تحميل رواية «الـرياش نَهج مُغاير» PDF

_____________________ الــريـاش

﷽

𓆩 اســاور حــسين 𓆪

بقلمي رواية : الــرياش

أيّام بحوافٍ زُجاجيّة .

لطفا لا تنسون التصويت والتفاعل بين الفقرات

⊰حُــرة⊱

من دخل الشيخ من الرهبة ما اركز بكلامة

والدنيا كلها تفتر بيَّ بس اسمع ريــان يگول

_ حُــرة ياسين الرياش انتِ طالق ..

وگعت دموعي على ايدي بعدهم كلهم على نفس

گعدتهم ونهض ريــان لزم وجهي ورفعه

_ مو زوجج بعد بس ابن عمچ ولو تريدين روحي

ما اعزها عليچ تعرفين بمعزتچ شكبرها بگلبي ؟

هزيت راسي ودموعي تتسابق مسحهن وباس راسي

طول بيها ابتعد ودون ما يلتفت طلع من البيت .

بعد دقايق وصلوا الشيخ واني بمكاني

نهض ابوية وصار يقترب مني بنفس الغرور

_ بقيتي على ذمة شخص سجن ابوج واخوانچ .

حُــرة : سجنكم بالحق ما زور ولا خدع احد .

عيون اخواني ترقبني كالوحوش ناوين يهجمون

ياسين : يعني برأيچ اني واخوانچ احنا كلط وانتِ الصح ؟

_ لا تفسر كلامي بكيفك .

_ مو طبعي اطلب  وانطي اسكت واخوانچ يتصرفون.

سحبني اخوية الجبير محمد وشمرني فوك بغرفة

محمد: لليوم ما انسى شلون طاوعچ كلبچ ورميتي اخوچ .

_ ولا تنسى هو راد يموتني .

_ واذا هو راد انتِ تنفذين وتموتي لچ بعده بعز شبابه .

_ اذا انت بمكاني شنو تسوي محمد ؟

_ ما ازني من البداية .

_ اني مو زانية .

_ اضحكي على ثولان مثل ريــان واخووووو .

_ ولان ما تستحي وتتهم اختك بوقت ابن عمك احتواها

وانت بعين صلفة تحجي هيج ماكو غيرك اثول .

رفعت ايدي احتمي بيها لزم شعري جرني بكل قوته

وگعت بالگاع اصرخ بوجع واباع بيده مليانة شعر

على صوتنا دخل ابوية رفع ايده بوجهه محمد وصاح

_ لالالالالالالا بابا لا لا تضربها هاي اختك .

حُــرة : تحجي صدك لو ...

ياسين : صدك ممنوع احد يمد ايده عليچ

حتى لا تشردين وتصيحين ها ضربوني يعنفوني .

محمد : لو بيدي مو اضربها اشرب من دمهاا .

ياسين : لا دير بالك حذرتك خليها حُــرة اني استلم موضوعها .

وكفت اتلمس براسي والشعر يوگع بيدي

صحت بضياع ورهبة مترددة وكلبي خلصان حيله

_ اني ادري قصدك مو خوف لا براسك شي

تريد تكسرني اكثرررر واكثررررر تعاملني معاملة العدو .

محمد : الي تسجن ابوها واخوانها لان قتلوا عباد الفلوس

الي خدعها حتى يوصل المبتغى ويحقق تخطيطه

هاي برأيچ تستحق احترام لوووو شنق ؟

حُــرة : انت صاير من سيئ الى اسوء ماعندي كلام وياك .

رجع يريد يضربني دفعه ابوية وطلعه من الغرفة

لميت شعري شمرته بالسلة ومشيت على غرفة

فتحتها كلشي متغير بيها من يوم علي الآكبر

حرگهن مغيرين كلشي بيهن ومرممين وصابغين

كلشي راجع جديد ، لزمت راسي بوجع وگعدت

اريد استوعب الصار بهل اربع ساعات الفاتت

طلعت من بيت ريــان لهذا البيت يعني

اني صدك أطلقت راح ريــان بعد ماكو

غمضت عيوني دموعي تجري واني اهمس

هل خطوة خير الهم ويمكن اليه انسي ارجعي موتي گلبچ .

