تحميل رواية «قلبي بينادي باسمك» PDF

سالي: يالهوي مين دول

وقف تركي و عبد الله مصدومين

تركي: في شخص بالمشفى يساعدهم

فجأه جرى عبد الله و راح لفتحي و مسك ياقته

فتحي: في أيه يا عبد الله

عبد الله: وينها بنتي

فتحي: وانا اعرف منين منا مستنيها زي زيكم

عبد الله: الشي يلي بيني و بينك ما تدخل سوار فيه

زق فتحي عبد الله و تركي راح يسند ابوه

فتحي: يا عم انا معرفش هي فين و بعدين لو كنت عاوز أأذيها كنت عملتها من زمان مهي قدام عيني مش هعملها وانت معايا في نفس المكان

عبد الله: ترا انا ما استعملت القوه بتندم

فتحي: لو راجل تعالي .. لا تعالى وريني

دخل تركي في النص يحاول يفصل ما بينهم هو عارف انهم لو مسكتوش هيطردوهم برا المستشفى

عبد الله: والله برد لك الصفعه الي عطيتها لبنتي اضعاف و بخليك تندم على كل لحظه ألم عاشتها

وقف فتحى مش فاهم هو بيقول أيه

فتحي: صفعه أيه هو انا قربتلها انت مجنون يا عبد الله

تركي: إلزم حدودك و انت تكلم ابوي

فتحي: لا انت و ابوك اتجننتم مش معقول كدا

مشي فتحى بعد ما زق عبد الله و تركي ، راحت سالي أيه و هي بتعيط

سالي: هنعمل أيه يا خالو

فتحي: فيكي أيه انت كمان يا ست سالي

سالي: في أيه يا خالو انت مشفتش الفيديو

فتحي: فيديو أيه

راحت سالي لتركي و أخدت موبايله و فتحت الفيديو لفتحي

فتحي: يا نهار اسود

سالي: هنعمل أيه دول طالبين من بابا سوار ٥ مليون ريال

فتحي: انا هتصرف يا سالي .. متتكلميش مع حد

خرج فتحي و هو مولع من كامل اتصرف من دماغه مع انه منبه عليه ميعملش حاجه إلا بأمره ، مسك الموبايل و حاول يتصل عليه بس مردش

__________________________________

بصت سوار للنور المتعلق على الجدار و غمضت عينيها وجع ايديها بدأ يسمع في كتافها و ضهرها ، إلتهاب معصمها بدأ يزيد بسبب شده الحبل ، صداع في دماغها بسبب القلم الي خدته ، كامل و شلبي ربطو رجليها عشان متتحركش تاني او تحاول تهرب ، أخدت نفس وبدأت تعيط مش عارفه تتصرف

سوار: يا رب خلاص انا تعبت انا عملت أيه لدا كله كفايه كدا

___________________________________

تركي: ايش في بينك و بين فتحي هذا يبا

عبد الله: حساب صغير ما انتهى

تركي: ايش في يبا

اتنفس عبد الله و بص تركي

عبد الله: لما صار عمر فتحي ٢٠ سافر السعوديه تحت كفيل بعقد عمل لمده ١٠ سنين وما كان وقتها صار محامي ما كمل دراسه ، بالوقت ذا كنت طلقت أم سوار و كنت مجروح و ما كنت اعرف ايش اسوى ، بعد ٩ سنين اتصل فيني و صار يترجاني أساعده ، الكفيل قرر فجأه يسرح موظفين ، ما أعرف ليش سويت كذا بس ما ساعدته تركته ، بعد فتره دريت انه كان متزوج و بسبب تسريحه من العمل خسر كل شي مرته و بيته و كل شي .. و الحين يلومني

تركي: يبا انت ليش تركته

عبد الله: ما اعرف ، يمكن بنتقم من ام سوار ما اعرف

تركي: وانت تفكر بينتقم منك في سوار

عبد الله: هذا التفسير الوحيد

سكت تركي لما حس ان الموضوع اكبر من ما كان متخيل و بدأ يفكر أيه المفروض يحصل عشان يلاقو سوار

___________________________________

رضوى: لسه سوار مجتش

سالي: لا لسه

رضوى: مالك يا سالي في أيه

سالي: لا مفيش يا ماما

رضوى: انطقي مالك

سالي: سوار مخطوفه يا ماما

سالي بدأت عياط و الخوف أتملك رضوى

رضوى: عرفتي ازاي

سالي: راجل اتصل على موبايل تركي و كلم باباها و طلب منه ٥ مليون ريال فديه و صورو سوار وهي بتضرب

رضوى: و عرفتو هو مين

سالي: لا لسه منعرفش مين

ارتاحت رضوى لما عرفت ان عبد الله لسه معرفش ان فتحي ورا الموضوع و لكن استغربت ليه فتحى طالب فديه هو هدفه يحافظ على سوار معانا كدا مش هيستفاد حاجه

رضوى: هو خالك فين

سالي: معرفش خرج فجأه

قطع كلامهم دخول الممرضات طلعو سالي برا و بدأت مرحله تانيه من التحاليل و الاشعات تجهيزا للعمليه

___________________________________

شلبي: أما انت عملت كدا ليه يا كامل .. دا فتحي بيه هيطين عيشتنا

كامل: فتحي بيه أيه دا صرصار دا البت ابوها ملياردير واحنا منعرفش

شلبي: وانت عرفت منين بقا يا ابو العريف

كامل: فتحت المحمول بتاعها و عرفت ان ابوها هيحول لها مبلغ كبير و محمول جديد عرفت وقتها ان فتحى دا لو كان هيطلب منه حاجه كان هيلهفها لوحده و هنطلع من المولد بلا حمص مشيت رجالته و قعدتك انت .. انا اضمنك عنهم

شلبي: دا انت دماغك سم

كامل: اهم حاجه الي اقولك عليه اعمله

قطع كلامهم عربيه فتحي الي نزل منها وهو بيزعق و مسك ياقه كامل

فتحي: انت مش قلتلك يا زفت متعملش حاجه غير لما اقولك

كامل: نزل ايدك يا فتحي

فتحي: فتحي حاف كدا .. لا انت قلبك جمد

كامل: انت كنت عاوز تلهف الفلوس لوحدك و ترميلنا باكوين احنا زي الهبل منعرفش حاجه

فتحي: انت غبي انت متعرفش حاجه

كامل: انا غبي فعلا عشان مشيت وراك يا فتحي و اعمل حسابك الكلاب دي لو سيبتها عليك مش هتسيبك بقالهم يومين جعانين

شلبي: يلا يا عم هوينا

رجع فتحي للعربيه و هو بيشاور بتهديد لكامل

فتحي: هتندم يا كامل مش أنا الي يتلعب بيا يا كامل

___________________________________

دخل شلبي على سوار يطمن عليها لقاها زي ما هي و راسها مدلدله لتحت

شلبي: انت يا بت

رفعت راسها باجهاد واضح

سوار: أرجوك فكني انا مش هتحرك من مكاني والله ما ههرب

شلبي: انت مفكراني برياله و هصدق

سوار: أرجوك

قرب لها شلبي بكبايه ميه وبدأ يشربها

شلبي: اشربي يلا محتاجينك تكوني فايقه

كان بيشربها الميه بعشوائيه وقعت كلها على لبسها و خرج برا

___________________________________

الممرضه: دكتور تركي الحاله مستنيه حضرتك

تركي: روحي و بلحقك

مشت الممرضه و تركي دماغه مشغوله بسوار و عبد الله الي بان عليه التعب

تركي: يبا ارتاح قلبك ما يتحمل

عبد الله: انا بخير تركي لا تقلق ركز بشغلك

تركي: لا يبا بطلب الممرضات يعتنون فيك

عبد الله: تركي انا بخير

طلب تركي الممرضات و طلب ينقلوه لقسم القلب و راح يخلص الحاله الي مستنياه مع انه مش قادر يركز في اي حاجه و باله مشغول

___________________________________

فتحي: انا يتضحك عليا و اخد على قفايا من غفير معفن زيك و الله لأوريك و أطين عيشتك بوظتلي المصلحه الله يخرب بيتك

مسك موبايله و بدأ يدور على حد يقدر يخرجه من الورطه الي كامل دخله فيها بدأ يقلب في نمر تيليفونه لحد ما وصل لرقم ضغط عليه و اتصل بيه

___________________________________

الساعه وصلت ل ١٢ بليل و مفيش خبر جديد عن سوار عبد الله اخد دوا القلب و قاعد مع تركي في المكتب و سالي بايته مع رضوى مكان سوار

تركي: يبا نبلغ الشرطه بتساوي اللازم

عبد الله: شرط البلاغ يمر عليه ٢٤ ساعه ما بستنى ٢٤ ساعه سوار ما بتتحمل

تركي: بتصل بخالد

قام تركي اتصل بخالد بسرعه رد عليه بصوت نعسان

خالد: ايش تروك ترا الساعه ١ بالسعوديه

تركي: خالد محتاجك

فاق خالد من نبره صوت تركي

خالد: بسم الله ايش فيك

تركي: سوار مخطوفه وما نعرف وينها

خالد: استقبلت مكالمه او كذا

تركي: ساوى اتصال من جوالها و ارسل لي فيديو

خالد: من ايمتى مختفيه

تركي: من ٤ العصر

خالد: انا بساوي اللازم ارسل لي الفيديو ورقم جوالها

قفل تركي المكالمه مع خالد و طمن عبد الله خالد هيعمل اللازم ومش هيسكت غير لما يجيبها

__________________________________

فتحي: عاوزك تعلمهم الادب يا رضا

.

.

.

.

سالي: استنى اخرج برا الاوضه عشان اعرف أكلمك

عمر: انت مش في البيت

سالي: لا مع ماما في المستشفى

عمر: و اختك فين

سكتت شويه حاولت متعيطش

سالي: مخطوفه

عمر: نعم

سالي: مخطوفه و طالبين فديه كبيره أوي

عمر: طب أيه مش راجعه يعني

سالي: بقولك اختي مخطوفه تقولى هترجعي امتى

عمر: ما يدفع أبوها الفديه و خلاص مهو معاه فلوس كتير

سالي: يا أخي انت مش طبيعي انت ازاي كدا

عمر: في أيه يا سالي هو انا لما اتكلم بعقلانيه ابقى مش طبيعي

سالي: هو دا العقلانيه في نظرك

عمر: بقولك أيه انت بقالك فتره مش طايقالي كلمه انا رأيي نفضها سيره مش معقول كل ما نتكلم هنتخانق

سالي: لا يا عمر عشان خاطري دا انا بتصل بيك أفضفضلك تروح تسيبني

عمر: لا يا سالي دي مش فضفضه دا جر شكل

سالي: خلاص يا عمر انا اسفه متسيبنيش بس

عمر: انا نفسي اتسدت يلا سلام

قفل عمر السكه قبل ما يسمع رد سالي بصت للموبايل بصدمه مكنتش متوقعه منه كدا .. بدأت تعيط لحد ما قطع عياطتها تركي

تركي: سالي ايش فيك

سالي: لا مفيش حاجه

تركي: لا تخافى ان شاء الله بترجع سوار

سالي: انا مليش حد غيرها هي و ماما ، مش عارفه لو حصلها حاجه ممكن يحصلي ايه

تركي: لا تخافين ، بترجع بكل سلام وايش هذه "ماليش حد غيرها"  ترا انا كمان اخوكِ

ابتسمت سالي و مسحت دموعها

سالي: بجد

تركي: أيه مو انت اخت سوار تكونين اختي

سالي: حتي بعد ما خليت شكلك وحش في الشارع

تركي: انت اختى الصغيره انت و ريم اختى بنفس السن .. بسامحك هذا واجب الاخ الكبير يتحمل الصغار

___________________________________

المصنع برد و مفيش مدخل للشمس الميه الي شلبي وقعها على سوار خلتها تسقع .. دخل كامل عليها

كامل: صباح الخير يا ست البنات يا ترى نمتِ كويس

سوار: سيبني أروح ومش هقول لحد على اي حاجه اوعدك

ضحك كامل و شلبي وصقف وهو بيلف حوالين سوار و بيبص على الحبال لتكون فكتها زي آخر مره

كامل: لا اقتنعت و صعبتي عليا .. انت مفكره اني هسيبك بالساهل يا ست البنات دا انت وش السعد عليا ابوكِ الحلو يديني الفلوس و ابقى اخرجك ، و بعدين ايدك الحلوه دي مش هتستحمل اكتر من كدا

مسك موبايل سوار

كامل: اعدلها يلا خلينا نصور فيديو حلو زي الي قبله

___________________________________

فتحي: عرفت هتعمل أيه يا رضا

رضا: عيب عليك يا فتحى

فتحى: هتسد زي زمان

رضا: عيب يا باشا دا انت سيد العارفين

فتحي: تروح بسرعه و تخرج بسرعه تعلمهم الادب و تكلمني أقولك تعمل أيه

___________________________________

عبد الله: تركي ما في رد من خالد

تركي: لا تقلق يبا خالد ما يخيب ظني

عبد الله: بخاف يسوون شي بسوار

قطع كلامهم رساله على موبيل تركي من خالد فيها انهم قدرو يعرفو مكانهم من خلال ال GPS على موبيل سوار ساعتين وهتكون سوار  عندهم

تركي: يبا ابشر .. خالد عرف وين سوار

عبد الله: يا كريم يا الله .. هذا بينا حتى سالي ما تعرف فيه

حرك تركي راسه بمعني حاضر ، و رجعت الراحه على وش عبد الله و راح المسجد يصلي و في نيته يطلع حاجه لله

الممرضة: د.تركي الحاله جاهزه في اوضه ٦

تركي: بلحقك

وهو بيقوم جاتله رساله من رقم سوار

__________________________________

قبل ٥ دقايق بدأ كامل الفيديو

كامل: صباح الخير عليك يا حج .. بنتك كان عاوزه تقولك كلمتين كدا بس مكسوفه حبتين

شد شلبي راس سوار و رفع راسها

شلبي: انطقي

سوار: الحقني يا بابا ، اعمل الي هم عاوزينه

كامل: ينفع كدا تسيب ست البنات قدامك ٣ ساعات ٣ ساعات و دقيقه هيتبعت لك فيديو مش هيعجبك

