تحميل رواية «كحل عرب» PDF

رواية كحل عرب الفصل الاربعون

‏( ﻋﻠﻰ ﺍﻃﻼﻝ ﺍﻟﻤﺎﺿﻲ ‏)

ﮔﺒـﻞ ﺣﺒـﻚ ..

ﺟﺒﻞ ﻣﺎ ﻻﺡ ﻃﺮﻓﻲ ﺍﻟﺴﻴﻞ

ﻫﺴﻪ ﺍﻭﻝ ﺯﺧﺎﺥ ﺍﻳﻐﻄﻦ ﺳﻔﻮﺣـﻲ !..

‏( ﻋﺮﻳﺎﻥ ﺍﻟﺴﻴﺪ ﺧﻠﻒ ‏)

ﻛﺢ ﻓﻼﺡ ﻭ ﻓﺘﺢ ﻋﻴﻨﻪ ، ﺳﺮﺣﺎﻥ ﻭﺍﻛﻒ ﻓﻮﻙ ﺭﺍﺳﻪ .. ﺣﺠﻪ : ﺍﻧﺖ ﻳﺎﻟﺨﺎﻳﺚ ‏( ﻣﻜﺴﻮﺭﺓ ﺳﻨﻮﻧﻪ ‏) .. ﺍﻧﺖ ﺗﺠﺘﻠﻨﻲ .

ﺟﺎﺑﻪ ﺧﻨﺠﺮ ﺑﺪﻓﺮﻩ ﺑﺼﻔﺎﺣﻪ ﻭ ﻛﺎﻟﻪ : ﻳﺎﻫﻮ ﺍﻟﺨﺎﻳﺲ ، ﺍﻧﺖ ﻳﻮ ﻫﻮ ، ﺍﺣﺠﻲ ...

ﺿﺮﺑﻪ ﺑﺼﺪﺭﻩ ﻛﺎﻡ ﻳﻜﺤﻜﺢ ﺑﻘﻮﺓ ، ﺩﻧﺞ ﻋﻠﻴﻪ ﺳﺮﺣﺎﻥ ﻭﻛﻀﻪ ﻣﻦ ﻳﺎﺧﺘﻪ : ﻳﺎ ﻧﺬﻝ ﻳﺎ ﺧﻨﻴﺚ ، ﻳﺎ ﺧﺒﻴﺚ ، ﻭﺭﺩﺓ ﺍﻛﻄﻌﺘﻬﺎ ﻣﻦ ﻧﺺ ﻛﻠﺒﻲ ﻭ ﺍﻃﻴﺘﻬﺎ ﺍﻟﻚ .. ﻫﻴﺞ ﺗﺴﻮﻱ ﺑﻴﻬﺎ

ﺣﺠﻪ ﺻﻮﻳﺤﺐ ﺧﻨﺠﺮ : ﺳﺮﺣﺎﻥ ﻫﺎﺫ ﺷﺎﻓﻚ ﻭﺭﺍﺡ ﻳﺎﺫﻳﻨﻪ .. ﺷﺘﻜﻮﻝ ﻳﻮ ﻧﺠﺘﻠﻪ ﻭ ﻧﺨﻠﺺ ﻣﻨﻪ

ﻓﻼﺡ ﻳﻮﻥ ، ﻭ ﺳﺮﺣﺎﻥ ﻛﺎﺽ ﺑﻴﺎﺧﺘﻪ ﻭﺭﻓﻊ ﺭﺍﺳﻪ ﺍﻟﻬﻢ ، ﺟﺎﻭﺑﻪ ﺍﻟﺸﻘﺎﻭﺟﻲ ﺍﻟﻼﺥ : ﻻ ﺍﻧﺎ ﺍﻛﻮﻝ ﻧﻬﺪﻩ ﺧﻄﻴﻪ ، ﻓﻠﻴﺢ ﻭ ﺍﻥ ﺟﺎﻧﻪ ﺍﻏﻢ ﻟﺠﻦ ﻣﺎ ﺭﺍﺡ ﻳﺤﺠﻲ ، ﻣﻮﺵ ﻫﻴﺞ ﻳﺎﻷﺟﺮﺏ ؟

ﺗﻘﺪﻡ ﺍﻟﺸﻘﺎﻭﺟﻲ ﺍﻟﻼﺥ ، ﺷﺎﻝ ﺭﺟﻠﻪ ﻭ ﺧﻼﻫﺎ ﺍﻋﻠﻰ ﺻﺪﺭﻩ ، ﻣﻴﻞ ﺳﺮﺣﺎﻥ ﻭﻭﻛﻒ ﺍﻋﻠﻰ ﺣﻴﻠﻪ ﻳﻨﻜﺚ ﺑﻴﺪﻩ : ﺷﻮﻓﻮ ﺷﻐﻠﻜﻢ ﻭﻳﺎﻩ

ﺧﻨﺠﺮ -: ﺍﻧﺎ ﺍﻛﻮﻟﻦ ﻧﺨﺼﻲ ﻭﻧﻌﺪﻣﻪ ﺍﻟﻌﺎﻓﻴﺔ

ﺍﻟﺸﻘﺎﻭﺟﻲ : ﻻ ﻻ ﻳﺨﻨﺠﺮ .. ﻣﻜﺮﻭﺩ ﻋﻠﻴﺶ ﺗﻌﺪﻣﻪ ﺍﻟﻌﺎﻓﻴﺔ ، ﺍﻧﺎ ﺍﻛﻮﻟﻦ ﻧﻜﺺ ﺍﻟﺴﺎﻧﻪ ﻭ ﺧﻠﻪ ﻳﺸﺘﻐﻞ ﺳﻜﺘﺎﻭﻱ

ﺻﺮﺥ ﻓﻼﺡ : ﻻﺍﺍﺍﺍﺍﺍﺍﺍﺍﺍ

ﻭﻛﺎﻡ ﻳﻜﻀﻜﺾ ﺑﺮﺟﻠﻴﻬﻢ

ﺩﻓﺮﻩ ﺍﻟﺸﻘﺎﻭﺟﻲ ﻭ ﻛﻮﻣﻮﻩ ﺍﺛﻨﻴﻦ ﻭ ﺣﺠﻪ : ﺍﺳﻤﻊ ﻟﻚ ، ﺗﺼﻢ ﺣﻠﻚ ﻭﻣﺎ ﺗﺤﺞ ، ﻭ ﺧﻠﻬﺎ ﺍﺑﺎﻟﻚ ﻛﻞ ﻭﺍﺣﺪ ﺑﻴﻨﺎ ﺧﻠﻚ ﻋﻔﻄﻲ ﺳﺮﺳﺮﻱ ﻧﻜﺮﻱ ﺷﻼﻳﺘﻲ ﻫﺘﻠﻲ ﻭﺑﻜﻞ ﻓﺨﺮ ﺣﺎﻭﻳﻬﻦ ، ﺗﺠﺔ ﻭ ﺧﺎﺭﻃﻴﻨﻬﺎ ﻣﺎ ﻋﺪﻱ ﻛﻞ ﻣﺎﻧﻊ ﻫﺴﻪ ﻫﻨﺎ ﺍﻫﻴﻨﻨﻚ .. ﺗﺼﻢ ﺣﻠﻜﻚ ﻭ ﺗﺴﻜﺖ .. ﻧﻔﻜﺮ ﻧﻌﻔﻲ ﻋﻨﻚ ﻭ ﻧﺘﺮﻛﻚ .. ﺗﻌﻤﻲ ﺍﻋﻠﻰ ﺭﻭﺣﻚ ﻭ ﺗﺤﺠﻲ ﻧﻼﻛﻴﻚ ﻟﻮ ﺗﺨﺘﻞ ﺑﻌﺐ ﺍﻣﻚ .. ﻭﻧﺴﺤﻠﻚ ﻭ ﻧﺠﺘﻠﻚ ﻭ ﺍﻧﺖ ﺍﺧﺘﺎﺭ .

ﻛﺎﻡ ﻳﺘﻮﺳﻞ ﺑﻴﻬﻢ ﻭ ﻳﺤﺒﺤﺐ ﺑﺪﻳﻬﻢ ﺧﺎﻃﺮ ﻳﻌﻴﻔﻮﻧﻪ ، ﺳﺮﺣﺎﻥ ﺍﻧﺪﺍﺭ ﻋﻨﻬﻢ ﻭ ﻣﺸﻰ ، ﺗﺒﻌﻪ ﺧﻨﺠﺮ : ﺷﺮﺍﺡ ﻧﺴﻮﻱ .

- ﻣﺎ ﺑﻴﺪﻧﺎ ﻧﺴﻮﻱ ﺍﺯﻭﺩ ﻣﻦ ﺍﻟﺴﻮﻳﻨﺎﻩ .

- ﺟﺎ ﺑﻌﺪﻙ ﻣﻬﻤﻮﻡ

- ﺷﻨﺎﻃﺮ ﻣﻨﻲ ﺍﻓﺮﺡ ﻭ ﻫﺪﻭﺓ ﺑﻬﺎﻟﺤﺎﻝ ﻭﺭﺍﻛﺪﺓ ﺍﻟﻤﺴﺘﺸﻔﻰ ؟

- ﻏﺴﻤﺘﻬﺎ

- ﻫﺰ ﺭﺍﺳﻪ ﻭ ﺍﻧﺪﺍﺭ ﻭ ﻫﻮ ﻳﺤﺠﻲ : ﺍﻟﺴﻨﻮﻥ ﻭﻳﻨﻬﻦ

- ﺫﻥ

ﻣﺪ ﺍﻳﺪﻩ ﻭ ﻓﺘﺤﻬﻦ .

- ﺷﻮﻓﻠﻲ ﺷﻲ ﻭ ﺧﻠﻬﻦ ﺑﻴﻬﺎ ، ﺗﻜﺶ ﺭﻭﺣﻲ ﺣﺘﻰ ﻣﻦ ﺳﻨﻮﻧﻪ

ﺩﻧﺞ ﻋﻼﻛﺔ ﻭﺳﺨﺔ ﺷﺎﻟﻬﺎ ﻭﺣﻄﻬﻦ ﺑﻴﻬﺎ ﻭ ﻛﺎﻟﻪ : ﺗﺎﻣﺮ ﻳﺼﻮﻳﺤﺒﻲ ﻫﺎﻙ .

ﺍﺧﺬﻫﻦ ﻭ ﻫﻮ ﻳﺮﺑﻲ ﺍﻋﻠﻰ ﺍﻟﺪﺭﺏ ﻭ ﻳﺤﺬﺭ : ﻋﺪﻭﻳﻨﺎ ﺟﺜﺮﻭﺍ ﻳﺨﻨﺠﺮ ، ﻣﻨﺎ ﻭ ﻏﺎﺩﻱ ﺷﻴﻞ ﺍﻟﺘﻔﻜﺔ ﻭﻳﺎﻙ ﻭﻻ ﺗﻬﺪﻫﺎ

- ﺍﺫﺍ ﺍﻋﻠﻰ ﺭﻭﺣﻲ ﺍﻟﺨﻨﺠﺮ ﺑﺼﻔﺤﺘﻲ ﻧﺎﻳﻢ ﻭ ﻗﺒﻀﺔ ﺍﻟﺤﺪﻳﺪ ﺑﺠﻴﺒﻲ .. ﻭ ﺍﻥ ﺟﺎﻥ ﻋﻠﻴﻚ ﺍﻧﺎ ﺍﻓﺪﻳﻚ ﺑﺮﻭﺣﻲ

- ﺳﺎﻟﻤﺔ ﺭﻭﺣﻚ ﺧﻮﻳﻲ، ﺍﻣﺶ ﻭﻳﺎﻱ .

ﺧﺬﺍﻩ ﻭ ﻣﺸﻰ ﻟﻠﻘﺼﺮ ، ﻓﺘﺢ ﺍﻟﻤﺨﺰﻥ ﻣﺎﻟﺖ ﺍﻷﺳﻠﺤﺔ ، ﺷﺎﻟﻪ ﺗﻔﻜﻪ ﻭ ﺍﻃﺎﻫﺎ ﺍﻟﻪ : ﻫﺎﻱ ﺧﻠﻬﺎ ﻋﺪﻙ ، ﻭ ﻇﻞ ﺗﻔﻜﺪﻟﻲ ﺍﺧﺒﺎﺭ ﺑﻴﺖ ﺣﺎﻛﻢ ﻭ ﺍﻋﺮﻓﻠﻲ ﻣﻨﻬﻢ ﺷﻨﻬﻲ ﺍﻟﻴﺼﻴﺮ ﺗﺎﻣﺮ

...

ﺳﻠﻄﺎﻥ : ﻻ ﺗﻜﺒﺮﻫﺎ ﻳﺤﺎﻛﻢ ، ﺍﻟﺰﻟﻤﺔ ﺟﺎﻥ ﺳﻜﺮﺍﻥ ﻭ ﻣﺎ ﻳﺪﺭﻱ ﺑﺤﺎﻟﻪ

- ﻭﺑﺘﻲ ﻣﺎ ﺗﺤﻤﻞ ﺍﺛﺎﻣﻪ ، ﺍﻥ ﺟﺎﻥ ﺳﻜﺮﺍﻥ ﻣﻮﺵ ﺫﻧﺒﻬﺎ ﻭ ﻣﺎ ﻳﻄﻴﺢ ﻋﻨﻪ ﺍﺛﺎﻡ ﺍﻟﺴﻮﺍﻩ ﻭﻳﺎﻫﺎ

ﺳﺘﺎﺭ : ﺍﻧﺎ ﻏﻴﺮ ﻳﻮ ﺍﻛﻀﻨﻪ ﻭﻋﻠﻲ ﺍﻻ ﺍﺳﺤﻚ ﺑﻤﺼﺎﺭﻳﻨﺔ ﺑﺲ ﺷﺮﺩ ﺍﻟﺠﺒﺎﻥ .

ﻧﺎﺻﺮ : ﺍﻟﻠﻪ ﻭﺍﻛﺒﺮ ﺷﻨﻬﻲ ﺍﻭﻝ ﻣﺮﺓ ﺗﻨﻄﻚ ﻭﺑﻌﺪﻳﻦ ﺗﻜﻢ ﻫﻢ ﻣﻮﺵ ﮔﻠﻴﻠﺔ ﺫﻧﺐ ، ﻣﺎ ﺣﺠﺎﻟﻪ ﺟﻠﻤﺔ ﺍﻻ ﻭﺭﺩﺗﻪ ﺑﻌﺸﺮﺓ

ﻛﻮﺍﻏﺪ : ﺧﺎﻓﻮﺍ ﺭﺑﻜﻢ ﻳﻤﺘﻰ ﺭﺩﺗﻪ ، ﻣﻮﺵ ﻫﺎﻱ ﻭ ﺣﺠﺘﻠﻜﻢ ﻭ ﻛﺎﻟﺖ ﺩﺧﻞ ﺳﻜﺮﺍﻥ ﻭ ﺟﺘﻠﻨﻲ .. ﻛﻮﻝ ﻫﺪﻭﺓ ﺭﺩﺗﻪ ﺍﻟﻔﺮﺧﺔ ﻫﻢ ﺭﺍﺩﺩﺗﻪ ﻭ ﻃﺎﻛﻬﺎ ﻭ ﻣﺼﻮﺏ ﻛﺼﺘﻬﺎ ؟ ﻳﻮ ﻟﺰﻭﻡ ﺍﺩﻳﺮﻭﻥ ﺍﻟﺤﻚ ﺑﺎﻃﻞ ﻫﺎﻃﺮ ﺗﻌﻴﺒﻮﻧﻬﺎ ، ﺟﺎﻥ ﺍﺳﺘﺤﻴﺘﻮ ﺍﻋﻠﻰ ﺍﺭﻭﺍﺣﻜﻢ

ﺳﻠﻄﺎﻥ : ﻻ ﻫﺎﺫ ﺍﻟﺤﺠﻲ ﻣﺎ ﻧﺮﺿﻰ ﺑﻴﻪ ﻳﺤﺎﻛﻢ ، ﻛﺾ ﺣﺮﻣﺘﻚ ﺑﻮﻳﻪ

ﻛﻮﺍﻏﺪ : ﺍﻟﺮﺿﻴﺖ ﻭ ﺍﻟﺠﻔﻴﺖ ﻣﻮﺵ ﺑﻘﻴﺪﻙ ، ﺍﺑﻨﻜﻢ ﻳﺘﻬﻢ ﻣﺮﺗﻪ ﻣﻬﺮﻣﺔ ﻭﻳﺎ ﻏﻴﺮﻩ ﻭﺟﺎﺍﻳﻴﻦ ﺍﺩﺍﻓﻌﻮﻟﻪ ﺑﻴﺎ ﻋﻴﻦ ، ﻣﻦ ﻛﻮﻧﻬﺎ ﻣﻬﺮﻣﺔ ﻋﻠﻴﺶ ﺟﺎﻳﻴﻦ ﻟﻴﻬﺎ ﻟﻠﻤﺴﺘﺸﻔﻰ ﻭ ﺍﻥ ﻛﻮﻧﻬﺎ ﺑﺮﻳﺔ ﻓﺎﻧﺘﻢ ﺑﺎﻃﻠﻴﻦ ﻋﺒﻦ ﺟﺎﻳﻴﻦ ﺍﺩﺍﻓﻌﻮﻥ ﻟﻠﻤﺬﻧﺐ ﻣﻮﺵ ﻟﻠﺒﺮﻱ

ﺳﻠﻄﺎﻥ : ﺍﻓﻬﻤﻲ ﻭﻛﺼﺮﻱ ﺍﻟﺴﺎﻧﺞ ﻳﻤﺮﺓ ، ﺍﺣﻨﺎ ﻣﺎ ﺟﺎﻱ ﻧﺪﺍﻓﻊ ، ﺍﺣﻨﺎ ﺟﺎﻱ ﻧﻠﻢ ﺍﻟﻔﻀﻴﺤﺔ

- ﻭﻳﻨﻚ ﻭﻭﻳﻦ ﺍﻋﻜﺎﻟﻚ ﺳﺎﻋﺔ ﺍﻟﻜﺘﻠﻬﺎ ﻭ ﺍﺑﻦ ﺍﺧﻴﻚ ﻳﻜﻔﻜﻒ ﺍﻋﻠﻴﻪ ﻭ ﻣﺎ ﻳﺮﺿﻰ ﺍﺣﺪ ﻳﺎﺧﺬﻫﺎ ﻟﻠﺪﻛﺘﻮﺭ .. ﺟﺎ ﻳﻮ ﻣﺎﺗﺖ ﻳﺎﻫﻮ ﺍﻟﻴﻨﻔﻌﻨﻲ ﺍﻧﺖ ﻳﻮ ﻋﻜﺎﻟﻚ

ﺳﻠﻄﺎﻥ : ﺷﻨﻬﻲ ﺍﻟﻘﻀﻴﺔ ﻳﺤﺎﻛﻢ ﺗﺮﺓ ﺣﺮﻣﺘﻚ ﻳﻮ ﻻﻟﻪ

ﻛﻮﺍﻏﺪ : ﺍﻧﺎ ﻣﻮﺵ ﺑﺎﻃﻠﺔ ﺣﺘﻰ ﻳﺮﺩﻧﻲ ﻭﻻ ﺍﻧﺎ ﻣﺮﺓ ﺧﻔﻴﻔﺔ .. ﺍﻧﺎ ﺑﺖ ﺷﻤﺨﻲ ﻭ ﺣﺠﺎﻳﺔ ﺍﻟﺤﻚ ﺍﺣﺠﻴﻬﺎ ﺍﻥ ﺟﺎﻥ ﺭﺿﻴﺘﻮ ﻭ ﺍﻟﻤﺎ ﺭﺿﻴﺘﻮ ، ﺑﺘﻲ ﻳﻨﻮﺧﺬ ﺣﻜﻬﺎ ﻣﻦ ﻋﻴﻮﻧﻜﻢ ﻣﻦ ﻋﺒﻦ ﺍﻧﺖ ﺍﻟﺘﻜﻔﻠﺖ ﺭﺩﺗﻬﺎ .. ﻭ ﻫﺎﻻﺟﺘﻨﻪ ﻫﺎﺫ ﺣﺎﻟﻬﺎ

ﺣﺎﻛﻢ : ﺍﻟﻤﺮﺓ ﻣﺤﺮﻭﻙ ﻛﻠﺒﻬﺎ ﺍﻋﻠﻰ ﺑﺘﻬﺎ ، ﻣﺎ ﻋﻠﻴﻬﺎ ﻋﺘﺐ ، ﺍﻟﻌﺘﺐ ﺍﻋﻠﻰ ﺍﺧﻮﻱ ﺍﻟﻴﻐﻄﻲ ﺍﻋﻠﻰ ﻋﻤﺎﻳﻞ ﺍﺑﻨﻬﻮﻻ ﺟﻦ ﺍﻧﺎ ﺍﻣﻨﺖ ﺍﻟﺒﺖ ﻋﺪﻩ ، ﻟﺠﻦ ﺍﻧﺎ ﻣﺎ ﺍﻟﻲ ﺣﺠﻮﺓ ﻭﻳﺎﻛﻢ ، ﺍﻛﻀﻦ ﻓﻠﻴﺢ ﻭ ﺍﺣﻨﻪ ﻧﻌﺮﻑ ﺷﻨﺘﺼﺮﻑ ﻭﻳﺎﻩ .

ﺳﻠﻄﺎﻥ : ﺟﺎ ﺷﻠﻮﻥ ﻧﻈﻞ ﻫﻴﺞ ﺑﺲ ﻧﻬﺎﺩﺩ

ﻛﻮﺍﻏﺪ : ﺍﻧﺎ ﺍﻛﻮﻟﻦ ﻳﻮ ﺗﺠﻔﻮﻧﺎ ﺷﺮﻛﻢ ﻣﻦ ﻛﻮﻥ ﺍﻟﻜﻠﻮﺏ ﻣﻮﺵ ﺣﻤﻞ ﺗﺸﻮﻓﻜﻢ .

ﺳﻠﻄﺎﻥ : ﻭﻟﺞ ﺷﻨﻬﻲ ﺍﻧﺖ ﻣﻦ ﻣﺮﺓ ﻣﺎ ﺗﺤﺸﻤﻴﻦ ﺍﺣﺪ ، ﺍﺣﺘﺮﻣﻲ ﺭﻭﺣﺞ ﻻ ﺍﻋﺮﻑ ﺷﻐﻠﻲ ﻭﻳﺎﺝ ، ﺍﻥ ﺟﺎﻥ ﻣﺎﻟﺞ ﺭﺩﺍﺩ ﺍﻧﺎ ﺍﺭﺩﻧﺞ

ﺣﺎﻛﻢ : ﺣﺪﻙ ﻳﺒﻮ ﻧﻌﻤﺔ ﻣﻮﺵ ﻣﺮﺗﻲ ﺍﻟﻴﻨﻜﺎﻝ ﺍﻟﻬﺎ ﻫﺎﻟﺤﺠﻲ ، ﺍﻭﺟﺐ ﻋﻨﺪﻙ ﻭﻻ ﺗﺘﻌﺪﻯ ﺍﻋﻠﻴﻬﺎ .

- ﻣﺮﺗﻚ ﺳﻠﻴﻄﺔ ﺍﻟﺴﺎﻥ ﻭﻣﻮﺵ ﺍﺻﻴﻠﻪ

- ﺧﺎﻳﺐ ﻛﻼﺏ ﺍﻟﺪﻧﻴﺎ ﺍﻥ ﺟﻨﺖ ﻣﻮﺵ ﺍﺻﻴﻠﻪ ، ﻫﺪﻳﻨﺎ ﺍﻻﺻﻮﻝ ﺍﻟﻜﻢ ﻳﺒﻮ ﺍﻻﺻﻮﻝ .

ﻣﺎ ﺗﺤﻤﻠﻬﺎ ﺳﻠﻄﺎﻥ ﻭ ﻃﻠﻊ ﻭ ﻫﻮ ﻳﻜﻠﻪ : ﺍﺣﻤﺪ ﺭﺑﻚ ﻛﻀﻴﺖ ﺍﻋﺼﺎﺑﻲ ﻋﻨﻬﺎ ، ﻭﺍﻻ ﻓﺪ ..... ﺍﺥ ﻣﻨﻚ ﻳﻠﺴﺎﻧﻲ

ﺣﺎﻛﻢ : ﺍﻟﻴﺘﺒﻊ ﺍﻟﺒﺎﻃﻞ ﺧﻞ ﻳﺘﺤﻤﻞ ﺣﺠﺎﻳﺔ ﺍﻟﺤﻚ ، ﻭ ﺍﻧﺖ ﺗﺎﺑﻌﻬﻢ ﺍﻋﻠﻰ ﺍﻟﺒﺎﻃﻠﻪ ﻳﺒﻮ ﻧﻌﻤﺔ ، ﺷﻨﺎﻃﺮ ﻣﻨﻬﺎ ﻭ ﺍﻧﺖ ﺟﺎﻱ ﺍﺩﺍﻓﻊ ﺑﺎﻟﺠﺎﻥ ﺍﻟﺴﺒﺐ ﺑﺮﻛﺪﺕ ﺑﺘﻬﺎ ﺑﻬﺎﻟﻤﺴﺘﺸﻔﻰ ، ﺗﻼﻛﻴﻚ ﺑﺎﻟﻬﻼ ، ﺍﻣﺸﻮﺍ ﻭ ﻻ ﺗﺮﺩﻭﻥ ، ﺩﺍﻡ ﻧﺎﺻﺮ ﺗﺒﺮﻯ ﻣﻦ ﻓﻌﺎﻳﻞ ﺍﺑﻨﻪ ، ﺍﻧﺎ ﺍﻋﺮﻑ ﺷﺘﺼﺮﻑ ﻭﻱ ﻓﻼﺡ

ﻃﻠﻊ ﺳﻠﻄﺎﻥ ﻭ ﻫﻮ ﻣﺸﺘﻌﻞ ﻏﻴﺾ ﻣﻦ ﺣﺠﺎﻳﺎﺕ ﻛﻮﺍﻏﺪ ، ﺭﺩ ﺣﺎﻛﻢ ﻭ ﻛﺎﻝ ﺍﻟﻬﺎ : ﺟﺎ ﺗﻮﺍﺯﻳﺘﻲ ﺯﻓﻴﺘﻲ ﺍﻟﺰﻟﻤﺔ

- ﻭﺍﻟﻠﻪ ﺍﻧﻌﻞ ﺳﺎﺳﻬﻢ

- ﺳﻠﻄﺎﻥ ﻣﺎ ﻳﻨﺤﺰ ﻭ ﺍﻋﻠﻰ ﺣﺠﺎﻳﺎﺗﺞ ﻳﻜﻠﺒﻬﺎ ﺑﺎﻃﻞ

- ﺟﺎ ﻫﻢ ﺟﺎﻳﻴﻦ ﺑﺤﻚ ﺧﺎﻃﺮ ﻳﻜﻠﺒﻮﻧﻪ ﺑﺎﻃﻞ ، ﻣﺎ ﺗﺸﻮﻓﻪ ﺷﻠﻮﻥ ﺟﺎﻱ ﻳﺪﺍﻓﻊ ﻟﻬﺎﻻﺟﺮﺏ ، ﻫﻴﺞ ﻫﻴﺞ ﺍﻟﺤﻚ ﺍﻋﻠﻴﻨﻪ ﻣﻦ ﻛﻮﻧﻬﻢ ﺑﺎﻃﻠﻴﻦ ، ﻫﺪﻧﻲ ﺍﻓﻮﺥ ﻛﻠﺒﻲ ﺑﻴﻬﻢ ﻫﺎﻟﺨﺮﻧﻜﻌﻴﺔ .

ﻛﺮﺏ ﺣﺎﻛﻢ ﻟﻬﺪﻭﺓ ﻭ ﺣﺒﻬﺎ ﺑﺮﺍﺳﻬﺎ : ﻫﺎ ﺑﻮﻳﺔ ﺷﻠﻮﻥ ﺻﺮﺗﻲ ؟

ﺭﺩﺕ ﺑﺘﻌﺐ -: ﻛﻮﺍﻛﺔ ﺑﻮﻳﻪ

ﺳﺘﺎﺭ : ﻫﺴﻪ ﺷﻨﻬﻲ ؟ ﻧﺎﺧﺬﻫﺎ ﻳﻮ ﻧﺨﻠﻴﻬﺎ

- ﻣﺎ ﻧﻌﺮﻑ ﺧﻞ ﻧﻨﺸﺪ ﺍﻟﺪﻛﺘﻮﺭ ﻭ ﻧﻌﺮﻑ ﻣﻨﻪ

ﺳﺄﻟﻮ ﺍﻟﺪﻛﺘﻮﺭ ﻛﺎﻝ ﺍﻟﻬﻢ ، ﻣﺎ ﺗﻄﻠﻪ ﺍﻻ ﺑﻌﺪ ﻣﺎ ﻧﻄﻤﻦ ﻋﻠﻰ ﺣﺎﻟﺘﻬﺎ .. ﻧﺨﺎﻑ ﻻ ﺗﺮﺟﻊ ﻟﻠﻨﺰﻳﻒ ﻭﺍﺫﺍ ﺭﺟﻌﺖ ﻣﻌﻨﺎﻫﺎ ﺧﻄﺮ ﻋﻠﻴﻬﺎ ﻭ ﺗﻔﻘﺪ ﺭﺣﻤﻬﺎ ﺍﻭ ﺣﻴﺎﺗﻬﺎ ﺑﺎﻟﻜﺎﻣﻞ .

ﻧﺎﻣﺖ ﻭﻳﺎﻫﺎ ﻛﻮﺍﻏﺪ ﻭ ﺣﺎﻛﻢ ﻇﻞ ﺑﺎﻻﺳﺘﻌﻼﻣﺎﺕ ﻛﺎﻋﺪ ، ﻭﺳﺘﺎﺭ ﺭﺩ ﻟﻠﺒﻴﺖ ﻟﻜﻪ ﻳﺴﺮﻯ ﻣﺎﻣﺶ ، ﺭﺍﻳﺤﺔ ﻻﻫﻠﻬﺎ ﻛﺒﻞ ﻻ ﻳﺮﺩ ﻟﻴﻬﺎ ﻭ ﻳﻄﻠﻊ ﺍﺛﺎﻡ ﺍﺧﻮﻫﺎ ﺑﻴﻬﺎ ..

ﻇﺎﻝ ﺍﺑﻴﺖ ﺍﺑﻮﻩ ، ﺟﻠﺞ ﻝ ﺭﺍﺣﺖ ﻳﻢ ﺍﻳﻤﺎﻥ ﺗﺒﺎﺕ ، ﻋﺒﻦ ﺍﻳﻤﺎﻥ ﺗﺨﺎﻑ ﺗﺒﺎﺕ ﻭﻟﺤﻴﺪﻫﺎ ﺗﻜﻮﻡ ﺗﺘﺨﻴﻞ ﻭﺗﺒﺠﻲ .

ﺛﺎﻧﻲ ﻳﻮﻡ ﻣﻦ ﻏﺒﺸﺔ ﺳﺮﺣﺎﻥ ﺍﺟﺎ ﻟﻠﻤﺴﺘﺸﻔﻰ ، ﻟﻜﺎ ﺣﺎﻛﻢ ﻛﺎﻋﺪ ﺑﺎﻻﺳﺘﻌﻼﻣﺎﺕ : ﻫﺎ ﺍﺑﻮ ﺳﺘﺎﺭ ﺷﻨﻬﻲ ﻣﺎ ﺷﻨﻬﻲ

- ﻫﻼ ﺳﺮﺣﺎﻥ ﺷﻠﻮﻧﻚ ﻳﺎﺑﻪ

- ﺟﻴﺖ ﺍﻧﺸﺪ ﻋﻨﻜﻢ ، ﺍﻣﺲ ﺷﻔﺖ ﺳﻠﻄﺎﻥ ﻭﺍﻧﺎ ﻃﺎﻟﻊ ، ﺷﻨﻬﻲ ﺣﺠﻴﻪ ؟

- ﻳﺪﺍﻓﻌﻠﻬﻢ

- ﻣﻦ ﻳﻮﻣﻪ ﺑﺎﻃﻞ ﺷﻨﺎﻃﺮ ﻣﻨﻪ

- ﻳﻮ ﺑﺲ ﺍﻛﻀﻦ ﻓﻠﻴﺢ ﺟﺎ ﻋﻠﻤﻴﺘﻪ ﺍﻟﻠﻪ ﺣﻚ .. ﺑﺲ ﺷﺎﺭﺩ ﻫﺎﻟﺠﺒﺎﻥ

- ﺍﻟﻠﻪ ﻛﺮﻳﻢ ﺍﻟﻠﻪ ﻛﺮﻳﻢ ، ﺷﻜﺎﻟﻮﻟﻜﻢ ﻋﻠﻰ ﺣﺎﻟﺘﻬﺎ

- ﻣﺎ ﺭﺿﻮﺍ ﻧﻄﻠﻌﻬﺎ ﺍﻣﺲ، ﻋﻠﺒﺖ ﺍﻟﻴﻮﻡ ﻳﻜﺘﺒﻮﻟﻨﺎ ﻃﻠﻌﺔ ، ﺗﻮﻫﺪﻧﺎ ﻭﻋﻠﻲ .

- ﺍﻥ ﺷﺎﻟﻠﻪ ﺍﻟﻠﻪ ﻛﺮﻳﻢ

ﻇﻞ ﻭﺍﻛﻒ ﻭﻳﺎﻩ، ﻟﻴﻨﺎ ﺍﺟﺎ ﺍﻟﺪﻛﺘﻮﺭ ، ﺣﺠﻪ ﻭﻳﺎ ﺳﺮﺣﺎﻥ : ﻳﺤﺘﺎﺝ ﻧﻨﻜﻠﻬﺎ ﻟﻠﻮﻻﻳﺔ ؟

- ﻻ ﻣﺎ ﻳﺤﺘﺎﺝ ، ﻭﺗﻜﺪﺭﻭﻥ ﺍﻃﻠﻌﻮﻧﻬﺎ ﺑﺲ ﺍﻱ ﺣﺮﻛﺔ ﻣﻤﻨﻮﻋﺔ ﻣﻨﺎ ﻟﺨﻤﺴﺔ ﺍﻳﺎﻡ ﺧﺎﻃﺮ ﻳﺴﺘﻘﺮ ﺍﻟﺮﺣﻢ ﻣﺎﻟﻬﺎ ، ﺍﻧﺎ ﻛﺘﺒﺖ ﺍﻟﻬﺎ ﺑﻄﻠﻴﻦ ﺩﻡ ، ﺗﺎﺧﺬﻫﻦ ﻭ ﻃﻠﻌﻮﻫﺎ .

- ﺩﺍﻡ ﻓﻀﻠﻚ ﺩﻛﺘﻮﺭ

ﺍﻧﺪﺍﺭ ﻟﺤﺎﻛﻢ ﻭ ﻛﺎﻝ : ﻳﻠﻪ ﺩﺍﻡ ﻛﺘﺐ ﺍﻟﻬﺎ ﺍﻟﻄﻠﻌﻪ ، ﺻﻴﺢ ﻣﻀﻤﺪ ﺧﻠﻪ ﻳﻌﻠﻚ ﺍﻟﻬﺎ ﺍﻟﺪﻡ ﺧﺎﻃﺮ ﺍﻭﺻﻠﻨﻜﻢ ﺑﺪﺭﺑﻲ

- ﺧﺎﻑ ﺍﻛﻠﻔﻨﻚ ﺍﺑﻮ ﻣﺄﻣﻮﻥ

- ﺻﺪﻙ ﺟﺬﺏ ، ﺍﺑﻮ ﺳﺘﺎﺭ ﺍﻧﺖ ﺍﺧﻮﻱ ﺍﻟﺠﺒﻴﺮ ، ﻻ ﺗﺤﺠﻴﻬﺎ

- ﻭ ﺍﻟﻨﻌﻢ ﻣﻨﻚ .

ﺣﻄﻮﻟﻬﺎ ﺍﻟﺪﻡ ﻭ ﻟﻤﻮ ﻏﺮﻳﻀﺎﺗﻬﺎ ﻭ ﻃﻠﻌﻬﺎ ﺣﺎﻛﻢ ﻭ ﺳﺮﺣﺎﻥ ، ﺟﺎﻱ ﻳﻤﺸﻮﻥ ﺑﻴﻬﺎ ﻭ ﺣﺠﻪ ﺣﺎﻛﻢ : ﺍﻟﻔﺎﻳﻞ ﻣﺎﻟﺘﻬﺎ ﺟﺒﺘﻲ ﻳﻮ ﻻﻟﻪ

- ﺟﺎ ﺷﻨﺴﻮﻱ ﺑﻴﻪ ، ﻏﻴﺮ ﺍﻟﻬﻢ

- ﺷﻠﻮﻥ ﺍﻟﻬﻢ ، ﻏﻴﺮ ﻧﺎﺧﺬﻩ ﻭﻳﺎﻧﺎ ، ﻃﺎﺣﺖ ﺍﻋﻠﻴﻨﺎ ، ﻧﻌﻴﺪ ﻣﻦ ﺟﺪﻳﺪ ﻏﻴﺮ ﺍﻋﻠﻰ ﻓﺎﻳﻠﻬﺎ ﻳﻌﺮﻓﻮﻥ ﺍﻟﺤﺎﻟﺔ ﻋﺎﻓﻬﻢ ﻭ ﺭﺩ ﺣﺎﻛﻢ ﻣﺴﺮﻉ ..

ﺍﻧﺪﺍﺭ ﺳﺮﺣﺎﻥ ﻟﻜﻮﺍﻏﺪ : ﺍﻡ ﺳﺘﺎﺭ ﺍﻧﺎ ﻣﺎ ﺭﺩﺕ ﺍﺣﺠﻲ ﻭﻳﺎ ﺣﺎﻛﻢ ، ﺧﺎﻃﺮ ﻣﺎ ﻳﺘﺤﺴﺲ ﻣﻦ ﺍﻟﻤﻮﺿﻮﻉ

ﺍﻧﺪﺍﺭﺕ ﻟﻴﻪ : ﻋﻠﻴﺶ

ﻓﺘﺢ ﺍﻟﻬﺎ ﺑﺎﺏ ﺍﻟﺴﻴﺎﺭﺓ ﻛﻮﺍﻏﺪ ﺷﺎﻟﺖ ﺍﻟﻔﺮﺥ ، ﻭ ﺳﺮﺣﺎﻥ ﺗﻨﺎﻭﺷﻪ ﻋﻨﻬﺎ ﻭ ﻫﻲ ﺳﺎﻋﺪﺕ ﻫﺪﻭﺓ ﺑﻜﻌﺪﺗﻬﺎ ، ﻭﺩﺕ ﺍﺧﺬﺕ ﺍﻟﻔﺮﺧﺔ ﻭ ﺧﻠﺘﻬﺎ ﺑﺤﻀﻨﻬﺎ ، ﺳﺮﺣﺎﻥ ﻃﻠﻊ ﺍﻟﻌﻼﻛﺔ ﻣﻦ ﺟﻴﺒﻪ ﻭ ﻛﺪﻣﻪ ﻟﻜﻮﺍﻏﺪ

- ﺷﻨﻲ ﻫﺎﻱ ؟

- ﻛﻀﻴﻨﺎ ﻓﻠﻴﺢ ﺍﻣﺲ ، ﻭ ﺩﺳﻨﺎ ﺑﻴﻪ ﻭ ﺧﺬﺕ ﺣﻚ ﻫﺪﻭﺓ ﻣﻨﻪ ﻭ ﺯﺍﻳﺪ ﻭ ﻳﻮ ﻣﺎ ﺧﻮﻓﻲ ﻣﻦ ﺍﻟﻠﻪ ﺟﺎ ﻧﻬﻴﺖ ﻋﻤﺮﻩ ، ﺑﺲ ﻫﺪﻳﻨﺎﻩ ... ﻭ ﻫﺎﻱ ﺳﻨﻮﻧﻪ ﺑﺤﻚ ﺳﻨﻮﻥ ﻫﺪﻭﻩ ﺍﻟﻜﺴﺮﻫﻦ

- ﻛﻮﻧﻪ ﺷﺎﻓﻚ ؟

- ﻻ ﺗﺸﻴﻠﻴﻦ ﻫﻢ .. ﻣﺎ ﺭﺍﺡ ﻳﻜﺪﺭ ﻳﻔﻚ ﺣﻠﻜﻪ

ﺿﺤﻜﺖ : ﻭﺍﻟﻠﻪ ﻳﺎ ﻋﻤﻪ ﻣﺎ ﺍﻋﺮﻑ ﺷﻠﻮﻥ ﺍﺷﻜﺮﻧﻚ

ﺧﺬﺕ ﺳﻨﻮﻥ ﻓﻠﻴﺢ ﻓﻜﺘﻬﻦ ﻭ ﻋﺎﻳﻨﺖ ﺑﻴﻬﻦ ، ﺍﺑﺘﺴﻤﺖ ﻭ ﻫﻲ ﺗﻜﻠﻠﻬﺎ : ﻫﺎﺫ ﺣﻜﺞ ﻳﻴﻤﻪ ، ﺭﺩ ﻭ ﺯﺍﻳﺪ

ﺳﺮﺣﺎﻥ - ﻣﺎ ﺍﻋﺘﺎﺯ ﺷﻜﺮ ﺍﻡ ﺳﺘﺎﺭ ، ﻫﺪﻭﺓ ﻏﺎﻟﻴﺔ ، ﻭ ﺍﻟﺠﺎﺳﻬﺎ ﺟﺎﺱ ﺍﻓﺎﺩﻱ .

ﺣﺠﺎﻫﺎ ﻭ ﺍﻧﺪﺍﺭ ﻳﺼﻌﺪ ﺑﺎﻟﺼﺪﺭ ﻭ ﻛﻮﺍﻏﺪ ﺗﻌﺎﻳﻦ ﺑﺎﻟﺴﻨﻮﻥ ﻭ ﺗﻜﻮﻝ : ﻋﺎﺑﺖ ﻫﺎﻟﺴﻨﻮﻥ ﺍﻟﺨﺎﻳﺴﺔ .. ﻫﺴﺔ ﺗﻜﺤﻠﺖ ﻋﻴﻨﻲ ﻭﻋﻠﻲ ﻣﻦ ﺷﻔﺖ ﺳﻨﻮﻧﻪ ﺑﻴﺪﻱ ، ﺍﺍﺍﺍﺍﺍﺥ ﻳﻮ ﻛﺎﺿﺘﻪ ﺍﻧﺎ ﺑﻴﺪﻱ ﺟﺎ ﻣﺎ ﺧﻠﻴﺖ ﺑﻴﻪ ﻋﻈﻢ ﺻﺎﺣﻲ ﻭ ﺍﻟﻌﺒﺎﺱ .

ﻫﺪﻭﺓ : ﺍﻋﺎﻳﻦ ﻟﻤﻲ ﺗﺘﻨﻮﻉ ﻟﺴﻨﻮﻥ ﻓﻠﻴﺢ ﻭ ﺗﻀﺤﻚ ﻭ ﺳﺮﺣﺎﻥ ﺻﻌﺪ ﺍﻟﺴﻴﺎﺭﺓ ﻭ ﺩﻧﻚ ﻳﺤﺮﻙ ﺑﺎﻟﺴﻮﻳﺞ .. ﻧﻄﺮﺕ ﺍﻣﻲ ﺩﺍﺭﺕ ﻭﺟﻬﻪ ، ﺣﺠﻴﺖ ﺑﺼﻮﺕ ﻧﺎﺻﻲ : ﺷﻌﺪﻙ ﺟﺎﻱ ﻟﻴﻪ ، ﻭﻳﺎﻫﻮ ﺍﻟﻜﺎﻟﻚ ﺍﺧﺬ ﺑﺤﻜﻲ

ﺷﺎﻝ ﺭﺍﺳﻪ ﺍﻟﻬﺎ .. ﻣﺎ ﺣﺠﻪ

ﺭﺩﻓﺖ ﻛﻼﻣﻬﺎ : ﻣﻮﺵ ﺍﻧﺎ ﺍﺧﺘﻚ ، ﻭ ﺍﻳﺎﻡ ﺍﻟﻬﻮﻯ ﺫﻧﻴﺞ ﺍﻳﺎﻡ ﻏﻮﻯ ، ﺷﺠﺎﺑﻚ .

ﺗﻨﻬﺪ ﻭ ﻫﻮ ﻳﻌﺎﻳﻦ ﻟﺪﺭﺏ ﺍﻟﻤﺴﺘﺸﻔﻰ . ﺍﺑﻮﻱ ﺍﺟﺎ ﻭ ﺍﻣﻲ ﺍﻧﺪﺍﺭﺕ ﺻﻌﺪﺕ ، ﻭﺍﺑﻮﻱ ﺻﻌﺪ ﻛﺪﺍﻡ .. ﻇﻠﻮ ﻳﺤﺠﻮﻥ ﻟﺠﻦ ﺍﻧﺎ ﺍﻗﺮﺍ ﻋﻴﻮﻧﻪ ﺷﻴﺤﺠﻦ ﻭ ﺷﻴﺴﻮﻟﻔﻦ .. ﻣﺎ ﻛﺪﺭ ﻳﻨﻄﻚ ﺑﺲ ﻋﻴﻮﻧﻪ ﺣﺠﻦ ﻛﻠﺸﻲ ..

ﺍﻧﺪﺍﺭ ﺍﺑﻮﻱ ﺑﻀﺤﻜﺔ ﻭ ﻫﻮ ﻳﺴﺄﻟﻨﻲ ، ﺑﺲ ﻣﺎ ﻋﺮﻓﺖ ﺷﻨﻬﻮ ﺳﺆﺍﻟﻪ ﺟﺎﻥ ﻣﻦ ﻛﻮﻥ ﺑﺎﻟﻲ ﻣﻮﺵ ﻳﻤﻪ ، ﻋﺎﻳﻨﺖ ﻻﺑﻮﻱ ﻭ ﺍﺑﺘﺴﻤﺖ .. ﺣﺠﻪ ﺳﺮﺣﺎﻥ : ﻣﻮ ﺑﺎﻟﻔﺎﻳﻞ ﺳﺠﻠﺘﻬﺎ ﺍﻣﻨﻴﺔ

ﺣﺎﻛﻢ : ﺍﻧﺎ ﺳﻤﻴﺘﻬﺎ ﺍﺯﻫﺎﺭ

- ﺑﻌﺪ ﺍﻧﺘﻢ ﺑﻜﻴﻔﻜﻢ ﺳﻤﻮﻫﺎ ، ﺍﻧﺎ ﺳﻤﻴﺘﻬﺎ ﻣﻦ ﻋﺪﻱ ﻣﻦ ﻛﻮﻥ ﻫﻢ ﺭﺍﺩﻭﺍ ﺍﺳﻤﻪ ﻭ ﻃﻠﻊ ﻫﺎﻻﺳﻢ ﻭﻳﺎﻱ .

ﺣﺎﻛﻢ : ﺑﻌﺪ ﺑﻜﻴﻒ ﻫﺪﻭﺓ ﺷﺘﺴﻤﻴﻬﺎ ﺑﻜﻴﻔﻬﺎ، ﺳﺘﺎﺭ ﻣﺸﺘﺮﻱ ﻛﺎﺭﻭﻙ ﻟﻠﺒﺖ ، ﻭﻳﻜﻮﻝ ﺟﻤﻴﺮﺓ ﻣﺰﻫﺒﺘﻠﻬﺎ ﺍﻟﺤﺠﺮﺓ ﻭ ﺗﺼﻴﺢ : ﻫﺎﻱ ﺑﺘﻲ ﻣﻮﺵ ﺑﺖ ﻫﺪﻭﺓ

ﻛﻮﺍﻏﺪ : ﺟﺎ ﺟﻤﻴﺮﺓ ﻣﺘﻮﻟﻬﻪ ﺍﻋﻠﻰ ﺍﻟﺒﺖ ﺍﺯﻭﺩ ﻣﻦ ﻫﺪﻭﺓ .

ﺣﺎﻛﻢ : ﺟﺎ ﻏﻴﺮ ﺑﻨﻴﺘﻨﺎ ... ﺍﻧﻌﻞ ﺍﺑﻴﻬﻢ ﺗﻌﻴﺶ ﻋﺪﻧﺎ ﻫﻲ ﻭ ﺍﻣﻬﺎ .. ﺧﻞ ﺗﺼﻴﺮ ﺯﻳﻨﻪ ﺍﻻ ﺍﺧﺬﻫﺎ ﻫﻲ ﻭﺑﺘﻬﺎ ﻭﻧﻤﺶ ﻟﻜﺮﺑﻠﺔ ﻧﺰﻭﺭ ﺍﻟﺤﺴﻴﻦ ﻭ ﺍﻟﻌﺒﺎﺱ ﺳﻼﻡ ﺍﻟﻠﻪ ﺍﻋﻠﻴﻬﻢ ﻭ ﻧﺰﻭﺭ ﺍﻟﺒﺖ ... ﻭ ﻧﺨﻠﻲ ﺍﻟﻜﻠﻮﺏ ﺗﺮﺗﻊ ﻏﺎﺩ .. ﻻ ﻧﺮﻳﺪ ﻓﻠﻴﺢ ﻭﻻ ﻣﻠﺘﻪ .

ﻫﺪﻭﺓ : ﺍﻱ ﻭﺍﻟﻠﻪ ﺑﻮﻳﻪ ، ﻳﺎﺭﻳﺖ ﺗﺎﺧﺬﻧﻲ ﻟﻠﻌﺒﺎﺱ .. ﻋﺪﻱ ﻋﺘﺎﺑﺔ ﻏﺎﺩ ﻭ ﻛﻠﺒﻲ ﻣﺤﻤﻞ ﻫﻤﻮﻡ ﺭﺍﻳﺪﻩ ﺍﻛﻌﺪ ﻛﺒﺎﻝ ﺍﺑﻮ ﻓﺎﺿﻞ ﻭﺍﻓﺮﺷﻠﻪ ﻫﻤﻮﻣﻲ .. ﻭ ﺍﻋﺎﺗﺐ ﺯﻣﺎﻧﻲ

ﻭﺍﻛﻠﻠﻪ ﺣﻠﻔﻮﺍ ﺑﺮﺍﺳﻚ ﺩﻏﺶ ﻭﺭﺍﻳﺪﻩ ﺍﻟﺤﻮﺑﺔ ﺣﺠﻴﺘﻬﺎ ﻭ ﺍﻧﺎ ﺍﺗﺬﻛﺮ ﺣﻠﻔﺘﻪ ﺳﺎﻋﺔ ﺍﻟﻴﻜﻠﻲ ‏( ﻭ ﺍﻟﻌﺒﺎﺱ ﺍﺣﺒﻨﺞ ، ﺗﺎﻟﻲ ﻳﻜﻠﻲ ﻋﺸﻜﺞ ﺍﻳﺎﻡ ﻏﻮﻯ ﺍﻧﺴﻴﻬﻦ ‏)

ﻫﻮ ﺗﻮﺗﺮ ﻭ ﻣﺎ ﺭﺩ ﺑﺄﻱ ﺟﻠﻤﺔ ، ﻇﻞ ﺑﺲ ﻳﻮﺟﺪ ﺑﺪﺭﺑﻪ ﻭ ﻣﺎ ﺭﺩ ﺑﺤﺠﺎﻳﻪ ، ﻭﺻﻼﻧﺎ ﻟﻠﺒﻴﺖ ، ﺍﻣﻲ ﺗﻌﺎﻭﻧﻲ ﻭﺗﺸﻴﻞ ﺍﻟﻔﺮﺧﺔ ﻋﻨﻲ ، ﺗﻨﻬﺪ ﻫﻮ ﻭﻳﻌﺎﻳﻨﻠﻲ ﺑﺎﻟﻤﺸﻮﺍﻓﻪ .. ﻭﺗﻨﻬﻴﺪﺗﻪ ﺑﻴﻬﺎ ﺭﺟﻔﻪ

ﻧﺰﻟﺖ ﻣﻦ ﺳﻴﺎﺭﺗﻪ ﻭ ﺩﺷﻴﺖ ﻟﻠﺒﻴﺖ ﺗﻠﻜﻨﻲ ﺣﺒﻮﺑﺘﻲ ﻭ ﻻﻟﻪ ﻭ ﺍﻳﻤﺎﻥ ﻭ ﺟﻤﺎﺭﺓ .. ﻻﻟﻪ ﺣﺒﺘﻨﻲ ﻭ ﺧﺬﺕ ﺍﻟﻔﺮﺧﺔ ﻣﻦ ﺍﻳﺪ ﺍﻧﻲ ﻭ ﺍﻳﻤﺎﻥ ﺣﺒﺘﻨﻲ ، ﻭﺭﺍﺣﺖ ﻻﻣﻲ ﻭ ﺟﻤﺎﺭﺓ ﻻ ﺍﺟﺖ ﻭﻻ ﻛﺒﻠﺘﻨﻲ ، ﺗﻌﺎﺭﻙ ﺑﻴﻬﻦ ﻭ ﺗﻜﻠﻠﻬﻦ : ﺑﺘﻲ ﻫﺎﻱ ﻣﻴﻠﻮ ﻋﻨﻬﺎ ، ﻫﻲ ﺑﺖ ﺍﺧﺘﻲ ﻣﻮﺵ ﺑﺖ ﺍﺧﺘﻜﻢ ﻣﻴﻠﻮﻭﻭﻭﻭﻭ

ﻛﺮﺑﺖ ﻣﻨﻲ ﺯﻣﻦ ﺑﺖ ﺳﺘﺎﺭ ، ﻫﺎﺩﺗﻬﺎ ﻳﺴﺮﻯ ﻭﺭﺍﻳﺤﺔ ، ﺍﻟﺒﺖ ﺣﻮﻟﺔ ﻭ ﻛﻮﺓ ﺗﻤﺸﻲ ، ﻛﻀﻴﺘﻬﺎ ﻭ ﺣﺒﻴﺘﻬﺎ ، ﺻﺎﺣﺖ ﺍﻣﻲ : ﻻ ﺗﺸﻴﻠﻴﻨﻬﺎ ﺩﻳﺮﻱ ﺑﺎﻟﺞ

- ﻣﺎ ﺷﺎﻳﻠﺘﻬﺎ ﺑﺲ ﺣﺒﻴﺘﻬﺎ

ﺧﺬﺗﻨﻲ ﺍﻣﻲ ، ﻭ ﺍﻟﺒﻨﺎﺕ ﻣﻠﺘﻤﺎﺕ ﻉ ﺍﻟﻔﺮﺧﺔ ..

ﻭﻳﺎ ﻫﻮﺳﺘﻨﺎ ﻓﺰ ﺍﺧﻮﻱ ﻣﺆﻳﺪ ، ﻭ ﻛﺎﻡ ﻳﺒﺠﻲ ﻧﻮﻣﺘﻨﻲ ﺍﻣﻲ ﺑﻔﺮﺍﺷﻲ ﻭ ﺍﻳﻤﺎﻥ ﺍﺟﺖ ﺷﺎﻟﺘﻪ ﻭ ﻗﺮﺑﺘﻪ ﻣﻦ ﺑﺘﻲ .. ﻛﺎﻡ ﻳﻌﺎﻳﻨﻠﻬﺎ ﻭﻳﻤﺸﻲ ﺍﻳﺪﻩ ﺍﻋﻠﻰ ﺧﺪﻫﺎ ..

ﺿﺤﻜﺖ ﺍﻳﻤﺎﻥ : ﺑﺎﻭﻉ ﺣﺎﻛﻢ ﺍﺷﻮﻥ ﺍﻧﻌﺠﺐ ﺑﻴﻬﺎ ، ﺣﺒﺎﻫﺎ ، ﻫﺎﻱ ﻣﻦ ﺗﻜﺒﺮ ﺍﺧﺬﻫﺎ ﻷﺑﻨﻲ ﺣﻠﻮﺓ ﺣﻠﻮﺓ

ﺣﺎﻛﻢ : ﺧﺎﻳﺒﺔ ﻫﻲ ﺷﻨﻲ ﺍﻟﺤﻠﻮﺓ ، ﺍﻧﺖ ﺷﻤﺎﻟﺞ ﺑﻮﻳﻪ ﺟﺎ ﻏﻴﺮ ﻳﺼﻴﺮ ﺧﺎﻟﻬﺎ

- ﻳﺎﺍﺍ ﺻﺪﻙ ﻫﻮ ﻳﺼﻴﺮ ﺧﺎﻟﻬﺎ ﻧﺴﻴﺖ

- ﻻ ﻭ ﺍﻟﻘﺴﻤﺔ ﺍﻱ ﻭﺍﻟﻠﻪ

ﻛﻠﻨﺎ ﺿﺤﻜﻨﺎ ﺍﻋﻠﻰ ﺗﺼﻨﻴﻒ ﺍﺑﻮﻱ ﻭ ﺍﻳﻤﺎﻥ ، ﺍﺟﺎ ﺍﺑﻮﻱ ﺷﺎﻝ ﺍﻟﺒﺖ ﻭ ﻛﺎﻡ ﻳﻬﻮﺱ ﺑﻴﻬﺎ : ﻳﻞ ﻛﺎﻳﻞ ﻣﻔﺮﺩ ﺫﻭﻟﻪ ﺍﻋﻀﺎ .. ﻳﻞ ﻛﺎﻳﻞ ﻣﻔﺮﺩ

ﻭﺟﻤﻴﺮﺓ ﺗﺪﺑﺞ ﻭﻳﺎﻫﺎ

ﻭﺍﻧﺎ ﻣﺘﻤﺪﺩﻩ ﺑﻔﺮﺍﺷﻲ ﻭ ﻣﺘﻐﻄﺎﻳﺔ ﻭ ﻣﺘﺒﺴﻤﺔ ﺑﻔﺮﺣﺔ ﺍﻫﻠﻲ ، ﻭ ﺍﻣﻲ ﺗﺼﻴﺢ : ﻫﺎ ﻫﺎ ﺣﺎﻛﻢ ﻻ ﺗﻄﻴﺢ ﻣﻦ ﺍﻳﺪﻙ ، ﺑﺖ ﺍﻧﻔﺎﺱ ﺷﻨﻬﻲ ﺗﻬﻮﺱ ﺑﻴﻬﺎ .

- ﺟﺎ ﺷﻤﺎﻟﻨﻲ ﺍﻳﺪﻱ ﻋﻮﺟﻪ ﻭ ﺍﻃﻴﺢ ، ﻣﺎﻟﺞ ﻏﺮﺽ

ﺷﺎﻟﻬﺎ ﻭ ﻫﻮ ﻳﺤﺒﺤﺐ ﺑﻴﻬﺎ ﻭ ﻳﺮﺩ ﻳﻬﻮﺱ ‏( ﺭﻛﺒﺘﻬﺎ ﺷﻴﺸﺔ ﻻ ﺍﻃﻴﺢ ﻭ ﺗﻨﻜﺴﺮ ‏)

ﻣﺆﻳﺪ ﻛﺎﻡ ﻳﺒﺠﻲ ﻭ ﻣﺠﻠﺐ ﺑﺮﺟﻠﻴﻦ ﺍﺑﻮﻱ ﺍﻻ ﻳﺸﻴﻠﻪ ، ﺣﺠﻪ : ﺍﻧﺎ ﺍﻏﻼﻡ ﺍﺑﻮﻱ ، ﺍﺷﺘﻐﻠﺖ ﺍﻟﻐﻴﺮﺓ ... ﻭﻟﻲ ﻭﻟﻲ ﻣﺎ ﺍﺭﻳﺪﻧﻬﺎ ، ﺍﻧﺎ ﻋﺰﻳﺰﻱ ﺍﻣﻴﺪﻱ ..

ﻭﺷﺎﻟﻪ ﻭ ﻳﺤﺒﺤﺐ ﺑﻴﻪ ﻭ ﺻﻮﺕ ﺍﻟﺘﺤﺒﺤﺐ ﻣﺎﻟﻪ ﻭﺍﺻﻞ ﻟﻴﻐﺎﺩ .

ﺍﻳﻤﺎﻥ : ﺣﺎﻛﻢ ﺷﻨﻮ ﺍﻣﻴﺪﻱ ، ﻣﻴﻤﻮﻭﻭﻭﻭ

- ﺍﻃﻜﺞ ﺑﺠﻴﻠﺔ ﺑﺲ ﺗﻌﻴﺪﻳﻦ ﻫﺎﻻﺳﻢ ، ﺍﻣﻴﺪﻱ ﺍﺳﻤﻪ .. ﺍﻟﻘﺎﺑﺞ ﻫﺎﻱ ﺍﻧﺎ ﻣﺎ ﺍﻫﻮﺍﻫﺎ .

