تحميل رواية «كحل عرب» PDF
بقلم زينب ماجد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
الفصل السادس والسبعون والاخير لو نگدر يروحي نطير فوگ الغيم فوگ الضيم فوگ دروبنه الضيگات حتى الخطوه تمتد والمسافه تطول وتكبر بالنهاية احلامنه الحلوات - عريان السيد خلف ( للملاحظة ارتأيت ان تكون كل حلقة بهذه الرواية تبتدي بابيات شعرية للشاعر الكبير عريان السيد خلف كونه هو اجمل من جسد الحسچة الجنوبية بقصائده ولإن الرواية جنوبية اقترنتها بقصائده الرائعة .. الرحمة و الغفران لروحه النقية) ........ خنجر : جاي امشي توني راد و ما احس الا واحد يصيح علي ( ولك خنجررررر خنجررررر الحك ) - شنهووووو - سالفة تفي...
رواية كحل عرب الفصل الستون 60 - بقلم زينب ماجد
رواية كحل عرب الفصل الستون
( طلابة حاكم )
( عريان السيد خلف )
حيدرة : متفقين
جمارة : خوش
جا خل أو صلاح للمدرسة
اكلك انت شو ما تستحي على روحك، جا يو شافك احد شيكول .
خوش انا راح اهدج و نتشاوف بعدين خاطر اكلاج على خنجر .
دروح يله ...
هداني ومشى و انا رحت لمدرستي .. بس ظليت احسب ... خنجر يحب نسوان هواي ! هو جان يحب راديون بس هي عرست و بعد ما تريده شني يعني كام يحب وحدة غيرها ؟
رحت للمدرسة والتهيت بدروسي بعد .
بس من طلعت من الدوام .. انا تضكريته و رديت افكر بيه ... من كون حجي حويدر صحيح ... انا شني اظلن احبنه ؟ .. اي جا شني الزلمة يعرس جدير بس انا اكدر اخلي يحبني بس انا .
رديت للبيت فتحت كتبي و ادرس
وامي ما تهون بيه اشتغل وياهم بالكاع من كون عدي دروس و هي تريدني اصيرن منفقه و الناس تحسدها علي .
بس انا ما اريدن ادرس كثر ما اريدن خنجر ....
جا هديوة موش عرست و ما درست ... جا علیش امي تريدني بس ادرس ؟ ... بس حتى لو ..... خنجر ما يريد الله دكتورة ، والله هاذ خنجر مسودن .. ابو دكتور اخو دكتور خاطر يريد يعرس
من دكتورة .
ثاني يوم مرني حويدر و ظل يمشي من الصبح بوراي ... انا نشدته عن خنيجر .. كال هو امس
جان ويا مرة .
كتله : ومنهو يكول
جا انا شلون اتبتلج و انت بالليل ما اطلعين
جا مني تريدني اطلع ؟
لا انا موش اريدنج اطلعين بس غير انت تريدين تعرفين الحك ... جا هو بالنهار لاهي ويا
سرحان و بالليل ويا الكح ***
لا تفشر هييي
جا بعد ما اعيدتها ، بس كليلي شلون ؟
جا انا ما اكدر اطلع بالليل
- خنجر ما يحبج
هو يكلي صيري دكتورة ونعرس ..
جذاب وعلي يجذب عليج
انت موش رفيجه عليش تكول عنه هجي ؟
جا انا احبنج
- وانا ما احبتك
جا انا رايد البتلج خنجر ما يحبج .. و انت ما مصكده ..
- اكلك ميل عني .
اسمعي الليلة اذا خنجر كعد ويا التساوين انا اجي عليج بالليل تشوفينه خوش .
- انا ما اكدر اطلع بالليل
ابوج موش ما موجود
جا شني ابوي ما موجود اطلع .. غير امي تكصبني
بعد بكيفي انا راح اجي خاطر البتلج انا موش جذاب الاجيتي براحتج الما اجيتي لا تكليلي
بعد جذاب ..
حجاها و مشى عني
انا رديت للبيت حتى دراسه ما هلي ادرس
ظليت افكر .. لليل و انا نويمة بفريشي بس عويناتي ما ياخذن نوم ... هيسيت احد عد الباب
مالنا .. و أسمع حس حيدرة يصفر بنص الليل .
عاينت منا امي نايمة و غاطة بسابع نومة .
وهديوة ابيتها ، و لاله بحجرتها و مامش احد موجود
کمت بهداي و تمشیت اعلی اطراف اجدامي و طلعت .... فجيت الباب و نعله حيدر جدامي
تروحين
- لا امش اخافن
جا انا اكول عنج كوية و ما تخافين طلعتي خوافة .
انا موش اخافن بس امي ما ترضى
شمدربها ؟ موش هي نايمة .؟
متوكد هو خنجر هيچ
جا امشي و شوفي بعينج .
عاينت ليه .. و دشبت جريت الربطة ماتي و طلعت اعلى كيف، حكيت الباب و كلت اله .. امش
و انا وراك
خوش
هو يمشي و انا اضم بوجيهي و امشي ... ليما وصلنا مجان بيه حس غنا و ناس تطبل و ترکص .
وكف هو وكالي : تعاي شوفي
كربت و توعت و لني اشوفن نساوين بركصن و خنجر کاعد و يشرب و يطك اصبع.
درت عنه و كلتله انا اريد اردن لهلي
اي بس شوفي
ما اريد اشوفن بعد
ای خوش بس تعاي .
هدني اريد اروووحن
اي اخليج تروحين بس شوية
ميل علي
تعااااي
کمت آخرمش بیه خاطر بهد ايدي و صحت : ميل عنييييييييييي
سکت حس الغدا هو بساع هد ايدي انا طكيتها ركضة .
طلع خنجر اعلى الصوت ... اول مشى شاف بت زغيرة تركض لجن ظلمة وما فرزن البت ياهي .
اندار لحيدرة : ياهي هاي البت و شنهي هاذ الصوت
حيدرة : مامش شي .. هيج وحدة
- شني الوحدة هاي
مواعدها و شردت .
ومني هاي
تراك طوختها جاي اكلك بت ... اييييه
هده و مشى و جمارة تركض بكل حيلها للبيت و تتراجف .. وصلت للبيت ، فکت بهدای و تنلفت
... صكته اعلى كيفها وكلبها يخفك ووجها اصفر من الخوف ..
توها جاي تمشي ولن يحبها الصوت : وين جنتي يجلجول ؟
فزت من كل كلبها : ها يمه
غمة التغمج و سليمة التطمح .....
كربت عليها وجرتها من اذنها : وين طالعة بنصاص الليالي ولج .
يمه بس طلعت للكاع
وسعدج بالكاع بها لليبيييل
- يمه بس افهمنج
اشتششش حسج ما اهيسته، دشي جدامي و يو سمعتج حس منح الا احشن زردومج .
کفختنی اعلی راسي و ركضت للحجرة دشيت و هي ما ادري شجاي تعمل برا و تبحوش و انا اطكطك بصابيعي و الخوف جاتلني .
دشت علي و هي توجر بالعطابة .....
شفتها و انا صحت : لا دخيلج يمه عليج العباااااس ، لا يمه لا ، احبن ايدج يمه .
هشششش لا ما تحجين الصكد هالعطابة هاي اتومها بکلیج و اردن ازین راسج و اخلیج
تتحسرين اعلى شعر البنات ... احجي وين جنتي
ما جنت عد احد والله يمه .
ما تحجين مووووو
وكريت العطابة من رجلي و جوتها وانا صرحت حطت ايدها اعلى حلكي : بربوك رايدة تشهريني
جدام مرت اخوج خاطر تروح عن اهلها تحجي و اصيرن علج بحلك خلود و اربيعاتها بسبة
دیا حتج ، تحجين يو اجويج مرت الاخرى .
احجي ما اجذب وعلي بس لا تجويني يمه ، احبن ايدج ..
احجي ياله
رحت للجول
نشفت و اطمت اعلى خدها : شعدج ولج بالجول ، ينمررررة احجي شعدج رحتي غاد
يمه يجيبون مطربات من هاي اليطلعن بالتفزيون مالت ايمان و انا رحت اعاین .
رحتي تعاينيهن مووووو
و جابت العطابة وكالت : ايدج الفكت الباب وما خلتج تفكرين بهلج وينهاااااا
وطبعت العطابة اعلى ايدي و انا كمت اصرخ و ايجي طكتني وطيحتني الفراس و ثبت
البطانية فوكي و سركت الباب خاطر لا يطلع حسي.
وردت علي و كفتني .. ايد اعلى حلكي وايد حاطتها اعلی خوانیکی و تخزر بيه و تکلي :
اطلعين بعد ولج ؟
وانا ابجي و اهيس روحي راح تنجر بديها
وهي تخنك بيه و تكلي : ولج نمرة انا خلصت من اختج ذيج و كلت علي يابو علي كبرت و رکت و بطلت سوالفها ذيج اطلعيلي انت يالبريووووك .
اليوم اكضيح بالعباس ..
وظلت تجتل وتخوف بيه ليما صارت الصلاة ...
هدتني و مشت و انا ظليت ايجي بخنيك.
ليما طلع الصبح غفيت من التعب ...
هيسيتها تغطيني .. فزيت خوف منها.
حجت : نامي ينمرة ... تفزين خايفة لونج خايفة ما خطت جدمج الباب بنصاص الليالي ، نامي نامت عليج اسليمة كون ..
عدی امتحان
مامش مدرسة بعد ، الطمري
المعلم يطردني يو غبت
انطمري لا اجي ادبح بمصرانج يله .
مشت علي و انا ظليت ابجي ... طلعت ولاله تنشدها : جا عمة جلجول ما تمش للمدرسة ؟
لاله بعمه ما تمش ... أمس الجوت بالجولة والليل كله تون من اديتها ، سوي الربوك و خليتي
اخذته للكاع خاطر تتريك هديوة ويانا .
- خوش عمة .
طلعت كواغد للكاع لكت هديوة سابكتها وطالعة للكاع
هدية : ها يمه اصباح الخير
عسنة لا شافنج الخير
ها بالحبيبة شمالج
من كونجن معلعلات الفادي بنمار يتجن .
- عليش شصاير ؟
اخيتج النمرة ذيج فزيت بالليل و انا اسمع الباب ينطيك بهداي ولنها طالعة .. و الساعة ٢ بالليل
يممممه صخام الصخمني ووين راحت ؟
تكلي اعاين اليركصن بالجول لجن كلبي يكلي تجذب و جميرة هكو شي ابالها .. انت اختها و
متورجه اعلی اسرارها شنهو المقادها بهديوة .
مامش شي عدها
- جاي تضم ضميلها
- انت شعملتي بيها
جويتها بديها ورجليها
علیش هیچ یمه تلاکیتها ظل ابالها البركصن بالجول وراحت تننو علهن .
- خايبة جميرة بني واعرفنها و كلبي ما مرتاحلها ولا مرتاحلج .. ومن تجي ساعتها وعلي
احطنج انت و پاها و اکسیجن
يا يمه جا رديتي على ، انا ياهو ماتي ؟
نسيتي كوا *** ج يو ما نسيتيها ، شكثر حجيت وشكتر ردمت ليما صخمتي راسج وراسنا .
- يا يمة شني تضكرتي
جا غير يو اتوبين خايبات انتن بنات حويكم ما ترتاحن لا ما تربلي علة بفادي ... اكلج انت عزبة تکلیلی اریدن سرحان ... جا تستحن تعرفن المستحى ... ضالات مثل ابوجن اليتمعتك ..
- ادور كليت على ابوي
اشتغلي لا انوم هالربد براسج وعلي .
من اكللهم البت ما اريدتها .. يكللي شمالح بكواغد ما تريدين البت ... های مصایب البت ما تنام ليلة بأمان الله يمن كونك تكعد تتفطتهن خوف ينزاحن ووادمنا ما تخاف الله بلسانها .
هدية : صحيت حليكي و اشتغلت يحس خافت عين امي موجرة نار اخافن لا اداهرها بالزايد و تكوم تذب حركتها بيها و انا اعظامي بايدة ما بيه جتك ..
خلصیت شغلی و خلیت امي ولالة يتريكن ... كلت الهن بس اروحن اغسل لبتي .. امي عرفتني رايحة انشد جميرة سوت روحها ما سمعتني ولا حجت وياي.
انا خدت بتي ومشيت البيت ...
لكيتها نايمه ندهتها : اكعدي يمفلوكة اكعدي
ها
وين جنتي امس و امی هیچ موجرة نار ؟
ما حنت عد احد
رحتي تشوفين خنجر ، موش يو لاله .
طلع يركض ويا النسوان
انهجم راسج كون ... و تنت شعدج رايحة تبعاد ولج لمة هتلية وسلاية ماشية ليغادي ما خفتي
وحيد منهم يكضج و يو يعمل الفاينة وياج .
ما خليته يكرب طكينه وركضت
- ياهو الما خليتي ؟
- حيدرة
حيدرة يا هو هاد ادور ؟
- رفيج خنجر
ولج هو خنجر سرسري ادور راكضة وراد صدجانه ... من دهر الدهرج كوووون ، خايبة امي السلام بيج ، ولج جاي تدرسين و شاطرة توهدئين روحي ويا هالسرسرية دول شنهيييبي .
سكنت .. و دميعاتها يجرن
انكسر خاطري عليها حبيتها براسها و كلت الها يلا يحبيبة حسي دموعج ، جا احنا نخاف عليج وعلي ذول هتلية و ياذونج ... اكبري و صيري دكتورة خنجر و جماعته يكومون يحبون تراب
رجليج موش انت التدورينهم .
امي جونني
خاطر ما تعبدينها مرت الاخرى ... بلا يخيتي كومي غسلي وجيهج و كومي وباي للكاع خاطر
تشتغلين و تنسين
لا اريدن انامن
نامي يلا .
نامت و انا درتها وحبيتها براسها ، خنكتني العبرة من هيسيت الشهكة بفادها و تشهك ... دمعت اعويناتي .
وينج وين العشك يجميرة من خرب حظج اي والله ، شخصلت اخيتج خاطر انت تحصلين ، ما يطول اعطانا وال تجيل بكتارنا.
کمت منها جاي اطلع ولن امي جدامي ... طويلة ولابسة اسود و معبسة ... و علي عدالي ملحالموت عرضلي ، خرطت ارويحتي من الخوف : يمه ادخيلك يا علي
- شكالتلج
- يمه شمالح وعلى ردت اسوبها اعلى روحي من الخوف ، تنصنتین اعلینا خودشی
احجي شنهي البيناتجن و يا عشك هاذ التحجين عنه
لا عشك ولا هم يحزنون كل السالفة لصحتها و طیبیت خاطرها
اطبيين خاطرها موووش
كافة المنجل بيدها و لنها اطلكني بيه و تكرمع اركبي
يمه جا انا صلي غرض واطكينيييييي
من عين الكوا ****ة كلها تعلمتها منج بالبعيرة، عليتي افادي ليما كبرتي و هالدوراجه على
احتج .. ما ترتاحن يبنات حويكم لا ما تموتنى ...
تحجي و تفر ورای ترید اطكني و انا الخوف كاضني واشرد عرضتلی ایمان ، لبدت بسدها .
حجت های شکو شبیکم ؟
كواعد : انت مالح غرض صمي بوزج ، ما الله ياخذني و يخلصني منجن بالبرابيك عليتن افادي
تحجي وتمشي ... ليما طلعت برا .
توها طلعت و جاي احجي ويا ايمان و طب ابوي
تلكينا بالهلا و المرحبا واحنا نحبحب براسه ... خليته ينفرد هو ومريته يتحاجون و انا طاعت للكاع ، لاكنني لاله و هي ترد للبيت اطيتها بتي و انا مشيت .
مشيت للكاع و امي تحوش ... كلت الها : يمه اجا ابوي
هي من سمعت فزت وراحت مهرفه اعلى البيت ... انا كضيت شغلي ، ردت أرمن الكاع ، لجن
ظلت ابالي سالفة خنجر ... حلیت اوزاری و حطيت عباتي اعلى راسي
عاينت لبيت اهلي : ابوي ما يطلع هسه من كونه تعبان، اروحن بساع و اردن .
طلعت من الكاع و انا الفن الشيل اعلى وجهي ظلت بس عيوني طالعة و تربي ، وصلت للمعمل
مانت سرحان، کویت
اصباح الخير عمي
- هلا بيج بوية
جا الشيخ سرحان وينه ، ما هو ؟
داخل دشي تلاكينه بغرفة الادارة ..
لا يعمي انا ما اكدر ادشن الواه يو انت تندهه اليه كله مرة معنازتك بالباب .
خوش بوية
دش ندهه لجن طول ربع ساعة باله طلع و هو يكله : ها حجي يا مرة الطالبتني
های
اندار و انا بكتار المعمل لافية .
کرب و کال : ها بویه کولی
من تكرب ازود و ركز بعيوني عرفني : هدوووة ؟
اي يسرحان انا
امري يهدوة معتازة شي
المجان موش مالت حجي بس انا مستعجلة ، لجن انا جاية اريدن منك توصي خنجر من كونه رفيجك يبعد عن جميرة ولا يكربها ...
و خنجر شعده و يا جمارة
الواحد يحجي حك الله هو ما عده شي لجن يحسبها زغيرة ويلاشيها و هي توها شابة تحسب هلاملاشاة عشك .. و امس رايحة للجول بلايا علم احد وهكو واحد اسمه حيدر ما ادري شني متعرض الها وهي طاكنه و انا خايفة الأمر يكبر.
يواش يواش وحدة وحدة ، شنهي المتعرضلها ، ويمتي هاي ؟
امس بالليل رايحة للجول خاطر تشوف خنجر
اي
وواحد من الشقاوجية متعرضلها مدري هو الكابللها خنجر هذا ما اعرف .. بس انا جاية خاطر تحجي وياه ينهرها و ما يطيها وجه خاطر لا تظل تنامل بيه .
لا تشغلين بالج يجي خنجر وانا اوهدن حاله و اخليه يبعدها .. معتازة شي اخر .
هكو بس المجان موش مالت حجي من كون الحجي المعشعش جدر القاد يترادلة وكت واذن
تسمع وكلب يفهم .... خاطر يطيب افادك .
انا ما اكرب ليج اخافن لا اديج بكربي بس اذا عدج حجي نكدر .......
وانا هم اخافن ، بس اريد اكللك لا تتامل بيه جثير واولادك معتازين ام و العشك ما هو انانية بكثر ما هو تضحية ، عرس يسرحان و حطلك مرة تخدمك انت و فروخك لا تظل تتعشم بيه من
كون الوكت ذايتي و ما بيه رجعة ودربنا ما يصح .
دنج و تنهد : الكلب غيرج موش هاوي ولا هو الراضي ينسى خاطر يبدلج و يحط وحدة و
يتسلى بمجانج ..
من كون عشكي موش جذابي خاطر كلبك ينسى ، جا موش يكولون الكلوب سواجي ؟ لجن ولون هیچ خط جرحك حدر افادك ... و شوف روحك .. انت شيخ و ما يصير تظل عزابي .. و انا اعرف انت ما تخط خوفن اغتاض .
و يو عرست ما تغنا ضين ؟
لا وعلي اموتن مو بس اغتاض
تبسم : جا علیش تموتين روحج
جا موش كتلك العنك تضحية موش انانية و ان جانك ما معتاز فروخك معتازين ..
ردي بهدوة و امني انا ما معتاز غيرج، خاطر ارضاه و سالفة خنجر انا احلتها.
اود عنك
هدوة
امر پشیخ
- شيخ السلف عاشكج يهدوة و جينج هاي شالت من افادة هموم يابو هموم .
تبسمت و بانت الضحكة اعلى عيونها و اندارت تمش و هي جنها طير مرتاح بجناحاته ويرفرف بعشكه .
انداریت و انا النهد و مرتاح كلش
يا مرتها اعلى القاد الجنها نسمة العذيبي يمر أعلى واحد خاتكة البين .
التفتت لابو حسن الحارس كلت الله : حجي خنجر وينه
ما جاي اليوم ، وتريد الصكد يا وليدي انا ما اريدن افتن اعليه لجنه يومية هالتاخير هاذ .
زین، خوش .
مشيت للادارة كتبت بحكه .. ينطى كامل هاذ الشهر ... و ينفصل من الشغل ... انداریت و انطيتها للمعاون مال الشغل ... كلت اله : يو اجا خنجر تطي حكه و تفصله من الشغل .
تامر اعلى راسي .
طلعت من المعمل مشيت للمضيف تغديت و بعد الغدا جانت عدنا اطلابة خذينا ازلام و مشينا ... ليما رديت خنجر واكف اعلى باب المضيف ....
خنجر : خايب عليش طاردني من الشغل
موش نشوفك بالاول خاطر اخليك
خذتني نومة وعلى
لا تجيب طاري علي كول سهران و سكران و متخم ليما متختخ .
حكك تكلت البارحة بس اجيت الضحى كالولي الشيخ طردك
عينك تستاهل الشغل ما بيه محسوبية يخنجر و انا عدي عمال من يشوقوني مفضلك عليهم و هم يشوفونك واحد شقاوجي شيكولون عني .
- جا هیچ صارت
انت موش مالت شغل ، هدك من السالفة هاي احجيلي شنهي سالفتك ويا جمارة بت حاكم . هاااا ؟
- جاي انشدنك
حايب شعدي وياها .
امس البت جاية للجول و متعرضلها حيدرة يخنجر ... العب بس لعبك خله اعلى الكاولية موش
اعلى بنات السلف ..
خايب شمالج احج عدل ... تنهي لعبك جا انا يمتى لاعب اعلى مرة .
جمارة شنهي سالفتك وياها .
انت تحجي صكد يو تتشاقه
اي وعلى امس اجت و حيدرة متعرصلها
لا يردي تضكرت وعلي ... انا شفت يت هيچ زغيرة ركضت بس ما ليالي جمارة .. شعدها هاي جاية للجول
- تنشدني ؟
خايب هاي مسوجة وعلي .
شنهي سالفتها وياك
خاب شوف الحظ ادور سالفتي ويا جلجول ، ولك البت مثل بنيتي وأحبتها جيفن ملسنة وتهذري يو مرت اتونس اعلى حجاياتها و هي تنشدني يمتى نعرس ، بس لا هاي صكد ناوية
اعلى السالفة.
عوقنا من هالسالفة ... و روح شوف حيدرة شنهو العاملة وتصرف وياه
هاذ انا نشدته و کالی بت مواعدها بس انا اله ، لا ما ...... ما اتسمى باسمي .
طلع خنجر من سرحان و مشى للجول ، نده حيدرة بدفرة وكاله : اكعد لك ، اكعد ياله
وجراه من ياخته و تعداد و جر الخنجر خطاه بزردومه
شمالك خنجر تسودنت ، شبل السجين مني .
البت اللفت امس بت حاكم
- وانت يا هو مالتك
- شعدك وياها ؟
مالك غرض
طكه بوكس و نام بخوانیکه و ذاك كام يتعارك وياه ... دشو الجماعة وجروهم و هم يفاككونهم .
شمالكم تسودنتو کولو ياله
- اسمع لك ، البت هاي يو كربتها وعلي راسك احشنه افتهمتنننننت .
اکریها و اشوفن شلون تحش راسی
تتعاركون اعلى بت وعلى ما تستحون ، خنجر شجالك تهدا .
خنجر : حجيت العندي و يو ما ردعتو عن هاي البت وعلي ابتلي بيكم كلكم.
تهددنا و احنا ربعك لجل بت
وانعل والديكم ... دليج الكاولية تختخو وياهن انعل سلفاي يو حجيت ، بس اليكرب منكم من
بنات السلف والله اكمن زردومه
مامش احد منا يكرب بنات السلف و هاذ التي تعرفه ومتفكين عليه ....
جا احجوا ويا الكديش الجاريت بكد زره بنصاص الليالي و جايبها للجول .. سوايتك هاي يو
عدتها و العباس ابتلي بيك ..
حيدرة : اكلك تعال جای اشو انت تستشرف بروسنا و خارطها غاد، دمش على ميييييل ..
راد يطلع كضاه خنجر وتلايمو و الربع يفازعون بينهم ليما فاركوهم و طلعوا حيدره ، و جروا
وخنجر كاعد يهدد بيهم ، ليما طلع عنهم .
رد السلف ينشد سرحان عن جمارة
هسته سلولها ؟
ما ادري عنها
- انت يا هو الكالك
- وصلولي الحجي
جا غیر اعرف
مو المهم تعرف ، اخذ حذرك و بس و اذا البت عاشكنك ... كللنا خاطر تتكدم و نخطبها الك .
تسودنت انت انا يو معرس بتي بكد جمارة ، شجاي تحجي ..
بس البت عاشكتك ، ومتعنية للجول لجلك ، شراید ازود ؟
خايب انت تحجي صكد يو تشاقه ؟
لا وعلي جديات ... ما اشوفن بالامر عيب اخذها وحطها حدر دامها عاشكتك .
والله يا شيخ السلف اظنن طكك خويط .
انت كلي ناوي تظل بلا مرة
السالفة مو هيج ، بس بت زغيرة سرحان .
البت خواطيبها أعلى الباب وتكلي زغيرة ، ياجر عكبك اهلها أطوها .... الماخذها هم يكول
زغيرة
اي خلها تعرس من اللي بحلها موش انا .
ما رايدها اعلى كيفك ، انا كنت اقلها اليت عاشكتك و ما تروح عد واحد ما تهواه وتذيل عده ....
تطيح بيك و تحملك و تحمل سواديتك و عربدتك .
اكلك شيخنا ستكول يو امكنك يزيج ؟
خب دميل عني انا هم صوجي احج ويا واحد سرسري مثلك .
تعال جا انت فاصلني و کاطع رزقی شنهي
الما يغيش لرزقه لا يدور رزق .
لا عليك العباس ، ما ابيه اردن للخاوات و اعلك وياهم.
دخيل العباس مالك رده .
خابب شيخنا انا بشاريك
ازين شاربي الانت بيه ، امش علي
اها كايب الخيك ... ابو مأمووووون .
حاكم : شمالج اليوم شنهي طابكات ؟
صلاوات يوم الطلعت من حجرة الخاتون ... يو ترد ونهدني اخير لك .
الله الاحد رديت تعبان ونمت جا کفرت .. بس ما خليتيني انام و انت اتهوسين اعلى الوادم و
شاعلة البيت باعصابح شنهي السالفة.
مامش كل سالفة هدني .
ام ستوري بويه اعصابح ..
دارت عنه وهي معصبة، اندار : جا هديوة وين ؟
لاله : ابيتها عمي
جماااااارة ، جميييييرة بويه
کواغد :- شرايد منها ؟
تمش تنهده لاختها تجي لیجای ...
خلها مالي خلك معارك اميدي و نویسه .. هذنا من المصايح .
اي انا مشتاكلهم ، خلهم يصيحون ... جمااارة
- جمارة مريضة ما الها طلعة
- شمالها ؟
- الحوت بالجولة
مشى للحجرة وفكها لكه جمارة كاعدة و مغندية : جميرة بويه تعاي اسلم عليج .
کامت حبت راسه و سلمت عليه، اندار ليها : شلون احتركتي ؟
ما حجت ظلت تعاين لامها .. هو اندار كواغد تخزر بيها من شافته دارت عنه : حاركتج امج موو لا
اكعدي استراحي بويه ، انا اروحن لا خيتج اجيبتها
- محبوبه ابيتها و كاعدة الجيبها عليش
جا نهدها ، طفر عليها حرامي طكت عليها جولة صار ما صار بيها شنهي دابينها .
شعدها ويظفر عليها حرامي ابن اخوك ما خلا اعلى حالها حال ينباك .. ذهبات ولا *** بيهن.
اكلج اشمالج اليوم متسود نه اعلى راسي ، ابن خوي شني احجي عدل ...
جا مجذبه هكو غير اهلك كطو امرارتنا ، هاي بت تخي لا حس ولا نفس مثل ميل الساعة
وفليح و يسرى من عبتهم من أهلك هاللعبوا بحالنا لعب .
- اليوم طاكات عدج ، اهدنج و امش احسن ما ابتلش وياج و اشغل البيت بيكم و انعل سلفاكم .
مشی و طك الباب وراه و راح جاب هدية و اجا و خلاها بالبيت، پس کواغد معصبة و حاكم
تضايك منها ، جو للبيت مكهرب كل اليحجي يترزل .. تعشوا وناموا كلهم .
للصبح تريكوا ... و جمارة كاعدة ... اندار ليها وكال الها : شو كاعدة بوية شني ما عدج دوام ؟
امي ما تخليني اروحن للمدرسة .
عكد حواجبة : بعد احسن بس عليش مكعدتها ، موش انت انتتعاركین و بای خاطر تداوم شحصل وبطلتيها ...
يعاين عليها و کواغد خازره بجمارة ، كامت جمارة من الصينية و هو موجد بيهن : شصاير ؟
انا وبني انت ياهو مالت
اي حكج مو انا كوا *** جاي من الشارع ياهو مالتي قابل بناتي هن لو انت مرتي .. تحجين عدل أو تخليني البيت هاذ اهجمنه فوك راسج ، متحملج من امس وليجاي و بو فاض صبري من
البيت اشردنج .
دفع الصينية عليها وكام ... انجب الجاي عليها فزت لالة و هي تجيبلها ماي ، ميلتها كواغد وراحت بدلت اهدومها و هو كام يصبح و يعربد بالبيت .
كلها خنست .. هدية خذت بتها و طلعت للكاع ...
وهو ظل يصيح الا يعرف شنهو الصاير كالتله : تعاند وموش مؤديه ... بتي واريد ادبنها عدك شي وياي ؟
ظل يغلط و يسب و يشتم و طلع و هو عصبي ، ردت كواعد الجمارة كتلتها و هي تكللها : ولج بالنمرة فوك شينج كوات لينج تكلیله امی ما تخلیییییییی .
اطك بيها بالعودة و لاله و ايمان يفاز علها.
حاكم طلع عصبي للكاع ... يمشي مهرف وما يعاين كدامه .. غير واحد يطلع عمره بال ١٥ سنة ...
كاض عودة و يطك بالزرع ... وعدم الزرعات كلهن .
کضاه حاكم من علباه و كاله : عدمت الزرعات ابن النعال ، شعدك بالكااااااع .
الولد كام يدفع بيه و حاکم عصبی و پشتم بيه - ذاك ذب حجابة وكاله : دميل عنى لا اتعل والديك .
و خاکم تسودن : خايب انت البكد فردة اتعالي تنقل والدي، اليوم ابتلي بهلك اليوووم .
كض الولد و طكه بوكس، ودفعه الكاع، وينردم بصخرة اعلى كاع ... و حاكم ما شافه انطك بيه من عصبيته استمر يطك بيه ليما شاف الولد ماعت روحه بالكاع .
کام اعلی حیله و يعاين راسه ينز دم ... تسودن
نزل عليه بندهه يكعده .. ما يكعد الولد .
طلع من الكاع و استاجر عربانة مالت مطي ، خطاها عليها و ركض بيه للمضمد .. و نعله يكله :
الولد ميت .
دخيلك يا علي .. هو اينمن هاذ ؟
الولد دايس كاعي و كاض عودة ويعدم بزرعاتي ... كضيته ونهرته ... شتمنى .. ملكيته ودفعتنه
ولنه يطيح أعلى صخرة .
عمي الولد مجتول مو مالت طايح اعلى صخرة .
شير علي انا اندار راسي ... وين اخذته
خفف اعلى روحك و امش وديه للمستشفى وسلم روحك للامن و انا اروحن اخير عمامك بالسالفة و تعرف ابن من هاذ .
ما جذب خبر اخذ الولد وراح بيه للمستشفى .. دخله وكال الهم : هاذ الولد داس کاعی و تلایمت ویاه و طاح اعلى صخره ومات وانا جاي اسلم جنته للمستشفى و اسلم روحي .
كضوء الشرطة بسرعة وخلوه بسياراتهم .
مشى المضمد للبيت مالت حاكم ... دك الباب
طلعت کواغد : يااااهو
- انا حنون خوية
هلا بيك خوية ، هلا ومرحبا
هلا بيج خوية بس انا جاي اخبرنكم
شنهي ؟
حاكم تعارك ويا واحد وطاكه .. والولد مات و حاكم راح وداه للمستشفى و سلم نفسه ، انا كلت
اخبرتكم كيل لا اروحن لال تجبل .
يمممممممه دخيلك يا علي .. شنهي مات
اي والله الولد جاباه ميت، و انا كلت اله خفف اعلى رويحتك و امش سلم نفسك .. و علي
عمامك تفزع .
يمه صخام الصحمني ، أنهدم بيتي بمممممه .
لاله : ما عمه
ونج عمج طاكله واحد و اموته يمه ، راح زلمني وعلي ، انهجم بيتيييييييبي الهجم بيتي .
نشفت ایمان و لاله صرخت وكامن يتباجن اجت هدوة : هااااا شنهي
لاله : عمي طاك واحد واموته وراح سلم نفسه
بیبیمه ابوي ، مت عيني بويه .
کامت يتلاطمن كواغد جرت عباتها وراحت تركض للمستشفى .. والمضمد راح على بيت سلطان ال تجيل يبلغه .
وصلت كواعد للمستشفى : خايب يمه الشدلك عن وحيد اسمه حاكم ال خضير .. طاكله واحد و ه الواحد ميت بيده .....
حجية الرجال هاذ سلم نفسه وخذوه الامن بسياراتهم .
مت عيني يمه ، تصخم راسي يمه . هاي التابهات موش اعلى بالي ... دخيلك يا امير المومنين .... الهدم بيتييييي يمه وين جانتلي يممممه .
ظلت تلطم و ادك اعلى راسها و تبجي ، صفت سيارة سلطان وولده ، كرب منها : شنهيييبي طلابة رجلج يكو الغددددد
طلابة ما منها طلابة يمه ، وين جانتلك يحويكم ، امداني يو خالته يشعل البيت بعصبيته ولا هالطلابة هاي ، امداني وامده فركي ساعة الخليته يطلع بمممممه .
راح سلطان يستفسر من الأمن ... كالونه خذوه .. هد حاكم وراح يستفسر اعلى الولد لهساه ما
طلعوا اهله .
للمغرب واهله ما دارين عنه ... شيعوا بالسلف ... ولد هيچ مواصفاته انجتل .. أينمن ... محد يعرفه
کواغد : اعوينة ابو الحظ .. عسه يطلع بلا اصل ويروح حاكم ينسجن ، تصخم وجهج يكواغد ... اعوينة ابو الجاب مثلي ، كله مني ساعة الفكرت الزلمة بعصبيتي و هججيته .. الله لا
يطينيييييي بمه .
هدية : يمه يواشح بروحج بهداي عليج العباس .
راح ابوجن بممممه ، ستار بمه وينك .. وينكم يخوووووتي ... زلمة بيتي راااااح يمه .
دك الباب ... ولنه سرحان و عمه ابو فاضل و حمید طلعت الهم كواغد ، حجه : ها شنهي سالفة ابو ستار
طركاعة وطاحت اعلى روستا .. مدري منين طلعتله هالمصيبة هاي .
ووينه هو هسه ؟
خذوه الامن
ابو فاضل : لا تخافين ان شاء الله محلولة بس خل يلكون اعل الولد خاطر تطلع مشبه ليهم ...
ولنها تكضي بفصل و يطلع ... بهداي بم ستار ..
جا غير يو تعرف اهله، صار الليل و الولد ماله أهل ينشدون عنه .
للصبح .. و لن نأس من عرب ال مطشر .. ينشدون عن ولد توه شاب ... طلع امس الصبح و ما رد.
كالولهم هیچ و هیچ مواصفاته ؟
كالولهم .. اي
تلكونه بالمستشفى الولد اطاكم عمره ....
واهله تسودنو ..... امه شکت زيجها و ابوه كام يدك اعلى راسها ... وزلم تفاكه طلعت و هدت اعلی بيت حاكم .
ظهرية وكواعد و البنات كاعدات بالبيت وينوحن و ناظرات خبر عن اهل و الولد ... ما يهيسون و الا الرمي اشتعل اعلى بينهم وكامن الجيلات يدشن للهول .
گفتهن كواعد و شردن للحجرة يتلبدن بيها و يتصايحن و بنصارخن ...
هدية : سركت الباب امي وجمعتنا كلنا بالزاوية مالت الحجرة انا وبتي و حمارة و لاله و ايمان و جهالها ، مجوجبه اعلینه و تنخی ها با امیر المومنين ... ها يداحي الباب احضرنا .
الطك و الفشك اعلى البيت يفزع الكلوب واحدا قد تساوين ... اعاين لامي وجهه كام يصب هاي . تحس بوجهه و تنخی ، گفت بیدی ... و اطرافها بردت .
ها يمه
كضيني يهديوة يمه غوشيت ..
كضيتها و تجبتها اعلى الفادي، ونعلها اطيح و تتخريط ......
رواية كحل عرب الفصل الحادي والستون 61 - بقلم زينب ماجد
رواية كحل عرب الفصل الواحد والستون
( موقف ایمان )
على جف المناية مجرغدين انام وتلهث على الدنيا وليني بيها ابيوت .... وتتعافه وندم بالخلك هذا وذاك وعلى غفلة وزرگ خدامنا التابوت
(عريان السيد خلف)
هدية : طاحت امي و كمنا نتصارخ كلنا والفشك اعلى بيتنا ما نهيس الجيلات وين اطيح بالبيت
کمت اصيحن : ولج يمه ، يالحبيبة يمه عايتلي ، ولكم امي راحت من اديييييييييييييييه ، ولك بووووووووووووية .
اعلى حسن الفشك فزعت الديرة وطلع اهل عرب ال جلوب بخويطهم ... نسوان و زلم ... و اعترضولهم ويتصايحون وياهم .
ذولاك يصيحون ابنه مات و الناس تصيح البيت بس تساوين و جهال ... تهدون اعلی نسوان ، شنهی جا شواریکم ما تهتز و تكولون فزعنا تساوين .
انا هيسيت وكف الرمي و الصياح برا عالي، طلعت ليبرا و صحت : دخيلكم الحكونا أمي طاااااااااحت.
هم شعد الهم امي لايحتها جبلة و ما اهيس الا الزلم تغتاض و تفزع .. دفعوا الباب و هم يصيحون : سون درب سون در ررررب .
النسوان دخلت وياهم و انا ركضت لامی و کاضاتها حياتي ... صرخن النسوان : ام الحبايب يمه . دهر الدهر كم ام ستاااااااار ديه.
الخيص البيت خبيصه ...
تكابلن عليها النسوان و شالتها ، انا ما دريت عن بني وينها ... كضيت عباتي وركضت وراهم اشبان يامي ، ويا ما شايلينها صفت سيارة عم سرحان ... نزل ينشهد : عليش هااااان الفشك .
بساع كضوا سيارته و كالوله : الحك المرة طاحت .
تغب هو و صاح : اح بووووويه ، ام ستار .
فتحنا باب للسيارة . صعدت انا ومرة جيرانه وزلمة جبير صعد وياها ، وظلت الزلام تتطالب ويا الهدادة .
ساك السيارة و هو يكلي : شلون تصوبت ، ووين تصاوبت .. تادت
حسيت عويناتي اليبجني بشيلتي وكلتله : لاله يعمي ما تصاوبت لجن برد حيلها ساعة الهدوا علينا و احنا بس بنيات بركبتها ، بادت و طاحت اعلينا .
ایییییی دکولى من الاول يا عمي كلوبنا التوت عد النا تصاوبت ، اخوج ستار وينه
بالعسكرية عمي ما ينزل من وين ليوين حرب و الدنيا متلاطمة غاد .
قاسم منين اجتكم ما تكلولي ، ما يستاهل حاكم، شلون زلمة معدل ، ينزع هدومه و يطيها يو
احد اعتاز ... وين جانتله هاي .
جا موش نكول الله يحفينا شر التابهات . هاي التابهات يبوي ، لا اعلى البال ولا على الخاطر اطيح الطركاعة اعلى راسك وتبتلي بلوة ، بس كون البشر يتعض ويتقي الله ، ظالين واحد يهدد
بالآخر وواحد ياكل بالآخر ... هالالله وهدن حالنا و ابتلانا بالحرب الخذت نصي وليداتنا .
وصلنا للمستشفى ... نزلناها و علكونها مغذي ... بالة فكت و فتحت عويناتها ، حبيتها براسها : ها بالحبيبة يمه ، خذتي كلوبنا وعلي انا مدري ابجي اعليج مدري اعلى ابوي مدري اعلى حالنا و هجولتنا .
- خيانج وين
بالبيت
- ياهو و باهن
مامش احد
تعدت من حيلها وين
النوم موش ليه يمه .. كوميلنا ... بس الله و اهل البيت اليوكقولنا بها المصيبة هاي بهديوة يمه .
خوفي أعلى ابيج لا يروح بيها ...
جا خلصي المغذي مالح و نكوم .
جاي احجي دشت المرة والرجال جيرانا يسلمون على امي ، كامت تتشكر منهم و تحمد بيهم ... خلصت مغذيها و كمنا ، صار بوجهنا سرحان : هااا سلامات راحت كلوبنا وعلي ... كالو تصوبيتي .
کواغد : لا الله يسلمك يمه ، ما بياش شي .. جا يو طايحة بيه اهون هليت تشيل عن راعي بيتي.
لا اسم الله لا تكولين هيچ ، ان شالله يطلع وتنحل .
مشينا و سرحان جدامي نشدته امي جا يو طلع شلون تنحل ؟
والله يا ام ستار السالفة موش هيئة من كون الولد مجتول ... انا يو ردت ادخل .. ال نجيل اعرفهم ما يرضون بدخلتي ... بس انا اكولن بو يظل يتحكم ... أهون اعليه من الطلعة و العرف العشايري.
- عليش ؟
يو تنازلو اهل المحتول وطلع ... ما جدامه غير يطي فصل ... و بینکم و کاعكم .. ما يجي نص الفصل ، كول تحقن الدم وتطي فصلية .. تطين ياهي فصلية؟
اسم الله يمه .. دخيلك يا علي .
الولد حسب ما سمعنا من حاكم من رحناله ... متعدي اعلى كاعة و عادم زرعاته و غالط اعلیه و حاکم منهد بيه .. وطاكة بس موتت الولد من الصخرة المفشوخ راسه بيها موش من الطك و حاكم كال طاح اعليها ... يعني هلبت يتخفف الحكم .
جا انا كضيت 1 صنين من عمري شايله حمله و هو بالسجن يرد ينسجن .. ولكم طركاعة يربي طركااااعة وطاحت اعلى روستا منين ما نعاين ليها ... جبيرة .
الله كريم ، الله أكبر من الكل . صعدوا خل اوصلتكم خاطر تشوف شنهي الراي .
جمارة شلت بت هديوة اعلى کلبی و افرن بيها و ما تسكت تعارضت من حس الجيلات الطكت بيتنا . ما جاي تسكت .
خذيتها و نزليت للبستان حاطتها اعلى جنفي و اهود اعليها والاشيها خاطر تسكت ... صفت سيارة سرحان ... ظليت اعاين له من ابعيد .. نشد عن أمي واخذ سيارته و مشى .
ظليت اراوح بمجاني و الوليلها و اتومنها ......
ما هيسيت الا صوت يجي من وراي
خنجر جلجووووول
درت ليه .. كرب من عدي : شنهي شجر الكم .. كون صابكم شي .
مامش شي .
وامج ؟
- خذوها للمستشفى
وعليش تحجين وياي معلك ، شمالج
ما بياش شي عمي ، بيتنا توه فكه الفشك و كلوبنا راحت شتی تريدني اضحك يو شنهي .
الله يساعدكم بويه وعلي مصيبة هو ابوج صكد ردي و ما بيه خير لجن ما يستاهل.
سكنت ما رديت عنه ، و انا ادکن اعلی ظهر نویسه خاطر تنام ... عاينلي : شنهي سالفتح و يا حيدرة ؟
- كله من خدر راسك
انا اخوك .. انا شنهي ... كايلج تروحين وياه يو تواعدينه ما تخافين اعلى روحي ساعة الخطيتي للجول ، عاد شلة سلاية وحرامية وبالليل سكارة ما يعاينون احد جا یو ملتمين عليج و هم سكارى يا هو اليخلصج منهم ... ما فكريتي بهاي
لا .. بس انا طكبته وركضت
شطكيتي جا غير صاحي والله هداه و هد ايدج يو سكران و ما يعاين دريه .. غير يقين بختج و اطيحين بيها يا بويه ... حيدرة لا تكربين منه واحد شلايتي خوووش .
انت تكول عنه شلايتي و هو يكول عنك ابو النسوان والعرك
اي جا ياهو اطالبتي بطلابة يو دورت نسوان و عرك ... ما مأذي احد .. وما مكرب منج .. انت تسمعين يو طرشة حسدرة لا تكريين صوبه يو شما يكلي ، و بعدين تعاي جاي انت من الاساس شعرج اجيتي ليغاد ؟
سكتت ما رديت عليه : موش احاجيج ؟
- عمي بسك كافييي
وبجت
- اها عليش تبجين
امي حركتني وبطلتني من المدرسة.
عليش ؟
لين رحت للجول بنص الليل .
حبييييل وعلي تستاهلين.
ای خوش یاله روح
ولج بويه انا ما رايد اليتج ... جوزي من الهويزة والقرارة ، كبرتي و صرتي مرة اركدي و صيري حبابة .
ما رديت عليه رد حجه : حسي ادموعج و انا اخلي سرحان يحجي ويا امج و تردين للمدرسة
بشرط تبطلين سوادین و ترکزین بدر استج خوش ؟
هزيت راسي ، ظل يعاين علي .. ضحك و هز ايده و هو يكول : طركاعة و علي .
حجاها و مشى عني و انا اعاين ليه .. لابس بنطرون اسود و قميص ابيض و العركجينه اعلى
راسه و الغترة اعلى اعلى اجتافه ونافخ اجتافه من يمشي بمشية شقاوجية .
انداریت لبت هديوة نامت ... رديت بيها للبيت و نوميتها بحجرة امي وغطيتها و كعدت يمها .
هدية : صعدنا بالسيارة ويا سرحان ومشا بينا .... وصلانا للبيت، لكينا خالي جبار و محيسن
واكفين عد الباب ساعة النزلت تلكواها
ها خوية سلامات ، جا صلاح و عليوي راحو وراج ليغاد عدالهم بالمستشفى
- بطيكم العافية خوية ، ما يصيبني شي .. من كوني فكرت زلمني بصباحی و عصبیتی .
لا تكولين هيچ ياخوية
دخلنا و هم ظلوا يسلمون على سرحان دشینا و امي تعاين ... البيت من جدام متزرف زرف ... وصفحة من الحايط طايحة .
تلكنا البنيات يحبحين بامي و يفرشلها ... ولاله تشرح الها وين الجيلات طايحة وبيا مجان .
هم ردوا مرت الاخرى ؟
لا عمه ما ردوا لجن أدينا اعلى كلوبنا من الخوف ، من عين الهبطة الاجلناها ... موش هيئة اعلى اكلوبنا .
