تحميل رواية «النوك الحمر» PDF

فرح- طبيت للغرفه اركف خاله صيحت عليه وهو صيح بغضب سمعته وخاله تصيح عوفها لتنكس ايدك فيها هدها يخوي هدها لخاطر وليدك عرفت ضرب مرته غمضت عيني حسيت روحي بضوضاء وهوسه على غفله هداو والذجطغجفل سكت شوي وطب خاله تبجي وتندب فاطمه الزهراء نصت راسها من شافتني وتمددت بفراشها محاجيتها عرفت البيها اكثر من حجي خجلانه مني عالسواه اخوها وتعبانه منه وعليه حلفت مادخل روحي بعد ولا الي علاقه بشي يخصه انسان من يعصب يفقد السيطره على اعصابه هالفتره ام عوف تورطت بالنوك وحدها وهو رجع يروح البر حتى يدرب النوك الصغار اني حتى الحديقه موصلتها بعد خاله يومين متحاجيني بس تجيبلي الاكل للغرفه وتاخذ الصينيه اني ارتاحيت بهالوضع اريد ارچتاح. من كلشي البيت سككن بس الهدوء اللذي يسبق العاصفه وبعده حسين الصغير بس يشوف ابو يصررخ من كل عقله واني ردت ابويه ازيد من قبل اسمع صوت السيد بليل يصعد وينزل الفجر. وميوصل للبيت بعد

يوم يومين والثالث والرابع وكمل اسبوع خاله جتني كعدتني بيوم جمعه الصبح تتلمس بوجهي ال

همست

فروحه يمه ماهكيتي ترضين يمي عيني يافشلتي من ابوج

فتحت عيني ابتسمت فركت وجهي

لا خاله مزعلانه بس شوي دخلت سبات ههه بستها وحضنتها خاله تستحق كل احترام وحب لو اموت روحي ماجازيها بس احساس الكسره الصرت بي اذاني كالت

تتريكين ويانا

لاخاله

اجل لساتج زعلانه

خاله عفيه بس هالمره عوفيني براحتي

يبمه والله مايكصد حيل تاذه. لو تشوفينو

ماريد خاله مااريد بس اني بحياتي محد ماد ايده عليه هسه عرفت ابويه شنو وصدك خيمه الاب صدك. لو هو موجود ميخلي احد يمد ايده عليه

يايمه لاتوجعين كلبي الفيني كافيني

سلامه كلبج خاله كتلج مابيه شي بس ماريد اشوف احد الله يخليج

جا تعيشين بحيدج مرتاحه هيج صار سبوع يممه

اي خاله مرتاحه مرتاحه كلش اصلا اني بمكان مو مكاني وزجداارغم روحي عالعيشه يجي يوم وارد لطينتي وحياتي يجي يوم بس ادعيلي

فروحه لاتخوفيني شهالحجي

خاله ماكو شي لتخافين ماسوي شي ياذيج وياذي سمعه بابا بس اني تعبت ودااكره العيشه كلما حاولت اتوالم وياها اكرها اكثر

وتكرهيننه حنه همات

لا خاله ماكرهج بس العيشه هنا ضالمه البنيه مضلومه مستحيل اكدر اكمل حياتي هنا اني اذا كملتها معناها دفنت روحي شوي شوي واني املي ببابا يطلع وارحع ببغداد بعد مستحيل ابقى بس يطلع ارجع

الله كريم كومي تريكي ويانا

ماشتهي جريت المخده ونمت اريد انام بعد

نامي يمه نامي

طلعت سمعت همستها بالباب عرفت السيد واكف جان او دينزل غمضت عيني ماريد اتذمر لاشي حلو ولا مر يمكن اني اوفر زياده عمجن اللزوم بالغت بالموضوع بس حسيت ضربته الي شككت اللزكات الملزكه بيها حياتي كوه الزك بيها وهسه تشككت كلشي انتهى كضيتها اغلب الوكت نوم واقره بالقصص لو امشط شعره لو اسوي جسمي او امكيج بس لباب الغرفه مااطلع حتى البنات ام محمد ديجون ينضفون واسمه خاله تدردم وي ام محمد الصبح

عليش مطرشتهم لذيج اهي شعدها اهو كبتين ومطبخ عليش مطرشه البنات ينضفن وام محند ترد

والله علويه اهي صاحتهن لمن فاتن كالتلهن تعالن ساعدنني

سكتت خاله عرفت علا ونور ديروحون يم ام حسين للضهر طبت خاله تهمس وس احد استغربت التفتت شفته حسوني كايدها مبتسم

ابتسمت

هلو حسوني

كال

فروخ مالتج

ماريد اروحلهن انصدمت بي رعجغم عمره ٣ سنين وكسور بس لبق حيل كال

جيعانات ماتوكليهن

لا ماريد ضحكت اشرتله تعال

تقرب مني ويباوع لخاله كال

اريدن اروحن العن واخاف بحيدي البارحه كلتني

ههه شتاكل منك حسون انت اكبر منها

لاع شوفي شوغلي ايده ناكرته

ايا حقيره هسه اعاقبها

ياله

شنو ماريد اطلع

اريدن اروحلهن واخاف

اهو حسون اريدانام

كال

هاي فد تنام ويحجي وي خاله

خاله تقربت منه كالتله بهدوء وتباوع لعينه تبتسم

كولي عمه

لا ماودي

مايصير كولي عمه

فطم

اه تعرف اسمي بعد يحلو اسمي بشفاك

امي تكول عليج كراطه زلم

صفنت خاله تبتسم همست

الرجال مايسمع كلام حرمه حتى وان كانت امو

سكت نصه ورفع راسه

انه اريدن اني

روح بعد عمتك روح

فرح-طلع لبيت امه رجعت نمت شوي ورد اجه

فرح

هااا كمت هدلت روحي كعدت عدل كال

مانروح فروخ

جان كلامه ممضبوط بس تفتهمي ابتسمت

منو اكو بالبيت سالته

كال

الوحش مانو هني بس العمه اانتي بعد تخافين منهم

لا اني احبهم لان همه كلش حبابين

سكت مفهمني كمت جريت حجابي كتله

كوم انعل ابو المخده كوم

طلعنا للحديقه ووكلنا الكتاكيت فرح كلش وساق بالبايسكل كدامي يشوفني شون ضبطه الطرمه وحدها بالميت متر او اكثر يمكن ٢٠٠ فيتونس الواحد من يلعب بيها شفت ابو عوف طب وبيده جياس المسواك خلاه بباب بيت امه واخذتها هي باوعتلي وهزت ايدها شوي وطلعو البنات من يمها نور وعلا باوعولي ابتسمو وراحو وحسون يلعب سمعت صوت السياره رحعت راسن للبيت وحسين يصيح

لوين ول فررحه يولو

مهتميتله بس شكد حلوه لغته من يحجيها صدقه طبيت للغرفه وسديت الباب جانت عصريه. السيد جاي من وكت سكعت بجي حسين وصريخه رغم كلامه موكله مفهوم بس افمه الزكه وافهمه سمعته يصيح

انت قاتل تكتل اوادم صفنت عزه شحيسوي بي انصدمت من شفته مرد عليه صاح بهدوء من طب للبيت

علويه وينيج

بلي خوي ردت عليه خاله

بويه هاي سمجات بعد انتم شون تردونها سونها عد ام عوف بتنور الطين كيفج شحالج اليوم

لا الحمد لله شفت حسين

اي شفتو يرادلو وكت وانه تعبان لاهي عنو بس خل اخلص شغل البر ولا افضالو

فرح- سكتو وتمددت بالفراش اكمل القصه. جانت مطلعها

اسرت قلبه بنضره مني خصلات شعري الذهبيه انعكست في افق عينيه ابتسم مسحورا. قائلا علني في الفردوس وقد ارتقت روحي اجبته

انت في الدنيا الدنيا وروحك بسرايا الغجر وماانا الا بغجريه. ضمدت جروحك الملتهبه التي كادت ان تميتك

ابحر في افق عيني وتاملني كسوته بنضرات كادت تقتله ومن قال ان القتل قتل الروح فحسب. فالانثى قادره ان تستوطن قلب رجل وتقتله بهجرانها

تقتله بهجرانها

ذبيت الكتاب دخت. يعني معقوله نضرات هيج تسوي بالرجال. هي عيون قابل شكو وتذكرت من نزل شالي وبلع ريك صافن على ركبتي وشعري بعكده حاجب كلبي دك بسرعه كلبي رفرف

بعدها تذكرت ضربته وصارلي سبوع اواكثر معتذر حتى. لعبت نفسي راسن

اني ملكيت غير واحد اطبق عليه القصه لو مطبقه على ابو عوف ولاهو. طبعا هواني شايفه غيره. غمضت قوي كوه كمت انوم روحي

خاله بطنها بدت تكبر والطفل بده يتحرك باجر موعد الزياره مال بابا كومه شغلات حضرتله خطيه حتى فرطتله رمان

ثاني يوم الصبح طتهيا الغراض بيد السيد كل يوم زياره احسده لان ديشوف بابا واني لا ساعتين ودك تلفون خاله ردت راسن

ها سيد بلعجل كملت الزياره. شهكت خاله

ياسين بعد روحي كمت ركض من الفراش رحت بفراشها وخليت اذني عالتلفون

بريسم شلونج يابه شون صحتج حملج شونه

عيونها انت بعد كل هلي وطوايفي انه بخير دامك بخير

زين اني الحمد لله بفضل الله زين

الف الحمد لله

فروحه وين طاك كلبي على صوتها وينها شونها

زينه هاك هاك خلها تسمعج

اختنكت اريد احجي ماكدر

بابا حبيبي

ها بابا خبيبتي شونج

كلش زينه ليضل بالك انت شونك اخذت القران مال بيبي

عاشت ايدج بابا. شفتيها شكاتبه بي

اي لهذا دزيته الك

هو داامشي عالكاتبته احسها ويايه ويايه انتي شونج بابا احلامي كلها بيج

زينه اني مدلله هنا انت بس دير بالك عروحك

الحمد لله زين دير بالج على اخوج لو اختج بابا ماوصيج

بابا ديتحرك واني بعد شويه اخذ بطن خاله واضمها ببطني

ههههههه ماتجوزين انتي ههه سوالف هاي متبطليها

اللللله شكد مشتاقه لضحكتك

والله بابا زين اني انتي بس ديري بالج على روحج وخالتج بابا فرح انتي كبرتي. اسمعي كلام خالتج

بابا مااكسرلها حجايه ابد

واثق منهالشي حبيبتي. وهاي اجاكم جاهل للبيت

اي حسوني ههه صديقي هذا بابا

ههه خوش. وينها خالتج لعد

اوك هاكياها احبك بابا بوس روحك

فروحه شوكت تكبرين بابا

مااكبر ابقى المدلله مالتك

شعدي غيرج

عدك بابا عدك النونو مال خاله وخاله اللي تموت عليك

ها ههه دنطينياها

طيتها التلفون لخاله وكمت طلعت عفتها براحتها

يس- علويه شون عافيتج

زينه يمي عيني

خومتعبانه من الحلم

ابد الحمد لله حتى ابنك مثلك مايتعب

اخ كون يمج واداريج بعيوني

انت من تدير بالك على روحك جن داريتني وازيد بعد

بريسم. صوتج حياني.

وانت بعد ردت روحي من سمعتك بخير

احجي احييني كليلي حجي اتذكره من تغمض عيني بعيد عنج

مانسيتك لحضه. ياسين حاضر بنومي وبصحوتي

صدك. بريسم ليش

لنني عشكتك من صغري انت بخاطري وان من عليه وعطاك لي يكفيني اكون بكلبك

ااخ بكلبي وزوحي وبعيوني بكل صبح يطلع اشوف وجهج واخذ منه قوه وعزم احبج علويتي

اموتن بيك يااول واخر عشك دكله كلبي

تحبيني

اموتن بيك اكلو

كوليها خل كلبي ينتعش

احبنك عشك ملهوف ما مرو هلو لعدو

اللله الله اااخ ربيييي فرحها من يمك

تفرج وداعتك وكربت مابعدت وكول كالت عويتك

انشاء الله انشاء الله. يله يابه دير بالج على فرح مثل مدرتي بالج عليه قبل فدوه مالها غيرج

بعيوني احطها.

فيماللا بامان الله وحفضه

الله يحفضك لنا بعد اهلي

فرح- سدته خاله طبيت للغرفه شفتها تبحي بقهر

خاله شبيج

يمه يوصيني بيج واكلو بعيوني. شهكت بقهر مايدري ما صنتج

لاخاله ليش هيج تكولين شبيه اني شو اميره

يايمه والله ما بقصده السيد وروح ابوي مات قهر يكلي شون اساوي هيج شون امدن ايدي عليها واهيه امانه عدي

لاخاله راحت بعد جريت نفس بداخلي داشوفه شون اعتذر وحتى اذا اعتذر ماريد اشوف جهرته.

سكتت خاله وطلعت اني عالكتاكيت لكيت حسين يفتر بس شافني عاف البايسكل واحه كال بلهفه بلغه اطفال

ها نوكلهن

يله امشي

اهو الوحش يمتى يجي

مادري ليش تسال جاوب بلغه اطفال وعيونه يفرهن بلراءه

لحتى اشرد لامي وازقفل البيبان

انت ليش تضوج منه

صفن بوجهي معرف يحجي كال

يضرب وياشر بيده

ضربك

باوعلي كال يضرب وياشر بالضرب تعال نوكل الفروخ

كمت اشمر التمن وهو ترعن كام يكمز انتبهت عليه عدواني اكثر من عاطفي بس يحب الفروخ تقرب مني كال

الوحش ضرباج هني تلمس خدي

هزيت راسي معرفت شكوله ابتسمت يباوعلي بحنان كال

لمن اصير جبير اخذ سلاح واطكو واموتو

ششش عزه بعينك هذا ابوك يحبك

اشرلي ماه وعكد حاجب نفس عكده حاجب ابو ابتسم حضنتها وشلته

انت شون هيج لسانك طويل

ههه شلته حمال باشي كال بلغه اطفال

انتي المطيه مالتي

خلف الله عليك دنزل خرب بيومي اذا شلتك بعد

لالا ماسوي بعد

بقيت افتر بي طبينا الصاله يم السمج دنتفرج سمعت صوت السياره راسن دااطلع كال

تعالي

داروح للغرفه

فك عينه كلها

همس

اجه الوحش

بقيت صافنه عليه،همس

بلغه اطفال

حتى انتي تخافين منو عبن ضرباج عوجهج

يحجي كلمه كلمه ويباوع باستفهام وقلق على صفحه وجهي كال

كمتي تججين

يعني كمتي تبجين

جج متاذيت

طلع دم

اي بس متاذيت بابا يحبني ويحبك هم هو ضاج لان انت بس تبجي من تشوفه

انه اخافن منو امي تكول عليه ياجل اودام ويقتل

لا هو موهيج باوعت للطرمه حبيبي روح خاف يجي واني ملابسه الصايه بباي

رايح لامي اذا ضرباج نشدي علي انه اجي ادربه. يحجي وياشر عينن ابوه خرب حضي اباسمت

عفته وطبيت للغرفه سديت الباب سمعت تركع البوب عرفت حسين طلع خاله نايمه ومضلمه الغرفه نمت اني هم سمعته صعد فوك للمغرب كعدت خاله ترددايات قرانيه قبل الصلاه وطلعت صلت بره بالهول واني بقيت هم صليت بالغرفه كملت ووكفت كدام المرايه الحبيره بهاي الغرفه مالتنا اكو مرايه بكد الحايط تصميمها يغطي الحايط من الطول للطول ومحيطها مزكرش كلش حلو وكفت كدامها تصير بنهايه الحايط الباب مال غرفه

بقيت اتفرج على روحي لابسه دشداشه نص دردن فانيله فليت شعري نزل لنهايه ضهري من جوه ملفلف ومن فوك سرح لونه تمري جان ناعم كلش لان طين خاوه اغسل بي وراها مكيف بقيت امايله بي واندار اشوف طوله تقربت تكحلت ورجعت اباوع لروحي سمعت صوت السيد. يحجي بثكل

من اروحن الباجر اجيبن لج تدللين

ديحاجي خاله الباب مردوده ممطبىكه لان عادتي السيئه الثانيه بالتنصط مااكدر اسمع اذا موهيج بس شبه مطبوكه مدري ياباب انسدت وصار ضغط انفتحت الباب مالتنا ورحعت انردت بس مو نفس مجانت قبل ادري بالسيد يم الدرج واتي واكفه بطولي كدام المرايه لبسي ممحشوم على كوله خاله وشعري مفلول بقيت واكفه تبسمرت شفت ايد ه انمدت مقبوضه دتريد تدك الباب كلبي دك بسرعه

وشافني لان بموازاتهها للباب بقه يباوع ونصه راسه اني بقيت بمكاني معاند وي الروح واعناد وياه ودالقصه ببالي بقيت

اباوعله بعتب رفع راسه شوي باوعلي. ولشعري النازل ورجع نصه بهدوء عيونه جانت تعبانه وعيوني تعتب وعيونه ميته خجل نصه راسه غمض عينه ايده مقبوضه يفتحها ويرجع يسدها واني بمكاني وعيوني مليانه حقد رجع رفع راسه باوعلي

ميل راسه جر نفس صدره ارتفع وانخفض تقربت بثكل فك عينه كلها حتى لايدي يباوع وتمايل شعري وعيوني بلع ريك

والتفت عالهول ورجع باوعلي فك عينه توه ديحجي سديت الباب بوجهه بهدوء وخليت راسي عالباب كلبي احس يصعد رينزلبدكاته كعدت بالكع وكفه مضلت بيه بعد كنفدت وخليت راسي بحضني. سمعته صعد بثكل رجيت راسي عالباب اباوع

لايدي ترجف كمت وكفت ردت اشوف عيونه ششافت باوعت لشعري حسيت روحي اجنن صرت حمار خدي وجسمي المنسق ونعومتي اني ضعيفه وموكلش طويله حبيت كلشي بيه بنضرته قربت وجهي اباوع ملامحي خدودي حومرت ليش سمحتله يباوع مع العلم اني ممستره هدومي بيها كصف ونص ردن وليش هو باوع مع العلم اول مره راسن نزل راسه

وراها رفعه شوي شوي عبالك يريد يباوع وميريد اخاف اكول معجب بيه واطلع اضحك على روحي اخاف اكول يحبني واكذب على نفسي انصدمت من شفت اثر اصابعه لحد الان وره سبوعي معلمه بخدي مثل المشك فزيت وكلشي رجع قسه بيه

شلت شعري بقسوه وضفرته و تمددت بعصبيه طبت خاله كالت

ماتاكلين يمه سويت العشه

لا خاله ماشتهي

زفرت نترت

انه هم ماراح اتعشى

انتي وذاك ماياكلون الا كلمن بحيدو عليمن انه اكل انه هم ماريدن ويطبني عرك حار كون

فزيت من عصبت جتني الضحكه

شبيج خاله هههه

اي شنيي هاي مرن عشر ايام ذاك قداه وعشوته بالمضيف تعلملي طرشولي المواجيل وانتي هني شني بويه ماصدكتووو وانه شني هني خراع خضره

ههههههه لاخاله حبيبتي حشاج يله كومي ناكل هو راح

اي كصد الديوانيه البره

خوش طلعت بله حجاب خاله بقت صافنه ونصت راسه تبتسم بمكر صبينا العشا شفتها لزمت الموبايل توني اكعد طب السيد مفزوع

خيرج علويه شكوش هالرساله دازتها

مشافني جنت بالزاويه خاله ردت

وعيونها عالطباخ كالت

شوف اكلك ماتاكل انه بعد مااكل وازعل عليك وعليها

صفن ودار وجهه بهدوء ناحيتي حس بيه وراه سكت وجر شعره ليوره غترته بيده جانت ذبها عالقنفه همس

على امرج

بقه منصي كالت بنتره

اكعد لشو

كعد عالميز راسه مرفعه واني مدري شناقصني خاله ساكته وكعدت قدمت ماعون الشوربه من يمه وقربت ماعون من يمي جر نفس منصي عالماعون دياكل عبس وجهه اباوعله من جوه ليجوه كال

شني علويه ناسيه تملحينه

لاع انه متغصده صحنك مافيه ملح عبنك ضقطك صاعد اكل واسكت

هاه بويه ماينجرع

نفسك شون انت ماتنجرع

ها هههه عبن مافيني ملح

لا مالح حيل بس ماتنجرع من ملوحتك

عجل اخلي اصبعي فينو عسى مايعدل طعمو

يحجي مبتسم بوجه خاله وبوبو عينه كل شوي تجي عليه ويرجعه مضحكت بس خاله بس بداخلي اضحك احب مناكرتهم. كملت اكل وكمت ذبيت كصيبتي ورايه التفتت اشوفه ديباوع لو لا شفته

عيونه ويايه وين ماروح جريت عيني غسلت كم ماعون موجوده بالسنك وطبيت حاله صاحت

يمه وين

خاله اروح للغرفه عدلت كدلتي كالت

لاه خلج مامليتي منها

لا ارتاح بيها

براحتج

عفتها وطبيت التفتت من وصلت لنهايه الممر شفته ديباوع عليه جريت عيني بحقد وطبيت. اضحك على روحي شبيه شداسوي خبال خبلني اي والله

وتذكرت صربته تلمست هدي وتمددت القاهرني حيل اني دااساعد جنت مغلطانه والقاهرني اكثر معتذر مني ابد ضجت من نفسي ونضراتي حسيت روحي بله كرامه رغم كلشي اسامحه بدون حتى ميعتذر واني من غلطت واعتذرت منه مبقيتها بذمتي غمضت عيني وجريت القصه كملتها طبت خاله عليه تتشله تصلي نافله الليل باوعتلي ودارت وجهه كال

يمه لونج تقرين كتاب الله مو اضمنلج الجنه بالاخره والستر بالدنيا من هالكتاب ليل نهار طاشه فينو

خاله موعلمتيني اقره صفحه وي كل فرض اني داسوي هيج واني اتونس بالقصه

هاذ هو المهم ماعليج كاصر اضكر الحجيه نسرين جانت تقره جزء بعد كل فرض تضكرين

اي خاله الله يرحمها

يجعل مثواها الجنه امين ربي

وكفت تصلي اندكت الباب باوعت عالباب مرديت

همس

علويه نمتي شني

مجاوبته خاله كالت

الله واكبر

ها زين تصبحون على عافيه

مجاوبت بقيت اقره. لل٢ خاله نامت اباوع لبطنها تتحرك ابتسمت حبيبي يدري بيه كاعده ياروح اختك تقربت تلمستها ضربه لخ صارت اووي فدوه بست بطنها فزت خاله ابتسمت

شجاج يمه فرح

خاله ديتحرك عبالك ديلعب ويايه

ياا شيلعب يمه عكلج طاش جننو

ههه خاله شكرا لان حتجيبيلي اخ والله لاانتضر يوم يوم

وانه بعد انتضرو واريدن اشوف ابوج بعيونو كون الله هيج من الله يطلع شبيهو ونفس عيونو وعيونج

هله هله وينج شيخ ياسين كون تسمع الغزل

هوو وين اكش نفس عيون ابوج كتلتني كتل بنضره منو

كالتها وانطتني ضهرها جرت نفس

هلكت واحشني يربي والله صبري خلص

انشاء الله تفرج عليه

امين امين يمه ماتطفين النور والله عيني بككت منو

هسه خاله طفيته وبقيت اتكلب شينيمني اذا النهار كله مطموره كمت وافتريت بالبيت طبيت للصاله ادوز بعد كتب ملكيت قصص بس دينيه طلعت للمطبخ طلعت فاكهه ولكيت كرزات ونساتل طشرت الجوز واللوز وي الفاكهه وثرمت الفاكه ورشيت عسل وكعدت اكل بالحديقه الفروخ نايمه بس الشاهين يصفك بجنحه ينزل ويصعد ميقترب مني جنت لابسه الحجاب والحديقه ضلمه كلش بس ضوه حمام بيت حسين معلوك خفيف تمنيت كاعد واسولف وياه حركاته تضحك باوعت الخاشوكه مطبوكه ثنين جايبه ومطبوكه وحده فوك اللخ واني اكول ليش ثكيله فرقتها ومديت رحلي داابدي اكل سمعت ونت الباب انفكت غمضت عيني عرفته طلع بقيت منصيه عالطاسه. بس اباوعلها واللكمه بحلكي حتى مدستها بين اسناني جمدت كوه اتنفس وصل يمي رجليه كدام عيني شحاطته والسروال ملابس دشداشه رفعت راسي باوعتله ابتسم تك خد وميل راسه نضراته متروسه حنيه بس اني ماصدك بي بعد بس لو معتذر درت وجهي وتجتفت بيدي كنبص كبالي همس

يصير اكعد صوبج

جج هزيت راسي برفض ونضرتي عكس مكان وجوده

كعد وكال اييه والله الهوا يرد الروح هني

التفتت عليه تره اني كلت لا رفعت حواجبي الاثنين

ابتسم مااسمع الجلمه عجل وحدج ماتسمعين شني

رفعت حواجبي ثنينهن كال

يرحم اهلج لا تفكيهن زايد. مو ناكص انه كل عين هاكبرها عيون حولي موهيج

ضحكت مكدرت بعد نصيت غطيت وجهي بيدي كال

اعتذر كد مافيني حيل ماوفي الساويته

ليش بس كولي كلتها ووجهي تغير ردت ابجي تغيرت ملامحه دار وجهه وغمض همس

لون احجي منا لعكب ماتفهمين الحاي يصير هني واشر على كلبه

لعد تضربني واني امانه عدك

عساها ايدي بالكسر ماتحملت اسمو بالبيت مو عاد منج ماسيطرت

باوع خل اكولك سالفه ام عوف اني موذاك المد وياها بس مره كالتلي سالفه والله عجبتني

اي ويش اهي

باوعلي يبتسم

كالت ماكو شي اسمه ماسيطرت وفقدت الله انطانا عقل نتصرف بيه

لون مريتي بالمريت فيه تعذريني اللي ضكرتي اسمو جاتل عشيرتي كلها ودمههم بركابو اوخوي اخوي اللي رباني انقتل جدام مني

سكتت دمعت عيونه وعمد الحاجب ضل وجهه مغضب ملتفت عالحديقه تلمس جيوبه الاثنين ديطلع جكايره

تاكل ويايه

باوع عالطاسه ابتسم بخفيه سد حلكه همس

لمن جايبه خاشوكتين

والله صدفه سبحان الله وحده فوك اللخ صارت

باوع بعيني مضيق عيونه تامل ملامحي كال

شفي خدج كالت العلويه ممولح

نصيت راسي اكل لكمه قدمت الطاسه بيننا همست

مابي شي

لونه ناعم حيل ماتحمل خشونه ايدي انه اسف

جنت منصيه رفعت راسي شفته يباوع مقهور هزيت راسي ابتسم

سماح خلص ههه

ابتسم جر نفسونصه وطبب الخاشوكه بالزلاطه كال

فيج من طيبه امي

شون ههه يعني شنو

امي جانت من ازعلها وارجع اراضيها تكلي سماح هالمره

ههه بابا هم احجيلي عنه شكال شونه شخباره حباب

اول ابريلي ذمه

ها علوش

نصه يبتسم بمكر وياكل

ابريلي ومالج خص

لا والله تريد ابريلك الذمه على شي ماعرفه شنو

بقه منصي وياكل مبتسم كال

خنت الامانه

صفنت عكدت حاحبي رفع راسه يبتسم وضام الضحكه شفافه تلونت بلون الفراوله والكرز صار بيها لمعه العسل من الزلاطه شتت تفكيري ثواني ولكفتها

قرريت رسالتي

اي هههه والله انج فطنه ونبيهه

صدك سيد قريتها قربت وجهي ملامحه تغيرت بلع اللكمه رجعت وجهي ونصيت ثواني وهمس

مو بقصد حسبالي حاجيه شي له لونه كننا متكاونين قبل بيوم فخفت لاتكليله شي يكدر خاطرو

ايي ابتسمت وهو ابتسم تخوصرت وعضيت شفتي متحلفه ضحك من كلبه وضم ضحكته لايسمعها احد كال

بس ماشفت فيها الا كل خير عاد طيتها له

زين كتلي حتى بعد مااكتب

لا السموحه

ابد

غمضت عيني بدلع ودرت وجهي وتكتفت التفتت شفته مطير نص الطاسه شالها كال

اكلج تردين لو اكملو

لا واله وجريتها منه بالموه ضحك وطلعت سنونه جر نفس كال

والله اني تاذيت كثر اذيتج وفوكه حبه لمن وسكت نصه فرك ايده بركبه الاثنين همس

اييهم بصوت رزن راسن نزل الايهم ليمه

همست

حباب القفص مفتوح لياكل كتكوت والنبي اذبحه

كال

لاه ماكل نصيبو بالبر

خوش

وهساع. شني

شني

ها تقلدين بعد

لا والله دااحجي نفسكم

كليلي لاتبدلين الموضوع هسا شني

شنووو كلتها ابتسم واهز براسي مستفهمه كال

بريتيلي الذمه

اممم

بقه يباوع بعيني معكود حاجبه تنهد كال

عليش ذبيتي الشيله

موكلنا عادي ولزمت ضفيرتي ابتسم ودار وجهه كال

وتسدين الباب فوجهي

احسن

جيت اعتذر

سكتت صافنه عليه والعب بطرف ضفيرتي تذكرت كلمات القصه وخليتها بعيوني بقيت اباوعله وارمش بهدوء ذبلت عيونه وبلع اخر لكمه همس

فرد غمازه عدج وين الثانيه

نسيتها ببطن امي ههههههههه.