شفت الساعة ب1 بليل ذبيت حذائي وسحبت المخدة

خليت راسي ودموعي تتسابق على خدي رافضة تتقبل الصار كلشي بيَّ ما مقتنع بالصار ، غفت عيوني بقلق

خلصت ليلي افز حتى ما متعودة على هل فراش

ويمكن خايفة يفوت واحد بيهم يموتني

الشر بعيونهم ما راح تمر بخير وسلامة .

ثاني يوم فزيت على صوت سياراتهم وهمَّ يطلعون

غسلت ورجعت للغرفة أمي فاتحة الجنطة تشوف شنو بيها

ابتسمت شافتني التفتت وهي تشمر بالقطع ملابسي

_ رجعچ بهل زبايل ، رجعچ واختار زوجته ام ابنة

شهور مرات ماعرفتي تبنين حياة بيها خير لان انتِ

بعمرچ ما راح يصير خير براسچ غبية وتبقين غبية .

_ ههههههههه همَّ هذا نمطهم رجال الرياش

يعني تقنعيني اذا تنفصلين من ابوية تطلعين

محملة اكياس ذهب والماس والله حتى هاي

الزبالة على گولتچ صعب اطلعيها من البيت

على اقل اني اخذت ملابس هههههههه .

دفرت الجنطة وهي تهز راسها

_ بعدچ على نفس الصلافة وطولت السان .

_ لا وابشرچ صار اضعاف لان ريــان طلع عيني .

حجيتها وعفتها بالغرفة ونزلت اريد احجي واشوف

ياسين ماكو ، بس شفت ميز الطعام الريوك مالتهم

بعده مرتب ، نزلت امي راحت على ميز كعدت وصاحت

_ تعالي مقابيلي عندي حجي مهم وياچ .

رحت يمها حتى لا تصير مشكلة او بالأصح

مشتاقه الها رغم قسوتها بس احن الحنان الأم

گعدت وياها وهي تاكل تسألني

_ شفت البارحة حب واهتمام

بعين ريــان ليش عافچ اذا بريدچ ؟

_ اني طلبت منه .

_ يعني يحبچ .

_ يمكن .

تاكل وتهز راسها اجت المساعدة جددت الجاي اني

عفتها تحجي اريد اصعد استوقفتني بكلامها

_ ريــان جان كارت ذهبي عندچ وانتِ اختاريتي ترجعين الهم .

_ صح .

_ تدرين صح .

_ صح كارت ذهبي بس غلط زواجنا لا اناسب ريــان ولا يناسبني .

_ لو تعرفين ابوچ شنو براسه ما حجيتي هل حجي يا غبية .

صعدت قبل لا تكمل ادري قابل اني ما اعرف ابوية

راح يخلص روحي على بطيء ينتقم ، حبست روحي

اسمع صوت اخواني يشاقون سوية يضحكون

يعني علاقتهم متحسنه ، بقيت نايمة والثانية يوم

ابتعدت منهم ضميت روحي بهل غرفة ثالث يوم

اجت المساعدة مالتهم تحجي بس ما افتهم عليها

نزلت وياها امي كاعدة هي وابوية اشرت على مطبخ

_ فوتي رتبي اربع اصناف حلويات ساعدي المساعدة

وراح توصل وجبة جديدة هم عدليهن وتعالي اريدج

هزيت راسي ودخلت نفذت بدون نقاش ، من رجعت الها

ماكو احد موجود يمها بس امي تنتظرني وگدامها بوكس

اسود كبير اشرت بيدها بمعنى افتحي تقربت فتحت البوكس

شفت فستان بلون وردي وحذاء ابيض

_ لبسي وانزلي ساعة ورايحين على خطوبة ابن عمج .

_ يا ابن عمي .

_ لبسي ونزلي راح يخلصون اني هم صاعدة ابدل .

