تحميل رواية «النوك الحمر» PDF

🌷امي ---- اوتسالين من ان اكون

ارحميني. فلا املك سواك من يرحمني بعد الله

سامحيني على غلطه لا اقوم بفعلها واعطفي على جسمي الصغير قد يكون المخلوق اللذي رفضته.

عكاز تتكاين عليه بكبرك.

باب من ابواب الجنه

فانا يتيم عينيك الحنينه.

امي --- وهل اعرف غيرك ام تحتويني. انتي رحمه من الله. اتتني بعد ان اخذ مني والدي

اعلمي ان جل ماتفعلينه مردود عليك فاحتويني. يامن تشاركيني دمي

🌷كبرت بيدك الحنونه ولم اعرف غيرك اما استشيرهاو

بصغيرتي وكبيرتي.

كنت اسال روحي مرارا وتكرارا. هل ان عاشت والدتي هل ستحبني بقدر حبك وخوفك علي وهل ساحبها بنفس قدر حلجبي لك

موطني وتفائلي واملي اتعبتك ولم تضهري تعبك اوصلتني لشي كنت اجهل يوما ما لو بقيت بمفردي ان اكونه

امي. وهل خلق الله مثلك في الدنيا اجمعها

🥀بلاجدوى. فان حضي من الحياه قد حكمني. اكره ماامر به ولااستطيع السيطره على الامور فاسايرها بالسكوت. فقد فات اوان التعديل وقد تزينت حياتي بفرح. عسى ان تكون ايامها فرح على فرح على فرح

الاانتي لن اتنازل عنك وان عاندتني الدنيا ووقفت ضدي باجملها

انتي من رحمتي ذاك الجسد الضعيف الصغير يوم لم اقوى حتى على شربه ماء لوحدي

ساكون معك لاكون راضي عن نفسا طابت لها العيشه فقد بوجودك

من لي. غيرك يفهمني اذ من شاركتني حياتي. قد تقاسمت بعملي واموالي فحسب كل ماهمها. كيف واين اصرفهن وكم صرفت هي

حياتي التي احبها حين كنت بكنهك فحسب كبرت واشيب شعري وجل ماااتذكره وابتسم هو

ايامي وسنين عمري اللتي كنت قد قضيتها معك

امي لاتتركيني لوحدي. فانني والله قد خسرت كل شي. لاجل يوم واحد اشتريه برفقتك ربي لاتاخذها واتركها لسنين حياتي التي تكاد تكون مجحفه بدونها

قد ولدت يتيما

وماعرفت يوما طعم اليتم. بسبب وجودها

عسى الله ان يرزقك اعلى درجات الجنه --

سبحانك ربي ماالطفك

🌹وهل ياتي التعويض وانا بعمري هذا

سبحان ذو العزه مااقدرك

او تهيا لي بشرا. وتهياني له. كنت بحاجته منذ عقود

وهو بحاجه لي

كان يستحق الانتظار البعيد. بعد هذا التعب. او اجد من يفهمني وافهمه من نضره عين من تحت خمار اسود اودا بحياتي

ناقه انتي بتمايلك وهدوءك

تسرحي بخيالي اكثر من كونك سرحتي بين ممرات الباديه.

عيناك والليل الاسود

شذى همسات صوتك وزقزقه عصافير الصباح بهذه الارض الخضراء النديه

عطرك. ورائحه القهوه ولون خصلات شعرك

ساحيا من جديد بك ومن اجلك.

فانني استشعر بنبض جديد بقلب متعب قد اهلكته كثره الهموم

اشعر بان الله قد عوضني بقلب جديد لاعيش من جديد لابتدي معك يومي الاول سنتي الاولى

عشقي الاول--------

اعترفي وانطقي. ودعيني اقرا ذلك بعينيك. نضره واحده فحسب تكلمني. فافهم

فاني والله لااقوى على النضر لعروض قد جار الزمان عليه واصبحت لي سقفا وسند

بشرا قد طردتني الدنيا واواني واني مهشم. اطير بريح خفيفه.

لملم جراحاتي وداواني

كيف لي بالنضر الى عرضه ومن انا بالنسبه لكي

انا هامش صفحه قد احرقت اسطرها

وانا مابقيت

حتى وان بقي قليل من بياض صفحتي الا انني محاط بالسواد

اما ان تكفي عينيك بالرفض وتمنعي عشقا كاد ان يخلق

واما ان تعديني بنضره احتيي

لاحت سما باديتي بالتلبد من جديد🌹

اجعله خيرا يا الله فكلما تلبدت بهذا النحو امطرت خيرا على ارضي.

اعشق عطر المطر وصوته

لكن ما اهيم به اكثر ماياتي بعد المطر دوما

اماخراب فقد ياتي الغيث قويا فيدمر

او صلاح فيخضر به ماتيبس.

من ارض ونبات. او حتى ان يكون ان يخضر

قلبا قد غادر الاحساس عروقه

من انتي وكيف دخلتي باديتي. ومن انا. لاقع. اسير نضراتك الغاضبه المتهمه وخديك المضحكين. وفرده الغمازه.

اعينان هي ام لولو ازرق استقر بها

يا الله. سبحانها من عيون تتكلم. سبحانه من وجهه طفولي. مالي نسيت لغه الملام وانا الفصيح بالعشيره

مالي لاانطق بحين صراخها بوجهي

اتركني

ساتركك وارحل لاني لااحمل دقه قلبي الجديده. لست بقوي لهذا الحد. اعفي عني واتركيني وازيحي نضراتك

من اين اتيت بئسا لقلبي تورطت من جديد بحب صغير اعمى. فقد السيطره بوقت كنت اسيطر به على زمام امور من يقصدني

ماذا حل بي من خراب الغيث هذا

ام من اصلاحه.

ساعدني

فقد تعطلت اموري تجارتي وارضي ونوقي. والشاهين اللذي بيدي. تعطلت وانا بين تفكير ودقه قلب وارق. ليل صامت اسود

فاغثني يا الله. --------

النوك الحمر

قريبا ---

انتضروني

مريم السعدي

اهل قبل كالوا ------الروح تحس بعذاب الروح القريبه منها  

نوبات تحس روحك متضايق وماكو  شي مضايقك  هنا لازم تتاكد واحد من اعزاز كلبك. بي شي

نسرين ----

مخنوكه حيل من صارت المغربيه لحد الان روحي مفرفحه

عللي -- علي -- وينك

ها نسرين هنا بالحديقهه دارش الزرع التفتلي عكد حاجبه ذب الصونده من ايده وراح سد البوري يباوعلي مستغرب هو بنص الحديقه واني واكفه يم سياجه ايدي على كلبي

ها نسرين شبيج.

علي فدوه خل نطلع

شبيج اليوم شو باعيلي اووو باجيه  هم ---يمعوده شكو

مادري مادري مختنكه حيل

استغفري ربج صليلج ركعتين ياعيني

اي واللله صح كلامك

طبيت صليت سبحيت بعدها الخنكه ودكات كلبي تسارعت تبشر بنذير شؤوم

دك التلفون الارضي---خليت ايدي على كلبي اسمع علي يحجي

الو اي تفضل منو حضرتك وسكت والسكوت طول

عللي منو

كال بصوت مليان خوف

نسرين لبسي

شكو احجي ركضت عليه بجادري وكفت كباله

احجي فدوه شبيك

فرك وجهه وباوعلي

ابوج مسوي حادث

وكعت بالكع وايدي على كلبي صفنت حسيت بي والله حسيت بي نصه عليه كومني

لبسي عمري وقوي كلبج اروحلج فدوه

هزيت راسي ووكفني حيل مبقه بيه. وكفت ومشيت وياه  لبسني. اني انقطع تواصلي باللي حولي كمت بس اتخيل شكل ابويه

يابه حبيبي باوعت لعلي

شكالولك

ما ما.  كالو  شي يله فضيها 

اخذني وطلعنا بس سمعت صوت الاذان  قشعر جسمي اليوم كانه مختلف  عبالك مو مثل كل مره من ياذن بجيت الطريق كله ابجي وعلي يمشي سريع ويباوعلي ويستغفر ربي. ويردد

رددي انا لله وانا اليه راجعون عمري لتسوين هيج

اني كلي هيج لو تخبلت

ابويه  ماات ؟؟

لا والقران لا بس اذا اصابتكم مصيبه

اسكتتتت كافي الله يخليك كااافي

يله يله زين هاهي اهداي

وصلنا المستشفى وهو يسحل بيه حجه وي الاستعلامات واني نفسي بده يضيق وكلبي وجعني  كلش طبينا للردهه والاطباء الكاهم متكومين عليه تبنجت ابتعدو كالوا

العلينا سوينا بعد الباقي بيد الله اتصلتوا باهله

جاوبت ممرضه

اي دكتور اتصلنا

هاي هي  طلعو وعلي اسمعه يحاجيهم تقدمت على ابويه  كلشي ممبين منه  ملفلف فتح عينه وسدها الممرضه همست

انتي من اهله

ببببنته احجي ودموعي تجري. هذا ابويه صدك هذا هو عقلي مصدك وكلبي رافض

احجي برجفه بلساني صارت كالت

وكلي الله والحمد لله على كل حال ولتبقين هواي تتعبي موزين

كمت مااسمعها. وكفت كباله فك عينه بتعب حرك شفته مشككه سوده عليه حبيبي اجهشت بالبكاء ومدااكدر اسيطر على روحي

يابه عمري انت لتعوفني قوي روحك لخاطري امي عافتني انت هم تعوفني  

رمش بتعب همس بثكل بلسانه

امانتي  عدج. بابا لتعوفي

كلمتين او اربعه كوه طلعها وغمض عينه  الممرضه جرتني كالت تفضلي ديرتاح طلعت وبس شفت علي انشمرت بحضنه ابحي ويهدي بيه

قدر  الله وماشاء فعل ياروحي انتي

علي بابا ديموت

اللي يريده الله يصير

التفتت شفتهم ديركضون للغرفه باوعت الممرضه تصيح

دكتور المريض

ركضوا بداخل الغرفه مديت راسي بخوف واشوف عداد القلب طوط عطت متحملت الدكتور  صاح

طلعوهااا وصوت الكهرباء بجسمه والضربات مالتها ليهسه ترن باذني واصرخ يابه لحد ماعلي سد حلكي وحضنني واني ميته بجي ومداارتاح بعدها محسيت بشي  غير واني ببيتنا وصوت قران وصوت حمواتي يمي يجرشن ---

اي لج هو ومره وياه بنفس السياره ماتو بحادث الله اليعلم منو هاي المره. هو هم رجال ارمل ونسرين مقبلت  يتزوج وهو كلش يحب نسرين. فاكيد تزوج بله علمها

تخبببلت كعدت واني عبالي حلم كمت اصرخ واملخ بروحي علي دزو عليه تحملني هواي كسرت طردت العالم ملخته اله وهو حاضني يتوسل

نسرين مالي غيرج عمري لتسوين هيج بروحج

٣ ايام الفاتحه خلصت الصدمه اخذت مني  ثلثين حيلي بس هدات مابقالي  احد غيره عمامي سافروا واكو اتصال بيني وبين واحد منهم كان صديقي وقريب مني قبل ليسافر وبعد لحد الان كل فتره اتصل مستقر بالكويت بس.  ولاعدي خوال ولاخالات منو الي بعد من اهلي عافلي هالبيت وراح بديت اهدا واستوعب الامور  مرت سبوعين بعدها علي حاجاني

نسرين ابوج مجان وحده من سوه الحادث وتوفى

منو جان وياه تذكرت حجي حمواتي يعني مجنت احلم فكيت عيني بغضب---

ابوج جان متزوج صارله سنه

شنوو

التوفت وياه بنفس السياره زوجته لازم تعرفين هالشي

ليش هيج يايابه لييش رجعت ابجي كانما تجدد حزني نتر بي علي ---

شنو الليش مغلطان بشي عشر سنين وره امج صابروانتي تزوجتي والج حياتج حرام عليج

سكتت ودموعي تجري. وهو هم سكت بس احس اكو  حجي بكلبه خافي ويخاف يحجي كمت اخاف اكوله  احجي بعد شكو اكتفيت بالكاله. ---مرت اربع اسابيع وطلعت اربعينه ورحت زرته ورجعت ذبيت روحي هناك عتب والم وفراك حيل اذاني  فراكه و بعده الجان يوميه العصر يمرلي ساعه زمان ولو يلعب وي علي طاولي ويروح. متوقعت منه متزوج بس حقه الشرعي هذا

مر شهرين  واني نوعا ما حالتي استقرت وكدرت اتالف وي صدمتي وبيوم ---واني اغسل بكراج بيت عيالي واندكت الباب طبيت

عمه الباب تندك

اي يمه شوفي منو

علي ميقبل  افتحها والله

ها زين هسه اشوف اني

طلعت عمتي ورجعت كالت

نسوان عليج يمه

توقعت احد من منطقتنا يعزوني بابويه طبو نسوان مااعرفهم لابسين اسود وبيدهم طفل يرضع  ابن خمس ست شهور صفنت عليهم اخذو من خاطري وكعدو يحجون

ذكرو مصاعب اهل البيت وعذابهم وصبرهم وذكروا  على صله الرحم واني مثل الاطرش بالزفه بس حمار خدود الطفل جذبتني ولاعبالك ابن هالعمر نضراته تخبل اخر شي حجت البنيه البيدها الطفل

حبيبه اني قبل اربعين يوم توفت امي

صفنت عليها لزمت ايدها المره اللي بصفها حجت

نسرين انتي تدرين والدج جان متزوج قبل وفاته بسنه

اي دريت باوعتلهم متفاجاه كالوا 

زين تعرفين المره الماخذها منو

هزيت راسي لا

زين تعرفينا منو

لا والله

حبيبتي احنا نسوان عم المره وهاي اختها الجبيره

صفنت هزيت راسي اهلا وسهلا

كالو

احنا هم فكدنا مرت  حمانا وام مرت ابوج قبل شهر

هزيت راسي البقاء بحياتكم

حياتج الباقيه حبيبه متحملت راحت وره بنتها

اي الله يرحمها

بقيت صافنه شيردون ذوله. كالوا

زين تعرفين انه والدج عده ولد منها

هنا وكف شعر راسي شنوووو

وكفوا وي وكفتي يهدون بيه اجتي البيدها الطفل كالت هذا اخوج واني  عيالي مديقبلون ابقي يم جهالي وماعدي والقران لو عدي ابقي هذا صار ابنج تردين تذبي بدار الايتام تردين تربي معلينا

بوسته وخلته بايدي  تبحي وطلعت والنسوان طلعن وراها بقيت شايله الطفل صافنه

عمري ١٩ سنه متزوجه من سنتين وماعدي طفل وكاعده عد عيال بقيت صافنه كلبي وجعني  منضر الطفل البريء ملين كلبي لا بالعكس زيدني حقد ذبيته عالقنفه وصرت اعصاب مدي اخنكه. مفرحانه ابد كون عدي اخ ابد ابد طب علي على صوت البجي مال طفل اشرتله بغضب

اخذه وجوره بالشارع لا اقتله والله

اذكري الله حرام طفل صغير

داكووولك ودي دار ايتااام ماريدددده

اوك ماشي اهدي اهدي هاي هي مودي علكيفج

اخذه علي وراح ورجع بالليل من راح لحد مااجه اجي واتذكر كلامه امانتي عدج يابويهههههه شسويت بيه شسويت

مر شهر ومافد يوم متذكرته حتى بليل اسمع بجيه باذني ورجعت عمتي لنفس الاسطوانه

متحبل عاكر سنتين ونص ماكو طفل وعلي يتخبل اخر شي كتله

وديني دكتوره خل اشوف روحي مو طلعتها لروحي وفعلا رحت واتفاجا بانسداد القنوات عدي تشوه خلقي زعت الدنيا وعلي تاذى ميدري يصبرني لو يصبر روحه بيومها رحنا بتنا بكربلا وبقينا الموضوع بيننا مكلنا لاحد بس ضل ببالي الطفل اللي ذبيته بدار الايتام.

شهر وخابرتني خالته ماعرف منين ماخذه رقمي  رديت مستغربه

شتردين

حبيبتي بس كوليلي ابن اختي وين فدوه لعينج

تحجي وتبجي

ذبيته بدار الايتام

صدك جذب يمه يكلبي لج شون انطاج كلبج. اخوج هذذا اخوج

مااعرف شسوت بيه حجايه وحده بس صدقا اثرت بيه. بقيت ساكته سالتني عن اسم الدار وسدته بقيت اتصفن اجه علي وحجيتله محجه بس يباوع بعيني وبلشت ضغوطات امه وخواته.

