ملابسي انتبهت ان دفتر مذكراتي مختفي ضليت اگلب بالملابس مالگيته انخبصت

خفت لا يوكع بيد امي واتفشل وياها

بي اسراري بي كل مواقفي ويا حر واهم شي بي البطايق الي يدزهن الي حر بخط أيده

وهذني اعتبرهن جزء من روحي وذخيرتي من يخلص صبري ويزيد شوقي

رهف ضلت تتحرك رفعت رأسهة وكالت ...شكو؟

درة ...لا هيج رجعي نامي

اضطريت ارجع انام گلت الصباح رباح وأدوره ، حطيت رأسي ع مخدة كتمت انفاسي وضليت ابجي بدون صوت

من اغمض عيني تجي كلماته گبال عيني

شلون يوصف شلون يسولف ، انكسرت اكثر من عرفت زوجته نهى تصير بنت خالي

وفرهود النذل أبن خاالي .. الحيوان خطفني واني من دمة ولحمه وعرضه

سر مدفون سنين وانكشف بدقيقتين ..

غفيت بعد ليلة مليئة بالألام والدموع غفت وياي اهات وشهگات مكتومة

على مخدتي دمعي طرز سوالف حزن عجز لساني عن نطقها وعقلي عن ترديدها

صار صبح الله رفعت رأسي الثگيل توضيت وتوجهت للقبلة صليت وضليت كاعدة على مصلايتي اسبح وأدعيله بالرحمة والمغفرة

سمعت صوت امي تگح بصوت عالي طبگت السجادة وگمت لغرفتها فتحت الباب لگيتها كاعدة على مصلايتها وتگح بصوت عالي كل جسمها يهتز

تقربت منها حطيت ايدي على كتفها وحجيت بأهتمام

...يمة بيج شي؟ اجيبلج أميه

هزت رأسها مشيت للثلاجة جبت بطل واجيت فتحته مديته الها أخذته من ايدي ، أيديها ترجف

شربت منه شوية

ساعدتها تگوم للفراش مددتها بي وغطيتها گعدت يمها لازمة ايدها بحنيه

واباوعلها بخوف

وعد ...شمالج درة يمة مابية شي روحي كملي صلاتج لو نامي ادري بيج الليلة ما تنامينة وبس تبچين على حر

درة ...بعد ما يجيني نوم اخذت كفايتي منه راح اسوي ريوگ ترجعين تنامين لو نتريگ سوية؟

وعد ...مالي نفس يمة

درة ...بس شوية حتى ما تتمرضين لگمتين هو منو اله نفس ياكل؟

هزت رأسها توافقني الكلام غمضت عيونها قوي جفنها تكرمش ، عرفت هاي بداية لمعاناة جديدة

امي راح تتمرض ..

گمت سويت ريوك رهف كعدت وترف بعدها نايمة ، ساعدت امي تجي تتريك

رهف كامت من مكانها مفزوعة

...شبيها امي

درة ...تعبانة فراگ خالي اخذت ثلثين حيلها

يمة لا تسوين بينه هيج وعلي ابو الحسنين نضيع خلافچ مالنه غيرچ

وعد ...ضاع حيلي من بعد عينه ضاع

اااخ يا بوية يا نووفل يااا بوية ، خوية يا حر يا خوية ، ضلت تجر سوالفها مثل النعاوي

انا اريد اعاتبك يَـ حزام ظهري ، يالرحت بلاية وداع وخيبت ضني

انا ردتك عكازة الكبررتي وردتك لو متت تگابل گبري وترد عني وحششششتي

يالأخوة يا حزام ظهري .. ااخ حـر خوية كسرت گفاي

انه ورهف نمسح بدموعنة صبرناها وخليناها تاكل لگمة ، تمددت بالهول وتعبت فرد نوبة

ترف گعدت تتمغط من شافت امي گالت بخوف

...شنو امي شخيرها

رهف ...تعبت

ترف ...شكلها مال مستشفى

درة ...والقران حتى انه گلت خل نخابر واحد من الولد يجي يساعدنة همة گالو اي شي تحتاجو رفعو السماعة خابرو علينا