انداريت الجمارة : كون بجت نويسة اعلية
نطت من البجي عليج - كوة سكنيتها .
مت عيني عليها .
اكلج يعني ابوي بعد ما يرد
لا اسم الله كولي يالله ، ان شاء الله خير.
توني جاي اكوم دشن نسوان حوالي و بناتهم . و خوالي عد الباب واكفين ، طبوا ويا طبتهن و صار البيت هوسة .. انا من امس ما نايمة رحت تمددت يم بنيتي و لمتلي جم ساعة .. كعدت الغروب.
كتلها : ها يمه شني ما شني
يمه ربح ظلت
ال تجیل تا راحولهم
اسمع را حولهم بس غير سلطان تعرف منه حك و باطل .. امس اجا يهوبز قول روستا و احنا ما محصلين منكم غير الطلايب وساعة السودة اللفيتو أعلينا ، و ذاك الحجي اليعطب القاد .. من عين الدنيا الذبتني اعلی سلطان و خلاني اعتازه ... امداها شلون دنیا .
جا و همه شلون ؟
انا ادري بيمه شلون تنحل هالمكابلة هالسجادة هاي و ادعي الله و انتخى اهل البيت هلیت
يطلع منها ابوج سالم
نذرت من امس سفرة لام البتين يو تعدينا هالطركاعة هاي .
وانا نذرت ذبيحة ليو الجوادين .
جمارة : وانا نذرت اذبح اميدي و اخلص منه يو طلع أبوي سالم .
کواغد : ولج عليش ما تسكتين و تصمين حلكج.. و علي غيضي لهامتي واصل منج و يو
كضيتج الطعنج وصل .
يمه يواشج ما كانت في البت تتغتمر .
تشوفين الوكت مال غشمرة .
ولونه تراها جاهله لا تشوفينها خذت طول و صارت جنها زرافة ... اخذي عكل و هي عكلها بحلها.
البيت ويبتلي بهالولد هاذ المكرود .
لا موش بحلها ... من كون عكلها بتماريتها بصلاقتها ، جا يو ما طلعتها اعصب انا و يهج ابيج من
يومه بيمه عاد لا تحطينها سبب ما يصير
ظلي حاميلها ظلي ... من كونها مثلج ... بالبربابيك ... ما ترتاحن لا ما موتني .
ندست جمارة تكوم ... صارت عصبية وكامت تخبط اثنين التين ، ظليت يمها لثاني يوم الصبح ....
اندكت الباب طلعت امي : يااااهو
يا هو انت
انا المعلم مالت جمارة
فتحتله الباب : يا هلا بالمعلم ، هلا يمه شلونك شلون علومك
بخير وصحة جيت الشد عن جميرة صارلها جم يوم ما مداومة
والله يا يمه تلايمت الدنيا اعلينا و ما كدرت بعد تروح للمدرسة .
لا حجية ام ستار انا جنت اكلاج الاحبنه بيج حرصج اعلى بتج خاطر تكمل ، احنا بالسلف هنا ذيج من ذيج التدرس ويخلونها اهلها ادش مدرسة .. وجمارة شاطرة وحرامات های امتحانات
و البكلوريا كريت .
جايمه شسوي ، بعد أبوها انسجن و ابتلينا بیمه
لاه مو خوش خبر والله
جا هذا حظنا بعد
والله يا ام ستار انتم طيبين و جميرة شاطرة و من انتظر طلابي هالتعنيت خاطر اتوسط
الرجعتها لو جانت مبطلة .
والله بيمه انا فكرت ابطلتها .
لا ام ستار .. البت شاطرة و حرامات تروح عليها البكلوريا ..
ان شاء الله بيمه
سلمت عليه و ردت : ها ؟
المعلم مالت جمارة ينشد عليش ما تداوم ويريدها اداوم .
و هو الصادك بيمه عليش تبطلينها
التخطي جدمها وتعدي باب البيت بنصاص الليلالي ما امن اخليها بمدرسة بهديوة .. هاي و
احدا نایمین داحت ، جا بالمدرسة شلون
لا تحجين هيچ يمه البت بعدها جاهل وتتعلم ما يصير تكسرينها بسة غلطة
والله بيمه ما بعد بيه احمل ، انا شطايح بيدي ، اعلى ساعة و صخمت وجهي ... جا ما يكونون انت الخليتيها تدرس .
لا يمه بهداي عليها .. تتعاون انا وياج عليها ووراها وراها ما نخليها تزيج.
خل تشوف شنهي مصيبة ابوج و الله كريم
جاي نحجي ودش ستار جاي من الدوام .... تسودن ساعة السمع ابوي هاذ حاله .. بملابسه العسكرية فزع لال تحجيل يعرف الحاصل .
ليما مشى غادي ... كايله سلطان كعدنا ويا اهل الولد و اتفكنا وياهم يتانزلون وتحول عدهم ناخذ عطوة و يطلع ابوك و تجعد و نشوف الأمور وين تصل .
ظلينا وحدتنا مكابلة الاخرى و مامش نذر و دعی ما دعينا ونذرنا بس نخلص من هالطركاعة .
ثلث تیام ... و طلع ابوي من السجن ... تنازلو اهل المحتول بالمركز وحولوها طلابة عشايرية .
جابه ستار و خالي صلاح و جبار و اجو لينا . و امي واكفة بالباب تنظر و انا كاضة جيس الواهلية ... و اجميرة كاضة بتي وواكفة بكتر امي ، و ایمان مكعدة هنيدة اعلى خصرها و امیدی احداها.
جابوه لينا و تولته امي هوسات وتهوس بعبايتها وهلهلنا و طشيت واهليه فوك راس ابوي و نهوس .... دش لینا و احنا نحضن بيه و هو عيونه مدمعة .
دش و كعدنا والناس اجبلت ما شفنا من كثر الخطار رايحين رادين ... لينا لليل فضت الناس
وكعدنا بس احنا و خوالي نسولف وياه ... شمار و شجری وياه بالسجن و هو يسولف .
ثاني يوم الكل تايم كعدت جميرة و كلت الها البسي اهد ومج واطلعي للمدرسة بساع .
توها جاي تلبس ... كعدت امي شافتها تبدل وانا واكفتلها ... ما حجت تعدتنا و فاتت .. كلت الحمد
لله و الشكر ربي ... لبست ربطتها بساع و جلي تطلع .. صاحت امي
- هديوة وصي النمرة الواكفة احذاج، يو راحت و تسرسحت بالمدرسة و ظلت تفر بالسلف بكيفها وعلى ابطلبها ومن غين باجر اطيها لاول واحد يدك بابها و يخطبها و اكسر ظهرها يحمل ما ينشال عنها طول عمرها .. خوش .
لاله لا يمه جا هي خوش بنية و ان غلطت تعلمت و بعد ما تعيدها . ندستها : موش هیچ
جمارة : لا ما اعيدتها بعد .
- خوش بلا امشي
فتحت الها الباب و طلعت.
وانا رديت احضر للريوك .. قضينا شغلنا و الالزلام كامت تجبل اعلينا ، اتوب احنا ما عدنا دوانية. .. هول و غرفنا داير ما دايرة و احنا بنات ، ابوي ما رضاها كام و حول الكعدة عدال لجيل وضل
غاد .. خاطر اليجي ينشدله . لكله عد بيت سلطان .
بس النسوان تجي عدنا .
خذوا عطوة و دانشوا امرهم ... ونعله سلطان يكول : نطيهم مرة فصليه ونفضها مالنا خلك نظل نجرجرها .
حاكم فصلية شنهي بوية ، نطي بنت فصلية .
جا انت موش عدك بت زغيرة اطها فصلية واطلع من السالفة و هل نهدي الدم ..
انت تحجي صكد يو تشاقه .. انا اطي بني فصلية ؟
حاکم : جا اول وحدة آخر وحدة تروح فصلية غير بنك وتشيل عنك ... احسن ما ينهدم بيتك اعليك .. و ينهدر دمك ..
ينهدر دمي ولا أطي وحدة من بناتي فصلية ، انا على الله خلصت من افلیح و کلت ارتاحت اهديوة من النهوة اروح او هدن الأخرى بفصل الا اتسودنت و علي .
جا شناطر يحويكم ، بس لا عدالك ... تطى فلوس و تشيل الفصل عنك ، خلها ابالك عمامك كل واحد همه اعلى راسه و یادوبهم محصلين لكمة عوايلهم لا تظن احد منهم يشيل و يعاون بفصل .. تطي بنك خير اعلى خير ما تطي بتك .. دير فلوس الفلص والا ترا مامش غير رويحتك ثمن
روح الولد .
حاكم : ان جان الحجي هيچ انا اظلن اعلى القانون اخيرلي، اقلها انا مسلم روحي و معترف بغلطي و الولد دايس كاعي و اتامل تخفيف بالحكم سنة عشرة اطلع و تنتهي ، ولا اذين بناتي بهالهبية هاي .
انت كل عكلك ترد للقانون الناس تنازلوا بحكهم ... شنهي لعب جهال ... اطلع .... ها لا رد ... خوما لعب جهال ... ما جدامك غير هالاتتيوين يا تطي بت و تحقن الدم يا تدفع فلوس الفصل ..
طلع حاكم منهم و عيونه بكصته من العصبية ، رد للبيت موجر نار... تلكنه كواغد : هااا
ميلي علي .
شنهي غير تكلي شكالولك
شكالولي يو اطي بني فصلية يا ادفع فصل ... و الفصل انا يو ابيع كاعي و بيتي و العدي و الما عدي ما أوفي حكه ... کلیلی جا هسه شلون .
سرحان حجاها لجن ال تجيل ما رضو يدخل ، كال خل لا يطلع من السجن .. حكمه يتخفف بس طلعته ما تفض .. يو فصل يو فصلية ...
الحجي هاذ ما يفيد ... تنازلو بحكي و طلعت يو اطيهم فصل يو نروح بيها انا يو ستار ابني ....
فهميني شلون به المصيبة هاي .
کو اغد : دخيلك يا على .... جا شئون ... منين تجيب و توفي ... وين جانت النا هاي ربي ...
هدية تعاين لامي وابوي .. روحهم محتامة .
و حايرين شلون يقضونها ... حجت امي : يعني اذا تروح فصلية شني ....
قاطعها ابوي : لا تحجينها ولا تجيبينها على السائح بناتي ما اطيهن و اخليهن يشيلن المي
هاطر انا اعيشن و هنه يتضامن .... كل يت ما عدى الفصل ..
جاي يحجون ... و اندكت الباب و نعله سرحان و خنجر كال ابوي : دشوا داخل .
طلع ليهم واستقبلهم بالهول و احنا محبوسات بالحجرة واذانه اعلى الباب ، دش سرحان و هو يكول : اي شنهي شغضت
والله يابو مأمون طركاعة و ما اظنن نقض اعلى خير .
يو فصل يو فصلية مو
و الاثنين ما عدي شلون بيه .
خنجر : بيتك و الكاع ما يجيين حك الفصل ؟
حاكم : ما يجيب نصه
سرحان : انت دير نصه و احنا وياك و النص الآخر اعلى العشيرة تشيله
- سلطان تبری
اعلى اي اساس يتبرى
هاذ جلب ... يكلي اطي بتك، نروح ندفع وواحدهم ما عده فلس بجيبه .. ادفع انت و تيل فضلك.
جا عليم منصب روحه شيخ ... اذا ما يشيل عن وادمه .
هي ما منها ، ابيعن الكاع و ابيعن البيت و العدي و الما عدي ... واكلهم هاذ العدي ترضونه
ترضونه ما ترضونه ... ما عدى غير روحي اطيها.
هدية : التصنت و امي كامت تبجي و دموعها بهان و تتنخى بالامام الكاظم ...
حجت ايمان وهي تبجي ويانا : اني ما افتهم بهالسوالف يعني شنو فصل و فصلية و شلون .
ظلت لاله تسولف الها و تشرح الها وكالتلها : يعني اذا ما اطو فلوس الفصل يجتلون عمي حك دم ولدهم .
ایمان : اسم الله اني اموت لو صار بحاكم شي والله
كواغد : خايبة عليش ما تسكتين انا روحي واصلة ليجاي ضمن احلوكجن و خلنا نسمع . ايمان : زين اني ابويه هو حسبلي حصة من الورث مالته ؟ يصير ياخذها و ينطيها .
صفدت علينا امي : و ترضين تطين ورتج الحاكم .
شلي بالورث وحاكم مناذي ، لو صار بيه شي اضيع اني و جهالي ميبقالنا احد و الهجول من بعده ... شنو ورت و شنو فلوس اني روحي ما تعز عليه .
ظلت امي تعاين لينا ... و کامت ..
خنجر : زين عليش ما تطي بتك وتخلي احد يملج عليها وخلهم هم يبتلشون بالفصلية ، و ينطونها من بناتهم دام هالكثر رخيصة عدهم اليت .
سرحان : شلون حجي هاذ ، شمالك تسودنت، يملج شنهي موش مالت لعب بهالوكت .
لا والله جا عمامي الما وكفوا وياي شنهي فايدتهم العب عليهم و انعل ابها تهم .
حاكم : شلون جا اثبت من اطيها هیچ غیر اخذ راي عمامها و اشاورتهم وحتى يو ردت اسويها .
سرحان : خنيجر حلولك هاي تنفع ويا الجول موش ويا العشاير صف اعلى صفحة وتكثر ولا
تطينا هالحلول المامش منها .
خنجر : اممم تعال اعلى العشاير .. هي يو ظاله اعلى القانون اخير لنا من دخلتو بيها بالعكل و
العشاير ٠٠٠٠٠ بوسطها.
سرحان : خنننننننجر ، شني تسودنت ، بسك
وظل يخزر بيه
حجه حاكم : مع احتراماتي لابو مامون بس وعلي حجبه صكد انا يو ظال اعلى القانون اخيرلي من هالبلية الطحت بيها.
فكت الباب کواغد و کالت : ها مسى الخيريمه
سرحان : هلا هلا بام ستار شلونج شلون صحتج
خنجر هلا بيج داية
کواغد : نحمده و نشكره دام اخشومنا تشم الهوى ، ابو ستار ام مؤيد توها كالتلي اعلى سالفة و
كلت أخبرتك بيها هليت تنفعك
حاكم : شني هي ؟
کالت ابوي مطيني ورث ، خل يا خذه ويوفي دينه.
عكب عينه.
حاكم عاين السرحان، حجه سرحان : ما بيها شي من الزينات هي هم مرته و هي ما الها احد
حاكم : بس هاذ ورث ابوها انا شلون احطن ايدي اعليه و اكل حكها .
حجت هي من الباب وسرحان و خنجر دنجو و صدو عيونهم عن الباب ... : و شسوي يحكي و انت متأذي الي من يوم اللي تزوجنا لا مديت ايدي على ورث ولا احتاجيته لإن انت موجود وممخلينا بحاجة شي بس اذا صار بيك شي اني وجهالك وين تروح و انت تعرف مالي احد
غيرك بهالدنيا.
سرحان : اصيلة وبت خير .. والله يابو ستار مرات الزلمة ما عده سند غير مرة تحبه و تصونه و الله منهم عليك بأثنين نسوان .. خيرة النسوان .
احنا نترخص ... امانة الله ورسولة ستعتاز تمر للمضيف وما تكصر يحكك
الله يحفظك ابو مأمون هلا بيك .
طلع خنجر و سرحان .. و دخل حاكم و كال الها : ایمان انا ما اريدن اكوش اعلى حصتج و هاي حكج ، انت متوكده تطيني هالفلوس .
ایمان : شبيك حاكم قابل الفلوس اعز من مصيبتنا هاية صارنا ايام مدا انام ولا ديهد الدا بال و تكول متأكدة ، اذا بس فلوس اخذهن اني ما اريدهن .
کواغد : والله يايمان ما اعرف شكلج و شحجي وياج ما ادري بس اكولن الله يطيح العافية من عاونتينا وشلتي الحمل ويانا ... سهلها ربك يحاكم ، بيع الكاع والبيت مالنا و مال ستار و
اجمعهن و شوف شكتر يطلعن و زود اعليهن من حصة ايمان و ادفع هالشر عنا .
ما جذب خبر ابوي ... هو وستار دكو اعلى البيوت و باعو الكاع و البيت مالتنا .. بس بيت ستار ما
اتباع .. شكتر دكينا عليه كل اليجي ما يريده .
وبعد كعدات وروح و تعال ... قرروا الفصل و ابوي تكفل الفصل و كال الطي ... بس فصلية ما عدي .
اجا علينا و كال : البيت بعته ... و الكاع بعتها و بيت هدية ويا الكاع .. بس بيت ستار ... نرد نکند ليه.
ایمان : لو اعرف انام بالشارع ذاك البيت ما ارجعله.
حاكم : لا تخافين ستار صاله سنين عايش بيه بعد ما بيه لا طنطل ولا هم يحزنون .
غير مرته هي الطنطل بذات روحها بعد على شنو يستغرب ويخاف ، لا حاكم لا والله ما ارجع .
ايمان كول يا الله و كبري عكلج بويه ، جا هالتشوفين حالي ... عدي و رديتج ليه .. لجن من جلة الخيل شد و اعلى الجلاب سروج .. وانا من كلة حيلي جای اردن لذاك البيت .
ليش مو بقى من الورت فلوس ... اشتري بيه و خل نكعد بس لذاك البيت مترجع .
شغل منه .. هو البيت ذاك انا اشتريته من فلوسج و كلت الج أوفيج وما صحتلي فرصه واوفي ورديت خذيت منه للكهوة الفنحناها لستار و خسرت وما حصلينا .. و هسه الطلابة هاي .
من الفلوس كلها ما ظل غير يجيبلج كاع .. موش بيت .
كواعد : اكلكم الله طلعانا من شدة ما جنه تتصور نطلع منها سالمين و سهلت بالله و اهل البيت و
تعديناها وطلعنا منها سالمين ، نضك ارواحنا و تحمل هالفترة هاي ليما يفكها الله سبحانه و
تعالى و تفرج علينا جا بعد شبدينا .
ایمان : والله اخاف
حاکم : پسری و ابیت اهلها تخافين منيش بعد ؟
البيت كله طناطل مو بس يسرى ، اخاف والله .
دكولي يا الله و خلنا نرد .
كوة قنعينا ايمان خاطر ترد ويانا لذاك البيت ، لجن جانت بيه قد حجرتين .. بعد ما جنه بيت جبیر و انا بيت و امی بیت و ایمان بیت ... اعلى غفلة دار دولاب الدنيا بينا وردانا للصفر .. كعدنا اعلى الحصيرة.
وابوي يصيح : فدوة دامنا احنا ووليداتنا و بنياتنا بخير كلشي يتعوض ، درس منه تتقي الله اعلى ساعة يكلبها بينا و ترد للصفر لا جن جمعنا ولا حطينا ..
انا رضيت احطن اغريضاتي بالهول و اجعد وياهم. جا شسوي و امي حطتلها برده و عزلت غريضاتها وسوت الها حجره ليها وخلت الحجرتين لأيمان واللاله.
بس البيت عدم موش مثل ذاك بيتنا حوض ومرتب ... ردينا فكور اعلى هالبيت هاذ ... و مدرسة جلجول صارت اقرب من ذاك البيت .
و الحمد لله اعلى كل حال من كونها ايام عسر نكول الف الحمد والشكر طلعنا سالمين برويجاتنا
نظفينا البيت و خوالي ساعدونا هاذ الجابلنا حصيرة و اثنين تعاونوا و جابولنا بنكه، و اللي تعاون و جاب جولة ووكفوا وويانة وكفة ما تنسي .
... انظف و اردن بذاكرتي لذيج الأيام و كلما أوجد العجد الياخذني للشط ... تحن رويحتي و اشتاك لهواي الحرمني زماني من اهواه .
خذيت الجرة اعلى متني وانا امش خاطر انكل ماي .... اربي الدرب ومتبسمة .. الحمض عيوني و اتخايل حس اجدام الحصان مال سرحان و هو يلحكني.
وتترد اعلى ذاكرتي من جان حسه مطبك و هو و يغنيلي : نخل السماووووة يكول طرتني سمرة . وانا اكلله حسك موش حلو .... اخ يذيج الايام شحلات ذكرهن .
ترست ماي ورديت و انا اعاین هلیت اصيدته بعيوني و اشوفه ... وظليت انظف و باهن ليما كملينا البيت كله .
كعدنا بالليل ليما ابوي مشى الحجرته و ستار دش و یا مریته و ظلینا انا و امي و جمارة .. لمتنا و كالت النا : بنياتي يمه ... لا تشوفن ابوجن واكف و يضحك بوجوهجن ويكول قدوة ، يو نعاينن كتبة تلكنه كله ضيم .
هدية : جا شبيدنا عليه بيمه من اعاينله خيلي ينهد بس مامش شي بيدي و اسوي .
لا يمه هاي الجلمة تتكال للكاعد من عين الله ما يطى لعبد كاعد .. كوم يا عبدي و اعينك اكعد يا عبدي واهيتك .. و يو ما كمنا و شدینا اوزارنا بیمه تشیع ضیم و فکر .....
جایمه دلینه و احدا عد عيناج .
اعلى هواجن يمه ... اطرزن ... تخيطن ... تحوكن ليف مهفات مکانیس و انتن بالبيت يمه ... لا ما حطينا ادينا بدين بعض وشدينا حيلنا نظل هاذ حالنا ويجتلنا الفكر .. واحنا لا واحد ولا اثنين ... مرت اخيخ حامل ... و الاخرى عدها اثنين و انت عدج وحدة و انا ما شاء الله شكتر ، شيلحك ابوج يكد و ليا حلك يطى .
جمارة : انا اعرف احوكن مهفة تعلميت من هديوة .
هدية : انا وياها تتعاون يومية ونسوي ها ليطلع بدينا و نروح نبيعه و تحصل القاسم الله .
حوکن و علمن ایمان و لوبله و باجن و تعاونن ، لحد الظل هيچ ... الكاعد يمه الله ما يطي ، الله
يحب اليعمل .
ابوي رغم باع كلشي ... بس ما باع حلال امي من كون يعرف روحها بها الحلال و ما راد يقهرها ابيعتهن ... رغم في جثير لحت عليه كال الها : لا ذني مالاتي تعيج .. خليهن نعيش عليهن . وما باعهن و كسر بخاطر امي .....
فامي كامت تحلب الهوش و تسوي الكيمر ودهن الحر و جين العرب و تروح تبيعهن بالولاية من كون عاد ياخذونهن بسعر أزود من هنا .
وظلت تشتغل اعلى هالحال .
واحنا وياها وياها .
الا ما قد يوم انا جاي امرن من البكال خاطر اتسوك للبيت ... صادفتني بت عم سرحان صالي
شهور ما شايفتها و بهالساعة طلعت جدامي ..
درت عنها خاطر ما اسلم ، بس هي وكفت و كالت : شتي ما شفتيني ؟
يا هلا .. لاهية و ما شفتح دية شلونج
من كونج لاهيه دية جا الله ما قصر ساعة الاجت امج ورادت تشهرتی و تخرب قسمتي و يا
سرحان ... هل الله كليها بيكم ... حوبتي هاي ..
- حوبة شنهي شو ما تستحين اعلى روحج هو ياهو الكارب سرحان وياهم الخاطج اباله خاطر
يخرب قسمتج ، اذا هو ما رايدج ديه لا تجين تذيين بلواج اعلينا.
ما رايدني يو انت الما تستحين و تحومین اعليه .
اكولن اتعارك وياج به الساعة بس وعلي ما تسوين اعلي حسي وتسمعه الناس و اتوهدن بسبنج
.... لجن منا وغاد الله كريم ...
درت عنها و انا امش واهدتها لجن حركت افادي تغلط وانا لا كاربه سرحان ولا واصلته ، جا اذا ما يريدها انا ياهو ماتي .
بس انا ليمتها اظلن اعلى هالحال ... اخافن منها و هي تهادد بيه ووتحرك بفادي ، اشو الا احرك
افادها وعلي.
کضيت عباتي و تعنيت للمعمل مالت سرحان ... وصلت ليغادي شفته من ابعيد واكف ... كضتني اجدامی و توهدنت ... هنوب شافني من ابعيد اختاریت اکرب و اکتله اعليها یو اردن و اخليه بحيرته .
ما كصر هو و تعنالی و اجا مهرف ها يهدوة اشوفنج هنا .
اكلله اعليها يو ما تسوى ... انا مسودنه و علي ... جا شجابني ليجاي ... درت عنه و هو استغرب . هدوووة
هاا
هي شني الها بوية معتازة شي كولي .
هال الشدتك .. الي مجان بمعملك يو ردت اشتغل.
عكد حاجبه : معتازة فلوس يهدوة
- لاله لا وعلي ما معتازة لجن تعرف انا عزبة ومالي احد وعدي يت .. ما اريدن انطر هاذ و ذاك
هالبت بمد ايده و يطيني خاطر ادللها .. هالرايدة اشتغل .
اذا متعنية اعلى الشغل ، انت بس أمري ويجر الج ..
- يعني تكدر ؟
هدوة تطلب و تكليلي تكدر يو ما تكدر، يو اعرف احفر الكاع و ادبر لها شغل .
تبسمیت ... جا خوش انظر جوابك
ووين اشوفج خاطر اطيح الجواب .
اعلى الشط .
- مبخوت و علي ومامش مثل بختي .
تبسمت ودرت عنه .. وانا روحي طايرة بجنحانها .. بس خوش وعلي انا لا على بالي ولا اعلى خاطري اطلب شغل ، بس يو لكالي شغل واشتغل هلبت اعينن امي واشيان عنها .
رديت للبيت خاطر تطى المسواك .. والكا ايمان كاضة بجهالها و تبجي و تنوح : ها شمالح
اني مو كلت الكم اخاف ارجع
- شنهو الجرى ؟
شفت شي غريب بالحمام
شنو هو
لاله : خابية صالي ساعة اريدن اكضنها ما أكثر كاضة بجهالها وتبجي
عليش اشفتي بس كليلي ..
- شفت شعر يطير بدون راس.
هاااه ؟!!....
رواية كحل عرب الفصل الثاني والستون 62 - بقلم زينب ماجد
رواية كحل عرب الفصل الثاني والستون
( زفاف )
شكتر ليلك جواني و روحي عطابه
اعلى جرحك
ا عريان السيد خلف)
هدية : هاااه ؟
ايمان : والله اني شفت هيج شي بالحمام
هدية مشيت للحمام تنوعت منا ومنا .. كلشي ماكو .
انداریت الها : حبيبة مامش كل شي هو صح جان مسكون بس من يوم الكعدنا بيه لليوم ما شفنا شي ، يمكنج انت موجدة وحاطة هالشي ابالج .
انتم هم رجعتو متصدكوني ؟
حجتها و هي تمسح بدميعاتها وتصد براسها ليغادي .
دية عليش هاليجي موش سالفة ما نصكدج لحن ما نريد نفزعج و هالتشوفين ماكو شي .
يمكنج تتحايلين على كثر ما توجدين و تتخوفين ... ضكري الله وردي الفروخ ذول الواكفين
حذاج يتباجون .
كضيتها من ايدها ورديتها للبيت و دشينا ... لجن حارة تكتل .. والكهرباء طافية طلعينة حصيرة و فرشناها وكعدنا نحوك بالمهفات و تشتغل ..
حجيتلهن اعلی بت سرحان و روحتي ليه وطلبتي شغل ، حجت لاله : خير ما تسوين هلبت بلا كيلج شغيلة معدلة تشتغلين وتكسبين منها ارويتب .
هو انا هم كلت هيچ ... انطر امي واكللها خافتها ما ترضى .
واحته جو بعدين دشت علينا جميرة و هي فرحانة وتصيح : نجحت نجحتتتتتتتتتت .. هلا هلا هلا
مكد ؟
اي وعلي نجحت عايني شهادتي ناجحححححححة.
کمت وانا اعاين لشهادتها ... ما افتهمت بس انا اعرف الارقام وهای ارقام جثيرة اظنن خوش شهادة .
جرتها من اي وفزت تريد تطلع : ويبين
هسه اجي هسسسسسه اجي طلعت اركض و تعنيت لبيت خنيجر من ابعيد ، شلت حصواية من الكاع وطريتها اعلى بيتهم و
ليدات يسد الحايط ....
بس شو ما طلع !!
معکول هو مو بالبيت ؟ .. لا هو مبطل و بس ينام
يمكنه يشتغل ، ظليت اتنوع .. بس مامش احد
مشيت خذت حصواية ثانية وليشنتها كون اطك باب حجرته ، طريتها وطكت بالباب و صار
صوت عالي ... لبدت يساع ...
سمعته يصيح : والله اليوم انعل والديكم ولد الجلاا ااب .
طلع وهو كاض بعصة ، تلكيته من كفاه : عممممممممي
فر اعلی حبله : و عماااااا العماج شمااااالج فززيتيني .
عمي جيت ايشورررررررنك
عساج لا بشريتي كطعتي خلفني بت المطي امشي غاد .
شمالك عمي جا غير انا فرحانه و ناجحة و اجيت اكللك انا نجحت ... شمالك وباي ..
جا هو هیچ يا عمي ، بله اعاين .
خذه الشهادة وكال : عفية بالسباعية ، عفية بالدكتورة .
طلع من جيبه فلوس و اطاني ، كلتله : شني عمي انا ما اريدن فلوس
لا استحين هاااج اخذيها.
جا خوش
خذيتها وخليتها بجواريبي .. وردت امشي حجه
جا بس على هاي ريدتي الباب بحجارج .
تبسمت و کال : باله انجحي بعد وصيري دكتورة خاطر لعرس .
صكد عمي ؟
جا اجذب عليج ، بس اسمعي ، طلعة لا اطلعين بعد صرتي طويلة والهويزة و المراكض بالسلف
بعد ما تليك بيج خوووش ؟
خووش .
رديت للبيت وانا مرتاحة كلش ... نشدت هدوة عن أمي كالت بعدها ما رادة ... للظهر كلش ياله اجت و بشرتها و اطتني فلوس و حبتني وكالتلي : بس اروحن للسوك اشتريلج نفنوف مال بنيات جديد الج ، بس اريدنج تصير بن حبابة و تنجحين بعد .
- يمه شنجح بعد ... بالسلف مامش مدرسة مالت ثانوية بس مدرسة مالت ابتدائية .
انا اشوفلج مدرسة غاد جريبة اعلى المجان الاكعد عده ... اخذنج عاد يومية ، انا اخلص شغلي
و انت ادرسين.
و يو ما رضى ابوي ؟
لا تشيلين هم ابوج ، انت بس صيري حبابة و خوش بنية و كون ما تنفرين بوحيد يحجي بذنج شي ولا تتبعين احد و بو كرب منح احد تناوشي طويبيجة من الكاع جلمودة هالكدامج و امیدی بیها و اشردی خاطر بعد يخاف وما يكريج خوووش ؟
خووش .
هدية: أكلج يمه
ها
هاا .. لا هيچ .. خل السالفة تصير و عود اكلاج بيها
جا بس ذبيتيها وفلتي ، احجي شعدج
لا مو اخافن تعارضين و تمنعيني .
ان جانت سالفة شيئة امنعتج منها يو مو تصير ، يو تتلايم الدنيا ..
لا وعلى موش شيئة لجن اعرفتج بالج يجرخ و تروحين تتخايلين سوالف بعيدة ..
جا غیر اعرف السالفة شنهي ؟
انا حجیت و یا سرحان .
- دام السالفة بيها سرحان ، جا كولي تطينت روسنا .
عليش تحجین هیچ یمه سرحان خوش زلمة وما طلعت الشية فرد يوم .
جا انا نميته ؟ من عين عداد جنيرين وانت من ذاك الوكت متهومة وياه و اخافن اعلى الجلمة
تلوحج .
لا يمه اتبوش وعلي وما اخلي احد يهيستي .
- لتبوشين ؟!! .. شناوية عليه بهديوة
يمه كلت الله يشوفلي شغل عده .
وين عده .. بالمعمل ؟
اي
ياااااع شني ولح تسودنتي .
يمه اعيننج
- وعساج لا عنتيتي ، جا يو حصرج و حبلج انا شطايح بجيسي غير الطراكيع ؟
يممممممممه شنيييي، جا انا موش كلت الج تكومين تتخايلين سوالف بعيدة ، جا هو من اول
ما يسويها ولا دنى الردية مساع ... و حتى يو جا انا ما تثقين بيه .
جا هي لو تربعت ساعة الشيطان و انت عزبة موش بت مثل اول ، وهو صارله اسنين ما كاض
مرة .. امن عليج ساعتها ؟ لا والله ما امن ....
يمه شني هالحجي هاذ وعلي عيب ، لا توبي ولا ثوبه
توبیش بیت حويكم ... اضكرنج الفجريات من جارج للبستان و يحبحب بكصتج .
يمه حبني يكصتي ما حبني بغير مجان .
وانا انظر ليما يحطها بغير مجان ... خايبة صمي حلكج و استجني لا وعلي اكضن العطاب و
اجويج تعرفين وين .
جا هو انا شحجاني .
لا يو ظاله تك *** من وراي ... عليش تكليلي ، خايبة اسمعي لا عدالج عدج بت و احترمج اکومن اكر معج بالعباس ...
کمت منها و ما حجيت وياها ، راحتلها ایمان تشكي من خوفها ، و انا ظل ايالي .. جا هي اجت للحلك و اردنها عليش ؟ اريدن اكضن فلوس بيدي اشتري لبنيتي اعيشن ... جا انا قیمتی اظلن اعاين لامي وابوي و اخوي يطلعون من جيوبهم و يطوني .. فليح وما حصليت منه لا رويتب ولا هم يحزنون ، صفى كلشي لهله .
صفنت بروحي !
همه انا عليش متعبة مخي وافكر ، ياهو الكال سرحان يشغلني وياه ، يمكن بغير مجان و امي ترضی .
ظليت اجيين و اودي . لليل نمت بفراشي وكلت ما افكر ، اندار والاكي جميرة متبسمة : ها ولج شمالج تضحكين للسكف
خنجر كالي يو نجحتي أكثر تعرس .
جا هاذ ما يطل منج
هديوة شتي يبطل انا احبنه .
- خايبة دية وينج ووين العشك .
شني انا صرت جبيرة
تنهدت و انا اعاين ليها : جا انا ما اتمنالج الخير يخيتي ، هليت حاج يكعد موش مثل حظي ، و
ان جانج تحبين خنيجر الله يسهلها الج ..
تبسمتلی و اندارت اتغطت ... اعاين خيال زلمة بالحايط ، فزيت والتفتت وراي . ماكو شي .
رديت راسي و توسدت شوای و فتحت الباب ایمان و حطت افراشها بنصنا ونامت ، خذيتي
اميدي منها و خليته بيني و بين جميرة و حبيته و نمت .. ويتي وراي نايمة .
للصبح ...
فجيت عيني ، كمت اعلى حيلي امي ويا الحلال غاد .. و انا عجنت بساع و غسلت ايدي ...
نظرت امي تطلع للولاية اعلى شغلها ....
تعنيت للشط و مشيت لكيته واكف .
اشرالي من ابعيد امش وراه ... ظليت امش ليما وصلنا المجان ما يطرى اعلى العين .
وكف و انا كلت اله : عليش جليتنا ليجاي .
ما اريدن احد يشوفني واكف احتاج من كونج تأخرتي و الشمس طلعت ...
تأخرت بسبة امي تاخرت باله طلعت .
شلونج ، شلون حالج ..
على الله .. ما اريدن اطول الوكفة، جيت اسمع جوابك و اردن .
هدوة انت تامرين موش تطلبين، شفت المعمل و اکثر اشغلنج بيه ... هكو مجان يسعلج اذا تريدين .
المجان جريب منك .
عاينلی و تبسم رديت ... ان جان جريب ما اريدنه
عليش ؟
اخافن لا يمسني الحجي و انت تعرف الوضع .
انت تشتغلين ما جاية تلعبين ، و الما واكف وياج بالضيج ولا نشد عنج ساعة العسرة ماله حك
يو وازتج دنياج اعلى الشغل و هو معكل و بيه نسوان و زلم و مجان النسوان معزول عاد ..
يعني موش جريب منك ، جا خوش .
هز راسه .... حجیت : سرحان لا تزعل ، انا موش بس اخافن اعلی روحی ، هم اخاف اعليك تصيبك جلمة من حدر راسي
كل مجان انت بيه جنة الله اعلى الكاع عدي .
تبسمت ... و صدیت راسي عنه ورديت حجيت : امس امي من كلت اعلى الشغل ما رضت و
ظلت تحذرني جثير .. شلون اقنعتها
تريدين انا اقنعتها و اطمتنها انا ما الكرب صويح .
هااا .. لاله لا ... اشوفن انا شلون اقنعتها ، بس يمني ابدي بالشغل ؟
اذا عاجبج من اليوم ...
خوش
ياله جا انا الطريح بالمعمل ، خوش .
- يحيل الله .
رديت للبيت و بني عد جمارة، كنت الها : جميرة اذا راح اروحن بالمعمل اشتغل لا تكليل لاحد انا غاد.
جا ویو نشدتني وحدة منهن ؟
کلیلهن راحت عد بيت خالي .
خليت بني و جريت شيلتي اعلى وجهي و طلعت للمعمل دشيت غادي ، سرحان ناطرتي مناظر ... سجلو اسمي و دلاني بيده اعلى الشغل و ابتعد عني .
بس يا فرحة كلبي و انا وياه بنفس المجان اشتغل ، غير اعضاي تتراجف وما اسيطر اعلى كثر
منه ، لجن طلبت مخليه شيلتي اعلى وجهي خاطر لحد يلوحتي بجلمة .
اشتغلت بهداي لا هو كريني ولا انا كربت ليه ، لجن اسمه كل شوي يطلع من مجانه يوكف يربي
من ابعيد و يدورني وين مشيت ووين رحت .
خلصت الظهر شغلي .. لكيته طالع هو .
صاحلي الحجي يونس كال : بويه هاذ اجرج مالت الاسبوع هاد ... ويكول الشيخ التوفيح ان شاء الله
الله يطيك العافية عمى.
كضيت الفلوس وانا ما صدكة صار عدي اجر و اشتغل ويطوني ، كلبي راد يوكف من الفرحة وانا
كاضة فليساتي .
ادشن العجد مالت اهلی و اعاين امي واكفة ... وعلي عدالك حزبي واكفة براس الدرب .
وصلت ليغاد ولتها اطلع العودة من ورا ظهرها ....
هایمه خير
دشي وانا اعلمنج الخير شلونه
شني يمه شكو
دشي
لا والله ما ادش ، اذا ناوية اطكيني هسه اروحن لبيت خالي .
دخطي جدمج لا ما الحكجنج و ادبج بمصارينج ، دشي ياله ..
دشیت وهي طكنني اعلى كفاي بالعودة ، ضحكت وركضت لحجرة ايمان
وين جنتي ولج
يمه اشتغلت بالمعمل .
اشتغلتي موووووو ... وظلت تدفع بالباب ولالة تجربيها وانا ادفع و ايمان كاعدة ترضع و تعاين النا.
وامي تصيح : ولج برااااااابيك احجي من الباجر ما تسمعن حجاية ، انا شحجیت و شوصیت .
يمه انا ما سمعت غیر احجايتج ، جا موش انت الكتيلي محد الله طوع اعليج .. و انت حرة
روحج كدي اعلى روحج ولا تنظرين من احد .. وانا خذيت حجايتج .
وانت اطبقين حجايتي علي و ما تااااا اخذين بشورررري
فتحت الباب : جا عليمن اطبقنها ... دام اعرف روحي شنهي وما غلطانه ما اردن ، و هاي انا
استلمت اجري ، و خوش اجر علیش اتعافی و اهدته ... و الله خاف احد يلوحتي يجلمه .. جا هم الناس وينهم من اعتازينه ، من طحنه بشده و بعت البيت و غريضاتي كلها مامش احد كرب
وكال شمعتازة ومن اوكف اعلى جيلي يتعاينون وياي .
و مامش غيري ببير هالمجان تشتغلیی بین بییبیه
اي مامش احسن منه، شوفت عينج شغل ماكو ويو ردت اشتغل فلاح يكاع أحد ما اطلع نص هالاجر الاخذته بالمعمل، عليش شادة وياي انا موش صغيرة .
ظليت اداهر وياها ... و هي تصيح و سابيه البيت ... ليما هدت و اجت تحجي وباي : خايبة انت رايدة شهيرنج ؟ ما تعرفين بت عمه يو درت تكلب اعلیج و تشهرج .
يمه شني اخافن منها ... سرحان لا كاربني ولا كاريته ، و يت عمه هي الزوم تستحي اعلى روحها و تنکتر موش تنصایح و یای اعلى زلمة ما يريده .
وانت اعلى شنهو ناوية .
ما ناوية اعلى شي، رايدة اشتغل واكدن أعلى روحي، وانا ماخذة بحجايتج ومغطية وجيهي عليش بعد ما لعتني .
و سریحان ؟ لا تكلیلی شیخ و خوش ادمي الزلم ما تتامن يمه .
يمه انا موش بطرك روحي خاطر ما افكر باحد ، انا عدي بت وسمعتها اعلى بالي يو غلطت تنعاب ويعايرونها بيه ، و يمن كون التراب اطمني يو سويتها .
جا خوش ، انظر اعليج و اشوفن ، لجن وعلى بهدوة ، يو غلطتي انا اجتلنج كبل الكل .
- ترباتج انا يمة ..
تشوووف ، يكولون الحك العيار الباب الدار و انا لا حكتج و اشوفن وين تصل وياجن بينات حويكم .
ورضت اشتغل بالمعمل و الصكد انا هم جنت اخافن اعلى روحي من كون اعرف عدي يت و يو غلطت عمامها يتانون الزلة على خاطر ياخذونها.
وظليت اشتغل بالمعمل و ما اكرب سرحان ، ولا هو المكرود يكريني ، يخاف علي ، لجن يو طلعت نبوشت و مشبت ... حتى عيوني بوشبتها خاطر لحد يعاينلي و يظل يتربصلي اعلى الطلعة و الرجعة .
ابوي من درى اشتغل بالمعمل ما رضى ... بس امي كدرت تقنعة وتكله خلها بس هالفترة و هي مبوشة و ما يشوفها أحد .. و من هالحجي .
فترة و الدكت الباب علينا ...
ونعلها ام يسرى ... دكت الباب اعلينا وتكول : ذني بناتكم احنا تعبنا و ما بينا حيل تحمل ضنا موش فنانا.
وهدت البنيات ومشت و هن عليلات ... وحدتهن حولة و الأخرى عرجة.
ظلينا التصفن وحدة بوجه الآخرة ... البنيات يتباجن نطن من البجي يريدن امهن ... كضيتهن .... شلتهن اسكت ولج عمه ... خايبة يمه .. قدوة اغديلج .
ماكو ما يسمعن بس يبجن اعلى امهن ..
لليل واجتنا يسرى اعلى الباب تبجي و تتوسل بامي و تصيح : بدائي لا تحرموني منهن ... انقطع افادي اعلى فركتهن عمة احين ايدج .
امي كالت انها خل يرد عمج والله كريم ..
يس هي ظلت تتوصل بامي و حتى الجيران طلعو اعلى صياحها أمي ما رضت من كون اخوي راد يموت بسببها ، ما رضت رجعتها .
ردت لبيت اهلها و هي تنوح ....
والجيران وكفن و يا امي يقنعنها هلیت ترضی ترد، شما يصير تظل ام و الام ما تحمل بلا ظناها . امی کانت الهن .. الله كريم
الثاني يوم و اجا عمي بهويز بالبيت .. لا انا ولا امي موجودات ... ظال يصيح بالباب شلون بنه هاد حالها و كال الهم : يسري يو ما ردت ، ظناكم عدكم ، وضنانا يرد لينه ....
ساعة الرديت و سمعت ... تسودنت كلت الها : يمه فدوة اغديلج بني ما اطيها و اخافن لا يا خذونها مني وانا اموتن يو بعدوها عنبي ، ردي يسرى و تجفي الشر.
صرخت ايمان : لا ما ترجع ، هي يزوجها و هي سوت وراد يوموت وبقى يزوع دم ، احنا شتسوي بينا ، اني ما اذا انام الليل من الخوف اتوب ترجع هي .
کواغد : جا انت شلح غرض بيها ترد و تكعد يحجرتها هي وبناتها .... و انت بحجرتج
لا ما تعوفنا بحالنا، شنو نسيتو لما تزوجت نسوت بيه ردت اموت .
هدية : جا ويو خذو بني شيفيدتي ، تفكرين بروحج و ما تفكرين ابني ، يرد ابوي و كليله يحير بيج ، اذا بني ما اكدر اطيها .
من سمعتني حجيت هي، جرت جهالها ومشت لحجرتها ، حسيت روحي دست اعليها .. ومشيت ليها العذر منها .. بس هي تبجي وتكلي والله اخاف .
انت ليش ايمانج ضعيف ، الله اكبر منها و من كلشي يو دفع عنج اذى لا هي ولا كل بشر يكدر يا ذيج.
وظليت احجي وياها لينا علمنيتها ورديت لامي كلت الها : ردیها و امرنا لالله .
ثاني يوم امي ردت من الشغل ....
راحت ليها جابتها و اجت من كون البنيات عدن اتراب اعلی امهن ... و حجت وياها امي : اسمعي يسريوه ، يو رديتي للعايلج ذيج و دوريتي ويانا سحورة ، و علي ابن ابي طالب احطنج و اکتلنج خوش ؟
عمه انا من ايدج هاي لايدج هاي وكل الرايدته بنياني ورجلي اكفكف اعليهم و استر اعلى رويحتي .
خلنا نشوف .
رادیون .. سمعت بحس سرحان بالباب يصبح اعلى فروخه يلعبون بالماي .. ركضت ليهم شلتهن و كلت الها : ابو مامون فارغ ؟
- شنهی ؟
رايدة احج وياك
- كولي
لالة لا اروحن البس فريحاتك و اردن خاطر نحج بهدای ...
جا خوش حضريلي الغدا بدريج حيل جوعان .
- تامر
دشیت داخل وانا بيدي مروان و مامون اسحب بيه لاكتني فخرية : شني اجا سرحان ؟
اي وشاف الفريخات بهالحال و عصب رايحة ابدللهم و اسويله غده
يا انا اروحن اسويله ، ما عدالي توه يجي كلت يتاخر.
لا جا انت ما مسؤلة بيه ... وفضل منج خدمتج هاي
يا شتحجين ديه غير وليد عمي و اتیلن عنه صكد جذب .
رحت ابدل الهم من حجرة الجهال، اجا سرحان ينزع بعكاله و يبدل درت ليه : خوية ردت أكللك .. الخميس امش از ورن جسام بالسجن و كلت اطيك خبر.
- ياهو الياخذج ؟
امي
ولو حيدنج تروحن سجن، شلج بيها های بویه ، اكعدي .
