تحميل رواية «بعد منتصف الليل» PDF

الجزء الثاني ... من الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

حدهن .. عزة عليج لا تطلعين تعاي احاجيج

حرير.. فتحت الباب.. طلعت اركض...

دحام.. وين رايحة اكفي هيين ...

حرير،.. جبتو وياكم.. هاه.. حاجوني وينه شكال الدكتور،.

محمد.. طبيت اتمشى للطرمة... اريد افهم السالفه...

دحام... فوووتي جوة هسه.. وينجن ليش تخلوهااا تطلع...!

حرير،. انلفت هين وهين ادور بالسيارة . صديت عليه،، عليك الله حاجيني،، ابو جراح وينه

دحام.. ولج وينه.. رااااح.... كعدت بالكاع.. ماكدر بعد اكف الحيلي...

حرير.. ثنيت رجلي وكعت كباله.. عيوني تدمع وهسج واحد خانگني... ليش تبجًون مو  اخذتو لمستشفى،..

فرح... دحاااام خويه الحكنا امي ماتحرك لا ايد ولا رجل...

دحام.. كمت الحيلي.. ياستارر وينهااا

محمد... شبيها الحجية...

حدهن... اخذوها للمستشفى ضغطها مرتفع

دحام... وينها جيبوها.. فتحت الباب.. طبينا

انطووونا مجال.. خل نفوووت... فتحت الباب شلناهه اني ومحمد...

محمد... اصعدي خالتي ويانه،.

حدهن.. انطني عباتي...

فرح... ارووح وياكم...

حدهن.. ارجعي يمة وين رايحة...

حرير... بس سمعتم كالو راح نوديها للمستشفى

فتحت الباب الورة وصعدت...

دحام،،. هاي وين رايحة انزلي المستشفى كل ربعنا هناك،..

حرير.. ماااااانزل لو تذبحوني...

حدهن... امشي يمة المره خل نتلاحكهاا

محمد... راح اجي وراكم بسيارتي ..توكلوو

دحام... شغلت السيارة وطلعنا...

حدهن.. بدت تصحة ياالله.. يمة كعديها ويايه

حرير... رفعناهه وكعدناهه زين عمه تسمعيني

الوالدة،.. اسمعهم بس ماكدر ارد

حدهن.. اووف يمه تووون الله يساعد گلبها

دحام.. فتحت الباب ونزلت... فتحت الباب الورة

محمد.. طبكت السيارة.. صحت على الولد جابو السيدية شلناهه خليناهه بالسديه...

دحام،. على كيفكم,.. انداريت.. هاي وين راحت

حدهن.. حرير،.، اكفي وين رايحة

دحام،. شبيها وين رايحة،.

حدهن،.. حگة يمة.. راحت الابو جراح،..

دحام.. ضربت السيارة بيدي... والله مالومها

كسر ضهري... بس هي وين راح تلكاه ،.. ركضت وراهه...

حرير،. طبيت بالمستشفى،. اركض ..

العالم كلها تباوع عليه... ملابسي دم ايدي بيها دم.. طبيت للاستعلامات.. الكل ملتهي..

لغم.. مفجور.. وجثير جرحة،. والكل ملتهي بيهم

كضبت.. الدكتور.. اريد اسأله عافني ومشة

طبيت للردهه.. شفت اطفال وياهم امهاتهم اووف

هاي ردهه اطفال..

عجل وينه حبيبي وين مخلي... انتبهت ابويه ذاك وياه ابو قاسم كاعد بالكاع متلثم بيشمغ

ولزلم كاعدين يمة بالكاع.. ركضت عليهم

ابو عبير.. شجابج هين.. ولج...

حرير... يابه... ابو جراح وينة...

دحام.. وصلت لكيتها واكفه بنص الزلم.. مدري شتحجي وياهم...

حدهن.. اخذنا امه وديناهه لدكتور.. قاس ضغطها مرتفع.. ضربوهه ابره للضغد وابرة مهدئة..

حرير.. دفعت الباب اريد افوووت ...

دحام.. اكفي وين رايحة...

حرير... اريد اشوفه منو قفل الباب...

دحام... ارجعي يمعودة .. مايصير تفوتين

حرير.. اريد اشوفه ماعليكم بية

ابو قاسم.. حرير... ولج رااااح ابو جراح...

حرير...صديت عليه... عيون ابو قاسم حمر

ويبجي... شبي ابو جراح.. ليش تبجي كعدت كباله حاجيني شبيك ليش تبجي

ابوقاسم... شبي،،،؟ اخذه الموت من عدنا...

حرير... لاااا .. مابي شي الدكتور شكال هاه

شكال الكم...

دحام... كووومي .. روحي هناك يم النسوان

حرير... وخررر ماعليك بيه.. لحد يلزمني

تره الم المستشفى كلها عليكم وينه طلعو اريده

اريد اشوووفة تضحكون عليه ادري بي مخطر

كلولي عايش موو .. لحد يجذب عليه

دحام... مرررردت گلبي مرد... شذنب هالمسكينه

اوووف كمت اضرب بيدي بالحايط.. اتمنيت

الزم بيدي الي ضربة... ااااخ والله نار وشابه

بضلووعي.. اويلي عليك خوووية

حرير... شفت الكل يبجي... انداريت دحام يضرب بالحايط ابو قاسم يبجي.. الكل تبجي

عرفت.. ابو جراح راح مني... كمت الطم على وجهي.. ماااات يعني مااااات حاجوني

ابو عبير،.. ولج كووومي امشي ويايه شسويتي بنفسج امشششششي

حرير.. ماطلع والله الا اشوفه خلوني اشوفه

دحام.. روحي يم النسوان هسه بعدين تشوفي

حرير.. جذذذذب تجذبون عليه ماروح والله هذا مكاني...

دحام... احاااجيج روحي هناااك كافي نصي صوتج.. اخذها عمي وديها..

حرير.. كضبني من ايدي ابويه وداني للردهه الثانيه طبيت عمتي نايمة ماتدري بالدنيا

خالتي حدهن كاعده يمها.. اني مدري شبيه

احس روحي تريد تطلع... كعدت بالكاع بقيت

صافنة.. واسترجع بالماضي.. اوووف ربي معقولة راح ابقى بهاي الدنيا وحدي.. لا

مستحيل اني ماكدر اعيش بدونة.. صوتة

بأذني من يكولي سنفورتي حبيبتيي.. عطت

ولج يمةةةةة الحكي بنتج راح تموووت ولك

ابو جراااااح يموووت عمري شنووون اعوفك

ولكم خلووووووني اشوفه.. طلعت اركض

بالردهه.. مادري بروحي كلها واكفه بس عيوني

ماتشوف احد.. احس فلم ويمشي على بطيئ

اركض والكل يصيح عليه... دفعت الباب وطبيت

شفتة اييي شفته طووولة الحلو عالسدية ..

مغطي بس وجهه طالع... نمت علية بسته من

عينه من كصتة من راسة من كل مكااان

بوسة وداااع بعد عمري انت ..شنون تروح

وتعوفني مواني سنفورتك هاا شنون

دحام .. اشبيج تخبلتي اطلعي.. مايصير تشوفي اطلعي..

حرير.. شعليكم بيه خلوني اشششبع منه

دحام... ولج مايصير والله اطلعي.. راح يطبون

الزلم

حرير... يحاجيني دحام ابويه فات وخالتي حدهن بس ماشوفهم زين مثل ضباب وجدام عيني.. ابجي بحركة .. لحد ما تعبت وبعد

مادري،. بنفسي

دحام.. هاي شبيهاا...

حدهن.. ولكم تخربطت شيلوها

ابو عبير.. شبيها بنتي حريررر شبيج

دحام.. شلتها.. وركضت بيها.. ماتحرك لا ايد ولا رجل شبيها هاي شنو ماتت،.،

حدهن... اركض وراهه.. شفت حرير صفرت

ماضل دم بوجهه ... شجاهه يمة ياستار من هااليوم..

دحام... وينه الدكتوررر... خل يجي..

السستر.. شبيها ليش هيج وجهه....

دحام.. مادري ضلت تبجي شو وكعت بالكاع

الستتر.. نومها للمريضه .. خليها عالسدية

نبضها ضعيف...

دحام.. طلعت وكفت يم الباب...

حدهن... دكتوره هي مقهورة ابن عمها هين

مقتووول قتلو المايخافون الله..

اادكتورة.. خطيه.. الله يصبرها..عدها انهيار عصبي.. البنيه منهارة...

حرير... فتحت.. لكيت نفسي بالغرفة ابويه فوك راسي هو وخالتي حدهن.. كمت الحيلي

خل اطلع وينه ليش هين جبتوني لييييش

دحام.. ااااخ والله صوتها ياخذ گلبي من اسمعه.. اويلي عليك خوية.. فتحت الباب..

حجيت ويا الدكتورة.. كتلها انطيها مهدء. شي

الله يرضه عليج..

الدكتوره.. اي داسحب الابره هسه اضربها انت زوجهاا..؟

دحام.. هاه. اني.. لا لا بس المريضه بنت عمي

الدكتور.  بدون زحمةاطلعو خل اضربها الابرة

دحام.. تعال عمي خل نطلع..

حرير... يااااابره ماريد شي والله مابية شي

اريد اشوف ابو جراااح...

حدهن... ولج كااااافي لا تسمعج امه خطيه

حالها يبجي الصخرر...

دحام.. طلعت للاستعلامات كملنا الاوراق وكلشي .. اخذنا ابو جراح وطلعنا للبيت

وخلينا حدهن يم امه ويم حرير..

طلعنا للبيت.. كملنا كلشي اخذنا دفناه وهمه

بعدهم بالمستشفى...

حرير... كعدت من النووم.. ادور. هين وهين

مالكيت احد يمي.. شفت المغذي مربوط على

ايدي.. شنو هذا منووو خلاااه.. شلته بيدي وكفت بالباب... صحت وينكم احد يجي يشيل هذا. مني....

حدهن.. جنت بالغرفه الثانيه سمعتها تصيح

طلعت اركض عليها...

الدكتورة..، انتي شلون تكومين وهذا بيدج

حرير... عفية دكتورة شيلي اريد اروح اشوفه

دكتورة .. تعاي اكعدي خل افتحة ..

حرير... كعدت.. يمها... شالتها من ايدي..

طلعت امشي.. الممر جااان مليان زلم وينهم..

حدهن.. تعاي تعاي وين رايدة

حرير.. صديت عليها.. شو ماكو احد ابوية وين

ابو قاسم وين...؟

حدهن... ولج صوووتج امه مادينزل ضغطها

لا تسمعج هالمسكينة

حرير... لا تكليلي اخذو ... طلعو مووو

حدهن اي ودو للبيت.. تعاي هسه يجون ياخذوج

حرير... شنوووون ياخذو واني هين...

محمد.. رجعنا من الدفنه.. محتركين حرك

ناااار بگلبنا ماتنطفي عمت عيني عليك ابو جراح.. نزلت الزلم يم الباب وطلعت للمشتشفى

حرير... ماااابقى والله مابقى اري. اروح عليه

حدهن.. عزززة عليج وين موليه.. اكفي لا تروحين

حرير.. تاحاجيني مااسمع منها.. طلعت اركض

وصلت باب المستشفى.. طلعت للساحة شفت

تكسيات واكفه.. تمشيت عليهم اريد اخذ تكسي

محمد.. وصلت حرير تريد تاحجي ابو التكسي

صحت عليه.. خيتي اكفي.. وين رايحة

حرير.. صديت ورايه شفت محمد.. طلعت اركض عليه...

محمد.. وين رايحة. واللي وياج وينهم..

حرير.. بقت يم عمتي.. وينه ابو جراح لا تكلي دفتنوو امووووت والله..

محمد.. لا اله الا الله امشي خيتي فوتي جوة

حرير.. اريد اروح عالبيييييت وصلني ولي يسلمك وصلنييي

محمد... اصعدي خل اوديج..

حرير.. فتحت الباب الورة وصعدت...

وصلنا البيت.. الجادر منصوب بالساحة..

الزلم ماينعدون شكثرر.. دحچت عالباب والحايط

كلة مزرف وبي طلقات... هيج يعني راح مني برمشة عييين.. فتحت. الباب ونزلت.. بدون

ماحجي ولا ابجي.. مابقى بيه حيل ابجي

ولا بقى عندي صوووت اعيط.. طبيت للطرمة

النسوان كلها لابسه اسود.. المطبخ كله هوسة

ناس تطبخ وناس تصب جاي.. اني امشي

ومارد على احد طبيت من بين النسوان فتحت الباب وطبيت الغرفة.. طبيت وقفلت الباب وراية

تمددت بفراشة.. وحاضنه اليشمغ ريحتة بي

ماكدر اعيط حيلي راااح بس دموعي مانشفت

ولا راح تمشف بيوووم...

مرت الايام.. وبقيت بيت عمي.. وبغرفة ابو جراح

ماكدر بعد ارجع للييت اهلي هذا صار بيت

الي مستحيل بعد اترك عمتي وحدها

يتبع اذا اكو اخطأ غلسووو اختصرت بقية

الجزء كافي اقهركم لان اني متأثرة اكثر

منكم يشششهد الله

الجزء الثالث من الفصل الثاني

ادورك #بالحلم وين الله والگاك

واطشلك من خلگ عافيتي #ضحكات

وجهي بلايـة وجهك تارسة #العوز

وخربط روحي هجرك

والفرح #مات .. 💔💔

#حرير#بعد_منتصف_الليل

بقلمي #نشــــوى_السٌــلطاني ...❤️

مرت الايام.. وبقيت بيت عمي.. وبغرفة ابو جراح

ماكدر بعد ارجع للييت اهلي هذا صار بيت

الي مستحيل بعد اترك عمتي وحدها مو بس ضهورنا انكسررت لا والله گلوبنا ماتت اووويلي

اووويلي يگلبي شكثر حمل هموم وقهر.. واني بداية عمري صغيرة وكبرت همومي ويايه..

شريد انسى.. اني حبي اله من الصغر ربيتة

كبر حبنا ويا عمري.. وكل هذا يروح برمشة عين

منو بعد يكون سند اللي ،، هاي هي انتهت حياتي بعدة.. راح هو وراح وياهه كلشي حلو

ااااخ ربي.. مثل مازرعت حبـة بگلبي .. صبرني

على فراگة،.

شذى.. حرير.. كومي اكلي صبيت غدة..

حرير... ماريد خية ماريد مالي نفس اكل..

شذى . والله موتي نفسج هاي صار اشهر على

وفاة المرحوم وانتي هاي حالج وجبة بس باليوم

تاكلين.. هيج راح تأذين نفسج كومي شوفي

نفسج بالمراية.. ذيج حرير ام خديدات الحلوة

انطفيتي ذبلتي كافي ياعمري ادعيله بالرحمة

هيج انتي تعذبي والله،..

حرير... لا لا يمة شنو اعذبة ولج اسوود المفروض اللبس عليه العمر كله مالبستة والله .. لأن كالو يتعذب اذا اللبس اسود،.

شذى.. عجل دكومي ياعيني.. والله يفرح هو الفرحج ويرتاح اذا ترتاحين،.

حرير... شذى صدكي والله موجوعانه قابل اني مستحية بس اجوع اكوم اكل...

شذى... شنون يعني فرح نايمة عمتي دتصلي

ماكدر وحدي اكل

حرير.. وين ابو قاسم...

شذى.. طالع من الصبح راح للشغل ماجة بعدة

حرير... شذى.. مادشوفه بالحلم ليش راح اتخبل

اتمنى احلم بي... مشتاكتلة اريده اريد اشوفه

اشوف مشتاكلي مثل ما مشتاكتله اني

شذى.. اوووويلي والله تموتيني انتي وعمتي

ياعيني والله هذا قدرة وكلنا نمووت ..مايصير

نعترض على حكم الله

حرير،.. عوفيني شذى عوفيني اريد ابجي اعرف نفسي من ابجي ارتاح.. كمت الحيلي طلعت المسجل..

شذى.. يبوو اني شحجي وانتي شتحجين

راح تبقين تسمعين هذا الشعر .. جيبي الكاسيت هذا راح يدمرج

حرير.. ولج هذا الكاسيت علاج اللي والله من اسمعه اتخيل ابو جراح جدامي.. هو جان يكلي

من تسمعي تذكريني.. اووويلي عبالك يعلم راح يموت ويبقى ذكرى بگلبي...

شذى.. هم تبجين.. اووف كافي عمري.. لو ادري ولا جايه هين.. شبعت قهر ..

حرير.. مسحت دموعي.. اسفه شذى قهرتج بس

وربي من ضيمي اشكيلج..

ولج والله اتمنى الموت.. بلكي انجمع بي واشوفه

وكبري يصير بسد كبرة

شذى... كووومي كافي.. راح اطلع الغدة برة

نتغده شوي ترتاحين...

حرير... مسحت دموعي وكمت وياهه،.طلعنا الغدة وكعدنا برة...

شذى.. هسة اجيج هذا قاسم كعد.. اتغدي انتي

حرير.. كعدي فروحة وياج... صديت صوت الباب.. صحت منوو عالباب... اوو جوز ابو قاسم... كمت الحيلي.. تمشيت عالباب.. فتحت الباب.. صار بوجهي.. زلمة غريب ماشايفتو

كبل دنجت راسي وصرت وراة الباب

سامر... السلام عليكم خيتي...

حرير... اهلا وعليكم السلام،..

سامر ... هذا مو بيت ابو قاسم... لو اني متيه

حرير... اي خويه.. تفضل...

سامر...ياريت تصيحيلة كوليله سامر عالباب

حرير.. والله موهين طالع

سامر.. لعد راح اوكف هنا انتضره... لان اني جاي من مكان بعيد..

