تحميل رواية «حكاية حب» PDF

_لسة بتحبيه يا رنا رغم اللي عمله فيكي

_مش ب ايدي يا جدو………انا نفسي انساه وانسي حُبي ليه بس مش عارفة………بالعكس انا كل ما بقول اني هنساه وهبطل احبه الاقي نفسي بفكر فيه…….مش قادرة امنع نفسي اني احبه ولا قادرة ابطل افكر فيه

_يبقي تحاولي تديله فرصة تانيه يمكن المرة دي علاقتكم تكون افضل

_وهو فين بس يا جدو………هو احنا نعرف عنه حاجة ولا مكانه فين علشان اديله فرصة تانيه ولا لا

_هيرجع دا حفيدي وبقولك هيرجع وهيرجع علشانك انتي

_علشاني انا ازاي بس حضرتك نسيت هو قال اية اخر مرة اتقابلنا فيها……..انا حكيتلك انه مكنش طايق يشوفني حتي

_فاكر………وفاكر بردو انه قالك انه حبك بجد وحبك اكتر من حبه لنور كمان وعلشان حبك بجد يبقي هيرجع ………هيرجع وهو ناسي كل حاجه انتي عملتيها في حقه وهيجي يطلب منك فرصة تانيه بينكم علشان تقدروا تصلحوا اللي فات………وساعتها القرار هيكون ب ايدك انتي ياما تقبلي وتديله فرصة تانيه ياما ترفضي وتبعدي وانا معتقدش انك هتقدري تعملي التانيه………انتي ممكن لما يرجع تعاقبيه علي بُعده عنك دا وساعتها انا هقف جمبك واساعدك هلي عقابك ليه دا………والاستاذ اللي في حضنك دا هيكون في صفك هو كمان

ابتسمت وبصيت ليه وهو نايم في حضني

_مقررتيش هتسميه اية صح

_مش عارفة……….ماخدتش القرار لسة……..كُنت ناوية ان حتي لو انا وهو متطلقين كُنا هنقعد ونفكر مع بعض ل اسم ليه بس هو مشي من غير ما يعرف اني هكمل الحمل

_طب اية رايك تسميه انس

_دا اسم حلو اوي يا جدو………خلاص انا هسميه انس علشان الاسم حلو اوي

_كويس انه عجبك……..يا رب هديتي كمان تعجبك

_هدية…….هو حضرتك جبتلي هدية

_طبعا…….مش انتي جبتيلي احلي هدية في الدنيا وخلفتي ابن حفيدي اللي مليش غيره……..لازم انا كمان اجبلك هدية تفكرك بيا لما اموت

_بعد الشر عليك يا جدو ربنا يديك الصحة وتفضل جمبنا دايما

_اللي ربنا عايزه هيكون يا رنا……..اتفضلي دي هديتك

مد ايده اللي كان فيها علبة صغيرة………سيبته علي الكنبة ومديت ايدي اخدتها منه……..فتحت العلبة ولقيت فيها سلسة ذهب عليها حرف A

_جبتلك سلسلة عليها اول حرف من انس لاني عارف انك هتوافقي علي اسم انس

_ربنا يخليك ليا يا جدو……..شكلها حلو اوي

_خليكي لابسة دايما يا رنا……..واعرفي دايما اني بعتبرك زي اياد ويمكن اكتر كمان……..انا لما طلبت منك انك تتجوزي اياد ف دا علشان كُنت عارف ان والدك راجل طيب وكويس وواثق من تربيته فيكي ولما عرفت انك بتحبي اياد اصراري زاد اني اخليكم تتجوزوا علشان حُبك ليه اللي عارف انه هيغيره للاحسن انا عُمري ما كُنت عايز حاجة وحشة تأذيه يا رنا وكل حاجة كُنت بعملها كانت علشان مصلحته ابقي قوليله اني بحبه واني حاولت علي قد ما اقدر اني ابعد عنه اي حاجة هتأذيه حتي لو كان هو بيحب الحاجة دي بس دا علشان انا بحبه والله ……..يمكن انا مش هلحق اقوله وانتي اللي هتقدري تقوليله الكلام دا

