تحميل رواية «كان صديقي» PDF
بقلم Shaqraa
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
الاسبوع الجاي تنزل القصة، وإن شاء الله تستمتعون بيها. بس من هسه ما أريد غلط على الأبطال، كضوا لساناتكم. وكذلك القصة بيها شرح لمواقف، ضروري أشرح وأوضح، مو يجيلي متصوف لو تجيلي قديسة ويكولون أووه عيب وحركات خضرة الشريفة ما أحبها. فديت اللي يعلقون وما ينتقدون. انتظروني قريبًا....
رواية كان صديقي الفصل الحادي عشر 11 - بقلم Shaqraa
أول ما فات جراح صارت عينه بعيني، نفسها النظرات العميقة اللي أحسها تباوع لشي أكثر من شخص ينظر لشخص.
بيها ألف معنى ومغزى رغم صمتها.
سويت نفسي ممهتمة بس يمكن لحظتها قلبي بجه أو يمكن نزف.
تقدم يمنا، جان قيس يسولف وي ولد واني بلشت آخذ أكل.
تقرب سلم ع قيس وتحاضنوا، من ورا ظهر قيس ابتسملي ابتسامة تحمل صقيع من برودها.
لا أحس رجفتني وقشعرت.
أجه يمي وكف ووياه قيس سلم باستهزاء:
شلونج مروة، عاش من شافج؟
باوعتله وأريد أثبتله إني قوية، ما متت من تركني، ما محتاجته. آه منك جراح.
جاوبته:
أنا بخير الحمد لله بأحسن حال.
وأخذت ماعوني وضليت أحط أكل ما عبرته.
ظل واقف يسولف وياهم.
أنا كعدت آكل بطيء وأحسهم هو وقيس يتسابقون بالنظرات.
خلصت وطلعت رحت للمكتب، أول ما سديت الباب وكعت دموعي.
الحمد لله كدرت أصمد لحد هاللحظة.
كعدت ع القنفة الموجودة بالغرفة، فتحت الشال أحسه خنكني.
ومطمنة محد يفوت إلا يدق الباب وأنطي إذن.
رجعت راسي ليورا ودموعي تنزل.
صح أكابر بس أشتاقله.
لحظات غرقت بصفنتي وما حس إلا قيس فتح الباب وفات!
كمت وأنا لازمة الشال من كدام عطت بي:
شلووون تدخل أنت هنا؟
بلا ما يجادلني، بلا ما عبرني أصلاً.
تقرب مني وحضني بقوة أحس جسمي انعصر.
لك عوفني، تخبلت أنت تخبلت شلون تتجرأ؟
عوفيني أضوك العسل، أووووف شكد تمنيت هالحضنة.
هالحجي أنا أدفع بي أريد أخلص نفسي وأرافس وهو مستمر يحضن إلى أن وكع الشال.
لزمني من ركبتي باثنين إيديه وجر شفايفي حييل.
حسيته فقد، وأنا قوتي راحت ما كدرت أوقف.
فززني صوت الباب انفتح بقوة وجراح واقف مصدوم!
طبك الباب بسرعة وقيس ابتعد يحك بلحيته.
ركضت عليه بسرعة أضرب بي:
حقير الله ينتقم منك، منحط سافل ليش هيج تسويي؟
ابتسم بمكر وطلع وكأنه ما مسوي شي!
ركضت ع الباب قفلته وكعدت بالأرض. قوتي راحت ورجليه بادت. ما أعرف شلون أتصرف.
يعني شجاب جراح اليوم؟ وليش أجه فتح الباب؟
ليش وليش وليش ما كدرت أفهم شي.
عدلت نفسي بسرعة وطلعت ركض، صاح عليه وائل ما جاوبته.
أخذت تكسي ورجعت للبيت.
محد موجود كلهم نايمين.
لكيت البيت مو مرتب ووصخ وأنا منا روحي طالعة.
فتت للغرفة آية نايمة، ذبيت ملابسي باوعت لنفسي بالمراية.
ما تحملت أخلي عيني بعين نفسي، أخجل من الصار وأنقهر.
لو ما مستضعفني ما سواها.
طلعت كفيت البيت ونظفته كله.
أنظف بحركة أحس طاقتي السلبية عالية.
إذا أتركها تطلع أفلش كلشي كدامي. ألهي نفسي بالشغل أحسن.
خلصت تنظيف وشعلت بخور.
فتت للحمام سديت الباب ووكفت عليه شبعت بجي.
ترست الطشت ماي وقرفصت وكعدت بي.
أحس جسمي تش. جمرة وطفت، بركان وهدا.
طلعت الدمع العندي كله حتى لا يحرجني كدامهم.
طلعت رحت للغرفة مشطت ونمت بفراشي.
فتحت الفون مسج من قيس:
أويلي يا طعم شفتج! خلاني سكران، حضري نفسج هالشهر نتزوج بعد ما أصبر؟!
للحكاية بقية
بقلم شقراء (قمر كانون)
رواية كان صديقي الفصل الثاني عشر 12 - بقلم Shaqraa
لا يا ربي شنو بشر هذا؟ من كل عقله يتصرف لو مخه انضرب؟
كتبت له: للاسف جنت احترمك، بس طلعت مو رجال لا انت ولا صاحبك.
جاوب: اطلع صدق مو رجال إذا ما أخذتج وغصبًا عنج.
عشم إبليس بالجنة لو تموت ما أقبل بيك.
ههه، تقبلين يا روحي تقبلين، لو تردين أمين وهشام يشوفون أختهم بحضني وشفتها بشفتي.
ودز لي صور من جان وياي بالمكتب، وحدة حاضني ووحدة يبوسني!
صخام هذا شلون هيج؟ يعني مخلي كاميرا بالمكتب، عز العزاك الله ياخذك يا حقير.
لك نذل انت بلا كرامة بلا إحساس؟
شلون تقبل بوحدة مغصوبة عليك شلون؟
مدام أحبها يكفيني هالشي، والمغصوبة يجي يوم وترضع.
عفته ما جاوبته لأن ما أعرف شجاوبه، يعني لا تفيد رزالة ولا يفيد كلام، واعرف الكلام ما له فايدة وي هالشخص.
ضليت أفكر أكلني القلق لحد ما نمت.
ورا كم ساعة كعدتني آية: مروة قومي ولج، يمته جاية يمته نايمة.
أوف بيش الساعة؟
بـ 1 بالليل آنسة، كعدت مساع ما كعدتي.
ها يلا هسه أقوم.
قومي نسوي أكل لأمي وليلى رح يوصلون، خيه ممتغدين ولا متعشين.
يالله روحي جاية وراج بس أصلي.
قمت غسلت وصليت ورحت للمطبخ لقيت آية تشوي باذنجان، سألتها: شنو حتسوين وياه؟
بعد حميسة أسوي ونقلي بتيتة، وطلعي خيار وطماطة.
خطية أكيد يوصلون تعبانين يأكلون وينامون.
أوكي لعد.
طلعت بتيتة أقشرها، هي اندارت علي تحاجيني: مريو شخبار الشـ...
ما كملت كلامها من شافت دمعة تنزل من عيني.
اجت لي كعدت يمي.
شبيج ولج؟ حسيتج مو طبيعية شبيج؟
باعي عيونج مورمة ووجهج مخطوف شبيج؟
تعبانة آية، تعبانة.
لا عيني اكو شي جبير انتِ ما تبكين على أي شي.
خل أسد الباب وأحجيلي شكو؟
راحت سدت الباب واجت كعدت قدامي بالأرض.
وقامت بسرعة: خل أجيب الخيار والطماطة أثرم وأسمع حتى نخلص بسرعة.
جابته واجت كعدت لازمة الخيارة وتحاجيني: أحجي ولج بطيتي قلبي، فضيها.
باوعت لها ومسحت دمعتي: لج قيس النذل ما راح أخلص منه، لج يقول هالشهر نتزوج.
شنو؟
ليش انتِ ما تعرفين ترديه يولي ياكل تبن؟
لا حبيبتي أختج حتأكل تبن.
ليش يعني؟
حجيت لها الصار وكتلها مو بعيد اليغدر صديقه ياذيني.
بقت صافنة ما تعرف شتحجي.
كملنا الأكل وخلصنا رحنا كعدنا بالغرفة، وحدة صافنة بوجه الثانية.
شوية واجت أمي وليلى.
حضنت أمي حيل وبقيت أبكي.
هي حست بي شي بس اني كتلها مشتاقت لج وبكيت.
ليلى حست علي سالتني كتلها بعدين نحكي.
تالي نامت أمي وحجيت لليلى بس جان رأيها مختلف كالت:
مروة ترى انتِ كارهته بلا سبب.
يعني شنو ذنبه إذا حبج؟
مو مهم حبيبة صديقه أو غريبة وما يعرفج، بس هذا الرجال من يحب يفقد.
وهو رايدج من أول مرة شافج، معناها مشاعره تغلبت عليه.
وكذلك جراح لو حبج صدق ما تركج، وصراحة اني أشوف قيس أولى من جراح.
لأن اسمه دافع عن حبه ووثق بيج رغم جنتي علاقة بصديقه وما فكر شنو صار بينكم وما همه.
اقبلي بي وابدي من جديد.
ههه شبيج ليلى أشوف صرتي بجانبه؟
لا مو جانبه بس وجهة نظري هاي وفكري عدل.
عافتني وراحت نامت، بقيت قاعدة للستة الصبح نمت.
يصادف جمعة همزين. بقيت نايمة كعدوني وي أذان الظهر.
قمت متكسرة ما بي أكوم وحرارتي عالية.
حلقي مطكك حرارة بي.
أكلت كوة ومالي خلق. ورا الغدا أجه أمين وكعد يسولف.
ويسأل شكد راتبج وما تصرفين وما تبذرين.
هه لو يدري رح أبطل يجوز يطردني من البيت.
صارت هيج ساعة بـ 4 واحنا قاعدين كلنا واندق الباب.
قام هشام واجه قال لأمي: يمه نسوان بالباب يردوج.
يا يمه غير تدخلهم أكيد زباين.
قامت أمي شوية ورجعت علينا: قوموا فوتوا للغرفة قوموا نسوان يريدن يفوتن.
احنا صار مطافرنا بفلس، شكلنا عبالك جايين علينا كبسة.
كعدنا بغرفتنا.
دخلتهم أمي واجت.
آية يوم جيبي عصير وتعالي، مروة مريضة ما بيها، استعجلي زين.
ماشي يمه.
ماكو عصير راح هشام بالكوة جاب، لو انحرج من أمين ما يطلع.
ساعة يقول معزلين ساعة صبوا جاي.
المهم جاب واجه.
قامت آية تريد تحضر واجت أمي: مروة خطابة عليج قومي حضري نفسج بسرعة وجيبي العصير انتِ مو آية.
ابن أبو الشركة داز أهله يخطبوج إله.
للحكاية بقية
بقلم شقراء (قمر كانون)
رواية كان صديقي الفصل الثالث عشر 13 - بقلم Shaqraa
يمه، متشوفين حالي وين أطلع للناس هيج؟
شبيج يا حلاة وهج، تخبلين بس غسلي وجهج وبدلي.
كال أمين:
روحي حجية هسه تجي وراج.
اندار عليه وأشوفه متحمس.
كومي بسرعة رتبي نفسج عيب خو ما تبقيهم ينتظروج يلا عفية بويه يلاااا.
رحت للغرفة واجو البنات وياي، وحدة تمشطلي وحدة تطلعلي ملابس.
كملت ولبست فستان أبيض ومنقط بأسود جابته أمي من الزيارة أمس.
شلت شعري بقراصة صغيرة وطلعت.
أول ما فتت باوعتلي أمه مثل اللي يتفرج ع فيلم عرض أول حتى رمشة ما رمشت.
سلمت وكعدت، عرفت اللي وياها أخته ومرت أخوه.
ظلت تمدح بقيس وهو شافني بالشركة وانعجب بيه وبأخلاقي.
بس حسيتها ع أعصابها كاعدة وأخته نفس الشي.
كلتلهم أمي نردلكم خبر.
ورا ما طلعوا أمين لزم أمي وكعد يحقق.
حجتله عنهم كال:
ذوله ميتعوضون ناس خيرة والولد شاريها وحالته زينة.
فوتيلج يومين وخابريهم كليلهم وافقنا.
كلتله أمي يصير خير مانستعجل لازم نشوف رأي مروة.
مروة أكيد توافق وين تلكى هيج واحد شركة ووظيفة حكومية من كلشي حاويها.
للمغرب راح أمين وأمي حاجتني كتلها:
كيفكم يمه انتو أعرف بمصلحتي.
ما كثرت حجي لأن أعرف أقبل النتيجة وحدة ما تتغير.
يوم ثاني ما رحت للدوام وراسلني قيس:
ليش شاردة من الدوام لازم أكتبلج عقوبة.