حرير... هسه هو على جية ..

دحام.. رجعت للبيت وانتبهت سيارة واكفة باب ابو جراح.. خففت.. السيارة وكفت.. فتحت الجام... منو هذا.. عليمن جاي... فتحت الباب ونزلت

سامر... خير ان شاءالله.. اني هنا واكف

دحام.. الگووووة...

سامر... هلا...

دحام.. خير خوية.. المن رايد...

حرير... انتبهت دحام نزل وصار يحاجي الزلمة..

كتله.. الاخ جاي يدور على ابو قاسم يكول بيتي بعيد...

دحام.. اييي فوتي انتي ماعليج،.. فوتي جوة سدي الباب

حرير.. هاي شبي شو مزعوج.. عفتة ومشيت

شذى.. ها حرير.. منو عالباب...

حرير.. شمدريني اول مرة اشوفه يدور على ابو قاسم.. اتصور جاي من بغداد لان مونفس لهجتنا،..

شذى.. يااا منو هذا.. خل اشوف بالله

حرير.. لا دقيقه واكف يمة دحام ارجعي..

شذى... الفضووول موتني غير نعرف منو هذا

سامر... اي اني صديق قديم وجيت عليهم من بغداد بس دانتضر ابو قاسم يجي..

دحام.. دقيقة هسه اخابره... طلعت الموبايل وخابرت دحام...

دحام... الووو

ابو قاسم... هلا دحام

دحام.. اكول خويه وين انت ،.

ابو قاسم.. اني بالشغل... خير خما اكو شي

دحام... لا لا بس هين ضيف جاي عليك من بغداد... ايكول صديق قديم اسمو سامر

ابوقاسم... ايباااااه صدك تحجي.. وينه انطينياه...

دحام... هذا وياك يحجي... اخذ حاجي

سامر.. هلا ابو قاسم... مشتاقين خوية

ابو قاسم.. هلا بالغالي.. شذكرك بينا اليوم

سامر.. والله جيت بشغلة وكلت امر اسلم

ابو قاسم.. اني بالشغل شغلة نص ساعه وارجع

انطيني من يمك دحام..

دحام.. هلا بو قاسم...

ابو قاسم.. دحام .. خويه اذا ماكو زحمة عليك فوت الزلمة بالبيت اني خارج شوي اتأخر وعيب الزلمة جاي من بغداد...

دحام.. تأمرر.. خويه.. لا تهتم كمل شغلك اني راح اتنضرك بالبيت...

ابو قاسم.. كفو والله ماتقصررر...

دحام ..سديت الخط... ودكيت باب البيت وطبيت اتمشى..

حرير.. كمت الحيلي هذا دحام  ولج شذى كومي نشيل الماعين

شذى.. خير شبي شعجب جة..

دحام.. سون طريق وفتحو باب الربعه.. الزلمة عالباب يريد فووت...

حرير... عزززة كومي لمي هذا راح يفوت

شذى .. اي عجل شنوون لازم ندخله للبيت

دحام... شتسولفن الزلمة بالباب..

حرير.. دقيقه بس اشيل الماعين...

دحام.. شطلع الماعين برة هاه...

حرير... ياااا شبيك غير شفتنه دنتغذة...

دحام... عووووفيهن فوتن جوة بعدين لموهن..

حرير... شلت نصهن وطبيت من باب للمطبخ

شذى... ههههه خرب شجابه اليوم مامقسوملي اتغدة اليوم...

حرير.. بقينا دنجج من الجام..نريد نشوفه

فرح .. شكو شييكم عليمن تباوعون

شذى.. تعاي شوفي منو جة علينا...

فرح.. منو يعني .. مديت راسي من الجام

ياااا هذا سامر موو

حرير.. ولجن هي سامر هذا

فرح.. شكد حلو متغيرر...

حرير...  لا يسمعج حسن والله يبتلي بيج

فرح... هههههه هسه قابل جذب دشوفي يخبل

حرير... راح اسوي جاي.. اكعدي تغدي شذى

شذى.. لا هذا ديبجي هوة خل اروح انومة

حرير... روحي عادي اني هين راح اسوي

الجاي...

فرح... خل اغسل وجهي حسن ماخابر عليه

حرير.. مادري جنت بالغرفه سألي شذى

دحام.. دكيت باب المطبخ..

حرير.. فتحت الباب.. هلا دحام..

دحام.. ماي للزلمة صدك جذب الزلمة من بغداد

حرير... اي وشنو يعني قابل مراح ننطي ماي شمدريني اني تريدون ماي محد كلي

دحام.. وانتي شدعوة عصبية..

حرير... يااا منو العصبي... اني لوو

دحام.. عليش تكطمين سالفتج كولي انته

حرير... خزتة بعيني.. وطبيت حضرت الماي

دحام... بقيت بالباب واكف...

حرير.. هذا الماي.. والجاي بعده عالنار تره

دحام.. اي وهسه انتي شبيج ضايجة

حرير... ياااااا شبيك

دحام... يااااا ... اش نصي حسج هين الزلمة طبكي باب المطبخ...

حرير.. هذا صدك يحجي النوب يتأمر عبالك بيتة

طلع وطبكت الباب حيييل...

دحام... اني امشي سمعت الباب انطلخ حيل

ههههه الله يستر من هالبنت.. ضحكت وطبيت للربعه...

يتبع... بالسهرة انزل جزء اخر ان شاءالله

الجزء الرابع ... من الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

حرير.. هذا صدك يحجي النوب يتأمر عبالك بيتة

طلع وطبكت الباب حيييل...

دحام... اني امشي سمعت الباب انطلخ حيل

ههههه الله يستر من هالبنت.. ضحكت وطبيت

للربعه... ..كعدت يم الزلمة... ادحج عالمكان...

اويلي هين جان مكانك خوية.. هين جمة تنعلل

ونلعب دومنة،، هين كل ذكرياتنا.. شريد انسى

منك اذا انت حتى بشغلي جنت ويايه،.. اااخ

حركت گلوبنا عليك ابو طول الحلوو،.

حرير... صبيت الجاي.. هذا وينه.. ولج فرح

الجاي راح يبرد محد جة اخذة هاي وينها شو ماترد.. خل اطلع اودي ادك الباب وانطي الة

شلت الجاي صديت اريد اطلع.. شفت دحام

طلع.. من الربعه...

دحام... هذا چاي لو باجة.. انطيني يمعودة

حرير... اللي شكد انتظر محد جة اخذة شعليه اني... فريت ايدي ومشيت

دحام... مارديت عليها عفتها مدري شتحجي شلت الجاي وطلعت يم الزلمة

حرير... كمت اغسل بالماعين واحجي ويا نفسي

شكد حشري هذا.. لا والنوب يتأمر

شذى.. نومت ابني وطلعت للمطخ... شفت حرير ادردم ويا نفسها... ها حرير خيررج..

حرير.. هذا دحام ضوجني.. شعليه هو يتأمر..

شذى.. شبي وياج.. النوب

حرير.. يمعودة ماشفتي شلون يحاجيني ايكلي نصي صوتج ومدري شنو هو شعليه

شذى.. ولج هذا حريص فد مرة.. بعدج ماتعرفين طبعه.. مرته الاوله هجت من سوالفه فد مرة عصبي ومايقبل وحدة تطلع برة..

حرير.. حگها تهج اذا هيج طبعه.. هسه مرته يتأمر عليه اني شنو.. عشتو فووك ضيم گلبي

شذى.. عوفي ماعليج بي اليوم نسوي كليجة شتكولين نلتهي ضووجة..

حرير.. سديت الماي وصديت عليها.. ابو جراح جان يحبهااا..

شذى.. شني.. هيه

حرير.. كليجة شبيج.. سوده عليه.. خل نوزع على روحة بالمنطقه..

شذى.. يستاهل الغالي ليش مانوزع...

حرير.. عجل انطيني الطحين خل اعجنها..

شذى.. المواد يمكن ناقصة..

حرير.. هاه شناقص اجيبهن من ام جمعه من الحايط راح اصيح عليها..

شذى... شوفي جيبي طحين وسميم راح احضر المواد.. بين ماترجعين ديربالج لا تكعين

حرير.. ههه يمكن اليوم اتفلش.. ههه لا لاتخافين بزون ماموت..

ساامر.. اكو مكان اطلع اغسل.. وجهي

دحام... اي كوم ويايه والله نسيت اوديك للحمام

سامر،. ههه لا بس ماغسلت وجهي..

حرير.. طلعت من وره البييت.. خليت البلوكة اريذ اشوف ماكدر خليت طابوكة صغيرة وصعدت..

عالحايط...

دحام.. ذيج هناك المغاسل يم الباب،.،

سامر.. مشكور خويه اكعد هسة ارجع

دحام... ماشي راح انتظرك بالربعه

حرير.. صحت ام جمععععةةة وينج خاله

سامر.. غسلت وجهي.. وسمعت صوت قريب مني .. تصيح..

حرير.. عزة عليه نسيت نفسي وكمت اصيح والزلم بالربعه...

شذى.. عزززة عليج حرير فضحتنا شتصيح هاي...

دحام.. سمعت صياح يم سياج البيت.. هاي منو هيج حسها عالي.. فتحت الباب وطلعت

حرير.. بقيت معلكة بين الحايط والبلوكة. وكعت . خرب شصعدني اني...

سامر.. هاي وين  راح توكعين..

حرير.. صديت عليه واني معلگة .. امداني شسويت بنفسي... يافشلت الفشلة

سامر.. شنو طفلة انتي شصعدج فوك يمعودة

دحام.. طلعت شفت سامر واكف يضحك وحرير عالحايط.. شبيها هاي تخبلت...

حرير.. اذا انزل.. راح اكع.. شنون يربي بقيت معلكة.. وهذا وراية...

دحام.. تفضل خووويه ..

سامر.. انداريت عليه.. شلت المنشفة نشفت وجهي واني اضحك عيب الرجال شيكول عليه طبيت امشي..

دحام.. بقيت واكف واريد اكلها شطلعها هاي هسة شكال علينا.. هذا

شذى.. حرير.. وينج.. طلعت للطرمة

دحام.. صديت علية.. خيتي شصعدها عالحايط

موتندرون هين رجال غريب..

شذى.. راحت. تجيب غراض من ام جمعة والله نسينا الزلمة هين

دحام.. هي ام جمعه هاي.. خرب بالغراض فشلتونا جدام الزلمة طبن جوة

حرير.. ولج شذى تعاي شتسولفين راح اكع

دحام.. ابقي معلكة فوك احسنلج بلكي حسج ينصه شوية..

حرير... شذذذذى نزليني.. تعاي رجعي البلوكة وكعت..

دحام.. فريت ايدي ومشيت .. طبعا تبقين معلگة اذا انتي شبر ونص طولج... عفتها وطبيت للربعه

شذى.. ياربي مدري اضحك مدري فشلت يااابه متت ضحك.. طلعت امشي خليت البلوكة ونزلت حرير...

دحام.. طبيت كعدت واني فشلان...

سامر.. جنت اخابر على اهلي .. كتلهم وصلت

شفت دحام فات سديت الخط.. ابين ابو قاسم

تأخر...

حام.. اي خلگة طويل يشلع الگلب.. فتحت البردة اريد اشوف هاي البلية بعدها معلكة لو لا

سامر.. هاي اخت ابو قاسم الي بره يمكن

دحام.. صديت علية.. بضوجة كلت..، نعم!!.

سامر.. لا ماكو شي.. سكتت نسيت نفسي

شلون سالت علبنيه ..

حرير.. شفتي سيد دحام شنون يحجي عليه

شذى.. هههههه انتي خبله بالله شتصيحن وشصعدج هم زين مو هين ابو قاسم

حرير.. اووو خل يروح شعليه بيهم المهم شوفي شصار برجلي..

شذى.. تعاي فوتي خاف يطلعون..

حرير.. والله ماجوز راح اروح عليها للييت اجيب

طحين من وراهه شنون خلتني بموقف وياريت طلعت

شذى.. اركضي ركض كبل مااحد يجي

حرير.. ماشي.. ااخ رجلي راحت.. مشيت فتحت الباب وطلعت...

دحام.. طلعت التفون خابرت على قاسم كال راح اصل الببت،..

سامر،. هذا منو ابو قاسم جنت تخابرة

دحام.. اي.. جة راح يصل الباب... خل اطلع اشوفه

حرير.. دكيت الباب على ام جمعه محد طلع..

خرب بالحظ.. رجعت اركض للبيت..

دحام..طلعت للطرمة.. شفتها ماكو هم زين فاتت جوة صديت اريد افوت.. انتبهت الباب البرة انفتح اي اكيد ابو قاسم

حرير.. طبيت اركض شفت دحام بالطرمة واكف

وكفت ومت امشي طبيعي.. شو هذا وين ماروح الكاه.. دنجت راسي ومشيت

دحام.. وين جنتي...؟

حرير.. مارديت عليه سويت نفسي ماسمعت

دحام.. وين جنتي..؟

حرير.. تحاجيتي اللي..

دحام.. عجل المن.. شو انتي ماتركدين بكاع

حرير.. وانت شعليك بية.. عندك حرمة اتحكم بيه

ماعليك مني.. عفته وطبيت للمطبخ

دحام.. بقيت ساكت بعد ماعرف شرد عليها هم صدك اني شعليه.. بس هي ماتسكت

ابو قاسم.. طبكت السيارة ونزلت.. ها دحام

وينه سامر

دحام.. تعال يمعود وين صرت .. اريد اروح عندي شغل.. 

ابو قاسم.. كفووو والله .. اتوكل خوية الله وياك

دحام.. طبيت اخذت السويج وطلعت..

حرير.. انتبهت من الجام طلع  هم زين راح خلصنا منه..

شذى.. هاه ولج وين الطحين..

حرير،. ماكو شكد دكيت عبالك طالعين

شذى.. هسه ادز ويا ابو قاسم...

حرير.. عجل انتضرج لا تنسين راح اروح على عمتي انطيها الدوة...

فرح.. كاعدة واحجي ويا حسن بالتفون...

حرير.. طبيت لكيتها تخابر.. هااا ماتخلص تلفوناتج..

فرح.. ههههه ولي ولج خل اخابر..

حرير.. شلت الماي وطبيت الغرفة عمتي..

الوالدة.. هلا بنتي.. هلا بشمعة البيت.. وين جنتي

حرير.. هلا عمة جنت بالمطبخ جة واحد اسمو سامر على ابو قاسم..

الوالدة... هي سامر.. هااااه اي تذكرته خطية هذا بيتهم بغداد شعجب جة شذكرة بينا

حرير.. اي كال بيتي بعيد.. اكعدي عمي اشربي الدوة...

دحام.. طلعت.. للبيت.. ذبيت السويج عالكومدي

وكعت بالغرفة...

شمة.. طبيت للغرفة.. شفت دحام جة اكيد مامتغدي خل اصبله غدة...

شمة.. اصبلك غدة...؟

دحام.. بقيت صافن مارديت عليها

شمة.. يمعود.. وين بالك اصبلك غدة

دحام.. ماريدددد زقنبوت روحي..

شمة.. اهوو هم گالب وجهه.. طبكت باب الغرفة وطلعت...

دحام.. بقيت صافن.. هسه اني ليش ضجت شعليه بيها.. سؤال بقى يدور ابالي.. ليش حرير

كبل ماتفارگ فكري.. معقول لان جانت حبيبة الغالي.. ليش افكر بيها.. !! ماكدرت اكل..

شلت السويج وطلعت افتر.. بالسيارة

ابو قاسم.. فتحت الباب وطبيت للييت وينج

شذى.. تعاي..

شذى.. جنت بغرفتي سمعته يصيح عليه طلعت عليه...

ابو قاسم.. هذا صديقي هين راح يبقى يمنه جم يوم عدهم تحويل سيارة والمعاملة ديمشي بيها

سون عشى راهم...

شذى... اي عادي هلا بي.. هسع نبدي نحضر للعشى...

ابو قاسم.. كتبي بالورقه شتريدن مسواك حتى اطلع اجيب..

حرير.. انطيت الدوة العمتي.. وطلعت شفت ابو قاسم جان يحاجي .. شذى..

شذى،. تعاي حرير هم زين جيتي ابو قاسم ايكول هذا الرجال باقي يمنه جم يوم.. يريد

عشى راهم.. تعاي كتبيلي الغراض بالورقة

حرير.. عجل راح راح اكتب غراض الكليجة هم

شذى.. اي عفية نسيت الكليجة.. اكتبي عادي

ابو قاسم.. اخذت سامر وطلعت تسوكت للييت

سامر.. حيييل الديرة متغيرة.. كلشي هين

متغير..

ابو قاسم.. اي صحيح جثير بيوت صارت ماجانت هيج كبل..

سامر .. الله شلون ايام اللي هنا ولا انساهه

ابو قاسم... اي والله راحت بعد

حرير.. جة ابو قاسم.. جاب المسواك رتبت كلشي بمكانه... وعجنت الكليجة... كملنا العشى صبيناه... وكعدنا انلف بالكليجة..

شذى.. والله ضهري ولا احس بي اليوم تعبت

حرير.. ارتاحي اليوم اني اسوي كلشي

فرح.. شدعوة هاالكهد عجنتو.. شعدكم

شذى.. نريد نوزعها على روح اخوج..

فرح... اوووف يستاهل ماي العيون اخويه

حرير.. عجل حضري روحج توزعين ويايه بالفرع

وحدي اخاف اطلع...

فرح.. مو يريد يحي حسن شنون

حرير.. هذا حجي يفيدج يجي مايجي تجين ويايه..

فرح.. دخل نشوي هسه والله كريم...

حرير.. من يمج طفي الجاي وصبيلهم...