رهف ...خابري هاني

ترف ...مليق شمعنى هوَ؟ شوفي واحد ثاني خابري سداد هسة عطلة وگاعد بالبيت

رهف ...لا هاني اخونا ويمون ونكدر نطلب منه اي شي

هو هم گال انه يمجن وسندچن

خابري درة خل نشوف السند بعدة واگف لو شمس البصرة موعته وذب روحه

درة ...خوووش وين نقال امي شنو مسجلته

ترف ...بالغرفة انه كتبت على رقمه المليق

خزرتها رهف لان ابد مو وكت سوالفها رحت طلعت رقمه وخابرته رن رن قبل لا تخلص المكالمة جاوبني

هاني ...ها ام رهف؟

درة ... صباح الخير انه درة

هاني ...صباح النور هلا بيچ

درة ...بيك اكثر هاني ، امي تخربطت كلش نريد احد يجي ياخذها للمستشفى انتة بالبيت بالدوام

هاني ...درة اليوم جمعة يا دوام

يلا جهزنها ابدل واجي عليكم خمس دقايق مو اكثر

درة ...مشكور ما تقصر

هاني ...اكلي تبن ... حچاها وسد الخط شلت المبايل مصدومة

شنو قصده بأخر حجاية معقولة ما راح يجي ويخلينه نشبج (محتارين) وماكو واحد يساعدنا

لالالا ما يسويها بس هوَ يحب يغثني اتوقع هاي غايته يضوجني بكلمة

درة ...يلا رهف بسرعة خلينا نجهرها راح يجي هاني

انتِ ضلي يم ترف واني اروح وياها

رهف ...لالا انتِ رچيچة وگلبچ ضعيف مو مال ترحين وياها خليچ هنا

انه اروح

تحجي وهي تمشي للغرفة تطلع جواريب وعباية الامي

اخذتهن منها

درة ...هذا هوا رهف روحي جهزي روحج على ما نكمل امي

ترف اخذت الجواريب تلبس امي ، واني لفيت شالها هي ساعدتني

لبسناها العباية

طلعت رهف شايلة شحاطتها خلتها بالباب

لبست عباية خليجية وحطت الشال على راسها وشمرته ليورا

سمعنة صوت هورن ، ترف ركضت للغرفة ما تحب تتواجه ويا هاني ابد

رهف فتحت الباب دخلت هي قبلة وهو يمشي وراها

رهف ...والله ما اعرف شبيها بس حيل تعبت

هاني ... صباح الخير

ردينا ...صباح النور هلا ومرحبا

هاني ..ها ام رهف شجرالچ؟ شتهيسين؟ (شتحسين)

وعد ...جن ملك الموت حذاي (يمي) وراح اموتن اليوم ما مطولة الباجر

ضليت ابجي مسحت وجهي وگتلها بتوسل ...فدوة يمة لا تحچين هيچ والله گلبي يوكف

هاني ...وخري ليغاد

اجة تقرب نصة وساعدها گومها لزمها قوي سندها

رهف زامة شفايفها بحزن ، مشيت وراهم

درة ...اتانيج يمة لا تتأخرين صيري زينه ورجعي

وعد ...ان شاءالله، عينج على اختچ قفلن الباب

هاني ... لگيت بارق يمنه وصيته راح يجيهن يضل يمهن لو ياخذهن لبيتنا ، شلون يضلن وحدهن وهنة زغار

وعد ...انعم الله علي

رهف ...لو مودي سداد حمودي شمعنى بارق ؟

هاني ...ماموجودين وشافني اركض سألني اذا صاير شي حجيتله كال اخذ ام رهف وانه اضل يم البنات لو اجيبهن هنا

كتله جيبهن يم عمة نجوى انجبرت اعتمد علي من قلة الخيل

بلعت ريگي متوترة ، ما جنت مفكرة يجي يوم واتواجه ويا بارق

هسة راح اكون وحيدة وجود ترف ما يعني اكو احد يمي لان ترف صغيرة!! كلها عمرها 13 سنة