اخذتهم من ايدها وصعدت لبست الفستان وكفت

على مرايا ابتسمت واني اتذكر صوت دُر من تصيح

" احب شكلچ بالفساتين تطلعين باربي "

غمضت عيوني وابتعدت اكمل ترتيب شعري ومكياجي

فتحت امي الباب لزمت ايدي نزلتني مستعجلة

ابوية واكف ينتظر على درج لزمني من زندي بكل قوته

ودخلني بالاستقبال جان عبارة عن بيت الرياش

عمامي كلهم واولادهم مجتمعين على فرد اجتماع

بس يوسف واولاده صاروا خارج قوس

مقابيلي صار شيخ من شافني تكلم بصوت وقور

_ لو سمحت شال او شي ابيض تستر نفسها اثناء تلاوة القرآن .

اخذ الشال من امي لفني بيده واني بحالة ذهول تجمدت

حُــرة : شكو شصاير هنااا ؟

سحبني كعدني قريب من الشيخ ونهض ابن عمران الكبير

گعد بالجهة الثانية اريد انهض اريد اصرخ لزمني محمد گعدني

ورفع أصبعه يهمس اششششششششش ، لزمت گلبي وصحت برهبة

_ بس احجي شنو هاي شكوووو شكوووووو ؟

عمران : اكيد فهمتي اليوم عقدكم انتِ وابني اكرم .

فتحت عيوني على وسعها اهز براسي بجنون تنفسي تخربط

واذني اطن اطن صارت تصووووفر ، ضربت على رجلي وصرخت

بنبرة رفض قطعي وبجنون ضربت الاوراق طشرتها ونهضت

_ لوووووووو على مووووووتي لوووووو على موووتي ما اقبل .

ما احس غير لزمني اكرم من مقدمة فستاني ودفعني على تخم وگعني

يضغط بكُل قوته على صدري والمسدس بيده الثانية يضغط على راسي

_ افجرررررر راسچ بس يرتفع صوووووتچ .

رفعت ايدي وضربته براشدي رن بكُل مكان بحيث الكُل التزموا الهدوء

صار المكان مخيف من السكون المرعب .

صدت عيوني بعيونة لثواني وصرت ما اشوف شي گدامي

جنت بس انرفع وانرگع بالگاع بكُل قوته يخنگ بيَّ ملخ شعري تملخ

ورجع شالني من الأرض شمرني بصف الشيخ وصاح بصوت مرعب

_ اعقد شيخ اعقد اذا ماااااا ارجع اعيد تربيتچ

الـ***** تضربين مووو تضررررربيني سهلة .

الشيخ : بأي حق اعقد والبنت معنفة ورافضة الزواج .

عمران : أعقد فوراً حفاظاً على سلامتك .

الدنيا بكبرها تفتر بيَّ بس عيني صارت على ابوية

انظر بعيونه بكُل حقد وقلة حيلة اهز براسي ايدي على خواصري

الشيخ : هل تقبلين الزواج من اكرم عمران الرياش ؟

حُــرة : لاااا لاااا والف لاااااا .

صوت سحب اقسام المسدس رن بأذني صرت اسمع صوت نبضات گلبي

العالية ودموعي بعد كل الصار دموعي رفضت تنزل وتبرز خوفي وضعفي

رجع اكرم المسدس على گلبي ورافع حاجبة مدگدگ لدرجة وجهه

واصل الوشوم المرعبة حتى على ملامحه ، ملامحة قاتل مخيف

الى درجة بس انظر بوجهه ينقبض گلبي

اكرم : انطقيها لا افرغ شاجور بحلگچ .

حُــرة : امشي لك حيوان انعل اهلك اني

مو عبالك اخاف اضرب اذا رجال اضرب .

هو اني هيج حجيت وهجموا عمامي يدفعون

بي حتى ما يضرب لزمت بطني وكفت اهدد بي

_ تستقوي على بنية يا حرمة يا ما متربي هو انت منو ابوك .

