تحميل رواية «المنجمة» PDF

لمنجمة

الكاتبة _كفايه

لاتنسون متابعة الحساب

تصويت وتعليق بين الفقرات لطفاً 🧡

ياعلي مدد ♕

رسايـلنه القديمه ابجي واقراهه

روحي فراگ وجـهك حيَل أذاهه .

______________________________

_ضيغم: غوشت عيوني وافترت الدنيا بيه من سمعتة كال  .

_حسن:مات زيد

صحت بصوت عالي وكع التليفون من ايدي لزمت راسي احس راح يطك ضيع عمرة فقار؟

اسمع صوت حوالية مانتبهت شلت التليفون

_بعدكم بالبيت؟

_حسن: لا جايين راح نقلة للمستشفى

_بيه نفس شوفة

_ضعيف كلش ضربة لكيناة فاقد علية

_استعجل لايموت ويروح من ايدنا فقار

_كواكب: مات ابن ***؟؟

اديها ترجف وعيونها دم صايرة هزيت راسي اي حتى تبقى وماتطلع صدمتني من كالت بحقد

__كواكب: حتى لو مات اشرح جثتة وما ارتاح

_ضيغم: كواكب اطلعي منها شافو شغلهم الولد

_كواكب: وين راح ياخذونة للمغيسسسل

انعل ابوووهم عبالهم نسكتلهم

سكتت عنها دمها فاير مانطيتها كلمة وطلعت وراي تمشي تهدد وتسب وتفشر عليهم اول ماطلعت شفت فقار يدخل ويمسح خشمة من الدم ادية عبارة عن دم ركضت وراة مالحكت بيه وصلت لكيتها يحجي وي الدكاترة يريد يدخل وهي هستوها طالعة من العملية صحت باسمة التفتلي

_شسوويت انت صدك ماات

_فقار: موتت الجلاب خل يموت ابن ***

_وتبقى تفتررر لو مااات شبيييك انتتت

صاحييي

_عووووفني بضيميييي

دخل للغرفة رغم منع الاطباء بقيت واكف بالباب كعد يم راسها مد ايدة تردد يمسح على راسها

بصوت مبحوح نطق  .

_فقار: نجومي بابا اكعدي اشوف عيونج

قبل لا اروح..

نجوم مو جنتي ضاوية يا روحي

طفوج بحقدهم وبكرهم

اريد اشوف ضحكتج ورصعتج قبل لا اروح

ماكو امل؟

بقة يتامل ملامحها انداريت اشوف كواكب مغطية وجهها وتبجي بصوت عالي تمنيت اكد احضنها واطبطب على ضهرها بس تذكرت الكل موجود

طلع فقار يمسح بعيونة لزمتة من ايدة  .

_وين رايح؟

_اسلم روحي للشرطة

_كتلتة موت فقار تخبلت انت  !!

_حتى لو ماميت هم راح انسجن

لان حالتة خطرة نزف براسة

وكسور عندة وبعد شغلات ماتنحجي

مشى بخطوات ثابتة من الصدمة ماكدرت امشي ابتعد طلعت اركض وراة حضنته وگلبي ذابحني

_لا تكولها فقار؟

روح للبستان اكعد هناك بين ماتنحل وارجع فدوة اروحلك

_فقار:لا هي فترة واطلع لاتهتم دير الشغل بمكاني

طبطب على ضهري وراح ماعفتة وحدة مشيت وياة طول الطريق ساكتين وكل واحد حركتة بصدرة نزل حجة للضابط القضية كلها  .

_الضابط: قبل دقايق صدرت دعوى بيك

اجيتنا قبل لا نجيك

اخذوة الشرطة فتت گلبي من دار ضهرة وراح

_ضيغم: سيدي شكد يبقة ويطلع

_بس يتنازلون عن الدعوى

_واذا ماتنازلو عن الدعوى

_صعبة هسة انتو روحو حاولو وياهم

بس يصحى مريضهم تنحل ان شاءلله

خابرت الولد انطوني عنوان المستشفى البية

_حسن: لاتجي ابد اهلة يتهاددون

اسامة موجود هناك هسة هو بالانعاش

لاتعب روحك

_كواكب: طلعنا من المستشفى لبيت خالي اسبوع بقينا ونجوم ذبلت ماعفناها ساعة بهذا الاسبوع خالي موعد سفرة باجر ودكت روحها تروح وياهم رغم كلنا ماقابلين  .

_نجمة: ما ابقة هنا اريد ابتعد فترة وارجع

والله بس يطيب خشمي وتتغير نفسيتي

وهناك ميس ماتعوفني

_وعمليتج شلون؟

_اراجع هناك

بعد ماشفنا حالتها النفسية مدمرة وهي مصرة على السفر مرت خالي تكفلتها وكالت تتخطى وترجع

وافقنا وكلبنا وياها خابرنا ميس نوصيها كالت مز المطار اتلكاها جهزنا غراضها وثاني يوم ودعناها

وراحت نجوم  مكسورة طافي نورها وضحكتها الحلوة خلصت سوالفها الجانت ماتخلص  .

رجعنا للبيت الحزن بكل مكان على فقار

وضرغام مچملهم رغم هذا ذهب شادة حيلها

حتى لا يفقدون قوتهم بيها فقار يسعون بقضيتة

وزيد السكط استقرت حالتة بس مايكدر يمشي

من ورة الضرب الماكلة من فقار برد گلبي بيه صدك عاشت ايدة  .

افتر النهار كلة بالبيت بلكت اشوف ذني السحارات ماكو شي هايدات حتى بالليل اطلع لليوم محد حجة على وجودي وهذا شي ريحني بالوقت الحالي

_ذهب:: حبوبا تعالو اشترو رايات نعلكهم

بجاة الحسين ابا عبدالله يخلصنا ويطلعنا من هالشدة

انطتهم فلوس وهما يسالون

_حسين: شلون لونها تردين؟

_محسين: شكد طولها عرضها

_حسين؛ شنو مكتوب عليها

_ذهب: خاب شمالكم هي راية الله اكبر

_كواكب: اني اروح اجيبها ذولة مايعرفون

_حسين: ماعدنة بنات تطلع تتفق وياي موحسن

_محسن: اتفق وياك ضلعي

_كواكب: اسكتو يلا

سحبت الفلوس منهم وهما يعاتتون بيه تالي كالت ذهب:: روحو كلكم اشترو وتعالو

ماعاجبهم الوضع شنو اروح وياهم وغصب عنهم رحت افترينا بالمنطقة جبنا رايتين اكبر شي بالمحل وحدة حمرة مكتوب عليها ياساقي عطاشا كربلاء والثانية سودة بخط ابيض مكتوب يا ابا عبدالله من جبناهن فرحت بيهن وضلت تمدح باختياري   .

_ذهب: روحو علكوهن حبوبا

رحنا نتسابق ونتدافر منو اليصعد دخل ضيغم خزرنا وصاح بينة:: شبيكم زعاطيط تتعاركون

_كواكب: خفة هالشكول مزعطة

وانت لاتصيح لا اگل لذهب خليها تطردك

سحبت راية وصعدت اركض وهما وراي وردة والبنات اجن يركض يصيحن وياكم نصعد

_كواكب: من شفتن كواكب طكتجن الغيرة

_ورد: شبيج كواكب

_يلا اصعدي الغيورة

تالي علكناهن سوى والهوى عالي يرفرف بيهن منظر يخبل واكثرية اهل المنطقة معلكين راياتهم

نزلنا لكيتهم مجتمعين جوا طلعت للحديقة ماكدر ابقى يمهم.

_وين طالعين؟

_حسين: اهوو انتي شعليج

_تعالو عندي حجي وياكم

دفعة اخو واجو يمي وكفت احجي وياهم بصوت ناصي:: اكلكم ماتعرفون سندس وحفصة وين يرحن

_حسين: نعرف

_وين بلة

_محسن: نكلج بس نريد فلوس

_واني بالوزارة انطيكم

_حسين: لا انتي بس راقبي المكان حتى نبوك من حفصة

_تردون تورطوني انتم حرامية نشالة

_حسين: محد ينطينا فلوس عاد نبوك منها احسن مانبوك من الغريب هذا حلالنا تتفق وياي موحسن

_محسن: اتفق وياك ضلعي ساعدينا ونساعدج

_كواكب: ماتشتغلون زلم شناقصكم

_حسين: حتى ابوي يطيح حضنا

_شنو هذا ابوكم لا اغنيك ولا اخلي رحمة الله تنزل عليك

_حسين: اي والله جبتيها فيت

_كواكب: سهلة اساعدكم بس خل تطش العالم

_حسين: هسة تكدرين تطلعين ويانا

_كواكب: يلة امشونا ماعدنا شي

طلعنا سوى محد بالساحة بس احنا محد شافنا من طلعنا بين ما طلعنا من فرعهم طاحت رجلينة

_كواكب: اني الدراجة ساترة علية فحطت

_حسين: احنة متعودين

_بعد بعيد

_حسين: جنا نلحكها بسيارة صاحبنا

انوب فتنت علينا واكلنا كتلة من ابوي

_اشتعلت روحهة تعالو ناجر ستوتة

ااسالفة داجة

_محسن: اجريلنة تكسي

جارجر كتلنة الحر

_كواكب: مو زين وراح اجر ستوتة

_حسين: فكر هاي نفسنا

وكفنا نريد ستوتة ماكو حتى تكتوك ماكو رحنا نمشي لهناك لكينا ستوتة اجرناها وطلعنا اني ما اندل هما يندلون طبو بينا بفروع تالي وكفو الستوتة كلنا للرجال ينتظرنا  .

_حسين: هو هذا البيت

_مبين بيت سحارة بس هسة شنسوي

_محسن: احنا ماندخل جوة اذا دخلتي

_هسة اني خايفة علساس بس اذا ادخل شگلها

_حسين: كليلها سويلي سحرر

_دطير المن اسوي سحر

_حسين: لسنديس سودنيها

_لا اوكفو اشوف شكلها

دكيت الباب وهما ابتعدو صافنة افكر شحجي وشكول انفتح الباب طلع رجال بشرتة معطبة

وشكلة يسد النفس  :: تفضلي

_زاد فضلك اكول خالي عندي واحد مسحور

اكو هنا واحد يفك السحر

_ماكو بهاي المنطقة هيج روحي منا

_اني وصفولي وكالو هذا البيت

_ماكو روحي

ركع الباب بوجهي ودخل شبية هذا صدك يحجي اكص ايدي اذا مو هو سحار رحتلهم كالو

_ها

_يكول ماكو بالمنطقة ناس تسوي هيج شغلات

متاكدين هو هذا البيت والمكان؟؟

_متاكدين لحكناها مرة

حجة ابو الستوتة

_هذا جبير بالسحر مو اي واحد يجية

الا السحارين يجون يمنة الناس العادية ماتوصلة

ماتشوفين نكر الا دكليلة من طرف فلان لو فلانة يعرفهم يلا يدخلج

_وهسة شلون؟؟

_ارجعي بعدج صغيرة ماتدرين شيصير جوة

رجعنا وياة نزلت ورحت لبيت دراهم والولد كتلة يوصلهم سولفتلها كلشي وخلتني اوصفلها المكان

وشكل الرجال ومثل ماكال ابو الستوتة كالتلي

_وهسة شلون دراهم الولد كلش متاذي

انوب لايسون لضيم هسة البيت مدري شلونة

_ماعليج روحي اني اشوفلي واحد

يوصلة انتي مثل ماعلمتج سووي

وهسة ارجعي

طلعت اباوع للمبردة ذبيت حسرة

مانمت جواج هواي ولو هسة شابعة تبريدكلو سبالت وثلج غرفة ذهب  ، كلت اجيت اجيت خل اروح لبيت سالم بس افتريت اشوف سالم طلع ومشتري سيارة راح بيها اعرف ولدة بالشغل

تاكدت سجينتي بجيبي دكيت الباب محد رد صعدت الباب الكراج فارغ طفرت وطلعت مينا شافتني وانصدمت رادت تصرخ  .

_بت النعال شمسويتلج هسة اني

_شجابج شنو حرامي

_خفة هالشكل منو هنا

ماحاجتني مديت راسي بالمطبخ وهي دخلت تبشر باوعت للباب خاف سالم يدخل ويغدرني طلعت صبيحة كوة تمشي رجعت ليورة  .

_صبيحة: ها شعندج جاية

_احجي وياج واروح

باوعت لمينا وطلعت وصلت يم الباب فتحتة مديت راسي خاف رجع كالت:: سالم طلع مايرجع هسة

_خوش اي شلونج بعد الصار افنان وين شو ماطلعت

_راحت لاهلها طردتها

_يعني بعد ماترجع

سكتت ودنكت راسها

_باعي هي غدرتج وخدعتج من البداية

هاي سنين هي مستغفلتج هي ورجلج

وهسة هم راح يغدرونج سالم مايعوفها

اذا مايجيبها ويجي وهالمرة يتزوجها

رفعت راسها وفتحت عيونهة بوسع

_كولي ماكالت كواكب هسة هو يروحلها

اكلج هو شمدريج ماعاقد عليها وساكتين

مايكولون  ؟

_ليش مايكولون

_علمود لاتكلبين عليهم انتي وياهم بكلشي

يخافون منج شوفي هسة اني رايحة

بس نصيحة اذا جابها وكالج هاي مرتي

لاتسكتين الدافنتة بطنج عليهم طلعية

واغدريهم مثل ماغدروج

طلعت من البيت بعد ماتاكدرت زرعت افكاري بيها ويجي يوم وان طال تجي برجليها وتحجي كلشي بلسانها بارادتها  مشيت بسرعة للبيت صعدت سيارة لكيت موكب يوزع قيمة اخذ ماعون سفري واحد  .

_كواكب: خالي انطيني بعد واحد اخواتي يتيمات

لا اب ولا ام كاتلهن الجوع

صاح بيه رجال جببر محزم وجهة عركان من الشغل

_انطيها بوية بعد ثنين

_رحمة الله والديك حجي ماجور واصل

ان شاءلله

صارن تلث امواعين واحد فتحتة اكل منه واني امشي ما اتحمل ريحتة واني جوعانة وصلت  دكيت الباب والگمة بحلكي فتحت الباب وردة

_وين جنتي ولج

_بالموكب

_وهاي جبتيها النة

_لا عيني لاخواتي جبتهن انتي عندج اخو

خلية يجيبلج

_شكد نحسة دنطيني وياج

لاكتني نيزك لازمة صفاحها

_وين جنتي ولج انتي شنو من بشر ماتكعدين

هسة انطينا خبر اني طالعة

_انطيتها المواعين

_جبتلج قيمة مو زين البعيجي جايبلج قيمة

اخذتهن خازرتني امير ورضا اجوها يركضون اخذتهم توكلهم واني كعدت اكل بماعوني

_حسين: منيلج القيمة هاي

_على الشارع موكب يوزع دروحو راح تلتم الناس

وتخلصة

راحو يركضون كملت دخلت جوة ذهب كاعدة كالت

_انا كل سنة العشرة كلها اطبخ هالسنة حتى موكبي مادكيتة

نزل علي صاحتلة

_حبوبا الموكب باجر اريدة منصوب وكامل

هز راسة باي وهي تدعيلة

_بجاة ابا عبدالله تزوج وتستقر

من شفت ضيغم نزل وجهة مايتفسر كعدت يم ذهب عاقلة  .

_ذهب: ها حبوبا ما انطيتوهم فلوس حتى يتنازلون

_ضيغم: هما مو بعازة الفلوس بس يردون

يذلونا

_وهسة يبقى اخيكم بالسجن عمت عيني

_ضيغم: لا اكيد اوقعلهم على عقد

بلكت يتناولون ادعيلي رايح

خزرني يريد يكفخني المثقف لابس اسود يلمع لمع طالع ويشك شك الصراحة  .

_كواكب: اكلج ذهب اذا سويتي موكب اكعد وياج

_صار حبوبا بعيوني

رجعو الولد جايبين سفريات قيمة انطو واحد لذهب يتلوكولها  .

_حسين: حبيبتي هذا الج جبناة خصيصاً

_ذهب: يابعد روحي اروحلكم فدوا

هي تنطيهم فلوس من يطلبون من امهم وماتنطيهم كعدو ياكلون ويخزرون بية  .

_سندس: تاكلون ماجبتو لبناتي وياكم هم كولو بنات عمتي

_محسن: عرفة ولفة عمتنا بناتج حتى مايباوعن بوجهنا بت الحلو

_سندس: تكرهونهن مو بيدكم الله لايعوزهن الكم الفگورة ضلو بحسرة الربع

رحت يم البنات وهما يتلاغون

_اكلج نيزك انتي حامل؟

دنكت وهزت راسها

_يمكن

_متغيرة شنو يمكن اكيد بس باعي

ديربالج دكولين اني حامل

رفعت حاجبها كملت

_ولج بس يعرفن يطيحنة لو يسولج شي

البسي شي عريض لاتخلين بطنج تبين

ولا تاخذين من ايدهن شي ولا رجلج

سكتنا من مرت اسيل بصوت عالي حجيت

_كواكب: يلا نيزك لغرفتج روحي اكعدي مو كل الشغل عليج وباقيات بس يتفرفرن الحبايب

خزرتها صعدت

_اسيل: وانتي شعليج هم نزل ويدبج على السطح مو خطار جاية شعليج

_كواكب: شوفي لج لاتطولين لسان وياي

مو عبالج اخواتي واسكت ولو البيت باسمج

اكوملج اكتلج

_اسيل: مو صوجج صوج الفاج هنا

_مثل ما لفوج ومحد يباوع بوجهج غرفتج

اطوطي محد دايس عتبتها

راحت لذهب تشكي مني شتريد تسوي ام الوصخ

دخل ضرغام راحت تشكيلة جبها ماي مقري علية

انطيتة اله وهي تخزر بية  .

_كواكب: هلا بالنسيب الذيب اشرب ماي ريگك يابس

_اسيل: تحجي علية وتهيني تقبلها

_كواكب: نيزك كلبها كام يوجعها والشغل كلة عليها طاحت وصعدتها تكلي خليها تسويلي اكل اني حامل اكلها البت مواتة كومي سوي لروحج

مو تشتغل من الصبح

بقت صافنة بوجهي لزم راسة وصاح

_ضرغام: شبيججججججن صغاااار

ماتشتغلن مو مررررررريضة

عافها تحجي وصعد بقت عينها مكسورة وراة

_كواكب: هو يموت عليها تدرين حتى وهو مشبع سحورة وصحتة مو ذيج الاولية هسة انتي ضلتج هنا شكو؟ لو تسويلة الف سحر مايحبج

سامعة المثل اليكول لا اريد رجل البلسحور. ولا طفل البلنذور ثنينهن مايدومن

عفتها وصعدت ضلت محترك دمها كعدت بالممر افتر وامد راسي من المحجر اشوف اليروح واليطلع

صعد قبس شافني مر مني  .

_اكلج كواكب

_كول عيوني

_ماطول انتي هنا ماريد بت سندس تصعد يم شهب

_صار

_فهمتي ليش

_فهمت رغم ماصارلي هواي

_والله ماكو مثلج ثنين هسة تطمنت

راح لغرفتة طلعت حفصة من غرفتها نزلت راحت للحديقة كعدت اجو حسين ومحسن يركضون باوعو منا ومنا محد  .

_حسين: روحي لهيها بين ماناخذ جم فلس

_كواكب: تبوكون بمحرم؟

_محسن: عدها فلوس بكد فلوس يزيد

حتى ماتكدر تحسبهن واحنا مفلسين تاخذنهن وياها من تموت

هزيت راسي وطلعت كعدت يمها

_ماتسويلي جاي وياج

_صار

جبت القوري حميتة وصبيتلها جاي ذولة بعدهم جوة اخذتة الهم شربت منه:: شماله هذا الجاي يلعب الروح

_ها يمكن الهيل خربان

كامت تريد تسوي جاي

_لاجيبي اني اسوي جديد

_لاع اني اسوي انتي كلشي ماتعرفين

راحت للمطبخ غسلت القوري وسوت جديد خلتة على النار وراحت تمشي لغرفتها لزمتها من ايدها

_المن راجعة لغرفتج امشي نطلع برا

_لا اريد اكعد بغرفتي

_بس اراويج شغلة برا شفتها

_اشفتي

صفنت وكتلها

_دم الكاع تطلع دم اسود

_يااع

_اي شفتها هناك دتعالي وياي

راحت وياي واني اباوع بالكاع واكلها

_هنا شغتة مدري هنا وين راح

وهي تدور وتباوع عفتها ورحت اركض كتلها

_الجاي احترك راح اطفية

ركضت للغرفة ناكتين الغراض

_ولد النعال راح تجي اطلعو

_يلا يلا طالعين

عفتهم وطفيت الجاي صبيتلها واخذته

_ماكو شي بالكاع

__اختفى يمكن اني هيج شفت

عفتها تشرب جايها ورحت لذهب تحضر بالرحمل شغلت سورة البقرة وخليت جوري تربطة بالديجي حتى ينضف البيت من الحسد والسحر والطاقة السلبية   .

______

_نيزك::دخلت اسبح طلعت دايخة من تمرض ضرغام نفسيتي تعبت كلش رطبت ادية ورشيت عطر نمت بدون ما امشط شعري حتى مابيه حيل

وقبل لا اغفة اتذكر تصرفات ضرغام كل يوم بشخصية حسيت عندة انفصام تعبت اريد اطلع من هذا البيت وايست من اجت كواكب وتفكيرها يختلف صاير ادور سحورة  لو نجمة والصار وياها بصفحة غفيت وحسيت الباب ينفتح كل ضني كواكب لو امير بس من حسيت ايد خشنة ترفع شعري عن وجهي عرفتة ضرغام شجابة هذا

هو مايجي ولا يطلع من غرفة ذهب لو يروح لاسيل

ماكعدت ولا دقيقة بس الحقيقة لايمي ولا يمها

وثنينا مايحاجينا  .

تمدد وراي وايدة صارت على بطني حاضني

قشعر جسمي وابتعد سحبني اكثر وخلة راسي على صدرة يبوس بيه فتحت عيوني غصب عني اشوف وجهة بقيت صافنة بيه وهو صافن بية خنگتني العبرة وغمضت عيوني ماريد ابجي قرب شفايفة من عيوني يطبع بوسات عليهن  ويهمس بصوت تعبان  .

_جاي اتعالج لخاطرج

والله تعبت من السادة من سيد لسيد

متحمل بس اصير زين وارجع ولهان بيج

_تعبتني فوك ما اني تعبانة

_حقج علية اعوضج والله

غمضت عيوني وهو يحجي

_لا اتعبين عوفي الشغل بعد لا تنزلين جوة

بس وقت الاكل اكلي واصعدي عوفيهن هنا يشتغلن مريضة انتي

نمت بس هو مانام احس بحركتة لو يمسح عيوني لو يبوسهن ويلعب بشعري لهناك اسمعة يحجي وي امير ويلعب وياة امير يضحك بصوت عالي من كعدت مالكيتهم يمي لبست شالي ونزلت كلهم مجتمعين جوة بس كواكب ماكو صرت ماروح اشوف شهب بوجهي ادورها  .

لاگتني ريا واختها كالت فوك يم اختج

رحت اشوف الثلاجة اسويلهن اكلة واخذها

جذبني صوت رفل تبجي طلعت اشوف شبيها رجعت ليورة من شفت حسن لازمها من زندها بقوة ويحجي بحركة  .

_حسن: محد يحبج بكدي لاترضين بابن خالتج

ادري بامج تريد تزوجج انتي مادام ماتردينة

لاتقبلين بية وباي احد يجيج

_رفل: حسن عوفني والله ماترهم ابوك ماتشوفة

شلونة حتى مايريد يزوجك

_بس انتظري اتخرج بس سنة ضلت واخذج

_رفل: محد يقبل والله

_ازوجي وشوفي شسوي

نترها وطلع يمشي سريع بقت تبجي وحدها

ما انطاني كلبي اعوفها وامشي رحتلها ومن شافتني بس تمسح عيونها  .

_ها نيزك

_حسن يحبج

دنكت راسها تشهك

_رفل: شنو الفايدة من حبة والله اتمنى مايحبني

_ليش حسن  خوش ولد  عاقل ورزن وطالب

_ابوة مايريد يزوجة وابوي ماينطية

_خطية لاتعوفينة اذا تحبينة

راحت تركض جوة باقي بالي وياهم

اجت وردة تباوع منا ومنا من شافتني كمزت

_نيزك: شبيج

_جنج حرامي ماتكعدين بغرفتج

واني اكطع فواكة حضرت صينية باجباس وحلويات  .

_اكلج هاي لضرغام

_مو هنا ضرغام

_زين خلي نجمعهن بصينية وحدة وناكل سوى

اخذتهن من ايدي وسوت صينية صعدت بيها كدامي لغرفتهن كواكب مجطولة على الجراباية ورافعة رجليها وكلهن ملتمات خلت وردة الصينية كدامها عدلت كعدتها  .

_كواكب: عفية بورد الورد جرريمة

_ورد: اكلن بخيري

التمن وكواكب تخلي ثنين ثنين بحلكها

حتى حجي ماتحجي  .