بس مو هسه من تصيرن يمي أعرف أعاقبج.
لبسته ما جاوبت.
صار الأحد وداومت بالجامعة خلصت دوامي ورجعت للبيت ما رحت للشركة.
برجعتي شفت سيارة أمين بالباب.
دخلت لكيته ياكل بالمطبخ.
سلمت عليهم كال:
هلا بالعروس شلونج... هههه؟ عروس وشلونج لا هذا محشش يمكن؟
احنا ردينا خبر للجماعة وباجر يجون يتفقون ع المهر وغيره حضري نفسج وشدي الهمة.
أي صار.
جاوبته بكل برود ورحت.
حالياً دماغي فاصل، ما أعرف شنو اللي يصير وشنو حيصير. فعلاً دماغي فصل.
سألني ما رحتي للشغل شعجب؟
تعبانة أحس فلاونزا بجسمي.
انطوني إجازة.
ههه أي بعد رح تصيرين منهم وبيهم ويدللوج.
أباوعله منطلق وفرحااان وصاير لطيف!
عبالك ملبسته العار ويريد يخلص مني.
مرت الأيام بسرعة وكلشي ع عجل صار.
إلى أن أجه يوم المهر.
الكل متحضر وفرحان وممصدك.
كلها مستغربة شلون مروة بت أم الطرشي تتزوج هيج واحد!
فلوس وحال ومال ولحد هسه مشايفي وهيج حاسديني.
أجو أهله والدنيا انخبصت ليكول يمشون ع زجاج كد ما يمشون بتعالي وهدوء.
من شافوهم زاد العجب أكثر!
أمه لابسة قفطان أزرق ومسويه تسريحة وميك آب كامل.
بحيث من يشوفها ويعرفها أمه ينصدم.
وهي حلوة إلى درجة لأن هي أصلاً بنت عم أبو يعني أمه وأبوه أولاد عم لذلك جميلين ثنينهم ويتشابهون.
أهلنا عافوني وصفنوا ع أهله وذهبهم ولبسهم وجمالهم.
وطبعاً محد لاحظ أمه لابسة أزرق نفس فستاني.
جان طويل مخصر وبي ذيل من ورا طويل من ظهره كله مفتوح وفيونكة بنهاية الظهر.
ومن كدام قصة سداسية ومن النص مفتوح أغلب الصدر يبين.
جان مرتب وكشخة كلش.
وتسريحة ناعمة مو فخمة ومكياج العيون طوخ كلش بارزات صارن وأني رمشي ثخين صار أحلى.
وحمرة خفيفة يعني طلعت عروسة مميزة حسب ما كالولي.
شوية وكالوا رح يعقدون الكم حضروني وأجه السيد عقدلنا وخلصنا.
كالوا البنات لبسوا حجابهم لأن حيدخل العريس هه.
والصدمة من دخل أشوف الناس صدك وقف على رأسهم الطير! من شدة تركيزهم بي.
أمه تهلهل وأخته وياها وهو يمشي بكل ثقة والنسوان كلها لو تنطيهم برتقال وسجين لا مو يكصون أيدهم لا أعتقد يكصون حتى روسهم.
أجه كعد يمي وابتسامته شاركة حلقه.
المشكلة وجهه مو مكروه ميبين بي الحقد.
جان لابس قاط حبري وقميص أبيض وربطة مخططة.
باوعلي من فوك لجوا تفحصني.
عض شفته وكال:
شنو ولج قالب زبدة أنت مصبوبة صب!
منين أبدي والمن أباوع للشفة لل...
قاطعته أمه تضحك:
قيس فضحتنا جنك مشايف.
هاك لبسها الذهب وحتى تقطعون الكيك.
لبسني الذهب وقطعنا الكيك وكعد يمي لاطش.
أمه تطرد بي وهو ميقبل.
كلها شوية وأصرفكم وأني أبقى.
هو طلع والنسوان صارن يطنن مثل النحل.
لج منين جبتي منين حصلتي.
وحدة تكول استحي أباوعله!
وحدة تكول جنه مهند.
وآية وليلى وأمي صارن تنانين.
يقرن وينفخن ع العالم.
مرت هشام ما تحملت بعد. عود سوتها شقى كالتلي:
صدك أحسدج عليه هذا منين جبتي جنه موطا!!!!
صفنت بوجهه!
لعد وأخوي مو حبيتي وأخذتي عشتوا وأنت أكبر منه!
أشو ما حسدتج وكتلج أحسدج!
هم سويتها ضحك بس ارتاحيت من جاوبتها.
عجيب متزوجة وعينها ع رجال ثاني أف شنو من بشر!
ظلوا شي تركص شي تاكل إلى أن راحوا وكفت الناس وبقى هو.
أني كاعدة ويمي آية تحشش عليه عود تضحكني.
أجه أمين باركلي وباسني ههه لا صايرة غالية أني.
كال:
روحي يم خطيبج كعدي.
أني رايح أجيب عشا وأجي!
كلت بقلبي يااابه هيج الفلوس الها مفعول؟
أشو شهرين وثلاثة ما توصل للبيت وتشوفنا شمحتاجين.
داومت مدرسة وخلصتها ودخلت كلية ما باركتلي حتى!
ولا كلفت نفسك وكلت هاي عشرة آلاف.
هسه رايح تجيب عشا ومن جيبك؟
مع الأسف بعد ماكو خوة ولا اكو حنية.
المهم رحت يم قيس دخلت وخليت الباب مفتوح.
بس دخلت كام. ويباوع بنظرات وكحة.
صار وراي سد الباب وكال:
أويييلي لج شنو من جسم هذا.
من ورا يكططططع...
مد إيده يتحسس ظهري وحاضني حيل من ورا مربطني.
وخرررر عوفني أخجل شوية أنت ببيتنا.
آخ يابه لو يجي جدج هسه ما أعوفج ويبوس بركبتي ويتلمس بظهري.
بس أبد ما حسيت بإثارة أو رغبة كل شعوري جان قرف ما أعرف شنو أوصفه.
بس البنية من تصير بيد رجال ويداعبها تحس برغبة بشي.
أني ما حسيت هالشعور معقولة فعلاً.
لهالدرجة أني باردة!
مرة جراح يكلي أنت باردة شما ألمحلج ما تحسين.
حتى بالكافتيريا من حاجاج الولد ما اهتميتي!
معقولة بلا إحساس أني.
لهذا عافني جراح؟
ايي يمكن يمكن هالسبب عافني لأجله.
بس أني والله مو باردة بس قليلة خبرة.
بدأ يتجرأ بلمساته ويقرب جسمه ع جسمي.
جنت أتمنى بوقتها أحد يدخل بلكي يشوفون حقيقته ويخلصوني منه.
هيج جنت أتمنى.
جان قيس فاقد أحسه مثل الجوعان وانطو صينية بيها أصناف الأكل.
آخر شي دفعني ويعيط انطيني كلينكس بسررعة.
أني اخترعت هذا شبي شلت الباكيت كله وشمرته عليه.
شفته نزع عزاااا هذا شبي يبووو شكد ما يستحي.
بقيت دايرة وأرجف إلى أن صاح عليه.
تعالي بحضني فديت هالطول.
لا تبقين ناطيتني ظهرج كلساع ترى أتهور مو تكولين.
التفتت عليه بخزرة.
شكد عديم أخلاق مو أنت ببيتنا احترم أهلي شوية.
جاوب بكل هدوء:
أهلج ع راسي بس أنت ما أرحمج. ترى ما ناسي كلمة مو رجال بس مخليها لوقتها.
أي وأعيدها عليك مووو... اندك الباب دخل أمين.
وأني بعدني واكفة بعيد عنه وهو كاعد مسرسح وحزامه مفتوح.
بس فتح أمين الباب هو نزل قميصه.
كال:
حنصي العشا تفضل ويانه قيس.
ليش تزاحمون نفسكم يمعود.
لا بعد أنت منه وبينا يلا مراوي ترى صبوا.
أي يللا جايين.
طلع أمين وهو عدل نفسه وطلعنا.
كعد يم أهلي ومسوي نفسه حمل وديع.
يسولف ويتشاقى وهم طايرين بي طير.
خلصنا وسلم عليهم وكال:
من رخصتج خالة والولد.
باجر الصبح آخذ مروة نعقد محكمة.
وتتغدى يمنا بالبيت.
كلوله بعد هي حلالك وأمرها بيدك ومن ما تريد أخذها ولا تترخص.
ابتسم وغمزلي وراح.
رحت سبحت ورحت للغرفة راسي مصدعة كلش مالي خلق الهوا.
اجت ليلى تسولف وياي:
بعد هو صار خطيبج وزواجكم قريب حاولي تتأقلمين وياه.
مبين يحبج هواي والمثل يكول أخذي اليحبج لا تاخذين التحبي.
يصير خير ليلى يصير خير.
خصمت الموضوع لأن مالي خلق أحجي الدنيا مسودة بوجهي.
نمت لأن ضايجة وتعبانة اليوم هواي تعبت.
ما حسيت إلا كعدتني أمي:
كومي عروستنا الساعة بـ 8 هم يلا تلحكين هسه يجي قيس.
أي أي كاعدة ماما هسه أكوم.
كمت أحس جسمي ثكيل من الكآبة والضوجة.
سبحت وبدلت كالت أمي تعاي تريقي توسلت بيه.
كتلها ما أشتهي كلش.
شربت بس قهوة.
خابرت البنات ياخذولي إجازة بالدوام.
سديت الخط وخابرتني آية.
ها حبي شلونج.
شلوني يمعودة روحي طالعة.
صبري مراوي كلشي مقدر ومكتوب وأنت مؤمنة.
لا تضمين بقلبج مو زين عليج.
تدرين شوفت صوركم لصديقاتي زين ما أكلت الفون.
يكولن هذا مو بشر كيكة.
هه يلا الناس تحسدني عليه وأني مو طايقته.
أي محد يعلم بحال أحد خليج قوية ولا تشمتين الناس بيج.
أنت ذكية ومو متعرفين تتصرفين.
يمكن يطلع قفيص خوش ولد ويعوضج.
قفيص شنو ههههههههه خرب يومج.
اييي فديت هالضحكة يروحلج فدوة قفيص وأمه الصاكة وأخته المكروهة ومرت أخوه الصاكة.
مو عائلة تكول بقلاوة من الخاصكي.
هههه دروحي أنت هم.
ههه يلا عمري ديربالج ع نفسج.
أوكي باي.
رحت للغرفة رتبت شالي واجت أمي كالت أجه قيس.
طلعت سلمت عليه من ورا خاطري.
طلعنا.
أول ما صعدت لزم إيدي.
جريتها ما عافها.
ظل طول الطريق لازم بيها ويبوس.
بس ما حجه شي.
وصلنا للمحكمة كمل كلشي دخلنا ع القاضي.
ما أعرف شنو جان ودي.
يمكن ردت أرفض وأكول ما أقبل الزواج.
لو مسويتها شنو جان صار؟
اللي يصير راحتي. الشي الصح اللازم أسويه.
أحسن من زواج بالإجبار.
حتى يعتبر حرام لأن ما راضية أني.
جاوبته نعم وخلصنا وطلعنا.
جانت ساعة عشرة ونص.
وصلنا للبيت.
بيتهم كلش واسع بس مو نازك.
فوتني للصالة جبيييرة كلش. بيها قنفات ماروني وبيج.
ومن جهة ثانية ميز صاج باذنجاني جبير وكراسي.
حسيت المكان خالي من لمسة أنثوية. أو لمسة أناقة.
أعتقد ذوله كلهم ما عندهم ذوق.
شوية وأجه جاب عصير وماي وكيك.
شربت بس بطل الماي لأن مكبوس جنت خايفة حاطلي شي بالعصير.
لذلك شربت بس ماي. خليت البطل وسألته:
لعد وأهلك وين؟
محد بالبيت بس أني وأنت زوجتي العزيزة.
طفرت بسرعة وكفت شنووو؟
ليييش وينهم؟
هه بالدوام يعني وينهم مثلا؟ هسه شلج بيهم أني عندج كافي.
يابه درووووح. ركضت أريد أفتح الباب قافلة.
أففف شلون ما انتبهت أني من قفله.
رحت طلعت من الباب الثاني يطلع ع البيت.
أجه وراي لزم إيدي لواها ورا ظهري.
ماكو مفر حبيبتي أنت قافل الأبواب كلها.
تعرفين ليش؟
حتى أشوفج اليوم منوووو مو رجااااال.
رواية كان صديقي الفصل الرابع عشر 14 - بقلم Shaqraa
سحلني من إيدي للدرج، ضليت أرفس بالأرض وأدفع بي بس عو أقوى مني، والرجال بهيج مواقف تصير قوته مضاعفة.
