تحميل رواية «حب في الجامعه الامريكيه» PDF

البارت الحادي عشر

حب في الجامعه الامريكيه

قصص منه محمد كاتب

في المشفي

مروان بيحاول يحلق دقنه وزع الرغوه عليها وحاول يمسك الماكينه ايده ارتعشت جامد لان الورم بدء يأثر ع الجهاز العصبي حاول ينطر ايده ويكمل لكنه حرفيا مقدرش حدف الماكينه بغل في الحوض عملت صوت!!!!

امل كانت حاطه ودنها ع الباب لما سمعت حاجه اتحدفت بسرعه خبطت وقالت: مروان انا هدخل

امل فتحت الباب ودخلت لقته ساند ايده الاتنين ع الحوض والرغوه ع دقنه

مروان بنهزام: بقيت عاجز من غير اي فايده ومش قادر اعمل الحاجه البسيطه

امل بحنيه: تعال يا قلبي أأعد بشا وخليني اشكرك عشان هتديني فرصه اتعلم احلقلك دقنك عارف عمري ما حلقت دقن قبل كدا وانت علمني اصول الصنعه ماشي وتبقي اول زبون

مروان ببتسامه حزينه: انتي ماسكه الماكينه اصلا غلط

امل: معلش يا معلم ماهو اكيد حلاقه الدقن اصعب من توزيع المكياج ها كدا مسكاها صح

ايوه: ايوه

امل: تمام! هحلق بحذر متخافش مش ممكن اجرحك ابدا

مروان مثل انه اتجرح وعمل صوت يخوفها

امل نطت لفوق وابتسمت وقربت منه و بهدلت شعره زيادة بشقاوه: مرمر بلاش تخوفني

مروان خلها بتغسل الموس وسند دماغه ع ضهرها ونزلت دموعه ولف ايده حواليها وهي ضمته ليها وطبطبت عليه وبكت معاه بدون صوت

امل بصتله : خليك هادي وهحلقها بسرعه

امل بعد ما خلصت حلاقه دقنه اخدته رقدته ع السرير وندهت الممرضه تركبله محلول غطته وراحت نامت قصاد منه ع الكنبه شويه لقته بينفخ وبيتحرك بنزعاج

امل قامت وميلت عليه: مش قادر تنام طبعا هنا مفيش بيانو امل تهبدلك وترزع عليه بس عملت حسابي سجلتلك مقطوعه ع الموبيل

مروان اخده منها وسحب ايدها جوه ايده وغمض عيونه ونام وهي حطت دماغها جنبه وهي قاعده عالكرسي لحد ما دخلت مايسه تشقر عليه

امل قامت بسرعه: مدام مايسه

مايسه شاورت لها بمعني خليكي وسألتها: حالته عامله ايه النهارده

امل: الحمد لله لسه نايم حالا

مايسه: شكلك تعبانه

امل بصتله بحنان: مش مهم انا المهم هو يقوم بالسلامه

..........قصص من محمد كاتب...........

تاني يوم الصبح امل اخدت مروان يتمشوا سوي في الجنينه

مروان : امل انتي خايفه

امل: خوفي انك تتألم وتعاني الكشف ده مشكله ومؤلم والي مضايقني اني مش قادره اشاركك فيه ومش عارفه اعملك اي حاجه

مروان شد خدودها: غبيه انتي لو مش جنبي الكشف فعلا هيبقي صعب ومؤلم جدا جدا ووقتها هعيط واء وواء

امل شدته له مناخيره: حبيبي دمه سكر وهو فاتح السرينا

مروان ابتسم نص ابتسامه : رغم دي مش طبيعتي بس بجد نفسي اعيش عشانك ومش عايز اخذلك زي الي خذلوكي بس اوعدك اتمسك بالحياه

اثناء كلامهم لقوا كوره اتحدفت تحت رجل مروان الي وطي واخدها

الشاب: لو سمحت احدف لي الكوره

مروان حدفهاله والشاب لقطها في ايده!!!

الشاب قرب منهم ووري بنت بتدفعه بالكرسي المتحرك: شكرا حبيبك عنده مهاره في حدف الكوره اظاهر صحته بمب ولازم يكون سعيد جدا

فاطمه خبطته في دماغه: انا اسفه خطيبي بيحب يهزر كتير عنده ورم في المخ عشان كدا قاعد ع كرسي بعجل مش بيقدر يتحكم في حركه جسمه

مازن الشاب : وهي المتحدث الرسمي عني مش بتسبني ابدا اعبر عن الي في قلبي وتسبني اكدب اني احسن شاب في الدنيا

امل بهتمام: هي حالته خطيره

فاطمه بمرح: مازن بتقول ايه اول ما بتشوفني

مازن ضحك ضحكه عبيطه: بحبك اعمل ايه يا فاطمه

مروان بضيق: برغم دي وقاحه انتم بتسخروا مننا

فاطمه ضربت كف مازن بمرح: شربها

مازن ببتسامه واسعه: لاء عندي ورم بجد وبالله وحقيقي

فاطمه كتمت ضحكتها من اسلوبه الفكاهي: انا بجد اسفه احنا شوفناكم خارجين من قسم الاورام وشكلكم زعلانين وهو حب يجي يتكلم معاكم والكوره مجرد حجه مش اكتر