_ورد: شبيج خلصتيهننن

_كواكب: ملطلطة ماشايفة الا اكل لاخوج

واخلية يجيبلي طن تعال موري اكل هاي وردة

تبلع بلع

_ورد: الله بنات مانروح للمجالس

_كواكب: الطمي بعد حيلي احاا لطامة انتي

_ورد: لا ولج جمعة  وهم اشوف صديقاتي

_نيزك: اه هسة اكو

_ورد: اي والله اكوو

_نيزك: منو الياخذنا

_ورد: هسة اروح لذهوبة تاخذنا بدلن بسرعة

رحت لبست على السريع وامير سهلة مشتريتلة دشداشة سودة هو ورضا طالعين يموتون

رحنا اني ورفل واخواتها سحلتهن وجوري وردة

للمجلس توسلت بكواكب تجي تضحك علية

_كواكب: جيبلي ثواب الماتجيب لا تجي

راحن البنات واني بقيت كعدت يم شهب

_اكلج كواكب اريد ادرس خارجي

_ماتدرسين شوكت مو خلصتيها مسلسلات

_لا والله صرت اقرا بس اكو اشياء ما افهما

_هسة دقري السهل والصعب نشوف منو يشرحلج

اني بكلشي فالحة الا بالدراسة

_ماترجعين ادرسين خارجي

_راح واهسي بيها أصلاً ماحبها شريد اصير بالوزارة ماطول اقرا واكتب هاي هية انتي ادرسي

اني ونيزك انتهت رحلتنا بيها

انفتح الباب درت وجهي عبالي قبس طلعت ولاء

لابسة الوان هي واختها البنات كلهن لبسن اسود بس هنا دخلت اجت يمنا  .

_هلو بنات بقيتن هنا نفسي هههه

_شهب: تعرفين ماكدر امشي والله جان رحت

كعدت تباوع لشهب وتحجي وياها عيونها تلمع بس تباوعلها تنرفزت من نظراتها كمت من مكاني

_يلا شهوبة نامي امشي ولاء نطلع

_ولاء: هي ماتنام هسة بعد وقت

_لا مو بعد وقت امشي نطلع

ردت اشيلها واركعها بالحايط لزكت كوة طلعت هاي الفاهية ماتطردها مو قبس مايقبل سديت الباب بقت كدامي تباوعلي  .

_شعجب انتي مو نفس اخواتج

_من اي ناحية؟

_يعني جسمج مامتروس ماعندج صدر ولاخلفية

_ها اي وشتردين عندي ماعندي

من باوعت بعيوني واني اريد اكفخها على عينها

ابتسمت وكالت:: اكول ماتشبهينهن يلا باي

_اوكفي انتي مو بعدج صغيرة ليش تطلكتي

_ماتفاهمنا

_ها باعي امج وين تروج

_مافهمت

_يعني تطلع شعدها ماعدها اذا كلتيلي الج التردينة

غمزتلها ومشيت، سندس اذا ما اخنگج خنگ بسيطة صعدت فوك السطح ادور بالمكان لان اغلب النسوان يسون سحر فوك حتى محد يشوفهن ولايشم ريحة بس عجزت الكة معقولة شغلهن هيج نضيف نزلت احوس صاحت حفصة  .

_دوختيني شكد تفترين ماتعبين انتي

_رجلية وحرة بيهن

_سندس: شوكت تمشين لو تردين تضلين هنا

_كاعدة على كلبج ياعيوني

_دعاء: وانتي ماتحسين ولد هنا وزلم غربة

كعدت على القنفة وشمرت ادية

_نسابتي عيوني انتي وانتي هم مثلي بليلة ويوم اجيتي وكعدتي شايفينج يعرفونج هم ما استحيتي

_دعاء: عمامي ولد عمي

_هاجر: شكو صوتجن عالي

_سندس: ماتشوفين هاي النزل لسانها شطولة

_هاجر: لاتحاجنها ماترد عليجن واني هم سمعت كلامجن شعليجن بيها كل واحد كاعد بمكانة

مامخسرتجن لو ماثرة عليجن كومي حبيبتي اصعدي لغرفة اختج

_من يجن اصعد اريد ابقة هنا

بقن يحجن واني اباوعلهن ساكتة ادري ليش يحجن لان افتر وراهن من اجت ذهب والبنات سكتن امير كدامهن يركض بيدة حلويات  .

_تواتب سوفي ازبت

خلاهن بحضني رفعتة كعدتة يمي افتح واكل وذهب طلعت من جيبها كيكة وعصير خلتهن بحضني

_انا ماحبهن هاي الج

_بعد روحي حبوبا

اجة ضرغام راح لغرفة ذهب تمدد ونام طفو الضوة علية ونيزك لغرفتها بس صعدت لكيتهن يخابرن بنجمة كعدت يمهن حاجيتها شوية وراحت واحس بيها علمودنا تضحك وتسولف خشمها بعدة ملفوف

وكلبنا متلوع عليهاا خالي طلكها غيابي وفلوس الحاضر تنازلو بيها الها بس يسكتون ويلفون الموضوع وحتى من رفع دعوة كلولة خطيبتة بعدال مرتة وهو يكول متفقين عادي سد الموضوع خالي واخذ الفلوس انطاها الها مارادتها زيد طلعوة من المستشفى وبعدة مامتنازل عن الدعوى فقار جان ناوي يقتلة موت على حسب التقارير والضرب الماكلة زيد وحتى سمعت من مرة خالي ضاربة على المنطقة الحساسة منين ماتريدة متاذي  .

خابرت ميس وصيتها ماتعوفها

_والله كل يومية يمها واطلعها اغيرلها جو لاتخافن ولاتهتمن جاي تسترجع نفسيتها شوية شوية

_نيزك: والله كلبي نار عليها ماعرف شلون خليتها تروح

_ميس: احسن شي من خليتنها تسافر وماعارضتن الفكرة صدكي لو باقية ماتتخطى لاتخافن نجوم بامانتي

اجة قبس رحنا لغرفة نيزك تمددت على الجرباية

وامير اجة هو ورضا  .

_رضا تعال يمي

اجة عدلت كعدتي ركزت بشكلة وكتلة

_حبيبي انت شنو اسم ابوك

_دواد

_متاكد خاف ضيغم ابوك

_لا اهوي هدا

_خاب مو تشبهة حتى نفس العيون خاف

متزوج بداية شبابة و مرتة جابتك انوب ماتت

وياسمين ربتك كبرت عبالك امك

بقة يفر بعيونة واني راسي انفر طلع من الغرفة طفت نيزك الضوة واجت نامت بصفي  .

_نيزك: ماتروح لسهلة تنام يمها

بقة صافن يباوعلنة

_كواكب: تعال نام يمي

_نيزك: وسهلة

_خل رجلها ينام يمها

ضربتني هسة فشرت شامرة ابنها على المرة

اخذتة بحضني فد مشتاقتلة بوستة وشكد سولفنا يلا نمت نص الليل كعدت على كيف وسديت الباب البيت اضلم نزلت لغرفة حفصة مسدودة دنكت باوعت جوة من الباب ضلمة دفعتها على كيف مقفولة من جوة يعني ما طالعة رحت لغرفة سندس باوعت من جوة ضوة خفيف نايمات رفعت راسي وكمزت احس الدم وكف بعروكي احس واحد وراي واخاف ادير وجهي ويطلع واحد من عمامهم كلت خل اواجة التفتت وذبيت نفس من شفتة ضرغام عاكد حواجبة  .

_شتسوين

طلعت للمطبخ بدون مارد علية لحكني كلبتها عليى

_انت شتسوي طالع بنص الليل بس لاجنت يم اسيل وتسوي روحك ماتريدها بالنهار

_لاتضلين تلغين كولي شتسوين

_المحقق كونان اشتغل على باب الله طالبني طلابة

_شغلج تباوعين من جوة البيبان

فتحت الثلاجة زين بيها فواكة طلعت اكل وهو بعدة وراي:: روح نام عزيزي لو عندك شغل وعطلتك عنة

_انتي خبلة مو صاحية

_نفسك

هز ايدة وراح طلعت وراة شفتة راح لغرفة ذهب شكيت جان يم اسيل رحت لغرفتها دنكت باوعت من جوة بس ضلمة يعني نايمة طمرة كون تلمست كلادة سن الذيب وصعدت فوك افتر مريت بغرفة ضيغم ونزلت جعت كعدت اكل شلكة كدامي غسلت وصعدت صدك هالمرة انام ومن الصبح كعدت

هذا اليتريك وهذا اليروح للدوام من شفت اسامة يخزرني طلعت بس هو شلون شخصية وحلو

مرتب بشكل  كعدت بالمطبخ مرتة تسوي ريوك

ودتلة ورجعت كالتلي:: اسويلج ريوك؟

_اذا ماتصير زحمة عليج سويلي

_ادللي

_اني جان سويت بس ماعرف اشغل الطباخ

اخذت البيض وهي تسالني

_انتي بالمدرسة

_لا مبطلة من زمان

_حرامات شنو تشتغلين لو كاعدة

_هيج وهيج انتي مو جنتي مريضة صرتي زينة

التفتت علية اخذت الملح وكالت

_منو كلج مريضة؟

_مرة لكيتج بالمستشفى فقار، وقبس جانو وياج

رفعت عيونها وكالت

_ماتذكر لكيتج بالمستشفى

_اي مو جنتي تعبانة

كلت البيض وخدرت الجاي خلت كدامي مواعين كيمر وجبن مربي ومثلثات  .

_هاجر: البيض افرغة من الطاوة؟

_لاعادي جيبية هيج

خلتها كدامي تشكرتها وهي تكلي

_ماسويت شي حبيبتي بالعافية

اكلت وهي تعزل بالمطبخ دخل رجلها راح بنفسة يصب جاي وهي تحاجية:: ماتنازلو عن الدعوى

_بعدهم

_وشلون يبقى بالسجن

_مايموت بس خل يتعلم يسيطر على اعصابة

اخذ الجاي وطلع رفعت راسي على العطر عبالي ضيغم هذا عطرة بس هو ماكو تالي دخل عضيت شفتي عطرة يدخل كدامة مو عطر هذا جايبة من فرنسا.  ! لبس رسمي متانق على حباية ونص والله اله خلگ جان مستعجل  كال صباح الخير

واني اخزر بية

_هاجر: اسويلك ريوك

_لا مستعجل هذا ريوك

بقة ياكل من ريوكي وهو واكف باوعت لهاجر طلعت برا كتلة:: عود تشيم انت؟

_شكو

_تخلي عطر ساطوري وتسبح بية وتخلية يسبقك والكل يشمة زلم ونسوان تعرف الله انت عود

ماجاوبني اكل كم لكمة وهز راسة متحلف

_البارحة تفرفرين ام التفرفر ما اوصيج

اطلعي اليوم وشوفي

_دولي وروح مني لا اگل لامك عليك

_بسيطة كواكب اني اعلمج

_شتعلمني دادة دور بيتنا بالمنصور

خزرني وراح ضليت اهز بيدي وراة طلع علي مبين مايروح للدوام بملابس البيت للعشرة رجع يحجي وي ذهب هي دكلة  .

_اليوم اسوي لفات

وياك ببسي جيب ولاتنسى كاستر ولبن جيب مسواك كامل مو كل يومية

طلع كعدت يمها

_راح توزعين بالموكب

اي حبوبا انا كل سنة اكعد واوزع العشرة الاولى والثانية

_واني اروح وياج

_صار،

باوعت منا ومنا وكلتلها

_كلشي ماكو ذني منخمدات بالليل

_ضلي وراهن يطلعن مايضلن

ياسمين وسهلة يسون غدا بس نزلت نيزك ماخليتها لغرفتها صعدتها وكتلها لاتنزل وقبل لا اعوفها

نبهتها:: لا دكللين ضرغام انتي حامل

_هو مايقبل جان يشربني حب مانع وهاي جان كلشي مابيه مو هسة ماعرف شيسوي

_اي عفية

كعدت بالصالة اراقب الرايح والجاي

اجة علي محمل مسواك رحت احمل وياهن الغراض

وترست المجمدة صناديك ببسي ولبن عصاير

كعدت ذهب وجناينها والبنات كلها تشتغل حتى اني وياهن نفتح الصمون وهنا يثرمن لحم وكرفس يسون كباب جوري على الزلاطة هي وشهب

كلن الكباب واحنة نسوي لفات وناس تخلية بعلاليك صارت صينية جبيرة متروسة لفات

خلنها فوك الثلاجة كل وحدة راحت تسبح والحمامات انحجزت بقيت اني اريد اسبح

ذهب راح تروح دفرت حمام الفوك البنات بيه غلطت عليهن ورحت لحمام ضيغم شلون غرفة تفتح النفس اجيت البس ملابسي وتشيرتي وكع بالمي وهذا منكع لفيت المنشفة ورحت لكنتورة

مرتب اكثر من حياتي المخربطة اخذت تشيرت اسود سادة لبستة رجعت كلشي لمكانة وطلعت بس التشريت عريض علية كالت ذهب للعصر مو هسة رحت نمت ومن كعدت لكيتها تريد تطلع نيزك تمشط بشعر امير ملبستة دشداشة سودة

ا صيحت بالبنات على شال بس اطنها خلته بيدي كالت

_لفية على راسج حرام الموكب للسيدة زينب عليها السلام

شمرتة على شعري والتشيرت الابستة مو نص جوة العكس لان جبير، طلعنا ناصبين الموكب

يم بيتهم بس جبير عبالك جادر فاتحة

بيها مبردة جبيرة وكراسي ومثل الميز علي يسطر علية لفات وجاي قوري جبير، مخدرين والقصايد بصوت عالي مشتغلة

الدنيا العصر والشارع لان محرم بيه ناس تفتر شباب وكبار ومن شافو الموكب كعدو وذهب تسولف وياهم الجهال صارت تجي وزعنا نص وهواي بقة  .

_اكلج ذهب ما تخليني اروح اوزع على البيوت

_

اي بعد حبوبتج

شال علي صينية صغيرة ترسها علاليك اخذتها فوك راسي ورضا وامير وياي يدكون بالباب خلصناهن ورجعنا كعدت على المبردة حريت وذهب ادك رجلها وي صوت القصيدة مركزة هي وعلي ولدها اجو وكعد بالموكب لليل وكفو الموكب بابهم عازيمنة صرنا عرك فوط السطح تالي عفتهن ونزلت جوة طلعت وضيغم خزرني اجة باتجاهي دخلت اركض وصوت القراية عالي ودك الزنجيل والطبل صعدت فوك  .

_ورد: حل حل رجعتي

_هذا اخوج الخايس يولي مني احسلة

مديت راسي ضرغام لازم الطبل ويدك بية بقوة

وعلي يضرب زنجيل على ضهرة وحسين واخوانة هم يضربون ضيغم يدك على صدرة على كيف ويباوعلهم واكف على صفحة قبس يدك زنجيل ورد تصور بيهم تراوية لشهب  وكف الملا قراية  وزعو ثواب وراح

دخلو جوة بس علي والشباب راحو وياهم  .

_ورد: صورت قبس حتى تصدك شهبةدكول مايلطم قبس

نزلنا شهب جوة بالحديقة خطية تكسرت من الكعدة ورد جابتلنة ثوابات صينية كعدنا ناكل واني اكثر وحدة تاكل من بعد وردة  صعدن كلهن

من التعب نمت احس يشعور حلو خاصة اجواء محرم اول مرة نعيشها بهاي الطريقة جان الموكب مايدخل بفرعنا ولامرة سوينا قراية لو ثواب

يكول الشمر مو سالم نص الليل كعدت راسي يوجعني نزلت بالحديقة افرك بية ومضات تجي براسي عيوني تبقة توجعني فزيت على وجد شخص كدامي بس شفتة ضيغم تنفست براحة

_شعندج كاعدة بهليل

_انت شعندك كاعد

_ترجع السؤال بسؤال

سويتلة مجال كعد

_اكلك روح جيب اكل وتعال

_ماعندج سالفة غير الاكل

_لا خليني بالاكل احس جوعانة والثوابات تارسة البيت مو بس الثلاجة

_روحي جيبي وتعالي

_زلمة انت زلمممة والزلمة يكوم من تنخاة مرة

_هسة صرتي مرة ومنو. تريد تطلع للموكب؟

ابتسمت سحبني من تشيرتي يلوي بية من ناحية صدري عكد حواجبة تلمس التشيرت ضربت ايدة

_ولج هذا مو تشيرتي

_لاا مالتي

_تجذبين علية اعرفة من خامتة ماموجود هنا

_من باريس جبتة دولي

طفرت للمطبخ لا صدك يعرف مالتة جبت كيك وعصير ولبن ولفة لكيت كلهن كرفتهن بادية

كعدت بعيد عنة سطرتهن وبديت بالفة والبن

وهو يباوعلي  .

_روح اكل اكو بعد لاتخلي عينك

اكلتهن كلهن ولاتحرك بس يباوعلي

_ضيغم: بس اريد اعرف هذا الاكل مايدخل معدتج؟ تسريب يروح  ! شو تاكلين خير من الله ولا تسمنين

_السمن للناس الكاعدة اني امراة كادحة

_اي كلتي كادحة ام لسان لسانج يوكف عشيرة

_دعوف العشيرة وكلي فقار مايطلع خطيةة

هو نضيف السجن راح يخلية تلعب روحة

عاد اخذولة اكل حتى لو من هاي الثوابات

_ذكرتيني شلون دكولين لرضا امك ميتة وابوك ضيغم مو اخوك

_يمتهااا انييي ها اني اي بس اشاقة

_هي مال شقة ترة يفتهم كلشي مو عبالج صغير،

_اكلك اني اجذب ما اتشاقة صدك حجيت

يعني هو صغير ويشبهك لوتي تكلي اخوي هسة طلع ابنك والحجي الكلتة صح عليناااا

_انتي تفكيرج متطورر

_فكر بيها مو البكدك عدهم جهال هيج عمرهم انت وحد قابل صيرر سبع واتحمل مسؤلية ابنك

هز ايدة وكام

_يلا روحي نامي كومي

_هسة الجنانوة تطلع اروح اطردهن ماطول شبعت وصار بية حيل

_الانفجار، صدك اثر على عقلج مو جذب

طلعتلة الكلادة رفعتها اهز بحواجبي

_سن الذيب للذيبة

ها صدك عود بالموكب ليش ماادك زنجيل مثل

علي شكبرك تصير هي الزلم ادك زناجيل نسابتي

حبيتهم من دكو زنجيل خاصة قبس ولاتوقعت كلت مثقف

_للنوم يلا

_دروح نام ابو العطور

صعد واني بقيت كتلة شوية واصعد بقيت كاعدة ماتحركت صايرة شجرة كدامي خفضت انفاسي من شفت عدنان يمشي ويتلفت عبالك عندة شي طلع من البيت كمت من مكاني وطلعت وراة على كيف فتحت الباب اشوفة بعيد صار يمشي رجيلي

وكف براس الفرع ماكدرت امشي بعد بقيت بمكاني اشوف مرة لابسة عباية اجت يمة ماعرف شنو حجو ولا شفت شنو انطتة وراحت رجع واني ركضت دخلت جوة وبوجهي فوك مديت راسي من المحجر انفتحت باب سندس وطلعت وهو اجة ماسمعت شنو كالها وكل واحد رجع لغرفتة شجاي يصير معقولة متفقين يسوون سحر؟ حتى يبقى الورث الهم   !!

رحت لغرفة ضيغم فتحت الباب دخلت سديتة وفتحت الضوة الخفيف كلت اذا احد مر وشاف الضوة الابيض يفكر اكو احد يمة، جان متمدد على الجرباية رفعت راسة اشر بيدة شكو رحت يمة كعدت على الطرف يمة وجسمي يرجف احجي بصوت ناصي واشرحلة  الصار.

_احس عدنان هو يسوي السحر وسندس وامة وياة

_وشنو يستفادون ضرغام بشنو ماذيهم كلهم يندارون علية بسحورتهم 

_ضرغام سندس مسويتلة حسب المعلومات الدقتتها هو ضاربها قبل فترة وهم حسب المعلومات الاجتني من مصدر ثاني اسيل ماتطلع تودي بيد سندس وصار السحر سحرين هم صحتة وهم خلنة مايريد اختي بس الموضوع مو لهنا ويخلص

_لعد

_الموضوع اكبر من ياذون ضرغام ذولة يردونكم تعوفون البيت وحسب الوصية المايكعد بالبيت بين ماتخلص السنة ماياخذ ورث وهما مايردونكم تاخذون ورث فمايكدرون الا بالسحر

صفن بوجهي وكال

_وهسة

_ماعرف بس كتلك الزلم دخلت بالموضوع هسة

بس كون نعرف وين مخلينة حتى نبطلة

ومو بس هيج لازم نعرفهم وين يرحون يسوونة

هما نفسهم اليسون نطيهم فلوس يبطلونة

حتى يستفادون

_والله تعبت عوفي هاي السالفة حيل متعمقة بيها انتي

_هو غير جايبيني حتى اكشفها واولي

_عجبتج العيشة هنا

_اممم ليش تسال

_احب اعرف الفرق بين قبل وهسة

_هنا جمعة اكثر، من شخص

بس احب ذهب واخواتك واخوك هم ومنا ومنا

ابتسم تك خد وكال

_واني ماتحبيني

_حب حب حب؟

_اي حب

_لاااا بس هيج كلكم احبكم نفس الشي

_امم اذا ماتحبيني ليش تخليني ابوسج؟

_يمتهااا خليتك تبوسني غير مرة واني مادري

وبوكتها كتلتك كتلة حلفتني براية العباس يلا عفتك حتى ضليت تبجي

بقة مصدوم رفع حاجبة وكلي

_تخترعين احداث مامطروقة مرة وحدة بستج

وبالغلط مو؟

_اي

_ها ونسيتي ذيج البوسات غير تذوبين بيدي

ضربتة على متنة بقوة

_زبدة اني واذوب يا ملطلط عار على المثقفين انت

طفرت من شفتة راح يكوم وصلت لنص الغرفة

وهو يحجي:: ذووبااان تذوبين ماتحبيني الجذابة

بس تخليني ابوسج

_شايف اذا ما ادججك واخليك مزرف

بس تتقرب مني لو مكبسلة هم اكتلك كتلة

بحياتك ما مكتول مثلها اعلمك الذوبان

والحب

خزرتة وطلعت فاير دمي منه الملطلط عار على المثقفين من صدك اذا هيج المثقفين امداهم

انوب يضحك لو تافلة علية  .

____________

_ورد: كعدت من الصبح لان سمعت امي تربد تروح للسوك وعندي الف شغلة ناقصة لبست صايتي ونزلت الف بشالي بيدي خمسة وعشرينات

لكيتها تريك برضا  .

_ها وين

_وين مو تشوفيني لابسة صاية يعني للسوگ

_شتسوين رايحة اكعدي اني اجيبلج التردينة

ما والله معلية اريد اشتري البنفسي تنسينهن هواي هنا وهم اشيلج العلاليك

كوة خلتني اطلع وياها تسوكنا ورجعنا محملة علاليك اسحل بروحي سحل وهي كدامي تمشي

_يماااا اخذيلج علاكة شنو كلهن علية سوبرمان اني

_انتي مو كلتي اخذيني وياج واشيلج العلاليك شيليهن

_بعد توبة احجي شي وياج

الشمس سمطتني وصايتي تسحل بالكاع تطينت واحس شالي زلك ماكدر اعدلة ادية متروسة

سيارة ضيغم طابكة وبصفها سيارة عالية مو النة

تقدمت واسمع امي تحجي وياهم  راح دخلت ومن وصلت عكدت حواجبي من شفتهم صافي دنك من شافني وسمار ابتسم يباوعلي كال..

_شلونج اخت الضلع

_هلو سمار

_اشيل عنج شو محملة

_وصلت مايحتاج

مشيت وهو كال

_اكلج حذاتج لكتها ناس خيرة ضامتها الج

التفتت بغرح

_صدك؟؟ يععع شكد صارلها حتى نسيت وين راح تكها

صافي خزرة سكت يضحك

_ورد: بلة منو الكاها وين عرفت

سكتت من طلع ضيغم خزرني مريت، افوت كتلة

_على حذاتي الباكوها نحجي يكول لكوها

اذا صدك لكاها جيبها وياك

بس وصلت شمرت الغراض وجوري والبنات صعدنها صعدت لكيتهن مطشراتها تربعت واخذت غراضي وكل وحدة انطيتها حاجة ضلت بيدي حمرة لونها حلو حسيتها تلوك لكواكب من نزلت انطيتها الها كاعدة يم ذهب جانت  .

_كواكب: ذهب شفتي حفيدتج تريدني اتزين بشهر، محرم الحرام لج، امي مايصيررررر حرررام

التبرج انتي مو مسلمة

_ذهب: تعلمي منها وريدة سمعتتي ضلي ملكوفة

ادورين رجل ام الحمر

_واخوها يدور نسوان ابو العطور

خزرتها سحبت الحمرة مانطتنياها

_كواكب: مايصير ارجعها ورة محرم اجربها شكراً يلا

مشيت اهز بيدي انوب تحجي علية وكل التحجي حجاية رادعتها كامن مايحجن لان عرفن لسانها

صعدت نمت والعصر سبحت ونزلت كلهن جوة يشتغلن للموكب نيزك تخبز خبز العباس  ذهب برا وكواكب يمها تدخل

تاكل وتطلع  .

_دعاء: ماتجين تسوين ويانة بس تاكلين

_كواكب: اوزع برا شعليج انتي اشتغلي

باجرج لاتخربينها

_اسيل: حسرة وحدة تحجي حجاية ولبكتيها

_كواكب: لاتحجن خوش

_سندس: شوكت ترحين بس لاتبقين هنا دوم

_كواكب: مايخصج

انغثن غث طلعت وعافتهن يحجن سكتتهن سهلة

طلعت لفيت الشال وفتحت الباب شوية المسجل

يشتغل وذهب تلطم  وياها وعلي يسوي بالجاي هو هذا الموكب من صغير سوتلة ذهب لان تمرض وبمحرم تاخذة يم اهل المواكب وتنخى صار زين وكالت السنة التجي بس تطيب اسويلك موكب وصدك سوتلة موكب هي كاعدتلة تصب جاي لو توزع وياة ومن ذاك اليوم لهذا اليوم موكبهم قائم يوزعون كل يوم وكبر علي وكبر موكبة وياة  .

