تحميل رواية «بين الكاف و النون» PDF

بين الكاف والنون(كن فيكون)

الحادي عشر

الكاتبه سجى الطائي

////////////////////////////

تنيتك عود .. ينشاف العطش بيه ..

او عله .. المامش ، اهروشي اتجود

الوذ ابشيمة العاكَول .. واصعد .. عله

الآه اصعود

زمراوح يعمر اجفاك .. جرح ايصيح ..

او جرح يهود

او تنيتك وانت ميت شوك

ظنه اعله اليموت ايعود

اتاني الود .. يدمعة عين .. طاحت

وشيردها اردود

واشعزة الدمع بالعين .. لو ..

شح ساعة المنكَود

خليني اعله بالك .. طيف .. لو عادت

ايامي يعود

او خليني اويه دمك شوك .. من

شوكي البلايه احدود

_____________________

سديم •

طب ابويه عيونه بكصته صاح "شلون كرم يتحارش بيج وماتحجين "

ارتبكت عيوني دور امي اخواني الوذ بيهم نصيت عيوني غوشت من الدمع

صاح" الحجاااااا ستار صحيح"

اباوع لختي ابجي اجيت اموت من الخوف

عمري ممريت بهيج رعب تخيلت روحي يذبحني

اهلي اعرف طبعهم متشددين ماعدهم تكمل دراسه

حنه للمتوسطه ونبطل المهم نعرف نقره انكليزي وعربي اعرف مستقبلي ضايع بينهم اماني معارك بينها وبين والدي كان مستفاد من خياطها تدرس وبليل تخيط والتحصله اذبه على البيت

تقدم وهوه يشوف خوفي ضميت راسي بيديه هاي هيه راح يضربني ارجف كتله والله مالي ذنب هوه من وره استاذ نصرت

والله مالي شغل هوه الاستاذ حقير هوه يحاجيني هوه يكلي ليش متنطيني فرصه

مستمره ابجي واحجي كل هذا واني ارجف دموعي غركن خدي وخاله راسي بين رجليه

حسيت بايد اماني كومتني شفت والدي ماكو

مسحت عيوني

اماني نترت "شبيج دتموتين شسوالج "

سديم"راح يذبحني مو والله اماني مالي دخل وحتى مااحجي وياهم "

اماني"ولج على كيفج حتموتين من الخوف سولفتله كلشي صار "

مسحت عيوني "منو كله"

وكفت مشت للكنتور جرت عباتها"منو غير ستار الفتان هوه حاجيله غير حجي اذا ميخلي بهارات وشويه كشمش ميرتاح "

اشوفها تلبس همست "وين اماني فدوه لسوين مشكله"

اماني"هذا اذا مااجر اذانه ميعوفج مبين ماخذ السم من امه بس احاجي وافتهم منه شكو واجي "

ركضت وكفت كدامها"عوفي الله عليج والله راح يشد وياي اكثر ويشوه سمعتي بينهم وهذا كرم مراح يتركني لاطش"

اماني بعدتني"المن رايحه غير افتهم منه ليش يجذب ويسويله سالفه ولو همه سوالفهم كلها عوجه "

سديم ضلين واكفه ساده الباب" حاجي بلمدرسه بس ترحيلهم مرت عمو ماتسكت ضل تلح وتعرف منج شتردين من ستار مراح نخلص منها بس هل مره حبابه "

جرتني من الباب وطلعت"اضل وراج يشروج على الحبل "

امي بلهول كاعده تلكط ماش شافتني اركض وراها صاحت على اماني"وين ورايحه"

اماني"لبيت عمي مااتاخر"

امي"شكو شتردين منهم اول تالي"

اماني"غير اموت عليهم ومن شوكي العم لازم يوميه ازورهم "

امي"مو احاجيج شعدج راسحتلهم اماني كفينه من شرهم الله يرضه عليج يمه مابيه حيل السانه سديم هم غلطانه ليش ماحاجت على ابن الوكيل نخلي هيج يتماده وياها والمدرسه كله تدري بي يحبها هلزعطوط "

سديم "يمه..."

امي"اششش ولا حجايه انتي لو جايه وحاجيه ماصار الصار هسه ابوج سكت وباجر يروح المدرستج يعرف السالفه مناك الله يستر شمسويه من بلاوي انوب سديم ومعجبيها الزركه"

اماني" ليش مدكولين ابن المسمومه يبث سمه مثل امه يرتاح كلبهم لان متروسين غل وحقد"

امي"كافي اسكتي وطبي جوه عوفي ابوج يصرف كافي عليه همجن وهم اخوانج مابيه لمشاكلهن"

اماني تتفاور متكدر تعاند امي دخلت اشوف الحقد بعيونها متحبهم دوم تحجي عليهم اصفن ليش هيج متريدهن والله اني احبهن ماشايفه عليهم شي

لليل تحسين وحسام اجوي تلكيتهم باسوني ماما محضرتلهم الحمام واحد وره الاخ سبح

مدينه السفره التمينه عليها والدي مايتغير دومه متحيز لهلها هم فتح موضوع بت عمي نعيم يريد يزوج بنته لتحسين

تحسين شكله حلو ومرتب رغم طيبت وحنيت كلبه وهذا الشي ماخلا يتغاضه عن كرهم البيت عمي وهذا الشي جنت مغيبه عنه مااعرف اسباب هذا النفور بسبب صغر شني

تحسين استغفر "يابه اني طالبه شايفني واكفلها بركن شكو لازكيها بذيلي خلوها تشوف نصيبها"

ابو تحسين" وشبيها عيب بويا بت عمك ترحملك ومن يمنه جاا الغريبه تتحمل فكرك "

تحسين"نعمه من ربي اذا جانت بت حموله تتحمل واني مااقصر منها لو اعرف احفر الصخر وامللها عيشه كريمه "

ابو تحسين" والله يابه انت ماتعرف مصلحتك وين وعمك يحبك وهدالك بنته مابيها شي لو اخذتها وراسك وراسها وبيت عمك حدرنه بينه حايط صيرلك ستر وغطه"

تحسين " والنعم من عمي وبنته بويا خصم الحجي اني مااخذ لامن صوبك ولا من صوب امي مااريد بعد هذا الموضوع ينعاد "

سكت ابويا ماقابل بس تحسين ميريد طرف عمامي وهذا الشي خله الحقد يغطي كلبهم والعداوه زيد وجانت نتائجها دفعنه اثمانها

ثاني يوم مادوامت عرفت ابويا رايح واماني داومت كعدت متاخره طلعت شفت امي مشغله التلفزيون على قرأن ساعدتها بلبيت نضفت الغرف والهول المطبخ امي منضفته واكفه تطبخ الغده

ندك الباب لميت شعري رغم نعومته بس مبعثر طلعت بطرك البجامه والبلوز تراك بيت فتحته

طبت بت عمي نعيم مأثر هاي اليردوها لخويه تحسين

ابتسمت " طبي محد بلبيت "

مأثر"شنهي عمتي وين "

سديم" امي جوه كاعد تنضف خضره"

مأثر"خوش "

عافتني وفاتت لفت عبايتها حلوه جسمها تارس وجها ابيض يلمع يمكن خاله باودر وحلكها وردي فاتح وريحة الهيل بحلكها

طبيت وراها سلمت على امي اباوعلها كل شويه تندار تباوع للباب شويه وكامت ساعدتنه ثردت الخبز مسوين تشريب احمر اشوفها تشتغل بهمه

من غير عيونها طايره مثل وحده متانيتلها واحد فطنت على سوالفها ضليت مراقبتها نستني همي

صار وكت رجعت اماني ابويا مارجع وبالي يمه يمكن مناك ومر للبستان رغم خيرنه حصره علينه البسه خواتي الستغلن الخياطه ولمن روحهن وحده وره الثانيه زوجن رغم اماني وره الجبيره بس ضلت طموحه اليشوفنه يكول حالتهم وسط

مايدري البساتين والاملاك النملكها تعيشنه بغنه ماتخلينه نحتاج احد عيشتنه على اخوتي الي يطلعون من الفجر عماله يرجعون بعز الضهر والشمس تكدك بيها لجل الكمه العايشين عليها ومانفك حلكنه ويااا

ماندري وين يودي فلوسه ولليوم ماسألنا ليش وشنو بس اسمع مصايح الولد ويااا والحمدالله نعمه من اعتمدو عله نفسهم وعاشو معززين ومامدو ايدهم اله

ولا خواتي الي كضن عمرهن يخيطن ويلمن ومدبرات لبستهن واحتياجاتهن وماكالن ماعدنه يشوفن امي اجيب الراس على الراس ساكتت خطيه ميردن يزيدن حملها حمل

الزوجن ماوحده بيهن ارتاحت اريام المفروض زوجها يشيل هم مصروفها انوب كمنه احنه انلملها ونوديلها عايشه بيت الحيوان مايعيش بي شالها والدي وعمامي ذبوها ذبت الجلب ماعدها سكف يحميها ولا زوج يسندها حجايه والثانيه ضاربها بحيث تجينه مدمايه غير الجوع والفقر

كل هذا بذنبن ينشال ياضمير يحمله اب لو عمام لو ام مالها كلمه بين زوجها وعيالها

دخلت اماني ركضت عليها "بشري سوه بابا "

وجها معقوج معالمها ماتبشر بخير جنها السالفه مطينه "اطيني صبر ارتاح "

ركضت وراها دخلت للبيت شافت مأثر نفخت بضجر" هاي شجابها"

دنيت يمها لتسمع"وحده اجتي "

اماني" لا اله الا الله ناس بله احساس هيج كرامتها ساحتلها بلكاع ودايسه عليها "

دخلت تبدل مأثر وامي ماشافنها عدنه المطبخ باخر البيت الهول والصاله بلبدايه اليطب من الهول للكلدور ومنها منور جامع بيبان البيت والدرج

بدلت واني وراها احوس ردت تمددت ترتاح همست"اماني فدوه.."

كالت" سديم راسي بكد البيت اذا مو اكبر خليني ارتاح ولاحكه تعرفين كلشي هاي اذا تحملتي الراح تسمعي مالي خلك وراح نكعد فترة مراجعه راسي بكد البيت حالين "

خوفتني كعدت يمها كلبي يدك" راح اموت سمعي دكات كلبي مااتحمل انتضر حبابه"

باوعتلي بقهر " نصرت طلبج من بابا "

ريحانه•

احيي ليالي بوجهك الكريم بعطفك بسجود التائبين بركوع المتحيرين بدموع املين تقبل مني هذا القليل

سجت لك لا لطلبي مني لك ولا امنية قلبي تمناها بسجودي جبهتي على التربه روحي مختليه كلي امل لله تمتمت ذالك الدعاء بروح شاغفه بالسن محبه بقلوب مبتهجه

اَللّـهُمَّ اِنّي اَطَعْتُكَ فِي اَحَبِّ الاَشْياءِ إليْكَ وَهُوَ التَّوْحيدُ وَلَمْ اَعْصِكَ فِي اَبْغَضِ الاَشْياءِ اِلَيْكَ وَهُوَ الْكُفْرُ فَاغْفِرْ لي ما بَيْنَهُما يا مَنْ اِلَيْهِ مَفَرّي آمِنّي مِمّا فَزِعْتُ مِنْه اِلَيْكَ، اَللّـهُمَّ اغْفِرْ لِيَ الْكَثيرَ مِنْ مَعاصيكَ واقْبَلْ مِنِّي الْيَسيرَ مِنْ طاعَتِكَ يا عُدَّتي دُونَ الْعُدَدِ، وَيا رَجائي وَالْمُعْتَمَدَ، وَيا كَهْفي وَالسَّنَدَ، وَيا واحِدُ يا اَحَدُ، يا قُلْ هُوَ اللهُ اَحَدٌ اَللهُ الصَّمَدُ لَمْ يَلِدْ وَلَمْ يُولَدْ وَلَمْ يَكُنْ لَهُ كُفُواً اَحَدٌ، اَسْاَلُكَ بِحَقِّ مَنِ اصْطَفَيْتَهُمْ مِنْ خَلْقِكَ وَلَمْ تَجْعَلْ خَلْقِكَ مِثْلَهُمْ اَحَداً اَنْ تُصَلِّيَ عَلى مُحَمَّد وَآلِهِ وَتَفْعَلَ بي ما اَنْتَ اَهْلُهُ، اَللّـهُمَّ اِنّي اَسْاَلُكَ بِالْوَحْدانِيَّةِ الْكُبْرى وَالُْمحَمَّدَيَّةِ الْبَيْضاءِ وَالْعَلَوِيَّةِ الْعُلْيا وَبِجَميعِ مَا احْتَجَجْتَ بِهِ عَلى عِبادِكَ وَبِالاِسْمِ الَّذِي حَجَبْتَهُ عَنْ خَلْقِكَ فَلَمْ يَخْرُجْ مِنْكَ اِلاّ اِلَيْكَ، صَلِّ عَلى مُحَمِّد وَآلِهِ وَاجْعَلْ لي مِنْ اَمْري فَرَجاً ومَخرَجاً وَارْزُقْني مِنْ حَيْثُ اَحْتَسِبُ وَمِنْ حَيْثُ لا اَحْتَسِبُ، اِنَّكَ تَرْزُقُ مَنْ تَشاءُ بِغَيْرِ

خطوات قد ادمنت على فعلها بعد اتمام صلاة اليل اكملتها اردد هذا الدعاء سريع الاجابه للامام الكاظم عليه افضل الصلا والسلام

اكملت تسبيح الزهراء تنهدت بتعب روحي بدوامة ذالك الدنيوي اخذت نفس عميق ذكراه كفيله تحملني اثقال من الهموم

طردت الافكار كمت صليت صلاة الفجر بعد ماسمعت صوت والدي عرفت طلع يجدد وضوئه

كملت وكفت لفيت احرام الصلا النوم جافيني طويت السجاده كترتهن بخان من ضمن كنتوري مخصصه

توجهت لسريري تمددت مجرد تلامس خدي المخده زارني طيفه ملامحه الي اسرق نضرات الا ان اكتملت لوحت معالمه

اخذتني الذاكره لكل وقفه اله سرحت بعالم الخيال فزيت مرعوبه تعوذ الشيطان مااريد اوكع بلحرام وان كان حلم هزيت راسي رافضه

جبرت روحي انام واعرف بروحي زوره بعالم الطيف واذا بطريق طويل والناس افواج متوجها نحو الامام الحسين مشي تايها بجيت امي ابويا رضا وين مشيت ادور بينهم اصيح خايفه

برز شعائع بين دموعي وعيوني الخايفه انسان ذو وقار بتلك الجلبابه الصادقيه الجميله عليه معالم الروحيه من بين كلماته ابتسم ابتسامه جميله تبعث الطمأنينه همس ياالله لا تخافين اهلج وياج تلكيهم بموكب .... امشي كبل يتلكوج

ارتاحيت اباوع حامل علبه محابس رجاليه فخمه

همس برزانه اخذي اليعجبج اوزعهن ثواب الامام

كيفت فتحت العلبه اختاريت اجملهن ورحت ادور على اهلي لهناك واشوف محبس ثاني مترب وسخ

كان مزينه عقيق ماروني شلته اقارن بينهم

الاخذته من الرجال حلو بس هذا الخرزه اجمل كلبي صب عليه ضليت امسح بي لحد مااترتب صح موجديد مثل العدي مشيت واشوف اهلي فرحانه شوفتهم المحابسي بابا كلي اخذي هذا

اشر على محبس الرجل

كلي هذا حلو وجديد وبي طاقه روحانيه جميله

ضليت اقارن بينهن كلبي يم ذاك المحبس بس الختاره بابا اخذته لبسته مشينه بين المشايه اتفقد المحبس احس شي ثمين فتحت ايدي اباوعله انصدمت مو نفسه متغير حل محله محبس ذات خرزة العقيق

(نقلت الحلم عن لسان ريحانه بحذافيره)

فزيت ويه صوت امي عصرت عيوني شنو من حلم هذا

كفيت الغطه بلشت قرايه عطلت المراجعه جدولي من الصبح بلسبعه اكعد للتسعه بليل

وهكذا مشت بيه الايام ماتخلو ايام من طيف تميم

مرات سهون اكتب اسمه ارجع اشخبط عليه اكثر من مره لحد مايختفي الاسم تحت حبر الرصاص

شنو الخلاك تعشعش بالي مو من عوايدنه ولا اطباعنه ولا تربيتنه اخخخ لو عرف والدي

ثاني يوم يزوجني لمعارفه هوه من غير شي يوميه كاعد وياي يقنع بفكرة الزواج واني ارفض مااحس روحي اطتفيت وصار وقت الزواج وتكوين اسره

تطلعي اكبر من فكرة الزواج واطفال اماني اخذت اطباعي شاركتها طموعها صرت اغار من قوتها واجهت والدها وثبتت نفسها

صرت احب اخذ منها الاصرار شفت كلامها صح الزواج اكمال دين وليس عائق امام احلامك

رب العباد انطه الانسان مساحه شاسعه من الابداع

في خلقه وضع العالم بين يديه نكدر نستثمر العلم بمجالات عده لكن الزواج موعلم الزواج ليس كتاب

الزواج اكمال ماخلقنه له سلسة الحياة قمت الهرم

اكدر ازوج وادرس اكدر ازوج ابني مستقبلي

استوعب امور كانت من الفروض امي تبينه الي اماني رحمه الي سوتلي واهس اكمل جامعه كان المقرر ادخل معهد التقني اليمنه بلقريه

وهذا قرار الوالد ماكنت ادرك تفاوت الطليات اله نتائج ليس مجرد اخذ الشهاده كل تخصص اله اولويه عن التخصص الاخر علو ودنو التخصصات

كانت مغيبه عن بالي

استثمرت جهدي ايام وايام الى ان كانت دورت مراجعه بمفس المدرسه اقاموها المدرسين لطلاب المراحل المنتهيه بلغونه قبل كعدتنه للمراجعه

طلعت من السبعه رايحه الاماني دكيت الباب فتحه اخوها نسيت همست اماني موجوده

ماكو رد عدتها مره الاخ ساكت اشوف اقدامه رفعت راسي عينه ليكدام يباوع رجعت نصيت

طب عافني واكفه درت وجهي هذا شبي دقيقه طلعت اماني تعدل بعباتها ضحكت " لج مشتاقتلج جرتني وسدت الباب بوستني "

ريحانه ابتسمت على لهفتها"اني اكثر ليش مااجيتي مو وعدتيني نقره رياضيات سوه"

مدت شفتها "اسكتي البيت صاير بلمكلوبي عرسو ويه عرسي"

ضحكت"عدكم عرس"

فتحت الباب هزت ايدها وطلعت طلعت وراها"اي عرس نعيمه "

ريحانه "هههه بلعافيه المنو "

اماني" الي يعني المن غير التحسين "

ريحانه"الف مبروك حبيبتي مهنايين جعلها زواجت الدهر"

عوجت حلكها مراضيه "عوفج وجودهم يكدر الخاطر بشري وين وصلتي ختمتي الكتب لا ياماده ضلتلج"

برطمت متدري النكليزي والتاجر البندقيه ربالي عله ازيد من علتي "بعدني بلنكليزي وراي عربي واسلاميه"

اماني "استعجلي بي تره وراج مادتين وماضل اقل العشرين يوم "

هزيت راسي بحباط احس روحي على ساعه ابجي

كملنه ورجعنه دنمشي ونسمع واحد يدندن كل ماانتقدم الصوت يوضح اكثر

اماني نصت تضحك "هذا العاشك الدنيوي على كولتج"

ريحانه متت بدمي كلبي يدك همست خجلانه" والله عيب هذا ميستحي احد يسمعه"

اماني "اني مثلج هم هيج كلت بس تره هوه حباب سنين ويه اخويه ماشفنه شي عليه موزين يطي وياكل ومره بات يمنه "

ريحانه" ليسمعه احد عفيه مكلتي لخوج"

اماني "كل عقلج شكله صاحبك يركض وره صديقتي وبعدين هوه مو يمنه شوفي نبه مينخاف عليه هذا تره بلوه لشوفي هيج يعرف السلف شبرشبر "

نصيت شكلها واني كلبي وكع بي

وضح الصوت متت اسمع بحته

مو بدينه نودع عيون الحبايب موبدينه

والعشك لحظه عمر وتمر علينه

مو بدينه نودع عيون الحبايب موبدينه

والعشك لحظه عمر وتمر علينه

و يلى طعم المستحه على عيونكم

ويلي ويلي

ويلي شوكي يذوب بين ارموشكم

ويلي ويلي

و يلى طعم المستحه على عيونكم

ويلي ويلي

ويلي شوكي يذوب بين ارموشكم

ويلي ويلي

و ليلكم كمره وهوانا مسهرينه

موبدينه

مو بدينه نودع عيون الحبايب موبدينه

دخلت دندنته لكلبي داعبته نصيت ميته خجل وصلت امامي واني اذكر دندنته

شنو الخلاني التفت شوكي دكات نبضي عيونه عليه مكتر روحه على صفحه ولا جنه ماشي ورانه عله خده ابتسامته حلوه

شكله يجذب طوله رغم ضعفه لكن مرتب جنه ماصدك صدتي اله نصه يمسح لحيته غمزلي

يمه مشيت سريع وصلت ميته بدمي شدرا بروحتنه شني هذا جني ويعرف شوكت اطلع وشوكت ارجع

مشت الايام واني بحلم وردي شماا اكول هاي اخر مره افكر بي ارد اذكره مااكدر شي خارج ارادتي

رجعت لجولي لهناك واترك الكتاب وامدد بصفه

ادندن موبدينه نودع عيون الحبايب موبدينه

والعشك لحضه عمر وتمر علينه الساني لزك

بيها

شبعني طاقه ملاني ملي صرت كلي حماس اكو شخص يحبني ويفكر بيه درست بهمه طول

المده الراحت هوه مرافقني بسهوتي

بنومي بدراستي ااحفظ بلقطع وارجع اذكر اغنسته

وادندن مرات ياخذني الواهس صوتي يعله وافز

ليسمع والدي يبطلني

هنه سطرين عشعشن بالي شكد حلو لحنهن اول مره اسمع هيج لحن

يا عِشگهُم هيّل ما عُبرت سنينَة

شمّا يمُر بينا العُمر يكَثر حَنينة

سيف الدين ▪

جورتنا اليلي وطحنتنه مثل دك الهاون يساوي اليابس ويه الرمل ايامي مرت وانه بين البيت والكليه

وضع بغداد من سيء الاسؤ الفرهود كثر من غير البنوك اتفرهدت المباني الحكوميه انهبت شي خيالي

الفوضه عارمه بغداد انسحكت ويه الكاع

بوش بوقتها اعلن لشن الحرب والتي تركزت أساسا على تأكيد أن العراق يمتلك اسلحة دمار شامل وأن حكومة صدام تشكل تهديدا كبيرا على الولايات المتحدة وحلفاء التحالف

اتهم مسؤولون أمريكيون صدام بدعم وإيواء القاعده في حين قال آخرون أن المبرر لشن الحرب هو الرغبة في إنهاء قمع أحد الدكتاتوريين الظالمين وجلب الديمقراطية إلى شعب العراق

لكن بعد الغزو، لم يتم العثور على أي أدلة قوية للتحقق من وجود أسلحة دمار شامل. واجهت التبريرات لشن الحرب والتي جمعت من قبل الإستخبارات انتقادات شديدة داخل الولايات المتحدة وعلى الصعيد الدولي.

وهذا التفسير كان وارد اثناء نقاش القاده العسكريين في دروسنه المكثفه

الامريكان جانت نيتهم غير نيه خبر اعتقال صدام بنفس سنة السقوط خله الوادم تطلع من فرحها للشوارع تشوف ام الشهيد بشليلها توزع جكليت

وتشوف مرت الشهيد تهلهل

وهذا الاخو مفقود وهذا الابو وضع مأسواي كان تدريبنه مكثف تدريبات باي وقت يعلنون صفارة

الانذار نكعد خلا دقيقتين نلبس الزي ونجمع بلساحه

شفت الويل نزولي يومين مااشبع منهم شي

الما ماشايفها من سنه رغم اليفصلنه حايط العرفته والدها مانعها من الطلعه مفتقده

الكليه ماخذه كل وقتي اسمع حسها عبر الحايط اتعمد اكعد وهناك وجان طب جبنه ابتسمت عاينت ونصت خجلانه همست" شلونك سيف "

سيف" هسه صرت زين وينج عني "

فتحت عيونها يابه خلتني اكزكز "لا تعاينيلي هيج موحمل هاي العيون بنت كليبي جبنه"

همست بخجل متورد خدودها" انه ماامر ابوي مانعني من الطلعه يكلي كبرتي لزوم تتغشين من العالم ومحد يلمحج "

هزيت راسي "حكه تنهدت وانه حكي اكحل عيوني بيج ارد من تعبي احمل تعب شوفتج "

خجلت تضحك"انه لون يصحلي ماافارك بيت الشيخ احبن البنات وكفاء "

عاينت "وانه شني دوري "

ضلت مدنكه مرتبكه "انت كلهم " دخلت ركض

ضحكت بداخلي سحبت الباكيت ادخن منهد روحت حميد والتتن مافاركني باكيت يروح وباكيت يرد من اداوم اعوفهن اضل الوب وهل من ارد اشبع بيهن

كمت طلعت للبستان اياد مشتاقله السنه راح تخلص وهوه متخفي الشيخ بليوم يموت الف موته عليه رغم قوته وايمانه بس يبقه وليده وكلب والد

اخذتني رجليه وصفنتي لذاك الاب هم اجي على باله يجي طيفي بحلمه يكلبه مايعلمه انه شنو وضعي

هتي مرن 13 سنه وانه غريب عنهم لون شفتهم بطريق مااعرفهم

ضيعت عمري بلعسكريه لجل احصلهم شكد ارغد رادني اقدم ويااا وتعين مضمون ومكتب وشي مرتب

وانه راكض وره التعب والهم لون كلبي مامرتاح المكتب يريحه حكه ماحاس بلوعت الاهل والفراك

ياكل بلكلب

انه مناطر التخرج مناطر وابلش ادور عليهم

ديره ديره يمين عليه لون عمري يسبك السبعين

ميهدالي بال وانه بلايه اسمهم ادورهم الي وياهم

عتب ثكيل حيل ثكيل

احملهم سنين الغربه الضيعتها وانه بعيد عنهم

منهو ينطيني جبنه وانه ابن الفلاح منهو يثق انه ابن شيوخ من شيوخ البصره النه ديره كامله

جدي ابوي امي عمامي ماكو احد بيكم حز بكلبه

وكال هذا الولد عايش ميت

زياد زلمه وعده جهال وابو كلبه يلوب عليه انه شكول العمري ست سنين وضيعتهم شهرين

ويكلولي اهلك مسافرين خاطفين طير دجاج

هم الدجاجه تخاف على فروخها اخخخخ تشب

بيه النار وانه ادورلهم عذر مالاكي

ودي اكعد كبالهم اصيح انه وين عنكم ليش هيج تخليتو عني ومشيتو ماتانيتو سنه والله لون ضالين شهر اكثر هسه انه يمهم

مسحت وجهي استغفر وكفت اعاين انه شكد ماشي

هزيت راسي متحسف رديت للبيت

الشيخ متاني بلباب يعاين شافني "وينك يبوي "

بسته من راسه "تعذرني اخذني الهوه العليل تمشيت بلبستان "

الشيخ"طب ابني الدنيا مو امان لاتسهو رد من وكت"

ابتسمت مااحب اجادله احبه هذا مكان ابوي واعز والله حسبني ابنه الي بلهزمن محد يتحمل بزر اخو مو بزر غيره "

دخلت توضيت وكفت اسلي ورا وانه انه مثل ماتعلمت جدي رميض كبرت وعرفت فرق الطوائف

الي صار الذب عليها

فرق بين وادم تشوف فرق الطوائف كفر الشيعي يكره السني والسني يكره الشيعي انزرعت بينهم

وصار الذبح على الهويه

وانه اعاين على الشيخ من زغري تركني بطائفتي

مكالي لا تصلي هيج وصلي مثلنه كبر مقامه بداخلي

لون يطلب روحي انطيهيا

من صغري انه ذراعه اليمين حضرت مجالسه فصول

صرت اعرف الصغيره والجبيره

اياد علمني وجني اخيه الصغير فرات ماله دخل متقبل وجودي كفاء اخيتي الحجيه امي

يوم يوم يردني الشوك الها ينطيها لون خطبتها منه ابوها رجال معدل وماله شغل بحد

متاني التخرج

وهذا ارغد كتل روحه على بت خالته هم مثل مناطر يتخرج ويتعين ويتقدملها حارك روحه حرك

وتميم هذا فلم اخر شي سمعت عنه فتح محل كبال مدرستها علمود يعاينلها

........يبع

كثرولي تعليقات

كثرولي لايكات تصويت

احبكم موبدينه  😆❤

بين الكاف والنون (كن فيكون )

الثاني عشر

الكاتبه سجى الطائي

///////////////////////////////

مو حزن لكن حزين

مثل ما تنقطع جوّا المطر

شدّة ياسمين

مو حزن لكن حزين

مثل صندوق العرس ينباع خردة عشق من تمضي السنين!

مو حزن لكن حزين

مثل بلبل قعد متاخر

لقى البستان كلها بلاي تين

مو حزن..لا مو حزن

لكن احبك من كنت يا اسمر جنين!

خذني يا بحــــــر

خذني خشبة

خذني والبحارة لو نسيوك كلهم... ما نسيتــــك!

ما نسيتــــك

الخشبة عاشت عمر طيب

عشقت كل المخاطر

___________________________________

ارغد▪

راجع من القسم الداخلي صارلي شهر مانازل

مريت من محل تميم صحت "هااا خويا الله يساعدك"

مدنك يرتب بطالت الزيت رفع راسه "ذكرت الز... اجتني مطوفه"

"ساق....خرب روحك شكد خايس اني ز...... جلب"

تميم" شرايد هسه جايني"

ارغد" جاا انه اكول هذا اعوج ماينعدل يول هيج تستقبلني شهر ماشايف زفرت خلقتك"

تميم "عار مايلوحك شي "

تقرب جرني جوه جتافه نصيت اني ويا نفس الطول هوه اترس مني ضحك مشتاقلك والله"

ارغد ضحكت "دمشي عزل ناطف كلبي على امي"

تميم"ماكله كلبنه عليك " عزلت ورجعنه للبيت تلكته امي تحضن وتبوس وشم بي وهوه حنين يموت عليها عده بلدنيه كلها

ارغد صعدت لغرفتي ذبيت الجنطه جايب كم غيار طلعت توضيت وصلي جان وكت الغروب مسحت راسي ودنكت مسحت رجليه

دخلت لغرفتي مدية السجاده صليت واسمع صوت اسامه ابن اختي وتميم مناكرهم طلعو روحي حسهم عالي

نزلت اسامه دار وجها ميطيقني هزيت ايدي طبك حريشي ابن الزفره لا اطيقه ولا اطيق امه رغم هي اختي زوجوها من وكت فرق بيه سنه

كعدت امي وخواتي مدن السفر ينكلن بلاكل

ابارهيم الوحيد بينه زوج كبل سنه " هاي التدرسها شكد راتبها"

ايتسمت داخلي "ماادري اذا تعينت منا لذاك الوكت"

ابراهيم"سامع رواتبهم خير من الله"

ارغد هزيت راسي" الله كريم "

تعشيت وطلعت للقريه مشتاق لشوارعها شكد جنت افتر بيها اخذتني رجليه لمكان لحميد السيف دنكت اخذت عود سعفه مشيت وصلت للساكيه

كعدت بيها اخذ نفس عميق اخخ ياديرتن اهلنه ضليت كاعد واباوع للمكان رغم اهله مايقبلون احد يدخل بس ابوهم مره سولفتله ليش اطب كلي عمي براحتك الكاع كاعك شوكت متحب

سيف بين فتره وفتره يغطني للقسم يضل يوم ويرجع للشيخ مايفاركه الله زرع حبه بيت الشيخ

كضيت كم ساعه وكمت راجع القريه طورت اشوف هواي ناس بدت تذب بيوتها للكاع وتبني طابوك طك فش صارو اغنياء والبيهم اشتره سياره وبيهم الي فتح محل منيلهم ذوله

تميم ياهوه يشوفه طك يصيحله حواسم واليسمعه يتعارك وياا وهذا ميخاف يصيح ناس حرميه ميخافون ربهم فرهدو الوزارات

وصدك الوضع ختلف الغني افتقر والفقير اغتنه شني الصار والعالم تبدلت جنه نعرف بس المبرده كامت الناس تشد مكيفات يكلك هوا ثلج

واحنه كوه مدبرين عيشتنه تميم وابويه اليصرفون اليحصلو ابراهيم وتمام يوم يشتغلون وشهر يكعدون وضالين بس على الكمه

دخلت جامعه وحاير بوضعي من وصلت للقسم الداخلي استقريت ويه كم واحد صرت وياهم ربع وين انطي وجهي ضليت من الكليه افتر ادور على شغل العندي مجمعهن وقسم من تميم بقية خواني كالو حير بروحك منين نجيبلك ماهتميت مو اول مره يتعاملون وياي هيج تعودت

اول يومين القسم ماقبل على تاخري ابوابه تنسد ب6العصر لان ويانه مسائي شغلي بلكهوه ارد لازم نص اليل وانه مومال اضل هيج كاعد واخذ مصرفي من امي

شفت ولد ماعجبهم القسم كالو نأجر شقه وبينه نقسم الاجار والمسواك حسبتها منا رديتها منا كتلهم اني وياكم بس اشوف بلاول الاجار شكد وعل  الحسبه اصرف

دورنه لكينه وحده مرتبه بيها بس غرفتين وهول ومطبخ مترتين بمترتين ميخالف راح نام بي واحنه مما خمسه اني كتلهم خلوني بلهول والبقيه قسمو الغرف بينهم اخذتلي ركن بس اشتريت ديلاب حديد مال مكاتب باله ربت بي الملابس وخليت خانه للمحاضرات والكتب

صرت اداوم الصبح ارجع وره التلاثه هلكان يادوب اكل لكمتين واروح للكهوه افتحها وانضفها واعزل المطان وابلش غسل ساعتين صارت معدل شغلها يبدي من العصر لليل

ايدي اخذت عليها الوارد يادوب اجار وملازم الولد وياي مقدرين وضعي واني هم مااكل وياهم اكضيها بلكهوه بس الصبح استكان جاي

كاضيها لفات خاست بطني من الفلافل عدنه واحد اسمه صدام ابو سما عليه لان اجه بيوم ميلاد النضام هذا الدنيا زاهيتله طلع من القسم يريد ياخذ راحته

اخذت نفس رجعت طبيت شفت اختي ام اسامه

ارغد "شلونج خويه "

ردت "هلا هلا "

امي" وين رحت بهل ليل "

ارغد " هاا يمه ردينه للحبسه وين رحت افتريت "

امي "يمه انت ماشوف الامريكان يفترون والحضر من المغرب بس يشوفوك ياخذوك بيه حيل هبطات"

سعاد"اممم شعليه مايصيرله لتخافين عليه "

ارغد "ابتسمت يابه "

امي "شون مااخفن عليه هذا الزغرون كلبي مايطمن اذا مااشوفه كدامي واكحل عيوني بي"

جانت بصفي جريتها جوه ايدي "اروحلج فدوه ونذر انتي خيمتي ودنيتي "

طب اسامه "لواكه "

امه ضحكت" والله كلت البكلبي"

كمت "يام صاعد فوك ارتاح"

صعدت مالي خلك حقدهم

طبيت تميم مدد صافن صحت الصفنه مو الك لللمطي لللمطي "

فز باوعلي فاتح عيونه " زمال ماكو مطي غيرك"

جرني خلاني جوا خانطني واني خربان ضحك على طفرته "ساقط كسر بيدك مادك الباب"

دفعته اكح واضحك"تتهنه هههههه العلويه "

تنهد رجع السريره يدخن" اسكت اني وين هيه وين "

ارغد"ليش شبيك "

تميم "بيه هواي وضعي وضعكم البيت متروس وهنه غرفتين وحده اخذه الحمار الجبير ازوج والثانيه اني وياك والجوه للبنات وتمام داحس روحه بلستقبال وين احطها"

ارغد " مااعرف الغلط منك ليش ورطت روحك بلحب وسيد محمد صعب ابنه رضا نشوفه صدف وماله بينه مجرد سلام حتى من جنه بلمدرسه ميختلط ويانه يعني ناس محافظين على نضامهم مالهم دخل باحد ومبينين يزوجون منهم وبيهم"

ضل يسحن بلجكاير ماردت اقهره اكثر وكع بيها عباله الشغله هينه

كال"تدري ماضنيت يوم اوكع وافكر باجر صوج هذا يأشر على كلبه وين ذبني بابمن ويني وينهم جنت منجب وعايش يومي "

ارغد" الله كريم لاتفكرلها تميم ربك يحلها "

سحب نفس دنك يفكر " متاني الاسطه يجوز اسلم المحل لعامل وارجع للخلفه والزم مكانه "

ارغد "المحل مامكفيك"

تميم"يفديني ارغد المحل مايسد والبضاعه الاجيبها ماتكفي اسعار الكيعان نازله اريد الملي جم فلس  اكو كاع خال عيني عليها  "

ارغد" الله يوفقك "

تنهد متغير مو تميم اليضحك وكاضيها اغاني ونسه وطرب خرب غيرته كأبني

ولساع ولذتنه انكضت

و أهجسْ عالكَصـايبْ شـَمِـعْ

كل نسمه ترفه من تهز الباب

يخنِـكَنـي الدمـِع

هلبت يخضر الضلع

هلبت بعد بالروح , يا ريحان وصله تنزرع

لســٌاع مشدوده شـَبكَـتكْ عالخـِصِـرْ

بسْ إنته تدري إشلونْ رصعه بالنـَحَرْ

والركَـبه من تلتـافْ للبوسـه جـِسـِرْ

الشته شال إشلِيــله من يمنـه وعـُبــَر

وسالته عنك ياشتا العشاك

ماعندك خـَـــبرْ ؟

والشتا كله تعده كله تعده

والكَـيظ هم تعده

شجاب العشك وشوده

لا بالمحطة رف ضوه

ولا ريــل مـَـرْ عالسـَــــــده

كل لحظه من هذا العمر

وعـٌتْ حسافه بكَـلبي

يا أوٌل الريحانْ

يالمَرٌيت مرٌه إبدربــي

يا آخر إسـواجي حنـيني وحـُبي

من يوم طيفك هجر نومي ما نمِــــتْ

حنية يا جذاب منك ما شِفِــتْ

من ظـَني كـضـٌكْ بالحِلم

عنبر فِحـِتْ

ومن رِدْتْ أجيــسـَكْ

جـِسِتْ روحي وفرفـَحِـــتْ

أترف من أجفاف المهـــر

قندون ما ضــايكَ شـَكر

ياترف ياجَـرٌة كحــــــِلْ

يا ترف يا بوســة سـَهَرْ

ياتـَرِف يا ييــزي قهــَرْ

شِيضـرٌكْ بكل الشتا الولهــــانْ

لو صـَحوة مطـَرْ..

