تحميل رواية «قط وفار» PDF

احد اقسام القاهرة الساعة الثانية عشر منتصف الليل..

اتفتح باب المكتب على بطلنا وشاف واحدة داخلة تجري ومخض..وضة

ميار بسرعة: يا حضرت الظابط يا حضرت الظابط الحقني

احمد بص..دمة: ايه ده ايه ده انتِ مين وبتجري كده ليه؟

ميار برجاء: انا جاية أقدّم بلاغ سر..قة ضروري ارجوك تساعدني

احمد برسمية: اهدي بس يا آنسة ولا يا مدام واتفضلي اقعدي

قعدت ميار وهي بتنهج

احمد: اتفضلي قوليلي بالظبط مين اللي سر..قِك وحصلت امتى السر..قة دي؟

ميار بضحكة هب..لة: السر..قة حصلت من سنتين

احمد بصد..مة: نعم؟!!!! سنتين وجاية تبلّغي دلوقتي

سر..قة ايه دي اللي هتستناكي سنتين زمان اللي سر..قِك باع اللي سر..قه أصلاً انتِ هب..لة

ميار بضحك: لا ما هو اللي اتس..رق منّي اللي سر..قه ميقدرش يبيعه مهما عدّى سنين وانا لما فقدت الأمل من الحر..امي قولت اجي ابلّغ يمكن اخد باله انه سر..قني

احمد بعص..بية طفيفة: ايه اله..بل اللي على آخر الليل ده، دي كانت نبطشية زف..ت، انتِ هب..لة يا آنسة انتِ سر..قة ايه دي اللي الحر..امي ميعرفش يتصرّف فيها وحر..امي ايه اللي ياخد باله انه سر..قِك، انتِ اتس..رق منك ايه بالظبط ومين الحرا..مي انتِ تعرفيه؟؟

ميار بتسبيل: طبعاً اعرفه مش سر..ق قلبي

احمد بعصب..ية: نععععععم احنا هنس..تهبل انتِ ضَر..بة ايه ياختي وجاية تفوقي عليّا، قلب ايه يا بت اللي بتتكلمي عنه هي نقصاكم، وعاوزاني بقى يا قطة اروح امسكلِك البيه المس..هوِك اللي سر..ق قلبك يا صغنن، يا ترى اسمه ايه الكراش بتاع جنابِك عشان اروح اقوله كُخ كده وسيب قلب القطة في حاله

ميار بد..لع: اسمي ميار محمد الفيومي يا صاصا

احمد بصد..مة وقر..ف: صاصا!!! صاصا مين ده يا قطة أنا اسمي..

ميار بمقاطعة: احمد محمود الألفي رائد شرطة

احمد بسخ..رية: الله ده القطة عرفاني اهو، طب مش عيب تدوّري ورا واحد غير الكراش الأمور وتجيله شغله في انصاص الليالي ايه معندكيش اهل يسألوا عليكي يا قطة؟؟

عيون ميار دمّ..عت بس دارِتها بسرعة وكمّلت بضحك: يعني دي جزاتي اني جيّالك تساعدني يا صاصا وتخلّي اللي سر..ق قلبي يرجّعه؟

احمد بعص..بية: صاصا وز..فت يا ستي انا اسمي احمد احمدددد ارحمي امي وقولي عاوزة ايه في ليلتك دي بدل ما ادخّلك الح..جز تتربيلك يومين حلوين عشان تطلعي تقولي حقي برقبتي

ميار بضحك ود..لع: اهون عليك يا معذّ..بني وسارِ..ق قلبي

احمد: نعم ياختي!!!!!! ااااه ده انتِ كده اكيد بايتة معاكي من امبارح انا بقى هوريكي، يا عسكرييييي

دخل العسكري وادّى التحية: تمام يافندم

احمد: خد القطة على الح..جز تقضّيلها يومين حلوين يمكن تفوق من الدماغ اللي هي عملاها دي

ميار بر..عبقامت منفو..ضة: لالالالالالالا ياباشا حج..ز ايه انا بُق اساساً هو انا بتاعت ح..جز والكلام ده انا مش عاوزة اعمل محا..ضِر ولا حاجة بُص اعتبِر نفسك مشوفتنيش من اساسُه انا هوا اصلاً كإني مش هنا اوعى يا عمو ايدك دي سلاااام

وطلعت تجري برة المكتب

..

تعريف صغير لأبطالنا

الرائد أحمد محمود الألفي شاب طويل القامة وعريض الكتفين شعر أسود ناعم عيون حادة بنية بشرة قمحية

ميار محمد الفيومي فتاة جميلة بشرة بيضاء عيون واسعة خضراء شفاه كرزية جميلة شعر بني فاتح متوسط الطول ناعم لكنها ترتدي خمار وفساتين واسعة جميلة

تاني يوم الصبح نازل أحمد من عربيته قدام القسم لقى اللي بتنط قدام العربية

ميار: بخ

احمد بعص..بية نزل وقفل الباب جامد: في ايه يابت انتِ هو انتِ موراكيش غيري؟

ميار بضحك: خضيتَك صح صح

مسح أحمد على وشه بتعب وكمل بعص..بية: يا بنتي ارحميني بقى انا طهِقت منّك ومن هب..لِك ده انتِ عاوزة منّي ايه بالظبط يا بت انتِ

ميار بغمزة: عاوزة قلبي اللي سر..قته منّي يا صاصا

احمد: اللهم طوّلك يا رووووح يا بنتي انتِ طلعتيلي منين ارحميني عاوزة مني ايهههه وانا اعرفِك منين أصلاً؟

ميار بحز..ن: صحيح وانتَ امتى عرفتني ولا شوفتني؟

كملت بضحك قبل ما دم..وعها تخو..نها: بس ملحوقة انا مواريش غيرك خلاص يا صاصتي وعلى قلبك

احمد بنفاذ صبر: بت انتِ انا مش ناقص صداع ع الصبح ابعدي عني احسنلك انا ممكن اح..بسك ومحدش يعرفلك مكان مع اني اشك ان ليكي اهل يسألوا عليكي وانتِ سايبة كده رايحة جاية محدش بيقولك فينِك

ميار بد..موع: لو سمحت يا أستاذ أحمد أنا بنت ناس مش من الشارع أنا خريجة ألسن انجليش السنة اللي فاتت

احمد بسخرية: إيه ده أخيراااا اقتنعتي ان اسمي أحمد، طيب يا أم ألسن إبعدي بقى عني احسنلك لاني مش هستحملك كتير انا خُلقي ضيق ومبط..يقش صنفكم أساساً

ميار بغمزة: صوابعك مش زي بعضها يا صاصا

احمد بعص..بية: يا دي صاصا وسنين صاصا يا بنتي انتي عاوزة تج..ننيني اسمي احمددددددد

ميار بمشاكسة: بس صاصا لايق عليك اكتر أصل أحمد سمعته مش حلوة في السوق اليومين دول ف صاصا أحلى يعني اقولك صاصا صاصا خودلك مصاصة هيخوهيخوهيخو

احمد بعص..بية نده على العسكري اللي على بابا القسم: يا عسكرررررري

ميار بر..عب: خلاص خلاص يا باشا انتَ مالك قفوش كده ليه احنا آسفين يا صلاح

أحمد: صلاح ده بقى هو الأخ صاصا اللي بتندهيني بإسمه؟

ميار بضحك: ده انتَ في الضياع خااالص طلعت نرم وملكش في قفشات الأفلام لأ صحصح معايا كده أصلي بحب الحواديت دي أوي عشان تبقى معايا ع الخط تمام ياااا صاصا

قرّب أحمد عليها: انتِ يا بنتي محدش علّمك ان اللي انتِ بتعمليه ده حرام وعيب انك توقفي واحد في الشارع وتنزلي في انصاص الليالي على الاقسام ولا كإنك بنت ومفروض عندك حياء

ميار بد..موع من كلامه اللي جر..حها: آسفة جدااا لحضرتَك ومش هتشوف وشي تاني متقلقش ولفّت واتحركت تمشي

احمد حس إنه زودها معاها أوي فقرر يعتذرلها ونده عليها: يا آنسة ميار ولا يا مدام استني من فضلك