فرح.. اكلكم شنو صدك راح يبقى هين جم يوم

حرير.. اي يكول عندة شغل هين.. يمعودة دصبي جاي عوفي السوالف ورانه شغل

فرح.. صبيت الجاي دكيت الباب وانطيته االابو قاسم...

حرير.. كعدت اشوي واخلي بالصينيه..

شذى... ههههه باعي وجهج شنون غادي احمر

يمة يمة الخديدات شحلوات

حرير.. هههه ولج راح اموت اهجس حرارة تطلع من وجهي...

شذى... الفرن حار طبعا.. وانتي بيضة ماتتحملين..

حرير... هاي وينها فرح... اكيد دتبدل..

شذى.. دنتنضر حبيب الگلب..

حرير،. عجل منو يودي ويايه..

شذى.. دروحي شوفيها اذا مكمله روحن سوة

حرير.. ديربالج عليها خلي عينج عالفرن طبيت على فرح.. هااا عروس.. كومي ويايه

فرح.. روحي انتي ماكدر اني دابدل

حرير.. يمعودة قايل اطلع وحدي..

فرح.. شكوو ماكو بالفرع احد غريب اطلعي ماكو شي...

حرير.. راح اودي لجم بيت  بين ماتكتلين

فرح.. اكو واحد يوزع بالليل

حرير.. مو جان ماكو طحين شسويلج... يله استعجلي

طلعت للمطبخ.. خليت الكليجة بماعين طلعت صينية خليتهن بيها وطلعت...

وديت للجيران بعد بيت دحام جدامي شنون اوديلة لو لا ماريد اشوف اخيته هناك.. النوب

الجلاب تنبح مابطلت نبيح ادحج الشارع اضلم

يمة خفت.. خرب بيج فرح كتله تعاي وياي

شمة.. ها شو لبست وين النيه ..عبالي اتوديني الاهلي

دحام.. رايح اتعلل.. ماكو روحك الدنيا لليل وين طالعه،. اثكلي.. فتحت الباب اريد اطلع

يـتبع .. 🌹

الجزء الخامس... الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

دحام.. رايح اتعلل.. ماكو روحك الدنيا لليل وين طالعه،. اثكلي.. فتحت الباب اريد اطلع

حرير... ارجع اي خل ارجع شمطلعني بالليل والله خبلة اني.. اوووف حبيب الروح وين عفتني

وحدي وينك والله مشتاكتلك كد النفس جريت حسررة جبيررة  صديت اريد ارجع تلكتني فرح

فرح...  صحت واني واكفة بالباب هاااه حرير.. اجي وياج لو كملتي..

حرير... كبرر ولج تعاي ماكملت،. الحلاب تنبح ردت اموت من خوفي...

فرح... لو ماكلاتج هههههه

حرير،.. يولي شياكلن مني جلاب ذن لو ذياب تعاي يله ،،،

فرح... اوووف جايه جايه.. تمشيت عليها،،

حرير... شثگلج ياربي دمشي راح اكفلج هين انتي ودي لبيت دحام لان ماريد افوت اني

فرح... شكو شبيج فوتي ليش ماتفوتين اذا على سحر تره شي صار ماضي...

حرير... ولج ياسحر بس ماريد اشوف دحام العقدة شكد يضوج...

فرح..، عجل لو مادحام من ريحة الغالي انطيني اني ادك الباب..

حرير... انطيتها الماعون وبقيت غادي منها واكفه

فرح ..، دكيت الباب البره محد سمع طبيت وصحت سحرر.. شمة وينكم...

دحام.. فتحت الباب اريد اطلع... سمعت حرمة تصيح ..

فرح.. هلا خوية... شنونك...

دحام... ياهلا بخيتي فوتي...

شمة .. ها منو... طلعت... ياهلا بفرح.. تعاي فوتي،،،

دحام... عفتها واكفه وياهه وطلعت...

شمة.. دفوتي شبيج والله وحدنا كاعدات

فرح... عجل بس اسلم واطلع من الباب حرير بالباب واكفه تخاف من الجلاب

حرير...بقيت اتلفت يمنه ويسرى يربي هذا الجلب عليمن ينبح صديت الصوت صار قريب

انتبهت بالضلمة جلب يركض وبركبتو زنجيل مكطوع.. كطعك البين طبيت اركض اني والصينيه...  وعياطي يصل لسابع جار

دحام.. ويا ماطلعت.. تلكتني حرير وبيدها صينيه.. ماحسيت الا والصينية جت كبل بصدري... ضليت صافن شبيها..

حرير... بخوووف ورعب... مانتبهت على دحام بس بالي يم الجلب ورايه.. شفته جة عليه دفعت دحام وطبيت للييت اركض..

دحام.. شبيج.. اكفي مايسوي شي شبلاج انتي

صحت بصوت عالي عالجلب بسرعه رجع..

حرير...  بصووت يرجف يريد ياكلني والله جة عليه راد يعضني هذا مالمن ليش مديحي علينا

دحام.. ياكلج شنو .. صدك تحجين وهاي الصينيه الركعتيها بيه.. ادري شمطلعجن بالليل

حرير.. والله دنوزع ثواب للمرحوم...

دحام... الف رحمة على روحة بس اللي يوزع يوزع بنهار مو بالليل فوتي جوة وبعد لا تطلعن بالليل .. عفتها وطلعت...

حرير... امداني هو ينلام النوب الصينه جت بي شنون عيب وهاي فرح الثوووله وينها .. شراح يرجعني للبيت... طلعت اركض.. شفته ديمشي بالفرع.. صحت اكف...

دحام.. وكفت صديت عليها هاه.. شكو

حرير.. منو راح يوصلنا...

دحام... واني شمدريني...

فرح... انطيتهم الكليجة وطلعت عليها..، هاه حرير...

حرير... وجع شصارلج الجلب( حادني)

( ركض ورايه) وانتي جوة ...

دحام،.. عفتها ومشيت الفرع مابي شي

حرير.. طلعنا نمشي ودحام جدامنا.. عبرنا وطبينا للييت وهو مدري وين راح...

فرح .. شبيج شو مو على بعضج..

حرير... ماكو شي خل اكمل شغل المطبخ

شذى... حرير بس ارضع ابني عينج عالفرن

ابو قاسم..سووولنا جاي جة دحام

حرير.. صديت عليه.. هسة اني اسوي.. بعدين اتذكرت عود هو ليش راح مافات ويانه انتضرنا

نفوت يلة فات..،؟؟ ممم غسلت القوري خليته عالنار...

فرح،، اني راح اطلع الكليجة... شو حسن اتأخر

حرير.. هو يجي طولي بالج... ماعدج صبرر

سهام.. يمة ليش حرير لازكة هناك ماتجي

حدهن،.. شتيدين منها عوفيها كالت الابوها وكلها ابقي.. ترجتة مرت عمها مايصير

سهام... موعدها فرح شكو لازكة بيهاا،،،

حدهن... بنواتها متزوجات وفرح مابقى شي وتزوجج وحرير تريد تبقى هناك تدرين بيها تحب ابو جراح وعبن همه من ريحتة ،..

دحام... ليش دوم تصير جدام عيوني ليش دوم على بالي معقول اتعاطف وياهه لا لازم كل

مااشوفها ابتعد لازم اشيلها من بالي.. ااخ

ابو جراااح... رحت وخليتها وراك،..

ابو قاسم... راح اجيب االدومنه نلعب شتكولون

سامر.. يله ماعدنا شي..

دحام... لاااا... يمعود ماريد مالي خلك الكلشي

تريد تلعبنا دومنة.. وتشعل گلوبنا.. بعد ابو جراح ماتحلا وداعتك...

ابو قاسم... الف رحمة على روحة...وربك من ضيمي اريد اللعب اريد انسى بس شينسينا

راح بعد... بس بقى بگلوبنا...

سامر... الله يرحمة.. ربي يصبركم صعبة والله

لتكلوبون المواجع يمعودين...

دحام.. كل ما اتذكرة.. تشب نار بصدري...

طلعت جكارتي وكمت...

ابو قاسم... ها وين النية شو كمت..

دحام... والله ماكدر مدري شبيه مخنوووك حيل

خل اطلع شويه برة... من رخصتكم،...

حرير.. جة حسن وكعدو بالهول هو وفروحة ..

بقيت اني لملمت المطبخ ونضفت حضرت الفاكهة .. وكفت عالسنك اريد اغسلها.. رفعت

راسي.. شفت دحام واكف بالطرمة.. شبي هذا هين واكف.. ..؟ كملت الفاكهة وجة ابو قاسم اخذها...

حسن.. ول حرير.. ماتصبيلنا جاي.. ريحة الكليجة جت بخشمي من الباب البره..

حرير... ههههه هسه اسويلكم... اكعدي فرح هسه اجيب..طبيت للمطبخ

فرح..فدوووات لحبيبتنا...

حسن.. خطيه... والله تقهرني هالمسكينه كضت حياتهه قهرر... الله يساعدها...

فرح... كلنا نفس حالها والله كوة مصبرين نفسنا الخاطرر امي مانريد نقهرها اكثر...

حرير.. طبيت للمطبخ.. دحام مختفي.. شبي هذا كل دقيقه مدري وين يروح😒 خليت الكليجة

والجاي وديتها... وطبيت للحمام توضيت وصليت العشاء.. وطبيت الغرفة ابو جراح.. اللي هي

صارت غرفتي... من ادخل بيها ريحته بيها غراضه.. محفظته ساعته.. عطوره.. دشاديشه

حضنت شلت الساعه.. تذكرت من لبسته الة وشالها وباسها وكال ابوسة مدام منج ماراح

انزعها علمود من اشوف الوقت اشوف.. ماتحملت اختكت بجيت.. رجعتها بالجراره

شلت السجادة.. صليت والدمعه بعيوني..

كملت .. شلت القرأن بقيت عالسجاده اقرأ

شذى.. وينها حرير.. خطيه ولج هاي منضفه

كلشي محد ساعدها..

فرح.. طبت الغرفتها...

شذى.. طبيت ادور عليها ماتعشت هيه فتحت الباب لكيتها تقرأ قرأن مثل كل يوم لازم تقراله

قرأن.. طبكت الباب وطلعت.. اختنگ كل مااشوفها ينمرد كلبي عليها...

دحام.. طلعت جبت محمد ورجعت للربعه يم الولد

سامر.. من رخصتكم رايح للحمام...

ابو قاسم...خل اكوم ادليك هم نسيت اني

دحام.. لا لا يندل وديته العصر...

سامر... اي اني اروح استريح ابو قاسم

حرير،.. سديت القرأن .. وورفعت راسي ودعيت من الله اشوفه بالحلم ولو ثانيه بعد ماكدر اتحمل

روحي ميته عليه.. خليت القرأن ذبيت حجاب الصلاة لبست حجابي وطلعت اريد اشوف شذى

شتيد مني.. لكيت حسن وفرح كاعدين بعدهن بالهول.. طبيت للمطبخ ماكو.. هي شفت الباب مفتوح... طلعت ادور صحت شذى... وينج..

سامر.. طلعت.. داللبس بالحذاء وفعت راسي

شفت البنيه الي جانت معلكة عالسياج.. ابتسمت ماتحملت..

حرير.. رجعت بالطرمة امشي.. شفت هذا الزلمة الغريب.. دنچت راسي ومشيت..

سامر.. مساء الخير...

حرير.. سمعته يسلم مارديت عليه شنو هالمينه اعرفه يعرفني يسلم.. خليت الشال على وجهي طبيت ركض...

سامر... ههههه هاي شبيه شو فزت من شافتني.. والله ابو قاسم خوش خوات عنده الله يستر عليها شلون جمال.. طبيت للحمام ورجعت للربعه..

حرير.. طبيت وطبكت الباب حيل.. الله محضي بيه كل مااطلع يشوفني يكفي شافني فوك

الحايط معلكة.. امداني هسه عباله جاهله وهيج يحاجيني شاف طولي اكيد عباله جاهله ففففف

طبيت ادور على شذى تلكتني بالممر..

شذى.. ىييينج يمعودة ..!!

حرير.. هاااا اني لو انتي دورت عليج ماكوو

شذى.. جنت بالحمام سبحت متت حررر..

حرير.. الجو زين شكد تحترين،..

شذى... ماعلينا تعاي نتعشى...

حرير.. ماكدر والله.. اكلت كليجة وماكدر بعد اكل شي عبالي افوت للغرفه اتمدد

شذى.. اهووو كل ما اكلج ماتجين  ويايه

حرير.. تعبانه والله... كوه مفتحة عيوني اليوم كاعده من الستة الصبح 

شذى.. عجل روحي ارتاحي انتي ..

حرير..طبيت للغرفه وطلعت المسجل مثل كل يوم

خليته يمي وشغلت الكاسيت..#هاتف_بعد_منتصف_الليل  وشغلته

شغلته واشتغلت اول شي .. حبيب علي

لووو تجي وتشوف حالي جان حنيت وشكيت

شاركت گلبي بهمومة ومثل ما ابجي بحيت

أوووووف #وويـن_انتٌـة .. بقيت اسمع بيها وابجي واشهگ كوة كاتمه صوتي .. مادري

بنفسي.. نمت من تعبي وهمومي...

وجان اشوفه.. ااااي شفتة وكحلت عيوني

بشوفتة.. شفتة لابس دشداشة والساعه بيده

وصاعد بالتريلة... يمشي بيها بطيئ

يمر من جدامي واني واكفه بالساحة يبتسلمي

ابتسامة خفيفة.. ركضت علية كتله..

ابو جراح.. اكف وين رايح..  احاجي اصيح

صوت التريلة عالي مايسمعني..

اركض واتعثر .. اريد الحك بي ماكدر رغم

ماجان يمشي سريع بس ماكدرت اصل ليمة

رااح بعيد وعافني... بقيت بالساحة وحدي

اتلفت يمنة ويسرة اريد بس اشوفه اختفى  كعدت بالكاع وكمت ابجي... كعدت من نومي

لكيت نفسي ابجي اكثر من الحلم..

انتهيت صرت الطم على وجهي تمنيت الحلم

حقيقة. اتلفت بالغرفه ماكو ابو جراح راح وعافني وبقت بس الصور وهدومة يمي ..

اووووويلي ربي مادصدك راح وعافني

جنت اتمنى احلم بي احاجي اسأله مشتاگلي

لو بس اني بگلبي ناااار دفرت الفراش اهجس نفسي محنوگة،. لبست شالي وطلعت... دنجت

راسي من عبرت الهول ماريدهم يشوفوني ابجي

الكل صار يتعقد مني من كثر ما ابجي وانوح

طلعت.. للطرمة... الله هوووى احس روحي ردت

كعدت بالكاع.. اتذكرت الحلم كله... بجيت

ماكدرت اسكت.. كمت الحيلي.. ماكدر اصبر اريد اطلع.. ماكدر بعد اصبر.. فتحت الباب

البره وكفت،، عيني عالشارع... وين اروح

وين اووولي المن اشكي وماكو واحد من الناس

من اشكيله يصفالي خلگة الدنيا صارت بس وداع وابد مابيها ملگة حييييل اذاني زماني

والفرح اركض وراه وما الحكة.... وتالي يروح

مني حبيبي  وبعد وأييس ما اشوفه وابد ماكو

منه ملگة .. روحي ممللللت من وضعه وبالنفس

مابعد شهكةةة... صرت احاجي نفسي بهمومي

الناس تشوفني احجي ومرات اضحك بس مايدرون النار اللي بگلبي وووول يااااب

ربي مووووتني اريد اخلص من هالحياااة

واني ابجي جريت نفس عميييق صديت اريد

افوت .. تلكاني دحام... عينة صارت بعيني

النوب من شفتة احتوگت حرگ جانو يمشون

سوية سفرهم سوية.. مسحت دموووعي وطبيت اركض شفت محمد وراه طالع من باب الربعه

دحام.. بقيت واكف شفتها جدامي صارت

تربطت شفت دموعها صارت جدامي.. عرفتها

تبجي علية... وكفت ماكدرت اعبر.. راحت هي ترمض وتمسح بدموعها.. ااااخ ربي.. ضليت اصفگ بدية... اويلي عليك خوية...

محمد،.. هاي حرير مو... خطية شفتها شنون تبجي..

دحام.. ولك اخذت حيلي والله... اااخ

شبيدنا بعد راح... بس وربك ماجوز

لازم اعرف اللي گتلو منو... والله لو يبقو اخر يوم بعمري... ماجوز منهم امشي.. ترة صعدن عندي...

محمد.. صعدنا بالسيارة وطلعناا..

حرير.. طبيت للغرفتي.. تلكاني ابو قاسم مدري شيحاجيني بس ماكدر ارد عليه عبالك واحد خانگني خنگ...

ابو قاسم... شبيهااا حريرررر منو رياهه...

شذى... لا لا عوفها هي يوميه هيج اعرفه تبجي يله ترتاح خلوها شتريد منها..

ابو قاسم... اووووف... امشي طلعي فراش للزلمة تعبان يريد ينام اركضي

شذى.. هسه اجيب.. جان كتلي اللي عوفو حرير البييها يكفي...

حسن... خطية والله شنون متحملة حگها والله

ابو قاسم... فرشت السامر.. والي سوية

سامر.. هاااه اليوم عايف الحرمة وحدها روح يمها يمعود اني انام وحدي

ابو قاسم... لا عادي هي تلتهي ويا البنوات يمعود صار شكثر ماشايفك عوفنا منهم

سامر.. بقت السالفه عاللساني اريد اعرف

هاي اللي شفتها منو ماتصور هاي مرته

لان اللي شفتها صغيرة.. بس غير حلوه

بقت صورتها ابالي

حرير... طبيت للغرفه الكل يصيح علية مارد عليهم حتى عمتي مارحت عليها وشفتها

بقيت بالغرفه... ابجي على حضي.. لحد مانمت

كعدت الصبح اهجس نفسي مكسرة.. تعبانه

مالي خلك الكلشي... رغم فرحت من شفتة

فتحت الباب.. البيت هدوء كلها نايمه..