ضحك ونصه عدل شعره كال

لا بالله وحده وين الثانيه

طامسه بخدي ههههه والله شبيك وحده عدي

جا شون ابوج عدو ثنين

وماما ماعدهافتعادل

هههه ضرب على فخذه كال

تجين وياي للمراح

مشتاقه للنوك ومشفت الجديدات بعدني

عجل امشينا كالها وباوع عالسما كال

لاح الفجر وشوي وينادي المنادي عالصلاه

اوك ام عوف تجي

ان مادكيت مايجون

خوش ميحتاج تدك

جا خوش

اوك

اي صح اوك

هاه منو الديقلد هسه وكفت وي وكفته ابتسم منصي لطولي حدري فوتي لبسي ماضل وكت

اوك

صعد فوك ركض واني طبيت لبست خاله حست

وين يمه حبيبتي

خاله حروح احلب النوك واجي كلتها بلهفهكالت مستغربه وي السيد

اي كلتها ونصيت اطبك الطباكه كالت

تفاصلتو

اي خاله اااعتذر وكمل طاسه الفاكههكالت

واللله انج مضحوك عليج هاذ صالحج عبن ام عوف تعبانه ومالو غيرج يحلب معاه لا والنوب كمل منجاستج يمه هاذ ذيب لاتامنينلو ههه

ضحكت وكفت خاله

وين خاله نامي

لاه احضر الريوك ماضل نوم فيني لحتى من تجم نتريك بره الهوه علليل والنسمه طيبه

اوك بباي لبست البوشي وطلعت فرحانه ببساطه شفته بالباب يعدل محزم السلاح فتت وراه يتلفت. منا ومنا كالعاده باوع لرجلي ومشينا داامشي يم الخوص باوعت عالبيت مال حسين لمحت عيون تباوعلي من الشباك بالضلمه فزيت رجعت ركزت ملكيتها كمت كلسا اتلفت واباوع انتبهت البرده تحركت عرفت هي وره البرده محجيت للسيد ابد مالها داعطبينا المراحي حلبت وهو ينضف كال

تنشديني عن اوبوج. اوبوج كالب السجن كلاب

ليش صفنت عليه

كال يبتسم ممساوي الكهرباءئيات كلهن لامخلي ضوه المكتب مال الضابط لامخلي كابينه حرس لا سجونهم لاحمامات كلها تضوي وتصيح ابو طه

ميجوز من سوالفه بابا خطيه ميعرف يكعد حبيبي

اييه كطع بيه فرد نوب

سالك عني

اييه اله كلاه لكلبي

سوده عليه

فرحه لون كملتي اكفي جاي لن جاي اشطف

اوك كملت ووكفت وضل يحجي عالبر وياشر عالنوك

هاذي اليوم درباها المدرب وجابت نتيجه الا هذي شلللعت كلبي من مجانو جيت احولها عالتسمين اغصد الذبح عاد جنها علم كلبها وصارت تركض ازيد من الاولانيه

سبحان الله واني اكول ليش هاي رشيقه وهاي سمينه

لنها تركض زايد وهاي ماتتحرك. لاجل تتسمن وتنذبح يثكل وزنها

طيب لحمها

ماماكله منو فرد يوم اجيب مفلطح للبيت واضوكج شون يكون لحمووطعمتو

اريد مالتنا مو من برده

ابتسم وهو يغسل هز راسه ايه مالتنا

كال

اكول فرحه هم تحبين خالتج انتي

اي يعني صراحه هي موكلش حنينه عليه همه اصلا بيت ماما موحناينين مثل بيت بابا اصلا خاله بريسم حنيتها اكثر من حتى امي

اها يعني مانج متعلقه فيها

لا طبعا

جاخوش

ليش تسال

كال

لا اهيج مامش بس كلت خاف تتوحشيلها

لا بس بابا

جر نفس الله يردو ويفك حبستو

امين همست كملنا وطلع يمشي سريع ويهمس

يله بويه الفجر لاح هسه الفلح كلها تطلع

وصلنا للبيت خاله جانت محضره كلشي بالمطبخ طبينا نغسل وطلعنا كال

بره ناكل لن الجو حيل طيب

اوك كلتها وابتسمت هو هم ابتسم خاله تباوع بالوجوه كالت

جن تضحكون علي

لا والله خاله

وانتي ياهو التعداج ام النقص

ها هاذي انههه

لالا عمي على فرحه

اني شعلليه يعني مصارلك من صالحتني واكلت طاستي

عمي مسويه هلكداته وتعيرني فيها

اني صوجي طلعت الصينيه بره بس مو بالحديقه اللي يم بيت حسين لا اليم المضيف حتى ميشرف شفت حسين من الشباك ابتسم ديصعد عالدجه وديفتح الشباك اللي عالحديقه ولمح ابو ورايه تغيرت ملامحه للخوف ونزل ركض وسد البرده سمعت حسره السيد ورا يه ويردد

استغفر الله واساله التوبه

تونا كعدنا دناكل والمح الفروخ مذبحه كلها دم وكفت وكف كلبي تقدمت شوي والمح القفص كله ميته الفروخ ومدمه مكطوعه راسها عن جسدها والشاهين قريب يمها

بجيت واختنك صوتي التفتت على خاله خاله ملامحها اخترعت والسيد اجه بيده الخبز عاكد حاحبه كال شصاير هني

نترت

كللله مننه كللله اذا مذبحتتته بيدي اذا مملخته اني موفرح. وركضت عالشاهين نتر السيد

يهيييي. يهييي شييي كصري حسج دشي دااخللل

ماه داركض عليه طار بجيت من كلبي منضرهن مرعب البارحه وكلتهم الحقير الجلب مذبحهم اخذتني خاله وتسكت بيه طبينا جوه واني فرفحت بجي ------

يتبع

تره ٤٠٠٠ كلمه لتكولولي اغلاط فدوه

واسفه عالنص ساعه توني طبيت البيت

متابعه ممتعه

مريم السعدي

ساره علي محسن

ياربي

نايمه الضهر

فرح- طبيت نمت للعصر يله كعدت مخنوكه حيل كمت امشي دايخه خاله جانت تلكط خضره من شافتني وكفت

ها يمه شهالنومه

خاله بلاعيمي

هسه افورلج ورد حدري كعدي لحتى تتغدين تتريكين سوده بجهي كلشي ماكليتي

مااشتهي كعدت لزمت راسي كالت

حسون مر سال عليج وكتلو نامت كال الفروخ ماتن كتله اي

شكلج بقيت اباوع بوجهه كال  ونصت كالت

يكول هذا الوحش كلاهن

نصيت راسي  جابتلي الورد شربته ولازمه راسي مد راسه حسين شافني اجه بلهفه

ولزفرحه الفروخ ماتن كلاهن الوحش

دطير انت هم

والله شفيج انه لجحتو يمهن

صفنت عليه منوه

هاذ الياكل اوادم لجحتو بالقفص مالهن

باوعت لخاله ابتسمت كالت

جاب بمكانهن يمه وترس القفص

خوش جايب اكل للشاهين. درت وجهي شكو جايب بعد حتى ياكلهن العتوي مالته شكد كرهته حسين كعد بصفي عالمرسي. يهز برجله كال

فرحه  ماتكومين وياي نلعب بالسكل

يحجي كلمه كلمه ووياها تاثيرات جانبيه وانفعالات

حسون وخر من وجهي تره واصله لخشمي

عمه هاي شفيها

خاله وكفت تلكيط ابتسمت وتقربت منه شالته وتبرس بي

يروح عمتك انت

خاله لتشيلي موزين

خليتي يمه خليني ريت اخوي عدل ويشوفك ليش امي وابويه عدلين يايييمه ياروحي انت

خجل حسين وسكت ومن تبوس بي يبعد راسه خجلان همس

اردن اروحن لامي

اي عمه روح

راح ركض هو ودشداشته شوي ورجع

فرحه كومي عالمرجيحه اضوج ببحيدي 

كمت

استغفر الله كوم يله

لبست حجابي وطلعت وياه دنتمرجح  شفت نور وعلا طلعو من بيت امه سالته

حسون ذوله صديقات امك مفتهم ذوله البنات شبيك

يسولفن وي امي 

ها

فرحه انتي ماتفزين منو

من منو

الوحش

لا ولك حباب البارحه جابلي حلويات شكد كالي انطي لحسين لان هو يموت عليك تريد انطيك

نوكه وعلوجه

اي بيها نوكه وعلوجه تعال تجي جوه

همس

امي تذبحني

متدري علسريع

جا خوش وان تعطلت اكللها فرحه عطلتني

اي ميهم

عود تذبحج

دمشي للك تذبحني تجي لو لاا تره كلبي خلصان

كمز من المرجوحه وطب ويايه فتحت المجر مليان نساتل وكرزات كام يشيل ويضم بجيوبه كال

هو كال لحسين

اي هو كال

عجل اخضو كلو ترضون

اي عمي اخذه ومن يجي كله اشتريلي بعد

انه اخافن منو انتي كليلو

خوش

جا ماوكلنا الفروخ

باجر يمعود روحي واصله لخشمي

نوكل السمجات

حسيين لتجلب

ماتجين وياي عالمرجيحه،امشي يله  طلعت وياه اجه السيد وحسين ياكل حلويات بالجيس وعلج صاير هالكبره بحلكه ويحجي بس مداافهمه لان خرساني لزمت حاولت مكدرت ومالي خلك هو منتبه للسيد اجه وشافني مكمت عباله موهو لان عباله اني هم اخاف منه طب السيد ابتسم من شافنا حسين لزم حجابي قوي همس

وديني لامي فرحه

هسه نروح تقرب السيد من عدنا يبتسم ويباوعله

ها سيد حسين

مجاوب وانحشك بضهري ضم جسمه ورايه

لوين داخل بويه شفيك تعال حدري

ماابي

جا شتاكل هاي شنوو حبيتهن انه اجيبلك  منهن ازيد باوع حسين عالغراض وباوعله همس

علوجه

هههههه اي يبوك اي هههه تدللل صندوغ علوجه

ونوكه

ونوكه هم باللي تشير عليه وان بغيت انت اختار فيدك

باوعلي وباوع للسيد كال

فرحه تجي ويانا عجل

صفن السيد غابت ملامحه همس

مايصير يبوك عود يشوفوها الغرب وتطمع فيها

نصيت راسي ابتسم حسين كال

فرحه وديني على امي

اوك نزلته باوعت للسيد غمزت جان يباوعله مبتسم من غمزتله تلاشت ملامحه وشننف بخشمه  كشر ابتسمت نصيت باع اني وين وهو وين اني قصدي على حسين مشينا كم خطوه كال

باجر تاخضني للمحل

اي من عيوني تامر امر

الصبح

الصبح الصبح هاذ اهو

وحيدنا

ناخذ ابو عوف ويانا اهو مايجيبلكم المسواك

ايه اهو

اجل ماتخاف صوبو

لاه ماخاف

عفيه سبع السيد حسين سبع

دار وجهه حاير باوعلي. كال

وديني على امي

امشي خبصتنا وصلته للباب طلعت نور باوعتلي تقربت بوستني همست

شني السيد ضاربج يولو

صفنت عكدت حاجبي

منوكلك

صاحب كال

اي هيج شوي صارت مشكله كالت

جابرج عالعيشه يول ليش متحمله

لاعادي بس غير بابا بالسجن اني مومتحمله شي تره

انتي حسبالك انه ارغي انه سرانيه بس كسرتي خاطري وهاذ اخري ليل نهار يسال عنج لونه دره يتدوهن بزمانو تربعتي بكلبو

نور شبيج والله مابيه شي

كالت

يمتى ماتبين يرجع يتقدم وان جبرج كولي اكولن لجدي اهو يحاحي عليش متحمله انتي

مامتحمله اهووو دروحي عفتها وطبيت جوه حجيت لخاله كلشي كالت

خلها تولي فاضيه هاي وانسد  الموضوع  لليل السيد طلع ورد رجع باعليذكال

ماشفتي الايهم

لا صخونه كرفته

بقه مستغرب رجع طلع  شوي وطب بيده الشاهين مدمه خاله شهكت

يااا شبلاه هاذ هم

انه ادري ياهووو الطكااه باوعلي تقربت منه

تره مواني والله

ايه زين زين

خاله والقران مو اني

اي كلنالج ايي

يحجي منصدك بيه ويضمد بجروحه جان متجرح وضل تقريب الساعه يضمد بي مجرح مضروب بحجاره جبيره السيد كام ميباوعلي ولا يحاجيني ابد

حاجيته

تاكل فاكهه

لاماودي كالها بلا موبالاه

زين انت مصدكني باوع بعيني ودار وجهه هز راسه وصعد فوك. والشاهين بيده

ثاني يوم تريكنا سوه وام عوف جانت حالبه النوك مكعدت اني. كعدت عالميز انتضر ينزل وخاله دتصب الجاي نزل تحمحم. وكعد

فرح-صباح الخير ابتسمت

مباوعلي جاوب ببرود وعينه عالخبز وجر وحده

صباح العافيه. وجر نفس.

بقيت اباوعله. صافنه. اكل ببرود خاله تحاجي يجاوب على كد السوال وعيونه عالميز ضجت من تجاهلني حيل حتى مااكلت زين

طلع بعدها وطب حسين بلهفه كال

الجاجه باضت فرحه

هزيت راسي بالقبول خاله انتبهت من عيونها عرفتها بس غلست حسيتهم مديصدكون اني مماذيته للشاهين يابه يجوز جلب واوي كامز عليه ويطبه طوب من سوالفه رحت وي حسوني نوكل الدجاج والكتاكيت الجديده كلبي مقبوض كلش ضايجه شوي وسمعت صوته صاح

حسين بويه وينك

فز حسين كال هاذ الوحش

روح مو كتله باجر تروح وياه يشتريلك حلويات

باوعلي وباوع ليبره كال

امي مارضت خافت لاياجلني

ولك مياكل لك روح يله وجيبلي وياك جبس

ماتجين ويانا

ميقبل روح

ماابي امي مارضت

ولك بالسياره يفرك وسمعته يك ل لخاله اشتزيله سياره صغيره يفتر بيها بالبستان

فك عينه ورفع حاجبه كال

زركه

اي زركه

بيها ضو

اي بيها اضويه

باوع بره ورجع باوعلي كال

اهو ماياكل وادم بس فروخ ماا

اي دروح روح والله بطران لو مني ومنك اروح ركض

اجيبلج علوجه

جيب يمعوود

راح وصل للباب ومد راسه وباوعلي كال دمعت

اريد اروح على امي توديني خاف يلحك وراي

امشي كدته ومشه ويايه ويباوع عالحديقه يميل بجسمه يترقب بخوف همس

ذاك وينو ذاك وينو اجه

شافه ابو كال

ها حسون تجي وياي

لاع اروح على امي ديركض كاله

دتعال اشوفك الناكه الصغيره مو ردت تركب عليها

وكف ودار وجهه عكد حاجبه كال

وينو

هناك ليغادي حدر اشوفكنياها

تقرب حسين والسيد يتلفت عالخوص اشرلي بحاحبه من دون ميباوعلي

دشي داخل

اي هسه طبيت وعفتهم

بيباي حسين

باوعلي حسين اشرلي باي وجهه مليان خوف ضحكت عليه وطبيت حجيت لخاله كالت

هاي دروب امو لحتى يبقى يخاف منو

خاله جانت تحجي ويايه بثكل سكتنا وتقربت منها

خاله تره والله مو اني الاذيت الشاهين

يبمه ليش الكذب محد يكدر يمس بشي والسيد كال مسامحه باللي تساوي بس لا تكذب

فكيت عيني كلها والقران خاله مواني وداعت بابا وروح بيبي

بقت صافنه بوجهي كالت

يله هاهي يمه لاتبجين

لاخاله لازم يصدكني

امي هاذ هو وعنو ماصدك

خاله اني مااتحمل واحد يشوفني كذابه

جرت نفس كالت لااهو مصدكج

سكتت بس بقت بكلبي غصه العصريه طلعنا للحديقه سوينا اني وخاله كيك. وعصير طلعنا فرشت بره الجو طيب هالفتره ومغلفه الحديقه الوره البيت مستحيل يشرف لان ورانا بناء المنضومه. كاعدين اجه حسين يركض وبيده الجيس ويصيح

ول فرحه حدر دحجي شجايبلي ول فرحه طاردي طاردي

وكفت

شكو لك فززتني

هاذ صدك جابلي سياره زركه وتمشي دحجي دحجي جاي يشقلها اليوم افر امي فيها

ولك وين تكفيي ههههه

ها اي ماتكفي تنكسر

اي شفت السيد مخلي طرف الغتره بين شفافه وديشغل بالسياره تقربت خاله يمه ابتسم واجه حسين بقيت بمكاني بعد عشره امتار عنهم صعد حسين ومشه ونزل يكمز يضحك وياكل بيده جيس كرزات ورجع صعد اجه يمي ميت كره وكف وابو يعلمه جان طاير بي ويمشي ويعلمه حسين جان حيل فرحان قهرني كلش وابو فرحان اكثر منه بقيت صافنه وخاله جتي بصفي ايدها على ضهرها رجعنا كعدنا وحسين وي ابو يفتر عافه السيد واجه يمنا يبتسم وداير وجهه عليه وهو يروح ويجي ديتعلم عليها اجه السيد يمنا

كعد وتنهد بفرح يباوعله خاله كالتله

خير ماسويت يبن امي وابوي.

جاوب

كون اعوضه هالسنين الطافت

تتعوض خوي والولد بعدو صغير عجينه تشكلها بيدينك

اي بالله بس مستغرب خوفو مني الا ليش استغرب وامو اخت غدار

استغفر الله خلك بابنك سيد عوفها وي ربها تتجازى

واهو هيج واهو هيج يابه شني طعمونا كيكات جايات

كمزت

هسه اجيب الجاي

حدري كعدي انتي صبي عصير علويه

صار

فرح- ميباوعلي بس مبتسم وهالشي يكفي انه مرتاح كاعدين شوي وكام السيد كال

كاصد المضيف عدي شقيلات عينكم على الولد

صار طلع وسد الباب رجعت يم خاله كعدت دنسولف جان شفت مرته طلعت

خاله خاله باعي طلعت

ماعليج لاتعاينين جنها ماموجوده

نصيت راسي تقربت تباوع مبتسمه بشماته كالت

هاي شصاير بالدنيا والعلويه كاصده الصبه خافن شافتلها زلمه النوب تريد تكرطه هههههه

فكيت حلكي صافنه خاله ولا جاوبتها شربت العصير وارتجت تباوع عالبطات يمشون بقت واكفه كالت

منوين انتي يبنيه

باوعتلها وباوعت لخاله. نصيت راسي كالت

كالو بغاديه شجابج لجاي وشامنج لاتامنين لهم تراهم غداره بابن عمهم اغدرو

بقيت منصيه خاله من ارتجت بينت بطنها دتكوم تطب وعبست وجهه بالم

خاله شبيج لزمت بطنها اشرتلي بعينها تخزرني وعضت شفتها وباوعت لام حسين وجهه تغير فكاجت عينها كلها

كالت بنتره

شني حببله

مجاوبتها خاله مشت وراها بعصبيه

ردي علي حبله انتي

اندارت خاله

يا شجاج اي حبله شتردين

همست فكت عيونها كلها

ياهو الخضاج ياهوو اوخوي ينام بالترب وانتي تعرسين صرخت ياهووو اللفكج دااحرك دنيتو لونو فلاح ممرمط وكسب فيج اجر و

ابتسمت خاله كالت

خذاني شيخ الزلم يالماتدرين ونايمه بالشمس انتي وامج خذاني شيخ الزلم ويسوه عشره من اوخوج ومنج وانه حبله بولد منو واوخوج مات ومرتو تزوجت بعد لا وازيدنج علم اطفالو تسجلو باسم التزوجت منو وروحي اسالي يل نايمه ورجليج بالشمس

امشينا فرحه امشي يمه

مشيت وره خاله بسرعه وهي تصيح

كراطه زلم وخاينه وماتكدر بله زلمه

صراخها عالي واجه السيد كبل يركض جرها من شيلتها وسحل للبيت ركض عليه حسين يضرب بي

هد امي هددامي بقينا صافنين خاله اعصابها ترجف وترددماجاي افرزن جا شون مااخلص. منهم جا شووون بيه  واوخوي اختلط دمو بدمها بطفل ااخ ربي انت علام الغيوب

طبينا وطب السيد فاحط عركان ويصيح ويعيط  اردها لخ الها الاجم وخاله تهدي بي

يخوي بعد وكت بس خله يتعلم عليك ضاك الوكت ما تضل وانه الاكلك ما تضل هني

سكت وكعد عالقنفه

ولزم راسه كال همس

اهو طالعني وانه اهبد فيها اخافن ماجان نافر مني هساع صار عشر قوط

مايخالف يتصلح كلشي اله وكتو ويتصلح

تعبان مامرشهر وانه احس روحي تعبان

تكضي خويه كول يا الله. هاي دواها الحكران لا تحاجيها النوب مو ليه

فرح-هز راسه باوعلي ونصه كال

طالع انه فوك ساعه زمن ارتاح واروحن اكضي شقلي 

جا خوش صعد وخاله كعدت بالكع تبجي لزمت راسها تون بهدوء

خاله فدوء محملتها اكثر من طاقتها والله

يايمه ماريدها ماابييييها اكرهه كره العمه ماابيها هني

خاله انتي جنتي تحجين وي اخوج

انه نفسي مامقتنعه نفسي ما قانعه بحجيي بس شاسوي اصبرو واربط  اعصابو وانه اعصابي منهاره

ااخ ربي

هدا البيت سككن وخاله نامت طلعت للنطبخ سويت سلطه صار يومين مماكل فاكهه. وضميتها بالثلاجه وكعدت اكل واتفرج عالتلفزيون ساعه هيج شي وسمعت صوت صياح وعياط كمزت من خرعتي ردت اطلع من المطبخ للطرمه والمح النار تقندل والعالم التمت وكلها تصيح سيد احتركتم سيد اطلعو منا من اباوع بيت حسيت محروك وامه واكفه صفح هي وحسين  وتلطم  وابو عوف طب ركض اني طبيت حجاب ماكو براسي

صاح من باب المطبخ

سيددددد علويه وينكم بويه سيدد

اسمع تلفون السيد يدك  فوك شوي ونزل السيد باوعلي بالممر ايدي على حلكي  كال

شكو في وينزل بثكل والتلفون بيده

سيدنار بالحديقه  والعالم ملتمه

كتله هيج ونزل ركض وابو عوف صاح

كال

جااك.  شكوش ابوعوف شلي صار

عمي احترك البيت على روس اهلك  الحك انه دزيت عالاطفائيه

صاح السيد

اابو عوف نزل الميزانيه الححك

والسيد ركض عالمنضومه طفاها ورجع جر حسين من ايد امه يبجي ويرجف طببه للبيت ويغسل بوجهه خاله طلعت عالصياح من الحمام

ثواني بس عبالك سنين بهوستها.  طفو البيت صار رماد وام حسين تبجي وتون والزلم ملتمه حتى ملابسه بوشي دفعها السيد لداخل البيت

وسد الباب خاله واكفه وهي العبايه على راسها خنكهاا بكل قوته خنكها صاح

تردددين تغجفضحييني مثل اهلج مالج رداد تردين مثل امج تمشي بين الزلم ماتهتتتم

انت مالك دخل فيني انه بيا حال جيت اشتعل انه ووبجليدي جيت اووجن وانت شامرنا ببيت شحالو. ومكعد غرب فبيت ابنننك

شدد خنكته زركت وخاله محجت ولا كالتله عوفها تخربطت واني كمت ابحي متت خوف يخوف من يخنك عيونه فتحهن حمر حيل وتستفز تبتسم وتحجي بهدوء  همزين حسين جان يم السمج بالصاله  طلع السيد والعالم طشو حسستها التفت خاله طبت للغرفه مالتها

عجييب امرها خاله لعد شمسويه بيها

حسستها وكعدتها بالمي كعدت عالكرسي بالمطبخ وتهفي شوي وجتي الكهرباء حسين طلع كعد يم امه اباوعلها لابسه مدلع جوه العباه ذبت عباتها وهي مربربه. ووجهه شعرضه. وجسمها سمين بس حلوه  زينه تباوعلي وتدير وجهه ترفع حاجبها  بغضب كالت

انتي مرتو

بقيت اباوعلها تذمرترخاله لتردين عليها

مجاوبتها

موووياج عروس الجن

ضحكت مدري شون وهي صارت اعصاب شمرت الملاص بالسنك تكسر بقيت صافنه عليها كتلها

فدوه الي لملمته وهي بقت ساكته بس والله تخوف طبيت يم خاله لكيتها نايمه طلعت يم حسون احجي ويا ميجاوبني لان امه ماعده يباوع لامه ويباوعلي ويشهك من الخرعه سوده عليه شو الام مدايره بال بس تباوع عالبيت  وترفع تك حاجب طب السيد وهي مفرعه

تستررري يمرره يالمالج ووقاارر

انه مريتك لساني على ذمتك كالتها وجرت عينها تستفز

ضحك السيد باوعلها

بويه لتلعبين باعصابي اسجنج واخض وليدي وانه مطلكج جدام  من خوالج

طلكه غضب ياليجسيد يالتفهم بالاصول

سكت السيد وجر نفس باوعلي كال

حضريلي لكمه باوعلها

حا شون صار  النار شون احترك الحوش

جرت نفس وكالت وتجر بعينه

اييه  حوش خايس وكهربائو معطبه  وطكت واشوفن النار وجت فيه

الا مجدده كهربائو وبفعل فاعل صارت النار

ماعرف انه بعد

كاللتها ودارت وجهه

نتر شوفي اكللج  اليوم الج منا لسبوع وتردين لذاك الحوش  بينما نكملو وتحرمين علي  واطلكج محكمه بعدواخلللص من عارج

جرت عينها معاجبها دارت وجهه عنه بقيت صافنه طبيت للغرفه خاله دتصلي باوعتلي همست

بعدها هني

اي خاله حجيتلها كلشي رجعت تبحي طب السيد للغرفه بعد مادكها ورديت تفضل  مسحت دموعها  وكعدت عدل كال

علويه من بعد اذنج الكبه المخزن حتكعد العمرب فيها لبينما ارمم البيت

خويه سوي التبي

يخوج لاتوجعين كلبي انه جاي امشي بمشورتج

اي خووويه جااي اكلك سوي التبببي انه رايحه لام عوف

لاهاذ اهو انه رادها الحين لاهلها

وكفت خاله

ووليدك

وليدي يضل ويطبها طوب ويطبو بعد

طلع كاللها كومي اوديج لاهلج كامت ولاحجت دقتني باستفزازها ديصعد حسين وياها صاح بي

لا انت ضل يم عماك

ونزل حسين فرفح بالكع موت روحه من البحي نزله ابو حجه وياه اباوعله من باب الطرمه يتوسل

اجيبلك. واجيبلك واديك واطلعك وهو فرفح فرك السيد  وجهه وحسين يكح مفرفح ويصيح يممه وهي كاعده كلشي محجت بالصدر مبتسمه بشماته اني من يمي فرفحت طلعت خاله صاحت

سيد خلها تبات اهو سبوع ان زاد يوم انه ماضل ببيتي

السيد نصه راسه انكسر حسيته شكد قهرني  خطيه حاير بزمانه من وره وحده حقيره والنربه من يضربها متبين انها متاذايه تستفز الشيطان  وعشيرته

اشرلها

نزلي بت الحرررام انزلي

ابتسمت بشماته وجرت عينها ونزلت تمشي بهدوء وتبتسم نتر

الكبه المخزن فوك لاكلج ويانا ولاشربج ولاانه من افوتن اشوفن وجههج مفهوووم

ايي قابل طرش صابني شفييك تصارخ اووه

صعدت وتباوع لخاله تبتسم خاله فركت وجهه وطبت طبيت وراها حسين صعد وي امه شوي ونزل  الغرفه المخزن قريبه عالغرفه مال سيد  وبصفها غرفه سيد حسين الله يرحمه  بيها جرابي ومنادر وكناتير المخزن كلشي بي غرفه جبيره  حسين اجه يمنا بالغرفه خاله غطت وجهه علساس دتنام واسمع جرت شهكتها اذتني وخفت عليها لل٢ هي تشهك وتبجي السيد صعد شوي ونزل بيده مفاتيح الغرفه باوعلي كال

تعالي

نعم تقربت جر نفس غمض عينه كال

شوفي بويه هاي مفتاح كبتي وهاي مفتاح كبه سيد حسين مايبقن مفتوحات للتالي

اوك

وام عوف ان اجت هاي مدوهنه ان كملت تنضيف انتي راقبيها واقفلي الباب وراها

لا ماخليها تصعد خوب اني انضفها وانزل هدومك

صفن بوجهي كال

اتعبج بويه

لا عادي اذا حاسبني  من هذا البيت 

انتي والعلويه ام البيت الباكي خطارو مفهوم

اي اوك

طالعيني حذرج منها تراها عكرب وانه اصلا هالسبوع ضال هني  بالحديقه عبال ما اكمل البيت واردها بكبرها

اوك

ديله بويه

حضرتلك تكل موكتلي

انسدت حتى نفسيتي

زين اكل فاكهه والله صارلك يومين مماكل

جان منصي عالمفاتيح رفع راسه فك عينه متعجب ابتسم كال

وانتي تعديلي

اي موموزين اذا متاكل

تخافين علي النوب

ابتسم وعيونه ضحكت

لعد منو النا بابا وبالسجن

ههه ليتو هني ويحل التعكد من اموري

يطلع انشاء الله

يله بويه طيني شعدج اكلو ماناقش النوب

اوك هه تعال اكل فاكهه

اجه ورايه طلعت الطاسه حسين طلع ورانا باوع ببطن الطاسه من ابو جان  ديغسل وابتعد من ابو اجه للميز ابتسم السيدةال

ها بويه تاكل تراه تفوتك

كال

لا ماني جوعان

باوعتله شاورته

لك اكل طيبه مثل المربى

تقرب باوعلي وباوعله فتح حلكه للسيد السيد خرب ضحك وكله اكله باوعله كال

اريد منو

السيدرد عليه

هاذ هواي بويه تعال شاركني

طيته خاشوكه وشاله ابوه وخلاه عالميز وكام ياكل وياه يباوع بعيونه يبتسم ويهز برجله  وحسين داس حبها  باوعلي السيد كال

العلويه وين

نامت تعبانه شوي

ااخ تعبها مني انه

سكتت نصيت حكيت راسي كال

روحي بويه نامي ماعليج مننا انه وحالسيد حسين نتفاصل موهيج سيد حسين باوعله وباوعلي خايف

عبد الله كال

نروح نشوف الناكه احنا وياك شتكول سيد

هز راسه

ابتسم ابوه وباس ايده وراسه هو جر روحه بخوف همس

مااضربك بويه مااذي الاحبهم انه

بقه يباوع بعيونه دمعت عيوني من يمي وطبيت للغرفه ملكيت خاله سمعت صوت بالحمام

خاله

كالت

فرحهه صيحي على السيد  الحكي

شكو خاله شبيج

يمه انه انززف صيحي اوخوي

------

يتبع

مريم السعدي

باجر ماكو بارت عطله

منطاني كلبي مانزل اليوم

ساره علي محسن

فرح- خاله نزفت وركض السيد عليها لحضات جنت اتصورها فلم رعب اختنكت حتى الدموع بعيني النفس انكطع واردد بس

ياربي ياربي

بالي اذا فقدت الطفل بابا شراح يصير بي اخر امل عده يروح اكثر شي فرحه يروح اخذها يركض واني صافنه صاح

فرررحه البسي وتعاي وياي

وخاله تبجي هزيت راسي بس ساكته لبست وطلعت وراهم طلعنا بالسياره خاله تبجي ولازمه بطنها والسيد يردد ايات قرانيه ويكطعها

لاتخافين يروح اوخوج انتي. لاتخافين

بس راح الطفل سيد

لاه لاه مافيه شي يخوج هدي هدي

بقيت ساكته وصلنا مستشفى هالمره مومجمع طبي وركضو اخذوها بالسيديه دقايق والدكتوره اجتي كانت معرفه السيد اخوها وطبت على خاله واني بس صافنه صوت السيد صار بصفي

فرحه لاتخافين

باوعت بعينه فاكه حلكي اختنكت بعدت البوشي من وكهي

نزله بيده

كمت اكح مدري شصار بيه لويه ببطني وخنكه اريد اجر النفس السيد انثبر الناس تروح وتجي تباوعلي منصيه واكح

وكف بصفي همس

امشي اوديج عالسياره امشينا بويه

هزيت راسي اخذني ويتلفت بس طبيت للسياره كعدت ليوره شلت البوشي جابلي مي شربت يله كدرت اتنفس التفت عليه

شبيج بويه هدي

يعني شنو عسه مات

لاه انشاء ماكو شي

لعد ليش طلع دم غير يعني مات من عده الدم

بقه صافن بوجهي يتامل ملامحي جر نفس وهمس

فرحه ليوين واصله بتعليمج

ثالث متوسط ناجحه كلتها وبلعت ريك عيونه تتامل ملامحي كال

خالتج تعبت اليوم حركت دمها العكربه. ونزفت مابهواي وهساع ينطوها مثبت وتكوم بسلامه انه سمعت نبضاتو

سيد تكذب عليه

لاه بالله مااكذب انه كاذب عليج فرد نوبه

غمضت عيني دك تلفونه رد دينزل من السياره

ها خويه اي بلي عطنياها

الو هله دكتوره لاه الحمد للله الحمد لله البركه فيج جا خوش يعني تضل ماشي ليوين تضل الباجر انه اجيلها ساعه سبع الصبح خلها عالمغذي بس رحمه لابوج عينج علي لاتهدينها ولو راح نتعبج اي والله ممنونج

فرح- صعد وارتجي غمض عينه كال

ارتاحي مافي شي عطوها مثبت نفس ماكتلج

خلي ابات يمها

لابويه لا هاي الدمتوره كوه خلوها تفوت قاووش كلو نساوين تلد مايدخلون احد

سكتت التفت عليه ابتسم كال

لساتها الخوفه بيج صفكج ابو فاضل احاجيج صرتي ماتردين هلكد تحبينها

خاله الوحيده الشفت منها حنان دون مقابل والشي الوحيد الصبرني عالعيشه هنا

هلكد ماذيتج عيشتنا

صعبه على البغداديه

حضريه ماترهم عد البدو بس ابوج رهم

باوعلي عاكد حاجبه كال

تردين تردين لولايتج فرحه

اتمنى

وتهدينا وترحين

صفنت بعينه ضيق نضره وعض اصبعه كال

وانه الكلت صارت بنيتنا

بقيت ساكته جر نفس ورحه راسه عالتجوه وعيونه بعيوني بالمرايه عيونه حزينه وتعتب وعبالك. مليانه ندم واني عيوني تاملت الشامه الجوه عينه شفت الريشه مال شاهين مسويها مداليه معلكه بالمرايه تذكرت كتله

سيد والله مو اني الاذيت الشاهين

عكد حاجبه ودار وجهه صفح شغل السياره وطلعنا

عرفت مصدكني وحلفت ماجيب سيره الموضوع ابد وصلنا للبيت وطبيت طب ورايه كال

تنامين

باوعتله ودرت وجهي هزيت راسي اي كال

اجل انه بالحديقه.