للعلم هاي العشرة ا مو الاولى بس عدنا نفس الشي دخلت جوا صوت القصيدة يهز الكلب

وهاجر كاعدة ترد وياها ودموعها تنزل  .

_علمشرعة العباس صاب السهم عينة

ااحااا  يسهم العين وانكسر ضهر

حسين.. واحنا انكطع بينا

لليل اجة الموكب وتسابقنا نباوع من فوك الخلاني فاتحة عيوني من ضيغم دك زنجيل وي الولد وهاي اول مرة اشوفة يدك زنجيل  .

_كواكب: هاي الزلم هي التدك زناجيل زلم

احااااا

ذهب تدعي لفقار يطلع وضيغم ماعافهم

كال هذا الاسبوع يطلع يطلع وفعلاً طلع

متغير كلش عبالك سنة بالسجن ونفسيتة زفت

لحيتة علت بيومها الفرحة ماواسعتنة اخواتة التمن البيت انخبص جكليت اني وكواكب مسابقات مسوين نلم جكليت بس هي لمت اكثر مني ترست جيوبها ترسن  .

_كواكب: من ذاك اليوم الشفت بيه عدنان طلع هو وسندس الليل ما انامة لان شغلهم بالليل صاير

ومتاكدة جاي يحضرون لخراب البيت مثل كل يوم راسي يوجعني وكاعدة برا بمكاني خاتلة بنفس المكان اشوف الناس محد يشوفني تحركت على كيف من شفت واحد جاي عبالي يطلع بالشارع والحكة كلت بس شفتة فقار رجعت لمكاني اباوعلة

واكف ورافع راسة يباوع بالسما دقيقة دقيقتين ماتحرك شبية هذا الرجال تصنم عدلت كعدتي والجكليت بجيبي انطعج وطلع صوت فز وانتبهلي طلعت روحي وكمت  .

_هلو شلونج

_هلا بيج كواكب

_جنت هنا كاعدة وانت اجيت

_ماتنامين

_راسي يوجعني

_اذا مو وجع عادي اخذج للدكتور

_لاتسلم شي عادي

اخذ نفس بصوت عالي وبحسرة كال

_شلونها نجوم

_زينة

_تغيرت نفسيتها مارجعت مثل قبل مو؟

_تقريباً

الصراحة اني اشكرك لاول مرة شخص ياخذ دوري اني اي واحد يندك باخواتي انتحر بية هالمرة انت انتحرت بيه وما تدخلت بشي لانك كفيت وفيت

_يستاهل الموت نذل

مايستحق يتنفس

غمض عيونة بقوة وبلا ادراك كتلة

_فقار انت تحب نجوم؟

_احبها

_اذا تحبها ليش خليتها تنخطب وماكلتلها

_ماعرف راح تنخطب

_حتى لو هو المفروض تبين مشاعرك الها

تعترف اذا فعلاً رايدها

_اعترف وهي تقبل بواحد مطلك عندة بنية؟

هي تعتبرني مثل ابوها لان اكلها مثل بنتي

هي ماتعرف ليش اكلها بابا ماتعرف شكد ود عزيزة على كلبي وعندي بالدنيا اول ماتعرفت عليها كالت اني يتيمة تذكرت اهلي وراح ابجي

انقهرت عليها وكلت اتمنى اصيرلها ابو

فرحت هواي فرحت بكلمة بابا

_هي تحبك وكلش تمدح بية بس مو الحب

العشاق لان مابينت انت عاشق

_ماجان الوقت مناسب اعترف خفت ماترجع نجوم القديمة تحجي كلشي وتضحك خفت تاخذ حذرها

وتتصرف وياي برسمية

_هههههه تدري مامصدكة يعني شلوم هيج تحبها وانت ماتعرفها من سنين

_صدكي الحب مو بالمدة ممكن يعرفون شهر بس حبهم يفوق حب اهل سنين

_وانت هيج تحبها؟

_واكثر ماتتصورين

اول ماشفتها حبيتها يوم عن يوم زاد حبي الها

_جاي تحجي كدامي على حبك لاختي مو شوية واكفة لان اني اختها 

_ماعرف ليش حجيتلج بس جنت ضروري احجي

_انت خوش انسان اول ماشفتك كلت هيج

االله يريح كلبك وينطيك ماتتمنى

_امين كواكب

عفتة وانسحبت جوة ثاني يوم رحت لدراهم

سولفتلها كلشي كالت وصلت روحي  .

وبس رجعت نيزك روحها طالعة من ورة الحمل

ولا طلعت من غرفتها حتى محد تشك بيها

هو حتى ضرغام مايعرف بحملها اسيل تفتر كرشها كدامها تحضر ملابس الطفل راحت هي وسندس

وراهن طلعت بدراجتي اتبعهن من بعيد لبعيد اخذن تكسي وراحن بنفس الطريق الرحنا بيه ذيج المرة

ونفس البيت الكالو علية حسين واخو نزلن وسندس دكت الباب تلث دكات تلث دكات انفتح ودخلت

بقيت انتظرهن طولن هواي يلة طلعن  والتكسي منتظرهن رجعن وراحن للسوك تاكدت منهم مريت على دراهم بس كتلها كالت امشينا لبست عباتها وطلعنا ماكالتلي شنو راح تسوي اخذتنا لمعرض ضرغام من شافنا كام سلمت علية وكالتلة

_امشي وياي لكينا مكان السحار ومرتك وعمتك جانن يمنة

_ضرغام: اذا رحنا شنسوي

_ننطية فلوس يفتحلنا السحر

_وهو شنو يستفاد اذا فتحة

_مو راح يرجعن علية بس يشوفن السحر ماشتغل وهم ياخذ منهن فلوس بعد

_ماسوينا شي

_امشي ومعليك بالباقي

مشينا بسيارتة واني ادلي بيهم اخذت منه دراهم فلوس خلتهن جواها

لنص الطريق كالتلة

_عندك موبايل انطية لكواكب تصور

_شتصور

_البيت وكلشي وحتى حجينا بس كواكب

صيري حذرة مو يشوفونج

هزيت راسي ونزلنا ضرغام على اعصابة ايدة ترجف كالت دراهم لان مسحور دكيت الباب مثل مادكتة سندس انفتح وراح الولد جوة حتى ماحاجانة وسالنة نفس ذيج المرة دخلنا كلنا وضرغام شوية ويتقيء بيت خرابة وريحتة تلعب النفس اصور واني بسد ضرغام دخلت دراهم سلمت واحنا وراها كعدنا غرفة بيها بسط تعبانة ونفسة الرجال الطلعلي كاعد بيها وياه مرة  .

_الرجال: تفضلو منين جايين

_دراهم: نسوان وصفتك النة كالن شغلة مضبوط

_الرجال: كولي احجي بيش افيدج

_عندي بنتي رجلها مايحبها ويريد يتزوج عليها

_الرجال: سهلة لايتزوج عليها ويموت عليها

_مضبوط

_مضبوط اذا سوت كلشي صح يجوز مايزوج عليها بس يضل يحبها وحدة وحدة

_شتسوي حتى يطلع مضبوط

_الرجال: تجي ان**ام وياها  وكم قطعة من ملابسة واذا ماتكدر اكو نسوان ***وياها

ضرغام طكن عيونة بشكل مخيف واني بلعت العافية خفت لايكوم ويكتلة ومانعرف هنا اكو غيرة بس هو انوب يفلتون الجنانوة علينة وننسحل  .

_دراهم: اجيبها واجي

هسة عندي هذا الوليد يزوع دم ويطيح من طولة

جان كلشي مابيه بس من تزوج على مرتة الي هي اخت نسيبي حماة بتني طاح هاي الطيحة

_سحر، اكيد وسحر، قوي مو شلون ماكان

_االسحر لعافيتة لو بس علمود يعوف مرتة

_دمار يدمرة بمرور الوقت

بلعت ريكي اباوع لضرغام يريد يطك ودراهم عادي تسفط بالحجي وتحجي بسلاسة  .

_مو اني الدلوني عليك كالو هذا سحر، محد يعرفلة بس انت

_انطيني اسمة واسم امة

_ضرغام ابن سهلة

رفع عيونة اله وباوع لدراهم بشك كال

_انتو صدك واحد دلاكم علية

_دراهم: منين عرفناك ليش تسال اكو بيها انة

_اني الحجاية الاحجيها بفلوس اسولف وتورقين

_جنك على فلوس جيوبنا متروسة

_قبل شوية نسوان ثنين انطني هذا الاسم

اخلية يطلك مرتة ويكرهها واخلية يحب ذيج ويطلع من البيت بهذا الشهر

_شسمهن ذني البرابيك

_ماكدر احجي

طلعت فلوس ضبة وخلتهن كدامة

_كول احجي اسمهن والك اكثر،

من ذني

اخذهن يحسب بيهن

_وحدة اسمها اسيل وسندس

_واكو سحر بعد مسوياتة ذني للبيت

كول والك فلوسك بدون تعب وانت كاعد

_االسحار مايصير، ينطي اسماء السون يمة

دوم ينطي مواصفات بس اذا زودتي اكلج كلشي

_توكل كول

_فلوس اضعاف ذني لان السوت وعدتني بملايين

_الك ملايين بس دكول ويبطل

_سحر علمود ورث وتفرقة لكل شباب البيت وزلمها كلهم يتنازلون عن الورث ويهجون

_وين صاير هذا السحر

_ماندلة بالضبط هاي شغلتكم تعرفون واذا لكيتوة جيبوة الي افتحة

اخذ فلوس وكالتلة بس نلكاة اجيبلك الباقي

طلعنا من البيت ضرغام دخل للسيارة يضرب على راسة طفيت التصوير  خفت علية  .

_ضرغام: يشتغلن بالزنا والكفر وضالات يمنا ياكلن ويشربن

_دراهم: كلشي ماتسوي ماطول ما لكينة السحر

تسمعني حرف ماتحجي تريد ماترجع للبيت لاترجع

بس ماتتصرف اي تصرف براسك

رجعت بس اني للبيت من الصدمة ماكدر حتى احجي من بقت ذهب وحدها سولفتلها

للعصر اجة ضرغام وياريتة ما اجة  .

يتبع.....

_________________________

اللهم صلِّ على محمد وآل محمد

توقعاتكم 🔥🫢

شنو رايكم بالاحداث

س/...............

تعالو نتناقش بحسابي والقناة

مصمماتنا الحلوات شدو الهمة شوية 💋

﷽

#المنجمة

الكاتبة _كفايه

لاتنسون متابعة الحساب

التصويت والتعليق بين الفقرات لطفاً 🧡

ياعلي مدد ♕

‏أمَس مَا مريت بيّه

راح أتانيّك اعله باچر

أخاف بَاچر مَا تجينِي؟

عگبَه منصُوبه الچَوَادر .

________________________________

_ميس:: طلعت من شقتي ايدية ترجف واحس راح انفجر من العصبية صعدت بسيارتي حاولت اهدي نفسي بيه بيه ماتحملت وانفجرت اكسر بالسيارة بيدي فتحت الباب ورجعت للشقة خلص بعد ماكدر اتحمل كلشي الا متى متحملة هالمهزلة فتحت باب الشقة ودخلت لكيتة كاعد بيدة تليفونة وكفت كدامة وبعصبية حجيت  .

_شوف طارق من الاخير انت شنو غايتك من هذا الزواج؟

_طارق: كتلج ماعندي غاية

_ماعندك غاية  !!! تجذب على منوووو هاا؟

انت تزوجتني حتى استلم الشركة مالت بابا وانت تصير المدير وتسيطر على الوضع

قاطعني:: كل ما بالموضوع اريد ارجع للعراق لا اني ولا انتي عاجبتة العيشة هنا اهلي واهلج هنا شنو يصير لو رجعنا نستقر بالعراق؟

_ارجع للعراق مايهمني وشركة بابا من سابع المستحيلات اقنع ابوي تشتغل بيها لان اعرف شنو غايتك عبالك ماسمعت من تحجي وي هاي النعالة ام شعرررر الاحمررر وين ماتروح وياك بحجة صديقتي

فارت اعصابة وكام يصيح

_لاتضلين تصيحين ترجعين للعراق ونشتغل بشركة ابوج انتهت السالفة

_ماااااا انتهتتتت وباحلامك

ماحس الا ضربني راجدي دار وجهي صفح لزمني من شعري تكطع بيدة واني اسحب بيه بقة يغلط ويسب طلعت نفسي منه ودخلت لغرفتي قفلتها علية وهو يضرب للباب اتصلت بابوي فوراً جاوب وهو صوتة بعدة عالي ماحجيت شي وخليتة يسمع تهديدة وعيدة الي من البداية اني تسرعت بهذا الزواج بس ماتصورت راح يطلع بهالفشل والجمود كلت ممكن يحبني وينسيني كلشي بس طلع العكس

بارد، مهمل بجميع واجباتة وياي حسيت ماخذني لغاية بس ماعرفت طمعان لان اني الجبيرة وابوي ماعندة ولد جبير ويريد يقنعني حتى نرجع ونستلم مكان بابا لو جان انسان زين ويحبني ومتهم بيه وابن حلال وافقت بس هو ابد مو هيج يجي

تالي الليل سكران وماعرف وين جان لعبانة روحي منه وميتة ندم على الساعة الغبية الوافقت بيها على الزواج   .

حجة ابوي بقلق وكال

_شكو بابا شنو صاير؟

_سمعت كلامة ويتهدد يريد يضربني

هسة اني قافلة الباب علية منه

كوة طلعت نفسي من شعري تكطع

حجيتها وبجيت ماتحملت عرك عرك مشاكل

وحدي محد يمي المن اشكي واستحي حتى احجي لان هذا قراري  .

_ميس بابا اجيج لاتبجين فدوة هسة اخابرة واطيح حظة وحظ اهلة

_طلكني بس طلكني لعبت نفسي منه

ماتعرف شنو من بشر هذا تالي الليل وي النسوان

يتخشخش بس طلكني اترجاك والله اني متندمة وكارهة نفسي لان وافقت

_سهلة بابا اهدي بس اهدي ولا تطلعين من الغرفة بين ماحجي وياة

طفيت التليفون شوية واختفى صوتة لميت غراضي بجنطة وكل مستمسكاتي اخذتهن انتظرت شوية طلعت ما موجود يمتها انوجد وكعد مثل البشر سحلت جنطتي خليتها بالسيارة وشغلت اتصل بابا جاوبتة  .

_حاجيتة بابا ورزلتة يكول شغل بين متزوجين

عاد اني ماسكتتلة كتلة الايد التنمد على بنتي اكسرها وكلمة وحدة اخلي الشرطة التركيا تسحلك وجيب اليطلعك

_هاهية عاشت ايدك اني طالعة بعد مارجع

واتمنى منك اذا تحبني وتريدلي الخير تطلكني

وتخلصني لان هو ماخذني على طمع

سولفتلة عن كلامة وياة وكل تصرفاتة وطلعاتة

السكاتة عنهن واكول بلكت يتغيير وينعدل بس ذيل الجلب يبقى اعوج طفيتة من بابا وخابرت نجوم

ردت صوتها ناصي:: جنتي نايمة مو؟

_اي

_عفية عليج كعدتي من النوم رجعتي تنامين

سكتت ذبيت حسرة وكتلها

_حضري نفسج نطلع

سديتة منها وصلت بقيت انتظرها جوة اجت تمشي الابتسامة مختفية من ملامحها وحتى مشيتها ثكيلة مال واحد مالة خلك كلشي وين جانت تطفر وتضحك للهوى  .

_وين طالعين لو عايفتني نايمة مو احسن

_ماشبعتي نوم خزنتي امشي نفرفر على كولتج

طالعة روحي

_شكو وجهج احمر

_الحيوان ضربني

_كسر بيدة كون لو كواكب هنا الا جبتها علية

اخليها تشرح ايدة مثل مادجت سراج وطكت ضهرة بالسجينة من الطول للطول

_والله اشتاقيتلها واول مارجع

اخذج الها حضري نفسج نطلع

_منو كال اريد ارجع أصلاً؟

_شكو حبيبتي سالمين شو مجلبة هنا

على شنو باقين اني وراح ارجع

_مالي غرض بيج اني هنا وي خالي

ماعندي غيرة وهم ماريد ارجع للعراق

_نجوم اتخطي كافي ليش تبقين عايشة بذاك اليوم

_كل ما اكعد وحدي ارجع اتذكر واختنك واني كاعدة ارجع انام اتحلم بالصار وافز مكطوع نفسي

شلون اتخطى والصار بحياتي مامتوقعتة ولا انسى

اني ضحية لحقدهم وعداوتهم  .

_حاقدة على فقار لان تعتقدين الصار بسببة

دارت وجهة وهزت راسها اي

نزلت دموعها من كلتلها  .

_لج الرجال شعلية يعرف بيه مخلي عينة عليج هالنكس، حتى مايعرف خاطبج يمكن لو عارف زيد يريد يخطبج ماقبل بس هو انصدم راح ورجع لكاج على ذمتة شيسوي نجوم فوك حركة كلبة محملتة السبب

_ماريد اسمع بطاريهم اسكتي

_لا اسمعي كافي لهنا وحليها

ديربالج تضلمين فقار بتفكيرج الرجال

لاتجاوز وياج بشي ولاحجة كلمة وحدة مو زينة حافظ عليج وماتقرب للحرام وهاي من شيم الرجال يكدر يحجي كلام معسول حتى يبين حبة بس ماسواها لان هالشي رخيص وعدكم كمسلمين حرام ليش تلومين رجال مايتقرب للحرام؟؟

_كافي ميس لاتذكريني اريد انساهم

_هسة انتي من قافلة تليفونج وماتردين علية

شنو يسمونها نجوم ليش تحقرين وتقسين كلبج الماكو احن منه شوفية شنو يريد شعندة من حجي

والله عيب عليج ابد ماتوقعتها منج يعني كل يوم يتصل بيه ويسال عليج وانتي ولايمج

تعرفين زيد لحد هسة مامداوم من ورى السواة بيه

وشنو خسرو من صفقات علمود يتنازلون ويطلعونة

لو تعرفين شكد انسجن كل هذا لخاطر منووو غير لخاطر عيونج  !

_بس هو حباب ما انساها

ولا انسى كلشي سواة بس هم ماريد ارجع

واباوع بوجوهم بعد الصار وياي كل ما اتخيل شافوني بذاك الحال والله اموت من القهر والفشلة

خفت عليها لاتنهار بعدة جرحة جديد وهي كلش حساسة والصار مو هين بنية تكتشف الرجال اليريد يتزوجها ماخذها حتى ينتقم من الشخص الماتعرف بيه يحبها أصلاً  !

انطيتها كلنس تمسح عيونها وشغلت اغاني نطلع من الجو طبكت السيارة بالكراج ونزلنا نتمشى يتصل طارق قفلتة مااجاوبة لو يموت ولاارجع بعد واخلية يشوف شكلي  .

_وين رايحين

_ميس: انتي مو تردين تشوفين الممثلين الاتراك

فتحت عيونها بفرح وابتسمت ملامحها لزمت ايدها

_صدك ميس نشوف ذني الحلوات اليمثلن

_هههههههه ماعرف بس المنطقة المثلو بيها مسلسلهم الجنا نتابعة سوى هي هاي

فرحت من كلتلها هيج ومشت بيه سريع تتلفتت بكل مكان وتضحك مامصدكة   .

_باعي ميوسة شلون قديمة وحلوة

هنا البطلة تطلع من بيتها للشغل وتلاكي البطل واكف منتظرها يباوعلها ويدخن

مشينا وحدة تذكر بالثانية احداث المسلسل ونضحك نسينا كلشي ورجعنا من جنا قبل ماعلينا هم كل همنا البطل والبطلة خربت علاقتهم

_نجمة: اكلج خل نسال ذني النسوان عن المسلسل

اوكفي احجي،، هلو خالة شلونجن شخبارجن احنا من العراق وحبينا نسال هم الممثلين بعدهم يجون لهنا لو انتهت وي المسلسل هسة حتى لو انتهت

مارجعو يتذكرون المشاهد سوى

سحبتها علية النسوان مافهمن شي بس العراق

_نجمة: دحجي وياهن بالتركي اني ماعرف

ماكسرت بواهسها وحجيت وياهن بالتركي نص الكلام الكالتة حتى مانصير الهن مضحكة هزت ايدها العجوز وكالت بالتركي

_ذكرتيني بايام المسلسلات يابنتي راحت

بزمنها

_نجمة: اكلج هاي شكالت

ترجمتلها ومشينا هواي صارت نجوم كل ماتشوف بيت كالت هذا بيت البطلة فلانة وهي جذب بس مصدكة بسرعة صار الغروب وضلمت الدنيا اشترينا اكلات سريعة من اهل العربانات ونجوم حبت تجرب المحار ومن اخذتة ما اكلتة اخذت وعصرت علية ليمون اكلتة تباوعلي عافسة ملامحة فتحتلها وحدة كوة جربتة انوب سكتت لا كالت طيب ولا مو طيب رجعنا بس اني وين اروح  حتى شقة ماحاجزة  .

_نجمة: مو بعدكم متعاركين ترجعين

_يحلم الخايس ارجعلة ويشوف شكلي

هسة يرجع سكران ويعبي البطل براسي

_امداج ماتصيرين مرة وتسحبين سجينتج علية تخلية يرجف منج

_نجمة تعرفين هاي السوالف مو جوي

_هسة وين تروحين باتي يمنة وباجر لو ناجر شقة لو ابوج يجي

_يجي يطلكنا ماروح اذا ما اتطلك واخلص

_والله احسن خيولي اني من اجيتج بس يباوعلي

_حتى تعرفين ليش اجيج اني ما اخليج تجيني

_يعععع قذرر شبيها هاي الزلم شكد قذرين

هسة انزلي وياي يلا

_خالج خاف مايقبل لو مكانكم ضيك انام بالسيارة اقفلها بين مايطلع الصبح

_دنجبي وانزلي

راحت قبلي دكت الباب فتحتة مرت خالها تسال بيها وتكرص بخدودها اندارت صاحت علية

_ماتجين

مرت خالها رحبت بيه انسانة كلش محترمة بقيت الليلة يمهم بغرفة نجمة ومرت خالها اجت ويانة كلساع مسوية اكلة شكل حقها نجوم ماتعوفها لان صراحة ماكو منها  .

طلعت نجوم وفتحت تليفوني هواي اتصالات ومكالمات اول شي سويتة حظرت طارق حتى بدون ما اشوف مسجاتة ابوي متصل ومراسل طمنتة اني بخير كاتبلي باجر يمج وهالشي ريحني

اخر شي شفتة فقار مراسل يسال عن نجمة مثل كل يوم دخلت هي تضحك  .

_نجمة: خل نطلع المسلسل ونشوف نفس المكان لو يشبهة

طلعت المسلسل قديم كلش من جنا بالاعدادية شفناة بقت تذكر ايام جنا نسولف بيهم وتضحك فتحت بصمة وصوت ضحكتها عالي هي ماتدري مندمجة بية دزيتهن لفقار بسرعة شافهن رجعت دزيت هي تسولف نزلت عيوني كاتب

_اروح فدوه لضحكتها

بعدها مادز شي ولا اني لثاني يوم اجة طارق للشقة يريد احجي وياة تفشلت من الناس طلعت ماحاجيتة صعدت سيارتي وصعدت بدون لا اسمعلة صوتة نشحط يهدد مايطلكني ويحجي بكيفة شغلت بسرعة وخابرت ابوي كال وصلت رحت تلكيتة وبعد سلام وكلام تواجهنا اني وطارق وصارت بينهم مشاحنة ورادو يتضاربون

حجز ابوي شقة وكعدنا اسبوع بهذا الاسبوع ابوي يمشي باجراء الطلاق ووكل محامي شاطر ماجان عندي دليل على خيانتة راسلت جلبتة

وكتلها..

_اني اطلع من حياتج بسهولة ويبقى بس الج

بس اريد دليل على هو يخوني حتى ما نتاخر بالطلاق

بعد كلام دزتلي ماشفتة بس دزيتة للمحامي لان اعرف شنو بيه بفترة قصيرة تطلقنا غصب عنة ماجان راضي ابد واخر همي لان اعرف شنو مصلحتة لو عفتة  .

انتهت مسيرة اغبى قرار اخذتة ورجعت محملة اثار نفسية الحمدلله طلعت منها وخلصت حاولت ارجع نجوم وياي للعراق بس رفضت وتريد تستقر

بتركيا بابا كللها اذا ردتي شغل ادبرلج وهي وياة على تواصل علمود الشغل  بقت .

_شهب:: رجلي كلش مضوجتني اريد امشي افتر ماكدر من وراها من الصبح كعدني قبس وراح كال للعشرة ارجعلج حضري نفسج طلع ورجع جاي الف بشعري دخل يباوعلي  .

_مو طلعت شكو رجعت؟

_عبالي رجعتي نمتي

_شنو السالفة غير وراي مراجعة

_يامراجعة يا دنيا النوم عندج اهم من كلشي

_اتفق

_تريكتي بعدج؟

_بعدني

_يلا نازل اجيبلج واجي

طلع من الغرفة مشيت بعكازتي وصلت للكنتور طلعت ملابس بدلت وهو بعدة ماجاي لبست كب

دخل جاب الميز وخلة الصينية علية ومن ترتيبها تفتح النفس بيض سلك مسوية شرايح بيض طك وحدة زلاطة حليب واجبان وصمون زيتون

ماياكل اذا مايرتب هيج سحبت الصينية اكل مد ايدة ياكل وياي..