ﺟﺴﻮﻣﺔ : ﻫﺪﻭﺍ ﺍﻟﻮﻟﺪ ﺍﻋﻠﻰ ﺍﺳﻤﻪ ﺷﻠﻌﺒﺘﻮ ﺑﺤﺎﻟﻪ

ﺧﺬﺕ ﺍﻟﻔﺮﺧﺔ ﻭ ﺟﺎﺑﺘﻬﺎ ﺍﻟﻴﻪ ﺧﺎﻃﺮ ﺗﺴﺎﻋﺪﻧﻲ ، ﺗﻮﻧﻲ ﺟﺎﻱ ﺍﺭﺿﻌﻨﻬﺎ ﻭ ﺍﻧﺪﻛﺖ ﺍﻟﺒﺎﺏ ﻭﻟﻨﻬﻢ ﺧﻮﺍﻟﻲ ﺑﺨﻮﻳﻄﻬﻢ .. ﺍﻟﺒﻴﺖ ﺟﻦ ﺿﺮﺑﻪ ﺍﺣﺘﻼﻝ .. ﻧﺪﺳﺘﻨﻲ ﺍﻣﻲ ‏( ﺑﺘﺞ ﺧﻠﻴﻬﺎ ﺑﺤﻀﻨﺞ ‏)

ﻟﻔﻠﻔﻴﺖ ﺭﻭﺣﻲ ﻭ ﺑﺘﻲ ، ﻭﺗﻜﺮﺑﻮ ﺧﻮﺍﻟﻲ ،ﺣﺒﻮﻧﻲ ﻣﻦ ﺭﺍﺳﻲ ﺑﺲ ﻛﻞ ﺍﻟﻴﺘﻜﺮﺑﻠﻲ ﺍﺷﻮﻑ ﻋﻼﻣﺎﺕ ﺍﻻﺳﺘﻐﺮﺍﺏ ﺑﻮﺟﻪ ﻟﻮ ﻳﻨﺸﻎ ﺳﺎﻋﺔ ﺍﻟﻴﺸﻮﻓﻨﻲ ، ﺍﻻ ﻣﺎ ﻛﺮﺏ ﺧﺎﻟﻲ ﺟﺒﺎﺭ ﺷﺎﻓﻨﻲ ﻫﻴﺞ ، ﺻﺮﺥ : ﺍﺍﺍﺍﺍﺍﺍﺥ .. ﻫﺎﻱ ﺷﻌﺎﻣﻞ ﺑﺤﺎﻟﻬﺎ ﺍﻟﻜﻮ ﺻﻼﺡ : ﺩﺍﻣﻬﺎ ﻓﻀﺖ ﺍﻋﻠﻰ ﺧﻴﺮ ﺻﻜﻮ ﺍﻟﺒﺎﺏ ﻭ ﺣﻄﻮ ﺑﻨﻴﺘﻜﻢ ﻋﺪﻛﻢ ﻭ ﺳﻠﻤﻮ ﺑﻴﺪ ﺍﻟﻠﻪ

- ﻻ ﻭﺍﻟﻠﻪ ﺷﻨﻬﻲ ﻧﺴﻠﻤﺔ ﺑﻴﺪ ﺍﻟﻠﻪ ، ﺷﻨﻬﻲ ﻃﺎﻟﻌﺔ ﻣﻦ ﻓﻄﺮ ﺍﻟﻜﺎﻉ ، ﺣﺎﻛﻢ ﻭﻋﻠﻲ ﻳﻜﺮﻡ ﻃﺎﺭﻱ ﻋﻠﻲ ، ﺍﺗﻔﻞ ﺑﻜﺼﺘﻚ ﻳﻮ ﺳﻜﺘﺖ

ﺿﺤﻚ ﺣﺎﻛﻢ : ﺟﺎ ﺍﻧﺎ ﻏﻴﺮ ﻳﻮ ﺍﺣﻈﻰ ﺑﻴﻪ ، ﻳﺤﻤﺪ ﺭﺑﻪ ﻳﻮ ﺧﻠﻴﺘﻪ ﻋﺎﻳﺶ ﻟﺠﻦ ﻣﻦ ﺍﻣﺲ ﻭﻟﻴﺠﺎﻱ ﺍﻧﺎ ﻭﻳﺎﻫﻢ ﺑﺎﻟﻤﺴﺘﺸﻔﻰ

ﺟﺒﺎﺭ : ﺟﺎ ﺳﺘﺎﺭ ﻣﺎ ﺩﻭﺭﺍﻩ ؟

ﺻﻼﺡ : ﺩﻛﻌﺪ ﻳﺎ ﺟﺒﺎﺭ ﻻ ﺗﺘﻮﻫﺪﻥ ﻭﻳﺎﻫﻢ

- ﻻ ﻭﻋﻠﻲ ﻣﺎ ﻧﻬﺪﻧﻬﺎ ، ﺧﺎﻳﺐ ﻫﺎﻱ ﻫﺪﻳﻮﺓ

ﻧﺸﻤﻴﺔ : ﻭﺍﻟﻠﻪ ﻳﻤﻪ ﻛﻀﻮ ﻭﺍﺷﻌﻠﻮ ﺍﺑﻴﻪ .

ﻛﻮﺍﻏﺪ : ﻣﺎ ﻳﻌﺘﺎﺯ ﻳﺨﻮﺗﻲ ﺭﻳﺘﻜﻢ ﺳﺎﻟﻤﻴﻦ ، ﻃﻠﻌﺖ ﻣﻦ ﺟﻴﺒﻬﺎ ، ﻛﺴﺮ ﺍﻟﻬﺎ ٣ ﺳﻨﻮﻥ ، ﻭ ﻛﺴﺮﻭﻟﻪ ٩ .. ﻭﺧﺬﻭ ﺣﻜﻬﺎ ﻭ ﺯﺍﻳﺪ

ﺣﺎﻛﻢ : ﻳﺎﻫﻮ ﺍﻻﺧﺬ ﺣﻜﻬﺎ ؟

- ﻳﺎﻫﻮ ﻣﺎ ﻳﺎﻫﻮ ، ﺍﻧﻮﺧﺬ ﺑﺲ ﻣﺎ ﺍﺭﻳﺪﻥ ﺍﻛﻮﻟﻦ ﺍﻻﺳﻢ ﺧﺎﻃﺮ ﻻ ﻳﺘﻮﻫﺪﻥ ﻭﻳﺎ ﺍﻝ ﺑﻌﻴﺮ .

ﺻﻼﺡ : ﻻ ﺧﻮﻳﺔ ﺣﺮﺍﻡ ، ﺛﺠﻴﻞ ﺍﻟﻠﻪ ﻳﺮﺣﻤﻪ ﺯﻟﻤﺔ ﻧﺸﻤﻲ ﻟﺠﻦ ﺧﻠﻔﺘﻪ ﻣﺎ ﻣﻨﻬﺎ ﺧﻴﺮ

- ﻭﺍﻟﻠﻪ ﻳﺎ ﺧﻮﻳﺔ ﻛﺮﻫﺖ ﺍﺳﻢ ﺛﺠﻴﻞ ﻭ ﺑﻴﻮﻡ ﺍﻟﺼﺎﺭ ﺑﻴﻪ ﺛﺠﻴﻞ ﺍﻋﻠﻰ ﺍﻟﻮﺟﻮﻩ ﺍﻟﺰﻓﺮﺓ ﺍﻟﺨﻠﻔﻬﺎ ، ﺻﻔﻠﻪ ٢٠ ﻣﺪﺭﻱ ﺛﻼﺛﻴﻦ ﻣﺮﺓ ﻣﺤﺪ ﻳﻌﺮﻑ ﺳﺎﺳﻬﻦ ﻣﻨﻴﻦ ﻭ ﺧﻠﻒ ﻫﺎﻟﺒﺰﺭﻳﺔ ﺍﻟﻄﺎﻳﺢ ﺣﻈﻬﺎ .. ﻭﺑﻠﻰ ﺍﻟﻮﺍﺩﻡ ﺑﻴﻬﻢ .

ﺣﺎﻛﻢ ﻇﻞ ﻣﻮﭼﺪ ﺑﻜﻮﺍﻏﺪ ﻭ ﻳﺤﺎﻭﻝ ﻳﻌﺮﻑ ﻳﺎﻫﻮ ﻫﺎﺫ ﺍﻻﺧﺬ ﺑﺜﺎﺭ ﺑﺘﻬﻢ ﺑﻬﺎﻟﺴﺮﻋﺔ ، ﻣﻦ ﺍﻣﺲ ﻭ ﻫﻢ ﻳﺪﻭﺭﻭﻥ ﺍﻋﻠﻰ ﻓﻼﺡ ﻭ ﻣﺎ ﻻﻛﻴﻨﻪ ، ﺷﻠﻮﻥ ﻛﻀﻮﻩ ﺷﻠﻮﻥ ﺟﺘﻠﻮﻩ .. ﻭﻳﺎﻫﻮ ﻫﺎﺫ ﻟﺠﻦ ﻣﺎ ﺍﺟﺎ ﺍﺑﺎﻟﻪ ﻏﻴﺮ ﺍﺳﻢ ﻭﺍﺣﺪ .

.... ﺑﺲ ﻣﺎ ﺳﻜﺘﻮ

ﻛﻀﻮ ﻓﻼﺡ ﺑﻨﻔﺲ ﺍﻟﻴﻮﻡ ﻭ ﻛﺮﻣﻮ ﺍﺩﻳﻪ ﻭ ﺭﺟﻠﻴﻪ ﺍﻋﻠﻰ ﻓﻌﻠﺘﻪ ﻫﺎﻱ ﻭﻳﺎ ﻫﺪﻭﺓ ..

ﻧﺎﺻﺮ ﻭ ﺛﺠﻴﻞ ﺍﻏﺘﺎﺿﻮﺍ .. ﺷﻠﻮﻥ ﺟﺎﺗﻠﻴﻨﻪ ﻫﻴﺞ

ﻭ ﺣﺎﻛﻢ ﺻﻚ ﺍﻟﺒﺎﺏ ، ﻻ ﺩﺍﺭﻟﻬﻢ ﺑﺎﻝ ﻭﻻ ﻋﺎﻳﻦ ﺍﻟﻬﻢ ..

ﻫﺪﻳﺔ : ﻇﻠﻴﺖ ﻋﺪ ﺍﻫﻠﻲ .. ﺍﻟﻜﻞ ﻣﻬﺘﻢ ﺑﻴﻪ ، ﺍﺧﻮﻱ ﺳﺘﺎﺭ ﻣﺎ ﺩﺵ ﻻ ﻣﺎ ﺟﺎﻳﺒﻠﻲ ﺷﻲ ﺑﺠﻴﺒﺔ ، ﻳﺎ ﺟﺮﺯﺍﺕ ﻳﺎ ﻣﺴﻘﻮﻝ .. ﻳﺎ ﻟﻮﺯﻳﻨﻪ .. ﻭ ﺧﻄﻴﺔ ﻳﺮﻭﺡ ﻭ ﻳﺮﺩ ﻭ ﻳﻜﻠﻲ : ﻫﺎ ﺧﻮﻳﺔ ﻣﻌﺘﺎﺯﺓ ﺷﻲ ، ﻣﺘﻀﺎﻳﻜﺔ

ﻭﺍﻧﺎ ﺍﺭﺩﻧﻪ : ﻋﺴﺎﻙ ﺳﺎﻟﻢ .

ﻭﺍﺑﻮﻱ ﻳﻮﻣﻴﺔ ﻳﺮﺩ ﻣﻦ ﺷﻐﻠﻪ ﺑﺎﻟﻤﻌﻤﻞ ﻳﻜﺎﺑﻠﻨﻲ ، ﻭ ﻳﺎﺧﺬ ﺍﻟﺒﺖ ﺑﺤﻈﻨﻪ ﻭ ﻳﻜﻮﻡ ﻳﻬﻮﺳﻠﻬﺎ ﻭ ﻳﺼﻔﻚ ﺧﺎﻃﺮ ﺍﺗﺮﻓﻪ ﺍﻧﺎ ﻭ ﺍﺗﺒﺴﻢ ..

ﺍﻟﺒﻨﻴﺔ ﺧﻠﻴﺖ ﺍﺳﻤﻬﺎ ‏( ﺍﻣﻨﻴﺔ ‏) ﻭ ﻣﺎ ﻏﻴﺮﻳﺘﻬﺎ

ﻣﻦ ﻛﻮﻥ ﺩﻛﺎﺗﻪ ﺭﺩﻳﻪ ﻟﺠﻦ ﺟﺎﻧﺖ ﺍﻣﻨﻴﺘﻲ ﻋﺎﻟﺒﺖ ﻫﺎﻱ ﺗﺼﻴﺮ ﻣﻨﻪ ﻣﻮﺵ ﻣﻦ ﻓﻠﻴﺢ ﺍﻻﺟﺮﺏ .

ﺍﻣﺎ ﺟﻠﺠﻮﻝ ... ﻓﻬﺎﻱ ﻣﺎﺧﺬﺓ ﺣﻜﺮ ﺍﻋﻠﻰ ﺍﻟﻔﺮﺧﺔ

ﻣﺎ ﺗﻜﺮﺏ ﺍﻟﻬﺎ ﺍﺣﺪ ﺍﻻ ﻭ ﺗﻜﺎﻭﻣﺖ ﻭﻳﺎﻩ ﺅ ﻭ ﺷﺤﺪﻩ ﺍﻟﻴﻜﺮﺑﻬﺎ ، ﺣﺘﻰ ﻭ ﻫﻲ ﺗﺪﺭﺱ ﺣﺎﻃﺘﻬﺎ ﺑﺤﻈﻨﻬﺎ ، ﻭ ﻳﻮ ﻛﺮﺑﺘﻬﺎ ﺯﻣﻦ ﺑﺖ ﺳﺘﺎﺭ ﺗﺒﺘﻠﺶ ﺑﻴﻬﺎ ، ﻭ ﻛﻞ ﺳﺎﻉ ﺟﺎﺗﻠﻪ ﻣﺆﻳﺪ ﺟﺘﻠﻪ .. ﻣﻦ ﻣﻮﻥ ﻫﺎﺫ ﻳﻐﺎﺭ ﻋﺒﻦ ﺍﻟﻜﻞ ﻣﻬﺘﻢ ﺑﺎﻣﻨﻴﺔ ﻭ ﻫﺎﺩﻳﻨﻪ ﻭ ﻳﺠﻲ ﻳﺨﺮﻣﺸﻬﺎ ﻳﻮ ﻳﺠﺮﻫﺎ .. ﺗﻜﻀﻪ ﺟﻤﺎﺭﺓ ﺷﺘﻌﻤﻞ ﺑﺤﺎﻟﻪ .

ﻭﺗﻈﻞ ﺍﻣﻲ ﺗﺼﻜﻊ ﺑﺮﺍﺳﻬﺎ ﻭ ﺍﻃﻚ .. ﻭ ﺍﺧﺬ ﻣﺸﺎﻛﻞ ﻣﻦ ﻭﺭﻩ ﺟﻤﻴﺮﺓ ﻭ ﺍﻣﻨﻴﺔ .. ﻣﺤﺪ ﻳﻜﻀﻬﺎ

ﻻﻟﻪ ﺗﺘﻤﻨﻰ ﺗﻜﺮﺑﻬﺎ ﺑﺲ ﺗﺨﺎﻑ ﻣﻦ ﺟﻤﻴﺮﺓ ﺑﻬﺎﻟﻔﺘﺮﺓ ﺻﺎﺭﺕ ﻋﺪﻧﺎ ﺟﺜﻴﺮ ﻓﺮﻭﺥ .. ﺳﺘﺎﺭ ﺍﺛﻨﻴﻦ ﺑﻨﺎﺕ ﻭ ﺍﻳﻤﺎﻥ ﻭﺍﺣﺪ .. ﻟﺠﻦ ﺑﻮﻻﺩﺓ ﺍﻣﻨﻴﺔ ﺟﻦ ﺍﻭﻝ ﻓﺮﺥ ﻳﺼﻴﺮ ﺑﻬﺎﻟﺒﻴﺖ ﺍﻟﻜﻞ ﻣﻮﻫﺪﻥ ﺑﻴﻬﺎ ﻭ ﻫﻨﻴﺎﻝ ﺍﻟﻴﻜﻀﻬﺎ ..

ﻏﻴﺮ ﺣﺒﺎﻳﺐ ﺍﻣﻲ ﺍﻟﺘﻘﺮﺍﻟﻬﻦ ، ﻫﺎﻱ ﺍﻟﺘﺠﻴﺐ ﺍﻟﻬﺎ ﺑﻄﺎﻧﻴﺔ ﻭ ﻫﺎﻱ ﺍﻟﺘﺠﻴﺒﻠﻬﺎ ﻛﻤﺎﻁ ﻣﻄﺮﺯ .. ﻭ ﻫﺎﻱ ﺍﻟﺘﺨﻴﻂ ﺍﻟﻬﺎ ﺛﻴﺎﺏ ﻭ ﻫﺎﻱ ﺍﻟﺘﻮﺩﻳﻠﻬﺎ ﺧﺮﺯ ﻣﻦ ﺍﻟﻌﻴﻦ ﻭ ﻫﺎﻱ ﺍﻟﺘﺠﻴﺒﻠﻬﺎ ﺷﺒﺎﺣﻴﺎﺕ .. ﻭ ﻫﺎﻱ ﺍﻟﺘﺴﻮﻳﻠﻬﺎ ﻣﻌﺎﺿﺪ ﻣﺨﺮﺯﺓ ﻳﺴﻤﻮﻧﻬﺎ ‏( ﺷﺤﻢ ﻭ ﻟﺤﻢ ‏) ﻳﻜﻮﻟﻮﻥ ﻫﺎﻱ ﻣﻦ ﻳﻠﺒﺴﻬﺎ ﺍﻟﺠﺎﻫﻞ ﻳﺴﻤﻦ .

ﺷﻮﻳﺔ ﺷﻮﻳﺔ .. ﺍﺟﺮﻭﺡ ﻭﺟﻬﻲ ﻛﺎﻣﻦ ﻳﻄﻴﺒﻦ

ﻭﻛﻢ ﺍﻭﻛﻒ ﺍﻋﻠﻰ ﺣﻴﻠﻲ ﻭ ﺍﻋﺎﻭﻥ ﺑﺸﻐﻞ ﺍﻟﺒﻴﺖ ﻭ ﺍﺧﺴﻞ ﺣﻀﺎﻳﻦ ﺑﺘﻲ ﻭﻟﻜﺎﻓﺎﺗﻬﺎ ..

ﻭﺍﻟﺤﻤﺪ ﻭ ﺍﻟﺸﻜﺮ ﻟﻠﻪ ﺭﺩﺕ ﻋﺎﻓﻴﺘﻲ ﻟﻴﻪ ﺑﺰﻭﺩ ﺍﻫﻠﻲ ﻭﻭﻛﻔﺘﻬﻢ ﻭﻳﺎﻱ .

ﺍﻧﺪﻛﺖ ﺍﻟﺒﺎﺏ .. ﻭ ﻛﻤﺖ ﺍﻧﺎ ﺍﻓﺘﺤﻨﻪ ... ﻓﻜﻴﺘﻪ ﻭ ﻟﻨﻬﺎ ﺭﺍﺩﻳﻮﻥ ﻭ ﺍﻡ ﺳﺮﺣﺎﻥ ﺭﺩﺣﺔ : ﻳﺎ ﻫﻼ ﻭﻣﺮﺣﺒﺎ ﺗﻔﻀﻠﻦ ﺗﻔﻀﻠﻦ

ﺭﺍﺩﻳﻮﻥ : ﺷﻠﻮﻧﺞ ﻳﻬﺪﺯﺓ ﺍﻋﺬﺭﻳﻨﻲ ﻣﺎ ﻛﺪﺭﺕ ﺍﺟﻴﺞ ﻳﻮﻡ ﺍﻟﻄﻠﻌﺘﻲ ﻣﻦ ﺍﻟﻤﺴﺘﺸﻔﻰ

- ﺟﻴﺘﺞ ﻛﺎﻓﻴﺔ ﻻ ﺗﺘﻌﺬﺭﻳﻦ ، ﻓﻮﺗﻲ

ﺣﺒﺤﺒﺘﻨﻲ ﺍﻣﻪ ﻭ ﺩﺷﺖ ، ﺣﺠﺖ : ﺟﺎ ﺍﻡ ﺍﻟﺤﺒﺎﻳﺐ ﻭﻳﻨﻬﺎ ؟

- ﻋﺪﻫﺎ ﻗﺮﺍﻳﺔ ﺍﺑﻴﺖ ﺍﻟﺤﺠﻲ ﻭﺭﺍﺣﺖ

- ﻳﺎ ﻭ ﺍﻧﺎ ﺟﺎﻳﺘﻬﺎ ﺍﻋﻠﻰ ﻫﺎﻻﺳﺒﺎﺏ

- ﻋﻠﻴﺶ ؟

- ﻋﻜﺐ ﺑﺎﺟﺮ ﺍﺭﺑﻌﻴﻦ ﺍﻟﺸﻴﺦ ﻭ ﺳﺮﺣﺎﻥ ﺍﺟﺮ ﻣﻨﺸﺄﺓ ﻭ ﺑﻠﻎ ﺍﻟﺴﻠﻒ ﺍﻟﺮﺍﻳﺪ ﻳﺰﻭﺭ ﻛﺒﻮﺭ ﺍﻫﻠﻪ ﻳﺼﻌﺪ ﻭ ﻳﻤﺶ ﻭﻳﺎﻧﺎ ﺑﻼ ﻋﺰﻳﻤﺔ .. ﺑﺜﻮﺍﺏ ﺍﻟﺸﻴﺦ ﻣﻄﺮ ، ﻭ ﺍﻧﺎ ﺟﺎﻳﺔ ﺍﻋﻠﻰ ﺍﻣﺞ ﺧﺎﻃﺮ ﺗﻘﺮﺍﻟﻨﺎ ﺑﺎﺟﺮ ﻋﺒﻦ ﻣﺴﻮﻳﻦ ﺛﻮﺍﺏ .

- ﻭﺍﺻﻞ ﺍﻥ ﺷﺎﺀﺍﻟﻠﻪ .. ﻣﻦ ﺗﺠﻲ ﺍﺑﻠﻐﻨﻬﺎ

ﺟﺎﻱ ﻧﺤﺠﻲ ﻭ ﺩﺷﺖ ﻻﻟﻪ ﺳﻠﻤﺖ ﻭ ﺑﻴﺪﻫﺎ ﺻﺮﺍﺣﻴﺔ ﺍﻟﻤﺎﻱ ، ﻛﺪﻣﺖ ﺍﻟﻬﻢ ... ﺩﺵ ﺍﻣﻲ ﻭ ﺗﻠﻜﺘﻬﻦ ﺑﺎﻟﻬﻼ ﻭ ﺍﻟﻤﺮﺣﺒﺎ ﻭ ﺗﺤﺒﺤﺐ ﺑﻴﻬﻦ ﻭ ﺍﻧﺪﺍﺭﺕ ﻻﻟﻪ : ﻳﺎ ﻋﻤﻪ ﺟﺎ ﺑﺲ ﺍﻟﻤﻴﻪ ، ﺧﺪﺭﻱ ﺍﻟﺠﺎﻱ

ﺭﺩﺣﺔ : ﻻ ﻭﻋﻠﻲ ﻛﺎﻳﻤﻴﻦ ﻣﺎ ﻳﻌﺘﺎﺯ

- ﺷﻨﻬﻲ ﺧﻴﺔ ﻣﺮﺕ ﺣﻀﻴﺮﻱ ، ﺑﺲ ﺍﻟﺴﻼﻡ ﻭ ﺍﻣﺶ ، ﻛﻌﺪﻱ ﺷﻮ ﻛﻌﺪﻱ .

ﻛﺮﺑﺖ ﻟﺮﺍﺩﻳﻮﻥ : ﺷﻠﻮﻧﺞ

ﺍﻧﺪﺍﺭﺗﻠﻲ ﻣﺘﺒﺴﻤﻪ ﺑﻘﻬﺮ : ﻋﻠﻰ ﺍﻟﻠﻪ

- ﺷﺎﻳﻔﺘﺞ ﻣﻮﺵ ﺫﻳﺞ ﺭﺍﺩﻳﻮﻥ ﺍﻟﺤﻠﻮﺓ ، ﺍﻻﺳﻮﺩ ﻣﻮﻫﺪﻥ ﺍﺣﻮﺍﻟﺞ ﻭﻭﺟﻬﺞ ﺗﻌﺒﺎﻥ .

- ﺟﺎ ﻓﺮﺍﻙ ﻋﻴﻦ ﻳﻬﺪﻭﺓ ، ﺍﻟﺒﺖ ﺧﻼﻑ ﺍﺑﻮﻫﺎ ﺗﻀﻴﻊ ، ﻭ ﺍﻧﺎ ﺿﻌﺖ ﺧﻼﻓﻪ .

- ﺍﻟﻠﻪ ﻳﻌﻴﻨﺞ ، ﺍﻧﺎ ﺳﻤﻌﻴﺖ ﺯﻧﻴﺪ ﻣﻄﻴﺞ ﻻﻝ ﺛﺠﻴﻞ ﻟﺠﻦ ﺳﺮﺣﺎﻥ ﻣﻮﺵ ﺭﺍﺿﻲ

- ﺑﻌﺪﻧﻲ ﻣﺎ ﺍﻋﺮﻑ ﺣﺎﻟﻲ ﻟﻴﻮﻳﻦ .. ﺯﻧﺎﺩ ﻋﻴﻮﻧﻪ ﻳﻨﻄﻦ ﺷﺮﺍﺭ ﻭﻣﺎ ﻳﺮﺿﻰ ﺍﺣﺪ ﻳﻨﺰﻝ ﺍﺣﺠﺎﻳﺘﻪ ﻭ ﺳﺮﺣﺎﻥ ﻣﺘﺠﺎﻫﻠﻪ ﻭ ﺍﻧﺎ ﺧﺎﻳﻔﺔ ﻣﻦ ﻛﻮﻥ ﺯﻧﺎﺩ ﺍﺧﻮﻱ ﺑﻌﺪ ﻓﻜﺪ ﺍﺑﻮﻱ ﻃﻐﻰ .. ﻭﻣﺎ ﺍﻟﻪ ﺭﺩﺍﺩ ﻭ ﺍﺧﺎﻓﻦ ﻻ ﻳﺘﻜﺎﻭﻣﻮﻥ ﻫﻮ ﻭ ﺳﺮﺣﺎﻥ

- ﺍﻣﺞ ﺷﻨﻬﻲ ﺭﺍﻳﻬﺎ ..

- ﻻ ﻳﺴﻤﻊ ﻻﻡ ﻭﻻ ﻋﻢ ﻭﻻ ﺍﺥ .. ﻳﻜﻮﻝ ﺍﻧﺎ ﺍﻟﺸﻴﺦ ﻭ ﺍﻻﻛﻮﻟﻦ ﺑﻴﻪ ﻳﺘﻨﻔﺬ ، ﻭ ﻧﺎﻃﺮﻳﻦ ﻳﺨﻠﺺ ﺍﺭﺑﻌﻴﻦ ﺍﺑﻮﻱ ، ﺧﺎﻃﺮ ﻳﺤﻜﻤﻮﻥ ﺑﻴﻪ .

ﺣﺠﺘﻬﺎ ﻭ ﺍﺧﺘﻨﻜﺖ،ﺳﻜﺘﺖ ﻭ ﺍﻧﺎ ﺍﻃﺒﻄﺐ ﺍﻋﻠﻰ ﺭﺟﻠﻬﺎ ﻭﺍﻭﺍﺳﻴﻬﺎ .. ﺿﺎﻙ ﺻﺪﺭﻱ ﻭﻳﺎﻫﺎ ، ﺩﻧﺠﺖ ﺗﺒﺠﻲ : ﻻ ﺗﺒﺠﻴﻦ ﻛﻮﻟﻲ ﻳﺎ ﺍﻟﻠﻪ ، ﻣﺎ ﺗﻀﻴﺞ ﺍﻝ ﻭﺗﻔﺮﺝ

- ﻭﻟﺞ ﻫﺪﻭﺓ ﺟﻨﺖ ﻣﻠﻜﺔ ﺯﻣﺎﻧﻲ ﺑﻌﻬﺪ ﺍﺑﻮﻱ .. ﻫﺴﺎﻧﻲ ﺿﻌﺖ ﻭ ﺍﻫﻴﺲ ﺑﺮﻭﺣﻲ ﻏﺮﻳﺒﺔ .. ﻻ ﺍﻧﺎ ﻟﻬﻠﻲ ﻭﻻ ﺍﻧﺎ ﻟﻮﻟﻴﻔﻲ .. ﻭﻛﻞ ﺍﻟﻜﺎﻡ ﻳﺠﺮ ﺑﻴﻪ ﻟﺼﻔﺤﺔ ، ﻭﻟﺞ ﻫﻈﻴﻤﺔ ﺍﻧﺎ ﻳﺼﻴﺮ ﺑﻴﻪ ﻫﻴﺞ ﻭ ﻳﻜﺴﺮﻭﻧﻲ

ﻛﻤﺖ ﺍﺑﺠﻲ ﻭﻳﺎﻫﺎ ، ﺍﻧﺪﺍﺭﻳﺖ ﺍﻣﻲ ﻭﺭﺩﺣﺔ ﻣﻮﺟﺪﺍﺕ ﺑﺴﻮﺍﻟﻔﻨﺎ .. ﺣﺠﺖ ﺍﻣﻲ : ﺟﺎ ﺍﺧﻴﺞ ﺍﺣﺬﺍﺝ ﻻ ﺗﺒﺠﻴﻦ ﻳﻴﻤﻪ

- ﺧﺎﻟﺔ ﺍﻧﺎ ﺍﺧﺎﻓﻦ ﺍﻋﻠﻰ ﺳﺮﺣﺎﻥ ﻣﻨﻬﻢ ، ﺯﻧﺎﺩ ﺣﺎﻁ ﺳﺮﺣﺎﻥ ﺍﺑﺎﻟﻪ .. ﻭ ﺳﺮﺣﺎﻥ ﻳﺘﻮﻋﺪﻟﻪ .. ﺍﺧﺎﻑ ﺍﻋﻠﻰ ﺳﺎﻋﺔ ﻳﺘﻜﺎﻭﻣﻮﻥ ﻭ ﺍﺧﺴﺮ ﺍﻟﻄﺮﻓﻴﻦ .

- ﻻ ﺗﺨﺎﻓﻴﻦ ﺍﻋﻠﻰ ﺳﺮﺣﺎﻥ ، ﻣﻮﺵ ﻣﻬﺮﻑ ﺯﻟﻤﺔ ﻋﺎﻛﻞ ﻭ ﺗﺼﺮﻓﺎﺗﻪ ﺑﻌﻜﻞ ﻣﺎ ﻳﻬﻮﺑﺰ ﻭ ﻳﻬﺮﺝ ﺍﻟﺪﻧﻴﺎ ﻭﻳﻮﻫﺪﻥ ﺭﻭﺣﻪ ، ﻻ ﺗﺒﺠﻴﻦ ﻳﺨﺎﻟﻪ

- ﺷﻠﻮﻧﻤﻨﺎ ﺍﺑﺠﻲ ﻭ ﺍﻧﺎ ﻫﺎﺫ ﺣﺎﻟﻲ ، ﺑﻌﺪﻧﻲ ﻣﺎ ﺷﻠﺖ ﺭﺍﺳﻲ ﻣﻦ ﻓﻜﺪ ﺍﺑﻮﻱ ، ﺻﻜﻌﻮﻧﻲ ﺑﻬﺎﻟﻌﻄﻴﺔ ، ﺣﺠﺎﻳﺔ ﻣﻀﻴﻒ ﺧﺎﻟﺔ ﻣﻮﺵ ﻫﻴﻨﺔ .

ﻇﻠﺖ ﺍﺩﺍﺭﻱ ﺑﺪﻣﻮﻋﻬﺎ ﻭ ﺍﻟﺤﺒﺎﻳﺐ ﻳﻮﺍﺳﻨﻬﺎ ...

ﺛﺎﻧﻲ ﻳﻮﻡ ﻛﻮﺍﻏﺪ ﺣﻀﺮﺕ ﺍﻟﻘﺼﺮ ﻭﻗﺮﺕ ﺍﻟﻤﺠﻠﺲ ﻭ ﺍﻟﺴﻠﻒ ﻛﻠﻪ ﺣﺎﺿﺮ ﺍﺑﻴﺖ ﺳﺮﺣﺎﻥ ، ﺣﺘﻰ ﻣﻠﻮﻙ .

ﻛﺒﻞ ﻳﻮﻡ ﺍﻻﺭﺑﻌﻴﻦ ﺑﻴﻮﻡ .. ﻫﺪﻭﺓ ﺍﺻﺮﺕ ﺍﻻ ﺗﺮﻭﺡ

ﺑﺲ ﻛﻮﺍﻏﺪ ﻣﺎ ﺗﺮﺿﻰ : ﻭﻟﺞ ﺍﻧﺖ ﻧﻔﺴﻪ ﻭﻳﻦ ﻣﻮﻟﻴﺔ

- ﻳﻤﻪ ﺻﺎﻟﻲ ﺷﻜﺜﺮ ﻣﻦ ﺟﺒﺖ .. ﻣﺎ ﻋﻠﻲ ﺷﻲ ﻭﻋﻠﻲ

- ﺑﻌﺪﺝ ﻣﺎ ﻃﺎﻟﻌﺔ ﺍﻻﺭﺑﻌﻴﻦ ﻭﺭﺣﻤﺞ ﺭﺧﻲ ، ﺍﺳﺘﺠﻨﻲ ﻭ ﺍﺭﻛﺪﻱ

- ﻻ ﻳﻤﻪ ﻋﻠﻴﺞ ﺍﻟﻌﺒﺎﺱ .. ﺧﻞ ﺍﺭﻭﺣﻦ ، ﻫﻮ ﺍﻟﺠﻮ ﻭﻃﻴﺐ ﻻﻫﻮ ﺣﺎﺭ ﻭﻻ ﻫﻮ ﺑﺎﺭﺩ .. ﺧﺎﻃﺮ ﺗﺨﺎﻓﻴﻦ ﺍﻋﻠﻰ ﺍﻟﻔﺮﺧﺔ ..

- ﻭﺭﺣﻤﺞ

- ﻣﺎ ﻋﻠﻲ ﺷﻲ ، ﺑﺲ ﺧﻞ ﺍﺭﻭﺣﻦ

ﻭ ﺍﺻﺮﺕ ﺍﻻ ﺗﺮﻭﺡ ﻭﻳﺎﻫﻢ ..

ﻛﺎﻟﺖ ﺍﻟﻬﺎ : ﺑﺲ ﻣﺎ ﺗﻨﺰﻟﻴﻦ ﺑﺎﻟﻜﺒﻮﺭ ، ﺣﺪﺝ ﻟﻠﺴﻴﺎﺭﺓ ﻭﺑﺲ ﺗﻈﻠﻴﻦ ﺑﻴﻬﺎ

- ﺭﺍﺿﻴﺔ

- ﺩﻳﺎﻟﻪ ﺣﻀﺮﻱ ﺭﻭﻳﺤﺘﺞ

ﺟﻤﺎﺭﺓ : ﺍﻧﺎ ﺍﺭﻭﺣﻦ ﺍﻛﻀﻦ ﺍﻣﻨﻴﺔ

- ﺭﻭﺣﻲ

ﺣﻀﺮﻥ ﺍﺭﻭﺍﺣﻬﻦ ﻭ ﺣﻀﺮﻥ ﺯﺍﺩﻫﻦ ..

ﻭﻣﻦ ﻏﺒﺸﺔ ﻃﻠﻌﻦ ، ﻟﺠﻦ ﺍﻟﺴﻴﺎﺭﺓ ﺻﺎﻳﺮﺓ ﺩﻭﻭﻭﺱ ، ﻛﺾ ﺍﺧﻮﺝ ﻻ ﻳﻄﻴﺢ ، ﺍﻟﺴﻠﻒ ﻛﻠﻪ ﺻﺎﻋﺪ ... ﻫﺪﻳﺔ ﻣﺎ ﻃﺎﻟﻌﺔ ﺍﻻﺭﺑﻌﻴﻦ ﻭ ﺫﻭﻟﻪ ﻛﻞ ٥ ﻛﺎﻋﺪﻳﻦ ﺑﻜﺮﺳﻴﻴﻦ

ﻛﻮﺍﻏﺪ : ﻳﻤﻪ ﺍﻟﺴﻴﺎﺭﺓ ﺻﺎﻳﺮﺓ ﻫﻮﺳﺔ ، ﺭﺩﻱ ﻳﺒﻨﻴﺘﻲ

- ﻳﻤﻪ ﺍﻧﺪﺣﺲ ﻭﻳﺎﻫﻢ

- ﺷﺘﻨﺪﺣﺴﻴﻦ ، ﺍﻣﺸﻲ ﻧﺰﻟﻲ

ﺳﺮﺣﺎﻥ : ﻫﺎ ﺍﻡ ﺳﺘﺎﺭ

- ﺧﺎﻟﺔ ﻫﺎﻱ ﺭﺍﻛﺒﺔ ﺭﺍﺳﻬﺎ ﺍﻻ ﺗﺮﻭﺡ ﻭ ﻫﻲ ﻣﻮﺵ ﻃﻮﻳﺒﺔ

- ﺍﻧﺎ ﺟﺎ ﺧﻠﻴﺘﻜﻢ ﺑﺴﻴﺎﺭﺗﻲ ﻟﺠﻦ ﺻﺎﻋﺪﻳﻦ ﺍﺯﻻﻡ ﻭﻳﺎﻱ

ﺣﻂ ﺭﺟﻠﻪ ﻭ ﺻﻌﺪ ﻟﻠﺴﻴﺎﺭﺓ ﻋﺎﻳﻦ .. ﺷﺎﻑ ﻛﺮﺳﻲ ﻟﻴﻜﺪﺍﻡ ﻛﺎﻋﺪﻳﻦ ﺑﻴﻪ ﺍﺛﻨﻴﻦ ﺷﺒﺎﺏ ﻣﻦ ﺍﻟﺴﻠﻒ .. ﺣﺠﻪ : ﺍﺯﻟﻤﻨﺎ ﺑﻮﻳﻪ ، ﻛﻮﻣﻮ ﻭ ﺧﻠﻮ ﺍﻟﻤﺮﺓ ﺗﻜﻌﺪ ﻫﻨﺎ ﻭ ﺍﻧﺘﻢ ﺍﻭﻛﻔﻮ ﻭﻛﻀﻮ ﺍﻟﺒﺎﺏ .

ﻛﺎﻣﻮ ﻭﻛﻌﺪ ﻫﺪﻭﺓ ﻭ ﺧﻠﻬﺎ ﻟﻴﺠﺪﺍﻡ ، ﻭﺭﺍﺩﻳﻮﻥ ﺟﺪﺍﻣﻬﺎ ﻭ ﻛﻮﺍﻏﺪ ﻛﻌﺪﺕ ﻳﻢ ﺭﺍﺩﻳﻮﻥ ..

ﺳﺮﺣﺎﻥ : ﻫﺎﺍﺍﻩ .. ﺑﻌﺪ ؟ ﻣﻌﺘﺎﺯﻳﻦ ﺷﻲ،ﻛﺎﻣﻮ ﻳﺘﺮﺣﻤﻮﻥ ﻻﺑﻮﻩ ﻭ ﻳﺸﻜﺮﻭﻧﻪ ، ﺩﻙ ﺻﺪﺭﻩ ﻭ ﻧﺰﻝ .

ﺳﻴﺎﺭﺓ ﻛﺮﻳﻢ ﻭ ﺳﻴﺎﺭﺓ ﺯﻧﺎﺩ ﻭ ﺳﻴﺎﺭﺓ ﺳﺮﺣﺎﻥ .. ﺷﺎﻳﻠﻴﻦ ﺑﻴﻬﻦ ﺍﺯﻻﻡ ﺍﻟﻌﺸﻴﺮﺓ ﺍﻟﻜﺒﺎﺭ .. ﻭ ﺍﻟﺴﻴﺎﺭﺓ ﺍﻟﺠﺒﻴﺮﺓ ﺷﺎﻟﺖ ﺍﻛﺜﺮ ﺍﻟﻨﺴﻮﺍﻥ ﻭ ﺷﻮﻳﺔ ﺯﻟﻢ .

ﻣﺸﺖ ﺍﻟﺴﻴﺎﺭﺓ ﻭ ﺻﺎﺣﺖ ﻛﻮﺍﻏﺪ : ﺍﻟﻔﺎﺗﺤﺔ ﻻﻡ ﺍﻟﺒﻨﻴﻦ ﺗﺴﺒﻜﻬﺎ ﺍﻟﺼﻼﺓ ﺍﻋﻠﻰ ﻣﺤﻤﺪ ﻭﺍﻝ ﻣﺤﻤﺪ .

ﺻﺎﺣﻮﺍ : ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ

ﻭﻗﺮﻭﺍ ﺍﻟﻔﺎﺗﺤﺔ ﻭ ﺗﺤﺮﻛﺖ ﺍﻟﺴﻴﺎﺭﺓ ﻛﻮﺓ .. ﻣﺘﺮﻭﺳﺔ ﻋﺎﻟﻢ

ﻫﺪﻳﺔ : ﺟﻮﻳﻌﺪﺓ ﻛﺠﺪﺍﻡ ﺍﻣﻲ ، ﺩﺍﻳﺮﺓ ﺭﺍﺳﻬﺎ ﻭ ﺗﺤﺠﻲ ﻭﻳﺎ ﻣﺮﺕ ﻛﺮﻳﻢ .. ﻫﻲ ﻛﺎﻭﻟﻴﺔ ﺑﺲ ﻣﺒﻮﺷﻬﺎ ﻛﺮﻳﻢ ، ﻭ ﻣﻠﺒﺴﻬﺎ ﺟﻮﺍﺭﻳﺐ ﻭ ﺟﻔﻮﻑ ﻭ ﻣﺎ ﻳﻨﺸﺎﻑ ﻣﻨﻬﺎ ﻏﻴﺮ ﻋﻴﻮﻧﻬﺎ ﻭ ﺍﻟﻤﺮﺓ ﺣﺒﻠﻰ ﺣﺠﺖ ﺍﻣﻲ : ﺍﺭﻓﻌﻲ ﺍﻟﺒﻮﺷﻴﺔ ﻳﻴﻤﻪ ﺟﺎ ﺍﺧﺘﻨﻜﺘﻲ

- ﻣﺎ ﻳﺮﺿﻰ ﻛﺮﻳﻢ

- ﻛﻠﻴﻠﻪ ﺍﻡ ﺍﻟﺤﺒﺎﻳﺐ ﻛﺎﻟﺘﻠﻲ ، ﺭﻓﻌﻴﻬﺎ ﻭ ﺟﺮﻱ ﺍﻟﻬﻮﻯ ، ﺷﻨﻬﻲ ﺟﺎ ﻣﺎ ﻛﺎﻟﻮﻫﺎ ﻫﻴﺞ ..

ﻭﺭﻓﻌﺖ ﺍﻟﺒﻮﺷﻴﻪ ﻋﻦ ﺭﺍﺳﻬﺎ .. ﻭﻃﻠﻊ ﻭﺟﻬﻪ ، ﺍﻟﺒﺖ ﺑﻴﻀﻪ ﻭ ﺍﻟﺨﺪﻭﺩ ﺣﻤﺮ ﺩﻡ ﻭ ﺣﻴﻞ ﺣﻠﻮﺓ .

ﺣﺠﺖ ﺍﻣﻲ : ﻧﺴﻴﺖ ﺍﺳﻤﺞ ؟

- ﺩﻳﻨﺎﺭ

ﺍﺳﺘﻠﻤﺘﻬﺎ ﺍﻣﻲ ﺳﻮﺍﻟﻒ .. ﺍﻟﺒﺖ ﻣﺒﻴﻨﺔ ﺧﻮﺵ ﻣﺮﺓ ﻭ ﻇﻠﺖ ﺍﻣﻲ ﺗﻨﺸﺪﻫﺎ ﺍﻋﻠﻰ ﻃﺒﺎﻳﻊ ﺍﻟﻜﺎﻭﻟﻴﺔ ﻭ ﻇﻠﺖ ﺗﺸﻜﻲ ﻣﻨﻬﻢ ﻭ ﺷﻠﻮﻥ ﻋﻤﻬﺎ ﺟﺎﻥ ﻳﻌﺬﺑﻬﻦ ﺍﺫﺍ ﻣﺎ ﺭﻛﺼﻦ ﻭﺷﻠﻮﻥ ﻣﺘﻌﺬﺑﺎﺕ .

ﻛﻞ ﺍﻟﺒﺴﻴﺎﺭﺓ ﻇﻞ ﻣﻮﺟﺪ ﻭﻳﺎﻫﺎ ﻭ ﺍﻧﻜﺴﺮ ﺧﺎﻃﺮﻫﻢ ﺍﻋﻠﻴﻬﺎ ﻭ ﻛﺎﻣﻮ ﻳﺤﻤﺪﻭﻥ ﺑﻜﺮﻳﻢ ﻳﻮﻡ ﺍﻻﺧﺬﻫﺎ ﻭﺑﻮﺷﻬﺎ ﻭ ﺳﺘﺮﻫﺎ ﻣﻦ ﻫﺎﻟﺪﺭﺏ .

ﻟﻴﻤﺎ ﻭﺻﻠﻨﺎ ﺍﻟﻨﺠﻒ ﻛﺎﻟﻮ : ﻧﺰﻭﺭ ﺍﻟﻜﺒﻮﺭ ﻧﺰﻭﺭ ﺍﻫﻠﻨﺎ ﻭ ﻧﻄﻠﻊ ﻟﻸﻣﻴﺮ ﺧﺎﻃﺮ ﻧﺰﻭﺭ ﻭ ﻧﺮﺗﻊ ﻏﺎﺩ ﺑﺤﻀﺮﺗﻪ .

ﻣﻦ ﻭﺻﻠﻨﺎ ﻭﺍﺩﻱ ﺍﻟﺴﻼﻡ .. ﺍﻟﻜﻞ ﺳﻜﺖ ﻣﻦ ﺍﻟﺴﻮﺍﻟﻒ ﻭ ﻇﻠﺖ ﺗﻌﺎﻳﻦ ﻟﻠﻜﺒﻮﺭ ، ﻫﺎﺫ ﺍﻟﻴﺒﺠﻲ ﻭ ﻫﺎﺫ ﺍﻟﺨﺎﻧﻜﺘﻪ ﺍﻟﻌﺒﺮﺓ، ﻭ ﻣﻨﻈﺮ ﻳﺮﻫﺐ ... ﻫﻴﻤﺔ ﻭ ﻛﻠﻬﺎ ﻛﺒﻮﺭ .

ﺩﻛﺖ ﺍﻣﻲ ﺍﻋﻠﻰ ﺭﺟﻠﻬﺎ : ﺍﻳﺪﺟﻦ ﻭﻳﺎﻱ ﺣﺒﺎﻳﺐ

ﻳﺎ ﺩﻓﺎﺍﺍﺍﻥ .. ﺩﺭﺏ ﺍﻟﻤﻜﺒﺮﺓ ﻣﻨﻴﻦ ..

ﻭ ﻳﺎ ﺩﻓﺎﻥ .. ﺩﺭﺏ ﺍﻟﻤﻜﺒﺮﺓ ﻣﻨﻴﻦ ..

ﻋﻨﺪﻱ ﻋﺘﺎﺏ ﻟﻠﻈﻠﻮ ﻣﻨﻮﻣﻴﻦ ﻭﻳﺎ ﺩﻓﺎﻥ ......

ﻭﻳﺎ ﺩﻓﺎﻥ ﺩﻟﻴﻨﻲ ﻋﻠﻴﻴﻴﻴﻬﻢ .. ﻭﻳﺎ ﺩﻓﺎﻥ ......

ﻳﻮﻟﻲ ﺍﻟﻴﺠﻠﻲ ﺍﻟﺨﺎﻃﺮ ﺣﺠﻴﻬﻢ ﻭﻳﺎ ﺩﻓﺎﻥ .....

ﻭﻛﻠﺒﻲ ﺍﺷﺘﺎﻙ ﻟﻠﻐﺎﺑﻮ ﺍﻋﻦ ﺍﻟﻌﻴﻦ ﻭ ﻳﺎ ﺩﻓﺎﻥ ... ﺩﺭﺏ ﺍﻟﻤﻜﺒﺮﺓ ﻣﻨﻴﻦ .

ﻧﺤﺒﺖ ﺭﺍﺩﻳﻮﻥ ﻭ ﻛﺎﻣﺖ ﺗﺒﺠﻲ ﻭ ﺗﺼﻴﺢ : ﻳﺎﺑﻮﻭﻭﻭﻭﻭﻭﻭﻳﻪ ، ﻳﺎ ﻣﺼﻴﺒﺘﻲ ﺑﻔﺮﻛﺎﻙ ﻳﺎ ﺑﻮﻳﺔ .

ﻭﺍﻣﻲ ﺍﺩﻙ ﻭ ﺗﻨﻌﻰ ، ﻇﻠﻴﺖ ﻣﺠﺎﺑﻠﺔ ﺭﺍﺩﻳﻮﻥ ﻭ ﺩﻣﻮﻋﻲ ﻫﻤﺎﻟﻪ ﻭﻳﺎﻫﺎ ، ﻟﻴﻤﺎ ﻭﻛﻔﺖ ﺍﻟﺴﻴﺎﺭﺓ ، ﻭ ﻧﺰﻟﻮ ﺍﻟﻮﺍﺩﻡ ، ﺍﻣﻲ ﺍﻧﺪﺍﺭﺗﻠﻲ : ﻣﻮﺵ ﺗﻨﺰﻟﻴﻦ ، ﻇﻠﻲ ﺍﻧﺖ ﻭ ﺍﺧﻴﺘﺞ ﻫﻨﺎ ، ﻧﺰﻭﺭ ﺍﻟﻜﺒﻮﺭ ﻭ ﻧﺮﺩ .

ﺍﻟﺴﻴﺎﺭﺓ ﻣﻮﻛﻔﻴﻨﻬﺎ ﺟﺪﺍﻡ ﻣﻜﺒﺮﺓ ﺍﻝ ﺟﻠﻮﺏ ، ﺻﻒ ﺳﻴﺎﺭﺗﻪ ﺳﺮﺣﺎﻥ ﻭ ﻧﺰﻝ ﻭ ، ﻭ ﺯﻧﺎﺩ ﻫﻢ ﻧﺰﻝ ﻣﻦ ﺳﻴﺎﺭﺗﻪ ، ﺣﺠﻪ ﺳﺮﺣﺎﻥ : ﻳﺎﺑﺎﺍﺍﺍ ﺍﻫﻠﻨﺎ ، ﺍﻟﻠﻪ ﺑﺎﻟﺨﻴﺮ ﻋﻠﻴﻜﻢ

- ﺍﻟﻠﻪ ﺑﺎﻟﺨﻴﺮ

- ﻫﺎﻱ ﻣﻜﺒﺮﺓ ﺍﻟﺸﻴﺦ ﺟﻠﻮﺏ ، ﻭ ﺟﺪﺍﻣﻜﻢ ﺳﺎﻋﺘﻴﻦ ﺍﻟﻌﺪﻩ ﻣﻴﺖ ﻳﺰﻭﺭ ﻣﻮﺗﺎﻩ ﻭ ﻳﺮﺩ ﻟﻤﻜﺒﺮﺗﻨﺎ ، ﻫﻨﺎ ﻧﻼﻛﻴﻬﻢ .

ﻣﻜﺒﺮﺓ ﺍﻟﺸﻴﻮﺥ ﻋﺒﺎﺭﺓ ﻋﻦ ﺣﺠﺮﺓ ﻭ ﻣﺴﺮﻛﺎﺓ .. ﻓﻜﺎﻫﺎ ﺯﻧﺎﺩ ﻭ ﺩﺧﻠﻦ ﺍﻟﻨﺴﻮﺍﻥ ﻳﺘﺼﺎﺭﺧﻦ ﺍﻋﻠﻰ ﻛﺒﻮﺭ ﺍﻟﺸﻴﻮﺥ .. ﻭ ﻛﺒﻮﺭ ﺍﻟﺒﺎﻛﻴﻦ ﻣﻨﺎ ﻭﻣﻨﺎ ﻣﻮﺵ ﺑﺎﻟﺤﺠﺮﺓ ، ﻫﺎﻱ ﺧﺎﺻﺔ ﺑﺸﻴﻮﺧﻬﻢ ﺍﻟﻨﺎﺱ ﻗﺮﺕ ﺍﻟﻔﺎﺗﺤﺔ ﻣﻦ ﺍﺑﻌﻴﺪ ﺍﻋﻠﻰ ﺭﻭﺡ ﺍﻟﺸﻴﺦ ﻣﻄﺮ ﺍﻫﻠﻪ ، ﻭ ﻣﺸﻮﺍ ﺗﻮﺯﻋﻮ ﺑﺎﻟﻤﻜﺒﺮﺓ ، ﻛﻠﻤﻦ ﺭﺍﺡ ﻟﻤﻮﺗﺎﻩ .

ﻇﻠﻴﺖ ﺍﻧﺎ ﺟﻮﻳﻌﺪﺓ ﺑﺎﻟﺴﻴﺎﺭﺓ ﻭ ﺍﻻﺯﻻﻡ ﻭﺍﻛﻔﻴﻦ ﺑﺮﺍ ﺍﻟﺤﺠﺮﺓ .. ﻭ ﺍﻟﻨﺴﻮﺍﻥ ﺩﺍﺧﻞ ﻳﺼﻴﺤﻦ ﻭ ﻳﺒﺠﻦ .. ﺳﺮﺣﺎﻥ ﺍﻧﺘﺠﻰ ﻋﻠﻰ ﺳﻴﺎﺭﺗﻪ ﻭﻭﻛﻒ ﻣﺪﻧﺞ .. ﺍﻧﺎ ﻋﻴﻨﻲ ﻃﺎﺣﺖ ﺍﻋﻠﻴﻪ . ﻣﺎ ﻫﻴﺴﻴﺖ ﺭﻭﺣﻲ ﺍﻻ ﻣﻮﭼﺪﺓ ﺑﻴﻪ ، ﻣﻦ ﻛﻮﻥ ﺍﻧﺎ ﺍﺭﺳﻮﻣﺔ ﺍﺗﻤﻨﺎﻫﻦ ﻭ ﺷﻮﻓﺘﻪ ﻋﺪﻱ ﺗﺴﻮﻯ ﺍﻟﺪﻧﻴﺎ ، ﻳﻮ ﻣﻮ ﺷﺎﻳﻠﻪ ﻋﻠﻴﻪ ﺑﻜﻠﺒﻲ ﻭﻻ ﺟﻦ ﻛﻞ ﻫﺎﻟﻈﺮﻭﻑ ﺻﺎﻳﺮﺓ ﺑﻴﻨﺎﺗﻨﻪ ، ﺣﻄﻴﺖ ﺭﺍﺳﻲ ﺍﻋﻠﻰ ﺍﻟﺠﺎﻣﺔ ﻭ ﻇﻠﻴﺖ ﺍﻋﺎﻳﻦ ﺍﻋﻠﻴﻪ .. ﺍﻋﻠﻰ ﻭﻛﻔﺘﻪ ..

ﻣﺪﻧﺞ ﻭ ﻫﻮ ﻳﺴﻤﻊ ﺣﺲ ﻭ ﺻﺮﻳﺦ ﺭﺍﺩﻳﻮﻥ ﻭ ﻫﻲ ﺗﺼﺮﺥ ﻭ ﺗﺒﺠﻲ ﺍﻋﻠﻰ ﻛﺒﺮ ﺍﺑﻮﻫﺎ ﻭ ﺗﺸﻜﻴﻠﻪ ﻣﻦ ﺿﻴﻢ ﺍﻟﺼﺎﺭﻟﻬﺎ ﻋﻜﺒﻪ .. ﻭ ﺗﺼﻴﺢ : ﺍﻃﻠﻊ ﺑﻮﻳﻪ ﻋﻠﻴﺶ ﺭﺍﺿﻲ ﺗﻨﺎﻡ ﻭ ﺑﻨﻴﺘﻚ ﻭﻟﻮﻫﺎ ﺍﻃﻠﻪ ﻭ ﻟﻤﻨﻲ ﺑﻌﺒﺎﺗﻚ ﺑﻮﻭﻭﻭﻳﻪ .

ﻋﺎﻳﻨﺖ ﺍﻟﻘﻬﺮ ﺑﻌﻴﻮﻧﻪ ، ﻛﺎﻡ ﻳﻔﺮﻙ ﺑﻮﺟﻬﻪ ، ﺷﺎﻝ ﺭﺍﺳﻪ ، ﺻﺪﺕ ﻋﻴﻨﻲ ﺑﻌﻴﻨﻪ ، ﺗﺒﺴﻢ ﺍﺑﺘﺴﺎﻣﺔ ﺧﻔﻴﻔﺔ ، ﻭﺗﻜﺮﺏ ، ﺟﻤﺎﺭﺓ ﻛﺎﻋﺪﺓ ﺍﻋﻠﻰ ﺍﻟﺪﺟﺔ ﻣﺎﻝ ﺍﻟﺒﺎﺏ

- ﺷﻮ ﻫﻨﺎ ﻋﻠﻴﺶ ﻣﺎ ﺗﻨﺰﻟﻮﻥ ؟

ﺟﻤﺎﺭﺓ : ﺍﻣﻲ ﻣﻮﺵ ﺭﺍﺿﻴﺔ ﻧﻨﺰﻝ ﻋﺒﻦ ﻫﺪﻳﻮﺓ ﻣﺎ ﺗﺘﺤﻤﻞ

ﺍﻧﺪﺍﺭ ﻟﻴﻪ ﻋﺎﻳﻦ ﻭﺭﺩ ﺣﺠﻪ ﻭﻳﺎﻫﺎ : ﺟﻮﻋﺎﻧﻴﻦ ﻋﻄﺸﺎﻧﻴﻦ

ﺟﻤﺎﺭﺓ : ﺟﺎﻳﺒﻴﻦ ﺍﻟﺰﺍﺩ ﻭﻳﺎﻧﻪ

- ﺑﺎﻟﻌﺎﻓﻴﺔ

ﺍﻧﺪﺍﺭ ﻭ ﻫﻮ ﻳﻨﺸﺪﻧﻲ : ﻣﻌﺘﺎﺯﺓ ﺷﻲ

- ﻫﺰﻳﺖ ﺭﺍﺳﻲ ﻭﺩﺭﺕ ﻋﻨﻪ .. ﻣﺎ ﺗﺤﻤﻠﺖ ﺍﺷﻮﻓﻨﻪ ﺟﺮﻳﺐ ﻣﻨﻲ ، ﻋﻴﻮﻧﻲ ﻛﺎﻣﻦ ﻳﺘﻼﻣﻌﻦ ، ﻭ ﻋﻤﺖ ﻋﻴﻦ ﻛﻠﺒﻲ ﺍﻟﻜﻞ ﻣﺎ ﻳﺸﻮﻓﻪ ﻳﻔﺰ ﻭ ﻳﻬﻠﻬﻞ ﺑﺸﻮﻓﺘﻪ .

ﻃﻠﻌﺖ ﺑﺸﺮﻯ ﻣﻦ ﻣﻜﺒﺮﺓ ﺍﻟﺸﻴﻮﺥ ، ﻋﺎﻳﻨﺖ ﺳﺮﺣﺎﻥ ﻭﺍﻛﻒ ﺟﺮﻳﺐ ﻣﻦ ﻋﺪﻧﺎ ، ﺍﺟﺖ ﻟﻴﻨﻪ ، ﻫﻴﺴﻴﺘﻬﺎ ﺍﺗﻀﺎﻳﻜﺖ ، ﺩﺭﺕ ﻋﻨﻬﻢ ، ﺧﻠﺖ ﻣﺄﻣﻮﻥ ﺑﻴﺪﻩ ﻭ ﺻﻌﺪﺕ ﺍﻟﺴﻴﺎﺭﺓ ، ﻛﻌﺪﺕ ﻏﺎﺩ ﻋﻨﻲ .. ﺍﻧﺎ ﺻﺪﻳﺖ ﺑﺎﻟﻤﻜﺒﺮﺓ ﻭ ﺍﺳﻤﻊ ﺑﺠﻴﻬﻦ ﻭ ﻧﻌﻴﻬﻦ .

ﺭﺩﺕ ﻋﻴﻨﻲ ﺻﺪﺕ ﺑﺴﺮﺣﺎﻥ ﻭ ﻫﻮ ﻛﺎﺽ ﺑﻮﻟﻴﺪﺓ ﻭ ﻳﺤﺒﺤﺐ ﺑﻴﻪ ﻭ ﺷﺎﻳﻠﻪ ﺍﻋﻠﻰ ﺍﻓﺎﺩﻩ ... ﻇﻠﻴﺖ ﺍﻋﺎﻳﻦ ﺑﻴﻪ

ﺷﻜﺜﺮ ﺟﻨﺖ ﺍﺳﻬﺮ ﺍﻟﻴﺎﻟﻲ ﻭ ﺍﺗﺨﺎﻳﻞ ﻧﻌﺮﺱ ﻭ ﻧﻨﻔﺮﺩ ﺍﺑﻴﺖ ﻭ ﻧﺨﻠﻒ ﻭ ﻳﺼﻴﺮ ﻋﺪﻧﺎ ﺟﻬﺎﻝ ﻭ ﻧﻜﻌﺪﻫﻢ ﺑﻴﻨﺎﺗﻨﺎ ﻭ ﻧﺪﺍﺭﻳﻬﻢ .. ﺗﺎﻟﻲ ﺍﺣﻼﻣﻨﺎ ﺍﺟﺖ ﺍﻋﻠﻯﺮﻭﺳﻨﺎ ﺑﺎﻟﻌﻜﺲ ، ﻭ ﻛﻞ ﻭﺍﺣﺪ ﻣﻨﺎ ﺍﻟﺘﻬﻰ ﺑﻌﺎﻳﻠﺘﻪ ﻭ ﺻﺎﺭ ﻋﺪﻩ ﺑﺰﺭﻳﺔ ﻣﻦ ﻏﻴﺮﻩ .