لزمني من بطني وشالني صعدني لغرفة.
فتح الباب بيد وحدة ودفعني.
وكعت بالأرض وهو قفل الباب واجه تقدم عليه.
كعد كدامي بالأرض.
ليش خايفة مني ها؟ لج أني أعشقج، لج هايم بيييج، أمج ما توصل ذرة من حبي الج.
لعد إذا تحبني عوفني قيس، خلي عندك كرامة وعوفني.
تعصب وجر إيدي حيل.
لج أنتِ مو مال احترام. إذا ما أخليج تتوسلين حتى نتزوج اليوم قبل باجر.
ذبني بالأرض ونام عليه.
باوعت بوجهه.
عبالك أخاف؟ هه لا ما أخاف منك، لأن أنت ولا شيء. أنت بشر بلا كرامة.
ما اهتملي شنو حجيت، حابسني بجسمه، مسيطر عليه.
وبده يبوس ويشم بشغف.
يعني تصرفاته مالت واحد مشتاق ومتلهف كلش. بحيث يشمني حيل من كل قلبه.
ما اهتم لمقاومتي أبد.
وجان بمنتهى الهدوء والرومانسية ما عبالك أني رافضته.
ظل مستمر إلى أن... أخذني.
ألم قليل مو مثل ما يوصفوه أو سامعة عنه.
بس ألم قلبي وكرامتي أقوى.
لحظات ذبحت إحساسي.
ذلتني عرفتني أني صرت تحت رحمته.
طول هالصراع ما نزلت دمعتي، ما ردت يشوفني ضعيفة.
بس... لحظتها دمعت عيني.
هو خلص ونام يمي.
يبوس بكتفي و... بصدري يوزع بوسات خفيفة.
جنت دايرة وجهي عنه.
داره بيده لجهته وكال.
مبروك يا ترفة. أموت عليك وعلى ترافَتِج.
باوعتله بعيون جامدة بلا ما أنطق حرف.
وهو يتغزل ويبوس بيدي ومتونس.
بقيت نايمة ما أعرف ليش.
بس أحس ماكو شي يفيد بعد، لا هروب لا مقاومة.
قام راح جاب بطل عصير انطاني، ما حركت ساكن.
حطه يمي وكعد.
وبيده بطل يشرب ويحجي.
تعرفين ليش سويت هالشي؟ مو لأن كلتي عليه مو رجال، لأن أعرف تريد تستفزيني وعبالج أعوفج لو كلتيها.
أني سويت هالشي حتى أضمنج يمي وإلي.
ماكو غير طريقة تجبرج تبقين إلي وما تفكرين تعوفيني.
مروة أنتِ ما تريديني ما أعرف ليش!
رغم الحب الإحمله الج.
بس أنتِ رافضتني.
انطيني مجال وانطي نفسج مجال تشوفين حبي.
وقتها تعرفين شكد رايدج وأريد خاطرج.
مستعد أصبر عليج بدل السنة عشرة.
المهم حياتي تستقر وياج.
خليته يحجي، جريت قميصه يمي سترت بي جسمي وكعدت.
خلال كعدتي شوي تأذيت عطت.
باوعلي مبتسم.
سلامتج يا ترفة، أُوف ترافَتِج ترافة ورد.
أني لفيت روحي وكتله.
وخر اطلع منا أريد ألبس.
هاي لابسة قميصي يخبل عليج.
خزرته ووكفت بلشت تصير عندي آلام ببطني.
أعصر وجهي من الألم.
مشيت أخذ ملابسي وهو يباوعلي ويحك بلحيته.
شبيج حبيبتي متأذية؟
باوعتله بطرف عيني.
لا ما بيه شي.
اي امبين من مشيتج ههه، لبسي بسرعة ترى شكلي وصلت عندي.
أني من خوفي كعدت ع ركباتي، والم بملابسي.
ما أدري بهالحركة أزيد خباله.
اجه من وراي ودفعني ع بطني.
واحممم...
وهم قاومت بسسس بلا جدوى.
جان طاير ومنتعش من قام ويغني.
بس طلع من الغرفة كمت أمشي بصعوبة.
بس لبست ملابسي وحجابي ونزلت.
الدرج يصير المطبخ ع يمينه.
فتت لكيته جايب ماعون بي حلويات.
ها شبسرعة كمتي ولج؟ تعالي أكلي حتى تصير بيج قوة شكلج تعبتي.
كل شي ماريد يلا وديني لبيتنا.
حط الأكل ع الميز وتقرب مني ولزم إيدي جريتها.
أعتقد لهنا ويكفييييي، وديني لبيتنا يلاااا.
أولًا لتصيحين عيب، أني زوجج.
وثانيًا تروحين لأهلج ساعة بـ 12 الظهر وأني مترخص منهم تتغدين يمنا؟
ما راح يسألون ليش رجعتي.
ولو الإجابة واضحة من شكلج.
بس باوعي لروحج بالمراية وحتلكين الجواب.
لتصيرين طفلة عاد.
امشي فوق سبحي وبدلي وتمددي ارتاحي.
أصلًا المرة بهيج وضع ما يصير تتحرك ولا تتعصب.
لازم ترتاحين وجسمج يرتاح حتى لتصير عندج مضاعفات لو تتمرضين.
راح تمشى كدامي كال.
الحمام الفوق جاهز كل شي بي. روحي دخلي وأني أجيبلج ملابس.
شفت فعلًا أزم أسبح وأخلص من القذارة وهم بلكي أرتاح، لأن أحس بطني تموتني ورجليه ميبسات من الألم.
فتت للحمام واسع ومرتب وكل شي بي صدك.
سبحت وبقيت جوا الماي فترة لحد ما فك جسمي شوي.
فتح الباب أني قافلته ما انفتح.
صاح من ورا الباب.
هذوله ملابس الج ميمي، فتحي الباب.
التفيت بالمنشفة وفتحت الباب شوي.
باوعلي مبتسم.
نعيماً يا عروس. هذول الج لبسيهم أريحلج.
أخذتهم سديت الباب.
جنت متوقعه جايبلي شي من أمه لو من مرت أخوه.
فتحتهم لكيتهم بالعلامة.
فستان بينصل طويل أحمر.
وفوقه قميص كامل مثل الصاية أبيض وبي تطريز أحمر وورد ع الردان والصدر.
كلش شكله حلو وقياسي فت.
لبسته وطلعت لافه شعري بالخاولي لكيته كاعد بالصالة الفوق.
باوعلي مبتسم.
ألف عافية يجنن عليج، صدك لايك عليج.
أريد مشط وين ألكى؟ وبعدين ما أريده هذا بس شوية وارجع لملابسي.
ما تريدي شنو هو؟ غير الج.
جبته من دبي صارله سنة الج.
غلست ما جاوبته.
أرييييد مشط.
جريت الكلمة بغضب.
تعالي بالغرفة كل شي اكو.
رحت للغرفة أمشط وهو صافن عليه.
سمعنا صوت جوا كال.
اجو يمكن.
نزل وأني لفيت شعري ع سريع.
وأباوع لروحي بالمراية، شفتي منفوخة وركبتي بيها طبعتين.
لفيت الشال ع سريع دخل هو.
ها حبيبتي خلصتي؟ يلا اجت أمي ومرت مهند.
لتنحرجين أني كتلهم قبل ربع ساعة أجينا.
يمكن يسألوج.
جاوبته ببرود.
أنت مو كلت بالدوام؟
البقية بالدوام بس أمي ومرت أخوي ثنينهم ما يداومن عافوا الشغل لأن ما عدهم وقت.
بعدين نحجي بهالموضوع تعالي هسه.
نزلت واستقبلتني أمه ومرت أخوه.
وحضرنا الأكل وطالبين من برا هم.
كملنا غدا ولحيت عليه نروح بسرعة.
الظاهر محذر أمه لأن أسلوبها زين جان.
رجعني للبيت وأني ما نطقت ولا كلمة.
نزل وياي وسلم ع أهلي وراح.
جنت أحاول أحذر بحركتي أخاف ينتبهولي.
بس محد انتبه.
وسألتني آية وليلى شلونه وضعي كتلهم يمكن أتعود خليها للوقت.
آية حست بيه شي.
شكد حاولت كتلها ما بيه.
بس شافت ركبتي كتلها هيج كم بوسة.
شفتي نقذتني الحرارة الجانت بيها.
حطيتلها دهن كتلهم رجعت الحرارة.
يوم ثاني داومت بالكلية. اجه قيس وصلني.
باركولي البنات وأمل حاولت تفهم شبيه ضايجة.
كتلها تعرفين السبب سكتت وهي ما مقتنعة.
من خلصت اجه أخذني للشركة.
وكلساع وجايلي للغرفة ويتقرب ويتغزل.
بس أني جماد يمه بحيث كل شي يتصرفه وكل فعل ما عندي أي رد فعل تجاهه.
ورا يومين جنت يم وائل جاي نتفاهم ع الشغل.
واندك الباب كال.
تفضل.
انفتح الباب جراح ووياه بنية صغيرة.
دخل وسلم ع وائل وسلم عليه وباركلي بس حتى مباركته بسامير.
اندار للبنية الوياه كال.
ما عرفتكم. خطيبتي ياسمين.
وائل رحب بيها وجراح كللها.
أعرفج عليهم. صديقي وأخوي وائل وهاي مدام مروة. زوجة صديق عمري قيس.
رواية كان صديقي الفصل الخامس عشر 15 - بقلم Shaqraa
باوعتله ببرود: مبروك، شايفين ألف خير. عن إذنكم.
رجعت للمكتب مالتي، سديت الباب بس ما قدرت أبجي، لأن أعرف قيس يراقبني ويشوفني. رجعت راسي على الكرسي وبقيت أباوع فوق، صافنة بس ما أعرف على شنو صافنة.
تذكرت من خابرني واني ملهوفة ومشتاقة اله وهو يكلي بكل برود: لازم نفترق وشغلي خطر.
يعني شغلكم خطر إذا خطبتني، وإذا خطبت غيري شغلك يصير آمن!
دخل قيس واجه وكف ورا الكرسي مالتي، لزم راسي، دنك وباسني بعيوني: وين سارح الحلو؟ امشي نطلع، عازمك اليوم.
بقيت ساكتة ما جاوبته بس بعدت إيده ببرود وكمت.
جرني صرت بحضنه. باسني بشفتي وكل مرة من يبوسني عبالك أول مرة يجرب من شدة لهفته وانسجامه. بس اني اتخذت أسلوب البرود. صرت مثل الصنم مهما يسوي ويتصرف اني أقابله ببرود قاتل.
ابتعد مني ويفرك بوجهه. غمزلي: يلا حضري نفسج نطلع، لأن إذا أبقى هنا ما يصير خير. لو مشتاقتلي؟
بداخلي خفت هذا مخبل أخاف يفقد ويسوي شي هنا بالمكتب. جاوبته: أي، أوكي أرتب نفسي وأجي.
شفته اندار يرتب بحزامه وطلع. اني رتبت نفسي وطلعت سألت وائل كال بالمكتب مالته.
دكيت الباب كال: تفضل. فتت.
جراح وخطيبته كاعدين وهو يمهم يسولف. أول ما دخلت اجت عيني على حزامه مفتوح! من هذا اندار يمي وفتحه واني عبالي يعدل نفسه! معناها يريد يوصل لجراح فكرة إنه صار شي جوه!
دار عليه: تعالي بيبي استريحي حتى شوية ونطلع.
رحت كعدت ساكتة صامتة. ما أعرف لساني وين راح. أحس كل شي جاي يصير جاي يكسرني ويفتتني. كل الأسوي ضليت بس أتصرف ببرود وجمود مثل الروبوت.
نظرات جراح من اجيت كعدت جانت استهزاء واضح، ورافع حاجبه ومسوي نفسه يسولف بس هو عينه مني.
بس كعدت، اجت يمي خطيبة جراح، تقربت من اذني كالت: ترى سحابج مفتوح والداخلي مبين.
اني فزيت بسرعة: شنوووو؟
ضلو يباوعولي صافنين: شكو؟
كتلهم: لا ماكو شي.
خليت الجنطة بصفي لأن السحاب جانبي، واني لابسة تنورة وسترة قصيرة بس استغربت شلون انفتح هو أبد ما ينفتح بسرعة. من ورا الجنطة سديته.
جراح يسولف ويباوع صفح عليه.
خطيبته كالت: شوكت ناوين تتزوجون؟
جاوبها قيس: نهاية هالشهر، لأن مكملين أمورنا وكل شي جاهز.
جراح كال: حلو، احنا هم مخلصين أمورنا، شنو رأيك نسوي سوى؟
كال قيس: اني جاي أفاتحك بالموضوع، هم نخليه سوى أحلى ونطلع فد عشر أيام لتركيا.
