تحميل رواية «بين الكاف و النون» PDF
بقلم saja altaie95
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
بين الكاف والنون (كن فيكون) البارت الاول الكاتبه سجى الطائي ////////////////////////////// هلي ... وسيّرتوا عليّ بوحشتي ... حݘاية بريد ، وبيت نايل وشتهيتوني آكتب الكم عن وفا البردي وحنين الماي ودموع السنابل وعن عين التلم اللّيل دمعه ،وتعتلگ وكت الوفا شموع ومشاعل وعن الگلوب التموت بلايا سم وبلايا رايه وعن شمس طلگت بسمها وعسّرت بآوّل قضية وغربتي وصوت النواعي يلوحنّي وتلتم إيديّه الصوت بيه ريحة عيوني ، وبيه هلي ؤوّحشة مسيّه هلي يامن ضيعوني _________________________ صوت الجيلات قويه واكف العب بلرمل...
رواية بين الكاف و النون الفصل الحادي وخمسون 51 - بقلم saja altaie95
بـــــيـن الــكــــــاف والـــنــون
الــثـالـث والــخــمـســـــــون
بــقـلـــم....ســجـى الـطائـي
ما آظن نَرجعَ سَوه بس لآ تِحب ثانَي
ولا تنطِي روحَك تَره مو كل بشر آني
باچر آذا زعَلك ما رآح تلگاني
ماتلگه مِثلي يهَدلك الحَيل
نعَسان بس يسَهرلك الليل
يَعتَذر منَك وآنت غَلطان
ومن اليِغثكْ حيل زَعلان
بَالمختَصر لا تِحب عن لآ يأذونك
خَايف تِحب بَشر ما يفهم عيِونك
حَساسْ أعرفك تره
وخَايف لَمن تِنهضم ما يعرفك شلونك
مو مثلي لَمن جنت ما آعيش من دونك
هاي الرسالة بدمي تنگال
وباچر تصَادف كل الأشكال
خَلي آعله بالك تبقى طيري
ومحد يعوضك بيه غيري .
رغد
وكت الصبح سبحت وشسورت شعري الببت هوسه وخطار جايين يمهم عمو مااعرف شمفهم العالم تالي طبت ام ارغد
كالت" ناخذج لبيت صاحبتي كدام الوادم نطلعج منه "
نصيت ميته خجل مااريد خاله حتى عرس مرايده
ردت"لو بيدي مااسوي يله حضري نفسج ياخذنج البنات "
سدت الباب وراها كعدت اكل بضافري ميته خجل اخابر اخويه يجي يشوفلي حل وين صااااار ميته ولا هل عيشه
حقها شتعرف عني واني ابويا اكبر كمركي
اجت اخته اخذتني للصالون ويانه البدله هوسته الصالون والعرايس كعدت حفتلي وحده ومكيجتني غيرها وكفت شفت شكلي ماافرحت
اتصرف بلا شعور مجرده من الاحاسيس لبست البدله جانت بلجيس كسرتها جديده عرفتها سوالف ارغد هوه الاجره من ماقبلت اجر
هوه كاضيها عاقج وجها قسمت بداخلي بس اطلع والله لا اعوضه عن كل الاذيه الشافها مني اول مااطلع ادزله فلوس
بمكان اليسوي
ملامحي ناعمه وبياضي بصفار برز ويه المكياج البدله جانت شبه مستوره كلششي بيه حلو بس البداخلي بارد عباره عن خوف وقلق مشيت وياهم البيت صديقتهم زفوني منه
وصلت البيت اقاربهم دخلت وخرت البركع مدري شيسمنه مجودريني يخافون اطير اجواء كئينه مابيهم فرحه حالهم امر من حالي لحد ما كرايبهم كالت شمالجن دافناتلجن ميت وجايات بعزه لوما عرس يمفلوكات شو شغلن هذا سمست
ضحكت بنيه سستم خاله ردت اي شغلنه خطيه مليصلح البنيه تكدر خاطرها بت بغداد وجايه لينه عيبه منها مانسويله عريس يلوك الوجها الحلو ابتسمت مجامله
ساعه وصل ارغد دخل بقاط اسود وقميص ابيض ويا رباط تركوازي غامق لونه حلو راهم ضليت اباوع لوسامته متخيلته يطلع بهل هيبه تقرب مني نصيت بخجل
وكف بصفي حسيته مد ايده لزم ايدي يمسح بوجها متصورت ارغد هيج يخجل بين المستحه بعيونه همس وين هذا التغطين راسج "
جان محطوط وراي التفتت اخذته لبسته جر الكبوس على راسي وعلى وجهي اخذني بيده مشاني قريب مانطلع
جر الكبوس حيل همس بصوت نلصي لترفعين وجهج الولد كلها بره"
بعد لفني بكونيه "
"مو من حورج بنتيه علمودج اني لو خايف عالناس"
ضربته بجتفه ضحك "هسه غير تكعد راحه الاميره وين لاكيه هيج وحد يلفيج ويقبل بجبار"
صاحو سكت مشينه صعدنه للسياره الكل يهوس عبالك صدك عرس جماعته كل شويه موكفين السيارات وتازلين ركص ارغد يبتسم الفرحتهم ويدنك يمسح كصته بلكلنس
فرحت غايبه وصلنه للبيت نزلنه دخلني ارغد ذبحو دجاجه جوه رجلي وفوتوني طببني للبيت وطلع
الكل تركص نشغلين اغاني تحنطت متت البدله اكلت جسمي كوه متحمله على اعصابي ارد افز من اصفن بحالي لو اهلي يمي لو امي عايشه وعمتي حاضره
حصرتني البجيه الشهكه نامت بصدري اخجل منهم نصيت ميته بدمي اشوف بعيونهم الحجي والذم مستغربين عدم حضور احد من اهلي شويه وطب ارغد
فات ورا فاتت عمتي ملامحي رخت ضليت ارمش بعيوني جنت حابسه دموعي بجيت بقهر حضنتني اناشغ
كعدت كعدت بصمي تمسح بعيوني ودموعها على وجها متروسه حنيه خلبت راسي بحضنها اريد اشبع من حنانها
مسدت على شعري توخر خصلاته النازله من التسريح رفعت راسي "منو جابج"
"رجلج دزلي سايقه الله ينطي العافيه وصلني همزين يندل بيت عيالج ضلت تباوع بعيوني مرتاحه بعد عمتج زينين وياج"
"ممسويلي شي احن من ابويا هم سوالج شي اجاج للبيت"
"مو وكتها يمه بس ابوج طغه وعمو عيونه وكلبه غاسلين عقله بافكارهم السوده متخبل على روحتج يوميه هاد عليه وربج كريم"
"عمه بس يجي اخويا طلعين ويانا مااعرفج يمه يرووح يسويلج شي وزوجج حقير ماامنج يمهم"
"بعد عمتج وكلبها ماارايده شي غير اشوفج مرتاحه شيريد يسويلي ابوج غير يهرج على راسي ويروح انه مااعرف اتنفس غير هوه اعلي يمه انتي اطلعي وشوفي حياتج"
ضليت لزمته بيدي سلمن عليها وعرفنها عمتي كالتلهن يتيمه ماعدها غيري تنفست براحه لليل صار وكت العشه تعشو وعمتي كامت تريد تروح طب ارغد واني وكفت فاكه عيوني
وين تردين
"يمه لازم ارد لا يحس ابوج بكت روحي بوك وهوه خال مراقبين على بيتي"
عيوني غرغرن ابوع الارغد اتوسله منصي وايده بجيبوه "ماشبعت منج"
رد ارغد متقرب ميريد يسمعون "جبتها وجازفت واني ارد اجيبها الج بس شويه الوضع يهدء متعرفين ابوج وعمج شمسوين"
سكتت خايفه راحت كدام عيوني بجيت بخنيك متت روحي راحت وراها بس هي الضلتلي وين انطي وجهي صعدني البنات للغرفه
باوعت مصبوغه ابيض وضل واحد مصبوغ ماروني الغرفه صاج حلوه مرتبه الثريات علحياط مطبه اضائه مريحه العطور والمكياج شي بسيط محطوطه على الميز الجربايه مفروشه بفرشه زهريه
افتر راسي مصطور كمت نزعت البدله جريتلي دشداشه فتحت الخانه الوسط شهكت هاي شنو سيوته نوم شوكت جابنهن مصدكات مشيت لبست دشداشه فانيله
صير بيه اشرطه من الجوانب بيض رياضيه وبيها كبوس من الراس شويه ضب على الجسم هذا لبسي اني متعوده من اطلع البس اليعجبني وارغد ساكت مامعلق
جريت الطابوريه كعدت افل الماشات مدري منين جابن هاي الموده شنطني شنط افك واسب بيهن لحد ماكملت متت شعري معطبمن السبري ومنا طولان
نفتح الباب لميت شع، ي التفتت ارغد طب وجها احمر فك الرباط شمره علك الستره جر دشداشته عين علي كال "قفلي الباب"
ركضت سديته كعدت ضل واكف يفك بقميصه جلبت الدكمه حاول وياها اخر شرجها طفرت شهكت بحركه وحده جر القميص كل الدكم طفرن شمره ضهره ينزل عرك منه
دك الحزام نزع البنطرون درت وجهي متوتره ضل بطرك الشوره
اخذ تراك باوعت وخر برده جانبيه طلع حمام على البلكونه البره هسه استوعبت ضليت خايفه
ليش دخل عصبي مانطق حرف واحد اسمع صوت المي شلت ملابسه دقايق طلع لابس بس البجامه الخاولي على راسه
ينشف بشعره ارغد بس شوارب عده مايربي لحيه كانت لحيته خفيفه موذاك الثخن بس متطيته جاذبيه
وكف كبال المرايه شمر الخاولي على الطابوريه لزم المشط
عروك ايده من الحمار والبياض برزن بلونهن الازرك
عفته يمشك دخلت اسبح كملت ورجعت على نفس دشداشتي طلعت شعري ينطك مي جريت خاولي نضيف نشفته
مدد منتجي يكلب بجهازه دابك حواجبه لهسه حرف مانطقت وياا وسالته
كملت كعدت غلى الحافه الثانيه دك الباب كام فتحا اخته شايله صينيه شافتني كالت "يااا شو مابدله وين سيتج الابيض"
خزرها بنتره "معليج سندس يله نزلي"
انطته الصينيه مراضيه "شكو عليها امي اذا درت ماترضه"
زمخ "مطيح خضي غير امج ولي نزلي جوه واذا فكيتي حلكج تعرفين شصرف وياجن"
خافت "لا لا معليه بيكم"
سد الباب خله الصينيه بلكاع شال الخبز مسوين مشاوي وطرشي وخضره وهبيط وزلاطه ولبن متروسه الصينيه "تعاي اكلي"
"دتخوفني منو يمك"
"كاص راسج بويا تعالي اكلي من الصبح مماكل"
نزلت تقربت يمه كعدت اكل "ليش صيحت عليها خطيه"
مدنك ياكل بس وجها مو طبيعي اول مره اخاف منه هيج يصرف مو بعصبيه بس احس حركاته كلها بأعصاب كانو لازم اعصابه رفع عينه تنهد "رغد عدي حجي وياج وره الاكل"
"لتخوفني عمتي بيها شي"
"لتلجين عمتج رجعتها ويه صديق عرف امنتها يمه"
شبعت كمت وهوه كام غسلت وراا مغسله مخليه بطن الحمام هاكدوتها كعد
كال "تعرفين الوحوش البره منتضرينه"
ارتبكت كلبي لهسه من اذكر اذكره شعوري وشلون ينفض من الارتباك والخوف منتضره شيكول "
"انت وعدتني ملك دخل بيه"
"واني عد وعدي تحملي الاسوي تفض بعد محد اله يمي شي"
رد كال "رغد شويه واطلع انطيهم بياضج"
شهكت فاكه عيني يعني شنو شنو ارغد لا فدوه لا تكذب والله اموتها الروحي اخوي منتضرني "
نصه يفرك براسه وكف يرجف من الاعصاب جر المجر طعل باكيت جكاير يدخن بفراط الجكاره يطيرها بنفسين ثلاثه
"مناكث بلوعد ولا لبلالج افتر قفل الباب جر مجر الكومدي الجانبي فتحه طلع وصله بيضه
ضليت مصفصفه نزع بجامت تراكه نزلن دموعي برعب اباوعله مويمي شديسوي كلبي يدك بلثانيه الف اتنفس من حلكي كد الخوف التفت عليه تقدم
حجيتها بتوسل ارغد شدسوي لا تسوي بيها هيج اموت والله مااتحمل فدوه امنت بيك لتخون الثقه ماهتم تقدم جرني
ريحانه
الايام تمشي مثل ميل الساعه اليوم بساعه احس غيمه ومحاوطتني الرجفه بجسمي تمشي البعد صار اميال
طويله بيني وبين عبادي شي مربطني كوه اكوم للصلا
القران تركته اموت بلبجي كلبي يحترك وين جنت اطير
طيور واكعد احفظ هسه اشوف الكتاب وادير وجهي
روحي تنزف دائماً شوف بحلم اليقضه اعثر واطيح على وجهي بحفره عمقها كيلو مترات والضلام دامس افز مخروعه
التفكير اكلني الوهواس دمر اعصابي منضره امل تكتم ترحم بحالي اموت الف موته مت اذكر شرطها شسوي بروحي
وين ورطت نفسي ليش حبيته مو جنت محترمه نفسي
وبعيده عن هاي الامور بيتنه مينطاق حتى والدي يكول هليام اختنك يكعد نص اليل يفرك بصدره
اخابر سكينه ترزل بيه اماني نفس الشي ميعرفون من خيالي اخاف مااكظر اواجه احد مااكدر اضلمها يجوز اني غلطانه
من افكر متستفاد شي
سكينه تنب "لج اصيح اضرب احجي ارادد صير قويه هاي تاكلج وشوفج جبانه مسويتج خرخاشه خرب حضي اموته الروحي ريحانه تفتين كلبي من سولفين لتقهريني
شون اجي اني والزمها من شعرها واسحل بيها البيت فدوه العينج خالتي مربيتلها بزون مغمضه وينج عن بناتنه وحدتهن تهز الكاعه بمشيتها
شكو تموتين اذا دافعتي اذا كلتي لمج ريحانه لتخبليني فوك ضيمي"
ارد "مااكدر عدي رهبه من الصوت متعرفين شيصير بيه من واحد يعيط لو رضا اذا صيح والله مرات احس روحي حسويها على نفسي امووت مااتحمل"
تنهدت كالت"والحل كلبي انتي اذا متتغلبين على خوفج متعيشين ابوج شون انطاج وهوه يدري بنفسيتج شلونها "
سكتت رديت "ميدري بس انتي محد يشوفني اركض للغرفه اسد اذاناتي اضل ارجف حتى جسمي مااحس بي كلبي يوصل البلعومي شويه ويوكف حتى مرات احس بزه"
اسمعها تستغفر مكدرت اطول سديته منها واني عايشه برعب بديت اخاف من تكتم تنزل تعاين بطرف عينها ترفعلي حاجبه مااوكف كبالها معوزي مشاكل
رضا بلغ بابا بزواجي بلعطله وهوه ماضل عشر ايام للعطله بليل كاعدين طافيه الكهرباء والجو شته حاطين الصوبه ندفه وهم ضوه بلنص ملتمين عليها
بابا نب "ام رضا الجماعه باجر كالو نجي ننطي فلوس نيشانها هم ياله تلحك"
امي دارت عليه مستغرفه "ليش عيني وين مو كلت من تتخرج"
بابا كال"الولد محضر اموره مناقصه شي مطمان منه راح يخليه تكمل يامره البت الها الستر بلزواج وريحانه اشوفها ترتاح ويه السيد خوش ولد ويتمنه رضاها "
امي "لا ابو رضا فدوه العينك بتك مومال زواج ودراسه اجلها هسه خل تخلص السنتين"
طب رضا مبين سامع الحجي ورا تكتم بيدهم فضل كال
"يمه لاتعرضين خلي تزوج شكو عليها بيتها وماعدها لا عيال ولا جناين "
امي نبت "ولك يمه اختك جبانه ماتعرف تهش ولا تنش شويه تكبر توعه اكثر من خيالها ترجف اني شايله هم بكد الدنيا عليها"
كالت تكتم "خاله كلنه مثلها جنه ازوجنه وهاي شبينه تعودنه وتعايشنه وريحانه هادئه اكيد زوجها من يشوها هيج راح يحبها اكثر ويراعيها"
امي سكتت مامفتنعه اباوع الرضا جر ابنه بحضنه ميباوعلي تكتم نضرتها صوبتها بعيوني حسيتها تتحداني
نصيت مدمعه محد يحس بيه كمت صاح رضا صبيلي جاي رحت حميته اله طبت وراي
فتحت الثلاجه طلعت كليجه خلتها بماعون التفتت عليه شافتني صافنه دنت يم اذني
"ما رديتيلي جواب تردين زواجج هسه لو اكلبلج العبه واخليهم محد يزوجج باوعت بعيوني همست بس كولي اخلي رضا بذاته يطيرلج السيد"
نزلن دموعي بخوف "خطيه موذنبه ليش احطمه"
باوتتلي بستصغار ابتسمت تك خد لعد ضلي هيج ترحين للغريب شتعرفين منه زين شين على الاقل يم امي دللج وهم خالتج لو ميعجبج اخويا "
"تكتم ميهم اخوج او غير اني شايله فكرة الزواج مااريد هسه"
تقربت دكت على جتفي "فكري زين اخويا مايتعوض وهذا خر خيار الج اريد جوابج باجر واذا رفضتي صعدت شفايفها بعد انتي حرت الاختيار"
رجعت للهول بيدها الماعون كعدت بلكاع اجر النفس وكعت بحيره
اخذت الجاي اله وطبيت الغرفتي لازمه الجداحه بيدي دورت على الشمع لكيت وحده شاعلته البارحه ومطفيتها شغلته ثانيه ومرت نسمت ريح
فرحت التفتت متلهفه وينك عبد الملك اني متوضيه استغفرة عشر مرات وكفت اصلي صلاة الحاجه واهدي ثوابها لسيده فاطمة الزهراء
كملت كعدت صح طويله بس بيها استجابة حاجه فتحت القران اريد ارجع مثل قبل مجرد كلت بسم الله معدتي مخصتني تجيني حالات مماره بيه نحول مجنت اعرف شنو جسمي نحلان
ولا احس بكل مبرمجه انام بلتسعه قبل اذان الفجر اكعد بنشاط استعد لصلاة الليل اكمل اكعد اقره دعاء التوسل وراها اصلي صلاة الصبح واجرها حفظ لحد ساعه بثمانيه الصبح
كانت نومتي وحده اوقاتي منتضمه كل حياتي تخربطت
يجيني شعور محاسه بي قبل خنكه احتصار مرات نوم بفراط نحول بجسمي اكعد متاخره اول مره بحياتي اصلي صلاة الصبع بلتسعه تخبلت ذاك اليوم لحد متعودت بابا من يشوفني ميقبل اكثر من مره ينبهني ادنك ساكته
هواي امور كنت غافله عنها بمرور الزمن فهمت ذني اعراض العمل
كملت كم سطر من القران وسديته سجدت مااريد اقنط من رحمت ربي ثاوبت لحد محسيت حلكي نشك عيوني دمعن ضليت اردد واني على السجود
أزفت الآزفة ليس لها من دون الله كاشفه الف مره
رفعت راسي نزلن دموعي حسيت بروحي اريد انام يامن امري بيدك احلل عقد نجاتي بحق الحق اكشف كربي
ويسر امري يامن قلت ان مع العسر يسر فأن مع العسر يسر ليس لي غيرك انت املي ورجائي
بجيت متحملت اريد ارجع مثل قبل عذاب الضمير دياكل بيه ضليت ادعي وابجي لحد مطاقتي خلصت الشمعه طفت عفيت بمكاني على سجادتي تلفلفت بجادري رغم برودت الجو
حسيت بدفو سرحت روحي مرتاحه متحلمت بس طيف اجاني بغشاء من نور ضليت مذهوله
اباوع بستار امانه مامكشوف ركض اوخر الستار الابيض صاح بيه خنست خايفه كال " تاأذين واني انقتل "
اريد اشوفك
"لا تأذيني ويأذوج متتحملين"
سكتت ضليت اباوع مو حلم هذا واقع اباوع على ايديه نفسهن بكامل ارادتي اكدر افتر واكدر اتقدم مو مسلوبته الاراده
هذا واقع
كال "اي لتخافين"
اريد اسمع صوتك "
"هذا صوتي"
اخذني بمكان هاي حديقتنه وهاي طرمتنه اني بيها اكو خط انتبهة عليه بكد الكف صاير من نار التفتت اكو بقع نار بكل مكان بس هيج بصوره متقطع البيت مامحترك بس بي نار اشوف اهلي يفترون ويدوسون على النار
ميحتركون خنست خايفه اتلفت وين راح واكف بعد متر
مااشوف منه شي رجعت اعاين للبيت نزل من الدرج ثنين
اشخاص بشرتهم سوده عيونهن بلطول رجفت بخوف اريد اشرد باوعولي
ضلو مركزين بيه تقدمو واني ارجع وصلو لباب المطبقه ايديهم كدامهم مثل الينفخونيها اويطلع من عدها شي
حسيت بشي محوطني شفاف التفتت ادوره خايفه مرعوبه
لكيته قريب منهم هجمو عليه طلعت من ايديهم ناار وصلت النار يمه وطفت ضلوه واكفين وايديهن تطلع
نار منها قويه توصل يمه وتطفه
تكتم وامي كاعدت بلمطبق جن مايشوفن ولا يمهن ضليت اصيح عليهن عبد الملك كال حاربي بقرأنج انتي قاروره
بيضاء اشر عليهم هم اساس تلك النار مد ايده انطاني كتاب انفتح كدامي قريت الايه
فزيت عركانه ميته ضليت اشحك اجر النفس مسحت وجهي ضلمه خنست خايفه محاسه بهيج خوف
كمت عطت من طكيت الجربايه اريد اركض اطلع الدنيا ضلمه كلبي راح وصل للباب كلبي راح
طلعت اتلمس واصيح نفك باب غرفت ابويه "بسم الله ريحانه هاي اني لا تخافين بنتي بجيت لزمته حضنته ارجف اشهك بابا وخرني منا نار نار
لدوس على الكاع بابا والله نار كل البيت راح يتحرك ماما وينها مااااا ماااا"
بابا لازمتي يريدني اهدء لزمتني الرجفه ضل يقره ايات مشاني دخلني امي كاعده كالت "الرحمان يمه شبيها ريحانه سيد شبيها البنيه يمه الرحمان شو ريحانه
حسيت بجسمي حراره تطلع مني واعيه مااكدر احرك ايد امي تعيط وابويا لازم مني خلاني على جربايتهم احس مي نزل مني
شهكت اريد اتنفس احس بسهم بس مااشوف ضلام رفعت ايدي اخاف شعلو الضوه بابا" بتي هاي الكهرباء مشتعله ضل يستغفر ويقره قرأن على راسي امي تغسل بوجهي "
ارجف ثواني وغبت محسيت بعد وين فزيت على صوت همس فكيت عيني اني بغرفت اهلي الضوه يدخل من الشباك درت وجهي امي كاعده صلي وكدامها ابويا
راسي موتني رفعت ايدي بيها كانونه هاي معلكيل مغذي
التفت بابا كطع تسبيحه واجاني "ها بابا شتحسين"
اذكرت فتحت عيوني طفرت اباوع الغرفه مابيها شي ضليت اتلفت بابا ضل صافن عليه "هنا هنا شفت النار باب غرفتكم وبلبيت بابا تدري بيه مااكذب نزلن دموعي والله مااكذب عليكم اني بعيني شفت النار
ضليت اذكر وهوه ساكت يسمعني بامعان" اي اي ثنين نزلو من فوك ايديها بيها نار هيج امثله شلون تطلع منها نار وينفخون عليه "
امي تبجي وتمسح بدموعها على مصلايته ابويه دنك ممصدك بجيت بصوت غطيت وجهي ادري مصدكوني
اني مااكذب ليش مصدكون ذوله يردون يحركونه "
جرني الحضنه"مصدك حبيبتي انسي بتي تعوذي من الشيطان هاي كلها اضغاث احلام يتراوالج تشوفين النار بلواقع ماكو "
هزيت راسي نترت اول مره اعصب بوجه ابويه واصيح "لا عبدالملك وياي سكتت اعز براسي مصدك حتى بهذا مراح تصدكوني وخرت المغذي امي صاحت" كملي مغذيج بعدج مصخنه "
"لا ماما صرت احسن"
طلعت وعفتهم التفتت لانحاء البيت طبيعي راح اتخبل هذا الشفته شنو حلوم لو اتخيل تذكرت رجعت اركض فتحت الباب ماما اذكرت انتي موكعدت ويه تكتم الصبح
تثرمين لحم وتكتم بصفج تكلم باميه
هزت راسها "يمه شجاج فدوه العينج وين شفتينه وانتي نايمه من الصبح يمنه"
شفتكم والله وشفت بابا واكف بلغرفه يلبس وحتى طلع فلوس من المجر واخذ صايته السوده ام الخيط الذهبي
مو بابا كلت رايح عرس
ضل واحد يباوع بجه الثاني بابا يهز براسه يستغفر ضرب زره بتي تعالي سولفيلي ركضت كعدة اسولفله واخيراً واحد يصدكني مسح على راسي كال بابا طبي سبحي وصلي صارلي يومين نايمه