جا يا هو اليروح ويانا ... مامش احد و انت مشغول وانا صالي ٦ اشهر ما رايحة ليه .. و طالا كلبي
اخلي سالم يوصلكم .... پس استعجليلي بالغدا .. رايد انام
جاي تسوي فخرية .. شني هيج الشغل متعب .
موش بس الشغل، من الشغل للمضيف من المضيف اطلع بطلابة و اكعد و احج و اسمع ورد للمعمل اشتغل و اوكف اعلى روس عمالك ... حاسب و دقق و شوف ورد للكاع شوف الفلح و المحاصيل و شنهو الشغل ..
جا هاذ كله و ما تريديني العب .
الله يساعدج ، بس ما طول هديوة غاد ... جا يخف .
هو انا شايقها شايفتني ، باليوم يو تصدف احجي وياها حجاية عابرة يو ما تصح .
- عليش ؟
البت وراها ال تجيل يراديون ما رايد اوهدن حالها وتزود الحمل عليها ، كافي عدي حدر عيني و مرتاحة ما راید اکرب اکثر و اذيها .
و جا راح تظل هیچ
انا بيدي وما عملت شيء ما اعرف الله يمنى يمن علي و يطيني مرادي بيها .
جاي يحجي و دشت فخرية حطت الزاد بالكاع وكالتله : تمتاز في يبو مأمون ؟
لا بويه ما تكصرين ، الله يطيج العافية .
يحجيها و هو مدلج عنها، طلعت من الحجرة و انا ظليت اتوم بفرووخه .. مروان نام بس مامون جلب الا ياكل ويا ابو ... تعداد حذاه و ظل يوكل بيه .
فخرية سامعة بحجايات سرحان ... و عرفت هدوة جاي اشتغل عده ... وهو ناطر هلبت تصح و
من عرفت بها السالفة تسودنت .
مشت لامها تيجي و تشكي
وانا شايلة عياله و هو امناني وكال اخطبج و هسه عرض عني ، شمالني و شبيه ... ومن هالحجي
امها موديه الحجايات دايتهن يحلك عمه ..
كضاه بالمصيف ... وكال : الله بالخير عليك بويه ؟
هلا عمي الله بالخير ..
اسمع سرحان بوية ، أنا عمك والي حك عليك وصالنا بالسنتين احنا ببيتك ... وبتي مدارية وليداتك وراعية بينك و انت اطبت جلمة و كنت اخذتها وسكنت عنها ، سكنك شنهي بوية ...
رايدها بولا .
عمي انا ما رايد او هدنها وياي من كوني يا عمي صعب و طبايعي صعبة
جا اذا بت العم ما تحمل ياهي التحمل طبايعك .
انا ما رايد اظلمها من كون أعرف روحي ما اتوالم ويا وحدة .
- شنهي هاي عمي اعتبرتها ردة
موش ردة ، لجن الحجي موش وكنه
جا يمتى وكنه بوية ؟ اسمع يبو مأمون ، جدامك هالايام 5 الخمس فن ، تاخذها اعلى سنة الله ورسولة خير اعلى خير ، تردها علي و تكسر ابت عمك ، اهدن البيت و اطلع .. ولا انا اعرفتك ولا تعرفني .
لا محشوم عمي ما عاش اليردك، اعتبر البت ماخذها وان شاء الله راح ابلغ الاهل الملجة الجمعة و اعلى خير ان شاء الله.
اي هاذ الحجي الخوش ، اعلى بركة الله .
رجع عم سرحان بلغ الأهل أن عرس سرحان و فخرية الجمعة التجي .... بس بلا هوسة ولا عرس ... صفكة بيناتنا ونفضها من كون الكلوب ملجومه أعلى اهلها .
فخرية ما كصرت ....
مرت العصر اعلى بيت حاکم و دكت الباب ، طلعت الها كواغد: هلا يمه ، هلا بيج تفضلي.
-هلا بيج ، شلونكم
حدر رحمته .. شلونكم مالونكم ..
تحجي وهي تدخلها داخل هدية متعددة وغافية ما صالها ساعتين من ردت من الشغل ، حجت فخرية : الله يسلمج عمه ، يا نايمات شنهي النوم هاذ ، نوم العصاري يجيب الفكر.
جا موش بطر نايمين ... تعيبانات .... هدية هدية .... اكعدي يمه .
هدية : فزيت و تعلي اشوفن فخرية جدام، كش لا هله .
کمت اعلى حيلي و كنت الها : هلا دية تفضلي
و کمت رحت اتفوسل و امي تسولف وياها و تنشدها ولاله مشت تزهبلها الجاي ...
الغسل و اعاين اللانه تعصر بوجبهه : شمالج ؟
بطني مالومة وجمسمي بايد مدري شمالني .
خاف لكل مال حمل وولادتج كريت ... هاذ الشهر تخلصينه كله اوجاع .
الله كريم .
نشفت وجهي ودشيت يم امي كعدت و نعلها تذبها بوجهي فخرية : اجيت اعزمتكم اعلى زفتي الجمعة .
كواعد : زفتح ۱۱۲
فخرية : أي عين ملجتنا انا والشيخ سرحان الجمعة وخليناها بيناتنا ما كلنا أحد عين الوكت
موش خوش وکت ، بس انتم موش غريبين .
هدية : انكبض كلبي ساعة الحجت هالحجاية .. مدري شمالتي اغتاضت روحي لجن كضيتها و
سيطرت اعلى رويحتي من كون أعرفها جاية تفيضني موش العزمني .
ردفتها : اي جا خوش من سمع الحجاية و رضى بعرس طلع اعلى السانا شعر و احنا نکله عرس و ما يرضى ، بس يكول ما ارضى ما تطيب لكلبي مرة ولا اتوالم ويا وحيدة بس هالحجي ما
يصير لزوم يجيب التخدمه و تخدم فریخانه .
عاينتلي امي صفح ... هي اغتاضت حجت امي و غطت اعلى فاينتي و كالت الها : بالخير و
بالعافية وشايفة الف خير ان شاء الله .
اي يشوفون الخير ان شالكه ... لا تخافين حبيبة أول الحاضرين أنا لاهوس بعرسكم و ادبج دیج
عمارة ... جا شيخ السلف هاذ ابو مامون الغالي .
حجيتها و هي كامت من مجانها و تكللنا : أي عودين انشوفكم بخير ..
کواغد : جا ما شربتي جايج
- لا تعرفين عكب باجر عرسي ولزوم الحضر
- هلا بيح يمه .
طلعت و انا دشيت بحجرة لالة كعدت روحي اختامت و فرفحت اعلى هواها ... يمن كون حكه و اهو شيخ بعرس و عده ایتام ، بس انا ما ادري شصابني و تضعضع حالي.
دشت امي وفكت الباب، الدنيا ظلمة بالحجرة و بس طولها يتراوالي ... وكفت وهي تكلي : ولج
بربوك هاذ ياهو ابو و مأمون الغالي التدبجين بعرسه ؟
يمه هديني رحمة للعزيز
شهدج ولج و انت ما خليتيلي جلمة - توليتي المرة المطكين يحلكج الغالي و الغالي ، ما استحيتي اعلى روحج ولج .
ليش هي تعرف المستحى خاطر اعرفها انا ، ظنج متعنية مناك لیجای خاطر تعزمنه يو لفيضني
وعليج تطيها مرادها و تغتاضين هو اوله وتاليه موش الج
اي
صديت عنها و الدمعه تراري بعيوني .
هدتني ومشت ... ثاني يوم ... ما مشيت للمعمل غبت ... هو جان اباله يكلي بيومها بس من غبت .... عرف الموضوع وصلني و اغتاضيت .
يومي كله كضيته اتحسر و اذب حسرات و احاجي رويحتي ) ليمتها الآلي يظل موش الي .
وليمتها يزل حكي لغيري ؟ وليمتها يظل هاذ حالي )
ابوي من شلنا لهاذ البيت و ليجاي ... كام يلفي عد ايمان ازود ما يجي لامي من كون ايمان تمش وتوجد بالحياطين هلبت تشوفلها جني وتصيح ، و يورد ابوي كضت بخوانیکه ... وامي مامش حجرة الها ... بردة و تردها ... فشهر اعلى شهر لا يجي لامي ولا يلقيها ..
ساعة ووكت هو صالا الحجرة عليه و علی ایمان و احنا مكابلين الباب و كاعدين ، يو ضحك وياها تسمع الضحكها .. وأي جلمه تطلع نسمعها .. و أمي حيل مغتاضة .
ترد تعبانة من الشغل تلاكي مسركي الباب علي و على ايمان ... و اغتاضت كلش من انا كاعدة و اجت ایمان : عدوة على الجهال عدج
اي كعديهم ...
ما جاي يخلون حاكم ينام ... وانوم بيهم ما ينامون ، هسه احبهم الي .
حجتها و اندارت للحجرة دشت و شرکت الباب، امى عينها تربى اعلى الوضع وما حجت بس
هزت راسها ... جريت هنودة وكعدت الاشيها و الاعبها
التموا علي اميدي وبنات ستير وبتي صفيتهم ومديت ارجيلاتهم وانا الاعبهم ( يحدي يبدي يا ناصر دي هدي الكون أعلى الزنبور ) وهم يتضا حكووون ... اجت البعيرة جميرة ولا جنها زرافة اشطولها ، كعدت و صفت رجليها
ونج يزرافة شايفة روحج زغيرة دميلي عنهم
والله معلي العب وياهم.
ضحكت و هديتها هي تحسب و تلعب وياهم و امي مدلجة وكاعدة : ها بالحبيبة اشو موش
اعلى طبعج .
لا ييمه ما بياش شي .
اعرف شنهي البكليج و اعرف ابوي صاله مدة ما يكبل ، لجن لا تحطين ابالج .
لا يهديوة يمه .. انا تعوديت اعلى الهم ... جا الومنه بت زغيرة وحمرة وتحلاله .. يهدها
ويعاينلي انا الحارك وجهي الشمس و مضيع رسومي التعب .
اجت پسری و کعدت کبالته و انا اواسیها و احجي وياها .. حجت يسرى : جا حكها شني مرة هي يو موش مرة بس عمي باطل ، انا يو ترضى ما اخلي هاذ حالها .. بس هي ما ترضى ..
- شنسويلها ؟
كواعد : لا تسوي ولا تعمل اسكنن، هاذ الالله كاتبة علي و جاي يختبر صبري ويمتحني و انا
راضية بقدر الله اكعدن .
ما خلتنا نحجي ... كامت بسری و اشرتلي کمت وراها
شني يعني شتسويلها ؟
تسويلها حجاب يخلي عمي ما يفاركها و ينام اعلى شليلها .
بس عمل شیطان والله ما يرضاه .
لا موش عمل شيطان ، جا يو حبها وكربها ما بيه اذيه اعلى أحد ... عليك شيطان .
- متاكدة ؟
يا يو طاوعتني اخلي خادم عدها .
وشلون .. اذا ينشرب ما اريده سالفة اخوي و ابوي يروح بيها
انا مالي بالصار بستار وعمي ظالمتي تريدين اصكدين تريدين لا اعلى كيفج .. بس اذا سويت
لعمتي ، مامش اديه لاحد .. بس يكوم يتوددلها ويكربها ما يظل هاجرها اعلى هالحال
وشلون ؟
- الدشداشة البلبسها وهو نجس اريدتها ...
نجس ؟ .. نجس شلون .
- يعني مجنب ولابسها .
وشتعملين بحاله .
- خايبة ديه تعمل ، اقرا عليها جم آية واحطن حجاب كلها جم يوم ويصير خادم حدر رجلها .
و مامش اذيه بيها لابوي ؟
لا والعباس كل اذية مامش
جا خوش ، بس يو صار شي افضحح و اكللهم هي السوت هيچ.
لا تخافين شمالج انت بس طاوعيتي .
انا لعيون امي كلشي اعمل بس كون يرد وجهه يتبس وما تظل مكسورة اعلى هالحال ترد من
ضيم الله تتلكه المصايب ابيتها
- عاونيني و شوفي شيجرى ..
جا خوش ، بس الدشداشة شلون اعرف هو شنهو ولابسه اروحن ارغب ابوي ، حتى عيب
يحكي .
من يدش يسبح ويحطها وبالهدوم الوصخة ، وتجري عليها .. خوش ...
خوش پس كون موش سحر
جا كلتلج موش سحر كلساع نعيدها .
جای نحجی و ایمان فانت جدامنا بس مغيرة ثوبها ، حجت يسرى : شني وين تردين ؟
شعليج ؟
حجتها ومشت للحمام ، و ابوي تايم بحجرته ، بيما كبل الغروب يشواي طلع من حجرته .. وراح
تفوسل و غير ملابسه و طلع للمضيف .
دشداشته ظلت مملكه بالبسمار بالحمام ، و يسرى تاشر على خاطر اجيبتها .. كش كلبي .. ردت
اهدتها .. يس كلت لا هلبت أمي يصيرلها حل .
خدیت دشداشة ابوي واطياتها ليسرى ووكفت كلت الها : شراح تسوين ؟
- مالج غرض ... خليها يمي و يجر الج الصافي.
جا خوش .
مشيت عد لويله و هي تلوب و تكلي : كلش مالومه و مالي خلك اكومن .
كلت الها : أخذنج للجدة
لاله لا .. خليني بس انا من اهدى و ما يظل بيه شي .
عفتها و صكيت الباب عليها .
كضيت الوكت معلعله شما احاول الهي روحي خاطر ما اتضكر باجر عرس سرحان .... بس كل ما اضکرنه اغتاض و تحتام روحی و اهيس الحسرة تطلع مني نار، اعلى هضيمتي .
کضيت الليل بالياويل هليت تغفى عيني ...
پس شما اقارن بينهاي الليلة و بين الليلة العرس بيها .. يطلع هالعرس لا شي من كون ذاك اليوم حرورته من كلبي ما اتروح و من اتضكره اهيس معدتي تحتر من القهر والوب .
وظاله اواسي روحي بهالحال
بس اوله و تالي راح يلفي بحضن وحدة و انا غريبة حال عكيه.
والله اجا هاذ اليوم و جان جمعة ومامش شغل ... حتى امي ما طالعة وكلنا تريكنا .. ندستها
خاطر تكله اعلی عرس سرحان ، بس هي كرصتني ..
ليما راح تكلي : استجني و حطي بجيوبج اطويبيجات عليش ها لطفكة هاي وين موليه ورايحة زلمة معرس رايحة تفيضين روحج يو تغيضينه .
جا موش هي العزمينه
لا والله يمه اريد اروحن
مامش روحه اكعدي .
للظهر و انا الوين ... بس اريدنها تكوم وياي تروح .....
وما رضت لیما لیست عیانی و تكحلت وكتلها : والعباس تروحين خير اعلى خير، ما تروحين
اهدتج وامج .
جا ما اعرفنج ... بربوك وما تخافين احد تغافلين وتمشين
جا أمشي .
لیست و راحت وياي و الدرب كله نغم بيه و ترزلني و تكلي : ما شايفة وحيد جايب الفئة الروحه مثلج .
ما رديت عليها .. ليما وصلنا للبيت مالهم
دقيت ليه ... سرحان مامش و لمة اعلى كدهم ... بس اهل البيت و خواتها و عمانها و هیچ .
وامي ما كصرت كامت ادكلهن و هن بهزن و انا جو بعدة و هي تنوعلي .. ليما صار المغرب ... دش
سرحان و ازلام وياه وشيخ للديوان .. وابوها توكل عنها وملج اعليها .
اهيس الدنيا اسودت بوجهي .. يمكنى يو سامعة جلمة امي وما جاية اخيرلي .. حبل المتاضيت
... شجابني و شصابني مدري .
هلهلن النسوان و امي و ياهن اعلى نفس الرئة تدكلهن ...
فخرية متزوك و كاعدة و تتبسم الهن ... و ترد تعاينلي .
تحسرت و ذبیت تنهيده ضيم اعلى بلوايهاي اليوم تروف بحضنه و تشم عطره و تنام حداه .... مدري شمالها احلامي مبيوكه وموش الي .
جاي اعاين الها .. وولد عمه صاحو
سووو درب
تباعدنا و دش هو مدتج ما عاينالي .. كعد حداها ... بس كل فرحة مامش اعلى ارسومه تعابيرة
اعتيادية ... ولهساه ما شافني ولا طاحت عينه علي .
تكريبت منه وهو كاعد و كلت اله : شايف الف خير ابو مأمون ....
من شافني تبسم ... و كال : هدوة هنا
جيت اباركلك .. ان شاء الله شايفين الخير.
تیسم و کال : الخير راح و يا اهله بويه .. حياج الله
و عدل كعدته ...
رواية كحل عرب الفصل الثالث والستون 63 - بقلم زينب ماجد
رواية كحل عرب الفصل الثالث والستون
( خصام بين المحبين )
يا..طَبع مدري اشجَره
علما ..تصِح ميّال
(عريان السيد خلف)
عدل كعدته و انا اعاينلة ابسمة كلها ضيم .. ظليت اعاين عليهم .. مدري يمكن راح احسدهم اعلى كثر ما تمنيت روحي بهالمچان ..
بودي اصرخ واكلهم
هاذ مچاني
وهاذ ولفي الما هده كلبي
و هاذ الهواني و ما هوى غيري .
ودي اخبر الناس كلها بالسالفة المضمومة حدر ضلوعي و تطحن بيه بكل وكت .
لجن القدر و القسمة و النصيب و الدنيا و العادات و التقاليد .. كلها تكلي سكتي .. و ظاله بس اوجد و اتحسر اعلى مچاني الهادته برضاي لغيري.
النساوين يصفكن و يهوسن .. و الناس تضحك ، و هو كاعد واعكاله اعلى راسه .. و يعاين عليهم ، يو يجاوب اليشند و يحاجيه ، و انا سارحه بملامحة و معزولة اعلى صفحة .
اندار يعاين علي .. تبسم .. تنهدت تنهيدة بحسرة
دنج و هو يتنهد و صد عينه ليغاد .. يمكن كل الكاعدين و اليمر ما ينتبه لهالتفاصيل هاي ولا تأثر عده ، بس انا وياه نعرف شكثر حجت عيونه .. وكل تنهيدة تطلع من افادنا هي صرخة خرسة تشك صدورنا.
رد عاينلي و هو يكول : غياب امس شنهي القضية ، ان شاءالله المانع خير ؟.
- صبحيت مالي خلك هلما اجيت .
- عدج العافية ، ان شاءالله الصحة تمام .
- ان جان اعلى الصحة تهون .. مرضنا مرض كلوب موش مرض لشة .
- مامش احد مرتاح .. كلها كلوبها تون . الله كريم .
هيسيت مرته بصفة تضايكت حيل وحجت وسا وحدة من حبايبها خاطر تكف الهوسة و تمش للحجرة ، كال الها : بس خل يفض العشا .
- نتعشى بحجرتنا دخت ما اريدن اظلن هنا .
كمت اعلى حيلي انا من عرفت تضايكت من عدي و صحت اعلى امي :- يمه خلنا نروح للبيت ، بتي مناك عد جميرة واخافن لا تون علي .
ردحة : ياااااع شمالج يمه و اطلعون بلا عشا .. تسودنتي ، وكت عشا .. تعشوا وروحوا .
كواغد : لا يدية عساها دايمة هم ياله نمش مناك البنيات غاد .. و ابو ستار هم يتضايك لو تأخرنا لليل .
سرحان : هي ظلت اعلى العشا .. تعشو وامشوا .
هدية : ما يعتاز بتي مناك والله ، انا يو ما جاية اول امس فخرية وعازمتنا ما اجي لجن ما ردت اردنها .. واجيت بس ابارك الكم .. بالمبارك ان شاءالله .
سكت هو وما حجه و انا ظليت اعدل بعباتي اعلى راسي .. هي دنجت ومدري شكاموا يتهامسون .. ردت امش ، حجه ويا امه و كال الها : اعزلي عشا ام ستار و زيدي اعليه خاطر تاخذه وياها للبيت .
حجاها و كام راح للديوان طلع ، مشت امه خاطر تعزل عشانا ، و فخرية تعايني مبحلكة و تخوزر .. فتت منها و كلت الها : ديه لا تخوزرين علي انا لا بنيتي اغيضج وبا اكرب صوبج انت التعنيتي لداري و عزمتيني خاطر تغيضيني ، من تغتاضين .. لا تخوزرين .. شايفة الف خير .
ما ادري شظلت اتمتم وراي طلعت من البيت كله و امي لسه تسولف ويا ام سرحان .. لكيت خنجر واكف بصف السيارة و كال : ام امنية .
انداريتله : عليّ ؟
- حكج محد محترمج و تصدكين انا اصيحلج هيج .. تعاي بوية موصى اوصلنكم للبيت .
تبسمت : يطيك العافية ، نتمشى ما عدنا شي .
-دصعدي يا خوية هو انا ما عوليت يطيني السيارة خاطر اتسرسح بيها ، اصعدي .
تبسمت : جا انطر خل تجي امي .
اجت امي وكضتها اعلى الباب هي و عمتي ردحة يسولفن و هو واكف يتنطر و انا اعاينلهم .
صاح : ءهلا ءهلااااا .. تروحن يو لا
كواغد : هاذ علينا ؟
خنجر : اعلى طوايف اهلي ، دياله تفرگسن اجدامي من الوكفة .
- سرحان موصيه يوصلنا .
كواغد : يا دهر الدهره شهرنا بصياحة ، ياله دية اودعنكم .
رحنا للسيارة و هي تكله : جا هو هيج الينده شهرتنا .
- اي صالج ساعة ديديديديدي .. بس سوالف خو دشن و كولن فد شواي وتعال النا ، ناصباتني صنم و مناطر شنهي .
- دروح يمه يسلمك الله احنا نمش ، ذليتنه بهالتوصيلة.
خنجر : لخاطر جلجول اوصلنكم من كونها مرتي و ما يصير اهدن نسيبتي وامش .
صعدت امي يمه تضحك وانا صعدت ورا و هي تكله : استحي اعلى روحك مرتك شنهي البت كبرت لا تكسر بختها.
خنجر : والله يو هسه تنزل ايه بجلجول و يكولون كبرت ما اصكد .. تظل ذيج البت الكرعة المصلبخة بعيني ما تكبر .
- يا خايب تضايك لو احد كال الها جلجول يو المصلبخة ما ترضى تكول شني انا اسمي جمارة .
- اي هم زين كتيلي خاطر مرت الاخرة اعرف بيش اغيضنها يو مرت .
- لا كبرت بعد و ذيج المدرسة ما تروحلها .. راح تروح لمدرسة بالولاية .
- والله زين ورضى حاكم .
- والله هاذ الشايله همه .. لجن اشتغل غاد ابيعن روبة و كيمر عرب .. واخذنها و ارد وياي وهلبت اقنعنه .
- والله يا ام ستار انا اأيدج خلها تكمل ، البت نبهه و شاطرة وملسنة .. لا تكسرينها بعرس حللها حال بنات السلف ، خلها تكمل هلبت يصير براسها المصلبخ حظ .
- جا انا شريدن .. غير اريدنها تصير مثغفة ومتعلمة و افتخر بيها جدام صويحباتي .
- ان شاءالله ، ياله خلصت كروتكم .. انزلو وچفوني شركم
- يطيك العافية يمه .
نزلنا انا وامي و هو توكل بدربه ..
حجت امي : ها اغتاضيتي ؟ جتلتي روحج ليما رديتي وجهج معبس ، امداج يالغمة .
- حظي هاذ بعد شسوي .
- كولي الحمد لله هكو نسوان حالهن اردى منج ييمه ، لا عدهن زلم بيهم خير ولا اهل بيهم خير وشابعات ضيم . احمدي عدج اب يحبج و اخيات حذاج وانا يمج و بنيتج بحظنج ... مو كلشي نريده نحصله ييمه هاي الدنيا تطي و تاخذ .
- الحمد لله اعلى كل حال .
دشينا للبيت و ابوي جان واصل كبلنا ، تلكانا : هااا خلص العرس .
- عرسيش .. لملوم مالت اهله .. و مشاها .
- حتى رحيم بالمضيف يكول يو ما جهاله ما يعرس ، بس مكرود جهاله يتامه .
- الله يسعدهم ان شاءالله جا شنريد منهم .. اطوني عشا تاكلون .
حاكم : اي والله جوعان ..
حطينا العشا و كعدنا ناكل .. حجت امي : اكلك حاكم اريدن احاجيك بس عليك العباس لا تردني .
- شنهي ؟
- جميرة
- شمالها
- جا ما شوفتك شهادتها ناجحة
-اي شفتها ذيج المرة .. شبيها ؟
- انا موش اشتغل بالولاية واودي هاليطلع بيدي .
- لا تكليلي تداوم بالولاية .. هالسلفة شيليها من بالج .
- يا علي العباس مدرسة مالت بنات ما بيها كل ولد .. بس بنيات .
- بت هي شعدها رايحة للولاية اكعدي كواغد وچفينا هالسالفة هاي .
- جا هي درست ويضيع تعبها .
- عرفت قراية و كتابة خلصت .. كعديها و ستري على بناتج .
- جا هي وياي وعلي اخذها بيدي واردنها بيدي ما ازحينها عن عيني .
- عوفي هالسالفة هسه .
- تامر امر بس عليك العباس فكر بيها لا تظلم البت ، شحصلت هديوة من العرس خاطر هاي تعرس .. اعاين النسوان .. هاي تكلي بتي تدرس بالديوانية عد خوالها وذيج تكلي ابغداد .. وهاي الدشت كلية و هاي الصارت محامية ، جا شني فرق بناتنا و ما يصيرن ؟
- عوفي هالسالفة عاي عوفيها.
- انا اعوفنها بس انت فكر بيها .
- الله كريم .
خلصينا العشا .. وكملينا وابوي و امي دكوها سوالف ، سالفة تجر سالفة اعلى العشيرة و اعلى الولاية وناسها .
مرت ايمان و هي تكله : حاكم اني راح انام .
- جا كاضج ؟ امشي نامي
- متنام ؟
- لا راح انامن هنا .
طفينا الضوا و لفينا روسنا و امي جرت البردة عليهم و هم يسولفون .. و ظلوا سوالفهم تجر و الجاي حذاهم ويضحكون .. شكثر كلبي ارتاح ساعة الشفت امي و ابوي هيج يضحكون ..
كلت انهجم راسج يسريوه بساع اشتغلتي و غيريتي .. اشوف ستار جان عايدها و عمي ناصر عابد امها اثاري يعرفن لهالدروب .. جا مثل حظي المضيعة صول جعابي ، لا عرفت اتوالم ويا فليح ولا حظيت بولفي .
لهناك اختفى حسهم و انا نايمة .. كربت من عدي ايمان ونامت حذاي .. تنوعتلها .. تعاين علي و تعاين للبردة مالت امي و تمدد .. انا انداريت عنها و خاطر انامن .
بس ما نمت ظليت اتخايل سرحان وفخرية
وعقلي يسرح .. ها حبها ها تبسم ليها .. و بالها و ها كضيت الليل ..
انداريت وانا بفكري بس ايمان مامش !
جا موش نامت هنا .. عليش كامت ؟
هديتها ونمت .
.....
سرحان : دشيت للحجرة و الجهال ماخذتهم راديون عدها .. لكيتها كاعدة .. حجيت : الله بالخير
عاينت علي و كالت : جا موش الخير راح ويا اهله ؟
تنهدت ومشيت انزع بعكالي ، حجت هي : تحج وياها ولا جن انا موجودة و بكل عين صلفة ليما تطلع مني تكلي .. تلزكتي بيه لا بعمره راح يهواج ولا راح يكربج من عبنه ما يحب غيري ولا يهوى غيري و ظلت تغلط علي وانا بثياب عرسي .
- وانت عليش رايحة ومتعنية تعزمينها اعلى العرس بلا علم احد .. احنا موش كلنا العرس مختصر اعلى اهلنا وما نعزم غرب .
- جا وانت عليش ما تعزم و تخبر احد ، يو خايف هي تدرى و تزعل منك.
- تدرى شني و تزعل شني انا شعدي وياها خاطر اكللها يو اخذ اذنها بعرسي ؟ البت نا عدي وياها شي ، هالمرة عديتها من كونج عروس مرت الاخرى يو نعادت ما اتفاهم وياج .
- هاذ الحجي جدامي هيج .. وكبل شواي انا جويعدة و عيونك تلاحكها وحجاية وحدة ما حجيت وياي . بكثر ما حجيت وياها .. وعليش غايبة و شنهي صحتج .. جا انا شنهي .
- جان المفروض تطلك و اخذنها مرة ، لجن زلمتها غاب و تفرهدت امالي بيها .. لجن حطي براسج واليوم عرسنا ، يو صحالي زماني اخطب و اعرس .
- تفكر بعرس و خطبة بليلة عرسي .. جا انا شني هنا
- هاذ العدي .
- شيخ و حاط عينك اعلى مرة معرسة وزلمتها مفكود و هي بلا مستحى ادور اعليك .. شنهي الحيا شح .
هو جاي يدنج خاطر يشيل حزامه ويا ما حجتها ، وطر الحزام بيها ، اجا بوجها و كال الها : ياهو هاذ الشح مستحاااااه ، كومي اطلعي منا يااااااله ، امشي .
اعلى صياحي .. دشت امي ردحه : خير يمه
- المرة اتطاول اعلى زلمتها بليلة عرسه .. موش مرة وما اريدنها ، اندهي عمي ياخذ بته وما يخليها ابيتي يااااله .
- اضكر الله يمه وصل اعلى محمد .. عليش شنهو الصار
ظليت اصيح و اكللها : طلعيها من عدي يممممه
- يمه عيب من عمك وعلي بس كلي شنهو الصار بينكم شحجت .
دشت امها و خواتها خاطر يعرفن السالفة ..
هديتهن و طلعت برا .. سالم بالباب نشدته : خنجر ما رد السيارة ؟
- لا بعده .
فتت للديوان .. عمي ليلتها ما بايت بالبيت جيفن عرس بته ... ظليت اناطر ليما رد خنجر بالسيارة ، كلتله : اوچب لا تروح
- شنهي
- خلنا نطلع للجول ، متضايك حيل
- جا وعرسك ؟
- انعل هيج عرس .. دمش
طلعنا انا وياه و عزلنا عن ربعه .. منجين اعلى السيارة و نسولف : جا اذا ما رايدها عليمن عرست ؟
- وليمتها اظلن انطر هاذ وذاك مان علي بخدمته .. امي مرة جبيرة ومالي احد وجهالي زغارة وهدوة مأيس منها .. شنهي حالي .
- يو جايبلك خدامه
- هو هالوكت هاذ مال خدامه يخنجر ما تعاين الوضع شلونه ، يو طلعت مني يو من واحد من عايلتي احجاية اعلى صدام يو اعلى الحزب وخدم ببيوتنا غير نصبح اعلى الحدود ... شعرف عن الخدم و احطنهم .. و هو بهالوكت الاخ يحاذر من اخوه .
- والله ما ادري شكلك .. بس يو تجي وياي تشربلك جم بطل ، تنسى هدوة وهاي الجديدة و تنسى حتى مطر بكبره .
- العتب موش عليك لا والله تعداك العيب ، العتب علي الجايب روحي وصافها ويا وحيد مخربط مثلك.
- ههههههههه عليك العباس شغلني وعلي جاتلني الفكر .
- روح كل للشرب و النسوان هلبت يشغلنك .
- شسوي بيهن واخوي الشيخ سرحان ال ضاحي حذاي .
- لا اخوك ولا اعرفك .. ميل عني .
- اهاا ابو مأمون
- عود وكت ما تلم روحك وتبطل سوالفك الشينة الرديت الهن تعال احطنك فوك راسي ، اما اعلى حالك هاذ بصخلتين ما اسرحنك .
- حاط العباس وياك .. عليش هيج وياي وانا اخيك .
- دصعد اصعد خل اوصلنك .
- لا روح اظلن ويا الربع
- تصافيت انت وحيدرة ؟
- لا والله بعدنا
- لا تطولها ، فضو الزعل ولا تخلون الزين و الشين يدش بينكم .
- الله كريم .
.....
هدية : كعدت الصبح و امي كاعدة كبلي كاعد تمشط و تظفر بكصايبها : ها يمه اصباح الخير .
شفتها مرتاحة .. هلكثر انشرح سدري ..
رحت حبيتها اعلى راسها وكلتلها : يمه وعلي من اشوفنج مرتاحة انا ارتاح من يمي .
- غديتلج فدوة احبيبتي ابنيتي .
وهي كاعدة تمشط و جمارة نايمة .. سمعت و تكربت حطت راسها بحضن امي وتكللها : جا وانا شني .
- انت بتي الراح تصير تكدورة و ارفع راسي بيها.
- يمه تحبيني انا يو هدوة.
- اثنينجن .. ذيج جبيرتي و انت احبيبتي ..ومامش اعز منجن اعلى كلبي ..
هدية : بس كون تبطلين تكليلنا برابيك
- لا ييمه جا انتن برابيك .. هاي سالفة منتهين منها.
- لا يمممه موش جنتي زينة عليش هيج .
- والله ييمه بنات حويكم برابيك ما تتامنن يو زحت عيني عنجن الكاجن مطيناتني .
- لا يمه عليش تكولين هيج و علي ما مسويات شي .
- الله يحفظجن ييمه و يستر عليجن بجاه محمد وال محمد ، بس روحي كعديلي ابوج هلبت يروح وياي للولاية .
- جا عليش يروح ؟
- كالي امس .. اروحن وياج و قنعيته يمش هلبت اشوفنه المدرسه غاد و يرضى اخيتج اداوم بيها .. و انا طالبتها طليبه من ابو الحسن .
كمت انا ولالة اعلى الريوك .. وجمارة مشت ولا جنها بعيرة اجيب بروحها وتدحس بحضن ابوي و هو يحبحب بكصتها ويلاشيها .. كعد اميدي و شاف ابوي يحب بجميرة و هو صرخ وصدع روسنا .. اعلى حسه كعدت بتي .. مو جنه جدها .. لا ابوها وحكها كامت تصرخ و تلعلع بحسها خاطر يشيلها .. طردهم كلهم وشالها اعلى اجتافه و كام .
حطينا الريوك والجهال يتعاركون .. و بتي تتعاير .. الكعدو بحضن امي صرخت وتريد هي تكعد و الكعدوا بحضن ابوي ظلت تعيط و تجيب سابع جار اعلى صياحها.
كعدنا نتريك وايمان حجت : اني البارحة ابد منمت الليل كله اتخيل واخاف .
هدية : جا مو اجيتي نمتي بصفي عليش كمتي ؟
ايمان : لا منمت يمج .. شوكت ؟
هدية : شني مو اجيتي ونمتي شمالج
- لا والله ما جاية .. يمه اخاف طنطل ؟
هدية : صكد تحجين
- اي والله مجاية .
- لا جا يمكن اتحلم
- لا اكيد هاذ طنطل
حاكم: بعد من انا ما انام بالحجرة جيبي فراشج و افراش جهالج و فرشي يم البنيات ونامي .
- لا مو عبالي تجي تنام بس مأجيت .
امي اغتاضت وردتها : جا موش كالج انا راح انمن هنا ، بعد هالحجي الماصخ عليش و عليش تنطرين .
دارت وجهه ايمان منها متضايكة وامي كامت اعلى حيلها .. كالتله : حاكم تروح وياي يو لاله .
- جا انطري اغسل .
- استعجل يالة ..
كام و جمارة تكل لامي وابوي : خل امش وياكم اتونس
نزيت انا : جا وبتي ياهو اليظل يمها ، لالة حبلى ومالومة و ايمان و ايمان مبتليات بجهالهن .. اكعدي .
جمارة : شنيييي وعلي مليت بس كاعدة.
كواغد : اها جميرة و كبرت وبعد ما تخطي عتبة الباب .. شدو روسكم يكرعان .
- يمه عليج الله فدوة يمه .
- وبتيييييي ؟
لالة: ما عدي شي خليها انا اداريها .
جمارة : اها لاله اداريها .. انا اروحن ويا امي .
وكامت غسلت ولبست و شدت حجابها و دكت رجل الا تروح ويا امي وابوي ، امي كالت الها اوكفي غاد و انا اخذج وياي .. نوسة و درت جمارة راح تروح ويا امي وابوي تسودنت كامت تشيل بروحها وتركعها الا تروح ويا جمارة .
وانا يو اروح وارد كبالها ما تعبرني ولا تبجي علي بس على جمارة تتسودن .. طلع ابوي و شاف بتي تبجي .. كالي : بدليلها اخذها وياي .
كمت بساع بدلت الها بس اريدنهم يطلعون خاطر اطلع تأخرت .. هو شالها ومشى والصياح ما تعرفه منين يطلع بنات ستار يبجن و واخواني من ايمان نطوا .
عافهم وصك الباب و اخذ يس جمارة و بتي وراحو .. انا عفتهن يسكتن بالجهال كضيت اعبايتي .. و طريت الدرب للمعمل .
وصلت غاد متأخرة .. سرحان واكف بالباب .
كربت : اصباح الخير
- اصباح النور ... من تأخرتي كلت ما تجي بعد .
- لا عليش اهدن رزقتي .
- دام رزقتج يهدوة لا تسوفين ولا تستغلين وجودي و تتغيبين .. ترا الشغل شغل.
- تامر يشيخ .
تبسم : امشي اعلى شغلج بويه .
مشيت اعلى شغلي و انا عيني تتبعه .. كرب من عدي وكال : اجرج مال ذاك الأسبوع ما خذيتي .. مكطوع منه مال يوم واحد بسبب الغياب .
هزيت راسي و خذيت منه الفلوس وكلت اله : يطيك العافية .
بس اختنكت حيل منه ، جا على يوم واحد حاسباني .. هاي عود هو يحبني ويهواني .. هاذ اول يوم عرس وهيج تغير علي وكام يكطع مني جا باكي الأيام شلون .
لابسة الجفوف و الكمامة و اخوطن بالحليب و هو اعلى النار .. تكرب و هو يكول : هدي السوالف البراسج و ركزي بشغلج الحليب راح يحترك .
كلش اغتاضيت منه ، و اختنكت واهيس الدمعة صارت اعلى اطراف جفوني .. تعداني ومشى يحاسب العمال .
خلصيت البيدي ورحت ليه .. كاعد جدام مكتبه و كلت اله : سرحان .
رفع راسه ، عاين اعلى صفحته واحد واكف ، حجه : سرحان ما تنعاد .. استادي .. حجي شيخ .. اختاري اللي تعجبج و ندهيني بيهن لجن سرحان حاف ما تنعاد .
اختنكت حيل ردت احاجي، اندار للبصفه وكاله : امس گل لحجي يونس يجيبلي الاوراق من طاهر.
مشى انداريت وكتله : اذا جان وجودي بهالمجان يضايك انا اهدن الشغل .
- عليش ؟
- مدري .. جن العرس غيراك .. هاي ثالث مرة تزفني اعلى شي ما يسواش .
- العرس شله غرض ؟ يو البعبه ...... استغفر الله
- لا كملها عليش تستغفر .. موش اكللك متغير .
- يو سمعج احد و انت تكليلي هاذ الحجي شراح يكول عني و عنج .
نزلت دموعي ودرت عنه امش ، حجه : كربي
انداريت ليه ، حجه : عليش بجيتي .
- كل هاذ و تريدني ما ابجي ؟ .. ولو انا ما تمر على ضحكه لا ما اتزقنب بيها ، من كون ضحكت الصبح طلعيتها من خشمي الساعة .
- هدوة من تغتاضين ارسومج تحلو واكومن اضيع بعكدة الحاجب واتوهدن و اخاف الناس تفرزن و تفتهم عيوني وينفضح علمي بين الناس .
درت علي : الحجي هاذ شني ؟
- دموعج ياذني يهدوة
- انت سببهن .
- جا يو نا كصيت من يوميتج وانت غايبة شيكولون ؟ ما تطلع و يتفتن علي ؟ ..يو ندهتيني بلا تكلفة ..شيكولون عني و عنج .
- مو بس هيج انا اعرفنك .. متضايك مني .
- متضايك منج عليش ، انت حاطة ابالج هالامر من كون موجدة اعلى عرسي .. لجن امس العروس انطكت بسببج و ما جانت ليلة اعلى كثر ما جانت مصيبة .
- عليش انطكت ؟
- لا المجان ولا الوكت مالت حجي و سوالف ، روحي لشغلج .. و عود بعدين نحجي .
- يعني ما متضايك من وجودي هنا ؟
- انت مسودنه يو بعكلج خيط ؟ انا انطر شوفتج اعلى نار و انت تكليلي متضايك .
من حجه هالحجاية .. ماي وتبدى اعلى افادي ، كلت اله : جا خوش انا اروحن .
تبسم : روووحي .
.....
كواغد: ذيج المدرسة الأكللك عليها ... جريبة من عدي و جدام عيني .. تدرس بيها و اخذنها واردنها بيدي .
- جا تظلين طول عمرج تشتغلين يكاغد ، انا هالفترة و سجاجين اعلى افادي شغلج هاذ لجن الوكت الحاط سجينته اعلى زردومي ومخليجن انت و هدوة تشتغلن .. باجر عكبه يصير عدي لا انت ولا هي تشتغلن ، تكعدن و مصرفجن يوصل الجن .
- بيك الخير و البركة بجاه الحسين اليرزقك و يسهل امرك ، لجن انا سالفتي جميرة
- وجميرة يو درست و بطليتي من هشغل شلون ؟
- هسه دخلها اداوم هالسنة ويسهلها ربك بس لا تشيل همها.
- الله كريم .
- والنعم بالله بس خاطر امش بمعاملتها مالت النقل ، يردون ورقة من الصحة ومدري منين خاطر تنقل من الأبتدائية للثانوية .
- انا امشي بيها ان شاءالله
-الله يطيك العافية ان شاءالله ويخليك خيمة اعلى روسنا .
- الله يسلمج.
نحجي ونعاين لجمارة شايلة بت هديوة اعلى خصرها وراحت اشترت الها .. و اجت ، اندرت ليه : صكد ردت اكللك
- شنهي ؟
جاي نحجي و اجا زلمة و كال : انطيني كيمر عرب .. و حطيلي وياه جبن عرب.
حطيتله انطاني الفلوس ، ضميتهن حدري ورديت احجي ويا حاكم .. شفته متضايك : تفرج وربك و هالايام تصير سوالف .
هز راسه : الله كريم .. شردتي تحجين ؟
- انا نذرت اذبح ذبيحة لابو الجوادين يو طلعت من ذيج السالفة بخير ومامش احد بينا متاذي و الحمد لله تعديناها و انا من ذاك الوكت لهاذ الوكت اجمع بفليساتي خاطر اشتريلي طلي واذبحة ..
- اي جا وين المانع
- موش انا كلت بنذري اذبحنه بالامام، بس صعبت علي شلون اخذ طلي مناك ليغادي ، و غاد ما اندل وين يبيعون طليان و اشتريلي ذبيحة .. كلت اطي الفلوس لليشتغلون عد الامام يو اذبنهن بشباجه بس كالو ما يصير دام نذرتي تذبحين لزوم تذبحين.
- نروح انا وياج .. ونشتري ونذبح غاد
- انت بعدلك شكثر اعلى ممشاك ؟
- بعد ٤ ايام
- نروح باجر ؟
- الله كريم .
.........
هدية: ظليت اشتغل و اعاين ليه يروح و يرد جدامي و يحاسب بعماله .. سرحان كلبه طيب و خوش زلمة لجن بالشغل ما يتحاسب لا يعرف اخو ولا صديج .. الكل عده عمال وواحد ما يفرك عن الاخر و اليتسوف .. يطرده يو جان اكرب الناس عليه ، ويكللهم الشغل يو صار محسوبية وهاذ عمك وذاك خالك ما يفلح .
خلصينا الشغل .. وانا صديت للشباج اعدل عباتي عليها خاطر انطلع ، كرب مني وكال : انطري ليما الكل يطلع .
- عليش ؟
- عدي جم حجاية وياج .
ظليت امش منا و اروحن منا خاطر محد محد يشوفني واكفة وينشدني عليش ما اطلعين .. ليما الكل طلع .. كال : تعاي كعدي .
- مامش احد
- لا بس الحجي برا وما عليه .. اكعدي
- مو اخافن اتأخر .
- شنهو الحاصل بينج و بين فخرية ؟
- ما حصل شي
- امس جان المفروض ليلة عرس لجن صارت ليلة طلابة .. اعلى كثر ما تعاركت وياي ، طلعتني من زياكي ووصلت بيه الحالة اطكنها و هي بثياب عرسها .
- عليش
- انت شلون تكليلها عمره ما راح يهواج ولا يكربج وهالحجي
- انا ؟ .. يمتى كايله هالحجي .. كتلها لا تغتاضين انت العزمتيني .. من كونعا رادت تغيضني و تكلي اعلى عرسكم ومن حضرت العرس اغتاضت مني ، جا انا شلي غرض.
- المهم ... ابعدي منها ولا تحجين وياها.
- ابعد شني ، سرحان شمالك جا انا كاربتها وابعد يو ما هي ساعة وكتها تمر و تعايرني بوضعي و تتشمت بحالنا ، لجن اشوفنك خايف عليها مني ، اطمن .. ما راح اكربنها ولا اكربك ولا الي غرض بيك ويا ريت مرت الاخرة ما تكرب وتكلي رايد احجي وياك .. ما بيناتنا غير الشغل ويو تشوفني مضايكتك .. ابعد من الشغل هم .. خوش .
- يواشج بويه اكلتيني بكشوري ، مو هيج السالفة .
- لا هيج ولا هم يحزنون .. اودعناك يشيخ .. مدري يا ستادي .. اختار التعجبك .
تبسم .. و انا انداريت عنه مغتاضة وطالعة روحي .
وصلت البيت .. امي و ابوي جايين .. ونايمين .. وحتى جمارة منومه بتي اعلى ايدها و غافيه وياها ، و الباكين كلمن بحجرته .
نزعت عباتي وكعدت مغتاضة .. لا نمت ولا هدالي بال ، رحت خضيت روحي هلبت اهدى لجن ما هديت .
كعدت امي .. و كالتلي : شمالج شو معبسة .
- مامش شي
- جا الي تكليلي مامش شي ؟
- تعاركت انا و سرحان
- عليش ؟
- سولفت الها السالفة ..كالتلي : هدي الشغل و اكعدي
- اهدنه عليش ، شغل و مرتاحة بيه و خير من الله احصل عليش اهدنه ، لجن هالمرة ما ادري منين طلعتلي و خربطت حالي .
- جا انا من ساعة اللفت وكربت واحنا بالبستان ما ارتحت ليها من كونها عربيد البساتين ما تهيسين اعلى يا ساعة يطلعلج يلدغج و يموتج .. وانا خايفة ييمه اعليج لا تلدغج و تفتن اعليج
- وانا شمسوية و تفتن ؟ يمه انا مبوشه اروحن و اردن بدربي وما كاربه احد .. حتى سرحان ما اكربنه يو شكثر ما تمناه كلبي ، عدي بت و كل بالي هي .
