تحميل رواية «المنجمة» PDF

﷽

#المنجمة

الكاتبة _كفايه

لاتنسون متابعة الحساب

تصويت وتعليق بين الفقرات

ياعلي مدد ♛

♢✧✧✧✧♢

الف ليلة وليلى

تضيع هباءً منثور

تعب بلا اجور

ضياع لم يتم علية العثور

بين ثانية وثانية يعم الظلم والجور

بين الماضي والحاظر حكايات بيهن الالاف السطور

آهات كتمت بين ثناياهم دفنت

لتفر القلوب والارواح فارة

الى اين؟

الى الظلام ام الى النور؟

سحقاً يامعثورات ا.

بالطبع ساسكت وادعهم يغوصون في هذا العالم

من الان اتركو عوالمكم وادخلو الى عالم المنجمة  .

ظلام دامس محاوط المكان هدوء مخيف يقاطعة صوت قطرات المطر الينزل على الارض الصلدة  طفرت مفزوعة اثر كابوس مزعج كاد ان يقطع انفاسي من بشاعتة  لزمت گلبي بيدي دگاتة عالية وجسمي كلة يرجف من الخوف جمعت شعري بيدي اردد..

_كابوس نيزك كابوس اصحي ماكو شي

بلعت ريگ حلگي يابس ماعرف شكد صارلي نايمة اثر المرض باوعت لاخواتي النايمات بعمق وتعب  تعبانات عمت عيني عليهن غطيتهن عدل وغطيت ابني وياهن نايم بنصهن حاشر روحة  بحضن شهب

ابتسمت بتعب واني اشوفهم تلاثتهم نايميين سوى بس ثانية ثانية وحدة تبخرت ابتسامتي ودك گلبي بجنون نهضت عقلي طاير من راسي ومو بس عقلي گلبي هذا گلبي انشلع من صدري من ادركت هي ماموجودة وياهن  !

دورت عيوني بالغرفة مالكيت الها اثر طلعت ادورها مثل المخبلة گلبي يريد يوگف اقنع بنفسي الكاها الكاها هسة تطلع كاعدة تباوع للمطر لافة نفسها بالبطانية بس ما لگيتها  ! ضربت على عيوني بثنين ادية گلبي فااار ماموجودة بالبيت كلة حتى بالمخزن ماكو ملخت شعري من حرگة گلبي الدنيا ليل وشتا مطر قوي برا الجو يموت خوف وبرد وينها هي وينها؟؟؟؟

ماكو غيرها يعرف وينها البيت صنطة كلها نايمة تمشيت لغرفتها صرت ادفر الباب بثنين ادية ورجلي اصيح بعلو صوتي ..

_نيزك: وووولج اطلعيييييي اطلعيييييي يالشيطاااااانة وينننن اختيييي ويننننن كواااااكب راحت كواكب وين وديتيهاااا وين ضيعتيها منيييي

ادية صرت ماحس بيهن من الضرب ولا حس بروحي  الجاي تحترك بعز البرد صرت اچوي نار فتحت الباب تفرك بعيونها كعدت من عز نومتها تصيح  ..

_افنان: خيررررر خيررر بنااات جبار مانخلص منجن ومن شرررجن شتريدين بنص الليل

هجمت عليها خنكتها من رگبتها بثنين ادية اخنگ بيها وعيوني يريدن يطلعن من العصبية  لازمتها بقسوة اخنك بيها واحجي روحي مفرفحة اريد اموت من القهر واموتها وياي بلكت ارتاح بموتتها ..

_نيزك: وووين وديتيي اختييي ووووين؟؟؟

حاولت تفك نفسها مني بس ماتكدرلي تخبلت عليها تخبلت واني بقمة عصبيتي اريد انهيها سنوني سن طبك على سن من العصبية حجت بصعوبة وهي تطلع نفسهة مني وتفتح ادية ..

_افنان: رجعت لاصلها كواكب اني شعلية وين ضامتها بجييييبي

بهتت ملامحي وقوتي خرت مني صرت تراب طايح  بعد جملتها وتأثيرها علية وكفت انظم انفاسي وهي صارت تضحك بخباثة عدلت نفسها وكالت بخفوت قريب من اذني .

_افنان: رجعت منين ما اجت هاي التحسبينها اختج بت شوارع وتحب الشوارع ماتحب كعدة البيت المحترمة عوفيها تعود لاصلها هي تعيش حالها حال بنات الشوارع شوكت تجوزن منهااا شوكت؟

رجعت ليورة اهز راسي بلا ماتسويها كواكب ماتسويها عفتها وراي ومشيت رجلية صايرة خيوط شلون ترجع لذاك المكان ! بالليل وبنص البرد تطلع! لا ماتسويها ماتطلع كواكب شيطلعها بس كول هما شمسوين حتى تطلع، صاحت وراي بصوتها العالي متشمتة..

_افنان: صدكتي هسة اختج شيطانة مايهمها شي ولا تخاف من شي احنا بنص بيوتنا ونخاف ضلن احرگن احرگن برواحتجن على بت الحرام

همست بانكسار ودمعتي نزلت بقهر

_مو بت حرام هي شوكت تفتهمون؟ اكيد انتم السبب الخلاها تطلع اي اكيد

_افنان:الجن يوووم الجن والله لعلگ راية بيضة من تنفجعن بوحدتجن

دخلت وركعت الباب وراها ماعرف شراح تحظرلي على هاي سوايتي وياها ولا بيش تحرك گلبي تفكيري كلة بكواكب اختي وشلون حالها هسة وهي وحدها؟ عيني صارت بعيون اخواتي كعدن على صوتي وجوهن مصفرة باهتة الخوف تارسها  واني مو احسن منهن  .

_نيزك: راحت كواكب

تقدمت نجمة باتجاهي تحجي وترجف

_نجمة: نيزك لاتصدكين كواكب تطلع هما حجزونا بالغرفة من جنتي مريضة ونايمة اثر الابرة هي ضلت يمهم مااعرف شسوولها لو...

قاطعتها فاتحة عيوني على وسعهن وارجف رجيففف..

_شنووو صااار ولجننن ليششش حجزوجننن بالغررفة يمتهااااا مو هسة طلعت الباب مامقفووول  ؟!!

_نجمة: من جنتي نايمة سراج تحرش بشهب وكواكب كتلتة من بعدها مادري شصار بيها دخلونا بالغرفة وهي ضلت  عبالي راح تبقى بالمخزن مثل كل مرة يحجزونها هناك

باوعت الشهب مدنكة راسها وبس دموعها تنزل بهدوء تفرك بيها بقسوة مردتها مرد ومردت گلبي وياها تقدمت عليها، سألت بخوف وقلق احس گلبي وگف من شفت حالتها گوة طلعت مني الكلمة..

_نيزك: شنو صار وياج شهب ؟

_نجمة:ماصار شي لاتخافين كواكب ماقصرت وياهم

دكيت على كلبي بقوة يووجعني من القهر على روحي وعلى اخواتي اخ يا گلبي على ساعة يوگف من القهر واخ  يا كواكب والله روحي تنزف عليها دم  انربط لساني ماكدرت احجي شي غير "الله ياخذني"

_نجمة: وياخذنا وياج لو الله ياخذنا كلنا لو يعوفنا كلنة انتي تمرضتي شوية وصارت مصايب وراج شلون لو رحتي؟!

_نيزك:الله يفرجها ان شاءالله اروح ادور كواكب اني ابني ابني  درين بالجن علينة غطنة زين

_نجمة:لاتهتمين باموري يمنة  بس  وين تلكينها هسة لكواكب؟

_نيزك: كالت رجعت منين ما اجت راح اروحلها اشوفها هناك

عفتهن مبهوتات ورحت للمطبخ سحبت العباية مخليتها ورة الباب وفتحت باب المطبخ الهوى البارد لفحني يجمد تجمد عيوني صارت تهل دمع مو من البرد من القهر الجو يجمد وين هي بهذا البرد والجو المگلوب !

عدلت عبايتي ولفلفت روحي بيها جابتلي شهب قمصلة مطرية خلتها على راسي تهمس همس

_شهب: هاي انطيها لكواكب طلعت هيج

نزلت دموعها وراحت تركض جوة باوعت لنجمة الواكفة تباوعلي حيرتها مو اقل من حيرتي تاكل بشفتها بقهر وتعصر باصابعها..

_نجمة: خايفة عليجن نيزك وين بهليل انتن بنات

_ لا تخافين الله ويانة مايعوفنة

_ يرجعجن سالمات ويحميجن من اولاد الحرام و العثرات التطلع صفح

ابتسمت بضياع وهزيت راسي:-امين ديربالج على ابني

اشرت على عيونها وطلعت وراي تباوعلي طلعت بنص الليل وحدي والمطر يزخ فوك راسي الشوارع باررردة وضلمة فارغة من البشر والحيوان واني طالعة ادور اختي شي يصدكة العقل ادور على بنية شابة بنص الشوارع !

امشي واحس جاي اصارع نفسي حتى اوصل للمكان المتاكدة هي بية صرت قالب ثلج النفس هذا النفس ماكدر اسحبة تجمد الهوى واحس صدري التهب فوك ماهو ملتهب..

وصلت للسوگ ادورها بيها بلكت الكاها بالبسطية التشتغل بيها لان ماكو مكان ثاني تروحلة حالياً هذا مكانها كواكب  ! سوكنا محلات متقابلة ومسكوف الممر البينهن المحلات مقفلة البسطيات معزلة  امشي كوة منتهية  ادور اختي وين بيا زبالة نايمة! شلون حالها هسة؟

مااحتاجيت وقت هواي حتى اعرف حالها المايسر العدو الغريب المايعرفها يبجي على حالها انمردت روحي والله انمردت وانطحنت وطلعت من شفتها نايمة ومغطاية بالكارتون رجلية ما حملني بعد طحت بالكاع واني اضرب وجهي واصرخ من اعماق روحي..

_ييييمة بووية تعالوو وشوفو حبيبتكم شصايرر بيها بيا مكااان نايمة تعالو شوفو كواكب الرفعتوها بالعنان شلون نزلوها نايمة بالزبل بالشوارع نااايمة اختتتتي

ملخت روحي الصايرة قالب ثلج  على صوتي فزت توخر الكارتونة المغطية روحها بيها كارتونة مال مجمدة مادري مال ثلاجة وبعد غطوات لامتهن عليها طفرت مامصدكة وجودي اجتني تلزم بيه والنوم بعيونها..

اريد اصيح بصوت عااالي يا ناس اختي نايمة بالسوك بنص اليالي  ومغطية روحها بكارتونة تحمي روحهة من البرد نايمة ومأمنة بالشارع ماخايفة مأمنة ونايمة مو شي عجيب عجيب تصدگونة احد يصدكة !!!!

_كواكب: نيزك نيزك كافي نيزك شبيج شبيج گلبج وكف شبيج هاي مو اول مرة انام بالسوك لاتخافين علية هذا بيتي شبيج اني هذا مكاني

_كلبي گلبي راح يووووگف من القهررررر شوفي حالج شوفية راح امووت گلبيييي هذااا يووگف خل يووگف ويخلصني

اضرب على گلبي بقوة خلية يوكف واخلص قيدت حركتي لازمة ادية ثنينهن وتحجي بحركة صوتها مطبگ من البرد..

_كواكب: اني هذا مكاني انتن ليش ماتعيشن وتعوفني لييييش تتعاركن على مووودي لييش ولججججن شوووكت تفهمن اااني بتت شوارع مو اختجن

اخذت راسها بثنين ادية وخليت عيوني الكلهن دموع بعيونها الشاحبة ومتجردة من كلشي

_كواكب انتي اختنا مو بنت شوارع لاتخليهم ياثرون عليج اختنا انتي مو بنت شوارع كواكب بنت جبار وهيلة

_اي اعرف اعرف بس عوفني والله اني هم احبجن بس هما يسوون وياجن مشاكل من وراي يرودوني اطلع تتأذن من وراي تتأذن عوفني

_ماعاش اليأذيجن واني اختجن

كمت على طولي واحس الشرارة البروحي كبرت وشعلت بية العزم من جديد سحبتها وياي وهي تفك روحها مني وتصيح...

_كواكب: اني هنا مرتاحة تعودت انام بالسوك حتى ما ابرد عندي بطانية واخلي كارتون علية شوفي نيزك شوفي السوك شلون نضيف ومسگوف من تمطر ما اتنگع لا تخافين وهم محد يطلع لاسكران ولا تايهة لان كلها تخاف هههه بس بالصيف تطلع هالشكول

سحبتها بكل حيلي واني اتوعد الهم..

_نيزك: امشي كواكب امشي بيتنا بيتج هما عايشين بفلوس اهلي ومسوين منية علينا اني الهم

_ههههههههههه نيزك انتي كلبج ضعيف اذا تريدين تنتقمين منهم اني موجوده عندي طراگيع الهم

خزرتها بحدة ونترت بيها

_اانتي لا تددخلييين وتسوووين شي فگينا من شررج ااني اتصرف اني

اخذتها اسحل بيها وهي تضحك بصوت عالي تضحك علية لان شريد اسوي الهم!بس هي تكدر تسوي الهم اشكال لو ما  اني واگفة بوجهة وهاي تاليتها خليتهم يوصلون لهاي المواصيل ويعيدون سوايتهم الف مرة توسلت بيهم وكتلهم يجوزون منها بس ماكو فايدة عقول ذولة ماعدهم.

رجعنا يهف الهوى بينة اخذتها لحضني الفها بقمصلتها وهي تضحك مو بعقلها احلف عليها مو بعقلها وصلنا للبيت وزادت بالضحك..

_صوتج اشش صوتج كواكب العالم نايمة

_منطمرة طمررر ههههههه ولج المن جبتيني لو مخليتني بمكاني احسلي هسة يشمروني بالمخزن حتى بطانية محد ينطيني

_شحدهم والله افلش روسهم

اخذتها اسحب بيها وي دخلتنا انگطع نفسي وتصلب جسمي جمدت بمكاني من شفت عمي كاعد بــــ المطبخ وكف من شافنا الشر يتطاير من عيونة مبين افنان خوش شاحنتة، خليت كواكب بضهري وهي 

تضحك اكرص بيها اريدها تسكت ماكو تخبلت تخبلت وراح يزيدوها خبال..

_سالم: وين جنتن؟

بلعت ريك اريد احجي اصتكيت بمكاني تقدم علينة رجعت ليورة مجلبة بكواكب بكل قوتي..

_اختي شامرينها بالشـ..

_سالم: لفيتن بعد ماشبعت الزلم بيجن مو؟

فتحت عيوني على وسعهن حتى لو اريد احجي لساني انبلع وي كلامة الشمرة مثل السم بوجهي

_نيزك: احترم احترم نفسك انت تعرف اني منو

ضحك بصوت عالي متت من ضحكتة هاي

_سالم: بريتي روحج واختج مابريتيها يعني انتي شريفة وهي لا مو؟

كل الكلام الجامعتة براسي تبخبر درت وجهي لكواكب الاختفت ضحكتها ورجع وجهها للجمود هزيت راسي بلا وهو سحبها علية يضحك بوجهها ويگلها..

_سالم: شفتي شفتي اختج حبيبتج شلون تدافع عن روحها وما تدافعلج ليش ليش؟ لانج بنت حرام تعرف بروحها ماتسوي شي حرام بس انتي لا تسوين الحرام

سحبتها منة واني احجي مفرفحة روحي من كلامة

_نيزك: لاتحجيي من كيفككك لا تلعببب براسهاااا كواكب اشررف منكم كلكم

_سالم: هاي نيزك شفتيها شفتي كدامج لو هاي نجمة لو شهب وياها ماكالت اني كالت احنا منو  ههههههههههه شوفي حقيقتها الذابحة روحج عليهن

سحبتها بقوة اصرخ بوجهها لاتسمعلة ماحس الا دفرها بضهرها انشمرت جوة بالصالة احس ضهرها انكسر صرخت بصوت عالي واغلط علية رحت اركضلها اكومها سحبني من شعري بقوة احس فروة راسي انشلعت صرخت وصرخاتي تعالت واني اشوف سامر وسراج لزمو كواكب والتمو عليها يضربون بيها بوحشية وهي تكامش وتحاول ترجعلهم الضربات بس وين تكدرلهم وين!!!

_نيزك: ووولك هدددني ررراح تموتووهاااا لاااا

ضربني عمي بوكس على راسي احس الدنيا صارت سودة وتفتر بية صار يضرب ويملخ بية بكل قوتة ويسب لان طلعت اجيب اختي الطاردينها بالليل ونايمة بالشوارع!

جسمي نمل بيدة من الضرب كمت ما اشوف شي بس اصيح عوفوها طحت والرفسات تجيني من كل مكان انعدمت الرؤيا عندي بس حاسة السمع فعالة بوضوح اسمع صريخ نجمة العالي وشهب ابني ابني يصرخ مرعوب همست بوجع اتمنى يسمعن صوتي..

_ابني ابني اخذنة...  منا ولجن ابني لايشوفني هيج

من شدة الضرب فقدت الوعي واني ساعة اصرخ على كواكب وساعة على ابني...كعدت جسمي ناار ناار راسي ملفوف ووصلة مبللة على وجهي صخونتي تذبح ذبح فتحت عيوني الذبلانات من الوجع وابني صار كدام عيني وجهة من البجي صاير دم لزم وجهي بيدة الصغيرة الباردة يصيح لنجمة..

_امير: ندمة (نجمة) ندمة نانا دعدت دعدت (كعدت)

باسني بخدي سحبتة لحضني ابوس بية والالم يذبح روحي اريد شي مايوجعني بجسمي ماكو الله لا يوفقهم نهوني نهي دورت عيوني وسالت شهب الكاعدة مكابلتني وجهها مصبوغ من البجي..

_نيزك: وين كواكب شسوو بيها المايخافون من الله

_مادري

دنكت راسها ودموعها نزلت مسحتهن وطفرت من مكانها تركض وتمسح بيهن عليت صوتي وحجيت بالم راصة على اسناني..

_ولج موتوهااا مااتتت بيدهمم كله من وراااي اني الجبتهااا وماكدرت احميها منهم

غميت كصتي بقوووة  اتذكر ضحكتها البارحة من گتلها احميج  متت والله متت من تكلي عوفيني هنا بالشارع  احسلي جبتها بس ما حميتها ماساعدتها خليتهم يكتلونها اخ يا نار روحي الما اضن تبرد وخرت  اموري وكمت جسمي متكسر

_حبيبي ابقة هنا لا تتحرك

_امير: مااا ويات الوح (وياج اروح) 

_لا يروح امك ابقة هنا اني ما رايحة بعيد للحمام وارجع

شمرتلة بوسة وطلعت عفتة مطنگر مايعوفني وراي وراي عفت شهب يمة و طلعت للصالة  صار بوجهي  منظر متت الف موتة روحي احسها صعدت ونزلت الف مرة من شفت  نجمة مدنكة على رجل عمي تمسح بحذاتة  ..

_نجممممممممة

رفعت راسها مفزوعة على صوتي  وجهها انصبغ دممم من شافتني تلبكت وحارت شتكول.لو تسوي  تقربت عليها واني انتفض من العصبية..

_شلوون تمسحيين حذاتة شلوووون ولكممممم انتوووو شنوووو انتووووو تمسح حذاتك ليششش خددددامتتتتك !!!!

_افنان: وانتي شكوو شنو يمج عمها هذا التمسح حذاتة تاج راسجن هذاااا

_نيزك: مايمسححهااا هووو موو خداامة اختييي عدكمممم مووو خداااامة

_افنان: شفت بت اخوك يسالم شلون تحجي وتصيح  ولاتكول عمها بمثابة ابوها وشيكول صار

ضربت على رجلي بحركة وضحكت بصوت عالي باستهزاء كلهم كلهم حدو سنونهم علية هزيت ايدي وكلت مامهتمة ..

_ابوي ابوي ههههههه ولكم ماتوصلون لنعال ابوي هذا نعالة ماتوصلونة كلكم...

بعدني مامكملة كلامي وضربني بالسبحة مالتة شوطني تشوط طفرت بعيد عنة واني احاجي افنان..

_هذااا ابوووي هذااا ولج هذااا العدوو مايسووي سوايتة ابووي يمووت علينة وهذاا يمووت من عدنة

رجعت سحبت نجمة عتت روحها مني ورجعت تكمل وتكول بابتسامة..

_نجمة: شبيج نيزك عمي سالم بمثابة ابوي واذا امسح حذاتة  انمونة ولج هاي روحي انطيها اله

شاطت روحي من القهر ااخ يا نجمة اااخ محتارة بيج حيرررة ليشش تذلينن روحجج ليشش!!!؟  ضحك هو فرحان بيها خلة ايدة على راسها..

_سالم: صيرن مثل نجمة شيصير لو تتعلمن منها الاخلاق والتربية صح هي الصغيرة بس تسواجن تعرف الاصول

_افنان: يلا نجمة كملي البيدج وارجعي كملي شغلج وانتي نيزك وياها

_نيزك: خلي جناين صبيحة يكومن احنا شكوو خددممم الكممم

_صبيحة: ولج صبيحة تلعب وياج سمعت سالم بت اخوك شلون مستلمتنا عود هاي كدامك من تروح شتسوي وراك

_سالم: الضاهر كتلتة البارحة ما فادتها مو نيزك؟

_ويننن كووواكب ووووين؟؟

سالم: اكول اشتغلي وعوفي ذيج الصايعة احسلج

_نيزك: وين ررراحت البارررحة مووتوها مو؟

_افنان: هي ما خربتها غير الصايعة طلعت بالشوارع يعني وين تكعد الصبح تطلع للشوارع جديدة عليج؟

لفحت انفاسي الحارة وتحركت للباب اريد اطلع اشوفها وين راحت  انسحبت من شعري لزمت ايدة وغمضت عيوني من كال بغضب

_سالم: رجليج اكسرهن ثنينهن لو وصلتي لعتبة الشارع حشش احشهن واسويها تعرفينييييي

خزرتة عيوني يردن يطلعن من الغضب عتيت روحي منة عتت وشعري تكطع بيدة صحت ماهامني الالم

_نيزك: تريدون ترجعونها للشوارع موووو؟

_سالم: كلمن لاصلة يرجع

صحت بصوت عالي جرح حنجرتي

_على مووتي والله على مووتي ترجعونهااا كواكب حالها من حالنة بهذااااا البيتتتت والعباااس ابووو فااااضل البيتتتت احرررگة بس ترجعونهااااا للشاررع

سحبني يكفخ بية وكلها تأيدة وتزيد الحطب نار بكلامهم السم نجمة دخلت بالنص تفازعني وصارت الضربات تجي بيها وبية نزل من فوك على صوتنا العالي ركض  ودفع ابوة عني يصيح بية

_يوسف: شنووو السالفة من صباح الله عركككم وانتووو شبيكمم تخبلتووو

_سالم: الا اررربيج من جديددد ما اطلع باسميي تتهترين علية ووولج اني اعلمجج

_نيزك:واني ما اقصرر تعررفووني شسووي بيكممم كواكب خطط احمررر واليتقربلهااا اموتة ترجع كواكب لهنا يعني ترجع

_سالم: وووولج مااااا ترررجع

_نيزك: اكلكككككك تررررررجععععع

هو يصيح واني اصيح بخبال وعصبية  كلشي ولا كواكب وصية ابوي وامي هاي شلون اعوفها للشارع شلووون؟!

_يوسف: عممممة احجييي شييي

اجت عمتي افنان تهدي الوضع الحامي و تكول

_افنان: اهدأ سالم اهدأ اعصابك الحجي مو كلة الك

_سالم: ماتسمعينهاااا حركتتتت روحهااا حررك عليهاااا شووفيهااا شلوون راااح تموووت عليهااا

_ونيزك: واحرككممممم بناااااررررر اختيييي هاااي اختيييي

راد يضربني وصار يوسف بوجهي ما خلاة يلوحني

_افنان: اسكتي وولج خليني ااااحجي

_نيزك: احجي احجي احجي

وكفت لازمة خاصرتي كووة اجر النفس كوة سكتت اريد اشوفهم وين يوصلون.

_افنان: سالم خوية خل كواكب ترجع لهنا بس..

_سالم: ماترررجع مارريددد اشوووفهاااا اكرررهها اكرررهاااا مارريدد شوفتهااا

_افنان: بس باليل تجي تبات هنا بالنهار خلها تسيب مالنة غرض بيها بس بالليل

_سالم: لو بيدي اشرررب من دمهااا شرررب اااخ

_يوسف: هذا هو ترجع كواكب هنا بس اسكتووو

_نيزك: مووو بكيفكممم تحددون شوكت تبقى وشوكت تطلع حالها حالنا هناااا

دفعني يوسف اخذني للغرفة يدفع بية واني اصيح منهارة وعمي حاد سنونة علية دفعني بالغرفة وسد الباب بجسمة.

_يوسف: اهدي نيزك شبيييج

_نيزك: كللل هذااا وتكووول شبيييية شتريدوون تسوون متتت الباررحة متت هذاا جسمي ازرگ من الضررب وتگلي شبيييج

_يوسف: سالفة كواكب انسدت هي أصلاً كواكب ماتكعد بالبيت عوفيها براحتها لاتسوين مشاكل علمودها وتاذين روحج متعودة على الشارع مو مثلجن

_من وراكم كل الصار بيها من وراكممممم

مسح وجهة يستغفر مشيت بالغرفة ارجف واحجي

_نيزك: شريف على امك وابوك مو بيددك اطلععع مناااا اطلععع يستغفررر يستغفرر

_مو بعقلج

طلع وركعت الباب وراة وكفت دمي يفووور احس راح انفجر عيني صارت على امير حاضن شهب خايف سودة علية حقة يخاف وهو يشوفني بهذا الشكل مسحت وجهي ايدي وجسمي يرجفن كعدت على القنفة واني اهز برجلي..

_اهدي نيزك فدوة لاتتمرضين

_شهب اموري جيبية مابية شي اني

_شهب: صح صح مابيج

جابتلي امير مخلي اصبعة بحلكة وعيونة مدمعة سحبتة لحضني امسح على شعرة الناعم..

_حبيب الروح اهدأ يمة ماكو شي لاتخاف

_امير: الوح اتلهم تلهم (اروح اكتلهم كلهم)

_لا حبيبي ليش تكتلهم

_هما يهلوج تسيهين (يخلوج تصيحين)

_لا يمة اني اصيح وحدي

بستة بخدة ورفعت راسي لشهب

_مريكتة؟

_شهب: اي من الصبح كعد وكلتة خطية البارحة الليل ما نامة

_بس لا شافني وضل فوك راسي

_لا ماخليتة نجمة صاحت بية اخذة بس من صرتي زينة شوية جبتة

_سودة علية ياروحي

عصرتة بحضني گلبي متكطع علية كلش خايف علية يصير بية حالة نفسية  احاول شكد ما اكدر ماخلية يتاثر باليصير اخاف تصير بية ازمات طفولة تاثر علية من يكبر..