خرب بجاني بعلي شلون يجر بلموال "خرب غيرتك كله حافظه "

ابتسم "شلدالك ابو الرغايد هذا صويحبي"

ارغد "كافي جكاير خنكتني"

تميم "هاي طفينا افتح الشبابيك من يمك "

يومين ورجعت للشقه بس الكروه بجيبي وابو الكهوه انطاني بس يومين

شغل اسبوع اشتريت جهاز وشريحه ستوهن طاكات الاجهزه جبته مستعمل عدي رقم سيف دكيت عليه حفظه يمه

وهم اطمأن على الوالده من تميم يضل بالي يمها

سيف الدين▪

راد من الدوام تعبان اجازت الاسبوع اكضيها نوم

ثلث تيام والشيخ طب للصاله "بويا مااتحاجي اخوك كله ابويا الشيخ يريدك"

سيف"هااحجي صاير شي البارحه خابرته"

الشيخ"ابني اجاني طارش يكلي يردونه وحاسين بمكانه وانه اخاف صدك "

سيف" حجي يمكن ملعوب منهم يدرون راح نكله ويردون يندلو هاي اساليبهم "

الشيخ "ابني كلبي يمه وامك الحجيه اذا سمعت ماتتحمل اطيح دشوفه الي الله يرضه عليك"

سيف"سهله يابه هسه ادك عليه" رفعت الجهاز وكتها حديث نوعيته نوكيا اتصلت

زياد" الو ها سيف"

سيف"الو شلونك "

زياد"الحمدالله نعمه صاير شي"

سيف"لا يابه هذا الحجي واصله جماعه مندلين مكانك راد يطمأن عليك"

زياد" طمنه ماكو شي يمي لو يعرفون مكاني مااجا خبر هذا ملعوب منهم"

باوعت للشيخ هز راسه ارتاح"يله خويا الله وياك "

زياد"سلم علموجودين وطمهم مايمي شي نصه صوته سيف لا تخليهم يدكون هواي احتمال يراقبون اجهزتكم كونو حذرين للضروره دك "

سيف"ماشي خويه اخذ راحتك"

سديته "ها يابه برد كلبك "

الشيخ" الله يسامحهم بهذلو احواله"

صاح على الكهوجي اجه ويانه من انتقلنه لان يصير كرابتهم ميدخلون غريب لدارهم

ضليت يمه نسولف بلبستان والوضع شويه احسن السيوله موجوده يفتحون مشروع اكبر ويكبرون بستانهم انه ماايدته وضعنه مامستقر ماموطنين نفسه بمكان محدد لازم نكون مستعدين بأي وقت ننتقل وهذا جان رأي الشيخ

السنه خلصت على خير دخلنه ب2004 اجازتي قصير رجعت للدوام وياي طالب اسمه ضافر صادقني ضلينه سوه

ضافر من صغره ابو استشهد بلحرب من عمري بصغره باع علاليك يحصله جم دينار يعيش امه وبيبيته كبر واشتغل عمال وراها حمال هوه من اهالي بغداد

حجالي شلون خواله رادو يزوجون امه ويخلو ويه بيبيته ام ابو عاش يمها سنه وردت امه اله رفضت زوج كتلوها وعذبوها وماقبلت تعوفه

لحد مابيوم شردت واجو سحلوها كدام العالم يسولف وعيونه صارن حمر كتله كافي لتكمل ماقبل

اخذوها منه سبوع وسمع خبر انتحارها حركت روحها بلحمام

يكلي سنين عشت بعذاب شكد رحت لمهما (ام امه) توسل بيها تحجيله ليش انتحرت ليش ماازوجت وضلت عايشه محد يرد عليه

كبر وصل للاعداديه بيوم بيبيته ام امه على فراش الموت ودت عليه كالتله هوالك عدهم شريك وكلهم ارباح سنه كامله الكم اذا زوجتوني اختكن يكلي سودنت وكتها عرفت غايتهم طمع

خواله اصحاب محلات انشائيات بجميله صارله سنتين من عرف

ضافر"اكضي ليلي سهران اناملي ساعتين ماارتاح اذا مااخذ بثار امي اله احركم مثلها اله اضوكهم عذاب النار "

سيف" عوف الثارات خويه تروح بيها مركزك مهم لا تخلي الغل يعميك خلهم ربك عادل يجي يوم ياخذلك حقك وحقها"

ضافر"سيف حرموني منها امي حنينه عشت وياها 12 سنه مايوم اشتكت لو كالت جوعانه تحبني كل السوته علمودي اخخخخ"

جريته رجعته لمكانه نام ضافر مو وكت بواجي ورانه تدريب خرب روحك باوعت الساعتي ثلث ساعات ونكعد ضربته بلمخده دنام شكد تعوي ادري بي مهضوم وناره ماتبرد وحكه مالومه

سبع من يتعاقب شكد مايشد الامر وياا ينفذ وانه مثله اكولن هذا الزمن لوانه ولوي وخلانه هيج نكون

مرتين رحت ويا البيته بيبيته منتهيه جبيره بلعمر وضاله بس روح يجيب يمها بت عمه ومن ينزل ترجع اخخخ ثاريك مو بس انت متلوع ياسيف اكو غيرك ضاكو المر اضعاف

استغرب علاقته بيها هوه يبدللها وينضفها من سوي يموت عليها يكلي تكفي بس روحها موجوده ومن انزل اشوفها وتاخذني بحضنها

بيتهم بسيط من القديمات يمكن بناء السبعينات بلكراده اخذت راحتي ويااا ماعده خوات يكفي بيه من انزل ويااا اضل يوم واروح للشيخ

شكد يجلب مااكدر روحي يمهم الشيخ الحجيه اذا ماشافتني تناطر الباب وتكعد الما الي شوفتها صارت بلبوكات

نزلت هاي اتفاجئه بخبر جيت زوج كفاء وابنها مقدام يردون ويا ابوهم للكويت رفعو الحضر بعد غياب اكثر من عشرين سنه

خرب لو ادري مانازل تكأبت اعاين البيت مكلوب الما طبت من باب الهول لمحتها عيونها حمر كفاء صارتلي ام واخت ماتركتني بيوم ماانسه ركضتها وراي ادرس وانه اتهرب لحدما تلزملي العوده ادرخ الماده تعوفني افضالها هواي

مقدام مايباوعلنه لا تنزل دموعه رغم كبره الشيخ ذبح لجيتهم وطبو عيالها وزوجها مبين عليه العز

الكل التم وصارت كعده من كعده صح هوه مامطلكه بس الحرب الصارت الملك الكويتي فرض الحضر على العراقيين زوجها جان انذاك بلمقاومه الكويتيه اعتبرو من ضمن السلك وانطوهم رتب وبمرور الوقت زادت رتبهم

يومين كفاء ماقابله وتنكز الشيخ والحجيه هواي ضغطو عليها بمجتمعنه يعتبرون الزوج هوه السند ولزموها بحجة ابنج لايربه بعيد عن ابو

الزاد نفورها زواجه من كويتيه مخلفتله اربعه ثنين بنات وثنين ولد بولادت الاخير توفت 

شفتهم مامنطيها مجال للتفكير حاجيت الشيخ

مااخذ مني من هيج حسيت سحبت روحي حزت بنفسي شكد مااكون بينهم اضل غريب لو انه اخوها من دم ولحم لا والله لا اخليهم مداس تحت رجليها فوك شك زوجها بيها وتبره من ابنه لوما الشيخ سوه تحليل ذاك الوكت بفلوسه اشتري كيعان واثبت ابنه يله اعترف بي

بلعت وتعوذت الشيطان رابع يوم وافقت كفاء بطلب من مقدام مايكدر دونها ودون ابو

تركت فراغ بلبيت جانت عون ونعم العون اعتكفت ضليت ايام انه مكسور على روحتها ودعتني وحضنتني وانه مبتعد لا يتحسسون الشيخ عاينلي ابني هاي اختك حبيبي اخذ راحتك

كان ودي اخذه بحضني حضن اخ لخته واشكرها

سديم•

خبر خطبتي من نصرت صدمتني اماني تباوعلي ساكته

سديم"اماني لجذبين عليه تشاقين مو"

اماني "لا صدك اليوم طلبج من ابويا وصارت طلابه وكرم تعاقب "

سديم"وابويا شكال وافق مو"

اماني"لا بس كال موهيج اليخط اكو بيت تتفضل وتطلبها حسب الاصول"

لطمت "لا حبابه مراح يزوجني مو حبابه اماني كليلي شسوي اكيد ابويا يزوجني ويشمرني عليه مثل اريام و ربى"

اماني"ماادري سديم من عرفت ليهسه راسي يوجعني وعلى ساعه الزم هذا العوينجي وافكس عيونه"

سديم  لزمتها اتوسل"الله يخليج والله اذا زوجني اله احرك روحي مااخذه حبابه اماني حاجي قنعي مينطيني "

سكتت ماتعرف شسوي كمت ابجي ساعه واني اتةسل بيها دخلت امي شافتني

امي "كومي اخوج يريدج"

باوعت الاماني انخطف لوني "ماما ماعرفتي شيريد"

امي "ماادري  شبيج هيج ترجفين شمسويه"

اماني باوعتلي "روحي شوفي شيريد "

سديم"مااروح اموت والله "

امي"شبيج يمه شصاير واني ماادري"

اماني فركت وجها " المنحط يريدها "

امي تباوع متعرف شنو "منو هذا "

اماني "اكو غيره استاذ نصرت

امي"شكو بيها اذا خوش ولد "

عطت "لا ماما فدوه مااريده خيولي عوينجي ويصجم بلطالبات ويتحرش بيهن"

امي"وانتي ليش ماحجيتي من زمان ستوج تفطنتي"

بجيت بقهر "ماادري بي يريدني بس مرات يحجي وياي ويريد علاقه حب واني ارفضه لمن البنات سولفلي عليه يله عرفت "

اجت امي جرتني من ايدي عصرتها "احجي ولج امسويلج شي خوما طالعه وياا مقشمرج هم ماخذج

بختله لو وره المدرسه اذبحج"

ابجي واريد اهد ايدي منها ضربتني على راسي وعلى ضهري ملختني وصيح فدلا موبت وعلي يذبحوج سديمه احجي شمصخمه ضليت ابجي وكوه احجي وهي مستمره

امني تريد تخلصني منها ماتكدر دخل تحسين مستغرب جرني منها

تحسين "شبيكم صوتكم واصل للشارع ليش هيج يمه ضربيها شمسويه"

وكغت امي تمسح وجها صرت ارجف راح دكله واني منسويه شي اتوسلها بحيوني واماني مثل حالي

امي" ادبسز اختج مستهتره انطيناها عين زايده "

تحسين "غير افتهم شمسويه سديم مو وكحه ولا لسانها طويل "

لفت راسها بلشار "عوفني تحسين ضيمكم ثكيل فاتت من يمنه كوه تمشي عيونه بسرعه ذبلن

اخخ يانارك وتربيتكم الصعبه

باوعلي شبيها امي وياك اول مره اشوفها هيج تضربج شمسويه "

دموعي نزلن"والله مامسويه والقرأن ممسويه شي هي وحده بدون ماتفهم اجت ضربتني ليكول حيوان جوه ايدها "

تحسين" امي فقيره مضربج وحدها "

كعد يحقق ويانه وكوه قنعنا اني اعانده بس شنو دموعي ماوكفت ويباوعلي بشك شويه وكام طلع

حتى نسيت اكله شردت مني

لليل كوه طلعت كعدت وياهم على السفره عيوني كل عين بكد البتيته الجفن مورم  ابويا  فتح الموضوع كال استاذج يدرسج حاجاني  واجه لخوج وطلبج من يمه

بعدني محاجيه وتحسين كال" خيولي سألت عنه ابو بنات عوينجي مامخلي بنيه تعتب عليه منطقته كلها كالت  عده سوالف بنات "

ابويا ماجادل كله "هي هم صغيره خل شويه تكبر "

ارتاحيت اخذت نفس براحه بسرعه خلصت منه وابويا واخويا مارادو

يومين عطله وابويا وامي قررو يزوجون تحسين

فتحو ويا الموضوع كلهم مااريد كرايب

ابو تحسين"عوفه انه اخلي امك اجيبلك غريبه شكلت خلها عليه"

تحسين"ماشي يابه بلتريده"

صدك سبوع وابويا كله اكو اخت صاحبي زغيره وبس كتله اريد ازوج ابني شالعا وانطانياها

كيفنه ثاني يوم رتحت امي واختي وبيبي شافنها واجن كالن زينه بس شني البيت مذرع ماينضفون ذوله

ابويا جان كاعد متانيهم "شنهي مو خوش بنيه تشتغل ويه اخوها بلكاع ماتلحك على التنضيف "

امي "ابو تحسين انت ماشايف الشفنا البيت وصخ وصخ وعي البنيه من اجت باوستنه بيها ريحه "

ابويا"صااح شنهي ام تحسين لاطلعين بيها الف عيب تزوج وعلمنها بعده زغيره"

امي سكتت من اول صوت ربي من دخلت للغرفه ركضنه وراها

ربي"اسكتن ولجن جيفه جيفه اطر الراس"

اماني"اخاف صدك مثل مكال بابا متلحك"

ربي"ماادري العم يم رب العالمين هي البنيه شكلها زين وعايشه بس امها واخوها  حسب العرفنا تحسد وياا "

اماني"مانشيل ذنبها بعدنه مانعرفها يجوز متعرف وامها مره جبيره"

ربي"يااختي ماادري وضعهم مدري شلونه والوصخ العايشين بي مااعرف شلون متحملي لو يوميه جها جان نضف "

اماني ماقبلت نحجي دكول ماشايفين بعينه تحسين سأل كلها حمظت بأخلاقها ومشايفيها هواي

ابويا انطاهم خبر المشيه بعد ثلث تيام يردولنه الخبر

وصدك ثاني يوم وافقو  اجلوها اسبوع واني داومت كم يوم وعطلت اعفاء عام جانن درجاتنه على التسعين ننعفي

كعدت واماني تقره بس بيوم المشيه ماراحت ولا اني ماقبلو رتحو يمشون ويتفقون على الحاضر والغايب والذهب والنيشان سوالف اعراسنه العراقيه

رجعت امي سولفتنه الحاضرها وغايبها 3ب5 بلشنه نجهز تحسين العنده انطاهن ذهب مليون ونص بذاك الوكت يجيبن ذهب

امي راحت وربي والبنيه وامها

صارت الخطبه اخذنه حسام بكيه صاحبه جمعنه كلنه بيها عماتي ووبنات عمي واخواتي صارت لحم اني ذبوني بخانت الشواذي اليوره صرنه شي مدحوسه بشي

تحسين هوه وابويا وعمي الوسطاني وعمي نعيم اخذو تكسي

اخويا طلع حلو زين وعدل روحه بي شكال وجها ابيض احمر  لابس قاط اسود مطلعه افندي على كولت ماما

نزلنه قريب بيتهم يم بستان البيت زين دخلنه للبيت مابي شي مووصخ مثل مكالت امي استغربنه حتى اماني ضلت تستغفر وتتنهد كالت "امي متخاف من شيل الذنوب سوتها جايفه شبي بيتهم جنه ورد والبنيه لابسه بدله وردي ام التور والنمنم طشن بوكتنه بيها حركات الورد والشده

حبيت البدله العروس حنطيه وجها مدور بلمكياج حلوه مسويلها تسريحه وحاطيلها لمع ملون يضرب عليه الضوه ينطي لون جنن

ضلت مكابلتها اماني نزعت عبايته امي اشترتلنه نفانيف امهات البنطرون يصيرن ليم الركبه بيهن تعاليك جواهن بدي وبنطرون من نفس قماشهن

عقدولهم وامي وعماتي هلهلن ام العروس فرحانه مكيفه بينه ربي جايبه ام بي ثري شغلت اغاني ماسامعته كبل كمنه نركص اريام وربي ذبن لحم

بس اماني تباوع ماتقبل عقده كل شويه تستغفر بس هي مالها دخل حتى مدكول طفنه بس تبتسم على ركصنه

جابو الكيكه حطوها بلنص شفتها لو كتلت روحي اريد منها ربي ضربت ايدي "من يكصون العرسان انطيج"

كالو راح يطب العريس دخل تحسين خجلان كعد بصفها على كرسي امي جابت الذهب انطته بده يلبسها ويباوعلها شويه وويرجع يلبسها البقيه كوه امي كالتله وكل العروس وكلها وشربها شربت وكل شويه يريد يوكعه عليه لحد مانتر هاجن سوالفجن مااعرف اشربها

عاد ربي كالت"خويه انت اشرب وهي تشرب بس وكلها الكيكه "

وكلها شويه وطلع وامي تهلهل العروس مكيفه وكومتها ربي تركص ويانه

ساعه وكالو نرجع

ماطول تحسين شهر يرتب بلبيت صبغ وترميم حسام ويا وجماعتهم جاب غرفت اخشاب صاج وامي طلعتله من دواشك النضده ومخاط وبطاطين

اشترت نزلت الجربايه واماني خيطتله شراشف جربايه ووجوه مخاد

اريام هم اجت عاونتها وراحت ربي تجي كل فرته

البيت ماخله من الخطار

اماني ماتطلع هواي بس تقره كملو كل التجهيزات بقة بس عشه العرس شالو بابا وعمامي بينهم والطلي على امي وحسام والبنات هم انطن بس اريام ماقبلو

ياخذون منها يعرفون ضرفها

صارت الحنه رحت اني وربي وامي واريام اماني ماقبلت عمامي وعماتي والبنات كلها راحت صارن كيتين

ركصنه وهوسنه وردحنه ربي واريام شويه وكالن نرجع بيبي حنت العروس ورجعنه

ثاني اليوم كعدنه من الصبح ركض ركض واني طايره بملابس العرس شكد حلوه للخطوبه اشتريت للحنه اشتريت للزفه اشتريت صارن عدي خواي ملابس اول مره بعمري هلكد اشتري

لبست ولفيت شالي والبت متروس ناس والسيارات بره الهورنات عالكه والاغاني حسام زين البيت وخله نشره اضويه اليوم حنت تحسين وزفته نفس اليوم العروس سوت حنتها قبل يوم

اصرف التحسين ماعده يعشيهم بلحنه وبلزفه سواها سوه اصرفله

رحنه بلزفه وصلنه لبيت العروس نزلت بس عمتي واخالتي اخذنها ويا تحسين احنه ماقبلو ننزل

الزفه العصر والناس تباوع واني طايره بلعرس وبلهوسه وبنات عمي وياي

فرونه الكوت وراها اخذونه للمصور نزلو ساعه بس صور وحركات وراها رجعنه للبيت

من وصلنه ذبحو جوه رجلها الطلي واني مغمضه كاشه روحي حسيت بيد لزمتي باوعت ستار ابن عمي جرني طببني

............... يتبع

كثرولي تفاعل احب تغريداتكم

كثرولي تصويت ❤

بين الكاف والنون ( كن فيكون)

الثالث عشر

الكاتبه سجى الطائي

////////////////////////////////

سديم •

من وصلنه ذبحو جوه رجلها الطلي واني مغمضه كاشه روحي حسيت بيد لزمتي باوعت ستار ابن عمي جرني طببني وطلع

مال الكمه بوكس اكسر سنونه الحقير

طبيت الكل ملتهي بلعروس بنات اختي ربى واني وبنات عمي الصغار مكابليها داير مدايرها مكابليها

امي النسوان يطردن بينه واحنه لاطشات جان اسمها نعيمه نفس اسم بت عمي الجبيره

لليل صبو العشه ولد عمي وجماعته زفو تحسين فدوه العينه شكد حلو طالع حبيبي

ربي واريام قامن بلبيت انته العرس

ريحانه•

اليوم اخر يوم امتحان من التعب والارهاق كنت بس اصلي واقره اي فروض اخرى مااديها تركت كلشي على صفحه تميت اخر جوله براحه كنت راضيه عن نفسي عكس اماني الي

قبل الامتحان بنصف ساعه تقره مجموعة ادعيه لطلب الحاجه سريع الاستجابه لحد مندخل هي تردد من غير تهدي سور القصار الى بعض الائمه بنية تسهيل الامتحان ابتسم على ارتباكه

كان حلمها اكبر من حلمي

كنت اردد هذا الدعاء قبل لا ادخل 

للامام امير المؤمنين علي عليه السلام

ذكره الجلودي في كتاب صفين عند ابتداء القتال يوم صفين

(اللهم إياك نعبد وإياك نستعين يا الله يا رحمن يا رحيم يا احد يا صمد يا الله يا مجيد يا أبد يا إله محمد إليك نقلت الاقدام وأفضت القلوب وشخصت الابصار ومدت الاعناق وطلبت الحوائج ورفعت الايدي اللهم(افتح بيننا وبين قومنا بالحق وانت خير الفاتحين

ثم قال ثلاثا

لا اله الا الله والله اكبر

رجعت للبيت تعبانه ارتاحيت ساعه واذن كمت توضيت صليت الفروض كنت ناذره صلاة الحاجات اذا كملت امتحاناتي بخير وسلامه اصليها الحمد مره والاخلاص خمسه وعشرين مره اربع ركع

تميت الصلاه بعد التسليم والتسبيح رددت اول ايات سورة البقره احس بطمأنينه تامه ورضه النفس

التعب اخذ من جسدي مجرد كملت انطيت خبر الماما مراح اتواجد وياهم على الطعام

توجهة السريري نصيحه من ريحانه ردوو اواخر سورة البقره

آمن الرسول بما أنزل إليه من ربه والمؤمنون كل آمن بالله وملائكته وكتبه ورسله لا نفرق بين أحد من رسله وقالوا سمعنا وأطعنا غفرانك ربنا وإليك المصير

الها فؤائد عجيبه تيسير الحال الراحه النفسيه ابعاد ريح الشيطان

غفيت لساني يردد غطيت بنوم عميق اغلب وقتي كضيته ويه والدي مطيعه ماارفضله طلب حلمت بنفسي بمكان مثل الجامعه بصفي اماني تبتسم ضحكت فرحانه لزمت ايدها يعني اني وياج دخلنه جامعه

المدير مجتمع بينه البنايه مثل مدرستنه صار يذيع بلاسماء وصل الاسمي باوعلي كال انتي مرفوضه

كلبي دك خايفه اجيت ابجي كتله ليش كال ابوج نقلج عفت المكان واماني طلعت ابجي شبعت بجي اناشغ ليش بابا كلبي ينفض فزيت خايفه

اعوذك من همزات الشياطين اذا حظرت ضليت اتعوذ والدي معلمنه اي حلم اين كان ادفع صدقه

طلعت الساعه بثلاثه العصر شفت بابه بمكتبه رفع عينه من تحت النضارات طبيت للمطبخ فتحت الثلاجه شربت مي

من هنا بلشت بحفظ الجزء الثامن عشر يوم عن يوم اتعمق واعيد الدروس الاخذتها استرجعها صارت عدي مثل شربت المي اتقنت كل الركوزات وعلامات التوقف واحكام التلاوه

ماواجهت صعوبه كون والدي استاذ حوزه وخطيب منبر لكن اغلب محاضراته خارج المحافظه واكثرها نجف كربله بصره حله بعد السقوط كثرن المجالس الدينيه والتوعويه الاقبال عليهن صار اكثر من قبل

مرت الايام التهيت بحفظ الجزء مر على امتحاناتنه شهر كان تخصصي ادبي عكس اماني والدي مر للمدرسه فاتني لان سهرت اليل صلا وحفظ

واكفه ارتب بكاونتر الصحون العليه امسحهن بوصله يابسه بعد مااغسلتهن طب بيده ورقه

والدي طبيعته هادء صوته وان كان بقمت العصبيه يكون خافة واذا الامر طلع عن سيطرته يستغفر ويغسل وجها ميسرع

سيد محمد"بابا رياحين يسميني جبتلج نتيجتج"

توقفت ناسيه اليوم النتيجه همست بخوف "وزعو"

سيد محمد" هاج بابا مبروك تعبتي ونلتي الله يرضه عليج"

كمت اضحك اخذتها من ايده شفتها مجموع معدلي81

ضليت اكمز حضنت بابا يمسح على ضهري وخرت ركضت الماما كاعده تمسح بلاخشاب صحت "طلعت رافعه ايدي بيها النتيجه "

ابتسمت باركتلي جرتني الحضنها فرحه ماتوقعها من فرحتي رحت توضيت وصليت صلاة شكر والدي شافني ابتسم

كضت العطله بلبيت سبوع ودانه والدي لخوالي للنجف ورجعنه مرتاحه شفت رضا وحمزه وسكينه وبقية بنات خالي وخالاتي تونسه زرنه اشترينه حلاوه وكعك نحبهن شكد بابا يجيب كل روحه يجيب

الشي الواجهة صعوبته بيوم طلبت من والدي اقدم جامعه نزع نضاراته " شنو الغير رائيج "

ريحانه" احس بفوارق الطبقات من اكون ذات تخصص عالي اكون شأن اعلى من تخصص المعهد ثمرت جهدي متروح بتجاه مااله مستقبل كل صديقاتي قدمن كليات واني مااكدر افترق عن اماني هي صديقتي الوحيده"

سحب نفس انتجه على كرسيه كان مكتبه عباره عن رفوف كتب من اصغر كتاب لاكبر كتاب لكافة العلماء حسب دراسته يستثمرهن

سيد محمد" بابا التخصص انتي ترفعين شأنه موهوه يرفعج لان راح يكون تحت ايديج التطبيق انتي التقومين بي مو هوه اليطبق روحه

ابسط مثال كوني استاذ حوزوي هل من الممكن الناس تاخذ العلم من تلقاء نفسها تتلقه الاحكام من وحي احلامها دون تدخلي  القي عليهم الدرسته

وان كان مشكلتج الصداقه هذا يكون جانب من جوانب حبج للمجتمع اذا كنتي ذات عين نافذه حتميزين الصديقه الزينه دون ذالك

خوفي عليج هذا العالم بحر بنتي انتي ممطلعه والشهاده الراح تمتلكيها تتخرجين تحتفظين بيها البلد فضووي "

تنهدت  منصيه" اني عن قناعه احجي اختصاص الاريده يحمسني نفسيتي تتحسن شي راغبته "

حجه بجديه ضيق عيون" صديقتج اطلعت"

"ماادري"

سيد" ريحانه المعهد قريب اخذج واجيبج الجامعه بلمركز عوفيها بعيدها ماتناسبج "

بجيت لازم اتوسل بي ماعدي غير حل"بابا حباب لاضيع تعبي وفرحتي "

تنهد" ياكليه تردين"

كتله"قانون"

كعد حواجبه تنر"قانون شنو ريحانه "

سكت معصب دار وجها " اتقبلي الوضع حبيبتي بابا "

طلعت مكسوره بجيت لحد مامليت كابلت روحي الحصره اخذت من روحي اماني مااكدر اروحلها

شكد جنت فرحانه كسر فرحتي عمري ماكسرت حجايتهم يومين ضليت عازله روحي يشوفني اشتغل بسكون وهوه بيتنه مبي شغل هواي طبيعته يعوفنه نفكر ويه نفسنه وندرك الصح من الخطأ

كان اصرار داخلي عدي امل يقبل انتضرت الايام تمر وارجع احاجي امي من عرفت كالت كيفج ماما شنو التحبي قدمي حظنتها فقيره ومالها صوت حتى بتربيتنه اخذنه منها الحنيه ماشفتها يوم سويت غلط وضربتني بلعكس تحضني وتعلمني

والدي كد مايكون هادء بوكت الزوم يمد ايده مره شفته ضرب رضا علمود الجكاير اني الوحيده ماضاربني خفت اعارضه واصر

والدي متعمق بلدين

اخذت كتابي وطلعت للحديقه عصريه الجو حلو بجادري الابيض بي ورد سمائي وردي فاتح كعدت اقره واردد

شيخ الدرسني اسهل طريقه للحفظ فهم الايه كنت اتعمق بمفهوم الايه مرات ارجع لتفسير القرآن كتاب مشبع بروايات عائده الى الامام الصادق والامام علي

مرت ساعتين حسيت بقطرات مي رفعت راسي امي ترش بلحديقه صدقت "ماما قنعي بابا"

هزت راسها" ابوج عنودي كلامي ويا بله نتيجه غير الزعل سوي الختمه العلويه عسى ولعل ربج يهدي عليج "

شافتني مارديت ردت" حبيبتي لتأيسين رحمت ربج واسعه التزمي بهاي الختمه وكولي ماما كالت شما تتمسكين "

نزلت الصونده وسدت الكاك اجت بصفي همست بصوت بي حنيه" ماما لتفتهمين الامور فقط واجب ونأدي كل الدنسوي مستحبات قربتً لوجههِ الكريم تكدرين بس اصلين صلاة الواجبه بحب  تغنيج عن الف فعل

لتقرين قرأن واجب او عاده استمريتي عليها "

تنهدت رفعت راسها عيونه للسما " والدج عرف يمشيج بطريق روتيني كسب وانتج بس معرف يحببج بلفعل

اكو مره كانت صديقة بيبيتج كلشي متعرف من الدنيا بس صلا وصيام وحج اقرايه متعرف تقره

لكن ارتباطها بلزهراء عليها السلام كانو صديقتها

شتطلب بس تحاجيها تنقضي

شكد حالتها تعبانه وتحتاج والناس تصدق عليها نصفن ليش متنخه السيده نعرف بختها عالي بيوم امي كالتلها ام غايب انتي شانج يم اهل البيت عالي دنخيهم يرزقوج ابنج يتوفق هوه اسمه محمد لان صار بعد عمر

كالت لمي انه ماطلبت منهم حاشاهم انجان لبني رزق ينوله ولا دكليلي ماداعيتله ليل نهار ادعيله خبزته هاي

الحادثه صارة برمضان بين ايام ليالي القدر والله ماما القصه جنت شاهد عليها اسمعي كلنه من عاداتنه نحييها بلصلا المئة ركعه

بيومها المره ماكدرت تحييها بجامع الزهراء كعدت تعاين علينه وتبتسم تسحرنه صلينه صلات الصبح هي دخلت كالت اعتذر من الامام مالي حيل

طلعنه عادتها من تطلع تدير على الامام تسلم وتعذر منه امي والله كلماتها لسه بأذني همست وايدها رافعتها سيدي ياكافل اليتاما انه مره وحيده وديني على كدي ماكلك اريدن كصور بس هلو وحيد ترزقه والك مني كل خميس اوزعلك لكدر عليه

امي والله زوجها كان شهيد بلحرب سبوع وصدام وزع الهم قطع اراضي لعوائل الشهداء وصرفلهم رواتب

النيه هي التحيي العمل وتوصله اذا كان كلبج صافي مجرد حاجي ربج راح يسمعج لاتتكلفين ولا تكونين نسخت والدج ابوج من صغره بلحوازات لهذا حتى بدعائه ينتقي افضل الكلمات واقربهن لله

مو غلط نيته تكون هيج بالله نكون اقرب اله اذا قدمنه اله الافضل

يعني شلون لمن يجيج ضيف ودج تقدميله الافضل شنو العدج زين تقدمي

اكو البعض فطرتهم هي الزينه فطرتهم بيضه شما يقدمون يتقبل منهم

همست "زين ليش قابيل من قدم الشعير متقبل منه تقبل من هابيل "

ام رضا" هنا يختلف نرجع لب الموضوع نيت هابيل مثل موضحت قبل شنو راد يقدم اغله ماعده ونيته سليمه قربان لله

قابيل كان يضمر داخله الشر مكان خالص لوجه الله بينه وبينه رب العباد الاف الطرق حديث الرسول عن الامام علي يفتح لي من كل باب الف باب تكدرين تتوجهين اله باصغر الابواب

موشرط تقرين قران وتتعبدين ليل نهار صح كل هاي الامور تقربنه وسيله من وسأئل نيل الدرجات العليا لكن من استطاع اليه سبيلا"

امي شرحها فتحتلي باب حسيت براحه بسطتلي الامور من كل الجهات ماكانت دارسه حوزه ولا متعمقه تحسها تفهم الدين ببكل جوانبه بساطته

غمضت عيوني سحبت نفس وكمت طبيت للبيت شكد كنت عايشه بسلام روحي قبل مكان عدي هم اكبر همومي اكمل دراسه واكعد

اندك الباب سمعت امي ترحب مديت راسي اماني وسديم فرحت بجيتهن

طبن للمطبخ بوستهن والضحكه شاكه حلكي طببتهن الغرفتي

اماني" ولج عيب خلي نكعد يم خاله بلهول"

ريحانه "ولي امي هسه شويه وتدخل لغرفتها تخيط "

سديم " ان شاء الله تنافس خواتي "

ريحانه  ضحكت " لا ولج منيلها تخيط وجوه للدواشك دكعدن بين مااجيب مي"

اماني تعض بصبعها "لج عيب والله فشلتيني"

عفتها طلعت للمطبخ فشكت بطيخ ماما يمي تمسح بلكاونتر همست ماما ماعدج شي هذا فشكته الج خليته بطوركت الخلاط من ذني القديمات دولكه صير ثكيله وهذا شكر بش خلطي

اخذت دولكت المي ورحت للغرفه قدمته فتحت بردت الشبابيك الغرفه بارده المبرده دوم فاتحتها بيها وافتح باب الغرفه علمود متختنك وصير رطوبه

اماني نزعت عباته بس سدومه سافره ضلينه نسولف مطلعه معدل 89 شكد فرحتلها حضنتها مكيفه بيها وبمعدلها فدوه الروحها شكد تنحب متصورتها هيج تستقبل مني نصيحه من نصحتها بلعباة الزينبيه كيفت صرت اقرب شي الها والي هم

سولفتلها على حجي والي مقبلت تحجي شي تكلي مااكدر اشجعج تعارضي وتغضبي ولا اكدر اكلج عوفي طموحج ودفني نفسج خلتني بحيره ملاكيه الشخص اليقدملي نصيحه

سديم•

رجعنه من ريحانه تبجي والدها مقابل العقده ودي اخنكه من طلعنه لاكانه

سيد" السلام عليكم باباتي"

اماني نصت "وعليكم السلام عمو "باوعتلي اشرت يله

سديم البيه ماخلاني "عمو بلازحمه ليش متقبل ريحانه تدخل جامعه"

صفن عليه اماني كرصتني وخرت ايدها ريحانه صوفرت"شكو راح طيحين صدك عمو الدين حرم الدراسه اكو نص ايه يكول لدخلون بناتكم جامعه "

راد يدخل كتله "عمو اعتبرني طالبتك دااحاورك اكو شي اسمه لتخلون بناتكم يدرسن كليه "

ابتسم "بابا ماكو اي صحه من كلامج وبلعكس اني لو مااريدها تتعلم مااداخلها مدرسه من البدايه اكعدها غايه في قلب يعقوب ريحانه جوها مو جامعه اخاف تواجه هذا العالم ويأثر على نفسيتها وهي من اقل عثره تتوجع"

سديم"اذاً الخلل منك لو بلمجتمع "

نصحه يسمعني مبتسم انتي رائيج

سديم" الخلل منك لو مخليها تطلع وطب وشوف هذا المجتمع وتحتك بي راح تكتسب معرفه وتعرف شلون تواجه مجتمعها "

سيد محمد "المجمتع موجود بكل مكان وزمان الخلل ب بنتي ريحانه روحها رجيجه من صغرها هواي اساليب عاملتها بيها عانت من صغرها بلتوحد المتجدد لمن خالطت اماني كدرت تطلع من قوقعتها

سكنت ماعرفت شنو كانت بي ريحانه تباوعلي مبتسمه يمكن هذا الشي مياثر عليها لهذا والدها ذكره كدامنه

اماني اعتذرت كلها " لا بابا بلعكس سديم متمكنه واجعتني استخدمي قوتج بمكانها الصحيح موكل شخص راح يستوعب فكرج المتطرف البعض يفهمه قلة حياء والبعض يشوفها عدم معرفه والمثلي يشوفه نابع من القلب اتجاه صديقتها رغم كان نوع من انواع الهجوم لدفاع نحو نيل المطلب"

من وصلت للبيت شبعت تكفخ وتكرص من اماني لحد ماسدت باب الغرفه لزمتني من اذاني " انت تدرين بروحج اصلافتي هواي وصرتي وحده من ذني السانهن يلعلع "

" اخخخ لان حجيت الحق بس اخخخ اذاني فدوه "

اماني " وسم وزهر مر يهري بلعومج ويخرس لسانج "دفعتني عصبيه نزعت عباتها علكتها ضليت لازمه اذاني سدت باب الخانه حيل نززتني هسه سويت جريمه واذا حاجيت ابوها خطيه تبجي الواحد

راحت ورجعت متوضيه وكفت صلت كملت وكعدت تسبح صافنه واني على كعدتي ضليت هيج وضعي

اماني ريحانه قهرتني الزودت طين بله لسان سديم زين الرجال وستوعبها واخذها بعقله

ريحانه اختي الروحيه صليت اربع ركع لوجههي الكريم كعدت بين حسرتي والمي عليها شفت الانكسار بعيونها

عند كل شدة

ياحي ياقيوم ٧٠٠ مره

وهو تسبيح رسول الله (ص)

