تحميل رواية «بعد منتصف الليل» PDF

مساء المسك  جزء صغير لعيونكم

الفصل الثالث ..الجزء الـ. (4)

#حرير.... #دحام...#بعد_منتصف_الليل

#بـقلمي .. #نـشوى #السلـطان

🌷

فهد.. هذا دحام.. الوووو

دحام.. الووو منوو

فهد.. اني فهد خويه..

دحام.. وخرت التلفون من اذني عبالي متوهم بالاسم انتبهت لا هذا رقم حرير.. اكوول شنو حرير وينها ليش التلفون يمك........؟؟؟؟؟؟؟؟

فهد.. احنا يم الشيخ خويه وين انت بعدك بغداد

دحام... دقيقه ياشيييييخ هذا .. شنو القصه ..

فهد،.، شمدريني خابروني كالو تعال ودينا للشيخ هاك هاي خالتي تحاجيك وتفهمك

ام دحام.. الووو دحام

فهد.. لا خاله فري التلفون بالعكس😄ً

ام دحام.. اي شمدريني ،. هو هذا هم تلفون عبالك شيطان .. الو دحام الوو تسمعني

دحام... اسسسسسسسسمعج يمعودة وين انتو شنو سالفة الشيخ

ام دحام.. ياب جبت حرمتك عالشيخ يقرالها

دحام.. شنوو وهي شطلعها وياشيخ هذا شو محد كلي وليشششش تروحون  ومنو كلهااااااااا تطلع..

ام دحام.. يايابه غير انريدلك جاهل ..

دحام.،. انعل ابو الجااااااهل... روحي يمه جدامي سيطره خل اصل البيت والله كريم...

حرير... يقرالي وينفخ بوحهي وكل شوي يبخ عليه ماي بيده  اهجس جسمي ثلج من الخوف.. النوب عمتي طلعت

بره وعافتني اويلي بس لا هذا دحام شراح يسوي اني شجابني امدااااااني بقيت كاعده واتلفت والخوف مسيطر

عليه شوكت يكمل،.. شفت عمتي جت تمشي يارب يطلع مو دحام دحكت عليها اشرت الها بيدي ماكدر احجي

ام دحام.. ماكو شي شبيج خل يقرالج هسه ...

د حام... سديت الخط واني افور نارر وتطلع مني يعني جم ساعه غبت عنها تطلع بدون علمي معقوله هيح سوت.

وماخذات فهد وياهن.. دست للسياره.. سريع وصلت الديره،، غير لو بس اندل السيد وين صاير... طبيت للفرع

بعدهم مو جايين سياره فهد ماكو.. نزلت طبيت للبيت

سحر.. جنت كاعده اتفرج تلفزيون وسمعت صوت سيارة

كمت الحيلي عبالي امي رجعت .. انصدمت هذا دحام

العب هلا هلا اليوم اين المفو ياست حرير.. خل اتلكاه

ابشرة😜

دحام... فتحت الباب وطبيت تلكتني سحر..

سحر.. هلا خويه الحمدلله على سلامتك

دحام.. وينهمممم رجعو لو لا..

سحر.. مممم الظاهر عنده علم طالعه.. كتله لا خويه بعدهم يم هذا السحار الكلاوجي..

دحام.. سحار لو شيخ.....؟؟

سحر.. يمعود ياشيخ هذا واحد جذاب وياما سوه سوالف موزينه ويا بنات الناس.. بس غير امي الله يسلمها هي وحرير شيعاندهن.. النوب فهد وياهن خليني ساكته

دحام.. داشرب بالماي.. من كالت هيج ذبيت الكلاص عالسنك.. صديت عليه.. شنوو شييج شنو خليني ساكتهً

سحر.. لا ماكو شي

دحام..  كضبتها من ايدها حيل احجيييييي شنو السالفة لا اتلفين ودورين سولفي عالسريع..،

سحر.. راح احجيلكم لان الصدك انقهرت عليك

دحام.، نحجين لوووو الزكج بالحايط..