ﺻﻌﺐ ﺍﻟﺠﺎﻥ ﻣﻠﻜﻚ .. ﺗﻌﺎﻳﻨﻠﻪ ﻭ ﻫﻮ ﻣﻮﺵ ﺍﻟﻚ ، ﻭﻻ ﺍﻟﻚ ﺣﻚ ﺑﻴﻪ ، ﺣﺘﻰ ﻳﻮ ﻛﻠﺒﻚ ﻳﺮﻑ ، ﻣﺠﺒﻮﺭ ﺗﺼﻜﻊ ﺍﻋﻠﻰ ﺍﻟﻜﻠﺐ ﻭ ﺗﺴﻜﺘﻪ ﻭ ﺗﺮﺿﻰ ﺑﺎﻟﻜﺎﺗﺒﻪ ﺍﻟﻨﺼﻴﺐ .

ﺍﺗﻨﻬﺪﻳﺖ ﻭ ﺍﻧﺎ ﺍﺩﻳﺮ ﻋﻨﻪ ، ﺻﺪﻳﺖ ﺑﻤﺮﺗﻪ .. ﻭ ﻫﻲ ﺗﻌﺎﻳﻨﻠﻲ .. ﺩﺭﺕ ﻋﻨﻬﺎ ﻭ ﺍﻧﺎ ﺍﺩﻧﺞ ﻟﺒﺘﻲ ﻭ ﺍﻋﺎﻳﻦ ﺍﻟﻬﺎ .. ﺗﺒﺴﻤﺖ ﺑﻤﻨﻈﺮ ﻭﺟﻴﻬﺎ ﻭ ﻫﻲ ﻧﺎﻳﻤﺔ

ﺷﻠﺖ ﺭﺍﺳﻲ ﻟﺠﻤﺮﺓ ﻭ ﻫﻲ ﺗﺮﺍﺩﺩ ﺑﺴﺮﺣﺎﻥ ﻭ ﺗﻜﻠﻪ : ﺑﺘﻨﺎ ﺍﺣﻠﻰ ﻣﻦ ﺍﺑﻨﻚ ، ﺍﻣﻲ ﺗﻜﻮﻝ ﺗﺸﺒﻬﻨﻲ

ﺳﺮﺣﺎﻥ : ﺷﺴﻤﻴﺘﻮﻫﺎ ؟

- ﺍﺑﻮﻱ ﺳﻤﺎﻫﺎ ﺍﺯﻫﺎﺭ ، ﻟﺠﻦ ﻫﺪﻳﺔ ﺭﺍﺩﺕ ﺍﻣﻨﻴﺔ .. ﺑﺲ ﺍﻧﺎ ﺳﻤﻴﺘﻬﺎ ﻧﻨﻮﺷﺔ

ﺗﺒﺴﻢ ﻭ ﻫﻮ ﻳﻌﺎﻳﻨﻠﻲ .. ، ﺩﺭﺕ ﻣﻨﻪ ﻣﺮﺗﻪ ﺻﺎﺩﻩ ﺑﻴﻪ .. ﺗﻜﺮﺏ ﻫﻮ ﻭﻭﻛﻒ ﺍﻟﻮﻟﺪ ﺑﺎﻟﺴﻴﺎﺭﺓ ﻭ ﻛﺎﻝ ﺍﻟﻬﺎ : ﻫﺎﺝ

ﺗﻨﻬﺪﺕ ﻫﻲ ﻭ ﺷﺎﻟﺖ ﺍﺑﻨﻬﺎ ﻭ ﺩﺍﺭﺕ ﻭﺟﻬﺎ .. ﻭ ﻫﻮ ﺍﻧﺪﺍﺭ ﻭ ﺣﺠﻪ

ﻳﺎﺑﺎ ﻧﺴﻮﺍﻳﻨﻪ ﻣﻦ ﺭﺧﺼﺘﺠﻦ ، ﺑﺴﺠﻦ ﻧﺤﻴﺐ .. ﺳﻮﻥ ﻣﺠﺎﻝ ﻟﺰﻻﻣﻨﺎ ﺧﺎﻃﺮ ﻳﻘﺮﻭﻥ ﺍﻟﻔﺎﺗﺤﺔ ﻭ ﻧﻐﺴﻞ ﻛﺒﻮﺭ ﺍﻫﻠﻨﺎ .

ﻃﻠﻌﻦ ﻣﻦ ﺍﻟﻤﻜﺒﺮﺓ ﻭ ﺩﺧﻠﻮ ﺍﻟﺰﻻﻡ ﻟﻠﻤﻜﺒﺮﺓ .. ﺻﻌﺪﻥ ﻟﻠﺴﻴﺎﺭﺓ .. ﻭﻛﻌﺪﻥ .. ﻛﻌﺪﺕ ﺍﻣﻲ ﺟﺪﺍﻣﻲ : ﻛﻮﻥ ﺗﺤﺮﻛﺘﻲ ؟

- ﻣﺎ ﺗﺤﺮﻛﻴﺖ

- ﻋﻔﻴﺔ ﺑﺘﻲ

ﺯﺍﺭﻭﺍ .. ﻭ ﻛﻤﻠﻮ ﻭﻃﻠﻌﻨﺎ ﻟﻼﻣﺎﻡ ﻋﻠﻲ ..

ﺍﻧﺎ ﻧﺠﺴﺔ ﻣﺎ ﻃﺎﻟﻌﺔ ﺍﻻﺭﺑﻌﻴﻦ ﻓﻤﺎ ﻳﺼﻴﺮ ﺍﺩﺷﻦ ﺍﻟﺤﻀﺮﺓ ﻣﺎﻟﺖ ﺍﻻﻣﺎﻡ، ﻓﺮﺷﻨﺎ ﻓﺮﺍﺵ ﻭﻛﻌﺪﻧﺎ ، ﺧﻠﻮ ﻏﺮﻳﻀﺎﺗﻬﻢ ﻳﻤﻲ ﻭ ﻣﺸﻮ ..

ﻇﻠﺖ ﺑﺲ ﺟﻤﺎﺭﺓ ﻛﺎﺿﺔ ﺍﻟﺒﺖ ﻭ ﺗﻤﺸﻲ ﺑﻴﻬﺎ ﻣﻨﺎ ﻭ ﺗﺠﻲ ﻣﻨﺎ .. ﺍﻧﺪﺍﺭﻳﺖ ﺳﺮﺣﺎﻥ ﻛﺎﻋﺪ ﻟﻴﻐﺎﺩ ﻋﻨﻲ .. ﻭﺧﻨﺠﺮ ﻭ ﺍﺧﻮﻩ ﻛﺮﻳﻢ ﻭﺍﻛﻔﻴﻦ ﻋﺪ ﺭﺍﺳﻪ .

ﺣﺠﻪ : ﻋﻠﻴﺶ ﻣﺎ ﺍﺩﺷﻮﻥ ؟

ﻛﺮﻳﻢ : ﺍﻧﺎ ﺷﺎﺭﺏ ﻛﺒﻞ ﻳﻮﻣﻴﻦ ﺍﺧﺎﻓﻦ ﺍﺩﺧﻞ ﺣﻀﺮﺗﻪ .

ﺍﻧﺪﺍﺭ ﻟﺨﻨﺠﺮ .. ﻭﺍﻧﺖ

ﺧﻨﺠﺮ ﺩﺍﻳﺮ ﻭﺟﻬﻪ ﻣﺴﻮﻱ ﺭﻭﺣﻪ ﻣﺎ ﻣﺮﻛﺰ ﻭﻳﺎﻫﻢ ، ﺻﺎﺡ ﺳﺮﺣﺎﻥ : ﺧﺎﻳﺐ ﻫﻮﻭﻭ

- ﻫﺎﺍﺍﺍ ﻭﻳﺎﻱ

- ﻻ ﻭﻳﺎ ﺧﻴﺎﻟﻚ ، ﻣﺎ ﺗﻔﻮﺕ ﺗﺰﻭﺭ

- ﺍﻧﺎ .. ﺍﺍﺍﺍﺍ ﺍﻱ ﺍﻱ ﺍﺯﻭﺭ ﺍﻥ ﺷﺎﺀﺍﻟﻠﻪ .

- ﺍﻋﺘﺮﻑ ﺍﻣﺰﻣﺰ ؟

- ﻋﻠﻲ ﻃﺎﻫﺮ ﺑﻄﻬﺮ ﺍﻟﺼﻼﺓ .. ﻭﺍﻧﺎ ﺍﺧﺎﻓﻦ ﺍﺩﺷﻦ ﺣﻀﺮﺗﻪ ﻭﺍﺗﻜﺮﺏ ﻣﻨﻪ .

- ﻛﻮﻝ ﺷﻤﺴﻮﻱ ﻭ ﺧﺎﻳﻒ ﻣﻦ ﺩﺷﺖ ﺍﻟﺤﻀﺮﺓ

- ﺍﺍﺍﺍﺍﺍﺍ ﺍﺧﻮﻙ ﺍﻧﺎ ، ﺷﻤﺴﻮﻱ

- ﻫﻮ ﻣﻦ ﻛﻮﻧﻚ ﺍﺧﻮﻱ ﺍﻋﺮﻓﻨﻚ

- ﺟﺎ ﻏﻠﺲ ﻋﻠﻲ ﺭﺣﻤﺔ ﻟﻮﺍﻟﺪﻳﻚ

ﺍﻧﺪﺍﺭ ﻭﻫﻮ ﻳﺤﺎﻭﻝ ﻳﺨﻔﻲ ﺑﺴﻤﺘﻪ .. ﺣﺠﻪ ﻛﺮﻳﻢ : ﺟﺎ ﺍﻧﺖ ﻋﻠﻴﺶ ﻣﺎ ﺍﺩﺵ ، ﻻ ﻳﻜﻮﻥ ﺍﻧﺖ ﻫﻢ ﻣﺘﻮﺭﻁ

ﺧﻨﺠﺮ : ﺍﻱ ﺍﻱ ﻣﺘﻮﺭﻁ ، ﻟﺠﻦ ﻣﻮﺵ ﻣﺜﻞ ﻭﺭﻃﺘﻨﺎ

.. ﻭ ﻳﺄﺷﺮﻟﻪ ﺑﺮﺍﺳﻪ ﻭ ﻋﻴﻮﻧﻪ ، ﺣﺠﻪ ﻛﺮﻳﻢ : ﻫﺎﺍﺍﺍﺍﺍﺍﺍﺍ ﻃﺨﺖ .

ﺳﺮﺣﺎﻥ : ﻣﻴﻠﻮ ﻋﻨﻲ ﻻ ﺍﻃﺦ ﺭﻭﺳﻜﻢ ﺑﺎﻟﺤﺎﻳﻂ .. ﻭﻟﻮ

ﺍﻧﺪﺍﺭﻭﺍ ﻭﻛﻞ ﻭﺍﺣﺪ ﺑﻴﻬﻢ ﻳﺤﺎﻭﻝ ﻳﺨﻔﻲ ﺿﺤﻜﺘﻪ ، ﺧﺎﻓﻦ ﻳﺸﻮﻓﻮﻧﻬﻢ ﺍﻟﻨﺎﺱ ﻭﻳﺴﺘﻘﺪﻭﻧﻬﻢ .. ﺍﻧﺪﺍﺭ ﺳﺮﺣﺎﻥ ﻭ ﺍﻧﺎ ﺧﺎﻃﺔ ﺍﻳﺪﻱ ﻋﻠﻰ ﺍﻟﺠﻨﻄﺔ ﻭ ﺍﻋﺎﻳﻦ ﻟﻴﻬﻢ ﻭ ﻟﺠﻤﺎﺭﺓ ﺷﺎﻳﻠﺔ ﺑﺘﻲ

- ﺷﻠﻮﻧﺞ ﻳﻬﺪﻭﺓ

- ﻛﻮﺍﻛﺔ

- ﺍﻫﻴﺴﻨﺞ ﻣﺘﻀﺎﻳﻜﺔ ، ﻫﻜﻮ ﺷﻲ

- ﻻ ﺑﺎﻟﻌﻜﺲ ﺑﺤﻀﺮﺓ ﺍﻻﻣﻴﺮ ﺍﻟﻨﻔﻮﺱ ﺗﺮﺗﻊ ﻣﺎ ﺑﻴﺎﺵ ﺷﻲ .

- ﻣﺎ ﺍﺷﻮﻓﻦ ﺍﺭﺳﻮﻣﺞ ﺫﻳﺞ ﻭﻻ ﻟﻤﻌﺔ ﻋﻴﻮﻧﺞ ﻭﻟﻬﻴﺒﻬﻦ .

- ﺗﺒﺴﻤﺖ ﺑﺄﺳﺘﻬﺰﺍﺀ .... ﻟﻬﻔﺘﻲ ﻭ ﺿﺤﻜﺘﻲ ﻭﻟﻮﻧﻲ ﻛﻠﻬﻦ ﺫﺑﻴﺘﻬﻦ ﻭﻳﺎ ﺷﻌﺮﻱ ﺍﻟﻜﺼﻴﺘﻪ ﻭ ﺍﻇﻨﻨﻪ ﻭﺻﻞ ﻟﻴﻚ .

ﻫﺰ ﺭﺍﺳﻪ ﻭ ﺩﻧﻚ .. ، ﺭﺩ ﺭﻓﻊ ﺭﺍﺳﻪ ﻭ ﻫﻮ ﻳﻌﺎﻳﻦ ﻟﻠﻜﺒﺔ : ﺑﻨﻔﺲ ﺫﺍﻙ ﺍﻟﻴﻮﻡ ﺍﻟﺬﺑﻴﺘﻲ ﺍﻟﻜﺼﺎﻳﺐ ﺑﻴﻬﻦ ، ﺗﻌﻨﻴﺖ ﻣﻬﻀﻮﻡ ﻭﺟﻴﺖ ﻟﻴﺠﺎﻱ ﺷﭽﺎﻱ

- ﻋﻠﻴﺶ ﺗﺸﻜﻲ ﻭﺍﻧﺖ ﺍﻟﺠﻨﺎﻱ ؟

- ﺣﻜﺞ ﺑﺎﻟﺘﻜﻮﻟﻴﻨﻪ، ﻟﺠﻦ ﺍﻟﻠﻪ ﻭﺣﺪﻩ ﻳﻌﻠﻢ ﺑﺎﻟﺤﺎﻝ ﻭﻛﻞ ﻫﺎﻟﺤﺠﻲ ﻣﺎ ﻳﻨﻔﻊ ، ﺍﻳﺎﻣﻨﺎ ﺫﻳﺞ ﺍﻳﺎﻡ ﻏﻮﻯ ﻭ ﻛﻞ ﻭﺣﻴﺪ ﺑﻴﻨﺎ ﺷﺎﻑ ﺍﻟﻴﻨﺎﺳﺒﻪ ﺍﻋﻠﻰ ﻛﻮﻟﺘﻚ ﻭﺍﻧﺎ ﻣﺎ ﻧﺎﺳﺒﻨﻲ ﻏﻴﺮ ﺍﻟﻬﻢ ﻭ ﺍﻟﻘﻬﺮ .. ﻭ ﺑﺎﻟﻌﺎﻓﻴﺔ ﺍﻋﻠﻴﻚ ﻗﺼﺮﻙ ﻭ ﻋﺎﻳﻠﺘﻚ ﻭ ﺍﺑﻨﻚ ، ﺟﺎ ﻭﻟﻮﻥ ﺣﻠﻔﻴﺖ ﺑﺎﻟﻌﺒﺎﺱ .. ﺍﻟﻌﺸﺮﺓ ﻣﺎ ﺍﻟﻬﺎ ﺣﻮﺑﺔ

ﻇﻞ ﺳﺎﻛﺖ ﻣﺎ ﺭﺩ .. ﻫﻴﺴﻴﺘﻪ ﻛﻠﺶ ﺍﻏﺘﺎﺽ ، ﻛﺎﻡ ﻣﺠﺎﻧﻪ

ﻭﺍﻧﺎ ﺩﺭﺕ ﻭﺟﻬﻲ .. ﺭﺍﺡ ﺩﺧﻞ ﺟﻮﺍ ﻳﺰﻭﺭ ، ﺍﺟﺖ ﺍﻣﻲ ، ﻭ ﻃﻠﻌﺖ ﺍﻟﻨﺎ ﺍﻻﻛﻞ ﺍﻟﻤﺴﻮﻳﺘﻪ ، ﻭﻛﻞ ﻋﺎﻳﻠﺔ ﻃﻠﻌﺖ ﺍﻟﺠﺎﻳﺒﻴﻨﻪ ﻭ ﻟﻤﻴﻨﺎ ﺍﻻﻛﻞ ﻭ ﻛﻌﺪﻧﺎ ﻧﺎﻛﻞ .

ﻃﻠﻊ ﺳﺮﺣﺎﻥ ﻣﻦ ﺍﻻﻣﺎﻡ ﺑﺲ ﺣﻴﻞ ﻣﺘﻀﺎﻳﻚ ، ﻣﺮﺗﻪ ﻋﻴﻨﻬﺎ ﻋﻠﻴﻪ ، ﻫﻮ ﻳﺪﻳﺮ ﻋﻴﻨﻪ ﻋﻠﻲ ﻭ ﻳﺪﻳﺮﻫﺎ ﻳﺘﻨﻬﺪ ﻭﺑﻴﻨﺖ ﻣﻼﻣﺢ ﺍﻟﻌﺼﺒﻴﻪ ﺍﻋﻠﻰ ﺍﺭﺳﻮﻣﻪ .

ﺣﺠﺖ ﻣﺮﺗﻪ ﻭ ﺣﻄﺖ ﺍﺑﻨﻬﺎ ﻭ ﻛﺎﻟﺘﻠﻪ : ﺷﻴﻠﻪ ﻋﻨﻲ ﺷﻮﺍﻱ

ﺍﻧﺪﺍﺭ ﺍﻟﻬﺎ ﻳﻌﺎﻳﻦ ، ﺭﺩﺕ ﺣﺠﺖ : ﺍﺧﺘﻨﻜﺖ ﻭ ﻫﻮ ﻛﺎﻋﺪ ﺑﺤﻀﻨﻲ ، ﺑﻄﻨﻲ ﺍﺫﺗﻨﻲ .. ﺍﺣﺠﻲ ﻭﻳﺎﻙ ﺷﻴﻠﻪ ﻋﻨﻲ ﺷﻮﺍﻱ

ﻇﻞ ﻣﺮﻛﺰ ﺑﻴﻬﺎ ﺑﻌﺼﺒﻴﻪ ، ﺍﻧﺪﺍﺭﺕ ﻫﻲ ﺑﺲ ﺍﻏﺘﺎﺿﺖ ﻭ ﺧﻠﺖ ﺍﺑﻨﻬﺎ ﺑﺤﻀﻨﻬﺎ ﻭ ﺩﻓﻌﺖ ﺍﻟﺰﺍﺩ ﻋﻨﻬﺎ ، ﺣﺠﺖ ﺍﻣﻲ : ﺟﻴﺒﻲ ﻋﻨﺞ ﻳﻤﻪ ﻭ ﺍﻛﻠﻲ

- ﻻ ﻋﻤﻪ ﺑﺎﻟﻌﺎﻓﻴﺔ ﺟﺎﻱ ﺍﻫﻮﺩﻟﻪ ﻫﻠﺒﺖ ﻳﻨﺎﻡ

- ﺍﻧﺎ ﺍﻫﻮﺩ ﺍﻋﻠﻴﻪ ، ﺍﻛﻠﻲ

ﺟﺮﺗﻪ ﻣﻨﻬﺎ ﺗﻬﻮﺩ ﺍﻋﻠﻴﻪ ، ﺍﻧﺎ ﺩﺭﺕ ﻇﻬﺮﻱ ﻋﻨﻬﻢ ﻭ ﺧﻠﻴﺖ ﺑﺘﻲ ﺑﺤﻀﻨﻲ ﻭ ﻧﺰﻟﻴﺖ ﻋﺒﺎﺗﻲ ﻭ ﻛﻌﺪﺕ ﺍﺭﺿﻌﻨﻬﺎ .

ﺍﻟﺘﻔﺘﺖ ﻟﺮﺍﺩﻳﻮﻥ ﺟﻮﻳﻌﺪﺓ ، ﻭﺧﺸﻤﻬﺎ ﺍﺣﻤﺮ ﻭ ﻋﻴﻮﻧﻬﺎ ﻣﻮﺭﻣﺎﺕ ﻣﻦ ﺍﻟﺒﺠﻲ .. ﻭﻛﻮﻩ ﻣﻔﺘﺤﺘﻬﻦ ﻭ ﺗﻌﺎﻳﻦ ﻟﺨﻨﺠﺮ ﻭﻫﻮ ﻭﺍﻛﻒ ﻟﻴﻐﺎﺩ ، ﻛﻞ ﺳﺎﻉ ﻳﺪﻳﺮ ﺍﻟﻌﻴﻦ ﻭ ﻳﻌﺎﻳﻦ ﺍﻟﻬﺎ .

- ﺧﻠﻲ ﺍﻣﻠﺞ ﺑﺎﻟﻠﻪ ﺟﺒﻴﺮ

ﺍﻧﺪﺍﺭﺗﻠﻲ ، ﻭ ﻫﺰﺕ ﺭﺍﺳﻬﺎ : ﺍﻟﻠﻪ ﻛﺮﻳﻢ

- ﺍﺗﻐﺪﻱ

- ﻣﺎ ﺍﺷﺘﻬﻲ ﺍﻟﺰﺍﺩ

- ﻫﻢ ﺣﺠﻴﺘﻲ ﻭﻳﺎﻩ

- ﺟﻠﻤﺘﻴﻦ ﻉ ﺍﻟﻤﺎﺷﻲ .. ﻛﺎﻟﻲ ﻣﺸﺘﺎﻛﻠﺢ ﻭ ﻛﺴﺮ ﻛﻠﺒﻲ ﺻﻴﺎﺣﺞ .. ﻭ ﺍﻧﺎ ﺷﻜﻴﺘﻠﻪ ﺣﺎﻟﻲ .. ﻭﺩﺭﺕ ﻋﻨﻪ

- ﻻ ﺗﺨﺎﻓﻴﻦ ﺩﺍﻡ ﺳﺮﺣﺎﻥ ﻭﺍﻛﻔﻠﺞ ﺗﻄﻤﻨﻲ .

ﺗﻨﻬﺪﺕ ﻭﺭﺩﺕ ﺗﻌﺎﻳﻦ ﻟﺒﺘﻲ : ﺳﻤﺎﻫﺎ ﺳﺮﺣﺎﻥ ﺍﻣﻨﻴﺔ ﻣﻮﺵ ﻳﻮ ﻻﻟﻪ

- ﺍﻱ

- ﻭ ﻇﻠﻴﺘﻲ ﺍﻋﻠﻰ ﺍﻷﺳﻢ

- ﺑﺘﺞ ﻣﺤﺖ ﺍﻟﺒﻜﻠﺒﺞ ﻟﻮ ﺍﻟﻜﻠﺐ ﻫﻮ ﻫﻮ

- ﺍﻟﻴﻨﻜﺖ ﺍﻋﻠﻰ ﺍﻟﺤﺠﺮ ﺻﻌﺐ ﻳﻨﻤﺤﻲ ﻳﺮﺍﺩﻳﻮﻥ

- ﺍﻟﻠﻪ ﻳﻌﻴﻦ ﻛﻠﺒﺞ .

- ﺍﻧﺸﺪﻧﺞ ﺷﺤﺎﻟﻪ ﻭﻱ ﻣﺮﺗﻪ ، ﻛﺴﺮﺕ ﺧﺎﻃﺮﻱ ﻫﻴﺴﻴﺘﻬﺎ ﺗﻐﺎﺭ ﻋﻠﻴﻪ ﻭ ﻫﻮ ﺑﺎﺭﺩ ﻭﻳﺎﻫﺎ .

- ﻣﻮﺵ ﺑﺎﺭﺩ .. ﻛﻮﻟﻲ ﺛﻠﺞ

- ﻋﻠﻴﺶ

- ﻫﻮ ﺍﻧﺠﺒﺮ ﺑﻴﻬﺎ .. ﻭ ﺍﺑﻮﻱ ﺑﻤﺮﺿﻪ ﺣﻠﻔﻪ ﻳﺘﻤﻢ ﺯﻭﺍﺟﻪ ﻭﻳﺎﻫﺎ ﻭ ﻳﻤﺸﻲ ﺣﻴﺎﺗﻪ ﻭ ﺑﺲ ﻟﺨﺎﻃﺮ ﺍﺑﻮﻱ ﻋﺎﺷﺮﻫﺎ ، ﺑﺲ ﺗﺤﺴﻴﻨﻬﻢ ﻣﻮﺵ ﺍﺛﻨﻴﻦ ﻣﺘﺰﻭﺟﻴﻦ .. ﺟﻠﻤﺘﻪ ﻭﻳﺎﻫﺎ ﻉ ﺍﻟﻤﺎﺷﻲ .. ﻣﺎ ﻓﺪ ﻳﻮﻡ ﺷﻔﺘﻪ ﻛﻌﺪ ﻭﻳﺎﻫﺎ ﻳﻮ ﺿﺤﻚ .. ﺣﺎﺳﺒﻬﺎ ﺟﻦ ﺑﺖ ﻣﻦ ﺍﻟﻘﺼﺮ ﻣﻮﺵ ﻣﺮﺗﻪ ، ﺑﺲ ﻫﻲ ﺗﺤﺒﻪ ، ﻭﻣﻮﺵ ﺷﻮﻳﻪ ، ﺣﻴﻞ ﺗﺤﺒﻪ .

- ﻫﻢ ﺗﻮﻫﺪﻧﺖ ﺑﻴﻪ

- ﻋﻴﺸﺔ ﺍﻫﻠﻬﺎ ﺍﺻﻌﺐ ﻣﻦ ﻋﻴﺸﺘﻬﺎ ﻭﻳﺎﻩ ، ﺧﻮﺍﺗﻬﺎ ﺑﺎﻟﻀﻴﻢ ﻳﺎ ﺣﺎﻟﻬﻦ .. ﺑﺎﻟﻨﺴﺒﺔ ﺍﻟﻬﻦ ﻫﻲ ﻋﺎﻳﺸﺔ ﺑﺎﻟﺠﻨﺔ ﺑﺲ ﻳﺎ ﺟﻨﻪ ﻫﺎﻱ ﺍﻟﻤﺎ ﺑﻴﻬﺎ ﻣﺸﺎﻋﺮ ﻭ ﺍﻻﺭﻭﺍﺡ ﻣﻴﺘﻪ .

- ﺍﻟﻠﻪ ﻳﻌﻴﻨﻬﺎ ، ﻋﻔﻴﺔ ﺩﻧﻴﺎ ﻣﺎﻣﺶ ﺍﺣﺪ ﺑﻴﻬﺎ ﻣﺮﺗﺎﺡ .

- ﺍﻟﺤﻤﺪ ﻟﻠﻪ ﻭ ﺍﻟﺸﻜﺮ ﺍﻋﻠﻰ ﻛﻞ ﺣﺎﻝ .

- ﻭﺍﻟﺨﺎﺗﻮﻥ

- ﻛﻠﺶ ﻣﺮﻳﻀﺔ ، ﺑﺲ ﺭﻭﺡ ﻇﻠﺖ ﻋﻤﺘﻲ ﺻﺒﻴﺤﺔ ﻭ ﺑﺘﻬﺎ ﻭﻳﺎﻫﺎ

- ﺍﺣﺒﻨﻬﺎ ﻣﻜﺮﻭﺩﺓ

- ﺷﺘﺴﻮﻱ .

ﻛﻤﺖ ﺍﻋﺎﻳﻦ ﺍﻋﻠﻴﻬﻢ ﻭ ﺍﻋﻠﻰ ﺳﻮﺍﻟﻔﻬﻢ ، ﻭ ﻋﻴﻨﻲ ﺗﺮﺩ ﺗﺼﺪ ﺑﺴﺮﺣﺎﻥ ﻭﺍﻛﻒ ﻭﺣﺬﺍﻩ ﺭﺣﻴﻢ ﻭ ﺣﻤﻴﺪ ﻭ ﺧﻨﺠﺮ ﻭ ﻛﺮﻳﻢ ﻭﻭﺍﻛﻔﻴﻦ ﻳﺤﺠﻮﻥ .

ﺻﺪ ﺍﻋﻠﻴﻪ ، ﺩﺭﺕ ﻋﻨﻪ .. ﻣﺎ ﺍﺭﻳﺪﻥ ﺍﺿﺎﻳﻚ ﻣﺮﺗﻪ ﻣﻜﺮﻭﺩﺓ .

........

ﺳﻠﻄﺎﻥ : ﺷﻨﻬﻲ ﺍﻟﺮﺍﻱ ؟

ﻧﻌﻤﺔ : ﻫﻢ ﻭﺍﻋﺪﻭﻧﺎ ﺗﺨﻠﺺ ﺍﻷﺭﺑﻌﻴﻦ ﻭ ﻳﻨﻄﻮﻧﺎ ﺍﻟﺒﺖ ﻟﺠﻦ ﺳﺮﺣﺎﻥ ﻋﺎﺻﻲ ﺑﻴﻬﺎ ﻭ ﺧﺎﻟﻬﺎ ﺍﺑﻴﺘﻪ .

- ﻭ ﻳﻮ ﻣﺎ ﺭﺿﻰ ﻳﻨﻄﻴﻬﺎ ؟

- ﻳﺘﻜﺎﻭﻡ ﻫﻮ ﻭﺯﻧﺎﺩ .. ﺯﻧﺎﺩ ﻧﺎﻃﺮﻫﺎ ﻧﻄﺮﻩ ﻳﺘﻜﺎﻭﻡ ﻭﻳﺎﻩ ﻣﻦ ﻛﻮﻥ ﺷﻴﺦ ﺍﻝ ﻣﻨﻌﻢ ﻭ ﺷﻴﺦ ﺍﻝ ﻣﻄﺸﺮ ﻭﺻﻠﺘﻬﻢ ﻭﻳﺎ ﺳﺮﺣﺎﻥ .. ﻭﻭﺟﻮﺩﻩ ﺑﺎﻟﻤﻀﻴﻒ ﻣﻀﺎﻳﻚ ﺳﺮﺣﺎﻥ ، ﻭ ﺍﻇﻨﻦ ﻳﺘﻜﺎﻭﻣﻮﻥ ﻭ ﻳﻄﺮﺩﻩ ﻣﻦ ﺍﻟﻌﺸﻴﺮﺓ

- ﻧﻨﻄﺮ ﻭﻧﺸﻮﻑ ﻭﻳﻦ ﺗﺼﻞ .. ﻭ ﻳﻮ ﺯﻧﺎﺩ ﺭﺩ ﺑﺠﻠﻤﺘﻪ ﺫﻳﺞ ﺍﻟﺴﺎﻋﺔ ﻧﺪﺧﻞ ، ﻫﺴﺎﻋﻬﻢ ﺧﻞ ﻧﺎﺭﻫﻢ ﺑﻴﻨﻬﻢ ﻭ ﺍﺣﻨﺎ ﻣﻦ ﺍﺑﻌﻴﻦ ﻧﺪﻓﻰ ﺍﻋﻠﻰ ﺍﻟﻬﻴﺒﻬﺎ .

ﺩﺵ ﺟﺴﺎﻡ ، ﺻﺎﺡ ﺳﻠﻄﺎﻥ : ﻳﺎ ﻫﻼ ﻭﻣﺮﺣﺒﺎﺍﺍﺍﺍﺍ ... ﻭﻳﻨﻚ ﺑﻮﻳﻪ

- ﻣﻮﺟﻮﺩ

- ﺍﻧﺎ ﻗﺮﺭﻳﺖ ﺍﺯﻭﺟﻨﻚ

- ﺑﻮﻳﻪ ﺍﻧﺖ ﺗﻌﺮﻓﻨﻲ ﺍﻧﺎ ﺍﻟﻌﺮﺱ ﻣﺎ ﺍﻫﻮﺍﻩ .. ﺧﻠﻨﻲ ﺧﺎﻟﻲ ﻣﺨﺘﻠﻲ .

- ﺍﻟﺒﺖ ﺍﻟﺮﺍﻳﺪﻫﺎ ﺍﻟﻚ ﻣﻮﺵ ﻛﻞ ﺑﺖ

- ﻳﺎﻫﻲ ؟

- ﺑﺖ ﺍﻟﺸﻴﺦ ﻣﻄﺮ

- ﺍﻻﻋﺮﻓﻨﻪ ﻋﻨﻬﺎ ﺧﺎﻃﺒﻬﺎ ﻭﺍﺣﺪ ﺍﺳﻤﻪ ﺧﻨﺠﺮ ﻭ ﺍﻟﺸﻴﺦ ﺍﻋﻠﻰ ﻋﻬﺪﻩ ﻣﻨﻄﻴﻬﺎ .

- ﻭ ﺍﻧﺖ ﺷﻌﺮﻓﻚ ﺑﻬﺎﻻﻣﻮﺭ ؟

- ﻫﻴﺞ ﺳﻤﻌﺖ

- ﻫﻴﺞ ﺧﺒﺮ ﻣﺎ ﻣﻄﺸﻮﺵ ﺑﺎﻟﺪﻳﺮﺓ ﻭﻻ ﺍﻟﻮﺍﺩﻡ ﺗﻌﻠﻢ ﺑﻴﻪ ﻭ ﻣﺎ ﻳﻌﺮﻓﻪ ﺍﻻ ﺍﻟﻤﺪﻭﺭ ﻋﻨﻪ .

ﺗﻨﻬﺪ ﺟﺴﺎﻡ : ﺑﻜﻞ ﺍﻻﺣﻮﺍﻝ ﺍﻟﺒﺖ ﻣﺨﻄﻮﺑﺔ

- ﻋﺎﺷﻜﻬﺎ ﻳﺒﻦ ﺍﻝ ﺛﺠﻴﻞ ؟

ﺍﻧﺪﺍﺭ ﻻﺑﻮﻩ ﻭ ﻫﻮ ﻳﻤﺲ ﺍﻋﻠﻰ ﻟﺤﻴﺘﻪ ، ﺿﺤﻚ ﺳﻠﻄﺎﻥ ﺑﺼﻮﺕ ﻋﺎﻟﻲ : ﻭﺍﻟﻠﻪ ﻭ ﺍﺑﻨﻲ ﻋﺎﺷﻚ ﺑﺖ ﻣﻄﺮ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ، ﻣﻦ ﻳﻤﺘﻰ ﻭﻟﻚ ﻋﺎﺷﻜﻬﺎ ؟

- ﻫﺎﻻﻣﺮ ﻣﺎ ﻳﻔﺮﻙ ﺑﺸﻲ ، ﺍﻟﺒﺖ ﻣﺨﻄﻮﺑﺔ

ﻛﺮﺏ ﻣﻨﻪ ﻭ ﻛﺾ ﺭﺍﺱ ﺍﺑﻨﻪ ﻭ ﻛﺮﺑﻪ ﻟﻴﻪ -: ﺍﺑﻦ ﺳﻠﻄﺎﻥ ﻳﺄﻣﺮ ﻭ ﺍﻛﺒﺮ ﺑﺖ ﺑﺎﻟﻌﺸﻴﺮﺓ ﺗﺼﻴﺮ ﺣﺪﺭ ﺍﺟﺪﺍﻣﻪ ... ﻓﻬﻤﺖ ﻳﻮﻟﻴﺪﻱ؟ ......

رواية كحل عرب الفصل الواحد والاربعون

( شرط جسام )

‏ماترتاح لان ندبة بضميرك والجبيل بخيت

والشارة التحرك عمر ماتنزاح

(عريان السيد خلف)

وكت الرد سرحان من الزيارة ... وهو مغتاض وما اله خلك احد .. بشرى على كثر ما تحبه ، تغار غيرة موت عليه ، رغم هو ما مرة عاينلها و لا اعتنى بيها كأي زوج يعتني بمرته ، يجابلها يسولف الها يشاورها ..

حياتهم باردة .. ما بيها دفئ المشاعر .

طول الزيارة و هي تتنوع لعيونه ، ما فاركن هدوة

عيونه ترافكها وين ما ادير ، وواضع و مشعشع العشك بيهن ، يو شكثر ما حاول يخفي ، عشكه بعيونه ظاهر .

هو مغتاض من حجايات هدوة

و هي مغتاضه من نظراته .. ظنت بعرس هدية راح ينسى لو يسهى ، بس دومه لهالعشك صاحي .

رجعو بسياراتهم من النجف للسماوة .

حطت السيارة اباب القصر و الناس سلمت اعليهم و اترحمت لابوهم .. و طشت

وكف و هو يكول لكواغد : اركبي السيارة خلني اوصلكم للبيت

كواغد : لا يبعد امك ، عساك سالم ما عدنا شي نروح ممشى ، نحرك اجدامنا تكسرينا بهالسيارة

سرحان : موش هدوة مريضة و ما يصير ، دصعدي يا ام ستار .

بشرى : سرحان شيل مأمون عني بس خل انزل

شاله عنها .. و يعاين لام ستار و يكللها : اصعدوا

بعد ما اصر على صعدتهم ، صعدوا

اندار ينطي الولد لبشرى كالتله : دخله البيت ظهري ركس من الكعدة .

اندار لام سالم و كاللها : حجية عاوني ام مامون و دخلي الفرخ بحجرته

خذت الفرخ ام سالم ، و اندارت بشرى مغتاض : جا انت وين رايح ؟

- اوصل العالم دشي

- و شني العالم ما عدهم جدام ، هي خطوتين

خزرها ، حجت : ما بيك توصل ابنك لحجرتك بس ليهم كل الحيل يلوحك .

حجتها ودخلت ، نزلت كواغد ، من السيارة و كالتلهن : ياله يمه انزلن امشنا

سرحان اشتعل نار من عملتها ، تكرب لكواغد : ها خالة وين ، ياله

- لا خالة ، الطريج موش بعيد ، دش وراضي عايلتك

- دصعدي بويه ، اصعدي ..

- لا وعلي حلفيت بعد نتمشى جا ما عدنا شي

- شنهي القضية ام ستار ان جان اعلى يسرى لا تحطين ابالج

- لا يمه حكها زلمتها يلوم اللي يلومها .

هدية : يمه انا ماشية كبلج

من سمع هالحجاية من هدية فار نار .. اندار الكريم ، طرله السويج و كاله : اخذهم

ودش للقصر ، فتح باب حجرته ، هي جاي تنزع بشيلتها و تبجي ، حجه : لا تنزعين ظلي بهدمتج .

- اريد افهم انا شنهو بحياتك ، يوم بطوله ما صديت ليه اعلى كثر ما عاينت بيها، شايلة ابنك اعلى افادي و الفرخ ابطني روحي طلعت من خشمي وانت تشتثكل شيلته عني خافن يلهيك عنهاااتتت ، انا شنهي هنا حيوان يو شنهي كلييييي

اخذ نفس وصاح : ام سااااالم ، يا ام ساااااالم .

ركضت الحجية و اجتله : امر وليدي

- عاوني ام مأمون بلم كوارها ، وبلغي راديون تجي تاخذ مأمون يمها .

حجاها و طلع تبعته بشرى و هي تصيح : تطردني ، سرحان اوكف احجي وياك ، عليش تطردني

وكف وحجه : بيتج هاذ محد يطردج منه ، لجن خلصي حبالتج عد اهلج ولا تعذبين روحج ، لا بيا ولا بوليدي .

- هذا حلك ، انا اكلك شنهي انا ، و حلك تبعدني ؟

- خلني كاض اعصابي و صابر ، امشي يمرا .

حجاها و طلع ، ظلت تبجي و ردت لحجرتها ، حجت ويا ام سالم تطلع و تهد مأمون يمها ، صكت الباب عليها وجرت ابنها و ظلت تبجي .

طلع من القصر سرحان ، تبعه خنجر ليما وصل للشط ، كعد و اندار لخنجر : شعدك ؟

- شنهي اسباب غيضك هاذ

- انا ضايع يخنجر

- غصدك مضيع روحك

- جا غير يو ملك نفسي و اسيطر اعلى روحي ، البت عرست و شافت الضيم و انجتلت ووصلت الموت و انا السبب .

- هالأسباب موش جديدة خاطر تغتاض منهن الساعة .

- انا اليوم من شفتها كرهت روحي بالعباس ، خنجر البت جانت جنها شمعة تشع و توج و يا حلاها و انا الطفيت هالشمعة ... انا الواعديت و ما كدرت انفذ وعودي ، انا الحلفت الها و ما صدكت بحلفاني .. اليوم الشفتها موش هدوة الاعرفنها ، بت ميته و تمشي اعلى الكاع ، طول الزيارة و عيني مرافكتها .. البت منتهيها و كلشي ما جاي يلمع بعينها .. و انا اسبابها

- انت طول الدرب عينك عليها ، لج هكو عيون ما فاركنك .

- منهي ؟

- مرتك .. الكل لاحظ برودك وياها و شاف القهر و الغيرة بعيونها ، و الناس حجت شنهي اسباب برودك وياها .. واحمد ربك ما وجدو بعيونك و شافو ياهو الماخذ نظرهن جا ابتشت يسرحان .

- مرتي انا موش طايكها خنكتني

- انت الخانكها

- بيش خنكتها ، لا تكلب انت اعليه وياهم ، انا من يوم العرست كتلها يا مرة هيج و هيح انا وروحي لاهلج ما اتفعنج ما راحت جا شسويلها .

- يواشك سرحان ... جنك نسيت هدية عرست و خلفت و جمعتك بيها مستحيلة ... انت شناطر بس كلي ..

تتطلك من ابن عمها ؟ تظن تطلك ؟

هز راسه : لا

- جا كلي شناطر ، المرة عرست وموش خالية ، عدها بت و من واحد اخوها ماخذ اختها و عوايل داش ابعضها ، وطلاكهم ما يحصل ، اقنع

كام يفرك بوجهه وصد ليغاد و هو ساكت و الحيرة تقرأ مليون بعيونه .. تقرب منه خنجر : حارك روحك عليش ؟

-جلماتها شعلن النار بداخلي ، كل جلمة ذبتها علي تعنيني ، جنها تكلي كل الامرن بيه انت اسبابك ، تكلي العشرة مالها حوبة ... شكثر متأذيه خاطر متانية الله يطلع حوبتها بيه ، انا من اضكر عيونها و حزنها وبرودها نار و تشتعل بيه ..

كتلها انا اخوج و ايامنا ايام غوى خاطر ترد وتتعايش ويا زلمتها و تنساني ... بس لا زلمتها رادها ولا هي متعايشة ولا ناسية ولا انا متعايش ويا فراكها ولا انا ناسي

سنين التمر بينا ما جاي تزيد غير الشوك بكلوبنا ، و التعويد ما طرى اعلينا .

خنجر : اااااخ ااااخ ما ادري شكلك وعلي ، جاي تحرك بروحك و انت تعرف مامش امل ، و عايلتك متضررة و انت متضرر و البت متضررة ، شنهو الحل محد يعرف .

دار سرحان وهو يجر الكجارة و يورث ، و خنجر يورث وياه ، ظل كاعد يمه خنجر شوية و كام عنه و كال : لا تطول ورد لبيتك ، انا اروحن .

عافاه و مشى و سرحان ظل كاعد اعلى الشط ، كل شبر بهذا المجان يذكرنه بايامه وياها ... هو موش ما ينسى ، هو الما رايد ينسى من كون يشوف راحته بذكراها، متى ما عصرت بيه دنيا شرد من همومه للشط خاطر يهيم بذكرياته و يعاود ايام عشكه و ينسى ضيمة و ظال يتسلى بهالذكريات

ساعة يتبسم ليهن

وساعات يتعصر و يدك الأيد اعلى الحجر حسرة اعلى الراح منه .

ما رد للقصر غير لليل .. من عرف بشرى ما رايحة لبيت اهلها ، ترك الحجرة و مشى لحجرة ابوه الشيخ فتحها و نام اعلى وسادته.

كامت بشرى و هي تتفگده .. عبن صار الليل ونامت الناس و هو مامش .. نشدت صبيحة عنه ،كالتلها : رد و نايم بحجرة المرحوم ابوه .

مشت للحجرة ، فكت الباب لكته متمدد اعلى القريوله وايده اعلى راسه مغطي بيها عيونه ، كرب منه ، هيست هو كاعد بس ما يريد يشوف احد .

كعدت اعلى السكملي و حجت : شنهو البيه نكص وما تريدني ، سنين مرت و كلت اصبر و اصابر اعليك تتعود ... ما تعودت ، كلي الخلل بيه و ما تريدني يو شنهو .. شبية و كل اليوم ما صديتلي ولا عاينتلي .

هو على نفس نومته ما تحرك ، بجت هي و تكله : ادريك كاعد و ادريك جاي تسمع كلشي ، بس ريحني و كلي شمالني وما هويتني ..

خدمتك بعيوني و شلتك اعلى راسي و كلت يقدر و يهواني و ما هويتني .. جبت الولد و خليته بحضنك و ما هويتني ، اسكت و اصبر و اكول تهون و ما هانت ، شلون بيه .

حتى الرد تستكلفه ترد اعليه .

وكفت امه ردحه و حجت : يمه ردي لحجرتج بنيتي و هدي

- هالكثر سؤالي صعب وما يكدر اعلى الرد

- تعبان يا يمه طريج و هوسه و كبور واربعين ابوه ، هدي .

كامت من السكملي و طلعت من الحجرة تبجي، صكت الباب امه و مشت ورى بشرى ، كعد هو من نومته و دنج راسه بين ضلوعه ، و صافن بزمانه .. شال راسه صورة ابو الشيخ جدامه

- حملك ثكيل بويه هد متوني .

......

كواغد : عليش تبجين

هدية : ابجي اعلى حظي

- جا يو بيه نفع ؟ و البجى يعدل الحظ كضينا ايمنا بواجي .. لجن مامش منه غير الهم و الضيم .

- يمه يو انا بمكان مرته .. يو ما ماخذه فليح و ماخذته جا شحالي .

- انا كلت الج لا تروحين لجن جنت اعرف موش كودج روحه لا نزلتي كبور ولا دشيتي امام .. بس...... قاطعتها

هدية : يمه شلون انسى ؟

- مجبورة تنسين ، الجاي تسوينه حرام انت مرة بذمة رجال و عدج بت .. هالتفكير ما يجوز بتي ، اصحي من هالسوالف و بسج تأمنين روحج بيهن .

- شلون انسى ؟ من فليح الكلما شافني سارحة و كالت تفكرين بسرحان و يو سبحت جتلني و كال نايمة ويا سرحان ... وتهيمة بتي من سرحان ، و فضيحة عرسي من سرحان

و، سرحان الاخذ ثاري منه ، و سرحان السما بتي .. ومنين ما ادير سرحان محاوطني و تكليلي انسي ؟ جا شلون.

- لا تكومين تتحججين بهالسوالف عيب ، صيري سباعية و شدي حيلج ، انا ما اردنج لفليح ، لجن لا تردين بتفكيرج ليه .. كل فكرة بسرحان شيليها من بالج ، ما بينا حيل فضيحة لخرى .. اركدي يمه و استري روحج والا تكليلي رديني لفليح و خلج تتحملين ضيمج غاد .. عاد ضيم ولا فضيحة .. خوش يمه

سكتت منها و دنجت لبتي اجرنها خاطر ارضعنها ، حطيت صدري بحلكها و ظليت اعاين بوجيهه ، حجت امي : ربج اطاج نعمة و انت مسجبة دميعاتج اعلى شي مايسواش ، مسودنة انت ؟

هزيت راسي ، وكامت مني و ظليت اعاين ابتي و اتذكرنه شلون يحبحب بأبنه .

مر شهر اعلى اربعين الشيخ مطر

سرحان لهساعه ما يكبل مرته .. رد ينام بكترها بس الجلمتين ما يطخن السانه وياها .. و كل ما يحاول يتخطى هالعثرة ويصلح عايلته ، يتلاوها السكوت و يبعد اكثر ما يكرب ، وبشرى بنار الغيرة مبتليه .

اما ستار فعلى غفله وبين ليلة و ضحاها .. كعد و كال لابوه : انا رايد اردن يسرى ، وان جان فليح مذنب لجن مرتي ما اذنبت بشي ومشتاك البتي ذيج و هاي بتي هنا تريد امها ، وانا ورايدها .

استغربوا من حاكم ما وكف بوجهه و كاله : امش وردها بنفسك لا تطلب مني اردنها الك .

وما جذب خبر ، راح ودى خبر لبيت عمه خاطر يسرى ترد ... يوم و الثاني لمت غراضها يسرى وردت البيتها ..

اما فليح ما رايد هدوة ولا رايد رجعتها، ولا هدوة رايدة الرجعة لجن محد يحجي بالطلاك مخلين الامر اعلى حاله.

خنجر خلص حجرته و خلص نيشان راديون ، و تقدم لسرحان و كاله : ابو مامون انا تمميت كلشي و الحجرة و النيشان جاهزات ، و انا مكدر حزنكم اعلى الشيخ الله يرحمه لجن خايف الامور تتوهدن وتضيع سالفتي .

سرحان : الخميس جيب اهلك و اخوتك و كبع و اخذ البت بلا صفكة ولا هلهولة من كون البيت محزن ، رايد تعمل حفل غاد ابيتكم حكك و ما امعنك لجن عدنا ما نريد

خنجر : لا مامش حفلة ، البت هم حزنانة اعلى ابوها .. وانا جا نطرت لجن اخاف من الظروف

- لا هاهية خير البر عاجله .

راح خنجر و هو طاير من فرحته ، بلغ اخوه و بلغ اهله و كاللهم تحضروا الخميس عرسنا ..

وصل خبر لملوك .. من كون امها ..

وعمها عرف سرحان انطاها لصويحبه ، روح و خبر زناد و كله : سرحان راح يطي البت لخنجر و هاذ خلك نكري جاباه و حطه بوسطنا و زوجاه ابنيتنا .. ترضاها و انت الشيخ ؟

زناد انتفض و مشى لبيت سرحان ، دش القصر : سرحان وينه

- ماموجود عمي .

- صيح راديون و كللها زناد رايدج ياله .

دش و خبر نسوان القصر ، بلغن راديون ، طلع اله كريم : ها زناد شرايد

- مالي حجوة ويا الكاوليه

- خايب احجي عدل لا اعلمنك الحجي شلونه .

- ياهو اليعلم الحجي يكريممممم ، نسيت انا اخوك الجبير وووووووولك

- ان جانك رايد حشمة ، حشم اخوك الجبير و انطر جيته ياله تاخذ راديون من بيته .

- انا الجبير و انا الكليط ما انطر احد ، وراديون مطيها لال ثجيل و تروح ليهم .

راديون : ابوي مات و هو يوصي ببناته ، خاف الله بوصية ابوي و هدني اشوفن طريجي .

زناد : عاشكة ووووولج ، رايد خنيجر رااااديون

كريم : دشي داخل

- لا ما ادش ، و هس تمش

مد ايده و هو يجرجر بيها ، و هي تبجي ، وكف بوجه كريم ، شال ايده و طكاه ، كامت تصيح راديون و تبجي ، كريم يصيح بيها دشي و زناد يدفع بيها ليغاد و يغلط على كريم .

جراها بالكوة و اخذها من القصر ، وصلها ليغاد و دخلها و خلاها يم امه و كال الها : عكلي بتج و خلي تحط مخها براسها .. زواجة من خنيجر مامش ، و الساعة انا مطرش لال ثجيل خاطر يجون ياخذوها ، هاذ الناكص اتفشل جدام الزلم خاطر خنيجر النكري ياخذ بت الشيوخ ، بجال العود سريحان .

كام يصيح و يغلط بالبيت و يهدد بجتلة سرحان و طردته من العشيرة .

طرش طارش لبيت ثجيل اعلى البت .

سلطان : نعمة

- امر بويه

- بلغ امك تزهب اخيتك خاطر ناخذها لال ضاحي ، و بلغ اخوك جسام .. و كله حضر روحك عرسك الخميس .

نعمة : السمعيته امس ، سرحان منطي البت لصاحبة الشقاوجي .

- انت بلغ .. و خل الامر اعليه .

سرحان رد العصر عرف بزناد ماخذ راديون من بيته ، تسودن و طلع من بيته لبيت زناد ، دفر باب و صاح : زناااااااد

طلع اله زناد ، كضاه من اهدومه ، زناد يصيح و سرحان يتناوشه و يجرون بيه و صياح لذاك الصوب ، دش عمهم بيناتهم و كال الهم : ولكم شهرتوناااااا

دفع سرحان زناد و دش خاطر ياخذ راديون ، كضاه زناد ورفع التفكة بوجه و كاله : وعلي احطن الجيلة بنص كلبك و ما يرفلي جفن ، موش انا التنكسر جلمته بنص مضيفه

- دتعال جاي اعلمنك ياهو الينرفع السلاح بوجهه تعال

وتكاومو وصياح ماله والي .. وكف زناد و ثا الجيلات بالسما وهو يصرخ : اطلع من بيتي لا انا اخوك اطللللع .

وكفت بنصهم راديون و هي تصرخ : بسكم اخوتي تذابحو يهالعالم ... بسكمممممم

صرخ سرحان و هو يدفعها و يكللها : امشي جدامي .

جراها زناد و كاله : اطلع منااااااا لا وعلي اتوهدن بيك .

راديون : ولكم بسكم بسكم ما اريد العرس والله ما اريدنه بسسسسسس ، ساعة السودة المات بيها ابوي و خلاني بديكم ، ولكم ما اريدن عرس هدووووني .

كام سرحان يصرخ بيها خاطر تمشي ، كامت تصرخ و تكله: ما اريدن رووووح .

وبعد هوسة يا كبرها ، عم سرحان جراه و طلع من بيت زناد و راديون ما رضت تروح وياه .

ظل زناد يهدد و يتوعد لخنجر و يصيح : هاذ النكري العتلي لاعب بعكل سرحان ، و سرحان مسلمها ليه ، الا وعلي ما اخليك يخنجر .. لا ما انوم الجيلة بكلبك ما اطلع انا زناد ال مطر .

راديون كاعدة و تبجي ، و زناد يهادد

ما ظال غير ٣ ايام اعلى الخميس

سرحان اطى خبر لخنجر يجيب اهله

و زناد اطى طرش خبر لال ثجيل

وراديون بين هاذ و هاذ ضايعة ، لجن النار التشوفهن بعيون زناد تعرف ما تخلص منهن ، من كون تعرف زناد مستعد يطرد سرحان من العشيرة يو يجتله ولا ينزل جلمته الذباها بنص مضيفه .

مره اعلى مرة سرحان يطرشلها .. وهي تخاف ترد لقصر ، تخاف لا اخوتها يتذابحون بسبتها ، سرحان طرشلها : انا تتحمل عنج ، ردي و اذا اتخافين الطلعة كليلي و انا اجي اعليج و اخذنج .

ما رادة لسرحان و ظالة بس تبجي و امها تكللها : هدي سرحان و ارضي بمقسومج .. ابن ثجيل ولا خنجر . عاد هاذ ابن شيوخ حال و مال .. خنجر شنهو ؟ خلك واحد شقاوجي سرسري .. ولا تكولين تاب ابو الطبع ما يجوز من طبعه .

ومنعتها من الرجعه لسرحان ...

سلطان : انت عليش معلعلني ، اهلها وراضين بزواجتها

جسام : انا ما راح اخذ اهلها .. انا راح اخذها هي ، شلون ارضاها اخذ بت عكلها ويا غيري و مغصوبه اعليه .

- البت موش مغصوبة ووافكت برضاتها ، و ان جان اعلى خطبتها ، فسرحان الغاصبها اعلى صويحبه ، و هساعها شاردة من سرحان و جويعدة عد اخيها زناد ، و زناد طرشلنا خبر و كال الخميس اخذوها .

- بويه ، البت مامش احد ما يتمناها لجن اخافن الحجي صدك و هي رايدة الشقاوجب و انا زلمة ما احمل اخذ مرة معلكة روحها بزلمة ثاني .

- تراك دوختني بويه ، انت موش عاشكها ؟

- البكلبي بكلبي ما طريته اعلى احد .. بس

- بس شنهي ، انت ردت البت و انا جبتها الك بعد الرايده شنهو

- رايد انشدها انا ..

- و شلون تنشدها ؟

- كبل الملجة بيوم ناخذ الاهل و نمر بيهم .. وانشدنها اعلى انفراد .

- خايب انت شنهي تسودنت .. وين جويعدين بويه و تريد تنشدها اعلى انفراد .. شيكولون جسام ابن الشيخ سلطان ينفرد بمرة ، انت بعكلك شي بويه .

- بويه ما اكدر اخذها .

- اي لا تاخذها ، اطيها لاخوك الثاني .

جسام : اخوي شنهو .. انت تعرف البدليلي شنهو و تطيها لاخوي .

- خايب حرت وياك وعلي ، اكللك اخذها ما ترضى ، اكللك اطها لاخوك ما ترضى ، جا هسه شنهي الراي ؟

- الله كريم

- الله كريم شنهي عكب باجر الملجة تريد يو لا خاطر ننصب حجرتك .

- انصبها .

جسام طلع من ديوان ابوه و اخذ اخته و كال الها تروحين لبيت الشيخ زناد ، و تكليلها اخوي يكلج رايدة العرس يو لا ، خاطر اذا ما تريده ، ساعة الملجة اكللهم ما اريد و انهي الموضوع .

اخته كضت الدرب و مشت لال ضاحي و دشت بيت الشيخ زناد و كالت الهم : انا جايه اعلى راديون

تلكتها الشيخة ملوك و كالت الها : شنهو التريدينه من راديون

- شيخة انا وداني اخوي اعلى البت ، من كون عكب باجر الملجة .. و يكول خاطر اذا ما تريد .. انهي العرس ساعة الملجة .

ملوك : خل يتطمن ، البت موش مغصوبة .. وهي موافكة اعلى العرس .

- الله يكتب البيه الخير الهم ، ما نريد غيرها .

ملوك : امييين

طلعت المرة و دشت راديون : منهي هاي ؟

- بت سلطان و جايه تنشد عنج .. اخوها الرايدج مطرشها خاطر يعرف رايج ، راضية بالعرس يو مغصوبه اعليه .

-واخيرا طلع واحد بيهم شريف وياخذ رايي .. كتيلها مغصوبة ؟

- لا

- شنهي لا يمه

- العرس لزوم يصير يراديون

- شلون يصير وانا مخطوبة لخنجر .

- خنجر ما يلوكلج يبت الشيوخ ، ابن ثجيل ارهملج .

- شنهي اليلوك و ما يلوك و انت تعرفين دليلي معلك بيه .

- الكلب يهوى و يحب اعلى كيفه ، لجن الراي للعكل موش للكلب ، و الزلمة اليطرش وحيد خاطر ياخذ راي العروس الماخذها .. فعله سبكه و بانت اخلاقه .. زلمة تكدرين تعتمدين اعليه .

- يمه انت شجاي تحجين

- انا جاي احجي الحك بتي ، بالاول انا وكفت ضد اخيج ،لجن شفت العكل بغراره ، خنجر ما يليك بيج .. و حتى يو عاندتي و ردتيه .. هلاف عنادج شنهو .. زناد و سرحان يتكاومون و تنكس العشيرة صوبين و نعيد اثار ضاحي و ثجيل ... و ما تخلصين حتى يو انكسمو زناد ما راح يهد خنجر بحاله و انت سمعتي بأذنج يتوعدله ، عليش تلوثين ادين اخوج بدم هالشقاوجي .

راديون : يمه انا رايده خنجر ، كل هالسنين و انا مناطره اليوم الانخطب بيه ليه و ساعة الانخطب تمنعوني ، حرام عليكم .

- مصلحتج اولى يراديون، فكري بعكلج .

- لا رايدة افكر بعكل ولا اريد العكل ، انا اطرش خبر لسرحان و اطلع منكم و تبرو مني ... و انسوني

حجتها و الشيخة ما ردت اعليها ..

كامت لزناد و كالت اله : طرش خبر لال ثجيل انت تريد البت باجر .. و جيبها ..

زناد : الخميس اتفقنا

- و الخميس سرحان متفق ويا خنجر .. اسبكهم وانطيها بلا وجع راس .

- عكلتيها ؟

-راديون عاكله و تفتهم و يو صار الحك ما تطلع اعن الشور .. لا تحسب .

طرش زناد خبر ..

و اخت جسام راحت ليه .. و كالت اله : مشيت ليهم و حجيت و كالو البت موافكه و الحجي مثل ما كاله ابوي سرحان غاصبها اعلى صويحبه .. و هي موش راضية بصاحبه و موافكه اعلى زواجتك .

جسام : عليج الحسين

- اي والله .

جسام : كمت من مچاني و الفرحة موش واسعتني ... انا بحلم بعلم ؟ .. بت كبل ٣ سنوات شفتها و علكت بكلبي .. و من ذاك اليوم و انا كل ليله اتخايلها .

لا نسيت عيونها المكحله

ولا بياض ركبتها ولا شعرها المتمدد اعلى متونها ..

فريت السلف ، و انواع و اشكال النسوان خيروني و حطو حدامي و من احطهن بميزانها ما يجن بخصلة من خصلات شعرها .

اعرف طريجي مستحيل

ولا فكريت بيوم اخطي خطوة و اطلبها من كون اعرف انا ابن ثجيل و هي بت ضاحي ودروبنا ما تتلاكه ..

واخفيت هالعشك حتى عن روحي و ضميته بين اضلاعي .. ما صليت ركعة الا وانا اندب ربي و اطلبنها منه ... ما دشيت ايمام ولا كضيت شباج الا و جانت هي اولى مرادي .

معكول ؟

من بعد ٣ سنين ربي استجاب ؟

معكول سهل الدروب و حطها بدربي ؟

من فرحتي موش كادر اركد و اكعد ، ولا اعرف وين اطي وجهي .. اهيس بنعمة الله نزلت اعليه من الراس للجدم .

حاير بروحي وين انطي بيها من الفرحة

ما لكيت جدامي ، غير اتوضى و امدن سجادتي و اشكر الدعيته و سهل دروبي و استجابلي .