_لا يا جدو ان شاء الله انت اللي هتقوله كل الكلام دا مش انا انت وعدتني انك هتفضل معانا علشان تخلي بالك من انس وانا مش هسيبك تمشي وتسبنا

مسكت في ايده وابتسمت طبطب علي ايدي وهو ساكت وباصص في الارض

فوقت من سرحاني علي صوتها وهي بتتكلم

_دكتورة رنا انا دخلت حضرتك هنا من ورا دكتور باسم ولو عرف ممكن

_متقلقيش يا هالة انا خمس دقايق بس وهخرج ومحدش هيحس بحاجة

_ارجوكي بلاش تتاخري عن خمس دقايق علشان دكتور باسم ميتكلمش معايا لاني دخلتك هنا

_قولتلك متقلقيش يا هالة انا وعدتك وهوفي بوعدي بس انا محتاجة خمس دقايق بس وهخرج

_تمام……..عن اذنك

خرجت وسابتني…….اول ما مشيت بصيت ليه ومسكت في ايده وبدات اتكلم وانا بعيط

_اياد انا عارفة انك سمعني ……….وعارفة كمان انك هتكون بخير وهتخرج من هنا في اقرب وقت……..اياد انا خايفة ومش قادرة ابين اني قوية اكتر من كدة من ساعة اللي حصل دا وانا بداري ضعفي قدامهم وبحاول اكون قوية قدامهم لكن انا مش كدة ……..انا محتاجة انك تكون جمبي انا في موقف صعب ومش عارفة اني اتصرف………نور خاطفة انس وهي اللي عملت فيك كدة………طالبة مني اني اديها كل حاجة ب اسمي جدو سابها علشان اقدر ارجع ابني في حضني ياما هتقتله وانا الحقيقة مش عارفة اتصرف ازاي………لو كُنت جمبي كُنت هرجع انس انا وانت لكن انا دلوقتي مش عارفة اعمل اية اديها الفلوس وانقذ انس ولا ابلغ البوليس ………لتاني مرة تسبني وانا محتاجة انك تكون جمبي يا اياد المرة اللي فاتت لما كُنت حامل وانت مشيت وسيبتني قبل ما تعرف اني مش هنزل الحمل وكان نفسي تكون جمبي ساعتها بس انت كُنت مشيت والمرة دي الحاجة اللي بتربطنا ببعض بتروح مني وانت بردو مش جمبي وانا مش قادرة اتصرف يا اياد……..فوق يا اياد علشان خاطري انا محتاجة ليك

الباب اتفتح مسحت دموعي وبصيت ناحية الباب لقيته واقف اتكلمت بهدوء

_اسفة اني دخلت هنا من غير ما اخد اذن من حد بس

_رنا………في مصيبة………لازم تيجي معايا حالا

_مصيبة اية…….بابا وتيتة كويسين

_كويسين المشكلة في انس ………احنا لو ملحقناش انس دلوقتي ممكن يموت

"نور"

_انا قتلت ٠٠٠٠٠٠ انا قتلت اخويا اللي عملت كل دا علشانه………انا والله ما كُنت اقصد انا كُنت بحاول ابعده عني…….انا مش عارفة ازاي دا حصل بس بس انا مكنتش اقصد

_مش هتقدري تخرجي نفسك منها المرة دي يا نور………. المرة دي مسكناكي وانتي بتحاولي تهربي بعد ما قتلتي اخوكي امير……..اخوكي اتصل بينا قبل قتلك ليه بربع ساعة وبلغ عنك ولما جينا لقيناكي قتلتليه وبتحاولي تهربي………قضيتين قتل دا غير خطفك للطفل انس ابن اياد خطيبك السابق واللي حاولتي تقتليه دا غير تهديدك ل دكتورة رنا والدة انس ………كل الجرايم دي توصلك لحبل المشنقة يا نور وانا اللي هوصلك بنفسي

شد ايدي علشان يحط فيها الكلبشات………بصيت حواليا ولقيت الكل واقف برا الشقة وبيبص عليا فضلت باصة عليهم وانا ساكتة ………زقيته بعيد عنس وبدات اتكلم

_لا……..محدش فيكم هيقدر يقرب مني انا لسة في ايدي انس واللي لو فكرتوا تأذوني هيموت ………والشخص اللي ممكن يقتله لو حس اني في خطر عُمر ما حد هيعرف هو مين او انس موجود معاه فين احسنلكم تسبوني لو فعلا عايزين انس يرجع ويكون بخير

......