قفل كامل الفيديو و شاور لشلبي عشان يخرجو وقف كامل قدامها

كامل: تحبي تفطرى أيه يا ست البنات .. انا رأيي ان العيش و الحلاوه احسن حاجه تناسب الجو بتاعنا دا

ضحك ضحكه عاليه و لف وشه و خرج هو و شلبي

___________________________________

رضوى: سالي في اخبار

سالي: لا يا ماما مفيش

رضوى: طب خالك فين

سالي: من ساعه عرف امبارح اختفى معرفش راح فين .. هو دايما كدا ملوش فايده

رضوى: بس يا بت .. هاتي موبايلي اتصل بخالك

سالي: استنى اسمع هيقول أيه

رضوى: لا روحى انت هاتيلي حاجه اكلها

خرجت سالي و اتصلت رضوى بفتحى بس مردش بعتت له voice note

" رد عليا يا فتحى متسيبنيش كدا ، كدا هنروح في داهيه "

مسحت الرساله من عندها و قفلت الموبايل و مسكت راسها خايفه من الي هيحصل ، بدأت تتخيل عبد الله هيعمل فيها أيه لما يعرف

___________________________________

ركنت عربيه سمرا بعيد عن المصنع

رضا: عرفت هتعمل أيه 

شكرى: متقلقش كله تحت السيطره

رضا: اعمل المصلحه دي صح و البيه الكبير هيظبطك ، اعمل حسابك لو الموضوع دا متمش هزعل انا و البيه الكبير و لو زعلنا  محدش هيسمي عليك ولا  هيعرف عنك حاجه

خرج شكرى من العربيه و سبق لمدخل المصنع من ورا و وراح رضا لكامل و شلبي

رضا: صباح الخير يا رجاله هو المصنع مقفول ولا أيه

كامل: صباح الخير يا ريس اه مقفول في شويه تصليحات كدا

رضا: غريبه دا انا الشركه بعتالي رساله ان البضاعة هتطلع من المصنع دا

كامل: شوف يا باشا المصانع الي جنبنا اكيد انت اتلخبط المصنع واقف من يومين

فضل رضا يتكلم مع كامل ودخل شكري من باب المصنع الصغير وصل لسوار و بدأ يفك الحبل الي عليها

سوار: انت مين

شكري: اسكتي يا أبله بدل ما يشفونا

سوار: انت مين بقولك

شكري: هناخدك بعيد عنهم يا أبله متخافيش

سوار: وانا أيه يضمني انك مش معاهم

شكري: يا أبله اسكتي المصنع فاضي و صوتك بيجلجل

بدأ شكري يفك الحبال الي عليها بسرعه و بيحول يحركها من مكانها ولكن مش راضيه و بدأت تزق فيه ، كل الي قدر يعمله انه يكتنفها و يقفل بقها و يمشي بيها غصب لحد ما  اتخشب لما سمع ضرب نار

___________________________________

عدى ٥ ساعات على المعاد الي فتحى أتفق عليه مع رضا ، فتحى كان قاعد في بيته متوتر قاعد بيحرق في سجاير كل شويه يبص على الموبيل مستنى تأكيد من رضا انه خلص الموضوع عشان يقدر يتصرف ، فجأه سمع خبط جامد على باب اتخض و قام يفتح الباب

الظابط: انت فتحي سعيد الميلاوي

فتحي: ايوا انا فتحي المحامي

الظابط: امسكوه

رجع فتحي لورا و بدأ يزعق و العساكر بيمسكوه و يحطو الكلابشات في ايده

فتحي: انتو بتعملو ايه انا معملتش حاجه .. سبب ايدي يا عم انت ، انت عارف انا مين انا محامي و  محمي بحق القانون

ابتسم الظابط بسخريه

الظابط : طب يبقى تعالي بقا ونشوف القانون هيعمل أيه

__________________________________

قعدت على الكرسي المتحرك و بدأت الممرضات تتحرك بسرعه لأوضه الكشف بعد ما بلغو تركي ، دخل تركي بسرعه جنونيه و ساب كل الي في ايده

تركي: سوار

.

.

.

.

فتحي: انا عاوز اعرف انا هنا بعمل أيه

العسكري: بس يا استاذ

فتحي: بس أيه انت عارف انا مين انا فتحى المحامي

طلع الظابط من مكتبه بعصبيه

الظابط: أيه يا عسكري انت و هو أيه الدوشه دي

العسكري: اسفين يا باشا

فتحي: انا عاوز اعرف انتو واخديني من بيتي ليه

بص الظابط لفتحى من فوق لتحت

الظابط: مين دا

العسكري: المحامي الي قبضنا عليه

الظابط: اه هو انت

دخل الظابط و فتحي هيموت من الغيظ ، خرج الراجل الي معاه و مسك التيليفون

الظابط: اهلا اهلا ايهاب بيه

ايهاب: اهلا سامح بيه

سامح: المحامي الي حضرتك طلبت يتقبض عليه قدام مكتبي

ايهاب: حلو أوي .. تعالي مكتبي و خليه يحصلنا

خرج سامح و قال العسكري يجيب فتحي و يمشي وراه عشان يدخلو لايهاب

___________________________________

الممرضة: د.تركي الحاله مستقره متقلقش

تركي: ايش في

الممرضة: هبوط في الدوره الدمويه طبيعي بسبب الاجهاد و قله النوم

تركي: مين الدكتور المناوب

الممرضة: د.وائل

دخل تركي لوائل و بدأ يفهم حاله سوار

وائل: متقلقش د.تركي مع المحلول كل حاجه هتبقى كويسه

خرج تركي و راح لعبد الله يبشره بوجود سوار و اتصل بخالد يشكره

تركي: أصلح الله حالك خالد

خالد: اختك صارت بخير

تركي: الحمد لله .. خالد ما دريت مين كانو

سكت خالد شويه

خالد: في تحليل مبدئي بس بتأكد و أخبرك

___________________________________

سالي: ماما سوار رجعت بالسلامه

رضوى الي قلبها اتخلع من مكانه

رضوى: عرفتو مين الي كان خاطفها

سالي: بيقولو قبضو على الي عملو كدا بس منعرفش مين

سكتت رضوى و عرفت انها مسألة وقت و هتتكشف ، فتحي مش هيشيل الليله لوحده ، وقف سالي بصه لمامتها بشك كان كل همها تعرف الي خطفوها اتقبض عليهم ولا لا و مهتمش تسأل عن سوار

سالي: عموما يا ماما سوار في الدور التاني متركب لها محاليل شويه وقت و هتقوم عشان لو عاوزه تشوفيها ولا حاجه

قالت الكلمتين دول و خرجت مسكت موبايلها تتصل بعمر

سالي: انت لسه زعلان مني

عمر: اه

سالي: خلاص يا عمر انا كنت متوتره عشان سوار

عمر: و قبل كدا

سالي: خلاص بقا متخليش قلبك اسود

عمر: ماشي .. المهم اختك لقيتوها ولا لا

سالي: اه لقيناها الحمد لله

عمر: ابوها اكيد دفع الفلوس

سالي: لا عمو عبد الله مدفعش حاجه

عمر: و جت ازاي بقا

سالي: معرفش بس تقريبا ليهم معارف تبع الشرطه

عمر: طب و علاقتك مع ابوها و اخواتها أيه

سالي: كويسه .. انا كنت خايفه لحسن ما يقبلونيش

عمر: ازاي يعني

سالي: تركي قالي اني اخته زي ما سوار اخته و عمو عبد الله حنين عليا

عمر: طب حلو أوي .. بقولك أيه اتصرفي في ٢٠٠٠ جنيه كدا

سالي: اتصرف ازاي يعني سوار في المستشفى و ماما بكرا عمليتها

عمر: و اخوكي

سالي: لا طبعا مش هطلب منه دا انا لسه عارفاه من يومين

عمر: انا باقيلي ٢٠٠٠ جنيه و اكمل تمن الشبكه اتصرفت في ٤٠٠٠ من اصل ال ٦٠٠٠ حاولى تتصرفي عشان الدهب هيغلى

سالي: هحاول يا عمر حاضر هتصرف

___________________________________

ريم: يبا ما رديت علي وينها سوار

عبد الله: كانت مشغوله شوى مع امها

ريم: و الحين

عبد الله: بخليها تكلملك و الله بس مو الحين

ريم: يبا هي ما تريد تكلمني

عبد الله: لا و الله ريم ايش هذا بس هي مريضه

ريم: عساها ما تشوف شر يبا

دخل تركي الي ابتسم لما سمع صوت ريم و كمل كلامها معاه و بيحاول ميعرفش حد الي حصل

___________________________________

ايهاب: اتفضل

دخل سامح و فتحي ، سلم سامح على ايهاب و قعد قدامه و بصو على فتحي

ايهاب: اخرج برا يا عسكري لما هحتاجك هقولك

سامح: ها يا استاذ فتحي كنت بتقول أيه بقا برا و صوتك عالي

فتحي: انا عاوز اعرف انا هنا ليه

فتح ايهاب ملف قدامه و بدأ يقرأ فيه

ايهاب: المحامي فتحي سعيد الميلاوي حاليا و السجين سابقا

اتقلب وش فتحي لما سمع كلامه

ايهاب: من ٢٠ سنه دخلت السجن في تهمه القتل العمد و أخدت براءه صح كدا

فتحي: محصلش يا باشا دا كله كدب

ايهاب: بس براحه على نفسك كدا احنا لسه في أول الملف ، بعد ما رجعت من السعوديه تم اتهامك بقتل زوجتك سابقا المدعو عليها سماح القناوي و دا من خلال افتعال حريق في سكن الزوجيه الموجود في اسكندريه ابو قير

قاطع فتحي ايهاب بعصبيه

فتحي: انا صحيت على خبر الحريقه انا معرفش حاجه و بعدين انت قلت بنفسك اني طلعت براءه

قام سامح قدامه و مسك ياقه القميص

سامح: صوتك ميعلاش هنا

ايهاب: صحيح انك خرجت ببراءه و لكن مع التحقيقات اتبين ان محامي الدفاع وقت قضيه الاستئناف أدى مبلغ من الفلوس للقاضي  الي هتلاقيه داخل بعديك دلوقتي يتحقق معاه عشان يسلكلك الموضوع ، مش بس كدا دا زور ليك شهاده تخرج من كليه الحقوق و كارنيه نقابه المحامين و بقيت محامي من لا شئ .. صح كدا ولا انا نسيت حاجه

وش فتحي اصفر و بدأ يعرق و صوته يتهز

فتحي: كل دا محصلش يا باشا

سامح: دا غير يا باشا كمان حاله الخطف الي دبرها لبنت اخته سوار طلال الازهرى باشتراكه مع غفير المصنع الاستاذ كامل و الاستاذ شلبي ، دا غير كمان إشتراك المدعو عليه رضا و شكري في الواقعه و الي اقرو بكل حاجه لما مسكناهم في مسرح الجريمه

ايهاب: نادي العسكري يا سامح يجيبله كبايه ميه لحسن وشه اصفر و احنا لسه عاوزينه

وقف فتحي ركبه بتخبط في بعض مش مستوعب ان كل الي عمله اتكشف مع انه كان مدبر له كويس و عامل حسابه في كل حركه ، وكل الي في باله ان عبد الله هو السبب في كل مصيبه حصلت في حياته و انه كان لازم يخصلش منه هو مش من سوار

ايهاب: يا عسكري .. ودي الاستاذ الحجز مع باقى زمايله

دخل العسكري شد فتحي الي كان من السهل شده بسبب انه مش في وعيه و دخله الزنزانه مع المساجين

ايهاب: شكرا سامح بيه

سامح: العفو سيادتك في اي وقت

خرج سامح و بدأ ايهاب يبعت اخر المستجدات للمعرفه الي موكلها خالد تخلص الموضوع

___________________________________

بدأت تفتح عينيها كل حته في جسمها وجعاها حاولت تفهم هي فين لحد ما استوعب من صوت الاجهزه و المحلول الي في ايديها انها في المستشفى ، دخلت عليها الممرضة مبتسمه

الممرضة: حمد لله على سلامتك ، انت زي الفل متقلقيش

سوار: هو أيه الي حصل

الممرضة: طبيعي تلاقي حاجات مش فاكرها بسبب الاجهاد الدكتور هيدخل يطمن عليكي دلوقتي

دخل الدكتور المناوب و طمنها و قدر يسمح انهم يدخلو عليها ، دخل تركي و عبد الله اخدوها بالحضن

عبد الله: سلامتك سوار ، ما تشوفين شر

سوار: الله يسلمك يا بابا

تركي: لا تخافين كل شي صار احسن

سوار: كنت خايفه أوي

عبد الله: الحمد لله انت بخير الحين

تركي: لا تخافين كلهم مع الشرطه و بناخد حقك

دخلت سالي بسرعه و حضنت سوار

سالي: انا خفت ليكون حصلك حاجه

سوار: انا كويسه متخافيش

مسكت ايديها الي كلها شاش

سالي: ايدك مالها

تركي: بس التهاب بيتعالج و ما يترك أثر

سوار: ماما اخبارها أيه كويسيه

تركي: كل شي تمام و ان شاء الله العلميه تصير بوقتها

عبد الله: ان شاء الله تقومين بالسلامه و تكلمي ريم اختك .. صار لها فتره تسأل عنك

ابتسمت سوار و حركت راسها بمعني تمام ، استأذنت سالي تخرج برا بحجه تطمن على رضوى  و دخلت بسرعه مكتب تركي ، بدأت تدور على حاجه تقدر تاخدها  ولكن فجأه اتفتح الباب و دخل تركي

.

.

.

.