كملت وكمت احضر عشه ويه امي نعيمه زوجت تحسين يم اهلها شهرين مرن على زواجه لهسه مالها دخل بشي حتى ملابسها امي تغسلهن

طلعت فرشت البساط حضرت نجانت البيتنجان والطماطه احضر بلمواد واكليهن امي منكعه تمن وعدس وهي تروب روبة بيت مدبريها شكد طيبه روبتها مثل روبت العرب تطلع

مدبرين حالنه اخواني يتاخرون بلشغل كليت على السريع امي طبكت التمن خليت الطماطه بلطاوه  وغلقتها بلقبق تستوي وتبزل مايها صير بيها روح وتتغمس نصيت نارها وطلعت اجدد وضوئي شكد اوهس من هاي السالفه شماا اعرف روحي على طهاره اشك اعرف هذا الوسواس شي بسيط متملكني كون الصلا بدون صحة الوضوء ماتم

طفت الكهرباء كان الجو مغورب حوشنه بسيط صبابه اول منطب مطبخ وهول وستقبال سوه بس مفصولات

وغرفتين ليوره وحمام جوه الدرج

سياجنه وسياج بيت عمي سوه من طفت كملت وضوئي رفعت راسي اشوف ايد  ممدوده من بيت عمي وشي نزل على الحايط كان ضوه القمر عالي اجت الكهرباء اختفت الايد تقربت مخنوسه شي نازل من معلك بشعريه سيم وبسامير ملفوفات بخبصه والعر وياا اثار مي اسرسح من الحايط للكاع

ركضت جريت امي شوفتها لطمت خدها سديم شافته امي كالت " يجي ابوج واكله "

لزمتها " لا تحجين لحد تعرفين ابويا مايضم عنهم شي اني اعرف اصرف بس يمه اسكتي لاتوصليه تخربطين الاول والتالي "

همست "شسوين "

اماني " اسويله بطله من العلويه ام رضا"

امي "وتقبل سويلج اعرفه مدخل روحها بهيج امور"

اماني " لا تعلمني مادكول"

ضليت خايفه من امي لا تحجي كدام احد متلزم روحها على فطاريتها

نفس اليوم سديم وكفت تكلي بتيته انجفه الدهن عليها طلعنه على عياطها انخنسنه ترجف وتبجي ماتدري وجاره اليده ربنه ستر طافر مبتعده متلاحكه الروحها

سبوع البيت نار حسام وتحسين اول مره يتعاركون وصلت بيهم يضاربون

امي من دخلت اتفاككهم اجتها ضربها على ايدها كامت متكدر اشيلها وتشتغل  بيها

تعوذت من ابليس فركت وجهي اختنكت من البيت البيت ادمر

نويت العلمتني عليه ريحانه

قريت البقره على مي لمدة ثلث ايام كل مااصول لهذهِ الايه اكررها 70 مره بعدد اصحاب الامام الحسين وكذالك ايه الكرسي

وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ

(وَدَّ كَثِيرٌ مِّنْ أَهْلِ الْكِتَابِ لَوْ يَرُدُّونَكُم مِّن بَعْدِ إِيمَانِكُمْ كُفَّارًا حَسَدًا مِّنْ عِندِ أَنفُسِهِم مِّن بَعْدِ مَا تَبَيَّنَ لَهُمُ الْحَقُّ فَاعْفُوا وَاصْفَحُوا حَتَّىٰ يَأْتِيَ اللَّـهُ بِأَمْرِهِ إِنَّ اللَّـهَ عَلَىٰ كُلِّ شَيْءٍ قَدِيرٌ)

وَقَالَ فِرْعَوْنُ ائْتُونِي بِكُلّ سَاحِرٍ عَلِيمٍ * فَلَمّا جَآءَ السّحَرَةُ قَالَ لَهُمْ مّوسَىَ أَلْقُواْ مَآ أَنتُمْ مّلْقُونَ * فَلَمّآ أَلْقُواْ قَالَ مُوسَىَ مَا جِئْتُمْ بِهِ السّحْرُ إِنّ اللّهَ سَيُبْطِلُهُ إِنّ اللّهَ لاَ يُصْلِحُ عَمَلَ الْمُفْسِدِينَ * وَيُحِقّ اللّهُ الْحَقّ بِكَلِمَاتِهِ وَلَوْ كَرِهَ الْمُجْرِمُونَ

وَأَوْحَيْنَآ إِلَىَ مُوسَىَ أَنْ أَلْقِ عَصَاكَ فَإِذَا هِيَ تَلْقَفُ مَا يَأْفِكُونَ * فَوَقَعَ الْحَقّ وَبَطَلَ مَا كَانُواْ يَعْمَلُونَ * فَغُلِبُواْ هُنَالِكَ وَانقَلَبُواْ صَاغِرِينَ * وَأُلْقِيَ السّحَرَةُ سَاجِدِينَ * قَالُوَاْ آمَنّا بِرَبّ الْعَالَمِينَ * رَبّ مُوسَىَ وَهَارُونَ

وكملت ورشيته مكان العمل صح بلبدايه تعب جسدي ونفسي بمرور الايام استمريت اشغل سورة البقره بلتلفزيون رجعنه احشن من قبل

وكفت اعلم سديم الصلا

النيه هي القصدُ الى الفعل باعي سدومه لازم تفهمين الاول الصلا مومجرد تشجدين وتركعين لا عمري تخيلي روحج حشوفين رب العباد حتلتقين بي

تخيل روحج بلجنه وداير مدايرج ملائكه صلي وياج وامامج المعبود

عن الامام الصادق ان الملائكه اذا سمعت الاذان قالو هذهِ اصوات امة محمد فيستغفرون لهم الى نهاية الصلا شكد شي حلو وعظيم كزبر جلدي ابتسمت

الاذان (النسمعه بلمساجد) والاقامه الاذان في الصلا من  مستحبات في الفرائض الخمسه يعني تقيمهن بصلاة الصبح وبقية الاصلاوات بس بقية الصلاة مثل صلاة اليل او الايات تكدرين ماتأذنين

الله اكبر مرتين

اشهد ان لا اله الله مرتين

اشنهد ان محمد رسول الله مرتين

اشهد ان علي ولي الله مستحبه (مرتين)

حي على الصلا

حي على الفلاح

حي على خير العمل

قد قامة الصلا مرتين 

الله اكبر

كلهن مرتين فقط لا اله اله الله مره وحده

تكبيرة الاحرام واجبه تركها سهواً مبطل للصلا

مااريدج تنسين هاي الامور ان شاء الله  شويه شويه ابدي اعلمج على بقية الواجبات

سديم " بس فدوه مااريد تعقديني خليني بس اصلي واصوم والباقي نصافه ويه ربج "

كفختني "مصيرلج جاره "

عفتها وصليت مثل ماعلمتني بلبدايه صعوبه بعدين كمت البجها لبج اريد اخلص واكعد اباوع مسلسلي المفضل

هي اذا لزمت التربه ماتهدها تحضن المصلايه وتنام

كملت وكابلت التلفزيوم همزين محد اله دخل بي بس الولد من صير لعبه او اخبار يكابلو وره التسعه

سويت لفة بتيته جبت مخده كابلت التلفزيون بس واحد بلهول مددت رفعت رجليه رجل على رجل

مستمتعه اماني تخيط وامي يمها تفصل

حسيت بردت باب رفعت راسي نعيمه زوجت تحسين نزلت اباوع يمكن دشداشتها مابدلتها الها سبوع

شويه وصاح تحسين

صعدت "ها خويه"

تحسين " حبيبتي نضفي الغرفه "

باوعت عليها هوسه الملابس مطشره وهي جوه سويله عشه ريحت رطوبه مامتهويه

نضفتها ملابسها دحستهن بخانتها هي ترتبهن استحيت ارده

وتكررت الحاله تحسين يجي من الشغل تعبان يلكاها مثل ماهي نسمع الصياح بينهم تنزل كانو كلشي مصاير

هيج هيه متتوسخ ومحافظه على روحها نوب مزوجه

لا امي ولا اخواتي يدخلن بينهم يصافون بيوم راحت اخذها وطلع رجع فرحان حامل

امي بوسته تباركله راحت جابت جكليت طشته علي

وتنخي يطلع سالم ولد

ساعه وكبت العيطه نزلت تركض وتحسين يصيح

امي واماني طلعن اني ضليت اعاين  اندفع يريد يلزمها امي صاحت يا يمه شكو صارت بيناتهم

فرك وجه " اشر اصعدي للغرفه وشوفي الامه مكلوبه الصينيه مال قبل يومين جوه الجربايه "

امي " ميخالف ماما هسه تصعد سدومه تنضفها"

تحسين " يوميه تنضفها سديم شعدها متحرك ايدها"

امي " اليوم يجوز نست مو خاله امي تغمزلها عود كولي اي "

نعمه" شدعوا واذا ماعزلتها ميشوفني نساوه وروحي بخشمي "

امي "  ابني النساوه تعب وانتي اصعدي رتبي غرفتج الرجال يحب المره معدله يلكه فراشه نضيف مرتب "

نعمه صعدت وامي كضت تحسين حجي ونصائح تخاف من المشاكل اشرتلي اصعد وراها

اووو مااصعد عفتها وطبيت للغرفه عوزي انضف خيستها

اماني يمي " اشش  سديم مالج شغل "

سكتت مالي خلك فلسفتها ضلت تفتك بلثوب وتعدل بي مددت نمت كعدت على صوت اماني صلي

رفعت راسي ضلمه شكعدها اية الله غمضت عيوني نعسانه وكوه مفتحه شوفني تسحلني اصلي مابيه حيل

صوته باذني تقره قرأن نص ساعه وسكتت غفيت كعدت بلتسعه كمت متململه

طلعت اني وبجامتي مرفوعه تك وتك نازل شعري همزين نازل وناعم فاتحه عين وعين افرك بيها صار بوجهي ستار ابن عمي كاعد وبصفه بت عمي مأثر

صبحت عليهم ورحت غسلت هاي شعجب جايه من زواج تحسين مااطبت بعد ولا لفن للبيت اماني شفتها بلمطبخ طبيت يمها

وجها مكلوب

سديم " اكو بيض "

اماني "لا الولد اكلو"

سديم ضجت "شاكل هسه شكد خبيثه اعرف انتي سويتيلهم علمود مااضل نايمه "

اماني تشتغل وتحجي بهدوء " عدي مجال واخلي بالي وياج "

جذابه اعرفها من تريد تسوي شي وتخبث تكره الواحد بروحه صحت "والله انتي متعمده سوالفج واعرفها  يعني شاكل جوعااانه "

دارت "وسم صوتج كتلج مو اني تردين روحي اشتري "

سديم " والنبي اذا كعدت بعد ومالكيت ضاميلي ريوك اكلب البيت "

ابتسمت " دولي سديم عظله بيج حظ وتكلبي"

كمت منتقمه طبيت للهول ستار كاعد وكف من شافني معصبه يمكن سامع صوتي

ستار" منو وياج سدم"

هيج يسميعني غمضت عيوني اموت من خلقته "محد بس وخر "

باوعلي بنضره ود"كولي شتردين سمعتج ممتريكه "

مارديت طبيت طالعه روحي الجوع كتلني كلشي ولا بطني لفيت روحي المبرده مشتغله

شويه وندك الباب صحت شكو

انفتح اباوع ستار مد راسه وبيده علاكه "هذا ريوكج كومي لا ضلين جوعانه"

...........يتبع

بين الكاف والنون (كن فيكون)

الرابع عشر

الكاتبه سجى الطائي

///////////////////////////////

ﻳﺎﻣﻪ ﺍﻟﺘﺮﺍﺟﻲ ﻣﺮﺟﺤﻦ

ﺣﺴﻚ ﺍﻟﺼﺎﻓﻲ ﻭﻏﻔﻪ

ﻭﻳﺎﻣﻪ ﺍﻟﺪﻣﻊ ﺿﻮﻩ ﺳﻮﺍﺩ ﺍﻟﻌﻴﻮﻥ

ﺟﺎﻧﺐ ﺗﺮﻓﻪ

ﻭﺗﺪﺭﻱ ﺗﻨﻴﺖ ﺍﻟﺪﻓﻮ

ﺑﻠﻬﻔﻪ ﻭﺭﺩﻩ

ﻭﻣﺎ ﺟﻴﺖ ﻭﻧﻴﻤﻨﻲ ﺍﻟﺜﻠﺞ . . .

ﻭﺍﻟﺸﺘﻪ ﻛﻠﻪ ﺃﺗﻌﺪﻩ

ﻻ ﺑﺎﻟﻤﺤﻄﺔ ﺭﻑ ﺿﻮﻩ ﻭ ﻻﺧﻂ ﺟﺎﻧﻪ ﻣﻦ ﺍﻟﺒﻌﺪ

ﻻ ﺭﻳﻞ ﻣﺮ ﻋﻠﻰ ﺍﻟﺴﺪﻩ

ﻭﺍﻟﺸﺘﻪ ﻛﻠﻪ ﺗﻌﺪﻩ ﻛﻠﻪ ﺗﻌﺪﻩ

ﻭﺃﻋﻠﻜﻨﻪ ﻟﻠﺼﻴﻒ ﺍﻟﻴﺠﻲ

ﺭﻭﺍﺯﻳﻨﻪ ﺍﻟﺴﻤﺮﻩ . . .

ﺷﻤﻊ

ﻣﻦ ﻳﻨﺰﻝ ﺃﻭﻝ ﺍﻟﺪﻓﻮ ﺑﻨﻴﺴﺎﻥ

ﻳﻬﺘﺰ ﻧﺒﻊ

ﻳﻤﻜﻦ ﻳﺨﻀﺮ ﺩﻣﻊ . . .

ﻳﻤﻜﻦ ﺑﻌﺪ ﺑﺎﻟﺮﻭﺡ ﻳﺎ ﺭﻳﺤﺎﻥ ﻭﺻﻠﺔ ﺗﻨﺰﺭﻉ

ﻭﺍﻟﻜﻴﻆ ﺃﺟﺎﻧﻪ ﻭﺃﻧﻜﻀﻪ ﻭﺭﺩ ﺃﻧﻜﻀﻪ

ﻭﺭﺩ ﻛﻴﻆ ﺃﺟﻪ

ﻭﺍﻟﺰﻟﻒ ﻫﺠﺮﻙ ﻓﻀﻔﻀﻪ

ﻭﺭﺩ ﻓﻀﻔﻀﻪ

ﻭﻣﺎ ﻣﺶ ﺭﺟﻪ

_______________________

ارغد•

الضلم انواع ؟

اول نوع من البشر شوفه يحجي بضهرك وهوه كبالك يحبك ومتدري بليصير وراك

والي اله وجهين ويبين روحه ميفاركك وماعده غيرك وساعه يحبك وساعه افعاله تكلك لا تجي يمي

والي هذا يعاملك معاملت الحيوان مالك قيمه وكانو مستعار منك

ماشايف خوان يضلمون اخوهم من دم ولحم رتبين سوه

واكف اعاين الدنيا طالعه من عيني دمي فاير وامي تفتر وراي والله لوما هي جان اني حالي حالي المتسولين بلشارع والله اشرفلي من عيشتهم

سديت الباب بقوه شنو من بشر ياناس ياعلم اني اخيكم شتردون مني ابراهيم وتمام واحد يكبس واحد يرفع وذيج مكبوره بيتها توز بيها

لو ادري شمسويلهم جاي من فطر الكاع مو من بطن وحده هم الجلب يحن على اخو واهمه ماعدهم رحمه

نازل ارتاح تلكوني بلمشاكل تعوذت من ابليس وكعدت افرك بكصتي الضغط ذبحني يمكن فول عدي حتى عيوني يوجعني

تميم مو هنا بمحله سمعت صوت اسامه نزلت اشرب مي واطلع هاج

جايب امه تبجي وتشكي لمي باوعتلها بطرف عيني كالت " شكو تشمت بيه تشمت بختك "

ارغد" منو يمج شاخطه انتي "

باوعت لمي تشكي "شوفي يمه مو اكلج نغل ميحترم اني اخته ابني بكده مامخليلي حترام "

امي عضت اصبعها " ارغد اصعد الغرفتك وكفينه شرك وشر المشاكل فدو العينك "

كعدت كبالها مو هوه بيتها واصعد علمودها " شكو يام شمسويلها هم فاك حلكي"

سعاد " انت لو ماامدلل وشايف نفسك علينه مسوي هيج وشوف حالي "

ارغد " شعليه بيج انتي مدخلتني وماماخذلج حقج شسويلج والله ياالله "

سعاد " عساك بلبيه وضوكه لوعتي وشوفني محروك كلبي تتمضحك عليه "

هزيت ايدي " بعد ادعي مو الله مادلج مرزيب كبل من حلكج اله "

لطمت " شفتي يمه شفتي شلون يضحك الاه لاينطيك ولا يوفقك عساك ماتنجح ولا شوف الراحه يامسموم "

طلعت عفتها تهرج واسامه فوك نزل عليها راد يهجم متعلم امي جرته اخر كلمه سمعتها نغل هههه اضحك عليها هاي الكلمه شكد سمعتها منها ومن خواني من اتعارك وياهم ليكول صدك نغل ويعايروني

مشيت التميم طبيت لمحله سمه جهال يشترون دفعو وطلعو طبيت وره جام خانه دنك يحسب بلفلوس ويعزل بيهن شكد خرد هذا شغله

سد المجر

تميم " هااا شبيك "

ارغد ابتسمت " شكو نفس لعبان النفس اكلك سيف خابرني وعزمته احتمال يجي وهذا ابراهيم من عرف سوالي زفه اديايني من احصل اردهن لو ماعدك"

تميم " دكل .... اني وياك واحد خلي يجي شوكت ميريد "

دنكت اسحب نفس " شوكت تعزل "

تميم " وين اعزل شتريد "

كمت  " من ترجع كلهم رايح للمدينه عدي شغل هناك "

صاح " وين رايح شعدك بلكوت"

ارغد " شبيك لصيح وين اولي اجيب كم قميص من الباله جريت تشيرتي عتكن من الغسل وذولو يعيبون "

تميم دنك للمجر كتله " يمعود عدي مامحتاج وعزيمت سيف جنت شايل لو ماامي تحتاج للبيت كل الشايلهن انطيتها "

تميم " هااك لك لا تتعزز عليه خليهن جوه ايدك "

عفته وطلعت صاح وراي ماسمعته اخذت عبريه نزلت بلسوك ادبر روحي بلباله ينغسلن والكوي يطلعهن اخت الجديد

مريت من يم محلات ماركه كل قميص وزي واحد يكل للثاني اني احله منك طبيت اشبع عيني واطلع

مريت من الباله اخذتلي كم بلوز وقمصان زينات مابيهن شي صح مبينات مو جديدات ينطلع بيهن 

مااهتميت اخذتهن وطلعت مريت اخذت حذاء جديده مريت اخذتلهم برتقال ورجعت

عطله وين اولي شغل ماكو فريت محلات المنطقه مالتنه كلها وصيت جماعتي

واحد منهم كال تشتغل عمال محل بنجرجري فركت وجهي امري الله ميخالف اتففت وياا ثاني يوم رحت الرجال علمني شنو شغلهن من عرف بيه مامشتغلها قبل مااقبل راد واحد عده خبره

ضحكت دااخلي لو يعرف اني مهندس نفط شيسوي سكتت الدنيا اذا مااتلويها تلويك رجال طول بعرض امد ايدي لبويه لو لتميم مكرم شبيه

بلشت وياا الشغل مرات من الصبح لوره الغروب ارجع وطت الصيف شغلنه الصبح ارجع الضهر

ب4 اروح افتح

ارجع مدهن وحالي حال نعمه المهم بعرق جبيني ولا ذلتهم طبيت بيدي كيليون طماطه وبتيته مااعرف اجي ايدي فارغه لمي خطيه تكيف بيهن رغم ماتقبل منيلك يمه اشتغل لم لروحك تكفي عدي من تدعيلي بلرزق والتوفيق

طبيت سبحت صليت اسبح واسمع صوت امي انزل اتعشه لميت السجاده ونزلت كل ملتم بس تميم ياكل يم محله كشك يسوي لفات فلافل

ابراهيم كال " يابه كالو ينطون سلف على التقاعد اسحب نبني الفوك "

ابو ابراهيم " وين ابني هوه كل شهرين والسلف ياخذون ضعف شيضل منها ابني وبركبتي كومت لحم "

ابراهيم " نضل هيج اني غرفتي سرداب والولد محصورين بغرفه وتميم ينام بلصاله "

امي " يمه انت مو لاملك جم فلس ليش مطك حايط غرفتك تكبرها وترممها ماتكلفك هواي مثل البناء"

ابراهيم " منيلي العدي صرفتهن على العرس يمه وراي جاهل مرتي حامل كلشي يصير اذا طلبو عمليه منين اجيبلها "

امي " كول يااله يمه ليش حضرت العمليه ان شاء اللة مابيها شي تجيب طبيعي ودكوم بلسلامه منا لمن جيب الف حلال يحلها "

تمام " اني بس تطلع سلفتي ابني الغرفه يمه تحضرين نفسج دوريلي مره "

امي ضحكت " يوم عيد تدلل ادورلك وبليتمناها كلبك "

ابويا " ابراهيم اخوك مو راح يبني مثل مكالت امك طك الحايد وابني على خارطت الجوه هي غرفتك بناها غلط سويناها مجرد مخزن "

ابراهيم " اكلهم ماعدي والعدي مايبنن"

ابويا " التقاعد مايكفي اسحب قرض يكصو كله منين اعيش خواتك واخوك عده جامعه "

ابراهيم " تفكر بي وماتفكر بيه يابه اكلك الغرفه كن دجاج اذا اجه طفل وين احطه بيناتنه واخنكه واذا كصو راتبك اني اجيب مسواك البين "

امي نبت " يمه جا هوه بس مسواك الحصه الغاز الخطار فلوس المولده ذني مو فلوس من غير الزايده والناقصه الخطار اليجي "

صاح " سديتوها بوجي لو ارغد طالب جان ركضتو ماشوف حالي متبهذل وهذا حايرين بي وبجامعته صاح لمي المن جبتي وخليتي عله علينه "

عاط تمام " ابرااااااهيم "

امي وجها صار اصفر ابويا صاح عليه " امشي ولي الغرفتك الله يطيح حظك عود جبير واحترمك  "

البنات حارن بمي شلتها للمطبخ شبيها هيج صارت خركه بسرعه جسمها رغه وشفايفه يبسن شربتها مي سناء وسندس يبجن ابويا وتمام فوك راسها

تمام " شيلها اجر تكسي ناخذها للمستوصف"

اجه ابويه لا عوفوها سندس سويلها نومي بصره فوري بقوري وجيبي كلي شيلها خليها بلغرفه

كتله "يابه ماشوفها وجها صوفر"

ابو ابراهيم " امك مو اول مره يرتفع ضغطها شينطوها غير هل مغذي وترجع نومي البصره احسن علاج"

ابراهيم دار وجها وصعد طببتها لغرفتها تمام عاوني عليها مددتها على جربايتها جانت بس تخته وعليه دواشك كطن وفوكاهن جرجف ومخاد وكنتور بسيط ضليت يمها خايف عليها غمضت عينه نزلت منها دمعه ابويه همس

" ام ابراهيم شني القضيه اول تالي يتعاركون ماتعرفين ابراهيم وكمزاته جنه ثور هايج كولي يالله خوفتينه عليج "

ساكته تمام كال " يمه ناخذج ششوفين نفسج زينه "

كوه كلعت الحجايه "عوفوني ويه ابوكم "

جنت قريب يمه كاعد بصفه نزلت يم اذاناها " حبيبه كولي شيوجعج كلبي يمج اخذج للمستشفى"

هزت راسها " لا اريد ارتاح يمه اخذ اخوك واطلع"

تمام راد يحجي اشرتله نطلع اخذته طلعته وسديت الباب 

كعدت بلمطبخ مديت رجل وثنيت رجل طلعت الباكيت سحبت جكاره هذا العار شنو الحل وياا حاطني براسه

دخنت وبراسي الف موال متاني التخرج اشعل ابهاتهم اذا مااجر واطلع لو اعرف اعيش بصريفه ويه الحيوانات احسلي راسي مرتاح ولا عيشه ويهم

سندس واكفه صب النومي كتله " صبيلي وياج"

باوعتلي بطرف عينه مصب انت بيديك كسر لو معاق ان شاء اللة

" دمشي ولي لا هاي خلقتج اعقجها الج الزركه"

هي كلشي ولا واحد يعيرها بسمارها "شكد حقير مثل الحيه انت تنكط سم تجي تتعزز يم امي وابويا لحد ماخليتهم يحبوك اكثر من يمنا ويفضلوك علينه "

نترت" دولي الزركه ام فطور فطورج يختل بيهن عتوي "

اجت تبجي والله ولا رف كلبي من قساوتهم غمتني وفاتت بيدها الستكان اني اصغر منها بسنه ذيج سناء خوينسه من جوه الجوه مستفاده مني منو ينطيها غيري حتى هاي سنيدس تاخذ مصرفها مني بعدين كطع بيهن من دخلت جامعه وشلت جنت الحصله اقسمه عليهن اكول خطيه ابويا بطرك التقاعد وهنه بنات كلشي يحتاجن

شكد مااكون طيب وياهم اكلوني وذبوني كشر الكل ميريدني من اصفن شنو المسوي تمام يوم هيج ويوم هيج ابراهيم يشوف دم شنونه ولا يشوفني

سعاد يامن يذبحني ويحطني بطنها من طفولتي تحملت كتلهم الي على ابسط الاشياء تحملت معايرهم الي ومن غير كلماتهم يريكوني بيها ويعشوني نغل لو مبري ولا انت عار علينه انت

المنطقه اذا متعرف تميم تعرفني مرات يجون الوالدي يكلوله ابو ارغد ميعرفون لا سعاد ولا ابراهيم ولا تمام

اكو واحد ماراكضله اكو محتاج مامساعده تميم مثل بس ذاك مطبل على الاغاني شوكت مااشوفه يدندن وكاسيتاته ومسجله وياا حتى بلمحل مالته

اخذت نفس والكطف بيدي مخلصها ومحاس كمت غسلت وجهي على السنك مسحت وجهي بتشيرتي وطلعت بلباب

اخذتلي فتره اشتغل ويه واحد بواري مي عرفت اسس اجاني حنيش ابن جيرانه بعد عن بيتنه بيتين ابو راح ويه جيش المهدي ونضرب من الامريكان تكوم بمكانه

سديت الباب مشيت وياا وكفت بلباب كتله صيحلي جدك

حنيش" عمو جدو طالع للكهوه "

ارغد " منو بلبيت "

حنيش " بس اني وامي "

ارغد " وشلون اسويلكم البوري رايح من يجي جدك تعال "

صاح " لا عمو حباب والله انريد نسوي عشه وامي مغاسله الماعين صارلنيه يوم كامل مسابحين حباب"

ارغد "بابا شلون اسوي انفخ عليه امشي صيح جدك اني هنا "

ركض راح الجده رجعت للبيت البنات بلمطبخ ينضفن كتلهن اذا اجه حنيش صيحني

صعدت فتحت شباك الغرفه طلعت باكيتي هذا مخفف المي وحشتي

ساعه صاحتني سناء نزلت كالت جد حنيش بلباب

طلعتله " هاا عمي "

" يابه نعرفك تعرف تأسس ابني التانكي مايصعدله مي وهذا ثالث ماطور نبدله دشوفليا رحمه لبوك "

ارغد " تدلل يابه سهله عدك عدت المي لو اجيب"

" جيب ابني يجوز اكو غراض مو يمي"

طبيت اخذت جنطت المي الترك وطلعت وياا طبيت للبيت هوه كدامي " تفضل ابني "

نصيت صحت ياالله كال

" فوت اختك ام حسن جوه "

صعدت شفت البواري نزلت من يم الكاكات الجوه اووو هذا مسدود البوري الحجي يمي كتله " عمي هذا البوري يتبدل مسدود اليصعد المي طاب بي رمل لو حصوه متكدس وساده "

كال " عمي تاكد اخاف صوج الماطور ذاك الجبته قبلك كلي الماطور مايصعد مي "

" سويلي طليق اشوفه "

طلعت شفته فحصته شخلته وفكيت البوري عدهم حوض اجه قوي

كتله " عمي شوف المي قوي مو يم الماطور عدك بوري حديد هسه ابدله الك شغلته سهله نونيات عدكم "

رجعت بدلتله البوري سديت الكاكات من الرئيسي بوريات التانكي بلترك شباك الهول عليه اشتغل ملتهي العرك كام يصب نزعت التشيؤت وهوه واكف فوك راسي  البواري خايسات يمكن من زمن جدي مابدليهن فصخته تفصخ باوعو هذا يرادله تبديل بواري واعاده

الحجي شافني كال " هاا ابني جنك دولغت "

ارغد " والله يابه البواري متهريات مزنجرات وحتى ياثراً على المي تسبحون وطبخون منه كلههن يرادلهن تبديل تريد ابدلهن لازم بواري جدد وتفلون وغراض تبديل "

الحجي " عمي شكد يكلفن الحال على كدي"

ارغد " عمي انت لا تحسب اتعابي اني اسوي لليتيم هذا واكسب اجر البواري وياهن شغلاتهن مو هواي واني ادليك ابو انشائيات ينطيهن بلاقصاد وعلى كيفك سدد"

هز راسه " مخالف يابه المهمس نسبح نشربلنه ميه "

ارغد " وقتو روحك اليوم وان شاء اللة باجر من الصبح مرلي اخذك للسوك "

طلعت وصلني للباب

ثاني يوم اخذته سوكنه ورجعنه بلشت من التسعه

ساعتين اني افك واشد الحجي عافني يجيب مسوك

شفت ضل باوعت

سبحان الخالق حوريه لابسه دشداشه صفره وهي منا حمره بيضه مربربه دنكت خجلان يول شبيك مشايف نسوان اي والله مشايف مثلها من وره الشباك اعاين

ماحست بيه ضلها صار عليه لا شباكم على الترك والشمس عاليه مخالين برده ايدي رخت من الشغل

ضليت متصنم اريد امنع روحي مااكدر هاي مني طلعتلي الله ينعلك ياشيطان

سيف الدين •

السنه مرت اول سنه عبرتها بدرجات عاليه المواد كلهن طلعت بيهن كول جماعتي بلتدريب كل واحد فك عينه ويصيحون خوينس مبين عليك لان مالي شغل بيهم

ضافر اخذني يمهم الجامعه معطله اكيد ارغد نازل لهل ضليت يوم ورديت لبيت الشيخ ارتاحيتلي يوم وكعدت

الشيخ يمي مهموم كعدت بصفه " هاا يابه اشوفك مو على بعضك شنهي صاير "

الشيخ " سيف اخيك مدوهني وحساباتي كثرن لا هوه طالع لتركيا ومبرد كلبي ولا هوه الحاجيلي صدك ومطمني "

سيف" زياد شبي"

الشيخ " ابني جاي يوصله تهديد اليوم مرته خابرتني تبجي دكلي الحجي عمي يعرفون مكانه وزياد ماراضي يطلع "

سيف حجي الشيخ خوفني " يابه متاكد انه وزياد دوم على تواصل ماكلي "

الشيخ " انه اعرفه عنودي وراسه يابس مايخاف على روحه "

كتله " اصبر هاي ادك عليه وافتهم منه"

دكيت فتح الخط

سيف" الو هاا زياد شلونك "

" زياد شنهي هذا السمعته من ابوي دازيلك لبيتك تهديد اوكف خلني اكمل انه اخيك واطيح كبل طيحت لا تحسبني غريب من اكلت بزادكم طرت منكم وبيكم وانه عشت وياكم 14 سنه

امي الحجيه تراها ضاله شعره يوميه تناطرك وتنتضر فرج ربك انت لا تخاف على روحك

بس اسمعني ولا تقاطعني واليرحم هاي شيبات ابوك هذا كدامي ان جان روحك رخيصه تره عدنه غاليه بغلات رواحنه

عدك جهال ومره لا تعيشهم حياتي لا تخليهم يتمنونك انه الله لطف بيه وطلعلي ابويا

وارحم بيهم لم غراضك وهسه انه وفرات جاييك ناخذك لغير مكان امن الك

سكت ينافخ ماراضي  ماخليته يحجي ادري بيه يباغتني ويلف السالفه خليتها حار بحار

كتله هااا خويه لخاطري انه مودكول انت ابني مو اخوي

كال لا تجون هسه اخذهن واطلع لفندق بين ماادورلي بيت وانقل غراضي

سيف " ماسوينه شي متابعيك ويندلوك لو شلتهن دعوفهن صدقه على لجهالك اخذو بس ملابس والاشياء المهمه "

زياد " هاي هيه طمن امي وابوي ليخافون ان شاء اللة  اكمل المعامل واحول للجيش

سديته الشيخ وجه كشف كام طمن الحجيه طبت حظنتني " يمه انه اكول التالي للربت مو للجابت الله يرفع كدرك وينطيك على كد بياض كلبك "

بست راسها " ماسويت شي يمه هذا واجبي اخوي اوكف ويا "

بيومها مانمت لحد مااكلي همه بلفندق اطمأنيت

كعدت من الصبح على صوت الفلح غرفتي صايره بلاخير وبيها شباك على البستان انه ردتها هيج وبيها حمام وتوتليت كاملات بس الشيخ ماقبل بابها وحد طلعه من نفس البيت على المنور سادي بحايط عن البستان

طلعت غسلت رحت يمهم رفعت ايد " هاااا الله يساعدكم "

واحد كال " هلا بحظرت الملازم يساعد بختك "

ابتسمت على كلمته " شلونها الهمه"

واحد رد " عاليه بوجودك سيدي"

"يابه سيف لا تتكلفون خلوني منكم وبيكم"

كعدت اسولف وياهم طضيت وقت كعدو يستراحون جايبين اكلهم شو اشتهيت اكلهم بي ريحة طيبه عزموني مارديتهم واحد صاح الواحد حميد صفنت عليه غصيت بلكمه لليوم ماناسي مااعرف شلون كملت وكمت تشكرتهم رديت الغصه بلعومي يابه ياطاريك يفطر كلبي انه وارغد ماعايفي دوم نزوره نتلاكه هناك

لليل كاعد يم حايطهم ياخذني شوكي يابه يجبنة عرب لوعتي كلبي فوك لوعته انه ويني وين هذا الكلب ودكته

اسمع صوتها بينه حايط وكحه بت كلبي ويا امها صوتها يلعلع لو ماادري بستان وبس بيت الشيخ وبيتهم مطمأن لو بلمدينه وجيران يمكن امردها على هذا الصوت

خنسه ادخن من الشيخ احترمه مااحب فعل يبدر مني يزعجه طبييت افتريت الغرفتي ممدت ارتاح

كعدت على صوت الشيخ

" يابه صلي اذن"

كفيت الغطه اصلي يوم يومين وانه كلبي ناطف عليها كاعد كدام المضيف بحديقت البيت بلفي بصف حايط باب الشارع

تهف بعباته الطايره شايله جديريه بيديها ماشافتني طب فرات ويا بته شلتها ام لسان تنطي روعه العمتها براء

طبيت بيها للبيت امي الحجيه بلهول صحت ياالله

كالت طب يمه محد غريب

البنات كاعادات كعدت بصف الحجيه منصيه خجلانه

المستحه حمر خدودها

براء كالت " جا انت خال هاي الجاهل بحظنك ماتزوج"

الشيخ ستوه طاب " انه منتضر يتخرج وازوجه"

امي الحجيه " جا شنهي انه وابوج متاني يتخرج ويشد الرتبه ابتسمت وعاينتلي يمه هيج اشدلكاياها مثل اخيك زياد"

ابتسمت اخذتها جوه جتفي " ست الحبايب وتشدلي رتبه  محضوض انه بيج " بست راسها

الشيخ " بس هاي السنه بعد نزوجك"

الما ميته خجل اضحك داخل رحت فدوه بعد كلبي كلبج هيج ابوج ينطيج

الحجيه " انه ادورلك اجيبلك احسنهن واجملهن هيج

وازوجك واشوف جهالك  ونذر عليه  يوم زفتك لركصلك"

الشيخ " تفرهد شرفك يجليل "

ضحكنه كالت" والله لركصلك ركص ماركصنه الحديثات "

سيف" هههه  يمه بيج خير وابجي بعرسي وانه والولد نعاونج مالد بحجي الحجي "

الشيخ " دعرس والباقي الله كريم "

الما اعاين عليها غاط بعباتها درفعي راسج اروح سيع فدوات للعيون المدوره

كمت تانيتها تطلع اشرتلها بعيوني

مشيت وره البيت بلبستان احاجيها راس حجايه

اجتي تتمشه على كلبي مو على الزرع جنه تفاح

احمر  هيج شكلها الخدود تارسه الوجه

العيون ماليات الوجه  طولها زين مو كصيره

عاينت الي بخجل تهمس لا يسمعها احد " شنهي سيف لا يشوفنه احد "

ابتسمت " هيج مامشتاقتلي ولا جنه كلبج مثل كلبي وناطر شوفتي مناطر"

نصت " انه شيهد عليه الباري كلبي بيك يرتوي

واناطر جيتك اعدلك الايام لو يوم تاخرت اليل

مانامه بس عيبه مااريدن تنزل من عين الشيخ لو

شافك خوفي عليك اكثر من خوفي على روحي"

يابه ودي احدطها بكلبي واسده  عليها" ماضل شي ينبضة كلب جبنه سنه وانه متخرج وتلكيني بعتبت

دارج وجايبلج كل زلام العرب الشيخ والسيد واسدلج

الدرب واكلهم جاي اطلب ست البنات واميرتهن

وتاج كلبي اتوجة عليه بس اصبري عليه حبيبه "

عيونها تضحك وتعاينلي انه من غير نضره ميت نوب هيج تعاينلي جنه ناويه عليه " فدوه اروحن لعيونج بس نصي عويناتج دوهنني وشلن حالي وانه رجال

على كد حالي مالي بسوالف الوعات حجت بفهاوه

شنهي

يابه فركت وجهي جني راح  اعميها وانه اريد اكحلها بس صبر يبنت صبر ولا تباوعيلي هيج واليرحم جدج"