مديت سجادتي و لبست العركجينه اعلى راسي ووكفت اصلي صلاة الشكر .. خلصيت ، كضيت القران وكعدت اقرأ ( تبارك الذي بيده الملك وهو على كل شيء قدير )

بديت بهالسورة و اعلى اول ايه ظليت موجد .. من اتنهد اهيس افدي مرتاح ، شعور الله مستجيبلك و اطاك مرادك .. ما تنوصف فرحة هالشعور .

كمت ارتل القران و اقرأ بسورة الملك ، اندكت باب حجرتي ، رفعت راسي و انا اصدق ( صدق الله العلي العظيم ) ... دش

فاتت اختي : ها رضية

- جايتك بخبر يمكنه يفرحك ازود

- يا رحمة الله .. كولي ؟

- الشيخ زناد مطرش خبر ورايد اختنا رابحة باجر ، و يكول خلو الملجة باجر لا صفكة ولا هلهولة من كون ابوه ميت.

- كولي والحسين

- اي والحسين .

ضحكت : صدك

- اي والله شمالك

- يعني باجر نملج ؟

- ابوي كالي ابلغنك .. باجر يو تخليها الخميس

- لا لا باجر باجر ... خير البر عاجله

- بس اخشابك موش رايد تغيرهن ؟

- هي دخل تصير و احسن اثاث احطنه .

- بس جسام

- شنهو ؟

- انت تعرف بابوي وحكمه و يو عرست حالك حال اخوتي ... ويمكن بحالتك ازود من كون تعرف بغيضه اعلى ال ضاحي .

- ولا تزر وازرة وزر اخرى ، البت شلها غرض باثام جدها ؟

- انا بس جاي احسب هيج و انت تعرف حكم هالبيت و قيوده .

- الله كريم .

- هسه اكولن لابوي راضي

- لا تكولين ، انا اتمم التلاوة و اروحن ليه اتفاهم وياه .

- جا خوش .

رديت راسي و اتلو .. تمميت كمت لميت السجادة و حبيت القران و حطيته اعلى كتر و مشيت لابوي .

- هلا بويه

- كالتلك اختك يو لا

- اي بلغتني

- جا حضر روحك باجر نملج ..

- اعلى بركة الله .

راديون كل بالها الخميس الملجة ما تعرف بكل شي ..

ملوك مشت الامور وكأنو الملجة مثل ما هي ، وما بلغتها من كون هي من اوحيدها مقررة حتى يو تعرس اعلى خنجر .. لا تذب اسود ولا تحف وجه من كونها حزينة اعلى ابوها ..

ثاني يوم الصبح .. بعد ما راديون شافت العرس كرب و الموعد باجر وما ظل شي و زناد راكب راسه ولا واحد منهم جاي يخضع ، و هي سنين تنطر هالخطبة تالي تضحي بروحها و توافك بال ثجيل ؟ طرشت خبر لسرحان للقصر و كالتله ( دبر طلعتي من بيت زناد ) .

سرحان ما جان بالقصر .. بالمعمل

و الطارش وصل لبشرى .. و بشرى ما طرشت واحد للمعمل ، كالت : عودن من يرد الظهر من المعمل اكلله .

الظهر بعد الغدا و اجا سلطان وولده و اخوته و نسوانه اثنين و بناته ووياهم الشيخ .. ترسو الديوان بطبتهم و النسوان جوا .

ملوك : ليلى

- كولي عمة

- خبري راديون تلبس عباتها و ادش الديوان .

- امرج عمه

مشت و دشت الراديون .. كاعدة بالف حيرة تكرضم بأظافرها ... حجت ليلى : راديون

- اجا سرحان ؟

- لا بس امج تكول خل تلبس عباتها و تجي

- عليش

- ما اعرف

جرت عباتها .. فرنسية و مطرزة بذهب .. شالت راسها : نطلع يو شنهو ؟ خاطر البس بوشيتي .

-اي لبسي نقابج .

لبست بوشيه خفيفه اعلى وجهه و طلعت بس عيونها ، كل عين هاكبرها تجدح السبع يدوخ بسحرهن.

طلعت وليلى دشت لحجرتها تلم غراضها .. طلعت و صاحت مرت سلطان : اللهم صلي على محمد وال محمد ، يبختك يجسام جتك مرة تكل للكمر يغيب وانا بمجانك .

وكفت راديون بمجانها ، صفت احذاها امها و هي تكللها : الناس موجودين لا تجيبين الفضيحة لاهلج

اندارت ترد ... كضتها ، همست راديون : الجاي تسوينه حتى عدوي ما يسوي وياي ، هديني .

- رايدة مصلحتج .. امشي

صاحت المرة : شنهي كربي شمالج

ملوك :- لا تشهرينه امشي .

راديون بسمرت بمچانها بس الدموع كامت تتجارى ، تكول لا و تتراجع تخاف من زناد يو فضحته ، تمش و توافج و تهد ولفها ومنية لياليها ..

راديون : ظلت بس دموعي سجابة ، خذت بيدي المرة و هي تكلي ( شمالج امشي لا تستحين )

دخلتني للديوان ... متروس زلم و ما اعرف ياهو جتالي .. بس الاعرفنه كلهم مشتركين بجتلي .

كعدت و انا ادموعي اتجارى .. ما رفعت عيوني ليهم ولا عاينت بوجه واحد .. صاح حجي بيهم : نملج اعلى سنة الله ورسوله و اهل بيته

زناد : اعلى بركة الله

اريد انطك و افجن حلكي ، جن تخيطت شفاي و بس ادموعي سجابه .. واعلى كثر ما بجيت كامت الشهكة تطلع و تنسمع .

من بينهم واحد .. موش معكل لاف الغترة اعلى راسه و دشداشته بيضة .. و السبحة بيدة .. كام من مجانه و حجه : من رخصة شيخنا ابو ياسر ، و لا يهونون البكية لجن انا عدي مطلب

سلطان : شنهي الراي يجسام .

- البت من ساعة الكعدت و دموعها ما جفن .. ما اعرف شنهي اسبابهن لجن يا ريت اكدر انفرد بيها خاطر انشدنها بدون ضغوط ان جانت رايدة العرس يو ما رايدته .

سلطان : شنهي بويه تسودنت ، جسااام

زناد : شلون تطلب تنفرد ابت انت ما مالج اعليها .

- انا اكدر الاصول و حككم لجن ، الزواج بالغصب باطل ويصبح زنا .. والله ما يبارك بيه ، و انا رايد رايها .

راديون ظليت مدنجة و انا اسمعنه يحجي ووهو واكف بنص الديوان ، حتى دموعي كفن .. و ظليت ناطرة هلبت يرضون .

زناد رفض ، وابوه كام يحجي و يندس بيه ، هو حجه حجايته و كال الهم : ان رفضتو انا اتعذر .. ما اكدر املج اعلى بت ذبت طوس دموع بملجتها .

وكفوه عمامه .. ومن كل واحد حجايه .. ارتفع الصوت بالديوان ، وهدن شهكاتي ..

بعد ما هو اصر اعلى موقفه و طلع ، خضعو وكالوله دش ووحدة من النسوان ادش وياك خاطر ما تنحسب خلوة .

كال الهم موافك .. سوولي درب و طلعت من الديوان و دشيت بالحجرة البكتر الديوان ووكفت ، لجن اعضاي كلها تتراجف ..

دش زلمة طويل ومرة وكفت بالباب ، رفعت عيوني ليه .. يتهيألي شايفته .. صدت عيوني بعيونه .. دنجيت

حجه : سمعي يبت الناس انا ما رايد اظلم بختج ، ولا انا الارضى بدموع بت تسجب كبالي ... الزواجة هاي بشورج يو مغصوبه اعليها

رفعت عيني ليه و تلامعن دموعي و انا اعين بيه ، شكلله .. اخوي غاصبني شيخلصني من زناد ؟ يذبحني بساعتي يو فشليته جدام الشيوخ وكل هالزلام ويطلع غاصبني و هو شيخ .. و الكلت اي .. كتبت الموت اعلى روحي .

ظليت حايرة و انا اعاينله شجاوب ..

- انا ناطر

- و شيفرك جوابي ؟

تنهد ساعت الجاوبيته ، وجد بعيوني عدل و حجه : وياي يفرك

- ويا غيرك ما راح يفرك

- افهم من كلامج انت مغصوبة .

- سكتت و دنجت

-السكوت علامة خوف و رضا .. سكوتج ياهو منهم ؟

ما رديت .. وكمت اجر بخشمي و ابجي ، حجه : انا اعرف خاطبج واحد اسمه خنجر .. و الشيخ اعلى عهده منطي الرضا ... لجن السمعت عكبه غاصبينج اعليه ، بس سكوتج هاذ دوخني

ما رديت ، تنهد بحيرة و هو يفرك اعلى سبحته و يدير لاخته و يكللها : سعاد بس صكي الباب خل افهم ، جا غير تطيني جواب و تريح افادي ، يبت الناس نطقي .

- كلت الك رايي ما راح يفرك بشي

حجيتها و بجيت

- اسألنج اخر سؤال .. و جاوبي بيه يي يو لا و انطكي بلا خوف و اخذي الامان مني ، الزلمة الخاطبج مترايدين ؟

رفعت عيني ليه و كمت اعاين له ، تكرب مني ، فزيت ورديت ليورا ، ورفعت ايدي جدامه خاطر اوكفنه ..

- انا موافكة اعلى العرس ....

رواية كحل عرب الفصل الثاني والاربعون

(شرف على المحك )

گطره اعله گطره ...

وليل يعگب ليل

ويدوخ الندى..

او يلتم بلل وردي

اثاري اشما المن من وشال الصيف

حد ما وصل حلكي..ولنه متبدي

شماته وليل....غربه

وجلمة الياحيف

يلتمن دمع ويطيحن بخدي

يلتمن دمع ويطيحن بخدي

(عريان السيد خلف )

ابتسم جسام أبتسامة خفيفة و عاين لاخته .. رد عاين الها : متأكدة .

ردت ليورة و دنجت، هد المچان وطلع ، و زناد كاض كلبه و ملوك تترقب .. خافن بتها تكول لاله ، طلع بسام و كال الهم : انا اتعذر منكم .. لجن لزوم اخذ رايها و دام هي موافكة ... اعلى بركة الله .

ملوك كضت نقابها و دشت لبتها للحجرة ، لكت راديون مدنجة و تبجي ، صكت الباب وراها و كالت الها: بتي و اعرفنج ما تخيبين ظنوني .

- عوفوني انتم دمرتوني عوفوني .

- الزلمة خوش زلمة ، شدي حيلج و كومي ولا تخلين الناس تكضلها لزمة اعلى ابوج و يكولون بته و يمسونه بچلمه .. اذكري ابوج وارباه ورفعي راسه ، و كل خطوة تخطينها خليه اعلى بالج لا تنزلين سمعته، خاصة عد ال ثجيل .

كامت من مكانها : انا نطقت موافقة بس ما اريدنه يمه ، كلوله ماتت راحت .. اي شي بس ما اعرس .

- كومي و توكلي على ربج .. ياله بنيتي .

راديون : دنجيت ابجي و انا انشد روحي صكد وافكت .. هاي انتهت و عفت عشك عمري النطرته سنين ...

حطيت اديه اعلى وجهي و كمت اشهك ببچاي ..

دش زناد و كال : اوجفي يراديون

وكفت بكل حيلي و خزرته و انا احاجيه : شتكل لابوي يو كابلته ها ، اطيت بتك لعدوينك .. سرحان نط و هو يريد هدوة ولأن من ال ثجيل ما رضاله و اليوم بايعني ليهم برخص ، برخصصصصص.

- ششش حسج ما اهيسنة ، كومي اعلى حيلج و اسمعيني ، تصيرين مرة امعتبرة و تبيضين وجهنا جدامهم خوش .. و سوالف سرحان و شقاواته انسيهن ، انت بت شيوخ .. وعشتي ابيت شيوخ ما عشتي ببيوت الشقاوات مثله خاطر ترضيله

- تروح فدوة لجدم سرحان ، وكل الجرالي ذمة بركبتك و ما اسامحنك الى يوم الدين و انت موش اخوي .

- راح اكضمنها و ما اجيسنج عبنج هساعة تطلعين من بيتي، الله يوفكج خوية .

حجاها و طلع .. توكل عني بالعقد .. و دشن علي النسوان وكفني ورا باب الديوان .. ساعة الكال الرايد ياخذني : و انا اقبل .

باركنلي النساوين و انا مدنجة و بس دموعي تهل ..

كربت مني ليلى و حطت الكوار مالي ، شالته عنها مرة من ال ثجيل.

كربت من عدي امي حبت راسي و انا الدموع تهل ، حجت : لا زناد ولا كريم ولا ابوج ولا قصره .. ولا كل هاي الدنيا .. ما تسوى عدي اظفرج .. لا تظنين امج تهدج و انا وياج و الياذيج بس اشري بيه .. و انا اتصرف وياه .

انا نشدت كبل اسبوع عن الزلمة الرايد ياخذج كالولي اسمه جسام و زلمة مفرد عن ال ثجيل .. خلق و اخلاق ورضيته الج ياله وافكت اعليه و ساندت اخيج .

- انت موش امي و السويتي بيه انانية و انا ما انساه الكم ... كلشي يصير بيه ذمة بركبتكم .. وما اسامحنكم ..

خذو غراضي و طلعو .. ومشيت و ادموعي سجابة ، غمضيت عيوني و خليتهم هم يكودوني .. ما تمنيت بهاللحظة غير ابوي .. و اشكيله شصار و شجرى بحالي عكبه .

شهرين بس المرن على موته

بهالشهرين ذبيت دموع مالت سنين الدلال و الغنج الجنت اتغنج بيه بعهد ابوي .. جنت بعهدة ملكة زماني و اليوم انا مكيودة مثل السبية الماخذينه لالها كول ولا راي .. تمنيت بهالساعة يطلع ابوي من كبره

ويرد زناد عني و يبعد ال ثجيل و يلمني بشليله.

جلمة ((بويه)) ما فاركت الساني اردد بيها وانا امش

فتحولي باب السيارة ، و صعدت و البوشية اعلى وجهي ، لا رفعتها ولا شفت احد .

مشت السيارة و كل دورة يدور بيها التاير .. يفل احلامي و يبدي امنياتي اعلى كاع صبخايه و يتبخرن جدام عيني.

وصلنا البيت ، و نزلني النسوان .. و استقبلوني بالهلهل و الواهلية ، وصف حذاي الزلمة النشدني كبل شواي ..

عرض بعيني خنجر ..

تاب و تغير بس خاطر يحصل علي ، و السويته اني وافكت اعلى غيره و هديته .. شحاله و شحال كلبه يو سمع بسواياي ليه .. راح يعذرني يو شراح يعمل ..

راح يكرهني و راح ينعل الساعة الحب بت ضيع عمره اعليه وبالنهاية هدته و مشت لغيره.

كعدوني بالگبة ، و النسوان يصكن و ملاية تغني ، و بنات يصيحن و يشتغلن .. و كاعد يفرشن بحجرة وحيد اسمه ( جسام ) يكولون هو هاذ الأخذني ونفسه الملج اعليه .

محد كعدت يمي ولا وحيدة نشدتني ، منزله بوشيتي و دموعي تسجب ، كربت مني مرة و كالت : شنهي عليش مغشاية ، ارفعي خل نعاين وجهج.

نشفت دموعي ببوشيتي ورفعتها عن وجهي وكشفته ، والكاعدات كلهن يتورجن علي .. جدامهن تلفزيون موش مرة مهدود حيلها.

واسمع شوشرتهن ... هاي بت الشيخ مطر الجان شارط اعلى عرسها قصر مثل قصره ؟

والثانية تردها : حكه جا عاينيها . الوجه كيمر

وتردفها الأخرة : جا يو شايفه امها شتكولين ، بعمرها هاذ و الكمر ما يصف حذاها اعلى الحسن الشايلته ، يكولون الشيخ جان عابدها عبادة .

ردتها الاخرة : هيج و جويسم يعبدلنا بت ال ضاحي و يكدرها .

- يا غدي ، جا غير سلطان ناطرها نطرة .. ابوها خذه ردحة ورداها جلد و عظم و ذبوها و ما نشدو عنها تريدين جويسم يغدر بتهم و يحترمها ، عليش بويه.

جويعدة مدنجة و اسمعنهم ..

والعن زماني الحطني بهالمجان ، ذول خدم ما يخطهم ابوي بقصرة موش يجعدون و يحجن و يسمعني ولا جني جويعدة حذاهن .

درت وجهي اعاين لمرة تصخر ابتها و تكوم بيها ، العرفته هاي البت .. بت سلطان الرايد ينطيها لزناد .

درت ليهن وحجيت ويا وحدة منهن : الحجرة الأكعد بيها وينها ؟

- شرايدة منها

- رايدة اكعد بيها

- بعدهن جاي يشتغلن بيها ، و اتعلمي يمه احنا موش خدم عدج ولا عد ابيج خاطر اديرين وجهج و تنشدينه ، انشدي عدل .

دش رجال جبير بالعمر يمشي و يستند اعلى العكازة .. ضخم طويل و عكاله اعلى راسه ، عرفته هو هاذ سلطان ..

دشوا وراه ازلام يتبينون هم ولدة ، لجن كبار بالعمر تطلع اعمارهم ب٥٠ .. كامن النسوان خاطر يستقبلن و يكولن : هلا شيخ .. هلا بويه .. تفضل ..

تجاهلهن و اجا عدي وكفت اعلى حيلي و دنجت .

ابتسم و حجه : يكولون ابوج جان شارط .. اليريدج يبنيلج قصر مثل قصر جدي جلوب .... ههههههههههههههههههههههه وينه مطر ويجي يعاين الرايدلها قصر ، حتى اخشاب ما جددينا الها ، يو ابوج حاضر الساعة شتظنينه يعمل .

رفعت عيني و عاينتله : الله يرحمه جان صاكر جثير واوية تربي من ابعيد و تتصيد لمضيفه ، لجنها ما كدرتله ، ساعة الطاح الذيب .....

رفع عكازته ، فزيت و كطعت كلامي و انا ارفع ايدي ... و خلاها اعلى جتفي وحجه : هلمرة راح اجزيها الجن من كونج جديدة عهد .. مرت الأخرى ادفننج بصف ابيج ... فهمتي بنيتي .

نعمة: بت ال ضاحي شناطر منها بويه ، لا تحج وياها و اطها لجسام يعيد تربيتها .

سلطان : نجممممة

- امر يبو نعمة

- خذيها من جدامي ما اريد اشوفنها .

كضتني من ايدي و سحبتني و دخلتني ، و سلطان صاح .... جسااااااام

دشيت الحجرة و صكت علي الباب .. كعدت اعلى القريولة و دنجيت راسي ابجي : وينك بوية وينك عني ، يو بس تكعد و تشوف بتك شحالها بنص عدوينك بوووية .

......

سرحان : دشيت للبيت الظهر توني جاي من المعمل ، كعدت بالكبة و ام سالم كربت عدي : صبنلك غدة يمه ؟

- اي والله حجية

بشرى : ها الله يساعدك

-يساعد بختج

احجي و انا انزع السترة و اكللها : جيبيلي دشداشتي البيضة ، بس كونج مبخرتها ؟

- اي اي مبخرتها ومعطرتها ، وين رايح

- امش لبيت زناد افضن سالفة راديون ، لزوم اجيبنها واحطن حد لزنيد .

- هي ودت طارش الصبح و تكول خل يجي سرحان يطلعني من بيت زناد بعد ما اكدر اصبر اظلن هنا .

- يمتى الصبح

- هيج كبل الضحى

- و عليش ما طرشتيلي وحيد للمعمل .

- كلت ترد و تروحلها

- دتستجلي جيبيلي الدشداشة خل اروحن ، ياله تحركي .

مشت عني و انا انزع بقميص ، واصيح اعلى امي خاطر تحضر روحها تمش وياي ، و رحت اسبح .. رديت لبست و حطيت عكالي ، طلعت جدامي ام سالم : الغدا محطوط .

- لا اروحن لراديون اجيبنها ، عوفي الغدا هسه .

خذت امي و رحت لبيت زناد .. دكيت الباب ، فتحته ليه مرت زناد، رحبت بأمي و فتحت الها الباب و انا ظليت انشد و اكللها : زناد وينه ؟

- زناد طلع كبل شواي للمضيف.

- اندهيلي راديون رايدها

- عرست

اندرت ليها : عرست شنهي

- اجا سلطان كبل ساعتين ملجوا و خذوها بلا زفة و صفكة و مشت.

- انت تحجين صكد يو تشاقين ؟

دفع الباب و صاح ، راديووووووووون وين ؟

طلعت ملوك : سمعت و كالتلك مشت لبيت رجلها ، عليش تصيح بنص البيت .

هدهم بساع و طلع للمضيف ، دش المضيف و كض زناد من هدومه و جابه ابوكس ، و كاله : ولك زوجتها من عدوين ابووووووووي ، يالرديييييييي ، منهوبة و تطيها بهالعطيييييية

وزناد طال ايده وتكاضض وياه .. وتكاومو بنص المضيف و عمامهم صارو بنصهم ويجرون بيهم .. و سرحان يصرخ : تبرى منك مضيف ابوي ، ولك تطي اخيتك بظهرية حمرة و جنها منهووووووبة ، ولك هيج تزف بت الشيوووووخ ولك .

و زناد يكله : اطلع من مضيفي ، امش يااااالع و من السوم انا اذبن بيك سند و اطردنك من العشيرة

تفل عليه سرحان بنص الزلام .. و كلها ضجت اعلى سوايته ... هداهم متكاومين و طلع من المضيف موجره اعصابه .

اخذ امه بسيارته و طلع لال ثجيل ، و هو يصرخ : نذل نذل نذذذذل بس حتى يمشي جلمته هون بيها و اطاها بظهرية حمرة و هي مخطوووووبة .. شايفتلج بت مخطوبة يطيها لواحد ثااااني .. هاي عماااايل شيخ كليليييييييييي .. يا خيف زنيد النذل يخلف ابوي ، بس انا اله منا و غاد .. ولك يا زناد تلكاها مني .. وعلي لاخربط احوالك .

....

راديون : تمددت و حطيت راسي اعلى الوسادة ، و لميت رجلية لجسمي و دموعي يجرن بهداي ، انفكت الباب .. كعدت من حيلي ودرت وراي .

دش الزلمة نفسه النشدني ابيت زناد ...

- السلام عليكم

عدلت كعدتي و انا احس بعيوني ورديت : وعليكم السلام .

تنهد وظل واكف يعاين ، و انا مدنجة، حجه : نزعي عنج العباية خافنها مضايكتج .

ما تحركت من مجاني ولا اطيت ردة فعل .. شافني ما حجيت ، سكت و تكرب كعد اعلى القريولة من الجهة الأخرى .

وظليت اعلى حطتي .. و هو يعاين بكتار الحجرة ... نزلن دموعي بهداي ، و اعلى جرة خشمي و انا ابجي ، انتبه .. اندار و حجه

- عليش هالبچى ؟

ما رديت ، تنهد و كام من مجانه و اجا جدامي ، وكف يم راسي ، غمضيت عيوني و هو واكف .. ما صدر من عده اي ردة فعل ، فكيت عيني وشلت راسي اعاين ليه .. ابتسم و كعد جدامي .

اخذ ايدي و حجه : اعرف ابوي اذاج بفعلته .. لجن انا اريدن منج ما تردينه مرت الأخرى .. ولا تجاوبينه .

- ان جان ابوك يخوفك .. ما يخوفني .

- مامش احد يخاف من احد لجن الاحترام واجب و هو زلمة جبير و الامور البين اجدادنا ما اظنن تخفى عنج ، ومثل ما ابوي ما يود اهلج .. هاذ الشعور جنتي تشوفينه عد ابوج الله يرحمه ما يودنا .. صح يو انا غلطان .

- هزيت راسي ودرت عنه .. تنهد و كال : ارتاحي و اخذي راحتج ، المغرب كرب توضي و مدي السجادة و خلي كلبج يتطمن بذكر الله .

حجاها و كام و هو يطلع .. توضى و دشت بت جايبة طشت و كيتلي و كالتلي : هاج تغوسلي

وكفت اعلى طولي ، نزعت العباية عن اجتافي ، لكيته وراي ، جرها و حطاها اعلى القريولة ، كعدت وخذت الكيتلي صبيت ماي و توضيت و هو كاعد بكتري .

كملت ، حجت المرة : ساعة و يجهز العشا .. و اجيبنه الكم .

- اخذي راحتج خوية .

خذت الماي و طلعت و صكت الباب وراها ، اندار و هو يسحب الغترة من على اجتافه و يعلكها بالزاوية ، سحب السجادة وكال : اخذي هاي الج منا وجاي ما استعملها انا ، بس شوفي بيها تربة .

شافني كاعدة و ما اردن عليه ، هد السجادة من ايده و كعد .. دنج راسه حيل و هو يعاين لوجهي ، عاينتله ، ابتسم : بعدج مقهورة ؟

- انا ما رايدة اكشن بوجهك لجن رويحتي تعبانة .

- انا اعرف وفاة ابوج كبل شهرين و كل هاذ الصار انا مقدر الوضع .. بس .... سكت

ضيع الكلام .. ابتسم و هو ما يلكه حجاية يحجيها ، طرى الحجاية بضحكة : شنهو اسمج ؟

درت اعاين .. استغربت الأسم .. ورديت : رويدا

عقد حواجبه : الأعرفنه راديون ؟

- هاذ اسمي البالهوية سمتني سستر مسيحية .. بس يصيحولي راديون .

- بس رويدا احلى ؟

ما رديت عليه وظليت كاعدة بمجاني و انا احاول استوعبه و اكضم البداخلي و اسيطر اعلى روحي ، حجه هو : اسمي جسام .. و عمري ٢٩ سنة .. امي ميته و ابوي سلطان وانا ازغر ولده ...

رفعت اعاينله ، كمل و هو يحجي : ماتت امي و انا بعمر السنة و نص .

- جتلها ابوك ؟

- عقد حاجبه بأستغراب و ردف : عليش تحجين هيج اعلى ابوي .. ابوي موش جتال .

سكت و ما جاوبته .. كمل : جانت حامل و تعسرت ولادتها و ماتت هي و الفرخ و اتربيت اعلى ايد مرت ابوي نجمة .. انا ازود واحد من بين اخواني حظيت برعاية ابوي و عطفه من كون انا الوحيد بينهم يتيم.

سكتت و هو سكت .. مد ايده و حطاها اعلى ركبة رجلي و كالي : ادري الأمور تلايمت و كلشي صار بساع بساع لجن لا تحطين ابالج .........

جاي يحجيها و ارتفع صوت سرحان بنص البيت ، كمت من مجاني و انا اكلله : هاذ اخوي سرحان .

كام هو من مجانه و طلع و انا فرفحت روحي ساعة السمعيت حس وحيد من اهلي بنص هالوجوه الغريبة .. سمعت سرحان يتصايح وياهم و حسه عالي و يكللهم : هسه تطلع لا تخلوني وعلي اهدن البيت اعلى اهله ، بت ما الكم عدي

و سلطان يتصايح وياه ، و جسام واكف و يتصايح وهوسه .. هم يكلوله بموافكتها .. و هو يكللهم البت مخطوبة و زناد غصبها اعليكم ... انتم ما تستحون تاخذون بت مخطوبة .

جسام وكف بوجه و كاله : البت ما رضيت املج اعليها الا ساعة النشدتها و اخذت الرضى من شفاها .

كامو يتصايحون ، اخر شي صاحتني المرة الأسمها نجمة و سحبتني ، خذت عباتي و حطيتها اعلى راسي ، دشت ليهم للديوان سلطان وولده واكفين و سرحان يصيح .

ساعة الشفته ولذت بكتاره و ذبيت روحي بين اديه وانا ابجي ، حب راسي و كالي : جيبي اغراضج و امشي وياي ، و انت يو زلمة اطلكها و ما تاخذ بت مخطوبة .

جسام : انا جاي اكللك ما خذيتها غصب هي الوافكت اعلى العرس بلسانها .. انشدها .

سلطان : تراك زودتها ... اخذ امك ولم غيضك عنا و لا تخلنا نتلايم .

سرحان : انتم شنهو من ملة .. زناد غصبها ...موش بت الشيخ مطر التنطي هيج عطية

راديون : سرحان سرحان .. عاين

- ما اعاين جيبي اغراضج

- انا وافكت يسرحان

- وافكتي شنهو ..اهد الدنيا فوكهم و فوك زناد ، امشييي

تكرب اعليه نعمة و تكاضض وياه : تهد الدنيا فوكمن .. هااا

وكضاه سرحان و راد يمطله ، ذبت روحها امه ، و اخوته التمو ويكلوله : لونك موش ابيتنا جا عرفنا نتصرف وياه .

كضاه جسام و كاله : انا الزلمة الملجت اعليها ، و انا جانت عدك حجوة ، احجيها وياي ، و اخذ الجلمة مني

سرحان : ان جانك زلمة وواكف بطولك ..طلكهاااااا

سلطان : فاض الصبر و ووصل حده يسرحااااان ، نعممممة...... قاطعه جسام و هو يكله

- بويه ان جان الي خاطر يمك .. خلني تحلنخا وياه ، احبن راسك استريح ، نعمة خوية بس شويه اطني مجال .

يحجيها و سرحان جر ايدي : وكفتج شنهي ، لمي غراضج ومالج غرض باحد

- سرحاان .

طلع سلطان وولده و ظل الديوان لسرحان و جسام و ردحة وراديون واكفات ، وكف جسام و كال : هاي البت بعدها مثل ما جبتها، يشهد الله ما جستها .. اهي جدامك ، واتخير اعليها ، ان جانت مغصوبة اخذها بعبايتها و اعتبرها مطلكة بالثلاث .

ردحة : بس اهدى يمه يواشج فدوة اغديلك

سرحان يفرك بوجه و شاب نار اندارلها : الراي شنهي ؟

- هم حجو الحك الملجة صارت بموافكتي و انا الرضيت ...

صرخ : انت تسودنتي ، عكل ما براسج .. عرسج باجر و الزلمة ناطر انا شكلله .. انطيت جلمه و اهو مزهب روحه و تكسرين بجلمتي لخاطر زناد

- موش لزناد ، انا ما رايدتكم تتكاومون والسبب انا .. زناد ما راح يهدك ..وانا جنت اظنن الملجة باجر و حطوني هالحطة شكولن ؟ و يو مفشلة زناد جدام كل هالزلام شتظن يعمل ؟ اذا ما كدرلك يكدرلي .. انا والله ما رايدة اكسر بجلمتك بس ما رايدتكم تتكاومون .. بأذني هاي سمعت ابوي يوصيك انت و زناد و يكللكم يو تكاومتو وواحدك تبرى من الاخر ما ارضى عنكم و العنكم و انا بكبري .. هاي وصيت ابوي يو لاله .. حاجيني .

اخذ نفس قوي و تقرب منها :- ولج انت اتسودنتي ، ولج هااااذ بيت ثجيل راديون ، خاطر زناد ما يكاومني ذبيتي روحج هالذبة و الزلمة الناطر عرسه ومعلك اماله اعلى باجر .. شكلله عرست .. اكلله الانطيتها الك هساعها ببيت رجلها شكلله فهميني، انا ما غصبتج اعلى خنجر ..تحطيني بهالموقف ويا صاحب ورفيج دربي .

ظلت مدنكه و تبجي ، و هو يصيح : بيا عين اكابلنه ، شكلله .. تحطيني بهالموقف ليييييش .

ظلت تشهك و تبجي ، كام يفرك بوجه و يستغفر اندار لجسام و كاله : اسمع لك وعلي داحي الباب يو سمعيت جايس شعره من راسها احركنك انت و ال ثجيل بكاعكم .

ما رد عليه جسام .. و امه كامت تجر بيه ، اندار عليه و كال : يا حسافه بس يا حسافة .

حجاها و طلع من البيت كله و امه وراه ، انداريت من مجاني و فكيت الباب و طلعت من الديوان ، كلهم مجتمعين بالكبة ، تعديتهم و انا امش لحجرتي

دشيت بيها و صكيت الباب .

سلطان : اوكف

جسام : شنهي بويه

- ساعة و بياض البت عد امك نجمة .. فهمت .

تعداه و مشه و دش للحجرة ، راديون لامة روحها و تبجي : نشدتج و كلت الج مغصوبة كتيلي لا ، و طلعتي مغصوبة ... انا رايد اعرف الزلمة الجان خاطبج شنهو ؟

ما ترد عليه و حاطه وجهه بحظنها و تبجي ، صاح و كرب منها وجرها من ايدها : احجي ويااااااي الزلمة الخاطبج شنهوووو .

- ولا شي .

- ان جانه ولا شي ، عليش سرحان يحجي هيج ، وعليش انت من الأساس راضية تتزوجين وحيد جان شقاوجي .

جرت ايدها من ايده و دارت وجهه من عده و كالتله : اتركني وحيدي .

- هاذ موش قصر ابوج ولا هاي حجرتج غاد واطردين الما يحلالج .. الحجرة هاي النا اثنينه من تحجين تحجين باحترام موش تأمريني افتهمتي.

كامت من القريوله و كعدت اعلى السكملي و حضنت نفسها ، كعد هو اعلى القريولة و دنج راسه .. ارتفع صوت الأذان .. واحد من اخوته مد سجادته و اذن بالبيت .

كام من مجانه و تكرب : استغفري الله وكومي صلي فرضج ..

دارت وجهه عنه و ما ردت ، هده ومشى جر السجادة و مداها .. ورفع اديه و كبر و دش بصلاته .

راديون : انصابيت بفلاونزة عالكثر ما بجيت ، كمت من مجاني ادور جفية و هو يصلي ، فتحت المجرات مامش .. دوريت بالزاوية مامش .

خلص فرضه و هو يعاين علي ادور بالحجرة و كاض بالمسبحة و يسبح .. خلص تسبيح فرك السبحه حبها و حجه : عليش جاي ادورين

- اريدلي وصلة

- شتسوين بيها ؟

- اريدنها .

حك ركبته و كال الها : ان جنتي ادورين اعلى الوصلة البيضة حاطينها حدر الفراش ، بس شتسوين بيها ؟

اندرت ليه اعاين له .

ابتسم : خل اخلص فرض العشا ...

- خشمي اريدلي جفية .

- اي دكولي جفية

مد ايده بجيبه طلع جفيته و انطاها

درت عنه ... و ما خذتها و انا ادور جفية نظيفة

- مو مادلج ايدي شمالج .

-ما اريدنها

كام من مجانه و حطاها اعلى القريوله و حجه : نظيفة ما مستعملها ان جنتي بحاجتها اخذيها .

حجاها و رد لسجادته ووكف يصلي العشا ، كربت خذتها ورديت للسكملي ، رفعت رجليه وكعدت .. اعاين الحجرة لاهي مجاني ولا هي رادتي .. انا وين جنت ووين صرت .. انا اخلص عمري بهالمچان !!

جلمات سرحان يرنن بذني

شكلله .. المعلك امالك بيها هساها ابيت رجلها

خنجر مسودن .. يو درى ما اعرف شراح يسوي .. جبت عمري انطر اليوم الله يجمعني بيه ، ومن وصل و ظل يوم واحد يفصلني عن مناي ومنيتي .. اعرس وتضيع ظنوني .

- ما تصلين ؟

- فزيت من صفنتي و اندرت ليه : لا ما اصلي

- عليش ؟

- ما اصلي .

- عذر شرعي يو انت الما تصلين ؟

- عليش تنشد .

- ترانا عرسان جدد عليش جلمتج حادة وياي ، ليني و جاوبي اعلى السؤال بليونه ما راح يكلفج ولا راح ينزل من مقامج .

ظليت صادة عنه و ما اجاوب ، و امسح بخشمي بالجفية ، كام هو يتنهد و يستغفر .. اندكت الباب ، صاح : يااااهو

- انا سعاد جبت العشا

- دشي خوية

دخلت و هو طلع من الحجرة ، مشى لمرت ابوه و هو يكللها : دشي علميها و حطي ابالها اللي لازم يصير الليلة .

نجمة : وشنهي تاخذ رايها ، غصبا عنها و عن الخلفوها ترضى ما ترضى جا تعاين لطولها .

- الوكت موش وكت غصب ولا انا الي حيل مشاكل ، دشي بس انطيها خبر .

كامت وراحت لراديون الكاعدة اعلى السكملي ولامة روحها و دنوعها هماله و تمسح بخشمها : موش نحط العشا ؟

- ما اشتهي الزاد

- اسمعي هاذ موش بيت ابوج وتتصرفين و جن الناس خدم عدج ، من يحجي وياج واحد تكومين اعلى حيلج و تحجين موش من وره خشمج .

ظلت دايرة و ما ردت عليها : موش احاجيج .

اندرت ليها : كلت الج ما اشتهي الزاد .. مو بالغصب اكل .

- لا شو غصب عنج ، و تكومين تذبين الأسود و تتحضرين لزلمتج خاطر ياخذج .. يااااله

ظلت دايرة عنها و ما ترد ، تكربت ليها و جرتها بقوة : شنعي من بنيييييية انت ، كومي

و دفعتها ليغاد .

- شرااايدة مني ... زادج ما اريدنه فكي عني و خليني .

نشغت المرة همت اعليها وكضتها من راسها ، دش جسام : ها ها ها يمه .. مو هيج

- لاله لا هاي يظهر انها ما متربيه و حاسبة الوادم خدم عدها خلني اعلمنها شلون الأحترام .

- ايدج عنيييييي .

وكضاها جسام و نجمة نزلت غلط و تريد تجتلها ، سحب امه و طلعها و هي تصيح و تكللهم : خلوني اشفي دمي ببت ال ضاحي الشايفتنه خدم عد الخلفوها .

هد امه و دش لحجرته و حجه : كومي

- ما حجيت وياها شي ، كتلها ما اشتهي الزاد

- كومي

- انتم ليش تأمرون ؟

تكرب كض ايدها و كعدها : انا اعرف جنتي ابيت اهلج عدج خدم و حشم .. وما متعودة احد يتأمر اعلى راسج ... بس الوضع هنا يختلف و حياتج ذيج تنسي ، انا ما اكدر ادافع عنج الوكت كله ، هساه سكتت نجمة عنج لجن يو مدخل ابوي بالسالفة ، ما اكدر اوكف بوجهه و ادافعلج .

- ادافعلج و ادافعلي .. شنهو الصار بس لإن كتلها ما اريدن الزاد ؟

- من تحجي وياج تكليلها امرج .. و تكعدين حتى يو ما مشتهية

- انا اكللها امرج

- اي تكليلها امرج لأنها جبيرة البيت و الجبير اله احترامه يبت الشيوخ .

- موش تحترم الأول

- ولونه ... تحترمين .

- هاي اول ساعتين و جزعت روحي انا شلون اكضي عمري هنا .

- انا هسه ياله عرفت عليش ابوج جان رايدلج قصر ، دلاله طالع من خشمج و معودة حدر ايدج خدم وحشم و تتأمرين و اوامرج مجابه ...

درت عنه و ردت اكوم .. كض ايدي : اكعدي تعشي

- ظليت اعاين بوجهه

حجه : رايد احجي وياج اكعدي .

- رايدة انامن .

- ثوب ابيض حذاج .. البسي

- الأسود ما انزعنه .. و هذا الثوب ما البسنه ، و هدني بحالي الله يخليك والله البية ما يشيله جبال هدوووني .

حجيتها و كمت من الزاد ، اخذت الجفية ، شلت الوسادة و جريت الغطا و دشيت بالفراش ، انسدحت و اتغطيت ، ولملميت روحي وانا ابجي .

ظل هو كاعد اعلى كعده و يردد : لا حول ولا قوة الا بالله .

ظل شوية و كام من مجانه وكعد اعلى اطراف القريولة ، تجى روحه و حط عكسه اعلى الوسادة الناسمة اعليها .. اصطكيت بمجاني .. جر الشيل من راسي .. فزيت و هميت ارد اكومن ، حط ايده اعلى راسي و كالي : مجانج لا تتحركين

كض كباية شعري و جراها .. انفل شعري بيده ، انداريت و هو دفعني للوسادة بصدره و يكلي : هشششش ...

- ميل عني

-غمضي عيونج و بس .

سحبت روحي وكمت من عنده ،كض شعري : اااااي شعري هده .

ارتفع من مجانه و حط ايده اعلى الدكمة و طفة الكلوب .. كام كلبي يدك وجسمي كله يرجف ومامش غير خنجر اعلى بالي ، اطي روحي و اعوفنه ..

سحبني و انا اجرن بروحي ، و هو يكلي: لا تعقدينها ..

- اعلك الضوة

- شتسوين بالضوة ، عيفي ، بس كربي .

-اعلكه ..

كا من مجانه مغتاض و علك الضوة ، ورد فتح فراشه : ميل عني

- اميل عليش انا رجلج .

حجاها و هو يسحبني اله ، ادفع بيه و هو يتكاوى ..

وصلني وانا ابجي و ادفع بيه ، ابتعد مني مغتاض كلش .

سحبت الغطا و انا ابجي ، حجا : دم مامش يبت الشيوخ

دنجت راسي و انا ابجي ، كام و لبس دشداشته و جر ايد و حجه : بجي لا تبجيييين و حاجيني شنهو الاسباب

- اسباب شنهو انت بعد كل السويته جاي ادور وياي اسباب ، ميل عني .

- دم مامش .. شنهي سالفتج

- شكصدك

- انا الرايد اعرف الكصد شنهو ، كليلي غلطانه ويا واحد ؟

- انت شجاي تحجي ..

- بسج بجى و جاوبيني شنهي الأسباب ... خذيتج من بيت اهلج برضاتج .. ما غصبتج .. مانعتني عنج و ادفعين بيه و ما رايدتني علييييش ، جا غير افهم اسبابج شنهي .

ظليت ابجي و اعاين بي ، الزلم تحول وحيد لاخ ، الوجه انطعن احمر و كام يطي الوان و العصبية ظهرت اعلى كل ملامه ، اديه ترجف و حجايته يحجيها همس و بعصبية

- ولج يبت الناس احجي انا ما رايد فضيحتج ، اهلي ناطرين بياض و ابوي يو عرف مامش دم .. يدك لهلج طبل و فضيحتهم اعلى كل السان .. كليلي ويامن غلطانة

- وعلي ما غلطانة ويا احد ..

حجيتها و دموعي تهل

مسح وجهه و حجه : اسمعي راح اكربنج .. بجى ما اريد و ايدج ما تدفعني و لا تميلين روحج عني افتهمتي .

ما جاوبت بس دموعي تجري و جسمي كله يرجف ، طفى الضوى .. وفتح الفراش .. حطني اعلى ايده و كال : هششش لا تبجين

- وعلي ما غلطانه ويا واحد .. بيش تريد احلف الك .. ما غلطيت ويا احد ..

- اهدي و كفي دموعج .. و اذكري الله

- انا ما غلطيت

- هششش

كام يهدي بيه و يمشي ايده اعلى شعري .. و يحجي : ما رايد غير تهدين ، جسمج جاي يرجف

- ما اريد الفضيحة لهلي ، كلشي ولا ابوك يفضحهم و علي اموتن .

- عاملة شي

- لا وعلي ، و العباس ابو فاظل عمري كله محد كاضني والله العظيم .

- مصدكج ، اهدي و هدي الموضوع ..

سحبني لحضنه .. وانا كل شبر بعضاي يتراجف و انا اتخايل سمعة اهلي بحلك سلطان و هو ناطرها نطرة .. من اتخايل اليصير اهيس يرد يغمن عليه .

كام يمسح اعلى شعري و هو يكلي : مصدكج .. بس لا ترجفين اهدي ..

رفعتله راسي .. ظلمة هندس بس وجه و انفاسه جدامي .. حجيت : ويو نشدوك

- انت عليش متأكدة مامش دم ، هساع نهدا و نعيد الامر و يفض لا تخافين .

- و يو ما طلع

- ظل ساكت و هو يسحب براسي و يرجعني لصدره .. يكلي اهدى و انا تخيلاتي ما جاي يخلني اهدى .. كل فكرة تطرى اعلى بالي اطير عكلي من مجانه و انا اتخايل اخوتي منكسين عكلهم من وراي .

حاول بس يخليني اهدى بس ما جاي اهدئ .. رد يشم بشعري ويلاعب بخصلاته و ردني للتخت .. و عاد وياي بهداي

والمصيبة مامش دم ..

كعد لبس دشداشته و فتح الضوة وهو و مدنج راسه و متونه باين اعليهن الحمل .. ودايخ ، و انا لامه روحي وابجي و احلف : وعلي ، وروح الحسين ما غلطانه ويا احد .. والرسول محمد ما غلطت ويا احد .

- ولج بويه اهدي ما تاهمج وعلي ما تاهمج ، بس راسي افتر بس خليني اوجد امري .

- ويو عرف ابوك ؟

كام يمسح اعلى وجهه .. و دايخ بأمره .. وانا ملفلفه روحي ، جريت ثيابي كض ايدي و كال : اتحمليني اعلى الضوة .

ورد فتح الفراش و اخذني عده .. وعاد وياي

ونفس الموضوع .. دم مامش .

كلبي فرغ .. وروحي صارت باطرافي من الخوف ، شفتي غدة زركة و شما اريد اهدى ارجف ، فتح المجر و جر مكص زغير مالت شوارب .. كضاه و رفع ادان دشداشته ..

مرر المكص اعلى ايده و جرح روحه و كام يعصر بأيده و يطلع الدم منها ، تكرب من السرير ، اخذ الوصلة البيضة وكام يمسح ، ظل يعصر بيده و يمسح .

عاين على الوصلة كال : هاهية ، لبسي ثيابج .

- لبست ثوبي وهو توجه للباب يفتحه ، جريت الشيل و لبسته اعلى راسي ، طلع من عندي .. و انا كمت اراوح بمجاني و اطكطك بأصابيعي ودموعي تهل و ما خليت اامام ما نخيته .

اجت اخته وهي تكلي : بالمبارك اعبيبة يجعلها دخلة مباركة و الله يهنيكم ان شاءالله .

ظليت اتجاوب وياها و اتبسم الها كوة ، بس اريد اعرف جسام شنهو تصرفه .

طلعت من عدي هي .. وانا اعلى نار وروحي موجرة ..

رد دخل للحجرة ، ويا ما دش طفت الكهرباء .

حجيت: شسويت ؟

- اششش لا تحجين اي شي

فك الباب و صاح : سعاد الفانوس جيبي ليجاي .

جابت اله ، خذاه من ايدها و حطاه اعلى الميز وصك الباب ، حجيت : يعني ما راح تكول لاحد

ما رد علي ومشى للفراش .. فتحه و نام .. تكربت و كعدت اعلى القريولة .. منجطل هو و حاط ايده اعلى كصته و صافن بالسكف .

- مصدكني يو لاله ؟

- ما رد

تنهد و هو يدور وجهه ، حجيت : عليش ما تجاوبني ؟

فز من مجانه : رايتج بيضة اطمني ، محد يجيسج ولا احد.يجيس سمعة اهلج .. نامي و هديني بروحي رحمة لوالديج .

- زناد موش بالليل ياخذ اختك .. عليش ما اجا

-رايدة تروحين وياه لو تبشرينه بهالفضيحة يو شنهي

- انا بس نشدت .

-تأجل اعلى باجر .. نامي .

حجاها و اندار انطاني ظهره ورفع الغطى ليفوك راسه .

كعدت بفراشي ما اعرف شنهو الأسوي .. سترني ودارى الفضيحة عني ، لجن شنهو موقفة ؟ شراح يسوي بعدها ؟

راح يخبر اهلي يو يضم عنهم

ويو خبراهم اهلي يصكدوني يو يتهموني ..

عدى نص الليل و انا بظنوني ..

وحتى هو ما نايم .. الليل كله يتنهد و يتكلب بفراشه ..

الى ان غفيت اعلى حطيتي و هو ظل كاعد .

ليغاد فكيت عيني .. هو ضارب عكس و كعد يعاين بملامحي .. فركت عيني : ها

- امس ما نايم من الفرحة .. و اتاني الصبح يطلع خاطر املج .. و اليوم ما نمت و هاي طلع فجر جديد لجن الفرحة طارت من عيوني .. ما اعرف الله جاي يختبرني يو شنهو ما اعرف .. النوم ما ضكت طعمة يبت الناس .

كعدت من مجاني، تعدل هو .. وكام

راح توضى ورد صلى الفجر ..

ظليت كاعدة بمجاني ، هو فك الباب و طلع ..

تبعته و طلعت وراه .. وصل للديوان

ابوه كاعد وحاط اديه اعلى عكازته .. وكل اليكعد.يحب ايده وراسه .. جنه ملك بالبيت موش ابو .

دنج جسام و حب ايد ابوه ، و حب راسه ، و اشرلي اعمل مثله ،كربيت حبيت ايده .. اشرلي اعلى راسه ...

رفع عينه و عاين علينا .. طاحت عينه اعلى ايد جسام .. من متوضي مسرفن اردانه و طالعة ايده .

انتجى اعلى عكازته و كام و كاله : جسام .. ان جنت تظن ابوك كديش و تمرمر اعليه البالك اتكون غلطان يوليدي .

ابوك متزوج ٧ نسوان ... اندار ليه

كلهن بنات بيوت و ان جنت بوصلة امس توهمني هاذ نيشان عرس ، فايدك المصوبه تشرحلي الضامه عني .

نيشان مرتك وينه يجساااام ؟.....

رواية كحل عرب الفصل الثالث والاربعون

انتفاضة عشك )

جينة مشتاكين وبلهفة

اوتسد بابك علينه

عريان السيد خلف)

سرحان رديت من كاع ال تجيل وانا مدوهن شنهو موقفی و یا صويحبي و شکلله ، تاب و غیر

حاله خاطر يحظى بحلال ... تالي وصلت للحلك وكالت لاله ...

شكلله ... رفضت و ما رادتك .. شحجي .

اسوقن و عكلي مشتت ...

والوم بيها .. شكتر وديت عليها ، شكتر كلت الها هدي بيت زناد خل اخذنج ما ردت تالي ترضى بين تجيل . اااااخ رادیون اخ ...

دشينا البيت ، توني كعدت ... حطت جدامی بشرى الزاد ... كلت انها : سهمج العافية ما اريدنه شيلي

- جا ما متغدي

روحي ما تهوى الزاد ، مبتلش بمصيبتي ، يو اجا خنجر مطلعله و شکلله ؟ سوایت رادیون ها تتبلغ .... ذبت روحها للنار بديها الا ال تجيل يتبلغون يتجرعون ووحيدهم حاد ستونه اعلينا .

صيحة : هلا بيمة وديت

ظليت مدنج مشتت بسوايتها، حجت : يمه تراها الخاتون موش طويبة و الزاد من امس ما حاطته بحلكها ، واليوم حتى الماي كطعته .

عليش ؟

ما تهوى ، ساعة ووكتها بايد جسمها وما بيهاش حيل الحجوة .

- اكومن اشوفتها

کمت من مجاني رحت ليها ، كضيت اديتها و حجیت : هايمة ، شعلومج ؟

ما ردت علي ، بستان کضیت اطرافها باردات لجن الغرفة موش باردة و هي مدفاية ، الدرت الصبيحة و كلت الها : خلى ادريس يذهب السيارة خاطر اخذتها للمستشفى ، اذا ظلت اعلى

ها الوضع تطيح .

تعاونت وياي امي و شلناها .. طلعنا بيها من القصر ، توني جاي اكعدتها بالسيارة ، وكف خنجر اعلى راسي : ها كواك الله ابو مأمون .

تنهدت و کلت اله : هلا خوية

جاوين ؟

الخاتون مريضة و لزوم اخذتها للمستشفى ، قطعت الزاد من امس .

امش وياك ؟

لا يطيك العافية، اذا اخذتها

جا ما عدي شي ، دمش امش

صعدن امي و صبيحة بالسيارة و ادريس نزل و طلعنا انا و خنجر للمستشفى ، حجه : ابو مأمون انا اعرف الشيخ توه متوفي الله يرحمه ، والظروف موش مالت عرس ، لجن الطينك خبر كيل جم يوم ، و جاي اكتلك باجر انا و اخوتي و عمامي كعدتنا عدك ، تملح وناخذ المرة بلا صفكة ولا

هلهولة .

تنهد و انا اكلله : كل نشوف الخاتون ونحجي بعدين

انا اعرف البت عد زناد و زناد مصمصم بطبها لال تجيل، هل اريد استعجل ، اخوي اخوي جيبها اليوم خاطر افضنها باجر .

ما ظل باجر يخنجر و فض الأمر و انتهى

شنهي يعني ما افتهمت ، زناد معاند ؟

موش قضية زناد، لجن البت اطت موافقتها اعلى ابن تجيل ..

شلون است موافقتها ، البت يعني انا ادريها موافكة بزواجتنا ....

خنجر انا مستحي منك يعلي ، بس اتمنى هالموضوع ما يسبب شرخ بيني وبينك من كونك

انت ازود من الخوي ومالي حزام غيرك اشدن ظهري بيه

السالفة شنهي يسرحان؟

اخبتي عرست و عکدوا الملحة الظهر وهساها ابيت ال تجيل .

اندار اليه و ما نطك ولا بجلمة : رحت ليها و اعرفتها مغصوبة لجن هي وافكت اعلى ابن تجيل و مشت خاطر ما نتكاوم انا وزناد .

بس انا جهزيت الأخشاب الطلبتهن مني والنيشان و خبرت اهلي و عمامي .... يعني شنهي انتهت .

- تنهدت : كلشي بالقسمة و هي هاي قسمتها ...

- وكف السيارة

خنجر

بروح ابيك نزلني ، سرحان وكف

وكفيت السيارة وامي وصبيحة يحجن وياه ويواسته نزل ... نزلت وياه هو ومشى ، لحكته : خنجر، اوجب ، خنجرررر

ميل عني رحمة لابيك ميبيل

خوية بس احجي وياك

شتحجي 5 سنين و انا انظر، غيريت من روحي خاطر اعجبتكم ، تاليتي يتفضل اعليه ابن نجيل .... عليش عشمتوني، عليش خليتوني ابني بيت و ابني احلامي و هديتي وبيتي

عليييييش

وعلى موش راضي و انا مطيها الك و هديت اعلى آل تجيل و هي ما ردت ، هي الوافكت

انا ياهو والاسيكم بالشيوخ ، انا العاينت فوكی و نسبت روحی شنهو و منهو ... هدني .

دفعني ومشى .. رديت للسيارة اسوقن : ساعة الكشرة يوم الشفت بيها ملوك و خلفتها ، انا من ساعة الاجيت الدنيا و هي مجابلتني معلول بروحي .... انا انطيته و كلت الها يراديون عرسج الخميييييييس ... توافك شنهيييبي ... فكرت بزناد خافته يتفشل جدام الزلام و ما فكرت يفشلتي

جدام صويحبي ... انا الواعديته و تالي بت ملوك تكسر بيه و تفشلني وياااااه

جايمه بهداي ، البت هم مغصوبة

- محد غصبها و الزلمة مخيرها و هي الواقكتها خاف زناد بنفششششششل ، های شکلها كليلي عملتها هاي انا شلون اعديها و شئون ابلعها ااااا، تجيل اطي مرة ، و بت شيوخ .... هدوة و هي يتهم سيوها وردوها معيوية ومامش مجان بجسدها صاحي .... ولطيهم مرةةةة ... الله لا يوفقك يا زناد ولا يوفق امك .. من يوم اللفت امك وابوي ما شاف الخير ... رس كواويييييي "

انعل عشایر ررررهم .

امك براسي اتقل بنص هالسلف و اهدنا و امش لبغداد انا شهدي بنص هالرعيان ، زلمة اكعد ابغداد و اسکت بس هكو غير ابوي الوهدناني بكعدني بها السلف ، كتله بوية ما اريدن ، طبايع ها لبشر ما اودنها ، ولك بويه عوووووووقتي غاد .. جابني و بلاني بهالوادم الما يكصصها حيا .

دش ستار للبيت و هو يشكي من بطنه .... تلكته كواغد : ها يمه سلامات شمالك

- يمه مصارين يطني اهيستها تتقطع

خاقتك مستبرد بیمه ؟

هو وينه البرد و استبرد يا يمة

جا اخافك ماچل شي موش موالم بطينتك

هدية : استريح يا خوية وخل اسويلك بابتك ...

کند و سال : جا لاله وينها ؟

کواغد : اخياتها ملتمات واجا ابوها اخذها .

وانا شنهي طرطور هنا ما تكلى .

جا شنهي الفرك ان كالك وان كال لا يوك، غير أبوك جان موجود و كاللها روحي عمي و انا

اجيلج باجر اخذنج .

كام يلوي ابطته و هو يتوعد : نجي يو ما تجي انا اعلمتها ها لمستخفه هاي الما حاطتلي كدر .

يواشك يمه وياها شمالك جا غير خذت شور ابوك .

لا ادافعين لابت الحيج يمه ، هاي استخفت حيل ويترادلها جرت اذن .

حجاها و كام يعصر ابطنه سكنت عنه كواعد .... جابتك هدوة البابونك .. وشربها و كاللها : انا

رايح ليست عاد

هدية : هم بيه طناطل ؟

ستار : لا موش مثل كيل ما جاي اهيس شي، پس من انا من اكويس ...

احسن ...

طلعت امي وصلته للباب ... و هو راح ردت و هي تكلي : مدري شماله هالولد شاد و يا لويله ، و

هي موش لين بت اخوي بس والله ما منها صوج .

یمه ام پسرى مشتغلة جناينها كلها سحورة وحاطة رجلها وولدها محابس بديها .. وينها على طريحها .

- جا موش بعيدة

يا فلك ... خابية بس لا صكد .

لزوم اخذ لويله وامش السيد خافتها مسويتلها و كاطعه عنها الخيالة ؟ هل ما تخلف .

الخذيها جا ما خسرانة شي، هلبت الله وتحيللها بفررخ

حجيت و انا اشيان ابني امنية ، حجت امي : اليوم سمعت من التساوين العصر بالقراية ، بيت تجيل ما خذين رايدون

- ياااا ، عليج العباس

ای والله هیچ سمعیت

مت عيني عليها .... موش خاطيها خنيجر شلون خذوها إلى الجيل .

سلطان و ما ادراك ما سلطان ... و صف و یا زنید جا شتظنين بعد .

وشحالها ؟

تلكين حال الضيم حالها .

مت عيني اعليها التكتب اعليه الكتب أعليها .

قسمتها بعد جا نسوي .

حيل ضجت ساعة العرفت رادیون عرست و راحت لال تجيل وهي الناطرة عرسها أعلى الخليجر حتى بجيت و سجین ادموعي اعليها .... جن العنك بهالسلف محرم اعلى وادمه .. مامش وحيد

يحظى بعشيكته ... ولا فاخ كلب وحيد بولفه .

خنجر يومها هج للجول ... مامش غير بطل العرك يشرب ويحاول ينسى و يجرع مصيبته .... صاح و صرخ بنص الحول و بس رفحانه الشقاوجية مجابلينه .

شرب ليما تاخ ...

ساعة السمع حميد بالديوان بت الشيخ مطر نطوها لابن الشيخ سلطان ... تسودن و طلع يدور اخيه ... لجن ما لكاه .... رد للقصر ينشد اعلی سرحان و سرحان بالمستشفى ويا الخانون ... ساعت

حالتها وزادت ...

المستشفى بلغو سرحان ... ان ساعتها قريت و المرة جاي تعالج ... ردها للبيت و اقرا عد راسها العديلة .

صار الصبح

وطلع فجر جديد اعلى ديرة الى جلوب ، و كل شيال كلب ... كليه هايم بسالفة .....

صحت کواعد و اهي شايلة هم بت اختها لالة من يسرى و امها ....

و صحى سرحان و هو شايل هم خنجر و متفاضل وياه و شايل هم الخاتون الطايحة عده .

وصحی حمید و هو يدور أخيه

و صحى زناد و هو ناطر الظهرية يزفوك مرة جديدة يحطها ابيته ....

وصحت راديون اعلى مصيبتها الما جانت اعلى بالها .

سلطان : نیشان مرتك وينه يجساااااام .

جسام : النطيته الك هاذ نيشانها .

حجاها و هو يدير وجهه و يمش .

صاح سلطان : جسااااااااااام

وكف : شبهو الرايده يبوي ، حدها الروح واصلة الهامة

نعمة : احج ويا ابوك عدل جساااام.

سلطان : جاي تضمضم لبت ال تجيل .

ما ضام عنك شيء و ما عدى في غير الكلثه

مشى سلطان اعلی عکازته و کاله وايييييدك هاااي

انخدشت اول امس ... اترخص منك ، عريس و ما نايم ليلي .

کضاه نعمة : من الحج ويا الوالد دنج واحج ... وهد عنك الحجي المعلك .

سلطان : هذه ينعمة .

مشى جسام و راديون واكفة اعلى صفحة الكطك باصابيعها ، من شافت جسام ملی ، صاح

جسام : عدج

اندارت ليه، هو رد المجانه و کمد و حط ايده اعلى عكازته ... وصاح : نجمممممممممة

- أمر يبو نعمة

رايد اعرف الحك يم جاسم .

تامر .

راديون اعاين الهم وخايفة منهم ... خافتهم يعرفون الصار ويفضحون أعلي ، شما احاول اثبت

روحي و ما اهتز ... لجن كلبي يرجف و موهدته بامري .

اندارت الى وكانت امشي مشيت و عفت سلطان ... وولده ياهو اليكعد ينزل يحب ايده وراسه . اطتني مسطحة وكالتلي : امشي ويا النسوان جيبي ماي وردي .

حجت ضرتها : خلها نترس من الحنفية .