عافني وطلع طبيت سبحت تنشطت طبيت الغرفتي رغم الخوف البيه وكفت اصلي اصلاة الفتتني
كملت طلعت دك جهازي سيد مصطفى مالي خلك اجاوب
كعدت بلحديقه على الكرسي دنيا عصر بطني توجعني مماكل شي البيد هدوء
متوقعت رضا هيج يقسه وياي ذنبي حبيت بكلب صافي حافظة على نفسي لنفسي مو لان اهلي ربوني هيج اتانه بكل خطوه ربي يشوف اعمالي مطلع على كتابي
كلشي اسوي بنيه صادقه خاليه من اكره على كعدتي ندك باب الشارع بابا جان طالع ستوه فتح الباب سمعته يسلم كله تفضل فزيت
اريد اطب للبيت فات شيد مصطفى تفاجئة شافني دنك يخجل من والدي كله فوت ابني هي بعد حليلتك
فات للصاله والدي ورا دخلت للمطبخ خليت القوري على النار عاينت بكل زاويه الرؤيه بالي هنا شفت نار وهنا وبعتبت الباب كل مكان اذكر
فاتت تكتم سابحه لابسه دشداشه قديفه كالت"شلون صرتي "
مارديت
فاتت شالت باكيت البسكت كالت "شكو ماتجاوبين "
ضليت ساكته رفعت حاجبه "عشتو فوكا منسلم عليج خاييه انتي حيه اليشوفج يحوفج بس ميدري وره هذا الوجه البريء وحده تلدغ وضم راسها"
"مويمج تكتم شكو هل حجي"
ابتسمت بحقاره "مناسيه عملتج ترحين دكولين لبيت جدي تكتم سويلنه اسحار والله لاخليج تمشين وتحجين ويه روحج لاخبلج اني اسوي اسحار"
دفعتني بقوتها رجعت على الكاونتر عطت من حسيت شي دخل بخاصرتي ليفوك التفتت حافة الحديده ما الباب مشلوع هوه المنيوم يصير حاد
متت وخرت الدشداشه نشكت والدم يجري فات بابا وسديم مصطفى يرجف شافني مبهوته وايدي لازمه خاصرت
تكتم طبت تركض جرني بابا باوع فك عينه "تنزفين دم وين تعورتي"
كعدت مكدرت اوكف مصطفى كنبص وخر شك الدشداشه فك حلكه وعبس وجها عمي مفتوح لحم مسح وجهي
اني اتلوه وابجي ابويه انخبص امي طبت بجادرها مهبوطه شافت الدم مله المكان لطمت على خدها "دهر دهرني ولج يمه شجاج يمااااا البت تنزف محمد صاحت
اخذوها
اجه بابا بيده عباتي لفني بيها شالني مصطفى صعدني سيارتصعدتي امي بصفي واني خاصرتي من تنزف دم ترست السياره
متت من الوجع والالم مااكدر اعيط اخجل من مصطفى الي صعد يسوق وبصفه بابا طول الطريق هوه كل شويه يدير وجها يباوعلي واني اتلوه
يعفس وجها وعيونه طايره يريد بس نوصل للمستشفى
يصيح تحملي ماضل شي هاي وصلنه خاله اقري عليها
واني فاحطه من البجي واني روحي رايحه رخت اعصابي
منطقتنه بعيده عن المركز والمستشفى بلمركز
فقدت غمضت اسمع امي تعيط شفت سواد حسيت روحي تطلع ماادري شلون سيطرت على نفسي
قاومت مااريد اموت واني ماناطقه الشهاده
فتحت حلكي بهدوء حسيت باذن يمي حلكي انطق الشهاده كلمه كلمه
امي تعيط وابويا يهز بجسمي واني اي ردت فعل ماعدي
كملت اخر مقطع اشهد ان علياً ولي الله وغمضت
....... يتبع
تابعو حسابي بنات مااضمن الواتباد يرجع يتهكر sjo_a1995
رواية بين الكاف و النون الفصل الثاني وخمسون 52 - بقلم saja altaie95
بــــيـن الــــكـاف والـــــنون
الـــرابـــع و الــخـمـســــون
بــقـلــم.... ســجـى الــطائـي
جبتهن بالتدرج هاي تدفع هاي
ومسايس عمر يا هاديَ اتهدّي
الم بيهن سنة وتفلت سنة من الخيط
طشة وما نفعها اتبلبسي وشدّي
ريحانه
شكد مر وين اني مااذكر بس ضلام يحيط بيه من كل الجهات
افز على الم ياكل بصفحتي اون ماعدي طاقه افتح عيوني اصواتهم يمي بس اني منتهيه ارجع انام
مرت فتره حسيت بالم فزيت صوت والدي يحجي وامي ترد
ورضا اسمعه رجعت غفيت على ونتي الالم ماخذني يكعدون بيه مااكدر اجاوبهم
اشم ريحت والدي ايده على راسي يؤتل ويمسح بوجعي وبراسي ارتاح وارجع اغفه لحد ماكعدت هدوء الضوه خفيف
عطشانه اريد اكلهم جيبولي اشرب
حسيت برنت تلفون
جاوب والد هاا خالي لا زينه خيطولها الجرح وصارت شويه احسن بعون الله دكوم لا لا بويا لان بنج وابر مسكنه تنام هواي
سكت شويه ورد بنتي مو كت هلسوالف بعدين عمي بعدين
سكت اسمع صوت بس مواضح طالع من الجهاز ضل هواي يحجي لحد ماكال شوتعالي ام رضا
هاي بت اخوج سكتيها اسمع ماما تنتر بيها "شكو يمه حادث قابل متعمده
يااادهر دهرج يمه ليش ماتعوفين هاي السالفه غير هيه منه وبينه شكو يمه حرب البسوب عدنه الله ستر وهاي مابيها شي
شويه وكالت"سكينه تردين تسوين مشاكل بطلي سوالفج ولا تدخلين حبيبتي ريحانه متعرفيها من خيالها ترجف مو اول
مره تجيها تخيلات ردت نترت لا اله الا الله شو انطيني امي
انتي الحجي وياج ضايع دمشي انطيها الجهاز
اسمع دويهم سكتت امي مبين سدة الجهاز ابويا يستغفر ساكت كال" يعجبج لوسامع رضا يسكت ومنا هوه حامي "
والله ماادري شكلك حالت ريحانه دوخ كلبي لاعب البت متغيره مو مثل كبل "
"ام رضا حذري بت اخوج لا تجيبلها طاري واحنه كرايب طش وصير مذابح رضا مايترك ريحانه بحالها"
"شسويلها ذيج الله يسلمها متخاف من احد لا عيني دواها امي لا شيل هم انه اعقلها"
"بويا اني شريد غير بس البيت يهدء وماصير مشاكل بيناتهم اختج ام مسلم اكيد اذا سمعت تزعل وتشعب ومشكله بيها نسوان ماتطفه"
تحركت اجت امي فكيت عيوني ابتسمت باستني "يبعد امج شلونج يمه متوجعه"
هزيت راسي اريد مي
طول اليل امي يمي بدلولي الضماد جيكو وضعي كل ساعتين داخله طبيبه تعاين واني الوضع يعصر كلبي
اخر شي عطت اريد مسكن مااتحمل
امي " سوده بوجي منين اجتج هسه تجي الطبيبه تنطيج ابره
شويه وطبت ضربتني ابره وراحت ربع ساعه وبين مفعولها واني الوب من الألم اردد يارحمان يارحيم
لحد. مانمت بين الوعي والاوعي شيمت عطر غريب
جف ايد انمدت جرت الحجاب
بضهر اصبع السبابه يمشي على خدي برجفه كلبي خفق
شي فوق الهمس مااسمع بس احس بضربات الهوه اليطلع من حلكه
تمتم بكلمات مااكدر افرزنها وراها صارت شهكه بونه تكسرت بلعومه شمني شم كلبي دكاته سارعت
من سمعت همسته بعد مااكدر عذريني
"ذنبج شايله كلادة بخت" يوخر ويرد يحجي
برجفه الالم بين
ونيت حسيت بعصرت ايد ومشيه سريعه
لحضات حسيتهن عمر دموعي نزلن واني المسكن مرخي اعصابي محاسه اليصير حلم لو حقيقه
غفيت على الألام فزيت على ايد انمدت مسحت وجهي فتحت عيوني مصطفى منصي باسني بجبيني متوتر
وعيونه حايره
"شلونج"
"موجوعه"
"جر الكرسي" هسه يروح الوجع امي واكفه بيها منكاسه
هذا تشريب كسور "
عقجت وجهي درته "قابل مكسوره"
ميخالف يفيدج لازم سوائل دافيه "
اريد مي
جر البطل مصطفى فتحه جرني برهاوت ايده صرت على صدره حضني شالني كعدني اجيت اعيط دفعته
وخر "اعتذر تأذيتي"
من الالم مااكدر اجاوب احد للعصر طلعوني سيد مصطفى شالني من العربانه صعدني السياره من شفتها كشت روحي اذكرت منضري مراح من بالي غركانه بدمي
وصلت للبيت امي نزلت وابويا كدامي فتح الباب رضا بلطرمه متاني شافنه دخل السياره داخل البيت فتح الباب رضا شالني
باسني بجبيني "الحمدالله على السلامه حبيبتي"
"الله يسلمك" وخر خله مخاد وره راسي فاتت تكتم
والله لحضتها كلبي دك بقوه صارت بيه خوفه
وصلت تريد تبوسني اني من الخوف عطت خليت ايديه على راسي مااريد اشوفها ضليت اصيح
رضا فاك عيونه صافن والدي طب بطرك الدشداشه يلبس بيها فات سيد مصطفى صافن على ردت فعلي
طلعت تبجي واني حاميه روحي امي فاكه حلكها رضا نتر "شبيها"
سيد مصطفى "باعيلي ريحانه شبيج بابا شنو تحسين"
وخرت ايدي بجيت جريت الغطه غطيت راسي
صار صياح عرفت رضا وتكتم بذاك اليوم طلعت زعلانه
اخذها رضا لهلها ساكت لو صاحيه ميفوتها الي بلفعل لليل طب رضا اني مدده اريد اغفه
سمعت صوته ويه ماما سكت بي تخاف يدخلي ضليت اكل بضافري ليطب والله يموتني ربي عديها على خير لو ادري مصايحه موبيدي خفت والله مو بيدي
ضلت هاي الحاله ايام اني اشوف رضا يفوت يكعد طبيعي يشوفني ويسلم بس عيونه هواي بيها غضب
من اشوفها تجيني الرجفه حسيت كلبي بيوم وحده يوكف من الخوف جسمي يختض مااسيطر على نفسي
عده سبوع كمت اكدر اكوم اتمشه سيد مصطفى معايفني يوميه يجي يشوفني هوه يعلكلي مغذي امه واخته مرتين اجن
بيت جدو يردون يجون ميكدرون جدو مسوي ليزر لعيونه بايران يم ابن عمه طبيب معروف بمشهد
ايام مرت واني اتجنب رضا اخلي راسي على المخده واذكر العطر حاولت ادقق بلسيد ماشميته بي يمكن يغير
كل اليسال على مكان الوكعه حادث مومقصود على حافة الباب كان الحديد طالع ومتدري امي تلوب تريد ترجع تكتم رضا ميكدر على فراك ابنه ولا اهلي
طبت امي كالت "يمه حبيبتي خابريها لخاطر اخيج وابنه اعتذري منها البنيه جاي تتحمدلج بلسلامه تصيحين منها مااريدها
اكيد يحز بخاطرها وهي من سمعت بطلعتج البيت كله منضفته ومامخليه عيب حبيبتي وهي بت خالتج مو غريبه وهيج تعابيها
الصار مو ذنبها قدر ويريد يصير نحاسبها هي كالت دفعتها بلشقه ماادري بلباب مفتوح
هزيت راسي باستني ايمه اخوج يكول شمسويه الريحانه وهيج تنهزم منها مراضي عليها عباله متقصده دفعج وضاربها
دنكت مقهوره ضليت سكتت كلبي يدك بس اسمع بسمها اموت بهل الاثناء دك الباب طلعت امي
اسمعها تهلي وتمرحب وصوت نسوان ندفع الباب فاتت ام ابراهيم وام اماني وراهن اماني وبنيه مشايفتها
رغد
شفته تقدم ناحيتي اجه ينغمه عليه من الخوف هذا شحيسوي بيه مو كال مالي دخل بيج مو وعدني عيونه
جمر كالبات حمر جنت واكفه كدام الباب ضهري اله
دفعني وفات التفتت طب للحمام ضليت اباوع شيسوي حيخبلني مطول دقايق وطلع بيده الوصله فك المجر شمرها بي
شمر روحه على الجربايه على وجهه مغمض دفع المخده
كال لتوكفين صنم طفي الضوه وتعالي نامي
رفعت حاجبي موعاقل" وين انام وانت ماخذ الجربايه طول بعرض "
دار وجهه"بده التنعوص وين متنامين انطمري "
"ارغَد لا عفيه وخر حباب نام بلكاع واني على السرير"
رفع راسه يباوع اني متخوصره "مو بيت الخلفوج نايم مايعجبج هاي الكاع نامي عليها"
بؤطمت رجع راسه نام واني حايره "اباوع ماكو فراش بس منادر خاليه يم الجربايه ومخاط بله بطانيات والجو بارد وهذا نام بطرك السورت والفانيله الغطه شامره
ماجادلته جريت الديباج منه واكو بطانيه مااعرف شكالو النفسهم من خلوها جوه الديباج خليتله البطانيه ليبرد
اخذت مخده من الجربايه خليتهن وطفيت الضوه نمت على الدواشك لفلفت روحي صك برد افكر هذا مايحس جلد تمساح ميعبر البرد
غفيت بسابع نومه فزيت على دكت باب اني لو يمي قنابل تتفجر ما اهتم اكمل نومتي رجعت غفيت ثواني وحسيت على شيلت واحد فزيت اباوع
الخبل حطني على الجربايه رجع طفر جر الديباج التغطيت بي بحركه وحده غطاني وغطه روحه جرني
حضني فكيت عيوني سوالي اششششش ولا حرف
جر الدشداشه جره وحده طلع اكتافي ضليت لا اخذ ولا انطي اريد احجي ندك الباب
همس دبريها بروح ابيج بس يعرفون يشرونه على الحبل
ضليت مصكصه حرف مانطقت وضعنه غريب وخر الغطه من يمه عود هوه نايم بله ملابس واني بحضنه وخر الغطه من اكتافي بين ملابسه شي تمغط
صاح فوتو طبت امه تهلهل كام بطرك الشورت وجهي صار احمر باس راس امه" الله يبارك بيج حجيه "
طبن خواته وحده وره وحده مااشوف العشي، ه كلها تكومت خالاته وبناتهن والمنا ومنا بايت يهم والجايهم يباركلهم
تحنطت خلاني بوضع مااكدر اتحرك اذا اكوم تبين تمثيليته اريد اضم اكتافي خزرني
وحده من خالاته كالت ولك شمسوي بيها خانسها "
كال "حجيه بكيفج شيخطر على بالج شناو جملاستك كل اللعب جربناهن"
ضحكن واني صرت جمر اريد اكضه يالعب العبنا باوعلي غمز خواته باركله ونزلن ضلت بس امه وخالته كالن
"كومي حبيبه غسلي ولبسي كلابيه بيضه ونزلي سلمي علخطار من الصباح اجو وكلنالهم بعدهم نايمين
ابتسمت" اي خاله هسه كايمه "
شاورت ارغد كلها حجيه بس انتي اذا وحده اجت وطلبتها اسويها وصلتين
ردت "شكو يمه غير فرحانات بيك ويردن يشوفن بياضها بلعكس هذا فخر الك والها عليش طكن كرونك
رفع حواجبه" شنو ركروني يمه رحمه الربج الاكوله سوي لا ضلين خالتك وبت خالتك خو كرايبج مايخلصن من سابع ضهر جايات والماتعرف يجيبنها "
"اووو اني مااخلص من السانك ناس تحبنه وتجي تباركلنه نطردها"
كايل طرديهن بس مرتي وغرفتي مايصعدنها لو ينازعهن حاطلي مقام يزورنه ونذرهن يدخلنها "
"يله يله يمه هاي هيه مثل ماتريد راح طلع البياض شافته رجعت هلهلت ركض قفل الباب صاح" بعلي هسه يردن يصعدن رادارات هنا مو نسوان
خربت ضحك بعد يحجي ندك الباب باوع لمه شكلت باعي واذا مو خواتي اول الناس تفلي بكصتي
امه "ولك شبيك مجلوب علينه انت اول واحد مغرس هاي اخوتك شو كلها عرست مابيهم واحد سوه سوايتك
يكمل يسبح وينزل انت صعدت والصعده صعده شو بعد خل اشوفهن
صاح" دجيبي بعد احلف عليه اخلي بجيبي وين مااروح انتي اذا ماتفرريها على العشيره من الراس لراس ماترتاحين ابن طلع رجال شكو يمه
"ولك يمه شبيها هيه وصله"
"لا وصله ولابطيخ شالها ضمها بلكنتور قفله وشال الفتاح
يله يمه توكلي اريد اسبح
طلعت تهز بيدها صدك بس فتحت الباب خواته واكفات يردن يعرفن مدري شكالتلهن عوجن حلكهن
كتله سد الباب اريد اكوم مو متت
سده طب سبح وطلع لبس دشداشه نزل يدردم ميحبها قفلت الباب سبحت طلعت شسورت شعري خليت مكياج خفيف
فتحت الكنتور طلعت دراعه بوكتها نازلات موديلاتهن يصير قماشها خفيف ولمعته باهته جواها يصير بطانه
ثخينه بيضه بدون ردن بس الدراعه بيها ردن خفيف يجي قطعه وحده موديل يسمو خفاش وحزام من الخر يلف من الاما اليجوه بحيث الضهر قطعه وحده ميربط بلحزام
والردن نص رافعه شعري نص رفعه جنت ميشته خفيف لان هوه بي خيط شكار يصير بوجهي الهول والخرف من الجوانب
فتت سلمت على الموجودات وفتت للمطبخ شفت بنيه يمكن بت خالتهم باوعتلي عيونها مورمه
تقربت بوستني وكالت " بلعافيه عليج "
عافتني وفاتت ضليت اباوعلها شبيها هاي غريب امرها
اخواته موجودات كالن تتريكين وحدج لو يا ارغد
كلتهن ويااا عافني ويشتغلن ولا اعارلي اهميه طبت ضحى ابتسمت "هلا بهالنور والزين كله خلت صينيت الخبز
جرتني باستني" الف مبروك متهنايين صدقه للوجه الحسن
هسه دزينه علىكاهي وهاي صينيتكم حاضره شويه وكعدي انتي ورجلج تريكو "
كتلها "تسلمين ليش تعبتي روحج"
ابتسمت "شكو عليه البنات تارسات البيت هنه حضرنه
لتخافين ذني مايتعبن واني بهذا البيت بس اخبز
والطبخ على خالتي ميقبلون غيرها تطبخ وسناء وسندس
ينضفن الصبح العصر عليه وتعرفين ارغد وتميم عليهن تنضيف غرفتهم ملابسهم الكوي هسه ارغد صار مسؤليتج
شوف اني شكد حجيت يله المهم هاي اعتبريها تعريف على بيت عيالج"
سكتت مستغربه الوضع بيتهم هوسه خراضها محطوطه مو بترتيب صح نضيف بس كل ترتيب ماكو مابي لمسه اناقه
الخطار هواي بابهم مانسد كل شويه فايت احد للصاله
اصواتهم عاليه زلم ونسوان حسيت راسي افتر استحي افوت والهول متروس نسوان شرد هنا من الخجل
وهذني ميباعن بوجهي حسيتهن ماحبني يتنادسن بينهن
بعدني بصفنتي فات ارغد رافع دشداشته بيده جان لونه حليبي بيها صفار حلوه عليه شافني
كال ها تتريكين هزيت راسي باوع السناء منو جوه
كالت "نسوان المنطقه وخالاتي"
كلها خلي هنا ناكل "
خزرني اشرلي على روحي استحيت نسيت نفسي شلابسه
كامت تخلي الصينيه فات واحد يسولف ويضحك طب وصل الارغد دك على جتفه حيل "انما زوجت بعدك مااسمي اسامه"
ارغد التفتلي صار نار استحيت بله حجاب وزنودي طالعه
رفع راسه شافني دنكت متت بدمي راساً طلع جرني ارغد عصر ايدي "فوتي بدلي من اولها"
"شبيك ايدي توجعني شمدريني راح يفوتون"
" بيت جده شلون ياخذ اذن منج "
وخرت ايده "لا بس يعرف بي نسوان غرب وعرس اكيد يفوتن منا يدك الباب مو هيج عدكم"
رفع حاجبه "اي بله وانتي وين بويا جايه من امريكا بس عدنه لو الله بس يمنه ويمكم ماكو"
اجيت ابجي عاف ايدي وطلع طبيت ركض صعدت الغرفتي بجيت بقهر لعباله زوجته ويحاسبني شعليه
كعدت ضايجه طالعه روحي متانيه اخويه يوم يوم طلعت روحي وين صار ساعه كاعده وحدي
طالعه الدنيا من عيني ضليت اتكلب هنا وهنا حتى تلفزيون ماكو خلي يجيبلي مبايل على الاقل اسله بي
اضل هيج مثل البومه
كمت افتر سمعت صوت خطوات صعدت درج طفيت الضوه ركض عبالي هوه شويه فاتن ثنين بنات
وكفن كدام الباب وكفت وراها وحده ميته بجي دكلها مااكدر لازم اني مو هي
وذي دكله لتخافين ايام وتهج والله انما طلعته بفضيحه خايبه صدك تبجين عليه يروحلج فدوه "
ماشفتي شلون يباوعلها مبين يحبها هوه كلي اخذتها على حبها وتسواج اني تسواني
ذيج تتنهد صبري عليه هاي مضل عده مامسكتني غير خالتج اذا تعرف ماتتحمل طيح بمكانها
سيف الدين
ايامي مره خاويه مابيها روح التعب مااحس بي
شنو تعب شنو حزن صار يمشي بدمي
تعب جسدي يهون ولا روحي التفرفح على شوفتها
اكضي اليل اعاين بصورتها دمعه متنزل مو قساوه شيفيد
لو يفيد لو يريح لو يرجع الراحو
كرست كل واهسي العملي شكد مابيه من حيل
و بديت القي القبض على ناس بتهم هواي نصب احتيال تحرش مغتصبين بنات اذبهم سجن هنا لعبتي
اطلع كل تعبي بيهم احير بيهم عرفوني واسمي صعد كل اليلزم دزو الي يوم عن يوم كلبي يقسه عمليات متنوعه
اقوم بيها الرائد صعب يثني على كل انجازاتي مهامني منصب
بكد ماروحي ترتاح من اشوف نفسي بمجالي
اليوم راجع للبيت فتت الحجيه مدد ويمها الصوبه
الشيخ بغرفته ابو رائد وعائلته نادراً ماينزلون اسمع
لعبهم فوك والمراكض وصوت امهم صيح بيهم
فرات وزياد مفاركين البيت كل عصريه همه وعوائلهم يجون يصير العشه بلبيت اتونس على لمتهم
تغديت شلت الصينيه غسلت ماعين غداي عوفهن امي هسه البنات ينزلن يلملمن البيت
عليمن حجيه كم ماعون عيب
شكو عليهن غير بناتنه
كعدت يمها نبت يمه اليوم جايينه خطار اريدك هيج عصريه جيبي سيت عصاير هاي جوه الدرج خلص والكيك ولد اخوك كضوو مشايفين ولكم يمه عيب اكلو على كيفكم مايفيد ثنثن ثنين
شكو عليهم خل ياكلون
لك يمه انتو فارغين واني ساعة الساعة يغطني خطار اضل حايره جانن خوات كبل الله يسلمهن مايخلن يحيرن شيسون كيك كليجه كعك مااشيل هم
هسه انه وحدي بلهل بيت ذني صغار ذاك اليوم جابلي كيكه معجنه كتلهن لو خابزاتها اشرفلجن
ضحكت هسه شتردين
شريد ولك غير كيك وعصاير
حاضرين يابه العصر امر لبو الجمله اجهزج
وفتت لغرفه سبحت وصليت ومددت ارتاح دك تلفون
شلته تميم فتحت حاكيه وخليته يم راسي
كال شلونك
برحمت ربك شكو شبي صوتك مختنك
شسوي فهمني اخذها واشرد منايا سيف دمروها
شتريد اسوي عوفها اختارت طريقها
مابيدي شي اكتل روحي ورتاح عارات الزلم صارو براسي اني لوما خوفها اله. اطبلهم بحوشهم اسحبها
تايهتلك يخويه استر عليها مامقسومتلك اخوك كدامك ردتها بيديه وسنوني تالي ماتالي اخذها ربك كوه هي
سكت محروك دمه نزلوها بدمها صدفه اجيت اتبرع دم لولد واشوفهم مخبوصين بيها نازفه وصايره صفره
عفته يسولف و يفور رايح متبرعلها بطل وصاير عده اغماء ضحكت عليه صل يقسملهم لحد ما كال رايح
سديته نمت كعدت جهاز النداء كفيت الغطه شلته
سحبت الدفتر خاص ضليت اكتب المعلومات جريت نفس اشتغل وبالي الف فكره
وزعت المخططات كدامي كل نقطه نسجلها لازم تكون بلمخطط المكان اول عمليه صعبه تواجهني ضليت اشتغل لليل الحاسبه بصفي مسيف كلشي بلملفات شاد نت بس عليها
هاي العمليا متانيها يوم يوم
دك جهازي الخاص الرائد صعب وصلت اخباريه انو جماعه.