لفّت ميار وغمزت ولا كإنها كانت بتعيط: مقدرتش على بُعدي صح؟؟؟

احمد: وانا اللي كنت عاوز اعتذرلك وحسيت ان عندك د..م واني زودتها معاكي

ميار بضحك: ااااه هتعتذرلي وتعزمني على الغدا وتعترفلي بحُبك يااااه أخيراااا

احمد بنفاذ صبر: لأ ده انتِ فعلاً رايحة منك والح..جز هو اللي هيفوقك لنفسك يا عسكرررري

طلعت ميار تجرييي وهي بتقول: ماشي يا صاصا ماشي اجري يا مجدييييي

غصب عنه احمد ابتسم على جن..ونها وهو بيفكر يا ترى البنت دي مين وعاوزة منه إيه

عدى كذا يوم وأحمد مبيشوفش ميار، جه يوم أجازته وصحي صلّى ولبِس هدومه وكان نازل ك عادته للكافيه اللي بيقعد فيه ع النيل كل أجازة وقفته مامته

حنان: أحمد عاوزة أتكلم معاك

أحمد: نعم يا أمي عاوزاني في ايه يا حبيبتي؟

حنان بتنهيدة: لحد امتى يا أحمد تلات سنين وانتَ ع الحال ده هتريّح قلبي عليك امتى بس؟

احمد بتعب: امي لو سمحتِ لو هتتكلمي في نفس الموضوع فياريت بلاش

حنان بتعب: لأ هتكلم يا أحمد يابني حر..ام عليك انا مش عايشالك العمر كله..

احمد بمقاطعة: ربنا يديمك ليا ويديكِ الصحة يا امي ليه بس الكلام ده

حنان بعص..بية: كله منها اللي ما تتسمى من ساعت اللي عملته وانتَ...

احمد بمقاطعة وعص..بية: امييييي لو سمحتِ مش عاوز اسمع سيرتها انا بك..رهها وبك..ره صنفهم كله وريّحي نفسك انا مش هتجوز تاني لو سمحتِ بقى كفاية انا تعبت

وقام ناحية الباب يخرج

حنان: ماشي يا احمد أما نشوف آخرتها معاك

خرج ركب عربيته وراح على الكافيه وقعد وشرد في كل اللي حصله من تلات سنين مع حلا( عق..ربة الرواية هتعرفوا حكايتها بعدين) وفجأة لقى اللي بيفعد قدامه

ميار: بخ

احمد بنفاذ صبر: يا ختاااااي كملت كده الأجازة باظت خالص

ميار بغ..مزة: وحشتك اكيد صح؟؟

احمد بس..ماجة: لااااا محصلش

ميار بلوية بوز: ليه بس كده يا صاصا؟

احمد بعص..بية: بت انتِ انا عل آخري ومش ناقص ظرافتك انا مصدّقت اني بقالي يومين مرتاح منك تقومي ترجعي تنطيلي هنا كمان وبعدين انتِ عرفتِ منين مكاني هنا هه؟ انتِ بتراقبيني ولا ايه يا بت انتِ؟

ميار بح..زن مصطنع: منه لله قلبي اللي انتَ سر..قته يا حر..امي، هو اللي مجرجرني وراك في كل حتة

وكملت بغم.زة: انا اعرف كل شيء عنك يا صاصا يا قمر انتَ بس اعمل ايه بقى البعيد اعم..ى ومبي..فهمش

احمد مسح على وشه بعص..بية: قومي من قدامي احسنلك بجد متخليهاش تطلع عليكي

ميار: يا بخ..يييييل مش حوى تعزمني على عصير ولا نص فرخة ولا أي حاجة ايه ده مش أخلاق چركن مان خااالص يا صاصا

احمد: ميااااار

ميار بهيام: الله يا جدعان هو اسمي حلو اوي كده

خبط احمد على الترابيزة وقام من المكان

جريت ميار وراه وهي بتنده عليه بصوت عالي: احماااااا استنى يا احماااااا

وجريت مسكت باب العربية ووقفت قدامه قبل ما يفتحه

احمد بعص..بية: يا بنتي ارحمي امي بقى انتِ ايه مبتحسيش قولتلك انا معرفكيش ومش بحبك ولا هحبك انا بك..ره صنفكم كله افهمي بقااااااا

ميار بعص.بية: مش كلنا ست حلا بتاعتك يا سي احمد فوق بقى...

احمد بمقاطعة مسك دراعها جامد: انتِ تعرفي حلا منين هه انتِ مين يا بت انتِ وعاوزة مني ايه انطقي

ميار بأ.لم: سيب ايدي يا احمد لو سمحت وشدت دراعها منه

وكملت بح..زن: قولتلك اني اعرف عنك كل شيء وده مش بإيدي ولا بإيدي اني اسكت على اهانتك ليا ولكرامتي بس اعمل ايه كله من قلبي، اتحولت في ثانية

وكملت بغ.مزة: اللي انتَ سرقته يا ح..رااامي هنتجوز امتى بقى يا صاصا؟

احمد بصدمة من تحولاتها من حز..ن لسعادة لع..ياط لمعاك..سة في وقت واحد دماغه تعبت من شخصيتها الغريبة

كمل بنفاذ صبر: يا بنتي افهمي انا بك..رررررره صنفكم كلهههههه ومبحبكيش ومش هتجوزك ولا هتجوز غيرك افهمي بقااااااا وابعدي عني انا ممكن فعلاً اءذيكي

قربت منه وعيونها مليانة دم..وع: ما انتَ دايماً آذيني وايه الجديد

انتبه احمد لكلامها دايماً ايه وهي تعرفني منين وعارفة كل ده عني ازاي وقبل ما يفوق من سرحانه

لقاها بتتكلم في ودنه وهي واقفة على أطراف صوابعها عشان تطولها( اصلها اوزعة شويتين بالنسبة له)

ميار: جهز نفسك فرحنا بعد يومين يا صاصا

فتح احمد بوقه من تحول نبرتها وكلامها الغريب وبصلها بصدمة

شاورتله بصوابعها وهي بتغ..مزله ولفت وشها وسابته ومشيت

احمد: مجن..ونة هي مجن..ونة

عدى يومين واحمد مش حاطط في باله كلامها الاه..بل أصلاً ولا عدم ظهورها قدامه اليومين دول

خلص احمد شغله زي العادة وروح المغرب اتغدى ونام

الساعة ١١ مساءاً فتح احمد عيونه بالراحة لما حس انه عاوز يتقلّب ومش عارف لقى نفسه متكتف بالبيچامة على كرسي في صالون بيتهم وحواليه رجالة لابسين اسود ومغطيين وشهم بكمامات بيحاول يركز ايه اللي بيحصل وبيلف وشه لقى ميار بتبصله بضحكة من الودن للودن وقاعدة قدامه بفستان اوف وايت وخمار نفس اللون وجنبها المأذون

ميار: صحي النوم يا عريييييس

قعد احمد يفرك في عيونه يمكن يكون بيحلم

احمد: انتِ يا بنتي عفريت بتطلعيلي في كل حتة

مش ده صالون بيتنا برضه ممكن افهم بتعملي ايه هنا بالظبطططططط؟

ميار: النهاردة كتب كتابنا يا صاصا مش قولتلك الله انت نسّاي اوووي

احمد بعص..بية: افُك نفسي بس وانا هغيّرلك معالم وشك واخليكي تكرهي اليوم اللي عرفتيني فيه يا ستي انا مبحبكيشششششش افهمي بقى

قلبها وجعها من كلمته وعيونها دمّ..عت بس دارتها ولعبت حواجبها وبصت للمأذون: اتفضل يا شيخنا ابدأ كتب الكتاب

احمد: انتِ هب..لة يا بت انتِ انا مش هتجوز هو عافية ولا إيه؟؟

ردّت حنان مامته: خلاص بقى يا احمد يا ابني اسمع الكلام

فتح احمد بوقه على آخره لما شاف مامته: ماما!!! انتِ كمان معاها!!!!