لا تهش ولا تنش

وصلو للسيارة صعدوها وراح للمستشفى ، رجعت سحبتلي شال لبسته لزمني مغص قوي

استغفرالله اخر شي ممكن اتوقعة هو بارق يجيلي عن طريق هاني

لان هم على خلاف بس الظاهر للضرورة احكام

اندگ باب البيت جريت نفس ومشيت للباب فتحته گبل صارت عيني بعين بارق

گال بنبرة عادية هادئة ...صباح الخير ، شلونج خوية

قِصٌصٌmyhopes

درة ...صباح النور هلا بيك بارق اعذرنا على الازعاج بس مجبورين

بارق ...ماكو ازعاج جنت جاي لبيت عمي

انتظرجن هنا ، جهزن نفسچن حتى نروح لبيت عمي فاضل

درة ...كلها دقايق ما نطول عليك تعااال تفضل جوة

بارق ...لا شلون ادخل وامج ماموجودة غلط ما يجوز اتانيجن هنا

درة ...تمام دقايق

عفت الباب مفتوح وركضت للبيت ...ترف كومي بسرعة بارق راح يودينا لبيت عمي فاضل

بسرعة لبسي

ترف ... اووف ليش هيج اليوم سيء من بدايته يعني اصبح بوجه بارق

درة ...رحم الله والدي اجة ياخذنة تهي بهي تتمشرط بنت الحلو

سحبت عباية لبستها هي كامت تمشي بملل لبست جبة سودة وحطت الشال على رأسها

عافسة وجهة

يم باب المطبخ وكفت تنتظرني اقفله ، حجت بجزع

ترف ...يلا درة يلا اووف شنو يخلص هذا اليوم

درة ...صبري شبيج خلي اقفله قوي ما يندار

فات بارق بدون ما يسلم على ترف گال ...انطيني عنج

ابتعدت ليغاد دار المفتاح بصعوبة وسحبه گال ... هذا يرادلة تزييت ان شاءالله اشوفلي يوم وامر الكم اسوي

درة ...ما تقصر جزاك الله خير

ابتسم مجاملة مبين علي گوة مجبور ..

طلع يمشي قبلنا واحنة ورا بخطوتين ، الحمدلله وصلنا قبل لا يصير بيناتنة اي احتكاك او جدال

لا بالكلام ولا بالنظراات

دخلنا للبيت سلمنة وكعدنة بالصالة ترف بس دخلت شمرت الشال من رأسها

نجوى ...والله ماگلي جا مشيت وياها للمستشفى احنة أبخته هاني ولا گال

درة ...ماحب يقلقچ ان شاءالله ساعة زمان ويرجعون

نجوى ...استغفرالله ، زين شني اعراضها

درة ...ماتكدر تتنفس زين وذابة روحها ذبة وحدة ماعدها طاقة

حقها وفاة خالي حر اخذت كل حيلها

نجوى ...الله يساعدها الاخو حزام لو راح ينهد الظهر ويروح الحيل

عمة بارق انته هم شوداك عليهن يعني هاني گايلك وما گايلي

بارق ...لا والله ماگلي اجيت الكم شفته طالع يركض بعد شسوي نسيت الزعل وسألته

گتله ...خير ان شاءالله

گال ...ام رهف تعبانه ورايح اخذها للمستشفى

...والبنات؟ اروح اجيبهن لو اضل يمهن

...اكون ممنون منك

...تمام راح اروح مشي وراك عندي شغله هنا

...مشكور

...خادم

نجوى ...هاا ، متريگات يمة؟ وانته بارق؟

بارق ...الحمدلله

درة ...انه متريگة بس ترف ، گومي للمطبخ صبيلج جاي وسويلج لفة

نجوى ...لا شسالفة لفة وجاي هاي البنات مسويات ريوگ ، كومي ترف بالفرن تلگين بيض وطماطة

وعلى الميز اجبان ، صبيلج جاي واكلي امي

ترف ...ما اشتهي والله

نجوى ...لكمتين فتحي ريكج مايصير تضلين على لحم بطنچ

هزت رأسها بدون جواب وگامت ، عم السكوت ارجاء المكان

عمة نجوى گامت للمطبخ ضلينة انه وبارق سوية وحدنة فركت أيديني بتوتر

جر نفس عميق رفعت رأسي باوعتله يباوعلي شح نظرة عني رأسن وگال بصوت هادء بنبرة مستفزة

... مستعدلة .