حتطلق صواريخ من داخل بساتين....... على ايران
لبست بسرعه نداء مستعجل لبسنه كله مدني جريت الستره الجوزي جواها بدي حبري وبنطرون كتان حبري
لبست المحزم جوه الستره ميبين دنكت البس بسطالي تكرمن
متوجه اصعد وصلت للباب فتحتها وكع شي بلكاع شلتها كيس اسود مسدود فتحته ورقه مطويه ضرف شكيته حبيت محتوا بيدي نزلت طلقه نعرف اليهدد يترك كلام رجعت
بحوشت لبضروف طلعت ورقه بعرض اصبعي مكتوب (لاتندك باسيادك متخسرنه بس طلقه) بلحضتها عفط... عقجته وشمرتها
صعدت السياره لا كاني فرات وكف عبرته مستعجل دك تلفون شلته"هاا ابو علي"
وين مستعجل "
"كول خويه"
"مو الحجيه رادت مسواك دزت عليه جبتلها نص خروف"
اي كالت موكتها هسه من افرغ شوف سديته
سحبت الجهاز "الامر من صاحب عمليات .... حول عمم تسد جميع سيطرات من الاقضيه"
صار استنفار عام بلمحافضه اسوق بسرعه عاليه وصلت بلوقت المحدد نزلت الجيش انتشر بكافة الشوارع الرئيسه
نسدت الطرق اعلنو حضر تجوال ركنت السياره توجهة للموقع
ركبت ويه الجيش متوجهين للبساتين حددو نوع السياره
هينو
العدد هائل من الجيش وصلنه المنطقه بساتين كان الموقع نزلنه امر تفتيش كل البساتين المحيطه
الامر مخبوص بصفي لازمين كلوبنه بيدنه بس واحدنه مايهتزله رمش مملين عزيمه
وكف الامر صاح
عمار ماجد نقيب امجد توجهو يمين التفت اشر اني وخمس جنود نتوجه شمال هوه ويانه البقيه وزعهم باربع اتجاهات
مرت ساعه عبرنه عالبستان الثاني قريب يم نهر جندي اسمه حازم صاح سيدي انتبهو ياشباب لكينه العجله
حذرتهم مايتقربون انطيتة نداء اجه ولد اسمه عبد الرحمان مختص تفكيك المتفجرات فككوها اجه الرائد يبتسم دك على جتفي "سبع "
سيدي " احنه رجالها "
ابطال ابطال انطاهم ايعاز وهمه نص ساعه توجهنه لبيوتنه صعدت ويه الجيش سديت الباب
فات الرائد دك الجامه اشرلي انزل رفع حاجبه نزلت "نعم سيدي"
نتر بعصبيه "امشي يول شكو راجع ويه الهمرات ويذبوك يم المركز انزل انزل"
ضحكت على سوالف الرائد صعب من عقله ضاج صعدت يمه اليكدام
ملازم محمد وعمار واني والامر اليوره كدامنه حمايه بسياره وحد
رائد " يول صاير انشوفك بلصدف "
عمار نب "سيدي انت بس سيف تعتب علي واحنه مويمك"
رائد "كلكم ولدي وماكو فرق بس ابو السيوف هذا اله معزه خاصه احبو لجل اخو ابو نور يقصد زياد"
سيف "فخر الي وشيلة امي"
ر ائد "كولو لبو نور يسير يمي عصريه وله اكلك خلها باجر سويت مخيم بلحديقه استغليتها نشوي ونسويلنه لمه شباب"
عمار نب " سيدي مالك شغل بلشوي هاي لعبتي "
رائد "انت مانخلص منك هم لو مناسبك مو هيج"
عمار "افااا سيف تقبلها"
الرائد "ابني انتبه على طريق وغلس خال شحمة اذانك يمنه"
عمار "تحسسني جاي تخطب"
الرائد "هي يحتاج انجدد جبتها ابو ياسر شوفلنه وحده توزن الراس"
عمار شطح "حاته وثلاثينيه وطوله شبر ونص انتهي افقد حجي بروح ابيك زوجني صاح زوجوني لو احرك روحي"
كتله "عمي زوجه والعرس عليه بس لا يسويلنه ز... هنا كبت عده"
كضينه الطريق تحشيش وضحك الرائد من الاشخاص نادر مااصادفهم قمه بلشجاعه والرجوله انسان معطاء
الامر كال وكفو ناخذ اكل جاهز لهلو انقيب كال "سيدي اجلها الوضع مو تمام"
"يولو شيصير وهاي الحمايه ليكدام خل ناخذلهم شي يفرحون بي"
"عمار" لاتنزل سيدي اني نازل شنو طلبهم "
الرائد صعب كال" اجنحه على الفحم ثلث دجاجات محشايه
وذني سوالف النمنمات تعرفهم كثر منهم وخل يحطولك ابطالة لبن من يمهم "
نزل عمار جابهن سفري خلاهن بلجنطه وصعد سحبت قلم وعدي ورقه بجيبي الراىد بصفي عاينلي اسجل ماهتميم ضليت اسيڤ التوجيهات اليجن من الجهاز
كال "سده ابني ولا تجهد نفسك اكثر من الازم اذا الله كاتبلك تلزمهم ماينعافون ولا وحك الخلقهم بيدينه نفعصهم فعص بس انطي مجال
تنهدت فركت راسي قاطب حواجبي من اذكر اعصابي توج
" سيدي النار الجواي تحركهم ما ارتاح اذا ماالزمهم "
دك على جتفي "لا شيلو هم مايرحون يلزمون"
اقل الثواني حسيت بهزه شالتني شيل الصوت سد اذاني عيوني غوشن اردمت بلكشن الكدامي الدوي صار قوي
حسيت بصداع شلني شل اريد اركز ضغطت على راسي حيل
ناسي رحي اريد افتهم الصار اصوت صارت تتوضح صياح
ناس كدرت ارفع راسي ملازم عمار طلع راسه من الجامه
صدمه شلتني ضغطت على روحي نزلت الناس متجمهره وخرتهم فتحت عيوني الراىد واكع وغطه بدمه واحد صاح
لزمو متصوب بعدها ماحسيت بروحي
.......... يتبع
رواية بين الكاف و النون الفصل الثالث وخمسون 53 - بقلم saja altaie95
بــــيـن الــــكـاف والـــنـون
الخـــامـس والــخـمـسـون
بــقـلــم... سـجـى الـطائي
سحگوا سنين المودة
وفروا أعليه الحِزن
داير مداير كون أشگ
گلبي وأشوفك چا گلت
عَفيه عليّك شلون صابر
سـيف الــدين
ماادري شكد بقيت غايب عن الوعي فكيت عني الشيخ يمي والحجيه شافوني فاك عيوني اجو يمي "الحمدالله من طلعت سالم"
"مابيه شي حجي حسيت الم براسي المغذي بيدي معلكي راسي مسطور
اجت امي بصفي دلك بيديه جريت ايدها بستها" شليت حالي بطيحتك كلت راح وليدي "
غمضت عيوني ناسي الرائد فزيت ويه ذاكرتي صحت "الرائد ويه عايش
عيوني دور بيناتهم ابويه مرتبك يسبح نصه يهز براسه
" زين ابني دخلو عمليات اصابته خطره لتخاف عليه يطلع منها سلامات بس سكت فرك وجها خلص المغذي نروحلهم "
لمحت مره يطلع عمرها بلثلاثين وثنين اطفال باوعت عزت راسها" مرت الرائد وجهاله ام جنه
ماكدرت وخرت الصونده امي صاحت بخوف "سيف يمه بس اصبر يكمل وروحله"
"حجيه الولد كلهم طاحو كدامي اني الوحيد اصابتي خفيفه"
طلعت امشي بسرعه رغم وجع راسي فتت الممر نهايته سالت محد يعرف الحجي وراي كال امشي ادليك استغفرالله ربي من التايهات
مشيت الممر متروس جيش تحمدولي كوه ردت زياد شافني
"المن كمت"
"مابيه شي الرائد شنو وضعه"
نتر " مابي شي بغيبوه خلصت عمليته يله ارجع يجيكك الطبيب"
"يادكتور كلشي مابيه"
زياد"سيف لتعاند امشي وياي وكفتك هنا ماتفيد "
درت وجهي ياعملني طفل فركت وجهي حسيت بدوخه بس مسيطر رفعت راسي نتر "خرب غيرتك عيونك شبيهن"
سيف"اووو زياد الرجال افضاله مغركتني زحمه مااوكف وياا"
صار اعصاب"دمشي طالع من الموت ويدور افضل صير زين وعود شيله على ضهرك وافتر بي "
اخذني كوه رجعت زوجت الرائد كاعد سلم عليه زياد طلع ورجع وياا الدكتور جيك وضعي مابيه شي ماكتله على الم راسي زياد والحجي بس يسمعون ينموني سبوع بلمستشفى
طلع زياد يسويلي خروجيه اخذنه ويانه ام جنه وصلناها البيته بعد ماشبعت بجي امي سكتته هم لكينه اهلها كلهم بلبيت واخوانه
نزلت سلمت عليهم تحمدولي بلسلامه رجعت طبيت للبيت تلكاني ابو الما وزوجته ماكدرت اكعد
دهلت سبحت كعدت اصلي كوه كملت عفت الفروض وصليت الفاتني نمت تعبان راسي مطبل
مااعرف شكد طولت كعدت الساعه ب8 بليل غسلت وطلعت فتت للديوانيه الشيخ وزياد والحجيه ستوهم مادين السفره
الحجيه شافتني "صح النوم اجيت بوكتك كتلهم كعدو"
زياد "اني ماخليتهم"
فركت وجهي اصحصح بعده الناعس بيه لا نايم كومه بس جسمي مكسر "
زياد "من الضربه"
كملت اكل صاحت الحجيه عدنه مره تجي تنضف وتركب الحجيه لتملها هل قاسمه الله متخليها فارغه من الاكل اليضل ملابس كل نزلت سوك اني اوصلها وارجعها
هي لم فلان هاي لم حميد هاي النواره بت زياد وامها ومرت فرات ذيج تتنحس وتغار متريد حزازيت واني اصفن على
سوالفهن وهز ايدي بطرانه ترد ولك يمه المره قشمرها بقطعت قماش شماخذين من دنيانه هل سمعه الحلوه نترك ريح طيب اليذكرنه يرتحم
رد الشيخ بعد ماشرب جاي كلي سولفلي الصار كله
سولفتله كانو فلم اكشن دامي هز راسه " الله حفظك اترك هذا الشغل"
سيف"لا حجي شترك هذا عملي مرتاح بي"
الشيخ "مرتاح لو تريد تغامر"
سيف"الله الحافظ كلماً يموت بيومه يابه "
الشيخ "انه من اخوك لازك كلبي احير بامرك بويا عوفها واني اشوفلك غير قسم"
سيف"مولعب يابه يوميه منقول وجماعتي يصيحون واسطات واني دمي يفور مااريد تدخلون شغلي حابه "
سكت مايس مني زياد يشرب جاي رافع حاجبه اعرفه لو معارض ميسكت طبيعة الولد يحترمون قراري
رد طلعلي بسالفت الزواج تنهدة اني شلون ناسي وكلبي يفور وذكرني ضليت اسمعله زياد وياا والحجيه
شوف حياتك شمناطر
المرحومه مو قسمتك ربك مكاتبه اله تعانده
البكدك زوجو انريد نفرح بيك
شافوني ساكت الشيخ هز ايده كلها تاخذ حجايه بويا ويامن انه احجي
"حجي مابالي زواج خلينه اكونونفسي"
يابه شتكون البيت شكد فلوس زواجك مني
ضاملك جم فلس وعيش هنا شعدنه "
زياد شافني صرت اعصاب مااكدر ارد كال "الرائد ازالو من منصبه"
فكيت عيني فاز باوعتله هز راسه "ليش حتى حمايته ماكو شهل التمضر...."
زياد "لتصيح صار وكيل قسم بعد صعب عليه مستهدفي"
الشيخ "وانت خطر عليك عوف منصبك ولتورط روحك"
نترت بغضب ارجف "مايخوفوني اني مو مره اختل"
زياد شبيك يول ترعد اكعد انت باقي بقسمك
ضليت اسبوع مجاز رحت للولد عمار راسه مخبط بس وضعه زين الرائد على مرتين مريتله صحه من الغيبوبه وره يومين طلعو
اخذت طلي وياي الحجي وزياد قبل دوامي بيوم مدد ارتاح
الدنيا وياي مثل روجة مي تاخذني وتوديني لو اكول محاس بطعم كلشي حتى فرحت ترقيتي ماحاس بيه
رغم الحجي مامقصر مفضلني على ولده وزياد وفرات نفسيتهم
ندك الباب كمت فتحته زياد بيده صينيه كعد بلكاع وخلاها كدامه رفع الغطه تكه ومعلاك ومشاوي
"اريد اتعشه ويه اخوي الصغير يصير "
دعت عيني بلحضته رفعت راسي اخفي تاثيري اخذت نفس قوي
جرني من ايدي كعدت كباله نتعشه
شنو ضاربي عمار براسه خطيه ملفوف
سيف "متاذي صاير فد نوب منثول
يشوف الواحد. عشره"
زياد "نازل الضربه على عيونه موزين طلع منها سلامات"
سيف"هاي شنو النقله الكارثيه "
زياد "يول اسكت موزين لازم روحي بس تدري اريحلي"
سيف"زين قاعدة الحبانيه شلونه وضعهم "
زياد "اخوك ذيب كلهم يحبوني وبلاخص اهل الانبار محبوبين"
سيف "بشرفك طلعلهم كلب"
زياد" باع الجنود شكد ماتقسه وياهم لمصلحتهم "
زياد بعد ماتحول جهاز مكافحت الارهاب نقلو لقاعدة الحبانيه تدريب الجنود السوالف اخذتنه كملنه الصينيه كال اي عاشت ايدك عبالي تاكل بلغصب طلعت خوش اكال
ضحكت اعجبك هاي شغلتي وكف جر علاكه من ورا طلع علاج انطاني العلاج
شربته علمني علي يول هذا تشربه فلان وقت وهذا بس الصبح وهذا مرتين بليوم وهاي الابره بلشربت تخبطها
ابو نور بعد يومين اصير انباري مانعرفك
"ابني غير يخبلون لهجتهم تنزرع بلكلب"
هلاو هلاو غمزتله كول مجودر يمهم
"هي جنها هيج"
ضحكت وام نور تعلكك فلقه
"استر عليه افرش بلحديقه هلمره"
يله تصبح على غير
تلاكي الخير يابه
صفنت بازالة الرائد وليش سحبو منه الحمايه وهوه بموقع خطر وهواي اعداء اله كمت جريت الاسلكي فتحت التشفيره
خرب كلشي ماكو شمرته جريت الحاسبه ضلت السالفه براسي
طول اليل اشتغل على الحاسبه السجل بصفي كل الاسماء بي
الاجهزه معرضه للاختراق رغم مامنين حاسباتنه بس يبقه الاحتمال وارد وش الجهاز سحبته اجت اخباريه طفرت
راسنه خابرت عماد "لزمتوهم"
بس ولد اخوو باجر تعال
اي جاي سديته منه خرب شكد جنت متمني بيدي الزمهم من اكبر تجار مخدرات ب..... واسمهم على صعيد العراق
شمرت الدفتر كعدت ادخن طلعت للبستان رغم برودت الجو
كل نسمه تنعشني سحبت نفس افتريت وصلت للساكيه المح بزون تنوص كافه على روحه
من البرد تقربت ضمت راسها هاي شنو صغيره يمكن عمرها اسابيع تلفت اكو كارتونه خليته غليها تحميه من البرد وفوكاها
بطانيه فارشيه باطرافها غطيتها اتحرك بدون مااشيلها شويه استنكس وكفت دخت واباوعلها ضلت تنوص رجعت للبيت طبيت الحجيه كاعده
كتله يام حليب اكو
واكفه تتوضه " اي اكو شسوي بي"
رحت دورت كلبت الكاونتر صاحت يواشك يمه كلي واني انطيكيا
فتحت المجر انطتني الحليب سويت خبطه بكلاص وفورته على النار طب امي تهز بيدها بحلكي الجكاره كملت اخذته واخذت وياي سرنجه من عدي رحت
وصلت المكانها على كعدته تق، بت ضليت انطيها من السرنجه وهاي تنوص ومره تشرب ومره دير وجها تتنوعص عليه شربي بت العتوي
كملت شفتها شبعت سمعت الاذان يكبر
رجعت غسلت وتوضيت صليت شفت الوقت بعد وكت مددت انام ماكدرت ضليت اتكلب شحبت المجر يم راسي محفضتي فتختها
طلعت ترجيتها اخذت تك وتم بقه يم امها كلبي ولهان عليها مشتاقلها وين الكه روحي شمصبرني على روحي غير الحجي والحجيه
مااعرف الدنيا تافله بوجهي مدري امي وين ذابه صراي بشكو مصيبه اني اول واحد طامس بيها
تاخر لبست قميص اسود وبنطرون اسود وقمصله جلد جوزي ووحزام حوزي وحذاء اسود
رشيت عطر لبست ساعتي سحبت محفضتي وجهاز النداء وجهازي وسويج السياره
طلعت طبيت بلمطبخ الحجيه والحجي كاعدين يتريكون بيتنه بكل ركن حمام فندق حتى بلمطبخ الحار بزاويه مسوين
حمام صغير وبكل غرفه حمام انفجاريه سواها الحجي الخارطه دزها لمهندس ورتبها صح عجبتني بس البيت جبير
صباح الخير
ابتسمو صباح العافيه تعال تريك تقربت بست راس الشيخ والحجيه امي طلع فرات من حمام المطبخ ضحكت صدك بات هنا
ضحك هسه احسن من وجبة العشه
انفخت من وراك
عاد تتعود تجيك المره تعبي بيك
الحجي لزمها مثل البارحه ضل يلمح على زواج واني مدنك اكل خلص رد هااا
كتله خجلان ان شالله حجي
الحجي جر الخبزه "شمنتضر عمرك عبر ال26 خلي ابنك يكبر وياك
هزيت راسي الله كريم
نب" فكر محد يموت ورا احد الحب بالكلب خلي و كمل حياتك"
كملت كمت غسلت وطلعت اخذت سلاحي وطلعت للدوام
يومين اني دايخ بسالفت الرائد ماعفته ضال بله حمايه
فتت اركن السياره نزلت نفتح باب طلعت من البيت بنيه بوجه تارس وملامح بسيطه بس جذابه وراها براء اختي
سديم
وكفت حايره حوراء قويه متخاف اهلها منطيها مساحه من الحريه كيفت يوصلنه واني اكل بروحي نوب حيندل بيتنه
طلع كدامنه يلتفت وينصي يباوعلي بطرف عينه ميريد يبيبن روحه ضليت متردده حزراء وبان طلعن كدامنه واني ودق وحده صافنه بوجه الاخ
ودق "دمشي نفضها وخابري خلصينه شوفيلج حل"
سديم "ششوف ولج اماني تعلكني هلمره تبطلني والله"
ودق "فهمي احسن ضلين هيج تخافين وهوه موهامه"
نترت دهاج صعدن مشينه صعدنه صارت كعدتي وره الكشن البصف السايق ودق اول وحده وصلها بيته بلبدايه اني ثالث وحده مطمأنه مااضل وحدي
وصل حوراء ضلينه اني وبان
التفت البان كلها وين بيتكم
بان "وصل سديم قبلي على طريقنه"
يباوع بلجامه" سديم بطريق الرجعه "
بان" لا لا بيتنه ابعد فرق اربع شوارع يم المحطه "
يسولف مو يمي نقذتني بان هز راسه عبر شارعنه درت وجهي اتجاها باوعلي بلمرايه الاماميه الصير بلنص
صرت نار ماهتم واني لو بيدي اذبحه ضليت ساكته خايفه بان سولف وتضحك واني مو يمها شافتني سكتت وصلها نزلت
كال شلونج
مرديت درت على الجامه
ممكن احاجيج انتي مناطيتني مجال
شلون تفهميني وافهمج
خلي نسولف واذا معجبج كلامي براحتج مااضغط عليج
سديم عايني اني مو طفل هيج تحكريني
استغفرالله تنهد يتلفت ويرد يعصر الستيرن بيده دمارات ركبته بينن ويه سماره
لو يموت مااحاجي وصل قريب شارعنه على الشارع العام بعد فد عشر بيوت ونوصل شارعنه
كتله "هنا نزلني لتوصلني للبيت
التفت مستغرب ليش شكو اذبج بلباب
نترت طالعه روحي شعليك هنا نزلني
صاح شبيج رب الحلو
سكتت اخواني ليشوفوك اجيت ابجي من شفت وصلنه للشارع اليودي البيتنه سكت من شاف عيوني مدمعه
هاي وكفنه كليلهم زميلي وحب يوصلنه
مرديت نزلت رأسن ضليت امشي ركض الولد ممسويلي شي بس مااعرف ليش دااتعامل ويا بجفاء رغم اشوف شكد لهفه بعيونه
وصلت ذبيت ملابسي وبدلت كعدت اتغده اماني جايه من وكت وبالشه بجهازها تريد تكمله اخذت موقف من بابا وتريد تزوج على العطله
كملت غسلت المواعين كعدت يمها مهمومه اختي اشافت من حياتها ابتسمت على صفنتي" كملتي امتحانات"
همست اي
اماني "خيطلج نفنوف حلو للجامعه وره العطله تلبسي"
كمت وينه شوفيني "
كالت "لا منا لمن داومين ادري بيج سحكي من هسه"
لا لا والله اضمه بس شوفيني
اشرت على الخانه ركضت فتحتها ادور التفتت يالون
كالت وردي وصخ سحبته كان مصفت شفته كلش حلوه جاي موديله قماشه ثخين وبي حزام على الخصر ابو القوبجه وردانه ابو البزمه عريضه وبيها دكم
صفنت ارهم ويا حذاء اسود كعب وشال مشجر جانت موده مالته دارجه بوستها فرحانه ابتسمت ضميته بخانتي
دك تلفوني رساله خنست اماني مامنتبها جريته ضميته بصدري لهيت روحي بلتصفيط واعدل بسريري
طلعت ركضت للحمام لاكتني زوجت حسام وخرت منها شايله ملابسها سوتها سابحه طبيت قفلت الباب فتحت التلفون
ررساله منه كاتب "ارجو تفهمين موقفي لا تعاندين وضيعين الشي الحلو البينه اني حاس بتجاهج"
قفلته وطلعت كعدت بره الجو بارد لفيت روحي بلقمصله وتراك قديفه لابسه جواريب ثخينه قطرات مطر تنزل
الجو حلو صافنه رافعه وجهي للسمه نسمات الهوه البارده تنعشني ضليت على كعدتي تريحني كعده تحت السمه والشمس غايبه
ندك الباب التفتت فات والدي شافني كاعده سد الباب وطب
"ليش كاعده بهل برد"
ضايجه
التفت مرتبك مدري شبي درت وجهي لتجاه نضره ماكو احد مد ايده بجيبه كلي بابا اني رحت للسيد علمود دراستج كلي هذا خلي تلبس هسه تتوفق وتنجح
استغربت انطاني جيب جلد اسود ملفوف بخيط هم اسود مديت ايدي اخذته "متعوفي تلبسي وتنجحين"
مضورت شعور الفرحه البداخلي بابا يفكر بيه وبدراستي كمت حضنته ضل يمسح على ضهري
كال "فايت انام موتنسين مثل ماكتلج متنزعي نهائياً وتحلي بركبتج واهم شي محد يعرف
" زين بابا شيسوي هذا"
"ينجحج"
ضميته بجيب سترتي عافني وفات طلعته اكلبه بيدي
ضليت اعاين عليه خليته بصفي
شويه وطبيت سبحت وطلعت لبس دشداشه وفوكاها روب قديفه
فاتت اماني بيدها التلفون تبجي صاحت يوم يوم كومي اخذيني
امي نهبطت "شكو حبيبه عليمن هلبجي"