صايرين لعد بس أخلص أموري ونعقد محكمة، لأن أبو ياسمين مسافر وهي قاصر ما يصير إلا أبوها.
اني طبعًا من شفتها ضليت أحوس أريد أعرف شكد عمرها لأن شكلها طفولي وتصرفاتها. يعني كعدتها مثل طفلة جايه وي أمها ساكتة وتبتسم. وحتى شكلها وجسمها مبينة صغيرة يعني جسمها مالت وحدة عمرها عشر سنوات ما بيها معالم أنثوية أبد. صح شكلها حلو وبريء، بيضة وعيونها عسلية، بس حتى معانيها ما مكملة تحسها بعدها مراهقة.
سألتها: ليش شكد عمرج أنتِ؟
13 سنة عمري.
انعقد لساني من عرفت عمرها، يعني صدك عود؟ شلون جراح وي طفلة بهيج عمر؟ هذا الجان كلامه وفلسفته تدوخ وتسكت المقابل معقولة هيج يرتبط بطفلة.
رجعت سألتها: زين تداومين لو لا؟
جنت أداوم بس جراح بطلني. أحسن أصلاً اني ما أحب دراسة ودوام.
ضليت صافنة على الدنيا صدك غريبة عجيبة.
كال قيس: يلا خل نطلع حتى نتغدى، اني جعت ما تغديت انتظرت مروة.
كمنا وقيس راح يسد اللابتوب ويكمل كم شغلة. عبرت ياسمين طلعت، اني أريد أطلع تضاربت وي جراح بس مو كلش لأن بسرعة ابتعدت. هو سحب نفسه وباوع بطرف عينه. سويت نفسي ما مهتمة ومشيت.
رحنا لمطعم على الكورنيش. أكلنا وخلصنا. تالي وهم أخذوا أركيلة.
كالت ياسمين: أريد أغسل.
أخذتها ورحنا للحمام أصلاً قهرتني جنها طفل مضيع أمه.
فتنا للحمام هي فتحت شالها وتعدل بشعرها. اني صافنة عليها. أكول يا ترى ليش بهالعمر أهلها انطوها؟ بلا جراح خطبها وهي صغيرة هالشي ما أستغرب منه لأن جراح كل شي منه غريب وغامض.
عدلت نفسي وأباوع بالمراية، كمية الحزن بعيوني مو هينة.
باوعتلي هي كالت: أكلج مروة، أنتِ جبيرة وفاهمة أريد تعلميني. اني كل شي ما أعرف وأمي ما فارغتلي ملتهية حامل وتعبانة.
أي تدللين، شنو تردين سالي واني حاضرة.
أريد أسألج عن الزواج وشلون أتعامل وي جراح لأن ما أعرف اني. أريد أخليه يباوعلي بحب شلون قيس يباوعلج من تمشين ومن تحجين! لأن جراح متكبر هواي وما يعلمني. صح خطوبتنا صارت بسرعة بس هو لا تقربلي لا تغزل بيه حتى بوسة ما باسني.
أي بعدكم بالبداية هو يريدج تتعودين عليه بالأول.
ها هيج تكولين؟
أكيد.
أكول انطيني رقمج حتى نسولف عافيه، حبيتج اني.
أوكي.
انطيتها رقمي ورجعنا كعدنا. جراح أحس بنظراته مقارنة واضحة! ههه غريب هالشخص هذا.
مرت الأيام واني حضرت أمور الزواج وقيس كلش كريم جان بكل شي. بدلة الزواج كال: اني وصيت ولد إله جيه قريبة من دبي يجيبها.
أداوم بالشركة بس على أعصابي، لأن مضايقات قيس ما تخلص وما أكدر أبطل لأن أهلي يحجون واني مو متحملة الناس كلش.
فد يوم العصر اجه قيس راد ياخذني، نشرتي كم شغلة للغرفة. وجانت ليلى ترتبلي كم لبسة عندي تحتاج تضبيط ولأن ماكو مكينة جانت تخيط بإيدها.
سألها قيس: تعرفين تخيطين؟ وهي حجتله على الدورة وهالسوالف.
من طلعنا للسوك اشترالها مكينة اعترضت اني بس ولا كأنه يسمع. وأخذ لأمي محبس بي شذر أزرق ولاية هم محبس ناعم بي بي فراشة.
كال: اني من خطبتج ما جبتلهم شي وأمج أمي وخواتج خواتي.
وراد مني أختار شي إلي ما قبلت لأن مشترية ذهب اني.
تالي أخذلي حجل سلسال ثخين ونازلات منه نجمة وهلال. كلش عجبني بس ما بينتله ولا حتى شكرته.
رجعني وانطاهم هداياهم، أمي اعترضت بالأول. بس كلها: اني حسبتج أمي وجبتهن، إذا أنتِ ما حاسبتني ابنك رجعيهن.
باسها براسها وسلم وطلع.
بعد أسبوع لزواجنا يعني الجمعة التجي هو الموعد. حجزنا قاعة احنا وجراح سوى! شكد قاسي بحيث يريد زواجه وي زواجي!
المهم بالليل راسلتني ياسمين. كالت: شلون اني موعد الشهرية بعد ثلاث أيام، وأخاف بالعرس موجودة شلوون أخاف ما يريدني جراح بعد.
صفنت على كلامها مدري أضحك مدري أنقهر.
كتلها: عادي هواي تصير مو مشكلة، بس فهمي أنتِ قبل يوم حتى يصير عنده علم وبس.
صفنت على نفسي تذكرت اني شوكت لعد اشو ما اجت. باوعت للتقويم شفتها فاتحة ثمان أيام؟ أففف وين راحت هاي أنوب. يمكن حالة نفسية لأن عرسي قرب أو يمكن هرمونات.
تالي صفنت تذكرت الصار معقولة! لا لا لا. شسوي هسه شلون أتأكد. كلت خليها لباجر من أروح للدوام.
يوم ثاني اجه قيس كتله: أريد صيدلية.
سأل: شلج بيها؟ كتله: أريد شغلة.
كال: أنزل وياج. بالبداية اعترضت تالي كتله: أريد صيدلية بيها بنية.
صدك نزلنا جانت بنية وولد بيها، شاورت البنية على اختبار كتلها: ما أريد زوجي يشوفه لأن مفاجأة.
لفته بعلاكة ورجعنا للسيارة. طول الطريق ساكتة من نزلت.
لزم إيدي باسها جريتها. جاي أنزل.
كال: طمنيني على النتيجة ولو متأكد مريتي حامل.
رواية كان صديقي الفصل السادس عشر 16 - بقلم Shaqraa
فتحت عيوني متعجبة.
كال: ترى شفت البنية من أخذته مو غبي اني، وأصلاً اني جانت نيتي أحبلج. عبالك بس أخذج معناها ضمنتِج؟ لا هالشي مقابل كرهج الي ميجيب نتيجة، لازم أتبع أسلوب أقوى.
صكيت أسناني بقوة، قلت له: بلا كرامة أنت، بلا كرامة!
ونزلت بسرعة وطقيت الباب حيل.
رحت مباشرة للحمام مالت الكلية. سويت الاختبار، بس بثواني النتيجة بينت! أباوع خطين واضحات. رحت أقرأ بالتعليمات أريد أغالط نفسي. أرجع أباوع للخطوط، ما أريد أصدق. يعني هسه اني حامل! ومنو أبو الطفل؟ قيس! قيس يصير أبو أطفالي! شلون راح أعاشره وأتحمله؟ اني ما أطيقه، ما أريده. بس بعد ماكو فايدة من الكلام. الفاس وكع بالراس.
ذبيت الاختبار بسلة المهملات وطلعت. بس ما أريد أداوم أو أشوف أحد أبداً، مالي خلق. طلعت برا الكلية. هواي سيارات صافة كدامها، والطلاب تجي وتدخل بسرعة لأن جو بارد. بقيت أمشي وما أدري وين أريد أروح. أفكر بالطفل الي يجي شنو ذنبه، أمه وأبوه هيج ممفاهمين شلون حيتربى. يمكن الي يسمعني يستغرب يكول المفروض أخاف قيس يتركني وانفضح أو يغدر بيه. بس اني أعرف قيس ما يسويها أبداً. أعرف ما يتركني. ماكو مفر من قيس.
أباوع اني وين؟ اوف واصلة لنهاية الجامعة ومامنتبهة. بقيت محتارة ما أريد أرجع للبيت ولا أريد أداوم. أحسن شي أروح للشركة وأبقى بالمكتب أرتاح وحدي. بقيت واقفة، ردت تكسي، شوية وأجه وصعدت. وصلني للشركة فتت. سلمت ع وائل وفتت للمكتب، سديت الباب وتمددت ع القنفة. غمضت عيوني لأن أحس تعبانة من كلشي.
لحظات وانفتح الباب بس بقيت مغمضة، لأن أعرف قيس هو فات. تقرب مني لزم كتفي ندهني بس صوته ضايج مو نفسها نبرته المعتادة.
قال: مروة حاجيني شوي.
جاوبته واني مغمضة: شتريد؟
قال: بيج شي؟ تحتاجين أخذج مستشفى لو للبيت ترتاحين؟
قلت: لا بس متضايقة وأريد أبقى لوحدي شوي.
قال: قبل لا تبقين لوحدج، شلون ترجعين تكسي؟ ليش ماخابرتي واني أجيج؟
قلت: بعد ما كدرت أنتظر، لأن مشيت هواي ولكيت نفسي بعيدة عن الكلية يعني يم السيطرة وهنا ما أكدر أبقى واقفة.
قال: وشلون تمشين؟ ما تخافين ع الطفل؟ بعدج بالبداية والمشي مو زين للحامل. وهاي آخر مرة تطلعين لوحدج لو تاخذين تكسي. أنتِ ضامنة الناس ونفسياتها الضعيفة؟ خليها أبالج لو شيصير خابريني واني أجيج. وإذا بالدوام اني أدز لك أحد، مفهوم؟
خلص كلامه، قلت له: اكو أوامر ثانية؟
قال: مو أوامر هاي يا عمري، بس أخاف عليج اني ولمصلحتج أحجي. وأنتِ حامل هسه تحتاجين عناية.
قلت: وشنو الي أكدلك اني حامل؟
قال: ضوجتج هسه وشرودج أكدلي هالشي، بس عادي هي هرمونات الحمل تسوي كآبة. أحاول أغيرلج جو وأخفف عنج حياتي.
وتابع: ترى مبينة حامل أنتِ لأن صدرج صاير مدبدب هواية.
فتحت عيني بوجهه: أنت شنو؟ ما تكلي؟ حتى من أتنفس تعرف ليش أتنفس وشلون، اعتقني كافي...
ابتسملي وباسني براسي.
قال: أبقي ارتاحي، راح أدز لج ريوك.
طلع وسد الباب، اني صافنة عليه. ليش هيج لازق بيه ما يحس؟ لا، وحافظ كل تفصيلة بيه ومنتبه عليها. واني لحد الآن ما باوعت بوجهه عدل.
ورا شوية اندق الباب، عدلت نفسي قلت: تفضل.
فات الولد أبو الكافتريا جايب علاكة. حطها ع الميز كال: أستاذ قيس دزها.
تشكرته وكتله: حطها يمك.
اني فعلاً جوعانة بس أبد مالي خلق آكل. ولو خطية الطفل يحتاج. فتحت العلاكة لكيت بيتزا وماعون مقبلات وبطلين عصير برتقال. أكلت البيتزا، انفتحت شهيتي أكلت منها هواي. ومقبلات هم أكلتهم. فتحت العصير بس شميت ريحته لعبت نفسي عفته.
كملت أكل وكمت حميت القهوة. حضرت كوبي واجه قيس فتح الباب ركض عليه.
قال: يمعودة شجاي تسويين؟ ما يصير تشربين قهوة مو زين ع الطفل.
صفنت بوجهه هذا شمدري بهالمعلومات؟
قلت: أكلك شسالفة معلوماتك مالت وحدة مخلفة خمسة؟
باوعلي مبتسم.
قال: لا، اني خلفت وحدة وشيبت قلبي مو بعد خمسة. بنيتي أنتِ. بس حبي من نويت أحبلج كعدت أبحث وأشوف ولكيت هالمعلومات من ضمنها. اشربي نسكافيه قليل ما يأثر، هسه أجيب لج.
راح جابلي نسكافيه وطلع. شربتها وكعدت صافنة ودايخة ومتوترة، إحساس معقد كلش. بقيت لنص الدوام وكتله: تعبانة وصلني للبيت. رجعني ونمت كبل، الظاهر حملي يحب نوم لأن صايرة بس أنام.
