تحميل رواية «المنتقبه والمجنون» PDF

السلام عليكم ورحمه الله وبركاته أنا زعلانه كتير ياجماعه التفاعل واقع خالص بجد زعلت الروايه مش عجباكم ولا ايه

يلا بينا نكمل روايتنا البارتى الحادى عشر من روايه المنتقبه والمجنون

بقلم الكاتبه/ ندى يوسف

وصلنا البارتى اللى فات عند سيف يلا نشوف هيحصل ايه

سيف: أنا طالب ايد بنتك

احمد بصدمه : بنتى

سيف: ايوه بنتك افتكر انك مش هتلاقى احسن من سيف الجارحى عشان تجوزه بنتك

احمد بغضب: وحضرتك جاي تطلب أيدها ولا تأمر

سيف بتكبر: والله سميه زى ماتسميه بس بنتك هتكون ليا

احمد : وأنا مش موافق واتفضل بره وان كان على شغل ابنى معاك فاانا هخليه يسيب الشغل اللى ماسكه ليك بناقص الشغل معاك

سيف ببرود: طيب خليك واثق أن بنتك هتكون حرم سيف الجارحى قريب ياريت تبلغ بنتك انى طلبت أيديها وتقنعها بالموافقه. ماشى ياحمايا العزيز

احمد : مستحيل ده يحصل ابعد عن ولادى ياسيف بيه احنا ناس فى حالنا شوفلك حد تانى تتجوزه البلد ماليانه بنات

سيف: بس انا عايز بنتك واعمل حسابك كل عيله الجارحى هتكون هنا فى بيتك عشان نطلبها رسمى ياريت تفكر بهدوء عشان امانى مش هتكون غير ليا عن ازنك ياحمايا

ومشى

احمد قعد مكانه وهو شايل الهم وبيفكر ياترى هيعمل ايه

عند أسر وياسين

ياسين : اسر اسر قوم يخربيتك فوق بقا

اسر : عايز ايه ياسين سيبنى انام شويه اللهى تنستر

ياسين: قوم ياض أنته هتشحت

اسر : اوف عايز ايه فى يومك ده الواحد ميعرفش ينام شويه فى البيت ده

ياسين: معلش بس جايبلك خبر حلو

اسر: ايه هتجوز اميره

ياسين: اخص الله يخيبك هو مفيش فى دماغك غير جوازك من اميره وبعدين أنته كنت طلبتها اصلا ياهبل

اسر : اه صحيح اومال خبر ايه

ياسين : خلاص حجزت تذاكر السفر هنسافر خلاص

اسر : هو ده الخبر ومالك مبسوط كده ليه

ياسين: ايه ده أنته مش مبسوط

اسر: ابقى مبسوط ازاى وانا هبعد عن حب عمرى

ياسين: ماانته لزم تسافر عشان تكمل دراستك وترجع حد كده عليه القيمه عشان تتجوز اميره وانا اتجوز ليلى

اسر : أن شاء الله هو السفر امته

ياسين: طياره يوم السبت

اسر : بعد بكره طيب حد عرف

ياسين:. لا لسه محدش يعرف حتى سيف من وقت العزومه مشفتوش

اسر : يالهوى سيف ده لو شافنا هيعمل مننا فراخ مشويه

ياسين: اشمعنا مشويه مالها البانيه

اسر: اصلى بحب المشويه

ياسين: وانا بموت فى البانيه

سيف من وراهم : وانا بحب الكفته

اسر : وانا هقول اشهدو أن لا إله إلا الله وأن محمدا رسول الله

ياسين: والنبى ياسيف ممكن اطلع اعمل عمره قبل الفرم

سيف: بقا انتو تبقو عارفين ودبسونى فى العزومه دى

اسر: ورحمه اسر اللى هو أنا ماكنت اعرف الا وقتها

ياسين: وانا زيه والنعمه

اسر: بس اطمن احنا خلاص نهينه الموضوع

سيف: ازاى بقا ياابو لسان طويل

اسر : هحكيلك

عند رحاب

رحاب : محمد طمنى عليك أنا رنيت عليك كتير مش رديت عليا

محمد: معلش ياحبيبتى كنت سهرت مع مونى وعمر ومسمعتش الموبيل طمنينى عليكى ياقلبى

رحاب : أنا بخير ياحبيبى المهم صوتك مالها مش عاجبنى كده

محمد: ابدا ياحبيبتى مشكله في الشغل بس

رحاب : محمد. أنته عمرك ماخبيت عنى حاجه قولى فى ايه مش يمكن يكون عندى حل

محمد : طيب هحكيلك بس لما تكلمى امانى متحكيش ليها حاجه

رحاب : حاضر يامحمد يلا احكى بقا

محمد حكى كل حاجه لرحاب كل اللى دار بينه وبين سيف

رحاب: طيب ليه يامحمد رفضت مش يمكن يكون شخص كويس

محمد : لا مستحيل يارحاب ده شخص همجى ومستحيل بابا يوافق وده لو اخر شخص مستحيل يااخد اختى

رحاب: طيب ياحبيبى اهدا وان شاء الله كل حاجه هتعدى

محمد: يارب المهم خلى بالك من نفسك ياقلبى أنا هقفل دلوقتى عشان رايح اوصل عمر عشان راجع الجيش

رحاب : حاضر ياقلبى خلى بالك من نفسك وسلامى لعمر

محمد: من عيونى ياقلبى مع السلامه

عند امانى

ايمان: نايمالى يااختى انتى وأخواتك فى الارض وايه الفشار ده كله

امانى: الله وانا مالى ياماما مش عيالك عايزين يقعدو معايا

ايمان: سبحان الله اللى يشوفكم وانتو بتجرو ورا بعض مايشوفكم وانتو كده

عمر: معلش ياماما بقا أنا مسافر كنت عايز اشبع من اخواتى حبايبى

امانى : قلب اختك ياقلبى

ايمان:ربنا يخليكم لبعض ياحبايب قلبى

عمر: ويخليكى لينا ياست الكل

محمد : يلا ياعمر عشان اوصلك

امانى : عمر خلى بالك من نفسك وتكلمنى كل شويه

عمر: حاضر ياقلب اخوكى من عيونى

احمد بحزن : خلى بالك من نفسك ياعمر

عمر: حاضر يابابا متقلقش هو أنا أول مره اسافر

احمد : المهم تخلى بالك من نفسك

عمر : حاضر

عمر ودع اهله ومشى

احمد: ربنا معاك ياابنى وبص لأمانى ودخل اوطه

امانى : ماما هو بابا ماله

ايمان: مش عارفه شكله زعلان عشان عمر

امانى: طيب ادخل اشوف ماله

ايمان : لا خليكى أنا هدخل اشوف ماله

امانى : طيب ياماما أنا هروق البيت

ايمان : طيب ياحبيبتي

عند سيف

سيف: يخربيتكم طلعتونى شرير

اسر : المهم خرجناك من الموقف وانقذنا روحنا

ياسين : تطلع شرير ولا تتجوزها

سيف : دى البت زمانها ماتت من الخده

اسر : لا ماتخافش مش هتموت

سيف: واميره شريكه معاكم فى المهمه ليه بقا

ياسين: الحب بقا

اسر : يوه متكسفنيش بقا

سيف: على اساس انى مش عارف يعنى

ياسين: الحمدلله أنا مش بتاع الكلام ده انا راجل مستقيم

سيف: أنته هتقولى بااماره ليلى ها

سيف: أنا هقوم اصلى ركعتين لله

اسر: خدنى معاك

سيف: ولا أنته وهو السفر امته

ياسين: السفر يوم السبت حجزت التذاكر

سيف: طيب ربنا معاكم عايز مذاكره مش تسافرو نتفسحو وتنسوا الدراسه ولو تفوقتو اول ماتنزلو ليلى واميره هيكونو منتظرينكم بفساتين الفرح

أسر وياسين جريو على سيف حضنوه

اسر : ربنا يخليك لينا ياسيف

ياسين : أنته اجمل اخ فى الدنيا كلها

سيف: انتو مش اخواتى انتو ولادى يلا اتزلو قولو لجدكم خبر سفركم

اسر : من عينى

ونزل هو وياسين

عند امانى

ايمان: مالك ياابو محمد شكلك مضايق

احمد : امانى جالها عريس

ايمان : طيب وده يزعلك

احمد: انتى مش عارفه ده يطلع مين

ايمان: مين

احمد : سيف الجارحى

ايمان : اللى كنت مش موافق أن محمد يشتغل معاه

احمد: ايوه شوفتى اللى كنت خايف منه اهو عايز يتجوز بنتى

ايمان: طيب ماترفض عادى ولا تزعل نفسك

احمد : عملت كده لكن هدد وربنا يستر من اللى جاى

امانى كانت بره بتروق البيت وموبيلها رن

امانى: ايه ده رقم مين ده مش رده

لكن فضل يرن كتير

امانى : يوه لما اشوف مين الرزل ده السلام عليكم ورحمه الله وبركاته

المتصل : اخيرا ردتيتى

امانى: أنته مين

ياترى هيطلع مين اللى بيرن على امانى وياترى احمد هيوافق على طلب سيف ولا لا كل ده هنعرفه البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ ندى يوسف

السلام عليكم ورحمه الله وبركاته ياجماعه التفاعل قليل جدا أنا كده هوقف الروايه بليز علو التفاعل شويه

يلا نكمل روايتنا البارتى الثانى عشر من روايه المنتقبه والمجنون

بقلم الكاتبه/ندى يوسف

وصلنا البارتى اللى فات عند امانى يلا نشوف ايه اللى هيحصل

امانى :الوو سلام عليكم

المتصل: اخيرا رديتى

امانى: أنته مين

المتصل : قدرك

امانى: طيب اوعا تتصل هنا تانى الا المره جايه هخليك تمشى تتلفت وراك وقفلت السكه فى وشه هى ناقصه قرف على الصبح قال قدرك قال وعملت للرقم بلوك

شاطره يامونى يستهل 🤣🤣🤣

سيف بابتسامه : قويه ومفتريه بس على مين لما نشوف هتعملى ايه

عند أسر وياسين

اسر: جدى صباح الخير

سلطان : صباح الهنا ياحبيب جدك

اسر: احنا جينا نبلغك أننا هنسافر يوم السبت

سلطان: ربنا معاكم ياولاد بس بقولكم ايه عاد تخلو بالكم من بعض ومن دراستكم وسيبكم من الخواجات اللى هناك ياولاد

ياسين: متقلقش ياجدى احنا رايحين للدراسه وبس

سلطان: أنا واثق فيك ياولدى لكن مش واثق فى اخوك

اسر: كيف الحديت ده ياجدى عاد أنا مظلوم دايما أنا وش ذالك

سلطان: لا ياولدى أنته اكيد وش ذالك

اسر: اطمن ياجدى انا هكون من الجامعه للبيت ومن البيت الجامعه بس وحيات سيدك البلوبى ياجدى لما نرجع أن شاء الله تجوزنا بنات عمنا

سلطان: واه واه بنات عمكم مره واحده اكديه

اسر : اومال مرتين ياجدى ولا ايه انا اتجوز اميره وياسين يتجوز ليلى

سلطان : كمان مختارين العرايس ومحديدين

اسر: اومال ياجدى ماتتكلم ياسين يخربيتك انطق

ياسين: بس يااسر ايه اللى بتقوله ده هو ده وقته

اسر : تصدق أنا غلطان بقولك ايه ياجدى جوزنى اميره وسيبك من ياسين خالص

سلطان : بس بطل كتر حديت مفيش حد يفتح الموضوع ده دلوك وبعدين مفيش حد منكم هيتجوز غير لما سيف يلاقى بت الحلال وافرح بيه

اسر: ياجدى احنا هنسافر هو احنا بنقولك نطلع على المأذون دلوقتي هو والله ياريت دلوك واخد اميره معايا

سلطان: بس ياولد اتخرج من الجامعه الاول وبعد اكديه فرحك أنته واخوك فى ليله واحده أن شاء الله أن بقا ليا عمر على الدنيا

اسر: أن شاء الله ياجدى ربنا يديك الصحه والعافيه يارب

ياسين: ربنا يخليك لينا ياجدى

سلطان : يلا بقا روحو جهزو حالكم عشان السفر عاد

ياسين: حاضر ياجدى بعد ازنك وخرجو

عند البنات

اميره : ليلى أسر وياسين هيسافرو بكره

ليلى : عرفتى منين

اميره : سمعتهم بيتكلمو مع جدى

ليلى بزعل : هيسافرو خلاص بسرعه كده

مها: وانتى مالك زعلانه ليه

ليلى: مش ولاد عمنا لزم نزعل احنا عمرنا ماافترقنا

اميره : مش متخيله القصر من غير اسر

ليلى : وانا مش متخيله حياتى من غير ياسين

مها: وانا مش متخيله حياتى من غير فنجان قهوه

ليلى: تصدقى انك برده

مها: طيب انتو بتحبو وزعلانين أن روميو وقيس مسافرين أنا بقا ازعل ليه

اميره: عشان معندكيش احساس

مها: اميره خدى اختك وانزلو الجنينه عيطو براحتكم لما تخلصو عياط ابقو تعالو عشان مليش نفس احزن معاكم