تزوج بت خالتنه هاي متخلف والدكتوره شكالت مكالت خبصوها للدنيا  وعلي يوميه متعارك وياهم ويطبون عليه من يطلع. صياح وعياط واني تعلمت اسكت كلشي مااحجي لان اطلع الخسرانه الوحيده تالي يطلعون ويسكتون. مر شهرين والثالث ويادكتوره اروح يكولون مااكو امل الي بالحمل ايست ابجي وعلي يبجي ويايه لحد ماتعبت وكلمه اخوج تروح وتجي ببالي تالي زهكت منهم ومن مشاكلهم وصلت لحال امه تضربني لان مااخذ بنت اختها ومن اصفن لحاله علي شنو ذنبه يصبر هاي ٣ سنين على زواجنا مرت وهو عمره ٣٠ سنه يحبني ومعتبرني بنته ومو مرته واني من صغري حبيته حيل وبس خطبني كلت لبابا اريده موافقه وان كان اكبر مني وهو هالواحد على خمس بنات   بس مااتحمل وقع زوجه ثانيه عززه اموت تعبت من عيالي  اخر شي كتله

وديني بيت ابويه

وين اوديج مخبله انتي 

حبيبي تعبت ارحمني

نسرين حبيبتي انتي بيت ابوج فارغ وبي كومه ذكريات شون تكدرين اني لو شفت دمعه منج اتخبل

لا ماراح ابجي بس وديني هناك اهلك ميتحملوني. بعد ولا اني الاكدر اتحملهم ارحمممني

بقه ساكت صافن بوجهي كال

وامي وخواتي وين اعوفهم

جريت نفس بتعب هزيت راسي

باوع ابقى يوم يمي ويوم يمهم

شون تباتين وحدج شون اعوفج مااكدر

الجيران  يمنا ومثل اهلي خاله رجاء يوميه تكابلني وتكعد من وفاه ماما معافتني

خليها هسه خل افكر بيها

ماشي

مرت شهرين وكبت مشكله جبيره راحت امه خطبتله بدون متكوله حجت وي اختها وكالتلها اجيبها ببيتي حالها حال ذيج وهي ام البييت اني عقل مضل براسي تخبلت عياطي وصياحي وعركه مرتبه وخواته ضربوني واني طلعت قهر ابويه وعقمي ملختتتهم دميتهم ولبست عباتي واخذت ذهبي وطفرت من البيت  لبيت ابويه اجه علي مفرفح. بس شافني كعد بالكع من الهبطه جنت  منضفه البيت ومحضره اكل اله وتلكيته بهدوء وهو جسمه يرتعش حضنته

عمري شبيك

متت نشف دمي توقعت ماالكاج بعد شيسوون يسوون ماريد غيرج اني نسرين

ابتسمت بوجهه جاوبت واني بحضنه احبك

مو بكدي والطفل يجي وموجود بس منتضر كلبج يبرد

رفعت راسي عرفت على شنو يقصد

كال ويهز راسه مبتسم

تكسبين بي اجر وتلتهين

نصيت راسي وكانما كان بعقلي جاوبت

شوكت نجيبه

اليوم اذا تردين.  جاوب بلهفه

رفعت راسي مرتبكه

خاف خاف مااعرف وماعدي حليب ممتحضره

بسيطه نجيب ونخلي هنا الغرفه مالته وهنا غراضه وهيج اسوي ضل يعدد وكانه ابنه واني سرحت وياه واخذتني اللهفه وركض بدلت وطلعنا للدار وانصدم بعدم وجوده كالوا  اخذته خالته واخذت رقمها من الدار لان خابرتني من ارضي وحتى كواشف ما عدنا جانت وخابرتها واخذت عنوانها ورحت عليها بلهفه طبيت واشوف البيت مليان ناس يباوعولي بعين الصغيره عيالها وهي ميته خجل وجهالها كومه رجال  عاط اللي فهمته حماها

انطيهيااا خل نخلص فوك كوم اللحم العدي جايبتلي نفر جددديد اخذي يله وروحي

ماشي ماشي  اخذته وطلعت واختها تبجي اباوعله ترس ايدي دبدوب حبيبي اسمراني  اشكراني مثل خالته  وخدوده دم اسمر حنطي بس هلكد ينكرط وعيونه رصاصييي يا الله باوعله علي

اللهم صل على محمد واله ولج ابوج اجكم هذا طالع لامه يله باعي الله يرحمها اخذ حسنها هذا يكبر يسطرهم يمنه ويسره

ههه وصلنا البيت وصارت عدي حياه جديده عيالي ماوصلت الهم بعد وخاله رجاء جيراننا مره جبيره ب٦٠ متركتني يوميه جايه وبيوم العلي يبات عد اهله تبات عدي كام كل اسبوع يبات عد اهله ويجيني ثاني يوم واني تعلقت بهديه رب العالمين اللي اجتني واشوف ابويه بالحلم مرتااح  سميته ياسين.    لان ابويه اسمه طه.   صار كل حياتي ومن يجي علي حد مايروح احجي بي زاد تعلقي بي وبعلي اللي حس تجاهه بالابوه اهل زوجي مسالت عنهم بعد ولاعلي  جاب سيرتهم كبر يسوني واني للكع ماذبه وخاله جاء تصيح

لج يمه ايدج وووكعت ذبيي صار رجال

وهو بعد السنتين مكامله واجاوب

خاله عوفي ارتاح وهو ميقبل لسانه طويل ياشرلها اش  علي ميقبل بس اشيله يكول يجي يوم يكبر يتعبج

ابد مااتعب منه

يمشي واكزكز واركض عليه واحضنه  واشيله مو شغله عطف لا والله اعشقه ياسين بكوم وكللل الدنيا كوم هذا عطيه  ربي ووالدي نسيت كل حقدي لان تزوج اصلا صرت ممنونه وياهو اليشوفه يتخبل على حسنه وجماله . --------

يتبع

كل عام واسطوره العاطفه المفعمه بالامل والمواعظ بالف خير

كل عام وانتي بعافيه وصحه وونظافه قلب مليان امل حبيبتي ام مريوم ❤️❤️❤️❤️❤️❤️❤️❤️❤️

حبايبي القصه حتكون نشرها بين يوم ويوم. اتمنى تتفهمون

ساره علي

الكاتبه

مريم السعدي

نسرين- ياسين صار اهم جزء بحياتي علي ارتاح لراحتي وصارله ابو.  بس مهملت علي واحس حبه واهتمامه زاد هواي  ويصفن بعيني هواي يباوعلي نضرات معرفت افسرها جنت اتهرب من نضراته ضنا مني انه يريدني اصالح اهله واكول وي روحي مرتاحه هنا ماريد اروح خلي كل يومين يبات عدهم يوم ويجيني ماريد اروحلهم وانغث ومرت سنه لخ يسوني صار عمره ٣ سنين مطيع متعلق بيه صيحه ماصيح بي وبده يصيح

ماما ----

الكلمه الحنت اتمناها طول حياتي بالبدايه كان يصيحني نسرين مثل علي وخالتي رحاء بعدها كام يصيح ماما علمه علي. يابه روحي ردت فتره مرت وعلي قدمه على راتب لدائره التقاعد لان والدي كان موضف وعلي بعده قاصر وفعلا بديت استلم راتب اله بحيث علي كام قليل يصرف عالبيت واني هم مكتفيه ادري بحالته مو كلش ومنا عده بيت اهله وخواته. وفجاه بيوم من الايام  وبنص الراحه المرتاحتها. انكلب. حضي.  عليه

اتصلت بيه عمتي ام زوجي. بعد السلام رديت بادب واستقبال كلت عيب هي المخابره جوز تريد ترجع المي لمجاريها. كالت

لاتخابرين لا تسالين

بقيت ساكته كالت

علي. مرته حبلت دريتي

وكفت الدنيا بعيني اريد اتنفس مااكدر علي متزوج همست ضحكت من كلبها كالت

ليش متدرين

كمت ماجاوب. تحجي ومااسمع بس صدى وشه قويه صارت باذني بعدها محسيت الا واني بالمستشفى  علي بصفي ولازم ايدي والايد الثانيه بيها مغذي باوعتله اريد اتذكر  شنو الصار  اريد اركز

شفته يبوس بيدي

عمري شبيج شنو الصار وتخربطتي احجي

من سمعت صوته تذكرت نفرت ايدي منه

انت متزوووج

كلتها وبجيت

فك عينه كلها وكف مبتعد من السديه

يابه ردت اتخبل ردت يكولي لا السمعتي كذب ردت يكول  اني بس الج   فك عينه هز راسه. بالرفض

واني اعرف علي من ينكر كذب

علي

نسرين فدوه والله انجبرت

لطمت على وجهي وابجي وهو يبوس بيدي دفعته عني وانهاريت الدكتوره طلعته من الردهه وهو يتوسل بيها وبيه واخذتني خاله رجاء بتكسي ورجعنا للبيت من يومها حياتي صار الها غير منحنى علي يومييييه يجي يحاول ويايه  ويتوسل  واني حتى باب الحوش مافتحه ومره عبر من فوك الباب وطب لباب الطرمه الداخلي ساعات يتوسل ويحجي بباب المطبخ وياسين يباوعله ويردد

ماما بابا اجه

واني ماجاوب

ولا شوفته روحي طلعه من البيت مااطلع كله وي يسوني  ابو المسواك بصفي وبنفس الفرع اسواق ولحوم يعني خارج الفرع مااطلع واذا ردت اروح للنجف اخذ خالتي  رجاء واروح  مرت سنه وعلي ممل يتصل التلفون فصلته عن فيشته يروح ويجي واني ابد ماانطي مجال مكدرت انانيتي غلبتني متحملت شماته امه ومتحملت خذلانه الي علي جان وريد من اوردتي احس ضخ دم لغير جسم مااتحملت تركته حيل وفجاه جتي خاله رحاء لبيتي فتحت الباب وطبت وياها عمتي ام زوجي

من شفتها انصدمت طبيت ركض للبيت ماريد اشوف جهرتها جتي ورايه تتوسل

بقيت صافنه  كالت

علي ملافي بالبيت من يوم الكتلج وعمي هذا راسج ابوسه ابنه صار عمره شهور وهو مشايفه الله يخليج  رجعيله ابني ديموت

ابتسمت بوجهه

روحي مثل مزوجتي حيري بي علي ميعيش دوني

فدوه لعينج بداعه ياسين عدج. ابتي حيروح من ايدي

معليه اني اني عايفتتته اشبعي بي. مو زوجتي لبنت اختج روحي

على بختج رجل اختي يكول بس اشوفه اقتله ليش هاجر بنتي شمسويه

بقيت صافنه جريت نفس لعد شون حملت منه احجي وي روحي ونار تلسع لسع جاوبتها

اني معليه منكم واذا شفتي لابنج كوليله يطلكني

طلعت من يمي تبجي وتتوسل بخاله رجاء تحاجيني بس ويامن ويايه لا ابد قدمت دعوه طلاق ورحت لمحاميه وةلتها جانت قريبه علينا ودزته تبليغ وعلي مااجه للمحكمه خلصت اول جلستين وجاني للبيت ومفتحت الباب عصب وكسرها ومد ايده وفتح الباب ركض عليه يحضن. بيه ويتوسل يصفن بوجهي و بعيني ويرجع  يتوسل ارجعله واني بس ساكته صافنه عليه

ضعفان ووجهه مليان تعب مكدرت لزمت ايده

علي روح لابنك ومرتك اني مافيدك

انتتتتي كلل حياتييي نسرين فدوه

اعتذر مااتحمل لزمت غيري بعد

مجبوررررر من انعل ابو الجهال  لج شحيسوولي وانتي مو عدي  شحينطونيييي اريدج الج

علي ابنك عمره شهرين روح شوفه شون كبران

اريدج الج انتي راحتي

لزم ايدي ويبوس بيها وبجه بتعب حضنته مثل قبل شالني ويشم بيه  يريد يوكف ميكدر يشهك واني مدري شبيه وصرت حايط نقهرت عليه صح بس متاثرت كعدت عالقنفه وبقه بحضني يم لحد ماغفه يتوسل بيه اقبله بحياتي واني ساكته ياسين تمدد كبالي عالكرويته ويباوعلنا  لليل يله كعدنا باوعت بوجهه. واتخيل شون ارتاح  وي غيري واتخبل كلمتين كتله

اذا عدي معزه بكلبج طلكني

فك حلكه صافن بوجهي

علي مدااكدر

طلكتها

وان مااكدر بعد ارجع لمرتك وابننك

طلكتها اكولج طلللكتتها

كالها وشك زيك دشداشته

علي ماصيرلك مره بعد روحك لعائلتك

بقه صافن عليه عزه نفسه مسمحتله وكف كال

من تتذكريني تذكري زيناتي وداعتج مجبور وادري حتكولين مو صغير حتى يجبروك بس للاسف انغريت بسالفه اطفال وهي مره تقربت منها ولعبت روحي اريدج انتي

هزيت راسي منصيه ابدد بعد انتهيت

هز راسه موافق عدل هدومه وطلع وهاي جانت اخر مره اشوف  بيها علي  مااجه للمحكمه وتطلكت غيابي  وتنازلت عن كلشي  سبوعين ورجعت امه اجتي تتوسل طردتها من الباب  شي بيه انكسر اهلي عافوني عمامي الجان. بالعراق كاتو واللي بره محد يسال عني  غير الصغيرعلي جان يتصل بيهم دوم  ويخليني احاجيهم يعرفو ويحبو ويحبوني كلش وعرفو حتى ياسين من اجه ودزو فلوس عن طريق بنك من البنوك اللي ببغداد  شون نكوطيه اله. خلوها بدفتره. ومره عصرني الوكت وفكيت دفتره وسحبتهن كمت اعيش عالتقاعد علي ضلت فتره شهرين يدز مصرف رغم طلاكي بعدها انقطع وامه هم مااجت بعد ولا هو اتصل خالتي رجاء  ويايه جنت الاحظ عيون الناس تريد تاكلني رغم مو كلش حلوه اني بس لان وحيده جنت اقفل ميت قفل رغم بساطه بيتي وفقره بس اخاف --يسوني تسجل مدرسه يمكن جان احلى يوم بكل حياتي واني اشوف روحي يدخل اول  مراحل  التعليم واتركهه واترك كلبي وياه تعلق بيه لدرجه اول شهر داومت  وياه  بعدها ضحكو اصدقاءه عليه وكلي روحي. رجعت والبيت فارغ اختنك اشتاقيتله هي ساعتين متت متت وجتي خاله رجاء كالت

علي مريض بالمستشفى

مدري شصار بكلبي

شبي

مريض كلبه تعبان

لبست ورحتله طايره وياها  اول مشافني ابتسم بتعب وصلت يمه خواته كامو يحجون همس كوه يحجي

محد يبقى هنا

طلعو من الغرفه الاجهزه اللي بصدره ملزكه والحهاز مال تنضيم ضربات القلب يشير انه الوضع موزين لزم ايدي قوي

غمضت ونزلت دموعي

داووي كلبي نسوين

علي شبيك

مكدرت بس اكول خالكلمتين خنكتني عبرتي كال

داموت دونج مو كتلج اني بلياج اموت مصدكتي

ابنك محتاجك

واني محتاجج الج نسرين انتي نصفي الثاني  مااكدرت اكمل حياتي دونج. ابني يكبر ويتزوج وينسى الا اني وياج منكدر باوع بعيني

مو صحيح

هزيت راسي ونصيت ابحي بحضنه شال ايده بتعب ويبوس براسي طبت امه  وبيدها جاهل كايدته عينن علي بجيت من شفته من صدك يشببه علي اللي جنت اتمناه يصير عدي صار بحضن غيري كال

يمه اخذي وروحي اني راجع وي نسرين لبيت ابوها

يمه شون يصير  لك يوم مطلكه

مالج  دخل امي روحي ودزي على خالي خليني هاليومين اعيش مرتاح يم اليمها راحه كلبي

زين اجي اداريك هناك

لا يوم كفيتي ووفيتي داريتيني زين

نسرين- بيومها مكدرت اكوله لا خفت لاافقده عرفت مطلك مرتهه من يوم العرفت صدك امه تندمت وخواته هم اخذته لعلي ورجعت  لبيتي   ورجعني لذمته داريته واهتميت بي ورجع دلالي ودلاله وردت روحه وروحي والحمد لله تعافى نوعا ما بس بقه من يتعب ياذي كلبه  واني يلزمني الخوف لا افقده يسوني كبر صار صف ثالث وعلي كال لازم تفهمي انج اخته  واني خايفه يتاذه وفعلا فاتحناه كال

لعد اني عدي اخت وعبالي ماعدي

حبيبي عمري انت اني امك واختك وكلشي تريد

علي كال

بس مو زوجتك ها ههههه

ياسين- لعد يصير اصيحج.  نسرين

كيفك ولو تعلمت على كلمه ماما منك

واني  هم احبج ماعرف غيرج ماما

ياعمر امك واختك انت يارزهره حياتي

ياسين صار صف رابع. علي فتره وجاب ابنه يمنا بطلب مني استغرب من يسوني بالبدايه بعدها اخذو على بعض الولد جان يريد رعايه لان ام علي تعبت وخواته تزوجن بس وحده بقت  ومهمله اله احتضنته بمل مابيه من طاقه وحب. بس مو مثل يسوني الولد من جان يروح بيت حده يحي مكلوب فتره سبوع ويجر عدل يرجع عالقديم عرفت امه وبيبيته يحشون براسه امه برغم ماهي تزوجت بس تبث سم مثل خالتها  حتى لابنها مرحمته خلته بنارين يكرهني لو يحبني  وبدت مشاكله وي ياسين وبده علي يحير بس يعرف يعدل بينهم ودوم الحق ليسوني لان عاقل مو موذي وذاك موذي صار صف ثالث وصار يكول

بس ياسين ابنك اني موابنك بس اله تدافع وتحبه متحبني وعلي يصفن عليه ويباوعلي من يروح يكول

مو كتلج ميفيدني بزر. اريدج وحدج ادري شحيسوي هذا ادري

لتكول هيج هذا عملك الغير منقطع

تدرين بيه من عمر عشر سنين اني صلاتي مضبوطه وصيامي لامطلوب ولا ماذي احد ردت منج بزر مو منهم تالي صار اللي ماردته استغفر الله بيد الله بعد بيد الله

بقيت ساكته واعرف احساس علي من يشعر بشي مرت الايام اشتدت المشاكل بين ياسين وابن علي. اضطر علي يرجعه لبيت جده ازداد حده وعصبيه وحقد اتوسل بعلي يغير معاملته ويكولي لو اترسله عيونه ملح ميغزر لج بابا تربايه امه هذا حقد وسم وكره--- بس مكطع مصرفهم هو واهله يسوني كبر حبيبي وصارلي بنيه وولد مو بس ولد حتى تنضيف ينضف ويايه. لو اكعد الصبح الكاه مسويلي ريوك اني وعلي اجتهد بدراسته وبصراحه مجنت انام اذا محافظ الماده حتى رقم الصفحه دخل متوسطه وكام يصيحلي

ننه

لان اصلنا اكراد فيليين. فالبيبي الحنيننه نسميها ننه. وجلبت هالكلمه بحلكه خالتي رجاء توفت ومتت قهر عليها. هو هم تاذه وعلي بدت احواله تتخربط

كل يومين جاي من الشغل متخربط جايبي جماعته وابنه موري الويلات لو ضارب جاهل وفاشخه لو مكعدي فصل دمره يضرب يعلقب يكطع مصرف مييفيد يبوك ويتعارك ومن يجي يادبه يكوله انت مو ابويه لو ابويه متعوفني. علي تعب منه صار على تربيه ايدين ايد نضيفه وايد وصخه وفجاه بيوم مغيمه

حبيبي ساعه ٨ ونص متروح للشغل

لا نسرين ماروح خليني بحضنج تعباان

ننه

ها امي تعال بالغرفه

ننه تتريكين

ها بابا هنا

اي حبيبي تريك

لعد متاكلون

كومي يابه كومي هذا مسوي ريوك خاف يزعل علينا

لا بابا العفو

كام علي بتعب عقج وجهه انرعبت شبي اليوم تريكنا سولف بهدوء وضحكنا. وياسين يضحك وكلسا بايس كتفه واتي اباوعله عمري بدت شواربه تبرز ياكلبي انت شوكت افرح بيك التفت عليه كال

شبيج تباوعيلي

يمه صاير رجال

هه نصيت راسي خجلان ---

ب

باسمي انا

ياسين الفيلي

رويت قصتي كامله للكاتبه. مريم السعدي. على ضهر مركبه كانت متوجهه للنجف الاشرف كنت قد ذهبت لزياره والدي اللذي لم تره عيناي واللتي ولدتني. وزياره حبيبه قلبي وفوادي

امي

او اختي

او كل حياتي

او اسموها ماتشاوون

كانت المركبه تسير وجمع من عائله الكاتبه تشرفت بالتعرف عليها اخيها الكبير بالمقدمه تعرفت عليه ولم اكن اعلم ان له اخت تكتب مااثمر من الروايات القصيره

تعرفت عليه واخذتنا مواصيل الحديث كان شاب بمقتبل عمر ال٤٣ قد اشيبت بعض من لحيته كان يميل به الشبه الى الروسين وجه قرصي مدور وعينان صغيره برمش كثيف احمر الخدين وبياضهما اكتسى بتلك الحمره ابتسامته تجلب العافيه وتنسى الهم.

