تحميل رواية «اميرتي» PDF

في غرفة ميار

دخلت فرات الغرفة وذهب للسرير وصعدت فوقه وبداءت تلعب بشعر ميار

ميار : فرات خليني نايم

فرات : اكعد كافي نوم

ميار : امممممم نعسان

فرات رفعت الغطاء وسحبت يد ميار ونامت على يده وتغطت

فرات : اني هم اريد انام

ميار حضنها : يلا خليني انام وبدون حركة وصوت

فرات: اوك وبعدها كلاهم ناموا

في غرفة الجلوس

جنى : عمو كنان فرات وين

كنان : ماادري

جنى: قبل شوية جانت هنا وين راحت

كنان : دوريها وتلكيها

ذهبت جنى لتبحث عن فرات في الحديقة

جنى: رتيل رتيل

رتيل : شكووو

جنى : هم شفت فرات

رتيل:لا

جنى: وين راحت

رتيل : شوفيها بغرفة الجلوس

جنى: ماكو

رتيل: لعد بجهة المسبح تلكيها

جنى: اوووك اروح اشوفها

رتيل: انتي شوكت تمشين مثل الاوادم وليش تركضين

جنى: مادري

رتيل: روحي وامشي على كيفج لتوكعين

جنى: اوووك .....

في غرفة الجلوس

تميم : بيسان بيسان

بيسان : عيونها

تميم : تسلم عيونج بس شوفيلي فرات وينها قبل ساعة دزيتها تكعد ميار وماكو

بيسان : ماشي شيخنا هسة اشوفها وبعدها ذهبت بيسان لغرفة ميار

ندى بهمس: ليش شيريد منج شيخنا

لين: بعدين احجيلج مو هسة

ندى: لا هية احجي

لين: كومي نروح للمطبخ لا كدامة نتهامس ليروح يرولنة

ندى بصوت عالي : يلا حبيبتي لين كومي للمطبخ علمود نساعد خالتج بيسان

لين : يلا ماما ..اختذتها وذهبت الى المطبخ

تميم : كنان زوجتك اتموت اذا ماعرفت شكوو

كنان : لا شيخنا بس هي راحت تساعد بيسان

تميم : فاهمكم عدل ماكو داعي تبرر الها

كنان : والله ياشيخنا مادري شجاوبك

تميم: دير بالك على فرات ترا بنتك هاي مو جايبها من الشارع

كنان : ليش مقصر وياها بشي ..سامع شي

تميم: اني اسمع كلشي واعرف كلشي وبعدين يتيمة ومن ضلعك هاي ولتخلي مرتك تلعب بدماغك

كنان : شيخنا هذا الحجي مالة داعي

تميم : ياريت والله يطلع مالة داعي واتحمل ذنبك وتكون فرات سعيدة وياكم....

بيسان ذهبت لغرفة ميار وعندما دخلت وجدته نائم وهو يحتضن فرات نضرت لهم ولعدها قفلت الباب بالمفتاح

بيسان : ميار ميار

ميار : امممممم

بيسان : كوم بسرعة

ميار بنعاس وهو يضع يده على عيناه: شكو

بيسان : افتح عيونك وشوف زين

ميار : بيسان شبيج

بيسان : شبيك انت تخبلت شنو هاي الوضعية

ميار نضر الى فرات وهي تنام على يده ومحتضنته

ميار: والله ماحسيت من جتي نامت

بيسان : شيل ايدك وكوم بسرعة لتصعد ندى لو لين

ميار: اشبيج ترا بالغتي

بيسان : ونبي ندى اطيح حضها هي بلا شي مصخمتها بحياتها وتشوفكم هيج كبل تسوي سالفة

ميار: انتي متاكدة كاعدة تحجين هلى اختج

بيسان : اي هي صح اختي بس مو حقانية وانت تعرف شلون تعاملها لفرات

ميار: اي اعرف اعرف

بيسان: يلا تزحح وكوم من يمها

ميار: ماشي روحي وهسة اكعدها وننزل

بيسان: لتخلي ندى اشوفك

ميار: ماشي

بيسان فتحت الباب

ميار: وليش قافلة الباب

بيسان : خاف احد يفتحها كبل ويطب

ميار: ترا بس انتي تجفتين كبل ولة الكل ادم الباب

بيسان : الام متستأذن من تدخل لغرف جهالها

ميار: اي هم صدك ربي لا يحرمنا منج

بيسان: ولا يحرمني منكم ويلا فضنا

ميار: يلا روحي هسة اكعدها

خرجت بيسان من الغرفة اما ميار كان ينضر الى فرات وبداء يلعب بشعرها

فرات : اممممم

ميار: يلا صحصحي وخلي ننزل

فرات ادخلت رئسها اكثر في حضن ميار: ماريد انزل

ميار: يلا عاد بلا سوالف جهال

فرات : ماااا

ميار: يلا ترا ماراح نلحك

فرات: ع شنو

ميار: على روحة السوك وناخذ ملابس

فرات : المن تاخذ ملابس

ميار: لفرات يعني غير الج

فرات رفعت رئسها: يعني تاخذلي الي

ميار: اي الج

فرات نهضت وجلست على السرير وهي تبتسم

ميار: خبلة شبيج

فرات : فرحانة لان راح اخذ ملابس جديدة

ميار: ديلا كومي غسلي وعدلي شعرج دنروخ

فرات بداءت تقفز على السرير : هيا هيا هيا راح اخذ ملابس

ميار: على كيفج

سمعوا صوت طرق الباب

ميار: تفضل

كانت ندى وعندما فتحت الباب ورئت فرات تقفز على السرير

ندى: انتي شوكت تكبرين وبعدين شنو هاي الحركات مال المزعطة نزلي يلا

فرات توقفت ونزلت من على السرير

ندى: نزلي جوة يلا وممنوع تدخلين لغرفة ولد مرة ثانية فاهمة

فرات ورئسها في الارض: فاهمة

ندى: حسابج بالبيت مو هنا

فرات خرجت من غرفة ميار

ندى: يلا حبيبي انزل لان شيخنا يريدك

ميار: يلا يلا اغير ملابسي وانزل

ندى: اعتذر اءا فرات ضوجتك بس هي كلش مزعجة

ميار: بنت عمي عي وعادي مصار شي

ندى: يلا حبيبي لعد انزل بسرعة

ميار: ماشي ....

"فرات فتاة عمرها 17 سنة والدتها توفيت عندما كان عمرها 10 سنوات وبعدها تزوج والدها من ندى وكانت ندى اديها ابنة من زوجها السابق وعندما تزوجت من كنان غيرته كثيرآ حتى انه اصبح يعامل فرات بقسوة "

"بيسان تكون زوجة هتان واخت ندى ... ندى تكون قريبة لهم في ابنة عمهم ..."

"جنى فتاة عمرها 17 سنة والديها توفى في حادث سير وهي تعيش مع جدها تميم "

"ميار هو احد احفاد تميم عمره 26 سنة يعمل في شركة مع اخيه هتان وهو خاطب لين بنت ندى"

"رتيل هو اخو هتان وميار وعمره 27 ولا يعمل وحتى الجامعة لم يكملها الى حد الان "

ميار: يلا فرات

ندى: على وين !!

ميار: اخذلها ملابس

ندى: حبيبي ماكو داعي اتعب نفسك لان عدها

تميم: اخذها وروح

ندى: بس شيخنا هي قاطعها تميم : ندى من احجي لتعارضيني ولتثنين كلمتي بس كولي حاضر وتم

ندى: حاضر شيخنا

ميار اخذ فرات وذهبوا ....

هتان : حياتي تعبتي اليوم

بيسان : ايييي كلش كلش

هتان : اووف ياعمري ليش البنات ماساعدنج

بيسان : تعرفها انت لندى بس كلام مابيها خير

هتان: اي اعرفها وجنى وفرات وينهن

بيسان : جنى فرحان بملابسها وخطية فرات يعني الغضب ندى كافي عليها انوب اني اجي واشغلها

هتان : حيل تقهر شفتها اليوم مدري شبيها والدمعة بعينها

بيسان : اكيد ندى مسويتلها سالفة

هتان : تدرين كنان حيل متغير يعني اني اخوه مداعرفة

بيسان : ندى حية بعد واكيد سمتة من سمها طبعا شكد كلت لشيخنا لتزوجة ندى ترا تغيرة بس ماسمع مني

هتان : ميتوقع هيج تطلع

بيسان : مو اني اختها وادري بيها

هتان : ماعلينا منهم المهم انتي بخير

بيسان : اييي الحمدالله

هتان : شخبار النونو

بيسان : اليوم بدا يتحرك

هتان : صدك

بيسان : اي بدا يدفر

هتان : تلكيه تعب من الشغل لان هم اشتغل وياج

بيسان : اي اكيد يحس بأمة

هتان : فديتة وفديت امة

رتيل : عمي الرومانسي

هتان : خير

رتيل : تعال وراية

هتان: يعني اخوك الجبير هيج تحجي وياه

رتيل : فضنا انت الثاني

هتان : يعني الصراحة تخجلني بأخلاقك

رتيل : كافي عاد لتخليني احجي غير حجي

رتيل : وانت شبقيت

بيسان : تعبانة واريد ارتاح روحوا بغير غرفةكملوا سوالفكم

هتان : امشي خلي نشوف شعندك

رتيل : تعال للحديقة لان الجو حلو

هتان : يلا امشي ...

"اذا فقدنا والدنا نكون بلا سند وقوة في الحياة اما اذا فقدنا والدتنا نكون فعلا ايتام لاننا لا نجد شخص بحنيتها وطيبة قلبها والام هي مركز العطاء والحب والتضحية واكبر دليل على ذالك ان رب العالمين وضع الجنة تحت قدمها لانها تستحق ذالك .."

ندى : فرات فرات

فرات : نعم

ندى: روحي نظفي المطبخ

كنان : مو عدنا خدامة

ندى: عقوبة على الي سوتة اليوم

كنان : ليش شمسوية !!!

ندى نضرت الى فرات : اكول لابوج شمسوية

كنان : ندى احجي شمسوية

ندى : بنتك الخفيفة هاي دخلت لغرفة ميار ولكيتها بسريرة تكمز

كنان : هههههههه عبالي مسوية شي

ندى : راح تفضحنا بعد شتريد اكثر من هيج

كنان : عيب بابا انتي كبرتي ولازم تعوفين سوالف الاطفال

فرات : اسفة بابا

ندى: روحي للمطبخ ونظفيه وعلمود مرة ثانية تنتبهين لتصرفاتج ومتعيديها

فرات نضرت الى والدها ولكن والدها التزم الصمت

ندى: ليش واكفة ويلا ع المطبخ

فرات : ماشي رايحة 😢......

ميار : بيسان

بيسان: عيونها

ميار: تسلم عيونج بس دزي على فرات خلي تجي

بيسان : ليش شكو

ميار :شيخنا يريدها

بيسان : تدلل انت وشيخنا

ميار: تسلمين

في الكوفي شوب

هيا : تفضل شنو تطلب

رتيل : هيا شسوين هنا

هيا : شنو طلبك

رتيل : انتي تشتغلين عاملة هنا !!

هيا : لو سمحت لتعطلني ع شغلي وتفضل اطلب

رتيل : هيا لتخبليني

هيا :لو سمحت تفضل شنو تشرب

رتيل : لتخلين اكوم واكسر المكان كلة على راسج ومن اسألج جاوبي وسوالف مااتذكرك ومنو انت خلي يولن مو اني طفل وتضحكين علية بيهن يعني اربع سنوات مستحيل تنسي او تنسين صاحبها

هيا : اششش نصي صوتك وبعدين نحجي عندي شغل مثل مدشوف

رتيل : اوك خلصي شغل ونحجي

هيا : اوك اشوف

رتيل : ماراح اتحرك خطوة وحدة منا وراح اضل كاعد انتضرج

هيا : ماشي شتشرب هسة

رتيل : عصير خوخ

هيا : اوك ......

في السوق

ميار : عجبنج الملابس

فرات : اي كلش كلش

ميار : بالعافية وتهريهن بالهنا

قمزت فرات على ميار وحتضنته : شكرآ شكرآ

ميار : راح توكعيني على كيفج

فرات : فرحانة كلش كلش

ميار : تعالي اشتريلج ايس اكريم هم

فرات : يم يم يلا يلا

ميار : يلا ملاكي امشي

فرات : يلا .. وامسكته من يديه

ميار : هههههههه صدك طفلة

فرات : لا كبرت اني ولازم اتصرف تصرفات كبار

ميار : منو هاي كالج هذا الكلام

فرات : بابا كالي هيج .. لذالك بعد ماتصرف مثل الصغار

ميار: هههههههههه

فرات: ليش تضحك

ميار: انت شايفة روحج شلون تمشين

فرات :شوي غير فرحانة وداكمز بالمشي

ميار : بس توج تكولين اريد اتصرف مثل الكبار

فرات : كدامك عادي بس كدامهم اختلف

ميار : اها

فرات : ايييييي .....

" ومهما حاولنا ان نثبت لنفسنا اننا نسينا الحب ومشاعره واصبحنا لا نهتم قد نهزم بنضرة او كلمة ونعود كما كنا ...."

هيا ورتيل خرجوا من المطعم وركبوا في السيارة

هيا : خير شعندك

رتيل: شخبارج شلونج

هيا : رتيل فضني شتريد وشعندك

رتيل : يعني هسة تذكريني مووو

هيا: اني مانسيتك علمود اذكرك

رتيل : يعني لحد هسة مانسيتي

هيا :اي مانسيت جرحك وخذلانك الي وشلون عفتني وسافرت وتدري اني بدونك مااكدر اعيش

رتيل : هو هذا الي مانسيتيه

هيا : مانسيت كذبك وخداعك الي ومانسيت خيانتك الي

رتيل : هسة خلينا من هذا الكلام واحجيلي شخبارج

هيا : ليش هذا الكلام يزعج فمتريد تسمعة لو متريد تذكر حقارت وياية ومعاملتك القاسية الي

رتيل : مشتاقلج

هيا :رتيل اطلع من حياتي ومااريد اشوفك بعد ويكفي الي صار بية

رتيل : مااكدر واني ماصدكت لكيتج

هيا : اكو اشياء مستحيل ترجع مثل قبل

رتيل : بس ترجع عادي احسن من قبل هم

هيا : رتيل وكف السيارة

رتيل اوقف السيارة : شكو دختي !!

هيا نزلت من السيارة : مع السلامة اتمنى مااصادفك مرة ثانية واذا شفتني اتجاهلني وكأنوا متعرفني

رتيل : اصعدي بلا خبال

هيا : مااصعد ويلا روح

رتيل : اصعدي

هيا : ما

رتيل بداء يصرخ : كتلج صعدي

هيا خافت منه وصعدت الى السيارة

رتيل : انتي ليش تخلين افقد وليش متسمعين كلام

هيا كانت ساكتة ولم تتكلم وكانت تنضر للاسفل

رتيل : مو داحجي ليش متجاوبين

هيا لم تتكلم لذالك رتيل مد يده ورفعا ورئسها: لتبجين اي اسف

هيا : كافي عاد ارحمني والله تعبت اريد انسى اريد اكمل حياتي ميصير هيج والله حرام عليك

رتيل اوقف السياارة على جانب الطريق

رتيل : اسف

هيا : بشنو تفيدني اسفك هى هى

رتيل تقرب من هيا واحتضنها : كافي تبجين عورتي كلبي

هيا : انت الي كافي وحس بية

رتيل : اوعدج هاي اخر مرة تكونين حزينة

هيا : انت ماعندك بس كلام

رتيل: اوعدج اتغير بس انتي اوثقي بيه

هيا : ماريد شي منك كل مرة تكول هيج

رتيل : اخر مرة ...اني اتندمت لان هواية اذيتج بس والله كنت طايش ولتنسين اني احبج

هيا : انت متحبني بس تعاملني ك شي تمتلكة

رتيل:انطيني فرصة وشوفي شلون اتغير

هيا : مااريد اآذي روحي اكثر

رتيل: هاي المرة تختلف لان من بعدتي علية حسيت بقيمتج ووعد مااذيج بعد

هيا : رتيل لعباتك لدخلني بيهن

رتيل : والله ماعندي اي لعبة بس اني احبج

هيا : اكيد

رتيل : اكيد وداعت عيونج

هيا : نهايتك هاي المرة على ايدي

رتيل مسح الدموع من عينها : راح تشوفين شكد تغيرت .. وراح اتغير بعد علمودج

هيا : ان شاءالله يكون مو بس كلام

رتيل : كلام وفعل ان شاءلله

هيا : ان شاءاله ويلا رجعني للبيت لان تأخرت

رتيل : ماشي تدلل روحي وعمري وكل حياتي

هيا :😊......

فرات :بابا

كنان: ها بابا

فرات: باجر المدرسة يطلعون رحلة واريد اروح

كنان:اي حبيبتي روحي

فرات: بس محتاجة فلوس علمود الاشتراك

كنان: كومي جيبي محفظتي من جاكيتي

فرات: اوك انتضرني طيارة واجي

كنان: امشي على كيفج لتوكعين

فىات ذهبت الى الغرفة واحضرت محفظة والدها

فرات:تفضل بابا

كنان اخذ المحفضة من فرات وعندما كان يخرج المال اتت ندى

ندى: خير ليش تنطيها فلوس

كنان: عدهم رحلة وتحتاج للشتراك

ندى: ماكو رجع الفلوس

كنان: ليش

ندى: بنية شكبرها شكدها دازها وحدها متخاف عليها

كنان: صديقاتها والمدرسات وياهن

ندى: اذا صار شي عليها منو يتحمل وبعدين ترا هاي بنية وخطيتها بركبتك وهسة اذا صار شي يكولون ندى هي دزتها علمود تخلص منها

كنان : لتكبرين الموضوع

ندى: انت شلون تقبل بنتك تنام برا البيت وتبقى هناك اسبوع كامل

كنان : عادي يعني مو ويا صديقاتها

ندى: البنية ميصير تنعاف وحدها وخصوصا هي مراهقة فهمتني

كنان : حبيبتي فرات كلام ندى صحيح

فرات : بس بابا اني ضايجة من البيت وتعرف راح يبدي السادس ودروس وضغط يصير

كنان : روحي يم جنى

فرات : بس بابا

كنانة: وابقي هناك اسبوع واني هسة احجي ويا بيسان اذا طلعت خليها اطلعج وياها

فرات ورئسها في الارض وبحزن : ماشي بابا

كنان : يلا حضري ملابسج علمود اوصلج

فرات : ماشي بابا وذهبت لغرفتها لتحضر ملابسها

ندى: يعني انت شفرقت هم راح تطلع وتغيب اسبوع ومو كدام عينة

كنان : ندى هي بيتي واعرف اتصرف وبعدين لتلحين

ندى: هاي يعني فوك مااريد مصلحتها

كنان : انتي ماراح تخافين عليها اكثر مني

ندى: ماشي بنتك وانت حر بيها

كنان : اي عفية عليج

رتيل : وصل الى بيت كنان وادخلته الخادمة

رتيل : السلام عليكم

كنان : هلا برتيل وعليكم السلام

رتيل : شلونك عمي

كنان : بخير اذا انت بخير

رتيل : عمي انت صاير لا تسأل لا تكول عندي ولد خوان اشوفهم شلونهم شخبارهم اطمن عليهم

كنان : حقك ياابني بس تعرف الشغل واني وخوانك ملتهين ويا وايام العطلة افرغ للاهل

رتيل : يلا عمي انت متسأل اني اسأل انت عمنة الجبير والباقي النا من ريحة اهلنا

كنان : ياهلا بيك والله يخليكم الي

فرات : بابا خلصت

رتيل : هلا فرات شلونج

فرات : هلا

رتيل : شنو عدكم طلعة وشكلي جيت بوقت خطأ

كنان : لا بس ضايجة وكتلها اوديج يم جنى فد سبوع تبقى هناك

رتيل : اي ياهلا بيها وعمي خلي اخذها بطريقي لان اني راجع للبيت

كنان: ياابني مااريد ازعجك اني اوصلها

رتيل : لا عمي اي ازعاج ماكو وبطريقي هو اني اصلا رايح للبيت

كنان : بابا فرات تروحين ويا رتيل لو اني اوصلج تردين

فرات : كيفكم

رتيل : يلا لعد سبقيني للسيارة

ف ات حملت حقيبتها وخرجت

كنان : رتيل دير بالك عليها وشوية نفسيتها تعبانة واني راح اتصل ع بيسان وهم احجي وياها

رتيل : بعيونة عمي لتشيل هم

كنان : الله يسلم عيونك

رتيل : مع السلامة

كنان : الله وياك ....

كانت فرات تجلس في صمت وهي تنضر الى الطريق من شباك مقعدها

رتيل : فرات

فرات : اممممم

رتيل : شبيج ليش ضايجة

فرات : رتيل

رتيل : نعم

فرات : هو اني ليش امي ماتت

رتيل : شنو هذا السؤال

فرات وهي مازالت تنضر الى الطريق: تتوقع اني الله ميحبني وهيج يصير بيه

رتيل : ليش هيج تحجين

فرات : بس اني اصلي واصوم ومااجذب واسمع كلام بس ليش هيج الله ميحبني واخذ امي مني

رتيل: فرات حبيبتي الله كاتب لكل شخص عمر محدد وبعدين لتفكرين هيج والله يحب الكل وبعدين احجيلي شنو الي صار وياج

فرات : ماكو شي

رتيل : زين ليش دايرة وجهج شو باوعي علية

فرات : مااا

رتيل سحبها وكانت الدموع في عيناها

رتيل : فرات وجعتي كلبي لتبجين

فرات ودموع على خديها تسيل

رتيل : فرات مسحي دموعج واني اليوم احجي ويا شيخنا اذا ندى مضوجتج

فرات : لا لا عفية لتكول لشيخنا

رتيل : ليش

فرات : ماريد مشاكل من وراية وبعدين بكل الاحول لازم ارجع يم ندى وهم ترجع علية

رتيل : ماشي مااحجي لاحد بس لتبجين

فرات مسحت دموعها

عندما وصلوا الى البيت نزلت فرات وذهبت الى غرفة جنى

بيسان : شبيه شيخنا ضايج

رتيل : فرات

بيسان : شبيها

رتيل : تدرين احس تصرفاتها مو طبيعية وقبل شوية وجعتلي كلبي

بيسان : حقها هي هاي ندى شيجرعها اكيد مصخمة عيشتها

رتيل : بيسان البنية من تبجي بدون صوت وبس دموع تنزل

بيسان : سودة علية هاي من القهر غير

رتيل : وشلون نعوفها هيج ترا حتى حالة نفسية راح تصير بيها

بيسان : نحجي ويا شيخنا

رتيل : متقبل تكول من ارجع للبيت تشد وياية

بيسان : اي تسويها اختي واعرفها

ميار: هلا

بيسان: هلا بشيخنا

رتيل : شسااالفة توني اني جنت الشيخ

بيسان: كلكم شيوخنا

ميار: شبيكم ليش كاعدين وتتبشبشون

بيسان: ع فرات

ميار: شبيها

رتيل: وشبيك كبيت

ميار: شكو شبيها احجو

بيسان: مابيها شي اطمن

ميار: الحمدالله

رتيل: اول مرة اشوفك هيج مهتم لشي

ميار: يعني بنت عمنا ويتيمة والله خالهم يم وحدة غضب وتريدني مااهتم

بيسان: سودة علية

رتيل: اها

ميار: اييي

رتيل : والله قنع نفسك

بيسان: هسة فهمونا شنسوي

ميار: نحجي ويا شيخنا يبقيها يمنا

رتيل : هي اصلا عمي كنان دزها اسبوع يمنا

بيسان: اي اتصل علية وكالي نفسيتها حيل تعبانة وندى تضغط عليها وهي وراها امتحانات لذالك خلوها يمكم لحد مانفسيتها تتحسن

ميار: يعني شكد راح تبقا يمنا اسبوع او اكثر

رتيل : الي كالي سبوع

بيسان : الي ماحدد بس كال خلوها يمكم

جنى اتت وجلست معهم

بيسان : ها جنى ليش عايفة فرات وحدها

جنى: ليش فرات جتي !!

رتيل : اي وراحت لغرفتج

جنى: توني جيت من غرفتي وماشفتها

ميار: لعد وينها

بيسان: اكيد يم شيخنا

هتان : الله متجمعة الحبايب

بيسان: هلا بشيخنا

رتيل : هههههههه

بيسان : وجع

هتان : شبيكم

رتيل : والنبي هاي زوجتك وردة كون الله يوفقني وينطيني وحدة مثلها

هتان: الطيبون للطيبات وانت خبيث فتحصل وحدة خبيثة مثلك

بيسان : لا هتان ازعل عليك فدوة لطولة وياحظها الي تاخذة

رتيل : فديت اللسان هذا .. ميار احتمال زوجتك تطلع مثل بسيان هاي اذا ماطلعت نسخة من ندى فعاد الله يعينك ويجوز هم تصير مثل عمنا وتتغير

ميار : عسل عسل تنكط

بيسان : رتيل ووجع شنو هذا الكلام

رتيل : هسة اني شكلت

هتان : انت اسكت ولتحجي لان دائما تنزل على الترابي

ميار : اروح لغرفتي ارتاح

بيسان : روح ومن اكمل الاكل اصيحك ذهب ميار لغرفته

بيسان : رتيل روح شوف فرات يم شيخنا

هتان : توني جنت يمة ماشفتعا

بيسان : جنى كومي شوفيها خاف بالحديقة

جنى: مابيه

رتيل : انتي ليش متسمعين كلام يلا كومي

جنى: ما ما

رتيل :وجعا يلا كدامي

جنى: ولي

رتيل : ولج السانج اكصة

جنى اخرجت لسانها 👅

رتيل : شكد عينج صنفة

جنى: شوفني شلون تكصة

رتيل : كومي كدامي لو تعرفين شسوي

جنى : شو شوفني شتسوي

رتيل قام ولكن جنى هربت

بيسان : شوية شوية لتوكعين

رتيل : شيطانة

بيسان : نسخة منك

هتان : اي انت من جنت صغير جنت نفسها

رتيل : لا عاد مو لهاي الدرجة

هتان : عساس هسة انت ناقص .. لساعك هيج ترا

رتيل : اروح لغرفتي احسن مااسمع كلامك العسل

هتان: الحقيقة تزعج مرات

رتيل ابتسم وذهب لغرفته

هتان : حياتي شلونج اليوم

بيسان : بخير اذا انت بخير

هتان : اني بخير اذا انتي بخير

بيسان : دومك ياحياتي بخير ...