_تاكل حبيبي

انفتح الباب وي كلمتي ودخلت نجمة بيدها صينية ريوك كلبت عيونها شهب وصارت على صفحة بين خلت نجمة الصينية كدامنة وكعدت

_نجمة: سويتلجن ريوك يلا تعالن تريكن لايبرد الجاي

سكتت ما حاجيتها روحي تلوب منها سحبت امير عليها وهو من شافها ضحك وهي تلاعبة وتصيح

_وييييي شبببح اااني اجييت

اخذتة بحضنها وهو يضحك صبت جاي النة وقدمتلي كلاص

_نجمة: تعاي شهبة تريكي لايبرد الجاي

_شهب: ماريد سمممم من ايييدج نفسيي انسددت من شفتتتج

ذبلت ملامحها وتغيرت بسرعة

_نجمة: ليش شكتلج اني؟

_شهب: امشي لوگيية امشيي روحي صبيلهم وقدمي الهم احنا مانرريد

اجت شالت امير من حضنها وشالت الصينية تصيح عليها بحركة

_شهب: اخذيها واطلعي اخذذيهاااا هاي مو النة هاي الهم امشي اغسلي ملابسهم واحذيتهم امسحيهاا ززين لووووگية

كمت ماراضية على كلام شهب اباوع لنجمة وجهها صار احمررر يريد يطگ والعيون انترست دمع ماحجت حرف واحد طلعت تركض خزرت شهب بقوة

_ولججج هااي اختتتج لييش هيييج وياااها

_شهب: خليها تروحلهم مو اختنا هااي كواكب اختنااا

ضربت على رجلي بقوة وعضيت اصبعي من الحركة كطعتعة ماحسيت الا الدم بحلگي شسوي اضرب شهب على حجيها لنجمة لو اضرب نجمة لان تسمع كلامهم وخادمتهم شسوي حرررت  !!!

طلعت ورة نجمة لكيتها بالمطبخ تسوي ريوك للمدامات كاعدات يتريكن مايسون لروحهن سم اله نجمة من شافني كلبن خلقهن ماعاجبتهن شوفتي كتفت ادية وانهديت عليهن

_بيجننن سممم ماتكومن تسوون ريووك لبطونجن شللل وكسررر بديجن كووون نجمة نجمة تعاي وياي تعااي

_نجمة: بس اكمل البيدي واجيج روحي انتي اني اجيج اني

_نيزك: اشوو الا تجييين

ضربت على رجلي ودخلت جوة فاير دمي ليش شوكت اني ارتاحيت بهذا البيت وجربت الهدوء والراحة؟

_نور: عممممة تعاااي عمممة

_نيزك: وغمة التغمج يالعوووبة وولجن انتنننن شنووو انتنننن  ؟؟!!!

طفرت مينا تروح تصيح لصبيحة وهي اجت على صوتي دخلت تلف بشالها وتصيح..

_وتالي وياج نيززك شتريدين؟؟

_اريد جناينج الخيسة يكومن يسون سم لرواحتهن ولزلمهن

_صبيحة:بيش طالبة جنايني تسممينهن من الصبح

_اذا تريدين اخليلهن سم بالاكل بيدي شدكولين؟

_صبيحة: احنا ماصدكنا نخلص من ذيج المسودنة تسودنتي انتي علينة

_شفتي ماترتاحون عبالكم اخليكم ترتاحون وكواكب مو هنا امداااني والله

اجت كعدت وجناينها وياها كعدن يباوعلي بتشفي مكيفات بنات المطية ...

_يلا نجمة عووفي البيدججج

دخلو سراج وسامر سوة عيونهم نكسة مثلهم خزروني اريد افكس عيونهم بالسجينة اخترقوني عود ملابسي واسعة كلبت عيوني اهز رجلي بعصبية

_صبيحة: يا هلا بهلصباح تعالو يمة هلا هلا

همست بصوت ناصي

_تغسلتم وتجفنتو بجاة هو الله

كعدو ونجمة قدمتلهم الريوك ماتحملت ابقة لان بس ابقة اسحل نجمة واركع راسها بالحايط واخليهن يتشمتن ويكرهنا بينا وهذا الشي المصبرني ومامخليني اتصرف تصرف مو حلو وياها، طلعت ارجفف رجيييف اعصابي من كثر العصبية انهارت

رحت اشرب مي بلكت اهدا شربت دولكة مي كاملة لكيتها على الدرج حتى ما اهتميت كعدت على الدرج واكل بروحي اكل..

_تعاي تعاي

_نجمة: بس على كيفج

سحبتها وياي للمنور ماريدهن يشوفنة لو يسمعن حديثنا اخاف اتعصب وارفع صوتي وكلشي يصير وهنا من يسمعنن غالطة عليها فرصة ذهبية الهن..

_بسس گليلييي ليش لييش هيج تسووين الهممم

_نجمة: اخر موضوع تحجين بية كلشي احجي الا بهذا الموضوع اني مرتاحة نيزك شبيج اني احب الشغل وين المشكلة بالموضوع لو اشتغلت ؟

_وولج ياشغغغغل هذااا اني شكمم مررة كايلتلج هاااي خدددمة يخدموون عليج مو شغل هذاا

_عادي عوفيني خدامة

_انتييي مايفييد وياااج الحجييي كتلجج اني موجوودة مايسوولج شييي اكعددي واسكتييي اشتغلي اييي بس لا تخدمينهمممم واحددد واحددد

_نيزك كافي ليش تحركين روحج اني راضية بهلشي

_اطلعيييي ولججج اطلعيييي بسرررعة

صرخت بصوت عالي وهي طلعت بسرعة الدمعة بطرف عينها ادري باختي مجبورة تخدمهم وتنفذ طلباتهم بس عجزززت عجزززت افهم شنو الشيي المجبورة علية وساكتة اجيتها بكل الطرق والاساليب والاجابة نفسها اني احب اشتغل، ماريد مشاكل   !!

رجعت للغرفة اكل روحي بروحي وهيج مر الوقت واني بقلق نفسي على اخواتي ومستقبلهن مخلية شهب كدام عيني ماتغفل عني دقيقة حتى للحمام اروح وياها وصلت بية لهاي المواصيل اما نجمة ااخ گلبي يفور منها وعليها ماتكعد بالكاع شغل بشغل وعود من تخلص تروح تقرا اما كواكب هاي مخبلتني عقلي احسة انشخط من وراها وين هسة هي وشتسوي بهذا الوقت  ؟!!!!!!

≈♡♡♡♡≈

_وينة هو وينة؟؟

_اهوو لا هلة ولا مرحبا شتريدين خيررر

_كواكب: اليشوف وجهك مايشوف الخيرر جنك بعيجي

_ضرغام: ياصبررر ايوووب على هلمصيبة الگشرة

كام من مكانة وطلع  رحت وراة امشي بسرعة

_هسة شبيك ماتكلي اجيت مثل البشر اسال علية ليش ماتجاوبني؟؟ انبلع انبلع هالرجال

االتفت علية منزعج اخ لو بيدي الا افلش خلقتك اخذ نفس وزفرة بقوة جاوب من ورة خشمة ..

_ضرغام: مو هنا مشغول عندة شغل انتي ماتملين؟

_لا  بس گلي شوكت يجي؟

_ماعررررف

_ذمة برگبتك من يجي گلة المنجمة اجت عليك

_استغفر الله ياربي

_شريف ابن الشريفة لو مااعرفك زين

_: وهسة شتريدين ياغضبب؟

_سلاااامتك بس كلة اني اجيت وسالت علية

عفتة ورحت واهسي مكسور جنت متوقعة اشوفة بعد هالمدة الطويلة الغاب بيها بس ماكو خفت بعد ما اشوفة والدنيا طفت بعيني ثنينهم اختفو !!

_تعاالي تعااالي

التفتت علية بسرعة وانرسمت الابتسامة على وجهي رجع الامل يترسني من جديد اكيد راح يگلي عنوانة او شي يخصة رحتلة بسرعة وكلت بحماس وابتسامة  مرسومة على ثغري  .

_ها اجيت  گلي وين هو؟

_33  مرة اجيتي علية تسألين شتريدين منة بالضبط.؟

_عندي شغل وياة لو تحقق بعد ما اصيحلك بعيجي

_ديلا بلة هاي شيحجي الواحد وياها عيب بابا عيب شنو بعيجيييي

_كواكب: واني شكو غير انت تشبهة البعيجي هم اسود ونفس العيون نسخ لصق انت وياة

رص على اسنونة بعصبية واني ابتعدت عنة لايهفني بوكس يخيس راسي بية ضحكت بجذب.

_كواكب: اتشاقة وياك شبيك ضرغام

_لو عدتي هذا كلامج مرة ثانية املص رگبتج

_بس على كيفك لاتنگطع مو اني بعيجي مثلك حتى تملص رگبتي

طلعت اركض هو يحجي علية واني اغلط علية بصوت مسموع اكرههااا شما اكول اكرهها قليل وياة الكرة طلعت والعمال تباوعلي ويحجون بينهم علي  صاح واحد بيهم..

_خوية خاف محتاجة فلوس كولي

_مشكور حبيبي مامحتاجة

_موتيني  كل يوم تجين وتطلعين ضايجة

_جاي ادور على شخص وما جاي الكاة

_نفسة هذا الشخص التجين كل يومية علية؟

_نفسة خوية نفسة  يلا نلتقي بالمرة 33

طلعت من المعرض واهسي مخربط وين راح هذا ليش مارجعلي ياكدلي صحة كلامي  ! ليش هيج اختفى؟ معقولة بعد مايرجع واشوفة مثلهم؟

تنهدت بقهر ورجعت كذلتي ليكدام احسها طولانة بدت تضوجني لازم اكصها رجعت  بوجهي للسوك كعدت بالبسطية يم ام حربي نبيع مخضر شغلي يبدي  وياها من الصبح لحد اذان المغرب هي تروح لبيتها وترتاح واني ابقى هنا  !

_ام حربي: ها يمة وين جنتي؟

_هنا حجية هنا

هزت راسها وتلفلفت بعبايتها ومثل كل يوم لازم تحجي علية..

_ام حربي: ولج يمة ماتبردين بطرك القمصلة وراسج طالع

_لا حجية دافية جنت لابسة كلاو بس ذبيتة لان حريت

_يما البرد مايرحم يرادلة واحد يثخن البسي يمة اللبسي لاتتمرضين

هزيت راسي اي ودرت وجهي عنها الناس الغربة تهتم بية الناس الغربة تخاف علية الناس الغربة ينكسر خاطرها علية واهلي اهلي مايدرون شي عني مايدرون اني عايشة هاي اذا صدك عندي اهل وكلامهم طلع صح  !

بدت الحركة بالسوك والناس تلتم وتتسوك لازمة درزن العلاليك بيدي اصيح بصوت عالي حتى الناس تجي تشتري..

_طمااطة حمرة كيلوين بالففف خيارر تازة بالفف برتقاال بسبعمية وخميسن برتقال ديالى هذااا يطيب العليل نوومي حامض علنضيف علنضيف

اجة شخص يشتري باوع بالطمامة وكال

_هاي الطمامة لگاط

_لا  اني اخليلك شوفها تازة لاتخاف ما اخليلك من جوة خايسات

_اي بعد عمج خليلي ثنين بس زينات

_ادلل

خليتلة كيلوين وزنتهن واخذت الزايد انطيته العلاكة وسلملي  فلوس اخذتهن اخليهن بالعلاكة واصيح وراة ..

_بالسلامة عينيي بالسلامة

رجعت اصيح والناس تجي تشتري اوزن واصيح وهيج مخلصتها كل يوم وكل ساعة تمر... صار الضهر والناس قلت اخذت ام حربي مخضر وياها لبيتها وراحت..

_ام حربي: يلا يمة اني رايحة لاهلي اصلي وارتاحلي جم ساعة والعصر اجي

_الله وياج حجية بالسلامة

راحت وبقيت وحدي وصيت على لفة وقوطية وي  محمود  يجيبلي وياة انطيتة فلوس وبقيت كاعدة صافنة نص السوك اذا مو كلة عزل وراحت الناس لاهلها بس اني وين اروح يا اهل ليا بيت  ؟؟!

اباوع للخضرة ذبلانة نصها لان صايرة بجهة الشمس باوعت للشمس وابتسمت البارحة شكد باردة ومطر واليوم عكس البارحة الشمس قوية ولاسعة ولا يگول شتة فرق بين اليومين  .

افتريت رشيت مي على الخضرة انقهرت علية ذبلانة نزيت على صوتة يگول..

_يا من كشف الخفايا لعبتها اين حلت اخبارها

رفعت راسي بسرعة وتوسعت عيوني بصدمة وفرح غززة روحي ماصدك الجاي تشوفة عيني ضحكت ضحكت من كل كلبي جعصت حلكي بيدي اريد اسكت ماكدر فرحانة  فرحاااانة بجيتة ...

_تخبلتي؟

_اني مخبلة من زمان

_: اول مرة اشوفج تضحكين هيج شعندج  ؟

اختفت ابتسامتي ورجعت ملامحي للجدية تقربت منة وحجيت بخفوت..

_ كلامي طلع صحيح مو؟؟؟؟

_المنجمة ماتجذب كلامج مضبوط

_ يعني اني منجمة كالتلي هي كالت انتي منجمة هسة تاكدت اني منجمة شوف انت مو اول واحد اكشفلة بس انت اول واحد رجعلي وشفت وجههة بعد ماكشفتلة  !

_شنو؟

_هيج

_شنو تردين تسوين بس فهميني؟

_مايخصك خووش مايخصك شي

_كلامج طلع صح الصح عجيبب شلون هيج تعرفين.!؟

_ احححححح

جريت نفس طوووويل ومططت ادية العب واحرك بيهن بنشاط  هسة اني فرحانة وسعيدة وطااايرة من  سمعت هالكلام واخيرا تاكدت من نفسي  كلامي صح ا

_ضيغم: شو سكتي بعد ما حجيتي وياي ولا جنج انتي المكطعة الدرب رايحة راجعة تسالين عني  !

_الاريدة اخذتها شكو بعدد؟

_غريبة شغلتج انتي

_كلش وهسة ابتعد منا كفيت ووفيت من رجعتلي

_ما گلتيلي شنو راح اسوي لو شسويت  !!

_كلشي واضح ما احتاج اسال لو نسيت اني المنجمة

_جنت اضنج تضحكين علية لو احد دازج

_وبعدين؟

_عوفج من البعدين  ما تعبتي؟

_من شنو؟

_من كلشي

خزرتة بطرف عيني ملامحة جامدة منتظر مني جواب هزيت راسي

_كواكب: لا ميخصك انت روح منا روح شغلي وياك انتهى

درت وجهي عنة وغمضت عيوني استمتع واني اشتم عطرة الطيب الكطعني عن التفكير بهواي امور خلاني ثابتة بنقطة وحدة ما اتحرك ..

_هاج اخذي هاج

فتحت عيوني على صوت محمود  جايبلي لفة وقوطية ببسي  اخذتهن منة..

_كواكب:مشكور ضلع

_محمود:بالعافيه ضلعة الضلعات

ضحكت و درت وجهي لـ ضيغم  بعدة واكف وراي رجعت كعدت بمكان ام حربي وربعت  .

_شو بعدك هنا

_ماعرفت القصة كاملة

_ياقصة؟

_قصتج

_خااب دووووولي

كطمت الگعم مال اللفة وفتحت قوطية الببسي اكلت وهو بعد فوك راسي صافن ويباوع لكلشي بتعجب ضليت اباوعلة واباوع للمكان ..

_كواكب: روح لا تزوع علية ادري لعبت نفسك من المكان بس هاي لان البارحة مطرت والناس مو رايحة راجعة حاسونة حوس بالطين والا السوك زين نظيف  روح منا لا واحد من الجهال يفشش تايرات سيارتك

_اكلج شي بس تفكرين بية

_لا بس اسمع

خليت اللفة على صفحة عدلت كعدتي وهو مركز وياي

_كواكب: عندك ولد عم تشاركهم وتشتغل وياهم لان اذا بقيت هيج راح تفلس وتصبح على الحديدة شارك ولد عمك هما هسة بحاجة شخص مثلك قبق ولكة غطاة هيج انتو سوى

بقة صافن بوجهي طلع ايدة من الكوت عصر عيونة ومسح وجهة بقوة رص على اسنانة ونتر

_ضيغم: لخاطرر الله شلووون تعرررفيننن ررراح اتخبببل صااارلي شكددد ابحثث حتى اعرفج بس عجزززت انتي شنو ماتكولين؟؟

_هههههههاااااااااااي رراح افطس من الضحك ووولك بطني يمة بطني همزين بالعة لگمتي جان متت شبيك بابا  ؟ اني منجمة

سكتت اباوعلة يباوعلي باستغراب يريد يخترقني بنظراتة عبالك كدامة كائن فضائي مو بشرر كملت لفتي وعفتة على راحتة اريد اشوف وين يريد يوصل ولا غير وضعة يمة يجلط يجلط شوف نظراتة يكول جريذي مو كائن فضائي كدامة  !

_كواكب: تريد لفة اشتريلك طبعاً ما انطيك من حلگي خاف تلعب روحك واني ما ارضاها على نفسي

_استغفرالله واتوب الية

_اليوم شنو سالفتكم شو ياهو الاكضة يستغفر شنو كلكم سادة ومأمنة واني ما ادري

_اريد احجي وياج بغير مكان

_البراسك ما توصلة روح منا بسررررعة رروح طوولت هووواي طولت كلشيي انتهىى ضيييم

بقيت خازرتة صفن بعيوني هواي يلا تحرك جريت نفس طويل من راح  كملت لفتي طلعها سم علية بس المهم عرفت البراسي وهذا احلى شي مر علية اليوم ..

مر الوقت يلا رجعت الحركة ورجع الشغل بالسوك صار العصر واني احسب بالوقت احسة يركض بية ركض ابتسمت من صار الغروب راح الناس كلها ترجع لبيوتها وترتاح واني بحيرة من امري ارجع للبيت لو ابقة هنا مثل ما تعودت  !

عزلت ام حربي وانطتني يوميتي وراحت كلها عزلت واني بقيت افكر ارجع للبيت يكتلوني ويعيروني لو يحركون گلبي ابقة هنا ونيزك والبنات شلون بيهن  !

امرلي لله ارجع للبيت الاسود علمودهن علمود مايتعاركن وينكتلن من وراي والله الشارع احسلي من ذاك البيت والمر الشايفتة يمهم تعودت احمي نفسي من الشارع بس ماتعودت ولا عرفت شلون احميهن من الاذية بذاك البيت وجودي وياهن خطر لو ما اني يمكن عيشتهن احسن  !

_وتالي ترجعين

التفتت فازة على صوتة الخشن المن سابع المستحيلات ما اكدر اميزة ذبيت نفس وعكدت حواجبي..

_شتريد انت مني كل الاكدر افيدك بية اخذتة وهسة شنو؟

_ضيغم: انتي ساعدتيني  اساعدج بشي بسيط

_ليش منو كلك اني محتاجة مساعددة منك  ؟؟

_اعرف ما محتاجة بس اني اريد ادفع المقابل

_مثلاً

_مثلا شغل احسن من هذا الشغل

_شكراً بس اني ما اريد اطلع من هذا المكان لا تلحگني مررة ثانية

_فرصة هاي

_مشكلتي ما استغل الفرص

_تخسرين

_روح يعمي رروح

ابتسم على كلامي  عفتة وراي و رجعت للبيت احرك بروحي ومستعدة للمشاكل تعبت من المشاكل بس شنو بيدي هما يخلقونها، قبل لا اوصل للبيت طلعت نص الفلوس وخليتهن بفطر حايط الجامع خليت فوكاهن طابوكة صغيرة حتى لا ينشافن لو يطيرهن الهوى

رجعت للبيت وفتحتلي الباب مثل كل يوم بالضبط حافظة الوقت وتميز دگتي من بينهم  ارتجت على الباب ومدت ايدها تحرك بيها بمعنى جيبي  كلبت عيوني وطلعت من جيبي الفلوس خليتهن بيدها حسبتهن ورفعت عيونها ماعاجبها..

_افنان: طلعي بعد لججج

_ماضل بس خمسة شوووفي

طلعتها من جيبي الخمسة الباقية  رادت تاخذها عصرتها بيدي فاتحة عيوني خازرتها ضربتني على متني ودخلت جوة بقو  تحجي وتتوعد وراي  ..

_افنان: شنو جاهلة ولج الجهال لو طلعو يطلعون مبلغ ازيد من هذا المبلغ احسبي حسابج بعد ما ادخلين للبيت بهذا واردج

_شسوويلج هذا الموجود ما اشتغل بملهى

_اشتغلي بملهى هو منو لازمج كمليها واشتغلي بملهى تعيشين بنعيم فكري بالموضوع

اشرتلي على راسها وغمزتلي غمضت عيوني اضبط اعصابي واسكت عنها كل يوم لازم اشتغل واجيبلها فلوس واذا ما طلعت تصير مصيبة وكارثة وي اخواتي وهي السبب لو اخلي بيدها لو تنگلب احوالنا لاگتني نيزك عاكدة حواجبها..

_نيزك: ووين وليتيي ووين بييش الساعة ولج من الصبببح طلعتي ماعرفتي ترجعين للبيت  !!؟؟

_هلو نيزك

بادلتها برود ودخلت للغرفة عبرت منهم كاعدين يفرشون بالسفرة وريحة الاكل مليانة البيت مليي وكالعادة مالنة نصيب منها..

_يااا ررروحي

_امير: كووووكة

فتحت ادية وهو اجة يركض لحضني شلتة وفريتة بالهوى يضحككك فرحان واني اضحك على ضحكتة نزلتة ابوس بية دخلت نيزك تحرگ بروحها حرگ ..

_مو كتلج بعد لا تطلعين انتي ليش ماتفهمييين هااا لييش

_شبيج نيززك شكووو؟؟

سحبتني من زندي بقوة تحجي بحرگة گلب

_نيزك: طلعة من البيت ما تطلعييين ويين توولين وين من الصبح لهسة يلا شرفتي

_وين يعني؟ بالشغل طبعاً

_ياااا شغغغغل

_صوتج منا ابنج اشتغل وي ام حربي شنو جديده عليج!

نترت ايدها واخذت ملابس رحت سبحت وطلعت اباوعلهم سفرة مادينها وملتمين عليها ضحك وسوالف افنان وسالم وصبيحة ونور ومينا وازواجهن

ونجمة تنقل بالاكل وتخلي كدامهم ومن كملت محد كاللها تعالي اكلي ويانة وشي اكيد ما مخلين شي وراهم يطبخون على كدهم  .

باوعتلي نجمة ابتسمت ورجعت للمطبخ بقيت على وكفتي اباوعلهم واتوعد الهم بس اصبرولي اكشف كل الحقائق واطشر هاي كعدتكم رفع راسة باوعلي بحقد ونتر..

_سالم: امشيي طبيي جوة عابت هالوجة

_كواكب برود : مو هو وجهة سالم ابو العمايل السودة

_سالم: ايااا  بتتت الحرررااام

_كواكب: هههههه كلك حرام انت هم لا تنسى

نجمة طلعت بيدها صينية مبتسمة بعدها تريد تصيحلي تعاي اكلي وهو طفر من مكانة ناااار صاير ناار فوراً تحركت من مكاني اباوع للباب اطلع ..

_سالم: ووولج س*** گ** ب** تحجين ويااي هييج ااني تالي عمري ملفي بت حررام بيتي وماعاجبها من انعل اصلج لابووو اليخليج بيته بررررررررررراااااااا

طلعت نيزك متخبلة على صوتة خليت اصبعي على حلگي اسويلها اشش لاتحجين  وارجع ليورة كل مايتقدم اشرت لنجمة تلزم نيزك شمرت الصينية وراحتلها وجههة صار دممم وابنها يصرخ من صوت سالم الدوة بالبيت..

_اسس نيززك اسس لا تحجين شي ولا تبجين رايحة اني رايحة ماعلية اسسس صوتج ابنج اخواتج بامانتج

_سالم: يلااااا براااااااااا

طلعت من الصالة وهي تركض وراي ونجمة وراها تلزم بيها تدفعها منها وتصرخ بخبال...

_نيزك: لااااا كووواكب فدووة لاااا لا تعوفيني لاتكسريني برووحتج كواكب اني اختج لا تعوفيني امووت بغيابج ولج لا تعوفيني اتمرض واموت من القهر..

_كواكب: اني بخير لاتخافين نيززك صيري قووية لاتضعفيييين

_نيزك: لا فددوة كوكب فدوة لا ولج والله ليلي ما انامة محد يحاجيج فدووة بس ضلي بسسس

دموعها تنزل عشرة عشرة ونجمة تلزم بيها وتبجي على بجيها اما شهب حاضنة اموري لصدرها وبس تشهك كلهم وكفو يباوعون لحالنا وفرحااانين يفرحون من نتأذة سعادة تجتاح گلوبهم باوعتلهم بحقد احس گلبي وروحي مشتعلات نار وما تطفى هالنار الا احرگهم بيها...

طلع سالم بيدة جنطة شمرها علية وصاح بصوت عالي خلة نيزك تنهار..

_سالم: بعدد لا تلفييين لهذاا البيت برررراااا خلي عندج كرامة وصيري ادمية وحسي ضرب وضربتج حبس وحبستج طرد وطردتج اهانة وهنتج ووولييي مناااا ..

رفعت اصبعي احجي بصوت عاالي

_كواكب: ووحق كل دمعة نزلت من عيون اخواتي وانتم سبببها اطلعها منكم اضعاااف بس اصبرولي وانت سالم انتتت اااخ اني اللك  ولللج نيززك موو هيييج موو. هيييج

تقربت عليها من شفتها انهارت انهااارت صارت افنان بوجهي تدفع بيه ماتخليني اوصلها وصبيحة وجناينها شوية و يركصن من الفرحة كواكب راح تولي وياخذن راحتهن بطلعتي دفعت افنان بكل قوتي ونزلت على نيزك ارفعها من الكاع مسحت وجهها بيدي وحجيت بثبات ماريدها تشوفني ضعيفة ..

_نيزك نيزك ممنوع دموع ممنوع ضعف انتظري وشوفي كواكباختج الحاربتي علمودها شوفي شتسوي

_نيزك: لا لا ماترحين اروح وياج كلنة نروح سوى

ماتبقين وحدج

باوعت حولية وغمضت عيوني اني بنص ذيابة بس يسمعونها هيج تحجي  يفترسونها يموتونها وما يخلونها تتحرك وحقهم وين تروح وياي واني تايهة

بستها براسها بقوة وهي جلبت بدية نترت اديها وكلبي صار وصلة وصلة من القهر يكول رايحة للموت هي دائما تکول  المجهول اخطر من الموت وصدك كلامها.

سحبت جنطتي وكمت خليتها على ضهري واحس بگلوبهم ترقص سعادة وفرح نالو مبتغاهم وكسبو بس مايدرون هاي طلعتي بداية للخسارتهم 

باوعت بوجوهم واحد واحد وابتسمت رفعت اصبعي وبصوت عالي گلت..

_كواكب: لاتفررحون رااح ارجع لهذا البيت بس بعد ما يصير عالية سافلة وكولو بت الحرام ما كالت راح يطشر شملكم واحدكم مايباوع بوجهة الثاني والفاعل يتحاسب على افعالة

ودعت اخواتي بعيوني بجسد ثابت وگلب دامي متمزق من الالم درت وجهي اطلع وصاحت نيزك احس بحرگتها والله احس بروح اختي جاي تحترگ

_ نيزك: وووولج وووووين ووووين رررايحة

_كواكب: راجعة ادورها احتمال رجعت

طلعت من البيت وطبگت الباب وراي وهي تصيح بصوت عالي وتضرب بالكاع بديها...