اخذت اتكلم بلا تقيد وهو يبتسم وييوما بالقبول حتى اقبلت قصتي على الانتهاء التفت الى الخلف مباشره المقعد الخلفي لنا قائلا

دتسجلين مووو

تفاجات لتصرفه التفتت لكيت بنيه تشببه جدا بس اصغر تطلع ب٢٢. وسالته

شنو الدتسجله

اختي كاتبه وتهوى الكتابه انتبهت عليها من بديت تحجي مركزه ويانا وكالتلي شكد يشبه بابا الله يرحمه وبقت تسمعك وهسه انتبهت مشغله تسجيل يعني بين قوسين. كلها كم يوم وتلكى روحك منشور بالفيس

عهههه لا على بختك يمعود التفتت عليها ---ابتسمت كانت صغيره بالنسبه لكونها كاتبه بعمر ابنتي فرح

انتي كاتبه

يعني. تكدر تكول هيج. قصتك هواي بيها عبر ممكن اكتبها

صفنت على اخوها هزيت راسي شكو منها كتبيها وكملت القصه لاخوها

كنت اروي قصتي له وكان يبتسم ويستمع بامعان

اتممتها مبتسم

والحمد لله على كل حال

الحمد لله

استاذي العزيز بس اسمي لتذكره

لالا متذكره

زين شنو اسم الموقع حتى اقراها. كاتبتنه

عمو اسمه قصص رومانسيه عراقيه للكاتبه مريم السعدي

خوش عمي

عمو بس نسائي ما عدي رياجيل ههه

ها ديله اخلي بنتي تقراها وتشوف الناس شيكولون

اوك عمو تنورنا

ياسين-   ابتسمت بخجل

اي ننه شنو اليوم يله شفتيني

والله ماما يوميه اكول انت احلى هديه من رب العالمين.

وانتي لو ماانتي مااعرف شون كان تكون حياتي. دوم اكول محظوظ  عدي ام واخت صديقه واعز من روحي

علي- ها اها من الصبح غزل واخذ مني وردتي

لا بابا والله العضيم اتمنى حسين يعرف قيمتك اول واحد اصلي وراه انت اول واحد علمني اداب الكلام وقوانينه الكرامه والفخامه والشهامه والذوق تعلمتهن شغله شغله اني صف ثالث متوسط وكل ما يدخل استاذ جديد ويصير بيننا كلام يبقى صافن عليه مبتسم ولازم يكول

ماشاء الله عليك كلامك. واخلاقك عابر عمرك سنين

بيومها.  رحت للمدرسه وتركتهم مثل العصافير بس كلبي ممرتاح لان ابويه الروحي. شكله مو بعافيه  بديت اكبر واوعى على روحي  بديت اشورب نضرات المدرسات الي ولاني اخشن من اولاد عمري والشكار اللي باللحيه ولون عيون البارز  والحمار وي السمار والطول مخليلي هيبه جانو يسموني بالاجنبي. ودائما من واحد يريد ينسق من صف السادس يجي عليه  يتوسط. ويكولي تعال ويايه جنت مااكسر بخاطر احد ابد ومجان عدي عداوه ابد بس عيبي للاسف  استعجل بعصبيتي

ماعرف صفه مكتسبه او احساس انه اني مفضلين عليه بتربيتي او يمكن شي مااكدر اسيطر عليه بهالعمر.  بعد فتره شهرين نجحت ورحت للثانويه وعمي علي صار طريح الفراش تمرض حيل وننه حارت بي

تاذت هواي وبدت تذبل وياه.  هواي كامت تدزني  وهواي اشوفها تبحي ومن تبحي الدنيا كلها تبجي. بعيني  يوجعني كلبي. واخاف لا افقدها واضل اتوسل بيها

ننه اروحلج فدوه لتتاذين موزين عليج

ماما حبيبي مبيه شي خايفه على علي بس

ننه ماعدي غيرج فدوه ليصير بيج شي

جنت انرعب من شي اسمه ننه تتمرض او ننه تبجي امي وكل حياتي  وفعلا جاء اليوم الموعود

وعمو علي-----

عمو علي الصارلي اب ومنعني اكوله بابا جان يرد خاف ابوك يزعل----- عمي علي الجان اخ ونعم الاب تمنيت اكون من صدك ابنه جنت من افوت والكه شحاطته بالباب كلبي يصير شكبره   واامن واطب ادوره بالبيت. توفى بفجريه وره صلاه الفجر جنت نايم بالغرفه واسمع ماما توعي بي

علي اذن عيني كوم صلي

علي كوم مدام بعده توه اذن

علي مو وياك علي شجاك اليوم صدك جذب

تهزه وتكعد بي فزيت كلبي عصرني مو عادته ابد موعادته نومتي خفيفه من صغري وافز على همسه ننه صوتها عله ومكعد كمت فتحت الباب صحت

ننه

يمه ياسين عمك علي مديكعد

تقربت اباوعله شفتها ترجف تدور امان بوجهي شغلت الضوه واباوعله فاك حلكه ومتوفى اول مره بكل حياتي اشوف احد ميت خاله رجاء مشفتها بوكتها رجعت ليوره مرعوب وامي صاحت تلطم لك علللي صدك عفتني لك علي على بختتك عللي

طلعت ركض فاقد للشارع وكلشي بيه يرجف جنت حيل احبه ساعات يحاجيني بهدوء مبتسم الهدوء والرصانه والشخصيه لعدي فضلها عمي طلعت اركض رحت للمضمد دكيت الباب بقوه ماكو جواب انتبهت على روحي حافي بطرة الفانيلا رجعت دكيت قوي صاح

جاك يابه جاك ياساتر ياربي

فتح الباب

ها بابا ياسين خيرك

ععمي علي مدر ي شبي الله يخليك بس تعاال شوفه

شبي حجي علي البارحه جان واكف يحاجيني خو مبي شي شنو

ععمو ميكعد وفاك حلكه

شفته ركض كبلي واني وراه ويردد

ياساتر يارب

وصلت لكيت ننه مكطعه روحها وميته بجي ذبيت عليه الجرجف وطب المضمد مستعجل بس لزم نبضه ونصه راسه على كلبه رفع راسه وغمض كال

لاحول ولا قوه الا بالله انا لله وانا اليه راجعون

تخبلت امي فحطت واني احضن بيها داموت من اشوفها بهالحال رغم معزه عني عدي بس الا اني كون اشيل كل الوجع منها

ننه فدوه لعينج خاف يصير بيه شي

لك يممممه شون اعيش بلااااه شون لك خلوتي الحكه

يمممه واني منووووو الي صرخت ابجي البجي اللي كلما بجيت بهدوء على غلط تانبني عليه امي جان عمي يكولي اششش لتبجي عيب الرحال ميبجي البحي اللي نسيت منين يطلع وتركته وهسه اني ابحي خوف مرعوب على امي وكعت ابوس برجلها

يمه حيصير بيج شي اني وييين ارووووح لتعوفيني وحدي

سكتت راسن حضنتني وكتمت شهكتها بس دموع تجري اخذو نسابته لعمي وصار العزه بيت اهله وننه راحت يوم واحد سمعت اشكال والوان كالت

حرمت اروح ثالث يوم من الفجر كعدتني جنت نايم يمها بالغرفه بالكع وهي عالجربايه جنت ابقي الضوه يشتغل خاف تبجي وماشوفها وتتاذى مجنت اعرف انه البجي راحه

ثالث يوم الفجر كعدتني

ماما يسوني

ها ننه كعدتي ااسويلج ريوك مسحت وجهه بعدها النومه بعيني خاف باجيه

لا حبيبي كوم تجي ويايه

وين نروح كعدت راسن

نروح للنجف نزور عمك

صفنت باوعتلها اي اروح بس مو تبجين هناك

لالا ماابجي بس اقراله قران

ميخالف طبيت لغرفتي بدلت وطلعت لكيتها لابسه ومبوشه

ننه ليش تلبسين بوشي

ماما حبيبي غير عده الزم اريد ارفع راسه

ماشي طلعنا جانت من يصير بصفها رجال تتوجه بيه وتوكف ورايه. يا الللله شون شعور كمت بدون مااشعر من يصير رجال كدامنا اخليها بضهري. عرفت اني من اليوم صرت رجال لننه صرت الها كلشي بحياتها ننه مجبيره. من راح عمي كلها عمرها ٣٦سنه وحلوه وصلنا لكبره وبقينا ساعتين وطلعنا تمشي وتردد

هاي هيه وياك علي كفيت ووفيت ويايه وي ابني هاي هي وياك ماقصرت

اباوعلها كلسا خاف تبحي بس ضلت ساكته حجيت وياها من طلعنا من الامير جاوبت بهدوء ورجعنا واني مخليها جوه كتفي وهي شوي شوي نامت على صدري والطريق كله ابوس براسها

حبيبتي ننه ماعدي غيرج اموت اذا صار بيه شي

مابيه يوم لتخااف

اني عدج موجود لتخافين

لا حبيبي انت رجال المن اخاف

ننه ماعدي غيرج اني والله محسيت بيتم لتيتميني هسه

لا ماما لتكول هيج حبيبي لتبجي

رفعت راسها وتمسح بدموعي

لتبجي امي. لتبحي حبيبي انت رجال

اي هذا هوه ماابحي بعد اخر مره

جرت نفس وباوعت عالشارع كالت

باجر راتب التقاعد مال ابويه شون منو يجيبه

اني اروح اجيبه

متندل حبيبي

لالا اندل اسال واندل

خوش

ننه بعد اني اتسوك. وشتريدين كوليلي

صار ماما صار

مرت ايام صعبه مكان عمي حيل خالي لحد الان من اصلي لانه هو العلمني عالصلاه افرش سجادته كدامي واصلي وراها. ومن اكمل اهديله سبحه ايام افوت للحمام حوه الدوش ابجيي لحد ماكول كافي ايام تدمرت بيها عطله الثالث متوسط صارت عليه عذاب ننه تمرضت وصرتلها اهل كمت انضف وامسح واركب واروح واجي عليها اسال شون اسوي هالطبخع وتعلمني وهي بالفراش جنت من اروح اتسوك فرحان مره زينه ومرررات مسواك تعبان مره عن مره كمت اعرف استنكي وهذا يرخص وهذا يخليني استنكي وهاذ لا وكمت اعرف الوكت الليصير بي المسواك رخيص اروح بي اتسوك وارجع وكامت ننه بسلامه ورجعتلي الحياه وبدت الاعداديه. ننه وي راتب التقاعد الي هو كافي. بس نوبات يعوز. رجعت جرت المكينه وشغلتها بردات على جراجف كرويتات على دشاديش شوي شوي انعرفت بذاك الوكت جان الخياط زين شغله ومتقبل انشغل باي شي غير دراستي

ننه والله فلوس الراتب كافيه

ماما التهي انت معليك اقره اريد تعبي بيك يطلع

وفعلا جنت ليل ونهار اقرره الاول على صفي والعالم صارت تعرفني من اطب واطلع وفجاه بيوم من الايام داامشي ولمحتني مره عيونها رصاصيه وخدودها حمر وسمره بقت صافنه عليه وبنيه وياها تطلع بالمتوسطه كالت

ماما هذا يشبه خالو احسان

والمره بقت صافنه عليه تقربت مني كالت

يمه انت وين بيتكم

كولي خاله المن جايه تفضلي

ابتسمت كالت

هذا بيت حجي علي لو شالو

لا هو هذا مغلطانه تفضلي المن رايده

كالت

انت ابنهم

اي اني صفنت عليها خاله انتي المن رايده

يايمه انت ياسيين

صاحت وبجت

هزيت راسي شوهاي ركضت حضناني وتبحي وتبوس بيه

دفعتها بهدوء ابتعدت استغربت كالت

يمه امك وين

تفضلي همست تمشي وتتلفت وتمسح بعبايتها عيونها والبنيه وياها تباوع وتضحك ضجت من عيونها. بهالعمر جنت حيل معقد واكره البنات من يتلوكن من افوت جنت اكره كل البنات اكول كلهن ادبسزيات عاللي داشوفه من الشباب وعلاقاتهم طبيت وزاهم للبيت صحت

ننه المره باوعتلي تبتسم جاوبت امي

ها ماما شو رجعت

ننه مره عليج

باوعتلها وصفنت كالت

تفضلي

معرفتيني نسرين

لا والله معرفتج

يس- بقيت صافن كالت

اني اخت مروه

صفنت امي فكت عينها كالت هله بيج كل الهله وبوستها وباوعتلي كالت

ماما حبيبي هاي خالتك اخت امك

هزيت راسي مستغرب اول مره اسمع بيهم حاجيتلي ننه قبل بس مشايفهم بقت تبوس بيه واني انزعجت ابتعدت

ننه اني رايح اتسوك وارجع

اي حبيبي الله وياك

طلعت وعيون البنيه اكلتني وتتمضحك.

تسوكت ورجعت لكيتهم بعدهم خليت المسواك وهمه يباوعولي كالت المره اللي تصير خالتي

تعال يمه يسوني تعال فد شمه خاله

التفتت ابتسم بخجل من شفتها بجت تقربت بثكل باوعت لامي تبتسم وكفت المره تبوس بيه وتحضن ودموعها تجري. كالت

شهرين ونص انت على ايدي يايمممه شبسع مشن الايام جاوبت امي،انتي كاطعه ام حسن تعاي مري خلي يسوني يعرفكم

والله موبيدي استقرينا بالعماره وهسه يله انتقلنا اول مستقريت كلت لازم اشوفه وجنت خايفه لا شايلين بس حمد لله بس والله انمرد كلبي من شفت قطعه رجلج شون رجال جان

يس- نصت امي ودموعها جرت تخبلت بقيت اباوع للمره واباوعلها رالبنيه شاركه حلكها  طلعو واني عيني على امي   وعيونها. سدت الباب تقربت

ننه لتبجين فدوه

لاحبيبي مبيه شي شفتها هاي خالتك

اي شسويلها يعني

ماما ذوله اهلك. بعد دائما مرلها

ليش بله معليه بيهم اني

لاماما عيب خطيه هاي ثلث شهور انت يمها

تلمست اميزخدي وتحجي كالت

مدري شون كتلهم ماريدك جنت مصدومه ابويه متزوج

اي ننه عفتيني عدهم ابتسمت كالت

اي  وراها اخذتك وزينت دنيتي

شون مردتيني شون اذا رحت يمهم هسه ترتاحين

لايمه لتكول  هيج فدوه.  انت ابني اني

ابتسمت تقربت منها حضنتني وتردد

انت ابني ابني اني

ننه واني ماريد غيرج انتي كل دنيتي

يله انشي اقره اليوم كضيتها تفرفز

اي بس فرقت بسعر المسواك ---

ماشاء الله سبع  وليدي سبع. يمه هم يجي يوم وازوجك وافرح بيك

عكدت حاحبي صافن عليها مبتسم زواجيش ننه بربج

اي ليش لعد ماما شفتها لبت خالتك شون حلوه

كالتها تهمس وتبتسم

دخل دتولي عيونها تزرزر

يمه غير انت تخبل  ياهو المتتعجب بيك

سكتت مبتسم اخذتني نشوه ال١٦ وتفكير الخلته براسي امي تخبل وتخبل بس بداخلي من صغري  معجبتني نضرتها.  كبرت وصلت خامس وسادس بتفوق جنت ادرس جماعتي كلهم بطرمتنا اجمعهم ونكعد ندرس من جنت ادرسهم احس روحي ضابط الماده ازيد من قبل  وخابنها وصلت السادس وامي تخيط والراتب  وياه نوعا ما مسيطرين امتحنت وطلعت بوكتها معدل ٨٩. ودخلت كليه نفط جانت امي  طايره لحد هاللحضه اتذكر تلكتني من الباب تهلهل وتطش جكليت شارعنا انترس ملبس  وفرحتها ماانساها تبجي وتضحك وتهلهل. وتطش بالجكليت بيومها ركبت تمن وقيمه جداري كبار ووزعت على روح عمي وابويه. تمشي وتشتغل وتكولي

لك يمه رجعت عشر سنين ليوره  لك يمه فرحت كلبي

جنت طاير بيها واني احس روحي فرحتها  بيومها منمت للصبح لا اني ولا هي نضفنا البيت وعزلنا ورجعنا الجدوره للجوارين  ورتبنا الهوسه واحس بيها كل القوه والنشاط. وهم رجعت خالتي جتي  زارتنا باركتلي. وبوستني جنت اضوج وحده غير ننه تبوس  بيه اتضايق حيل حتى تلعب روحي وهم جابت بتها وياها كالت هالسنه بتي سادس  ياريت لو تدرسها   ننه ردت عني كالت

تدللين غير بت خالتها

واني مجان عدي مانع بهل كم زياره زارتنا بيها خالتي عرفت كان عدي خال وتوفى وبيت جدي كلهم توفو وعذي خال بالخارج. مستقر ومحد يعرف اخباره مكطوع   وبهالفتره مچن حجي امي براسي. كمت اباوع لبت خالتي.  دعاء.  ونضراتها هي هي تضحك  وتبقى تباوع بعيني واني اخجل وانزل عيني وهي متنزلها. هي جان جمالها بسيط مرتبه ملامحها بهدوء.  ناسكه وابد متحجي بس عيونها. من تباوع تضايقني. وكعدت مثل النسوان بالبيت كمت اطبخ وانضف وماحلي ننه تلزم شي غير الخياطه ومن تجي بت خالتي ادرسها فيزيا كيميا وعربي وانكليزي ورياضيات كلهن  كامت بين يوم ويوم تجي  واني ماعدي شي اضل ادرسها  وهي كوه تستوعب بس مشت جنت ابقى اباوع بعينها مره من المرات تراهنت وي روحي مانزل عيني الا تنزلها تالي منزلتها خجلت اني. نصيت وهي منزلتها وننه مكيفه تروح وتجي وتردد

يمه تخبلون الله يحفضكم

تقريبا خالتي فهمت ننه رايدتها الي ومكيفه  بهالشي   ننه جانت خايفه عليه من الغربه تخاف حيل اذا طولت بره البيت لل٩ تتخبل ومن ارجع تتعارك واني صارعدي شله ويطلعون ميرجعون لتوالي الليل -----

يس- عفتهم لان مللو مني كامو ميدزون عليه. لعبت نفسي من البيت ردت اشتغل وانام واكعد بس اريد العطله تخلص حتى اداوم كليه وفعلا لكيت شغله. مكوي وننه تخبلت

شون ووين وشمدريني الولد بي خير مابي خير

لج يمه خليني اطلع دااحس روحي بعد جم يوم احبل

خربت ضحك وبقت تباوع بوجهي شافتني عصبي مدااضحك كالت

اخاف عليك يمه وداعتك ماعدي غيرك

لتخافين ننه هو كله الدوام ب٧ المغرب اني يمج

خوش

وفعلا داومت وابدعت باخلاقي كلها كامت تحلف وانعرفت بالسوك كلها كامت تصيح ياسين الاشيكر. ولانني خدوم مارد احد كهربائيات اعرفها الله يرحمه عمي علي بوكتها علمني بواري شد دكسن كلشي تعلمت عليه كلسا صايحين عليه

فدوه بس شوي سوي هالواير فده بس هاي الجوزه طكت بله زحمه بلكن تسويلنا البوري

وعلى هالرنه

مجنت اكول لا ابد وبيهم الينطيني علاوه وبيهم اليكتفي برحمه على ذاك الاب الطيب وبيهم اللي حتى اخجل اخذ منه لان الحاله صعبه حصار والناس ميته جوع وكامت كل فتره يدزون صواني اكل للبيت عالخدمه السويتها لو فاكهه وننه تتخبل

ليش ديدزون شنو قابل جواعه وافهمها تبقى صافنه بوجهي وتردد

نعم التربايه ياروح امك انت

جنت كلما اكبر كلما احس روحي احتاجها اكثر استغل اي فرصه احضنها بيها وهي حبيبتي متقصر تلمني جنت دوم افكر لو عايشه امي هل راح احبها بكد ماحب ننه هل راح اخاف عليها بمد ى. خوفي عله ننه كل همي هي وشاشتغل افكر شنو اجيبلها بي وهي تتخبل لتصرف اجمع لجامعتك. وفعلا لزمت ايدي بهالفتره ورجعت كونت شله ثانيه من شباب السوك هالمره ناس ثكال اصحاب محلات صاغه . بيهم وبيهم اصحاب مكاتب صيرفه جنت اسويلهم خدمه لو اصلح قفل باب لو بوري طاك لو اعدل رصيف محفر وكذا وكمت اتقصد مااتقاضى اجر اتذكر كلام عمي علي الله يرحمه

اشتري عالم باخلاقك يوكفولك بعازتك

كل خوفي لا تفرني الدنيا واعتاز احد وداومت جامعه وبدت حياتي الجديده ناس من كل مكان محافضات من كل العراق مجموعين بفد جامعه تعرفت تقريبا على نص الجامعه الفقير والغني صاحب السياره واللي جاي من البصره كاعد بحرم الطلاب دراستي تفوقت بيها وبت خالتي مااجتي بعد. لان سادس واني مدرسها بالعطله فاكتفت بس بقت زيارات خالتي على طول كمت احب شوفتها كامت من تجي اضل كاعد يمهم ساعه اكثر من تحجي اتخيل شكل والدتي هيج جانت تحجي هيج جانت لهجتها هيج جان شكلها وهي تباوعلي وتبتسم. وانتبه على روحي كملت اول وثاني وثالث واني متفوق ومصادف فد يوم وحده جذبت نضري رغم كومه ذبو روحهم بس اني مااهتم وفجاه صادفت شاب وتعرفت عليه جان من السماوه من حي الحسين تحديدا. صادقته حيل حبيته بسيططط للاخير وفطير واعي وفاهم كان سنه ثالثه هندسه كيميائيه. طبتي وطلعتي صارت وياه راعي صلاه وصيام وزيارات وجلبت بي وين ميروح اروح وياه عرفته على ننه وكيفت بي بس جان يصدمني بس بالامتحانات يداوم. ويرجع يداوم وراها ينقطع

وسالته

يمعود وينك شو انت تغب تغب وترد تضهر

والله يس شسوي اوكف خل اشوف الحك لروحي خاف انفصل

روح داانتضر شوف هنا قااسم

اي اي راجعلك تانيني

اتانيك ليش ماتانيك اتانيك اتانيك اذوب على الدرب شمعه.