حنان: معلش بقى يا ابني ما انا عاوزة افرح بيك وافق بقى

احمد بنفاذ صبر: فكّيني يا زف..تة انتِ فكّيني بقولككككك

لعبت حواجبها: لااااااأ ابدأ يا شيخنا

احمد: يا بنتي الجواز مفيهوش اجبار كده الجواز ده هيبقى باطل فااااهمة

المأذون بمقاطعة: فعلاً اااا....

ميار بترفع حاجبها والراجل اللي معاها بيحط مسدس في دماغه: بتقول حاجة يا شيخنا

المأذون بخ..وف: أب داً يا بن تي ممم مفيش وبدأ بالفعل الاجراءات

المأذون: ميار محمد الفيومي هل تقبلي زواجك من احمد محمود الالفي على كتاب الله و سنة رسوله؟

بصّتله ميار في عيونه بصّة أول مرة يشوفها منها: موافقة

وراحت وقفت جنب كرسي أحمد المأذون: وانتَ يا أحمد محمود الفيومي هل تقبل زواجك من ميار محمد الفيومي على كتاب الله و سنة رسوله؟

احمد بص..راخ: ااااه

ميار بضحك بعد ما قرص..ته في دراعه: شوفت يا شيخنا موافق أهو

بصلها أحمد بغ..ل: انتِ سعدك زمانك اني مربوط بجد

اتفّك بس وأنا هفرّجك

المأذون: موافق يا ابني؟؟؟

بصلها أحمد لقى في عيونها رج..اء غريب وقلق زي ما يكون مستنية أهم قرار في حياتها

فكّر أحمد في شيء وابتسم إبتسامة جانبية وقال: موافق يا شيخنا

ميار عيونها دمّ..عت من فرحتها إنها أخيراً بقت معاه

وأمه فرحت جداااا إنها أخيراً إبنها هيكمّل حياته ويخرج من اللي كان فيه التلات سنين اللي فاتوا

المأذون: بارك الله لكما وبارك عليكما وجمع بينكما في خير

خرج المأذون وميار اتكلمت: يلا انتوا كمان يا رجالة نجاملكوا في الأفراح هتلاقوا فلوسكم في المكتب عند الريچيسير( الشخص اللي بيجيب الكومبارسات للسنيما)

قام أحمد وقف بعد ما واحد فيهم فكّه قبل ما يخرجوا وقرّب وهي بتتكلم ومسكها من قفاها

احمد: ريچيسير هه

ميار بضحك: طبعاً يا ابني كلهم كومبارس سنيما هو انتَ فاكرني زع..يمة عص..ابة ولا إيه لااااا ده أنا آنسة محترمة ومتعلّمة هو انتَ ماسكني زي الحر..امي ليه كده؟

احمد قعد وحط رجل على رجل: بقى كده يا أمي بتتفقي مع الب..رص الجعان دي عليّا؟

حنان بتعب: مكنش عندي حل تاني يا أحمد انتَ تعبتني معاك سنين نفسي تفوق بقى لنفسك وتكمّل حياتك مع واحدة تصونك وميار...

احمد بمقاطعة وزع..يق: مش عااااوز مش عاااوز حد انا بكر..ههم كلهم مبطيقهومش ميعرفوش غير الخد..اع والك..دب ميعرفوش حب ولا عِشرة ولا وفاء مش عاوز حد مش عاااوز

ميار بدم..وع: أمّال ليه وافقت تتجوزني ها رد عليّا؟

أحمد مسك دراعها جامد: عشان أردّلك كل اللي عملتيه فيّا الأيام اللي فاتت والقلبان اللي قلبتيه لحياتي وقال ايه عملالي شجيع السيما وهتخلّيني أحبك بهب..لك ده لأ فوقي انا مبحبكيش ولا عمري هحبك فاهمة

غمضت عيونا بأ..لم: يبقى طلقني يا أحمد

ضحك أحمد بسخرية: لما تقفي على دماغك

زع..قت حنان: اوعى تفكر اني عشان ساكتة يبقى هسيبك تئذيها ميار دي بنتي ومسمحش لأي مخلوق حتى انتَ ييجي عليها يا أحمد فاااهم

احمد: بقى كده يا أمي ماااااشي مش انتِ عاملالي فيها شجيع السيما وكتّفتيني عشان تتجوزيني انا بقى هطلّع كله عليكي اللي عملتيه ومفيش طلاق انا بقى هعرّفك نتيجة لعبك معايا

ميار جريت على أوضة الأطفال اللي فيها هدومها وهي بتزعّق وتقول: بااااارد ورزعت الباب

حنان بصت لابنها وقالت ربنا يهديك يا ابني ومتضيّعش هدية ربنا ليك بغبا..ئك

عند أحمد في الصالون رايح جاي وهو بيفتكر كل اللي حصله مع حلا من تلات سنين

فلاش باك..

حلا بدل..ع: بحبك اوووي يا حمادة ربنا يديمك ليا يا حبيبي

احمد: وانا بحبك اوووي يا قلب وروح احمد

احمد مسك الڤازة وكسرها على الأرض: كددددب كله كدددب كلكم كدا..بين انا مبحبش حد انا بكر..هكم كلكممممم وقعد على الكرسي وحط راسه ما بين ايديه

عند ميار كانت واقفة ورا باب الأوضة وسمعت كل حاجة

قعدت على طرف السرير واتفتحت في العي..اط: كله عشانك يا أحمد كله عشانك مستحملة كل شيء عشانك بس تعبت والله تعبت وقلبي تعب معاك ومع حبك وقامت غيّرت ولبست بيچامة نص كم بينك وفردت شعرها الجميل ونامت من التعب والتفكير

عند أحمد قام دخل أوضة النوم ونام وهو بيرتّب لشيء في دماغه

تاني يوم الصبح صحيت ميار على جردل مياة ساقعة بينزل عليها

ميار بشهقة: الحقوناااااا بغرق يا نااااس

بصت جنبها لما استوعبت لقت احمد حاطط ايده على بقّه كاتم صحكته على منظرها

ميار بعصب..ية: تصدق بالله

احمد: لا إله إلا الله محمداً رسول الله

ميار بصر..اخ: انتَ انسان مست..فزززززز وبااااا.رد

حد يصحي حد كده من النوم بالله

احمد ببرود: اه انا، مش كنتِ هتم..وتي وتبقي م م مراتي

ميار بمقاطعة: ايه ده انتَ بتسنن ولا ايه مالك بتقطّع زي العربية الخربانة ليه وبعدين مين دي اللي هتم..وت تبقى مراتك انتَ صدقت نفسك ولا إيه فاكر نفسك توم كروز

احمد حاول يداري توت..ره وإنه مش قادر يعترف انها مراته أو إنه كرر تجربة الجواز تاني( اه اصله مطلّق ومعقّد هنعرف ليه بعدين): اخلصي يلا قومي اعمليلي فطار

ميار: ما ان شا الله عنك ما طفحت متعمل لنفسك انتَ مصحيني علشان كده، ليه كنت الجارية اللي جابتهالك الست الوالدة حنون حبيبتي

احمد بسخرية: اه مش هى الست الوالدة اللي اتفقت معاكي عليا اهو انا بقى هعرّفكم ازاي تلعبوا عليا قومي اخلصييييي عاوزة اطفح وانزل شغليييي

ميار بتوت..ر: عيني يا باشا ثانية والفطار يبقى جاهز

وجريت على الحمام

ضحك عليها وخرج

صلّت ولبست دريس وخمار بينك وخرجت عملتله ساندوتشات النوتيلا اللي هو بيعشقها على الفكار

لقته لبس بدلته ونازل على الباب

ميار: استنى يا صاصا رايح فين؟

احمد مسح على وشه: يادي صاصا وزف..تتتتتتت

ميار لعبت حواجبها: ما قولتلك احمد سمعته وحشة في السوق اليومين دول وصاصا اسم الكراش القديم بتاعي وبما انك...