امل: انتي معاكي حق مروان بيعاني من نفس المرض

مازن: عارف انا مش بحب اشوف الناس الي عندهم سرطان بيحسسوني انها نهايه العالم يا افندي احنا في القرن 23 والطب اتطور واتقدم وطالما فيه احتمال لعلاجه للازم يبقي عندك امل كبير

امل بتشجيع لمروان: صح انت عندك حق

فاطمه : لما اتشخصت حالته ان عنده ورم الدكتور قاله انت هتعيش لمده سنه والنهارده قفل السنه ويومين وهو تحت العلاج المكثف والحمد لله اتحسن يما وبعد شهر هيعمل اخر عمليه ولما يخرج بالف سلامه

مازن قطعها بحماس وتفائل: ايوه اهم لحظه خروجي من هنا بالسلامه لاننا هنتجوز ع طول

فاطمه فتحت الشنطه: حتي طبعنا كروت الفرح

مازن لمروان: لو حبيت ياريت تحضر فرحنا وتجيب حبيبتك معاك

امل بسعاده ليهم: مبروك مقدما

مازن حدف الكوره بعيد: مروان تعال نلعب كوره

مروان: يله وهعلمك تلعبها بالايد

.............قصص منه محمد كاتب.............

مروان بدعابه: تعالي ساعديني متقفيش كدا عايز اخرج بسرعه من المستشفي

امل قربت منه ببتسامه ومسكت الهدوم ترصها في الشنطه

مروان ضحك بسخريه: كأني خارج نهائي ومش راجعها تاني

امل حضنته من ضهره وحطت دماغها عليه: حبيبي ياريت تتعامل ع كدا انك خارج ومش رجعها تاني

مروان ضم ايده بين ايديها واتكلم بمراره: عارفه لما بفوق كل يوم الصبح بتمني ان الدكتور يقولي ان الورم اختفي واقدر ارجع لحياتي الطبيعيه

امل: حب حياتي اي ان كان مش عايزك تقلق توكل ع الله وكل حاجه هتبقي بخير اطمن نهايه الصبر جبر

مروان: انت اكبر هديه من ربنا ولو في عمري ثانيه كمان هقضيها كلها معاكي

امل : حبيبي خلينا ناخد راحه

مروان لفلها ومسكها من وسطها: مش فاهم

امل قربت وشها من وشه: احنا خارجين خلينا ناخد يوم مفيش فيه علاج مفيش تحاليل ولا كشف نبعد عن جو المستشفي انسي فيه انك مريض ليوم واحد خليك نفسك مروان

مروان اتك ع ايدها: امل

امل لفت ايدها حوالين رقبته وبمرح : انت عارف انت حبيب اي كلام ، من اول ما بدئنا العلاقه كل الاماكن الي رحنا عليها المستشفي بس والمحلات الي جنبها هو انا مش المفروض حبيبتك وتخرجني وتجبلي دباديب وترمس ودره وكدا شوف انا قررت انا وانت بكره نتقابل راندفو ناخد راحه قبل ما يقرروا معاد العمليه

مروان بهمس : عشت اد ما عشت اول مره بنت هي الي تحدد معايا معاد (داعب انفها بأنفه ) عايزه تروحي فين

امل ضمتها ليها وقالت: اي مكان معاك هكون فيه مبسوطه

مروان ضمها لحضنه بكل قوته وهمسلها: وانا مش محتاج حاجه منك غير حضنك الي كأنه بيطبطب عليا وبيقولي متخافيش لسه فيه امل في بكره

...........قصص منه محمد كاتب.............

يوم من عمري وتحديدا علي الكورنيش

مروان ماسك ايد امل: المكان الي هاخدك عليه المنتزه

امل : عارف لما كنت في اولي ثانوي كنت اشوف اتنين ماشين وماسكين ايد بعض وانا افضل افكر مين المز الي هيمشي معايا نفس الولاد دول

مروان: اظن عرفتي دلوقت مين المز

امل غمزته: واحلي مز دخل حياتي ومسك ايدي وبيتمشي معايا

مروان ابتسم من مدحها ورفع ايدها وباسهم برقه: والمز اتغير عشان اجمل بنت في الدنيا وشخصيته القديمه مجرد ملامح مش اكتر

امل حضنت وشه بين كفوف ايديها: وانا شيفاك احسن راجل في الدنيا وعايزه الطريق يطول وافضل مكمله معاه بص بقي من الاخر انت اول راجل يعجبني ولما بكون معااك ببقي سعيده بجد عشان كدا مش مهم هنروح فين واي مكان معاك هيحسسني بالسعاده شوف هناك كدا

مروان لف وشاف ست وراجل كبار في السن بيتمشوا وايدهم جوه ايد بعضّ!!