بعدني احجي انضربت بوكس على انفي فقدت التوازن وبس اشوف

الدم يجري على الفستان ، وگعت بالگاع ارافس من الوجع

رفعني محمد والشيخ يريد يطلع ما راضي اخذه عمران

رجع الشيخ جامد واني من الوجع اناشغ وما ابجي بس اناشغ

رفع محمد وجهي بالكلينكس حتى الدم يوگف همست وإني اتوسله

_ اني اختك ابوس ايدك خلصني كلهم ضدي .

_ احنا نعرف مصلحتچ لا تقاومين لا يطلع الشيخ وكلها تموتچ .

_ عادي اموت وما اعقد .

رجع الشيخ يحجي ينتظر موافقتي حجيت بكُل برود عكس العاصفة

الي صارت بداخلي وهزتني هززز من خوفي

_ صار ايام من انفصلت من زوجي حرام اعقد ما اوافق .

اكرم : لاااااااا موووو طبيعية راح امووووتها والله لچ توافقين لو شلوون .

_ ما اوافق يعني ما اوافق .

_ اقسم بالله تريد تمووووت .

_ اي اي موتني وخلصني .

_ اكسرررر عينچ والله .

_ اكسر راسك اني تعرف شنو اكسر راسك ازين شاربك .

بهل مرة نهض عمران سحب المسدس وصاح على شيخ

_ اسألها موووافقة اني اريد تالي عمري ادخل سجون بسببها

هل زعطوطة موتها على ايدي اكسر راسها وكل من كبر راسها .

_ الي مكبر راسي لو يعرف بيكم هيج مسوين يمحيكم من الوجود .

اكرم : سلمني هل عرمة عمي اريدها ساعة وحدة والله والله اعيد ضبطها .

حُــرة : اكل نعال احسن .

سد ابوية شفايفي يخنگ بيَّ واكرم يتعارك هو وعمران

ويهدد ويشمر بيده ويريد بس يلزمني

حُــرة : والله بمكالمة وحدة هسة اخليكم طشار

تبوسون بالقنادر مابيكم زلمة والله ما بيكم زلمة تستقون عليَّ

انتوا قذارة جبناء والله كلكم جبناء .

بهل ثانية انعدمت الرؤية عندي صرت ما اشوف غير الضلام

وبوكسات انضرب من كُل هدب ومكان فقدت الوعي وفقدت نفسي بيدهم .

صحيت وبكل برود ومن دون خوف ناقليني مستشفى

بس شافوني صحيت طلعوني مثل العصابة وحوش جانوا وحوش

كلهم موجودين بس كرم وابو ماكو وكل شوية يخابرون بي ينقلون

الآخبار، رجعوني للبيت وجنت أظن لهنا وتعبوا مني يملون ويمكن

يخافون اموت بيدهم بس الصار عكس تفكيري دخلت بوسط

قلوب ميتة تفتقد الرحمة وبدون لف ودوران ولا خجل ولا حياء تهددت

عمران : اختاري اخر مرة القرار بيدچ تحبين اخابره يرجع

يعقد عليچ والمفروض تبوسين ايده لان وافق يتزوجج

لو اليوم بليل يدخل بيچ ويكسر عينچ وبعدها غصباً ما عليچ توافقين ؟

_ ما ارررريده اني ما اريده موتوني اقبل تموتوني لا ترجعون تجبروني .

عمران : الخيار الاول لو الثاني ؟

گعدت على تخم بنفاذ حيل وصبر ، اهز بجسمي يرجف فضحني

_ ريــان اذا يعرف يموتكم بالقران .

عمران : متقصد تتزوجين اكرم حتى اكسر

هل ريــان بي هل ريــان يعرف كرم ما ينگدر ويكسر الظهر .

حُــرة : بعدك ماتعرف ريــان شنوووووووووو .

رجع يخيرني رجعت رفضت وقف بثبات وكلها أتبعته

عمران : ساعة ويجي ياخذها ياسين انت اطلع منها .

حُــرة : تقبل بنتك هيج تنكسررررر ؟

التزم الصمت قبل لا يطلع نزلت راسي وحجيت بقلة حيلة

_ اقبل .