نزلت عيونها خجلانه " جا شلون اعاينلك "

هاي هيه روحي البيتكم هاا الما حسج هليام عالي وانه لا ن اعرف محد موجود لا تاخذيها طبع وتتعودين مثل ماانتي بكلشي رقيقه حسج نصي"

غطت وجها بلعبايه مستحيه " هيج فاضحه روحي"

" هههه صير بويا ماهي صعبه بس اذكري من تردين تحجين ويه اهلج "

هزت راسها

" يله ردي البيتكم "

مشت صحت " عديلي الايام يبنت وتلكين نفسج مسميه بسمي "

ركضت طبت البيتهم ضحكت على خجلها

مشيت راد للبيت طبيت للديوان الشيخ كاعد مغمض  حس بيه كال "جنت ناطرك تعال سيف "

وضعه مايريح وجها مغندب " ها يابه خير زياد بي شي"

مدنك ويحجي " زياد بخير "

رد كمل" سيف يوم الطبيت داري عتبرتك ابني مافركتك عنهم ولا كلت هذا مو من صلبي وحبيتك

على حبي لولدي ابني انت عاقل وانه كل عمري اشوفك اكبر من عمرك مايوم نضرتلك غير هيج"

كلامه شكدني " يابه انه مسوي شي يعيبني بنضرك"

هز راسه متحسف " اي سيف مو وياي انه شيخ جليل "

........يتبع

حبايبي اريد منكم متابعه للحساب هواي بنات يبحثن على القصه ميلكنها بسبب قلة المتابعين

صعدو الحساب 😘

بين الكاف والنون (كن فيكون )

الخامس عشر

االكاتبه سجى الطائي

/////////////////////////////

ﻣﻦ ﻫﻤﺴﻪ ﺟﻲ ﻣﻦ ﺑﻌﻴﺪ

ﻭﻟﺴﺎع ﻳﺨﻀﺮ ﺩﻣﻊ

ﻛﻞ ﻧﺴﻤﺔ ﺗﺮﻓﻪ ﻣﻦ ﺗﻔﻚ ﺍﻟﺒﺎﺏ

ﻳﺨﻨﻜﻨﻲ ﺍﻟﺪﻣﻊ

ﻟﺴﺎﻉ . . ﻭﻟﺬﺗﻨﻪ ﺃﻧﻜﻀﺖ

ﺃﻫﺠﺲ ﻋﻠﻰ ﺍﻟﻜﺼﺎﻳﺐ ﺷﻤﻊ

ﻭﺭﺩﻭﺩ ﺃﻛﻠﻚ . . ﻳﻤﺘﻪ ؟؟

ﺃﺷﻜﺪ ﺭﺍﺯﻗﻲ

ﻭﻧﻴﻤﺘﻪ

ﺃﻣﻠﻨﻲ ﻳﺴﻤﺮ ﺑﻴﻚ

ﻛﻞ ﻋﻤﺮﻱ ﺃﻧﻜﻀﻪ ﻭﺃﻣﻠﺘﻪ

ﺣﺘﻪ ﺧﻴﺎﻟﻚ ﺑﺎﻟﺤﻠﻢ

ﺧﺎﻳﻒ ﻳﺠﻲ ﻭﺃﻣﻨﺘﻪ

_______________________________

سيف الدين•

ضليت مدوهن الحجي كلامه ثكيل وياي مامتحلم عليه هيج

الشيخ"انه هيج ربيتك سنين ماطلعت منه العيبه ابني تريدها جان اجيت نشدتلي واوكفه الك مو هذا العشم بيك سيف هذا غلط والتسوي مو من عوايدك"

دنكت"عيب بحك ابوها الرجال ابن عمي ومأمن بينه تريدها تجيني وانه اطلبها الك بعد ابوك لا تفشلني وياا تره بنيته انه الربيتها واليجري عليها يجري علينه وعليك انت ابنه "

ساكت مالي عين ارد عليه " يابه واني نيتي صافيه وياها ما العب ماعدي عرض مااخاف على  خواتي قصدت بناته  جاي طالبها منك انت بمكان ابوي وبس هلسنه اخلصها اروح لبوها حجي شدكول ينطيها"

ابتسم" وانه شريد غير افرح بيك واسويلك بيت وعائله واكعد بسدك"

بست ايده جرني الحضنه فرحت بست كتفه

" بارك الله بيك ابني يوم عن يوم تكبر بعيني ليش مينطيها وين يلكه منك  جال والنعم "

ارتاحيت من كتله هم ونزاح ضمنتها الي دام الشيخ كلي الك "

طلعت خابرت ارغد

سيف" هااا ولك عار عصفور ونطع نعاله "

ارغد" هلا بلضلع وعلي انت ال13"

سيف" ايباااااه شلونك انت "

ارغد"بلعسل اه شلون شفتلي صيده اجيت اكفر بتميم"

سيف "ههههه عوينجي ابو النسوان لتلعب بذيلك اغم مو عدك طيره شسوي بلدجاج"

ارغد"يصير نجمع بين الطير والدجاج بقفص واحد"

سيف" وانت التكفز الله يطيح حظك نفسك دونيه"

ارغد "اوووو حجه ابو حنيفه انت ما عينك زاغت على "

سيف"كمل شوف شيصيرلك ابو نفس ابو القفاصه  صايرلي ديج هراتي "

ارغد " وداعت امي صدفه الله اكلك ابو السيوف انسق واضبط اموري واخذ طيرتي وراها ام الاصفر "

سيف " لا تنجلب بعدك ماصار بضافرك طحين "

اسمعه ينبح هو هوو هووو

"الله يغسل حظك شبيك مستفلك"

ارغد "اسمع اسمع "

سيف " شسمع ماضل عدي رصيد "

ارغد" بس هاي بداعت العزاز"

سيف " خير "

ارغد "مره ابراهيم صار عصبي لان ابوي راد يرجع سعاد الرجلها مطبطبها هذا صار عصبي كاله اطلع جلب ابن جلب اذا رجعتها"

مانسمع بس ابويا ينبح عليه هووو هووو ههههههههه بعلي بيومها طكت بطني ضحك"

سيف "هههههههه ابوك فلم نتلاكه يم الامير "

ارغد " ماشي اتانيك"

سديته منه طخت بالي اخذ سيارة الحجي كتله كلي اخذها بس لاسوق بسرعه ارتاحيت من الكراوي والعبريه انطيت خبر الارغد كال تميم مجلب وياي كتله جيبه شعدنه عزمتهم يمي وهم يزورون اخذهم ومناك نطلع للنجف

ممدت ماجايني نوم عكب باجر يجيوني كوه غفيت عده يوم واجه اليل

صارت بلعشره كلت اطلع اشملي هوه نضيف تمشيت اخذني رجليه يم محطه المي الشيخ شراكه ويه صاحب البستان البصفه رحت لمكان مصب المي تعلوم مسويلي مكان اكعد بي مسكفه من كابينه المحطه وحصير من خوص السعف ام حميد سوتها الي بيتهم مسافه من بيت الشيخ يشتغل ويه الفلاليح ماكاطع منهم

ورثت جكارتي اخخ ياطع النفس متاني هلسنه الكشره تخلص والتفت الروحي

سالفه جيبني وتردني هواي مخططات بالي ناوي بس اخطبها اذب مواد بناء وابني

احس بستقلاليه اخذ راحتي لليوم احس روحي مقيد لليوم انه مااطب للبيت اذا مااصيح بعالي صوتي ياالله لو اتحمحم لو ادك الباب ابقه غريب واحل عليهن

الحجيه شكد تحاول تكسر هذا الحاجز من تودي عليه عصريه اصبلي جاي وياها وماعون بسكت مرات اخجل احضنها تبتسم من شوف نضراتي تهمس بحنيه "انه امك يبعد عيوني عيونك يمه كول رايد شي "

انصي اخجل اطلب حضنها ماشبعان منها ادور بيها وجها كلبي يرف عليها ودي احط راسي بحجرها ومتمسدلي اشبع رجال شكدني كلبي فارغ منها ادورها بلوجوه صورتها مااذكرها شي بسيط

ابوي جدي حبوبتي بيت الشيخ يسموها بيبي

غمضت ونمت شارد من التفكير كعدت على صوت الشيخ رفعت راسي طفه المكيف وعاين " صباح نور"

سيف " هلا يابه صباح الخير"

الشيخ " صلي والحكني نتريك ونروح لمضيف بيت مناتي عده فصل"

سيف" مو بعد وكت يابه الفصل بلتسعه"

الشيخ" هم ياله نلحك ويه طرت الشمس يادوب نبيع المحصول وارد اجيب كم طلي للبيت"

سيف" كفيت الغطه وكمت مسحت وجهي يابه الطلي شلك بي تريد تربي حلال"

الشيخ " لا ابني للبيت مخلصين لحم وهم نوزع ثواب سوي امك كل خميس لروح الموته"

  طلعت غسلت توضيت رديت صليت طبت الحجيه وانه على السجاده لميته كمت بست راسها

دعتلي" يبعد كلبي يحفظك لشبابك ويخليك سند العازتي وعازت ابوك" شكد احبها من تحسسني اني ابنها ومتفرقني عنهم

كعدت تربعت صبتلي جاي ومسويه بيض وبصل كملنه الشيخ سبقني حمدت ربي عاينتلي "هاا يمه شبعت"

سيف" عاشت ايدج ست الحبايب"

الحجيه" الله يحفظك حبيبي"

رحت ويه الحجي استلم فلوس المحاصيل وده على ابن الفلاح اجه ورانه اشترينه الطلي ودينا للكصاب كصصه ونضفه دزينا بيد ابن الفلاح صارت بملابسي ريحة زفره وهوه من فتنه بسوك الحلال

صعد الحجي كتله " يابه للبيت اسبح وابدل"

الشيخ" وين ابني الرجال متاني جيتنه"

" حجي ماارتاح اذا مااغير ملابسي علأقل اشتميت ملابسي مابيهن شي بعد تعويد ضليت احوس "

الشيخ" بويه وين الريحه انه طبيت للكصاب محله نضيف لضل توهوس "

سيف" يابه مااكدر اشك بروحي واحد تكش روحه من الريحه "

هز راسه " هاي انت بيك شك ابني تره هذا مرض تخلص منه "

مااقتنعت رجعني طبيت لغرفتي طلعت ملابس جديده ضبيت مي على جسمي تعليت ورجعت بدلت رشيت عطر وطلعنه ردينه للشيخ مناتي اله فضل على ابويا الشيخ ساعده هواي بنقلته لكربلاء

وصلنه المضيف مملي دخلنه الشيخ "السلام عليكم "

كلها كامت بلسره سلمنه على الشيوخ شيخ مناتي مد ايده للشيخ " ابتسم حسبت جيتك من وكت يبو زياد"

الشيخ" محسوبك يأشر  بي وسواس وصخ ههه ردني يبدل هديماته"

ابتسم رحب بينه كعدنه بدت سوالف الديوان والفصول ونزل لخاطر خالك وخاطر عمك وانه شيخ فلان من عشيرة فلان ولهل شيبات

كف الفصل ردينه بلطريق متعلم بلكعدات اخلي صامت زحمه يدك بنص الديوان مره ابويه سمعها والناس كلها ملتمه وشيوخ معكله محسوبكم دك هذا البله وساعتها سكتو صنطه يشاورون والجهاز كام يكمز ابويه الشيخ باوعلي بنضره غطاني بهدومي منهدها كمت اسوي صامت

شفت ارغد حارك الجو دكيت عليه اجاني صوته يفشر بكل انواع الغه " وين بيتكم رحمه للسلام صاح تميم بعفج وانه اضحك"

سيف " شبيك انطي صبر افهم عليك"

ارغد" تره هسه ا.... اكعد الموته يستغفرون وين بيتكم "

سيف" شسوي بيتنه "

ارغد" خرب ..... امشي نرجع تميم "

اذكرت اليوم موعدهم يجوني" صحت وين وين انتو جايكم"

ارغد سمعني لو غرد تغريد كتله دنجب ونطيني تميم هاا حبيبي وينكم وين واصلين "

دلاني سديته عاينلي ابويه " حجي اخذنه للامام هناك الولد خطيه من الصبح جايين"

ردينه طلعنه على الطريق لكيتهم بلمطعم مخليتهم ينزلون اخذتهم للبيت خابرت امي الحجيه بلطريق يام الولد وياي

غديتهم وارغد بعده كالب خلته يول بعلي امامك نسيت ودغت بلفصل

عاينلي "دكل ... صايرلي فزاع فصول "

بلعتها اله لان عصبي رد تميم عكسه ولا مهتم يضحك ويصنف ابويه الشيخ تغده ويانه ورد طب للبيت يرتاح

العصر اخذتهم بسيارة فرات كال اطلع بيها احدث بطه شهر صاله من اشتراها

اول مازرنه الامير صليت وردينه للمقبره وياي دبات اخذت وارغد عيونه حومرت خاف انه منا متحمل بس وشفة كبره كلبي نعصر هي الفكد يهد الحيل يخوي مكانك خالي شلون اتحمل لو ردت اخطب ردتك تحضرني وتلبسني الخاطب

ردت ازوجك واركص بعرسك واهوسلك حميد تذكر لم كتلي حكك حلمك وحلمي اريدن اشوفنك ضابط نجماتك تهز العيون لون عطن عليها

مسحت وجهي مايفيد العتاب لو اعاتبنك ليل نهار كضيت الكتاب الكريم ضليت اقره لحد ماانهيت سورة يس رديت للواقعه اربع ساعات وانه وارغد على فرد كعده

تميم مرتين راح يزور موتاهم ورد ماودي اروح واعوفه احس مشابع منه تعوذت من بليس شلعت ارغد شلع من يمه كضاها جكاير ودموع

رديتهم وياي ثاني يوم وصلنه فرات للكراج وانه وياهم مناك رحت اللكليه وارغد وراي يداوم

شهر ورديت نزلت اخذتلي سومين نوم مشابعان نوم تدرين هلكنه السنه اصعب اذبح طلي بس اكمل رغم جسمي اخذ على التدريبات

ومشتاك الجبنتي طلعت من الغرفه للديوان شفت ابو الما وعمها وابن عمها عاينتلهم مامرتاح

الشيخ جان بلبيت طب رحب بيهم كعدنه سلام وجابوها سوالف على الفلح والبستان يردون يزيدون محصوله ربع البستان ضال كاع بس حشيش مزروع

ليغاد عمها عاين للشيخ " حجي انه اليوم جاي وعدي طلب ومااريدنك تردني "

الشيخ "كول ابو عباس التريد ان جان يمنه تشلعه منعيوني"

ابو عباس" ان شاء اللة كل خير انه من حاجيت ابو الما كلي الشيخ هوه الرباها وابوها اتريد تطلبها اخذها منه  مو انه الربيت الشيخ الربه"

وجرت نار اباوع الهم ودي اكوم احطهم بركبتي طلبها من الشيخ

عاينلي وهز راسه ساكت كمل " كله الله كريم نشوف البنت ان رضت كبع واخذ ان جانلكم نصيب"

ابو عباس " ماضن البت عدها اعتراض وانه جاي من طريق بعيد اريد موافقه وان شاء اللة يوم ثلاثه ونجيب اهاليتنه يجون بعد مشيه ومهر "

مسحت وجهي احس عروك وجهي بينت اريد اكوم اهد عليه الشيخ خله ايده على زري كوه سيطرت على روحي

يحجي كدامي بكوة حيل الشيخ ماناشدني وين اراضيي يشوفني ويحاجي بدم بارد هي بتكم

ان جانت راضيه الكم بعد وانه مالي اولى من

ابوها واله حك والري رايهم وكتلك يبو عباس

البت لزوم تعرف ورايها مهم

ابوها "شيخ بنياتنه مالهم حجو بعد حجايتنه

وانه كلت لخويه اطلبها من الشيخ اول وانه

مالي كلمه بعده "

ماتحملت اليصير كدامي دمي فار انتفضت

ريحانه

ايام عدت واني اريد حجايه احاجي بيها واتردد اخجل ليصير عصبي ماعدي حل غير جدي

رحت اخذت تلفون امي بلبسكوت ضهر نايمه وخالته على الكاونتر  دخلت للغرفه وسديت الباب

طلعت رقمه  دست اتصال" هاا جدو شلونك"

" هلا بويا شلونج جدي شحلو هلصوت "

ريحانه" بخير ماما وبابا زينين جدي اريدك بسالفه"

" هاا بابا خير"

ضليت اسولفله اريد اكمل ومعدلي عالي وبابا رافض الكليه اجيت ابجي واني احجيله

" بنتي شعدج بلكليه اول تالي مكانج البيت هاي خالتج اخذتها وكعدت سوت بيها"

ريحانه" جدو والله هذا حلمي عفيه حباب قنعه وراضيه بأي كليه مو اله قانون"

تنهد" خير اخابره واشوف رائيه لو تانين لحد مااجي ويه اخوج رضا نشوفكم وافاتحه بلموضوع "

كيفت سديته منه عدي أمل ركضت رجعت التلفون

لازمه كلبي الحلم لهسه بالي لا يرفض بابا

عده السبوع ورضا وجدي مااجو

البوم عدنه جلسة مناضره بحوزة بمركز المدينه بجامع كان يسمو جامع الرسول اني وكم طالبه

لتجويد سورة مريم اني حفظ وتجويد

البقية فقط تجويد المسابقه استمرت ثلث ايام

من اجمل المسابقات الحضرتهن على بساطت

التنضيم القراء كان والدي وسيد صديقه مدرس

بنفس الحوزه وشيخ مسؤل المسجد وقارء

ومؤذن

تم تكريمي بدرع العتبه كانت هاي المسابقه مفتاح

لعدة مراحل مااحبيت اخوض باقي المراحل والدي

شجعني

يوم الرابع بعد المسابقه ماضل سبوع وينفتح

باب التسجيل شهر ١١  اني من النوع اتكالي

لله مو هلكد اطلب من أل البيت دام ارتباطي

وثيق بلله وابوابه مفتوحه

يوم الاشوف الابواب مسدوده اتوجه للوسيله

وهم اقرب وسيله

العصريه يوم جمعه غسلت البيت ماما نشفته و سوت فطائر  دناكل بابا  كاعد ويانه كويتله كلبيته والبشت

مسحت وجهي بمرطب بس هذا مسموحلي اخلي منه باقي االمكياج ممنوع  يسمحولي اذا صرت بعصمت الزوج هذا الامر مشه على الكل ماكنت اهتم بشرتي صافيه ملامحي بارزه مااحت رغم حنطية وجهي

الباب ندك طنت كاعده اصفح كتاب بعد مااشلت صينية الجاي ضميت الفطائر بلثلاجه

سمعت صوت جدي وخالتي واخويه كمت جريت حجابي اخاف ابنها  مسلم  وياها

سلمت عليهم خاله حضنتني " يمه كبرانه كالو تدخل جامعه"

ابتسمت  خجلانه هاي خالتي مزوجه بلحله بقضاء الحمزه حبابه هي الوحيده بخالاتي كملت دراسه

وزوجت طالب وياها حبها واجه خطبها من جدي

وبعد معانات وحرب وجدي جان رافض لان بعيده

مو مثل بقية خالاتي ازوجن  يمه بلنجف

بابا واهله كانو بلنجف فتره وصار جدي ابو يريد يرجع يم اهله تالي رجعو للكوت يمهم

ماعدي عمام بس واحد وزغير اكبر من ماما بسنه

ازوج غريبه بعد ماجدو توفه وبيبي ورا بسنه

قدمتلهم عصير وفطائر التمينه بلهول بابا يحب

جدو وجدي كلش يعزه اكثر واحد بنسابته لهذا

يريد خاطره

لليل طلعو الولد ضلينه اني وماما وخاله

خالتي خديجه" اي ريحونه شقدمتي"

نصيت " ماادري متانيه بابا"

ماما كالت" وين السيد ميريد راح نقدملها معهد"

باوعت لمي " ليش اسماء خطيه معدلها ٨٢الله يرضه

تروح معهد تره تنقبل هندسه وهذا تعبها ليش ضيعو منها خلوها داوم "

امي" شنو البيدي ام مسلم ابوها مايسمع كلام

وتعرفين طبعه الباله باله ميسمع لحد واني مااريد

ادخل وبعدين يكلي منج "

خديجه" لا والله اني منج احاجي حرام اليسوي

البنيه واصل خيرها وشهادتها غيره يتمنوها منيه

شؤايد من البنيه خايف تره بناتنه عاقلات وبلاخص

ريحونه مؤدبه ورزنه "

اسماء "من يجي لوا تحاجي وتقنعي صارله

سبوعين صفره اشوفها مامرتاحه وحاسه

بيها "

خديجه" خيه انتي فاسحتله مجال شنو انتي مو امهم شنو مالج كلمه عليهم وكله بيده هم خليلج

حجايه ويا هم "

اسماء" لا ام مسلم السيد مامقصر بشي ويحترمني

وشريد وشتمنه كافي يقدرني ولليوم ماماد ايده عليه

ولا كالي انجبي ولا مسمعني حجايه تغثني صح هوه يحب يربيهم ويمشيهم على منهجه لليوم ماشفت منه غلط واذا على ريحانه ميكرها بته وبعز روحه هوه من خوفه ولان تعرفين انتي بوضعها قبل شلون جانت متريد احد يخاف احتكاكها بلبنات من اي موقف يهزها وتتاذه وترجعلها "

اسمع امي واتكطع صح جنت مريضه بلتوحده بس بنسبه بسيطه كدرت اتعافه منه وصادق اماني ومابيه شي ليش هيج محسسيني الكليه عالم وحوش

ضلت خالتي تاخذ وتنطي كمت طلعت للحديقه

متنفسي الوحيد كعدت على الصبه مغمضه عيوني

اخفي التوتر لحضه ارجع النقطة الصفر

لذاك اليوم لذيج الشجر لذاك الاحساس سنين

نافرته واخاف اذكره بحجايه من امي رجعتني

ايام افز مرعوبه ومحد يعرف شبيه انطويت على

حالي البجي كان ملازم الي اخاف اخطي خطوه بله

امي او ابويه زرع بيه الخوف

ساعه ولدة سنين معانا دموعي صبت طفله الله

ليوفق كلمن يمشي بهذا الدرب فقدني الامان

كمت اشوف الكل وحوش

حسيت بحركه مسحت عيوني رفعت راسي مسلم

واكف بصفي بعد مسافه ايدي وره ضهره يباوع

للاشجار المزروعه بحديقتنه عيونه تتنقل جنه

مجرد يلهي روحه فكره بغير مكان اوو شعليه

كمت نفضت ملابسي فتت منه حسيت بؤبؤ عينه

ويه فرتي اخذت نفس مابينه كلام كل شوفتي اله

ثلث مرات

مره بطفولتي من كنه بلنجف ويجي ويه امه ومرتين

هنا وبلمرتين ماالتقيت بي

دخلت ونضرته ضلت بالي هذا شبي وكفت

كدام المرايه افتريت عبالي بيه شي وهيج

فر عينه على طولي

ضبطت حجابي رجعت يم امي

خالتي " اني شعدي انتي تعرفين بيتي تعيش مدلله والله وكل اليتمنا كلبه يصيرلها" شافتني ابتسمت

امي سكتت  يومين ضلو يمنه كل هذا واني كلبي يم جدي مااصور بابا قبل لهذا ماحاجاني اخر يوم كبل ميرحون شبعت بجي

راحو ودعناهم وجه بابا ماعلي اي علامات الضجر

نصيت بخيبت الم احس كلبي تكطع

كضيتها نوم اكل مااشتهي اكل بس اصلي واقره قرأن وارجع انام كطعت الحفظ نص الجزء عفته

اليوم الصبح امي ندهتني اسوي وياها كليجه

كملناها صار العصر كعدت اكمل كتاب قصه

عن جرجيس كان من الانبياء

اكمل بيها حبيتها طب  من باب الصاله

رياحيين تعالي وراي

كمت رحتله "ها بابا "

باوعلي وكعد بلكاع ونتجه "دخلي وسدي الباب"

خفت هاي عادته من يريد يعاقب واحد من يمنه اني او رضا

سديت الباب ورجليه كوه خطت بلمشي وكعدت بلكاع

عيونه مصوبهن تجاهي هاي هيه شمسويه

"شمحاجيه جدج"

انخنست

"ليش تتوسطين يمه بيني وبينج حاجز علمود ترحيله اني مسامعج "

همست صوتي يرجف"باب...."

" ريحانه  تصورين رفضي شك لو تسلط لو همجيه "

اجيت ابجي نبرته خوفتني

سديم •

بلش الدوام وصالي شهرين اداوم بدون اماني وريحانه الهن وحشه

الفرحني استاذ نصرت وبعد احداث 2003 انتقل

لغير مدرسه ارتاحيت

كرم وستار وياي اجيت ابجي موكالو يغصلون الولد عن البنات وين اولي اماني علمتني اغلس واجاهلهم

وهذا ستار بوجهي طول اليوم

رجعت من المدرسه

طبيت للبيت مره على زواج تحسين اربع اشهر

ذبيت جنطتي ارتاح

اخذلتي فره على الجدوره نقشت ورحت نمت من اكعد اقره والصلا مسويتها قاله باله

يوم اصلي وسبوع اكطع وره مزاجي العضروطي 

مرات احاجي ربي من شوف صلاتي البج تشمره

بخلقتي

كعدت العصر صبيت تمن فوكا مرك امي وتحسين كاعدين حسام طلع بس اماني وربي يمنه

ربى لسان متسكت "اكلك خويه اريد احاجيك ولا دكول هاي تجيلها يومين وترد لعيالها سويلها مشاكل كلبي محترك عليك شفت بعيني شغله واريد اشوفك منتبهلها لا "

تحسين " شكو ربى احجي"

ربى"انت مو اطيتنه ثلث ملايين كلت تشتري ذهب وجهز روحها "

تحسين" اي شنو الجديد"

ربى"اني من شفت الذهب مالتها ماعجبني خفيفي وشكيت بي ذهب اصلي لان لونه فاهي ولمعته مو لمعت ذهب مو مجن "

باوع لمي امي تعض بصبعها لربى كلها "يام انتي مارحتي وياهن"

امي " يمه رحت ماعجبها شي شكد فترينه لمن طاحت رجلينه وامها كالت غير يوم نرجع لان

الدنيا غوربت واني تعبت المره من شافتني هيج

كالت لاتجين باجر اني اخذها ونشتري ذهب"

ربى"يمه والله شبه مو ذهب "

تحسين سكت رجع كال"تجي وافتهم منها "

ربى"شتفتهم هي مرتك خرسه لا تحجي لا جامل لا شاركنه بلحجي انطيها بس تعلف "

اني رديت "اي يوميه توديني اشتريليها حلويات كومه تاكل حتى متذكرني واني العوبه اركض اجيبلها"

امي عضت شفتها"ربى سدي حلكج ماكله منج رجلها وتاكل من جده "

ربى" وهوه اخويا اخلي معمي على عيونه هم يشوف سوت بفلوسه هنا هنا ٣ملايين غير اغرك روحي ذهب وملابس هي حتى دشاديشها جرود"

تحسين كام طلع وامي استلمت ربى رزايل واماني دكلها شعليج تفرقين بينهم "

ربى"عاجبجن وضعه ليش تستغفله وين ودت فلوسه "

واني هم ضلت حجايت ربى براسي بسنت 2003 الثلث ملايين هواي تسدها سد وزايد

راحت ايام  ربى ماضلت هواي يومين ورجعت لعيالها اريام  ماكدرت تجي

رجعت زوجته نعمه نفس الحال والبهذال

صار تحسين ينتبه عليها

اماني مالها شغل واني وامي علينه الببت هي متشتغل ونخاف نحجي وصير مشكله

نعمه مجرد تاكل وتمسح ايديها وتصعد بيوم ليل

وابويا طالع يم عمامي وحسام يم جماعته بلكهوه

نزل تحسين يصيح نزلها بيده شمرها علينه امي

ركضت مهبوطه "ياستار شكو يمه شبيك"

ختلت ورانه صاح "هاي تعلمنها شلون تنضف روحها لا ادفنها لو ارجعها لمها ماعلموج بت .... وين كاعده انتي "

صاحت "مااعرف مااعرف"

امي "صدك يمه هاي عود انت العاقل الجبير بينك وبينه تجي دكلي واني افهمها مو هيج كدام خواتك"

صاح فاقد تحسين نادراً يعصب" يمه خبلتني صالي خمس اشهر متحمل جيفتها اعلم اكلها خاجي البنات يعلمنج نضفي الخرفه نضفي روحج احاجي حايط

يمه ماتفتهم "

امي"ميخالف موهيج هسه روح انت واني احاجيها مالك شغل هاي شغلات نسوان عيب عيج تفضحها كدامنه"

هز ايده "دصعدي شوفي الغرفه وجوه الجربايه اشتمي الريحه "

امي ماقبلت وهي مسويه روحها فقيره اني منتبها لتصرفاتها مدري شلونها

جرتها امي فهمتها وعلمتها الشغلات النسائيه من طبيت طردتني عود ردت اكبر روحي واسمع حصلتلي طرده

امي طبت لماني اخذتها وياها صار تحالف سولها حلاوه وبلشن بيها مديت راسي امي لجعتني

ضربتني بلنعال خرب قناص اجه بكصتي

طلعت للطرمه جفت علينه ستار ومأثر

..........يتبع

لاتنسون التصوية

متابعه للحساب حبايبي

تعليقاتكم الحلوه

بين الكاف والنون (كن فيكون)

السادس عشر

الكاتبه سجى الطائي

////////////////////////////

ﻳﺎ ﺃﻭﻝ ﺍﻟﺮﻳﺤﺎﻥ ﻳﻠﻌﻄﻴﺖ

ﻧﻮﺑﻪ ﺑﺪﺭﻭﺑﻲ

ﻳﺎ ﺁﺧﺮ ﺳﻮﺍﺟﻲ ﺣﻨﻴﻨﻲ ﻭﺣﺒﻲ

ﻣﻦ ﻳﻮﻡ ﻃﻴﻔﻚ ﻫﺠﺮ ﻧﻮﻣﻲ ﻣﺎ ﻧﻤﺖ

ﺣﻨﻴﺔ ﻳﺎ ﺟﺬﺍﺏ ﻣﻨﻚ

ﻣﺎ ﺷﻔﺖ

ﻣﻦ ﻇﻨﻲ ﻛﻀﻚ ﺑﺎﻟﺤﻠﻢ

ﻋﻨﺒﺮ ﻓﺤﺖ

ﻣﻦ ﺭﺩﺕ ﺃﺟﻴﺴﻚ ﺟﺴﺖ ﺭﻭﺣﻲ

ﻭﻓﺮﻓﺤﺖ

ﺃﺗﺮﻑ ﻣﻦ ﺃﺟﻔﺎﻑ ﺍﻟﻤﻬﺮ

ﻗﻨﺪﻭﻥ . . . ﻣﺎ ﺿﺎﻳﻚ ﺷﻜﺮ

ﻳﺎ ﺣﻠﻮ ﻳﺎ ﺑﻮﺳﺔ ﺳﻬﺮ . . .

ﻳﺎ ﺗﺮﻑ ﻳﺎ ﻳﻴﺰﻱ ﻗﻬﺮ

ﺷﻴﻀﺮﻙ . . ﺑﻜﻞ ﺷﺘﻪ ﺍﻟﻮﻟﻬﺎﻥ

ﻟﻮ ﺻﺤﻮﺓ ﻣﻄﺮ ؟

ﻭﺍﻟﺸﺘﻪ ﻛﻠﻪ ﺗﻌﺪﻩ

ﻭﺍﻟﻜﻴﻆ ﻫﻢ ﺃﺗﻌﺪﻩ

ﺷﺠﺎﺏ ﺍﻟﻌﺸﻚ ؟ ﻭﺃﺷﻮﺩﻩ ؟

ﻻ ﺑﺎﻟﻤﺤﻄﺔ ﺭﻑ ﺿﻮﻩ . . .

ﻻ ﺧﻂ ﺃﺟﺎﻧﻪ ﻣﻦ ﺍﻟﺒﻌﺪ

ﻻ ﺭﻳﻞ ﻣﺮ ﻋﻠﻰ ﺍﻟﺴﺪﻩ

____________________________

سديم•

طبت مأثر وستار

ستار "شلونج بت عمي "

سديم "زينه "كلتها وكارهته كره العمه

مأثر"عمه والبنات جوه"

سديم "اي اماني وامي ونعمه"

عوجت حلكها وتباوع لداخل البيت "نعمه اممم شيسون"

ضحكت "يشيرن لنعمه متعرف"

عكدت حواجبها "شمالها زغيرونه متعرف وين اكو وحده مزوجه متعرف "

رفعت كتفي ماادري ستار من زمان طب للصاله واني ومأثر دخلنه للهول ومنها توجهة الغرفت امي لزمت ايدها " لا امي متقبل اني وطردتني "

مأثر "شنو العدها ماعدنه وتخاف نشوف ست الحسن" دفعتني وطبت للغرفه سلمت عادي وكعدت نعمه تباوعلها من جوه الجوه

عفتهن رجعت لغرفتي اقره مدده على وجهي وكدامي الكتب رفعت راسي ستار دخل وسد الباب

كلت بداخلي اهووو اجه المنافق كعد مسافه عني

ستار" سديم ممكن تشرحيلي رياضيات صعب ماافهم منه شي"

سديم " لا مااعرف " كلتها من وره خشمي

ستار "شلون يوميه تحلين من دكومج المدرسه "

سديم " هيج من الله اعرف"

ستار "اي درسيني حبابه "

سديم " كتلك مااعرف " سديت الكتاب حيل

ستار " شكد نحسه شبيج شطلبت منج هي تقريني رياضيات جايج يوميه وطالبج "

سديم " مالي دخل شوف غيري يدرسك "

ستار " جلبه ونحسه شكد لئيمه شطالب درسيني علمود باجر ميطلعني ويوكفني يم الزباله"

سديم " شعليه بيك مايدرسنك خواتك "

ستار " كيعرفن لو يعرفن اجي يمج "

اشو انكسر خاطري عليه كتله " ميخالف بس هاا مو تعبني تفتح دماغك مابيه حيل اعيد الشرح "

هز راسه مكيف اجه كعد صفي طلعت كتاب الرياضيات والدفتر اماني درستني العصر من كعدت اول شي تقرينيا

كعدت اشرحله واعيد مره لاخ وهوه مره يكلي اي فهمت ومن اكله اشرحلي يطفه واحد وينزل دكمته عدت مرتين وثلاثه

صحت " شبيك غبي اس اس ماتعرفله هوه عشر وعدد الصفار رقمهن ينحط ليفوك "

نفخ" كتلج مافاهم كبل اول مره واحد يشرحلي مثلج "

سديم " دولي تعبتني "

كام غمني " امده اليطلب منج جلبه والله "

صحت " صارلي ساعه اشرح انت اثول وطرن وبراسك حجاره مال ثيران "

ستار " هاي لو كرم جان ركضتي شرحتيله ام الولد"

شو هذا كض الكتاب واركعني بي على راسي احسه يافوخي طار حجايته خلتني افور اني يكلي ام الولد شاف عليه

ماصدكت كمت شديت دشداشتي وركضت ورا من الصاله للهول فررني البيت ويعيط طبيت للمطبخ جريت الجبجير ركضت لزمته نومت براسه وعايطه مله البيت وحركت كلبي طلعتها بضربه وحده طلعت امي والبنات ركضن عليه خنس يبجي لازم راسه

مأثرشافت اخوها هيج انجنت صاحت " سويتيله مسودنه عرمه" اجت عليه تضربني جرتها اماني " هوب دادا هذا حدج شنو تايهين شوشمسويلها اخوج وهيج ضربته"

دفعت اماني" وخري تعالي اليوم اكطعج" اجت عليه بحركه جرتني من دشداشتي كفختني على ركبتي وعلى ضهري ماتحملت بجيت من الالم والجبجير بيدي بحركت كلب شلون ضربتها شلون اجه بكصتها وعاطت ماادري وخرت مرعوبه وهيه تعيط " سديمه ضربتني يمه الحكيني "

شفتها صارت هوسه وامي والبنات يتراكضن بين ستار وبين مأثر كصتها نشكت وتكت دم هرجتنه انخنست خايفه ارجف سويت

تحسين طب يركض على صوت مأثر لمت المنطقه امها واخواتها عمامي بعد بيت اجوي بيتنه انترس اخذوها يخيطون راسها وهمه مامفتهمين شي

حسام باوعلنه وامها تبجي عليها من شافت الدم متعرف شنو الصار عاطت " بتي اجتكم سليمه تطلع مدمايه سويتلها يا متخافن من الله الله لينطيجن ضربتنها جفيتنها على وجها "

اماني " شكو عمه منو يمها بتج على شنو نغار منها محد يمها الصار مامقصود ماكو واحد مايتعرض ويصيرله شي هسه تجي مابيها شي"

امي " ام نعمه كولي ياالله مابيها شي البنت هسه يجون ويجيبوها"

مرت عمي " هاي لو بتج جان سويتين ماتحجن انتِ انتِ تأشر على اماني خوينسه احجي شمسوياتلها "

اماني " مامسويلها شي هي بتج هجمت على سديم بدون مانعرف شكو "

اجت عليه ختلت ورا امي قريبه يمي حسام واكف يباوع صاح " عمه كافي فضايح منا العالم صوتجن طالع للشارع عيب والله خزيتنه كاافي عاد"

كالت " ام..."