سوار: بابا .. انا هروح اشوف ماما

عبد الله: لا ما تتحركين ارتاحي

سوار: انا كويسه يا بابا متقلقش ، وبعدين ماما بكرا عمليتها لازم اشوفها قبل ما تدخل

عبد الله: بنادي الممرضة

سوار: لا يا بابا انا هتمشاها براحه متقلقش ارتاح انت .. انت شكلك تعبان

خرجت سوار من اوضتها ركبت الاسانسير للدور الرابع ، و هي ماشيه لمحت تركي داخل مكتبه ، مشيت براحه عشان تدخله فتحت الباب لقت تركي و سالي واقفين قدام بعض

سوار: تركي ... سالي!! ، انت مش كنتِ عند ماما

اتلجلجت سالي و بدأت تفكر في حاجه تقولها ، لاحظت سوار لجلتها و فهمت هي بتعمل أيه

سالي: أصلي كنت بدور على قلم عشان ورايا كام محاضره عاوزه ازاكرهم

ومسكت قلم و رفعته لفوق

سالي: أهو لقيته

تركي: ما في مشكله سالي ، بس كنتِ خبرتيني دائما بيكون معي قلم

سالي: خلاص مش مشكله المره الجايه

تركي: أيه سوار ، محتاجه شي

سوار: لا لا ولا حاجه ، كنت داخله اسأل على عمليه ماما بس

خرجت سالي و قعدت سوار مع تركي تتكلم شويه و خرجت تروح لمامتها تبص عليها قبل العمليه ، دخلت لقت رضوى و سالي قاعدين ، رضوى لما شافت سوار وشها اتقلب خصوصا لما شافت الشاش على ايديها

رضوى: سوار انت كويسه

سوار: اه يا ماما متقلقيش

رضوى: و الي في ايدك دا

سوار: مفيش يا ماما تعويره بسيطه ، المهم انت بكرا هتدخلى العمليه جاهزه

رضوى: مش مهم العلميه دلوقتي ، متعرفيش خالك فين

سكتت سوار شويه مش مستوعبه الي بتقوله

سوار: ماما ، انت سايبه العمليه و مركزه في خالو

رضوى: قولولي بس هو فين

سالي: ما انت سألتيني امبارح يا ماما و قلتلك محدش يعرف مكانه من امبارح

بانت ملامح الزعل على سوار

سوار: عموما يا ماما انا جيت اطمن عليكي قبل العمليه ، قلت يمكن تكوني عاوزه تقوليلي حاجه

رضوى و القلق واضح في وشها

رضوى: لا مش عاوزه اقول حاجه ، حمد لله ع السلامه يا سوار

خرجت سوار و شدت سالي من ايديها لبرا الاوضه ، وقفت مربعه ايديها و ساكته

سالي: أيه عاوزه أيه

سوار: انت عارفه انا مستنيه اسمع منك أيه

سالي: عاوزه تسمعي أيه ، أيه الي حصل مش فاهمه

سوار: سالي متستعبطيش ، أيه الي دخلك أوضه تركي

سالي: ما انا قلت كنت بجيب قلم

سوار: سالي ، طب تركي و ميعرفش حاجه انا بقا ليه تحوري عليا

سالي: أحور عليكي في أيه ، انا قلتلك كنت بعمل أيه عادي يعني

وقفت سوار تبص لها ، و بعد كدا غمضت عينيها و حطت ايديها على جبهتها ، و أخدت نفس كبير و حضنت خد سالي بحنان

سوار: أرجوكِ متعمليش حاجه تندمي عليها ، في فرصه نبدأ حياه جديده و مختلفه ، ارمي كل حاجه قديمه ورا ضهرك ، و انا و الله ما هسيبك بس ادي لنفسك فرصه تبدئي من جديد

سكتت سالي ، شالت سوار ايديها و راحت اوضتها مره تانيه

___________________________________

قبل العمليه بنص ساعه كان تركي في اوضته بيكلم خالد

خالد: ترا تركي في اخبار جديده

تركي: أيه ، يلا

خالد: بس هذى الاخبار مو بسيطه

تركي: بلا خرابيط يلا خالد ايش في

خالد: كل شي كان مدبر ، خالها لأختك فتحي هذا هو السبب ، استأجر ٤ رجال و صار الي صار

تركي: هذا يعني ان بابا كان احساسه صح

خالد: مو بس كذا

تركي: ايش في

خالد: هذا طلع مجرم ، حرق زوجته و اولاده و زور شهاده تخرجه ، يعني هو مو محامي اصلا

تركي: ايش يعني ذا

خالد: يعني هذا مجرم كبير و خطير

تركي: ايش هذا كله

خالد: كمان في احتماليه تكون امها مشتركه بالموضوع

سكت تركي مصدوم من كلام خالد و بص على ملف رضوى الي المفروض هيعمل لها العمليه كمان نص ساعه ، مش عارف يتصرف

___________________________________

عبد الله: بنتي سوار ، ما تحتاجين شي

سوار: لا يا بابا ، بس محتاجه هدوم تانيه

عبد الله: ايش تبين و تروح سالي

سوار: لا سالي مش هتعرف ، هروح انا بسرعه و ارجع تاني

عبد الله: لا ما تروحين لحالك

أصر عبد الله انه يوصل سوار خوفا عليها ، وصلو البيت و الي كان في منطقه متوسطه الحال طلع وراها السلم واحده واحده و هو بيبص على تفاصيل البيت و البيوت وصلو الشقه و دخلت الشقه

سوار: أتفضل يا بابا ارتاح ، ثواني هجيبلك حاجه تشربها

قفلت سوار الباب و دخلت المطبخ ، وقف عبد الله يبص على تفاصيل الشقه ، الشقه صغيره و عفشها عادي مش مميز ، دخل الاوض لاقاها نفس المنظر ، بدأ يشوف الشقه واحده واحده مسابش حاجه غير لما شافها رجعت سوار لباباها

سوار: أتفضل يا بابا ، مش هتأخر هاخد شاور بس و اغير هدومي و ارجع علطول

عبد الله: هذا المكان الي تعيشين فيه سوار

سوار: اه يا بابا ، هو صغير شويه و لكن بحبه

عبد الله: ما اصدق ، بنتي انا تعيش في مكان زي كذا

سوار: ماله يا بابا ، ما الحمد لله نضيف و دافي و ريحته حلوه

عبد الله: انا طول ٢٠ سنه عايش بقصر و انت تعيشين هنا

مسكت سوار ايد باباها بحب و الايد الثانيه على خده

سوار: بابا ، المكان دا انا خلقته ، عملته دافي و حلو كدا ، المكان الي بنعد فيه المهم انه يئوينا مش لازم نعيش في قصور عشان نحس بالسعاده

مسك عبد الله ايد سوار الي على خده و باسها من جوا

عبد الله: بس انا كنت أعطيك فلوس تجعلك ملكه ، بس الله يسامحها أمك

سوار: مش ممكن الفلوس دي لو كانت موجوده كان زماني بظت ، مثلا بقيت شخص شَرِه للفلوس و طماعه و مش مقدره الي حوليا ، ولو كنت عرفتني وقتها اكيد مكنتش هتحبني ربنا له حكمه في كل حاجه ، وانا راضيه بحكمته

حضن عبد الله سوار بكل حب

عبد الله: انا بحبك بكل خصالك و اوصافك ، ترا الله يكافئني فيكِ بنتي

فتحت سوار التيليفزيون لباباها و دخلت تأخد شاور و تغير هدومها

___________________________________

تركي: ايش

خالد: في شات بين فتحي و رضوى امها بيتفقون على شي و يتكلمون عن فلوس و انت بالموضوع ما فهمت بالظبط بس التحقيق مستمر

تركي: تمام خالد ، اذا في شي اتصل فيني

قفل تركي المكالمة و مسك الملف في ايده

تركي: هذا الورم طبيعي يكون لك ، هذا مو اختبار هذا عقاب ، ما اعرف كيف بسوي العمليه هذى

خرج تركي عشان يجهز للعمليه ، ولكن دخل على رضوى

تركي: هلا كيفك اليوم

رضوى: الحمد لله يا دكتور

تركي: بتسوين العمليه اليوم

رضوى: اه ان شاء الله

وقف تركي شويه متردد يتكلم

تركي: حالتك هذى أول حاله تمر على ، صرت اسأل حالي كثير ايش ذا الورم كيف يكون ضخم و كبير ، اليوم بس دريت ليش

رضوى: ليه يا دكتور

تركي: بتعرفين بعد العمليه مو وقته الحين

خرج تركي برا الاوضه و هو بيحاول يمسك أعصابه ، لازم يتعامل بمهنيه شديده ، اي غلطه او فلته اعصاب هتكون سبب في تدمير حاجات كتير أوي أولها سمعته و شغله ، تانيها سوار اخته ، حتى لو عرفت ان رضوى ورا كل دا مش هتفكر غير ان تركي معملش واجبه ، و كان سبب في ان امها تموت او اقل حاجه تتشل ، دخل اوضه العمليات ووقف قدام استاف الدكاتره بتوعه ، يبص في عيون كل واحد فيهم و لسه مش عارف هيتصرف ازاي

.

.

.

.

سوار: سالي اخبارهم أيه

سالي: لسه مخلصوش

سوار: ربنا يستر ، انت فطرتي

سالي: جبت معجنات

سوار: انا جبت معايا كام حاجه من البيت افتحي و كلي

عبد الله كان بيتمشي في الدور و مشغل فيديو مع ريم بيطمن عليها قرب من سوار

عبد الله: سوار بنتي ، هذه ريم اختك

مسكت سوال الموبايل بابتسامه كبيره

سوار: اهلا يا ريم ازيك

ريم: بسم الله ما شاء الله ، ايش هذا عندي اخت حلوه كذا و ما اعرف

ابتسمت سوار

سوار: وانت كمان أموره أوي يا ريم

فضلت ريم تتكلم مع سوار و اتعرفو على بعض و بعد كدا عبد الله اتصل بفدوى عشان تتعرف عليها

فدوى: عبد الله كان دايم يتكلم عنك و دايم يشتاقلك

سوار: وهو كمان كان واحشني جدا

فدوى: الحمد لله ، الله استجاب لدعاءنا و اجتمعتم الثلاثه ، ان شاء الله تجين السعوديه

سوار: ان شاء الله يا طنط ، دايما بابا يتكلم عن حضرتك و عن ريم و حبيتكو  قبل ما اشوفكم

فدوى: حب عبد الله لك هو السبب في حبنا لك ، ما تشوفين عيونه كيف يلمعون لما يتكلم عنك ، اليوم من وقت زواجي من عبد الله اول مره اشوف عيونه جد تضحك

ابتسمت سوار و حضنت عبد الله

سوار: انا عمرى ما بطلت احب بابا ، و حبيته اكتر لما شفته و بحبكم كلكم ، كفايه انكو بتحبو بابا

___________________________________

العسكري: فتحي سعيد الميلاوي

خرج فتحي من الحجز شعره منكوش و هدومه متوسخه و عنيه حمرا من الاجهاد ، دخل لايهاب و سامح ، لقى راجل واقف جنبه

ايهاب: اهلا يا استاذ فتحي ، وحشك الحجز

بص فتحى لايهاب بغل و سكت

ايهاب: بص كدا علي الي جنبك دا ، مش بيفكرك بحد

بص فتحي للراجل الي على يمينه ، و وشه اصفر

سامح: دا القاضى الي المحامي بتاعك رشاه

فتحي: معرفش حاجه من الي بتقولو عليها ، اول مره اشوفه في حياتي

ايهاب: طيب يا فتحي ، احنا مش جايين نأخد رأيك ، احنا بس حبينا نعرفك انك هتتحول للنيابه عشان تتحاكم وقلنا نشوف وشك بالمره ، اصلك هتوحشنا أوي

ضحك ايهاب و سامح و بدأ فتحي يعرق اكتر و اكتر من التوتر و مكنش قدامه غير حل واحد عشان يقدر ينتقم من عبد الله

سامح: يا عسكري ، خد المسجون و وديه عربيه الترحيلات

خرج فتحي و العسكري من مكتب ايهاب و حط الكلابشات في ايديه ، خرجو برا قسم الشرطه وقف فتحي و ابتسم للعسكري و زقه و طلع يجرى و الشرطه وراه 

___________________________________

خرج تركي من العمليه و غمض عنيه وخد نفس مش عارف ازاي هيقدر يواجه سوار و سالي ، قلع الكمامه و الجوانتي و غسل وشه بيحاول يجمع الي هيقوله برا ، خرج ليهم بثبات يحاول يخفي التوتر الي جواه ، اول ما سوار شافته وقفت بسرعه و راحتله

سوار: تركي طمني عملت أيه

مسك تركي ايد سوار

تركي: انا خبرتك كل شي بالمكتب امس

سوار: اه ما انت قلتلي انها عمليه صعبه

تركي: انت تدرين اني ما أقصر بأي شي، هذه وظيفه الدكتور ، وكله بإذن الرحمن

سوار: في أيه يا تركي متقلقنيش ، هو حصل حاجه

تركي: صارت شويه مضاعفات بالعمليه و الحمد لله كل شي كان تحت السيطره

سوار: يعني أيه كان؟

تركي: ما قدرت اخرج الورم بدون ما أأذي الحبل الشوكي

وقفت سوار مش فاهمه

سوار: تركي ، انا مبفهمش في كلام الدكاتره دا ، عرفني أيه الي حصل

تركي: صار معها شلل نصفي ، هذا كان احتمال كبير يحصل

وقفت سالي مصدومه و بصت لسوار الي سكتت و مكنش باين عليها الصدمه

سالي: انت كنت عارفه و دخلتيها العمليه

سوار: كان دا الحل الوحيد

سالي: حل أيه ، تعيش ونصها الي تحت مش حاسه بيه ، انت اتعبطي

سوار: مش احسن من انها تموت

سالي: وانت معرفتنيش ليه مش انا بنتها بردو

سكتت سوار مش عاوزه تتكلم ، بدأت سالي تزق في سوار بزعيق بتحاول تخليها تتكلم ، دخل تركي يوقفها

سالي: انت تبعد خالص ، برضو تحكمات يا سوار حتى حياه ماما مش سالمه من تحكماتك ، وكل الي انت فالحه فيه انا اتغيرت يا سالي فين التغيير ها فين

سوار: تحكمات أيه يا سالي ، فين التحكمات ، انت كنت فين طول ال ٩ جلسات بتاعه مامتك ، فين وقفتك جنبي ، فينك لما كنت انام على نفسي من التعب ، جايه تحاسبيني على حاجه انت عمرك ما شاركتي فيها ولو واحد في الميه

سالي: ما انا كنت في الجامعه ، اسيب جامعتي و اجيلك

سوار: جامعه بردو يا سالي ، ارجوكي يا سالي كفايه كلام عشان منزعلش بعض

سالي: لا هي كدا كدا بايظه ، اتكلمي خليها تكمل

دخل عبد الله يحاول يهدي الدنيا ما بينهم ، زعقت سالي فيه ، مسكت سوار ايد سالي

سوار: انا قلتلك قبل كدا مش هسمح لاي حد يقرب من ماما و بابا حتى انت يا سالي

رجعت خطوتين لورا و بصت ليهم و مشت معيطه ، حطت سوار ايديها على راسها مش عارفه تتصرف