_نيزك: ووولجججج لاترحيلهااااا لاااااااااااااااا توصلين گربهاااااااااا

يتبع 🤌🏻

✧✧✧✧

سنة سعيدة عليكم حبايب 🩷

نختم السنة بداية لمسيرتي هنا

2024/12/31

اتركولي كلمة بنهاية السنة 💕

هسة كلولي شنو رايكم بالاحداث بالسرد

جنتو متوقعين احداث الرواية هيج راح تكون؟

وينهم القرائ القديمين تحليلاتكم توقعاتكم اطرحوها نشوفها 🫡

شتتوقعون وين راح تروح كواكب؟

تعالو نتناقش بالبارت تلي

البارت الثاني كامل بس اعدلة تفاعلو على هذا البارت حتى بسرعة ينزل 🔥

⭕⭕⭕شوفو بخصوص النشر اصارحكم بشي  ما انشر بارت اذا مو البارت السابق ماخذ استحقاقة من التفاعل ابد ما راح اعيد الصار وياي برواياتي السابقة انزل بدون تفاعل حتى تصويت محد يصوت بس مشاهدات  زين ليش التعليقات فارغة مو اني حالي حال غيري اكتب واتعب ليش ماكو تفاعل مو حلو السرد موضوع الرواية عادي ؟

التعليقات اذا مو 1k  ما انزل بارت عسما شهر

🩷🩷🩷

بنات العدها حساب لاتقصر بالنشر عن الرواية لان تستاااهل بحييث مليانة احداث وقصتها قوووية مو شلون ماكان وانتو شفتو فكرتها مامطروقة صعدوها 🫡

﷽

المنجمة

_الكاتبة كفايه

لاتنسون متابعة الحسابCh_Kfiah

التصويت

والتعليق بين الفقرات🎀

يا علي مدد ♛

♚✧✧✧✧؞♚

_لو ما لگيتها شسوي؟

وكفت التقط انفاسي نزلت الجنطة بالكاع وصفنت بالفضاء بعد هذا السؤال الطرحة عقلي واني امشي بنصاص الليالي كلبت شعري بيدي وضحكت اهز راسي اخذت جنطتي ارجعها على جتفي وكملت طريقي واني اجاوب سؤالي بنفسي..

_كواكب: تلمني الشوارع اني بنت شارع وهما كالو كل واحد يرجع لاصلة وهاي اني رجعت لاصلي وحيدة بلا احد رجعت تلمني الشوارع

امشي واصوات اخواتي وصريخهن يخترق راسي يريد ينفجر عقلي ادك على راسي بيدي وگلبي يفوور ناار يفوور صورة نيزك براسي ماتروح شلون منهارة وراي!

اجة جلب باتجاهي ينبح ماسويت شي كملت مشي وهو يريد ياكنلي بس مايكدر شغلتة بس ينبح مشيت بخطوات باردة لبيتها وصلت لفرعها والبزازين تلگتني ماهتميت ولا خفت رغم الطريق اظلم دامس ماكو اي انارة هناك جمدت بمكاني من حط فوك راسي طير اسود من ذني الطيور اليحطن فوك بيتها طار بسرعة

رفعت راسي اشوفة اختفى سحلت جنطتي بعد مابية حيل ودخلت بيتها الحافظتة شبر شبر لكيتها واكفة بالباب مبتسمة ضحكت واني ضحكت وياها تركت  سير جنطتي من ايدي وكتفت ادية لصدري ..

_كواكب: شفتي يدراهم رجعتلج وهاي اجيتج بعد ما طردوني

_دراهم: فوتي حبوبة فوتي جوة جا اني مشتاكتلج

_هههههههههههه لا دراهم لا ماتشاق لاحد عبث

شمرت جنطتي بزاوية الغرفة وكعت هناك اخلي راسي بين رجلية واهز بجسمي عصرت راسي بثنين ادية اصيح بصوت عالي..

_كواكب: شووووكت دررراااهم شوووكت ااارتااااح گليليييي كلشيي ماحصلت من الدنيييا وينهمم همااا عنييي وين

صارت قريبة مني تمسح على راسي

_دراهم: بعد بعد خليج قوية وربج يدبر كلشي

رفعت راسي الها عيوني مليانة دموع حجيت بكسرة

_بس اريد واحد يساعدنا شنو ذنب نيزك والصار وياها؟ شنو ذنب شهب بالجاي يصير وياها؟ شنو ذنب نجمة ذالينها ذل ويشتغلون عليها؟ اميرر امير طفل صغير شنو ذنبة يكبر بينهم اااااالله ااااكبر عيشتيششش

_دراهم: كلة هذا اختبار اني مو هيج عرفتج وين ذيج الشعلة التحرك حررررك

_طفت طفت

غمضت عيوني بيدها جسمي استرخة ما اشوف شي بس الظلام وصوتها اسمعة تكلي..

_هسة شتشوفين

_ظلام

_لا لااا هسة اليفرحج شنو؟

ضحكت ضحكة متقطعة ومددت جسمي بالكاع الف روحي بقمصلتي خليت ادية جوة راسي واني اكلها

_كواكب: وحق من خلقهم لاطشرهم وحقة هو خالقهم لاخليهم رماد ووگف على رمادهم اني كواكب يا دراهم كواكب اشهدي علية اشهدي على بنت الشوارع

غفيت ماحاسة على شي ولا ادري بالحوالية كعدت الصبح امط بجسمي متكسرة خالتي مخدة وما نايمة عليها نايمة على ايدي كمت من مكاني رحت اغسل واشوفها واكفة بيدها صحن بية حنطة تنثر والغربان تلتم تاخذ حبات حنطة وتصعد وهي تضحك ومتونسة بهذا المنظر..

_كواكب: مو المفروض حمام؟

حاجتني وهي ترجع تنثر مرة لخ وتطلع صوت الهن

_دراهم: الحمام اله ناسة والغرابين السود الهن دراهم

رحت اغسل واحجي وياها

_والله يا دراهم سالفتج غريبة انتي

_دراهم: كل واحد عنده سالفة تختلف عن الثاني يا كواكب

_اي والله صدكتي

دخلت جوة اتحمة على الصوبة النفطية وهي لحگتني كعدت واني صبيتلها جاي والي كعدنا نتريك واني اسالها..

_وين اختفيتي صارلج فترة

_لفيت على ديرتي ورجعت

_عبالي ما راح ترجعين 

_دراهم: موتي هنا تصير لا تخافين علي هسة كليلي شلون نمتي

_احلة نومة ماحسيت بشي

_يلا تريكي وكومي

_لشغلي بعد وكت

_المثلج مايضيع وكتة كاعد كومي شوفي مستقبلج لاتضلين مثل الغرابين والبعيجية منتظرين امثالي

_حشاج دراهم ليش انتي وين اكو منج مرة

_دكومي المنجمة يريدونها بشغل

كمت على حيلي اكلها

_بعد ما اكشف لواحد دراهم شو يختفون لو يلزكولي

لو طگة لو اطلع مخة

ضحكت واني ابتسمت

_كواكب: ساعة السودة من كشفت لذاك المدهور

_لاتردينة لو اجاج يلا اتحركي لشغلج

♢♢♢♢

_بس كومي شوية كووومي

_عوفيني نجمة عوفينييي اااموت شلج بيه شلييج

_نجمة: استغفرالله رربي وتااالي؟ 

لفت روحها بالبطانية ترجف رجف  من الصخونة لاتقبل تاكل ولا تكوم من مكانها تسوي شي بس تبجي وتاكل روحها بروحها من طلعت كواكب ولهذا اليوم صار اسبوع اسبوع كامل وهي هذا وضعها تخبلتتت وانهاارت وي طلعتها بالشفاعات تاكل كم لكمة  لخاطر ابنها مثل ماقبل شوية جبرناها..

_بس كملي بعد اكلي ولج نيزك

_نيزك: ما اشتهي بلعومي مررر بس اكل تلعب روحي عوفني بنات

انفتح الباب ودخل يباوعلنا وحدة وحدة يسال بعيونة عليها خزرتة ودرت وجهي عنة تقدم علينة يحجي بقلق ويسالنة بخوف..

_يوسف: شنو صاير بنات؟ شهب شبيها نيزك

بس سمعت صوتة طفرت تصيح علية بعصبية

_نيزك: اطلعععع لككك اطلععع حقيررررر طلعوووة مناااا مارريد اشووف شكلة ولججج نجووومممم

دفعتني بحرگة  روحها لايبة من القهر كمت من مكاني وهو باقي مفهي يباوعلها وعيونة مدمعة يتقدم عليها يريد يشوف شبيها  واني  منعتة صرت كدامة فتحت ادية ما اخلية يتقدم...

_نجمة: اطلع منا يلا يوسف اطلع

_يوسف: شكو شبيها نيزك ترى هسة اجيت من الشغل محاجينها؟؟

_نيزك: ويهممك لجججج طلعيييية مارريد اسسسسمع صووووتة ينرررفزززني ينرررفزززني

_نجمة: اطلع بس اطلع كدامي رراح تمووووت شبببيك اااطلع

طلع كدامي وركبتة عليها ضلت مكسورة دارت وجهها عنة تلف بروحها  وترجف طلع برا الغرفة وجهه مبهوت يسال بحركة گلب..

_يوسف: شبيهاااا هاي؟ شنو صاير وياها نجمممة..

_نجمة: مريضة عوفها مو بحال شي هسة هي

_يوسف: منو وياها هما السبب مو..؟

_افنان: هلا بوليدي اشوفة اجة ملهوف على امة گلبها عليها اجاها طاير طيور يكول هاي امي التعبت والربت يركض لوجهة الشؤوم

_يوسف: يممممة

_افنان: يابعد اامك واهلها هلا بوليدي هلا بوحيدي

سحبتة تبوس بية وتعاتب عفتهم ورجعت لنيزك بعدني ما دخلت الغرفة صاحتلي نور انضف غرفتها هزيت راسي وبدون اي نقاش صعدت فوك لغرفتها لكيتها مكلوبة كلاب ملابسها منثورة والغراض هووسة هووية ولا يكول بشر عايش بيها حتى الحيوان مرتب اكثر منهن تمنيت مو هذا حالنا جان كدرت شلون اردهن بس هسة  مجبورة اسويلهم كلشي بدون ما اجادل مستقبلي بيد الحثالة امثالهن

انضف واقنع بنفسي نجمة حبيبتي اليريد شي يترك شي مو كلها تنجمع سوى الدنيا ماتقدملنا كلشي جاهز لازم نضحي ونتعب حتى نحس بثمرة تعبنا بالنهاية ..

نظفت الغرفة بالكامل سويتها تلمع تغير حالها من حال الى حال عضيت اصبعي بقهرر وتحسبت عليهن بحرگة گلب بعمري ما راح اشوف مثل خيستهن ونذالتهن نذلات بكل معاني الكلام، طلعت  وصار بوجهي سامر رجعت ليورة وهو لا ارادي عيونة على جسمي صارت ابتسم وهو مثبت عيونة على تفاصيل جسمي..

_سراج: اكول نجمة وين وصلتي بالدراسة؟

_راح اتخرج بس هاي السنة

_اها بسرعة كبرتي وشبيتي امس جنتي تكمزين بالشارع

هزيت راسي وعبرتة قبل لايخلص كلامة ويتمادى للاسف الكدامي حيوان مو بشر، لاگاني سراج سرعت خطواتي حتى اتخطاهم وكفت من صاح بيه  ..

_سراج: اوووگفي اكلج

_كول

_شهبة وين شهبة شو ما اشوفها؟؟

_شترريد منها  ؟ عووفهاا

_سراج: ما اعوفها للمووووت

دگ گلبي بجنون ووجهي اشتعل نار من كلامة كال مايعوف شهبة كال اي كال للممووت للمووت ااخ لو تسمع شهب والله تتخبل ، نزلت على السريع  بوجهي لغرفتهن شهب تلاعب بامير وتسكت بية  اما نيزك على وضعها تريد تموت من وراهم شسوو بيها شسوو' رحت يم شهب المتجاهلتني وما تشوفني بعينها ..

_اسويلج اكل؟

_شهب: روحي كملي تنظيف وطبخ ماريد منج شي اذا جعت اعرف اطبخ واندل المطبخ

_نجمة: هسة شحجيت وياج  !!

_شهب: لاتحجييين ويااي شيي

_نيزك: بسجن ولجن شهببب شبيج

_شهب: لا تدافعيلها ااانتي

ماحجيت وياها شي بقيت اعضعض بشفايفي حتى ماتنزل دموعي، اخذت اموري وطلعت عيوني ضلت وراها شكد حاقدة علية هالشهبة! تحسرت بقهر ورحت لنيزك الكعدت على حيلها تريد تحجي كعدت بصفها اسمعلها واسحب بديها اشوف حرارتها ...

_نيزك: اكلج

_كولي نازوكة

_نيزك: شوكت دوامج؟ باجر مو؟

_اي باجر ليش كولي

_باجر من ترجعين للدوام ترحين تدورين كواكب وتعرفين اوضاعها

_بس وين الكاها؟ هي الها اثر

_نيزك: تلكينها بــ بيتها المشؤم  رجعت رجعت

_ررجعت  !!

_ هي كالت رجعت راحتلها راحتلها

_احتمال كالت احتمال رجعت

_گلبي يگلي رجعت وهي يمها باجر ترحين لبيتها وتشوفينها الي..

_صار ، اجيبلج اكل

_انتي ماعندج شغلة بس الاكل؟

_شسوي مثلاً؟ ماعندي شي اقدمة الجن بس هاي الاشياء البسيطة

ابتسمت وكمت من مكاني انرسمت ابتسامة على وجهي وگلبي وروحي من خلال حديثي البسيط وياها ضحكت اكلها..

_نجمة: اليوم الغدة غير صددكن تاكلن اصابعجن وراة انتظريني مو تنامين بين مايكمل اصبة واجيج

طلعت اركض اكمل شغلي دخلت المطبخ اشتغل بسرعة ومندمجة بتفكيري قاطعني سؤالة التففتت علية..

_يوسف: خل اخذها للدكتور خليها تبدل

_لو تموت ما تروح وياك ااانسى

اجة يمي يحجي بعصبية وجهة كله خوف عليها

_يوسف: وجههة احمر حييل ولج نجمة لا يصيرر بيها شي ترى الصخونة مو شوية ياما ناس ماتت من وراها

_ادري والله ادري بس شسوي ماتقبل تطلع من حالتها من راحت كواكب ولهذا اليوم هي هيج انت تعرف شلون متعلقة بيها لا تسال وتتفاجأ اختها ماتدري شي عنها ومطرودة من البيت تريدها تفرح؟

_يوسف بحسرة: اتمنى تحبني ربع حبها لكواكب تدرين شيصير لو تحبني.؟

_اسكت اسكت لا تگلبها بينة تحبك بعد الصار يعععععع صدك يعععع

_يوسف: حتى انتي نجمة!

_اي حتى  اني ولا تنسى هاي اختي لاتشوف علاقتي بيهن سطيحة ترة  ذني اعز من روحي وكل اليأذيهن يأذيني صاحبنا واحد وعدونا واحد

درتلة ضهري وكملت اشتغل اعوفة ياكل بروحة خلية يستاهل  شلون ناس ماتعرف قيمة الشي الا من تخسرة كملت الغدا برياني دجاج قبل لايجن ويوكفن فوك راسي عزلت قطع دجاج لاخواتي وضميتهن بالفرن حتى لايشوفنهن وياخذنهن  .

صار وقت الغدة كلها التمت عمي ولدة بس سراج ماكو يمكن بغرفتة نقلت الاكل وكملتة رجعت للمطبخ خدرت جاي وطلعت اشوف شهب اصيحلها تتغدى قبل شوية شفتها بالحديقة طلعت ورجلية جمدن من شفت سراج يتقرب عليها وهي ترجع ليورة خايفة وترجف تموت من الخوف بس تشوفة مو واكف كدامها وبهذا القرب ...!

_سراج: شهبة ليش هيج ماتخليني اشوفج ليش؟ مشتاق مشتاق لهلوجة الحلو عسل جنج عسل دخيل ربج

يحاول يلزم خدودها المنتفخات وهي تصدة عنها ترجف من الخوف بسرعة تدخلت اباوعلها بخوف

_نجمة: سراج عمي يصيحك على الغدا

التفت علية ورجع باوع لشهب بنظرتة الوصخة ابتسم بخباثة وهو يشوفها شلون خايفة منه ونافرة حتى شوفتة يستلذ بهذا المنظر مجنون سراج مجنون  ! راح والضحكة شاكة حلگة   بقيت جامدة بمكاني اشوف اختي حبيبة روحي بحال مايسر العدو وماكدر اتقربلها اخاف تصدني وشنو يصير يانجمة لو صدتج اختج هاي ولج لو الف مرة صدتج ماتبتعدين عنها ..

ماترددت لحظة  واخذتها لحضني اعصر بديها صايرات ثلج  ترررجف بقيت اطمنها مايسويلها شي وما يرجع يتحارش بيها مرة لخ..

_نجمة: امشي امشي ماخلية يتقرب ثاني مرة منج لاتخافين

_شهب: انتي مو كواكب حتى ماتخلينة يتقربلي بس كواكب تصدة وتكسر راسة

_نجمة: اي ادري ادري بس اني هم ما اقصر واكدر اضربة وافضحة والم العالم علية

_شهب: بس ماتسوين ولا راح تسوين شي

دفعتني عنها وگالت بحركة

_شهب: ما احبج اااني تسمعين نجمة اني اكرهج لانج منهم بس كواكب ونيزك اخواتي انتي مو اختي

سمعتي 

گلبي وگف الدم جمد بعروگي نفسي ضاع روحي طلعت وياريتها طلعت من صدك اختي ماتريدني والله هي اعز من روحي  بس هنا السبب بعدنا هذا هنا السبب بكرة شهب الي خلنها ماتباوع بوجهي اخر مرة نمت حاضنة شهب هي من رجع سراج تحرش بيها وبيومها ماجانت واعية من الخوف نست هي تكرهني وماتحاجيني  '

عيوني احسهن جمرن نار تطلع منهن امسح بدموعي وماتوكف عيوني بجي غسلت وجهي بمي بارد يلة سكتت بس کلبي بقة گلبي ينزف دم من كلامها يتردد باذني كلمة

  "تكرهني ماتحبني اختي الاعزها اكثر من روحي "

نصيت القوري واخذت غداهن شكد جنت متحمسة ناكل سوى ونجتمع على صينية وحدة بس ماصارت نفسي انسدت من كلشي دخلت خليتة على الميز  وطلعت بدون ما احجي شي وياها رجعت للمطبخ صبيت جاي واخذتة الهم بعد ما خلصو الزلم عشتو زلم گال ...

واكفة اطحن بروحي واحجي بيني وبين نفسي بغير صوت رجعني  للواقع كائن لطيف يسحب بملابسي نزلت  اله اسمعلة واني مكزكزة علية ..

_امير: دول نانا دول هلي تزي نددوم (دكول نانا دكول خلي تجي نجوم)

رفعت ايدة بستها ورحت وياة دخلت وبقيت واكفة بالباب:-ها نيزك محتاجة شي؟

_نيزك: تعاي تغدي تعالي

_ماريد اني ماكلة تغدن انتن

_امير: مو بتيفج يلا امسي وياي

اخذني يسحول بية تسحول ابتسمت وكعدت وياهن اكل اباوع لنيزك توكل بابنها وتفلس لحم مثل ماتسوي لابنها تخلي كدامنا ثنينا احس من الفرحة راح اغص بالاكل كوة تماسكت نفسي وكملت الاكل بخير وسلامة ..

صار الليل وكل شوية اشوف سراج وين لو اتاكد انو شهب وحدها يلا ارتاح  راحت نور لبيت اهلها اخذتها صبيحة عمتها،  الشغل كلة كملتة انهد حيلي هد البيت صار هدوء كلمن بغرفتة شغلت الصوبة النفطية وكعدت اقرا النهار كلة ما الحگ اقرا بية الا من ينامون واخلص منهم ومن طلباتهم واني جاي اقرا رفعت راسي على صوتها من گالت..

_شهب: برأيج ليش مخلينج تدرسين وما بطلولج لهذا الوقت؟

_كافي شهب راح اتخرج كافي

_ليش بس انتي تدرسين من عدنا؟ جاوبي ليش تسكتين..

_روحي شهب

_اجاوبج اني يخدمون عليج حتى يخلوج تدرسين صرتيلهم خدامة كلة هذا الذل علمود شهادة  !؟

وكع القلم من ايدي صرت ارجف وجهي اشتعل نار خليت راسي بالكتب احجي بصوت يرجف اريدها تروح مني..

_نجمة: نيزك نيزك شوفيها روحي

_شهب: والا متى تبقين بهذا حالج عبدة الهم دراسة وراح تخلصين بس عبالج راح تتحررين؟ لا ماراح تتحررين راح يبقون يذلون بيج مادام انتي عايشة هنا حتى زواج ما يزوجونج ليش فنج؟؟

نزلت دموعي بغزارة وخليت ادية على اذني بكل قوتي اهز راسي متخبلة ماريد اسمع لكلامها ماريد اسمع الحقيقة خليني عايشة بخيالي بعالمي الموازي بتخيلاتي اذا واحد سمعهن يفقد من الضحك علية بس هذا انسب حل اسوية اشرد من كلشي ..

_كااافي كاافي بس اتخرج اتحرر والله اتحرر ارجع نجمة القديمة انيي مو خدددامة مو خدددامة والله

_شهب: تعودتي على العبودية نجمة مايفيد بعد

نطقت هالجملة وانصرفت بهدوء مخلفة وراها اعصار جاي احس بروحي تنهار والله روحي تنهار كل الجاي اسوية علمود دراستي حتى يرضون علية ويخلوني اكمل ماريد شي من الدنيا بس اخذ نتيجتي وراح اخذها بس بعد شنو؟؟

بعد ما انذليت وانهت اخواتي كرهني الجاي ادرس علمودهن كرهني لان بعيدة عنهن ودومي مو وياهن !!!!

اتگلب بفراشي والدموع تارسة وجهي كابتة شهكاتي حتى لايسمعن من حسيت بيهن نايمات كمت من مكاني اشوف نيزك حاضنة ابنها وشهب حاشكة روحها وياها وجانت من ذيج الصفحة كواكب تنام بعلت ريگي ونهضت بهدوء طلعت برا الجو يگص گص واني وجهي وجسمي مشتعلين نااار..

كعدت استنشق هوى بارد شوية ارتاحيت وتنفست بس جمرة احسها مشتعلة بصدري شيطفيها حسيت اكو حركة التفتت مخروعة  ماكو شي خفت ودخلت جوة  صارت بوجهي نيزك..

_وين وطالعة مو الدنيا باردة

_نجمة: اشتم هوى شوية

_نيزك: ياهوى هذا ياهوى يمة بهلبرد

لزمت وجهي الصاير ثلج بيدها الدافية ومسحت على عيوني غمضت براحة وهي تگول..

_نيزك: هالعيون الحلوات جريمة يبجن والله جريمة

_تعبت

حجيتها وشهكت حضنتني لصدرها تمسح على راسي وضهري وتبوس بية حتى ادية باستهن نزلت دموعها بهدوء تگول بحسرة ..

_نيزك:جان كل همي اجمعجن واسعدجن وكلشي ماصار من هذا كلشي ماصار طشروجن من بين ادية رحتن مني واخذتن روحي والله اخذتنها كل وحدة جرحها بروحي واني السبب اني ماكدرت احافظ عليجن ماكدرت احميحن اني اخت مو زينة ابد مو زينة

_لا تكولين هيج نيزك انتي قوتنا ننهار بس تنهارين نعم الاخت حركتي روحج حتى تضويلنا..

_اش اشش اني ادري بروحي مو خوش اخت لاتبررين الي

_ما ابرر نيزك بس انتي مابيدج شي انتي اكثر وحدة تأذت بينة وتعذبت..

سكتت من سمعت شهكتها وين رجعتها وين ليا ماضي هذا ابتعدت عنها ابوس بيدها وامسح بوجههة

_نجمة: راح يجي يوم وناخذ ثارنا منهم حقنا مايضيع وربج موجود احنا قويات

_صح قويات لو ما قويات مابعدنا نشتم هوى.. يلا تعالي خل ننام باجر وراج دوام

اخذتني بحضنها نمت هاليلة بامان باطمئنان مرتاحة واحسني بخفة الريشة كعدت الصبح اركض ركض عندي دوام وراي هوسة وتعزيل  لكيت نيزك تسوي الريوك اشرتلي بيدها..

_روحي بدلي اني بدالج

ابتسمت لا لا ضحكت ضحكة انتعشت روحي بيها اكو احلة من هيج صباح؟ طلعت بسرعة بدلت واجيت للمطبخ عمي سالم وصبيحة وافنان كاعدين خلت نيزك الريوك كدامهم بدون ماتحجي شي وياهم اشرتلي اكعد واني مامتعودة اكل وياهم سويتلي لفة وعمي سالم يحجي وي مرتة صبيحة ...

_سالم: شتفن شلون صارن ادميات من راحت بت الحرام؟

_افنان: حتى البيت هدووء كبل كل يومية عركة لا والله كل وكت

_سالم: الحمدلله من خلصنة منها ورجعن بناتنا حتى كرهنا من وراها واستهترن

_نيزك: نكرهكم من سوالفكم وتعاملكم ويانا لو حتى بهاي خليتو كواكب

_سالم: لاتجيبين طااري اسمهاااا

_نيزك:تاج راسكم كواكب

اخذت الصينية وراحت وهو ضل يصيح ويحرك بروحة وراها..

_سالم: وولجن كااافي مامليتن من الكتتتل نيززك ولجج انتي حيووان لسااانج هذا لساانج شوكت يجوز من المرادد مو حتى جسمج ماضل بية مكان صاحي

_صبيحة: ماتسكت عليمن تحرك بروحك اكوم اكفخها تكفخ وابرد گلبي

_افنان: عوفو نيزك خوية سالم عندي حجاية وياك بس اهدا بعد اخوك

_سالم: كولي مايردج الا لسانج

_افنان: اني اشوف السويتة مو صحيح من طردت البنية بحالة عصبية وين تروح خطية

_سالم: جاي تقصدين بت الحرااام

_افنان:اي هي  نكسب اجر بيها بنية مالها احد نرجعها للمخزن تكعد بية  واني احاجيها ماتسوي مشاكل وماترادد

_سالم: هذا الموضوع ماينفتح مرة ثانية انسد بابة

شرب استكان الجاي دفعة وحدة وكام ينافخ طلع لدوامة وضلت افنان تعوج بحلكها صفنت تفكر لحد هاي الحظة متفاجاة بيها وبتصرفاتها هي ليش تزنهم عليها ويضربونها وليش من تطلع من البيت تلح حتى ترجع للبيت معقولة تنقهر فعلاً عليها مثل ماتكول هسة!