اميره : بكره يااختى تقعدى تعيطى على حبيب القلب اللى هينطس فى نظره ويجيلك

مها : ليه أنا هبله اقعد اعيط رجلى على رجله يااختى بس ياجى الموكوس

اميره بحزن: مش عارفه هعيش ازاى من غير اسر

عند امانى

امانى: اه ياضهرى ياانى يامه ايه البيت اللى مش بيخلص من الشغل ده ياصغيره على الهم يالوزه فجأه موبيلها رن وكانت فرحه صحبتها

امانى: السلام عليكم فرحه حبيبتى وحشتينى اوى اوى

فرحه: وحيات طنط انتى لسه فكره فرحه اصلا

امانى: اهدا ياصاحبى مالك قفشه كده ليه

وبعدين يااختى أنا مسألتش عشان عمر كان فى اجازه وانتى عارفه اختك بتعمل ايه فى عمر وهو هنا

فرحه : وربنا الله يكون فى عون محمد وعمر بت تعالى قضى معايا يوم وحشتنى

امانى : والله وانتى وحشتينى اكتر طيب هقول لماما وبابا وارد عليكى

فرحه : اشطا طمنينى عليكى بقا عامله ايه

امانى: أنا لوز الوز ياقلب اختك اطمنى عليا

فرحه : دايما يارب وفضلت تتكلم هى وفرحه مع بعض

عند أحمد

ايمان: طيب هتسأل محمد هو اتعامل معاه يمكن هو كويس وانته اللى فاهمه غلط

احمد : هتكلم مع محمد بالفعل بس مستحيل اجوز امانى للشخص ده انتى مشفتيش كان بيتكلم ازاى وكأنه جاى يأمرنا مش يطلب أيديها زى اى عريس

ايمان : طيب بس اهدا وان شاء الله هتتحل

احمد : امانى متخرجش من البيت لما نشوف ايه اللى هيحصل

ايمان :حاضر هى امانى يعنى بتخرج تروح فين

احمد : الاحتياط واجب لو لزم الأمر اخوه يكون معاها

ايمان : اطمن أنته بس أن شاء الله خير قول يارب

احمد : يارب

عند سيف

سيف كان قاعد بيفكر فى امانى وخرج من شروده على رنت موبيله وكان محمد صاحبه

سيف: عامل ايه ياصاحبى

محمد: طمنى ياشق عملت ايه

سيف : اسمع ياسيدى وحكاله كل اللى حصل

محمد: ينهارك ملحوس أنته قلت الراجل كده

سيف: ايوه

محمد : ايوه ايه جرى ايه ياسيف أنته رايح تطلب أيديها ولا تأمرهم وبعدين دى مش طريقه اصلا وانا لو من ابوها ارفضك وبالتلاته

سيف بعصبيه: محمد متنساش انى سيف الجارحى

محمد : سيف ده جواز والدخله اللى دخلتها دى مش حلوه وكده الراجل هيقلق منك واكيد سأل ابنه وهيقوله اللى حصل بينكم ووقتها الراجل هيخاف على بنته وانا لو مكانه هقلق وهرفض

سيف: محمد امانى ليا ومش هسيبه لو اطريت اخطفها وانا هنزل دلوقتي هفاتح العيله كلها فى الموضوع وخلال يومين امانى هتكون حرم سيف الجارحى

محمد: طيب براحه وسايس الأمور متخوفش اهلها منك وتخليهم يصمم على الرفض

سيف: محمد المنياوى جاب العقل ده كله منين

محمد: العقل موجود دايما ياشق أنا خساره فى البلد دى والنعمه

سيف: أنته هتقولى يلا اقفل عشان انزل لجدى

محمد: ماشى ياشق ابقى طمنى

سيف: سلام ياصاحبى وقفل

عند امانى

امانى : ماما كنت عايزه اروح لفرحه شويه

ايمان: استنى محمد لما يرجع هيوديكى

امانى: اشمعنا طيب ماانا بروح لوحدى على طول

ايمان: اسمعى الكلام يامونى لما محمد يجى يبقى يوديكى

امانى:مع انى مش فهمه فى ايه بس ماشى نستنا حضره المستشار لما يوصل

عند أسر

اميره: خلاص هتسافر

اسر: والله كان نفسى تكونى معايا وتكمل دراسه بره بس نعمل ايه حكم القوى على الضعيف على فكره يامرمر أنا قلت لجدى أنى عايز اتجوزك

اميره: بجد وقلم ايه

اسر: قلى لما تخلص جامعتك فرحك أنته واخوك فى يوم واحد بس ادعى العقده اللى عند سيف تتفك

اميره: طيب لو عقده سيف متحلتش ايه اللى هيحصل

اسر : تبقى عنستى انتى واختك ياقلبى

اميره : واخوك ده هيفضل كده لأمته مفيش ولا بنت عجباه

اسر: والله يامرمر أنا خايف عليها من قبل ما اعرفها اللى هتقع بين ايدين سيف الجارحى اكيد امها داعيه عليها هى واهلها واخواتها وبلدها والبلاد المجاوره

اميره بضحك: يخربيتك هموت فصلتنى ضحك وليه ميكنش العكس يمكن يحبها وتكون امك هى اللى داعيه عليه

اسر: مفتكرش امى تكون دعت على سيف بس ياريت يلاقى اللى يحبها دى ادعى يابت عشان العقده تتفك

اميره : يارب يارب تتفك

عند سيف

الكل كان متجمع على السفره

سيف : جدى أنا عايز اتجوز

الكل كان فى حاله زهول

زينب بفرحه : بتتحدت جد ياولدى خلاص هتفرح قلبى

سلطان: لقيت بت الحلال اخيرا

اسر همس لأميره

اسر: يابت الأيه دعوتك استجابت كترى دعوات لينا

اميره : اسكت بقا يخربيتك هاتفضحنه

سيف: جدى أنا لقيت بت الحلال اللى هتصونى وتشيل اسمى وتكون ام لأولادى أن شاء الله

زينب: مين هى ياولدى اعرفها

سيف: لا ياأمى متعرفهاش

سلطان: اوعى تكون خوجايه ولا مصراويه أن كانت اكديه وقتها هقولك لا

سيف: لا ياجدى دى من اهنيه قلت ايه ياجدى

سلطان : على بركه الله حدد يوم مع أهلها ونروح نزورهم وربنا يقدم اللى فيه الخير

زينب من فرحتها زغرطه وكانت طايره من الفرحه

والكل قام بارك لسيف معاد زينات اللى كانت زعلانه عشان بنت اختها

ياترى امانى هتوافق على سيف ولا للقدر رأى اخر هنعرف البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر عشان انزل بالبارتى الجديد على طول دمتم في حفظ الله وإلى إلقاء فى البارتى القادم

بقلم الكاتبه: ندى يوسف

السلام عليكم ورحمه الله وبركاته بشكركم على التفاعل فرحتونى كتير يلا بينا نكمل روايتنا البارتى الثالث عشر من روايه المنتقبه والمجنون

بقلم الكاتبه/ ندى يوسف

وصلنا البارتى اللى فات لما الكل كان بيبارك لسيف يلا نشوف ايه اللى هيحصل

سيف: أنا هاخد معاد مع أهلها عشان نروح نقرأ الفتحه

اشرف: واه على طول اكديه مش نعرف هى مين بت مين

سلطان : ميهمش الكلام ده كله ياولدى المهم انها تكون بنت ناس طيبين وخلاص

سيف: قوى قوى ياجدى أهلها ناس طيبين ومحترمين قوى وانته هتشوف بعينك

زينب: وانته شوفتها وين ياولدى

سيف: مشفتهاش ياأمى هى تبقى اخت محامى كنت مكلفه بشغل يخلصه وعرفت أن عنده اخت محترمه وقلت لزم اتقدم لها

اسر: بقا سيف الجارحى يتجوز من غير مايكون عارف العروسه ازاى ده والنبى ازاى

ياسين مره واحده داس على رجلين اسر

اسر : اه رجلى ياامه

سيف: اكتم خالص

ياسين بهمس: الله يرحمك كنت طيب

اسر بوجع :متنساش تزورنى كل يوم اه ياأنا ياامه

زينات سابتهم ودخلت المطبخ

سيف : عن ازنك ياجدى هطلع على المزرعه وبعد اكديه اروح لحماية احدد معاه يوم

سلطان: ماشى ياولدى ربنا يفرح قلبك يارب

سيف باس ايد جده ومشى بس وهو خارج دخل المطبخ

سيف : العسل زعلان منى ولا ايه

زينات: وانا ازعل منك ليه

سيف : طيب مبركتليش ليه بقا

زينات : الف مبروك ياسيف

سيف: من قلبك ياامه

زينات : اول مره تقولى ياامه

سيف : عشان انتى امى التانيه اوعى تفتكرى أن زينب بس هى اللى امى لا انتى كمان امى التانيه اللى مقدرش على زعلها وبعدين ياامه انتى عارفه ابنك مستحيل ياخد بنات الناس يظلمها وبنت اختك أن شاء الله تلاقى ابن الحلال اللى يسعدها

زينات: عمرى مزعل منك ياولدى ربنا يفرحك واشوفك فى الكوشه أنته وعروستك

سيف: يارب ياأمى يلا اروح أنا بقا وجهزى نفسك عشان تروحى تشوفى عروست ابنك

زينات : أن شاء الله ياولدى ربنا يتمملك فرحتك على خير

سيف : يارب وباس أيديها ودماغها وخرج

زينات : ربنا يحميك ياسيف ياابنى يارب

عند امانى

امانى كانت قاعده بتلعب فى موبيلها

محمد : مساؤؤؤ بحر حنيه

امانى بقرف: مساؤؤؤ مش بدوده

محمد : اخص الله يقرفك مش بدوده مالك ماانا سايبك كويسه

امانى: عايزه اروح عند فرحه وماما مش راضيه وقالت لما اخوكى يجى يوديكى يلا خليك جدع وتعالى معايا

محمد : اخوكى مين انا مش اخوكى

امانى : اومال أنته مين

محمد : أنا ابن عمك

امانى: أنته غلس وبارد وقامت عضته من ايده

محمد: خلاص حرمت البسى يلا هوديكى ربنا على المفترى

امانى : ايوه كده ناس ماتجيش غير بالعين السخنه

محمد:معلش يااختى تعديل بس اسمها العين الحمرا

امانى : مزاجى بقا اخليها العين السخنه

محمد : محسسانى انك رايحه تصيفى اخلصى مش فاضى

امانى : ثوانى اكون عندك ودخلت أوضتها

محمد : اختى مجنونه بس بحبها وقعد يستنها

بعد شويه خرج احمد من اوطه

احمد : محمد تعالى عايزك ضرورى

محمد : خير يابابا

احمد : تعالى جوه

محمد: حاضر ودخل ورا باباه

احمد: أنته تعرف سيف الجارحى كويس

محمد: بابا أنا خلصتله شغله وخلاص مفيش بينى وبينه شغل أنا نهيت الشغل معاه بس حضرتك بتسأل ليه

احمد : سيف الجارحى كان هنا امبارح وطلب ايد اختك منى

محمد: نعم ازاى يجى لحد هنا هو اللى جابه لنفسه أنا قولتله نجوم السما اقربله من اختى

احمد : يعنى كلمك فى الموضوع

محمد : ايوه يابابا

احمد : مقولتليش ليه

محمد: أنا مكنتش اعرف انو هايجى هنا بس هو اللى جابه لنفسه

احمد : تعرف تسكت سيف الجارحى مش سهل واهدا كده عشان هو حاطط فى دماغه انو يتجوز امانى بس عايز اعرف منك سيف ده كويس

محمد: بصراحه يابابا هو كويس ولما اتعاملت معاه لقيت عقليه ناضجه جدا حتى سالت عليه من. بعيد عشان لو كان شغال فى حاجه مش كويسه بس سمعت عنه أن شغله نضيف طبعا الكلام ده قبل ما يتكلم فى موضوع امانى