امل: نقدر نبقي زيهم في يوم من الايام

مروان ضمها من كتافها لحضنه: لما خرج ان شاء الله من العمليه هنيجي هنا وفي يوم من الايام هنبقي زيهم خالي بس ايدي حاضنه ايدك وتعالي معايا

امل سحبته وهي بتجري وتضحك وراحت للمراجيح: تحب تجرب يله وانا هزقك

مروان حرك دماغه: انتي فعلا خام وعمرك ما خرجتي مع مز وفي دي مكدبتيش لما قولتيلي اني حبك الاول لان المهمه دي تبقي ع الحبيب وانتي حبيبتي ولا نسيتي

امل أأعدت ومروان فضل يزقها وهي قلبها خايف ومرعوب من بكره

مروان: امل انا فكرت في موضوع كدا

امل : ايه هو..!

مروان مال بجسمه عليها وبص في عيونها : هو اننا لازم نتجوز والنهارده

امل نطت من المرجيحه: ليه القرار المفاجئ ده يامروان

مروان: لسببين الاول عايزك تبقي ع ذمتي لو جرالي حاجه ومـ وت تقدري ثورثيني

امل حطت ايدها ع شفايفه: مروان انت ثروتي الكبيره

مروان شال ايدها وتابع: امل من فضلك اسمعيني للاخر من فضلك

امل: مروان انا مش عايزك تيأس كدا وتخاف

مروان: انا فعلا خايف امـ وت خايف امشي وانتي مش ع ذمتي بفكر هيحصلك ايه بعد ما امشي هتكملي حياتك ازاي اهو لو مـ وت تورثيني شرعا ولو عشت يبقي مخسرناش حاجه

امل: والسبب التاني

مروان: السبب الثاني اني بجد نفسي المسك انا عايز اكتر من حضنك عايزك يا امل ورغبك وعايزك بالحلال قولتي ايه

امل: موافقه لاني مش هعرف احب غيرك بس عندي شرط محدش يعرف خالص

مروان: ليه يا امل

امل: ارجوك انا كدا هبقي مرتاحه اكتر محدش يعرف اننا اتجوزنا لحد ما تعمل العمليه وتخرج بالف سلامه وقتها اعلن للدنيا

مروان كشر : هو شرط غريب بس لو ده هيريحك اوكيه المهم تبقي معايا وليا

امل: وانا موافقه

مروان: بما اننا هنتجوز هختار مكان نروح فيه سوي مع بعض

امل: ناوي تروح فين

مروان: تعالي

اخدها ودخلوا استوديو للمصور وفضلوا يتفرجوا ع الصور المعروضه

مروان: هناخد صور مع بعض مش احنا عرسان

امل: موافقه

المصور بعد كذا صوره قال: ممكن ترتاحوا ع ما اطبع الصور

مروان اكتفي بـابتسامه : تمام

شويه رجعلهم وسألهم: تحبوا تحطوا صوركم في اللبوم للصور ولا تحطوها في حظاظه في فلاشه وتتلبس في الايد

امل بتعجب: ازاي بفلاشه

المصور: هنا فاتحه سحريه بنحط فلاشه بمجموعه صوركم وبتلبسها سواء البنت او الشاب بأي لونه يتناسب

امل: خلاص هناخد حظاضه رجالي باللون الاسود

المصور: تمام هحط صوركم جوه الفلاشه

مروان طلع محفظته يحاسب امل منعته: لاء معلش الحساب عندي دي هديتي ليك ومحدش بيدفع ثمن هديته مش كدا ولا ايه

مروان ابتسملها: كدا هطمع فيكي

امل باست خده : انا كلي ملكك

المصور: اتفضلوا

امل اخدت الحظاظه ولبستها لمروان: الله حلوه اوي

مروان للمصور: ممكن اسألك سؤال فين اقرب مأذون هنا

مروان اخدها بعد كتب الكتاب يحجز غرفه في فندق اول ليله ليهم سوي وهما ماشين شافوا زفه لعروسه وعريس امل بطئت في خطوتها

مروان: مالك انتي تعبتي ولا ايه

امل : لاء انا حابه امشي براحه كدا اقدر امشي ايدي في ايدك مده اطول اوعي تسيب ايدي مش في الافلام كلهم بيقوله كدا

مروان بابتسامة دوبتها شوق: انا حاسس انه يوم ميلادي مبقتش عايز اي حاجه منك غير اني افضل جوه قلبك لدرجه دعيت ربنا لو النهارده نهايتي اموت وانا جوه حضنك

امل حطت كفها ع وشه وقربت بهدوء وباست عيونه : وانا دعيت ان ربنا ميحرمنيش منك ابدآآآ وتفضل ليا الكتف الي اسند عليه

مروان ضمها لحضنه واخدها وطلع بيها ع الفندق يقضوا اول ليله زوج وزوجه

...........قصص منه محمد كاتب..........