_اني ذني ما استنضفهن صايرات يطبخن

الريوك جهزلي صينية كتلهن ما اشتهي واني ميت جوع

_يعني رجعت علمود الريوك وهذا سويتة علمودك مو الي

خزرني واكل

_شهب: عبالي حنين وتسويلي

_ليش هاي اول مرة اسويلج؟

سكتت ماحجيت صدك هو دوم يسويلي مرات مااكل يفتر ويروح يسوي من وحدة ويجيبلي اكل رفعت عيوني من كال  .

_احب اكل بالبيت واحب اكل وياج

كملت اكل اخذ الصينية ونزل الصاية صايرة ضيكة علية صايرة سمينة كلش من الكعدة وهاي الصاية الوحيدة الارتاح بيه واطلع باوعت لنفسي بالمراية ونزلت دموعي هو اني جان جسمي مليان هسة زايدة وزن من دخل مسحت عيوني بس مبين باجية وجهي احمر التهيت اكلب بالصايات العندي نصهن الوان وذيج هم نفس القياس لزمت اعصابي عن لا انهار  .

_شبيج سنجوبة

ماكدرت احجي الغصة بلعومي رفع راسي يباوع بعيوني:: عليمن تبجين فترة قصيرة وترجعين تمشين

_مو هيج

_لعد شنو الهيج؟

رفعت الصاية بيدي ومسحت دموعي النزلن

_صايرة سمينة ماكو شي يكفيني هسة بيش اروح كلهن ضيكات علية

_وعلمود هاي تبجين هسة اشتريلج

عشرة منهن

_ماريد اروح صايرة سمينة وشكلي يضحك

هو هيج كوة امشي اخذني لخبيرة تغذية اريد اضعف خل يكتبولي مانع شهية وجدول

_من كل عقلج وينج وين السمن

_تستهزا بيه حضرررتك هذا كلة وتكول مو سمينة  !!

ابتسم واني دموعي تصب دفعتة مجلبلي رفع راسي يكلي:: دبوب شبية الدبوب غير يخبل

والعالم ذابحة روحهة علية دباعي الخدووود

جر خدي ضربت ايدة

_وخررر بس وخرر حتى اخدوي صارن كبار

بس تسحب بيهن

_مو قبل شوية تكولين سمينة هسة صارن كبار من المط ليش الجذب ليش مو من شفتج وشفتيني خدودج صاعدات

_وولي وليي انت بس تضحك علية

والله الا اضعف واضعف وجهي بسيطة

_حتى احبسج بغرفة بيها اربع ثلاجات لمدة شهرين

كلشي ماعوف يمج بس اكل وحلويات واخليج

ترجعين سمينة

ضحكت بين دموعي اتوعدلة

_مو بكيفك والله اضعف وهاي الثلاجة

اشمرها من الغرفة انطيها لدراهم كلة من وراها

خلتني سمينة

_خدوود خدوود كرش كرروش

جعص بطني اني بيا حال والله مقهورة وهذا عاجبة الوضع سحبت روحي منه وطلعت

اروح لغرفة البنات بعدني ما داخلة لاكتني ولاء ابتسمت واجت تركض  :: هلو شهوبة ام خدود

_هلو

كلتها ومشيت ادخل هسة بس يشوفني قبس يطلعها سم علية عبالك رجال مو بنية

دخلت للغرفة فارغة البنات ماكو ولا وحدة

حتى ماكدر اطلع رحت لكنتور وردة ادور على صاية عريضة والباب انطبك التفتت شفتها هي واكفة ورة الباب ونظراتها وابتسامتها تخوف

صارت، ما هتميت ورجعت ادور بملابسها كعدت اكدر فوك ملابسي اجت يمي تساعدني وايدها تطخ بحسمي رفعت عيوني خزرتها  .

_يلا البسي ايدج منا

_اني اعرف اللبس شكراً

كعدت تباوعلي من شفت نظرتها لصدري الطالع غطيتة  .

_شبيج مستحية ترة عادي

مارديت عليها يمكن هالصاية تطلع على قياسي

رفعت عيوني الها من كالت  .

_انتي مو كلتي راح تطلكين ليش باقية يمة

هو مبين يحبلة وحدة خيولي مايفيدج

_لا تدخلين يسمونها امور شخصيةة

_منو سولفلي غير انتي هسة صارت امور شخصيةة

_غير صديقتي عادي شكتلج هو انتي سئلتي وجاوبتج ماكتلج هواي بس العركة

خلت ايدها على فخذي تجعص بيه نترت ايدها

_عوفية تطلكي الزلم مابيهم فايدة

هسة اني مو تطلكت

كطعت كلامها واصفر وجهها من سمعت صوت قبس يصيح كامت طفرت وكالت بخوف

_اني راح ادخل بالحمام مو دكولين اله اني هنا

هزيت راسي واخذت الصاية هاي شبيها كمت ودك الباب فتحتة وطلعت حجة وراي

_اشتريلج صايات اروح؟

_لا نتاخر بعدين

بين ماوصلت فحطت بدلت على السريع ونزلت وياي خطوة بخطوة وياي ينزل الدرج ولازم ايدي خاف لا اطيح امير جلب وياي يروح اخذتة وردة

تكلة:: نلعب غميضان ونروح وياها

طلعنا للدكتور صفنة تاخذني وصفنة تجيبني مقهورة على جسمي حجيت:: تاخذني لخبير تغذية

_كافي حبيبتي مايحتاج أصلاً انتي مو سمينة بس متروسة

_لاتجذب سمينة قابل اني عمية وما اشوف

_فحطتيني شتردين تصيرين سلبوح مهلسة تهلس

هم راد لحمة

_يلا اسكت اني هم صوجي احجي وياك

شكد حجة بعد مارديت عليه وصلنا للدكتور فحصنا وطلعنا كال العظم متلائم بس يحتاجلة بعد  .

_شفتي الحليب الاسوية الج ماطاح بالكاع

لو ما الحليب ما التئم كلاص الصبح كلاص

بالليل

_هسة تعيرني لو شنو

_صايرة تغثين اعضج عضة هم ما ارتاح امشي يلا

صعدت جابلي مي فحطت شمس وحارة

واني كوة امشي حرك وطلع نسيت سالفة الصاية بس تذكرت من طبك كدام مجمعات ملابس نزل فتحلي الباب ساعدني انزل واخذني لازم ايدي من الصفحة الثانية لان امشي بعكازة وحدة اخر فترة

دخلنا المجمع ملابس نسائية اسود والوان عندي هواي ملابس بيت بس اريد صايات عرضلي الصايات العدهم ماعجبتني طلعني لمجمع كامل مختص بالعبايات والصاية بقينة بالنص ساعة

يلا اخذت وحدة كاعدة اباوعلة يكلب بيهن ويطلع يباوع بالحجم ويرجعهن بيدة ثنين لازمهن منا ومنا عرضهن الي وكال...

_شنو رأيج بذني

انصدمت بذوقة شكد نازك ماعبالي يعرف نسائي

_قبس: شنو نوع القماش هذا؟

بقة يسال بالرجال ويشوف القماش اخذهن على قياس الاخذتهن كمت كال:: بعد تاخذين غيرهن

_لا ماريد هذني هواي

طلعنا وسألني

_بعد تمشين تشترين ملابس

_لا عندي ماريد هسة امشينا

صعدني بالسيارة وراح ما انتبهت لان جنت اعدل بشالي انتبهت للجامة اشوفة طلع من المحل بيدة علاليك صعد وخلاهن يمي كال...

_ذني بعدين شوفيهن مو هسة

بقة عندي فضول اعرف شنو بالعلاكة مافتحتها رجعنا طبك على محل مثلجات وهو بالسيارة حاجة الولد كلي:: بيا طعم تردين؟

_بكيفك

خزرني بقوة تذكرت، من كال اختاري بنفسج بسرعة حجيت،:: اريد من كل الالون

گال للولد وانطاة فلوس جابلي عبلة حجم جبير كل الالون اكلت ماقبل ياكل  .

_تلعب نفسك ماتاكل لو شنو؟

_لا ماحب الحلاة

_يعني ماتلعب نفسك من اكل برا

_طبعاً ما اكل من كل مكان اكو مطاعم نعرف نضافتهم وهما شنو يلا ناكل وهاي تقريباً كلنا هيج

_هو اكل وكل الناس تاكل وحد انتو

_وسواس النظافة عند الكل

رجعنا للبيت نزلني انطيت الموطة لامير وصعدني للغرفة نزل جاب الغراض خلاهن على الجراباية وكف كدام المراية جدد العطر  وكال  ..

_رايح للشركة محتاجة شي

_لا

من طلع اجتي نيزك راويتها الصايات كالت يخبلن

شلت وحدة وانطيتها الها:: شسوي بيها يمعودة

البس عباية بعد خليني متعودة

حاولت وياها لان تلاثة هواي واني عندي غيرهن

سحبت العلاكة الجايبها فتحتها اشوف شبيها

طلعت اول قطعة  تراك ستن لون اسود نص ردن

شكلة كيوت حتى نيزك حبتة وبعد دشداشة قصيرة

وثنين دشداشات وشالات وياهن وقميص نوم طافر هذا وين على كدي شمرتة بعلاكتة فوك الكنتور ونيزك تحجي علية...

_انتي ماشايفتة يضحك علية يريدني ابقة سمينة

حتى باجر يكولن ايععع هو رشيق ويخبل ومرتة جنها دبة حميسة

_انتي بس خففي حلويات وعلس وانتي تضعفين

_كلة من ورة الثلاجة خل كواكب تاخذها لدراهم

وبس طلعت فتحتها اكل ماكدرت جعت وضليت ابجي لان اكلت انوب كلت يلا من باجر ابدي بالرجيم  نمت وكعدت العصر على صوت البنات صوتهن عالي يضحكن اني فوك نادراً ما اسمع الهوسة جوة الفوك هادئ  .

كمت سبحت وبدلت كعدت كدام المراية اتعطر وارطب واسمع شخص ينضرب بقوة وصوت ونين انخمش گلبي اخذت عكازتي وطلعت حتى مالبست شال فتحت الباب طلعت راسي باوعت منا ومنا فتحت عيوني بوسع من شفت دعاء لازم اختها كاتمة صوتها وصايرة كدامها تضرب بيها بقوة وذيج بس تون وهاي تسب بيها  اسمعها تكلها  .

_ولج طايحة حظ راح نخسر الاول والتالي من وراج بس اصبرلي تكمل سنة ماتصبرين

ذولة يسكتون يموووتونج مووت من يدرون بيج

تحبين البنات

شعر راسي وكف وي هاي كلمتها دفعتها بقوة من يمها دعاء فحطت وجهها احمر انهدت عليها تضرب بيها وتكلها بصوت عالي  .

_ولاء:: انتي شعليج بيه شترردون

هي ماتحاجينييي اني عجبتني

باقية وحدها مريضة ورجلها مو بحالها

عصرت حلكها بقوة خنكتها تكلها

_دعاء: وانتي شعليج بيها شعليييج

هي نفسج طايحة حظظ بنات ملتزمات

هي معاقة وتصلي لو ك** مثلج

سكتت عنج بس هاي تجيب اخرتنا لان مو من صنفج

ضربتها بقوة ودعاء رجعت الضربة كسرت اصابعها

_دعاء: باجر ترجعين لبيت عمي لا اطيح حظ حظج

_مو بكيفججج ام الزلممم صايررة شررريفة

برااسي كل يومية مصاحبة واحد وقاطتة

سحلتها بقوة واخذتها للحمام دعاء اضخم واقوة منها راح تكمل عليها بالضرب سديت الباب راسي انسطر ذني شنو من بشر هسة يلا عرفت ليش قبس يكرهة جنت اشوفها بنية فقيرة وحيدة ماعدها صديقات لان مطلقة هيج طلعت ورة فترة اندك الباب من سمعت صوت نيزك كمت نيزك كلشوية تجيني تشوفني شنو محتاجة  .

_شلون صرتي؟

_نيزك: نفسي تلعب وطالعة روحي

طلعتلها عصير، وجبس فتحتهن تاكل وسولفتلها الصار بقت فاتحة عيونها بقوة وتضرب، على رجلها

_نيزك: هسة لو نزلت وفضحتهن منو اليصدك حتى دليل ماعندي خيولن برابيك ديربالج تحجين وياهن

لو تباوعين بشكلهن

_لا يمة بعد من اشوفها اشرد مخبلة

للعصر كلش اجة قبس جنت اتابع برنامج من شفت الكارتونة البيدة طفيت التليفون وبقيت اباوعلة عافة على الميز وطلع ملابس راح سبح رجع ينشف يشعرة واني عيني على الكارتونة سحبها وكعد يمي باوعلي وابتسم صفح  .

_شعندج تباوعين هنا

رفعت اكتافي بماعرف

_هيج بس شنو بيها اول مرة تجيب كارتونة

_هاي الج مو الي

رفعت حاجبي بتعجب وانصدمت اكثر من فتحها

وشفت بيها كتب اول كتاب شافتة عيني احياء الثالث متوسط جمدت ماكدرت استوعب هاي الكتب الي طلعهن واحد واحد كلهن جديدات بعدهن بدون جلاد:: اسلامية، قواعد، ادب، انكليزي

يعدد واني عيوني ماترمش

_قبس: من هسة بلشي ادرسي وبس تمشين داومي معهد اذا مايفيدج وتفهمين علية اخليج بمدرسة اهلية وتمتحنين على الخارجي

هو يحجي واني دموعي نزلت ماحجيت شي بس حضنتة وگلبي يخفق بجنون معقولة راح يتحقق حلمي واكمل دراسة واتخرج  !

رفع راسي مسح دموعي وباسني بكصتي

_اول ماطلعنا وحجيتي عن الدراسة كلت

وعد اخليها تكمل دراستها وتدخل جامعة

حتى لو ما استمر زواجنا احقق حلمها

____________

_نيزك: اجة ضرغام من شكلة عرفتة صاير نار ماتقربت منه راساً صعدت لغرفتي اني هم مالي خلك وتعبانة من الحمل مابيه حيل روحي  .

تمددت انام غفيت وانفتح الباب احس الغرفة انكلبت طفرت من النوم مفزوعة اشوفة يكلب بالاخشاب والغراض وصوتهن عالي يطكن بالكاع

واني بمكاني صحت بيه...

:: شكوووو انقلاببب

كسرررت الغررررفة ماتشوفنييي منطمرة شررايد

بصوت يلهث ومستمر يكلب بالغراض ويكسرهن

صاح بيه:: اسكتييي صووتج مارررريد اسمعة

كمت من مكاني استفزني وصرت ناررر

_طراطيرررر كاعدين هنااا تجي تطلع سوادينك علية البيت عايفة  ومخبل وراكبك جني بس ويااااي

_هسسسة شتردين غرررفتي واكسررر بيها

مشتريتها من فلوسج؟

_لا والله غرفتك صدك كسر براحتج

رحت للكنتور وهو ملتهي يشتغل ويفصخ

طلعت جنطة لميت ملابسي وملابس امير بعد طاقة وصبر ماضل عندي صبرت هواي ومكان مابقالي هنا

لفيت شالي نزع تشيرتة والوشم صار بعيني

تاريخ زواجنة تاريخ عيد ميلادي تقربت منه رفع

راسة عيونة حمر وشراين ركبتة ناطة اشرت على الوشم وكتلة...

_انت دكيتهن لان تعرف راح اصيرر ذكرى بحياتك

دكيتهن ماردت تنسى اول ليلة النا سوى

ولا ردت تنسى تاريخ ميلادي من يصير احتفل

بيه وحدك وماراح تنساني اوعدك

خليت عيوني بعيونة وابتسمت عكس مضهري اليرجف:: قوافل من النسوان ما تنسيك عيوني

خليها بالك  .

كلتها وانداريت انطيتة ضهري رجع يكسر سحبت الجنطة ونزلت البس بعباتي اخذت امير وكواكب اول ماشافتني فزت اخذت امير واشرت بيدي نطلع

اجتني تتفحصني بخوف  .

_شبيج ضربج؟

_لا امشينا

_ذهب: وين حبوبا رايحة بهذا الوكت

ماحجيت شي مشيت اسحل بكواكب حتى شهب مارحت وكلتلها بس. اريد اطلع اختنكت كلهن يحجن ماسمع كلامهن وشة صارت باسمي بس اميز صوت كواكب عالي ولحكتني سهلة وذهب طلعت مجلبات بيه...

_نيزك: كواكبب ما ابقى اكعد بالشاارع والله هسة تاخذيني

_ذهب: حبوبا وين ترحين خالج ومو هنا

_هو استحكرتونة خالي وخالي

وباقين

صحت بكواكب بس احسها ماريدة تطلع ولا احترك دمها من شافتني صايرة نار اخذتني على صفحة بصوت ناصي تحاجيني  .

_كواكب: بس اليوم ابقي

_لج انتي صدك تحجين هسة المفروض تطيرين بيه طيووور

سكتت ماردت عفتها وطلعت البيه مكفيني

اجت وراي تحجي بخفوف  .

_كواكب: هسة وكتج درجعي على باجر

روحي

عفتها ومشيت ولو يكولون بس تطلعين من البيت تموتين اطلع مشيت لحكتني صاحت على علي هستوة اجة اخذنا لبيت دراهم وهاي اني الاكرة بيتها واكرهة وماحبها ابقة يمها ولا هالذلة مسحور سحرة بس علية يطلع لعبت روحي من كلشي

وحتى دراهم من شافتني تعجبت ماحجت شي ولا اني حجيت شي وياها طلعت مختنكة اذن الاذان اريد اصلي هنا ماكدر من شافتني كواكب هيج حضنتني  .

_ماكدر اكعد بيتها كواكب اختنك من بيتها شلون ابقة وياها نفس الغرفة وماكدر ابقى بيتهم اطلع بالشارع احسن

طلعت بالشارع بهذال ابهذل بروحي بس مو بيدي اريد بس ارتاح بنفس اللحظة شخطت سيارة ضرغام ونزل بسرعة خفت من شفتة اخذت امير ورحت اركض ودموعي تصب وهو يمشي سريع ويصيح اوكف ماوكفت ماردت اسمع صوتة

احس وحش يركض وراي وكعت على وجهي واحس بطني تكطعت بجيت من الوجع وزدت اكثر من لزمني اسحب بروحي واصرخ منه وكواكب تدفع بيه اخذتة ماعرف شتحجي كمت اخذت ابني

نمشي وين ماعرف عقل ماضل براسي كواكب تركض وراي واحس دم نزل على رجلية رفعت ثوبي ومن شافتني تخبلت صاحت على ضرغام

_كواكب: تعاال الحككككك اخذهاااا للمستشفى الطفل راااح

اجة يركض مصدوم يصيح بيها ياطفللل

_كواكب: ولك حامل راح تسقط

اخذوني للمستشفى ابجي على حضي اكثر من الوجع حالوني على دكتورة نسائية وفحص وسونار

تالي ماحسيت غير الكانولة بيدي والمغذي مشكل

كواكب كاعدة يم راسي وبس شفت ضرغام اشرتلها يطلع طلع بدون مايرد  .

_كواكب: شلونج خو مايوجعج شي

_وكع

حجيتها والغصة بكلبي ماجان على بالي هذا الحمل رغم هذا فرحت بية  .

_كواكب: لا والله ماصار اسقاط بعدة بطنج

لاتخافين

اخذت اموري بوستة ورجعت نمت

من كعدت رادو يطلعوني كتلها ارجع لبيت دراهم بس ترجعيني لضرغام اشمر روحي بالشارع

_لا ماخذج اله بس امشي وياي

طلعنا امشي على كيف ضيغم لاكانا راحت كواكب تحجي وياة وتفاجات من اخذنة بسيارتة

وضرغام اختفى خليت راسي على الجامة وغمضت

اسمعة يكلها  .

_ضرغام هذا مخبل بس لايتخبل عليهم

ويخرب كلشي

_كواكب: كلبي يوجعني اسكت

من وصلنا كعدتني نزلت اتفاجات هاي احنة وين

اخذتني تمشي بيه:: وين جبتيني؟

_هذا المكان فارغ بيت بوسط البستان لضيغم ماجرة بعدة من زمان ضلي بيه على ما تصفى

دخلت كالت تمددي على ضهري خلت مخدتين وطلعت  .

_كواكب: خليت ادية على راسي وعقلي راح لبعيد واكفة والف فكرة تجيني احسن شي صار جبت نيزك عنها بين ما تدبر هالفترة اجة هو محمل مسواك تلكيتة:: المن جايب هالكثر صدك تحجي

_جبت عشة الكم

_متزوهرة اني

_مايصير اكلي حتى لو شوية واختج وكليها جبتلها معلاك ومشويات

_اخ ضيم ااخ ماعرف شحجي وياك اوكف انتظرني مو تروح

اخذتلها العشا كعدت يم راسها اسويلها لفات ولابنها قبل لاينام..

_نيزك: عيب من الولد كواكب مو هيج

_هو خوش ولد شعليج بيه خل يخسرر

_دكلي ماعرف اكل

اخذت تاكل اكلت شوية وسويت لفة جبيرة برغيف خبز من كلشي:: بعدة موجود هنا

_اي طالعة انطية هسة تلكينة ما ماكل

اخذت بطل لبن ومي رحتلة لكيتة واكف ويدخن

بخفة ايدي سحبت الجكارة منه بقة خازرني

_دكل هاك يلا صير سبع ورانا شغل بالليل

فتح عيونة ودنك راسة

يريد يحجي عرفت نيتة ضربتة على صدرة

_خايس عقلك وين شطح ولك اقصد على السحورة وبس اخلصهن اطلع من بيتكم وحياتكم

_عبالي كلت تطالب بليلة حمراء

_نعلاء وجرداء تسكت لا اخلي سم بالفة

هسة جبت كلشي دجيب سم

_من اريد اموت اجيبلج

_ديلا اكل لاتروح

دخلت خليت المسواك بالثلاجة وانطيت نيزك علاجها نام اموري غطتة وياها واني امشي كلتلها حتى لا اسمع ردها  ...

_المكان امان كلش كلش نامي رغد

اني رايحة لبيت عيالج شوية وراجعة

سديت الباب وطلعت وي ضيغم لبيتهم واني متاكدة هاي خطواتنا الاخيرة وصلت بوقت يكون كل واحد بغرفتة باوعلي وكام.

_ضرغام طاح كلش واخذو للنجف بدون محد يدري

_ليش طاح هيج من وحدة لو شاف شي

_محد يعرف طاح بعد

_سامعة يسبحونة ماعرف يغسلولة بصابونة ميت

_لا بالمغيسل

نزلنا دخلنا البيت فارغ كل واحد بغرفتة داخل والضوة مطفينة صعدت فوك لغرفة شهب رجعت هسة اكيد نايمين لاكيت ضيغم كال  ..

_ادخلي راح قبس وياهم

_وذهب راحت؟

_لابقت واستغربتها

فتحت بابا شهب مسدود من جوة تاخر الوقت اكيد نامت مشة وكال:: امشي لغرفتي

مشيت وراة دخلت جريت كرسي

خليت الباب مفتوح والكرسي كبال الفتحة اليمر يصعد فوك اشوفة  .

_كواكب: يلا شعندك راح اطفي الضوة

_بس اخذ ملابس

اخذ وراح للحمام طفيتة وكعدت البلضلمة يشوف البلضوة بس هو مايشوفة ايدي على خدي وهذا وقتهن يطلعن قبل الاذان بساعة او اكثر لازم

وعيوني صارت تغفي فزيت على ايد ضيغم يرفع شعري من كصتي  .

_كومي نامي عوفي هاي السوالف

_انتهت شغلتهن اليوم يسون اعمالهن

روح نام انت تعبان بس انطيني موبايلك

نحاسبهن بالقانون اذا عدنا دليل حتى فرد مرة هنا وسحارهن

بس سكتت خطفن يمشن على كيف لزمت بضيغم وكمت رجلية ماشالتني بعد:: امشينا يلا

بس راحن بدقايق صعدنا بيدي تليفونة فاتحة كاميرا لازمة بضيغم من نمشي واحد يطك بالثاني باب السطح مفتوح ونسمع صوت طكطكة خفت

يلا صعدنا نمد روسنا كاعدات ويلفن بوصلة

سندس وحفصة ثنينهن بيدهن بطل صغير جنة دم ينثرن فوك القماش ويتردد بصوت مسموع

_حفصة:: موت موت موت دم دم

رشت سندس ماعرف شنو وتكلها

_مرض مايطيب منه للموت

داء وبلاء تفرقة وتنازل عن الورث

بقت تكرر هاي الجملة الاخيرة كلة صورتة ضيغم راد يروحلهن صارت ايدة نار لزمتة بقوى مانعتة

_روح كعد ذهب وعمامك بسرعة

دفعتة ينزل ماقبل الا اني من شفتهن يقرن كلام مامفهوم دفعتة ينزل راح بقيت عيني صارت بالكامرا فتحت عيوني على وسعهن من شفت خيال ضخم اسود  بالحقيقة لو تخايلي ماعرف بالضبط ايدي رخت راد يوكع الموبايل من ايدي رجعت ليورة وغوشت عيوني رددت

" يا علي مدد "

دفعن التانكي وشالن الطابوك دافنات جواة طلعنة يخلن فوكة ماحس الا كلها صعدت فوك احس صار هجوم دورت بعيوني ضيغم دخت كوة سيطرت وانطيتة التليفون سدة وخلة بجيبة يضرب على خدي:: بيج شي

_لا لا

عفتة واشوفها كلها تصايح الله اكبررر ماكو غير هالكلمة يرددونها سندس سحلوها سحل وذهب بعصتها راحت لحفصة كسرتها عليها بذاك للغلط والفشاير ذيج هم قوية تدافع وياها دفعت ضيغم يروح يلزمها واني وذهب لزمناها ملخناها يطبها الف طوب مرة جبيرة وهيج تسوي هسة لو اسيل مو هي ذيج عاد وعقل مابراسها والغيرة كاتلتها

سحلو امهم ونزلوها ذهب تصيح هسة تطلعن

وكعدت المرة وعيني راحت على العمل اشوف اجة عدنان يريد ياخذة محد يشوفة صايرة هوسة ضربت ضيغم وصحت علية  .