_انا عملت كدة علشان مصلحتك يا اياد

_مصلحتي ازاي يا جدو………حضرتك عارف انا بسبب اللي حضرتك عملته دا انا بقيت حاسس ب اية

_انا علشان بحبك وخايف عليك عملت كدة

_كفاية يا جدو بقي……..كفاية كل مرة تقول نفس الكلام …….مفيش حد بيحب حد يعمل معاه كدة……..انت كل مرة تأذيني وتقولي انا بحبك وخايف عليك………لو دا الحُب من وجهة نظرك يبقي متحبنيش……….لو انك تأذيني وتكسر قلبي كل مرة وتقولي خايف عليا بلاش تخاف عليا……..جدو انا حبيت رنا بجد ومكنتش عايز ارجع ليها علشان كُنت عارف انها متستحقش واحد اناني……..بس انا لما عرفت انها حامل فرحت…….قولت يمكن الطفل دا هو اللي هيقوي علاقتنا ببعض ……..اول ما عرفت بحملها روحت ورجعتها لذمتي تاني وانا فرحان اني اخيرا هبقي معاها من تاني ولما عمو عرف اللي حصل كُنت بدعي ربنا انه يدينا فرصة تانيه ويسامحني علي معاملتي ليها علي الاقل علشان ابننا اللي لسة مجاش علي الدنيا……..انا حبيت رنا بجد يا جدو……..حبيتها و وثقت من تاني فيها بعد ما عدمت الثقة في كل البنات………المرة دي انا مش بس فقدت ثقتي في رنا وانا فقدت ثقتي فيك انت كمان يا جدو

_هو انت كُنت عايزني اتفرج عليك وانت بتضيع مني وحياتك بتدمر واقف ساكت………عايزني اشوفك وانت بتدمر نفسك علشان واحدة متستهلش واتفرج عليك وانا مبسوط…….اللي انا عملته دا الصح وانا مغلطتش لما روحت ل رنا واتفقت معاها انها توافق علي جوازها منك ف دا علشان انا عارفك وعارف انك هتروح وتفهمها انك بتحب واحدة تانيه ومش عايز تتجوزها وساعتها الرفض هيجي منها……..كُنت عارف انك هتعمل كدة مع اي عروسة هنروح ونتقدملها علشان كدة عملت كدة……..علشان مش عايزك تعيش حياتك كلها بتتعذب وزعلان علي واحدة متستهلش حُبك ليها اصلا………لو حد غلطان فعلا فهيكون انت يا اياد مش انا ولا رنا انت اللي غلطت في عدم حُبك ليها وهتكون غلطان لو كملت في عنادك دا ومحاولتش تصالح رنا وترجعها ليك هتكون خسرت حُبها ليك وتضحيتها علشانك وهتفضل عُمرك كله ندمان على خسرتك ليها……….تصبح علي خير

سابني وخرج من الاوضة………فضلت باصص عليه لحد با باب الاوضة اتقفل………فضلت افكر في كلامه وانا مش عارف اعمل اية علاقتي انا ورنا اتبنت علي كذبة ومش عارف اذا كانت هينفع تكمل او لا ……..كُنت تايه في اللحظة دي ومش عارف اعمل اية……..كل اللي انا اعرفه اني مينفعش اكون هنا تاني……..مينفعش اكون جمب جدو بعد اللي عمله دا ولا ينفع اني اكون انا وهي في نفس المستشفى ونشوف بعض كل يوم لان خلاص مبقاش في حاجة تربطنا ببعض ……..حتي الطفل اللي كان ممكن يصلح العلاقه بينا هي قررت تتخلص منه