ميار ذهب لغرفتة واخذ ملابسه ودخل الى الحمام اغتسل وخرج وعندما نضر الى السرير وجد فرات نائمة ..تقرب من السرير وغطاها وبعدها نزل ليخيرهم

بيسان : ميار الحكلي

ميار: شكوو شبيج خوفتيني

بيسان : البيت كلبتة كلب ومالكيت فرات

ميار: لتخافين بغرفتي لكيتها نايمة

بيسان: غير تحجي صار ساعة ادور

ميار: اتصدكين ماانتبهت اصلا ومن طلعت من الحمام يلا شفتها

بيسان : الحمدالله هي بخير جان شكلت لابوها وشخلصني من ندى

ميار: لتكعدين تتخيلين مابيها شي

بيسان : الحمدالله

كان الجميع يجلس في غرفة الجلوس

جنى: شيخنا

تميم: عيونة

جنى: المدرسة مسوين رحلة واريد اروح

تميم : اي روحي

بيسان : شيخنا ولو اقاطعك بس شلون تروح وحدها وتعرف انت

تميم : جنى صدك شلون تروحين وحدج

جنى: عادي شيخنا كلهن صديقات واعرفهن

تميم: جنى اذا عاجبج روحي

جنى: اي اروح اتفقت ويا صديقاتي بس محتاجة فلوس الاشتراك

تميم : هتان شوف شكد تحتاج انطيها

هتان : صار شيخنا ... تعالي جنى شكد تردين

فرات كانت تنضر لجنى بنضرات تحسر وقهر

تميم: فرات حبيبتي

فرات : ها

تميم : شبيج

فرات : مابية شي

تميم : وانتي هم تروحين للرحلة

فرات : لا

تميم: ليش

فرات : مووو

تميم : ابوج ميقبل

فرات : لا يقبل وندى هم تقبل وهي كالتلي روحي بس شيخنا مكان بعيد ويبقون سبوع لذالك مااروح وراح اكعد اقرا لان تعرف اني سادس

تميم : اها على راحتج

"اوجاعنا مهما تحدثنا عنها فهي لا توجع غيرنا ولا يستطيع احد ان يغير هذا الوجع وهناك وجع نتعايش معه ونتعود عليه ليكون جزء من حياتنا ... قد يرانا البعض متشائمين ولكن الوجع حالة ونتعود عليها وننسى بان هناك فرح او حتى اذا رئينا الفرح نتجاهلة ونحتضن الوجع .."

ميار: صباح الخير

فرات : صباح النور

ميار: اشو ماكو احد

فرات : هتان بالشغل ورتيل لحد هسة نايم وشيخنا طلع وبيسان بالمطبخ وجنى راحت للرحلة

ميار:: ياحظي اليوم راح افطر ويا سمو الاميرة

فرات ابتسمت 😊

ميار: اوويلي على هاي الغمازات اي خلينا نشوفهن

فرات : كل مااشوفك راح ابتسم علمود تشوفهن اذا هيج عاجباتك

ميار: والله ياريت تكسبين بيه اجر لو تدرين شكد احب ضحكتج

فرات : والله لو تشاقة

ميار: والله شبيج

فرات : وعد وعد كل مااشوفك ابتسم

بيسان : صباح الخير شيخنا

ميار: صباح النور

بيسان: اشو مكسل اليوم ومارايح للشغل

ميار: لان عندي اجتماع بغير مكان

بيسان : الله يسهل امرك ..حبيبتي فرات صعدي كعدي رتيل

فرات : ماشي ..وذهبت لغرفة رتيل

ميار: شيخنا وين وشعجب طالع وحدة

بيسان : ماادري ماكالي وين رايح

ميار: الله يستر

بيسان : امين ...

فتحت فرات الباب بهدوء وذهبت لسرير رتيل وبصوت خافت : رتيل رتيل

رتيل : امممم

فرات بداأت تلعب بشعر رتيل

رتيل فتحت عين واحد ونضر لها

فرات بأبتسامة: صباح الخير

رتيل : تدرين

فرات : شنووو

رتيل : هاي اول مرة بحياتي اكعد من النوم بهدوء وبطريقة مال اوادم

فرات : يلا ماطول لعد ماطول اني هنا راح كل يوم اكعدك

رتيل : ونبي تسوين فضل علية

فرات : يلا غسل ونزل بسرعة علمود تفطر ويا ميار لان بعدة مارايح للشغل لان عندة اجتماع بغير مكان

رتيل : فدوة تنطين التفاصيل هم علمود مااتعب واسأل ليش

فرات : يلا يلا كوم

رتيل : ثواني ونازل وراج

نزلت فرات ورأت تميم يدخل الى المنزل

فرات : توة نور البيت ياشيخنا

تميم: منور بيج ياحبيبتي

فرات : شيخنا فطرت لو بعدك

تميم : اي الحمدالله

فرات : الحمدالله ..

بيسان : فرات تعالي للمطبخ

فرات ذهبت الى المطبخ : نعم بيسان

بيسان : رتيل يحب الزيتون بس اخذيلة الصحن وياج

فرات : ماشي ...

بيسان : رتيل شعجب كاعد ..كلت اذا مو 3 مرات ماراح تكعد من النوم

رتيل : فرات كعدتني ومن اول مرة صحصحت

بيسان : والله سباعية خليتة من اول مرة يكعد

فرات :😊

رتيل : فرات علميهم شلون يكعدون الواحد من النوم

بيسان : اي والله علميني لان 3 مرات اصعد وانزل وعياط وصياح وميكعد

فرات : ماشي قبل مااروح اعلمج

تميم: ميار ليش بالبيت اليوم ومارايح

ميار: عندي اجتماع شيخنا

تميم : صدك لين راح تشتغل وياك بالشركة

ميار: ليش

تميم : احسن من كعدة البيت وهم تتعلم ويصير عدها خبرة

ميار: بس منحتاج اختصاصها لان عدنة موضفين

تميم : مارا يصير شي لو زاد موضف واحد وخليها تحت التدريب يمك

ميار: شيخنا اني هندسة وهي قانون يعني متفيد يمي وتشتغل يم هتان احسن لان نفس اختصاصها

تميم : تشتغل يمك ... دبر روحك

رتيل : بالعافية اخوية ولتناقش لان براسك براسك هي

تميم : رتيل حجيت شي

رتيل : شيخنا كل سوالفك مكشوفة وبعدين هو الولد يريد يرتاح وهم ضغط شغل وهم لين كدامة يعني حرام الله ميقبل لو لان فقير تجبرة على شي ميعجبة وتعرفة يحبك وميكسر خاطرك لذالك راح يوافق

تميم : شدخلك انت

رتيل : كلامي لان صح ميعجبك

تميم : انت شعجب كاعد من وكت اليوم

رتيل : اي اي بدل الموضوع

تميم : اكول ليش ماتاكل وتسكت

رتيل : شيخنا انت جبير بالعمر وربك فوكاك فدير بالك علينا هم باجر عكبة يعني بعد عمر طويل تريد احد يترحملك وانت بالكبر فسويلك شي براسة خير ع الاقل

تميم : انت شكعدك من وكت

رتيل : فدوة لكليها فرات كعدتني

تميم : حبيبتي فرات رتيل معليج منة ترا شخص معدي وخاف يأثر عليج

رتيل : لا لتخاف فرات بنوتة قوية ومتتأثر بأحد واقرب مثال الك جان اتأثرت بالضالمة ندى

تميم : انت وبعدين وياك ويا كلامك السم

رتيل : شيخنا خلي نتناقش من احجي ردلي مو تنهزم بس لان كلامي صح متعرف شتجاوب

تميم : بيسان اني رايح لغرفتي ارتاح فد نص ساعة وجيبيلي الدوة

بيسان : ماشي شيخنا ..ذهب تميم لغرفته

ميار: شبيك انت نزلت علية

رتيل : لعد اعوفة واسكت

ميار: هذا جدنا وكبير بالعمر ولازم نحترمة يااخي لخاطر شيباتة الي براسة

رتيل : يعني اني جنت احجي شي غلط لو لان كلامي صح تضوجون مني

بيسان : ووجع شكد تحب المشاكل

رتيل : كلكم جبناء

ميار: مو جبناء بس نراعي العمر واحترام الكبير

رتيل : اي ابقوا هيج

فرات : يب يب تررا طولت السالفة ويلا خلصوا فطور لان اريد اغسل الماعين

رتيل : عدنا خدامة ليش اتعبين نفسج

فرات: اكضي بيهن وقت

رتيل: غرفتي بيها بلي وبيه كومة العاب وعندج الحاسبة استخدميهن وكضي وكت

فرات : صدك والله

رتيل : اي والله

ميار: انتي ماعندج حاسبة بالبيت !!

فرات: عندي بابا جابليها بس ندى كسرتها

رتيل : الله اكبر عليها

ميار: استغفر الله ...

"بعص التصرفات نجد لها مبرر ونقتنع بها لكن هناك تصرفات وقحة لا مبرر لها ولانستطيع حتى ان نغفرها لاصحابها""

في غرفة تميم

فرات : شيخنا شيخنا

تميم : هلا فرات محتاجة شي

فرات : لا شيخنا سلامتك واعتذر كعدتك من النوم بس مااخذت الدوة لحد هسة

تميم : اي شكلها بيسان نستني اليوم

فرات : خطية تعبت اليوم وراحت نامت

تميم : تسلمين حبيبتي

فرات اعطت الدواء لتميم : عافيات شيخنا

تميم : الله يعافيج

فرات : يلا شيخنا كمل نومك واني راح اطلع

تميم رجع الى النوم وفرات ذهبت الى غرفة الجلوس ووجدت رتيل

فرات : البيت حيل هدوء

رتيل : اي اشو كلها نايمة اليوم

فرات : رتيل انت ليش ماكملت جامعة

رتيل : لا كملتها

فرات : لعد ليش متشتغل

رتيل : اني شغلي الكتروني يعني كلة ع الحاسبة وتصاميم اسوي

فرات : اهااا

رتيل : ايييي

فرات : اني هم اريد اصير مثلك اشتغل قليل

رتيل : هههههههه بس شغلي يتعب

فرات : ميخالف شغلني مساعدة يمك واتعلم منك

رتيل : اي ميخالف انتي تخرجي وندزج للخارج تكملين تعليم وراح تصيرين مثلي

فرات : اكيد بابا ماراح يقبل

رتيل : الله كريم انتي انجحي هسة وبعدين نقرر

فرات : تدري

رتيل :شنو

فرات : اريد اصير طبيبة واساعد الناس كلهم

رتيل : ان شاءالله بس جيبي معدل عالي

فرات : ان شاءالله

رتيل تلقى مكالمة هاتفية لذالك خرج اما فرات فتحت الTvوبداءت بمشاهدته

هتان عاد من العمل

هتان : هلا فرات

فرات : هلا هتان نور البيت

هتان : منور بأصحابة

فرات : يلا روح غير ملابسك ع مااحضر الاكل

هتان : يمة البنات يمة فدوة ام بيت صايرة

فرات : اي اعجبك .. يلا يلا روح

هتان : لا حبيبتي منريد نتعبج هسة بيسان تسويلي

فرات: خطية بيسان تعبت ونامت فلتزعجها

هتان : لا مااريد اتعبج

فرات : ماكو اي تعب تدلل انت

هتان : تسلمين... ذهب هتام الى غرفته ليغير ملابسه اما فرات ذهبت الى المطبخ لتعد الطعام له ......

"تكمن السعادة في ابسط الاشياء "

في غرفة الجلوس كان الجميع متجمع هتان كان يشاهد الاخبار اما بيسان كانت تحيك شي ما وتميم كان يحمل السبحة ويسبح اما ميار فكان منشغل بهاتفه وفرات كان تجلس بهدوء وشاردة في التفكير

رتيل : فرات فرات

فرات بفزع: هااا

رتيل: شبيج

فرات: مابيه شي

رتيل: كومي نلعب بالبلي اني وياج

فرات: يلا... وذهبت فرات مع رتيل

تميم: تدرون هاي فرات ذهب

هتان: اي والله ولا اتوقعتهة هيج

بيسان: حنينة وطيبة على امها طالعة

ميار: شيخنا ليش متبقيها يمنا

بيسان: اي والله شيخنا حتى صارلها كم يوم نفسيتها اتحسنت شوية

هتان: ان هم لاحضتها اتغيرت وبدات تحجي واندمجت ويانة

تميم: يجي كنان واحجي وياه .. احجولي شخبار الشغل

هتان : تمام والحمدالله ماشي

ميار: رتيل عندة امكانية رهيبة بالتصميم شرايك نفتحلة فرع من شركتنا ونستفاد منة احسن مايشتغل يم غيرنا ويستفادون منة

تميم: رتيل يشتغل والله مااصدك

ميار: نخلي شغلة بالبيت يعني مو شرط يجي للمكتب لان كل شغلة على الحاسبة

تميم : هتان انت احجي وياه

هتان : ماشي واحجي ويا عمي كنان هم

تميم : ميار بالنسبة لموضوع لين شسويت علية

ميار: عادي شيخنا خلي تجي تشتغل وهم تتعلم وتستفاد

هتان: اي نحتاج هيج شي بشركتنة

تميم: لا تشتغل يم ميار مو يمك

هتان : بس ماراح تستفاد شي من تشتغل يم ميار وبعدين اني احتاجها اكثر

تميم : اها

هتان : اي شيخنا اختصاصها يفيد وياية وحرامات هم تحصل خبرة وتكدر تكمل باختصاصها وتفتح مكتب بعدين بس اذا اشتغلت ويا ميار ماراح تتعلم شي

تميم: اوك لعد تشتغل وياك

هتان : ان شاءالله ادز عليها وافهمها ...

كانت فرات تجلس وتشاهد التلفاز

ميار: فرات

فرات : نعم

ميار: شرايج اطلعج

فرات : صدك والله

ميار: اي يلا غيري ملابسج

فرات : اوك هسة اجي مو تضربني بوري

ميار: لا ماراح اتحرك منا لحد مترجعين

فرات : زين لعد هسة اجي....

"ستقدم لنفسك معروفآ .. اذا تركت الماضي خلفك .."

رتيل مع هيا في الحديقة العامة

رتيل : اي ماكلتيلي وين تسكنين هسة

هيا : مأجرة غرفة بعمارة وساكنة بيها

رتيل امسك يد هيا : حياتي كلها كم يوم وافتح الموضوع ويا اهلي واجي واتقدملج

هيا : ماعندي ثقة بيك

رتيل : كتلج انطيني فرصة وراح اثبتلج اني احبج

هيا : مااكدر اثق بيك ويكولون من الغباء انو الشخص يوكع بالمكان اكثر من مرة واني اتمرغلت بيه

رتيل : ليش هيج تقهريني والله كلها جانت ضروف وتعرفين بيه احبج صح اني خنتج ويا بنات وعرفت عليج بنات كومة وجنت مااعاملج زين ومااحترمج وبعدين سافرت وعفتج بس والله احبج وتدرين حتى بنات بعد ماعرفت ولا حجيت ويا وحدة من شفتج ذاك اليوم واني راح اكون بس الج

هيا : اي انشوف والمي تجذب الغطاس

رتيل : كلبج صاير اسود

هيا : لا مو اسود بس شبعت من سوالفك

رتيل : راح اثبتلج انج ضالمتني

هيا : ياريت والله

رتيل : عوبة والله احبج

هيا : واني هم احبك......

"اعميتني بحبك لدرجة لا غيرك يلفت انتباهي ..."

ميار: شنو رايج بالمكان

فرات : يجنن

ميار: ادري بيج تحبين المي وهيج شغلات

فرات : تدري كلش حلو هذا المطعم وخصوصا المنضر الي مطل عليه يجنن

ميار: اي شنو تاكلين

فرات : اي شي

ميار: يعني

فرات : اي شي يعجبك اطلب

ميار هو ينظر الى قائمة الطعام : امممم انتي متحبين السمك ومتاكلين لحوم لان نباتية .. ومتحبين تاكلين حلو لان ادوخين اممم خلي اشوفلج اكلة حامضة

فرات : ميار شمعرفك بكل هاي المعلومات

ميار: ههههه اعرف اعرف

فرات : اها

ميار: اعرف كلشي عنج لذالك لتستغربين

فرات : يالله شكد طيب تدري انت لين ترا هواية تختلف عن امها وكلش حبابة وهي حتى اتساعدني من ورة امها بس مرات تخاف من امها وتتصرف بقسوة

ميار: اها

فرات : اي فلتحكم عليها لان امها ندى

ميار: تدرين حتى شكلها مامنتبه علية

فرات : هي اطول مني وكلش انيقة شعرها اسود طويل وبشرتها بيضة لو عيونها نرجسي وتحب الافلام الهندية كلش ..بطلها المفضل هو ارجون وتحب تسمع لكاظم ولفيروز وتموت على الشعر والروايات وكلش تفكيرها خيالي وطبعا مثل اي بنية تحب الورد والكاكو

ميار: اها

فرات : طبعا هم كلش حنينة وطيبة تدري هي نسخة من بيسان بالاسلوب والتعامل بس هي كلش خجولة

ميار: اي ملاحظ من اروح لبيتهم بكوة تسلم علية

فرات : ع فكرة هي كلش تحبك ومن تشوفك تموع من الخجل

ميار: الصراحة انصدمت من كلامج يعني معقولة هاي لين هيج

فرات : اي والله شبيك .. وهي متابعتك على الانستا والفيس وتويتر وتشوفك شنو تنزل وشنو تسوي وين تروح واي بنية تعلقلك تروح اتهكر حسابها ..

ميار: اها

فرات : ايي وهي تعرف بالبرامج وهكر مضبوط

ميار: من هذا ماكو ولا بنية بصفحتي

فرات : لا مو هي اصلا ومتبقي اي بنية بحساباتك وكلهم تصفيهم

ميار: لا عااااد مو لهاي الدرجة

فرات : ههههههه اي هذا هو الحب

ميار: همزين كلتيلي

فرات : اي فلتحكم عليها لان امها ندى

ميار: اوك فهمتج فهمتج

فرات : سمعت راح تشتغل وياكم

ميار: اي راح تشتغل يم هتان

فرات: الله يوفقها يارب

ميار:التوفيق للجميع....

"هناك اشخاص يستحقون ان نذوب من اجلهم "

رتيل: مسائووو

بيسان: هلا بشيخنا ..احك احك هاي الورد الي

رتيل: لاع مو الج وبعدين خلي رجلج يجيبلج

بيسان: اكيد الي موو .. يلا انطينياه

رتيل: ولج مو الج ششبيج

بيسان: لعد المن!!

رتيل :لفرات

بيسان: وشمعنا بس لفرات 😒 واني

رتيل: خطية اريد افرحها

بيسان: واني مو خطية وهم اريد افرح

رتيل: خلي زوجج يجيبلج

بيسان : بسيطة بسيطة اني الك

رتيل : 4 بسيطات هم

بيسان : والله كمت اغار منها

رتيل سحب وردة🌹 من الباقة واعطاها لبيسان: هاج بس لتبجين

بيسان : بس وحدة خاف متكلف

رتيل : متريديها جيبيها

بيسان : لااااا طبعا اريدها

رتيل : لعد اخذيها واسكتي

بيسان : شكرا شكرا رتيل

رتيل : ها من صدك هيج فرحتي بيها

بيسان :اي كلش كلش فرحت .. اصلا اذا تريد تسعد امراءة بس اخذلها ورد

رتيل : ان شاءالله استفاد من هاي المعلومة

بيسان: اي طبقها هم

رتيل : ماشي فرات وينها

بيسان: كاعدة يم شيخنا وميار

رتيل ذهب الى غرفة الجلوس واختبى وفاجئ فرات بالورد ولكن فرات عندما قرب رتيل الورد منها بدأءت بالعطاس

ميار: يمعود وخر الورد عدها تحسس منة

تميم : رتيل خنكتها للبنية شوفها شلون احمرت

رتيل : مادري والله

بيسان : ها شصار فرحت موو بيه

رتيل : طلعت عدها تحسس منة

بيسان : غريبة والله

رتيل : دهاج اخذي الورد لان عينج علية وخنكتيها

فرات اخذها ميار لتغسل وجهها

تميم : هاي البنية حيل تقهرني

بيسان : ليش شيخنا

تميم : ماعدها حظ وابسط الاشياء محرومة منها

بيسان : سودة علية

رتيل : ووجع انتي الثانية شبيج بس تردين تبجين وانت شيخنا كول الحمدالله البنية حلوة وكاملة ومابيها عيب وبعدين كلها اشياء بسيطة

تميم : الحمدالله

بيسان : يلا راح احضرلكم الغدة

رتيل : مااريد لان ماجوعان

تميم : واني هم مااريد

بيسان :على راحتكم ....

"بعض الامور ندرك انها مستحيلة ..لكن ترفض قلوبنا ذالك وتستمر بالحلم بها .وتبقى متأملة ربما ليوم ما تفاجئنا الاقدار بها .."

ميار اخذ فرات الى الحديقة

فرات : اختنكت

ميار: وهسة !!

فرات : لا الحمدالله احسن

ميار: هذا الغبي شلون يجيبلج ورد

فرات : ميدري خطية

ميار: دائما ميعرف يتصرف

فرات : ع فكرة محد يدري بيه عندي تحسي من الورد بس انتة

ميار: هاااا

فرات : محد يدري حتى ابوية مامنتبه لهيج شي

ميار التزم الصمت

فرات : ميارر

ميار: نعم

فرات : انتي شلون تعرف علية هاي الاشياءات

ميار: اعرفها .. هسة عوفينة من الكلام واحجيلي شلونج هسة

فرات :زينة الحمدالله ...

ميار" عندما نحب شخص ما فنحن ننتبه لادق التفاصيل.. مثلا ماذا يحب وماذا يكره وما الاشياء الي يحب ان يفعلها وانا احبها وايضا اتابعها على حسابها وكل المعلومات تقريبا عرفتها عنها وبعضها كنت اعرفها عندما كانت تأتي لمنزلنا ... لا تعلم انها تركت حسابها مفتوح في حاسوبي وكل شي تقوم به اعرفه انا .كنت اتمنى ضروفي تختلف لجعلتها اسعد انسانة في هذا الكون . هي امنيتي الذي اتمنى ان تتحقق والذي ادعي الله بها عند كل صلاتي ... "

هتان : بيسان شخبار فرات

بيسان: زينة

هتان : تنطيها مصرف مووو

بيسان : لا والله

هتان : ليش بيسان يمكن البنية تحتاج شي

بيسان : همزين ذكرتني لان ناسية

هتان : لا لتنسين وخليلها مصرف الها هم

بيسان: ان شاءالله

هتان: بيسان خلي الفلوس بفراشها يعني خاف تستحي تاخذ

بيسان: اي هو هم هيج خاف تنحرج مني

هتان : يلا اني رايح للشغل

بيسان: الله وياك ....

في غرفة الجلوس

فرات : رتيل

رتيل : امممممم

فرات كانت تحمل بيدها هدية : تفضل

رتيل : شنو هاي

فرات : هدية الك وحبيت اشكرك على الورد

رتيل : شكرا حبيبتي

بيسان : اي عمي منوو كدك كل تتبادلون الهدايا

رتيل : تغارين لان محد جابلج

تميم: والله حتى اني غرت منك

بيسان: حظوظ

رتيل : انتي بس لتنكين

بيسان : اشو الة انك

رتيل : خلي افتح الهديا الي جابتها فرات واشوفها شني والحساد خلي يشيلون عينهم

بيسان : دافتحها علمود اخلي عيني عليها

رتيل فتح العلبة ووجد داخلها سوار اسود وبه حرف T.R

رتيل: يجنن تسلمين

فرات : انطيني البسك اياه

بيسان: بس مافهمت ليش هالحرفين

رتيل : وانتي شعليج باع الفضول

فرات : الاحرف الي مشتركة بيناتنة

بيسان : حظوظ واني حتى حرف واحد الي ماكو

ميار: شبيج بيسان ليش صوتج طالع اليوم

بيسان : على حظي الي مادري ليش ميشبه حظ رتيل

ميار: هذا من ربج محظوظ

رتيل : قل اعوذ برب الناس شيلوا عينكم

فرات : بالعافية

رتيل رفع يديه ليغور بيسان

بيسان : محلو اصلا

ميار: شبيك

بيسان : هذا السوار الي جابته فرات لرتيل

ميار: اها

رتيل : شلونة يخبل مووو

ميار: اصلا محلو

بيسان :( اي كلش ونزعة لان محلو على ايدك

رتيل : تغارون وبعدها سحب فرات وقبلها من رئسها

بيسان : ميار كوم خلي نطلع ترا اختنكت

رتيل: موووتو قهر ...