باوعتله بنص عين ... شتقصد؟

...والله اتذكر من شفتج اول مرة زرگة وحال الضيم يا حالچ جنچ سعلوة

...عود هم حاسب روحك زلمة؟ الزلمة ما يحجي هيج حجي

...لا مو زلمة ... حجاها وابتسم بمكر حط رجل على رجل مترهي

...همزين تدري بروحك

...لا صدگ صايرة تشبهين حلقومة كلش بس الفرق لون العيون والبشرة

...امر طبيعي نتشابه غير بنات عم

ابتسم تك خد وگال مستهزئ ...خوش بنات عم يجيبن الهم والغم والمرض

...وين تريد توصل؟ هاا؟ فهمني؟ شنو غايتك من هذا الحجي

...مرضتن اخوي همام

...انه شكو؟

...رب الأكو .. حجاها بغضب

...لا حول ولا قوة الا بالله ، لك اني حتى ما اعرف اخوك

اول يوم شفته بهذا البيت

...صح

...بعد شكو؟ ليش تگلي رب الاكو شمسوية قابل حبيبته مادري خطيبته ورود وماتت اني شعليه

... شكلج الشبه الي بيناتجن فضيع ، هاي نقطة .

...الثانية؟

... بحال خطبج همام راح ترفضين وراح ترجع حالته القديمة والمرض راح يتفاقم بسببج

...همام يحب حلقومة انه شكو واذا ع شبه ف مو ذاك الشبه نسيت لون البشرة والعيون مختلف

...بيناتچن شي اكبر من الشبه درة اكبر بهواي

...شنو؟

...الدم

...ياخذ وحدة ثانية بنات عمومتنا خير من الله وكلنه نفس الدم

ياخذ جمانة بت عمي صادق

لو ياسمين بت عمي خالد ، وبعد خير من الله واغلبهن شگر بعيون ملونة يعني يشبهن حلقومة

اكثر مني والدم نفسه

ضحك تك خد حك طرف خشمه ودار وجهة بدون جواب ..

...بارق احجي شنو بگلبك

...ماريد اقتل عليچ المتعة بت عمي

...مالي خلگ بارق

...التقيتي بعمة اطياف؟

...مرت عمي اسد الله! طبعا التقيت بيها اكثر من مرة

...شتصير منج عمة اطياف؟

...عمتي مرت عمي! شنو هذا السؤال التافه

... واذا گتلچ هاي خالتچ اخت امچ المرحومة؟ وناگلتهن نفس البطن .

__________________

شلت رأسي من المخدة احاول استوعب انه منو و وين وشنو جاي اسوي

غمضت عيني وفتحتها اكثر من مرة وضحت الصورة

هاي غرفتي وانه جمانة

رجعت امي صاحت بغضب ...لچ جمااااااااانة وطحل طحلچ گعدي الشمس معلگة صار ظهر

جمانة ... جـ جااااية جـ جاية

كمت من فراشي بملل للخمسة مانايمة باوعت للساعة بالـ10 ماشابعة نوم بعدني

گمت اطوطح الا شوية اطيح غسلت وجهي بماي بارد نزيت من برودته

طلعت من الغرفة اركض ، دعمت بفالح صاح ...وثول شمالچ تركضين

جمانة ...امك تت تتصيح م م ماسمعتها، راسي ر را راح يطگ خترعت م من صوت الصياح

فالح ...سلامتج من الخنگة جمونة ، لف ايده حول كتفي وماشاني للمطبخ

ام فالح ...خستي من النوم شسالفتج ، سهرانة على الافلام الا اكسر التلفزيون

فالح ...شتردين منها يمة خليها تسهر وتتونس وتتدلل

...بعد انتم مشجعينها عليَ ، شحجي وشگول اسكت احسن

تريگو يلا ، تعلمتو على نوم الظهاري والله لو تعرفون اضراره ما سهرتو ولا نمتو للظهر