اوك

طبيت باوعت لدم الحمام مدري شصار بيه

حبيبي جلب بالدنيا لخاطري ماريد ابقى وحدي اريد تسندني من اكبر مثلما بابا سند بيبي فرحه لبابا لتموت تحمل مثلي

غمضت عيني اليوم جان متعب كلش للصبح حسيت خاله ديفوتها السيد للغرفه باوعلي وتوني كاعده متغطايه وشعري مفلول خاله على كتفه مسنوده وعيونه عليه نيمها وكمت حضنتها باوعتلي تبتسم

اخوج سبع مثلج

خاله ماخليج بعد تتحركين

واهو هيج منعوني من كل حركه اتحركها

هزيت راسي طلع السيد والتفت

ححدري حضري ريوك الها عجل بس شايله اخوج وتعباها

هسه من عيوني. حضرت الريوك وتفننت سمعت حمحمته ورايه. كال بصوت ناصي

اساعدييج

لا شكرا كملت

جايج وين

هياتو كلتها ورفعت حواجبي اضحك مستغربه روحي شكلت

ضحكت من كلبه

ههههههاي صارت مننا وفينا

هاي صدك كلت هيج

ديله عيني. شكلتي قابل

يحجي وايدي بجيوبه مال دشداشه تقرب خله القوري عالطباخ ورفع ايده كال

ام عوف خبزاتها صايرات ماصخه مدري شفيها

تعبانه خطيه

اييه العمر الو حوبه

اي

كملنا كلشي ورحت ركض اصيح خاله اجتي على كيفها بالمطبخ اكلت وتتالم رجعت للغرفه تمددت ولزمت بطنها اجه وراها السيد كال

علويه لاتطلعين بعد ضلج هني وانه اجيبلج الشاشه اعلكها كبالج لحتى تكلبين على كيف كيفج

والله وكت بريسم ام الشغل والخبز والنوك تاليها تكعد بالفراش ليل نهار طكت رويحتي

فرح-لاخاله عفيه لتكولين هيج فدوه لعينج هسه تجيبين وتخلصين اني اونسج

عاد فروحه تونس الهوه بعد شتردين

فرح- هو كال هيج لو كلبي ساح باوعتله ابتسم خدودي احس نار تطلع منها خاله شالت ايدها تاشرلي اجي يمها رحت حضنتني باوعت للسي ابتسم وجر نفس كال

انه اترخص لوني صرت شيلمانه

فرح- طلع السيد واني كمت نضفت البيت حسين نزل ويلغي وراح لعب بالسياره ورد رجع يصيح

ولج هم باضت الجاجه

اييييي شسويلهاااا ----طبيعتي من اشتغل امد بوزي. مو بيدي اعصب اشتغل باعصابي وهذا ياكل بالكلب ركبت وطبت ام عوف حايبه الخبز خطيه وشاويه دجاجتيت صغار بالتنور شنو من شفتها كمت اكمز وراسن جعت كالت

ساوي تمن احممر لو براني

براني شنو

اوهوو شعرفني شتسامونه اهل بغداد

شنو مكوناته امرعوف واني اكولج

يمه شعيريه وبتيته وبزاليا وبصل

ها برياني خاله

اييي خبصتينا تعوجين بشفافج وتحجين

هو اني الدااعوج

هااا عجل انه ام لسيين

ااالعفو خاله شسوي صايبني شرجي

دهر صابج كووون فكي عينج يالفطيره تحجي وتاشر ليفوك

عكدت حاجبي شبيج خاله

فكي عينج لا تنشمرين بره ديري بالج

سكتت ونصيت عالطباخ اشغله وخليت الجدر سويت البرياني واروح احي الكم بالدجاج ياللله شكد طيب بالتنور سوده عليه خاله شكد جانت تشوي من بابا موجود كملت الطبخ طبيت لخاله طيتها العصير شربته وعيونها منفخه مال نوم

خاله شدينطوج حشيشه

بيش ساعه يوم

بال٣ معوده حتى صلاه مصليتي هذا اخويه الراح يجي اذا مطلع مسقط وشراب وابو نسوان والله ميعرفه اني مو بت ياسين

له له له ليش هالشكل فرحه ادعيله بالهدايه

لج خاله بعده مجاي ادعيله بالهدايه. مدري منو المحشش بينا خاله كومي صلي علويه

سمعت ضحكه ورايه عرفتها من رنتها مخلي اصابعهالابهام والسبابه بعيونه ويضحك ويمسح بدموعه

خجلت نصيت كال

ناسيه صلاتها مو فرحه

ابتسمت منصيه كال

والله انج ضحكتيني ضحكه من سنين ماضاحكها نعل رباطج

دباوعلها سيد كاضيتها نوم وحتى الله ناسيته

كامت خاله دايخه باوعت للسيد كتله تفضل

رجع ضحك سندها بيده. جسمه ينهز من الضحك مال بجسمه واشرلي يسب باصابعه بله صوت ابتسمت بخجل وكف عدل وكح جر نفس كال

شون وياج فرحه تاليها شني فهمينا

شنو شكو شمسويه

لاهاذ اهو يله بويه غدونا اكوش غدا لا

اي اكو كال

اجل اتسبح وارد انزل ياله علويه ماتطولين طلع وسد الباب

نضراته عاديه جانت بس من ضحكته مدري شصار بيه. حسيت روحي غيرت بنضام الكون خليت الجو الطف طلعت حضرت الزلاطه والخضره الجابها ابو عوف وخليت الخبز وصبيت الاكل نزل السيد شوي وطلعت خاله. دناكل باوعلي كال

حسين اكل

ها مادري منزلو

صفن ونصه راسه ياكل رجع كال

ماتطلعين شوي المواجيل

اوك كمت شلت نص دجاجه وصبيت تمن وخبز وطرشي وهالسوالف وخليتها بالفرن يراقبني هز راسه برضا وكعد ياكل للعصر منزل حسين بعد ضل باله السيد صاح من جوه الدرج

حسين بويه وينااك

مد راسه حسين ساكت

ويناك بويه ماكليت

ماابي

ليش

امي وجعانه

فرح- باوعت مستغربه السيد غمض عينه وجر نفس كال

ماعليك بويه تعال حدري تعال تغده لحتى تطلع وياي النبعه واواديك للبير ماردت تشوفو امس

بير البر

اها بير البر ها شكلت

اي جايك بس البس مداسي

يله بويه يله

التفت جنت اراقبه من رافع راسه شعرها نزل لعلباته التقت عيوننا ابتسم تك خد همس

شفيج فرحه

ها لا نصيت راسي كال

غترتي وينها في

بالمطبخ

طلع مبتسم نصه راسه ويمشي اخذها ووكف كدام المرايه واني مثل السطل اباوعله رفع راسه بشموخ ولف غترته مثل البرم على كصته ومن وره شمرها عدل لحيته وشاربه ودار عينه عليه يبتسم لازم حنكه

فزيت نصيت راسي همس ويباوع على باب غرفه خاله

فرحه تبين شي مني عليش اهيج تطالعين

هزيت راسي بالرفض واني ساكته ومنصيه ركضت لغرفه خاله وسديت الباب وارتجيت بيها غمضت دكه كلبي حيرتني عيوني الحفضت كل تفصيل منهه ضربه حاجبه شك اللي بركبته شامه اذنه حاجبه المغضب وعيونه وكثافه رمشه. حتى -- حتى شفافه. بلعت ريك واني اتذكر منضرها اسنانه مصفطه ومن يبتسم جبل وابتسم

هيبته وشموخه تشبه سلاح الللي بخصره صدره اللي من يغضب يرتفع اكثر من الارتفاع اللي هو بي كتافه وزنده العريض ليش هييج حفضتتك صمممم اي شنو. انت لشوكت حضل هيج شبيه تخبببلت كمت اضرب على كصتي كعدت عالجربايه صدك والتفت الكه خاله صافنه عليه واني عبالي نايمه والله جانت مغمضه غطيت وجهي بخجل اشرتلي تعاي تقربت ومدري ليش بحيت مدري من الفشله مدري جيف فضحتني عبالك عرفت كلشي

الحلو بالموضوع حضنتني لاسالتني شبيج ولاكالتلي منو وياج بقيت ساكته وتمسد على راسي غفيت براحه كعدت وره شوي تذمرت غرفته ممنضفتها كمت واخذت المفتاح خاله سالت وين

انضف غرفه السيد

يمه لا تتعبين حالج

خاله اذابقيت كاعده مانام بالليل خليني اشتغل

براحتج

صعدت كبل وطبيت وسديت الباب اشيل قطعه قطعه من هدومه واشمها بعمق واغمض عنبر عنبر على خاله يربي. نضفتها بالمكنسه الكهربائيه وعلكت هدومه بكنتوره والخاولي دااعلكه بالزوايه واتذكرت اول مره خرب حضي شون لكفني شون موقف رجع دك كلبي

مسح الاخشاب لكيت محبس ذهب جبير رجعته بقوطيه زركه جانت يمه وطببته بيها وخليته بمكانه كامرته علكتها بمكانها دااخلي هدومه الداخليه النضيفه بالمجر فتحت المجر الغلط لكيت صفطه فلوس بيها حمر يمكن ٩ وحدات صفطات سديت المجر مكستها نضفت الحمام ورجعت كلشي بمكانه دااطلع باوعت بفراشه تقربت من مخدته نصيت شميتها ورجعت كعدت ليش هيج داسوي

فتحت الباب قفلتها لكيت ام حسين كدامي دتنزل من الدرج باوعتلي كصتني من فوك ليجوه ودارت وجهه اخذت المفتاح من الباب

كل غرفه بيها نسختين معلكه بدائره مفتاح وحده كل غرفه مفتاحها معلك بيها باب غرفه المخزن هم نفس الشي والبيبان تتشابه والقفاله تختلف بشي بسيط نفس اللون ونفس النوع بس اكيد كلمن يفتح قفله هلكد ماخفت تتخابط المفاتيح مال غرفته وي باقي الغرف ضميتها جوه مخدتي نزلت للمطبخ لكيت ام حسين دتاكل ولابسه دشداشه مدلعه ورافع نصها بالداخلي رجلها طالعه صح بيضه بس مليانه دوالي تخوف مشيت من يمها كالت

فرحه. انتي شكد عمرج التفتت لعبت نفسي حلمها مدهن ومليان وتحجي درت وجهي مجاوبت لبست الصايه المعلكه والحجاب وطلعت داسد الباب كالت

كون طرش يطرشج

طلعت طيت اكل للدجاج دقايق وتذكرت خاله عزه خاف تفوتلها طبيت رمض شفتها مموجوده كلبي وكف بقيت ادور لكيتها بالحمام تغسل كعدت على قنفه الهول اجر نفس والله نشف دمي خوف على خاله

رجعت صعدت وعافت العضام واللعبان نفس مالتها داالملم واسمع عالدرج تتجشا. بصوت عالي ايع لعبت نفسي شنو هاي لملمت الهوسه وادردم. نضفتها وكعدت كالبه خلقتي رجعت كمت سويت فاكهه وعصير لخ لخاله مال عنب لان دمها نازل دااشتغل وطب حسين

يحجي ويعلق وياشر

بس انه ما تركتو كضبتو زين

عفيه بابن ابوك سباعي

بس اهو ضربني وانه بعد اذيتو وتباوكنا

ههههه سبع سبع سيد حسين

انت صاورتني لمن كضبته،اي جااا شون والباجر اشوفو الك

جا خوش

والتفت عليه صاح

ول فرحه ماطالعتيني لمن كضبت الحولي خليته يطارد

ابتسمت نصيت عليه كمز حضنني شلته نتر ابوه بيه

اكعد بويه انزل عيب انت زلمه والزلمه مايتشبث بمره

لاه بس هاذي فرحه

وفرحه مامره

التفت عليه حسين عاكد حاحبه كال

فرحه انتي مره

شتكول بله سيد حسين

ضحك السيد من كلبه

ههههههاي شاك بيها شني ههههاي

نزلته لحسين وضربته جلاق كال

هاااه ياهو البده

انت

كال

مالعبج معاي الباجر

لا والله ملاازم شوف منو يخليك تطب لقفص الدجاج

انه افوتن

ماخليك المفتاح عدي

اخذه منو

وباوع لابو ابو ابتسم كعد مكنبص اشرله

تعال بله صوت تقرب بخجل منه ويباوعلي ويباوعله

شنو التريده يبوك

افوتن للجاج

مايخالف باجروياها. تفوت عبن الجاج الها هو. وفروخو

بس اهو بيتك

وبيتها بعد

بس انت زلمه البيت

وانت بعد

اجل تعطيني المفتاح

ينعل شيب الخلفك ومد ايده ببطن جيبه كال

هاك انت وياها المسوولين عنها

فرح- فكيت خلكي صافنه واضحك يعني شنوو هلكدوتك قنعت ابوك

اهو ابوي لو اوبوج

جاوبه السيد يبتسم

اوبوك سيد اوبوك

عجل يعطيني لي ومايعطيج والجاج منا وغاد انه اداري واطعمو

ابتسمت دمعت عيني السيد صافن عليه يبتسم همس

ماتداري اوبوك بعد

صفن عليه كال

اجيبلك مداسك وسلاحك بعد

لابويه لاه بس اسمعها منك

نصه حسين وكانما يعرف لان كم مره كالها اله جاوب

ماعرف اكولها

اعلمك حضنه على كعدته مكنبص صار بطول السيد حسين لزم وجهه للسيد ويباوع بعينه السيد غابت ملامح الابتسامه دمعت عينه باسها من راسه وشاله ووكف كال

تنام عدي الليله بكبتي

واخلي امي تنام ببحدها تستوحش

بطل بطل سيد يباري حرمو

اريدن اشوفن اني

روح بويه روح

نزله ديصعد فوك وكف كال

ماخضيت قراضي من سيارتك نسيتها

امشي نجيبها جابوها ورجعو يحجون تقرب مني حسين والعلاكه بيده بطوله كال

اخضي منها اللي تبينه

ابتسمت مديت ايدي اخذت جبس وكرزات كال

بعد اخضي كوم عدي جابلي والتفت على ابوه وسكت

ابوه بس صافن عليه مبتسم بيده سبحته مشه حسين وبيده العلاكه كال

العمه ماكلت

مزين عليها بويه مزين

احل اصعد لامي

روح تصبح على عافيه بويه

سكت حسين وصل اخر درجه كال

بويه

السيد غابت ضحكته ومشع سريع وكف جوه الدرج مشيت ميلت راسي اباوعله رافع راسه يباوع

كول بويه

انه اردن ارافجك للبر الباجر

اي بريه يحرالك خوفي لاتمل بس ترابه وحر

الاه ماملن

هاذ اهو اوعيك الصبح عجل

جاخوش

وكمل الدرج السيد كعد ميدري بيه اباوعله كعد على اول درجه ولزم راسه فرك وجهه بغترته ويحجي وي روحه باوع للباب اللي بصف الدرج وكف فتح باب غرفه خاله طبلها وسد الباب وراه

كعدت بالمطبخ وحدي

شديحس الله يساعده من يمي اختنكت شصار بي من كله بويه وجهه تغير ولهفته خطيه سبقته الله يعين كلبه

طلع السيد وكبل صعد فوك سمعت قفل الباب مال غرفته طبيت نمت بالغرفه للفجر حسيت طلعت ردت اروح للنوك شفت ام عوف دتحط الخبز بالمجمده كالت

رجعي يوم رجعي انه رايحه

اوك رجعت نمت تعبانه كعدت الصبح ب٧ طلعت شفت ام حسين دتتريك وي حسين والسيد كاعد بالهول بيده الموبايل

طبيت للهول

هلاو

هله يابه صباح العافيه

صباح النور تريكت

لاه هناك اتريك معزوم شلي وعاج

هاهي شبعت نوم

خالتج ماوعت

كعدت صلت ورجعت نامت

جا خوش ياله مامحتاجه شي

لا حتاخذ حسوني

بلي اهو. الطلب

حضوج وحدي برطمت شفتي التفتت شفته صافن عليه كال

ديري بالج على خالتج ولاتطلعين للخديقه العماله تشتغل حتى وره البيت لاتوصلين

اوك

وهاي انتبهي منها اليومراغيبن اربع ساعات لو خمس انتبهيمنها

لالا اعرف

حجيتها وعيني عالباب الجام الفاصل بين المطبخ والهول كال

وو هاي المربى. تعيش الايدين الساوتها كليتها البارح كلها

ابتسمت روحي وردتلي

صدددك بالعافيه

عافاج الله يابه بويه رايح ماوصيج بعد

لا اوك الله وياك

طلع السيد وحسين وراه وامه توصي بيب

لا تضوج ابوك يمه. لا تتعبو اسمع الجلمه عينو لابوك. واسندو انت وحيدو

بقيت صافنه فاكه حلكي شنو الفلم سبحان مغير الاحوال----

جدا اعتذر عالتاخير توني طبيت لابيت ونت ماعدي بالمذخر اتمنى تتفهموني وساعه الى ساعه ونص ينزل بارت لخ كبطاقه اعتذار شوني وياكم

راح تنصدمون بالاحداث

تابعونا

فرح- طلع السيد وي ابنه سديت الباب التفتت شفتها صعدت فوك لميت الهوسه وطبيت خاله نتجايمه وكت علاحها كعدتها شربت الدوه ورجعت نامت كالت

ماما نامي

اي خاله هسه اجي

طلعت كملت شغلي والغده مال بارحه البقه لان ام عوف جابت غده واني السويته ضميته. نضفت عالخفيف واسمع صوت العماله بره يحجون

بوبه لازمه نهده للكاع تضعضع من النار

ابو عوف رد عليهم

بس رممو ماترهم

للتالي ماترهم

اجل اسال السيد واردلكم خبر

شلت هم شكبره صعدت فوك والمفتاح بيدي فتحت الباب وطبيت نضفت غرفته ولميت الهدوم الوصخه وغسلت الحمام طلعت شفت باب الغرفه مالتها انطبكت توها قفلت الباب واخذت المفتاح ونزلت طبيت كملت نومتي لل١١ يله كعدنا خاله جانت بالحمام طلعت حضرت الريوك وطلعت تريكت سولفت شوي ورجعت تخاف تتلاكه وي العكربه طبيت يمها نسولف ونباوع التلفزيون عالمسلسلات كالت

يمه فرحه هاي مانزلت

لاخاله شعلينا هااا

لا شعليه عساها مانزلت تكسرت كون عالدرج

يابه طكيت من الضحك للعصر احنا بالغرفه تريكنا متاخرين طلت ام عوف للغرفه كالت

جا شني نفففس خما نفسسس كتلتونييي

شبيج خاله

يمه دكومي شوفي البيت هدو للجعب شوفي الوادم شساووت جا شني علويه صدييك جذذيب

وكفت خاله

شكو يابيت

يااع ماجايه تسمعين الحباله طورشتج همات البيت هدوووو للجعب علوووويه

خاله مشت سريع واني وراها وخرت البرده وخلت ايدها على حلكها وكعدت عالكرسي همست

الوش هيج

بويه النار مضعضعتو بس بس زاكطو في مال وتهدم

نصت حاله وتردد

لاحول ولاقوه الا بالله تاليها ليويين

تاليها تركبكم بنت اللذين وانتي انتي يالمصكوووعه شني شقلللج هنيي يالفاهيه فتيتي كلبي

بقيت صافنه عليها

شبيج خاله شكووو كلسا منداره عليه

و لجج اوووف ينار كلبي

طبت خاله بالغرفه باوعت لام عوف

خاله ام عوف فدوه لكلبج والله خاله مبيها حيل

تقربت مني وذبت عبايتها بقوه خزرتني  عيونها تخوف كالت

تهمس ونتره وجهه صار احمر

ولج يغبره هاي جم يوم وتشردج فزعانه بره هالحوش ماتعرفيها هايشني يمصكوعه العين

بقيت صافنه خاله يعني شسويلها شعليه منها ليش انطرد كالت وجرت حسره حجت بهدوء

يبمه جري رجلج لعندك  هذا حكج خلي يشوفج دنيتو مو تسيطر عليه بحجه ابنو ييمه سمعي الجلمه صيري سنعه لهلوب

سكتت ونصيت راسي بس هو مامني كافلني مورجلي

بله اش بله عبالج ماشوفن عيونو شون تدحجلج بله شو سكتي وانتي بعد مالج غيرو خليها ببالج مارد اوجع  كلبج  بس اليدخل السجن  موبد مايطلع بعد  اخذي رجلج لعندج وصيري انتي ام البيت وخليها تموت وتطلع منا شارده

بقيت ساكته

ام عوف لبسي عبايتج وطفري وتدردم  بنتره خلت الخاثر بالثلاجه وطلعت التفتت نترت

ماوصيج ول فررحه

هزيت راسي بهدوء طلعت كعدت وايدي على راسي شسويلها يعني هي  بعالمها واني بعالمي هو ميريدها  يكرهه وخاله متخلي تحد ياذيني

وتذمرت من ضربني غمضت عيني

لالا متصير بعد اعتذر مني كمت طبيت يم خاله شوي واجه السيد تغدينا وي ابنه

الايام تكضي سريعه كمت اكثر الوقت السيد بالبر وي ابنه واني وي خاله مرته ابد منشوفها الا نادرا نوبات اشوفها تسوي لفات وتصعد نوبات تنزل تصب غده بس لبسها كلش فاضح  وماخذه راحتها وتتقصد من يجي السيد تنزل مع العلم ابد متتلزك بي تباوعله بشموخ وهو مو يمها ايام السيد مو يمي ابد كلش ملتهي وي حسوني وحسوني ترس دنيته  من يصيح بويه راسن يرد

امر يروح ابوك

نفس الوكت حسوني حباب مو متطلب هواي طلباته بسيطه   وبقيت يوميه انضف غرفه السيد.  

وطول بناء البيت لاخاله الفتحت موضوع وي اخوها ولاهو الفتح  هي ملتهيه بعلتها وهو بحسين والبناء والبر رغم مايوميهدبليل نتشاوف اسويله فاكهه لو عشاه نوبات نضراته تراقبني وين ماروح وارجع ونوبات لا صافن  بشغله والحسابات والمعمل

حديثنا صار كلش قليل متفاوتين بوكت اكلنا لان عمل البر لل٥ يله يرجع. واني مستمر انضف غرفته واحضرله كلشي يريد بدون ميطلب

مر شهر والبيت مخلص موعد زياره بابا باجر

خطيه خاله من الصبح حضرت اشكال الوان حسيت على ريحه المعجنات والكيك والاكل  كمت وياها اساعدها واكفين والسيد بعده مراجع من الشغل اليوم حسين مراح كابلني وكعد يحجيلي عالبر والنوك والتدريب والاماكن الراحولها  واني استمعله جان تنزل العكربه خاله دتخلي الحريمه عالكيك وكفت مرفعت راسها وباوعتلها ابد بقت بس جامده تباوع للكيكه

كالت

هاي شصاير شني ميلاد عرس ها يبريسم. حتعرسين عجل وينو زلمتج

خاله  مردت عليها  بقت ساكته كملت شغلت خلتها بعلب التدزها بيد السيد باوعت لمرته لابسه شبه اتك فكيت حلكي صدك جذب طب السيد صاح

يا الله

وفات راسن مرته كالت

كوم حسون كوم لاوبوك بوس ايدو كولو الكوه يابا

خاله باوعت بطرف عينها حسين نفذ بحب والسيد كلبه صار هلكبره شاله وبوس بيه تقرب على خاله باسها من راسها

ها علويه شلوننا اليوم

زينه خوي الحمد لله لاتشغل بالاك

جاشون ماشغل بالي  وانتي ساكنتو. وانتي شحالج  فرحه

ابتسمت زينه الحمد لله

يابه شني مامش غده 

لالا سويت وام عوف جابت اكل بالفخاريه كالت بتنور سويته

ها ديله نجبي فرحه لون ابدل وانزل ناجل سوه. ها علويه لخو اكلتي

لا خوي ماكليت تانيتك اليوم

جا زين جن تاننتني امي  يله حسون كليت انت

اي بويه كليت وي امي بس ارد اكل واياك عبن الاجل  جثير طيب اليوم

هاه هههههه بالعافيه بويه

فرح- بقيت صافنه عليهم شون حلوين صعد فوك السيد شوي وصعدت مرته نوبات اشك او شي بينهم يصير بالليل  وارجع واكول لا السيد يتخبل منها خاله ذاك اليوم سطرتني من كالت

كثر مامحروم من مره. يلكاها سله زبل جدام منو واهي تلبس وتتمسكن لويش مايروح لحلالو ولنه ناسي الصار اوخوي كلبو فطير وانه اعرفو

شوي ونزل تغدينا سوه جان مرتاح الفهمته اخر شي انه هالشهر كله اجازه من البر حتى يكمل البيت ديخلص يحجي واني صافنه عليه.  ماعرف ليش هلكد مشتاقتله صار هواي مماكلين سوه وسامعته يحجي  بقيت اباوع بعيونه ديحجي وابتسم وعيونه على خاله عكدت حاحبي ليش مبتسم كمل كلام خاله كامت ودار وجهه عليه قرب وجهه وعيونه على خاله الضهرها علينه وتغسل ايدها همس وعيونه بعيوني

ماكليتي شي

هاه لا دادااكل ونصيت على ماعوني اكل راحت خاله للغرفه. سمعته جر نفس رفعت راسي مخلي اصابعه جوه خده صافن عليه مبتسم

شبيك كلتها وامسح بشفتي بالكنينس كال

مافيني اجل فد انتي تقرين بوجهي

خجلت واحس وجهي صار دم

لويش تطالعين هالكثر شمضيعه فوجهي

للا ماباوع

ها ه يعني انه اتوهم

لا العفو موقصدي

اجل شني كليلي

بقيت صافنه بوجهه نزل اصبعه وارتجى عالحايط وعيونه عليه يباوع بعتب

ااصبلك جاي

تنهد كال

ماابي

اوك كمت لميت الغراض حسين طب كال،فرحه غسلي ايدي تطينت

تعال شلته وغسلتله عالسنكونزلته

رفعت راسي شفت السيدمميل راسه ويباوعلي عدلت هدومي وشعري ووكفت غسلت المواعين كلسا اندار الكاه يباوعلي  نفس النضره مميل راسه ومرتجي عالحايط صبيت الجاي خليته يمه تقربت رفع عينه بعيني ينتقل ببوبو عينه من عين لعين بهدوء  همس صوته مبحوح