طلعت.. للطرمة.. اريد بس اطلع عالهوى

الخنگة موتتني.. تربعت وكعدت بالطرمة 

سامر.. لبست وطلعت عفت ابو قاسم نايم

طلعت اكمل الاورق.. فتحت الباب على كيفي

وطلعت... فتحت الباب شفتهت هي نفسها

اللي شفتها عالحايط... كاعده بالكاع

...!! يتبع

الجزء السادس... الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

سامر.. لبست وطلعت عفت ابو قاسم نايم

طلعت اكمل الاورق.. فتحت الباب على كيفي

وطلعت... فتحت الباب شفتهت هي نفسها

اللي شفتها عالحايط... كاعده بالكاع

كحيت سويت صووت اريدها تنتبه..

حرير... كعدت من نومي اهجس جبل هموم على صدري شفت البيت هدوء والساعه سبعه الصبح كلت خل

اطلع عالهوى شيگعدهم هسه.. واني كاعده بالطرمة وصافنه حسيت احد فتح الباب.. صوت

خطوات تمشي،. ماصديت علية وشفت منو ،. كمت الحيلي رگضت طبيت للمطبخ وسديت

الباب دحجت من الجام.. اهوو هذا الضيف اللي عدنا.. شعگده من الصبح انتبهت بيدو

اوراق.. كاشخ عطرة بكل البيت .. لبس

نظارتة وطلع يمشي وحدة مدري وين رايح

جوز عندو شغل الله اعلم،.راح هو واني طلعت

اخذت الاگل لدجاجات وطلعت... فتحت عليهن

الباب انطيتهم الاكل .. مشيت اريد ارد للبيت

رجلي ماتاخذني.. صفنت شويه كعدت غادي

من الدجاج.. بقيت صافنة عليهن وكل الذكريات

محاوطتني.. هين وكف .. وهناك مشة..

جان يقتر بكل البيت .. يضحك ويتشاقه ..

جان شمعه ونوررر مضوي كل الدنيا.. انطفت

من راح.. ماكو بعد شي حلو لا والله انتهت حياتي عليش عايشه اني والله اموت اهون اللي.

جريت حصررررة .. اهجس صدري يوجعني

تذكرت امي... اي حتى امي نسيتها.. اليووم

اروح عليها .. مشتاكة اكعد كبال احد وشكيله

بقيت شويه برة احس الييت يخنگني ،. ارتاحيت

ورجعت للييت... محد كاعد بس عمتي صوتها بالغرفة.. ويامن دتحجي.. طبيت اريد اشوف

شبيها.. فتحت الباب.. لكيتها كاعده وتنعي

مدري  تحجي مدري تغني سوالف مافهم

عليها.. شفتها تبجي،. اني گلبي خلصان وشفتها تبجي  حركت گلبي  انتهيت.. گوة

كتمت الحصرة والدمعة ماريد ازيدها عليها وهي مريضة.. كعدت يمها حضنتها... عمه كولي

ياالله لاتبجين تره هو راح شهيد والله.. خل نفرح بموته مات بريء بدون ذنب.. كافي تبجين عمه

الوالدة.. عمج راح وعافني.. كوه وكفت الحيلي بعده .. بس شاااااب هالعرض صدرو زلمة محد

يكدر يكف بوجهه سبع وابو نخوة وغيرة.. يولي

لا تسكتيني كوليلي ابجي نوحي ابو جراح

يستاهل نصبغ رواحنا علية.. اوووف مدري انقهر عليه مدري انقهر عليج...

حرير.. لا عمه اني مرتاحة صح اشتاكلة بس هذا قدرة لازم ندعيله ونقرالها قرأن .. لا تخلين

بالج يمي مدامي هين ويمكم يكفي اني زينة

عمه مابيه شي...

الوالدة.. يأمي انتي ادري بيج مقهورة وجوز اكثر مني لا تكابرين وتضمين دموعج،. اني

مقهورة عليج لان ماشفتي يوم حلو راح وعافج

صغيرة متولعة بي... شفتهمتي من حياتج

حرير... متولعه كبل واليوم ومستحيل انساه

وحتى الايام الگضيتها وياه بقهر احبها

احب كلشي يذكرني بي ..راح هو صحيح

بس بعدة ساكن بگلبي... هييينة هو ماراح مني

الوالدة... لا بنتي مايصير تكولين هيج ابدي من جديد انتي صغيررة ومالج احد شوفي حياتج الراح لاتحجين بي بعد تزوجي يمة  محد يدوملج

حرير... شنوو عمه لاااا عفية لحد يجيب طاري الزواج جدامي ابددد ،. ماكو احد بعد يملة

عيني راح هو واخذ وياه گلبي ماكدر بعد احب غيرة اذا فكرت اتزوج بيوم اضلم اللي اتزوجة

لان راح اكون وياه جسد بدون روح ،.. خليني عايشه على ذكراه ماكو زلمة بعد يمله عيني

الوالدة .. صحيح بنتي بس الزواج ستر للبنية

انتي براحتج بش اذا جتج قسمة زينة لا تترديين

رغم جنت اتمنى اخذج الابني شفته شكثر حبج

واني هم ماكدر بعد بدونج انتي دارينيني اكثر

من بنتي وهالشي هذا ماانسى لما اموت ربي

يوفقج ويكتبلج النصيب الزين جثير تعبتي

بحياتج ..، كومي سويلي استكان جاي وجيبلي وياه خبزة اريد اشرب حبايه الضغط

حرير... عيووني الج عمة.. شبقالي غيركم

لا تكولين هيج انتي امي الثانية والله.. كمت بستها من راسها.. هسه اسويلج جاي واجي

الوالدة.. الله يرضه عليج يمة...

حرير .. طبيت عالمطبخ حضرت الريوك والجاي..

ودطلع خبز.. تلكتني شذى

شذى.. ها شو هم كاعدة من وكت... شكعدج

حرير... نمت من وكت،. تعاي سويت ريوك...

وين ابو قاسم...

شذى.. غير نام يم هذا الضيف. سامر مدري شسمة..

حرير.. اي طلع هذا الزلمة شفته من الصبح

شذى.. اي خطيه عندة معاملة ديمشي بيها

خل اروح اكعد ابو قاسم،..

الوالدة... يمة كعدي كليله امك تريدك بالغرفة

شذى... اي عمه هسه اكعده..

حرير.. كملت الريوك اخذت الصينية وكعدنا يم عمتي بالغرفة سوية.. خطية كبل معزولة وحدها

الوالدة... يمسعدة العندة مثلج... اكعدي اكلي

حرير.. تسلمين عمة.. اكلي انتي بس اصيح

فرح.. بلكي تقبل تكعد

الوالدة.. عوفيهالل شيكعدها هاي...

حرير... هم صدك خليها اكيد بقت تحجي

هي وخطيبها....

ابو قاسم.. صبااح الخير...

الوالدة.. هلا بعد امك تعال اكل..

ابو قاسم.. خل اغسل وجهي اكلو هسة اجي

حرير.. صحت وينج شذى تعالي اكلي برد الجاي

شذى.. اكلو الف عافية بس اغير ملابس محمودي

الوالدة... مادتخابرين امج شنونها ..؟

حرير.. البارحة خابرت خالتي رشا اتكول زينة

اليوم اروح عليها...

الوالدة.. روحي يمه خطيه تفرج من تشوفج

بس لا تبطين هناك...

حرير.. لا ارجع مااتاخر هناك راح تجي عبير هم .. مشتاكة الجهالها

الوالدة... من  زمان ماشفنه عبير كليلها فد يوم خل تمر...

قاسم.. غسلت وكملت وكعدت اكل...

حرير.. خل احمي الجاي.. كمت واخذت القوري

ابو قاسم.. ها يمة شونج اليوم

الوالدة.. شنوني.. تعبت بعد امك... فراك الحبايب اذاني...

ابو قاسم... اي هي هاي الدنيا... كلنا لهل درب

الوالدة...  محد كاسر بخاطري غير هالمسكينة

ابو قاسم.. اووف شبيدنا عليها...

الوالدة.. اخوك جان يتمناهه بس راح وعافهه..

واني جان مدي اخذها الاخوك شوف شنون

مداريتني.. حتى كلاص الماي هي تشربة الي

اني اكول لو تقنع حرمتك وتاخذها خاطر الناس

ماتحجي عليها بيوم .. خطيه تجيها حجايه

حرير... طبيت للغرفة بيدي القوري اول ماشافتني عمتي سكتت وابو قاسم صافن

مدري شجانو يحجون...

شذى.. الزم ابنك خبلني اريد اغسل وجهي ماكدر...

حرير.. يمة بعد عمري شلابس الحلو انطينياه

وروحي غسلي اني اشيلة...

شذى.. دخذذي الف عافية عليج...

حرير .. بقيت كاعدة واللعب بحمودي.. وعمتي وابو قاسم كبالي كاعدين.. اخذت حمودي

وطلعت خاف يردون يحجون شي وينحرجون

مني.. فتحت الباب وطبينة على فروحة اكعدي

كسوله.. حمودي كعدها العمة... شلتة وخليته فوك راسها.. هههههه

فرح... هااااي شنووو منو هذا وخري ااخ شعري ولج...

حرير.. عجل كووومي كافي كسل ضجت وحدي

فرح... بربج هاي سالفة نعساااااانة عوفيني

حرير... نامي نامي شلت البطانيه وخليتها

فوك راسها.. امشي حمودي هاي عمتك تحب النوم اخذته وطلعت للحديقه...

شذى.. كعدت اتريك شو ابو قاسم مو على بعضة شبي مادري عمتي شرادت منة...!

حرير.. طلعت بالحديقه بقيت العب حمودي

شوي ارتاحيت الهوى والجوو يخبل...

ابو قاسم..؛ طلعت ادخن جكارتي برة شفت

حرير وحمودي بالحديقة... صحت عليها

حرير سدي باب البرة لا احد يجي

حرير.. صديت عليه.. واني اللعب.. اي هسه

تعال حمودي خل نسد الباب.. سديته ورجعنا

رحت وره البيت شوفته الدجاجات.. وبقيت

ساعه اني وياه  نلعب... احاول اللهي

نفسي قدر الامكان.. احاول اخلي شي

يلهيني مادكدر يا زاويه يا مكان اروحلة

اشوفة جدامي... 💔 صار الدنيه. ضهر

جة سامر صبينالهم الغدة والجاي طبيت

غسلت وكملت.. اريد اروح الامي..

فرح.. وين رايحة شو لبستي..

حرير.. اريد اشوف امي من زمان مارحت

فرح.. عبالي سهيمة دزت عليج ماشي سلميلي عالكل ولا تتأخرين...

حرير... صار عيني... اشتره حسن غرفة لو بعد

فرح .. اي ايكول تخبل اليوم يمكن اروح اشوفها

حرير.. الف عافية حبيبتي مابقى شي على عرسكم.. يله خل اروح حتى الحك ارجع من وكت

طلعت الربعه بابها مفتوح صوت الضحك لبرة يوصل.. تمشيت على كيفي وطلعت.. وسديت

الباب وراية...طلعت من الفروع ماريد احد يشوفني امشي وحدي وتجيني سالفه

وصلت بيت خالي

دحام... خابروني واني بالشغل كالو لازمين

جماعة مشتبه بيهم.. بقتل ابو جراح ركبت السيارة وطلعت كبل للمركز .. ماصدكت اشوفهم

حرير... بقيت للمغرب كاعده يم امي... نسولف بهمومي.. كاعده وادعي على اللي سبب دماري

بهالحجي.. جت مرت خالي كالت فرح عاالتلفون

تكول لازمين اللي مشترك بقتلة ابو جراح

شهكت وكمت الحيلييي صدك تحجين منو وينها انطينياهه...

الوووو..

فرح...وج حريرررر لزمووو للمجرررم

حرير... اريد احجي وياهه ماكدر ابجي وبجيت الكل ويايه..

فرح... حرير وينج تسمعيني

حرير.. بصوت مخنووووك وينه شمدريج بهالحجي منو كلج

فرح.. ابو قاسم هسة كلش دحام مخابرة وكايلة

حرير.. هسه الاخبار عدمن يعني اريد اروح للمركز شون منو يوديني...

فرح.. الاخبار عد دحام كلها هسه جاي بالطريق

حرير.. سديت التلفون بدون ماحجي شي طلعت

اركض لازم اعرف اللي قتلة منو لازم انتقم منه

الركض واتعثر..، بالفروع... ودموعي مابطلن

اشهك وابجي مثل الجاهل...

يتبع....

الجزء السابع... الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

حرير.. سديت التلفون بدون ماحجي شي طلعت

اركض لازم اعرف اللي قتلة منو لازم انتقم منه

اركض واتعثر..، بالفروع... ودموعي مابطلن

اشهك وابجي مثل الجاهل...اخذوك حبيبي

اخذوك مني.. الله لا ينطيهم..واني امشي

صديت  سيارة جت تمشي يمكن هذا دحام

وكفت.. الشارع اضلم اريد اشوف وين راح ايروح حتى اروح وراه افهم السالفه ..وصل  يمي وخفف..ماعبر

دحام..  نزلت الجامة وكتلها ..حرير... وين جنتي ...؟

حرير.. مسحت دموعي... كتله .. ها بشر

كالو لازمين اللي قتل ابو جراح...

دحام.. اهدئي وعلى كيفج احجي.. هسه افهمج

انتي وين جنتي شطلعج وحدج

حرير.. جنت عند امي وسمعت بالسالفه وطلعت

اريد افهم السالفة،. وينه هذا المجررررم وديني

عليه.. اريد اشوف شنون طاه كلبه هيج يسوي

مافكر بأهلة مافكر بگلبيييي موحراااام عليه

دحام...امشي عالبيت جدامي وهسه اصل وافهمج السالفه...

حرير.. ناخذ ابو قاسم ونروح للسجن

دحام.. يولي هي سجن شبيج تخبلتي امشي

فوتي للييت بعد لا تطلعين وحدج العالم ماترحم

وانتي صغيرة،. بس لو اعرف منو اللي كلج اطلعي

حرير.. يمعود اني وين وانت وين اريد افهم السالفه تره مابيه بعد اكف على حيلي

دحام..  بعد مافهمت شي رحت للمركز

كالو ديحققون وياه واكو بعد جماعه لازمين

وياه انتطيتهم رقمي وكلت باجر العصر اخذ

ابو قاسم ونمر نفتهم السالفة...

حرير... اووووف گلبي واني كلت راح اروح انتقم منهم مثل ماحركو گلبي تالي السالفه طويله

دحام.. سدي الحجي هسسسة وفوتي عاد

جو زلم غادي يتمشون لا تكفين بعد بنص الدرب

حرير.. صديت عفتة يحجي مادرت بال كلمن

يريد يحجي خل يحجي اني فوك ضيمي مشيت

وهو يمشي ورايه بالسيارة... فتحت الباب وطبيت

دحام.. طبكت السيارة جدام بيتي ونزلت اتمشى عليهم.. دكيت الباب...

حرير.. صديت عليه واني امشي بالطرمة.. شفتة واكف بالباب... كتلو تعال فووت

دحام.. وين ابو قاسم .. خل يجي...

حرير.. مادري هسه اشوف وينة... طبيت للمطبخ ماكو احد رجعت طلعت دكيت باب الربعه

ابو قاسم.. كمت سمعت الباب يندك... ها حرير

خير شبيج..؟

حرير،. هين دحام عالباب يريدك

ابو قاسم.. طلعت علية صحت هلا خويه فوت تعاال وينك بشرر

دحام.. شفت ابو قاسم موجود طبيت امشي

حرير.. طبيت للييت لكيتهم كلهم مجموعين بغرفة عمتي ..فتحت الباب ها خير شكوو شبيها عمتي

فرح.. ضغطها ارتفع ،،

حرير،. اسم الله انطيتوها حباية..

شذى.. اي اخذت بس انقهرت من فتحنا سالفة ابو جراح..

حرير.. كعدت يمها.. فركا اديها.. سودة عليه شطلعني اليووم

فرح.. الحمدلله هي احسن صارت،. دانتضر دحام يجي حتى نفهم

حرير.. جة. حام كاعد بالرربعه

شذى،. صدك وشتبين.. خل نسألهم

حرير.. اكفي .. سالتة بالشارع السالفه طويلة ديحققون وياه بعدهم

فرح.. اوووف عبالي صدك .. الله ينتقم منهم

حرير.. طكيت بجي احترك گلبي اااخ شون دينا ماترحم الله عالظالم...

شذى،. كومي فرح خل نسوي عشى عيب الزلمة هين،،،

حرير.. هسه اكوم وياجن اني..

الوالدة.. روحن سون عشى وخلت حرير يمي

حرير.. شونج عمة شنون صرتي...

الوالدة.. احسن بنيتي شنونها امج

حرير.. شنونها زينه الحمدلله

الوالدة... هم زين جيتي ..  مادام راحت البنوات وبقينا وحدنا .. يمة اريد اخذ رايج بسالفة يمكن ماترضين كلت اسألج اول

حرير.. عيوني الج عمة كولي  كولي خير

الوالدة،. يمة اني تعودت عليج وكلنا بعد مانكدر بدونج..