- الله كريم مالج غرض بيها ، راح اخدر الجاي و اكليلج لكيمة و لا تشيلين هم غير همج مامش احد يستاهل خلهم يولون .
كامت تخدر الجاي وابوي كعد وتمدد بصف بتي و يحبحب بيها و ينغمش بجمارة خاطر يكعدها ويلاشيها.
كعدن و هو يكللها : كواغد ناخذ جمارة للكاظم باجر
جمارة : اي اي اي اروحن ، يمه عليج العباس كولي اريدن اشوفن بغداد .
- تشوفين بغداد يو الإمام شو ما تستحين اعلى روحج
- اثنينهم . كولي اي كولي اي .
ايمان : راح تروحون بغداد ؟
حاكم : اي باجر نغبش ان شاءالله .
- واني ؟
حاكم : و انت شني ؟
- اريد اروح صارلي هواية مشايفة بغداد
- وشعدج ابغداد و تروحين .
يسرى : اكلج انت من امس ولليوم ما تكابلين احد جيف عمي و عمتي متصافين ظهديهم اثنيوينهم يمشون يزورون ويردون عليش كاعدتلهم كعدة اعلى الزردوم .
ايمان : محد حاجي وياج ، ولا موجهتلج الحجي لا تدخلين .
حاكم : ايماااااان .
- ايمان شنو ترا بس دا اكولك اروح وياكم ىيعني ما بيها شي لو رحت .
- واني كلت ما تروحين .
- انت شبيك ويايه من البارحة و اليوم ما تطيقني ولا حجيت وياية حجاية ، وكل ما احجي وياك تتضايق .
- كلت ما تروحين يعني ما تروحين .. شتريدين تسوين ؟
- ليش دا تتعامل وياي هيج اني محجيت شي .
- كومي دشي داااااااخل ولا تخليني اشوفن وجهج النكس .
- لويش دا تغلط ؟
- ولج بووووووووويه كلت الج ولي ، ولييييي
مشت و هي تكله : اكص ايدي اذا ما ساحراتك و مغيراتك عليه ، اصلا انتم لا ثوبي ولا عيشتي بس الوم الوكت الما خلالي اعتنيه و اتحمل اذيتكم .
كام الها و كال الها : شو كربي هنا خاتون .. ياهو هاذ المو ثوبج ؟
- وخر عني
حجت هالحجاية يو هو جن متحمل عليها ، كضاها من راسها و جراها للحجرة سركه الباب و تولاها كتل ..و احنا هبينا اعلى الباب ندك نريد ... ولك بويه افتح ..
ما فتح .. كضاها كضيان .. ليما فك الباب و دشينا ما نعرف الدم من خشمها يو من حلكها .. شلتها انا ودنجت عليها امي ، و هي حتى ثيابها مشككه .
دفعت امي و هي تصيح : ارتاحيتييييي ، من شفتي ضربني ارتاااااح كلبج .. بردتي .. تحجين بالله و انت ما تخافين الله بيه .
كواغد : يا دهر الصابج كون انا شلي غرض .
- شلج غرض .. والله انت الساحرته ، انت و يسرى .. انتم المغيرينه عليه .. يتيمة و دعوتي ما تتعداكم الله ينطيكم بجاه النبي .
اريدن اجرنها .. اهديها بيها ما تهدى ، ابوي سمعها هيج يو تسودن .. رد عليها كل طكه يطكها .. يو حجر جا فل .. واحنا ندفع بيه وما يرد ..
كامت تبجي و تصيح هي ..
كوة جرينا ابوي منها .. بس طاحت لا بيها تكوم ولا تكعد ، و امي كامت تتصايح وياه و تكله : هو هيج شجاك .. جا البت يو ميته بيدك شنكول وشنحجي ، شني ما صارت بعينك مصيبة امس .. كافي بسك .
جاي تحجي ، جرتها عباتها ايمان و تريد تطلع من البيت .. كام الها هو كال الها : ادفنج بالباب يو تعديتي عتبة الباب وعلي ، هسه تردين .
- ما ارجع والله ، وهسه لو مو تموتني .
- تعاندينييييييي ولج
ونزل عليها فشاير و غلط و يريد يكضها . كوة جرته امي و دخلته بحجرة ستار و تحجي وياه و انا كاضة بيها و اكللها : بس كليلي ... طلعتي وين تروحين .
- اروح لسرحان ياخذني لاهلي
- يا اهل ذول العافوج يا دية دكعدي و اسكتي ، عصبي يهدأ و يرد يصالحج .. كولي يا الله .
- مو عصبي والله مو عصبي و انتم ساحرينه ، كافي تعبت .. ساعة اشوف طنطل ، ساعة يتخبل عليه هو ، بهذا البيت اني ما اكدر ابقى من الاول كلت الكم تشيلون بس اني ما اشيل و جبرتوني اجي وياكم .. عوفوني عسى ما اموت بس بهالبيت ما اعيش .
- وجهالج .. تروحين و تهدينهم
- لامنا اعوفهم .. جهالي وياية
- دضكري الله وصلي على محمد .
لاله : هاج دهاج شربي الماي و صلي اعلى محمد
- لا اريد ميولا اريد كلشي ، عوفوني اطلع ، بهالبيت ما اريد ابقى ، دا اختنك عوفووووني .
نقنع بيها .. نريد ما تهدى ولا تسكت .. لحد ما كالت : ما اريدكم كوة هي لو غصب ... عوووووووفوني .
سمعها ابوي و تسودن و كام ليها . نريد نجرها منه .. جراها من راسها ورداها للحجره .. امي لبست عباتها و راحت للمضيف تنده سرحان خاطر يلحك الها وياخذها .
وابوي ندك نريد ما يفكه .. وحسها اختفى
تسودنه كلنه طكه من الطكات مثل ذيج المصيبة وماتت بيده .. كمت انا و لاله ندك حيل وما يفتح .
اجا سرحان و امي صاحت : سون درب .
دخل هو كلنا تكترنا .. و عمه دش وياه .. دك الباب و صاح : ابو ستااااار ، افتح الباب .
ابوي من سمع صوت زلام بالبيت بساع فك الباب، ولنها طايحة بالكاع ميته لا حس ولا نفس ....
رواية كحل عرب الفصل الرابع والستون 64 - بقلم زينب ماجد
رواية كحل عرب الفصل الرابع والستون
(خروج جسام )
أعلمها الورع
واطبگ عليها الباب
تذكر ضحكتك واجهرت ما عنّت
(عريان السيد خلف)
تصارخنا ساعة الشفناها هيج .. تراكضنا ليها .. وتكرب سرحان و هو يريد يشيلها . ابوي يكله : من رخصتك شيخ ما بيها شي .. تفضل .
- المرررررة ميته يااااا بو ستاااار
دنجيت عليها ، ادكن اعلى خدها ..
خايبة اكعدي .. ولج فتحي عيونج .
مسبلة اديها و طايحة و الدم اعلى خشمها ، كامت امي وزرت عباتها ..
وسرحان يكله : يو تشيلها يو تخليني ادشن المرة راح تموت يابو ستار .
وعمه يصيح : شنهي رايد تورط روحك و اهلك بمصيبة لخرى دخلهم يشلونها شماااالك يا بويه .
كواغد.: عينيني عينيني ...وياي ياله .
تكابلنا اعليها انا و امي وشلناها و جهالها نطو من البجي ، شالتهم لاله وتجر بالاخر .
تكرب من عدنا ابوي و شال ايمان عنا ، و سرحان ركض جدامهم .. صعد بالسيارة هو و عمه و انا و امي و طلعنا بيها للمستشفى .. وصلنا غاد .
ركضو جابولها كرسي و شلناها كعدناها .. ركضوا بيها للطواري .. وانا وامي نركض وراها .. فحصاها الدكتور و داس اعلى كلبها .. نشغت .
ظل يتسمع لكلبها و ينشدنا : شنو الصاير وياها ؟
كواغد : مدري يدكتور ...تكعد هي وتكلك
- انتم مو اهلها
- اي بس لكيناها طايحة وما نعرف شمالها وهالركضنا بيها للمستشفى .
ظل يفحص بيها بس كض ايدها نشغت حيل وكامت تصرخ ، كال : احتمال عدها كسر باليد .
دش سرحان و عمه : هاا
راحت الهم امي و كالتله : كلت الهم ما نعرف شبيها .. خاطر يو نشدوها هي وحاكم تتجازة من كون يو كلنا مجتولة هساه يجيبون النا الامن ، و يو كلنا لا وحجت غير هالحجي هي نطلع جذابين وننلام ... خلها تطلع منها هي .
قاسم : زين ما سويتي هيج اخيرلنا لا سيم ولا جيم وهسه انبهنها ما تحجي بس خل نشوف شنهي وضعها.
سرحان : لزوم نمش ليها كبل لا يستدعون الامن ، من كون جروحها موش مالت طيحة .
كواغد : دياله .
مشى سرحان و تقدم للدكتور و كال : السلام عليكم
- اهلا وعليكم السلام .
- وياك الشيخ سرحان من عرب ال جلوب ، و جينا نعرف شنهو الصاير بالبت .
- اهلا وسهلا بيك ، على راسي شيخنا .. البت بعدنا لازم نفحصها حتى نعرف شبيها ، بس جروحها قوية و احتمال كلش جبير عدها كسر بالايد .
- خير ان شاءالله ، بوية لا تخافون عليها ، امونه بنيتنا و ان شاءالله مشافاة ..
قاسم : شلونج بوية .. شنهي طحتي يو شبلاج .. غير تعاينين دربج يابويه .. حظج هاذ الطيحاج هالطيحة هاي .
ما ردت عليهم و هي تون من ايدها .. نشدني الدكتور : حامل لو لا ؟ .
- والله ما اعرف دكتور ..
- حتى ناخذلها اشعة نشوف ايدها بس اذا حامل ميصيرلها اشعة ...
ندستها : حامل انت يو لا
ايمان :- ما اعرف
كتب الها تحليل دم .. و احنا واكفين ، مشى عنه الدكتور و المضمد يضمد بجروح وجهها .
خياط واحد بكصتها عبنها مطكوكه طكه كوية .
اعلى وكفتنا هاي ، وكف ابوي ،جراه سرحان و كال : صدك جذب يابو ستار هاي انت العاكل الناخذ من عكلك يطلع منك هالفعل هاذ.
- صارت بعد و هي هم بيها صوج انا محذرها ما تعاند و هي ترد تعاند .
- عليش عاندت .
- سوالف بيت ما تسوى
- جا من كونها ما تسوى عليش عامل بحالها هيج .. احمد ربك سكتت الا يو حاجية غير الأمن يذبونك جوا.
- الله كريم .
اعاين لابوي محتقن و كلش طالعة من الدنيا من عيونه ، كرب منها ما حجه وياها لجن هي دارت عنه و كامت تبجي ، حجت كواغد :هدها ترتاح لا تكرب هسه.
كاعد يحجون دشت السستر و هي تطي فحص الدم و كالت : المريضة حامل بس تحتاج اشعة.
اجا الدكتور عاينها و نقلوها.. صبالها ايدها بلا اشعه.
عاد من طلعنا ،حجت هي ويا سرحان و كالتله : ما اريد ارجع لذاك البيت ، اريدك تخابر على اهلي يجوني.
ابوي ما حجه ولا فك حلكه ، و سرحان كال الها : تامرين امر و ما يصير خاطرج الله طيب ، خل اخذج اليوم ترتاحين وتنامين غاد عدنا و يصير خير.
خذاها سرحان و امي وياها .. وانا رديت ويا ابوي .. كلش متضايك ، اول ما وصلنا نام جفي اعلى وجهه ما عاين احد .
هند تريد امها .. و اميدي يتباجى ولا يرضى يسكت كتلهم تعالو خل اخذنكم ليغاد واخليكم يم امكم .
كضيت الجهال و كلت الها : جميرة عينج اعلى نويسه هسه
خذيتهم و رحت ليغادي ، دكيت الباب لاككتني راديون : هلا هدوة شلونج ..
- على الله ، امي وين .
- جوا امج .. دشي
- بس جبت هالجهال ذول يتباجون اعلى امهم .. كلت اجيبنهم .
دشيت وامي تسولف لسرحان السالفة و تكللهم: زلمة مغتاض وطالت اعصابة ، جا وكت زينة نروف حذاه ووكت اعصابه نميل عنه هاي الحياة ، يوم زين ويوم شين .. ونحمل الشين لجل الزين ولخاطر هالفرووخ هاي .
وكفت بالباب ووكلت الها : ترد هي يو تظل هنا ؟
راديون : عليش مستعجلة ددشي داخل .
- لا يطيج العافية بتي منك انشلع كلب جلجول بيها و لزوم اردن .
حجه سرحان : والله يا ام ستار اذا سالفة غيض فالوادم مدري شمالها .. كلها مغتاضة والواحد ما جارع روحه وينتر اعلى الوادم .
- مدري ليش حسيته يكصدني بحجيه، اندارت امي و هي تكللها : سمي بسم الله دية و خلنا نمش ، ساعة شيطان لا تخلينها تغلبج .
ايمان : ما اريده خلي الج .
- انا شنهي .. ايسيت منه من ذاك الوكت ، بس بكيفج بعد ما اريدن اجبرنج و تكولين جبرتني ، بهداي فكري ولا تكبرينها و توصلينها لاخوتج و تخلينهم يتشمتون بيج و هم اخوة يوسف .
سرحان : ظلي عدنا الليلة ام ستار
- يطيك العافية يمه ، هم ياله امش بيتنا غاد تايه .
انا بالباب واكفة و امي كامت و اجت احذاي كامت عمة ردحة و سرحان حجه : خو انت بسمريتي بالباب لا دشيتي ولا كعدتي .
- مستعجلة اريد اروحن
- جا صابج ساعة هسة يو كاعدة و شاربة جاي اعلى هالوكفة هاي .
- ابغير وكت ان شاءالله
حجه ويا ابن اخوه و كاله : عمي ناوشني السويج خاطر اوصلنهم
كواغد : لا يطيك العافية خذ راحتك
- لا ما يصير ، ياله خل اوصلنكم.
مشينا انا و امي صعدنا وياه ، وهو يحجي وي امي و عينه علي ، درتله مرة وعاينتله من تبسملي درت عنه .
ردينا للبيت و هو نطر مني الجلمة ما حجيتها .
رد سرحان للبيت و تلكته امه : يمه حرمتك من امس ولليوم ما كاربها و هي عروس ، حتى عيب من عمك ييمه لخاطره ..
- والله يا يمه ما ادري شكللج ، للجن مالي نفس بكلشي ومرات اهيس بروحي مالي داعي بكل هالدنيا .. يا كثركم و يا لمتكم حذاي بس اهيس بروحي غريب بلا وطن .
- عليش تكول هيج .
- السوالف بكلبي جثيرة ... يمكن الله ما خالقني حتى اعيش .. مخلوق اسعى لغيري و اكدن و اتعب ليهم .
- شنهو المعتازة وهيج متضايك ؟
شو مرة و عدك
وليدات خير من الله .. و جاه و مضيف و خيرات الله كلها عدك ، و تكول غريب ومالي وطن .. جا شنهو التريدة بعد .. احمد الله ييمه و اشكره .
- الف الحمد و الشكر لجن انت كل هاي ما معتازها .. راضي يو اكعد بصريفة و اغبش فلاح و اتعب وينهد حيلي ومحقق مرادي . عدي تسوى الدنيا ولا اكولن معتاز .
- مرادك شنهو ؟ .
- الله وحده يعلم مرادي شنهو .
- الله كريم يمه ، دكوم واصل مريتك و يحلها ربك .
- الجهال وينهم ؟
- راحو عد راديون ينامون
- عليش عد راديون .. ندهيهم ينامون بحجرتنا
- المرة عروس ييمه ما يصير
- ولونه ؟ انا خذتها لجلهم مو خاطر اطردنهم و هي تنام بحجرتي ، ندهيهم .
مشيت للحجرة و هي متزوكه و جاره كحل العرب و الاحمر بخدودها و تلكتني : هلا ابو مأمون .
- الجهال ليش عد راديون .
- جا غير بعدنا جداد
- هالحجي ما اسمعنه مرت الاخرى ندهيهم و خلهم ينامون حذانا اعلى القريوله ياااله .
ظلت تعاينلي مستغربة ، اندرت ليها: امشي
فزت : اي هسه .
طلعت تجيبهم و انا نزعت الدشداشة ولبست كلابية خفيفة .. وتمددت .. هيسيتها اجت سويت روحي غفيت ما اعلى بالي اكابل احد .
نومتهم بالكاع و اجت .. عدي ما درت ولا كعدت .. اهيس الدنيا طالعة من بين عيوني .
للفجر عاينت ليها نايمة ، لبست ثيابي وطلعت للشط .. كلش متضايك حتى نومي ما ارتحت بيه ، اتكلب اتكلب جني سمچة مزوهرة.
شما اجيبن واردن .. اعرف روحي متضايكة من كون هدوة دايرة عني وما رضت تحجي وياي .. شكثر نطرت تعاينلي وترضي دليلي بنظرة بس ما هيست انا سرحان حذاها . جني واحد غريب .
نطرت هلبت تمر علي بهالفجرية هاي و تريح افادي لجن ما مرت .. مدري شلون طاوعها دليلها ونامت وهي مغتاضة مني.
طلعت الشمس .. رديت للبيت و كلت للنساوين : استعجل بالريوك اريد اطلع للمعمل .
حجت فخرية : مو جنت تطلع للمعمل اعلى راحتك شجرى و كمت تطلع غباشي ..
- شغلنا جثير .
- شغلك جثير يو البشغل هامك .
ما رد عليها و كام و كال الهم : ما لازم ريوك ، اتريك غاد ، ياله اشوفكم بخير .
مشت فخرية لحجرتها و هي تبجي ، لحكتها راديون و ردحة .. دشن اعليها و كاللها : شنهو الصاير بيناتكم و هيج كابه وما يرضى يسمعلج
- وعلي ما بينا شي ، بس اول امس كلت اله شيخ و تمش ورى وحيدة معرسه .
راديون : معرسه شنهي .. هدوة رجلها اتاسر بالجيش و مات هناك .. وهو ينطر الساعة اليحصل اعليها خاطر يردها اله ، تجين انت تزيدين اعليه و ادوسين بفاده عليش .
- ما ميت اسير .
- ميت دية ، يا اسير يظل عايش و هم كلهم غدوا دماية و بس الجثث تتناثر .
- والله ما اخليهم يصرون يو تنطبك السما اعلى الكاع .
- يو صارت ما ينطر منج و من الول كلت الج انا سرحان موش هاذ اليلاشينا ويضحك ويانا ويا المرة كبحي وما يتوالم .. ذيج عانت الامرين منه وماتت من قهره و هي تنطر يحبها وما حباها تجين هسه تظيدين اعلى افاده عليش .
- شني انت صافة وياه
- جا غير اخوي .. جا اصفن وياج .
- الله ينطيج ديه ، خليني بحالي.
- اي اخليج اخيرلي .. عمه انا اروحن اشوفن ايمان كعدت خافنها تعتاز شي .
....
هدية : دشيت متأخرة للشغل من كون مرت ستار لويلة تون من بطنها والتهيت وياها .. وتأخرت ياله وصلت .
دشيت للمعمل ، وكف سرحان : متأخرة ساعة ، تعرفين يو لالة .
- كصها من اجرتي يشيخ ، من كون الظروف يو بالأيد ما اتأخر .
- يو جانت ظروف اهون .. ياله بويه روحي اعلى شغلج .
حجاها و طلع مشى .. و دلالة تمش تبيع ، وكفت حذاه و حجت : شيخ ما تاخذ مني و تخليني استرزق
- امري بوية شعدج .
- عدي هالثياب هاي .. وهالمحابس الفضة واحجارها كريمة .. والكلايد و شتختار .
اعاين للكلادة .. عجبتني . بيها خرزة خضرة ... وذهبها زين كلت الها : شنهو من ذهب هاذ ؟
- ذهب ٢١ وعلي .. وموش ذهب طكطوكي .. ذهب النجف .
- اطيني ياها ..
خذيتها و حطيتها بجيبي و رديت اعلى راس شغلي، خذوا استراحة الساعة عشرة .. الياكل و اليستراحله شواي .. و انا جويعد و اعاينها من بعيد تسولف ويا صويحباتها بالشغل.
شكثر ما حاوليت اديرن عنها .. لجن عيوني ادورها و ادور رضاها من كونها مغتاضة مني.
دش خنجر للمعمل و هو يكول : هااا الله يساعدهم
- هلا بيك
- كالو طالبني
- ما دامك عطال بطال افلحلي بشغله و شوفلي محاصيل البستان .
- شمالها
- جاي تنباع بسعر التراب .. يعني الصندوك مالت المخضر ابغداد ينباع للتجار ١٠ اضعاف عدنا ... رايدك تشوفلي هالامر و تستطلعلي اعليه .
- تامر .. امش هسه ؟
- اي
مشى عني و انا درت لهدوة مامش بمجانها ، جاي اكومن من مجاني خاطر ادورنها .. اجت من وراي و حطت جدامي ماعون وكالتلي : شني هاذ
انداريت ليها متبسم و هي تجاوبني : تحتومة جايبينها ويانه وكلت اذكرنك ..
رديت كعدت بمجاني مرتاح و كلت الها : مشكورة و جزاج الله الف خير .
دنجيت وانا اكللها : ما زعلانة مني يهدوة .
- جا غير الكلب يكدر يطول بزعله .. و اترهه
لجنه موش بامري .
تبسمت ليها : ما نايم من امس والله .
- عليش ؟
- امشي وبعدين نحج .
- تتهنى بزادك .
- يطيج العافية .
مشت جدامي تتغنج و انا روحي تاهت بيها .. والبسمة تبسمرت بشفافي ، شكثر ما احاول اكضن روحي وما اتبسم .. لجن فرحتي ظاهرة اعلى ارسومي .
خلصت الشغل و الكل طلع .. بس هي ما طلعت ليما فضى المعمل اجت عدي وكالت : عليش ما نايم ؟
- هكو احد ينام وولفه مغتاض ، يا دليل اليرتاح بغيضه ؟
- شكثر ما اكولن ابعد عنك و اهدنك من كون ادروبنا مستحيله ، لجنها جدامي موش طوعي تخط بيه وما اهيس روحي الا احذاك ، بس انا اخافن ارد للشوك و اتأذى .
- ما جاي تشوفين الاذية بالبعد موش بالكرب .
- و تالية هالكرب شنهو ؟
-يكولون صدام راح يطي قرار ويخلي فترة الطلاق من الأسير ٣ سنوات موش ٥ .. من كون الاسارى كثرت و النسوان مالهن والي .. انا اتنطر بنار هلبت يطلكج القاضي خاطر اردن للشوك و اجاهد بعشكج .
- انا لا صدام ولا الأسر حدي .. انا ضيمي ال ثجيل ، الما خلونا من اول ، يخلونا وانا عدي بت منهم ؟
- هدج من هالكلام هاذ و اخذي هالهدية هاي مني الج اعلى الكطعتهن من اسبوعيتج .
- ماله داعي عليش كلفيت روحك
حجيت هيج بس من. شفت الكردانة عيني شاهت .. وخذيتها من ايده بفؤحة و انا اكولن : اااااالله حيل حلوة ، هاي الي
تبسم : صكد فرحتي يهدوة .
- بس انا ما اريدن اكلفنك
- اعلى الضحكة هاي مستعد يومية اجيبلج ذهبة خاطر اتونس بفرحتج .
- انا اروحن .
- ياااااااااا بوية .. من تكولين هالچلمه هاي تفرفحيني .
- عليش
- افرح حيل وعلي .
تبسمت و خذتها و كلت اله : مشكور .. ما اريدن اتأخر .
-مودعة بالله .
مشيت عنه و انا يا خفاتني .. وكلساع اطلع الكردانه و اعاينها وفرحانه بيها .. بس شو صفنت بروحي .. اهلي يو نشدوني منين جبتها شكللهم ؟
اكللهم لكيتها و فضت
مشيت للبيت ونمت و ارتحتلي شواي و كعدت وكلت لامي اعلى الكردانة لجنها ما صدكتني .. و ظلت تعاينلي بنص عين. و انا فرحانه بيها وحاطتها اعلى ركبتي و اتشيم بيها .. شكثر حبيتها.
سرحان رد للبيت مرتاح ..نشد عن جهاله ..
عد راديون كال : شني القضية يمه شما نشدتكم تكلولي عد راديون .
- جا شسوي يا ابني غير هم يروحون غاد يلعبون ويا جهال
- ايمان شلون حالها
- والله يا ابني مصخنة وغادية نار و يس تون من جسمها.
- انا ما خبرت اخوتها رغم كتلها راح اخابرنهم ، اريدنها تهدا و تفرزن امرها وترد لزلمتها بلا شهيرة .
لليل خاكم مر اعلى سرحان و كاله : رايد اخذ ايمان للبيت .
- والله يا ابو ستار البت مريضة وما تكدر اعلى الردة خلها ترتاح والله كم يوم والله كريم .
- البت زغيرة وبيتك عامر ان شالله لجن ولد عمك و كرابتكم رايحين رادين اعلى البيت وانا تصعب علي ظلتها .
- البيت من اول بيت عمتها و اعذرني يا ابو ستار البت يو ما رضت ترد .. انا احطلها حجرة و تعيش بيها حتى يو ما اجو اخوتها ... انا اخوها و هاذ بيت اخوها و عمتها .
حاكم ظل يحجي وياه لجن سرحان مصر اعلى رأيه ما يردها الا هي تطلب.
يومين ياخذون بمرت ستار للجدة وو يكلولها مامش ولادة ، و ترد .. ليما كواغد كابعهة وماخذتها للمستشفى .
من امعاينينها و شايفين بالسونار و لنه الفرخ ميت و الماي اخضر خايس ابطنها .. نكلوها عملية بساع و هم يلومون بكواغد عليش ما جايبتها من كونها يو مطولة البت ميته.
لالة و سمعت الفرخ ميت ابطنها و هي تناطرة مناطر .. ماتت بواجي ، يريدون يحضرونها للعملية و عي تلطم و تنوح جن ميتلها واحد من اهلها موش فرخ ميت ابنها.
سوولها العملية و طلعوها .. لجن لالة جنازة
تبجي وتكلهم : فريخي ، مرادي ومناي عمه ، راح مني فريخي .
وكواغد تواسي بيها
حاكم بهاليومين التحق بدوامه .. بس ستار ما جاي .
اطت الفرخ لاخوتها دفنوه و هي ظلت مجابلة لالة ليما طلعت من المستشفى .. كالت لابوها : اخذني وياك هاذ البيت و طناطله الجتلو فريخي ، كله من حدر يسرى ام الطناطل هي الموتت فريخي .
وصفى البيت لا ايمان ولا لالة بس يسرى تصول و تجول .. وجمارة تخلص وكتها تكعد بالباب ببت اختها .. وتتعارك ويا بنات ستار وتكتل بيهن من كونهن يكتلن و يأذن بنوسة .. ونوسة موش بت هديوة اعلى كثر ما هي ربيبة جميرة.
اما ايمان ف٤ ايام و هي مريضة لا تشيل ايد ولا رجل و حامل .. و نساوة و ايدها مكسورة و جسمها يون . ما كامت من فراشها و بس تبجي ، شكثر ما حاكم حاول بس يشوفها هي ما ترضى تشوفه .
لما التحق حاكم و حجا وياها سرحان : خوية الله بالخير عليج ؟
- هلا
- خوية تريدين تظلين هزا اشيلنج اعلى راسي .. تريدين تردين براحتج ، بس الامر لزوم نحسمه و نحطله حد .. اخابر اخوتج يو تردين ؟
انا يو خابرتهم متأخر هم يكلولي عليش ما كلتلنا ، الراي شنهو خوية .
- ما اريد ارجع لحاكم
- ان جان اعلى الطكة .. زلمة عصبي و طلعت اعصابه جا المرة تحمل يا خوية
- اذا حملت مرة احمل عشرة و اني ما اكدر احمل الضرب ، و حاكم مو بوعيه هن ساحراته
- ياهن الساحراته
- كواغد و يسرى
- كوية جلمتج هاي مردودة عليج، ام ستار نعرفها مرة طيبة و تخاف الله ما تمش بهالدرب لا تظلمين بختها .
- مدامك ما مصدكني خابر اخوتي و شوف رايهم و هم يحكومون ..
- القصة موش ما مصدكج .. انا وياج موش ضدج بس لا تتهمين احد بلا دليل .
- خابر اخوتي ..
- يعني ما تردين ؟
- لا ما ارجع .
-براحتج .
خابر على اخوتها و كال الهم الموضوع هيج و هيج وهي طالبتكم .. اخوها لؤي كال اله : الجمعة احنا يمك.
بهالفترة مر اسبوع اعلى موعد جية ستار بس ما اجا .. كواغد ظل بالها عليه .. ظلت تنشد عنه و عن الاخبار و يخبرونها .. الحرب مشتدة غاد و مامش نزول .
وهي تدعي و تتنخى .. ها يم البنين و ها يبو الحسن .
ايام و اندكت الباب .. فتحتها ولنه ستار جايها فراري .
ويكلها : يمه بعد ما اردن غاد يو يكطعوني
- عليش يمه شجاري
- يمه نقلونه و حطونا بوجه المدافع و كل ساعة تمر انضوك الموت .. وايام مرات نظل بلا اكل .. ما خلينا لا جلاب ولا واوية بالجول ما كطعناهن و اكلناهن من الجوع .
- مت عيني عليك يمه ، ظل بحجرتك ولا تطلع و يو نشد عنك احد اكللهم ما رد .
- اي خليني اشبع نوم بحجرتي ولا اموتن غاد .. ما اروححن بعد .
وظلت امي تغطي اعلى ستار تخاف اعليها من الموت من كونه وحيدها و ما عدها ولد غيره يشيل عنها .
بيوم الجمعة ..
اجو اخوة ايمان و حضر لؤي و حضر الثاني جلال
ساعة الشافوا حالها اغتاضو حيل و كالولها : مو هذا الدكيتي رجل الا تتزوجي ، ارتاحيتي هسه من امسوي بيج هشكل ؟
سرحان : مرة ورجال يجرى بينهم كل شي ، لا تلوم يخوي ، و الحك لله حاكم يحبها .
لؤي : يحبها و ضاربها بهالشكل هذا ، لعد لو يكرهه شيسوي ؟ مو عدنا نسوان اشو مضربناهم هيج.
سرحان : اعلى حجيك هاذ يخوي اليسمع يكول الله ولا جنها ، عرست و هي اثارها بجسمها و حاكم خذاها منكم مجتولة ، عليش هالحجي هاذ ، المرة عدها جهال ، احجولكم حجاية حك و خلوها ترد لزلمتها.
- واذا تريد ترجع لرجلها لويش دا تطلبنه ؟ .. ما ترجعله للافندي المسوي بيها هشكل ؟
- اخوتها ورادت تشكيلهم والاخ يو طاح صاح اخ و انتم اخوتها و تنختكم .. كولو ياله .
- ما عدنا مانع ، ترجع ويانا هسه و تظل عدنا ، بس مو يوم ويومين و تكول رجعوني لحاكم ، كدامك احجيها ، لو راحت ، رجعة لحاكم ما الها .
- الله كريم ، اخذها و خلها ترتاح .. و عود الله يحلها ان شاءالله .
- ورثها شكد صرفت منه و شكد اخذت ، كون تقربله حاكم ؟
- ما اعرف انشدها .
عاينلها و سألها ، كالتله : مبقى منه شي الا القليل .
وهو تسودن و صرخ : حصة كاملة شنو ما بقى منها .. وين حصتج .
- انطيتها لحاكم
- انطيتيها لحاكم و بعد ما ماكل حقج شامرج بهالشكل هذا ؟ .. انت غبية ، اكو وحدة تنطي حصتها ، فلوسج وورث ابوج تنطينه للغرب لييييش .
ظال يصيح و يصرخ بالبيت على الورث ، رايد يوكفه سرحان بس ما رضى ، راح لبيت حاكم لكاه ملتحق .. اخذ اخته و كال الهم : انتظروا ارفع عليكم دعوة واسحب فلوس ابوي وورثه من بين عيونكم ... و طلع و هو يهدد .
بس كواغد متعاركه وياه و كايلتله : هي الاطته شنهي جبرها يو حط السلاح براسها و كال الها اطيني ، زلمة و طاح بشدة و كلنا وكفنا وياه موش بس هو .
- حقها يرجع وعلى داير مليم و من عيونكم و اصبر اليجيكم مني ..
ضربت الباب بوجه كواغد و طردته .. ورجع اخذ اخته و هو يتعارك وياها ويلوم بيها .
......
راديون : نايمة الظهرية وجهال اخوتي منومتهم حذاي ووسن بت كريم اعلى ايدي .. و امي ندهتني
راديون راديون
فزيت ... ها يمه ؟
- كومي غسلي بساع
- شكو ؟
- جسام اعلى الباب يريدج
صفنت بوجهه : صكد تحجين يو ناصبة علي ؟
- وعلي شمالج ، استعجلي بساااع ، الزلمة ناطر .
طفرت مثل المسودنه بساع ، اعاين الروحي و انزل بشعري ، اجي منا وارد منا ما عرفت ابدل يو اتاخر و هو ناطر .
ما لكيت روحي الا فاكه الباب و اعلى حالي هاذ طلعت اركض .. ولني اشوفنه جدامي .. نشغت من الفرحة، هو جان كاعد ، ساعة الشافني فز من كعدته ووكف .
طحت اعليه و حضنته ، و هو لمني بين اديه .. ثغبت و بجيت بلا بوعي .. و هو يحب براسي .
همسلي : مشتاكلج حيل يكل حيلي .
- موش كثري ، ما اصدك طلعت وانت جدامي ، ما تعرف شكثر ناطرة هاللحظة هاي الاشوفنك بيها حر .
حجيتها و بجيت ، حجت امي : الله يديمها عليكم الفرحة و يابختج بجرعته يمه .
درت ليها متبسمه ، وديت اعاينله : يمتى طلعت شوكت اجين انا احسبة بعد شهر الطلعتك ، شلون هيج طلعوك .
- طلعت و الحمد لله رديتلج.
- ورديتلي سالم يبعد اهلي ..
رديت حظنته و هو يضحك .. عاينتله : تسبح مو ، احضرلك الحمام .. متغدي ، يو نعسان .
- ما معتاز شي غيرج ، البسي و تعاي وياي ، هاي طلعتي حتى اهلي بعدني ما مار عليهم .
- بس انا ما محضرة روحي ، لزوم احفن .. انظف نفسي ، لا ظل هنا .
- ما يعتاز انا احبنج هيج .
- لا طالع من سجن و اكابلنك هيج ما يصير وعلي ، ظل هنا .
- لا لزوم اروحن لاهلي .. دامج تريدين تحضرين روحج ..
- عليش ، اروحن وياك
- احتاريت بيج يابوية ، تروحين يو تظلين
- انطر اخلص روحي .
- لا خلصي اعلى راحتج وانا اروحن اشوفن اهلي وامرلج بالليل .
- هااا ، اذا هيج اي جا خوش .
همس: مشتاك لجلماتج و ضحكاتج و كلشي بيج مشتاكله .
- روح لاهلك ورد خبرني بشوكك .
- اموتج بالشوك .
تبسمت و دنجيت حبني براسي ، اعاينلة اللحية و الشعر عالي .. ملامحه هادهن التعب .. و السواد حدر عيونه جنه ليل .. و حيله مهدود .. ترخص مني وراح
وانا رحت لامي ونسوان اخوتي : دبروني شلون الحك يو ما الحك ، لزوم اشتري ثياب جديدة و اانظف نفسي و احفن ووووو هواي هواي .
ملوك : بالاول راح ادزن اعلى ام عباس الحافوفة ، تحفلج و تنظفلج .. و انا راح امش للسوك اشتريلج ثيابج كلها و اللي تعتازيهن ، و نسوان اخوتج احذاج .
- اي جا خوش .
مشت امي دزتلي اعلى الحافوفه و انا اروحن منا وارد منا وما اهيس روحي ، بالي يحجي و فكري مشغول ما اسمعهم شيحجون ولا اركز شيكولون .
اجت الحافوفة نظفتني و خذت وجهي و انا عمري ما ماخذة وجهي هاي اول مرة بحياتي ، اخذ وجهي كله ، جنت شواربي اشيلهن الحدر حاجبي انظفهن .. و ٢٤ ساعة مكابلة مرايتي .. بس هسه حفيت وجه كامل من عبن زلمني جان مفكود و مصيبة اعلى مصيبة لا حفيت ولا خذيت خيط و لا جسلي بال اشيلن شعر و اتزين .
لجن هساه .. ملهوفة اتزين و اشوفن حالي حتى يو لابسة اسود بس المهم انظف وجهي .. انا عيوني خضر اعلى عيون امي و حاجبي ثخين ..
من حفيت و عاينت لنفسي ، ما مصدكه ..
هاي صدك انا يو غيري ؟
مدري جن شفت بروحي ... كمت تجيبن المرايا منا و اتغنز بروحي منا ، و الفرحة ما واسعة افادي .. اعلى كثر ما فرحانه بطلعة رجلي من السجن .
هالزلمة هاذ ما عاشريته جثير ، لجن مدري شمالني جن كل عمري عايشة وياه و كلبي راف حذاه .
ردت امي من السوك و نعلها جايبتلي اثياب ملونه و ازواكات و ملابس جديدة اشكال والوان .
- يااااع ، يمه صكد تحجين ، تجيبيلي الوان ، وين وين اللوان و اخوتي معزايين .
- وليمتها تظلين بالاسود .. رحتي عروس بثوبج الاسود شصار ؟ فكرتي روحج و فكرتي رجلج و لزكتي بيه صالج سنين ..
- ولونه يمه كريم ما صاله سنة من ميت شلون يطاوعني كلبي انزع الاسود
- ويو لبستي يرد ؟ .. انا يو يرد وليدي باسود اكصبنج يو نزعتي لجنه راح بلا رده .. هدينه من الحزن ، نزعي ثيابج و تزيني الرجلج و هو صاله سنين مسجون ومحروم منج لا تجابلينه بأسود .
- ها ، والله ما ادري شكلج .
- دروحي اتسبحي و خل امشطلج شعرج و انعمنه بزيت .. وعود كعدي تصفني .
ضحكت ورحت للحمام كعدت بالطشت و فاكه الحنفية و اغسل اذب الماي علي .. بربعت بنص الماي و انا احجي ويا روحي :،خل ابربع روحي بالماي كبل لا اردن لسلطان يقسطلي الماي تقسط.
غسلت غسلة من العمر .
طلعت واهيس بروحي شخفاتني مدري من الجعج النزل عني مدري السبح مدري انا الفرحانة بروحي وما اهيسنها .
كملت امي شعري و كمت للمراية خاطر اشوفن روحي .. لابسة نفنوف احمر يوصل للركبة ، ووجهي محفوف .. اهيس بروحي وحدة ثانية هالكثر انعجبت بروحي .
جانت هكو ممثلة تطلع بالافلام المصرية من تشوفها امي وتطلع تكول هاي راديون .. اسمها (زبيدة ثروت ) ،بس انا شعري طويل ، حيل طويل و ثخين .
لليل .. سمعت ال ثجيل ذابحين الذايح الطلعت ابنهم و محتفلين والديرة كلها عرفت بطلعت ابن سلطان من السجن.
انطر و اناطر ومليت النطرة و جسام ما مبين
شني نساني ، حتى نعسيت اعلى كثر ما صفنت و انا مكحله و مزوكه روحي .
انداريت لامي : اكلج يمه اروحلهم ؟
- وين ؟
- لال ثجيل
- استجني واركدي ، يجي رجلج و ياخذج
- جا تاخر
- يو ما اجا اليوم يجي باجر
-ياااا وانا حضريت روحي كل هالتحضير و اتفشل غير اتكاوم وياه وعلي .
- بسم الله الرحمن الرحيم توه رد ، كولي يالله .. مكابلته بالطلايب .
- موش انا جويعدة اعلى نار يا يمه .
- يجي وتشبعين تحبحب و تحضن لا تخافين .
- يممممه لا تحجين هيج وعلي استحي.
- جا اصبري فلفلتي اعلى ازلمة ، انطري .
صديت عنها .. شلون فشلتني
ظليت انطر واهيس روحي ضجت منه كلش ، هيج شاف اهله و نساني ، جا انا المن متحضره ؟
لهناك باليل كلش اندكت الباب ، فزيت انا و امي تصيح : ثكلي بتي
- يمه اجا
- جا ما عرفتج اخفيفة
- يمه مشتاكتله وعلي .
فتحت الباب و انا ما طلعتله خاطر افاجئنه بشكلي هاذ موش جدام تمي يظل يبلعم ..
لجن اسمعنه يحجي ويا امي و يكللها : ابوي بايع اخشابي و مفرغ كل الحجرة وما اكدر اخذنها من كون لزوم اجيبن غراض ياله .
- و شلون هسه ؟
- كوة اجيت وعلي الخطار ما فكو من البيت ، ليما فضوا و الكل مشى لحجرته طلعت و اجيتكم بس اذا اخذتها وين احطنها و حجره فارغة تصوصي .
- جا هاي متحضرتلك و ناطرتك نطرة ، يو تفشلت تموت .
ضحك هو وكهكه و هو يكل الها : والله انا مشتاك الها حيل ، جا هي وينها بس خل اشوفنها كبل لا اروحن.
ملوك : عليش ما تبات هنا
- لا ما يصير ، البيت ما بيه محرم
- هسه موش غريب يا وليدي و انا اخذ البنيات و امش بيهن لبيت سرحان و انت ومريتك اخذوا راحتكم بالبيت لوحيدكم ، هي مشتاكتلك و انت مشتاك الها.
- والله تريدين الصدك ما اكللج لا من كون ولهان اعليها حيل .
- جا انطر انده البينات و اخذنها و اكللها تسويلك مجال .
- ناطر .
دشت ملوك و اجا سرحان و سلم اعلىجسام و ظل يتفكد حاله و يتحمدله بالسلامه ، طلعت ملوك و النسوان و الجهال من البيت اندار الهم سرحان :
- ها بويه وين مطين وجهكم بهالليل ؟
ملوك : سلطان بايع اخشابهم و ظال بلا حجرة و هاي مشتاكة لزلمتها كلت يبات الليلة هنا ياخذ راحته ويا مريته .
سرحان : ها اي ، اعلى راحتكم ما بيها شي مرته هي .
جسام : مشكور ابو مأمون
- هلا بيك بويه .
طلعوا كلهم و ظل الباب مفتوح جدام جسام ، هو عاين منا و منا و دش للبيت و سركى الباب .
تمشى و هو يصيح : رويدا ... رويده وينج
خايبة ءهلا البيت غريب واستحي اتمشى بيه .
راديون : هنااا تعال .
تتبع حسها ومشى للحجرة الطلع منها الصوت ، وصل ليها فك الباب و هي كالتله : هلا تفضل .
ظل واكف متبسمر بمجانه : هاي ياهي هاي
ضحكت : يعني ياهي انا ، غير مرتك .
- لا وعلي مبدلينها.
اريدن اصكن حلكي واسكت ، فاكه حلكي واضحك وهو مبحلك بيه ، كرب من عدي وهو مصدوم : انا بحلم يو يو بعلم .
- عليش تكول هيج ؟
- الحسن و الجمال هاذ كله الي ؟
- لا تبالغ ... فرشتلك .. و حتى هاذ التلفزيون شغليته ولو راح يعزل بس.... جراني ليه
- ولج يا تلفزيون انا حيلي مهدود ومناطرج سنين و تكليلي تلفزيون ، كربي جاااي
- جا و الكرامة ؟
ضحك و كال : صاعدة لراسي الكرامة
وسحبني ليه بلهفة .. انا مشتاكتله و هو مشتاكلي و ما نعرف ياهو الازود بالشوك ...
اعلى الحال و يندك الباب دكة قوية ، فزينا اثنينا ....
رواية كحل عرب الفصل الخامس والستون 65 - بقلم زينب ماجد
رواية كحل عرب الفصل الخامس والستون
( موقف جمارة )
شني فضلك وحاطني ويه الريح؟؟؟
خانگ فرحتي ورملاتك تذري ..
لا مِثل الخلگ واتدگ عليه الباب
وتسرّ خاطري ،،ولا گلت متبرّي ..
معلگني بأمل يادوب يشفع بيك،،
واتأمل حلاتك واحتمل مرّي..
( عريان السيد خلف)
راديون : فزينا اثنينا اعلى حس الباب
جسام : ياهو هاذ ؟
- ما اعرف ، تكوم تشوف يو انا ؟
- لا كومي انت زحمة خافن يطلعون اهلج معتازين شي .
كمت منه و تعديته وانا امش للباب .. صحت : يااااهو
ليلى : انا ليله فتحي الباب .
فكيت الباب : ها ليلة
- فدوة يمه كنعي هاي وسينه، و ردي لرجلج عرامتها اسلكتنا بس تبجي اعليج ما خلت اعلى حالنا حال .
- يووووي مت عيني تعاي عمة عليش تبجين
بس شلتها ظلت تحضن بيه حيل و تضم راسها بركبتي وتنشغ ... عليش هالبجى بعد عمتج .. شو تنوعيلي
بس تبجي وما ترضى تسكت ، انداريت الليلة وكلت الها : خليها يمي و روحي انت .
.- يااا جا ورجلج ، موش موجود
- ولونه ، افرشلها بصفي وانومنها ولا بجيها هاذ ونشفت افادها عليّ .
- جا بعد احسن .. ياله تصبحين اعلى خير ، بس اكلج هااا .. ترى سرحان و امج تحاجو .
- عليش ؟
- ما راضي بظلت جسام بالبيت و يكللها غير تطيني خبر كبل لا تقررين موش تحطيني بالوجه .
- عودين الصبح يروح جا قابل راح يظل يسكن هنا .. دياله روحي .
- يظهر انج مستعجلة .
- خايبة دروووحي .
خذيت البت و انا الاشيه و ابوس بيها : لا تبجين عمه انا يمج عليش هالبجى .
جسام : هااا ؟
- هاي بت كريم الله يرحمه ، مت عيني الدنيا ضيعت اهلها وربت عدي .. من جنت بالسجن وانا خالية مختلية جابليتها و حطيتها بركبتي .
- الله يرحمه الج اجر بيها جثير ، هاي يتيمة .
- جهال خواني اجمعهم صبحو يتامة ان جان زناد ولا سرحان ولا كريم .. لجن اكولن سرحان موجود و نسوان زناد موجودات يدافعن عن جهالهن الا هاي مالها احد لا اب ولا ام .. تدري شايلتلها هم شلون راح امش واهدنها ، وعلي هم شكبره .
- اذا اتريدين تاخذيها عدج ربيبة انا ما عدي كل مانع ..
- صكد ؟
- اي وعلي ، هنيال اليكفل يتيم ، يعيش بجوار الرسول محمد بالجنة .
- وابوك ؟
- شماله ؟
- ما اظنن يرضى اربيها عدي .