اماني "ولج يوم ريحانه مسويه عمليه وعيونه تكت دمع ضلت تروح وترجع تلوب تريد بس احد يوصلها امي كامت لبست عبايتها وتستفسر منها
ماادري يوم ماادري بس خابرتها امها طلعتلي كالت نايمه من العلاج
انطي صبر لتخبصيني اخابر ام ابراهيم عيب وحدنه واعوف المره متعوفني وراها"
كالت يله خابريها بلعجل "
اخذتها امي ضليت وحدي كمت عزلت البيت طلعت للطرمه
مسحتها من المي فات ستار "اهوووو شكو"
ستار"كولي عاش من شافك مشتاقين"
همست تشتاقلك الكبور "محد بلبيت عوفني وخر مني"
طب افتر وطلع "خوش" كعد على الدجه
صرت نار واني وحدي بس والدي نومه ثكيل "اصيح هسه روح محد بلبيت"
ابن عمج وشكو هيج تاركيج وحدج ماعدهم غيره
"مالك شغل بيه"
فتتت لزمني " سديم ماعدج احساس متحسين بيه "
دفعت ايده "لا حجاره ماعدي احساس"
"والله احبج " بعده يحجي صاح بابا هاي شسوي هنا
فلت وجها يتلعثم اجه بابا وصل يمنه خفت من شفته ابتسم
"شعدك هنا عمي"
ضل يمتمت ها ها اجيت اشوفكم مالكيت احد "
ادخل ابني اشرب وياي جاي خلينه نسولف
طب ستار وجها ليمون
فلتت للمطبخ صاح مناك سدومه بنتي جايج
مااعرف شلون كضه الوقت وديتلهم الجاي ورجعت شويه وطلع فرحان فتت للغرفه
دك جهازي سحبتها شفت رقمه ركضت باوعت الهول غلقته ارجف ماأمن بابا يفوت كعدت حايره
طلعت للطرمه كملت مسح وكعدت
سمعت صوت حسام وزوجته ستوهم نازلين فات مني يمي يضحك ابتسمت
ضربني على علباتي "شسوين هنا عاشكه"
ضحكت "اي عاشكه اخيي"
"كومي لج تتمعشك وينج وين الزلك"
وكفت بصفه شوف اطول منك صرت
جرني جوه جتفه وينج وين جروخج جنن دجاجه
"ههههههه وانت الديج"
الله يطيح حضج غبيه
اكلك هذا بابا صاير حباب
صفن هااا شلون بله
ماادري رفعت اكتافي اشوو احس بي متغير ويانه
شوف حتى جابلي دعاء
فك عيونه سحبه منيدي صااااح خررررب خررررب سكت يتنهد بغضب اخذه وطلع
رغد
بعد السمعته عليمن ذني ماهتميت رحت فرشت اسناني
بدلت الكلبيه ندك الباب
فتحته ارغد بيده صينيه الريوك درت وجهي
"عود زعلان ام شروك تعاي اكلي"
مارديت
كعد صب جاي "كووومي لج"
لدكول ولج ارغد انتبه الكلامك اني مو اختك الصغيره"
هسه عليمن ماده البوز
مااريد لتلح
تعاي شون كيمر وكاهي يفوتج
الف عافيه عفته كعدت امسح مكياج وجهي صدك ضل بخاطري
ضرب الخاشوكه بلصينيه "حتى اني مااكل دفع الصينيه ونزل
بجيت لليل واني كل نفس مالي حتى من صاحوني على الغده مانزلت وهوه ماصعد دز بت اخته اخذتله ملابس
ايام مرت واحد ميحجي ويه الثاني اكعد الصبح ابدل واغسل اعدل نفسي وانزل البيت للعشر يكملن شغل يكعدن ب8
وهنه هواي بسرعه يخلصن وبسرعه يتوصخ ماتحملت الوضعيه سبع ايام البيت مافرغ
متعلمه على هدوء ضليت متوتره وروحي طافره
ماسويت سبعه ومحد ذكرني بيها اصلاً
اخر شي من كد الضغط البداخلي ناس غري عني مااعرف عنهم شي بجيت ساعه واني على بجيه وحده لحد ماورمن عيوني
نفتح الباب غطيت راسي عرفته بدل من فتحت باب الكنتور اجه مدد وشغل التلفزيون
صوت نفسه عالي عده جيبوب انفسيه ينتهي بلشته
كح شويه وكف من طكت رجله فتح الشباك وكف يدخن
شويه وسد الطلاكه كعد على الكرسي مكانه ميغيره يم الشباك
هدء نفسي بعد مابجيت ارتاحيت على كعدته خلص نص الباكيت وخرت الغطه خنكته
دار عليه" لفي راسج ونامي "
تره اني هم اتنفس بلغرفه وانت ترستها هذا الهوه السام "
رفع حاجبه شاكت مارد مو احاجيك
دك جهازه سوالي اشش الجكاره بحلكه طبيعته لو بيده حتى من ياكل يشرب بس من خابره ضل لازمه بأصابعه
رفع الخط ابتسم مجامله يهلي ويمرحب اي اي سيدي اعرف طولت الله يبارك بيك
والله خجلان منك كلامك كافي
والله سيدي مغركني بكرمك
تامر امر حاضر سده وشمره عليه والجكاره بحلكه يكملها
باوعتله اشر اخوج خابر انتضري شويه ويتصل
فكيت عيوني دار وجه ملامحه مو طبيعيه احسه شايل هم مااعرف شنو دك جهازي رفعته طايره وكفت احجي ودموعي تنزل
ياروح اختك وكلبه شلونك
اني زينه مشتاقتلك
والله ميته على شوفتك يروحي
فدوه لهل وجه اي اي اعرف فتحت كام شفته وشهكت
ودموعي تنزل سميت حلكي اخفي شهكتي
بهاء عيونه مغرغره اخويه حنين موشون مكان جنه ابويه بزمانه والله احن من ابويا ماشفت سبحان الغيره
ضليت اسولف وياا ماحسيت من طلع ارغد همزين عدهم نت
سلعه واني مشابعه لحد مكال عده درس هوه كابتن سديته طايره طايره مرتاحه لحد الاخر
باوعت ماهوه عفت الجعاز بمكانه فرشت بلكاع هوه طبعه نحس ميعرف ينام بلكاع رغم جنه بغداد ينام على اعصابه
مددت مرتاحه غفيت ماادري بنفسي حسيت على حركته فتحت عيوني واكف يرتب يملابسه ويخلي بجنطه السفر
كعدت صحت والنعاس بعيوني "وين رايح"
نزل التفتت "ضحك صباح الخير"
صباح النوم كمت لميت شعري صباح النور
االمن هاي الجنطه
"للدوام" فكيت عيني
ارغد تعوفني وحدي"
وين عايفج بشارع غير وسط اهلي "
كعدت ضايجه وكفت مشط لبس خمصله نفخ جر كريم الشعر خله بيده دلكه وزعه على شعره هوه بدون ميحتاج سرح كلبه اليوره
نزل منا ومنا كانو مشسور
رش عطر شال الجنطه تنشال على كتفه
وكفت دنه دنك باسني براسي وخر "عفتلج مصرف بلجرار التحتاجي خلي امي اجيبلج لطلعين وياهم
رغد انتبهي البسج اعرف بيج ممتعوده على لبسنه
ولا اطباعنه بس حاولي الخاطري تعدي هاي الفتره
هزيت راسي ابتعدي عن ضحى شكد متكدرين
رفعت راسي" ليش حبابه وياي"
مالج شغل الاكلج بي سوي امي اسمعي كلامه تره كلبها طيب اذا شوفج مطيعه تكسر وياج مااوصيج بعد
عافني ونزل كعدت مااعرف ليش ضايجه حسيت بخنكه
نزلت بسرعه لكيته واكف يودع امه وابو واخو تميم جان كاعد
نصه من شافني الفت ارغد تنهد فرك وجها كال"سويلي ريوك نزع جنطته وكعد
كتلهم صباح الخير
وجها انكلب هسه نزل مابي شي طبيت للمطبخ حميت الطاوه واكفه اكلي محسيت غير جره شهكت وخرني
دفعني بقوه انردمت بلثلاجه بيده سدباب المطبخ برجله
عيونه نار "انتي تستهزئين بيه مسويتني طرطور هنا
" شبيك "
"شبابه بضلوعج متستحين نازله بهاي خركج"
شنو شبيهم ملابسي هي دشداشه
صك على سنونه
"بابا متحسبين هنا كاعده زلم لو كرونه هاي دشداشه لازكه على ط.... وتفرين بين"
فكيت عيوني غرغرن دمع
سكت دار وجها ياخذ نفس "متستحين والله اذا شفتج مره لاخ بهاي سلابتج اله احركهن صاح يوم
اجت خاله تركض شكووو يمعزه شافتني دارت عليه
احرك روحي سوك شكده شكبره مالكيتي غير ذني جيبيهن كتلج جهزيه مو تعرينيها
ولك شبيك شبيهن هدومها
شبيهن هاي دارني بغداد كلها مبينه دفعته اشهك
" وخر وخر "
عفتها طبيت ركض صعدت كرهته كرهته دخلت ابجي من كلبي قهرني الحقير
ضليت بغرفتي ابجي لحد كابطلت مسحت عيوني افتر
مااعرف شسوي اني وحطيت روحي محاسبه حساب البسي شبيها لوما دشداشه بعد شلبس
فشلني كدام اهله اكيد اخوانه سمعو وسمعت صوت اخو يرزل بي وهوه يصيح ضليت كاعده مانزلت الوحده تموت وذني مالهم دخل بيه طكت روحي
للعصر نزلت خالتي شافتني كالت
"امشي يمه بدلي اخذج وياي"
وين
"للسوك اخذلج كم دشداشه"
عرفت كعدت كتلها "مااروح"
باوعتلي من جوه كصته "شنو مترحين"
خاله اني هذا لبسي ومااشوف بي شي وهوه من جابني يدري بيه اني هذا لبس واصلاّ جنت البس بلجامعه اضيك
شنو الجد الجديد
"تردين سودنين ابني كومي البس اخذج تره طلع وميت امام حلفني اخذلج غير دشدايش واعرض
درت وجهي عفته وصعدت صاحت" عرامه عرامه"
مفتهمت شنو عرامه
مرت الايام احسهن حزب قسمت الشغل وبلشت اشتغل طبيعي صح ممتعوده اتعب بس احسن من كعدت الغرفه
سندس مخطوبه وفاصخه وسناء محد يمشي عليها
الاحضته البنات ابد مو حلوات بس تميم وارغد بيهم حلوين بس ارغد شكله مو يمهم
كلهم اصحاب جسم متروس وضخامه واحدهم حتى اذا ضعيف بس جسمه شوفه موضعيف معصعص لا رشيق
بس ارغد ضعفه جان عضام من سمن بين طوله تميم شكله عادي بس جذاب الرجول طاغيه عليه
شخصيته واضحه بلاخص من شفته ويه خواته حجايته وحده حتى امه تسكت
اليوم مسوين سمج واكفه اسوي زلاطه وسناء تشوي بلمنقله مسويها بره فاتت سعاد ام اسامه وراها بت خالتهم شفتها بعرسي وسن باوعتلي وتعدتني هاي مدري شمسويتلها فتت للهول وراها
جاي اكلها هلو خاله
صاحت سعاد شنو خاله هازه كاروكج
تمام كاعد كلها"شدكلج هلو سعاد وهي بكد بتج "
اي عدي ابنج سميني بسمه
تميم دخل جان يزين "وشنو الفرق"
ها خويه الله يساعدك
كال "ويساعدج شبيج ويه عصفورتنه"
صدك اني انعم وحده بيهم كلهم ماشاء الله زلم ونسوان طولا مره كتلهم شتاكلون متسلق
بيومها تميم فطس ضحك
عفتها صح اني هادئه بس مو فقره سكتت مستحه منهم
دقايق وفاتت وسن وسندس يضحكن كالت خابرني سوده عليه غادي نار للمايخافون ربهم
سندس ردت اي سمعت هوسته الصبح
وسن "شفتي خطيه هديته وكتله موزين على عمرك هي فتره وتمر شكو حارك كلبك"
....... يتبع
كلش كلش تعذروني البارحه اجانه خطار ولتهيت وياهم ولليوم يمي مدري شلون كتبت ايد الهم وايد الزم التلفون
رواية بين الكاف و النون الفصل الرابع وخمسون 54 - بقلم saja altaie95
السلام عليكم
ومساء الخير على عيونكم
كلش اعتذر عن الانقطاع البيت حترك ونزلتلكم صور وراها انشغلنه ترتيب وتنضيف وغير الصبغ وترميم سبوع هوسه بهوسه
وراها اخويه الصغير عده عملية والدي والدتي مشغوليني اني التكفلت بي مراجعه وطبيب وتحاليل وركضه زينه
البارحه سوه العملية اريد بس الحك ارتاح مو اكتب صح
هواي كالو طولتي وموقصه صارت حقكم اني من نفسي ضايجه ومتكئبه من الوضعيه
وصلت بيه اسلمها لغير كاتبه واخلص شوفت عينكم المشاكل تركض وراي تريد تكمشني شنو بيدي اسوي
اني هاي حياتي وهاي المفاجئات تصيري وسبق كتلكم اني هواي اتعرض لضروف
ااكدر بيها اكتب اليحب يستمر وياي ويقدر وضعي والميريد خل يترك القصه تكمل ويقراها لان هاي اخر قصه انزلها واني مكاتبتها كامله
اليوم اكو بارت بس اتاخر البارت مكامل عدي لان احتمال نص اليل انزله وامنيتي الكه وحده مثل طريقة سردي انطيها الاحداث وهيه تكتب تحملوني بس هاي القصه
رواية بين الكاف و النون الفصل الخامس وخمسون 55 - بقلم saja altaie95
بـيـــــن الــكـــــاف والـــنــون
الـســـادس والــخـمـســــــون
«بـقـلـم...ســجـى الـطـائـــي
أحبك يثگل حزني
ي شوغة گل جرح بيه
أحبك وأنته تلچمني
سديم
ايام كضت بين تحضيرات اماني وزواجها شكد حاولت ربى وامي يخلنها تاجل وره امتحانات النهائيه قفلت ماخذه موقف لليوم هي متحاجي والدي مجرد سلام بينهم
صار زواجها بسرعه بسرعه ركضه وهوسه زفتها بسيطه انتهت قصة اماني ايام البيت خالي من صوته الهادء روحه الحلوه رغم تشددها وتنكنكها المايعجبه متسوي
كلشي عدها بي نظام متخربط ابد ماشيه بمنطق زواجها رغم
الكثير يعاتبون شون تاخذ رجال من مرته ميدرون اشهر هوه يتابعها صدفه شافها وزوجته متريده بيناتهم مشاكل واصله للطلاك وضاله علمود جهالها
اماني ايام تفكر وترد ترفض وبعدين ترد شلون اهدم بيته لخد مااجت زوجته وحلفتلها على المصحف ممتوالمين
وهي قابله يله هدئت وهذا كان قرارها عن قناعه
تعبت من ضلم والدي من خوف امي اشوفها كدام عيونها شلون تستر منه م العوز كسرت ضهرها على المكينه في سبيل تكمل جامعتها وتوفر فلوس ملازم وحتياجاتها
شفنه ايام مره ماتنطاق كل خواتي شردن من ضلم والدي بعد ماحسام اخذ الحرز من ايدي يومين هوه مصخن امي وزوجته حارو بي واني كلبي لاجمني شنو بيك ياخويه
نزلت زوجة حسام شافتني دارة وجها عشتو
امي تصلي اشرتلي كومي امي صبي غده اخوج على جيه
كمت حضرت الغده وهاي كاعده تشرب جاي نبت "اريد اروح لهلي وحسام مايرضه تجين وياي"
"منو يخليني امي وحدها مااكدر اعوفها شعجب حسام ميقبل مو ترحين دوم وحدج لو هوه ياخذج"
سحبت باب الثلاجه طلعت تفاحه عضتها تمضغ وتسولف اخوج شاد هليام مدري شبي رفعت ايدها وخرت الردان اباوع بتوت ثنين من ذني المتان صفنت منين جابته سكتت عنها
شافتني مابيه مجال صعدت شلت الصينيه خليتها بعدني احمي الخبز فات تحسين وحسام ضحكت ركضت حضنت تحسين خلاني جوه جتفه
تحسين "شلونج يابه زغرونتنه"
ابتسمت "زينه بشوفتك ليش كاطع ماتجي"
توجه لسنك غسل ايدي"متاني اخيتي تجي تسال عني دكول اخوية ماشايفته مريض بي شي مووو سدوم اخذ المنشفه مبتسم يباوعلي
حسام "هاي بينكم اني مالي دخل مامانعها ولج مواكلج امشي شوفي اخوج وانتي متقبلين شكو صافنه"
تحسين يباوعله مامصدك "تعلمني بيك افهه من اختك صدك يول باوعلي مد ايده بجيبه طلع مثل الحرز تلبسي وبعد اي شي من ابويا متاخذي واذا اضطريتي تشيلي وتغسلين بخل منطيج بطل موو"
سديم "بابا ميقبل يجبرني واني اخاف منه لا يشك بينه"
تحسين "حاولي سايري وحضني روحج مثل ماعلمتج شتقرين قبل متلمسي وقبل متنامين سويها بلايات
القصار حاولي تمشين على النظام الخاله
حسام" يمته ناوي تكله لمن يسويله سالفه ونخسر واحد منكم حاول ويااا تره اني مااتحمله لا افقد اعصابي واذي "
تحسين"اكعد لتسوي شي ولتنسه هذا ابوك اني اكعد وياا الله يهدي يبقه اب مااريد الله يعابينه على سوء معاملتنه "
حسام" من عقلك هوه ابوك هم اب اكو شالفه ماسواها انوب لحك على هاي يريد يحطمها باعمال امه واخوانه"
تحسين"خاي نتحمل تريد اتعارك وياا لو انضربه لتوصل لهل مواصيل حسام تخرب بيناتنه "
حسام" اني مامعارض بس ابوك تماده بافعاله واني اخاف الله ومامحاجي شوفلك حل ويااا وانتي ثوله بعد لتتقربين يمه تره خالج باله يريد صاح تحسين
"عوف عاي السالفه نسدت يله يابه خلي نتغده طبينه لتمينه على الصينيه البيت هدوء حسينه بوحشت اريام واماني
جان ابن اريام مالي البيت وصوتها وضحكت اماني وصوت مكينتها شاغل جزء من الهدوء كملو
شلت الماعين غسلتهن و خليت قوري الجاي على النار صبيتلهم وقدمته دخلت للغرفه كعدت صافنه
والدي يقحط تقحط بلمصرف واني عدي دوام ودراسه احتاج امي يوب ساده العيشه وهم من اخواني مدبرتها
فكيت الكنتور اعاين كلشي يذكرني بخواتي جنه مقسماته
نزلت دمعتي بحزن اطشرنه بلا ذنب كل اليشوف خواتي
يعاتب امي ليش شامرتهن هل شمره ماعدكم خبزه
ميدرون العشناا من ضلم وعوز وقهر وكسرت ضهر خلتنه انشوف الزواج منفذ ينقذنه وكان هذا اكبر مخاوفي للقادم
مصيري مثل مصيرهن لو الزمن ينصفني
صح عشت بضل خواتي واخوتي ماقصر كلةالاحتاجه الكا
كدامي رغم فقر الحال عيشوني ملكه
سديت البيبان على رنت جهازي فززني من صفنتي شلته
نفخت هذا مراح يخلصني موتني هسه الطم شسوي الروحي
سويته صامت ارجف خلصت الرنه واني على وكفتي خايفه مااريد اجازف اهلي ميتفاهمون بهيج سوالف ينهوني حتى مستقبلي يضيع
رحت فتحت الباب باوعت الهول فارغ والبيبان مسدده طبيعتنه حتى بلنهار اذا كلوب منحتاج ضوا نسده
رجعت دخلت امنت محد موجود لازم انهيها وياا رغم الخوف بداخلي كلبت بجهازي ماعدي رصيد شلون حظ
شمرته مددت انام بعدني ستوني اجر الغطه رجع فتحته رساله "سديم سمعيني متخسرين شي ثقي جربيني وشوفي اعرف خايفه ومقدر خوفج وطلع جزء من النص مفقود
حاولت افتح الرساله اكثر من مره ماكو نصها مفقود كعدت حايره لا لا مااورط روحي لازم اخصمها رجعت الحالة الخوف العشتة وياا سلام عشت ايام رعب لا انكشف شو لعبت نفسي
دكيت بلكت يطلع يمه ترميشه ماكو رصيد مخلص سديتة
اباوع اقل الدقيقه اشو دك اجاني شعور مااعرف كلبي دك وية رنت الجهاز سحبت نفس اصحي سديم
مخسرانه شي اخصميها ولا اعيش بهذا الخوف ميجبرني هوه
رفعته كلبي يرجف متوتره وارتباك فضيع جاوبت الووو
صوتي راح تحمحمت مااعرف شكول شورطت نفسي
_ شلونج
نعمه زينه
_مرتاحه
الحمدالله
_عساج دووم مرتاحه وماخذه راحتي
شنو
_مرتاحه وماخذه راحتي
سمعت بس مافهمت
_ششوفين سديم اني ملعب
مدري يجوز
_حقج سكت يسحب نفس اريد تسمعيني
اممم
_شنو
يعني اسمع كول
_اريد اتعرف عليج
مااكدر
_ليش متكدرين مراح اثر عليج بلتحبي اكون وياج اني هم اخاف عليج وشيلت امي
لا لا عفيه اني مو من ذني البنات جاوبت علمود ننهي هذا الشي مااريد افقد ثقت اهلي تره عدي اخون بس يشوفون شي مني يبطلوني
_منين يعرفون سديم تعرفين شني واحد ماينام ليله اعاين وصوتج بالي سنتين وانتي معشعشة بالي
شدعوه ذاك اليوم عرفتك
_بت الحلو ذاك اليوم المعهد سنه وهاي نوبت سنه
لا سنه وحده معهد وهسه جامعه لا تجذب
_ ولج منو يجذب
سكتت شلون جفصه هااا اقصد مو سنتين سنه وحده
سكت كال "من شنو متردد اشوفج خايفه"
كمت افتر اهلي واخواني وخواتي يذبحني عفيه بعد لدك
_على كيفج اخذي نفس هاي هيه لا ترجفين
كعدت متوتره صدك ارجف خوف بس الفكره تموتني
_عليش هيج خايفه حكج بلاتامري مااخابرج هاي هيه مشوفين رقمي تردين بس بلجامعه اشوفج
لا لا لتتقربلي بلجامعه كلهم يعرفوني
_يابه شبيج شمسويلج بت الحلوه سديم مال اعوفج مااعوفج افهمي عليه انه ماعولت احصلج مااتركج
ضليت متردد ساكت حاير من رجفتي اكل بضافيري
ساكت مأيس من ردي واني فطيرة حتى مااعرف افكر
_زين انطيني فرصه كالها بترجي لمس الصدق بكلماته حيرني فوك حيرتي
سكت نفسه بلسماعه عضيت شفتي كال سديم اضنج ماتعرفيني انه مو ابن مدلل اجيت للدنيا وبحلكه خاشوكه من ذهب لا نحفر الصخر بيدينه
عمري مو يم عقلي ولا شخصيتي لان عشت بلوعه سحب نفس مترد
مااريد ادوخج بيه اريدج تعرفين من حكج كدام عيني اشوف خواتي بيج فلا ضنين اخون الثقه ولا اتركج مادامج بت اصول العيبه ماتطلع منج اخليج تاج على راسي
فكري زين مخسرانه ان جان شفتي من قصور حكج ذاك الوكت لو عفتين مااستاهلج اعوفج واتمنالج الخير
لا سكتين من ضحكتج الرنانه عرفتج فطيره وهذا العلكني بيج اخذي كامل وقت ولا تتهاونين بمشاعري لان وكتخا تخسريني
لا تغدريني بيوم لان اولها شرط اخرها نور ان شفت منج شي مايرضيني هناا نتخارب ومااعوفج اذا مااضوكج المر
خنست هذا شبي نهد بيه كال ردي وريحيني شكول وانت تهدد بيه