بدات افتح عينيا بتعب وابص حواليا………لقيت نفسي قاعد علي السرير وعلي جسمي الاجهزة وانا مش فاهم حاجة……..بصيت ناحية الباب لقيتها بتفتح الباب وداخله ……..اول ما شافتني ابتسمت وبدات تتكلم بفرحة

_دكتور اياد……حمدلله علي سلامتك………اخيرا حضرتك فوقت

_هو……..هو ايه اللي حصل يا هالة

_اهم حاجة ان حضرتك بخير مش مهم الباقي……….الكل كان خايف علي حضرتك يا دكتور اياد وخصوصا دكتورة رنا وثريا هانم

_رنا……….رنا فين يا هالة

_دكتورة رنا راحت مشوار وهترجع علطول

_مشوار اية………رنا عُمرها ما تسبني وانا تعبان الا لو في حاجة ……..هو حصل حاجة

_لا ابدا مفيش حاجة

_هالة…….اية اللي حصل…….تيتة كويسة!

_لا مدام ثريا الحمد لله كويسة……..بس

_بس اية……..اتكلمي يا هالة

_بصراحة يا دكتور اياد ……..دكتور باسم ودكتورة رنا خرجوا من شوية ودكتورة رنا كانت بتعيط وسمعتها بتقول ان لو انس حصله حاجة هي ممكن تموت وانهم لازم يلحقوه……..ابن حضرتك شكله في خطر وهما راحوا ينقذوه

حاولت اقوم من مكاني وانا خايف عليهم………مقدرتش اني اتحرك من مكاني بسبب الوجع

_حضرتك رايح فين يا دكتور……..مينفعش انك تقوم خالص

_انا لازم اروحلهم………رنا وابني في خطر عايزاني ازاي اقعد هنا

_انا عارفة ان حضرتك قلقان وخايف عليهم ودا حقك بس انا مقدرش اخلي حضرتك تقوم من مكانك دلوقتي يا دكتور اياد……..حضرتك تعبان وانا مش هقدر اسيبك تخرج من هنا غير لما دكتور باسم يجي ويقرر اذا كُنت تقدر تخرج من هنا ولا لا

_يعني اية……..يعني انا هفضل محبوس هنا وانا مش عارف ابني بيحصل فيه اية لحد ما يجي الدكتور بتاعك

_انا اسفة يا دكتور اياد………انا مش هقدر اعمل غير كدة…….يا ريت حضرتك ترتاح لاني مش هسمحلك تخرج من هنا

فضلت قاعد مكاني وانا مش قادر اتحرك من مكاني ومش عارف اعمل اية ولا اتصرف ازاي……..خايف عليهم ومش قادر اعمل حاجة بسبب تعبي مكنش قدامي حاجة اعملها غير اني افضل قاعد وادعي انهم يكونوا بخير ويرجعوا مش قادر اني اعمل حاجة غير كدة

"نور"

فضلت واقفة وانا ماسكة المسدس اللي اخدته من علي الارض……..موجهاه علي راسي وبتكلم بصوت عالي

_لو حد فيكم فكر يقرب مني انا هموته وهموت نفسي……..وساعتها انس هيموت هو كمان

_اللي بتعمليه دا مش في مصلحتك يا نور

_كدة كدة انا خلاص مبقاش في مفر من عقوبتي ف اتعاقب وانا واخدة حقي

_اعقلي يا نور ونزلي المسدس

_مبقاش عندي عقل يا حضرة الظابط………انا واحدة لسة قاتلة اخوها وخاطفة طفل صغير وعملت حاجات كتير اوي غير كدة وخلاص كل حاجة اتنهيت وانا كمان انتهيت وحياتي مبقاش ليها لازمة خلاص

شوفتها وهي داخله من وسط الناس بسرعة علي البيت وهي بتعيط وهو واقف معاها بدات اتكلم وانا بضحك

_اتاخرتي كدة لية يا رنا

_ابني فين يا نور

كلمتها وانا ببعد عنهم وباصة عليهم

_ابنك هيفضل كويس طول ما انا كويسة يا رنا………مش من مصلحتك اني يتقبض عليا طول ما ابنك معايا يا رنا