بعد شهر من الاحداث

امل واقفه في المطبخ بتحضر الاكل الصحي لمروان وهو قاعد بيقيس درجه حرارته بالترمومتر تحت لسانه امل مره واحده كبس عليها النوم وكانت هتقع والحله فارت ع النار

مروان طلع الترمومتر وقام رايحلها بسرعه طفي البوتجاز: الاكل فار

امل كملت تقطيع شرايح الجزر : انا اسفه

مروان سألها بقلق: مالك انتي تعبانه

امل: يمكن

مروان: بس الجزر ده للارانب

امل: بس الجزر وعصير الجزر اي لون برتقالي مفيد لجسمك

مروان همس في ودنها بوقاحه: حتي لو قميص نوم لونه برتقالي

امل حطت قدام بؤه شريحه جزر: خد كول

مروان بيبتسم وهو بيبعد ايدها: هو انا ارنوب

امل : ايوه ارنوبي المهم انت قست درجه حراره جسمك ايه النتيجه

مروان: عندي سخونيه خفيفه اثار العلاج هانت الكشف قرب ينتهي والدكتور قال اخر تقرير هيطلع نتيجته بناء عليه هيحدد معاد العمليه

امل: يعني كلها يومين يبقي عندك عمليه

مروان بنتهيده: منقدرش نجزم غير بعد اخر تحاليل وهتطبخيلي اكل عادي بقالي يما مكلتش لحمه ونفسي في لحمه امل انتي تشتريلي جاموسه

امل ضحكتله: عيوني

مروان مشي وحاسس بزغلله في عيونه حدف نفسه ع الكنبه ورجع راسه على ورا

امل مسكت كتفه بقلق: مرمر حبيبي حاسس بأيه

مروان: انا زي الفل يمكن انا جسمي حساس من العلاج المتطور هبقي كويس لو شربت ميه كتير بتطرد السموم والكيماوي

امل بصتلو بحزن ونزلت دماغها لتحت في الارض

مروان اخد باله: هو في الحقيقه انا جعان جدا قوليلي بالحق هي دي نفس الاكله الي جبتهالي في العلبه كانت لحمه مع خضارمشكل

امل: اه بس واحد كدا رماها في صندوق الزباله

مروان فتح عيونه ومثل الاندهاش: مين الجحش الي عمل كدا

امل بصتله بنص عين: جحش مش لازم تعرفه ويله كول

مروان اكل: واو لذيذ جدا مين الي علمك الاكل ده

امل: بابا دي شوربه لحمه شمبري مع خضار مسلوق عملتها مخصوص للراجل الي بحبه

مروان: جميل ان ابوكي علمك بجد حلوه اوي انا بقي ابويا معلمنيش اي حاجه هو بس مات

امل : ابوك علمك الهوكي في الجامعه

مروان ضحك :حزرتي كدا انا الولد الصغير يمكن لو بابا فضل جنبي كنت طلعت راجل واواجهه الحياه بس سب لي شويه ذكريات قليله

امل خدت منه المعلقه وقربتها من شفايفه: من دلوقت انا وانت هنجمع ذكريات اد كدا

مروان بسخريه: بس الجزر مش ممكن يكون ذكري

امل: بالعكس الجزر ده اهم ذكري ويله كول شريحه الجزره دي

مروان: ماتنفضي حوار الجزر ده

امل حشرتها في بؤه عافيه : مينفعش ننفضه خالص

مروان اكلها وبصلها بغيظ : انتي بتعملي فيا كدا ليه

امل برخامه: معلش انا وحشه

مروان حط ايده علي خدها يلمسها بطريقه حنونه : انتي عندي اجمل ست في الدنيا

امل: وانت لو رشتني من هنا لبكره مستحيل انفض حوار الجزر

مروان خنقته دموعه : وانا هاكله كل يوم سمعاني

امل هزت راسها : ايوه وعد كل يوم

مروان قرب منها ودفن نفسه جوه حضنها وبكاء وهي بكت معاه في دخول مايسه شافت وضعهم وقررت تعمل المستحيل وتبعده عنها للابد

البارت الثاني عشر

الحلقه الاخيره لو مفيش تقدير اعتبروها هنا في الجروب خلصت ع كدا

حب في الجامعه الامريكيه

قصص منه محمد كاتب

بعد ايام رجع مروان المستشفي ومعاه امل لانه هيستلم اخر تقرير طبي وبناء عليه هيتحدد معاد العمليه مروان دخل خطوه ووقف

امل سألته: وقفت ليه؟؟!!

مروان بص في الساعه: فاضل ساعه ع ما ناخد التقرير بنتيجه التحاليل اكشفي ع نفسك

امل: مش هناخده ع الساعه عشره

مروان مسد على كتفها بحنيه : لاء ع واحده انا اخرتها شويه انتي سهرتي معايا ايام وليالي واجهدي معايا ده انتي نمتي وانتي بتقطعي الخضار وانا محتاج اطمن عليكي وع صحتك يله روحي اكشفي وانا حجزتلك كمان وبعد الكشف هنكون دخلنا ع وقت الغداء نتقابل في المطعم الي جنب المستشفي ونقرء النتيجه سوي يله حبيبتي

امل اخدت منه وصل الحجز مشت وطلعت السلم الكهربائي وهي عيونها عليه ومروان شاورلها باي

مايسه قربت منه: بعدتها بعيد عشان متسمعش نتيجه التقرير الاخير الي قبل العمليه

مروان: نمشي

..........قصص منه محمد كاتب..........