_صبيحة: اشوفج تحبين كواكب

_افنان: حبها برص البت وكحة ماتنحب بس شسوي ينكسر كلبي عليها تضل بنية ومالها احد اخاف ولد الشارع يلعبون بيها

_وشمدريج ما لعبو بيها وين تبات الليل ولو هي جنها ولد محد بحالها

عفتهن وطلعت وجهي يريد يطگ من الحرگة ايدي ترجف ررجف شلون تحجي عليها هيج ماتخاف من ربها كلنة نعرف كواكب شنو كواكب وحشية مثل مايسمونها اي اتفق بهلشي محد يكدر يقترب عليها ترتكب بية جريمة باي شكل من الاشكال  ، واحنا نعرف تبات عدها بس هالفترة هي اختفت ويجوز هسة رجعت لدارها !

قبل لا اطلع مريت على البنات شهب بعدها نايمة بس نيزك تريك باموري من شافني طفر يركض باتجاهي فتحت ادية حضنتة وبوستة بقوة..

_امير: وين لايحة الوح وياس

_نجمة: رايحة للدوام هناك شببح مايصير اخذك وياي  خاف ياكلك

_امير: نانا (نيزك) هنات سبح ياتل ندمة

_نجمة: لا ماياكلني بس ياكل الاصغار يلا روح يم ماما واني اجيبلك وياي مصاص

ضحك يصفك بيدة وراح يركض لامة يشمرلي بوسات بالهوى لكفتهن منه وسويتلهم باي طلعت واني اضحك على سوالفة  وي طلعتي طلع يمشي بصفي..

_شلونها نيزك

_مايخصصك يلاااا

_يوسف: شبيج نجمة شكلت اني هسة هو جاي اسأل عليها

_مايحتاج تسال لان مالك شغل يمها

خزرني بحقد وراح خاب دطير والله يا الله شلون ناس وصلت للجامعة لاگتني ميس صديقتي  سلمت عليها ومشينا لمحاضرتنا تحجي علية الموضوع نفسة للمرة الالف  ...

_ميس: اكلج عمري احنا لازم نتدرب حتى تصير عدنا خبرة

_نجمة: وين نتدرب؟

_بشركة حتى نطور خبراتنا ومنا للتخرج بسرعة نتوضف لان عدنا خبرة

_انتي تتعيين بكل الاحوال لا تخافين ضامنة نفسج

_ميس: هاي شببيج نجووم خلينا نجرب البارحة بابا عرض علية هالفكرة بشركة صديقة نتدرب وشلون شركة تملللللخ من افضل الشركاات الاهلية

_حلووو

_يعني شنو افتهم من الحلوو مالتج

_خاب شمدريني ماتسكتين عني اني بيا حال منو يخليني اتدرب شافطة انتي هسة مو زين يخلوني ادرس

_ميس: لج ياغبية يومين بالاسبوع بسس ومحد راح يحس لان انتي بالدوام عبالهم وهو أصلاً مكمل لدراستنا تطبيق عملي النة هذا

_نجمة: الله كريم شبيج هسة

_ميس: اشتعلتت روح البالي

_دكولي هيج علمودة تسحولين بية بالشركات ناقصة تسحول اني

_لا انجبي شجابة هالخايس المعفن الملطلط الدايح

_بعد بعد بعد شخليتي انوب فوك كل هذا وتحبينة كبر طمج لو نضيف ومو معفن شسويتي علية

ضحكت بصوت عالي تضرب رجليها بالكاع شكد اتنرفز من ضحكتها الفاضحتنا  سحلتها من ايدها وهي تعت بروحها تريد تكمل ضحكتها...

_ميس: ولج راح اموت خليني اضحك

_نجمة: سم بكلبج ضحكة جاكوج تدكين رجليج بالكاع

رجعت تضحك بعد عفتها وصعدت هسة تاخذلها ربع ساعة على هالحال والطلاب كلها تاشر عليها وتضحك يلا ترتاح رجعتلي دور بعيونها علية بالقاعة عبالك طفل ضايع يدور امة اشرتلها بيدي لان القاعة جبيرة اجت تركض وتطگطگ بكعبها شمرت روحهة بصفي حشر وشعرها تنثرة على صفحتي..

_نجمة: يبووووو ولجججج

_ميس:: هسة شنو سويت اوي

_وجعوي شعرج بعيوني صار هسة لو عمية عيني

_ميخالف ميخالف اني موجوده اقرالج الاسئلة والاجوبة هم على طاري الاجوبة حبابة رديلي بالامتحان

_نجمة: توخرين مني لا ازگطج ززگط بس تخبصيني وتكرصين بية نجمووم مانجوم مو حتى المطي يسمعج ويعرفج تريدين غش مني  واتحداج مرة بت مرة هالمرة تكعدين وراي بالامتحان حتى اركعج بالحايط

_اووووي شكد عنيفة

_احنا كلنة عنيفات سودة بوجهة البالج

_يروحلجن فدوة ولعنفچن

ضحكت وسحبت الملزمة اراجع للامتحان وهي مادة راسها وياي هلبنية روحي من الدنيا لاتزعل مني ولاتضوج من تصرفاتي العاوجة شكد بينة فرق بس ولا مرة حسستني احنا مختلفات من ناحية اللبس لو الطبقة المادية حتى بالشخصيات مانشبة بعض اعرفها من ايام الاعدادية  ومستمرة صداقتنا in forver  ..

كملت محاظراتي وطلعت اضحك وهي مجلبة بية الا تلزمني من ايدي مستحيل تبطل هالحركة..

_نجمة: دوولي كافي بابا اريد اولي للبيت عوفينيي

_ميس: بس اوصلج لباب الجامعة

_اووي تخاف علية من ابو الامنية

_شعبالج لعد النسوان الخشنة

وفعلا وصلتني لباب الجامعة يلا رجعت طلعت اضحك والله احلى شي هي صديقتي شكد تونس هالبنية رجعت واتذكرت نيزك لازم اشوف كواكب وادورها همزين اني راجعة من وكت اليوم حتى ما اتأخر بالرجعة   .

صعدت باص وكعدت بالاخير لان اني اخر وحدة يذبني بدت الناس تتجمع والاخير محد يصعدلة بس اليجون متاخر فباقية وحدي صافنة على الجامة صفيت روحي على الجامة كلش لان كعد رجال بصفي لحظة خل اخذ نظرات يمممة هذا مو رجال هذا جنتل ماااان شنو هذا طالع من فلم اجنبي استغفرالله استغفرالله واتوب اليه ربي سامحني بس يكولون النظرة الاولى حلال يلا كافي نجمة لاتباوعيلة مرة ثانية  صح هو اشكر وابيض وعطرة يهف هففف بس ميخالف غضي البصر بنتي '

تحركت السيارة وفعلا مارجعت انتبهت بس اسمعة يدك مخابرات جان متوتر  نزل قبلي واني باقية اباوع للطريق جني مطي صفنة تجيبني وحسبة تاخذني عدلت ملابسي وانتبهت الجنطة الولد ناسيها يم رجلي والله خطية هذاا نساها باوعت من الجامة ماكو حيل ابتعدنا وصارلة هواي من نزل شلتها من الكاع خليتها بحضني  ثگيلة جانت  جاي اكلب بيها ومدري شلون انفتحت وفتحت حلگي وعيوني من وياها  !

الجنطة متروسة شدات شدات فلوووس حمر على الوان اول مرة اشوف هيج نوعية فلوس حدي لحد خمسة وعشرين اما ذني لااا دولارات ماعرف اشكال رسماتهن بس بالمسلسلات شايفتهن !!!!!

من الرهبة رجفة اعتلت جسمي سديتها بسرعة لا واحد يشوفها طبكت السيارة ونزلو العبرية نزلت اكگطگ خووف ورهبة نزلتها وياي ردت اكل للسايق عليها  بس شفتة مو راحة اذا انطيتة هالمبلغ معقولة يرجعة لصاحبة؟ الجواب اكيد لاااااا والله شكلة من ذولة الناس العلاسة فـ نزلتها وياي بقيت واكفة بالشارع وكلني اررجف راح اموت من الخوف شلون اخذتها وياي؟ بس هم ليش ابقيها  ؟!!

ساعة عدل اني واكفة بمكاني وجنطة الفلوس بيدي ماعرف شنو اسوي ولا وين اوديهن عقلي وكف عن التفكير منظر الفلوس وگفة تماماً تأملت صاحبهن يجي لان هنا المحطة ويدور على السايق واشوفة بس ماكو  !!!

وبلحظة واني واكفة طبكت سيارة دفع رباعي كدامي مظللة كلت اكيد مو يمي بعدني ما متحركة اريد اوخر منها  وانفتح الباب ماحس الا الجنطة انسحبت من ايدي وتحركت بنفس اللحظة جمدت  !

كلشي بية جمد حتى فص عيني بهلسهولة اخذوها وابتعدو منو ذولة الاخذوها  ؟ صاحبها وين؟ وشلون عرفوها بيها فلوس شلووون  راح اتخبل عقلي وكف شلون عرفو بيها فلووس ؟؟؟!!!!

بلعت ريك بخوف وتحركت هسة يلا حسيت على روحي اني صارلي زمن واكفة تحركت بخطوات سريعة ادور على سيارة تجي تاخذني بس عبث هنا الگة بهيج وقت قررت اعبر للشارع الثاني هناك اكو هواي يمرن متعودة اروح اذا ما الگة  واني امشي على السريع سيارة طبگت علية همزين ماسوتني طشار بعدني مامستوعبة اني بخير انسحلت بقوة لداخل السيارة حتى ماكدرت اصرخ ايدة ضخمة  گاطع  نفسي صرت ارفس بيدة واصرخ عبث السيارة مو تمشي لا تطير بينة تطير صرت اصارع بيدة اختنگت اريد بس اشتم هوى  .

_وووولك عوووفهاااا موو هييج هي اثووول

خرت روحي من عافني اشتم هوى وارجف كلني ارجف عيوني احسهن يردن يطلعن حتى حجي ماكدرت احجي بعد بس اسمع عركتهم   ..

_عوووفهااا قبسس عووفهااا ولككك

_قبس: ووولك سلمتهم الفلوووس ماشفتتتهاااا

_دخل نفتهم السالفة منها لاتنخبص ونلوصها لوص

عدلت روحي اباوع بخوف اني بصف شباب ثنين يتنطحون وهذا قبس يريد يموتني انتبهلي السايق يگلي..

_احجي وولج ماتحجييين

_نجمة: شحجيييي ولكمممم هدووووني شبيكممم مخابيييل ماعرررفكمم انيييي يمممممة

_طرشتي اذني شلون صوت عليها ارجع قبس سد حلكها

يريد يسد حلكي واني انفجرت بية

_ولكككك وخررر شتريدوون منييي يماااااا عصاباااات

_قبس: لييش انطيتيهم الفلوووس

_نجمة: وولكمم انتممم زماايل منووو انطة الصخاام منووو

_قبس:السانج ااااكصة بس تتجاوزين بكلمة

_ عووووفني ابنننن القندرررة وووين ماخذيني

راح تخطفنييي وتبيع اعضااائي الله لا يوفقكككك يا نذللل عارر على البشرية انتم تخطفون بالبنات الحلووات

_ كلشي شفت الا الجمال

_ما اعررف جمااال والله

ضحكو ثنينهم رغم هذا الاشكر شكد عصبي بس ضحك عليمن زين ضحكو..

_نجمة: شبية جمال تضحكون علية؟

_سلامتة بس عوفية

_اي والله مالي علاقةلابجمال ولا بكمال

وكفت السيارة التفتتت بخوف والسايق فتح الباب ونزل بقة بس قبس الاشكر كمت ابجي واصرخ

_العباس عليك لاتسوويلييي شييي ولك والله كوواكب تمووتك وتدخل بيك سجن ترة كواكب خبلة والله تروح بيها وانت بعز شبابك

_احتركت روحج واحتركت روحي كواكب

_تااج رااسك يا حقييير يحجي على كواكب وهو جنةابو بريص اشكرر

قرب وجهة مني رجعت ليورة كوة مسيطر على اعصابة.

_قبس: كولي اي لولا خوش

_خوش

_الجنطة ليش اخذتيها

_لانك غبي وعفتها وراك وين اكو واحد ينسة فلوس شدات اني جنطتي بيها بس الكروة وحاظنتها على كلبي

_شوفي كلمة زايدة ادفنج هنا ولا من شاف ولا من درة

_الله يشوف كلشي لا عبالكم تنجون من اموت

_هو راح ادزج اله بس احجيييي

_شحجييي

_وولك والله ردت اسلمها للسايق و..

_دوشيششش مااات الملك عووف البت قبسس

التفت على صوت الولد الجان يسوق فتحلي الباب وقبس بقة ساكت يخزر بية نزلت بسرعة ورحت اركض صاح وراي..

_مناااا ولج للشااارع العاام كبل اصعدي كية ولاهلج كبببل

_نجمة: الله لايوووفقكم يا حقرراء عسااها بحضكم وبختكممم

_هسة يكول معتدين عليج

ركضت للشارع وعفتهم وراي جسمي كلة يرجف من الخوف اجت سيارة اشرتلها وكفت راساً صعدت وگلبي يدك بجنووون الصار كلة على بعضة مافهمتة حسيت روحي بفلم شنو جنطة شنو فلوس شنو ذولة صعدوني بسيارتهم وتالي خلوني اروح شي ما جاي استوعبة  !

♢♢♢♢

ايدي ترجف واني اشتغل اسمع افنان تحجي تحجي كوة لازمة روحي راح انفجر لو ارتكب بيها جريمة

_افنان: وولج نيزك لاتغلسين حاااجيني اببني عووفية لا اسوي بيج الاسوء من الصار بيج

_نيزك: هووو منوو يممم ابنننج منووووو؟؟؟؟

ركعت الماعون بالحايط صار طشار وعطت بحركة

_ووخررري ابننج عنييي وخرررية اكرررههة اكرررهة موو يمةةة انييي مو يماااا

كامت على حيلها صارت كدامي سحبت شعري لزمت ايدها راصة على اسناني..

_افنان: نيزك لاتخلين راسج براسي اسودنج والله اسودنج خاف بقة عقل براسج اطيرررة

_نيزك: هههههههههاااااي ولج مسودنة اني هسة لو ارتكبت بيج جريمة ماحس وخري عنا احنا مخبلات بنات جبار فقددن عقوولهن

شلت دولكة كزاز ورفعتها بوجهة فتحت عيونها مصدومة حجيت بحركة واني ابتسم رعبتها تخاف من تشوفني بهاي الحالةة..

_نيزك: افلشها براسج شدكولين هاا؟؟؟ احجيييييي اطيرررر رااسج

_نيززززك  !!!

التفتت علية واكف بالباب فاتح عيونة مصدوم

_نيزك: الله جابك تعاال تعال فهم امك منو الساحل روحة على منووو اني مو بحالك ولو يصبوك الي ذهب ما اريدك افتهموووو

_يوسف: شكاعد تسوين انتيي

تقربت علية والدولكة بيدي قدمتها اله

_شوف اي واحد يأذيني ويأذي اخواتي انهية والله انهية كواكب راح ترجع هذا بيتنا خوش وانت وامك واي واحد بهذا البيت يحاجينة ارتكب بية جرائم مو جريمة

خليت الدولكة وراة وعيوني تطلع نار منها اريد اكلهم بسنوني وهم ما ارتاح ااخ يا ناري التاكل بية باكل مشيت اطلع وسحبني من ايدي نترت ايدي منه وسطرتة راجدي على عيونة ماسمعت غير شهكة امة ومينا وراي...

_نيزك: كتللللك لاتلززززمنيييي كتلككككك حذرررتك اكسررر ايدددك مرة ثااانية

غمضت عيوني بالم من رجعلي الضربة وما اكتفة ضربني الثاني والثالث والرابع حاولت اصدة واحمي وجهي بس ماكدرت شلت الدولكة الكزاز وعبيتها براسة بلا وعي ماحسيت غير الكزاز ينتثر على رجلية والدم نزل غطا ملامحة ابتسمت براحة وايدي وجسمي كلة يرجف ماسمعت بعد غير صوت الصريخ العالي ونجمة سحبتني  للغرفة كعدت على القنفة اتنفس بسرعة يستاهل كتلة اني كتلة لايلمسني بس مايفتهم يستاهل رفعت راسي اباوع على اخواتي شهب ترجف ونجمة تدك وتلطم صايرة ورة الباب...

_نيزك: شبيجننن تررة يستاهللل يستفززني

_نجمة: شسويتي ولججج نيززك منوو اليطلعجج منهم منووو

خرطت خدودها وجهة اصففرر كركم راح تموت البنية ماخذة الغرفة رايحة راجعة وتحجي بخوف

_نجمة: كسرتي راسة ولج شلون شلون يمة الحگيلنة ولك بوية اطلع من گبرك تعال احميها منهم

انكسر گلبي من هاي حجايتها وتذكرت اهلي وشلون جنا عايشين بجالهم والله اميرات جنا هسة صرنا خدم ومكفخة بيدهم وسفة والله وسفة وهضيمة  !

سحبت ابني لحضني ابوس بية والعب بشعرة وخطية ياروحي خايف ميت خوف وليدي يباوع لنجمة ولشهب وخانس يضم روحة بحضني  ..

_نيزك: بنات كافي لاتخافن وكلشي يصير لاتدخلن بس اخذن ابني عدجن وعوفني اني ما اموت ترة الضرب مايطلع روحي لو يطلعها جان من زمان طلعت وخلصت تعودت اني

_نجمة: نيزك ليش ماتسكتين ليييييش ماتتفادين شرهممم ولجنننن ليييش يأذونجن والله يأذونجن شفتن شلون حرگو گلوبنا بكواكب وطردوها من البيت هججوها ومو بس هاي كل كلمة نحجيها راح ناخذ بيها عقوبة جبيرة

_شهب: بلا هسة مات نيزك

_نيزك: مايموت شبيجن ترى مانبتت السجينة بگلبة بس ضربة بسيطة على راسة هسة يضمدوة ويرجع مثل الجلب

_نجمة: ضرربة بسيطة!!!!!!  ولجججج تهشم راسة تهشم ماشفتية

تحجي بعصبية وتاشر على راسها جاوبتها برود رافعة حاجبي..

_نيزك: ويطبة طوب يستاهل هالعار هو وامة متفقين علية احلف عليهم عمدة سوو هيج وراهم غاية

سكتت والبيت هدوء صار   عمي بالدوام والولد مو هنا وامة راحت وياة للمستشفى بس مينا كمت من مكاني ولبست عباتي جلبن بية البنات مرعوبات وابني وياهن حاوطت وجهة بدية اكلة بهدوء ..

_حبيبي اموري راح اجيبلك مصاص هاي نجمة خالتك  ماجابتلك وياها جذابة لا خالة مو جذابة يمكن وكعن منها بالطريق يلا اني راح اجيبهن واجي بسررعة

بستة بخدة وانطيتة لشهب

_اخذية العبي وياة العبو باح يلة حبيبيني

طلعت ونجمة وراي تلطم وتدك حركت روحها حرك

_نجمة: وين ولج وين ناقصة هي حتى تزودينها نيزك انتي الجبيرة العاقلة ليش تتصرفين بخطوات مامدروسة وتتاذين

_حبيبتي نجوم عقلي شخط من العشتة وصرت ماهتم لشي خل يضربون وهسة اني طالعة عندي شغلة صغيرة ابقي يم شهب اقفلي الغرفة عليجن ولا تفتحينها لاي كائن منا لمن اجي اختج امانة عندج

_نجمة: نيزك عمي لو عرف طالعة من البيت مايرحمج فدوة لاتطلعين

_اعلى ما بخيلة خل يركبة عشنا وشفنا خليهم يشوفون اجاهم الدور

طلعت مامهتمة بس مقهورة على اخواتي هسة هنا خايفات واني والله ماخايفة على روحي كد ماخايفة عليهن اعرفهن يتاذن اذا تأذيت وهما يستقوون عليهن  .

طلعت امشي بخطوات سريعة وصلت لبيتها وگلبي تسارعت دگاتة وكفت اجر النفس جر واني اباوع لهيكل بيتها المنحوس بيت قديم شوفتة تسد النفس الباب مالتة مفتوح طلاقة وحدة والطيور السود تفتر داير ماداير البيت عبالك غابة بلعت ريك وصلت لعتبة الباب كفختني ريحة تقبض الروح دخلت مامهتمة لخوفي ولمشاعري وصلت لغرفتها المظلمة ابتسمت من شافتني ورجعت ضحكت ما اهتميتلها وحجيت بصوت عالي ...

_نيزك: وين اختي كواكب؟

_دراهم: هلا بالاميرة نيزك تفضلي يمة

_ماريد اكعد بس اريد اختي وينها؟

دورت بعيوني عليها مالها اثر كامت هي على طولها تمشي محدبة ضهرها من الكبر اباوع لوجههة اسمر ومليان تجاعيد ورسوم مركزة عيونها بعيوني واهذا اكثر شي يرعبني درت عيوني صفح عنها واسمع ضحكتها العالية..

_دراهم: تخافين من المستقبل؟ تخافين من الراح اكولة

_نيزك: ماتهميني انتي منجمة والله عز وجل في كتابة الكريم قال وكذب المنجمون لاتصدكين روحج هواي خلگ منجمة

هزت راسها معترضة على طريقة كلامي وياها ابتسمت بمكر وكالت..

_بس اختج هم منجمة؟

_اختي مو منجمة مثلج اختي لعبتي بعقلها وخليتيها تتوهم هي عدها بصيرة تعرف الراح يصير علمتيها التنجيم

_ههههاااهااا ما علمتها شي هي منجمة  من كاعها

_عووفي اختتي عووفيهااا

_ اختج هي بخير انتي عوفيها

_ما اعوفها الج اجيت ارجعها وياي

دكت عوجيتها بالكاع وكالت بحزم

_

كواكب هي الراح ترجع ثارجن من بعيد لبعيد

_بس احنا ماعدنا ثار وي احد دراهم  !!

ضحكت بصوت اعلى منتعشة روحها ركزت بعيوني

_واخيراً كلتي اسمي دراهم هههاههاههه واخيراً عتبتي داري وخليتيني اشوف طولج الحلو

ابتعدت عنها اهز راسي بحركة

_دراهم: تتذكرين ذاك اليوم مو؟

رجف جسمي وهزيت راسي لا وهي تحجي مامهتمة الي..

_دراهم: تذكرين من كتلج راح تصبحن خدم وحياة الاميرات تنسنها تذكرين من كتلج راح تعيشن وانتي ميتة؟

_كافي كلشي الله كاتبة يصير خلينا نعيش بدون قلق بالمستقبل ماجايتج على شي اني بس اريد اختي

_اختج بالمكان الصحيح وبالطريق الصحيح راح تعثر هواي تعثر وتطيح بس اكو من اليگومها على طولها

_هسة هي وين؟

_بشغلها

لفيت عباتي على جسمي ورفعتها من الكاع هزيت راسي وطلعت حجت وراي خلتني غصب عني اوكف واسمعها..

_دراهم: نيزك اتذكري الزرع المات الماي يحيية  والزرعوة راح يحصدونة، زرعهم راح تموتة غيمة خبيثة مطرها مسموم.. والوردات راح يفتحن ويفوح عطرهن وماكو مهموش بلا جذر احمي روحج من نارهم واسمعي للمهاميش لا تمشين برايج

دك گلبي بقوة من كلامها المشفر ماتكول شي دراهم عبث ابد كلامها تعرف شلون تصوغة  مشيت بدون لا التفتت عليها طلعت من بيتها لازمة گلبي بيدي شجابني الها بعد هاي السنين ااخ منج ياكواكب ااخ..

رحت للسوك اشوفها هناك ماكو غير هذا المكان تروحلة وتشتغل بية بعدني واني امشي اسمع صوتها تبيع مخضر وتصيح بصوت عالي..

_كواكب: محمووود بشررفك جيبلي جاي وياك وجرخ

_محمود:اطلبج فلوس اللفة ما انطيتيني

_كواكب: لاتصير جلف هسة بس اصرف انطيك فلوسك ماعندي خردة

تقدمت اشوف جنها ولد شعرها كاصتة مخربتة  واصل لنص رگبتها ومكصكص لابسة قمصلتها السودة طويلة مطرية بيها كلاو نازعتة ولابسة بديها جفوف سود وتعبي مخضر رجعت تصيح..

_كواكب: طمامة تلاثة بالف تعزيلة يلااا على النظيفففف

تجي الناس توكف وهي تلكط بيدها وتوزن نزلت دموعي بقهر هاي بنية هاي اليشوفها  يكول بنية  كلشي بيها يكول هذا ولد اااخ ياگلبي شلون مايوكف ريت عمية عيني ولاشايفة اختي بهذا الشغل وبهذا المكان مو المفروض مثل البنات تهتم بشعرها بلبسها بدراستها تعتني بشترها  !!!

مووو هذاااا المفروض مووو؟؟؟

شافتني من بعيد جمدت بمكانها مسحت دموعي وهي طفرت من البسطية  واجت تركض علية طاير گلبها تلزم بديه بخوف وتحجي بقلق..

_كواكب: نيزك يمة نيزك انتي زينة ولج؟

حضنتها اشهك وابجي بقهر

_نيزك: مو زينة والله مو زينة من يوم عفتيني ورحتي ماكدرلهم وحدي احتاجج وياي

بعدتني عنها تلزم بوجهي وتمسح بدموعي الناس الرايحة والراجعة تباوعلنة وهي تبوس بدية تحجي

وتمسح دموعي..

_كواكب: ادري والله اني ماعايفتج وحدج الهم اني الهم كلهم اذا ما اخليهم مايندلون راسهم من ساسهم نيزك بس انطيني صبر بس صبر واني ارجعلج

_ارجعي وياي للبيت

_تؤ ما ارجع كافي تعبت منهم ذلوني هواي ذلوني خليني هنا مرتاحة

_اخاف عليج والله اخاف عليج

_لاتخافين علية محد يكدر يدوسلي على طرف اني كواكب لو نسيتي منو كواكب

_هههههههه لا ولج شلون انسة منو كواكب

_صدقة وغربان اروح لهاي الضحكة اذبحهم كلهم بس كون تضحكين

_بس عوفي الذبح وارجعي لخاطري

_لا نيزك بس ارجع ما استفاد شي رجعتي مابيها فايدة النة كل ماجنت بعيدة كل ما استفاديت اكثر وانتن ترتاحن

_لاترحين يمها كواكب  !

_قصدج دراهم؟

_اي هي لاترحيلها انتي مو منجمة

_هه صدك اني منجمة اكدر اعرف الشخص شبية من عيونة بس يعجبني اعرف اعرف

_بس حرام والله حرام هالشغل

_كلني حرام اني لاتنسين

عصرت اصابعها بقوة احجي ضاغطة على اسناني _كوووواكب

_اهووو شبيج هسة من المشتغل بالتنجيم ماتشوفيني اصبح امسي بالسوك هنا

ركزت بعيوني دقايق وبدون لا اگللها كالت

_كواكب: استفزوج نيزك مو؟ طلعم نيزك  المخبلة

هزيت راسي اي وهي صافنة بعدها رمشت بعيونها وكالت باستعجال..