احمد : بس ياابنى أسلوبه كان وحش وهو هنا اوى

محمد : يبقى يجى تانى وانا اسجنه

احمد : ربنا يستر ياابنى بقا المهم متجبش سيره لأختك

محمد : حاضر

احمد : يلا شوف أنته كنت رايح فين

محمد : هودى مونى عند فرحه

احمد : خلى بالك منها وتروح تجيبها ماشى

محمد : اكيد يابابا مستحيل اسيبها لوحدها

عند سيف

حمزه : سيف باشا حضرتك كل حاجه جاهزه فى العربيه

سيف: تمام ياحمزه اه فين رقم احمد السيوفى

حمزه: اهو ياباشا الرقم

سيف : تمام روح أنته

سيف اخد الرقم ورن على ولد امانى بس مردش

سيف : لا مبدهاش لزم اروح بنفسى وهو خارج من المكتب لقى محمد صاحبه فى وشه

محمد : ايه ده رايح فين

سيف : رايح لحمايه

محمد : نهار ملون رايح ليه

سيف بضحك: ايه ياابنى رايح احدد معاه معاد عشان العيله كلها تروح فيه ونقرأ الفتحه

محمد : رجلى على رجلك

سيف: محمد تيجى تعمل ايه

محمد : خيال مأته المهم أنا راشق معاك

سيف : طيب الناس تقول عليا ايه جايب صاحبه معاه

محمد: أنا اخوك مش صاحبك امشى

سيف: أنته اخويا فعلا يلا ياقلب اخوك ومشيو

عند أسر

اسر كان قاعد فى الجنينه

اسر: اه يارجلى اه اشوفك والع ياسين يااخويا

ياسين : اهون عليك يعنى

اسر : فرمت رجلى وعايزنى اخدك بالحضن

ياسين. : ماانته عكيت الدنيا

اميره : ميبقاش اسر لو معكش الدنيا

اسر: بقولك ايه يااميره روحى جيبى مايه سخنه بملح وتعالى اغسليى رجلى الموجوعه دى

اميره: ليه سى السيد حضرتك

اسر : اتوكسى هو فى سى السيد رجله مفرومه كده

ليلى : تستهل عشان تمسك لسانك

اسر: ادعى عليكم بالهندى كلكم فرحانين فيا

اميره /: بس تعرف أنته عندك حق اكيد سيف شاف البنت دى

اسر : تنسترى ياغاليه قولتش حاجه من عندى اقطع دراعى لا اقطع دراعى ايه هيكون أيديه ورجلى اقطع دراع ياسين أن ماكان سيف باشا بيحب البنت دى

ليلى : طبعا واضح اوى الحب فى عنيه

ياسين بغيره: وانتى ركزتى فى عنيه ولا ايه

ليلى : عادى بس الحب واضح فيهم

ياسين : طيب متبقيش تركزى تانى وبعدين تعالى نقعد هناك عشان عايزك فى كلمتين

ليلى :اوك يلا

اسر : ها يااميرتى مش هتجيبى المايه

اميره : اسر بطل هزار بقا وبعدين قولى أنته هتسافر بعنيك الزايغه دى

اسر : لا ياحبى هسيبهم معاكى هنا وامشى من غيرهم

اميره: بتكلم جد

اسر: اميره حبيبتى اطمنى خالص مفيش حد يملى عينى بعدك انتى كل الحب خليكى واثقه فيا وصدقينى لو قدامى ملكه جمال العالم ولا تملى عينى بعدك خليكى متأكده انك كل الدنيا بالنسبة ليا ومليا عنيا وقلبى

اميره بكسوف: ربنا يخليك ليا

اسر : ها هتجييى المايه بقا

اميره: هوا تكون عندك

اسر : عسل اوى وانا مقنع كده 🤣

عند ياسين

ياسين : ليلى أنا مسافر بكره وانتى هترجعى الجامعه وطبعا دى اول مره مكنش معاكى انتى وأخواتك اوعدينى تخلى بالك من نفسك وكمان مفيش كلام مع حد عشان مجيش اقتلك وارجع تانى

ليلى : ايه ده اهون عليك تقتلنى

ياسين : للأسف لا مش تهونى بس حضرتك تخلى بالك وبعدين متركزيش فى عيون حد بعد كده فاهمه ياهانم

ليلى : حاضر مش مركز

ياسين : بحبك

ليلى بكسوف : بس بقا

عند امانى

امانى : يلا ياحمو بقا

محمد : يلا ياقلب حمو

محمد بيفتح الباب لقى سيف قدامه

محمد : أنته

سيف بص لأمانى وإتكلم ولدك موجود

محمد بص لأمانى ادخلى جوه دلوقتى

امانى : اوف ودبدبت فى الارض ودخلت

سيف ابتسم على منظرها

محمد : خير حضرتك جاى هنا تانى ليه

سيف: عايز ولدك فى موضوع

محمد صاحبه ادخل : جرى ايه يامتر مش هتقول اتفضلو انتو حتى أصحاب واجب

محمد: اتفضلو ودخلوا

احمد جه ولقى سيف موجود

احمد : ايه جابك هنا تانى أنا قولتلك معنديش بنات للجواز

سيف : أنا آسف على طريقتى معاك بس صدقنى ياعمى أنا حبيت بنتك وعايزها تكون شريكه حياتى

محمد: واحنا مش موافقين

سيف بغضب : بس هتجوزها غصب عن اى حد

محمد : اهدا ياسيف ياعمى سيف شارى بنتك وهو كويس معلش يمكن طريقته اوفر معاكم شويه بس ده طبعه

احمد : معنديش بنات للجواز

كل ده وأمانى سامعه الكلام

امانى : الصوت اللى جوه ده أنا سمعته قبل كده فين وقعدت تفتكر ينهارك ملحوس

ده هو

سيف : لو ماتجوزتش بنتك هاخطفها

محمد : أنته بتهددنا ولا ايه

فجأه امانى دخلت

امانى : اسفه يابابا أنى دخلت كده

محمد : انتى ايه جابك هنا الخرجة بره

امانى : هقول كلمتين للاخ ده

احمد : سيبها يامحمد

امانى : بقولك ايه ياأستاذ أنته لما تتكلم مع ابويا أو اخويا يكون فى احترام وايه تخطفنى ده انا فرخه قدامك ولا حاجه ابويا وأعلى خط احمر فاهم واللى بس يقرب من اهلى اكله بسنانى وعلى فكره طلبك مرفوض وسابته وخرجت

سيف كان واقف مصدوم

ياترى سيف هيعمل ايه وياترى امانى هتوافق ولا خلاص كده هتعرف البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ ندى يوسف

السلام عليكم ورحمه الله وبركاته ممكن لو سمحتو تعلو التفاعل شويه ياجماعه الروايه مطوله شويه بليز التفاعل قليل اوى الروايه جميله وتستهل يلا بينا نكمل روايتنا البارتى الرابع عشر من روايه المنتقبه والمجنون

بقلم الكاتبه/ ندى يوسف

وصلنا البارتى اللى فات عند سيف لما امانى رفضته يلا نشوف ايه اللى هيحصل

سيف كان واقف مصدوم وحسه ان امانى خلاص راحت منه

محمد : سمعت اختى قالت ايه اتفضل بقا

سيف بغضب وقهره: بس اختك هتكون ليا وهعمل المستحيل عشان تكون ليا

احمد : ياابنى الجواز مش بالعافيه ربنا يرزقك ببنت الحلال شيلنا من دماغك ياابنى

سيف : بس أنا مش هتجوز غير امانى حتى لو اطريت احرق الدنيا كلها وسابهم وخرج

محمد المنياوى : أنا آسف ياجماعه بس سيف عصبى شويه بس احب اقولكم أن سيف طيب جدا وكويس بس هو اللى متقمص شخصية غير شخصيته والسبب فى كده جدو صدقنى ياعمى بنتك مش هتلاقى حد يحبها ويحافظ عليها قد سيف

محمد : واختى خلاص قالت كلمتها فهم صاحبك يشيل اختى من دماغه نجوم السما اقربله منها

احمد: بس يامحمد اسكت وانته ياابنى قول لصحبك مش كل حاجه يعوزها يلاقيها وبنتى عندى اغلى من الدنيا كلها وعمرة مااديها لشخص زى ده

محمد: بكره تغير فكرتك عن سيف ياعمى عن ازنكم ومشى محمد

محمد : الحمدلله هم وانزاح

احمد: رغم انى مش عاجبنى تصرفه بس صعب عليا

محمد : صعب عليك ازاى يابابا

احمد : سيف بيحب امانى بجد يامحمد شوفت ده فى عنيه وحسيت بكسره قلبه لما امانى قالت كلامها ده

محمد : يعنى ايه يابابا ممكن توافق عليه

احمد : لو كلام صاحبه جد أوفق موفقش ليه الحب اللى شوفته فى عيونه يخلينى أوفق وانا مطمن يلا روح خد اختك وديها مشوارها

عند سيف

سيف اخد عربيته ومشى بيها حتى مستناش صاحبه وصل مزراعه الخيل اكتر مكان بيرتاح فيه

سيف : ليه كده ياامانى ليه تحكمى عليا من غير ماتعرفينى ليه

بعد شويه وصل محمد

محمد: سيف أنته كويس

سيف: ليه محدش قادر يشوف الحب اللى جوايه ليها

محمد: سيف أنته السبب أنته اللى دخلت دخله غلط مقدرتش تتحكم فى اعصابك

سيف : عارف انى عصبى اعمل ايه يامحمد

محمد: اهدا بس ياسيف أنا واثق أن امانى هتكون ليك وهتحبك قد ما بتحبها

سيف:: يارب

محمد : المهم دلوقتي هتقول لجدك ايه اكيد منتظرين المعاد

سيف بتفكير : هتعرف بعدين

محمد : سيف ناوى على ايه اوعا تعمل حاجه تندم عليها

سيف: هعمل المستحيل عشان افوز باامانى. يامحمد لو اطرينى الأمر اختفها هعمل كده

عند امانى

محمد: يلا ياسندريلا

امانى: بلا فين

محمد : يخربيت الزهايمر مش كنتى عايزه تروحى لفرحه

امانى : رجعت فى كلامى

محمد : ليه بقا

امانى: محمد ايه اللى حصل جوه ده وانته تعرف الشخص ده منين

محمد : امانى حبيبتى الشخص ده يبقى سيف الجارحى

امانى : نعم هو ده يخربيته المتكبر ده عايز يتجوزنى اصوم اصوم وافطر على ده

محمد : اتوكسى ده احلى بصله

امانى : محمد بتكلم جد

محمد : وانا والله بتكلم جد سيف الجارحى كويس فى شغله بس كل الموضوع تكبره ده وأسلوبه الوحش وانا طبعا عمرى ماهوافق عليه تعالى هنا قوليلى ايه دخلك علينا اصلا

امانى : يعنى عايزنى اسمه بيتكلم معاكم كده واسكت وبعدين كفايه بوظ الخروجه طيب كان جه بكره

محمد: يخربيتك يعنى كل اللى همك الخروجه

امانى : يعنى مش اوى

محمد : ده انتى يومك مشفلط وطلع يجرى وراها

عدى اليوم على ابطالنا بدون اى احداث تذكر

فى صباح يوم جديد تشرق الشمس الصباح فى سماء الصعيد بالأشعه الذهبيه في منتصف نهر النيل

فى قصر الجارحى

أسر وياسين كانو جاهزين عشان السفر وكل العيله متجمعه معاد سيف

اسر همس لياسين

اسر: ياسين ممعاكش قطره

ياسين باستغراب: قطره ليه

اسر: اصلى مبعرفش اعيط فا عايز اعمل منظر قدام اميره

ياسين : اسكت يااسر متشلنيش وانا رايح اركب الطياره اسكت

اسر: طيب سكت يوه محدش يعرف يفك معاك بكلمتين جتك الروبراب

سلطان : خلو بالكم من بعض ياولاد وخلو بالكم من دراستكم وسيبكم من الخواجات مفهوم يااسر

اسر : ومقام سيدى جابر أنا مظلوم دايما

ياسين : متقلقش ياجدى كله هيمشى زى ماانته عايز ومتقلقش

زينب بدموع : خلو بالكم من بعض ياولاد اوعو الغربه تنسيكم عوايدنا عاد

اسر : متقلقيش ياماما احنا صعيده ولا حاجه تقدر تغيرنا صوح ولا ايه ياسين

ياسين : صوح الصوح خلاص بقا ياماما بلاش عياط دموعك غاليا علينا وبعدين احنا هننزل أن شاء الله كل اجازه

زينب: تروحو وترجعو بالسلامه ياضى عيونى

زينات : واه يازينب عاد بلاش العياط ده عاد فال مش كويس ياخيتى خلو بالكم من بعض ياولاد وكلمونه كل يوم

اسر: من عيونى الجوز ومناخيرى الوز

مها: حتى وانته مسافر بتهرج يااسر

اسر : اومال اعمل ايه يابت عمى اعيط أقسم بالله الدموع مش عايزه تنزل

مها بضحك : خلى بالك من نفسك ويارب لما ترجع تكون عقلت شويه

ياسين : ده لو الدنيا كلها عقلت اسر لا

ليلى بدموع : خلى بالك من نفسك وابقى طمني عليك اول ماتوصل

ياسين: طيب من غير دموع ياحبيبتى كفايه عشان مش بستحمل دموعك دى وكمان مش عايز حد ياخد باله