- ماله غرض قابل شايلها اعلى اجتافه ، جاهله و احذانه . نعتبرها بتنا جا يو انا ما مسجون ، ما صار عدنا جاهل بكدها .
- والله الواه اخذنها وياي ما امن اعليها تربى هنا ، ولون امي و سرحان موجودين لجن نسوان الاخوة حيايا و كل وحدة ادافع لجهالها و يظلمنها من جوا الجوا .
- هاهيه جا من باجر تروح ويانه ، شو جيبيها ليجاي.
- انا جبتها وما فكرت بيك ، من كونك جاي من السجن وتعبان .
- شني الحجي الماصخ رويدا ، دسكتي بويه.
مد هاطر ياخذها لجن ما رضت بيه ظلت كاضة بيه ، فرشتلها ومدديتها احذاي و كمت الوليلها ، اجا جسام و تمدد وراي و حط ايده اعلى خصري .. عاينتله
:- اكلك شي ؟
- اي كولي
- ما عشت وياك جثير ولا عاشريتك لجن كلبي يحبك هواي .. وهلكثر يعزك و يحترمك .
حضني و كال : من عبن الكلوب سواجي وانا حبي الج صافي وطلبتج من الله طلبه ليما جابج الي و حنن كلبج علي .. تالي خلاج تحبيني .
- جان بودي احفظ الفرخ ابطني و اجيبن جاهل منك ، لجن..... قاطعني .
- هالموضوع هاذ لا تفكرين بيه ولا تعيدين ذاكرتج لذيج الايام من كون انا شهور ما انامن بسبب هالامر هاذ حيل صعب اعلى افادي .. تعدي و خلينا نطوي ذكراه .
نوميت وسن حذاي و انداريت ليه رفت بحضنه و للصباح وانا بثناياه .
كعدت الصبح تنوعتله .. نايم وغاط بنومته ، حبيته ، صحى و كام يتحرك و اندار لصفحته نام ، غطيته و غطيت وسن و كمت .
تسبحيت و سويت الريوك ، ومشيت عن البستان و دخلت للقصر من البيت لكيت امي عازلتلي ريوك كامل انا ورجلي بصينية .. خذيتها ورديت بيها للبيت ، لكيته كاعد جاي يغسل.
حجه : اصباح الخير
- الصباح النور ياله اجبل ، جبت الريوك.
-لزوم نروح عيب من سرحان خافنه يتضايك
- اي نتريك ونمش ، ياله اكعد .
كعدنا نتريك و وسن صحت اعلى اصواتنا و احنا نحجي كعدتها احذاي و انا اوكلنها .. خلصينا ، كال : ياله البسي خاطر نمش ، بس اسمعي .
- شني
- اخشاب مامش هالفترة اتحمليني ليما يصير عدي و اجيبن .
- جا ابوك ما يطيك حك الاخشاب الباعهن .
- اروح اكله تعال اطيني ، ما اسويها ، اشتغل و اكد و اجيبن ان شاءالله .
- و سيارتك ؟
تنهد .. ردفته : لا تكول هم بايعها .
- شسوي رويده جلمة ليش يو حجيتها ابتلي اعلى روحي ، جفيت روحي هالرطينة و صميت حلكي .
- اكلك فدوة جا شضاللنا ، مكعدنا اعلى الحديدة .
- عدي جم فلس ضامهن عد جاسم .. اداين عليهن وارد اشتغل بيهن ، تهون يمعودة فضيها و خل نمش والله كريم .
لميت غراضي و غراض وسن وياي ، و انتقلنا ليغادي ، سرحان ما موجود .. ولزوم اكلله انا راح اخذ البت عدي ، كلت اله : خل نمرله للمعمل .
اجرالنا سيارة و مشينا للمعمل وكفنا غاد عنها و هو نزل للمعمل ، شواي وطلع سرحان و هو يكول : هااا رادة خوية ، شني البت هاي شو بحضنج .
- هو انا مريت للمعمل خاطر اكلك راح اخذها. عدي .
- وتربى ابيت ثجيل ، لا بويه لا .. رديها وامشي ويا رجلج .
- بس البت تبجي علي .
- يوم يومين و تتعود .
جسام : البت رابية عد عمتها وانا ما عدي مانع تظل عدنا وهي يتيمة نكسب اجر بيها.
- لا جزاك الله الف خير .. بيت عمها موجود و تعيش بيه .
- والنعم منك ، لجن خلها هاليومين عدنا و وانا اردنها الكم .
سرحان : لا خوية ، اخذ مريتك بسلامة و البت مجانها عد حبوبتها.
اضطريت اردن و اهد البت عد امي بس نطت بجي علي ، و انا مشيت عنها و ادموعي يصبن .. وصلت غاد لبيت ثجيل ..
انكبض كلبي ساعة الصفيت ابابهم .. عاينت ليهم وانا اكولن : راح اردن لسلطان لا هله ولا مرحبا.
دشيت انا وياها و هنا جانت المفاجئة !!
ويا ما دشيت و تطلع سليمة ابوجهي .. عكدت حواجبي لما اجت تسلم علي.
سلمت عليها ونشدت : شعدج هنا
- جا ما تعرفين ، عرس علي نعمة و خذيته صالي ثمن اشهور .
ظليت فاكة حلكي لا اطي ولا اخذ ..
سلميت عليهم كلهم ومشيت للحجرة انظف بيها ، الله يهدك يسلطان ما عايفلنا حاجة الا و بايعها .. غراضنا كلخا مصفيها ومخليها حجره ينامون بيها احفادة .
هنوب الجناين كاشات بوجهي ويكولن : جا هسة جهالنا وين ينامون ؟ ، حجرنا ما تكفي .
حجت نجمة :صفيهم بفراش واحد وكفيهم لا تظلين اتبكبكين .. ياله .
جسام شد دشداشته و كام ينظف وياي و يطلع بغراضهم خاطر يغسل الحجرة وياي .. دش ابوه و شافه يشتغل وياي .
حجه : شجاي اتسوي
- جاي نطلع غراض الغرفة خاطر نغسلها ونفرشها ونشولفنا فراش نمده لينا .
- بعد عليش ما تهفيلها للخاتون .. خاطر ترضى عنك
- ما طالبة مني المرة بوية لجن انا تعبان ورايد افض بساع خاطر انامن.
- تعبان يو مهرف اعلى النومة مالت مرتك .. انت ما تستحي اعلى روحك جدام النسوان و جاي تشتغل شغل نسوان ، شمالك طك خيط براسك يو شنهي .
راديون : يبعد حيلي ، هد عنك و امش ارتاح بالديوان انا اخلص الحجرة و اصيحلك ترتاح .
انا حجيت هالحجاية يو سلطان انتفض وكام اعلى حيله : بعد كربي ليه ومطلي جدامنا .. بعدددددد ، انتم مامش مستحى بكصصكم كااااااولية .
جسام هد البيدة و سلطان يفشر علينا، ندهت السليمة خاطر تجي تعاوني اعلى الحجرة ، و لنها تكلي : عدالج انا خدامة امج الكديمة ، هساه انا سلفتج و اكبر منج و تحترميني موش اتامريني اعلى خدمتج .
- اطلعي عني ولا تكبلين علي ..
مشت وانا غسلت الحجرة لجن غدت ثلج كلش باردة ، طلبت من نجمة بساط افرشنه بالحجرة خاطر تدفه . دلتني اعلى البسط ، خذيت بساط نسيج ثكيل ، ورحت فرشته بالحجرة.
مشيت للديوان جسام ملتف و نايم و سلطان كاعد جدام التفزيون يعاين الاخبار .. كربت اعلية : اكلك عمي اريدن احجي وياك و ناخيتك .
عاين علي : شعدج ؟
- عدي بت اخوي كريم يتيمة و اريدين اجيبنها عدي لجن كلت اخذ اذنك و ترضى ياله ، من كون سرحان ما يطيها وانت ما راضي .
- بت الكاولية يو غيرها ؟
- البت بت اخوي كريم و امها هدتها ومشت و انا ربيتها ، و يتيمة عمي و انا اعرفنك كلبك جبير ويسع وهي مالها غيري .. و ناخيتك اخليها عدي .
- جا ما تخلينها ، كاضج انا.
كربيت منه و حبيته براسه ، حجه : الله يسلمج.
رحت للحجرة كعدت و افكر شلون اقنع سرحان يخليها عدي ، وما جاي افرزن دربي اعلى البرد البالحجرة ، دش جسام : ها يبعد بيتي ، تعبتي .
- موش تعب لجن باردة الحجرة مجرشة .
- راح اسوي جمرية و اجيبنها ليجاي.
وجر الجمر غاد وجمراه ليما هداه . جابه للحجرة و كمبص يعدل بيه و كال : تعاي ليجاي اتحمي.
كربيت و البطانية اعلى جتفي وكعدت اكلك من البرد و شفاي ترجف ، اندار علي و اخذ ادية : عمت عيني ، بردانه بوية .
- لا اسم الله على عينك ، هسه ادفه
- كربي اديج
- اكلك جسام
- ها بويه
- البرسمز و الطشت المشتريهن مامش
تبسم : جا غير مفرهدين الحجرة تفرهد .. ما ظل اعلى حالنا حال .
- وشلون ؟
اندارلي متبسم ، استحيت اعلى روحي : لا تحسبها شي موش كصدي ..
- بس انا كصدي ورايد فروووخ.
- لا تضكرني بوسينة مت عيني عليها تلاكيها مفرفحة خلافي .
- سمعتج تحجين ويا ابوي
- اي كلت هلبت يرضى خاطر اكدر اقنع سرحان .
- باجر انا اروحن وهم احاجيهم ، سويلي مجال
فتحت البطانية و كعد يغطي بروحه بالبطانية و يسولفلي اعلى السجن و شلون حاله غاد و شسوا و شعمل ..
ضربته اعلى رجله: صكددددد ضكرتينيييي
- شني؟
- تضكر الكتب الخليتها عدي
- صكد وينهن
- دفنتهن بنص الفراش مالت القريولة .. اكيد ابوك باعهن ويا الفراش .
- ولج كل كتاب بيش .. وين الكا مثلهم
- خلصنا منهم يمعود .. يروح احد يشوفهن عدك و نبتلي كافي علينا مصيبتنا العدت ، خلنا مرتاحين .
- لا والله حسافة ، حيل مهمات هالكتب .
- غداك الشر.
جاي نحجي و اندكت الباب ، كمت انا فتحته ، مرت جاسم وتكلي : اهلج اجو بالديوان كاعدين
- صكد ؟
- اي والله.
فزيت و انا اشيلن الشيلة والفنها و جسام يعدل بملابسه و بشعره ، طلعنا و سرحان وعمي و امي وعمتي ردحة جايين يتحمدون لال ثجيل اعلى سلامة جسام و طلعته من السجن .
سويت الجاي و خذيته ليهم و عمي تلكاني بالهلا و المرحبا و هو يوصي بسلطان اعليه ، لجن حجاياتهم ثجيلة من كون عمي ابن ضاحي و سلطان ابن ثجيل و كوة حاملين الجعدة .
اطيت الجاي لعمي انوب لسلطان .. مد ايده وكال (اطي لسرحان ) كربت وانا اطيه الجاي و كلت اله : جا عليش ما جبت فخرية وياك .
تعدى حجيايتي و بدلاها و هو ينشد : استقريتو يو لالة.
- اي الحمد لله خلصيت الحجرة ، لجن غراض ما عدي و الجوا بارد .. توا جسام سوالنا جمرية
حجه عمي : غرفة اخشابج اعلى حسابي يبت ال ضاحي.
حجه سلطان : موش ال ثجيل اليتفضل اعليهم ال ضاحي يا ابو فاضل .
- وكت الاطيكم عود رد عطيتي ، لجن بتنا بت شيوك ما متعودة اعلى الفكر .
سلطان : احنا موش فكور خاطر تحج هجي .. حجياتك ثكيلة يبن ضاحي . وانا ناوي اشتريلهم خشاب ، يسلم رايتك ، لجن عطيتك وفرها .
ملوك : صوبتج علي انا باجر اوديلج ابيد سالم.
جسام : رايتكم بيضة لجن ما يعتاز انا جم يوم واوفر كلشي .
حجه سرحان :تعووون خوية ، و ابو نعمة ما يكصر و ابن خير و ان شاءالله ما يكصر ويا بتنا ، لا اخشاب ولا صوبة ، البت ما معتازة شي ، موش هيج يراديون يو لالة .
- خوية دام جسام سالم كلشي يهون و الغراض تجي وهو كال اجيبن كلشي بس اصبري علي هاليومين .
سرحان : والنعم من جسام
ندست امي : جا غير اسليمة ماخذة نعمة حماي
- ووينها هسه ؟
- داخل بحجرتها .
جاي نحجي و انتبهت لسلطان وهو يكل لسرحان : جنكم نسيتو عهدنا ذاك .. اعلى نهد زناد احنا تصافينا و نطيناكم مرة و اخوك اطانا مرة ، لجن ما خذيتو مريتكم ومرت كل هالسنين و انتم مكفكفين اعلى اختكم وموكفين قسمة البت الانطت بديوان ، لا انتم ماخذينها ولا انتم رادين علينا عطيتنا .
حجه عمي : حك و البت ان شالله جريب ناخذها لواحد من اوليداتنا.
سلطان : سرحان يملج عليها دام زناد ضيعاه البين ..
راد يحجي سرحان سبكة عمي : كل ولدنا خير و بركة.
حجاها و كام و هو يكله : ياله بوية سرحان هم يالة نمش لهلنا .
كامو و هم يسلمون ، كرب من عدي سرحان و شال فلوس و حطاها بيدي و كال : انا ما اريدن حزازية و حدة بين ال ثجيل و ضاحي من كون اعرف مامش اليتضرر غيرج .. لهيج انا مدحت بسلطان و رديت العطايا من الاهل ، هاي فلوس خوية و بينج و بين رجالج بلا ما تورجين احد و اكضي شغيلاتج ، ويو اعتازيتي شي ، انا جريب موش بعيد عنج .
- يبعد كلبي يطيك العافية كون ويعلي علومك ، بس سرحان فدوة ناخيتك اعلى بت كريم و علي كلبي غادي دم اعليها ، جن هادة ارويحتي غاد .
- صعب يا خوية و هي بت .
- عدي وعلي ما اهدنها ، البت يتيمة و متعلكة بيه و حريمة تحرمها مني بعد ما نحرمت من اهلها تلاكيها ادورني بالوجوه و تبجي .
احنا نحجي اثاري امي رابطة ويانا و هي تحج .. كالت : نطت من البجي اليوم ، كوة نوميتها واجيت ليجاي.
من كالت هيج دمعيت و كتله : خوية اروحلك فدووة لا تبعدها عني وانا حاجيت سلطان ورضى بضلتها عدي و انت عود كل يوم مر اعليها و اطيها مصيرفها ولا تخلي ال ثجيل يتمننون اعليها بس لا تحرمها مني.
- الله كريم ، الله كريم .
طلع سرحان من البيت و هو يحاول يدلس اعلى الموضوع من كون ما راضي بتهم تربى عد ناس غربة خصوصا ال ثجيل جثيرين و ما تعرف طبايعهم شنهي .
صعدو بالسيارة و مشوا .. وعم سرحان رافض سرحان ياخذ بت ال ثجيل من كون يخاف اعلى بنيته يثني عليها ، مشى و هو يقنعة يطي بت سلطان لأبنه محمد .
بس سرحان اطباعه طبايع ابوه .. السكوت دومه غالب اعليه .. ويفرزن الامور ليما يريد يقرر ذاك الوكت يحجي، لهذا سكت وما كال اي ولا كال لا .
وصل ليغاد و كعد وعمه يحجي اعلى سلطان ، حجه سرحان : عمي انا ال ثجيل اكرهنهم ما احبنهم بس اخيتي ابيتهم و الحجايات الثكيلة اطيح اعلى افادها ما مجبورين نحد وياهم .. نلين الامور لنها تلين.
- يعني انت راضي تاخذ بته ؟
فخرية : بته شنهي.
ملوك : موش سلطان مطي بته لزناد لجن زناد ظت عيني اعليه غابت اعلومه هاليريد سرحان يملج اعليها.
فخرية : ها يمه اسم الله يملج اعلى بت ال ثجيل شنهي ، غدي منهم و من شرهم .
ملوك : ما بيها شي و الشرع حلل اربع .
فخرية : جا من هيج عميتي عيون الخاتون و طلكاج عمي .
صاح سرحان : فخررررررررية ، الحجي هاذ شنهو معناته .. يو نعاد ما تلومين الا روحج .
فخرية : كول راضي تثني يبن عمي.
- الاثني و اربع انا اعلى كيفي و الما يعجبه يطخ روحه بيا حايط يعجبه و ما يكعد يحجي عني و يفرض .
اغتاضت حيل وهو كام و كال لعمه : السموحة عمي هالحلمات ذن لا تعيدهن جدام احد انا وياك نكعد و نفرزن امورنا بعيد عن هالتذربن هاذ .
ومشى .. وملوك كامت و هي تكله : ابن ابوه .. ما يرضى الياهو الجاي يفج حلكه و يذربن اعلى هواه .
اغتاضت منها فخرية كلش..
راحت ملوك البيتها و لجن وسن بت كريم الليل ما نامته ولا ضاكت طعم النوم من البجي اعلى راديون ، بنص اليل ملوك خذتها وودتها لسرحان وتكله : ما جاي تنام هسه يو مخلي البت عد عمتها .. عليش حرمتها و علعلت افادها.
سرحان اخذ البت منها و كام يهدي بيها ما تهده ، نده فخرية خاطر تكوم تشوف البت شبيها ما كعدت و احتاروا بيها الليل كله الى ان تعبت ونامت.
......
جمارة :- امي كملت معاملتي مالت النقل ، و نقلتني للولاية خاطر ادرس و فرحانة بيه من كون صرت ثانوية وكبرت وتتأمل بيه اصيرن دكتورة و انا فرحانه اعلى فرحتها.
خيطتلي صدرية عد وحدة صويحبتها واطتها قميص ابيض ، وان كونه جبير علي شواي لجن اسرفنه ويصير اعلى كدي
لبست ورحت للولاية داوميت و فرحانة ، بنات جثيرات ومامش ولد .. وكلهن حجيهن حلو موش مثلي .. حتى كمت ما احجي جدامهن عبن من احجي يظلن يغلدن علي و يكللي : انت مبينه عرب جول .
واغتاض واكومن اريدن اطكنهن ... لجن اكضن روحي و ابعد عنهن.
انا جانت امي تشتريلي جنطة لجن امورنا داجة هالفترة و امي تريد تلم الفليسات وتطيهن لاخو ايمان من كونه عيرانه بفلوس ابوه جيف ايمان اطتهن لابوي ، وامي قررت تضم وكل شهر تسدد ليما تفضهن ..
لهسبب ما كدرت تشتريلي جنطة وانا ما احبن اثكل اعلى امي من كونها تعيبانة وتركض خاطر تلحك اعلى عيشتنا.
كمت احطن كتبي بعلاكة . اخذهن واردهن وياي ..
بس البنات كامن يعايرني وويصيحلي ( ام علاكة )
عديت مرة مرتين لجن فاض غيضي منهن لما اجت وحدة و تكلي : ام الخضرة ام الخضرة ابيش علاكة المخضر هاي .
كمت اعلى حيلي و كضيتها من راسها و كلت الها : بسعر ابوج بت المطي
وملختها .. و لن تهد علي تكافشني هي و اصويحباتها ، واكومن اعليهن .. راس براس طكيتهن و كضيتهن من شعفاتهن و سحلتهن للزبالة وكعدتهن بصفها و تفلت عليهن و طلعت من الصف ابجي .
رحت بالساحة كعدت بالشمس وابجي .
ليما اجا علي المعاون وكال : انت جمارة حاكم .
- اي استاد انا .
- امشي للادارة بسرعة .
- عليييش ؟
- امشي بلا لغوة.
مشيت وهو وراي وصلت الادارة و هن واكفات عد المدير يتباجن .. نشدني : ليش ضاربة صديقاتج واملخة شعرهن ؟
- عبن يستاهلن .
- اتأدبي و احتررررمي لا افصلج من المدرسة و تحلمين تشوفين المدرسة بعد ، يا ما محترمة .
- اي انا ما محترمة وموش مثقفة و عرب جول ، اتريد تطردني اطردني ، وخلي اذني المحترمات.
كتب ورقة و كال : ولي امرج لو ما اجا باجر تنفصلين ، امشي يااااااله .
طلعت من الادارة و رحت للصف كعدت مغتاضة ، وهن ملتمات غاد عني ، وانا حاضنة علاكة كتبي ، و كاعدة و مغندبة .. دشت مدرسة الجبر و كعدت تشرح النا المادة وانا مركزة وياها خاطر الهى عن ذن اليتمسخرن علي.
خلصت الشرح و كالت : منو اللي افتهمت .. تكوم تحل ؟
رفعت ايدي وكمت ، كضيت الكتاب و انا اشرح لروحي و احلن اعلى الصبورة .. والمدرسة وراي جويعدة و تتنوعلي .
خلصت و انداريت الها : صح ست .
تبسمتلي و كال : ممتاز ممتاز ... تصفيق .
الكل صفكلي الا ذن ما صفكلي ، كتلها : ست ذنيج ما يصفكن.
عاينتلهن و كالت : صفكلها .
صفكن من وره خشومهن .. فرحت حيل من خليتهن يصفكلي .. عبن هن موش مثلي شاطرات انا اشطر منهن.
خلصيت و طلعت من المدرسة رحت لامي كلت الها : يمه المدير يكول يو ما اجا ولي امرج باجر تنفصلين .
- اسم الله يمه عليش شعامله ولج .
- ما سويت شي .
- جا عليش هيج طالبنا
- شمدريني ، روحي باجر و انشدي .
ما كلت الها تعاركت ويا البنات اعلى الجنطة من كون اعرف امي تغتاض و تنقهر بساع عبن امي روحها عزيزة وما تحمل جلمة الذلة .
ردينا للبيت و انا ذابه كل حيلي بالدراسة خاطر اصيرن اشطر منهن .. ويشوفن هاي ام علاكة احسن منهن و من الجنط الملونة الشايلاتها اعلى اجتافهن .. عدالهن الشطارة بالجنطة امهات الكلك .
ثاني يوم رحت وامي عافت غريضاتها يم ابو الصمون ومشت وياي دشت اعلى المدير و حجت وياه ، لجنه جان يحجي وياها معلك من كونها عُربية و حجاياتها ريفية وشادة وزرهن ومبينه عرب جول و يحجي وياها من طرف خشمه .
لجن امي ما تنحط بالعب و كالتله :، عليش يمه تحجي وياي من طرف خشمك ، من كونك مستحكرنه جيف بابة عرب ، جا وين ثقافتك يمه و انت مدير ، شخليت لرعيع .
- انا ما مستحكرج بس بتج ما مؤدبة
- عليش ما مؤدبة شسوت .
-اكثر من مرة وصلتنا شكوى بحقها و لو نعادت افصلها من المدرسة ، مدرستنا مو بحاجة طلاب همج ما يعرفون معنى الثقافة.
- يمه هاذ حجيك ما يجوز و عيب عليك .. البت....
قاطعها : لا تكولين عيب عليك
- لا عيب عليك و ما يصبر تحج هيج ويا الوادم ، بتي غلطت كلي غلطت و صلحيها وانا احج وياها.
كام المدير يترادم ويا امي لجن المعاون ادخل و فضت ووهم يطوني فرصة و يو انعادت .. انفصل من المدرسة.
البنات من شافن امي اجت للمدرسة عرفنها هاي ام الروبة التبيع اباب الفرن مالت الصمون ، كامن يدشن للصف و يصيحن : روبة رووووووووبة ، منو يريد طاسة روووووبة ووياها علاكة مال مخضر .
ويتضاحكن .. وكعدت وحدة منهن بالكاع و تسوي روحها تبيع روبه و تقلد اعلى حجي امي و تكول : يمة جا عليش ما تشرن مني روبة .
وكامن يتضاحكن بصوت عالي ، يو كمت و تعاركت وياهن يفصلوني من المدرسة عبن المدير نذل و شاد وياي .
طلعت للساحة ابجي لوحيدي .. ليما صار الدرس دشيت وانا ما اعاينلهن .. كتبن بورقة صغيرة ووصلنها من وحدة الوحدة ، ليما حطنها جدامي ، عاينت للورقة مكتوب بيها ( بيش الروبة ).
اغتاضيت كلش وكمت كلت الها : ست انا اريد اروحن
- اندارت متفاجئة و هي تكلي : شبيج ماما شنو الصاير .
اطيتها الورقة و كلت الها : انا افتخر بأمي التبيع روبة خاطر تعيشنا و تخليني ادرس و اصيرن احسن من بنات السلف الما داشات مدرسة .
حجيتها و طلعت من الصف .. و هي تكللهن : منو كاتب هاي الورقة .
كلهن نكرن ، ظليت بالساحة ابجي لوحيدي .
طلعت من الصف و صاحت : جمااااارة حاكم
درت ليها اشرتلي و كالت : تعالي اكعدي هنا.
وكعدتني اول رحلة بالسرة البنص جدامها و كالتلي : ركزي وياي و بالج بدراستج و اي وحدة من البنات اللي بالصف تعيد الصار ، بس اكتبيلي اسمها و اني اتصرف وياهن .
حسيت دموعي وانا اوجد بالصبورة خاطر افهم .
ليما طلعت من المدرسة ، سبكني لامي وراحن .. وهن يكللها : حجية عدج رووووبة
كواغد : لا يمة كضى العدي .
- لااا حرامات ، احنا نريد روبه .
- تعاي باجر و جنج اعلى روبة ، اول طاسة الج.
انا شفتهن ، ذبيت علاكة الكتب من ايدي ، وانهديت بيهن اتكافش وياهن واصيح ، التمت الناس اعلينا و هم يفكوهن من اديه و انا اغلط عليهن : بنات الجلب انعلن ابوجن لابو الخلفجن .
طكتني امي و جرتني و هي تصيح و تغلط علي ، صعدنا بسيارة حمل شالتنا للديرة و هي بديها الجداري و الطوس مالت الروبة و تصيح : وانا الامدح بيج ثاري المدير ما ينلام بيج من يكول ما مؤدبة ، سودتي وجهي يالنمرة بالشارعة و تتجطلين فوكهن و ما خليتي اعلى حالهن حال ، ولا جنج بنية .. لا حرام مخلفة اثنين ولد ، ستار وجلجول .
صرخت : اي انا موش بت ، وموش مثقفة و عررررررب جواله ، ياله ياله .
وكمت انكث بدي و ابجي ، و البسيارة يعانون علي و يكولن : شمالها هاي و امي تحجي علي وتصيح دهر صابج يالنمرة ، عدالج هاي المدرسة مالت الريف و يومية فاشخة ولد ولج كبرتي عكلي و اركدي تعبيتيني .
وتزن براسي ليما دشيت البيت .. وانا اصيح : بعد ما اروحن للمدرسة لو اموت ما اروحن والله ، ياله ارتاحي ما اروحن .
ودشيت لحجرة ايمان و سركيتها و ظليت ابجي ، و هي تغلط علي و تكلي : بكيفج ما تروحين ، ذبيت عليج كوكة فلوس بس فلوس الكراوي بكثر شعر راسج .. ظلن لا بيجن خير ولا نفع .. تروحن لازلم يجتلونجن و تردن اعلى افادي ، ساعة السودة الخلفتجن و ابتليت بيجن يالبرابيييك .
انا جويعدة بالحجرة و ابجي .
دخل سرحان للبيت .. لاكته فخرية : هلا بيك
- هلا يابة
- متغدي
- اي تغديت بالمعمل .
- اي حكك غاد احبيبة الكلب شلون ما تتغده بالمعمل ، قابل شنهو البيت و تاكل بيه مامش احد بيه يفتح النفس و تكابلة ووتاكل .
ما رد عليها ، و دش و هو ينزع بالعكال حجت : اريد اجيبن خدامة للبيت .. وانا فكرت بجنة ام سالم ، و بت صبيحة ، نعرفهن و جانن يشتغلن هنا كبل .
موش احجي وياك عليش ما ترد
-تعبان اريد انامن .
- اي بس جاوبني
- خدم ما اريد ابيتي ، انتم جثيرات وبيكم البركة.
- و شنهي فركي عن ملوك ... ابا عن جد و نسوان الشيوخ عدهن خدامات حدرهن . ان جان ملوك يو حبوبتي يو الشيخة محاسن مرت الشيخ جلوب ، شنهي الجرى و ما اخلي خدامة عدي ، شنهي ملوك بيش احسن مني .
- عاين لأبنه يلعب وملابسه املثكة .. اندار ليها : عليش هيج ملابسه ؟
-اي جا شبيدي امس بدلتله و دمر روحه .
- امس ! بدل ما حاطة روحج و تقارنينها بملوك .. عايني للجهال و نظفيهن شوفي حالهم ، بالله ذول ولد شيوخ .. يو جاني خطار و شافهم بهالمنظر هاذ شكولن و شحجي .
- اي مو جاي اكللك اريدن خدامة تعاوني ، خاطر اهتم بيهم .
- يعني يو ابنج يظل اعلى هالحال و تانين خدامة خاطر تنظفه .. اذا ابالج تصيرين ملوك فأنا كلبي فايض من ملوك و امثالها .. كليلي يو رايدة تصيرين مثلها خاطر اطلكنج و اخذ التجابل عيالي وما تصير مثل ملوك ساعة البهذلتني و غربتني ابيت ابوي .
صاح على امه : يممممه ، الجهال يو رديت ولكيت هاذ حالهم وعلي فحل الفحول لاشرد البيت كلهم و ما اخلي نفر .. ومن باجر احطن عروس ابيتي ، الحجي مفوووووم يو اعيدنه ؟ .
حجت فخرية : كول رايد اخذ بت سلطان واثني عليش تتحجج علي .
هداها و طلع من البيت و ردحة خذت الجهال تغوسلهم و تبدلهم ، مر اعلى بيت ملوك خاطر يكللها : بت كريم وديها لراديون اذا بعدها تلجي و احرصي كل جم يوم تمرين عليها و تنشدين وتحطين مصرفها عد راديون ما اريدن ال ثجيل يتمننون اعلى بتنا.
- اي ، بس شصاير عليش هالمصايح البالبيت ، صوتك ليجاي واصل .
- طكت افادي .. ادشن الجهال جاتلهم الوصخ و هي تصيح اريدن خدامة .
ملوك : جا هسه راح تعرف الحك وين ، جانت راديون الشايلتهم تغسل و تبدل ومجابلتهم ٢٤ ساعة وذيج تصيح بدلتهم غسلتهن .. نظفتهم .. خاطر تكوش اعليك ليما نالت مرادها وخذتها .
سرحان : هاذ الحجي انا ما يمشي عدي ، اداريهم خير اعلى خير ما اداريهم من باجر انا احطن مرة فوكها وانعل سلفاها.
- سويها وخلي النسوان تتغالب اعلى مدارات جهالك .. خاطر يرضنك ، الايد الوحدة ما تصفك عدل يبن مطر .
- يصير خير ، اخذي البت و تفكدي راديون شمعتازة .
- تامر .
مشى سرحان و ملوك راحت لراديون اطتها بت كريم ، وذيج طارت بالبنية تحبحب وتضمضم بيها ..
- شنهي اخبار جهال اخوتي مشتاكتلهم وعلي من كون تعودت اعليهم جنهم جهالي .
- بالضيم اخلافج
- كولي وعلي؟
- اي والله و سرحان و مرته غادين دمايا ، تريدلها خدامه الخاتون و تريد تصير مثلي .. ساعة الرحتي بانت جيفتها وطلعت ريحة الخياس ووصلت خشم سلطان .
- يطبها مرض ، جا انا اغسل و اداري واوكل ، و يو دش سرحان تلكته بالهلا و المرحبا و شتعتاز و هيج سويت و هيج خليت و تسوي روحها هي راعية الدار ، جم مرة اكولن احجي لجن اشوفن ما تسوى واسكت من كون ذول وليدات خواني وحسبت جهالي ما مداريتهم لاجل احد يمدحني يو يكلي عفية .
- البت هاي انا موش طايكتها .. ولا جارعتها ومن احطنها ابالي اخليها هي والتراب .
- عيفيها يمعودة شلج بيها .
- لااا .. من يوم العرس عليها سرحان ولليوم ما شايفة احد جدامها تمش وتصيح انا الشيخة و عدالها تاخذ مجاني القديم ويو دشينا البيت تبسمر و ادوس بالمصران خاطر نكش ونكف ما ندخل الفصر ويظل الها تتبختر بيها ، ما تعرف ملوك يو حطتها براسها تلعبها اعلى تك رجل .
- عوفيها يمه مالنا حيل وجع راس .
- لا .. ما اهدنها و اجا الوكت الاحطن هدوة بدرب سرحان و اغيضن هالتتمشيخ هاي .
- هدوووة؟ .. هدية شلها غرض .
جاي نحجي دش سلطان وانا وامي جويعدات بالديوان ، صاح : يا هلا وزين ما اجبل علينا ، يا هلا بام ازناد .
كامت امي اعلى حيلها و كالتله : يا هلا بابو نعمة .
- يا هلا و جثير الهلا بيج .. شلونج شلون الصحة .
- بخير نحمد الله ونشكرة ، يلة يمه انا اروحن .
- وين ما اطلعين الا وعشاج هنا .
- دايم عشاك يشيخ ما تكصر ، لجن البيت غاد تايه ولزوم اردن .
- وياج سيارة يو نزتج .
ملوك : يو وحيد منكم يوصلني ما اكولن لا من كون اجيت ممشى ما تجيت بسيارة .
سلطان : افا امري ويجرالج .. اوصلنج منها واحج وياج جم حجاية بخصوص زناد ..
ملوك : تعرف شي عن ازناد .
- نمش ونحج .. حياج ......
رواية كحل عرب الفصل السادس والستون 66 - بقلم زينب ماجد
رواية كحل عرب الفصل السادس والستون
(تهديد )
بديك اجرح جروحك
لو ردت تجرح بديك
ولا بأدين الغير .. جرح الغير ماينصح
(عريان السيد خلف)
ملوك : شنهو التعرفه عن زناد ؟
-نمش ونحجي ..
مشت وياه وهي اعلى نار تريد تعرف شنهو اليعرفه عن زناد ، طلعو من البيت للبستان و كال الها : زناد بالكويت ويا خاله كاطع .
نشغت و اندارتله : عليك العباس صكد ، شدراك منين عرفت ، صكد هو بالكويت ؟
- عدي معارف جثيرين غاد ومعاميل شغل نوديلهم ويجيبولنا و هم الكالولي عن زناد .. موجود و عايش ويا خاله .. و حسب ما سمعت مزوج .. صكد جذب بعد ما اعرف هاذ العرفته .
- الله يبشرك بالعافية .. يمه وليدي توه استراح كلبي .
- الأريدن اكللج بيه يا ام زناد .. ما دامه الشيخ زناد موجود لا تخلين للواوية مجان من كون قاسم ال ضاحي هاذ ناوي يسيطر اعلى سرحان من كونه عمه الجبير و يجتاح المضيف و يصير الراي رايه واعلى هالأساس زوجاه بته.
- جنك بكلبي يابو نعمة ، ما تعرف بته من ساعة التزوجت سرحان و لليوم شلاعبة و شجاريه اعلينا .. تمش وتصيح انا الشيخة .
- الحك المشيخة لياسر بعد ابوه زناد لجن ياسر جبير و سرحان اخذ مجانه ، لجن لزوم المشيخة تظل لبن ازناد ، موش بيد سرحان و قويسم.
- انا جناحي مكسور يبو نعمة ، لا ولد ولا سند .. اتجي بروحي اتجي لخاطر جهال ولدي ونسوانهم ، من كون انا مرة و هن نسوان و نعتاز سرحان بس مرته عكربة ما خليتنا بحالنا.
- هم ذول اولاد ضاحي .. ضاحي لعب براس دواي و صف احذاه ليما كوش اعلى القصر و المضيف .. و قاسم مثل ابيه يصف بصف سرحان وزوجاه من بته .. خاطر يكوش اعلى الاول و الاخر وينكال عنه شيخ.
لزوم تخلين ياسر بكتر عمه و يحضر مضايفه وجعداته و لزوم يردله حك ابوه .
- هالامر انا اتصرف بيه .. لجن ما اعرف عدك خبر بهدية بت حاكم يو لالة ؟
- شمالها ؟
- هدية جاي تشتغل ويا سرحان بالمعمل .. وسرحان متاني الفرصة اليردها ليه و يخطبها ويخلصها من نهوة فليح اعليها
- يمن يمتى هالامر و حاكم يدري بيها يو لالة ؟
- سرحان مخلي اموره اعلى نار هادية وما مورج احد اعلى اسراره ، لجن مرته هي الفضحت هالامر و مغتاضة من وجود هدية بمعمل سرحان ،
- انا ما ادري توني عرفت منج .
- دام عرفت يبو نعمة لزوم اتصرف ، لجن حط ابالك .. الوصلت الكم هالخبر هاذ مرت سرحان موش غيرها ... ياله اودعناك .
- اوصلنكم .
- لا اتمشى لوحيدي ما عدي شي ، الاريدنه منك ادير بالك اعلى بتي وبت ابني ، امانة عدك .
- احطنهم بعيني .
.........
هدية : خايبة شمالج شجاج ما تكليلي ، عليش ما داوميتي غير تكليلي.
- ما اريد اروحن .. مدرسة بعد ما اروح
- ولج مرمريتي افاد امي عليش هيج خايبة ، غير اعرف شكو .. كاضة البنيات و مبيسه بيهن شجاج.
- يكللي بت ام الروبة ويعيبن علي عبن امي تبيع روبه اباب الفرن الغاد عن مدرستنا ، يصنفن علي ويتمضحكن ويسمني ام علاكة الخضرة عبن ما عدي جنطة.
- يااااع يروحن لغندرة امي شنهي يلحكنها امهات الكمل .
- ما اريد اروحن .
- جا ترضين يصيرن احسن منج ويدرسن و يتثغفن و انت عبن حجن جم حجاية كعدتي وبطليتي و تاليتج تعرسين من واحد فقير و تكومين تبيعين روبة .. عليش ما تركزين بدراستج و تصيرين احسن منهن و تخليهن وراج .. الشغل مو عيب خايبة العيب من نستحي من شغلنا ونبطل ويظل هاذ حالنا .
- واذا عيبن علي ؟
- جا مامش احد غاد تشتكين عده
- المدير ما يحبني .
- ولونه .. روحيله وكليلة و يو ما سوا شي .. ظلي صمي اذانج عنهن .. جا تخليهن يغلبنج و يصيرن احسن منج و انت تكعدين من وراهن .
ظليت اقنع بيها هالبت ترد للمدرسة من كون امي كل املها جلجول تخلص مدرسة وتصير صاحبة شان جبير موش مثلنا من الكماط للرجال وما فهمنا من دنيانا غير الركضة ورضا هاذ وذاك خاطر نعيش.
لجن ظلت ابالي اشتريلها جنطة .. بس الجنطة غالية حيل .. حكها مال اسبوع شغل .. بس كلت هلبت اكدر اشتريلها جنيطة حتى يو اخيطلها جنطة و اسويلها .
ثاني يوم داوميت بشغلي .. للضحى ورحت لسرحان : هلا يشيخ
- هلا بيج بويه .
- دام استراحة نص سويعة هلبت تخليني امش للسوك بساع ما اتأخر واردن .
- عليش ؟
- هيج عدي حاجة رايدة اشتريها .
- روحي ولا تتاخرين
- يطيك العافية يشيخ .
طلعت من المعمل ، ركبت بعربانة ويا ابو الحصان وساك للسوك .. وصلت غاد ، دوريت ولفيت اعلى جنيطة الها مامش كلهن غاليات وما عدي فلوسهن ، اشتريتلي كماش كوي ورديت للمعمل كلت عودين من احلن اخذنه للخياطة تسويلها جنيطة اعلى كدها .
دشيت ولن جدامي خنجر و سرحان مدنج يدقق بالحسابات، من شافني خنجر هيسته عله حسه و هو يكل لسرحان : اي يبو مامون .. يمتى عرسك ما كلتلي .
سرحان ما رد عليه و موجد بالحسابات .. كملها خنجر وهو يكله : شيخ وتاخذ اليحلالك .. ٢ اربع .. بكيفك بوية .
شال راسه سرحان خاطر يحجي وياه وكفت انا وكلتله : السموحة تأخرت .. عن اذنك .
كليت اعليليكتي اعلى كتر و ظليت اشتغل لجن عكلي انشغل .. اليحجي خنجر صكد يو يتشاقه ؟
ظل عكلي يجيب ويودي .. ليما عقلي اقتنع صكد يريد يعرس ، و كام يخترع مواقف شلون اتعارك وياه ، و شكلله و شعاتبنة .. صفنت اعلى روحي
هسه انا العرس و الما عرس شنهو المحصلته ؟
لا يغير من امري شي ولا يفيدني بشي .
....
جمارة : يومين ما مداومة بمدرستي وامي تحج وتغلط علين عبن اريدن ابطل و هي تريدني ادرس ، ليما حجت وياي هدوة رضيت وكنعت اردن للمدرسة .
داوميت بالمدرسة .. و اعلى هالحال يتمسخرن بيه و يصيحن ام الروبة .. انا دايرة عنهن و ملتهية انقل من دفتر البصفي الواجبات الضيعيتهن امس .. و هن يذربنن بسوالفهن.
ليما دشت المدرسة و هن وحدة كاعدة بالكاع .. تصيح روبة روبة و الثانية تذب عليها فلوس وتضحك.
صحنا قيااااام .. وكفت اعلى حيلي و هن تراكضن .. كتلها : ست ترضين كاعدات يغلدن على امي جيف تبيع روبة وعلي يومين ما مداومة بس من وراهن والمدير ما يحبني .. بس احجي يفصلني.
حجيتها وبجيت وانا افرك بعيوني ..
صاحت عليهن المدرسة و كالت الهن : الحجي هذا صحيح ؟
- لا ست جاي نتشاقة وياها والله
جمارة : لا وعلي ما يتشاقن ، انا يو اتشاقى جا ضحكت وياهن موش دايرة عنهن.
المدرسة : اوكفن يم الزبالة بساع و على تك رجل ووجهجن للحايط .
ظلن يتوسلن بيها و يكللها : نتشاقة والله ست ..
صاحت بيهن ووكفتهن يم الزبالة و بدت تشرح النا المادة .. و انا اتنوعلهن مرتاحة جيف واكفات عد الزبالة .. ومن اعاينلهن ارفع خشمي و ادير عنهن خاطر اغيضهن.
طلعن وشوشه وهن يحجن علي اندارت ليهن المعلمة و هي تكللهم : واكفات يم الزبالة و ما مستحيات على روحجن ، اندارن اشو .
اندارن ليها و انطت لوحدة منهن طباشير و كالت الهن : حلي على الصبورة بدال المزعطة مالتجن .
كضت الطباشير و ظلت واكفة وصافنة بالصبورة .. تحل و تكللها (ست صح )و المدرسه ترد عليها .. معليه كملي الحل .
ليما ظلت تشخبط و تمعمر و حلها كله غلط ، كامت المدرسة تغلط عليهن و ترزلهن جيف ملتهيات بهالسوالف وما مركزات بدراستهن .
ردت اغيضهن ، رفعت ايدي وكلت الها : ست ست، احلن انا ؟
- كومي ياله .
وكفت وخذيت الطباشير و كمت اشرح لروحي و احلن .. ليما حليته كله و انداريت للمدرسة : ها ست صحيح ؟
صفكتلي بديه وكالت للبنات : صفكولها
ابتسمت حيل و ظليت اعاين للصف بفرحة ، كامت من مكانها و هي ترزلهن و تكللهن : شفايتلجن تصيرن مثل بنت ام الروبة التحجن عليها ، يو اهلجن حارصين اعلى دراستجن مثل ام الروبة جان هسه انتن بالعلالي مو بصف الزبالة ، يلا ردن لمكانجن ولو انعادت السالفة واتمسخرتن بزميلتجن .. صفي بعد مدخلنه .. افتهمتن ؟
- نعم ست .
- ردن يله .
ردن لمكانهن و المعلمة تمدح بيه و تكلي : انت اشطر وحدة بالصف ركزي بيهن و خليهن لسوالفهن المكسرة ، بعدين تصيرين دكتورة و هن يبقن بنميمتهن ميفلحن. لتخلين احد يحبطج و يخليج تعوفين مدرستج ، انجحي و كسري عيونهم خوش .
- خوش ست .
رديت لرحلتي وانا اعاينلهن بنظرة منتصرة ، وكعدت فرحانه بروحي .. وكمت اوجد ويا المدرسة اكثر خاطر اصيرن احسن منهن .
بس ما تابن بس طلعت المعلمة .. يكللي .. (شايفة روحها بت ام الروبة)
- بت ام الروبة ولا المدرسة توكفني يم الزبلة و تغلط علي و ترزلني جدام الكل ...
وظليت اعيب عليهن و امش للزبالة و اوكف و اقلدهن من يتوسلن بالست وما تخليهن يحجن .
كامن يغلطن علي : كتلهن انا ما احجي ويا الكسولات اليوكفوهن بصف الزبالة .
هدية : بفكري امش واوهوس .. لسنا ردت اطلع وكفاني سرحان .
ندهني : هدوة
انداريت ليه و انا انزل ابوشيتي :- ها
- اذا تعتازين شي كولي لا تستحين .. الشغل وهالامور اعلى جنب لجن حطي ابالج يمتى ما اعتازيتي ما يردج الا السانج .
-تسلم يبو مامون .. كافي اعليك نسوانك ، ما اريدن اوهدنك وياي .
- نسواني ؟... شني جديدة هاي .
- جا موش تريد تعرس.
- سواها النذل و صدكيتيه ؟ جفيلج العباس مامش شي من هاذ كل السالفة .. سلطان مطيني مرة وانا لهساع ما مقرر بحكها شي .
- ما يعتاز تحج وتبرر انت شيخ وما يحك لاحد يوكف بوجهك و يمنعك .. جلمتك شما قررت تظل فوك الراس .
- تبسم .. ولون غيض الغيرة برسومج احبنها لجن ما احبن تتضايكين يو تكدرين خاطرج بهالامور .. اشيخن اعلى الكل ويظل كلبي حدر امرج .
تبسميت : جا انا اروحن .
- بكل خطوة عافية ..
طلعت منه متبسمه .. وضحكتي شاجة حلكي .. وصلت نص الدرب وتضكريت علاكتي نسيتها ، رديت وانا اركض .. دشيت سرحان طالع ، خذيت عليليكتي ورحت للخياطة وكلت الها يومين اريدنها جاهزة ..
رديت للبيت ونعله ابوي جاي .. حبيته و سلميت اعليه.
بس اشوفنه حيل مغتاض .. وما كارب حجرة ايمان نايم بالهول .
ليما كعد .. نشد امي اعلى ايمان ..