شوي ورجعلي واني ادندن ضحك يفر بيده كال

طاك وتغني شنو سالوفتك

شتاقيتلك والله طكت روحي

موبيدي الضروف قست

يحجي ويطبك  الورقه ويهز راسه متحسف

شنو السالفه احجيلي

يول فلوس اجار الغرفه ماعدي فد نوب وشللت وامي مريضه فلوسي خلصت عال الدكتور والعلاج

بقيت صافن عليه وهسه شحتسوي

رايح راد لاهلي شسوي

وكليتك معود هاي سنه ثالث انت

شسوي يابه بيدي شي ماسويته

اهلك عدهم فلوس

تفاعد ابويه كوه وي خواتي اجي اخذ منه للجامعه ماترهم. يله اشوفك بخير اخويه انت الله يشهد

بقيت صافن يبوس بيه ديودعني واني كلبي انعصر لزمته من ايده

اوكف اوكف تعال اكلتني حاصل فاصل

شنو شبيك ههه جا ماتصدك بيه

اوكف دمشي للبيت نتفاهم نتغده

لالا يابه داروح مالحك عالكراج

ياكراج ابقى اليوم باچر روح

وين ابقى باع هاذ لك يابه ماعدي اجدد اجار هالشهر

اوكف ويايه بروح ابوك

استغفر الله لاتحلف يول خلني اولي بروحي طايح من روحي روح غادي لاتعورض براي طريق

استغفر الله الله عليك ارجع ويايه تغده وروح ولو اخر مره   صفن جر نفس

دمشي اخابر من عدكم على امي

ديله رجعت وياه لبيتنا وننه خطيه صبت الاكل مكيفه بي وصار الحجي بقت ننه صافنه مقهوره وهو مسويها عادي بس اني اعرفه ميت قهر بس راد يتخرج ويتعين بسامرا معمل الدوه وي خواله مرهمت وامي جرتني اشرتلي اخذتني على صفحه

ها ننه شبيج.

يمه ليش ميبقه عدنا شو لاعدي احد لا بنيه وانت وياه ترحون وتجون والمصرف هالنكدر عليه جدريه شوي نكبرها والرزق على الله ويبات هنا بالصاله بغرفتك

بقيت صافن ابتسمت اي ننه والله خطيه

رجعت يمه وفتحت الموضوع وهو ميقبل اتوسلت بي وطلعت ننه حاجته وهو قافل ميقبل لحد ماكالتله

يمه اني رايدتك وي يس ماعدي غيره. بس كمل هالسنه وروح حرام عليك امك تحس بتانيب الضمير من وراك كمل واوصل عينهم لاهلك

صفن منصي راسه ورفعه باوع بعيني كال

جميلك ماراح انساه يسوني

معود اني المكيف بيك بس اقبل

لعد اني اتسوك وياكم نتقاسم بالمسواك

سهله عود سهله

خليت ايدي على كتفه مكيف وفعلا انتقل بغراضه يمي وكال لامه امه بقت متخوفه لحد مافد مره اجتي لبغداد وجتي لبيتنا ومحمله كومه شغلات طرشي ودبس ولافه دولمه وكبب كومه والاكل يخبل وتطمنت من تعرفت على ننه وراحت وكملت وياه سوه سوه طبتنا وطلعتنا عرفت عنه كلشي جان ابد ميحجي بخواته. بس بوكتها عرفت انه عرس وحده من خواته وراح ورد رجع عرفت عده خمس خوات وماعرف اعمارهن ميحجي بيهن ابد والده متوفي من صغره متكهرب وعايشين عالتقاعد مالته وهم يطبخون ويخيطون اهله. وهو الوحيد لاهله وخواله بسامراء يشتغلون بمعمل الادويه والباقي كل معرفتي بي عن الجامعه ودراستها. جان يطب ويطلع من باب الصاله وبالصاله حمام ابد ميقبل يطب للهول لو لغرفتي وخطيه ننه تغسل هدومه وتكويها وتعلكها. هو يتخبل ليش تتعبها كام يتسوك ويايه تعلمت عليه حيل وتعلقت بي وهو هم لحد ماتخرجنا روحتنا  وجيتنا سوه طلعت روحنا لحد ماتخرجنا وصار وكت الوداع تاذيت حيل وهو صلب ممتاثر مبتسم يحضن بيه ويكول

يولل اثكل ولك ماعايفك كل سبوع امر للولايه

واني ابجي من كل عقلي حتى ننه بجت راح وعافني كلشي بالغرفه يخنك حتى تخرجي مفرحان بي. محسيت روحي فرحان كد ما مخنوك بفراكه. من يومها وامي بدت تلح عليه بموضوع الزواج

لج يوم شتزوج واني مكرطف غرفه ماعدي فلوسها

يمه بت خالتك موجوده تتحمل وتحبك

هم رجعت على دعاء غير مستجاب لج يوم مااهضمها

ولك صار كم سنه ابتسامات وضحك

اييي صح وياج اني وياج بس مادري والله يمه مادري دخت اني مااحس روحي جاهز

لا تخرج  وتخرجت شمنتضر. بعد ارجع لشغلك للمكوى وخليها على الله واني وياك. هم بالمصرف

اباوعلها وجهه بدت علامات الكبر بي وصلت الاربعين حبيبتي كون يوكف عمرها ومايكبر باوعت بعيني ابتسمت كالت

يمه اني تعبت اريد وحده تعاونني بالبيت

ننه اني وياج فدوه اساعدج شيلي هالسالفه من راسج لتجلبيلي وتورطيني

ازعل عليك وماحاجيك

بقيت صافن عليها مهتميت كلت يومين وتفك ---

٣ ايام ومفكت واني بده النفس يضيق عدي بليل مااكدر. انام شتاقيت احاجيها. اضحك وياها. اصدقاء ماعدي  وره مسافر صاحبي كم مره اتصل وبعدها انكطع  فتره وبدت المشاحنات بيني وبين امي عرفت بت خالتي هالسنه ثالث  وامي مستمره بالنكوىصلت لحد هدومي متغسلها على انه مابيه حيل تزوج وخل مرتك تغسلهن وكمت اني اغسلهن وجهه ثكيل واني كلبي فرفح  اخر شي صيحت عليها ولاول مره

يوووم اهج من البيت وبعد متلكيني والله هيج كارهتني  لتجلبيلي بسالفه دعاء البنيه حتى ممتخرجه

ها يعني من تتخرج نمشيلك عليها لك يمه مدام قابله بوضعنا

وعننها مقبلت يمه لتلحين بروح عمو علي تعبتيني

اني التعبببت اريد ويايه احد يعينني

مو كتلج اني اصيرلج عشر نسوان ورجال بس شيلي سالفه دعاء. من راسج

ابد انت لازم تتاهل جوارينه اصغر منك زوجو

لا حول ولا قوه الا بالله

جريت نفس مايس عرفت ميفيد الحجي. سكتت كتلها

يمه التردي سوي

انت ليش تكرهه

ومن. كالج كارهه معودهه بنيه عاديه   وحلوه بس مابيه حيل زواج والله ياهو الاشوفه متزوج مشلوع كلبه

لاماما هاي بسيطه مثلنا وضعها واني اخاف عليك من السوك اشكال الوان شباب خاف يحرفوك حتى تبقى لبيتك باجر  يصير عدك طفل تشوف الدنيا بعيونه شون مااني اشوف الدنيا بيك حببيبي

صار ننه التردي يصير بس خل اتعين

هاهي ماافتح الموضوع حدما تتعين

اي والله هاي هي اتزوج بعد شعدي

فدوه لكلبك الله يفرحك نفس مفرحتني اروح اسويلك تشريب ابيض يلزم كلبك

هااا ههههه هيج صارت الله لايحرمني منج يا اطيب كلب لج اني شعدي غيرج انتي امي وابويه واختي واخويه وكل حياتي ماريد غير وحده تاخذني منج

اني اريد افرح بيك اريد جهال يترسولي البيت

الله يسهل ننه دكوم سوي اكل مو متت جوع

تعال ساعدني

ومشت الايام. والراتب مال تقاعد انكطع ومكلت لننه خاف يضل بالها كمت اشتغل اي شغله حتى عربانه ادفع  عماله كمت اطلع ياهو الجاب شغله ركضت بيها السوك علمني عالشغل السريع النضيف كامو يسموني هبه ريح وبيوم من الايام دااشتغل  بالكهرباء بعماره من عماير سوكنا طابق ارضي جوه الكاع نزله درج ومسوين محلات جديده. وداشدلها كهرباء وي ولد صاحبي دااشتغل ونزل ابو العماره صاحبها ضل يتفرج على طريقه شددي للكهرباء والترتيب مال كابينه سالني ولاني ماعرفه صاحب العماره جاوبت باختصار

هاي شغلك

اي شدتشوف يعني

انت شنو تحصيلك الدراسي

خريج نفط رفعت راسي باوعتله

انت منين

هنا من المنطقه

مشايفك

ولا اني الشايفك شنو يسموك

يس الاشيكر

هاذ انت هبه ريح

اي بالضبط ههه

بعدك ممتعين

لا والله صار اربع سنين مطالع تعييني

زين اذا عينتك  شكد الي علاوه

باوعتله كبست الكابينه  بالحايط ابتسمت واني اباوعلها فتحتها وسديتها واني ساكت اتاكد من طبكتها المضبوطه وباوعتله

ولا فلس وعفته وصعدت فوك دااحجي وي الولد اللي دز عليه اسويله الكهرباء وصعد ابو العماره الولد كال

معرفته صاحب العماره

فكيت عيني اعتذرت منه

يابه الميعرفك يجهلك

لا عمي انت محترم على شنو تعتذر بس علمودك اني احسن مدايخ بالسوك تتعين يصيرلك راتب

جريت نفس شكد تريد

كال

راتب شهرين وبعدها  الله وياك

وششتغل ومنين اعيش

ابقى وره الشغل بالسوك شون هسه لحد ما تكمل الشهرين ووراها التزم وارتاح من السوك

هزيت راسي اوك

جيب اوراقك باجر استنساخ كلشي بطاقه تمونيه هويات جناسي صور سته

اوك

ياسنه متخرج

سنه____

ماشي الوياك تعينو

والله ماعدي اخبار عنهم

هاهي توكل بالله

ماشي وفعلا ثاني يوم جبت اوراقي سالت عليه كالو عده معارف بديوان الرئاسه بذاك الوكت  وشهر وتعينت من اجه خبر تعييني ردت اموت من الفرح بت خالتي تخرجت كمت ماشوفها لخالتي من تجي لان من الصبح لليل بالسوك حتى اكدر ادبر العيشه ولنص الشهر موشل فلوس وخياط ننه ويايه ساندني شكد حاولت ارجع التقاعد ماكو  راح  بس من سمعت بالتعيين روحي وردت تعينت وارحع من الشغل اكرب بالسوك شهرين طيته الراتب واخيرا خلصت واستقريت وبديت اشتغل براتبي اعيش براحه

نوعا ما. مرتب محترم الويايه كلهم محترمين حسيت بتقدير لشهادتي ودراستي وتعبي مضاع ورحعت امي تنك على سالفه دعاء وحسيت روحي فعلا بعد اريد اتزوج  وتقدمنا وخالتي فرحت حيل كالت كلشي ماريد منك اخذها بعبايتها  بس امي جهرت الجهاز بيدها الخياط واخذت غرفه امي  صاج مستعمل جددتها هالاكدر عليه  طلعت جديده هاي كلها كعده وي بت خالتي مكاعد ابوها ميقبل الا وره العقد. ذهب من ننه كلاده نازكه وحلقتها جنت توني فاك عيني مااكدر اجهز اي شي يله الراتب مكفي مصرف البيت. مدري شون جهزت ننه

وعقدت. وكعدنا وحدنا جانت هادئه وعيونها تاكلني ومجنت اكدر اضم ابتسامتي من تباوعلي  حجينا حجي بسيط  جنت خجلان حيل منها  وهي اجرا مني حبيت جراتها الخلتني اخذ راحتي بالكلام

شونك بالشغل

زين لله الحمد

زين هم امو موضفات

اي طبعا اكو

اتمنى اتعين اني هم

بقيت صافن عليها مبتسم كالت

حتى نتساعد

الله يسهل انتي قدمتي

اي كومه بس بعد مطالع

بهالفتره الداومت بيها بتعييني الحديث  بوزاره النفط هم كومه صارت عدي معارف لان اركض للكل ماكول لا ابد  كتلها

هسه اشوف ولد صاحبي بلكن يعينج بس ماواعدج

اي حباب حتى اروح واجي وياك

ميهم بس ردت اكولج شي

نعم

تره زواجنا حيكون بعد شهرين

اي عادي

يعني ماعدج اعتراض

لالا ابد

زين وواني تره على كد حالي خاف اقصر وياج بشي

لالا اني هم مو متطلبه

اوك جريت نفس باوعتلها مبتسم ووببالي هواي شغلات اسويها وياها بدايه حياه اريد ابديها بدون نقص بحياتي المليانه نقوصات ولزكتها ننه الي حتى ماحس بنقص

كالت

ليش هيج تباوعلي

تدرين داانتضر يوم يوم نتزوج ويصير عدي عائله مثل الناس كامله مابيها نقص

انشاء الله ااني من اول كلش احترمك لانك محترم

هه شكرا -------

يس- وبدت رحلتي ومعاناتي

تزوجت بزواج بسيط بين الاهالي وخالتي ام زوجتي كضتها تعرفني على ناس اساسا ماشايفهم قبل وتردد

ابن خالك وبت خالك بنت خالتك وهاي اخت بيبيتك اووه دخت بس جنت مكيف لان طول عمري احس روحي وحدي وجتي دعاء يمنا امي امي الطايره ومتعرف شسوي بس تهلهل وتركص واني اتاملها بفرح فرحت لفرحها اكثر من فرحتي بالزواج. وصارت ليله دخلتي واخذتها جانت متعاونه ويايه جدا واني كان مبين على ملامحي الخوف عكسها. لكون اول مره واخاف اغلط واصير مضحكه كملنا وابتعدت عنها كالت

هذا هو خلص

صدك هاهي

اي اي والله شنو متعرف

ماعدي سوابق ههه

لاهذا هو هذا نيشاني

من يومها بدت حياه جديده بالنسبه الي ارجع من الشغل اطب لامي للغرفه ابقى يمها شوي لان اشتاقلها مو بيدي ننه كل حياتي يعني قبل الدوام لينتهي يجي وجهه ببالي بس اريد ارجع واشوفها واحاجيها لو احجيلها على موقف جديد صار بالشغل غثني او ضحكني او حتى فرحني ،

جانت دعاء من موجود تداري امي وتدير بالها عليها تنضف وتعدل وتبالغ وامي بس ساكته اقره عيونها اني مراضيه

ننه شبيج

ماكو شي يمه شوي معدتي

خاله اسويلج ورد

لا ماما ميحتاج

يس- جنت مستغرب وجهه التعبان ومن اصعد فوك تضل دعاء تكولي خاله تعبت تريدنا نعزل تكول اريد ارتاح وحدي اني زوجته دااخلص شو بقه يمي وتضحك يعني تجيبها بالضحك واني مشكلتي عصبي انتر بيها راسن

ننه متحجي هيج هاي انتي مضوجتها

راسن تكول اي اي صح اني تداهرت وياها وكالتلي كومي صعدي ضوجتيني

وينسد الموضوع جنت اقترب منها واحسها هي التفهم اكثر مني جانت تطلب مني شغلات سوي هيج وسوي هيج ورغم علاقاتي وي الشباب بس الاعرفهم ابد مابينه هيج كلام. اكو حدود ابد منتجاوزها فقط علاقه عمل تجمعنا. فجنت التريده اسوي رغم اتضايق لكوني قليل معرفه واحسها هي الدتعلمني بس اريد اونسها واتونس. كانت لعوبه وعدها نوع من الكذب والتسفيط كثيره الكلام واني ممتربي هيج جنت اسكت وامثل دور الانصات يعني باختصار مكضيه

بده راتبي يرتفع وخصصت شهريه لدعاء ولننه نفس الكد

وبدت دعاء بغيرتها بطريقه غير مباشره

هي مره عجوز شتسوي بالراتب وتنطيها بكدي

منيلها عجوز توها ٤٥ ---جنت انرعب من هالحجايه اي شي يخليني احس انه ننه قريبا تتركني احاول ابد مافكر بي

كاي شتسو ي بي

معليج انتي مقصر ويياج انيي داانطيج راتب لو لا

لا حشاك حبيبي ممقصر بس علمودك انت دتتعب حياتي

تقربت تمسح بصدري دفعتها بهدوء واخذت الراتب نزلته لننه

انطي الراتب بيد ننه من اول هيج اني واخلي بيدي منه شي قليل شهر شهرين والثالث رجعت للبيت لكيت امي بالغرفه دتصلي ووجهه تعبان

ننه شبيج قبل الله

قبل الله اعمالك امي

خيرج شو وجهج تعبان

شوي مالي خلك روح لمريتك ماما روح حبيبي محضرتلك اليوم تشريب من الصبح كعدت خطيه

اي رايح شو تطردين بيه ننه هيج صارت خلصتي مني هاج الراتب خلي يمج

االا يمه انطي بيد دعاء هي ام البيت ومرتك بعد هي التلزم مصرف البيت

هاي شنو ننه اني متعلم بيدج شنو هاي جديده شبيج هاي حاجيه وياج شي اروح اتعارك وياها تره

لا يمه شحاجيه ياااا دروح روح اني اريد ارتاح من هوسه المصرف روح يله اريد انام

صار ههه خليت الفلوس عالميز وطلعت توني امشي طبت دعاء بدون متدك الباب بهدوء مدت راسها جنها حراميه نترت

ها شبيج

اا تاكل عمري

اي جيت صبيلي يله

طلعت دااتغده صحت

ننه

اكل اكل تغدت

وكفت جريت نفس طبيت للغرفه

يمه ليش تغديتي دوني

ماشتهي يمه روح اكل وي مرتك

ها حتى غده هم ماريد عود عبالي جعتي واكلتي قبلي

دااصعد اول درجايتين وطلعت تصيح

تعال تعال شكد عنودي. امشي نتغده عاب عالشكل

ضحكت وتفربت منها ابوس واحضن بيه

ننه شعدي غيرج اني روحي من هالدنيا النفس اليصعد وينزل انتي

حجيتها والتفتت لكيت دعاء صافنه دارت وجهه معاجبها امي عضت شفتها شاورتني

ماما ميصير تحضن بيه وهي حجايه حلوه متكوللها

منو هاي اني لا والله احجي واتغزل. كومه كذب اكذب عليها

دمشي امشي فد حيال انت

فرح كلبي من شفتها كسرت وجهه التعبان ورجعت مثل قبل تغدينا واسولفلهم عالنسو ان بالدائره شون يتلزكن

لج ننه. حارت شسوت بعد شوي تنزع واصيح واعيط معوده متزززوج شبعان

تكولي لالا موقصدي مو مو السحاب فالت

فلت الله ركبتج عن جسمج مدري شبيهن مخبلات

دعاء- ذنه يركضن عالشكول ذنه يحبن واحد حلو. ميدرون الجمال مو كلشي.