رجع نفس الشيخ ودخل اكرم رافع خشمه وحاجبه ما عاجبه حتى الهوا

رجع يحچي ويسأل وجّهت سؤالي واني اثبت نظراتي اتجاهه

_ رجولتك تسمح تعقد لو تتزوج بنية تحب غيرك

آني آحب وكلبي ملك غيرك تقبل ؟

_ طز بيچ وبگلبچ وافقي لچ وافقي لا اطيح صبغچ .

رجع كرر كلامه همست  بـ انهيار عصبي واني

اركض وگعت على ايد ابوية ابوس بيها واصرخ

_ ابوس ايدك لا تكسرني للمرة الثالثة تعبتني انت

حرام عليك اني بنتك والله بنتك مو عدوتك موتني

ولا تكسرررني كسررررروني دخليكم اني دخيلكم .

الشيخ : لا يجوز إجبار المرأة على الزواج ، حرام حالتها تقطع القلب .

بقيت انود والوب بمكاني والغريب انكسر خاطرة واهلي بعدهم على

نفس القوة والجبروت الى ان قوتي خلصت وصبري نفس وحيلي راح

گعدت وبلا وعي نطقتها بس اريد اخلص منهم

_ نعم قبلت .

رجع الشيخ يسأل بي بنفس الدقيقة رد الجواب

_ نعم قبلت .

_ تمت مُبارك .

طلع الشيخ وكلها طلعت وياه، ساعدت نفسي بس

اصعد اول بايات الدرج واشوف امي تنزل بسرعة لزمتني

وسندت ضهري وصعدتني بس حسيت بقربها شهگت

وبعالي صوتي صرخت تهسترت دخلتني للغرفة مستعجلة

_ لا تطلعين بعد راح اقفل الغرفة عليچ حتى لا يفوت .

_ اذا يلزمني والله يمه والله اموت روحي .

_ اشششش اششش شمري هل ملابس وغسلي عوفيهم عليَّ .

طلعت وقفلت الباب واني ماعندي ذرة ثقة بيها

شمرت ملابسي واخذت تراك ثاني بدلت بدون حيل

ودموعي تصب وين ما اروح اتعذب هلكت الحياة دمرتني

ما گدرت عليها منين ما التفت تسطرني شوكت ارتاح ؟

صعدت على سرير اتوسل بعيوني تنام حتى ما اشوف شي بعد

ولا انصدم ولا اسمع اريد انام 

خليت راسي على مخدة واني اردد بنفس الجملة

" صياد حراير صارت الشخص غيرك "

" الصياد ترك حراير فريسة بيد الوحوش "

دُر ..

_ انــور صار يومين اتصل عليكم ماكو كلكم ماكو خبلتوني ؟

_ ملتهين دُر نسوي ترميمات بالبيت .

_ يا ترميم حتى شهد تگول ماكو انــور شصاير .

_ ماكو شي .

_ لا اكو والله العظيم كلبي مقبوض ريــان بي شي حُــرة وينها

اخابرها هاي الثانية يرن تلفونها ما تجاوبني .

انسد الخط وقبل لا ينغلق سمعت صوت صياح او تكسير ما اميز

ذبيت التلفون وعلي الآكبر عين عليَّ وعين على شارع

_ ها شنو يگول .

_ ما افتهم شي يحجي طبيعي .

_ هسة قربنا نوصل ونفتهم منهم .

_ تقنعني انت ما تعرف بشي ؟

ساق بسرعة ما صدكت وكفت السيارة ونزلت اخر ايام

امتحانات وضغط وهمهم  كملت اجيت ركض

نزلت وبس فتح الحارس الباب دخلت واني بعدني

برا اسمع صياح ريــان هز مسامعي وهو يصيح

_ وراحت وخليهااااا تروح عبالچ انسى واعيش وياچ طبيعي

واني كل يوووووم كل يوم انصدم بصدمة جديدة منچ  .

دگيت الباب فتحت صفية حضنتها ودخلت بلا تفكير وتردد اركز بيهم

اما انــور منتهي اول ما شافني گعد على كرسم بصف الدرج

مخليهن اثنين رحت قريب منه واشرت على فوك

_ ريــان يتعارك هو ورنيم لو هو وحرة ؟

_ دُر ريــان وحرة انتهوا بعد رجعها وطلگها .