_ولك الحككك

شلت العوجية شمرتها اجت براسة وضيغم لعبانة نفسة يدفع بية ما خلاة يقترب لو اخذة ماينفك بعد نزلو بقو ولد ذهب يتصايحون صحت بيهم يجيبون دراهم هسة وهما من يشوفون السحر تلعب روحهم بس ريحتة تعط وحتى لحم ماعرف هيج شي اشوف بيه فرعت ذهب تدعي عليهن

والبيت انكلب جوة سندس اخذت بناتها وطفرت

واسيل باقية تباوع للوجوة نعمان يصيح بامة ما قابل وجناينها مصدومات صاح بيهن اسامة

يلمون ملابسهم ويطلعون وعدنان يصيح بيى

_مو هييي على كيفك

رادو يتمالخون ودخل بيهم ضيغم اخذ ابوة وطلعو لدراهم ماكو مسافة الطريق ويمنا البيت انكلب هوسة اجت دراهم ورجال لابس دشداشة سودة وعركشينة سودة فوك راسة وجهة ابيض وسبحتة بيدة دراهم تصيح بالبنات يدخلن بغرفة وصتني

_خليهن يشغلن قران على صورة البقرة بصوت عالي

شغلتلهن وطلعت وراهم راسي انفجر وضيغم نزل سحلني بطريقة واني اريد اصعد صاح بية وشالني

_لج بلة صار بيج شي راح يفتحونة

_مايصير بس خل اشوف

ولا عاف ايدي لغرفتة دفعني حسيت نفسي ضاع

سد الباب اريد اطلع بقة لازم ايدي غمض عيونة

سحبني حضني بقوة صرت جوة ذراعة

وشفتة على كصتي يبوس بيها من كثر ماراسي يوجعني ماسمعت كلامة  .

ماتحرك ولا اني تحركت بقينة هيج حسيت راح اغفة دفعتة عني حجيت وياة

_خابر محامي دزلة هذا الفيديو وفيديو السحار حتى ينسجنن

_خل نخلص بهليل اخابرة

وفعلاً كعد يتصل وين يلا جاوبة اسمعة كلة

__خل يطلع الصبح

_ضيغم:طلع الصبح كوم يلا اشتغل راح ادزلك كلشي صوتيات ولي انطمر

بقة وي المحامي ويبلغلة بمكان السحار حتى تشيلة  الشرطة  طولو فوك ومحد نزل وضيغم نزع يبدل حتى ماكلي واطلع طلعت بسرعة البنات يتراجفن وصار الصبح وكلها على وكفة وحدة ضيغم كال رايح اشوف القضية ونخلص منهم هما الخالفوها

طلعت اصعد فوك  عمهم ماقبل اصعد

بس صار عندي فضول اشوف شغلهم وشلون يفكونة شنو من سحر لحد هذا الوقت ومانفتح

بس خطيت كم خطوة وتجمدت بمكاني على صوت هز البيت هزززززز  .

يتبع....

_________________________

الللهم صلِّ على محمد وآل محمد

البارت مو طويل

جنت بالمستشفى تاخرت يلا رجعت اكتب

هسة تتوقعاتكم

باجر  نتناقش بالبارت

🧡🧡🧡

#المنجمة

الكاتبة _كفايه

لاتنسون متابعة الحساب

تصويت وتعليق بين الفقرات لطفاً 🧡

ياعلي مدد ♕

چا هوه الفرح شيفيد من دونك ..

يمن راحن فدوه عيوني لعيونك .

________________________

_كواكب: طلعت اصعد فوك  عمهم ماقبل اصعد

بس صار عندي فضول اشوف شغلهم وشلون يفكونة شنو من سحر لحد هذا الوقت ومانفتح

بس خطيت كم خطوة وتجمدت بمكاني على صوت هز البيت هزززززز  .

نزلت اركض وجمدت بمكاني من شفت اسيل كاعدة بالكاع وتنزف دم وتصررخ بصوت عالي الدم منين اجة واكعة لو شنو الفلم ما افهتمت التمن عليها نهضنها بس تصرخ وبطنها نزلت بشكل اخذوها بسرعة للمستشفى وسهلة لمت غراضها وطلعت وراها

صعدت فوك نزلت دراهم تصيح ماي حلكي يبس والشيخ نزل وراها بيدة علاكة انطوها مي شربت

وكعدت كالت::

_انفك السحر وبعد الشيخ ياخذة لربعة يتاكد منه

ذهب ارتفع ضغطها اخذوها وجناين حفصة طلعن يصيحن ويدعن عليها لان هيج سوت  .

_نضال: هسة شذنب هاي الشباب تسويلهم

وتدهرينهم ولد شاب خليتية يطيح الف طيحة ماتخافين من الله دين ماعندج شلون تصلين

شلون تصومين

_ام تميم: كلشي توقعت بس هاي سوايتج ماتوقعتها بهذلتينا تبهذل الله لايوفقج

شكبرج بعد تصيرين

طلعت لابسه عبايتها تخزر بيهن بحقد بس مشت خطوتين وهنا يدعن عليها اندارت عليهن بيدها مثل التراب اسود رشتة عليهن وطلعت ماكو دقيقتين والنسوان صارن يتصارخن عيوني عيوني

صارن مايشوفن شي دراهم جانت موجوده بس الشيخ ماكو صاحت بزلمهن  .

_امشي ناخذهن للشيخ راح يعمن هالمسمومة

سممتهن وطلعت

لبسناهن شلون ماكان ولدهن خطية اصفرت وجوهم وطلعو وياهن بقة البيت فارغ بس صوت القرآن بيه عالي يدوي ودنيا الصبح كعدت على اخر باية من الدرج احس حيلي باد وراسي انسطر البنات يبجن منهارات على امهن اشرت لياسمين

نغسل البيت بماي وملح كامت هي وبناتها واني افتر عليهن جلفن البيت جلف حتى السطح

اني ماصعدت فوك بقة براسي الشفتة  .

جوري راحت تسوي ريوك ريكت الموجودين وشهب وكلتها بس ردت امشي رجعت ذهب وضيغم وياها

اخذ نعمان وعدنان وطلعو للضهر رجعو اشوفهم يلمون بغراضهم والولد تنكل بيهن رحت لضيغم سالتة كال:: الكعدة وياهم خطرة علينا

هسة احنا تقريباً نص سنة كعدنا سوى وبعد الدلائل

تبطل الوصية ويتوزع الورث

_وهذا البيت داخل بالورث؟

_لا كل واحد ياخذ حلالة هما عدهم بيوت اكبر

ومعامل بس مو باسمهم باسم جدي بعد اليوم يتسجل كل ملك باسم صاحبة هالبيت يبقة باسم ابوي

_والشركة؟

_لفقار اكيد احنا نتنازل هو تعب بيها من زمان دايرها

ماحجيت شي وياه ورحت لشهب اطمنها حتى ارجع لنيزك ذهب صاحتني رحتلها:: ها بيبي

_تعاي احبج

دنكت باستني وكالت:: مثل ماوعدتج بيت اسجل باسمج شتردين

ضحكت اهز براسي:: ماريد شي اني بقيت هنا

لان اخواتي تضررن واذيتهن اذيتي

_ذهب: لا انا وعدتج كولي افتحلج مشروع تشتغلين بيه التريدينة من خلصتينا من هذني السحارات

قطعنا كلامنا من دخلو جايبين ضرغام كوة يمشي كامتله باستة رادو ياخذوة لغرفتة ذهب مارضت كالت بغرفتي يبقة بس تمدد نام وتليفون ضيغم دك جاوب شوية وكال يباوع بوجهة ذهب  .

_مرت ضرغام جابت

ابتسمت بانكسار وكالت

_ياصلوات كون الوليد زين

_يكولون زين بالخدج خلوة

طلعت من البيت ضيغم طلع وراي كال اوصلج

ماحجيت شي بس صعدت بسيارتة نمت وصلني وراح لكيت نيزك كل عين شكبرهن مطگگتهن عليه حقها الليل كله وحدها عايفتها من شافت وجهي والتعب بية سكتت وتمددت وخليت عيوني على وجهي احجيلها الصار بس ماكلتلها على اسيل

_نيزك: واسيل معقولة مو وياهن؟

_اكيد وياهن غير تفتر عد السحارين بس  ما صعدت وياهن

هنا ثنينهن وابنها عدنان شاكة بية وياهن

هذولة بس اعتقد ذولة سحرهم غير هل مو وياهن

غفيت بعدها ماحسيت غير الدنيا العصر وجسمي مكسر  .

_ليش ماكعدتيني

_نيزك: شكد كعدتج بس انتي الله يسلمج

ميتة مو نايمة

_حقي غير مانايمة من وراهن السحارات

اخذت ملابس رحت اسبح واتذكرت ذيج الايام الجنت اعاني من الادمان دموعي وحدهن نزلن سبحت وطلعت اتذكر كلشي وكلبي يوجعني باوعت لايدي وشاغت روحي قهر هاي اني حركتها من الوجع اخ ياذيج الايام الله لايرجعها  .

نيزك تلعب بامير يركض ويضحك راح يلبد ورة الشجرة يلعب غميضان رحت يمة وكعدت مثل قبل شجرتي الحلوة اجت نيزك كعدت يمي خليت راسي على جتفها ونزلت دموعي حضنتها واني اتذكر كاعدة هنا وافكر بيها حتى الشجرة تعرفها من كد ماسولفتلها عنها حضنتني تمسح على راسي وتبوس بية ردت اسولفلها على كلشي واكلها كل الكلام الكلتة الج مجبورة علية  بس خفت عليها

لاتنقهر وتتاذى رفعت ايدها خليتها على وجهي شكد رادتني احجي ماحجيت  نمت بحضنها تلعب بشعري

وامير يكمز منا ومنا  .

_نيزك: كواكب احس بيج شي انتي ماجاي تحجين الحقيقة اكو وجع بروحج اتمنى اسمعهة منج

واتمنى اسمع الكلام الحقيقي الخلاج تعوفينة

وتقسين علية

_بقة قليل وتعرفين كلشي بس صبرج علية

_منتظرتج ومنتظرة هذا اليوم

راح نبقة هنا الى متى؟

_وانتي شنو ماتردين ضرغام بعد  !؟

سكتت واني اباوع بعيونها

_ها مو جنتي تحبينة؟

_تعبني هواي تعبت ماريدة اي والله ياكواكب

من اجت مرتة مابقيت وياة بس رجعت لان ماعندي مكان اروحله

_خلص اسكتي لاتحجين بالماضي ماطول اني موجوده احلها وارجع حقج وخاف ماخذين فكرة ماعدجن احد ولا عدجن بيت ابخر هاي الفكرة

_شنو راح تسوين؟

_الله كريم دمشي سويلي اكل متت جوع

اكلت وطلعت الحارس مبدلينة جاي رجال جبير

كتلة يخابر ضيغم كال ماعندي رصيد  .

_رمش هو يتصل بيك عندة فاتورة

رمش اكثر من مرة نزلة يكلي:: مايسمعة يجوز

كعدت صافنة هسة اروح لدراهم لو انتظرة

مليت وكمت ردت اروح لبيت دراهم بس اوصل الغروب شيوصلني ارجع للصبح عفتها رجعت جوا

وضيغم مامنة خبر  .

____________

_ورد: ودعنا البنات بدموع تعودنا عليهن وعلى وجودهن من راحو البيت فرغ وبقت وحشة الهن جوري بس تبجي عليهن حسين محسن ذولة احلى ثنين راحو انقهرت على ذولة راح يرجع بيتنا فارغ

بس اني وجوري بيه شلون بينا لو راحت شهب

مخلين كلبنا على ادينا قهر ماينوصف  .

كاعدين يسولفون باسيل وحالتها مسويلها عملية حالتها خطرة  كعد ضرغام سمعهن فرك عيونة وكال:: شكو شبيها

_ذهب: جابت

_ضرغام: ماكلتولي وين الطفل

_ذهب: بالخدج بعدة

راح يمشي وهي تصيح وراة

_وين رايح وحدك

_اشوف ابني

طلع وبقينا واحد يباوع بوجهة الثاني

مرت ساعات ورجع نام مرت فترة يروح الهم وبيوم رجع   بيدة ابنة يبوس بيه ذهب تلكتة بلهلاهل وهو فرحان بيه غابت ابتسامتي من شفت اسيل وراة شنو معقولة راح تبقة هنا وياة؟

اخذوها لغرفتها وهو كعد يم ذهب اخذتة منه

تقرا عليه باوعتلة بفرحتة ماتنوصف وحقة حتى لو من اسيل كبر عمرة وماعندة طفل  .

_ذهب: شسميتة؟

_سيف ضرغام

_بالمبارك عليك سيف يتربى بعزك

ومر اليوم ضرغام مارجع لصحتة بعدة يصفن وتعبان ماله خلك بس  ميت على سيف  رغم بعدة كلش صغير يبوسة ويلعبة لحد مايتعب

واسيل بغرفتها نفسة محد حاجاها واعتقد منتظرين يمر وقت حتى يتفاهممون على كلشي

وين تكعد الى اخرة  .. ضيغم لحد الان يركض بسالفة الورث والوصية البنات عدنة تواصل وياهم

كعدنة الصبح صافنين وكلبنا ملجوم قبس جاب شهبة يمنة وصعد ولد تنزل الغراض معناها راح يرحون لبيتهم شهب من البجي وجهها صار دم

حجينا وياهم يبقون بعد اكثر ما قبلو وكالو نريد نرتاح بيتنا ونرجع لحياتنا طلعو واحنا ندعيلهم

ونستفقد وجودهم  .

فرغ البيت وغسلنا الغرف والطابق الفوك قفلناة

جان محد يصعدلة الطابق الثاني غسلناة رجعت لغرفتي وشهب لغرفتها حتى رضا سوينالة غرفة

هو البيت جبير لان كلهم جانو بية ومحسبين حساب حتى الولد يتزوجون بيه تالي كل واحد طلع

نزلت هلكانة امسح بالدرج بقة بس الطابق الارضي ما منظفينا امي كالت عوفنة مو هسة انظفة دخلت امسح غرفة ذهب لكيت يمها ضرغام دكلة..

_ومرتك ام امير ماترجعها عايفها وحدها هذا وضع

انا ما ارضاها 

_ضرغام: خليها ترتاح شوية واشوفها شتفصل

ماترجع ولاتقبل بهذا الوضع

_وانت على شني ناوي؟

_بس خل تمر فترة وارجع لحياتي

___________

_كواكب: من ذاك اليوم مارجع ضيغم بس يودي مسواك بيد الرجال ماعرف هو متسوك والرجال يجيبة النه لو بس يخابرة وهو يتسوك هاي الوضعية كلها ماعاجبتني وبالي تدك سالفة

اتمنى تصير اليوم قبل باجر واحسها قريبة

نيزك صحتها النفسية تعبانة اكثر من الجسدية تاخذ علاج ومنتظرتني شسوي  .

طلعت لدراهم اخذت دراجتي لازم ارجع اعتمد على روحي انسى ضيغم وانسى اهلة ارجع اشتغل

بس ماكو شغل بس العصر اطلع امسح جام سيارات وي محمود ابيع مي وارجع ورة الاذان لان الطريق طويل  .

بس اني واختي وابنها محد اجة علينا ولا سمعنا اخبار عن احد الكاه اختي مسوية عشة اكل واتلفلف انام  .

_نيزك: ماعندج اخبار بيت ليث شو ماكو

_ماعرف شي عنهم

_شعجب

_ماعندي شغل وياهم خلص

دخلت لبيتهم وطلعت بشغل وانتي يمي

شعندي وياهم شهب اكيد زينة بس ارتاح

اروح اشوفهها

_ضيغم بعد مارجع غريب امرة

_شعندة جاي يمعودة عبالج كاعد

تلكينة يركض ومايلحك بس ضيغم مايخصنة

ولااله يمنه كولي ضرغام الما سئل ولا اجة

_خيولي لاتجيبين طارية بعد

_صار اني هم ماعاجبني احجي بيه

طلعت للشغل من الصبح عسى ولعل الكة

بس صعب بيوم وليلة الكة طلعت للشارع ابيع مي بارد يمشي لان حارة وبالتقاطعات ينباع عد محمود مجمدة اخلية وياة وابيعهن من يبردن  .

خلصت اخر صندوك ماي تعبت كلش نزعت شفقتي وغسلت وجهي مشيت على صفحة حسبت فلوسي

خوش شغل اخذت دراجتي ورحت لدراهم لكيتها تريد تتغدة اكلت وياها ونمت على المبردة العصر كعدتني طلعت بالباب وكفت وطبكت سيارتة

نزل سلم  رديت السلام وكتلة..

_شعندك جاي

_وليش حتى ما اجي

_اذا جاي لدراهم فوتلها اني ماشية

_شبيج

_عندي شغل

شغلت الدراجة وطلعت عفتة يحجي وراي وين جان هسة تذكرني واجة  ؟ وليش حتى يتذكرني أصلاً بعد السواة كفة وفى اني هسة بفضلة موجوده اشتغل وبكامل وعيي وصحتي  .

شغل سيارتة اجة وراي وكفت دراجتي اكلة

_كول شتريد لاتاخرني

نزل من السيارة صار كبالي يحجي بعصبية

_وين رايحة رجعتي للشغل

_لا انام براسك احسن لا تدوخ روحك بامور

ماتفيدك روح لشغلك اني هم عندي شغل

_بس اكعدي هالكم يوم وبعدها

كطعت كلامها

_ماكو تكملة كل واحد يرجع لطريقة باي

شغلت وعفتة بالاساس احنا ماننجمع شكو جايني

وليش يدوخ وياي حياتي عاوجة من صرت تالي وكت تتغير اشتغلت ورجعت هم نعمة احسن من الكعدة واحد يطلعلة كم فلس رجعت دخلت لبيت دراهم جنت جايتها انطيها كلادة سن الذيب

وتجمدت بمكاني من شفت النسوان البعت عليهن الحصو يمها باوعلي وكاللها  .

_هاي انطتنة خزر كلشي مافاد

خزرتني دراهم بسرعة رجعت لشخصيتي وكتلهن

_شلون خليتها؟

_وي ملابسة كلتيلي

_اي صح بس يا ملابس

_ملابس الطلعة

_هااااا وتكولين ماتشتغل أصلاً انتي هيج

خربتيها بعد ماتفيد لشي المفروض تخلينها

بملابس البيت الكل يوم يلبسهن مو الجدد

خرب مفعولها بعد اني مدخلني

_بس انتي كلتي وي ملابسة ماحددتي

_واني شمدريني هيج راح تسوين وتخلينها بملابسة الجدد ادري بيج مادري

سكتت وحجت الثانية

_واني ابني كلشي مافاد وياه يريد يتزوجها

_اي انتي الماي التشربينة اله شوكت وجم مرة

_مو دوم الحك علية بس من اتذكرها انطية ماي

تقريباً مرة كل يوم اشربة

_خربتيها راح مفعولها أصلاً مفعولها باول ايام يشتغل وانتن استخدمتنها غلط شعلية بعد اني

بعتهن الجن شغالات ابنج باليوم تلث مرات تشربينة وكون الصبح على الريك مرة وقبل لاياكل يشرب مو هيج تعذرني خرز وخربتن مفعولة

ماكدر اسوي شي

حجن رادن انطيهن غيرهن كتلهن بعد ماتوصلني

بقن يم دراهم واني رحت اغسل طلعن شيسون ولو يحجن ويردن فلوس العب بيهن طوبة وافضحهن ببيوتهن بس كفن ومشن مبينات امهات دروب وعادي عدهن يصرفن هيج ثكال مو نسوان صحت متوجعة من لوت اذني دراهم  .

_يمعودة على بختج اذنيييي

_ولج تشتغلين من وراي

_مبردة جبتلج مو احسن من ذيج مبردتج

صوتها جنة جلب ينبح هاي حتى سوت وجهج

ابيض تلفح تلفح ايرانية فول تبريد

_ودكليلي من البزاز ايا ماتستحين

شلون هيج تجذبين

_عادي مو حرام هسة لو ماماخذة منهن فلوس

راحن سون سحر اصلي وطشرن العربان

_والله مصيبة انتي

اندك الباب ذبيت نفس ودراهم تكلي استلم مشيت واني احجي:: وعلي الزمهن اكتلهن كتلة معدلة دينار ما انطيهن بطل مي ما انطي وبت امها التحجي وتفك حلكها

فتحت الباب وانصدمت جمدت بمكاني واخر شخص متوقعة اشوفة يجي ويدك الباب

رمشت بعيوني وكلبي دك بقوة اتخيل الراح يصير

_شجابج

_صبيحة: اجيت بعد ماطردوني من البيت

اريدج تساعديني وتاخذين حكي منهم

بجت بقهر دخلتها افتهم منها كعدت تبجي بحركة وعيونها حمر دم جبتلها مي بارد:: غسلي وجهج

واشربي حتى اساعدج

غسلت وجهها وشربت مي فحطانة كوة تتنفس

دكت على رجلها ابد ما انقهرت عليها بس سايرتها لان شغلي يمها  .

_صبيحة: غدروني رجلي ومرت حماي الجنت حاسبتها مثل اختي طلع عاقد عليها وجابها كدام العالم علساس مرتة حتى محد يحجي علية

ويكلي ماعاجبج اطلعي الباب يوسع جمل

تالي طردوني

ضحكت بصوت عالي من كل كلبي ودراهم تخزر بيه اسكت  .

_صبيحة: حقج تشمتين بيه مارحمت بيجن

واني وياها طبكنا عليجن وهججناجن

اضحكي واتشمتي حقج هذا بس ساعديني اجيتج تساعديني

_كواكب: اني اتشمت بيكم كلكم واحد واحد مو بس انتي كلكم ذليتو اخواتي واذلكم كلكم ارجع حقهن البكتو اساعدج اني اجيتج لبابج وكتلج تساعديني اساعدج حتى لو ماحبج وما اتمنالج الخير بس شي عن شي يختلف

_صبيحة: بعد ماعندي احد غيرج ادري

بيج. داهية وتفترين عليهم ابني سكت وي ابوة

خاف لايطردة

والثاني بالسجن بس انتي ضليتي

_شوفي من هسة وهاي كدام دراهم

بيت اعوفلج باسمج وراتب بس بشرط

تنفذين الاكولة الج

_شتفصلين البس

_من الاخير تعترفين سالم كتل اخوة

جبار وبصمة على املاكة قبل لايموت

وهاي هية اوكل محامي وولدج يشهدون وياج

البيت يسجل باسمج احنا مانريد بس بيت جبار القديم والمحلات الفتحتوهن بفلوسة اخلي ولدج يشتغلون بيها شكد يحصلون انطيهم

وراتب الج

اصفر وجهة وسكتت

_صبيحة: ماعرف شي عن السالفة

جبار هو مات سوى حادث ومات

_كواكب: ما مات بحادث هو بعد الحادث

ماشكل خطر علية اني وياج نعرف كلش زين

هو بصمة بالمستشفى بعدها مات من الله مات؟

لا هو كتلة مثل مامات اخو الثاني من وراة

فاني هذا العندي تمشين وياي تعترفين

علية انطيتج كلمة واوفي بيها حتى لو اني اكرهج

اخلي كرهي على صفحة وانتقامي منج

واضمن عيشة محترمة الج راتب وبيت باسمج

وشغل ابنج مايتغير ولاينقص من فلوسة وهيج انتي انتقمتي منهم اشد انتقام

كمت من مكاني وهي تباوعلي ماحجت شي

_كواكب: اني رايحة وانتي شوفي ولدج

هما يعرفون بالسالفة اكيد يشهدون وياج

اقنعيهم

_واذا ماكدرت اقنعهم

_ترجعين للبيت تكعدين لاتسوين مشاكل

سوي روحج راضية عليهم وافتحي الموضوع وياهم ذكريهم بيه وسجلي كلامهم بيه اعتراف سالم بعد انتي وشطارتج شلون تفتحين الموضوع

وهنا اسهل علينا يصير بس اعتراف بلسانة ينسجن

لا كالت اي ولا لا بعدها الموضوع ماداخل براسها طلعت من البيت رجعت لنيزك سيارة ضيغم طابكة بس نزلت لاكاني دخلت بدون ما احاجية لو يريد يحجي جان وكفني تلكاني امير بيدة حلويات

_امير: تواتب هذا ضيضم زابلي

_خوش ولد طلع ضيضم

انطاني نستلة اخذتها منه اكل بيها نيزك تصلي

وبس خلصت صلاة كالتلي:: اصبلج اكل

_لا راح اسبح كملي

اخذت ملابسي وهي اخذت مفاتيح الجنان تقرا

امير يلعب عفتة طلعت انكت بشعري  .