احمد بمقاطعة: حسك عينك تجيبي اسم راجل على لسانك فاهمة

ميار بغم..زة: بتغيري عليا يا قطتي انا قولت هتقع هتقع انا أصلاً لا أقاوم

احمد بسخرية: لا والله ليه ياسمين صبري ولا چينيڤر آنيستون بلا ني..لة ايه مرايات بيتكم مكس..رة كلها الموضوع كله انك على اسمي حالياً وده حر..ام وميصحّش

ميار بثقة: انا احلى من اي واحدة فيهم طبعاً اومال، لعبت حواجبها: مسيرك تقعي يلدا قطتي، يلا بلاش غلبة الفطار جاهز عملتلك ساندوتشات النوتيلا اللي بتحبها عشان تاخد دواك في ميعاده بعد الفطار( احمد عنده مشاكل مع الضغط العالي وبياخد دوا ليه)

بصلها احمد بشك ومسكها من قفاها: بت انتِ انتِ تعرفي عني كل ده ازاي ميعاد نبطشيتي مكان بروحه يوم اجازتي بحب ايه بك..ره ايه وجبتي المفضلة مر..ضي ودوايا موضوع حلا، تعرفي كل ده منين!!! انتِ تعرفيني منين وانا عمري ما شوفتك قبل كده؛!!

ميار ببرطمة: ما انتَ اعمى العين و القلب اعملك ايه؟

كملت: مصادري الخاصة يا صاصتي

احمد بعص..بية: ميااااار

خافت عليه يتعب وهو مفطرش ولا خد الدوا ففكرت تقوبه وخلاص

ميار بتهتهة: ااا اصل صا. حبتي الانت. يم جار. تكم في العمارة اللي قص ادكم ومامتها كانت صاحبة مامتك وو كانت بتعرف كل ت فاصيلك ولما عرفت انك سا..رق قلبي قررت تساعدني وتقولي كل شىء عنك يمكن البعيد يحس

احمد بشك: اسمها ايه البنت دي؟

ميار: ااااا اس مها ن نهى خريجة ألسن زيي

احمد: تمام يا ميار ولف عشان ينزل

ميار: استنى والفطار؟

احمد: مش طافح متأخر خشي نامي

ميار بعص..بية: يعني قومتني من احلاها نومة وفي الآخر مش هتاكل يا شيخ منك لله

احمد: كيفي كده ومش هاكل

ميار: طب استناني دقيقة وجريت على المطبخ ورجعت وفي ايدها لانش بوكس بينك وشريط الدوا بتاعه

احمد: انتِ عبيطة يا بت انا الرائد احمد الألفي ادخل القسم بلانش بوكس وبينك!!!

مياربضحك: اعملك ايه يعني ما هو بتاعي هبقى اجيبلك واحد بيبي بلو زي الصبيان

احمد: صبيان!!!! ليه قالولك اني في كي چي تو أنا راجل يا ختيييي

ميار بد..لع: سيد الرجالة يا ناااس ياختي كميلة عسلة

خبط ايده في بعض وهو مش عارف يضحك ولا يعي..ط من مستشفى المجانين اللي هو فيها دي

ميار: هتقعد تغطر وتاخد دواك بما يرضي الله ولا تروح باللانش بوكس او احطلك الاكل في كيسة سمرا وخلاص؟

احمد: كيسة سمرا!!! وخريجة ألسن انجليش!!! Local( بيئة😂)

ميار بعملية: No my dear I'm not local and i can speak English fluently but i like my attitude in Arabic كيفي كده وحطت صوباعينها على دماغها😂😂

احمد بانبهار: ما انتِ بتتكلمي انجليش كويس اهو اومال ايه لغة السر..سجية اللي بتتكلمي بيها دي!!!

ميار بضحك: ما قولتلك كيفي كده انا بس حبيت أعرّفك اني بحب البساطة والضحك واتكلم على طبيعتي بس مش معنى كده اني مش متعلمة ةمحترمة واعرف حدود ديني والمجتمع كويس

استغرب احمد من التركيبة الغريبة اللي في شخصية ميار بس بقى عنده فضول بعرفها اكتر

قعد فطر وخد الدوا زي الباشا ونزل شغله بعد ما قالها انه هيرحع في ميعاده الساعة خمسة

دخلت حضرت الغدا وروّقت الشقة وقعدت تشغل نفسها بالتليفزيون او القراءة لحد ما يرجع

الساعة خمسة وعشرة

ميار بع..ياط: ماما حنان

حنان بخضة: مالك يا ميار فيكي ايه يا حبيبتي احمد عملك حاجة!!!

ميار بع..ياط: اطلعيلي بسرعة يا ماما احمد اتخطف

حنان بخضة: في ايه يا ميار مالك احمد عملك حاجة؟

ميار بدموع: الحقيني يا مامتدا اطلعيلي بسرعة احمد اتخطف

حنان بص..راخ: ابني!!! عرفتي منين يا بنتي؟

ميار بدم..وه: اصله اتأخر عن ميعاد رجوعه ١٠ دقايق ومبيردش على الفون

حنان: الله يسامحك يا ميار وقعّتي قلبي بقى عاملة المناحة دي كلها عشان اتأخر ١٠ دقايق قومي يا هبلة اعمليلك اي حاجة ولا البسيلك فستان حلو كده يشوفك بيه ده الله يكون في عونه

وقفلت في وشها وميار كملت عي..اط وهي بتألف في دماغها سيناريوهات خ.طف احمد

الساعة خمسة ونص

بيفتح احمد الباب لقى اللي بتجري تترمي في حض.نه وهي بتع.يط جامد

اتو.تر احمد جداً لانه اول مرة تبقى قريبة منه كده

بعدها بهدوء وهو مخض.وض

احمد: في ايه يا بنتي مالك؟

ميار بلهفة: احمد انت كويس عملولك ايه وخدوك اواي وسابوك ازاي كانوا عاوزين اعضائك ولا كانوا...

حط احمد ايده على بوقّها: ايييييييه راديو واتفتح مين دول وعاوزين ايه ايه اللي انتِ بتقوليه ده؟!!!

ميار: مممم

شال ايده: اللي خط.فوك اومال مين يعني!!

احمد: خط.فوني خط.فوا مين يا بت انتِ انا محدش يقدر يقرّبلي

ضيّقت عيونها: ممم قولتلي اااه

شكلها ايه هه بيضة ولا سمرا طويلة ولا قصيرة عيونها لونها ايه هه انطق بتخ.وني يا احمد مكنش العشم على آخر الزن تخ.وني دي آخرة الحب والعِشرة والعيش والملح....

احمد: بسسسسسس ايه هو اي فيلم والسلام

وبعدين أخ.ون مين أنا كنت طاي.قك أصلاً

عيونها دمّ.عت: آسفة يا استاذ احمد انا بس خو.فت عليك لما اتأخرت

لفّت عشان تدخل أوضتها حس انه زوّدها معاها اوي فنده عليها

احمد: ميار استني

مسحت دمو.عها ولفّت وهي بتغ.مز: مقدرتش على بُعدي صح؟؟؟

مقدرش يمنع ابتسامته على جنونها اللي بدأ يتعوّد عليه

خبط كف على كف: الله يكون في عونك بجد على المهلبية اللي في دماغك

ميار: مهلبية بس مسكّرة( بصوت مربوحة😂)

يلا يا استاذ الاكل برِد عملالك الشاورما اللي بتحبها

احمد: وبرضه الشاورما من اخبار نهى

ميار: نهى مين؟

احمد بشك: نهى صاحبتك اللي قالتلك المعلومات عني

ميار: لا.. لا.. مش ن..هى ده ده

اه ده حنون حبيبة قلبي هي اللي قالتلي ربنا يديمها ليا يارب

احمد: والله ما انا عارف انتِ ازاي اتعرفتي على امي وامتى واقنعتيها تعمل الروبّاطية دي

عليا معاكي

ميار بهمس حز.ين: اعرفها واعرفك من سنبن يا احمد وانتَ اللي مش عارف ولا حاسس

احمد: بتقولي حاجة؟؟!

ميار بضحك: لا أبداً يلا بقى يا صاصا اغسل ايدك الأكل هيبرد

عدى كام يوم

وزي كل يوم كلوا وعملت شاي بس قالها إنه عاوزها في البلكونة شوية

في البلكونة..