مشكوره

هزيت راسي وانهزمت للغرفه  واباوع لروحي اشوف ششاف بيه وهيج نضره تامل نضرها الي دشداشتي قديفه صحراوي مبينه معالم جسمي وانحناءه خصري من فوك بيها ضيق مرتبه عدلت شعري  رفعته عالي ورجعت فليته تذكرت نضرته من جان شعري محلول غمضت عيني

يربي شيله من راسي تعبت  تمددت خاله دتقره قران جانت دااتفرج مسلسل تركي تقربت من خاله بست بطنها اللي بس تتحرك وصلنا لنص الخامس بعد ٣ شهور تجيب كون الوكت يطير مسدت على. شعري وتقره قران

رجعت اتفرج منصيته كله حركات البطله وي البطل خلت كلبي يدك لليل خاله نامت طلعت سويت فاكهه وحليب الي  عرفت حسين وي ابو صعدت فوك ارتب الغرفه مابيها شي بس احب ريحته لميت هدومه الوصخه وكويت  النضيفه  علكتها وسمعت صعدت الدرج بهدوء عرفت اجه ارتبكت عزه اني شصعدني داافتح الباب على كيفي شفته بيده حسين على كتفه نايم  والعكربه فتحت الباب شبه لابسه دشداشه صدرها كله مخرم طب السيد باوعتلي تبتسم وسدت الباب فكيت عيني السيد مشافني بقه جوه بالغرفه ردت اتخبل نزلت ركض كلبي راد يوكف المفتاح بيدي كدما ضغطت انطبع بكف ايدي بقيت باخر درجه سمعت فتح الباب همس

لو بيج دخلت الجنه انه ماابيها ادخل برجلي جهنم  وسمعت فتحه باب غرفته

غمضت عيني ورخت كل اعصابي ارتاحيت هواي غطيت وجهي بيدي وكلام ام عرف يدك براسي هالمره رفض مره لخ يقبل بقيت كاعده بالهول وكلشي بيننا صار كل كلمه وهمسه تذكرتها والكه روحي اسيره

هو هذا الحب اكيد هاي خربطه دكات الكلب اليكولون عنها  هذا الاحساس الحلو الموحلو نفس الوكت سمعت فكه باب غرفته بقيت اتصنط سمعت حمحمته ونزلته رحعت ركض لمكاني عدلت الكوشه رحعت كمت كعدت بالقنفه اللخ عساس اني كاعده عادي زين ليش كاعده حتى معالمه تلفزيون كمت مره لخ عساس دارتب  الجراجف مال قنفات والجراجف مال طبلات سمعته

ها فرحه واعيه

اي هه هلو

هلا ياب ها وينها منجاستج

اي هسه ركضت للثلاجه طلعتها خليتها عالميز وكلاص مي بارد والخبزه الحاره والزبد بقه واكف مبتسم يباوع لحركاتي كال

اي والله رحمه الله والديج

شكرا

لا بريه يكلون ووالديك

ها اي نسيت

نصه دياكل باوعلي

يله وياي

ها لا شبعانه اكلت بالعشا

العلويه شونها

زينه

حضرت قراض  اوبوج

يحجي ويباوع عالاكل

ااي حضرت كلشي

جا خوش  الباجر اخليج تحاجينه انتي وياها وتشوفو بعد

صددك تقربت منه واكفه وهو كاعد ياكل لكمه بحلكه صفح صايره ابتسم وهز راسه ونصه ابتعدت وكعدت كدامه اباوعله من ياكل ابتسم ومنصي عالاكل

حسيت بروحي كمت رجعت للهول التفت باوعلي صفح مبتسم كال

حدري هني عليش انهزمتي

كمت رجعت بمكاني ياكل ويباوعلي واني صافنه تخيلت روحي وياه احضنه وو-- ومادري شنو بعد تذكرت لقطات المسلسلات المحذوفه اللي اني اعرف شنو اكو وكت الحذف شفافه لمعت من العسل وابتسامته المتفاركه. وتخيلت روحي

ابوسه وهو  يبوسني شيصير بي يمكن اموت  وهو هم هوو فليت شعري عينه من يباوعلي عبالك حيبجي موعاد ابوسه فركت وجهي ونصيت همس

شبيج بويه مامحتاجه شي

ابتسم هزيت راسي لا

انهراعرف فيج محتضره لون ماتطلعين بسبة العماله بس شاسوي

هزيت راسي اي كال

ام حوار ولدت البارح

جوذذب

هاه هه كاذب عليج قبل ول. فرحه يمتى تعرفين تحجين

اكول العفو العفو غمضت عيني ورجعت رفعت راسي فحل لو نثيه

لا لله الحمد نثيه

الله صارو اربعه ٢ فحل ٢ بنات

ايه ههه  يوم لخالتج

اي ياربي

تكضي وتصير سوالف بس كون بسلامه

اي والله

كمل وكام غسل باوعلي

روحي نامي فرحه وانهزبعد رايح انام براي شقل باجر اخر يوم اروحن البر الحمد لله كلهن انباعن

الحمد لله وكفت وهووسعد بقيت واكفه بباب الغرفه وايدي عاليده التفت باوعلي ابتسم

تبين شي

جج هزيت راسي برفض ابتسم

تصبحين على عافيه فوحه

وانت من اهله

طبيت للغرفه بقيت الاب مفتوحه بقيت اتصنت سمعت فتح باب غرفته ورجع سدها ورجع فتحها  كلت راحلها هاي هي  صعدت فوك على اطراف  رجلي  اباوع من زرف باب غرفتها ماكو  ضلمه  بقيت اباوع والنار تاكل بيه بجيت مدري شصار بحالي بقيت على نصيتي انفتحت الباب مال غرفه الكدامها غرفه سيد حسين وطبيت بنص هدومي بقه صافن عاكد حاجبه همس

شتساوين عدج عليج تترقبين 

هاه لالا مسحت دموعي فشله وقهر امدايه عبالي يمها ابتسم رخت اعصابه همس

تعاي وراي

مشيت وراه واباوع لباب غرفتها طب لغرفته وسد الباب الضوه مطفي شغله باوعلي واني وامسح بدموعي همس

عليش صعدتي فرحه

هيج هزيت راسي برفض وامسح بعيوني جلبت الدمعه مدتنكطع وحده وره اللخ

اقترب مني كال

حسبالج انه عدها

نصيت راسي كلش للكع كال

ردي علي من احاجيج

لاشعليه اني وشهكت مسحت  دموعي  همس

فوتي الحمام غسلي وجهج خلي افهمج وعكب نزلي بطيتي على خالتج

هزيت راسي

طبيت غسلت وجهي  ونشفت بخاوليه  وطلعت  وجهي صار احمر كال مبتسم

حدري لشو

تقربت كال

بويه منيش خايفه شجاج

هيج لا والله مخايفه احجي وماباوع بعينه كال

اجل لاتعيدينها

اوك

يله تصبحين على خير

وانت من اهله طلعت وسديت الباب بقيت واكفه وره الباب لا زم اتجرا هاي عكربه  لازم اخذ عقله وكلبه. ماعدي غير مكان ماعدي غير بيت  واني احبه مدااكدر رجعت فتحت الباب جان توه دينزع فانيلته فز

وكال

ينعلك يبليس طركتيني شجاج اليوم ماتكليلي  نزل فانيلته تقربت منه بقه صافن عاكد حاحبه تقربت اكثر حنجلت رجلي وكفت على اطراف اصابعي وتقربت اكثر ابتعد بلع ريك عاكد حاحبه صافن بوجهي الميز الصغير وراه  رجعت تقدمت منه  ماكو.  بيننا مسافه رفعت نفسي كلش حتى اوصل لوجهه ولشفته تحديدا بقه جامد

همس

شفيج شني اللي تبينه

قربت وجهي منه شفافي طخت بشفافه شنو نار شنو دفو انفاسه انتهيت كال وصوته مرتبك بس لازم روحه ومتزن مو مثلي

شجاي تساوين فرحه انتي امانه عدي لاتاذيني يبوج شجاي تساوين ماتعرفين باللي جاي يصير فيني

يحجي وشفافي تطخ بشفافه  نفسه بوجهي.  حجيت بهدوء سكرت من صدك وهو جبل حتى عينه مسدهاكلها

انت موعاقد عليه اريد اصير مرتك

فك عينه كلها قربت روحي اكثر ردته مثل المسلسلات والقصص يفقد ويجرني و  ياخذني لحنانه بس موالسيد هيج يسوي ابد كال

وترضين بعيشتنا ترضين تعيشين مثل نساويننا ان رضيتي انه من الحين مستعد اعدج مرتي. انه وبلع انه مااكدر زلمه يصد صوبج. واووبقيت

بهالقرب يباوع لشفافي ويحجي اباوع بدت كصته تلمع من العرك وعيونه تتامل عيوني وذبولي كدما ذبلت ارتجيت بجسمه ذبيت ثكلي عليه مداكدر اشيل روحي كال وهو بين المنتهي ولازم روحه وبين اليمثل الاتزان

انه اضلن طول عمري اهيج يعني تصيرين نفسج خالتج لبسج ووشغلج ووانه. وبحباتج ااتشرفين زلمه ولازلمه يشوفيج. وحد هالبستان ماتكبلين لون ماتمرتينرترضين بهالعيشه حضريه الولايه ترضين فيها

نتر وبلع ريك بقيت صافنه بوجهه صحاني بوكت متوقعت من روحي هيج حيصير بيه كال وقرب راسه اكثر كصتي وملامح وجه من انفي لنفسه ونفسي ارتجى على وجهي ويحجي مفتح عيونه واني انتهيت مداكدر اريد اوكف عدل ابينلهزانيدقويه بس عبث اريد بس افك عيني لا ابد

همست

يعني انت متحبني

باوعتله كوه فتحت عيني ابتعد رفع راسه ليفوك وغمض ورجع باوعله بهدوء كال

ردي علي بالاول وانه بعد ارد مو سيد عبد الله الليخون الامانه الباجر رايح لابوج ان جان ردج بالقبول رايح اطبل ايدج منو وان رفضتي حتى الشيله ترد لراسج ردي علي

اني هنا مرتاحه وياك بس اتمنى تحبني ووهاي هي يعني ماعدي غيركم

غمض قوي وكصته على كصتي همس وعكد حاجبه صوته عله عن قبل ترك الهمس كال

ان كتلج خالتج فبغداد شنو تكون ردتج

فكيت عيني صحيت. واملي بان ارجع لولايتي ومدرستي وعيشتي. تجدد ابتعدت عنه لزم الميز الوراه استند عليه يباوعلي ميل راسه وعاكد حاجبه. واني صافنه ايدي على حلكي. شنوو

ها. تردين تروحيلها مو هيج. تردين تردين لولايتج

عيد الكلته

خالتج ببغداد. ردت من بره لون لجوئهم ما طلع وتعبو وردو

وانت من شوكت تدري

مالج خص تردين ترحين

بقيت صافنه بلعت ريكي منافسه صعبه. جر نفس وغمض فرك وجهه كال

عجل عليش جايتني روحي بويه انزلي واجفيني شر حوا

دفعني وطلعني وسد الباب بقيت واكفه

اريد امشي ثكلت رجلي سمعت فكه قفل باب ام حسين ختلت وره برده الممر البي منه اطلع لغرفه السيد . عبد الله طلعت للحمام ورجعت فاتت باب غرفه السيدانفتحت ممطبوكه جانت انفتحت شوي شفته كاعد عالجربايه وايده على راسه وكف راسن وطلع بلهفه فك الباب همس

فرحه عباله بعدني يمكن لان مسمع صوت الدرج لان يصير بي صوت من انزل تلفت طلعت العكربه من الحمام فاتت غرفتها وسدت الباب. مشافته راح للمحجر عبد باوع من الدرج ليجوه لازمه بيده الاثنين ورفع راسه ليفوك جر نفس ورجع يتمشى بثكل واني وره البرده ديمشي وصل الي ووكف يباوع لباب غرفته جر نفس واكف بصفي بس حتى مباوع لاتجاهي حس بيه موجوده وره البرده نصه راسه وكمل مشيته وطب للغرفه وسد الباب راسن نزلت جوه للغرفه وجوهرالفراش طبيت رحفه بيه موطبيعيه بجيت بقهر تذمرت من جان يسالني لو خالتج موجوده تروحين لوخالتج اجتي شتسوين متعلقه بخالتج لو لا بجيت حيل تمنيت اروح واداوم وي البنات ارجع لنفسي القديمه اقلها ناس مني وبيه صح مابيهم حنيه خاله بريسم بس ميخالف اسمها خالتي. ومتعوده عليهم عمو عارف حباب حتى لو يزوجوني لواحد من ولدهم المهم ابقى ببغداد

للصبح منمت افكر وحايره بامري.

اخرشي طلعت خاله جهزت غراض بابا السيد راح مطلعت من الغرفه ساعتين ورجع اول مطب صاح بصياح قويي

علوووويه

فزت خاله صاحت شكوو شفيك

وينها وينهاا صيحي عليها لااحرك البيت عراسكم انه انه يكولي ياسين  ثكلنا عليك انهههههه محسن شلي وداه لابوها شلي عرفو اهي انضربت فهميني صيحي عليها لاافوت للغرفه اذبحها    بقيت بنص هديماتي  جدام منو. صيحيهاااااع----

فرح- كلبي وجعني من صياحه خفت حيل خاله تصيح وتعيط بره واني بالغرفه اللي سويته البارحه كرهني بنفسي اني شون سويت هيج اني شون تجرات بقيت صافنه خليني بالاني بي هسه طبت خاله كوه تتنفس من الهبطه همست

تعاي يمه عليش تبجين تعاي يريد يحاجيج

اوك هزيت راسي وطلعت كدامها اشرلي تعاي رافع. حاجبه شعره مخربط والغتره عالقنفه وسلاحه

اي جيت كلتها وداخلي هش خايفه حيل كلسا التفت لخاله الماضللها حيل طببني للصاله دفعني وصاحت خاله

عببد ايدك لا تشغلها وروح ابويه اخذها واطلع من الحوش

انتي لاتدخللين روحج كل الصار منج

فرح-نترت بي ااني محجيت شي هي اخته جتي كالتلي السيد يضربج وممرتاحه وليش متحمله حتى كتلها مرتاحه صحت بهه من خوفي فك عينه كلها وتقرب وهو محنزر وجهه دم ياشر بيده مهدد. رجعت ليوره باوعت لخاله

خاله مو جيت كتلج

اي اي صح والله طلعت من حوش بيت ام عوف بكت اللي جانت العكربه كاعده في وكالتلها اوخيتو انه اشهددد

جر نفس وضرب على فخذه بيده الاثنين صاح بعلو صوته

ياهوووو الووصلو حجيييي اليوم اطرو

فرح- بلعت ريك همست حسوني جان واكف يجوز هو كاللها لو ذيج حجيتها وبجيت من بجيت جر حسره بغمج وغمض دار وجهه خاله تقربت مني همست

لاتخافين حدري وياي

نزل حسين اشرله ابو ووكفنا قطع طريقنا بساعده كال

اكفو صبرج علي علويييه صبرج

حسين يابا

كنبص وصل لمستوا مرحله الغضب الواصل بيها دمارات ايده ناطه وعده دمار بكصته يروح ويرجع وي الكلام حسين عكد حاجبه كال

نعم بويه

بويه ياهو لكال لخوات محيسن انه طكيت فرحه

جاوب ببرائه امي. وانه بعد

فرك وجهه السيد ووكف تحزم بحزامه خاله تركتني وركضت عليه صاحت

ليوووين رايح سيددد

هديني اليوم اكطع رسووو لج انه يخليني بموقف وي ابوها اننننه

لك عيني شلي اللي صار تعال هدي وواحجيلي

نتر بصياح سديت اذني منه

رايح لعدوو للسجن. قبل مني كصدته انه واهو طلع ولكيتو حالته حاله وايدينو ترجف خوف على بنتو يكللي وديها لخالتها احنا حملنا ثكل عليك

ضرب على صدره وكالها باوعلي بنتره

وللج تردين اوديج لخاالتج امشي خلني اخللص

ابتعدت وهو يصرخ خاله حجت

ان مشت امشي وياها ان خطت خطوه بره هالحوش اخطيها كبلها

السيد سكت ويباوعلي باتهام واني منصيه عيوني مكدرت احطها بعينه بعد الصارالبارحه. طلع من البيت وخاله كعدت وخلت ايدها على راسها وصاحت

كون غضب اللله عليججج وينه وينه انتقام ربي كون حوبتي ماتتعداج

طبيت للغرفه ركض شوي وطبت خاله بجيت من كلبي بقهر وقررت اطلع لخالتي ببغداد ماارجع لهنا بعد واتخيل بعد ماصبح بوجهه واخلص من الفشله والخجل من اللي سويته

غمضت طبت خاله نامت يمي بالفراش حنيت جسمي قرفصت ابجي حضنتني من وره وتمسد على راسي

انه هني يمه ماهدج انه عدج بالف زلمه وشحدو اليفكر يكرب منج خطوه لااخلينو يندم طول حياتو

خاله اني غلطت

التفتت عليها ميته بجي واشهك خاله سويت شي غلط مادري شون سويت هيج

خاله ملامحها تغيرت تحولت قلق كعدت عدل وعدلت روحها وشعرها همست

يمه فرحه ليكون محيسن شايف منج وجه

لالا خاله والنبي حتى مشايفني اني اصلا اذا شفته ماعرفه

غمضت وخلت ايدها على صدرها تتنفس براحه كالت

كومي كعدي لشو كبالي اردن اشوفن شنو الغلط الساويتي يلي ما تطلع منج عيبه.

بس كالت هيج غطيت وجهي ابجي بحركه

يا فرحه شجاج وجعتي كلبي يايمه جاي احس روحي مكصره يابعد خالتج

خاله اذا كتلج تكرهيني

لايمه ماترهم انه اشمن بيج ريحه اوبوج

خاله بابا اذا دره حتى بابا يكرهني ويزعل

فكت حلكها بلعت ريك بخوف وسكتت تحاول تبينلي انه اني بامان كالت

احجيلي ييمه انه اساعدج انه وياج

كعدت تربعت كدامها وعدلت شعري مسحت وجهي طتني من يمها كنينس

خاله اني البارحه صعدت للسيد

خاله هزت راسها بقبول ساكته بقيت اباوع بعينها وكلت

ووحاولت اقترب منه بقت ساكته لمت شفافها لداخل حلكه كملت حجي وبجيت

رردت ابوسه وكتله ااني مرتك

كلتها وضربت على فخذي بندم وبجيت

اباوع خاله غطت وجهه وعضت اصبعها جرتني لحضنها همست

لويش ياامي لووويش تقللين من رويحتج. ليييش شفيج انتي وتنزلين نفسج ابتعدت عنها مسحت دموعي تباوعلي بعتب كالت

ماتوقعتها ابد للتالي

شلي ناكصج يفرحه

زغيرونه وحليوه والف من يتمناج. شلي ناكصج وترحين تتوددين انتي

انه مااكذب اتمناج لاوخوي بس بعززه نفس وكرامه لارضالج الذله صح اهو اوخوي بس انتي بنيتي. يفرحه انتي مو شوي لحتى تاخضين واحد متزوج وعدو ولد لاانتي الخشيتي بالعمرين ولاانتي الفيج شي صغيرونه والدنيا بعدها وياج باولها يبت الغالي

اوخوي همات يكبرج بهواي وهمات عدو ولد وهمات مامتخلص من هاي العكربه وعليش اخليج بهالدوامه انه كفلتج وكتلو بنتي هاي صارت وانه عد وعدي يايمه مجانج هني من مجاني لا تنزلين كرامتج وسمعه اوبوج الفيه انتي مو بعشك لا والله الفيه انتي تبين. تحتويه لحتى تامنين حالج ييمه منيش خايفه وانه بالوجود تعالي فرحه تعاي يبعد امج

كمت وياها كامت للكنتور فتحته طلعت منه ورقه مطوايه بيها جنسيتي مستنسخه وصور مكبسه كالت

تعرفين تقرين

اي خاله كالت

اقريلي عجل

قريت. قريت

انا   بريسم عبد الاله ----بكامل قواي الجسديه والعقليه بدون ضغط اوكل موكلي فرح ياسين -- بكامل املاكي ولها بالحق البيع او مايشبه ذلك

وتوقيعها

بقيت صافنه باوعتلها

يعني شنو

كالت

هاي وكاله عامه باملاكي ييمه ان انه متت او صارلي شي هاي بسمج كل ملكيتي تربين اوخوج يفرحه بس ماتكدرين تبيعين شي

فكيت عيني كالت

ييمه انتي ام البيت هساع ان انه متت بالولاده اخوج اللي فبطني انتي التربينه والج كل ملكيتي لاتخافين يبمه انتي ام البيت

بجيت بقهر وكعدت بالكع مقرفصه امي امي مسوتها

خاله ليش هيج

ييمه انه اخس روحي مو بريسم اول واوبوج والله ماعرف اوبوج خايفه الزمن يلاويني. في ازيد بعد وانه ساويت الساويته لخاطركم ورغم اوخوي مايكصر بس بعد اامنج وامن اوخوج وانه ادري انتي نفس حبوبتج تدارينو

خفت حيل لميت روحي وحضنت نفسي خفت من باجر واني وحدي حسيت روحي كبرتني بهذا حجيها

ييمه

لاتسوين هيج كومي لشو كومي اكلج مافيني شده

كمت عضامي كلها ترجف لمتني بحضنها وتتلمس بششعري همست

يبنيتي البنيه عزه نفس وكرامه وبرائه لا تتخلين عنها

مادري شون سويت هيج ام عوف اثر بيه حجيها وواني كلش متاثره بشخصيته وبس افكر بي

لا هاي احساس عرفان ورد جميل. هاي موحب لونج تشوفينه مدللج تكلين هذا يحبني وان كان يفكر فيج ماتستحقينه ومايستحقج. ولو اوخوي مافي منو ثنين والله مو لنه اوخوي بس جبير وايد عليج وعدو مشاكلو الماتخلص. وان رادت تصير اريدن كون يحارب الدنيا علشانج يله افكر اعطيج انتي مو شوي عدي انه احساس الامومه وياج حسيتو قبل لااحسو وي اللي في بطني

كرهت نفسي شون هيج سويت لا والنوبه خيرني يكولي خالتج راده اذا تردين--- قطعت كلامي

اعرف اعرف ردت وكاللي وكتله ماكوللها ولااامن اطرشها لهنيك

خاله ليش ضميتي عليه

يبمه اخافن عليج باوعت بعيوني واني بحضنها همست

عدها ويلاد ماامن اوخوي مامنتلو. لونه انه الربيتو على ايديني. وبعدين حالتها صعبه. اللكمه عليهم حسره ترحين هناك اخاف عليج وتهديني يفرحه تهدين اوخوج

لاخاله ماروح

وماتفكرين. بالسيد

لا خاله شلته من راسي بس خجلانه حيل برطمت ماريد اشوفه ويشوفني

ولا يشوفج ولا تشوفينو اهو وينو حاير بهمو ولمن يجي حدري للكبه.

هزيت راسي خ

يفرحه انه راسمتلج مستقبل غير ان الله عطاني عمر انه وياج نتعاون وان ماعطاني ييمه هدي كلشي وربي اوخوج هاذ سندج وان الله راد وعرستي اختارلي اللي حارب الكل لخاطرج اختاري اللي يشريج بعمرو ولا تنخدعين بكلام خلج كويه

حبيبه ان ماتعرفين الدنيا اعرفها لج انه من اليوم ماهدج عكب انه هم صوجي التهيت بعلتي ونسيتج

لاخاله انتي مقصرتي

اله مليانه كصور ياامي وجهي اسود من اوبوج

بستها من راسها همست وعيوني بعينها

اتمنى لو انتي امي ومن اول يوم بحياتي انتي ويايه

وانه بعد اتمنى بس هاه بعدنا باولها كالتها وابتسمت بامل كالت

ان الله راد وكمت بسلامه انشاء الله وبعون الله اغدملج على المعهد مال معلمات وانتي بعد عدج شهاده ثالث وتداومين في ملها ثلث سنين وتعلمين بهالمدرسه الكريبه علينا وان انه متت

خاله فدوه لكلبج سكتي

لا خليني احجي ان انه متت ييمه هدي كلشي لخاطر اوخوج لاتهدينه واملاكي تكفيج طول عمرج واوخوي مايكصر

هزيت راسي غمضت عيني براحه محاستها قبل ابد همست

مايستاهل ابوج يكلون على بنتو ماعرف يربيها. وادري بعيشتنا صعبه يبمه بس ربج يهونها ماودي تجيبين طاري الولايه عكب هنايا اهلج صفو هناك ماضلج احد وان كانت خالتج بس ماعدها تعيشج كوه شايله رويحتها وححايره بعيشتها مسيكينه

ماريد غيرج خاله اريد ابقى هنا بعد وارضى بحياتي شبيه مدللتني بس اني غبيه صدكت حطلع من البيت وتطردني متوقعت هيج انتي مسويه

لاتخافين من باجر الله وانه موحودين واوبوج مامات ييمه وهاذ اوخوج جاي ربي على حبج اله يكبر ويصير عكازج يروح بريسم

بستها من ركبتها وشميت عطرها بغمج غفيت بحضنها سبحان الخله الامان الي بين ضلوعج سبحان الله

من يومها اني والسيد ملتقينا حسين يطب ويطلع يمي نسولف ونلعب من يكون مو بالبيت مرته تصعد وتنزل اكثر من قبل وهو ملتهي بالبيت والبناء والبستان والمعمل

وبعدني انضف غرفته ونسخه مفتاح عده واني النسخه الثانيه كل نسخه بيها حلقه ومفتاحين اكوي هدومه وارتبها انضف البيت وي خاله الجانت اجتمشي بهدوء وتنطيني عزم وقوه هي تركب وام عوف تخبز خاله من يومها منعت ام عوف تحاجيني حجايه زايده بعده البيت مكامل اطلع بليل للحديقه خنكتي راحت وبديت اتعود على عيشتهم

بديت اتعلم خبز وي ام عوف تعلمت انضف الدجاج تعلمت اقسم اللحم تعلمت ازرع بحديقه الوره البيت تعلمت على حياتهم وكمت احبها صرت احس هاي حياتي وافتخر بيها. دومي مستوره والسيد نوبات يمرني طيفه من اريد اغفى وكلبي ينتفض بدكته وارجع اهدي روحي واتذكر كلام خاله

و محيسن انطرد من البستان لان تعارك وياه ويكوله حرام عليك تمالخو والعالم فاككتهم لامحيسن غيرته تسمحله يحجي ليش تعارك وي السيد ولاالسيد يجيب طاري

ام عوف جانت تحجي مرعوبه

الوش هيج ساوه بالصبي اهو الرباه ربه من بستانكم علويه وخاله مترد تكولها ماعرف

طلع من البستان كله.

مررشهر وخاله وصلت شهر السادس واني بس اسمع صوت السياره انهزم للغرفه حتى سلطه فاكهه كمت ماسوي ماريد ابين اني موجوده اصلا كمت مااتصنط ابد لان اخاف اسمع صوته لو اخاف يجيب سيرتي وارجع لعذابي ايام مرت ووالدي خابرنا من راح السيد اله حجه ويايه مبتعد عن السيد

حبيبتي بابا عمري انتي شلونج

زينه بابا شبيه والله مبيه شي

بابا بروح ننه مرتاحه

بابا كتتصور شكد وروحها لننه مرتاح بابا خاله سجلت كلشي باسمي هذا صار بيتي. وابنك اني اساعدها بتربيته حد ماتطلع بابا لتخاف عليه اني سبعه

بابا حبيبتي انتي خايف عليج

لا بابا لتخاف خاله حتسجلني معهد معلمات تدري بابا نو بات اتمنى خاله هي ماما بس هاهي الحمد لله اني كلش مرتاحه مناقصني غيرك بس اريد تدير بالك عروحك

يعني متروحين لخالتج

لالا ابد اني هنا ابقى هذا بيتي وبيت اخويه

ماشي ماشي خالتج وين حبيبتي

هيانها

طيتهيا وطلعت صعدت فوك رتبت الغرفه لكيت بمجر الغراض مالته فلوس صفطات حمر هواي رتبتهن وخليت بقيه غراضه قفلت الباب ونزلت ضميت المفتاح بصدري مثل الكلاده

مرته هالفتره كلشي مسوت هي بحالها واحنا بحالنه من تشوفنا تصعد تسوينا فضل هالفتره نزرعت امل من جديد وي طكطكه اشجار الليمون الزرعها بابا العام طكطكت. كبرت احس روحي ملامحي بينت اكثر وبعدني قبل مانام اسمع صعده رجله عالدرج وهمسته يم الباب قبل ليصعد

يا الله يا الله.