في الصباح

هتان ذهب لغرفة فرات ووضع بعض المال تحت وسادتها وايضا ميار قبل ان يخرج للعمل وضع القليل من المال تحت وساتدها

تميم: بيسان

بيسان : نعم

تميم : اخذي هاي الفلوس وخليها لفرات خاف تحتاج شي

بيسان : يووووو طبعا هتان وصاني ونسيت

تميم : يلا ميخالف ودي ذني اكيد يكفنها

بيسان :اوك شيخنا ... بعدها ذهبت ووضعت المال لها

" نتصرف بعطف وحب وحنان لنفرح قلوب يليق بها الفرح .. البعض تكون روئية ابتسامتهم عالم ثاني نعيش فيه .. نفرحهم لاننا بحتاجة لان نرا ابتسامتهم الجميلة "

في الصباح

رتيل : اشو وحدج

فرات : كلهم طالعين حتى بيسان

رتيل : وليش مارحتي وياها

فرات : راحت ع ندى تشوفها

رتيل: كومي اخذج وياية احسن من كعدة البيت

فرات : مااريد ازعجك

رتيل: ماعندي شي انت هم اطلعين وتتونسين واني اشتغل

فرات : اوك

رتيل اخذها وذهبوا الى الكوفي شوب

فرات : تدري كلش حلو المكان

رتيل: همزين عجبج

فرات : كتلني الفضول

رتيل: بشنو

فرات : شدسوي بالحاسبة صارلك ساعة

رتيل: تعالي شوفي

قامت فرات واصبحت خلف رتيل ووضعت يداها حول رقبته : والله طلعت فنان

رتيل: حلوة مووو

فرات : تجنن بس هاي مو ذيج البنية الي كاعد تشتغل

رتيل: اي هي هاي

فرات : وليش راسمها

رتيل: هاي حبيبتي

فرات : يالله انت عندك حبيبة

رتيل : اي عندي ..ليش شبية

فرات : ماادري دائما يكولون عليك صايع

رتيل: اها

فرات : اني معلية بس همة يكولون

رتيل: وانتي شتشوفين

فرات : حنون حباب وكلب

رتيل: فدوة ماكو احد كلبة طيب مثل كلبج

فرات : صيحها علمود اتعرف عليها

رتيل : ماشي واشر لهيا

هيا : تفضلوا بشنو اخدمكم

فرات تركت رتيل ومدت يدها : اني فرات تشرفت بمعرفتج

هيا كانت غاضبة من فرات ولم تمد يدها اما فرات فأنحرجت كثيرآ وسحبت يدها وذهبت لتجلس

رتيل: هيا هاي بنت عمي

هيا: ميخصني شنوطلبك

رتيل: ليش هيج تعامليها

هيا بغضب: شرايك لو تاخذها وتولي من خلقتي احسن مااسويلك جريمة هنا

رتيل: شبيك كبيتي

هيا: وعدتني انك تتغير بس اشوف ماتغير شي وهم كدام عيني تقهرني

رتيل: شبيج بنت عمي هاي

هيا: وليش جانت حاضنتك

رتيل: كبر شكد عقلج صغير ولج شوفيها بعدها طفلة وماكو شي بيناتنة ويلا اعتذري منها

هيا: فوكاها اني اعتذر

رتيل: اي لان سلمت عليج ومارديتي

فرات : عادي رتيل لتهتم واني انتضرك بالسيارة وبعدها غادرت فرات

رتيل: شبيج نزلتي علية

هيا : تعبت من سوالفك ولا تحس انت

رتيل شرح لهيا عن فرات لذالك ذهبت هيا الى السيارة واعتذرت من فرات وعزمتها على الطعام في منزلها وفرات قبلت العزومة ...

فرات نزلت مسرعة من على الدرج

ميار: لتوكعين شوية شوية

فرات قمزت على ميار واحتضنته : شكرا على الفون

ميار: وشدراج مني

فرات : ادري منك شكرأ شكرأ

بعدها تركته وذهبت لتميم وسحبت يداه وقبلتها : شكرآ شيخنا على الاساور

تميم : بالعافية

فرات : الله يعافيك ويخليك النا يارب

وبعدها ذهبت لبيسان واحتضنتها وقبلتها من خدها وشكرتها على الفساتين

رتيل: شكوو اشو توزعين احضان واني ماالي شي

فرات : لا بس بالسرة وانت اخر واحد

رتيل: وليش عود اني بالاخير

فرات : لان هديتك احسن هدية

رتيل: تستاهلين والله

تميم: فرات ترى كمت اغار عود ليش بس اني ماحظنتيني

فرات ذهبت لتميم واحاوطت رقبتها بذراعه : شعدنا غيرك

رتيل:ترا دانتضر اني

فرات : جايتك انتضر

رتيل: يلا فضينا عاد

فرات احتضنت رتيل :شكرا😊 شكرا 😊

رتيل: العفو 😀العفو 😁

قام ميار وابعد فرات عن رتيل : صدك شجايبلها انت 😒 اشو فرحت بهديتك كلش

رتيل: وانت شعليك 😕

ميار: هيج بس اريد اعرف

فرات : جابلي دبدوب كلش جبير

ميار: اها 😏

فرات : ايييي😌

رتيل: ديلا غيري ملابسج علمود نطلع

ميار: على وين !!😡

بيسان : شنو متتغدون بالبيت

رتيل : لا معزومين

ميار: عند منوو

رتيل: شعليك شكد فضولي

ميار: احم احم

رتيل : عود عساس عندة كرامة وضاج من كلامي

ميار: وجع شكد غثيث

رتيل: اخوك بعد عليمن اطلع

بيسان : فدوة لكلبكم بلا مدابلة

فرات : يلا رتيل خلصت

بيسان : حياتي طالعة تجننين

رتيل : ياحظي راح اطلع ويا هذا الكمر اني

ميار : كل هاي الكشخة لوين !!

رتيل : منكول لو تموت ... ويلا فرات امشي نطلع

فرات : يلا ...اخذها رتيل وذهبوا الى منزل هيا

هيا استقبلتهم واعتذرت من فرات مرة ثانية وتعرفوا على بعض وتكلموا عن حياتهم وعن بطولات رتيل في الجامعة وعن حبهم .. رتيل اوصل فرات الى المنزل وذهب وعندما دخلت فرات وجدت ميار يجلس في الحديقة ذهبت خلفة ووضعت يديها على عينيه

ميار: فرات ادري بيج

فرات : شلون عرفت

ميار: من عطرح

فرات : ليش كاعد هنا

ميار: وانتي شدخلج

فرات : اااااه اسفة

ميار: ع شنو تتأسفين

فرات : لان زعجتك بوجودي

ميار: عادي مصار شي

تركته فرات وذهبت الى الداخل

بيسان : ليش الحلو ضايج

فرات : ماادري بس ضوجت ميار بودن مااقصد بس كتلة ليش كاعد هنا اشو صار عصبي

بيسان: معليج منة اكيد ضغط من الشغل

فرات : اني بغرفتي صاعدة

بيسان : اوك حبيبتي روحي ....

على طاولة الطعام

كانت فرات تنضر الى ميار ولكن ميار كان حتى لا ينضر لها ويتجنب روئيتها حتى الاشياء القريبة منها يطلبها من بيسان وتعطيها له

رتيل : فرات : شنو رايج اوديج للمسبح باجر

فرات : اييي اروح

بيسان: اي واني هم اروح

رتيل: خير يومة انتي من عزمج

بيسان : يحتاج طلعة كلنا سوة

تميم: اي اجلوها ع الجمعة نطلع كلنا سوة

بيسان : اي علمود جنى هم ترجع من الرحلة

هتان:: اي وحتى اجازة من الشغل

بيسان : ميار وانت متروح ويانا

ميار : الله كريم

رتيل: فرات احنا ماعلينا منهم نطلع وحدنا ونطلع بعدين وياهم

فرات : الله الله طلعتين

ميار قام من على الطعام

بيسان: وين مااكلت شي

ميار: شبعت الحمدالله دايمة 😡

بيسان ذهبت لغرفة ميار وطرقت الباب

ميار: تفضلي

بيسان : ميار شبيك

ميار: عادي مابية شي

بيسان : ميار انتبه على تصرفاتك ترا الكل راح يلاحظ

ميار: شنو يلاحظ

بيسان: تصرفاتك كلها اتدل انك تحب فرات

ميار: لا ماكو هيج شي والمفروض تكولين رتيل يحبها مو تجين علية

بيسان: بس رتيل ياعملها عادي بس انت غيرتك راح تكشفك

ميار: غلطانة انتي وبعدين ليش ميعامل جنى مثل ميعامل فرات

بيسان: فرات تختلف

ميار: لا بالعكس ترا فرات عدها ابو اما جنى فيتيمة الطرفين وحتى هي مريضة

بيسان: مرات نفقد كل شي احسن من نفقد نصهن

ميار: يعني

بيسان: جنى فاقدة كلشي بحياتها يعني ماعدها شي يضره�� وبعدين شيخنا معوضها عن الدنيا كلها اما فرات هي فاقدة امها وعدها ام ثاني مشوفتها الويل

ميار: شتسوي هاي قسمتها من الحياة

بيسان: ع العموم انتبه لتصرفاتك واني نازلة جوة

ميار: ماشي .....

جنى عادت من الرحلة وكنان اعاد فرات الى المنزل لان السبوع انتهى

تميم : البيت بدون فرات ولا حلوو

بيسان: ايييي تعودنا عليها

رتيل: صدك ضوجة ومينراد بدونها البيت

هتان: دائما جانت من اجي من الشغل تحضرلي الاكل ومتكعدج لان تكول تعبانة خطية

تميم: اييي وتجيبلي الدوة من بيسان تنام وتنساني

رتيل: وهي الوحيدة الي تخليني اكعد من النوم بسرعة

ميار: اي جيبوها تعيش هنا

تميم: حجيت ويا كنان ويكلي مااكدر اعوفها يمكم واني ادري ندى تضوجها مرات بس شسوي بنتي هاي الي طلعت بيها من الدنيا

ميار: ع الله بس يعاملها زين

رتيل:هي سولفتلي تكول يعاملني زين وشريد يسويلي بس ندى من تدخل تقنعة بكلامها

تميم : هواية توالمتوا شكلكم

رتيل : اي شيخنا حيل طيبة والله يوفقها يارب

جنى: شنو اشو بس على فرات تحجون

رتيل : اي نحجي بيها لان خوش بنية وكلبها طيب وماعدها لسان طويل

جنى: شتقصد 😒

رتيل : شاقصد يعني اني داخجي ع فرات ليش تاخذين على روحج😏

جنى: لان حضرتك كاعد تتقشمر علية

رتيل: والله لو مو قشمر جان مااخذتي على نفسج ماعندج ثقة بروحج

جنى: عندي ثقة بروحي وانت اخر تحجي

تميم : جنى عيب تحجين ويا رتيل هيج

جنى: ومدشوفة شيحجي

تميم : ماكال شي انتي الي اخذتي على روحج

جنى: يعني ادافعلة

تميم : هو شنو علمود ادافع

جنى: اروح لغرفتي احسن لان شكلكم صرتوا تنغثون من كلامي

رتيل : اي روحي وفضينا ...

"لا لغة تكفيني ولا براهين . لاخبرك كم انا احبك. وكم انت مسيطر علية ..❤"

ميار: اشتقت لها كثيرآ وانا اعلم اني قسوت عليها لكن لاذنب لها لانها لا تعلم شي ... افكر بها كثيرآ .. ولا استطيع ان اتجاهل مشاعري اتجاهها لكن سأحاول هذه المرة ان ابعدها عني ..سأحاول ان اجعل نفسي تكرهها ..ولان هذا الحب مستحيل فقد الامل بأن تكون لي ..."

ميار: رتيل

رتيل: امممممم

ميار: شنو رايك تشتغل ويانة

رتيل: مااعرف بشغلكم

ميار: اشتغل بالي تعرفو بالتصميم ونفتحلك مكتب تابع النا واذا يعجبك اشتغل بالبيت

رتيل : ودفعون لو بلاش

ميار: اكيد ندفع اذا اشتغلت

رتيل : ماشي افكر واردلك خبر

ميار: اوك انتضرك

بيسان : لتنسون باجر جمعة وشيخنا وعدنا يطلعنا

رتيل : ماشي

ميار: اني مااكدر اروح

بيسان: انت وشيخنا ماعلية اني

رتيل : ماطول كلتي شيخنا يعني يروح

بيسان : اي لان يحترم وميكسر كلمة االي اكبر منة

رتيل : البسمار دك بالعظم

بيسان : ههههههه ليش تاخذ على روحك

رتيل : فاهمج بدون ماتحجين

بيسان : ههههه شكد نيتك سيئة

رتيل : عليناااا

بيسان : وجع

رتيل : صدك شخبار ابنج ماناوي يرجع

ب��سان : مابقة عندة بس كورس واحد ويتخرج ويرجع

رتيل : هسة يرجع وتلكيه ويا زوجة واطفال

بيسان : لا يمة ابني ميسويها

رتيل : ليش يعني ميسويها

بيسان : لان انتوا ماسويتوها واكيد يطلع ع عمامة

رتيل : فرضأ طلع ع خالة

بيسان: ماعندة خال الحمدالله

رتيل : والله اشتاقيتلة

بيسان : اوووف لتذكرني ترا هسة ابجي

رتيل : اكلج شنو اكثر اكلة تحبها فرات

بيسان: همبركر يمكن

ميار: لا هي نباتية متاكل لحوم

رتيل: اها شمدريك

ميار: ادري

رتيل: زين كلي شتحب لعد

ميار: ماادري

رتيل : يلا بلا ثكل دم احجي

ميار: بيتزا

رتيل: وبعد

ميار: ماادري

بيسان : تدري شنو اكثر شي تحبه

رتيل : شنوو

بيسان : الفلافل

م��ار: وبا العنبة مو الصاص

بيسان : اي المهم تحبها

رتيل : اها همزين كلتولي

بيسان : اي بس ليش تسال

رتيل : وانتي شعليج شكد فضولية

بيسان :ولي زعلت عليك

رتيل : وزعلتهم

بيسان: اني اعلمك

رتيل: شتعلميني حتى شهادتي ماخذها من الخارج

بيسان : ميار كوم وصلني للسوك

ميار: ليش شعندج

بيسان : علمود اتسوك وتدري لازم احضر اكل لباجر

ميار: لتعبين نفسك عود نشوي

بيسان : بعد احسن والله ...

كانوا الجميع متجمعين

تميم: شلونج فرات

فرات: بخير شيخنا اذا انت بخير

تميم: دومج بخير حبيبتي

بيسان: جنى اتصلي على رتيل شوفيه ليش اتأخر

جنى: ماعلية ماادك علية خلي يولي

بيسان: دشوفين اشتغل ومابية الزم ��لتلفون

جنى: مشكلتج

بيسان:وبعدين وياج

فرات: عادي اني اتصل علية

بيسان :اي والله ياريت حبيبتي ولو اتعبج

فرات: لا عادي تدللين

فرات اتصلت على رتيل واخبرها انه سيصل بعد قليل

ندى: لين كومي احجي ويا ميار

لين: استحي يمة

ندى: لازم تتحركين ترا ميصير هيج

لين: شسوي يعني

ندى: شغلي دماغج

لين: خليني كاعدة ومعليج بيه

ندى: لان اريد مصلحتج هيج تحجين

لين: شكلت اني

ندى: كيفج وطبج مرض

فرات ذهبت لتجلس بجانب ميار

ميار كان صامت ولم يتكلم معها

فرات : مياار

ميار: امممم

فرات: اني اسفة

ميار: ع شنو

فرات: ماادري ع شنو بس اسفة اذا زعجتك بشي

ميار: تعتذرين على شي متعرفيه هاي شلون رهمتيها

فرات: مادري انت هواية تغيرت علية ومتحجي وياية وحتى ماسلمت علية

ميار: تعبان شوية من الشغل

فرات: الله يعينك

رتيل جاء من الخلف ووضع يديه على عيون فرات

فرات: امممم رتيل موو

رتيل وضع يديه على كتف فرات وجلس بجانبها : اشتاقيتلج كوومة

فرات: واني هم اشتاقيتلك بس ليش طولت

رتيل: جنت اجيبلج بيتزا ولفات

فرات: ياعمري انت تسلم وقبلت خده

ميار بداء عليه الغضب وقام

رتيل: اي احجيلي شكو ماكو

فرات: ميار شبيه

رتيل: مادري علمي علمج

بيسان نادت رتيل : رتيل يلا تعال راح نبدي ناكل

رتيل: اكل ويا فرات هنا

بيسان: اوك براحتكم

هتان: شكلهم كلش حلو ويا بعض

تميم: اي حتى رتيل تغير ب��د ماجتي فرات لبيتنا

هتان: اي اني هم لاحظت وحتى بدا يشتغل ويانا

كان الجميع يعتقد ان رتيل تغير بسبب فرات لكن الحقية سبب تغير رتيل هو عودة هيا لحياته ... الحب يغيرنا الى الافضل دائما "

رتيل: شكو

بيسان : شيخنا يريدكم

رتيل: خير شعندة

بيسان:امشي نروح ونعرف شعندة

رتيل:اميرتي هم موجودة

بيسان: اي موجودة

ميار: هلا

بيسان: هلا بشيخنا

رتيل: وانتي كلها عدج شيوخ

بيسان: اي اي ويلا امشوا لان ديننضركم

ميار: يلا

وبينما كان الجميع في الغرفة

هتان : اي شيخنا !

تميم : طبعا اليوم جمعتكم لان عندي بعض القرارات الي تخصكم ولمصلحتكم

رتيل: الله يستر من قراراتك والبلاوي الي راح تحجيهن

فرات كانت تجلس بجانب رتيل وهو يضع يده على كتفهها

فرات: عيب

رتيل: اي عيب وهذا من ياخذ قرارات يدمر الامة كلها

فرات: ميصير هيج تحجي

رتيل: انتي بعدج صغيرة

تميم: اني احبكم لذالك اخذ قرارات لمصلحتكم ولان اكبر منكم وعندي تجارب وخبرة بالحياة وتعلمت منها لذالك اقرر عنكم

رتيل: شيخنا اختصر رحمة لوالديك

بيسان: رتيل شبيك اسكت خلي يكمل كلامه

رتيل: كمل كمل شيخنا

تميم: لتضل تقاطعني

فرات نضرت الى رتيل: احلف بعد متحجي

رتيل: لان كلامي صح مو

فرات: رتيل

رتيل: اوك والله بعد مااحجي اليوم .. ارتاحوا

بيسان: اي شيخنا كمل بما ان رتيل سكت وبعد ميحجي

تميم: بما ان رتيل سكت راح اكمل كلامي

هتان: اي شيخنا

تميم: ابنكم شوكت يوجع اولا

بيسان: بعدلة كورس واحد يخلصة ويرجع

تميم: اوك

هتان: اي شيخنا

تميم: اتفقنا ان لين تشتغل وياكم

هتان: اي شيخنا

تميم: وبالنسبة لميار ولين اريد نفرح بيهم ويتزوجون لان من زمان حاجين بهذا الموضوع و وطبعا هم الي يختارون اليوم ويحددوه

ميار: ان شاءالله شيخنا

تميم: جنى

جنى: نعم شيخنا

تميم: جنى راح تكون جنتج يابيسان

بيسان: هاا

جنى:شنوو تريدني اتزوج ابنها

تميم: اي لان من العائلة وهم يدير باله عليج واحسن من الغريب

جنى: مااقبل بهذا الزواج فاهمين

تميم: قراري بعد اخذتة وماراح ارجع بيه بعد

جنى: شيخنااااا

تميم: انتهى النقاش بموضوعج وهسة نحجي ع فرات

كنان: فرات شبيها

تميم: فرات الها خيارين

كنان: الي هنا شنو !

تميم: تخليها تعيش يمنا

كنان:مستحيل اعوف بنتي واخليها تعيش وحدها

تميم:لعد توافق على زواجها من رتيل ومثل مدشوف كلش متوالمين ورتيل اتغير من فرات دخلت لحياته والكل يشهد

كنان: شيخنا بالقرارين اني ارفض

تميم: ليش

كنان: مع احترامي الك يارتيل انت واحد صايع ابو بنات ومستحيل اخلي بنتي يمك

تميم: لا هو هسة تغير

كنان:شيخنا ترا فرات خطيه وماناقصه رتيل وكافي الضيم الي شايفته من ورة ندى

ندى: اني معيشتها بضيم

كنان: مو عبالج اني ساكت يعني راضي بسوالفج .. ترا ادري بيج تعامليها مو زين وتقسين عليها بس ساكت علمود لتزيدن بافعالج عليها

ندى: هذا الكلام الي

كنان: اي الج والي جابرني اتحمل هو قرارات شيخنا ويكعد يقرر على مزاجةة واحنا ننجبر انفذ

ندى: يعني انت مجبور تعيش وياية

كنان:شيخنا دمرت حياتي ومستحيل اخليك ادمر حياة بنتي

ندى: من احجي وياك جاوبني وبعدين مااقبل بهذا الحجي والاتهامات والصورة السيئة الي تعكسها لاهلك عني

كنان: اول شي لتجادلين وثاني شي كلهم يعوفوج ويعرفون سوالفج ويعرفون كلامي صح

ندى: هذا ضلم مااقبل بيه

كنان: اصلا مالج لزمة بهذا الاجتماع ويلا روحي للبيت ولدوخيني

ندى: هذا الكلام الي

صرخ كنان: اي الج ويلا روحي للبيت

اخذت ندى اين وغادرو

تميم: كنان فكر انت ورتيل وفرات

كنان: اصلا مااحتاج افكر بهذا الموضوع ورافضه اصلا

تميم: وانت رتيل

رتيل اشار اليه بانه اقسم ولا يستطيع الكلام وبعد انتهاء الاجتماع ذهب الجميع الى غرفته

بيسان: هتان

هتان: عيونة

بيسان: ماريد جنى جنتي

هتان: ليش

بيسان: السانها طويل ويمكن ابنا يحب وحدة غيرها

هتان : الشيخ واتخذ قراراتا بعد

بيسان: عكر الدنيا كلها

هتان : شمر القنابل علينا اصلا

بيسان: تتوقع ابنا تعجبى جنى!

هتان: كولي جنى يعجبها ابنا .. وهي اصلا هسة تقنع شيخنا وتخليه يرجع بقرارة

بيسان: ويايوم شيخنا رجع بقرارة ! من وعيت على الدنيا وقراراته كلها تتنفذ

هتان: كلشي يتغير

بيسان: يارب

في الصباح

بيسان: شنو رييك بالقرارات الي انطرحت البارحة

رتيل: عمي كنان كلش عجبني وخصوصا من طرد ندى ورزلها

ميار: اي ولا توقعته هيج

بيسان: طلع يخاف على فرات وساكت

رتيل: هاي اختج حيه

بيسان: ادري

ميار: وانت شنو قرارك

رتيل: بشنو

ميار: بزواج فرات

رتيل: طبعا مااقبل فرات تستاهل واحد احسن مني وبنفس عمرها علمود تكدر تتفاهم ويا بالمستقبل

بيسان: طبعا مااكو احد احسن منك

رتيل: ماادري بس تستاهل واحد احسن مني

بيسان: خلي نشوف عمي كنان

رتيل: اي انتضري وشوفي

بعد كلام كنان لندى في الاجتماع بداءت تعامل بفرات بقساوة وعندما كان يذهب كنان الى العمل كانت تحبيها داخل غرفتها وتطفى الانوار وتحرمها من الطعام الى عودة كنان من العمل وتخوفها انها اذا اخبرت والدها سوف تزداد قساوة معها وايظا تقول لها اذا قالت لوالدها سوف لا يصدقها .. في احد الايام عاد كنان الى المنزل قبل الوقت المعتاد ووجد البيت فارغ لان ندى ولين كانو ذذاهبين الى السوق لذالك ذهب الى غرفة بيسان وفتح الباب وجد الغرفة مضلمة وفرات تجلس في زلوية الغرفة وتحتضن ساقها ودموعها شلالات على خديها وتنوح ولا تتكلم .. حاول كنان معها وتكلم لكنها لا تجيبه ضربها كف وكانت ايضا لاتجيبة كانها في عالم وجسمها في عالم ثاني لذالك اخذها الى المشفى وبعدها علم الجميع ووصلوا الى هناك

بيسان: عمي شبيها فرات

كنان كانت دموعه على خديه ولا يستطيع الكلام

ميار: عمي الله يخليك احجي خوفتنا

رتيل: البنية شبيها

تميم ابعددهم عن كنان وجلس بجانبه ووضع يديه ع كتفه : ابني احجي شبيها فرات

كنان: حالتها مو طبيعية وصاير انطوائية ولو مالاحك عليها جان رجعت بعقلها لحالة الجنين

تميم: يعني شنو

كنان: يعني عقلها يرجع لعمر ماكانت جنين وبطن امها ويتوقف هناك وتبقى على المغذي والادوية بس الطبيب طمني وكالي هي بخير وجبتها بالوقت المناسب

رتيل: وشلون صارت هيج هي قبل سبوع جانت يمنا ومابيها شي

كنان: ندى جانت تحبسها ..انتو عبالكم اني من جنت اسكت وامشي كلام ندى متغير واكره بنتي وندى تلعب بعقلي

بيسان: لا عمي منفكر هيج

كنان: لا كلكم هيج تفكرون حتى فرات ..بس والله ادري بندى قلبها قاسي وراح اتأذي فرات لذالك اسكت واعوفها ولان ذاك اليوم بالاجتماع حجيت شوفي لوين وصل حال بنتي

تميم: هسة عوف هذا الكلام وخلينا ناخذها ونرجع للبيت ونجيب الطبيب للبيت احسن

كنان: لا راح اسافر واخذها وياية بعد مااعوفها ولا ابقى هنا

تميم: انت مو تكول حالتة زينة وتتعالج يعني ناخذها ونرجع للبيت وانتي بيسان اخذي هتان ورجعي للبيت جيبي ملابس كنان وفرات

كنان: كم مرة كايلك حياة بنتي لتدخل بيها وكلة بسببك يعني لو ماانت جابرني اتزوج ندى جان حال فرات مو هيج هسة

هتان: عمي مو وقتة هذا الكلام

تميم: هتان عوفة لان حقة الضنى غالي وعزيز واكيد كلبة محروك على فرات مثل ماكلبي جان محروك علية من جان نايم بالمشفى

رتيل: هتان اخذ شيخنا ورجعة للبيت خلي يرتاح وميار اخذ بيسان وروح لبيت عمي كنان وجيب اغراضهم لان اكيد فرات بعد متكدر اطب لذاك البيت فخليهم بيتنا لحد متصير زينة

كنان: بكل الاحول ااجر بيت جديد

رتيل: براحتك عمي بس خلي فرات تصير زينة وبعدها الي يعجبك تصرف .........

ميار: صباح الخير

بيسان: صباح النور

ميار: يلا داوديج للمستشفى بطريقي

بيسان : اي ياريت لان اريد اطمن عليها

ميار: يلا انتضرج بالسيارة

بيسان:ميار عيوني انت بس اتصل على ابني اشو تلفونة مقفل ومديجاوب وضل بالي علية

ميار: ماشي ....