ضربت على وجهي وبكل ما تعني الكلمة واحرفها فقدت اعصابي

_ وين رجعها وين ؟

_ البيت ياسين رجعت صار الها كذا يوم .

صعدت فوك وريان نزل اشرت على غرفتها وصرخت ودموعي نزلت

_ رجعتها للموووووت سلمت هل طفلة بيد المووووت ليش لك ليش ؟

_ هي طلبت ولان طلباتها تتنفذ نفذت طلبها .

رجعت نزلت واني اردد بضياع وحيرة

_ ضيعتها دمرتها من سلمتها .

انــور : وانتِ هسة وين رايحة ؟

دُر :  اشوفهااا .

طلعت اركض علي الآكبر بالباب لزمت أيده وشهگت

والخوف تغلب عليَّ طلع انــور يمشي سريع صاح بي

علي الآكبر : شبيها شسويت وياها ؟

انــور : عرفت بموضوع بنت عمي .

دُر : اخذتي اشوفها الله عليك فدوة اخذني اشوفها .

انــور : رحت وياسين مانع احد يلتقي بيها خباثة .

دُر : يولي هل شيطان اخلي علي الآكبر ينحره وينحر عشيرته

حباب علي الآكبر اخذني وفوتني غصباً عنهم .

انــور : شنو مو علي الاكبر هذا ب**** شلون احجي كلمة شكبرها هسة .

علي الآكبر: مو بعينك لازم ؟

نريد نتحرك صاح انــور وبنبرة اقرب للترجي

_ عادي تفوت تحجي انت وريان هو يستمع الك

ويعبر وياك اكثر مني حالته ما عاجبتني .

علي الآكبر: سويلي طريق اني اريده .

رجع علي الآكبر دخل للبيت يريد يفوت للاستقبال

اشر انــور على غرفة جوة الدرج

_ منا علي الآكبر روح وحدك واحجي وياه .

عافني علي الآكبر وانور رفض افوت وياهم

بقيت گاعدة بالصالة وانور گبالي يكتب مبين يراسل

ويشرب جگارة ، وعلي الآكبر اسمع صوته يطلع

ويرجع ريــان صوته يعلو بالنص ساعة طلع علي الآكبر

غضبان بس وكفت اريد استفسر منه لزمني من ايدي

يحاجيني باستعجال وعيونه على انــور

_ ابقي هنا دُر .

_ وحرة .

_ انتبهي على اخوچ هسة .

_ والبنية شلون بس فهمني .

_ شسوي بوية دُر غير هذا عود الذكي واگول

فاهم واعي ويحسب حسب لكل خطوة صغر عقله

وراح طلگ الطفلة هاي وسلمها الشلة شياطين .

ادخل انــور وصار يرزل بعالي صوته

_ هي عاندت راح هو عاند وطلگ خبلني

هذا تصرررررفه خبلني ما فكر .

علي الآكبر: هذا عود الفاهم العاقل مالتكم الله يستر منك انت .

_ نبصني بالطرررررگاعة نبصني نبص .

_ اسكت مني اسكت لا اخلي ضيمي بيك .

انــور : متحملك الخاطر اختك .

علي الآكبر: وحگ علي انا لو ما اختكم بعيني

اغمك غم انت واخوك وجهي ما اخليكم تلمحونه .

طلع علي الاكبر مشيت وراه بتردد تمسكت

بيده وبعيوني اتوسله تلمس بشرتي ومال راسه

_ عيوني انتِ بوية دُر لا تناظرين

بهل عيون وهل نظرات .

- حرة علي الاكبر حرة ليش تتخلون عنها ؟

- حجيت جوة هل كلام حتى ريان يعيد حساباته .

- يعني تشوفها ؟

- رايح اني اليوم باجر توصل الج اخباها .

بست خده ابتسم وهوَّ يقرب يتكلم بتلاعب

-اذا تحبين اسحل ياسين واخوانه خادم انا .