عاينت الها و هي تخزرها و تكللها : الماي مكطوع

خطت بيدي و خذتني مرت ابنها ومشيت ، لا حجت البت ولا انا حجيت ، كلبي موهدن بمصيبته خافن يعرفون والفضح و اهلي ينفضحون .

رديت للبيت ... بيته جبير لجن موش قصر مثل قصر ابوى الصار السرحان، ذاك يكفى عشيرة تسكنه ...

عطيت البيت و انا الماي فوك متني .. حطيت الماي وجرتني نجمة : اسمعي يبنيتي ، حسبيني مثل امج و احجي وياي ، انا ما اريدن افضحنج .

عليش الفضح انا ما سويت شي

بس جسام يكول ما طلع منها دم ... و مغتاض ويكل لابوه رايد اطلكها و يو طلكج باول يوم

عرسج .. تنفضحين عكل اخونج تطيح بالطين .. وتنكسين روسهم .

انا بت الشيخ مطر وموش انا الاغلط و اجيين الفضيحة لاهلي الله يعلم انا ما غلطيت ويا

وحيد ، و آن جان ما طلع دم ... موش ذنبي انا جاي اكتلكم ما غلطیت و یا احد ولا های طبايعنا .

يعني ساعة الكريج ما طلع منح دم ؟

ما اعرف شنهي الأسباب، لجن وعلي انا مالي ذنب ، وروح ابوي ذاك العزيز من عسنه العباس

يعابيني ويموتني بها الساعة يو غلطيت و شوهیت عکال ابوي ...

بیش صوب ایده هو ؟

ما اعرف ، بس عمة دخيلج انا ... بريه وروح ابوي .

والله بيمه ، انا شكدر اعملي ، راح اروح اثر جاهم و احین اديهم هلبت يرضون .

حجتها ومشتني و هي اتفوتني داخل مشت للديوان، وانا مشيت للحجرة, جسام متعدد وايده اعلی راسه ، ساعة الدشيت ، كعد من حيله : وين رحتي

اجبین های

موش البوري يجري ، عليش طلعتي ؟

نجمة كالت ما يجري .

توني غسليت منتشتته

- عليش تصيح من ساعة الدشيت بيتكم و انتم انکشون بوجهي و تصبحون على ، شنهو الجنيته وياكم .. حلفت الكم انا ما غلطيت و يا احد و روح ابوي انا مالي ذنب .

هشششش حسج رايدة تشهرينا انت.

انا اشهر روحي يو انت التكل لاهلك ما طالع منها دم ... كتلي نامي و تطمني ، و اطلع و تروحتشكي لاهلك وتفضحني جدامهم ... هاي موش فعايل زلام ....

حجيتها وانا ابجي.

فتح عيونه حيل و هم من مجانه و اجا عدي : شحاجي انا ما حجيت شي موش جدامج كلت له هو هاذ النيشان .

توها حجت وياي نجمة وتعرف بالموضوع ، جا يا هو الكتلها غيرك .

شتعرف انا ما كايل، لا تكليلي سحبت السائح ؟

سلطان : حساااام

التفت و هو كاض براديون و يسمع أبود اعلى الباب، همس : لا تحجين اي شي وحط ايده اعلی حلكه

فتح الباب لابوه وظل واكف اعلى الباب شال عكازته وحطها اعلى صدرة : تجذب اعليه ولك

عليش اجذب

لا تتراوغ وياي .. و احج ولك

حياك دش

جسااااام

بوية البت نيشانها عدك ... رايدني اجذب عليك و أكلك لاله ؟

دفع ابنه بعكازته و دش للحجرة ، انا بسمريت بمجالي ، يعني نجمة جذابة و حسام ما حاجيلهم و انا شكيتلها و حلفت الها ؟

تكرب مني و حجه : وانا الانشد عليش سريحان اجا ليجاي يهاده وما يريدج تظلين ، التاريخ مغيبوبة بيت مطير ...

يعيب اللي يعيبني ، انابت الشيخ مطر و الزود لابوي ، و موش بنات الشيوخ الينعاين .

و تحجين بزود ولج

دفعني بعكازته و صاح : و تحلفين بنجمة تستر اعليح وجدامي تحجييبيين بزوووود

بالمنهوووووبة

هم جسام و کض ابوه ، دفعه و هو يصرح : ايدك على وووووووولك

كنت اعلی حیلی و حجيت : موش انا الحلفيت نجمة ... ولا انا التوسليت بيها ، أن جان نجمة تجذب خاطر تعيب اهلي، فعدي اهل ياخذون حكهم وزايد.

نجمة : طلح العباس كون ، انا الجذب ولج .

جسام : بويه انا جاي اكتلك قاطعه سلطان و هو يصرخ : جسااااام اطلع منا

بوووويه

جراه نعمة و هو يكله : هذه وامش

وضل يسحب يجسام و يطلعه ... خاطر ما يشهد وياي ، كليبي يرجف ، بس جان عيني اهتزت يو دمعيت كبالهم ، بالكوة النزلت علي بذيج الساعة لجن ما عدي غير اجذبتهم و ادب الحك عليهم ... دام رجلی صاف و بای و مجذبهم .

طلعوا جسام و سلطان حجه : العدلج يبت مطير و ما اهدنج الا وانا مطلع الحك .

راديون : الحات سمعته يعمي و غيره ما عدى .

جابتله نجمة السكملي حطو وكعد و هو يكول : ولج انا سلطان ... وانشدي على وخلهم يحجولج .. افرن اعكول و انا بمجاني موش نجي بت بكنج تجذبني و اطلعني اعلى باطل .

حاشی اجذبتك و انت عمي ... لجن ما عاش اليدور الفضيحة لاهلي يو يطش بسمعتهم .... ضاحي جدي و ثورة العشرين تشهد الامجاده ... و اليدور الزله اعليه كل يدور بعيد علي من

كولي طلعت شجرة زيتون ما تذب الثمرة الردية .

سمع بأسم جدي وهو انتفض من مجاله : تعلت الله اعليج واعلى جدج ولج .... ضااااااحي ما ينضكر ابيتي ...

وانهم اعليه يطكني بعكازته ... ويضرب ويصيح ما يتضكر ما ينضكرررررر .

ويشتم يجدي ..

طلع و هو يصيييييح : تعمممممممة

- امر بويه

تأخذ هاي المعيوبه و ترد بيها لبيت زناد و تكله يغسل عاره اخيته موش بت وبياضها ما طلع

صاح : فهمت يجساااااااام

جسام : البت بریه و رايتها بيضه ، وما يجوز هالحجي

سلطان : حسااااااااام

حجاها وطلع للديوان وولده ملتمین اعليه ، صاح : جسام يو تطك و حجا غير هاد الحجي ، ما

اتفاهم و يا واحد بيكم .... كلكم اجمعتكم.

نعمة حر راديون من راسها و خطاها بالسيارة و شحطها لبيت الزناد ، و اخوة جسام التموا اعليه

غير الحجاه ابوي ما يتكال ... فهمت

المرة ملحت اعليها ومساها عرضي، شلون راضين الفضيحة ليه و انا اخووووكم

اليت خذيتها بولا ؟

خذتها ورايتها بيضة و الجاي تسوونه ما يجوز .

ابوي يكول جذب

موش جذب و نیشانها طلعته امس

تحط ايدك اعلى كتاب الله و تحلف

الله و كتابه ما يرضى بالجاي تسوونه

تحلف .

- امشووووو علي

تعال جاااااي ، لو نطكت بغير الحجاه ابوي ، ما تسلم جساااام

- ابولا رايد الفضيحة

و ينفضحون دام بتهم معيوبه .

صلاتك وين وانت مستسهل الفضيحة ، خايبين خافو ریکم های بت و احنا عرب شلون

ترضونها تفضحون بت و تشهرون بهلها .

وصل نعمة لبيت زناد، ودك الباب و صاح : يبو يااااااااسر ، وين الشيخ رنااااااد ..

فر زناد و نسوانه الاثنين و ملوك و طلعو اعلى صريخ نعمة ، أول ما فك الباب ، دفعها نعمة و

صاح : اغسل عاااااارك يزناد البت موش بت بيوت و بياض ما الها .

زناد : شنهي الحجي يتعممممممممة

هاذ الحجي يزنا اااد البت معيوبه و العار لزوم ينغسل

صرخت ملوك و زناد کی برادیون : صكد الحجي هاذ ولج .

جذابین و جاي يتهموني و بعيوني باطل .... انا يريه وعلى .

كامت تصرخ و نعمة يكله : البت ما طلع بياضها برناااااااد ...

ملوك كضت بنها و زناد جراها و كام يجتل بيها ويدفر، و ملوك و نسوانه يجرن بيه و هي تصيح

و تصرخ : وروح ابوي جذابين وعلي جذابين ، انا مالي ذنب

نعمة هدهم ورد البيته ... وزناد يصبح : اليوم اجتلها واغسل عاري منها، اليوم اطهر سمعة ابوي

من كليلة الشرف

يصرخ ويجر بيها من ورا امه و ملوك واكفه بعينه و تكله : حيلك عنها ااااا

اطيني البت بمممممممه

بني ما غلطت يزنا ااااااد. ال تجيل رايديلك الفضيحة

شلوووون وبياضها ما طالع.

راديون : طلعلهم بياضي جسام و ابوه جذباه وعلي هاذ سلطان .... انا مالي ذنب وروح ابوي ما

غلطیت و یا احد .

بياضح الطلعاه جسام وينه ؟

- حدر الجودليه ، و سلطان جذباه ... وروح ابوي خوية انا ما غلطت ويا احد و جاي يتهموني باااااطل .

کامت نيجي وتصرخ و هي لابدة بسد امها وكاضة بديالها.

لبس زناد و طلع من بيته اندارت ملوك و بعدت نسوان ابنها و انفردت ابتها و كانت الها :

احجيلي الصدك بياضج طلع بو لا ؟

يمه وعلي ما غلطت ويا احد

انا امج تحجيلي يراديون موش تحلفيلي ... استرج و غطاج احجي يبتي

يمه كريني و مامش دم

لطمت اعلى وجهه : شئون ده مامش ولج

ما أعرف يكلي مامش دم جرح ایده و مسح الدم و اطاه بیاض و لهساع هو ما معترف ويكللهم هاذ بياضها .. و انا حجيت حجابتها ما لي غير الوذ بسد حجايته

وشلون هسته ولج

سلطان مصمصم الا يفضحني يمه و اظنته راح يجبر ابنه اعلى فضيحتي .

زناد منهور و عصبي واخافن لا يتورط وياهم وتنفض .

كامت من مجانها طلعت وكضت مرت زناد و كالتلها : اتلبسين عياتج و تروحين لبيت سرحان و

تكليله يجي بساع ، الفضيحة راح تطول اخيته .

گشت عباتها ليلى و طرت الدرب ودكت باب القصر طلعت انها ام سالم : ها حالة تفضلي ؟

سرحان وينه

جوا توا کند

دفعت الباب لیلی و داشت و گالتله : الحك يسرحاااان

سرحان : خیر سلامات

ال تجیل ردو رادیون و يكولون موش بت و بیاض ما الها و هساه ابیت زناد و زناد راح ليهم

فز من مجانه بهمه و كاللها : شتحجين انت ؟

جاي احجيلك الصار ...

سرحان : الاتسمع ما اريدته يطلع والبطلع جلمة لسانه احشه ، تدهولي كريم بساااااع ، ام ادريس

- ما حالة

وصي ادريس يجيب الشيخ للخاتون بقرالها العديلة، الزوم اروحن انا .

طلع من قصره ، كض سيارته مرت زناد كعدت و را و طار بيها ... وصل و دش البیت ، گفته ملوك : الحك يسرحاااان الفضيحة اعلى اعتابنا

راديووون وينها ؟

داخل

راد يدش گفته : انا احجيلك ولزوم تفهم مني خاطر تعرف شتحجي البت مالها بياض و ما طالع لجن ابنها مطلع الدم من جسمه ومطي بياضها ... و لهساه يكللهم البت برية لجن سلطان ما میکده ...

لا تسودنيني راديون موش بت

تحلف و تتكفر مالها ذنب، ما عرف شنهو الصابر لعبة من ال تجيل .. شنهو الصابر ما اعرفته لجن مالنا غير نكض بجذبة ابنه البياض الطلعاه ابنهم حدر فراشهم ... لزوم تحكهم بها لجذبة و

تذب الحك عليهم، الحك زناد تراه عصبي ويو عصب ما يوجد احد.

اسمعيني عدل تاخذين راديون وتخلينها ابيت عمي رحيم و ما احد يعرف بيها و هالامر يضل بيني و بينج حتى زناد لا تكليله .. وانا رايح ورا زناد خاطر افهم السالفة منهم .

مشت ملوك بساع، لیست نقایها و بوشت بنها و طلعت بيها ، سرحان طلع ، ويا ما جاي يوصل

سرحان، زناد لاف بسيارته جدامه ، اشر له ينزل .

و یا ما نزل و سرحان نزل ليه ، ودفعه حييييل : هاذ الجنيته من اااااااااال تجيل ، كلت الك

عدوین ابويييبي لا تصاحبهم .. كلت يوووووو ما كلت .

انت جااااااي تلوووووومني اختنا مامش بياض الها ، و جاي تلووووم بيه ، خلنا للم الفضيحة

ويوما نامت راديون يتغسل عااااارها .

العار اعليك بالدرررردي ، شعملت بينا بسبب غرووووورك

قضاه زناد آن جنت رايد تتجاتل وياي موش وكنه يسرحاااان ، رحت ليهم و كلهم جلمتهم وحدة و رجلها مامش .

لزوم تلكا رجلها خاطر نجذب اهله

و فضيحة سلطان ؟

دام ابنه موش حدر ایده سلطان ما يكدر يحجي شي اذا ابنه جذباه يتفاضل بين العشاير ويطلع بالوجه الاسود ... ذي البت ابيتك خاطر يفتعلها ، وأنا طلعيت راديون من بيتك

وين وديتها

مالك غرض اللي لزوم تلگاه مساع جسام.

سلطان : جسااااااام وین

- عافنا وطلع

- عافكم وطلع شهيييييييي انا كلت الكم ما يطلع يوووووووو لا ... كلت الكم ما يحجي غير الانا حجيييييته .

بوية زلمه شکده شکیره شنکدر نکضه، ما يرد اعلينا و يطكطك بسوالف الدين اعلى روستا .

شنحج و صاح الله کال و محمد حجه و علي وضى .....

اطلعون جسااام من حدر الكاع وتجيبونه عد اجدامي ، يساااااااع باله .

رد سرحان ثبیته ، و زناد وياه و الدرب كله سرحان يحجي على زناد ... و يتعاركون حجي هاذ يلون وهاذ يرد و لمن توصل للعركة كلش يسكنون ... ويرد سرحان يحجي .. ليما وصلوا القصر .

دش سرحان ، وكف الحارس كاله : ابو مأمون اجا عليك جسام ابن سلطان .

وينه ؟

نظرك هنا شواي و كام كال اردته العصر عود .

سرحان : يا الله دامه اجا بدون ابوه و اخوته معناه بعده اعلى رايه .

زناد اعلی رايه وماية بس الحاد شاهی، رادیون صكد مالها بياض يو بريه ؟

احبك تصكدها بلا شوف

ویو جان صكد مالها بياض ، شنهي احطلي کرون و اصدکها و انطر رجلها يتفضل اعلينا عليت بسترها و پردها لينا وره جم شهر.

رايد جعلتها ؟

البت مالها بياض ، شنهی مگرنین و نسکت .

و البت تخلف مالها ذنب .. والشيع اعليها ال تجيل موش غيرهم .... من هاذ تفكيرك انا بعدتها من بيتك ...

الفضيحة بو وصلت المضيف الشهر انا و عكالي .

اللي لازم تلگاه هسه جسام وين الله و ابو الحسن علی و نحظى بيه ... جا فكينا الشدة كلهااااا دامه وياها .... بس المشكلة انا حزامي خنجر اللي انت ما رضيت تطبها اله و هماه ما ادري

بحاله ... الله لا يوفقك كون بجاه العباس .

العباس يطكك وافتك منك .

کام زناد و طلع من البيت ، سرحان مشى خابر اعلی اخوة الخاتون خاطر يبلغهم بحالها و يجون السماوة، الطاهم خبر ، و طلع يوصي سالم بدور جسام ...

راح للمضيف زناد كاعد : كون خيرت احد؟

شخير بس وصيت احد وين ما يلكا جسام يصيحه ويكله زناد يريدك

- زين تسوي

همه شراح تسوي ؟

امتنا البيتك لزوم نوصي اهل بيتك ما يطلعون السالفة ، مثبت جسام مار غاد اعليكم.

مشوا للبيت كريم كاعد و راديون تيجي وملوك واكفة ، فر زناد و صاح : ولج شوهد لتينا و يا

الوااااادم بربوووووووو

کشاه سرحان ورداه و اندار الملوك : انا شكلت ؟

ملوكا : ان جنتو رايدين الفضيحة هاي هي جدامكم اجتلوها و افضحوا ارواحكم

سرحان : انا موش كتلج وديها البيت عمي كريم ليما تلكا الحل وتكض رجلهاااا

ملوك : الحل مو بطلعتها انا خذتها ومشيت و نص الدرب ورديت... اكعدوا الحجي موش مال وكفة، أن ما كعدنا وشغلنا عكولنا لنفضح .. والفضيحة اعليكم انتم موش اعلى وحيد غيركم واشرت على سرحان و زناد و کریم .

تعدوا وخلنا تتفاهم

کند زیاد و هو يهدد و يخزر براديون ، وراديون تبجي .

ملوك : اسمعني يزناد الوكت موش وكت هواش ... اذا ما حطينا العكول بالراس ، روسنا تصير

حدر الرجلين

سرحان : و الرأي ؟

ان جنتم ناطرين الفضل من رجلها ... بفعلتكم هاي تحطون سمعتكم حدر ایده و يو يتكرم اعليكم ويسترها يو يصف ويا ابيه ويفضحها ... و بها لوضع حياة بتي اعلى جرف الموت .

زناد : تستاهل الموت

ملوك : وأن ماتت الفضيحة ما اطيح عنك يزناد، ويضل يتأشر اعليك ..... هاذ الاخته معيوبه و جنلها .. اختك هاي يزداد .... يو شفت احد راكبها ... ايريها وكول ما شفت

جا کلیلی شد استیل و اتنومس بیهن

سمعتك هااااي ما تطى بيها زناد انت شيخ السمعة لا تجيبها المضيفك و الجنل لا تحج بيه

سرحان : هدونا من الحجي هاااان، فضيني الراي شنهي .

سلطان جابها لهنا خاطر يفضحها ويفضحكم ، لجن ما عدة دليل اعليها وابنه و هو ابنه موش وياه وناطر ابنه يضغط اعليه خاطر يفضحكم وينكس عكلكم .... لجن فضحة اختكم بطلعته من بيته .. ويو ظلت رادیون خارج بيته حتى يوما عدة دليل راح يشيع اعليها الفضيحة .. و جلمة عروس الردت لهلها مصباح عرسها توفي الفضيحة ان جان محتو بدليل يو ما طحتولكم.

سرحان : کلامج صحيح ... بس شلون تردها و هم تا همینها وابنهم ما حاطين بيه ؟

مالك غرض بأبنهم ... الأريدته منكم تهدون المعارك بينكم وتحطون مشاكلكم اعلى كتر و تخلون اديكم ايد وحدة و تكفكفون اعلى اخيتكم .. واريد البكيس .. و اريد اليرفع .

انت يسرحان تاخذ اختك وتمش لال تجيل وتحكهم بحجابة اينهم ... دامه كاللهم خذيتها ورايتها بيضه و اطاعم بياضها، تكض هالجلمة وتحكهم بيها .

ويو حجو حجاية لخ .. انت التحكيم ....

وتكللهم : أعلى اي اساس جبتو اليت ؟ موش كدم الكم اينكم بياضها امس ؟ موش الصبح نزلت عد ايدك و حبتها وكلشي مامش ؟

والكالك كامر ايده .. يجذب

جذبه و احجي بحيل صدر و خل الحك اعليهم وكللهم : بناتنا بنات الشيوخ و العبية ما تطلع منهم و الحجي هاذ ما ينرضي ، امس طلع بياضها واليوم ياله ذكرتو بياض مامش، شنهو نمتو و کعد تو و و و و ؟

وخط الحك اعليهم وخلي راديون عدهم ورد ... الجديو بعد الحك اعليهم و الما جديو البت مستورة و القضية منتهية

سرحان : وهاذ الحك ... اعلى عينج نور

ملوك موش بس های ... وتحكه اعلى اي اساس طاك اخيتك بصباحية عرسها ، هي تكله انا ما عدي شي ، و رجلها يصبح ويكللهم بياضها صدكي ... و هو صاك الباب اعليها و يطك بيها والا تكول اللي يرضاه .

سرحان : طاكج هو ؟

ای

سهله

ملوك : انت يزداد تكعد بمضيفك ... اليجيب طاري اختك اعلى السانة تحش راسه ... وما تخلي اي واحد يجيب سيرة الشيوخ بشين .. ویو شما جانت الحقيقة تحطها حدرك .. و تنصر اختك و تبيض سمعتك، خوووووش

زیاد دار و جهه وهو يكول : الله لا يوفقج يراديون ساعة الفضحنينة وخليتينا مكرتين نسكته ا على الفضيحة وتطمطملها

سرحان : يو ما عطيتك السودة جا اليوم عرسها وفرحة اخيتك شاكه حلكها بالردي و جاااااااي تفك حلكك انت ابووووو الراهي

ملوك : جا كلنا ، موش كلت مشاكلكم تنحل اعلى كثر و تخلون اديكم وحدة

اندكت الباب ، كام كريم للباب ، و راديون تلبس بنقابها و تبجي ، دش كريم لهفان : سرحاااان سرحاااان

الحك الخاتون اطتك عمرهااااا

صرخ سرحان و هم راد يطلع، گفته ملوك : اختك يسرحاااان .

- الخاتوووون امي ماااااااانت

يو صارت الفاتحة واختك ما راده لبيت رجلها تنفضح و زناد توه رد منهم ، يحكونه بورد

عليهم .. اختك أولى من الفاتحة يسرحااااان .

جسام : طلعت من بيت ابوي وانا كل عكل ما ظال عدي ، البت التمناها كلبي استين ... تطلع

موش بت ومالها بياض .....

جایر شرد اعمل ... اسکت ابوي موش راضي اعلى سكني ... ونجمة سحبت انسانها ودام عرف

الحك ما راح يسكت .. طرد البت من بيته ... شنهو الاسويه

توجهت لبيت سرحان، خاطر افهمنه اعلى سالفة اخته و اطلع من خطيتها ، مشبت للبيت ... ما موجود ، نظرت شوي ، لجن كلت موش مال نظرة .. خل امش اعلى بيت زناد و احجي وياه .

توني جاي اطلع من العجد مالت القصر، و يطلع خنجر رفیح سرحان جدامي ، عرفت هاد الجان خاطبها ، درت عنه و مشيت ... وكف جدامي

خنجر وين ؟

- ميل من جدامي

- خذتها ؟

امش من جدامي لا والكعبة حركة دمي كلها اذينها بيك

بيك خير انزل وياي للبستان و تشوف ياهو اليذب حركته باللاخر

تكافضنا من يا خانته و نزلته و هو يكلي : بجت و رادتني موووووش يو لاله ، غصبتها و

خذيتها ااااااا يال .....

ويا ما حجاها اطيته بوكس طيحيته للكاع ، وطحت اعليه بوكسيات وريحة العرك تعط منه . نمت اعليه و انا اختك بيه ، ما افيس الا السجين تندج بظهري ، ودفعني من فوك صدره ... و جر

حبل من جيبه .

کمت اعلى حيلي .... و هو كام حط القبضة الحديد بیده و ضرب بوکس ابصدري اهيس اضلاع صدري تكسرن حدر ایده، جاب البوكس اللاخ أعلى وجهي، طلحت للكاع فر فوكاي ، كمت اتلوى وياه، خط رجله اعلى جرح ظهري و جر ادبه شداهن يحيل ...

انهد خنجر بلا وعي بجسام و هو شارب ....

وما اكتفى منه ، جراه وخذاه للجول ....

رواية كحل عرب الفصل الرابع والاربعون

نار الغضب )

بعد ما كلك كتلني اجفاك والدمعات تسرح .... راح اخلي النار تأكل والدمع معذور لو شح....

( عريان السيد خلف)

ملوك : اسمعني ، حكك وامك ماتت لجن راديون ما لازم نظل هنا ... لزوم تاخذها البيت عيالها الساعة ، زناد توه رجع منهم و يو رد يحكونه ... وكريم ما يكدر لهم مثلك ... دوس اعلى جرحك و اخذ اختك و امش .

سرحان : زیاد كريم ... توجهو القصر بسرعة وسدوا مجاني ، نص ساعة و انا جاي، ياله رادیووون .

خذت رادیون و طلعت بيها لال تجيل وانا عكل ما يراسي ، الخاتون اللي جانت مجانها بگلبی مجان ام جنازتها ابيتي و انا موهدن بغيرها ... التمن اعليه المشتتات من كل صوب ، منين ما اداور راسی ادوخن

امی

صويحبي

واختي ...

عونك ربي .. راسي ما كام يفسر و عيون اعلى كثر الضغط ما كمت اوجد دربي .

راديون جو بعده حداي بالسيارة و تبجي بهداي درت ليها : لمي دموعي خوية الدمع ما ينفعج بشي وصيري كوية و السائح لا تطينه لاي بشر ، حطي لسانج بحلكج و اصبري، كلها جم شهر و

نحهم يطلكون غصبا عنهم .

و يو طلكيت ؟ يرد الجان اليه

انت الرضيني بوضعج وانا ياما وديت عليج و انت الخفتي من الجية ، جلمات العتب جديرة مضغنات حدر افادي لجن ادري الوكت موش وكنه و اعاتبنج .. كفي دموعج خوية ولا تخلينهم

يركيون حكم يضعف دموعج ...

الجار اعلى هدوة جار اعليه يسرحان خوية .

الله كريم احنا وياج وبيت ابوج مفتو حلج يمتى ما طرى اعلى بالج و حطي بمخج .. انت موش مجبورة بأحد ... اجعدي هالشهرين جفيان شر الوادم .. وبعدها قرري امرج ان شفتي

الجعدة تضر ... بس اشري و انا بيدي اجيبنج .

ظلت مدرجة و تيجي بهداي وصلنا بيت ال نجيل ، دكينا الباب ... فتحه نعمة : ها خييير

بسرحان اشوفتك رديت بيها لينا وما تصرفتو .

تفتح الباب وتكعد نحج يو الحجي وكفة يبن العم ....

فتح الباب وكال : حيال

دشیت و رادیون حذاي، طلعو ولده كلهم ... وسلطان بدیوانه ، حجیت : دشي الدارج خوية . وطلعة من بيت المتج مامش .

سلطان : شنهي الراي يسرحان وراد بعاركم علينا

كض احدودك يعمي وأوجف عدك ... الجلمة تجيلة وما تطيكها صدورنا ، البت امس اجيت وردت اخذتها و انت بروحك ما رضيتلي بطلعتها ، شنهو الصار ورادها بصباحية عرسها ؟

البت مالها بياض، ورايتها سودة .. اخذها وامش ...

ان جان الحك بطرف ... كل طرف يكلك انا الحك .. انت عمي و جلمتك اعلى عكالي ، لجن ردة اخيتي بصباحية عرسها، اعذرني ما أرضاها .. والكلت ما انها بياض ، انا جويعد هنا ، و جيب

اخینی و جیب زلمتها و حل نفصل الحك بيا كثر ...

البت بصباح عرسها و اهي تترجى وتحبحب بأيد عمتها خاطر تسدسد اعليها .. وساعة

ساعة شنهي و انت كاض البت وطارد رجلها من الحجرة و الك بيها ، هاي الأمانة يا ال تجيل

- البت مالها بياض

انا جاعد هنا و صبح اخيتي و صبح رجلها .. ويو اجا و شهد اعليها ، هشاه احطن الجيلة براسها و انهى امرها ....

جاسم : ساعة الردنا تحلف جسام اعلى كتاب الله ما رضى يحلف و كال الفضيحة حرام ، حط المشاكل اعلى كثر البت مالها بياض ، هالسالفة حك واحنا ما ترضاها ... تكعد البت ويجي اخونا و نحط كتاب الله و يحلفون ، راضي .

انا ما ادخل بها الامر ... دام البت عرست وصارت براس رجلها، الأمر راجع ليه يو رضى يحط كتاب الله و يحلف مرته جدام الوادم اعلى سترها انا ما عدى مانع ، غصبا اعلی رادیون تحلف و تبري نفسها .

سلطان : يظهر الحك يسرحان وانا بنفسي اطلعنه ، هد كتاب الله اعلى كثر و ناخذ جسام و مرته لابو فاضل و يحلفون غاد .. والحك اطلعته و انا سلطان اغلب ما انقلب .

- لي ذيج الساعة البت بحجرة رجلها موش خارج ، واي جلمة بحك الخيتي ومترها ، هي جامة بحك عكلنا وتاخذ ثارها مربع ...

کام سرحان ... وهو يوصي براديون تكض حجرتها و ما تطلع منها ... ليما يرد رجلها ويو رد خلیج حذاه وفتحي انتج اعلى كل حجاية يحجونها ...

راديون : صار

طلع سرحان من البيت وانا مشيت الحجرتي ، ما ادري هاي حوبة خنجر بيه يو الله كاتب اعليه الشكر ... ساعة ايجي اعلى حالي وساعة فكد ابوي و ساعة اعلى خنجر و سنینه و ارد اتفکر وفاة الخاتون وينشد مصابي .

دشت اعليه نجمة و هي تغلط وتصيح بالحجرة و تشتم جيف جذبتها و ما اعترفت بالحجيته وياها الصبح ... ظليت كاضة روحي و ساكنة عنها ... ما حجبت ولا نطكت .

ساعة الطلعت صكيت حجرتي وكعدت وحيدي ابجي ... اليوم وبها الساعة هاي بالتحديد جان المفروض انزف اعلى ولفي و السعد ويا بحجرته و خشابه الصارله سنة يجمع ويألث بيهن ...

الله لا يوفكك يزناد ساعة الذبيتني هالذبة هاي و دوهنتني ويا ال تجيل .

رد سرحان القصره والناس كلها ملتمة أعلى القصر ... لجن لا صريخ ولا وحيدة التشك ثوبها ولعامة لطمت أعلى جنتها ... من كونها بغدادية وغربية عليهم ..... النسوان لابسات اسود وكاعدات بالحجرة والزلم لابسه بشامعها ولافته اعلی وجهه و باب

القصر مفتوح طلاقتين .

عاف السيارة سرحان و نزل مسرح ، ساعة الدش هم متكابلين اعليها خاطر يشيلونها ، وكفاهم سرحان و خط راسه اعلى راسها و كام يصرخ: يا يممممممممة ، يا حسنية يا يمة ، ربيتي و تعبني ولصحتي ووفيتي يا بمممممة .

ارتفع صوت البجي اعلى صريخه و هو حاضنها و حاط راسه اعليها وينحب ، جراه منها كريم و كاله : هاذ يومها الله يرحمها تعديت جدير ، عونك خوية .

جراها کریم و سحبه و شالوها للمستشفى، ويا ما جاي يطلع ، كصت ايدة مرة منكبة ، ابتعد هو حسباله مرة غربية ، لجن ساعة الحجت عرف حسها

ملوك : هاي انا كلي مصار وياك اعلى راديون وديتها .

سرحان : هدي راديون تدفع اتامج و اتباري الذمم ويا الشايلتها عسى تبريج الذمة اعلى العملتي بحالها .

حجاها و طلع و هو يلف اليشمع اعلى وجهه، ويا ما جاي يطلع ، دشت کواغد و هي تصيح : ولج بمممممممممه ، يخاااااااااتون يحببببببببببة .... خلصت وانتهت وياج والعشرة كضيناها ، خلصت

وانتهت وياااااج

والتمن النسوان اعليها ولطمن وياها وراها ايمان شايلة ابنها وتيجي، وهدية شايلة بنها ، و

جمارة كاضة بهدومين .

خلصت الهومة ، سرحان صاح : ام ستار

اي بيمه جيتك ، كول يبعد امك .

امشي انت و يا ام ادريس ، خاطر ناخذها للمستشفى ، واخذي وياج ايمان .

هدية : انا واكفة و هو جدامي لاف الفترة اعلى ركبته و يحجي و يا امي ويوصي بيها .

اندارت امی لینا وصاحت ایمان تهای جای حضري روحح خاطر تروحين ويانا للمستشفى

ومناك تطلع بيها للنجف .

ایمان : راح ادفنونها بالنجف لو تنتظرون عمامي لما يجون ؟

حاكم : انت دعي ابنج الهديوة و اصعدي ويا ام ستار ، ياله بوووية

سرحان : ابوووو شتااااار

جايك بويه .

هدية : ناوشتني الفررح و صعدت و يا امي و انا شايلة بتي ، وهاذ نط من البجي اعلى متني

ذبيت بني اعلى جميرة و طلعت امشي بمؤيد و اهود اعلی ظهره .

سرحان ما عاين ليه ولا دار عينه، أهيس الدنيا محملة وحاطة اعلى امتونه ، وانا ابتعدت منه ولا كربيت بمه ، طلعوا امي و ايمان و ابوي راحو ويا سيارات الخذت الجنة ، و انا دشيت لبيت سرحان و اسکت بمؤيد وما يسكت .

شفت الناس جثيرة، ونسوان ما اعرفها ... ونظرات مرت سرحان وهي تداورني و تتبعني ما تخليني استراح، حديث جميرة وطلعت من البيت و انا اسكت بها نقر رزخ المعذرب ، جا غیر بهید

.. ما تكلى شمالك

جمارة : انا عليش ما احبنه عينه وكح وما يتجرع

بعده جاهل انت لا تكومين تمصرنين .

امشي و اشحط يتعالي و اهفي يعباتي .. وكومة الفروووخ وياي سيكلي فليح و طلع بوجهي :

هااا اتوفني طالعة ولج .

وكفت وكضيت اخوتي : شرايد مني ؟

انا ما جاي العارك وياج

ابعد عاد و خلني اردن لبيت ابوي .

رايد اتفاهم وياج جا تنهي نظل هيچ .

شعدك وياي بعد ، ردة ما اردلك ولا اردن الذيج ايامك المعسرات، ميل عني و خلني امشي بدربي .

خون خود ، جا انا ما اريدن اغتيج ، انا بس رايد اتوف البنية ..

حجاها وهو بعد ايده اعلى امنية وياخذها من جتف جمارة . ردت أجرتها لجن سبكني و شالها و

جمارة تكله : هذه باله هي موش بتك .. اطينييييي

شالها بين اديه و يعاين بيها ، حجيت : شلك بيها و انت التكول هاي موش بنك ، شلك ايت موش منك .

انا رايد الفتح لفحة جديدة ، رابد اردنج .

- صفحتك خلها ليك، ما لي رده عكب السويته بيه بجيابتي .

غلطیت وباج ورايد اتلح غلطتي .

سواياتك ما يتصلحن ... امش علي و هدني .

سكت و هو يمشي ، كضيت بهدومه : اطيني البت وين تريد بيها ؟

او تلنج للبيت جا تردين وحيدج .

سكنت و خليته يمشي وانا كاضه بميدى الما يسكت دوهناني و انا عكلي ويا بتي الكاضها فليح .

وصلاتي للبيت ، نزليت مويدي من ايدي و كلت اله : ياله اطني البت

خها بيدي و کال : تدي الباب ولا اطلعين بعد، خووووت ؟

- خوش خوووش روح

دشبت و صكيت الباب .... وهاذ بعدد يصرخ يريد أمه، اطيت فلوس لحميرة راحت اشترت له مصغول من الحجية وردت اطتهن انه ياله سكت وهود ابو راس .

خنجر : ذبيت جسام بنص الجول وربطته بالعمود مالت الخمية مالتنه ، و حطيته و جعدت کباله ... سنين احلم بيها و ما خليت شي بيه ما غيرته خاطر احظى بيها و يجي هاذ الاخبن ياخذها و

ف تصير مرته ..

ورثبت الجكارة .. وكربيت منه و انا عكل ما يراسي، حطيت الجكارة اعلى ركبته فل بسرعة . حجيت : يو ما انت الساعة راديون مرتي حلالي المرة التمنيتها طول عمري يووووو ما انت ...

جا هسه هي عدي .

جسام : فكني ووووولك

احجي ياله .. كربيت منها .

- فكتييييييي

وكت الكربيت منها بحث ... دفعتك عنها بو رادتك ؟... بدموعها ما شفانني .

انت زلمة فكني و انا اعلمتك هالحجي شلووووون تكوله فكتييييي .

انا يو زلمة جا نهبتها ... الزلمة بهالسلف الينهب اليحبها .. ما اخلي طبایع هالسلف تركيني و تخلي التمناها تنغصب اعليك .

ما الغصيت وأخذت الجلمة من حلكها، وهي الكالتلي اريدتك ... عاين روحك بالاجرب وشوف انت ياهو و رايد بت ما تجي لنص من تعالها .

راد بهم اعليه، صرح جسام : زلمة فكني و لاويني زلمة الزلممممممة.

کام خنجر و مشی لبه و هو يفكه ، ويا ما فك اديه جسام، جر روحه و کام لخنجر، خنجر سکران ، ابوكس واحد من جسام طاح ، و هاذ وجهه و ظهرة ينز دم ... كوة يوكف اعلى حيله . باس اعلى جرحه و تربع اعلى صدر خنجر و خنجر يتلاوي وياه ...

اعلى صوت صياحهم ومجاتلهم اتراكضو صحبان خنجر و دشو... لگو جسام متربع اعلی صدر خنجر ومتوليه .

انكاومو اعليه و جروه .... وتولوه رفسات و شدو بعمود الخيمة، وشالو خنجر و هو مهدود حيلة

شمالك يخنجر ما عرفتك رخي، شد حيلك خووووية

راح الحيل يخوتي ، خايبين وجرو افادي وخدوها مني ..... اكظنك يزناد بو لا ... الى تحيل ما اهدتكم والله ما اهدتكم لا ما اهجم دياركم اعلى روسكم جزات عملتكم وياي ....

جا شنهي نظل مجابلين خنجير و هو يشكي و عوزته لنفي و تلطم حالنا حال النساوين

جا شنهي بيدن اعلى صويحينا و ما عملنا ... البت درست و هاد زلمتها بيسينا بمصر اله .

خنجر : ما يكفيني هالكوا **** لا ما اهدن الخذوها مني وأوجر افادهم مثل ما وجرو افادي .

و احنا وبالا يختيجي البالك اشرا عليه و اخوتك عد عيناك .

حط ايده اعليهم و هو يتوعد الزناد وال تجيل.

سرحان : اخذنا جنة الخاتون للمستشفى خاطر يكشفون عليها و اخذ شهادة الوفاة .. ظلينا موجفين برا ننظر ليما يطونا شهادة الوفاة .

الدرت الحاكم ، موجف بم ایمان و ایمان تبحی و کواعد واكفة احداها و التصير اعليها ، تكربيت منهم و جست حاکم ، عاينلي ، اشريته يجي .

مشا وياي والخذيته اعلی کتر ابو ستار انا و ان جنت احتاجك بالدفنة لجن عكب الخنجر مالي غيرك احطه عيون اليه بهالديرة ، لزوم أوصيك .

- شنهي شصاير ؟

امس جان عرب اخيتي

قاطعني وهو يكلي : أي سمعت ال تجيل ماخذين البت

وعساهم لا خذوها ... ردوها الصبح ويكولون مامس بياض و البت معيوبه ، و زلمتها موش راضي يحجيهم و هي تكول طکونی خاطر اعترف بني جذب وما صاير

هاي شنهي ، عود صكد

اي والله ... رديتها الهم كبل شوي لجن ما حظيت برجلها .... الحجي هواي ما اكدر احجيه الك. ها الساعة الاريدته منك تظل هنا بالديرة وتمش الكريم بفهمك السالفة بما جرت و ادور اعلى جسام و يا ريت تختص بيه انته وتتفاهم وياه كونك من ال تجيل وتمون اعليه .

لا لا اطمن هسه اردن ليغاد و افهم من كريم و ان شاء الله خير .

انت تعرفهم ازود مني ، جسام شفنتك بيه

هو زغيرهم وما عدى معرفة قوية بيه لجن الاعرفيه هو زلمة متدين ويخاف الله ، وبكعداتنا من لحجي ، يجثر بالدين .

الزلمة حسب ما عرفت موش راضی اعلی تصرفات اهله و طالع منهم و هم نفسهم ما حاظین بیه هلیت تحظى بيه انت و تتفاهم وياه وتسدها من عدك .

لا لا يظل بانك ، امن و انا اظلن .

الله يطيك العافية ولا تهم بعويلك ، أنا عيني اعليها.

لا ظام ام ستار وياها مطمن ، باله ، البكا بعمرك بويه ويجعلها خاتمة الاحزان .

الله يسلم عمرك .

طلع حاكم من المستشفى و توجه للبيت ، کند و يا كريم و فهم السالفة منه ... و راح يدور أعلى جسام لجنه مامش .... و ظل يدور اعلومه و ينشد اعليه ، حتى لال تحيل مشی و دش اعلی بیت

سلطان خاطر يجس الوضع ... و هم نفسهم ناطرين جية جسام .

جنة الخاتون ما رضوا اخوتها تندفن بوادي السلام ... رادوها بمكبرتهم ابغداد و با اهلها ... و ما اختلف سرحان و یا هم ... بسيارة طلع البغداد و يا شوية ازلام من ازلامع والنسوان صبيحة و کواعد و ایمان و امه ردحة .

زناد نصب فاتحة للخاتون بنص السلف من كونها مرت الشيخ ابوه ... و كامت الوادم تجيل من كل

صوب تعزي .

سلطان اول يوم ما اجا ولا كرب اعلى الفاتحة من كون كل باله عد ابنه .. نزل القروب وابنه مامش و هو كاعد اعلى نار و بت ضاحي بنص داره واعترفت بلسانها اعلى بياضها وتكرتها و ما عده حجه اعليها ، ظال يقلى بمجانه و بهیس بغلب و هو مجبور اعلى بت ما الها بياض، وضف كل ولده يطلعون يدورون اخوهم ... لليل و جسام مامش ... تسودتوا ... اجبلوا العمام و كلهم طلعوا يدورون على جسام موش عوايدة يهد البيت ويطلع بلايا اذن ، الا اذا جانت طلعته لمجان جريب.

جلجل الليل وكل واحد به الديرة دش الدارة

وظلت جلاب الديرة تنبح و صباحها يدوي بنواحي السلف .....

سلطان ما طيکله چفن و اینه مامش .... و موهدن بيه

و رادیون مجابله مصايبها و تسجب بدمعاتها اعلى بلواها .

و هدوه تنوم ابنها و بالها مشدوه بطلعت فليح ليها و تخاف لا تنجير أعلى ردتها ليه زناد ضاعت اعليه العروس الجان المفروض ياخذها ويدش اعلى عروسته اليوم وما جابل غير المصايب . ظل هو وامه و نسوانه ابیت سرحان من كون اخوه موش موجود و بایت ابغداد. وظال مجابل امه طول الليل و يفكرون بمصيبتهم ..

وكل واحد بها لسلف حاط همه اعلی کلبه و يساهر الليل بيه .

الا خنجر !!

المال من عينه دموعه و بدلامن بجمرة وجرة بغادة ... وقرر يوجر بيها الوجرها بنص دليلة ..

سطوا اعلى مخازن المحصول مال ال تجيل ، جروا الحارس جتلوه وحطوه اعلى كثر ووجرو النار بمحصول ال تجيل .....

ومشوا اعلى بيت ال نجيل ، حطو النفط ابطل، ونصه شعله وسطو اعلى حايطه و طرو ١٥ بطل نقط ووجرو ديوان ال تجيل .... و شردوا .

وزناد؟

- هاذ الحصة الجبيرة ، ما يبرد افادي بحركة بيت ... لا ما احركنه هو بذاته ما يرتاحلي كلب

فزوا ال نجيل اعلى النيران لهبت محاصيلهم ... و بيت الشيخ مالهم موجر دیوانه

راديون : جو بعدة بحجرتي ولامه ارويحتي و ايجي و احس بخشمي و عيوني وارمة ، ولني افزن اعلى حسن انفجارات بنص البيت .

کمت من مجالي بساع ، سمعت هوسة صارت و حس نعمة اخو جسام يصبح بنص البيت ويصيح : اااااااااار وينكممممممممممم خايبين خريجة حررررررريجة البيت احتررررررررروك

طلعت من حجرتي و عيني ما اشوف النار تلهب برا و تعوالة نقط و دخان ترس البيت ... ما تعاين ايدك من الدخان .

كامن النسوان يتصرخن و سلطان موجف بطرك الدشداشة و يصبح اعلى ولده و ذوله جرو البطاطين و تكعوها بماي ويطفون ، اجت النا تتراكض اطفي وياهم ... و من النار تلكف دشداشة نعمة ... و نعمة كام يصرخ ... نزعها بساع لجن جسمه اخذ حرك ... كام يصبح من الوجع : خايبين راح اموت تلاحكووووولي .

اثنين من اخونه خذوه وطلعو من البيت و زلم و نسوان اطفي بالنار و انا كاضة بالجهال. مجلبين بديالي ويبجون .. ما خليت نبي ولا امام ما نخيته خاطر تطفى هالنار .

كلبي من الخوف ... اهيسته فرغ ... وحس البجي و الصباح والصريخ ... و النار ... ليلة ترهب وكلوبنه تتراجف.

ليما طفوا النار لجن الدخان على البيت ... طلعنا كلنا برا ... و نكحكح اختنكنا ، اجا الخبر مخازن المحصول وجرت بالنار ، قز سلطان وولده للمخازن .

عرب ابوي موش بعيد من كونه جانت كلها تابعة الجلوب و تكسمت، حتى عرب ابوي فزوا اعلى ال تجيل وفزعو يطفون النار .. والوادم كلها بالشارع زلم و نسوان ...

طفوا المخازن بعد ما صار المحصوا وماااااد

الزلم تسلحت و تصبح تار الكاع و تريد الثار ... ياهو الحرك ؟ محد يعرف .....

الحارس مالت المخزن كال شفت فرد وحيد لابس بنطرون وقميص وملثم ، ومرت جاسم كالت انا شفت واحد لابس قميص ابيض وملتم و صعد أعلى السياج مالت البيت ... كعدت جاسم ولتی اسمع حس الطبة بالبيت .

بيت ووكف اعلى حبله بذاك اليوم ...

ظليت موجفه و باهم .. و الزلم كلها محروكة افادها و سلطان ابنه محروك و مضيفه محروك و محاصيله احتركت ... و البيت ما فضحى طلع الصبح والناس كلها مكطنه عدنا .

و گفت ويا التساوين احضر بالجاي و امين ... بعد ما جانو امس يروحون ويردون يغلطون علي اليوم مامش وحيد عاين ليه .. وواكفة وياهم حالي من حالهم .

طلع سلطان للمستشفى يتبع ابنه الجبير نعمة ويتطمن اعليه ضمدوه و لفو جسمه و طلعو ... جسمه لا يحته النار لجن حركته موش جايدة .

زناد ساعة العرف بحرجة الى تجيل ودى زلام من مضيفه لال تجيل تبلغهم بالعونه وتوجبهم .

حتى شرطة ودوريات اجت و صفت بالباب مال بيت سلطان و يحققون ويا الولد .. وسلطان متسودن ... ابنه جسام غايب ، و نعمة محترك و محاصيله احتركت ومضيفه وجر ... جا ياهو اليهدي سلطان و غيضه .

وصل سرحان للديرة الصحى، نزل للفاتحة ، والناس اجبات اعليه تعزي ، صف احداه زناد

امس ال تجيل احتركوا

با ستار يا هو الحركهم ؟

ما اعرف ، لجن السلف مكلوب اعلى حركتهم ، ويكولون جسام اينه ما مبين من امس ، و سلطان ما يتأمن الخافته يلوفها ويذبها اعلينا ، حشديت ازلام من الصبح طلعت لكاعه خاطر

بواجبوله و يبلغونه شيعتاز الركاب سدادة .

زين ما عملت، پس جسام وينه ؟

ما ادري عنه ، انا وصبت زلامي يدورونه خاطر نتفاهم و باه و ضایع .

شني هاي الزلمة وين راح ؟

هذا المدوهني

سرحان : درت من زناد افتر راسي ، ليلة غبت عن السلف كل هالحوادث صايرة ؟ ، علية سلف ما يهيدلة ليله لا ما مصايبة كايمة .

تكرب مني حاكم : ها ابو مامون الكوى

هلا بيك ابو ستار ، بشر ؟

فص ملح و ذايب ماك اثر .

- خافتها لعبة من سلطان رايد بورطنا بيها ؟

مشبت ليهم امس و سلطان نفسه مشدوه اعلى غيبة جسام ، و ال تجيل كلهم يدورونه .

شني هاااي .

اي يعلي .

هزيت راسي و اذا افرك بديه ، درت ابوي حميد موجف لبلاد اشرت ليه براسي ، فهم نظراتي و تكرب مني : شلونك بويه

حميد : عز الله مصابك بويه

الله يسلمك ، الا الشدتك خنجر وينه .

من اول امس واهو غايب

- مشيت الجول

لا والله ما مشيت لجن ساعة العرفت عرسه تفردش و الجان رایدها درست ، کلت اخليه اعلی راحته لجن هاذ اليوم الثالث و خنجر ماهو

لزوم تلكا خنجر ... اذا استفكد و و طرى اعلى بالهم يكومون كل هالمصایب براسه .

نظن هو ورى حريجة ال تجيل ...

غيبة جسام و حركة ال تجيل مالها تفسير غير خنجر، لجن هالامر يو دري بيه احد غيرنا انا وياك، خنجر يضيع و انت تبتلش ببوي .

- جا كلي امش ها لساعة

واستعجل .

طلع من عدي حميد ... وانا ظليت موجف بنص الفاتحة ... كضينا النهار كله ... و مامش خير لا

ابوی حمید ردالي ولا خنجر ظهر ولا سمعیت بجسام رد .

خلصينا العشاء كرب زناد و كال : انا رايح لال تجيل .

روحتك شنهي .

رجل أختنا ما مبين .. واختنا عاد متهومة و يو ظلينا هنا ... تطولنا التهمة و يحسبونها اعلينا .

خلني اروحن الفكد راديون ، و الشد اعن ابنهم و اعن احوالهم .

مو بصالحك تروح ليهم ، ظل بفاتحتك ليما تخلص فتحننا ، نمش ليهم .

جاي يحجي زناد ... اجا حميد ، خز بعيونه سرحان ... حمید فهمه و ظل موجف بمجانه ... زناد ما رد اعلی سرحان و اخذ عمه و مشى لال تجيل .

الكرب حميد، حجه سرحان : ها بویه ؟

جسام بیدین خنجر و جماعته ... و عجزت و انا احجي وياه ما رد ... و انا خايف يتورط بجتله و نروح بيها يسرحان ...

انت شفت جسام ؟

بخيمتهم شادينه و مخربطين وجه و داجینه بظهره و حايرين تعاملين بحاله

تنهدت و انا افرك وجهي : شجاي تسوي يخنجر، انظر يجلجل اليل و انا اروحن لخنيجر و اجرنه ، و اخلي رفحانه پردون جسام .

و بو شهد اعليه

جا شنهي تحتله و تتورط بدمه، خنجر ورط روحه و يا ال تجيل واشوفن روحی متورط وياه .

جا نروح بيها يو تورطت انت.

والله يا عمي تعبت ، بالعباس تعبت ... المصايب وحدة فوك الاخرى جاي يطيحن اعلى راسي ما اعرف المن التفت وياهي افرزن ... انعل ذيج الساعة الاجيت بيها لها السلف ، وعلي طكت روحي

ليغاد اجا زناد مورث ، متعارك ويا ال نجيل و سلطان تاهمة يخطفة ابنه ، و زناد عصبی و نازل بیه و سلطان معايره برادیون و متكاومين ... ازلام واكفة بينهم جارين زناد ورادين سلطان عنه ورد زناد شایط منهم، و دش مضيفه .

ظليت حاير بمجاني ليما جاجل الليل وليست غير ثياب و تلتميت وطلعيت من البستان و حدرت للجول ...

ساعة الوصلت للخيمة ... ودشيت و جسام طايح ينصهم ، ومنتهي ... كضیت خنجر و تولیته راشديات و صباح و انا اصرخ : ما تستحبييبي ما تخجل اعلى رووووووحك ... ردي ساااااااقل

کامو يجرون بيه منه و انا اقلت بيهم و اردن اضرب بيه و اصرخ : من سويت هیچ ما خفت تضرني ، ما كلت اخوي شنهو موقفه بو تعدیت اعلی نسبييييييه ، طال غيضي منك

بسسسسك

انهد و هو يصيح : مامش غيرك ... انت الواعديني وخلفت وباي ، انا الحسبيتك اخوووووي و حزام ظهري ورحت اطيتها لتجيييل .

انا الطينها رديييبي يو ما انا الوكفت وياك خاطر ررررر اعدلناك و انااااا اسبنك ، لجن تفتهم وما رضت بيك ، تفتهمممممممم ، عينك طايح حظ وسكير و موش كفو تاخذ بت شيووووخ .

خنجر : هیچ صارت يسرحان، وانا الموش كفو يصويحبي.

اذلك عنيييييبي ووجهك ما اريد اعايتنه .... يااااااااله .

صرخت و انا ادفعته، طلع من الخيمة كلها، وصحبانه يجرون بيه، فكيت جسام و شاله حمید . الزلمة يرجف أعلى الماي ... اعتقاد حميد الهاي

کوميته كوة ، يتعثر ويطيح ... كوة يعاين ... تجبته و حجیت ویاه جسام تسمعني ، احاجيييك جسام : ردني اهلي يسرحان ...

موش لهلك ، انا راح اخذتك للمستشفى ، لزوم يعايتك طبيب .

حجيتها و اشريت لحميد عاوني و خطاه بسيارتي و طلعنا بيه من غير درب و مشينا للولاية . دخلنا مستشفى .. عاينوه و داوو جروحه ... و حطوه بردهة .

دشیت اعليه هو مغمض ووجهه مضبر ... خیاط بکشته و بحاجبه ، و مداوين وجهه ، و محیطین جرح ظهره .

کربیت منه وكلت اله : الحمد لله اعلى السلامة

ما رد حجیت : رايتك بيضة بين الاجواد و امسحها بوجهي الامور تلايمت ... و البت مخطوبة

و الا منطيها الرفيجي و اعرف غلطان بحكك ... و شتريد انا حاضر و الركبة سدادة ..

حكي موش منك اخذه، وانا ما عدى وياك غير أخيتك ... ترد ليكم ولا اعرفتك ولا تعرفني و

حسابي ويا التعداني .

حكك بالتحجي ، بس البيت....... قاطعني

البت مالها بياض يسرحان، بياضها طلعيته من دمى انا موش منها .

سکنت ، شردن ما اعرف : شكلله ؟ و شداري الموقف بيا جلمة ، ما لكيت غير اكلله : راديون اخینی و اعرفتها ما يطلع منها العيب لجن ما اعرف شنهو الجاي يصير ..........

البت عاشكة غيري ، و ما اعرف حقيقتها شنهو ، وما ارضى بعد الصار، الخليها ساعة وحدة عدي .

جسام انا مالي وجه وياك من جهة خنجر و فعلته و من جهة حالة راديون انا ما اكتلك اختي غلطانه لجن ما جاي افهم الجاي يصير كله ، و انت زلمة انا داخل ايختك .. اليت يت شيوخ ... انطر جم شهر و حكك علي ولا تفضحني باختي ...

جنت ناوي اعمل التحجي عنه و استر اعلى البت و اردتها ، بس بعد العرفته ... تعذرني .

الامر موش متعلك بيها بس الامر يخص سمعة ال ضاحي بخويطهم و هالامر موش هین و انت تعرف ال تجيل وال ضاحي شنهو البينهم ، و أعلى دفه يو كب النار، تروح بيها زلام يابو زلام ... الجلمة عزيزة اعليه - لجن انا اخبتك وطالبها منك .

ما راح اردنها معيوبه انا احطن بياضها عدكم و اكلكم رايتها بيضه ، لجن البت مغصوبة و انا ما اريدتها ، و اترجاك لا تزيد أعليه ، ما اكدر احملتها بعد السمعينه بدني عنها .

حكك يخوي و يو مجانك كلشي اعمل و انت زدت بفضلك أعلينا ، لجن طالبك - بس تخلص السبعة مال الخاتون و ردها ، یو ردت هسه الف کال و كلت يطلع اعليها .

هز راسه و رضی .....

هدینه و حطيت بجيبه فلوس خاطر برد لهله و عفت ورديت للبيت ، تلكتني ملوك ناطرتني

بالقصر ، اول ما دشيت ... عرضتلي

- طلعتك بها الليل ملتم لزوم وراها اسباب ، كلي عرفت بجسام وبنه ؟

بالمستشفى توني رديت منه

اي وشكالك ؟

شکال، راح برد راديون و يطلكها

عزا العزاني ... يردها شلون

بردها مرفوعة رأس موش متهومة .. لجن حجته البت مغصوبه و ما رايدته .. وما يكدر يخليها عده وعي مغصوبة .

والناس شيفهمها هالحجي ، راح يطولون اعليها بحجبهم وشيخصلها .

ساعة الحجيت و منعت من ال نجيل ما رديتو و همه جاية تكلیلى شيفهمها و شيخلصها ...... وبعدين هدي هالسالفة وحيري ... البت مالها بياض وهاي بوحيدها مصيبة ، ماي ما ظل بوجهي

و انا احاجي و اترجاه خاطر بستر اعليها بتج و تعرفينها غلطانه و يا احد ؟

انت تعرف راديون وتعرف اخلاقها، وهي ما تطلع الا انا وياها يو وحدة من نسوان اخوتها ...

جا شنهي الاسباب ، اسود وجهی جدامه ما عرفت شحجي و شنطك ، هاد يو صف و يا ابوه و حجه الحك غير نصير على بحلوك ال تجيل ، الله لا يوفقكم بجاه محمد اعلى عملتكم هاي

ساعة الزوجينوها من ورا ظهري و سوديتو وجهي .

ظلت ساکنه و ما حجت، عفتها و مشیت .

للصبح طلع جسام من المستشفى، اخذ تكسي و مشى لبيت ابوه ، ساعة الوصل لبيت ابوه . السابق عاونه و نزلاه للبيت وذلك الباب ، طلعو اخوته و تلكوه .

فوتوه داخل ... و التمو اعليه أهله .

راديون : ساعة الشفته دش مدري شكض كلبي ، كمت ارجف وانا اعاينته .. صرخت بيه لجمة و هي تكلي : امشي جيبي الجودليه الرجلج امشششششي

جسام : لا لا .. اخذوني للحجرة خلوني انا من غاد

سلطان : شتنام اخوتك فرغت اكلوبهم و هم بدورونك ، وين جنت وياهو العامل بحالك هيچ . جنت طالع اعلى الشارع الرئيسي ودعمتني سيارة والسايك شالني للولاية عالجاني .....

من يا عمام هاذ السايك ، وين أهله .

الزلمة اسعفني و بريته الدمة وراح لاهله .

سلطان : هانكلام صحیح بو دغش يجسااااام

بويه رحمة الوالديك بس خليني استراح

جاسم : شتستراح ... اتولينا وليه محاصيلنا راحت مضيفنا احترك ونعمة اخونا مصوب ، و طيحتك هاي موش خالية ..

جسام : يا هو الحركنا ؟

جا غير يو تعرفه

سلطان : زناد و سریحان مامش غيرهم ، لجن وعلى ما اسكت اعليها .

نجمة : جا وكتكم خلو الزلمة يستراح و عود كعدو و احجو وياه باله كوم كل نشيلك الحجرتك .

تعاونو اعليه اثنين من اخوته وودوه لحجرته، تمدد و هو يكتلهم : بس ماي

راديون : ركضت اجيبله الماي، ترست الصراحيه العينه و اجيت نجمة تغطي بيه . صبيتله ماي

ما اخذ مني جرت نجمة الكلاص ورادت تشربه ، ما رضه و كاللها

جزت روحي من الماي ما اريدته بعد .

ظلت تحجي وياه و هو كوة يجاوب ، ساعة الشافته تعبان هدته ووجهة المروحة الأرضيه الزغيرونه ، مخطوطة اعلى الميز .. صوبه .. غمض عيونه، عافته و طلعت صكيت الباب وراها

فتح عينه، حجيت : الحمد الله اعلى سلامتك .

متمدد جدامي ووجها مضبر ، ومامش بجان بجسمة صاحي ... تكرييت و كعدت اعلى القريوله .

ما رد ... بلعت ریکی و کمت حجه : جهزي غراضج خاطر تروحين لاهلج .

- عليش ؟

- عشيكج ينتظرج ...

- يا هو هاد ؟

- الخلاني بها الحال ....

نشفت و حطيت ايدي اعلى حلكي ، يعني خنجر و را حالته هاي دخيلك ربي ، نطقت : و انا مالي

ذنب بفعلته .

اشششش موش طايك اسمع حسج ، جهزي غراضج سكناوي ولا تخليني اهيسنج .

التقيت من الناحية الاخرى وكربيت منه : وين اردن، لا تفضحني وتفضح اهلي ، دخيلتك انا .

يو خايفة الفضيحة جا خليت اهلج و سمعتج اعلى بالج و ما تغلطين وياه .

ما غلطت يشهد الله و ملائكته و علی ما غلطت .

الحجي هاذ قنعي اهلج بيه ، انا اسمعته .