صاح" ميخالف مانعرف الصار تجي مأثر والنه كعده ونعرف من العايل بس اسكتن "

جرتني اماني دخلتني للغرفه مخنزره عليه ماحسيت غير راشدي فر وجهي فر حجت بعصبيه" اذا ماأدبج ياسديم واعيد تربيتج لو اسلمج لحسام هوه يتفاهم وياج"

برطمت عيوني غوركن دمع ركضت لفراشي غطيت راسي نزل دموعي وهي تفتر بلغرفه عصبيه وتحجي " هسه يذبون الصوج بيج ويطلعوها هي ام الراهي اضربها باي شي مو بلچبچير نومتي بكصتها شكيتيها مسودنه انتي كل عرفه ماعدج ليكول زعطوطه البكدج ازوجن وخلفن "

ساعه اني على بجيه وحده احس عيوني راحن ورمن اماني اطب وتطلع اعصاب وتستغفر ل١١ اصواتهم بلبيت اجوي طبت اماني " كومي يردوج"

كمت خايفه شافت عيوني اخذتني للسنك غسلتلي وطببتني للستقبال هي وياي مأثر شادين راسها تون من يما وستار هم شاد راسه منضره يضحك من وره البجي والموقف مالي نفس اضحك

ابويا من شافني زمخ" شمسويا لولد عمج ادبسزز اكو واحد يضرب بحافت الچبچير "

تحسين " سديم ليش ضربتي بت عمج وستار "

ضليت مدنكه

صاح ابويه فزيت ابجي " بت الك... شسوتلج وضربتيها "

سديم " ضربتني لان ضربت ستار"

منصيه ابجي شفت خطواته جرني كدامهم ضربني صرت هلكدوتني جرني حسام صاح " يابه صدك جذب على شنو تضربها "

مرت عمي " بعد ايدي خلي يربيها ويعلمها التربيه شلون لو متردون حاسبها على السوته بتي لو صايرلها شي اسكتلكم"

تحسين " عمه لا بتج خيره ولا سديم عاقله بس مو يضربها كدامكم يريد يحاسبها يحاسبها وحدهم واني متاكد ستار ومأثر شو شمسويلها ماتضربهم بله سبب"

مرت عمي " اي دافعولها محد طلع عينها غيركم سكطو تربيتها هاي اني كدام ابوك وعمامك اذا بعد صار شي لبناتي لو لبني مااسكت اخذهم وخوتي يصرفون وياكم "

حسام " سديم اني الاحاسبها بس ابنج هم حاجي لذبين الصوج براسهم وتعرفين كلش زين ابنج منافق وحجاي وجهين عليمن واكفه دافعيله "

مرت عمي " كرت عينج على هيج اخو صير حكانين تقبلوها لو بناتي ضاربات اختكم اسويتو مأثر عاقله وماينسمعلها حس مو هي التضرب"

ضحك تحسين " واصور بتج مو كليلة لسان مو احنه النربي اختنه انتي عيدي حساباتج وربيهم عدل "

حسام جرني طلعني اسمع حجي ابويا وعمامي مقابلي على حجي اخوتي واني لابده بسد حسام

طببني للغرفه كعدني راسي بحضنه ابجي واناشغ سكتني وطلع بدون مايحاجيني

شفت ابويا ودفاعه على بت اخو بدون مايفتهم شي لو كايلته على حجايه ستار راح يصدك بجيت بحركه ليش هيج هوه وياهم ضدنه

ليش دائماً ضدنه وياهم احس راسي قبط اذاناتي نسدن النعاس غلبني نمت ماحسيت بروحي من التعب والبجي والهبطه الاكلتها

فزيت على ايد امي تغطي بيه طلعت وسدت الباب رفعت راسي انتجيت امامي صلي مبينه الفجر باوعتلي من كملت سبح وتستغفر

اماني من التزمت بصلاته والاسبوع مايعدي بدون يوم من ايامه صومه صارت اهدء اشوفها مسالمه بس وكت الحك تحجي وسد حلك اي واحد عده قوت اقناع وتثبت للمقابل اذا كان على غلط

درت وجهي ماانسه ضربتها الي رجعت غطيت راسي ونمت

يومين اني ممداومه صديقاتي اجني جابلي التحاضير قررت اداوم

مااحجي اماني وهي هم مامعبرتني عجيب امرها اليشوفها شكد تحبني من شيل تحس المقابل تكرها ومطيق وجوده وهذا الشي طبقته عليه

حسام كعدني وسولفتله كلشي وتحسين هم عرف هوه اساساً مايطيقهم ماعلق شي حسام كال اني احاسبه واعرف شلون احاجي

اخذت كتبي وطلعت للطرمه بسطت اقره الفاتني كملت اغلب المواد اني سريعه بلحفظ والفهم طبت ربى وجهالها

صحت " يبووو اجه جيش الحبشه "

باوعتلي تضحك " وسم لوما بيضان شكران منيلهم من حبشه هسه انتي غلطتي كولي جيش هتلر جيش الفرنسي اتقبلها منج "

هزيت ايدي " عشتو راحت على فرنسه منيلهم جنهم خراعت خضره دشوفي بتج صحت هييي وين وين على كتبي " بتها عمرها خمسه ركضت جرت كتاب الجغرافيه تشكه سولتها هاي اني واماني حذرين منها

كمت ضربتها جلاق وديتها لمها "اخذيها وجفينه شرج "

ربى " عرمه امشو يمه هاي خالتكم طاكه عرج من الحمزه هل شوفوها مشور بيها ماتتحاجه ولاتريدلها احد وتضرب بلچباچير مو بلچمچه"وطكتها بضحكه من يمي ضحكت تريد تحجيني وهي عيد وجابها العباس الها شلون تحب بيت عمي

طبت تتمضحك اسمع صوتها وضحكهن رجعت اكمل قرايه مشت ايامي هيج ورا ايام اماني قدمت كليه وياها ريحانه استغربت شعجب ابوها وافق ماحبيت اسأل اماني لهسه مااحاجيها

عده شهرين الوضع سكون مدرستي متفوقه بيها كرم مثل وضعه انوب الله ذاب عليه خجل ليكول هوه البنيه مو اني

وضع بيتنه المادي من سيء للاسوء ابويا مايمد ايد ولا يناوش امي ضال يجمع ومدري وين يوديهن تحسين مصاريفه زادن زوجته تسحب منه بدون وجع كلب

كعدت ابدل ماحسينه غير مصايح تحسين وزوجته طلعت جنطتي بيدي بلهول لازمها من متنها وعاصره وهيه واكفه بوجها

تحسين " تعبي هذا جايبه مو من بيت الخلفج ترحين جيبين الفلوس لا بلقرأن طلاكج يصير"

نعمه" انت اطتنياهن ذني فلوسي صارن مالك حك بعد "

تحسين " حلالج شنو من جيبج من تعبج من عماله وردت الضهاري والشمس تضرب براسج بت ... منيلج من شغل الحفر من شغل التفليش "

اماني وامي جرنها منه وهي لسانها طويل هاي الخرسه تحجي" هذا مهري مالك شغل بي بعد حقي انطي لهلي اوزعه كيفي "

خلته ينجن امي " يمه استهدي برحمانك دنيه صبح صياحكم ومشاكلكم"

صاح " يمه ثلث ملايين انطيها تشتري بيهن ذهب نص ذهبها شبه بس كلاده وتراجي وحلقه تقشمرني بيهن اصعدي لملابسها ماعدها اكلها البسي الشتريتيهن تلبسلي دشداشه جارده وين ودتهن "

امي باوعتلها" الفلوس السلمتهن لمج سويتي بيهن"

ترد بكل صلافه " مليون جهزنه اخوي لخطبته ومليون الي ذهب ونيشان وصالون ومليوم اخذ ابويا" تحجي بكلب بارد ومامهتمه ومستفزه وعادي عدها

تحسين ماتحمل جرها ضربها امي وخرته صيح حسام نزل فاككهم

اني واماني نباوع بعيونه على المسرحيه الصارت اكو هيج بشر طماع اذكر رحنه وره الخطوبه وصلنه البيتهم اباوع رابطين هايشه وجدورت اكلهم حاطين بيها اكل الها تاكل

كعدنه وشربت امي جاي هي طبت وطلعت بيدها الجدوره كدامنه غسلتهن على السنك جان صالتهم مقابيل مطبخ وخلتهن على الطباخ

ضليت صافنه هزيت ايدي على قسمة تحسين السوده المصخمه نكز من بنات عمي ابويه وعمامي جابوله وحده من كلهن حاويتهن صلافه وصاخه وابوها ياكل براس العالم

هاي مو قسمه ونصيب هاي سوء اختيار هنا ادركت مو كلشي يمشي بلقدر مرات رب العباد ترك النه حرية الاختيار هنا يدخل العقل وقدرته على الاختيار الصحيح هل انا من ذالك الاختيار هلي نصيب من عذاب القسمه

مسكين اخويه بيومها داومت وعفتهم يتعاركون من رجعت عرفت شامرها يم اهلها

ارغد•

اباوع لطلاب وياي اشوف الي الدنيا زاهيتله لبس من الارقه الاكل السياره اخر موديل ماحاس بغيره وتشوف الي عايش الحياة بساطته وجايبها من اب من ام كادرين يوفروله

والي مثلي حاير شلون يجيب الراس على الراس

ارجع ب٣الضهر بايام الشته زين بس بايام الصيف

والصنه الشمس عموديا ودك براسي

مجرد انزع ملابسي ابدل ملابس عمل انزل اخذ

عبريا ابلش شغل هلمره عامل بمطعم نعمه مستوره

دام مامتكل على احد وجايبه بعرك جبيني على كولت ابو السيوف انت كل نقطة دم تمشي بيك

حلال دام تاكل من چدك

الاسطه نحس حقه حلاله وباب شغله اني وياي ثنين

واحد يسوي المشاوي واحد على المقبلات وباقي الاكل واني اوصل وراها اغسل مواعين اشتغل بعشر

ايدين

واحد طلب مشاوي مشكل يعني شيش معلاك وشيش تكه لحم وتكه دجاج ومقبلات وياها

الحبشكلات الطماطه الشوي الطرشي الخضره

كمل الطلب اخذته اله ورجعت للطلب الثاني

صاحني ابو المشكل الولد شاب مرتب حاس روحي

شايف

ارغد "امر حبيبي"

"طلبت لحم جايبلي مشكل "

باوعت للطلب كتله "لحضه" طلعت الدفتر من جيبي جيطت طلبه طاوله رقمها 9 مشكل ومقبلات ونص نفر دجاج على تمن ولبن ومشروبات غازيه ثنين

موو

باوعلي "لا اغاتي متوهم هاي مو طلببتنه "

جيكت الطاوله تسعه بلعربي جيكت الدفتر مضبوط

"حبيبي متوهم هذا طلبكم "

ابتسم " لا عيني اني ولا صاحبي طالبين "

فركت وجهي "زين ذكروني بطلبكم "

"مشاوي لحم نفر وكباب نفر ومقبلات ومشروبات غازيه ومي وبطل لبن "

كلبت بلدفتر طلبهم ماكو هاي شلون سالفه اني متوهم لو ذوله يضحكون عليه

رجعت لولد اسمه سجاد مسؤل على المشاوي سولفتله باوعلي كال سدها ارغد هذا الاسطه

روحه بخشمه الطلب سده انت وانطيهم طلبهم

ينخصم من يوميتك

سحبت نفس يوميتي اصرفها بيومها مسواك وملازم

وباجر عدنه محاضرات فصل جديد وعدي نقص ملازم مال امتحان شلون سالفه عوجه

من لا جاره رجعت الطلب انخصم مني طير يوميتي

الفضل بس كروه الرجعه والكروه الباجر

وديتلهم طلبهم مااعرف شلون كملت اليوم لازم اشتري ملازم النقص ارسب اذا ماحصلتهن

رجعت للبيت ب12 سبحت وصليت صلاة الغروب والعشاء هناك حتى صلاه ممنوع المطعم واجها

وعليه رجل مددت باجر شلون ادبرها حتى

النوم طار من عيني

حتى بقرايتي مذله بس بليل عدي مجال وهذا الوياي

حضي ذبو يمي دجاجه من العشه ينام ميقبل اشعل الضوه اضطر اطلع على البلكون بضواها اقره اسهر

للفجر اناملي ساعتين

كعدت طلعت للبلكونه لزمت ملازم الامتحان اقره نص ونص باجر على الاقل اسيطر على الامتحانات الشهريه اليومي مأيس منه

اغلب المرات نص الدوام واسكر من النعاس اعوف الدوام واطفر ارجع للشقه انام اصير ب3 اكعد للمطعم

كملت ملزمه ضلت ملزمت باجر شلون تركتها على الله نمت كعدت ويه والولد بدلت وطلعت وذوله ضالين هذا اليكوي هذا اليزين

هاي الامور متهمني رغم وسامت شكلي اشوف بنات قسمي شكد يكليلي ارغد ليش مو مثل الشباب شعوزك شايل هموم الدنيا ابتسم واشاقيهن اغير موضوع شيفهمهن اني راكض وره الفلس

وصلت للجامعه مايوم طبيت مبهذل ملابسي اكويهن من الجمعه للجمعه اكعدلهن نهار كامل وشالفت انطيك واخذ منك مااحبها

شبابنه بيهم صنانتهم تكتل تخنك الحيوان تكش روحي اضوج من لبس من جسم الجسم شمدريك

بجسمه ماكو حساسيه صخام تنتقلك شيفكك

بعد

معتني بنضافة جسمي كليه وهذا اليباوسك وهذا اليسولف وياك وانت ريحتك ماتنطاق شيضل بيك

كلها دكوم تشرد منك

طبيت مستعجل الحك على المحاضره هذا دكتور

قسام اسم على مسمى دقيقه يعبر الوقت ميدخلك

ولا يعذر لهذا بمحاضرته ماافوتها

حضي اليوم تاخرت وصلت للباب اباوع ساعتي فايت ربع ساعه لو يجي هبل ميطببني

اجت طالبه شايفها بقاعتنه فاتت تباوع وترجف

عيونها مدمعه باوعتلي ورجعت تباوع للباب

ارغد " هاا هم متاخره "

رغد" عفيه مهمه اليوم من ضمن الامتحان "

ارغد "شسوي اني مثلج ضيعتها"

رغد" شلون نروح للمقرر يحاجي "

ارغد " هههه ميمشي عده ماتذكرين سوه باحمد مو حتى رئيس القسم توسطله مااقبل "

رغد " شلون حباب نحول والله ارسب بمادته "

اجت تبجي عيونه مغوركه جنها بزونه كسرت خاطري "دمشي بس لا تبجين وتخنخنين "

كامت تضحك ودكلي " ويييع لتلعب روحي من الصبح "

ارغد" همزين من ضحكتي يمعوده "

رغد" اليوم كال اشرحلكم المهمات "

طبينه للمقرر ماقبل ستاذ قسام هوه الاستاذ الوحيد بختصاص هاي الماده اذا ادخلو القسم بسياسة تدريسه

هاي ضلت تبجي شلون بله لا اكدر اعوفها ولا اكدر اضل واكف روحي طالعه منا جيبي بطرك الكروه

مااعرف شلون صار كدامي احمد بغير قسم

اخذت على صفحه داينت منه ورجعت لهاي على كعدتها بقاعة المكتبه على بجيه وحده

" خرب يمعوده شكو نشوف الطلاب يشرحولنه"

رغد " والغياب هاي ثالث محاضره يفصلني "

خرب دموعها دمرني تمسح بيهن وينزلن ادري عدها شلال منين يطلعن

تهز راسها كقابله ترجع تخلي ايديها على عيونها تبجي كطعت كلبي يابه مشايف وحده تبجي

جفنها يصير احمر يزيدها حلا وعيونها منا خضر

خلتني اشعل بهبل وهي تتنعوص

ارغد" بااعي اذا على الفصل هاي اني وياج ميكدر

يفصل اني احاجي العميد شنو اول محاضره كل الاساتذه ينطون وقت للخطوط "

رغد " مينطي والله حيفصلني عفيه شسوي حموت"

ضحكت " اني الحموت عيني "

ضحكت " لتقلد حباب"

ارغد " دمشي ننزل للنادي نكعد نتاني الطلاب ونشوف شنسوي"

قبلت نزلنه كعدنه صح اول مره عادي ممستغربها

وهي خجلانه كل شويه طلع مرايتها تمسح عيونها

"شخليتي بروحج صرتي بانده"

رغد" يااا كولش سايل الكحول"

ارغد" لا مو كولش "

رغد" اووو لا تقلد عفيه "

ارغد " اكلج اني مااخجل مال اعزمج احجيه للدبه موشل مسموحلج كهوه لو جاي "

ابتسمت " عادي اني مااكول الصبح بس اشرب جاي"

تدللين " جبت جاي الها وكهوه الي "

قدمته الها ابتسمت بخجل ليكول مواعدها خرب حضك ارغد اني وين الكيك تنحط كدامي

ضليت اشرب وعيني على اليمر واليطلع وهي تشرب وتباوع مثلي صدت عيني عليها ابتسمت رديتلها الابتسامه معانيها نازكه لبسها راقي وبتوازن شي

مقبول

عيونها خضر زغار وخشمها وحلكها زغار وجها دائري

بشرتها مو بيضه ولا حنطيه ولا هي سمره مدري شلونها بيها خيط سمار وبياض منطي لون غريب

ويه لون عيونها مسويها لوحه للجمال

رغم جمالها مو بالغ بي بس نزاكه مااعرف ليش صفنت بيها حست بيه نصت درت وجهي

شفت طالب من طلابه عرفت طلعو اشرتله

كعدنه شرحلنه الشرحه واشرلنه الداخل

اشرت بملزمتها يله رد الدم بوجها

اخذت ملزمتها استنسختها ورجعتها كملت الدوام رجعت للشغل وقت الفراغ اقارالي ورقه وارجع للشغل هيج كضيت اليوم لحد مارجعت للشقه

اني مكمل نص الملزمه صليت وطبيت بغرفة الولد

فاتحين الضوه يقرون قريت يمهم هذا العكره اليمي مال اجفص بمصارينه متحمله مااريد اسوي مشاكل

وهم يكلك حاجتك يم جلب كله حجي جلوب بس يطلع اني اشيل الايجار مكانه منيلي

ثاني يوم امتحن شفتها ابتسمتلي صارت كعدته بلسره البصفي كدامي بستيج ماعدي علاقه بوحده

بيهن وهنه من نوع عنصريات بيناتهن ذيج من ذيج

التختلط والي عادي عدهن مو هلكد كاضياتها سخت

وزعو الاسأله شايل هم شفتها فركت وجعي قاريها

بس جيب الدماغ اليذكر كلهن مارات عليه

كمت احل واذكر وامسح وارجع اعيد لحد مااتكدت

من الجوب اخذني الوقت ماادراري بلحواليه بالي

كله يم اجابه

كملت عدلت ضهري مطيت جسمي القاعه فارغه بس اني وياها وكم طالب هاي شنو هيج محاس بروحي

راجعت واعاينلها اريد اسلم وارجع تحتاج مساعده

هم حاطه راسها بلورقه مبينه تحل كمت وسلمت طلعت الشباب واكفين يراجعون الاجوبه وكفت يمهم

جيكت وضعي الحمدالله اذا مو درجه كامله

ثلث ارباع الأسأله حالها اطمأنيت طلعت للشقه انام يومين اني بله نوم

سيف الدين •

انفجرت االحجي يشوفني وساكت ترخصت طالع

مااكدر افشله كدامهم واعترض عم خال ولد

كوه لازم روحي رحت للغرفه كعدت افتر ويه روحي شلون احلها وهذا سبقني وطلبها يامن يطيحها بيدي

وين شافها وطلبها

فركت وجهي طلعت للبستان كعدت بمكاني ساعه ورديت للغرفه سبحت وقت صلا توضيت وصليت

نفتح الباب رفعت راسي الحجيه امي كملت

عاينتلي " يمه صدك الحجا ابوك رايد الما"

هزيت راسي اسبح

الحجيه" والنهم ماختاريت بس يمه هذا ابن عمها

طالبها واليوم ابوك من كلي ندبت حضك هاي منين

طلعتلك همه سنين مايعرفوها حتى ابوها من نسجن

مااجو سألو عليها منين طلعو هسه"

كملت لفيت السبحه " شفتي يمه مااحلت بعينهم اله هسه "

الحجيه " يمه هوه ابوك كال ابوها مايرده هوه يطلبها منه خلي كلبك بارد هي الك مو الغيرك "

سيف" ان شاء اللة خير متاني ابوي شوكت يحاجي"

الحجيه" كال بس اليوم يعدي باجر يحاجي زحمه اخو اليوم طلبها وهوه بعده يمهم باجر يردون ميصير هسه يطلبها الك اليوم تاني يمه "

سيف " نتاني وامرنه لله "

الحجيه " ربي يسعد بختك ويخليها من نصيبك بجاه حبيبه محمد "

كمت بست راسها " يمه انتي نعمه وربي يقدرني على نعمته واردلج جمايلج غركني "

الحجيه" يمه شعدي غيركم حبيبي المهم اشوفنك عريس واحني شيباتي بحنتك"

بست ايدها " وتشوفين جهالي وتربيهم على ايدج"

الحجيه " كوم يمه رد كمل صلاتك "

طلعت رديت كملت الفرض

يومين ضل على دوامي والحجي يلعب على اعصابي عده ثاني يوم ومااكو خبر منه

التحقت وكلبي نار شلون راح ادوام ماادري امي وفرات يكلولي اصبر

شصبر وابن عمها عينه عليها ياكلب اليرتاح وانه اعرف ابوها يريد رضا اخوانه

اعاين للايام يوم يوم انزل واعرف تاليها سبوعين شطولهن بلتدريب وانه بالي يمها كون ترفض كون الحجي طلبها

خلصن السبوعين كلبي خلص وصلت للبيت الضهر

مجرد صليت وطبيت للديوان محد بي ادري وكت نومتهم طلعت افتر بلبستان عبرت لجهتهم يامن

يطلعلياها حتى جهاز ماعدها وين الكفج

رديت للديوان واشوف ابن عمامها وعمامها ولدهم

كدامي

.......يتبع

لاتنسون التصويت

نوروني تعليقاتم

ومتابعه للحساب

بين الكاف والنون (كن فيكون)

السابع عشر

الكاتبه سجى الطائي

////////////////////////////

بارت طويل لعيونكم وتعويض عن البارت النحذق

دائمأً اكرر طلبي تابعو حسابي هواي ديطلبون القصه ومتطلع بسبب قلة المتابعين ليضيع تعبي حبايبي

شي بسيط لو سويتو متابعه

يريدونك تضيع وانتة نور بليل

وتموت من العطش يالماي يردونك

ويضيعونك عجيب وانتة مثل الريح

وين بيا مكان اتضيع يلكونك

مشوك بدرب ما مات جدمك بيه

وحتى اتضيع كلش شدو اعيونك

وغشو عينك وايدك مزنجلة ومجتوف

تهد هدة اسد لو ناس ينخونك

يل المغفي الجمر منقلة وبيك اتنام

وهمة رماد موكة ما يجوونك

اذا ظلك طلعته وظل وراك ايحوم

ابد لتخاف منهم ما يظلمونك

عاشرنة التعب والاه والحرمان

كلها لخاطرك ولخاطر اعيونك

سيف الدين

عمامها ولدعمها وعباس كاشخ ذيج الكشخه والضحكه شاكه الحلك بس طبله ويكوم يركص

نار وصارت بضلوعي سلمت وابويا الشيخ موجود عاينلي بمعنى اكعد

ابو عباس" الله بلخير عليكم "

ردينا " الله بلخير والعافيه"

ابوعباس " شلونك ابو زياد ان شاء اللة امورك تمام"

الشيخ " بخير دام والله الحافظ والمعين"

ابوعباس" كرت عينك بردت وليدك زياد والله يااحجي هلوادم ماتعرف الشين من الزين كامت تخبط ابو زهراء اشجابه على النظام والبعثيه رجال عسكري ماشي بدربه وراد بدربه"

الشيخ" حكها ماالومها وليداتهم راحت الي نكتل والي ندفن والي نسجن ومايعرفون مكانه وهي ضايعه ميعرفون منو الوياهم منو العليهم غركان وتعلك بكشايه شتريده يسوي يعرف دربه "

فرات" صاحبه وعشرت عمر شرد ذاك اليوم لمن نسال طلع مخبر سري للنظام وطيح وادم يابو وادم اخذ شباب بلا ذنب لانه يلطم بمجلس حسيني ويحي الشعائر الدينيه "

ابو حكمت"  ربك قادر خلصنه منه ومن جرذانه دمرنه الشعب راح الصور ترست الشوارع من حكمه وطغيانه  على الناس الفقره "

ابو عباس " ابو زياد مثل مااردتو وشرطتو انه اليوم جبت اخوتي نطلبها على حسب الاصور وبتنه تستاهل نسد الشارع وشيوخ السلف انطيتهم خبر ساعه وهمه جايين"

عيوني صارن بكصتي التفت للحجي اريد ه يحاجيني ماكو يفر بخرز سبحته مبين  يمخمخها باله واني مسموط

فرات يباوع بلوجوه مصدوم

الشيخ " ابو عباس عمي لا صغراً بيك انت ابن عشاير وديوان ومتعلم على سوالفنه وعاداتنه صح لو لا "

ابو عباس " اي شيخنا "

الشيخ " والاصول يكول ننشد البنينه وهاي ماشيه عدنه التفت العمامها ياحجيهم كبل سنين ماجنت عدنه من رضيتم دينه وخلقه فزوجوه كبع واخذ

كل سنه تتغير الامور صح بقينه محافضين على سناينه وعادتنه مثل ماهيه بس اكو شغلات تتغير

رغمن عنك تتغير صح بويه ملتفت يحاجي عمها

ابو حكمت

هز راسه" اي صح "

الشيخ " خل اسولفلكم سالفه جايبه شاهد حجي

عدي صويحب بلبصره تعرفون انه عدي معمل

للاسفلت بلرميله جان صديقي ابو مقدام سنين

انه ويا صداقتنه من عهد البرطانيين  المهم

بيوم ولد ام زياد كفاء بتي وهو عرفت كلي هاي

اريدها لبني بذاك الوكت ماعدنه زغيره وجبيره

وصديقي وعزيز عليه كتله افاا احسبها صارت

بتك عقدتلها وهي بلكماط

سنين كبرت وزوجتها وهي عمرها تسع سنين

ودرست يمهم وهي من صغره جاهل شتعرف

جبتها  شاهد حجي هسه ياهو بينه ينطي بنته

وهي بلكماط مااصير بس كبل صارت وهي بتي

لا سألته ولا نشدت على رايها

ياعمي انه كتلك الوكت تغير والبت بتي انه الربيتها

وابوها اعرفه كلش زين لوما يحبني ماايوكلني بمجانه وسبق وكتلك البت لو كالت اي هسه ازفها

وعرسها كله عليه انه اتكفله وانكالت لا مااجبرها

ونضل اهل وانتو عمامها وهاي تبثه رغبت البت

ابو حكمت" ابو زياد  كلامك على عينه وراسنه الولد ولدنه والبت بتنه وانت ابوها مااعتقد البت عدها اعتراض على ابن عمها  وهوه زلمه والزلمه مايعيبه

بس جيبه تمتكن ويعيشها بنعيم "

ابو عباس" شيخ انه اكولن طلام اخوي صح بتنه منه وبينه ماتطلع الغريب وهي تستحق الزواج عليش ترفض التفت لخو ابو الما ها يخوي شتكول بتك

تعارض على  وليدي ان جان بي عيب دكللنه مو هيج الحجي ابو زياد"

شيخ" لا يعمي مو هيج الحجي البت ان جان الها نفس ببن عمها كتلك واعيد انطيها وتشلع عيوني

وانه الاجهزها من الحلقه للاخشاب "

فرات حس عليه كوه كاعد اعصابي تشنجت كال " يابه انتو ليش مكبرين السالفه نصيح الما ونسألها

اذا قابله لو لا واخذو الحجوه منها"

صاح عمها ابو حكمت "لا يبني ماعدنه بنت ترفض ولا عدنه بت طلعت الغريب"

الشيخ" شنهي حجيك هذا يعني دكولون البت مالها حجايه غصب عنها تقبل ببن عمها هيج العجي يختلف يولد عمومتي وانه احسبكم مني وبيه

البت تطلع مني تردوها برضاتها "

ابو الما " اخوتي لا تصعبوها وتكبروها وهي صغيره انه عني احطم بعيوني وانطيها الكم بهديماتها بس الزواج بلرضه موغصب"

ابو حكمت " وانه مامعترض بس البت النه"

الشيخ صااح " كوم بويا انطي خبر خلي البت تجي "

ابو عباس" شيخنا الوادم على جيه  شنهي نشدتها هسه ابن عمها رايدها على سنة الله عليش ترفض

هل بنات عمها كلهن ازوجهن هيج ماعدنه وحده طلعت على شورنا "

الشيخ " يابه انتم تردونها بلغصب عاين لبوها بويا تريد تنطي بتك دون شورها"

ابو الما" خويا كتلك البت بتك شتفصل تلبس "

نصيت راسي احسه دخن واني ضال مثل العضم بلزردوم لا اكدر ابلعنه ولا اكدر اطلعه

ابويا الشيخ ضال منين مايجيبها يجفوها كدام وجها

طب فرات ورا الما لافه روحها بلعبايه بس عيونها طالعه وهذا ابن عمها خزرها نصت عيونها مال اكوم ازرف عيونه شلون يخزرها والله لوماا ابوي لاجان

انه من زمان كايم دايس ببطونهم

الشيخ"بابا االما تهرفين ابن همج عباس اجه طلب ايدج وانه كتله بموافقتج انطيج وهذوله عمامج رايديج  وهذا ابوج موكلني وانه وراج شتردين

ولا تخافين

انه بضهرج كولي "

ابوحكمت"شنهي شيخنه لا تخافين مكصبيها ماخذيها للمجزرها هههه لوماا نزوجها لبنه وشتامر

وشتنهي تحت طلبها مارايحه يم ناس غرب "

الشيخ"مو بلقصد عمي انه اريدن اطمنها كعدتنه ودشتها للديوان اول نوبه ترعبها خلني احجي واشوف رايها التفت الالما الي اشوفها شويه

وطيح على وجها

"كولي ينتي انتي قابله ببن عمج "

كالت كوه يطلع صوتها مانسمع

عاد الشيخ كال" شنهي بنتي علي حسج شكلتي"

الما" يابه عمامي وابن عمي على عيني وراسي مابيهم كل كصور واعرف يحبوني ويحبون يكربون

صلة الرحم  ويزوجونه لبعض وانه مااشوف نفسي

راغبه ابن عمي احسه اخوي لعبنه وكبرنه وجانت

ايام تجمعنه مثل الاخوه عمامي جيتكم وطلبكم

الي رفع راسي جدام الوادم بس تعذروني مااريد ابني زواج على العاطفه لو على ابن العم لبت العم الله يكتبله بنت الحلال التسعده "

ريحانه•

واكفه بين يدي ربي الرحيم نذرت التزم بلصلاة اليل لو كان لي نصيب بلجامعه والحمدالله استجاب دعائي

روحي تيه هناك اجواء اعيشها بأساسي اغمض عيني واشوف اشياء نورانيه اصوات ادعيه مناجات كانو خيال لكن هناك بصيص من الحقيقة

فتحت عيوني رجعت للواقع هزيت راسي وجوده كفيل يؤنسني همساته بتلك التراتيل تبعث راحه نفسيه هدوء روحي عالم خالي من حوش البشريه

جلست اسبح اجواء الغرفه تنطي طابع روحاني

اتصال روحي باالله

ضوء الشمعه سكون اليل نفسي المرتعش لو وجوده يثلجني عيني على خرزات السبحه

همست تأخرت ....

ساكت انتضرته اكمل باقي الذكر رفعت نضري لجهته غمضت اسمع همسات ذكر رجف كلبي

بدني اقشعر

رجع بيه الوكت ١٩٩٢ الجو صيف تموز زقاق من ازقت النجف حي من احيائه الهادئه اجواء جميله

عرض الزقاق(الفرع)  ٣امتار مرات نسمع اصوات الجيران حتى اذا كان حجيهم مو بصوت عالي

بيت جدي سيد كاظم الشيرازي اصولهم ايرانيه من شمال ايران الشيراز منطقه بأيران

ابو جد جدي اجه لغرض الدراسه بسنة ١٨٩٧ وبمرور الزمن ازوج عراقيه نجفيه بنت اخت الشيخ الكان يدرسه

وراها اجو اخوانه ثنين ضل ابو وامه واخو الثالث بيران لهذا يومنه احفاد الاحفاد متواصلين خوالي وخالاتي باستمرار كانت زياراتهم

عاشو وستقرو بلنجف اشتغلو عدة اشغال لحد مستقرور بلتعبه العلويه قسم الحياكه والتطريز

ابو جدي كان مسؤل قسم وراها جدي مازال

مستلم قسم اداري بلعتبه وبقية خوالي

رجعت بيه الذاكره لبيت جدي كان بيتنه مجاور اله اخذه والدي استأجره من جدي وعلمود امي متضل وحدها من يرجع للكوت

سكينه ورقية ونرجس بنات خالي مهدي

عده بس حمزه اصغر من سكينه وخالي هادي عده زمان وحسين ولد ثالث توفه على الولاده وصارت عده بس بنيه سماها معصومه

اني ونرجس ومعصومه نفس الكصه نلعب سوه نطلع للسوك بينه بس دربونه ونصير بنص السوك

خالو مهدي منعنه من السوك

ضلينه نلعب بس بلدربونه توكي وحبل اطلع من الضهر لليل يله اطب لمي وهي دوم يم بيت جدي من يجي والدي وكت الوجبات الغده والعشه ترجع قبله بساعه تحضرله اكل وترتب البيت

كان رضا وحمزه وحسين  سوه ميتفاركون زمان اكبر منهم بخمس سنوات

طفله حالي حال البنات همي العب اركض بين البيوت ناس تعرف ناس ماكو غريب بينه

شي تسمع اخبار شي صير العصريه ينفتح الباب

وكلمن تكعد بابهاويتناقلن الاخبار بيبي جانت

مطب للغروب

خالاتي يصيرن داخل البيت ميطلعن بلعتبه بحكم هنه شابات والجيران عدهم شباب واغلبهم شغلهم بلسوك لهذا يكعدن وره  بيبي داخل البيت

اجه ذاك اليوم الي (انعم واعدم) ضهريه من ضهريات النجف الحاره

ام مهدي" بيبي سكينه رقيه ولجن وحده منجن جيب خبز ياااا الدهر ولج سكيننننه لطامه الثانيه "

اجت مرت خالي مهدي  تركض " هااا عمه شصاير صيحين هبطتيني خليتيني اجي ركض"

ام مهدي" وين بناتج جدهن راح يجي وانتن ماوحده بيجن خبزت خبز حار وتعرفنه ماياكل اذا مو حار بحار صوتي نبح وهنه ماكو طرمات "

" بره يلعبن مايسمعنج هسه اصيح وحده منهن يرحن يجيبلج الخبز "

اجتنه مرت عمي صاحت سكينه ركيه شوو وحده منجن تعوف العب "

راحت سكينه تركض واني وراها

مرت خالي " يمه اثنينجن روحن جيبن خبز من حجي اسماعيل ركض هااج وبطريقج جيبي خضره خمس باكات سكينه وتاشر بيده تفهما خمسه مو 3مثل ذاك اليوم بس كرفسات جايبه "

"هااا والباقي الجن اشترن بي ولا شوفن لحد والله اذا اجتني رقيه تشكي وتبجي احرمجن من المشتره "

وحده تباوع للثانيه كيفنه عفنه رقيه تلعب وركضنه للدكان الخباز يعرفنه جبنه خبز حار الجدي ورجعنه لدكان ام عمار مره متوسطه

العمر  مطلعه الدكان من بيتها وبي رازونه

نشتري منها التفتت رضا ومهدي مسافه من

يمي

همست السكينه" ذاك رضا راح اروحله وانتي رجعي للبيت"

سكينه" لا نرجع سوه ماما كالت لا تيهين بت

عمتج"

ريحانه" دباعي هذا رضا وحمزه "

باوعتلي تفكر " حبابه اشتري ويااا اخلي ينطيني هواي فلوس اخذ حلويات اني وياج "

سكينه "ماشي والله اذا تاخرتي اكل الجدي وابوج"

كيفت طرت لعد رضا شافني ابتسم شالني " هاا ريحونه شعدج هنا "

اشرتله على سكينه واكفه تباوع  راحت باوعلي باسني بخدي" ليش مارجعتي وياها"

ضحكت" اريد اشتري "

رضا" واني منيلي "

" ماادري عدك من بابا"

رضا" منعوله شمدريج"

" اشوفه من ينطيك وينطي الماما"

رضا " اخخخ يايابه مال عض بتل بتل"

خنزرت " لا تغلط بابا يكول حرام الغلط"

حمزه ضحك" بتل بتل هم غلطه "

رضا" العفو ست ريحونه وهسه تردين فلوس "

هزيت راسي

رضا" عبالج بدون مقابل"

"شنو"

رضا قرب خده" بوسه من هذا الحلك الحلو"

ضحكت من كلبي شبكته بايدين طفله مجاوز عمرها الست سنوات كح " ولج خنكتيني"

وخرت باسني وبسته بخده نزلني اكمز وهوه يباوعلي وبعيونه حنية طلع من جيبه ربع

اخذتها وركضت لمحل بلسوك قرب المخبز بي كل الحلويات النحبهن ام عمار موهلكد حلوياتها

خمسميه كومه كل خمسه وعشرين بيه حاجه

وصارت علاكه جبيره مكيفه طايره

قررت ارجع دربونة بيت جدي من الجهتين مفتوحه  الطرف الاول اقرب للسوك بس نطلع منها احنه بنص السوك والجها الثانيه على طريق خالي بس بيوت وشارع سيارات كلت اعبر من ذاك الطريق ابعد

عفت رضا ومهدي يسوكون للبيت امشي مكيفه بلعلاكه افكر شلون اخفيها من عين رقيه وحسين ونرجس بس يشوفوها ياكلوهن كلهن

وصلت للشارع مشيت على الحافه لابسه نفنوف مدشداشتها ماما وحلوتها الخياطه ابو القوله الدائريه نازله لحد الكتف ونهايته شريط ورد ابيض صاير بيجي من البس ويم الخصر شريط

ينشد وره من الضهر وكلوشه للركبه

مره اركض بخفه ومره على كيفي امشي ورجليه تشمر حجار الكاع اكو بيت بصف ركن بيت جدي

مال شيخ جامع باعه لواحد يرممون بي

من بعيد اشوف جمرة جكاره ولد شاب لابس ملابس وسخه عليها بقاية صبغ وجها مغطي

منزله من جهت وجها صرت قريبه يمه

لمحني عيونه تنقلت من وجهي لرجليه ضحكت بوجها ذكرني بخالو هادي بعمره يجي

وصلت يمه عبرت صاح يبنيه التفتت " هاا عمو"

اتقرب " اني عمج ميخالف تكدرين جيبيلي جكاير من ذاك الدكان"

التفتت بعد ثلث بيوت رجعت باوعتله" متروح انتَ"

اشرلي للباب باوعت سطوله صبغ " عمج ملتهي طلع يدخن ويرجع يكمل شغله"

باوعت مديت شفتي ماادري ركز بحلكي مسح لحيته رد رفع راسه للشارع  مد ايدي بجيبه طلع ربع "هااا ترحين "

هزيت راسي ابتسم " وهاي ربع الج "

اخذته مكيفه بلربع انطيته العلاكه" مو تاكل منهن حرام تبوك مني "

ضحك من كلبه هز راسه " لا والله مااخذ "

ضحكت وركضت جبتله جطاير والربع اشتريت بي

حلويات اليوم ناويه اتخم بطني وماانطي الاحد اضمهن كلما اجوع اكل منهن اضمهن بخانت ماما

بلبوفيه لو بمكتبت بابا بيها خانه اوخر الكتب  واسويلهن مكان

افكر بنفسي انطي نستله النرجس الملطلطه بس اني انطيها وهي من تشتري متنطي وانطي السكينه جبس وحلقوم

ورقيه سم ماانطيها هاي جلبه ذاك اليوم كتلتني لان لبست نفنوفها الوردي

امشي واحسب بيدي ياهوه الانطي وياهوه الماانطي وصلت للبيت باوعت شفته جوه يصبخ

بلمطبخ ويدخن

صحت عمو التفت وبيده الفرجه اشرلي " طبي عمو"

طبيت وصلت للمطبخ نزل الروله اجه كعد كدامي

ابتسم " هااي شنو هم مشتريه ههههه ماشبعين هلكد ماخذه "

ريحانه" مو بس الي بنات خالو هم نرجس وسكينه ورقيه لا هاي ماانطيها وانطي البابا وماما وخالو مهدي وخالو هادي كعدت اعددله

يباوعلي بنضرات اجهل افسرها لصغري كان لازمني من ايديه منا ومنا حسيت بايده نزلت

لحد نخذي  هنا وخرتها ماما معلمتني مااخلي

احد يرفع ثوبي

كال" واني تنطيني"

كتله بحماس " اي انطيك "

طلعتله قمرالدين اخذه مني وكف شالني شمرني بلهوه ضحكت " لا عمو اخاف "

ضل يشمر بيه بلهوه واني خربانه ضحك كلبي يرتفع وينزل ويه شمرته مشه بيه للهول شايلني

" نزلني عمو حباب اروح لبيت جدي "

ماسمعني كركرني من بطني خربت ضحك ضليت اتلوه بيده " لا فدوه عموو بطني كامت توجعني "

سد الباب اباوع غرفه متروسه فراشات واثاث

محطوك عشوائيه وشي فوك شي بدون ترتيب

نبين اهل البيت جامعين  اغراضهم بيها

نزلني ركضت اكو دب رفعته " عمو اخذه الي "

"شتردين اخذي "

ضليت العب بلدب  افتر بين الغراض التفتت

واكف قرب ميز سحب الجرار طك الشريط

شرب حبايه شال بطل مي بي صلج شربها

نتر راسه بقوه مثل واحد دايخ يريد يصحه

دقايق اني افتر يمه وهوه واكف مسلطن

انشاليت عبالي يشمرني كعد على حافت الميز

رجليه حاوطت خصره عيونه تغير لونهن اختلط

البياض بلحمار

اندت ايده من اسفل رجليه حسيت بلمسته كمت ادفع بي " لا عمو وخرر"

كرصني من فخذي حسيت شي شال لحمي عطت

بعلو صوتي ثواني جردني من ثوبي واني اعيط حسيته وحش انكلب

تكومت اني وياا على الغراش المشمور جرني جوا

مااعرف شيريد بس اريد اخلص منه بده ياذيني بلمساته ضليت اصرخ

سد حلكي بايده " كلببببه سدي حلكج مشته....