سحر.. اي هسه احجي والله.. شوف خوية قبل جم يوم

طلعت الفجر لكيت حرير واكفه ويا فهد اباب الطرمة

دحام... سددددددي حلكج ضربتها راشدي

سحر.. والله مااجذب عليك ليش تضربني روح اساله اذا

اني اجذب.. طلعت الفجر ولكيتهم بضحكون انقهرت الناس اذا شافوها شيكولون علينا

دحام.. دفعتها وخري ادبسزز اياااااج اتجيبين طاري حرير بكلمه موزينه لا تره ابتلي بيج والله افتهمتي ولي

سحر... اي الايام تثبالك بعد اني ماعليه

دحام.. صعدت فوك عالغرفه اريد اغير ملابسي .. واني كلشي بيه يطلع نار.. خل تجي اليوم اني اعلمها ..

حرير.. ماصدكت كمل الشيخ.. كمت عالسريع.. طلعت اركض عالسيارة وعفت عمتي تحجي ويا السيد

فهد.. ها خيتي كملتي..

حرير.. اس خل نمشي عفيه

فهد.. خل تجي خالتي.. دحام خابر يدور عليج وكتله بعدهم جوه..

حرير.. صددددك يعني انت حاجيته لو عمتي

فهد لا اني لان خالتي ماتعرف تجاوب ههه

حرير.. وعرف احنا يم الشيخ

فهد اي طبعا عرف...

حرير.. من كال عرف دحام وحاجه انتهييييت هاي نهايتج

حرير اليوم شراح يسوي بيه امددددك حضي شجابني شورطني..

فهد.. اي هيان جت خالتي... نمشي..

ام دحام.. شنون شيخ خطيه الله يرضه عليه

حرير.. امشي خويه خل نرجع..

دحام.. بقيت كاعد بالغرفه اطفي جكاره واشعل جكاره نار وشبت بضلوعي... اريدهم بس يصلون

حرير.. طلعنا من يم السيد المكان يخوف بعيد والبيت كلها

هياكل مدري شلونها بقيت اتلفت واقرا ايات من الخوف

ودحام ماراح من بالي اريد اخابره اخاف بعد ايدي

ماتخاذ على شي كلشي بيه يرجف... وصلنا الفرع شفت

سيارة دحام طابكة .. االدنيه مغرب ومطر خفيف الشوارع فايضه ماي.. اووويلي يمة دحام هين شراح اكله

دحام... سمعت صوت السياره كمت الحيلي دحكت من فوك عالشارع شفت الايت مالت السياره وكفو طبك يم الباب... بقيت واكف بمكاني مانزلت..

حرير.. نزلنا هين خويه..

ام دحام دخل يفوت السياره جوه شبيج

حرير .. ماحاجة خاله فتحت الباب...

فهد .. دقيقه الشارع كله ماي طين وين رايحة.. فتحت الباب ونزلت..

ام دحام.. اوووف حرير نزلتنا هين بالطيان..

فهد.. لفت عليها.. يمعوده لا تكعين..

حرير.. مارديت عليهم عيني عالبيت .. طبكت باب السياره

اريد اعبر من الماي.. كمزت حيل.. ردت اكع..

فهد.. هووووب يمعوده.. كضبتها من ايده.. عبرتها من الماي..

حرير...يمة ردت اكع رحم الله والديك..

دحام.. ادحك عليهم من فوك شفته لاف ونزل عليه كضبها من ايدها وسحبها عليه.. هين الدنيا فتررررت عندي فر

صرت اتذكر حجي سحر ومن حلفت وكالت الفجر واكف وياهه لا مستحيييييل حرير اصيله ماتسويها.. بس ليش

استغلت غيابي وراحت ويا فهددد شنو السااااالفه نزلت اركض صحت..وييييييييينج...

حرير.. طبيت اركض كلي ماي وطين فتحت الباب تلكتني سحر فاتحة الثلاجة مدري شتسوي سمعت صوووت دحام

عاااط حيل وينج... اهجس اطرافي ثلجت انتهيييت

دحام.. طبيت عالمطبخ شفتها واكفه بالباب

حرير.. دحااام شنو رجعت...

دحام.. شطلعج...

حرير.. دقيقه والله اني....

دحام.. شلطططططططططلعج منو كلج اطلعي

حرير..، شبيييك تصيح دقيقه افهمك

ام دحام.. شبيك ليش اتصيح ماعليه اني اخذتها

دحام.. ياهووو الكلج اطلعي هااا تعاي امشي

حرير.. عمة حاجي انتي... وكفت وراهه

دحام... امشششششي كتلج عوفي عمه تعاي

سحر.. روحي شبييج قابل راح ياخذ روحج..