سرحت ميار في كل مرة كانت بتشوفه فيها وهو قاعد في البلكونة دي

قاطع سرحانها انه بينده عليها: ميار يا مياااار

غمز.تله: هو انا اسمي حلو اوي كده يا جدعان

احمد بابتسامة: يا بنتي اهدي بقى، بصّي يا ستي بما إننا خلاص واقعين في أرابيز بعض فترة لحد ما يجيلي مزاجي اطل.قك

حست بنغزة في قلبها لما قالها انه هيطلقها بس سكتت

كمل: فأنا رأيي نهدى على بعض شوية ونبطّل شغل مقالب هه

ضحكت ميار: ليه بس كده يا صاصا انا عملت ايه بس؟

احمد: زف.تةةةةة قولت بلاش ز.فت اسم الحي.وان ده

غم.زت: غيران هه هه

احمد بابتسامة: بطلي هب.ل بقى كمل بجدية: انا قولتلك الموضوع ده انا شايله من حياتي خالص ومش بفكر ولا هفكر فيه انا ان كنت قبلت جوازنا فكان عِند معاكي ومع أمي مش أكتر وكلها فترة وننفصل بهدوء انا عاوز اعيش لوحدي مش عاوز حد في حياتي

دارت ميار عيونها: يعني عاوز ايه يا أحمد؟

احمد بابتسامة: عاوز نتعامل ك صحاب على الأقل الفترة دي وبلاش شغل المقالب والبهدلة بتاعت كل يوم هه

ميار بضحك: ايه بس يا حمّودي كل ده عشان بهزر معاك شويتين؟

احمد: صاروخ تولّعيه في رجلي وأنا نايم، دوا اسهال في الغدا وغيره وغيره كل ده هزار هه

ميار بضحك: خلاص سماح بقى يا حمّودي

احمد: حلو الاسم ده ها وافقتي؟

ميار: موافقة

مد احمد ايده: يعني صحاب؟

حطّت ميار ايدها في ايده فحسّت برعشة في جسمها وهو حس بيها ومعلّقش: صحاب يا عم صا..

احمد: هااااا

ميار: خلاص بقى يا حمّودي قلبك أبيض

خلّصوا قعدتهم ونزل يبص على مامته لأنها دايماً بتقعد مع ميار تحت وهي بتساعدها في البيت أو وأمه قاعدة معاها فوق لكن أحمد دايماً في شغله فبيتطمّن على مامته من ميار و أوقات بعد شغله

فتحت مامته الورق اترمى في حض.نها

احمد بتعب: عاملة إيه يا أمي؟

حنان بتنهيدة: مالك يا أحمد؟ وبعدهالك يا ابني؟ هتفضل كده لحد امتى يا ابني؟

احمد: في ايه يا أمي؟

حنان بنفاذ صبر: في اني تعبت عشانك ومنك، انا مش عارفة لحد امتى هتفضل موقّف حياتك، من ساعت الهانم ما غا.رت وانتَ مش عاوز تعيش وتشوف حياتك، انا تعبت يا ابني نفسي اشوف عيالك ميار بتحبك يا أحمد متضيّعاش منك يا ابني لتندم

احمد بنفاذ صبر: كفاية بقى يا أمي انا مش عاوز ميار ولا غيرها

كفاية بقى كلام في الموضوع ده

انا جوازي من ميار عِند فيكم مش اكتر انا لا انا عارف عرفتيها امتى وعملت ايه عشان تخليكي تتفقي معاها عليا بس ده ميهمنيش أنا اللي اعرفه ان مفيش بنت لا تعرف حب ولا وفاء انا بك.ره صنفهم كله مش عاوز حد

حنان بعص.بية: كل ده من ز.فت حلا واللي عملِته يا ابني حر.ام عليك نفسك، ايه يعني حبيت واحدة واتجوزتها طلعت كد.ابة وطلقتها ما ف داه.ية متستاهلش تعمل كده في نفسك فوق بقى فووووق انا تعبت

احمد بعص.بية: اميييي كفاية لو سمحتِ انا بكر.ههم بك.رههم كلهم بعد اذنك

نزل احمد على الشارع وراح على الكافيه اللي بيقعد عليه على النيل وهو بيفتكر حصله ايه مع حلا

فلاش باك من أربع سنين..

فلاش باك من أربع سنين..

البنت: انتَ انسان مش محت.رم على فكرة يعني بتخ.بط عربيتي وكمان بتب.جّح

الراجل: خلاص خلصنا مكانتش خبطة أد كده وعربيتك مفيهاش حاجة انتِ اللي سواقتك زي الز.فت وبتدوسي فرامل فجأة ولا كإن في عربيات وراكي سواقة حر.يم صحيح

البنت: احت.رم نفسك غلطان وبتتكلم وبتغ.لط طب والله ما انا سايباك غير في القسم

الراجل بغ.ضب: انا واحدة تدخّلني القسم طب والله لاورّيكي يا بنت ال....

رفع ايده يضر.بها بالقلم لقى ايد بتمسك ايده وشخص واقف قدامها

احمد: الست الوالدة مقالتلكش اللي يضر.ب بنت يبقى ايه!

الراجل: وانتَ مين بقى ان شاء الله؟!

حط الكلب.شات في ايده وقال: هتعرف انا مين في القسم يا رو.ح ام.ك

بصلها بابتسامة: اتفضلي معايا يا آنسة...

البنت بخجل: حلا

احمد: انا الرائد احمد محمود الألفي وده القسم اللي بشتغل فيه اتفضلي اعمله محضر تعدّي ونشوف عربية حضرتك حصلّها ايه

عدّى يومين وقابلها يوم اجازته في النادي وطلعوا مشتركين في نفس النادي شكرته على موقفه معاها وبدأوا يبقوا اصدقاء ويقابلوا بعض في إجازات أحمد

عدّى شهرين حبوا بعض وراح اتقدملها واتجوزوا على طول لإن أحمد كان مجهّز شقته فوق أمه في نفس العمارة

عدّت سنة وهو بيجيبلها كل اللي تطلبه وبيعاملها كويس جداااا بس كانوا ساعات كتير بيبقوا في خن.اق كل شوية عشان الخلفة هو مصّر يروحوا يكشفوا يعرفوا التأخير ليه وهي تقول سيبها لربنا لسه بدري

يوم جوازهم قرر يجيبلها هدية ويفاجئها انه بعد ما نزل الشغل رجع على طول وياخدها يتفدوا برة ويحتفلوا سوا

دخل البيت يدوّر عليها سمع صوتها جاي من أوضة النوم

قرّب على الأوضة سمع صوت صاحبتها معاها في الأوضة

لسه هيفتح الباب سمع اللي خلّا عقله يقف وقلبه يتكسر من الصدمة

چنا: بس طلعتي جامدة يا بت يا لولا عرفتي تكسبي الرهان وتوقّعي الزبون بسرعة

حلا بغر.ور: طبعاً يا بنتي ده انا حلا محدش يقدر يتحدّاني، من أول ما شوفناه في النادي وعرفت انه ظابط وغني وشكله حلو وانا حطّيت عيوني عليه وانتِ اتحدتيني اني اوقّعه في حبي في شهر واتجوزه وقد كان مستحمل في ايدي حاجة واتجوزته وبيجيبلي كللل اللي نفسي فيه ولسه هفضل وراه لحد ما أخلّص على فلوسه وأتطلّق منه

چنا بضحك: بس حلوة الدخلة اللي دخلتيها عليه

حلا بضحك: طبعاً يا بنتي قال إيه المغ.فل صدّق ان وائل صاحبنا خبط.لي عربيتي وكان هيض.ربني، انا كنت مرتّبة كل حاجة ان الحاد.ثة تبقى قدام القسم بتاعه في ميعاد نبطشيته وفعلاً طَب وشربها الكرو.دية

قال وايه عاوزني أحمل وابوّظ جسمي ميعرفش اني باخد حبوب منع الحمل من يوم ما اتجوزنا مبقاش الا ده اللي اخلّف منه

مقدرش أحمد يتحمّل أكتر من كده عيونه اتملت دم.وع على الخد.عة الكبيرة اللي كان عايش فيها سنة بحالها، مسح عيونه وفتح الباب عليهم فجأة وهو عيونه كلها غ.ضب كإنه هيق.تل حد