تركي: سالي بصدمه ، مو بوعيها

سوار: عارفه ، بس انا تعبت من كل شويه حد يحملني مسؤوليه حاجه انا مليش ذنب فيها

مشت سوار و سابت تركي و عبد الله قررت تروح تعد في المسجد

___________________________________

خرجت سالي و الدموع على خدها مسكت الموبيل تتصل على عمر مبيردش حاولت تبعتله مبيشوفش الرسايل ، روحت البيت تهدي لحد بكرا الصبح تسافر لعمر

___________________________________

كان تركي قاعد مع عبد الله جاله اتصال من خالد

تركي: أيه خالد في جديد

خالد: الحين الرائد ايهاب بيجيك معه قوات شرطه تأمن المشفى ، لا تخلى احد يخرج

تركي: ليش

خالد: فتحي هرب من الشرطه

وقف تركي ويبص على عبد الله

خالد: متوقعين يكون بالمشفى ، او ببيت اختك

قفل تركي مع خالد و خرج بسرعه لسوار يعرفها متخرجش في حته مع نظرات عبد الله الي راح وراه ، بدأ يدور عليها لحد ما لقاها

تركي: سوار لا تخرجين من المشفى

سوار: ليه

تركي: بعرفك كل شي بس في خطر علي حياتك

سوار: طب سالي فين

تركي: ان شاء الله تروح البيت الشرطه بتأمن البيت كمان

سوار: ليه دا كله ، هو في أيه

حكي تركي لسوار كل الي خالد قاله و دعم عبد الله كلام تركي بحكايه فتحي لما كان في السعوديه و تأكده ان فتحي جاي عشان ينتقم منه ، نزلت دمعه سريعه من سوار

سوار: يعني أيه ، ماما متفقه مع خالو عليا ، وانا الي كنت مفكره انها خايفه تعد لوحدها لما عرفت انك اخويا ، اتاريها كانت خايفه على الفلوس ، يعني كانت عارفه انا فين و حصل فيا أيه

عبد الله: اسف بنتي ، هذي غلطتي كان لازم اختار أم مناسبه

سوار: انا قدمتلها كل الحب الي ممكن حد يقدمه عشان تحبني ، و استحملت كل انواع العذاب النفسي الي عيشتني فيه ، و استحملت مسؤوليه مش بتاعتي ، قلت اكيد هتفرح لما تلاقيني مبسوطه ، طب اتصرف ازاي انا دلوقتي

تركي: ما في شي يواسيك سوار ، بس هذي أمك

سوار: ما انا عشان كدا ساكته و مستحمله

مسحت دموعها و مسكت موبايلها

سوار: انا لازم اطمن على سالي

عبد الله: ما يسويلها شي ، هو بينتقم مني انا

دخلت الممرضة

الممرضة: د.تركي المريضه فاقت ، كلنا منتظرين حضرتك

حرك راسه بمعني تمام و مسك ايد سوار عشان تدخل معاه و حاول يخليها هاديه ، دخل تركي الاوضه مليانه ممرضين و دكاتره مساعدين ، مع الدكاتره الي كانو معاه في العمليه ، بدأ يكشف عليها

تركي: أستاذه رضوى ، الحمد لله صرتي حره من الورم ، و لكن للاسف صار معك شويه مضاعفات كنت مخبرها لسوار ، صار معك شلل نصفي و الحمد لله على سلامتك

خرج تركي و استاف الدكاتره و الممرضين وراه و رضوى مش مستوعبه الي بيقوله ، بتحاول تحرك رجليها بس هي مش حاسه بيهم ، بدأت تخبط رجليها بايديها بس مفيش احساس ، فضلت سوار قاعده قدامها ساكته و الدموع تنزل من عينيها ، بصت رضوى لسوار

رضوى: كله بسببك ، كله بسببك ، اعيش انا ازاي دلوقتي ، يا ريتني كنت مت ولا عشت نص مشلوله

سوار: تعيشي نص مشلوله ولا تتحبسي يا ماما

بصت رضوى لسوار بسرعه و بطلت صريخ و عينيها مبرقه

سوار: انت عارفه يا ماما ، دايما كنت اسأل نفسي هو ليه انت عندك الورم دا بالذات ، كل الدكاتره اجمعو انه ورم مش طبيعي ، وانا كان أملى في ربنا كبير و اقول لا اكيد ربنا هيجبر خاطري و خاطرك و يشفيكي و تحبيني ، يمكن لما تلاقي اهتمامي بيك قلبك يحن ، او تبطلي العذاب النفسي الي كنت بتعيشيه ليا ، لما فتحتي قلبك ليا و حكيتيلي قصتك مع بابا على قد ما كنت مدايقه على قد ما كنت مبسوطه ، قلت خلاص بدأتي تحسي بحبي ليكي و انا كنت مستعده أسامحك و انسي كل حاجه ، بس لما الموضوع يوصل انك تتفقى مع خالو عشان تخطفوني يبقى الحب الي كنت بديه مكنش بيأثر ، كنت موهومه ، انا دايما مقتنعه ان ورا كل حاجه في بتحصل في حياتي حكمه ، بس بجد مش عارفه أيه حكمه ربنا في دا

اصفر وش رضوى و معرفتش تتكلم

سوار: انا مش عارفه ازاي هقول لسالي كل دا عنك ، مكسوفالك و الله

خرجت سوار بتعيط من اوضه مامتها و دخل عبد الله بعدها

رضوى: انت جاي تشمت فيا صح

عبد الله: ما اتربيت اشمت بالغريب ، اشمت بأم بنتي !  انا بعرفك باخذ بنتي عندي ، خلاص ما اقدر اطمن عليها معك ،  و بوكل ممرضه تعتني فيك بعطيها اجرها كل شهر و اجر علاجك و متطلبات بيتك

رضوى: انت بتعمل دا ليه بقا شفقه!

عبد الله: لا انت ما في احد يشفق عليكِ ، كل هذا لبنتي ، عشان ما تحس انها مقصره تجاهك  ، انا ما أسامحك انت او اخوك ، و ان شاء الله الشرطه تمسكه مره ثانيه و ياخد جزاءه

خرج عبد الله و رضوى لطمت على وشها و تعيط وكل الي في دماغها ان فتحى هو السبب

.

.

.

.

بدأ يجري بسرعه و صوت العساكر وراه و هو مش راضي يقف دخل شوارع صغيره و بدأ يجري بسرعه لحد ما استخبي جنب صندوق زباله و فضل قاعد لحد ما اتأكد ان الشرطه جريت في  مكان مختلف ، قام و راح عند اقرب حلاق كان شاب صغير  ، دخل اجبره يحلق له شعره زيرو و يشيل كل دقنه و شنبه ، طلب منه بنسه يحاول يفتح الكلابشات ، بدأ يحاول يفتحها لحد ما اتفتحت ، بدأ يحسس على جيوبه لحد ما لقى ١٠٠ جنيه اداها للراجل و مسك فكه جامد

فتحي: انت لا شفتني و لا تعرفني ، وهعرف اذا قلتلهم عليا ، و ال ١٠٠ جنيه دول حق الحلقه و البنسه ، مع انك متستاهلشهاش

زق فكه بايده ، و اخد الجاكت بتاعه و لبسه و غطى راسه بالزنط ، و بص للشاب بتهديد و صباعه بيشاور له بمعني افتكر كلامي ، خرج بسرعه و بدأ يمشي بعيد عن اي ظابط و يمشي وسط الزحمه لحد ما قدر يوصل بيته ، دخل بسرعه لم كل الفلوس الي كان ساحبها من فلوس عبد الله و حطهم في شنطه و نزل بسرعه ، وهو بيبعد عن البيت لقى الشرطه نازله عند بيته قرر يروح بيت رضوى لان الشرطه اكيد هتكون عند المستشفى ، وصل العماره لقى سالي طالعه البيت راح لها بسرعه و رسم على وشه ابتسامه

فتحي: سالي

سالي: خالو ، انت فين يا خالو ، دا وقت بردو تختفي فيه

فتحي: تعالي نطلع و هحكيلك كل حاجه

دخلو العماره و على وشه ابتسامه نصر و دخل الشقه معاها

___________________________________

دخل تركي على رضوى يطمن على العمليه و هي ساكته مش بترد

تركي: أستاذه رضوى ، في شي يوجعك؟

رضوى: هو انا حاسه بحاجه عشان اتوجع اصلا

تركي: هذا كان اقل ضرر بالعمليه ، كان ممكن تموتين

رضوى: كنت موتني اسهل ، بدل العيشه العذاب الي هعيشها دي

بص تركي للممرضه و شاور لها تدخلها الاشعه ، خرج من اوضتها ينفخ ، متابعتها حمل على قلبه ، دخل مكتبه و بدأ يرتبه و اكتشف ان دفتر شيكاته مش موجود ، فتح ادراجه كلها و فرغ شنطته مش لاقيه ، وقف يتأكد من جيوب لبسه مفيش حاجه وقف شويه يفتكر ، خرج نادى الممرضة

تركي: في شخص دخل مكتبي بالفتره هذى

الممرضة: لا يا دكتور ، محدش بيدخل مكتبك غير والدك و اخواتك البنات

وقف تركي شويه مش مستوعب الي بيحصل عدت سوار من جنبه

سوار: أيه يا تركي ، سرحان في أيه

تركي: لا ولا شي ، في شي مو موجود بمكتبي

سوار: طب دورت عليه كويس يمكن تحت حاجه او في فايل

تركي: لا ما في شي

وقف تركي يبص لسوار بشك ، و بعدين غمض عينيه و مسح على وشه و هو بيستغفر و بيحاول يطلع الافكار الي في دماغه

سوار: في ايه ، هي حاجه مهمه أوي كدا

تركي: أيه ، دفتر الشيكات

سوار: يا خبر ابيض ، انت متأكد انك مش ناسيه في الفندق

تركي: لا انا متأكد ، استعملته قريب

وقف سوار و قلبها وقع في رجليها عرفت الي فيها و كان لازم تتصرف ، حياتها الجديده مهدده بسبب سالي ، لازم تتصرف و تجيب الدفتر قبل ما تركي يعرف اي حاجه

تركي: في ايش تفكرين

سوار: لا ولا حاجه

بص لها تركي بشك و بدأت الافكار تزيد في دماغه ومش عارف يتصرف ازاي

___________________________________

دخل عبد الله المسجد و اتصل بفدوى بلغها ان سوار هترجع معاه عشان تجهز البيت و تبلغ باقي العيله و بدأ يحكيلها على الي حصل

فدوى: و كيفها الحين

عبد الله: ما اقدر اواسيها ، كل مره تدخل لامها تبكي و ما في شي جديد

فدوى: ما اصدق ، في ام بالدنيا ما تحب أولادها

عبد الله: انا ما كنت اصدق ، بس الحين صدقت ،

فدوى: و هذا اخوها المجرم ذا الشرطه درت وينه

عبد الله: لا ، كلنا بالمشفى ما نقدر نتحرك و الشرطه مأمنه كل مكان

فدوى: لا حول ولا قوه الا بالله ، ان شاء الله بتعدي على خير حبيبي

عبد الله: فدوى ما اوصيك ما ابيها تحس بأي نقص ، ابيها تعيش و تنبسط

فدوى: ان شاء الله ، و غلاوتك عندي ما اخليها تحتاج شي

___________________________________

سالي: ولما كلمتها وبدأت ازعق راحت هاجمتني ، هو مش من حقى يا خالو اني اعرف كل حاجه عن ماما و لا أيه

فتحي: طبعا يا حبيبتي ، هي لقت ابوها و اخوها و نسيت أصلها يا سالي

سالي: حتى لو انا مكنتش موجوده بس دا حقي

فتحي: انا هشدلك ودانها لما اقابلها

سالي: تعالي يا خالو دلوقتي نروح المستشفى ماما عاوزه تشوفك ، حتى تقول لها كلمتين يصبروها

فتحي بدأ يتجلج و يتحجج عشان ميروحش

فتحي: لا لا مش وقتها دلوقتي ، خليها بكرا عشان تكون ريحت حتى

سمعو باب الشقه بيتفتح شاور فتحي لسالي تشوف مين و هو استخبي في الاوضه الكبيره ، دخلت سوار الشقه و شافت سالي ، حضنتها

سالي: عاوزه أيه يا ست سوار ، جايه تقطميني هنا كمان ، و لا جايه تعلميني الادب

سوار: انا عاوزه اتكلم معاكي بهدوء لو سمحتى ممكن

سالي: ليه بقا ان شاء الله ، مش انا مش فرد من العيله و مليش مكان بينك و بين ماما

سوار: سالي ، ارجوكِ انا محتاجه حد يفهمني و يقدر الي كنت فيه ، و الله مش تقليل منك ولا لاني مش معتبراكي جزء من البيت ، ولكن انا كنت بشوف مامتك بتتألم ازاي ، دا غير كميه السم الي كان بيدخل جسمها و مكنتش بتقدر تتحرك ولا تفرد ضهرها ، كل الدكاتره اجمعو انها مش هتقوم من العمليه سليمه ، اقل الاحتمالات انها تتشل ، و انا مكنتش بقول خوفا عليكِ و على ماما ، و كان عندي استعداد اخدمها بعيوني

سالي: و انا المفروض اصدق كلامك بقا

سوار: ايوا يا سالي تصدقيه ، لاني عمرى ما حطيت نفسي أولويه عليكو ، و انتو هدفي الاول و الاخير يا سالي صدقيني ، و الله العظيم ما كان قصدي أقلل منك ، ولكن خوفا عليكي

دمعت عيون سالي و بصت لها

سوار: سالي انا نفسي ابدأ معاكي بدايه جديده ، نفسي تثقي فيا و تتأكدي اني و الله ما عايزه غير مصلحتك

سالي: انا خايفه منك يا سوار

سوار: ليه يا سالي

سالي: معرفش خايفه و خلاص

سوار: سالي ، اعرفي اني عمرى ما هفرط فيكِ و الله ما هسيبك ، ولو سافرت هاخدك مش هسيبك ولكن قبلها عاوزاكِ تخليني اثق فيكِ

سالي: ازاي يعني

سوار: هاتي دفتر شيكات تركي ، و انا اوعدك مش هقوله حاجه هتصرف انا

قطع كلامهم صوت حاجه وقعت في الاوضه

سوار: أيه الصوت دا

سالي: دا خالو قاعد جوا

بصت سوار لسالي بفزع و مسكت ايديها عشان يخرجو بس طلع فتحي مبتسم و بيسقف

فتحي: بنت اختي الكبيره بقا ليها حد تتسند عليه و تتكلم بقلب جامد

.