ام دحام .. عزة عالمااااتلك شجاك تخبلت قابل شمسويه هيه غير علمود نريدلك جاهل

دحام... انعل ابو الجاهل سدي السالفه يممةةة  انتي الحكيني فوووك مشيت صعدت عالدرج

حرير.. عمة شنووون عفيه

دحام.. انييييي شكتلج...

سحر.. حرير.. اصعدي مانريد فضايح

حرير.. شبيج سحر يافضايح..

سحر... يعني الا تحجيني روحي على دحام

حرير.. شتقصدين... ،؟

دحام. نزلت اركض من سمعت سحر هيج كالت.. طبيت للمطبخ كضبتها وخليت كل قهري بيها

ام دحام.. عوووفهاااا شبيك رجعنا على طلايبك

سحر... بمكان ماتضربني حاسب مرتك اللي تكف ويا فهد وجه الصبح..

دحام... سددددددي حلگج... وخرررري يمة وخري خل اكص اللسانها

حرير.. شنوووو شنحجين انتي..

سحر... والله ماحذبت عليج بعيني شفتج وياه

حرير.. انتي تخبلنييييييي ليش هالحجي مو حرام عليج

ام دحام... ولج الگصبه ماينلام بيج تعال موتها

سحر.. تكدرين تنكرين هااا مو طلعت وشفتج واكفه وياه

حرير... اي صحيح بس صدفه صارت

دحام.. واكف بالباب وادخن سمعتا اعترفت باللسانها وكالت اي.. صديت عليه... شنوو شنووو

حرير.. والله صدفه شبيك نزلت من فوك اشرب ماي ولكيته يدك بالباب

سحر.. صدددفة هههههههه

حرير... حراااااام عليج احجي حضج وبختج اني طلعت ولكيته يدك بالباب مدري شجان يريد من خالتي

دحام... ولج ليشششششش شطلعج

حرير.. دحام والله على نيتي... نزلت وداعتك ليش محد يصدكني.. كعدت بالكاع وكمت ابجي

سحر.. هسه شكو تبجين شسوينالج عشتو شهالمكر

دحام...ليش طلعتي ويا فهد واني مادري اني شموصيج كبل ها احجيييييي شموصيج ليش كلمتي مو مسموعه

ام دحام... والله اني خذتها ماعليه

دحام... مو انتي لو ابوها يجي هين ماتطلع شنون طلعتي

حرير.. يحجون فوك راسي واني اهجس البيت كله يفتر بيه مارديت عليهم كمت ودموعي تصب مقهوره شلون

تهمتني  وكلبي انتهى من شفت دحام مصدكها ويصيح عليه .. كوه لزمت الدرج وصعدت... ادحك على هدومي مله

طين طبيت للغرفه كعدت بالكاع يم الكنتور.. بقيت صافنه ودموعي دتصب اييي ادري والله ادري الفرح مايدوملي

شوكت ارتاحيت وكملت فرحتي لازم يطلعلي شي ...

ام دحام.. كافي صياح الليسمعك شيكول عيب سد السالفه ماتسوه..

دحام. عفت امي تسولف صعدت اركض عليه فتحت البال

لكيته بالكاع كاعده...

حرير.. رفعت راسي لكيته جدامي صار وعيونه تجدح نار

كمت الحيلي.. وكفت بسد الكنتور...

ام دحام.. ولج حيةةةة انتي ومليانه سم ماكدرتي الا تلدغين شمسويلتج البنيه وهيج سويتلج ولج شهالحقارة

العندج البنيه مامأذيتج ليش هيح سويتي شنون الج عين

بعد ودتباوعين بوجهه... ولج ماقاهرني شي غير احمد

راح تكسي للولد وبعد مايطهرررر

سحر.... ااااااي كافي اني ماجبت الحجي من جيبي

اني طلعت ولكيتها ويا والضحك لوين تريدين اسكت

واشوف مرت اخويه مامعتبره الاخويه اعتبار واكفه ويا الزلم شبي دحام ها لو لان يحبها راحت تباوع على غيره