في المشفى

كان كنان يجلس جنب فرات ويقرأ القران لها

ميار بهمس: رتيل شلونها اليوم

رتيل : على نفس حركتها حتى متتحرك بس نايمة

ميار: وليش ميكعدوها

رتيل : الطبيب ينطيها مهدئات علمود يرتاح جسمها وعقلها

ميار: نوديها لطبيب ثاني

رتيل : هو هذا احسن واحد

ميار: وموضوع السفر شسوة عمي علية

رتيل : قنعتة والبارحة جنا ندور لطباء زينين ولكينا واحد وتفقت وياه يجيها للبيت واليوم نعصر نطلعها ونوديها للبيت

ميار: زين لعد خوش فكرة

بيسان : هااا جاوبك

ميار: تلفونة مقفل

بيسان : ياربي وين اختفى

ميار: يمكن ضيع تلفونة

بيسان : يمكن ......

بعدها اخرجوا فرات من المشفى وعادوا الى المنزل بعد مرور اسبوع

كنان: ها بيسان طمنيني عنها

بيسان: الحمدالله احسن من قبل بس هواية تنام لو تحجي ويا الطبيب خلي يخففلها من المهدئات

كنان: اليوم احجي وياه

بيسان: اسويلك غدة

كنان: لا اروح انام ارتاح لان حيل تعبان

بيسان: ان شاءالله نوم العوافي

في الحديقة كانت تجلس جنا ودخل شخص ما

لمار: اهلا

جنى: خير شتريد

لمار: هذا منزل تميم

جنى: ليش ماشفت القطعة بالباب شكبرها شكدها

لمار: شفتها

جنى: لعد متعرف تقرا مووو

لمار: اعرف اقرا بس اريد اتاكد وبعدين منو انتي

جنى: انت الي جاي لبيتنا فكلي شتريد

لمار: والناس هيج تستقبل الضيوف

جنى: فضنا شتريد

رتيل : هلا صديق اشتاقينا الك

جنى: فاتتني اكيد انت صديق هذا الغثيث

لمار: منو هاي

جنى: صدك ماعرفتني منو هذا الغثيث الثاني

رتيل: اعرفج على لمار ابن عمج هتان

جنى: انت شجابك شرجعج لهنا

لمار: راجع لبيتي وانتي شكو

رتيل : تعال معليك بيها روح على امك بالها يمك لان جهازك مقفول

لمار: اي مو ردت اسويلها مفاجئة

رتيل : بالمطبخ روح عليها بعدها دخل رلمار لامه

استقبل الجميع لمار ورحبو به

في الصباح

بيسان : حبيبي مشتاقيلك كومة همزين رجعت

لمار: اني هم اشتاقيتلكم والحمدالله خلصت دراسة

جنى: ماناوي تكمل دراسة روح ارجع شعندك باقي هنا

لمار: وكاعد على كلبج

جنى: اي كاعد على كلبي وبعدين اشو ماراجع ويا زوجتك او حبيبتك بالعادة الي يسافرون يدرسون بعد سنوات يرجعون لو متزوجين لو عدهم حبيبة

لمار: الحمدالله ماعندي حبيبة ولا زوجة

رتيل : صباح الخير

بيسان ولمار: صباح النوم

رتيل : وانتي صغيرة ومتعرفين تردين

جنى: ولي من خلقتي

لمار: يمة طالع للحديقة اني

جنى: اي اي خفف علينا واطلع

لمار: هاي شبيها

بيسان : مغليك منها

لمار خرج وتركهم

رتيل : شرايج بزوجج المستقبلي

جنى: مو زوجي فاهم ولا راح يصير

رتيل : انتي ليش لازمة الفون وكاعدة وبعدين شوكت تبدين مراجعة وقراية ترا مابقى شي لامتحاناتج

جنى: ماكو داعي اقرا واتعب روحي لان شيخنا يدخلني جامعة اهلية

رتيل : ترا الجامعة الاهلية هم يرادلها معدل

جنى: عود الله كريم وقتها

رتيل: ونعم بالله ...

في المطعم

هيا : سودة علية شكد مقهورة على فرات

رتيل : مو بكدي راح اموت والله ماتستاهل هيج يصير بيها

هيا : رتيل

رتيل : روحة

هيا: تسلملي روحة شرايك لو بالفعل تزوجها لفرات

رتيل : ههههههه خوش نكتة

هيا : والله شبيك اتزوجها وهم انت اداريها وهم تخلص من زوجة ابوها

رتيل : من كل كلبج

هيا : اي لان فرات تستاهل الواحد ينطيها عيونة

رتيل امسك يد هيا : اني غيرج ماراح اتزوج فاهمة

هيا : انت لتعتبرة زواج كامل خليه بس كلام على ورق واني اثق بيك

رتيل : عوفي هذا للموضوع لان مستحيل اقبل بيه

هيا : شوف رتيل اتزوجها وخليها تكمل دراسة وتدخل كلية واكيد تتعرف على جماعة وتحب احد وبعدها انفصل عنها وزوجه بيدك للي تحبة

رتيل : اشوف خيالج زاد كلش

هيا : والله شبيك مدشاقة

رتيل : شرايج لو تفكرين بزواجنة مو احسن

هياا : ادري راح يكون شي صعب عليك تفتح اهلك بهيج موضوه وخصوصا بعد قرارات جدك ومرض فرات فخليها للضروف

رتيل : ماطول انتي يمي اتحدى الدنيا كلها علمودج

هيا : ربي لا يحرمني منك

رتيل : ولا يحرمني منج ...

في غرفة الجلوس

رتيل : هتان شخبار الشغل ديعجبك مزو

هتان : اي حيات عاشت ايدك

رتيل : لعد شوكت تروق لو اشتغل بلاش يمك

هتان : فاتحين حساب باسمك بس روح استلم

رتيل : لعد ليش متحجي

هتان : من الطبيعي باي شركة اول ماتشتغل ينفتح حساب باسمك ويتحول بيه المال بس شكلك متعرف بهاي الشغلة

رتيل : مادري جانو قبل شيكات استلم

هتان : ملياردير هسة تطلع

رتيل : قل اعوذ برب الفلق

جنى: هتان اني هم من اتخرج اشتغل وياك

هتان : ان شاءالله

رتيل : هسة انتي دنجحي وبعدين فكري بالشغل

جنى: انت هسة ليش اتلطلط من يمك ومنو حاجي وياك

رتيل : انتي لازم نخليج ويا كلاب الحراسة علمود اي احد يطب للبيت تنبحين علية

جنى: هههههه هههه هههه متضحك

رتيل : وعود ليش ضحكتي

جنى: علمود لا افشلك

ميار : كومي جيبيلي مي

جنى: مابيه اكوم ومو عندك رجلين

رتيل : ووجع وجع محضرة الجواب

جنى: اروح لغرفتي احسن مااكابل خلقتكم

ميار: روحي للمطبخ جيبي مي وبعدها ولي لغرفتج

جنى: ما

ميار: جنى لتعصبيني وروحي جيبي مي

جنى: مااروح عندك رجلين وحركهن

ميار: يعني ونبي حرامات هاي عايشة ومابيها شي وفرات نايمة بالافراش لا صوت ولا حركة

بيسان : استغفر الله شنو هذا الحجي

ميار: مدشوفيها شلونها

بيسان : لتنسى هي هم مريضة وعدها فوبيا من الناس والاماكن منشوفها كلة بالبيت ومتطلع ابد وتتصرف هيج من الضوجة والملل الي عدها وبعدين كلكم شباب واطلعون واطبون من جذب مااحد منكم طلعها وياه

رتيل : منو يطلع وياها بهذا السان غير تفضحنا

بيسان : انت لو تحجي وياها عدل تجاوبك بس انتو الي هيج علمتوها

رتيل : يمعودة خلي تولي

بيسان : ليش مو هم بنت عمك وحالها حال فرات لو شتفرق

رتيل : اللسان يفرق

بيسان : من كعدة البيت تخبلت وانتو اطلعون فرات وهي محبوسة ولا احد يطلعها

رتيل : يعني احنا الغلط هسة

فرات : اي انتو الغلط وانتبهو لتصرفاتكم وياها كلة لو تناكروها لو ادابلون بيها

رتيل : يابة اعاملها زين واشوفج هو الخلل بيها

بيسان : صدكني البنية تحتاج للكلمة الطيبة وتأثر بيها وتغيرها

رتيل : يعني تتقشمر

بيسان : اي عفية تتقشمر فانتوا احتووها وحسسوها بحبكم وحنانكم احسن مايجي احد من الشارع ويضحك عليها وهي بنية مراهقة

رتيل : والله كلامج يعني يحير

بيسان : لتحتار انت بس فكر

رتيل : اعاملها زين واشوف يفيد وياها

بيسان: يفيد ان شاءالله ...

ميار" ووجدها نائمة بجانبي نظرت الى ملامح وجهها الطفولي والملائكي يالله كم احب روئية وجهها كنت انظر لوجها لاحفظ هذه الملامح كم كاان الحلم جميل وكم اتمنى ان اصحو كل يوم على وجهها هكذا وان تكون نائمة في احضاني بداءت العب في خصلات شعرها ..شعرت بي وفتحت عيناها كانت كالاطفال تفرك عيناها

فرات: اسف ازعجتك

ميار: ياريت كل يوم تزعجيني

فرات: ميار

ميار : اممم

فرات : هو اني مزعلتك بشي

ميار: لا

فرات: لعد ليش تعاملني مو مثل قبل

ميار: اششش مو وقتة هذا الكلام

فرات رفعت يدها ووضعتها على دقن ميار

فرات : يجكجك

ميار:شنوو !!

فرات : لحيتك

ميار: اها اذاذ تضوجج اشيلها

فرات :لا احبها هيج وبعدها حاوطت يدها ررقبة ميار وعادت الى النوم

ميار كنت اضن انه حلم لكن هي بالفعل امامي ونائة بجانبي وتتكلم وهي بخير الان .. الحمدالله لك ياربي لان اصبحت بخير ...

في الصباح

رتيل : صباح الخير

بيسان ولمار: صباح النور

رتيل: جنى صباح الخير

جنى: صباح النور

بيسان : حبيبتي جنى روحي كعدي ميار

جنى: عندج رجلين روحي انتي كعديه مااشتغل خدامة يمكم اني

لمار: ليش هيج تحجين ويا امي

جنى: كيفي واطلع انت وامك من راسي

لمار: قليلة تربية

جنى: انجب

بيسان : لمار ماعليك منها

لمار: اني صاعد اكعد عمي

بيسان : اي روح حبيبي انت كعدة

ميار: صباح الخير

لمار: اصلا لكيتة كاعد

ميار: بيسان تعالي اريد احجي وياج

بيسان : خير شعندك

ميار: دتعالي علمود تعرفين

بيسان : يلا جاية

ذهبت بيسان لميار

بيسان: خير شكو

مياار: كعدت الصبح ولكيت فرات بفراشي

بيسان: اي وبعدين

شصار

ميار: بيسان فرات بغرفتي وتكدر تمشي وتحجي صارت

بيسان : يالله وشنو حجت

ميار: ماادري الي صار حلم او حقيقة بس هي نايمة عود من تكعد وديها لغرفتها

بيسان : الحمدالله يارب

ميار: الحمدالله

بعد مرور اسبوع اصبحت فرات بصحة جيدة وبداءات تذاكر الى الامتحانات

كنان: بيسان فرات شلونها

بيسان : الحمدالله زينة ودتقرة

كنان: الحمدالله

بيسان: احجي ويا الطبيب خلي يقلل من الادوية والمهدئات لان نص اليوم نايمة والنص الثاني تقرا

كنان: حجيت وياه يكلي لازم تستمر على المهدئات لفترة

بيسان ؛ يلا هو يفتهم اكثر منا

كنان: اني رايح انام ارتاح واذا صار شي كعديني

بيسان؛ نوم العوافي وان شاءالله ميصير شي ...

لمار كان يتجول في المنزل ورى فرات تذاكر وذهب لها

لمار: شلونج

فرات : الحمدالله

لمار: محتاجة مساعدة شي

فرات : لا شكرآ الك مامحتاجة شي

لمار: اذا احتاجيتي شي بس صيحيني

فرات : شكرا الك لان فكرت بيه وتريد مساعدتي

لمار: تدللين ..

بعدها تركها وذهب الى الحديقة وهناك وجد جنى

لمار: انتي ليش متكومين تقرين

جنى: وانت شدخلك

لمار: يعني فرات المريضة الي حالتها النفسية تعبانة تقرا وانتي لازمة الفون وكاعدة

جنى: باباتي روح منا وشوفنا عرض اجتافك وبعدين لو بيك خير روح اشتغل بشهادتك ااحسن ماتفتر بالبيت

لمار: انتي ضوجتيني واني الي يضوجني لازم اردها الة

جنى: هو اكو حياطين بالبيت وين ميعجبك اضرب راسك

لمار: اوك جنى من عيوني ...

رتيل :اميرتي شلونج اليوم

فرات : الحمدالله زينة

رتيل: يلا كملي قراية مااريد الهيج

فرات : اوك

في المطعم

رتيل : حياتي ابشرج فرات رجعت مثل قبل

هيا : ياعمري والله فرحتني بهذا الخبر

رتيل: اي والله جنت اريد اموت قهر عليها

هيا : حنونة وكلبها طيب ومتستاهل الي صار

رتيل: بس مو مثل طيبة وحنية كلبج

هيا: ياعمري انت

رتيل: محضرلج مفاجئ

هيا : شنو هي

رتيل :اتحضري الساعة 9 اجيج وبعدها تعرفين

هيا : احجي بداعتي عليك شنو هي

رتيل : مااكول عود بعدين تعرفين

هيا : اووف راح تخليني افكر شنو هي

رتيل : اي فكري يمكن ناسية شي مهم

هيا : عيد حبنا مو اليوم ولا عيد ميلادك وماكو شي مهم اصلا صار بهذا الشهر

رتيل : عوفيها لعد ب ال9 تعرفين

هيا : انتضر والله كريم ....

لمار " فرات تعجبني كثيرا فاسلوبها جميل وابتسامتها اجمل وطيبة جدا كنت دائما احاول ان اتكلم معها لاعرفها اكثر لكنها حين تبدا بالمذاكرة لا يستطيع احد ان يقطع افكارها وعندما لا تذاكر تكون نائمة بسببب المهدئات وانا احاول ان اجد فرصة مناسبة لاتقرب منها اكثر "

رتيل : فرات

فرات : نعم

رتيل : ب 8 اريدج تتحضريت وتبدلي

فرات : ليش

رتيل : اليوم عيد ميلاد هيا واريد اسوي مفاجئة الها

فرات : واني شكو ماخذذني روح وحدك علمود تاخذون راحتكم

رتيل : اني رايح اشتغل ويعدها انام شوية وكعديني ساعة 8 علمود نروح وكلام زايد مااريد

فرات : ماشي ....

لمار ذهب الى غرفة تميم

تميم : هلا ابني تعال

لمار : شيخنا عندي موضوع وياك

تميم : اي احجي

لمار : شيخنا اني خايف على جنى

تميم : ليش شبيها

لمار : ابد متقرا ومن نحجي وياها تكول شيخنا يدخلني جامعة اهلية واليوم كلة تكضي ع تلفونها

تميم : والله ناسي موضوع دراستها

لمار : لا شيخنا انا متشوف فرات المريضة كاعد تقرة وجنى الي الحمدالله مابيها شي عايفة القراية والدنيا

والدنيا كلها

تميم : روح صيحلياها

لمار: ان شاءالله شيخنا

لمار : جنى جنى

جنى : خير

لمار : شيخنا يريدج

جنى : كولة مشغولة

خرج تميم وهو عاقد حاجبيه والغضب في عينيه: ست جنى مشغولة علية

جنى : اسفة شيخنا عبالي يتشاقة

تميم : تعالي للغرفة وراية

جنى: ان شاءالله شيخنا ...

ميار : على وين

فرات : رتيل راح يطلعني

ميار: مو عندج قراية

فرات : منطول ساعة ونرجع

ميار: اها

فرات : اي وعن اذنك اروح اكعد رتيل

ميار : اني طالع وراح اكعدة بطريقي

فرات : اذا مابيها ازعاج الك

ميار: اي ازعاج هو غرفتة بصف غرفتي

فرات : ماشي اني انتضرة بالحديقة

ميار: ماشي هسة اكلة

خرجت فرات الى الحديقة وبعد ربع ساعة خرج رتيل

رتيل : طولت عليج موو

فرات ذهب له واحتضنت ذراعه : ثلجت واني انتضرك

رتيل سحبها واحتضنها وفرات وضعت رئسها على صدر فرات داخل الجاكيت : هسة ادفيج

فرات : اشححح اليوم هواية برد

رتيل : ها دفيتي

فرات : اييي ويلا عدل شعراتي لان انكفشن وباردة مابية اطلع ايدي من جيوب جاكيتك

رتيل : وهاي الشعرات هم عدلناهن

فرات : ها طلعت حلوة

رتيل : انتي مصدر الحلى

فرات : يلا راح نتاخر

رتيل يلا

كان ميار يقف عند الباب وينضر لهم وقلبه يحترق ..كان يتمنى ان يكون مكان رتيل لعن نفسة ولعنة قلبة الي احبها ولا يستطيع حتى ان ينضر لغيرها لعن ضروفة الذي تمنعه من البوح بمشاعره ولعن حظه لان جده اختار لين له ولم يختار فرات له ... كان يحسد رتيل لانه حصل على مايتمنى هو .. رتيل حصل على احلام ميار ويتمنى ميار ان يرفض رتيل لكي يتقدم لها وتعيش معه لوحده وتكون ملكه وملاكه الصغيرة "

اما لمار" كان يقف عند النافذة وينضر لهم ..كانت فرات تعجبه وكل مايحتاج بعض الفرص لكي تتعرف عليه اكثر وتنعجب يه ليستطيع بعدها ان يتكلم مع اهله في الموضوع"

في الصباح

بيسان : حبيبتي جنى ليش متاخرة بالنوم

لمار : الساعة 10

بيسان : يوجعج شي

جنى: لا مابية شي ومعليج بيه وكولي لابنج هذا الحقير اردها الة

لمار: وليش تحجين لامي خو هياتني كدامج وحاجيني

جنى: كولي لابنج مااوصخ الساني ويا واحد مثلة

بيسان : عوفوا سوالف الزعاطيط وتعالي اكلي

جنى اخذت قطعة صغيرة من الكيك وذهبت لغرفتها

بيسان : هاي شبيها

لمار: شيخنا منع النت والتلفون والتلفزيون ولازم تقرا واذا جابت معدل اقل من ال 80 ماراح يسجللها بأي جامعة اهلية

بيسان : وليش هيج خطية

لمار: اني حجيت وياه وكتلة متقرة

بيسان : خطية

لمار: خلي تولي ام السان هاي

بيسان : لمار على كيفك ويا الالبنية ومعليك بيها

لمار: وشعلية منها غير اريد مصلحتها

بيسان : يلا راح اصدك بيج ولو شكلك معجب بيها

لمار: ههههههههههههههه مستحيل

بيسان : وليش يعني

لمار: لان الصراحة تعجبني فرات واريد اتزوجها

بيسان : شنووووو

لمار: مادري عندي احساس اتجاه فرات

بيسان : طلع فرات من راسك

لمار اشار الى قلبه : بس هي هنا

بيسان : مستحيل تزوج فرات لذالك طلها من كلبك وعقلك

لمار: ليش لانها مريضة

بيسان : اي اي

لمار: عادي اني قابل بيها

بيسان : ابد مو وقتك خلي اروح اكمل شغلي ولتنسى طلعها من تفكيرك

لمار : شبيج عصبتي

بيسان تركته وذهبت ...

ندى: كنان

كنان : ندى كلامج كلة مابيه معنى ومستحيل اسامحج

ندى: والله حاسة بالذنب واريد اصحح اخطائي واحنا كلنا بشر ومامعصومين من الخطا واحتاج فرصة ثانية

كنان : مستحيل

ندى: اني اسفة

كنان : واسفج بشنو يفيدني

ندى: كنان اني اتغيرت واريدك تساعدني علمود ابدي حياة جديدة بقلب جديد

كنان : مااكدر اثق بيج

ندى: كلنا نغلط والمهم نعرف غلطنة ونعالجة واني اريد ابدي بداية جديدة ومحتاجالك توكف وياية وتساندني والله يعلم بنيتي

كنان : الي سويتي كلش جبير وبعدين اكيد اكو لعبة جديدة من لعبج

ندى: وداعت بنتي الي اغلى شي عندي بالدنيا اني اريد اتغير

كنان : وداعت بنتي فرات اذا عرفت هذا ملعوب ومسوي شي مااخلي راسج يشم الهواء

ندى: موافقة

كنان : ورة يومين ارتب اموري وارجع

ندى: اوك ننتضرك لان اشتاقينالك والبيت محلوا بدونك

كنان : اللع كريم روحي انتي لان هسة عندي شغل

ندى: ماشي انتضرك بالبيت .....

بيسان : جنى قلبي محتاجة شي

جنى: معليج مني

بيسان : ليش هيج تعامليني

جنى: من ورة ابنج الحقير

بيسان : واني شدخلني

جنى: انتي مو امه وشووفي شيلي من راسج اتزوج ابنج

بيسان : عساس ميتة علمود تصيرين جنتي

جنى: وانتي اطولين

بيسان : اي حبيبتي اطول واطول هم

جنى: وخري ماناقصتج

كنان : بيسان تعالي

بيسان : اي عمي وبعدها ذهبت اليه واخبرها انه سيأخذ فرات ويعود الى المنزل بعد يومين

لمار : يمة

بيسان : عيونها

لمار: انتي مو تحبين فرات

بيسان : اي احبها مثل بنتي الي ماخلفتها

لمار: لعد ليش متقبلين اتزوجها

بيسان : لمار ماناقصتك وحجينا قبل بهذا الموضوع فاطلع برا وخليني اشتغل

لمار: اعصابج اعصابج طالع اني

لمار: هلا عمي

ميار: شبيك ضايج

لمار: امي مدري شبيها

ميار: روح انت واني احجي وياها

لمار: ماشي رايح لغرفتي اني

ذهب ميار الى بيسان

ميار : بيسان

بيسان : هلا

ميار: شبيج ضايجة

بيسان :ماادري ومنين الكاها منك لو من فرات لو جنى لو لمار

ميار: ليش شصاير هدي واحجيلي

بيسان : كنان راح يرجع هو وفرات لبيتهم وجنى من يوم ما لمار حجة ويا شيخنا وهي كلامها مثل السم وياية ومشاكلها ويا لمار

ميار: اي ولمار شبيه

بيسان : لمار عاجبته فرات ويريد يتزوجها

ميار: اي وليش ضايجة انتي لان مريضة يعني

بيسان : معقولة اني افكر هيج

ميار: لعد !

بيسان : انت شبيك انت الثاني تريد تججلطني يعني انت تحبها وتريدني اخذها لابني

ميار : بيسان تعبان من هاي السالفة

بيسان : روح ارتاح وبعدين نحجي

ميار : اوك

في الصباح

فرات : بيسان محتاجة مساعدة

بيسان: لا حبيبتي تسلمين روحي اقري

فرات: مالي واهس اقرا اذا تحتاجين شي كوليلي

بيسان: لا عمري انتي مااريد شي

فرات : لعد اني طالعة للحديقة

بيسان : اوك عمري روحي غير جو شوية

لمار كان يفكر ان هذه هي فرصته ليتكلم معها

بيسان : الووو وين رحت مو داحجي وياك

لمار: دقيقة هشة اجي

بيسان : وين

لمار لم يجيب والدته وخرج الى الحديقة ولكنه وجد رتيل واقف يتكلم مع فرات

رتيل : اميرتي شبيها

فرات : مابية شي بس ضايجة وكلت اكعد بالحديقة

رتيل: شنو رايج اطلعج لمكان

فرات : لا مالي واهس

رتيل : نلعب بالبلي

فرات : امممم

رتيل: شنووو

فرات : اكعد بالحديقة اتشمس شوية

رتيل : اوك ابقي هنا وراح اعوفج لوحدج علمود ترتاحين

فرات : اوك

دخل رتيل ووجد لمار عند الباب

رتيل : ليش واكف هيج

لمار: داطلع للحديقة وصادفتك

رتيل : تعال ندخل جوة ونسولف

لمار: بس

رتيل : فرات بالحديقة وخليها على راحتها شوية

لمار: عادي مااسوي صوت

رتيل : امشي ماكو طلعة للحديقة لان ضايج واريد احد يلعب وياية

لمار: اي دكول هيج من البداية

رتيل : ديلا امشي

لمار: يلا

ميار " دخلت الى الحديقة وجدت فرات مستلقية على المرجوحة وتدفعها ببطئ برجلها تقربت منها كانت الشمس تنور وجهها بالفعل هي ملاك ... قلبها طيب وابيض كبياض الثلج ووجهها يشع منه نور محمد .. هي كحمامة السلام ..شخص مريح جدا عندما تجلس بجانبها تحس براحة غريبة تنسيك كل همومك والامك كلماتها حركاتها كالاطفال ولا يجود شي بها لا يعشق تقربت اكثر منها لارئ وجهها واصبح ظلي فوق وجهها ... فتحت عيناها ونضرت لي وابتسمت تلك الابتسامة التي تجعل عقلي وقلبي يذوب ويذهب لعالم ثاني .. كم احب روئيتها هكذا تبا لكل شي وتبا لضروفي الذي تمنعني من ان اعيش لحظات اتمناها معها ..عدت من التفكر وكانت فرات تحرك يداها امام وجهي

ميار: هااا

فرات : وين رحت

ميار : شعجب متقرين وعايفة الكتاب

فرات جلست وسحبت ميار ليجلس بجانبها واحتضنت ذراعه ووضعت رئسها على كتفه

ميار: شبيج

فرات : مابيه شي

ميار: لا بيج شي فاحجيلي شكو

فرات : بابا راح يرجعني للبيت

ميار: اها

فرات : اي

ميار: بعد كل الي صار راح يرجعج

فرات : يكلي هاي زوجتي واذا عفتها الله يحاسبني وانت بنتي اذا عفتج الله هم يحاسبني ووعدني ندى راح تتغير وبعد متأذيني او تتقرب مني وكالي راح ميعوفني وكل شوية يتصل علية وقت الشغل ويطمئن علية

ميار: اذا تردين احجي ويا شيخنا

فرات : لا مااريد تصير مشكلة بسببي خليني ارجع وبعدها الله كريم يمكن ندى تغيرت .