خلص الأسبوع واجه يوم زواجي. هه هم أعتبره زواج. متزوجة واني حامل! لا كلش حلو زواجي أصلاً مهيب. بالأول جنت ما مهتمة بالتفاصيل بس من تذكرت جراح حيوفني ردت أقهره. طلبت من الماكييرا تخلي شعري نازل لأن جراح جان يعبد شعري. وقيس هم كلش يحبه دائماً يكلي: شعرج أشوفه أنسى همي.
سوتلي تسريحة بس كلش نازكة والطرحة لبس طويلة ثبتتها عليه طلع فد شي مميز. ومكياج برزت عيوني ورموشي حيل وخليت عدسات أزرق. وحمرة وردية يعني شغل مرتب وجذاب. البدلة جابها صديق قيس بس فعلاً تحفة قليل بحقها هالكلمة. ضخمة ضخمة إلى درجة. تترس المكان بضخامتها. بس شكلها يجنن يعني كل الشافها انبهر منها وصفن عليها.
منفوشة هواي من جوا ومن فوك ردان طويلة بس عبارة عن كيبور والنقشة مالته فراشات وحدة لاصقة بالثانية. والصدر شلون وسط الفراشة مخصر ومن النص مثل المنكمش. والي كامشة ألماسة حمرة بحيث منظرها ع صدري خله الناس كلها تحط عينها هنا. خرب يومك قيس ع هالدكة.
من دخلت، الحضور كلهم صافنين مدري ع قيس مدري عليه. قيس من شافني ضل يحوس جنه دجاجة تريد تبيض ع كولة أمي. بس ضاج من العدسات يكول أحب عيونج أكثر. كعدت وطلع قيس شوية ودخلوا جراح وياسمين. اني لبست بوليرا وبيها شال ملتصق بيها، هي وي البدلة مسويها. أباوع شلون يمشي وياها ولا كأنها مرته أبد. وهي ناعمة خطية وغرقانة بالبدلة. صارت عينه عليه. مثل النايم ويذبون بوجهه ماي بارد هيج ردة فعله. أجوا كعدوا وهو يهز برجله. شوية وطلع واجت أمه بوستني وسلمت عليه. وسلمت ع أهلي.
وبدت المراسيم ودخل قيس، رقصنا وقطعنا الكيك وأخذنا صور وراح. وراها فات جراح وهم نفس الشي وي كل تصرف عينه عليه. خلصوا وياسمين أشرتلي من بعيد تريد تحاجيني. كمت اني رحتلها وجراح كام سلم عليه وباركلي.
قال: شلونج مروة؟ انشالله بخير.
قلت: بخييير شكراً.
قال: ألف مبروك وانشالله تكومين بالسلامة.
جاوبته: شك...
صفنت شنو أكوم بسلامة! عافني مشى، كعدت يم ياسمين مسطورة. معناها جراح يدري اني حامل! يعني قيس حاجيله معناها علاقتهم تمام وكلشي يحجون ومحد أكل الطعم عيري.
كعدت يم ياسمين خايفة وترجف.
قالت: شكو شبيج هالكد خايفة؟
قلت: مروة جراح اني خايفة كلللش جراح عصبي وما يتفاهم.
قالت: هسه شمدريج عصبي؟ وبعدين أنتِ مو عليج الشهرية؟
قلت: لااا، كَلولي شربي حبوب وراحت. وخايفة كلش منه.
قالت: يمعودة عادي أصلاً ما يأذي مثل ما يكولون، صدكيني بسيطة.
قلت: أه هيج تكولين؟ زين شعرفج؟
قالت: صديقاتي يسولفن يكولن ما تحسين بس لا تقاومي وخليه براحته.
قلت: ماشي ما أحجي شي أخليه براحته.
أباوعلها طفلة وترجف ومحتارة بزمانها وأمها حامل بطنها لخشمها وملتهية تسولف وي الناس وعايفتها.
بعدها صارت الزفة وودنا نفس الفندق. أول ما سدينا الباب قيس حضني من ظهري. ما أصدك عبالك. ضل يتغزل غزل يذوب الحجر بس اني ما حرك بيه شعرة. كعدني وجابلي الأكل يمي. أكلت شوي. وكمت غسلت وردت بس أنزع البدلة لأن ثكيلة. طلعت ثوب طويل وربع ردن أسود. شافه قيس اعترض. ويريد ألبس سيت النوم الي عاجبه وجايبه ع ذوقه. مصدق نفسه عريس كلش. بس كلت مدام يسولف لجراح إلا ألبسه أريد أحرك قلبه.
اني لبست السيت وقيس ثار. ضل ما يشوف طريقة ما يعرف منين يلزمني. ويتفنن بالحركات والتصرفات واني دمية بإيده. أبداً ما حسيت بشي. أحجي وي نفسي ليش يموتون نفسهم ع الزواج وع العلاقة الحميمة شكد بطرانين. أصلاً مالها طعم وبس ودي تخلص. أما قيس مثل الي التقى بحبيبة من بعد سنين طويلة. باسني من كصتي لحد أصابع رجلي. بكل مكان وبكل شبر بقى أثر.
تقربلي بكل إحساس واندماج كأنه مخدر. ومن خلص تمدد يمي ويتغزل ويلعب بشعري. ويرجع يتقرب مرة ثانية ونفس الحماس والرغبة. أما اني أكتفي بس بالصمت ودموع تنزل بلا ما يشوفها حتى لا يكول ذلني. طبعاً خلص وتمدد يغنيلي ويبوس بأصابعي.
**يا صايغين الذهب حبيت أدللها**
**شوفولي خاتم حلو يستاهل أصبعها**
**مو بس حبيبة عمر تستاهل عيوني**
ويلحن بيها هو صوته حلو.
شوية وكام يريد يتقرب وهم يبوس ومعنا صوت الباب يندك. غلط وكام ضايج: هسه وكتكم.
لبس الروب مالته وفتح الباب. سمعت صوت جراح.
قال: ها قيس ولو أزعجكم هسه بس إذا تكدر مروة تروح يم ياسمين.
قال قيس: أي هسه أشوفها سلامات خومابيها شي؟
قال جراح: لا ما بيها.
قال قيس: ماشي نلبس ونجي.
قال جراح: ولو جيتك كلش طايح حظها ضيعت علي ضربة جزاء ههه.
قال قيس: آسف لعد.
أجاني قيس كال: شوفيها خطية هاي صغيرة.
فتت سبحت بسرعة وطلعت رحنا ودق قيس الباب. طلع جراح ورا شوية فتح الباب بس مبين لبسه مبهذل يعني ع سريع. كله قيس: تعال لغرفتنا وخليهم وحدهم.
طلع جراح واني فتت لكيت ياسمين بزاوية الغرفة متكورة وتبجي. تقربت منها أباوع جسمها مشخط وراسها منكوش وحلكها وخشمها كلهن دم. بس تقربتلها شبكتني وضلت تبجي.
قالت: ولج طلع يحب وحدة غيييييري!
رواية كان صديقي الفصل السابع عشر 17 - بقلم Shaqraa
الجزء السادس عشر
شفت ياسمين تبكي وتضرب بخدودها:
يحب غيري مروة، ما يريدني...
حضنتها وأباوع لها، ملابسها مملخة وجسمها مشخط وحلقها مورم، كسرت خاطري، شكد حقدت على جراح. هديتها وبقيت أحاجيها:
فهميني شنو صار، بس اهدي وفهميني ليش هيج ضاربج؟ شصار بينكم؟
تناشغ وتحجي، ما أقدر أفهم منها شي أبد. عفتها وكمت فتحت الثلاجة أريد أطلع ماي، شفت بطلين مشروب؟! أخذت بطل ماي وكلينكس. مسحت حلقها وشربتها ماي وهي ترجف وتبكي. جبت الغطا ولفيتها بيه، وأكو هيتر بالغرفة فتحته.
كعدت يمها، شفتها شوية هدت بس بعدها تبكي:
ياسه عيوني باوعيلي، هدي نفسج واحجي، أنا أسمعج وأساعدج. وإذا تريدين أبقى يمج للصبح أبقى، تدللين.
باوعتلي ولزمت إيدي بتوسل:
وديني لأهلي عفيه أبوس إيدج، وديني أريد أبوي...
لا لا أهلج شنو عيب هالحجي، ياسه إنتِ صرتي مرة متزوجة. مكانج يم رجلج شلون تعوفي بيوم عرسج.
بس رجلي ما يريدني.
كلشي ينحل، وإذا ما يريدج تعوفيه وترحين. تعرفين الناس شتكول عليج؟ يكولون شاف عليها شي ورجعها. ومحد يصدق بيج بريئة، حتى أهلج ممكن يصيرون ضدج. هسه عوفي البكي وهاي أنا يمج ونشوف حل لمشكلتكم.
مسحت دموعها وبستها بكصتها، سكتت وابتسمتلي بعيون دامعة:
باعي، هو من زفونا ودخلنا للغرفة أنا أبكي وأرجف. شافني هيج كال:
شبيج قالبتها عزا؟ ترى ما زافيج لأسد حتى هيج ذابحة نفسج. وأصلاً ما راح أتقربلج، روحي بدلي ونامي وارتاحي.
بس أنا ما صدقت، قلت جاي يضحك عليه حتى أقبل. شفته جاب شرب، حاجيتيه:
شنو حتشرب بيوم عرسنا؟ ليش هيج؟
إيه أشرب، ما يخصج، كافي روحي نامي لا تدوخيني.
زين عوفه وافتحلي السحاب أبدل.
قام فتحه وأنا رحت بدلت، طلعت لقيته يفرك بعيونه، مبين باكي. وبإيده البطل بعده ما مفتوح. أجت كعدت، هو فتح البطل أخذ منه شربة. أنا قلت له لا تشرب، يقولون اللي يسكر ما يحس بنفسه شيسوي، أخاف تشرب وتأذيني.
كااااافي شكد تهذين من أنعل أصلج لا أبو أهلج كااااافي...
ظل يسب ويحجي كلام عيب، حتى ما أعرفه شنو بس مبين فُشار. أجيت وضربت البطل من إيده وكع. ومع وكعة البطل ضربني راشدي بس افتريت فر من قوته، وكعت على حافة الطبلة.
أجه جرني وشبعني سب وضرب. اكو كيبل شاحنة مال فون أخذه من الميز. وظل يضرب بكل جسمي وأنا لابسة بس هذا. قصدها على السيت الأبيض. كانت لابسة ثوب بيه تعاليك وقصير كلش لحد الفخذ، يعني جسمها كله طالع لهذا متأثرة بالضرب خطية.
قالت:
يضرب ويصيح "ما أريدج، مكانج مو يمي، المفروض هي بحضني هسه مو إنتِ". وقتها عرفت يحب وحدة، حلّفته:
بداعتها إذا تحبها صدك عوفني، راح أموووت...
وقتها عافني وقام يفرك بوجهه ويستغفر. كال:
راح أصيح مروة يمج.
قلت له:
إيه عفيه صيحها.
بس من طلع ورجع متخبل. فتح الباب، باوعت له:
لعد وين مروة؟
ظل يسب بيج وجرني للجرباية. خفت أكثر وأعيط به:
عفيه لا تسويلي شي.
لزم وجهي حيل وكال:
أنا ما ناوي آخذج بس بعنادها إلا آخذج. لج أنا محترك حرك وهي ناااايمة جواااااه! لج ما كفاها عافتني وراحت له باااعتني! حبلت منه قبل لا يخطبها وهسه نايمه بحضنه! كانت بوسة ما تخليني أبوسها بالوقت اللي تطلع وياه وتنام وياه! أكرهها أكرهها وأعشقها، أريددددها تعرفين شنووووووو؟
ما أعرف شنو مسويتله حبيبته، خاينته يمكن وطلع حركته كلها بيه. قلت له:
هسه شتريد أسويلك بس لا تأذيني عفيه، أخذني قابلة بس لا تضرب.
باوعلي كال:
شوفي، خلي حلقج يم أذني وهمسيلي: "جرحي مشتاقتلك أريدك أنا ميما مالتك".
بقيت أهمس له هيج وهو غمض عيونه وأنا أهمس له، حسيت صار هادئ وباس رقبتي. أنا ميتة بدمي بس أخاف أرفض ويضربني. إلى أن أخذني وعطت قوي. حسيته مثل اللي فز من صفنته ولطمني على حلقي حيل:
طااح حظج شبييييييج!
قام وشمرني بالأرض. جاب البطل ويريد يشرب وإنتوا أجيتوا. يعني هو إذا يحب غيري ليش تزوجني؟!
الله ياخذج يا ميما مدري شسمج ويدمر حياتج مثل ما دمرتيني!
أباوع لها وفاتحة حلقي. مدري على الكلام اللي قالته "محبلني قبل الخطوبة وأنا عايفته ورايحة لقيس!"
ليش جراح هيج يكول ويذب السبب بيه؟؟ لو أصفن على دعواتها عليه ويمكن تصيبني. لأن طفلة ومظلومة وتأذت وانهانت بسببي.