- لا اكتفي باخبار حرة .

- من عيني هاي قبل هاي .

- وريان ؟

- كلها كم يوم والجليد يذوب ويبين المستور

صاحبي اعرفه مثل ما مهتم وهو ركام كلبه بركان .

حضنته بضعف ورهبة من الجاي

علي الاكبر مصدر امان بحياتي وحياة احبابي

- احلف بغلاتي عندك ما تعوف اخواني .

- معزتهم من معزتج عندي وريان مو بس

اخوج هذا عضيدي بيت اسراري

باس راسي وطلع مستعجل رجعت للبيت .

من شافني رجعت ابتسم بحزن وضياع

انور : در عادي تبقين هل كم يوم هنا منا

- ليش ؟

- من اشوفكم انتوا وريان يمي حتى لو تعبانين

اطمئن الخوف اكل كلبي اكل حرت الحيرة هلكتني .

تقربت ومازال الخجل يسيطر عليَّ

مسحت على ايده حضني متمسك بيَّ

- سامحتيني ؟

- الى درجة بقيت اتذكر بس انور الي بطفولتي

عاملني بحرص اب وعطف وحنان ام .

_ بس اذيتچ ؟

_ بكل مرة تأذيني جنت ارجع بدون زعل احجي وياك

لان ادري داخلك نظيف وتمرض بسببهم المهم عندي رجعت

مثل قبل واحسن نسيت وسامحتك انت انسى وصلح الباقي من حياتنا .

سمع صور بغرفة ريــان فز من مكانه واني رحت وراه

انــور : ليش قافل الباب افتح القنادر احجي وياك .

ريــان : روح يمعود من وجهي روح .

دُر : حباب ريــان نحجي وياك خايفين عليك .

فتح الباب وفتح ايده وهو يأكد على كلامه

_ صاغ سليم بكامل قوتي وقواي العقلية

كافي كل دقيقة محاظرة جديدة ترا بزعت .

دُر : وحرة ؟

ريــان : استغفر الله شبيهااااااا فهميني شبيهاااااااا حُــرة حُــرة حرة

محور حياتي صارت حُــرة اجبرهاااااا عليَّ ، تطلع بدون علمي احسن ؟

ماتريد هل بيت ولا تريد عقد يربطها بيَّ طلگت وانتهينا موضوعها ينسد.

انــور : جذاب وحق الله اكبر جذاب راح تموت شوف حالك

باع على مرايا هذا حال هذا لك صاير جنك مخبل .

وانور يحجي واني احاول وياه شافنا ما نقتنع ولا نسكت

ونكرر بموضوع حُــرة اخذ مفاتيح السيارة وطلع من البيت

بكبره، بعده هسة طلع وانور صعد يبدل حتى يشوف حل وياه

وفاتت ام رنيم فرحانة وبيدها باكيت جبير مبين كيك جاهز

_شلونچ يمه دُر ؟

_محتفلات ؟

_ والله يمه خابرتني رنيم گالت تعالي

وجيبي ويتچ كيكة خطية يمكن تتوحم عليها .

_ الله لا يوفقك بنتچ ولا يوفق كل شخص ظلم وفرحان بخراب طفلة .

التفتت على صوت رنيم وكفت فوك ورافعه راسها تحجي بشماتة

_ هاي تاليتها بنت عمچ نهاية كل هجامة بيوت تدخل بين اثنين

وتريد تهجم حياتهم ربچ هجم حياتها وخرب خططها .

دُر : حُــرة اختارت ترجع للموت في سبيل تنطي فرصة لزواجكم

بس بعد كل هذا اكيد صار عندچ واضح ريــان يحب منو ؟

ومتعلق بمنو ؟ ويريد ويعشق منووو ؟ واضح من شكله ركزي .

ضحكت تريد تنزل ولازمة بطنها

رنيم : مايهم المهم عندي رجع الحب حياته وابنه

والزبالة بنت عمچ رجعت للزبايل .