ميار "بدء يفكر بأنه سيتكلم مع رتيل ليعرف جوابه وينتهي هذا الكابوس " عاد من افكاره

ميار: فرات

فرات لم تجيبه

ميار نظر لها ووجها نائمة لذالك حملها على يده وادخلها الى الداخل وعندما رئتها بيسان ركضت له

بيسان بخوف : شبيها اغمى عليها

ميار: لا الحمدالله مابيها شي بس احنا كاعدين نامت

بيسان : الحمدالله يلا وديها لغرفتها ترتاح

ميار اخذها لغرفتها ...

في المطعم

هيا : عمري

رتيل : روحة

هيا : قررت اكمل دراسة

رتيل : اي ياعمري كملي

هيا : الوثيقة مداكدر اسحبها يحتاج عرف وواسطات لان صارلي ومداكدر اخذها

رتيل : باجر اروح لجامعتنا واسحبها الج

هيا : ربي لا يحرمني منك

رتيل : ولا يحرمني منج

هيا : شخبار فرات

رتيل :اليوم مدري شبيها جانت

هيا : حجيت وياها وكالت ابوها راح يرجعها للبيت

رتيل : لعد اشو محد كلي

هيا : ماادري ..حياتي دوافق على قرر جدك وخليها عدكم

رتيل : مستحيل

هيا :زواج على ورق ع الاقل تضمن مستقبلها لان يجوز حتى متكدر تمتحن اذا رجعت

رتيل : شدتحجين

هيا :والله فرات تستاهل انطيها عيوني

رتيل : حياتي لو انتي لو مااتزوج غيرج

هيا : لخاطر بداعتي عندك اذا اتحبني وافق

رتيل صرخ بهيا: تخبلتي

هيا : لا مااتخبلت بس خايفة على فرات وبعد خطية وحرام عليك وتدري بيها مريضة وراح تخليها ترجع يم مرت ابوها

رتيل : هيا خليج بنفسج ولتدخلين

هيا: ماشي ووقفت

رتيل : وين

هيا : للبيت

في هذا الاثناء رن هاتف رتيل

رتيل اجاب على الهاتف: هلا ..اوك ربع ساعة واجي

رتيل : حياتي لتزعلين مني

هيا : يلا لازم ارجع لان اتأخرت وانت هم شوف وين رايح

رتيل : هذا ميار يريدني بموضوع

هيا : اوك لعد روح

رتيل: اوك قلبي من توصلين انطيني خبر

هيا : ان شاءالله ...

عاد رتيل الى المنزل ووجد ميار ينتضره في الحديقة

رتيل : خير ميار شكو

ميار: بخصوص فرات شقررت

رتيل : طبعا ارفض وهسة اروح احجي ويا شيخنا علمود يحجي ويا عمي ويبقيها

ميار: اوك روح...

دخل رتيل غرفة تميم

رتيل : شيخنا شلون تقبل فرات ترجع

تميم : حجيت ويا وميقبل

رتيل : ماكو احد يرفضلك طلب

تميم : بنتة يكول وميريد احد يدخل

رتيل :وشلون نعوفها

تميم : يمك الحل

رتيل: مااكدر اتزوجها

تميم : لعد خليها عند ندى لحد متجي قسمتها وتخلص من ندى

رتيل : ومنو يتزوجها لفرات هسة اكيد ندى حاجية حجي مو زين عليها كدام الناس وبعدين مرضها يحتاجلة شخص يعتني بيه

تميم : هاي هي وعدها وكتبتها تعيش هيج

رتيل : انت شعجب ماخذ الموضوع ابرود

تميم : تعبت منكم لا ابوها يقبل ولا انت تقبل وبعدين شسوي كولي

رتيل : زوجها لميار

تميم : ولين

رتيل : عادي يتقدملها احسن من ميار

تميم : تفكيرك خطا وراح يسبب مشاكل لفرات يعني خاف جانت ندى تكرها فراح تكرها بالزايد لان اخذت خطيب بنتها

رتيل : اني هاي ندى ردت اروح اموتها واجعصها جوة رجلي لو ما بيسان وكفتني بالمستشفى.. المهم وصللها خبر اذا فرات صار عليها شي وحق ربي مااخلي راسها يشتم الهواء

تميم :يعني جوابك نهائي متقبل

رتيل: اي نهائي مااقبل

فرات ودعت الكل وذهبت

رتيل : اوووف راح اموت من القهر شفتي ادموعها

بيسان : شفتها ..الله ينتقم منج ندى

رتيل اروح لغرفتي بلكت اكدر انام وانسى

بيسان : اوك روح ....

ميار" انا فعلا سعيد لان رتيل رفض الزواج من فرات وغدآ سأتكلم مع تميم واخبره بكل شي ... انتضري يااحلامي ستحققين اخيرآ .."

بعد مرور شهرين

كانت فرات تضع رئسها على كتف رتيل

رتيل : شبيج

فرات : خايفة

رتيل : من شنو

فرات : المعدل

رتيل : لتخافين عندي ثقة بيج راح تجيبين معدل عالي وبعدين لتهتمين حتى لو معدلج قليل ادخلج جامعة اهلية

فرات : تتوقع معدلي عالي

رتيل : عوفج من المعدل مو كتلج ادخلج جامعة اهلية

فرات : مااريد اخلص فلوسك يكفي مصروفي وملابسي عليك

رتيل : انت زوجتي يعني واجبي فاهمة

فرات : اي فاهمة بس

رتيل : عود من تشتغلين ويصير عندج راتب رجعيهن الي

فرات : ان شاءالله

رتيل : عوبة كيفني

فرات : ههههههههههههه انت تستاهل عيوني لان هواية سويتلي اشياءات ومستحيل انساها

رتيل : بس كافي ماعندج غير هاي السوالف

فرات : اليوم ترجع للبيت لو تروح يم هيا

رتيل : لا اروح لهيا

فرات : ماشي .....

كنان" ندى تغيريت كثيرآ اصبحت اكثر لطافة وتعامل فرات بحب عندما تزورنا وتبقى عندنا في بعض الاحيان كنت اشك انها تعاملها جيد فقط امامي بعد ان راقبتها اكتشفت انها فعلا تغيريت ... بعض الاشخاص فعلا يستحقون فرصة ثانية ليبدو حياة جديدة ويجب علينا مساندتهم والوقوف بجانبهم .."

تميم " انا سعيد جدآ لان ميار تزوج لين ورتيل وافق على الزواج من فرات بشرط ان يتزوج هيا وان يكون زواجه من هيا سر لا يعلم به غيري وغير فرات .. في بادى الامر كنت اشك ان زواجهم ليس زواج حقيقي وان رتيل وافق على الزواج بسبب حالة فرات ووضعها ولكن بمرور الوقت تأكدت ان زواجهم حقيقي وان رتيل يحب فرات كما يحب هيا ..حتى هيا عندما قابلتها وتعرفت عليها وجدتها فتاة جميلة ولطيفة وطيبة ايضا وكذالك علاقتها بفرات علاقة تسودها الحب والاحترام والتفاهم ... اما لمار فبدا يعمل مع والده في الشركة وجنى تغيرت كثيرا اصبحت اسوء من قبل اصبحت تعاند كثيرآ ولا تسمع الكلام وكذالك ردها على الكلام سئ جداآ ... "

ميار " حياتنا تتغير بين غمضة العين وفتحها .. نرتب ونحلم ونخطط لنكتشف ان الله لا يريد لنا ذالك ... اقدارنا تبعدنا عن ناس وتقربنا من ناس ...احلام الامس ذهبت مع الامس ... يوم جديد وحلام جديد .. تركت الماضي خلفي بكل مايحتويه لانه مستحيل ان يتحول الى مستقبل وفي كل لحظة اتوقع اني اصبحت بقرب فرات يبعدني قدري عنها مئات الخطوات .. كنت سعيد جدآ عندما رفض رتيل الزواج بها لذالك قررت في اليوم التالي اتكلم مع تميم ولكن عندما عدت من العمل وجدت رتيل موافق على الزواج من فرات حتى ترتب عرسهم وكل شي تم في اسبوع كانت ايامهم تمر بسرعة واوجاعي تحرق قلبي كان قلبي يتقطع عندما رئيتها مع رتيل مع زوجها كنت اتمنى ان تلبس الابيض لي انا فقط لكنها لم تلبسه قط حتى زواجهم كان فقط في المحكمة ولم يعملوا حفلة .. لان فرات لا صديقات لها ورتيل اراد ان تركز فرات في دراستها لذالك استغنوا عن هذه الشكليات ...اما انا استسلمت للامر الواقع ووافقت على الزواج بلين و ها انا الان امسك بيدها وعائدين من شهر عسلنا ... بالفعل لين هي نسخة من بيسان او الاصح هي افضل من بيسان فهي طيبة وتعاملني بحب واحترام على الرغم من اوجاعي وقلبي المكسور الا لين هي الشخص المناسب الذي يجعلني انسى فرات ..فهي تتحمل عصبيتي ومزاجيتي وكل ماافعله بها وتنسى كل ذالك كما وصفتها لي فرات هي كالجوهرة محظوظ انا لانها تحبني .. عندما ارى افعالها لي اتمنى ان يكون قلبي فارغ لاحبها وحدها ..احس بالذنب لاني افكر بغيرها لكن سأتغير مع الايام ولين ستساعدني في ذالك ...

بيسان : حبيبتي فرات انصلي على رتيل مو كأنو اتاخر اليوم

فرات : اتصلت كال عندة شغلة ويطول

بيسان : فرات انتبهي لزوجج ترا هواية صاير يبقى برا البيت

فرات : خليه على راحتة خطية

بيسان : هو هسة عندة عائلة وزوجة ولازم يكضي وقتة بالبيت مو يم اصدقائة ويبقى يمهم وبعدين انت اولى منهم

فرات : بيسان مااريد اصير انانية وبعدين احنا متفقين يوم الي ويوم الة يبقى بيه على راحتة

بيسان : شكلة متزوج عليج لان الرجال ميبات برا البيت اذا ماعندا وحدة

فرات : ههههههههههههههههه

بيسان : باع هاي الثولة تضحك ولج ياحظي اخذي كلامي بجد شوية

فرات : بيسان صدك هتان وين !!

بيسان : راح يستقبل ميار ولين لان اليوم يرجعون

فرات : اها

بيسان : لمار عوف التلفون من ايدك وكوم شوف جنى وينها

لمار: مادخلني اني

فرات : اني رايحة اشوفها

بيسان : فدوة لهذا الطول بس انتي مريحتني بالبيت .. مو مثل غيرج

لمار: خبل لو ناقص عقل علمود اروح لغرفة جنى غير تاكلني بكشوري

فرات : رايحة اني

لمار: الله يعينج من هسة داكلج

بيسان : لا كافي عاد ترا بالغت

فرات ذهبت لغرفة جنى وطرقت الباب

جنى سمحت لها بالدخول

فرات بابتسامتها الجميلة : هلووو ليش كاعدة وحدج

جنى: هو انتي شلون كادرة تتحمليهم وتتفاعلين وياهم

فرات : شسوي غير اهلي وماعندي غيرهم

جنى: بس هم مو اهلج وامج مينة وابوج بغير بيت

فرات : الي ماعندا اهل يسوي اهل لنفسة

جنى: نيالج ع الاقل عندج اب اما اني ماعندي الاثنين

فرات : بس انتي عندج تميم

جنى: صاير ميحبني مثل قبل وكلش متغير يعني كلة من وراج من انتي جيتي للبيت اتغير علية

فرات : امممممم

جنى: اي اي اتغير علية

فرات : او يمكن انتي تغيرتي وهو تغير لتغيرج

جنى: لا اني نفسي

فرات : جنتي قبل السان هسة السان وكلامج تفشخ وكلها تضوج من ردج

جنى: شسوي اضوج وين اروح ..لج راح اتخبل من حبسة البيت انتي ع الاقل تلتهين ويا زوجج اني وين اروح

فرات : اممممم اتقربي من لمار

جنى" خبلة انتي شدتحجين

فرات ضربتها على رئسها

جنى: اوووي كسر ايدج ان شاءالله

فرات : ماكلت حبيه قصدي صيرو اصدقاء وهم كسبيه ويكدر يطلعج

جنى: هو بلا شي يكرهني انوب يطلعني

فرات : هسة اني مو احجي عادي وياه

جنى: انت زوجة عمة

فرات : وقبل

جنى: لدوخيني كومي اطلعي برا

فرات احتضنت جنى

جنى : وخري وحليني بس اتوزعين حنان

فرات : لتسوين نفسج قوية ترا انتي اضعف وحدة بهذا البيت فصيري حبابة وكصرلي السانج

جنى: ولي من خلقتي

فرات : ما عاجبتني خلقتج

جنى: فرات ونبي ماناقصتج

فرات :احجيلي شجنتي تسوين بالتلفون

جنى: تعالي اشوفج شلكيت

فرات : شنووو

جنى : شووفي

فرات ضربت جنى على رئسها

جنى : اوووي شبيج بس تضربين

فرات : ولج شلون ادخلين على هيج مواقع مو عيب

جنى : عادي بس اشوف

فرات : سدي التلفون احسن

جنى : عساس مستحية لو ما انتي مزوجة وعندج هاي الامور عادي وكل يوم يمكن تسويهن اناي ورتيل

فرات امسكت جنى من اذنها : هاي المواقع ممنوع تدخلين عليها لان اول شي ماراح تبقى بيج برائة وثاني شي ذولة اجانب واشيائاتهم كلها غلط وثالث شي والاهم ان حرام والله راح يحاسبج ويعلكج من عيونج بيوم الحسان فهمتي لو لا

جنى : اي اي وجعتيني ولج حليني

فرات : قسم بالله اذا شفتج داخلة لهيج مواقع حتى التلفون مااخليج تلزميه

جنى: يعني شتسوين

فرات : وقتها تعرفين

جنى بدءت تعاند فرات وفتحت مقطع ما فرات زاد غضبها واخذت الهاتف من يد جنى وضربته في الحائط

جنى لصراخ : شسويتي خبلة

فرات : اكو اشياء ماكو داعي اتعاندين بيهن فاهمة والاشياء الحرام مااريدج توصليلهن

جنى : الله ياخذج غبية شسويتي

بيسان دخلت الغرفة : بنات شبيكم

جنى التزمت الصمت لانها تعلم كانت تفعل شي خطا

بيسان : احجي شبيج تصيحين

فرات : ماكو شي اني مدري شبية واخذت تلفونها وشمرتة

بيسان : ميخالف جنى باجر اخلي لمار يجيبلج واحد

جنى : اطلعوا برا اريد انام

فرات : اسفة قالتها وخرجت وبيسان لحقت بها ..

"احيانآ نفعل اشياء قد يراها البعض خاطئة ولكن نفعلها لاننا نحبهم ونريد لهم الافضل ونريد ان يكونوا في احسن حالاتهم "

بيسان : حبيبتي فرات بيج شي

فرات : لا

بيسان : انتي ابد متعصبين شنو كالت جنى وخلتج تسوين هيج

فرات : ماادري بس تعبانة اروح انام

بيسان : ومتنتضرين ميار ولين

فرات : لا مابية بعد اوكف اروح انام بفراشي

بيسان : اوصلج للغرفة

فرات : ياريت

لمار: اني اوديها لان صاعد لغرفتي

بيسان : ماشي والزمها زين لتوكع

لمار اخذ فرات واوصلها لغرفتها وادخلها لسريرها وغطاها واطفى الانوار وخرج ...

بيسان : مو من عوايدها تنفعل

لمار : بعد جنى حتى الحجر تنطقة

بيسان : لا لا اتخيل ضاربة تلفون جنى بالحايط

لمار: معقولة

بيسان : اي عود باجر جيبلها واحد جديد

لمار: غريبة ليش هيج سوت

بيسان : ماادري اتصل على رتيل او لا

لمار : احنا موجودين لتشغليه

بيسان : بس يبقى يمها هو احسن

لمار : عود انتي نامي يمها ومن يرجع رجعي لغرفتج

بيسان : اي ماشي .

في منتصف الليل عاد ميار مع لين واستقبلتهم بيسان ولمار وتميم...

رتيل : صباح الخير

بيسان : وينك انت

رتيل : شبيج

بيسان : فرات مدري شبيها البارحة

رتيل :شبيها

بيسان : ماادري ليش زوجناك علمود اداري فرات لو تبقى برا البيت وترجع وقت الصبح

رتيل : احجي شبيها لان من عفتها مدري شبيها

بيسان : روح وشوف بعينك

رتيل صعد يركض وعند الدرج صادف ميار ولكنه لم يتوقف ليسلم عليه لان عندما سمع بفرات فقد عقله ..

ميار: صباحوو

بيسان : صباحوو

ميار: تتخيلين رتيل شافني على الدرج وماسلم عليه

بيسان : اعذرة من سمع بفرات متخربطة فقد عقلة

ميار : ليش شبيها

بيسان : البارحة لاول مرة صارت عصبية وكسرت تلفون جنى

ميار: فررات

بيسان : اي فرات

ميار: غريب .. وهو وين جان لعد

بيسان : سهران يم اصدقائا

لين : صباحوو

بيسان : صباح الخير حياتي

لين : حياتي احضرلك الفطور

بيسان : اكعدي انتي اني احضرة

لين : لا خالتي اني احضرة لميار

بيسان : براحتج بعد انت زوجته وحرة بيه

لين : حياتي شرايك لو نطلع بالحديقة نفطر

ميار: كيفج

لين : يلا لعد اسبقني وثواني واجي وراك

ميار: ماشي .. تركها وذهب الى الحديقة

بيسان : شخباركم

لين : الحمدالله

بيسان : انتو لان بعدكم ببداية الزواج فعادي تتعاملون مثل الاغراب

لين : اي عادي بس اني داحاول اتقرب منه

بيسان : عفية عليج ويلا لتخليه ينتضر

لين اخذت الطعام وخرجت االى الحديقة ونادت على ميار ولكنه كان شارد كالعادة

لين امسكته من يده

ميار : هااا

لين : يلا حياتي حضرت الاكل

ميار : يلا .....

رتيل دخلت الى الغرفة ووجدتها نائمة ومحتضنة ساقها ..كم اكره هذه الحركة لانها لا تنام هكذا الا وقد حدث شي لها تقربت منها وبدءت امسح على شعرها ..شعرت بي وفتحت عيناها ونضرت لي وابتسمت

فرات : صباح الخير 😊

رتيل : صباح النور

فرات جلست على السرير وبدءت بفرك عيونها كالاطفال

فرات : اكلت لو بعدك

رتيل : انتي بخير !!

فرات : الحمدالله

رتيل : يعني مابيج شي

فرات : لا الحمدالله مابية شي

رتيل : لعد ليش هيج نايمة

فرات : بردانة جنت

رتيل : اكيدد

فرات : اييي شبيك

رتيل : يلا كومي نفطر سوة

فرات : اوك اغسل وانزل

رتيل : واني هم اغير ملابسي

فرات : ليش راح تطلع

رتيل : لا اليوم اجازة عندي

فرات : هههههههه عساس كل يوم عندك دوام

رتيل : ووجع لتضحكين ووين بجامتي خالتها

فرات : يمك بالجهى الثانية

رتيل : اني اخر عمري هيج يصير بكنتوري

فرات : امانة عليك لتخربط واسحب بس الي تلبسة

رتيل : ماشي ماشي اتموتين على الترتيب

فرات : هو اكو احلى من الترتيب

رتيل : تعالي شوفي كنتور هيا شمسوي بيه

فرات : شمسوي

رتيل : كالبة فوك جوة

فرات : وهي شلون تقبل

رتيل : مو قاسمين الكنتور وجهة الي وجها الها

فرات : اي واكيد لاعب طوبة بجهتك

رتيل : اي بالله جانت قبل ترتب وراية هسة عايفتة على خربطتة

فرات : اكيد لان ملت

رتيل : لعد انتي شوكت تملين

فرات : مستحيل امل

رتيل : بكل الاحول كلبي مينطيني اخربطة لان شكل الترتيب كلش حلوو

فرات : اي عفية حباب ..يب يب شفت ميار من جيت

رتيل : ليش رجعوا من السفر

فرات : اي البارحة بليل

رتيل : يلا هسة اغير ملابسي وانزل اسلم عليهم

فرات : اوك انزل انت واني هم ارتب الغرفة وانزل اسلم عليهم لان جنت نايمة البارحة وماشفتهم

رتيل : اوك ....

ميار : يعني هيج تستقبلني واني اخوك

رتيل : والله ماشفتك لان بيسان من كالت فرات تعبانة واني عقلي طار من راسي

ميار: وهسة شلونها

رتيل : الحمدالله مابيها شي

نزلت فرات وسلمت على لين وباركت لها وعندما وصلت لميار وقفت

ميار " ملاكي ها هي امامي بابتسامتها الجميلة تنضر لي ..ااااه كم اشتقت لها ..اشعر انني بخير لانني رئيتها قبلي الذي كان في سبات طول بدء ينبض من جديد كنت اعتقد ان نسيتها لكن بمجرد روئيتها عاد كل شي لوضع القديم ...كم اكره ضعفي واحساسي اتجاهها من الصعب التخلص منه ومن الصعب الاستمر به .." عدت من افكاري لاحد فرات تحتضنني والدموع بعينها: اشتاقيتلك

ميار: واني هم

فرات : هواية طولتوا

لين : حبيبتي اي عرسان لازم يصير عدهم شهر عسل

رتيل: شتقصدين يعني تغوريها لان مارحنا شهر عسل لو شنو هاي الحركات

لين : لا ماقصدت شي بس

فرات تركت ميار وذهبت الى رتيل وسحبته

رتيل : شكو

فرات : يلا

رتيل : وين

فرات : امشي وتعرف

رتيل ذهب معها

لين بقهر : انت شلون تحضنها هيج كدامي وبعدين اخوك شلون يسمح لزوجتة تحضن احد غيرة

ميار: اختنا تعتبر فرات

لين : بس هي موواختكم

ميار: عادي احنا انعاملها هيج ولتستغربين من تصرفاتنا

لين : بس مااكدر اشوفك ويا وحدة غيري اغار عليك

ميار: ماشي مااتقرب منها بعد

لين : وعد

ميار : وعد

لين : اسفة حياتي اذا ضوجتك

ميار: عادي ويلا اروح للشغل اشوف شصار مصار وياية

لين : حياتي تروح وترجع بالسلامة ...

رتيل : وين ماخذتني

فرات : ليش هيج جاوبتها خطية للين

رتيل : حقيرة مثل امها تريد تقهرج

فرات : لا هي حبابة واكيد متقصد

رتيل : يازوجتي العزيزة مااحبها

فرات : اوعدني

رتيل : بشنو

فرات : اوعدني يلا

رتيل : وعد

فرات : ماعليك بلين ولا تجاوبها

رتيل : والله لو ادري هيج السالفة جان ماوعدتج

فرات : ماعلية المهم وعدتني ...

ميار عندما خرجت وجدت فرات مع رتيل في الحديقة وهم يتكلمون وكانت اصابعهم متشابكة كالاطفال عندما يوعدون بعضهم ... هم كانوا يعيشون بسعادة وانا قلبي يحترق لمجرد روئيتهم.."

فرات :يلا امشي جوة لان باردة

رتيل : بردتي

فرات : اي اشششح

رتيل ادخلها داحل قمصلته ودخلوا الى الداخل

ميار " ميار كان ينضر لهم وقلبه يتقطع ...لماذا يستطيع ان يكون سعيد مثلهم ... مهما حاول مع لين لكن هناك شي لا يتغر ..احساسه لا يتغير ابد ...ذهب الى العمل لكي يلتهي ويشغل نفسة وينسى التفكير بفرات ......"

في غرفة الجلوس رتيل جان جالس على الكنبة فرات كانت تضع رئسها على ساقه وهم يشاهدون افلام كرتون دزني

فرات : رتيل

رتيل : امممممم

فرات : البارحة كسرت تلفون جنى لان عصبتني

رتيل : مااصدك

فرات رفعت رئسها : والله شبيك

رتيل : والله مااصدك انتي تعصبين

فرات : عصبت وكسرتة

رتيل : ليش شسوت الج

فرات : اممممم

رتيل : اكيد غثتج يلا وصلتي لهاي المرحلة

فرات : لا ماسوت شي بس اني مدري شبييه يمكن ارجع اخذ مهدئان

رتيل : ممنوع اي دوة ممنوع

فرات : بس

رتيل : فرات حجينا بهذا الموضوع قبل مووو

فرات : مووو

رتيل : كومي سويلنا بوشار

فرات : من عيوني

رتيل : تسلملي هاي العيون

فرات قامت وذهبت الى المطبخ

لمار: عمي اليوم بالبيت

رتيل : اي منورلكم البيت

لمار: هاي شدتشوف افلام كارتون

رتيل : اي

لمار: عمي اتوقع كبرت على الكارتون

رتيل : فرات تحبهن وع الواهس اشوفهن

لمار : وليش موكف الفلم

رتيل : دانتضر فرات تسويلنا بوشار

لمار : هااا

رتيل : اييييي اذا متحب الكارتون عادي روح اتفرج على تلفزيون الصاله

لمار: لا اكعد وياكم احسن من وحدي

رتيل : كيفك بعد

فرات :وهاي البوشار يلا مشي الفلم

رتيل لعبت بشعر فرات : تدللين

فرات : نزل رجلك اريد انام

رتيل : تعالي منا خاف احد يجي يكعد هنا

فرات غيرت اتجاهها ونامت من الجهى الاخرى

بيسان : ملتمين اليوم

لمار: اي دنشوف هذا الفلم

بيسان: اي خلي اجي اشوف وياكم لان ضوجة وحدي

رتيل : تعالي هاج بوشار هم اكلي

بيسان جلست بجانب رتيل وبعدها ميار ولين وجنى انضموا لهم

لين : ممل هالفلم شوفوا غيرة

جنى : اي يعني كبرنا على الكارتون

رتيل : تلفزيون الصالة موجود للي ميعجبة

جنى: اني مااحب ذاك التلفزيون لان شاشتة صغيرة

رتيل : مشكلتج

جنى: ليش متروح تشوف بغرفتك

رتيل : وليش متروحين انتي تشوفين بغرفتج

لين: مو احنا متجمعين كلنا فخلونا فلم حلو

رتيل قبل ان يتكلم وضعت فران البوشار في فمهة واسكتته

بيسان : حلو والله الفلم ماعدجن ذوق

لمار: اي والله حلوو ليش ماعجبجن

لين : حياتي انروح لغرفتنا انشوف فلم غيرة

رتيل : ع فكرة هاي الافلام هو وفرات جايبها يعني من ختيارة وعاجباته

لين : صدك

ميار : اي

لين : يعني بربكم كلنا عمرنا فوك ال 20 ونباوع كارتون

بيسان : حبيبتي لتعترضين وشوفي وسكتي واذا تردين جيبي افلام لان هذه المكتبة بس افلام كارتون تارسها ميار

رتيل : اسكتوا شكد حجيتوا

صمت الجميع واكملوا مشاهدة الفلم

في منتصف الفلم نامت فرات لذالك حملها رتيل لغرفتهم ..