يس- عكدت حاجبي باوعت لننه صافنه مدري هاي تجفص مدري تقصدها

يعني شنو قصدج

يعني يكلون هذا عده فلوس مجلبين بلكن توكع بشباكهم وتحبهم وتتزوج تكولك اعيش ملكه ميدرون شونها عيشتك

ليش شبيها عيشتي عمدت حاجبي صرت اعصاب ننه لزمت ايدي تهدي بيه يمه مو قصدها

دعاء- هو اني شكلت تخبلت

تخبللت شنو لج هيييييي

يمه استهدي برحمانك اكعددد

يمه متشوفيها لخاطر الله شبيها عيشتي لج مموتج جوععع

ليش هو عالاكل والشرب شو وصل للشفاف وجاف مو عالاكل

كالتها وكلبت عينها تخبلت باوعت لامي وتعض بشفتها وتخزر بيها صحت وبحياتي معايط هالعيطه

ولللج. شترديييين بعددد وكلبت الميز احس نار اغلي غلي فزت ننه وهي ولا يمها نترت

شبيك تخبلللت

وهجمت عليها انتي ليش متستحين

وخرر مو اني المااستحي تره

لج بابا اسكتي راح اضربجج شلت ايدي دفعتني قوي

وخر وخر صاير عليه رجال

هااا خرب انه اليوم وشلت ايدي اريد اضربها دفعتني وانهزمت فوك وتصيح وتعيط وترادد

تموت عالفلوس حتموت عبالك تصفطها على كبرها

هاي شبيها هاي عليمن دتخرط

امي لزمتني تتوسل واني اريد اصعد جلبت امي بي وتبوس بجتفي وكفت فركت وجهي

باوعتلها

طلعت عرامتها طلعت والله من عيونها مبينه من اول كتلج

لايمه حقها انت رجلها وكل مره تريد خير رجلها الها وبس

واني م--- د بي

لا يوم مو هيج ربيتك لا ليش تستعمل هالالفاظ

ننه طلعتني من طوري اسف بستها من راسها ورحت لميت الميز والهوسه وننه ويايه تغسل المواعين وتنصح

يمه المره تريد حنان وعطف ىحب دللها طلعها وين متريد

لج ننه اول البارحه وديتها لاهلها وكومه تسوكت ودزيت وياها

ميخالف يوم لخاطري دللها تتذكر علي شون جان

لخاطر الله ننه انتي تر ضين بحجاره موجنت وياج واعرف نص فلوسه عد اهله وتكولين المهم انت يمي بروحك اسكتي لخاطر الله

سكتت وهديت نمت جوه يمها عبالك لكيتلي حجه حتى انام يمها للعصر حسيت امي ماكو واسمع صوتها فوك تنصح بيها وهي ترد

ماريد خلي ملازم معايزه على فلوسه والله ماخذ منه فلس بعد ميت على الفلوس خليها ببطنه

استغفر الله ربي واتوب اليه. كمت طلعت سكتت وكلبت عينه النوب عينه كويه واني جنت اشوف كل النسوان مثل ننه تخاف من اي شي ياذي عمي علي

طلعت غلطان والله جنت خايف منها من اول احسها صلفه. وره فتره. جتي امها واني بقيت انام جوه. ولااصعد ولاشوفها ومن اجي هي تضل تفتر بلبس تغريني بي متدري عدي الاخلاق قبل كلشي كمت انام يم ننه بالصاله تبقى يمي تهدي بيه وتكولي اصعد لمريتك واني قافل كمت اعاند مثل عنادها مر شهر واستلمت الراتب. وهي متنازلت ولااني رغم حاجتي بس من اتذكر السوته تلعب روحي حتى رغبتي تروح من استملت الراتب براس الشهر من جيت طبيت للبيت جانت بالمطبخ دتصبلي وتضحك وي ننه وننه ساكته. وتسبح بيدها طبيت بعد السلام باوعت لننه

يوم كومي بدلي صاحبي عازمنه بكربلا ناطي مراده وناذر يزور الموضفين على حسابه وي امهاتهم

صفنت امي تبتسم وكفت ودعاء كالت

واني

باوعتلها رافع حاجبي بغضب

اوديج لاهلج واروح ماكو مكان

ادري تاخذ مرتك لو تاخذ اختك

صفنت اول مره اسمع هالكلمه باوعت لننه

امي هاي فاهممممه وموهسه تذكرتي تحاجيني مو صارلج شهر مبومه ومتحجين ومرتاحين منج لو لان استلمت راتبي هالملاكه كلها

شمرت الماعون بالكع وتصيح

اييي ايي ذب فلوسك على العجوز واني عوفني اخذ من امي

بيش مقصر لجججج صحت وامي مو عجوز

كامت تكمز وتعيط وتصيح وامي تتوسل بيه وبيها صعدت فوك وتركع وتصيح ماابقى وديني لاهلي

واني مصدكت وديتها لاهلها كوه لازم روحي لا اضربها واخذت امي ورحت لكربلا بقت تحجي ويايه الطريق كله بس ترجع صالحها وصلنا كربلا

يمه اخذلها هاي الدشداشه صالحها بيها

يمه اخذلها وصله ذهب راضيها بيها

واني نفسي لعبانه اخر شي سمعت منها مو مال اوصلها طلاك شغله متسوى واخذت قطعه ذهب صغيره. الها ادري بيها مترضى بشي بسيط بس شسوي رجعنا ورحنا لبيت خالتي خالتي كالبه الخلقه استقبلنا ابوها ودزو عليها وانفتحت المواضيع حجي مصاير سمعنا بقينا اني وامي نضحك صافنين تالي عرفو كذب فشلو طبت هي وكمنا نحجي ونبين وقائع ابوها رزلها فشلها كدامنا

كال تطبين لبيتج متطلعين منه بيتج هذا وبيت رجلج وامه

نترت هي مو امه هي اخته

وكام ابوها ضربها راجدي فكيت عيني كلها وكفت على حيلي صدك تاذيت رغم كلشي بس مو يضربها اباوعلها لازمه خدها وعيونها مسنتره على ابوها مدمعه عينها

من رخصتك عمي جريتها و اخذتها وطلعت الطريق كله ساكته وصلنا للبيت حجيت وي ننه بهدوء وهي صعدت فوك جبت كباب شوي من بره وخليت . حصه دعاء. ننه كالت

يمه اصعد فوك اكل وياها خطيه لتكسر خاطرها

صفنت رفعت راسي عالدرج وغمضت راح اسويها لوجه الله تعالى. ننه علمتني من اسوي شي مو واجب عليه او مجبور عليه او تعبان بي اكول لوجه الله تعالى في سبيل ااخذ اجر عليه. واخذت الصينيه نقشتها الي ننه وصعدت فوك طبيت بهدوء جانت عالجربايه باوعتلي ونصت تقربت منها

كومي ناكل سوه

اكولها بهدوء واباوعلها مكسور خاطرها

كامت على كيف باوعت عالصينيه ابتسمت الها تقربت احتضنتني حضنتها اهديها

مارايد شي بس ديري بالج على ننه مثل امج والله معافتني حتى من راح عمي علي واجوها خطابه كالت اعيش لابني اني شايفها الدنيا وانتي ضوه هالدنيا لتاذيني دعاء اريدج سند الي

هزت راسها موافقه وكعدت. كدامي اكلنا ووكلتها بيدي نسيت كلشي خليته وره ضهري كلت تبين بعينها حرامات الغي كلشي من اول مره وتقربت منها ونسيت كلشي وعشنا ايام حلوه بس ننه ممرتاحه اطب واطلع ننه موننه قبل تعبان وجهه

ننه شبيج عمري انتي

مابيه يوم

وهيج كضت ايامي بس براس كل شهر عدي نوعا ما هوسه وتنكلب الوجوه ومن اصعد فوك تكولي

ليش تنطيها شهريه شسوي بيها مو زين كاعده بلاش تاكل وتشرب

وهم افقد واصير اعصاب توصل اريد اضربها واهدي روحي وهم ازعل وانزل جوه كم يوم وترجع تنزلي باليل تتوسل ومن اصعد فوك تجر عدل

ومره من المرات رجعت من وكت سمعتها تحجي وي ننه تكوللها

من نزل خو منطاج فلوس

ننه تجاوب بخوف لا والله حتى الشهريه نطيتها الج شتريتي بيها ذهب كتيلي اسنده  بي

طبيت مستغرب فاك حلكي باوعتلي وارتبكت كالت

حبيبي شتاقيتلك والله هه تتاوونا بسيرتك

باوعت لننه نصت راسها وطبت للغرفه جتي دعاء يمي دتحضني دفعتها وطبيت وره امي للغرفه بقيت الباب مفتوحه باوعتلها

يووم وين جنطتج

باوعتلي صافنه

يممه داانطيج شهريه وين دتوديها باوعت لدعاء وباوعتلي كالت

ييمه اني ممحتاجه والله بس اريدك مرتاح

كمت اصيح فقدت ادري شبيج تخافين منها صاحت دعاء

لا والله تنطيها لناس محتاحين

اني هنا فقدت صعدت ركض فوك وهمه ورايهه ركضت على كنتور دعاء قافلته جرتني كالت وخر شنو بايكتك اني

صفنت فلوس دتضيع مني بس اكول لا اني شو وين صارفها طكيت الكنتور وهاي تخبلت فكيت وشمرت بالغراض وانصدم بهوسه الكنتور وجيفته الخانه الفوك قلاقيل طلعتهن والكه علبه الذهب مليانه قطع قطع صغار صغار وفلوس كومه لكيت بيها تخبلت لزمتها من خوانيكها بعد فاض صبري

لج تبوووكينيييي

لا هي هي تنطيني

وننه تصيح

يمه اني انطيها افرح من تشتري ذهب باجر تسندك بي

لج يوووم لتخبليني مو سمعتكم اندري شبيج خايفه منها شمسويتلج حضي الاعوج شمسويه ضربتها ووديتها لاهلها واخذت الفوس كلها وتصيح باكني وباك ذهبي طيتها ذهب عرسها بس انصدمت بيها بس تصيح فلوسي لا اعتذرت لا توسلت بيه ولاكالت اسفه حبيبي عفتها عد اهلها ورجعت للبيت شنو حركت البيت بيومها شنو كلبت الدنيا وامي تتوسل

والله يمه مو خوف بس ماريد مشاكل اريد ترتاح بهدوء بحياتك

لج يوم تبوك مني من غير من تروح للسوك تاخذ ومن غير شهريتها عيني اني ماريدها بعد طلاك طلاك طلاك واذا تردين عافيتي خلصيني وصفي ويايه. والا اموت بقهري كلتها وطبيت للصاله انام لليل ةعدت ننه تقره قران صعدت فوك اسبح واباوع هوسه كنتورها وهوسه كنتوري والغرفه الزباله الجوه الجربايه. بطاله مي على مواعين اكل مال البارحه مواعين مواعين يابس بيها الاكل وبيها كشور موز وبرتقال وعناكيد عنب فارغه والله لعبت روحي لملمت الهوسه وصعدت ننه ويايه كربنا الغرفه ونزلت محجت بعد ابد بس اني احجي واعتب

من اشوف وجهج تعبان واسالج تكوليلي لايوم مبيه شي

يمه ماريد مشاكل اريدك ترتاح

من عمه بعينها لهالراحه. جريت نفس براحه

باجر ادز تبليغ يمه متفيد ويايه اني مصفي النيه وهي مدري شناويه لعد ١٩ مثقال ذهب جامعه بسنه بالبوك وتاخذ منج وانتي تنطيننن ومتلحكين والله انصدمت ذاك اليوم من اجه ابو الكهرباء وصحتيني ادفع كلت شعجب منطت وبعدين انطيها شنو هيج صايره تحب تجمع مو داكول امي مو هييج

بقت امي صافنه نصت وتسبح. مر يومين مرتاح من ارجع انام على رجل امي وتضل تقره وتسبح حد مااغفه احس روحي بالجنه نايم طفل وماعده اي هم يوم الثالث خابرت خالتي وننه طتنياها

ها خاله ها عيني

يمه استهدي برحمانك ادري شنو تدز تبليغ معيب

هاهي خاله ادري شمخلي حرامي ببيتي

يمه ياسين حبيبي مماخذه من غريب ماخذه من جيب رجلها حبيبي

خاله تاخذ من امي تستغل طيبتها وراتبها كله تاخذه خاله لكيت ١٩ مثقال ذهب وفلوس كومه ادري اني بيش مقصر وهيج تسوي

استغفر الله والله خزتنا والله العضيم

محشومه خاله بس عذريني مااكدر

يمه فكر زين مرتك حامل

كالتها واحس السما وكعت على راسي باوعت لامي وساكت كالت

فكر زين والله يهدي النفوس لخاطر ابنك انت ربيت بله اب وام والله يرحمه رغم مقصر بس مو مثل الاب والام

كمت اتبلعم صافن على امي اللي قرت وجهي وعرفت اكو مصيبه كملت خالتي كالت

مااتصور ترضاها لابنك لو بنتك تعيش العشته

لاخاله مستحيل

هاي هي يمه اني احاجيها واربيها واعلمها

خوش خاله راسي خدر نصه الشقيقه لزمتني سديت التلفون وكلت لننه

دعاء حامل وعفتها وطبيت مهموم تعب الدنيا احسه على ضهري

امي محجت تدري بيه من احتاج راحه بقت ساكته مر سبوعين واني عايفها عد اهلها اخر شي. امي حجت ويايه ووافقت ترجعها ورجعت بس من رجعت اني تغيرت كمت انطيها فلوس بالقطاره. قاصه اخذت وحتى فلوس لامي ماانطي كلها عدي وانطيها شهريتها انام فوك واتقرب منها بس لغه حوار بيننا منقطعه تماما جمعت خوش مبلغ واشتري لامي ملابس وشتريد وهاي تتخبل بس متكدر تفتح حلكها واشتري الها هم تعاند متلبسها تكول لامي تسمعني جنها مال مكادي واني اضحك عليها. عبالها تاثر بيه اشتريت سياره. على كدي جانت طفره الي حسيت باحساس غريب لاول مره احس روحي مسيطر ودعاء صارت ب٧ وعرفت بيها بنيه. الدنيا كلها مواسعتني بس انتضر يوم يوم جيتها صح مو ذاك الكد علاقتي بدعاء وبدت الطلبات غرفه لبنتي اريد واريد جربايه الها واريد واريد واني انفذ اخلص وهناك رجعت فد يوم للبيت والكه الدنيا مكلوبه

امي وياها

شبيكم شكوو

لك يمه انت دتنطيني شهريه

اي دتاخذين وتلبسين وتطلعين بس اني مقصر عليه

هنا مكدرت اتحمل بعد لو موحامل لزمتها من شعرها

شتردين لج ام الفلوس شتررردين

شنو بس تنطي لامك واني لاااااا انييي مرررتك ام بتك الي احتياجاتي

اني ممقصر شتردين امشي اخذج للسوك واشتريلج

---

احجي بهدوء وهي محتركه حرك حتموت من القهر تملخ بروحها واتي مبتسم تحرك وتلطم فقدت تالي واوكعي وتخربطي حسيت بخوف على بنتي وركض للمستشفى طواريء كالو ولاده حالا الطفل ملتف عليه حبل المسر وفعلا ولدوها وجتي فرح. عالسابع---

فروحه ترست روحي فرح البيت تزين بصوتها ان كانت تبجي  او تضحك  يوم يوم تكبر وتكبر افراحي وياها وجهه خير عليه ترقيت  وزاد الراتب وكامو يدزوني تنقيب وي مهندسين كيميائيين لمواقع النفط والمعادن  نجيبلهم  خرايط وجوده او تدفقه

بصوره جيده بنوعيه زينه ويتم الحفر وعلى كل طلعه كومه ينطوني حوافز  بديت اتنفس وفد يوم من الايام  دزوني وي وفد اجانب جايين من بره ايفاد لاجل النفط رادو يشترون فلازم وفد يعين الماده النفطيه الخام شي ما اكدر اركز عليه بقصه تحصيل الحاصل

كان الموقع المبعوث اله اني واربعه اجانب بالسماوه.   بباديه السماوه تحديدا منطقه بصيه.