_نور اللي بتعمليه دا غلط……..نزلي السلاح واعقلي

كان بيتكلم وهو بيقرب مني…….رفعت المسدس لفوق وضربت طلقة في الهوا…….الكل وقف مكانه وفضلوا يبصولي

_انتو فاكرين اني بهزر……..انا قولت اللي هيفكر يقرب مني هموته و هموت نفسها بعدها

_انتي فاكرة انك كدة هتخوفينا يا نور……..لو عايزة تقتلي نفسك وتقتليني انا معنديش مانع………احنا نستحق فعلا الموت انا وانتي…….بس اعملي حاجة واحدة صح في حياتك وقولي مكان انس

_انا معنديش حاجة ابقي عليها ولا اخاف عليها يا باسم………قتلت اخويا خسرت كل حاجة………وزي ما انا خسرت كل حاجة مش هسيب حد يكون سعيد في حياته بعدي……….انا زي ما حياتي ادمرت هدمر حياتك انتي كمان يا رنا وهاخد منك كل حاجة انتي بتحبيها……..في الاول اخدت ضربت اياد بالنار ودلوقتي بين الحياة والموت واحتمال ميخرجش منها ابدا وبعدين خطفت ابنك ومش هتعرفي مكانه وه تخسريه للابد ……….هيكون معاكي الفلوس اه بس عمرك ما هتكوني سعيدة في حياتك زي مانا عمري ما كُنت سعيدة في حياتك

_اعقلي يا نور وتعالي نتفاهم بهدوء

هزيت راسي ب لا………وجعت المسدس ناحية راسي……..بصتلهم وابتسمت……..حاول يجري عليا وياخد مني المسدس بس ملحقش انه يعمل كدة……..دوست علي الزناد وانا بنهي حياتي اللي فضلت عايشها علشان حاجه واحدة وبس وهي الفلوس نهيت حياتي وانا مقدرتش احقق هدفي وخليت الكل يكرهني ويبعد عني واكون وحيدة بس زي ما عيشت حياتي تعيسة هخليها هي كمان تعيش حياتها تعيسة وهي لوحدها زي ما كُنت لوحدي

"رنا"

وقعت علي الارض قدامي ……..جري عليها وحاول انه ينقذها بس مقدرش……..قعدت علي الارض وانا مش مستوعبة اللي حصل………كُنت بعيط ومش بنطق بكلمة ولا مُهتمة بالاصوات العالية والزعيق اللي حواليا………دموعي كانت بتنزل وانا ساكتة ومش عارفة اعمل اية……..قعد جمبي وبدا يتكلم وانا مش منتبهة ليه

_متقلقيش يا رنا هنلاقي انس وهيكون كويس

_انس راح واياد كمان راح……..كُل اللي حصل دا بسببي……..لو كُنت اديتها الفلوس اللي كانت عايزاها مكنش دا حصل كان انس زمانه معايا

_دكتورة رنا……….احنا مش هنسكت غير لما ابن حضرتك يرجعلك ونعرف هو فين ومع مين………بس حضرتك لازم تيجي معانا القسم دلوقتي

_انا السبب في كل حاجة حصلت

_حضرة الظابط …….انا تقريبا اعرف مكان انس

بصتله بسرعة……..قومت من مكاني ومسحت دموعي وبدات اتكلم بسرعة

_تعرف مكانه ازاي……..اتكلم يا باسم قول هو فين

_حضرتك متاكد من كلامك دا يا دكتور باسم

_ايوة……..انا كُنت شريك مع نور في كل حاجة سواء خطفها او محاولة قتلها ل اياد……..انا اسف يا رنا انا عملت كل دا علشانك……..علشان كُنت فاكر اني كدة هخليكي تحبيني وهقدر اكون معاكي ………..انا عارف اني غلطت وانا مُستعد ادفع ثمن غلطتي دا ايا كان الثمن

_ابني فين يا باسم……..قولي ابني فين وريح قلبي……..كويس صح

_معرفش اذا كان كويس ولا لا بس انا هوديكي المكان اللي ممكن يكون فيه وان شاء الله هنلاقيه