لا تفضحني دخيلتك ، ما ذنبي بحالتك ، و يو رديت الناس ما ترحمني .

كلت الج لا تسمعيني حسج ... من اسمعته تكش روحي ... واذكر السكير الحرك كاع اهلي و عمل بحالي هيچ .... لجن هين و انا وياه ... اطلع سوايته من عينه و عينج .

عمري كله ما مترجيه احد لجن اعتبرني حرمة و اترجاك ....

واعديت اخيج اهدنج لي السبعة واردنج ، لجن بعد ما عرفت بحركة المحصول و المضيف

ما ارضاج، والساعة أوصى واحد من اخوتي يوصلح .

دنجیت یمه و حطيت راسي و انا ابجی و اكلله : وعلى ما غلطت و يا احد ، احين ايدك لا

تفضحني

شلت راسي و انا اكلله : ابولا كال بو رديت يا خذنا للعباس و يحلفنا ، انا راضية اخذني لابو

فاضل اكض شیاجه و احلف ما عدي شي وعلي .

كالو للحرامي احلف كال اجا الفرح .... انا ساعة الخذيتج ما غصبنج ووديت اخيتي تاخذ رايحوردت بموافكتج ومن شفتح يجيني شرطت اعلى الملجة رضائح و اخذت الموافكة من السائح... تلعبين علي يو شايفة لحايا الوادم لعبة عدج ؟ ساعة الوكفت عليش ما كلتي انا بالي ويا غيرك .. جذبيتي علي وجابة مساع تترجيني ؟ اطلعي منا وولي عني وحسج لا تسمعينه ليه ....

رواية كحل عرب الفصل الخامس والاربعون

(التجنيد الالزامي )

عايش ينارين انا نار الجفه ونار الشماته

وانتي تدرين الوكت يردف علي بمكسراته

حطني دوارة كطف للظيم وانفرت رحاته

لا نهار اريحني ولا ليلي ليل الناس اباته

اعريان السيد خلف )

راديون : سكنت و عزت بروحي اتوسل اكثر وانا المغصوبه اعليه ومالي ذنب بشي ... اتوسلت

جني انا الجناية ولا جن انا الضحية ، كمت من عده ... درت وجهي و مشیت.

لميت اغريضاتي ولفيتهن كوار ...

وكلت له : الأريدله شغيلة بس

دارلي بعيونه و عاين علي .. حجيت : ما اريدن واحد من اهلك يوصلني ، و ياريت تودي اعلى

وحيد من أهلي يجي ليه ياخذني .

و شنهي الأسباب ؟

اسبابها بدليلي و ما اريد وحيد من اهلك يزتني ..

صيحيلي سعاد

طلعت من الحجرة صحت سعاد ورديت ... اجت وراي ، وكفت : ها خوية كول

صيحيلي ضرغام ابن نعمة .

اي

مشت صاحت اله ، کاله : تمش لبیت سرحان و تكله يجي باخذ اخته .

عدهم فاتحة عمي وما الين يترك فاتحته ويجي .

فاتحتة منهو العد بيت سرحان

امه يكولون .

- ردحة ماتت

راديون : الخاتون البغدادية الريته ابغداد .

سعاد

كول خوية

اخذيها بحجرنج وخليها تمام عدج ، ليما تفض فاتحتهم أمس .. يجون ياخذونها .

راديون : اذا ما رايدني اظلن بحجرتي ... ودي على اهلي ، ما انا من عد احد .

سمعتي سعاد ؟

امشي وياي باله

ما اطلع .. و البريد يطلعني خله يودي اعلى اهلي .

جسام : فوك شينج و تراددين ... اطلعي مني موش طايك شوفتح ... يااااااله عني ...

ما طلعت مني الشينة خاطر تعييني .

لا تراددييين.

جا لا تحجي وياي هيچ من كون ما تريدني اترادد .

کبل شوای تتوسلين .. و مساعح السائح ما يكصه السيف .

شفت الحجي المرهدن موش لكل واحد يلوك .

اطلعي من عدي ما اريدن اشوفتح، حيل ما بيبيبه اطلعي..

وكت اليجون اهلي انا الما ارضى بطلتي هنا ، و ان ما اجو ما اتزحزح من مجاني ، خوووش .

حجيتها و مشيت كعدت اعلى السكملي و لميت روحي وانداريت عنهم ، و سعاد تكله : هدها ليما يجون اهلها وياخذونها .

دشت نجمة و حجت : سعاااد ابوج رايدج امشي ليه شوقي شيريد .

طلعت سعاد من الحجرة والكربت نجمة من جسام و اهي تنشده : شنهو الصاير ومودي اعلى وليد نعمة يرد هاي ...

ما صاير شي ، انا ما اريدنها عدي .

مامش وحيد يطرد مرته باول ايام عرسه يو ما شايف منها الشين.

بما اريدنها و بس خلوني بحالي و طلعو رايد انامن

عافته و هشت و هو غمض عيونه و ما فتحاهن ... ظليت جو بعدة بمجاني و احاجي زماني ... مدري اعلى ظليمتي ساعة الغصبوني اعلى ابن ال تجيل مدري اعلى هضيمتي و انا العفت ولفي و حرکت افاده و افادی .

سلطان : شنهو الرادة منح جسام

راید پردها و هي ظلت ترادده

اي ؟

يكتلها فولا شينج تراددين ... و هي تكله ما طلعت مني الشيئة .

بياضها جذابي ، والله اعلم شعاملين بحال جسام هالراد وما طايكها .. ورايد رجعتها و يخاف يشهد اعليها.

نجمة " جا همه شنسوی

- يو بس جسام يحط ايده بيدي ، و يعاوني اعليهم لا جا خذيت حكي و حكه و حك ابونا فوك احكوكنا .

جسام يخاف الله وهل ما يحجي .

سکته هاي موش بصالحنا ، اجزم اعليهم هم ورى خريجة كاعنا ... و هم و را جتلته و حالته های و شوف شعاملین و مخلیفه یسكت و يتجفى شرهم ... لجن ما اسكت ال ضاحي انا ردادهم .

كام من مجانه .. وراح لحجرة جسام ... تايم اندار ترادیون و حجه : سعدج راكدة هنا ؟

زاديون : ناطرة اهلي واروحن .

مامش نظرة ... جاااااسم

ما اروحن ويا وحيد منكم لا ما يجون اهلي ما اطلع منا.

جاسم : ها بویه .

اخذهاي وذبها اعلى اهلها، ياله ما اريدن اشونها ابيت ، و اسمع هاااااا .. بنص الفاتحة وعلي الكل يشهد بت ال ضاحي رديناها .... باله .

راديون : اليطلعني منا ، هل يطلعني جنة ، طلعة ما اطلع .

عد ما صبحیت و حجیت هالحجابة ، فك عينه جسام : هاااا بويه ؟

نام و استراح و احسابك طويل يجسام .

جاسم : يمه جيبيها و خلني اصعدها و اوديها لاهلها.

رادیون : تکرییبت من السرير و كلت له روحه ما اروحن الا وحيد من أهلي يردني .

جسام : هدها بويه ، انا اردتها باجر بس استراح ....

سلطان : وكت الاستراح الى وياج حجى جثير، اخذها يجاسم .

رادیون : ما جان غلطان جدي ضاحي ساعة الأخذ مجان اخوه دواي و خط اعكال المشيخة اعلى راسه ، من كون العكال يلوك الزلامه والزلم التتكاوة اعلى مرة موش زلام .

ويا ما حجیت و طكاني جاسم بجف اعلى خدي، و هو يصرخ : صمي حلكج والتلج

صحت بيه : طك ، يمكنك هاي لا تظن تنكص متى بكثر ما تحط من عكالك ... لجن موش

صوجكم صوج اخوي الرضا يناسب امثالكم ..

كضائي من راسي ، فر جسام من مجانه و هو بكله هدها ، هد من ايدك ... خلي اردنها . سلطان : مجانك يجسام ، نجمممممة

امر يشيخ

الطالت بلسانها جدامنا .. اريد السانها .

جرني جاسم من راسي ودفعني اعليها ، جرني جسام و صاح : بسكم و العباس خيلي مهدود .... موش طايك أحد ... هدوتي انا وياها نتصافي، اردنها اخليها ، انا الاحكم بامرها .

سلطان : مالك حكم بظل ابووووووك ولك اخذيها نجمة

کامت تجر بيه نجمة ، و هو يسحبني وحطني وراه و كال الها : اطيني ملابسي خلوني امش اوديها ما اخليها .

ظل يتصايح وياه ابوه واخوه .. ليما ارتفع الصياح دشو اخوته البقية وظلو يسحبون بأبوهم و سلطان يغلط اعلى ابنه ... خط ايده اعلى الميز و هو كاف ظهرة و كوه يجر النفس ، و يصرخ من صدره .

ليما شافه سلطان متاذي طلع عنه وكال الهم : شيلو اخوكم و اخذو المستشفى .

و جسام واكف يكح و يصبح من صدرة ... اندار عليه و هو يزمج : لمي اغراضي ياااااااله ، خلي اخلص .

سكتت و ظليت واكفة ابمجاني ما تحركت اندار و صاح : احاجيج انا يو احجي ويا الحااااااايط

كلت لك .. طلعة منا ما اطلع ويا وحيد منكم ، يجون اهلي ياخذوني غير اعلى خير ما

ياخذوني ، هاذ مجاني وما انزحزح .

لا تدولبيتي .. راح اخذنج بنفسي واكللهم اليت مغصوبة علي ما اريدتها ... غير هاذ الحجي ما احجي أن جنتي خايفة الفضيحة امشي وياي بو خذوج اهلج تتعابين ... لجن انا الراح اخذج ....

ولون انت خذيتني ابوك شراي شرور و ما راح يخليني بحالي يو ما فضحني .

جرني و هو يصيح : امشي عااااااد

سحبني من ايدي و حاط ايده اعلى صدرة و كوة يتكوى اعلى المشي .

بدل الدشداشة ... و طلع وهو حاط ايده اعلى ظهري ، وكف سلطان و كاله : موش انت التخذها . اخوتك ياخذونها .

- رحمة لوالديك بويه ابعدني عن صراعاتك ويا ال ضاحي ، انا موش طرف بيها .

جاسم : شنهي موش طرف وانت وليد تجيل بالرررردي .

دام انا من تجيل وهي من ضاحي عليش خذيتوها أن ما نهيتو ها العدادة أعلى حك ... بسكم وعلي تعبت من ملاواكم تعبت .

سلطان : ما دمان رايد تردها لزوم الردة الها اسباب، وسالفة مغصوبة لا تحجبها من كون ردتها تضرها ما تنفعها و اهي بروحها ما رايدة ترد ... تكعد و تحجيلي اسبابك شنهي خاطر الخليك تردها .

بعد سلطان و خط ادیه اعلى عكازته و كال الهم : ناظر جوابك

جسام : بويه جسمي مالوم ومالي خلك الحجي .....

جاسم : عليش خايف نحجي نكعد انت وياها و اطي اسبابك لابوي ...

تكرب جسام و اتجی و كعد وكال الهم : انا ساعة الاخدتها شرطت اعلى الملجة رضاها ... وكالتلي هي ما مغصوبة لجن من خذيتها واهي تبجي والبت مخطوبة لغيري كيلي و ليلتنا تحت أعلى غصب ... ما رايد او هدن روحي ويا مرة مغصوبة اعليه .

سلطان : هاذ الكلام ما تحجيه إلى يجسام وهای موش اسباب ... مامش مرة ترد بیام عرسها

حتى يو جانت مغصوبة ، الا بو جانت معيوبه .

جسام : هاذ العدي الصدكتو و الما صدكتو انا ما بیاش حیل ازود يشرحي الاسبابي .

جاسم : شو تحجي معلك ويانا ، ابوووووك هاذ احجي عدل لا اديرن فجك .

جسام : انا ما مقلل مم احترام ابوی و حاشی لجن انا مرييييييض ، ظهري مفشوك و انتم مامش احد بيكم وياي .

سلطان : جا خوش ... خل تحط ايدها اعلى القرآن و ايدك وياها و احلفوا اعلى كلامكم ... ان جانت های اسبابکم ...

جابت نجمة القرآن وحطته كيالي ... ما خفت ولا ترددت و حطيت ايدي اعلى القرآن وكلت الهم وجك هاذ كتاب الله الكريم ... وحك من انزله و اعليمن نزل ... انا برية ورايتي بيضة

سكتو ..... وكام جسام كبل لا يكله ابوه احلف دار وجهه ترادیون و کال الها : ياله . وطلع من البيت .

سلطان طلب من جاسم يتبع جسام ... و صعدت وری وصلوني لبيت كريم .. نزلت البيت مامش احد بيه ، حجه جسام : ظلي هنا و احنا رايحين للفاتحة .

طلع جسام و اخوه للفاتحة ، دشوا قروا الفاتحة وسلموا أعلى الناس ... جاسم راد يحجي جسام

سکته و کال : تجيني خاطر نطلعو

و يا ما کام، کام و یاه سرحان و هو يوصله و يرحب بيه و تکرب اعلیه زنان حجه جسام : عز الله مصابكم ، و ولون جان الوكت موش و كنه انتم معزابين و انا هاي حالتي .

زناد : جا شنهي الصار وباك ؟

حجه سرحان : سمعیت مدعوم سيارة ، حيل الظهرنا اعليك ، الله شاهد انت زلمة اصيل و على الراس وجيتك هاي غالية بين العم ..

جاسم : الله يعزكم لجن احنا ما نعرف الا كبل ساعتين هو مدعوم ... انت شاون عرفت

جسام الحجي موش وكنه انا جاي ....... قاطعة سرحان

اکا طعنك بخير بس جواب اعلى سؤال احبك ... الجلمة ما تنظم ... خاصة يو النسوان بو كعدن بفاتحة ما يخلن سالفة و ما يكونلتها و امي بنيتكم و اهلها جو بعدين داخل ... كبل شواي كالتلي اعلى الخبر من كون جدا مشدوها عكولنا اعلى فكدانا

تنهد جسام و هو پندار ازداد : ابو ياسر البت صارت ابيتك، والساعة هي جويعد الأعلى عناب دارك ، ومثل ما طبينا بالمعروف تطلع بالمعروف .

زناد : شنهي الاسباب ؟

جسام : ما اريدن اطولن بالاسباب بس يكفي اكللكم البت مغصوبة و من ساعة الاخذتها ليجاي تسجب، مامش نصيب .

سرحان : من رخصة ابو ياسر و اخيك جاسم ... طالبتك بحجوة

سحب جسام و راح غاد من الفاتحة ووكف : انا خذيت منك جلمة والزلمة ما يرد بجلسته

الجلمة اطيتها كبل لا اعرف بحرجة الديوان و المحصول .

و های شجابها اعلی هاي ؟

ابو مأمون انا اعرفتك زلمة والنعم منك لجن لا تقسم نفسك بسوايات خنجر ، سكني اعلى عملته بس خاطر ما افضخ السالفة والا انا زلمة ابن عشاير اهدن اهلى اعلى خنيجر ومامش غيرك ينهم بسواياته ... و اخيتك تنفضح سبة عملته و هالساكت وما حجيت لعمامي .

هه انت جاي تحجي بموضوع لا انا ولا أخيتي النا ايد بيه و تلومنا ؟ ... انا خذيت الجلمة منك تالي يصبح الصبح تردها ... ولون انا ما جنت اظنن يطلع أزود من هاذ من ال تجيل ... رايتك بيضة .

انت شنهي جاي تعابيني يهلي ؟

انا خذيت منك جلمة تردها اعلى اي اساس ؟

اختك عاشكة يسرحان .

حجاها و دنك و هو يكض جرحه و يتأوه ، وكف سرحان يتنهد : ما اريدن اتعبنك ... لجن البت مغصوبة موش عاشكة وساعة التخطيت وهي بنت احلام و ايام وبا الخاطبها ... من الغصيت اعلى غيره ستظن منها ؟ على كلاً، رايتك بيضة و ما كصريت وجزاك الله الف خير ، والله

يشافي جرحك ..

حجاها و هو يصيح جاسم خاطر يجي يتجي اخيه ، وصل يم زناد : ها ؟

محد عمى اعلينا غيرك بعلي يو ما الفاتحة إلا احطن و ابيس ابطنك .

خايب احترم لا وعلى الخريط وجهك

اذلف من وجهي لا ابتلي بساعتك .. امش .

ابتعد سرحان منه و زناد مشى عنه و هو كاض اعصابه ، تكرب عمه پنشده ... و ظل يحجي وياه

زناد مشى لامه خذاها ورد للبيت ، ساعة الدش و كض راديون ابتلش بيها ... كضاها کضیان و يصرح ويا منهو مطينه روستا ولج ... تالي عكلنا تتوصل بال نجيل خاطر يستسترون اعلينا من حدر عما يلج ، يو ما الفضيحة اجيبتها ليه جا حطيت الجبلة بنص راسخ و خلصت منج ...

وظل يجتل بيها الى ان خواها و طلع من البيت ... خلص الفاتحة سرحان بليل و مر ليها ، ساعة اللكاها محتولة ... خذاها عده بالبيت .

ال تجيل شيعوا اعليها الفضيحة .. و جلمة بت ردت لهلها بأول ايام عرسها .. كافية تخل الوادم

تزيد بحجبهم .

رادیون قفلت اعلى روحها ما طلعت الباب ... لا الها عين ويا اخوتها ولا الها تبرير تدافع بيه عن

نفسها ، صکت اعلی روحها و بس تبجي .

خنجر موش احسن حال منها ... مامش غير المشروب اليواسي اعلى بلواه .. ساعة وكنه البطل

بيده و يشرب و اليكله بسك يبتلش بيه ..

کام اعلى حجرته البناها الراديون كلها حركها ....

وكعد اعلى الدرب يعاين نارها ... ليما فزوا الناس تخمد بيها و هو كاعد أعلى كثر يعاين .

كريت منه جلجول والجنطة أعلى ظهرها جاية من المدرسة : علي عممممممممي بيتك احترك

- روحي منا بويه .

شمااااالك عاين هاذ بيتكم والله .

ما رد عليها و كعد يعاين من ابعيد ركضت هي ويا الناس تطفي وياهم ، ليما طفي البيت ، ردت

اعليه : عمي طفيناها .

ما رد عليها : شني شو ما تحجي .

ونج ولي عني .. امشي .

عليش اطرد جا فوك ما طفيت بيتك

و تهر بيدها .

اندار الها : كربي

- شرايد

انگترین تروحين لبيت سرحان

اي جا اكدر

اريدنج تروحين و تعرفيلي الاخبار شنهي و تردين .

ام سرحان هاي عمة مرت ابوي مانت

موش هیچ اخبار .. انا اريدن تعرفيلي اخبار رادیون

يا عرست وردوها .

- يا هو الردها ؟

جا اعرفهم ... انا جنت ويا هديوة جويعدة كاضة بنيتها بالفاتحة وامنية تبجي ، هي دومها تيجي بس موش مثل اميدي ابو صباح الجبير لا انابت اهديوة احبتها من عين .......

انعل ابوج لابو هديوة لابو بنيتها .. احجيلي غيرهن

عمي شمالك شو بيك طفكة ؟

- اسمعي اريدن تعرفيلي اخبار راديون غاد و یو عرفتي اطيح فلوس

جا مني انا مجدية، أمي يوميه تطيني فلوس و اشتري مصغول و بسکت وعلي أبو النيوة ....

بس اميدي ابو اصماخ ما اطلي وباي من عيني ما احبنه ...

انت شايفة هاي العودة

شمالها ؟

راح اجسرتها اعلى راسج وراس اميدي ... انا جاي اكللج اريدن اخبار راديون ....

عمي انا جاي احجيلك و انت تسكت بيه وتغلط على شمالك ؟

راديون وينها

ابیت سرحان

عليش ؟

ما اعرف لجن انا من كضيت أمنية وهديوة تحجي وياها ... ردت اتصنت الهن يس امنية جانت

تبجي .

خاب وعلى اطكج جلاق انعل راعيج ... امشي منا لا اذين كل يلاوي بيج .

عمي لا تزعل بس انت مسودن اطفي بيتك وما تكلي مشكورة ، واحجيلك و تغلط على شني

كضاها من هدومها : ولج تمشين منا يو ابتلي بيج

ااااااااي ، هدومي هدها

بس وعلى ما اكتلك عليش بحث، وانا اليوم راح اروحن و يا امي نقرا عدهم و ما اكلتك شمالها .

د صطيرتي .

كضها من علياتها و جراها ليه : تروحين و تعرفيلي كل الاخبار و تردين و يو ما رديتي اكضنج

الطعنج تكطع .

جا ما اخافن .

انا یو صاحبلج جا تفرغي تلج .. امشي علي ...

عافها و دفعها خاطر تمشي منها ، و هي تفرك بركبتها ... مشت ليغاد ... و حجت : صکد تشکرت هي جانت تيجي لين رادينها ورجلها ما يريدها .. ما تحبك ما تحبك ، حللللللل

وغيبت عليه و طكتها ركضة

ظل صافن وراها، وكام من مجانه مشی ، لاگاه اخوه : حجرتك يا هو الحركها ..

- انا الوجيتها

تسودنت انت شمالك ، يسك فاض الفيض منك ، بسسس .

هده و مشى عنه ، راح كعد بالجول و مجابل روحه و جلمات جلجول براسه ساعة الكالت تيجي اعلى زلمتها ....

كام من مجانه و راح لحميد ينشده عن راديون، كاله : ردوها ويكولون مغصوبة و جسام ما رضى بيها، لجن الى تجبل يكولون معنوية ومالها بياض .

والحك وين ؟

اجدامك و هد عنك العرك تراك ضيعيت روحك .

الله وحده يعلم الحك لحن حوبتك ما تعدتها و هل طلعت بيها ، شد حيلك و اوكف اعلی

ما اهدله لیما ابرد کتبی بزناد

ازناد الشيخ و انا جاعد بمضيفه ، شنهي انت ما تفكر بيه ما تحسب اليه احساب .

ساعة اليشكلن اعليك فعايلي البرى مني .

- بسك فاض بيه الصبر منك ، كلناها يابو على و تحسن و صار آدمی و اشتغل ، رديت العوايدك عليش ..

عاقه و مشى كعد بالكهوة مالت ستار، السوالف بالكهوة شكال صدام و شحجت ایران ... و التجنيد الالزامي جاي يطبقه صدام اعلى الكل ... حتى شباب جاي بحشر للجيش ، و يضنون

صدام جاي يمهد لحرب ويا ايران .

دشت جمارة للبيت و هي تدردم ... وهديوة حاطة الطشت و تغسل بهديمات بنها ، حجت : هااا خیر شمالج تدردمین جنج عجوز ماكو عشاها .

هاذ خنيجر بالعباس اغم

عليش

مدت ايدها و هي تعدد : حرك حجرته و غلط على و على ابوي و عليج ، و جنلتي فوكاها

مسيجين

انا المسيجينة ... كضائي من علياني اصابیعه خشن ابزر دومی .

وانت شعرج رايحه ليه ؟

جا غیر طفیت بیته و كلت اكلله ... يريدني استغله مرسال لراديون ، شحجت و شکالت

- هو وصاح ؟

لا توصلين شي، هدي ولا ادخلين روحج بينهم .

اكلج صكد هي راديون اطلکت ؟

ای

يعني من جانت تيجي اول امس لين تطلقت ... تريد ترد للزلمة موش صكد

اي

- تحبه ؟

اكلج انت ياهو مالتج تنشدين ، تحجين سوالف اكبر من صماخج و تحشرين روحج بسوالف الكبار ، استجني و دشي داخل باله .

لحجينا شمالج وياي .

كومي شيلي امنية باله ، كاعد اتيكيك و انا جاي اغسل ياله .

طبت شالت امنية و اجت يمها : جا امي و حبوبتي وين ؟

هن و مرت ستير بالكاع جاي يشتغلن .

ظلت شايلة امنية وتفكر .. ما هدالها بال ، خلت هدية تكمل غسلها و تاخذ بنها طري الدرب

وروحي للقصر ، دشت بحجة امي تريد جاي )

مشت بشرى تحطلها و هي زركت الحجرة راديون، دکت الباب ما سمعت رد، فکنها و ظلت تعاين من الباب راديون حاطة ايدها اعلى خدها و صافنة .

تكريت منها : شلونج عمة

اندارت الها راديون : هلا عمة

شاورتها : نشدني عنج خنيجر ورادني اعرف علومج

عاينت الها: وينه ؟

حرك البيت ماله وكاض البطل ويشرب ، مكاني و غلط على ابوي و على هديوة و على اميدي ، و انا عيبيت عليه لجن ........ قاطعتها

وينه ؟

شني عمه انا ادري وينه ، لاكيته بالشارع .

تروحين ليه و تكليله .. لا لا تكليله شي ، هدى .

جا هسه انا سكولن .

- لا تكولين شي .

بكيفج

کامت منها وطلعت ، اطتها بشرى جيس الجاي ، خذتها وركضت ادور على خنيجر ، لما كريت ا

على الكهوة مالت ستار ، ضمضمت روحها خوفن لا يشوفها ستار و يكصبها .

وكفت من ابعيد التأشر ليه لجن هو مشدوه البال ، كضتلها حجارة وطرتها اعليه ... وكصت براس

واحد شايب كام و ظل يصيح و يحجي و بدور براسه .

جا هسته هاذ شلون اصيحته ؟

مدت راسها من الحايط و صاحت : خنجررررررررررر

وضمت راسها .. سمع خنجر واحد بندهه و كام من مجانه يدور يا هو الصاحه

طلع يدور منا ومنا ... مدت راسها : تنييييي

دارلها و مشى ليها ، وبلا بوش شعرج لقيتي .

موش انت الكتلي روحي لراديون .

رحتي ؟

اي دكيت الباب طلعتلي بشرى كتلها امي تريد جاي بس انا جذب امي ما موديتني لجن رحت

قاطعها.........

اختصري .. شفتيها ؟

جا غیر جاي احجي شيلاك ؟

خابية اكضن راسح هاذ المصليخ اطخنه بالحايط ، مردتي افادي و انت تدرينين براسي احجيي

وعلي ما احجي

جا خوش تعاي خل اوديج لستار

كضها و جرها ... نكزت : لا لا لا .... احجي احجي لا تكل الستار يجتلني والله .

ياله احجي

كتلها جنجر نشدني علج بس هي ما رضت تكلي هدي و عوفي خله يولي .

- هي كالتلج خله يولي ؟

جا انا ما اجذب .

خوش ، روحي ياله

جا كول مشكورة ، حب راسي و العذر مني .

عدي تعال قياس ٤٤ اخلي يحب راسج يو تمشين مني ؟

وعلي موصوجك ... هم زين ما تحبك ....

غیبت علیه و شردت .

ردت للبيت كضتها كواعد من ادائها : وين تخورين ولج ، من رديت من المدرسة وليجاي و انت

ما لافيه ، وييييين جنتي

یمه رحت اعاونهاي جيرانه عجوز وما بيها حيل تكوم كتبت الها البيت و ردیت ، شمالحوياي .

یاهی های ؟

وحدة غادي مسيحينة يمه وانا انكسر خاطري اعليها و رحت اعاونتها.

ويو طلعت السالفة جذب

- جا انا ما اجذب ..

هدتها وكالت الها : لا اطلعين بعد و يو طلعتي احش اجدامج .

- خوش يمه .

للعصر مشت كواغد لبیت سرحان و حجت وياها بشرى و كانت الها : وديت الجای بید جميرة جابته ليح

یا جای هاد ؟

موش جميره اجت لینا کبل شوای و کالت امی ترید جای .

هااا اي اي لجن موش انا ، تلاكين اهديوة ودتها ، بس اروحن اردناج الجاي

يا ام ستار ترديته عليش انت عزيزة و البيت بيتج

- الله يسلمج يمه .

ردت للبيت كضت جلجول و ابتلشت بيها .....

من بعد 4 ايام .. و امتد الامن بالسلف .. صاروا ياخذون شكو زلمة بالسلف و يجبرونه اعلى

التجنيد الالزامي للجيش .

حاكم تجند

و ستار ...

وكريم ....

و فلاح ......

و اخوة كواغد

چند ما يقارب ٨٠٠ الف عراقي ... استعداد للحرب ..

ازلام جثيرة من السلف ... تجندت الزامي بالجيش العراقي .... وزج صدام شباب العراق للجيش و

جان راي الشيوخ بها لوضع محايد ... لا ساندوا صدام بالحرب .. ولا طلعوا ضده .. ولا منعو ولد عشيرتهم من الجيش ... كون صدام كان يقمع أي قوة توكف كدامه حق كان ام باطل - فخوفا

على ابناء عشيرتهم من التهجير ... سكتو و ظلوا محايدين بمواقفهم .

خنجر اصطنعله عامه و سوا روحه ايده بيها خال ... وما يجوز له السلاح ... فعقوه من التجنيد .... رغم الفحص اثبت ان ايده صحيحه بس هو تلاعب عليهم ويعرفونه وراه شلة شقاوات .. كتيله

عفو من التجنيد .....

للشقاواة والعصابجية جان معاملة أخرى عند حزب البعث ... جانوا يكسبونهم كون هم شلة نكرية و الناس نهايهم ... فيستغلونهم لمهمات سرية الحزب ، بتواصل غير مباشر .

بس خنجر جان بعيد عن حزب البعث، وما يعترف باحد لا حزب ولا ريس ولا عشيرة - كل همه

زناد .. يحوم أعلى زناد و يتوعدله .

ليما جرك جماعته .. تسيكوله اعلى الطريق العام ... و كضوه شلة شقاوجية ... سلبو سيارته ... وتوله سجين ... الأولى بصدره و الاخرى بصفاحه ... وطكوه ليما زرکوه و ديوه بالدرب و خذوا

السيارة وشردوا بيها .

لاكينه ناس اعلى الدرب شايلينا و مسعفين بيه للمستشفى ، يوم كامل بالعملية و اهله ما يدرون عنه.

عمامه و عشيرته كلهم ظلو يدورون اعليه من كونه مفقود ... سرحان و عمامه ما خلو مجان ما

دوروه بيه ... و الديرة كايمة كاعدة أعلى فكدت زياد .

الدكت الباب اعلى بيت حاكم ، طلعت كواغد تصيح : ياهوووو ياهوووووو .

ناصر : انا انا

فكت الباب : اجبل الخير ، سلامات

جا مامش جلمة هلا

عكب عملتكم ابني ناطرين مني جلمة هلا .

مرت ناصر : جا الاصول هیچ تكول

الاصول ويا اليعرفون الاصول، لجن ما اريدن ادشن بخطيتكم و اطلع عند الله كاطعة رحم .....

ماد

وفكت ليهم الباب دش ناصر و هو يكللها : والله ومتفضلة أعلينا بت شمخي .

شرایدین ؟

لينا بت عدكم و جايين نشوفها .

با صلوات اعلى محمد وال محمد ... حكد تشكر تو عدكم بت، جا برادلها بخت .

ربني وانا اوليد اهلي ، بتنا يو لاله ؟

حياكم دشو وشوفوها جا مانعيكم احتا ، حياكم .

دخلتهم جوا و صاحت : يممممه هديوة جيبي البت خاطر يشوفونها عمامها.

طلعت هدية و هي تلف بشيلتها، عاينت عليهم : عليش تشوفونها شرايدين منها

مرت ناصر : جا بحلكم عظم مثل امج ما تكدرين تسلمين كيل لا تحجين .

مامش سلام اعلیکم و بني ما اجيبتها .

كواغد : جيبيها يمه و خلهم يشوفونها .. ياله بتي

بممهمه .... قاطعتها

امشي و جيبيها يمه .

دشيت شلت البت و انا كلبي لاعب من جيتهم ... تعجب وتنجب اجو يشوفونها ، كل عالمدة

ساكنين اعليها و هسته جایین ؟

هذیتها و طلعت و حطيتها بحضن عمي ، سالها و حباها و هو يكول : شو هاي سمينه شتوكلونها حصو

كوالغد : بجد جدها حاكم الله يحفظه ويخلي اعلى راسها و راس امها .. عينها بت هديوة العزيزة .

مرت ناصر و بت فليح شنهي نسيتي

توج ضكرتيني بت فليح، من عبده بس بالاسم ابوها كل خير ما بيه .

ناصر : سوالف القطع لا تحجين يكواعد

انا الاحجي بيهن و يو فعايلكم الحجنهن ؟

مصارين البطن تتعارك و ترد تشتغل فرد شغل و يردون اعلى مايهم و هاي الحياة جا شنهي

تريدينها كلها ايام عز .

يا عن هاذ اليطلع منكم

الزلمة انجتل و اخذ جزاته و احنا سكتنا و ما حجينا و مساعه رايد مريته و بنيته بردن ليه .

مامش الكم مرة عدنا ، و البت هاي ربيبتنا وبنيتنا ، مثل ما نسيتوها امس انسوها اليوم و هدو

امها تعيش بحال سبيلها .

مرت ناصر : المرة مالها غير زلمتها و يو نطكت موش اول مرة تنطك ، الزلمة يجتل ويطك و يحط وحدة و اثنين و ما ينعاب ، العيب اعلى المرة التهد بيتها وترضى تجابل اهلها و هي عزبة .

تنهي كعدتها ؟

كواعد : كعدة هنيا ولا زلمة الغم يطين عيشتها ..

ايني موش اغم

لا على العباس اغم و ما بيه خير ولونه بيه خير ما شال بت نفاس وملكها ... هاي هم مرة و

تتحمل ؟

ناصر : الله يعين حاكم شلون حاملج اعلى السانج ، يفتهم ساعة الجاب البغدادية و حطها اعليج و جايلها من كون انت ما تتجابلين وبتج اعليج ... من حدر وكا حتجن ويا الزلم و مرادد جن ... ما يحويجن زلمة وتنهجون .

دامها بتي مهجورة عليش جا اينها ؟ هي راضية بهجرها .. و ان جان اعليه .. انت وال تجيلك بحويطهم تروحون قدوة للذيال شيلتي ...

مرت ناصر : جا من كون احنا نروح الذيال شيلتج ، خلي شيلتج اعلى راسج و بتج عدج و بتنا عدنا

هدية : يا بت های التاخذونها ... توكم شكر تو عدكم بت

كمت من مجاني و هميت اخذ بتي من ايدها ، جرتها عمتي و تكلي : ما الج بت يو ما رديتي .

البنية عدلا وساعة التريدين بنيتج .. تردين لرجلح و تجابلينها .

ابنكم ما اريدنا و يو يظل يوم من عمري ما ارضى اردن ليه .

جا ظلي جابلي اهلج و انسي عدج بت

وكفت بوجهم كواغد وكالتلهم : رحبيت بيكم حسب الاصول، والاصول تكول تنطرون راعي

البيت يرد ياله تاخذون من بيته و تطلعون .

ناصر : ساعة التاخذها بنه احجي بالاصول البت بتدا و مردها لینا و حاكم ماله حلمة اعلينا .

رادت تسحبها منهم ... ما رضوا ... سحبو البت وطلعوا .. هدية فكدت أعلى بنها، كامت ادك و

تلطم و تصرخ

باني يمه اريدتها ، كتلج ما اطلعتها .. يتييبي يمه

جا غير يو ابوج موجود و اهدته اعليهم انا هسه ياهو الاحشمنه و يروح يجيبها لينا .. كليلي

اريدن بني بمه ، اموتن بو ما ردت لحضني الليلة .

جمارة : انا اروحن ليهم و ابوكنها ..

شتبوكين منها اسكني ، خلني اعرف متصرف

يمه بتي . اااااااخ يمه بتي .... راحت من ادييييييه يمه

وكامت تلطم اعنى راسها و تصرخ و کواعد و لاله يكضن بيها و جميرة تهدد ليما طاحت هدية و انسخت روحها .

... اطاها دوا وردن للبيت ... وهدوة فاكدة اعلى بنها و تبجي ...

كضتها كواغد و شالتها بعربانه مالت مطی و مشت بيها للمضمد ... قاسلها الضغط و كاللها هبوط

راديون ساعة السمعت هدية طايحة وهاذ حالها ، بلغت ردحة : عمه انا رايحة لبيت كواعد

وين رايحة عمه و الناس عينها اعليج ، واخيج مامش علم منه و اخوج مدوهن بالدواره اعليه .. اكعدي

اخرى مالی غرض بیه و یو مات ما اكونن الله يرحمه ... و كعدت البيت يا عمة ضاكت صدري . خليني امش الهديوة اجاباتها وأفضى بهمي و يا همها .

جايو ما عيب من الناس انا اخذنج لجن الناس رايحة راده اعلينا، خليها يومين و نروح ليهم انا وياج .

راح آلبوش و امش محد يعرفني ، بس اريدن اشتمن هوى الله و افضي البدليلي راح اطكن من الكعدة .

كوة قنعيت عمتي اطلع من القصر تبوشت و اخذت یاسر این زناد ... و طلعت من البستان و مشيت من البستان ليما وصلت الشارع ، طلعت امشي اعلى الشط ..

اهيس بروحي ضايعة و ضيعيت كنشي .. لا ولف و لا ابو ... حتى امي و اخوي باعوني برخص و اطوني الناس ما رحموني و طلعوا الام جدي براسي .

مشيت لبيت حاكم من كونه كله حريم ومامش زلمه ... خاطر اخذ راحتي ويا هديوة و اعلى تعاوي عمتي ام ستار .

وصلت للبيت ... دكيت الباب و دشيت ، تلكتني عمة كواغد و لاله .. دشيت لهديوة و كعدت وياها كسرت خاطري و اهي تشكي و تبجي اعلى ابنيتها ، ظليت مجابلتها و ابجي .

ظليت عدهم لليل ما خذة راحتي ... عمة كواغد ما رضت اردن للبيت وكالت : يو نشد و علج انا

اكللهم عطليتها

كاعدين بالليل تونا كفينا العشا و جاي نسوي جاي ، و انا واكفة بالبيت ماخذة راحتي ... و اسولف ويا لاله و هي تحضر بالجاي ... اندكت الباب و طلعت عملی کواغد ...

انا جو بعدة بالمطبخ ... و المطبخ يصير وجهه اعلى الهول ، يو ردت تطلع منه لزوم تدش الهول خاطر تمشي للحوش يو لاي حجرة بالبيت .

سمعت حس سلطان و هو يحجي : انا موش فاضي لها السوالف .. و ناصر حكه .

کمت اعلی خیلی و مشيت الليد منهم و صرت اعلى صفحة ... دس سلطان وولده جاسم و جسام وياه .

كعدوا بالهول و كواغد تحجي : حاکم و ستار تجندوا ومامش احد عدي ، شلون احشم اخوتي اعلى ولد اخوك ؟

سلطان : سهلة سهلة امش لبيت ناصر و نشوف وين تصل ، جايج وينه .

گواغد : لاله يمه ، جايجن .

سلطان : يعنى التحق ستار و حاكم .

ستار كبل اسبوع .. و حاكم كيل ٤ ايام ..

انا نص ولدي تجندوا ... جسام و جاسم مخلصين خدمتهم ... بعد شنتظر من صدام .

کواند : صدام موش سالفتي ، سالفتي عد ناصر البت ما ترضى ترد .. و فليح موش ابيته .

شنهي ردتها ؟

انا احجي وياهم لجن الحك الهم .. يتهم وحكهم ..

يا حك هااان جاعد ابيتي و ما اريدن اطولن بالحجي، يو ما شك كمت البت ساعة الجابتها .

حجابة الحك عليش ما تحجونها .

اغتاض سلطان من حجايتها ، وانا واكفة استمع ليهم ، شالت لاله الصينية، وكفت و كلت الها :

هدي من ايدج الا اخذها

- يا دية عيب وعلى

مامش عيب، رايدة الغيضتهم بدشتي اعليهم ... هدي

لقيت شيلتي اعلى نص شعري، وخذيت صينية الجاي من أيد لاله و دشيت اعليهم بلا سلام . سلطان يحجي ويا علاة حسه ، ساعة الشافني ، سكت : بت ضويحي هنا ؟

سكنت كواعد و هي مغتاضة ، لا جاوبيته ولا رديت، حطيت الجاي جدامه ، و حطيت الصينية جدام جسام و جاسم ... عايتيت الجسام و هو يعدل كعدته و متفاجئ بوجودي .

ما كدر يسيطر أعلى السانه، و حجه : شعرج هنا ؟

ما رديت عليه ، عفت الصينية وطلعت برا .. هد الجاي و تبعني ليبرا : تعاي جاي

عاينت اعليه و انا امشي للحب ، قلت الفلك .. و درت ليه : شرايد

شعندج هنا ؟

عليش تنشد و انت ياهو و ابررلك جيتي ؟

تكرب : المساع ما خلصت عدة طلاكح و لهساعح اعلى ذمتي ، عدلي فجح و احجي عدل .

هد فجي بمجانه و رد اكعد بكثر ابوك ولا تطلع عن شوره .... وأمش عني ......

رواية كحل عرب الفصل السادس والاربعون

اعتراف جسام )

لا تحت الحيا... ولا ضيعت معروف

ولا خنت الوقه.. وربعي اجعلوا مني أضحك بالوجوه.. الغير راحة يال واصبر لو .. ليالي العسر ضكني واکابر عالشدايد .... حد مصب العين واسکت... نو دئو من الناس لاسني وازلف ... لو حوافي الزعل وازني

واسامح .. ما أبحثر.. وين حد الفيض

عريان السيد خلف )

جسام : للمرة الثانية اكلج احجي عدل ، انا ما حجیت شي بس تشدتج شعرج هنا ؟

و انا ما طاري اعلى بالي اكللك شعدي .

هز راسه : زین .

تحرك مشى ، ورد وكف : جانو يكلولي هي ما تطلع ولا تخطى عتبة الباب ، بس اشوفنج هدد ...

اطلعين و تبانین عد ناس غربة، وتضيفون خطارهم بعد .

درت من عنده و انا اخذ ماي من الحب و اشرب و ما عرت اهتمام الحجاياته ، اغتاض .. تنهد و

دش داخل .

توا دش ، كام ابوه ... و هو يحجي ويا كواغد. سهلة سهلة ان شاء الله ، محلولة .

طلع انا واكفة ، حجه : اشوفني هنا ، شنهي ؟

رادیون : اجیت اشوفن هديوة من كونها رفيجتي و احبيبتي ، عمة كواغد انا اروحن لبيت

سرحان بعد .

وين رايحة عمة ، ظلي الليلة عدنا .

لا زناد مامش و لزوم اروحن

سلطان : ياله عدكم العافية

جسام : امشي اوصلنج بطريجي ..

کواغد: لاله لا ... اليلة ثبات عدي ، مالك غرض بيها .

جسام : ما دام محد ابيت حاكم ... ظلي انت هنا ، و باجر عمتي كواغد تو صلح .

اي انا اوصلتها .

تجاهلت الحجي و انا اجرن عبالي طلعوا هم و اسمع ابوه كام يترادم وياه بالحجي ، كضتني عمتی کو اغد : وين رايحة عمة

- لا هم يالة اروحن ...

د كعدي يا بني ، هو شعدنا شو كلنا تساوين ومامش بالبيت زلمة و بالقصر كل وكنج مسيلة و

صافنة، كعدي .

دخلتني ليجوا ، طلعت هدية ملهوفة : هايمة شكالج سلطان ؟

يكول انا احلتها و احجي ويا نويصر .

ما يحلها وراح يمطمط بالسالفة ليما ينمط كلبي أعلى بني ، خاطر يجبرني اردن ليهم .

كعدي يمه خلنا تسولف ... لويله عمه ، اسهينا تمرات بدهن حر و ذبيلنا اعلیه سمسمات خاطر انکس بیهن

- اي عمة

وكعدنا غاد حجت کواغد :

ردنا نكعد بالهول لجن خذتنا ودخلنا بالحجرة يم أم حاكم مريضة و الكومة صعبة اعليها ، قرشنا

اسمعي يمه هديوة انا ما اريدن اضرنج .. ويشهد أعليه العباس، كعدتج ابيتي ارهى اعلى كلبي من كعدتج غاد، من كون يو رحتي اللكمة الاكلتها العرضين كيالي و اغصن بيها اعليج . لجن بيمه انا خايفة اعلى البنية منهم ، دولة ناس ما يخافون الله ساعة الحكها ابوها و هي

انفاس ما اغتاضو اعليها تريدينهم همه يحتاطون اعليها ؟ و البت رضيعة و تلاكينهم هسه

مز و هرينها بحليب الهوش و هي الحيمة ترفة ....

يمه لا تزيدين القيم أعلى افادي ، انا من دون عالحجي كلبي متلوع اعلى فكدت بني ، جا

كليلي نسوي.

مالح غير تردين ليهم.

وارد الفليح والله ما اطيكن شوفته.

لجل عين الف عين تكرمون ، و لجل بنينج بیمه تردین ... مالج غير الرده ، و هو بالعسكرية صار ٢٠٠ يوم غاد و ۱۰ ایام شلون ما بيج اتحمليهن و مصرفح و اکلنج و شربتج انت و پنج اعليه انا كل يوم امرن بيكم و انطيج ها القاسمة الله ، شكلتي يبتيتي ؟

اردن هسته ؟

لاله الصبح و انا اروحن اليسرى تودي اهلها خاطر يجونج

و بني اللينة وين عنها.

اصطبري هالليلة و الله كريم الباجر اي هسه الدير لراديون .

رادیون : ها عمة شو درتي علي ؟

- عمة تريديني احجي الحك يو اجاملنج.

لا عمة ما من احد ما يريد الحك .

كعدتج عد اهلج صعبة و انت بت شيوخ ، يشهد الله و رسوله احسبنج وحيدة من بناتي ، و

اخافن اعلیج و اعلى سمعتج مثل ما اخافن أعلى بناني .

الله يسلمج عمة ، لجن انا شنهو البيدي ، بيت تجيل ذيو غيضهم من جدي براسي و طردوني .

و البردج ؟

جا عمة ردة و بالكوة ما تتراد، ومالي قسمة وياهم

عمة لحجي هيچ يو هيچ .

و فتحت ادبها و دارتها ..... انت بالج و راسج بم خنيجر و كليج رايدة ، شنهي متأملة ترديله يو

شنهو البالح .

جمارة : لا لا خنجر انا احبنه ، من أكبر انا اتزوجه ، انت ردي لجسام .

- يمه هديوة ناوشيني النعال ذالك من يمج.

ضحكوا ، و راديون ضحكت : والله عمه انا ضايعة و مالي كل رأي و مدين ما اجيبتها اتيه، خنجر طاب كلبي منه من ساعة الخطف جسام اعرف انا اتهاولت بيه ووافكت اعلى جسام، لجن يا عمة انا بت شيوخ و اهلي وسمعتهم عدي اهم من روحي و من كل شي .. و هو بسوايته ما فکر و كال هي عرست انا من سويت هیچ شنهي رايد فضيحتها ، يو رايد اشهرها جدام رجلها . احسبي جسام ما سكت و حجه لهله ، جا ياهو اليفكني من حجي الوادم وأهلي بيا وجه يجابلون الناس ... هاد و سرحان صديجة ورفيج دريه انا هاذ الطيب كلبي من خنجر ، و غيضي منه ازود

من عشكي ليه .

و جسام ؟

- يو حجيت الحك الزلمة ما كصر اعليه بشي ، صكد انا ساعة الطلعت منه اغتاضيت من كونه ما رضى اطلن عده ليما تمر فترة ، لجن يو اكعد و احاجي روحي اشوفته حكه .. انا ما اعرف خنجر شحاجي والمخريط جدامه و گلهای و هو لا جابني ولا جاب اهلي بشينه و اخذني وهو مصوب ورداني لبيت اخوي و ما خله واحد من اهله يكربني ، بس كلبي ما يهوى.

احجيج وياه ؟

لا عمة ما اريدنه .

جاي يحجن ، دشت لالة و هي شايلة الصينية و مسوية تمر و دهن بطاوة جبير رررة ، حجت کواغد : خايبة جميرة لوفي اعلى بيت المتيريسه و صبحيها ، ابوج ما موجود خل تجي تكعد احتاجن

راديون : عمه عليج العباس جا انت ما تغارين منها ؟

والله يعمة اول ايامته .. جنت اشوفن ابلیس ووما اشوفتها ... لجن الايام طويلة و أعلى

اللجمات العود كلبي .

وان جان تدخل لجن عمة ابالي انشدنج ، عمي هم يكريج يوصل ليج .

اخر مرة كيل و اشهر ازود ما ادري ، لجن يا عمه انا هم طاب كلبي منه ... لا كمت اعاتبته ولا اریدنه ... شكلله عليش تحبها ، الزلمة لا مكصر وياي و لا مخشن كلبي بجلمة .. و كبرنا و بناتي و ابني و احفادي ترسو البيت عيب يحكي اغتاض و ادیرن وجهي اعلى سالفة ما تسوى ، و هو هم زلمة و هي زغيرة وتحلى بعينه، شرايدة غير الله يستر اعليه و اعلى وليدي وبنياتي و احفادي .

والله يعمة كليج كوي الضرة مرة .

موش كوية لجن جترة الصدعات تكوي يعمة و انا مامش هم ما صدع بغادي .

دشت ایمان و ابنها رکض كبالها و طاح اعلی کواغد، حضنته کواغد و ضحكت : عايني يعمة، جا

هو البشر شيضل من عده غير الجلمة الطيبة والفكر الزين .

کعدت ایمان و هي تسلم عليهن، وظلن يسولفن يتسامرن ليما نامن كلهن بمجان واحد .

ثاني يوم ... جان هو 22/9/1980 .... انطلاقة معركة القادسية .... في يومها من العراق هجمة

على ايران و اعلن الحرب .

كان يومها الشمس متلبدة بسد الفيوم ... والجو كتيب ، وكأن هذا اليوم ينبئ العراقيين بغيمة سوداء ستحل على سماء العراق ، لا يعلم احد متى تزول هذه القيمة وتشرق شمس السلام على هذا البلد العظيم .

طلعت حمارة للمدرسة الصبح ، وصلتها كواغد جاي من المدرسة وهي لافت اعلى بيت ستار و مشت لبيت يسرى خبرتها خاطر اهلها يمرون ياخذون مديوة، ويسرى كانت الها : امرج عمة . ردت كوانغد خاطر ادش للكاع ، و شافت جلجول كاعده بالباب هي و امیدی و بیدها مصغول .

تمص و تطي ...

جا انا وصليتج أرد الاكيج جدامي ، شنهي زيبك انت ؟

- يمه مامش مدرسة

عليش

يكولون صديم سوا حرب .

- صديم ياهو هال ؟

يمه الريس مالنا ، يكولون اليوم حرب ومامش مدرسة .

یا رحمتك ربي ، من كون فتحنا هالصباح بحرب، ها ببو خيمة الزركة ادخيلك احنا تستر علينا واعلى زلمنا ووليداتنا من هالحرب يربي ، خيرها لينا وشرها اعلى عدانا .. دخيلك يبو خيمة الزركة.

دشي داخل ياكه ، و كليلها لهديوة تحضر روحها خافن عيالها يجون الظهر ، ياله يمة .

درت عن البيت ومشيت للكاع اشوفتها و اعاين اعليها خذيت الهويشة مالتي و طلعت بيها . خافتها مغناطة من الحصرة بها الكطعة، وظليت اداور بيها بالكاء و افسحتها .

واكفة و اعاين سيارة عاد من عدنا موجفه ما مشت، ربطت الهويئة ومثبت ليها ، وي ما كربيت وتعلى اشوفن جسام جويعد بيها

يا الاع عمة ، جا شعدك مجسي هنا ؟

فز من مجانه ، فك باب السويويرة ، ونزل منها : هلا بيج ام ستار .

هلا بيك يمه ، معتاز شي ؟

- لا عساج سالمة ، انا اللزوم انشدنج من كون واعي بينج موش موجود

خير من الله، نحمده و نشكره .

الله يديمها

جا ما تكعد

لا اريد اروحن ، عدي شغل

تروح بو جای تفکر اخبار الولف .

- ولفيش ؟

جا هاد مريتك ابيتي ، عليش .

ابتسم : ام ستار انت ما يفوتج شي ...

جا ما طول ما يفوتني شي اكفل سويويرتك و انزل عدي حم احجاية وباك

قفل سيارته و دارلها : خیر ام ستار

- والله يعمة انا تعرفني مرة صايمة مصلية و الشيئة ما اهواها و يا بخت الصلح بين اثنين ، و

اشوفن هدتك لها لبت خسارة الك موش الها .

الحجي جثير، والبكتب مضموم عيب تتخطاه ..

دام راكد بسيارتك هنا متخطي ورايد وحيد يدفعك خاطر ترد .

ابتسم و هو يمشي . كملت حجيها : ان جان المضموم سالفة البياض، انا مستعدة احلف و انا مغمضة أعلى البت رايتها بيضة وما تطلع منها العيبة .. وان جان اعلى الزلمة الظال بكليك منه . وحید حاله حال الخطبوها ... خليني ما اجذب اعليك ... البت كل اسرارها عد هديوة بني و اسرار اهديوة عدي ، لختيجر شايفها من زمان مريرة يو مريرتين ... ومن هالمريرة البت جلب ابالها لجن مامش امل بيه من سرحان سفلاه عده و عدل هندامه و گونه رفیجه مان اعلى الشيخ و خلاه يخطب ، جا انت كلي بت لا طلعة ولا طبة وخطبها وحيد تتضكره مغازلها ... ما تتحلم ما تبني امالها اعلیه و هي بت حديثة ؟ ساعة التجي وتكلها لا ما تاخذينه و تهدم البنتة اياله ما تيجي ما تتأثر ، لجن يعمه موشهاي اخر الدينا و الدنيا تعاويد و الواحد يتعود ، و امس انا حجيت وياها

ما جابت طاري ذاك ولا شكرتها ، شكت منك .

وانا شسويت .

انت بحسبة ابني واسمعها مني ، المرة يو السدحت حدر الزلمة ، تعلكکت بیه و نام بفادها ... امس تحجي بيك و كل عين مجيده و تسجب ... و حرام ما ضكرتك بشي لا والله ، لجن العاز اعليها هي بت شيوخ و سوايتك وياها خل اليسوى و الما يسوى يحجي بسمعة اهلها و ابوها

غالي اعليها و ما تهون الجلمة تلوحه.

انا ما اخفى عنج عمه ، البت عاشکها و موش هالوكت كبل سنين ، لجن شلون اخليها عدى و

زلمة آخر يبجي اعليها .

عمة اذا اعلى الزلمة ، أخذ زلم موش زلمة واحد ابن عمها جتل روحه اعليها و تجار و شيوخ حطو القصور ياخذونها و الشيخة ما اطتها ... و نص ازلام السلف تتمناها ، و انت مغتاض من وحيد، يكون مساعك تفرح الله سهل عرسك منها و انت تكول عاشکها جا من تمد سجادتك و تصلي ، شلون توكف جدام الله و انت ظالم بت ؟

الله كريم ، هي موجودة عدكم مساعها ؟

- اي موجودة ، ظل بمجينك خل الده ليها خاطر اكللها او صلاح و احطتها بسويويرتك .

مشت البيت و صاحت : رادیوووون

اوصلنج يو لا دام العباية اعلى راسي

اي عمة أي ، بس البس عباتي .

ركضت لیست عباتها و طلعت وياها : ياله عمه كل أو صلاح، اجدامي غدن الخيوط من الكاع .....

خذيتها و مشيت بيها ، طلع جسام بسيارته جدامي ، كلت : اي دامك هنا ، ما توصلنا لبيت الشيخ ؟

جسام : اي ما عدي شي ، اصعدو

راديون : لاعمة نمشي مشي

ما بيه امشي ، اصعدي عمه اصعدي

لا عمه خل نمشي .

د صعدي يا عمة

جا بالصدر ، غير انت

سا جا غیر مرته و تکمدین احداه انا شنهو ، صعدي صعدي خلني اسكن الباب .

وسا ما صعدت ، صاحت كواعد : يا عمى العماني كون نسبت اكل الويلة تحط الفاصولية اعلى

النار تسلكها .

صكت الباب و مشت، وعاقتهم النينهم ساكتين، حجت رادیون : امش بطريجك انا اردن

لوحيدي

ردت افكن الباب ، كض ايدي : او صلاح وارد ، ظلي

- ما اريدن .

حرك السيارة : موش كتلك ما اريد ، وكف .

انا مالي غرض بيج مو ؟

اي مالك غرض و نزلني ، جاي اكلك نزلني .

ظل يمشي و ساکت ، وصل لطراف بستان الشيخ مطر، وكف السيارة نزلت هي و نزل هو ما

نظرته نزلت البستان ابوها ، و هو تحكها للبستان مشى وراها .

دارت ليه : عليش لا حكني

او صلنج

ما جاي افرزن تصرفاتك شنهي ؟ انت الطريقتي من بيتك .

و رايد ارجعنج

و انا اعلى الكيف ، وكت ما تهوى تطلك ووكت ما تهوى تردني .

خلينا نكعد تسولف هنا ..

لا ما اكعد

جر ايدي هدها ، ويین راید بیه هددددد.

سحبني ووكفني عد الشجرة : كعدي

ما اكعد

وكف و حط ادیه بجيوب دشداشته و ابتسم : تضكريتي ابت اخوي ، من اكللها عمو نامي .. ما

انام ... كعدي ما اكعد .. سكني ما اسكت ... المهم ترادد و تعاند، و انت مثلها .

سکنت و درت وجهي عنه و انا النهد، كرب من عدي ردت ابتعد سحبني من ايدي ليه و حجه : کیل 4 سنین حضرت عرس ابن عمي جویکم و ابیت شفت بنية الكمر يغار من خصالها .. من ذيج الساعة و انا كلبي معلك بيها و شما طرو اعليه نسوان خاطر اعرس و افيستهن بالبنية العشكها

كلبي، ما يطلعن فلس يسوكها

عايدت عليه و ظلیت موجدة بعينه، كمل حجيه : جنت احاجي ربي عنها و بكل صلاة الحيه و اطلبتها و انا مايس تصير لي من كونها بت واحد ابوي ما يطيك يشوفها ولا يشوف بزريته .. بس

سبحان الداور المور و حطها جدامي .

كلت الريك طردتها ساعة السنجابيتلي ؟ كتله ربي الطينها الى رضيت ليها السمعة الشيئة الها ولهلها ، كتله ربي ساعة الاختيرتني بيها حلفتلي و بجت و توسلت و انا نهرتها و ما رضيتها ....

كتله يو ما كتله .

ذيج الليلة ما وكفت عدي ، وكيل لا تحجين طلعيت الدم من جسمي خاطر لا تتأذين .

بس ما صدكيتني .

دموعج و تهرج الى ساعة الكرية .. واخبرها الزلمة الخطفني و ما خله حجاية شيئة و تكسر الزلمة ما حجاها و فتر بيها جدامي واهو يحجي بيج ، يو انت يمجاني شنهو التسوينه ..

يكفيني المجان الانا بيه .. شنهو ذنبي بكطرة دم ما طلعت ببياضي ، انهانیت و انطکیت و اجتلت، و الشهر بيه ومامش احد سمع مني ولا واحد صكداني ، كطرة دم هانتني جا شرخصتی عدكم ؟

- انا ما مكيتج

وكت الرديتني لهلي مكسورة خاطر شجنت تظن يلاكوني بالهلا ؟ يو ما خوفهم من الوادم جا خطو جيلاتهم براسي ، و السبب كطرة دم انت هنتني بسببها ورديتني ليهم ، و تريدني ارد ؟ عليش .

حجيتها و درت منه ، كضائي : رويدا

هان موش اسمي ، هد ايدي .

بسم آخر ننسى المضى ونرد .

رد لهلك و خلني .

جريت ايدي منه ... و مشي و هو يصيح وراي تبعني لجت دشت بممشاي ووصلت قصر ابوي و دقيت ساعة الدقيت سرحان صد بوجهي

ها خويه شو داشة وحدج

عد أهديوة

- ورادة لوحيدج ؟

جا يا هو الوصلاح .

الدكت الباب حجه : دشي داخل خل اشوفن ياهو

طلع و انا دشي القصر و اعاين ، وكف جسام اعلى الباب : السلام عليكم .

اهلا و عليكم السلام ورحمة الله وبركاته ، تفضل استريح

زاد فضلك

دخل للقصر و هو يكله : سمعت بزناد مامش و جهت انشد

صار لنا قلت تيام تدور اعلیه و مامش .

- جاوينه .

اندارت روستا اعلى هالزلمة ، تفضل اكعد

كربيت من الديوان و هم كعدوا بيه ، ظلو يحجون بزناد و سرحان عرفه ما جای اعلی زناد و

اجا من الخير : صاير شي معتاز شي .

ابو مأمون انا خجلان منك وجايك بطرك روحي والمفروض أحي ووحيد وياي .

امر ؟

انا كبل فترة رديت المرة وطلكيتها ، لجن ...... سكت ضاع الحجي بلسانه ... نطك : انا رايدها .

المرة لساها ما خلصت عدتها وبجامة تردها ليك، وانا زلمة صاحب بخت من كون عدي الحفظ اعلى هلك لجن جلمة الطلاك ما احجي بيها من كون تغضب الرحمن.

انا اعرف لزوم اجيب اهلي و تحجي بهالموضوع لجن كلت اقاتحتك بيه كبل لا الخطيه .

لا خير ما سويت و انا كتلك رايي ما ادخل ، و الراي بم اخيني الرضت ترد ليك ، زلمتها وحكها

وان ما رضت هاذ بعد رايها .

خوش جا انا اکومن و يومين و اردن ليك خاطر اعرف شنهو الرأي و يو رضت اجيين اهلي و

نجي ليكم تعاود .

الف هلا و مرحبا .

بالمهلى يديم عزك ..

كام من عنده ، انا ركضت دشیت داخل ، طلعو و هم يتسالمون ، صك الباب ، و رد دخل سرحان .