اتخ.ضوا چنا وحلا ولما چنا شافت منظر وشه فهمت انه سمعهم واستأذنت وطلعت تجري( ند.لة زي صاحبتها)

حلا بتهتهة: ااا احمد ح حبيبي جيت ب ب بدري ليه في ح حاجة؟

قبل ما تستوعب كان قرّب منها بخطوات سريعة ومسك شعىها بغِ.ل كان هيطلع في إيده، صر.خت حلا جامد: احمد حبيبي في ايه ايه اللي حصل بتعمل كده ليه ده انا حلا حبيبتك اللي بتحبك

صر.خ احمد في وشها والدم.وع ملِت وشه: بسسسسسس كفاية انتِ ايييييه مبتزهق..يش كد.ب كد.ب اييييه حر.ام عليكي بقى كفايةةةةةة انا بك.رهك على أد كل لحظة حبيتك فيها وخد.عتيني فيها بكر.هك لا يمكن تفضلي على ذمتي دقيقة واحدة

حلا بو.جع ويخرية: انتَ فاكر نفسك مين انتَ لولا منصبك وفلوسك كنت هتبقى ولا حاجة انت سااامع انتَ مين عشان حلا هانم تحبك يا ااااه

شدها احمد من شعرها جامد لحد الباب ورماها براه وهو بيقولها: انا ممكن افضحك انتِ واهلِك ويط الناس بس انا جز.متي برقبتك حقوقك هتوصلك لاني ابن أصول ومن اللحظة دي لو لمحت ضلّك هقت..لككككك انتِ طالق طاااالق سامعة وقفل الباب في وشهل وقعد وراه يع.يط وهو بيردد كلمة واحدة: كد.ب كله كد.ب

إند فلاش باك

مسح أحمد دم.وعه وهو بيردد: كد.ب كلكم كد.ابين كد.ب كله كد.ب لا يمكن أصدّق أي واحدة تاني لا يمكن

وقام رجع على البيت وهو مش طايق نفسه

دخل من الباب لقى ميار بتجري عليه: حمّودي كنت فين كل ده وسايبني يا سكر انتَ

مسك دراعها جامد فهي صر.خت: اااحمد في ايه ممممالك؟!

احمد بعص.بية وهو مش شايف ميار قدامه: انتِ ايه يا شيخة حي.وانة مبتفهميش قولتلك مبحبكيش مبحبكيش ولا عمري هحبك ايه هي لزقة غو.ري بقى من حياتي انا بك.رهكككك بك.ره صنفكم كله بك.رهك

طلعت امه بخ.وف بتجري على صوتهم العالي قفلت الباب وهي بتقول: في ايه يا احمد انت اتج.ننت سيب البنت

الدم.وع ملت عيون ميار صر.خت وهي بتشد ايدها منه ففاق للي عمله: انتَ ايييييه يا اخي معندكش قلب حر.ام عليك بقى انا تعبت منك تعبتتتتت سنين وانا مستحملة وانتَ بتو.جع في قلبي كل يوم ببُعدك وجوازك وكلامك اللي زي الس.م وانا صابرة ومستحملة يا أخي مل.عون أبو الحب اللي يذل صاحبه أنا لا يمكن أقعد في البيت ده أكتر من كده انا همشي وورقتي توصلني لو سمحت

وجريت على الأوضة

بصت حنان لابنها اللي واقف مصد.وم ومتع.صب: غب.ي يا احمد أكبر غ.بي وسلبته ودخلتلها

دخلت ميار والدم.وع مغرقة وشها على الأوضة تلم هدومها ودخلت وراها حنان وأحمد قعد على الأنتريه ماسك دماغه بإيده وهو هيتج.نن من التفكير، تعب من كتر الأل.م اللي عايش بيه تعب من كل شيء في حياته، نفسه يحب نفسه يتحب نفسه يعيش بس الر.عب ماليه انه يتخ.دع تاني مش قادر ينسى مش قادر يتخطى وج.عه بس ميار إيه ذن.بها في اللي جراله، إيه ذن.بها انه يئذيها بكلامه وتصرفاته كده، لأ لازم يعتذرلها هو أه مش بيحبها بس برضه مينفعش يئذيها كده وهو مشافش منها حاجة وحشة بالعكس جن.ونها ومقالبها ملوا حياته ضحك وخلوها أحلى لأ لازم أعتذرلها وقام ودخل يعتذر لميار على طريقته معاها

وهو داخل على الباب سمع اللي صد.مه وخلّاه وقف مكانه( احمد ده غاوي صدمات ع البيبان)

جوا الأوضة..

ميار بتلم هدومها بعشوائية وهي مش شايفة قدامها من كتر الع.ياط

حنان: يا هب.لة بعد ما وصلنا لنص المشوار هتتراجعي وتتخلي عن كل شيء

ميار قعدت على السرير جنب حنان: سامحيني يا ماما حنان انا كنت غلطانة من الاول لما سمعت كلامك وظهرت في حياته، احمد عمره ما شافني ولا هيشوفني، سنين وانا بحبه وهو ولا هنا، سنين واحنا نعرف بعض وعمره ما عرفني لإنه ببساطة عمره ما بص في وشي بدليل انه لما ظهرتله معرفنيش، معرفش ميار جارته في العمارة اللي قصاده بنت طنطه أمل وعمه محمد، كانت علاقتنا قوية احنا وانتوا من واحنا صغيرين وكنت دايماً باجي عندكم مع ماما وبابا ايام عمو

محمود ما كان عايش ومع ماما لما كانت بتيجي تقعد معاكي بعد وفاة عمو محمود، كنا بنلعب مع بعض واحنا صغيرين كتير وكنت عشان اغيظه اندهله صاصا على اسم جارنا مصطفى الغل.س اللي مكنش بيحبه ودلوقتي من ساعت ما شوفته بندهله بيه وهو برضه مفتكرنيش، لحد ما كبرنا ودخلنا اعدادي وانا لبست الخمار وكان لازم يبقى بينا حدود عشان هو مش من محارمي، كنت متعلقة بيه جداً، لما دخلت ثانوي حسيت اني بحبه اوي وبُعده قوى الاحساس ده جوايا استغفرت ربنا و انتبهت لمذاكرتي وقولت مشاعر مراهقة وهتنتهي، وطلعت نتيجتي واتقبلت في كلية ألسن انجليش اللي كان نفسي فيها كان نفسي يفرح معايا بس مكنش ينفع، أبويا وأمي قرروا يحتفلوا بيا وياخدوني اسكندرية نتفسح واحنا في الطريق عملنا حادثة وفوقت لقيتِك جنبي وهما راحوا وسابوني، ومن يوميها وانتِ معايا ودايماً جنبي وهو برضه مش معايا ولا شايفني، لما بقى ظابط كان نفسي اجري عليه واقوله حلمك القديم اتخقق وانا فخورة بيك جداً بس مكنش ينفع، كملت كليتي من ميراث أهلي وانتِ كنتِ معايا فيىكل خطوة لحد ما اتخرّجت واتصد.مت صد..مة عمري انه هيتجوز حلا، كنت حاسة اني هم.وت من كس.رة قلبي بس اتمنيت يكون سعيد لاني بحبه بجد، ولما اكتشف حقيقتها اتو.جعت اكتر منه عليه، كان نفسي اواسيه واطبطب على قلبه بس مكنش ليه صفة لده، تلات سنين وهو لوحده وانا مو.جوعة انا وانتِ عليه لحد ما قبلت لعبتك اني اظهرله واغيّر حياته وكنتِ دايماً تقنعيني اني بحبي ليه هخليه يحبني اكتر من اي حد في الدنيا وآدي النتيجة يا ماما سمعتي بودانك قالي ايه، احمد عمره ما

هيشوفني يا ماما ولا قلبه هيحس بيا، سنين وانا بدعي يكون من نصيبي ولسه بدعي وآديني معاه في بيت واحد ومش شايفني ولا شايف قلبي اللي دايسه برجليه بكلامه الجا.رح وانا اضحك واضحك عشان اداري دمو.عي وهو ولا هنا

اترمت في حض.نها: انا تعبت يا ماما حنان بجد تعبت معُدتش قادرة اتحمّل و.جع منه اكتر من كده انا عاوزة ابعد ارجوكي ساعديني ابعد