.

.

.

سوار: انت بتعمل أيه هنا

فتحي: لا لا ينفع كدا ، مش تيجي تطمني على خالك حبيبك

سوار: انت عديت ازاي من الشرطه الي تحت

بصت لسالي

سوار: انت الي دخلتيه

سالي: شرطه أيه ، هو في أيه

فتحي: شفتي يا سالي ، اختك المحترمه طلبالي الشرطه

سالي: نعم ، هي وصلت لكدا

سوار: هفهمك بعدين يا سالي يلا ننزل بس

سالي: ننزل فين يا سوار ، انت بقيتي بتعملى حاجات غريبه ، ازاي تطلبي الشرطه لخالو

سوار: أرجوكِ مره واحده بس اسمعي كلامي

سالي: وأسمع كلامك ليه عشان تعملى فيا حاجه زي ما شليتي ماما

فتحي: أهو قانونيا ، انت كدا جانيه يا أستاذه سوار

ابتسمت سوار بسخريه و بصوت عالي بدأت تتكلم

سوار: قانونيا أيه ، مش لما تكون بتفهم في القانون الاول

سالي: يعني انت الي بتفهمي يا ست المدرسه

سوار: يا بنتي دا مجرم ، دا لا محامي ولا حاجه ، الشرطه بتدور عليه وهرب من القسم ، دا هو و مامتك الي أتفقو على خطفى عشان ياخدو فلوس بابا

فتحي: هم لحقو غسلو مخك يا بنت اختي

سالي: انت اتغيرتي من وقت ما لقيتي باباكي ، انا كنت عارفه

بعدت سالي عنها و خرجت دفتر الشيكات من جيبها و رمته في وش سوار ، الي اتصدمت من رد فعلها

سالي: مش انت جايه عشان دا ، اهو روحي بقا و مش عاوزين نشوف وشك تاني

سوار: سالي انت مش فاهمه حاجه

سالي: انت الي مش فاهمه حاجه ، الست الي ربتك ٢٦ سنه و خافت عليكي ، اول ما لقيتي أهلك موتيها بالحيا ، و خالك الي من لحمك و دمك طلبتيله الشرطه ، عاوزاني اثق فيكِ و اسلملك نفسي!!

وقفت سوار مش عارفه ترد تقول أيه فتحي قدر يضم سالي ليه ، و يثبت لها انها وحشه ، قرب فتحي لسوار و همس في ودنها

فتحي: قولى لابوكِ اني مش هسيبه في حاله ، و والله لأوريه النجوم في عز الضهر

غمضت سوار عينها و رجعت لورا و بصت لسالي

سوار: هتعرفي اني كنت بقول الحقيقه ، بس اتمني تعرفيها بدرى

خرجت سوار من الشقه و ايديها بترتعش ، مسكت في ايديها دفتر الشيكات و راحت المستشفى

___________________________________

فتحي: اكيد هتبلغ عني تحت و هيطلعو يدور عليا دلوقتي

سالي: لا يا خالو متخافش انا هطلعك من البيت و محدش هيعرفك

فتحي: ازاي

مسكت سالي الموبيل و اتصلت بواحده من صحابها في المدرسه ، دخلت العماره و طلعت لسالي

سالي: ها عرفتي تتصرفي في الي قلتلك عليه

رقى: اه ، دا انا اتعذبت عشان الاقى مقاس كبير

سالي: المهم جبتي

بصت سالي لفتحي و ادته اكياس

سالي: ادخل يا خالو البس دول

بص فتحي في الاكياس

فتحي: أيه دا يا سالي ، على اخر العمر هلبس لبس ستات

سالي: هتلبس يا خالو ولا تنزل و الشرطه تاخدك

فتحي: خلاص خلاص هلبس

دخل فتحي لبس اللبس الي سالي ادته ليه و خرج ، كانت ملحفه سوده كبيره و نقاب

سالي: هتنزل يا خالو معانا بس بعيد عننا متتكلمش مع حد و انا عندي مكان تعد فيه متقلقش

فتحي: هو أيه جو المسلسلات دا

سالي: متخافش يا خالو ، احنا مجربنها اكتر من مره

نزلت سالي و رقى و وراهم فتحي عدو من الشرطه و محدش خد باله

___________________________________

عبد الله: هلا تركي وينك

تركي: بسوي شي ضروري و بجيك يبا

عبد الله: انت خرجت من المشفى

تركي: لا تقلق يبا ، بخلص شي و اجيك

قفل عبد الله المكالمة مع تركي و بدأ يدور على سوار و لكن ملقاهاش ، اتصل بيها و هي مبتردش ، بدأ يقلق و نزل للظباط الي تحت

عبد الله: حياكم الله ، كيف الحال

الظابط: الحمد لله يا شيخ ، انت كويس

عبد الله: بخير الحمد لله ، بدرى ان شغلكم صعب بس ما شفت شابه تخرج من المشفى محجبه كذا

الظابط: صعب يا شيخ اقولك ، انت شايف كميه الناس الي خارجه

حرك عبد الله راسه بمعني فاهم و طلع تاني المستشفى

___________________________________

وقفت قدام النيل و حست بتقل الدنيا على قلبها ، قعدت على الكرسي و بدأت تفكر مش عارفه تعمل أيه ، سالي صدقت فتحي ومهما عملت مش هتصدقها ، معرفتش تقول الشرطه انه فوق عشان تركي هيعرف انها كانت رايحه تاخد منها دفتر الشيكات ، مش عاوزه يكون حوليها دواير شك ، قطع تفكيرها صوت هي عارفاه كويس

تركي: ليش تسوين كذا

فتحت عينيها بسرعه و بصت له

سوار: تركي ، انت جيت هنا ازاي

تركي: ايش تخبين عني!

سوار: مش مخبيه حاجه

تركي: و ليش تخرجين بدون علمي

سوار: كان لازم اروح البيت عشان اشوف سالي و اتطمن عليها

تركي: سوار ، انا وثقت فيكِ لا تخونين ثقتي

بصت سوار في عيون تركي الي كانت حاده على غير العاده ، و أخدت نفس و غمضت عينيها

سوار: هحكيلك ، بس انا مش عاوزه أخسركَ انت و بابا ، انا مصدقت لقيتكم

بصت سوار في عينيه و خرجت دفتر الشيكات بتاعه ، بص لها بلوم و صدمه

سوار: قبل ما تفكر في اي حاجه ، ولا تأخد عني فكره غلط انا هفهمك كل حاجه ، من قريب اكتشفت ان سالي بتجمع فلوس لشخص ما عشان يكملو تمن الشبكه عشان يخطبها ، و فوجئت ان الموضوع وسع منها لدرجه انها باعت خاتم دهب ليا عشان تديه فلوسه ، و حاولت اقنعها ان كدا مينفعش و للحظه افتكرت انها سمعت الكلام ، لما دخلت مكتبك كانت بتدور على حاجه تديهاله ، و ملقتش غير دا ، حاولت اني أقومها و لكن معرفتش ، و رحتلها البيت عشان اخد دفتر الشيكات منها

ادته الدفتر و رجعت شبكت ايديها في بعض في توتر

سوار: و كنت عاوزه احطه في مكتبك من غير ما تعرف ، كنت بحاول لآخر لحظه أخلي منظرها قدامي و قدامكو كويس بس معرفتش

سكتت سوار تبص في ملامح تركي الي مش عارفه تفسرها ، غمض تركي عيونه بيحاول يوزن الدنيا في دماغه و حط دفتر الشيكات في جيبه و قام من الكرسي من غير كلام

سوار: تركي انت مصدقني صح ، انا لو عاوزه فلوس كنت طلبت من بابا ، مش هحتاج اسرق

بص لها تركي و قرب منها و باس راسها

تركي: ليش تتحملين كل هالمواضيع لحالك ، كان فيكِ تحكي معي و نحل الموضوع ، ما تتحملين كل ذا

ضحكت سوار و نزلت دموعها و مسكت ايد تركي ، افتكرت كلام فتحي و قلقت على باباها

سوار: في حاجه كمان محتاجه اقولهالك

___________________________________

ايهاب: في حد دخل او خرج شكله غريب

الظابط: لا يا فندم مفيش

ايهاب: بتتأكدو من البطايق

الظابط اه يا باشا

دخلت منقبه المستشفى ، شافو بطاقتها و عدوها

ايهاب: استني استني يا مدام ، انت ازاي تدخلها من غير ما تتأكد منها

الظابط: اشوف وشها

ايهاب: في أيه يا حضره الظابط ، دا سنه أولى شرطه انا هعلمك و لا أيه

رجعت الست و كشفت وشها و دخلت ، وقف ايهاب يزعق في الظباط

ايهاب: طبعا حضرتك فوت كل المنقبات الي كانو قبل كدا ، اطلعلي يا ابني باتنين عند دكتور تركي و المكان الي يقولك تقف فيه تقف ، و حسك عينك انت و هو تفوت حد و الله ليكون اخر يوم ليكو في الداخليه

___________________________________

سالي: خالو ، هي طلبتلك الشرطه ليه

فتحي: زي ما سمعتي منها ، قال أيه انا خاطفها

سالي: طب انت عرفت مين اصلا الي كان خاطفها

فتحي: لا معرفش

سالي: اومال قلتلى انا هتصرف و اختفيت ليه يا خالو

اتلجلج فتحي

فتحي: اه ما انا كنت بحاول اوصلهم و معرفتش

سمعت سالي كلام فتحي و مقتنعتش بيه ، قررت تفتح الموبيل تشوف اخبار عمر أيه لقت صحابه منزلين له  صور لعربيه جديده و هو راكبها و كاتبين تحتها " الزهر لعب معاك  عقبال ما يلعب معانا" ، دخلت ستورى زمايله لقت كل واحد فيهم مصوره و هو بيسوق العربيه و في الي بيصوره و هو بيدفع فلوس العربيه ، اتصدمت و اتصلت بصاحبه حسن

سالي: ايوا يا حسن

حسن: ايوا ي سالي ، عمر مش معايا

سالي: هو عمر جاب عربيه

حسن: اه انت متعرفيش ، دا انا قلت انك اول واحده هتعرفي

سالي: متعرفش هو جاب الفلوس منين

حسن: مسألتش يا سالي ، بس انا عارف انه كان بيحوش بقاله فتره ، انت معقوله متعرفيش الحاجات دي

قفلت سالي مع حسن و قلبها وقع في رجليها و اتصلت بعمر ، مردش اول مره اتصلت تاني لحد ما رد

عمر: ايوا يا روح عمر

سالي: انت اشتريت عربيه

عمر: أيه الدخله دي يا سالي

سالي: رد عليا ، انت اشتريت عربيه

عمر: هو في أيه يا سالي ، مالك كل شويه تطلعيلي بهوجه شكل ، دي مبقتش عيشه

بدأت سالي صوتها يتهز

سالي: أرجوك رد عليا ، انت اشتريت عربيه

عمر: اه اشتريت عربيه ، ارتحتي

سالي: انت كنت موحش فلوسها غير فلوس الشبكه

ضحك بصوت عالي

عمر: اموت و اعرف مين العبيط الي فهمك اني هاجي اخطبك ، هو في راجل يخطب بنت مشي معاها

سالي: بس احنا كنا بنحب بعض

عمر: ولو كنت بحبك انا مش هتجوزك ، هو في بنت تسرق أهلها و ترمي جتتها عليا و المفروض اني اتجوزها ، اكيد معيوبه

سالي بصوت عياط و مكسور

سالي: اخرس قطع لسانك ، انت أخدت فلوسي و اشتريت عربيه ، انا استأمنتك نفسي و فلوسي و خنتني

عمر: بقولك أيه شغل المثاليات دا ميمشيش معايا ، روحي الله يسهلك احنا كدا خلاص خلصت حكايتنا

سالي: و فلوسي الي سرقتها ، و تعب اختي الي راح على الارض

عمر: اثبتي ان معايا فلوس ليكِ ، يلا اقفلي انا داخل على لجنه

قفل السكه في وشها و هي بتبص على الموبيل مصدومه ، اتصلت بيه تاني بس كان خلاص عملها بلوك ، انهارت و مسكت الموبيل تشوف مين الي تتصل بيه تستنجد لقت قدامها رقم سوار ، اول ما شافته افتكرت كلامها و انها طلعت صح في النهايه ، مكنتش غيرانه منها بصت لفتحي الي كان واقف في البلكونه و بيشرب سيجاره و حطت ايديها على بقها

.

.

.

.