_ارجعي للبيت بسرعة راح يرجعون يلا كلشي لاتسوين لاتخافين من شي لمي اخواتج وابنج وبس يلااا

دفعتني امشي ليكدام بسرعة كلامها شدني واثر بية من بعيد التفتت عليها اشوفها راحت تركض تخلي الكلاو براسها اختفت عن نظري واني رجعت للبيت اركض ركض وصلت اول مادكيت الباب فتحتلي نجمة الباب تاكل بديها سحبتني من ايدي وركعت الباب... تمشي بية سريع وتحجي بخوف...

_نجمة: ولج نجمة راح يجون علينا راح يجون

_محد يكدر يحاجينة

_نجمة: سمعتها تخابر بيهم تكول صاير عندة تهشم بالجمجمة

_يطبهم مرض فوك المرض وهو اولهم

_محد راح يرحمج وهو اولهم

اخذتها ودخلت الغرفة سديت الباب اجة امير ماد ايدة يريد المصاص شلون نسيت اجيبلة وين ذولة خلو عندي عقل.!!!  بوزت شفتي و نزلت لمستواة لزمت ادية ثنينهن وحجيت بزعل  .

_قبل شوية رحت اشتريتلك مصاصات هواي واجيت اركض اكول ذني لوليدي لاميري هسة يفرح بيهن حبيبي وطلعتلي السعلووة تكلي جيبيهن لو اكتلج كتلها ما انطيهن اكتليني هي شكالتي وابنج راح يبجي عليج

_امير: تلنة نبسي (نبجي) عليس

_شفت فكلت خل انطيها المصاصات لان ابني جبير مايبجي مو حبيبي انت ماتبجي؟

_اي اني سبيرررر

_اروح فدوة للجبير

بوستة واخذتة بحضني والبنات صافنات علية كعدت على القنفة واشرتلهن يجن كعدن خايفات وبالعاتها لعبت بشعر ابني واني احجي بهدوء وبثقة ..

_لاتخافن بنات شبيجن واذا اجن كواكب ركضت وركضتها راح تفحطهم تفحط

_شهب: ررحتي شفتي كواكب؟؟

_اي شفتها بعد روحي

_نجمة: شلونها

_زينة زينة هي

بعدنا نحجي وما نسمع غير صوت افنان تلعلع تتهدد علينا تغلط وتفشر باسوء الكلام سديت اذان ابني بخفة طفرت نجمة من سمعت صوت عمي سالم يصيح بصوت عالي  ...

_سالم: ووووينهاااا نيزززك اليوووم اشرررب من دمهاااا موووتت الووولد شتررريد؟؟

صار يضرب بالباب احسة تخسف اخواتي يرجفن ويصرخن بس اني لا گلبي بارد افنان تضرب بالباب وياة وثنينهم يهددون ويريدوني اطلع حتى يفترسوني لميت اخوتي بحضني وابني اهدي بيهم واكلهم مايصير شي

_نجمة: نيززك يموووتج اليووم هوو حاامي عليج

_سالم: لججج نيززززككككك اليوم اطلع روحج مثل ما طلعتي ررروحة

بهذا الوضع الحامي والتهديد والرعب الجاي نعيشة ماكو لحظات هييج لحظات والبيت انرج رج عطنا بخوف سادين اذاناتنا من قوة الصوت وكانة انفجار الاصوات اختفت دخت واني بمكاني انرجيت رج وابني وشهب يتصارخون مرعوبين 

جاي نسكت بيهم اني ونجمة وصار البيت هدوء بعدها الدوخة بية ماعرفت شنو الصار شي اقرب للزلزال  ماكو دقايق ورجع الصريخ كب بالبيت ونجمة طفرت من ايدي....

يتبع.........

________________________________

اهلا يحلوين رجعنا 🫣

اعطونا توقعاتكم

رأيكم بالبارت السرد

كلشي انطوني اني اخذ 😂

تتوقعون كواكب شنو راح تسوي

نجمة شهب نيزك اكو تعليق عليهن 🤭

والصار وي نجمة هي ما مستوعبتة عادي اذا ما استوعبتوة

كل بارت انشرة راح اشوف اكثر بنية متفاعلة وانشر حسابها بالبارت حتى يبقة ذكرة كل ما اجي اقرا اتذكرها 🎀

لاتنسون تتفاعلون وتنشرون للرواية

خفيفه على اللسان ثقيلة في الميزان صلو على محمد وآل محمد 🩷

_

﷽

#المنجمة

الكاتبة _كفايه

لاتنسون متابعة الحساب Ch_Kfiah

التصويت والتعليق بين الفقرات

ياعلي مدد.

♚✧✧✧✧♔

طفرت نجمة من ايدي وطلعت من الغرفة صحت و

بصوت عالي ....

_نيزك: ووووين رررايحة نجمووم  .

ركضت وراها واشوف باب الشارع  مفتوح والشارع متروس زلم ملتمين على عمي يتصايحون باصواتهم العالية افنان واكفة تسمع و وجههة مخطوف لونة باوعتلي وعضت اصبعها بحركة وتصيح ااااخ  ابتسمت بخباثة وكفت اباواعلهم متشمتة فرحانة بخرابهم  كتفت ادية وبقيت استمعلهم لعركتهم وكلبي يفووور نااار يفوررر لو شكد مايتأذون ما يبرد گلبي ولاتطفة ناري عليهم  .

دخلت جوة من الاصوات انخفضت و العركة تقريباً فضت رجعت للغرفة وسديت الباب وراي  سالتني شهب بخوف..

_شهب: شنو هاي الهوسة؟

_سامر ماخذ فلوس بمبلغ ضخم من عالم وهسة ناكرة والعالم اجت هدادة تريد فلوسها مادري عمي شكالهم وراحو

_شهب: وهذا الصوت شنو جان؟

_مادري والله بس جنا قنبلة صوتية

كعدت افكر معقولة هاي القنبلة هما شمروها شنو يستفادون هما طلابة حق يمنة يجون ياخذون فلوس مو يرمون قنابل صوتية مامعقولة هاي الزلم العاقلة والملسونة تتصرف برعونية ويبدر منها هذا الفعل  غريب..! خليت ابني بحضني العب بشعرة واسمع عمي يخابر بشيخنا ولد عمة على الموضوع محترك دمة وينعل بسامر  اخس وانكس كون اي والله شوية  ودخلت نجمة تركض  وجههة يتلاطم جامعة السوالف كلهن وجاية ..

_نجمة: ولجن بنااات اات اتتت

_نيزك:اخذي نفس اخذي

_ولجن  ساامر راح تعارك وي الولد الماخذ منه فلوس شلون شامر على بيتنة صوتية ومتضارب هو وياة وجامعتة يگلج كالتلينة كتلة غسل ولبس وهو مصوب واحد بيهم وهسة ماخذتة الشرطة وصايرة طاخ طييخ

_نيزك: اريد حوبتنا ما تتخطاهم يارب تاخذ حقنا منهم يارب

_شهب، نجمة: اااامين

طلعت شايلة ابني وشهب تسوي اكل النة صبوحة اجت ودك ولطم على ابنها ومينا مانزلت من غرفتها ولا اجت شافت عمتها تواسيها لو تسكتها   اجن اخواتها ترسن البيت يواسن بيها طلعت اباوعلها وعيوني كلهن حقد وشرار شكد ماحالها يكسر كلب المايعرفها من يشوفها  اني العكس   !

انتبهتلي اباوعلها لطمت على رجليها بحركة وصاحت

_صبيحة: شماتة علييية شماااتة بناات جبااار علگلن راية بيضة علگن من شفتن دمي محروك على ابني وانتي نيزك انتي تشمتي ودكي وركصي

ابتسمت وكتلها

_نيزك:ليش اتشمت بيج عزيزتي ليش انتي شمسوية الي ؟ مو انتي الاخذت ابني مني ورجعتة لاهلة وكالت مانربي جهال الغربة؟ واكيد مو انتي رادت تنطي ابني الاول لناس ماعدهم جهال وتاخذ بداله فلوس تحطهن بجيبها؟ تجيبين غيرة كلتي وشتسوين بية هسة انتي هم شتسوين بسامر عندج سراج ؟؟؟

_صبيحة: يدعن علية بالعمة عگااارب مخلية بيتي عگااارب يلدغن بية لددغ بس يجي سالم اخلية يطردجن لو اني لو انتن بهذا البيت اكول يتامة اكووول

_نيزك: صح يتامة وخفتي الله بيهن ذاك التعامل الحلو والحنية مادكول شافن نجووم  الضهر الله ينطيج على كد حسن نيتج ان شاءلله  وهذا البيت مو بيتكم هذا  من فلوس ابوي تعب ابوي وكدة.

تذكرون شلون جنتو عايشين بالايجارات وكاتلكم الضيم من مات ابوي استوليتم على كلشي وهذا كلة بخيرة حتى وظيفة رجلج بخير ابوي اكلو وذمو بيهم

ودمغو بناتة بس ماتتهنون ابد ماتتهنون ولاتضوكون طعم الفرح والراحة مادام على باطل 

دخلت جوة وهنا ضلن يحجن علينا وعلى تربيتنة ما اهتميت وكعدت اكل واوكل بابني نجمة رايحة بيدها صينية جاي وراجعة تاخذ ماي النسوان صارت تروح وتجي على بيتنا صار هوسة ..

_نيزك: تعالي اكلي عوفيهم يشربون سممم

_نجمة: هسة اجي هسة عوفلي اكل وياجن

_نيزك: استغفر الله رربي وتالي وي هاي البنية

طلعت نجمة مخبوصة وياهم والمطبخ صار هدوء محد اله خلگ يحجي لو ماشهب كالت بصوت خافت..

_شهب: تدرين نجمة تخدمهم حتى تكمل دراستها؟

رفعت حاجبي مافاهمة

_شنو

_شهب: من تزوجتي بطلوني من المدرسة وراها بفترة بقت بس هي تداوم كالولها ماكو ترحين وحدج اكعدي وي اختج واسكتي و...

فتحت عيوني بصدمة وجهي اشتعل نار

_نيزك: اووكفي اووكفي انتي مو بطلتي من المددرسة بكيفج كلتي ماكدر افهم بعد ورسبت بكلهن؟؟؟

نزلت راسها والدموع بدت تتجمع بعيونها صارت تلعب باصابعها وكالت بكسرة خاطر..

_شهب: سراج بطلني من المدرسة لان من اجة ياخذني للبيت شاف ولد يم مدرستنا سواله سالفة  وكال لابوة يبطلني سوى عركة وكال ماتداوم بعد عمي كالة بكيفك

جمدت ملامحي وعقلي وكف ماكدر استوعب كلامها شلون يبطل اختي من الدراسة وهي تموت عليها شلون حطم مستقبلها وكعدها! كل هذا  مادري عنة  شي !!! لعد شسوو بغيابي وهيج غيروهن؟ شنو شوفوهم؟

گلبي صار يفوور لو احركهم هم ما ارتاح

_شهب: نجمة من بطلت ماسكتت تعرفين نجمة شلون جانت وكحة اني سكتت لان ادري لو شنو اسوي ما ارجع هاهي خلصت الدراسة وخلص كلشي يخصها بس نجمة لا لعبت بيهم لعب وشنو صار بس الضرب حصلتة  .

كامو يحبسونها بالمخزن منا لمن يروح وقت الدوام ويفتحولها الباب هي هنا تتسودن عليهم وتنكتل كلهم يلتمون عليها يكفخون بيها كواكب جانت يطلعونها للشغل من الصبح وهي كامت لاتشتغل ولا تسوي كلشي بس كاعدة واني اخفي روحي عنهم حتى من يجي سراج اقفل الغرفة علية

_نيزك: صبررررني يلعبااااس عليهممم صبررررني ووولجن اكوووم اذب دبة نفططط واشعلهمممم

_بس على كيفج نيزك احنا ليش مانكلج نخاف عليج من هاي سوالفج ندري بيج يس تتاذين ماتسوين شي

_اااخ والعباس موتهم حلااال الصبر يا اللهي الصبر كملي ولج كملي سالفة نجمة

_شهب: افنان ملت من شغل البيت بس هي تشتغل وعرك صارت وي صبيحة وجناينها  ما يشتغلن بوكتها  كلهن جانن بالمطبخ كالن لنجمة  تريدين  ترجعين للمدرسة نخليج بس بشرط تصيرين خدامتنا واحنا بالمقابل نقنع زلمنا يرجعونج وما يعارضون لان هما مايحبون الدراسة صبيحة كالتلها بس انتي اختج ما ترجع لان هذا المخبل يكلبها علينا

نجمة ماعدها غير هذا الحل رجعت للمدرسة ومن ذاك يوم وهذا يوم نجمة خدامتهن شيريدن تسويلهن ماتفتح حلكها بحرف وياهن خسرت كرامتها وكسبت دراستها  .

_نيزك: واني واني ليش محد گلي  ؟

_شهب: تعاركت وي نجمة من شفت شلون يذلن بيها ومافاد لان هي قانعة وتعاركت وياي تكلي لاتدخلين عفتها ما احجي وياها وانتي جنتي ما موجوده  كواكب من درت مبطليني تعاركت وياهم وبوكتها كتلوها وحبسوها بالمخزن ومرة طردوها من البيت بنص الليل لان ضربت سراج

ضربت على رجلي بقووة وعضيت اصبعي بحركة كلب  .

_نيزك: ويلاة يمة ويلاااة

_شهب: شكد شبعت كتل من ورانة كواكب بس تشوف تعاملهن وي نجمة تتخبل عليهن وتاكلها لو يطردونها وتضل ايام بالشارع ماندري عنها اروح اتوسل بافنان تشوفها ورجعتها وبذاك الوكت شكد توسلت بيها ماتفتح موضوع الدراسة يلا هادت

_نيزك: زين كون تدرين بنجمة مجبورة تسمعلهم وتنفذلهم اوامر ليش ماتصدكينهاااا هي ما مأذيتج بشي؟ ليش ماتصدكين هي تحبج ما تتمنالج الشرررر؟

_شهب: اني ما اكرهها اني حاقدة عليها ذاك موضوع غير سدية نيزك

دخلت نجمة بيدها صينية استكاين الجاي خلتنهن على الكاونتر واجت كعدت يمة خدودها حمرر دم من الركضة سحبت خبزة صارت تاكل بسرعة وتحجي  ..

_نجمة: وولجن انهبنا انهبناااا

_نيزك: لاتغصين على كيفج احجي

_نجمة: اي ولج اي الناس تريد فلوسها منين نجيبب ولجننن راح تصير طااخ طيخ الناس تتكاتل علمود الفلوس مدري منين راح يجيبون الهم هيج مبلغ

_نيزك: ماكال عمي شلون يسدد الناس يداين لو يلم

_نجمة: لا ماكال بعدة حاير انسطر سطر لازم يشاور صبيحة وافنان يلة يتصرف

_نيزك: عساهم لاتصرفو

لليل عافتهم الناس بقو بالاستقبال سالم وسراج وابو عامر وطلال ولد عمة كالولة نجمعلك وانت هم اجمع العندك بعدهم مارايحين وطلعنا نشوف افنان تملخ بروحها وبشعرها تصرخ صريخ مفجوعة وتلطم لطم التمو عليها يعرفون سالفتها وهي تصرخ وتكول..

_افنان: انهبنااا انبگنا رراحت فلووسنا رراح تعبنا انبگنا صفينا تراااب

ضربت على صدرها وجههة وطاحت مغمي عليها صارت زرگة نيييل  ركض عليها سراج شالها وركض بيها اخذوها للمستشفى والبيت انكلب صبيحة مافهمت شنو السالفة وكلساع وصرخت تفسر بكيفها ماكو ساعة ورجع عمي سالم صاح بصوت  هز البيت هز صرنا نرجف رجف..

_سالم: طلعوووو الفلووووس طلعووووهن واحد واحد بهذا البيت احاسبة واطلعهن من عيووونة ولكمممممم طلعوووووهن

ركضتلة مرتة ترجف وجههة مزلغتة

_صبيحة: لاتجلطني شكاعد تحجي شبيهن الفلوس يا فلوووس هنا يافلوووس غير تفهمووني

دفعها عنة وصاح لازم راسة

_سالم: انهبناااا الفلوس والذهب انباگنننن ررراااحن

راح لغرفة افنان والولد اجو وراة يوسف راسة مضبر خزرني بحقد ودخل لغرفة امة   بقت كلها ملتمة بالصالة  تسمع شكو طلع كعد على الدرج لازم راسة بثنين ادية ساكت مايعرف يفكر من الصدمة حتى حجي ما حجة  ..

_سراج: منو الداخل بيتنا هالفترة؟

_صبيحة: منو اليدخل بيتنا غير كرايبنا محد غريب داخل لبيتنا

_يوسف: مايطلع هالمبلغ من البيت دوروة بالبيت موجود بعدة

عمي بقة ساكت طلع من البيت وبقت  هوسة ورة فترة رجعت افنان كوة تمشي منتهية من الحركة تلكتها صبيحة تتحمدلها على السلامة وهي عاطت بيها..

_افنان: اخذتن الفلوس ترجعنهااا لا مااا يصبح عليجن صببح

_صبيحة: يافلوس تحجين صدك انتي اني اخذ فلوس  !!! وفلوسمن فلوس رجلي يااااع

_افنان: مو بس فلوس رجلج ذهببي وياهن عزوتي وتعبيييي  راح والله اطلعة من عيونجن والله طلعناااا حرررامية

_نور: شو ماتعرفين تحجين شنو احنا نبوگ فلوس! لاتشملينة بالموضوع شوفي وين وديتي الفلوس وسويتي هذا الفلم حتى تبرين روحج منها

_افنان: ولج اني ابوووك الفلوس اااااني؟؟؟

_نور: اي انتي شكلج راحن انباكن وهنا عندج سالفتج مكشوفة حبيبتي

_افنان: بسيطة اني اعلمج الاافرك حلوگجن والفلوس اطلعها من عيونجن

دخلت جوة ماكو شوية واجن بناتها يهفن بعبيهن كل وحدة  شطولها وشكدها عمالقة صاحت وحده منهم

_: يلا نشووف تاليتها وياجن ولو ماكو حرامي يضم بوكتة بغرفتة بس نشوف

_افنان: اي يبعد امجن انكتن البيت نكت

صعدن فوك ونور ومينا وراهن راحن واحنا كاعدين نسمع العيطة كلساع تكب بينهن  لان نثرن غراضهن نثر يدورن على الفلوس والذهب  وما لگنها اجن  لغرفتنة ماحجيت وياهن واخواتي مثلي طلعنا وعفنا الغرفة الهن دورن براحتهن وطلعن كملن البيت كلة راحن لامهن يكللها   ..

_ مو بالبيت الفلوس مطلعينهن مو هنا اثرر هذا الاثر ما الهن

_افنان: صبوحة طلعي الفلوس وين مخليتهن انتي وجناينج الملطلطااااات

_صبيحة: صخاااام الوجههة تعالن شوفن شتكوول ولججج هو غير فلوووس رجلي ولدج

_افنان: فلوووس رجلج منين من شغلة جابهن غير كلهن فلوس الكاع والمحلات عافهن عندي لان ما يامنج بييييج

_مينا: مو علينة هاي السوالف شوفي شسويتي بيهن وهسة من رادوهن سويتي هذا الفلم وذبيتيها بروسنا

طلعيهن طلعيهن 

_صبيخة: افنان ولج تالي عمري تهميني اني اخذ ذهبج والفلوس ولكممم يبوووووووووو  

_افنان: اي اي انتي صارلج جم يوم انتي وجناينج رايحة راجعة وكله تحجين بالذهب والاسعار ماكو غيرجن انتن سطتين عليهن واخذتنهن

وهيج مرت تلث ايام عركة من الروس ناس تتهم ناس وناس تشمرها على ناس وراحت الفلوس والذهب حلال ابوي هذا تعبة من مات اخذو كلشي يخصة وتصرفو بية راحن بساع بساع والله احترك گلبي بس بعدين اكول لا خلي الاخذهن يتهنا بيهن عوافي علية ومحالل وموهب خل ياكلهن ولا هما ياكلونهن  .

ما خلو واحد ما اتهمو صار واحد يتهم الثاني واحد يكول فلان اخذهن  واكيد اتهمونا النة لان كاعدين وياهم وجان جوابي..

_نيزك: لو احنا بگنا الفلوس ماضلينا يمكم ناخذهن ونشرد بعيد بعيد عنكم شكو باقين لو اخذناهن نعيش مرتاحين ونتصرف بيهن احسن ماباقين بذلكم حسرة علينة الربع

سكتو عنة ولا جابو طارينة لان يعرفونة مانمد ايدنة على الفلوس لو ذهب لان عيونة شبعانة واحنا بنات خير وعز مو مثلهم اهل فگر من ماتو اهلي يلة عاشو مثل البشر وصارو يتصرفون مثل الحيوانات شلفايدة

عمي سالم متخبل وحاير شيسوي شلون يسدد العالم فلوسهم عرض البيت للبيع وبيوم وليلة هيج هيج انباع البيت  سددو الفلوس ودفعو فصل لان الولد الضاربة سامر متاذي وهنا يلة سقطو الدعوة عنة واحنة تبهذلنة فوك بهذالنة ...

البيت كل يوم تكب عركة بية على الفلوس تعودنا على الوضع الجديد صار الوضع طبيعي وهما بهلفترة خفو عنا هوواي حايرين بمشاكلهم عساهم لاتفرغو لشي ويطلعون سمهم وخباثتهم علينة  ..

امشي بالغرفة رايحة راجعة وروحي تلوب اتمنى ارگع راسي بالحايط واخلص من كلشي صار ومن ذكرياتي عصرت راسي بقوة وكعدت يم راس ابني ايدي ترجف بشكل مو طبيعي مسحت على شعرة وگصتة مسخن صاير نار شهب تسوي كمادات الة فوك الساعتين ومانزلت حرارتة لازم اخذة الدكتور بس فلوس ماعندي فلوس منين اجيب؟؟؟؟

باوعت لشهب بحيرة وفركت ايدي

_نيزك: منين اجيب فلوس لابني روحي الهم؟

_لا نيزك لالاتسوينها حتى لو طلبتي محد ينطيج ربع هذا الربع من جانو كبل شلونهم مو هسة وفلوسهم راحت وضالين على الحديدة بس يوسف اذا سمع يصير ماكو منة ياخذج انتي وابنج

_والله لو اعرف اجدي بالشارع وما اطلب منة

_ روحي لكواكب اكيد عدها فلوس هي تشتغل احسن منه محجوزين هنا

_يلا رايحة الها  وخل شيصير يصير

لبست عباتي واخذت ابني شلتة على جتفي وهو سودة علية نايم وخدودة حمر صايرة من الصخونة  طلعت وشهب وراي تبوس بية وتكعدة وهو بس يبتسم الها..افنان من شافتني طالعة كامت تصيح وراي..

_افنان: وووين مولية وووين تطرگين بيا شاااارع  راييحة

_نيزك: بشارع الخلفج وذبج علينة

_افنان: ايااا **** يجي عمج واني اعرف شغلي وياج

_نيزك: صبوحة حبيبتي حافظي على رجلج لان افنان ارملة واحسها تركض ورة عمي وهو اخو رجلها وانتي تعرفين ياما زلم اخذت نسوان اخوتهم

انبهت لونها ضلت مصدومة صبيحة وكان حست على روحها اما افنان ماعرفت شنو تحجي بعد من قوة الكلام الكلتة الها فتحت الباب واني اضحك على شكولهن شلون صارت..

_نيزك: شهبة لاتطلعين من الغرفة بين ما اجي هسة نجوم تجي من الدوام لاتخافين اغفلي الباب عليج

_شهب: روحي حبيبتي ماعلية

سدت الباب ودخلت جوة واني رحت امشي للسوك اموري نايم على جتفي عيونة ذبلانة من الصخونة سودة علية بنص الطريق يلا حجة وكال..

_امير: نانا وين لايحين؟

_نشوف خالة كواكب

_ااالله اني اهب تواتب

_وهي تموووت عليك روحها انت روحها

ضحك منتعشة روحة اموري يفرح من شخص يكلة احبك لو يهتم بية بحيث كل يوم يسالني ويسال خالاتة..

_امير: ادلج تهبيني؟

وفد يفرح من نجاوبة بست ايدة احضنة بقوة لصدري  ياروحي يايمة شعندي غيرك انت روحي ودنيتي وصلنا للسوك ندور على كواكب رحنا للمكان التبيع بية مخضر  لكيتة معزل بهت وجهي وگلبي لجمني ليش معزلة، رحت اسال اهل المحلات عليها..

_خوية وين البنية التبيع هنا هي والمرة الجبيرة ا

ذبلت ملامحة حزن وگال بحسرة خمشت گلبي

_والله ياخوية ام حربي انطتج عمرها من فترة والوليد الوياها اختفى من يومها

تبخرت قوتي ونزلت ابني اكعد على الصبة واكعدة بحضني صرت ادك على رجلي وروحي تلوب عليها وين راحت شنو تشتغل هسة هي وووين  ؟؟

كعدتي ماجابت نتيجة وابني بعدة مسخن كمت بية اسحل بروحي سحل داخلي ينزف شسوي اگلهم اريد فلوس اعالج ابني شلون تطلع من حلگي والله ماتطلع ماكدر اطلب فلوس  !! رحت اسال اصحاب المحلات مايعرفون اسمها ومن اكلهم جانت تشتغل هنا يكلولي "قصدج الوليد" اخ منج ياكواكب  باي ارض صرتي صرت اتحسب على عمي ولدة وادعي عليهن بگلب محروگ ابني بيدي مريض واني بطرك روحي  اجاني ولد يركض من بعيد وكف كدامي يتنفس سريع ..

_تريدين كواكب؟

_تعرفها

_شلون ماعرفها اني محمود كواكب ضلعتي

يحجي بحماس وفرح ابتسمت وعيوني غوركت بالدموع  ...

_نيزك: ياريت وينها هسة

_والله  مادري عنها هالفترة بس روحي لاهل المعارض اساليهم عنها يمكن هالفترة تشتغل عدهم لان ماكو

_وين صايرة المعارض هاي

دلني على المكان تشكرت منة رحت امشي وبالي الف حسبة وسؤال شعدها وي اهل المعارض؟ واذا جانت تشتغل شنو الشغل التحصلة بهيج مكاان  !!!

_امير: نانا اليد مصاصة

_ها حبيبي هسة اشتريلك كومة مصاص بس الكة خالتك ياروحي

_تذبن (تجذبن) الية

_لا ياروحي ما اجذب هسة اشتريلك وصلنة تنزل تمشي

_اااي

نزلتة يمشي بالكاع لزمت ايدة ودخلت للمعرض وجهي اشتعل نار من دخلت كله سيارات دفع رباعي وغيرها من السيارات الراقية شكو اني هناااا؟

صار كدامي شاب منطيني ضهرة اكتافة عراض وشعرة صفر محلقة قبل لا احجي التفت علية گلبي تسارع بقوة من شفت شكلة ملامحة عابسة  حاجبة مطبور ولحيتة شوية طويلة حجة بصوت خشن.

_تفضلي بشنو اكدر افيدج

_نيزك: اني اجيت اسال على وحدة اسمها كواكب كالو تجي هنا

بهتت ملامحي من ضحك بصوت عالي هذا ليش يضحك شنو كتلة نكتة مثلا  !!