امل اخدوه منها عينه دم للتحليل

دكتوره التحاليل: حاسه بأي حاجه متغيره في جسمك

امل بهدوء: لاء بس بقالي كذا يوم بنام وانا قاعده يمكن عشان بالي مشغول وجسمي مجهد

الدكتوره: تمام شويه هتدخلي للدكتور اتفضلي الباب ع ايدك اليمين

امل: الف شكر

امل وهي خارجه من عند الدكتور قبلت فاطمه ماشيه زي التايهه ندهت عليها فاطمه وقعت في مكانها وورقه طارت منها امل اتخضت وجريت عليها اخدتها لحضنها وسألتها: مالك انتي كويسه

فاطمه زي ماهي تمثال اتجمد امل اخدت الورقه وعرفت انها شهاده وفاه مازن مبقتش عارفه تواسي فاطمه ولا تواسي نفسها لحد ما لقت موبيها بيرن بمسدح ان مايسه منتظرها تحت في كافتيريا المستشفي ضروري

امل راحتلها بس ملقتش مروان قربت وسالتها: مايسه هانم حضرتك طلبتيني وفين مروان؟؟

مايسه بجمود: أأعدي اظن انتي عارفه انا ليه في المستشفي

امل: ايوه عشان نتيجه مروان

مايسه: قرينا التقرير والنتيجه مطمنش ابدآآ الورم عنده عميق وهو مش عايزك تزعلي عشانه عشان كدا باعتك تكشفي

امل رئكشن وشها كله اتغير

مايسه: ايه اتفاجأتي بس انا عايزه اقولك مش بس ده الي خفاه عنك مروان احتماليه شفائه ضعيفه شوفي الفيديو ده كدا انا كنت بتكلم امبارح مع الدكتوره ايار

مايسه سمعتها الفيديو ان افضل علاج لحاله مروان العلاج البرتوني وانها هتكلمه وهتعرف تقنعه

مايسه: اظن سمعتي ازاي ايار مهتمه بمروان وابوها هو المفتاح الوحيد لـ انقاذ حياه ابني وواخد مرضه بجديه اما انتي بقي هتقدري تقدميله ايه بعلاقتك بيه؟!

امل عايزه تصرخ في وشها وتقولها انا اقرب له من اي حد واقدر اقدمله كل الدعم الاحتواء لراحته النفسيه الي اهم من مرحله العلاج عايزه تصرخ وتقولها انها حامل في ابنه لكن سكتت ومنتظراها تكمل

مايسه تابعت: التقرير الطبي الاخير اثبت انه اسوء من اخر مره بس هو بيخاطر بحياه 18% ورافض العلاج البرتوني عارفه ليه لانه مش عايز يكون مديون لعايله اسماعيل واختار يفضل جنبك ومش مهتم حتي لو مـ ات بس انا بهتم واعتقد انتي كمان تهمك حياته زي

امل بقهره: عايزاني اعمل ايه؟؟!!

مايسه: العمليه زي ماهي زي ما عايز مروان لحد ما يدخل غرفه العمليات وهو في التخدير اختفي واحنا هنعمله العلاج بالبرتونات

امل بصوت كله قهر: انتي عارفه بتطلبي مني ايه

مايسه بجمود : ولحد ما تختفي اتصرفي بشكل طبيعي وكأن مفيش اي حاجه وتفضلي جنبه

امل: انتي مفكره هقدر

مايسه ضربت التربيزه وبحده: غصب عنك مش بمزاجلك انتي متعرفيش انا ممكن اعمل فيكي ايه لو مبعدتيش عنه احدفك وري الشمس انا عارفه انك ممكن تروحيله تحكيله وهو هيقف معاكي وهيرفض يدخل غرفه العمليات ويقضي ع حياته ويقف قصادي لحد ما ينهي حياته وتبقي خسرتيه او البسك قضيه مخدرات تترمي بيها في السجن وبرضو هيبقي نفس موقفه بس قصاده مش بس هيخسر حياته ده هيخسر ثروته الجامعه الي ابوه سبهاله تفتكري بعد ده كله هيبقي فيه حب انتي مش level له شوفي فرق الطبقات وابعدي لو فعلا بتحبيه فكري ازاي هتسددي لـ ايار وابوها مقابل الي هيعمله لمروان

...........قصص منه محمد كاتب..........