_موري ضيضم موجود

_اي هنات يم سيارتة التبيرة

مشيتلة صدك لكيتة يم سيارتة يراسل بتليفونة رفع راسة من شافني ذب حسرة وضم تليفونة 

_كواكب: شصار ماصار ضرغام شلونة؟

_زين مرتة جابت

_حلو وبعد شسويت

_جاي اركض بسالفة الورث

_شالو مو؟

_اي  كلها طشت

_والسحار هم اشتكيت علية لو عفتة

_شالتة الشرطة قدمت التسجيل

هم زنا وهم اعمال شيطانية راح بيها

_يستاهل بقن ذني الشيطانات شلون اسيل كاعدة بالبيت محد طردها

_بعدها نفسة اعتقد فترة تمر يلة يتصرفون وياها

_حلو وانت؟

_شبية اني؟

_شوكت ننفصل

_ليش هسة احنا مرتبطين

_بالاسم اي

_وضارج

_هسة لا بس بعد كم يوم اي

_سهلة بس افرغ ننفصل

_وعد

_وعد رجال

_اكلك تعرف محامي شاطر؟

_شتسوين بيه

_محتاجتة

_كولي لاتحجين حزازير

_هو المفروض ما اسولفلك بس يلة ميخالف

هم اعرف رأيك افكارك

_عفية هيج وسولفي

خليت ضهري على السيارة وكتفت ادية احجيلة

الصار وفكرتي  .

_ضيغم: اذا اعترف بالتسجيل ومرتة شاهدة

يروح بيها بس ماعتقد بسهولة تصير

_تصير بسهولة هذا ربك يسهلها لازم تطلع شمس على الحرامية وماكو مجرم مايتعاقب على جريمتة

مو اني ولا صبيحة نكشف سالم ونخلية بالسجن

لا رب العالمين حتى يحق العدالة وكل واحد ياخذ جزاتة يمكن يخليني وسيلة لان بداخلي رغبة

_ان شاء الله عاجلاً

_اي هسة انطيني رقم المحامي

_اني احجي وياة

_هم خلة روحة بالنص ماترهم

_يلة اسكتي كتلج اني احجي وياة واشوفة شنو يكول

_هسة اتصل بيه

_لاهسة مشغول بعدين اتصل بيهة

_زين انطيني رقمك اتصل بيك

اذا احتاجيت

_اوكفي اشوفلج ورقة وقلم

راح يدور بالسيارة اجة بيدة بس قلم كال

_مالكيت ورقة بس قلم

_شعجب مو عندك فايلات شي

_ماكو لللاسف

_امرنا لله دجيب اكتب على ايدي

مديت ايدي اخذة منه كال

_اخربط بيه اذا اردة اني اكتبة احسن

سحب ايدي كتبة بخط حلو ومن خلص رسم وردة صغيرة وكتب بخط ناعم "كانها انتِ"

ضحكت وسحبت ايدي وهو عيونة تلمع مبتسم

_المثقف خوش عندك سوالف

_عندي هواي سوالف بس اخاف منج

_غير صاحب تجارب شلون ماتصير عندك هواي سوالف

_عافت كلشي وركزت بهاي شيخلصني بعد

_لابعد ماتخلص يلة روح لاهلك شعندك باقي هنا

مشيت اريد ادخل وكفت من كال

_كوكبة

التفتت علية:: ها

_بداعت اعزاز كلبج لاتطلعين تشتغلين

ابتسمت ارجع كذلتي ليورة

_شلك بيها هاي تعرفني ماكدر اكعد

اليكعد مايعيش

_بس اكعدي شتردين اجيبلج

_بصفتك منو؟

_اليريحج انتي شنو اعتبريني

_انت خوش انسان بس ماكدر اخذ منك

دينك هواي احاول اسدة مو ازيدة لاتهتم بيه

اني متعودة

_بس هالفترة وبعدها اشتغلي اليعجبج

_شنو اليتغير بهاي الفترة؟

_يتغير هواي بس اسمعي مني واكعدي

ماكدر امنعج بس ياريت تسمعين مني

_عندي شغل باي

عفتة ودخلت نيزك سالتني وين جنتي

_احجي وي المثقف ابن المثقفين

_لشوكت نبقة هنا

_بس فترة

_وين نروح كواكب

_بس عوفيها. تصفة شهب ما اتصلت بيج

خاف تبقة بقلق عليج

_اتصلت بيها لكيت هواي مكالمات منها

رجعت لبيتهم دكول هدوء والبيت فارغ

بس هي وعمتها جاياتها حمواتها منضفات

البيت ومعزلاتة دكول راحن مابقن

_همزين مو حياية جان صرنا بثنين

_لا خوش بنات حبابات على امهن

_ابوهن مثقف كلش تحسينة سياسي

فد شخصية مرقومة بالمجتمع

طريقة كلامة اسلوبة لبسة حتى حركتة

مال ذولة الشخصيات المهمة المهمة

_وانتي شدعوة مركزة بيه

_الصراحة حلو اكول ولدة عليمن طالعين

شخصيات

_الله يحفظهم

_ما سالتي فقار رجع بنتة خطية؟

_لا والله ما سالت

_خل نخابر نجوم نشوف اخبارها مشتاقتلها

_يلة اني راح اكشر وانتي الزمي التليفون

طلعت خضروات كعدت تكشر واني لازمة التليفون احجي وياها سلمنا على مرت خالي وهي تحجيلنا عن الوضع هناك  .

_نجمة: كعدت الصبح بتوقيت تركيا كلبت الغرفة رايحة راجعة اروح ما اروح اطكطك باصابعي واحجي وي نفسي بصوت مسموع

_روحي نجوم الى متى تبقين كاعدة بالبيت

وين تحصلين مثل هاي الفرصة اطلعي اشتغلي لشوكت عايشة بنفس اليوم الشؤوم ليل ونهار براسي الموضوع عاد اخلص بس النهار وبالليل اتعب وانام من وقت

ومثل الحبابة اقتنعت بسرعة بكلامي رغم كلها تحجي عليه ما اقتنع منهم،فتحت خانتي اكلب بالملابس  اختاريت

فستان رسمي بالون النيلي وياة شال ثلجي

وجنطة وكعب بنفس اللون على السريع بدلت

وجهزت نفسي طلعت اخابر ابو ميس كلي منتظرج برا وهالفترة اجة علمود الشغل لتركيا ميس حاجية وياة علمودي وكال مادام موجود اخذها بنفسي

طلعت لكيتة منتظرني سلمت وصعدت  .

_شلونج بابا شخبارج

_الحمدلله عمو ميس شلونها

_بطلة ميس رجعت تشتغل بالشركة

مثل اللبوة دارت الشغل وصارت الكل بالكل

تامر وتنهى وموكفة الموظفين على تك رجل

ههههههههه

_هاي اخذها الواهس كلش

كنالها تشتغل بس ماتاخذ الدور

_بينا الحجي بابا مو توصلينة الها

_لاعمو ابد ماحجي كول سرك بكهوة اقصد بير،

_هي وصتني الكالج شغل بعدين كالت

لا بابا لاتلكالها هاي بس تلكة شغل ماترجع للعراق

فر بيها وارجع وهاي ادز مسجات وبصمات

دكلي لاتلكالها شغل ارجع

_ايا حقيرة تندمت من كالتلك

العوبة اني الها

_لا بابا بس هي تريدج يمها

دكول ماعرف اشتغل وهي مو وياي

_مثل ماعافتني وبقت بتركيا

الا اعوفها هي حتى اتصال ماتجاوب عاد اني احسن كل يوم احجي وياها

_ليش شنو صار بينجن حتى كطعت وياج

_ها لا ماصاير شي بس هي ماترد حتى لا تتاثر وترجع

يمة همزين ماجفصت وكتلة علمود قبس راحت لتركيا غير الموضوع للشغل واني اجاوبة اذا اعرف واسالة بمواضيع ماعرفها وهيج خلصنا الطريق

نزلنا كدام شركة بسيطة مشينا سوى وهو يكلي

_هذي الشركة لصديقي عراقي

من ام تركية راح تلكين موظفين

اتراك وعراقين وباقي البلدان العربية

اكثرهم السوريين بالبداية راح يختبرونج

باشياء انتي تعرفينها بعدها تبدين شغل

سلم على الرجال الكاعد بالرسبشن

الولد سوري او لبناني ماميزت   .

_نجمة موظفة جديده اعتبرها

اني عندي اجتماع مهم ياريت تاخذها

لمكانها

_ولو تامرني امر

كام من مكانة واجة وياي يحجي

_اهلاً نجمة كيفك احوالك

_الحمدلله

رفع ايدة اشر لبنية وصاحلها

_ولييي لبنى معاك عم بحكي

تعالي لهون

اجت البنية تفتل بشعرها

_انا رايح لشغلي

خذيها تشتغل معاكن موظفة جديدة

_لبنى: اهلين حبيبتي

امشي معاي

اخذتني لصالة مليانة بنات من مختلف الجناسي

كدامهن حواسيب يشتغلن والمكتب الكدامهن متروس حلويات وكرزات ياكلن ويشتغلن استغربت ماكو كاميرات سالتها كالت..

_المدير مابيحكي اهم شي نخلص شغل

_والله مبين خوش مدير

_كتيررر كتيرر كتيررر

اخذتني لغرفة التسجيل كملت من الاختبار وعلموني على الشغل مو شي جديد علية

طلعن استراحة بقيت وي كم وحدة نكمل شغل

تعبت وجعت رجعن يسولفن نصهن سوريات  .

_لك شفتية ولييي يئبرني ابررر شو طول

شو جسم شو جمال هلئ هيدا مدير والعدنا مدير

_كتير حليو يشكل ئاسي

كمت من مكاني اروح اكل قبل لاتخلص الاستراحة

بقة عندي فضول كلهن يحجن بشخص سالت لبنى

_اكلج حبيبتي شكو منو اجة

_مدراء عرائين

هزيت ايدي ونزلت واذا مدراء عراقيين هسة شنو نازلين من الجنة شبيهن ذني نزلت للكافتريا ماعدهم لفات سالت بنية:: يبنية ماكو لفات شي هنا

_لا حبيبتي هنا ماكو اطلعي من الشركة كدامج كافتريا يسوون اكل اطلعي جيبي وتعالي

_طلعتي عراقية واخيراً لكيت وحدة من بلدي

_جاية وياج بت بلدي العراق

طلعنا نسولف ماحسيت بالوقت خلصت الاستراحة رجعت بيدي اكلي كلت اكلة جوة واحنة داخلين طلعو خمس زلم من الشركة  صارو  بوجهنا

رفعت راسي وتبخرت ضحكتي من شفت

فقار وياهم وحسن وابو ميس وثنين ماعرفهم

باوع بوجهي وابتسم رجعت المشاهد تتكرر براسي

رخت ايدي وكعت العلاكة دنكت البنية تاخذهن وتسالني شبيج لزمت بيدها ومشيت بدون مارجع اباوعلة بس اريد اختفي من كدامة وصلت لمكاني

نفسي مكطوع وجسمي كلة يرجف ما اسمع شي

حتى من البنية تحجي وياي اخذت بس مي شربتة يوكع مني ودموعي صارت تنزل بس شفتة هيج

صار بيه لذلك ماريد ارجع واتذكر شي  .

كلهن صارن يباوعلي ويحجن بيناتهن مسحت وجهي وحاولت ما اتذكر شي رجعت اشتغل و الاكل انطيتة الهن اكلنة نفسيتي انسدت ولعبت روحي خلصت دوام على اعصابي طلعت لكيت ابو ميس متصل بيه رجعت اتصل بيه  .

_ها نجمة خلصتي شغل؟

_اي هستوني طالعة

_اوكفي اخذج بطريقي

_لا شكراً عمو اندل الطريق مايحتاج

_لابنتي مايصير ترجعين وحدج اساساً اني قريب منج

بقيت واكفة منتظرتة وصافنة بالاشي فزيت على حركة شخص يمي اندريت فتحت عيوني على وسعهن ورجعت بلا وعي ليورة  .

_نجوم

اشرت بيدي لا ومشيت بسرعة بلا مارد علية مشى وراي يحجي  واني دموعي تنزل  .

_شبيج نجوم اوكفي احاجيج

_رررروح منااا رررروح ماريد احجي وياك

امسح بدموعي ويرجعن ينزلن صرت ماشوف كدامي شهكت سحبني من ايدي ضهري انصدم بيه والسيارة فاتت من كدامي الرجال يحجي بالتركي بصوت عالي علية بقيت جامدة بمكاني لو ما سحبني جان اندعمت ايدة لازمة زندي حسيت وابتعدت مغمض عيونة بس وخرت فتحهن ذبلانات

وجهي كلة دمع ومن بجيت ضاك نفسي كوة اتنفس من ورة خشمي  .

_شتررريد مني لاحكنيي شترريد

مو شردتت المن لاحكنييي

بلع ريكة واشر على نفسة

_ليش نجوم اني فقار نسيتي منو فقار

بجيت بحركة يريد يلزمني ويمنع نفسة

_والله مانسيت ولا انسى انت اكثر شخص

حباب تعاملت وياة بس ماريد اشووفك

اتعب من اسمع بطاري اسمك اتذكر كلشي

اتذكر من كال..

كطعت كلامي مشيت سحبني من ردني

_بس اني اريدج نجوم من رحتي ولهذا يوم

واكفة الايام عندي وكارة كلشي مابية ذكرج

اباوع لمكانج ولشكولاتة واشبع قهر

نجوم ارحمي بحالي طك الشيب حتى بگلبي

_ماريد اشوفك اسفة ماكدر

الصار بيه بسببك فهمت روحي مالك غرض

بس يبقى بسببك اسفة استاذ

_نجوم والله اخذت حيفج منه

طلعت روحة الف مرة

خليت ايدي على اذني اتهسترت بمجرد ذكرة

_فقار: وداعت ضحكتج حتى بالشركة اذا

رجع ماخلية...

نجوم  كافي مليت اني احبج الى متى ابقة كاتم بگلبي رحتي من ايدي مرة ماريد ترحين مرتين

احبج تسمعين فقار ميت بطاريج

بضحكتج بكلماتج بسوالفج احببببج

نجووووم احببببج

_ماحبك انييييي

_وانييي احبج واموت عليج

واعشقججج ماكو واحد يحبج

بكدي نجوم استوعبي خليها بالج اني عاشق نجوم

من كثر ماحبج مكابل السما واباوع على نجومها

نجمتي انتي بنتي وحبيبتي وكلشي حلو

شفتة انتي

شهكت بقوة ونترت ايدي منه ومشيت

بس شفت ابو ميس صعدت وياة اباوعلة بقت عينة علية:: عمو حباب امشي بسرعة

شغل السيارة يسالني شبية ماكدر احجي صعب علية النفس طمنت ابو ميس نزلت  مسحت وجهي ودخلت للشقة بوجهي لغرفتي سديت الباب علية شلون اكدر افهمة من اشوفة اتذكر اللحظة من ضحك بحقارة يكلي خطبتج علمود فقار وراح اخذ عذريتج حتى ماتحجين  اسمة انطبع بذاك الموقف

اخذت ملابس ورحت اسبح ارتفعت حرارتي رجعت لغرفتي لفلفت روحي ونمت ارجف ميس تتصل بيه جاوبتها:: ها ميس

_نجوم شبيج افتحي خط على الرجال بس طمنية

عليج والقرآن خبصني خبص ارحمي بحالة بس جاوبية

قفلت الخط بوجهة وغمضت عيوني كلامها يدك براسي ورجعت اتذكر كلامة بجيت اكثر شلون يحبني ويكول اعشقج ليش ماكالي ليش ماحسسني

بحبة وهسة شيريد بعد الصار يعرف كل الزين ما راح اقبل بية ولا بغيرة  .

مرت ساعات غفيت بيها فزيت على دكة الباب مرت خالي تحجي كتلها:: تعبانة اريد انام

باوعت للتليفون اخذتة وادية ترجف دخلت على صفحتة مسويتلة كتم لكيت  الرسايل والمكالمات ماتنعد ماكدرت اقراهن

رحت على اخر شي كاتب  .

بس حاجيني نجمة

مو فتتي كلبي اذا تشوفيني اأذيج اأذي روحي

وما أذيج

اتصل ترددت افتح اتذكرت ايام جنت يمة جاوبت بدون ماحجي شي خليت التليفون اسمع صوتة

_الو نجوم تسمعيني

شلونج زينة احجي شي

_لا.... مو زينة استاذ

سحب نفس قوي كال

_ نجوم هسة اني يم الشقة

اطلعيلي

_لا

_ليش تشعوطين بيه بس خل اشوفج

واطمن اطلعي بس شوية

_مابيه حيل امشي

_اجييج كولي جاايج

غمضت عيوني شوكت انسى واتخطة الصار كل ما اباوع للمراية اشوف خشمي اتذكر الى درجة صرت ما اباوع بالمراية حتى لايخطر بالي نسيت الاتصال مفتوح ونمت فزيت الباب يندك بقوة وجهي كلة عرك  كمت فتحت الباب مرت خالي وجهها اصفر

_شبيج نجوم مو صارلي شكد ادك بالباب عبالي صارلج شي

_جنت نايمة ما اسمع

_فقار جوة يريدج

_ما اطلع

_بس اطلعي شوفية شنو يريد وارجعي

والله عيب عليج الرجال شكد صار منتظر

_ما اطلع

_اطلعي مو بكيفج

راحت ادور بملابسي شمرت علية فستان صيفي وشال:: تلبسين بسرعة واطلعي يلة حبيبي يلة عمري لخاطري

بدلت وطلعت راسي مسطور لكيتة واكف مدنك راسة كتلة:: ها

رفع راسة ابتسم

_ها عمري ها عيوني

رفعت حاجبي هذا شبية هيج يحجي

مد ايدة بجيبة ابتسمت طلع شكولاتة مديت ايدي

ترددت اخذها باوعت بعيونة كال

_بنتي الاولى رجعتلي بقت الثانية اخذيها

وارجعيلي

اخذتها من ايدة

_بس مارجع بس اخذها

ضحك وهز راسة

_المهم عمري المهم شفت ابتسامتج الترد الروح

_شبيك

_البيه انتي ارجعي للعراق

_ماكدر

_تكدرين صدكي

_بوسلي ود باي

دخلت والشكولاتة بيدي ما اكلتها مليانة عطرة

اجاني اشعار،عبالي من فقار بس من دخلت علية كزبر جسمي من سمعت الرسالة وفهمت مضمونها   .

________

_كواكب: رجعت اشتغل وبالي كلة يم صبيحة طلعت جبانة مو مثل ماتصورتها واللحظة الانتظرتها من سنين جانت كفيلة تساعدني بيها واحقق مطلبي بس اختفت هي واخبارها واعتقد تقبلت الوضع شترجة منها  .

الشمس تسمط عود لابسة شفقة واني اشتغل وبالي مو يم الشغل وحتى شكد اطلع فلوس عادي واني اركض خلصت المي محمود كلي  .

_روحي جيبي صناديك من المعمل للعصر نبيعهن

عوفيهن يبردن

_يلة رايحة اجيب الي بس

_لا اوكفي اروح وياج حتى اجيب الي هم

انتظرتة شوية بين ما باع ورجعلي طلعنا سوى للمصنع انطيتة فلوس دخل جاب صناديك خليتهن جوة رجلية ونصهن بحضنة طلعنا نزلهن وطلعت

من بعيد شفت سالم بسيارتة طبك خليتة ينزل

راقبتة كعد يسولف بالمحل باوعت منا ومنا محد

طلعت سجينتي ونزلت للتايرات بكل حركتي

دججتهن عبالك هو كدامي وادج بيه

افتريت عليهن كلهن ملختهن نزلت السيارة للكاع

ماكتفيت ولابرد كلبي باوعت محد جريت السيارة

بالسجينة من الطول للطول صار شخط واضح من بعيد رجعت للصفحة الثانية هم شخطتها

وركضت لدراجتي صعدت وشخطتها لو ماخفت واحد يشوفني ماخلي شي بيها ما اكسرة   .

رجعت لدراهم وهاي كل يوم اتغدة يمها وانام ساعتين واطلع للشغل ماكدر ارجع يم نيزك بعد

لكيتها تسوي بطفل يصرخ رحت احمي الاكل بين ماطلعت النسوان نمت  بين الحلم والواقع اسمع صوت صبيحة تحجي فزيت افرك بعيوني عدلت

كعدتي من شفتها باوعتلي على وجهة ابتسامة نصر

_ها شو هالمرة ماتبجين

_صبيحة: شكد هما خبيثين وحقيرين

مايوصلون لربع من خباثتي

_راضعة وي الشيطان ادري بيج

_صبيحة: تتحوقر وياي وطلعت وجهها الثاني علية

تلبس وتكشخ تبقة منتظرتة بالباب تاخذة كدام عيني حاسبة روحهة هستوها متزوجة وفرحانة

الدنيا بعينها وردية مادامة صار الها اشوفة يموت ولا احن علية

_ها سالمة غير تحجين شمسوية

طلعت تليفونها من جوة عبايتها ردت اخذة رجعتة لصدرها تهز راسها لا:: شنو يضمن انتي توفين بكلامج

_ماعندي شي يضمن كلمتي كلمة

كتلج حتى لو اكرهج اوفي بوعدي الج

بس شنو سجلتي

_اتمنى ماتغدريني وتنتقمين مني

_لاتخافين كلشي وحد

فتحت تليفونها كلبي دك بقوة فتحت تسجيل غمضت عيوني ورجف جسمي  .

_سالم: اتذكر جان جبار عندة خير من الله اروحلة ينطيني ومن ارجع علية يكلي ماتشتغل

كل يوم جايني انطيك ابتليت خوما ابتليت

تالي سوى حادث دلاني على فلوسة حتى اصرف علية وعلى مرتة ماعبالة مرتة ماتت

اني هناك والكة الفلوس هو مدير مدرسة ومرتة مدرسة كلة ضبات فلوس

_افنان: شاهت عينك هههههه

_سالم: رجعت للمستشفى بيدي اوراق التنازل عن كلشي يمتلكة ماردت اكتلة بس احول املاكة باسمي حالتة استقرت شوية  كطعت المغذي عنة ماوعى بصمتة وهو نايم

_افنان: قابيل ماسوى سوايتك

_سالم: تحجين علية مو جنتي فكر لوما اني يلشيطانة علساس ما تدرين مو فكرتج

_افنان: ماكتلك اكتلة كتلك بس حول كلشي باسمك

_سالم: من وعى عرف من ايدة

_افنان: تالي خنكتة بالمخدة

_سالم: اي شسوي مافكرت اعوفة وامشي كلت راح ياخذ فلوسة وبيتة مني وخاف كبل ينطيني هسة ربع ماينطيني

_افنان: قابيل الفلوس صارت كلشي كدامك

لهنا وكف التسجيل واحس نفسي وياة وكف

شنو من بشر شيطان هذا بس اريد اعرف شنو من مخلوق هذا ماكدرت احجي شي مديت ايدي طلعت الرقم وبصوت يرجف كلتلها..

_دكية واتصلي

اتصلت اجاني صوتة

_تعال ضيم

_جايج

دزيت المقطع اله وكتبت احفظة يمك

ودزة للمحامي اخذت الموبايل مني

وكامت كالت:: اني رايحة خاف يشكون بيه

عود لاتغدرين تذكري اني منو

بقيت جامدة بمكاني اعيد بالصوت واكول هاي شلون فتحت الموضوع شلون خلتهم يحجون بيه بكل اريحية ومن كد ماذكية ماحجت اي شي بس صوتهم طلعتة

لهناك واجة ضيغم واني على كعدتي حيلي بايد اتخيل شلون خنكة وشلون اذاة وهو جبار ماكو احن منه اني مو بنتة وعاملني نفس بناتة وازيد

يفرفر بيه بالدكاترة وشكد دفع فلوس مايهمة

كمت من شفتة ودموعي نزلت اجة بدون تردد

اخذني لحضنة بجيت گلبي يوجعني من القهر

شلون لو البنات سمعن التسجيل شيصير بيهن

_ضيغم:خلصت الايام الصعبة كافي عيوني

رفعت راسي امسح بعيوني

لزمت ايدة وبنظرة توسل كتلة

_اريد اشوف سالم واباوعلة من ياخذونة للسجن اخذني الهم

_صار من عيوني

صعدنا بسيارتة ورحنا لبيتهم طبك على صفحة سيارتة بالباب طابكة كال::هسة تجي الشرطة

_انطيني تليفونك

بدون ماسال انطانياة فتحت كاميرا ونزلت نزل وراي وصوت سيارات الشرطة دوت بالمنطقة طبكت بابهم ونزلو دكو الباب طلعلهم يسالهم شكو

تقربت اصور وضيغم بضهري باوعلي متفاجا كال

الضابط..

_عدنا مذكرة قبض باسم سالم

_ليش شنو مسوي سيادتك

صاح بالشرطة شيلوة رفعت ايدي وضحكتي على وجهي ضحكت بصوت عالي عيونة تريد اطك وبس يريد يفهم ليش ماخذينة..

_كواكب:سالم تذكر من خليت الشرطة تاخذني

وعدتك كتلك يجي يوم واخليك بمكاني الفرق تدري الفرق وين اني طلعت بكفالة وانت مؤبدددددددددد

خلوة بالسيارة يصيح

_بت الزناااااااا بت الحررررام صوجي ما كتلتج وخلصت منج

راحت سيارة الشرطة واني اصور بقة التصوير مفتوح انداريت للبيت نسوان نزلت سحلن افنان وهي تصرخ بصوت عالي صعدوها بالسيارة

وصبيحة وراها تسويلها باي وتضحك شيطانات ثنينهن مديت راسي احجي بصوت عالي لافنان

_تذكرين من تاخذين مني ربع ربع

ولاعبة بينا طوبة ارتاحي باخيس مكان

ياخيسة

الجيران طلعت على الصوت سحبني ضيغم اخذ تليفونة وصبيحة فرحانة اكبر شيطانة ماينكدرلها

مشيت للسيارة صعدت  .