حرير.. اني هم والله انتو اهلي

الوالدة.. خل اكمل يمه اسمعيني.. اني اقترحت انقنع حرمة ابو قاسم وناخذج القاسم يايمة الناس مارتحم وانتي حلوة وصغيرة

حرير... انصدددددمت من كالت هيج... لا لا عمة شو هيج لااا ابد ماتوقعتها منكم عمة ابو

قاسم اخوية شنون هيج تكولين وشذى صديقتي مرتاحة هي وزلمتها شنون ادخل بينهم ومنو كال

اني بعد اتزوج اني ماتزوج لوو مهما يكون

مو انوب اخذ اخو ابو جراح لا عمة اترجاج

هالسالفة ابد ماسمعها بعد واذا جان عالناس

عادي من باجر ارد على بيتنااا

الوالدة.. يايمة والله احسنلج اني  احاجي شذى

لا تهتمين اذا عليها

حرير.. عمة الله يخلييييج هالسالفه سديها

ماكدر اتزوج وابو قاسم اخوويه والله

الوالدة.. اني حاجيتة بس جت شذى بحزتها وسدينا السالفة...

حرير... ياعيبة العيبة شنون بعد ادحچ بعيون ابو قاسم لاا عمة مامرجية منج ولي يسلمج

هااسالفه. ماريدها تنعاذ اذا صدك تعزيني

الوالدة.. عجل بكيفج يمة والله اني علمود مصلحتج احجي اخاف عليج ومارديج تبعدين عنة والله بمعزة البنوات انتي ويمكن اكثر

حرير... الله يسلمج خاله اني هم والله يكفي انتو من ريحة الغالي.. صدكي بالله كلشي يعوود لبو

جراح صرت اعشگة حتى التراب اللي جان يتخطى عليه .. وانتي قيسي حبي اله وتريدين

اتزوج غير زلمة عمة ماكدر والله...

الوالدة... اوووف يمة من اتذكرة گلبي يوجعني

كومي يمة روحي وياهن هاي فرح ماتعرف مثلج

وحرمة قاسم ابنها على ايدها....

حرير... صار امي الغالية هسه اروح ... نامي ارتاحي غطيتها وطبكت الباب وطلعت...

اووف منين بعد اتلكاهه اني وين والزواج وين

لا والنوب من ابو قاسم... طبيت دلمطبخ لكيتهم

مخليات الاكل عالنار ...راسي احسة يفتل..

كوة طلعت الطماطة سويت زلاطه... اسمع

حس ابو قاسم مدري شيحجي هو ودحام..حسهم عالي اكو شي اكيد كمت 

خليت الي بيدي ورحت اسمعهم ... فتحت

باب المطبخ مشيت على اطراف اصابعي

وكفت باب الربعة اريد افهم شكو خاف دحاف ضم عليه السالفة سمعتهم يحجون الصوت واضح

دحام... يمعود ماتصور الهم يد بسالفة ابو جراح ذولة غربة مو من ديارنا...

ابو قاسم.. انعل ابوهم لابو الجابهم لديارنا 

والله باجر اروح بنفسي اتأكد واني احقق وياهم

اذا طلعو ..همه ياوويلهم مني

حرير.. يااااا يعني دحام ضم عليه يكلي ماشفتهم... شنون يجذب عليه والله عرفت اي

ضم السالفة عليه عجل شنون عرف مو من ديارنا

بقيت واكفه اسمع... وجان ينفتح الباب بوجهي

ياعيبة العييييييبة... سامررر صارت عيوني بعيونة بعد ماعرف شحجي هذا بعده هين يربي

عبالي رجع البغداد...

سامر.. دكو اهلي عليه ماسمعهم طلعت بره الشبكة ضعيفة

فتحت الباب وصارت هي نفسها جدامي

ياربي شهالحسن شهالجماااال تبارك الله فيما

خلق.. لك هذا ابو قاسم هيج خوات عندة 😍😍😍😍😍😍 شلون عيون يربي

حرير.. دنجت راسي فشلت يارربي دوم اكون جدامة بمواقف محرجة هسه شكال عليه

اتصنت عالززلم ياعيبة العيبة.. طبيت اركض

للمطبخ واني انهت يمةةة شطلعني

سامر.. بقيت اخابر بره واتلفت اريده بس تطلع

والله راح اتخبل منو هالحلوة معقولة من خواتة

شلون راح افهم .. اويلي شايله عيون تسبي

عشاااير بحالهااا...

سحر... اكووول شمة شو دحاام لازك بيت

ابو جراح .. شكوو شعندة هسه هم ابو جراح

وراح عمت عيني عليه هو شكو لازك يمهم

لووووو اووف خليني ساكته

شمة.. شكوو احجي ها لا تضلين مدري شنون

تسولفين من تحجين السالفة كمليها

سحر.. رايحة اسوي جاي مو وكتهاااا عيني

بس لا تتبقين فطيرة

شمة.. لا شو اكفي خل افهم شتقصدين اذا

علمود فرح تره البنيه مخطوبة لاتبقين تحجين

حجي فارغ جوزي عني

سحر... ههههههه شكد انتي على نيتج يافرح

عمي حرير هناك عايشة عدهم.. انتي ماشفتي

شنون خبلت ابو جراح خلتو مايشوف غيرة

دحام مو عاجبني وضعو ابد دايتردد عليهن لخاطر يشوووفها افهمي

شمة... لا لا لتخلين بحضج البنيه تحب ابو جراح

ماعدها هيج سوالف،..

سحر.. اكعدي عالدرب وشوفي اكص ايدي

اذا ماطلع دحام لخاطرها ديروح

شمة.. والله اخوج عااد ماينكدر عليه شسويلة

من احجي حجاية يعيط بية

سحر.. عجل ابقي هيج لما تاخذو منج

شمة.. خل يجي هسه وافهم منة

سحر.. لازم تخبلتي تسالي شبيج انتي الا اسالي انتي ماداشوفين بعينج هو مثل واحد

مصطور براسة عمي البنت سالبه عقلو

شمة.. اووووف يعني كضيت عمري خايفة يرجع حرمتة الطلگها النوب علية حريرررر

دحام.. تحضر باجر الصبح امر اخذك ويايه

ابو قاسم.. وين رايح اكعد تعشىى ماتطلع

دحام.. الف عافية ماكدر والله اريد اروح اغسل

ابو قاسم.. عجل باجر انتضرك اني..

دحام.. ان شاءالله .. فمان الله،...

حرير... بقيت اروح واجي باب المطبخ وكلبي

مشتعل نار اريد دحام يطلع افهم السالفه

منه .. ليش ضمها عليه... سمعت باي الربعه انفتح... اي طلع.. نصيت النار عالعشى وطلعت

اركض وراه...

دحام.. الووو.. هااا احجي شبيج بس ادكين

شمة.. وينك انت ليش للحزة ماجيت ..

دحام،. جاي جاي .. شبيج وين مولي يعني

حرير.. فتحت الباب شفته يخابر وطلع ديمشي

صحت بصوت ناصي خاطر ابو قاسم مايسمعني... دحااام... دحااام

دحام... سديت التلفون خليتو بجيبي اريد اطلع

صديت حرير واكفه تصيح عليه... وكفت

حرير.. ليش ضميت عليه هاااه

دحام.. تقدمت خطوة.. شنو شضميت عليج

حررير... سمعت حجيكم انت وابو قاسم من جنت بالرربعة ليش ضميت عليه .. اني

كلبي محترررك اريد شي يطفي نار كلبي

ليش محد يرحمني شبيكم ويايه دلوني عليهم

طفو شمعت حياتي راح النوب منها اني داموت

الف موتة باليوووم الله يخليك

اريد اشوفهم... اختكت بعد ماكدر اكمل

دحام... حررررگت گلبي والله شنون وياهه هالبنية.. اسمعي مني لا تبجين خل احاجيج

اكفي لا تروحين.. وروح الغالي اني بعد مافهمت

السالفة زين كتلج باجر افتهم ليش تبجين

حرير.. احلفلي بروح الغالي باجر تاخذوني

وياكم امانة عليكم بردو نار كلبي..

دحام.. وروحة للغالي ماتطلعين الباب عجل تخبلت اخذج بنص الزلم..

حرير،. صاررر روح والله الا ادور على المركز واروح وحدي... وهسة تشوفون

دحام.. ههههه اذا انتي مرة اطلعي الباب

حرير.. مررة والله بس بألف زلمة.. عفتو ومشيت

طبيت للمطبخ

دحام.. ول ول  هههههه والله صدك عليج طلعت للبيت مدري اضحك على سوالفها مدري انقهر عليها... فتحت الباب وفتت

شمة.. نتناك نريد انتعشى تأخررت

دحام.. ماريد عشى شبعان حضريلي الحمام

شمة.. جنت بالشغل للحزة...

دحام.. لا جنت يم ابو قاسم..

سحر.. دحجت عليها.. وضحكت

شمة.. هاااه خير شو كبل يمهم شكووو

دحام.. يعني شكوو هااا امشي لاتضلين اتسولفين حضري الحمااام ماتكدرين تسكتين

كرر كررر بس اطب للبيت .. شبيج

شمة.. عفتة مارديت علية طبيت للغرفة حضرت ملابسة.. ادري بي من احجي يصير عصبي

فرح.. شذى ابو قاسم يريد العشى...

شذى.. هين دحام وياهم لووو راح...

حرير.. لا طلع دحام هسة...

شذى.. عجل خل انصب بس الهم...

فرح... شبيج حرير شو مو على بعضج..

حرير... ماكو شي بس راسي يوجعني اريذ باجر اروح للمركز...

فرح... هههههههه هي مركز يولي عجل صدك تخبلتي...

حرير... اي والله تخبلت اريد اروح اشوفهن بعيني بلكت ارتااااح

دحام... صار الليل تمددت بقراشي.. تذكرت

حرير ودموعهاااا اخ ربي كسرت كلبي

هالمسكينة.. بس غيرر شايله اللسان ههههه

شبر ونص طولها بيها كل البلة...

ابو قاسم.. كعدت الصبح جاني دحام وطلعنا للمرركززز

حرير..كعدت من النووم لكيت رايحين للمركز

من الصبح تخبلت شنون بقيت ناااايمة

ليش محد كعدنيي...

شذى.. والله مادري بي حتى ماسويتلو ريوك

طلع مادري بي

حرير.. والله اذا ما دلوني عالمركز

شذى.. ههههه والله خبلة انتي كومي خل انتريك

حرير.. اكوول هذا الولد بعدو هين لو راح

شذى.. اي راح  ابو قاسم كال الصبح يطلع البغداد...

يـتبع.... جثير طلبوو مني صورة تبين من خلالها

ملامج ابو جراح وحرير... هذي الصور

لكن حرير.. يشهد الله نسخة ثانيه  من الصورة

وابو جراح الماعاني قريبة من شكله وخاصة السمارر

الجزء الثامن... الفصل الثاني

#حرير#بعد_منتصف_الليل

بقلمي #نشــــوى_السٌــلطاني ...❤️

شذى.. ههههه والله خبلة انتي كومي خل انتريك

حرير.. اكوول هذا الولد بعدو هين لو راح

شذى.. اي راح  ابو قاسم كال الصبح يطلع البغداد... بس ماعرف اذا راح اوبعدة بس سالفة

تروحين للمركز شيليها من بالج.. والله اذا سمعج ابو قاسم يتخبل..

حرير.. ولج والله اتمنى اشوفهم احاجيهم ليش

هيج سوو بينا .. عجل شنو ذبني هذا

گــِلبي يتموووه... يتيم والله بدوونة.. احترك واطفى كل ثانية .. ولج برمشة عين خذوه مني

ادري محد يخليني اروح بس من ضيمي احجي

شذى.. الله يعينج حبيبتي.. والله مردكلوبنا

كومي كافي يمعودة موتي نفسج كومي اكلي

وكافي تقهرين بنفسج،.،

حرير... غير لو اكدر اكل.. عمتي كعدت لو لا

شذى.. لا عوفيها نايمة خطية...

حرير.. مخنوووگة اريد اهج اطلع بديرة مابيها احد بس اني ،. وابقى ابجي ومحد يمنعني ولا

احد يسمعني اريد انعي .. واعتب الزمن ليش

اني هيج ماعندي ماحظ..

شذى.. يولي والله موتيني دكااااافي تخبلتي

والله جثير مثل حالج.. شنريد نسوي قابل

نعترض على قدر الله... كومي نتريد برة

الجو يخبل..

حرير.. يمعودة ماريد والله اكلي انتي الف عافية

اني بس اريدهم يجون حتى افهم السالفة

شذى.. دهاج عجل خلي يمج حمودي بين ما اتريك..

حرير.. جيبي للغالي فديت عمرة اني دشوفي

مو نفس عيون عمة.. ..

شذى.. اي اكو شبه عجل مو عمة لازم يطلع عليه

حرير.. جنت اتمنى اتزوج واجيب طفل منه يشبهه نفسة نفس اطباعه عصبيتة.. بس الموت

اخذو مني كبل كلشي..  اووف راح اطلع برة اشوف حمودي الدجاجات بين ماتكملين... اخذتو

وطلعت... شفت باب الربعه مفتوح تقربت.. يم الباب مديت راسي.. ماكو احد.. كعدت حمودي

يمي شلت الفراش كلة رتبته.. اووف هين جان يخابرني يومية.. هين جان مكانه.. جريت حسرة

شلت حمودي وطلعت برة،، كعدت عالدجة.. وحمودي راح يركض يلعب وره الدجاجات..

صافنة.. عليه.. يكوم ويوكع فدوة العينة..

سامر.. طلعت الصبح.. لبغداد.. بقيت واكف

بالشارع تقريب ساعة.. بس ماكدرت اعبر

على بغداد .. لان جان اكو لغم مفجور عالطريق

والكل واكف.، الامريكان قاطعين الطريق مليت

واني انتظر.. لفت السيارة وردجعت لبيت ابو قاسم...

سهام.. طلعت ادور على امي لكيته تكنس بالطرمة  كتلها يمة.. اريد اروح البيت دحام..

حدهن.. شكو شتسوين لا ماتروحين

سهام.. يمة ضوووجة كبل بالبيت وحدي حرير

موهين .. واني محد ويايه.. عبالي اروح اكعد شويه يم سحر.. خابرتني كالت تعاي علينا

حدهن.. اثكليي يمة موحلو البنت تطلع...

سهام... اهووو شنو سجن يعني تره مليت

حدهن.. روحي على حرير وفرح..

سهام.. اي اروح بس مناك امر على سحر ماتأخر يمها..

حدهن.. اخ منج من تريدن رادة .. روحي بس

لا تبطين هناك...

سامر.. رجعت.. نزلت.. لكيت الباب مفتوح البرة شويه.. انتبهت.. الحلوة كاعدة وحدها وصافنة

لو بس اعرف شبيها عبالك شايله هموم الدنيه

على راسها كل ماشوفها حزينة.. رجعت وصرت وره الباب ودكيته

حرير.. صافنه وادحك على حمودي شون يلاعب الدجاجات.. سمعت الباب اندك.. كمت اركض

اي اكيد جووي،. ماصدكت.. فتحت الباب بدون

ماكوو منووو....

سامر.. شلونج...

حرير.. دنجت راسي.. وصرت وره الباب..

سامر.. وينة ابو قاسم.. اني رحت بس الطريق

لكيتة مقطوع.. ورجعت..همزين انقطع..

حرير.. شنوو..!

سامر.. هههه ابو قاسم هنا..

حرير.. سمعت حمودي عاط.. ركضت وعفت الولد بالباب..

سامر.. شفتها تركض والطفل يصرخ.. ركضت وراهه...

حرير.. يمة حبيبي.. سووودة عليه.. شلته وحلكة يذب دم...

سامر.. انطينياه.. شبي خطيه..

حرير.. صديت علية.. هذا شجابه ورايه،. 

شلت حمودي وطبيت اركض عزة عليه هذا الله محضي بية.. هم زين موهين ابو قاسم

شذى.. هاا شبي حمودي سمعته يبجي..

حرير... غسلت حلكة.. اي والله داشوف الباب وجان يكع.. احجي وياهه وادحك من الجام

هذا بعدو بالحديقة.. كاشخ مثل كل مرة

شنو سالفتو هذا كبل يمنه.. مايروح الاهلة

شذى.. يولي هذا مو سامر .. شنو ماراح

حرير.. لا مسدود الطريق ورجع

شذى.. عزة عليج شمدريج انتي..

حرير.. هو كلي عبالي جة ابو قاسم طلع هو

شذى.. ممممم هذا شسالفتو هاا...

حرير.. شنوو. شبيج ..؟

شذى.. مادري خل نفوتة جوة عيب..

حرير.. خلي هسه يجي ابو قاسم ويفوت

سامر.. اوويلي ياالله... شلون جمال.. محبوبة

بس لو اعرف ليش كل ماتشوفني تنهزم طلعت

.. انتظر ابو قاسم

يرجع وافوت للبييت..  موراهمة افوت بالحديقة

دحام..كملنا من المركز ورجعنا... بس ابو قاسم نزلته بالشغل واني رجعت للبيت..

شذى.. خل اخابرهم اشوفه وينه... عيب الولد بالباب..

حرير.. اسالي شسووة مو تنسين

شذى.. اصبري ديدك... الووو

ابو قاسم.. هلا

شذى.. وينك وين صرت.. سامر عالباب

ابو قاسم.. شنون ليش ماراح هوو..

شذى.. لا رجع  لبيت..

حرير.. اشرتلها كتلها لا تكولين حجيت وياه

شذى.. هزيت راسي اااي ..

ابو قاسم.. هسه اخابر دحام يرجع ياخذني

شذى.. اصبر شسويتو اليووم الووو

خرب بسرعه كطعه..

حرير... عيدي الاتصال..

شذى.. هسه لما يسدة كال راح اخابر دحام..

دحام.. وصلت الفرع شفت  سامر 

هذا مو راح شرجعه... خففت يمة.. نزلت الجامة

حاجيتة.. گووة سامرر..

سامر.. هلاووو.. شلونك..