مشيت بساع خاطر لا يشوفني ، لجن المحني ساعة اللفيت ، صاح

راديووون

ها خوية

الجابج من بيت حاكم جسام

ام ستار صعدتني بسيارته ، جان موجف عاد عن بيتهم، هدتني ومشت ما رضیت و نزلت عد البستان و الحكني ، شنهو الرايدة

الرايدة النن تعرفين بيه لجن انا رايد اعرف رايج شنهو .

- اناااا........ قاطعني

اخذي وكنج و شاوري امج و اكعدي و يا روحج وداوي امورج وبعدها اسمع رايج و انا ما ادخل

هاي حياتج و انت اعرف بيها ..... بس رايد انشدنج .

شنهو ؟

عاين منا و منا ، سحب ايدي و دش للحجرة : شعلوم هدوة ؟

حال الضيم حالها ماخذين بنياتها و دمعتها تسجب ما نشفت اعلى ظنها .

- عساها بحظهم و ابحتهم بجاه العباس من ساعة الخذوها مامش سواية كثرة الا عماوها بحالها .

جا حظها بعد ، يو تشوفها تكسر باب الكلب .

تنهد و هو يفرك بوجه : تريدني اساعدها؟

شلون

ما اعرف اشوفلي طريحة اساعدتها و اردن بنيتها ليها.

لا رضت بردتها ليهم، والظهر يجون يأخذونها

- تسودنت هاي ؟ تعداها الموت من حدر ادبهم و ترد ليهم ؟ بعكلها هاي .

هدوة صارت ام يسرحان وضعف الام يضناها تتحمل الضيم لجلهم و هاذا حالها .

اغتاض حيل و كاد يتنهد وهو يدور بوجه و يشد اعلى كبضة ايده، ابتسمت : بعدها متربعة بدليلك

من كونها اتغيب عن بالي ليلة .

و شناطر ترد ليك

وانا بروحي ما اعرف شناطر و لیوین راید اوصل بشوكي ليها ... سنين مرت و انا ما بطلت انهض الفجرية خاطر اجابل الشط واتخايلها، الا انشدنج، تضكرتي يو ناسيتني .... هم تحن ؟

يكفي بس اعاين يعيون هدوة ... نظرة بس ... اشوفتك متربع بنصها ... ما يوم شفتك تزحزحت من عينها .. بس ولاها الضيم بعيال ما يرحمون و دنيا ردية ما لصفت وياها .

دمعت عيونه ساعة الحجيت نطك و كال: الله كريم ، باله انا اروحن .

طلع من الحجرة مرته موجفة و تتصدت اعلينا ، تعداها و مشت اجت عدى : انا على يابو علي

اکولن هلیت نساها تردین تضكرينها بيه عليش ؟ و شنهو الرايدته ؟

و هو نشدني عنها

تكدرين تجذبين و تكليل نستك و ما تريدك ، يو صعبه اعليج

عليش غيرانه من سالفة ما تصير ولا بيوم تستوي و تصح ؟ تطمني رجلج حراج و محد ياخذه

منح

جمارة : عمي عمي عمي

خنجر : دخيلك يبو فاضل اجت العجة .. ها شرايدة

جا انت موش كتلي یو عرفتي اخبار عن راديون خبريني .

و شنهي الاخبار ؟

امس جانت بابته عدنا

- صكد؟

اي اجت لينا عين بيت نويصر خدو امنية بت هديوة و انا ظليت ابجي اعليها و هديوة و امي

حتى لاله ، بس اميدي ما بجة

بده التدرين.

و اجا جسام بالليل و هي دشت كعدت حداه و اطنه جاي .

عليش اجا هو موش ملكها ؟

عمي سا طلكها ، حطت الجاي جدامه و هو طريك جنه حصان و مشى وراها .

و شحجي وياها ؟

جا تريدني اتبعتهم ، و علي امي تكصيني .

هاد شلون ابعدته عنها ... هالاغم ابن الاغم ... شنهو اعمل بحاله و يجفيني شره .

حجت وياها امي بليل ... كالتلها تردين لخنيجر

ای ؟

بس هي كالت بعد ما اريدن خنيجر طاب كلبي منه ، وظلت حمد بذاك و الصبح اجا اعليها و خداها .

هالحجي مكد ؟

جا انا ما اجذب ...

سكت و دلك و هو كاض عودة و يخرمش بيها بالكاع كريت منه : عمي اذا ما اتزوجتك راديون

لا تضوج انا انزوجك .

ابتسم و دار وجهه : و شتطینی مهر ؟

شني يعني مهر ؟

روحي بويه روحي

انا اكلل ليوي يطيك الهويشة مالتنا ، جا هو يحبني .

يحيج و بطيني هويشتكم

ضحك بصوت عالی و حجه : شکتر عمرج ولج انت ؟

راح اطين بالحدعش ... أمي تكول انا بحلج و غسلت

- انا اخووووك ، هههههههههههههههههههههه ولج بويه هاذ الحجي لا تحجينه عيب .

عليش

سوالف ما فهمين بيها لا تحجينها ما يجوز

- لا شمالك عميبيي ، افهم .. ذاك اليوم شفت هدبو و ............ قاطعني

هااااي هيبييي خايبة هلاااااا ، بسج اعوينة ابيچ

جا انا شحجیت ؟

لا تحجين بويه ما يجوز عيب .

عمي عود تعليش عيب ؟

ما يجوز

اي عليش ؟

- خايبة فكي باخة مني شنهي تالي عمري اكعد اعلمني عليش عيب .

- انت بس تصيح

فتحت ادبها و عددت : اجيبلك اخبار تصبح ، احجي وياك تصيح ، اسولفلك على اميدي تصيح .

شحالك

طاكني عرج كفيلج العباس مسودن ... هدینی و امشی

جا عليش من اكللك مسودن تکلی اطكنج .

اكلج جميرة ، اغدي فدوة الهالراس المصليخ هاذ ، عليش ما تخليني اكسر هالعودة بفادج و

اربح افادی ؟

عليش تعيب ، كلي روحي بس لا تعيب على راسي

كامت منه اغتاضت وركضت البيت ، دشت و هي تبجي ، شافتها حيويتها : ها شمالج ؟

يعيبون على يكلولي ام رأس المصليخ .

يا هو اليعيب عليج .

- خنيجر

يغد يلج قدوة هالنكري .

بس انا اريدن كتيبة و امي ما ترضى .

بطلي و سوي كصيبة ، جا بعد شتسوين بالمدرسة ما دامج عرفتي القراية والكتابة بطلي.

- ما ايطل ما ابطل .

دشت هدية : شمالها هاي تعوي

تريد كصيبة مثل البنات خنيجر معيب عليها .

جا موش تريدين مدرسة

عدنا ويالا بت وحدة والله ، جا الا هم اريدن كتيبة

- ابوي ما يرضى

هم يعرفون انا بت ، فني ما يرضى ، ارييييييدن كصيبة.

همي كافي اعليه كومس ولي من عدي

جا حبوبة يمتر يجون عيالج ؟

- ما اعرف حيوية ، كلبي غادي فلين اعلى بنيتي هاها شحالها بلياي ، عساها بحظهم و ابختهم

بجاه العباس ابو فاضل البعثرهم ان شاء الله .

دشت لاله وكعدت ساكته .....

هدية محزنه و حمارة مغندية و ليجي ولاله مدوهنة ... الدارت ليهن جسومة : اليعاين عليجن

بالعباس عداله عدنا فاتحة شمالجن وجوهجن معيسة ؟

هدية : من الخير

جسومة : انت وجميرة تعرف شنهي علتجن، لويله انت شمالج مكشخله ؟

عمة انا شفت شوفة ما تسر

با ستار ياربي ، شنهي هالشوفة هاي ؟

كيل ايام منجطنة و مامش احد هیسیت خیال احد ... وجنت متاكدة وحيد مر و انت مامش

احد منكم بالبيت ، وزاغليت روحي و كنت اتخايل ، لجن اليوم شفت شي انا متأكدة و المساعة

جسمي يتراجف

عليش ؟

- عمة الضحى خلصيت شغلي وكلت انسدخلي شواي ليما يصير وكت الغدا و خذتني النومه ... و تعدين ولن مرة سودة و عبايتها اعلى راسي وواكفة فوكاي ، ساعة الغزيت و صحت اختفت

من عيني .

جسومة : دخيلج بالزهرة خافتج تتحلمين ولج ؟

لا عمة وعلى ما اتحلم ... انا شفتها موش حلم لجن بساع بساع خفت عن عيني ... أحد يكلي

حلم .. انا متاكدة شفت .

هدية : خافتج عدج تابعة

خذتني عمتي كبل اسبوعين للسيد كاللها ما بيها شي بس خل تلوم بصلاتها .

وملتزمة ؟

موش كل الاوكات ، ساعات اصلی و ساعات لا ، بس شني قابل بس انا هيچ ... و تطلعلي

ها الشوفات .. حتى خفت ادشن حجرتي ، خيلي كله باد .

جاي يحجن اندكت الباب ، و صوت نويصر يصيح : هااااااا وينكمممممم

هدية : لا هنه بحسك ، جميرة كومي اندهي امي بساع ياله ... خل تطلع الهم .

راحت جمارة ندهت امي وكامت ليهم ، حبوبتي ظلت بمجانها ما بيها حيل تكوم ... و انت اتصلت اعليهم ..

تعدت وياهم امي و کامت تشرط اعليهم و هم يكلولها : حالها حالنا ، مامش عزال ، ولا وحدة تفرد غداها ...

حجت امي : شنهي التم تذلونه بالفرخة وعلى اروحن للنقطة واجيبن الامن اعليكم و اوهدتكم اكوان خلني كاضة روحي و أكثر الكرابة لجن التم كلشي ما ينفع وياكم .

ناصر : هاذ العدنا ووين ما تريدين تطين وجهج ، اطي، انت الوديتي يسري اعلينا خاطر نجي

الا احنا ما هاوين الجية ولا هاوين هديوة ....

کواغد : عساكم لا هويتو كومو انتم موش مالت واحد يحشمكم ، كووووومو .

کامت وطردتهم من البيت و انا فرفحيت : يمه ويتي غاد عدهم شلون .

جا شنهي يذلونه بالبت ، لج وعلى ما اطلع بت شمخي يو ما خليتهم يجيبونها و يحطونها بيدج

لیست عبايتها و طلعت ... و الا ظليت مفرفحة بالبيت ، لحكتها جمارة ليست العالها وطكنها ركضة وراها

يمه يمه

انت نجایج و رای

عليش ما تكلیل تخنیجر پردها

و خنيجر شنهي اروحن للامن و هم يجيبونها .

يمه خنيجر يطل وعلى يجيبها.

صدت كواعد : هسته انا رجلي ما موجود و يو رحت للمركز و ندهت الامن اعليهم ، جا غیر اصیرن

على بحلوك ال تجيل و شيخلصني من حجي الوادم .

دارت وكانت الجمارة : هو خنيجر وين ؟

انا اعرف وينه .

حمید سرحان سرحان

سرحان : بشر ؟

اجانا خبر زناد بالمستشفى بالولاية

مكد؟

اي وعلي ، توهم خبرونا .

امشنا نشووووفه

طلع سرحان المستشفى، وصل عاد زناد مسويله عملية و ما ظال بجسمة عظم صاحي ، كوة طلع من الموت ، المستشفى كالت الهم : اخذوه تعدى مرحلة الخطر

طلعو و رداه سرحان البيت ....

وزناد حتى حجي ما يكدر يحجي رجل مكسورة وايد مرضوضة ، و فاكد كلى وحدة ... خسرها

من جسمه.

شالوه و جابوه للبيت و هو اخو الميت ....

والزلم تهويز بالمضيف و تند بالنار و ياهو الطكاه و سلب سيارته ...

سرحان عرف يا هو المتعرضله ... خلاهم یهودون و طلع .

کواغد : شلونك عمة

خنجر : - هلا ام ستار ، كولي يا به .

طالبتك و انا حرمة وزلمتي موش موجود و تولونا .

ما عاش اليتولاج ام ستار امري ..

انا یو اکبر اومدن اخوتي جا حشميتهم لجن ال تجيل وانت تعرفهم ما يتحطون بالعب ، وماخذين بت هديوة صارلهم ثلث تيام و اجو فول جتلتها يتشرطون مامش عزال و ترد للفكر يو ما يطولها البت ويحرمونها من بنيتها .

الهم عين بعد السووه بيها و ياخذون البت.

ال تجيل عين صلفة لا تستحى ولا تترد ، و انا طالبتك .

جا انت بس دليني اعلى نجيل و انا ابرد كليج بيهم من كون مجمر أفادي منهم ..... امري بالتردينه و يجر الج .

انا شلون و متين تجيبها ما اعرف انا جاية اعليك وكل جارة ما عدى .. و رايدتك تعاونی

انت رايدة البت ؟

اي

اعتبرتها عدج الليلة

- شلون ؟

الشلون هاي خلي افادي تشيلها ، ولا توهدتين روحج بيها و تتورطين ، امشي واليت الليلة

عدكم .

اي بعد امك، اغديلك سبع فدوات ، انا اروحن

روحي و طمني اخيتنا هدوة و كليلها اخيج خنجر يكول خل تستراح و ابنيتج الليلة ما تبات الا

مشت کواغد وردت لبيتها، وخنجر طلع للجول . كرب من جماعة الشقاوجية وصاح : حيوووو الربع

- حيهم حبهم .. تعال ضكرناك ، باله كرب .

الليلة عدنا شغل موش مالت شرب .

خير

بت حاكم ال تجيل ماخذين بتها و امها طالبتنا الرد البت الليلة .

حاكم ما يطيكك ولا يطيك شوفتك .. عليش نوهدن روحك يسالفته

حاكم مالي عرض بيه ، لجن هدوة تعود لخويي سريحان ... و انا كايم بها السالفة لجله و لجل امها الاجت تنختني .

اعلى طاري سرحان، ابن الحلال بذكره ، صف سيارته .

دار وجه خنجر و صدك سرحان نزل من سيارته، حط ايده بجيوبه و دار عنه ، كرب سرحان : هااااا الله يساعدهم .

ياهلا بالشيخ حياك الله يا هلا

شیخيش ... عوينة ابو المشيخة لابو البريدها .

عليش و احدا الصينا المجان الله خاطر تركد بمجان ابوك .

یعنی انتم وری دهست زناد و تسليب سيارته

افا عيب هالحجي ، جا هكو غيرنا خاطر تكول انتم ، بس من همه اكذلك السيارة ناطرين النباع خاطر تنكاسم الحصص و انت ما الك حصة .

لا محوللين ولا اموهبين.

لا بارك الله بيك ، كوب اكعد .

ما جاي اكعد جاي انشد عن واحد هد اخيه و ذلف عنه .

انا اشهد انت ما نكصد خنجر الواكف جدامك وعود مطيك الاذن الطرشة و هو حتى ......

مفتحه خاطر يسمعك .

خنجر : يطلو هالكلاوات والمزاغل ، وياله همو نفسكم خاطر نمش .

سرحان : وین

حیدره كله انت مالك غرض

حيدره : خنيجر يكول مالك عرض سرحان .

سرحان : دام هیچ الحجي خوش ، بس كله زعلك داعش ... انا ما عملت الشينة بحكه كثر ما هو

تو هدن بحكي ، و يو ناطر متين تبرير يحلم ابررله يو احاجيه .. من كون الاخو يفهم اخوه بلا تبرير .. و آن جانه اعنى تالى الوكت يطالبني ابرراه غليش عملت هيچ ، يصبح موش اخوه وخله بطخ راسة بالحايط .

دار ظهره و مشی ، التقت خنجر : سرحااااان ؟

ابتسم سرحان ووكف ، دار ليه ، حجه خنجر : كرب لا انعل والديك .

ردي اعرفتك لا تحشم ميت ولا صاحب

- امشي لك

کرب منه و تحاضنو، حجه خنجر : انا اعرف انت سويت اليطلع بيدك الخاطر لجن الصار موش

هين اعليه و بالموت يالة كدرت العداه ...

لا تحجيلي عن احساس انا عايشة لليوم و محترك بلهيبه.

اعلى طاري الاحساس ، انا رايح لبيت ناصر اخذ البت من اهلها و اردتها للعوجة البهواها دليلك

يا هو الطلب منك تدخل ؟

ام ستار اجت علي و رادتني اجيبن البت حاكم موش هنا و مستغلين غيابه و كاعدين يذلون بيهن وهن مامش احد الهن .

و شنهو الراح تسويه ؟

تعلم و ندش اعليهم ... تاخذ البت

اي خاطر يعيبون هدوه و امها و هنه بلا عرس مزوکات ... شنهی نسبت سلطان شیخهم و هاد

ذيب يضيعهن ويضيع الأكبر منهن ...

خل يفك حلكه سلطان .. و شوف شنسوي بيه

لا تستهين بيه ، هو يو عرف انتم ورى السوايات السويتوهن بمحيكم .... ازلامه جنبرین و

اسلاحه بكدهم ... و انتم جم وحيد مطشتين بالجول .

و الراي ..

- الراي يمي -

اعلى وصية سرحان ... طشو خنجر و جماعته .

مشى سرحان ابيت ام ستار و دك الباب : ها ام ستار اشلونج

هلا يمه هلا بيك

احبت انشد عنكم شنهي ما شنهي ، ابو ستار بالتجنيد اعذريني يعني ملتهي بشدت زناد و

التهيت عنكم ..

عساك سالم بيمه يحفظك و يحفظ عويلك

ام ستار ، هدوة ما ترد لال تجيل .

- عوينة أبيهم انا يوما ماخذين البت افكر اردتها لجن يو تشوفها ينكسر باب كلبك عليها وعلى .

طريح وساد بس تبجي .

خنجر اطاني خبر، خل تصبر الليلة ، و بنها باجر تلكاها ابيني .... تجي تاخذها لجن الاريدنه

بيتك شنهو يمه ، فدوتك ما اريدن الشيخ لحية بلحية .....

مالج غرض ... كليلها بنها تأخذها من عدي .... وتنفذون الأكلكم عليه ......

رواية كحل عرب الفصل السابع والاربعون

الرجوع الى بيت سلطان )

ويظل طروالا

نسمة بر.. لا يرخص شرقها

ولا هي تتعثر

يمن طرواك ... خاوه الجدم والمعبر

يمن طرواك.. خاوه الجرح والخنجر

(عربان السيد خلف )

کواغد عمة انا اخافن عليك لا تتوهدن وياهم و دول ناس لا حيا ولا مستحى ويتانون الزلة اعليكم .

لا تخافين ام ستار ... الأريدته منح يو اجو و نشدوج عن البت ، انصدمي و جنح ما تدرين باحد راح ياخذها .. صابحيهم واهجمي السلف اعليهم و اشهر بهم .... و شيعي عليهم ضيعو البت .

جا و بو درو البت عد هدوة .

انت سوي الاكلاج عليه ، و الباكي افهمنج اعليه باجر.

خوش .

صحيت الباب و انا احسب ، جا شراح يعمل ، و شنهو الراح يسوي بيهم ، و بو عرفو سرحان و را

السالفة ، جا غير هديوة اتورط و تلزك بيها الفضيحة .

هدية : ها يمة اجا خنجر

موش خنجر الاجا، سرحان و يكول البت تاخذها من بيتي باجر .

يمة دخيلك ربي و سرحان شنهو دوره وياهم، يروح يتوهدن وما يفتك .

سرحان ما ينخاف اعلية ، وما يومدن روحه بهيج سالفة يو ما حاسبها و ومتختخها اياله.

هدية رديت كعدت ، و انا ما بيه كل حيل ، صدري مورم و اطلع منه الحليب خاطر ما ينشف ، و

صحنت من ورا ورم صدري و فراك بتي ..

انسدحت و انا اونن أعلى بني ، و جميرة كاعدة عد راسي و تكلي : جا لا تيجين و علي من

تبجين اضوجن وايجي .

- هاذ اليوم الثالث وبتي موش بحظني بجميرة ، راح امكن من القهر .

لانه : جا ما دام سرحان كال يحببها وخنجر كال يجيبها ، لا يضل بالج ، الا اكلج عمه انا همه شلون

کواغد : انت الثانية شمالي ؟

عمه جا موش كتلج اعلى الشفته ، و انا اخافن هسه حتى ادش للحجرة ، أهيس اعضاي تتراجع .

باجر اختنج للسيد و تشوف شيكللنا .

جسام : بوية انا رايد اخذ رايك

شنهو الراي يجسام ؟

انا راید اردن مرتی .

یا مرد های ؟

راديون .

بشوفه منها جرت راسك مثل الطلي و خلتك تحن ليها ؟

تعرفني انا من قبل لا اخذنها عاشكها، ومرت ايام و اشوفن مامش شي يستاهل اطلكنها و

ابعدها عني .

انتبه لروحك يجسام ، انا ما احبن الزلمة اليطح راسه لمه ، و ترکب اعلى راسه .

بويه انا لا طخيت الها راسي ولا هي ركبتني السالفة وما بيها رايد ارجعتها .

يصير خير ، أمس نمش تشوف زنيد و نذب الحجاية عدهم و نرد.

الله كريم .

راديون صافنة يزماني و انا متيهة روحي ، اردن اجسام و ارضى بقسمتي، يو اصر اعلى طلاكي و اردن اختيجر ؟ جا و یو اطلکت خنجر برد الى عكب هدلتي ليه ، والأمل وارد للأمل و انكسر

طری اعلى بالي جسام ...

تنهدت و انا اتضكر مشاوره الي و هو يكلي عاشكج ...

مدري شجاني و صرت اتذكر ذيج الليلة ، و ان جانت صعبة اعليه و خلصيتها بجي ، لجن ما

يروح من بالي منظره و هو مغتدب و محتقن و يطلع الدم من ايده خاطر ما يعيبني .

اتضكر ساعة الفتحيت و هو مكابل وجهي و يوجد بيه ، وظلت الضكريات تتوالى اعلى بالي

وحدة وحدة .

غفيت و هو حاط اعلى اجفانی و افکر بیه ...

الفجر فكيت عيني ، طلعت من الحجرة خاطر اروحن اشرب ماي.

بعد ما مات ابوي ، سرحان سرح اكثر الخدم والحراس خله حارس واحد وحجرة الله خارج خاف القصر يعتاز شي. وخله صبيحة و بنها بس يدارن الخاتون، ومن ماتت الخاتون عزلهن من الخدمة وكال لمرته : ما عدنا في انت و امي تعاوني اعلى القصر، و يو صارت كعدة يو عزيمة

انا اجر ناس للخدمة .

وامه ساندته اعلى هاذ الراي ، و اهي بالبيت الامر الناهي، خلت بس ام سالم و جنتها بالاسبوع ثلث مرات يجن يغسلن الهدوم مالت البيت و يكونها وياخذن اجرهن و يمشن .

ظليت افتر بالقصر و اتذكر اعلى وكت ابوي شلون جان مكتض بالناس، عماتي و خواتي من ابوي و امي و كريم زناد و نسوانه و جهاله و الخدم والحراس اعلى الباب ... وناس تروج ، الف رحمة اعلى روحك بوية ، من مشيت راحت المحنة والايام الحلوة وباك ، جنت بيناتنا و ما

حاسين بنعمتك ليما فكدناك.

جای اعاین بالبيت ، دش سرحان من برا ها خوية وين جنت ؟

ا على الشط جويعد ، الاهل ما كعدو ؟

ولا واحد

تمنين وياي لبيت زناد اليوم ؟ متأذي كلش و فاكد جلونه .

و عسلی ازود لا اريدن اشوفه و لا تهلي شوفته .

اعلی راحتج ، جسام كال يومين و امرتلك ... شنهو رايج خوية .

ما اعرف : ما تهلي الرجعة عكب السووه بيه .

رایده تظلين هنا ؟

ما اعرف

حسمي قرارج خاطر ابلغنه و ما يظل متعلك ..

كعدت امه : ها صباح الخير

صبحح الله بالعافية ، شلونج

على الله يوليدي اسوي الريوك

- تكعد بشری و تسوی.

جا ما عدي شي

حجتها و دست بشری صبحت اعليهم و حطت مأمون بالكاع ، وهاذ ركض الحضن ابوه ، فك اديه

سرحان و شاله : هلا بوليدي السبع هلا .. شلونك ؟

و شال ابنه و يلاعب بيه و يحبحب وذاك يصرخ ويتصايح بيده و يضحك ، اندار الراديون و كال الها : انا صالي جم يوم مشغول بسالفة زناد و التهيت مرت كريم مريتن عليها شادتها

شمعتازة ما معتازة .

بشرى هي لا تجي ولا تعاشر احد كل وكنها صاكة بابها اعليها.

راديون : والله انا ما شايفتها

ردحة انا هسه امرن ليها و اشوفن شمعتازه .

كامت ردحة ، و سرحان كاعد ، سوو ريوك و تريكو و نمو السفرة ، وسرحان کاعد و مناظر الساعة ، حجت بشرى جا اليوم ما تطلع المعمل للمضي

رايدة تخلصين مني ؟

كاعد اعلى افادي و اخلص منك ، بس نشدتك شمالك .

تجاهل الرد و يدور وجهه ، الدكت الباب ، و دشت ام سالم للبيت و خلت جاهلة بحضن سرحان

و كالتله : هاي البت جابوها .

اخذها من ايدها و هو يرد : الله يطيح العافية حطها بين ادیه و ظل مدتج راسه ليها و اموجد بيها ....

بشري : منهي هاي

سرحان ساکت ، و امه سألت كلهم مستغربين ، اندکت الباب و حجه سرحان : يمه اخذي قوطية الحليب و الممة من الحارس ، وسوي للفرخة حليب علما تجي امها .

راديون ابتسمت : بت هدوة ؟

شال عينه رادیون و ابتسم الها ، ضحكت هي ، وردت نشدته و شلون خذتها ؟ جا ویو دروا اهلها .

ما اريدن اي احد يجيب سيرة الموضوع .

راديون : اکومن اعاون عمتي اعلى حليب الفرخة .

ام سالم و انا اردن البيت بیمه تعداز شي يبعد عيني ؟

سالمة حجيه .

شال من جيبه فلوس و اطاها و هي ظلت تتشکره ، طلعت ، و بشری حجت : عليش جايبها .

تعرفين بعد شواي .

وعليش مدخل روحك وموهدن نفسك بسالفة ما تخصك ولا انت طرف بيها ، هدية وعيالها

انت شعدك ينصهم .

اخذي مأمون و دشي بحجرتج

لا ما ادشن ، و انا اعاينتك حاط عيونك بها الفرخة و موجد بيها و تتخايلها امها .

رادیون : ترى ما تسوى يا بشرى، لا تزودين حجي، بت راح تجي امها و تاخذها .

کام سرحان من مكانه و هو يكول : رايح للديوان، ما اريدن احد يتبعني .

مشى الديوان و صك بابه و كعد يعاين بوجه الجاهلة شعرها تخين ولادی و زلوفها نازلات، کام

يمسح على شعرها و ويلعب بزلوفها ، و يغني بهداي :

يا زلف يتغاوى وي الليل بطراف الكصيبة ، ها عمري الما على و بالليل ما مرة حبيبه

...... هاك عمري الضال حنظل وانت برحي

..... هاااالك عمري الضال حندل و انت برحي

با حريمة الشوك من بوحشة تايه ، يا حريمة يا حريمة .

دشت رادیون و هي كاضة بال حمية و القوطية وتكله ، اكللك : انا ما اعرف هاي شلون اسوي

الحليب اخافن غلط و تتزوهر البت .

كض قوطية الحليب وكال الها ، حطي 4 مجيالات .

حطت و خضت الحليب وكالته : عنك ارضعتها .

لا لا أطيني ، اذا ارضعتها .

ابتسمت و انطته و هو خط العمة يحلك الجاهلة وكانت ترضع : هو البت بس نايمة ما بحت عليش ؟

والله ما اعرف .

هدية الدكت الباب اعلينا الصبح و دشت مرت عمي و هي تصبح : الفرخة وينها ، طلعتها اااااا

باله

كوالد : يا فرخة

الفرحة بن فليح طلعتها ااااااااا لا اهجم البيت اعلى روسكم يااااااااله

هدية بتي موش عدي و ما جايبينها ، وين وديتو البت ؟

البت عدكم طلعوهاااااا

کواغد : صبعيتوووووو البت

هدية : بممممممممة بني ، بتي يمممممه

كامت هدية تصرخ و ادك اعلى راسها وكواغد تصيح ، هدية ما طخ ابالها اي شي عدالها البت صبك مخطوفة و الت ردة فعل حقيقية كامت ادك و تلطم اعلى راسها ، و كواغد تعرف لجن

كلتهم وشريتهم بالحجي .

و طلعت و هي تصيح ، عمتها جرت بوش ساعة الشافتهن هيچ و البت دورتها و مامش ، ظلت مصفصفة وردت لبيتها و کواغد تبعتها و دشت اعليهم .... شهرتهم شهيرة و لمت السلف كله اعليهم .

ناصر و اهله يكلولها كعدنا البت مامش ماكو غيركم خذها و كواعد ما خلت جلمة وما ذبتها اعليه .

وكالت الهم : هاي لعبة منكم خاطر ما تردونها .

و هدية وياها تصرح و تبجي وتدعي عليهم وتصبح بني خديتوها ، إلى أن خرت وطاحت من طولها .

الخبصو اعليها .. و ال ناصر تو هدنو ... البت مكمطة ونايمة بفرشها وينها ، وحاطها ناصر عد مرت ابوها كضوا مرت ابوهها صياح و طل .. عين البت مامش .

شالو هدية وودوها للمصمد ... قاس ضغطها و اطلاها دوا و هدوها هي و امها و راحو ... كعدت هدية و هي تنوح : يمه بني راحت من ايدي يمه ، ابنيتي را ااحت .

- يممة ليمتها تظلين عمة جا امس شحجينا

شحجينا ؟

جا موش كتلج سرحان يكول بتها تلكاها عدى ، تجی و تاخذها مني .

- يعني عد سرحان ؟

اي

امتينا .

امشي جدامي ، و انا وراج ... خاطر لا وحيد يتبعج .

مشت هدية ونزلت للبستان و مدشت لبيت سرحان، لکت سرحان کاض الجاهلة و راديون كاعدة عدها ، صرخت : يتييييي

سرحان : بهداي بواشج بهداي ، البت نايمة .

حطتها اعلی گلبها و كعدت و تحیت بصوت عالى اعلى بتها و هي حاضنتها ، وراديون كاضتها و تكللها : بهداي جا هاي نتج شمالج .

دخلت ردحة و بشری و سرحان واكف، حجه : ياله بويه حسي دموعج ، البت و ردت و عدت سلامات، لا تضايكينها ووهي نامت

هدية : شلون كدرت تجيبها ؟

دشت كواعد للقصر، فاتت ع الديوان و عاينت بنها كافة بنها ، دارت لسرحان و كالتله : ما اعرف شلون اتشكر منك .

يو انا غريب اشكريني

لا حشى والله ، والنعم منك ... الله يطيك العافية .

كون شكو بيج انت جاية لهنا

لا ساعة الطاحت هدوة هم اندار راسهم ... وطلعو يدورون الفرخة ، ليما تأكديت محد وراي اجیت و هسه اروحن لسلطان و اخبرته و هم اكلله رحت لبيت الشيخ مطر احسم ولدة يدورونها بالسلف ، خاطر لا احد يكول شعدها دشت بیت سرحان بس كلي شلون جبتها ؟

امس بلغت جماعتنا بالجول ، ياخذون ابنهم الزغير حفيد نويصر يطلع عمره ب ١٣ سنة ، و يخوفونه و يرهبونه ... خاطر يجيبلهم البت بلا ما يدري احد منهم ... وهيج لا وحيد ساطي عليهم ولا يجيبونجن بحك ... من كون يو سطو جماعة خنجر و خذو البت .. معروفه مامش غيرج و غير بت الدازينهم و هاي موش هيئة ... جلمة ودت عصابة ادوس البيت خاطر اتجيب البت ، موس بصالحين .

و يو حجه الفرررخ ؟

ما يحجي ، و يو حجه ما يعرف الهدداه منهو .. ولا هم شنهو .. اللبس جان اعربي موش شقاوات .

وليمتها تظل البت هیچ ظامينها ، جا السالفة ما تظل مضمومة .

ليما يرد حاكم من الواجب، ساعتها هو يتصرف و يا خوانه و يقرر بيهم ، انا افضل اتخلينها عد ام مؤید و توصينها تسركي الباب وما تفتحة لاي احد بو شما اندك الباب الا اذا جان انت او هديوة ، كلها اسبوع ويرد حاكم .

هدية : انا ما اعرف شلون اشكرتك و يو اطيك ماي عيوني ما اجازيك ...

ابتسم : فرحتج های عدی مامش شي يضاهيها .

کامت کواغد و هي تكللها : ياله بني ، كومي .

سرحان : ام ستار هدي البت هنا، واخذي هدوة وروحي لال تجيل وتلكين البت عد ايمان ، ولا

تنسین هاليومين ... جثري بروحاتج ليهم تنشدينهم اعلى البت ...

اكلك جا يورد حاكم ... ما يكلوله متين حديث البت انا راسی کدیور و ما جای اوجد دربی .

هو يرد حاكم ... وعود وكنها بيهم زود بحاجونها .. سهله ان شالله .

ضحكت كواعد : جا هو مطر ما مات ها لواكف جدامي، من الغديلك فدوة بيمة ... أضكر موقف لبوك الله يرحمة ساعة الكاطع تهم حاكم متعدي اعلى مرة ... جاب حویکم و حطه احذاه و خله البت ادس وذيج تصرح و نيجي وتكله حويكم تعدى اعليه .. و حاکم جدامها ما تعرفه ... ويرى حويكم من تهيمة كويطع ، ولا انت ... داورتها و لفيتها اعليهم وخليتهم مشوطين ومديور

راسهم والشهيرة اعليهم .... جا هي المشيخة اعكال بو عكل ؟

هیههههه الله يرحمة عد عيناج يم ستار و هديوة عزيزة وتستاهل .

طلعت و هدية متبسمة وتوصي براديون اعلى بنها و ذيج تكللها : لا تشيلين اعلى بالي .

طلعت کواغد و هدية لال نجيل ، وردحة وراديون طلعن ميوشات لبيت حاكم و حطن الجاهلة بعلكة مسواك خوص و مشن لبریت حاکم و دکن الباب اعلی ایمان و انطبها البنية وراحن .

وكواعد ما خلت جلمة اعلى نجيل ما ذبتها، لعبت بحاله لعب من كونه هو تكفل الموضوع و كلشي ما سوا ......

طلع تجيل اعلى بيت نويصر ، و كواغد و هدية ردن البيت، والعصرية وردت كواعد ليهم تنشد ... ما خلو امن و شرطة ما جابوها للبيت مالت حاكم خاطر يحققون البت وين راحت

و الشرطة كالت الهم : لو داخل احد غريب او ساطی علیکم حرامی ، جان شفتو بس البنية الصبح موجودة ومحد داخل عليكم، يعني البنية عد واحد من أهل البيت الموجودين هو الماخذها .

تهمو مرت فليح وهي تحلف و تتكفر البت جانت بفراشها ... وظنو يدورون أعلى البت ... و هدية خلت البنية عد ايمان بس وكت الرضاع أدور ليهم ترضعها و ترد و یو اجوها سوت روحها كلش

جمارة : هااااا انا شكلت الكم ، موش خنجر يكدر يرد البت ، شفتو وووووو

كواغد : الله يطيه العافية

لا يمه انا اريدن اتزوجه

ولج شلون وياج ، اشغل العطاب واجويج ، بكد التعال و تحجين بالعرس ، عييييب لا تحجين هیچ

جا يمه شني ما اعرس .

خايبين ما تناوشوني التعال الطمها اعلى حلكها، ولج اكلاج لا تحجين بالعرس .. عيب ..

- يمممممممه اكو من منج انت بس تغلطين علي .

کامت منها و تسرسحت ومنت لمجان خنجر : هلا عمييييي

هلا هلا بالتفصين .

انا اشكرنك

عليش ؟

لين رديت بت هديوة ، و همه امي خلتها عد ايمان خاطر لا احد يعرف هي عدنا ، و يسرى من تحي ما تشوفها عدنا .

اكلاج هاي السويلفة بس انا اعرفة بيها يو مدينتها يم جم واحد غيري .

لا وعلى ما حاجية لوحيد بس انت

ديري بالج ، يو كلتي لأحد هديوة يطكونها وياخذون البت .

خوش خوش ، بس عمي انا اريد اكللك شي

شتهو

- تزوجني ؟ انا احلى من راديون واحبتك .. ويصير عدنا جهال مثل اميدي و امنيوة .

ضحك بصوت عالي ، دار ليها : كربي

کریت ... حجه : تعرفين شنهو العرس ؟

أي يعني احط ازواكات ، و اعيشن ابيتك ... اسويلك غده وعشه ، واجبين افروخ .

وبعد ؟

- جا بعد شني ؟

- اسمعي ، من يجي ابوج كليله خنجر يريد هايشتین عاطر يتزوجني ، خوووش ؟

يعني ما تعرس الا يطيك ابوي هايشتين

ای جا اتنی موش انت خطبتيني و الزوج و تطيني مهر هايشتين .

خوش

حجتها وركضت للبيت ، تنشد امها : يمه ابوي يمنى يرد؟

خايبة ذلفي عني لا والعباس ارفسنج .

هدية : شتريدين ؟

- عدي سالفة ويا ابوي .

- موش وكنج اكعدي .

رادیون رديت من بيت حاکم و نزلنا البستان تمش كلت الها : عمة ردي انا راح اظلن هنا بالبستان افتر

خوش

مشت وأنا ظليت بالمجان المشينا بيا امس انا و جسام ... و ظلیت ارواح بيه ، و فكرة تاخذني و الأخرى تردني .

مدري شجنت انتظر جنت متوقعة جسام يمر منا بس ما مر ولا اجا ظلت اروحن و اردن

بالمجان .. وافتر .

ليما ورى ثلث ساعات يلا رديت البيت، جانت بشرى تحضر بغريضاتها ، حجیت : وين ؟

- رايحة الهلي

عليش

خلي البيت الخيج ، يفرح لفرحة الهديوة و مكضي وكنها لخدمتها و ناظر هلبت يطلكونها خاطر

ياخذها .

علي هالحجي هاذ

لا حجي ولا هم يحزنون ، انا رايحة و هدوني بروحي .

اذا جنت طالعة مسيرة، اخذ يلج جم يوم و ردي و ان جانت طلعتج زعل ، خلي ابالج مالج ردة للبيت ...

لا لزوم اظلن هنا و اعاين نظرات العشك بينه وبينها و ارضی بدلتی های

ما خدمج هو ولا أملج بابام و کالج امیشنج بزهو ... من اول عرسج کالج بيت انا عاشك و

يمنى ما احظى بعشيكتي اخذلها ، تريدين تظلمن تريدين تروحين

هاي اول و المرة عرست و هو ما كاطع الظته منها .

المرة شحالها و انت غيرانه منها ، عيالها لا يملكونها ويو طلكوها ما يخلونها تعرس ووالبت

عدها .. وهدوة ما تهد بتها ، يعني السالفة مستحيلة ، لا تفكرين بيها .

انا ما اكدر بعد ... تعبت راديون تعبت وكل ما احجي ويا ما يرد يفت کلبی ابروده و ما يرد

اعليه بحلمة .

شكري الله و ردي هديماني و اكعدي يا دية ما تكليلي شمالح، حمدي ربح ظال اعليج الا اثار ابوي و اجدادي كلهم يثنون ، ابوي ماخذ : فرحة و ردحة وامي والخاتون ، و جدي ضاحي . ... و جدي جلوب ۲ و .... واخوي زناد هالتشوفينه حاط اثنين حدره، حمدي ربح القصر بس الج لا

وحدة مشاركتج بيه ولا سرحان يومية مثني .... دكعدي

كعدت و هي تبجي و تكللها : ما تحسين بالانه احسنه الا تمرين بيه يراديون .

وارديون ظلت تصبر أعليها ...

للعصر ، طلعن بشرى و ردحة للبت زناد خاطر يتحمد له بالسلامة وويشوفته .. واردیون ما رضت تروح .

اندكت الباب طلع الحارس و دش و هو يبلغ راديون : جسام ابن سلطان اعلى الباب و البيت ما

بيه أحد، شكلك ؟

خله يدخل للحديقة و انا راح اطلع ليه .

خطت الحجاب اعلى راسها و طلعت من البيت هو واكف وناظر و شعندك راد ؟

اندار ليها : جلمة هلا مامش .

شح بكلبي كل حلو وما عادت الحلمة الحلوة تطلع من افادي .

انا جاي اعلى سرحان من كون واعديته امس

بس مواعدك اعلى باجر

مامش فرك بين اليوم وباجر و انا حجيت و يا هلي و ابوي مستعد يجي ... و تنهيها ..

تنهي شي انت نهيته كبل مدة

السالفة مشت وعدت

عدك موش عدي

و هسه ؟

من يجي سرحان احجي وياه و عودن اخذ الحجي منه

تكرب : و عليش مو منج ؟

حجاها و مد ايده للشيل نزلها من حنفها ، كضت ايده .

احسن

بس انا اكولن موش احسن

الجاي تسوي عيب ، احنا مطلكين و انت داش ابيت اعلي و جاي .....

- جاي شنهو

دارت خاطر تمشي ، كض ايدها : ما كتيلي جاي شنهو

جسام امش

- انا جذبت عليج

ليش ؟

كلت الج جاي على سرحان بس انا اعرف مامش احد بالبيت غيرج .

- احنا مطلكين

تكرب اكثر و هو يوشوش : شنهو نسيتي الزلمة انا والعصمة بيدي و الطلاك ما وكع ساعة

القرريت اردنج و مساج اعلی ذمني ..

- ما يصح

رويدا

لا تندهني بهالاسم .

- احبنه بكثرج

يو اجا سرحان و شافك راح يتكاوم وياك امش .

- خايفة علي يو عليه ؟

امش جاي اكلك .

ما امشي لا اما اخذ جوابي

جواب شنهو

كولي اردتلك .

يجون هلك ويصير خير

كوليها

اطلع عاد

- واذا ما طلعت

اهدلك و ادش للبيت

ويو تبعتج

تحدك

تتحديني ؟

لا ... أمل

كولي اريدتك

- ما اريدك

احسيتها العكس ، يووو .

ابتعد مني

- كربي جاي

لا يجي احد ، جاي اكلك امش

- حبيبييييييل احبنج

ابتسمت : اي دميل

أهلي الليلة عدكم

- موش اليوم ، باجر

ما اتحمل . يو ما اجيتي الليلة

اي

اتخليني اصيرن حرامي تالي وكني واسطي أعلى بيتكم و ادشن حجرتج .

ضحكت ، حجه : ضحكة هاي يو روجة ماي بارد تمر اعلى كلبي المجفجف بفركاج .

ابتعدت منه : هدي ايدي عاد، وامش باله ، وباجر يجون اهلك واردن و ياهم .

الليلة

ما الحك

لا تلحكين أعلى شي انا رايدج هيچ ...

اطر کعت الباب و انفتحت ... جريت روحي منه ، و هو كام يعدل بفترته أعلى راسه .. و مشیت ، دش سرحان و امه و بشري ... عاين اعلى يمنتنه و انا امش و جسام واكف وراي ، عكد حواجبه

ساعة الشافنا واكفين بالحديقة

جتف ادیه و کال : های شجای بصیر هنا

- اهلا ابو مامون

كرب ينطي ايده ، سرحان ما مدها و کاله :

البيت مامش احد بيه بين الاصول

راديون : انا انا .... انا كلت اله يدخل الحديقة .

جسام : جيت عليك خاطر احجي وياك ، لجن حجيت ويا المرة و هي راضية تردلي ، و انا بعد العشا اجيين اهلي و اجي .

سرحان ظل يعاين علينا و متفاجئ ، وحجه : انتم موش صغار خاطر نشير عليكم ، و دامكم راضين تردون ، الله يكتب البيه الخير ، و أنا ما راح اطلع ناطر اهلك .

تسلم ابو مأمون ...

سلم على سرحان و انا دشيت جوا ، متفشلة حيل منه ، صاح علي خاطر يفهم مني ما طلعت ليه ولا وصلت بعه، خليت عمتي ردحة تطلع وتتفاهم وياه .

جريت كحل العرب و خطيت عينى .

حمیت الماي الحار و صبحت بهدای و تعطرت ... و انخبصت بروحي ... حتى وفاة ابوي نسيتها و

لورا العشا ، اسمع اهل جسام اجو لیست تیایی و حضریت گواری و ظلیت اتصلط اعلی الديوان، سلطان و نعمة يحجون و یا سرحان اعلی سالفة بت فلاح الضايعة و يحجوله شلون موهدئين بيها و يتعذرون منه ما كدروا يمرون الزناد و موهدتين بسالفة هاليت ومن هالحجي .

لهناك طلعو و صباح سرحان ، و انا كلبي دكانه ما ادري توصفهن ... عمتي ردحة تحجي و توصي

و انا ما اسمعتها أعلى توتری و رجفتی

طلعت ليهم و سرحان يكتلهم : السالفة صارت بساع بساع حتى زناد و امها ما يدرون برجعتها . لجن هاي بعد قسمتها .. ما اوصيك جسام البت تحطها بعيونك ، و يو تأذت انت حصتي .

- احطتها بعيوني

تنهد سلطان و هو يكول : اييي ياله بويه اخذ مريتك كل نمش .

شال فلوس سرحان و خط بيدي و حجه : شمعتازين بيت اخوج سداد

حظنته و سلمت اعليه ، حب راسي و هو يوصي بيهم علي جسام خط ایده اعلى ظهري و طلعنا ، سيارتين جانن، سيارة نعمة و اخوته و سلطان صعد ويا جسام بالصدر و انا ورا .

الدرب كله ابوه يحجي وياه و هو ساكته و عيونه معلكات بالدرب و المشوافة .

وصلنا البيتهم ، نزلت و نزل جسام، سلمت اعليهم، وغلبت كاعدة شواي ، و تسرسحيت عنهم و

دشیت داخل و جسام كاعد يمهم .

حطيت غراضي و صغطيتها بالكومدي ، ونزليت شعري و جريت المشط امشط بيه انعم بيه ...

دش جسام، اول ما صد بوجهي ابتسم ، صك الباب و کرب وکف و رای

ضوت الحجرة بدخلتج ليها

ظليت اعاينله بالمشوافه ، و انا اسرح بشعري ، أخذ المشط من ايد و كض شعري بمشط بيه ، و

يحجي : كلتلج الليلة فرغت اعصابي و انا ناظر هاللحظة يمنى تجي ..

مشيت منه ، جربت جو دليه و مدينها اعلى الكاع ، عكد حواجبه : عليش تفرشين بالكاع جا

القريوله المن ؟

الك

و الفراش ؟

الي

هاااه ، جا علیش ردینا

انا رديت لجن موش الك .

جا عليش ؟

شي ابالي وسويته .

اهااااه ، هيج الحجي يعني ؟

اي

جا خوش ، نامي ، ولا اكرب ليج .

اي لا تكرب

- ولا اسويها

اي لا تسويها ، جا ياهو العاتب عليك .

عدي كرااااااامه انه موش وحدة مثلج تلعب على .

مثلج يعني شنهو ؟

فلا اكر ينج . خوش خوش چاي تختبريني كرامتي و تتلاعبين بيها ، فلا

اي لا تكرب

ما اكرب

دنصي حبك لا تلعلع ... هسه عدالهم جای اتعارك وياك خاطر تتكرر تكرب .

ما اگر رررررررربلج ، لا تلحين ..

يا قدوة، و انت ياهو الطالب منك

ما اريد انا عدي كرااااامة ، كراااااامة .

وكعد على القريولة ومدد رجليه و داير عني .

هزيت ايدي جريت الفطى و وسادة من القريوله ، جراها مني : هاي الي

انت موش عندك

القريول الى موش فرشتي بالكاع ، توسديها لا تجرين وسادة من قريولتي ..

لا والله جرتها ، ومو ش بكيفك .

جريتها غصب ، حجه : كرامة مراح انزل روحي الج الخاطر وسادة .

بعد احسن

ذبيت الوسادة اعلى الفراش و السدحت، درت ظهري اطبته اله و خليت الفطا اعلى رجليه .

عود شتي معناتها

انت يا هو يمك

جا شني حايط انا و مطيعني ظهرج ، نامي عدل

أي لا تعاين ، والا اكلك اطفي الضوا

كام بنترة طفى الضوا، ورجلية ديجتهن أعلى الكاع اهيستها ، لجن ما مشى القريولته ، كرب من

فراشي و تمدد حداي

- خير ؟

- شكو ؟

شعدك يمي ؟

مرتي وحلالي و يحلالي انت ياهو مالتج

- جا و الكرامة ؟

- الكرامة !!

ایسه ؟

- نايمة ع القريولة

ههههههههه دكوم مني باله

عود بالحلم اكوم ، كررررربي .....

رواية كحل عرب الفصل الثامن والاربعون

اختل يحسنك واقع كلبي واطلعك

تلعب بعمري !!

واخاف الغيري يندلك واضمك

أعريان السيد خلف)

راديون : سحبني ليه ... و انا ابعده عني و اجر بروحي ، بعد راسه و همس : چاي اغصبنج ؟

ابتعد ؟

سکنت ، رد هو ليه و ضمني باکناره ...

جنت اتمنى منها و البرى من البلية الطحت بيها بلا ذنب، جنت اتمنى تنبيض رايتي و يصير

اليتمناه ، بس نفس الشي وكلشي ما حصل .

تمدد احداي اعلى نفس الجودلية ، و انا ساكته ، اخذ نفس حیل و رفع نفسه ، سحب ایده و شال راسي و حط ايده حدري و ضمني ليه ... هيس انا جامدة .. تشدني :

شمالج ؟

ما راح تنشدني مرت الاخرى عليش ما طلع دم ؟

جاهای موش ليلتنا الأولى خاطر انشدا

و بليلتنا الأولى ما طلع

انسى هالموضوع ما رايد افكر بيه .

پس انشد عليش مامش بمباضي دم ؟

ما اعرف .

الما عرف هاي شك يو......

انهي الموضوع كلتلج و اطوی و اعتبري ليلتنا الأولى تم بيها كلشي و انتهينا .

بس ما تم ، و يمكن هالامر راح يظل ابالك كلما طرى هالموضوع جدامك و راح تنشد نفسك .

ما راح انشد نفسي و كلتلج راح اعتبر هالموضوع ما صار و كلشي تم بذيج الليلة ، أنا زلمة اصلي و اصوم و عادة الله يختبر عبادة ويحطهم بمواقف صعبة خاطر يشوف ايمانهم حقيقي يو من أول موقف يتزعزع ايمانهم وطغوا وما صبروا .... وانا ما رايد اتفضل لا جدام ربي ولا

جدامج ، ما اعرف شنهو الحكمة من الصار لجن انا ما عدي غير اسلم امري لله .

لجن علي هالموضوع بيناتنا ما اريدن احد يعرف بيه، أن عادو وتشدوج و اردو يسحبون السائح .. ديري بالج تنطكين بجلمة ، تراهم يعرفون بالأمر ورايدين بس يتحققون ، وجامة وحدة منح تنطبع ها الجلمة بسمعتج .. و يسمعني انا من كون تعديت هالامر وما وكفت عنده اللي لزوم بعاداتنا ، يو اغسل عاري بيدي ، يو اردنج لهلج يغسلون عارهم .. فلا تطيهم اليردونه يو

شما حجو وياج بهداي و برهدنه ...

بالبيت هاذ اذنج تفتحينها و عكلج تشغليته و السانج تصمينه ياله تعيشين ...

هم اهلي لجن نصيحتي الج و احنا هاي اول ليلة تعتبرها .... لا تأمنين لواحد منهم ... لا اخت ولا اخ ولا مرت اخ ولاواب ولا مرت ابو .. بالجاهل لا تأمنين .

البيت هاد وکر دیب و كل التشوقينهم ذيابة ، واليعيش ويا الذياب لزوم يعرف يسايرها

ويجاريها ، والا يروح ضحية حدر انيابها .

عدنا الجنة مالها راي .. ولا يتسمع منها جلمة ، وشفتنها خدمة العيال والرجال و الجهال ، انا ما

انا احسن أصعب واحد بهالبيت ابوك

و هو هجي ... صعب و اصعب مما تظنين ، لجن يظل اب ومالنا جلمة فوكة .

لا تشيل هم .. وان جنت بت خیر و ابيت ابوي شيخة و خدم و حشم ، لجن اعرف الاصول و صدورنا تسع ضيم الايام ..

اصيلة .

حباني بكصتي و رد راسه للوسادة و هو لافتي بيده ليه ، حجه : نكوم للقريوله يو تخليها الكرامة الستراح.

ضحكت ردت اکومن ، حجه : ردي ردي ما بياش حيل اكومن ، عودين للصبح تلفيها .

( قصر ال ضاحي )

بشری : سرحان سرحان

فر من نومته : ها ، شمالح

كوم مرت كريم جاي تطلك

اها و همه وينها

وينها ابينها بكفا القصر

کام مهرف اعلى حيكه و هو يصيح : عفية هالسلف ما يدام بلا حدث يروى .

مشيت جريت الدشداشة البستها خاطر اطلع و انشدها : طرى الفجر يو بعده ؟

يا فجر توى الليل جلجل ، حطيت راسي و نعله امك تنهدتي

فكيت باب الكنتور، اعلى حسن الباب فر مامون كام بيجي ، تدلتله بشری تهود اعليه : تروحين

يو بس امي تروح وياها ؟

شروح بطني واصلة ليبي خشمي و ابني منا ياهو يضل وياه .

جا ظلي انا راح أودي اعلى ام سالم تجي ويا امي ..

ما يعتار هي ولادة جا راح يجيبلها .

فكيت الباب و طلعت و هي تهود اعلى مأمون خاطر برد. بنام دکیت الباب و دشیت بیت کریم و امي كافة بيد دينار لجن الحجاب طايح اعلى راسها ولص شعرها مفرع ، طلبت موجف

بمجاني و انا اصبحن : ها يمة ؟

ها يبعد امك هاي مكرودة الطفل نازل وتون انا اكولن يو ناخذها للجدة .

ياله حطي عباتها اعلى راسها على ما أحول السيارة ..

اي

مشيت السيارة و انا أوصي الحارس من كون القصر ما ظل بيه غير مرتي و ابني ، حولت السيارة غادي عن البيت من كون البستان بيه نزله عن الشارع، والبيت وجهه اعلى البستان بكفا القصر .

اجت امي صعدينا المرة ومشيت بيهن للحدة ، نزلت وانا ظلبت جو بعد بالسيارة ، ردت ليه امي وکالت : رد يمه الجدة تكول سالفتها مطوله لوجه الصبح ياله تولد .

- ترد بو تضل

دینار تکول ما بیاش حیل اردن و اجي مرت الاخرى راح اظلن و پاها اماشيها هلبت الله و ابو الحسن علي تسهل وتولد الصبح .

جا انا اردن ليما نظر الشمس اردن ليجاي .

عفتهن ورديت للقصر ، توسديت الديوان ونمت اعلى وجهي ... اخافن لا ادش حجرتي و انام بفراشي وتحلالي النومه و اتاخر عنهن .

للصبح لكيت بشرى مغطيتني بجرجف ، فزيت اعلى ايد مأمون و هو يلعب بشواربي، فكيت عني و شلت راسي : ها بويه .

دادا

حبيت راسه وجريته بحضني ، دشت بشری جا شو عفتهن و اجیت

للصبح تولد ، شكثر الساعة هسه ؟

بالسبعة الا ربع ، تريك و امش فرد دور

راديون : شلت راسي جسام موس بالفراش ، عاينت بالحجرة و انا اسمع أصريخ الجهال برا ،

توني جاي اكوم ، دش جسام : ها اصباح الخير

اصباح النور ، من يمتى اكعدت ؟

من الفجر تعليت وصليت طارت النومة من عيني و ظليت كاعد .

اهلك كاعدين ؟.

اي كلهم كاعدين ، بس توهم

كمت العلم بالفراش و هو كاعد اعلى كثر حطيت الشيل اعلى راسي ولفيته ، حجه : ااا رويدا

ابتسمت و درت ليه : ها

انا مشتري طقت و سطل ، تلكيهن عد الشباح مالت المخزن، جيبهن و اسبحي بحجرتج لا

تسيحين برا .

- عليش ؟

احسن

جا ما راح اجيبن الماي يسطل جدامهم ؟

الصوندا مشكله بالبوري ، جربها و دخليها من الشباح ، ترسي و بو كمليني طري الماي من

الشياح .

شني ما تكلي عاملين مصيبة بو مواكعين برنا .

احسن ، سوى مثل ما اكلج .

ظليت اهلن بيدي طلعت من الحجرة، صبحيت اعليهم و سلطان كاعد بنص البيت ، و اخط ادیه اعلى عكازته ما صبح عليه ولا رد ، خزرتني مرت ابوهم : دنجي و حبي ايد عمج وراسه ياله .

کربیت خدیت ایده و حبيتها و حبيت راسه اعلى الساكت ، حجت : شنهي السائح مخصوص ما

تعرفين تكلياه الله يطول بعمرك عمي .

سلطان : صبحح الله بالخير .

- الله يحفظك عمي .

اشرلي اروحن ، مثبت برا شلت الطشت و السطل ، دشيت بيهن، سلطان حاط السكملي و كاعد

ونجمة كاعدة بالكاع والوسادة يحظنها ، حجت : وین رایده بیهن ؟

مالتمن ؟

حجت مرت جاسم : جسام اشتراهن اول عرصه و حطهن بالمخزن

نجمة : وان جانن مالت جسام جا تحطهن بحجرتها ؟

من امس وصالي اعليهن وكالي الجهال يلعبون بيهن و اهو يستنجس من عينه يصلي .

اجلي ياله ... عذرها حدر السانها بت ضويحي .

مشيت عنها و انا الشد روحي : بالله هسه هي ياهي مالتها الدخليتهن بحجرتي يو طلعيتهن .

شلها عرض ؟

دخليتهن و جسام كاعد فاتح كتاب و يقرأ تنو على ساعة الدخلت ، حجه : خليهن و امشی

ناوشيني الصوندة من الشباح من ينترس السطل اكلي اطفي ..

ان شاء الله ، طلعت ليبرا وصليته بالصوتدة ، طلبت مناظرة ليما اشرلي .. صكبت البوري

ورديت للحجرة : أي و هسه ؟

الماي جدامج اسبحي

جا كيالك ؟

اذكرنج يامس يو نسيتي شصار ؟

فکیت عيوني حيل : ياااااع جا غير الضوا مطفي وذاك ليل ، لا تحج هيچ شمالك .

ضحك ضحكة مسموعه و سد الكتاب و کال : اتغشمر وياج ، انا راح اطلع غاد اكعد و انت سركي

الباب و اسبحي اعلى راحتج ..

جا خوش

پس اکلج

اي

هاذ الكتاب اريدنج تضمينه، لاي واحد ما تكلیله عدنا هیچ کتاب

انا ما اعرف اقرأ

تكد ؟

اي والله

- تريدين اعلمنج ؟

جا الواه ... بودي اتعلم

سهله من اقضى اجيبن طباشير و لوح و اعلمنج، بس هسه هاذ الكتاب تضمينة ضمة كون ما

يشوفها احد ، ابوي كون ما يعرف عدي هيچ كتاب ..

خوفتني شني هاذ الكتاب

كتاب ديني والحكومة منعت والكتب والبلاكوهن عده ينهدم بيته اعلى عايلته .

يمه اسم الله الستار جا عليش موهدن روحك و جايبة .

جا شلون تعرف دينه اذا ما نقرا عنه ، يو بس الصلاة و السلام ؟

جا موش تكول ممنوعة ؟

انت ضمي ولا تكليل لأي احد كأن من يكون ... عدنا كتاب .. خوش ؟

جا خوش .

طلع من الحجرة و انا صكيت الباب كعدت بوسط الطشت وتعليت اعلى راحتي وليست اهدومي ومشطيت ولفيت الشيل، وذبيت الماي من الشياج، وطلعت ، جسام كاعد ، تبسملي ساعة الفتت

تسمیت و مشيت للمطبخ مالهم .

و گفت هن كلهن يشتغلن و نجمة واكفة وتامر بيهن، حجت : يساعة الماركة ساعة الطلعيتي من حجرتج بالمسعدة ، تامرين بشي يعيوني ؟ تردينه نخدمج ونجيبلج الأجل ليبي عدج .

لا اشتغل حالي من حالجن ما عدي كل مانع

لا خاف تصير زحمة اعليج بيت ضويحي .

جدي شجابه بالنص الزلمة ميت وما يصير پنجاب بالطاري .

تعاي علميني شلوووون احجي

سكنت عنها وظليت موجفه و هي تسب بجدي، ليما طلعت من المطبخ كله وراحت تشكي السلطان اعليه وتحجي يمه، وكفت مرت سلطان الثانية (ذهب) حجت : جا راح تظلین موجفه ؟

مدي ايدج و عاوليهن

بيش اعولهن ، دلني

ثالت راسها سنية مرت نعمة : تعرفين تركبين يو لاله ؟

انا عد اهلي ما مشتغله من كون القصر خداماته جثيرات و من مات ابوي و طشوا الخدم

نسوان اخوتي ما قصرن .. بس اتعلم وياجن

التركيب موش مالت تعلم عمنا سلطان بو نحط جدامه الأجل و بيه عيب تبتلي اعلى ارواحنه انت ظلي و يا مرت جاسم اعلى تنظيف البيت خوش .

خوش

- وهسه اطلعي من المطبخ ووسعي المجان ها لتشوفينة ما يكفي .