كالتله : اجو اخوتها ليجاي تعاركو وياي ، هم زين الله ستير جان عد خوالة يم مريته جا توهدن بيهم و كضو الامن .
- تعاركو عليش ؟
- يكولون ماخذين فليساتها .. كلت الهن جا بايكيهن .. غير هي اطتهن ووكفت ويانا بشدتنا، جلمة منه جلمة مني تكاومنا ليما راحو بعد ما دريت عنهم بس العرفته ماخذين ايمان هي و فروخها .
حاكم : يصير خير .
جويعدين و اندكت الباب ، فكها و لنه سلطان اعلى الباب : ها الله بالخير
- الله بالخير و العافية ، تفضل تفضل.
دش وهو ينشد عن احوال ابوي و ينشده عن مريته البغدادية و شصار وياه .. بس ابوي كاله : مشكلة بسيطة و انا احلها .
سلطان : اي جا خوش ، اكلك صكد بتك تشتغل بمعمل سرحان يو جذب
- عليش ؟
- ردت انشدنك .. خاطر اتوكد السمعته صحيح يو جذب .
- بعد ذيج الشدة عايلتي الكل كامو يشتغلون خاطر يكدون و نرد نوكف اعلى حيلنا .. و هدوة اشتغلت بالمعمل .
- و عد سرحان ، شنهي ما تستحي اعلى شواربك ، بتك تشتغل عد ذاك الانفضحت وياه .. يو ناوي تطلكها من فليح و تناسب سريحان يحاكم .
- هالحجي ما ارضاه يبو نعمة و جلمتك هاي مردودة اعليك ، بناتي و اعرفنهن .. و ما مشتغلة عد واحد ردي الشيخ سرحان خيرة الزلمة و يو طلعت للشغل .. طلعت مغشاية وساترة روحها .
اما ذيج السالفة انا و انت نعرف ناصر هو السواها و فضحني و فشلاني ويا الشيخ مطر الله يرحمه.
- وترضى بتك تشتغل عد اسريحان .
كواغد : الله بالخير .. من رخصة ابو ستار لجن سنعيت الصياح و اجيت و عرفت السالفة .. اطني خوية شنهو غلطها بشغيلتها هاي .. انا ما اشتغلت عد الشيخ مطر ، عمتي ام حاكم ما اشتغلت عد الشيخ ضاحي .. شنهو الحصل هسه و تضايكيتو من هدوة عبن اشتغلت عد الشيخ سرحان .
- الصوج صوجكم انتم الرضيتو الرواحكم تشتغلون عد ال ضويحي و تحطون اركابكم حدر اجدامهم ، وجبتو الذلة لال ضاحي ، عيب اعلى ارواحكم ما خليتو ماي بوجوهكم و انتم تخدمون هالرعيع ذول السطو اعلى حك ابونا ثجيل.
على حس حاكم و هو يداهر وياها و كواغد كالتله : جا وين حسك هاذ ساعة الطحنا بضيج .. ما شلت ايدك و كلت لا تظن وحيد من ال ثجيل يشيل عنكم الفصل . ما شلت ايدك عني ساعة الانحكم رجلي وظليت وحيدة بس الشيخ مطر عايني و مخليني اشتغل بقصره و كاعه .. وين ثجيل من انطردت ام حاكم وحكها و حك حاكم راح ابطن ناصر واخوتها .. بالضيج ما نعاين احد منكم و يو شلنا ارواحنا اجيت تشوبشون اعلينة .
اغتاض سلطان من حجايات كواغد و كال الها : راضين بت عزبة تطلع صبحية وتشتغل ويا الزلمممم غاااد .
كواغد : لا والله مت عيني يو راصية واعلى امرك من باجر انا اكعدنها بس تتعهد وانت شيخنا ، تطيها اسبوعيتها التحصلها من المعمل و هي جويعدة ؟ .
- وانا شنهي مبتلي بيكم واتعهد اعلى اسبوعيتها ، جيش جرار اولادي واحفادي وما اعاين دربي اعلى كثر ما موهدن بعيشتهم .. احيرن بامركم .
- جا من كون ماتكدر تتكفلها عليش جاي تحجي و توكف برزقتنا .. بسكم ملينا .. ياما طعنتو امي و طعنتو بسترها جيف جانت تشتغل بكاع ضاعي هساه انداريتو اعلى بتي ، فاض غيضي منكم ... يززززي.
طلع سلطان و هو مغتاض و اعلى الباب هو وابوي يتداهرون .. اندارت امي ليسرى وكالت الها : مامش غيرج طلع الحجاية .. انا موش وصيتج الحجي ما يطلع ، انت ما ينفع وياج شي .. تعديت سالفتج ذيج وما جزتي من ضنااااي ، لجن وعلي يا يسرى ، يو بطلت هديوة يو انفضحت بسببكم ، ظله ما تظلين هنا ، لطردج و اطلكنج و اخلي ستير يبيس بحظج .
يسرى : وعلي عمه ما حاجية لاهلي ولا فاكة حلكي ، هديوة اخيتي وما فتنيت اعليها من كون اعرفها مستورة ومغشاية ، لا جبت طاريها ولا حجيت.
-جا يا سالفة طاحت اعليج و كلتي انا يو ما نكرتيها عنج .. من ياهي لياهي اعدن و اعددلجن سوالفج يسرة.
ظلت يسرى تبري بروحها وتنكر هي الكايلة لاهلها اعلى شغلي بالمعمل ... بس ابوي ظل يتصايح ويا امي ويكللها : بطليها وخليها تكعد .
- عليش ابطلنها .. شنهي طلع منها العيب و اكولن اخافن تفضحنا البت تروح بدربها وترد بدربها و عاينتني و شايلة عني، عليش تبطل والله سلطان اغتاض وما عجبه ، عساه لا عجبه .. ليمتها نظل ندور رضاه واحنا ما محصلين منه غير الشين .
وظلت امي تداهر ويا ابوي ، تكربت مني يسرى وهي تكلي : ابحظج و ابختج صالج شكثر من اشتغلتي ، حجيت تهمتج فد يوم يو عايريتج .. يو احطن بتج اعلى كلبي و اكلج ديه روحي ، بضميرج احجي.
- لا والله الحك ينحجي ، من يوم الداومت جميرة و نويسة عدج شايلتها عني ما شكيتي .
- بت اخوي موش فضل .. وانت حسبة اخيتي بس وعلي انا ما حاجية ولا كايلة .
ظلت يسرى تبري نفسها جدامهم و تدور رضاهم من كون تخاف اعلى بيتها خصوصا بعد ما طلعت ايمان ولالة من البيت ، و هدية و كواغد مثل الخطار يردن من الشغل ينامن .. ويكعدنلهن شواي .. لا ينظفن ولا الهن غرض بشي .. وحاكم بالشهر لو بالشهرين ينزل مرة و ظال البيت ليسرى و بناتها و كاسبة الكل .. فما رادت تخسر و تروح زعلانة عد اهلها و تضطر كواغد تجيب لالة بمجانها تظل بالبيت .
لبست عبايتها وراحت لامها خاطر تعرف منها ياهو الوصلالهم الجلمة .. امها كالت الها : ما ادري عن السالفة انا .. توني عرفت منج .
كايلة الها .. انا مرتاحة بكعدتي ولا تدخلون بهديوة و تخربون علي .. خلوني اعلى هالحال ، راضية رجلي وراضية عمتي و البيت الي وحدي ، يو تعديت الباب يجن غيري ويستحلن مچاني.
من سمع ناصر هديوة تشتغل عد سرحان اغتاض .. وراد يروح لحاكم بس ام يسرى كالتله : يو رحت وتعاركت وياه شنهو النجني غير يطرد بنيتنا و تطيح اعلى افادنا ، هدها خلها تولي ، تكد اعلى روحها و اعلى بتها .
وراحت بنفسها لسلطان خاطر تخليه يهد هدية لخاطر يسرى .. ورادت تعرف منه السالفة خاطر تبري بتها وما تخلي كواغد تتهم ابتها .
سلطان ما راضيي يحجي و يكللها وصلني ..
ونجمة مرته ندستها و كالت الها: الحجي بيناتنا ، مرت سرحان هي الوصلت الخبر السلطان من كونها مغتاضة من وجودة هدية بالمعمل .
خذت هالحجاية هاي ام يسرى و ذبتها بحلك كواغد و برت بتها من السالفة ...كواغد و درت مرت سرحان فاضحة بتها .
كضي الدرب وروحي لسرحان و عاتبته : عليش مريتك تفضح ابتي ، شنهي مشغلينها خاطر تفضحون بيها ، انا ما اتهمنك من كونك خيّر ومعدل لجنها من ذاك الوكت وهي تهدد ابتي ، ليما سوتها صكد و فضحت بيها بال ثجيل .
سرحان و درى بفخرية و مفتنة على هدية .. تسودن ، رد للبيت شايطة روحه ...
اول ما دش و لن مروان واكف اعلى الحوض يلعب بالماي و الدنيا شتا باردة تكتل.
صاح : فخرررررررررية ، فخرررررررررية
ركضت خاطر تعرف سرحان عليش يصيح .. ليما وصلت كال الها : جاهل يلعب بالماي بهالبرد ، وين عنه انتتتتتتتت .
- داخل انا جنت احجي ويا عمتي هسه اخذنه ابدللة.
- اوكفي عدج .. شموصلج لال ثجيل و تكليلهم اعلى هدية بت حاكم تشتغل بالمعمل .. انا حذريتج من هالسالفة يو لا ؟ .
- ما رايحة ولا كايلة .
- انا حذررررررررررريتج يو لا
- تصيح علي شمالك .. كل هاذ جيف ال ثجيل عرفو بهديوة تشتغل عدك . جا من كونك خايف عليش مشغلها.
ويا ما حجتها وصفكها اعلى وجهه و كال الها : تلمين غراضج و ما تظلين عدي .. و يو ظليتي وعلي اطك ابالي اذبن يمين الطلاك اعليج واطلكنج.
كامت تبجي وتصيح .. وامها وكفت تداهر ويا سرحان .. حجه ويا امه كال الها : ارد ما الكاها بالبيت ، و يو لكيتها البيت هاذ اهدنه فوگکم.
طلع من البيت وراح للمضيف و هو يحجي لعمه اعلى سواية فخرية و كاله : اعذرني ما اريدنها ابيتي .
عمه ما رضى وكاله : انا اجتلها وادبنها ، بتي تمش لال ثجيل و تحجيلهم اعلى اسرارنا ، غير احطن ظهرها علوة نصه و اكسرنه الها.
سرحان من شاف ردة فعل عمه وياه موش ضده .. وراح للبيت وتعارك ويا بته و طكاها وغلط عليها ، رغم بته تحلف ماماشية لال ثجيل .. بس صف ويا سرحان اعلى بته .. سرحان استحى بعد يصر اعلى طلعتها من البيت .. ظل هاجرها و داير عنها و ينام بحجرة ابوه الشيخ و هاد الها الحجرة .
بس هالمشكلة هاي تسببت بشرخ كلش جبير بين سرحان و فخرية .. من كون هاي اول ردة فعل لسرحان ويوصل لهالعصبية بس لأن اعتقد فتنت على هدية ورادت تأذيها .
هي زادت بحقدها على هدية و هو زاد ابعده عنها .
وملوك ارتاحت لهالوضع .. ساعة الهان فخرية و متجاهلها و ما يعاين الها ، تمر منها و تحاجي بجنتها و تكللها : حجاية اعلى هدية كلب البيت فوك حدر وخبطها .. جا يو خذاها و خلها عده .. شيسوي .. يعبدها ؟
اشوفن بسرحان ينعاد بيه الوكت و يصير مثل ابوه ساعة العشكني و فضلاني اعلى الكل و حطاني شيخة فوك روس الوادم .
وفخرية تتسودن و تووعد لهدية .. خاطر تبعدها من سرحان .
......
راديون : من ساعة الرديت لعيالي و لهالساعة و انا بالكوة مخلصة ايامي وياهم .. عمي لا راضي اشتري اخشاب من كون فلوسي من سرحان. . ولا هو المشتريلنه .. وظاله اشدشد غريضاتي بوصل و اسويهن كوار وبقج .
بس اكولن تهون لجل عيون بسام من كونه زين وياي و عاشكني ، ما طب و طلع لا ما غازلاني و يسمعني هالجلمات التطير افادي و تخليني اعشكنه.
وفوك حبه الي .. حبه لبت اخوي ..
يو اشتغلت و لهيت عنها يشيلها اعلى اجتافه و يطلع بيها للزرع يلاعبها و يخلي الجهال يلعبون وياها .
تبجي و تخلص الليل بجي .. لا شكى منها و لا كالي : بليتينا بهالبت ، يظل حاير بيها وياي ليما نحطها بوسطنا و تنام .
وتصرفاته هاي تزيد بعشكي ليه، واكومن احبنه ازود من كبل.
لجن وضع اهله صعب كلش ..
عمي سلطان ما ينجرع .. يو صبحينا لزوم نكيم طقوس الطاعة ليها و نحب ايده وراسه ويظل يوجد بينا ياهي السابحة ، ياهي الشعرها مبلل ياهي الثوبها مغيرته.
وجسام شغل ما عده .. كاعد بالبيت ومناطر اخوه جاسم يدبرله فلوسه خاطر يطيه و يشتغل بيهن ، وكاعدلي بالبيت كعدة.
وانا موش مثل كبل بالاسود
من نزعت حزني اعلى اخوي .. كمت ما يمر يوم لا ما البس و اتزين .. من كون هاذ طبعي احبن ادري ارويحتي من جنت عد اهلي و لهاذ عمري. .
يو فزيت من النوم غسليت وجهي ومشطيت شعري و عطريت روحي و كحلت عيوني و حكيت اسنوني بالديرم و حطيت الحمرة .. و طلعت اكمل يومي
وجسام يو شافني هيج يتسودن و يكوم يدور ختلات خاطر يجرني ليه .
جم مرة بمرة نسوان حمويني يكضنا بمجان و هو يجرجرني ، و يروحن يشكن لعمتي نجمة و عمتي عدل وكبل بحلك سلطان ... يسبينا سباية بالحجي و المعاير.
خو اذا شافني سابحة الصبح .. جا شيخلصني منه ، ذيج الفشاير التكش منها الاذن .. يفشر بالقلم العريض علي جدام حمويني و كل جلمة يذبها يخليني اسبح بمستحاي جدام الولد .
صديت شفت ما ارتاح لا ما اعزل لوحيدي ..
انا عدي فلوس خير من الله ، حطة ابوي من الورث عد.
سرحان يو طالبت بيها ما يكلي لا ومن عين باجر يبنيلي بيهن بيت.
وهم هواي ..
بس سلطان عده فوك ال٩ ولد
وولده كل واحد بيهم متزوج اثنين و ثلاث .. وفروخهم سرب ..
ظليت افكر هلبت الله يقنع جسام و يرضى نعزل لوحيدنا و انا مستعدة اطيه شكثر ما يريد .
جنت كاعدة و حاطة الوسادة اعلى رجلي و منتجية للحايط و منومة وسن اعلى اجدامي ومدثرتها و اهزن بيها خاطر تنام .
دش جسام للحجرة و صك الباب وراه ، عاينتله : هلا يبعد حيلي كله ..
- يفداج حيلي ... شششش باردة
- كرب تدثر وياي بالبطانية.
تكرب و كعد وهو ينشد : نامت ؟
- لا بعدها اداور بعيونها هسه تغفى ، اكلك صالي ساعة افكر .
- خير ان شالله.
- لا خير .. اكولن يو نعزل لوحيدنا .. شتكول.
- بسم الله يا الله تونه اجداد .. حتى فرخ جاهل ما عدنا .
- اي صحيح بس جسام انت تعرف عيشتنا ويا اهلك ما تنطاك .. وابوك شما يمر بعمر يزيد ما ينكص.
- شني هالحجي رويدا
- موش كصدي احجي اعل. اهلك والله لجن تعاين الحال .
- و شبيدنا
- بيدنا نطلع
- اخوتي كبار ما طالعين ، انا اطلع .
- واخوتك مرتاحين ؟ ما تعاين حالهم .. حال اردى من حال ، شنهي ننطر نصير مثل حالهم .. ١١ فرخ بحجره.
- الله كريم .. تفرج .
- بس عليش ننطر واحنا نكدر نفرجها اعلى ارواحنا ، ابوك هيج هيج غالط ومفشر و مكسر فوك روسنا ، خلنا نعزل و نطي حجرته لواحد من اخوانك.
- رويده هالتشوفين وضعي لا شغل ولا عمل و ناطر جاسم هلبت يطيني فلوسي ، منين اجيبن ؟
- من يطيكياهن .. جيبهن والعدك اعلى العدي و نلمهن ونبني بيهن يو نشتريلنا كاع ، انا حصتي من ابوي جثيرة شفايدتهن يو ما تهنيت وارتاحيت بجالهن.
- وانا اروحن اخذ فلوسج و اشتري بيهن شمالج تسودنتي .
- جسام شنهي فلوسي و شنهي فلوسك .. انا بت خير وما اهاين لهالامور .. المهم عدي سعادتنا ، خلنا نلم فليساتنا و نعزل لوحيدنا ولا فشار ابوك ولا بسبست نسوان اخوتك و فتنتهن.
- ما صالج شهر و تضايكتي
- لا وعلي موش هيج .. بس انا صفنت بزماني وكلت شفايدة الفلوس ضامتهن واحنا هاذ حالنا ، مامش فرك بيني وبينك ان جان منك يو مني ، انت بس وافك .
- هدي هالسالفة هاي يبعد روحي ونومي البت بمجانها غفت .. و كربي ليجاي خل افرش هالشعر هاذ و انامن .
ما اقتنع و ظل يسوف بالحجي ليما سكتني و نمنا
صبحينا الصبح باردة ثلج .. حميت ماي و سبحت كبل كعدت الكل ، لجن حظي ويا طلعت سلطان من حجرته انا الخاولي اعلى راسي .. اركض لحجرتي .. وهو صارت عيونه بكصته .
دشيت وانا اكعد بجسام .. وكلتله : ترا ابوك شافني وانا الخاولي اعلى راسي ، تحضر للحجي هههه.
تبسم هو وكام اعلى حيله
مشى يغسل .. وانا مشطت روحي و تعطرت و كعدت وسن بدلت الها وكعدتها خاطر امشط راسها و اسمع سلطان يتعارك .
بعدت راس وسن من عدي و جاي اكومن .. فات جسام عاكد حواجبه و روحه شايطة : هاا تولاك ؟
ما رد علي و كام يلبس بملابسه عدل و ينشف بروحه ، مشطت وسن و سلطان يصيح ، كمل جسام وانا خلصت .. طلع كبلي وانا وراه اسدن بالباب .
ورد تلكاه سلطان ؛ هااا دشيت اخذت المقسوم .. اطتك اللهاية .. ارتاحييييت يو لالة
- بويه بسك النسوان منا عيب وعلي ، دشيت بدلت وطلعت ، ترا ما صايرة هاي .
- انا ابوك تكلي عيب عليك ، ولك جسيييييييم ، ترد بوجه ابوووووك .
كام اعلى حيلة و جاسم و نعمة يجرون بابوهم و يهدونه و سلطان متسودن شلون جسام يكله عيب .
اندار علي و يصيح : الكح*** فاكه روحج ليه ما تسحون اعلى ارواحكم يومية الخزان متروس من حدر سوالفك الغمة .. يو شفتج سبحتي يبت ضويحي بعد الا اكسر هالعوجية اعلى روسكم .
صرت بنص هدومي من يحجي هيج و يفشر علي فشار ما يخطر اعلى البال، مشيت للمطبخ وانا محتقنة ، روحي واصلة لخشمي .
لحكتني نجمة و هي تكلي : تراه حكه ما تستحين اعلى روحج طالعة جدام عمج الفجر و الخاولي اعلى راسج.
- جا انا متعمدة ، غير طلعت من الحمام و هو جدامي .. قابل داشة لحجرته و كايلتله شوف الخاولي اعلى راسي.
- السانج السان كاولية ، لجن ما عتب اعلى بت ضاحي الحرامي .
- بسكم سب و شتايم بجدي ، ياهو البيكم يوصل جدامه خاطر تشتمون بيه ، فحل من فحولة ثورة العشرين و الوادم كلها تحجي بخيرة و فضله اعلى الوادم ، بسكم .
طكتني اعلى وجهي و زادت بشتيمت جدي و تصيح : يو وصلت حجايتج هاي لسلطان الا يخلي دمج بطولج يالما عدج حيا .. كل وكتج تدحسين و يا الزلمة بحجرتج ، لا حاطة كدر لجبير ولا تكولين عيب من واحد .
ظلت تغلط و تفلت علي و مشت ، انا سكتت بس دموعي كامن يتجارن .. صبينا الريوك للولد .. و جسام كاعد مغندب ، عاين علي ساعة المديت السفرة ، شاف وجهي وعرف انا باجية .
ما تريك .. كام من الريوك ..
صاح سلطان : تلحك اعلى ****** اكعد .
جسام : انعل عشيرتي كلها واحد واحد يو ظليت بهالبيت ساعة ...
كام سلطان اعلى حيله و هو يصيح : تنعل العشيرررررة ولك جسييييم .
نعمة : بويه بسكم خلنا نتريك بهنا ما طلع صباح هاذ .
- ولك ينعل العشيرة ، ولك هااااذ اغم يمشي ورا ذيال مرته .. انسجن بسبب صاحبها وبعده رايدها ابو كرون .
جسام كام يصيح و يدفر بالبيت و يصيح : ما اظلن والله ... روووووووويدا شدي اغرلضج ياله .
نعمة : ولك استحي اعلى روحك تصيح وابوي جدامك شنهي تسودنت .
- اي تسودنت ... وخليت العكل الكممم ، انا ابو كروووون ، انا مكرىررن ، بس ابوك داس بمصارررراتي بس ... فاضت روحي من قهره اعدي واكولن ابوي بس ليمتهاااااااا .
سلطان : دعدي باب البيت و اطلع و شوف ابوك شيعمل بحالك .
جسام : ما اظل ، يو اعيشن بصريفة مااااا اظلن بهالبيت ، من الصبح توليتني اعلى السبح و فشارك علي و اعلى مرتي .. وتختمها علي بابو كروووون بسك عني .
كام سلطان و بكل قوته ، وطك جسام بعوجيتك اعلى راسه .. ارتفع الصياح ما تعرف من صياح جسام لو اخوانه اليجرون و يفازعون لو النسوان و الأكل الانداس و الجهال التتباجة .
جريت وسن و دشيت للحجرة ابجي
وعلي يو ادري هيج مصيبة لضلن بوصخي ولا اسبح و يجرى علينا هالمصايب هاي ، كمت ابجي بهداي وانا جارة بت اخوي ومكعدتها بحجرتي .
دش جسام للحجرة و هو يصيح علي و يكلي : لمي اغراضج و كوميلنا يااااله .
- وين نروح
- كوووووووومي جاي اكلج
كمت بساع و انا المن هاليطلع بيدي و دموعي تجري و هو يصيح و يسمع بابوه : بعت اخشابي و كلت اسكت بعت سيارتي و صميت خلكي خذيت الجواي و الوراي وكلت ابوي ، تفشر و تغلط كل يوم واكوووولن ابوي ، جزعت كااافي ، يو ظال بالسجن ولا سجنك .. جزعتتتتت جززززعت .
كربت منه خاطر اهديه لجن نار وما يعاين احد دفعني و هو يصيح : لمييييي بساع .
المن و دش سلطان ، وهو متجي ايده اعلى العوجية و يمشي بهداي ، وكاله : تهد ابوك تريد ولك و تعزل بمره .. تهد ابوك لجل مرة يجسام .
جسام : عووووفني رحمة الوالديك بويه هددددني ، اعتبرني فاطس بالسجن ومست ولا تعدني من ولدك ، هدني ترا بالقران جزعت اطلع من السجن اشوف الدينا يو اشوووف الضيمممم
ويا ما حجاها وطلع الكتب من حدر سترته و ذباهن اعلى الفراش و كاله : جرب اطلع و عدي عتبة الباب .
جسام ظل يعاين للكتب ، ما استوعب اول بداية شيقصد ابوه ، ظل يعاين اله و يعاين للكتب ، تذكرهن ذني مالاته ... اندار لابوه : تهددني .
- الولد اليهد ابوه لجل مرة موش ولد وموته اهون اعلى افادي من يفضل علي مرة و يمش عني ... يو فكرت تطلع عن طوري ، بيدي اسلمنك للحزب و اخليهم يعدمونك انت وهاي بت ضويحي الحرامي ....
رواية كحل عرب الفصل السابع والستون 67 - بقلم زينب ماجد
رواية كحل عرب الفصل السابع والستون
انقلب السحر على الساحر )
عمت عين الليالي
وهجم بيت الموت...
يتخطى الرعيع و باخذ الماجد .
(عريان السيد خلف)
تهددني بويه وانا ابنك ؟
واكسر رجلك بعد ، خوش يو لا ... الابن اليطلع عن شور ايوه عالق موش ابن وحده الجتل .
حجاها و اندار بخطواته التكيله وهو متجي اعلى عكازته و نطقته فولد راسه ذايها منا و منا ... وطلع .
اندارلي جسام متعجب و هو يتسائل : السمعته صحيح يو انا اتخايل ؟
لا تزعل بس هاذ موش آب ، ابليس ما يسويها ويبلغ أعلى ابنه .
كعد بالكاع و هو صافن بدنياه وما مصدك ابوه اللي هدداه : ياخذ فلوسي - يضغط على يمشيني بشوره اكولن ابوي .... بس تصل بيه المواصيل يهددني بالموت .
عاينت للكتب جدامي و هو صافن الهديت عليهن كضيت اول كتاب طريته ، الدكت الباب
وفاتت عمني نجمة : ابوك يريييبي .........
قطعت حجيها و هي تهد على وتاخذ الكتب من عدي و تقشر على و تصيح : كح..... براسج نگسرین جلمة ابوهم، يو ما الحية انت يصير هيچ بين الابو و ابنه عساها بحظك وابختك يضويحي الحرامي
کام اعلی حیله جسام و وكضها وصاح : انت الربيتيني وبحسبة ابنج صافه وياه و هو يهددني . ولو اذا هو ابوي و هدداني .. انت شترجي منح .
ابولا هاذ بو يسحك اعلى راسك تكله زيد بويه موش توجف بوجهه لجل مرة ، انا موش هيچ ربيتك .. اصحى اعلى زمانك جسام يمه الواحد من يطيح ما تسنده مرة وابوك و اخوتك عزوتك
.. شنهي جلمتك و تريد تطلع تعزل ولك ...
ما اظلن هنا لو مو تهددوني ، يو تصلبوني ، ظلة ما اظلن .... خوووووش .
عافها وتعدانه وطلع ... وهي كضتني لعبت بحالي لعب على الصباح و الفشار و الحجي - ليما دفعتني ليبرا خاطر امس اشتغل .....
طلعت وانا روحي واصله الهامتي اشتغل وافادي موجر ... منين ما اجيبتها ، اخافن اعلى جسام لا صكد سلطان يسويها وينقذ تهديدة ، جا وين نظم رواحتنا من الامن وهم يدرون بكل شاردة
وواردة .
الظهر رد و عيونه بكصته ، وانا انوم بوسن ... خليتها بفراسه و كمت ليه وكنت اله : لا تضايك روحك ببعد حيني ، جا شنسوي نصير والله كريم .
ولج ابوي ابوي ، تفهمين شنهو يعني ابوي ؟
اعرف والله اعرف بس كلي شتسوي ، اذا قهرت بروحك حليتها ، جا موش انت تصلي وتصوم وتعرف الله يختبر الوادم والله جاي يختبرك بابوك خاطر يشوفك شنسوي.
ظل يعاين علي وبعده الدوخة و التعجب بعيونه .. حبيته بخده و كلتله : خلني اكومن اصيلك غدة ، تاكل و تسند جبيدتك ، وربك يحلها ، جا هي يو نظل اعلى بنادم ما يحل شي .
لا دايخ خليني الامن .
نام سويعه وكام : أنا لزوم اشوفن حل .
و شنهو الحل .
اروحن ابلغ اعليه و اکونن ابوي عده کتب و جاي يهددني بيهن .
اسم الله الستار ربي جا ما راضي اعلى فعله تكون انت تفعله . خليت له ؟ .. اشكر الله وصل
اعلی محمد .
و شنطر ... يخليني عبد عده و يهيني و يفشر على ليما اطك روحي يبلغ و يعد مني ، مامش حل.
جا موش كتلك يحلها ربك انت بس اصبر وربك يحلها لا تخاف ، بالاول خلنا نتفك .. لا
نضایكه ولا تحتد وياه شما يحجي يا اذن صمي سمعج .. ليما ربك يفرجها ..
فالوضع هاذ ما احملته ...
ميخالف يبعد خيلي دوس اعلى روحك و احمل الخاطري .
ظليت اقنع بيه و اهدي وهو يفور .
حاکم : هااا الله بالخير .
سرحان : اااااااهلا الله بالخير والرحمة ، هلا بيك ابو ستار ، تفضل .
والله يابو مامون ... اجيت اعليك بشغيلة .
محلولة ان شالله ، جااااايكم يزلام .
الله يعلي علومك .
ام ستار شئونها ستير شاهو حاله
الكل زين لجن ستار لا تجيب طاري .
فراري ادري .. عليش ما نخلي يرد لا يروح يوهدتكم بمصيبة .
والله يابو مأمون الضنا عالي وهم شامرينا بحلك الموت ، بو اكثر اخذ مجانه ، اروحن وعلى ،
لجن ما يرضون و ظال اجيبنه منه و اهدته هنا، ويوم عدنا ويوم عد اخواله .
الله كريم ، تفرج ان شاء الله وتكضي الحرب و تصير سوالف وربك .
بعديش بيو مامون ، خذت تلتين حيلنا ، وشبابنا يومية تابوت ما خلت أعلى حالنا حال .
هاي بعد شنسوي، منهي طلابتك كول .
والله اجيتك بسالفة ام مؤيد انا اعرف قسمت ویاها و طلعت اعصابي لجن تظل مريتي و المرة عزيزة بيو مامون ووفريخاني عدها ، ما يصير هي غاد وانا هنا منهجولين .
تريدنا نمش ليغادي نجيبها ...
- والله كلت اخذك انت والوجوه الخيرة و نروح مشية ليهم .
- تامر ابطن عيني .. الجمعة بحيل الله تطلع لبغداد انا وياك و عمي .
ما تكصر يبو مأمون الله يطيك العافية.
اعلی راسی پیوستار، جا انت وحيد منا .
- الله يسلمك ..
هدية : جو بعدة أحوكن بالمهفة .. وجمارة و نوسة كاعدات يمي، جمارة تنطك بيها وتكللها كولي : جمارة
وزیج تردم وراها .. و امي امدده احذاي و بنات ستير يلعبن .
دش ابوی و حجه و يا امي اعلى سالفة رجعة ايمان ، كالتله : جا و الدين؟
حاكم : نمش ليهم ونشوف شنهو رايهم ، جا انا كايل الها اطيني غاصبها .. عطية و تزقنيني بيها .
تريدها تصير علي كل ما يصير عدي انا وشها.
ما اظنن اخوتها يرضون .
والله هاذ العدي، ما رضت اجيبن فريحاتی واردن .
- تأخذهم من امهم.
اي اخذهم ، نريدهم تجيهم، نريد فلوسها تكعد ابيت اهلها من ادير من اطيهن آنها و جهالي عدي .
المرة الخلاف ضناها ما تعيش .
ما عدي غير هالحل ، انا هم مليت ... صارلها جم شهر عاد وجهالي مبعدين علي ، مشتاك الهم
مشتاكلين ليمتها نظل أعلى هالحال .
جاي يحجي ابوي ، تدنت اعليه يسرى ... و كالتلي : يعني ترد ليجاي ؟
جا وين تروح
واحنا ما عولينا نفتك ، ترد ترجع علينا ..
تقتك عليش ، جا ایمان بنيتنا .. وانا احينها ..
الحجي هاد شاهو جا منهو الحبحب الادين خاطر ابعدها من ابوج .
بصرختي الدارو على ابوي و امي ، حجت امي : شكو ؟
هدية : شوفي الفلك .. تكلي انا بعدت ايمان عن ابوي .
حاكم : شني الموضوع شمالجن .
کامت پسری بساع و مشت، حجیت الا : والله بويه ما اعرف ، تنشدني شتهي الرد مرة الاخرى.
وكتلها الحيتنا وانها تتهمني مبعدتها عنك .
طلعت بسري : انا اتهمنح بو انت الأجبني وتحیحیین بدی و رجلی و تکلیلي ابعديها منا خاطر
ابوي يحب أمي .
كواعد : واجن شني هالحجي هاذ .
يمه علي العباس ان جاني مسوية هيچ .
عليش تحلفين جذب تراه العباس مو شوية وشارته اطك بالكاع موش انت الاجيتي اطلبين مني اسوي سحر لابوج و جريتي دشداشته من الحمام خاطر اوديه للمرة الأعرفها و تبعد يسرى عنه
علي العباس انا ما مسويه هیچ ، عليش تجذبين . انا كلت الج عكد محبة ... خاطر تتحسن
العشرة بينه و بين أمي .
توج تكولين ما مسوية شي وهسه عكد محبة ، شنهي تستحين تكولين انا سويت سحورة بو يس على تذين بلاجر .
حاكم ، ولجن بنات الجلاب ، تفهمنه شمسويات لا وعلى احطن اركا بجن و اكصمها .. سحورة
شاهي محبة شاهي .
امي ظلت تعاين بالوجوه و انا عايفتي خرطت ، ماي ما ظل بوجهي و احلف اله واكلله : بويه وعلى كالتلي ما تخليني اسوي لايوج محبة كنت الها و يصير زين و يا امي ويجبل اعليها .. كالت
يكوم يعبدها وانا صدكيتها و كلت الها سوي .
جذايه عمي وعلي، من عين سحر موش محبة رادت وراحت جابت دشداشتك النكسة البالحمام و تحب بيدي خاطر اوديها للمرة تسوي العمل اعليها وتبعد من ايمان.
يااااا مرة ولج ، موش انت السويتي .
لا انا شني اسوي سحورة، كلت الج هكو مرة و انت دكيتي الا تسوين سحر لابوج .
كواغد. من دهر الدهر جن كور ولجن شني سحر شني كطع ، انتن شمصخمات .
حاكم الزبدة شبهي يهديوة، من يمتى ولح تسوين سحوووورة .
بويه وعلي انا مالي غرض
يسرى : جا يا هو اله غرض شنهي تريدين تذبينها براسيبي .
ونعله يكوم اعلى حيله و يكضني من رأسي ويجر يسرى من جنفها وكال : كعدن جدامی و ما تنطكن حرف لا ما اكلجن .... احجي هديوة سنهي المسويته
بويه وعلي ابن ابي طالب شفتك ما تجبل اعلى امي و امي مضبومه و القهر جاتلها حجیت و یا پسری و شکیتلها کالت اتسويله محبه ، انا كلت ما بيها شي ، وطلبت مني اجيبن دشادشتك و انا
جبتها من الحمام ...
توني حجيت و جر راسي للكاع و طكالي ، و تولالي جتل ، عمر ابوي ما طاكني هالطكة ، ازود
من يوم الفضيحة مالت فليح .
وامي طاحت بيناتنا و تفاكك بينا ، وابوي طيك امي وياي و يصبح : ما تعاينين بناتج
شيسوووون ، تسحريني انت وبناتج يكوييييغد ، هاي تاليتي بنائي يدووووورة سحورة و يسحرن ابوهن ، كله من حدر راسح ظاله هدد لا تعاين بت ولا ولا ولد ... ظالة شكالت الهوايش
شحجت الروبة شعملت القراااااية و عايفة بناااااتج ..
وامي تكله : جا رديت علي انا ياهو ماتي، موش حالي حالك سمعيت منهن ، انا يو ادري ارضى
بعد ییییش ، بعدددددردیش، بنج مسويه سحووووورة تعرفين شنهي تسوي سحووووورة . يعني الحس من الكح....... من كون الكح... تكلك انا كج... ما تشتغل من جوا ليجوا ونذي الوادم .
صاحت ایمان و کانت ساحراتنی و ما صدکت، انا معيشها وياجن يل الما تستحن اليوم اسرد جن وعلي اليوم .
وظل يروح و يهدد و يجتل بيه ، جرتني امي وجمارة من بين اديه ودخلني الحجرة لالة ... وأنا ابجي .
وابوي يصيح ويعربد بالبيت و يكللهن نالي شيبي بناتي يسون سحوووورة ، اعيين أعلى الوادم و بني تعمل ها لعمااااايل .
طلك الباب و يسرى خنست بحجرتها ، ما كريالها ، ردت امي تغلط و تتعارك وياها و يسرى تكلها : همه تتعارکین و باي من بعد ايمان و خليته يغفي اعلى سليلج جنت انا العزيزة .
كوالغد : غدي منح و من عما يلج بالما تستحين أعلى روحي ... انا بدورج ولج ، اصلی و اصوم لیا وجه اضيع صلاتي لاجله و اخليج تسويلي سحورة، لجن ما تظلين بهالبيت .... بهالبيت هاذ ما تظلين بيه ، يو انا يو انت ، وتشوووف.
والله البيت بيتي وانتم الرديتو على وخذيتو مني وعشتو بيه ، يو تخافين الله ما تحجين هيچ و اطرديني من بيتي ، لجن كل خوف ومستحى ما عدجن .
انهدت امي و يسرى تكاصين صارن من الروس، وانا طلعت من الحجرة ، كضيتها و تناوبيت اعليها ، واعلك براسها و املح .
دش ابوی و ستار .. و احنا اعلى حالحال، فكوها من عدنا و هي ركضت و را ستار و تصبح : طكني وجعلني ترضووووووها ، ترضوها يطكني ، شنهو العملته انا ، لا سويتلكم شي ولا كربيت كل العمل من حدر راسهن .
هي تصرح و ابوي علك و يا امي معارك ، ستار هد مرته و طاح بين امي وابوي ، کامت امي ليست عباتها وطلعت من البيت وكالتله : خلي ايمان و پسری یفدنكم ، انا رايحة لاخوتي ..
طلعت امي من البيت و نوسه و حمارة يبجن ... اعلى طلعتها جمارة كامت نصيح و تصرخ و نوسه انخلست صريخ بلا وعي .
دشيت بحجرة لاله ابجي .... و ستار كض يسرى قطعاها تقطع، سلاها سل ، وشالها هي وبناتها طرداها من البيت ...
وراح جاب لالة واجا حطها بالبيت ، انا بحجرتها ابجي ، ساعة الدشت كالت : هااااا ولج ، شعار عمتي تبجي و انت تيجي و عمي و ستار غادين نار شکو ؟
انا غمة ، امداني امداني الف مرة ساعة الامثبت بيها ، المثلها يتأمن.
جا غیر تکلیلی شکو .
كعدت اسولف الها و احلف الها ، حجت لاله : ایمان عرفت كالت مسوياتلی سحر وما صدكيناها . وعلى ما اعرف سحر كالتلي محبه و انا امنت كلت هليت يحن كلب ابوي و يجبل اعلى امي . انا تعرفيني احبن ايمان ازود من يسرى، و احبن فريحاتي تظنين بيه اذيها ..
دية تعرف يسرى و تعرف عمايلها ، لحن الذنب ذنيج المثلها ما يتا من بهديوة .
من عيني غمة، وعلي يو ما غمة ما امن، حجت وياي جلمتين حلوات صدكيتها .
تشوفين ديه .. وعلي هاي حوبة ايمان لماها ترن بأذني ساعة الصاحت من كل حيلها و دعت علينا وكانت دعوة يتيمة ما تتعداكم..
خلت البيت طشاره لذاك الصوب من كونها مظلومة.
جا كليلي شلون احطن وجهي بوجهه ، و المصيبة أبوي ، مالي وجه جدامه .
هدى الناس ديه و استغفري الله ، من كونها مظلومه و انظلمت .
انا ما ادري والله ، جا ادري بظلیمتها و ارضى، ووكديت اعليها من كونه سحر و نترت بیه و هي تكلي ( موس كلت الج لا ) ياله امنیت .
الله كريم ميخالف ديه ، ان شالله تدخل .
شتنحل و البيت غده تراب .
تراب ولا يسرى موجوده ، خلينا نفتك .
كمت من الحجرة ... وهديتها اللاله تاخذ راحتها .
ستار كعد بالحجرة مالت لالة ... جمارة جانت ترش بالباب و مكعدة نوسة اعلى جذع النخلة .
خاطر تخليها تسكت ....
شافت سيارة الأمن من بعيد ....
جميرة نجرة بساع دشت و وكالتله : ستار امن اشرد .
هاذ كض شماعك و اطفر من البيت .. صفوا الأمن.. وانا كمت احفك ... لا ابوي ولا امي بالبيت .
ركضت اعلى اعبيتي لبستها.
دشوا اعلى البيت و هم يصبحون : الهارب ستار حاکم خضير، وينشته.
لاله : يا خوية شعرفنا جا غير بالعسكرية .
تلعبون علينا ... ستار هارب من جم شهر .
لاله : يمممممه فلك الفلكني ، جاااا زلمتي وينه
هدية : يعني اخووووي مامش ، دخيلك ربي، يممممهمه.
کمنا تنصایح و نتیاجی و جمارة كامت ادمع و كافة بنوسه خاطر لا تخاف، و هم ما خلو زاوية
بالبيت ما فرد شوها .
خلصوا تفتيش و مامش اثر اله من كونه هو اعلى باله فالامر ما ادري شمتاني بحاله هاذ بس
كون ما يروح ليغادي ويموت بالحرب و ظال يتخويل منا ومنا.
حجه الشرطي و كال : لو عرفنا جاي تظللون العدالة ، حسابكم عسير
لالة : يا خوية من عينه اليظلل ، جا احنا كلنا بحماكم الله يطيكم العافية ويديمكم اعلى روستا
هدوا البيت و طلعو
التبين بلاغ جاي على ستار ... ولالة كالة مامش غير مرته يسرى ... ما كفاها سحورتها هالدور
راكضة ورى عمر الزلمة.
ليما طلعوا ارواحنا هرطت من الخوف، كعدنا نتياجي ، ليما اجا ابوي تالي الونه ينشد بينه شلون
دشوا علينا الامن و احنا مامش احد موجود بالبيت .
ظلت لاله وجمارة يشرحله السالفة بتفاصيلها .. انا تجيت اعلى كثر ما كربيت منهم ، أعلى سالفة
يسرى مالي وجه احطنه بوجه ابوي .
حجزت روحي بحجرة ايمان ظليت جو يعدة بيها ، لهناااااك دش ابوي شافني بيها كال : الج عين
ولج و كاعدة هنا.
ما رديت على ظليت ابجي ، هدني و مشى نام بالهول ... وانا هاذ الليل من كونه غفيت أعلى كثر ما يحيت
ثاني يوم ... كعدت الصبح ابوي طالع غباشي ما تعرف وين ، انا ما اشتهيت الزاد كلت الاله : ديري
بالح اعلى ابنيتي وانا اروحن .
لاله : جا ما عرفته علوم ستار شنهي ، خاف خذوه الامن دية انا افادي مشوش اعليه.
دام ابوی غیش تلاگينه طلع بدوره .
جمارة : وانا ياهو البوصلتي للمدرسة وامي ما موجودة ؟ حتى ابوي مامش .
دكومي وياي امشي اروحن لبيت خالي اوديج لامي تاخذج .
خذيتها ورحت لبيت خالي صلاح ... امي موش عدهم ، يمكنها عد خالي جبار، رحت لجبار
ومامش ، يكلي : يمكنها راحت لبيت عليوي .
دشوف الحظ و انا اظان افرن اعليها وهي مامش .
- وهسه شلون ؟
امشي وياي للمعمل اخذ رخصة و امشي وياج ليغادي ، بس انا ما الدل انت تندلين ؟
اي اعرف المجان وين .
جا خوش امشينا
طلعت انا وياها بالمعمل .... دشت و یای حجیت و یا سرحان، کال : خنجر راح يجيب ريول ... تالي يجي وياخذها بسيارتي عليش تروحين انت ليغادي ، شيردج توحيدج .
جا بعد احسن .
اندرت ليها و كلت الها : اكعدي هنا ليما يجي خنجر .
تبسمت هي ، من فلك الفلكني جنها طابتلها السويلفه، هديتها ورحت الشغلي ، دكايك و اجا خنجر
اول ما شافها صاح : لك دشووووف ياهو هااااان ، شلونج جلجول.
غندیت هی و سرحان کاله موش وکت سوالف ، هاك السويح ووصلها للمدرسة ، باله اخوي
اي خادم للمصليخين ، يااااله
جمارة : شني منا الناس لا تغلط.
ضحك سرحان و خنجر يكلها : دمشي عيني ، لا تغلط ، لازم تحترمها الدكتورة ، امشيبي .
مشت و هي عاوجة خشمها ، انا دلكيت استغل بعد ..
خنجر : اي شلونج
- شلوني ، هاذ لوني
ایباااااه صايرة تصنفين ولج .
علي عليك العباس بسك تعيب علي، والله حوالي يكلولي صايرة تسودنين العكل من جمالح .
جا ما يمدح البت غیر امها و خالاتها.
ما عدي حالات شتي تسمع صفح، خوالي خووووالي.
مامش فرك
شني عمي وعلي اخبل ، جا غير صويحبات امي كلهن خطبتي .
وعليش ما وافكني ؟
اريدن اصيرن دكتورة .
- خوووش نشوف تصيرين يو ما تصيرين .
اصير انا المدرسة كله تكلي انت اشطر وحدة احسن من حويرة و عذيرة و ونهيدة.
ذني منهنه ؟
دني يقارن منى عين انا اشطر منهن، يكللى بت ام الروبة و ام علاكة.
- وما شجيتي حلوكهن
لا سجلتهن بالكاع بس المدير كال افصلح .
غير الكه انعل راعية ، شحده يفصلح .
- صكد عمي .
وعلي اليوصلح بس كليلي علي .. أكضي كضيان.
جا خوش .
وصلت المدرسة و نزلت من السيارة و انا افكر اذا كربتي اكلن لعمي عليهن .... تونی جای اسکن
الباب ، صاح : جميرررة .
ها عمي ،
- احذب عليج ... انت احلى وحدة بالسلف.
تبسمت ليه ، عمر ليه وحرك السيارة وانا طار كلبي طيران، وامشي للمدرسة و اهوس ( شلون
ركصح بعما را هیچ و هیچ اما اجا )
هدية : مدلجة اشتغل و انا عكلي مشغول بغير مجان سرحان يفتر اعلى العمال ويتفكد .
وصلي حجه : شماله وجيهج يهدوة .
قزيت من امجيني بساعه : هاااه ، شني .
وجهج شماله يا هو الطاكج .
ها لا ، هیچ طحت .
هكو شي كولي.
- خلها الكلوب مجودرة يسرحان ما بياش حيل اعلى الحجوة.