دحام.. هلا بيك شنو رجعت..

سامر.. الطريق مكطوع ورجعت وين ابو قاسم

دحام.. لحظة ابن حلال  ديخابر عليه..

الووو...

ابو قاسم.. دحام وصلت الديره لو بعد..

دحام.. اني كبال بيتكم واكف يمي.. سامر راجع الطريق مكطوع...

ابو قاسم.. شنون عيب اله ساعه بالباب.. ماتجي تاخذني...

دحام.. راح اخذة يمي يتغدة لوما تجي انت وسهلة.

سامر.. يمعود ياخذه ماريد شي.. 

ابو قاسم.. خووش عجل اني من اكمل اجي

دحام.. طبكت السيارة يم الباب ورجعت على سامر.. اتمشى..

سامر.. ليش ماجة وياك..

دحام.. كملنا من المركز.. وراح للشغل بس اليوم مو ماخذ وياه سيارتو راح ويايه.. امشي يمي

لما يجي..

سامر.. لا يمعود هين انتظرة لما يجي

دحام.. موعيب هالحجي الضيف يجي نخلي عالباب امشي..

سامر.. ماتقصرون والله.. بس لحظة هاي جنطتي بس اريد اخليها جوة لان بيها الاوراق

دحام.. جيبها هسه اوديها.. دكيت الباااب..

ول.. منو هيين..

شذى.. مديت راسي عرفت هذا صوت دحام

هلا خوية تفضل..

دحام اكو طريق اريد اودي هاي للربعة

شذى.. فوت خوية البيت بيتك..

حرير.. كاعده بالكاع جنت داكل حمودي بسكت وحليب سمعت صوت دحام.. يولي جووي لو شنو

شذى.. هذا دحام.. جاب جنطة يمكن ماالت سامر..

حرير.. خل نسأله حبابه ماعندي صبر تعاي ويايه..

شذى.. هيان طلع.. خوويه لحظة

دحام.. صديت،، عليها

حرير.. بس عفية كلي  شسويتو اليووم..

دحام.. طبن جوة مو وكتها.. الزلمة بالباب

حرير.. بس جاوبني الله يخليك همه لو لا

دحام.. لا مو همه..

حرير.. امانة احجيلي الصدك..

دحام.. يولي مو كلتي اني اعدال الف زلمة

وينة كلامج هااه .. دطبن جووة كتلج موهمة

حرير... خزرتوو بعيني.. وصديت.. طبعا عدال الف زلمة عفتو مشيت

دحام.. يولي.. فوتن وسدن الباب لحد تطلع بره

شذى.. ان شاءالله خويه.. امشي ولج شبيج ويا الزلمة مدري شنون تحاجي عجل لو ما صديق

ابو جراح لا وخطية يركض ماكعدد محروك گلبه عليكم.. وانتي هيج تحاجي..

حرير.. يمعوودة مدري شبي شايف نفسة علينا

كل ساع وكال طبن جووة ..

شذى،. غير يخاف علينا.. ااخ منج دفوتي فوتي

سهام.. طلعت امشي بالفرع.. شفت شاب حليو اباب بيت ابو جراح واكف لابس قميص ابيض

وبنطرون ونظارة شمسه.. مدري وين صافن

يااارربي منو هذا الحلووو😍 انفتح الباب وطلع

دحام.. اي هذا صديق دحام مية بالمية بس

موشايفتو هين عبالك غريب مو من ديارنا تقربت عليهم.. شفتهم طلعو يتمشون على بيت دحاام

دحام.. صديت شفت سهام مدري شسمها واكفه غادي من الباب عرفتها تريد تفوت لبيت ابو جراح اخذت سامر وطلعت للبيت .. طبيت فتحت باب الربعة... تفضل خووية..

سامر.. ياالله.. طبيت للييت .. وكعدت..

دحام.. هسه اجي بس اغير الملابس.. طلعت

وعفتة بالربعه...

شمة.. منو هين.. اكو احد غريب..

دحام.. نصي حسج يمنه ضيف من بغداد

ً

شمة.. هاااه من بغداد عالبعد شجابو هين

دحام.. حضري الغدة.. وعوفي الحجي هسه

بعدين احجيلج... بس حضريلي ماي شرب للزلمة بين ما اغير الملابس

سهام.. طبيت البيت فرح.. شفت شذى وحرير بالمطبخ.. دكيت الباب وفتت

حرير... سهاااام ...،،!!

سهام.. اااي سهام شبيج جفلتي...

شذى.. هلا بسهااام فووتي...

سهام.. كبل كلشي الحلو البرة منين الكم...

شذى.. عززة عليج ياحلووو

سهام.. هسه طلع ويا دحااام ولج يخبل

حرير.. هاااا هذا سامر...

سهام.. يمة گلبي النوب اسمه يخبل

شذى.. يمعودة لا تتخبلين هههههه شجاج

دحام.. اخذت الماي وكعدت اني وسامر بالربعه

نسولف...

سامر.. ابو قاسم تأخر عبالك..

دحام .. هو يجي شبيك قابل كاعد بالشارع

سامر.. هههه لا بس داسأل وينة.. خاف متزوج الثانية.. ههههه

دحام.. لا عندو حرمة مايتزوج هههه يخاف

سامر.. بس سؤال بيني ويينك ولا تاخذة بغير

شي.. شفت عدهم بنية.. تبارك الخالق الله يستر عليها.. حلوووة.. شنو هاي اخت ابو دحام لو شنوو..

دحام... شنووو .. عليمن تقصد.😒..!!

سامر.. لا. تفهمني غلط.. اني احبكم واتشرف بيكم.. صراحة البنيه عجبتني اذا مامخطوبة كلت اتقدم الخطبتهاا... ؟؟؟

دحام... لااااا هذي خطيبة ابو جراااح ابو قاسم  ماعندو خوات كلهن مشن.. وان جان على البنت ماينطوها شيلها من بالك

سامر.. ليش غير افهم شنو ماينطوها السبب شنووو ابو جراح الله يرحمة .. اني كلت اروح احاجي اهلي واجي اخطب.. لان صراحة مالكة احسن منكم

دحام.. نتشرف بيك بس ماكو نصيب ..

سهام... يولي والله يخبل ولج ماياخذني..

حرير.. ياعيبة العيبة شنون هيج تكولين ماتستحين ولج..

سهام،.. اهووو هسه واحد مايتشاقه

فرح.. هلا سهااام شعجب شعتب منو فتحلج الدرب...ولو احنا مانعجب اهم شي سحر

سهام.. هههه لا والله بس انتو ماتجوون

فرح.. منو هذا الحلوو سمعت طارف الحجي

شذى.. تقصد على سامرر..

فرح... احتركوو اهلة.. ولح يخبببببل

حرير.. دحكي الخ ولا يستحن يولي وخطيبج

وين راااح...

سهام.. ماعلينا هسه هو بيت دحام موو اريد اروح هنااااك😍

حرير.. اثگلي يولي عيب هالحركات

يتبع..

الجزء التاسع... الفصل الثاني

#حرير#بعد_منتصف_الليل

بقلمي #نشــــوى_السٌــلطان...❤️

حرير.. دحكي الخ ولا يستحن يولي وخطيبج

وين راااح...

سهام.. ماعلينا هسه هو بيت دحام موو اريد اروح هنااااك😍

حرير.. اثگلي يولي عيب هالحركات

وين تريدن تولين شعندج هناك

سهام،،، اهووو شبيج واحد ما يشاقيج شعليه بي اني اريد اروح السحر تنتضرني،.،

حرير.. هلا هلا السحر مالكيتي غير هالحية

سهام.. عيب حرير شمسويتلج البنية لو لان جان ابو جراح يريدها..😉 بطلي غيره الزلمة مات

ميتها منها شبيج

حرير.. اتخسسين انتي وياهه منو هي حتى اموت من وراهه بعدين ابو جراح مارادها لاتضلين تسولفين سوالف فارغه..

شذى.. صلوو عالنبي بنات شبيكم.،،،

حرير .. عفتها وطبيت الغرفتي

فرح.. سهام ماله داعي كلامج ليش تقهريها ابو جراح ماراد غير حرير .. هي ذيج جانت لازكة

سهام.. هسه رادها حبها كرهه انتو شبيكم هو بعد ماااات .. والله يالله ماتكدرون تسكتون

حرير.. من اضوج اصير انضف.. طلعت ملابس ابو جراح،. رتبتهم من جديد.. اووف ريحتة بيهم

اتمنى ماتروح هالريحة وتبقى ويايه طول العمر

يبعد عيوني لو انت هين مو هذا حالي.. سديت

الكنتور.. كعدت عالجرباية.. صافنه وافكر..

شنون راح يكضي عمري بدونة.. معقوله يجي

يوم اتعوود واكول خلص مات مايرجع.. لا مستحيل اني احسة ويايه.. بكل مكان.. اويلي

والله مشتاكتله .. اتمنى يتكرر الحلم واشوفه احاجي حتى لو من بعيددد..،

سامر... السبب شنوو يعني غير اعرف

دحام.. خوية.. البنية ماتصور بعد ترضى تتزوج السالفة شيلها من بالك انتشرف اناسبكم بس

ماكو نصيب.. وبنات الحلال جثير .. ان شاءالله

تلاكي اللي تناسبك.. خل اكوم اشوف وين الغده

سامر.. ادري كبل سدها بوجهي شبي.. لازم احاجي اهلي نجي نخطب ونشوف هيج موراهمه احجي بيها وحدي...

حرير.. تغدينا وكملنا.. جة ابو قاسم جنت انتضره بالباب بس اريد افهم السالفه بلكي

تطفى نار كلبيي

شذى.. يول حرير.. هذا منو جة..

حرير.. صديت عليه تعاي هذا ابو قاسم

ابو قاسم.. فتحت الباب وطبيت خير شبيكم هين واكفين فوتو جوة..

شذى . هم زين جيت حتى نفهم السالفه..

ابو قاسم.. يمعودة مو همه شبيكم طلعو جهال ومن الخوف حايرين شحاجين بعدين طلعو مو همه ..

شذى... اوووف والله عرفت فوت متغدي لو لا

ابو قاسم.. اتغديت اي وينه حمودي...؟

حرير.. بقيت واكفه بمكاني ماعرف شحجي فات ابو قاسم وشذى... تمشيت وكعدت بالحديقة

فرح.. شو ماطبت حرير وينها..

سهام.. والله مادري شلت المبايل.. اني راح اروح

فرح.. خير وين بعد وكت...

سهام.. لا اريد اروح السحر..

فررح.. دكعدي يمعودة يمهم خطار لاتروحين اليوم

سحر.. شعليه بي هو بالربعه واني اكعد جوة

يله رايحة.. سلميلي...

فرح.. الله وياج... طلعت وطلعت اتمشى وراهه

سهام.. ها حريرر شو كاعدة هين وحدج

حرير.. يمعودة عوفيتي مالي خلك الشي

سهام.. عجل ضلي مكابلة الدجاجات... هههه

حرير.. يولي عبير مادتجيكم...

سهام.. بالجمعه الفاتت جتي.. خابريها

شوكت تشترين مبايل يمعودة ترة قتلتيني

حرير.. شسوي بي مامحتاجتة...

سهام.. عجل ضلي عايشه بالعصر القديم

فرح.. شبيج حبيبتي ليش كاعدة وحدج تعاي كومي سويت جاي..

حرير.. يمعودة ياجاي ماريد.. اكلج هاي سهام شو راحت من وكت شعجب..

فرح.. راحت لبيت سحر عيني

حرير.. شووف هاي تحجي صدك ولا تسمع كلام..

سهام.. دكيت الباب البرة.. وكفت على صفحة

دحام.. سمعت الباب يندك.. هسه ارجعلك خويه

وكفت بالطرمة صحت .. منو عالباب...

سهام.. اني اني..

دحام.. منو هاي صوت غريب.. تمشيت فتحت الباب...

سهام.. السلام عليكم

دحام..وعليكم السلام تفضلي..

سهام.. اني جاية على سحر

دحام.. اي عرفتج فووتي..

سهام.. فات يمشي جدامي واني وراه

دحام.. طبي منا.. عدنا ضيف بالربعه

سهام.. هزيت راسي اي.. راح دحام واني طبيت

من باب الهول..

شمة.. هلااا ياهلاا فوتي.. تعالي سحر شوفي منو جة..

سحر.. داغسل بالملابس نشفت ايدي وطلعت

ياااا شعجب شعتب..

سهام... ههههه من كتلج راح اجي اليوم

سحر.. عبالي مثل كل مرة بس حجي

شمة.. دكعدي راح تبقن تسولفن..

سحر.. ههه اي صدك.. كعدي خية نسينا روحنا

شمة.. اروح اصب جاي للزلم من رخصتجن

سهام.. تعاي هذا منو اللي يمكم...

سحر... ولج مادري جة ويا دحام شفته من الباب طلع يغسل..عالمغسلة البره.. شلون شاب

سهام.. غيرر حلوو يخبل

سحر.. لج اي بس خل يطلع دحام اخلي شمة تساله ونشوف منو هذا بس يمكن غريب مو من عربنا..

سهام.. اي اني هم هيج اكول شفته طلع من بيت ابو جراح..

سحر.. خاف هم جاي علمود حرير

سهام.. عايزة والله يسويها الحظ..

سحر.. ولج اسكتي هذا دحام فارة راسه فر

مثل واحد مسطور مدري شبي

سهام.. عزة عليج وشمة شنون

سحر.. مادري بس اشوفه من نجيب طاري حرير مدري شيصير بي يتغير لونه

سهام.. يمعودة ماتصور دحام متزوج مايسويها

سحر.. يمعودة شمة امي خلتها براسه والله ماشوفه يحبها .. غير امي جابتها والنوب صار سنة وشويه على زواجهم ولحد الان ماخلقت

سهام.. عجل ذيج ليش طلكها

سحر.. قصدج المهندسة.. يمعودة ذيج مو من ثوبنا.. عاداتهم تختلف من عدنا دحام تورط بيها

وهي ماكدرت تعيش ويانه .. وره اربع اشهور طلكها..وراحت  النوب امي جابتله شمة..

لا قراية ولا كتابه .. معرفتها قليله.. على وجهه

ودحام.. بس يعلم بيها خبلته..

سهام.. يبو من هذا دحام كبل ضايج

سحر.. لا هو هذا طبعو معصب كبل .. تصدكين كبل جم يوم سمعته ايكول الامي .. خطيتي

بركبتج.. جبتيلي شمة وخليتيها براسي لا تصدكين احبها بيوم شمة ماملت عيني.. شمة اختيارج مو اختياري..

سهام.. عجل وداعتج هم يطلكها مدام هيج كال

سحر.. لا ينقهر عليها ماعدها احد وترة ذيج

هي طلبت الطلاك هو ماعليه

حرير.. مرررت الاياام .. لا عرفنا القاتل منو

ولا بردت نار كلبي يوم عن يوم احن واشتاك

اكثر.. صرت اشرب مهدئات حتى تهدء نار كلبي

وانسى ماكدر.. دحام وكف النا وكفه ماتنسي

يركض كبل ويدور عالقاتل منو بس ماكدرنا

نعررف... ماانسى وكفتو ابد فرح الخميس

عرسها.. فرحانين بيها كلنا بس فرحتنا موكاملة

بعد ماراح الغالي...

شذى.. يولي حرير.. تعاي ويينج..

فرح.. اكوو بوجهه خبرر كووولي شكوو

شذى.. شكد تنطوني واحجي..

فرح.. اهووو دكوولي عاد

حرير.. هااا شذى شكو يمعودة كولي لكو اللي قتل ابو جراح

شذى.. لا يولي وين رحتي انتي بسسسس

ممممم.. احجي لو لا

فرح .. نحجين لو اكوم اخنگج.

شذى.. هههههه لا لا راح احجي اسمعن البارحة

خابر سااامر على ابو قاسم

فرح... ايييي دطلعيهاا

حرير.. دحكي فرح راح تموت الفضول قاتل😂

شذى .. ولج اليوم  يجووون يردون يخطبون حرير

حرير.. شنوووووووووو

شذى.. وووووجع شجاااج

حرير.. وخليتوهم يتعنون مناك لهين ليش هاا

غير ايكلهم ماننطي

شذى.. وليش ولج ماننطي تلكين احسن من سامر ولج خلقة واخلاق

حرير.. ولج ياخلقة ياااخلاق بعد ابو جراح مايملي عيني زززلمة..

فرح.. يولي جنت اتمنى اشوفج عروسة اخويه

بس لاتفوتين القسمة هاي جثير بنات تحلم بيها

يولي الفات مات وانتي صغيرة وماعندج احد امج مريضه عمي تعبان .. النوب تبقين خدامة

على ايد.. حددهن وربعها.. شوفي حياتج فكري زين لا ترفضين

حرير... يمةةة اني وين وانتو وين كل عقلكم تحجون .. هالامر مايصيرر... شذى ولي يسلمج

كولي الابو قاسم خلي يرفض

شذى.. اسسسكتس الناس بالطريق جايب اهله

موعيب نرجعهم خل يصلون يجون نشوفهم

بعدين تره ابو قاسم حاجة عمي وراح يجي

وهو وحدهن...

فرح.. هههههه العب اليوم سهيمة تموووت

شذى.. ههههههه اي دكليلها وجماله ماتقبل

حرير.. يحجن فوك راسي اني متمددة

وصرت استرجع ذكرياااتي.. من جان يكلي

محد ياخذج غيرري انتي اللي من جان كلمن يتقدم ينهي عليه.. وييينك رحت وعفتني الغربة

تريد تاخذني منك.. اوووويلي ربي.. اختنكت

كوه كتمت ادموعي من غير شي الكل صار

يسميني معقده... سحبت نفس عميق..