_لا افا انه مااهدد انبه والشور شورج
يعني شنو
_يابت يعني فكري والجواب عايدلج ولو اني اعرف بجوابج بس نكول اتركج تفكرين وبلتامرين بي اني حاضر
سكتت
_هاا استبينه
ماشي
_ماشيات وكاشيات وصبابه يله عزيزتي اترخص
الله معاك
سده واني مسطوره هذا شنو لسانه واني شبيه مااعرف احجي على كولته بس ضحكين وهاي طبيعتي وجهي يضحك ودمي يلعب على كولت امي
نمت بعمق وفكري يشتغل حتى احلامي بكلامه فزيت على حركه حسيت شخص جر شعري بخفه
شلت راسي اماني طفرت مامصدكه حضنتها بوستني وخرت
"صح النوم عروس"
ضحكت "انتي العروس صدك حليانه اخيتي غمزتلها العرش طايحلج مبين منشنشج"
دمغتني على راسي "كومي لج عود هيه تحجي الماتستحي"
كمت لميت شعري كعدت اماني لفت عابيتها على صفحه لابسه فستان طويل جان مودته جوا بدي يلبس وهيه منا رشيقه لايكلها فلت ربطتها جرجيت تسرسحت على متنها
دارت وجها ويه مالافت بينن اثار بركبتها ضحكت امي مكابلتها سولف وياها وهي تلف بملابسها خلتهن وراها
امي تسالها على زوجها وشريجتها واطفاله همست الحمدالله نعمه يوم لتشيلين هم زينين
امي"شلونه ام مصطفى وياج خوما تغار علية ولو هيه حقه بس يمه انتي هم كبري عقلج تبقه هي الاوله "
اماني "لتشيلين هم الايام مقسمها بينه وهي هم مالها خلك متنازله عنه"
امي"شعجب يمه اكو مره تتنازل على زوجها"
اماني "حرام اشيل غيبتها هي مقتنعه ومكتفية وابو مصطفى ممقصر يوم مالي شغل بينهم مرة ورجال يروحلها ومتريده
شيسوي اكثر"
امي "ولج اخافن لان اخذج يمه هي ششوفيها زينه"
اماني "غرييه ماتنعرف واني الله شاهد عليه مامانعته منها بلعكس مقدره موقفها
كعدت بينهن "يعني شنو سولفلي هم تتكافشن عليه"
باوعت بطرف عينها"مو اكول صايره عدج سويلفات موحلوه
كومي عوفي غزيلاتج لا يشيطننج وتفتحين عينج على مالات اكبر منج"
سديم "اووو هم نفس الموال تره اصير ثاني جامعه مو زغيره ولا ماافهم بس انتن الله يهديجن ناشبات وياي واذا سمعت هم من ازوج اسويهن كلهن وشرط اني الابدي
صاحت اماني ياااااا واني طفرت دهر فر راسج ياادبسزز
ياهيه سويهن طايحة الحظ ادور منا ومنا كلت افلت راح انكتل طفرت وراي وهي تغلط قرب نعال لزمته
ركض وتركض وراي من غرفة الغرفه صااايره ماكو مستحه ولا خجل هاي من يمته انتي هيج مفلفله سديمه صخاااام
اكضج واني اطفر بروحي اريد اختل وكفت بلطرفه وهي باب المطبخ
وكفت الهث" باعي بس اوكفي افهم مااقصد هيج ادري عيب انتي فاهمتني غلط اني شمعرفني على شنو تحجين
نزلت ايدها تباوعلي مقنصه عيونها اعرف نضرتها مال وحده مامصدكه "اي دادا وانتي شنو تقصدين تقربي وسولفي لا ضلين شارده مثل الفاره"
اي هاي اني واكفه وقريب واني بلاصل بينه خمس امتار "انتي مو دكولين البنيه لازم تتوعه على كلشي واني اتوعه منجن اتعلم واستفاد"
وانتي ماافهمتي قصدي اله بذيج السالفه
_هاا ياسالفه ثولتها
نفخت بنفاذ صبر باعي سديم فكي اذنج وتادبي وركز بدراستج تره عيونج اسدهن الج الغيهن اخليج عميه
وتهبدين سوالف الادبسزيات بطليهن ذبت النعال من
ايدها وتخاز بيه
تبلعمت اجاك الموت بله جيب اليقنعها "اماني تره اني جبيره واعرف شيصير بين المزوجين هي شيرادلها فد معضله جكت ابره شكو معضمات الشي شبيجن تتراجفن عياره
عود اكحلها عميتها مااحسه غير الرشاش اشتغل كفختني اتكفخ ادبسزز حقيره خوش متعمله طياح حض مو صوجج
صوج الحماره العافتج عبالي ادميه
تخرط واني فلتت من ايدها كبل للصاله صاحت ولج سديم اطلعي وتعض مصابعها باب الصاله حديد وبي جام قفلته طلعتلها لساني وايد على راسي افرك بي وهي تخرط بخودها كعدت الهث مخبله مو اخت
ادردم وية روحي ماادري صوتي مسموع شكوو بس هي مزوجه ياهوه المايعرف سوالفهم المكحله
غميت روحي امداي شحجاني كدام المعقده
كال اي والله امداج خنست التفتت فازه واحد كاعد
كلبي كش اصفصفت من شفته كتله شعليك
عكد حواجبه بسرعه استوعبت خليت ايدي على حلكي وطلعت اركض اماني بلهول جرتني
" فلك طرني شافج لو لا
هذا شيسوي هنا خنسني
"شحجيتي ويااا سديم صايره شوكحاتج
اني شعليه ماادري بي بلصاله غير تحجين انتي تنبهيني اكو شخص بلصاله
اجت تضريني شردة للغرفه ضلت اماني طول جيتها يمنه ترزل صفنت هذا الولد شايفته مااذكر وين
مددت وفكري صار بقصي حيل متردده حسيت بكلامه صادق وياي نبرته بيه حنية وقوه
يومين واكفه اكلي كباب محد بلبيت بس والدي وامي اسويلهم عشه اريام اجت الصبح للعصر اخذها زوجها
اموت قهر من اشوف هي وين وزوجها وين
عشر دقايق وكبت العيطه طفية النار ركضت وكفت بلباب الداخلي للصاله امي والدي
امي" منين اجيب يارجال خلي الله بين عيونك مصرف وغاز واكل وزايده وناقصه اني رجال البيت "
والدي" ماعدي غير ذني ماازيد ولا ربع دبري روحج بيهن شوفي ولدي الخيخه ينطوج مو بس اسمي عدي زلم وكلشي
مامحصل منهم "
امي "مامقصرين تحسين جهال وبيت وفوكها يصرف على بيت اهل زوجته امها واختها وشايل ايجار بيتهم ويركض وره العيشه وحسام شوفت عينك يادوب مدبر هاي المفجوعه"
والدي "شتردين منهن انت ليش باطله وكتخافين ربج شعليج
ترديهم يكابلوج ويحطون بحلكج"
امي سكتت شافني صاح "متبطلين شكو مجبله بلكلية هاي هيه عرفتي تكتبين وتقرين
رجف كلبي امي كالت مالك شغل بيها
والدي" منو يصرف عليها "
انت مصارف دينار كلها مني عوف البت
صاح لا اشوو تبطل اشوف زلمه اليطلع وراها تكعد بلبيت وتنجب
امي "شعليك منها ماماذيتك لا بصرف ولا بحجاية شوكت ماتطلب منك عود الك حق تحاسب
صار مصايح بيهن
هنا نهاريت طبيت للغرفه اناشغ راح مستقبلي وين انطي وجهي اذا سواها صدك والله بعد حتى مااصرف بس يعوفني
ضليت ابجي ساعات واني عازل روحي وكرفصه على نفسي
جبت عمري ماطالبه منه ولا اذكر فديوم صارف عليه
اماني كانت متكفله من غير اخواني ينطوني مصرف المه
والله مستعده اخيط واطلع فلوس ولا يبطلني
اي اي اتوسل بيه يعوفني اكمل بين دموعي وشهكتي رن جهازي
شلته قصي دست صامت شمرته ضليت اكل بروحي ابويا اعرفه يبطلني ومايرفله جفن اكو اب يشوي سحر لبناته
هوه ابويا
اكو اب بته تجي زعلانه من زوجها لان ضاربها سكوم هوه يضربها مره ثانيه هو ابويا
اكو اب سطعن بناته هذا ابويا عيشنه معانات الفقد محاسين بوجوده اصلان وجوده نقمه عذاب غير الفقر والعوز
سنين تحملنا شني جرعنه الذل في سبيل نعيش نمت بشهكتي ذبيت روحي محسيت غير على ونه جهاز
فتحت خط بدون مااشوف منو
كلت الو واني بعز نومي
" صباح الخير "
_منو
"هاي بعدج نايمه"
_امممم
"اخخخخ صحصحي ارد احاجيج"
كوه احجي اريد بس انام احس روحي بحلم "قصي حباب عوفني نايمه"
"يروح قصي نامي بعد عمري ردي نامي بس من تكعدين رمشيلي ارد احاجيج بسالوفه"
سكت غطيت بنوم بعد مااعرف شحجه شكد نمت
كعدت على صوت امي " سديم شو يوم اكعدي عاونيني بيت عمج يمنه "
فتحت عيوني اسمع صوتهم امي شافتني فكيت عيوني طلعت عقجت وجهي شجابهم ذوله
تمغطت شكد الوقت اباوع ب11الصبح عاااا شكد نايمه من البارحه ب10 كفيت الخطه
كمت تمطيت جسمي مكسر طفرت للمرايه شلت شعري ذيل حصان كذلتي نزلت طلعت للهول مرت عمي ام نعمه
ومأثر وبته الجبير المزوجه
ماثر ايدها لحد الان معوقه الكف مطبوك علة المعصم مالها علاج سلمت على بيبي وعليهم طبيت اغسل وجهي امي واكفه على الطباخ تركب
طبيت للمطبخ اعاونه واتريك صار بوجهي ستار شافني ضحك ضحكته من الاذان للاذان درت وجهي كاشه نفسي منه
كال"ماسلمين شمالج متعرفين "
اعرف بس مجاي على بالي اسلم امي خزرتني سكتت
رد يتوعدلي اهااا بسيطه ايامج كربت
ريحانه
دخلت اماني وامهت وام ابراهيم وبنيه شلت نفسي انتجيت ركضت حضنتني صديقتي واختي الماجابتها امي تبوسني وعيونها تجري
وخرت تباوع بوجهي "ولج كافي مابيه شي"
اماني "وكعتي كلبي شلون وكعتي هيج طيحه تفتح صفحتج"
وخرت امها بوستني وام ابراهيم
كعدتهن امي
اماني بصفي كعدت تستفسر سولفتلها هم وجها نكلب احمر لزمت ايدها"تخوف اماني هاي شريره فدوه لا تحجين شي كدام امي محد يصدك تريد تاذيني ومتعمده
كلهم بالي اني رجعت الحالتي هلوني اشك بنفسي اتخيل لو تخبلت كمت احاجي نفسي
اماني "لسكتين شبيها امج ابوج ميشوفون السوي بيج اخخخ لو يمي اله شرب مندمها العايقه عوفي اهلج خابري خالج مازن مو دكولين يحبج ومربيج هوه وجدج
ريحانه" مااريد فدوه اماني اخاف من المشاكل والله اموت اذا صار شي بسببي اخويا متعرفي كلشي ولا زوجته وابنه
حتى على بابا مايسكت "
اماني "الحل ضلين هيج عايشه بخوف وهي سوي بيج اليعجبه مستغله ضعفج لتنطيها مجال لتحجين شي بس لتسكتيلها بنفس الوقت بينيلها قوتج هاي تعرف بيج
جبانه وتخافين"
سكتت اماني معافتني طول اةكعده هي سولف وياي وتقنعني واني عقلي رافض
انتبهة على البنيه شكد حلوه
ام ابراهيم سولف امي كالتلها هاي الحليوه منو مشايفتها وياج من كبل
ام ابراهيم "يادادا هاي جنتي هم سوينه عرسهم على السريع ركض ركض مالحكنه نعزم"
امي "ياصلاوات على محمد صدقه بلمبارك حبيبه شايفين كل خير "
صفنت كوه اجر النفس يعني زوج هاي هيه صارت صدك عيوني مفاركتها تفصيله تفصيله اباوعلها اماني
تنك براسي على تكتم واني حايره بكلبي
حسيت روحي راح اوكع اريد اختفي دقايق بس مرن دهر عليه عيوني دمعن
مقاصره جمال البنيه ملامحها حلوه خدود مرفوعه العيون دوائر ولونها مامعروق الخشم متناسق مدبب بياضها مو ناصع بس صافي الحواجب مجرورات ملامحها برئىه بجمال رباني
حسيت كلبي اشتعل نار
كامت امي طبت ورجعت بيدها هدية الزواج اماني تسولف وياي واني مو يمها فصلت حسيت بحركه عمري ماانساها
ماطلو طلعو ويتحمدلوي البنيه تقربت كالت "عدج العافيه حبيبتي اوووي شلون حملتي الالم دنكت باستني وخرت
كوه سيطرت على نفسي اماني طلعت وعينه عليه حست بخربطتي سدت الباب امي وراهم
مددت راسي على المخده صافنه بلسكف نزلن دموعي حررتهن بالم سويت بروحي شجابني عليك
علت شهكتي والله نار تاكل بيه ليش هيج ايصير سويت
شنو ذنبي كلبي يوجعني شنو فرقي عن البنات والله
مخالفت اهلي ولا ركضت وره كلبي
اي حبيت واعترف بس مسويت شي غلط ولا حرام كلبي
نضيف مشاعري حتفظت بيه حسبت للسنين الجاي
مااريد احد يعيرني ولا ردت ارتكب ذنب واني مخالفه اهلي وربي ويكولون بت السيد محمد عدها علاقه
ردت كلشي برضاتهم ايام مرت واني الالم بروحي حتى نفسي نسدت عايشه على مي والعلاج حالتي انتكست
هبوط بلضغط صار عدي اغماء مغذيات وسيد مصطفى حاير بوضعي واني وجهي ضامته منه حرام والله حرام على ذمته وافكر بغيره
واكف صافن بحالتي تقرب شاف دمعتي تلالي ومنصيه وجهي خجلانه ومااريد اراوي خلقتي كعد قريب مني
المغذي بيدي وجهي شاحب حتى الحجاب نازل من راسي
مامهتمه االالم بروح
يهز برجله التفت ناحيتي رفعت نضري مابيك عيب العيب بيه
حس عليه وجها بيضوي معانيه رجوليه بجمال فارسي
بلفعل جده ابو امه ايراني الاصل بس عاش بلعراق كال"بويا شبيج بيج وماذبلين اخذج ونطلع كلنه لمعصومه هناك يم بيت عمي هم علاج وهم زياره شدكولين "
"مااريد هيج مرتاحه"
_شوفي حالج منتهيه مااتحمل اشوفك هل وضع يله يابه كومي افتري لضلين كاعده حالتج ازيد جرحج ملتام "
دنك ساكته ايدي البيها الكانونه لزمها رفعت نضري ابتسم
شالها باسها وضل لازمها محسيت باي شي
"العلقني بي خجلج وحمرت خدودج وكعني واني المااوكع
ايام ليلي ماانامه ورزانتج وعباتج اتلالي بسوادها اكول هم يجي يوم اتوسد ضلها واصير حليلتي وام بيتي
يله بويا شو كومي لزم ايدي قربني صرت بحضنه كوميني وكفت اتمايل مامتوازنه" دايخه "
"اصير مماكل مو حكج ناويه صومين صاح حجيه ام رضا
اجت ماما بجادرها" ها يمه صلاوات اي تحركي يمه اخذتني منه تمشيني على كيف طبيت للحمام حضرتلي ملابس
رادت تسبحني ماقبلت تيبت الجرح لفيته سبحت على كيف
ارتاحيت مو وصخه بس لان الجرح اخاف منه قللت سبح
طلعت لافه راسي بلخاولي بابا واكف كال"ياالله فوتي بابا غرفتج نشفي شعرج ولبسي على راسج شي وتعالي خطيبج بلصاله "
افتهمت عليه دخلت للغرفه من وكعتي مداخلتلها ماما منضفتها غمضت عيوني كل زوايه الي بيها ذكره
وكفت رطبت شعري بزيت خفيف مياثر نعمته وضفرته زخرت الخاولي شريتة اخذت شالي جرجيت لبسته ودنبسته مشيتي مامتوازنه بعدني اتالم لزمت الحايط اتجه عليه
وصلت للصاله سمعت سوالفهم سيد مصطفى يقنع والدي على السفر دخلت ساعه وكام مترخص
يومين مناسيه عايشه بحزن اكل بروحي كلبي شكده صاير صابره هاي قسمتي مامعترضه بس مكادره انه
تعرفون شنو اول دكة كلب هوه فتحت عيني على مشاعره هوه حسسني بشخصيت عشت كل عمري محاسه بقيمتي
والي كياني
كنت بس انفذ بدون محد يسالني هذا تحبي تردي يعجبج ميعجبج حتى اللبس كان اختيارهم
اشفت من حياتي محسيت حالي حال البنات
مشت ايامي هج وضعي تحسن رضا يصعد ينزل ساكت بس زين وياي من شاف وضعي ضل يتحسر
مااعرف وضعه شبي ساكت عن زوجته صلات واني كاعده
كعدت على صوت امي وبابا طب بيده مسواك كاعده بلهول
وكفت صبحت عليهم
"صباح العافيه"
شكو ماما ليش هلكد مسوكين
"بيت جدج جايين بلطريق
ضحكت" عززز صدك ماما ضحكت على فرحتي بابا تقرب جر راسي باسني "معزتج جبيره يبوي ماتوقعت هي يصير بحالي واني الكفج والدم تارسج راحت والله سترنه وردج متعافيه
نصيت فرحانه دخل ليجوه ضليت ويا ماما رغم الالم يروح ويرجع لهيت روحي من الفرحه نسيت جرحي
حضرنه الباجه ماما نضفتها وطبخته اني لزمت الزلايط والخضره عصاير
ساعتين وحضرت الكيكه ماما خلتها بلفرن اشتغل واني كاعده اضحك طايره بيهم
قريب اذان الضهر كمت طبيت بدلت ملابسي ورجعت للمطبخ كعدت على الكرسي اشيف بلخيار ملتهيه امي طلعت تنضف الطرمه
البيت نضيف مرتب خلت بخور على المبخره ساعه واني ايدي تشتغل ندك الباب ماما طبت جرت حجابه طلع بابا من باب الهول" يمكن بيت عمي "
امي "دشوفهم ياعيني"
طلع بابا فتح الباب اسمع صوت جدو رفرف كلبي تمشيت طلعت شافني ضحك "ثنينه عليلين لابس نضارات سود كبار مغطيات عيونه بسبب العمليه
بسته جرني باس راسي حضنته ضحك بخفه"عزيزت جده شلون بويه كالو عطلانه كتلهم هسه بس شوف جدها تصحه"
"اي جدوو شوف اشرتله على صفحتي"
"الحمدالله على سلامتج عدت يبويه شوفتج على طولج كافيه"
ندرايت بيبي بستها وراها خالو مازن اخرشي سكينه طرت طيور ركضت حضنتها وهيه تبوس بوجهي وعيونها مغرغره كوه ساكته" طلعتي عزيزه يلجلبه "
ضحكت شعبالج "
امشي امشي حقيره وكعتي كلبي كلت اخيتي راحت مني بعد مااشوفها بجت "
"لا الحمدالله عدت ولج مفاوله عليه تعالي ندخل"
بيومها جانت فرحتي ماتنوصف بشوفتهم كربت بينهم ربيت على ايديهم متعلقه بيهم
لليل فضت الهوسه فرشت السكينه وجهالها يمي بلغرفه
خالو وبابا وجدو بلصاله
ماما وبيبي بغرفتهم رضا اجه متاخر
طبيت للغرفه سكينه ترضع بتها رفعت راسها"هاا اجه الشفيه "
"عوفي سكينه حبابه تره ماينجرع صاير لا نوب يجاوز عليج وانتي ماتتحملين حجايه منه"
عوجت حلكه"هوه بي خير اخوج بس نفخ اذا ابزه يفش امشي جيبلينه شي حركي للشفيه
معليه منه لا يرزلني هسه
باوعتلي بطرف عينه شالت بتها خلته بصفها على فراشها
"دمشي ولج كليله سكينه دزتني يااجبنج ولج شكوو ياكلج لتخليني اكوم اكتلج لعبالج اكول مسويه عمليه اخبزج خبز"
ريحانه"فكيني منه فدوه هسه ابجي "
سكتت طلعت اسمعها تلعلع"هاا عيني ابو عباس شلونك "
رضا "هلا سكينه شلونج شنو متغيره"
سكينه"شتريد اضل على حالي شو وينها مرتك ماهي "
سحب نفس "يم اهلها استاذ علي شلونه ماشايفه"
سكينه"علي ملتهي حوزه ودراسه يريد يقدم على الدكتورا "
خالو كال "رجلج بطرانه شعدها بهل دوخه"
سكينه"لا يابه اني اكله كمل احسن مضال يكضي يومه هنا وهنا ومجالس "
رضا "وله عمي متغير استاذ علي صاير احوال بعد الزواج"
سكينه"ماكو واحد يضل على حاله اكو يصير امير واكو يصير حمير وشوفت عينك "
عضيت شفتي بلشت سكينه ضحك رضا مايعرف قصدها
جدي صاح يله بويا شوفي جهالج عرفت جدو حس طبت دردم تنطع اكبر واحد فرق بينها وبين زوجها فرق السما عن الكاع
هوه هادء ورزن انسان واعي ماله صوت وهي خبال وهو مكيف على خبالها ميت عليها رغم تغار عليه من خياله
ويوميه كابه بينهم يخليها دكب للستار كتله "ليش جذبين شوكت انتي تكفين علي يكمل دراسه"
"شعبالج اكلها اغار علي الاجلح"
شكو بيها
"بنتي لصيرين ثوله اني صح اغار عليه ومااحب يدرس بلجامعه بس بنفس الوقت ماانطي بلساهل استوه على نار هادئه
صفنت" شلون يعني "
باعي هوه علي طبيعته يحب الدراسه ماامنعه منها بلعكس اتنومس بي بس مو على حسابي
كلشي امشي بحساب من اشوفها يغط بحجة الدراسه ماانتضره بلباب واتعارك واهوس وعدك وعدك لا
الف راسي وانام اطلعها بعدين من نكعد ابلش اشتغله
على البارد اول فرصة تجين اضربه بيها هوه فاهمني
ويعرف اسلوبي ماابيله اني ميته علي ومااعيش من دونه صح احبه حب موطبيعي بس مو على حساب نفسي
وحده بوحده بس بتاني مو بستعجال وخبال
وهوه الرجال يتخبل بلاعم كل الزلم كلشي ولا تهملي هناا
دكليله مااعبرك اني هنا ادك على الوتر
اجهز نفسي واركض اشسور واحضر وبلاخير الف راسي وانام يجي يلكاني عروس بس منطيته ط... ي تعرفين
شنو احساسه مال يشيلني ويدفني ولا هيج اسوي
يوم يومين بس بلنار عادي اسولف طبيعي بس مااتعمق
لحد مااخلي يسولف ويه نفسه ويراجع حسابته شمسوي واني هيج اصرف ويااا هنا تكون القاضيه
وابدي اصفي حسابي
"ولج انتي داهيه ولا مبين عليج زين من الرجال ومتحملج"
"عشتوو وين يلكه مثلي"
"وهاي خبالج ومشاكلج وياا"
خايبه الحياة ماتمشي بله هذا الخبال نسميهن كرزات عبالج نتعارك على هيج امور لا بس اني مااكعد حياتي عباره عن اكشن يوميه مقلب وهوه يتخبل يطردني لهلي
سولفي بعد شسويله يمعزايا