في غرفة ميار

لين : ترا ميصير فرات هيج تنام كدامكم وفوكها رتيل يشيلها على ايديه حتى ميكعدها من النوم

ميار: ماعلينا منهم وبعدين فرات اختنا وعادي

لين : اها نسيت اختكم

ميار: راح انام تصبحين على خير

لين : وانت من اهل الخير ......

في الصباح

كان الجميع يجلس على طاولة الافطار

فرات : صباح الخير

بيسان : صباح النور

فرات : تفضلي جنى

جنى: شنو هذا

فرات : هذا تلفوني بدال الي كسرتة

جنى: مااريد

فرات : اسفة مو قصدي اسوي هييج والله اخذيه واول ميصير عندي فلوس اخذلج احسن منة

جنى: وانتي شلون تبقين بدون تلفون

فرات : مااحتاج التلفون واذا ردت اتصل كلكم بالبيت

جنى: شكرا الج مااحتاجة

فرات : عفية اخذيه ولتخليني احس بالذنب

جنى: اوك راح اخذة وع فكرة ارقى من تلفوني همزين كسرتيه هم حصلت ايفون 6

فرات : بالعافية عليج

بيسان : رتيل وينه

فرات : لساعة نايم

بيسان: كعديه يفطر ويانة

فرات : لا خطية خليه نايم

بيسان : اكعدي اناي زين فطري ويانا

فرات : ماجوعانة وانتضر رتيل وناكل سوة

بيسان : براحتكم .....

ميار: شسالفة التلفون

جنى: ماكو شي

ميار: توج تكولين كسرت التلفون

جنى اخذت الهاتف وصعدت الى غرفتها

ميار: شسالفة بيسان

بيسان : فرات شمرت تلفون جنى بحالة عصبية وهسة انطتها مالتها

ميار: فرات تعصب تعجين صدك

بيسان : شكلها جانت مو بحالتها الطبيعية

ميار: بس هي تبجي مو تعصب

بيسان : ماادري بعد شنو قصتها

لين : حياتي ماما عازمتنا على الغدة

ميار: اي حياتي روحي

لين : وانت

ميار: اذا خلصت شغل اجي

بيسان : لا ميصير لازم اثنينكم تروحون لان العصر زيارة النسوان تصير

ميار: لعد انتضريني اخذج ونروح

لين: ماشي حياتي .....

رتيل : اميرتي

فرات : كعديت من النوم واخيرآ

رتيل : اي كعديت يلا غيري ملابسج دنطلع

فرات : لوين

رتيل : معزومين وغمز لها

فرات : ومتفطر

رتيل : لا هناك عود اكل

فرات : اوك رايحة ابدل ملابسي ..صعدت فرات لغرفتها

بيسان : ترا مااكلت شي وتنتضرك جانت

رتيل : اخذلها شي من الطريق تاكلة

بيسان : اي انتبه عليها

رتيل : خالها بعيوني لتخافين

بيسان : الله يخليها الك ........

في منزل هيا

فرات : مشتاقتلج

هيا : واني هم همزين جيتي

رتيل احتضن هيا : واني مامشتاقتلي

هيا : اي الك هم اشتاقيتلك

رتيل : نعسان تدرين

فرات : توك كاعد من النوم

رتيل : مادري شبيه مسطور

هيا : هسة انعدل مزاجك اكعد انت ومعليك

فرات : بجامتي وين خالتها

هيا : بالكنتور نفس مكانها

فرات ذهبت الى الغرفة لتغير ملابسها

رتيل : تخبلين طالعة اليوم

هيا : عجبك

رتيل : كلش كلش لو مو فرات جان ماكعدت وعفتج بحالج

هيا : همزين فرات موجودة لعد

رتيل : شرايج ارجعها للبيت ونبقى وحدنا😉

هيا : لا خطية خلينا نتونس وبعدين اليوم نعوضها لو متجي اليوم

رتيل : اوصل فرات وارجع

هيا: ابقوا انتو الاثنين

رتيل : لا فرات متكدر تنام وحدها الة احد يمها واذا بقت يعني طارت الليلة علية

فرات : هيا مدالكي بجامتي

هيا ذهبت لها

فرات : وين خالتها

هيا : بجهة رتيل بس مثل مدشوفين شمسوي وشلون كالب الكنتور

فرات : رتيل حرام عليك

رتيل : شكو

فرات : ليش هيج مسوي بالكنتور

رتيل : اششش اسكتي ماخلصت منج هناك انوب هنا هم

هيا : ليش هم مسوي هيج بيج

فرات : غير انجلط

رتيل : اسم الله عليج

فرات : مااخليه يخربطة هيج وبعدين كلشي وبمكانة

هيا : عود لعد ليش يمي تخربط

رتيل : مو فرات تحلفني وتوكف فوك راسي من افتح الكنتور

هيا : همزين كلت علمود اوكف فوك راسك بعد

رتيل : طبعا ابد مو ماا احد يجمعجن سوة

فرات : اني البس البجامة واكدر ارتب الكنتور وانتي روحي كملي شغلج

هيا : ماشي ....

على طاولة الغداء

قامت فرات تركض الى الحمام

رتيل : شبيها

هيا : اكيد حامل

رتيل ضربها على رئسها

هيا : ايييي

رتيل : ووجع على هاي الافكار لو ماتدرين مامتقرب الها اني

هيا : ماادري اشوفهم بالافلم الي معدتها تكلب يعني حامل

رتيل : لو اتسكتين احسن

هيا : شمدريني هسة حجاية وحجيتها

رتيل : اممممممم

هيا : حياتي عندي ثقة بيك والله

رتيل : اي واضح كلش واضح

هيا : يعني حجيت وتورطت

رتيل : خلي اكوم اشوف شبيها

هيا : يلا روح

رتيل : ام كرش يعني اهم شي عندج الاكل

هيا : هههههههه طبعا اهم شي الكرش .......

رتيل اعاد فرات الى المنزل وبعدها رجع الى هيا ....

في غرفة الجلوس

كان رتيل مندمج في هاتفه وفرات جاءت ووقفت فوق رئسه

فرات : رتيل

رتيل : اممممممم

فرات: اريد اروح لبيتنا

رتيل: اوك العصر انتضريني اخلص شغل واوديج

فرات : مووو اريد ابات هناك

رتيل: ممنوع

فرات : ندى قبل شوية اتصلت وكالت تعالي

رتيل : ممنوع تروحين هناك الا ورجلي على رجلج

بيسان: رتيل خليها تروح وحدها

: رتيل : لا متروح

هتان: شعليك منها خليها تروح

رتيل: لاع ممنوع

تميم: رتيل لتعاند وخليها تروح

رتيل رفع رئسه: انتو شعليكم وليش تدخلون هي سألتني واني جاوبت

تميم:شنو شعلينة بيك

رتيل : هي زوجتي الي واخاف عليها من هاي الحرباية ندى الله يعلم شتسوي بيها اذا بقت وحدها

بيسان: رتيل

رتيل: شكو شبيج ترا كلنا نعرف سوالف ندى لو نسيتي شسوت بيها قبل ولتءشريلي هيج بعيونج ترا لين مو غريبة وهي اصلا مشتركة ويا امها بعذاب فرات يعني تكدر تكول لكنان او تمنع امها ومتخليها تحبسها بالضلمة و بدون اكل او ع الاقل من امها خارج البيت تساعدها لفرات واطلعهة .. بس هي ماسوت شي وضلت تشوف وساكتة فمو امأن اخلتي زوجتي يم هيج ناس وقسم بالله ولو ما فرات تلح علية جان ماخليتها حتى ويا لين تحجي

بيسان: بس هذا الشي صار

رتيل: اي صحيح صار ومااريدة ينعاد

هنان: عوفوه على راحتة

لين استأذنت وذهبت لغرفتها

تميم: رتيل على كيفك ويا لين لان هسة صارت زوجة اخوك ومن االعائلة

رتيل : وشمسوي اني ...

لمار عاد من العمل وكان يحمل معه علبة ووضعها امام فرات

فرات : شنو هاي

لمار: فتحيها وشوفي

فرات فتحتها ووجدتها هاتف جديد

فرات بأبتسامتها الجميلة : شكرا بس والله مالي داعي

لمار: تدللين

فرات : تسلم

رتيل : شنو المناسبة علمود تجيبلها هدية

بيسان : لان انطت تلفونها لجنى بدل الي كسرتة

رتيل نضر الى فرات 😒

فرات : ماحبيت ازعجك

رتيل : لا خاف ماحبيتي اشتري واحد جديد

فرات : اسفة

رتيل : اني الج بسيطة عقابج يمي

فرات : اسفة

رتيل : اعتذارج ميفيد ويلا كومي بدلي

فرات : على وين

رتيل : معليج

فرات : ماشي .. ذهبت فرات لتغير ملابسها

بيسان : عبالي صدك راح اتعاقبها

رتيل : هو هم اعاقبها بس عقابها يختلف شوية

بيسان : شتسوي مثلا

رتيل : اوديها للسوك واخذلها ملابس جديدة لان كلها يومين وتطلع نتأئجهم وهاي احسن فرصة علمود لترفض

بيسان : نيالها

رتيل : شيلي عينج

بيسان : هههههههههههه ...

جنى: بيسان

بيسان : نعم

جنى: ضايجة ومخنوكة من البيت اريد اطلع او اروح للمكتبه اخذ كم كتاب اسلي روحي بيهن

بيسان : حبيبتي والله كومة شغل عندي

جنى: اهااا

لمار : جوعان شمسوية اكل

بيسان : بعدني مامسوية

لمار: اوك لعد اطلع اكل برا

بيسان : اخذ جنى بطريقك للمكتبة

لمار: يلا خلي تلحكني ع السيارة

لمار اخذ جنى وذهبوا الى المطعم اكلوا وبعدها ذهبوا الى المكتبة

جنى كانت تمسك بيد لمار

لمار: شبيج هيج لازمتني

جنى : خاف اضيع

لمار: اها يلا اخذي الي تحتاجيه

جنى كانت تمشي وتختار وتسحي لمار من يده خلفها ... بعدها عادوا الى المنزل...

في المول

رتيل : فرات اشتري من كل شي قطعة ولتضلين صافنة

فرات : بس عندي اني

رتيل : اني اختارلج احسن

فرات : ماشي

رتيل اختار لها بعض الملابس وخرجوا

فرات : رتيل خلي اخذ شي للمار بدل الفون الي جابة الي

رتيل : مثل شنو تردين

فرات : ماادري بما انك عمة هو شنو يحب

رتيل : اممممم مامنتبه

فرات : اخذلة ع ذوقي لعد

رتيل : براحتج ......

لمار:جنى

جنى: امممم

لمار: جيبيلي مي عطشان

جنى: حرك رجليك مو خدامة اني عندك

رتيل : نفسي مرة يصخروج وتصخرين

جنى: مااشتغل عندكم اني

لمار: اكوم اني اجيب مي لنفسي

رتيل: تعب رجليك ولتعب السانك

لمار:اي والله ياعمي

ميار:مسائو

رتيل : هلا والله وينك منشوفك

ميار: بالشغل ملتهي

رتيل : اشو من تزوجت اصلا كمنا منشوفك بالبيت ادري صح زادت مسوؤلياتك بس مو هيج اتعب روحك

ميار: الشغل زايد هاي الايام

رتيل : الشغل ميخلص لذالك دير بالك على زوجتك

ميار: ماشي

فرات : هلا ميار الله يساعدك

ميار: هلا بيج

رتيل : فديت السان الي ينكط عسل مو مثل غيرج

فرات : معليك يجنى لدابلها

رتيل : وشمدريج اقصد جنى ..بس اكيد هي لان ماعدنا احد بالبيت السانة يرادلة كص

جنى: ووجع انت وزوجتك معليكم بيه

فرات : ماعليك منها .. شفت لمار

رتيل : بالمطبخ

فرات : اها

رتيل : بطريقج عصير

فرات : من عيوني

رتيل : تسلم هالعيون

فرات : ميار اسويلك شي تاكلة لو اجيبلك بس عصير

لين نزلت من الدرجع: حبيبتي لتعبين نفسج اني اسويلة

فرات : اوك براحتج وبعدها ذهبت

في المطبخ

لين كانت تعد الطعام

فرات اعطيت هدية للمار

لمار: شنو هاي

فرات : شي بسيط اتمنى يعجبك

لمار: تسلمين ماطول منج اكيد يعجبني

فرات : بالعافية

لمار: الله يعافيج...

لمار فتح الهدية ووجدها سوار اسود منقوش عليه سورة الكرسي ...ارتدا الاسوار لان عجبه جدا او بالاحرى لانه من فرات ...

في الصباح

كانت بيسان مع لين وفرات جالسات

فرات : بيسان شوكت يجي النونو

بيسان : بعد كوومة

فرات : جيبيه بسرعة علمود العب وياه

بيسان : انتي جيبي نونو وكعدي لعبي وياه

لين : صدك شعجب ماعندج شي لحد هسة وانتي صارلج 3 اشهر متزوجة

بيسان : خاف عندج التهابات مرة الخ من اروح اخذج وياية

فرات : ماشي اكلة لرتيل واشوف

لين : شكو تكوليلة هاي شغلة خاصة بالنسوان

فرات : مااكدر اطلع الة اكلة

لين : لتخليه من هسة يتحكم بيج اشوية صيري قوية

بيسان : اي صح كلام لين لتخليه يدخل بالجبيرة والصغيرة ترا بعدين يتعبج وبكل شي تلكيه حاشر نفسة وبأبسط الاشياء

فرات : لا احنا متفاهمين مااطلع لمكان الة اكلة

لين : لتصيرين غبية وتخليه يمشي كلامة براسج

بيسان : اي ديري بالج

رتيل : ماشاءالله هاي شنو ست بيسان وست لين شدتعلمن زوجتي

بيسان : هههههه شجابك هسة وقتك

رتيل : ادري بيجن تخربن عقل زوجتي لذالك جيت عليها

بيسان : ماحاجين شي

رتيل وضع يديه فوق كتف فرات

رتيل : اميريتي شجانن يكولون الج

فرات: دنحجي ع النونو وبيسان كالت اخذج وياية تفحصين

رتيل : اهااا ولو اني سمعت غير حجي

بيسان : مرة ثانية اخذها وياية

لين : اي لازم تروح صارلها 3 اشهر

رتيل : تسلمين بيسان اني اوديها مااكدر اعوفها وحدها وانتي ست لين ليش متروحين تفحصين مو هم ورانا بسبوعين تزوجتي

فرات : رتيل

رتيل : يلا حياتي امشي للغرفة ذني ماعدهن بس سوالف تعبان....

في الغرفة

فرات : طبعا جيت بالوقت المناسب

رتيل : اي سوبر مان

فرات : اي جان طلعت جذبتنا

رتيل : ماعليج منهن واصلا اني مااعوفج تروح لمكان وحدج..ويلا شغلي البلي خلي نلعب

فرات : مااشي ...

"نتهرب من هذا الكون لننسى شي ما او نتجاهله لكن ننسى الجميع ولا ننسى مانريد ان ننسها "

لين : حبيبي شرايك نطلع نتعشى برا

ميار: حيل تعبان واريد انام

لين : بس

ميار: ع الاجازة وين متردين اطلعج

لين : اوك حياتي نام وارتاح ...

كان الجميع متوتر بأنتضار النتائج ..جنى كانت تجلس صامتة اما فرات فكانت متوترة جدآ فهي كانت تحتضن ساقها وتخبئ رئسها بين ساقيها ولا تتكلم

بيسان : حبيبتي فرات لتهتمين وانتي شطورة واكيد معدلج عالي

هتان: فرات ليش متجاوبينا

لين : فرات ترا بالغتي وبعدين حتى اذا معدلج قليل انقدملج على جامعة اهلية كافي لتسوين هيج بروحج

ميار: لين على كيفج وياها

لين: طكت روحي مدشوفها شدسوي وعلى مالمن

ميار: تعرفين بيها انتي زين فماكو داعي احجي

لين: اصلا كلشي مابيها وهاي جنى مو كدامك كاعدة وساكتة على الرغم حالتها اتعس من فرات

جنى نضرت الى لين : اكوم اشك حلكج وبعدين يمج حواليج اني علمود تجيبين طاريي ولو بنت ندى يعني كلشي نتوقع منج

لين: وشبيها امي

جنى: امج الله يستر عليها اكو شي ماسوتة وخلينا ساكتين

لين : لا احجي هو مابقى بس الزعاطيط علية

ميار: لين صعدي لغرفتج احنا بلا شي البنات موتراتنا انوب انتي وامج وسوالف تعبانة

لين قامت وذهبت لغرفتها وهي تبكي

بيسان : رتيل وينة هو الوحيد الي يكدر يهديها

تميم: صدك وينا مختفي

رتيل دخل وهو يحمل بيده قالب حلوى

بيسان :جيت بوقتك لان فرات مدتحجي وخايفة

رتيل وضع قالب الحلوى على الطاولة وذهب لفرات ورفع رئسها

رتيل : اميرتي

فرات : امممم

رتيل : كومي وياية

فرات : وين

رتيل سحبها واخذها عند الطاولة

فرات بدا تبكي واحتضنت رتيل

رتيل : عفية بأميرتي رفعتيلي راسي

قام الجميع ورى ماذا يوجد في قالب الحلوى ... كان رتيل قد صنع قالب الحلوى وورسم فوقه معدل فرات .. بارك الجميع لفرات

فرات : شلون كدرت تحصل عليها وهي بعدها مانازلة على موقع المدرسة

رتيل : رتيل اني بعد مااكو شي يوكف بوجهي

فرات : مشكووور

جنى:واني

رتيل : طبعا بالله معدلج يخجل

جنى : ليش شكد

رتيل : شكد استحيت كدام صديقي من جاوبني دخلت بهدومي انوب عبالي اتبرى منج بس وكفني اسم الجد المشترك بينا

جنى:اي شكد معدلي

رتيل : تدرين عبالي اكوول لصديقي تشابه اسماء بس المشكلة هو عرف ويعرف عائلتنا

جنى: فضني

تميم: رتيل احجي شكد معدلها

رتيل : 76

جنى: الحمدالله وبدءت تقفز

رتيل : ياحظي ع شنو فرحانة ترا انتي ادبي وجايبة هيج معدل

جنى: شيخنا كال اذا جبتي معدل فوك 75 يدخلني الكلية الي اريدها

رتيل : كبر على هذا الطموح شوفي جنى احسن منج

تميم ارسل بطلب لين ..غسلت وجهها ونزلت وباركت لجنى وفرات

جنى: عاد يارب صبرني على هذا الغثيث شبيك راح تكعد تنفش بريشاتك همزين فرات متحجي

رتيل : اني وياها نفس الشي بس جان استحيتي

جنى:على شنو استحي

رتيل : هي علمي وانتي ادبي وشوفي الفرق بالمعدل وحتى هي نفسيتها بوقها جانت تعبانة ومريضة ومهدئات والمعاملة الحقيرة مالت ندى الحقيرة وهم احسن منج معدلها

جنى: وبعدين وياك

لين : مااسمحلك تغلط على امي

رتيل : والله عاد اني كيفي اذا سمحتي او لا فأحجي الي يعجبني

لين : مااتوقع امي تستاهل هيج تحجي عليها

رتيل : لا تستاهل حتى اروح ادفنها وهي عايشة كافي الي صار لفرات بسببها ولتنسين انت هم مشتركة بالجريمة ويا امج واصلا حتى على زواج اخوية منج اني ماراضي لان انتي نسخة من امج يعني شكلج بعد يااعيني حتى مااأمن اعوف فرات بالبيت وانتي بيه

لين : لا عاد مو لهاي الدرجة ترا بالغت

رتيل : لا مابالغت الي سويتوه قبل هواية جبير وباجر تتحاسبون يم رب العالمين علية

لين تركته وذهبت لغرفتها

بيسان :شبيك ويا البنية لا هيج

رتيل : يمعودة لتخافين عليها مو بنت ندى

بيسان :عاد احترمها لخاطري هم بنت اختي

رتيل : انتي من الناس تحجين عليها

بيسان :لخاطر اخوك زين

رتيل : اخوية هم يحس بيه وبحركة قلبي وهو اكثر واحد يحب فرات ويخاف عليها ويعرف كل الي اكولة صحيح بس حكم القوي الي جبرة على هذا الزواج وبعدين ياحظي ع شنو ماخذها ماتنبلع

بيسان ؛ وجع وجع كرمنا بسكوتك

رتيل : جنى فرات كومو بدلوا خلي اطلعجن اونسجن لان تستاهلن

جنى: اطلعني الي 😊

رتيل : اي ...وبعيد عن الشقة والله رفعتي راسنا ومعدلج كلش زين ولج ام السان انتي طالعة الثالثة على المدرسة يعني اني تفاجئات انتو الادبي هيج كسالة

جنى: لا شعدنا بالمعدل العالي لان 80 ادخلنا اي كلية نريد وبعدين منو بعد يروح حكومي كلها اهلي

رتيل : يلا استعجلوا انتضركم

جنى سحبت فرات وذهبوا ليغيرو ملابسهم...

نزلت فرات وجنة وعند خروجهم صادفوا كنان وندى

كنان : فرات حبيبتي بشريني كم معدلج

فرات : بابا 98 واعشار

كنان قبلها من جبينها : عفية عليج شطورة

ندى احتضنتها وباركت لها لكن رتيل سحبها واوقفها خلفه

رتيل : زوجتي معليج بيه ولتتقربين الها

ندى: اني بس

رتيل : لا بس ولا ماادري شنو ... يلا بنات كدامي ع السيارة ....

في غرفة ميار

ندى: ليش تبجين

لين : ماما تعبت ومااتحمل بعد لان كلهم يحجون عليج وحتى ميار ميعاملني زين وكلة بالشغل ومن اكلة طلعتي يكلي تعبانة ويتعذر

ندى: ياحبيبتي هو المن ديشتغل غير الج

لين : ميصير هيج اتخيلي كل وقتة شغل واذا رجع ينام وكل يوم نفسة ينعاد

ندى: كلهم هيج وكنان هم نفس الشي

لين : هاي مو رتيل نهارك كلة مكابل فرات اتخيلي حتى ميعوفها تكعد يمنا ونهار كلة فوك راسها ..ماما ميقبل احد يزعجها او يضوجها ويوكفلنا على الحرف اذا حجينا وياها وميار عادي عندة اني يحجون عليج وعلية ويبقى ساكت

ندى: اني هواية اخطاءت ويا فرات بس انتي شنو ذنبج

لين : يكلي انتي مشتركة ويا امج ومن هاي السوالف ...هسة اني ميهمني رتيل وكلامة الي يهمني ميار ليش هيج يعاملني ببرود وميحبني

ندى : الرجال يجب بالكلمة الزينة

لين : ميفيد شكد احجي وياه وهو بارد حتى بالرد

ندى: هاي لان بعدكم جديدين ومامخذين ع بعض هسة بمرور الايام تتغيرون

لين : اي حبيبتي كلنا مرينا بهاي الفترة حتى اني وكنان جنا هيج

لين : يعني راح يتغير

ندى: اذا كاعدة تعوين وشلابسة انتي وشنو هاي الخربطة بالله هي هاي شكول وحدة عروس جديدة

لين : المن البس هو حتى ميجي للبيت

ندى: لبسي لروحج وتمكيجي لنفسج علمود ازيد ثقتج بنفسج ووقت ماتحسين نفسج كاملة راح تلكين الكل تحترمج ترا يعتمد عليج وع ثقتج بنفسج بس انتي وحدة ضعيفة ومهزوزة ويلا كومي غسلي صاير وجهج مثل الباندا وخيري هاي الملابس ولبسي شي حلو ويجذب والله الله يساعدة لميار عليج

لين : اوك

ندى: انتضرج جوة

لين : اوك ....