فالح ...بس الجمعة حجية

جمانة ... فـ فلوحي اگلك شي ،، باوعت على امي طلعت من المطبخ وحچيت

...أمس مـ من ر رجعت من يم بـ بيت عمي فاضل بـ بالليل شـ شفت عمي ارفد يـ يطلع من بيت عمة و وعـ وعد

فالح ...منو رجعچ؟

جمانة ...غـَ غَيث رجعني ، هو ما ما ماأنتبه بس انه و وچان عمي أ أرفد يتلفت خـ خايف

خل نمرلهم نـ نتطمن عـ عليهم

فالح ...عمي أرفد شيسويلهم؟ غير هوا عم البنات شني هذا تفكيرچ جمانة؟ لا تفكرين هيچ بعد

جمانة ...أ أمي مسولفتلي أشياء انته مـ ما تعرفها

عـ عمي أرفد عـ عاشگ عمة وعد

فالح ...ندري بهذا الشي من چنة زغار جمانة ومات عمي احنة نتذكر هاي المشاكل الصارت

بسبب عشگ عمي ارفد لعمتي وعد ومنها المرة خذت بناتها وشردت

جمانة ...لـ لا ام بـ بارق گايله لأمي ع على أساس عـ عمة وعد عـ عدها سر يخص عمي أرفد محد يعرفه غيرهم

فالح ...منو قصدج ام بارق وعمتي وعد

جمانة ... لـ لا لا وعد وأرفد بس .

عض شفته السفلية بتفكير ودار وجهة يباوع من الباب بأتجاه الحديقة

يفكر ، رفع طرف حاجبه ورجع باوعلي

فالح ... خابري عليهن ، خابري رهف لو درية سلمي عليها وگليلها اريد امرلكم خاف عدكم شي

هزيت رأسي وركضت سحبت مبايلي واجيته لگيت امي يمه ترددت

بس لفتني كلامه وياها ...خاف عمي ارفد متعارك وياهم مسويلهم شي

ام فالح ...وشيسوي عمك ارفد؟ هوَ عاشگ المرة صارله سنين طويلة بعد شگلك يمة عاشگها من الـ 1989 وأنت قيس

فالح ...جانت على ذمة عمي جعفر!!

حجاها متعجب

...لا يمة لا عمك ارفد زين ماتطلع منه هيج سالفة من عشگها ما جانت على ذمة عمك بعدها ما ماخذته

وعمك جعفر عشگها من طلگ ام هاني

والله كتبها وصارت نصيب عمك جعفر

فالح ....سولفيلنه السالفة يمة من الطأطأ للسلام عليكم خلينه نفتهم

...دفاتر قديمة ليش نفتحها؟

....الدفاتر انفتحت بعد

حط ايدة جوة حنكه وگللها ...سولفي خية

ضربته بخفه على كتفه ...لا تستنثي فليح على گولة رهف لميس ههههه

اسمع ، بس ماريد الحجي يطلع وترجع السالفة تنحجي خاف تصير طلايب

بسنة 1989 ، عمك جعفر مطلگ وعمك ارفد معرس ومخلف بارق وهمام وجلال ، خوش؟

اجو هنا صحبان عمومتك من بيبيتك سعدية ، الله يذكرها بالخير ما ادري بأخبارها زينة موزينة ولا نسأل عليها شكد زحمة

فالح ...يمة گطعتي مصارين گلبي لخاطر الله انطيني القصة وعوفي بيبي سعدية

...اي اسمع اجو هنا زيارة تونسو يم الولد و تعرفو على الجماعة ، وصارو اصحاب ويا باقي عمومتك