_نيزك: عفواً ليش الضحك مجرد سؤال

مسح على لحيتة ودنك راسة الي يحجي بخفوت

_جاية تدورين على المنجمة حتى تعرف حبيبج يخونج لو لا؟

_لاااا

_ها لعد اكيد حتى تعرفين يتزوجج لو يضحك عليج 

_نيزك: اشوووو انتتت ماتعررف تحجيييي اشفتتتني

_اووو اعصابج هسة اني شكلت غير عود اتوقع بلكت اصير منجم بس تردين نصيحة ابتعدي عن هاي السوالف لان تضر وهاي البنية بالذات ابتعدي عنها

_شكراً على النصيحة بس هاي البنية اختي واريد اعرف وين هي

فتح عيونة مصدوم ابتسم وهز راسة لا مامصدك

_شبيك وين هي؟ تعرف شي عنها كووول  شبيها اختييي !

_مستحيل هاي تكون اختج شلوووون

_شكو شلون شكووو جاوبنييي وووين هي؟؟؟

_نفس العصبية ثنينجن بس لاشكل ولا اخلاق تشابهن سبحان الله مستحيل يكول تقربن لبعض

_اعرف وين هسة هي

_امشي اخذج الها

_لا شكراً اني اروح

_مايصير وحدج ترحين

مافهمت ليش واصلاً ماخلاني اسال لان طلع كدامي يمشي والمفروض هسة الحگة دنكت شلت ابني ومشيت وراة جان سريع كلشي فحطت وكفت وهو مكمل بمشية صحت وراة..

_اوووكف شوية نفسي انگطع ووين ماخذني ووين

التفتت علية من شافني وراة رجع علية صار قريب مني استغربت شيريد هذا وقبل لا احجي اخذ ابني من ايدي شالة بحضنة ويبعد شعرة النازل على عيونة  ابتسم وگال..

_اروح فدوة ونذر لهذا الوجة

ابتسمت وهو فوراً انتبة علقت

_نيزك: هاي الكلمة كواكب دوم دكولها

عفس ملامحة من ذكرت اسم كواكب وكلب عيونة يهمس بخفوت كدرت اسمعة..

_ام سجينة ام دچة الرعنة الدايحة الصايعة السحارة ام الجنانوة

_هااااي اختييي التحجييي عليييهااا هيييي

_لا مو عليها وحدي مخبل شعليج

اخذ ابني ومشة كدامي يسولف وياة  ماسمع شنو يكلة بس صوت امير عالي لان يحجي بحركة..

_امير: نانا وندوم وتواتب تلهن تدابات مايزيبلي مصاص يطحكن علية..

_مو خوش سالفة شلون يضحكن على رجال مثلك

برطم شفتة يفكر وهو عينة صارت بعيني كال

_ترة مسخن

_اي اعرف هو اجيت علمود اخذ كواكب

_حتى تتعارك وي المراجعين وتدخل قبلهم تكلبها طوارى هالخبلة

_اشو انت تحجي على اختي كداامي  !!!

_اسف يابة انتم عائلة اعصاب اني اعتذر جنت اتشاقة وياج 

سرع خطواتة واني اركض وراة عليك يا الله وين يوصل مادري وين كواكب هم ما ادري  !! قبل لا افتح حلكي واحجي اشرلي على مركز تجميل رفعت حاجبي باستفهام..

_هنا تشتغل اختج بهذا المركز

_وانت وين تعرف

_الچلب العندي قنعها تشتغل هنا

ضحك  واني دخلت جوة احسة مو صاحي او يمكن هيج احس لان شكلة يخوف ديلا هسة اني شلوني عاد دخلت جوة ادورها بعيوني المركز جبير مادخلت جوة سالت العاملة عليها گالتلي بالضبط..

_هاي البنية ام شعر الولادي بطلت قبل فترة

_ليش بطلت ماتعرفين؟

_تعاركت وي الزبونة وعافت الشغل

_ماتعرفين مكانها؟

_لا والله لان هي مابقت هواي يمنا

تشكرتها وطلعت وجهي نااار اختلطت مشاعر الحزن والحيرة والخوف مادري شي عن اختي الضالة بالشوارع ماعرف بيا مكان لو ابني المريض لحظة ابني اني شلوون اعوفة يم الولد طلعت بسرعة وكفت لازمة بريك من شفتة يمسح على خد امير باصبعة ويحجي وياة تقربت عليهم اندارلي مديت ايدي اخذ ابني ماقبل..

_ها شو ماكو ام دچة وياج؟

_مبطلة من الشغل

_اكيد ساحلة وحدة من شعرها واكعة راسها بالحايط لان طاكة علجها بوجهة

_مو لهدرجة كواكب ماتسوي هيج

_اااخ ياكواكب اااخ

_احسك تعرفها شلون تعرفتو على بعض

_اساليها تكلج

_اي بس انطيني ابني

رفع حاجبة وصفن بوجهي

_نيزك: ممكن تنطينياة؟

_ عبالي اخوج الصغير تدرين؟

هزيت راسي اخلي ادية على وجهة الحار كال

_ترة مسخن لاينشمر خطية تلاحكية هاي كواكب ماتحصلين من وراها خير اتصلي بابوة خل يجي

فز گلبي بخوف ورجف جسمي هذا وجهي احسة نار اشتعل من جاب طاري ابوة هزيت راسي مثل المخبلة وكلني صرت ارجف وي ذكرة..

_لا لا اني ابوة اني ابوة ماعندة ابو هو

مشيت بخطوات سريعة حالتي مو طبيعية اعصر ابني لحضني واهز راسي بخبال..

_نيزك: ابني هو ابني ماعندة ابو هو ماعندة بس اني الك امير ماما نانا الك ماكو بابا ماكو شبح باح باح تسمعني مو

نزلت دموعي بغزارة احس گلبي دكاتة تسارعت بعد ماعندي طاقة امشي اختنگت التفتت وراي شفتة بعدة يمشي وراي صحت علية ابجي بخبال وابني خايف بحظني..

_تعااال تعااال اخذ ابنيي اخذة رراااح يموووت تعاال اخذة فددووة

صار كدامي ارجف كلني ارجف اخذة مني متعجب من الحالة الاني بيها ضربت على وجهي اصيح بية

_نيزك: اخذةةة فددووة اخذة فددووة ررراح يموووووت

هز راسة وطلع بية ليكدام واني باقية بمكاني ماتحركت خطوة رجلية تجمدن بالكاع احس نفسي مو بعقلي مثل الرجعت للماضي اباوعلة شلون يبتعد عني وابني وياة الى ان اختفى واني بمكاني بس اصرخ اصرخ بدون صوت مخنوكة كان الجاثوم نايم على صدري بس دموع تغمر وجهي ماكو دقايق دقايق وشخطت سيارة رجعتني للواقع صارت كدامي وهو يسوق فتح الجامة يكلي اصعدي صعدت ورة جسمي يرجف رجف صرت اكل باضافري بدون ماحس على نفسي..

_اخذي مااي الوووو ويااااي انتي

فزيت علية واكف مدخل راسة من الجامة البصفي بيدة بطل مي مفتوح اخذته منة بيد ترجف ردت اشربة ورجعت باوعت بوجهة رجعتة..

_نيزك: ماريد ماريد اني مو عطشانة والله

_ميخالف بس اشربي حتى تهدين ابنج زين

_نيزك: اي هو ابني اني زين مايعوفني حتى اني ما اعوفة للموت

_بالضبط مايعوفج ولا احد ياخذة منج بس اشربي

رجع قدملي البطل اخذتة منة اشرب ويتكبكب على ملابسي من الرجفة رجع لمكانة يسوق ماكو دقايق وصلنا للمستشفى اخذ ابني شالة وهو ساكت بيدة بقيت بس اباوع عليهم من بعيد رجع يكلي بامر

_امشي وراي لاتبقين واكفة امشيي

هزيت راسي وصرت امشي وراة بس مو واعية لشي امشي جسد بلا روح... كاعدة على الكراسي اهز رجلي بجنون ودموعي تنزل من ذيج اللحظة لهاي اللحظة ما انكطعت ابدد.  !!

_اساعدج بكلشي تحتاجينة بس لاتبجين

_مو اني ابجي هما هما بجوني

_عساهم بالعمة ماعدهم رحمة يـبجون هاي العيون الذ..

قطع كلمتة وابتعد عني مسافة كمت رحت يمة التفت علية..

_اريد اختي كواكب حباب خليها تجيني

_ان شاءلله بس اهدي ولا تخافين

سحب موبايلة واتصل بماعرف منو رجعت كعدت بمكاني  روح تطلع وترجع بهلاثناء تعبت من كلشي تعبت  !

✧✧

_اووووكفييييي ووولج  اوووكفييي

_وسمممم ومرررض شكووو لاحگنييي

وكفت اتنفس بعصبية نفسي عالي تقدم علية بخطوات سريعة وگف كدامي خليت ايدي على خصري هالحركة للموت ماعوفها بكل مكان وزمان مرافقتني نترت بوجهها قبل لايحجي..

_كواكب: شتريد لاتخبلني

_ضيغم: اريد احجي وياج شلون يعني فد شخصية انتي  ؟

_عفية شخصية مهمة هم مو عبالك

ركزت بعيونة دقايق غمضت عيوني وحجيت بهدوء

_كواكب: ناوي على شر يا ضيم لاترتكب بيهم جريمة تروح بيها والله

مسح على شفتة يتوعد بغل وحقد

_ضغيم: الموت ارحم الهم شفايتهم لو ارتكب بيهم جريمة شفايتلهم هالخونة

_گلي شناوي احس راح يتاذون باي طريقة

_ميخصج

_لا والله شبيك انت بابا اذا مايخصني شكو جاي وراي  ؟؟

_ليش تركتي الشغل بالمركز وين تحصلين مثلة بعد

_دكيت وشوم  وعفتة شعليك انت

_تربية شوارع ما اعتب عليج

باوع للوشم الورة اذني جانت جمجمة شكلها واضح ومنبت بيها خنجر رفع حاجبة بتعجب وكال

_شلون  تعرفعها ام سحورة جمجمة داكة البنات يدكن فراشة وردة وهي سجاجين وجماجم

_هاي هيج ترى اكو وشوم دكيتها تخلس خلس وحتى البنية ماقبلت توشمهن وترردت كوة قنعتها

_ضيغم: صار عندي فضول اشوفهن

_انجب شو انت ماتستحي

_شمدريني اني داكتهن باماكن خاصة ترة هيج كلتها ما اقصد شي بس انتي  السانج والغلطة نيتج خابطة بت شوارع بعد

_عفية ودير بالك تتورط وي بنت الشوارع شي يوم

_الله يبعدني عنها

_امين اااامين

عفتة ومشيت اغلط علية اجة وراي يمشي سريع يلاحكني وكفت  التفتت علية باوع بعيوني ذبيت نفس..

_كواكب: شنو راح تسوي وياهم

_كسرهم جبير صدكي اسوي بيهم الماصار

_اشوف بعيونك نار تريد تاكلهم بس لاتتهور لاتحرك الاخضر بغلط اليابس

_اني اجيتج على هاي اريد اتاكد من شخص واحد اخاف اذية ويطلع مالة علم بالموضوع

_تاكد منه قبل لاتكسرة

_واني اجيتج بخصوص هالموضوع

ضحك بانكسار ينزل راسة بالكاع رفعة يباوعلي عيونة مدمعة

_ضغيم: والله وكت الخلاني افتر ورة منجمة تعرفلي حقيقة ناسي ومنو وياي ومنو علية

_ديلا يلا

_امشي وياي كواكب

_لو تموت

_ساعديني لا اهلك نفسي شايفة لو اذيتة وطلع مو وياهم اموت بقهري

_امري لله بس شنو المقابل تعرف بنت الشوارع ماتشتغل بلاش

_التريدينة

_مقابل موخر

_شلون يعني

_اريد منك تساعدني بيوم اطيح بشدة بيوم يجي شخص يكلك كواكب هيج صاير وياها هنا انت تساعدني ويكون هذا المقابل

مشيت وياة للسيارة عفتة وراي صافن بكلامي صعدت بالصدر اجة صعد وشغل بقيت ساكتة لو ماهو حجة وكال..

_صاير وياج شي

_هسة لو لو منتبة كتلك بالمستقبل يعني ما احتاج منك هسة شي تكدر تعتبرة دين بطريقة مختلفة

_لازم متورطة بشي وتفكرين توكعين

_امممم

_الله كريم تدرين اتمنى اعرف قصتج شنو منجمة وبنية تشتغل بالشارع حالها حال الولد شي غريب

_ماكو شي غريب بهاي الدنيا ضييم

ابتسم لا يجاوبني هو يدري كل الزين ماراح احجيلة على شي يخصني لذلك سكت وبعيونة فضول يابو فضول حقة والله حاسة بية طول الطريق ساكتين كل شخص يفكر شراح يسوي لباجر..

وصلنا للمكان الجايين علية نزلت ابتعد عنة وعن سيارتة نزل يمشي راح لولد يبيع جاي دفعلة فلوس واجة يعدل بشعرة السرح  ..

_ضيغم: جيبي الجاي وتعالي ورانة

هزيت راسي وخليتة يروح دقايق مرت يلا سويت الكالة اخذت الجاي بصينية صغيرة ورحت لكيتة يسولف وي شخص منطيني ضهرة يحجي بانفعال وضغيم صافن بوجهة عود يقلدني لوووو تموووت ماتعرف شي والله..

_صافي: شبييك وولك شو صافن بوجهي بس لاتكول هذا ليش هيج بشرتة صافية وشعرة يلمع ورموشة طووال اييي اييي لاتخلي عينك صح اني احلى منك بس ميخالف انت هم حلو

_صافي

_بيك شي؟؟؟!

من وصلت التفتتو يباوعولي باوعت بوجهة ضيغم خافي تعابير وجهة لوضع الجمود   عبالة ماكدر اشوف الخوف البعيونة خايف لايخسرة ومبين شكد يحبة وعندة مكانة بگلبة هزيت راسي وقدمت الصينية اخذ استكان الجاي وقدمتة لـ صافي ركزت بعيونة وطووولت طولت اقرا المدفون هل  فعلاً هذا وجهة لو قناع لابسة  ؟

_صافي: ووولكم راح اقددم بجمال العراق شني وجهي شبيةةة هييييي

_ضيغم: انجب صاافي انجب

_صافي: مو كدام الغررربة وولك احترمني شني هاااي

ابتسمت ودرت وجهي لضغيم الواكف على ناااار من شاف ابتسامتي عرف صافي مو وياهم مي باارد ونزل على گلبة ابتسم وعرضت ابتسامة يضرب على زند صافي بقوة..

_ضيغم: صديق العمررر انت

ضحك صافي بخجل يمسح على زندة

_صافي: ررروح الرروح

رفع عيونة اله متفاجا بفرحة ضيغم سالة بهدوء

_صافي: احسك فرحان وانت ماتفرح بس بفرحة الزهرة

انسحبت بهدوء بداخلي سعاده حقيقة لاول مرة اشعر بيها بعد ايام تمنيت ولاول مرة تتحقق امنيتي تمنيت صافي فعلاً يطلع صافي مثل اسمة ومامتفق على ضغيم وياهم، اسمع سوالفهم وضحكهم من بعيد

رحت وكفت على جهة رفعت راسي اباوع للسما والسؤال العجزت افهم جوابة..

_اني منجمة؟

كالت دراهم انتي منجمة تكدرين تقرين البشر من عيونة وماجذبت بس شلون اكدر اكشف هل اني فعلاً منجمة لو عندي بصيرة عجزت افهم نفسي وافهم غيري كالتلي نيزك التنجيم حرام محد يعلم بالغيب مايصير تكشفين بس اني ما اسمعلها ابد.

_يلا امشي اوصلج

التفت علية وهزيت راسي صعدت بدون لا احجي شي مشت السيارة سريع التفتت علية اركز بملامحة من يحجي   ..

_ضغيم: قسم وعهد علية يا كواكب لو تدخلين بمشكلة الها اول مالها تالي راح اساعدج مثل ماساعدتيني

ابتسمت واني اهز راسي اشعر بالراحة اول مرة اشوف شخص فرحان بسببي ذب حسرة وكال بحركةكلب ..

_تدرين  هذا الليل اني مانايمة من وراهم

رجع ذب حسرة عالية وسكت واني اكتفيت بالسكوت لحد ماوصلت للسوك كتلة ينزلني نزلت من السيارة وعيوني بعيونة. بقت كتلة بجمود..

_كواكب: انتهى شغلك وياي كمنجمة وانتهى شغلنا

_ضيغم: بقة بس الدين انتي ساعدتيني حتى اعرف الحقيقة واني راح اساعدج بيوم من الايام

_بس هذا الراح يجمعنا ويكون مرة وحدة بالعمر باي

عفتة ورجعت للسوك گلبي يفور بعد ماشفت البسطية شلون معزلة رجفت بقهر ابلع غصتي احاول امنع دموعي ماتنزل هنا جنت اشتغل سنييين هنا ام حربي جانت تتلكاني بذاك الملكة الحلو نشتغل سوية بالمخضر ماقصرت وياي تنطيني يومة كاملة عايشة بسدها جنت واجة الموت اخذها مني وعافني بلا سد احتمي بية  .

ذكريات سنين وايام موجوده هنا راحت وي ام حربي كل يوم امر لبيتها بلكت تطلعلي وتطلع عايشة ماميتة جذب بس ياجذب واني المشيت بتشييعها

وصحت لا اله الا الله واشتغلت بفاتحتها ضربت على گلبي احس بركان يغلي بداخلي كلشي حلو يروح مني وتبقى ذكرياتة تخنگ بية خنگ'

_كووواكب ووولج

_هه هلا محمود

_محمود: واخيررراً نور السوگ بعد بيتي وينج

_رجعت محمود الشغل برا السوك مايناسبني هل رجعت افكر افتح البسطية وارجع الشغلي

_ايييي ولج هاي الاخبار الحلوة ترة اطلبج كلاصين جاي

_واني اطلبك فلوس لفة لاتنسة

_دهر ولاتنسين..

_وحد عنك يلا طيحهن وحدة بوحدة صارت

_صار طايحات لعيونج، اكلج صدك اليوم اجت بنية وياها ولد تسال عليج

فز گلبي من مكانة جاوبت بخوف

_شبيهااا نيززك؟؟ وينهااا ماتجي هي الا صاير شي

_مادري والله بس صح بيها شي جانت مو زينة هوواي سالت عنج بالسوك

_ووين راحت فدوة محمود ووين؟؟؟

_وديتها للمعرض كلت بلكت هناك تلكاج روحي اساليهم اجتهم لا

رحت اركض كلبي طاير احساسي يكلي نيزك بيها شي سويت الطريق خطوتين خطوتين واني بالمعرض اسال الولد عن ضرغام الغثة بس جاوبوني بشي اخذ روحي وگلبي اختي بالمستشفى وضرغام مبلغهم يدورن عني اجيت برجلية الهم  رجف جسمي خوف وكتلة يخابرة احجي وياة اتصل وانطاني الموبايل اخذتة بدين ترعش حتى صوتي يرجف من الخوف ..

_الو ها ولك ها وين اختي وينها بيها شي نيزك

_ضرغام: لا بس تعالي شوفيها محتاجتج احنا بمستشفى **

_صدك اختي مابيها شي؟

_جذب اختج سوت حادث

كال هاجملة وسد الموبايل بوجهي واني ماعرف شلون رحت ماعرف شلون وصلت من حركة كلبي اركض مثل المخبلة روح هاي الروح مابية بين ماوصلت للردهة الكالي عليها طالعة روحي وعقلي هنا واشوف نيزك كاعدة تعض باصابعها وتبجي بدون صوت روحي خرت مني بشوفتها سالمة  وكعت على اركبي اجر النفس جر ودموعي تتسابق فرحة على عدم تصديق ارفع راسي اباوعلها مابيها شي مامسوية حادث اختي عايشة ومامتاذية الف الحمدلله والشكر ياربييي  !

شافتني وهي نشغت اجتني تركض كعدت كبالي تحضني بكل قوتها وتبجي واني احضن بيها واشم بعطرها..

_نيزك: وينج انتي والله اني بعازتج

_ياروحي يا عمري انتي مابيج شي ماتصدكين فرحتي شلونها

ابتعدت عني تلزم وجهي بثنين اديها وترجف

_نيزك: ابني كواكب اموري راح يروح مني امشي شوفية فدوووة

حجتها وغطت وجههة ترجف كمت من مكاني ادور بعيوني علية  لكيت ضرغام واكف يباوعلنة مسحت وجهي بيدي وتقدمت تجاهة كلني حقد وغل علية ..

_كواكب: اذا ما  احرك گلبك مثل ماحركت گلبي وخليتني مثل المخبلة، تجذب علية بهيج خبر انت صاحي  !!؟؟

ابتسم وكال برود

_ضرغام: تستاهلين ليش تلحين مو تعرفيني ماحب الملحة

هزيت راسي اتوعدلة

_سهلة سهلة هسة وين امير وينة

اشرالي على الردهة رحت امشي سريع دمعت عيوني من شوفتة مشكليلة مغذي ونايم مثل الطير ياروحي  رحتلة ابوس بدية وبوجهة وهو نايم سالت الممرضة كالت نزلت حرارتة بس يخلص المغذي يكدر يطلع عفتة و رجعت لنيزك مثل المخبلة كاعد تاكل بروحها من شفتها بهذا حالتها قسمت وحلفت بكل مقدسات الكون اخبلهم مثل ما خبلوها وخلوها بهذا الحال حضنتها ونزلت راسي احجي قريب عنها لازمة اديها..

_حبيبتي نيزك اموري زين تكدرين تشوفينة لاتخافين

_نيزك: اخاف يطلع جذب وبية شي

_اني اجذب اني؟ اني كواكب اختج وسندج ركزي وياي بس ركززي

هزت راسها وهي تباوع بعيوني رفعت ايدها بستها وايدتها تكوم تشوف ابنها كامت مترددة ترجف عبالها ابنها بية شي وكل ما اشوفها بهاي الحالة الشياطين تفتر براسي وكل واحد بيهم يوسوسلي على مصيبة اكبر واني اسكت بيهم واكول مو وكتها ارجعلكم ارجعلكم وانفذ الكلتوة

راحت يم ابنها تبوس بية ودموعها ماتسكت كعدت يمها امسح بدموعها واعصر باصابعها قوي..

_كافي يمة كافي هذا ابنج مابية شي هي صخونة

_خفت كواكب خفت عبالي مات عبالي بقيت وحدي مالكيتج دورتج هواي ومالكيتج عبالي بقيت وحدي بس اني وابني حتى فلوس ماعندي هذا الربع مابجيبي

_كلة من وراي اني ماعفتلجن فلوس طاح حظي

_لاتلومين بروحج بكل شي يصير كلة من سببهم هما شوفي حتى من حقدهم علينا الله سلط واحد يبوك فلوسهم كلهم وهسة كل يوم عركة بينهم تخيلي كواكب شارتج خلتهم مايكعدون سوى ولا يجتمعون مثل قبل باقين واحد حاقد على الثاني واحد يتهم الثاني تذكرين الكلتية تحقق كلة

ضحكت اضرب على رجلي صوت ضحكتي عالي اتوعدلهم بكلبي واكول اني الكم بس انطوني صبر اذا ماخبلتكم وهجولتكم ما اطلع بنت الحرام الطردتوها الف مرة من البيت ..

صحى امير وصار يسولف ويانة فررح بشوفتي يضحك مامصدك ويعبرلي عن اشتياقة بسوالفة الحلوة..

_امير: اتي وين لحتي تواتب عبالي التلب اتلج

_كواكب: افااا اني جلب ياكلني مو عيببب

_امير: هم صح تواتب عوية (قوية)

_كواكب: اي اي هذا الحجي الحلو كواكب باتمان وجنتل مان وسوبر مان

_ضرغام: كله مااان مااان شوكت تتذكرين انتي بنية؟

التفتت علية واكف بالباب بيدة علبة شايلها كلبت عيوني وطفرت من الفراش اروحلة..

_كواكب: لاتدخل انت خوش يلااااا اطلع منا عابت هالشكل الازرگ خرب شكلك مابية لاقبول ولارحمة

_ضرغام: هسة شكلج اليخبل متروس قبول ورحمة اشو جنج ولد خشبة وتمشي بالشارع

_كواكب: درروح رروح جنك بعيجي يكول امك متنسية بيك ببعيجية وطلعت طبق الاصل عنهم

رص على اسنانة بقوة يريد ينفجر بوجهي ابتسمت ارفع بحواجبي استفزيتة استفزيتة والله يبرد گلبي من استفزة اجت نيزك من شافت الوضع حامي تكول بصوت ناصي تعبان..

_كولو يا الله شبيج كواكب وي الرجال

_كواكب: هاي كدامة احجي لو تحتركين يانيزك وبيدة الماي لاتكليلة طفيني افتهمتيييي ديربالج توصلين لضرغااام .؟؟

سكتت تباوعلنا ثنينة ومستغربة من هالعداوة هزتلي براسها اسكت  انطيتهم ضهري واسمعها تحجي وياة..

_نيزك: ممتنة الك كلش هواي وموقفك هذا ماانساة للموت جنت بوضع كلش حرج وابني بيدي ماعرف شنو صار لو مامساعدني وجايبنة للمستشفى

_ضرغام: ماسويت شي واجبي هذا بس عادي اشوف امير

التفتت علية رافعة حاجبي بمعنى لابلة عرف قصدي وابتسم بخبث يكل لنيزك..

_ضرغام: انتو حبابين ماعرف شلون هاي خالة الطف طفل واختج

نيزك تاشرلي اسكت واني اريد اهد علية اخرب وجهة واطير برستيجة الماصخ حركت كلبي نيزك والله لو ماهي ماريد اواريها وجهي الحقيقي راح لاموري قدملة علبة حلويات فتحة اله بيها مصاص واشكال اموري خدودة صارت حمر يخلي ايدة على حلكة ويضحك يباوع لامة وهو يحجي وياة..

_ضرغام: عجبتك احجي

_امير: اي اي هواي عزبتني  انت هباب امو (عمو)

ضحك منتعشة روحة على طريقة كلامة وشكلة ماتحملت هالقرب من شي يخصني اخواتي وامير شي يخصني ما من حقة يتقرب هالقرب عليهم امووت نارر تاكل بيه وقبل لا اطردة نيزك سحبتني من ايدي تهمس همس..