حاجيتها وبقيت أقنع بيها "هو أكيد فترة وينساها. بس إنتِ صيري شاطرة وطيعي ولا تجاوبي من يعصب. وهو شوي شوي ينسى وأكيد راح يحبج، إنتِ حلوة وصغيرة".
قومتها للحمام، ملابسها بيها دم، فوتتها للحمام. فتحتلها البخار وقلت لها "اسبحي هسه ترتاحين. وإذا عندج كريم حتى أخلي لجسمج". قالت "ما جايبة وحتى ملابس بس هاي اللي علي، ما جبت بس مالت الطلعة".
أوكي أروح لغرفتنا أجيب لج ملابس وكريم وأجي. وراح أخلي جراح يم قيس ما يجي هنا اطمني.
رحت لغرفتنا، دقيت الباب وفتحته. لقيت جراح متمدد على الجرباية مالتنا وأنا ملابس بالأرض، يبووو يا فشلتي! باوعلي، يمكن نظرة تمني، ما أعرف هيج حسيتها. سألته:
قيس وين؟
فات للحمام يسبح.
آها.
عفته ورحت أخذت الثوب الأسود أنطيه لياسمين. أجيت أطلع كال:
آسفين لأن زعجناج وقطعنا عليج أحلى ليلة بحياتج.
درت عليه رافعة حاجبي، هذا شنو يستهزأ.
ما صار شي عادي.
باوعلي ومبتسم صفح:
إيه طبعًا عادي إذا هو شابع بيج ومحبلج.
فتحت عيني متعجبة، هذا ليش هيج يحجي مو تركني بإرادته؟؟ قلت له:
جراح ارحم ياسمين خطية طفلة ترى.
طلعت وسديت الباب بسرعة.
رحت للغرفة مالتهم لقيتها بعدها ما طالعة. دقيت الباب أتطمن عليها خطية. قالت "هسه أطلع مخلصة". لميت الأغراض وعدلت الفراش وكعدت مصفنة على اللي صار، ما أقدر أجمع كلش. وكلام جراح يدق براسي. طلعت ياسمين، أنطيتها ثوبي، لبسته يخط بالأرض طويل وعريض. ظلت تضحك على نفسها! وهي توها ماكلة طن ضرب. شكد فطيرة بريئة.
أجت كعدت يمي وتسولف شلون خاطبها جراح. تصير بنت جندي صديقه وتكول كلشي صار بأقل من أسبوع وفجأة. بالبداية ما موافقة بس أمها مقنعتها. رغم حالتهم زينة وما مجبورين يزوجوها. بس بعد عقليات جاهلة. رغم أهلها بعدهم شباب ومعاصرين الأحداث اللي تصير من وراء هيج زيجات. يا ما خيانة أو انتحار أو قتل أو هروب أووو... لأن البنت بهيج عمر عقليتها رخوة. ومزاجها متقلب ومتطلب، تحتاج تدلل وواحد يحتويها. مو تنضرب لو تتزوج.
المهم مشى وهي تسولف، باوعتلها غفت. دلت غطاها، ودزيت لجراح مسج:
أنتظرك بغرفتكم عندي كلام وياك.
يمكن ثواني وانفتح الباب. أنا طلعت كعدت بالصالة أو ممر يصير قبل الغرفة، لأن هيج غرف العرسان عدهم. غرفة وبيها ملحق أو صالة صغيرة. دخل جراح، أنا كاعدة ولازمة بطني لأن لزمني مغص كلش زعجني. بس فات شلت إيدي بسرعة، ما أردت يشوفني. بس طلع شايفني. قمت وكفت، باوعلي بنظرة تأمل. مثل اللي جان مسجون بغرفة ظلمة ومن يطلع يخلون كدامه مراية. هيج وكف يتأمل بشكلي. كال:
استريحي.
كعد كدامي، أول شي سأل:
ليش لازمة ببطنج؟ مريضة لو الحمل متعبج؟
لا هيج مغص خفيف يجي ويروح.
إيه دربالج على نفسج لا تكثرون على كولة رجلج بالجزاءات، لأن مو زين على الطفل.
جراح ما يلوكلك هالأسلوب، عوفك منه واسمعني.
إييه صح ما يلوكلي ما تتقبليه. يعجبج تسمعيه بس من قيس. المهم أحجي شبيج؟
أنا ما بيه شي بس ياسمين هي اللي بيها. ليش هيج معذبها وضاربها والسبب شنو أناااا؟ أنا السبب! تعرف من حركة قلبها تدعي عليه.
شنووو تدعي عليج ليش بلا؟
لأن أنا سبب عذابها، إنتَ ضربتها بسببي. وجبرتها وعاشرتها بسببي.
ظل يدخن وينفخ الدخان لفوق وهو كاعد صفح. باوعلي بنظرات مو حلوة وهو يتفحص من فوق لجوا:
لا ما نمت وياها أنا. نمت وياج إنتِ. غمضت عيوني سرحت وأشوفج إنتِ بحضني لأن ما أشتهيها أنا. بس من طلعلي قيس وعطرج بيه شميته صعدت رغبتي.
صفنت عليه بنظرات استهزاء:
للأسف صاير همك كله الشهوة وبس.
قمت وكفت بسرعة وقلت له:
ولووو همك الشهوة من قبل بس أنا غبية. ومن شفت ماكو وياي أمل بتقضية رغباتك ذبيتني لصاحبك.
أجيت أمشي، سحبني من إيدي. صارت عيني بعينه نزلتها. مو احترام له بس عبرتي خانقتني، ما أريد أضعف وأبين دموعي.
عوفني جراح هد إيديييي.
دفعني على القنفة وصار فوقي. لزم إيديه اثنينهم وتقرب مني كلش.
رفعي عينج بعيني شنو خايفة لو خجلانة؟
أنا أرافس جواه بس ما أقدر أخلص نفسي. أحس مثبت إيدي بمسامير من قوته.
جراااح اتركني حرام عليك أنا مرة متزوجة. ولا تكعد مرتك وتشوفنا بهيج وضع كااافي.
إمممم متزوووووجة!!!! خوش يعني وفية لزوجج!! حلوووو. لعد ليش ما جنتي وفية وياي؟؟؟ ليشششش؟ لو بعتي براسي شرف ووي قيس سلمتي نفسج؟
إنتَ شتخربط شبيييك؟ سكران كلامك كله بايخ وماله صحة.
أخرببببط مووووو!!!! دفعني حيل على القنفة، تأذى ظهري عطت:
وخررر ظهررري أذيتني حرام عليك لا يتأذى ابني...
خاااايفة عليه!!!! خايفة على النغل ماااالتج؟؟؟؟؟
كاااافي جراااح كااافي ما خنتك أنا ما خنتك وابني ابن حلال ابن حلاااااال. أنا مرته من حبلت مو بالحرااام مرته. أنا أحبك وعمري ما حبيت قيس ولا حسيت بيه. قيس انجبرت بيه وبس.
آها تحبيني ثبتيلي لعد...
عوفني كلشي انتهى بعد مو حلالك أنا.
طز بالحلال ما أعوفج.
تقرب حط شفته بشفتي، سديت حلقي حيل ورفسته بهاللحظة انفتح الباب، أباوع قيس!!!
بقلم شقراء (قمر كانون)
رواية كان صديقي الفصل الثامن عشر 18 - بقلم Shaqraa
الجزء السابع عشر
ركض قيس ولزم جراح وتضاربوا، أنا قمت لازمة ظهري.
اجيت أفكهم وهم واحد أكل الثاني بالضرب.
احتاريت خفت تصير فضيحة، سويت نفسي واقعة.
ذبيت نفسي على القنفة واجولي اثنينهم.
قيس ضرب خدي وأنا مغمضة عيوني بالقوة.
الموقف صعب وأنت حصرتني ضحكة.
دفع جراح عني حسب ما عرفت بعدين لأن جنت مغمضة.
وجراح واقف بعيد بس ضربتي بخدي قيس مرة لخ قعدت.
فتحت عيوني وسويت نفسي تعبانة، أباوع قيس يمي وجراح واقف بعيد وإيده على كصته.
حجيت بثقل: قيس أخذني للمستشفى أحس ألم فظيع، بس لا الطفل بي شيء.
شنوووو ليش شبيه شتحسين؟
شالني وباوع لجراح: ترى حسابك ما خلص.
بس أرجع نتحاسب. جراح واقف مثل الصنم.
أخذني قيس للغرفة كتله: نزلني بي أمشي.
أخذ السويج وطلعنا.
بالطريق باوعلي قيس كال:
أنا ما أريد أظلمج بس اللي شفته أكل تفكيري.
أنا جنت ورا الباب وسمعت كل شيء.
لأن ما آمن عليك ويا جراح بمكان واحد.
بس جراح جان فوقج وأنت رفستي كدامي.
شنو صار قبل هالشيء؟
ما صار شيء قيس ما خليته يقربلي.
مروة سنة كاملة وأنت ما حنيتي علي ولا حبيتيني ليش؟؟
لج أنا أحبج وأمي ما تحجي وياي شهرين بسببج وجبرتها تجي تخطبج رغم ما راضية.
هذا كله وبكل سهولة تكولين لجراح أحبك، بشنو أحسن مني جراح؟؟؟
هذا السويته كله لخاطرج وأنت حاسبتيني لا شيء.
قيس كافي سد الموضوع ولا تجيب سيرة جراح كدامي أبد ما أريد أسمع هالسيرة.
تحججت بتعبانة وما أعرف شنو وأصلاً أنا بس ألم عندي ما يستدعي مستشفى.
وصلنا ودخلت فحص وتشيك طلع الطفل تعبان ولازم أرتاح.
انطوني علاج ورجعنا للفندق.
بس دخلنا كتله: قيس لا تروح تتعارك ويا جراح.
إذا عرفت ياسمين ننفضح وتصير سيرتي على كل لسان.
تقبلها مرتك تنفضح؟؟؟
لا ما أقبلها طبعًا أهم شيء أنت بس حقي ما أعوفه.
راح أشتغله على البارد وأشوفه شلون يندك بي.
عفته يهذي وتمددت نمت شوي وفزيت الصبح لازم نرجع نجيب أغراضنا ونطلع نسافر.
جراح وياسمين راجعين قبلنا وياسمين راسلتني كالت ما نسافر.
لأن جراح طالعله شغل مهم ورايده.
عرفت ما يريد يتلاقى ويانا.
رجعنا واستقبلونا أهله أنا أمشي بالقوة.
أمه باركتله وتكلي شنو معوقج قيس مبين ههه هو هذا جنه ما شايف ما جنه شبعان!!!
غلست عليها كلت بطقاق حتى يفك مني عساه تعرف على مية غيري.
بس تريكنا طلعنا أخذنا أغراضنا ورحنا للمطار بس مثل الأغراب.
لا أنا أحجي ولا هو.
وصلنا ونمت مباشرة.
بس خابرت أمي والبنات وطمنتهم سبحت ونمت.
الجو بارد وكآبة يشجع على النوم.
طبعًا هالفترة صادفت عطلة قبل امتحانات نصف السنة.
يعني بس أرجع يوم ثاني امتحاني.
لهذا جبت ملازمي وياي أقرأ.
قيس مثل العطشان شوكت ما أشوفه.
ولأن وضعي مو تمام ما أخليه يتقربلي هواي لأن أصلاً أتأذى.
بس هو ما يكدر لازم ياخذ حقه ويتغزل ووووو بس أنا ولا يمه.
يعني ما أحس أنا ويا رجال مطلقًا مرات أحاول أندمج وأتفاعل.
بس أبد ما أحس بشيء أصلاً أتضايق ودي بس أخلص.
هو رغم هالشيء مضوجه ويريدني أتفاعل بس ما يضوجني أو يمكن يعرف الكلام ما بيه نتيجة.
طول السفرة هيج.
إلا أن قبل ما نرجع بيوم راسلتني ياسمين قلتلها: شخبارك. كالت:
لا زينة بعد ما ضربني جراح ولا تقربلي أبد وأنا مرتاحة هيج.
وأهله زينين وياي وحبوني.
وسووا عزيمة بالسبعة مالتنا هسه أدزلك صور.
دزتلي صورها ويا أهله ووحدها وأكو صورتين لجراح.
كالت: يا انرسلوا صور جراح من ضمن الصور ما انتبهت صاروا من ضمن التحديد.
ذني دزتهم إلي أخته لأن ما عندي إله صور.
لا عادي هسه أمسحهم.
ختمت وياها بقيت أباوع للصور.
المفروض ما أفكر بيك أنا متزوجة وحرام.
بس هوااااي أسئلة ببالي ومالها جواب.
أتمنى أنت هسه كدامي وتجاوبني.
وأنا أباوع لصورته جانت بالشمس وواضحة.