ان جنتي معتازة شي ترا انا موش غريب .
يطيك العافية عايشة بخير الله يديمك فوك راسي .
ابوج اجاني خاطر نمش لايمان نردها .
بودي اروحن و اتعذر ليها .
عليش
غلطت بحكها بلايا علم واريدة ابري نفتي وياها ..
انا راح اذين الجلمة اعليه بحجة لزوم ناخذ مرة و انت خلي امج تحطج بالروحة و تعاي .. واذا
رضی احطنج اعلى راسي
سالم راسك الله يديمك أن شاء الله .
جاي يحجي دش رفيق حزبي للمعمل ... هدلي ومشي ليهم .. وظلو يمشون بالمعمل و ينشدونه
و يتفكدون -
احنا كلنا تو كفنا عن العمل احتراما للامن ، وطلبنا نعاين ليهم و هم يحجون، کاله : شکتر تحصل
من هالمعمل ؟
سرحان : خیر و بركه الله يديمها ...
والحزب شنهو حصته من هالشغل ؟
هم راعين الدار وبيهم خير ويدللون .. احته بالخدمه .
٩٦٧٠٠ من الوارد للحزب يرجع .
کول يالله بويه ، خو کلي صك المعمل واكعد ... جا شنهو ربحي رواتب العمال شطيهم .
لازم ما عاجبك ياااا شيخ
بويه مو سالفة ما عاجيتي الحزب فوك راسي لجن انا زلمة وهالمعمل باب رزقي ورق هالعمال .... شطي من ال ٣٠% اليطان ؟
خيرك و خير المعمل من فضل الحزب وآله الحصة الجبيرة .
الفضل لله بعد أبوك .. واحنا موش فکور و همه اتملت جيوبنا .. من الاولى شيوخ وصيتنا لذاك
للصوب عابر.
لا يفضل الحزب مو بفضل احد ، لو ما الحزب مان اعليك وعافي عنك ، لا انت ولا غيرك يكدر
يفتح المعمل انت نفذ.
حجاها و طلع من المعل ، سرحان ظل ميسمر بمجانه ...
حجه وياه ابو يونس : عمر جا هسه شلون .
والله يا عمي ما ادري ، اذا احبهم 9600 اطلع خسارة ويفلس المعمل.
بوية دامك شيخ والك عشيرة اتباع و عدك فلوس ومعامل وكيعان يشوفونك تشكل اعليهم
خطر، كل قوة غيرهم ما يرضولها ، بيدون كلشي خاطر يظلون مهيمنين اعلينا.
بلوة هاي وعلي ... معناها اعزل و اكعد .
جا وهاي الوادم وين تطى وجوها و شتاكل ، حو ؟
اخذوا اجازة اليوم وردوا لداركم، ومنا السبت الله يحلها .
كلمن سال غريضاته ، لجنه ظل دايخ بالسالفة ، طنوا كلهم ، تكربيت منه : همه شتي يعني البطل
والله يا بوية ما اعرف ، امني وعود الله كريم.
دار عنی و تهیس راسه افتر اعلى هالعلم هاذ .
بوشیت روحی و طلعت من المعمل رديت للبيت ، تلكنني ، لاله : هاا شو من وكت رادة
صارت مشكلة بالشغل و طشينا اطيني البت خلني اروحن اشوفن امي وين علمها ... ستار ها
عرفتي عنه خبر .
لا والله افادي نار المساع على ما رد ولا جابلي عنه علم .
جا انا اروحن .
شلت بني اعلى اجتافي و طلعت لبيت خالي عليون ، و يكلي راحت لجبار ، مشبت الجبار ...
لكيتها : هلا يمه شلونج جا ادور اعليج من الصبح ليجاي وانت مامش وينج ، من بيت البيت تنهي
وشعدج لا حكتني ، قول عملتح ولج
يمه طكيتوني و تهمتوني و طلعت انا كح... و انا كل السالفة كلت الها محبة بس ردت ابوي يحن ليج .
وانا شنهي اترجى منه محتة خاطر تدورين سوالف محنة ولج، وأنا من يمني أرضى هالامور .
وشحصليتي
ما حصليت غير المهانة، جا شحصليت، لجن يمه وعلى ما جانت نيتي اذي ايمان انت تعرفيني
احبنهت ، پس پسری
يطبخ هرش من كون تعرفينها موش ادمیه عایش تامنین .
تجيت عنها و هي ترزل وانا دموعي هلن بهداي ، اندرت شافتني ابجي ، تنهدت و سكت .... غیرت
الموضوع و نشدتني : جمارة راحت للمدرسة يو لاله ؟
اي خنجر وصلاها بسيارة سرحان، اجيت انشد اعلى ستار ما تعرفين امس شصار بحالنا .
خرطنا العافية وعلى بسبة هالعايقة سريوة.
خلاج صلاح مختله ایبستان الشيخ مطر ، بصريفة عاد ما يندلها احد و اجا ابوج عليه من عيشه و اخذ خاله و مشاله
باجر ابوي يمش لبغداد و اريد اروحن وياه .
خابية دركدي يم الدروب ، وين مطيه وجهج .. و عليش مصخمه بجمج .. استجلي و هدي
المتيريسه بحالها .
- يمه الصار وياها بسبتي انا الامنيت بيسرى .
درس الج مرت الاخرى ما تأمنين باحد غير بامج و اختج بس ذنی حفاظات سرج و سترج ....
غيرنا يدكنج طبول يبتي .
الله كريم غلطة و ما تتعاد، وانت يمنى تردين وعلى البيت ما ينطب بلياج ، بو دشيت اهیسته
موحش ويريد ياكلني من كونج ما موجودة .
جا بعد السواه ابوج و تریدینی اردن .
يمه ابوي تعرفينه عصبي لجن مامش اطيب وأبيض من كليه .. جا تحسين علي ساعة العصبية .
- هديها هسه ليما يروح لبغداد و برد .
جا ستار مامش و ابوي يروح .. وانت هنا ، نظل انا و البنيات لوحيدنا .
جا شمالج موش مرة
لا انت ما موجودة موش مرة اجيين البنات و تركد يمج.
تعالن
هنا يو أبيت خالي صلاح
خالج صلاح سخي لجن مرته قطعية ، بو كعدتي عدها ساهة ، كل شواي و طکنج اسمار و تشكي بوجه الله ما عدنا و نا عدنا ، خاطر لا تظلين عدها هالاجيت هنا عد جبير.
جا اروحن اجيبن البنيات و اجي
امشي و انظري اخيتج ترد من المدرسة باله تجيبينها و تجين .
جا خوووش .
رحت للبيت نظرت ليما ردت ... خذتهن ورحنا لبيت خالي ، وابوي اجا ابعادي شاقنا مجتمعين .
بس هو لا يحجي وياي ولا يحجي ويا امي ، سلم اعلى خالي جبار وكعد عده شواي ... و اجا
لامي و كال الها
انا رايح لبغداد اجبین ایمان
موفك بدريك
عليش هيچ تحاجيني معلك
- جا السويته شواي ؟
حكم على لجن انا من سواية بتج ........ قاطعته
لا تكول بنج انا منغله بيها وتذيها على ساعة الشين ، وبعدين انت ما تحسب اهلك و اخوتك و نسوانهم الكلهن سحورة ومامش شالفة شيئا ما جتنا من وراهم... جاي تلوم أعلى هديوة الامنت
ابت اخوك .
ومن كونك زلمه عادل و حافظ حك الله ... هديوة ما ينكسر خاطرها على و تمش به الدروب
هالیت تشوفنا انا وياك ملتمين.
ذنوبنا لا تحملها اعلى جناف ضنانا .. الذنب عدك انت.
همه بريتي الكل و طلعت انا المذنب.
لا ابري احد ولا اذين لوم اعليك خيلي مهدود و مالي خلك احد فكني واليرحم والديك ، و
هد بنياتي بحالهن وروح شوف ذيج هلبت ترضى تردلك .
الله كريم يكواغد .. الله كريم ..
طلع من عدنا و مرت خالي جبار تطبخ و تحط جدامنا و نسوان خوانی اجتمعن كلهن أعلى جية
امي ليجلي، صارت لمه من العمر وضحك وسوالف .
خذت أمي صينية من عشانا و مشت بالليل ودتها استير شافته و تطمنت عليه و حبته وردت النا .
ثاني يوم الجمعة ، من حاكم أعلى سرحان و عمه وركبوا وطلعوا لبغداد خاطر يمشون لايمان، لينا
وصلوا ليغادي ، استقبلهم لوي و جلال اخوة ايمان .
بدوها بحجي شغل و سوالف ، و سرحان ذي الحجلية وكاله : والله هیچ و هیچ الصار و انا ما عدي حل يو اطلع خسارة يو افضها و اعزل المعمل .
لوي : بيع و افتح هنا
الجان هنا والجان غاد شنهو اليفرك ، دام دول ورأي ما يطول غطاي.
يا خويه بيع المعمل ... وحط فلوسك ويانا وتفتح معمل هنا مال البان، و انت عدك مزرعة
هناكه و عندك فلح و حیوانات .. حلال تسمونها مو
اي
اي و شغل فلوسك هنا ابغداد ، و شغل بغداد يفوق المحافظات والاقبال عليها قوي كلش
والله ما اعرف ، من امس وليجاي وانا حايرة .
لا تحير ابو مأمون شنو السالفة ، احنا اخوتك ، عمي الله يرحمها لو صاير عدها ولد ما تحبه بكدك .
الله يرحمها ، جا ما طولني اخيك خلني استغل هالاخوة وافتح الموضوع المجبل عليه انا و
ها لوجوه الخبرة ... تحج عمي يو احجي
لا احجي علي انت شيخنا و بيك البركة
الله يبارك بيك ، أي يابو سرمد ... النا مرية عدكم و جاين ناخذها.
تاخذ عيوني بس اذا جان الموضوع يخص ايمان ، سده.
انا جا كللنا كومه و اطلعو من البيت.
لا حشاك ، بس سواية حاكم بأيمان مو هيئه يا بو مامون .
الصار صار و هم مرة ورجال، والمرة والرجال كلشي يحصل بينهم ياخوية ، الصبحية واحد يطك بالآخر وبالليل غطيني واغطيك ... جا هاي الدنيا
حتى لو بس ما توصل باخذ فلوسها و يخليها هیچ.
لا حدك يبو سرمد انا يوم التبرعت بورتها سبحان الله جنت موجود ابيته و هي التبرعت وهو ما رضى وكالتله انا شفعني الفلوس وانت هاذ حالك و امنه و هاذ من زود اصلها عينها بت
اصول و تعرف الأصول لجن موش حك اعليه شلون اخذهن .
لا والله ، ورثها يرجع ، مال ياكلهن علينا ، مو أولاد حجي منير اليتوكل حقهم .
ظل ابو فاضل يحجي ويمون عليه ، بس اخوها ما راضي يردها الا يرد ورثها ، كالوله آمنين
يجيبلك الزلمة يشتغل هو و عايلته و ما لاحكين اعلى العيشة )
اخر شي حدد الهم مبلغ كل شهر يسلمه الهم إلى أن يسدد ورثها كله ، و شرط رجعتها ما تعيش
بريف السماوة ، يا جرلها بيت و تعيش ابغداد هنا .
حاکم رضى يسدد كل شهر ، بس ايجار ابغداد رفض و كال الهم : انا جايكم و مذعن بغلطی و كايلكم انا الغلطت بحكها وساعة عصبية ، بس مال تحكموني و تركبون فوكي ، لا والله ، موش
انا اليحكمني احد .
جای تمثل على خايف عليها وابوكم اطاها اليه من جوركم ... يو دك في و حجي .. عيشة ابغداد ما اعيش انا زلمة عسكري وعدي عايلة غاد موش فاضي و ما اجي غير كل شهر يو شهرين عشرة ايام ... هادلي بت حمرة خضرة هنا شنهو معناتها ؟
ترضى تجي تعيش وياي غاد ... اهلا و سهلا ما ترضى
ما يلازم ... خلها براحتها دام مرتاحة ، بس الجهال اخذتهم.
لوي كاله : اي اخذهم ، جهالك ما النا علاقة ، بس رجعة ما ترجع للريف.
جابوها منا ردوها منا ، الأثنين صروا اعلى رايهم.
كالوا يا به جيبو الجهال خل ناخذهم .
ایمان و خذوا جهالها منها ، كامت تبجي و تلطم و طلعت تتوصل بحاكم تواصيل حتى يعيفهم عدها .
ساعة الشاف دموعها وتواسيلها كال الها : بويه عليش هالدموع، ذوله الفريحات عدج خلهم حدرج ، واذا انطر ليما الله يهديج و تردين ايه جا نبيدي بعد ...
عافها وطلع ورجع السماوة
بوجهه لكواعد ... صالحها و اخذها هي و بداتها ورد بيهن للبيت ، بس يسرى ما رضى جيتها من كون هاي ثاني مصيبة من حدر سحورتها .
رادیون مرت الأيام واحدا كوة على الله حاملين سلطان و ضیمه و كلما جسام يطك و يريد يتعارك وياه اهدي و اکومن احبن بيده خاطر بهده و يتركه.
سلطان راد سرحان ياخذ بنه ....
بس سرحان ما رضى ياخذها ، كام وخطبها من سلطان لأبن عمه ... ليما اقر ورضى يطيها لابن عمي قاسم و الزفت عروس من بيتنا لبيت عمي قاسم بصف بيت اهلي
امي ضاحت من موقف سرحان ...
لان فخرية كامت تتبختر اعلى روس الوادم و تحسب سرحان رفض يعرس ، لجل ما يكسر بخاطرها ، بس هي تعرف السبب الحقيقي الما يخلي سرحان يرغب مرة.
وظلينا اعلى هالحال يوم يجر يوم .
وحال الضيم حالنا .. من ورى سلطان و بلاویه اعلينا .
مرة من المرات جنت جاي انظف بحجرة عمي سلطان وعمتي نجمه ، و هي برا ، و عمي طالع بطلابة عشائرية، وتعلى اشوفن الكتب مالت جسام، حدر الكواني مالت الاهدوم المضمومة .
طلعيتهن .. كلبتهن ... والله من .. حتى هاذ الانشك ..
واكومن و احطن الكتب بجسمي و اشدن الحرام حيل اعلى خصري خاطر ما يطيحن .. و
تحججیت و طلعت ورا البيت .
ذبيت عليهن نقط
توني جاي اشخط بالشخاطة خاطر أوجن العود وتعلها عمتي تلحكني ، بس شافتني .. صاحت : شجای تسوین ؟
بس شفتها شعلت العود و ذبيته اعليهن وجن گلهن، و هي ركضت و گفتنی من راسي بت صويحي الماتستحين .. طكتني و تجربيه .
وصلتني لبيت و تتعارك وياي وتصايح وتتوعد لجن كل هاذ ما همني ، المهم حركت البيهن اعدام رجلي ، هاي بارد و انذب اعلى الفادي .
لیما دش سلطان و دری الا مسوية هييييح .
وهو تسودن ، كلب البيت فوك حد .... وهو يهدد ويكلي : انطري شراح يجرى علي، الشوقع سود ایامج و اعدمنج ، بيت ضويحي ......
رواية كحل عرب الفصل الثامن والستون 68 - بقلم زينب ماجد
رواية كحل عرب الفصل الثامن والستون
( الهجرة الى بغداد )
تعبان أشتم الحزن من واهس المهضوم
من صبر الشمس
من طور المعنين
( عريان السيد خلف )
رادیون - کام يهدد و بيهادد الا اسوي و الا اعمل و البيت انكلب قوك راسي ... انا عزلت روحي بحجرتي ، عسى ما يحرك البيت مالي غرض دام حركت الكتب و خلصت منهن.
لليل دش جسام ما يعرف شنهو السالفة ... تولاه غلط و فشایر و یا مرتك الكح و يا مرتك
هداه جسام ودش خاطر يتوكد عليش ابوه معصب مني دش وانا جو بعدة أوكل ابوسن
شنهی رادیون شصاير ؟
شفت الكتب الهدداك بيهن وانا انظف، خليتهن ابعبي و رحت ورا البيت خاطر احركهن شافتني نجمة و ابتليت اعلى روحي من الصبح ليجاي ما خلوا اعلى حالي حال و القرآن
حجيتها و اختنكت ، همان دموعي و درت عنه احطن بحلك البت .
كرب من عدي و هو يحب راسي و يكلي : لا تبجين يا بعد خيلي دموعج تسوى ال تجيل
بخويطهم وعلي .. حسي دموعج .
انا موش على شي لجن يسب بابوي وانا هالامر باديني خله يطكني ولا يشتم ابوي ، شنهي مخربط یو سرسری و پیشتم ... هيئة الزلم ابوي ياريت لو هكو احد يلحكه.
الله يرحمه ويجعل مثواه الجنه ، لا تكدرين خاطرج .... حركتيهن الكتب بو كضتهن نجمة
لا حركتهن
نجره وعلي ، حابية تسوين اهلي كلهم والله .. من كونهم موش اهل عدوين ، بس انت الوكفتي احذاي .
جا شني انا غريبة ، غير مريتك و انت خيمتي .
حب راسي و هو يدلج الوسن يلاشيها أعلى كيفه خاطر لا يسمعونه .
خلصت ، خذيتها غسلیت آنها و وردیت و هم بالهول ، لا حجيت وياهم ولا واحد حجه وياي .
پس نجمه صاحت ( خفى هالطول و بلی)
ما حجیت تعدستها و دشبت ، نومتها و نمت . لا غدا ولا عشا ، اعلى لحم بطني ، الصبح تعديت مثل كل صباح نظفيت نفسي ورحت السلطان جاي اخذ ايده بعدني عنه بعوجيته و هو بطكها
اعلى وجهي ، فزيت من الطكة يساع .. انهضمت حيل .
شال عوجيته و بعدلي من جدامه و صاح : جساااام
ها بوية
- حضر روحك الليلة
عليش ؟
قرريت اخطبلك مرة من ابنيات عمامك
توه راد يحجي جسام .... سبقه و صاح : وما اريد تعارضني وتكسر جلمتي من كون اليكسرها اکسر ظهره .... وتعرس بحجرتك های ویت ضويحي تريد تنام بالهول هنا ويا الجهال ، تريد ترد
لبيت ابوها الحرامي .
جسام : بويه وياهو الكالك انا رايد اعرس انا وحدة وكوة وافكت .
سلطان : انا اااااا ابوك ما انطر تكلي يو ما تكلى .. من اكلك تعرس تكلي اي يا به تامر و امرك اعلى
راسي .. أغممم
بويه انت اعلى راسي و حجايتك اعلى رأسي لجن سالفة العرس ما اريدتها .
الليلة نجي وجرب كول ما اريدنها.
ای خوش کتلی ، خاطر ما اردن الصبح .
اكسر ظهرك جسااااام الأبو ما ينحط راس وياه جليبببببب .... تعرس ورجلك اعلى راسك افتهمت بولا ، سكط ططط.
كام من مجانه كله و طلع ، كام سلطان اعلي حيله و هو يصبح : ولكم هاد مستهدر علي ، غشته بجم حيه ولومة وغيرت الولد اعلى هله بت اضويحي الحراااامي ، و علي الصبنج اليوووووم .
هديته ومشيت و هو يصيح و بهادد وولده كاضينة، خلصوا الريوك وانا اكشن برا و اغسل ، طلع سلطان وحكو سندالة مالت ورد بالحوش ادقرها برجلك و تكرب على : يو ما خليتي بعرس الليلة ، انجوم الظهر الشوفتح افتهمتييييي.
ما رديت ولا حجیت ، شتمني : انعل ابوج لابو طاهركم كواويييي
سكنت بس حيل انهضمت كل زوده بس يكسرني و ذنبي بس حركت الكتب خاطر لا يتعدم ابنه الله اعلى كل ظالم يسلطان .. الله أعلى كل ظالم ...
مشيت وانا اشتغل ونجمة الجيب و تكوم على بالشغل ، خلتهن يجبين ملابسهن و ملابس جهالهن و زلمهن وديتهن أعلى الحوض و كلهن اغسلهن .
كعدت أعلى الهدوم من الفتحي ليما كال المغرب هاذ انا .. ياله خلصيتهن لجن أهيس بعد ما بيه اعلى الكومة ، رجلية تكرمن و ظهري ركس لا اكدر اتحرك ولا اكدر امشي .
کمت اتجى اعلى الحيطان شوية شوية وامني عدالك امشكه اعلى كثر ما جدامي الشلن من الكعدة على الحوض ... عصرت الهدوم و شربتهن ... ليما خلصت الشر، الجوع خواني كمت ما اعاسن دربی ، اهيس بطني تناوي .
صعب اعلى المدلل و ابن عز يعيش ها تضيم و هالذل هاذ ، لجن يكولون لجل عين ألف عين تكرمون وانا صابره الرجلي من عين ابوي جان يكول ( جهاد المرة صبرها أعلى رجالها ...
خلصيتين توني دشيت للمطبخ، صابين العشا و جاي يتعشون و ظال هكو بعد ... حديثلي الخبرة وكمت اغمس بالدهن مال الطماطة المكليات بيه .
اين من ناكلات الصحون مالت العشايم الحوض، وسليمة تعلج بحنكها و تكلي : عمة نجمة تكول خلي تموص الصحون مالت العشا ..
ظليت اعاين ليها بعلي ما بيه حيل حتى افين حلكي و احجي، ظلت دموعي انصب اعلى هضيمتي .
رديت للحوض غسلتهن و دشيت الحجرتي ظليت ايجي ايجي بيما خوا راسي ، ووسن يمي تبجي وياي ...
لهناك سمعت حسن جسام وسلطان يتعارك وياه ومنعه ما يوصل ولا يكربني ليما يوافك اعلى بت ابن عمه و يملح اعليها.
بس حسام عاند و سلطان عائد
ويوم يجر يوم و جسام ما داش حرجتي و يو حاول يجي سلطان يكتب البيت فوك حدر يكلي الكل تبول اعلى ارواحها من الخوف .
طال هالحال ۱۵ ...
جسام يشتغل و يرد بالليل بوجهه للديوان ما ينش لحجرتي وانا يو مطي بمجانی هم جا فطس ومات اعلى التعب الأنعيته من ضيمهم .
الا بيوم ... جان جسام عطلة وما طالع ومتلقلف نايم بالديوان ، سلطان كعد ويا الزلم شواي وطلع بطلابة عشايرية ، لهناك انا خلصت الصحون و التنظيف و الحوش ، ظلي بس الديوان
اکشنه و ابخرنه و اطلع .
دقيت هو متأقلف ... غطيته عدل و حبيته براسه و انداریت اکشن ... هو كعد و عاين : ما يبعد خيلي.
هاا
مشتاكلج حيل وعلي .
يحفظك الله بجاه علي ... جا شبيدنا غير جور ابوك اعليه.
عالوضع هاذ بعد عيب احملته و جای اجمع العدي خاطر تطلع
و يرضى تطلع.
زور غصب انا اطلع ، مشتاكلج حيل ...
الله كريم .
حجيتها و مدلجیت اکشن بالكاع ، صاح : رويدا
انداریتله : ها يبعد حيل رويدا .
جا انا مسلوك ابو ابوي وانت ادنجين جدامي يرويحتي شيظل بيه ..
ضحكت : لا وعلي موش ايالي بس اريدن اخلص الشغل خاطر امدد رجلي شواي من عين حيل دايخة.
هز راسه و انا گمت انكش .... خاصیت و لمیت الزياله هو طلع جدامي وراح للحجرة من عين البيت مامش أحد من اخوته موجود ... حتى نجمة طالعة مسيرة.
صاحليي انا رحت ليه و صكينا الباب اعلى ارواحنا ، وواحد تلاكف الآخر جنه سنين محد شايف الآخر .
مرت جاسم كومي وودي ابنج اعلى عمة نجمة وموصية ابنها يكللها : عمي جسام و عمه رادیون بحجرتهم دشوا .
وليج اجت اعلى عمى عينها .. ما كريت من حجر تته، ودت اعلى سلطان ، سلطان جاي كيل لا يوصله الطارش ...
الباب يندفر و يحفت اعلينا جسام و احنا عرايا .
اذا غفيت أعلى ادية بطرك الانك .. وهو هم غفى ، و البت غاد تلعب ويا الجهال ، وما نهيس الا
اریدن اکفن ثوبي و اتشکر ویژ دبیته گفتنی نجكة من راسي و جرتني من اديه ، جسام فر بس عريان ... بطرك الغطا .. يجرني من ايدها و سلطان يصيح : كواااااا تكريها من وراي و عدالك ما اعرررررف ، ولك انا تكسراي جلمة اليوم أخلي اخوتك يكصبونك اليوم.
وانا اصبحن و اكللها : پس توبي عمة استريني فدووووة ثوووووبي ...
وهي تشيل بيدها و امكني اعلى جسمي و ذاك الفشار و الغلط البكشش البدن ... كمت اغطي جسمي بشعري انزلته اعلى اديه من جدام و ادیرن كفاي الحايط .
كومي و جريني و ذبيني بنص البيت و حمويني كلهم موجودين و تصبح : کج *** میشه اعلی
واخوة جسام دشوا الجسام السلطان تولاه بعوجيته و هو اعلى حاله ، التمن علي نسوان حمويني و هن يحاولن يدفعن عمتي نجمة و دفعني لحجرة حمدان .
و الجهال جاعدة من الخوف مصطكة وموش زغار تطلع اعمارهم ب ۱۰ و ال ١٣ سنة .. و ازغر ابجي واصرخ و اكللهم : ناوشوني جرجف ، ناوووشوني .
ناوشاني جرجف لقيت بيه روحي و نجمة تفشر على بنص البيت ، فكيت الكومدي مالت مرت حکدان خذيت توب لیسته وسيلة و طلعت .
وكتلهم هاذ : حدي وياكم يا ال تجيل، ولكم واحدكم للقندرة ابوي ما يصل و تفضحون بعرضي و اطلعوني مصلحة من حجرتييييي
کمت اصرخ و الزنم مخبوصين داخل والنسوان يدفعن بنجمة و اذا اتهديت : اتعل تجيل لابو الخلافكم لابو البزركم ، ضاحي يفتهم من ما الله المشيخة لابن العبدة من كون يعرف موش كلم
کام و کال انا شيووووخ بالفكوووور .
وهن تولني ، و الناس برا اعلى الصباح كامت ادك بالباب، نعمة راد يطلع ويصك الباب علينا وعلى صباحنا ، لجن تكاوميت وياه، و بعدته عنى و طلعت من البيت، بس عز على افضحبروحي جدام الوادم .
كامت الزلم تصيح : شمالج بويه شنهو الصوت ها اذ. شجري .
كلت الهم : النكليه رحم باخذني لهلي ما اريدن منكم شي بس تاخذوني لاهلي .
نعمة كام يتصايح ويدفعني ليجوا ... و الزلام واكفه و تصيح بيه لجن انا ما خضعيت ، طلع
سلطان من البيت ، وصاح : استحي اعلى روحج بوية ، ولج فضحنينا بويه ، حسنا محد سامعة من دشيتي لينا وليجاي يومية عركو والف كوامه من حدر راسج ، ولح بووووويه فضحتينا. وسواني جدام الزلام انا المو خوش وفاضحتهم .. انا الله ذب على بس بواجي ، شكل للناس
جتلني جيف نمت و یا رجلي ، صعب انطقها وصعب احجيها.
كمت ابجي وهم يجرون بيه و يكلولي : عيب بوبة اسرار بيت و ما يصير المرة اطلع حسها اعلى عيالها .
ما تعرفون شنهو من خيال و تلومون ، دخيلك مبل عني و خلوني اروحن لاهلي .
بوية مصارين البطن تتعارك شمالح ما تكليلي ... ددشي داخل ، عيب وعلي .
هدني عمي رحمة الوالديك ، اذا بيكم واحد خير و ابن اصول بس ياخذني لاهلي ما اريدن
منكم شي .
طلع جسام لابس دشداشته پس شاد راسه و وجه ما يتعاين اسود، وكف جدامی و صاح :
ابعد و منا، عمى روح انا احلن .
وسلطان يصبح على ويكله : دخل مرتك كوا شهرتونا الله لا يطيكم .... دخلووو .
چرايدي و كال امشي انا ابجي و اشهك و صدري بكل شهكة يفز ... حجيت وياه : عباية ما لابسة شلون امش .
بس امشي .
مشاني الفرع ، و هم كلهم طالعين الناس فهمت احنا متعارکین و یا اهله ، بس شنهو العركة ما
يعرفون ، و الله عالم شصفط ورانا سلطان و شكال عنه و عني .
عرضت النا مرة و هو يجر بيدي و اطته عباية ونعال وكالتله : هاك يمه استر البنية واخذها .
ولا تخلي العالم تتورج اعلى مصايبكم و انتم بيت شیخ و ناس اجاوید.
جسام عصبي .... جرهن منها ، ذب التعال حدر اجدامی، فزيت و كلت اله : وسن
عاين علي : أمشي انا اجيبتها .
لا ما أهدتها ، خل اجيبتها .
ظلي هنا و انا اجيبلها.
عافني يم المرة و مشى و المرة من اهل الله تحب حب بيه و تكلي : بنية مزيونة والله يستر اعليج والعيال تجوريمه و المرة الزينة تحمل ، لا تخلين الوادم تتورج اعلى طلاييج و الصار ما بصير .
كلت كل اتغدى بسلطان كيل لا يتعشى بيه ، دامها مرة و من المنطقة احجيلها و هي تحجي للوادم و تشهر بيه ، من كون اعرف سلطان راح يصفط على ويطلعني انا و اهلي سكط وهو يتمناها اعلى ال ضاحي ..
کمت ابجي و احجي للحجية وسولفتلها سوالفها كلها و جناينها وبناتها يسمعن .. كامن يلطمن اعلی اخدودهن و يكولن : الشيخ سلطان الوادم تحلغ براسه هیچ يسوي ، عليج العباس لا تخلينا
ناخذ غنيته التحجينه صكد يو لاله .
من عسى العياس يشيلني و يركعتي يو جذبيت ، لجن وروح ابوي ذاك العزيز الشفته عدهم لا ينحجي ولا ينكال لجن يا عمه ساكنه من كونها شهيرة وانا بت شيوخ ، شيكولون الجتلت عين نامت و يا زلمتها صعب اعلى روحي اصير حجاية بالديوان هالساكته.
احجي وكل دمعة تهمل من عيني هاكبرها ، وجسام طول بجيبة بت اخوي ، كلت الها : حجية احين ايدج امشي ليهن و دشي عليهم راح يستحون منح واحجي وياهم و جيبي البت .
اندارت الجنايتها وكالت الهن: صين للمرية الغدي وجيبلها اميه ترتع بيها و يطيب افادها ، وانا اروحن بجدامي اجيبن بت اخيج ، ولا تظلين اتسجبين هالدموع بيمه .
يطيح العافية حجيه .
مشت الحجية والبنيات صبلي صينية أجل لجن روحي ما تشتهي الزاد بس اخذت الماي و بلليت ريجي .. وهن يحجن وياي ومتعجبات شلون بيت الشيخ طلع هيچ يسوي بجناينه .
شوای و اجت الحجبة وومن بيدها ، جريتها لحضني و انا احبن بيها .. عاينيت الها : طكوج عمه الوج ؟
البت ما تحجي بس العرفته ما طاكينها من كون يو مطوكه ما تتنعوص ، تكوم تبجي حيل ، كمت اعلى خيلي و كلت الها : انا اروحن لاهلي .
الطري رجلج يجي يمه وروحي .
اخافن منعوه من الطلعة ، انا اروحن
لالة لا ، هسه يجي لجنه متكاصب وياهم ، يخلص طلابته ويطلع ، هو الطاني البت ، بس يعمه جن الحجبتي صحيح غدي من اوجوهم تنكط سم ، انا بالباب و اسمع فشايرهم أعلى ابنهم ما ينلبس اعلية توب يديه .
الله يجازيهم عمة ، مامش احد ظالم يفلت من الله يدور بيه زمانه ويطيح شما جان كوي.
ای والله وانت صاحه بيمه لا و الكفل زينب مامش ظالم يسلم من الله .
شواي و اجا جسام ، بس محترك بداره ... صاح من بعيد : ءءءء، هلا وين المرة .
طلعت و الحجية وباي اشرالي امشي ومشيت وياه لا حجيت ولا هو حجه بس يتمتم ويا روحه و يرجف من العصبية، مطكوك اعلى عينه الجفن جاری دم و گفته ، وورم من يم عظمة خشمه و ما ادري بعد وين طاكه ها لظالم ابيه و اخوته الجنهم اخوة يوسف.
خذانی مشى و يمشي بسام و ما يدرى بروجه ، بس البت كامت اطيح ، وكفت. اندار بعصبية .
کال : هاااا
بس البت اشيلتها .
دنجیت خاطر استيلتها تكرب هو وكال : عنج انا اشيلتها
- خافتك ما تكبر
حجيتها هو حطها أعلى اجتافه وكال : امشي
مشينا لاهلي مشي ، وصلت ليغادي ، بس عاينت باب بيت اهلي و انا يا دموع صبي ... مدري
شمالتي كضتني الهضيمة ساعة الكربيت من اهلي .
شکرت ابوي و و کفته بهالباب و هییته هضيمه وانا بته تجرى الدنيا اعليه و يصبح هاذ حالي .
وكف اباب اهلي ، دكاه انا دفعته و دشت هو نزل البت من اجتافه و صاح : رویدا.
انداریته و دموعي بعيني : ها
ما عدى حجي احجي لجن حطيني اعلى بالج بكل جلمه تحجينها ... بس هاي الاكولتها الح .
هزيت راسي و دشيت للبيت ، ولد عمي طلعوله من الديوان و دخلوه ... كعدوه .
انا دشیت داخل كعدت بالكاع و اهيس البيت بيه ريحة ابوى، تربعيت و كمت ادكن أعلى الكاع و اصبحن : وينك بووووويه تعاين عجااااالي ، تشوف شنهو الجرى على بعدددددك .... مامش وحيد تأذي يفكرك كثري ، ولك يوووووووية انذليت، ولك بوووووووويه الطكيت وعلي
مهضومة يا بويه.
محتاجة الجلماتج دنيج التطيب افادي بيهن ، محتاجة اتضمني بعباتك واشتمن ريحتك وارتاح . وعلى تعبت بويه من يوم الرحت منى وانا مامش مصيبة ما طاحت اعلى راسي.
اصیح و انك اعلى الكاع وارد اعلى راسي و بنات عمي وعمتي ردحة ونسوان عمي كلهن التمن
احذاي و ينشدني : ولج شكو ، ولج عليش هاليجي ، دجحجي شجر الح .
وانا فائده جن ابوي جدامي و احاجيه و اشکي واصرخ من كل كلبي ، ودن طارش لامي ...
وكاللها رادیون هیچ و هیچ تمای
مامش دكايك و امي اعلى راسي و هي تصرخ : هاااا ولج ؟ شماااالج ، عليش تبجين يمه ، ولكم شمالها
وطاحت اعليه تحضني وبلا ما تعرف شبيه أعلى صباحي وبجاي كامت تيجي وياي و تحضن بیه ضمتني بحضنها ، شميت ريحتها کمت اونن و اصرخ اعلی افادها .
و دو طارش السرحان بالمضيف ... اجبل راديون مدري شمالها وزلمتها مطكوك ووجه مدمى و بالديوان مالت البيت جويعد .
كض الدرب سرحان و دش رايد يفوت للديوان ، لجن اعلى صوت صباحي و بجاي ، هد الديوان و دش للبيت ، و على حسه و هو يصيح : شما ااااللها ، ياهو وباها .
امي حاضنتني و من يكلله : من اجت وليجاي و هي بس تبجي ، جنها متعاركه و يا عيالها مدري
و يا زلمتها ما ندري .
خط عباته المصفطة حدر كتره و دنج کیص کدامی و کال : بعد اخوج : شو يوانج كل اعاينج . راديون ، احجي وياي انا اخييج وعلي اصليته المتعدي اعلى حكج .. شو .
جرني من حضن امي و كض راسي و كال : شنهو الصابر
دنجيت وانا ابجي واكلك كل الجسام هو اليكلك .
اكله عليش غير تحاجيني يا هو وياج
ملوك : مامش غيرهم سلطان وربعة
اي غير نفهم خاطر تتصرف وياهم ، شمسويلج.
کمت اشيك و ما احجي بس الدموع تتجارة وانا محني ظهري ، حبلي براسي و کال : كومي اعلى حياج ، بويه نسوانه عينتها و غسالها وخلتها ترتاح ، خاطر تهيد وتفهم منها .
كومني و ضمني ليها و كال : دموعج غالية خوية ، أهدي وكلشي ينحل .
وبعدني وامي تكودني و النسوان وياي و هو مشى الديوان، دش اعلى جسام و حجه وياه : ها الله يساعدك بويه .
هلا ابو مامون .
خير شماله وجهك ، تو انت مدمی و رادیون تنباجي ، هكو شي .
تعاركته وبالاهل، وصارت بعد
عليش
السوالف هواي بيو مامون بعلي مستحي احجي لجن أهلي ومحسوبين علي ومعيوب بيهم و الجلمة تتعثر أعلى شفاي من اريد اطلعتها .
طلابتك ويا ابوك ؟
هز راسه : اي
شنهي الطلابة ؟
رايد اختص بيك الك و بيني وبينك احجبها من كونها فشلة تنسمه .
خیر با ستار شنهو الصابر ... باله کوم و باي نمش للبستان تتمشى .
کام جسام و یا سرحان و حجاله السالفة من التهديد بالكتب الى طلعتهم وجيتهم هاي .
سرحان ظل صافن بيه : ابوك صاحي يو مسودن ؟
ابوي مصيبة لجن خوية الحجاية يو انحجت انا الأتفشل بيها موش أحد غير ... الصيت الطلابة جيف نايم و يا مرته ... خوية ما تنحجي ..
- جا ونعوقه هیچ
انتم حكم اعلى راسي من قول ليجوا ، بس سمعتي خوية ، هي عرضي وانا صعبه اعلى انحط
على بحلوك الوادم وابوي چار اعلى راسي وانا داخل ابختك ...
سلطان حاسبها ، و الطاك رادیون نسوان موش زلام و الاعدله و احكنه بعشيرة من كون يحسبونها عركة نسوان ... و السالفة عيب تطلع و ينحجي بيها ، وتهديده الك ... سالفة بينك و بينه انا و عشيرتي تنعاب و ادخلينا بيناتكم ، بس ما اعديها اله ، وعلي ما اعديها .
انت خوية تظل عدنا نشيلك اعلى راسنا ، تكول لا اردن الاهلي اهلك و انت حر ، بس خوية راديون مانها ردة البغادي .
لا خلها يمكم ، ليما اشوفن حل طلبت الاكيلي بيت و اطلع بيه عنهن
نظل يمك انت وأبوك ما تدخل .
يعني ما تحج بالسالفة.
- شنحجي خوية اروحن افضح بخيتي و اخلي الما يسوى يجيبها بالطاري ... لجن ما اعديها الله و دام طك بنيتنا ، خل ينظر شيجراله .
انا الشكر منك يبو مامون اروحن هست و المرة عدك، من اشوفن حل اجيلك .
هلا بيك بكل وكت ...
مشى جسام لبيت واحد من عمامه ، و سرحان رد للبيت جمع راديون و ملوك و امه و عمه ومرت عمه ، بس و حجالهم السالفة كلها .
سمعت ملوك و اتسودنت و تصبح : انا اله ، بس خلوني ليه.
سرحان : موش هیچ ، سلطان ذيب و حاسبها حساب عرب .. وبتنا طالعة من البيت بأرادتها و هو صايح وراها جدام الوادم وذاب الحك أعليها .. ويو ردنا نحجي .... طلابة نسوان حيب نحط عكلنا بسالفة نسوان ، ويو ردنا نحجي بسالفة ابنه مالنا حك ... قدامه سواها نسوان ... احنا وياه اعلى المنوال ...
قاسم : شلون ؟
الطاكنج ياهي ؟
عمتي نجمة
تمش ام زناد و عماتي اثنین و خواتي ، ويدشن اعليهم يكضن مرته يجتلنها وبهيئتها ويهنته ابیته ، و فرصتی واتمناها یو تعرض لنسوانا يو صاح أعليهن صيحة وحدة ، الا اهدن ال تجيل فوكهم واتعل سلفاهم .
ملوك : و هاذ الحل .
وانت خوية راديون، المتح تحبينه و تريدينه حكج من كون طلابته و يا اهله لجلج يو غيره يتمناها يعرس ويحط النين تسوان ... ما اكلج هدي ولا اكلج اكعدي ، شيكلج رجلج تكليله تم ....
خوش خوية .
هزت راسه ب (اي)
باله ... کامت ملوك و اخذت مرت قاسم و اثنين من خوات الشيخ مطر وبناته ، و طلعت البيت سلطان، ويا ما فتح الهن الباب جاسم .
دفعته عمة راديون و هي نسب و تشتم بال نجيل بنص بيت تجيل، طلع سلطان و تعرضتلهن نجمة ، و ملوك جلمودة بيده ... كضيها ونوميها براسها ، وطيحن أعلى المرة تعنعن أضلوعها تنعنع هو
.. النسوان يفاككن بينهن .
وعمة راديون تنعل بتجيل و بسلطان و تمنت احد يدفعها من أزلامهم يو يطكها، لجن سلطان طلع بالباب ويصبح : موش نسوان لا خجل بويه و لا مستحى ، زلام وما نكصهم، عاينو نسوان ضاحي .. جا شنسوي الرد اعلى مره ، ابعد بوية ابعد ، هاذ ابتلاء ، ذول ال ضاحي ما نفتك ..
اترادمت وياه عمة راديون وهي تصبح : خايب من تروحون قدوة التراب ابوي ، يكفي معدل وما يغار من اولاده اعلى النومة .. ولا فكور ويتكطون بخيرهم تنكط ... شنهي انتم حظ بخت ه المكطمين المهتلفين المذبوبين من العشيرة ، كلها الوادم تتجفى شركم من كونكم غمان و سرسرية .. من عين الكاع الطمت ابوي ضاحي وخلت الواوية تفح حلوكها و اتحجه اعليه.
و شهرت سلطان بالسلف شهيرة و هو يكلهم : تلومونه من ما تختلط ويا ال ضاحي ، عاينو نسوانهم، لا يستحن ولا يخجلن ، روحي بويه رحمة الله والديج
اي يرحم والدي عليش ما يرحم والدي ، ابوي شيخ من شيوخ ثورة العشرين خايب انت شنهو بالاعوج بالاعطر بالاخين وتجيب أعلى أعلى السانك.
وصياح وشهيرة تسوى عمر سلطان ... شهرته بت ضاحي بنص كاعة ومرته مدماية شالوها و ركضو بيها ولدها و هوسه و صباح و العالم منتمة.
وعمتهم ما خلت حجاية ما حجتها عليهم وتكلهم : هكو وحيد يغار من ولده و ما يخليهم يكربون نسوانهم ، خايبين بلوة وعلي .. ولكم سامعين شايفين .
ما حجت المشكلة بس خلت الوادم تعرف سلطان مانع ولده من نسوانهم وهاي اساس عركة ابنه وياه، بس شنهو العركة ما يدرون خاطر لا يتجلب طاري راديون بسان السلف ... من كونها بت شیوخ و اسمها عيب ينجاب ...
ه الجلمات حطهن سرحان أعلى ابد عمته سطرتهن أعلى مسامع الوادم ، وهدن سلفهم وردن .
صارت السلطان فضيحة ما تتغطى والمرة الحجتلها رادیوم هم ما كصرت ، وين مامش حبيبة الها، كعدي يمه و سولفي ونسوان وبيها هیچ سالفة ، أسرع من النار اعلى البارود طشت بالسلف.
وكلها تصيح : الشيخ سلطان هیچ ، معكوله ، ما تصدك يا خايب شوف الدهر ، يغار من ولده ومانعهم ، جا شلون يخلفون ، شو ولدهم سرب ، اكثر ما بالسلف ال نجيل و بزریتهم جنهم دود . وظلو سالفة بحلوك الوادم بين المتشمت و بين المتعجب و بين اليصنف، راد يشهر ال ضاحي
اشتهر هو وولده .
كواعد خاصية شوقى الفلك ، عود صكد يغار من ولده و مانعهم من نسوانهم .
هدية : ييييمي يمه ضيمهم لا ينحجي ولا يتسولف ، غير بيت نويصر اهل فليح .. وارحم منهم من كون مطلك و نسوان من ولده جيفن يعترضن اعلى اوامره .
التمش حدر طوعه و ترضى بضيمها تسلك وياهم، و الما تحمل ... تطلك وشحد ولده يفجون حلوكهم .. كلهم ما يطلعون عن شورة، ربح و جسام ترادم وياه من كونه بعشك راديون ، الا الباكيات مكاريد مکصوبات کصب.
غدي منه و من شره يمه ... ساعة السودة الصار ابوج من ال نجيل ما ضامنه البين غير من حدر طلاييهم .. لا سالم منهم ابن ولا وليد عم .
بس لزوم نمش الراديون من كوني أحبتها من زمان ، من تهد ما جانت زغيرونه اشيلتها و اداریها و معزتها من معزتين .
بس اخافن نمش لال ضاحي بيمه و سلطان يتولانه ، من كونهم شهرود شهيرة بين الطوايف . ويروح يدب بلواه اعلينا ، و احنا ببيتنا فراري، تخاف من الجلمة اعلى ساعة يبلغون و الخونا يروح بيها.
من عمت عينه كون اي والله ، انا سليطين عكروك الشط الابكع يتسلط أعليه ، الا ما بیاش خير وعلي ظلي انت هنا و انا اروحن ليهم ..
لا لا جا اروحن وياج .
- تروحين وياي، يو رايدة تتنوعين اعلى صخام وجهج
عليش هیچ تحجين يمه ؟
من كون اعرف من اتباع المعمل و لليوم و انت تحوسين أعلى الطلعة هلبت .... اه و صايدته .. يااا يمه شمالج ، وعلى ظالمتني .
بربوك ظالمتج يو هاذ الصكد .
ظليت اضحك و انا اليس العباية و رحنا انا و امي لبيت سرحان بس الصكد صالي فوك الشهر ما شايفة سرحان، ومن كون لابية ارويحتي اعلى شوفه بس انا ما جايه اعليه لا... جاية اعلى
رادیون .
دشینا و سلمینا و تحمد نالها بالسلامة وظلت امي تحج وياها و تنشدها اعلى عركتها ، حجتلها بس كانت الها : عمه موش جديرين اليديرون لجن انا اعرنج و كلتها ، ما اريدن الوادم تحجي
ويكولون هیچ سوو بيت مطر .. صعبة .
حكج بيمه صعبة ، صكد صعبة ، لجن الحيف اعلى الما يعرف المستحى ، اسليمة التظمة كون
.. الا كليلي رجلج همه وین شنهي علومه ...