كان الوقت شتاء والحو بارد بس الخضار سبحان الله مكتسي المنطقه باكملها واكو كم بئر محفور يرش المي كان مكتوب عليه بئر البطاح والثاني بو العويدل بقيت اتصفن لاول مره اطلع خارج بغداد ووياي وفد اجنبي ضلو يصورون قبل وصولنا المو قع

وصلنا ونزلنا بالموقع المضبوط بوساطه احد ساكنين هالمنطقه بقينا نتلمس الطين بيدنا لان بصفتنا دارسين هندسه نفط فنعرف من ملمس الطين انه هالمنطقه بيها ابار نفط اولا وفعلا بعد البحث والتنقيب لكينا عيون كبريتيه وعيون نفط خام بس مو نفس الصوره التخيلناها ومو نفس الجوده واني احجي وي الاجانب واناقش لمحت شاب اجاني يركض بثكل وعيونه متروسه شرار سلاحه اللي بصفحته ودشداشته المبينه عليها الرقي والنضافه عكاله المرتب ونضارته اللي حمته من التراب المتطاير بالبر من ارفع راسي شفت سيارات ٣ طابكه بيكب نيسان وقريب عنها ابل يطلع تقريب ال٣٠ راس والسيارات نزلت زلم كومه من البدي مسلحين اشرلهم بيده برزانه ابقو بمكانكم وتوجهلي. بقيت اباوعله مركز عيونه تجاهي كانما اني مقصده ومن وصللي تاكدت . والتفت على الوفد اللي خافو وضلو يحجون بالاجنبي بينهم ورجع التفتلي كال

بلغه انكليزيه لبقه

سيدي هالكاع النا ماجريها من الدوله صار خمسين عام اتمنى تفهمني لكن مااكدر اسلمها

ابتسمت للباقته عباله اني اجنبي ويمكن طولي وترتيب جسمي وشعري المرتب ولبسي ونضارتي وسمار وجهي المايل للحمار بينت هيج اله

نزع نضارته مغضب لابتسماتي يمكن ظن اني اسخر منه نزعت نضارتي باوعتله حاولت اطمنه. همست

اني عربي مو. اجنبي ابن بلدك يعني

جر نفس ارتفع صدره وتعدلت ملامحه التفت لجماعته اشرلهم باشاره بايده مفهمتها وراحو كلهم لداخل السيارات وبقت بس سياره وحده اللي كان هو يسوق بيها وتقدم شاب ثاني مو نفس كصته يطلع توه ابتدائي بقه الاول صافن عليه كال

انه سيد عبد الحسين انه هنا كاعي وكاع ابوي اجدادي اعرف انت جاي بماموريه بس والله النفطات هنا ماتفيدك. ولو انها تفيد اشيل متاعي ونوكي واهجن لغير كاع

تصافح ويايه بحراره مبتسم

ياسين- ابتسمت للهجته بياضه خده رغم حر المنطقه وسمار اقرانه ثقته ورزانته وثكله والمح صكر حط على كتفه فزيت مبتعد هداني بحركه

لا تخاف عمي هذا ما ياذي شاهين ما بصقر

هزيت راسي مستغرب كال

ما تعرفنا عليك

جرايدي ومشه ومشيت وياه جاوبت

يس ابو فرح مهندس هنا ودزونا عالتنقيب

عمي كتلك ماتفيدك وارد اكلك ان اخذت جماعتك ونطيت خبر للي دازك هالكاع مابيها التردونه الك علي ركابنا سداده.

لا العفو ممحتاج اني هنا ضيف

اهااا وانت كلتها الليله انت ضيفي بديواني وماظن انك تردني اذا تعرف اصول العرب وبيانك تعرفهن وحده وحده

بقيت صافن عليه يطلع عمره ٣٠ سنه والوياه بعده ١٢ سنه بيهم شبه جبير

باوعت عالكاع والخضار هزيت راسي هاهي ارجع الوفد لسيارتهم

كال

وانه ادزك لاهلك الباجر او ببكت ماتريد

ممنون ابتسمت صافن عروحي شداسوي هنا كال

چا شون اذا بلغو جماعتك

اطمئن العيون متستاهل نحفر بير لاجلها ارتاح كاعكم انشطبت من القائمه شوفتله الضائمه ابتسم وهز راسه كال

طمنتني واني ممنونك وبالتامر بي حاضرين

لا العفو جريت نفس اباوع للجمال باوع لافق عيني مبتسم كال

ماشايف نوك كبل هاليوم ما هيج

لا والله اول مره يعني وومادري شون عايشين هنا ههه

احلى عيشه حكك ماشايف كياعينا اليله اشوفهن الك جماعتك الغرب يمته يردون

هسه ديطكطكون صور ويرجعون عدهم بعد مواقع

انه ضنيتك اجنبي من وجهك بس بياني غلطان

لا اني عراقي من بغداد

نورت البصيه باهل بغداد

امشينا بعد الخوفه الاكلتها يراد فنجان كهوه من ايد عبد الله شتكول خوي

تامر خوي

يس-اخوك مو

بلي اخوي وعزوتي وضهري

الله يخليك اله ويخليه الك

ممنون

بقينا نمشي وصلنا لسيارتهم ترددت اصعد ابتسم كال

ما مامن بيه شني قطاع طرق حسبالك

لا الناس تبين من وجوهها

وانت الكلتها تفضل عمي تفضل

باوعت للاحانب رجعو وي نفس السايق بعد ما تفاهمت وياهم انه ارجع باجر انترست فضول لهالمنطقه واخذني بديوانهم المخيم موجود بنص البر يم البير والريحه مال كهوه تسطر كعدت عبالك بمسلسل ريفي مصدكت هيج شي موجود بالعراق ولو اني مطالع بقيت اباوع عالجمال والسيد يشرح كال

هالنوك من احود انواع النوك يسمونها النوك الحمر ماياخذها الا ليعرف غيمتها( قيمتها )

ةهزيت راسي كال

هذي والنوب عدنا صغارها نثاييها بكيعاننا ليجاي منا يتسوكها منا اهل السعوديه لاجل الماراثون العدهم ويتسوكها لاجل لحمها الترف رغابيها وللاجل حليبها جماعه البر

اهز راسي واباوع عالجمال وهو يحجي بيهن ويوصفهن ويحجي عن اجداده وابو بفخر--- للمغرب كال

ياله تفضل وياي صاح سيد عبد الله

تامر خوي

يله كوللهم يردوهم المراح ( حضيره الابل ). ليلت الدنيا وخطارنا ماشرب غير الحليب والكهوه وهاي اول نوبه يمر بديوان السيد حسين وعيبه منا ومن اهل بغداد  شيكلون على اهل المثنى يله عمي تفضل

يحجي ويباوع بعيني كلمه كلمه ينطق اللغه تخبل وكفت وصعدت بالسياره شوي ورجع اخو وصعد وطلع ويدددك بالطريق وبعد يبووو ترابه وجول هناك بدت تخضر تقريب الساعه نمشي واني صافن باوعتله ابتسم كال

مايهم يستاهل التعب طريجنا وكتلك واكول النوب.

وين صاير بيتكم

هه ديوان السيد رضا ماتعرفه ماسمعت بي من طبيت السماوه

لا والله جاي كبل من بغداد سايق دازين من الدائره

الحين تعرفه بس كون ماتنسانا عكب هالجيه

انشاء الله ابتسم كال

ديواننا بعين الصيد بساتين النخل  ليجاي بالشرق جننا بشمال السماوه والحين اوديك للشرق هاي نهر الفرات جاي تشوفه

اي ابتسمت كال

نص ساعه بالزايد وترتاح يمنا

انشاء الله جريت نفس الريحه تخبل وصلنا ونزل وتلكو جماعته  وررانا سيارتين محمله الابل بقيت صافن شخلك موديهم وجايبهم من البر للبستان شنو الفلم  جاوبني عبالك قره عيوني كال

هالايام حايدين علينا قطاع طرق وعمي  امر نجيب النوك لجاي بعد مغيب الشمس بس لحته مايكضوهم ونرد بيهم البر حنا عدنا مراح  هناك بس الوضع مايامن وعلى ابواب حرب والله الستار

اي والله جاوبت وعيوني عالجمل شون ينزلو من البدي مال سياره ويطببو الحضيره كال

حدر ليجاي اشرلي عالحضيره كال

هاي هنايا النثايه والصغار التوه نولد ما يتحمل بر وسفر خله يكوه عوده وننزله البر

هزيت راسي مستغرب كال ماشر على جمال بطنها جبيره

هذن الاثنين حببل. 

ابتسمت باوعتله  كال

جنك حبيت شغلتنا

غريبه شغلتكم اول مره اشوف هيج شي

هههههههههاي عمي بعدك ماكصدت كاعدنا تفضل تفضل

بقيت عدهم يومين  صيد وونسه تعرفت على ولد عمه الثلاثه ٢ منهم من عم وواحد منهم من غير عم  والده متوفي وهو مستلم الديوان سيد   اصله راجع نسبه للامام الباقر اخوه عبد الله نفس طبعه بالضبط كمت ابات بالديوانيه وياه وي اخوه وولد عمه الاثنين  ذوله احسهم خوش زلم الا ذاك الثالث عيونه عيون الحراميه ويباوع بطرف انفه تونست حيل صدت طبن عدهم واكلناه شوينا وافترينا ببستان النخل . وثالث يوم رجعت لبغداد حملني كومه تمر رجعت طاير وواعدته ارجع بزياره ثانيه ورجعت للبيت وبقيت يومين احجي بيهم جنت مشتاق لننه حيل ولفروحتي ومن حجيت لامي كالت

لو ادري جايه وياك صدك انقهرت بس عيب اروح بعد والله اخجل منهم

مرت فتره دعاء هاديه والله توني احبها  وتتخبل عليه بيوم الراتب واطلع واخذها واشتريلها التريده وميفيد لحد ماافقد واهددها باهلها تسكت بس تطنكر ---

وبقت كل فتره دعاء تعلك عدها

وتطبك واني مستمر شوكت متريد تطلع اخذها اشتريلها التريده وارجعها وماانطيها راتب وفلوسي بالقاصه حتى امي ماانطيها

كمت اجمع ناوي سياره اخذ احدث صار عمر فروحتي سنه وي مشاكل دعاء اللي كمت اتلافاها بتهديدي تره اوديج لاهلج وابوها من النوع حقاني كلما اتعارك وياها واذبها هو يرجعها تبجي. ويكولي عمي لخاطري وارجعها وتسكت يومين مثل العسل لحد ما تجرني لعسلها واضوكه وتنكلب عليه وراها تضل ترادد واني اعوف  البيت واطلع   وارجع ازعل وترجع تتمسح بيه خبلتني بس عرفت دواهها كمت ازعل ومن اريد حاجتي اصالحها واتعارك وياها قبل لا تتعارك هي. وانزل يم امي يعني بين قوسين جنت للاسف شايفها حمام لان لعبت روحي مافد يوم كعدنا كعده الا  وجابت سيره الفلوس ومتنطيني وبخيل  واني بعد اكتفيت

رجعت انام يم امي بشكل يومي بس الخميس اصعد اادي الواحب وانزل فروحه  تكمز توها تمشي مادري شنو اشتريلها وشنواجيب وشون ادللها مثل المحروم ستين سنه وصار عده طفل امي مكيفه بيها تسبحها وتبدللها وتخيطلها يوميه شكل مكيفه وذيج على حالها  هالسنه صار السقوط وكعدنا خوش كعده الحمد لله من مجمع خوش مبلغ جوه ايدي الا جان  تورطت مرت سيوعين وعلكت ببغداد كالو راح يصير قصف عشوائي بالعاصمه صدك خفت وماعدي احد اروحله بقيت اتصفن اباوع على امي تمشي وتفتر والسبحه بيدها تباوع عالشبابيك

ننه شبيج حبيبه

يمه خاف تتكسر وتتاذون

ابتسمت

يابعد روحي وتخافين علينه ومتخافين على روحج

يمه مااهتم اذا صارلي شي بس انتو سالمين والله حموت خوف شون بيه

هاي شنو ننه عود اكول سبعه ومتخاف

لا عمي اكبر جبانه اذا صابك مكروه اموت روحي

هههههه دكولي يا الله جريت نفس اباوع لفروحه بس دكت الغاره عاطت وركضت لحضني مفرفحه صار عمرها سنتين ونص وتعرف الخوف وراسن اجه ببالي سيد عبد الحسين وحجايتهو شوكت ماتمر اخليك على راسي فضلك ماانساه لا انه ولا عمامي

فتحت موضوع وي ننه راسن قبلت ودعاء عارضت ماروح ولا اوصل

يمعوده على بختج

داكولك مارووح

بنتج تخاف يولي

اي اخذها ابقى عد اهلي اجي اتهجول بالمحافضات بس خليلي فلوس مو تتلفسهم على امك

شون اخذ بنتي واعوفج هاي خاف تسويلي عنجليه بالليل تريدج توسلت بيها

وننه تتوسل واني ابوس واتوسل وهي قفلت تالي زهكت اخذت ننه وفرح ووديتها لاهلها ابوها كال لتجبرها عمي يابه كيفها واخذت امي وفروحه وطلعت للسماوه واباوع الطريق دبابات تدخل لبغداد اباوع واندار على ننه تبجي وتسبح ماتت خوف الف ياعلي علما وصلنا السماوه تكول عبالك مو بالعراق العالم تشتغل وعادي كلشي ماكو طلقه شنو طلقه ماكو ورحت لبستانهم -----

اول موصلت بالسياره مال جيراننا لمحني ا بن   عمه الصغير  ابتسم وذب المنجل من ايده وراح يركض ويصيح

عمي عبد الحسين عميي السيد اجمي خطارك من بغداد

ابتسمت اباوع امي صافنه عالنخل والزرع وفرح ترفس تريد انزل تردد

بطه بطه عالبطات الديتمشن براحه نزلنا حاسبت الولد ورجع كلت كلش كلش ااجر بينما تنكشف غيمه الحرب واني اباوع عالسايق سمعت صوت ورايه

والله نور طين  كاعنا كل فكري عدك واكولن بس لاصابك مكروه بهالحرب

هههه سيد عبد الحسييين سلمت عليه حضنني وكانما يعرفني من سنين بوسته واخذني وابد مباوع لننه كال

خل اهلك يتفضلون ليجاي لبينما نحضرلهم الكبه ماتروح لغير مچان لا والله

يحجي وياشر بيده بالنهي ويغمض عينه وايده على صدره ابتسمت

والله اكون مننون لو لكيتلي بيت اجار حتى ماثكل عليكم

ابدا ابدا تنسالياها. لهالشغيله. يخوك ماعولنا نردلك جميل ماتنطينا مجال چا ليش

عمي جميليش كول يا الله على منطقه النفط والمنطقه موموهله

لا بالله. كانت موهله وانت تدري بيها مجال بس مارديتني يخوك وان ماكلتلي بس انه اعرف ناسي

ابتسمت نصيت راسي سيد شغله وراحت وراح وكتها لتذكرها المهم تعرفت عليك

والنعم بيك وهلا بيك وباهلك وين سيد عبد اللله

هلا  خويه امر

يس- رفعت راسي باوعتله كبران وخط الشارب مبين تقرب يبتسم بوسني من كتفي شكد ينحب هالولد اخذ عبد الله ننه وفرح ماعرف وين واني رحت وي سيد حسين مجانو يصيحو سيد عبد الحسين لا سيد حسين راسن دخلني بديوانهم جانو ولد عمه موحودين يحجي وياشر مبتسم ومرحب بيه لابس دشداشه سوده وغتره سوده استغربت بس مسالت كانت ابتسامته مبين بيها تعب ولد عمه من يحجي هو يسكتون ميناقشون وبعدها يحجون من يسكت اعرفهم كلهم وبدت هناك ايام الحرب بس ماحسيت بشي كمت يوميه من الفجر اكعد وي كعده السيد واروح وياه البر وارد ارجع اساعده بالاكدر عليه مع العلم ولد عمه ميقبلون. يكولولي خطار عدنا بس هو ردهم

خللو خللو براحته يتصرف لا يشرد مننا هذا معلم ينطي بلاا مقابل واذا اخذ لازم ينطي مقابله عوفو باللي يريد يسوي

ابتسمت. شديت وياهم حزام النوك باوعت عبد الله فاك الصدر مال سياره صافن عليه تقربت منه

ها شبيها باوعلي وابتسم ومسح العرك بطرف غترته

عنطزت عمي

ههههه شو طيني مجال اباوع منقصه دهن وفيوزاته منتهيه حركت بيها عدلتها شغلت اشتغلت ابتسم كال

ماتكولي شساويت ماتعلمني

ليش لا اعلمك بليل عود خليت ايدي على كتفه ياصف صرت

السنه هذي اذا امتحنونا اروحن للثالث

ها يعني ب٢ متوسط

بلي

زين خير انشاء الله شنو تريد تصير

انه حلمي صيدله بس كون الله يكتبها الي

انساء الله انت سبع والله

رحمه الله والديك عمي

تقرب سيد حسين النا من يمشي بثكل واتزان وصللنا كال

چن اخوي خذاك من البر چن تعبك جونا ابو طه

يس- باوعتله مبتسم

انت شتكول سيد وجهي مبين بي التعب

والله خافن اكولن بله واكونن غلطان واخافن اكولن بلي وبعد اكونن غلطان حرت بعلوم وجهك ابو طه

هههه لتحير سيد مرتاااااح للاخير بس كون اعرف شغلكم التهي بي لان الكعده تسكطني ولاول مره بحياتي احس روحي عاجز ماعرف شسوي

سيد حسبن- ههههاي لامحشوم ابو طه تفضل وياي اعلمك علوم البر

شوف ابو طه جاي تعاين ذن النوك ليغادي هذي من عمر سنتين مدربه عالجري محجوزه من قبل ولادتها كونها اصيله ومنشائها باديه الجزيره واذا لاحضت لنها انحف من مثيلاتها كونها تتدرب عالجري باليوم. تقريب الساعتين

- وهاي الجاي يمنا هذي لاجل الحليب واللحم اقصد التسمين يعني لاجل الذبح هاي يصير عمرها اربع سنين تنذبح كون لحمها ترف ومطلوب

وهاي النثايه لاجل الحليب واضنك

يس- التفتلي مبتسم يقره ملامح وجهي وكمل بصوت انصه

اضنك جربت حليب الابل وشفت شلون يفرك عن بقيه الانعام

اي صح ابببيض وبي ثخن وبي طعم ملوحه

هههههاي عفيه عليك لجن هاي علفنا خالص اخيضر ونوه تمر

اخيضر شنو

اقصد مو مخلفات اكل خبز يابس ماعرف شني حنا نلعف بمخلفات الشعير الناعمه ونوه التمر من بستان التمر بعد ما نحوشه ونفلسه ونكبسه يدويا انت ماشفت مراحنا بره البستان

لا والله

ولا يهمك الليله اوديك ليه بس عاد كونك تتحمل الريحه

لالا اقاوم سيد اني حتى بالمجاري اشتغلت دوره من الدورات

الله يساعدك بيانك سبع صنايع

اي والله جريت نفس رفعت راسي شفت واحد من النوك تفرعن كام يرفس وراد يرفس الولد الكاعد بالمضيف ابو الجمر وصاح السيد