بيسان : شنو هاي النشاط رتيل شتسوي بالمطبخ

رتيل : عصير ليمون

بيسان : اها

رتيل : يب يب

فرات : صباح الخير

بيسان : صباح النور

بيسان : شعدكم كاعدين من وقت

رتيل : معدتها تكلب وداسويلها عصير

بيسان : مابيها غير العافية

رتيل : تعالي اكعدي واشربي

فرات : يع مو طيب

رتيل ضرب فرات على رئسها : يعني طلعتج ساعتيني ويا جنى وانعديتي منها ... شنو يع ..حرام تكولين هيج على نعمة الله

فرات : اسفة

رتيل : شربيه كلة وبسرعة

فرات : مو طيب

رتيل : اتحمليه

فرات : ماريد

رتيل : اشربيه واخليج تروحين يم هيا

فرات : لخاطر هيا راح اشربة

رتيل : عفية بالحبابة

بيسان : فدوة ياربي شكد حلوين هيج شكلكم كأنكم عصافير

رتيل : اشبيج راح تموعين هيج

بيسان : نيالج فرات والله ابد مااتخيل رتيل هيج حلو بالتعامل

رتيل : راح تضربينا عين بعينج الخضرة هاي

هتان دخل الى المطبخ

بيسان : ادري هذا شيفرق عنك موو اخوك لو شنو اريد اعرف

هتان : شبيج

بيسان : حرام عليك تعال شوف اخوك شلون يعاملها زين وشكد حلوو واني حتى كلمة حلوة متسمعني

هتان : عوفيهم بعدهم جديدين

بيسان : لا والله هي حظوظ

رتيل : طبعا بيسان اذا صار شي بينا ابتلي بيج

بيسان : شيصير بيكم يعني .. انتو كلشي ميصير بيكم

رتيل : قل اعوذ برب الفلق

بيسان : مااحسد لتخاف

رتيل : انتي من القهر شعر راسج واكف وتكلي مااحسد

بيسان : خلي نفسك مكاني

رتيل : مااخلي نفسي مكان احد وبعدين هاي زوجج يمج وانتي وياه ولتدخلين بينا

هتان : ماعليج منة حياتي انتي ويلا سويلي فطوري وراية شغل

بيسان : هو هذا الي ماخذتة منك بس شغل بشغل

هتان : حياتي ولا تضوجين اليوم نطلع

بيسان : اي اذا بيها طلعة ميخالف راح اهدا

رتيل : بعد شكو تحجين على اخوية ومو هياتة راح يطلعج

بيسان : اريدها من عندة مو اطلبها بلساني

رتيل : المهم راح اطلعين

بيسان : على كولتك المهم حصلت طلعة

هتان : عمي الرومانسي خفف شوية ترا راح تسويلنة مشاكل بالبيت

رتيل : يعني زوجتي وحر بيها واريد ادللها انت شكو

هتان : وغيرة النسون شسويلهة اني

رتيل : مشكلتك

هتان : ابد متسوي شغلة براسه خير

رتيل : هههههههه

على طاولة كان الجميع يتناول طعامه

بيسان : شوكت اطلعني

هتان : ورة مانخلص اكل

رتيل : خوش طلعة هاي ..غير تعزمها على العشاء برا اشو وكلتها بالبيت وراح اطلعها ...زوجج كلش بخيل

هتان : وجع اكل واسكت ومحد خرب عقلها غيرك

رتيل : ههههههههههه

لين : حياتي ميار ماما عازمتنا عدها باجر

ميار: ان شاءالله اوديج بطريقي للشغل

لين : حياتي عازمتنا اثنينة

ميار: شغل عندي مااكدر

بيسان : لازم تروح وياها لان هي العزيمة الكم وهم عازمة النسوان وجمعة وتعرف الباقي

ميار: ماشي نروح سوية

لين فرحت كثيرا لان وافق

رتيل : ليش متاكلين

فرات : معدتي مدري شبيها

رتيل : اسويلج عصير

فرات : لا عفية ماريد

بيسان : عصافيرنا شعدهم يتبشبشون

رتيل : وانتي شدخلج

بيسان : كيفي

رتيل : وجع ركزي ويا زوجج وطلعينا من راسج

فرات تركت الطاولة وذهبت الى الحمام لتستفرغ

تميم : خير شبيها

بيسان : اشو مارحت وراها وعفتها شعجب

رتيل : معدتها شوية تعبانة

لين : اكيد حامل

تميم : بيها الخير مبروك رتيل راح تصير اب

بيسان : انت اتصير اب ونبي مااصدك

رتيل : وليش متصدكين

بيسان : لا بس من اذكر شريط حياتك واشوفك هسة تتخربط عندي الصورة

هتان : من صدك فرات غيرتة

بيسان : اي عيني الحب هذا الحب

رتيل : ووجع اليوم شادة ويانة اروح اشوفها شبيها

بيسان :اي خطية روح عليها ....

بعد انتها الاجراءات دخول الجامعة ...فأن جنى اختارت جامعة اهلية لدارسة اللغات قسم اللماني اما فرات فدخلت كلية الطب

بيسان : اي شخبار الجامعة احجولي

فرات : من محاضرة لمحاضرة وبعدها جا رتيل واتغدينة ورجعنا للبيت

جنى: ماخليت مكان مارحتلة ودخلت بس اول محاضرة

لمار:جنى هو افتريتي تعبتيني والله

جنى: اي استغليت الفرصة لان بعد مااكدر اطلع ويا احد

لمار: شكد حيالة

جنى: شكرا لمار بس والله اتونست اليوم

لمار: تدللين انتي ....

لمار" جنى على الرغم من لسانها واسلوبها المستفز ورد فعلها السيئ الا انها عندما تكون وحدها تختلف كثيرآ تكون اكثر لطف واكثر احترام وتكون ضعيفة جدآ ... اكتشفت انها تتضاهر بالقوة والقسوة امامنا فقد لتثبت لنا انها ليس بحاجة لنا وانها قوية ولكي لاترا في عيوننا الشفقة ...هي لا تريد ان تصبح مثل فرات ضعيفة والكل يشفق عليها ويعاملها بعطف ..كبريائها يمنعها من ان تكون هكذا ...شخصيتها قوية اقوى من ان تهزم او تضعف او يستهان بها ... عرفت اشياء كثيرة عن جنى لاني كنت انا من يأخذها الى الجامعة ويعيدها واصبحت علاقتنا قوية ...."

بيسان : رتيل

رتيل : امممممم

بيسان : فرات لازم توديها للطبيب يفحصها لان شكلها حامل

رتيل : مستحيل هو تلكيه التهاب امعاء عدها

بيسان : وليش تستبعد مو يمكن حامل

رتيل نضر يمين ويسار في الغرفة ولم يجد احد

بيسان : اشبيك ع شنو ادور

رتيل : ولا شي

بيسان : اي اتوديها لو اوديها

رتيل : ماكو داعي لسببين

بيسان : الي همة

رتيل : لان وديتها وكال التهاب امعاء وهذا بسبب الدوة والمهدئات الي كانت تشربهم وهسة بين عليها

بيسان : والسبب الثاني

رتيل : اني مامتقرب منها شلون تصير حامل هاااا

بيسان : شنو يعني

رتيل : شنو الي مافهمتيه

بيسان : يعني انتو مامتزوجين بس ع الورق

رتيل : ايييي ولتكولين لاحد حتى فرات لتحجين كدامها

بيسان : اها

رتيل : ايييييي لان هي مريضة واني اخاف عليها ومااتقرب منها لان تعرفين حالة فرات انتي

بيسان : فدوة لكلبك شكد حنون وطيب .

رتيل : وانتي المدعبلة شوكت تخلفين

بيسان : بعد 4 اشهر

رتيل : فضينا اريد اصير عم

بيسان : لعد لمار شنو

رتيل : لا اريد اطفال صغار

بيسان : انتضر مو كل شي يجي بسهولة

رتيل : ههههههههههههههه ..

ميار: هلا

بيسان : هلا

رتيل : شعجب راجع للبيت

ميار: عندي اوراق محتاجهم

بيسان : اها

ميار : اي وبعدها ذهب الى غرفته اخذ الاوراق وخرج

رتيل : تتوقعين سمعنا

بيسان : لا جنا نحجي على الاطفال من دخل

رتيل : زين لعد

بيسان :ايييي شكد تلغي دوختني اروح انام وارتاح

رتيل ؛روحي صايرة تنبل مال نوم

بيسان : والله داتعب بالبيت وخصوصا من فرات بدت اداوم محد يساعدني وحتى لين كل يومها تكضي بالدوام

رتيل : فديتها لفراتي خلي اروح اخذها من الجامعة

بيسان :اوك روح واني صاعدة لغرفتي

رتيل ؛ ماشي

هيا : حياتي مشتاقتلك كوومة

رتيل : اني هم مشتاقلج

هيا رفعت يدها وعانقت رقبة رتيل

رتيل حملها : قزومتي شعدها اليوم

هيا : حياتي

رتيل : روحة

هيا : اني حامل

رتيل : والله

هيا : اي والله

رتيل بدء يفتر بها وهو سعيد للغاية

هيا: لتوكعني كافي

رتيل: حياتي فرحان كلش كلش لان راح يصير عندي طفل منج وياريت لو يشبهج

هيا: بس اريدة يطلع يشبهك وحلو مثلك

رتيل : حياتي ابنا فأكيد يطلع علينا

هيا: اي صدك لازم يطلع علينا المهم اني راح اخلي صورك بالبيت كلة علمود اضل اباوع عليك وابنا يطلع يشبهك

رتيل: خبلة اروح اغير ملابسي

هيا: اوك روحي واني اروح اسويلنا بوشار

رتيل دخل الغرفة وبدأ يصرخ ..خرجت هيا من المطبخ وركضت للغرفة

هيا: شكووو

رتيل: هاي شنو الكنتور ليش هيج

هيا:فرات ذاك اليوم رتبتة

رتيل: تدرين كمت اشك بروحي نفس ترتيب كنتوري هناك

هيا: هههههههههههه

رتيل: ووجع لتضحكين ترا هسة اخربطة

هيا: لا عليك الله خطية كلش تعبت بيه

رتيل : امممم اكول

هيا: شنووو

رتيل : شنو مصير فرات وتتوقعين اكو احد يحبها وهي متزوجة او يتقرب الها

هيا: اي صدك من يعرفون بيها متزوجة محد يحبها بعد

رتيل: وشنسوي هسة

هيا: سهلة

رتيل: اي يافهيمة شلون سهلة

هيا: خلي تنزع الحلقة وبعدين منو يعرفها بالجامعة

رتيل: وفرضا سألوا عليها

هيا: لتخاف محد يسأل لان اكيد طالب مثلها ويتواجد بالكلية وميهمة غير تفاصيل

رتيل: اي هم صدك اني من حبيتج مشيت ع الكلية وماسألت عليج خارجها

هيا: شفت شلون

رتيل تقرب من هيا ووضع يده على رئسها وخربط شعرها : قزومتي تفتهم

هيا : عود شمعنى لفرات تكللهة اميرتي واني اتكلي قزومتي

رتيل : بس لا كمتي تغارين

هيا : اي اغار وزعلانة عليك

رتيل احتضنها : حبيبتي شعندي غيرج انتي عمري وروحي وكل حياتي

هيا : بس مو اميرتك

رتيل : لا بس فرات اميرتي

هيا : ولي مااحبك

رتيل : اموووت عليج

هيا : لساعني زعلانة

رتيل : وشلون ترضين

هيا : طلعني ضايجة

رتيل : اها هيج الحجي

هيا : اييييي

رتيل : كل هاي السالفة علمود اطلعج

هيا : ايييي

رتيل : ووجع كولي اريد اطلع واني اطلعج

هيا: يلا لعد اغير ملابسي وااجي

رتيل : بسرعة اريدج بربع ساعة جاهزة

هيا: ثواني وتلكيني يمك

رتيل : يلا

بعد ربع ساعة

رتيل : ترا طولتي

هيا : دقيقة بس اخلص

رتيل : من سمعتج تكولين ثواني كلت بس ادير وجهي الكيها مكملة

هيا : يلا يلا خلصت بس شوية بعد

رتيل : والله فرات ياحلاتها ابد مطول على ماانزل للسيارة الكيها وراية

هيا : هي لاتخلي مكياج ولاتسوي شعرها فمن الطبيعي مطول

رتيل : اي هم صدك ويلا انزل للسيارة الكيج وراية مثل ظلي

هيا: ماشي انزل والحكك

رتيل:ماشي.......

''عندما يبدأ الليل ويعلن وحدتي

اصرخ ملء صمتي و"اقسم" غداً لن أحبك

! وأنام وأنا لا أحبك .. وأصحو وأنا عاشقة لك ..."''

ميار:هلا بيسان اشو وحدج كاعدة

بيسان:جنى ولمار طلعوا وهتان بالشغل وشيخنا نايم

ميار: اها

بيسان: لين وينها ليش مارجعتها وياك

ميار:رادت تبقى يم امها

بيسان: اي مابيها شي خلي تبقى

ميار: اروح انام لان اني هم تعبان

بيسان : اخذني وياك لان اني هم نعست

ميار: يلا لعد راح اطفي التلفزيون وانتي صعدي

بيسان : اوك

في منتصف الليل

ميار ذهبت الى غرفتة وحاول ان ينام ولكنه لم يستطيع وكان يتقلب في الفراش لذالك خرجت الى الحديقة وهناك وجد فرات تجلس في المرجوحة ورئسها للخلف ومغمضة عيونها ..

ميار جلس بجانبها ولم يتكلم

فرات : ميار

ميار: عيونة

فرات : شبيك ليش ضايج ومخنوك

ميار: وشلون عرفتي اني ميار وشلون عرفتيني اني ضايج وانتي مغمضة عيونج

فرات ابتسمت : من ريحتك عرفتك

ميار: وشلون عرفتي ضايج ومخنوك

فرات : احساسي

ميار: ماشاءالله عندج الحاسة السادسة وتحسين بالناس

فرات : لا

ميار: شنو لا !!

فرات : ماعندي الحاسة السادسة ومااحس بالناس بس بيك احس واعرف شبيك بدون متحجي شي

ميار: اهااا

فرات : اييييي

ميار: شخبار جامعتج

فرات : تعب ودراسة

ميار: الله يعينج

فرات : ويعينك

ميار: ليش مانايمة لحد هسة

فرات : ماجايني نوم

ميار: بس راح اتعبين وباجر وراج دوام

فرات رفعت رئسها وفتحت عيونها : ميار

ميار: اممم

فرات : عندي سؤال واريدك تجاوب علية بصراحة

ميار: اوك اسألي

فرات : فرضأ اني انسانة طبيعية جنت

ميار: ليش انت شبيج هسة

فرات : يعني

ميار: فرات شنو هذا الكلام

فرات : خلي اخلص كلامي

ميار: اوك كملي

فرات : فرضآ اني انسانة طبيعية ومابيه شي ولا حالة نفسية جان هم حبيتني او فكرت بيه كأي بنية طبيعية

ميار: اممممم اني يعني

فرات : اوك مااريد اعرف الجواب

ميار: ليش

فرات : لان انت تعتبرني اختك فاأسئل غيرك احسن

ميار: بس ماجاوبت اني

فرات : اعرف جوابك مسبقآ

ميار: الي هو شنو

فرات : مو يكولون قرد بعين امه غزال

ميار: يعني

فرات : اكيد راح تكلي كلام حلو علمود لتضوجني وكذا يعني

ميار: بس انتي ماسمعتي جوابي

فرات : غيرت رئي مااريد اسمعه

ميار: على راحتج

فرات وضعت رئسها على كتف ميار

فرات : اشتاقيت لذيج الايام

ميار: اي ايام !!

فرات : امممممم مادري شبية اليوم بس اخربط بالحجي المهم ماعليك مني احجيلي وين لين !!

ميار: يم اهلها

فرات : ميار انت ابد متعاملها زين وخطية ابد مطلعها

ميار: غير عندي شغل

فرات : وهي اهم من الشغل وانتبه الها خطية

ميار: ماشي ماشي

فرات : يلا خلي نباوع على القمر ونجوم لان السماء صافية ومنضرهن يجنن

ميار: يعني اتريدين اسكت ومااحجي

فرات : يب يب

ميار: اوك

ميار" ''اول مرة ارى فرات تتكلم هكذا ... ياترى مالذي حدث بينها وبين رتيل ... وماذا كانت تقصد بأنها اشتاقت الى تلك الايام ... كلامها حيرني وسكوتها حيرني اكثر ... معقول انها تشعر بشي ما اتجاهي ... تخربطت افكاري اكثر ..قررت اتكلم معها بصراحة لارتاح وكنت اعتقد ان هذا الفرصة ارسلتي لي من الله استجمعت قوتي وقلت لها : فرات اني ماافكر بيج مثل اخت او اعطف عليج او اعاملج زين لان انتي مريضة ... مشاعري اتجاهج غير ادري كلامي يصدمج بس مااكدر اتحمل واسكت اكثر وادري الي اكولة اكبر خطأ وتعتبر خيانة لاخوية رتيل بس شعوري وحبي الج جان قبل ميتزووجج رتيل ..فرات اني احبج.. انتضرتها ان تجيب ولكنها لم تتكلم ..كنت اعتقد انها مصدومة من كلامي ولكن عندما طال صمتها شعرت بلقلق واستجمعت قوتي ونضرت لها وجدتها نائمة كالملاك حملتها واخذتها الى غرفتها ..ادخلتها الى فراشها وعندما كنت اخرج صادفت رتيل

رتيل نضر لي بأستغراب !!

ميار: فرات جانت بالحديقة ونامت لذالك صعدتها لغرفتها

رتيل : اها شكرا الك

ميار: رايح انام تصبح على خير

رتيل : وانت من اهل الخير ....

بيسان : احول الجماعة متغير

رتيل : اي كلش كلش حتى مداصدك عيوني

فرات : يعني كوة تحجوها

جنى: مااردلهم خلي يولون

رتيل : ايبااااه دخلتي جامعة رفعتي خشمج علينا لعد لو تستلمين راتب وتتوضفين شتسوين

بيسان : يجوز متعترف بينا

جنى: بس الي ماعندة اصل يتبرا من اهلة وانتو اهلي وكل الي عندي بالدنيا واني ماانسى فضلكم ولو مو انتو جان اني بالشارع هسة بس انتو عاملتوني زين حتى طول عمري ماحسستوني اني يتيمة وماعندي اهل

رتيل : لا ماشاء الله من صدك متغيرة

جنى: اي اعجبك

رتيل : ديلا كومي جيبيلي مي

جنى: صخر هاي الي بصفك مو زوجتك

ميار: هههههههه صدك متغيرة

رتيل : ابو طبع ميجوز من طبعه

ميار: مستحيل لازم يحن لطبعه القديم

رتيل : هههههههه

جنى: ولي شكد غثيث اروح لغرفتي احسن

لمار: لا كعدي وين رايحة وبعدين مو كتلج ممنوع بعد تكعدين وحدج

جنى: لخاطرك راح اكعد

لمار: يسلملي خاطرج

رتيل : حبنجيات هااا من ورانة

جنى: انجب

ميار: بيسان حضري روحي روحج لان هاي العلة راح تصير جنتج

بيسان : اذا عاجبة ابني فدوة لكلبها اخليها على راسي

رتيل : اي شوكت نزوجكم

جنى: بعد وقت اريد اكمل دراسة

لمار: اي حياتي براحتج

رتيل: ولج الي بمثل موقفج لازم تخجل

جنى: وليش داخجل ..وبعدين انت شعليك مني هاااا

تميم : رتيل معليك منها

رتيل : يلا فراتي كومي انام

فرات : يلا 😊

بيسان : وين بعدنا ببداية السهرة

رتيل : عدها دوام باجر ولازم تشبع نوم

بيسان : وانت شعندك

رتيل: مااكدر اعوفها وحدها

بيسان نضرت الى هتان : اتعلم ياحظي

هتان : رتيل ليش متكد راحة

رتيل: مرتك عينها علينا ليش

بيسان : شسوي من القهر

هتان : باعي على لين وميار ولتباعين على ذولة

رتيل : اي هيج باوعي ولتكنكين ويانة

بيسان : لا ميفيدون ذولة لان نسخة من حياتنا اما انتم شي لا صار ولا راح يصير

رتيل : قل اعوذ برب الفلق ويلا اميرتي امشي انومج واقرا عليج ايات ليروح يصير بيج شي من ورة ام عيون الخضر هاي

بيسان : اوووف يالقهر رورح روح

هتان : من صدكج انتي

بيسان: انتو واخوج الثاني ضل هيج جامدين وانت لمار ابني اتعلم من عمك الوسطاني ولتطلع لا على ابوك ولا على ميار فاهم

جنى: لا اطمني الحمدالله طالع على رتيل

بيسان : الحمدالله يارب

هتان : هههههههه......

لين : ميار

ميار؛ امممممم

لين : صارنا 4 اشهر متزوجين وماصار عندي شي وحجيت ويا امي وامي كالت روحي للطبيب فحصي

لين : خلينا نروح ثنينا

ميار: ماشي باجر اجي عليج للشركة ونروح

لين : ومناك نتغدة وبعدها نرجع للبيت

ميار: ماشي

لين : مامصدكة راح نطلع

ميار: لا صدكي

لين : خلي اروح احضر اهدومي الي البسهن باجر

ميار: روحي

طرقت باب الغرفة

ميار: تفضل

فرات : ميار عندك شي

ميار: لا ماعندي شي تعالي

فرات : باجر رتيل عندة شغل تكدر تمر علية بالرجعة

ميار: ماشي

لين : حياتي مو اتفقنا نطلع سوة

ميار: مو شكال بطريقنا

فرات : لا طلعوا انتو واني عود ارجع ويا لمار

لين : اي حبيبتي دبري نفسج لان واخير حن علية وراح يطلعني باجر

فرات : ماشي ..

ميار: جان بطريقنا وصلناها

لين : لا باجر بس الي

ميار: اوك براحتج.......

بينما ميار كان ينتضر لين لانها كانت تعمل الفحوصات رئى رتيل مع هيا وممسك بيدها وهم خارجين من غرفة الطبيب ...اختبى وبدا يستمع لهم

هيا : حياتي شفت النونو

رتيل : اي حياتي شفته يالله شكد صغير

هيا : فرحانة كلش واخيرأ راح اصير ام وانت اب

رتيل: اي حياتي

هيا : ترا جعت يلا روح ناكل

رتيل : يلا عمري ...

ميار كان مصدوم ولم ميعرف ماذا يفعل او هل يذهب ويوفقهة ليفتهم منه وهل هو حقآ متزوج على فرات قاطعت تفكيره لين

لين : حياتي خلصت والتحاليل باجر تطلع

ميار: اها

لين : اي يلا نروح

ميار: يلا ..........

هتان : اكوول عمري

بيسان : كول حياتي

هتان : اشو ماكو احد

بيسان : لين وميار طالعين سوة ولمار وجنى هم طلعوا يتعشون

هتان : وفرات والعلة وينهم

بيسان : رتيل طلع الصبح وبعد مارجع اكيد اخذ فرات من الجامعة وطلعو كالعادة

وصل ميار ولين وبعدها جنى ولمار

بيسان : ها حبيبتي بشري

لين : سويت التحاليل والفحوصات وباجر اروح اخذ النتيجة

بيسان : ان شاءالله خير

جنى: مكانج خالي بيسان

بيسان : جان اخذتيني وياج مو نادرة من تجين تكولين مكانج خالي

جنى : ع الجايات

هتان : بيسان والله اقهريني من تحجين هيج يعني اني هيج مقصر وياج

بيسان : لا حياتي فدوة لعمرك بس اشاقيهم

هتان: فدوة لهذا اللسان وبعد كل يوم اطلعج علمود تتحسن نفسيتج وهم النونو يرتاح

بيسان: ياعيني ياعيني عليك الله يخليك الي

رتيل : عيب بابا انتو كبرتو مو مال رومانسيات لعد شبقيتوا للزعاطيط

بيسان: ههههههه شجابك انت هسة

رتيل: يعني شلون ماارجع لبيتي

بيسان: لا عيني ارجع

رتيل: اميرتي وينها !!

بيسان: ليش مو وياك

رتيل: لا كالت ميار ياخذني من الدوام لان كانت عندي شغلة

ميار: اي صح كالتلي بس اعتذرت منها لان جنا متفقين اني ولين نطلع وكالت اكل لمار

لمار: اي كالتلي وهم اعتذرت منها وكالت اخلي هتان يرجعني

هتان: اصلا ماكالتلي

رتيل : ووينها هسة

بيسان: اتصل على ابوها اكيد يمة

رتيل اتصل على والدها ولكن اخبره انها لم تتصل به ولا حتى ذهبت له

هتان: خاف يم شيخنا

ميار ذهب الى غرفة تميم وسأله عليها ولكنها لم تجيب

بيسان : يمة بس لو صار بيها شي

هتان: منو صديقاتها والمن تعرف غيرنا

رتيل ذهب بعيدآ واتصل بهيا ولكنها لم تكون عندها

ميار: وين يعني راحت

جنى: اتصل على تلفونها هي مو شايلة تلفون

رتيل : اي والله راح من بالي

جنى: اي ديلا اتصل

رتيل اتصل على هاتف فرات

بيسان : هااااا

رتيل : متجاوب

ميار: اتصل مرة ثانية

رتيل عاود المحاولة ولكنها لم تجيبه

هتان : خلونا نهدا علمود نعرف نفكر

بيسان: لين من جانت بيتكم هم تعرفين صديقاتها او احد تعرفة او حاجيتلج عن شي

لين: ماجان عدها احد تحجي وياه وحتى صديقات ماعدها بس جانت تحجي ويا ميار يعني ماعدها غيرة

بيسان: ميار هم حاجيتلك ع احد

ميار: لا مااذكر

هتان : خلي اتصل عليها مرة ثانية

بيسان: اي بلكت انت تجاوبك

هتان حاول ولكنها لم تجيبه

الجميع كان متوتر وافكار سيئة تدور في رئسه وبعدها وصل كنان وندى وحاولوا الاتصال ولكنها لم تجيبهم وهتان وميار اتصلوا على جميع المستشفيات ومراكز الشرطة القريبة ولكنهم لم يحصلوا على نتيجة ...

بعد انتضار طويل رن هاتف ميار

ميار: نعم ...لا مو زوجها ...ابن عمها وبالنا مشغول عليها ممكن اعرف هي وينها هسة ... اي عيادة ...العنون لو سمحت ...اوك كلها نص ساعة ونجي

بيسان: وينها

ميار: متخربطة من الجامعة وموديها للطبيب

رتيل:المكان وين

ميار اخبرهم بالمكان

هتان : يلا خلي نروح نجيبها

رتيل: اني ارووح اجيبها انتو ابقوا

ميار: خلي نروح وياك

رتيل : لا اجيبها وحدي

ميار: هو شنو تروح وحدك

رتيل: زوجتي واني اروح اجيبها

ميار: ومن هي زوجتك وهيج تخاف عليها شلون عفتها

رتيل: عفتها لان مطمن عليها لان اخوية راح ياخذها ابدالي بس مع الاسف عليك

بيسان: مو وقت هذا الكلام وخلي نروح نجيبها ونطمن عليها

رتيل: اروح وحدي ومااريد اشوف خلقة احد بيكم بعدها خرج رتيل وحده

هتان : ونعوفه وحدة

لمار: ماشفتة شلون عصبي

ميار: فوك ما غلطان صار عصبي علينا

بيسان : انتو شلون متروحون تاخذوها يعني هسة فرات صارت مو مهمة عندكم وصار عدكم اشياء اهم منها سبحانك ربي حتى البشر يتغير هيج بسرعة

لمار وميار التزما الصمت لانهم كانوا قبل ذالك يهتمون بها ويتمنون فرصة فقد ليجلسوا معها وكلام بيسان جعلهم يحسون بالذنب وانهم قصروا معها وماكان عليهم رفض طلبها وهي اخبرتهم ان رتيل لديه عمل ولا يستطيع ان يأخذها ... ميار كان يشعر بالذنب الاكبر واكثر مااحزنة قول لين بأن فرات لا تمتلك احد غير ميار ....