كاعد بحديقة ولابس فانيلة علاقة.
شفت على زنده وشم واضح.
كبرت الصورة أكثر هذا اسمي!! يعني جراح واشم اسمي على جثفه لعد مرته ما شافته!!!
دخت لعد شكد فطيرة هالبنية إذا لجسم زوجها ما منتبهة.
بعدين تذكرت هي تكول ما متقربلها من يوم العرس بعد وين شافته.
سديت الفون ورحت سبحت.
من طلعت من الحمام لكيت قيس كاعد على الجرباية.
اجه تقرب وأنا بالبرنص يبوس بيه وإيده تتلمس بجسمي.
لأول مرة أبادلة الإحساس والبوسة.
لحظت اجت ببالي بوسة جراح استغفر الله أنا شلون هيج أفكر هالشيء حرااام.
تقرب مني بس مو مثل كل مرة بلين أحس أعنف وأقوى.
دفعته حيل ما يندفع.
جراااح أذيتني شبيك!!!
فتح عيونه وضربني بخدي.
جرااااح مووووو متخيلتني جراااح وتفاعلت ويااااي...
لج ساقطة مكابلة صورته وتباوعيله ومن اشتهيتي تخيليني هو؟؟؟؟؟
حسيت فقد أعصابه وأنا أصلاً ما انتبهت لنفسي قلت جراح.
وصح تفاعلت وياه بس كزوجي مو تخيلت جراح أبد.
بس هو فقد أعصابه إلى أن كمل وعافني وكام.
لبس ملابسه وأخذ فونه وطلع.
أنا قمت بالقوة تحركت لأن لزمني وجع أحس ظهري انشل.
أباوع لنفسي غرقانة دم.
للحكاية بقية
بقلم شقراء (قمر كانون)
رواية كان صديقي الفصل التاسع عشر 19 - بقلم Shaqraa
ماعندي ألم، حيل خفيف صار بس نزيف.
بس دم أحس ينزل.
بقيت محتارة وين أروح، شسوي، دورت ع فوني مالكيته، يمكن قيس ماخذه.
بلشت أدوخ، لبست عباية وذبيت الشال ع راسي وكعدت، خابرت ع الريسبشن كتله: ساعدني.
فدوة زوجي طلع وماعرف وينه.
كال: أخابر الإسعاف أحسن.
صدك شوي واجت الإسعاف، أني جنت شبه واعية ماعرف شلون صمدت.
أخذوني للمستشفى وماعرف لغتهم بس اجه وياي واحد من جماعة الفندق عراقي هو.
سوولي فحوصات وتحاليل ودوني سونار.
الطفل بعده عايش بس حالته مو زينة، احتمال ضعيف يبقى.
طبعًا تعاملت ويا الدكتورة بالإنكليزي لأن لغتي زينة تفاهمت وياها الحمد لله.
أنطتني إبرة وأني متمددة، شوية ودخلي قيس.
وجهه أصفر ومثل الضايع يتلفت.
اجه بسرعة بدون حتى كلمة شبكني وخله راسي ع صدره.
يبوس براسي ويتعذر.
بيبي شبيج؟ شتحسين؟ أني السبب موو؟ أني أذيتج وأذيت ابنا.
إن شاء الله مابي شي، لا أكيد مابي شي لتخافين.
لا بس صار نزف وأنت مو هنا، خابرت الريسبشن وجابلي إسعاف.
أي أني أثول عفتج وطلعت بس ما جنت أعرف نزفتي، عفتج مابيج شي.
بعد صارت.
رجعني ع المخدة ووكف يمي.
شنو كالو؟ تبقين لو نطلع؟ شنو أريح لج أنت؟
ماعرف ما حجو كدامي.
لعد أروح أسألها وأجي.
راح شوية ورجع كال: شوية ونطلع.
كلت لازم أوضحله أني صح ماريده بس ما تخيلته جراح أبد لازم يفهم هالشي.
طبعًا هو كاعد ومخلي إيديه ع راسه وعاقد حواجبه ومدنك.
حاجيته كتله: قيس أريد أحاجيك.
ها بيبي شبيج؟ موجوعة لو شنو؟
لااا مابيه شي بس ردت أوضحلك ع مساع.
أرتاحي هسه بعدين نحجي.
لا إذا ما حجي مارتاح.
قيس أني من جنت بحضنك بالي وياك وأعرف أني بحضنك ما تخيلتك جراح.
سدي سيرة زبالة ولتلفظين اسمه ميستاهل.
أوكي ماكول اسمه بس أنت فهمتني غلط.
بس أني جنت راغبتك الك.
مجبورة أكذب عليك أو أنكر تعرفني شنو أنت.
أي أعرفج وواثق بيج.
أني من شفته قريب منج بالفندق ما أذيتج لأن أعرف نيتج شنو وأعرفج بريئة.
بس من شفتج مقربة الصورة مالته وتباوعين وتالي لفظتي اسمه وإحنا سوا انجنيت.
مروة أنت إلي، ملكي أني وبس.
مستعد أخسر نفسي وما أخسرج.
ما قصدي أخلي صورته وأعتقد أنت قريت محادثتي وي ياسمين وعرفت شنو موضوع حديثنا.
أعرف قريت كلشي.
وهو يحاجيني فاتت الممرضة كالت: تكدرون تطلعون.
شالت المغذي مني وساعدتني وهو وياها.
رجعنا للفندق، أني دخت كلش يمكن من الإبرة ونعست هواي.
بس دخلنا نمت ما حسيت بنفسي.
كعدت أحس نفسي أحسن.
فتحت عيوني، قيس متمدد يمي ونايم، أباوع للساعة بتسعة بالليل، أففف شكد نمت من العصر.
باوعت ملابسي مغيرها قيس ولا يكعد راحة هالبشر هذا.
كعدت لأن أريد أسبح بس كمت فز هو.
ها روشة وين رايحة؟
أريد أسبح مضايقة أحس نفسي وسخة.
لتعبين نفسج أني أسبحج تعالي.
كام لزمني من جتفي ويفرك بي.
قيس أني أسبح، أكدر ترى لتنسى الأطباء كالو ممنوع تتقرب شهر كامل.
أوف شيصبرني يله لعيونج أنتِ وابني أصبر المهم تكومين بالسلامة.
عفته ودخلت سبحت وخلصت أحس ارتاحيت.
من طلعت مالكيته بالغرفة.
مشطت ولبست شورت كابوي وبدي ينلف ع الركبة أسود.
كعدت أجمع أغراضنا لأن باجر نرجع.
دخل قيس بيده علاكات شافني ضل يصفر.
أويلي ع الكابوي، أخ يابه ما أتحمل، لج شنو هالجاذبية.
قيسسسس الأطباء شكالو؟؟؟
...... بالأطباء حرموني منج.
ولو لخاطر ابني لو بنتي أتحمل ميخالف.
تعالي عوفي الجنطة جبتلج أكل تحبيه.
رحت كعدت أكلت وخلصت وقيس يريد يببض بس يحوس.
بس كمت خلصت أكل اجه وراي.
بيبي ماتحمل أني شوفيلي حل.
حل إيش يعني؟ ماعندي حل.
بس أني عندي حل يلا ترى ماتحمل أنت يمي ومحروم منج.
حضني وضل يبوس بيه ويشم.
الحضنة والشمة مالت قيس كل مرة نفسها وأكثر لهفة!!!
يمكن إذا اكو شي يدل ع حب قيس إلي من صدك هو شمته وحضنته.
ضل يتلمس وأني أدفع بي.
قيس ميصير شبييك.
معليج ماراح أأذيج بس مداعبة بيبي شبيج.
المهم ضل يداعب ويسوي حركات إلى أن ارتاح وكعد.
مثل المدمن يضل يدور إلى أن ياخذ الجرعة.
هو تمدد وأني كملت أغراضنا كلها.
هو اشترى هدايا لأن أني ما طلعت مالي خلك ومابيه وماريد.
عزلت هدايا أهلي ع جهة.
جايب لهم كلهم حتى الولد ونسوانهم.
من ضمن الهدايا جانت مجلة مالت فساتين.
استغربت من شفتها لأن ملفوفة بشريط وشكلها مرتب.
سألته:
قيس المن هاي البردة؟
أخذتها لليلى أختج رادتها.
يمتى وصتك؟ أشوو ما حجت كدامي؟
لا أني راسلتها كتلها شنو عاجبكم أنتِ وآية وخالة.
كالت أريدها لأن عاجبني أخيط فساتين وما تتوفر عدنا هيج أشياء للتصميم.
أنت راسلتها لعد منين جبت رقمها؟
ها.. عندي من زمان من خطبتج.
اها وشلونهم هم زينين؟
أي سلمت عليج هواي ووصتني بيج.
الله يسلمها.
.........
رجعنا يوم ثاني الصبح تقريب بالعشرة إحنا وصلنا.
جانو الكل متجمعين ومسوين حفلة صغيرة.
وعزيمة والأهل كلها موجودة.
سلمنا وكعدنا شوية وأكلنا.
بس أني كوة متحملة لأن رجع ظهري يأذيني كلش.
كلت لقيس ظهري، كال: أمشي نصعد.
شافتني أمه كالت: شبيج ضايجة؟
لا خالة بس تعبانة ظهري يوجعني.
ياا خاف الشهرية تريد تنزل؟
أي يمكن هي.
أي مبارك أول جيتج جبتيها وياج.
ما حبلتي.
ولو هي اللي ما تحبل من ليلتها مابيها خير.
روحي صعدي هم جايين من سفر تعبانين.
ههه شبيها هاي المرة متحلفة بيه؟
المهم ماهتميت صعدت لغرفتي لأن وجع خدر ظهري.
بدلت ملابسي وتمددت ردت أنام وأرتاح حتى أقرا شوية لأن باجر امتحان.
صعد قيس هم تعبان مبين بس بدل اجه تمدد يمي وحضني ضل يحاجيني.
لتهتمين لكلام أمي وإذا غثتج أحجيلي لتسكتين.
خلال ما يحجي نمت.
فزيت ع الألم قوي كلش لكيت فراشي رطب.
أباوع دم هواي.
كعدت قيس فز مرعوب كلش.
شافني هيج طفر محتار شيسوي.
أني أبجي من الألم.
طلعلي ملابس لبسني ونزلنا.
أهله كاعدين جوا كامو متفاجئين كلهم صار عدها نزيف.
رحنا للمستشفى خف الألم شوي أحس مو مثل أول قوي وكعدني من نومي.
خلال الفحص كالت الدكتورة: الطفل ميت.
أنطتني إبرة حتى ينزل.
وإبرة مسكن لهذا بالأول ما حسيت.
تالي من كعدت لكيت قيس يمي بس عيونه حمر وتعبان.
لازم إيدي ويبوس بيها كال: الله يعوضنا.
لتضوجين حنجيب غيره مو واحد ثنين بس كومي بسلامة.
المهم سلامتج.
انقهرت كلش صعب هالشعور.
وصارت عندي كآبة.
أهله ما يدرون لأن من رجعنا كلهم قيس الشهرية اجت قوية ولأن متخربطة هرموناتها هيج مسألة طبيعية.
ضليت فترة كئيبة وممرتاحة والامتحانات راحت علية.
حتى جوا ما أنزل.
أهلي اجولي وأنطيتهم هداياهم.
أمي شكد تشكرت من قيس وهو فرحان بيها.
أنطيت ليلى المجلة كتلها: لعد قيس جابها الج مخصوص.
واستغربت منين اله رقمج، طلعتو أصدقاء، هي ارتبكت!!
للحكاية بقية
رواية كان صديقي الفصل العشرون 20 - بقلم Shaqraa
الجزء التاسع عشر
كالت: من جاب لي المكينة بالخطوبة أخذت رقمه، لأن كال إذا بيها خلل خابريني حتى أرجعها.
قالت: أي صدق، شخبار الخياط؟
قالت: لا زين، ويجولي ناس أخيطلهم، كلش يعجبهم خياطي.
قال: حلو، لعد أجيب لج قماش، وأنطيج فصال وسوي لي.
قالت: تدللين من عيني.
بعد من وقتها أهلي ما اجوا، وأني ما رحت لهم.
خلصت إجازة قيس وصعد للدوام.
الفجر طلع ودعني وباسني بكصتي وبايديه وراسي، ويباوع بوجهي يكول: ما ودي أفاركج.
أني قدمت طلب على مود أغير نظام شغلي، وكالوا فترة كم يوم ويقبلوه حتى يصير بين يومين ويوم.
قلت له: الله يسهلك. ودعني وطلع.
باوعت الساعة بخمسة والجو بارد.
امتحاناتي أجلتها لأن ما تسوى أمتحن بعد.
رجعت نمت، وما حسيت إلا واحد ينغز بكتفي.
اخترعت فزيت مخروعة.