ليلى : حاضر بس خلى بالك من نفسك

ياسين:حاضر ياقلبى وانتى كمان خلى بالك من نفسك

ليلى : حاضر

اميره : خلى بالك من نفسك يااسر واوعى عينك تروح يمين او شمال هدبحك

اسر : وانتى هطولينى فين يامجنونه

اميره : هجيلك ادبحك وارجع تانى

اسر: لا وعلى ايه العمر مش بعزجه حاضر

ياسين : اومال سيف فين

سيف : أنا هنا

زينب : واه لساك راجع من بره ياولدى

سيف:ايوه ياأمى

سلطان: كنت وين ياسيف لحد دلوك وكنت بايت فين

سيف: كنت فى المزرعه ياجدى

زينب : مالك ياولدى عنيك حمرا اكديه ليه وبعدين ليه مجتش عشان تقول هنروح نشوف عروستك ميته ياولدى

سيف : بعدين ياأمى المهم يلا يااسر عشان اوصلكم المطار

ياسين : يلا احنا جاهزين

أسر وياسين ودعو الكل مابين الدموع والحزن على فراقهم

عند امانى

امانى: ماما أنا رايحه عند فرحه عايزه حاجه

ايمان : استنى محمد لما يصحى يوديكى

امانى :ياماما ياحبيبتى انتو خايفين عليا من ايه الموضوع وخلاص خلص وبعدين انتى مش عارفه بنتك ولا ايه ها خلي بس حد يقرب منى كده وانا اخليه يحول على طول

ايمان : طيب بس خلى بالك من نفسك واوعى تتأخرى

امانى : حاضر ياست الكل اول لما اوصل هرن عليكى اطمنك

ايمان: ماشى اوعى تتأخرى

امانى : عيونى ومشيت امانى راحت لصاحبتها

فى المطار

اسر: مش هقول مالك بقا

سيف : بس يااسر خلى بالك من نفسك وبلاش شقاوه ماشى

اسر: هو مفيش غيرى ياجدعان ولا ايه حاضر مش هعمل حاجه

ياسين: متقلقش ياسيف كله هيبقى تمام كان نفسى احضر قريت الفاتحه واشوف البنت اللى خطفت قلب سيف الجارحى

سيف : فى الفرح ابقى شوفها المهم خلى بالكم من نفسكم ومن دراستكم

ياسين : حاضر اشوف وشك بخير

سيف ودعهم وأسر وياسين ركبو الطياره وسافرو

رجع سيف فى عربيته وكل تفكيره فى امانى وفى لحظه خبط حد بالعربيه

ياترى سيف خبط مين هتعرف البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ ندى يوسف

السلام عليكم ورحمه الله وبركاته بشكركم اوى اوى على التفاعل فرحتونى كتير احلى فنزات واجمل اخوات بحبكم من قلبى يلا بينا نكمل روايتنا البارتى الخامس عشر من روايه المنتقبه والمجنون

بقلم الكاتبه/ ندى يوسف

وصلنا البارتى اللى فات عند سيف تعالو نشوف خبط مين

سيف كان سائق بس تفكيره مع امانى فجأة خبط حد ونزل يجرى يشوف مين

سيف : جرالك حاج لسه هيكمل الكلمه اتصدم أنها هى

امانى : أه ياانى يامه هو انا كل مره اتخبط من واحد حمار شكلى هموت قتيله قريب

سيف: جرالك حاجه

امانى : أنته بتسأل مش تفتح ايه ده هو أنته وربنا لو الحكومه وزاك عليا ماهتظبط معاك كل مره كده

سيف بلهفه : طمنينى انتى كويسه فيكى حاجه اوديكى المستشفى

امانى : وانته مالك حتى لو فيا حاجه مش هخليك تودينى عن ازنك

سيف بغضب: امانى ايه اللى خرجك من البيت

امانى: نعم وانته مالك اصلا أخرج ولا ادخل أنته مالك وبعدين اسمى انسه امانى ايه امانى دى كنت بلعب معاك قدام بيتكم ولا حاجه

سيف بعصبيه: امانى عيب تكلمى زوجك المستقبلى كده واعملى حسابك حماتك هتكون عندك بكره عشان تشوف ملاكى

امانى: واضح انك مجنون قال زوجى المستقبلى قال وحماتى مين بقولك ايه ابعد عنى وانا قلتلك طلبك مرفوض ومشيت

سيف ركب عربيته ووقف قدامه

سيف : اعملى حسابك كل عيلتى هتكون عندك بكره سلام ياوتينى ومشى

امانى بعصبيه : ايه ابن المجنونه ده ينهار مدوحس اهله جاين بكره ومشيت تكلم نفسها

عند البنات

كانت اميره وليلى قاعدين زعلانين وبيعيطو على فراق أسر وياسين

مها: وبعدين فى العزا اللى انتو فيه ده يخربيت كده نكد

اميره: اصلك معندكيش قلب لو عندك دم كنتى قعتى عيطى معانا

ليلى:قلبها حجر ازاى هنعيش من غيرهم

مها: ينهار مربرب أنا معنديش دم وقلبى حجر اللى تنوكسو وانا هعيط ليه ماكفايه انى كنت متأثره قدامهم هفضل اعيط ومتأثره لحد مايرجعو

اميره/: اخرسى خالص سبينا نعيط ونشهق فى هدوء

مها : اممم لا ده القعده هطول شهقو عليكم بدرى يبعيده انتى وهى أنا اروح الجنينه احسن من النكد ده جتكم وكسه وسابتهم ونزلت

عند محمد المنياوى

محمد كان قاعد فى اوطه بيفكر ازاى يساعد سيف ويخلى أهل امانى يوافقو بيه

محمد: كده مقدميش غير حل واحد وأن شاء الله يظبط لزم اقف جمب صاحبى

ساعات بنحتاج لحد فى حياتنا زى محمد الصداقه كنز للى يقدرها صح

عند امانى

امانى وصلت بيت فرحه وهى فى دنيا تانيه

فرحه: مونى حبيبتى وحشتينى اخيرا جيتى اتأخرتى ليه

امانى: فرحه ممكن اقولك حاجه

فرحه : قولى ياقلبى

امانى : عايزه اقطع علاقتى بيكى

فرحه: ينهار ملحوس ليه انا عملت ايه

امانى : عملك مهبب كل لما اجيلك القى اللى يخبطنى بعد كده انتى اللى تيجى

فرحه بضحك : طيب تعالى احكيلى ايه اللى حصل ومين ده اللى خبطك وانا اروح اعلقه هو عيلته

امانى : اعمليلى كوبايه لمون المجنون ابن المجنونه كان هيموتنى الله ينوكس

فرحه : لا ده الموضوع كبير سيبك من المون واحكى

امانى : ورحمه المكسيكى ماانا حكيه حاجه غير لما تيجى كوبايه المون

فرحه : ياساتر مفجوعه ثوانى يااختى هجبلك المون بقولك تعالى معايا المطبخ واحكيلى وانا بعمل المون

امانى: مفيش شبشب هنا

فرحه: ليه

امانى: عشان اضرب برص خنقنى انجرى ياللى تنشكى أنا لسه خارجه من حادثه وعايزانى اقف فى مطبخ امشى من وشى

فرحه : حاضر يااختى خلاص هوا واحلى كوبايه لمون تكون عندك ومشيت

امانى بتفكير : ياترى ايه اللى هيحصل بكره بس على مين إذا كان هو سيف الجارحى أنا امانى السيوفى هنشوف ياابن الجارحى أنا ولا أنته

جبته لنفسك ياسيف استحمل بقا 🤣🤣

عند سيف

سيف وصل القصر وكانت زينب وزينات قاعدين

سيف: سلام عليكم ورحمه الله وبركاته

زينب وزينات : عليكم السلام ورحمه الله وبركاته

سيف: فين جدى وعمى

زينب : جدك راح المصنع وعمك ادل سوهاج

سيف: طيب تمام أنا طالع اوطى ارتاح شويه

زينب: سيف مالك ياولدى وكنت بايت بره البيت ليه عاد دى عمرها ملخصات ياولدى من يوم مارجعت من بلاد بره

سيف : مفيش ياأمى أنا زين قدامك اهه بس كنت سهران مع محمد والوقت سرقنا

زينات : ويطلع مين محمد ده عاد

سيف : محمد المنياوى صاحبى يامرات عمى نستيه ولا ايه

زينات :واه واه هو رجع هو كمان اومال مش بياجى يزورك ليه اهنيه وحتى يسلم علينا

سيف: انتى عارفه يامرات عمى مفيش حد من صحابى ياجى تهنئه والبيت فيه بنات

زينب : عندك حق والله ياولدى مقولتليش عاد هنروح نشوف عروستك ميته

سيف: بكره ياأمى هتشوفيها بكره

زينب بفرحه : اخيرا هشوف عروستك ربنا يسعدك ويفرح قلبك يارب ياولدى

سيف باس ايد مامته ويخليكى ليا ياأمى عايزكم تجهزو كلكم عشان بكره قرايت فتحتى على ست البنات كلهم أنا نازل مصر كمان ساعتين وهرجع باليل أن شاء الله

مها: ايه ده ليه بقا

سيف : انتى مالك بقا

مها: العروسه اسمها ايه ياابيه

زينب : ايوه صحيح اسمها ايه ياولدى

سيف : اسمها امانى

مها: الله اسمها جميل اوى

سيف : يلا أنا هطلع اريح شويه عشان اقدر اسافر ولما جدى يرجع هبلغه

زينات : متقلقش ياسيف احنا هنبلغه اطلع ياولدى أنته ومتشيلش هم حاجه واصل

سيف: تسلمولى ياأحلى امين فى الدنيا وطلع اوطه

عند امانى وفرحه

فرحه : يابت انطقى شوكولاته وكلتى عصير وشربتى انطقى بقا

امانى : اسمعى ياستى وحكت كل حاجه مونى لفرحه من اول مره قابلت سيف وهو راكب الحصان

فرحه:ياوقعه مربربه سيف الجارحى

امانى : انتى تعرفيه

فرحه : اسمع عنه ده الصعيد كله بيعمله حساب مقلقتيش غير ده وطولى لسانك عليه تنشكى

امانى : جرى ايه يافرحه هخاف أنا ولا هخاف وايه سيف الجارحى ده كمان اللى اعمله حساب أنا مش بخاف غير من ربنا

فرحه : طيب وهتعملى ايه بكره يافلحه

امانى: لا ده بقا لسه بفكر يالهوى لو اهله جم بكره دى تبقى حوسه بت أنا هقوم اروح بقا عشان ابويا واخويا ميولعوش فيا

فرحه : لو حد جه رنى عليا قوليلى الاخبار

امانى : من عونيه سلام يافرحتى

ودعت امانى صاحبتها ومشيت

عدى الوقت وسيف جهز وسافر مصر

وكانت زينات وزينب بيجهزو زياره تليق بعيله الجارحى

وصلت امانى البيت وهى مش عارفه اقول باباها اللى حصل ولا تسكت

عدى الوقت ووصل محمد المنياوى بيت امانى رن على جرس البيت وأمانى هى اللى فتحت الباب

امانى : مين حضرتك

محمد: أنا صاحب سيف ولدك موجود

امانى : مش هنخلص بقا قولتلكم طلبه مرفوض ايه ده هو بالعافيه

محمد : ممكن اقابل ولدك

امانى : اتفضل هندهلك بابا

بعد شويه جه احمد وقابل محمد ودار بينهم الحديث

ياترى محمد هيقنع ابو امانى باأيه وياترى سيف سافر مصر ليه وياترى أهل سيف هيروح بيت امانى ولا لأ كل ده هنعرفه البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر من كده عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ ندى يوسف

السلام عليكم ورحمه الله وبركاته بشكركم اوى اوى على التفاعل فرحتونى كتير يلا بينا نكمل روايتنا البارتى السادس عشر من روايه المنتقبه والمجنون

بقلم الكاتبه/ندى يوسف

وصلنا البارتى اللى فات عند محمد لما راح بيت امانى يلا نشوف ايه اللى هيحصل

احمد: خير حضرتك جاى هنا ليه احنا مش قلنا لأ

محمد: بص ياعمى أنا جاي اقولك كلمتين وعارف انك هتفهمنى فيهم

احمد : اتفضل قول اللى عندك ولا وأنه ملوش لزمه الكلام عشان أنا عند رأى

محمد: سيف ياعمى عاش بره خمس سنين كان بيدرس بره ورجع مصر لما ولده تعب جامد ابو سيف توفى بعد رجوع سيف من بره باأسبوع وطبعا سيف عدت عليه فتره تعب بعد موت ولده بس جده مسكه كل حاجه أملاكه كلها سيف بيدرها مع أن عمو موجود لكن سيف. ليه قوه شخصيه ويقدر يحافظ على أملاك جده عكس عمو خالص من يوم ولده ماتوفى وسيف بقا مسؤول عن ولدته وأخواته الصغيرين هو عصبى بس مش متكبر ولو كان كده كان زمانها اتجوز كل يوم واحده لكن سيف شخص نضيف من جواه ومش هتلاقى لبنتك واحد يحبها ويحافظ عليها زى سيف صدقنى ياعمى عمرك ماهتندم فى يوم انك جوزت بنتك لسيف عشان هو راجل بجد مش بقول كده عشان صاحبى لا هو فعلا كده ويستاهل كل خير