_فدوة كواكب اسكتي ولج عيب الرجال فوك ماعايف شغلة وباقي وياي هيج تعاملينة

_هذا حقير نيزك اخر مرة تباوعلين بشكلة وتحجين وياة شوية وخلية يطلع

طلعت من الغرفة اكل بروحي شجابة هذا على اختي اكثر بشر اكرهة ومااطيقة يوكف لاختي ويعرفها اااخ رحت ادفع فلوس المستشفى وابن الشريفة دافع الفلوس رجعت للغرفة ماشوف كدامي شنو يدفع الفلوس شيقصد هذا بسيطة اني اعلمة  ؟

_ووينة وجهة البعيجي وووووينة؟

_نيزك: يبوو يكواكب راح الرجال عنده شغل

_ابن الشررريفة اني اعلمة

_شعندج وياة ولج شمسويلج

_شحدة يسويلي شي غير احرك المعرض هو والبية بس يحاجيني

_بعد شكو

_ماكو شي بس دااافع الفلوس ورايح

_وحتى راد يوصلني بس رفضت كلت تتعاركين وياة اشوفج حامية علية

_كلششش

بعد فترة طلعنا من المستشفى اموري صار زين وفد فرحان بالحلويات احتركت كواكب بنار ونفط من اشوف فرحتة بشي بسيط انعل روحي الف نعلة وين عنة اني مو خالتة معتبرة روحي طاح حظج ياكواكب على هذا الاهمال رجعنا للبيت ونيزك جلبت بية الا اروح وياها واني ادري كل الزين تصير عركة بس كلت ما اكسر بخاطرها واشوف البنات وارجع

نيزك جانت خايفة ترجف منهم خاف يحاجونها ويكللوها وين جنتي ومايرحمونها هي وابنها واني اطمن بيها طول الطريق مديت ايدي بجيبي السجينة موجوده كلت بس يحاجونها انحرهم كلهممم نحرر من الوريد للوريد واخلص اخواتي منهم تالي ادخل بيهم سجن مايهمني كلشي توقعت الگة كدامي بس الگيتة صاير ماتوقعتة ولا مخليتة بالحسبان..

جمدنا بمكانا الدم هذا الدم وكف بعروكنا شعر راسنا وكف نيزك انهارت بيدي واني الشياطين عمت عيوني

عمي...

يتبع..

________________________

طبعاً لهجة الاطفال صعبببة لذلك ماكتبتها برواية بين سلاسل العادات 😭

شنو رايكم بالاحداث لحد هسة؟

توقعاتكم شنو راح يصير؟ او شنو صار

برايكم شنو السبب الخلة شهب تحقد على نجمة

البارت الجاي احداثة نااااااااااااار

تفاعلكم عيوني والله فد زعلانة واحس واهسي راح يطير بيوم واعوف الرواية على النص مثل ماسويتها قبل 😭

بنات صممو للرواية اريد اشوف منشور عنها ماكو بس اني انشر وحتى مايصعد العدهم امتحانات راووني ابداعكم بعد ما الله يسهلها عليكم 🩷

وطبعا اكو بنوات بالتعليقات تفاعلهن يخبل والله فد افرح ولو ما هنا ما انزل بهاي السرعة حبيباتي انتن 🫂🩷

كل بارت راح اثبت حساب وحدة منكم

لك مو تدلل وهاي بارت استمتعو 🤌🏼

شنو ولجن غير سويت قناة تلي ماتشتركن بيها والله ما استفاد بيها شي بس هيج للروايات موعد التنزل ومرات اضوج اجي يمجن اسولف وبس 😂

وهذا احساب الانستا وبنياتنة الحلوات بية ضيفوووني اصمم هناك

خفيفة على اللسان ثقيلة في الميزان صلو على محمد وآل محمد 🩷

#المنجمة

الكاتبة _كفايه

لاتنسون متابعة الحساب

تصويت وتعليق بين الفقرات

يا علي مدد  .

♦✧✧✧♦

_متوترة

_لا تبينين نجووووم لججج امشيي بدلي ترحين بذني ملابسج؟

_نجمة: جيبي جيبي انتي بس ترزلين

اخذت منها الملابس ودخلت ابدل كملت بسرعة وطلعتلها توسعت عيونها وخلت ايدها على فمها تضحك  منبهرة..

_ميس: لجج اااالله شنو هذا الجمااال نجوووووم

_والله

_ياااا ولج امشيي شوفي نفسج بالمرراية تملخيييين

ضحكت على حماسها ووصفها رحت اشوف نفسي بالمراية جنت لابسة سترة سودة وياها تنورة بنفس اللون  وكلشي وي اللبسة اسود ماكسرتة بغير الكعب والجنطة بلون  ماروني  ضحكت بخبال اضم ضحكتي العالية..

_نجمة: وولج ميسسس هااي منووو؟

_تخبلين وولج نجووم انغرمتتت اني

_حتى اني انغرمت بروحي يماااي احس نفسي مو اني هاي غير وحدة

_انجبي هو انتي تخبلين بس ينرادلج تعديلات شويونة هييج نتفة

_نجمة: اكلج شو احس صرت مثل فريحة من تاخذ ملابس من صاحبتها وتروح للدوام اني اخذ منج واروح للشركة

_ميس: اي وبعدين تحبين حبيبي ونتخارب هههههههاااي

_امداج اي والله هسة اني ما لكيت غير حبيبج المعفن

_هم صح ولج قلة زلم

_اكلج ميوسة  راح ارجع البسي القديم احس احسن

تقربت علية تسحبني من سترتي تجاهة

_ميس: بعد لاتحسين لا امسح الحمامات بحساسج الخايسس خوشش؟ اني كتلج تغيرين لبسج لان داخلين شركة وجدد الكل راح تصير عينهم علينة فردتج تطلعين اجملنا واحلانا وغصباً عليج تاخذين الملابس الجبتهن الج تداومين بيهن

_ميسس

_ها عيني هااا نجووم ولج هي فترة نتدرب يمهم ونولي على كولت اختج كواكب

_نجمة: ههههههه ذكرتيني بيهااا ااالله

_ارريد اشووفها خووش

_خووش بس امشينا لا انجلط شنو هاي احس مو اني

_لبستلها قاط عبالها السيدة الاولى

_هسة السيدة الاولى احسن منيي؟

_بعدنا بسم الله وهيج صرتي

طلعنا وميس تدردم طول الطريق اما اني متوترة وخااايفة مكان جديد وهذا القاط الابستة مامرتاحة بية اول مرة البس رسمي ميس الغبية الا تلبسني كعبب واني هيج ماعرف امشي  !

وصلنا للشركة اليوم اول يوم النة نتدرب لازمة ايد ميس وين ماتروح اني وياها ميس مو اول مرة تجي لهاي الشركة جاية قبل وي ابوها وهسة اجت لهنا بغاية صديقتي واعرفها اجت تشوف المعفن الاجلح الوصخ الخايس حسب كلامها الشركة لصديق ابوها بمكالمة وحدة رحبوو وهلو بينا حسيت نفسي فد شخصيية   .

_ميس: وولج نجووم زعطوطة انتي زعطوطة شبيج لاطشة بية

_شبيج ميوسة شبييج

_ولج فشلتينة عبالك طفلة وين الكارزما وين المشية العلمتج عليها وولج شعلمتج ااني

_اكتاف مستقيمة، راس مرفوع، خطوات ثابتة، ملامح جامدة، نظراتي اوزعها على الكل بحدة

_ميس: عفية وانتي جنج جريذي عوزج بس تبجين يكول اول يوم الها بالروضة مو بالشركة

_هاي ليش تحجين هيج علية ترة من دخلت روضة ابوي جان وياي هسة تذكرتة وراح ابجي

وكفت مبرطمة شفايفي الدمعة بطرف عيني تذكرت ابوي وصدك راح ابجي الف رحمة ونور لروحك يابة

حضنتني ميس بسرعة تمسح على ضهري ومثل كل مرة تكلي..

_ميس: لاتبيجين نجوم ابوج مايقبل تبجي هاي العيون الحلوة يوووو ولج مو وكتها شوفي بس نخلص دوام اخذج تبجين ها شدكولين؟

_موافقة

هزيت راسي وابتسمت وهي كذالك تبادلني الابتسامة صعدنا مصعد وميس تنثر بشعرها وتعدل بحمرتها على المراية..

_نجمة: وين صاعدين؟

_ميس: لغرفة استاذ حسن يوزعنا لافرع

تنهدت بقهر ورحت وراها لاگونا مجموعة من الاشخاص منتظرين برا غرفة الاستاذ حسن  ماعرف متدربين مثلنا لو يقدمون على تعيين عبرتهم ميس وراحت للغرفة دگت الباب سمحلولها بالدخول واني صرت ارجف  سحبتني من ايدي خازرتني تتوعدلي شسوي خايفة ماعرف مشاعري شنو غير لازم اتعود يلا اتصرف طبيعي  ! دخلت گلبي يريد يطلع هاي اني شبببية راح اموت سلمت علية ميس رد ااسلام بحرارة فرح بشوفتها تبادلو الحديث بسرعة اندمجو يسال على ابوها وامها للمعلومة ابو ميس صاحب شركة بس مو مثل مجالنا،هما يسولفون  مثل واني الاطرش بالزفه بس اباوع بعيوني من تحجي ميس اباوعلها ومن يحجي الاستاذ اركز وياة وهيج خلصتها لو ماهو كال بابتسامة مريحة  ..

_حسن: ماعرفتينا ميوسة على الطيفة الوياج

_ميس: نجوم صديقتي

_حسن: يا اهلا وسهلا بيكم بنات نورتونا

ابتسمت وجهي احسة صخن..

_ميس: استاذ بس نجوم ماتعرف شي هنا ياريت توصي عليها يدلونها

_حسن: تدلل نجوم

رمشت بعيوني ممتنة وميس تعصر باصابعي تحس بتوتري متوترة مو بس لان اول يوم اداوم لا هم لان مامبلغة احد غير نيزك وهي كالتلي لاتكلين لعمي لان مراح يقبل هو دراسة وكوة باقية لهذا السبب متوترة اول مرة اخطي خطوة بدون علمهم..

طلعنا وكل وحدة راحت لمكان والسبب كل وحدة اختارت المجال التحس نفسها تبدع بية دكيت روحي الا سوة بس ميس ماقبلت وحتى من تنازلت اروح وياها منعتني وكالت ما راح تنجحين بية'اختاري المكان اليناسبج وهاي اول مرة امشي بدونها اني حتى القسم دخلتة علمودها لان هي صديقتي من الاعدادية ومتعلقة بيها  .

وكفت كدام المصعد لازمة جنطتي بقووة اعصر بيها مامنتبهة لنفسي انمدت ايد كدامي تدوس زر المصعد التفتت بسرعة اشوف شخص لابس رسمي وعطرة يهفهف ابتسم بوجهي واني عيوني مدمعة من التوتر درت وجهي على المصعد من انفتح بقيت واكفة دخل هو واني مثل التمثال بقيت على وكفتي  كال  ..

_راح يصعد ماتصعدين؟

_هاا

_تعالي بسرعة

راد ينسد واني رحت اركض يمة گلبي يدك بسرعة شنو هذا الثول الصابني مشة المصعد بينة واني بعدني ماخذة وضعية التمثال..

_موظفة جديدة؟

_ها استاذ شنو؟

حك طرف لحيتة وابتسم رجع كال

_اكيد اول يوم الج دوام

_اي والله استاذ هستوني اجيت اني حتى ماعرف شي هنا

_تتعلمين كلها هيج بالبداية مايحتاج كل هذا التوتر

_صح استاذ بس اني هاي صديقتي ميس العوبة عافتني ولايكول هي الجابتني هنا

برطمت شفتي ودموعي انجمعن بعيني لا نجوم لا فدوة لا تبجين والله لو ميس تعرف بيج هيج مسوية الا تسحلني سحل..

_انتي صديقة ميس؟

_اي ميس الجلبة حتى الجلب احسن منها على الاقل وفي بعدنا بسم الله وعافتني وحدي

_ميخالف تتعودين

انفتح المصعد مد ايدة ياشرلي على الخروجية

_السيدات اولاً

_منو كال؟ لا السيدين اولاً انزل استاذ انزل مايصير انت صعدت بالبداية تنزل اول واحد

_السيدين neas

ابتسم وطلع كدامي السيدين شنو السيدين هاي اني شكلتت يبووو عليج نجوم شبيج حتى حجي ماتعرفين تحجين  بقيت بالمصعد حاشرة روحي بالزاوية رجعلي كال :-انزلي بابا راح ينزل

توسعت عيوني بخوف  ونزلت بسرعة شبية اليوم ااااني  !؟ مشة كدامي واني امشي وراة على كيف التفت علية ابتسمت بتوتر واحس وجهي نار كال ..

_وين كلولج ترحين

_لاستاذ فقار كلولي هو يدربج راح تشتغلين وياة حباب دليني بية

ابتسم وكال

_امشي وياي

هزيت راسي امشي وراة خفف خطواتة صرت بصفة كال  :_لاتمشين وراي امشي بصفي

_ليش استاذ ؟

_ممكن ان نصير اصدقاء

بادلتة الابتسامة ومشيت وياة لاكوة ثنين شباب سلمو علية رد عليهم  ..

_خفة هالوجوة بس المشاكل من وراكم

_هاااي شبيك حبيبي الغالي

باوعت بوجوهم وانبهتت ملامحي وهما كذلك انصدمو بشوفتي مثل ما اني انصدمت بشوفتهم

_قبس: اااانتي؟

_اانتم؟ 

_سمار : انلاصتتتت يالكعبة

قاطعنا الاستاذ يسالهم ويباوعلي

_منين تعرفونها؟

صارو واحد يباوع بوجهة الثاني حايرين شيكولون سكتو يفكرون بجذبة واني خازرتهم باوع بوجهي الاستاذ يريد جواب راساً كتلة واني اشر عليهم ..

_خطفوني ذولة استاذ عصابات شيسوون هنا

علامات الصدمة والاستفهام تضاعفت على وجهة صاح

_شنوووو ولكممم

_ سمار: بس خل افهمك كول يا الله

_سمار  انجب انتتت امشوو كدااامي للغرفة

الموظفين مرو  يباوعون علينة والاستاذ تغير شكلة من الطافة للعصبية ولايكول هو نفسة ذاك اللطيف مشو كدامة للغرفة يحجون بينهم وقبس يخزر بية كبور حتى كبور لهيج عيون عيبت علية بوجهي وهو صاح بية..

_قبس: هااااا

_نجمة: هااااااا

_سمار: ولك انجب شبيك ماتشوف ملك الموت محاوطنة

دخلنا كلنة لغرفة الاستاذ واني اطكطك من الخوف تلث رياجيل واني وياهم وحدنا هو اني هيج ارجف الاستاذ زين حباب بس هذا قبس وسنار يعععع شلون ثنين كتف الاستاذ ادية منطي ظهرة للباب واحنا كدامة نتر بيهم..

_احجووو يلة نسمع شنو خطفتو البنية

_سمار: اني احجيلك السالفة

_انت انجب الشفية يحجي

_قبس: وهو شكوو حتى احجي شنوو صاااير سالفة وفضت كلها سوء فهم

_نجمة: استاذ جذابين والله خطفوني بسيارتهم حتى جنت جاية من الدوام خنكوني خنك ردت اموت بيد هذا قبس الاشكر

خزرني بعيونة يمة يخووف والله نظرتة حااادة ترعب سكتت والاستاذ خزرهم يكلي كملي

_نجمة: اي استاذ والله اني ماعرفهم بس هما علمود الفلوس عليك الله استاذ اكو واحد صاحي ينسة بالسيارة جنطة دولارات فلوس؟

_سمار: شعجب ماكلتي الاثول

_نجمة: نفس الشي يبقة اثوول

_قبس: ووولججج شلووون اعلگج باب الشررركة

صاح بية الاستاذ خازرة سكت ولا صوت مبين يخاف منه وحتى اني خفت منة مسح وجهة وحجة بصوت هادئ يسالني..

_خو ما سوولج شي؟

_خنكوني و.....

_سمار: اني مالي غرض هذا قبس خنكج حتى تذكرين اني مقبلت ورزلتة ها؟

_اي صح استاذ هذا حباب لو ماهو جان قبس كتلني

_قبس: سفاااح قبسس يكتل بالرايح والجاي اااخ منج اااخ

_الاستاذ: انجب خليها تكمل

_سمار: يابة سوء فهم هو عاف الجنطة بالباص لان جماعة الكلب ملاحگينة فاظطر يعوفها وينزل حتى اذا انلزم الفلوس مو عندة  وهي ماخذتها عبالها ناسيها نزل هو وضيعهم منه  الحلوة ضالة واكفة بالشارع عبالها يجي وياخذها بس جماعة الكلب شافوها وعرفو الجنطة لكفوها منها وقبس عبالة وياهم لو هي منطيتها الهم وبس تاكدت من السالفة عفنة البنية اني بالاساس ماردت ناخذها المهم هاي السالفة من الالف للياء يلة ابو الشباب خلينة نولي ورانا اشغال

_الاستاذ: وراكم انعال

_اسمر: همزين محد ورانا

_الاستاذ: اني اعتذر نيابة عنهم

_لا عادي استاذ مايحتاج

خزرني قبس وطلع هو وسمار بقة بس الاستاذ اندار  كعد بمكتبة يتأفاف واني بقيت على وكفتي..

_نجمة: استاذ مو كلت اني اخذج لاستاذ فقار

ابتسم واشرلي على العلامة الكزاز على الميز مخليها مكتوب بخط واضح" مدير القسم فقار الليث "

توسعت عيوني وكبرت ابتسامي كلت بفرحة ..

_نجمة: هاااي انتت الاستااااذ ياااا شووف شلوون

_فقار: شفتي

_ليش ماكلتي انت نفسك الاستاذ فقار

_مفاجأة

_ههههه حلو هاي استاذ صدك فاجأتني هههه

_ماعرفتينة؟

_نجوم

_تشرفنا نجوم

_لا لاا نجمة مو نجووم اسمي

_ان كنتِ نجمة واحدة فالسماء ما اجملها  ببساطتها وان كنتِ نجوم فلا يوجد اجمل  من السماء بزينتها

  تفضلي بكل الاحوال النجوم تزين المكان

اشرلي على الكراسي كعدت مخلية جنطتي بحظني فد متوترررة احس وجهي نااار صاير جاب علبة ضيافة  مخليها كدامة قدمها الي فتحها ابتسمت منذهلة من منظر الشكولاتة يجننن..

_ااالله شنو هاي استاذ فدوووة تخبببل تخبببل

_تفضلي

اخذت وحدة خليتها بيدي اباوعلها مغلفة وبيها فيكونة شكلها يخليك تكزكز عليها...

_فقار: اكليها لاتبقين تباوعين عليها

_لا بعدين مو هسة استحي

_لا تستحين عادي باجر عكبة تطلعين وي رجال اعمال تكعدون على نفس طاولة الاكل عادي

_يممة استحي

ضحك يعكمش عيونة خليتها بيدي بعد مالح جاب لابتوب وبطل مي وعصير من البراد خلاهن كدامي وصار يشرحلي الشغل بكل رسمية وهدوء الشي الما افتهمة يعيدة الي مرة ومرتين وتلاثة الى ان افهمة دفتري بيدي وكلشي يحجية اكتبة وراة سد الحاسبة ورجع ركبتة ليورة  ..

_نجمة: اكول استاذ ليش ماكو طلاب

_فقار: منو كال احنا ندرب طلاب؟

_هاا يعني ماتدربون

_لا بس انتو

_ليش

_حالات نادرة

_قصدك واسطات قوية

هز راسة يأيدني كمت من مكاني احس تكسرت اجت بنية اخذتني وياها تخليني اطبق الشرحة الاستاذ..

_شنو اسمج يحلوة

_نجوم اقصد نجمة نجمة

_فدوه ضاوية اسم على مسمى اني اسمي روان

_حبيبتي عاشت الاسامي تشرفت بمعرفتج

رحت وياها لمكتبهن جانن اربع بنات كل وحدة بـ  مكتبها سلمت عليهن وروان عرفتهن علية وعرفتني عليهن "دنيا،مارينا،غادة،طيبة" بقيت ساكتة وهنا يسالن..

_موظفة جديدة؟

_روان: لا جاية تدرب

_قصدج تتدرب وتتعيين

سكتت روان ما جاوبتها وسحبتني وياها تعلمني كل ما ارفع راسي اشوفهن يخزرن بية ويضحكن لو يحجن باللغاز ماهتميت الهن لان شغلي مو وياهن بقيت وي روان انصاع لتعليماتها من طبقت كلشي  كتبت ملاحظات بالدفتر كالت خلي استاذ فقار يقراهن..

طلعت لغرفة استاذ فقار بس تيهتها خرب بالحظ انوب كل البيبان نفس اللون حسبت من واحد للعشرة والباب الصارت علية العشرة رحتلة لان مامعقولة كل الغرف ادك بوبها واشوف بيها استاذ فقار لو لا..

دكيت الباب ودخلت مالكيت احد دخلت ادور بعيوني وين راح هذا شو هاي الغرفة تختلف لو شلون..

_يممممممممااااااا

_قبس: وسم

كلبي يدك بقوووة همزين مامتت من الخرعة طلع كدامي فجاة الله ياخذة طلع روحي..

_شتسوين هنا

_اجيت لغرفة استاذ فقار

_احسبي حسابج يومين ماتبقين بالشركة مطرودة

_مو هي شركة الخلفوك حتى تطردني منها

_بالضبط شركة الخلفوني هاي واستاذ فقار اخوي واني من الله ما ارتاحلج وشوفتج تكأبني واني رجال ماحب الكأبه فاسويلج باي

_كبرر حتى كبر اليكبرك ماعندك حيا حظوري

عبرتة وكلت هالكلام صاح وراي: ام السان اني اعلمج انتييي مطرودة منااا  قليلة الادب

_اذا اني قليلة الادب انت مامر عليك مصطلح الادب ولا تعرفة

طلعت من الغرفة اركض شفت استاذ فقار يدخل لغرفتة ركضت ادخل وراة..

_شبيج نجوم

حجيت واني الهث

_استاذ تيهت غرفتك ودخلت لغرفة قبز مدري شسمة

استاذ طردني من الشركه ترضاها؟ يكلي هاي شركة الخلفوني وانتي مطرودة وهاي اني مامسويتلة شي والله

_فقار: يولي لاتحجين وياه ماعندة اسلوب

_استاذ هذا قليل ادب ويتجاوز

_اني احاجية لا تهتمين 

_اي عفية استاذ بس انت حباب

انطيتة الدفتر قرا الملاحظات وابتسم

_جيد نجوم

_اي استاذ استاذ

_ها بابا

رفع عيونة بوجهي واني اشرت على العلبة اكلة

_استاذ عادي اخذ وحدة ثانيية لابن اختي ذيج نسيتها واكلتها عود بقيتها الة

_كدامج هي وصاحبها

_تسلم استاذ

اخذت وحدة خرب روحج نجوم شبسرعة شمرتي ميانة وي الرجال كبر حتى كبر هسة يكول هاي ملطلطة ماماكلة شكولاتة ولا مرة امداني افشل والله ..

_اخذي نجوم بعد

_ها يعني عادي مو عيب

_لا مو عيب

_هاي وحدة لاموري وحدة لنيزك وحدة لشهب كواكب من تجي اخذلها وحدة شكراً استاذ والله انت حباب

ابتسم يعض بشفتة سويتلة باي بيدي وطلعت اخليهن بجنطتي مشيت بنفس الاتجاة الاجيت منه بوجهي صار المصعد دست الزر وكفت انتظر شوكت يفتح  ..

_مو خوش صدفة جانت

التفتت على مصدر الصوت رفعت حاجبي وهو وكف بصفي على وجهة ابتسامة..

_سمار: اسف نجوم اعرف الصار مو حلو بحق بنية بس بعد صار

_نجمة: شعجب تعترف بالخطا؟ وتعتذر هم  !

_سمار:سمار ملك الجمال  يترجة تسامحينة

طبك ادية سوى وخلاهن كدام وجهة ابتسمت وهو كال بتوسل كاذب

_سلطان: كرمال الغدير سامحيني

_يلا لاتبجي مسامحتك بس صدك شكلك اتابع هنود؟

_انتي صدك تحجين؟ اكو واحد يتابع هنود

_اي هاي نسوان عمي افنان وصبيحة يتابعن بكل وقت حتى من ياخذون بركات من البقرة و..

كطعت كلامي من حسيت على نفسي شنو جاي احجي واخربط واخيط ااااني راح احجي قصة حياتنا اله همزين انفتح المصعد دخلت كبل وهو هم دخل  . 

_ماكملتي سالفتج وصلتي لحد البقرة

_هيج بعد لاتحاجيني

_ممكن اعرف ليش؟

_لان بسرعة احجي كلشي حتى قصة حياتي

_حلووو جوي واجوائي

سكتت انزل راسي وما ارد علية مبين هذا يحب السوالف وروحة مرحة احسن من قبز المقبز ووويع عاكد حاجبة محد عاجبة الاجرب  .

انفتح المصعد وطلعت امشي بسرعة ذبيت نفس عالي وركضت من شفتها بس شافتني كامت تلطم بالسكتة وتصيح بخفوت..

_ميس: ووولج اثگلي اثگلي الثكل حلووو

_اووي هسة شنو سويت

_هااي مشية نجوم هاي مشية عود هاي علمتج على الاتكيت لو مامعلمتج شلون؟

_خاب دطيري انتي والاتمتيك والهيك

_اتكيييت اتكيييت

_هلااا بالحتيتتت

التفتنا ثنينا نشوف سمار واكف ورانا گلبت عيونها ميس وكالت برود:-هلا

_سمار: اشكول شكول فوك ما اسلم عليج هسة

_ميس: ما عاتبة عليك وحتى سلامك ما اريدة

_سمار : دولي هسة على جمالج دباعي الگمر الوياج  واتعلمي منه

گلب عيونة وراح

_اكلج وين تعرفينة هذا؟

_ميس: اعرفهم كلهم كتلج اني جاية هنا هواي

_اي بس هو حباب ليش هيج وياة

_ما اطيقة وانتي هم لاتختلطين وتتعمقين وياهم شلون طلاب قسمنا هيج عامليهم

_هو اني فترة واروح شعندي وياهم قابل

سحبتني من ايدي واخذتني للكافتريا كالبة وجههة ماعاجبها شي تمشي وتذمر بينها وبين نفسها  ..

_نجمة: هسة احجي بصوت خل اسمع وياج

_ميس: امشي وابقي ساكتة ترة روحي بخشمي واصلة

_هسه انتي وين ماخذتنا

_نتسمم ماتشوفينها كافتريا

كعدنا على الطاولة اباوعلها تكلب بالمنيو درت عيوني اباوع بالكافتريا وابتسمت لا ارادي من شفت استاذ فقار دخل وياة شخص واضح من مستواة طويل جسمة رياضي متوازن بشرتة قمحية مايلة للابيض عيونة ملونة  اصغر من استاذ فقار  بالعمر يسولفون مندمجين سوى من انتبهلي استاذ فقار ابتسملي  راساً درت وجهي عنة وهما كعدو بصف طاولتنة كلش لان الباقيات مليانة..

_ماصار اكل هسة اطلبي اي شي حتى لو فلافل

_ميس: فلافل نجوم فلافل  !! ولج هذا الاستايل كلة ناكل فلافل  ! بشركة احنة ترة وشركة اهلية  !

_عود انتي مثقفة؟ هو اكل شعلية بالاستايل ديلا خل ناكل هوى على هاي سالفتج

_طلبت طلبت لا تفضحينا ام بطن

بقينة ننتظر الاكل وميس عدلت شعرها وكامت كالت

_هسة اجي بس اسلم

عبرتني وراحت للطاولة البصفنة البيها استاذ فقار والوياة سلمت عليهم مبين تعرفهم ثنينهم تبادلو الحديث واني باقية بمكاني مخلية ايدي على خدي انتظرها شوكت تخلص عود هاي بدايتها ولعبت روحي شلون لو تعينت ملل تعب الجو مدري شلونة الموضفين مدري شلونهم اني مدري شلوني  .