كمت لفيت شعري.. وتبت فراشي وطلعت

كل عقلهم.. ذوله مخابيل يدرون اتزوج

واروح بعيد.. وانسى ابو جرااح...

الوالدة... يولن وييينجن.. محد جا عليع اريد اتوضى.. ولج فرررح

فرح.. جاااية جاية.. ها يمة اسويلج ريوك

الوالدة.. ما توضيت جيبيلي ماي.. شو حرير ماكو ماجت عليه خمو مريضه مو عوايدها

فرح.. عجل ماكلتلج شذى.. اليوم يردون يمشون على حرير.. جة سامر وجاب اهله... هسة همة بالطريق  ..

الوالدة... لااا كولي غيرررها...

فرح.. اي يمة شبيج والله..

الوالدة.. مع الاسف والله...

فرح.. لا يمة ليش هيج تكولين صح جنت اتمناهه الاخوية . بس هذا نصيبهم شنسوي

الوالدة.. صيحيلي اخوج امشي..

فرح.. راح اجيبلج ماي واصيحله...

شذى... طلعت غسلت وجهي.. وتلفت بالبيت

يردوني اتزوج واعوف ذكرياتي.. هينة جان يكعد

هناك جان يمشي... لا والله ماكو احد بعد ياخذ مكانك...

شذى.. ابو قاسم.. وينك.. كوم روح عمتي تريدك

ابو قاسم.. سويلي جاي.. شتريد امي خمو مريضه...

شذى.. مادري بغرفتها فرح كلتلي امي تريده

ابو قاسم.. حضريلي الجاي رايح اشوفها شتريد وارجع.. اريد اطلع اتسوك سوت غدة راهم..

شذى.. ماشي.. وصيلنا عواد خل يذبحلنا ذبيحة

عيب الناس من زمان موجايين

ابو قاسم.. اي خابرته.. طلعت رحت علو امي

ها يمة.. شنونج اليوم..

الوالدة.. مووزينة والله...

ابو قاسم.. خير يمة... شبيج

الوالدة.. عجل كتلك قنع حرمتك واني ادري بيها تقنع هي وحرير حبايب.. شنون تريد تنطيها

الهذا الغريب.. حرير بنتي ماكدر اخليها تروح

بعيد من عدنا.. اريدها تضل ويانة هين طول العمر..

ابو قاسم.. يمة شقنع منها.. كل عقلج لاتخلين شذى وحرير وحدة تكره الخ .. حرير 

جانت حرمة اخويه.. ونفسة بيعا ماكدر اخليه تصير مرتي يمة خل البنا تمشي حرام نكف بقسمتها تعذبت جثيرر

الوالدة.. يمة اريد اشوفها مرتاحة وكلت هين جدام عيني احسن منو يكول ترتاح هناك يم ناس غربة..

ابو قاسم.. الزلمة مايتعيب وماناقصة شي

مايجيها احسن منه.. وان جان عالبعد هيج

احسن بلكي تنسى يله راح اكوم اتسوك

ماضل وكت...

حرير.. نضفت وياهم البيت.. الكل فرحان واني  عبالك عندي عزة.. كل عقلهم اتزوج

ابو قاسم.. طلعت تسوكت وجبت الحم..

.. ٓورجعت تلكاني بالباب دحام

دحام ها ابو قاسم.. اليوم مورايح للشغل

ابو قاسم.. اليوم جمعه شبيك..

دحام.. اووو والله ناسي روحي شمدريني

ابو قاسم.. عود تعال تغدة اليوم يمنه سامر

واهله عالغدة..

دحام.. خيرررر شكووو

ابو قاسم ماكو غير الخيررر..

دحام... بس لا هذا سواهه صدك وجة يخطب

مسسستحيييل لا ماصدك...

يتبع..

سلامي للكل المتابعين طبعا مو اني  اللي انشر.. رسلت الجزء الزينب لان تعطل حسابي

عطلو اللي مايخافون الله...  ماعندي حساب حاليااا راح اشتاق الكم

ملاحضة... اللي يكول الاحداث بطيئة اتمنى يخرج من القصه بهدوء تره هي قصة مو كارتون

تريدون اكلبها هندي.. خلوني اكتب براحتي

نشوووى

الجزء التاسع... الفصل الثاني

#حرير#بعد_منتصف_الليل

بقلمي #نشــــوى_السٌــلطان...❤️

حرير.. دحكي الخ ولا يستحن يولي وخطيبج

وين راااح...

سهام.. ماعلينا هسه هو بيت دحام موو اريد اروح هنااااك😍

حرير.. اثگلي يولي عيب هالحركات

وين تريدن تولين شعندج هناك

سهام،،، اهووو شبيج واحد ما يشاقيج شعليه بي اني اريد اروح السحر تنتضرني،.،

حرير.. هلا هلا السحر مالكيتي غير هالحية

سهام.. عيب حرير شمسويتلج البنية لو لان جان ابو جراح يريدها..😉 بطلي غيره الزلمة مات

ميتها منها شبيج

حرير.. اتخسسين انتي وياهه منو هي حتى اموت من وراهه بعدين ابو جراح مارادها لاتضلين تسولفين سوالف فارغه..

شذى.. صلوو عالنبي بنات شبيكم.،،،

حرير .. عفتها وطبيت الغرفتي

فرح.. سهام ماله داعي كلامج ليش تقهريها ابو جراح ماراد غير حرير .. هي ذيج جانت لازكة

سهام.. هسه رادها حبها كرهه انتو شبيكم هو بعد ماااات .. والله يالله ماتكدرون تسكتون

حرير.. من اضوج اصير انضف.. طلعت ملابس ابو جراح،. رتبتهم من جديد.. اووف ريحتة بيهم

اتمنى ماتروح هالريحة وتبقى ويايه طول العمر

يبعد عيوني لو انت هين مو هذا حالي.. سديت

الكنتور.. كعدت عالجرباية.. صافنه وافكر..

شنون راح يكضي عمري بدونة.. معقوله يجي

يوم اتعوود واكول خلص مات مايرجع.. لا مستحيل اني احسة ويايه.. بكل مكان.. اويلي

والله مشتاكتله .. اتمنى يتكرر الحلم واشوفه احاجي حتى لو من بعيددد..،

سامر... السبب شنوو يعني غير اعرف

دحام.. خوية.. البنية ماتصور بعد ترضى تتزوج السالفة شيلها من بالك انتشرف اناسبكم بس

ماكو نصيب.. وبنات الحلال جثير .. ان شاءالله

تلاكي اللي تناسبك.. خل اكوم اشوف وين الغده

سامر.. ادري كبل سدها بوجهي شبي.. لازم احاجي اهلي نجي نخطب ونشوف هيج موراهمه احجي بيها وحدي...

حرير.. تغدينا وكملنا.. جة ابو قاسم جنت انتضره بالباب بس اريد افهم السالفه بلكي

تطفى نار كلبيي

شذى.. يول حرير.. هذا منو جة..

حرير.. صديت عليه تعاي هذا ابو قاسم

ابو قاسم.. فتحت الباب وطبيت خير شبيكم هين واكفين فوتو جوة..

شذى . هم زين جيت حتى نفهم السالفه..

ابو قاسم.. يمعودة مو همه شبيكم طلعو جهال ومن الخوف حايرين شحاجين بعدين طلعو مو همه ..

شذى... اوووف والله عرفت فوت متغدي لو لا

ابو قاسم.. اتغديت اي وينه حمودي...؟

حرير.. بقيت واكفه بمكاني ماعرف شحجي فات ابو قاسم وشذى... تمشيت وكعدت بالحديقة

فرح.. شو ماطبت حرير وينها..

سهام.. والله مادري شلت المبايل.. اني راح اروح

فرح.. خير وين بعد وكت...

سهام.. لا اريد اروح السحر..

فررح.. دكعدي يمعودة يمهم خطار لاتروحين اليوم

سحر.. شعليه بي هو بالربعه واني اكعد جوة

يله رايحة.. سلميلي...

فرح.. الله وياج... طلعت وطلعت اتمشى وراهه

سهام.. ها حريرر شو كاعدة هين وحدج

حرير.. يمعودة عوفيتي مالي خلك الشي

سهام.. عجل ضلي مكابلة الدجاجات... هههه

حرير.. يولي عبير مادتجيكم...

سهام.. بالجمعه الفاتت جتي.. خابريها

شوكت تشترين مبايل يمعودة ترة قتلتيني

حرير.. شسوي بي مامحتاجتة...

سهام.. عجل ضلي عايشه بالعصر القديم

فرح.. شبيج حبيبتي ليش كاعدة وحدج تعاي كومي سويت جاي..

حرير.. يمعودة ياجاي ماريد.. اكلج هاي سهام شو راحت من وكت شعجب..

فرح.. راحت لبيت سحر عيني

حرير.. شووف هاي تحجي صدك ولا تسمع كلام..

سهام.. دكيت الباب البرة.. وكفت على صفحة

دحام.. سمعت الباب يندك.. هسه ارجعلك خويه

وكفت بالطرمة صحت .. منو عالباب...

سهام.. اني اني..

دحام.. منو هاي صوت غريب.. تمشيت فتحت الباب...

سهام.. السلام عليكم

دحام..وعليكم السلام تفضلي..

سهام.. اني جاية على سحر

دحام.. اي عرفتج فووتي..

سهام.. فات يمشي جدامي واني وراه

دحام.. طبي منا.. عدنا ضيف بالربعه

سهام.. هزيت راسي اي.. راح دحام واني طبيت

من باب الهول..

شمة.. هلااا ياهلاا فوتي.. تعالي سحر شوفي منو جة..

سحر.. داغسل بالملابس نشفت ايدي وطلعت

ياااا شعجب شعتب..

سهام... ههههه من كتلج راح اجي اليوم

سحر.. عبالي مثل كل مرة بس حجي

شمة.. دكعدي راح تبقن تسولفن..

سحر.. ههه اي صدك.. كعدي خية نسينا روحنا

شمة.. اروح اصب جاي للزلم من رخصتجن

سهام.. تعاي هذا منو اللي يمكم...

سحر... ولج مادري جة ويا دحام شفته من الباب طلع يغسل..عالمغسلة البره.. شلون شاب

سهام.. غيرر حلوو يخبل

سحر.. لج اي بس خل يطلع دحام اخلي شمة تساله ونشوف منو هذا بس يمكن غريب مو من عربنا..

سهام.. اي اني هم هيج اكول شفته طلع من بيت ابو جراح..

سحر.. خاف هم جاي علمود حرير

سهام.. عايزة والله يسويها الحظ..

سحر.. ولج اسكتي هذا دحام فارة راسه فر

مثل واحد مسطور مدري شبي

سهام.. عزة عليج وشمة شنون

سحر.. مادري بس اشوفه من نجيب طاري حرير مدري شيصير بي يتغير لونه

سهام.. يمعودة ماتصور دحام متزوج مايسويها

سحر.. يمعودة شمة امي خلتها براسه والله ماشوفه يحبها .. غير امي جابتها والنوب صار سنة وشويه على زواجهم ولحد الان ماخلقت

سهام.. عجل ذيج ليش طلكها

سحر.. قصدج المهندسة.. يمعودة ذيج مو من ثوبنا.. عاداتهم تختلف من عدنا دحام تورط بيها

وهي ماكدرت تعيش ويانه .. وره اربع اشهور طلكها..وراحت  النوب امي جابتله شمة..

لا قراية ولا كتابه .. معرفتها قليله.. على وجهه

ودحام.. بس يعلم بيها خبلته..

سهام.. يبو من هذا دحام كبل ضايج

سحر.. لا هو هذا طبعو معصب كبل .. تصدكين كبل جم يوم سمعته ايكول الامي .. خطيتي

بركبتج.. جبتيلي شمة وخليتيها براسي لا تصدكين احبها بيوم شمة ماملت عيني.. شمة اختيارج مو اختياري..

سهام.. عجل وداعتج هم يطلكها مدام هيج كال

سحر.. لا ينقهر عليها ماعدها احد وترة ذيج

هي طلبت الطلاك هو ماعليه

حرير.. مرررت الاياام .. لا عرفنا القاتل منو

ولا بردت نار كلبي يوم عن يوم احن واشتاك

اكثر.. صرت اشرب مهدئات حتى تهدء نار كلبي

وانسى ماكدر.. دحام وكف النا وكفه ماتنسي

يركض كبل ويدور عالقاتل منو بس ماكدرنا

نعررف... ماانسى وكفتو ابد فرح الخميس

عرسها.. فرحانين بيها كلنا بس فرحتنا موكاملة

بعد ماراح الغالي...

شذى.. يولي حرير.. تعاي ويينج..

فرح.. اكوو بوجهه خبرر كووولي شكوو

شذى.. شكد تنطوني واحجي..

فرح.. اهووو دكوولي عاد

حرير.. هااا شذى شكو يمعودة كولي لكو اللي قتل ابو جراح

شذى.. لا يولي وين رحتي انتي بسسسس

ممممم.. احجي لو لا

فرح .. نحجين لو اكوم اخنگج.

شذى.. هههههه لا لا راح احجي اسمعن البارحة

خابر سااامر على ابو قاسم

فرح... ايييي دطلعيهاا

حرير.. دحكي فرح راح تموت الفضول قاتل😂

شذى .. ولج اليوم  يجووون يردون يخطبون حرير

حرير.. شنوووووووووو

شذى.. وووووجع شجاااج

حرير.. وخليتوهم يتعنون مناك لهين ليش هاا

غير ايكلهم ماننطي

شذى.. وليش ولج ماننطي تلكين احسن من سامر ولج خلقة واخلاق

حرير.. ولج ياخلقة ياااخلاق بعد ابو جراح مايملي عيني زززلمة..

فرح.. يولي جنت اتمنى اشوفج عروسة اخويه

بس لاتفوتين القسمة هاي جثير بنات تحلم بيها

يولي الفات مات وانتي صغيرة وماعندج احد امج مريضه عمي تعبان .. النوب تبقين خدامة

على ايد.. حددهن وربعها.. شوفي حياتج فكري زين لا ترفضين

حرير... يمةةة اني وين وانتو وين كل عقلكم تحجون .. هالامر مايصيرر... شذى ولي يسلمج

كولي الابو قاسم خلي يرفض

شذى.. اسسسكتس الناس بالطريق جايب اهله

موعيب نرجعهم خل يصلون يجون نشوفهم

بعدين تره ابو قاسم حاجة عمي وراح يجي

وهو وحدهن...

فرح.. هههههه العب اليوم سهيمة تموووت

شذى.. ههههههه اي دكليلها وجماله ماتقبل

حرير.. يحجن فوك راسي اني متمددة

وصرت استرجع ذكرياااتي.. من جان يكلي

محد ياخذج غيرري انتي اللي من جان كلمن يتقدم ينهي عليه.. وييينك رحت وعفتني الغربة

تريد تاخذني منك.. اوووويلي ربي.. اختنكت

كوه كتمت ادموعي من غير شي الكل صار

يسميني معقده... سحبت نفس عميق..

كمت لفيت شعري.. وتبت فراشي وطلعت

كل عقلهم.. ذوله مخابيل يدرون اتزوج

واروح بعيد.. وانسى ابو جرااح...

الوالدة... يولن وييينجن.. محد جا عليع اريد اتوضى.. ولج فرررح

فرح.. جاااية جاية.. ها يمة اسويلج ريوك

الوالدة.. ما توضيت جيبيلي ماي.. شو حرير ماكو ماجت عليه خمو مريضه مو عوايدها

فرح.. عجل ماكلتلج شذى.. اليوم يردون يمشون على حرير.. جة سامر وجاب اهله... هسة همة بالطريق  ..

الوالدة... لااا كولي غيرررها...

فرح.. اي يمة شبيج والله..

الوالدة.. مع الاسف والله...

فرح.. لا يمة ليش هيج تكولين صح جنت اتمناهه الاخوية . بس هذا نصيبهم شنسوي

الوالدة.. صيحيلي اخوج امشي..

فرح.. راح اجيبلج ماي واصيحله...

شذى... طلعت غسلت وجهي.. وتلفت بالبيت

يردوني اتزوج واعوف ذكرياتي.. هينة جان يكعد

هناك جان يمشي... لا والله ماكو احد بعد ياخذ مكانك...

شذى.. ابو قاسم.. وينك.. كوم روح عمتي تريدك

ابو قاسم.. سويلي جاي.. شتريد امي خمو مريضه...

شذى.. مادري بغرفتها فرح كلتلي امي تريده

ابو قاسم.. حضريلي الجاي رايح اشوفها شتريد وارجع.. اريد اطلع اتسوك سوت غدة راهم..

شذى.. ماشي.. وصيلنا عواد خل يذبحلنا ذبيحة

عيب الناس من زمان موجايين

ابو قاسم.. اي خابرته.. طلعت رحت علو امي

ها يمة.. شنونج اليوم..

الوالدة.. مووزينة والله...

ابو قاسم.. خير يمة... شبيج

الوالدة.. عجل كتلك قنع حرمتك واني ادري بيها تقنع هي وحرير حبايب.. شنون تريد تنطيها

الهذا الغريب.. حرير بنتي ماكدر اخليها تروح

بعيد من عدنا.. اريدها تضل ويانة هين طول العمر..

ابو قاسم.. يمة شقنع منها.. كل عقلج لاتخلين شذى وحرير وحدة تكره الخ .. حرير 

جانت حرمة اخويه.. ونفسة بيعا ماكدر اخليه تصير مرتي يمة خل البنا تمشي حرام نكف بقسمتها تعذبت جثيرر

الوالدة.. يمة اريد اشوفها مرتاحة وكلت هين جدام عيني احسن منو يكول ترتاح هناك يم ناس غربة..