احمد : مكدبش عليك أنا شوفت حبه لبنتى فى عنيه لكن بنتى اللى مليش غيرها فى الدنيا لزم اخاف عليها وبعدين أنا بسمع عن سيف ده كلام كتير جدا يخلينى افكر مليون مره قبل مااوفق عليه

محمد: بص ياعمى اى حد فى مكان سيف لزم يتعامل مع الناس بقوه لكن مش بيظلم حد عشان جده مسكه كل حاجه ودى امانه متعلقه فى رقبته وسيف عمره ماحب ولا فكر فى الجواز اصلا غير لما شاف بنتك وهى اللى حركت قلبه أنا قولتلك ياعمى كل حاجه عن سيف وليك حريه الاختيار

فى القصر

سلطان : واه واه ايه ده كله بتعمله ايه عاد

زينب: بنحضر زياره العروسه يابوى بكره هنروح نشوفها سيف قلنا اكديه

سلطان: اكديه عاد وسيف قرر من نفسه اكديه ولا ملوش كبير يشور عليه

زينات: والله ياعمى هو قال إنو هيستناك عشان يقولك لكن احنا قولناله سيب جدك علينا احنا نبلغه الخبر الحلو ده

سلطان باابتسامه : خبر ايه يازينات عاد فكرانى زعلت ولا ايه انا مبسوط جوى أن حفيدى خلاص قرر يتجوز هو وينه دلوك

زينب: ادله على مصر وهيعود على اليل اكديه

سلطان: طيب لما يعود بلغوه انى عايز اتحدت معاه فى موضوع

زينب : حاضر يابوى

سلطان : زينب كترو الزياره أنا عايز حاجه تليق بسيف الجارحى

مها: ايه ياجدى ده على فكره مش بكتر الحاجات دى ممكن حضرتك تجيب حاجه واحد بتمن كل ده

زينب: واه كيف الحديت ده يابنيتى انتى نسيتى عوايدنا عاد ولا ايه

مها: يامرات عمى مبقاش فى حد بياخد كل ده دلوقتى اى واحد بيتقدم لواحده بياخد شيكولاته ورد كده يعنى

زينات : ورد ايه وشكليتت ايه يابت عايزه تفضحينه قدام الناس عاد

سلطان : بس يامها يابتى دى عوايدنا يلا شوفى اخواتك وعرفيهم أن الكل هيحضر بكره معانا مش عايز كتر كلام مفهوم

زينب: امرك يابوى

مها: وربنا ماله لزمه كل ده اقولكم اعتبرونى مقولتش حاجه

زينات : يبقى احسن يبتوع الجامعه انتو

عند اميره وليلى

اميره : ليلى احنا هتفضل نعيط ونشهق كده لحد امته

ليلى: لحد لما يرجعو

اميره: يعنى هتفضل نعيط فتره الدراسه ولما الأجازه تيجى نبطل

ليلى بأبتسامه :يخربيتك ضحكتينى

اميره : اصل بصراحه ده هبل اللى احنا بنعمله ده همه سافرو وقمنا بالواجب وعيطنا ومن الصبح مكلناش وانا بصراحه جوعت وعيونى وجعتنى

ليلى : امشى يابت من هنا جتك القرف

اميره : طيب تعالى ناكل حاجه صغيره ووعد نرجع نكمل عياط من تانى

ليلى حدفتها بالمخده وضحكت

عند امانى

امانى كانت قاعده بتفكر في كلام سيف ياترى اهله هيجو بكره

امانى : ينهار ملحوس اوف وايت العمل ايه بقا طيب اقول لبابا احسن حاجه انى أنام راحة ليا وللبشريه لما نشوف اخرتها معاك ايه ياابن الجارحى ونامت

ايمان : مالك ياابو محمد

احمد: بفكر

ايمان: بتفكر فى ايه

احمد ::هحكيلك وقولى رأيك وحكلها كلام محمد كله

ايمان: طيب ماتديله فرصه يمكن يكون كويس بلاش نظلمه

احمد: بفكر فى كده بس بنتك قالت لا وانا مستحيل أجبرها على حاجه هى مش عايزها

ايمان: طيب نديله فرصه يمكن توافق لما تعرف اللى مخبيه ورا كلامه وعصبيته

احمد: سيبيها على ربنا واللي ربنا عايزه هيكون

ايمان: أن شاء الله خير قلبى مطمن

امانى كانت نايمه وغرقانه فى النوم فجأة موبيلها رن امانى فتحت من غير متشوف مين المتصل

امانى بنوم: الوو مين

سيف: حبيبتى بتحب ايه فى الألون

امانى بنوم غالب عليها : اوف وايت

سيف : احلى لون ده ولا ايه اسف ياقلبى صحيتك نوم الهنا ياعمرى بحبك وقفل

امانى بنوم : قولتلك لا ولو جيت هطردك وراحت فى النوم

عند سيف

سيف: لو سمحت كل حاجه طلبتها تكون اوف وايت

الشخص: حاضر يابيه امرك

سيف فى نفسه كل حاجه لزم تكون زى ماملاكى بتحب بالظبط يارب حنن قلبها عليا

فى صباح يوم جديد تشرق شمس الصباح فى سماء الصعيد بالأشعه الذهبيه في منتصف نهر النيل

عند محمد

رحاب : محمد أنا جايه بكره لزم اشوفك ضرورى

محمد: خير ياقلبى فى حاجه معاكى قلقتينى

رحاب : لا ياقلبى متقلقش بس عايزه اشوفك مش اكتر

محمد: من غير الخده دى أنا كمان عايز اشوفك ياقلبى هستنا بكره بفارغ الصبر

رحاب : ربنا يخليك ليا حبيبى بس أنا ملحظه أن مفيش دوشه جمبك اومال فين مونى

محمد: اسكتى يجعل كلامنا خفيف عليها دى بتيجى على السيره بلاش تيجى تدوشنا انتى حره مش هنعرف نتكلم كلمتين على بعض

رحاب بضحك : لا بلاش نجيب سيرتها هوس هوس

امانى كانت نايمه وبدأت تفتح عيونها

امانى : يالهوى ايه الحلم اللى كنت بحلمه ده حتى الحلم جاى ورايه فيه اخص عليه جته القرف بارد أنته مالك بحب لون ايه لما اقوم اشوف محمد يجبلى نوتيلا

فى قصر الجارحى

سيف : صباح الخير ياجدى

سلطان : يسعد صباحك ياولدى لساك معاود من مصر دلوك

سيف: لا ياجدى ادليت فى اليل بس محبتش اقلق حد فى البيت

سلطان : مش هسألك أدليت مصر ليه اكيد كنت بتعمل مفاجأه لعروستك

سيف: ايوه ياجدى

سلطان : ربنا يسعدك ياولدى

سيف : ويخليك لينا ياجدى الا بالحق وينه عمى عاد لزم يكون موجود

سلطان : ماخبرش ياولدى عمك بقا يدله سوهاج كتير قوى عايزك ياولدى تشوف عمك مخبى ايه

سيف: حاضر ياجدى هشوف

زينب: سيف ياولدى احنا حضرنا زياره العروسه حاجه تشرف اكديه

سيف: ياأمى زياره ايه مبقاش فى حد بيودى الحاجات دى كلها دلوك

مها : ورب الكعبه قولت كده محدش صدقنى

زينب: واه ياولدى دى عوايدنا واحنا مش هنغيرها

سيف : خلاص ياست الكل خدى كل اللى انتى عايزاه

زينب: ربنا يهنيك ياولدى

عدى اليوم وجه وقت زياره سيف لبيت امانى هو وعيلته وكله كان جاهز قبل مايوصل سيف بيت امانى فى حاجه وصلتلها

ياترى ايه اللى وصل لأمانى وياترى. رد فعل ابو امانى ايه بعد أهل سيف مايوصلو هنعرف البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر من كده عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه: ندى يوسف

السلام عليكم ورحمه الله وبركاته يلا بينا نكمل روايتنا البارتى السابع عشر من روايه المنتقبه والمجنون

بقلم الكاتبه/ندى يوسف

وصلنا البارتى اللى فات عند سيف يلا نشوف ايه اللى هيحصل

عند امانى

امانى كانت قاعده بتلعب فى موبيلها رن جرس البيت بس باباها هو اللى فتح الباب

الشخص: ده منزل احمد السيوفى

احمد: أيوه مين حضرتك

الشخص: البكس ده جاى لحضرتك

احمد: من مين ده

الشخص : الكارت عند حضرتك فى البوكس

ومشى

امانى : فى ايه يابابا

احمد: مش عارف حد باعت البوكس ده

ايمان : طيب افتحه وشوف من مين

احمد : طيب لما نشوف وفتح البوكس ولقى فى فستان اوف وايت ومعاه نقاب نفس الون احمد فتح الكارت واتفاجأ باللى مكتوب فيه

سيف: إلى اجمل بنوته فى الدنيا يارب يعجبك زوقى أجهزى ياملاكى عشان جاين أنا واهلى ولو عمى جمبك قوليله سيف بيقولك اسف ياعمى عشان جيت من غير موافقتك بس بنتك محدش هيخدها غيرى انتظرنى أنا وعيلتى اتمنى متكسرش بخاطرى ولا بخاطرهم

احمد: ايه المجنون ده جايب اهله وجاين ازاى

ايمان : لا هو مش مجنون هو شارى بنتك

امانى بصدمه: ازاى عرف انى بحب الون ده

ايمان : عوض عليا عوض الصابرين يارب ده اللى فارق معاكى

امانى : ايوه فارق معايا وبعدين هو بارد جاى ليه انا قولتله لا قبل كده طيب مش هقابل حد ها

ايمان: طيب ادخلى اجهزى عشان الناس جايه نعدى اليوم ده وانا هدخل اجهز حاجه للضيافه

امانى : حاضر ياماما بس مش هلبس الفستان ده

ايمان: البسى اللى يعجبك اخلصى ودخلت المطبخ

امانى دخلت اوضتها ومسكت موبيلها ورنت على فرحه

فرحه: مونتى وحشتينى اوى

امانى : الحقينى يابت المجنون جايب اهله وجاين فى الطريق

فرحه : احلفى يخربيت كده ده واخد تهزيأ يكفيه سنين

امانى : لا وكمان لقيته بعتلى بوكس فى فستان ونقاب بالون اللى بحبه

فرحه: لا ده بقا مجنون امانى بقا

امانى : اسكتى بقا هو اصلا مجنون رسمى لوحده يلا اقفلى دلوقتى

فرحه:طيب ابقى كلمينى احكيلى ايه اللى حصل وكمان وحياتى عندك قصرى لسانك شويه

امانى : بقولك ايه أنا كده وبعدين مش بتغير عشان حد أنا وإذا كان عجبه

فرحه: خلاص ياحاجه براحتك الله يكون فى عونه هو وأهله

امانى /: امشى يابت وقفلت ماشى ياابن الجارحى لما نشوف اخرتها معاك ايه

عند سيف

سلطان : عمك اتأخر اكديه ليه ياولدى

سيف: كلمته ياجدى وقلى ابعتلى العنوان وهقابلكم هناك

سلطان:. قلبى مش مطمن ياولدى حاسس ان عمك مخبى حاجه

سيف : متقلقش ياجدى انا هشوف الموضوع ده وان شاء الله خير

سلطان: أن شاء الله ياولدى يلا شوف الحريمات اتأخرو اكديه ليه اكديه هنتأخرو على الناس

مها: احنا جاهزين ياابيه

ليلى : ايه الشياكه دى ياأبيه

اميره : يابنتى ده سيف الجارحى لزم يكون اخر شياكه

سيف : بس ياغلبويه انتى وهى اركبو يلا لما اشوف امى ومرات عمى

زينب: احنا جاهزين ياولدى يلا بينا

زينات : أكدت على كل حاجه ياولدى السواق حط الزياره كلها فى العربيه

سيف: ايوه يامرات عمى كل حاجه فى العربيه التانيه السواق هيمشى ورانا يلا اركبو يلا عشان اتأخرنا

زينب : يلا ياولدى وركبو العربيه واتجه على منزل العروسه

فى أمريكا عند أسر وياسين

اسر:ايه البلد دى يخربيت جمالها روعه

ياسين : هى حلوه بس عمرها ماتكون زى أم الدنيا اللى مهما مشيت وسافرت مش هتلاقى زى ناسها وزى الدفى اللى بتحسه فيها

اسر: عند حق يااخويا ولا الترعه اللى كنا بنتمشى عليها هنا بلدنا يابويا والله اشتقت للصعيد والناموس