اغمض واامن بيها

واتخيل حيصعد يلكه الغرفه مرتبه ويرتاح

رغم كلشي احسه رجال البيت اللي نامن بوجوده

جنت انام بهدوء وعدم تفكير بابتسامه راحه وعلى غفله اكوم وانام يم خاله تحضنني وتبتسم وتمسد على. شعري حد مااغفى براحه

ننه حبيبتي. اكو وحده بحنانج لحد الان اتذكر من فتحت صدرها وتدعي لبابا

كون الله يعوضك بحياتك روح ياياسين ياابن ابويه الله يوفقك بحياتك ويستر على بنتك ويحفضك وييسرلك بت الحلال اللي تنسيك كل اوجاعك وحرمانك بجاه مرضي والمي بجاه ضلع الزهره

وتدمع عيني

دعتها بساعه غروب بساعه الم وحركه سوده عليه بيبي الله يرحمج

ثاني يوم حلمت بيها جايه وخلت بيدي وصله خضره تبتسم وفتحت المي مال بوري مال بيتنا القديم من اباوع الحديقه مالتنا يابببسه ومن فتحت المي انترست السواكي وراسن طكطك الزرع اخضضر اباوع صارت نافوره عاليه كلش المي قوه قوه قوه وانفجر بقوه كالت

بهدوء مثل قبل وابتسامه حنان

صبرا جميلا والله المستعان ماضل شي فروحه

فزيت من النوم وخاله هم فزت ابتسمت كالت

ياربي خير خير انشاء الله باوعتلها

خاله حلمت ببيبي

بجت وخلت ايدها على حلكها كالت

وانه بعد

حجيتلها المنام وغطت وجهها كالت

يبمه انه هم حلمت بيها تدهن جرح يم صدري جبير وتكولي

يطيب ويصير احسن من قبل كومي يمه كومي خلي نسويلها شي على روحها

شسوي خاله

شنو الجانت تحبو كلش

خاله بيبي تموت عالزرده جانت

دكومي وياي بيدج تطبخينها وانه اساعدج ونوزعها الحين بيد ابوعوف

كمت وياها وتعلمني واسوي اجتي ام عوف ويانا ومن الصبح للضهر صارت تخبل كليت اللوز وتعلمني خاله شسوي داادرخ بيها بعد صوت الجدر والبريمز عالي سمعي ضعف ومسمعت صوت السياره منصيه اصب بالطاسه واسمع

يا الله رفعت راسي شفته واكف. يباوعلي فزيت وزلكت وايدي جفصت بالجدر والزرده تصمط صمط صحت بعلو صوتي اخخخ

وفرفحت روحي

صاح وكمز

الله الله شجاج ليتني ماخشيت جر ايدي المحروكه اصابعي الصغير الخنصر والبنصر وخلاها بحلكه بين شفافه جر الزرده سحبه بين شفافه ورجع كرر الحاله مرتبك بخوف ويباوع لايدي مخنزر واني

شبي ارتباك وخوف هدا بين. شفافه نسيت الالم مدري شصار بيه كلبي يدك سريع خاله مويمي رجفت ايدي نتر ويباوع لايدي

تاذيج تحركيبج

جج

همست واباوع بوجهه شكد مشتاقتله بكد رحمه الله رفع راسه وباوع بوجهي طلع ايدي من بين شفافه وحس على روحه شسوه بلع ريك يباوع بعيوني الذبلت حيل نصه راسه بهدوء ورجع رفعه عبالك علكييف يرفعه عبالك نضرته محرمه وميريد يسويها رفعه يباوع بعيني تنهد وغمض ثواني وايدي بيده لازمها فتح عينه لم شفته لداخل حلكه. همس

اشلونيج بويه

هزيت راسي ساكته واباوع بعيونه جر غترته وخلاها على كتفه جرنفس بغمج ارتفع صدره وذبلت عيونه وكل ملامحه فزيت على صوت خاله من الغرفه تصيح

فرحه شجاج صحتي جاي اصلي جيت اكطع صلاتي وينيج يايمه شو شوفيلي وجهج

سحبت ايدي من ايده بهدوء جلب بيها التفتت باوعتله غمض قوي وهدني كلبي راد يوكف رحت ركض لخاله حضنتها وهي عالسجاده

همست

عبد فات،هزيت راسي باوعتلها مبرطمه وصاكه على سنوني قوي

شافيج

هزيت راسي

كالت

هاذ اهو ماصار شي ييمه ماصار شي ضلي هني انه اصيحن على ام عوف نكمل نجب يجعلها واصله كون

هزيت راسي نصيت وكفت تلمست شعري وكفت وياها حضنتني

ييمه شفيج تتراجفين حاجاج

جج

عجل شفيج حبيبه كوي كلبج يروح اميمتج كوي وكصيي خله كاصي اليبيج لازم. يحارب لاجلج مانضعف فرحه وتضكري انتي ماتحبينه ومامحتاجه حبو للتالي اهو اليحتاج ويتمنى رضاج اهو اليتمناج يبعد روحي

هزيت راسي وطلعت خاله وسدت الباب وهي تباوعلي طبيت للفراش واباوع لايدي حمره حيل. تذكرت مره بابا كال اذا انجويتي لتخلي جوه المي خلي اصبعج بحلج لعاب حلكج هوالعلاج.

وعبد هيج سوه بس بدون ميحس بروحه غمضت عيني تذكرت من ذبل وسالني

شنو الدااحس بي هذا حب لو مثل متكول خاله كمت صليت ونمت تعبت تفكير وتعب جسدي ----

يتببع

غدا بارت شيق تابعوني

مريم السعدي

فرح-ايام مرت هواي بعد مخليت نفسي بموقف مواجهه وياه ولا وي مرته حد ما فد يوم الصبح وره مطلع للشغل نزلت ترست المسبح وره اللبت كلت من ينزل حسون نسبح بي اني وياه المسبح صاير بغرفه جبيره كلش وره البيت حوض مسوي سيراميك ازرك يمكن جان عدهم جهال هواي ومسوي كل مره اريد املي واضل متردده بس اليوم لاصممت الجو جان بدايه السادس حاره بس بيها هويه المسبح مغلق بي بي تهويات بالسكف تطب منها الشمس اذا فتحناها فتحت البواري وافتريت اتفرج عالحديقه وره البيت شكد حلوه رديت رجعت للغرفه خاله نايمه الغرفه بيها بابنتين باب الاعتياديه عالبيت والباب الثانيه على غرفه المسبح اصلا البيت كله مسلط على هالغرفه المطبخ هم من المنور اكو باب يطل على غرفه المسلح يعني اكدر من المطبخ لل المنور اروح ممر صغير افتح باب اطب للمسبح يسمو حوض طلعت سويت ريوك وعصير خاله اللي دخلت بالسابع. اليوم اول يوم. خليت الريوك وام عوف جايبه الخبز مخليته بقماش صوف هو واللبن الخاثر وراحت حضرت كلشي وفتت لخاله اكعدها من كعدت لحد الان مدري ليش كلبي مرتاح وطاير ومزاجي مرتاح احلامي حلوه كلش البارحه كعدت خاله تريكنا سوه ونزل حسون طب لغرفتنا بقه دقايق وخاله تنتضره واني هم عرفته ديدور علينه شوي واجه يلعب باذنه مبتسم

شبيك ملكيتنا ددورنا خاف جوه الفراش جو الزوليه

انتم وين رحتم

هنا دناكل ساعه بالغرفه تدور

اي كالها وباوع لخاله اشرتله خاله تعال تقرب منها بخجل حضنته قوي كالت

تحبني حسون

اي جثير

يفدوه لكلبك حبني بخدي عجل

باسها قوي وابتعد يضحك كال

يمتى يجي رفيجي من باطنج ابوي يكولي اهو رفيجك

اي ليش مو رفيجك اهو يصير منك وفيك سيدنا

فرح- حيلك حيلك عيني اخويه خط احمر بابا

عمه هاي شفيها تزاكط اسكتي لاكولن لابوي يطكج

فدوه لعينك محد يكدر يمد ايده علي

اوبوي يكد لنج جاعده فبيتو

فكيت عيني على كلامه ونضراته مو طبيعيه اليوم خاله نطت

اهو بيتها بعد

لاه عمه اهو بيت اوبوي ومن بعدو بيتي وبس

العلمتك هالحجي كوللها تسد حاجها لوني اكضبها اطردها بره لاخليها تسرح بالغنم فاهم

سكت حسون ونصه مبرطم باوعلي ورحع نصه حبيت الطف الجوكتله

ترست الحوش حسون

بصلاه محمد ما تكذبين

مااكذب اني هههه

عليج الله نسبح الضحى

اي هسه لجبس اكمل شغل وي خاله نسبح

اجل اتريك وياكم واعاونج بعد

اوك كعد ويباوع لعماجته وينصي خاله مزاجها تعكر عجيب شكد تكرهه لبت عمها كملنا شغل وصعدت رتبت غرفته نضفتها ونزلت هدومه وكويتهن وعلكتهن وقفلت الباب ونزلت فاتت من يمي مرته كصتني بشماته تبتسم وفرت بايدها شبيها هاي خبله عفتها ونزلت كلي حماس راح اسبح نزلت لكيت الحوض متروس ياااي ردت اتخبل لبست تراكسودي مستر وطلعت من غرفتنا لغرفه المسبح حسين جان واكف ينتضر بس كمزت نزع دشداشته بسرعه وكمز المي بارد تونست حيل سبحت وياه المطي يعرف يسبح ابوه علمه هالفتره وكعد يعلمني والله كم حركه تعلمتها منه كمت اسبح شوي شوي طولنا بالمسبح تقريب ساعه ساعه ونص وطلعت اني وياه بدلت وطبيت للغرفه شوي وصاحت خاله

يمه غجفرح لبسي وتعاي احاجيج

اي جيت لبست وعدلت شعري وطلعت لكيته كاعد بالهول ومرتجي بعكس ايده على فخذه والسبحه بيده لاف الغتره شون مجان نضرته حايره حيل باوعتلي خاله وجرت نفس كالت

كعدي يمه

بقيت صافنه مستغربه حتى خفت لااكو شي باوعت لخاله وباوعتله باوعلي بطرف عينه ونصه راسه خاله كالت

يمه السيدعدو جلمتين وياج فد يسالج

بلهجعت ريك رفعت راسي باوعتله بس مداالكه الحنان القديم بقه يتامل وجهي بتسائل وحيره بقيت صافنه شبي اني الرجفه املتني لان صار هواي مشايفته وهو مادري شبيها عيونه نصيت خجلت من شفت نفسي اتامل ملامحه همس

فرحه شونيج بويه

هزيت راسي وباوعت لخاله زينه الحمد لله. جر نفس وارتجي وفر سبحته كال

فرحه

نعم

ياهو اليفوت بكبتي غيرج

كالها بهدوء حيل وكلمه كلمه وعيونه كلها حيره

جاوبت

ماكو احد بس اني

اكيده

اي طبعا وهذا المفتاح جريته من صدري مثل الكلاده مسويته بقه يباوعله جر نفس نصه راسها للكاع ويهز رجله بسرعه كال

حسون مايفوت وياج

لا ابد اقفل الباب عليه من اطب

هممم

باوعت لخاله ايدها على حلكها وصافنه عليه بحيره

شكو همست

كالت لا ماممش هيج جاي يتوكد

اوك وكفت كال

لوين ماكعدتي

التفتت اباوعله ملكيت نضراته الاحبها هزيت راسي بالرفض

داريد ارتاح نعسانه مال سبح

اخذي راحتج

طبيت للغرفه صافنه شبيهم شكو هسه تجي خاله واكوللها شبيج توني اتمدد واتذكر دشداشتي المبلله يم المسلح بالكع كمت اجيبها فتت من غرفتنا للغرفه مال حوض للمنور لباب المطبخ سمعته ديحجي بهدوء وكفت وره الباب المفتوحه للتهويه باب المنور عالمطبخ وكفت سمعته يهمس

انتي شوفي ملابسها بقراضها مجاريرها تراها هواي تسع طبكات يبريسم

خاله ردت

انه اعرفها ماتمد ايدينها وان حتاجت شي كالت

اهي فيها طبع الانتقام انه اعرفها من صغرها يبوج مافيها شي لون ماتربت عد اهلها حنا نربيها بس راقبيها شوفي لوين تروح لوين ترد خافن عطتها لاحد خوات محيسن مايجم بعد

لا ابدا

زين اهي لوين ياغرفه ازيد شي تضل فيها

بس غرفتنا سيد واني وياها على طول البنيه المضيعه ماماده ايديها عليه انت متوهم مامدخلو البيت

بويه صارلها شهر بالمجار انتي شجاي تحجين

والله مادري موضوع ماينفك جدام منها لااكلب الدنيا عليك

لاه ساكت ماحجيت شي بس تراه ماينسكت عليه وهاي تربايه يبريسم

اهي ماتسويها روح شوف فليساتك عدمن وياهو الخضاها

وليش ماتسويها نسيت امها شساوت بابوها واهي نفسها جانت تبوكو خاطر رضات امها هاذي متعلمه ايديها ولازم نتوكد ان جانت اهي لازم تتعاقب لحتى ماتعيدها

انه كتلك مواهي وان فكيت موضوع وياها اخذها واطش من البيت

لا هاذ اهو لا تعصبين

فرح- سمعت اخر حجايه رجلي خدرت كعدت على ركبي بابا حاجيله كلشي بلحضه خجلت من نفسي حيل ومن امي يتهمني ابوكه شمضيع بغرفته شمضيع ويتهمني بتربيتي وامي طبيت بهدوء لشتي ترجف وكف السيدبس شافني خاله همست

يمه منين اجيتي ماجنتي بالكبه

باوعت لخاله همست

خاله انني مبايكه شي والله

كطع ليان اليكولها حبيبه لاتهمين نفسج

نفسي ضاق واحس راسي نمل نترت بي

اني مبايكه بحيياتي واذا على من جنت صغيره هاي حتى بابا ليتتتزوج تريد روحي فتش غرفتي كال

هاذ اهو لاه لاه مايحتاج

ياشر بيده يريد يهديني عتيت السلسله مال مفتاح من ركبتي وكلادتي الجابها بابا وياها انعتت وحسبت من وكعت بالكع بقه صافن على ركبتي شمرت المفتاح عليه بقوه خزرني خاله كالت

فررحه. تعاي لجاي تعاي عدي

مااه خل افهمه اني معايزه على غرفتك باباااا مماده ايدي اني

اي هاذ اهو جاي اكلج نتر بعصبيه صيحت بعلو صوتي

الا تكولي شمضيع الا تحجي

بلع ريك باوع لخاله لم شفته همس

غليسات جانت بالجرار ماشفتيهن

اي موجودات كلهن

ابتسم همس

شايفتهن عجل

ايي

كم طابكه

تسعه اني مرتبتهن

ماهنه

لا مستحيل اليوم دارتب المجر شفتهن

اكلج ماهنه روحي شوفيهن

صعدت ركض ادور ملكيتها ولا لكيت ريحتها صعد وراي همس

هاه لكيتيهن

جانن هنا

ماكش باوعلي بحيره عكدت حاجبي

عبالك اني بكتهن

سكت هز راسه بالرفض ونصه كال

هاذ اهو فدوه

انيي ملاعبه سيد

هاي هي

وشنووو تكوللها تربايه امها وشنو ماما جانت تبوك اني شعلليه

همس

هدي بويه هاذ اهو جاي اكولج هاااذ اهو

مارريد تلصم حلكي اريد افتهم ششايف عليه اشرفك اني بحياتي مماده ايدي على فلوس مو مالتي

اي

كالها ونصه ديطلع لزمت دشداشته اوكف انجر التفت خزرني صاح بعلو صوته

ايديج لا كسرهن

اني ماماخذتهن والقران هاي هم الشاهين

اي هم الشاهين انتي الطكيتينو لنج حلفتي تنتقمين

والله ممو اني

عجل ياهوو الفلوس وينها فيييي صيح انتي جاي تكليلي محد يخش لكبتك غيرج وانه بعد الباب تنقفل ساعه الافوتن وساعه الاطلع

بلعت ريكي برطمت بقه خازرني

مااسمحلك تحجي على ماما اذا جانت تبوك تبوك من بابا. فاهم انت معليك اني مبكت من احد ماابقى هنا اليوم اروح لخاله مستحيل ابقى كمت اصيح وخاله من جوه تصيح

يمه فرحه تعالي انزلي مافيني صعده انزززلي جاي اكلج

صاح ايييي ايييي جاييتج

روحي منايا هساع

اريد اروح لخاله

لا تخبصييني يومين واوديج خل اشوف مصيبتي

اليوم اروح

ياهو الكالج اشتغل عدج انه تقرب ياشر بيده مخنزر

اني اروح

ومنوين تعيشين هناك حال الضيم حالتهم

عدي فلوس نترت ماعايده عليك

ها منوين الج الفلوس احجي كوولي منوين الج

فكيت عيني كلها دفعته بقوه من صدره لزم ايده ضغط عليها وصك على سنونه صحت

مرتك البواكه اكيد هي الباكتها

فتت لمبتها فتشتها تفتش مالكيت شي مامش فلس فيهااا

بلعت ريك لعد لعد انزل فتش كنتوري

حتى اني شكيت بروحي عبالك اني الاخذتها منو يطب بالغرفه غيري محد خاف اني اخذتها بنومي نزلت وهو واكف صحت

امشي ويايه انزل

كال همس

امشينا

نزلت للغرفه خاله تنتر بيه تكلي

ييزي فرحه مايقصد اهو واني ماجاوب وحجيه خنجر ويفوت براسي مو كلبي فتحت كنتوري

كتله هاك دور

كال

لاهاذ اهوو

لااا دوررر اكولك دورر

جر مفس وصاح

اللهم طوللج ياررروح شلي تبينه

دور فلوسك مودورتها فوك دور هنا هم

ماابي هاذ اهو انه الضيعيتها. زين هيج انههه الضيعيتها وعاف الغرفه وطلع وصوت تركع البوب وراه كعدت على ركبي بجي بجي لحد ما حسيت روحي حيغمى عليه شوكت اخلص منج شوووكت ابقى لاخر يوم بحياتي انعير بييييج والطم على راسي واملخ بشعري خاله لزمتني وتصيح عليه

ييزي يززي

خاله يكول مثل امهاااا يكول مثل امها تربايه امها يكول سوتها قبل بس تدرين الغلط مو بي الغلط بحبيبج

خاله ملامحها تغيرت جرت نفس ييمه هدي

لا خاله والله الغلط ببابا يحجي لليسوه والميسوه اسرار بيت تدرين شكبرني من مديت ايدي جان عمري تسع سنين خاله وفهمتني انه راح يتزوج عليه ابوج واخذت فلوسه والله خاله اعرف حرام مستحيل اسويها

همست

ييمه هاذ اهو

بس خاله محد فايت للغرفه غيري والشباك بي سيم حتخبل اكولج خاف بدون ماحس اني بكتها اخاف بيه شي

بلحضه فصلت ردت تفسير واحد يريحني حتى لو اني بيه شي الفلوس لاعد مرته كالب الغرفه ولاهي الطلعت من البيت ولاعدي ولاعده وينها جن اخذها لزمت راسي دخت وخاله تهدي بيه سكتت بس راسي حسيته حينفلع

نمت وغمضت قوي بكل قوتي مداتحمل مدري اني دابالغ بس كلبي نار موبيدي تحرك بكلبي خاله نامت وتوقعتني نايمه مكدرت موبيدي نفسي ضاق حيل كمت طلعت بره اريد هوه يطب بريتي ماكو. اختنكت خنك طلعت الحديقه وكعدت بمكاني القديم باوعت لمكانه وغمضت شكد حقير شكد اكرهه وشكد اكره نفسي وشكد اكره بابا حتى لان هو الكله واكره الحياه كلها صرت عصبيه مني وبيه من وحدي.

ارتجيت عالحايط ورايه وصوت الجلاب تعوي والصراصر غمضت رخيت اعصابي سمعت طكه باب البيت باوعت شفته فات يمشي سريع ويعدل بغترته راسه بالكع التفت عالحديقه ووكف من لمحني فك عينه كلها وصفن عليه بقه بمكانه واني اباوعله بحقد تقدم شوي غمضت عيني وجريتها ودرت وجهي بحقد استغفر الله شكو جاي كلتها بداخلي ماريد اشوف وجهه

رجع تقدم وكف ببعد مترين عني جر نفس واني دايره وجهي عالصفحه الله واهز برجلي بقوه واعصابي تلفانه كال

عالي كمرنا الليله

كمت بعصبيه دافوت كال

اكفي

مهتميت لعبت نفسي طبيت مشيت سريع وطبيت الغرفه

نمت ورجعت من جديد ابجي بقهر على كل لحضه ونضره منه الي كله من ماما من الله ياخذني واخللص احترك دمي حتى خاله من اباوع بعينها احسها عبالك شاكه بيه الفلوس اني ماخذتها السيد حار بامره تالي خاله نطتها فلوس من عدها غطيت راسي وهي تطلعها من الكنتور مالتها بهدوء تخاف تحرجني غرفه مامن عليها عدي تنفتح شلون شلون تنفتح وتنباك الفلوس المفتاح بيدي اقفلها وبيدي افتحها شلون هيج صارر عضبت اصبعي اريد افكر ماكو مكدرت انام بيومها ومن الصبح جتي ام عوف رحت وياها لبيتهم ساعدتها بالخبر والطبخ وخاله عافتني براحتي بقيت بيومها عدهم خاله جتني تتوسل بيه ارحع واني اكولها بس خل ارتاح

مجرد دخلت لبيتها بجيت مكان نومه بيبي مرجعين الجربايه بمكانها حتى ام عوف تنام بيها فراش بيبي بيتنا مكان كعده بابا بزاويه البيت بكرسيه من يقره قران. متت بجي

عفيه دنيه فرتني فر لااهل اللفوني ولااب الكاعد حضه وكدر يعيشني ولاام البيها خير تالي وكتي يتهموني بالبوك من وراها اعصابي تعبت واني ابجي يومين منمت وخاله انتبهت عليه وام عوف تتوسل بيه اكل جنت بس اشتغل واطلع قهري. بالشغل حتى طابوك بيتهم الطالع جلفته خطبه ابو عوف مكام يبات بالبيت كام يبات بالمضيف يومين وثالث يوم اجتي خاله وجهه اصفر رجعت وياها خفت عليها بس طبيت السيد جان موجود وكف خزرني كال

ياهو الكالج ترحين ليجاي ماكايلج ماتطلعين مني

معليك مني زززين مالك علاقه بيه لتخليني بالقران انهزم لبيت خالتي عسى ما اشتغل خدامه ولا اتحملك واتحمل اخاناتك

وانه شمساويييلج صررخ خاله لزمت كتفه تتوسل بي يسكت صاح اكفي جاي افهم ارد افرزن شفيها وييياييي شلي ساوييتوو ويااج

٩ ملايين انشالت من الحوش وانه مامن الغرفه بيديييج. ولا كتلج انتي بوجههج ولاابد. ماتيين

صحت بي موواني واتمنى اني حتى دقيقه ماابقى هنا. من خرب حضضضي ولطمت على وجهي فتح عينه كلها عفته ورحت طب ركض ورايه وخاله تصيح

عبدددد هدها مافيني بعد شدده عبد عوفها بروح اخوك

وهو يصيح

مالج خص انه وياها لمن تشوفيني طكيتها ضاك الوكت الج حك

طبيت للغرفه داسد الباب دفعها سديت بكل قوتي وقفلتها وهو يصيح ويعيط افتحي جاي احاجيج واولي افتحيي انه ماتهم بوجههج صكيت حلجي وماكلت شييي المن مركبتني حجايه انه ماكلتها ببجهج خلج بمجاني شتساوين بحدج تفوتين

كمت اركع براسي بالحايط من ساعه السوده اللي امنت غرفتك عدي عفته يصيح توني اكعد والمح عكربه سوده جبيره بزوايه الغرفه صيحت كل صوتي صار سنين هنا بالبستان ولافد يوم شفت عكربه لو حيه اريد افك الباب من خوفي تهسترت احس حتطير وتجيني فتحت الباب ركض والسيد توه يروح عكد حاجبه مستغرب خرعتي

شفيج شفيج

عكربه والله عكربه والنبي عالحايط

وينه في ماحاي اصدك عكرب عكرب

خاله جتي تركض وجرتني كالت لاتخافين شربي ماي وشكر واني ارجف طب السيد وخاله تصيح سيد احركها لون حياله ترد تحتيي

اعرف اعررف زغير جدام منج.

نتر بيها دور لكاها بزاويه الجربايه باوع لخاله كال

بريسم لاتفوتين بس طرشيلي عود ماسحه من الحمام

جابتها خاله واني وراها خايفه اباوع مرعوبه طلعها وضربها بشحاطته جر المساحه من جوه الجربايه وطلع جيس اسود ملفلف بيلك السيد القديم الشتائي بقيت صافنه خاله كالت

هاي شني

السيد بقه دايس عالعكربه برجله وفتح الكيس بهدوء. وحذر فك عينه كلها. وراها غمض وفرك وجههه وباوعلي رافع تك حاجب واني وخاله صافنين من بعيد

كالت

ماتكلي شنو فيه

باوعلي بغضب كال

ماتعرفيه شنو هاذ فرحه

كالها بهدوء وعتب

هزيت راسي

ااالالا

ارتباكي وخوفي ممزوج من خرعه العكربه ثبتت عليه شغلات اني ممسويتها كال

والمن خوفج. يبت ياسين الماان

نتر

وشال الجيس وطشره الفلوس مدامي تطشرت باوعلي وباوع لخاله كال

هاااا هم اني القلط وانه الكاصييي هاااااا والنوب ماراضيه وتتزعل وتهد البيت

بلحضه فصلت عن الدنيا لدرجه شكيت بروحي صدك اني الماخذتها وضامتها امتزاج انه شايفه اليلك مالته وبيدي خليته بهدومه الميريدها جوه درج السطح فوك بالكونيه خلاني احس اني بيدي طلعته ولفيت بي جيس الفلوس رعشه سرت بجسمي خاله همست

فرحه يوم انتي الخذيتي فد كوليلي واصدكج

بقيت ساكته صافنه عالفلوس نملت اطرافي بهدوء حسيت دوخه صارت عدي تخربطت بس مو اغماء السيد طلع من البيت شال العكربه وياه بقيت بالكع حتى منضرلي نضره خوف باوعلي بتقزز ضنا منه اني امثل بجيت بقهر واكول وي روحي معقوله اني اخذتها وخاله صافنه عليه لمت الفلوس وضمتها لزمتني البارده بقوه اسطك جسمي ونار تطلع من عيوني. واذني سمعتها تخابر السيد كوله تعال اخذها مستشفى سمعته كال

دزي على ابو عوف مارايد اشوفن ركعه وجههه

غمضت قوي وصرخت بكل قوتي خاله فزت بس اني مكدرت اسيطر بعد وتكلي خاله

يمه ماصار شي لا تاذين روحج عادي تصير

خاله مو اني

يبمه هاذ اهو خلص الموضوع. انتهت لا تاذين روحج وتحملينها فوك طاقتها عادي تصير

ملخت روحي من البجي حتى ما حسيت روحي من صدك فصلت نار يطلع من جسمي واني اهذي ببيتنا القديم رحت ببغداد والم النارنج من الحديقه حتى بيبي تسوي تشربايه واصيح بيبي بعددد وهي ترد

لمي كله فروحه

بيبي هواي واكع

ميهم انتي سباعيه بيبي

والم بيدي جنت فرحانه بنجاحي وداانتضر بابا يجي ويطلعني بالمطعم نتعشى فعشانا خفيف ------

متابعه ممتعه

باجر البارت لبطل القصه الاولى

ترقبو

وتابعوني

نفيت واستوطن الاغراب في بلدي

ودمرو في  قلبي  اشياءا ي

  بلا ماوى صفيت جردوني من سقف ياويني

ومن عملي بلحضه ضعفي استغلوني

ومن عافيه امي سلبت ولله الحمد على قضاءه

وها انا اسلب فرحتا زرعت توا داخل قلبي كادت تزهر مع كل نبضه صادقه عاشقه

مع كل نضره وعد وامان وثقه

مع كل لمسه عشق متلهفه

قتلوني قتلو فيا ماتبقى من رماد روحي المتناثر

ولم يتركوني

كلما وقفت عدت للسقوط مجددا

ولم يتركوني. حتى انتهى بيه المطاف مكبل الروح بداخل سجن وانا طائر النمنمه اللذي اينما ماحط توغل واتكاثر  وتاقلم

انا صقر البراري القوي بعقليتي المتفتحه هدوئا وتفكيرا. وحلما

انا حضن الاحتواء وانا فخر ابي اللذي لم اره ولم يرني

وانا --- انااا   ماتبقى من روح اختي الخالده فيا  انا هي وهي انا  

ام

واخت

وصديقه

سكنت المقابر وتركتني مهشما مع روح صغيره ولدت من ذاتي

ماالحل

ماعلني افعل غير دعوه بليل هاديء يتم على صوت قطرات الماء المتدفقه من صنبوره اللذي انتهى عمره

لا تابى السكوت واقد اخرم عقلي  منها

اتعبني حتى نفسي اللذي اشهقه وازفره

اتعبني الصبر الهيي انتي مضلووم

اتعبني خوفي على بنيتي اتعبتني الدنيا واثقلت كاهلي

اين ذاك الامل اين انا منه واين هوو عني

ربي اما ان اوان الاستجابه  ام مافي قلبي من ذنوب لم تكتمل من غفرانها بعد

رباه افتح لي ابواب رحمتك   بحق من صلت بمرضها والمها وعذابها وتضاهرت بالتعافي

---

من يوم ما فروحه دزتلي كتاب القران الخاص بامي وافتحه وانصدم بالتاشيرات اللي داخله

وصلت لصوره الطلاق لكيتها مخليه ورقه مشخطه بيها اربعين مره قراءه   لاجل يس ودعاء يتصافون

كلبت بعد بالسور القرانيه لكيت   سوره البقره كاتبه واصله يوم ٤٠ انتهاء الختمه لاصلاح حال  يس وتعيينه

نزلت دموعي وي كل تاشيره حبيبتي ختمه باثر ختمه حتى تصلح حالي

مشيت على ختماتها وحده وره اللخ اكمل وحده ابدي باللخ وعبالك احس روحي  كدرت اتحمل العيشه رجعتلي الحياه لاجل امل منتضر

كل الجنت ادعي

ربي كون من ابني ينولد اني موجود واذن باذنه دخيل اسمك حبيبي يارب   فد يوم داافتر وكت الاستراحه رفعت راسي شفت الضوه يشتغل ويطفه صعدت عالدجه اجاني العسكري راسن

ابو طه جاي تسوي

ابو اسماعيل بس اصلحها نرفزتني

صلحتها طلع العطل بالقاعده شلعتها ضل يحجي ونتر بيه انزل نزلت واخذني للضابط حجيت وياه كتله اني اصلحها الضابط عرف بيه اعرف للكهرباء كله انطي يصلحها  واخذت العده وصلحتها وووحده ورده اللخ سويتها جنت احس روحي انتعش ايدي وكفت جمدت تكسلت خملت عن العمل روحي طكت

كامو كل ما يخرب شي يدزون عليه بوري طاك

ترميم غرفه الضابط

باب مكسور كيلونها واني اشتغل بهدوء عرفوني بحلمي وصبري وهدوئي الضابط هواي تقرب مني رغم انه جان متحفظ كلش   رجع سمع القصه مني من جديد ويسال اساله مجانت حتى موجود بالتحقيق  لكيت روحي احجي عن ادق تفاصيلي   بحياتي. سبع شهور مرت واني هنا بس هسه يله بديت اتاالف الموجودين بالسجن فعلا مجرمين وقتله مو مثلي لدرجه اكون اخاف احجي وياهم وادك ميانه رغم يعرفوني بس يحبوني وميغثوني مالي اذيه لاحدواللي يدزه السيد اتقاسمه وياهم

مره وره مره

كملت ختمه سوره البقره اربعين سوم لازمها خلصتها وارفع راسي مثل كل مره اشوف المساجين يباوعولي اللي يبحي واللي صافن كلمن يحس بتانيب ضميره باسلوبه ثاني يوم

الضابط  حاول يقدم على استئناف لان صدكني . الي ومقبل الرائد مكافحه الارهاب وانسدت السالفه  فد يوم بالاستراحه صاحلي كال

ابو طه فدوه لعينك بلكن تصبغلي الغرفه

اي صار بس جيبلي العده

كلهن موجوده عدنا زياره  للسجن  فريق ركن رحمه لاهلك

اي بعيني هسه نهار واحد ينشف

وبلشت صبغ والعسكري واكف حراسه كشطته وجان المقرر انه باجر يجي الزياره بلشت اصلح غلفت الميز بالنايلون  والكرسي والضابط واكف يسولف وي المحقق واني استمع بلا اهتمام اشتغل واتمهن بعملي  مشتاق للشغل واكف اصبغ معلك عالحايط وصارت مراكض بالسجن وطب العسكري صاح

سيدي جتي اللجنه

اوهوو شجابهم اليوم موكالو باجر اثاري مسوين كبسه غفل. هسه شسوي  بهالهوسه.