گام جدك الله يرحمة ويغمد روحه الجنة وبيبيتك سعدية عزموهم غدة همة والعايلة كلها

فالح ...همة هذول منو؟

....قصي وعدي ، اخوان وعد الكبار

صارت العزيمة جابو العايلة واجو ابوهم نوفل جان عدل الله يرحمه

وجابو نسوانهم جانو معرسين قصي عدي ثنينهم يمكن ما اتذكر زين

وعدهم اخت ما معرسة اجت وياهم

يا هي هاي الاخت عمتك وعد ، يا يمة اجت وعد غير فلكة من الكمر

البنية تكول للكمر كوم انه اكعد بمجانك احنة جنة كلنا ابيتين عايشين

ومن تصير عزيمة نلتم فـ كل احنة الجناين والبنات شفناها وتعجبنة

تشبه اسمهان ، حتى بالشامة

مفرعة الشعر للركبة ، غجري يخبل

واللبس شلون كله من هذا الحلو المديلات ، بعد جاية من الولاية وابوها جان يتنقل بين البصرة وبغداد ويسافر ويجييبلها حسب سوالفها

جانت كلش مرتبة ولبسها كشخة يعجب

رادت تطلع للبستان ، والله العصرية ترسنة كيتلي جاي ونجوى سوت كيكية بالتنور شوتها لحد هسة اتذكر طعمها جانت طيبة

فالح ...شني مكوناتها؟

...لا تستهزأ فليح ترة والله ما اسولف

...لا لا سولفي بس انطيني الزبدة وعوفي هاي التفاصيل

...اي اكملك اسمع ، طلعنة للبستان وسوينه كعدة سوالف وضحك وكل وحدة شامرة فروخها على ريلها

حتى انه شامرتك يم ابوك ههههههههه وجمانة جانت ابطني فدوة يمة جمونة

حجتها وكرصت خدي

عمك ارفد اجة فاير جايب بارق مسوي وكاحة مادري شني ويحجي على مرته

هية البنية باوعت عليهم وگالت

...هذا ليش هيچ يتصرف؟

هو انتبه عليها واستحى وراح ،، ومن هاي اللحظة عمك ارفد عشگ وعد

ومن جاي يطلعون بالباب واگفة البنية تلبس حذائها شافها عمك جعفر جان طاب للبيت هههه شايل صناديك مال عنب ومادري شني بعد عود الهم

وصادفها بالباب ، حط عينه بعينها

ومن هاي اللحظة واحد عشگ الثاني

وحظ جعفر جان مطلگ يكدر ياخذها زعم ماكو حرمة بحياته

بس الله جاب عمك ارفد ما ضمها حجة وكال لجدك انه عاشگها ومناك جعفر هم كال انه اريدها

وتكاتلو الاخوان علمود وعد

عمك جعفر مو وحيد جان يروح هناك للبصرة يوكف يم بابهم يشوفها من تطلع للمدرسة ويلحگها للمدرسة