يهييي يهييي شفيك. تنوعرت وياه

ه عمي السيد عنطز علينا مدري شجاه

هاذ موسم شياعه اذ ماتعرف عليش جاي للبر ارجع لبوك كله يدز اخيك

نصه الولد كال

سيد اخوي بالحرب

اباوع السيد تغير وجهه وجر نفس سيد عبد الله اجه يمشي سريع

سيد حسين- استغفر الله روح بعد ابوك روح وي سيد عبد الله خله يعلمك كلشي

مشكور سيد

يس- شبي الجمل

موسم شياعه بيهن يكومن ياذن اليغترب منهن لحد ما يخلص موسمه

شياع شنو

رفع راسه عكد حاجبه لاستغرابي كال بهدوء

موسم تكاثر

ها باوعت للجمل وباوعت للسيد كال

حيل مفرط بشغلتنا جنك تريد تنافسنا

سيد احب اتعلم كلشي ماحب الكعده ممتعلم مشه شوي ووكف التفت مبتسم كال

واحنا مخليك يمنا لاجل نشغلك عمي ماترهم وروح العزاز

بروح العزاز خليني يومين وروحي طكت

نصه راسه جر نفس وهز راسه بالموافقه اتجهنا للمضيف وصب الولد كهوه يعني برغم ماحيل مره بس تخببل شوي وجابو حليب قدم للكل عبد الله مبتسم شربته شكد طيب يا الله باوعت لسيد حسين

سيد شكد طيب حليبها اكولك هذا بيش البطل تبيعو المضيف جان مليان ولد عمه وخواله غصو من الضحك وسيد حسين كاتم ضحكته بقيت اتلفت بالوجوه

شنو السالفه ضحكوني وياكم

كال

عمي هاذ ماينابع ينهدي هدايه لاجل العلل لاسامح الله واليفضل يتروب ويتجبن عودك نبيعه مكروه بيع. حليب النوك

هااه والله مادري بهاي السالفه همه عذروني التفتت عليهم ابتسم السيد لازم سبحته كلسا يباوع لفتحه المضيف الخيمه ويحر نفس واني اخذ على روحي اكول خاف ثكلت عليه لحد ما غوربت الدنيا ورجعنا للبستان طبيت لديوان البستان سبحت جابلي عبد الله هدومي روحي ردت لانها من يم ننه يا ربي شكد واحشتني طلعت من الديوانيه شفت سيد عبد الله بالباب يوكل شاهينه المغمض عينه بشي معدني بعدني لحد الان مفاك شفرت الشاهين خل اخلص من النوك الحمر بعدين افرغلك. سالته بعد متحملت

اكولك سيد امي يومين مشايفها واخجل اكول لسيد حسين. واني بيوم الماشوفها بي احس ممرتاح

حكك عمي بس لحتى تليل الدنيا  ادزلك جده ام عوف ووياها الوالده عبن محد موجود من الزلم لجنها حرمه ومايصير تنكشف لو شتكول

عاشت ايدك. زين هي وين عايشه

رفع راسه عكد حاجبه كال بصوت حازم

لاتخاف وي اهلنا

يعني وي امك

فك عينه ودار وجهه كال

ليلت الدنيا  وغابت الشمس اروحن الم الديوان  الخارجي عالساكيه جنها محمله بمطره قويه

صفنت عليه راح مبتعد حسيت احد ورايه التفتت شفت ابن عمه صالح

كال

ها عمي خو ما تعبت

لا يابه شغلتكم تونس لو ما العجاج والحر

اي بالله انتم مامتعودين عليها خوما معوز شي انه هم مثل السيد شتريد حاضر

لا يابه ممحتاج شي كال

الوالده وي اهلنا لايضلك فكر

اني بس ضل بالي وصار يومين مشفتها

عمي هنا نختلف عن الولايه لاتزعل من سيد عبد الله  بعده صغير دمه حامي ومايعرف طبيعه اهل الولايه بس عندنا مانذكر اسم اهالينا للتالي

والله مادري كلتها مستغرب التفتت على عبدالله وعلى صالح اني بس سالته يعني قصدي ردت اعرف يم امه مثلا  يم خواته

ضحك مبتسم ونصه كال

بويه كنالك عد اهلنا وخلص ما نكدر نساويلك تعداد كم حرمه عدنا صعبه

حقك كلتها وباوعت لسيد حسين واكف يم عبد الله ويحجي وياه عبدالله عاكد حواجبه تمشيت وصلت يمهم سكتوا سيد حسين كال

يله عمي تعبت اليوم خلنا نرد للديوانيه لاجل تريح عضامك  

هزيت راسي شوي وجابو الاكل قيمه بس اكلت عرفت هذا طبخ امي ابتسمت ونصيت راسي حبيبتي شكد واحشتني وحتى فروحه روحي لابت عليها الديوان صاير بنهايه بيت جبير مسيج باشجار البرتقال وبي حمامات وفرش مرتبه ومبردتين كبار ومولده كاتم بوكتها كانت الاقصى الخضره الحجم الجبير من اطلع من الديوان ارفع راسي اشوف البيت وره هالبيت بيت لاخ صغير يطلع ب٢٠٠ م. عبالك بيت ببطن بيت العازل عنهم حيطان خوص اذا رفعت رجلي شفت طرمه ذاك البيت  بس دوم البردات مسدوده وحس ماكو الاعرفه العائلتين هنا يعني ولد عم السيد حسين

صالح ومنتضر وصاحب عايشين بي وي عوائلهم لان اشوف الولد الصغار يجون عليهم يصيحون عمي او بويه على ابوهم وعمهم ويعرفوني هذا ابني او هذا ابن اخوي واشوفهن يطبون ويطلعون من نفس البيت جان جبير كلش ومن انام بالديوان يبقى يمي بس سيد حسين وسيد عبدالله نايم البقيه شوي شوي يتسحبون وكت غفوتي ويرحون لذاك البيت كلهم مرتاحيلي وحابيني الا صاحب احسه على كوله مثل.  ننه

اشوف دم سنو ني ولاشوفه

مدري شمسويله من يوم الجيت لليوم حجايه وحده ممحاجي من اول مره شفته احسه حاقد عالكل مو بس عليه.

ومر يوم لخ كعدت الصبح واشوف منتضر يصلح بالمولده متشتغل سالته شبيها كال

مدري وكفت على ساعه مانعرف شجاها

تربعت وكابلته وفكفكتها وهو صافن من اندار الكه السيد حسين والسيد عبد الله وصالح ومنتضر واكفين واريه ضحكت

هاي شبيكم

ههه عمي شسويت خاف متصير بعد وبهالوضع كهرباء ماكو  من وين نجيب محوله

ههههههاي عفه عليك سيد هسه المها قطعه قطعه واصلحها

اكيد تعرف

اي طبعا ساعه والكهرباء جايه

الله وايدك عمي اكون ممنونلك لان الجهال فرفحت ماي بارد ماكو وماتت حر

لالا برد كلبك شديتها وعرفت عطلها وسويته وشغلت باوعت للسيد بثقه ابتسم كال

چا شون يكولون زلم الولايه مايعرفون كلشي

هههه ناس تحجي سيد مالك دخل وداعتك كل اصبغ شكل يشتغل

اي بالله عدل عكاله وكال

تفضل بويه اخذلك حمام هدومك جاهزه

اي رحمله والديك

مشيت وراه فتت للديوان سبحت وطلعت تمددت عالديوانيه كاعد سيد عبد الله بصفي ضل يسالني عالسياره شفت ابن صالح جاهل صغير طب كال

عمي بتك وكعت وطلعت دم

يابه وافز فزه رجليه رخت

صحت ويينها

كال بحوشنا وسط اهلنا

مشيت وراه وسيد عبدالله يصيح عمي دقيقه تانيني بس اجيبها الك

واني مادير بال مشيت تعديت الديوان خلصت طرمتهم واسمع تفرفحها يايابه فرفحت من يمي ردت افوت بنص بيتهم الا شوي لزمني من ساعدي عبد الله كال

عمي وين فايت رحمه لبيك كلها نسوان بس طيني مفكه انه جيبها ليك

وكفت نصيت راسي ايدي ترجف  وفرح تصرخ طب شوي وعله صوتها عرفته طلعها التفتت عليه سد  الباب وفرح بيده ويمسح بدموعها وهي ترفس تقربت عليه ركض اخذتها وحضنتها

شبيج بابا حبيبي تصرخ وتصيح بابا مسحت وجهه شفت يم عينها ضربه

هاي شون وكعتي كال

انهبدت بالشباك باوعتله وباوعتلي كالت

وياك

اي تعاي ويايه ويايه اباوعله لابسه دشداشه مال عربيات ومسويه كصايب

فروحه كصيره لسان وكم سن طالع عدها وكحه وكحه وياهو الضوجها وعضته اخذتها يمي بالديوانيه وهي بحضني الشهكه بصدرها وتباوع لعبد الله عبالك تعرفه ابتسملها كال

ها هم تعضين

شو هاي عيبت عليه ودفنت راسها بحضني ابتسمت كتله

شنو وين شفتها

امس طبيت لاهلي دااخلي الغراض مسواك بالمطبخ وجلبت رادت سبحتي عتيتها منها وعضتني مادريها بنتك عطت بيها وانهزمت

هههههه وكيحه فروحه شفتيهن البطات بابا حلوات

فزت عبالك تذكرت وكفت وهي دبدوبه بيضه حيل كالت بطه وراحت بره الديوانيه. مشيت وراها والسيد شوي وطلع وكف بصفي كال

سووها مثل بنياتنا

من اباوع اربع بنات يركضون بالخديقه نفس ملابس فرح ابتسمت بس فرح بيهم بيضه حيل ووحده شكره سمره عيونها صفر كال

هاي بت منتضر من الثانيه وذنيج من الولى

متزوج ثنين ههه

بلي متزوج ثنتين مو غريبات ثنيتينهم بنات عمي ومايروحن للغرب ونهه عليهن

باوعتله مبتسم كال

اخوي مرته توفت قبل ثلث شهور اهي وطفلها ببطنها راحت ملامحي انتبهت عليه شكد تعبان جاوبت همس واباوع لعبد  الله يباوع عالجهال كال،

عشك  حياته وبيننا فصول بين عشايرنا وخذاها غصب عن اهلها تالي راحت من ايده

لاحول ولاقوه الا بالله

مابقاله احد غيري ونوبات احسن روحي بوش رصاص موكافي له --- يحجي ومضيق عينه على شجره البرتقال صافن باتجاه يبعيد عن وجهي كم الالم والخوف على اخو ماعرفه يمكن لان ماعدي اخ الله يخليلي ننه يارب سالته

امك عايشه

التفت رفع حاجب

هز راسه لا

شوكت توفو امك وابوك

كال قبل سبع سنين واحد برا الثاني

الى رحمه الله جريت نفس

بعد عدك خوات كال وكطع كلامي

نتر بزمجره ودار وجهه ياشر ناحيه التنور الطين بزوايه بيتهم

ام عوف وابو عوف. ا همه مسوولين عن الحوش المره اللي تشوفها تشجر بالتنور هاي ام عوف اذا ردت الوالده اكصدها الها واهي  تدبرلك شوفتها تفضل عمي الديوانيه ارتاح انه اترخص محتاج شي

لالا احم لا سلامتك

عرفته تضايق بس هو فتح موضوع يابه صغير اخذ على كلامه وانقهر وافشل.

دار وجهه وراح احس من يمشي يدك بالكاع من رزانته غريب امره ماعرف ليش من اشوفه اتذمر عمي علي خصوصا من يصلي اني من اصلي صوتي انصي هذا بالتكبير يرفع صوته واني يقشعر بدني مااعرف ليش يمكن لان صغير بعده. اباوع لفرح وفتت للديوانيه شوي ولحكتني

بابا

ها حبيبتي شفتيهن البطات كالت

اي وتضحك لزمت كصايبها الصغيره تخبل طالعه بالشرايط. بيبي وين حبيبي

كالت

جوه.

رغم ثلث سنين بس لسان وبس غمازتها بعشر ولد واني احاجيها طب عبد الله. ابتسم من شافها كال----

هذا بارت الباچر واحتمال عكبه هم مانزل. كتلكم من عدي مجال انزللكم هواي ومن ماعدي علكيفكم ويايه. بس وره عكبه اكيد انزل

مريم السعدي

لتنسوها بالتصويت  باليوتيوب والانستكرام

ساره علي محسن

وهاي صوره البستان

ها ولج

فزت وركضت بحضني تاشرله بالضرب

خربت ضحك شبي وياج السيد

كالت

ماه وبرطمت وتاشر بالضرب تلمست شعرها وجريت نفس حضنتها قوي

بابا حبيبتي وكفت تعدل بشعرها وكع الشريط وطكتها بعيطه تبجي صوتها قرج

اريد اسوي مدااعرف

هسه هذا شمعرفني شىون يسوو بابا من. سواه الج

كالت

بيسم عكدت حاجبي شنوو

عبد الله وكف منتفض جره بهدوء شالها وهاي ترفس وكفت وياه ابتسم كال

اوديها للحجيه

ها ماشي اخذها وهي تبجي وتصيح بابا لحد ما عبد الله نتر

اشش سكتت خنست وتباوع عليه شايلها وداير وجهه صفح مبتسملها طلع من جيبه السبحه. نطا ها الها ابتسمت ولفت ايدها على ركبته بقه يمشي ديوصل بباب بيتهم دك الباب قوي التفت عليه بعدني واكف بمكاني رفع تك حاجب بغضب نصيت راسي ورجعت رفعته شفت فرح خلت السبحه بجيب صدر دشداشته كاللها

عفيه سباعيه فرحه

ابتسمت تصفك عظ ايدها بهدوء ايدها مطبكه طبكات من السمن اني من تجي بحضني افقد واعضها بهدوء. كامت تضرب بخده برهاوه وانفتحت الباب كال ويباوعلي

هاي فلت كصيبتها ودكتها ناعوره طبيت للديوانيه وتمددت شوي واجه عبد الله

اليوم ماكو سيد حسين

الحين يبين لا يضلك فكر

هزيت راسي مالل طكت روحي باوعتله

اريد انزل للولايه يعني للاحياء للسوك للوسط مدري شتسمو

شعدك محتاج شي عمي كول

لا والله مليت كلتها ببرود

هههه. السيد خاف عليك من حر شمس البر وترابه. ماخذاك اليوم

عمي ماخاف عليه من الملل بعد ليعوفني

چا خوش من يرد افهمه

عاشت ايدك عمامك موجودين

كلهم توفوا انه عدي٣ واحد عده بزر منتضر وصاحب وصالح والثاني عده وسكت ونصه

ابتسمت جاوبت نسوانهم لولد عمك

اي بلي

صاحب ميشبههم

صاحب ابن عمي ساجد مو اخوهم ابن ابوهم. اخوه بالام  عمي من توفى اخذ ارملته عمي صادق وصارو خوان  وي ولد عمه

خير انشاء الله تنهدت بملل روحي طكت شوي واجه صالح كال

عبد انت هنايا

بلي عمي

تعال ليجاي وياي البوري مال ابي طاك ومد راسه شافني ابتسم كال

المعذره مادريك هنايا حسبتك وي السيد

وكفت يا بوري طاك عادي يابه لتتكلفون تره ضايقتوني

لا عمي على راسي البوري مال خابط مال المزرعه

طلعت قبل سيد عبد الله كيفت ححرك ايدي وطلعت وياهم جايبين ابو بواري كلللشي ميعرف فحصت مكان الكسر وبديت احفر وهمه وياي تشلهو. ويحفرون وشاكوللهم يسوون شوي وصاح سيد حسين

چا صدك تكلون مشغلين الوادم ولكم خزيتونا

طلعت من الحفره ليش هيج سيد معود روحي طكت اني ماعرف اكعد

عمي عيب من عدك عود انه خليتك ترتاح

يابه اني الكعده الي مرض خليني براحتي تره اهج اشرت بيدي مهدد ماشر مبتسم

كال

عمي بستانك هاذ واخض راحتك

رجعت للحفره وهو يباوعلي ذب عباته اللي على كتفه ونزل ويايه بكمزه وكامت يحفر بعد ما تشله لكينه الكسر وبدلت المعاكس وغيرنا البواري وعدلت التاسيس ورجعنا طمينا الطين وضخينا المي بقو صافنين عليه وعالتاسيس كالو

عمي انت حرامات بيك بغداد انت بكانك بنص الزرع ويانا

هههههه يابه شغلتي هاي من اني صغير قبل لا اتوضف حتى

ماشاء الله عليك ابو طه ما لزمت شي الا ابدعت بي

سيد لتضخمها هي مضخه وعدنا تاسيس بواريها

ابو طه انه سبع سنين صافن الوش المي ضعيف والزرع هنايا خايس هالصفحه طلع الكسر جاري ليجاي والمي جوه الشجر يجري بصوره دائميه ماذي الجذر وياهو الاجيبه يكول طينتها هالصفحه مزينه

عمي لا طينه ولا ابد هو الكسر من وراه وخاست

امشينا عمي تتسبح وتاكلك لكمه زينه وترتاح

يله طبيت للديوانيه سبحت وبدلت وتمددت جابو الغده سيد حسين كال

ومنصي عالاكل ياكل بيده عمري ملعبت نفسي منهم الا صاحب هلكد مكروه ولاكلمه حاحاني بس عيونه تضح سم. سيد حسين حجه

ومنصي

زين عدنا المضحه الاوليه هم عطلانه صارلها سنتين ويرادلها تبديل وانه عافي عنها مبالي اذا كدرت تصلحها اقلها انطيلك اجور حتى مايبكه حك ومحكوك

ذبيت الخاشوكه من ايدي ليش هيج سيد تخجلني لعد دايس بساطك وصارلي اربع ايام عدك اكل واشرب اني واهلي تالي تكولي اجور

عمي مضيف سيد علي مفتوح للكل مو فد الك هذا واجب علينا من زمان اول

ميخالف احب اشتغل خليني احس روحي خفيف

طيب الحين نكمل الغده وتمدد ونروح ليغادي

ياريت كملت اكل بنشاط وغسلت شربت جايين وتمددالسيد كبالي صافن عالسكف واني انتضر شوكت يكولي يله ---نام ساعتين واني بس صافن عالسكف وحشتني ننه حيل وام عوف مشفتها التهيت بالمضخه وكسر البوري طكت روحي على شوفتها يربي--١ حس السيد ولبس عكاله مبتسم ميريد يكولي يله خجلان

ها نروح

ابتسم

عمي هددي مكينه ماتتعب

سيد شتعب تعبت من الكعده وكفت ولبست شحاطتي واجه ورايه يحجي ويضحك

زينه بيادره جاي اقلها

امشي سيد والله طكت روحي

واخذني للمضخه جانت منضومه ضخمه جبيره فترينا داير ميدورها صافن فتحت براغي واتصفن وهو ويايه بس حسه مطلع شوي وطب سيد عبد الله كال

جايات خويهه

خليهن بعد اخوك وازكيلي المراح. حضيره الابل يقصد

فكيتها قطعه قطعه ولد عمه اجو من اباوع داير ميدوري كاعد بوسط براغي كومه وولد عمه والسيد ورايه صافنين التفتت حسيت روحي دخت ملكيت العطل وين لحد الان كلها شغاله وتوصللها كهرباء ليش مدتشتغل صاحب نط

چنه ماعرفلها. طشرها وخلاها لا احنا العايفيها لليعرف بيها ولا اهو الشغلها

سيد حسين- سيد صويحب خلي براحته ها عمي ترتاح

باجر اصفنلها واسويها بس خل اجمع افكاري

امشينا اجل غوربت الدنيا

رجعنا للمضيف واني صافن وين ممكن الغلط يكون احتاجيت ورقه وقلم ارسم الخارطه مالتها باوعت لسيد عبد الله بصفي شاورته