ياسين: اسر بطل تريقه وهزار

اسر: طيب اللهى انشك فى دراعك بتكلم جد

ياسين/: ياابنى اعقل شويه بقا وبعدين أنا عايز اكلم ليلى اطمنها عليا

اسر: وانا كمان اطمن اميرتى

ياسين : طيب يلا رن على اميره وانا هكلم ليلى

اسر: طيب ماترن أنته على ليلى واكلم اميره من عندكم ونوفر الأتصال التانى

ياسين : ياابنى أقسم بالله أنته مجنون اعقل شويه بقا

اسر: حاضر من عيونى الجوز ومناخيرى كان قصدى اوفر بس

ياسين: ولا بطل غلاسه بقا أنا هعيش معاك لوحدنا ازاى صبرنى يارب

اسر:لو مش عجبك عزل من اهنيه

ياسين: الله يكون فى عون اميره

اسر: طيب والنعمه دى محظوظه دانا حتى طيب خالص

ياسين : بقولك ايه انا هكلم سيف يجى يعلقك من ودانك

اسر: طيب ياعم خلاص الطيب احسن أنا هرن على مرمر احسن

عند امانى

احمد كان بيرن على محمد

محمد: الووو ايوه يابابا

احمد بعصبيه :أنته فين ليا ساعه برن عليك

محمد :معلش يابابا كان معايا شغل فى المكتب والموبايل كان صامت خير فى حاجه

احمد : تعالى دلوقتى حالا

محمد : طيب فى ايه طمنى

احمد: سيف الجارحى جاى هو وعيلته دلوقتي

محمد: لا ده مش بيحرم بقا أنا هشوف شغلى معاه هو فاكر نفسه مين

احمد: محمد اهدا الناس هيكونو فى بيتنا مينفعش نهين ضيف فى بيتنا فاهم تيجى ومتتكلمش خالص فاهم

محمد: حاضر يابابا مسافه السكه هكون عندك

فى مكان تانى

شخص: بقولك ايه عرفت الخبر ده

مجهول : خبر ايه ده

الشخص : سيف الجارحى رايح يخطب النهارده ولم كل عيلته وفى الطريق دلوقتي

مجهول : وده هيفرق معانا فى ايه

الشخص : لا يفرق معايا أنا لزم احرق قلبه واكسره

مجهول : أهدى وكل حاجه هتم فى وقتها وسيف الجارحى مش بعيد علينا يعنى انا لو عايز اخلص منه هعمل كده بس فى الوقت المناسب بس الشغل يخلص الأول وهتشوف هعمل ايه فيه

الشخص: أمنيت حياتى اشوف مزلول قدامى وبعدين اخلص منه

مجهول: الصبر حلو وكل شئ باأونه

عند سيف

سيف : خلاص وصلنا البيت اهوه ياجدى

سلطان : يلا ياابنى على البركه انزلو ياولاد

زينات:مكلمتش عمك ياسيف ياولدى

سيف: قلى انو هيقابلنا اهنيه يامرات عمى

زينات: طيب ياولدى رن عليه نشوفو فين

سلطان طيب ندخل جوه ونبقى نرن عليه

سيف :خلاص ياجدى عمى وصل عربيته هناك

اشرف: اتأخرت عليكم

سيف: لا ياعمى يلا بينا بس ثوانى اجيب حاجه

سيف فتح شنطه العربيه وكان جايب ورد وبوكس تانى

زينب: قول للسواق يدخل الحاجات اللى معاه ياسيف

سيف: حاضر ياأمى يلا ندخل الاول

سيف رن جرس البيت وأحمد فتح الباب

احمد /:اتفضلو أهل سيف دخلو البيت وسيف كان فى قمه الاناقه والجمال والشياكه وعشان همه ليهم عادات وتقاليد ممنوع الحريم تقعد مع الرجاله سيف وجدو وعمو دخلو مع احمد أما البنات ونامت سيف ومرات عمه دخلو مع ايمان

ايمان : اهلا وسهلا نورت الدنيا

زينب: منور بااهله ياحبيبتى اومال فين عروستنا

ايمان : هندهلها حالا وراحت ايمان تنده لأمانى

امانى كانت قاعده فى الاوضه متوتره

ايمان : يلا يابت تعالى قدمى العصير للضيوف

امانى : طيب ماتقدميه انتى ياماما

ايمان: انجرى يابت هو ده وقت هزار

امانى : حاضر يلا

ايمان : ورايه

امانى اخدت الصنيه ودخلت عليهم وكانت لبسه فستان زهرى ونقاب نفس الون

زينات اول ماشافتها اتصدمت وهمست لزينب

زينات: زينب البت منتقبه ياخوفى لا تطلع وحشه

زينب : هنشوفها دلوك

مها : ايه ده انتى منتقبه أبيه سيف مقلناش انك منتقبه

امانى : اتفضلى العصير

ليلى : طيب انتى لبسه النقاب ليه على فكره مفيش حد غيرنا ولا تكونى مكسوفه من اميره

امانى : اميره مين

اميره : اه صحيح اتعرفى علينا الاول أنا اميره ودى ليلى ودى مها احنا توؤم بس عكس بعض فى كل حاجه

امانى : اهلا وسهلا

زينب : خلاص يابنته عاد همه اكديه يابنيتى غلبين على الفاضى

امانى: لا ده دمهم خفيف جدا اتفضلى ياطنط العصير

زينب: تسلم يدك

زينات : ماترفعى النقاب مفيش حد غريب بنتنا

ايمان: ارقعى النقاب ياامانى

امانى بغيظ: حاضر ياماما ورفعت النقاب وكلهم اتصدمو من جمالها

زينب: بسم الله ماشاء الله زى البدر المنور يابنيتى

زينات: ربنا يحفظك من العين سيف ليه حق يتمسك بيكى اكديه

امانى بزهق: شكرا ياطنط

زينب: لا طنط ايه عاد من اهنيه ورايح أنى امك كيف امك اللى قاعده دى ودى تبقى مرات عمك كيف زين مابيقولها

عند سيف

سلطان: طبعا الجواب بان من عنوانه واضح انكم ناس طيبين ومحترمين قوى واحنا يسعدنا نطلب يد بتك لحفيدى سيف

احمد : انتو شرفتونا وطبعا طلبك ده مش فى ايدى ده فى ايد بنتى

سلطان: اكيد بنتك لزم تشوف سيف وتقعد معاه ووقتها تقول رأيها

محمد: بس اختى مش هت لسه هيكمل احمد سكته

احمد: طبعا من حقه يقعد معاها وانا هخليهم يقعدو مع بعض خمس دقايق قوم يامحمد هات اختك

محمد: بس يابابا

احمد : روح هات اختك

محمد بغيظ: حاضر ومشى

محمد نده على مامته

ايمان: هانى امانى عشان بابا عايزها تقعد مع سيف وانا مش فاهم ليه عمل كده

ايمان : بس اسكت لما ناس تمشى نبقى نتكلم استنا خد اختك وديها استنه هنا لما احبها

ايمان : معلش ياجماعه بس عشان العريس يقعد مع امانى تعالى يامونى اخوكى مستنيكى

امانى : ايه لا مش نقعد مع حد أنا

ايمان : متقلعيش النقاب معلش ياجماعه أصلها بتتكسف يلا قومى اخوكى واقف بره

امانى خرجت لمحمد

امانى: أنا مش هقعد مع حد

محمد: ابوكى عايز كده لما الناس تمشى نشوف عمل كده ليه يلا

عند أسر وياسين

اسر: أنا رنيت كتير على امانى محدش رد

ياسين : وانا كمان. رنيت على سيف وليلى محدش رد أنا خايف يكون حد فيهم جراله حاجه

اسر: أن شاء الله خير نستنا شويه وبعدين نكلمهم

ياسين : ياترى فى ايه

نرجع عند امانى

امانى دخلت مع محمد عند باباها

امانى: السلام عليكم ورحمه الله وبركاته

الكل رد السلام

سلطان : ماشاء الله منتقبه يازينب ماربيت احمد : سلمى ياامانى

امانى بضيق: حضرتك عارف يابابا مبسلمش على رجاله

سلطان باابتسامه : ولا يهمك يابنيتى

احمد :تعالى ياامانى اقعدى امانى قعدت جمب باباها اتفضل معايا ياحج فى الاستراحه بره نسيبهم شويه مع بعض امانى مسكت ايد ابوها

احمد: اخوكى جمبك واخد جد سيف وعمه وخرجو

سيف كان مضايق عشان امانى ملبستش الفستان اللى جابه

سيف: كان عندى امل انك تلبسى الفستان اللى جبته

امانى : وانته تجبلى فستان ليه اصلا وعرفت منين انى بحب الون ده

سيف: سألت قلبى وهو قلى أن وتينى بيحب اللون ده

امانى : بقولك ايه انا مش وتين حد وبعدين أنا قولتلك انى مش موافقه عليك جايب اهلك وجاى ليه

سيف: امانى أنا مشفتش شكلك بس حبيتك من قلبى حاولى تشيلى الفكره االوحشه اللى اختيها عنى وشوفى الجانب الحلو

امانى: ولا حلو ولا وحش وانا مش موافقه عليك

سيف: بحبك وانتى عصبيه كده مع انى من يوم ماقبلتك وانا مشفتش غير العصبيه

امانى: بعد ازنك وطلبك مرفوض وجان تمشى سيف وقف قدامها

سيف: بحبك ومش هسيبك تروحى لغيرى ولو خرجت من هنا من غير مااقرأ الفاتحه انتى هتقرأيها عليا بعد كده وزنبى فى رقبتك

امانى : انته مجنون

سيف : مجنون بيكى

ياترى امانى هتوافق على سيف وياترى مين الناس المجهوله هنعرف البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر من كده عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ندى يوسف

السلام عليكم ورحمه الله وبركاته يلا بينا نكمل روايتنا البارتى التامن عشر من روايه المنتقبه والمجنون

بقلم الكاتبه/ندى يوسف

وصلنا البارتى اللى فات عند سيف وأمانى يلا نشوف ايه اللى هيحصل

امانى : أنته مجنون

سيف : مجنون بيكى

امانى : أنا مش موافقه عليك وبعدين أنته عرفت منين انى بحب الون ده

سيف: كان عندى امل تلبسيه ياامانى تصدقى طول الطريق وانا متخيلك لبسه الفستان بس اهم حاجه عندى انتى واى حاجه تجنن عليكى

امانى : عن ازنك بقا

سيف: امانى أنا قولتلك انى بحبك وعايزك تكونى ليا ونكمل حياتنا مع بعض صدقيني عمرك ماهتندمى

امانى بتوتر : عن ازنك بقا خلصت كلامك

سيف: خلصت ياقلب سيف بس عايز اديكى حاجه البوكس ده ليكى والورد كمان جبته بنفس الألون اللى بتحبيها وعايز اقولك حاجه اكيده مش هتكونى غير ليا

امانى ابتسمت : عن ازنك وخرجت تجرى

محمد: أنا سمعت كل كلامك مع اختى

سيف: صدقتنى ولا مفكرنى بكذب

محمد: اللى يعمل اللى أنته عملته ده يبقى بيحب من قلبه بس خلى بالك اختى لو مش موافقه منقدرش نغصب عليها بس اوعدك انى هقنعها بيك

سيف بفرح : تسلم يامحمد والله هحافظ عليها لأنى بحبها من قلبى وعايزها تكمل معايا حياتى

محمد: اللى ربنا عايزه هيكون

عند رحاب

رحاب : الوو ايوه يامحمد أنا خلاص قربت أوصل اسيوط

محمد: طيب يارحاب هستناكى على المحطه

رحاب : مالك يامحمد صوتك ماله

محمد: سيف راح يخطب النهاره البنت اللى بيحبها وخايف أهلها يرفضوه وقتها صاحبى قلبه هيتكسر

رحاب : أن شاء الله يوافقو بس ازاى أهلها ميوفقوش عليه ده سيف الجارحى

محمد: اهو عشان هو سيف الجارحى أهلها مش موافقين لما توصلى هحكيلك يلا سلام

وقفل مع رحاب وقال يارب ياصاحبى يريح قلبك

عند امانى

اميره : بقولك ايه يامونى احنا لزم تكون صحاب عشان لما تيجى تعيشى معانا نعمل عصابه فى البيت

ليلى : معلش اصلا اميره تلقأيه شويه

مها: انتى معاكى كليه ايه يامونى

امانى : معايه كليه تجاره

اميره:يعنى هتمسكى لأبيه الورقه والقلم

امانى : واضح انك لمضه جيتى فى ملعبى

ليلى : ايه ده انتى منهم

امانى: اصل بينى وبينك مليش فى التكتيفه دى الحمدلله انى لقيت حد يفك معايا

اميره: لأ كده عسل اوى كده هنفهم بعض

امانى : اشطا يازمكس

ليلى : ينهار ملحوس اشطا وزمكس أبيه سيف كده هيتجنن رسمى

امانى : يابنتى أنا اصلا من يوم ماشوفته وهو مجنون ايه الجديد بقا

مها : اه والنبى احكيلى عرفتى أبيه ازاى

امانى : شوفته ثلات مرات وكلهم حوادث

اول مره كان هيدوسنى بالحصان ومره تانيه خبط فيا فى الملاهى كان هيكسرنى والمره الثالته خبطنى بالعربيه