التفتت اباوعلهم والفرجه بيدي جاوبه المحقق

سيدي كوله دنتحضر لطبتكم وخلص همه المفروض هاي عليهم كلها  زايده منك تسوي خلي يشوفون حالنا شون دنشتغل والله السجن نرممه من مصروفنا الخاص

شمدريني يله خلي يطب كمل كمل ابو طه رحمه لاهلك

رجعت انداريت طب الاعلى منه مدري رائد مدري فريق ركن وارتبك الضابط وسلم عليه بحراره واشرله تفضل هكزين جان ركن من الاركان مخلصه اني فكعدو وضل يراقب حركتي والتفت عالضابط يحجون برموز وشفرات عاد الضابط كله دنتهيا ونزين السحن لحضوركم وانتو نورتونا اليوم

جنت اصبغ بس احس روحي مقيد الضابط مكله هذا سجين عدي كله صباغ واني غلست شعليه بقه تقريب الريجبع ساعه افتر عالسجون  ورجع الضابط كلي

ابو طه روح عالممرات

صار

طلعت والعسكري ورايه بديت اصبغ بالممر البصف غرفته لان مصلحه قبل يوم  وسمعت ورايه صوت

سلام عليكم

اهلا اهلا

العميد جوه

اي اي تفضل

ودخل جنت ناطي  ضهري للديحجي شوي والعسكري كال الضابط طالبك

صفنت اني    

اموعده  ضيوف

مادري ادخل شوف بس انت صباغ مو مسجون

اي ماشي

طبيت وكفت كدام الضابط

سيدي طلبتني

حجه الضيف كال

يابه شكد مصرف الصبغ كلي

بقيت اباوع للضابط وجاوبت ببديهيه سريعه

بعدنا ممتفقين وكتله بالتومر بي حاضر الضابط ابتسم براحه وهز راسه كال

سيدي خليها

كال لا ابد اني اصلا جاي بزياره ميدانيه على يا اساس تصرفون عالسجن منكم هاي دائره حكوميه  اني راح ادز لجنه تقدر النواقص وتنهي الموضوع

يس- باوعت للضابط كال

تفضل اخذ راحتك دااطلع سمعت صوت على يميني الشخص اللي مباوعتله ابد كال ووكف

مو يس لو اني غلطان

التفتت عليه بقيت صافن عليه شكله مالوف بس مدااتذكر جسمي قشعر ودك كلبي سريع ابتسم وتقدم لزمني من كتفي صاح

ول ياسييين خرب رباطك وينك يول ويينك

قاسسم كلتها مبتسم كلبي راد يوكف اباوعله الكشخه والاناقه البيها موطبيعيه كال ههههههاي لك اييي بعينه وشحمه ولحمه يول تارس راسك الشيب بعدك توك بس والله على شكلك ولا متغييير

انترست عيوني فرح كلبي تلهف حيل حضنني ويبتسم حضنته كال

ولك وينك بايعين بيتكم جنت مسافر ورجعت كلبت بغداد عليك وينك فص ملح وذاب

والله وعضيت شفتي باوعت لروحي والله بهالدنيا

اامك شونها هالانسانه الطيبه الطاهره شونها

نصيت راسي مكدرت بعد دمعت عيني كال

لالتكولها بعدها صغيره

راحت للارحم مني ومنك عليها

الى رحمه الله وينك شدتشتغل شجابك للسماوه جنت اتوسل بيك تعال لاهلي متقبل

باوعت للضابط ونصيت راسي الضابط بقه عاكد حاجبه  صافن  يله اترخص

تعال تعال وين طيني رقمك عنوانك انت وين ساكن ماعوفك بعد ولك الاني بي من وراك  وانت وين صرت احجيلي

باوع لهدومي عكد حاجبه باوع للضابط

ابو عمر اترخص اخذه منك اليوم

لاه لاه ههه وين يمعود

بقيت منصي راسي كتله

قاسم عوفني تركت المكان وطلعت باوعت للعسكري كوه حجيتها

ابو اسناعيل باجر اكمل دخلني السجن وطبيت للحمام اغسل بيدي وعيوني تجري كمت ادفر بالحايط نار وصارت بيه وكت كلب ابن ستاعش كلب فرني فررر

لليل دز عليه الضابط لكيت قاسم عده ووجهه  ميت قهر كال تفضل كعدت ونصيت راسي

ولك يس كل هذا يصير بيك واني مادري لك انت الوحيد المتركتني

تنهدت  بتعب باوعتله

هاي حضي شسوي

الضابط طلع عافنا وبده يسال واحجي اخذ عناوين شركه ابن خاله دعاء وعنوان بيت اهله واسم ابن اخو الكمال وولده الرافعين الدعوه سجل كلشي بامعان لزك كتفي كال

وروحه امي وغربتي الامنتها وياك فلا اعوفك بس طيني مجال ولا اشوفك شسوي ولك رجل اختي عميد واليوم وصلته بسيارتي لان ممنوع عليه يسوق. طالع من عمليه لك الله جابني الك تدري وين شغلي صار اني ولك اني صرت مسوول عن شركه نفط الجنوب

نصيت راسي جريت نفس

دنيا يوم الك ويوم عليك

بس اني واثق ميه بالميه انك مقاتل والا لو اني منك اشرب من دمه مو بس اقتله

جان كتلك قاتله اقلها تبرد ناري

وروح الغاليه لاانسيك ايامك العشتها هنا يووم يوم بس طيني صبر 

طلع وطمنني وانزرع بيه امل جديد هالمره اقوى من امل الضابط من طلب الاستئناف مكلت لاحد حتى للسيد حتى ميعيشون على امل ومتصير ومر سبوع وقرار الاستئناف انقبل ومااجه قاسم بعد  وره شهر اجاني ووياه اربع محاميين ٢ من بغداد وثنين من السماوه بقو يسالون واجاوب وقاسم كاعد اباوعله بامل ويلزم كتفي

يهمس

ماعوفك اربع سنين ويايه معفتني اكلي وشربي عليك وامك تداري وتغسل هدوم عبالك ابنها ماعوفك والله

تنهدت براحه كمت اجاوب ادق التفاصيل ورجعو راحو تحددت موعد محاكمه جديده بالنضر بالاستئناف وره الزياره بسبوع وهم مكلت للسيد شهرين يشتغل قاسم والسيد ميدري. وانفتحت المحاكمه واخذوني من السجن جنت من تمشي السياره واباوع من البدي مالتها الشوارع شي بيه يتنفس وعيوني تجري

تعبت من الدعاء بقيت ساكت واباوع للسما ادعي بعيوني احس اشوف لرب العالمين دمعتي المضلومه

دخلت المحكمه ولا واحد من ولده موحودين ولا زوجته ولاابن اخو فقط محامي الهم  المحاميين مالتي حافرين الصحراء بابره رايحين لشركاته لاماكن كعداته النوادي الليليه محاميين  شطار  حيل   وقاسم بنهايه صاله المحكمه يتفرج. على شغلهم ويهداني بنضرته الكلها امل

ابن اخو عليه سبع قضايا  سجله حافل ويطلع بكفاله

وولده سافرو بره

اخر المطاف  المحاميين. مربطين سالفه بالشركه مالته صارت بشهود من الموضفين وعمه طارده من العمل كله لتطب لشركتي بعد بعدها باربع ايام انقتل  كدرت اثبت مكان وجودي بذاك اليوم وين جان عن طريق كومبيالات المعمل وتوزيعاتها عالمحال الحنت ادز الها الجبن والزبد وواحد منهم كال

استلمته منه الصبح وبالفعل كان حاضر هو واخذو شهادته من اجه شهد ماعرف وين جانت رايحه عني نبشو المحاميين القضيه  نبش بعدها لكفو مرته الثانيه اللي هي دعاء

مشتركه  وي المقتول بجريمه تزوير ورشوه وماخده المقسوم وطافره للنرويج 

هم المحامين خلو هاي نقطه عليه يجوز انقتل بسببها بس بعدها القضيه راكبتني بالنهايه واحد من المحامين باخر جلستين بالمحاكمه جاب وحده من الخدم اليشتغلون ببيت اهل المقتول اي بيت جد ابن اخو.  واعترفت بانه سمعت  الجد يطرده من البيت كله لاريدك ولاريد عمك اطلع بره كالت بيومها صعدفوك شفت السلاح نزله من غرفه ابوه المرحوم وطلع يركض نفس اليوم انقتل عمه

المحامي رايح لبيت جده وضل يسال جده ومناطي وجه وشاف الخدامه ارتبكت تقصد يكول اكو مضلومين بالسجن وحرام عليكم توكع بركبته كلمن يعرف شي وميحجي جده طارده يكول من  دااطلع ركضت ورايه طتني رقمها وكالت خابرني بس ماريد احد يدري

وفعلا صار الاتصال ودزو على سلاح الاب والحد مقبل ينطي وصار امر تفتيش واخذو من بيت جدهم لان والده كان واصل بالجيش فسلاحه مطلوب وطلع نفس السلاح مال ابوه يعني قاتل عمه بسلاح ابوه ودزو الانتربول  عليه  عن طريق الشرطه الدوليه من بره . ورجعت المحاكمه من جديد  شيل وحط شهرين وبالتالي

اعترف الجد بانه  حفيده هو اللي قتل عمه وحفيده يصيح

كذاب

المحاكمه انتهت واني مثل الطلعت من الدنيا

يعني شنو يعني هسه شنو التفتت لقاسم شفته واكف  مبتسم وتقرب من المحاميين مالتي ابتسمو وصارت ضجه بالمحكمه ولده وموضفينه زوجه ابن اخو واخوه المقتول صارت هوسه كلها تحر بالحد ويصيحون

يابه شدتحجي صدك تحجي تتشاقى

والجد منصي ساكت

طلبو السلاح لان كشاهد اثبات ملكو وملكو بس عن طريق رقم السلاح ونوعه والرصاصه المقتول بيها وربطو وي سلاح ابو القانل والخدامه وكلامها وصلو للقاتل الحقيقي

جنت بلحضه انتضر الرد واخاف منه نفس الوكت القاضي ضرب عالميز يريد الهدوء سكتو كال الحكم بعد عشر دقايق. وبقو يحجون قاسم اقترب مني هو والمحامينن

بشروني يبتسمون قاسم سامت واكف مبتسم بوجهي كال

والله دافعه ثمن ليله ليله بايتها  بالسجن بعيد عن بنتك بسيطه. بسيطه

واجه القاضي وثحصدر الحكم برائه وتعويض كعدت بالكع ولزمت راسي بيش ابدي ومنين وبيش اخلص اول مابديت بي سجدت لله شكر

نوبات الواحد ربك يهياله ملاك بهياءه بشر

كان كان عملك الصالح وكفلك

او دعاء امك

او دعوتك انت ومناحاتك تالي الليل

او مضلوميتك

قاسم شجابه للسجن   عود ديوصل نسيبه العميد اللي جان سبب بالاستئناف لولاه مايطلع

الخدامه

وجده

واعترافه

الموضفين اللي اعترفو عليه بانه طرده عمه

والسلاح مال الاب اللي لحد الان ملاكي

بس غباءه خلاه ينسى انه بي رقم ونوع

وغبائي هم متوقعت انه ابوه المرحوم كان بالجيش او هو الكتل عمه

طلعت وي قاسم مخلي ايده على، كتفي ويبتسم بوجهي

همست بتعب

كلي بيش اجازيك

حللني واوهبني تطلبني ١٠٠٠ مال لفه همبرمر من مطعم الساعه

ضحكت من  كلبي وبجيت على ذيج الايام

وديني لاهلي واجرك على الله

مو قبل متزين وتكشخ تطبلهم بهدوم السجن امشي لحمام السوك

واخذني لحمام السوك سبحت ذبيت تعب السجن وضلمه وايام فراكي فرحتي متنوصف يزين براسي الحلاق واني اتخيل شمل بريسم وفرح مغمض عيني واسمع همسه قاسم ورايه

اصبغ بعد عمك اصبغ

سلكت روحي اله وفكيت عيني واتفاخا بروحي اصغر عشرين سنه ليوره.  باوعتله كاه

اااه رجعت ياسين الصاك هسه نوديك لاهلك خل اعرف وين ساكن

واخذني وادلي بي والطريق كله يسب بيه

ولك متكولي وين كاعد بالجول ولك يول خاف حتصكني

ادري حتيط كاعد وراك هو وكرعيته وسلاحه وتخاف  جان قصدي عالحرس الوياه. لان جان ميطلع الا بحارس شخصي

الهزيمه ثلثين المرجله تتذكر هههههههه

وصلنا البستان وبس نزلت ثكلت رحلي اباوع عالشجرركبرران زرع ايدي كبرانه الشتلات الزرعتهم.  تلفتت ولمحني ابو محمد وكع من اي ه المنجل صاح

عمي ياسييين ول ابو طهه هاذ ياناااس سيييد. عبببد ابو طه طلععع هاذ اهو واكف بلحمو وشحمووو

ركض عليه حضنني  شمست بي ريحه الزرع والطين يالللللللله شكثر مشتاق

قاسم نسيته ورايه واهف برجلي-----

فرح- بليلتها حسيت بوجع بكلبي قوي مدااكدر اتحمله حسيت خاله نايمه يمي والكماده على كصتي  كمت اريد اوكف مدااكدر اختنكت طلعت من الغرفه  للمطبخ اريد. اشهك مدااكدر ردت بس اشتم هوا نضيف وصلت للباب مال مطبخ مقفوله فتحتها بسرعه ولهفه ببالي بس اوصل الحديقه اتنفس براحه كل عقلي

فكيتها لكيت السيد كاعد يدخن التفت مستغرب واني شهكت مكطوع الهوا بريتي باوعتله وايدي على ركبتي واكح فك عينه كلها واجه ركض

ول فرحه شجاج شتحين بويه

اكح مكدرت وكلبي ايدي عليه واتخربطت  فتره. مرت احس روحي صعدت طايوه خفيفه وفزيت على ضربه قويه وكعتني فزيت وسمعت صوت غريب،هاذ اهو. هاذ اهوووو رجع النبض شيل الكهرباء وحولها عمليه حالا قسطره السداده متحركه والقلب مليان دم غير موكسج احاله فوريه للعمليات

الصوت اسمعه بس ماامدر ارد لو ابين اي تفاعل او حركه حسيت من عروني من هدومي حسين بالبنج من مشه بوريدي بعدها محسيت بشي وره فتره حسيت ببروده على شفتي وطعم حلوه بلعت ريك ابتسمت اريد افتح عيني ماكدر فتحتها شوي شفت السيدعلى راسي واكف عاكد حاجبه يباوع بوجهي رجعت غمضت حسيت تلمس خدي مكان الغمزه ونزل على اذني بطرف اصبعه يمشي ويعدل بحجابي بدربه حسرته  سمعتها وسوالي خاله وين شوي ودك تلفونه رد

الو اي بلي لاه تحجي صددوك  جاي جاي طرش ام عوف عدها اكولك طرش اممم عوف لهنايه خلني اروح لاوخيتي

طلع ركض صاح عالدكتوره كال

دخيل نبيج هساع يحون اهلنا بس خلج عدها

اي اي لتخاف

لاه لاه ضلي عدها ماريد تتحركين منايا وانه اداريج بعدين

اخي اني مسووله عن كل الطابق

اوهووو ركع يمي ويخابر وينتر

عجل لوين وصلت يابو  عوف استعحل بس لاتسري حادث معود مالي غيرك

لزم ايدي قوي بعد مسد التلفون كال

محلله وماهوبه بالي ساويتي بس ردي بسلامه

مكدرت ابين اي تفاعل جسمي ممسووله عنه شوي وسمعت صوت ابو عوف كله

خلك عدها لاتتحرك مني حجابها لايتحرك مايكشف عليها زلمه المشفى احركو تره وابو عوف يرددصار عمي تامر اعمي

اخر شي كاله

مايخش احد الغرفه  لون ماارد

وراح

خاله بيها شي متاكده متاكد.ه

جان اكو الم بمفصل فخذي يعذيني حيل احس بحراره بيدي تمشي غمضت ورحت غير عالم فتره وسمعت ابو عوف يحجي بعيد

يخوك كولو بمستشفى ال--

اوهوو يابو محمد ولاده مبجره عندها لاتكولو عن بنتو شي جا خوش الحمد لله ربي الحمد لله

يس- تفاجات بالبيت فارغ من ادك الباب طلعت مريه ماعرفها وياها طفل يطلع اربع سنين عمره جاوب بثكل

تفضال عمي المن رايد

ابو محمد حجه

كال

ولك هاذ ابو طه نسيب السيد صيح العلويه صيحها اريدن البشاره منها اليوم

نصه كال

العمه راحت وي ام عوف لونها تصيح من بطنها حيل

يس- كلبي وجعني همست

فرح وين

كال

اهي بعد متوجعه ثنينهن بالمستشفى

وكف كلبي. باوعت لبو محمد ملامحه تخربطت

ابو محمد شنو الصاير تره مابيه وكفه بعد

قاسم صاحبي كال

يابه ماكو شي دروح للمستشفى انت مو تكول حامل اكيد ولاده عدها

قاسم بعدها بالسابع

اي كومه يجيبون بالسابع امشي امشي

يس- امشي واعصابي ترجف عيوني تتلفت تدور اثرهم واباوع للمعمل مقفوله الباب ومزنجل ب القفل احس شبه مهجور بس صوت المنضومه والماطور الجبير

طلعنا والطريق يدك بينا كلسا التفت القاسم

يابه ارجع اخذ الرلد وروح

والله ولاارجع الااتطمن عليك يله

قاسم فدوه روح كافي كفيت ووفيت

قنع قاسم وكال خلينا على اتصال اخذت رقمه وراح تفاركنا قريب المستشفى ونزلت اباوع لروحي متانق وببالي دعوتي

ربي دخيل كل انبيائك واوليائك بس كون ااذن باذن ابني لمن يجي

تحقق امنيتي بجيت بمجرد دخولي المشفى طبيت اسال دلوني كمت اهف ولكيت السيد متربع بالكع يقره قران بتجويد هاديء تقربت مبتسم رفع راسه من خليت ايدي على كتفه مرتين متفاجا فك عينه كلها وحضنني حضنته اضحك

يباوعلي ساكت وعيونهرحايره ويرجع يحضني همس

شلي جابك كيف خرجوك

ربك كريم العلويه وين

داخل ولادتها عسيره وسبيعيه اكعد ادعيلها

تلفتت ادور

فروح وين

باوعلي ونصه راسه

وكف كلبي بلعت ريكي فرح وين سيد

فرح بالمستشفى العام سوولها قسطره

افترت الدنيا بيه ولزمت الحايط الورايه انسند عليه لان توازني اختل

كال

على كيفك عمي تراها فخير والحكيم طمننا

ابقى انت هنا اني رايحلها منو عدها

ابو عوف

ماشي رحت طاير للمستشفى طبيت واسال وادور دلوني وطبيت شفتها من الجام حبيبتي نايمه مثل الملاك بغرفه وحدها ابو عوف كاعد بالباب من شافني كام يخربط بالحجي متفاجا حضنني بالي مو يمه شون مجان حضنته وطبيت ابوس بكصتها

فروح بباتي

وارجع ابوي

بابا اني هنا هياني فرح اكعدي حبيبتي

نزلت دموعي ونصيت على جسمها ابجي همست

مي

وخرت وامسح عيوني شربتها بالقبغ بلعت ريك تريد تفتح عينها شاورتها

فتحيها حبيبه بابا فتحيها وشوفي منو يمج

همست

بابا حبيبي

ياعمر ابوج انتي

بابا انت يمي

اي بابا وبعد ماعوفج

بابا طلعت

اي حبيبتي اي بست ايدها فكت عينها وبجت شوي شوي راح هدوئها وبجت بقهر حضنتها حضنتني كانما متريد تعوفني وتردد

بابا الله يخليك خل نروح لبغداد اخذني منا اني وخاله

شبيج بابا حبيبتي ليش قسطره

مادري كلشي

طبت الدكتوره كالت

سلام عليكوم ها كعدت الحلوه

هله دكتوره ااني والدها

كالت اي الحمد لله طابت اخذوها ههه لالا بليل تطلع باذن الله مابيها شي قويه وسبعه

لعد ليش عدت ها

والله الحلوه صاعد ضغطها وبصوره قويه فطافره السداده وعدناها

باوعت لفرح طلعت الدمتوره وره مفصلت المغذي همست

حمد الله عسلامتها الحلوه

انداريت لفرح

بابا شبيج حبيبتي ليش ارتفع ضغطج خفتي على خاله

بابا اريد اروح لبغداد ماابقى بالبستان بعد وديني هناك

صاير شي حبيبتي -- اسال وكلبي يدك خوف وقلقل منا بريسم ومنا فرحرخفت لاصابهازشي خفت لا متاخر اجيت

غير اعرف شبيج

بابا ليش كيل للسيد اني من جنت صغيره ابوك منك بجيت ليش حاجيله اسرار بيتنا وحتى على امي ليش كايله

عمدت حاجبي بلعت ريك بابا قديمه السالفه

انباك واتهمني يكول امج قبل سوتها واني هم مسويتها قبل كلتها ومتت بجي

بابا غمض عينه وباسني من راسي لتهتمين بابا ميهم كلشي بوكته حلو ميهم

بابا بعد متطب للسجن حجيتها وامسح بدموعي وهو يعاونني

لاحبيبتي ماطب ابقى يمج بعد احجيلي شىونج خالتج دتجيب

صددك بابا صددك بس بعد وكت

هاي بعد سبيعي يله اني حعوفج هسه وحدج لان بالي يم خالتج انشاء الله بس تجيب اجيج

خاف اطلع دااحلم وانت بالسجن

لاحبيبتي هياني يمج بست ايدها قوي انتضريني باباتي

اي بابا

----

يتبع

مريم السعدي

خميس وجمعه ماكو. عطلتي

انتضروني السبت ب٩

------

------

يس- وصلت المستشفى لكيت عبد عالاستعلامات يملي بالاستماير باوعلي ابتسم

ربك جاباك

ها بشر

ولدت تعال شوفو هلكداته تكول مفتاح سياره

خو مبيها شي

لاه بخير جاوب يبتسم كال

شتسمينو عمي جاي نفتحلو بيان

صحت هي

لاه صاحيه بس خلولها مسكن لون ولادتها صعبه بس لا تخاف الحمد لله طلعت منها بسلامه ضبعه اوخيتي ياله ماكتلي شتسمينو

ابتسم وغمضت عيني تخوصرت باوعت بوجه السيد

علي

اااها بالله كتلهم

علي اسمي وكون يطلع مثله

عمي انت ذهب واخي الماس شون يكون بزركم

باوعتله بعتب تذكرت كلام فرح يوجعني وجعها هزيت راسي مشيت اروح لغرفتها والسيدكدامي كلبي جان قبلي يركض طبيت واشرلي فوت بس لاتحجي هزيت راسي اريد اهدي دكات  كلبي المتلهفه  وصلت يمها وشفتها

ياروحي شكد تعبانه تقربت ايدي ترجف مستغرب وخجلان وعبد يبتسم دار وجهه مدمعه عينه واشرلي طالع اني هزيت راسي موافق طلع وسد الباب تقرب من كصتها وبستها شميتها بعمق  واباوع ملامحها مدري شصار بيه خنكتني عبرتي وايدي رجفت اريدها تكعد اريدها تحجي اريد اباوع بعيونها واريد اباوع انعكاس صورتي بعينها اريد اشوف شون حتستقبلني اريد

اريد --- اريد انام بحضنها واامن دهر دهر اضل نايم ياعمر ياسين وسنين شبابه انتي شكد ضعفانه ذبلان الورد تقربت شميت ركبتها يبووويه يريحه الحنه حيل للوكفه ماضل الي وطببو الطفل كلشي بيه رجف

علي

علي اجه ننه

علاوي اجه طونيا بيدي وراحو جسمي يرتعش.

فرحه تالي العمر هلكد حلوه   احس ربي يحاجيني بنعمته

يس هذا تالي صبرك واختبارك

ياسين هذا تعبك وي امك  وصلاتك كلها بيدك وكدام عينك

يعني تجسد الاحساس لمن يكون كلبك كدام عينك اتلمس ايدي ناعمه ويدور حليبها يعمري كون انطيك روحي تشبعك تقربت من اذنه اريد ااذن واختنك صوتي عبره ابجي واكبر وجسمي يختض ودموعي تنزل

كل،ايات  سوره البقره كدام عيني صارت اياتها غمضت كل قوتي واكبر وارجف بجيت شكرا لله وخشوعا اله افتر واكبر باذنه طفل بكد جف ايدي اباوعله وجهه صغير يا تعب السنين ياثمره عمري انت

سمعت همستها ورايه

ياسين

التفتت امسح بدموعي مبتسم. ذبيت الطفل وعيونها تباوعلي بحيره تغمض تعصر بعينها وترجع تفتحها وتهمس ياسين

تقربت منها معدت على ركبي بست ايدها تقربت لوجهه

بريسم- هاذ انت صدك هاي انت عدي ياسين لون روحك طافت كد دعائي الدعيته بطلوكي

ياسين- بست ايدها بعمق وشميتها اني يمج بريسم

يااقوى مره شفتها بحياتي صدك من سماج خيط البريسه نعومه وقوه وعدللله يروحي انتي يعمري

احجي وابجي فكت عينها رفعت ايدها تطلب حضني ووجهه مبرطم

حضنتها وشلتها من مكانها بشبكتي هي تبجي وتشهك واني هم وياها ابوس بركبتها وشفافها على ركبتي منطقه النحر وتحجي دفو نفسها موتني فتفت الصبه العلى روحي هسه يله حسيت بروحي طلعت بحضنها

شلي طلعك هاذ دعايه هاي احلامي باميمتك هاذ انت بطولة عدي ياسين

اي عمري انتي هياني شوفيني ابتعدت كدامها وكفت تتاملني وكانها تتامل اغلى شي عدها وتفتخر بي رجعت اقتربت منها جانت امنيتي اشوف روحي بعيونها بستها من ركبتها خجلت ومالت تبتسم وعيونها تجري دمع

شون طلعوك

طلعوني برائه وتعويض هم

بصلاه محمد تحجي صديك

وروح اخوج وروح ننه وداعه علاوي

سميتو ياسين ساويتها وسميتو بنفسك واذنت بنفسك فذنو

اي شفتي ربج شكد رحيم شكد كتلج ادعيلي بس ااذن باذنه ولو

ايييه تعرفني بالكريمم الف الحمد لله الف الحمد لله

يله عمري الدكتوره هسه تجيج ونرجع

فرحه شونها يبعد عمري وليدي شونه وليدي يابويه شكثر احتاجيت لامي حدما حسيت فيها جانبي تصدك

اصدك عمري انتي

انه اطلك واصيحن لج يمه الحكيلي واحس بعطرها نمل لساني تالي شفتها قسم بالله شفت طيفها جدام مني وبيدينها السبحه

تحجي وترجف وتبجي حضنت راسها وبسته بقوه

فرح بشرني عنها

زينه الحمد لله هسه من اطلعج امر اطلعها بربكم طالع من السجن الكاكم ثنينكم مستشفى

نصت راسها خجلانه لفتحت مرضوع ولاكلت بني ادم عضمه ثكيل بس هم السيد شايل عليه بكلبي وادري بفروح عناديه وحساسه كلش

بس هم لازم استفسر اخذتها ورجعت وكلسا اباوعلها تباوعلي ودموعها تجري اني كاعد بالصدر وهي ليوره والسيد يسوق اخذت اجار حاضنه من المستشفى ويايه وطبيت لفروحه لكيت الدكتوره تجيك

ابتسمت بفرح من شافتني

ها باباتي

حبيبي بابا

يله كومي اخوج بالسياره ينتضرج

بس كلتها نزلت من السديه الدمتوره نترت بيها

ماما علكيفج خياطج مكان خطر ينفتح راسن يصير نزف

اوك اوك بابا وديني

امشي يله شطبت الحساب طلع السيد ساده ودافع كعدتها عربانه وكلسا تلتفت تباوعلي وتبتسم واكرصها من خدها اخذت روحي ويايه وصلت السياره وشلتها بس طبت نامت بحضن بريسم وتبجي وبريسم وياها سبحان الخله محبتج بكلب مراهقه سديت الباب باوعت للسيد

بعد ماعدنا احد بالمركز بالمستشفى

ابتسم السيد بتعب وعينه بالمرايه طلعنا للبيت ويمشي بهدوء ثنينهم طالعين من مستشفى وصلنا بليل طببنا السيد السياره لداخل البستان لداخل البيت ونزل سد الباب دنفوت لبيتهم نزل هذا الولد عرفته ابنه راسن

باوعتله هذا ابنك مو

اي ههه تعال سيد جبتلك زغيرون

وينو وينو يصيح ويكمز ول فرحه اجيتي

اي جيت همست وباوعتلي

شبيج بابا

اريد اروح لبيتنا القديم

بابا بيت ابو عوف بي انطيني صبر بس خل اجر نفس اشوف راسي من رجليه ونتفاهم خوش حبيبي

اوك

يله نزلتها شلتها وطببتها لغرفه ام عوف دلتني عليها نيمتها عالفراش بهدوء حضنتني تضحك

حياله

بابا مثل قبل جنت اسوي نفسي نايمه حتى تشيلني

اي ناصبه عليه ارتاحي بابا خل اساعد خالتج هو حنفتح مستشفى بالبيت

رحت شفت بريسم تمشي على كيف وي اخوها شنو القوه الصارت بيه مادري شلتها اضحك صاحت

لالا ضهرك يابعد روحي لا

ششش هههه افتريت بيها لاهمني السيد ولاام عوف داامشي بالممر بست راسها واني شايلها رفعت راسي شفت وحده لابسه عبايه عالراس فاكه كل عينها بالقران بالقران فزيت سمينه وفاكه كل عينها