_شوكت يرجع كلشي لاخواتي

_يحتاج وقت مو بليلة ويوم

_خلي المحامي يستعجل بتدوير الاملاك

_ان شاءلله

خليت ايدي على كلبي يدك بقوة مو طبيعية باوعتلة عيوني مدمعة من الفرح واحس روحي بحلم  غمضت عيوني من مسح عليهن

_هاي عيونج كارثة

_وفيت بوعدي رب العالمين اخذ حقي وانسجن

وحق اخواتي رجع

_رب العالمين ماينسى عبدة ولايغفل

عن عين تبجي من الظلم

ضحكت ونزلت دموعي

_حتى ماعرف شكلة هسة

سحب راسي لصدرة يبوس بية

مسحت دموعي وكتلة ياخذني لنيزك

اول ماشفتها حضنتها ابوس بيها بقوة

استغربت وضعي تسالني شبيج

_كواكب: تذكرين من اكلج سالم نهايتة على ايدي

_هم رجعنا لسالم كواكب هذا مو وجهة خير لايسويلج شي

_مايسويلي سلمتة للشرطة

طلعت التليفون من جيبي فتحت المقطع شافتة جمدت بمكانها  .

_ليش اخذوة؟

_صبيحة سجلت صوتة اعترف هو كتل ابوج

شهكت بصوت عالي فاتحة عيونها على وسعهن

لزمت ايدها:: افرحي لاتبجين بغلاتة عندج

راح للسجن يخلص باقي عمرة ويرجع حقجن

مثل ما اخذة منجن

هالخبر اخذ دموع من اختي دموع حزن ودموع

فرح وخلصت الليل كاعدة تسبح ودموعها ماسكتت هاي ماسمعتها البصمة وهيج صار لو سمعتها شتسوي  .

ثاني يوم قبس جاب شهب وراح لشغلة

بقت يمنه ونيزك من سولفتلها احتارت شلون تعبر عن مشاعرها حضنتني تبوس بيه ونيزك دكول

_امي جانت دكول لابوي هاي البنية

شكد تعبت عليها راح يرجع الك بالدنيا وبالاخرة

وابوي يكول ماريد بس عينها على اخواتها وحدة تحمي الثانية تالي صدك رجعت تعبهم اضعاف

وطلعت حقه الراح من سنين

ومن هذا اليوم ملتهين بالقضية نيزك حتى نست ضرغام وحالتها النفسية تحسنت ضيغم هو والمحامي تكفلو كلشي ومن كمل الشغل اجة وكال

_البيت باسم منو يصير

_باسم نيزك

نيزك ماتدري من كلتلها كالت لو اموت ما احولة باسمي كعدت اقنع بيها عندت دكلي انتي تعبتي بيه باي حق اسجلة باسمي  صحت بيها دمي فاير

_ملك ابوووج ابووج نيزك فحطتيني بعد ماتشوفين وجهي هي ورقة وعليها اسم

عندج ابن وراة مستقبل سجلية باسمج

اني لو تنكلب ما احولة باسمي

_نيزك: انتي ليش تعاندين

_انتي ليش تعاندين هو اني وين اكعد بالشارع غير وياجن

اخذتها كوة عنها

المحامي جان يحجي بعدة ولد شاب

بكد ضيغم تقريباً  .

_المحامي: المحلات تعتبر املاك ابوجن

لان بفلوسة

_كواكب: حولهن باسم ام مير

اطكك بعيونها علية عبالها اخاف منها لهناك كلبت علية وصرنا عرك يلة كملت الإجراءات بقة بيت

لسالم هو جان عايش بالايجار وكل العندة بفلوس جبار جابهن البيت هم للبنات يعتبر بس اني واعدة صبيحة اجت وحدها وقعت على املاك البيت

وقبلها اني كاتبة شرط يوسف ضمن البيت يبقة

هي تدري من وقعت كلتلها سكتت

يبقى يوسف خطية وين يروح والبيت جبير

الهم  .

_صبيحة: بالعافية عليجن

كل هذا الخير، لاتنسين كواكب دزيلي راتب

كل شهر

_كواكب: ما نختلف على الصغار

صعدنا وي ضيغم

اخذنا لبيت جبار النذل ماجرة طلع

واحنا كل ضنا باعة واكول بعد ماصارت عركة سامر ودفع فصل وشال من بيتة اخذ غيرة شلون هيج رجع سيارة وامورة عالية كلها من المحلات طلع من الايجار راح ضيغم يحجي وي اهل البيت

يفرغونة انطيناهم مهلة تلث ايام  .

وبهاي الايام شالو الناس ورجعنا للبيت جنطنا بيدنا بس اني ونيزك دخلنا فارغ البيت نيزك كعدت تبجي حضنتها ابجي وياها البيت متغير ماباقي على حطتة بس بعيونا ماتغير والذكريات بيه هنا جبار هنا هيلة هنا جنا نلعب ناكل هنا ذكريات بكد ماحلوة توجع الكلب  .

شكلت الصوندة اغسل بيه ونيزك تساعدني ماكو ساعة وطبكت السيارة رحت افتح الباب جوري وردة وشهب جاية نزعت وردة صايتها شمرتها وصاحت بفرحة  .

_اجينا نساعددددجن

_اخوج جابكم

_اي

_زلمة معدل ماكو ازلم منه

شهب اخذتها نيزك تسكتها انتهت من البجي

غسلنا البيت كلنا شغلنا المراوح نشف وخابرت على ضيغم اشوفة وين كال بالشغل..

_اي عفية مو تجيب شي

اخذت فلوس من مردود المحلات اشتريت بيهن غراض للبيت نزلوهن الولد ومن اجة ضيغم شردت منه كد ماصار عصبي  .

_كتلججج عندي شغل ترحين تصيررين زلمة ليش ماتنتظريني ك**" اني

_المثقف ابن المثقفين حشاك

اجة قبس العصر شدو الغراض وقبس فرشتلة نيزك كال ابات هنا باوعت لنيزك صفح  واخذتها جوة

_اكلج ذولة مايخلونا نكعد هنا الضاهر

هسة هذا يكدر ياخذ مرتة ويروح شكو باقي

_نيزك: عيب اكلة شكو باقي نشوف باجر يروح لو لا

شعدهم ويانة نسوان مالهم بعد

صفنت ونطقت بصعوبة هم صح

طلعت من البيت ضيغم اخذ اخوتة صعدت وياهن كتلة عندي شغلة وصلهن للبيت كلي

_ها شنو الشغلة

_ننفصل اعتقد

_ذكرتيني مادام فرغت يلا

حرك السيارة سكتت مانطقت ولا حرف جنت اريد احجي هواي عندي حجي اريد اكولة اله بس من وصلنا لبيت الشيخ وطلع سلم علينا هنا سكتت

يتبع....

_____________________________

اللهم صلِّ على محمد وآل محمد

توقعاتكم 🔥

ها شلونة البارت لاتكولون مو حلو

اني متتت بيه صراحة فخررر

وهيج شعور ماكدر اوصفة واني اكتب

احجولي شنو رايكم بالصار

تعالو تلي هالمرة نتناقش

#المنجمة

الكاتبة _كفايه

لاتنسون متابعة الحساب

تصويت وتعليق بين الفقرات لطفاً 🧡

يا علي مدد ♕

⭕بارتين طبك ⭕

كالو تجيك اعزاز من ترف عينك

رفت عليك الروح جا انتـه ويـنك

_______________________

_نجمة: الرسالة الخطفت انفاسي مكتوب بيها

_لا عبالج اعوفج اني اشتريتج بفلوسي مشترة

عمج باعج الي بفلسين بس شوية وقت راجعلج

لو مو بتركيا

راجع داز غير مسج

_الطلاك صار غصب عني

نرجع نجددة تمام حبيبي

اموووح

عيوني غوشت واحس الدنيا دارت بيه بمجرد قريت كلامة انطيتة حظر وشمرت التليفون

وكعت بالكاع لازمة راسي احسة يريد ينفجر

سالم اخذ فلوس منه يلة وافق على الخطوبة !

ليش ما اجة وكال؟ ثنينهم انذال وثنينهم تسببو باذيتي كمت كوة امشي توضيت وفرشت سجادتي صليت وكعدت ابجي وادعي عليهم بكلب

محروك شنو ذنبي جاي اعيش عذاب نفسي

بسبب حقد وجشع المايخافون من الله

اخذني خاطر ينتقم من فقار اني شلي غرض

بيه !

دمروني الليل ماكدر انام اذا مو راسي يصدع من البجي ابقى ارجف واني اتذكر الوحشية العشتها وكمية الالم حتى استحي اطلع ويباوعون بشكلي

لان يعرفون الصار والتعرضتلة صعب على بنية

بساعة يصفعني بحقيقة بشعة حقيقة مريضة

ينتقم من وحدة بلا حول ولاقوة بس حتى ياذي رجال ويحرك كلبة !

تدهورت حالتي وحتى للشركة مارحت اتصل بيه ابو ميس بلغتة ماريد اداوم وكل المسجات والمراسلات من البنات ماداخلة عليهن

اول شخص صار كبالي استاذ فقار

دخلت ايدي ترجف كاتب هواي من البارحة لليوم

_وينج نجمة

ليش ماتردين

اطلعي احجي وياج

اني هنا بتركيا ما ارجع

ابقة بلكت تطلعين ونحجي

اتمنى نحجي نجوم ردي عليه مو شيبتي كلبي

ومن غير الاتصالات وباقي المسجات رديت

_ارجع استاذ لاتطول ما تكدر تشوف نجوم

بعد اسفة بس راح احظرك واحظر الكل وياك

وفعلاً حظرتة وحظرت حتى ميس بدون سبب

احس ماريد احد .

________

_كواكب: باوعت للشيخ وباوعت اله كلبي ضرب بقوة مو اني الردت ننفصل ليش هيج جاي يصير بيه حجة وي الشيخ ونار شبت بداخلي .

_ضيغم: استعجل شيخ تعبان اريد انام

وجيب ولدك شهود

بلعت ريكي ودنكت راسي الزم بيدي ترجف دخلنا جوة والشيخ يقرا مافتهمت منه شي كد ما بالي مو وياة رفعت راسي لضيغم عيوني دمعت باوعلي ورجع باوع للشيخ غمضت عيوني من كال

_طالق

بقة يحجي ويكمل واني كلبي يعصر بيه من بقة يتشكر من الشيخ طلعت اركض كدامة دموعي نزلت مو اني الرحتلة وكتلة نروح للشيخ نطلك ليش جاي ابجي ياربي مسحت عيوني بقوة قبل لا يجي صعدت بالسيارة حتى لاتبين ملامحي مادام الضوة طافي صعد وبقة وجهة ليكدام واني اعصر بيدي وادعي ماتنزل دموعي ويشوفهن من شفتة ماعندة شي يكولة حجيت بس صوتي فضحني .

_كواكب:شكراً الك وشكراً لليوم الشفتك بيه

صح تطلكنا وبعد ماكو شي يربطنا

بس اكلك انت احسن رجال شفتة بحياتي

تدري اول مرة اتعامل وي رجال ابن امة

نزلت دموعي مسحتهن قبل لايشوفهن كملت

_اتمنة الك حياة كلها سعادة وخير انت ابن خير

معدل ماكو منك ثنين صح ماراح نلتقي

بس راح ادعيلك كل يوم واتمنة الله يستجاب دعائي الك

درت وجهي على الجامة من التفتت يحاجيني

_ضيغم:عيونج الحلوة ماتشوف التعب والحزن يوم

اتمنى انتي احسن بنية شفتها وتعاملت وياها

شكد سامع مرة برجال بس شفتها بيج

المثلج نادرين بهذا الزمن تمنيت اعرف قصتج

والحمد الله من عرفتها وعرفت هيج بنية

مختلفة عن سائر النساء

_بعد كافي لاتحجي

_ليش

_احسن

_صار ما راح احجي

شغل السيارة يمشي بهدوء لا اني حجيت ولاهو وصلني يم البيت تمنيت ما انزل ابقة اشم عطرة

عقلي وافكاري وكلشي صار ضدي بهاي الساعة

نزلت دموعي وشهكت .

_ليش تبجين مو ردتي تنفصلين عني

_ابجي لان بعد ما اشوفك

خسرتك ابقة وياي تعودت عليك

_وياج والله ماعوفج يوم

يريد يلزمني تذكرت احنا انفصلنا ماصار ساعة

نزلت من السيارة بسرعة مشيت واني احس بعيوني

وصلت للباب ادك بيه والتفتت بعدة واكف انطيتة ضهري واول ما فتحت نيزك الباب عفتها ودخلت

_نيزك: وين جنتي؟

_هنا

_ماتبطلين سوالفج انتي

تغطين محد يعرف عنج ااخ منج

رحت للحمام ماعرفت وين امشي اريد ابجي احس واليكتلني ليش ابجي يمكن صدك لان تعودت علية

بفترة مو هينة هو وياي وهنا تذكرت غضنفر وزاد بجيي نزعت ملابسي ودخلت جوة المي البارد دموعي وياة تنزل وبقيت مستغربة من روحي

اندك الباب .

_نيزك: كواكب خوماكو شي

_جيبيلي ملابس

راحت ورجعت جابتهن من شفتهن تذكرتة وتذكرت االحظة الجابهن بيها واني منتهية بس اتذكر كلشي لبستهن طلعت عيوني تحركني دخلت للغرفة امير نايم فارشة وكاعدة صافنة كعدت بصفها حضنتني رفعت ايدي باستها سحبتها منها .

_نيزك: هاي الايد تنباس.....

احمد الله لان

ابوي قبل يعوفج يمنا ما اخذج للميتم

تمددت بحضنها ضميت راسي وهي تنشف بشعري

_ لو رحت للميتم هم طلعت اني وبنات اتكفلهن

واخذهن احير بيهن امن الهن على مكان واشتغل

حتى محد يلمسهن

دنكت باست راسي

_نيزك: الله شايل الغيرة ومخليها بيج

كواكب من باجر نبدي بداية جديدة

بعد ماتطلعين للشغل ترحين تستلمين فلوس

المحلات وانتي شوفي عد منو يبقن

ومنو يشتغل بيهن تبقين بالبيت قليل تطلعين

اروح للسوك اجيبلج فساتين ملابس

حلوات كلشي حلو اجيبلج افرح اني من اشوفج هيج اتمنة ترجعين مثل قبل وتطولين شعرج

_مايلوكلي والله هيج احلى تعودت علية

_حتى لو تطولينة بس شوية كون يغطي ركبتج

_الله كريم

رفعت راسي على مشية شهب التطلع صوت من شافتنة صاحت:: ها الخاينات عايفاتني وحد

بت البطة السودة اني

_نيزك: نايمة بحضن رجلها وماخلصانين منها

_شهب: فحطتة ونام وين نايم بحضني

غير كلة عرك مخلصينها

سوتلها مجال نيزك كعدت كوة

_نيزك: شعندج ادورين عرك وياة

_من يوم الحادث كلة عرك

علاقتنا مو نفس قبل هادئة

_كواكب: احسن هي العركات

احلى شي بالدنيا وبالعلاقة اكشن

بس لو تكتلينة حتى تكمل

_شهب: لا لا ما اكتلة بس احجي علية

واحرك كلبة ابو السفرات الدايح

_كواكب: هم بعد سافر؟

_لا ابد

_كواكب: اكلج اطردة الج واطلع حيف ذيج الايام

صفنت بوجهي وهزت راسها

_شهب: يلة خيولي

_نيزك: يا ولجن شبيجن تسودنتن بالليل

_كواكب: خل نسوي اكشن اني ضايجة اتونس بيه

_شهب: بس اكلج هو خطية جابلي كتب

يريد يرجعني ادرس

_كواكب: حتى لو

كمت ونيزك تجر بية تحجي علية

لحكني دخلت مدد يلعب بتليفونة رفع راسة شافني عدل كعدتة سويتلة بيدي جيب:: سلم تليفونك

اشوف بيش تبوحش

رفع حاجبة مستغرب باوع لشهب ضمت راسها ورة نيزك .

_كواكب: وياي عيوني

سحبت الموبايل من ايدة كاعدة على الطوبة

رجعتلة التليفون:: انت يافريق تشجع

ريال ها هااااااا ريال ومرتك تشجع برشة

اذن هاي خيانة والخاين يطلع من حياتنا وبيتنا

بلا مطرود بس روح لاهلك عدكم بيت شكو نايم بالكاع عدنا شكاتلك

_شبيج بابا

_من الاخير اريد اعاركك واطردك واحرك

گلبك مثل ماحركت كلب اختي واني ماموجودة

_هاي يمتها

_شهب: نسيت ابو السفرات

خزرها

_شهب: لاتخزر هاي اختي هنا وبيتنا انت ماتعرف كواكب شنو سوت

_قبس: اريد انام شنو تردن تطلعن الماضي

_كواكب: اي عيني ابو الشباب ايييي

_قبس: دروحي نامي مبين عليج تعبانة

وجهج اصفر امشي اجيبلج حلويات

_كواكب: اه صدك

_والله يلة

كام واخذ سويجة باوعت لشهب كالت

_لا كواكب احنا نسويلج اكل

_قبس: شنو تسوين طماطة كلي امشي

اجيبلج حلويات

_كواكب: يلة النسيب الذيب

وياك اجي وانتي اكعدي ام المسلسلات بس تدور مشاكل كعدتني من نومي اطردية لان كتلني واني اكلها شوفي وجهج راح يطك من الكتل هذا يالجذابة

_قبس: شفتي كل يوم اتسوك اشكال الحلويات

_كواكب: واضح ماطاحت فلوسك بالكاع

اليشوفها يحوفها

_قبس: نسوان ماتغدر شي على اقل زلة توكف

_كواكب: امشي امشي ناكل هاي النسوان

مايفيد وياهن شي بس التراب يعمي عيونهن

خطية ضلن ساكتات بس قبس هم خطية شمسوي الرجال اخذني يشكي من لسانها والله حباب الولد نزل كدام المحل كال:: شتردين جيبي

ماخليت قطيتة قط ولا حجة انوب يكلي بعد تردين بيدي كيكة اكل منها واسولف علية .

_هم تتحاجون انت وضيم اقصد ضيغم؟

_ليش منو كال احنا مانتحاجة

_امك كالت متزاعلين تصالحتو لا

_ضيغم مايكدر يزعل علينا حاجيتة نسى

_لاتزعلونة اذا هيج هو خوش ولد

_ها

_ترى كلكم خوش ولد بس ضرغام البعيجي

_ضرغام مريض فرق جبير بين قبل وهسة

بعدة تعبان وامورة مخربطة بس يرتب وضعة يرجع اختج

_لايرجعها ولايتعب روحة هي بعد ماتريدة

واني ما انطيها اله

_تمام براحتكم

_وانت صير خوش رجال لاتغير نظرتي بيك

_تدللين

خزرتة وكملت اكل نزلت بيدي العلاليك خليتهن كدامهن شهب ماتباوع بوجهي مطنكرة رجع لمكانة

_كواكب: والله بيج كتلة دمشي روحي يمة

ماشايفة وجهي

_شهب: ماروح شعليج انتي

_غسل اي والله شعلية بيج تعاي نيزك اكلي

بخير النسيب

_شهب: تبيعينا علمود بطنج

_كواكب: ماكو اهم من الاكل

الجوعان مايفكر

ثاني يوم اجت ذهب وسهلة والهدايا تخم قنفات للبيت كامل نزلوة الولد بسيارة حمل خجلتنا

ونيزك تعاتبها ليش جايبات  .

_ذهب: ماكو شي من واجبكم بعد ااذيبة

شوكت ماتريد هديتها يمي تاخذها

ما نسيتها

بقن للغدا نيزك تغدن وراحن ماجابن طاري ضرغام بس عرفن بنيزك حامل وصنها تنتبة لنفسها بقت نيزك تاكل بروحها ليش ماجابن طاري للموضوع

_كواكب:مو ماتردينة

_حتى لو جان على الاقل كالن ارجعي

كالت راح اسوي كليجة  اجة قبس يريد ياخذ شهبة وهي ماتقبل طنكرت الا تبقى اخذتها نيزك تحجي وياها بهدوء اني ماحجيت بس اباوعلهن  .

_نيزك: شهبة يروحي مو الرجال زين وياج

اني شفت بعيني محد كلي وين تلكين مثلة

يخاف عليج ومهتم بيج يسوي الاكل بيدة

ويصعدة يخلي النسوان تحجي اشكال

مايهتم ارجعي لبيتكم وهم تعالي علينا بالليل

شوية وروحي

_شهب: ماتعرفن شعوري تجاهة احبة بس احقد علية وابقة افكر مايحبني يحب غيري اضوج منه

واريد بس اطلع

_نيزك:عوفي الافكار على صفحة لحد الان

هو ما راح لبنات ولا يراسل ويمشي بغير دروب

انسي الصار شوكت تنسين

مسحت عيونها وبهضمة كالت

_شهب: صعب انسى الحسيت بيه

راحت تجهز نفسها رحت اوصية عليها سكتت

احس مايحتاج عيونة تحجي كلشي اول ماطلعت سندها يمشيها يرفع صايتها من الكاع خاف تعثر

منا لمن صعدها وسد الباب عليها شغلو دخلت

جوة نيزك تعجن امير كاعد على التليفون مشيت

سويت البلازما شغلتها صارت مابيها قنوات لكيت

قناة اخبار خليتة عليها وعليتة حتى يصير صوت بالبيت ماحب الهدوء بدلت على السريع

طلعت رفعت راسها نيزك  .

_وين رايحة؟

_اشوف الشغل مال المحلات وارجع ما اطول

ماكالت شي طلعت بدراجتي واحس نفسي خفيفة بخفة الريشة سالم واخذت حقنا منه والحلال ورجع لاصحابة اخواتي امنت عليهن وعلى مستقبلهن ماعندي شي بعد احس الدنيا نصفتنا

طبكت كدام المحلات يوسف جان يشتغل بمخزن رجع وياهم اخذت السجلات رجال جبير كاعد عليهن كعدت يحجيلي عن الشغل وراس المال والربح وشغل العمال  .

_يوسف

اجة يمشي باتجاهي

_الفلوس يمك كلشي محسوب

عليكم والمايصون الامانة ماله مكان يمنا

سامر يخزر بيه صحت بيه:: هااااا

ماحجة طلعت للسوك اخذت شغلات للبيت

بقيت بالشارع اباوع على اليشتغلون ادور بعيوني على محمود من شافني خلص البيدة ورجع يركض

فحطان  .

_ها ولج اجيتي غطيتي وينج

_لكيتلك شغل دمشي امشي

_لابربج وين الشغل

_تشتغل بمحل تراقب على الشغل  وشوف شغل خفيف منا ومنا يوميتك 25

_جذاااابة

_امشي يلا اوصلك وروح

_عليج الله منين لكيتي الشغل راح تشتغلين وياي

صعد وراي مشيت اسولفلة

_لابعد ما اشتغل هاي المحلات صارت النة

نزلتة كدام المحل حجيت وي الرجال يشغلة

وهو شغلة يفتر عليهم كلهم ويسجل كلشي الي

صحتلة وهو يضحك مامصدك  لكة شغل ثابت

_كواكب: باوع ازودك بس اشوف الشغل

شلون ماشي بس تجي بالوقت كون عيونك

ماتغفل عن شي

_اكلج يعني ما افتر بالشوارع بعد؟

_لا ولك اكعد واسكت حتى تصير ابيض

دك تبريد وداعاً ايها الشمس السامطة

رجعت للبيت فرحانة لفرحة محمود

الشغل بالسوك ماينطون اكثر من عشرة

رغم التعب لهذا السبب مانشتغل يمهم

اخذت نيزك مني الغراض رتبتهن

رادت تمسح البيت ماخليتها خطية حامل

اخذت منها الماسحة وخليتها تكعد على القنفة

مسحت وهي تعيب على مسحي تالي اخذت الماسحة وكملت شغلت القران واني اخذت المعطر ارشرس بية البيت صار يخبل ومامصدكة بيت ملك صار النة مانهم بالايجار ولا نهم شلون نجمع فلوس

شكلت الصوندة ارش بالشارع وامير برا يلعب

طلع واحد من الجيران رجال جبير باوعلي وكال

_انتو الجيران الجدد

_لا حجي اهنا مو جدد هذا بيتنا ورجعنالة هسة

صفن كال

_منو هذا بيت جبار شتعودلة

_ابونا جبار

طلعت مرتة وراة وهو يترحملة ويحمد بجورتة كالت مرتة:: اتذكرج انتي من لون عيونج اعرفج

انتي الكاج بالشارع

_اي

_يا وبعد كل هالوكت وياهم عبالي يطردونج

لو يزوجونج بس تكبرين حتى يتخلصون منج

_اكول اسكتي احسلج ماريد اسوي مشاكل واحنا

جديد رجعنا

_هسة شكلت تجاوزت عليج

_لاتحجين شي يلة ادخلي جوة

طلعت نيزك صاحت بيه ادخل سحبت امير ونكعت الطارمة وامير يمسح بالماسحة اخذتها منه كملت

تعشينا وغسلت المواعين لان بس اني وياها لانجمة ولاشهب يساعدنها واخاف عليها لايصير بيها شي

رغم هي ماتقبل الا تشتغل راحت بدلت لبست تراك وشعرها تضفر بية بطنها بارزة شوية كعدت على القنفة ترتب بالقنوات اخذت بطل عصير وطلعت بالطارما اشرب واتذكر كلشي صار وياي من الصغر لحد هسة بقة سؤال معلك براسي

ياترى الكة اهلي اعرف اصلي لو ابقة مجهولة الهوية  ؟

دخلت جوة انتبهتلي نيزك كعدت يمها وسالت

_اكلج يعني من اجيت يمكم محد سال علية

اني اسمي كواكب الحقيقي لو غير اسم

_مانعرف اسمج وامي سمتج كواكب

محد سال عليج للاسف

صفنت مسحت على كتفي

_ها كواكب رجعنا مو هسة استقرت حياتنا

_لا والله ماعندي شي

بس اكول هيج بس سؤال لا ادور عليهم

ولا اهتم جبت عمري ادور عليهم واسال

كلت بلكت واحد يرجع للسوك ويدورني

ماكو اني هم مايهموني بعد المهم عندي انتن

_عفية بكواكب

امير نام قفلت البيبان وفرشت تمددت كعدت هي على مسلسل صافنة عيوني بالسكف تذكرت كلامي وي غضنفر اي وين رحت وشمرت روحك كل مايشتد الظلام يطلع النور بعد كل الصار وفقدت الامل بكلشي رجعت للحياة دموعي نزلت حسيت بايد نيزك تمسح بيهن   .