اميره بضحك: ينهار ابيض مش قادره ايه قصه الحب اللى كلها حوادث دى 🤣🤣

امانى : ابن عمك شكله هيخلص عليا قريب

مها: يخلص مين يابنتى ده انتى مش عارفه انتى عملتى ايه

امانى : ورحمه المكسيكى ماعملت حاجه

ليلى بضحك: أقسم بالله عسل يامونى أنا مش هروح خلينى معاكى هنا

امانى : تعالى فى حضن اخوك يافواز

ايمان: امانى بطلى هزار بقا

زينب بضحك :سيبيها براحتها ماشاء الله دى جمال وخفت دم ربنا يحميكى يامرات ابنى ياغاليه

امانى : ربنا يخليكى ياطنط

زينب: واه طنط كيف بقا عاد انتى من اهنيه ورايح تقوليلى ياماما كيف مابتقولى لولدتك قولتى ايه يابنيتى

امانى فى نفسها ايه العيله الملزقه دى طبعا اكيد زى ماما

عند أسر وياسين

ياسين : لا أنا كده قلقت محدش بيرد ليه

اسر اسر ياخربيتك أنته نمت ولا يااسر اسراااا مره واحده اسر اتخد ووقع من على الكنبه

اسر: يافضحتى فى ايه مين مات

ياسين بضحك عليه: هم يبكى وهم يضحك ليك نفس تنام واحنا مش عارفين جارلهم ايه فى البلد

اسر بوجع: اه ياضهرى ياامه ياعضمك يارضا بزمتك فى حد يصحى حد كده اه ياضلوعى اه يارجلى يخسارتك يااسر ياابن ام اسر اتفشفشت خلاص اشوفك متشحتط فى شركه فودافون ياياسين ياابن ام ياسين.

ياسين: بطل هزار بقا أنا برن على سيف وليلى محدش بيرد قلقان عليهم اوى اوى

اسر: طيب انا هروح اتعالج فى المستشفى لما حد يرد عليك طمنهم عليا

ياسين: اللهى تنوكسى مين اللى يطمن على مين

اسر: همه يطمنو عليا عشان أنا عضمى كله اطحن دلوقتي اوعا من وشى اه ياضهرى ياانى يامه 😂😂

عسل. يااسر يخربيت عسلك 🤣🤣

عند سيف

سلطان:ها ياسيف قعدت مع عروستك

سيف : ايوه ياجدى

سلطان:طيب ياحاج احمد نقرأ الفاتحة بقا وخلينا نفرح بيهم قريب

احمد: طيب معلش ياسلطان بيه لزم اخد رأى بنتى مقدرش أقرر عنها واللى هتقوله هو اللى هيمشى

اشرف: اتفضل خد رأيها واحنا قاعدين عشان نقرأ الفاتحة ونتفق على الخطوبه

سلطان: لا مش هيكون فى خطوبه جواز على طول احنا صعايده ومنرضاش نفضل داخلين خارجين اكديها على الأقل خالص كتب كتاب

محمد : وليه الأستعجال ده

احمد: استنا يامحمد ناخد رأى اختك وهى اللى تكرر

سيف: اسألها ياعمى واللى هتقول عليه أنا موافق عليه

احمد: اول مابنتى تقول كلمتها هرد عليكم

اشرف: طيب ماتسألها دلوق ونقرأ الفاتحه بالمره

احمد: على ما اعتقد انك عندك بنات واكيد لو حد اتقدم لوحده منهم أنته هتعمل كده واكتر شويه

سلطان: معاك حق مستنين منك رد نستأذن احنا بقا

سيف: هو بيسلم على احمد كان نفسى نقرأ الفاتحة ياعمى بس يلا اهم حاجه أنك تكون موافق

احمد : متستعجلش ياابنى بس عايز اقولك حاجه أنته ليك صاحب بميت راجل اوعى تخلى حد يفرق بينكم

سيف: تقصد ايه ياعمى

احمد : هتعرف بعدين

اهل سيف ودعو أهل امانى فيهم اللى كان فرحان وفيهم اللى كان مضايق سيف وهو ماشى بص لأمانى نظره حب وترجى أنها توافق

وصلو القصر

زينب: عروستك ياسيف ياولدى كيف البدر المنور ماشاء الله عليها

اميره: لا وكمان لمضه ودمها خفيف

سيف: بس يابت متقوليش عليها كده

موبيل سيف رن وكان ياسين

سيف : ده ياسين الوو عامل ايه ياسين وصلتو بالسلامه

ياسين: حرام عليك ياسيف انا بقالى ساعتين برن عليكم وكنت هموت من القلق

سيف : معلش كنا فى مشوار سيبنا الموبيلات فى العربيه

ياسين : مشور ايه

سيف: كنت بخطب

ياسين بفرحه : بجد الف مبروك والفرح امته

سيف بزعل: مش لما نقرأ الفاتحة الاول

ياسين : ازاى مش بتقول كنت بتخطب

سيف: باباها هيرد علينا لما حبيبتى تقول رأيها

ياسين: أن شاء الله تكون من نصيبك

سيف: مش هتكون غير ليا أن شاء الله

فين الواد اسر

ياسين : اسر نايم

اسر: أنا مش نايم أنا متفشفش بس

سيف،: قول للواد ده يعقل شويه

ياسين : ده لو العالم كله بقا عاقل اسر لا

اسر:عليا النعمه محدش عارف قيمتى غير اميرتى والنبى تنفع اغنيه

عند امانى

محمد : مونى ايه رأيك فى اللى قاله ليكى

امانى : تعرف ايه اللى افتكرته من كلامه كله

محمد : ايه يااختى يارب ماتكونش حاجه هيفه زيك

امانى: البوكس اللى جابه ياترى فى ايه

محمد حدفها بالمخده هو ده اللى فارق معاكى امشى من وشى

امانى بضحك : طيب تعالى نشوف فى ايه

محمد: يلا بينا وطلعو بجرو يجيبو البوكس

فى مكان آخر

مجهول : ها ايه الاخبار

الشخص : لسه العروسه هترد عليه بس انا عايز انتقم منه فيها

مجهول : ازاى

الشخص: نقتلها ونحرق قلبه عليها واضح انو بيحبها قوى

مجهول: لدرجه دى بتكره اومال لو مكنتش عمه كنت عملت ايه

اشرف : كنت دفنته حى

مجهول: شوف الوقت اللى تحب ننفذ فيه وعنيا ليك

اشرف: فى الوقت المناسب هقولك متنساش انى شغال مع اكبر عصابه مافيا فى الصعيد كلها لزم كل خطوه تكون بحساب

ياترى اشرف هينفذ ختطه وياترى سيف هيعرف حقيقه عمه ومصير امانى هيكون ايه كل ده هنعرفه البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ندى يوسف

السلام عليكم ورحمه الله وبركاته بشكركم اوى اوى على تشجعكم ليا يلا بينا نكمل روايتنا البارتى التاسع عشر من روايه المنتقبه والمجنون

بقلم الكاتبه/ندى يوسف

وصلنا البارتى اللى فات عند اشرف يلا نشوف ايه اللى هيحصل

عند امانى

محمد: تصدقى يابت يامونى الود سيف ده عنده زوق

امانى:اشمعنا يعنى

محمد: شوفى الورد اللى جايبه الونه تحفه واخر اناقه

امانى: سيبك من الورد تعالى نشوف البوكس فى ايه

محمد: البت دى مش رومانسيه خالص

امانى: بلا محن فاضى استنا افتح البوكس

امانى : فتحت البوكس ولقته مليان شوكولاته بكل انواعها وموبيل ايفون وكمان لقت كارت مكتوب لو اطول اجبلك نجمه من السماء كنت جبتها حاجه بسيطه مش من مقام حبيبتى بحبك

محمد: يخربيته ده خلص على شكولاته البلد كلها بس تصدقى انو رحمنى انى اجبلك شوكولاته سنه قدام اسمعك تقولى هات شوكولاته هولع فيكى

امانى : دمك تقيل اصلا مش هاكل منها

محمد: بجد طيب بعد ازنك البوكس

امانى : رايح فين

محمد: هاخده لرحاب ومشى

امانى : رحاب مين هات ياض البوكس قال رحاب قال تعالى ناكل الشكولاته سوا

محمد: طيب قبل ماتكلى الشوكولاته ايه رأيك فى سيف موافقه عليه

امانى: سيف مين دلوقتي يلا ناكل الشكولاته

محمد: تنشكى هتكلى شوكولاته الراجل قبل ماتقولى موافقه عليه ولا لأ

امانى قعدت فى الأرض وفتحت شكولاتيه وكلت منها وقالت والله يامحمد يااخويا مش عارفه بس بصراحه اجمل حاجه فى كل ده بوكس الشكولاته ده وكمان مامته شكلها طيوبه اوى وكمان بنات عمه لطاف اوى

محمد : على فكره أنا سألت على سيف مش اهله

امانى: محمد اسكت بقا

محمد: يبقى نقول مبروك عارفه يامونى لو مكنتش شوفت الحب فى عنيه مكنتش وفقت لكن تصرفاته وكل حاجه عملها يستهل أن احنا نوافق عليه عشان مش هنلاقى حد يحبك زى سيف

عند محمد المنياوى

محمد: رحاب حبيبتى وحشتينى حمدالله على السلامه ياقلب اخوكى

رحاب: الله يسلمك ياحبيبى عامل ايه

محمد: أنا كويس وبخير المهم انتى عامله ايه فى الجامعه

رحاب : كله اشطا وفل

محمد : ينهار مش فايت رحاب اختى بتقول اشطا وفل من امته

رحاب بتسرع: من ساعه ماعرفت مونى

محمد: مونى مين دى

رحاب: ها لا مونى دى معايا فى الجامعه المهم اخبار سيف ايه

محمد: لسه مكلمتوش والله هوصلك البيت وهرحلو

رحاب : مش مصدقه بقا سيف يقع على بوزه كده ينهار ابيض مش مصدقه

محمد: ولا أنا بس البنت اللى حبها سرها باتع جابته على ملا وشه

رحاب : ودى شافها فين دى

محمد: صدفه مشفش غير عينيها

رحاب : ازاى يعنى ماشفش غير عينيها

محمد: أصلها منتقبه

رحاب : البنت دى محظوظه انها تلاقى واحد يحبها بمجرد مايشوف عيونها ده الحب اللى بجد مفرقش معاه شكلها

محمد: طبعا الحب من اول نظره خصوصاً لما يكون بجد ربنا يوعدنا يارب

رحاب : يارب ياقلب اختك يكرمك ببنت الحلال

عند سيف

زينب: سيف ياولدى مالك قاعد لحالك اكديه ليه

سيف: ولا حاجه ياأمى

زينب: ولا حاجه كيف وانته شارد اكديه هتخبى عليا برضه

سيف: خايف ياأمى لأمانى متوافقش عليا

زينب: ومتوافقش ليه. ياولدى هتلاقى احسن منك فين

سيف: ياامى امانى غير اى حد غير كل البنات اللى انتى تعرفيهم

زينب: حبيتها ياولدى

سيف: حبيتها ايه بس ياأمى أنا عشقتها حبيت كلامها عنادها شخصيته القويه حبيت البنت الجدعه اللى مش بتستحمل الهوا على أهلها لو امانى مبقتش ليا هموت ياأمى

زينب: بعد الشر عنك ياولدى متقولش اكديه عاد أن شاء الله هتكون ليك البنت دى دخلت قلبى وان شاء الله هتكون من نصيبك

سيف: يارب ياأمى

عند البنات

ليلى : ياسين رن عليا سبع تلاف مره

اميره : وانا كمان اسر رن كتير اوى زمانهم قلقو علينا

مها: وانا كمان شركه فودافون بعتتلى كتير اوى بيقولولى برجاء شحن الباقه 🤣🤣🤣

اميره:ظريفه اوى

مها: من يومى وانا ظريفه يعنى كل واحد فيكم عندها اللى بيسأل عليها أنا بقا شركه فودافون بتسأل عليا مستكترين عليا الشركه

ليلى : بت اخرسى بقا يوعدك بواحد يطير النوم من عينك

مها: ويطيرو ليه ياأختى أنا ناقصه خلينى كده سنجل احسن خليكم انتو مع سى اسر وياسين بتوعكم دول لما نشوف اخرتها بل هم