"ولج هوه يستفزني اني شلون اضربه اكعد اخطط والشياطين دكمز كدامي وهي تجي وحده
يومين مرن محسيت بيهن تمنيت يضلون اكثر بيوم القررو يرحون كعدنه من الصبح
للغده تغدو وكملو وشربو جاي كلنه ملتمين جدي كال" متجيب مرتك ابني شوف امك وحده تفتر واختك مريضه وكت تسياره"
وجه كلامه لخويه
رضا مدنك كال"ان شاءالله هليام اجيبها"
امي كالت"احجيله الجدك يوم بلكت يرجعها يعني تكتم تزعل من ريحانه وانت تعرف اختك فقيره ومحد بينه مأذيها"
جدي"شبيها بت صخماء اني اعرف بزرها عليها شمسويه"
رضا"لا جدي شعليها تكتم صار خلاف بينها وبين ريحانه واخذت على خاطره سهله باجر عكبه رايحلها"
امي "ماترد مو خابرتها قبل جم يومي نصبتلي مناحه والله يابه محد يمهم ولا النه شغل بيها على راحتها"
جدي "اني افتهم منا جدي شبيها وياج ليش متلاغيات"
باوعلي رضا مقابل "لا جدو ممتلاغين ماادري اني من وكعت مااعرف هي دفعتني اني زلكت تاهت عليه"
جدي"هاا وهي عبالها تاهمتها "
سكينه نبت"لا جدي هي تكتم دافعتها على الباب متقصده انتي ليش ضمين شكو راح ياخذون راسج فكيت عيوني عضيتلها شفتي
"شكو تغامزين وترامزين لو ماالله شكفج جان رحتي بيها من وره رعونية تكتم"
رضا صاح"سالمين بت خالي شهل حجي"
سكينه"مجذبه مرتك مو رعنه هاي اختك كدامك وصلت الموت ليش لان حضرتها مغثوثه من ريحانه كومي ودفعيها بكل قوتها متحسب شكو وراها وشكت بطنها "
التفتلي"ولج صح هل حجي شدكول سكينه متقصده دفعج "
خفت من صوته جدي كال"لا صيح ابني شبيك ماتتحمل
لا تخافين جدي تكتم دافعتج متعمده لو بدون قصد "
ابويا صافن بوجهي مستغرب اكلت طن خوف ضليت ساكته
سكينه"ماتحجين لصيرين خوثه التفتت الجدي وبابا تره مو اول مره تكتم هيج تعاملها اكثر من موقف بينهم وكل دكها ومدكوكها شنو ترفضين الشفيه اخوها الدكتور مسلم "
هناا اجيت اموت كملت حجي لو اني احجي كل العندي شكو سالفه سوتها حتى الترشرش نصاص اليالي
امي كالت "يا ترشرش شكو يمه سكينه حبيبه شو سكتي"
سكينه نترت بغضب "ليش اسكت عمه انت كم بنيه عدج عشره مشوفيها ليش مغمضه عن جنتج ماتشوفين اعمالها مو طحتي وتكسرتي وهسه انتي سكط وين طحتي
مو باب غرفت ريحانه بلمي والله شكفج وكمتي على حيلج
عاطت ماتحجين كم مره ريحانه تطلع اشوفها ترش بلحديقه وبلطرمه
ماشفتي دعابل الناثرتهن عاطت ماتحجين تخورستي لو لزمتي لسانج
رضا عاط بيها" بسج محترمج لان بيتي مااقبل جيبين طاري مرتي مرتي مو سحاره ريحانه مخبله وتتخيل وينها وين السحر هلمره اعديها الخاطر جدي وبيبي ولخاطر ابوج مرة لاخ ادوس راسج "
سكينه"تايهتلك ودوس راسي منو انت ودوسني روح شوف اعمال مرتك يله جاي تبيع مراجل براسي
بعدها مامكمله طفر رضا كام خالي لزمه يريد يضربها فتحت عيونها
صاح جدي "متستحون والله والنعم كاعدين كدامك وانت بله خجل واكفين تاكلون بعض اكعدو
رضا كال جدي
صاح اكعددددد باوعلي جدي هذا الكلام بي هدم بيوت وكص ركاب جدي الكالته بت خالج صحيح
العيون كلها متوجها عليه
......... يتبع
رواية بين الكاف و النون الفصل السادس وخمسون 56 - بقلم saja altaie95
بـيـــــن الـكـــاف والـنـــون
الـســابـع والخـمـســـــون
«ســــجـى الـطـــائــي
و ذاك من ذاك
اليحط گلبة اعلى چفة
ويمسح بآخر نزف وجه المدينة
ريحانه
مثل محاكمة متهم مغلق وسط قضبان الاهل الكل يباوعلي بنضرات متفرقه بين اليريد يكذب السمعته اذانهم من اعترافات سكينه
حسيت برهبه وخوف واني اشوف الاستغراب بوجوهم
محد مصدك عيوني تتنقل ببنهم سكينه خلتهم ناس صافنه
بوجه بعض
ابويا "بتي شهل حجي هاي بت عمتج ميصير ضنين ان بعض الضن اثم بويا شجابها على الاعمال الشيطانيه وهي بوسطنه
عوفي هاي الاوهام وتعوذي من بليسج"
جدي "سكينه هذا حجيج بي هجمان بيت ابن عمتج وبت عمتج جدي ان جان غل دفين بينجن استهدي بلرحمان
وعوفي هاي الامور وانتو اهل لا دخلون الشيطان بينكم"
ابويا "اني اكول هاي غيرة بنات انت بويا اسكت"
رضا"حجي اسطت وهي تاهمه مرتي تهمه تهز العرش وين شايفتها سوي سحر حتى هناك ادزها وياكم واصله للنجف يوم احجيلج كلمه تكتم شايف عليه شي مو زين "
امي "لا يمه البت حالها حالنه تشتغل ومامقصره بشي"
رضا التفت السكينه بعصبيه"تهجمين بيتي بيش ضارج يمج تكتم مااصور بينجن شي"
سكينه"ليغركم الوجه الحسن والسان العسل مرتك شيطان بوجه بشر تاكلكم وانتو عدلين واذا متخبل واحد بيكم متعوفكم هاي داخله على طمع وانتقام "
صاح رضا "ياهو مالتج شاايف عليه جدي كوه متحملها الخاطركم بعلي اكوم ادفنها
جدي صاح بصوت هزنه هز سكينه
سكينه ماهتزت كالت جدي مقامك على راسي بس انتو مشوفون بعيونكم وهاي اشرت عليه تاليتها مو خوش تاليه
اذا ضليتو بهذا حجيكم شوفوها شوفوها جدي
انت مو تعرف الانسان اذا كان متلبس مو انت بس دخلنه لبيت خالتي كلبك نقبض وكلت البيت مسكون بس من تجي للحقيقه كلكم سكتون
بجدي" بابا لا تضنين ضن سوء وانتي جاي تفترين ملازمه بيدج شي ماعدج دليل بتي ميصير نحجي مجرد شاكين
هاي حيات بشر واستقرار عائله نهدمه بسبب حقدنه
جحضت عيونه "مصدكوني واعرف بيكم كلكم تدرون خالتي وبتها واعمالهن علم صاير بلولايه كلها على صعيد.... بس احلفكم بجدي الحسين انصفو ريحانه هاي راح ضيع
التفتلي جدي كال" سكينه سدي حلكج لا اكوم اكسرج بلعصه
سكتت تفور ماهمه رضا كاعد على نار يريد بس يلزم سكينه ويذبخا وما يشفي غليله لو امي صارت حمر متكدر تحجي بوجود جدي
كال جدي "بتي تعرفين ولا رمي الناس بلمحصانت على ذنب عظيم يهز الكون وانتي انسانه متقيه ومومنه واني واثق بمصداقيتج
الكلام الكالته سكينه صحيح
طفر رضا"احجي كلشي ولا جذبين ريحانه اذبحجن بيدي وماايشفي غليلي منجن احجي بدون جذب ولف ودوران
شال عصاته ودفعه بيها اكعد لا اطافر جدامي خل افتهم من البت كال جدي صاح عليه اشسش اكعد وخلنه نفتهم مثل ماهيه حرمتك هاي اختك
اندار كال احجي جدي اشفتي على زوجت اخوج
بساعتها الموت اهون الي لزمتني رهبه شكللهم اشوفها بعين من ترشرش بلبيت لو نزلاتها نص اليل ومخابراتها
رضا يذبحني وميرفله جفن اصير بيها مذابح محد يسكت
كلبي يدك سريع سويت روحي نزلن دموعي
كتله جدي اني زينه ومااريد اخسر اخويا وزوجته واحنه اهل سدو الموضوع اني مسامحتها هي متدري ودفعتني ممتقصده
الخطأ مني منتبهت وراي رجائاً جدو عوفو الموضوع
ستوني مكمله جملتي ورضا فوك راسي نزل الكاتب خلا كدامي وكعد تحلفين علي اذا تكتم مسوي سحر وتحجين كلشي كدامنه
فكيت عيوني ابويا مسح لحيته يستغفر عيوني تعلكت بسكينه تباوعلي بامل سرت رجفه بجسمي
حجيت بترجي" لا عفيه خوياا ممسوي شي بس عوف الكتاب اني تعرف بيه جبانه مرات اخربط بلحجي "
جدي "بتي متوضيه كومي توضي وتعالي"
اجه يغمه عليه مدري شلون طبيت توضيت وكعدت كال مدي ايدج واحلفي امي كالت "رضا يمه دعوف اختك شكو لحيتو هذا حلفان يكسر الضهر لا تخلي الشيطان يغلب عليك تعوذ من بليس وعوف السالفه"
ابويا كال "لا ام رضا مدام صارت وهواي امور جاي اشوفها متعجبني يجوز بتج تشوف المانشوفه وتبين الصدك من الجذب"
اعرف رضا واثق من مرته لهذا راد يثبتلهم سكينه تتبله عليهم
اتحاصرت من كل الجهات مديت ايدي جدي كال اقسمي كلام صادق وماجذبت بحق تكتم خمزت عيوني دموعي على خدي
هزيت راسي سكينه ماجذبت اني شفتها بعيوني ترش على بابي مي خابط وبي رمل اسود بيومها شفت ضلال اسود
وطكت باب من القوه اليده نكسرت
جدي "وبعد شفتي"
بديت احجيلهم كلشي شفته ودموعي تسابق كل كلمه بنشغه تتكسر بصدري رضا عيونه حمر
ماحاسه وره الحقيقه اخسر ايام عمري بلمجهول اعيش على اطلال الماضي
امي خنست ثواني وطفر رضا طلع امي صاحت كالت راحلهم دهر دهرني ابويا ركض صااح رضاااا خالي مازن لحكم جدي فرك وجها يستغفر نزويت
بيبي طلع على الصياح جانت مدده ضغطها معلك سكينه ضحكت درت وجهي منها متدري الصار ماينسكت عنه
بجيت بقهر امي تلوب بيبي عرفت سكتت شتحجي وهي بت بتها ساعات مرت والبيت متوتر كلهم لحكو رضا عرفن راح على تكتم
لليل محد منهم يجاوب صليت ونمت بدون عشه كعدت اني بغرفه بيضه وببها شباك مفتوح ركض اباوع من شباك هاي غرفتي بس مو بيتنه فتحت طلاكة الشباك
اباوع بستان واسع كله خضار واشجار دنكت اشوف الكاع بعيده يعني اني طابق ثاني بلحضه صرت بلحديقه وكفت
اتمعن بلكاع والحشيش بثانيه كلشي صار سواد نخسفت بيه الارض صرت بحفره
كلبي وكف ليش اني هنا صحت بابا رضا ضليت اصيح اريد احد يطلعني من الحفره محد يسمع صوتي ميطلع
بجيت بصوت صار خيال على راسي رفعته شاب ملامحه مامبينه مواضح لابس عسكري انطاني ايده برفعه وحده صرت فوك الكاع
كعدت على اصواتهم طلعت اخلي بشالي على راسي رضا مدنك وراسه بين ايدي ابويا وجدي وخالي مازن يمه
الدنيا نص ليل اريد اعرف صار بس امي كاعده خفت اتقرب رجتت الغرفتي نزعت الحجاب مددت بيدي السبحه
(ازفت الازفة ليس لها من دون الله كاشفه) الف مره نمت واني اسبح مرن يومين البيت متوتر
بيت جدي راحو كلبي كامشي احس اكو شي يصير رغم والدي محاوطني رضا كاتل تكتم كتلت موت ايدها كاسره
وابوها طارده مافرحت مو ذنب رضا وبيناتهم طفل ايام مرت
ورضا مقرر يطلك كلهم عارض
كاعدين نجهز السفره ليران معزومين سيد مصطفى كال اروح وياكم بابا ماعارض
قنعت وسكتت لازم اتعود عليه بلشت احضر بنفسي ؤغم هاي مو اول سفر بس هلمره غير جدو ويانه وبيبي
سكينه قاطعتها شي صار غصب عني اجيت اموت وتعرف بيه جبانه ليش تورطني اخويه خرب بيته مستفاديت شي هاي اني ازوج واطلع من البيت
هي وربها تتجازه اذا نضل العين بلعين والسن بلسن منعيش عادالة الله اكبر منه واكيد رب العالمين اعلم بلنفوس لو يريد هوه يعاقبها بشر عمالها
تركت الموضوع سافرنه صادف يوم ثلاثاء عشر ساعات بلسياره متنه لحد ماوصلنه نزلنه بيت خوال جدي وابن عمها وعمامه نصهم هنا
ماشاءالله شون استقبال استقبلو جدي فرحو بجيتنه كلهم يرطنون فارسي جدو وبيبي وبابا وحتى ماما تعرف شويه وتفهم عليهم
اله اني بس اعرف حالتان خوبه كيف حالكم
كيف صحتكم صحتان خوبه وتشكر
ثاني يوم طلعنه طلعه جماعيه افترينه مصطفى وية جدي ولد عمام جدوو بعدهم شباب صح حبابين بس حسيت يباعون ضل متوتر يباوعلي وينصي
حجابي مضبوط عباتي على راسي لابسه نفنوف جواها وحذاء فلات مقبطه وجواريب لحميه
لهناك وصلنه المكان مفتوح بي حدائق ربانيه الجو يفتح النفس نزلنه من السيارات فرشنه وكعدنه صارو مثل خلية النحل
نصبو المشاوي مجهزين كلشي حطب جايبين اعرف كرايب جدو كلهم تجار بيران عدهم بيوت ومصانع واحد منهم حالين يملك اكبر مول بمشهد مره فتت بيه بحدود مدينه كامله من الكبر
كونو روحهم شغلهم متوارثي وبيهم تفرعو غير مجالات التهيت اصب ويه البنات امي منطلقه وية نسوانهم
شوو كملو وزعوو كعدنه ناكل
ساعه وكمنه نلملم اكو حاويات نضفنه المكان ضليت اتفرج والمح شلال متت عليه التفتت ادور بابا لكيته واكف وياهم يسولفون وياشرون
تقربت صحت بابا التفت اجاني
ها حبيبتي
_اختنكت اريد اروح للشلال مشايفته كبل نكعد قريب منه
لا بتي شسوي هناك طيعين نوب
_فدوه بابا بس من نصعد شوف علين شكد حلو والهوه يجي بارد لهنا
عكد حواجبه وسبحته بيده هز راسه لا اخاف عليج عوفي شوفي البنات تونسي وياهن
اجيت ابجي اجه مصطفى كال شبيج
بابا كاله " بطرانه تريد تروح للشلال حتى تاخذله جبحه وسويلي مصيبه "
مصطفى كال "شسوين بلشلال النزله خطره اله والصعده بعد اخطر اله نفتر التل وماكو طريق سيارات اله عدل بعدهم يعدلون بي
صدك اجيت ابجي سكتت عفتهم ورجعت الكأبني يعاملوني طفله محسسني اني جبيره والي قراراتي لهسه هاجز خوف الطفوله متعلق باذهانهم
كعدت على صفحه اكرز حب واباوع لغتهم ماافهمه وماما مالها خلك ترجملي ولا بيبي ضاله صافنه بوجوهم
اباوع على الارتفاع تحتنه المنحدر كله مزروع نباتات متنوعه
اخذني الحنين خليت ايدي على خدي نساني وزوج تعب مني ومن اهلي جنت بكل صلا ادعيله ينسه
دنكت عيوني على الكاع اتخيله يحبها مثل ماحبني كلبي دكاته تختلف احس شي يعصر كلبي مامتقبل الفكره
هاي ارادة الله لو اختياراتنه من اجي اتمعن بلتفاصيل كلشي مترابط وماله تفسير اذا مامقسومتله ليش الله جمعنه بلبدايه
لو هي الامور تمشي بمشيئه معينه ونشوف كلشي هاي الفكره دوختني وملاكيه جوابها حصرت تفكيري بهذا المنطق
وكف يتاملني رفهت راسي ابتسم بثكل اشرلي ترحين
وكفت فرحانه" قبل والله"
كتله بامانتي متاركها
اخذني ومشه كدامي مو بعيد مشي عشر دقايق نوصل وصلنه الطريق وعر التفت مد ايده لزمتها عبرني الصغور وكفت الهث دار كال "كعدي ارتاحي"
"طريق يضوج"
"محد يوصل قليل ميعجبهم الصخور تعب اكو غير امان بيها شلالات ومصايف حلوه"
رايحلها حلوه اني بابا ميقبل يخاف عليه
_اخذج الهن يوم نفرغ وافرج كل الاماكن
شون تندل ايران جبيره
_ابتسم واكف رجل على الصخره ورجل بلكاع ايديه وره ضهره نص حياتي هنا
فكيت عيني صدك ماادري
_امي ايرانيه
لا اشو تحجي عراقي
اي تعلمت صارلها بلعراق اربعين سنه من صار الحرب العراقيه الايرانيه هجرها صدام هي والدي نولدت هنا وكبرت بعد السقوط رجعنه
اهلها سابقاً كانو بلعراق بلحرب كلهم تهجروو سنين وبيهم راح السوريا وبيهم بلاردن عاشو
ضل يسولف وكفني مشينه وهوه يسولف وصلنه المنتضره ياخذ العقل وصلنه للبحيره والميؤ يجري الهوه بارد
ضحكت من كلبي مديت ايدي بلمي كال "نزعي عباتج محد يوصل لهنا التفتت صدك يصير
هز راسه كيفت لتبلل وتدمر طين تتوسخ وخرتها لفيتها اخذها خلاها على صغره عاليه نضيفه نزعت جواريبي شفته
سوه مثلي دخلت بلمي رفعت نفنوفي بس ؤجليه بلمي والمير جاري مو عميق وحنه صايرين مسافه عن الشلال متت عليه
ضحكت شمر عليه المي شمرت عليه ضلينه واحد يبلل الاخ اول مره اضحك من كلبي
يبتسم لرنت ضحكتي طلعت لبست جواريبي رفعت راسي مصطفى واكف وجها رايح باوعت على مكان نضره بدون
قصد رافعه النفنون ونازل منا ومنا طالعكرشت رجلي وجز من افخاذي متت بدمي غطيتي روحي برتباك حس على نفسه
وخر منطيني ضهره كملت ركض لبست عباتي التفت متفاجئه" شنو نرجع"
"اي هاهيه شبعت"
_تره السيد ماخذ منه اذن لتخافين كعدي تونسي مالي دخل بيه روحي ليغاد تقربي شوفي اكو ممر من جوه الشلال بس لتفوتين يجي قطرات رشك مثل الدوش يبللج
مشه كدامي رحت وراا صدك ممر مو مضلم بي ضوه خافت يمر من المي شي غريب كال لتفوتين تنكعين ومال تبللين نفسج اكتفيت بلنضر
خجلت من نضراته اربكني كل التفاته عينه تتمعن تفاصيلي مجرء يسوي شي حسيته متوتر قريب يم الشلال صوت خرير المي رغم قوته بس منعش
انجريت حسيت صرت مي بحضنه شدد لزمته يسحب نفس واني جسمي كله يرجف مو مشاعر خوف ورهبه دفعته
مندفع محلب بس وخر عفيه ليجي احد
همس محد اكو بس خليني اجرب لتتحركين مااسويلج شي
دفعته بكل قوتي منافره ولا متقبله مشاعري محايده
فرك وجها كال "لدفعين مرت لاخ اضربج انت زوجتي واليصير طبيعي شلون تاخذين عليه وانت نافرتني"
ابتعد كنبص على حافت الحوض غسل وجها وكف مسح المي بكف ايده واني وراا اكل بضافري صار عصبي موقصي
خفت مااعرف شصار وياي ماحسيت على نفسي كعد مسافه يدخن اول مره اعرف بي يدخن تفاصيل صغيره تفرق
مااعرفها عنه كمل شمر الطف كال بهدوء بدون ميدور امشي نرجع
رجعنه بله نفس واحد ميحجي ويه الاخ وضعي مخربط مو يمه وهوه شايل همي ممتهيىه اله شكول الروحي الرافضه قرب جنس بني ادم
هاجز الخوف القديم رجع بس طي الكتمان ممطيته اهميه بس وكت الجد انكتم على روحي اصير عدائيه التقرب مني اول ردة فعل اسويها اعيط بكل صوتي وكان متقربلي وحش مفترس
كضت ايام السفر محسيت بنفسي رجعت ذيج الطفله ام الخمس سنوات بيدها فلوسها تركض الاقرب دكان تشتري اكبر همي احصل على حلويات بسوق
بعد رجوعنه الوضع هادئه لحد مابيوم دك تلفون بابا
ابو تكتم ويه والدي يابه احنه اهل تعالو نتفاهم لتسمعون من طرف واحد
ابويا "ابو مسلم بتي اجت تروح لوماايمانه والتزامهم دفع عنها اني تاليعملي يتنكس بيتي
" سيد لاتضلم بختك وتاخذعلى حاجية زعطوطه وحالت بتك. كلها تعرفها
قاطعه والدي"انتبه بتي مو مخبله ولازمه الشوارع عدها مرض معين وشافت منه مابيه معاير هذا مرض ولا اعتراض على حكم ربك انت انسان مؤمن لازم تعرف شنو معنه كلامك
طال الكلام بينهم بيومها والدي ورضا راحو يتفاهمون ورضا نيته يخصمها وياخذ ابنه
للعصر رجعو واكفه اعزل بلمطبخ طب رضا صاير بارود ابويا صاح بي كتلك اكعددددد
نخنست فات من يمي صاك على ايديه كمت ارجف ليش هيج يباوعلي امي طلعت على صوتهم ستوها تحجي وتفتهم منهم
رضا صاح "خل تجي لا اكوم ادوس راسها المربايه"
ابويا وجها ميبشر بخير امي التفتت كالت تعالي
مدري شلون امشي اريد اعبر يمهم مةاكدر احس روحي
مدري شبيه الخوف الصار بكلبي
صرت يم امي بابا كال "مع الاسف ريحانه كلشي متوقعه بس مو هيج تنزلين راسي واني اكول بيج رافع راسي شنو قصوري وياج"
رضا"حجي مو اول مره ولج اني مو مانعج مو مصخمج
نغووووووووله كدامج مكرررررن اني اشدلي كرون "
امي "ابني فهمني الجره وياكم بيت خالتك شكالو رجعت مرتك وياك"
ضرب على راسه "منو الترجع وبتج مصخمه بكدر اسها وتتبله عليه بس فهميني تكتم بيش ماذيتج فوك مضم خياساتج وعمايلج السوده ولج انه تالي وكت ابن.... يحط راسه ويه راسي اني يكلي لاتكسر كلبها وتعذبنه
امي التفت الي تلطم شنو يوم شمسوي
تلف على امي المبايل فتحه صوتي واني اعترف يحبي التميم
كلشي مسجل حتى لقائاتنه بس مكامل مقطع عيوني مااكدر اسيطر عليهن والله مالي دخل بي ابجي واحجي والله محاجيه ويااا
طفر عليه جرني من شعري لو روحي انشلعت صرخت من الالم اجتي الراشديات ساااااااق........ حي...... ..........