منو هاي استغفر الله منو هاي

هدها مالك دخل بيها شددت حضنها ولفت ايدها على ركبتي طببتها بالغرفه بهدوء وجبت الحاضنه خليتها واخذت الطفل من ايد ام عوف شفت السيد مطبب حولي والكصاب واكف يذبحه

حييل سيد شدعواك

لاه ابوطه خلني هم سلامتك هم سلامه اوخيتي وهم سلامه فرحه

كالها يهمس وعيونه عالكصاب ذبحه وقسمه وقطعه وحده مدخل للبيت كله وزعه للفقره على خمسه خمسه

لاهدوم عدي ولا خركه اريد اغسل غسله الحمام مال سوك راحت من التفرفر بالمستشفى طبيت لبريسم وباوعت لفرح تباوع لاخوها بالحاضنه وتحاجي

بريسم فدوه فد شي البسه

يبعد روحي انت الكلت كل هدومي تصدقو فيها عسى ولعل الله يفرج عني

وفرج الحمد لله هسه اشوف شون

التفتت طلعت صار السيد بوجهي كال

ها ههه تعال خلنا نسولف

بس خل اسبح

ماتروح عجل شلي كاضبك

هدوم ماعدي

باوعلي مبتسم وجر نفس كال

الحكني عجل

صعد وصعدت وراه كل ضني حيطلع من هدومه صاح

يارب ياساتر وياي خطار

عرفتها مرته الفوك اخت صاحب يعينك الله منوره ابنه مخلي اخت قاتله اخو بالبيت النوب حاقده مشه مشه وصل غرفه فتحها وباوعلي مبتسم بس عينه دمعت

وين هاي طبيت غرفه جبيره وبارده جان مبين على معالمها تعود لشخص يتصف الهدوء والرزانه تقر بثكل عالكنتور والتفت كال

ويفتح

اخذ التبي قسم بالله لو اهو عدل جان سوه الساويتو

بلعت ريك ونصيت

غراض السيد وغرفته مو

امم تفضال اخض راحتك

لا مااكدر صعبه اختك تشوفني بيها

لاه قلطان عمي راح تفرح وانه والله لون ماعادك نفس طيبتو فلا اعطيها لك  تسبح عمي تسبح برانا حجي جثير برانا عتاب اردن اشوفن ياهو الوكف وخلاني بوجه الاسود

لا يابه وجهك ابيض وثكلت عليك هواي بس اسبح ونسولف

اخض راحتك

عافني ونزل طبيت سبحت بحمام الغرفه ولبست واباوع بالمرايه صورته المهيوبه كزبر جلدي ابتسمت لايامه وثكل وزن كلامه شكد جان مهيوب

نزلت متحمحم واحس عيون من الغرفه اللي بالزاويه تلحكني

مباوعت نزلت وصلت المطبخ سمعت ضحك بريسم وفرح طبيت مبتسم

هااا عليمن تضحكون

بابا باوع شون يتثاوب جولك حلكه

ههههه ولج تضحكين على اخوج

التفتت شفت بريسم صافنه عليه وعيونها مدمعه خجلت نصيت عرفت عرفتها دشداشه اخوها تقربت من الطفل وباوعتلها مبتسم تتاملني بلهفه تباوعلي من فوك ليجوه نزلت دمعتها مسحتها بهدوء مبتسم

باوعت لفرح صافنه علينا تبتسم

عاب هالعيون شبيج تباعين لج

ايي حدير وجهي  يله

ههه يله اروح اشوف السيد شوي محتاجين شي

لابابا بس سد الباب

ماشي سديت الباب واني اباوعلهم. كلمن نايمه بجربايه وعلي وياهم احس كلبي انقسم ثلث اقسام وكعد بالغرفه

طلعت للسيد وبده السوال عن القضيه حجيت ادف التفاصيل اله وهو يستمع بامعان  كملت السالفه جر نفس كال

الحمد لله زنه عرشه ومداد كلماته. الف الحمد لله ربي العافيه ردت للحوش ولنا عمي

هزيت راسي باوعتله مبتسم لزمته من فخذه

تعبتك هالسبع شهور وثكلت هواي

باوعلي ونصه راسه كال

لاعمي شماسوي مقصر

كمت

كال لوين عمي اكعد ارتاح

خليني افتر تره واصل لخشمي

طلعت للبستان للمعمل للساكيه للمنضومه ورجعت خططت ببالي الاسوي والمساوي والسيد ورايه كلشي محجه بس كال

هاملو انه من ورا البر

اي اعرف بيك ذاك شغلك الاساسي

اي بالله. يله رد راعيه

اي باذن الله سيد اريد بيت ابو عوف ااجره منك

لاه هاذي مو جلمه عمي عيب

لا يابه لعد اطلع ااجر برهلاه هاذ اهو باللي تبي

بس بيت ابو عوف وين يرحون

كاع الله وسيعه يابا

اي والله جريت نفس اباوع للنخل موسم حصاد بعد شهر شكد احب هالطين والكع والزرع سبحان الخله عشكها بكلبي  يتوغل  طبينا للبيت السيد ترخص وصعد وابنه وراه يمشي وهو ساكت طبيت للغرفه لكيت فروحه كاعده وبريسم نايمه

سوتلي مكان تبتسم راسن

انام يمج

اي عريضه الجربايه

ها تسولفيلي

اي بابا حسرلف هواي ححجي

واني حسمع هواي يله اطربي طلعيهن العله كلبج

تمددت ينها لفيت ايدي على كتافها وبدينا الكلام بقت تحجيلي بهمس خوفا لاخالتها تسمع حجت كلشي رغم اكو مواقع احس تغاضت عنها بنتي واعرفها بس شددت بقول

انه السيد كلش حافظ عليها  مثل ميحافظ على بنته

اتطمنت ووصللي التريد توصله انه منضرلها نضره نكسه

سالفه ضربه الوجه عذرته بيها ضغط نفسي كان بي بس من وصلت للفلوس وكامت تشهك بقهرحضنتها انمرد كلبي وتردد

والله بابا مواني

بابا هاي مرته. واضحه بس السيد مديلكه دليل وحاير

بابا هوو اصلا مكالها بوجهي اني سمعته تصنتت هو بس سالني منو يطب للغرفه

امم بس اتهمج كدام خالتج وخالتج مقبلت

اي نصيت راسي اي بابا اتهمني ومن لكه الفلوس جوه الجربايه كالها كال هم اني القاسي هم اني الغلطان يحجي وي خاله

جريت نفس كلبي احترك حرك

لعبه وصخه لاعبه مرته وهذا فطير لابعد حد بس شون وصل المفتاح

والله بابا بصدري من اطب للغرفه  افتحها انضف واخلص واطلع ارجع اقفلها واخلي بصدري

امم ابتسمت

هسه لكاها

اي

هاي هي عكب باجر نروح بيت ابو عوف

بس بابا اريد اروح لبغداد

بابا وين اروح صرتو ثنين ماريد ابهذلكم صبري عليه كلبي انتي

لعد ماريد اشوفه بعد

اي هلي هيه نفصخ العقد ومثل مكالت خالتج ابتسمت

حبيبه ابوها تكمل دراسه معهد

اي اي حباب

تدلل دلولتي منا وهيج تدللي

حضنني قوي جن الدنيا حضنتني كلها ارتجيت بي كانما ضهري سندي هذا الاخذته الدنيا مني ردلي غفيت بامان وراحه وعدم منيه احد كعدت الفجر ملكيته

خاله شفتها كايمه ترضع الطفل وتقره ايات قرانيه بهدوء باوعتلي كعدت ابتسم داامشي همست

على كيفج يوم مخيطه انتي لاتنسين

على كيفي خاله

تقربت ابوسه فدوه حبيبي ريحته تخبل  طبت ام عوف تهلهل وتطش جكليت مسكتت من كولاتها مره على بابا ومره عالطفل ختمتها بمقوله كلش حلوه انه الطفل كصته حلوه دعيت من الله يبين برائتي كدام السيد وحلفت مااسامحه رغم حقه على كوله بابا بس جان مفروض يربط  احساسه ويايه يحس بيه عيوني اني ونضراتي ونضراته معقوله ابوكه

يس- من الفجر تركت فرح وبريسم وعلي وطلعت عالبستان كلي نشاط وهمه مخليت شي ماعرف بيش ابدي ماعرف شخلص البيت الصغير بالحديقه  كملو واخذو انقاظه  وطلعوها حرثت الكاع من جديد والسيد طلع للحلب ورجع وي ام عوف باوعلي تفاجا

يعمي نام ارتاح

ابتسمت لا عمي خليني

ضليت اشتغل وهو يساعدني. ساكتين كملنا كلشي  ثاني يوم ساعه ١١ بليل بحيث اكلي اكلته بالبستان بقت عدي شغلات بس بالنسبه لليوم كملت والسيد تعب وابو محمد وابو عوف راحو كلمن لبيته ابو عوف كال الباجر طالع  من الحوش

دااطب للبيت خله السيد ايده على كتفي باوعتله وتذكرت دموع فرح ابتسمت ونصيت نزلت ايده باوعني

عمي عسى ماشر عليش اهيج تطالعني

لا بس ضل بالي

عليش

فلوسك كاملات خومبيهن نقص دنسده

فك عينه عرف فرح حجتلي كلشي نصه راسه وارتبك كال

عمي انه ما

لايابه حققك. اني لو بمكانك هم اشك بيها بس اني صوجي جريت نفس ابتسمت بوجهه اني مفروض مااحجي اسرار بيتي لان باجر تصير نقطه ضعف

بقه فاك حلكه بلع ريك لزمت كتفه مبتسم

تصبح على خير سيد روح ارتاح كفيت ووفيت

مجاوب وطبيت للبيت لكيت بريسم ترضع علي  ومخليه شي على حليبها وفرح غافيه تقربت منها باوعتلي تبتسم بست علي من راسه راسن هي تقربت من ركبتي وباستها وشمتها همست

ربي لايحرمني دخلتك علي بجاه نعمتو الي فيدي

روحي داخت بشفافها  باوعت بعينها خجلت وخجل الرمش الاسود دنجت لو روحي طلعت

باعيني غير اشبع غير اشبع

نصت على علي كالت

موجاي يرضع

نياله عمي ماخذ كل حنانج كون اني اربع وعشرين ساعه هيج اضل بحضنج

خجلت حومرت خدودها بست علي مره لخ من خده وتقربت من جوه ركبتها بهدوء بسته خجلت عيونها وذبلت اخذت علي ونيمته ورجعت  عليها باوعت لفرح نايمه باوعتلها

تعاي للصاله

هاه

الله يخليج

فيني ريحه

مابيج اي ريحه تخبل ريحتج ومواقوى من ريحتي

يبعد اهلي ريحتك جنها مسج ريحه طين وزرع شريدن  بعد  يدعوه امي بصلاه الفجر يقرانها الماينكطع يصالح عمل ابوي كلو انجمع فيك

فميت حلكي اضحك

هاي شون تجيبين هالحجي منين شواتي مااعرف احجي

يكفي عيونك من تطالعني جن تباوع للجنه

هوانتتي الجنه مالتي احبج بريسم اعشكج عشك مسودن على كوله ابو عوف

هههههه

فرح - اسمعهم واني طايره بابا واعدني نكعد بيت ابو عوف عاتبت لان حجه للسيد واعتذر مني وكال

حقج الله يبينه شفتي شون بينت قضيتي حبيبتي لتخافين

اوك بابا

بقيت بامل اريد اشوف باجر شون من تبين الحقيقه اريد اشوف وجهه او لاماريد اشوفه

----------

مقتبسات من البارت القادم

فرح انتي راضيه باللي ابوج كالاه انتي موافقه

اني بابا شيكول امشي بامرته

عجل الوش كصدتي لكبتييي الللمااان

يحجي بين سنونه وبغضب  ووجهه نار

دفعته وطلعت من الحمام

--

يااجمل متابعين

للذين وقفو معي للذين اوصلوني 

شكرا جزيلا لاتعابكم

مريم السعدي

سامحوني عالاغلاط

وعذرا عالتاخير

فرح زينه

فرح----

ايومين مرت

ام عوف تداريني اني وخاله واخويه علي ابو صفار شكل عده  وبقه بالحاضنه  اكلنا وشربنا بالغرفه بس خاله تطلع شوي وترجع تمشي على كيفها بابا منشوفه من الصبح للفجر بالبستان  والضهر ينام ساعه بالمضيف الخارجي حتى اكله بره كمت اسمع صوت مكاين المعمل تشتغل من جديد وصوت الفلح هم  البيت كمل وراحت العكربه هناك  صعدتلها ام عوف كالتلها

عمي يكول نزلي غريضاتج وحدري صوب الحوش الجديد كملو

كالتلها

وليدي يختنك ليجاي خاله دترضع علي وصفنت وهي تسمعها ام عوف كالت ماعرف انه انتي والسيد انه العلي كتلج

نزلت ام عوف شوي ونزل حسون طب للغرفه كال

عمه انه ماريدن اروحن لذاك الحوش كلي لابوي

خاله نصت راسها تهز بعلي جرت حسره ورفعت عينها باوعتله وهو يحك بشعره مبرطم  باوعت لخاله اشوف شحتسوي جاوبت

الوش عمه

اريدن اضل يم فرحه وعلي

ايه اهو البيت بصف البيت تعال من الصبح الليل وبعدو رد لاميمتك

ماودي

كيفك سيدنا انت وابوك طلع وسد الباب سمعنا من الممر يبجي ويحجي

ماابي اروحن

سيد ذاك وينو الحوش لاتتعبني خلني اخلص

بوي ان تحبني خليني عدك

انت ضل بس اميمتك تروح

وانه اخافن على امي

ماعليها شي لاتخاف

بويه امي تخاف بحيدها

عجل انت بات عدها ومن الصبح خدر صوب الحوش

انت موتكول هاذ بيتك

اي اهو هم هيج وبيت العمه بعد

بس انت جاي تطردنا وتخليهم حتى ابو فرحه كاضب هني وانه شردتني بذاك الزقيرون

صاح السيد بعلو صوته

حسيييين رووح كول لاممك تلم غريضاتها لا باللله اشمرها لخوالها امشي يلللله

حسيت صعد فوك ركض ونزلو سكعنا صوت الدرج وخاله تتحسر والتفتت باوعتلي كالت

والله انه اخافن منها سالفه الفلوس اهي براها ماغيرها

درت وجهي ماريد يرجع الموضوع ينذكر كدامي

الايام تمر سريع بابا رمم بيت ابو عوف صبغه ورممه وصديقه اجاه كم مره  واخر مره اجه بيها جهز البيت اثاث حديث بابا مقبل ياخذه بس هو خجله كاله رد دين هذا اني من سنين ادور عليك

وقبل بابا بس راح وياه للبيت جان عده بيت بنته كهربائيات وبواري تاسيس  سواهن كلها وحتى تكلفه الكهرباء والبواري بابا دفعها اخذ من خاله فلوس تداين اربع ايام يشتغل عدهم كمله يله عافه   البيت كمل  كاونترات جديده وتخم بسيط وغرفه الي وغرفه لبابا جديده اصلا بابا متزوج بغرفه نوم جديده

حتى ركن لعلي خلو بالغرفه يخبل

مرت عشر ايام واني السيد ابد مشفته وبابا نادرا ماشوفه بس بليل اسمع همساته وي خاله كام ينام ويانا فد غرفه اسمع همس ضحكهم بس مودبين  بعدين خاله تروح وراه بالصاله واني امثل النوم لان ماريد اقلق راحتهم خطيه بابا 

فتره وجابو مضمده جرت الخيط مالتي مال الخياط وحالتي صارت زينه ارتاحيت كمت اتحرك براحه  بنات ام محمد يجون ينضفون الفجر والسيد مشترط على ام عوف محد تحجي يخلصون شغل ويتيسرون

كمل البيت مالتنا وخاله ردتلها عافيه قبل تضحك وتاكل وتسولف وترضع علي  بابا بدل الخوص العازل بين حديقه بيت السيد وحديقه بيتنا

صار جديد بس ارفع من القديم بس المهم يعزل حتى المرجوحه صبغها وردي علمودي وام عوف خيطت جرجف ووجه مخده للمرجوحه باجر بابا ششظكال يتسوك ونبات هناك بعد جنت كلش متلهفه اريد انهزم قبل ليصير بيننا لقاء كارهته كلش

من طلعت العكربه بابا كام يجي الضهر للبيت وخاله كلسا تخابره

تعال تغده ويانه ان ماجيت مااكل وابنك يجوع يضطر يجي

السيد ميجي لان يرجع من البر ب٥ فنتفاوت وهمزين اكون اني بالغرفه العب بتلفون خاله اكلب بي

حدما فد يوم ب١١ بليل دانا سمعت بابا يحاجي السيد بالكعده مال مطبخ كمت طلعت من الغرفه وافتريت من غرفه المسبح لباب المطبخ وكفت اتصنط سمعته

سيد دزلنا على كرايب ابو عوف باجر

ياهو هاذ عمي

السيد العقدلكم حتى نفصخ العقد ماله داعي بعد وكفيت ووفيت

بقى السيد ساكت تمنيت اشوف شكله رغم انقهرت من كالها بابا بس هووهاذ اللازم يصير  بابا كال

ماعدي مجال بس باجر دااتفرغ للبستان بعد من احولهم هناك اخلص

كال

عمي الرجال مريض الي عقد

هو اي مكان حتى كلولي بس يرمي عليها اليمين هذا هو بس داساله كم سوال

ها اي شكوش منها

دخابره هسه عيني

عمي اكولو مريض

بقه بابا ساكت وجر حسره السيد كال بصوت ناصي

ااهي  تريد تفصخ الحين

بابا ضحك كال

خو طبعا  احنا ردنا العقد علمود الامانه صح لولا

بلي عمي صح كلامك

ووبعدين  بنيه مترهم معقود عليها للكفاله  وابوها موجود شون يصير. تجيها حجايه

السيد بقه ساكت  شوي وصعد مترخص وبابا ضل يحجي وي خاله رجعت للغرفه تمددت تلفون خاله بيدي العب بي وصلت رساله

من

سيد عبد

مكتوب

محتاجج بشغله

بقيت صافنه عالكتابه بس مفكيت الرساله عبالي يدري التلفون عدي رجع رسل

بس ينام   ابو  علي صعديلي ابيج

فكيت عيني شنو يدري الفون عدي  كلبي دك بسرعه بس بعدها دز

بالخوه لاتبطين  علي تراني مزوهر  ومالي غيرج يحلها

عرفت بي  الفون عدي ميدري وسويت نفسي مشفت الرسايل لان مفتحتها عفت الفون ونمت. فزيت سمعت علي بجه بهدوء لان ابن. سبع شهور قليل يبجي ودوم نايم  كعدت اباوع بابا نايم بجربايه خاله ذاب روحه غافي وخاله ماكو باووعت  عالساعه ب٢ عرفت صعدت يمه كمت شلت علي اسكت بي يدور حليبها بهدوء طبت خاله باوعتلي ونصت على علي كالت

يبمه سوده بجهي وعاج

لا خاله اني نومتي خفيفه اخذته ترضع بيه وتجر نفس غمضت عينه وارتجت على تاج الجربايه باوعت لبابا غطت كتفه لان جان بالفانيلا ورجعت باوعت لعلي قدر الامكان

تبتعد عيونها عني مسالتها وين جنتي ولا سالتها شكال السيد ابد

توني دانام شفتها طلعت كملت رضاعه علي ونام كمت وراها. طبيت للمطبخ شفتها كاعده عالميز وايدها جوه خدها راسن كمت عصرتلهازعصير وقدمته كدامها بقت تباوع بعيني بحيره جرت حسره واخذت الكوب تبتسم شربته وباوعتلي كالت

فرحه

نعم خاله ابتسمت كلت راح تحجي

يمه انتي  تبين تنفصلين صارحيني

كالتها همس وعيونها حايره بلعت ريكي هزيت راسي

خاله غير بابا الحمد لله رجع بعد شنو اله داعي العقد

هزت راسها ونصت عالكوب كالت وهي منصيه

وان جدد خطبتوولج ترضين

فكيت حلكي صافنه بقيت ساكته بس رجفه بكلبي صارت عرفت هذا الراده مجاوبت معرفت احجي كالت

لاتخجلين مني هاذ اهو ًلاتفكرين فينو بعد عكب باجر يجي السيد يلي عقدلكم ويتم فصخ العقد  والله يخليج مدالله بجال اوبوج

هزيت راسي تتهرب من عيوني عفتها وكمت مكدرت انطق كلمه وحده

هنا انا وافق كحجر  عثره   بطريقك

ليس باستطاعتي المضي وتركك ولاباستطاعتي ان ازيح عن دربك

اساسي قوي  وجاشي اقوى وتلاشى امام مقل عينيك 

شككت وضربت وتعاليت

وليت لي بالرجوع  عن مافعلت من منفذ  يخرجني  من  اعماق تفكيري وغيرتي المتعبه

لااقوى على التنازل عنك ولااملك حق الامتلاك

لااعرف فن الملاقه  و التوسل 

وليس بيدي ان اقتلع. قلبي  اللذي  تمرض بسرطانك كتوغل الجذر القوي

ليس لي غيرها هي اختي

هي روحي

وهي امي بسنين صبا عمري

علها تنفع ان تكون بابا يخرجني من تعب التفكير

---

علويه  رايد شورتج

كول ياخوي خليت كلبي عليك علما نام صعدتلك

بريسم انه مارايد افصخ

ضربت العلويه على صدرها شخصت عيونها بغضب

شلوون   شرايد بعد فليساتك وردتلك وماناقصها فلس

بقه السيد يروح ويجي بالغرفه مايعرف يصوغ الكلام عصبي ورابط ايده وره ضهره نتر بعصبيه

مارايد افصخ وخلص

شنو اللي تبي سيد خلني افهمك افتحلي كلبك ياخوي لاتتعبني البنيه  وابوها رد الها

وانه مارايد شي خلي العقد المن ماذي ماكالج ليش

ياا ول عيجبد لاتسطرني ابوها ورد جاي اكلك ماله داعي العقد

اوووهووو   مابي افصخ كولي لابوها ابيها على سنه الله ورسوله

كالها بعصبيه وتهرب من عيون اخته اللي ربته نصه راسه بخجل من طلبه لان صغيره  وحلوه وماناقصها شي حتى تاخذ متزوج وبالاضافه لهالشي اذاها  بوكت سجن ابوها ولاهي التتحمل عيشته وسجنه

بريسم- يخوي دوهنت عكلي شجاي تحجي تبيها

ااي وشني يعني اانه كلت دام ماعدي مره اهي موجوده ووو انه عاقد عليها.

ماضنته يوافق يخوي لاتحرجني واياه  ان ردتها كلو واطلبها بالاصول ولو ماضنها ترضى فيك

شلي دراج انتي

يخوي انت تاهمها وكضبتك تحجي عليها وعلى امها وتربايتها تبيها ترضى فيك

ااانه ماكتلها لها انه كتلج لج اهي اللي تصنتت

يخوي هاي حجه مو عدر هاذ لاانت العتذرت منها ولاانت الصاين احساسها وماماذيها

هسه شني ماتحاجينو

لا لاتحرجني

هاذ اهو هاذ اهووشني السالفه خلصن   قابل  اي هاي هي الباجر انه فاصخ. انه هم ماابي جنس حوا بحياتي  يله تصبحين على خير

الصار  والسمعته حيير العلويه عصبيته وتوتره وروحته وجيته بالغرفه وضعفه اللي بين من حركه اعصابه. دوخها وخلاها تفتح الموضوع وي فرح وتسالها

----

فرح- بره ماخاله حاجتني بقيت ساكته مغفيت ابدبس افكر ثاني يوم بابا وده الغراض ورتبها.  بقه بس احنا نروح هناك خاله كالت الباجر نروح حتى فد نوب الثلاجات تبرد والمجمده هم لان جانت مطفيه

بقينا بليلتها  ولحد الان مملتقيه وي السيد ابد رجعت اتهزم بس اسمع حسه

يس- رجعت فتحت موضوع وي السيد لمن دخلت بليل

ها سيد الله يساعدك

هله هله عمي  الله يخليك شلوناك يابا البستان صاير يحجي على ايدك

خلاك الله شفت المعمل شون طلع

اييي تجدد والمكاين صارت جنها حديثه

اي طورت بيها تعديلات هاي تفيد  بعدين الاحد نفتح بعد نبلش لان ماشاء الله عدك صارو سبعه نوك عالحليب  يعني خوش كميه

اي لله الحمد مانوزعو يعني

لالا عمي نريده دنشتغل بي يمعود المعمل معزل صار خمس شهور

ياله الله وايدك وكل اليدر من ارباح لك ملك صرف والبستان نتقاسم بيه

الله يسهل هسه الله كريم عود توه يصعد صحته

عبد الله شسويت على سالفه السيد يابه دنريد نفضها

شني عمي ها اي شكو منها

اي نطيته خبر

بقه يتهرب بعينه جاوب

والله  ماصارلي مجال

زين طيني رقمه واني اودي واجيبه

الله كريم

عدك رقمه

ها لا

لعد اخذه من ابو عوف روح ارتاح اخذ راحتك

يس- لليل داانام وبريسم تدلك ضهري وتسولف واني اطرب بصوتها ولمسه ايدها دك تلفوني

قاسم لازم بالحله جان مسافر للبصره

هاا ابو محمد الله يساعدك

ابو علي الذهب ياب  فارغ الباجر اريد امر عليك

كل الهلا بيك تعال تغده عدي ماعدي شي باجر

ها صدك

والله شنو ههه ممجربني يول

يابه من طلعت لليوم ماكلنا عدكم

عمي الباجر مفطح يعجبك بعدد

جا خوش زين اهلك موجودين

اي لعد شون ام علي موجوده

لعد اجيب ام محمد بعد

اي جيبها على راسي ولدك بناتك هله بيكم قاسم خل نتعرف حتى فرح هم تتعرف عالبنات

ياله شكو منها الباجر بحدود ال١ عدك اني

هاهي هي هله بيك

افرشلنا الزلم بالمضيف اللي عالساكيه واليرحم ابوك شون عليل بي

هههههاي صار صار تدلل

يله فيماللا

الله وياك سديته التفتت لبريسم اللي من انزع فانيلتي تضل تخجل وتريد تباوع وتنصي تبتسم

فطم يروح يس انتي باجر حتعبج

لاه انت وخطارك على راسي بعد اهلي

امم  زين وين هنا لو هناك

لاه لاه هنا. لحتى ام عوف تعاونني والبيت وسيع

هاي هي

مفطح يريد شتريدين مسواك

هسا اكتبلك بس كون ذبيحه توها مذبوحها

اي ماشي صار

فرح-  بليل خاله طلعت تنضف وطلعت وياها عرفت بابا عده خطار باجر نضفنا ومسحنا الجام وعدلنا الصاله والمطبخ والطرامي وفتنا نمنا  ثاني يوم الصبح سمعت صوته بالبيت بعده وبابا وخاله مو بالغرفه بس علوش  اهو اريد اتريك  شوي وطبت خاله كالت

السيد ماراح البر لن ابوج عدو خطار اهو يستقبلهم وياه

سكتت

كالت هسا اجيب ريوكج لبين مايطلع ابوج والسيد سوا بعد ما يجون ان طلعو

اوك

انتضرت بالغرفه جابت الريوك  تريكت وطب حسون

فرحه الفرخ فككس وانه عطيته مي ومواجل

خوش

فرحه ياهو الراح يجينا

خطار بابا

فرحه ابوج عيونه بيهن كلوبات

ههههههههاي فدوه ابويه يخبل مو مثلك قزم

انه طولان عايني

ماه عاين

طالعي يول لاتزعلين

انلطش بالحايط يبينلي طوله ويحنجل برجله

يووو صاير طنطل

طلعنا خاله خلت البريمز  وحضرت التمن والمي لحم واني وياها وياها السيد بره هو بابا لل١٢ ونص الاكل جاهز

والزلاطات واللبن  تفلششت تفلش خاله طلعتلي كلبيه تخبل كلها تطريز لبستها ستندر عليه يمكن مالتها من جانت صغيره ولفيت الشال وياها ذهبي لان هي احمر ناري وبي ذهبي بس مو مزروقه هواي مرتبه كلادتي الصارلي فتره مضيعتها مادري وين لبستني منها كلاده ومحبس بيبي والسوار والجنجل جنت مكيفه كلش لان ناس جديدين حيجون  مليت من نفس الوجوه  للوحده وطبو نسوان وبنات من عمري لابسين جبب مرتبه والام لابسه عباه نشر راقيه ونزنجيل ذهب مدندل من جتفها عالعبايه. خاله استقبلتهم استقبال حار بلبسها الكشخه ومكياجها الهاديء والذهب مالتها تخبل طالعه دخلتهم للصاله وام عوف قدمت المي والهيل لان ورانا غده والرياجيل بره كعدت يم خاله وعيون مرته لصديق بابا عليه   خاله ضلت تسولف والمره هم واني اباوع للبنات مبينات مكملات دراسه  وواصلات  خجلت افرض روحي بس مبينات بسيطات وحده متهم كسرت الحاجز  وسالتني

انتي وين واصله بالدراسه

ااني ثالث متوسط ووبطلت كلتها نصيت

كالت لاا حرامات ليش

مو تهجرنا ووصارت مشاكل وي بابا

ايدحجالنا بابا ميخالف بعد وكت مفات الاوان حرامات رجعي

انشاء الله بابا كال ارجعج معهد معلمات

ها هاي رواء اختي بالمعهد رواء باعي حتدخل معهد معلمات وياج

روا- اي سهل دخلي حلو للبنيه خصوصا احنا محافضات شوي ميحبون الطبه والطلعه والاختلاط بالرلد اقلها ذوله بس بنات وياج والطلاب صغار

فرح-امم انشاء الله زين انتي شسمج

اني شفاء

الله حلو اسمج هه اني فرح

شفاء- عاشت الاسماء اني  اول تربيه رياضيات بنات

ها شون حلو

اي الحمد لله حلمي جان ووصلته ويوم الالج

الله يسمع منج

حلوه الدراسه وحرامات تنترك

اي صح تحمست ههه

بدينا حديث بسيط واني مرتبكه وكلسا تحجي وي اختها وتسالني وهمه ثنينهم بسيطات وحبابات صبت ام عوف الغده واني كمت وياها عالميز الطعام خاله كالت وفرشناه كله طلعت دااخذ الخبر من المطبخ شفت ابو عوف ديشيل الصواني