بس اسكتي انطيج الف انتي مو تردين تشترين حلويات واجيبلج لعاب"

دموعي تنزل احساس الخوف خلاني افقد بس اريد اوخر منه عرفت يريد يسوي وياي شي موزين من نزعني ثوبي

مااكدرله ضخم على طفله ست سنوات يتلذذ بصريخي شبعني تكرص جسمي متروس

بجيت بحركه " عمو الله يخليك وخر والله بعد مااحجي "

مايسمعني فاقد متت دموعي تنزل بغزاره صحت ماما بابا رضا ضليت اصيح باساميهم محد يسمعني منهم

يهمس بكلمات جبيره عليه ماافهمها اتوسل بي مايرد عليه

(عذراً عن الكلام الراح اوصفه غايه للتوعيه لاطفالكم من هيج نماذج قذره)

دارني على بطني نزعني الداخلي سوالي شغلات مااعرفها احس بلمست لسانه على جسمي من رجلي وهوه يصعد

ضليت ادفر بي واحرك برجليه اريد افلت منه كل عيطه تطلع مني توصل لسابع سما متت من ألبجي والصريخ

كل ضربه يضربني المكان يخدر من قوتها صوتي

راح حسيت راح يغمه عليه سكتت سلمت روحي

غمضت عيوني اخر شي لهجه لساني

" ادركني ياعلي"

اغمض وافتح شي ثكل عليه نشليت عن الحركه

هدوء جسمي خدر لو يشيل من لحمي مااحس بي

ضليت مدده على وجهي وسكنت باخر نفس

فزيت من نومي انحب عصرت روحي كرفصت نفسي جوه البطاني خليت رجليه بطني جريت شالي عضيت اعيط كلشي رجع بيه شعور ذاك اليوم دمرني

همسته بذني (الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ  فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ)

هدئة نفسيتي سكنت من البجي رفعت راسي وخرت الخطه صفنت شلون كمت وشلون اجيت لفراشي ونمت ماادري محاسه بنفسي

ارغد•

واكف بنص القاعه والطلاب ملتمه يم الممثل يوزع الملازم كاتب ورقه اسماء الطلاب التريد تدفع مسبقاً وهوه يجيبهن

صاح اسمي شمرلي وحده اخذته وطلعت ابو ابويه مسموط من النعاس جدي استلك على هاي العيشه

طالب جيس روبه شغل ودراسه نص نهاري

بلمطعم وكم ساعه دوام والباقي اقره حتى نوم

ماانام وين الشباب ضاع بهذا البلد عيوني داير

مدايرهن سواد

على كولت رغد " هااي من الارهاق دسوي عنايه للبشره موموزين ومنضرهن مَحلو تفتح الميم بجره احس فكي نعوج من وحده

رب الحلو كلشي بيها يلمح حتى حجيها والمحلو

لزكت بحلكي بيومها رجعت للشقه جفي اني وصخي وعركي ياسبح ياريحه انعل ابو هيج

عيشه احجي بداخلي اشتم بهذا البلد وارجع

اليوره دك جهازي خرب ستوني انطمر

او سيف هذا يبيع وطنيات براسي يخليني اغرد بكلالغات العالم

رفعته " هااا "

سيف " وجعاااا "

ارغد " انطق شرايد"

سيف" رايد اختك"

ارغد"ذيج بلبيت كفيني شرها وشرك"

سيف" مخبل اخذلي ابراهيم ولابس حجاب "

ارغد" سيف تره مسموط وشايف .... بعيني انطق "

سيف" شبيك  جاي اسال عليك عااار"

ارغد" زين وبخير وعايش وبنص العسل والله منعم عليه "

سيف" وشبيك صيح "

ارغد" شبيه سيف شايف الموته "

سيف " اي شايفهم "

ارغد " اذا احجي اكعدهم يستغفرون ويرجعون"

سيف" اياا ساق... طكن عدك حيوان تريد الله يوفقك وانت هذا لسانك فالت ومتعرف حلال وحرام"

ارغد" بايك سايك ومااعرف الحرام نايم ويه....

هاا بهذا عراقك اشوف خير اعرف احد"

سيف" وشبي بلدك العالم تحارب علمود تاخذه

تتنعم بخيراته لك امريكه بعضمتها تحاول بكل الطرق تحتله"

ارغد"   ياابلد يااويل ياابلد ضل بلد ضل وشالت بلد خلو خيرات خلو نعل لو يهجرونخ وياخذو اشرفلنه "

سيف  " تسكت لاافرغ الشاجور براسك"

ارغد" اووووي الله عليك مااتجي شوفني بطولاتك سيف تره مثول اشوف الكنتور اربع بوب مانايم

وراي اطلع للمطعم روح وعوف الوطنيا مالتك من اصحصح "

سيف" يله ماشي "

سديته دست الدكمه ماادري بنفسي بعد من التعب

فزيت عركان فركت خشمي اسمع ضحك فتحت عيوني الولد ملتمين يتمضحون

درت وجهي المنبه يدك موقته على الثنتين ونص

جريته من جوه المخده طفيته كعدت الجو حار الولد فاتحين باب البلكونه الكهرباء طافيه مولد ماكو

صحت " شبيكم "

محمد طالب ويانه" نايم ميت شبيك شخيرك كعد اهل العماره"

وكفت سحبت ملابس من الوكر الحديد سديته

ذوله يضحكون بيناتهم " احجو شبيكم اضحكون"

كالو لا هيج مو يمك

عفتهم مستعجل ولد الكيكيه كاره حتى روحي يرجعون ينامون يتونسون واني اكضيه وكفه

من الضهر ل12 بليل ارجع رجليه تعودن على

الوكفه طكتلي عضله من الفره والمشي لباب

المعظم

سحبت نفس جوه الدوش على كولت امي اليتعب يلعب شوكت العب لمن يطلع الشيب من.....

استغفرت ربي همزين صليت بلكليه اكو مصلا للطلاب

طلعت للشغل وعلى نفس الروتين رجعت نمت وكعدت الصبح بله ريوك سبحت بدلت كبل للجامعه

رغد دائماً اشوفها بعد اخر موقف ضداقتنه صارت بيه سلام وكلام البنيه رغم تحررها بس محترمه مالها شغل بأحد حجابها نص ردن مالي دخل

لو تنزع الحجاب مااعلق ولا انقد ولا اسوي

عمامتي بكد راسي شكو اني بلعالم

خلي اصلح روحي يله اصلح بلناس

اشوفها متفوت محاضره ومتجنبه الولد هادئه

مبينه عاطفيه وبسرعه تثق من اول لقاء

كامت كل صدفه سلم وتحاجيني جنها

تعرفني من زمان وحتى توكف وياي

واذا تريد شي تجي تطلبه مني استنساخات

مره طلبونه للاداره نسوي بطاقة الجامعه انطتني المعامله اني مشيت بيها

صديقاته ثنين ويانه من القسم ومرات اشوفها ويه بنيه مااعرفه ارفع ايدي اسلم من بعيد وافلت

مشتاق لشوفتها وسن بت خالتي رفيقة الطفوله حزتها واني زغير اركض وراها من بيت البيت

كبرنه وكبر حبنه بينه مااجنت اعرف هذا يسمو حب لمن شبيت وصار موقف اكتشفت نفسي

ماعانيت وياها ثنينه نحب بعض لقائاتنه ماتخلو من الختيلان لازم الزمها ونحجي سوه لا اكو تلفون ولا عدنه ارضي ماتعديت حدود الكلام

مطفي مااعرف اكو امور بدافع الغريزه والحب صير الحمدالله من فطنتلها بكبري من التزمت بصلاتي هواي تعلمت من سيف شي عده اساسي

يعوف كل اشغاله وميفوت فرض حميد الله يرحمه

التزم ويانه

اني لهسه مامطلوب لا صلا ولا صوم ثلاثتنه كنه مرات البركه من ربك من يهيئلك اشخاص يدلوك الطريق الصحيح مسجرفوك وياهم لغير درب

تميم رغم كيوليته بس مااتركني تابعني من صغري واشوفه يدور وراي جنت شكد اضوج واتعارك واتحسس شنو يراقبني اني شعدي واشوف روحي جبير واستحي من جماعتي من يجفتني باي وقت

ويسألهم انت منين وين بيتكم ويكعد وياهم تحقيق

مر شهر اخذت اجازه من الكليه ومن ابو المطعم انزل لهلي نزلت قبلها بيوم خابرت وسن تجي لهلي

عارضت ومااكدر وامي متقبل بس زمخت بيها خنست كالت اقنع امي واجي

نزلت متلهف على شوفتها صارلي ثلث اشهر ماشايفه كلبي مجمر عليها

وصلت الضهر الطريق من بغداد للكوت بساعتين ونص اوصل واني طال بثمانيه الصبح

دكيت الباب اسمع صوت خالتي والبنات فتح الباب اسامه سلمت عليه وبكلبي اكول لا هله هم انت

طبيت للمطبخ امي وسناء وسندس كاعدات وخالتي بصفهن يسولفن وامي واكفه تكلب بلتمن

سلمت رفعن راسهن رحت لمي حضنتني" حبيب امك يبعد روحي وكلبي شمعت بيتي يمه افيش على ريحتك " ضلت تحضن بيه وشبك

ضحكت " يمه شني جنت مسافر ورجعت "

سندس نبت " شوفي خاله ليكول بس هوه ابنها من شوفها متعرفين شنو من حجي تحجي واحنه واحدنه لو يغيب اشهر ماتتغزل بي هلكد"

خالتي نبت " تغارين غير ابنها وصارله شهر ماشايفته حقها اني يروح للمدرسه ويرجع اضل الوب عليه مو هيه شهر كامل مو كدام عينها "

ابتسمت جريت امي جوه جتفي حاضنها " هاي ملكاجن الي بدل ماتكللي حمدالله على سلامتك مشتاقيلك شهر ماشايفجن "

ضحك سندس " ياخويه شلون مانشتافلك والله نشاقيك شعدنه غيركم "

اجت بوستني وسناء وراها نزعت جنطي من جتفي

خالتي اجت باستني من جتفي دائماً سويها مو مثل اخواني تبوسهم من خدهم شكد تحترمني هي الوحيد من حالاتي اعزها

رفعت راسي صغيرونتي واكفه بلباب على الهول وتباوعلي ابتسمت عيونه تحاضنن شكد احب شوفتها فدوه لهل خلقه الحلوه ولها لعيون

رغم خالتي مو هلكد جمالها تشيه امي بس وسن طالعا على عماتها عيونهم حلوات بشرتهن حلوه

كالت" شلونك ارغد" الغين تضخمه  بلسانها اموت عليهة اكوم اكزكز من هيج تلفضه

ارغد" هلا بت خالتي انتي شلونج "

نصت مبتسمه زينه خلت وطبت عرفت هاي تعاليم امها حتى ويه ولدنه متخليها هواي تكعد ويانه

ارتاح من اشوفها هيج كلبي يثلج

امي" قوت ارتاح حبيبي وريح جسمك جوعان تاكل ويانه لو تنام"

ارغد " لا يمه صاعد انام من اكعد اكل ماكتيلي ابويا والولد وين "

امي" ابوك تعرفه مايكعد طلع بشغله تميم بمحله تمام وابراهيم عدهم قالب بلكوت "

ارغد " خير ان شاءالله يوم صاعد انام اني اكعد لا تكعدوني"

امي " روح يمه ارتاح محد يصعدلك"

صعدت بدلت من تعب الطريق نمت احس شي يدغدغ خشمي شويه وجع طير خشمي

طفرت تميم لازم منقط ويشلع بشعر خشمي

كمتله " الله يطيح حظك اكو واحد هيج يسوي مخبل " لزمت خشمي نزلخ من الداخل اكو دم

تميم " غير من اشتياقي الك "وهذا اسامه خربان ضحك

طلعت بلحمام غسلت ورجعت

ارغد " والله لومااكبر مني جان عرفت شسويلك "

وكف جرني حضني دفعته " وخر تميم رحمه الرلك خشمي راح "

اسامه" خوش استقبال " ويضحك

خزرته " وسم ينام بطنك  ماتغص بلسانك "

طاح من الضحك " خ... حاجيلك نكته"

اسامه " شبيك والله احب اشاقيك"

ارغد " حبك بعبع ينام يضلوعك ويخبلك"

تميم" شبيك عجوز شهل دعاوي حبيبي ارتقي ارتقي عود طالب جامعه ومهندس وهلله هلله "

كعدت مسحت وجعي ببلوزي من المي ضليت كاعد اسولف وياهم واسامه مكابلني ولا اطيقه رغم يحاول يتقربلي ماانسه امه منو سعاد الحياله

يذني سمعتها دكله " لتمشي وياهذا النكس اذا شفتك مصادقه اخليك بحلك ابوك يسكطك يخليك حاجتك جواك ارغد لا تماشي "

منهدها كمت اشوف دم سوني ولا اشوفه هوه وامه عود اختي والله ياالله شلون اخت حيه تنكط سم عداوتها وياي لان ابويا وامي يؤغبوني اكثر منهم

شذنبي بيناتكم ماخذ حصصهم

وابراهيم انكس منها شوفني النبي عربي لحد ماكبرت يله ماكام يمد ايده عليه ويضربني

زغير وماخذني على كد ايده

لليل ماشفت وسن زين امها تباريلها جنها حاسه وهل تفتر وراخا متخليها وحدها وبيتنه زغير وكلها تروش بي يازويه اكعد وياها واحجي لو اطير بيها هم يلحكونه

صعدت اصلي متعود اذا مو بغرفتي وصنطه مااعرف اصلي حتى بلشقه يعرفوني من اصلي محد يحجي

كملت فرض الاول دك جهازي كاعد اسبح ضل يدك كملت كمت اخذته رقم فتحته اجاني صوت انثوي ناعم يسحن الروح سحن

ارغد " الو"

" الو هذا رقم ارغد"

ارغد " اي اني صاحب الخط"

حجت بلهفه" هلو ارغد اني رغد الطالبه وياك بلكليه"

ارغد" هلو رغوده هله عيني شلونج "

رغد" تمام بخير اسفه اذا دكيت عليك بهذا الوقت"

ارغد"لا يابه عادي بعدها ستوها الغروب"

" اي حبيت ابلغك تره قدمو امتحانات الفصل الثاني وسوهن بعد اسبوع كلت اكولك ليش تتفاجئ ومتدري  انت اهلك اقره هناك وحضر روحك"

ارغد" هاي شوكت غيرو الجول "

"اي مو انت دتطلع من وكت ومتدري شديصير وراك وضل بالي يمك متدري حتى استاذ قسام ديسأل عليك من شافك مموجود كال كلوله "

كعدت شلون خبر عود ارتاح فركت وجهي"مشكوره رغوده ماقصرتي همزين بلغتيني"

رغد" لا عيني شنو السالفه انت طالب شاطر حرامات تروح عليك وهاي الامتحانات كولش موهمها النه تحكم درجتنه"

"الله يحفظج وكثر من امثالج اخذي راحتج"

رغد " هلو ارغد شيحتاج اني موجوده"

ارغد "مشكوره متقصرين"

سديته كمت اسب بيهم واحد واحد وكفت ارجع اصلي وسن وراي عيونها مدمعه خرب سمعتني نزلت ركض

...... يتبع

لاتنسوين النجمه

تفاعلكم الحلو

متابعه للحساب

احبكم❤

بين الكاف والنون (كن فيكون )

الثامن عشر

الكاتبه سجى الطائي

//////////////////////////////

لا تجينه .. لاتجينه .. جان كَلت

ابوجه الابيض .. غير معشركم

لكَينة

جينة مشتاكَين .. وبلهفة .. او تسد

بابك علينه

جينه ايدفعنه الهوى . اودمعاتنه

اتكَطر بدينه

اوجنت اظن عندك وفه .. اورحية

من فرد طينة

غمكَت جرح الجفة .. اوزدت ..

الكَلب ونه لونينه

اعتب اعله الروح .. جي لنها اعله ..

ريحتكم حنينة

واعتب اعله الشوك .. والعشرة ..

اوسوالفها الحزينة

علمتني شلون يتبره .. الخوي ..

اوحمل اليكَع محد يعينه

ارغد

اريد الحك بيها ماكدرت نزلت جوه يم البنات هاي شلون افهمها ام دميعه بس كملت صلا نزلت اسامه كدامي منتجي على الكومدي يدك بحذائه

تعديته المطبخ مجمع الحبايب ابتسمت للحنينه كعدت بصفها ضحكت " اروح فدوه لهل ضحكه يمه شايفه شكد احبنج"

" واني اكثر يبعد امك وتعبها "

دنيت يم اذنها " سعاد شعجب ماجايه"

نصت راسها" هاا ارغد اثاري البزون يحب خناكه شلك بيها خلينه هاديين ولكعده حلوه "

ارغد" شكايل هوه اريد اشوفها مو اخيتي حالها حال البنات اساى عمها اتفقد احولها "

دارت صوبي جامت بس مطبتني اذنها باوعتلي بطرف عينها " المناكر يمشي بدمك اذا مو تميم سعاد عوفها يمه لا ترفعلي ضغطي عوفني مرتاحه خالتك هنا صارىها مده مجايه حبيبي اكعد واسكت "

" بعد طلعيني مشكلجي ويوميه جايبىكم طلابه موصوجكم اني صوجي اسأل عليها"

ردت" دكوم يمه كوم روح بلهول بين مايجهز العشه "

رحت كعدت يم اسامه كال"هسه انت خالي واني ابن اختك وهوه بينه سنه رهمها شلون احترمك واني اكبر منك "

ارغد" تحترم وغصب عنك ابقه خالك وان كان الفرق سنه"

ضحك" هنا مترهم ياشر على عقله جيب اليعقلها مال احترمك على راسي ودنك من فوك انت تاج وعلك"

ارغد " هتلي ابن سعاد "

اسامه" تمون خالي "

اسامه كدر يتقرب مني شكد نتلاشه اني ويااا مرات ادوس بي يبلعها بلضحك ولا جنه دوشك رزايل كمت احبه

خلص اليوم واني ماشايفها تتهتل مني هاي شلون بعد افهمها وديتلها مسج اخر سنتات عدي متاني الفوج ينامون وانزل احاجيها

باوعت اسامه بطرك الفانيله وفاتح رجليه تميم على جربايته نايم وديت " بثنعش ونص انزل الكاج باحولي احاجيج جربي ماتجين اطب للغرفه اخذج"

وسن عنوديه وتزعل هواي مراحت احسها تشلع كلبي بسوالفها دلع بنات ومرات اكول هذا طبعها

صار الوقت نزلت طلعت للحولي محد بي كعدت تانيتها عشر دقايق حسيت بحركه التفتت ضوه الطرمه يضرب عليها تمشي وتتلفت خايفه

وسن" ارغد امي تفز من اقل حركه كوه كدرت اطلع "

ارغد" اسمعيني وروحي مارايد منج شي"

وسن " شسمع السمعته اليوم يكفي "

نتجيت على الحايط " اي وسمعتي "

وسن " ارغد شتريد جنت خايفه لا تتغير من شوف بنات الكليه وهاي انت مصادق عليه شنو الاسمعه اكثر"

ارغد" بابا سمعتيني اتغزل بيها جايبه ومعرفها على امي "

شهكت خرب " لتبجين اسمعيني وافهمي لا ضلين طفله بس بجي زميلتي الله ينعم عليها من كلتلي بمتحانات مقدميها "

وسن " ماكو بس هي بلجامعه تخابرك ليش مو زملائك يكلولك وانت وين علمود يكلولك مو داوم وياهم "

هاي مومال وكفه واحدنه من اقل طكه يطفر يرادلها كعده تمام بلصاله بس الهول فارغ " امشي للهول افهمج "

وسن " لا عزه شنو بلهول والله بس تكعد امي وشوفني سويني وصلتين "

ارغد"مو نايم وياج امشي بابا شني ناهبج بت خالتي واحاجيج "

ضلت تتلفت جريتها من ايدها ابتسمت داخلي ضميتها كدامها مابينت تأثري شنو كلبي يلعب ويتكلب من لمستها ايدها زغيره وناعمه شبكتها بين اصابعي اباوعلها حست نصت خجلانه تسحب بيدها واني اشد مشيت بيها للهول دخلت شعلت الضوه للامان مااريد يكولون تتختل بيها

كعدت " شوفي حبيبتي لا اني لعبي وماعدي عرض واخاف علي ولا اني من ذوله الي رايد اتونس جم يوم واعوفج بت خالتي يعني عرضي يعني امج امي وهسه انتي بمقام اختي وحبيبتي من نزوج صيرين روحي وكلشي الي

راح اخصمها الج شكو وحده دك عليه واعرفها اطمأني ماعدي وياها شي البنيه الدكت زميلتي ومتربطني وياها غير صداقه متحله بعيني غيرج "

وجها فتح "احلف ماعدك وياها شي "

"وعيونج وعيون امي ماعدي غيرج "

ضحكت "اي ام .... اله سويها دراما وانتاج"

شهكت وسدت حلكها بيدها متفاجئه "عيب ارغد صخام االصخمني كون تسمعك امي تشلخني وشلخك وياي "

"اي مو امج محمد علي كلاي تشلخ وشك "

كمت "يله طبي لا يحسون"

صعدت وكفت بلوفت الدرج اعاين عليها الضوه طافي مال الكلدور جامع البيبان بس ضوه الهول يبين ستوها طب انفتح الباب اسمع حس امها تنتر بيها

ثاني يوم رجعت لبغداد تحت انضارهم امي تحجي شني جيتك وشني ردتك لبغداد

واني احلف امتحانات وخابروني وراي اقره يله صدكت رجعت سبوع اني الباب ماشايفه وذوله السرسريه هم كاعدين مسويها مجاميع مجاميع اكو طالب خابرني يريد يجي يقره وياي كتله تعال عيب ارده ميخالف ولو اني اضوج مااحب اشرح لحد

بلشنه امتحانات وكضت الحمدالله كدرت اسيطر رغد بنفس قاعتي لان على الاحرف من تطلع اشوفه تركض يمي تشوف اجوبتها عدها اخطاء بس مو هواي اني اضبط منها تغندب تريد تريده كله جيد جداً دكولي الحمدالله والشكر

احب اباوع لملامحها عباره عن كتلة برائه عيونها من تضحك يرحن ويه الخدود اصيح صين كوريا تزعل من عقلها متحب

ثاني يوم تجي ولا جنها زعلانه من اذكرها تعكد حواجبها ناسيه زعلها اهز ايدي البنات عقلهن طااير

بلشنه دوام عادي رجعت للمطعم خابرت سيف ماضل على تخرجه كم شهر

ايامي مشت رغد وياي خطيه مرات تطلع باسكلها كبل ماعدها بريك من تحجي وسولف شكد فطيره

اضحك عليها هي سوالفها على لاهيتها مرات استغرب وكفتها متخاف الولد ياخذون عليها نضره

وهي ماشي مودت الكبل اتخبل من هاي السالفه

بيوم طالع للدوام حضرت المحاضره الاولى رجعت

بلطريق اريد اطلع من الجامعه بطلت من المطعم متعب وابو المطعم اخر فتره اجاوز عليه ماتحملته

تعاركت صارت بلبوكسيات ادورلي شغل

المح رغد وحدها تمشي عبرت السايد تمشي هايمه

على وجها ودموعها تجري وتمسح بيهن استغربت

وضها مسافه ضلت اباوعلها من بعيد

طبكت يمها سياره وكفتها اخر موديل سوده نوعيتها

النترا ذاك من ذاك يشتريها ب2005 غريب امرها ضلت

واكفه تاشر بعصبيه مبينه تعرفه نزل منها شاب

مرتب ومعدل وهندامه حلو مبين يتفاهم وياها

غيرتي ماسمحتلي اعوفها وادير ضهري ضليت اراقب

شفته جرها من ايدها وهي تدفع بي وصوتهم عالي كانت بيناتنه مسافه كم متر

رجعت طاير شتوه يفتح الباب يريد يصعدها جريته من ياخته  باوعلي " خير منو يمك"

باوعت الرغد " انزلي روحي للقسم"

دفعني " سالمين شعليج ضاح بيها هااا هم جديد تعرفي ساق..... "

ماتحملت كضيته لكمته كله طاع اليوره جريته ودك راشديات ضلينه نضارب الطلاب قليلين وكت محاضرب  لتمو شالوني منه وهو ماقصر يردلي الضربه دميته ولسانه وفشاره عليه كوه

دفعوني الولد عنه عاض لساني اريد اكله الحيوان

ليكول بكيوليه فشاره

اباوعلها ماتت بجي وخرت من الولد  قميصي نشك هم باله وهم تمزك تقربت نترت بيها تعرفي

نصت تبجي "ابن عمي "

"الله يصخم وجهج "

رغد" هوه حقير "

ارغد"وانتي الفقيره شبي شرايد منج"

رغد" سالفه طويله بعدين اسولفها الك "

سكتت اباوع على  الثور هرج الدنيا لم العالم علينه

صحت بلولد يابه فظت حالة عصبيه همزين خارج الجامعه قريب باب الخروج لو داخل الحرم الجامعي

لا جاا احالونه لجنة تحقيق وعماده ورئاسة جامعه

شيفكنه واني لصتها من ضربته يستاهل الحيوان

لاخله عيب لا مستحه يغلط عليها كدامي ليكول

بيته

راح الطلاب ضل ينكت بنفسه باوعلي يهدد" اطلعها منك بسيطه وانت ال....... اني اربيج اليوم كلهن بيد ابوج واذا ماعرف يربيج اني على ايدي اعيد تربيتج

ال................ فشر فشوره بكد راسه "

كوه لزمت لساني وهي تبجي

نترت بي" فضنه ولي لاضل تهوبز بروحك لو ابوها هنا يقبل على لسانك الفالت لسانه كحبه "

غلط غلط درت وجهي هذا يريدني ابتلي بي لومااهاي تتوسل وتبجي اعوفا اني ناهي

صعد وله اباوعلها وجها مشخط من تعاركنه ضلت

تخرط بخدودها ترفه حتى من تبجي رقيقه

كعدت على الرسيف لزمت راسها "هااا يمعوده شبيج

دختي  "

هزت راسها " اي"

" اخذج للمستشفى "

رغد" لا لا هسه اصير زينه "

ارغد" دكومي هذا هبوط صار عدج"

ماقبلت "باعي  اول تالي اكومج فكومي بله ماادوخ روحي اشربج لبن وشويه ملح تعدلين بي ضغطج هاي من الهبطه "

سمعت الكلام وكامت كوه تمشي اخذتها قريب النادي مجرد كتدت متكدر تمشي اكثر طبيت للنادي اخذتلها

لبن ونطوني ملح طلبت منهم  فتحت البطل وملحته

اخذتها الها

"هاج خضي البطل وشربي زين الج"

ماناقشت شربته انطيتها البسكت" سدي بي جوعتج"

تنفذ بدون متحجي  ضليت كاعد يمها مسافه بيناتنه كم شبر

نصت تفرك براسها" هااا شلون صرتي "

رغد" دايخه"

ارغد" اي هسه صيرين احسن لان نزل ضغطج "

سكتت باوعتلي " مشكور مااعرف لو واحد غيرك ضل يتفرج مايدخل نفسه بمشاكل "

"مااريد احرجج وادخل ابن عمج صدك لو حبيبج "

ابتسمت بتعب غمضت"ابن عمي ماعدي حبيبي والشفته هذا شي لا يكن امام الاشياء السواه كبل بيه"

ارغد"ليش مو عدج اب ماتكليله"

"ليش اني اشوفه حتى اكله "

سكتت تتنهد كامت"هااا وين "

رغد" تعبت ارجع للبيت ارغد ياريت لو عد ولد عمي نص رجولتك" نصت واضح الحزن على معالمها

مشت لحكتها " تكدرين لو اوصلج عادي مو"

رغد"ميحتاج متعلمه"

ارغد " لا شوفي حالج لا تتخربطين "

ماقبلت " اوصلج واني اجرلج التكسي "

مشيت وياها تمشي بدون توازن مشيتها مو ثابته

طلعنه وكفنه مسافه يم الطريق الشمس عاليه

توقعت بيها مراح تقاوم دقيق وتكومت بلكاع

سيف الدين

اعاين عليها سبعه كيمره ولا جن هاي التخاف من صيحتي جوابها برد كلبي والله قالب ثلج الكل مارصه من عمامها صار مرادد والاب خجلان من اخوته خله وردو ماراضين

الشيخ عاينلي "هااا بويا هسه رضيت"

فرات"ماشوف كشرته واصله لذانه"

سيف" هسه ارتاحيت بعلي مال اكومن اذبحللي دجاجه"

زياد"لا يابه على كيفك هواي الدجاجه خلها فرخ طوير دجاجه "

فرات"ههههه خايف على فلوسه حركهن ابو السيوف اغاتي عيوني انت لصير مثل ابو علي(خاله) لمهن لمهن وانجلط وتاليتها لفاتحته راحن لا ابوعلي ولا مسحاته"

سيف" عينك على راتبي عمي تعال اخذ وضيفتي وانه اخذل محلو المقاولات اشوف من النايم عليهن "

فرات" عينك لا تحسدنه شوو بويا اذبحلك هايشه راح يدهرنه بعيونه"

ضلينه نداهر عدي اليوم عيد كضيتها وياهم الحجي اجت يمنه تصلي على النبي صوتنه بلضحك عالي وفرحتنه كملت برجوع زياد حلو على الاتحاديه وخلص وارتاح

رجع البيت ضحك الحجي نفسيته تغيرت جان ذيج الايام قلق وبس يصفن

ايام مشت وانه مالامح ضلها كبل جنت اشوفها على الاقل حصار مسوين علينه ابوها حس بينه مشاعر جانت نضراته وكت رفضها لبن عمها كفيله

ثبت شكه

كلشي يهون لعيونها كضت اجازتي رديت للدوام

اليوم يوم ثمرت تعبي الحجي يعاينلي بفخر زياد بصفه وكفت وانه بذاك الزي الشجعان البساله خضت اقسى انواع التدريبات جوع عطش عقوبات كعده من الفجر باي وقت يسون انزال بلشاجور

غير التدريبات تكسر الضهر تحملت اجل هذا البلد تشرفت بكوني عراقي احمل دم حامي غيره علي وعمر نخوت العباس

كلي اعتزاز وفخر اقف امام تلك الشيبه الرفيعه تلك الايادي الحنيه ياما احتضنني اواني

اقف امامه باجلال الاضرب التحيه احتضني يردد "ماضاع رباي مهنه بويا ويوم تكحل عينك بردك اهلك"

بست ايده نزلت على ركبي لبسني الرتبه بمعاونت زياد وكفت حضني زياد " بطل بطل ابو السيوف حبيبي شد الهمه بلدك ينتضرك لا تغرك المناصب خلي ضميرك صاحي وكون عون لاتكون فرعون لا تستخدم منصبك لمصالحك ربك عده ميزان ماا ترجحت كفه اذا ماا ضرب بكفه نوم الضالمين عباده وخليك مضلوم ولاتكون ضالم "

اديتله التحيه مشينه ويه الفرقه توجهنه للكاظم لتادية القسم

ثاني يوم كانت الاحتفاليه باحد قاعات بغداد

كان اكو شعر دائماً نردده اثناء بلتدريب

الك أرواحنا مرخوصة ياعراق

وخل أصواتنا تهز المسامع

اجينة يا وطن نمشي على الموت

وتمشي ويانة عالموت الشوارع

بكل شارع نشوف حسين مذبوح

ومصلوب المسيح بكل تقاطع

ومن شفنة القنابل تمطر عليك

حفرنا صدورنة لجلك مواضع

كملت حفلتي فرات وارغد عزمته ماكدر ملتهي بمتحاناته مكانه فارغ السرسري تميم ميكدر يعوف محله

لهناك وطبو ضافر يمي عرفته على اهلي ماله احد

طبو تلكيتهم من بعيد شفتهم "يابه سرسريه بعرضي مو كلتو ماانكدر "

ارغد" اعوفك بهيج يوم اذا مااقطك "

حضني " الف مبروك يوم تشد النجمات حبيبي تعبت ونلت بطل ابو السيوف شجاع"

تميم سلم وباركلي وسلم على الحجي وفرات وزياد صارت لمه حلوه فرحت بجيتهم

شباب دورتي كلهم موجودين دكو الجوبي العراقي هنا انه لعبتي كمت صرت وياهم ضافر جرني خلاني راس الجوبي

ركصنه الولد اتضمو تميم لان طويل وارغد مايعرف اديناها باجمل صوره وكلنه قوط

كملنه الحفله ايام ورديت لهلي وسط هلاهل الحجيه والبنات الكل متانيني بلببيت تلكوني بلبستان الحجي كلهم ذبحو الخروف

ذيج الحضه بجيت امي الحجيه تعاينلي بحنيه حضنتني تبوس وتبارك يمه وليدي صار ضابط بلمبارك يمه شايف كل الخير يوم اعرسلك وهيج اهوسلك ابتعدت

تهلهل وطش عليه جكليت

طبيت للديوان بيومها الشيخ عزم كل االداير مدايرنه سواها عزيمه انترس البستان كان وكتها عشه الولد محضرين البستان اضويه ونشرات الاجواء مثل اجواء العرس

مشت بيه الايام حتى وكت تخرجي مااشفتها صار شهرين ناطف كلبي عليها الحجيه داكه اله زوجني بهاي الفتره وانه الرافض تعدي هاي الايام ونشوف شني راي الحجي

ايام مرت جه امر تعيينه اول تلفه تلفوني بلناصريه دوامنه ١٨ بسبوع نزول ثلث اشهر مرن طلع حليب امي من خشمي

تهون والما مخبلتني اريدن المحها ماكو اخر نزول نويت اودي عليها وحده من البنات

وديت بت زياد ردت ماافتهم منها شي تنسه الكلام بستها وشلتها اشتريلها بعد عربول مصلحجيه

اخذتلها حلويات ورديت كعدت يم الحجيه

سيف "هاا حجيه الله يكويج"