لكيتها أمه واقفة وتتفحص بالغرفة.
قالت: قومي خاتونة، ساعة بثمانية شعدج نايمة؟
قلت: ليش خالة، شكو شصاير؟
قالت: ما صاير شي، بس قومي نظفي سوي ريوك، لو خدم عنج احنا؟ اليشوفج يكول مدللة جنتي، عدج عشر خدامات.
قومي حبابة قومي، مرت حماج لسه نايمة، ابنها متعبها بالليل ما ينام. مو مثلج بطنج خاوية، لسه كل شي ماكو.
هالحكي أني بعدني متغطية بفراشي، وهي تحكي وتشمر بيدها.
باوعت لها.
قلت: خالة مو واجبي أنظف البيت، لأن أنتم كلتوا عدكم وحدة تنظفه، والغدا ما يأكلون إلا من أيدج، حتى من أيد علياء ما يأكلون. بعد أني كعدتي شنو داعيها؟
أني متعودة أكعد بالعشرة ببيتنا وهنا نفس الشي.
وإذا مضايقج وجودي أروح لأهلي، من يجي زوجي أرجع.
قالت: ولج أنت صدق... شوف اللسان حادته حد. أمداج وأمدا ابني الجابله بت فكور، قنفة ما ببيتهم.
قلت: يا خالة لو الثقافة بالقنفات، جان ما هادّه عليّ هسه أنت ومعيرتني. عمر القنفات ما تسوي الواحد مثقف وقنوع.
خزرتني وسكتت، طلعت وطبقت الباب حيل.
عبالها اسكت لها؟ تهي لمن بله، لخاطر ابنك؟
هو أنت ابنك يعرفك شنو.
بعد لا أداري خاطر ولا شي.
رجعت غطيت راسي، ردت أنام ماكو.
فتحت الفون، لقيت قيس متصل وداز مسج يتطمن.
دزيت له مسج: أني بخير ليضل بالك.
بقيت بالفراش للتسعة، قمت سبحت وطلعت، لقيت المطبخ فوق كامل.
استحيت أكل شي، رجعت للغرفة.
ورا شوية قيس خابر، قال: تريكتي بعدج؟
قلت: لا بعدني، توه كعدت.
قال: زين لحقت عليج، جبت لج الفجر كيمر عرب خليته بالثلاجة مالت المطبخ الفوق.
قلت: أها شكراً.
قال: تدللين مرتي، شعندي غيرج.
قلت: هم شكراً.
قال: ها ههه، اليوم للعصر نكول شكراً.
قلت: لا حروح أتريك لعد.
قال: ماشي، روحي ألف عافية.
رحت تريكت ونزلت، لقيت علياء جوه تتفرج تي في وأمه قاعدة يمها.
صبحت عليهم وكعدت.
عرفت المرة منظفة ورايحة.
حاجتني علياء: شخبارج؟ شكلج مورد أحسن من الأيام الفاتت.
قلت: لا الحمد لله تمام صرت.
أمه مسوية روحها بالها مو يمنا وهي تحوس ههه.
ضلت تسولف عليا وياي وتسألني.
جانت تشتغل بالشركة، بس من صارت حامل بطلت، وهم متزوجها مهند عن حب بالكلية.
بس أمه ما معترضة لأن حالتهم زينة ومهندسة.
رغم هذا تكول تبسمر وما يعجبها، بس هي تردها.
قامت أمه تطبخ، وعلياء راحت لابنها، وأني رحت يم أمه للمطبخ.
جانت سالكة لحم وعدها بامية بالفريز مطلعاها.
حاجيتها، قلت أساعدها بالطبخ بدل ما قاعدة.
قلت: خالة تحتاجين شي؟ أخلط الطماطة لو شي ثاني؟
قالت: كل شي لا تلزمين، روحي منا لا يتوصخ الأكل لو تطير شعرة، هم متعودين يأكلون من أيدي.
قلت: أها براحتج خالة.
عفتها وصعدت لغرفتي، المهم اللي عليّ أسويه.
تمددت ألعب بالفون، اتصلت بياسمين صار فترة ما أعرف أخبارها.
جاوبتني بس صوتها ثقيل.
قلت: سلامات ياسة شبيج؟
قالت: مشتاقت لج مروة، أريد أشوفج تعبانة هواي.
قلت: ليش، أحكي شكو؟
قالت: جراح كلش متعبني، ما أعرف شي يريد. شكد ما أحاول ألبس وأبين له أريده، بس هو ما يريدني.
تصدقين من يوم الزواج لهسه ما سامعة منه كلمة حلوة، لو متقرب لي بس مرة وحدة تقرب لي وجان نايم.
والسبب كله بت الـ... هاي مروة ما أعرف شنو قصتها مخبلته.
قلت: ها منو يا مروة؟
قالت: هي حبيبته، وأشم اسمها على أيده. ولج ما يباوع بوجهي أبد، ومن يدخل للغرفة مخلي الهيدفون باذنه، ويباوع لو يسمع أغاني.
ويسولف وي وحدة بالتلفون ذاك اليوم.
أني على أساس نايمة وهو بالغرفة يمي يخابر. يكول لها: شلونها مروة؟ بالأول ما عرفت شكلت له، مريضة ما أعرف شبيها.
وهو كمز من الجرباية وكعد: وشبيها وليش وشلون؟
بس ما كدرت أفهم شنو مرضها.
وبقى يسب بواحد يكول: كله منه. ونزل بي دك فشار.
بس من سد الخط سمعته يحاجي نفسه.
بس لا وكع طفلها لو ضاربها هذا النذل، خرررب.
أني انصدمت من كلام ياسمين، وخفت أكثر لا تعرف. عزا! شتسوي خطية تنصدم لأن وثقت بيه وأطلع سبب عذابها.
والدوخني جان جراح ويامن يسولف؟
وتعرف أخباري وتعرف أني مريضة!
انتبهت لي مو وياها، صفّنت، قالت: شبيج خو ما دختي من كثر ما أحكي؟
قلت: لا حبي بالعكس، كملي أسمعج.
قالت: أي يا مروة، شكد ما أحاول ألبس وأغري بس هو ماكو.
تصدقين ذاك اليوم هيج اجت ببالي، كد ما ضجت.
وشنو ألبس ما يباوع وما يعجبه.
قلت ألبس ثوبج اللي عندي، بلكي يبين عندي جسم وأبين حلوة.
لبسته وكعدت يمه، هو اندار عليّ يمكن عجبه.
من شفته باوع لي، قلت له: جراح ما أعجبك؟
صفن عليّ من فوق لجوا، قال: حلو لبسج عجبني.
قلت: أي بختج وجاب نتيجة، وردت أجره إليّ، قلت له: يعني بس لبسي؟
زين إذا ما عجبك، تخيلني ميما بهذا اللبس، ما أعجبك؟
ما أشوفه إلا طفر وعاط بيّ.
قال: لا تجيبين هالسيرة فاااااهمة؟
هيج منج وهيج من ميما، وضل يفشر.
غميت روحي، هسه شوداني على صخمة، مو الأمور حلوة وهو مبين عجبته.
عاد قام طلع وأني بقيت لوحدي.
فكرت بطريقة ثانية إلا أكسبه، بعد هو زوجي.
وبت خالتي علمتني، قالت: حبلي حتى تكسبيه.
أني شسويت؟ بقيت بثوبج رغم هو طويل وأني ما عندي جسم، بس عجبه.
بقيت بي ورجع للغرفة ونام، شفته.
قمت فتحت الضوا الأحمر، وتحرشت بي، علمتني بت خالتي شلون أتحرش ههه.
وهو نايم حس عليّ وشبكني، وما يدري بنفسه كلش.
بقى يبوس بيّ ويشم، يكلي: أعشق عطرج. ويتغزل بيّ.
سواني إليسا من الغزل، خبصني: أحب صدرج هههه، قلت لا هذا صدق حلمان ههههه.
أني منيلي صدر.
بس جابت نتيجة وتقرب لي وكمل، وهو متونس ولا ضاج مني.
بس من فز الفجر ولكاني يمه، سواها قيامة.
عاط بيّ وضربني، يكلي: ما تقربت لج أني.
مو أنت تقربت لي؟ شلون هيج.
غلست عليه بلكي أحبل، ادعي لي.
قلت: أففف يا ياسة تحجين صدق يمعودة؟
كون ألزم ها أقاربج النصحتج وأشنقها على هيج نصيحة.
لج أنت غبية، زوجج ما متفاهمة ويا وتروحين تخلفين؟
يعني هسه بلا طفل وما شايفج كدامه أصلاً وما معبرج.
تالي من يجي طفل رح يهتم بيج؟ فكري بيها أنت ليش متسرعة وما تفكرين بوعي؟
يعني إذا حبلتي وهو ما راد أطفال شيسوي لج؟
رح يضربج ويطيح حظج تدرين؟
صديقتي زوجها محذرها من الأطفال، ومن حبلت وعرف بيها ضربها لحد ما مات طفلها ببطنها.
تريدين هيج يسوي لج جراح؟
قالت: ها يعني ما أحبل؟ تكولين مروة أنت ذكية تعرفين تتصرفين.
أني ما أعرف بس أريد أكسبه.
قلت: اكسبيه بغير طرق، بس الخلفة أجليها ماما، بعدج وينج وين الخلفة أنت خرررب.
حركت دمي بتصرفاتها، لا ولابسة ثوبي الفطيرة.
ختمته وياها وبقيت أفكر بالثوب، أخاف حرام عليّ لأن تلبسه وهو جراح يعرف بي مالتي.
بقيت محتارة.
مر اليوم عادي، كلمن بغرفته لأن البيت محد بي.
أبوهم ومهند بالشغل، ومحسن يداوم كلية هندسة محافظات.
وبتهم متزوجة.
يعني العائلة قليلة، وكلمن بغرفته وفونه بيده وناسي الدنيا.
يوم ثاني كالعادة، كعدت الصبح تريكت، كليت بيض وحليب وأكلت.
نزلت سولفت وي عليا شوية. وكت الصلاة صعدت صليت.
ورجعت نزلت لأن غداي وياهم وهم موصين من برا.
قالت: نزلي لأن يجيبوه ورا الصلاة.
نزلت رتبت السفرة وي علياء، وتسولف شلون قيس دايخ عليّ، وتكول: محبلته، من شافج خبصني بيج وبس يحكي بيج.
هو سرّه عدها، وهالشي انطاني أمل.
يعني أكدر أتقصى وأسأل، يمكن تعرف شي.
طلعت أم قيس من باب المطبخ وجابت الأكل لأن دليفري.
حطته على الميز وكعدنا نأكل، وعلياء ابنها بحضنها تأكل وتسولف.
شوية وانفتح الباب، قيس اجه.
سلم وباس راس أمه وباسني من خدي.
استغربنا من جيته، قال: تغير نظام دوامي صار يومين بيوم.
أكل ويانا وخلصنا. وصعدنا.
أول ما صعدنا حضني حييل ويشم بيّ ويبوس.
أني أحاول أندمج لأن هاي حياتي ماكو مفر منها.
وهو تصرفاته توحي بحب قوي.
قلت أنسى الماضي وأحاول أتأقلم.
تقرب لي بلهفة وشوق كأنه أول مرة.
حاولت أتفاعل ويا بس ما أعرف كل إحساس ماكو.
هو هالشي ما يمنعه لو يأثر بي.
يوصل لقمة النشوة والسعادة وما يهتم.
كمل ونام بصفي.
حاضني ويلعب بشعري، وكلساع وعصرني حيل.
غفى وأني شوية وغفيت.
خلال نومتي حسيت إحساس حلو بس ما أعرف شنو هو.
تخيلت قيس يبوس بركبتي ويلمسني.
بس على بالي حلم.
تفاعلت ويا وبادلته الشعور، بقيت أبوس بي وأحضنه حيل وأبوس بركبته.
تقرب لي ويهمس باذني كلام حلو وكمل وبقيت بحضنه.
بس أني ما أعرف إذا حلم أو حقيقة.
ورا فترة كعدت لقيته مو يمي بالفراش.
أباوع الدنيا ليل مبين.
فتحت فوني باوعت بي.
مسجات واتساب فتحتها، كروبات وقيس داز لي.
اليوم نتعشى برا إذا كعدتي حضري نفسج.
أني خابروني بشغل وطلعت شوية وأرجع.
دزيت له: أوكي.
بقيت متمددة، برد واحد ما يتمنى يترك الفراش.
فتحت فيس شوية ورحت على انستغرام تصفحت.
شفت قيس منزل حالة.
فتحتها: يؤ هذا شنوو!!!
جهة رقبته بيها أثر بوسة.
حيل قوي يصير قريب أذنه!!!!
شنو هذا!!!!
للحكاية بقية
بقلم شقراء (قمر كانون)