_اتفضل معايا يا دكتور باسم وبعد ما الطفل يرجع لوالدته حضرتك هتيجي معانا علشان التحقيق

خرجنا من البيت وسط الناس اللي واقفة تتفرج والاصوات العالية……..طول الطريق بدعي ربنا انه يكون بخير وانه يرجع لحضني تاني………طول الطريق دموعي مكانتش بتقف وخايفة اني اخسر احلي حاجة حصلتلي في حياتي……..وصلنا قدام بيت قديم ……..نزلنا من العربية وبدا يتكلم وهو بيشاور علي البيت

_انس ممكن يكون هنا………بيت اهل نور

سيبته وجريت علي البيت وانا بدعي اني الاقيه فيه……..قربت من الباب وفضلت اخبط لحد ما الباب اتفتح وكان شخص كبير في السن اللي فاتح……..اول ما سمعت صوت عياطه جريت علي جوا وانا بدور عليه……..اول ما شوفته جريت عليه وشيلته وبدات احضنه واعيط وانا مش مصدقة انه لقيته اخيرا……..سمعت صوته وهو بيتكلم بصوت عالي ……..خرجت برا الاوضة وانا شايلاه في حضني وفضلت باصة عليه وهو بيتكلم

_والله يا بيه انا قولت ل نور بنتي ان اللي بتعمله دا غلط وكُنت ناوي انه اجيبه للست هانم وابلغ عن نور بنتي

_مهو واضح………كُنت ناوي ترجعه لما يموت ولا لما تاخد الفلوس اللي كُنت هتساومها بيها

_يا بيه والله انا حذرتها من اللي بتعمله دا كتير وقولتله انه اخرته وحشة

_انتو اية……..مفيش في قلوبكم رحمة………ازاي قدرت تطاوع بنتك ف انها تعمل كدة وتخطف طفل من امه وتقطع قلبها عليه ………انا عُمري ما هسامحك ولا هسامح بنتك علي وجع قلبي اللي كُنت فيه بسببكم دا واللي ابو ابني فيه دلوقتي بسبب بنتك وطمعها……..بنتك اخدت الجزاء اللي كانت تستحقه وانت كمان هتاخد جزاءك وهتكمل باقي عمرك في السجن…….حسبي الله ونعم الوكيل فيكم

الظابط اخده علي البوكس وانا فضلت شايلة انس وواخدة في حضني وبعيط………حط في ايده الكلبشات وكان هيخده علي البوكس……..بدات اتكلم وانا بقرب منهم

_ثانية واحدة يا حضرة الظابط……..انا محتاجة اني اتكلم مع الدكتور شوية

وقفت قدامه وهو حاطط راسه في الارض ومبصليش خالص

_لية يا باسم عملت كدة……..لية دا انا كُنت بعتبرك اكتر من اخ ليا

_غصب عني يا رنا………كُنت فاكر اني كدة هقدر اخليكي تحبيني ويكون ليا نصيب في حياتك

_هو انت فاكر لما تعمل كدة انا هحبك!……..انت لو كان ليك فرصة يا باسم معايا كُنت هقدر احبك من غير اي حاجة انت تعملها من غير خطط او انك تحاول تخليني احبك غصب عني انت عمرك ما كان هيبقي ليك فرصة معايا ولا انا عمري ما كُنت هحبك لان قلبي من زمان كان مع اياد وهيفضل مع اياد لحد ما اموت حتي لو كُنا بُعاد عن بعض هفضل بردو احبه……….انا أمنتك علي حياته وطلبت انك تنقذ حياته بس انت عملت عكس كدة صح!