ابو قاسم.. الزلمة مايتعيب وماناقصة شي

مايجيها احسن منه.. وان جان عالبعد هيج

احسن بلكي تنسى يله راح اكوم اتسوك

ماضل وكت...

حرير.. نضفت وياهم البيت.. الكل فرحان واني  عبالك عندي عزة.. كل عقلهم اتزوج

ابو قاسم.. طلعت تسوكت وجبت الحم..

.. ٓورجعت تلكاني بالباب دحام

دحام ها ابو قاسم.. اليوم مورايح للشغل

ابو قاسم.. اليوم جمعه شبيك..

دحام.. اووو والله ناسي روحي شمدريني

ابو قاسم.. عود تعال تغدة اليوم يمنه سامر

واهله عالغدة..

دحام.. خيرررر شكووو

ابو قاسم ماكو غير الخيررر..

دحام... بس لا هذا سواهه صدك وجة يخطب

مسسستحيييل لا ماصدك...

يتبع..

سلامي للكل المتابعين طبعا مو اني  اللي انشر.. رسلت الجزء الزينب لان تعطل حسابي

عطلو اللي مايخافون الله...  ماعندي حساب حاليااا راح اشتاق الكم

ملاحضة... اللي يكول الاحداث بطيئة اتمنى يخرج من القصه بهدوء تره هي قصة مو كارتون

تريدون اكلبها هندي.. خلوني اكتب براحتي

نشوووى

مسائكم هيييل ☘️

الجزء العاشر... الفصل الثاني

#حرير#بعد_منتصف_الليل

🖖🍁

  • #صحيح ﭑﻟقسمةهَ #ﻟعبت دور،

     #بس ﭑنت #ﭑﻟخذت ڪلبي،♥️

.

بقلمي #نشــــوى_السٌــلطان...❤️

🍂🍂🍂🍂🍂

دحام.. خيرررر شكووو

ابو قاسم ماكو غير الخيررر..

دحام... بس لا هذا سواهه صدك وجة يخطب

مسسستحيييل لا ماصدك...ماتصور توافق بي

اعرف حرير... ماراح توافق... طبيت للبيت

افتر.. هين وهين.. اهجس انضربت براسي

شبيه اني.. ليش عايش ويا هالاوهام.. البنية

لازم تشوف حياتهه اذا مو ويا سامر اكيد

ويه  غيرة.. ضلت كاعد وادخن.. صافن

معقولة تتزوج.... زين ليش تروح بعيد هي ماتكدر بدون الديررة...

شمة.. دحااام شو هين كاعد..

دحام.. هااا شكو شتيدين...؟

شمة.. ادور عليك بالبيت مادري بيك بالربعه سويت غدة.. لا تطلع بعد شويه يجهز

دحام.. ماريد معزوووم

شمة.. وين معزوووم...

دحام.. يم ابو قاسم.  

شمة.. هااا شو العزايم كثرانة هاليام..

دحام.. اي وهسة انتي شتيدين

شمة.. لا تروح ابقى هين تغدة...

دحام.. شبيج انتي شتخربطين الناس عازميني

شنو لا تروح ... روحي عني تره مالي خلكج

شمة... اي ضل تصفن،. حاير بروحك... عبالك ماتصلني سوالفك

دحام.. صديت عليها... وووووولج هي سوووالف

انتي شبيييييج

شمة.. مابيه بس كف رجلك منهم كافي عاد كلها انتبهت عليييك

دحام.. كمت الحيلي كضبته من ايدها... يولي لا تضلين تذبين حجي احجي لا اكسر راسج

شمة... همه يكولون مواني.

دحام... بالله هسه افلش وجهج داحاجييييج

منو اللي يحجي وشنو الحجي ومنو همةةةة

شمة.. هدني لا تكضبني هيج ايدي وخرر شبيك

والله موواني النسوان بالديره دتحجي عليك وعلى حرير.. يكولون دحام يحبهاا...

دحام... ولج منوووو هاااااي الكاااالت.. منيلج هالحجي...

شمة.. شعلية اني هي سحر كلتلي... والله ماعليه اني وبعد ماحجي بس لا تسويلي شي

دحام.... صحت..بصوووت عالي سحرررررررر.... وووووينج..

شمة،، طلعت والله مو هين راحت لبيت عمتك..

دحام.. ليييييش طلعت منو الكلهااا تطلع امي وييين..

شمة.. نااايمه والله ماعليه اني دحااام والله همه كالوو مواني..

دحام.. اندلفي وليييي عن وجهي وسحر هييين خل تكضبهااا ايدي...

شمة.. وين شنو راح تطلع...

دحام... والج عين تسألييين امشي روووحي

واذا اسمع هالسالفه مره اخرى اقسم بالله

اذبحجن.. النوب تحجين على بنات الناس اني اعلمجن،.. للبست الستره وطلعت.. واني صاير

ناااار... وكفت بالباب.. تعوذت الشيطان اخ

شبية اني حتى اللي ماينتبه صار ينتبه عليه

استغفر الله... وتالي هالگلب دمرني...تمشيت

على بيت ابو قاسم،.. بعدهم الجماعة ماوصلوو

وكفت على صفحة.. اريد ادك الباب.. بقيت متردد لا كافي خل البنيه تعيش اني شنو الي

جابني هين.. كافي انانية خل ارجع الله يسعدها

مشيت اريد اطلع.. طبكت جدامي سيارة سامر

بقيت ماكدر بعد امشي.. كلت خل اسلم وارجع..

سامر،.. هلا والله... شلونك

دحام.. هلا خوية نورتو الديرة..

سامر،. يمة.. فوتو جوة منا.. هذا الباب

دحام.. تفضلوووو جوة.

سامر.. جيت وياية اخويه ووابوية وامي.. سلمنا على دحام وطبينا..

دحام.. يول وينهممم،،، ابو قاسم..

فرح..  دحكت من الجام شفتهم نزلوو صحت ولج وصلوووو وينه ابو قاسم حرير وينججججن

شذى.. شبيج تصيحين.. شكوو تخبلتي

فرح ... عيب نزلو محد تلكاهمم..،

شذى.. اي طلع دحام من باب الربعه..

فرح.. وينها حريررر.،، خرب شبيها هاي

شذى.. كافي لا تسمعج الحرمة.. فتحت الباب

هلا خاله،. تفضلي زارتنا البركة ركضي فرح جيبي ماي... اخذتها وكعدنا بالهول الزلم بالربعه...

فرح.. اخذت الماي.. وطبيت.. تفضلي خاله

ام سامر.. .. ماشاءالله انتي العرووسة الكال عليها ابني...

فرح... هههه لا خاله هسه تجي...

شذى.. هسه اصيحلها .. هاي فروحة اخت ابو قاسم..

ام سامر.. لعد وينها الوالدة شو ماكوو

شذى.. عمتي بغرفتها مريضه خطية ماتكدر

ام سامر.. ميصير لعد خل اكوم اسلم عليها

شذى.. اي عادي خاله فوتي البيت بيتج..

فرح.. فتحت الباب ولكيت حرير كاعده وحده وصافنة.. يولي تحجين صدك العالم هينة وانتي

كاعده هين وحدج يمعودة كووومي...

حرير.. انتو كل عقلكم والله بطرانين..

فرح..هسه بس كومي سلمي الله كريم عود بعدين نتفاهم...

حرير.. جتي خالتي حدهن وابويه لو لا

فرح.. لا بعد.. راح يجون ويمرون على عمي فواز يجي وياهم،.

حرير.. كمت الحيلي اريد اطلع..

فرح... وين وين.. اكفي.. يولي.. وين رايحة

حرير.. والله خبلتيني غير اسلم مو انتي كتيلي

فرح.. عزة عليج تطلعيت هيج بدلي خزيتينا

حرير.. وعليش ابدل راح انضف واغسل ماعين

خليني بهاي مرتاحة

فرح.. والله ماتطلعين هيج... فتحت الكنتور اكفي

خل اشوف شتلبسين.. هاااج اللبسي هاي

حرير... يوولي هاي شعندي حفلة ماللبسها

فرح.. يمعودة الناس جايين من بغداد لا تفضحينا تره هي كلابيه قابل فستان

حرير.. جيبي اللبسها وامري لله

فرح.. مو تبقين جامدة طبي اضحكي احجي

تعودنا مشوفج بوجه فرحان كافي حزن ياعمري

حرير.. يافرح بعد.. مابقى شي يفرح روحي هسه اجي وراج...

دحام.. مدري شبيه مخبوصة روحي الكل يسولفون واني بغير. دنية.. كمت اريد اطلع

ابو قاسم.. ها خير وين رايح

دحام.. والله خوية مالي خلك.. اريد ارد للبيت غداكم واصل..

سامر... لا وين والله الكعدة وياك حلوة

ابو قاسم.. والله ماتطلع.. وهاي اني حلفت بعد

دحام.. يمعودوالله مالي نفس

ابو قاسم.. والله ازعل بس تطلع.. اكعد اخويه 

دحام... ههههه يابه راح اكعد على كيفكم

حرير.. لبست الكلابيه.. ولفيت شالي وطلعت..

رجلي ماتاخذني .. بس غصب عني طلعت عيب

مايصير ماسلم عليهم.. وصلت للهول شذى وفرح

يدحجون عليه وفرحانات .. واني مادري شنو اللي بيه اهجس نفسي ضايق سلمت.. مرحبا..

ام سامر.. هلا حبيبتي هلا انتي حرير موو

حرير.. هزيت راسي اي.. تقربت عليها بوستها

وكعدت غادي منها..

ام سامر.. تبارك الخالق عيوني ابني ماينلام من جابنه .. خوش اختيار..

حرير.. جاملتها ابتسمت وصديت على فرح

فرح.. شبيج يمعودة اضحكي.. شبيج

ام سامر.. حبيبتي جيبلي سجادة اصلي

حرير.. اي هسه خاله .. كمت جبت السجاده

خليتها يمها ماصدكت.. بس اريد اطلع

رحت للمطبخ.. يم شذى..

شذى.. هااا هم زين من ضحكتي شبيج كالبه خلقتج..

حرير. لا عادي بس جنت ضايجة .. المهم

انطيني خل اسوي زلاطة

شذى.. امشي ماعليج احنا انكمل روحي كعدي يم الحرمة مايصيررر

حرير.. يمعودة دتصلي انطيني خل اللهي نفسي ..

شذى.. يولي جو اهلج..

حرير.. صدك منو جة.. وياهم كمت الحيلي خليت الزلاطه عالكاونتر..

شذى.. شعجب مو جايه وياهم سهيمة

حرير.. شمدريني اسكتي هسه

حدهن.. هااا شنونجن جوي الخطار لو بعدهم

حرير.. اي جوي فوتي راح نصب غدة عجل وين سهام شو مو وياج

حدهن.. عفتها نايمه مالها خلك..

شذى.. سلامتها...

حرير..، صبينا الغدة.. للزلم وبالهول... الكل كعد ياكل اني ماكدرت اكل خليت القوري عالنار نصيت النار واخذت الاكل للدجاجات خطيه ماوديت اللهن الصبح

ام سامر.. لعد حرير وينها متجي تاكل

شذى.. ماتريد هي بعدين تاكل

دحام.. من رخصتكم بس اخابر

ابو قاسم.. تلفوناتك ماتخلص تغدة واطلع

دحام.. اكلو الف عافية هسه ارجع.. شلت الجهاز وطلعت.. طلع يمي .. رقم سوري

منو هذا بس لا نواف.. وكفت بالطرمة عالشبكة

عدت الاتصال.. ماكو صوت وينكطع.. اهوو

منو هذا .. رجعت اتصلت..

حرير.. فتحت الباب وطلعت شفت دحام يخابر مدري ويامن.. ماحجيت عفته ورحت وره البييت

امشي والدجاج يركض ورايه.. خطيه جوعانات

دحام.. شفتها طلعت... صديت عليها.. سديت التلفون خليته بجيبي.. اتذكرت.. اول مرة من

شفتها من وكعت سلت البرتقال.. تذكرت

من شلتها بيوم وفاة ابو جراح بالمستشفى

يربي شبيه اني ليش هيج مهتم. بيها.. بدون ماتبه النفسي مشيت وراهه.. وكفت غادي منها

حرير.. كعدت عالدچة.. خليت الاكل وكعت ادحج عليهن.. وصافنة.. الدنية لعبت لعب بيه النوب

سامررر اوف يحضي والله ماريد شي بعد من الدنيا بس اريد ارتاح كلشي ماريد

دحام.. بقيت صافن عليها.. يربي شحلاتها

حلوة.. وكلشي بيها حلو .. بقيت مرتجي عالحايط وبدون وعي بقيت سارح بجمالهااا

حرير.. الدجاجات ملتمات علية كمت اكش بيهن

صديت.. شفت دحام ورايه.. كمت الحيلي عدلت حجابي... بقيت مستغربة. شجابو هين

دحام..  تقربت وكفت يمها همست بصوت ناصي شلونج... ؟؟

حرير... زينة..

دحام.. بس الحزن واضح بعيونج شبيج احجيلي شنو سالفة سامر

حرير.. جريت حسرة.. مادري دحام يكولون جاي يخطب

دحام.. وانتي شتكولين...

حرير..شكوول .. مااادري والله الدنيا طالعه من عيني عفتو ومشيت

دحام.. اكفي احاجيج.. لا توافقين

حرير.. صديت علية .. وليش ماوافق..

دحام... لا توافقين حرير وان جان على اهلج اني احاجيهم ماخلي احد يجبرج..

حرير.. وليش يعني شعليك انت...

دحام.. بقيت ساكت احتاريت شنو اجاوبها

حرير... انت شتريد مني ممكن اعرف

دحام.. اريد اشوفج سعيدة ماحب اشوف الحزن بعيونج

حرير.. وسامر شعليه...

دحاام... حرير ارفضي وين تروحين بعيد ماتعرفين شي عن اهله.. والولد غريب والغريب ذيـب .. واني اعرف انتي موراضية بس يمكن اكو ضغط عليج

حرير.. دحاااام... لوين تريد تصل ..؟

دحام...  ماكدرت اجاوبها لان اني مادري ليش هيج داسوي اللي بيها مايتفسررر  عفتها ومشيت .. خطوتين صديت عليها... يولي سعادتج هين لا تروحين غادي...  مشيت  للربعه...

حرير... بقيت محتارة شبي ليش هيج ويايه

وشدعوة هالكد مهتم.. صفنت اتذكرت من كال

الغريب ذيب.. اي والله ذيب شسوت بية سهيمة

هذا منين طلعلي.. يربي منو كال اريد اتزوج

خل اروح انهي كلشي مدام احنا بالبدايه

ليش انطيهم امل.. مشيت للييت..، بس

دحام بقى بالي.. ليش هيج حجة شبي يحاجيني وعيونو مليانه قهرر .. طبيت للمطبخ

الجاي محترك.. بديتة عالسريع وسويت غيرة حضرت الاستكانات.. شفتهم كامو الزلم طلعو يغسلون بره...

فرح.. ليش مااكلتي شبيج

حرير.. ماريد كملو النسوان لو بعد

فرح.. اي كملو وسالت عليج ام سامر

حرير.. يمعودة دبطلس انتي.. راح اصب الجاي شيلو السفرة بين مااكمل..

فرح.. ابقي بعنادددج

حرير... اي عنادي افضل والله..شفت الزلم طلبو جوه رجعت صبيت الجاي..وطلعت الباب الربعة

اريد ادك الباب.. وجان ينفتح بوججهي

طلع دحام.. شايل التلفون ومدري ويامن يحجي

دحام.. داحجي بالتلفون.. شفته تلكتني بالباب

لحظة نواف خليك ويايه.. شطلعج هينة

هاا شحابج.. انطيني الصينيه وفوتي جووة

حرير.. هذا شبي شو يصيح عليه شدعوااه

انطيتة الصينيه وطبيت للمطبخ صبيت جاي للنسوان... تلكاني بالباب ابو قاسم..

ابو قاسم.. بقى غدة لو لا وينها شذى

حرير.. اي بقى خير من الله..

ابو قاسم.. عجل زين خلو الدحام غدة ماتغدة

فرح.. ليش ماتغدة وياكم

ابو قاسم .. ايكول مالي خلك وراسي يوجعني المهم بقوله انتو... ولحد تطلع برة

حرير.. دقيقة ابو قاسم اكف..

ابو قاسم.. ها حرير شبيج...

حرير..سالفه الخطبة الغيهاا الله يخليك ماكدر اتزوج .. واذا ماضيقكم وجودي هين عادي ارجع البيت اهلي... ..

ابو قاسم... ليش شنو السبب...؟

شمة.. هم زين جيتي تعاي ...

سحر.. خيرر شبيج تلكيتيني خل اخذ نفس

شمة.. شسوه بيه دحااام من وراه سوالفج

سحر.. شنو شبيج احجييي

شمة.. على سالفة حريررر مو كلتي يروح خاطز يشوفهاا سالته تخبل يكول منو الكال هالحجي

سحر.. عزة عليج شنون تحجيله.. امداج تبقين ثولة..،هسه بعد اذا نريد نكشفهم مانكدر من وراج

شمة.. هااا شنون نكشفهم شتقصدين

سحر... يولي ابقى اعلم بيج تعالي هسة افهمج

شمة.. عزززة عليج والله يذبحنا لا يمعودة

سحر.. عجل ضلي فطيرة لما ينزلها عليج ضرة

عود هم تعاي وشكيلي

شمة.. اكفي خاف مو صحيح هالحجي ياهو الكلج

سحر.. ولج بابا مو تشوفي كبل يمهم لا والنوب

ماديجي بالليل من وكت وتدرين حضر تجوال يعني وين ديروح هاا كولي تبقين اعلم بيج

شمة.. يعنييييييي ديتواااعد وياههه

يتبع...