طلعت من المطبخ رحت لمرت جاسم : الشغل شلونه ؟

الديوان والحوض اعليج ، يمتى ما طلع الخطار ادبيت الديوان تكشين الكاع و المنفضات

تغسلينهن و الوسادات تعدلينهن وتحطين البخور، والحوش ورى كل طلعت خطار تغسلينه . بالمكناسة و تردين تحسينه بالوصله زين خاطر ينشف و يلمع ، و عليج صحون الريولا و العشا

لموصينهن، خوووش ؟

خوش ، من يا وكت ابدي .

خلصي الديوان همه اعلى ما يصير الربوك ، خاطر يظل عدج بس الحوش و الصحون .

جا خوش .

دشيت للديوان انظف و اسمع صباح سلطان جوا ، وهو يرزل ابنه طلعت من الديوان خاطر اعرف عليش نكاومو ... تکربیت و سلطان يصيح : شيلتها منداية انت ما تستحي أعلى روحك

يومية باطل حرمتك ومواقعها ، حيا ما براسك شيلتها منداية وتفوت من جدام ابوك .

بويه وعلى مامش شي لجن حر و سبحت و انا موصيها الصبح ........ صرخ بيه

لا تجب اعلي ولك انا سلطاااااان، من أكللك مامس يعني مامش افتهمممممت ..

اشرت لمرت جاسم تكرب اجت عدي : عليش يصبح

- سلطان ما يرضى الولدة أكثر من مرة يجامعون نسوانهم بالاسبوع .

يا الاع يا هو يا هو مالته.

- جلمة ياهو مالته ما تمشي عد سلطان ، تاکل و نشرب و انام وكت ما يسمحلنا اهو .. واليغلط

محد يخلصه من اديه ...

تحجين صكد بو تشافين ؟

كاعدة وياج كبل و اشافيج لجن هاي عاداتنا بهالبيت ، كلشي يأمر بيه سلطان نمشي بيه .

يعني همه انت و جاسم شلون ؟

خايبة دية شتحجين، أنا عدي سبع فرووخ وبحجرة وحدة ، السنة للسنة باله واحدنا يسلم

اعلى الآخر ..

- وما تعزلون ؟

يااااع شمقاولة علي شنهي تريديني اطلك .

تطلكين عليش، يعزل بيج عليش ظالین هیچ ؟

المرة تحجي بطاري العزال تلكا ارويحتها عد اهلها و مطلكه بالثلاث و جهال ما الها ، كلهم

يظلون ابيت جدهم .

هو مرتاح الهالسالفة خاطر يطلكج يو حجيتي بالعزال ؟

جا اعلى كيفه يرتاح بو ما يرتاح ، عبر الراي الجبيرنا

شني هالجبير هاذا الله و هو أكبر من كل جبير ما خانك الوادم هيچ .

جا نسيتي هو شيخنا ومامش زلمة يوجف بوجه شيخنا ويحجي نصيحة دية اشتغلي و انت

ساكنة تراه الحجي يكلف اركاب ، امشي دية .

مشيت انظف بالديوان و بالي مشدوه ... ندولة ضلون عايشين ؟

صار الربوك ونصبنا السفرة لسطان وولده، واحنا النسوان والجهال بالمطبخ ، تكفكفنا وحدة

بحضن الأخرى والكيما حطيناها وكمنا لشغلنا ، انا اغسل بالحوش و اسمع سلطان و اوامره اعلی

ولدة ، العرفته اليوم عدهم كعدة بالديوان و بيت عمهم ناصر يجون عدهم .

جاي الذين بالماي و الغسل .... مر سلطان بعوجيته يمشي و محدب ظهره ، حجه : يواشج بالماي

بيت مطير، أعلى مايج هاذ يومية تارسة الخزان و مفرغينه من حدر راسج .

حجاها و مر للديوان ، مروا ولده ومشوا للديوان، وكف جسام : رويدا

اندرت ليه : انا ما اعرف شيکصد

الماي النصرفه بغسل و تشطيف يروح للخزان ويمتلي و لازم نجيب سيارة تشفط الماي ، جا عد

اهلج مامش خزان ؟

لا هكو لجن ما افكر ينترس يو لا ، و اساسا انا ما اشتغل خاطر افكر به الامور ولا حاطتها اعلى بالي ...

اعلى الطباع .

يواشح بهداي ، رشي الماي و كشي بمكن استج وردي بالوصلة نشفي ... شواي شواي تنعودين

سديت البوري ورديت حطيت الوصلة و دنجيت امسح ، صاح : هي هي جا ريحنا شمالك ؟

ولج الله الأحد الخوني يو طلعو و انت مدرجة هيچ انا تعمل بحالي.

جا شلون امسح وعلى ابتليت .

ههههههههه بعدی بویه و امسحي بهدای ، ماحد يراكض وراج .

جا انا باعتبار عروس مامش رخصة اجازة .

هي هي .. من هسه ادورين اجایز بزر الحلقوم .

ضحكت و ظلیت امسح و هو واكف اعلى راسي : جا هسه انا شجابني لها الضيم موش جويعدة عد اهلي وراكدة بحجرتي و يوصلون الاريدته لي جدامي ، شجاني وعفت اهلي .

عاينت اعليه واكف ويعاين اعلية : اكلك انت ما عدك شغل ؟

شغلي تجارة الاثنين والخميس اطلع محافظات .

تبات ؟

حسب اللحكت اردن ، ارد و الما لحكت آيات .

کملیت شغلي وانا اسولف وياه وهو واكف احذاي

هدية : من امس و ايجاي وانا اهيس بنيتي موش اعلى مرامها ، البت تزوع هواي ومالها خلك .

هنوب اخافن اظلن عد ایمان خاف لا يجون عبالي و يشوفوني ما موجودة و يشكون ، خاله كل ساعتين امشي ليها ارضعتها و اردن لبيت ابوي بسكوت .

دشیت البيت و امی توها جاية من الكاع امددة رجليها و تون من اركبها ، كعدت : اكلج بمه

هاا

انا اخافن لا البت بيها شي

لا تو هوسين ، ما بيها شي

لا يمه وعلي موش وهو اس لجن اهيستها موش اعلى مرامها ، تزوع هواي و مالها خلك .

وتهيستها مالومة.

خافتها من الحليب مالت الهوش الطوه الها و سرحان جابلها قواطی شربت منه والتخيطت بطن اليت .

بعه لزوم اخذتها للمضمد يشوفها

تولي رادة من عمامها شركبت و مركبت فوك روسهم و انا اكللهم ضيعيتو البت ، تريدين

ناخذها و يشوفونها و نبتلي ، اكعدي و اسكتي

جا شلون

شريبها زهورات و همه تخف بطنها وترتاح .

ککت فورت ليها زهورات و خليتها بهای الجابها سرحان الها ووديتها بيد جمارة كلت الها : حطيها

حدر اهد ومج و اخذيها لايمان خاطر ترضعها هالزهورات .

خذت جمارة من ايدي ومشت ليها ، شواي وردتلي تكلي : تكول ايمان البيت بس تيجي ما تسكت .

يمكنها مالومة .

جا انا هسه تسوي ، دخيلج يم البنين الحرة .

کمت افیت شیلتی و حوليت لبيت ايمان البت بس تبجي و ما تسكت، امس نايمة و ما تكعد و اليوم تبجي و ما تسكت دول شعاملین ابني الله لا يطيهم بجاه العباس ابو فاضل .

سرحان : وكفت اباب الجدة و صحت : ها يمة بشري

الف الحمد و الشكر الله ... جايت

يا الله ، شنهو ولد يو بت ؟

- لا خطبة جابت بنية

نعمة نعمة دامها طلعت بسلامه

طلع رجل القابلة و هو يسلم على ويكلي : اعذرني ابو مامون اجبت بالليل و انا نايم و ما دخليتك للبيت .

لا دايم ان شاللة ، اذا المرة تكدر تكون خاطر نروح

ما يصير والله تجي وما نضيفك ، عيب ولا تحجي

مستعجل وعلي لزوم اروحن لخوي زناد من كونه مدهوس و خاسر کلیته .

ابد لا تحجيها تشرب چايك و تتوكل بسلامة .

الله يسلمك .

دشيت للبيت و ضيفون الجاي و الزلمة يشكي من واحد متكاوم وياه ويحذي الماي عن كاعه ورايدني امشي ليه ، كلت له : بالخدمة باجر تمر علي للديوان وتروح ليه و نتفاهم وياه .

صحت اعلى امي : هاااا شنهي نروح يو نظل

حجت الجدة : جا ما تطبني البشارة .

اما جا امي ما اطلع الفلوس .

لا اطتني الاجر لجن ما اطتني البشارة .

ردحة : جا جايبة ولد و يطيح البشارة.

حجه الزلمة : عيب يا مره تاخذين من الشيوخ ، امسحها بوجهي ابو مأمون ..

لا عليش ، البت هم نعمة و النبي صلى الله عليه و اله يكول عنهن المؤسسات الغاليات و

تستاهل البشارة و عادتنا نكرم و هاي عادة اجدادي

شلت الفلوس من جيبي واطيتها للجدة ، كامت تترحم لبوي و اجدادی ، سلميت عليهم و خذت امي دينار و طلعنا من بيت القابلة ، دخليناها للقصر و هي تبجي .

كعدت و هي تون : بعد اخوج عليش تبجين .

ردحة : تيجي اعلى غربتها يمة ، المرة ساعة ولادتها تريد احبابها يمها و هي لا رجلها حداها ولا اهل .

ان جان اعلى زلمتح، كريم معذور من كونه بالجيش، وان جان اعلى اهلج احنا اهلج، جا ما

ترضيني اخوج

دينار : لا و النعم منكم لجن .....

لا لجن ولا هم يحزنون ... شو ناوشوني هالبت خلني اودن بدنها .

شلتها و عاينت بوجهه : اللهم صل على محمد وآل محمد .... الله يبارك بيها ان شالله ، عدج اسم

ليها يو انا اسميها .

دامك بحسبت اخوي الراي ليك خوية

الله يسلمج

الله اكبر الله أكبر أشهد أن لا اله الا الله ...........

اسمح وسن اسمح وسن ... الله يبارك بيج و يجعل الصحة والعافية و الحياة الهدية تصيبحبالدنيا .

بشرى : بالله اشوفتها .. يوو فدوة تشبه امها لجن الخشم لابوها ..

حدج لهذا بويه احنا المايورت الخشم عدنا ينشد امه منين جايته .

هههههههه لا بس وعلى حلوة

تكبر و اخذتها المأمون ، مووووش بويه ، عايئلي

دلجيت و انا احطنها جدام مامون ، فرح بيها وكام يناغيلها ويحومي اعليها و كافها

ردت اجرتها منه ، ما رضى كام يصرخ، رديته كعده و انا كافها و حاطها بحظته ، وتعله دنج يحبحب بخدها : انا اخوووك شو بوية من هسه تحبحب بالبت جدامنا، جا مامش حيا .

بشری : هههههه جا مو توك خطبتها ليه ، عليش تلومه يو حبها .

جا هيچ من الكماط و يحبحب بيها يو كبر شيعمل بيها هي سرسري .

ردحة : ياااا هههههههه فلشك كون ، بعده جاهل يا يمة شيفتهم .

بشری دامه ابن سرحان من المهد مفتح عيونه

انا الحوووك ، شلكيتي ولج مفتح عيوني اعلى بنات السلف ؟

- خلينا ساكتين .

هي وحيدة و باليتني بيها بلوة ، لا والحظ .

خو ما تقول پنجاب طاريها تنشنش .

هاج بويه هاي البت ، و انا اروحن .

توني جاي اطلع ، دشت ملوک و یاسر ابن زناد وياها ، شالت البوشية من وجهه و كالت : ر صكد ردت لبيت سلطان ؟ رادیون

وعليكم السلام و رحمة الله وبركاته

تنهدت و دارت وجهه بضيكة نفس ، ردت تحجي : راديون وين

ابیت زامتها

واعلى اي اساس ترد ولا انا ولا اخوها عدنا خبر .

انا اخوها الجبير و انا الاقرر بيها موش أحد غيري .

اشوفن ساعة الطاح زياد نگوی عودك و سطيت اعلينا بين ردحة .

انعالي فوك زناد و فوك ...... المرة ما أكرينها بجلمة لا تخليني اطلعيني عن طوري وتخليني

احجيلي حجاية موش بمجانها ، فارجي وردي لبيت ابنج ياله ...

حجيتها و هديت البيت و طلعت رحت للديوان، حمید و رحیم و خنجر موجودين : ها يزلام

شتهي الراي ؟

الراي رايك يبو مامون

طحتو بالمتعرضين الزناد يو ما حصليتوهم .

خنجر : وين يرجون ببو مامون ، تلكاهم الكاهم .

عايتبتله و انا اخفى بابتسامتي، حجه رحیم : لبهسه و سيارته مامش، وحتى ما عرفنا لهم اثر تتوقع يا هو المتعدي اعليه ؟

ما اعرف و هاذ شغلك يخنجر اريدتك تحفر السلف بأيرة واطلعلي المتعدي اعلى زناد .

خنجر : عد عيناك يبو مامون ، اسحلهم من اشواربهم و احطهم حدر اجدامك ، الا الشيخ زناد .

والنعم منك .

رادیون خلصينا الغدا و دشينا للحجرنا .. نمدد شواى، اجا جسام و انا جو بعدة و امشط بشعري

الله بها الشعر هاد جم مرة باليوم يتمشط

من مات ابوي و لليوم ما داريته هالجاي ادهنته بالزيت و اسرحنه خاطر لا يشعف ..

اشوفته تخین و طويل، ليل امدد أعلى اجتافع ما شالله .

جانت امي كل اسبوع حته و طين خاوة و زيت حبة و تداري بيه ، لجن من مات ابوي الهيت عنه

بحزني، هدك من شعري احجيلي عن ابوك .. انا ساعة السمعيته يرزل باخوك جدامك اعلى

سبحة مرته من يمي ذبت بنيابي من المستحى.

جا ليش كتلج خلي الطشت و السطل يحجرنج و اسبحي ....

جا ويو شاف ثيابي مغيرة .

ان جنت انا موجود و آن جنت ما موجود يومية الصبح غيري تبايح خاطر يتعود اعلى طبعج هاد.

وانا طبعي هاذ يومية أسبح عد أهلي.

بهالبيت لكلشي قوانين و عادات يفرضها ابوي و اديرها امي نجمة .

- وليمتها نظل هیچ ؟

- جا شبيدنا ؟

انت الزلمة و تكلي شبيدنا .

اطلع عن طوره يو اتبرى منه ، و الصيت تخاطر مرته ! و حتى يو طلعت يهدلي ؟ سواها كيلي اخوي حمدان و الجنل هو و مرته و جهاله ، ومرته تطلکت و 5 اشهور و ناس تطيح اعلی اید

ابوی خاطر ترد لجعالها باله رضى .

ادخيلك ربي ، انا بديت اخافن وعلي .

سایریهم و امشي اعلى مايي و الله كريم و همه كليلي راح اطلين تمشطين بها الشعر يو تخليني امشطه الج ..

کملت

پس انا رايد

و يو طحنا ؟

الصوندة موجودة وتعبرها من الشباج

- خايبة حسج هششش ، شهرتینا .

اهیس راس سلطان ابيك راح يطلعلي من الباب هاذ

ابيك شني اعوينة ابو أصلح خايبة حسسسج راح يطينا صكد

شو كربي خل اعلمنج الحس شلون يتنصى ، كربي

الماي ينترس الخزان يمعووود

العوينة ابو الخزان انا افرغنه .

- شيلتي تندي و يشوفها ابوك و يطيح بخوانيكك

ولج بس كصري حسج شهرتينا بعلي شو تعاااي .

جورني ليه و ديني اعلى القريوله ، كنت و كتله : لا لا لا يا

فر : شتهي شكو ؟

كرامتك نايمة ما يصبرع الفربولة

اعوينة ابو اصلهم ... ما تكريين اعتمني اعلى الكرامة .

ظليت اضحك و هو يحط بيده اعلى خلكي خاطر لا تطلع ضحكني و تتسمع .

درت ليه : و همه شلون

بس اغفالي شوية وكعديني

و شلون تتعلى

من اكعد ادبرتها ..

غمض اعيونه و نام و انا اعلى فطاريتي كضبت الوكت افكر شلون اتسلل بلا ما احد يشوفني و

ادخل الصوندة و اترس السطل ؟

بالله اكضي عمري افكر شلون اترس السطلية ، عيشة هاي يربي ؟! موش جنت عد اهلي ومترهية اشجابني اعلى هالضيم هاد .

درت روحي و انا متجية راسي براحة ادية وضارية عكس، واعاين اعلى جسام ، مدري ليش

روحینی تعلکت بیه ... جا هسه انا شنهو .. حتى تهت بروحي ... جنت احبن خنجر وكاضية وكني وانا افكر بيه بجم يوم كلبي تغيرت علومه و ما عدت افكر بيه ، يعني انا شنهي ؟

عکول حب طيش جان و هاذ الاصلي ؟

ظلیت مرکزه بوجه جسام و هو نايم و افكر ليما صارت الساعة .. حطيت ايدي اعلى صدرته و لدهته ، فز و کش ايدي : ها

الساعة : تكوم ؟

اي

جر ايدي حبها وحظتها و كلب على صفحتی و رد نام شاورينه : شكثر تحبني .

يكد السما .... وهكو معلومة تكول السما يوميا تتوسع و تكبر .. بالضبط مثل عشكي ليح كل يوم

يمر يكبر بدليلي و احبنج ارود .

يحجبها بهمس و هو مغفي ، فاتح تك عين و هو يكول : و انت ؟

ما اعرف

- شنهو الما تعرفين

ما اعرف اضغط هیچ حجي و اعير .

كليلي احبنك تكفي عدي الف جلمة .

- و يو ما كلتها ؟

هستحى يو تردد ؟

ظلیت اعاين بيه ، ابتسم و هو يحبني اعلى خدى و يكلي عوفيها للزمن اسمعتها ، كل تحير

همه بسيحتنا.

خير انت انا مالي غرض

هاااه هیچ کدها و توکفین ابوجه ابوي

جا اینه پدوهني و هو يرد علي ، خو حالك حال أخوك يرد عليك ..

هاااه ، هیچ الراي

جا شلون

انا رايح اسبح برا و ظلي انت حيري بسيحج

بدربك عبر لي الصونده

تعلميتي الدرب

جا غير منك تعلميت هههههههه

هه ، ما دام هیچ گومي انت عبريها خاطر اسبحنج و السبحين .

یا لاع ، استحي اعلى اروحك

عليش

امش افیسد

اضكرنج بالصار كبل شوية يا أفيسده ؟

جسام و عشيرته يندارون قدوة لها الليل هاذ المتمدد أعلى امتونج ....

تبسمت و نزلت و دیریناه بالخوة و عبرينا الصوندة، وسبحنا، وطرينا الماي ورى البيت من الشباج، طلع هو الحجرة مبدل ولاف الفترة اعلى راسه ومسبحته بيدة و معطر روحه .

انا ظليت كاعدة بحجرتي انشف بشعري ، خاطر ما ببین مبلل جدام احد ، ليما هيسيته نشف لفيته و طلعت ... دشيت الديوان سلطان كاعد: هلا عمي .

حجیت و جسام كاعد هو ظل يعاين لينا ، و کال : راح تكضونها هیچ ؟

جسام بس حجاها كام من مجانه و طلع برا و صاح : رويدا |||||||| تعالي

صاح سلطان : جمااااااام

اندار ليه و حجه : هالمرة اعديها بيت ضويحي ، لجن بو حطيتي راسج براسي ، الا احسن راسج

راديون : حاشى عمي احطن راسي براسك انت الخير والبركة وتتحجي جلمتك فوك روسنا .

نعمة - عفية

سلطان : فارجی

جابة أكشن الديوان

جاسم : جا نکشینه و احنا جو بعدين شنهي هاي احترامات اهلج و تعلومهم الجايف .

اندرت ليه : اهلي شيوخ وهاذ شغل الخدم موش شغلنا، لجن انا اخدمكم بعيوني واتعذر يو غلطت .

سلطان : شيوخ بيت ضويحي ، جدج يو ما مكوش أعلى حك ابونا ما توكفین جدامنا و تکولین

شيوخ اعن الماخذين حكي و حك ابوي

حجاها و کام اعلی حبله، ردت الدار خط عوجيته اعلى متني و سحبني بطرفها و ملكها براسي

و صاح : وكت الاحجي انااااااااا ما تطليني كفاااااج ولج

راد يطلكني يعوجيته، وكف نعمة وكاله : بويه اعصابك ما تسوى تعصب روحك اعليها ختولي .

امشي غاااادي .

طلعت من الديوان جسام يمشي و جاي صوبي ، كرب : موش كتلج تعاي عليش ظليتي

ابوك يتاني الحجة خاطر يطلع حركة جدي بيه ..

انا عرفته ساعة الحجة ها الطلعت ، تجنبي و ابعدي عنه ، و المجان الاكعد بيه انا ، لا تكعدين

وياي جدامهم .

جا شلون ، هاذ اول يوم و روحی طكت العمر شلون يكضي .

تتعودين، امشي دستي داخل .

اتعود اعلى الهم مامش امل نفتك يعني .

تبسم و کال : التساوين ملتمات جوا ، دشي اكعدي وباهن .

دش جسام للديوان و هو يسمع جاسم يحجي ويا ابوه و يكله : بويه تراه عريس ، صبرك اعليه ..

متونه ، و هالردي منصى ليها .

سلطان عاين الجسام : عريس ما كلت لجن های بت ضويحي جنها تجره من اذانه و تركب فوك

كعد جسام و ما يرد على ابوه ، حجه : من اشوفتك تمشي بشورها یا جسام راسك احسنه افتهمت .

جسام ساکت و میرد و دایر عنه، صرح سلطان : مووووووووووش احجي وياااااااك

جسام : بوية الرديتك والرائديتك ابوي و عيب يحكي اسويها و ما اريدن اعصبتك و السكنت

تعصبت ازود، تراها وعلى مو عيشة هاي ..

بت ضويحي تصكرها موش تمشي بامرها ، و من احاجيك تكلي تامر بويه و ادلج راسك افتهمممممممت .

جاي يحجون و دشو ناصر وابنه ، سلمو و كعدوا : جا هسه عمي انا شسوي ؟

سلطان : كواحد يو تحلف بالعباس ما اصدكتها ، هالمرة هاي طركاعة موش مرة ومامش غيرها

الماخذة البت ولاعبة أعلى اشواريته هله واغير.

ناصر : الصبح اجت لينا و هي تنشد و تهدد يو ما لكينا البت تاخذ بنها و تروح للامن و امن صدام ما يرحم و انا عدي وليدات .

جا غير احسن اجدامها ، هكو مرة من ال تجيل ادش مراکز و توقف ويا الزلم و تحجى ، الا ما

رايدة روحها .

کواغد ما تنكدر ملاية يو حاجيتها تشهرك و تخزيك

شتهي بنااااصر خايف من مرة .

انا خايف من الشهيرة وعكلي اندار البت وينها ، الصبح مرت فليح تكول نايمة ، ومامش احد دش لینا جا هسه شلون کلی ...

خايب الا سلطان و تعلمني ، البت عد كواحد موش عد غيرها ، انا اكلك يمكن بنها هدية صكد ما تدري بالسالفة و تو هدلت و السحنت، لجن لا تقنعني كواعد ما تدري بشي ، هاي المرة انا ما امن ليها .

هديه : درت لبيت ايمان و ظلیت عدهم و حايرة ابني ، ما رضعتها شواي اذا ما زوعت كل بطنها و احتاريت بامري شلون ....

شربتها زهورات و مافاد ادکن اعلى ظهرها ، تبجي و آيت مزوهرة ..... ليغادی و اهیس صخنت و حرارتها صارت تجوي .

كمت انتخى بام البنين التحضرني وتحضر بنيتي ، و دمعاتي فوك بتي يسجين ، و امي تروح و ترد ليه ، تشيلها عني و تداري بيها و البت تلوع ، و انا كلب ما ظل عدي ..

جا شلون نمش ...

ركضت جلجول لمجان ختيجر، مامش، تشدت عنه كالونها : بالمضيف مال ال ضاحي .

طكطكت تعاله ومكنها ركضة للمضيف ، وكفت عاد من المضيف و صاحت : عمييييييي خنجر .

طلع خنجر من المضيف و تبعه سرحان و رحیم وکف وراها : هاي موش بت حاکم ، شتريد

هاي صويحبتي يوميه تجي تدرين براسي و تمش ردو خلني اشوفتها شتمصرن هالمرة

مشيت منهم و سرحان واكف ما تطمن لصبحتها ، من كون عرفها صيحتها ملهوفة موش لعب

جاهلة و جاي تمصرن .

كرب حنجر ليها : هاااا يجلجول شلهي

عمي الحك وعلي ما عدنا احد و بت هديوة مريضة و هديوة اخيتي راح تموت .

اهااااد امشيناااا .

سرحان : خنجررررررر

دار ليه ، اشرله ( شنهو ) ... كرب ليه وشوش اله : الفرحة مالت بت حاكم مريضة ومامش احد بالبيت ..

اخذ سيارتي و اطلع ليهم يساااع ، استعجل ، و كللهن يتبوشن و يصعدن و را موش حذاك . اسرررع .

اخذ مفاتيح السيارة ومشى معرف اعلى بيت حاکم و جلجول تراكض وراه ، كال الها: اسبكيني و كلي لا خيتج تشوش هي و امج و يركين بساااع .

رکت کیله و سیکنه و دشت تلبیت : هديووووه هديوة اهديوووة، خنجر اجا بسيارة ويكول خل تتبوش خاطر اخذلها بالسيارة هي و بنها

ركضت حطت اي شي اعلى وجهه وجرت بنها هلتها حدر عباتها ، و صعدن ويا خنجر للمستشفى ، بالطريج للمستشفى ... و البت صارت زركة وتحولت عيونها ... تخريطت ....

کامت تصرخ هدية و ادك اعلى راسها ، والبوشية ماش قماش خفيف من كونها حطت حجاب اعلى وجها بس تريد تطلع كامت ورفعت البوشية وتصبح : فدوووووة خوبو بني الحكي . بتي راح تروح من اديييييييييه .....

رواية كحل عرب الفصل التاسع والاربعون

( نظرة سلطان )

شمس مغرب حياتي وباكها الماي

(عريان السيد خلف)

هدية : بتيييي راح تروح من ادية يمه بتي

اهزن بيها ، ادكن اعلى كفاها ، البت غدت زركة و العيون مكلبة و الادين مسبلة .

خنجر افتر راسة ما كام يعرف يربي وين وليوين يطي وجهه ، البت بادت بين اديهم و المستشفى موش جريبة.

دار السيارة ووكفاها عد المضمد و نزل اخذ البت ومشى بيها للمضمد ، و هدوة من حلات روحها اعلى بنيتها نزلت وراه.

كام المضمد يرفعها من رجليها و ينكث بيها و يدك اعلى ظهرها ، ليما رد النفس بيها و صرخت تبجي وكامت تزوع ، اطاها الخنجر و كاله : بوجهك للمستشفى بساع البت نفسها تعبان و بطنها رايجة ، اركض .

التفت خنجر و كال : للسيارة ردي بساع .

جريتها من عده و طلعت بالسيارة و هو يكلي : غطي روحج خوية خافن وحيد ردي يشوفنا و نروح نبتلش بدمه .

......

ملوك : هلا يبو فاضل ، زارتنا البركة تفضل .

عم سرحان : البركة بيج شيخة ، جيت انشد عن ازناد شنهي علومة.

- هالتشوفه مت عيني طريح وساد لا يشيل ايد ولا رجل ، جدامه مكسرة و كليته مامش .

- الشيخ زناد سبع و يكوم منها

- بحيل الله يكوم و يوجف اعلى رجليه و ياخذ حكه من اعداه اعلى داير مليم.

- جا احنا غير يو نطيح بيهم وعلي الا نحش ركابهم .

- شلون تلكونهم وانتم جويعدين يبو فاضل ؟ لا تزعل مني انا وديت عليك خاطر احجي وياك من كونك عمهم و اعكلهم واريدة اشيرنك ، ابني شيخ لهساه الدهسه مامش ، شنهو معناتها .

- الدهسه سلابة و نكرية تسبكوله اعلى الطريج العام و سلبوه .. جا وين نعرفهم و نكضهم ؟

- زلمة و شيخ عشيرة يندهس بوضح النهار و يسلبون سيارته !! اعذرني يبو فاضل ، الحادث مدبر موش سلابة ، و الجتال يو ما طلع ، اعرف هو منك و بيك ، ياكل و يشرب وياك

- شنهو كصدج يشيخة ؟

- انا مالي كصد الرايدة اعرفنه المتولي ثار زناد ياهو ؟

- سرحان و امس وصاهم و امر خنجر يحفر السلف ببرة و يطلع المتعدي اعلى الشيخ زناد

- جا كول ودع البزون شحمة

- عليش ؟

- المغتاضين من ازناد اثنين سرحان و خنجر ، الاول يظن اخذ المشيخة من عده و طالبة بثار ، و الاخر ما اطاه اخيته و هو خاطبها.

- تشكين بسرحان هو ورى دهسة اخوه.

- سرحان ما يسويها لجن خنجر خلك نكري سرسري ، شنهو هو وتحطونه بالمضيف و تأمنون بيه .

- الزلمة استعدل واشتغل وتاب من سوالف النكرية و الشقاوجية و الشيخ الله يرحمه عفا عنه و حطاها بالمضيف و هواي جان يحتاجة و يطلبه و يكضي حاجات المضيف .

- انت اكثر واحد تعرف اخر ايامه الشيخ كلش تأثر بسرحان و صار يمشي اعلى اثره عمياوي ، انا ما اشكك براي الشيخ و قراراته لجن يظل ابوه و سرحان تربات حضر ، لسان معسول و دم بارد مسموم .

- والله يا ام زناد انا الاثنين ولد اخوي ، و ان جنت انحازيت لزناد بوكت الشدة ، وما رضيت السرحان يطي بت الشيخ لخنجر و يحرم وليدي ، لجن سرحان موش بهاذ التصور الأنت مصورته عنه ، الزلمة حكيم و يحشمنا احنا عمامه ، وموش متسرع مثل زناد .

- كلامك هاذ يكلي انت صاف بفيه ؟

- انا موش صاف ويا احد ، لجن جاي اخبرنج بالجاي اشوفنه .. وان شاءالله ما نكصر بدوارتنا اعلى المتعدي اعلى شيخنا .. تامرين امر .

كام منه و راح خبر سرحان و كاله هيج و هيج الشيخة ملوك تكول ، و انا ما رايد يصير جرخ بينك و بين اخوك ، استعيل و الكاه الداهسه .

- جا عمي يو ما لكيته انا انلام ، عليش بوية ؟ موش خبرنا الأمن ؟ موش حشدت ازلامي و ازلام العشيرة ادور اعلى المتعدي اعليه ، و هالشوفة عينك ، عيني ما الحك اديرنا اعلى كثر الوادم التروح و الترد وتتحمد لسلامته ، لجن مرت ابوي و انا اعرفنها ما يرتاح كلبها لا ما تبعدني و تنوم كل مصيبة براسي .

- انا جيت احذرنك ، اعدانا جثيرين و يو تفركنا دشو بينا و خربونا ... خلنا نظل اعلى راي واحد وما نطي بوحيد منا .

- الله كريم عمي .

......

هدية : نزلنا عد المستشفى ، دخلينا البنيا للطواري و خذوها من ايدي ، فحصوها .. وظلو يكلبون بيها و ما اعرف شعملو بحالها ، و انا دموعي تسجب ، وكلبي موجر اعلى بنيتي .

امي واكفة عدي و خنجر يروح و يجي مت عيني عليه ما هدانا ولا شوية ، واكف وكفتنا ، فحصتها الدكتورة و كالت : الطفلة عدها التهاب بالأمعاء ، و ارتفاع حاد بالحرارة هذا اللي خلاها تنشمر .. انتم منطينها منوم او هيج دوا للطفلة ؟

- لا وعلي دكتورة ما مطيتها غير حليب قواطي و صدري ، ها و زهورات فوريتلها هاي بس بعد ما مطيتها شي عليه العباس .

- لا ماما البنت ماخذة ادوية مسببتلها التهاب ، تعرفون زين ما ماتت ، انت وين لاهية عن بنتج ، بس تخلفون و تحطون بلا رعاية .

-دكتورة وعلي خذوها مني عيالي و ما اطوها الي، يو علي احطنها ابطن عيني ، ساعة الخذوها مني اعلى سمنها يكلولي توكلينها حصو ردوها الي هاذ حالها

- هنا الحجي يعني الطفلة مجانت عندج

- لا

- و شمنطينها عيالج

- ما اعرف ، جابوها اليه اول يوم خامدة

كواغد : الله لا ينطيهم كون بجاه ضلع الزهرة ، ساعة الخذو البت ووهدون حالها ، ها يم البنين .

- من المنوم يا امي اموتيها للطفلة بالمنومات ، اكو طفل عمره ٤ اشهر تنطي منوم ، شلون عفتيها عدهم و اذا هم ميكدرون لتبريتها وتزعجهم كعدتها شلهم بيها ماخذينها ، ليش مخلوها عندج ؟

- هيج عناد بيه خاطر يكسرون كلبي بيها .

خنجر : دكتورة طوليتيها فدوة بوية كليلنا البت هسة شنهي .

- البنت ما اكدر اطلعها لازم امها تنام بيها هالأيام الى ان تتحسن الطفلة و اذا ظلت على هذا الحال و طلعتوها ، لتجون بعدين و تكلولنا خسرناه شسويتولها ، من هسه اكللكم البنت لو طلعت .. تموت .

خنجر : تنام تنام ، كتبيلها خاطر تركد بيها امها ، ياله خوية ، شدي ضعنج خاطر تركدين ببنيتج ، و شتعتازين الركاب سدادة لا تكولين ابيج و اخيج مامش ، وعلي احش رجليه اليكرب منج.

كواغد : الله يطيك العافية ييمه يو ما انت جا البت هسه ضاعت من ادينه .

- لا تكولين هاذ الحجي ام ستار ، انا و ان جنت حويكم ما اطيكنا لجن انت و الشاهد الله احترمج ، و جلجول رفيجتي خوما اتفاشل وياها و هي الركضت ليه و تنختني .

ضحكت امي و الدكتورة دكتبلي دخول و حولتني للردهات فوك .. خذينا البت و صعدنا ، حجت امي : يمه اهديوة نزلي شيلتج خافن لا يشوفنا وحيد و احنا مالنا خلك .

- يم الحجاب ضخين و من اهدنه اهيس ارد اطيحن اعلى وجهي ، و ما اوجد دربي و بتي بيدي .

خنجر : طيني عنج البت و التهي بروحج خوية .

شالها و صعدنا فوك ، كتبولنا دخول و شكلو للبت مغذي ، كامو يدكون اعلى اديتها و يدورون وريد خاطر يحطون هاي الما ادري شيسمونها هيج ، هيج جنها ابره وبيها منكار من فوك و بوري ، و زرفون اديتها ، و هي اديها سمينه و لابسه شحم ولحم ، يردون وريد ما لكو.

حولو اعلى اديتها الثانية و هم مامش و الدم كام يجفي من ايدها و انا اهيس كلبي غده فليس من حزني اعليها ، نذرت سفرة لام البنين يو بنيتي طلعت سالمة و كمت ادير الوجه و اصيحن ها يم البنين ادخيلتج انا ، و ادموعي همالة .

ليما حطو هاذ الواحد برجلها ولكو وريد و علكولها المغذي و انا حاطتها بحضني و الوليلها و دموعي يصبن فوكاها ..

شواي و دش سرحان : هااا بشرو

كواغد : هلا خالة ، شبشر الله لا يطيهم كون بجاه علي بن ابي طالب اليوجر كلبوهم مثل ما وجرو كلوبنا اعلى هالفرخة هاي .

- سلامتها هدوة ان شالله معافات لا تشيلين ابالج

شلت راسي ليه و حجيت : تعبت يسرحان تعبت ، و العباس تعببت .

حجيتها و جرن دموعي و انا اعاينله .

اختنك هو ، كضته العبرة هيسيته راد يبجي : شدي حيلج بوية الله كريم ما تضيج الا تفرج

كواغد : لا جا انا كتلها ما يظل حمل مطروح ويفرجها ربج ، لجن هي كلبها مضعضع اعلى بنيتها .

سرحان : ربك و كدرنا ناخذها من عدهم يو ظالة عدهم جا موتوها .

خنجر : ما تطيحن بيهم ابيس بمصارينهم وعلي انا كلبي موجر من ال صخيل .

سرحان : كون احد شافكم ؟

- لا الحمد لله سترها ، لجن حتى يو شافونا ابالي اليجي و ينشدها ويكلها شعدج ، الا امدنه و اطلع حليب امه من خشمه .

- جية حاكم كربت ان شالله و ما ظل شي ، خلنا نستر اعليها ليما يرد حاكم من العسكرية .

كواغد : جا غير يجي وعلي الا يوذرهم ، ساعة المشى تلاكفونا هالواوية .

سرحان : الله كريم الله كريم .

طلع سرحان و كال الخنجر حاول لا تنحك بيهن ، خلك جريب و بعيد خاطر يو احد شافهن ما ينتهمن بيك و نتهم احنه و نطيح بيها .

ظل خنجر بالاستعلامات و كل شواي يودي وحدة من السسترات تروح تشوفه .

...

راديون : خلصيت شغلي ودشيت للحجرة ، لكيت جسام حاط راسه بالكتاب و يقرأ .. كربيت ليه : شجاي تقرأ .

شال راسه : شنهو ؟

- جاي اكللك ، شجاي تقرا؟

-كتاب ديني

- عن شنهو يحجي ؟

- يحجي عن فئة من الناس و شلون تعرضوا للتهميش و الاضطهاد من الحكام على مر العصور ، و شلون جانو يحطونهم و يبنون عليهم البنايات و يصلبونهم وشلون لازم الواحد يصر اعلى مبادئه يو شما جانت الظروف صعبة و الحكم جاير.. و هجي يعني .

- هاااا ، جا انا يو ردت تعلمني شلون ؟

- باجر بحيل الله اجيبن طباشير و نكتب اعلى الباب و عودين نمسحه بوصلة منداية بعدها و كل يوم اعلمنج حرفين .

- و اصيرن اعرف اقرا ؟

- الما يعرف يقرا و يكتب ما ينعد اعلى البشر ، جن عايش اعمى و ما يفهم الداير ما دايره شنهو لزوم الواحد يعرف يتعلم يقرا .

- احنا ما عدنا بت تطلع ، يو كلش احتامينا ع الطلعة حدنا للسوك نفره و نرد مغشايات .

- جا هم هنا ، لجن حتى السوك ما يرحن ثيابهن يخيطنها برواحهن و القماش الدلاله تمر بيهن و يشترن منها و يو احتامن يطلعن للزرع .

ظلينا جويعدين واحد يسولف للاخر اعلى طبايع اهله ، شفت طبايع اهلي تفرك عنهم جثير ، لجن ما اعرف مرتاحة لطبايع جسام و طابتلي عشرته، اشوفنه زلمة معدل ، انا ما اعرف شنهو الحكمة من حالتي لجن اعرف خنجر عصبي و ما يتفاهم انشد روحي يو صادفه هيج موقف يسكت و يتفهمني مثل ما تفهمني جسام، انا عرسيت و هديته حرك السلف و البيه جا يو عده وما بيضيت رايتي شيسوي ؟ ... وان جان هالزواجة صعب علي لجن الله رادلي الانسبلي و الحكمة عد الله ، الهم كلبي ارتاحله .

كعدنا الصبح متأخرين ، طلعيت من الحجرة لابسة و متعدله و متهندمة والمسج عطره يفوح مني ، وكحل العرب بعوينتي جريته .

صبحيت اعلى جبيرنا و حبيت ايده و راسه ، لجن اشوفنه يتنهد و يزفر جنه ما راضي ، رفعت راسي ، حجه : شنهي النوم هاذ يبت ضويحي ؟

- اتعذر منك عمي ، لجن انا شغلي ورا الريوك يعني ما يضر .

- واعلى كيفج تمشين امرج ، شغلج بعد الريوك تكعدين ساعة التحلالج .

جسام : بوية البت جديدة عهد و تتعلم .

سلطان : و عليش تنط و تحجي عنها ما عدها السان و تحج ... احذر يجسام هاذ الحجي انا ما ارضاه ، اكره الزلمة اليدافع عن حرمة .

- ما دافعت بوية لجن انا جاي اعلمنها اعلى طبايعنا .....

- انا اعلمنها ، بشوري ، نجممممة .

- امر يبو نعمة

- الغدا اليوم نريدة من حدر ايد بت ضويحي و خبريهن الغدا كله اعليها .

راديون : انا الصكد ما اعرف اركب لجن بحيل الله اسعى و اسويلكم الغده و ان شاءالله يعجبكم .

نعمة : الشيخ مالكم ياهو هالساه بعد ما طاح زناد .

- اهلي كلهم شيوخ .. و مامش فرك بين سرحان و زناد الحسين اخو العباس .

سلطان : زناد يعرف بردتج يو السرحان الراي ؟

- ما اعرف .

- ما تعرفين يو تتسترين اعلى اهلج .

مشيت منهم ، و ظل سلطان يحجي ويا ولدة بسالفة بت ناصر و يكللهم ،اريدنكم تراغبولي كواغد وين تروح وين ادش .. لزوم نتبع هالمرة انا شاك السالفة عدها .

كضيت كلبي بيدي ساعة الحجو هيج ، كملينا الريوك وتنظيف البيت ، كضيت جسام : اكلك

- اي كولي

جريته و فتت ليغاد : تكدر تمش لبيت حاكم ؟

- عليش ؟

- لا تكلها ابوك كللها بيت نويصر عزمو اعلى تتبيعتجن وراح يلاحكونجن .

كضني ، عاين منا و منا ، مشى ليغاد تفكد و رد ليه : لا تكولين البت صكد عدهم

- اي عدهم و اخافن لا يبتلن وهن نساوين و زلمهن بالعسكرية .

- عليش ما كتيلي من امس

- ما طرى اعلى بالي هسه من كال يلاحكهن خفت اعليهن.

كام من مجانه طلع برا و انا دشيت للمطبخ كمت اشتغل ، احضر لجن اندار راسي ما اعرف اركب ، المرجة احطنها معجون طماط و ادهربها لجن التمن ما اعرف شكثر احطن ماي ، السمج شلون اشوي .

جسام راح تلث ارباع الساعة ورد ، كتله : ها بشر ؟

- مريت منهم لكيت بتهم هاي الزغيرة

- جلجول .. اي وكتلها ؟

- ما اطتني شي عنهن ، تكلي امي بالقراية واختي هديوة ميته اعلى بنيته عليش جاي تنشد و انهد موش فرخة الدلالة ما تلحك اعلى السانها

- بعد بيتي جا تطي بختها ، و شكلت الها

- حذريتها و كتلها ترا راح يراقبون امج خاطر يعرفون البت عدكم يو لا كلي لمج تتحاذر ، هدتني وركضت .

- جا راح تكللهن دام ركضت.

- بديتي بالطبخ

- لا بعدني توها الساعة ٩ و غداهم ب١١ ونص اخافن يبرد .

- انا راح اكعد ليغاد يو اعتازيتي شي اندهي علي .

- ريتك سالم .

مشا و تلاكا بامه نجمة و هي تكله : شو اليوم لافي اعلى المطبخ موش اعىى عوايدك ؟

- لا هيج اجيت انشد مرتي اعلى دشداشتي البيضة.

ابتسمت من كال هيج .. انطخ راسي اعلى هالتركيب هاذ ، السمجه خذتها نجمة من عدي و كالت ديري بس التركيب .

والله شلون ما جان دبريتها ، و التمن كاضة الطاسة و كل شوية اذبن ماي و احتاريت بعد يو بس ؟

انداريت جسام كاعد جدامي ،اشريتله ما فهم شنهو التاشيرة .

هم مفرشين و كاعدين بالحوش الجو طيب و ضحكهم و سوالفهم واصل لسابع جار ، مر من عدي ، و كال : اعتازيتي شي يابة ؟

- التمن ما اعرف شكثر احطن ماي، تعرف انت ؟.

تبسم : حطي ليفوك التمن باصبعين .

- جا خوش

كدرت الماي ، صكد و خليته اصبعين .. كمليته و الله شو نفش الحمد و الشكر ما عجن .. لجن المرجة صارت هورة اظني زوديت ماي ، وشاعله النار حدرها تفور وهي بعدها خفيفه .

دشت نجمة و حطت السمج بالكاع و كامت تخلي بصواني و النسوان نصبن السفرة ، والله صبن الاجل ليهم و حطنها و اندارينا خاطر نصب للجهال كاموا يتلعلعون.

و نعل سلطان يصيح : نجمممممممممممة

فزت من مجانها وراحت ليه :امر يبو نعمة

-هاذ اجل هاااااذ ، كطرة ملح ما بيه ، ياهو العملته

- مرت جسام الركبت اعلى جلمتك .. يمكنها ناسية الملح

- ناسية الممممممممملح عايني هاي مرجة تنحط جدااااامي ، مرجة هاي يو زواع بزاززززززززين .

نجمة : راااااديون ، خايييييبة راديون نعله اعلى والديج تعاااااي .

كربيت و انا كضني الرجيف من صيح سلطان ، وكفت و كلت الها : ها ؟

بعدني توني نطكت و جابتني بجف اعلى خدي و تشتم بابوي و تصيح : اعوينة ابيج اشتعل كبره بنار و نفط ، هاااااذ اجل تحطينه جدام الشيييخ

فز جسام : ترى بالعباس ماكو هيج ، عليش اطكينها يمة

سلطان : جسااااااااام رد المجانك

- اليطك حرمتي يطكني بوية

كام اعلى حيلة و شال عوجيته و طكه اعلى راسه و صاح : ترادددني ولك

كام نعمة : اعصابك بوية ، لا تعصب ما صار شي

- يدافع لبت ضويحي ، جلب صاير ليها الاغممممم

جسام : بس فاض الغيض بفادي ، بسك ، بت حاط حطاطك اعليها عبنها بت ضاحي من الاول لا ترضاها تجيبها و تهينها بيا حك

سلطان : ولكم هاذ طالع حسه ، صالها يومين ابيتي و رفع حسه وانا واكف ، ولكمممممممم ابني كام ما يطيعني ولكمممممم

جسام : من الاول كالتلك انا ما اعرف تركيب ، حطيته براسها و منعت كل وحدة تعاونها يو تعلمها ، انت كول جايبها خاطر اطلع حيف اهلها بيها ، اذا هاذ رايك انا هسه اطلكنها و اردنها لهلها ما تخليها عدي .

كام اعلى حيله سلطان صاح : خايب جسيم تحجي وانا ابوك واكف جسيييييم

وشال عوجيته و راد يطكه بيها ، شكفها جسام عن وجهه وحط ايده ، اجت العوجبه بساعد ايده

شلون تحط ايدك و تردني ، تولاه طك بالعوجية كام الدم يجري من راسه و اخوته يريدون يفاككونه لجن اليتكرب ينجتل وياه ، انا الوب بمجاني اريد اتحرك و نجمة واكفة و دافعتني عنه .

دفعتها و طحت عليه خاط اشكف عنه و الدم يجري من راسه ، ولن راس عوجيته يجيبها بوجي ، سحبوه ولده و هو يفشر علي ... جرتني نجمة ما اعرف الراشديات منين تولتني شلون صرت جدام سلطان .

ليما ذبتني بالكطعة مالت الصخول ..

ما بجيت لجن اغتاضيت كلش ، و الغاضني جسام انطك و انهان جدام اخوته بسببي .

انا يو طلعت و شكيت لسرحان و عمامي اعلى طكتي يكومون السلف و ما يكعدونه و يعتبرونها تعدي من ال ثجيل اعلى ال ضاحي ، لجن العرض بعيني جسام ، بعد ما نطك اهيننه و اطلع ، ظليت جويعدة بمجاني و اهيس دمي يفور .

كمت من مچاني ،ردت افكن الباب مسركه ، ظليت كاعدة ليما نزل المغرب ، فكت الباب نجمة و كالت : مرت الاخرى يو فكريتي توكفين بوجه الشيخ راسج ينكص .

تعديتها و طلعت من الكطعة و مشيت لحجرتي، تكربيت جسام ملفوف راسه بشاش وداير ظهره و نايم ، تكربيت و كعدت عده ، حطيتي ايدي اعلى راسه ، عرفته كاعد لجن ما رايد يحجي .

همست له : ساعة الأنطك لا تدافع عني ، هدني انا اواجهنه، كلت الك صدري وسيع و يسع ظلم ابوك و جبروته.

حجه و هو اعلى حطيته : الجاي يسويه موش بس ظلم و جبروت ، ابوي جاي يطلع غيضه من ال ضاحي بيج ، و هاذ الانا ما ارضاه.

- جا شتسوي ؟

ما حجه ، تكربيت ليه و حجيت : موش هين علي تنطك بسببي جدام اهلك و اخوتك ، انا ساعة الشفتك ....

..... اختنكت بعبرتي و ضيعيت حجايتي و سكتت

اندار هو وكعد : اول يومين بعرسنا المفروض عرسان وواحدنا مجابل الاخر ، و هاذ حالنا ، هاذ و هو يعرف انا رايدج .

- اهيس ابوك يغار اعليكم من نسوانكم و ما يريد ليهن جلمة اعليكن ، وكونكم حدر طوعه موش تميلون لنسوانكم .

- ان جانه يظن انا مثل اخوتي غلطان ، سكوتي عنه موش ضعف ، لجن صبر و يو فاض الصبر اطكن وما اردن يو الدنيا تتلايم .

- بس تعرف

ندارلي و هو يعاينلي و يستمعلي : الشاش البيض اعلى راسك لايكلك ، اشوفنه حلو اعليك .

تبسم و هز راسه بحزن و سحبني لحضنه: اريدنج توعديني

- بشنهو ؟

- ما تملين و لا تهديني و تروحين

- انا يو اريد اسويها جا سويتها وما اجيت للحجرة هساع ، لجن تطمن .

- جان المفروض هاي احلى ايامنا.

- لا تحجي هيج انا....... اتكاطع كلامي بدكة الباب ،مرت جاسم تصيح علي خاطر اكشن الديوان .

توني جاي اطلع للديوان و يدشون عماتي اثنين ورجولتهن ، جايات علي يواجبني ، تلكيتهن بالهلا و المرحبا ، زلمهن دشو للديوان و عماتي دخلن جوا ، و جسام طلع .

كعدن جدامي و صدن بيه اعلى الضوا و شهكن : ياااع شماله وجهج ، شنهي ولج مطكوكة .

نجمة : يا هلا ومرحبا زارتنا البركة

ردن اعليها عماتي و كعدت ، حجت عمتي الجبيرة : شماله وجهج راديووون .

- انطكيت بالباب عمة وانا اشتغل و نعله مزورك .

- متاكدة يو شي ثاني

- لا عمة مامش شي ، لجن يمكنه عين و صابتني برجعتي .. و ان شالله سلامات.

نجمة سكتت و سوت روحه تحشم بجناينها اعلى الضيافة حجت عمتي : اذا هيج خوش بس بالج تسكتين يو احد كرب صوبج تراج بت الشيخ مطر ال الشيخ ضاحي .. و ما عاش ولا صار اليكرب صوب بنياتنا .

نجمة : جايات تواجبن يو جايات تحشدن بالبت اعلى عيالها ورجلها .

- موش احنا النحشد يم جاسم ، لجن البت بتنا و نعرف طبايعها و البت موش اعلى مرامها ، بس دامها ساكته نسكت لسكتتها الا وعلي يو شكت زلامنا تتفداها تفدي .

نجمة : ياهي التنفدي هاي الكسرت وجوهكم. يو ما زناد جاتلها ساعة الرد و جايين تعلون بشانها بروسنا ، اكول اشربن جايجن دية و خلن الحجي مدثر .

- انا بت ضاحي و اشرب ابيت ثجيل ، مت عين الدنيا الذبت بنيتنا عدكم و خلانا نطبكم الا انتم ياهو اليلفي عدكم كلها الناس تعرفكم و تتجفاكم .

جلمة من عمني جلمة من نجمة ارتفعت اصواتهن ، كمنا نهدي بيهن و انا اترجى بعماتي يسكتن ، كامن اعلى حيلهن و اطني الواجب ، وحدة جايبتلي دلاعة و الثانية محبس ذهب و عمتي الثلاثة اطتني فلوس .. و طلعن وصليتهن للباب ، سلم عليه رجل عمتي و الباقين ، و سلطان وولده واكفين ، وحجه : بعد عمج بوية شتعتازين اركابنا سدادة

- عساك سالم عمي ريتك محفوظ

حجت عمتي : عمه انت عروس حتى يو ابوج ميت حواجبج حفيهن .

- حواجبي موش ضخان لجن عمة لا انزع اسود ولا احفن وجه و ابوي ترابه اخضر ، لا وعلي مت عيني يو سويته

- جا عمة عروس

- عمة انا يو ما الزمن ملاويني اعرس و ابوي ترابه اخضر لجن الدنيا و مصايبها

- رجلج شلونه وياج ؟

- وردة مالت الله

- يعني موش مثل اهله

- يييي موسى بقصر فرعون

- الحمد لله دامه زين عاوني عمة و شتعتازين كولي لا تسكتين .

- ان شاءالله عمة .

طلعن عمات راديون من البيت و مشن لبيت زناد سيرين على بيته ووصلنه ، رحبت بيهن ملوك و عاتبنها : جا دية بتج ما مشيتي ليها ما شفتي حالها غادي شنهو ما شنهو عايفة البت بيد ال ثجيل ؟

- طاك كلبي اعليها امس يالة دريت ردت سرحان ردها بدون علم احد ، ردت اروحن اليوم لجن الناس ما كفت رجلها و الخطار هواي ، شلون اهدن و امش.

- موش عذر اغبشي و اطلعي لبتج تراها متأذاية

- يا زناد يا يمة ، صكد

- اي بالعباس البت مطكوكه و عمتها كلتنا بكشورنا ساعة الحجينا لجن ما قصرينا بيها و زفيناها بنص دارها ، اغبشي و امشي ليهم ، و خليهم يهابونها ما يكربونها تراه سلطان و عايلته ما ينحرزون

- لا جا الصبح غبشة اطلع ليها ان شاءالله ، كلشي ولا راديون ، احبيبة كلبي هاي .

.....

هدية : يومين و انا مجابلة بتي وما هادتها ، و امي من كون حبوبتي مريضة ردت و كالت اردنلج العصر .

ظل بس خنجر حذاي الزلمة ما قصر كلساع تجي سستر تنشد اعلى حالي و هو يوديها .. سرحان منطي فلوس و مخليهن عده يطيهن للسسترات خاطر يعاونني ، و ما خلوني وحدي .

ساعة الردت ليه امي العصر ، حجت : خايبة يهديوة كلبي نغزني

- عليش ؟

- وانا طالعة لاكيت واحد من ال ثجيل و يعاينلي، و جلجول كالت مراكبينج ، انا ضيعيتهم لجن ما امنلهم

- جا يو ظاله ما جاية

- جا اخافن منهم و اهد بنيتي وحيدها بالمستشفى عوينة ابيهم .

ظلت امي حذاي، نشدنا الدكتورة يمتى نطلع لجن كالت : لا تستعجلن اعىى طلعة البت حالتها لهسه ما مستقرة ، لا تخاطرن بحياتها على طلعة تلحكن تروحن للبيت وتملن منه .

ثاني يوم من الصبح طلعت ملوك مبوشة لبيت ال ثجيل وبت كاطع مرت زناد وياها ، و السايق وصلاهن للباب ، نزلت من السيارة و كربت ، دكت الباب

راديون توها مخلصة الريوك و جاي تكش بالحوش ، ندكت الباب و دفعتها و فاتت ملوك : راديوووون

فزت راديون من مجانها : يمه هاي انت

شالت بوشيتها وركضت راديون ليها حضنت امها و بجت بحضنها : كفي دموعج يبت الشيخ مطر ، ما تلوك لعيونج غير البسمة ، ياهو وياج يمة .

- مامش احد وياي لجن مشتاكتلج .

- مامش احد وياج وجهج هاذ وجه ، و مشتاكتلي و رادة بلية علمي عدوتج انا يو امج ؟

- دشي داخل ، تفضلي

طلعن نسوان سلطان رحبن بيها و دخلنها جوا و ضيفنها ، و هي عينها اعلى راديون ، حجت ملوك : شماله وجهج

- انطيت بالباب

- وايدج هم انطكت ، موش يو لاله .

كامت تنزل برداناتها و سكتت ، حجت : الطكج ياهو يراديون ؟

- مامش احد طكني

- المامش هاي ما تنكالي يبتي .

نجمة : شنهي القصة كل الاجة و كام يتحقق ، شنهي انتم متانين الكشة يو شنهي.

ملوك : محد متعدي اعلى حكج يدية الحجي ويا بنيتي و انت محشومة .

راديون : محد متعدي اعلى حكي يمه ، و انا ما بيه شي.

جاي يحجن ، كح سلطان و هو داش من برا و كال : يا الله .

كامت ملوك اعلى حيلها ووكفت ، حجه : ياهي هاي .

نجمة : ام زناد يشيخ

- هلا بام ازناد ، يا هلا ومرحبا زارتنا البركة ، شلونج شلون اعلومج

- يعلي علومك يبو نعمة جاية انشد اعلى علوم بتي .

- جا ما ضيفيتو ام زناد ؟

ملوك : ما كصرو لجن انا مستعجلة و اجيت اشوفن بتي ، و حطها بالك يبو نعمة هاي بت ال مطر ... و التعدي اعلى حكها ، تعدي اعلى حك ال ضاحي .

سلطان : سامع عنج جثير و كبل جان كاطع يجيني برايج ، لجن اليوم انت ابيتي و ما اطلعين يو ما تغديتي .

ملوك : غداك واصل ، ابني طايح و عيب اكدر افراجنه ، ياله اترخص منكم .

فتحت صرة و اطتها لراديون بيها باون ذهب و كالت الها : هاي هبة عرسج ، و يجعلها مبارك .

سلطان : انا عدي وياج جلمة يم زناد

- كول يشيخ

- موش جدام الوادم ، اوصلنج للباب و احجيها.

مشت و هو طلع جدامها و هي وراه مبوشة ؤ حجه : انشد عن المسلب زناد و متعدي اعليه ، لهساع ما لكيتو ؟

- ما يضيع الحك ان شالله لا يضل بالك

- دام انت امه ما ينخاف اعلى زناد ، لجن ينخاف اعليه من سرحان .

ملوك : ما جاي اعرف جاي تنشدني عليش ؟ تعرف شي ؟

سلطان : مرات المواقف ما يعتاز تدور عنها و تنشد ، واضحة جدام بنادم لجن هو اليدير بعينه عنه ، لجن خلي ابالج هالمرة سلبوه و طلع منها سلامات بخسران كلية ياهو اليضمن مرت الاخرى تتعداه ، و يو طاح زناد المستفيد واحد مامش غيره.

اندارليها : و هاذ الواحد ساعة الوليدج طايح ابيته و ما يكوى اعلى الكومة متربع بمضيفه ويندهوله الشيخ .. يشيخة

تنهدت ملوك ، ورفعت بوشيتها و اندارت لسلطان و حجت : يو طحتلي بسرحان يو جبتلي شارة تلوي ذراعه ، اظل ممنونة منك يشيخ طول عمري .

ظل يعاين بيها و ايده اعلى عكازته ، حجه : جانو يكلولي مطر عابد مرته و جنه نعيبة اعلى خضعانه ليج ، لجن هسه ياله عذرت مطر و هو بكبره .

ردت و نزلت البوشيه اعلى وجها و حجت : ردلي خبر بالحجيته ، و امانة الله ورسولة راديون عدك ، و يو تأذت ساعتها اذبن غيضي اعلى ال ثجيل ومحد.يسلم من شر ام متأذيه بضناها .

حجتها و طلعت من بيت سلطان كله ، دش هو للديوان و طلب نعمة ، حجه : شكثر عمر ام زناد ؟

- ما اعرف لجن هي ازغر من مطر بجثير، بس اظنن بالاربعينات عليش ؟

- خلصت عدتها ؟

- بوية المرة طلكاها الشيخ كبل موته ب٨ اشهر ، لجن الاعرفنه هي مغشاية وما تطلع حالها من حال نسوانه .

سلطان : موش مرة جمبدة ..

ضحك : ها بوية اشوفن ارويحتك ردت خضرة

- انت يو شايف الانا شايفة جا ما حجيت حجايتك ينعمة .

-ههه تراها شيخة بوية و ام شيخ ، يعني لا تفكرلها .

- ابوك سلطان انا ، مامش شي ما افكر بي و يصعب علي .

جاسم : بوية بوووووية

- ها يجاسم شنهو الراي

- كواغد و بتها بالمستشفى و البت عدهن موش ضايعة.

- هاي الاخبار ، موش كلت الكم كواغد هاي انا ما يهدى بالي منها ، حضروا السيارة .

حضر سيارته و طلع للمستشفى هو وولدة، ساعة الشافه خنجر تخفى عنه ، مشىسلطان و دش اعلى الردهة ، كواغد كاعدة بالكاع تكشر برتقال وتسولف ويا هدوة

سلطان : يا صباح الخير يم ستار ، اشوفنج هنا ، هااااه ، البت الندور اعليها صالنا ايام و انت تهوبزين و تنشدين عنها .

فزت اعلى حيلها كواغد ، حجه سلطان : شايفة عكلنا لعبة عدج و تلعبين اعلينااااااا ......