_لا يا رنا………انا اه كُنت ناوي اعمل كدة بس مقدرتش……..انا اول ما شوفت اياد في اوضة العمليات وكان قدامي اختيار بين اني انقذه او اموته اختارت اني انقذه لاني يوم ما اتخرجت من كلية طب اقسمت اني هنقذ اي شخص حياته ممكن تنتهي وانا هقدر انقذه ومش مهم هو مين حتي لو كان عدوي انا صحيح بكره اياد وكان نفسي انه يموت بس لما اتحط قدامي وكُنت بين اختيارين اختارت اني انقذ حياته واعمل شغلي………انا اسف يا رنا علي اللي عملته دا بس كل دا كان من حُبي فيكي والله

_مش مسمحاك يا باسم……..عُمري ما هسمحك علي اللي عملته معايا وانك كُنت هتدمر حياة ابو ابني واشتركت في قتله……….ان شاء الله هتاخد جزاءك زيك زي نور يا باسم

سيبته وخرجت من البيت وانا شايلة انس……..رجعت علي المستشفى وطلعت ليهم……..اول ما شافوني جروا علينا……..اخدت مني انس بفرحة………حضني وهو بيحمد ربنا اننا رجعنا ليهم كويسين…….اخدتني في حضنها وهي شايلاه وبتعيط…….بدا يتكلم وهو بيعاتنبي

_كدة بردو يا رنا……..تروحي للموت برجليكي لوحدك ومن غير ما تقولي لحد

_لو كُنت قولتلكم مكنتوش هتوافقوا يا بابا وبعدين انا اول ما باسم قالي جريت علطول من غير ما افكر

_الحمدلله يا حبيبتي انكم بخير ورجعتوا بالسلامة

_الحمدلله يا تيتة……..بعد اذنكم بقي لازم انس يشوف بابا يمكن يكون السبب في انه يفوق ويبقي كويس

_ومين قالك ان بابا انس مش كويس دلوقتي

بصتلهم بعدم فهم…….بدات استوعب واترسمت ابتسامه علي وشي شاوروا علي الاوضة اللي كانت جمبنا…….جريت عليها وفتحتها لقيتها نايم علي السرير وباصص علي الباب اول ما شافني حاول يتعدل في قاعدته……..جريت عليه بفرحة…….قعدت علي الكرسي وانا مش مصدقة نفسي بدا يتكلم بهدوء اول ما شافهم داخلين وفي ايديها انس

_حمدلله علي السلامة ……..انتو كويسين!

_انت كويس!…….فوقت امتي وازاي

_مكنتيش عايزاني افوق ولا اية

_كُنت طول الوقت بدعي انك تفوق الحمد لله ان ربنا استجاب دعواتي……..انت حاسس ب اية دلوقتي

_دلوقتي بقيت كويس اول ما شرفتك انتي وانس……..من ساعة ما هالة قالتلي وانا خايف وقلقان ومش قادر اني اقوم من مكاني حتي

_الحمدلله ان ربنا رجعكم بالسلامة وقومك بالسلامة يا اياد يا ابني

_معرفتش افرح لما عرفت انه فاق بسبب اني معرفش انتي فين واية اللي حصلك انتي وانس

_الحمدلله يا تيتة ان كل حاجة عديت كان كابوس وعدي

_طيب يلا بينا نخرج…….لازم نسيب اياد يرتاح شوية

_لا تخرجوا اية……..عمو انا كُنت عايز اتكلم مع حضرتك

_اجل كلامك لبعدين يا اياد لحتي ما تخف خالص وتخرج من هنا

_لا ياعمو انا محتاج اني اتكلم مع حضرتك دلوقتي……..مش هقدر استني لحد ما اخرج من هنا……..عمو انا طالب ايد رنا من حضرتك………انا عارف ان دا لا وقته ولا مكانه بس انا عايز اسمع رد حضرتك دلوقتي

_يعني مش قادر تصبر لحد ما تخرج من هنا يا حبيبي

_لا يا تيتة………انا لو صبرت هتحصل مصيبة تانية والموضوع هيتاجل تاني وانا خلاص مش قادر اصبر اكتر من كدة ……..قولت اية يا عمي

_طيب يا ابني استني لما تخرج من هنا الكلام دا مينفعش يكون هنا

_دا هنا انسب مكان يا عمي صدقني………انا كل شوية اتكلم في الموضوع دا تحصل مصيبة واجي اتحجز في المستشفى هنا……..ف انا بقول نتكلم في الموضوع هنا علشان لو حصل اي حاجة مناخدش وقت عقبال ما نوصل للمستشفى……..ها قولت اية يا عمي