عمو حباب كول لبابا  خلي يجيب الثلج اخذه كله بره

نصه ابو عوف عالصينيه كال صار من نصه بين السيد واكف بالباب واني بكشختي وهو بكشخته السوده فك عينه كلها باوعلي من فوك ليجوه  ارتبكت حيل خفت منه ماعرف ليش ردت انهزم جوه زلكت بالدهن المدوغته خاله عاللحم فوك التمن مطفر ابو عوف صاح

الله الله باوعت للسيد راسن شفت متقدم خطوتين تجاهي وفاك عينه بقلق  بقيت اباوعله. همس وتحركت شفافه

دير بالج يابا نصيت راسي دافوت التفتت عليه مره اخيره شفته يباوعلي عاكد حاجبه  جرنفس وارتفع صدره الحركه اللي خاف اني مرتاحه وهاديه دتخوفني بالزايد طبيت للصاله وكعدت بصف خاله راسن كالتلي همس

يمه شبيج

هاه لا هيج

احجي واباوع لباب الصاله احي حيطب

تغدينا وام محمد مرت عمو قاسم خلت ايه الكرسي ذهب بالكماط مال علي لليل راحو بس كلش تونست وي البنات  واعدتهم اتصل بيهم تبادلنا ارقام تلفونات وراحو طب بابا يضحك باس راس خاله  كدامي كاللها

رفعتي راسي علويتي  

خاله جاوبت

راسك مرفوع بعد بيتي

طبيت للغرفه بدلت وتمددت ارتاح تعبت كلش شوي وسمعت بابا يصيحني

ها بابا

ها حبيبتي شفتيهن البنات،اي حبابات كلش

اي تعرفتي عليهم يعني زين

اي

وتركته دااطب سمعته كال لخاله

اليوم قاسم طلب مني فرح لبن اخته مهندس وياه ويريد يتزوج مثقف ويريدها مكمله كال اخليها تكمل وبيت وحد يعني مرتب

هاه وانت شكتلو

كتله طيني مجال

سكتت خاله وبابا سكت بقيت بحيره وكلبي دك سريع  فكرت بيني وبين نفسي اذا بقيت وي السيد ونفس تحيلات البارحه اتخيل انه اني مرته احساسي جان ينبض عشق  بس مااكدر عالعيشه هاي حبسه وسجن السيد وعصبيته  مااتحملهم رغم قريب لكلبي   بس يمكن لان مااعرف غيره وممتحاجيه وي غيره ولامختلطه هيج مشاعر عدي

غلست وتمددت افكار تجيبني وتوديني اتزوج واكمل دراسه واعوف البستان والنوك الحمر والحلب. والعيشه هنا

وكلبي يضيق واكول معقوله غير ولد يعني مو السيد اتذكر كلامه وسوالفنا نضرات عينه وبالليل من جننا نسولف واتذكر من صعدتله واكره روحي وارجع اتذكر من يباوعلي مبتسم كلبي يدك حيل بس اخر ذكرى فززتني

تذكرت  من تهمني   وحتى معتذر ولحد الان الحق مبيين بحيث اختنكت  ونمت راسن من ال١١ حسيت بابا وخاله نامو فزيت على نعوصه علي ورضعته خاله مكدرت انام بعد كمت حضرت هدومي اغسل طلعت من الغرفه لان ماكو مي  بحمام الغرفه  طلعت طبيت بحمام البيت جانت صنطه  يعني ام عوف نايمه والسيد هم

غسلت المي يصمط مدري يامصخم عالك السخان  تذكرت عزه هاي خاله علمود علي تسبحه

غسلت انصمطت صمط لبست بالحمام دشداشتي ولفيت شعري بالخاولي خاجبي انسحب ووجهي كام يلمع توني افتح الباب السيد صاربوجهي عبالك جان ينتضرني خازرني وعاكد الحاجب

عرفت يدري الموضوع كدامه انفك يمكن رحت يمنه اجه بصفحتي جيت من الطرف الثاني اجه اني وخوفي وارتباكي اريد انهزم كال

رايد احاجيج

ماعدي حجي وياك كلتها بدون مافكر واخاف اخلي عيني بعينه كال

ماهو على كيفج لحكيني للصبه ماطول حجايتين وردي

بقيت واكفه ابتعدت ديروح للحديقه والتفت اني طفرت عود دافوت للغرفه مكيفه ماشوف روحي الا انشاليتوصم حلكي ضهري على صدره وتك ايد شايل والتك اللخ ساد حلكي كمت ارفس رجعني للحمام ونزلني وايده على حلكي صامه وجهي كله كد ايده   رجعني عالحايط بقسوه ايده وخازرني بغضب قفل الباب وشدد ايده على وجهي لاصم حلكي مخنزر وعاكد الحاجب همس بغضب وجهه احمر دم وياشر باصبعه

حسج ماسمعو فاهمه جاي اكلج جلمتين بس

نزل الخاولي وكع وشعري نزل عيونه ذبلت يتامله  ويتامل عيوني الطالعه بس من ضمه ايده   وايده بعدها بمكانها

تسكتين لو شون

هزيت راسي موافقه بعد ايده بهدوء وتنفس ارتفع صدره غمض وفرك وجهه واني اباوعله رفع راسه ورجع باوعلي همس بحركان دم

ول فرحه عدج علم باللي ابوج رايدو

هزيت راسي ساكته اي

وانتي موافقه عاللي يبييي

كالها بعصبيه يحجي من بين سنونه بغضب

والله اني اليكوله بابا موافقه عليه

وانتي عجل مالج راي مالج مالج احساس شني بغللل

هو ادره بمصلحتي كلتها واباوع عروك كصته الغدت مي

لعد لويش صعدتي لكبتي المنننن عصب وتقرب كلش لوجهي خفت حيل دفعته وفكيت قفل الحمام عالسريع اباوعله يتنفس بتعب واكف بمكانه صافن عليه طلعت منهزمه من الحمام كلشي بيه يرجف باجر نروح اصبر روحي واردد باجر نروح وبعد ماشوفه باجر بعد ميشوفني وينتهي كلشي واخلص

نمت بعذاب واحلام مزعجه ومن الصبح كعدت وي بابا نحول بالغراض جان السيد مموجود بالبر كملنا ترجيع هدومنا وكلشي وطب خاله بالحوش الجبير البستان جان فارغ حتى ابو عوف مموجود بس ام عوف دتخبز بابا باوعلي واني ارتب هدومي كال

اروح اجيب خالتج واجي عينج على علي

اوك ببا

راح بابا وتاخر عفتهم براحتهم

يس- طبيت للبيت الجبير شفتها تكلي كبه تقربت منها من ضهرها عالطباخ وحضنت بطنها وبست ركبتها بهدوء التفتت تبتسم بوجهي

مداصدك حنفرد بيج اليوم

بعد روحي راح اعوضك تعب فراك ايامنا السود

بس هاي عيونج تنسيني اووف فطم اووف

بعدني حاضنها بقوتي انفتحت الباب حسون ابتسمت

كالت

ها عمه

عمه حتشردون من حوشنا

غابت ابتسامه بريسم بكلامه دار وجهه عالطاوه شالت كبه وقربتها لشفافي قربت راسي من يم ركبتها واعضيت الكبه من ايدها انفكت الباب مره لخ واشوف ام حسين ابتعدت راسن وبريسم صاحت

استغفر الله

همست اعوذ بالله

باوعت وجرت ابنها وطلعت من البيت

فطم ضلت صافنه كالت

هاي لويش خضتو

ماعرف

ماتاخذو اهيه عليش

خاف جيف تخاف يبقى وحده

بقت تتصفن اخذنا الكبه وكلسا اتذكر عيونها شون تخزرنا تخوف من صدك

اخذنا الصينيه ورحنا لبيتنا شلتها من الباب جانت تضحك براحه همست باذني

لون ادري انه تالي عمري راح اعشك وانعشك هالكثر ماذبن دمعه فد يوم من ايام امس

بقيت اسمعلها وذطببتها بالمطبخ صحت فرح والتمينا تغدينا جان اول يوم النا هنا كعاءئله بعدها طلعت اخذت رقم كرابه ابو عوف من ابو عوف واتصلت بي كال بليل جايك كيفت ردت اخلص واخلص بنتي تاذت هواي والسيدهم ثكلنا عليه تفاهمت وي فرح. هزت راسها صافنه جانت دائما احس اكو حلقه مفقوده بينهم وفرح ضامتها عليه عصبيه السيد وناره بيوم الحجه قاسم توتره وفركه ايده ونفسه التخربط اني اعرف ولو اعرفه اذا جابو سيره مره من النسوان يتخبل فضليت بشك يجوز اني رايح فكري بعيد

لليل السيد اجه شفت سيارته واتصلت بي

يابه تعال يمنا تعشى

لاه هاذي ام عوف محضرتلي خضو راحتكم عمي

يابه دتعال اشرب جاي

ها جا زين لعد اتسبح واجيلكم

كرابه ابو عوف اجه وططبته بالهول مال بيتي شوي وطب السيد توه خطه رجل وشافه لكرابه ابو عوف سلم وكطع سلامه صافن بغضب باوعلي ونصه راسه مرتبك

كال

عمي ماكتلي

لايابه هايهي صارت وانت تره مقصرت من صدك كفيت ووفيت والله سيد لو عدي اخ ماامن بيها عده مثلك

هز راسه منصي ميلاوع بوجهي اباوع لايده يفتحها ويسدها ويتنفس بقوه قدمتله جاي اخذه ايديه ترجف كعدت بصفه احجي وياه ميجاوب صافن عالكع ويهز برجله متوتر

كمت من يمه اشوفه فز يباوعلي وكفت

شبيك سيد

نصه راسه وكف

تقرب مني تلفت يمنه ويسره يباوع لابو عوف وكرابته كال

عمي انه. جر نفس بعمق باوع بعيني

عمي راد بنتك مره الي

فكيت عيني صافن عبدالله صدك تحجي يمعود لتخبلني

بقه منصي وجهه صار ينفر دم باوعولابو عوف

من رخصتكم بس دقيقه

اخذته على صفحه بالمطبخ بريسم بالغرفه وي فرح

عبد انت شدتحجي

اانت براحتك ان عطيت وان ماعطيت بس انه رايد اتزوج وكلت يعني دامني عاقد عليها ووانت اعرف بمصلحه بنتك ان مارضيت ماني زعلان

بلعت ريك احراجه حرجني

عبد البنيه صغيره وممتعوده على عيشتكم هاي تتخبل وتريد تكمل دراستها ووانت متزوج عدك ولد يابه شون افوتهع بهالمعمعان اعذرني مااكدر ادخلها كيد النسا وبعدها باول حياتها

انه ناوي اطلك ابو علي

سيد فدوه اروحلك شيل هالموال من راسك فرح مو مال عيشتكم والله علمودك اني لاريد اضلمك ولااضلمها

سكت منصي راسه

كال

هاذ اهو واحنا بعد نضل اهل

اي فدوه لتخليني احس اني خسرتك

لاه هاذ اهو والديره مليانه نساوين ونفس ماكلت الحضيريه ماتتحنل عيشتنا

اي والله اني لوماعرفها ماكولك اضلمك واضلمها الا انت من معزتهاعدي

سكت منصي كال

وتعطي لصاحبك عمي

رديت عليه

لا رفضت مقبلت تريد تكمل دراستها

جر نفس وهز راسه وهو منصي كال

اللي تشوفو عمي

ها نتوكل على الله

كيفك يابه ضرب على فخذه بهدوء كيفك

رجع للهول وتركني وجبت فرح الجنت حايره عيونها وتتلفت

بابا هو موجود

اي لعد شون بابا يوكف كدامج ويرمي اليمين

عززه بعيني يوكف كدامي شون

هاي شبيج بابا اني واكف يممج امشي فضيها

اوك بابا

مشيت وره ابويه كل خطوه اكثر تثكل رجلي اكثر طبيت كلت

االسلام عليكم عيوني صارت عليه رفع راسه باوعلي ونصه جاوب همس كعدني بابا يمه وبده السيد يحجي كمل وكال كومي ويه اكفي جدام منو

بابا لزمني ووكف بصفي احس روحي ارجف منصيه راسي كال بابا

رفعي راسج بابا

رفعته كوه شفته مبعد عينه كاله السيد

باوع بعينها وردد اليمين

التقت عيوننا ماعرف ليش دمعت راسن سوالفنا ضحكنا وشقانا عيونه عيونه دمرتني بلع ريك باوعلي ذبلت عيونه بتعب والسيدكاله

ردد اليمين

باوعله وباوعلي جر نفس وذبه عيونه صارت حمر وطرف الغتره وكع باوعت لايده وعيونه يفك ويقبض بيده همس

انتي طالق

كال السي

عاين بعينها بويه

رددها اكثر من مره ونصه بابا كلي،هاي هي بابا روحي

طبيت ركض فتت لغرفتي ابجي لكيت خاله تبجي بس شفتها ركضت لحضنها حضنتني تبجي واني اشهك شي ضاع مني

طب بابا صاح

فررح علويه وينكم

خاله بسرعه مسحت وجهه وطلعت من الغرفه تركتني سمعته يكول

هذا يمكن زعل اخوج

لاه عليش

مادري بس رمه اليمين طلع حتى السيد كال اهو مو كافلها عليمن زعل

لاه تركو هو تعبان شوي

فرح- كعدت ابجي بقهرمادري ليش اعرف انه انسب قرار الي واله بس شي بداخلي معصور بكلبي واجعني حيل -----

مقتبسات من البارت القادم

السيد-

فكيت مفتاح غرفتي مافات بالقفل تعجبت جربت المفتاح الثاني انفك عليش منقبل الاول الشك لعب بعقلي رجعت لمفتاح غرفه المخزن الجانت كاعده بيها ام حسين اخذت المفتاح جربت قفل غرفتي الاول مانفك بس الثاني انفك عرفت باللي ساوته صرخت صرخه طلعت من روحي بيها

غشييييم انه ومضحوك عليي كمت اركع بالباب حدما تكسرت فزيت روحي متاخر نزلت ركض لحوشها وطبيت جريت وليدي وشمرتو داخل البيت الجبير ضله يصارح وانه فاقد ابو عوف يهدي فيني وانه موكادر اهده بغت ام حسيت تطلع من البيت خايفه مني واني حبستها جريت دبه النفط وحطته بالبيت وارشن بي

يتبع

مريم السعدي

ساره علي

فرح- كل الصار خلاني امر بمرحله سبات تعبتني حيل خاله ابد مفتحت موضوع ويايه ولاحجت اي شي اكل قليل وسهرانه على طول وافكر واتذكر موقف موقف بليل اطلع للمرجوحه اشوف الايهم عالسياج واكف اعرف بوجود صاحبه قريب يمكن بالبستان يفتر. او يجوز بالبيت

سبوع مر حتى لبابا ولا خابر خاله

شوي شوي. رجعت احيويتي كمت اشتغل واخبز واركب وي خاله نسولف ونضحكح ومن اصفن بوجهه تتلمس خدي بحنان وتجر حسره

علاوي بده يكبر حبيبي يناغي ويحرك ايده وبابا مديتحمل يفاركه هواي يروح ساعتين ويمر يشوفه. ويبوس بي ويرد يطلع للشغل السنه بدت واني ملحكت اسجل كالو على سنه التجي تاجلت صديق بابا دائما يجي ومن سالني كتله ماريد انزوج سكت كال براحتج

فتره مرت شهر واني مشايفته كام يجي لبابا. كل فتره يخابره وبابا يطلعله وخاله بعدها بشكل يوم تروح ساعتين وترجع تنضف وتحضرله الغده فجاه بليله من الليالي فزيت على صراخ صوت رجال صوته هو هذا فزيت طلعت من غرفتي شفت خاله هم دتطلع وبابا وراها يصبح شبي

والله مادري

ركض بابا واني كلبي وكف من الخوف خاله لبست وطلعت وركضت اني بالطرمه اباوع من زروف الخوص لكيت الهوسه ملتمه ابو عوف وام عوف ابو محمد وبابا وخاله حسون يصرخ ويبجي ولسيد محد كدرله صاير نار وبيده دبه النفط ويصيح احركها لو احرك روحي

عليمنرشبي هذا

جان حيله مهدود ومخربط شعره خفت حيل عليه بابا صاح بي اخذ الدبه شمرها نتر بي

خابر اهلها ياخذوها وانعل ابوها لابو الرادها

خاله راسن شالت التلفون خابرت للفجر جتي سياره بيك اب اخذتها واسمع بالحديقه يصيح انتي طالق وان وصلتي لابني ارفع عليج دعوه تكتم حمل حتى الحضانه تنوخذ منج تباتين بالسجون

سكتت وراحت وطلعت السياره من البستان فجريه جانت توه مجهجر الضوه. حسين ملخ روحه تملخ اخر شي ابوه ضربه وكع بالكع وختل وره خاله وجابته واجه للبيت يشهك ميت بجي كسر كلبي طببته يمي احاول اهدي بي شوي سكت ونام من التعب طلعت لكيت بابا وخاله كاعدين بالمطبخ يتريكون وكعدت وياهم

خاله جانت تحجي كالت يكول

اهي الباكت ودخلت العكارب بالبيت لاكي بالمخزن جوه الفراش قوطيه كزاز قبقها مزرف فيها اربع عكارب والنوب يكول

قبلها

جاي افك قفل الباب ماله غرفتي بمفتاحي مااخذ حاولت بالثاني لن فتح شكيت انها مبدله المفاتيح بمفتاح المخزن صدك واروح اشوفه بحلقه مفتاح المخزن مفتاح غرفتي تك ومفتاح المخزن تك لاخ يعني ابليس مافكر بيها

بكل بساطه من جانت فرح تنضف تفتح الباب تعوفه للمفتاح بالكيلو وتدخل للغرفه هاي جاره المفتاح ومبدله المفاتيح بمفتاح غرفتها حتى من تنزل فرح هي تفوت وفرح متطمنه على من اطب ومن اطلع اقفل الباب ورايه

بريسم- عكل ماضل براسو تخبل رايد يحركها لو لا ستر الله همزين خذاها خالها خلها تخمخم عدهم هاي ماتكعد النوب داخل المخزن ولاكي هالقوطيه متخبل ازود النوب عاد عرف اهي الوراها فشلان سوده بوجهي يلوب ويعظ باصبعه

فرح- خاله تحجي وتباوعلي نصيت راسي كملت اكل وكمت شي بيه ارتاح حيل جان على كلبي هم وبينت الحقيقه الحمد لله حسين يمي بقه نايم ومن كعد هم يبجي بس بخنيك يخاف من ابو خاله بس ريكت بابا خلت الحدر عالنار الهاديه وراحت للبيت الجبير للربعه يله رجعت كالت لحسين

عمه روح لابوك نشد عليك

ماودي

كيفك

سالتها بخجل

شونه السيد

مازين ييمه مابزين للتالي

سكتت سبوع مر وخاله تروح وتجي اخر شي كامت بس تبجي وتتوسل ببابا

دخيلك ابو علي اخوي جاي يروح مني

عوفي تبرد ناره بريسم

اكلو ماياكل لكمه وحده من الصبح لليل بس بر وحش جكاير صافي بس خيال

ميهم هسه احاجي هو طلكها

ايه ورفع دعوه ضدها الحضانه صارت الو ومنعوها حتى تشوف ابنها

زين وحسين شونه

ذاك تالف وي فرحه بعدو صقيرون

الله يحفظه

راح بابا للسيد ساعه ورجع مهموم خاله سالته

كال

تعبان اخوج ووجع براسه صاير

اي ما ياكل وبس جكاير راح يوكع من طولو حتى اللبن مايرضه يشربه اروح اركب وارد والاكل على حالو ماجايسه

استغفر الله

ومن الصبح لليل بالبر

الله يساعده ام عوف يمه مو

اي اهي وابو عوف عدو ماتاركينو

الله يسهل ويصلح حاله لاحول ولا قوه الا بالله

فرح- بيومها تاذيت هواي علي بابا نام وخاله هم نامت بقيت بالمرجوحه اتمرجح وافكر بي سمعت فتحه باب المطبخ مالتهم ساعه ٢ باليل منو يطلع بقيت كاعده بمكاني صافنه عالسما وصوت المرجوحه الي يوصوص كل ماارتفع اكثر يعلى الصوت اكثر  الزروف اللي بالخوص تعكس الضوه الجاي من الحديقه مال بيت الجبير حديقتنا ضلمه  لان بابا يطفيها من تضلم ونروح ننام  ويقبل اطلع لان ميشرف  حديقتنا ضلمه داباوع عالضوايات مثل النقط صايره عالحشيش مال حديقتنا من زروف الخوص  التخترقها الضوه  حتى توصل لحديقتنا فجاه صار ضل بمكان النقاط المضيئه  وكفت الهز صافنه هذا منو بعدها الخوص شوي تحرك مثل الاحد انتجه وذب ثكله عليه  بقيت جامده  همس

ياهو هنا

تقربت للخوص اسمعه باوعت من الزروف شفت راسه  كاعد ومنتجي وممدد رجله عالحشيش مال حديقتهم رجع كال

ياهو هني

عضيت شفتي اباوع لباب المطبخ افوت جوه واعوفه توني اخطي خطوه كال

فرحه هاذي انتي

غمضت عيني قوي رجع كال

اعرفو لنفسج من يخاف هاذي انتي ردي علي فرحه

احم نعم

جر نفس كال بهدوء

وحيدج

امم

استغفر الله ربي جنت حلالي واصونن بيج تحرمتي علي الحين

مجاوبت كمت اكل بضافري همس بقهر

شلونيج زينه

بقيت ساكته جر حسره كال

حكج ماتردين. كارهتني فرحه. ما؟

بقيت ساكته لميت شفتي  لداخل فتحه  حلكي انقهرت من صوته   التعبان وكلام خاله عنه انه ميقبل ياكل شي  سمعت طكه جداحته  سحب نفس بقيت واكفه متردده

تكرهيني ؟

لوني ضلمتج اكيده تكرهيني

لا

جاوبت وغمضت عيني

كال

كون الزمان يعود

بقيت ساكته

اعذريني بويه  انه هم مثلج انضلمت  وحق السما واللي طبكها ماجان ودي تنقثين مااكذب من اكلج شكيت فيج كلت اخافن ماخضتها عاده بس قسم بالله ماجان ودي اكلج فد نوب كلت فد اسالها وهاذ اهو رغم المبلغ جثير بس ماردت اقثج كلت جايز محتاجتها

سكت وجر حسره

كال

احلفج بالملح والزاد الشاركتي وايانا  تسامحيني حلليني واوهبيني

هاهي سماح

ااخ  ربي وانه شون اسامح روحي

بقيت ساكته وهو ساكت اريد احجي اخجل

بقه يجر نفس بحسره باوعت من الزرف شفته مرتجي يدخن بتعب

خفت عليه حيل

اانت ليش مدتاكل

هز راسه واني اباوعله من الزرف كال بحسره

طعم بحلجي مامش

ليش موموزين خطيه خاله يوميه تبجي عليك

يطبني مرض

متخاف على حسون

ماودي نفسيتي حيل مغلگه

زين اكل فاكهه

هه ماضلت نفس فرحه الغيره تاكل بيه

صفنت مفهمت كلامه بقينا ساكتين

شوي وساللته

ززين تاكل ويايه سلطه فاكهه

بقه ساكت باوعتله من الزرف عيونها مضيقها ويجر النفس   ابتسم بتعب كال

من ايديج

اي

وانتي بعد تاكلين لو وحيدي

لااني هم

جاخوش ساويلي

اوك

ههه اوك والله دنيا. ماجنت متصور اتحسر عليها

دقايق وارجعلك

ركض رحت ثرمت الفاكهه وخفت لايحسون بابا وخاله سويت كلشي  ناعم وترست طاسه بي وخليت عسل ومكسرات  متلهفه وخبطته صارت طاسه جبيره اخذت منها شوي وخليت خاشوكه رجعت للحديقه باوعته شفته  بكعدته بعده همست

سيد

فز دار وجهه جاوب

يعيونه

ااهاك الطاسه رفعت جسمي والطاسه بيدي وكف اخذها وكعد واني كعدت ارتجيت وهو ارتجي حسيت ثكل ضهره على ضهري من وره الخوص. حسيت ب دفو جسمه على جسمي نصه ياكل بشغف رفع راسه ارتجي كال بهدوء

هاي انتي وراي مرتجيه

امم جاوبت واللكمه بحلكي

تعبان الحوش ماينجرع دونكم

بقيت صافنه اكل ورجع حجه

سيد حسين ينام عدج

امم يمي

نفس الفرشه

لا افرشله بالكع

جا خوش مامشتاكلي

لا والله شكد يبجي ومفرفح بس كال مشتاقلك

يبعد كلبي

ليش متمر عليه

مو كادر انسى عيونو لمن صدتلي وانه احبس فامو موكادر انسى الخوف بعيونو فد نوب

لا خطيه محتاجك

الباجر امرلو

اوك

اي اوك ههه

ارتجى على الخوص واني هم ارتجيت غمضت كال

مشتاك اكل وياكم فد سفره تحرمتي علي  يفرحه وحتى هذا الجاي يصير همات حرام

انت مدتشوفني ووقابل اني داسوي شي غلط

جاي احس بدفو جسمج حدر جسمي

سكتت

عضيت شفتي

يعني طول شعرج ماعاد اصدلو

بقيت ساكته

تحنيتي النوب

اي البارحه

يويل كلبي

سيد

عيونه

ليش هيج دتحجي

خليني بروح جديتج خليني اطلع العله كلبي لون احجي منا لعمب ماارتاح

زين ليش دتاذي روحك

لنني خسرتج بسوء تصرفي وعصبيتي

خسرتني الي

ايه فرحه تكذبين علي ان سالتج

لا

عليج الله

لا والله ماكذب

عليش كصدتي الكبه

بلعت ريكي غمضت

عليج كربتي وشعلتيني بنارج انه لليوم مانسي ذبلتج جدام مني يفرحه انه ماعشت  حياتي مثل الوادم كضيتها نار وانتقام 

بقيت ساكته كال

ردي علي عليش كصدتي وماراح ازعل منج ومسامحه باللي تكولي

بصراحه

امم

ااني جنت خايفه

منيش تخافين بحمايه الساده

لا مو خاله ام عوف كالت هسه تطردج من البيت  لان شسمه يعني

يعني تقصد راح اضعف جدام منها واسمع الجلمه هاذي ام عوف خررفت جنها

اي ووكلت اروح ححتى اخليك شسمه تحبني ووتتزوجني حتى ماانطرد وااني مبقالي اخد بابا توقعت ميرجع

احجي وامسح العرك وجسمي يرجف

اااه يربي وهاذ اهو هاذ الخلاج تكصديلي متعنايه

بقيت ساكته همس

فرحه

نعم

بغلاه اوبوج ردي

اي

هاذ اهو

اي اي

علكتيني ومشيتي حرام عليج

شكيت بيه

سكت وجر حسره

شون شكيت مو جنت تباوع بعيوني شتشوف

انعكاس وجهي

يعني مجنت تشوف بيه حراميه

محشومه جنت اغوصن بيها واسهر من اتذكر شون صدتلي

شون كدرت تشك بيه لعد

انه. يفرحه المر بيه مامر على ابن ادم مني وبيه ومن اهل بيتي طعنو فيني لوني كادر اغسل المي لحتى اشربو كنت اغسلو وتكليلي لويش شكيت

انه بروحي نوبات اشككن

انه الدنيا تفلتني فرحه بيوم وليله صفيت من اصل ١٩ زلمه ببحيدي اخوطن والوطن

اوخيتي اوخيتي تبهذلت بحجي الوادم وموكادر اسوي شي

ياهو الكصدها جتله العار وموعارف ياهو الجاي يحفر لنا من بعيد لاتلوميني دنياتي صعبه

بس بابا هم تعب هواي وانغدر مصار مثلك

اوبوج من زماناتو بحيدو زلمه معدل معلم على الكلفات انه ماثقين باحد كدو وللاسف خذلتو

لا ليش مو بقاني يمك وامنني عدك من انسجن

وانه شجاي اساوي هساع ماجاي اغدر فينو بس موكادر اعيش فرحه

بقيت ساكته

عليش سكتي

شنو قصدك

قصدي تعرفينو يبنت الناس فكري ورديلي خبر ولا تستعجلين

سيد

انه فايت مشكور عالمربى

سيد بس داكلك

خلص الحجي بويه  انه ابييييج شاريج بعيوني وانه وكاعي واملاكي ونوكي ونفسي بين ايديج ان رضيتي انه موجود طرشيلي اي اشاره مننج وان ما طرشتيها ماراح ارجع واذل روحي  انه جاي اكولج تراب بيدج تبللينه وتصوغينه

زين تخليني اكمل دراستي

سكت وجر حسره

وترضين تطلعين بالبوشي

بقيت ساكته

هاذ انه وهاي غيرتي وعيشتي وجاي اكلج انه بيدج بس غيرتي تذذذبح. عرك الهواشم من غيره العباس فينا ماتنحمل الا العشكنا يحملها  يبوج ان تحمتلي  انه عدج رهن اشارتج وان ماكدرتي خلج مداريه سمعه ابوج وخليها فبالج نفسي ضلت بيج ليوم الدين بحياتي ما عشكت ولا صفنت ولا تحلمت بمرا غيرج  يصغيرونه الولايه. تصبحين على خير

سيد بس دقيقه

العمركله بدينج فرحه بس كون بالحلال

بس عفيه اكل لتتمرض

عليش تخافين علي اوبوج وردلج

ميخالف بداعت حسون

لاه لازم اكف من جديد انه ان وكعت اوكع واكف ماتعرفينه لساتج. كلشي ماتعرفين عننه روحي مستوره ومحفوضه باسم الرحمن وجعل هالجلمتين يالي صارن بيننه  ذنبها بذمتي ما بذمتج وكون الله ما يحسبها عليها اثم كون استغفر الله واساله التوبه

فيماللا

االله وياك

كام وبرد جسمي ابتعدت حراره جسمه عن جسمي طبيت للبيت ابجي بغرفتي واباوع على حسين نزلت بالكع نمت يمه اتلمس شعره وابوس بكصته ودموعي على وجهي شكد تاذيت بيومها صوته مثل الطير المذبوح

يتبع