حنان: حاضر يا نور عين أمك لو راحتك في البُعد انا هساعدك تبعدي وصدقيني ابني هو اللي ميستاهلكيش ولا يستاهل قلبك الجوهرة

برة الباب احمد دمو.عه نازلة من غير ما يحس وخد بعضه ورجع قعد على الأنتريه وهو مزهول

جوة نفسه: معقول يا ميار! كل ده عشتيه بسببي! أتاريكي تعرفي كل تفاصيلي وحدوتة صاحبتك دي ملهاش وجود وانتِ جارتي اللي دايماً بتشوفني من البلكونة وانا قاعد باصص للسما، معقول انا وج.عتك كل السنين دي وانا مش دريان، معقول كان جنبي الحب ده كله وانا مشوفتوش، حقك عليا يا ميار

خرجت ميار وراها حنان واحمد مسح دم.وعه بسرعة ورسم الجمود على وشه: الهانم رايحة على فين؟

ميار بتعب: أرجوك يا أحمد كفاية لو سمحت ابعتلي ورقتي بهدوء وكل واحد يروح لحاله

احمد ببرود: هو انا مش قولتلك قبل كده اني اه اتجوزتك بمزاجك مش هطل.قك بمزاجي انا

حنان بحدة: احمد كفاية كده انا مش هسمحلك تئذيها وانا اللي هقفلك وابعدها عنك

غم.زلها احمد من غير ما ميار تاخد بالها فبصتله باستغراب وسكتت

بص لميار وكمل: بعد اذنك يا ميار ادخلي اوضتك ونتكلم بعدين وانا بعتذر اني انفعلت عليكي زيادة انا بس كنت مخن.وق حبتين

بصتله ميار بدم.وع واستغراب وسكتت وهو لأول مرة يحس انه مو.جوع انه سبب دم.وعها

كمل: بعد اذنك انا لأول مرة اطلب منك شيء ياريت تنفذيهولي ونكمل كلام بعدين

طبطبت حنان على كتفها بمعنى وافقي فهزتلها دماغها ودخلت تاني الأوضة صلّت ونامت من التعب والعي.اط

برة في الأنتريه..

حنان بعص.بية: غمز.تلي وسكت وانا مش فاهمة تصرفاتك مش كنت عاوزها تبعد ليه تاني طلبت منها تستنى؟!!

احمد: تعرفي ميار منين يا ماما؟

اتو.ترت حنان : يهمك اوي عموماً بنت واحدة صاحبتي

احمد: يعني مش بنت عمو محمد وطنط امل ؟!

حنان: ااا..

احمد: انا سمعت كل حاجة يا ماما

حنان بخضة: سمعت!!!!

كملت: احمد مياربنتي اللي مخلفتهاش وان كنت دخلتها حياتك بالطريقة دي فده لإني شايفة انها الوحيدة اللي حبتك بجد سنين وهي بتت.عذب بحبك وانت ولا هنا وكنت متأكدة ان هي اللي ممكن ترجعك للحياة تاني وتفتح قلبك وتعيش بس انت أذيتها كتير يا ابني وانا مش هتحمل أذيتها

احمد بد.موع: انا تعبت يا أمي نفسي أرتاح نفسي أعيش زي الناس وأفرح وأحب وأخلّف بس مش قادر، خا.يف يا أمي خا.يف أتو.جع تاني مش هقدر اتحمل وج.ع جديد تعبت والله والله تعبت

خدته حنان في حض.نها: صدقني يا ضنايا ميار أكتر حد حبك بجد إديها وإدي نفسك فرصة وانت هتلاقي قلبك بيروحلها لوحده لإنها هي اللي تستاهله

شاور احمد بدماغه بأه: اوعدك يا أمي هحاول، ميار اتو.جعت بسببي كتير وتستاهل أحاول عشانها يمكن فعلاً نصيبنا سوا

حنان: ربنا يهدي حالكم يا ابني، انا هنزل وانت ادخل صلّي وارتاح عشان شغلك

تاني يوم احمد صحي بدري لانه مكنش عارف ينام كويس بالليل من التفكير

حَب يتطمّن عليها فدخل الأوضة يالراحة لقاها نايمة واآثار الد.موع على وشها، أول مرة يتأمّل ملامحها شعرها اللي أول مرة يشوفه بني وجميل بشرتها البيضة مناخيرها وبوقّها الصغننين ملامحها جميلة اوي

فكر في حاجة وراح جاب صار.وخ وولّ.عه وطلع يجري

١ ٢ ٣ اااااااه

ضر.ب الصار.وخ في رحل ميار قامت نطت من على السرير وهي بتصر.خ: اه يا احمد الكل..ببببببب

قعد احمد يضحك عليها وهي طلعت تجري وراه في الشقة: بقى انا تعمل فيا كده طب والله لاصحيك مصروع كل يوم من النوم

احمد بضحك: ومن اعمالكم صُلّت عليكم عشان تعرفي كنت بتو.جعيني ازاي يا ست ميما

وقفت ميار باستغراب وهي بتبصله والدم.وع ملت عيونها وهي بتقول في نفسها: ميما!!! دلعي اللي كان بيندهني بيه من واحنا صغيرين معقول يا احمد افتكرتني!!!

احمد عرف بتفكؤدر في ايه فقرر يغير الموضوع: يلا اتفضلي حضريلي فطار عاوز انزل الشغل

ميار: احمد، انت ندهتني بإيه دلوقتي؟

احمد: أنا، ندهتك بإيه يعني؟

ميار: انت قولتلي ميما

احمد: أصل صراحة اسمك مع.فن فقولت أغيره بحاجة شيك تليق بيا

ميار بر.دح: نعمممممم اسم مين ده اللي مع.فن يا سي احمد ده انتَ اسمك واخد ترند في الخي.انة وانا ساكتة، ماشي يا صاصا انا هورّيك

احمد بعص.بية: ميماااا قولتلك بلاش اسم الز.فت ده

ميار طلعت لسانها: طب صاصا صاصا صاصا هه

طلع يجري وراها جريت على الحمام وقفلت الباب وهو قعد يضحك عليها

مرت أيام وهما علاقتهم كويسة جداً وبقوا صحاب وقريبين لبعض وبدأ احمد يحس انه مشدودلها

وفي يوم ميار كانت مستنياه زي كل يوم جاتلها رسايل على الواتس آب بتفتحها شه.قت من الصد.مة من اللي شافته

فتحت ميار عيونها من الصد.مة وهي شايفة صور لأحمد وحلا في كافيه وهما ماسكين ايد بعض ومع الصور رسالة بتقول ( عمره ما يحب غيري فوقي بقى احسنلك)

ملت الدم.وع عيونها وهي بتبص للصور ومش قادرة تستوعِب ازاي أحمد قاعد معاها وماسك إيديها بعد كل ده!!!!

بعد شوية من العي.اط والوج.ع اتفتح الباب ودخل أحمد وهو بيهزر ك عادتهم الأيام اللي فاتت فمسحت دمو.عها بسرعة وقامت تستقبله

أحمد بضحك: الأكل يا ست ميما عصافير بطني بتطلب النجدة

ميار بضحك: نجدة وصاصا باشا معاها ودي تيجي!!!

أحمد بغ.يظ: بعيداً عن زف.ت صاصا أنا جعاااان

ميار: الأكل جاهز يا حمّودي باشا اغسل إيديك واتفضّل على السفرة

قعدوا كلوا وأحمد كالعادة بيناكِف فيها وهي بتحاول ترسم الابتسامة على وشها

خلّصوا أكل ودخلوا يقعدوا في الببكونة كعادتهم يتكلموا

ميار: إيه أخّرك النهاردة بقى يا حمّودي باشا؟

أحمد بتو.تر: ااا أبداً يا ميما هانم ش شوية شغل عادي عطّلوني

ميار بألم ممزوج بابتسامة: شغل بس!!!