في العمل

اتصلت لين على ميار ليذهب ويأخذ نتأئج التحاليل بدل عنها لان عندها عمل ...

رتيل: اميرتي واخيرا كعدت

فرات: صباح الخير

رتيل: ضل بالي عليج

فرات : رتيل تعال اكعد اريد احجي وياك

رتيل: بس اسويلج شي تاكليه واجي

فرات امسكته من يده واقفته

رتيل: هاا

فرات : لازم نحجي

رتيل: اوك كولي شعندج

فرات : اول شي اريد اروح لبيتنا لان عطلة وتعرف انت

رتيل : ممنوع

فرات : رتيل هيا هسة محتاجتك ولاوم تهتم بيها يمكن تريد شي او تشتهي شي يعني اني اكضي العطلة يم ابوية وانت روح يمها لان خطية احنا ضالميها واغلب الوقت انت تكضي وياية

رتيل : ماكو هيج حجي ومااقبل

فرات : رتيل هيا محتاجتك اكثر مني فرضا دخل حرامي او صار شي على النونو عود شتسوي وقتها !!

رتيل : الله كريم وقتها عود شفكر

فرات : رتيل لتعبني وتخلين اتصرف اشياء متعجبك

رتيل : كيفج شتريدين سوي بس روحة لبيتكم ماكو

فرات : رتيل لتعاند

رتيل : النقاش انتهى ...

ميار: هاي التحاليل

لين : داصبغ اضافيري 💅 شوفلي النتيجة

ميار بدا يقرا

لين ؛ يلا حياتي شطلع

ميار: سليمة ومابيج اي شي

لين : لعد شنو السبب

ميار: ماادري

لين : اروح اعيد التحاليل احسن

ميار: لا لتروحين لان مابيهن شي وسليمات

لين : بس

ميار : بنهاية الاسبوع انروح نحلل سوة

لين : ياريت والله اني فكرت اكلك بس خاف تفهمني علط

ميار: لا مابيها شي ان شاءاللع نروح وبعدها اخرج الى الحديقة ...

فرات : شيخنا

تميم : هلا بنتي

فرات : عندي طلب واريد تنفذة الي

تميم: كولي اذا اكدر علية فمن عيوني

فرات : بس مااريد احد يعرف بيه

تميم : ماشي سدي الباب وتعالي .....

بعد مرور شهر

لين : هى هى

ندى: ليش تبجين خوفتيني

لين : ماما ميار ميكدر يخلف وطلع عقيم

ندى: شنوووو

لين : قبل فترة سوينا تحاليل وعرفت بهذا الشي بس المشكلة مااكدر اتحمل اكمل حياتي واني ماعندي طفل

ندى: الطب اطور يابنتي واكيد اكو حل

لين : ماما بعد مااتحمل يعني لا يعاملني زين ولا يحبني واهلة يحجون علية وميدافعلي ومامجبورة ابقى عايشة وياه يعني ترا كل بنوتة حلمها تصير ام مااكدر اتحمل

ندى: هسة اهدي وفكري زين

لين : صارلي اسبوع افكر واريد اطلك

ندى: هاي شغلة جبيرة يا لين

لين : ع شنو باقية يمة وهو اني حالي حال الحايط وماافرق عندة

ندى: يجي كنان ونحجي وياه

لين : فكرت بالموضوع وانتهى لا كنان ولا ماادري شنو

ندى: هاي حياتج وانتي حرة بيها

لين : خليني وحدي وسدي الباب اريد ارتاح وانام 😢😢

خرجت ندى من الغرفة وذهبت الى الصالة لكي تشاهد التلفاز وهناك شاهدت فرات تدخل بحقائبها

ندى قامت لها : فرات

فرات : هلا خالتي شلونج

ندى: خير ليش جايبة هدومج شصار شكو

فرات : اني اطلكت من رتيل

ندى: ياربي المصايب كلها تجي بيوم واحد

فرات : ليش شصار

ندى: مصار شي تعالي حبيبتي احجيلب ليش وشصار اني ادري رتيل زين وياج لو هم طلع ميخلف !!

فرات : ماادري خالتي تعبانة اريد انام وارتاح وبعدها نحجي

ندى: انتن تريدن تخبلني كل وحدة تحجيلها قنبلة وتريد تروح تنام

فرات : منو غيري ليش

ندى: لين هم تريد تطلك

فرات : ليش

ندى: روحي عليها للغرفة واحجن وتفاهمن لان ماادري شكول وانتضر كنان يجي ويشوفلجن حل

فرات : رايحة على لين احجي وياه

ندى: اوك .....

رتيل : شيخنا انت ليش تقبل هيج شي وشلون تخليها ترجع

تميم : هي طلبت مني

رتيل : ياربي ليش هيج دسوي هي

تميم : اتكول مااريد اضلمة وياية

رتيل : وانت كبل توكل محامي ويرفع دعوة خلع

تميم : هي دعوة الخلع مطول واسهل

رتيل : ليش شيخنا حتى ع كل حقوقها متنازلة يعني شلون راح تعيش

تميم: كنان موجود واني هم مااعوفها

رتيل : انت اتريد تخبلني

بيسان : شبيكم تعيطون

رتيل : شيخنا ساعد فرات علمود تطلك مني

بيسان : شنووووو .. ليش شيخنا !!

تميم : هي طلب مني هالشي ومااكدر ارفضلها طلب

رتيل: بربج هو هذا حجي

بيسان : تشاقون مووو

رتيل : ياريت لو يشاقون لج راح اتخبل

تميم تركهم وذهب الى غرفته

رتيل خرج ايضا

بيسان : وتعوفوني وحدي راح اتخبل تعالي فهموني

لمار: امي شبيج

بيسان : رتيل وفرات انفصلوا

جنى: حلوة هاي النكتة

بيسان : اروح لغرفتي احسن لان من صدك نكتة صارت .....

بعد اسبوع

كنان ارسل بطلب ميار

ميار: هلا عمي طلبتني

كنان : اي تعال

ميار: تفضل عمي

كنان : ادري المكان للشغل ومومال نحجي بخصوصياتنا او امورنا العائلية بس تدري هو اليوم يضيع كلة بالشغل

ميار: اي عمي

كنان : لين صارلها اسبوع يمنا وانت حتى ماجيت وسألت عليها

ميار: لا عمي جيت وسألت بس هي متقبل ترجع وحتى رافعة دعوة طلاق

كنان : ادري بموضوع الدعوة

ميار: عمي بالنسبة الي ماعندي اي مانع بالعكس اتمنالها الموفقية والحياة السعيدة وصدكني ماراح اضرها او اكف بوجها وحتى اني وافقت ع الدعوة وكلها يومين وتستلم ورقة طلاقها

كنان : الله يعوضك بالاحسن كلبك طيب والله يكتبلك الخير

ميار: تسلم عمي واسمحلي اروح اكمل شغلي

كنان : روح ابني روح ....

لين : اكدر ابني حياة جديدة والكي شخص يحبني واحبة

ندى: ان شاءالله

لين : ميار كانت فترة بحياتي وماشفت بيها اي راحة وراح اتجاوزها وانسى

ندى: ان شاءالله

لين : ميار يستاهل كل خير وان شاءالله يتعافى ويكدر يتزوج غيري

ندى: ان شاءالله

لين : فرات وينها

ندى: نايمة

لين : تدرين لحد هسة مامستوعبة انوا فرات تنفصل عن رتيل لان بحياتي ماشفت هيج اثنين منسجمين

ندى: طيرتوهم لعيونكم

لين : هههههههه

ندى: كومي روحي شوفيها وكعديها ولتخليها نايمة لان مو زين هيج تنام

لين : شنو هي راجعة على المهدئات

ندى: لا اخذتهن منها لان رتيل جا فبل سبوع ووصة كنان ممنوع يطيها

لين : من هيج خايف عليها لعد ليش انفصل عنها

ندى: علمي علمج بس الي اعرفة هذا جان قرار فرات وتميم الي مساعدها بدون علم رتيل

لين : الفضول سوف يقتلني

ندى: دروحي احجي وياها وعرفي السبب

لين : اوك رايحة ....

ميار " عندما قرءت التحاليل لاول مرة لم اصدق بأن لين لا تستطيع ان تنجب اطفال ولكني اخذتها وقمنا بعادة التحاليل وكانت نفس النتيجة لذالك فكرت ان الله يعاقبني بذالك لان قلبي وفكري بغيرها قررت ان اقول لميار ان السبب مني لكي اكفر عن اخطائي واني اعلم انها تحبني وستستمر معي حتى وان حرمت من الامومة ولكن قرار لين بالنفصال عني صدمتي ولكن لم اهتم هي حرة بقرارها وسأخبرها لاحقآ بان السبب منها وليس مني "

بيسان : هتان اتصدك رتيل وفرات ينفصلون

هتان : مامصدك لحد هسة

بيسان : حتى ميار من موضوعة ويا لين صار ميرجع للبين وماخذ شقة وعايش بيها

هتان : اي وحتى بالشغل منعزل وميحجي ويا احد بس حقة الي صار مو قليل

بيسان : شي صعب من يكتشف ان ميكدر يكون عائلة واطفال

هتان : الله يساعدة

بيسان : هو يمكن لحد هسة ميدري بفرات انفصل عن رتيل

هتان : هو احنا شايفيه حتى نكلة

بيسان : وحتى ميسأل عنا

هتان : الله يساعدة هي ضروف وتمر

بيسان : ان شاءالله ....

تميم : رتيل باجر جيب هيا وخلي تعيش هنا

رتيل : افكر

تميم : هو شنو تفكر

بيسان : هيا منو

جنى: اي صدك هيا منو

تميم : زوجة رتيل

جنى: متزوج الثانية

رتيل : لا هي اصلا زوجتي الاولى

تميم : اي باجر جيبها لان حامل ومو زين تعوفها وحدها

بيسان : وحامل هم وليش ماحجيت

رتيل: وانتو شكو

جنى: وفرات تدري

بيسان : اكيد من درت عافتة ...اي هسة عرفت السبب الي خلة فرات تسوي هيج

رتيل : لا اطمني تدري بيه متزوج واصلا هنة صديقات

بيسان : اشو مدفهم شي اني منكم احسن شي اروح لغرفتي احسن مااتخبل

رتيل : هو انتي اصلا خبلة

بيسان : من سوالفكم

رتيل : خو من سوالف شيخنا

تميم : وبعدين وياك رجعنا للسالفة

رتيل : اني شابع قهر لان فرات مو يمي وماادري هاي ندى الحقيرة شدسوي بيها وكل مااروح لو نايمة لو نايمة

تميم : مابيها شي والصبح جنت يمها وسولفنا

رتيل : اي وكال ندى شلون تعاملها

تميم : اي كالت زين تعاملني وحتى احسن من قبل

رتيل : كلبي مامرتاح اخخخخ لو بس تسمع كلامي وترج

تميم : لمصلحتك سوت هيج

رتيل : خايف عليها

تميم : لتخاف ماعايفها اني

رتيل : ومع ذالك مامرتاح ......

رتيل احضر هيا الى المنزل وتعرفت لهم في بدا الامر كانت تواجه صعوبة بالتعامل معهم ولكن في النهاية انسجمت معهم واصبحت ضمن العائلة ....

لين عندما اخبرها ميار الحقيقة حزنت كثيرآ لانها ستحرم من ان تكون ام وان ترى اطفالها لذالك قررت السفر لاكمال دراستها وللعلاج ايضا ووعدها بأنه سوف لم يخبر احد الى ان تتعالج وتعود ولكي لا يسمعوا بالخبر وتحرم من ان تكون ام لاحقآ ....

ميار عاد الى المنزل وهناك انصدم بوجود هيا وعلم بأنفصال رتيل عن فرات ...كان مصدوم للغاية

رتيل : اي انفصلت عنها كيف

ميار: ليش

رتيل : هي رادت هيج

ميار: السبب شنو

رتيل : علمي علمك اسأل شيخنا

تميم : علمود هيا

هيا : علمودي اني

رتيل : شدخل هيا احجي شيخنا

تميم : اتكول هيا هي زوجتة ومن حقها اتعيش دورها كامل وبعدين اني مريضة وداشغل رتيل عن هيا وكل الوقت يكضيه وياية وينسى هيا ..عادي جنت اقبل قبل بهاي الحالة بس هسة صار عدهم نونو واريدة يعيش بين امة وابوه واني مااقبل افرق بينهم

هيا : ياحبيبة كلبي

رتيل: ادري بيها وبتفكيرها

هيا : كتلك مثل فرات الواحد يستاهل يضحي حتى بروحة

رتيل : مشتاقلها والله لاميرتي

بيسان : باجر اني اعزمها وكلنا نلتم

رتيل : اي بلكت تجي تقبل

بيسان : تقبل ان شاءالله .....

فرات " انا الاملاك الاميرة الطيبة الحنونة الذي يحبني الجميع ويعطف علي ... حالتي تدهورت بسبب زوجة والدي ومعاملتها القاسية لي ..انا المريضة الذي يخاف علية الجميع ... نصف يومي اقضيه في النوم بسبب المهدئات الذي ااخذها وباقي اليوم اما اشعر بالصداع او اني لا اتذكر مااحدث ... انا لا اريدهم ان يهتموا بي فهم لهم حياة ويجب ان ينسوني فانا لم اعد هذه الطفلة الصغيرة تغير تفكيري وتغيرت حياتي ويجب ان اعتمد على نفسي وان اكون قوية ويجب ان لا اكون تحت ضل احد بعد الان عندما تركت رتيل والعائلة شعرت بالفراغ والملل وبسبب تعطيل الدوام كان لا يوجد شي لافعله لذالك عدت الى المهدئات لكي اهدا وانام اكثر ولكن رتيل منع ندى وابي من ان يعطوني لذالك عدت الى حياتي الطبيعية واصبحت اكثر نشاط اصبحت بالفعل انسانة طبيعية او انني اشعر بأنني انسانة طبيعية .....

اليوم ذهبت الى منزل تميم ..اشتقت لهم كثيرآ احتضنتهم واحد واحد ....

رتيل اول مارئاني ضربني على رئسي

رتيل : اني اعلمج هيج تعوفيني

فرات : شلونك

رتيل : بخير اذا انتي بخير

فرات : الحمدالله بخير

بيسان : يلا الاكل جاهز خلينا ناكل

بعد العشاء

هيا: بيسان شوكت راح تخلفين

رتيل: هاي النونو عاصي ابطنها صارلها سنة يمكن حامل

بيسان: ههههه متضحك

جنى: صدك انت من زمان حامل

بيسان :لا والله

فرات : دخلتي بشهرج موو لان حاسبتلج اني

بيسان: اي ياعمري فجاءة تلكوني جبت هذا النونو

فرات : اي واكعد العب وياه

هيا: اني بعدلي كومة

رتيل: هم خاف مثل ذيج المرة النونو يعصى ابطنج

هيا: لا اطمن داحسب اني هسة ب 5

بيسان: وعرفتوا شنو نوعة

هيا: لا رتيل يكول اريد اعرف من تولدين وهيج يطلع الطبيب ويفاجئني ويكولي مبروك جاك ولد او بنت

بيسان:هههههههههه عاد رتيل كلة حركات

هيا: وانتي شنو نوع النونو مالتج

بيسان: بس اني وهتان نعرف

هتان: شرايج نكللهم

بيسان: لا خلينا نصير مثل رتيل ونصدمهم بوقتها

هتان: اي هم صدك

رتيل: شكد غوارة

بيسان: ووجع واغار منك ليش

ميار: بربكم بلا مدابلة

بيسان: ذكرتني

ميار: شنو

بيسان: شوكت ترجع للبيت علمود ليضل بالي عليك والله شايلة هم الك

ميار: مرتاحة خليني

بيسان: ماكو واليوم تبقى وبعد مترجع

ميار: لتلحين خلينا مرتاحين

بيسان: ماكو ترجع وكلمة ثانية مااسمع

ميار: بيسان لتسوين هيج

بيسان: ماكو ترجع ترجع والله محلوا البيت بدونك وبعدين انت الوحيد الحنين علية واداريني ولو هتان ملتهي بالشغل ورتيل صاير ميبقى بالبيت وكلة برا تدري من جانت فرات جان ابد ميطلع

هيا: اي صدك ليش صاير انت صايع وبس بليل ترجع😒

رتيل: لتخلين بيسان تحركج علية

هيا: لا اتذكر جنت تجي علية بالاسبوع يومين وباقي الايام مثل الدجاجة كارك يم فرات

رتيل: فرات هاي امي وابوية وبنتي واميرتي

هيا: واني

رتيل: انت حب كل الاسنين

هيا: الي لو لفرات تحب اكثر 😒

رتيل: انتي معزتج تختلف وهي معزتها تختلف

هيا: يعني تحبها اكثر مني

رتيل: ماادري احساسي اتجاه فرات يختلف ..احساس اب وحنية ام وخوف اخ وسند اخت يعني يم فرات احس بالمسوؤلية

هيا: فرات ولج ليش هيج يحبج

فرات ابتسمت: مادري بس شكلها ديشاقة

رتيل: شايفة هاي الابتسامة ممكن ادفع عمري كلة علمود اشوفها كل يوم

هيا: وشبيها ابتسامتي

رتيل: هسة انتي ليش تقارنين روحج بيها مو كتلج كل وحدة ومعزتها

هيا: فرات هسة اني مااحبج

قامت فرات واحتضنت هيا: بس اني امووت عليج

هيا: اشاقيج عوبة

فرات: الله يخليكم الي

تميم: الله يحفظكم يارب ودوم المحبة بينكم ودوم اشوفكم هيج ملتمين وسعيدين ......

ذهب الجميع الى النوم

ميار كان يتقلب في الفراش ويفكر بان الطريق اصبح امامه ويستطيع الان ان يخبر فرات بشعوره كان يفكر ان يذهب في الصباح الباكر ويتكلم مع تميم لكن نهض في السرير وقرر ان يتكلم الان لان لايعرف ماذا يحدث غدا ويجب ان لا يؤجل الموضوع اكثر ...نزل الى غرفة تميم لكن وجده نائم وعندما خرج من غرفة وجد فرات تفتح باب المنزل وتخرج الى الحديقة لذالك لحقها

ميار: شدسوين

فرات : يمة فززتني

ميار: اسف

فرات : عادي

ميار: اي شدسوين هنا

فرات : انت الي شدسوي هنا

ميار: جنت يم شيخنا وجان نايم وشفتج وطلعت

فرات : اهاااا

ميار: شنو الي مسهرج

فرات : تفكير

ميار: بشنو

فرات بدءت تلعب في اصابعها وبعدها رفعت رئسها : قررت اسافر

ميار: ليش

فرات : اكمل دراسة

ميار: واخذتي موافقتهم

فرات : اي وابوية وافق

ميار: والبقية

فرات : مو شرط اخذ رئيهم لان اني مو مسوؤلة منهم عندي اب واخذ رئية

ميار: مااتوقع اتغيرتي لهاي الدرجة

فرات : مضطرة اتغير علمود اعيش

ميار: بس قبل احسن

فرات : احسن لان جنت مثل متريدوني مووو

ميار: امممممم

فرات : اريد اعيش بحرية واسوي كل شي اتمناه ومااخلي احد يدخل بحياتي بعد وكل قراراتي اني اتخذهن ورئي الباقي تحصيل حاصل يصير

ميار: وليش هيج تسوين

فرات : الحرية احساس حلوو

ميار: ولهاي الدرجة احنا مقيدينج

فرات : ابعد من هاي الدرجة

ميار: بس من خوفنة وحرصنة عليج

فرات : اني ماكارهة هذا الشي وبالعكس كلش مقدرة الي سويتوا علمودي

ميار: صدمتيني

فرات : ماطول صدمتك يعني فعلا بديت اتغير

ميار: اها

فرات : تصبح على خير

ميار: انتي من اهل الخير

سارت فرات وتركته لكن ميار ذهب خلفها وامسكها من يدها واوقفها ...استدارت فرات وهي تنضر بتسأل لميار لكن ميار سحبها له ووضع يديه على وجهها وقبلها💏 ..فرات كانت جامدة ولم تفعل اي حركة لذالك ميار ابتعد عنها وقال لها : فرات اني احبج واتمنى اعيش ووياج باقي عمري اتمنى تغيرين افكارج وتبقين علمود نتزوج ونكمل حياتنا سوة اني من زمان احبج بس شيخنا جبرني اخطب لين وبعدها انتي تزوجتي رتيل ومابقى عندي حل غير اتزوج لين بس هسة ضروفنا اختلفت وصرنا احرار ونكدر نكمل حياتنا سوة

فرات بقيت صامتة ولم تتكلم

ميار خاف كثيرآ عليها لان ردت فعلها كانت صامتة

ميار: فرات تسمعيني

فرات : تصبح على خير وبعدها تركته ودخلت مسرعة لغرفتها

وميار ضل واقف حائر لا يعرف ماالذي سوف يحدث له بعد هذا الموقف ...كان هناك شخص ما ينضر لههم من شباك غرفته وهو تميم .. تميم كان لا يعرف مااذا سيفعل بهذا الموقف وعندما بدا بترتيب الاحداث في رئسه ويتذكر ميار واهتمامه وردت فعله على موضوع فرات بدء يربط جميع الاحداث واستنتج في النهاية ان ميار كان يحب فرات ولكن لم يكن احد منتبه لهذا وميار لانه يحترم تميم ولا يريد زعله لذالك وافق وهذا ماجعله يلوم في نفسه لانه كان سبب تعاسة ميار ..كان يتمنى لميار حياة سعيدة لانه رجل بقلب طيب وحنون ويحترم الاكبر سننآ وحتى انه لم يزعجه ابد في شي من ولادته الى حد الان لذالك قرر ان يساعدة ويتكلم مع فرات في ذالك .....

في الصباح

تميم : فرات وجنى اخذوا فطوركم ورحوا بغير غرفة

فرات : ماشي

جنى: خير شيخنا شعندك ليش تريد تزحلكنة

رتيل : يعني تعرفين يريد يزحلكج يعني حسي وروحي

جنى: شيخنا خلينا والله الفضول يكتلني

تميم : لا ممنوع

جنى: لمار عود كلي

لمار: ماشي

تميم : لمار انت هم الحكهن

لمار: ليش

جنى: خرب يعني ماراح اعرف

هتان : خير شيخنا

تميم : يلا انتو الثلاثة طلعوا من الغرفة

خرج لمار وفرات وجنى وبقي هتان ورتيل وبيسان وهيا وميار

رتيل : اي شيخنا

تميم : قررت قرر

رتيل : يالله سترك

تميم : خليني احجي ولتقاطعني

رتيل : اي تفضل شيخنا

تميم قررت قرار واريد اعرف رئيكم بيه ونتناقش اذا امكن واعرف كل شخص وجوابة

رتيل : شو مدعرفك شيخنا هذا انت

بيسان: ووجع اسكت خليني نسمع

رتيل : اي كمل شيخنا

تميم : شنو رايكم بما انوا فرات انفصلت على رتيل وميار انفصل عن لين انو نجمعهم مع بعض وخصوصا فرات تحتاج اهتمام وادري ميار يكون كداها وراح يخاف عليها ويخليها بعيونة طبعا اذا هو موافق اني مااجبرة

ميار: موافق

رتيل: شبيك كبل وافقت عاد دفكر بالموضوع ع الاقل

تميم : خلي يفكر على راحتة وكولولي شنو رايكم انتم

هتان : مااتوقع يلكي وحدة احسن من فرات بس ماادري اذا جان هذا الشي راح يزعج رتيل او لا لن لتنسى هي زوجتة جانت يا شيخنا

تميم : سابقأ جانت زوجتة ومالة حق يدخل بحياتها بعد

بيسان : اني موافقة لان ميار يستاهل وحدة مثل فرات وفرات ماراح تلكة احسن من ميار

هيا : الصراحة حسب حجي رتيل ماكو احد احسن من ميار ودائما يكلي عليه اشياءات زينة وفرات تستاهل هيج شخص

تميم : وانت رتيل شنو رايك

رتيل : اوفق بس بشرط

تميم : شنو

رتيل : ميار احنا تربطنا علاقة اخوة بس اني احساسي اتجاه فرات غير شي يعني اذا تزوجتها مااكدر اعاملها عادي وكأني مااعرفها فلتتةقع اذا تزوجتها اغير سلوبي وياها

تميم : يعني

رتيل : فرات اميرتي وتبقى اميرتي ومااريدة يتنحس من معاملتي لفرات

تميم : اوك بما عرفنا رئي الكل بقى ميار يفكر زين

ميار: موافق اصلا اني .. ومن البارحة حبيت افاتحك بهذا الموضوع بس كنت نايم

تميم : على خير ان شاءالله واليوم احجي ويا كنان واشوف جوابة

بيسان : ان شاءالله خير ....

جنى: بيسان شيخنا شعندة وياكم

بيسان : شغلة متخصج

لمار: يمة لخاطري كولي شعندة

بيسان : شغلة مال كبار ومتخصكم

فرات : يلا اني لازم ارجع للبيت

بيسان : وين عبالي تبقين يمنا

فرات : لا مااكدر لان مثل متعرفين ندى ولين اليوم يسافرون ولازم اودعهم

بيسان : وندى شعدها مسافرة وياها هسة افتهمنا لين تكمل دراسة ندى ليش رايحة

فرات : اتكول شهر تبقى تطمن على لين واترتب المكان والجامعة والوضعية وترجع

بيسان : اي حقها تطمن عليها لان بنية ومو مال تنعاف وحدها

فرات : يلا مع السلامة

بيسان : الله وياج ....