عبد الله: وينك تركي ، وينها سوار

تركي: لا تقلق يبا ، انا و سوار كنا بمشوار

عبد الله: ليش خرجتو

تركي: بخبرك بكل شي يبا ، الحين لازم ترجع السعوديه

عبد الله: ليش ، في شي

تركي: لا يبا كلهم بخير ، بس انت بخطر هنا

عبد الله: ايش في تركي ، في جديد

حكي تركي لعبد الله كل حاجه ، و انه لازم يروح السعوديه عشان يضمن سلامته ، فتحي مش هيقدر يسافر عشان متراقب من الشرطه ، و هيبقى سهل القبض عليه

عبد الله: ما اسافر لحالي ، باخذك انت و سوار

تركي: لا يبا ، لازم تسافر لحالك

عبد الله: فتحي بيسوى فيكم شي ، هو بينتقم مني ، بيسوى كل شي لينتقم

دخلت سوار و حاولت تقنع باباهم و لكن هو مش راضي

سوار: بابا اسمع الكلام ، لازم تسافر

عبد الله: و الله ما اسافر ، اترك أولادي و اسافر

سوار: متقلقش احنا لازم نطمن عليك

عبد الله: و انا واجبي احافظ عليكم ، ما اسافر و اترككم

قطع كلام سوار و عبد الله موبيل سوار

سالي: سوار

سوار: ايوا يا سالي

سالي: انا استاهل ضرب الجزمه ، تعالي الحقيني

سوار: في أيه يا سالي

سالي: انا مصدقاكي ، خالو قاعد قدامي و انا خايفه منه ، تعالي الحقيني

سوار: عمل فيكي حاجه

سالي: لا ، بس شكله مخيف

قطع كلام سالي خطف فتحي الموبيل منها

فتحي: انت عارفه يا سالي الي هيضيعك أيه ، انك عيله طايشه ، مش عارفه انت مع مين ولا ضد مين

حط الموبيل على ودانه و برق لسالي

فتحي: هتجيلي يا سوار ، ومش انت لوحدك ، انت و ابوكي كمان ، انا مش هسكت غير لما اخد حقى منه

سوار: حق أيه الي تاخده ، انت الي ضيعت نفسك بنفسك

فتحي: انا مظلوم ، انت مدقتيش احساس الظلم بسبب واحد حياتي اتدمرت و اتمرمط و كل الي بعمله دا عشان اخد حقي و ارد كرامتي الي اتبعترت

سوار: محدش عمل فيك كدا انت الي عملت كدا في نفسك ، كان ممكن تبدأ من جديد ولو في حد ظلمك يتحاسب ، بس انت قررت تبوظ حياتك

فتحي: و حياتك يا بنت اختى ، و حياة اختى المشلوله دي ، لأخد حقي من ابوكي

قفل السكه في وشها و بص لسالي الي كانت بترتعش من الخوف

___________________________________

نزلت سوار للظابط الي تحت 

سوار: هو الظابط ايهاب فين

الظابط: مش موجود يا أستاذه

سوار: طب هيجي امتى

الظابط: انت عاوزه أيه وانا اخلصهولك

قال الكلمتين مع لين في صوته ، الي قابله تركي بحده

تركي: اخي ، اذا ما تعرف وينه الظابط ايهاب لا تتكلم

الظابط: انت بتزعق ليه يا عم الدكتور ، هو الواحد غلط لما يساعد

تركي: ما طلبنا منك مساعده ، خليها

دخل ايهاب على صوت الزعيق

ايهاب: في أيه يا حضره الظابط ، الصوت عالي ليه

بص لتركي و سوار

ايهاب: ايوا يا دكتور أتفضل ، حضرتك محتاج حاجه

تركي: انت ما تعرفني !

ايهاب: انت دكتور تركي ، انا اسف يا دكتور معلش ، الي ما يعرفك يجهلك

بص للظابط و رجع بص ليهم

ايهاب: حد دايقكم ولا حاجه

تركي: لا ولا شي ، بس ما شاء الله الظباط عندك يحبون يساعدو الحريم و يجو عن الرجال يصيرو دببه

ايهاب: امسحها في وشي يا دكتور معلش ، هو لسه دفعه جديده

قعدت ايهاب و سوار و سوار ادته الموبايل بتاعها

سوار: خالو فتحي مع سالي اختى ، انا معرفش هم فين بس ممكن تشوف مكانهم من الموبايل بتاع سالي زي ما عملتو وقت ما اتخطفت

ايهاب: هنشوف  ، مع اني اظن انه مش هيكرر نفس الغلطه مره تانيه

تركي: بس سوي الي تقدر عليه و اي شي جديد بنبلغك

ايهاب: هو كلمكم عاوز أيه

تركي: بيهددنا بالوالد ، ما اعرف بايش يفكر بس بيسوي شي للوالد ، انا متأكد

هز ايهاب راسه في تفكير و بدأ يفكر هيقدرو يجيبوه ازاي

___________________________________

دخل عبد الله المسجد و صلى ركعتين لله ، اليوم طويل بطريقه صعبه الساعه بقت ١٠ بليل و تفاصيل اليوم مبتخلصش ، قعد في جنب و بدأ يفكر في هدوء في الي حصل بينه و بين فتحي

****************************

فتحي: ألو ، ايوا يا عبد الله الحقني

عبد الله: ايش تبغى

فتحي: هينهو عقدي ، انا معنديش شغل في مصر ولا حتى كملت تعليمي ، أرجوك ساعدني

عبد الله: وليش ينهو عقدك ، اكيد سويت شي

فتحي: هكون عملت  أيه يعني يا عبد الله ، دا انا بستنجد بيك أرجوك ، ان مكنش عشان خاطري عشان خاطر رضوى

عبد الله: متجيبليش سيره الست دي فاهم

فتحي: خلاص يا سيدي ، تتحرق رضوى عشان خاطر سوار بنتك

سكت عبد الله شويه

عبد الله : بشوف ايش اقدر اسويه

قفل عبد الله المكالمة في فتحي و نفخ ، اي حاجه من طرف رضوي بقت تقيله جدا على قلبه ، كل الي يهمه ان يقدر ياخد بنته بعد ما تكبر شويه و تخرج برا الحضانه الجبريه لأمها ، اتصل بالكفيل الي ضامنه

عبد الله: هلا السلام عليكم

طلال: و عليكم السلام عبد الله كيفك اخوي

عبد الله: الحمد لله كيفك انت و كيف العيله

طلال: الحمد لله كله بخير

عبد الله: بغيتك بخدمه

طلال: سم

عبد الله: سم الله عدوينك ، في  واحد مصرى اسمه فتحي سعيد الميلاوي

طلال: ايه ايش فيه

عبد الله: كيف حاله بالشغل و كذا

طلال: و الله عبد الله مهما حاولت اوصف لك كيف هو مهما و سئ بشغله ما اقدر ، بالاول كان حلو بعدين صار يهمل بالشغل ، قلت خلاص اكيد بسبب زواجه و اولاده و كذا ، بعدين صار يسوي مشاكل ، بعدين صار يسرق

عبد الله: يسرق!!

طلال: أيه ، صار له شهرين يطلب اوفر تايم و انا أوافق قلت بينصلح حاله ، كل شوي بشوف شي بنقص ، راجعت الكاميرات شفته يسرق ادوات من المكتب

عبد الله: لا حول ولا قوه الا بالله

طلال: خلاص انا نهيت عقده و بيروح بلده ، ما استأمنه لمالي

سكت طلال و عبد الله

طلال: انت تعرفه شي

عبد الله: لا ما اعرفه ، بس لي معرفه من عيلته ، فقلت اطمن عليه

طلال: الله يرضى عنك لا تعرفه ، صار لي  ١٠ سنين بتعب و وجع راس

قفل عبد الله المكالمة مع طلال و مش عارف يتصرف ازاي ، فتحي بوظ الدنيا و لو حاول يدور على شغل تاني مع كفيل غيره محدش هيرضى بيه بسبب ملفه الي كله بقى اسود ، مفيش غير انه يطر يعمل حاجات من تحت لتحت عشان يقدر يطلعه ملفه نضيف ، فقرر ميتصلش بفتحي ملهاش لازمه المكالمه هتكون صداع على الفاضي .

بعد يومين اتصل عليه فتحي مره تانيه ولكن قرر ميردش ، في خلال اليومين اتصل فتحي اكتر من ٢٠ مره و عبد الله مردش ولا مره ، ولكن دخل عليه السكرتير يبلغه ان فتحي برا ، معرفش يهرب منه و دخله مكتبه

فتحي: أيه يا عبد الله ، لازم اجيلك عشان ترد يعني

عبد الله: لا بس كنت مشغول

قعد فتحي بأريحيه على الكرسي و حط رجليه الاتنين على الترابيزه بشكل يوحي بالثقه الزايده

فتحي: ماشي يا سيدي ، ها خلاص خلصت الموضوع و لا لسه

عبد الله: طلال ما قدر يكمل عقدك

قام فتحي بصوره همجيه و عصبيه

فتحي: ليه ، اومال انا متصل بيك ليه

عبد الله: طلال بيقول انك مو ملتزم بالشغل و بتسوي اشياء مو مناسبه  في الشغل

فتحي: انت هتصدق الغريب

عبد الله:  انت كمان صرت غريب ، الي يربطني فيكو بنتي سوار غير كدا انا ما يربطني فيكو شي

فتحي: كدا يا نسيبي ، ماشي بس افتكر اني مش هنسالهالك

******************************

نفخ نفخه سريعه و مسح وشه و راسه بايده و رجع يفكر هيعمل أيه في فتحي ، و هيحمى ولاده ازاي

___________________________________

دخل تركي و سوار لرضوى الي وصلت لمرحله الانهيار

رضوى: اطلعو برا ، اطلع برا انت و هي ، انتو السبب انتو السبب

سوار: ماما ، اهدي شويه

رضوى: اهدى ازاي ، مهو لو انت الي مشلوله مكنتيش هتبقي هاديه

سوار: ماما ، اهدي سالي محتاجاكي

سكتت رضوى و رجعت صرخت تاني

رضوى: هتحتاجني في أيه هو جت ولا سلمت حتى

سوار: سالي مع خالو ، ومنعرفش مكانها

سكتت شويه و ملامحها فيها شك

سوار: ساعدينا في اي حاجه تعرفيها نقدر نجيب سالي ، هديكي كل الي انت عاوزاه

رضوى: انا معرفش مكانه ، بس هو خد سالي ليه ، البنت مالها

سوار: هو معدش عارف بيعمل أيه ، همه يوصل لبابا و خلاص

رضوى: معرفش معرفش حاجه

خرجو من عند رضوى و قعدو في مكتب تركي

___________________________________

دخل عليها و هي مش طايقه وشه

عبد الله: بدون كلام كثير ، اعطيني رقم سالي و فتحي

رضوي: ليه بقا

عبد الله: خلصيني رضوي

اديته رقم فتحي و رقم سالي و خرج ، اتصل برقم سالي

فتحي: ألو مين

عبد الله: وينك

ابتسم فتحي

.

.

.

.

.

اعتذر عن التأخير و لكن لظروف شغلي مش بقدر انزل اكتر من بارت في الاسبوع ، و اذا في قابليه انزل اكتر هنزل

*******************************

فتحي: مش قلتلك مش هنسهالك يا عبد الله

عبد الله: ترا فتحي لا تحملني شي انا ما سويته

فتحي: بس يا عبد الله بس ، انت مدقتش يوم واحد من ايامي ، معشتش هربان و خايف وحياتك اتدمرت انت عايش في قصر غني أباً عن جد ، عاوز أيه تاني من الدنيا

عبد الله: ايش الي يرضيك و اسويه

فتحي: معدش في حاجه تهديني

مسك ياقه جلبيته و هزه جامد لدرجه ان شماخه وقع ( الشماخ القماش الكاروهات الي بيتحط على رأسهم)

فتحي: و الله ما هسيبك

___________________________________

فضلت رضوى تطرقع في ايديها من التوتر ، كل حاجه باظت فجأه ، و اتكشفت قدام الكل ضغطت على زرار استدعاء الممرضة

الممرضة: ايوا اتفضلي

رضوى: ناديلي دكتور تركي

الممرضة: هشوفه اذا فاضي ولا لا

خرجت الممرضة و رضوى ناويه تكشف الحقائق ، دخل تركي لرضوى بوش جامد

تركي: اتفضلي ، ايش تبين

رضوى: بص يا ابن الناس ، كل حاجه في حياتي باظت فهي كدا كدا خربانه ، اسمع مني كويس الي هقولك عليه و ركز في كل كلمه

اتغيرت ملامح تركي للاهتمام و شاورت له يقعد عشان تبدأ

رضوى: قبل اي كلمه هقولها ، سالي لازم ترجع بيتها

تركي: هذا بسويه وما احتاج طلبك

رضوى: ابوك راح لفتحي ، وفتحي مش هيسيبه

وقف تركي و بدأ صوته يعلى

تركي: انت ايش تخربطين ، ايش الي راح و لوين بالوقت ذا

رضوى: فتحي عنده اعتقاد تام ان سبب دخوله السجن هو ابوك ، و كل ما كان يشوفني كان يتوعدله ، ابوك مش هيطلع منها سليم ، انا بقول الكلمتين دول عشان انا مهما عملت من غلط فأنا أخدت تمنه و بزياده ، و احقاقا للحق ابوك مقصرش معايا ولا يوم لما كنت على ذمته ، خد سوار و ابوك و سافرو ، بس اوعدني ميقاطعونيش

سكت تركي وبص لرضوى باستغراب مش قادر يفهمها

تركي: ما اقدر أفهمك ، طالما انت تحبينهم كذا ليش سويتي كل ذا ؟

سكتت رضوي و بصت لايديها و شبكتها ببعضهم جامد

رضوى: هو الانسان كدا ، مبياخدش باله انه عك الدنيا غير لما تبوظ منه ، وانا مستحقش ان يتبص في وشي اصلا

قرب تركي لرضوى و حس فعلا انها ندمت

تركي: اذا تبين التوبه الله بابه مفتوح ، واذا تبين السماح ما شفت اطيب من قلب سوار ، بس انت انويها

خرج تركي من الاوضه و مش عارف يتصرف ازاي ، اتصل بسوار الي كانت في المسجد عشان تيجي بسرعه ووشها مقلوب

سوار: انت متأكد من الي بتقوله

تركي: اتصلت فيه ما يرد

سوار: استني ، انا هتصل بسالي ، يا رب بس تعرف ترد عليا

اتصلت بسالي و فضل الموبيل يرن بس محدش بيرد

___________________________________

كانت تحت الترابيزه دموعها على خدها و بتحاول تقفل ودانها ، سمعت زن الموبيل جنبها،  خايفه ترد ليسمعها  فتحي ، مسكته بهدوء و ايديها بترتعش و مسكت الموبيل ، ردت بصوت مهزوز

سالي: ألو

سوار: سالي ألو سمعاني

سالي: الحقيني يا سوار ، انا خايفه

سوار: اهدي يا سالي عرفيني مكانك و انا هجيلك

سالي: سوار الباب و النور  مقفولين ، انا خايفه

سوار: متخافيش ، عرفيني مكانك وانا هاجي افتحهم ، اوعدك قوليلي بس انتو فين

سالي: سوار ،  هيجي يضربني الحقيني

سوار: محدش هيقدر يقربلك وانا موجوده ارجوكي قوليلي انتو فين

سالي: هبعتلك اللوكيشن على الواتس

قفلت المكالمه مع سوار و جسمها بيرتعش كل همها تستخبي في مكان بعيد عن اي باب مقفول

___________________________________

عبد الله: انت ما كنت كذا

فتحي: انا شفت كتير يا عبد الله و كله بسببك

عبد الله: احكي ايش سويت انا

فتحي: بعد ما حضرتك مدافعتش عني مراتي سابتني و طلبت الطلاق ، و عيالي معنتش بشوفهم ، مرضتش اطلقها راحت خلعتني ، بقيت راجل مخلوع بسببك