حرااامات راحت شمه وجت هاي شمة تسوه راسها

اذا كدرت اكمل واذا ماكدرت سامحوني عالتأخير

ربي يحفظكم اللي

#الاخيرررر اعذروني اختصرتها

#حرير.... #دحام...#بعد_منتصف_الليل

#بـقلمي .. #نـشوى #السلـطان

سحر.... ااااااي كافي اني ماجبت الحجي من جيبي

اني طلعت ولكيتها ويا والضحك لوين تريدين

اسكت

واشوف مرت اخويه

الاخويه اعتبار واكفه ويا الزلم شبي دحام ها لو لان يحبها راحت تباوع على غيره

حرااامات راحت شمه وجت هاي شمة تسوه راسها

ام دحام.. هاي هي يوم اللي وكفت ويا ولج انتي شنو من بشرررر ولج لو ميتة ولا مخلفتج.. مليانه حقد الله لا ينطيج تخربين بين اثنين ولج ليشش  وراج زواج ماخفتي من الله

حرير.. دخلت وسد الباب وراه اني ماحجيت شي بقيت ساكته ومدنجة راسي بس بداخلي ميته قهر حسيتة مصدك بكل الحجي اوف حضي اوف

دحام... طبيت وارتجيت عالميز وهي ادحگ عليه واكفه غادي مني ونضراته اللي ماتتفسررر .. يول شبيج عليش واكفه هناك شببج   ...

حرير.، ارتاح خاف عبالك راح ابقى هين لا رايحة الاهلي ومارجع بعد

دحام.. تعاي احاجيج.. وين تروحين وين..؟

حرير.. الاهلي مستحيل بعد ابقى هين وانت تصدك اقل حجايه ليش نسيت حجي اختك عليه قبل مو تهمتنا سوه

مو جان مابينه شي وخلت شمه تفضحنا بالبيوت اختك الغيره والحقد بگلبها لما تموت .. رغم اني ماعندي شي

وياهه ،. صحيح غلطت وماكتلك راح اطلع بس ليش تصدك علية كلام اني بعيده عنه دحام انت اذا ماتثق بيه ليش تزوجتني ها احجي ليش... اذا اقل حجايه وصدكت

دحام.. ومنو كلج صدكت اششش هالحجايه لا تعيديها النوب جداامي كاااااافي

حرير.. اتركم مني زين فهد حباب وشريف شنون هيج ضنيتو بي بسرعه ها.. تره موجود فهد اكدر ادز عليه

واسمع الحقيقه بأذنك والله بيومها نسيت شراد من عمتي مادكذررر بس اختك الحيه طلعت عليه واني عفتهم

وصعدت المهم ماريد اطول بالكلام اني من اليوم هين ماابقى بعد خلي سحر تفيدك اني كتلك گبل تألمت جثير بحياتي مامستعده اكمل باقي عمري بالقهر ،.

دحام... كاااافي انتي شتحجين وين تروحين اسكتي لحد يدز على فهد ولا غيره اللي يدز اكص. اللسانو

حرير،.. دحاااام .. ماعليك بيه عوفني طلكني 

مدام موواثق مني هيج راح نتعب اتركنيييي الله يخليك

دحام.. ول انتي وتالي وياج لا تعيدين سالفه مو واثق مني لو اني شاك بيج واحد بالميه هسه اعدمج هين وانتي عدله

سدي السالفه وماريد اسمعها .. وغيري ملابسج راح اتمرضين...  امشي جدامي بدلي

حرير.. بلكت مووووت اللي يموتني وااخلص مشيت بعصبيه سحبت الشال من راسي ذبيته .. فتحت الكنتور

طلعت ملابس.. امشي وادردم ويه نفسي حرت شسولفت وهو بس ساكت يدحك عليه شحجي وماحجة شي

دحام .. بقيت نفس مكاني واكف كاضب الجكاره وادحگ عليه تحجي وتصيح -وتشومل ( تأشر) بيدها  مخبوصه

واني بداخلي ميت ضحك عليه وعلى خبالها وعصبيته ،.