في غرفه الدكاتره بيبحثوا في التقرير قبل العمليه

ايارا راحت ع مايسه: كلنا ع اتم استعداد اول ما يدخل مروان غرفه العمليات هنعمله العلاج البروتوني زي ما اتفقنا ع الخطه

مايسه: الف شكر

ايار: طنط مايسه انا بجد قلقانه عشان حاله مروان وعشان السبب ده وعدتك ابذل كل جهدي ده الامل الوحيد لو مروان اتغلب ع العقبه دي بنجاح هعتذرله شخصيا لسه عندي امور بناقشها مع الدكتور عن اذنك

مايسه: تمام اتفضلي

ادهم بضيق: انتي مفكره ان الي هتعمليه ده الافضل من وري مروان لسه قدامك فرصه للندم

مايسه بغرور: ابني لازم يعيش ويواصل حياته ايه الغلط في كدا

ادهم: انتي عارفه فين الغلط

مايسه بحقد: البنت الي اسمها امل لازم تخرج برا حياته نهائي وبأي شكل انا شيفاه مصلحه لـ ابني

..........قصص منه محمد كاتب............

في غرفه مروان امل دخلتله بقميص العمليه وقربت منه تلبسهوله!!!

مروان كان حالق شعره ضحكلها: حلقت شعري موقعش من الكيماوي بس حلقته بأرادتي

امل: بلاش تتظاهر قدامي بالقوه حقك تزعل

مروان: فكرت هقدر امثل قدامك القوه لحد الاخر

امل : الوقت بيجري بسرعه رهيبه كمان ساعه وهتدخل تعمل العمليه

مروان رجع خصله من شعرها الناعم وري ودنها: وخلال فتره العمليه الانتظار بالنسبه لك بالوقت هيبقي ممل وقـ اتل عشان كدا حجزتلك جناج فيه تلفزيون ونت ووصيت ممرضه تجبلك شويه مجلات

امل عيونها لئلئت بدموع كتمتها بسرعه : لاء انا هقعد اذاكر عشان الامتحانات وبعدها هفضل اصلي واقرء قرآن وادعيلك تقوم لنا بالسلامه

مروان ضمها عليه وبمرح يهون عليها وع نفسه كميه الالم: بعد العمليه استيني لحد ما اقوم وارجعلك القيكي مجهزه لي عصير الجزر ومخلل الجزر ومربي بالجزر نفسي اكلهم كلهم من ايدك اصل بعد العمليه اكيد هفضل هنا شويه وقت واظاهر هاكله يما

امل: حاضر هشتري كل الجزر من السوق عشان مرموري

مروان: لو مخرجـ**

امل قطعته بسرعه: لاء هتخرج انشاء الله العمليه هتنجح وتقوم بألف سلامه

مروان شدها قعدها ع رجله ولف ايده ع وسطها: حبيتي ممكن تسبيني اخلص كلامي

امل: حوش كل الكلام الي عايز تقلهولي لحد ما تقوم وابقي قلهولي واحده واحده

مروان باس خدها: زي ما تأمري

امل قامت: خد اقرء في المصحف شويه وبعدها نصلي سوي ركعتين

مروان اخده منها ومسك ايدها: اديني ابتسامه عايز اشوفها لشن حرب

امل ابتسمتله لكن الابتسامه كلها وجع وقهر

مروان باس شفايفها بسرعه وضحك: ده انتي ابتسامتك اسوء من العياط وده فال وحش بس اصبري عليا لحد ما اقوملك وبعدها عايز اشوف اجمل ابتسامه اتفقنا

امل رمت نفسها جوه حضنه: ان شاء الله هتقوم منها وبعدها في حياه حلوه مستنياك

مرون ضمها بتملك: والحياه دي انتي الي هتخليها حلوه بوجودك جنبي بعد ما اقوم اول وش عايز اشوفه وشك انتي فاهمه

امل مسحت دموعها بسرعه وباست رقبته: يله البس القميص بسرعه

مايسه دخلت ع عتبه الباب: مروان مستعد للعمليه

مروان وقف وقرب منها: امي شكرا انك كنتي بتعاملي امل معامله راقيه خلال فتره مرضي ووقتها حسيت انك فعلا بتعاملني ع اني ابنك ولو ربنا قومني منها هغير سير حياتي واتعلم اسلوب جديد عشان اكون ابن مطيع

مايسه عيونها غرقت بالدموع: وبكره تعرف ان كل الي عملته امك كان لمصلحتك

مروان بص لـ امل ببتسامه وامل بصت لمايسه بنظره بتنطق روحي منك لله

............قصص منه محمد كاتب..............

بعد دقايق اخدوه مروان ع السرير المتحرك وامل ماشيه ماسكه ايده الي لابس فيها الحظاظه لانه رفض يقلعها وصمم انه يدخل بيها ومايسه ماشيه وراهم

مروان: استنيني

امل ارتجف قلبها : انا معاك ومستنياك

الممرضه: لحد هنا وممنوع الدخول

امل: مروان مروان انا هنا يا مروان انا هنا

مايسه: اديتي المطلوب منك بشكل كويس ممكن تمشي زي ما اتفقنا يله

امل ماسكه في ايد الباب وحرفيا بتحتضر وبتبكي بنهيار

مايسه: امشي احنا كلنا جنبه

ادهم واقف مش عاجبه الوضع نهائي وامل اتحركت بضياع واسماعيل بصلها وهو جاي بقرفه وفرح انها مشت

اسماعيل: شكرا يا مدام مايسه عملتي زي ما اتفقنا معاكي ومشيتي البنت دي ومخيبتيش ظني

مايسه: ده كان شرطك الوحيد عشان ابني ياخد علاج وانت مش عايز ايار تعرف عن علاقتهم ولان انا كمان شايفه ان ايار اكتر بنت تناسب مستوي ابني وتكون له زوجه مش الجربوعه امل واتمني بجد بعد العمليه ابني يخرج منها ويبدء حياته الجديده

اسماعيل: كلنا بندعي ان مروان يفوز في المعركه وميخيبش امل ايار

مايسه: بأذن الله

...........قصص منه محمد كاتب.............