بص عبد الله لفتحي باستغراب

فتحي: متشتغربش انت السبب مش في دي بس ، انا رديت كرامتى و حرقتها ، اه حرقاها مش انا الراجل الي اتخلع و عيالي حرقتهم هم كمان ، مش هم كانو ورا امهم يستاهلو مهم قلالات الاصل

بص عبد الله لفتحي برعب و رجع يهديه

عبد الله: الله يقبل التوبه خلاص ، انت سويت ذنب و ان شاء الله الله يغفرلك

فتحي: انا معملتش حاجه غلط ، انا رديت كرامتي الي انت كنت السبب في بعترتها

ابتسم فتحي بشر و مسك ياقه عبد الله

فتحي: و الله لأخليك تندم على اليوم الي جيت عليا فيه

___________________________________

وقفت عربيه الشرطه تحت البيت و طلعت قوات الشرطه بسرعه للمكان و وراهم تركي و سوار ، سمعو زعيق جامد من الشقه كسرو الباب و دخلو بسرعه ، لقو فتحي ماسك عبد الله من ياقته و وش عبد الله احمر من الزعيق ، دخلت الشرطه مسكت فتحي و خرجته برا الشقه

تركي: يبا انت طيب

عبد الله: أيه تركي

سوار: اقعد يا بابا ارتاح ، بابا متعرفش فين سالي

هز راسه بمعني لا ، جريت سوار لكل الاوض تفتح اوضه ورا التانيه عشان تلاقيها دخلت اوضه النور مطفى فيها فتحت النور عشان تسمع صريخ سالي

سالي: لا لا لا ، خلاص انا اسفه مش هعمل كدا تاني ، خلاص و الله

دخلت سوار ليها و قربت منها تحت الترابيزه ، دخل تركي و عبد الله على صوت سالي

سوار: سالي انا سوار اهدي محدش هنا غيري ، متخافيش

سالي: سوار ، هيجي دلوقتي هو قالي هيجي

سوار: متخافيش محدش جاي

سالي: هيضربني ، انا معملتش حاجه

تركي: سوار ايش في؟

سوار: مفيش اخرجو بس دلوقتي

قربت سوار لسالي و حضنتها كويس

سوار: خلاص اهدي محدش جاي خلاص ، هو خلاص مات

سالي: مات

سوار: اه مات ، مات من زمان متخافيش ، محدش هيقدر يقربلك طول ما انا موجوده

خرجت سوار مع سالي من تحت الترابيزه و قعدت برا ، جابت لها ميه بسرعه و قعدت جنبها تحسس على شعرها بهدوء لحد ما هديت

__________________________________

فتحي: ابعد عني بقولك ، انت بتاخدني ليه خده هو

وقف كلامه قلم من الظابط ايهاب يخرسه

ايهاب: القلم دا عشان هربت

ضربه قلم تاني

ايهاب: و دا عشان حرقت مراتك

ضربه قلم تالت

ايهاب: و دا عشان خطفت بنت اختك

ضربه قلم رابع

ايهاب: و دا عشان بسبب قلبت الدنيا من السعوديه لهنا

زقه وقع على الارض و شفايفه  مدممه و بص للظباط يكلمو عليه عشان يتعرض على النيابه

___________________________________

تاني يوم الساعه ١١ الضهر  بدأت تحضر الفطار عشان يجهز ، باتت هي و أختها مع تركي في بيتها عشان تتطمن عليهم و يتفاهمو في كل حاجه ، خرج تركي من اوضته و شعره منعكش دخل المطبخ و كانت اول مره يشوف سوار من غير حجاب

كانت لفه شعرها كحكه و لابسه ترنج رياضي شيك و قاعده تردد مع سورة البقره مع الراديو الي شغال في المطبخ ، ابتسم و قرب منها و باسها راسها

تركي: صباح الخير

سوار: صباح الفل ، يلا صحصح عشان تفطر

تركي: ايش تفطرينا اليوم

سوار: فطار مصري من الي قلبك يحبه

خرج تركي من المطبخ و اتوضى و صلى خلصت ودخلت على سالي

سوار: سالي ، يلا اصحي انا جهزت الفطار

سالي: مش عاوزه

سوار: لا مينفعش قومي

سالي: سيبيني في حالي يا سوار

سوار: سالي ، ارجوكي تعالي يلا خلينا نفطر مع بعض ، وحشتني القعده معاكي

سالي: هو انت ليه مبتكرهينيش يا سوار

سوار: اله ، و أكرهك ليه

سالي: عشان انا دايما بطلع غلط و دايما انت الي صح

سوار: مش عيب نغلط يا سالي

سالي: بس انا مش بغلط ، انا بعك

سوار: واذا بتعكي ، عادي انا هسامحك

سالي: بس المرادي عكيت جامد

سوار: احكي و متخافيش

حكت سالي كل الي حصل معاها و مع عمر و بدأت تعيط

سوار: اهدي يا سالي ، كلنا بنغلط و عشان نتعلم لازم نغلط ، قبل اي حاجه اوعديني انك هتستنى حلالك

سالي: اوعدك

سوار: الفلوس الي مع عمر  هنجيبها متقلقيش

سالي: ازاي

سوار: متشغليش بالك ، انت بس قومي اتوضي و صلي الصبح مع ركعتين توبه كدا و أنوي و خير و ربنا هيقف جنبك

خرجت سوار و سالي عشان تلاقي تركي و عبد الله قاعدين قدام التيليفزيون حطت الفطار على الترابيزه و اتجمعو

عبد الله: سوار بنتي ، ان شاء الله تسافرين السعوديه بكرا ، تركي بيرجع بعدنا ب ٣ ايام

سوار: اسافر !

عبد الله: ما اطمن و انت هنا

سوار: طب و ماما

تركي: بابا عين لها ممرضة خاصه كل أمورها تكون بخير

سوار: بس يا بابا انا مش جاهزه

عبد الله: ايش تبين و انا اجهزه

سوار: شغلي و سالي

عبد الله: كل شي له حل ، و سالي ان شاء الله بتجي معك

بصت سالي لسوار و رجعت بصت لتركي و عبد الله

سالي: بجد

تركي: أيه اكيد ، انت صرتي مننا الحين

سالي: و ماما هتوافق

تركي: لا تشيلي هم

بصت سالي لسوار بسرعه و عينيها بتلمع ، بصت سوار لتركي و ابتسمت ، ابتسم تركي ليها و قام بسرعه

تركي: طيب يبا ، انا بروح المشفى و بجهز التذاكر

سالي: بس انا مش معايا باسبور

تركي: لا تشيلي هم ، بابا دبر كل شي

سالي: انت كنت هتاخدني من الاول يا عمو

عبد الله: اكيد باخذك ، انت بنتي الثالثه

دمعت عيون سالي و قامت حضنت عبد الله ، خرج تركي المستشفى و خرج عبد الله يجهز حاجاته عشان السفر

___________________________________

رضوي: خلاص بكرا السفر

تركي: ان شاء الله

رضوي: ممكن تخليني اشوفهم مره اخيره قبل ما يسافرو

تركي: ان شاء الله

مد تركي ايده بورقه ليها

تركي: ذا رقمي ، اذا تحتاجين اي شي فيك تتصلين بأي وقت

رضوي: انت ليه بتعمل كدا؟

تركي: سيدنا ابراهيم ابوه كان كافر و ما مَل منه ، انت أم سوار حتى و اذا سويتي شي غلط بتكوني أم سوار ، ولك فضل عليها و واجبي احفظك ، حفظك من حفظي لسوار ، و أمانه اتحاسب عليها سالي بعيوني لا تخافين

خرج من عندها و بدأ يمر على الباقيين عشان يقدر يسافر مطمن

___________________________________

اليوم الي بعده الساعه ٥ العصر بتوقيت السعوديه وقفت قدام الكعبه بتعيط و ايديها على قلبها و مش قادره تتكلم نزلت سجدت تلقائيا و بدأت تعيط ، فضلت على الحاله دي دقيقه تقريبا قامت و مسكت ايد سالي الي كانت بتعيط هي كمان

سوار: اخيرا يا سالي ، وصلتلها

ابتسم تركي و اخدها في حضنه و بدأت تطوف حولين الكعبه و الدموع علي عينيها مش قادره تقف ، مخدتش بالها من النظرات الي مفرقتهاش من اول ما دخلت الحرم

.

.

.

.

قبل السفر بيوم ، خرج تركي عشان يكمل اجراءات السفر و بدأت سوار تجهز شنطتها هي و سالي ، دخلت سالي على سوار

سالي: سوار ممكن اسألك سؤال

سوار: اتفضلي طبعا يا حبيبتي

سالي: هو أهلك هناك هيقبلوني؟

سوار: اكيد طبعا هيقبلوكي اومال بابا واخدك ليه

سالي: لا أصل انا غريبه بردو ، تفتكري هيعملوني كويس

سوار: ان شاء الله يا سالي متفكريش كتير ، و اعتبريها فرصه تبدئي من جديد في مكان جديد لا حد يعرفك و تعرفي حد

سالي: طب هو باقي عيلتهم طيبين كدا زي عمو عبد الله و تركي

سوار: معرفش يا سالي ولكن اتمني

سالي: سوار انت مش هتسيبيني لما تلاقي اهلك

سابت سوار الي في ايديها و قعدت جنب سالي و مسكت ايديها

سوار: ابدا يا سالي ، انت اختى عشت معاكي اكتر من ما عشت معاهم ، حتى لو كنت مشتقالهم هتكوني انتي أختى و حته من قلبي و هفضل احميكي دائما

سالي: زي ما كنتي بتعملى وانا صغيره

حركت سوار راسها بمعني ايوا ، و رجعت تظبط الشنطه بتاعتها

___________________________________

قعد عبد الله على الكرسي و اتصل بفدوى فيديو وقالها انهم جايين بكرا

فدوى: و الله جد ، بجهز كل شي و أعطي خبر للعيله

عبد الله: بساوي عزيمه كبيره بمناسبه رجوع سوار

فدوى: ان شاء الله بتسوي كل الخير كله

عبد الله: ترا فدوى سالي اخت سوار بتجي معنا

فدوى: ليش

عبد الله: البنت وحيده ، و سوار تحبها كتير ما حبيت أكسر بخاطرها

فدوى: انا بوثق بقراراتك ، خبر الوالد و الوالده

عبد الله: بخبرهم ، بس اهم شي ما تحس انها منبوذه او كذا

فدوى: لا تشيل هم

قفل عبد الله مع فدوى و اتصل بمحمد

محمد: جد ، الحمد لله يا رب ، الله يبارك بعمرها و بعمرك ، بسوي عزيمه كبيره و اجهز المزرعه

عبد الله: كله بصير يبا ، بس مو الحين ، انا بسوي عزيمتي بالبيت و انت تسوي عزيمتك بالمزرعه

محمد: ما في مشكله ان شاء الله بيكون خير

عبد الله: يبا

محمد: سم

عبد الله: سم الله عدوينك ، انا بجيب سالي اخت سوار معي

محمد: ليش تجيبها

عبد الله: سوار تحبها كتير ، و البيت لحالها و تعرف رضوى و كذا ما يعتمد عليها

محمد: انت تقبلها عبد الله

عبد الله: البنت ما سوت شي غلط للحين ، و طيبه ، غير ان سوار بتخاف لما تيجي لحالها ، فكرت احسن شي أختها تكون معها

محمد: متأكد عبد الله

عبد الله: أيه يبا متأكد ، بس لا تفرقون بينها و بين سوار

محمد: ان شاء الله

___________________________________

في المستشفى كان تركي بيمر على حالاته بسرعه يطمن عليهم دخل لرضوى الي كانت مع الممرضة الخاصه الي عبد الله عينها

تركي: ايش الاخبار اليوم

رضوى: كويسه

تركي: تحسين بأي ألم او التهاب بالجرح

رضوى: لا مفيش

بص تركي للممرضه

تركي: العلاج كامل و كله بوقته

الممرضة: اه كله تمام يا دكتور

تركي: لا تنسين التمارين اليوميه

الممرضة: متقلقش يا دكتور ٥ مجاميع لكل رجل كل مجموعه ١٠ عدات

تركي: النظافة على الجرح عشان ما يصير تقيحات

الممرضة: كل حاجه زي ما حضرتك قلت

تركي: كل اسبوع تعطيني تقرير عن حالتها و تحاليلها كامله و تهتمي بالحاله النفسيه و العذائيه و كل طلباتك تكون عندك

الممرضه: تسلم يا دكتور ، هي فوق راسي متقلقش

لف تركي وشه عشان يخرج بس وقفه صوت رضوي

رضوي: انا عاوزه اشوفها قبل ما تسافر

تركي: بخبرها

رضوي: خليها تجيلي ضروري

تركي: اذا تريد تشوفك بتشوفك ، سالي بتسافر معنا

رضوي: أيه ليه ؟ خد سوار و سيب بنتي

تركي: سالي تحتاج تعيش باقي حياتها بسلام

رضوي: وهو انا هعملها أيه ، مش معقول هتساب وحيده وانا بالمناظر دا

تركي: بيجوكِ و تتفاهمين معهم

خرج تركي و وقف قدام مكتبه و مسك موبايله يحجز له تذكره هو كمان ، قرر يسافر معاهم بدل ما يعد لوحده ، و كل الحالات بقت مستقره معدش في ضروره يعد معاهم

___________________________________

جهاد: سمعتي ايش الجديد

ساره: ايش في

جهاد: عمي عبد الله عنده بنت بمصر و بيجيبها بكرا السعوديه

ساره: و الله جد

جهاد: و الله سمعت امي تكلم خالتي

ساره: ما كنت اعرف ان عمي عبد الله عنده بنت من مصر

جهاد: مو بس كذا

ساره: ايش في تاني

جهاد: بتيجي معها أختها

ساره: مين ذي

جهاد: أختها من امها

ساره: ايش هذا ، ليش عمى يجيبها

جهاد: بس بس انطمي ، صوتك عالي

ساره: و اذا صوتي عالي ايش الي فيها ، مو الحقيقه نحنا مو فندق

دخل سيف عليهم

سيف: ايش في يا دُبه ليش تصارخين

ساره: مين الدبه

سيف: ما شايف دُبه غيرك

ساره: سيف ، ترا و الله ما اسيبك

سيف: ما برد عليك ، ايش في جوجو حبيبه اخوها

جهاد: سمعت امي تكلم خالتي فدوي تقول ان عمي عبد الله بيجيب بنته المصريه من مصر بكرا و كمان بتيجي أختها معها