حتى واني عصبي ماكدر اضوج منها بقيت صافن عليه

حرير.. ذبيت الملابس اللي بيها طين ومطر طلعت دشداشه اريد اللبس.. صديت عليه .. شبيك شو واكف وادحك عليه

دحام.. شنو تريدين اغمض عيني مرتي حلالي بكيفي

حرير.. مو مرتك ولا حلالك.. ماريدك بعدددد عوفني

دحام.. تعوفينييييي يولي..

حرير... اي اعوووووفك واروح الاهلي ماريدك

دحام.. حبيت اغضيها بكلامي .... كتله .. براحتج عادي يله تحضري اوصلج.. اني ماراح يتغير شي عندي تروحين

انتي تجي شمة تروح شمة تجين انتي ...تحضري تحضري .. مدلل يدحام

حرير... هاااااا هيج صار الحجي... طلگني بسرعه طلعت مخليني اسبيررر... حظرتك

دحام... شسويلج انتي تريدين تعوفيني

حرير.. شفته يحاجيني برود ديحاول يستفزني.. كتله اي اعوفك واتزوج غيرك جثير يتمنوني

دحام.. منو هذا اللي يتمناج  عيني

حرير.. محد بس خل اشوف فهد موكالو يدور مره

دحام... يولي مو اكوم اكصصصص اللسانج اذا عدتي هالحجايه سدي حلكج لا تصيرين جاهله

حرير..، اوووف... منكم

دحام... يولي اعرفي شنون تححين لا تعيدين هالحجايه مره اخرى اذا عدتيهاااا ... تقربت عليه خطوتين

حرير... اي وستسويلي.... هااا

دحام... اشبعج بوووس..

حرير... وخررر ماحبك روح عوفني

دحام... جذاااابة تموتين على دحام

حرير... وهسه شتريددد ها...؟

دحام.. اريدج غيررر

حرير.... ماااااا ابد روح ماريدك كرهتك

دحام.. يولي كافي اني صيحت وحجيت تره بسببج

انتي خليتني اطلع من طوري اولا طلعتي مادري بيج ثانيا ياشيخ هذا .. تححين صدك ذوله دجاله يضحكون عليكم

حرير.. اني شعليه امك اخذتني

دحام.. ماعلينا امج امي المهم احنا ولد اليوم سدي السالفه وخل الزعل يولي...

حرير.. بس تره اني ماحبك...

دحام... تقربت كضبتها من خصرها... ماتحبيني؟

حرير... ايي

دحام... احلفي...

حرير.. مااحلف عوفني... ً

دحام.. ههههه لا تفريها يولي اني دحام.. تعاي وكافي دلع

حرير... لا والله . واثق عود من يحجيها

دحام... حبيبي..

حرير... عوفني ماكدر اعيش هين اختك تعبتني

دحام.. عبالج راح اعديها هالمره الها .. لا وعيونج حسابها عندي .. عوفيها عليه

حرير،. ماريد لا حساب ولا كتاب الخاطر الله

دحام.. اكول شو انتي ام الراهي...

حرير...دحكت عليه صفح وصديت... وخرر

دحام... ويييييين يولي...

حرير.. اروح الاهلي ماريدك

دحام.. ههههه عيونج هذن يكولن كلشي بيج يريدني

حرير... دحااااااام

دحام.. بهمس..... يعمر دحام انتي.. وين تريدين تروحين وتعوفيني گلبي يموت وراج

حرير... اسم الله

دحام... تخافين عليه

حرير.. لا بس ماحب سيرة الموت

دحام..، هههههه ملعونه منو يكدرلج

حرير... هسه شلون راح نبقى هيج وخر مو راح افوت بالكنتور

دحام... لا مانبقى هيج ...

حرير... يعني شنوو..

دحام... قفلت الباب... وصديت عليه

حرير... هاااا لا افتحة..

دحام. يولي كل عقلج تريدين تطلعين

حرير... هسه انت شتريد مني...

دحام... كلشي بيه يريدج...

حرير.... اوووف... منك

دحام،،، ههههه تعاي... حضنتهااا حييييل

حرير.. مدام تعبني ليش تقهرني...