جانت تشرد من المدرسة تكللهم بطني توجعني

وتطلع تفتر ويا جعفر على الكورنيش

زاد العشگ بينهم والطلايب زادت

جدك كال لا لأرفد ولا لجعفر البنية ماتصير جنة النه

ما اخذها لواحد والثاني عاشگها ما ترهم

وحجية صحيح شلون ترهم؟! البنية تكشخ وتتعدل لرجلها وحماها حاط عينه عليها

أرفد سد حلگه وسكت ، وأمتثل لقرار ابو گال انه ما اخذ وعد واخوي عاشگها

بس جعفر ما سكت وصارت طلايب وجيب و ودي

اخر شي عاف البيت وهام ، وراح لأخوتها وابوها

گللهم اريدهة

گايليله بتنة عزيزة ماننطيها هيج جيب اهلك وعمومتك وتتدلل

رجع لأبوي ابوي طرده كله من يرد عقلك لرأسك وتنسة هاي البت بذيج الساعة تعال ردلي

شسوة جعفر حجة ويا فاضل وأثر علي واخذ ثنين من اجدادك أعمام ابوك وراح خطبها

انطوها اله حطلها بيت متكتر واعتمد على روحه

جدك ما طخ رأس ولا جعفر طخ ثنينهم عناد

كل واحد ضل ميبس رأسه وما يحجي ويا الثاني

اخبار جعفر انكطعت لهناك وسمعنة مرجع نهلة ام هاني ودرة لانها تمرضت واهلها موش كفو

عاشن سوية بنفس البيت يكولون جانن متراهمات بس ما طولت نهلة جابت درة وانطتكم عمرها

هاني ضل يم بيبيته متعلقة بي وتكول هذا من ريحة المرحومة ودرة يم وعد

راحت ايام اجت ايام ، عايشين براحة وسعادة عائلة صغيرة بينهم لرحمن

عمك جعفر يشتغل صياد

ورزقه الحمدلله مغطيهم واهلها ماعايفينها وعد اهلها نفسياتهم حلوة وما يبخلون على خواتهم ولا ابوها عايفها الحمدلله

جم سنة وغرگ جعفر ، بال1999 واجتنة المرة مكسورة محنية الظهر شايله برحمها بنية وبحضنها ثنين

وحدة ثمانية والثانية سبع سنين

استلمنها مرت أرفد ومرت خالد بعد ماكو داعي اگلك ليش مرت خالد شدت على وعد

فالح ...لأن خوات

...اي لان خوات وعمك خالد ما قصر جان يباوع لحلگ مرته تگله خالد كوم يگوم تكله خالد اكعد يكعد

دخل وياهن على الخط

وصلت بيهن خلنه يحط سلاح برأسها نوبة وشوغها وهي نفسه جانت توها جايبة ترف

ونوبة ثانية ام بارق حطت برگبتها سجين

وگلتلها شوفي يَ وعد ان ماخذيتي بناتچ ورحتي وليتي لأهلچ نذبحج ونذبح البنات والج الخيار

عاد المرة خطية شتسوي خذت البنيات وراحت

فالح ...انتم وين? عمي فاضل عمي ارفد ابوي بقية عمامي وين من هذا كله

...موجودين يمة بس احنة ماجنة ندري خالد وام بارق هيج مسوين من شردت حجت لاهلها وتعاركو ويا عمامك ومنها وتخالفو وبعد ماكو لا واحد دخل على الثاني ولا شي حك السلام اذا تلاگو

...سؤال محيرني من زمان وما سألته ماردت افتح عيونهم على شي

شلون عمامي قبلو درية تضل يم ناس غرب

...غصبا ماعليهم البنية ربت بحضن وعد هي صارت امها

وكل هاي السنين عمامك ما وصلو الهم ولا دكو بابهم مالهم حق ياخذونها من وعد

هاي شغلة شغلة ثانية اهل وعد كالو عدنة بيت بالطابق الثاني هذا صار الهة لوعد وللبنيات

وتسد بابها وتكعد ، يعني وعد يم اهلها جانت عازلة

...زين ليش جابو البنات من كبرن

... سوالف خالد لاعب برأس هاني حتى يخدم مصالحه ، عمك خالد وارفد شغلهم سوية هم اخوان وماخذين خوات

ورهف ودرة وترف الهن حصة من الورث العافة جدك

خالد فكر اذا واحد من ولد هناء (ام بارق) اخذ وحدة من بنات جعفر راح يكثر الخير ويلوحه على اساس هوا عايز خير شو صلاوات مسروته اله بس عينه ضيجة

وابشرك ترة ياسمين بت خالد ماتاخذ غير واحد من ولد ارفد

خالد ما ينطيها منا منا يريد يخلي الخير خص نص الهم وما يطلع منا منا وان كانو خوانه

...و و هااني قـ قبل بحجي خالد لـ لان يكره حـ حر م مايدري هوا جان راح يضر أ اخته

فالح ...شو حر الله يرحمه خوش زلمة غير نفهم ليش هاي العالم كلها تكرها

ام فالح ...طبيعي ينكره ، هاني يكرها لان جان يعز نهى بت خاله الخذت حر .. عايش وياها سنين طفولته كلها وجان يعتبرها اخته

والبقية يكرهونة بسبب سمعته

فالح ...هو شمسوي؟ سمعته شبيها

ام فالح ...يگولون كاتل مرته نهى وحارك جهالة ، استغفرالله الله يعلم ........