انواع الفشار روحي راحت جوه ايدي شنرني بنص الهول تولاني برجله دفرات على بطني روحي راحت
الالم الاحسه اكدر اتحمله اريد اعيط صوتي مايطلع جسمي تبنج من الرهبه كمت مااحس بلضرب
رفعت نضري اريد احد يخلصني والدي مدنك وايديه على راسه مكسور مو اني الكسرتك والله مانزلت راسك بويا اني بنت رياحين مو اني الاكسر تربيتك
امي تعيط وجر برضا فاقد يشوفني دميه ويشفي غليه
صوتي مايطلع خنست يضرب واني جثه تحت رحمته
امي كعدت متحملت باد حيلها كام ابويا دفعه كله" بس عوفها ميفيد بعد الضرب ميعدل الاخلاق حريمه التعب التعبته عليها
احسهن سجاجين والله لو ضاله على ضري رضا اهون عليه من كلام ابويا فات محدب
ساعه اني مموره ينص الهول جسمي محاسه بي امي تبجي وتونون كوه كامت تقربت مني دارت وجهي لو غصت بلبجي
مكدرت احجي كال كومي اطببج الغرفتج سحلتني سحل مثل ماتسحل غرث ثكيل متكدر شيله
ططبتني للغرفه طلعت ورجعت بيده طايه مي وخاولي كعدت تمسح بوجهي تبجي عيونها ماوكف ساعه تلوم
بيه ساعه تستخطيني
خلصت وطلعت ضليت بلكاع جابتلي غطه ومخده خليت راسي محاسه بروحي نمت بعمق ساعه وكعدت على الم
اكل جسمي اجيت اكلب عطت من بطني شلت دشداشتي اباوع بطني كدمات زرك على طولها نزاتها تحركني مثل واحد. محروك هيج الالم
جسمي كله رضوض دخلت امي ناوشتني جيس ثلج مطيقني تباوع بوجهي كالو خلي على وجهج يفش الورم
وطلعت نبذوني امي منهم كرهتني وكالتها تمنيت مجايبتج ولا شايفه هذا اليوم لو ميته جوا ولا عشتي
عرفت قصدها من تعرضت للاغتصاب
يومين اني على نفس مكاني ماتحرك محد بيهم كال اشوفها عدله ميته
كمت على اعصابي تقربت من الميز وياريتني ماشفت وجهي
منفوخ مبين مني شي يجيت على حالي وخرت بسرعه
نفسي ماتتحمل اكثر فاتت امي بجادرها وكت ضهر نترت "سبوعين بين ميطيب وجهج تزوجين اليوم ابوج دز خبر للسيد
باجر اطلع احضرج شمرت علاكه بيدها دهون هاج خلي الوجهج بلكت يطيبن
بجيت صحت يمه كالت" انتي مو بتي ولا يشرفني اربي وحده مثلج لو مربيتلي جلب احسن منج تحملي الكم يوم وتولين البيت زوجج
السيد كال اجي اعتذرنه منه انتي مريضه اذا يحاجيج ويحاول ياجل لان عده سفره كناله هوه يوم واحد هي زفه هيه حنه سويه وثاني يوم سافر ماعدنه اعتراض
حاولي لتبينيله شي لان مو بصالحج التاخير ابوج ناوي حتى زواج ميزوجج بس اني دخلت بركبته على الاقل تنسترين
ولا الفضيحه كدام الناس
شهكت بلبجي
"اخذي العلاج ودهني جسمج بلعصارات اكو خبط"
طلعت وسدت الباب مشت الايام بقهر وبجي كمت اكدر امشي جسمي كل رضوض منين اماالزمه اصيح
اصلي بلجلوس وجهي سبوع يله فش من الورم وحده من عيوني حمره اضريه جايه بيها وصاير بيها نزيف
كدرت اوكف على حيلي مااطلع على كد الوضوء واسبح الضهر من ينامون عشر دقايق مااطول اسمع اصواتهم واتحسر
امي تطلع تجهز وتشمرهن بلغرفه ودير وجها الايام مشن بدموع عيني حتى الدمع جف
السيد كم مره يجي اسمع صوته واموت شيشوف مني اذا شافني شيكول
مرن ثلث اسابيع يله اختفن الاثار بوجهي ضل زراك قليل الدهن فادني كعدت احضر جنطي ميته وامشي بله روح
ماقبله كلشي الرضاتهم هذا الشي يرضيهم قابله بي محد بيهم يشمعني واكدر ادافع على نفسي من لحضته اكتشفت
العدها لسان تعيش اني مكسورة جناح كملت كل الجنط وهنه بس جنطيتين ملابس
اليوم كاعده جوه ايد الحافوفه تنضف بجسمي بعد على زواجي يومين سمعت صوتها غمضت بالم
وصوت عباس يناغي صوت خالتي دنكت دموعي نزلن
اني بلغرفه كملت البنيه كالت اذيتج
هزيت راسي لا
_جاا مغصوبه خيه
مارديت
_دفرحي يمعوده هيه الحياة شبيه عيشي اليوم وباجر الله كريم الف حلال يحلها
ضلت تضحك وطك بعلجها صطرتني لحد. ماخلصت كامت طلعت واني طبيت للحمام جوه الدرج قريب علة غرفتي كملت ولعت دخلت للغرفه
تكتم واكفه بكلابيه خليجيه والشعر ميش ماانكر جمالها
التفتت ابتسمت عيوني صارن عليه ليش غدرتني
"بلمبارك مقدمن هاي شنو بس جنطتين باوعت على الجنط راكنتهن بصف الميز
افترت تلفت وحده برجلها وكعت بطرف اصابعها فتحت الجنطه شالت قطعه قطعه مشمئزه تشمر اوععع
شهل ذوق ويع ويع هاي جوه دشداشتي مالبسه يبوو عليك مصطفى مبين ايامك سوده مصخه وصلت السيت من علامته مسعر بذاك الوكت ماما جابته ب٥٠ كلبته كالت
اكيد مراح تلبسي جان لونه ازرك قاتم شالته من اكتافه دكلب بي كالت هذا ميفيدج شالته وكفت
_اعتبره عربون اعتذار رفعت تك حاجب صارت قريبه مني
تاركتج بمزاجي واشرت على راسها لتخلين راسج وراسي
احطمج اردلج الصاع صاعين واعتبري نصيحه
ابتعدي ششوفين وسمعين سوي روحج عميه وطرشه مواني تالي عمري مثلج يهدم بيتي يله زوجي وفكيني دفعت كتفي
بطرف اصابعها وطلعت
كعدت مهدود حيلي ماانكر خفت كل واحد عده نقاط ضعف ونقاط قوه اني نقطة ضعفي هو اهلي وهي ضربتي باهلي
اليوم صادف ٢٠١١/٥/١٣ كان يوم زواجي
وكفت وسط الغرفه بدلتي البيضه مستوره من كل الجوانب
تسريحتي كانت كلها مرفوعه مكياجي كان طوخ
كلشي صار تحت امرهم ناسيه روحي امشي فقد جسد
بجيت وندبت ربي بليلتها يعدي هذا اليوم على خير
طبن كرايب السيد كعدت منتهيه هاي هيه انتهت لهنا وخلصت وياا اهلي جسمي يرجف كلشي صار مو بالي
مر شريط اليوم مثل لمحت بصر هنا طب السيد وكادني
هنا وكفت والدي سلمني اله برود
ودعتهم بدموع محاسيت غير اني بلغرفه
........ يتبع
كل عام وانتم بألف خير يارب صح وسلامه وبعود عليكم بليمن والبركه وتحقيق الاماني تابعو الحساب
رواية بين الكاف و النون الفصل السابع وخمسون 57 - بقلم saja altaie95
بـيــــن الـكـــــاف والـنـــــون
الــثـامــن و الـخـمـسـون
«ســـجـى الــطائــــي»
لـــو كحلتـني بحلـم
بـگليبي يفتـك بـاب
وأفرش سنين العمر
ضحكة و زعل و عتاب
ريــــــحـانـــــــه
شعور مايوصف ارجف من قربه دخل وسد الباب لابس قاط بيجي راهم عليه ماانكر السيد مابي عيب لا شكل ولا اخلاق
مصطفى"حللي يابه شمنتضره "
اخذت نفس هوه توجه لزاويه خلع ملابسه درت وجهي كمل وكعد على السرير طلع جهازه يكلب بي واني على وكفتي اخذت السيت افتريت وين ابدل غرفتنه فوك
هوه الطابق الثاني النه شافني متردده كام فتح الباب سوالي طريق مكان اكو احد فتت للحمام نزعت البدله شفت الحمام بارد سوالي واهس
خضيت جسمي وطلعت لفيت روحي بلروب نعمه طويل شافني عدل كعدت مشطت بخوف عيوني عليه من المراية
متوتر اكثر مني اعرف الامور الزوجيه بس مواعيه الهذا اليوم احس كلبي يريد يطلع تقرب جرني وكفني
نصيت ارجف رفع راسي بوسني من خدي واني نضري للكاع
سحبني للجربايه كان قمت الهدوء محسيت ثواني ونزع كلشي
صرت مااشوف من الخجل درت وجهي للحايط وهوه بطرك الشور تقرب مني بسرعه شون اكله لاتتقرب مامستعده روحي تفرفح
اخاف ارجع اذكر يوم الاسود والله اتخبل
بعده ستوه يتقرب ويرفع بثوبي نفس الحركه نفس النضره رحت لذاك اليوم وذيج الغرفه وسط غراض البيت ملمومه بغرفه
حسيته هوه لا هوه نفسه رجفت شنوو يسوي مااريد صحت وخرررر وخرررر اجر بثوبي وانزل برجليه دفعته بقوه
صاح ماسمعته مستمره اشرمخ بي اشششش ولج اوكفي أذيج خرررب ريحااااانه انطي صبر بجيت بصوت
سد حلكي يتلفت فضحته ايدي مستمره الم بروحي وادفع بي تخبل من حالتي وخر صافن واني اناشخ ابتعد لبس متعجب
تحولت بدقيقه صرت اخوف مدري شاف روحي سويت اني
جريت الديباج غطيت حتى راسي شبعت بجي
سمعته يستغفر طلع طبك الباب وفاتت للحمام صاير بصف غرفتي باب بصف باب
ضليت ابجي وامسح بعيوني ليش هيج انفعلت اشجاب ذاك الحيوان ضربت راسي انسا انساا عضيت اصبعي حيل بكل قوتي اعصابي تلفت
بين نشخاتي فات سابح من نزلت الجربايه عرفته كعد بصفي
ثانيه وجر الغطه من وجهي رفعت راسي
عاكد حواجبه مستغرف والف سؤال بعيونه
"كعدي افهم شبيج"
رجعت ابجي
"لا حول الله ريحانه اول تالي نخلصها ورانه ورانه مااذايج دقايق وتخلصين لتكبريها بعدين ااذيج"
"مااريد اخاف والله"
"منين تتعودين لان اول مره كومي غسلي وتعالي نسولف"
مااريد فدوه
"بتي غسلي لاتشنجين عضامج تره اكيد جسمج مشنج حبيبتي كومي الله يرضه عليج"
وخرت الغطه لافه روحي بلروب من طلع يسبح لبسته نزلت اخذت دشداشه طويله وطلعت سبحت صدك حسيت ارتاحيت
كملت وطلعت بيت لافه الخاولي مبنجه مااعرف شسوي احساس الفشله ياكل بيه امي كالت لاتعاندين نشوف بياضج ونسد حلك اخوج
صرت عار عليهم مهضومه منهوم ماانسه كل اذيه اذوني ولا راح اتقبل الضرب الضربنيا رضا ضربني بروحي مو بجشمي
ماهانت عليه روحي
مددت غطيت رجليه بلديباج شافني بلدشاشه سكت هوه على كعدته
اشرلي تعالي هنا على ايده استحيت كاشه على روحي شافني هيج كتف ايدي ينافخ
"فضيه ريحانه تعبت"
سكتت
" نضل اليل كله مامفتهمين منه شي تقرب جمدت خله راسه بركبتي شمني شم حسيت برجفه همسه باجر طالع ل.....