_نيزك: اجة الوقت التحجين كلشي بيه

لاختج

_احس راح انفجر اذا ما احجي

هواي سوالف بكلبي مخزنتهن اوعديني

ماتنفعلين بس احجي

عدلت كعدتي ورجعت كذلتي ورة اذني بديت احجي كلشي بالتفصيل افحط واكطع كلامي وارجع اكمل كلبي تكطع ودموعي امسح بيهن ويرجعن وحالها مو احسن مني شهكتها كطعت كلبها خلصنا الليل سوالف وعتب  .

يوم ثاني جديد بحياة جديدة ماكدر اكعد

بس اضطر ابقة لان نيزك وحدها والمنطقة ماعرف شنو بيها تنظيف وتعزيل وياها طار نص اليووم

العصر بدلت وعفتها تمشط بشعرها فاتحتة

_اني رايحة لدراهم اشوفها شوية وارجع

_روحي

ومن كالت هيج عرفتها تقبلت وضعي واني لازم اطلع ماكدر ابقة يوم كامل بالبيت طلعت وصيتها ماتفتح الباب لاحد  .

_نيزك: سبحت امير وبدلتلة كعد على القنفة يلعب بالتليفون دورت المكص اكص كذلة واطراف شعري

خلصت صبيت كلاصين عصير وماعون كليجة خليتهن بصينية ورحت يم امير اكل واكلب بالتلفزيون اندك الباب طفر امير يركض يفتحة ويصيح:: اني افتها اتي زلي (ضلي)

استغربت شبسرعة كواكب رجعت معقولة بطلت ماتروح تعاجزت اكوم والباب بيه سيم بس يسحبة امير ينفتح جاي اشرب بالعصير وغصيت من شفت ضرغام دخل شايل امير يبوس بيه كحيت وطفرت للثلاجة اشرب مي وجهي صار احمر راح كعد على القنفة بيدة علاكة العاب طشرهن لامير يحجي وياه  .

_ضرغام: العب بيهن اعرف بيك تحبهن جبتهن الك

_سكرن عمر

_اااه عمو

ضحك امير يغطي حلكة بيدة وهو يكرص بخدة يكلة:: بابا شنو نسيت

_اهبك

_اموت عليك وعلى الجابتك

رفع راسة الي خزرتة عاكدة حواجبي

_شعندك جاي؟

نهض من مكانة يكلي

_الولد كاعد عيب تحجين هيج كدامة

_ماحاجية شي اطلع برا

رجعت ليورة من شفتة اجة باتجاهي طلعت للمطبخ التفتت ادور شي حاد هيج اجة على بالي عبالك حرامي دخل لزمت كلاص شهكت من لزم ايدي وصار كدامي وجهي اشتعل نار وادية رجفت

_ابتعد وروح مناااا

دفعتة من صدرة لزم ادية سحبتهن منه بقوة ماعافهن رفعهن يبوس بيهن واني اسحب صارن حمر يلا عافهن انتفضت بعصبية وخر شعري من وجهي  وحجة بهدوء تام  .

_شبيج اعصابج هسة اني حاجي شي؟

_جيتك كافي ليش اجيت

ها؟ اطلع من البيت عيب عليك تجي وتعرف وحدي هنا

ضحك بصوت واني اخزر بية

_ضرغام: حبيبج اني شنو العيب غير رجلج

_هاي قبل

_وابو ابنج

ردت احجي انلصمت من ايدة تحركت على بطني لزمتها  .

_ارجع لابنك هذا تنساة ذولاك مرتك وابنك

اربية مثل ماربيت امير

_ماردتج تحبلين لان كلبج تعبان

وصارلي فترة افتر على الدكاترة وبيدي تقاريرج

لاتعبين روحج ولاتحركين اعصابج

قاطعتة

_مادامك بعيد عني مرتاحة واعصابي باردة

صفن بوجهي ايدة منا ومنا مطاوقات المكان وخرتها اريد اعبر بيدة وخر شعري صفح

سحبتة من ايدة:: وخر ضرغام امير كاعد وكواكب راح تجي اطلع وبعد..

كطعت كلامي وغمضت عيوني من باس ركبتي

وبصوت ناصي همس:: ميت على اسمي بلسانج

ميت على صوتج وتفاصيلج

_هههههههه واضح كلش اسيل منسيتك كلشي

هي وابنك ارجعلها اني ما اتقبلك ابتعد عني بارادتك

رفع راسة عيونة حمر وياخذ كذلتي منا ومنا

_ابني اي احبة نيزك والله كلش حبيتة

وتعلقت بيه بس امة ما اطيق اسمع اسمعها

مستحيل اتقبلها حتى بوجهها ما اباوع والله

بس هالايام اخذ ابني حتى اطلكها طلاك صحيح

_ميخصني روح لاهلك

_بيتي التمنيت نكعد بيه سوية جاي اجهزة الج

_ماريد

_نعيش وي جهالنا بدون لغوة

اعوضج عن كلشي

لزم ايدي بقوة من ردت امشي كد ماحارة احس انجويت جنت دايرة وجهي بداخلي زعل كلش جبير دار وجهي علية باوعتلة مهضومة الشخص التحبة تزعل من نبرة صوتة اذا عالية شلون هو  .

شهكت ونزلت دموعي دك انفة بانفي انفاسة بوجهي  .

_بس وخر عوفني نفسيتي تعبانة

غمضت عيوني بقوة وهو اخذ شفايفي يتفتن بيهن

ابتعد بارادتة دايخ عفتة وركضت جوة جسمي يرجف ودموعي تنزل امسح بعيوني والم بشعري فتحت الجرار ادور على قراصة دخل اشرت باصبعي  .

_اطلع كافي

_تدرين الليل كلة كاعد بالسيارة يم بابكم

رفعت حاجبي ودنكت اخذ القراصة

سحبها من ايدي عيونة حمر ونظراتة متوسلة

_تعبان بس العبي بشعري وخليني انام

ماشايف النوم شنو ومرتاح مثل العالم

احلامي كلها مو زينة وتطلع الروح اموت بالحلم

واكعد الفترة الفاتت كلها ومن اخذوني يغسلولي بالمغيسل ما اسولفلج شعوري عايش ويغسلونك وي الموتة بس صارت الاحلام ماتجيني

صرت ما انام ليلي افكر بغيابج وروحي تعصرني عصر عليج ادور على عطرج بالملابس

هم نعمة وعايفة كم قطعة

_اسيل م..

قاطعني وعفس ملامحة

_لو ما لازميني عنها جان موتتها بمكانها تعرفين

من تروح للسحار شيطلبون منها حتى تسوي سحورتها  .

غمض عيونة شريان طك بكصتة وجهة انطعن

حجة من بين سنونة:: والله بس تخلص

الايام اطلع الصار من عيونها

شفتة يرجف اعصاب

_اجيبلك مي واجي

طلعت امير يلعب مندمج جبتلة مي اخذة شرب وسحب مخدة تمدد بالكاع حتى مافارشة شي اشرلي بيدة كعدت يم راسة شالة وخلاة بحضني فركتة اله وابتسمت  .

_طول شعرك شوية حتى اصابعي من ادخلها يغطيها الشعر

_صار عيوني

احبج ام عيون الطاكة

ههههه صدك قوافيل من النسوان ماتنسيني عيونج

_مو بلة

خلصنا وقت خاص  نتداهر ونضحك الى ان تعب وغفى طلعت اسوي عشا خايفة من كواكب شدكول اذا رجعت اندك الباب بلعت العافية فتحلها امير طبكت الدراجة وهو يبشرها  .

_بابا هنا نايم زابلي العاب تومة

سحبها من ايدها يراويها الالعاب وهي تخزر بيه غلست اكمل خليت البيتزا بالفرن وصار بيتنا بيه كل الغراض الصار قبل نهاية شهر الفلوس بعدها مامصروفات فاخذو العمال حصتهم والباقي صار للبيت فوك العندي جبنا الغراض  .

اباوعلها كعدت ماحجت شي وياي رحتلها

_اذن الاذان من زمان

_ادري راح اصلي

راحت كدامي

_وين لكيتيها هاي صلاة بدون حجاب مامقبولة

_عادي

هزيت ايدي راحت تصلي بالاستقبال بقيت بالمطبخ كملت تكلاة ومقبلات سويت صينية لبن وببسي وفواكة خليتها بالصالة رحت كعدت ضرغام كام غسل وكعد رحتلها اصيحها من شافت ضرغام وكفت تخزر بيه بحقد واني لازمة كلبي لاتصير عركة بينهم  .

_ضرغام: ها ام دجة تعالي اكعدي كابليني

مشتاق اشوفج

_مصالح خلتك تشتاق لوجهي والله زمن

_من زمان اني اشتاق لوجهج تعرفين بية شكد جنت احبج بس انتي شادة وياي

_طلع لسانك الحمدلله راح تاثير السحر

جنت مخلوس وسعلوة نايمة على كلبك حتى لسانك مقيدتة مخليتك بس تخوزر

_ضرغام: بفضلج طبعاً رجعت شفتي شكد اني مديون الج دتعالي ناكل الاكل وياج يشهي يكولون

_ها منو هذا الگلك؟

باوعلها وابتسم ذبت نفس تردد استغفرالله كعدت يمها سويت روحي ما اسمعلهم وي امير بالي

ومتطلباتة وهما ياكلون ويتخازرون ضرغام مبتسم بس هي مطنكرة  .

_ضرغام: عاشت ايدج الحلوة عمري

الاكل شي والترتيب شي ثاني ايدج تنباس

_كواكب: ابو النسوان تبناس يكول

_ضرغام: اختج هي النسوان كلها بعيني

مو مرة وحدة

_هه واذا لكفت وحدة يمك بالمعرض حتى تنزللها من السعر

_اسلم المعرض واطلع لعلمج راح ابيعة

وابقة اشتري لاهل المعارض

_كواكب: امممم عود نشوف

_ضرغام: حبيبتي الفواكة يا فواكة

_كواكب: الصخام يامصخممم

تسكت لا اشوفك شكلي الثاني سجينتي بعدها بجيبي لاتعصبني

_شلون وي نسيبتي ام دجة اللطيفة

_كواكب: وجهك يسد النفس مادري شلون اكلت كايمة

_ضرغام: خليتي شي وراج هاي عود وجهي يسد النفس

_كواكب: من جيبككك قابل بكيفي اكل باليعجبني

طلعت وهو يضحك لان استغزها حجيت بصوت ناصي...

_شبيك وياها مادكلي يعني الا تحجي هيج

_حبيبتي الحلوة ما بايسج كدامها

سكتت اعض بشفتي اله منا امير راح غسل واني كلشي ما اكلت من وراهم امير خلص راحلة يغسلة

لميت الاكل وكمت لكيتة مخدر جاي غسلت المواعين على السريع صب جاي واكف وراي يشرب غسلت ادية انداريتلة  .

_يلة عيني روح خوش نمت

_ها تطرديني  ؟

_مو اطردك بس كواكب ماتقبل

_والله وعلى كيفها عايفج وحدج هنا

_مو وحدي

_اشدلي كرون نسوان بيت وحدهن

عايفهن

دخلت كواكب سندت ضهرها على الطباخ كدامة صارت:: ومنو كلك بس نسوان؟ امي هذا بس المارايد روحة يوصل عتبة بابنا اني ودراهم كاعدين بمنطقة ناسها مامعروفة وحتى باب ماكو ولا جلب دخل

_انتي ودراهم منو اليوصلجن

بس هنا مرتي الحلوة الصاكة اخاف عليها

انطتة ضهرها تدور بالجرار سديتة وحجيت بتوتر

_شسمة ضرغام خابروك روح

_عمري روحي بدلي انتي وامير نفرفركم شوية غيرو جو وانتي ام دجة هم روحي ويانة

هزت ايدها وطلعت رحت وراها صاحت بيه

_ماترحين تلبسين شكو جاية

_لا ماطلع وياه منو كال

_دمشي يلا بدلي وروحي

_اذا انتي ماترحين ماروح

_شلون راح اعوف البيت الكم واهج

مو طلعتوووو روحي ولي وي البعيجي يلاااا

رحت سريع لكيت  ضرغام يلبس بامير حذاتة

بدلت على السريع وطلعنا افترينا واكلنا مثلجات

جبنا حلويات ورجعنا امير تعب ونام دخل ضرغام شايلة نزعت عباتي دخلت فرشتلة كواكب راحت نامت وضرغام غسل وراح للغرفة ضليت الطم على خدودي توسلت بيه يروح ولايسمع سحبني وسد الباب يستحي يخجل  .

______

_شهب: فاتحة كتاب الرياضيات ودفتر انقل الامثلة واحلهن بعدين اشوفهن نفس الحل لو يختلف  قريت الموضوع على اليوتيوب سهل ماعرف هاي البداية سهلة  .

كملت ونزلت جوة دخل عمي جان برا

_شلونج بابا

_الحمدلله عمو

_بما ان ماعندي شغل امشي اخذج لدكتورج

نشوف رجلج قبس مشغول

_ها هسة؟

_اي بابا هسة جهزي نفسج

رجعت لغرفتي بدلت واخذت تليفوني لكيتة داز رسايل اروح للدكتور وي ابوة خليتة بالجنطة لبستها ونزلت ما لكيتة بالصالة باب غرفتهم مفتوح

مشيت خطوات باتجاهة وكفت بمكاني من شفتة يمشط بشعر خالة هاجر يسولف ويضحك رجعت لا يشوفني واتفشل كعدت بالمطبخ العاملة تشتغل

وترتب بالثلاجة كمت من طلع كال  .

_ها بابا كملتي

_اي عمو

طلع كدامي يمشي برزانة عمو اسامة كلش يشبة فقار يكول اخوة الجبير مو ابوة الفرق بينهم شعرة بية شيب ولحيتة زايدة وسامة اكثر

فتحلي الباب واخذ العكازة صعدت خلة العكازة يمي وسد الباب  تليفونة رن فتح الاتصال وشغل السيارة اخذ الطريق يسولف بالشغل وعقارات استثمار امور ما افهم بيها  .

_هم حابة تسافرين لدولة؟

_ممفكرة

_فكري حتى اخذج اذا حبيتي

هالفترة اخذ هاجر اسفرها لان نفسيتها تعبانة

اذا تحبين تجين ويانة

_شكراً عمو ابلغ قبس

_بلغية واذا ماقبل وبنفسج ترحين

اني ماعرف شلون الناس تعيش بدون ماتسافر

تعرفين الانسان لازم تلث مرات بالسنة يسافى على الاقل طبعاً  .

نفسيتة تتغير يكتسب ثقافات السفر كلش مهم

كلت بكلبي خل اروح للزيارة اول بعدين اسافر خارج العراق هيج وياخذني وصلنا للدكتور بسرعة دخلنا بعد الفحوصات كال الدكتور ذبي العكازة وامشي عليها طلعنا اخذ العكازة من ايدي واني تعودت عليها ماكدر امشي هيج اخاف اوكع مشيت لازمة الحايط الا ان طلعت حسيت راح اوكع اجة سندني وصلني للسيارة صعدت فحطانة

انطاني مي وصعد شغل  .

_اسامة: العكازة بعد ما تستخدمينها

امشي لاتبقين كاعدة بغرفتج حتى ترجع حركتج طبيعية

_ان شاءلله

رجعنا للبيت ريحة الاكل طالعة وعمتي تسوي زلاطة تلكتني وفرحت من شافتني اتنكل على رجلي بدون العكازة  .

_هاجر: صلوات على محمد وآل محمد

اي امشي

_اسامة: خلوها تمشي لابقينها كاعدة

_هاجر: هههه اشتغل عليها راح

تعالي اغسلي واكلي لاتصعدين هسة

غسل عمي وكعد كعدت يمهم ود جابتها العاملة عطرها يفوح ولابسة بدلة فتح ايدة اسامة وهي راحتلة باسها وشمها بقة حاضنها يسالها  .

_شلونج جدو حبيبتي

_ود:؛زينة

_يابعد روحي تعالي ناكل

كعدها وخلة ماعونها كدامها كعدت يمهم وهاجر تحجيلي عن بناتة وشنو ناقصهن رد عليها  .

_اخذي فلوس وانطي المحتاجة

بلغيهن اذا وحدة منهن تريد تسافر

حتى تصير سفرة عائلية كلنا نطلع

_اشوفهن بس خاف ازوجهن مايقبلون

_لايقبلون اني احجي وياهم

كملنا غدا سوت جاي وراحت العاملة بقت تغسل بالمواعين حضرت الكوابة مالتهم وصبيت جاي اخذتة خطوة خطوة امشي وصلت كوة اخذوة مني وتشكروني باوعت للدرج طويل ماكدر اصعد وحدي خاف اوكع رجعت كعدت بالمطبخ اباوع للمرة شلون تشتغل يكول خرسة ماتحجي دوم قبل اتذكرها تحجي التفتت من دخلت ود اجت يمي مسحت على شعرها وكتلها  .

_ها عمري رايدة شي

عبست وجها وكعدت مخلية ادينها على خدودها

ومن شفتها حسيتها كلش متغيرة عن قبل

حجت بزعل  .

_بابا مو هنا وماما ماشفتها بس اني باقية هنا وحدي

_ليش احنة مو كلنا هنا موجودين

_اريد بابا

_هسة يجي يروحي

_اريد شوكلاة

_ها ماعندي والله

_اني عندي بس بابا رافعهن فوك امشي نزليهن

حتى ناكل اني وياج

_يلة امشينا

كمت من وصلت الدرج لزمت بالمحجر حيل كوة وصلت اول مافتحت الباب كفخني عطرة

الغرفة مرتبة وباردة ديكورها جديد ابيض وقهوائي

هادئ ولطيف منظرها مشت كدامي اشرت على الكنتور  :: هنا خلاة بابا

فتحت الكنتور مرتب بشكل مو طبيعي كلشي بنفس المستوى مرتب علبة طويلة فوك رافعها مكان فارغ رفعت ايدي نزلتها بيها نص اخذتها وصارت تكمز بمكانها وتصيح  .

_شكولاة هييي هييي هييي

كعدت بالكاع تفتح وتخلي بحلكها كاملة

ووتفتح الثانية طلعت وحدة انطتني

ورجعت اخذت ثانية هم انطتني وكالت

_هاي لنجوم عوفيها هي هم تحب الچوكلت

_اي والله صدك تحبهن

غابت ابتسامتي من تذكرتها حتى ماتحجي ويانة من نراسلها ننتصل بمرت خالي وهي تنطيها تليفونها تحجي شوية وتتحجج بشغلة تمشي

_ود: اكلج نجوم صارت مو مريضة لو بعدها مريضة؟

_شوية مريضة

_خطية بابا يضوج عليها

_هو كلج؟

_اي يكول احبها لنجوم

صفنت بوجهها هي عادي عدها تحجيها وتاكل

شفتها اكلت هواي اخذت العلبة بقت تنطنط انطيها بعد:: ترة اخابر ابوج اكلة عليج

_لا

_ميصير هواي اكلتي اسنانج تسوس

_هسة اغسلهن بس لاتكولين لبابا عوفيهن بمكانهن وكل يوم ناكل منهن

_صار

رجعتهن لمكانهن تليفونها دك ركضت اخذتة وجاوبت:: هلو بابا حبيبي اني زينة..

اكلت وي جدو وبدلت صرت حلوة..

يلا بابا روح كمل شغلك باي

سدتة واني مشيت كتلها راح اطلع طلعت وياي راحت لغرفتها بصف غرفة ابوها مشيت وياها

اشوفها شنو تسوي:: عادي اجي وياج

_عادي نصير صديقات اني صديقتي نجوم

هم وروان

فتحت الغرفة غرفة باربي اللالعاب تارسة الكاع والعابات الكبار كعدت تلعب واني كعدت على سريرها اباوعلها الغرفة باردة وهدوء واني كاعدة من الصبح كمت اغفي ونمت بسريرها غطيت راسي والنومة نومة فزيت افرك بعيوني قبس كدامي وجهة احمررر وعركان ذب نفس ومسح وجهة

عدلت كعدتي طلع صاح هاي نايمة هنا

رجع بملابس الدوام فتح زرارات القميص يفرك بصدرة وخازرني:: شبيك

_البيت كلبتة عليج مالكيتج عبالي انخطفتي وين رحتي طلعتي نايمة بغرفة ود

_منو يخطفني غير بالبيت كاعدة

_مو اني زمال وطار كلبي عليج

طلع صاير عصبي لحكتة لكيتة بالحمام واني بملابس الصبح بعدني اخذت ملابس الي وكعدت انتظرة يطلع طول اخذت ملابسي ورحت للحمام البرا خلصت وطلعت لاكاني حتى ما لابس قميص

_شلون بيج انتي اليوم حالفة ما تدخلين الغرفة

_مو اريد اسبح وانت طولت

_جان دكيتي الباب

_لاتبقة تصيح تمام

_تمام يابة

ركزت بمشيتي رفعت راسي لكيتة صافن بمشيتي ومبتسم وصلت يمة اخذ ايدي وصلني للجرباية

_ابوي كال خل تتحرك بس مو هواي ها

_اي

راح يلبس واني مشطت شعري لكيتة وراي يباوعلي دالم بية اخذة مني لزمة كال  .

_ماتكصينة لنص ركبتج؟

_ليش اكصة

_يطلع يجنن عليج ترفعينة عادي خل اكصة

الج وشرط مثل الكوافير مو كصة عادية

_احبة هيج

_والله يطلع يموت عليج هو اشقر يجي توب

هسة هو لاطويل كلش ولاقصير ها شكلتي اكصة

سكتت اباوع لشعري مامفكرة اكصة دنك راسة وكال بلطف:: بقت بنفسي اشوفج بيه

من مارديت ابتعد التفتت وكتلة

_واذا ماطلع حلو علية اروح يم اخواتي بعد

مارجعلك لو تنكلب

_موافق

جاب الشسوار جففة ورجع مشطة لزمت كلبي بيدي خفت مايعجبني صار يكص بيه من جوة شوية شوية غمضت عيوني ايدة صارت على ركبتي كال

_لهنا اكصة

هزيت راسي  اي ماشفتة من خلص كلي فتحي وهو ينتثر بية باوعت لنفسي مابينت رد فعل

باوعتلة بالمراية سحبة باصابعة ليورة هو كلش ناعم ضحك بفرح عبالك شعرة مو شعري  .

_قبس: ااااالله يموووت عليج

_اي غير انت كصيتة دكلي مو حلو طبعاً دكلي حلو

_لايعجبج المهم عاجبني وميت بيه

هاي وي التراكات والمشلتحات شيطلع

صوفر بحلكة لميتة ليورة بقراصة مشيت وسحبها من شعري  .

_هيج عوفية يميل من تمشين

ردت اكل بس تذكرت مسوية رجيم والثلاجة مابيها حلويات بس زلاطة وفواكة مابيها سكريات هواي

طلعت كتبي خليتهن على الجرباية وكعدت اقرا منين ماوصلت اجة تمدد بمكانة صرت على صفحة

وكفت طلعت اليوتيوب يشرح ورجعت اكمل هو يصفح بتليفونة خليت التليفون وكمت مامفتهمة عفت المادة رفع نفسة شافني  .

_ها شنو ماتقرين

_اي

_تعالي يمي وين رايحة نوم وشبعتي

_ناملك شوية

_دتعالي وين رايحة

رحت كعدت على طرف الجرباية عدل كعدتة وقبض ادية ثنينهن قدم وحدة واخر وحدة خفت عبالي يضربني بكل حماس كال  .

_نتلاكم

_اي اكتلني بحجة الملاكمة وجاي نلعب شوف

ادري بيك ماتحبني بس تريد تكتلني

_ها وانتي اقل شي وصحتي ماحبج

طابة بكلبي شايفتة وطالعة؟؟

طنكرت وكتفت ادية

_قبس: بطلتتت ما العب وياج

اروح اتمرن شوية

_مو تعبان

_لا مو تعبان

راح لكيس الملاكمة نزع تشيرتة و طلع كفوفة لبسهن وبدة يضرب بالكيس يطيرة لبعيد ما مل ولا تعب رحت يمة وكف يصب عرك وشكلة معصب

حتى خفت احجي لايضربني بوكس  .

_احمم ليش ماتفرغ غرفة للملاكمة

_اذا ما اشوفهن كدام عيني ما العب بيهن

نزع الكفوف مدهن الي وكال

_تجربين؟

_مو خاف اوكع حركتي مامتوازنة

عادي العب

_لا انتي فاهية ماعندج قوة اذا ضربتيها ماتتحرك شوية

اخذ المنشفة يضحك بس هو مو فاهي علساس رجع سبح على السريع بدل وطلع من رجع لكاني اقرا بنفس الموضوع وروحي بخشمي احل ويطلع غلط كعد يمي ومد ايدة خلة شعري ورة اذني  .