والله يعمه ما يجي ليجاي يستحي ، من كون وجهه مشوه من عمايل ابوه و ظال عد بيت عمه
بيا وجه يجي ، سهله يعمه و يجي
ما اجاج كلش
لا والله يعمه موش سهلة، زين عليش ما تروحين وياي ليغادي و أودي اعليه يجي يشوفج .
واتفاهمو انت وياه، جا ليمتعا تظلون هو غاد و انت هنا تلكينه معلعل بلياج ضايع.
- والله عمة ياريت ، هو يستحي من سرحان يجي، من كون سولف السالفة السرحان وشرحها و يخجل
جا بيتنا بيت عمه ومامش غربي و انت بنيننا ، امشي لينا و اكعدو عاد احجو و تفاهمو هلبت الله و ترسون اعلی بر و تلاكون حل لسالفتكم .
احجي ويا سرحان انت انا استحي اطلب منه و امي ما يهواها ويرضى منها بس انت يونج .... کلیله هلیت برضی .
من هاي العين وهاي العين ... ادللي ايطن عيني .
كامت امي وانا ظليت احجي وياها و تسولف ، مرت سرحان ما اجت ولا اجبلت ، حتى ما سلمت على امى ولا راوتنا طولها ، بس ملوك و نايمة ... و الحبايب ملتهبات .
راحت امي و ندهت اعلی ابو مامون ، اجا سرحان من الديوان و كال الها : يا هلا و مرحبا يام
ستار زارتنا البركة ، شلونج بوية شلون احوالج .
والله اعلى الله عايشين يفيه .. انت شنهي علومك من بعث المعمل .
والله يا ام ستار الحجي بيناتنا ، حطيتهن بشروع جبير ويا اخوة ايمان ابغداد و شغلتهن ، جا
شوا ، هذا بالسماوة شيخ و الحزب كافين بديالي .
الله يرزقك بيمه و يفتحها بوجهك ناخية علي من كون يو شفتك يتراوالي الشيخ مطر ذيج المشية المرهدله و ذاك الطول الحلو سبحان الله حباية ومفشوكه من ابوك .
الله يرحمه ويرحم اموات الجميع .
امین ، بس بمه ردت اكللك اعلى راديون
اي كولي
- الزلمة رجلها يستحي يجبل اعليكم من ورا سوالف ابوه الغمه ... ماله وجه ويا الوادم ... و البت مشتاكة الرجلها ولاون يجعدون ويحطون النكط اعلى الحروف و بداورون امرهم صحيح
انا كلت يو اخمنها وياي ، احنا ال حاكم لا لال نجيل ولا ال ضاحي، احنا بين الكترين .. ويو دش اعلينا ابن عم ابونا .. وستير بالبيت و یکعدون .
اي ما بيها شي ، اذا راديون ابالها تروح كل تمش، والله يا عمه بت مثل الوردة من الشوفتها هیچ تبلانه ينهد حيلي عليها .
جا هاي المرة بيمه يو عرست تنضام شنهي نسيت طلايب بيت نويصر ويا هديوة ، زين راديون بس طاكينها، الا هدوة جم مرة اعلى مرة يوصلونها لحلك الموت و نكض بديالها
وتتلاحك الها وتركض بيها ومنا و منا خو انت ويانا و منورج .
ال تجيل بلوة يا ام ستار ، الا اعلى طاري هدوة شلونها شخبارها انا استحي اجي و انشد عنها من كونها بطلت من المعمل و الكطع رزقها ...
بخیر ، جا ما نموت یا عمه ابو خيمة الزركة ما حط وحید اعلى الكاع و نساه.
و النعم بالله، بس انا شغليت العمال البطلو ، بالكاع ، وأن كون باجر أقل لجن ولا يظلون بلا شغل عدهم عوايل بركابهم وين يروحون ، اذا تريد خل تجي تشتغل وياهم ولا تكطع رزقتها.
الله يطيك العافية ، والله ما ادري انشدها و اكللك .
مدية : شلونك ابو مامون
اها جا انت هنا و انا ما أدري شلونج شلون صحتج، عافيتج ، بوية الجلب العضكم جتلنا ، لا
تمرين لا تنشدين شنهي .
جا ما بيدي ، جو بعدة و ساكنه
الله يستر عليج بجاه علي ، معتازة شي ، فليسات مصيرف .. لا تستحين عليج العباس.
- غسال سالم الله يطيك العافية كون.
فخرية : سرحاااان يردون بالديوان
اي .. اسمعي بويه انا كلت الام ستار اذا معتازة موش فضل مني ، كاع ال ضاحي ضخر الناسنا
واهلنا ، باریها و تباريح و طلعي رزقتج منها ..
ان شاء الله يجي ابوي واكلله وارد تلك الخبر.
فخرية : سرحااااان ، مو جاي اكلك يردونك .
سرحان : شمالج بویه ، همه جای
اي روح
ظل يخزر بيها ، هي دارت عنه بس اغتاضت حيل ، امي لدستني ودخلنا جوا و كلنا لراديون كومي امشي ويانا.
مروان ييجي عليك .
کامت اعلی حيلها بدلت و اطت علم لامها ، سرحان كال انا اوصلتكم، ومرته و گفت وراه تکله :
صاح : دشی داخل و انطي لامي .
ظلت كافة الباب و امي تكله : امش لعويلك يمه الدرب موش بعيد نتمشى و نحرك جدامنا .
لا ما يصير ، اصعدوا .
صعدنا وياه و هو بعيون مليانة شوك يدورني بمرايته جاب الدرب كله ونضراته يحاوطني و انا اعاين المكفاه، عکاله و هندامه و هیبته ، و اتسائل، هم يجي يوم و هالشيخ هاذ يصير تصيبي ؟ حظي واعرقته و اعرف ضمایمه .
وصلنا عد الباب و نزلنا ، نزل هو و فتح محفظته و طلع فلوس و کال : ام ستار
ها بفه
ذلي مصيرف لهدوة البين ما تشتغل ، خلهن حدر ایدها خاف تمتاز
عسال سالم بيمه لجن واصلة وداعتك الف الحمد و الشكر الخير جثير .
الله يزيدكم بحق محمد بس خلها مصيرف الها ، باله اودعناكم - خوية ثباتين انت هنا يو اجيحبالليل ؟
والله ما اعرف ، بس اظن اباتن، معتازة شواي اكعد و يا عمتي أم ستار و البنيات من كون
رويحتي متضايكة.
کواغد : يو ما شالتج الكاع تشيلج عيني ، يعزيزتي.
الغديلج فدوة عمه .
سرحان : الله يتحن لينكم ، ياله انا امش ، تعتازون شي .؟
- سلامتك .
دخلنا للبيت ، بس امي ما دخلت راحت لبيت عمي وكالت اجسام ( راديون عدنا ورايدة تشوفك
هو ما صدك اعلى الله حجتها كض الدرب واجا ليجاي ، ستار رحب بيه ودخلاه بالهول ، كدمتاله الجاي شربوا الجاي هو و ستار ... حجه ستار : انا الحليكم تاخذون راحتكم . من رخصتكم .
مرخوص خوية .
يش الحجرته اعلى هالتلفزيون الما يفاركه ، أمي عصرت روحها خاطر تجيبه الله من كون مكابل
الحيطان، جابته اله خاطر يركد بحجرته وما يطلع و يكضونه الامن.
جسام : شلونج يبعد حيلي .
حالي احسن من حالك روحي غادية تراب اعليك ، كل بالي يمك .
تنهد : عايش
ادري عايش ، بس عيشتيش .
ولج توصل يابوي يهادد و يكلي يو تجي تعرس اعلى بت ابن عمك يو احطن جيله براسك و اجالتك و اكللهم بحزب الدعوة وجالته .. وعمامي طايحين بيئتنا تهدي ، راح امك ، وين اهج من ظلم ابوي ما اعرف
بس اعرف يو كريت من ال ضاحي وهو يدور الحجة اعليهم بعد الشهيرة السوتها عمتي ... يكلب
السلف قول حدر و تطيح بين ال تجيل وال ضاحي و يكب ثار بالف زلمة ما يهيد ... ومحتار
هالحيرة بزماني.
ما ظل جدامنا غير حل
- شنهو ؟
نجلي من ها الديرة، ونمش الديرة لا يندلها ابوك ولا يكرينا .
شلون وهو اله عيون بكل مجان من كونه يتاجر بالسوك .
- نمش البغداد
بغداد تكسر الظهر يراديون وانا الفيسات العدي يا دو بعن يجيب بيت حجرة و حمام بالسلف .
عليش تفکر هیچ و ناسي انا شنهو و بت منهو ، انا عدي خير جا شنهو نفع خيري وانا و زامتي هان حالنا ؟
راديون ما اريد انذل لها الحد ... الذلة اللاكيتها من ابوي كافي احطن راسي بالكاع و ما اشيلنه ... ما اريد ينكال عاش بخير مرته ، يو بخير ال ضاحي و العاب ، افادي ما عاد يحمل بالقرآن .
سرحان الله معارف جثيرة ابغداد يشغلك، وتأجر بيت غاد .. شتكول ..
اذا يلا كيلي شغل هناك يسويلي فضل ما انساه الله طول عمري
لا تهم .. انا احاجيه.
ظلو يسولفون ويتسامرون ، و اعلى اقتراض ساعة ويمش لجن خذته السوالف ويا مريته وما
دري بروحه الا الليل نازل، وكواعد حطت العشا جدامهم .
كال الها : زاحمتج يا ام ستار، و كلفيناكم .
شنهي يمه غریب و تحج هيچ ، عيب ولا تحجيها جا انت حسيت ابني.
الله يديمح .
عافتهم يتعشون لوحيدهم ، و مكعده البنيات بحجرة يسرى وصاكه اعليهن خاطر ياخذون راحتهم .
ليما خلصوا العشا ، لالة شالت الزاد و کواعد صاحت : هدوة بمه ، افرشيلهم بحجرة ايمان
بالكويعة هلهم يتمددون ..
جسام : لا سالمة ام ستار انا اروحن ، تاخرت کلش
اكلك يمه انت عليش مستحي مريتك و مشتاكلك و البيت بحسبة بيت اخوك وهذاك ستير جو بعد موش بلا محرم و نکول صعبة ، دخذ مريتك يمه و دش داخل و ارتاحو وريكم يفرجها
تراه ما يخل حمل مطروح يشيك عنك ربك و تكول احيه .
و فرشت الهم بالحجرة مال ايمان وهو خجلان منها حيل بس رادیون اصرت عليه و كالتله : ظل البيت موش غريب عنك انت رايح لبيت عمك و هذا بيت ابن عمك.
ودشوا للحجرة باتوا ليلتهم بيها ، وراديون زرعت فكرة الجلية لبغداد براس جسام ليما اقتنع بيها وشاف هاذ الحل الوحيد اليخلص بيه من سلطان و جبروته.
ثاني يوم ... ردت رادیون ثبيت اهلها و كعدت و يا سرحان و انتخته ... يشغل جسام بفرد شغيلة خاطر یکدر باجر غاد و سرحان ساندهم على هالسالفة من كون سلطان مهدد ابنه وواصلة بيه للجبل.
كال الها هاي الوريقة تطينها الجسام يروح لبغداد ويدش اعلى جماعة غاد و يكللهم من طرف سرحان الشيخ مطر ، و هم راح يتولونه
جسام ما عول اعلى الله لكاله فرج يحظى بعائلته بعيد عن ابوه و سطوته ، أخذ الورقة وغبش البغداد ومشى للمجان الدلاه بيه سرحان ودخل عليهم من عرفوا بيه من طرف سرحان ، رحبوا بیه و انطوه شغل بساعته.
طلب منهم جساد نص الراتب يطونه ليجدام من كونه مستعجل رايد يأجر بيت هذا ، كام الزلمه ابو الشغل وكاله : بيتي يبعد منا ربع ساعة وعندي ويا البيت مشتمل تكعد بيه و على راس
الشهر الى أكطع من راتبك فلوس الايجار.
يا فرحة جسام بها الفرح .. هيس الله وكف وياه و فتحله باب يخلص بيها من كيوده ، ترخص منه يومين و كاله پس امش للسماوة ، اجيبن عايلتي و اجي .
كاله الرجال : روح وجيبهم وتحطكم بعيونه يابه ، هلا بيك و بيهم .
جسام طار طيران السماوة ... مر على راديون من الباب و بلغاها و كاللها : باجر غبشة تطلع .
حضري امورج .
رادیون امت فلوسها و ذهبها والعدها و القاعدها، ونظرت الصبح اعلى احر من الجمر ..
بس سلطان عرف جسام بات بالسلف الليلة بعد ما جان غايب ايام ، و عرف ابنه ناوي اعلى الشردة .
جسام كبل ما تطلع الشمس، اجا اعلى راديون ... خداها هي و البنية بت اخوها و طلعو البغداد
فجرية .....
رواية كحل عرب الفصل التاسع والستون 69 - بقلم زينب ماجد
رواية كحل عرب الفصل التاسع والستون
( طيوف الموت )
هلي !!
وعشته گلوبنه ولاية.
وسوالفنه ظفيرة.
وشوكته الدهله
ومحبتنه وخبرته .. ظنونه
وخطارته تراب... الجزيرة
و دیره دیره
الموت من ، يشرب الوادم
دیره دیره
(عريان السيد خلف)
رادیون : طلعنا كبل الفجر من البيت، جان متفك و يا سايك يطلعنا لبغداد ، حضريت كل جوالاني و تانيته ليما مر واخذنا.
مشينا من البستان خاطر لا يهيسنا احد ، وساعة الصرنا اعلى الشارع العام ركبنا وطلعت السيارة.
هو كعد ليجدام و الا ووسيله بت اخوي احذاي .. كلبي يخفك جن عاملين جريمه ولا جنه اثنين معرسين اعلى سنة الله ورايدين نعيش بهنا.
كاضة كلبي بيدي يا من يطلعنا السماوة ... عيوني تربي بخوف ، ليما طلعنا السماوة الف حمد و شكر وصلاة اعلى الرسول صليت .
وصلنا بغداد و دشينا البيت ، بيت بغدادي موش مثل بيوت السلف غاد، دشیته ما بيه اثاث لافه
اعبيتي اعلى جسمي وامش و الفكد .
وهو الابتسامة تارسه وجهه والفرحه باينه اعلی رسومه اندارلی و حجه : شرایح
کلش حلو البيت، والأحلى العيش بيه منهنايين لا وحيد بادينا ولا واحد يكللنا اعلى عيونكم حاجب .
كرب مني وكض ايدي وكال : وعلي العيشج احسن عيشة وشتأمرين انا خادم ... واعوضج عن
ضيم ابوي و اهلي كلهم .
يبعد حيلي تاج اعلى راسي موش خادم، وجلمتك هاي تكفي وزيادة .... ولا تحط ضيم اهلك
اعلى بالك ، صبري أعليهم واجبي موش منية اعليك .
احبنج واعشكنج عشك ما مر على البال .
اموتن بيك وعلي.
يحفظج الله بجاه علي
دنج للبت ياخذها و بكللها هیچ اشتريلج و هیچ احطلح انت وامح ويضحك وياها وانا اعاينله متبسمة ....
تحزمت وشيت الشبل اعلى بطلتي و كتله : ياله خلنا نبدي بغسل البيت.
الحجي كال بناته راح يجن يساعدنج .
جا وينهن .
جا توها السبعة ونص يرويدة وين وجهح الي صاول تراها بغداد های موش اهلنا غاد، اهل بغداد توامين المتسعة بالة يكعدون.
هااا جااا خوش بعد
های شنی های ... شو لعد
جا غير عشنا ابغداد لزوم ناخذ لهجة اهلها .
هاي موش لهجة بغداد ، هاذ طابك عدج واير يبعد بيتي.
ههههههههههه لا تصنف على عليك العباس من كون جديدة عهد .
تتعودين ان شاء الله .
الدكت الباب أعلى بيت سرحان الساعة سبعة الصبح ، فتحه الحارس ، نعمة واكف أعلى باب
سرحان، كانه اندهلي ابو البيت كله نعيم رايدك
راح الحارس وبلغ اهل البيت بالطارش ... طلع اله سرحان ، كاله نعمه : الله بالخير
- الله بالخير و الرحمة
جسام الليلة جان بالسلف وواحد من العماد شايفه بعد ما جان غايب ايام احنا مالنا ويا ال ضاحي شي وينكم مملكة بحيل الله و بتنا ترد لينا ، لجن لو عرفنا انتم جاي تعاونون جسام
اعلی عصيان ابوه ، لا هنا يصير الحجي غير وتختلف
يواشك بويه متحلم وجلينا من الصبح تهادد شنهو شايفنا جدامك جليلين شان يو شنهي المرة مرته واحنا مالنا حك اعليه و حرام اعلينا نحج بالطلاك و هم مترايدين .
سايم الله و محمد وعلى عليكم فكو من جسام ، هدوه واخذو بنكم منه من كون يو كضيناهم
ما نخليهم عدلين.
اسمع عدل بويه ، اخينج حدر طوع رجلها و جاها من الفجر وخذاها الغير ديرة وشردو من طلايبكم و ضيمكم الجاري اعلى روسكم، لجن خطها ابالك في حال حطيتو اديكم اعليهم و لكيتوهم، اختي يو انجاست شعره منها أحرك ساف لجيل بأهله .
تهدد بين مطر
وحطها ترجية بذلك بين سلطان موش پس تهدید.
جا خوش .
خوشین
اندار و صك الباب عنه ودش وهو مغتاض ، حجتله فخرية : تعال تريك
اي
ريحة : نعمة هاذ
و بهادر
كون كله ؟
شكلله ، كتله راحت و یا رجلها وطلعت منهم بس يو انو راديون الا ابيس ببهائهم مناعيل الوالدين .
بعد أعلى رأس السفرة واهله النمو حجت فخرية : رايدة اروحن للجدة
- عليش ؟
هیچ معنازة
كملي ريوكج خل اخذج بدربي .
خلصو ریوكهم واخذها للجدة كالت الها حامل .... شكتر عليها ما تعرف طلعت بلغت سرحان .
كال الها : ع الخير ان شاء الله.
راديون : اجن بنات الحجي وعاونني اعلى تنظيف البيت . سوينا يلهث .. خلصينا .. طلعت الفلوس من چيزداني و حطيتهن ابید جسام كلت اله اشتريلنا اناث .
لا رديهن انا وكت البصير عدي اشتري
جا وتنظر ليما يصير عدك عود ليش شنهو الفرق انا و انت دخذ يا يبعد خيلي و امش اشتريلنا وتكعد يامان الله
کوه اخذ من ايدي، وراح جاب اخشاب، وحصير وميز واثنينا كرويتات وجولة .... عشت البيت ابوي قصر الوادم كلها تتمنى ادش و تعاينه موش تتحايل تعيش بيه لجن ما هيسيت بطعم البيت بكثر ما جاي ارتب و اصف البيتي ، احسن هاذ مملكتي وشي خاص بيه لوحيظي انا و عايلتي.
حتى بعث محبس ذهب واشتريت تلفزيون عين وحيدة و بسام من يطلع للشغل اكمل شغيلاتي واكعد اتورج أعلى التلفزيون ، مرات بنات الحجي يسيرن على وتكعد عصريات تسولف وتضحك من يحبني يكللي ( حجيج حلو ) واذا اموتن اعلى حجيهن من عين جلمات بغدادية معسوله . شحلات (اني) من ينطكنها جنها مسبقة.
للمغرب يروحن على ويجي جسام اسوي كباب طاوة و بيتنجانات اكليهن و اخبزلي جم خبيزة و جاي و نحط صينيتنه و نجابل هالتلفزيون و ناكل ونتسامر ليما انام.
ليغاد و دريت بروحي حامل ... و لعله على 5 اشهر كلت یا صلوات اعلی محمد .. شكتر فرحانة بعويتي من كون خلصت من ضيم سلطان ونجمة.
عاش جسام و رادیون ابغداد و اشتغل عد واحد من اصدقاء سرحان، جان هاذ الحجي يحب الشيخ مطر واعلى حب للشيخ مطر يحب الشيخ سرحان و يريد خاطره .... وبعدو عن السلف و طلابية و عاشو مرتاحين ببيتهم الجديد.
ایمان صار عدها بنية .. سمتها نهاد
بس حاكم ما يدري بيها جان بالجيش .....
اما هدوة فأبوها رفض تشتغل بكاع سرحان وكال الها ، کندن و اسكتن ، ظلت تشتغل هي ولالة بالبيت يسون مكانس مهفات وبطنها لكواغد تبيعها عاد بالولاية من تروح تبيع اللبن و الكيمر عرب و الجبن والروبة.
لالة ردت للحجية السوئلها قطع اعلى التابعة العدها ، صكد شهرين والكطعت الشهرية منها ... راحت حلات وانها حامل رجعت تتشكر من الحجية وتطبها البشارة الحجية فرحت بيها واطتها حرز كالت آنها تشيلينه بصدرج ما تتزعينه خاطر يحفظ الطفل وما يموت أبطنج ..
واعلى نياتهن كضن ها لحرز و المسكن بيه و حطتها بملابسها من جوا خاطر لحد يعاينه ، وتتأمل الفرح يعيش ابطنها ..
پسری شما حاولت ترد کواغد ما تریدها وستار فراري ما يكدر يطلع و يطب اعلى راحته ، وبينه
و بین روحه يريد بسری يحبها ويحب بناته ....
بس يسرى من درت بلاثة حبلی کامت تحوم اعلی ستار ليما خلته يجيها للبيت مالت اهلها . وعزلت الها حجرة ابيت اهلها وظل ستار يروح و يرد عليها بس بلايا علم احد ، خوف لا امه تدري وتنضايك منه .
بس من حبلت يسرى ما كدر يضم السالفة اعلى امه اجالها وكال الها : يمه انا رايد احجي وياج سالفة .
- شنهي السالفة شو وجهك ما يبشر بخير بمه.
لا والله يمه هو خير بس انا ما رايد اضايكنج ..
احج يوليدي.
يمه هاد عمر والعمر ما يتأمن وانا قراري يا ساعة يكضوني الأمن وأروحن بيها
- اسم الله اعليك بمه عليش تحج هيچ
لا انا موش اقاول بس انا رايد احطن الحجي اعلى ايدج واخلي عدج علم بالصار
شنهو الصار ؟
يمه انا صحيح ما رديت يسرى لجن تعرفيني احبنها والواحد يغلط موش معصوم .
رايد ترجعها ؟
لا موش هیچ بس انا مريت اعليها جم مرة عد بيت عمي و المرة حبلى.
علیش هیچ بمه انا یو رايدها ما اوكف بطريجك من كون مرة اخافن ربي بعد يومين وراي احساب و کتاب ما احج بطلاك واجيبن يسرته، لجن بيمه وياي ما تكعد ، شوفة عينك خدعت اخيتك بجلمتين ولهسه ابوك ما يحج ويا هدوة ومتغير وياها بسببها ، أخياتك قطيرات و يكدن بكلشي ويسرى ملعبه ما اريدتها تصف وياهن و توهدتهن بمصيبة أكبر.
انا فراري لا اكدر اشتريلي بيت واكعد ولا اكثر اتصرف اعلى راحتي ، انا مرات اكولن اسلم روحي من كون مالي عيشة اعلى هالحال، ومن كل ولابد كاضيني وين افرن منهم ، وهي عزلت حجرة عن أهلها ومرات امرن ليها وتكعد
بس های دنیا وانا رايد اوصيح يمه ... خاف خاف فرد يوم يكضوني يو اموتن يو شيصير بحالي ... بناني امانة عدج يمه ما امن بفيرج يباريهن ... لا تخليهن يعتازن هي.
لحمت کلی بیمه شمالك تحج هيچ ، لا تجيب طاري الموت أعلى السانك يوليدي.
الموت حك يمه وانا بس ردت أو صيح من كون بناتى مريضات موش صاحيات وانا وهدلت روحي بالقرارية وظلمتهن و ظلمت روحي ، هالرايد امتهن عدج .
لا تحج و یای هیچ ، يوجعني كلبي من هالجلمات .... اوى شمالك يمه ، حتى افادي انكمش .
اسم الله عليك يمه .
ظل ستار يوصي امه وجن كليه علمه ان راح يصير شي .. وسبحان الله شلون يخلي الروح
تهيس بخطرها يو اجبل اعليها .
للعصر و هو جان يمشي من بيت اهله لبيت خاله جبار بين البساتين، جاي يعبر أعلى الشارع العام ، سيارة امن بوجهه طلعت هم ما جانو تاوين اعليه ولا يعرفونه ، لجن هو من خوفته البكلبه ، بس شافهم اشرد.
هم من شافو شرد الحكوا وركضو وراه ، لجن ما كدر الهم ... طكوه بحجارة جابوها بنص ظهره بساع نكر من الوجعة وتعثر بدربه ، تكاومو اعلیه و عضوه .
من درت كواغد كضو ابنها ... كامت تلطم و انك اعلى راسها وتصيح : راح وليدي يمه ، كضو ابني كضو وحيدي .
ما خذينه معذبينه و معاقيينه و راد لحرب المحمرة يقاتل ... ديوه بوجه المدافع يقاتل .
يكولون جان صاعد بالدبابة ... والضربت الدبابة احترك نصها ، فتح الدبابة وطلع منها خاطر يخلص روحه ، و يا ما طالع والطلقة تنام براسه ، وبخاصرته.
مات من ساعتها .
پس ما شايلين جنته بوكتها ... ورا اياااااام ليما انتهت المواجهة والجيشين العراقي و الايراني نزلو يلمون الجنت التابعة الهم .... شالو جدته منتهيه والدم يابس أعلى وجه .. وهوية تقرأ ) ستار حاکم خضير)
دروا خبر لابوه و بلغوه باستشهاد ابنه ، حاكم وهو عاد طايح من طوله ساعة العرف ابنه استشهد ... ليما كايم أعلى حيله والأمر نزلاه ، راح لاهله .
تذكر هدوة ها الموقف وتكول : جنت جو بعدة انا والبنيات الضحى ، حمارة بالمدرسة و نوسة بني حذاي ولالة جاي تحوك بهالمكانيس ... و تسولف سوالف عادية مالت نسوان
اندكت الباب ، كلبي خفك و كلت ( يا ستار يا ربي ) من كونها دكة ضحى، لا هي جية أمي وجمارة ولا في جية ابوي من كون ابوي عوايده يو نزل، نزلته الصبح نكعد للكاه جاي ...
رادت تكوم لاله ، كلت الها : لاله لا ، اكعدي انا اكومن اشوف الباب .
طلعت والا اصبحن : يااااهو
ولنه حس ابوي يبجي و يصبح : فتحي الباب بوووووية .
اهتز حيلي اعلى حسنه ... همیت لهقانه اجرح بالسركي مالت الباب و افکنه ، و لنه ابوي مهدود
حيلة وحاط الشطقة اعلى وجه و ييجي، صرخت : هاااااا بوية .
اخوووووج ما يهدوه ، ستار استشهد .
صرخت من من كل خيلي وانا اصيح : يممممممه شاهي مات، بووووويه
وكمت العلم اعلى وجهي، اجت لالة سمعت الخبر و جابلتني بصريخها، وابوي كعد بالكاع ظهره
محني وييجي .
فرعت الوادم البالسلف كلها ... أعلى الصريخ
السلف الهز هز ... صكد جان الحزب ياخذ و جانت المفكودين شكتر وموت جنير ، لجن موت ما ينشاف بالعين والينوخذ ما يدرد يندفن بالمكابر الجماعية ويضيع اثره ... لجن الموت جان عزيز خصه یو جان شهید .. من يدس شهيد بسلف، تسوان و زلم و جهال تطلع من بيوتها تلاجي الشهيد ...
كمنا تتلاطم و النسوان من كل صوب اجبلت تلاجي و البيت اكتض بالنسوان و الزلام برا ، وابوي بلغهم باجر يستلم جثمانه .
امي محد مشى ليها من كونها ساعة حارة والكل اجبل و هي تجي من وره صلاة الظهر تجيب
جميرة و تجي .
ذيت السيارة اعلى الشارع العام، شافت ناس من ابعيد نشدت واحد .. ما يعرفها كالتله : شنهي شصاير بيمه بالسلف ؟
حجية شهيد جابوه لاهله ويكولون شاب .
- يممممه يعين أهله ، الله يساعد امه بو جانت عدله ، امشينا بجميرة يمه خلنا نمش شو جنها
الفاتحة جريبة اعلينا ، قد لا وحيد من الجوارين .
خذيت جميرة ومشيت وكلما اكبر اشوفن الهوسة جريبة أعلى بيتنه و انا اكولن ( یا ستار يا يمه شتهي ياهو الميت من اهلنا ) كربيت ولني اشوفن الهوسة اعلى بيننا، بهنت روحي وتكلن رجلية اريدن اخط الخدم وامشي تكلن خطواتي و كلبي خفك ، واغريضاتي طاحن من اديه .
كلت مامش منها ... يو زلمتي يو وحيدي راح ... جمارة ركضت جدامي ، من ركضت لمحت حاكم جدامي، غوشن اعيوني القهر طاح اعلى راسي ما اريدن اعرف ولا اريدن يكلولي وحيدج خذاه الموت .
من شافوني اسمعهم هوسة ويحجون لجن انني ما كانت تسمع هوستهم ، بس عاينيت لحاكم و كلتله : حاكم كلي وليدي ما صايبة شي .
ويا ما حجيت طاحو اخوتي اعلى راسي يحبوني و صرخ جبار و هو يكلي : عظم الله أجرج
خوية ابنج شهید.
اذني ما فرزنت غير ها لجلمتين ذن، ومن سمعتهن رجلي تاخن وطحت اعلی اجدامي ، حطيت اديه أعلى التراب و كمت : بستار يمه ، يوحيد امك .
وكمت اجرن بالتربان والذين اعلى راسي واصرخ .
اخوتي طاحو اعلية وحاكم كضائي ويجي والنسوان الثمن وانا اصيح بصوت وأصرخ ..... فكدت ما هيسيت الا وانا طايحة ما ادري بروحي .
ناكليني للمضمد صحاني و اطاني ابر ردوني للبيت ، والنسوان لاكني .. هديوة و جميرة اعلى راسي ما فاركني ، حيايبي ما هدني ، دمعتهن وياي ، والناس روجه تروح و روجة ترد .
اجبلو اعليه ولد اخوتي يصيرون ربعه و هو كل طلعته وجعدته وياهم ، طاحو أعلى راسي
يبجون وياي .
اجت بسري وبناتها ، تصرخ و تيجي وبناته مجابلات امهن وييجن ولاله كاعدة ليغاد تون وتصرح اعاين الهن اثنينهن حوامل ... وبنياته مريضاته وجنه يعلم كريت ساعة ووصاتي اعليهن
حطيت بناته يصفي و اصرح و ايجي
الثاني يوم الصبح راحو سلطان و حاكم، وبعد ما ادرى ياهو منهم راح وياهم و جابو جثمانه و اجو ... طحت اعلیه صرخت بجيت دكيت اعلى راسي .
شالو الزلم من عدنا ، بس ربعه التموا وطاحو اعلى التابوت يبجون ....
و گفت و گلت :
اندهولي الولد ربعه يريدونه الهدولي الولد .....
على التريان نام وغمض عيونه ... الدهولي الولد ...
الدهولي الولد ربعة يريدونه ....
خلونا انتريض ونتوادع اشوية ... اما احا
وما ينراد يا يوم الوداعية .... اما احا
انهض ولك يمه
با ستار با وحیدی
ما يراد يا يوم الوداعية ... اما احا
اكله يا الولد ليش اكطعت بيه ... اما اجا
ومخليها هاي امك وين ... امخليها ......
کمت ادکن اعلى راسي موش اعلى ديه و اصرح بكل خيلي ، ورديت التابوت اشيان بروحي و اطيحن اعليه ، صاح اخوي صلاح : شيلوا التابوت راح تموت مرة .
شالو وحيد كلبي وانا فكدت لا خليت هدوم ولا سيل، فكدت ذيج الساعة كلش ، وما كمت اشوفن احد جدامي الأدريه ارياي وتعب عمري ضاع و جابو ليه ملفوف بعلم و يسموني (ام
الشهيد)
خطوه أعلى السيارة وشدوه وانا فائدة اصرح ، سمعت هديوة تصبح : اذا هديتو ومشيتو وعلى تموت ، ما تروح وحدة من عدنا بس خلو امي تروح وتشيع منه.
وسلطان يصبح : مامش نسوان تمش، نروح تدفنه و نرد، تروح وياه شنهي ترجعه
گفت ليه وكلتله : من بس من الساعات المكضيتهن ويا وحيدي وتبخلهن علي بالنذل وتحرمني من اوليدي .
سرحان جان واكف ، صاح : ابشري يم الشهيد انا الشمال حملج، اصعدي انا اخذ واخليج
نواد عينه ليما يبرد کلیج.
ركضت هدية و هي تجيب عبايتها لامها بعد ما النسوان لبستها ثياب من شكت زيكها ، حطت العباية على راس امها ، سرحان اشر الها تصعد و يا امها ، جرت عباتها وصعدت ، جمارة كضت بديالها ، جرتها هدوة وصعدتها وياها، ويتها ضلت بالبيت ويا الجهال .
طلعوا للنجف فروه بمرقد الأمام على ... وطلعوا بيه المكبرة وادي السلام .
دفنوه ، و یا دفتنه کواغد فقدت کلش و طاحت و بالماي مكعدينها ، تعبت يعرفه اعلى ابنها ..... وثلث تيام الفاتح ادك اعلى ابنها .
ليما فكت الفاتحة ... شكل وياها سكر من القهر اعلى ابنها كامو كل ساع وتاكلينها للمستشفى ... من كون يو ذكرت وشافت مجانه ابنها وهو مامش ، تكعد بالمجان ادك أعلى راسها ليما يصعد السكر واطيح وياخذونها.
سرحان جان شغلة ابغداد .. من مشى بلغ ايمان باستشهاد ستار من عرفت ظلت تبجي و کامت تتوسل بسرحان ياخذها وياه للسلف .
كال الها : وعد يو رحت .. الخذنج
مر على راديون تفكر حالها وتسوك الها ، وكال الها شديت خط مالت تليفون ، الا وصیت جسام يشداج خط ... خاطر تخابرين امج والاهل عاد ...
من رد استرخص من اخوة ايمان و خذاها وياه هي وجهالها الديرة الى جلوب ... ليما وصلت كالتله : اني راح اروح لبيت حاكم
ارتاحي خوية و امشي.
لا اريد اشوفه اکید هسته حاله يقهر على ابنه، خل اخذله الجهال واخلي مؤيد بحضنه بلكت يخف المه.
جا اوصلنج بعد
خذاها و دیاها اباب بيت حاكم ومشي بدربه .
مشت وهي تجر بجها لها . دكت الباب .....
ايمان فطيرة وما تفهم بسوالف الحزن ... من كون عدهم أهل الميت ما ينطب الهم بألوان ، بس هي ما تعرف بها السالفة .. أو ما حاطتها اعلى بالها ، اجت لايسه نفنوف وردي وبيه ورد ازرك
ولابسه العباية عليه .
فتحت الها الباب هدوة، من شافتها مجبله اعليهم بس بأنوان ، تكلت وجهه ، ودرجت الحب اخواتها
ایمان : حاکم وینه ؟
ابوي داخل ، نايم بحجر تج.
دخلت و کواغد قاعدة و حاطة المسجل بصفها ومشغلة قرآن و حانية الظهر مثلها مثل كل ام
فائدة و نگلی
من شافت ایمان طبت و بنوب الوان، دارت عنها ما سلمت عليها ، قربت ایمان و دیکت تسلم . حبتها بس كواغد ما بادرت عليها ، واعتبرتها ما محترمة حزنها على ابنها.
بس ايمان ما استلمت السالفة شنهو ... حسبالها ما رايدين جيتها و هل نكلو وجوهم من دشت عليهم.
مؤيد سبق امه وركض لحجرتهم ... وراح يحبحب بأيوه ، حاكم فر وشاف ابنه خطاه اعلى كلبه
يحبحب بيه و يكله : يا هو الجابك ؟
ماما
اندار وهي دخلت للحجرة ، كام اعلى حيله لهفان اعلى شوفتهم ، كريت ليه تسلم و هو يسلم و
يشيل بهند يحبحب بيها : جا ذيج الزغيرة وينها ؟
- بيد هدية
شلونج شلون صحيح
اسأل عنك ، من سمعت بوفاة ستار كلش انقهر وبقيت ابجي ، وكلت السرحان يجيبتي لهنانه
حتى اشوفك
امر الله بعد جا منسوي .
وراح همالين ترجع للحرب
جا شلون افر .. تخلص اجازتی و اردن .
اكعدي ..
حجاها و هو باشر المؤيد حتى يسد الباب ، وكواعد تربي اعليهم من ابعيد ...
كريت منها هدية : لا تضوجين يمه اعليج الحسين ...
- سلام الله اعلى الحسين يمه ، لجن اكولن مامش خسر غيري ، انا الفكدت وليدي ووحيدي ، الا
ابوج عده ابن بيمه البشيل كبرته و يباريه انا ياهو الآلي ، ظليت بلا ولد .
جا احنا وين رحنا بيمه لا تكولين هيچ .
البت خطار اهلها موش شيالة .
جا ان ما ظلينا الله أكبر من الكل وياج .
هزت راسها و دنجت حطت الشيلة اعلى وجهه و ظلت تنعى اعلى ابنها ، اجن بنات ستار .
ويسرى ولالة جابلنها ويبحن وياها.
حاكم : عليش جاية بألوان ، جا ما تعرفين عدنا عزا ولزوم تجبلين محزنه .
ما عندي هدوم سود، وما على بالي هيجي .
شوفيلج لوب اسود من وحدة منهن و اليسي لا تظلين هيچ كواغد مكسورة ما يصير
تجابلينها بالوان.
ما اكدر اخذ من أحد اخاف .
- تخافين منيش .
اني اجيت بس اشوفك واروح
تروحين وين ؟
حاكم اني ما اكدر ابقى هنانه ، شتحجي احجي بس اني لو شكد ما احجيلكم واكولكم اشوف اشياء غريبة و اشوف جن و طناطل ما تصدكوني، والي ما أكثر ارجع اتحمل هالشي وهذا
السبب اللي مخليني اتجرع بيت اهلي ولا الطباطل الأشوفها هناية .
حكم انا جنت اجذبنج ، بس بعدين عرفت الحك حكج ، وانا نفسي ما امن احطج وياهم بعد. الصار، بس انا تعرفيني ما عدي بطرك هالراتب و گواهد نکسرت و بعدت ، وستار مات ... مالي
معين ولا عدى احطن بيت و العدنج .
افهم هالكلام كله ، وحقك مدا اكول مو حقك ، بس هم حقي وما اكدر ابقى هنا .
الله كريم ، دكومي هسه و اطلبي من لاله ملابس سود، والبسيهن .
دشت هديوة و هي نطي البنية لامها .. كال الها حاكم : جيبيها
خذاها و حباها و كال الها : تسميتيها ؟
نهاد
موش حلو
تبسمت ، خزه : لا تضحكين .
ردت هدية لابوها : بويه امي مقهوره و ایمان ملابسها مشعشعات ما يصير
- شوفيها توب.
انا تیابی کصیفات اعليها ، هي سميته ، خل اشوفن ويا من تتلابس
مشت وخذت الها ثوب من لاله من كونها حامل وثيابها وسيعة لبستهن و بقت يمهم للعصر و
كالتله : ما آيات هتانه ، اروح لبيت سرحان
ما راد يضغط عليها ، وخذها ليقاد طلع اله سرحان : ها ابو ستار
تنهد : هلا ابو مأمون
شنهي الحال
ما ترضى تضل عدي تكول اخافن وحكها ، جا الومنها.
عليش ما اتأجراها ابغداد ؟
- ومنيلي انا يا ابو مأمون .
- خوية الله بالخير عليك
الله بالخير
انت راح تتسرح جريب ، موش يو لا ؟
اي ما ظلي جتير اذا الله هلانا سالمين ، ثلث تشهر و تنتهي خدمتي بالعسكرية.
انت صاحب خبرة مال ستين بالمعامل و انا اتقن بيك من زمان اجراها عاد واشتغل هناك .
والوارد التاخذه هناك ابغداد ، ما تاخذه ب ٣ شهور هنا بالسلف : صحيح يولا ؟
والله يابو مامون تسويلي فضل ما انساه .
آقا جا انت اخوي ، اسمع الحجي بيناتنا ، اخيتي راديون غاد اجر بيت جريب اعليها من كون
جسام ابن عمك ، وهم عينهم اعليها واعلى جهالك يو غيت .
يا ريت
اسبوع
شكتر ظال الاجازتك ؟
خذلك يومين هنا و اخذها .
ان شاء الله ، ممنون منك يابن الاجاويد افضالك و افضال ابوك و جدك غركتي .
انا ابو ستار انت من أهلنا .. جا هي المشيخة شني، تشيخ اعلى الوادم يو تشيل عنهم .
این اصول الله يديمك .
اخذله حاكم يومين ومشى ابغداد أعلى العنوان الاطاة سرحان اله، ساعة الوصل الجسام و سلم
اعليه ، جسام طاربیه و فرحان و استقبلاه ابیته هو ايمان
ومد السفرة وجاب و خط بضيافته و حاکم بکله : امك منغله بيك ، من كون مستحيل سلطان
ابوك .
و جسام يضحك وفرحان بجبته عليه ، فتح وياه الموضوع وكاله : علبت اعلى معرفتك تشوفلي بيت ايجار هذا .
جسام : المن؟
والله قرریت اخذلي بيت ابغداد و اديرها ليما الله يفرجها.
اي والله
- وتعيش هذا ؟
جا وعايلتك غاد، شنهي تجيبهم مناك وتكنهم هنا ، لو شلون ؟
لا والله اروح وارد جا بعد شسوی.
ويت زغيرة تأجر لها يابو ستار هنا ، ما تعرف الحرامية يدشون اعليها .
ها لرايد بيت جريب منك تخلي عينك عليهم بو رحت .
عليش هكو فوك حجرة و سطح زغير كل تكعد فوك .
وياكم ؟ لا بوية جا تعدم راحتكم .
انا للسيعة بالليل يالة ادشن البيت اكلي لكمة و اكعد شواي وانا من ، لا شايف البيت ولا ساكنه .
انت موش غريب أخوي ، ليما الله يفرجها عليك ، وبعد بكيفك .
والله ما ادري انا اخافن اكيدكم
راديون : صدك جذب يابو ستار عليش تكيدنا ، بالعكس وعلي ونيس الي : هالجهال تلعب ويا وليسة ، وأمونه وياي .. واحنا شديدا خط يمنى ما تريد اخابر ليغادي وتسمع اخبارهم.
فرح حاکم باقتراح جسام و عزل فول بحجرة الله ولمرته و جهاله، وامناهم عد جسام وراح .
جسام اكرمهم ، وكت اليغيب حاكم ، ما يرضى لرایدون تخلی ایمان تطبخ فوك لوحيدها .
يطبخن سوا وياكلن، وساعة المتواجد ، يدش بالحجرة داخل وما يظل طالع راجع ، خاف ایمان
تستحي تنزل للحمام بالليل .
جمارة : هدية ، هدية
مدية : - ها ؟
اكلج انا راح الفصل من المدرسة و أمي ما تروح بعد ليغادي شلون كليلي ؟
جا ما تشوفين الحال يا جميرة ، وينا وين المدرسة .
- مو يفصولني .
جا واذا فصلوج شيصير
بعد ما اداوم ما يخلوني واعيدن السنة وحرامات ما ظل منها شي ، هالشهر امتحانات اخير السنة .
جا امي مريضة ما تعاينين حالها ، شلون بيه.
سكتت عني ومشت ، بس هيجانه حيل اعلى مدرستها وامي من موقت ستار وليجاي ، ما بيها حيل اعلى الوكفة السكر كضاها كضيان .
نامت امي ، ليست عباتي و رحت السرحان للمضيف من كون اعرف ياسر این زناد هم بداوم بالولاية صف اول متوسط هلبت الله يكدرون ياخذون جميرة وياهم.
مشيت للمضيف بس ما كريت المضيف كله ازلام عیب کضیت واحد من الجهال و كلتله :
تروح تكل للشيخ هدوة بت حاكم تريدك .
ركض الجاهل ، مامش دقايق وطلع من المضيف ، اشر ونزل للبستان ، انا مشيت وراه ليما خشينا بكلب البستان ، وكف وكال : هلا بالجبل اعلينا بوية ، شنهي بهدوة لا تنشدين لا تكولين .
جا تعرف حالنا يسرحان، حال الضيم القهر ما خلالنا رأي .
الله يساعدكم ، بس اليحب يعت من كونج يو موش عزيز ما يهمني يو ما تمرين ولا تنشدين .
يعزك الله ، بس انا اجيتك وطالبتك .
امري واعلى رايج تم .
جميرة من وفاة أخونا وليجاي وهي ما مداومه و تخاف يكطعونها مدري شني
- يفصلونها
ای های و مکروده ضبحانه وانا اعرف ابن زناد هم بداوم غاد ، هلبت تروح وياه .
ياسر اذا موكل خنجر ياخذه ويجيبه مناك ، تريد يمرونها الصبح أوصي خنجر من ياخذ ياسر .
والله خير ما تسوى البت شايطة رويحتها اعلى دراستها وحرامات ما ظل شي للامتحانات
اعتبري هالموضوع خلصان و خبريها الصبح تتحضر خنجر يمر بيها .
جا خوش .
وانت ؟
- انا شهي
انشد عنج شمعتازة ما معنازة .
ما معتازة غير اسمع عنك الزين و يكولون بخير.
تبسم : الأنفكدو زامهن تطلكن بهدوة، وانا لهساع ناطر ووروحتي لابيه اعلى ذاك اليوم القاضي
يصدر طلاكج ويردج العشكي .
انا الخافن احلم بهذاك اليوم
- الأمر تغير بهدوة واليوم انا شيخ موش ابن شيخ وامر ابوي فوك راسي .
ان جان حالك تعمل حالی رکس و توهدن ازيد ... يو جان بس نهوة ، اليوم انا مفكود رجلي موش ميت ... وعدي بت، وال تحيل بسرحان هم هم ... وكل يوم يزيد حقدهم أعليكم ما يخف .
تشكرين
- ما ناسية من عشكك في خاطر الفكر .
حلفت الج بالعباس احبتج والعشك هاذ وقالح بهدوة وكل يوم يكبر بفادي ما ينكص ، وان
جانت الظروف كطمت اديه غصب وبعدتنا، لجنها كلوبنا هي هي .. وازود .
وارد للشوك ... واحلم بيك و تدمع عيوني من اتخايلك ، و يو مر اسمك كلبي يخفك و الوجه
ينطعن اصغر و النفس يتلايم و الروح تلوب اعلى ملكاك .. ما بياش
انا ناطر يهدوة.
و انا كثر ما نظرت انتهيت يسرحان
کليلي اي و خليني اردن لذاك الشوك و احتم الوادم اعلى طلاكج ...
وال تجيل ؟
راضي بو ما حصليتج اموتن بعشكح ....