سيف: انت تعرفين ان عمى له بنت مصريه

ساره: اكيد كان يخبيها ما يبي حدا يعرف ، عشان كذا ما عرفنا عليها

سيف: ايش فيك ساره ، انت ما تعرفيها

جهاد: وليش ما عرفنا عنها

سيف: ما اعرف بس بنشوفها و نعرف كل شي

دخلت خديجه علي صوتهم

خديجه: ايش في يا عيال

سيف: يما بناتك و الله اتجننو ، انا بخرج مع الربع ( الشله )

خرج سيف و بصت خديجه للبنات

خديجه: ايش في

جهاد: ترا سمعت كل شي

خديجه: انتي يا الراوتر ،  اطلعي بكلم اختك بشي

جهاد: يما

خديجه يلا

خرجت جهاد و قفلت الباب بصت خديجه لجهاد

خديجه: تساوي أي شي و تخلي بنته الجديده هاذي صديقتك

ساره: ليش يما ، وهذى الجديده ذي

خديجه: انت ما تبين تركي ، لازم تقربين منه

ساره: بس يما

خديجه: لا بس ولا شي ، ساوي الي بقوله و تركي بيكون خاتم باصبعك

*******************************

جهاد بنت فهد عم سوار ، قمحيه عيونها سود قصيره و مليانه شويه عندها ١٨ سنه

ساره اخت جهاد بنت عم سوار فهد قمحيه شبه جهاد شويه و لكن ملامحها اكبر عندها ٢٢ سنه

سيف ابن فهد الكبير و ابن عم سوار طويل مهتم بجسمه بيشتغل مع باباه في الشركه عنده ٢٧ سنه

خديجه زوجه فهد و أم سيف و جهاد و ساره عقربه كبيره و هتموت و تجوز ساره لتركي عشان عبد الله أغنى من فهد  عندها ٤٠ سنه

********************************

الساعه ٦ المغرب في مصر ، وصلت سوار و سالي المستشفى يقابلو رضوى ، دخلت سالي سلمت عليها و حضنتها و سوار وقفت زي ما هي سلمت عليها بالكلام بس من غير اي ملامح

سوار: تركي قال انك كنت عاوزانا

رضوي: مقدرتش اعرف انك هتسافري و ما اشوفكيش

ابتسمت سوار ابتسامه سخريه

سوار: ماشي اديكي شفتيني ، عاوزه تقولى حاجه

رضوى: سامحيني يا سوار ، انا عارفه اني عملت حاجات كتير مينفعش تتعمل ، بس انا عارفه انك أكتر حد قلبه طيب

سوار: ماشي يا ماما ، انت محتاجه حاجه تانيه

رضوى: يعني مش هتسامحيني ؟

سوار: محتاجه وقت افكر شويه يا ماما ، مش هقدر اخد قرار دلوقتي

بصت رضوي لسالي الي كانت ساكته

رضوي: وانت يا سالي هتسافرى و تسيبيني

سالي: ماما انا فضلت ظالمه سوار كتير و اكتشفت في الاخر انها اكتر حد بيخاف عليا ، المكان الي هتسافر فيه سوار هروح معاها

رضوى: وانت مفكره انهم هيقبلوكي هناك

مشت سوار خطوتين لرضوي و مدت السبابه في وش رضوى

سالي: انا مش هسمحلك تلعبي ألعابك النفسيه مع سالي ، كفايه ألعابك معايا طول السنين الي فاتو ، سالي حته مني و الي عاوز يقبلني لازم يقبلها معايا ، و اوعي مره تانيه تحاول تهزي ثقتها في نفسها

خرجت سوار برا المستشفي و رجعت البيت و بعد ساعه حصلتها سالي نامو ساعتين و راحو للمطار عشان يسافرو

سوار: بابا ، احنا هنوصل السعوديه على امتى كدا

عبد الله: على الفجر

سوار: انت قاعد فين يا بابا

عبد الله: بمكه

سوار: بعيد عن الحرم؟

عبد الله: مو كثير ، مسافه ٣ ساعات بالسياره

سوار: طيب انا عاوزه اعمل عمره

عبد الله: تسوين كل شي بس تتعرفين على العيله

سوار: لا يا بابا ، اروح الاول ، مش هتاخد وقت اخلص و ارجعلكم

بص عبد الله لتركي و ناداه

عبد الله: تركي ، بتوصل اختك الحرم على العصر كذا تسوي عمره و ترجع

تركي: الي تبيه يبا

___________________________________

الساعه ٤ الفجر بتوقيت السعوديه وصلت سوار و عيلتها السعوديه و الي كان باستقبالهم جدها و جدتها و اعمامها من غير أولادهم و زوجاتهم ، دخلت سوار قاعه المطار وسلمت على عيلتها

محمد: هلا يالغاليه ، انا جدك محمد ، وهذه جدتك حفصه ، و هذا عمك فهد ، وهذا عمك بندر ، و اخيرا هذى عمتك آيات

سوار: أهلا بيكو كلكو ، سامحوني اذا غلطت في الاسماء

فهد: واذا حبيبتي ، كله مقبول منك المهم انك رجعتي لنا

سوار: تسلم يا عمو

آيات: هذى أختك سوار

سوار: اه دي اختي سالي

آيات: هلا و غلا بأخت الغاليه

بندر: يلا آيات تتسامرون بعدين

ركبو العربيه مع بعض ووصلو القصر بتاعهم ، كان عباره عن قصر كبير بريشيبشن كبير و خدامات كتير و البيت مجهز بأفضل أنواع العفش و الديكورات ، دخلت سالي و هي فاتحه بقها و ماسكه في ايد سوار و اتكملت في ودانها

سالي: أيه العز دا يا سوار ، دا احنا كنا مدفونين بالحيا

سوار: بس يا سالي

دخلت فدوي عليهم و حضنت سوار

فدوى: هلا يالغاليه

سوار: ازيك يا طنط

فدوى: الحمد لله يا قلب طنط ، و الله حلوه منك

ابتسمت سوار و بصت فدوى لسالي الي كان باين عليها القلق

فدوى: هلا و غلا بيك ، ايش اخبارك

سالي: الحمد لله يا طنط

فدوي: و الله طنط حلوه منكم

دخل تركي في النص

تركي: خلاص خالتي ، يلا ننام و لما نفيق تسولفون لبكرا الصبح

فدوى: ايش ذا يا دب ، كذا تستقبل الضيوف

تركي: خالتي، اي ضيوف هذولا اخواتي ، يعني أهل بيت ، لازم يتعودون

ضحكت سوار و سالي و سكتو ، شاورت فدوى على اوضه سوار و اوضه سالي

فدوى: هذولا متجهز فيهم كل شي ، و الديكور فيه يتغير اذا تبون بأي وقت ، بس الحين ارتاحو ، بكرا في عزيمه كبيره على شرفكم

سوار: تعبناكم يا طنط ، تسلمي

فدوى: أفا ، ايش تعبناكم هذى ! اذا ما اسوى كل ذا لبناتي لمين اسويه

ابتسمت سالي و اطمنت ان البيت هنا مش باصص ليها كأنها دخيل ، وقلبها ارتاح لفدوى ، مسكت ايد سوار و طلعو الدور الي فوق و دكل واحده دخلت اوضتها.

دخلت سوار اوضتها كانت جناح كبير سرير و قعده بترابيزه جنب الشباك بيطل على الجنينه و دولاب كبير و تسريحه فيها كل انواع البرفانات و الاكسوارات الي ممكن تتخيلها و حمام داخلى خاص بيها ، أخدت نفس كبير و ابتسمت ، دخلت الحمام اتوضت عشان تصلي الفجر و تشكر ربنا على نعمته .

لما دخلت سالي الاوضه فتحت بقها و بدأت تتنطط في مكانها و جالها حاله من الهستيريا ، فتحت كل الادراج و لمست كل حاجه موجوده في الاوضه ، و بدأت تلف حوالين نفسها و ابتسامتها على اخرها ، رمت نفسها على السرير و بدأت تفكر في حياتها الجايه ، طلعت موبايلها و بدأت تصور فيديو لكل الاوضه

* النهارده يوم من أجمل ايام حياتي ، سكنت في قصر و دا جناحي شوفو قد أيه كبير و جميل ، لا مش كدا بس دول جهزولى الجناح بكل حاجه حتى الحمام جاهز ، هتنادوني بعد كدا بالشيخه سالي*

خلصت الفيديو و بعتته ك streak على سناب شات و الي اتبعت لكل أرقامها أولهم عمر

___________________________________

كان قاعد مع صحابه على القهوه و الشيشه في ايده و ماسك الموبيل و فجأه قام من الكرسي متكهرب

عمر: إلحق يلا ، البت سالي الزهر لعب معاها

حسن: ازاي يعني

عمر: بص

وراه الفيديو الي كان بيتعاد كل ما يخلص

حسن: هي اتجوزت ثرى عربي ولا أيه

عمر: اتجوزت أيه يا عم هي دي لاقيه حد

حسن: اومال العز دا كله جه منين

سكت عمر شويه و افتكر سوار و اهلها

عمر: اه البت أختها ابوها ملياردير سعودي ، هتلاقيها راحت معاهم

حسن: وانت عارف حاجه زي دي و مصاحب أختها

عمر: معرفتش غير من قريب

حسن: طب أيه ، ما تجر كلام معاها و افتحلى سكه مع أختها

عمر: بس يا عم ، وانا هفتحلك سكه مع أختها ليه و انا مالي

قام من على القهوه و رجع بص في الموبيل تاني و بدأ يفكر يرجع سالي أيه تاني ازاي

___________________________________

الساعه ١٢ الظهر بتوقيت السعوديه ، صحت سوار و دخلت المطبخ تعمل فطار قابلها صوت الخدامه

ميمي: ماما سوار ، انت تحبي فطار

سوار: انا هعمله قوليلي فين اماكن الحاجه

ميمي: لا ماما فدوى تقول انا بس اسوي فطار

وقفت سوار جنبها تشوف هتعمل أيه و فضلت تتكلم معاها لحد ما عملت لها الفطار

سوار: شكرا يا ميمي

ميمي: شكرا ماما سوار

خرجت من المطبخ و قابلت عبد الله في وشها قاعد مع فدوى ابتسمو لما شافوها

فدوى: بسم الله عليك ، أرقيك من عيون الحساد

عبد الله: تعالي سوار

قعدت سوار و مد ليها كارت دهبي

عبد الله: هذا كارت الفيزا الخاص فيكي ، تنزلين اليوم انت و اختك تتسوقين مع سالي ، و لا تقلقي هذا unlimited

سوار: تسلم يا بابا بس احنا جايبين لبسنا معانا

عبد الله: و اذا تنزلين تشوفين كل الي تبيه و بعطي لسالي كارت اذا تبين تشتري شي

سوار: انا مش عارفه أقولك أيه يا بابا شكرا

عبد الله: انت و سالي بناتي ، و اذا ما كانت من صلبي هذه اختك ، و اختك على راسي

سوار: انت الي على راسي يا بابا

قامت و باست راسه و باست راس فدوى و حضنتهم جامد ، دخل تركي عليهم

تركي: ايش ذا ، هيك ابتدينا سوار بتخليهم عاطفيين 

قرب تركي و حضنهم كلهم خرجت سوار من الريسبشن دخلت لاوضه سالي لقتها لسه نايمه صحتها و قامت تجهز عشان تنزل الحرم ، خرجت سالي تفطر و قابلها عبد الله و قعد معاها ، ادها الكارت ، دمعت عيون سالي و سكتت

عبد الله: ليش تبكين

سالي: انت متعرفيش يا عمو ، ليه واثق فيا كدا مش خايف اسرقك

عبد الله: ايش الكلام هذا ، انا ما شفت منك الا كل شي طيب ، وبعدين انت بنتي

سالي: بس انت متأكد اني استاهل دا كله

دخل تركي عليهم و بص في عينيها و هو عارف قصدها أيه

تركي: انت تستاهلين كل شي سالي ، سوار تثق فيك و واحنا نثق فيك

سالي: هو انا لو حضنت حد فيكو هيبقى غلط

ضحك عبد الله و تركي و طبطب عبد الله على ايديها و خرج

___________________________________

خديجه: يلا ساره بنروح لعمك عبد الله

ساره: بنقابل هذي المصريه

خديجه: و الله اذا ما تسوين الي اقوله بتشوفين ايش يصير

خرجت خديجه مع ساره لقصر عبد الله و قابلت تركي و سوار و سالي على الباب

خديجه: هلا تركي ايش الاخبار

تركي: هلا خالتي كيف الحال

خديجه: الحمد لله

بص تركي الارض لما شاف ساره و شاورت على سالي

ساره: اه انت اخت تركي المصريه

سالي: لا انا اخت سوار اخت تركي

بصت ساره لسوار و ابتسمت و تجاهلت سالي

ساره: هلا ببنت العم ، كيف الحال

سوار: الحمد لله

ساره: انا ساره بنت عمك فهد و هذى امي خديجه

سوار: اهلا بيكي

تركي: طيب انا بستأذن ، سوار بنستناك بالسياره

خديجه: تروحين بمكان

سوار: هنروح نعمل عمره

سالي: بسرعه كذا ، كنت ترتاحين أول

سوار: انا ارتحت الحمد لله و استأذنت بابا و قالي ماشي

ساره: طيب تحبين اجي معكم

سوار: تعالي براحتك ، بس احنا هنطلع بعدها على المول نشتري شويه حاجات

ساره: مو مشكله بكون معك ، فرصه نتعرف على بعض اكثر

ركبو العربيه مع تركي و هي متعمده تتجاهل سالي ، و كل تركيزها مع سوار و تركي ، حست سوار بعدم راحه معاها ودا الي خلاها تقلل كلام معاها ، وصلو الحرم بعد ٣ ساعات و قفت وراهم بخطوتين شافها تركي حاضن سوار و هي بتعيط و سالي الي ماسكه في دراع سوار و هم بيطوفو حولين الكعبه و نظراتها كلها حقد و تركيز ازاي تقدر تبني علاقه كويسه معاها عشان توصل لتركي

.

.

.

.