في غرفه العمليات الممرضه جات تفكله الحظاظه هو رفض لكن الدكاتره اقنعوه ممنوع وطلب منها تخالي بالها منها لانها غاليه جدا عليه ودكتوره التخدير شكت الابره في مكان غلط ومروان متخدرش لكنه مغمض عيونه وبيتمتم بالقرآن الكريم لحد ما سمع صوت ايار فتح عيونه وقام أأعد بدهشة وبص حواليه

الدكتور: المريض فتح فيه حاجه غلط

اياربلعت ريقها لما شافها: مروان اسمع للي هقوله

مروان قطع الاسلاك وبعصبيه:الدكتور المفروض يعملي العمليه هو فينه وليه انتي هنا يا ايار

ايار: مروان ممكن تفهمني

مروان قام من مكانه ومسك دراعها بقسوه وبيهز فيها: طالما انتي هنا يبقي ابوكي كمان هنا انتي اتفقتي مع ابوكي تكدبوا عليا وتستغفلوني

ايار بتحاول ترجعه للسرير: مروان اهدي مش كدا

مروان زقها وصرخ فيها: ابعدي عني ابعدددي

ايار طلعت وراه: مروان ارجع اعمل العمليه

مروان طلع يجري في الطرقه وينادي: امل

مايسه قامت مخضوضه: انت ليه برا

ايار: مروان اهدي واسمعني امك بتعمل ده لمصلحتك

مايسه سألتها في لهفه : ايار ايه الي حصل

ايار: حصل خطاء اثناء التخدير

مروان زعق في امه بعصبيه مفرطه: انتي واسماعيل غيرتوا الدكتور ليه وامل فين بعتيني لواحده تانيه واجبرتيها تمشي

مايسه برتباك: هي الي سابتك ومشت

مروان هز دماغه بنهيار: مش ممكن انتي مش فاهمه حاجه (بكاء) لو هي مش موجوده انا

مـ يت

مايسه مسكت فيه بكل قوتها: طب ارجع كمل العمليه

مروان زقها بحقد وطلع يجري للشارع وهما بيجروا وري لحد ماركب تاكسي والسواق انطلق بيه بأقصي سرعته

.............قصص منه محمد كاتب............

قدام بيت امل

عامر بيحمل الكراتين بالعفش: انتي متأكده انك عايزه تبعدي عن مروان وانك متنفعلوش انتي كدا كله تمام

امل: مش مهم انا المهم هو يعيش

عامر حدف الكرتونه ع العربيه بغل: انتي بتكدبي عليا ولا ع نفسك انتي مش شايفه شكلك وبعدين انتي ليكي الحق فيه كان لازم يعرف ان امه اجبرتك

امل: مقدرش اقوله اي حاجه وهو داخل بيصارع الموت وانا حتي مش جنبه وبحاول اقنع نفسي ان ده قدري اني مش مناسبه له هو ليفل وانا ليفل زي ما قالت امه

عامر: امه دي ست جاحده

امل: ايوه لان معاها فلوس وسلطه وبعلاقتها قادره تنفيني وري الشمس حتي لو رجعت له واختارني وكمل معايا تقدر تفرقنا اه هو ساعتها هيقف جنبي ويحارب عشاني بس وبعدين هنفضل في صراع وانا بعد ما شوفته بيموت كل يوم قدامي مقدرش اخاليه يعاني حياته لمجرد ابقي انانيه واختاره يبقي جنبي

عامر: انتي هتتحمله بعده

امل: لازم وبعدين سبته للناس الي هتقدر تساعده اكتر مني وهينقذه حياته يله شهل خلينا نسافر بلدكم

عامر اخد قفص العصفور شادي وحطه في الحاجه ع العربيه النص نقل

عامر: اه بالحق البوسطجي جابلك ظرف تقريبا من استوديو صور

امل اخدت منه الظرف وكان مسوجر حطته في شنطه ايدها في نفس اللحظه القفص وقع بالعصفور واتفتح وطار في الفضاء

امل بصتله وهو بيطير: العصفور طار وخرج من القفص زي ما انتهت حياتي مع مروان حتي لو مش عايزه بقيت مجبره

عامر بصلها وقلبه موجوع وامل فتحت الباب وركبت نفس اللحظه مروان كان وصل بالتاكسي وهو بالبس المستشفي ونزل يجري ووقف قدام العربيه