أحمد: اا أه ليه كل الأسئلة دي؟

طلّعت فونها وورّته الماسيدچات والصور

ميار: إيه ده يا أحمد؟؟

أحمد بتو.تر: هي حصّلت تراقبيني يا ميار؟

ميار بسخرية: أراقبك!!! ليه يعني هو أنا كنت خطفاك؟!!! الصور جاتلي لحد فوني وأنا قاعدة مستنياك، ممكن بهدوء أفهم ليه يا أحمد؟

كملت بدم.وع: ليه بعد كل ده تقابل الهانم؟ ازاي ماسك إيدها بعد كل اللي عملته؟ معقول نسيت جر.حها ليك؟!! معقول نسيت خد.اعها وكد.بها؟

احمد: ميار انا...

ميار بسخرية: إيه حنّيت لحبيبة القلب أول ما شاورتلك تاني ريّ.لت عليها وافتكرت الذي مضى وعاوز ترجّعها؟

أحمد اتع.صّب جداً من كلامها وقام من مكانه وهو بيز.عّق: احترمي نفسك يا ميار وشوفي بتكلميني ازاي مش عشان ساكت هتسوقي فيها

ميار بعص.بية وصر.اخ: أنا اللي هسوق فيها ده انت اللي خلّيتها خل خاااالص أنا تعبت منك بقى يا شيخ حر.ام عليك، بعد كل ده ولسه بتحّن بعد كل ده ولسه بتقابلها وتمسك إيديها إيييييه معندكش د.م

أحمد مشافش قدامه وضر.بها بالقلم: مياااار

حطّت إيديها على خدها وهي بتع.يط

أحمد: أنا محدش يتكلم معايا كده فاهمة ومش عشان ليكي غلاوة عندي تهي.نيني أنا محدش تجرّأ مهما كان مين إنه يهيني

جريت من قدامه على أوضتها وقفلت الباب بالمفتاح وهو دخل أوضته متنر.ڨز

ميار في نفسها: خلاص يا ميار كده خلصت

أحمد في نفسه: ليه يا ميار ليه؟؟ ده انا كنت ما صدّقت قرّبنا وقلبي ابتدى يتعلّق بيكي، ليه تشكّي وتغل.طي فيا؟ ونام من كتر التفكير وهو على الكرسي مكانه

صحي الصبح تعبان من نومة الكرسي قام خد دش وصلّى وراح عشان يصالحها

راح المطبخ والأنتريه ملقهاش فعرف إنها لسه في الأوضة، خبّط على الباب مردّتش فاتكلم

أحمد: أستاذة ميما هانم اللي مطنّشاني افتحي عاوزك لو سمحتِ

مفيش رد

أحمد: أنا اا أسف يا ميما أنا أول مرة أعتذر لحد على فكرة عدّي الجمايل

كمل بجدية: أنا بجد أسف يا ميار أنا عمري ما فكّرت إن إيدي ممكن تتمد عليكي، أنا خرجت عن شعوري من كلامك كنت فاكرك هتثقي فيا أكتر من كده وتسمعيني مش تشكّي فيا وتغل.طي وتجر.حيني بكلامك، بالله عليكي ما تزعلي مني أول وآخر مرة أعملها، افتحي بليز نتكلم

لما لقى مفيش رد قال يحاول يفتح الباب يتطمّن عليها

فتحولف الأوضة ملقهاش بيبص لقى ورقة على التسريحة ( خلاص يا أحمد كل شيء انتهى اتمنّالك السعادة مع اللي قلبك اختارها ميار)

أحمد بصر.اخ: ميار لأااااا

بعد شهر..

دخل أحمد الشقة عند أمه وقعد بإرهاق على الكنبة

حنان: ها يا أحمد مفيش جديد؟

أحمد بح.زن: لا يا أمي، شهر وأنا واخد أجازة من الشغل وقلبت عليها الدنيا مش لاقيها، غ.بية وضيّعت كل شيء وبعدت عني بكل سهولة، أومال فين الحب والمعافرة راحوا فين عشان تسيبني كده وتمشي وارجع تاني وحيد وقلبي مو.جوع

حنان: حبيتها يا أحمد

أحمد بتنهيدة ودم.وع: أوي يا أمي أوي، مكنتش عارف اني ممكن أحب كده في يوم، زي ما يكون عمري ما حبيت ولا عرفت الحب غير معاها، غيابها ساب فراغ كبيرررر أوي جوة روحي وده اللي خلّاني اعترفت قدام نفسي اني بعشقها مش بس بحبها، بس هي فين سابتني ومشيت ونسيت كل حاجة في ثانية

حنان بعتاب: انت غلطت يا أحمد مفروض كنت فهّمتها اللي حصل زي ما فهّمتهولي بدل ما تركّز انك ترد على كلمتين خايبين طلعوا في ساعة غض.ب وغيرة منها وتجر.حها بالشكل ده

أحمد: كنت مخن.وق اوي اني شوفت حلا تاني يا أمي وشك ميار فيا عصّ.بني وخلّاني مش عارف بقول ايه، ما انا حكيتلك كل حاجة

فلاش باك..

خبط هست.يري على باب الشقة عند حنان، فتحت الباب لقت أحمد داخل زي المجن.ون

احمد بلهفة: ماما ماما ميار عندك؟

حنان باستغراب: ايه اللي هيجيب ميار عندي عالصبح كده يا أحمد!!! في ايه يا ابني قلقتني؟؟!!!

قعد أحمد بتعب على الكنبة ومسك دماغه وقال: أنا شوفت حلا امبارح

حنان: ااااايه!!! ازاي تشوفها وليه وهي ليها عين تظهر تاني في حياتك البج.حة معدومة الد.م دي، ازاي تقابلها يا أحمد ازاي؟ واوعى تكون ميار عرفت؟؟

شاور بدماغه أيوة

شه.قت حنان من الصد.مة: يا حبيبتي يا بنتي زمان قلبها انف.طر يا حبة عيني

احمد: اقعدي يا أمي وانا هحكيلك كل شيء

وانا قاعد في المكتب دخلت عليا چنا صاحبة حلا طبعاً زعّ.قت في وشها وايه اللي جايبك وكده، قعدت تع.يط وتترجاني ان عندها مشكلة كبيرة جداً ومحتاجة مساعدتي كظابط بعيداً عن أي شيء وطلبت تتكلم معايا في الكافيه اللي جنب القسم، المهم وافقت وقولت أشوف إيه آخرتها، روحت وقالتلي ثواني وجاية ببص لقيت حلا قدامي، سبحانه من صبرني اني أشوفها قدامي ومقت.لهاش، قعدت تع.يط ومسكت ايدي فجأة ووحشتني ونرجع وغل.طانة، سحبت ايدي منها وقومت وقفت وقولتلها اني هعتبر اللي حصل محصلش ولا اني شوفتها أصلاً وانها لو ظهرت تاني في حياتي هدمّ.رها ومش هيفرق معايا شيء وسيبتها ورجعت على البيت، مكنتش اعرف ان الحي.وانة خلت صاحبتها تصورنا وتبعت الصور لميار ولما واجهتني حصل.... وحكالها كل شيء

حنان بد.موع: أنا السبب يا ميار انا اللي رميتها هي وقلبها في الدوامة دي عشانك، بس لأ انا مش هاجي عليها تاني، احمد من الآخر كده لو مفيش مشاعر جواك ناحية ميار انساها يا ابني وطلّ.قها سيبها تلاقي اللي يستاهلها

احمد باندفاع: على جث.تي ميار تتجوز غيري ياماماااا

حنان بخبث: بتحبها؟؟؟

احمد: مش ك كده ب بس....

حنان: بس إيه يا أحمد؟

أحمد بابتسامة: ادّت معنى لحياتي رجّعتني اضحك واحلم وقلبي يتعلّق انا بعترف اني مشدودلها جدااا يا أمي وعاوز نكمّل سوا ميار فعلاً انسانة تستاهل كل الحب

حنان: يبقى تقلب الدنيا وتلاقيها وتفهّمها كل حاجة يا أحمد

أحمد: ان شاء الله يا أمي هلاقيها

اند فلاش باك

أحمد: ومن يوميها وأنا بلف وبدوّر عليها عند أي معارف أو صحاب مفيش أنا دماغي هتنف.جر

حنان: قوم يا إبني اطلع صلّي وارتاح شوية وربنا يفرجها

أحمد: حاضر يا أمي