ام زياد"هلا يمه ويكوي حيلك  اكعد شلون مسويه جاي مهيل يلولك الحلكك"

سيف" اي والله اجه بوكته صبيلنه شني وين الولد"

بدت اشكر "فرات بمحله وزياد ملتحق "

سيف"فرات كمل بيته بعده "

ام زياد" والله يمه شوو ابوك وزياد ماقابلين يكولون الوضع تغير ومامرتاحين جنهم بالهم سالوفه "

عاينت البنات بلهول وانه وياها بلمطبخ انسب فرصه

سيف" يمه  عدي حجايه وياج "

ام زياد "كول بعد امك شنهي محتاج شي "

سيف "لا سلامتج ماعايز راتبي مكفيني

الشيخ  كال تمشي فتره وعمامها ينسون السالفه نروح نخطبها وهاي الها راح صير سنه

كبل لا اتخرج بربع اشهر وانه صالي سبع اشهر من تخرجت وتعينت "

صاحت على ابن فرات "تعال بيبي جيبلنه بسكت انه وعمك نغمس بي " طلعت من عبها مثل الجيس من قماش بكد كفة الايد مشدود طلعت فلوس انطته راح

الحجيه"اكلك يمه ليش مشارك اخيك بمشروع ورواتبك اسويلكياهن سلف وتوكف على حيلك تاخذلك قطعة ارض تشوف تسويلك فد سبوبت

رزق "

حسيت اكو شي  "يمه انه وين احجي وانتي وين تحجين  "

ام زياد"يمه ابوك يجي واسأله "

سيف"حجيه صاير شي مو ذيج لهفتج الاوليه"

ام زياد" لا يمه صاير كلشي ماصاير " المصيبه ماتعاينلي دير وجها جنها ضامه شي  تانيت فرات

افهم منه

طلعت للكهوه رديت بثنعش  طبيت مددت بفراشي

سالفة اهلي براسي دك مثل الجاكوج وين ادورهم

اريدن بس خيط عنهم

ضليت اتكلب مقدام انه ويا وكفاء نتواصل مرات من انزل الحجيه من تحاجيها تنطي اسلم عليها وانشدها على وضعها عايشه بخير عساها دوم تستاهل تعبت

من زوجها والسوا بيها مو قليل شمرها وهي بعمر الاربعطعش جاهل وبطنها جاهل ومعترف ببنه خله

الشيخ بذاك الوكت ياخذها لبغداد يسويله تحليل

دي ان اي ويثبت نسبه الهم  سنين وعاشت كفاء

يم اهلها وهي وابنها والحجي ربه مقدام وياهم

لحدما  نفتح الحضر عليهم وردو من الكويت للعراق

يردوها بعد عناء قبلت قصتها قصه

ايام امي ماماخذ منها حق ولا باطل انه استحي  احاجي الشيخ 

فتره وفرات انتقل البيته التحقت سبوعين ونزلت

يومين والشيخ دز عليه

طبيت للبيت ضحت ياالله صاحت امي الحجيه" طب يمه محد موجود "

فتت براء موجوده سلمت عليها وعلى زوجت زياد

بست راس  الحجي وكعدت يمه " شنهي بويا تنزل تكضيها نوم مانشوفك "

سيف " حكك يابه والله ماشايف النوم والراحه هناك

من الواجب للمقر ماشوفني اجي انام على وجهي "

الشيخ" صويحبك شلونه "

سيف" ضافر زوين شمرو يمي هم بلناصريه بس بلاطراف انه بقلعت سكر اخابرنه مره رحتله وطلعنه

تعشينه هم تعبان ومناك حبوبته بلبيت وحده"

الشيخ " سبع مراعي حبوبته ومعيشها بضرفه هوه يشمرها بدار المسنين ويعيش حياته الله مبارك بي"

سيف" ضافر خوش ضافر صدك سبع واخو خيته

انه وياا كضينه الكليه سوه هل شوفني قريب منه "

الحجيه" الله يستر عليه وحفظه الشبابه "

ضليت كاعد يمهم سوالف جبناها على الوضع الحجي خايف وجنه يريد يصفي املاكه ويشوفله منطقه أمن

وانه صافن عليه لا اكدر اعارضه واكله العراق كله

مشتعل والطائفيه موجوده كربله صارت خطره

ثاني يوم تمشيت بلبستان دنيه ليل زياد بلدوام مانلتقي الا ماندر دواماتنه متعاكسه فرات يرد

بليل يكعد ويانه ساعه ويرد البيته

بيت الشيخ فرغ البنات زوجن ضليت انه وزوجت زياد وجهاله

مشت الايام وبيوم كلت لازم اشوفنها لو اعرف اطلب من امها والحجي يخلني اشوفها شني اريد افهم دربي وين لا هي التنشد عني

شني نستني كلبي يتفاور عليها وجان ضهريه حمره

البيت سنطه وانه اول مره هيج وكت اكون يم الحجيه وره الغده

زوجت زياد اخذت جهالها وصعدت الحجي كال اخذلي غفه عدنه كعده العصر

اسولف وياها على الشيله وشقررنه وانه دايخ

فرات معارض الحجي وزياد مقتنعين وانه مأيدهم

حس الباب انفتح دخلت شايله سفطة خبز فزت

من شافتني بعدها كالت بيبي وسكت عاينتلي

ودنجت

امي الحجيه "هلا يمه شني متوازيه امج تخبز بهل

ضهريه الحمره"

الما" ماادري هي عجنت وانه خبزت هنا راح احطه

من يبرد خلو بلفريز "

اعاين عليها وجها صار طماطه مرتبكه عاينت لمي

لزمت رجلي هي خلت وطلعت كمت وراها

امي "يااعزه سيف وين مولي يمه "

كامت وراي درت "اكلها راح اغتصبها احجيها وارد  "

عفتها تصيح عليه مشيت مستعجل لفيت سبحتي بكف ايدي رفعت دشداشتي وانه امشي بهمه

حايط على حايط بيتهم وبيت الشيخ لفت واكفه تسحب خيط الباب

سيف"الماااا"

نزت "يمه ابوي هنا سيف كاعد "

تقربت "تعالي بلبستان بمكاني احاجيج وردي"

الما" استر عليه وروح راح يطلع ابوي "

عكدت حواجبي " امشي كدامي مااعطلج اذا شك كليله الحجيه جلبت بيه"

الما"يدري بيه بس ادز الخبزات وارد"

نترت كوه لازم اعصابي"تمشين جدامي لو امشيج غصب"

اجت تبجي ماهتميت مهنتي خلتني احسب لكل تصرف ادرك غايت المقابل وهاي تختلها وراا شي

مو خاليه جبنه وادري بيها فطيره تكت الاول والتالي بزمخه مني شنهي سالفتها  وسالفة الحجي والحجيه

ساكتين ويردون يبردون السالفه

مشت وراي تتلفت ودموعها تجري وصلت للمكان

شلت الجاد السكفيه حديد وضربت الشمس تخليها

تنطي حراره تسمط الواحد

مشيت مسافه "امشي اهناك في هاي حاره "

ادري هسه كلبها يلعب والف حسبه بالها من نضرت عينها حسبتها وكفت كبالي "هاي اجيت فدوه احجي بسرعه لا ابوي يروح ينشد عني "

رفعت حاجبي وعيوني لو تحجي جان حجت الاشوفه من شك الاكل كلبي " يابنت الناس عدي حجايتين  وكلمن بمجانه عاينيلي انه زلمه واحجايتي

وحده مااعشم بروحي وانه فارخ ولا اهوبز جدامج

وانه حجوتي بيدنهم لا كتلج حابج واريدنج على

سنة الله ورسوله "

عدنكت عيوني على سبحتي افر بيها واشوف دموعها منصيه متعاينلي خلها اشوف شنهي

التاليه

" من خطبت ابن عمج وانتي فص ملح وذاب

لا المحج لا كلتي هذا وين صفه بي الدهر

تخرجت والعالم كله باركتلي وانتي ماكو "

سحبت نفس قوي "شنهي علتج يبت الناس

لا تبجين وحاجيني دموعج يفطرن كلبي

ويخلني بيه عله "

استغغرالله مدنكه ودموعها على خدها  "يابه شبيج منو وياج الماااا عايني عليه "

كامت تناشغ نترت "عايني شووو رفعي راسج مسحي دموعج خليني افهم شبيج منو وياج "

الما" يجي يوم تبريني الذمه"

سيف"عليش"

الما"على كلشي"

سيف "جنج تردين تودعيني"

ردت تبجي خلت شياطيني تكمز جنت حاس صحت بيها "احجي بت كلبي كليلي شنو الجرى وانه غافل عنج "

كعدت موتت روحها تناشخ خايفه  شعلت جمره بكلبي عيونها ودموعها التنزل اجيت اتهور اجرها لحضني واهديها

مشيت وارد يمها فركت وجهي طريت السبحه

بلكاع اهدي روحي دومعها وراهن موتي دخيل

اسمك اعاين للسمه

باوعتلها " شفتيني فد يوم مديت ايدي على حرمه سمعتي عني شي كالولج همجي وايده والطك "

هزت راسها لا

" احجي وشعليني بنارج قابل بس لا تصدميني

الما  ربيتج على ايديه الثنتين من داومين عيوني صوبج يتحركن بلثانيه الف لا واحد يلمحج ويتمتع بلملامحج شيطلع منج  حلو وان جان خنجر "

كوه حجيت " مو بيدي والله كلها التمت عليه مانطوني نشده خلوني بنصهم وحاصروني من كل الجهاد"

صحت "منووو والمن شني الصار "

ردت تبجي "سيف انه وافقت على ابن عمي "

..........يتبع

تابعو الحساب حبايبي القصه مجاي تطلع بلبحث

بين الكاف والنون (كن فيكون )

التاسع عشر

الكاتبه سجى الطائي

///////////////////////////////

يلي جامع بين طبع .. الذيب ..

واوصاف الغزاله

حلو .. او عادات الحلو .. من كثر

ما يغتر .. يجط لوله اجماله

ماله وكتي او اياي ، ورطني ابعشك

جذاب ... ماله .. ؟

شَفِج .. بس ابدفكَة الدمعات ..

خلاني اعله باله

جالغريج الجرته الخورة .. لغميج

الماي .. واتعذر نتاله

سيف الدين

لحضه مااستوعبت حجيها جنت ضان وضني بمحله

وكفت مغتاض  تعاين بخوف تمسح بعيونه ويردن يهلن دمع

غمضت كل الكلام ضاع مني اول مره احس بلغصه

تصعد وتنزل بحنجرتي اسمع بجيها وتبريرها وكل هذا مويمي انه مكتوب عليه الشكه والتعب ماارتاح

فركت كصتي حيل عصرتها اريد احجي

درت عليها" ارفضي"

هزت راسها" مااكدر حتى لو رفضت ينهي عليه ويزوج وياخذني غصب "

اعصابي تشنجت بختها بنيا لزمت روحي " ماجني سمعتج الما ترديني ضحكت بستهزاء تريدني هزيت راسي مدنك حسافه "

درت وجهي ناحيت الشجر سحبت نفس "اعمل باصلي واليوم جايين طالبيج اذا وافقتي ورفضتي ابن عمج وان جان ينهي اصبرين وياي اذا صدك ترديني وجابريج عمامج يمي شغلتهم غصب عنهم يشيلون النهوه لو اعرف اجيب شيوخ الجنوب كلها "

وكفت "وابويه ..."

لاتكملين " يبنت الناس انه وياج لهل يوم اوكفي وياي امشيج على ذهب وهذا يريدج اشرت على كلبي تصرفج الاخير ردني للصفر بس يهون انه ماكل من بيت ماابز بماعونه  ابن شيخ رميض وتربات شيخ  جليل  خلها بالج للموت مااعوفج ان جنتي صدك رايده "

والله لحضتها حسيت كلبي يوكف اسحب نفس اهدي روحي كملت"انه راد وره العشه احنه يمكم "

عفتها ومشيت طبيت الغرفتي كعدت على الجربايه

اريد اهدي روحي ضغطي علك دكتها مو حلوه بحق

حبنه بسرعه رضخت الهم

كمت طلعت للديوان لكيته فارغ طبيت للبيت بعد مادكيت الباب صحت"يمه "

صاح الحجي "طب يابه محد موجود"

دخلت بس هوه كاعد وكدامه ستكان جاي

كعدت مسافه عنه "بويا اليوم حضر روحك نروح

نطلب الما"

نزل الستكان وعايلي عرف دريت "دريت موو ابني مو وكته "

حجيت بقهر" اي حجي  دريت مستغفليني والمي تجري من جواي انه   ناطركم يوم يوم وساكت احترامن الكلمتك كتلي اصبر لين تبرد السالفه وهي السالفه مكضيه لبن عمها"

الشيخ " ميصير تاخذها وهي منهي عليها "

سيف" وين صايره ينهي عليها ماتريده يجبرها علي

وين دايره بقران بكتاب بسنة نبي ارد اشوف يانهوه هاي تخرب قسم "

الشيخ"ابني هاي عاداتنه والولد كال ان مارضت اني ناهي عليها ليوم الدين شتريدنه ندخل بحرب وعمامها شرانيين صح ولد عمي واعرفهم واعرف طبايعهم

مايهابون احد وهاي مو اول نهوه الهم مو ابوها نهه على امها وهي اختي واخذها هم ابويه مانطا ونهه عليها "

سيف" يابه انت وياي وياهم لو اعرف اجيب كل الشيوخ وافك نهوتها منهم ليش مصعبها علي "

الشيخ" انت بهذا حجيك تعم على البنت واذا عرفو بينكم شي يكتلوها ويروح دمها بركبتك ومايتركوك "

سيف"وين عايشين بغابه عليش يكتلوها مسوي حرام زاني بيها حبيتها حب فطري لا كاعد وياها لا

ماخذها بمكان "

الشيخ"سيف انت لو ماعشت ويانه وعرفت طبايعنه وعاداتنه تره ذوله تربات بساتين ووسنين هاي عاداتنه تمشي بدمهم  "

سيف"حجي انه منطي كلمه للبت ان جان ماتجي وياي انه اخذ جم زلمه خير واروح اطلبها واليصير

يصير لا انه ضاملي ضمه ولا مسوي فاحشه واخاف

منهم البت ليره ذهب "

الشيخ سكت انطيه علم يريد يمشي وياي وان مااراد كيفه  كمت ترخصت طلعت لغرفتي مااعرف شلون كضه الوقت لبست بنطرون كابوي وقميص رصاصي غامق  عدلت شواربي وطلعت

انه مبلغ فرات هم حجه وماقبل بعد اصريت لو اعرف اصير مذابح مااعوفها

طلعو للديوان لكيت فرات وشيخ مناتي خابرته وطلبته مااردني رغم كلامه نفس الشيخ بس

اجه الخاطري ولخاطر  الشيخ

كلي امل تصف وياي ادري بيها تخاف من تهديدهم

كلي فرات شاكين بيك عمامها لان نسوانهم سامعه

من امها والحجي تريها الك

متاني الشيخ اذا مااجه بعد هاي هيه هوه ماقصر

وميريد يتفاشل ويه ولد عمه حكه وانه اعتبر رجال

غريب وان جان رباني

شويه وطب يعدل بعباته ابتسمت كمت بست ايده جرها دك على متني "امشي وليدي الله يسهل "

طلعنه الشيخ مناتي يبتسم عليه "انت مستعد لهاي المواجها تره مايصير اذا منهي عليها معناها منتهيا

والياخذها ينهدر دمه "

سيف" شيخ انه انطيت حجايه وللموت مااتنازل عنها"

شيخ مناتي"يابه والنعم ماربيت حجي "

ابتسم الشيخ"وليدي سيف سبع"

دكينه الباب طلع والدها استغرب جيتنه رحب بينه "تفضل تفضل هلا بلشيوخ زارتنه البركه "

دخلنه عدهم الصاله والهول سوه مرتبه وابوها ماكاعد اشتراله دونمات سواهن احواض سمك

عايشين بخير بس هوه حبن بلشيخ ومايريد

يفاركه ضل وياا

هوه ابوها بعد خروجه صار عده ثنين ولد وبلاخير

صارت عده بنت

طب ضيفنه وكعد

سلام واحد يسئل عن حال الاخر نص ساعه

جبناها من شمالها الجنوبها عن وضع العراق

لحد مااشيخ مناتي كال " ابو رائد ماعدك علم سبب

زيارتنه "

كال" لا والله ماعدي خبر "

شيخ مناتي" ان شاء اللة كل الخير والله يابو رائد الجابنه هذا الزلمه الطيب طلبني وانه ماارد احد دك

بابي وانه هم جاي وطالبك "

ابو رائد " مايردك غير لسانك شيخ اطلب ان جان يمي من عيوني تاخذه"

شيخ مناتي " يمك عمي يمك انت تعرف سيف ومعاشر مااضن غريب عنك وتعرفه رجال معدل

والسنه تخرج وماناكصه شي وكلها تشهد على

اخلاقه "

ابو رائد" والنعم منه سيف بعد تربات الشيخ"

شيخ مناتي " جايين وكلنه فخر نطلب ايد بنتك

الجبيره لبنه راد يحجي رفع ايده ادري بكل السالفه

عمي يكلك اخذ الشين لو تعرفه وسيف والنعم منه

والله لو طالب مني اطي بدون نشده يكبع وياخذ

ابو رائد" مو غريب عني سيف ربه ويانه واعرف

معشره شني والنعم منه ومن تربات الشيخ والنعم

مااعلم معدل ورزن وزلمه حوك بس انتم تعرفون

ابن عمها طلبها واخر مره من رفضته صارت مشاكل

واشهر انه وياهم مااتحاجه شيخنه ابو زياد هوه

شاهد كتله انت كفيلها انه طالع منها وردت بختيارها

البت منهي عليها وانه يشهد الله تعاركت وزعلت لحد هذا اليوم  مااتحاجه ويه اخوتي وكاطعتهم ماراضي بنهوت عباس بس شبيدي هاي سنايينه ابن اخوي

مايتخير على سيف بس وراها دم

وبعتبار كاسر كلمتهم ومو بعيدها يثورون ويضربون سيف ليش اخلي عداوات بين ولد العم الشيخ ماراح يسكت  ابنه  اذا  اضرر ولا انه اقبل اخوتي يتأذون "

شيخ مناتي " حكك بس عمي هي شنهي نهوه بهذا الوكت مااكفانه سنين كبل وبناتنه تأذن وبيهن كعدن سنين بله زواج لحد مااكبر بيهن العمر شني ذنبهن "

ابو رائد" حجيك عين العكل بس وينه اليفهم

يكسرون بخاطرهن يجوز ابن اخوي مابي

عيب بس يصحلك واحد كل عيوب الدنيا

بي ويجي ينهي على بت عمه تعال حلها

يصير هوه وبس وابن عمها واوله بيها"

شيخ خليل" ولد العم مابيهم مجال نروح نحاجيهم

ونطيح النهوه عن البنت "

ابو رائد " ليش تفتح عليك باب مسدود وابنك منصبه مهم وكدامه مستقبل حلو خليها للزمن

اخوتي وانت اعرف بلبير وغطى عوفها ربك

يحلها "

صار اخذ وعطى بلحجي وانه ساكت ردينه احس

كلبي جمر حتى اجازتي ماكملتها التحقت عاصبي

فايره

شغل مااعرف اشتغل وين جان عنها هسه عرف عده بت عم حك الزواج

كاعد بلمقر بمكتبي دك جهازي رفعته مقدام هذا الولد هم بتله يوميه مخابره علمود يحصلي رقم صديقه الكردي موضف بلنفوس الكرديه بسليمانيه

كبل سنين رحنه وماحصلنه شي يجوز رجعو بعد السقوط لاكي رقم صديقه سجلته وختمته وياا

اسئل على كفاء مشتاقله الكويت لو تفتح الحضر

جان سويتلي زياره الهم

يومين وخابرت الرقم عرفته بنفسي كال شوكت ماتجي انطيني خبر استقبلك الرجال ماقصر

شكرته

دايخ وين الكاهم وين صفه بيهم الدهر جدي شون

حاله هسه وين كانو هاي السنين كلها الف سالفه

تخطر بالي

كمت سحبت جهاز النداء سويتلي جوه على النقط

المسؤلين عنها  خابرت ضافر نازل هذا يخوف باي

ساعه طك عده يروح يذبح خواله مااشفت مثله

السالفه باله ماعايفهم ذاك اليوم بلتواسيل طلع ابن

خاله من السجن مدري شلون مدبرله سالفه عوجه

ومن واحد الواحد ساجني عرفو ورها حتى الي

وصلو تعال حاجي اكله شهرين بلسجن وشوفه

النبي عربي يله طلعه

لزمته انت منيلك هاي السلطه تامر بسجنه ستوك ملازم ضافر استهدي لا انتقامك يعميك الولد شدخله

بابو وعمامه

اليكتلني قهر مايرد عليه غير سيف عوفني مالك شغل بيه مال الكمه بوكس اخلي يتفل سنون

سديم

حالين احنه بداية 2005 الوضع بيتنه ساء اكثر من قبل حالتنه الماديه سائة اكثر  السنه ثالث دبرتها شلون ماكان جنت شاطره ماحتاجيت دروس تقويه ولا سجلت بلمعهد اصرف لهلي منين يجيبون

امي كوه سده اكل البيت

اماني عيونها رايحه بلنهار تخيط وبليل تقره تنام بس

اربع ساعات حتى ضعفت وجها شحب

اعتمدت على نفسي دروس الاضافيه ماافوتها قراية اليومي مااعبرها اقره يوم بيومه كدرت اسيطر

مشاكل نعمه وتحسين بستمرار وامي تحاول تهدء بيهم يوميه زعلانه وراجعه غير وصاحت غرفتها

اني تعبت كل مره تحسين يصيحني انضفها شنضف البردات من عرسها معلكات وماغاسلتهن انضف الكاع

لو جوه الجربايه حتى بيوت عناكب صايره جواها

ملابسه المكومات تنزعها وتدحسها بوصخها لمن يتكدسن كوام بلكنتور يله تغسلهن هم تنجبر

لان مايضل عدها لبس

تحسين ملابسه يشمرهن على امي هي تغسلهن تعب

سنه كامله يحجي يعلم يضرب يصيح ماكو نتيجه

وازاد الطين بله حملها 

الاحضنا ابويه يوكف وياها ضد تحسين لان مااخذ وحده من بنات عمي اماني دكمز تريد تنفجر من الوضع

بيت عمي ابو نعمه من اخر مشكله ويه ستار ومأثر مااطبولنه بيبي تجي يمنه تحير شتحجي وياما

تعاركت وياي واماني تاشرلي اسكت مجبوره

اسمع الكلمه مااريد الصار ينعاد وانضرب علمودهن

بلعتها وسكتت اماني حذره من بقية عماتي وعمامي

هواي سوي بطلات وتنطي لماما ترش بلبيت صح

نهدء فتره وفجئه البيت ينكلب

لازمه كتابي بيده وكاعده بصف ماما بلهول هي تباوع تلفزيون واني اقره اماني نايمه ساعه وتكعد تخيط

خياطها حلو صار عليها طلب

اقره ومندمجه نزلت نعمه وعباتها بيدها امي بيدها الريموت نزلته كالت" وين نعمه"

ضحكت" عمه هنا يم بيت عمو ضايجه وانه كلت التحسين كلي لاتتاخرين "

امي" يا بيت عم ولج شعدج وياهم"

نعمه" شني السالفه عمه بيت عمو ابو نعمه البنات كالن تعالي ضايجين هم نتونس وهم نكضي وقت

جاييات قماش اخذلي كم قطعه تخيطلي ياهن

اماني"

امي متفاجئه " شعدي وياهن من يمته تحاجيهن مو اشوفج يمي مافديوم اجن وحاجنج منين بعد كللج تعالي اخذي قماش"

تعلج وتتمضحك "شنو السالفه عمه تحقيق هوه حاجيتهن من الحايط مااتخر ساعه وجايه سدومه

تردين اجيبلج قطعه على اختياري "

هزيت راسي لا

كالت"كيفج"

طلعت وامي تباوع وراها "هاي شصخم وياهن اخوج عاقل يخليها وياهن اول تالي يكلها روحيلهم جاب عمره مايطيق عمامه وبناتهم شعجب نزلت الحنيه من تالي وكت "

"يمه هي ليش صادقتهن والله ضدنه لان تعرف بينه مانريدهم ولا نطيق طبتهن شفتي راحت صاحبتهن

اليوم راحتلهم باجر يجنها والقران هسه يعلمنها

على دروب السحر والاعمال"

امي"لا هاي خوثه ماتعرف دبرهن صح وصخه

وعوبه ولسانها طويل بس مو شيطانه مثلهن

ذنيج خوينسات من جوه الجوه"

سديم" ليش ماما دافعيلها كدام اخويه ومتخلي يضربها واشوفج اضمضميلها "

امي" شسوي اخلي يهجم بيته وتالي ابوج غصب عنه يزوجه وحده من بنات عمج هلمره ينجبر

يسكت وذنيج بس يدخلن بيتي يهجمنه بعمالهن

وسحورتهن خليني متحمله وصاختها واخيج

كدام عيني والله حافظه احسنلي "

مرت فتره زادت روحاتها وتحسين مايحجي

مانعرف اذا يدري او لا هي تروحلهم وكت

شغله من يجي هي بلبيت

عدت الايام حسام وتحسين شغلهم قل خطيه

كامو يطلعون باي مبلغ حسام اخذله فتره

اتمشكل ويه ابويا علمود البساتين كله بيعهن

وخلينه نشتري كاع بلمدينه على شارع تجاري

ونفتحها محلات ناجرهن نفتح بيهن مشروح

ولا كعدتنه هيج وكيعانك مهجوره

حتى زرع ماكو والسلف نبنه واغلب البساتين

تقسمت كيعان وتزعت وصارت بيوت ليش

مجلب بي شمستفادين منه لا عيشتنه مثل

العالم لا وضعنه لا عدنه شغله بيها حظ

ومسترزقين منها عاجبك الوضع

مجرد صيت ابوهم عده كيعان وبساتين

شمستفادين بويا شمحصل منهن

كلام حسام مر مرو الكرام  كان ساكت يسمعه

حسام شاف الوضع مامنه نتيجه خله وطلع

شهر بعد ونعطل نكعد نراجع

اليوم راجعه تعبانه وضهري يوجعني من كعدت

الرحله نمت جفي كعدت فازه من صوت الهوسه

عرفت ربى جايه

غمضت تعبانه خرب وين واحد يرتاح بهذا البيت

اماني مو يمي فتحت الباب صحت " سوك هرررج

شعدج جايه"

باوعت مصدومه " وخفه وبله جايه بيت ابويا

شبيج لج شكو مدبجين يم راسج "

سديم " منو الي هسه يهوس مو يم راسي المن

خليج خفيفة ضل "

عوجت حلكها" انتي ناكره ولج بدل ماتاخذينه بلاحضان دكولين ذني خواتي صالي سبوع 

ماشايفتها شبيج بومه حصره شوفيني

تكلبين همزين مو بيتج"

سديم" اكلج انتي صخله تره بس الصخله

تغار  من الصخله الثانيه يوميه مخلفه انتي

ومرت حماج "

ربى" عزززه بعينج ياحيوانه ادبسزز كامت اليه

معبالي تضربني ماحسيت غير التكفخ واني اعيط

صار كدامي ابنها اريد اشر وتركض وراي تكومت

وهي فوكي لكطتي بعضه من وره شالتني شيل

اماني وامي خربانات ضحك واني لازمه مكان العضه

واكمز واباوع اليوره اريد اشوف مااكدر

ربى" اله اتوبج من التغار اني شعدي همه

ثلاثه وهذا الرابع شمخلفه "

وصلت لباب الغرفه الفلته سهله" هايشه حلوبه

شوفي ص...... بعد يومين صدرين للعالم ونصير

بيت ام دي....."

نطن عيونه لحكت على روحي سديت الباب شارده

دك تريد يتروع مامن بعدج روح اباوع على عضتها تأذي مو سنون منشار من فوك الدشداشه وسنونها طابعه

ضدي ضلت يومين يله رجعت بيومها ضليت للعشه

مااطلع اخاف تلزمني وامي واماني خربانات ضحك عليه وعليها

طلعت بليل اكلت ورجعت للغرفه بس اماني طبت قفلتها ثاني يوم رجعت العصر متحاجيني زعلانه

مني

اريام عكسه ضلت على الواحد ماقبلت سوي جهال رجلها عاار ويوميه ضاربها المن سوي شيعيشه

صار وقت مراجعتي الصبح اكاعد على برودت

الجو والشمس صير بضهر بيتنه لازمه التاريخ

والمعارك والسلاجقه وهولاكو  كل الاقرا بالي

يسرسح واتخيل روحي عايشه بذاك الزمن

واماني تنبهني اقري الصفنه للمطي ابرطم دعوفيني

اتخيل يعني لو صارت اختار نابليون ههههه فرنسي واكيد حلو يمكن اشكر مثلي وعيونه ملونه

ندفع الباب درت وجهي اريام الوجه مورم عيونه

منتفخةت مينشاف فزيت من منضرها طفرت اله

اخذت ابنها  بس دموعها ينشافن على خدها من تمشي تهبد متشوف كضيتها حتى حجي مااكدر

احجي تشهك كوه تحجي " بس كوديني "طببتها

امي شهكت " يمه بنتي يمه سوده بجهي " وتضرب على صدرها محد موجود الولد طالعين وابويا

اخذ بيبيتي للسوك ونعمه فوك واماني بلكليه

اريام" يمه اريد انام ميته معاس راح اموت بس ابني وكولو ماماكل من البارحه "

امي" منو هذا الهيج مسوي بيج ضاربج السك...

الله لا ينطي كسر كون ربي ولج يمه احجي شبيج

شمسويه"

كعدتها " يمه وكت حجي مشوفيها خلي تنام وترتاح وبعدين تحجيلنه "

امي"  اني اتحمل لحد ماتكعد وتحجيلي كلبي فرفح

اريام صايحه مريضه العار ضاربج"

هزت راسها"مااكدر احجي يمه صارلي ليليتين ماشايفه طعم النوم "

كومتها امي تبجي واني دموعي على جدي وجها احمر وازرك من الضرب عيونها منفوخات والله مثل

الملاكم من ينضرب على وجها هيج منضرها

طببناها للغرفه مددتها على جربايتي كوه نزعت عبايتها شلتها خنست من منضر ايديها شخوط

شخوط زرك جسمي كزبر كعدت مكابلتها

بس مددتها نامت والله مااعرف اذا نامت صدك لو لا

عيونها منفوخات كابلتها وابجي خنسه امي مثلي

تعضعض بيديها طلعت مفرفحه لحكتها اسوي

اكل لبنها خطيه حتى الولد مخنوس

امي بجيها وصوتها ليمي واصل ثردتله خبز

ومركت باميه كعدت اوكله دمعتي ماانشفت

كل لكمه انطيها لبنها  اناشخ من كلبي ادعي

على زوجها العار

صبيتله ماعونين وهوه ياكل خفت لا يتأذه

ساعتين وهم اسويله شي

ضليت ويه ابنها بدلتله جنطتها مااعرف شجايبه بيها هيج ملفوفات لف الملابس على عماها حاطتهن

كلبي متكطع طبت نعمه شافتني ابدله

" هاااي شنو اريام شوكت اجت"

مارديت عليها مسحت عيوني

نعمه "شبيج تبجين"

"معليج نعمه خليج بروحج لتدخلين"

نعمه "يااا اسمله ركبج جني ردت اعرف لتحجين معروفه رجلها يوميه مطبطبه"

اعرفها مستفزه"شعليج هااا شدخلج والله بشر حشريه "

هزت ايدها وطلعت اماني من رجعت وشافت وضع

اريام تخبلت كامت ادك على رجليها وتبجي شافت وجها وايديها

تانينه الولد ابويه مااجه للعصر طبو من الشغل تعبانين ماكدرنه نحجي امي تخربطت ونامت اني

واماني نار بكلوبنه عليها

شافو ابنها  سالو عليها كلنالهم نايمه رظناها تكعد ماقبلت منتهيه جثه اجتنه  لليل ودينه على تحسين وحسام بلستقبال كتله تعال للغرفه

طبو وهي نايمه امي دموعها ماوكفت شاوفوعا كال شني هاي منو مسوي بيها هيج

امي" زوجها الكلب "

كنالهم هيج ثنينهم  طفرو

تحسين " ايا كلب اذا مااجنزه مااطلع تحسين "

حسام سكت عيان على تحسين وكال" امشي  لبسو شحاطاتهم وطلعو

امي تناشع كلشي ماحجو بسرعه راحو ساعه متانيهم

وهاي نعمه دردم وماعاجبها ماتحملت صحت بيها

"الجايفه المعفنه امشي ولي صعدي الكبرج "

نعمه"شكو خيه من داسلج على طرف"

سديم " اليشوفج يكول يمه شكد تحبين اخويه وانتي كفشتج ينام بيها الدجاج مشطي شعفاتج زيتيهن عليمن هنه من اساسهن مزيتات من الوصخ "

وكفت على الدرج متخوصره وتهز بخصرها وتباوع عليه بغيض ماهتميت بالي كله يم اخوتي ليصير عليهم شي وابويا حظ اريام تاخر هلكد

نفتح الباب ركضنه دخلو ثنبنهم بهدذلين امي راحت من الهبطه كوه تحجي وياهم وهمه يلهثون

حسام "شبيج يمه ماكو شي شويه علمنا وعدنه سستم اخلاقه وربينا الج واجينه "

امي "اخخخ يااحظج يايمه بيمن طحتي منين اجاج صاحت شكول عليك يرجال من شلتها وشمرتها هلشمره ادعي عليك وانه ام كلبي محروك "

دخل ابويا"هاااي عليمن الدعاوي "

صاحت "طب شوفت بتك شوف حالها اجتني معميه ومكسره لا اكل ولا شرب من شمرتها لهيج واحد شدكل الربك من تقابله خطيتها بركبتمن بركبتك بركبت عماماها المايخافون من ربهم لو وحده

من بناتهم ينطوها "

كلها "سدي حلكج شبيها اريام هلمره شمسويلها"

حسام "هيج يشاقيها دلع بنات نتر شوفها مجنزها ماخال بيها شي صاحي الكوا ..... وعمامي كوا.......

حتى الله مايرضها هذا مال مره انطي

الحيوانه ماتعيش عيشتها راح اطلكها واشوف

كوا..... يتفتح حلكه "

سكت ابويا من طب وشافها طلع ساكت لنص اليل

تخربطت علينه ركضو بيها تحسين وحسام وابويا

البيت انكلب بجي ونحيب

ريحانه

رجعت حالتي انتكست ليش هسه رجعلي الوجع

جنت ناسيه وعايشه حياتي فجئه تجدد عليه كلشي انضف بلا شعور  اداوم مجرد جسد بله روح امشي

بدربي واماني وياي تحس بتغير حالتي تسال وجوابي تعبانه مامتهوده على الدوام صح تكست

بدون قناعه بجوابي

اليوم جيت بيت جدي يردون يزورون سعيد ابن جبير  معروف يمنه مقامه بلحي الكل يجي يزوره

ويطلب منه مراد مايرد احد

كعدت من الصبح ماداومت اساعد امي خطيه

تعبانه هليام تركض وحده اول مابلشت بلصاله

كنس ومسح وتعطير والدي اشتره تخم مرتب

الها واماني خيطتلنه البرده صارت مرتبه

وطبلات خشب النجار سواهن وصبغهن كلش

حلوات منضرهن كملت مسحهن طلعت على الطرمه

تعزيل وكنس الحديقه مساحتها وسط مو جبيره

لميت الاوراق الطايحه كنشت الكاع

جريت الصونده رشت الكاعيه كاشي وبسرعه

يسرسح الطين والتراب درت على الحديقه

كملت جريت المي بلماسحه لحد الباب

نشفت يله طبيت لكيت ماما تعجن بلعجين تريد

تخبز تحزمت للهول تعزيل وغسل الحلو بي المي مالته

مسلط على الترك مينزل على باقي البيت للضهر

كملت احس ضهري صار نصين  شويه رتاحيت

كمت ت ضيت وكفت اصلي

كبرت وتحضير روحي طقوس اسويها من اجل اتقان الصلا وتخرج لله باجمل صوره وادراك ذهني وحضور روحي اقامو الصلا ايه باطنها اعظم من ضاهرها

ليس مجرد اقامتها تاديتها الكل يعاني من السهو اثناء الصلا مندري بروحنه باي ركعه مرات نخلص

نسجد ونسلم واحنه مامفتهمين منها شي

بابا يوصفها الي مثل خطار جايج اوشخص عزيز

وكدامج تفاحتين وحده جايسه ومنضرها مو حلو والثانيه تازه ومنضرها يشهي متكدرين ترديها لو قدومها الج شتنطين للخطار اي وحده منهن

جاوبته اكيد التفاحه الزينه كلي ليش كتله لان خطار وعيب نقدمله الفاكها التعبانه كال صلاتج مثل ذني التفاحات  تاديها لله عزوجل بابها صوره وكلج

خشوع وحضور كانو تلتقين بشخص غائب عنج لسنوت واليوم لقاء راح تركضيله بكل لهفه

لشوفته صلاتنه هي مكان لقائنه بلمعبود

كانت كلماته حاضر قبل كل صلا كنت الاحظ الفرق

بين صللتي بستعجال وصلاتي بتأني وحضور

غمضت غصت مع المعبود الواحد الاحد روحي تشعر بوجوده احب لقائه هدوء نفسي اطمأنان سلام ذاتي

كملت حسيت بفتحت باب رفعت راسي امي

اسماء"بيت جدج جايين وبت خالتج تكتم وياهم جايه "

هزيت راسي خالتي خديجه  اكيد وياهم وجايبه

بتها كان لمدت عشرين سنه جدي مقاطعهم من

زوأجها كلها  انطيج بس تنسين عدج اب وام وخوات وخوان لو يذبحوج لا تجيني وتشتكين وهي

قبلت وبلفعل جدي رفض جيتها الهم ومنع حتى

بيبي تتواصل وياها واستمرت هاي الخصيمه

عشرين سنه لان اخذت عن حب وغصب على

جدي مكان قابل بي

امي من ازوجت كدرت تتواصل وياها وكامت تجينه

مااذكر رحنالهم غير كم مره بابا ماله دخل بهاي الامور

ميحب قطيعة الارحام ومرات تصدف حجي كدامه

على خديجه يمطي رائيه بصراح الجدي

قبل اربع سنوات خالتي تعبت  كل كم سنه بيبي من تجي يمنه هي تجي شوفها وهم بلبوكات بابا يتكفل يجيب بيبيتي دون علم جدي وهوه يرجعها

ودت ناس هواي دون فايده ققررت هي تروح بنفسها وراحت وطاحت عليه باست حتى رجله يله شويه فك وياها رغم ضل شايل عليه بس رجعت تجيهم وتروح وتعرفو على جهالها

كفيت السجاده طلعت احضر ويه امي الضيافه ساعه واني افتر بلبيت تلحيضات شي مامرتب ندك الباب

بابا نوجود هوه الفتح الباب

باوعت من شباك المطبخ طب جدو وبيبي وخاله وابنها وبتها وياهم رضا طلعت سلمت امي قبلي طلعت

اربع ايام ضلو تونسه رغم تكتم موهلكد اني وياها مااعرف مااحب اتخالط رغم التزامها بس احساس

داخلي مايرغبه بس من اشوفها واشوف تصرفاتها

اغير رائيي شبيه ليش هيج احكم على الواحد من

احساسي

باخر يوم هواي سولفنه وسزلفتلي على الجامعه

وشلون درست ادارة واقتصاد قسم محاسبه

اكثر من طالب تقدملها ورفضته واني اسمعلها

خلصت اجازتهم رضا ضل مارجع وياهم

كاعدين على السفر اتفاجئنه بطلب رضا نخطبله

تكتم امي ابتسمت "يوم عيد ازوجكم حبيبي"

رضا"شرايج بيها "

امي" اشوفها حبابه ومطيعه من تصرفاتها ويه امها مو عنيده ولا مشاكسه "

ابويا"عدك شي وياها "

رضا"لا حجي وين عدي مجرد مسلم صديقي وخوش ولد وهي شفتها بيت جدي ثكيله ورزانتها حلوه تابعتها ماعدها زايده زاقصه "

سيد محمد"نسال ونشوف"

رضا"ههههه حجي بت خالتي شتسأل"

سيد محمد"تبقى غريبه وابوها رجال غريب وزياراتهم سنويا النه منعرف طباعم ولا معاشرين البنيه "

رضا" ههههه قابل اجندها يايابه حتى عيب يوصللهم حجي سألين زحمه منهم "

سيد محمد"مابيها شي ابني اذا سألنه وطقسنه وانت هم تروح لجامعة البنيه تسال البي خير ربك يقدمه"

كام بابا طلع يغسل

رضا ضاج مايريد يسأل يستحي من خالتي ورجلها لان اطيد اذا سال لا بد يصير حجي وناس تعرف ناس وتوصلهم الحجايه

كانت هناك باب من ابواب كانت لابد ضل مغلقه لكن للقدر رائي اخر

...........يتبع

لا تنسون تصويت ومتابعة الحساب

بين الكاف والنون (كن فيكون )

البارت العشرون

الكاتبه سجى الطائي

///////////////////////////

كاسرت عمري علة عمرك كطعت ليش.....