شغلت اسبوع وارجع لتخليها بنفسي اروح واني مامكل
ضل يبوس بيه واني لا ارادين عيوني تكت دمع بدون قصد طلعت مني نشغه وهوه مستمر يبوس سمع رفع راسه
باوع بعيوني دفعني دار وجه يستغفر فرك وجهه بكل قوته صار احمر
موبيدي شي خارج عن ارادتي غصب عني يجيني هذا الاحساس مددت ابجي بسكوت وهوه مدد ساكت منايم
ادري بي يحبني بس مو بيدي مو شغلت مارايد ولا ماراغبه كل هاي الامور فاقده محاسه بيه ولا عدي اي رغبه بيها
مجرد الخوف مسيطر عليه كل الاحس بي رعب وتسري رجفه بجشمي نمت بخوف والم
رغد
ايام مشت واني يوميه اكتشف شي بااهل ارغد عمو زين ماله صوت انسان فقير يحب لمت ولده يمه
اسعاد امواسامه مقيمه هي وجهالها بس ابنها اسامه نسخه من خواله شكد مؤدب مشفت شي منه رغم عمره بعمر ارغد
يشتغل اعمال حره هاي بت خالتهم مخالتهم بحالهم يوميه جايبه ملابسه وكاعده ممرتاحتلعا وضحى زوجت تمام
تقشب بيها متكعد راحه اذا متغثها تزعل وتاخذ هدومها ضجت من الوضعيه مكتفيه بلسكوت وعمتي انزل اصعد
تذب امثال (من السكوتي موتي ومن المطكطك فوتي)
لو ولدي حظ للنايمات للضهر مااعرف ارد عيب مره جبيره واجيت فرض عليها احترم نفسي واسكت واكل بروحي
يجي اليل واني دمعتي بعيني ارغد حس على روحه اتورط
١٥ يوم منازل تكئت عالم مو عالمين
اسمع واغلس مالي دخل شكد ضحى حاولت تاخذ وتنطي واني مطيتها الاذان الطرشه مو تكبر اكتفيت بلعدي اني همي
شكل منتضره جيت بهاء على احر من الجمر بس شي يعصر كلبي تعود على وجوده
اصفن اهز راسي لا رغد للتعلقين اصحه على نفسي وارجع اقسه مو اني الاطيح خلي كلبي خالي
عالمهم مو يم عالمي شورطني رغم هدوئي ورزانتي وبرائت روحي بس بزون من تخاف على جهالها اخرمش اليتقربلي
وسن ممرتاحتلها عايفتها شكد تبسمر وطبعي ماادقق ويا الحجي على فطاريتي متعايشه شعدي وياهم ومااعرف
ناسهم عكارب تلدغ وتضم راسها بلتربان
نايمه تعودت بليل البس شورت وبدي عريض ارتاح بيهن
بعز نومي حيت على جرت غطه ونزلت جربايه
نزيت فازه قافله من النعاس رفعت راسي الغرفه ضلمه كلت منو
رد"ردي نامي فززتج "
شوكت رجعت
"هسه ستوني دخلت للبيت"
عيوني قفلت بعد حجايتين كلتهن ورجعت غطيت بلنوم
كعدت على طبكت باب الضوه طالع باوعت الساعه ب٩
تمغطت التفتت اذكرت البارحه رجع باوعت مكانه ماكو باوعت على روحي ناسيه نفسي بلتشلتح الاني بي كمزت
والله فشله شيكول عليه فد خجلت ضليت اكل بروحي
بدلت وغسلت بلحمام نزلت كلها كاعده
الحلو بيهم لمتهم لمه تصنيف وضحك ولا جنهم كل ساعه متمالخين هيج طبعهم اتعارك منا اكعد وياك على سفره وحده منا
ماكو اشيل خشمي واطلع رغم يضلون ميتحاجون بس السفره تجمعهم فاقده هاي المه مستغربه اطباعهم
ارغد بصف امه عيوني صارت عليه شي بيه دك
صباح الخير
ردو هوه باوعلي ودار وجها يحاجي اخوو على بضاعه دخل شريك سبع ارغد لم وشغلهن ويااا فتحو مشروع ثنينهم تميم
بتعب جبينه يطلع من الست يفتح السوبر ماركت
للضهر يرجع يتخده يرتاحله فد ساعتين ويرجع يفتح يجرها جره وحده لليل وباوقات العطل ورمضان حتى سهر هناك يسهر
هاي الثلث اشهر عرفتني بيهم واحد واحد ارغد صراف اكشر عكس تميم يلم الفلس على الفلس صح ينطي واشوف بعيني ينطي العمتي مصرف شهر كامل ومنهن تصرف على البيت
بس يعرف وين يحط الفلس تحسه مدبر عقله يشتغل تمام وابراهيم على كدهم مو نشطين مثلهم
طبيت صبيت كوب جاي وكعد كباله محطوطه سفره ضال اجبان وبيض جريت جبن مثلثات سويت لفه اكل وعيني بي
يباوعلي ويدير وجها يتهري مدري شبي يسولف عادي
كعدت سناء تتلوه وجها اصفر
امها كالت "يمه فوري كمون وشربي يوخر الالم"
صاحت "الله ياخذني كلشي مااريد عوفوني عساني بلموت"
تميم زمخ بيه"صووووتج لج"
بجت بالم تعصر بطنها عصر
كاعد على التخم التفت العمتي "شبيها هاي"
سكتت عمتي طبت ضحى بيدها صينيه ريوك رجلها ستوه كاعد طلع تميم كال"يمه بس صابون تردين تايت عدك"
اي تايت عدي الكونيه الجبتها بعد بيها نص جيب هذا الصابون ابو العطر لجيب العادي "
_حجيه اغله يطلع"
_ميخالف يمه نغسل ايدسنه ذاك الجبته صح رخيص بس ريحته تلعب الروح كشت نفسي منه"
_هوه كلمن وسعره وكت دفعين لو اخصمهن من الشهري "
_يبووو يايمه هسه انت ماتغلط حاسبهن حبايه حبايه "
_شتردين يوم موجاي اطي مصرف مال شغل سبوع هم عدي بضاعه واجار اسدد ابو الجمله يطلبني بل خمسه منين انطي
تعبي حك النايمين للضهر "
_الله يرزقك بعد امك بس هم لا ضل كاض ايدك علينه احنه اهلك منين نجيب "
_يله يابه محتاجين غير شي "
مد ايده بجيبه طلع ورقه وكف يسجل وهيه بيدها
كالت ضحى وهي بصف زوجها تتريك "فدوه العينك تميم شامبو هذا الجبته ذيج المره يخبل"
هز راسه وهوه يكتب ملتهي ردت كالت "وحبشكلات اجباس حب نساتل ام الككو بعد انت وشطارتك"
باوعلها رافع حاجبه "سدو العليكم وفتحو سجل من جديد"
ضحكت"شكو عليك مطايرين حباب والله الي سبوع اغسل راسي بلتايت "
سكت مغلس مو اول مره توصي بي طبع احسه مو حلو مدري هوه هيج يصير بس وياي يختلف مدري لان قربه من ارغد ميزني عله جناينهم
الكلمة الماتعجبه جنه ماسامعها حتى ويه امه من يوكف يسجل قائمة طلباتهم شكد يوصنه يجيب بس الضروريات يحشب حساب يسميهن دعايفيس ميجيبهن
وهمه تعود على طبعه لهذا من يوصو اشياء يدفعون يجيبلهم
اشو عمتي والبنات يضوجن من يشوفنه يعاملني بحترام
هوه مغلس واني مالي دخل اتعامل وياهم بحذر كمل وطلع
ارغد فات للحمام كمل وصعد كمت انضف للضهر كملت صعدت ميته تعب زعابيلهم هواي
فتت ركض سبحت وطلعت
ارغد مدد حاط راشه بلتلفون عبرته كعدت امشط كل لغت الحوار انقطعة بينه كملت ونزلت
الحلو باارغد ميحاسبني على الشال واني هم ماملتزمه اختنك منه وشفت بقية جناينهم نفس الشي صبينه غده مدينه السفر نزل لابس كيمونه وبرموده
بعدنه ستونه ننكل بلأكل طبت خالتهم ووسن
كالت "هلو خاله حبيبتي دنكت بوست عمتي وعمتي الحلك انشرك من الاذان للاذان وضلت يمي اشرتلي بصابعها هلو
سندس حضنتها ارغد شاف خالته دار وجها وسن وكفت قريب يمه كالتله" شلونك ارغد "
ردبعصبيه "هلا بيج" دار وجها كعد و تفضل يوم ضمي التميم لا هم مثل كل مره بناتج يعوفنه بلا غده هم خافو الله رجال يجي يلكاله لكمه ايدك والكاع ماسحين الاكل "
عمتي "ولك هاي منو المايضمله اكل غير حصت الاسد وشبيك يمه اخوك همه ميعجبه العجب هاي خيؤ وبركه ميحب اله شوي لو"
ارغد "ويشون شبسهن بناتج يتعبن روحهن شويه ويااا يسويله هوسه يجرن عدل يصير وياهن ادمي ياكلنه"
عمتي "يا ياا شبيك يمه انوب كلب على البنات ولكم تالي عمري اخذهن واهج من نغيطكم شمسويات"
ارغد "مامسويات شي بس ميخافن ربهن شكد يصرف عليهن وهنه يستخسرن عليه الكمه الزينه"
ضحى كالت"هوه تميم ميحب لا مركت الشجر لا مركت العدس لا الحمص بلمرك مركت البتيته ذاك اليوم شالها بجدرها مرها بلشارع ميعجبه العجب "
مرد عليه وجه كلامه العمتي " شوفنه شيريد وسويله يمه تره حتى حرام شيلون خطيته خافو الله بي هوه غير يستخطيهن ومايمد ايده عليهن غير واحد مايسكت"
عمتي "شنسويله نكله سوك الك خاص ونسويلك كاضيها علينه يابسه منين اجيبله"
ارغد "ياهوه الميجيب مو صناديك افخاذ واجنحه كلكم اخذو وخلولي سويتو مو بسبوع ايده والكاع اربعين فخذ تمام كام كله شوي ابراهيم يجي يحمل ويطلع البيته خليني ساكت"
خالته ام وسن "خاله انت شكو محروك كلبك هوه ماعده لسان يحجي"
كمل اكله وكام صعد كملنه اكله لميت السفر الضهر غسل الماعين على ضحى سويت جاي وقدمته الهم صعدت امدد تعبت
طبيت ارغد يخابر
'خرب غيرتك مو كتلك عوووفه اقتنع افتنععع شكو تموت رحك
جااي جاي..... لا تكفرنه تميم..... خرب روحك
انت جايز من نفسك اني مجايز....... تاني تاني لتستعجل
محروك دمه بيد لازم التلفون وايد يلبس بستعجال تشرلي محفضته انطيتياها خلاها بنطرونه
مشط على السريع منطاني مجال اكله شبيك نزل مستعجل
لميت الهوسه التركها وراا بيبان الكنتور مفتحه بجامتهم مشموره لملمت كلشي رجعته مكانه
والدي متاركنه اعرف بارغد يضم واني اكل بروحي من اسمعه يحاجي ابو الويو اصنط عليه البرلماني واكفله خوش وكفه
وهذا المخلي والدي كاف عني لوماخوفه
وينك بهاء دمرت اريد اعيش اختنك مااعرف مصيري مجهول
هنا صعبه اتكيف وياهم كل كلام اسمع يشعلني ويطفيني فحم
الله اعلم شمسويه وارغد ستر عليه هااي وين لكتها وهذا اخويه اثول ركض زوجها وووووو
ابجي بس ماابين ساعه وسمعت صوتهم جوه نزلت تميم عصبي يفور وارغد واكف يم باب الصاله الداخلي
ايد تميم مجرحه ونص صفحت وجها بيها كدامت حمر
ارغد "سناء جيبيله ثلج وانتي امشي حضريله الحمام"
يقصد سندس
وسن وخالته ساكتات امه ايدها على حلكها تباوعله مدمعه وهوه حرف مانطق وجها من الاعصاب انكلب دم كاعد على
اعصابه
طب ابراهيم كال"انت عاقل خبل شبيك مشايف خلصن البنات كاتل روحك شبييييبك شهل درامه الزايده "
ارغد "عوفه ابو رسل اتركه لتزدها عليه مشوفه نار"
ابراهيم "ويطبه مرض شكو مبالشنه ويه الرجال شنكله ليش منطيتوها على يامال اشو حافي خل يحير بروحه"
رفع راسه تميم ولاجن اخو الجبير خزره من يمي خفت "مالك لزوم ابو رسل معاتب حليل مصايبي احلهن وحدي مداز عليك وكت الادز لتجي"
ابراهيم "اني اريد مصلحتك هاي سوايتك غلط الرجال اجه يعاتب خلاني بهدوي يكلي شنو غلطنه وياكم اجيتو طلبتو واحنه مارافضيكم بس البت متناسب بيئتكم ليش اخيك يجي يضرب رضا بنص الوادم
ان جان الكم حك وابني عايل تاخذون حكم من عيوني وانه ادري كل قصور مابينه الاترجا منك كض اخيك انه هذا حدي
احذر وراها امشي بلقانون واشتكي مالكم حك بعد تعتبون
خال الجوره والزاد والملح كدام عيوني والعشره متهوب بس على ابن الحرام"
تميم ساكت ارغد نب عوفو بعد لحد يحاجي هوه وحده يهدء كوووم خويه اسبح "
طب يسبح خالته "خطيه اليحب صعبه ينسه"
امه "سوده بوجهي عليكم مابيكم واحد حوه كليبه"
ارغد عافهن يحجي اشرلي طب للمطبخ رحت ورا صرت يمه
نصه عليه يفهمني واني مدري صار بيه تخرطت احوالي ضعت بنفاسه وعطره
اتنفس سريع وجه عرك هوه عيونه بعيوني متغير وياي مو ارغد الشقاوجي مجان هيج يعاملني ببرود وجفاء
حس على ارتباكي فاتت وسن واحنه بهل قرب ميفصلنه فير شبرين الشوفنه يكول يتغزل بيه لحضه هي وحركه
ضيعني بحضنه جر ايدي قربني صرت على صدره شميته غمضت متفاجئه بروحي الساحت حنجه على راسي وراسي على صدره محاوطني مجرئت الف ايدي عليه خجلت من روحي
البيت مملي بهله واني تخربطت احوالي محاسه بيهم ضعت وخرت باوعت بعينه ابتسم ابتسمت لعيون الرايحه
سمعنه شهكه التفتنه وسن ركض طبت للهول ارغد صفن على خطواتها عيونه ارتبكت باوعتله شافني وخر طلع للطرمه رفعت بردت الشباك
وكف ايدي على خواصر، واحد حاير شويه يرفع رلسه لسما وشويه يباوع للكاع مد ايده بجيبه دخن وخرت
طبيت للهول وسن بحضن عمتي تبجي شافتني ضلت تتحسب وايده على راس وسن
مفاهمه شي امها تباوعلها بحزن سناء "يمه متحاجي عده راتب ويكدر يفتحله بيتين"
امها خزرتها ماسكتت"لتباوعيلي هيج مابيها شي هي مضاله يمه كلنه نعرف مو باوعتلي من يجي اخوج طلعين ويااا"
هزيت راسي "مو كتلكم شوفي ترجع ويه اخوها"
ضليت فاكه حلكي وسن باوعتلي مسحت دموعها كعدت عدل
سناء بصفها كاعده"شكتلج اني هاي كدامج كالت"
رديت مستغربه "هي شعليها بطلعتي ويه اخويا"
بعدها ستوها تحجي طب تميم سكتت الخاولي على راسه وكف بطرك البجامه والخاولي على جتفه
كعد بطرف الهول نتر سناء كومي صبيلي كلاص جاي
راحت ركض كمت اصعد فوك اخجل منه وهو بهذا المنضر
صعدت ثلث بايات وسمعت زمخته "بتج ادبيها لا املص اذاناتها رجال مزوج صار هسه بي حلاوه
_يا خاله شمسويه بتي مو هل كاعده وساكته
_اي بت خالتي انتي بنيه وعيب اهينج جري عدل وعوفي ميفيدج اخويا واعرفه لو يصبوج الماس ميباوعلج بعد
طلعي من بالج لا دبكن
شفتنه شغل وراتب قوي كلتن فرصه مانضيعه وهوه سنين يعاينلج وانتي رافضته عليش هسه صار عزيز
_خاله شبيك حامي وهي بت خالته اوله من الغريبه
_خره بهيج قرابه
امه ضاحت بي شو انت متستحي مادكول هاي خالتك متحترم الجبير شهل صلافه
_حجيه اختج تعرف مقصدي لضل تنعثر وحك علي اوراقها اطشرهن وزلمه يلمهن ورقه ورقه اخليها تترحم على صبري
محد يشفعلها عدي واني اتونس عبالكم اضوج لا والله اكعد شامت
امه رجعت تحجي عليه وهوه ماعبرها صعدت ركض من حسيت خطواته طبيت للغرفه بالي يمهم هاي الحبها ارغد
جان يقصدها بأيام بيتنه الصغير
حسيت جسمي شتعل نار صخنت مدري صارلي هو نايم متغطي كعدت حايره
رغد
امنتها بين اهلي والدها ماهجع اخر محاولاته نصبلي رمانه صوتيه يم الكرفان بلبدايه عبالنه هجوم على بيت النائب
راجعنه الكامرات عرفته ابوها
دز عليه النائب كعدت سولفتله صفنلي ماهزني الموقف بس فشله احمي لو يحميني بلفعل مشت الايام اختفه ابو رغد امنت منه
بنزلتي للبيت مااعرف شنو التغير داخلي خابرت اسامه
"تجي لا اشعل صفحت اهلك"
"اختك يم ابويا تريدها"
"خره باختي وبابوك متانيك نطلع"
"وييييين"
شارع..... يعدلنك "
"ابو الاراغد انه امشي على الثكيل اريدهن من ذني اليكولن للكمر كوم وانه بمكانك"
_مو على جيبك المنتف نلتقي يم تميم "
خالي ال.... اد ولا اطبله يصلخني بدفره يطلع مصاريني مارايد روحي "
"لا تنعثل مااخلي بس فضني مستعجل"
سديته منه كمت لبست وطلعت تميم هذا علته بكلبه شكد حاولت اطلعه من مزاجه قافل
من اذكر عركته ويه اخوها صدفه واكفين بره المحل اني ويااا ويمه ولد صاحبنه خوش ولد نضحك ونسولف
باوعنه زفه وهلاهل واغاني من راس الفرع شفناها محل تميم على الشارع العام بداية منطقتنه صح المنطقه تغيرت ونبنت بيه بيوت هواي وكتملت
تميم يباوع ويسولف ويه الولد مرت الزفه وفاتت سيارت العروس لجح الولد فزز دار ناحيتي فاتح عيونه على وسعهن
استغربت استغرابه دقيقه يباوع للسياره لحد ماضاعت بين السيارت وعبرن مشن مسافه ضاعن من عيونه
كعد مهدود حيله كل المنطقه شهدت على حبه بس وين اليعرف منهي ماينطيها اكرب ناسه ميعرفون اسمها ولا بتمن
خله ايديه على راسه مدنك الولد جاسم كال"هاا تيم يسمو للسهوله مرات يصيحوله وهوه مايقبل يكلهن شنهي اني زعطوط تيم مال زغار هاي الشوارب امال تيم
رفع راسه فرك وجها وكف طب للمحل افتر واني ورا كعد بكرسي الجوه خاله للزبائن رجع وكف طلع بره
خفت من وضعه هذا يفقد عقله يباوعلي ويهز براسه مامصدك يصفن يبرد ويرد يشتعل نار
نص ساعه وهوه على حالته اخر شي طك خشمه دم خرب غيرتك جريته غسلتله تميم "بويا شني سالفتك هدي بلرحمان كول ياالله تكتل روحك هذا المتوقع ليوين ضل مملوجه"
وخرني من طريقه لازم خشمه اخذ مفاتح المحل كال طلعو اعزل
اجيت احجي صاح اطلللللللع ارغد
ماجاوبته حالته مو مال الح ويااا اعرف طبعه يفقد ونضارب
طلع قفل المحل مشه على الشارع مشيت وراا التفت "اذا عتبت وراي افنيك وحك علي افنيك ولي"
نفخت "يمعود وين اعوفك مسودن اشر التكسي ركب ركضت افتح الباب نزل جرني من تشيرتي مشايف بقوته دفعني دفعه رجعني امتار صحت خرب.............. غلطت عافني وصعد
ؤجعت للبيت تغديت ونمت للعصر خابرني كال تعال طلعني اني بلتوقيف خلاني افشر بكل اللغات
طلعت مدي رضا مخلي مشوه مخرب خلقته ايام وتميم ميطيق احد الصاله مقره كاعد بيها
اليوم اخر يوم بنزولي يمه واسامه بصفه ينركل وتميم مشغل صحيح ماشوفك بعد طيب اخذ عنواني
يمكن تحن بغربتك تتمنه لو تلكاني
النفاضه يمه متروسه كطوف يسمع ويدندن صافن متغير اسبوع مر يمكن عليه بسنه اول حب بحياتي صح خربط بمراهقته هواي بس ماتعلق فتره ويكلب
مزاجه صعب وطبعه بعد اصعب مدري حوبت العب عليهن
مرات من نجيب سيؤت ايام كبل يحلف مامتقرب صوبهن هنه ينطني مجال واخوك طيب ميرد احد
فترة بيه الدنيا لعب روحي الغنيه عادها ٥٠ مره اشرت الاسامه وهذا مطي يندفع جريت الجهاز شمرت على اسامه اسامه يخاف منه وكت الصدك ميعرف الكدامه
الشر بيده وجكارته بين اصابعه" رجع التلفون واهون مااكوم"
اسامه" لا عمي هاك انطاني الجهاز "وانت لصير زعطوط"
ارغد "انتبه الروحك ناصب فاتحه"
نتر شعليكم مني
_لصيح صوتك منا البيت اخوك اني شنو شعليه "
رجع دخن ايده فوك ارسه وايد يدخن بيها "محد شاكيلك همي خويه مالك دخل بيه مامشكك هدومي"
ارغد "عاجبك وضعك"
صاح اي عاجبني فك مني بسرعه تنرفز وكف اخذ نفاضته سحب الجهاز مني وطلع
عفته وصعدت دخلت رغد لابسه دشداشه خفيفه فركت وجهي هاي ناويه تخبلني كعدت بصفه
خايبه اني بشر مو حجر ندسته كوه لزمت روحي زنودها بيض شعرها على المخده منشور مسويتلي دعوه
مددت والشيطان هنا وكف يوسوسلي
درت وجهي منطيها ضهري ضليت اتكلب درت ناحيتها الضوه طافي بس ضوه الحمام يفوت من جامت الباب
كلبي رف عليها واني مو قليل خبره بس يمها ماادري عركت كصتي حريت خرب وخرت الغطه فتحت باب الثلاجه سحبت بطل شربت مي ساعتين مرن حسيتهن دهر
الشيطان كعدلي اليوم طلعت نزلت جوه بلحديقه البيت اضلم
جريت كرسي كعدت وكرسي خليت رجليه عليه
الهوه حلو باجر اخذ فايل فتحو وضائف وزارة النفط اقدم متمني يطلعلي اخلص من الحراسه لعبت روحي
على الاقل وضيفه حكوميه حقك مضمون شهادتي مرغوبه
تمني خير سحبت نفس غمضت طكت نعال وصوت نفس
ؤفعت راسي انداريت فزيت اجيت اوكع على وجهي خرب غيرتج درت وجهي للحايط شمسويه بروحه ضحى
بكامل انوثتها السيت بنفسجي والشعر نازل على متونها مخصل المكياج طوخ ضوه الطرمه قوي
فركت كصتي باطراف اصابعي استغفرالله "امشي صعدي"
كضت ايدي الثاني دفعتها بدون ماادير "فدوه ارغد حس بيه والله ميته عليك اتمناك امنيه مااعجبك جسمي مو حلو"
امشي ضحى اصعدي لا ابتلي بيج "
صارت كدامي مشيت لزمتني بس كلي "شنو البيه مو حلو ارغد اني احبك اموت عليك"
صرت نار جريت ايدي ضربتها راجدي حسيت وجها انصلخ لزمت خده باوعتلي دمعت عيونها ابتسمت "تمون باست ايدها الزمت خدها ضرب الحبيب زبيب مو هيج خاله دكول
لزمته من فكها اجيت اموتها عصرته بقوتي اريد اهدء اعصابي ترجف" اذا عدتي السويتي اموتج اكتلج خلاص محد يخلصج من ايديه يااعار "
بجت "حبيتك مو بيدي اموت عليك انت متحس بيه كل اليل اكضي ابجي ليش مو انت الزوجتني مو اخوك شبيه ماالبتني"
استغفرالله بابا شبيج مخبله انتي عاقله شنو انت شجابج عليه امشي طبي امشششششي حجيت من بسن سنوني
ذبت حيلها عليه حضنتني جلبت بلكيمونه اريد اوخره ولج وخرررري لويت ايدها صرخت فزيت سديت حلكها بيدي وايد لاويه ايدها جهرها على صدري
اريد احجي صوت النزله فززني خرب خرب سحبتها ساد حلكها مشيت للممر جريتها وياي
فتت للترك كلبي وكف مشيت واحد متاكد واحد منهم هي خنست من سمعت الصوت بعدني اريد اوخر ايدي
........ يتبع
مساء الخير عليكم مساء المحبه على عيونكم الحلوه
النشر يرجع مثل نضام قبل
رواية بين الكاف و النون الفصل الثامن وخمسون 58 - بقلم saja altaie95
السلام عليكم
وصلت الحد تعبت نفسين من القصه اني كايلتها سابقاً ماافرغ بكل الاوقات حياتي عباره عن مفاجئات واني صاحبت مسؤليات
مااكعد اشرحلكم شنو مسؤلياتي هذا جانب من حياتي مااورج عليه احد
وخل بالكم كل كاتبه ممخليه فلس بجيبه من القصص مجرد توعيه مجرد تسليه وهذا واقع حال لتخلون الكاتب يتندم بيوم دخل هذا المجال
وخلو بالكم كلماً وقدراته وضروفه اذكر بقصة تواتر القدر جنت فارغه كتبتها ونزلتها بدون تعب واعذار لان جنت طالبه وخاليه من المسؤليات
صح اعذر اليحجن صاربيها هواي توقف وهواي طالت القصه وصلت النتيجه القصه تتوقف استشير اصحابها
اسلمها لغير كاتبه تكملها وياكم تعيد كتابتها من جديد عايدلها
اني مو صاحبت موعد صح ماانكر بس بنفس الوقت دااتعب
افضل الغي القصه ولا اسمع حجي يسم البدن اني مفارغه
ولا اكعد ارد على وحده وحده واشرح شنو الامر بي
بس بنفس الوقت اكو بنات والله والله وكفتهن وكفت اخت ماانسه جميلهن ولا انسه كلامهن بي كمية وعي
وثقافه تستغني عن الكل الكلام الجارح وتكفتي بكلامهن
اني لو ادور طشه مااترك القصه بعد ماعبرت المليون
مااكذب عليكم واوهمك اني هاي حياتي
ولا اني لزمت وحده وحده تعاي تابعي قصتي والدليل اني من اقدم الكاتبات وصعدت بجهودي بايه بايه
ولا مراهقه واكعد اصفطلكم فياله واطيرهن واكتبلكم قصه كلها +١٨ واخليجن ماتركن القصه اتحده وحده
تجي دكلي قصتج خياليه كل الاكتبه واقع حال مااعضم البطل او البطله اكتبهم بسلبياتهم وايجابياتهم
ارجع واكول حقكم بلملل وحقي بلعتذار
وهذا اقل نموذج انزله

بقية الكلام النكال مااحب انزل كلمن يتعامل باخلاقه
كلش كلش اعتذر منكم
الى هنا واودعكم ابروني الذمه على كل قصور بدر مني بدون قصد
رواية بين الكاف و النون الفصل التاسع وخمسون 59 - بقلم saja altaie95
مساء الخير
كل حرف وكل كلمه وكل تعليق اتمعن بي وازيد رضى عن نفسي مفتخره بيكم واكتمل بوجودكم
اشوف كلامكم وتشجيعكم احس بانجازي تعبي مراح واني عدي هيج فراشات
مااخجلكم ولا ارفض تاملكم بي بلعكس خجلانه لان احس خذلتكم
حابه اسولف وياكم عدي كلام هواي وحايره شلون اوصله الكم كروبي بلفيس موكلكم بي واخاف يفوت وحده بيكم
افضل حل على الانستا اسويلكم( بث حبايب) نكعد نسولف بي كل اليدور على القصه ناويه وحابه اجاوب على كل اسالتكم ونتوصل الحل يرضيكم ويريحني
والله كل هاي الايام الفاتت انتو دورون بالي شلون حتركهم وشلون القصه خاف بيها نقص ومحد يكملها غيري
الابطال مقبلو طلبي توسلت مااكدر رفضو رفض قاطع وكالو تركيها اذا مو انتي تكمليها
خلوني حايره بامري كل كاتباتنه مبدعات واخاف يرفضن واخجل منكم ومن الابطال
مااريد انطي كلمه وارجع بيها وتاخذون عليه نضره متماهله لو متوفي بوعدها
سولفو ياي بلبث واني مااردكم كلشي اسولفه وياكم واشاركم بي باجر ب10 مساءً (باليل)
حسابي الشخصي تعرفو خاص التحب تدخل ويانه بلبث
sjo_a1995
رواية بين الكاف و النون الفصل الستون 60 - بقلم saja altaie95
مساء الحب
مساء الورد
مساء المحبه والسعاده
مااطول عليكم نرجع نكمل القصه صارت طويله وموحله والقصه انملت بس الاريده منكم شغله وحده
اذا بيوم تاخرت معناها ثاني يوم ينزل البارت يعني صار عدي شغل مااريد تملون فترة وتنتهي القصه
احاول شكد مااكدر اكتبلكم بارت طويل مشبع بكم الاحداث
الي دخلو خاص وسالو بخصوص صور الابطال
صور مشابها لشخصياتهم محصلت
صورة ارغد مااكدر انزلها تحسبن اكو نفوس ضعيفه تكدر توصل الحسابه الاصلي وينعرف خلو مخيلتكم ترسمهم
انتضروني باجر ينزل البارت ونكمل