دحام.. ولج اني اغار عليج من اهلج وانتي تروحين للشيخ

حرير...حتى لو اروح.. عيوني ماتشوف غيرك والله

دحام... يبعد عيوني هالعيوووون ... احبج يبعد العشيره واهلهااا... صغيرونتي... شلتها... حيييل.. خليته بحضني

حرير... بعد مرور.فتره قصيره اتزوجت سحر.. خلصت منها ومن غيرتها الله بساعد احمد واهله عليه ... 

جنت كاعده داتريك  وحسيت بدوخة ولعبان نفس كمت اركض حاولت اذب من راسي ماكدرت ..

ماجنت اعرف شنو اعراض الحمل.. بقيت كم يوم دايخة نفسي تلعب..

ام دحام.. يولي خاف حبلة... شو انتي مصفره

حرير... لا عمه ياحبله بس اني صار جم يوم تلعب نفسي من العطر اللي يخلي دحام رغم جنت اموت عليه والاكل ماحب ريحته

ام دحام... ياالله والله اعراض حمل .. خل انوديج

حرير.. صدك عمه لا ماتصور 

ام دحام.. امشي انتمشى عالمستشفى

حرير.. خاف دحام مايقبل خل اكتبله رساله

ام دحام راح افوت اللبس تحضري يله

حرير.. دزيت رساله الدحام ماكتله اسوي تحليل حمل كتله اودي عمتي للمستشفى دزلي رساله روحو.. طلعت اني وعمتي.. كل خطوه اخطيها گلبي يدك دكات اللي يكف غادي مني راح يسمعها.. مدري شبيه متوتره.. خايفه افشل اخذو مني تحليل دم .. بقينا كاعدين نص ساعه وطلع التحليل.. صاح الدكتور.. بأسمي

منو حرير... خل تجي..

حرير.. وكفت الحيلي ولشتي كلها ترجف

ام دحام.. اكفي اريد اني اجيبه..

حرير.. طبيت عمتي واني بقيت واكفة اريد اروح ماكدر الخوف مسيطر عليه... واني عيني عالباب سمعت هلهولة عمتي.. مدري شصار بيه .. اريد اكع بالكاع دخت

ام دحام... كلوووووش مبارررررك يايمه والله مو صدكة

حرير.. خاله يعني اني حامل

ام دحام... ايييي حامل.. امشي وين تلفونج خابري دحام

حرير... خاله على كيفج عيب الناس تباوع علينا

ام دحام.. ولج لو ما العيب هين هسه ادبج والله

حرير.. فدوه العينج خاله.. امشي خل نطلع طلعنا موت خالتي اخذت جكليت وطلعنا عالبيت اول ماوصلت خابرت

دحام...

دحام... الووو

حرير.. حبيبي..

دحام.. ها يالعمر

حرير.. اموووووت عليك  احبك احبك احبك

دحام.. ها يولي.. تره اني بالشغل لا تخبليني عليج

حرير.. حبيبي اريد هسه تجي تكدر

دحام.. اي بس غير اعرف ليش

حرير.. تجي لو لا

دحام.. يمه منج ههههه يله شوي واجي..

حرير.. سديت التلفون ونزلت للمطبخ.. لكيت عمتي طالعه يمكن راحت توزع جكليت للمنطقه.. بقيت بالمطبخ اروح واحي اريد بس دحام يصل... الله شعور ماينوصف

دحام.. شغلت وطلعت عالبيت .. واني اسوق شفت امي طبت لبيت محمد.. رحت عاليييت.. فتحت الباب يولووو

اللي هين وينكم حرير.ررر اني جيت

حرير.. فتحت باب المطبخ..  هياني حبيبي تعال

دحام.. بقيت واكف بالباب وفر بالسويج.. يولي ليش خابرتي عليه شتريدين 😉

حرير.. مو اني اللي اريدك

دحام.. عجل منووو

حرير.. اشرت على بطني.. هين طفلك يريدك

دحام.. هههه لا تتخبلين احجي شكو اذا مشتاكتلي كولي هسه اشيلج واصعد فوك.. احجيلي من الاخير

حرير.. هههههه خرب شبيك   اني حامل

دحام،. يولي احجي عاد

حرير.. والله العظيم حامل هسه سويت تحليل

دحام.. من كالت حامل.. مدري شصار بيه خنكتني العبرة .. ركضت عليه.. حرير... حامل انتي والله لا تتشاقين بهيج امو يوووووولي

حرير.. واااااالله  حامل والله

دحام.. الله الف حمد وشكر الك يارب.. يولي راح اصير اب اخ ول ياااااااب اموت عليج.. كمت ابوس بيها من كل مكان احبج يالعمررررررر

حرير.. شفتة شلون الفرحة مرسومه عليه عيونه مخورگة دموع ماتحملت حضنته واثنينه بجينااا..