وحركتك چويه مني وچويه منك

وانتشيت استاهلك شهكت عوافي

وخيبت ظني وصدك وياي ظنك

ما گلت عنك عرگ جفك بجفي

ولا كلت جاسك زعل

واشتعل دمي بنار دمك

ريحانه

لهفة رضا واضحه واني صافنه وين لحك يشوفها اني وكم مره شفتها وموهلكد ارغبها وهي شكد تحب تتقرب مني ومابدر منها شي

مستوره بلبسها خالتي مطبعتها باطباعها النجفيه ممخليتها على بيئة الحلاويه

امي مكيفه بقرار رضا والدي هادء ماعقب بعد حوار الصار على العشه

نمت بلتسعه وقتت منه الجهاز على الثلاثه فجر بعد مادخلت جامعه والدي اشترالي المبايل للضروره ومنع انطي رقمي غير اماني وامي وهوه ورضا ومبنيه بت صاحب الخط ويانه اذا فديوم مااداوم انطيها خبر

كعدت ويه صوت المنبه كفيت الغطه كمت توضيت توجهة الغرفتي اشياء مااستغني عنها اطفاء النور اشعال شمعه مرات اشعل ويا بخور ينطي جو طيبه وكفت بين يديها نويت وتوجهة للقبله غمضت انطيت المخيلتي التعمق باي منضر لاحياء هذه الصلا يمكن اليسمع ميصدك ليش هاي الروحانيه العاليه والبعض ياخذ انطباع الشعوذه

راح اشرحعا بعدت نقاط

اول نقطه الغرض من اطفاء النور للتأمل بكل نطق من الايات القرئانيه التخلي عن كل مايشتت الذهن ونفقد التواصل مع الله

النقطه الثانيه الغرض من اشعال البخور لنفرض عدكم طلعه لفد مكان ماراح تتهيئون لبس اجمل الثياب التعطر تردون تضهرون باجمل صوره وهذا مايمنع من ادي طقس من طقوس العباده اكون باتم صوره الصلا عمود الدين ان قبلت قبله ماسواها وان ردت رده ماسواها

كعدت اسبح خطرت اماني على بالي الله يفك ازمتهم ويشافي اختها دعيتلها من خاطري  ذكرت قوله للامام علي عليه افضل السلام عند استجابة الداعاء

(اغتنمو الدعاء عن اربع ،عند قراءة القرأن ،عند الاذان، عند نزول الغيث(المطر) ، عند التقاء الصفين للشهادة )

تكون اباب السماء مفتوحه وتقسم الارزاق وتقضى فيها الحوائج العظام اكو حديث عن الامام الصادق كان فيما ناجى الله موسى بن عمران (يابن عمران كذب من زعم انه يحبني فاذا جن الليل نام عني أليس كل محب يحب خلوة حبيبه ها انا ذا يابن عمران مطلع على احبائي اذا جنهم الليل حولت ابصارهم في قلوبهم ومثلت عقوبتي بين اعينهم يخاطبوني عن المشاهدة ويكلموني عن الحضوع

يابن عمران هب لي من قلبك الخشوع ومن بدنك الخضوع ومن عينيك الدموع وادعني في ضلم الليالي فانك تجدني فيها مجيباً

نزلن دموعي اذكر حنية الخالق على مخلوقه اخلي جبهتي على التربه دموعي ينزلن طم انت رؤف بعبدك المذنب وانت تشاهد كل مساؤنه وتنتضر المناجون والباكين اليك والاجئين بين يديك

رفعت راسي مسحت عيوني عدي تسبيح مااستغني عنه من بكل صلا اردده مئة مره (سبحان الله وبحمده) من رددها كتب له الف الف حسنه ومحا عنه الف الف سيئه ورفعه الف الف درجه

واكو تسبيح اخر من قال (سبحان الله وبحمده سبحان الله العظيم وبحمده )كتب له ثلاثة الاف حسنه ومحا عنه ثلاثة الاف سيئه ورفع له ثلاثة الاف درجه وخلق منها طائراً في الجنه يسبح وكان اجر تسبيحه لهُ

تنهدت وكفت صليت صلاة الفجر كملت طويت السجاده نزعت الجادر كترتهن بمكانهن

كعدت متاخره لبست بستعجال عدي عاده سيئه مااحضر ملابسي بليل الصبح اكعد شيجي كدامي انسقه واطلع مجرد اخلي مرطب لوجهي مرطب شفه قلم اشيله وياي بلجنطه دائماً شفايفي تيبس ومرات تتفطر وتتجرح اضوج منها مرات والدي يشوفها يسكت ميسأل يعرف مااحب المكياج يطفي برائة وجهي

صعدت بلخط مرينه بأماني كعدت وراي التفتت عليها

"مغيمه حبيبتي خيرج "

كانت تباوع على الجامه تنهدت احب قوتها وكبريائها "اريام تعبانه وضعها متوتر وابويا ماينصفنه والواد حايرين بيها ومشاكل زوجها"

ريحانه" الله يفك ازمتها لا ضوجين الها حلال يحلها توكلي على الله وان شاء اللة ماكو شي"

سحبت نفس متكدر تحجي الخط بده ينترس "الله يسمع منج "

وصلنه هي قسمها مسافه هندسه انقبلت واني حولت علوم رياضيات وحاسبات من اول اسبوع دا مت بي رغم حبي لعلم النفس بلحالتين اختصاصي تدريس وعلم النفس اختصاص مميز لكن بلدنه مطمور محد يعترف بي عكس الدول الخارج

دخلت لقسمي بلشت محاضرات مااختلطت بوحده صح الكل زين محد اله شغل بلغير زماله فقط واني نوعاً ما انطوائيه اخاف من الصداقات الماضي ترك بنفسي دمار شامل اثاره لهذا يوم اعاني منه

بسببه تركت سنه دراسيه كامل البنات يداومن واني من شيخ الشيخ ومن سيد السيد محد يعرف شبيه كلها عبالهم متلبس من اي بشر اعيط اليتقرب يمي يغمى عليه

والدي وامي عانو البجي مستمر ساعات اكضيها ابجي وكل دقيقه محفوره بذاكرتي من اليوم الي دمرني وقتل طفله بريئه لولا لطف ربي شارت داحي باب خيبر

انا فتاة مهشمه مقتوله من الداخل سحبت نفس من شفت روحي دموعي تكتلت بعيوني طلعت للحديقه خلي يكولون معقده مخبله منعزله مغروره اسمع كل ذني من محيط الطلاب ماارد

وكفت بلكونت القسم اطل على ساحة الكليه الطلاب تفتر والعده محاضره يمرن شلت بنات ابتسمت على منضرهم

يضحكن للهوه بيناتهم يسولفن ويجادلن ومره يختلفن بلرئي اتمعن بتصرفاتهن بيديهن علاليك يمكن جانن طالعات يشترن من غير نادي كليه

كل هاي الامور ماعشتها محد يصدك لو كتلهم اني ماطلعت لغير كلية وشفتها حدي القاعه اتفرج على الماره اخلص محاضراتي اطلع للحديقه البرانيه انتضر اماني ونطلع للخط

جعت اول اشهر دوامي اخجل ادخل للنادي اكل اضم جوعتي من ارجع للبيت صار عدي انخفاظ بلضغط ودوغه اماني شبعتني رزايل اسمع واسكت لليوم متعرف المريت بي اخاف احجي

نزلت دخلت للنادي اشتريت لفه وعصير وبطل مي اختاريت زاويه مااواجه احد كدامي اكو طاولات صير مقابيل ثلاجات الشرابت كعدت اكلت يمي الملازم فتحتها اكلب بيها

كملت وكفت اعدل عباتي نصيت على ملازم شلتهن مااستخدم جنط جيزدان على شكل جنطه اسطواني اسود احط بي تلفون والمرطب ومرايه صغيره ومصرفي مشيت للحمامات القسم اغسل

عيني صدت عليه وكفت هوه لا موهوه ابتسم النضرتي ضليت واكفه مرتب كانو طالب من الطلاب لابس قميص ابيض وبنطرون اسود والشعر اسود فاحم كالبه اليوره موطويل مدرج

ليش وكفت اباوعله وهوه يشوفني ويرد ينزل نضره ويا جماعه يسولفون ويضحكون مخلاهم يحسون طلعت اركض لازمه كلبي شجابه شلون اندل مكاني صدفه اي يمكن صدفه

دخلت للحمام ضربت راسي قابل الكليه بسمج واذا اجه احتمال يزور صديق واتلاكينه هااا نضرته مامستغرب بلعكس مال واحد يعرف

كاسرهم بلبسه واناقته وين راحت الدراجه جان يمر بيها من مدرسته لو يجي على حسام اخو اماني

لحضه خفت شيريد جاي لهنا كلبي مااعرف شبي دكته تغيرة ضليت كاعده بلحمام ارتاحيت غسلت وجهي وطلعت عدلت روحي كدام المرايه مسحت وجهي من المي جريت الجنطه طلعت المرطب رجعت للقسم على وجهي مااريد المحه كارها كل ولد ماودي اشوفهم لو بابا قابل كان حول جامعة بغداد للبنات

كملت خابرتني اماني مكمله من وكت رجعت للبيت صليت وبالي كله طاير كطعته اتعوذ من الشيطان كعدت على صفحه افرغ بالي يله اصلي هيج كلشي مااحصل من العباده مجرد حركات

طلعت تغديت وياهم رضا يحوس وميعرف شلون يفاتح والدي همست يم اذنه " لا تحاول بابا بس يعاند ميسويها عوفها ورا وهوه يخطبلك"

رضا" ابوج مغلس وهاي معناها ميحرك روحه وينسيني السالفه "

" ليش مستعجل انتضر "

رضا" مو البنيه جاييها ناس هي مال انتضار "

" مااعرف خليها على الله اذا مكتوبه الك صير"

نحجي همس بابا يباوع ويرجع يكمل اكل ماعلق سكتنه من شلت السفره رحت للمطبخ عزلته ونضفت المواعين ومسحته شويت جاي وخدرته صبيتلهم وقدمته

والدي اخذ كوبه ودخل للمكتبه رضا صار يحاجي بامي يستعجلون عفتهم ودخلت للغرفه صليت كملت صار صوت التفتت يوميه جايني بهيئه شايفه شكله الحقيقي وللان داخلي خوف منه رغم كل اجوائه دينيه بحته مرات يرشدني على امور اكون بيها متحيره

خطرت على بالي تكتم همست "زينه النه راح تسعد اخويا وتحبنه"

مجواب عيونه على مصحف المركون على الميز 

بسم الله الرحمان الرحيم

(وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ)

بسم الله الرحمان الرحيم

(كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ)

نطقهن باوعت درت وجهي ماهوه عرفت قصده كنت مشغوله وتاركه حفظ القرأن وصلت نصف الجزء الثامن عشر

داتعاجز هواي دوام الكليه ماخذ وقتي دراستي صعبه رياضيات وحاسبات بنفس الوقت

اذكرت اول مره شفته كنت صف رابع ابتدائي طلعت من باب المطبخ شفت بابا واكف يتوضه وبصفه جدو بيومها زايرنه يتوضه على الحوض  تقربت يمهم كتله جدو حضرتلك المصلايه التفت ابتسم بحنيه وجها يشع بياض و غريب بي نور عيونه رصاصي جدي عيونه سود ماكنت مركزه لان ملامحه جدي طبق الاصل

رجعت للبيت واشوف جدي ستوه كاعد يلبس بشحاطته ركضت للطرمه بس بابا واكف يمسح ايده بلخاولي من الرهبه اغمى عليه

لكيت نفسي بلفراش ام وابويه وبيبي فتحت عيوني داير مدايري جدي بصفهم شفته كمت اعيط مااريده وابجي مخنوسه منه

داومت والايام تمشي بيه مستواي فوك الوسط والدي قرر يسأل تكتم  وبلفعل هوه راح وكلف جماعه يسألون وحتى للجامعتها راح كانت الاخبار مرضيه هذا يوم رضا فرحان طاير مكانت متوقعه فرحته كانت هناك سوابق بيناتهم مو مجرد شافها ورغيها تكون زوجه

الايام مكيفه خليت ماما تقنع بابا اخذتني للسوك اشترينه ملابس وكله على اختياري نفانيف حلوه مرتبه على جسمي قررت بخطوبته افل شعري واسرحه بلشسوار عد ماما منه

اجه يوم المشيه قبلها بايام ماما خابرت خالتي خديجه كالتلها جاايكم هليام وخاله مرحبه بينه حضرنه نفسنه ورحنه مشيت نسوان بيبي وجدو وخالاتي من النجف توجهو للحمزه وعمي ويانه راح ورضا كلنه سوه صعدنه من الكراج مو بسياراتنه ذبونه بلحله ومن كراج الحله للحمزه صح الطريق متعب بس اهم شي بيها طلعه شفت الطريق الحله حلوه

طلعنه الفجر وصلنه بلعشر طبينه البيت خالتي جدو وخالاتي وبيبي موجودين قبلنه واصلين ارتاحينه خالتي طايره من الفرح تخير شتقدم عدهم علم مسبق سبب جيتنه ابوها خوش انسان

صبو الاكل اوو خاله ممخليه شي ممسويته وتكتم النادره امي فرحانه لان بت اختها جنت تعبانه صليت وكعدت

للعصر طلبها جدي كان المتحدث تمت الموافقه بنفس الساعه تمت المباركه رضا فرحان بثكل يخجل كدامهم وتكتم عادي بس ابتسمت من باركنالها ماضلينه شكد خاله وابوها جلبو بجدو وبينه ماكدرنه اعدادنه هواي وبيتهم طابق واحد وغرفه وحده الهم وصاله وهوا ومطبخ وصحيات جوه الدرج

بعدني امشي وره ماما صار صوت قوي بأذني مال وشه احس الطبله نشلعت عطت لازمتها اريد اسدها من قوت الصوت نشمرت ضليت اعيط بابا وماما لازميني يردون يفكوني مقلصه روحي صارت ضبابه سوده كدامي اشوف شي ابيض  اسمع امي وابويا وجدي مخبوصين والضبابه كدامي مثل عاصفة هوا ابيض الون وكدامها سواد داكن ادركني يااعلي ادركني ياداحي الباب ضليت اردد اغثني يامولاي بفاطمه وابيها وبعلها وبنيها والسر المستودع فيها صوت مخيف موواحد اصوات دقايق اني لساني يردد لحد مافكني راحت الضباب حيلي انهد وسدت روحي كوه افتح بعيوني احس روحي مبلله

والدي يم راسي يقره عليه اسمع صوت امي تبجي شفتهم "مابيه شي"

امي شهكت تبجي" شبيج يمه شجاج "

ابويا" ماماكل وصار هبوط عدج "

امي ردت" لا يمي كعدت واكلت زين يمه يوجعج شي بطنج راسج  "

هزيت راسي لا هاي اني بلمطبخ شوكت طببوني محاسه على روحي كعدت عدل جدي وزوجت خالتي واكفين

رجل خالتي " بنتي اذا مرضانه هاي مستوصف اخذج اله بيها دكتوره شوفج بنتي "

" لا خالو مابيه شي لان تعبانه وطريق ومامتعوده هيج  اطلع مسافه "

خالتي وامي ضلن يحجن وياي يقنعني اروح للمستوصف ضليت ساكته تكتم سوتلي عصير

ابتسمت" فدوه هاي انتي متتحملين طريق"

ريحانه" اي اتعب بسرعه"

تكتم" هبوط ديصير عدج حبيبتي عالجي تره خطر

الهبوط اذا صفر لا سامح الله يترحين بيها كم وحده سمعت ماتن بلهبوط "

ريحانه" بس من اتعب يصير عدي " سكتت مااعرف اجذب بس اريد اخلص روحي صرت زينه رجعنه

للبيت

بيت جدو من كراج الحله رجعو للنجف

يومين وداومت نزلت من الخط واماني وياي موته روحها على الامتحان عيونها مطفيه هاي منايمه شون تكمل

وصلت للقسم اخذت محاضرتين على ساعه ساعه نزلت للنادي اكلت وطلعت للحديقه كدامي ساعه ونص ريست وياي كتاب عجائب الملكوت كلش حلوه ستوه بابا اشترا من مكتبه بلنجف كلي اقري مفيد

ومسلي بنفس الوقت

ضليت اكلب بلفهرس اختاريت عنوان جزيرة الواقواق  مندمجه اقره موقته المنبه لايفوتني

الوقت

ساعه اني اقره بي من موضوع لموضوع محاسه

بنفسي حبيته عيوني غوشن من التركيز رفعت

راسي اخذت نفس هذا ماعده شغل وعمل وجوده

يخوف

رجعت فتحت الكتاب الهي روحي بين ميروح

مشه بتجاهي عزه هذا فدلا يجيني

وكف مقابيلي جمدت الخوف متغلب عليه دااريد

اشرد وين انطي وجهي هسه

تميم " السلام عليكم"

رديت بتلعثم" وعليكم "

تميم " تسمحيلي شويه اخذ من وقتج "

كلبي اجه يوكف من الخوف مااعرف على شنو

رديت بسرعه" لا لا لا عدي محاضره مستعجله"

تميم " بعد نص ساعه على محاضرت"

ؤفعت راسي فاكه عيوني عكدت حواجبي" شمدريك"

كعد بدون مااسمحله واني اطكطك واباوع داير مدايري

داير وجها ميباوعلي مغير لبسه تشيرت اسود بنطرون كابوي وحذاء مثل البسطال جوزي الجو

بي بروده بعده الصيف مجاي وهوه بطرك البدي

تميم " ريحانه اسمج مو" يحجيها بهدوء

نصيت اريد بس اكوم" اي عفيه شتريد"

تميم"  اقدر خوفج وارتباك انطيني بس دقايق الكول العدي واتوكل بعد مشوفيني ولا ازعج حضرتج"

" كول"

تميم "متعرفين عني شي ولا عدج معلومات مسبقه يابه اني اسمي تميم واني من الجوراني عدي اربع اخوان بلمستقبل ان شاء اللة تعرفيهم اني الوسطاني تكدرين دكولين الوالد والوالده عايشين بفضل الله

"

سكت دنك عيونه للكاع يباوع ليكدام "احب البنيه الرزنه شكد يشوفوني هتلي وضحوكجي والضحكه لو طير اجيبها ومااخلي المقابل ضايج لو بعز حزنه

اكول هي فانيه شناخذ منها

لا رايد جمال ولا رايد مواصفات ماجان كل هذا بالي ولا فديوم مفكر اطيح على وجهي وكلبي ينعمي كل همي اطلع اشتغل احب الشغل احب اجيبها بتعبي ذبيت روحي من صغري والحمدالله ماشيه

مااريد اطول عليج وانتي ترجفين المهم  اني جاي شراي النسبكم شايفه محلي يابت الناس مااقصر عليج ولا اخليج بعازت احد

صح هسه دكولين شاف مني وشعرف عني واني اكلج ميحتاج اعرف الاعرفه كفبل يخليني اجي

واشرف بيكم كل الاريد تخليني كدام عينج بس

انطيني اشاره وتلكين امي زايرتكم

جيتي لهنا علمود اثبت حسن نيتي واخذيها حجاية

رجال لا شوفيني فديوم اصدلج ولا تتكرر هاي الكعده اله  واني عاقد عليج وبلحلال "

التفت نص التفاته ياوعلي بنضره كسرت كل الشكوك

احس شعور صار بين كلبي وبين معدتي من غيره

دكاته التخربطت

خجلت اباوعله اكثر

طلع جهازه " انطين رقم والدج "

فكيت عيوني بدون مباوع ابتسم " لتخافين"

هزيت راسي لا كال" هاي هيه "

همست كوه طلعت" ليش تغني  "

رد" متعود ادندن وين نولي نكضيها غنه"

ريحانه" حرام مضل بيك بركه استغله بلحسينيات جود  قرأن"

تميم" اخذيني واعدليني على ايدج"

رفعت نضري  شفته ميل راسه مبتسم شكد ميمثل الجديه ميصبر  نصيت

تميم " اريد من الله واهل البيت يرزقني الهدايه بيديج مو انتي بت رسول الله وامج الزهرا دعيتها

واول مره اريد شي واطلبه بصرار "

" لا يغيرالله ما بقوم حتى يغيروا مابأنفسهم "

ابتسم " مو اكول هدايتي على ايديج "

وكف طلع من جيبه ورقه مثل الكارت ضحك" مالكيت غير هذا كارت شركه خلفه رقمي

رديلي الجواب منه ولا تخافين كلشي يطلع

منج حلو "

خلا على المسطبه وراح اباوعله حلو واحس براحه وياا ماشنجت بوجوده اخذته ضميته بلجزدان

رجعت للقسم اخذت محاضره وحده وطلعنه

ارغد

طاعت عليه شلتها شافني سايق تكسي اجه " هااا عمي اصعد اصعد"

صعدته اليوره واني استغفر والله كل نضره مانضرتلها بلحرام ولا نفسي دنت الها سديت الباي وصدت اليكدام

الرجال سأل"اختك خطيه شجرالها "

"لا والله زميلتي وتخربطت من طلعت لحكت عليها كالت بس اجرلي سياره واني ارجع وهاي هسه تخربطت"

الرجال "لا حول الله بنات هلزمن مايتحملن بزر دلال"

مارديت كل شويه التفت عليها تون صاحيه وصلنه انطيته كروته ونزلت جبت عربانه صعدتها بيه دفعته

اجت ممرضه استلمتها وتسألني واني اكلها مااعرف وحدها داخت وكعت

قاسو ضغطها طلع ٣علكولها مغذي مدده على السرير

هسه اهلها شكللهم طلعت تلغونها من الجنطه

مابي رمز رحت على الارقام طلع مشميه ابوها داد بلنكليزي عود بابا وامها مامي كلت بكلبي اوييي مامي ام عيون البزون شكد تحبن تتفيكن حتى بلاسماء بيها البويا مال معدلين مو بابا

دكيت شاله " ها بابا رغوده"

حمحمت " السلام عليكم عمي "

" وعليكم السلام منو وياي"

ارغد" اني زميل رغد بلطريق تخربطت وطلعت ترجع للبيت واني صدفه هم طالع واغمى عليها "

انهبط الرجال خرب عود اكحلها" لا عمي مابيها شي مجرد انخفاض بلضغط  علكولها مغذي ساعه وتكعد ماريها شي "

" ابني انتو يامشفى "

ارغد" ....... الحكومي"

" مشكور يابه بس بابا ماعدك شي "

"لا حجي كول"

"اني مسافر والدتها مريضه هسه ادزلها السايق ضل يمها بين متوعه "

ارغد" تدلل ان شاء اللة مابيها شي "

ختمته ويااا استغربت معادها احد يجسها البجيبي خلصن عليها مغذي وقياس ضغط وابره

طبيت للردها الستار مسدود سمعت كحته

ارغد" هاا شلون صرتي"

رغد" زينه فوت "

فتت باوعتله تعدل بحجابها كاعده كوه تحجي " تعبتك وياي "

ارغد " اشثكلج اكول الاكل وين يؤوح للعضام مو لحم "

ضحكت" مشكور ارغد مااعرف شلون احجي"

ارغد" يابه لا تحجين بس كوني سالمه "

رغد" غيرك مايسويها"

ارغد" لا يسووها وهمه الممنونين وين يحصلون بزونه بعيون خضر"

خجلت " دتخجلني بأخلاقك"

ارغد" اهوووو باعي اني اضوج من هاي الرسميات يله كومي اوصلج الرجال جوه ينتضر وراي شغل"

رغد "يااا عزه عطلتك على شغلك"

ارغد " بعد وكت ششوفين نفسج زينه لو تعبانه"

رغد" لا مابيه شي المغذي خلص "

نزلت من السرير رفعت تنورتها من جهت رجلها بينت

رجلها صافيه رفعت نضؤها درت وجهي شكد ملطلط

دير وجهك احاجي روحي

طلعت كدامها بره الردها تانيتها طلعت شويه احسن رغم مبين عليها التعب بس احسن من اول ماجبتها وجها صار كركم

نزلنه وصلتها للسايق الرجال مبين على وجها الخوف سألها وهي دكله مابيه شي عمو اشكر مني راد يحاسبني على العلاج ماقبلت لح كلتله زميلتي يابه

يوميه مخسرها ومخسرتني مابينه هيج اشياء

رجع اشكر مني عرض يوصلني كتله طريقي غير طريقكم لا والله نفس الطريق بس اني عزت نفسي

ماتنطيني

رجعت للشقه الفلوس البجيبي خلصن حتى كروه عبريه للشغل ماعدي اخذت من الولد طلعت للشغل

يومين مابينت يجوز يعدها تعبانه ابوها نفس اليوم بليل رجع دك وشكر مني يابه ليكول مسويلها عمليه كبرى اضوج يحسسوني مسويلهم فضل

هاي غيرتنه لو احد غير وابن ناس مايقصر واكثر مني

ثالث يوم داومت بوجه تعبان هاي شبيها

ماصحتلي فرصه احاجيها ثاني محاضر وطفرت للشقه  ضليت على هذا الوضع سبوعين ممحاجيها

وهي كضتها يوم داوم يومين تغيب صديقتها الوياها

ماعدي ميانه بيها ولا معرفها ولا اسألها ودكول شعدك وياها وتخلي بيها اني سكتت

فجئه اختفت كامت مداوم سبوعين ثلاثه شهر البنيه

فص ملح وذاب صدفه سمعت امها متوفيه

نعصر كلبي شكد انقهرت عليها الله يساعدها رحت اصاحبتها كالت صارلها سبوعين من توفت هي مريضه بمرض العضال مواته من زمان

شكد انقهرت الله يعين كلبها مبينه هواي متعلقه بامها من جنت اشوفها تحجي بيها

ردت اخذ رقمها منها تراجعت شلي بهل لغوه على ابو اخذ رقمها مني وذني البنات النفاق بينهن بفلس

شهر هي ماكو صار موعد نزلتي الاساتذه يعرفون بيه محافظات كل شهر انزل نزله وحده ينطوني اجازه

جنت مشتاق لمي من اذكر رغد كلبي ينعصر امي بخير وسلامه واشوفها بحيلها وعايشه بين اخواني

ومن اشتاقلها عيوني دمع بينما امها ومريضه مرت

مميت العياذ بالله الله يعينها ويرحم امها

سيف الدين

ايامي مر بمر  عشت طول ذيج الفتره مدوهن بروحي وبزماني ماراضي ينصفني مكتوبلي الشكه والتعب

اعاين على الضباط الوياي كلمن تلفونات ومخبارت للصبح وين يكضي وكته وهاي القنوات الاغاني موجوده والارقام تجيهم جاهزه مجهزه

اذكر مره ولد كاض قناة الشباب وخال دفتر يمه ماخله رقم ماسجله  مطلقات وبنات بيوت خرب يومه شكد صحت يمعود بنات العالم شلك بدوخت

الراس

"اني كايللهم نشرن ارقامجن هنه ..... يردن واحد يخابر ويسون علاقات "

هزيت راسي كال" انت سيد  اني رجال عامي مسربت ومكطع جحوف الدنيا على ايدي "

هزيت ايدي " موبعدين تطلع حريمه بنتك بمرتك بخواتك"

" سيد فكنه من نصايحك اني شارد من ابوي والمهاجري ومحاضراته هنا اتنفس لا صيرلي

معمم اتلف يم اكرب مقام واشبع "

سكتت كلهم عبالهم سيد ميعرفون بقصتي لليوم محاجيلها لحد

كملت دوامي نزلت وانه مستمر مخابرات بزياد وفرات كالو راح الشيخ والشيخ مناتس لعمامها

يفضون النهوه على ابو البت رجعت رفضتكم ماتريد

وصايره طلابه والشيخ زعل منهم وكلهم دامكم متاخذون حجايت الاكبر منكم لاني اعرفكم ولا تجون دكون بابي

سكتت بالعها اشوف تاليتها وياهم وين تفض كضيتها بلكهوه رحت الارغد مريت بلسلف مشتاقله رحت المكان الساكيه وكعدتنه وبيت حميد

اول مره تنزل دمعتي بعد موته وهاي انه بمكانك يخوي السنين تركض ركض ودعت وراها ودعت

مكانك وكعدتنه بيه والبستان جان حلمك تاخذ

مثله وزرعه

ارغد بجه واني بس دموعي تنزل بدون صوت احس روحي مقبوضه مثل كبل موته من اجاني طيفه بلحلم ودعني

ثاني يوم رديت للبيت الشيخ تلكاني من الباب

"شني يابويا تكضي اجازتك يم صحبانك مانشوفك"

يسته براسه "  عزموني وارغد صارلي مده ماشايفه هوه لاهي بدوامه وانه اجازاتي كصيره "

طبيت لمي الحجيه بست ايدها حضنتني شم بيها مثل زياد من ينزل هيج سوي " اخخخ يوليدي كلبي مايرتاح غير من تردون "

" الله يحفظج النه "

امي الحجيه " تاخرت يمه"

" ماتاخرت يومين من نزلت كالو رايحه زياره بطيتي"

امي الحجيه " اي يمه سوينها دوره من اكربله للنجف نوب ردينه لسامره شون زياره تخبل شبعنه كعده ونمنه ورتاحينه "

سيف"يمه الطريق خطر  شوداج"

امي الحجيه "ربك الحافظ شعلينه يمه هي كلمن يموت بيومه زرنه ورجعنه "

الحجي "هاي امك ماتخذ منها لا حق ولا باطل اهمشي عدها زور "

امي "حجي جنهن ضاراتك وتريد تزوعهن عليه ضامهن بكلبك وانه اكول الحجي مايفوتها"

الشيخ"شنهي خايف منج لو ردت احجي كوم بويا كعدت النسوان تكدر الخاطر ومامنها فايده بس

المغثه "

ضحكت " يمه ليش هيج ويه ابوي الرجال عايفج براحتج شبيج ويااا اول نوبه هيج تتعاركون كدامي

خطيه شوفي مايخلي بخاطرج"

الحجيه "وانه شكتله هوه ابوك عيار مايتحمل حجايه مني لان رحت زياره هوه كبلها من دره كلبت خلقته عليه ومايحاجيني"

سيف" حكه مو كبل شهر وداج زرتي النجف وبغداد

ونوبه كبلها زورج مقامات كربله وهاي انتو وحدكم "

الحجيه" وشنهي واذا زرت هوه العمر كاضي انه شاخذ وياي زعل ابوك لو بركت هلأمه يحضروني

بكبري عمري كضه الحك على زياره على حسنه"

سيف" يمه انتي ماتنطين مجال والله انتي التعيلين وفوكاها ماراضيه "

الحجيه "كوم اىطرتاح عوفنه انه وابوك نصافه وحدنه "

طبيت ارتاح

يوم والشيخ جمعنه انه  وزياد وفرات والبنات كلنه فرد لمه كال "انه هنا ضلتي مو بصالحي الذبح صاير بلشوراع البلد سايب زياد وسيف مكانهم خطر "

زياد "يابه صلاح الدين انسب مكان امنه حالين مابيها حرب وهم انه راح انقل شغلي هناك عايلي وانقلك وياي "

فرات مأيدهم الحجيه والبنات ساكتات طبعهم محد تناقش بهيج امور الضاهر لمنه ينطينه خبر هوه وزياد حاسمين الامر ماناقشت

انكتب عليه التهجير من مكان المكان بعد يادنيا وين تذبيني

عفتهم يتناقشون ماضل على التحاقي ثلث ايام خابرت صديق مقدام  يومين انه ابحث بلنفوس

الولد ماقصر ماخله سجل مادور بي من غير الحاسبه هواي دوره انطيته اسماء خوالي وخالاتي محد بيهم

راجع

رجعت تعبان ثاني يوم التحاقي نمت فزيت على دكت جهاز رفعته رقم ابو رائد ابو الما

استغربت كعدت "الو ها عمي "

صوت الما " سيف ابوس ايدك عوفني اني مو نصيبك "

سيف"خير الما شبيج"

الما "عوفني سيف الجمعه خطبتي واني قابله محد جبرني "

عكدت حواجبي "منو ضغط عليج ابوج"

الما"لا والله محد عمامي يردوني مايعوفني وابن عمي يحبني مراح يأذيني"

صحت " واني واني شنو شنو موقعي "

"فدوه لصيح مابينه نصيب والله يقسملك احسن مني "

سيف" احلفج بعافيتج وراس امج مقتنعه "

الما"لو مامقتنعه مااخابرك سيف بعد لدز الشيخ كافي ابويا يوميه ضاربني من وراك مااتحمل شي موذنبي انه وانت مو اول ثنين ينجبرون "بجت صوت شهجته لذني واصله

سكتت افرك بوجهي حيل احسه دخن "هاي هيه الله يوفقج "

سديته وشمرته فلشته تعلمت اكتم غضبي بكلبي

سحبت باكيتي اسحن بهل جكاير باكيت طيرته

مددت روحي تحترك ويه جمرتها ساعه وره ساعه اني افتر لو اكعد على السرير شعلت التلفزيون وكمت طفيته

كذف الجو وانه على كعده وحده لو مامطفي ماانام عيوني حركني من النعاس حطيت راسي غفيت اول مره احلم انه بستانه البستان كله اخضر من الحشيش

تمشيت لمكان والكه ورده حمره بس هي وسط هلبستان شلتها بيدي بلحضه الورده ذبلت وارواقها

اساقطن وركه وركه الم بيهن واركبهن على الورده

مايريجعن بسرعه يبسن  انطحن بيديها شمرتهن

بلهوه

كعدت على صوت فرات لابس مبدل

فرات " تمشي وياي للمحل " فركت عيوني فاتح تك وحده

سيف" ليش شبي "

فرات" اصفي واريد اعرضه "

سيف" شوف زياد "درت انام

فرات "كوم يابه الساعه عبرت الثنعش"

سيف"اوووو  فرات لا تلح فدوه اروحلك منايم البارحه خليني انام "

فرات " ولك عود انت اخويا اكلفمن "

سيف"راح يدك اليتيمه  العصر بعدها الشمس تسمط"

ضل واكف فوك راسي شكد لح لحد مااشلعني كوه تريكت وصليت سبحت  وطلعت ويااا

الافندي طلع عارضه مااعرف المن سحلني وجابني كاعد مكابله وهوه يلم بغراضه وبلاوراق هزيت ايدي

طلعت من المحل وكفت بلباب ساعه كامله

هيج مكابله عاد صحت "انه راجع "

فرات"تعال وين مولي شستفاديت منك"

سيف" حير بروحك تضحك عليه جايبني صبوره سطل كلشي ماعدك اودعناكم حبيبي الغالي "

عفته يصيح ماارديت عليه رجعت اجرت تكسي  وصلت للبستان واشوف سيارات طابكه بحديقتنه

اعاين للديوان مايمه ازلام توجهت للبت فارغ اسمع

صوت هلاهل  يجي من بيتهم

.........يتبع

لتنسون متابعة الحساب والتصوويت