فى أمريكا عند أسر وياسين

اسر:بقول ايه ياسين هو سيف ممكن يتجوز قبل ماننزل مصر

ياسين: مافتكرش سيف يتجوز من غير مانكون موجودين ممكن يستنا فى الأجازه لنا ننزل

اسر: تسمحى اقولك انك اهبل قال يستنا للأجازه قال ياابنى سيف اول مالعروسه تقول ايوه هيكتب الكتاب على طول أنته مشوفتش الحب اللى باين من صوته وهو بيتكلم واللى كان باين فى عنيه واحنا فى مصر

ياسين: عندك حق يخرب عقلك طلعت مش سهل

اسر : عشان تعرف أنته من غير لا تعرف تروح ولا تيجى ومقام سيدى عبدالله أنا خساره فى البلد دى

ياسين : سيدك عبدالله مين

اسر : ومقام سيدى جابر مااعرف 😂😂😂

ياسين: أنا شكلى هسيبلك السكن ده وامشى

اسر : ليه بس اكديه ياخوى أنا قصرت معاك فى حاجه

ياسين: ياابنى اعقل شويه بقا يخربيت كده

مش عارف اميره هتتجوزك ازاى

اسر: فكرتينى هات الموبيل اللى جمبك ده لما اكلم بتنجانت قلبى

ياسين : بتنجانه الله يكون فى عونك يااميره اخرت صبرك هتاخدى واحد اهبل

اسر: الله يخليك وبعدين ماانته اخو للهبل برضه

ياسين : أنا هدخل اكلم ليلى جوه خليك أنته هنا كلم بتنجانه قلبك يااخويا

اسر: وانته هتكلم جزريه قلبك برضه

ياسين : الصبر يارب وسابه ودخل اوطه

اسر: ايه ده هو أنا قلت حاجه غلط ولا ايه خساره فيكم خفت دمى دى والنعمه أنا جيت غلط على الكوكب ده

عند امانى

محمد: يامفتريه كل دى شوكولاته كلتيها

امانى: ده مسح زور بس

محمد: واضح ياأختى أنا خايف تقومى تكلينى أنا كمان

امانى: لا ماتخافش اومال اعض فى مين يعنى خليك اديك بتنفع

محمد: ربنا على المفترى

احمد: ها يامونى ايه رأيك فى سيف

امانى: بابا أنته موافق بجد عليه

احمد: عايزه الصراحه اه موافق عليه

محمد : وانا كمان يابابا

احمد: ايه اللى غير رأيك كده

محمد: شوفت اللى أنته شوفته فى عيونه

احمد: المهم اختك هى اللى توافق

امانى: أنا موافقه يابابا

احمد: عايزك تفهمى يابنتى انى وفقت لما اتأكد انو بيحبك بجد وبيتمنى تكونى ليه وعارف ومتأكد أنو هيحافظ عليكى

ربنا يسعدك يابنتى

عند سيف

محمد كان بيرن عليه

سيف: الوو فينك ياصاحبى

محمد: قدام القصر أخرج عايزك

سيف: طيب تعالى ادخل

محمد: لا تعالى هنتمشى شويه

سيف : ثوانى هكون عندك

زينب: خير ياولدى

سيف: خير ياأمى بس محمد بره هخرجله وانتى ادخلى ارتاحى شويه وانا مش هتأخر

زينب: ماشى ياولدى خلى بالك من نفسك ربنا يكفيك شر طريقك

فى مكان تانى

اشرف: ها عملت ايه فى اللى اتفقنا عليه

مجهول : دلوقتى هيجى الخبر اللى هيفرحك

اشرف: زين بس مش عايز موت عايز حاجه تهويش اكديه

مجهول : اطمن خالص كله هيكون فى تمام اطمن

اشرف باابتسامه : زين

ياترى اشرف ناوى على ايه ومين المقصود وياترى مين المجهول ده وياترى سيف هيعمل ايه لما يعرف أن امانى وفقت عليه هنعرف البارتى القادم انتظرونى

خلص البارتى ياجماعه اتمنى يعجبكم وياريت نتفاعل اكتر من كده عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ ندى يوسف

السلام عليكم ورحمه الله وبركاته يلا بينا نكمل روايتنا البارتى العشرين من روايه المنتقبه والمجنون

بقلم الكاتبه/ندى يوسف

وصلنا البارتى اللى فات عند اشرف وهو بيخطط لحاجه يلا بينا نشوف ايه اللى هيحصل

عند سيف

سيف: ايه ياابنى مدخلتش ليه

محمد: ادخل فين يلا بينا نتمشى أنا جاى من بيت عشان ادخل بيت ويلا عشان تحكيلى اللى حصل

سيف: قول كده بقا جاى عشان تعرف ايه اللى حصل

محمد: اومال يلا ياشق احكيلى

سيف: هحكيلك ياصاحبى

عند امانى

امانى: ينهار مشفلط فرحه رنت عليا سبع تلاف مره دى هتخنقنى لما اكلمها ومسكت موبيلها ورنت على فرحه

فرحه: كنتى فين يابت كل ده بقالى ساعتين برن عليكى كنتى فين كل ده

امانى : كنت باكل الشكولاته اللى العريس جابها

فرحه: ها احكيلى بقا ايه رأيك

امانى : اسكتى يابت مقولكيش طعمها لذيذ بشكل كنت حسه انى فى عالم تانى وانا بتذوقها

فرحه: هى ايه دى

امانى : الشكولاته

فرحه : يارب الصبر من عندك شوكولاته ايه أنا بتكلم عن سيف ايه رأيك فيه

امانى: اه تقصدى سيف والله يابنتى انتى مش غريبه هو قعد قال شويه محن كده

فرحه: وانتى عملتى ايه

امانى : طلعت أجرى بس محمد شاف الحب فى عنيه وبابابا كمان شاف الحب فى عنيه

فرحه: وانتى شوفتى ايه

امانى :شوفت بوكس الشكولاته 🤣

فرحه : بت أنا بتكلم بجد

امانى : طيب ياستى متزعلش هو شكله كويس وانا قلت لبابا انى موافقه

فرحه :يعنى نقول مبروك أنا جيالك بكره

امانى : لا متجيش الا لما اخلص بوكس الشكولاته

فرحه: ينهار ملحوس هتاكلى بوكس الشكولاته على يومين لوحدك

امانى/: لا هسيبلك حته والواد عمر حته عشان جاى بكره

فرحه: اشطا

عند أسر وياسين

اسر كان ماسك موبيله وبيرن على اميره وبيغنى الباميه شوكتنى 😂

اسر :. مروحش الغيط الباميه شوكتنى طيب هو كان حد قالك روحى الغيط متقعدى فى البيت ياحجه قال الباميه شوكتنى قال

اميره : الووو

اسر: زعزوعت قلبى عامله ايه

اميره: نهارك بنى أنا زعزوعه

اسر: خلاص متزعليش بتنجانت قلبى ياناس

اميره: ولا يااسر أنته متأكد انك سافرت امريكا

اسر/: اه وربنا

اميره/: امال ايه سوق الجمعه اللى داخلته ده

اسر: اسكتى مش كنت بغنى الباميه شوكتنى دلوقتي بقولك ايه يااميره انتى تقطعى النت عن البيت الا امى وامك يطلعو يغنو همه كمان امى تقول مروحش السوق فى حرامى هيسرقنى تقوم امك ترد عليها وتقولها معانا البوك هنطلع نجرى كلنا والنبى تنفع تريند

اميره بضحك: الله يخربيتك فصلتنى ضحك

اسر: واه اتحشمى يابت فى واحده تقول لزوجها المستقبلى يخربيتك

اميره: أنا بعد اللى أنته قلته ده هغيى رأى

اسر: يابنتى والنعمه كل الدنيا بتحسدك عليا بس انتى مش حسه

اميره : وربنا بحب واحد اهبل

اسر : ايه الجديد بقا مااحنا عيله هبله عادى يعنى

لو مش يلزمك يااميره يلزمنى يخربيت عسلك يااسر 🤣🤣🤣

عند ياسين

ياسين : عامله ايه ياقلبى ينفع ارن عليكى كل ده ومترديش قلت عليكم اوى اوى

ليلى : ابيه سيف بقا قالك اللى فيها متزعلش بقا كان غصب عنى

ياسين: ولا يهمك حبيبتى المهم انكم بخير

ليلى : بخير اطمن بس بصراحه أبيه سيف اختار بنت جميله اوي وكمان دمها خفيف زيهم

ياسين: سيف طيب ويستاهل كل خير

ليلى : فعلا اومال اسر عامل ايه

ياسين : بيكلم بتنجانت قلبه جوه 🤣

ليلى : بتنجانت قلبه إلى هى اختى

ياسين : اى نعم

ليلى انفجرت من الضحك ميبقاش اسر 🤣🤣🤣

عند سيف

سيف: بشكرك اوى يامحمد

محمد: على ايه

سيف: مش أنته اللى روحت لبو امانى عشان يوافق عليا

محمد : مين قالك كده انا مروحتش لحد

سيف: ربنا يخليك ليا ياصاحبى

محمد: عيب عليك ياسيف احنا اخوات وأصحاب وملناش غير بعض وانا لو كنت كده اكيد كنت هتقف جمبى صح

سيف: طبعا ياصاحبى

محمد: طيب قولى بقا لما قولت الكلام ده لأمانى كان ايه رد فعلها

سيف: اتوترت وطلعت تجرى

محمد: طيب ما ده كويس يبقى قلبها حن

سيف : اللى مفرحنى أن اخوها وافق وكمان باباها

محمد: أن شاء الله توافق بيك ياشق ونعملكم احلى فرح

سيف: يارب ياصاحبى

عند امانى

امانى: ولا يامحامى أنا داخله اعمل نسكافيه اعملك معايا

محمد : ياريت ابقى شاكر ليكى والله

امانى: طيب على فكره عمر جاى بكره لسه مكلمنى

محمد : عارف يااختى ماهو كلمنى

امانى: بقولك ايه ياحمو هو أنته مكلمتش. رحاب النهارده

محمد: كلمتها يااختى وكانت عايزانى استنها فى المحطه بس. جات ظروف عريس الغفله ده معرفتش اروح

امانى: طيب ابقى سلملى عليها اروح أنا للبتوجاز ومشيت

محمد بضحك: مش عارف لما البت دى تتجوز هعمل ايه من غيرها

امانى من المطبخ: اعمل قهوه ساده

محمد: ده انا هوزع شربات

فى مكان تانى

مجهول: كله تمام والتنفيذ هيتم حالا

اشرف : زين الحديت ده عاد

مجهول : تفتكر لو سيف عرف أنا مين هيعمل ايه

اشرف: اكيد هيموت من الصدمه

مجهول: طيب أنته ليه بتكرهو كده

اشرف: ابويا طول عمره مفضل اخويا عليا ولما قتلته وخلصت منيه طلعلى ابنه ودلوك هعمل فى سيف كيف ماعملت فى أبوه

مجهول: طيب وايه لزمه اللى هتعمله دلوقتي وانته مش عايزه يموت

اشرف: حاجه تشفى غليلى لكن انا مجهزله مفاجأة زينه جوى بس بعد ماشحنت المخدرات توصل بالسلامه

مجهول : أنته داهيه ومش خايف سيف يكشفك

اشرف: يكشفنى كيف وقتها هيكون حصل أبوه وارتحت منيهم اتنين

عند سيف

موبيله رن وكان محمد اخو امانى

سيف: محمد اخوها بيتصل

محمد: طيب رد عليه

سيف: خايف يقولى أنها موفقتش

محمد: بس رد يمكن خير

سيف فتح على محمد

محمد: سيف بيه احب اقولك انى مكنتش عايزك تاخد اختى بس لما شوفت الحب فى عنيك وقد ايه أنته شريها قلبى اطمن انك هتصونها دلوقتي أنا بكلمك عشان عارف انك مش هتنام اليل من كتر التفكير والقلق اختى خلاص وفقت بيك

سيف: بتتكلم جد امانى وفقت اوعدك أنها هتكون اسعد مخلوقه فى الدنيا دى هتكون دنيتى كلها

محمد: لو مكنتش عارف كده مكنتش لاانا ولا بابا وفقنا استنا مكالمه من بابا هيقولك فيها تيجى امته عشان تقرأو الفتحه

سيف : أن شاء الله وقفل امانى وفقت يامحمد

محمد: الف مبروك ياصاحبى

هوب حد ضرب نار على سيف واتصاب

محمد: سسسسسيف

عند امانى

وهى بتعمل. النسكافيه الكوبايه اتكسرت

امانى: خير يارب ليه كده بس يارب خير يارب

ياترى سيف هيجراله ايه وياترى اشرف هيتكشف ولالأ وصدمه سلطان هتكون ازاى لما يعرف أن اشرف هو اللى قتل اخوه كل ده هنعرفو فى البارتيهات القادمه انتظرونى

خلص البارتى ياجماعه اتمنى يعجبكم وياريت نتفاعل اكتر عشان انزل بالبارتى الجديد دمتم في حفظ الله وإلى إلقاء فى البارتى القادم

بقلم الكاتبه/ندى يوسف