سيد ورقه وقلم الكه عدكم

بلي عمي تدلل شوي وجابه. وكعدت اخطط والولد يحجون بينهم سيد حسين كال

عمي لاتدوخ روحك مايهم اهي عطلانه صارلها سنين ابوي من اول كال هاذي تعبت

رفعت راسي باوعتله

صارلها كم سنه

صارلها ٣٠ سنه من اول ماشتره ابوي البستان

ليش هذا البستان لابوك

اي نعم. لابوي وانه وولد عمي شغالين بي وبالبر ماكتلك انه

رجعت. نصيت عالخارطه معناها ترتيبها قديم. مكينتها سيمنس عالنضام القديم معناها تشغيلها يسره رفعت حاجبي سيد عبد الله كال

جنك لكيت العطل

يمكن والله هههه شيطلع الصبح

يطلع عمي يطلع كلها جم ساعه بس اخضني وياك

ماشي باوعت للورقه مره لخ وتمددت وكلهم تمددو ورايه طفو الضويات مال مضيف وره ساعه صالح ومنتضر تسحبو بقو الساده وصاحب واني مكدرت انام اتكلب اتكلب مكدرت موبيدي كمت باوعت لايت مخلي بالمضيف جبير اخذته وطلعت مشيت للمضخه مو بعيده هواي تطلع ببعد فرعين عنه بس صنننطه وهذا الاريده لتركيزي شغلت التورج او البلوجكتر وتقربت عالمكينه وبديت اشتغل ارتب عالترتيب اليسره عالنضام القديم واصفط شغله شغله برغي برغي اباوع الفجر بدت اول خيوطه واني مبتسم راضي كملت بقه بس اشغل واخاف من صوتها يكعدهم زيتتها زين. حتى تنكع بالزيت منا لساعه واني متاكد من عملها تشتغل مابيها مجال طلعت داامشي طفيت التورج لان الفجر بده يلوح تقريب الساعه ٥ كوه اشوف طريقي بس احسن من الليل داامشي ولمحت مره تمشي تجاه الحضيره مال ابل اسود من فوك ليجوه نصيت راسي والمح شحاطه امي الحوزيه مااغلط بيها هههه هاي ننه مشيت تجاهه بزاويه واردد

ننه هههه لج ننه اوكفي سرعت مشيتها استغربت ضهرها عليه دتفتح اللباب مال حضيره لزمتها من عباتها مبتسم التفتت عليه متفاجاه

انصدمت هاي مو امي رجعت ليوره بقت صافنه بوجهي دكات بحنكها وعيونها كبار خدودها حمر وجهه بيضوي يضوي وشفاف بارزه حاجب ورمش اكحل رجعت ليوره. خطوه  لخ كمت اتبلعم خوف من اهلها ومنها خاف تكولهم هذا مو خوش ادمي على كولتهم

ااني اعتذر والله عبالي امي حتى نفس مداسها بقت صافنه بوجهي فاكه عيونها ووجهه صار احمر احس روحي عركت خوف ومستحه منهم نصيت راسي سمعت صوت مره لخ ناصي كلش بداخل الحضيره كالت فضيييه يبريسممم الصبح لالت نواحيه  اباوعلها مرتبكه و طبت للحضيره وسدت الباب مشيت سريع اتلفت خاف احد يشوفني شفتها والله راسن يدكو لي طابع طبيت للمضيف شفت السيد يصلي توضيت وصليت وراه والرجفه بيه ومدااكدر انسى تفصيل واحد منها انطبع شكلها براسي دقيقتين بريسم شون اسم هذا غريب عجيب بس شون حليوه الله يستر عليها يمكن دقيقتين اي اي جانت دقيقتين يمكن صافن بوجهه وهي صافنه وتدير بوجهه خجل وخوف واستغراب مشفته ببنيه قبل كملت صلاه التفت على السيد كال

ابو طه لوين رحت

ابتسمت للمضخه كملتها سيد بس بقه اشغلها وخفت لا تكعدكم

اجل كوم نشغلها بويه ليش تتعب رويحتك ماطايره الدنيا

مكدرت انام سيد

ههههه نيال بغداد عليك والله امشينا عمي امشينا

رحنا للمضخه وشغلناها وضخت المي بصوره مرعبه اباوعله دمعت عينه والتفت كال

تعرف عمي ابو طه هاي تروح سبع بساتين مال ناس ماعدهم الليله فرحت كلوب فقره ومساجين ربي يخليها بميزانك كون

تسلم ابتسم طلعت واتفرج عالمي شون يجري بصوره قويه بالساكيه ارتاحينا والسيد يبتسم

كال

عمي شتومر اكلك تم

اريد ك سالم سيد

رحمه الله والديك

ماراح انسالكياها وروح ابوي--------

ابتسمت مرتاح رجعنا الصبح وتريكنا واني الوب على فرح واني صار خمس ايام شالو الولد السفره بيومها مطلعو للبر كالو. مغيمه وبقينا بالبستان نفتر هي مزرعه ببطن مزرعه ببطن بستان جبير فرني عالحضيره انسطرت من كبرها ٦٠٠ متر حضيره ومكان للتزاوج ومكان للولاده ومكان للرضاعه  بس الريحه تذبح وهنا بدت الافكار توارد كال

الريحه تضل عبن ماتتنضف الكاع زين فتبقى تضخ ريحه هاي باليوم تنحلب ٣ مرات  لان رعايتها مكثفه تكون

باوعت عالكاع سيد شعجب مامفروشه كاع الحضيره

المراح ماتنفرش جا شون افرشها

كل شكد تنضفوها

يعني تقريب الاسبوعين نوبه لان الجمل مايبرز جثير كونه ماياكل جثير بشكل يومي فبرازه قليل اغصد فضلاته

سيد لعد فرشو نايلون وشيلو وبدلو كل سبوعين تخلص من الريحه

شون يعني مافهمتك

كمت ااشر واحجي

مشمع نايلون ينفرش ومن يصير بي فضلات ينشال

طيب مايصير ننضفه ونرد نحطه

اي اذا تضربو بمي قوي كله يروح

ونذبه عالمزروعات هم سماد

اها بعد شكو ولا ريحه ولا غيرها وفرشو حواه رمل هسه كل الريحه تنجر واذا تريد فحم مطحون يسحب الريحه كلها

صفن ضيق عينه ويلعب بشاربه ويباوع كال

والجيفه تبرح ما تضل ( تختفي)

ةاي تروح

الحين اخلي الساده يجيبون شيسمونه هاذ

مشمع سيد مشمع امتار

بويه انه ٦٠٠ متر مراحي

اي هو خلي ٦٠٠ متر ويقسمو على ١٠٠ والحواف يدكوها خشبه مسطره عريضه حتى من تنلف تترتب متتعبهم

وانه وين غابت عنني هالفكره اصلا مالامح مشمع نفس ماتكول

لا اني شايفه عد ابو الانشائيه

والفحم الحين نحرك جذوع وغصون الشجر ونجرشه دك

يله هاي حتى عليها موزين مخنوك الهوه

لا ابو طه المراح بيها فتحات تهويه مو بناء هاذ هاذ خوص عاين

هاااه ميهم هسه تشوف شون تنسحب الريحه منويحلبهن سالته وادري الجواب البارحه اللي شفتها اكيد غير الموضوع دار عني وجهه كال

شيسمونه كلت

مشمع سيدنا مشمع

طلعنا من المراح على كولتهم وهو يعددلي اسماء الجمال كل وحده عدها اسم واشر على سبعه منها كال ذنه عويقر يعني ميخلفن وكبار جاهزه للذبح ومحجوزه استغربت من كال كل وحده وزنها٥٠٠ كيلو طلعنا ووصه الولد كالو وين يبيعونه

يابه اي ابو انشائيه كوله واذا ماعده وصي يجهزلك

چا خوش

طلعنا وتذكرت قبل يوم من شفتها بنفس المكان سالته

سيد هاي الولد يحلبوهم

باوعلي بشك كال

اهلنا الفجريه يجم ويحلبوهم والمرتين البكت ام عوف الله يجازيها تتكفل بيهن

هاا نصيت راسي فشلت تاكدت راجعه البنيه اله  معرف شتصيرله بس من اهله يجوز بت عمه رجعنا للديوانيه وكت غده لمحت فرح تلعب وي البنات ركضت عليه ووكعت شلتها اضحك كالت بابا شوف

اباوع شعرها يخبل كله كصايب بشرايط سود

الله شون حلو منو سواه بيبي

لا بيسم

صفنت على حلكها وتذمرت سيد عبد الله  من طفر ابتسمت تقصد بريسم همست بذنها اضحك

بريسم هزت راسها بلهفه اي ضحكت حضنتها قوي

بيبيتج وين بابا

هناك نزلتها ولمحت ام عوف يم التنور اكيد هي باوعت للسيد كال. من بعيد

على خير

بس اشوف الحجيه طاك كلبي عليها

ها اخض راحتك ورد النوب للديوانيه لاتبطى

لالا مااتاخر مشيت تجاه التنور

ام عوف مو فزت منداره وخرت طرف فوطتها خلتها على نص وجههكالت

تفضل

فدو بس صيحيلي ام يس  كوليلها ابنج

هاي جتك وراك

التفتت وشفت ننه تمشي سويع تحاهي وحضنتها قوي يوم وينج

لك يمه روحي فرفحت عليك لعد تعوفني وتروح

اذا انحبست لا اكدر اكولهم صيحوها ميرضون ولا اني الطاب شايفج

لك يمه شون عيشه اووووف شون ناس شون طيبه وشكد مضلومات بيهم

دمشي امشي يمعوده ليسمعوج

وين نروح

هنا امي لبسي عباتج خل نفتر واسولفلج

امشي لبست عبايتها وغطت نص وجهه مثلهم ومشيتا السيد شافنا ودنج راسه

بقينا نفتر واسولفلها عالبر والمكاين والمنضومه وهي تسمع ساكته تبتسم باوعتلها

اي ام يس وانتي شون كضيتي اسبوعج

والله من العمر ونسه نسوانهم تصنيف وعايشين وي ضرايرهم فد بيت وخوات كومه

خوات سيد حسين

يمه شمعرفني خواتمنو كومه بنات حديثات عدهم بس عدهم فكد كمر اووف اخذت كلبي وفد هبه ريح وحنينه بس خطيه مضلومه

منو هاي

علويه بريسم اسمها

ابتهج كلبي ابتسمت ودك كلبي

شبيك يسوني عكدت حاجبها مستغربه درت وحهي لزمتني الضحكه كالت

يول لتخزيني

لا يمه والله البارحه خهههه البارحه جانت طالعه الفجر ولابسه شحاطتج وعبالي انتي صحت يوم والتفتت عاد صاحوها بريسم عزجرفت التقصديها انتي هسه

يافدوه شفتها شون جمال وشون حبتها فرح

اي الله يسترعليها شنو ممتزوجه

لا ناهي عليها ابن عمها والنوبه متزوج وعده جهال وناهي عليها

عكدت حاحبي صافن كالت

خطيه تموت منه عاد كالت لاخوها تتوسل بي متريده عاد اخوها كايله للولد اصبر خل تاخذ على كونها مخطوبه الك عود تزوجها

اختمن هاي منو اخوها

شمعرفني يوم شو كلها ساده

هاه صفنت باوعت لامي كالت

يول نشتاقيت لمرتك

يمه متسكتين لخاطر الله دشوفيها حتى بتها مهتمت الها

ماما انت ضالمها تره حبيبي تره دعاء تحبك وتريدك بس الها

يمه مو جتي تحبين عمي علي

ماما اكو عالم تكدر تتحمل وتسكت وامو لا اني جنت الوب من اشوفه يمصون بدمه وتعبه وميبقالي شي بس ماريد اكوله واقهره بس احترك حرك حقها مرتك ومو من النوع الصرافه شفتها لامهه ذهب هاي باجر تسندك

مشايف منها غير جيب جيب شايف منها حب اني

يمه لو شايفه منك حب تنطيك روحها سويها ملكه تسويك ملك حبيبي هاي البعد فرصه تراجع حساباتكم يوم

يمه اني مقصر بروح عمي مقصر

اي مقصر من شككت بيها وصارت بيها عناد نقصر ماما خد وعين تعال شوف هنا شون يعاملون زوجاتهم ولك ٢ وثلالثه وكل وحده منهم يكرلها انتي الاولى والاخيره ومتعرف ياهو الصدك بلك يمه اكسبها خليها تسندك مو تلعن اليوم القبلت بي عليك

استغفر الله هسه طلع الغلط بيه

اي والله يمه انشاء نرجع بسلامه واريدك تبدي صح لخاطر فروحه انت شايفها من تتعاركون شون تصم اذنها وتتكرفت بالزويه ترجف وتصيح

صفنت جريت  نفس  كرهت نفسي تندمت على تقصيري وياها تمنيت ارجع هاللحضه واعوضها رغم اني من دااحاسب روحي  ماشوف روحي الغلطان اشوفها هي البدت بس هم ميخالف من ارجع اصالحها واخليها هي ام البيت

ننه هاي متنطي مجال

ماما حبيبي المره تحب بيتها ورجلها خليها هي ام البيت وشوف حرصها وشوف شون تعاملك حلو وتدللك صارلكم اربع سنين بس معارك وعناد وواحد لازم لزمه عاللاخ

ماشي ننه جريت نفس كال

هو اني شريد قابل اريدها هي ام اللبيت واني على لكمتي وهدمتي والله بيوم تنطيها زايد تخليني على راسها لان تعرف بيه اني محاجيتك ماما مرايده شي فوك حقها  لحك لحياتك دتسويلك اخ لو. اخت لفروحه

خوش ننه صار تنهدت اباوع للنخل مشكلتي من اول ممقتنع بيها حجيتها وي روحي وصارت صوره بريسم بالسعف بخيالي ابتسمت المعنى الكامن بكلمه تنكرط وتتخلى بالكلب  خوفها واستغرابها ارتباكها المضحك اللي نقلته الي ورجعت انقهرت عليه خطيه ابن عمها ناهي عليها بنص ديوان العرب الله يساعدها هاي عيشتهم بعد. 

راحت امي وطبيت للديوانيه لكيت بيد سيد عبد الله اله تصوير

ها ههه هاي منيلك

عدي هديه نجاحي اخوي هاديها الي

تحب التصوير

اموتن بيه

يحجي ويباوع لكامرته واني كاعد ماد تك رحل ركز بالمكبره الداخل الكامره وطك صوره الي

هاي ليش هههه معود دنطيني باص خل اضحك اقلها

احلى صوره اللي تكون عفويه عمي بلا تصنع

صح  كلامك

ثاني يوم الصبح اعلن سقوط الحكم جانت صدمه جبيره عملي وشي متعودين عليه ٣٠ سنه شون حتكون حياتنا من اليراس دخول الامريكان كلها باستغراب وخوف من المجهول   يومين ثلالثه واخذت امي وفرح ورجعت توسل بيه سيد حسين ابقى مكدرت بعد  تسالمت وياهم وتوادعنا وطلعت روحي ضلت بين النخل والسعف وبين النوك عرفت اسم اسم بيهن. الراحله والنهيره والبكر

والصغير منها السليل وصوته رغاء موصوت يسمو الجمل يرغي  ورجعت لبغداد منضر ماريد اذكره بقصه ابد الحرك بكل مكان اللبس العسكري مشمر بكل مكان  الاحذيه العسكريه ناس شارده بروحها الدبابات المحروكه.  رعب  وصلنا لبيتنا وفتحنا عاد صاحت فرح

وين ماما

اللهم صل عالنبي تذكرتها الخاتون لليل كمانا تنضيف البيت وتسوكت وافتريت بالمنطقه اشوف شكو ماكو ورجعت وراها رحت بيت عمي جبت مرتي وفعلا قررت ابدي صح وياها ولحد الان مصارف من الفلوس الضامها غير بس فلوس الروحه والجيه مخلوني اصرف شي هناك بالسماوه شكد ردت التقي  قاسم  هناك ملكيته وين اشوفه فرع فرعين منطقه منطقتين.  وبدت حياتي الجديده وضايف متوقفه منعرف شوكت الله يفرجها ونرجع همزين لاملي كم فلس وكعدت وي دعاء وفتحت القاصه كدامها

يابه هاي الفلوس لازم نلزم ايدنا هاي انتي بعد ام البيت امي مالها دخل انتي تنطيني منها مصرف البيت وانتي تضمين واريدج حوك وتلزمبن ضهري بقت فتكه عينها متفاجاه كالت

شورجعت وره سبوعين. غير شي

شتاقيتلج

كلتها وباوعت بعينه صفنت ونصت راسها تقربت حضنتها قررت ابدي صح بس تفاجات  ب  برودها  الشديد

دعاء شبيج

ها مابيه شي

اوك اريد نصير كلب واحد تعاونيني

اي الله كريم

اريدجمال عيونج الزرك متباوع بعيني الا تفهمني تكدرين

بقت ساكته صافنه بوجهي كالت

جنت متوقعه من ترجع نتطلك تدري

عكدت حاحبي صافن شنووو ليش

مادري حسيت منتفاهمين سوه

سكتت ودخلت بلغز بوجهه الميتفسر ومعرفت افسره بحياتي ورضيت اكون بخانه المقصرين واني اعدل حياتي مرت شهرين ودعاء هادئه وان انطيها فلوس راضيه وان لا مو مهم عدها بديت اهتم بيها وبدت تتنتبه لاهتمامي ومتبتعد احس خايفه ماعرف ليش مدري اني مافتهمها   ورجعت للوضيفه مرت سنتين دعاء نوعا ما جاره عدل لان الراتب بيدها بس طغت كامت تقتصد كلش عالبيت على فرح حتى عليه وبيوم دخول فرح للمدرسه وديناها ورجعت للبيت رحت اتسوك ووكفت سيارتي شبيها مادري كلبتها تكلب مفهمتها وديتها مصلح بعد ما ايست وفحصها مال محرك تعبان لازم تبديل زين اني روحتي وجيتي بيها سوي عمي بيومها طلب مني٢٧٠ ولان اني الراتب كله بيد دعاء وواثق انها دتلم للوكعات لاسامح الله صحت عليها جانت فوك

دعااء دعااء

ها عيني

يابه نزليلي ٢٧٠ من القاصه

شنو ياقاصه فارغه القاصه

شنوو شون فارغه وين دتجمعين لعد

شداجمع  عيني   هو وينه المصرف كله الراتب طاير عليه فكيت حلكي طفره طفرت فوك كلبت الكنتور  هي صافنه عليه باستهزاء تفتفتت حسيت روحي اكبر زوج صحت بمل حيلي

الفلووس وين توديهننن

يافلوووس انت شبيك شاا رب غير عالبيت

لج راتبي اصرف جنت منه نص ونص اضمه وبالهبل اصرف وين دتوديهااا لتخبليني مشتريه ذهب لج ماعدي اريد اصلح السياره والله

اخذ من اختك  مو تنطيها شهريه اني منيليو بتك  هاي هدومها وكتبها بابا شبيك

صاحت ننه  عليه نزلت شنو شوفتني النبي عربي كمت اقسم واصيح وهي مو يمها امي طتني الفلوس وطلعت حاسبت السباره ورحعت احقق وميفيد متمسكه بحجايه المصرف يخلصه واني بالشهر كله  لو ٣ لو اربع ماكلين  لحم  فقدت بس بلعتها وقررت الراتب ميبقه بيدها بعد على جثتي بعيني بعيييني ----