دحام.،، شلتها حيييل رفعتها طبينا للبيت دحكت بعيونها وهي بيدي يولي هو انتي طفله بيدي معقول راح اصيرين ام ههههه اموت عليج صغيرونتي

حرير.. بعد انتهاء فترة الحمل.. اجانة ولد .. سميناه

سعود.. مقارب الاسم سعد.. الله يرحمة

بعد مرور سنين طويله شفنا الفرررح وشفنا الحزن

مانريد نقهركم ويانه بعد هالسنين اني  اتمرضت

وبعد مايصير عدنا طفل اخر .. حاليا سعود بالمدرسة

نتمتى يصير عنده اخ او اخت .. لكن الحمدلله على كل حال الله قاسم النا هالشكل بعد سنين طويله وتحديدا

سنة 2015 كدرنا نلكة واحد من الارهابيه اللي قتلو

ابو جراح.. والصدمة جانت .. صديقه اللي جان وياه

بالمدرسه من صغرة. اما بقية المجرمين لحد الان ماكو

الهم اي اثر ان شاءالله يجي يوم وينالون جزائهم

شكرا لكل متابع وكل متابعه ،. قصتي طويله ورغم هذا هي مختصره... اسعدتوني بكل حرف

استودعكم الله .. انتظروني بقصة اخرى جديده بعنوان

ثنايا العشق .. عن طالبه والمدرس قصة رائعه

3 قصص بيدي راح نختار وحدة منهم

قصة لبنت من سوريا

وقصة اخرى عن خيانه الصديقه

وثنايا العشق ..

الى القاء .. #نشوى السلطان ...

اهل الواتباد احبكم هوايه وجثير.. يشهد الله القصه لحد الان بالمراتب الاولى🌹🌹🌹

مساء الخير على الجميع... حبيت اوصل الكم هالخبرر

اللي قتل ابو جراح انمسك اليوم... دم المظلوم مايروح هدر

بس اكو شي مادكرته بالقصه لان ختمتها واختصرتها

ابو قاسم توفى ... الله يرحمة ... كانت قصة مؤلمة ..

ونفتحت الجروح من جديد... الله عالظالم 😭

مساء الحب على عيونكم الحلوات

طبعا غبت عنكم اعتذر جثير مارديت عالمسجات ولا عالتعليقات

لكن جنت كلش مريضه اليوم الحمدلله بديت اتحسن

لكن ماكدرت ماانشر الكم .. حرير حللت وحامل

وحبيت ابشركم .. خطية بعد كل هالسنين . ماحجيلكم فرحة

دحام  😍 يااااارب يارب يثبت هالمره ويجيهم نونو اخر

وبخصوص شهم.. ماعندو واتباد لان انسد وماديعرف يرجعه

بس يرجعه راح انطيكم علم .. مسوكة تسلم عليكم 😍

وووووو وبعد احبكم .. يبعد عيون نشوى 😘

اكيد الاغلب نايمين .. وقت نوم لكن اني مدمنة سهر

حبايب قلبي .. قصة بعد منتصف الليل داخلة بمسابقة

كلش جبيرة الي هي مسابقة اسوة.. الي اريده منكم

اعجاب للقصة على الاجزاء الي نازلة والي يكدر

يعلق بسمايل يكون افضل .. واذا ماتكدرون

مومهم حبايب على راحتكم وان شاءالله اكدر

احصل بهذي المسابقة المرتبى الأولى ..

وتكون الرواية العراقية.. تنافس الروايات

العربية 😍 الحمدلله حاليا دخلنا المنافسة

رغم المتابعين الي عندي عددهم غير كافي

لكن الف الحمدلله التوفيق من الله .. صعدت القصه

وان شاءالله ماكون ازعجتكم بطلبي تحياتي ومحبتي لكم

احبكم يبعد عيون نشوى 🌹❤️