مروان فتح الباب وشدها: انزلي رايحه فين

امل شدت ايدها وفضلت في مكانها لازقه في الكرسي

مروان شدها اكتر وصرخ فيها: انزلي وردي عليا وليه انتي معاه انطقيييييي

امل نزلت ووقفت قدامه: رايحه بعيد وهو هياخدني وهمشي من البلد كلها

مروان بعصبيه ونرفزه : وانتي ع ذمتي ماشيه معاه

عامر ادخل: لاء انت فاهم الموقف غلط

مروان هيمسك فيه: غلط فهمني انت الصح وانت واخد مراتي يادكر

امل خافت ليقوله زقته: عامر من فضلك ادخل انت العربيه واستناني

عامربعصبيه: امل انا لازم افهمه

امل شخطت فيه: عااامر ارجوك

مروان مسك دقنها لما رفضت تبصله : امل بوصيلي تمثيلك فاشل عارفه كدا ومتقولليش عشان صحته احسن مني فقررتي تمشي وتسبيني لان انا عارف ان امي هي الي اجبرتك تعملي كدا صح

امل: امك مقلتليش اي حاجه ده قراري انا

مروان ضحك بعصبيه: انا مش غبي انا عرفت ان فريق طبي تبع اسماعيل وبنته ظهروا قدامي وانتي اختفيتي لو مش امي ليه مشيتي من غير ما تقوليلي ولا كلمه

امل: هو فيه واحده مقرره تمشي هتقولك وانت داخل عمليات انها هتسيبك وتمشي اه وعدتك من الاول هفضل معاك وبعد كدا اكتشفت ان ده مش ممكن

مروان وسع عيونه بصدمه لكلامها: انتي بتقولي ايه

امل بألم: فرح مازن وفاطمه اتلغي عارف ليه لان مازن مات قبل ما يدخل العمليه في نفس اليوم الي اخدت تقريرك الطبي والنتيجه ظهرت فاطمه انهارت قدامي ودخلت في انهيار عصبي حاد مازن كان متفائل لكنه مات وسابها تعاني لوحدها واظن مازن كانت حالته احسن من حالتك بس في النهايه مات واتكتب بدال اسمه جمله واحده متوفي ع شهاده وفاه ومن وقتها عرفت وفكرت اني افضل معاك للنهايه قرار غبي وساذج جدا وبدئت اخاف انا كمان من اليوم الي هتسبني فيه فجأه زي امي وبابا وعمتي انا ودعت ناس كتير خلاص مبقاش عندي طاقه اودع حد تاني وعشان كدا قررت اسيبك الاول وامك اتحايلت عليا بس انا رفضت ارجع يا مروان روح اعمل العمليه وكمل حياتك الجايه بسلام وامان

مروان حضنها: انتي بتكدبي بتكدبي احنا كنا مع بعض وكنتي سعيده ومبسوطه وانتي جوه حضني

امل بعدت عنه وقاومت دموعها بقوة: عشان انت محتاج تبقي سعيد عشان تقدر تواجهه اليوم مروان انت بمرضك سبتلي ذكريات مؤلمه

مروان عيط بحرقه وبصلها بتوهان : يعني كل الي كان بينا كدب الحب الي سقتهولي كله كدب

امل: فيه حقيقه واحده اني مش هقدر اكمل معاك بحالتك بمرضك مقدرش افضل اهنن وادلع واوهب حياتي كلها ليك

مروان: امل مش ممكن تسبيني مش انتي امل الي اعرفها امل قلبها حلو اوي ومستحيل تسيب مروان

امل: وعملتها اه انتي حبي الاول بس خلاص لميت حاجاتي وطلبت من عامر يجي ياخدني بلده لان انا مش هقدر اعتمد عليك ولا هتقدر تديني مستقبل حتي شادي انا طيرته واديته حريته ممكن ترجع بقي وتعمل العمليه متتعلقش بيا بعد النهارده

مروان فضل يحرك دماغه ويعيط: مقدرش انتي مش عارفه انتي عندي ايه

امل: انت حتي مش عارف هتعيش لبكره وتقدر تدهولي ولا لاء واخر طلب هطلبه منك تطلقني وامشي

امل ركبت العربيه وقفلت المسوجر وعامر رفع دماغه من ع الدركسيون وكله قهر

امل: اطلع يا عامر

مروان زعق فيه: اياك تحرها انت سااامع امل انزلي

امل: عامر اطلع يله

مروان جري مع العربيه: امل لاء انزلي امل هكمل ازاي من غيرك

عامر: امل ده بيجري وراكي

امل بصت في المرايا ملقتهوش: هو اختفي خلاص ( اتصلت بمايسه) مدام مايسه مروان قدام سكن الجامعه من فضلك تعالي خديه

مروان من كتر الجري والتعب قعد راكع علارض وهو بينهج بشده ومرسي قرب منه ودب السكينه في بطنه مروان اتمدد بدمه عالارض في نفس اللحظه كانت عربيه امه وصلت وادهم نزل كتف مرسي والناس اتلمت عليه معاه ومايسه حاضنه ابنها وفضلت تصرخ لحد ما الاسعاف جات

تمت