_والله يا ابني الراي راي رنا اللي تقول عليه هو اللي هيحصل

_حضرتك كدة بتصعب الموضوع……..بنتك لو عليها تعذبني باقي عُمري ومتوافقش لازم حضرتك تحطها قدام الامر الواقع وتوافق

_والله! طب انا مش موافقة بقي اية رايك

_يا بنتي حرام عليكي كفاية اللي بتعمليه فيه دا

_مش سامعة بيقول اية يا تيتة

_بيهزر معاكي يا حبيبتي

انس بدا يعيط

_اهو شوفتي ابنك اللي ميعرفش حاجة في الدنيا عيط بسبب كلامك علشان كلامك كله غلط……..وافقي بقي حرام عليكي علشان خاطر انس مش علشان حاجة تانية يعني

_خلاص ادوني فرصة افكر

_تفكري……..خلاص براحتك انتي هتفكري وانا كمان هفكر…….انتي مش احسن مني يعني خليني انا افكر وانتي تفكري وقرارانا نقوله في الاخرة بقي

ضحكنا…….بصيت الناحية التانية وفضلت ساكتة

بعد خمس سنين……..كُنا وقفين قدام قبره بنقرا الفاتحة علي روحه ……خلصنا قراية الفاتحة………بدا يتكلم وهو حاضني ب ايد

_وحشتني يا حبيبي……..كان نفسي تكون جمبي انهاردة……. انهاردة حققت حلمي اللي من وانا صغير كُنت بحلمي بيه……….انهاردة وقعت عقد اول رواية ليا وحققت حلم كُنت بحلم بيه من زمان ………سميتها (حكاية حُب) حاولت اني اكتب فيها عن علاقتي ب اكتر انسانة حبيتها و فضلت معايا لحد ما حققت حلمي وهي جمبي ………اتجوزنا بعد ما طلعت روحي علشان توافق و تتجوزني………انس بقي عنده اخت اسمها فاطمة ………معرفتش اجيبهم معايا تيتة طلبت انهم يبقوا معاها……..علي فكرة هي بتسلم عليك اوي بس مقدرتش انها تيجي علشان تعبانة شوية………..كُنت غلطان في حق ماما……..ماما دي اكتر انسانه طيبه بس انت اللي مكنتش فاهمها يا جدو………روحت وقعدت معاها وبصراحة مقدرتش مديهاش فرصة تانية……….كان شرط رنا علشان توافق تتجوزني اني اسامح واديها فرصة تانيه واحاول افهمها واكتشفت انها فعلا طيبة وانت غلطت في حكمك عليها يا جدو

_سبتلي امانة كبيرة اوي يا جدو وكُنت فاكرة اني مش هقدر عليها بس بالعكس……..انا واياد فضلنا نشتغل في الشركة بعد شغلنا في المستشفى وقدرنا نكبر في شغلك اكتر واكتر وكأنك موجود يا حبيبي………كل اللي اذونا في حياتنا اخدوا جزاءهم……..نور انتحرت وابوها اتسجن وباسم اتسجن وحاول انه يموت نفسه في السجن بسبب عذاب ضميره بس لحقوه علي اخر لحظة…….كل حاجة بقيت كويسة وحياتنا بقيت كويسة

_مبقاش فاضل غير وجودك جمبنا بس انا واثق انك في مكان احسن يا حبيبي ……..احنا لازم نسيبك دلوقتي علشان نروح لتيتة…….زمان الولاد جننوها…….بس هتجيلك تاني مع السلامة يا حبيبي

خرجنا انا وهو واحنا ماسكين ايدين بعض………ركبنا في العربية وفضل باصص عليا……..اتكلمت ب ابتسامه

_بتبصلي كدة لية

_رنا انا بحبك اوي………شكرا انك موجودة في حياتي

_وانا كمان بحبك……..ربنا يخليك ليا يا اياد يا رب

_ويخليكي ليا يا حبيبتي

باس ايدي…….ابتسمت وفضلت ماسكة في ايده