ما اشوف غير انــور صار وراها ومن ملابسها رفعها

وهي زلزلت البيت بصوتها وامها تسحب بي

طلع رجلها وجسمها من المحجر يهدد بيها يشمرها وصاح

_ منوووووو زيالة يا زبالة منووووو زبالة ؟

_ لاااااا ابوس ايدك اني حامل يموت ابن اخوك .

_ ما اطيق هل طفل لان انتِ امه ولا ريــان يتقبله لان انتِ امه

لچ انتِ واهلچ زبالة عبادة الفلووووسسسس كلبة فلوووس انتِ

زبالة انتِ زبالة اذا ما اخليچ انتِ هم تطلعين من هل بيت اني مو زلمة .

لزمت قميصه تتوسل بس يرفعها وامها شمرت الكيكة بالگاع صارت

طشار ، تبوس بيد انــور يعوفها وهو بعده قافل عليها

_ اريدهاااا تجاوبني منوووو زبالة منوووو ؟

رنيم : اني والله اني زبالة اسفة بعد

ماتسمع صوتي يمممهههه راح اوگع .

شالها بحيث رجلها من الخوف ما تشيلها گعدت على درج ترعش

انــور : اني طالع اشوف بنت العم گلبي طگ عليها

واخوية من البيت هج يدورها هذا ميت عليها هل طفلة اخذت عقله .

اني اخذت وضع المتفرج امها تمسح بوجهه وانور يعدل بحذائه

وطلع التلفون يرن جاوب وهو يطلع ويفر بيده بيها ساعة

_ يا هلا شهدهد تخابرني حلم علم هذا ، ههههههه متعود كله انا اخابر .

دخلت اني وصفية نرتب بغرفة ريــان وانور

ورنيم اختفت هي وامها ، لليل رجع انــور وريان بعده

بقيت انتظر بي وانور بدل ونزل يخابرر ما يجاوب بس

كرر المكالمات غلق الجهاز ، الوجه الصبح گاعدين

وعلي الآكبر خابرني

_ رجع ريــان ؟

_ لا ابد ما خابر عليك .

_ يمكن زعل مني لان قسيت علية بالكلام .

بقيت احجي قبل لا يغلق الخط وصاني

_ دُرري بوية التلفون دوم بيدچ حتى من تشوبين ماي

تكتبين حبيبي شربت ماي ، حبيبي راح افوت اخذ حمام

حبيبي راح انام ، التلفون ما ينزل من ايدچ گلبي نار عليچ .

ابتسمت ورديت واني اطلع بالحديقة

_ ليش ما تجي يمي هنا .

جــود : لا هاي عايزة بعد واحنا هنا شني رجل كرسي .

دُر : يبوووو زوجي اريده ويايَّ بكُل مكان .

جــود : بعد لا ترجعين شحلاته يدللني ويعزمني ويطلعني

وياكل ويشرب وينام ويايَّ سنيك انتِ تخربين الشمل .

دُر : فرحان انت اني ماكو مو ؟

جــود : عندي جناحات ارفرف بالجو طاير من الفرح لا ترجعين .

علي الآكبر: وحگ ابو فاضل يومي بدونچ موت تعرفين شنو موت

وهذا مگابلني وگاعد صرع راسي بالسوالف التعبانة .

دُر : اوي بيبي تعال يمي .

علي الآكبر: اجيت يا روح الـ بيبي واهله اجيت .

جــود : جيرة بفرگ الزلم كون عبنك تنحسب منهم .

سكت علي الآكبر لثواني ورجع يحجي سريع

_ عيوني هذا ريــان يخابر خليني اشوفه .

سديت الخط بدون ما انتظر لو ارد وبقيت اطگطگ بأصابعي

فتت بلغت انــور ظل يخابر على ريــان ماكو واني اخابر علي الآكبر

ولا يرد ، كتبت واني ادري بي من اكتب مستحيل ما يرد

" حبيبي خوفتني جاوبني طمني "

بنفس الدقيقة شافها وخابرني گال كلمة وحدة وسد الخط

_ اجيت .

ربع ساعة وانفتح الباب الخارجي دخل ريان انــور يريد يحجي