_تف لاهلا ولا مرحبا

اجت كعدت بمكانها عابسة ملامحها

_هم اجة لاهلا

_منو؟

التفتتت اشوف سمار اجة وكعد وياهم عرفت هسة ليش ضاجت الانسة   ..

_ترة حباب هذا الغثة الحقيقي

_قبس؟

_اي قبز عيييع

_انجبي لاتحجين علية

_شنو محامية الدافع عنة بكيفي احجي علية

_اممم

_ترة هو الخطفني؟ شفتة وانصدمت

_اكو سبب هما مو عصابة

_اي عرفت السبب

_عوفج منهم يغثون غث شايف نفسة شوفة

_نجمة: صح مغرور كلشش وحموضة

_اتفق وبشدة

وصل الاكل وبلشنا ناكل ميس ساكتة بس عيونها عليهم ابد ما نزلتها  ..

_اكلج ميوسة هما شنو اصدقاء ذولة

_لا قبس وفقار اخوان وهذا الحلو ابن عمهم اجة جديد

_وسمار صديق قبس

_امم

سكتت واني نسيتها ونسيت كلشي بقيت اكل متت جوع من الركضة خلصت اكلي وسحبت ماعون ميس

_نجمة: انتي مسوية رجيم ماتاكلين مو

_مو بالعافية حبي

_دجيبي خل الرجيم يفيدج

_سمار: ابن الحاااتة راح تشتغل وياااانة ولكم ما اصدكككك

_قبس: انلاصت معقدين ثنين بدل الواحد

_فقار: تقصد ملتزمين

_قبس: لا هيج هوواي والله احتاج صاحبك ينفه عنا شوية

_سمار: ياااا بووية صااحب الصاااك رراح يجينااا ولكمم هلاااا قبس اعذرني راح ابدلك بية

_قبس: حتى اشگك شگ بس تمشي وياة

_سمار: شگني قااابل اححح تحمست احتاج كاس نبيذ

_قبس: يقصد عصير القرنابيط

_نجمة: شبعت راح اغسل واجي

_ميس: روحي

رحت للحمامات وذولة صوتهم عالي خاصة قبس وسمار اما ذولاك عكسهم هادئين واصواتهم ناصية  دخلت غسلت وعدلت شعري لفيت حجابي من جديد وطلعت لكيت ميس كاعدة بصفها روان تحجي وياها والبنات اجن كعدن بطاولتنا كامت ميس واخذت جنطتها بيدها عافتهن وراها واشرتلي بيدها نطلع طلعت امشي وراها ما افتهمت منها اي شي بقت ضايجة طول الطريق وكل مرة اسالها تجاوبني  ...

_ميس: مايسوى نجوم مايسوى شي

_هو شنو المايسوى

_محد يسوى وكلشي مايسوى

_ديلا بلة هسة شفتهمت منج

_لا تفتهمين احسلج

_شلون دخلتي تخبلين وفرحانة طلعتي ماتتحاجين

_احتركت روح البالي

_يروحلج فدوة

_هو والوياة الحموضة ولد الحموضة

_الغثة ولد الغثة

_الوصخ الخايس

_الريحتة تخنك خنك

_تموت العدل وتعدل الميت

_دكااااااافي يبوووووو

_سودة بوجهة وبجهة الوياة

_امين

نزلت اضحك على سوالفها كل ماتضوج تنعل البالها الف لعنة هو والوياة الحموضة الغثة الوصخ الوووو

يمة لو تحجي علية بعد ماتسكت  ..

باوعت لملابسي مابيهن شي ما اعتقد راح ينتبهون الي ويمكن ينتبهون بس عادي يعرفون من ميس انفتح قيطان حذاتي هاي من نزعت الكعب لبستة بسرعة وشديت القيطاان شلون ماكان  ..

وصلت البيت ولكيتها عالكة افنان وي صبيحة اول ما دخلت راحت افنان لبناتها وصبيحة بقت تشيل روحها وتركعها دخلت بسرعة بدلت وسالت شهب على نيزك..

_اكلج وين نيزك

_ابنها مريض وراحت لكواكب

دارت وجههة عني تباوع تلفزيون هزيت راسي و استلمت الببت تنظيف لو اني لو يبقة يخيس ذني ملتهيات بس بالمشاكل وحتى لو ماكو شي مستحيل يتعبن رواحتهن تففف حتى تففف عليهن  ..

اجتني صبيحة لابسة عباتها تريد تطلع

صبيحة: اني رايحة اخذ مينا للدكتورة عينج على البيت ولو هو مابقت بية غير دباب الغاز فلوسنا راحت عساها بحضج وبختج افنان كون يا حرامية

اني ادري شمسوية لرجلي وخلتة سكت

اخذت مينا وطلعت تحجي على افنان وتسب بيها بقيت مذهولة شلون جانن كله عمري وحبيتي وشلون صارن وحدة تدعي على الثانية معقولة هاي الفلوس هيج تخرب  ! صح الخسارة جبيرة ولحد الان ماعرفو منو اخذهن واحد يشك بالثاني ديلة احسن من يتصاحبون  .

مهدود حيلي ورجلية مكسرة من ورة الكعب وانظف طاح حظي عفت البيدي وركضت بكل حيلي من سمعت صوت شهب تصرخ وكف الدم بعروكي من شفت سراج بغرفتها وهي لازكة روحها بالزاوية تبجي وتصرخ مرعوبة انسطر راسي ورجعت بذاكرتي لذاك اليوم نفس الشي هم بس اني وهم سراج اجة يتحرش بيها واني جنت مصدومة ماعرف اتصرف بس اباوع بعيوني والله من الخوف ماعرفت اسوي شي وهي جانت تصيحلي اساعدها بس ماساعدتها

ماساعدت اختي وهي باقصى حالات خوفها بقيت اتفرج عليها الا ان طلعتني من كلبها وعبالها اني ما اريدها  .

لولا كواكب وتدخلها السريع بذاك اليوم شهب مو بخير خسرنا اختنا لوما كواكب بس هسة كواكب ماكو بس انتي يانجمة صيري كواكب اليوم  ..

_شهب: فدوووة سرااااج عوووفني عوووفني الله يخليييك

_سراج: الله لايخليني من عايف هذا الجمال

_شهب: ووووولج يمااااااااااا

صرخت صرخة من اعماق كلبها مخلية اديها على اذاناتها ركضت للكراج گلبي يدك بقوة  سحبت من الحديقة بوري حديد ورجعت صارت بوجهي مرتة نور صحت بيها

_ووولج رررجلج رجلججج يم اختتتتي امشيييي صيحييي بية

فتحت عيوني مصدومة من ردها

_نور: خلية ياخذ اليريدة منها بلكت تحبل لو يزوجونها اله حتى تخلفلة لان اني ما اخلف واريد جهال

_لججججج انتييي شتحجييييين  !!!

دفعتها اركض وهي سحبتني قيدتني هي ضخمة وقوية  ..

_نور: عوووفيهاا عوفيهااا هي اصلااا ماتريدددج ماتحببج ولج

_لجججج اني مووو شهببب حتى اتاثرررر بكلامجن وخليتنها تكرهنيييي

فلتتت روحي منها ودفعتها على الدرج صرخت بالم وايدها صارت جواها ركضت والبوري بيدي دخلت اركض لكيتة كدامها مباشراً ينزع بقميصة بلا وعي ضربتة على راسة من وره صاح بالم والتفتت سطرني براجدي فرني فر كمت والدوخة بيه  صحت بيه ...

_لككككك حيووووان عوووفهااااا

خلة ايدة على راسة والدم ترسها شهب شردت وهو ركض وراها سحبها بيدة وهي ترافس سحبت البوري مرة ثانية وداس على ايدي برحلة صحت بصوت عالي من الالم ورجع مرة ثانية داس عليها اجت نور صاح بيها

_تعاااي اخذيهاااا خل اشوووف شغليييي

اجت حادة سنونها وهو عتني من شعري شمرني عليها تسحل بيه تخبلت انجنيت ذولة على شنو متفقين وشلون يفكرون اكو وحدة هي تسوي وي زوجها وين وصلو للحقارة والدنائة تايد رجلها يعتدي بنية حتى تجيبلها اطفال وووووين صايرة هاي وين  !

بقيت اصارع وياها فحطتني جانت اكو دولكة مي على الميز سحبتها وردت اركعها براسها ماحس الا هو سحبها من ايدي وركعها براسي حسيت روحي راحت مني صرخت بالم وشهب تصرخ متخبلة سحلتني نور سحل وشمرتني برا بعد ماكدرت اقاومها طاقتي خلصت والدم غطا وجهي راسي صرت ماحس بيه من االالم خدر واحس بوشوشة بيه لزمتة بيدي والدم ينزل نور اختفت من كدامي من تذكرت شهب وشنو ناوين الها  كمت بية مابية واسمع الباب يندك رحت امشي واتمايل بمشيتي فتحت عيوني كوة ونيزك وكواكب كدامي ظهرن همست  ..

_شهب الحكلها الحكلها

باوعلي بصدمة وخوف راساً طلعت كواكب سجينتها من بطنها وراحت تركض نيزك انتهت تلطم وابنها تخبل يصرخ من شاف شكلي  حجيت بصعوبة

_مابية شي اني

_نيزك: يمةةةةةةة رررراح تموتين يا نااااااااس ياااااااا عااااالم الحكولنااااااا اخوووواتي رااااااحن

ماااتتت نجمةةةة الحگولهاااا

الباب مفتوح وهي تركض وتصرخ بعلو صوتها تحشم بالناس اني واكعة بالكاع وعيوني غوشت اموري متخبل يركض ورة امة وهي صوتها لم المنطقة تخبلت عقل ماضل براسها اجت شهب تركض شعرها مفتوح تبجي تلطم تصيح متخبلة  ..

_شهب: كتلته كوووووواكب ماااااات سرررراج هووو ونورررررر كتلتهممممم

نسيت روحي ونسيت راسي والطاقة مدري منين اجتني كمت اركض جوة واشوف كواكب لازمة نور وتركع راسها بالحايط هي تصرخ ونور تصرخ من الالم

خلت دمها بطولها عيني صارت على سراج بطنة تنزف داجته بطنة وضهرة من الطول للطول مشكوك وينزف صار يتكلب بالكاع وجسمة دم عبارة عن دم كواكب بيدها السجينة كلها دم هي وايدها تخبلت كواكب وفقدت عقلها تصرخ بخبال..

_كواكب: تااااااذوووون اخوووواتي واخليكممممم سالميييين ووووولج اموووووتج اموووووتج

رادت تخلي السجينة بطن نور واني صرخت اسحبها من ايدها  ..

_لاااااااا كوووواكبببببب لاااااا فدوووووة لاااااااااا

_كواكب: لججججج نجممممة رررادوووو يسوووون بيجننننن كااااارثة

اجو الجوارين التمو على سراج وهو يلقط انفاسة الاخيرة صدرة يصعد وينزل كلبي وكف والله وكف من الخوف دخلت نيزك ملخة نفسها تملخ وهي شافت المنظر لو تخبلت سحبت كواكب تدفع بيها وتصرخ..

_نيزك: اشررردي اشرررردي رررراح تجييي الشرررطة تااااخذج اشرررردي

_كواكب: خللل اكتلهمممم كلهممم نيززك واحد واحد اكتلهم نحررر انحررهم حتى تخلصن واني اعيش بالسجن متطمنة عليجننن عوووووفينييييي هيييي مووووتة مووووتة

تسحب بروحها تريد ترجع لنور ونيزك تخبلت ذرة عقل مابقت براسها وجههة صار دم وتصررخ صررريخ مفجوعة تخاف على كواكب تاخذها الشرطة اختفن من كدامي ثنينهن واني بعد كعدت على صفحة وغمضت عيوني اسمع الناس تصايح   ..

✧♢♢✧

_نيزك: ولج كواكب لاتخبلييييني امشي لاتراويني شكلج بعد ماااات الولد ماااات ررروحي لا تخبليني

دفعتها بكل قوتي وكعت بالكاع الطم على رجلية واصرخ  ...

_ررررروحي ولجججج رررروحي خابروووو الشررررطة ررروحييي مناااااا

_كواكب: رايحة بس لاتتتتخبلييييين شوووفي اخواتج وابنننننج

سويتلها بيدي روحي وهي راحت تركض كمت امشي واتعثر بعباتي اكوم واطيح احس روحي راحت صعدت كدام عيني من اجت الشرطة تخبلت منظر نجوم والشفتة مايطلع من راسي كارثة والله كااااارثة

صاارت ادور بنص الهوسة عليهن اخواتي ماكو وابني بس الناس الغربة والشرطة وكعت بالكاع بعد رجلية ما تحملني ولا عقلي يستوعب شي لطمت لطمت تخبلت اريد اخواتي وينهن تطشررن  .

كومتني مرة جارتنا واني اصيح على اخواتي

_ياااا عليييي اخوووواتي يااااا عليييييي استرررهن يلعباااااس افزعلناااااا ماتتتت اختيييي مااااتتتت

الطم وابجي روح ماضلت بية نجمة ماتتت نجمة دمها بطولها اختي راحت كواكب للسجن كتلته موتتة راحن اخواتي والنسوان لازماتني يصيحن بية

_اخذوهن للمستشفى خااالة هسة يجن

اجة ابني ميت ميت خوف يصرخ صريخ تخبل اخذتة لحضني ضميتة لكلبي وابجي بصوت عالي

الشرطة تستفسر من الجيران وصبيحة اجت تخبلت من شافت الوضع هي عرفت وهي تخبلت تخبلت صارت تملخ بروحها طلعت تلحكهم للمستشفى والشرطة لحكتهم ونصهم بقو بالبيت هناك بالغرفة

بقيت على كعدتي منتهية وعيوني نار نار مو ابجي دمع لا دم والله دم احنا شسوينا بدنيانا وكل هاي الاذية ماخذين منطين دموعي تجري واصيح

_ليش ربي ليش هيج ويانا شسوينا احنا وياك شسوينا اهلنا شسوووو والله ناس فقرة وماكو اطيب منهم اخذتهم لرحمتك وعفتنا ليش ليش احنا شمسوين

جارتنا تصبر بية واني حتى ماكدرت اتحرك من مكاني حيلي راح حيلي انتهيت دخل يوسف يركض مبين مخبرينة بالصار اخذت ابني وطلعت بالشارع اشوف اختي ماتت والله والله احركهن كلهم بس لو صار بيها شي لاكتني افنان ويوسف يصيح بية

_لججج ادخلييي ادخلييي جوووة

ما رديت علية صوتي اختفى اجة يسحب بية دخلني للبيت كعدت بالكاع بس دموعي تجري على خدي كمت ماعرف شنو اسوي ناس تجي وناس تروح صريخ وهوسة واني حاضنة ابني وعلى كعدتي بقيت

طفر ابني من حظني وطفرت وراة اشوف شهب تمشي بنجمة لافين راسها وايدها مكسورة صابينها وشهب مخلية شال على راسها وشعرها طالع اما نجوم منتهية نجوم لطمت على رجلية اصرخ بحركة وشهب اجت تحضن بية وتجرف ررجيف  .

_اااخ بوووية تعال شوف بناتك شصار بيهن ولج يمة يالحنينة شوفي شسو بينة صفينة بلا والي ياهو اليجو يتمادى علينة

_نجمة: كوومن ادخلن جوة كومن شهب كومي نيزك من الطريق

سحبتني شهب ونجمة لازمة ابني دخلنا غرفتنا لو شهب تسودنت تسودنت كعدت بالكاع تصرخ وتبجي اني ونجوم نسكت بيها ماكو تخبلت عساها بحضهم وبختهم ريتهم ما يتهنون على هذا العذاب والخوف الخلوها تعيشة  ..

صوت افنان تلعلع علينة وتغلط فوك ضيمنا واخواتي منا منتهيات لا والله ولا اسكت طفرت عليها اصيح بصوت عالي وهي ركضت لغرفتها واني وراها  ..

_نيزك: لجججج افنان موتتتج على ايدييييي الا اطلع ضيمنا بيج نور هاي نور ماتوصل للراح اسوية بيج

_افنان: ولكممممم يبووووو يا ناااااس ياعاااالم الحكووولي راح تموووتني

دخلت غرفتها وسدت الباب واني ادفع بية متخبلة ما تطفى نار كلبي الا اربيها اجة يوسف يصيح بيها ويسحبني للغرفة واني ملختة  تملخ ..

_نيزك: اااااالله ياااااخذكم حيوووانات حتى الحيواناااات ماتسوي سوايتكممم هاااي

_يوسف: دكاااااااافي

صاح ودفعني بقوة والباب قفلة من ورة كمت من الكاع لازمة راسي بثنين ادية واصيح باخواتي

_لا تبجننن اسكتتن اسكتتتن بس تعالن الي تعالن

كعدت على القنفة وهنا حاوطني وابني بحضني كوة هديت من نفسي وضبطت اعصابي امسح على راس شهب واردد:-هنا يلعباس هنا فزعتك يبو النوماس

_نجمة زينة انتي راسج يوجعج

_نجمة: ضربوني ابرة اريد انام تعبت

هزيت راسي وكمت فرشت فراش بالكاع مددتها وغطيتها وشهب اجت حضنتها وخلت راسها بصدرها تكلها..

_شهب: اسفة نجمة كل الصار بيج اني سببة جنت اضنج مثل مايكولن عليج بس اثبتي العكس عكس ذاك اليوم

_نجمة: والله والله ذاك اليوم ماعرفت اسوي شي بس مايتكرر الصار مرتين شهبة انتي روحي والله

_شهب: يا روحي نجوم

حضنتها تبوس بيها واني امسح بعيوني ابني نام بنصهم غطيتهم وداخلي يفور نار يفوور اباوعلهن نامن اخذت عباتي لبستها وطلعت برا بعد ماكدر اتحمل اريد اعرف الصار وياهم كواكب وين راحت

كلبي راح يوكف  ..

طلعت بالصالة والنسوان تروش لغرفة افنان شافني وكالن  ..

_يا خطية اختج هسة شلونها

سكتت اباوعلهن اريد اكلهن ردت وحدة بيهن

_انطنها مسكن لو اخذنها للدكتورة ترى هذا اغ*اب

مو شوية

فتحت عيوني بصدمة وانهديت عليها

_نيزك: لجججج انتييي شكااااعد تلغيييين

_هسة فوك ما انصحج ونكول خطية صدك انتن ماتستحن

_لج انتن الما تستحن شوفن شوفن.. سمعتن بالصار ها مو.؟

تقربت عليهن وهنا خافن صرت بوجهن وكلت بحركة

_نكتل ونصلخ ونفلش اكبر راس اليندك بينة ندوسة برجلينة وانتن سمعتن شسوت كواكب خلتهم بين الحياة والموت دچجتة ادچج هو ومرتة وهسة نايمين بالمستشفى فلو جبتن طارينا نسحل بيجن الكاع واحنا بنات جبار

حرف حرف هذا الحرف ما نطقن انسحبن خانسات والله لو رادت بوجهي جان ملختهن وطلعت حركتي وخبالي عليهن بس سترن على انفسهن  .

طلعت وصار بوجهي زلم تارسة الكراج رجعت وكعدت بالصالة مو مال اطلع وانسحل خل احفظ طاقتي افنان ساكتة ماحجت شي لان تخاف من خبالي تعرف شلون تبرد كلبها بيه تحيل عمي وتسوي سالفة هنا تفرح وتاخذ بثارها  ..

ضليت اكل بروحي وهي طلعت خزرتها بقوة صاحت

_افنان: لاتضلين تخوزرين هيييج

_افنان اسكتي افنان اموتج والخلق الحق

_هسة دعوفي افنان والتهي بروحج شوفي مصيبتجن

_عساها بحضجن وبختجن

_بس لاتردين تشركيني بكلشي بيها عليها اني

_كونج مو بيها ولا عليها اسكتي

_اي اكول اختج شلونها خو ما متاذاية

_لججج افنان افنااااان لاتحجين هيييج وتعرفين شهب مابيها شي هالمكبسل قبل لا يسوي شي انسحل باقسى الطرق بنية بنية وصلتة الموت مدري هسة عايش لو مات

_اي وراح تدخل سجن شنو عبالج تصول وتجول براحتها بت الشوارع مثل قبل بعد ماتشوف غير الحيطان

_ووولجججج افناااااان اسكتتتتي لا اكووووم امووووتج

دخلت جوة وبعد ماطلعت ضليت بناري اختي انسجنت الشرطة تدور عليها هسة كمت من مكاني، راح اموت بعد ماكدر اتحمل شفت يوسف صحتلة كالب وجهة والله مال كواكب تشوف شغلها وي خلقتة السزز..

_شتريدين؟

_شنو صار؟ هذا المكبسل مات عاش هو ومرتة

_هو زين بس مرتة لا

_شبييها هالنذلة

_الراس مكان خطر  وكواكب فلشتة تفلش هسة هي بالعناية المركزة

_تستاهل الس* تستاهل حيل بيهم تروح تخلي رجلها يعتدي على اختي حتى يتزوجها بالغصب لو تحمل لان هي مايصير عدها اطفال تستاهل الموت هي كواكب موتتها لو ما احنا

_ترة سجن تروح وهسة دعوتين عليها دعوة مال سراج ودعوة نور الشرطة تدور عليها يعني انتي تكيفين تدخل سجن  !

_مو كواكب غبية حتى تدخل سجن على سحكات بسيطة هي كالت انحرهم كلهم وادخل سجن حتى تخلصن منهم

_مو صاحيات انتن

_من وراكم ماخليتو عدنا عقول استلمو النتيجة

عافني وطلع واني دخلت بالغرفة بعد ما طلعت نجوم تون سودة علية هم ايدها وهم راسها شربتها مسكن ورجعت نامت بقت بس شهب كاعدة صافنة بالفضاء

_لاتصفنين لو تفيد الصفنات جان فادتني

_شهب: الشرطة حققت ويانا

_اي وشكالو

_سالونا على الصار وكلشي سولفنة بالتفصيل الضابط بقى صافن كال شلون عايشات وي ناس لا زلمتهم عندة رجولة ولا نسوانهم عدهن غيرة وشرف

تتوقعين التأيد رجلها على الاعتداء عدها شرف؟

_كلهن ك*  بس لاعبالج اسكت وحقة هو وحقة اذا ما بهذلتهم واطلع القضة والمضى من عيونهم اخذ حق الراح والجاي بس صبر

_اني بعد ماكدر اعيش هنا نيزك

_وين نروح وين منهم

لفت روحها ونامت كمت للمطبخ اسويلهم اكل كتلهم الجوع وايدي ترجف وهذا راسي يريد ينفجر من الصريخ الصرختة اخ يا خوف الخفتة عليهن بس الله اليدري بية هم يجي يوم وانسى لا والله ما انسى شي  .

اخذت العشا الهن كوة ياكلن بس ما خليتهن غصب اكلن وامير وياهن كل شوية يبوس نجمة ويكول

_امير: ااحو ندمة ااحو نانا نانا ندمة

_نيزك: سودة علية اي حبيبي احوو خالة

رجع باسها وهي دنكت علية باستة

_نيزك: شلون صرتي نجوم؟ اخذج للمستشفى؟

_لا مايحتاج مابية شي

سمعت صوت عمي سالم برا طفرت من مكاني وكتلهن:-اقفلن الباب ما تفتحنة خوش

طلعت وشهب قفلتة من جوة طلعت اجت صبيحة وجهة مزلغتة شمرت عباتها واجت علية ركضت للمطبخ فتحت الجرارات وطلعت سجينة خليته بيدي هي بعد ما لحكتني بس بقت تصيح وتدعي بالصالة طلعتلها..

_صبيحة: ولجججن ك* س* شمسويات بابني دمة صفر وبين الحياة والموت

_تنقهرين على ابنج ليش عزيزتي ترة هو عار والعار مايصير بية شي مثل المطي يكوم باجر

_الله لايوفقجن ولجن تشمررن برواحتجن علية وبعدين تستشرفن وتلمن الناااس

_شوف شوف لا لا صبيحة لاتحاولين تحورينها ترة تخرب وتصير مو حلوة يعني مال ابنج مكبسل وبغرفتنا وهم لاعبين بخلقتة وانتي دكولين ذابين رواحتنا هو ابنج مو يكلبة بالاول

رفعت السجينة من رادت تهجم راحت لغرفتها تدعي وتفشر اشكال كامت تحجي هنا بس حجي جيب وحدة تصير كدامي يرجفن رجيف لان يدرن النتيجة شلون  .

اجة عمي سالم خزرني ماحجة شي عبرني يروح صحت وراة..

_شو ساكت ماتحجي شي ابنك يعتدى على بنت اخوك والصار كلة ولا يمك شناوي

_روحي لاخواتج انفضحنا بين الناس بعد شتردين احجي ابني شخليتن بية حكجن اخذتنة شسوي بعد اكثر ذولاك نايمين بالمستشفى

_من افعالهم ولو انت رادة من زمان ماصار الي صار من اول مرة ثاني مرة اجينة وكنالك ماصدكت سمعت ماصدكت هسة ارتاحيت

عافني ومشة بدون مايحجي زاد خوفي وتوتري شنو ناوي ليش بقة ساكت معقولة محظرلة مفاجأة النة لو صدك ماعندة شي يحجية هاي هي صار الي صار

مر اليوم واحنا بانكس حال عيني ماغمضت اسمع نجوم تون واني اموت قهر اموووت منا شهب كلساع تفز وترجع تنام من ادك على ظهرها خبلوهن وبهذلوهن كمت وي صوت الاذان گلبي يفوور عبالك نار مشتعلة بية رحت توضيت وبقيت اسمع صوت الاذان بداخلي عتب جبير اعاتب رب العالمين كل مرة اعاتبة هالمرة اسكت هو يشوف كلشي يحلها ويصفيها لابد يجي يوم وتصفى.

  درت وجهي اريد ادخل شفتة واكف يدخن يباوعلي خزرتة بحقد ورفعت ادية للسمة  نشغت وكلت .

_نيزك: عساها بحضك وبختك كلشي صار وياي اريد رب العالمين ياخذ حقي منك كل دمعة نزلت من عيني بسببك اريدة هو يحاسبك عليها بالدنيا قبل الاخرة روح كون ماتهنيت بشبابك مثل ما اني ماتهنيت وتخبلت بعز شبابي

ذب الجكارة بالكاع داسها كال

_تمنيت تدعيلي بوقت الفجر مو تدعين علية ليش نيزك ليش والله لو منبتة سجينة بگلبي ولا كايلة هالكلام

_لاتخاف هم انبت سجينة بگلبك يجي يومك مو بعيد

_سنيني خلصت واني منتظرج نيزك

_شوف النجم شكد عالي لو تنزلة وتصوغة كلادة الي ما راح اقبل بيك

_بلساني گلتها انتهت والله وياك ..

عسـآني  لٱ گلتها ..

وعسى لساني انشل

_ان شاءالله كلك تنشل

كلتها ودخلت جوة كارهة شوفتة هالنذل العار المامحسوب على الزلم صليت وضليت كاعدة غفيت واني كاعدة افكر بكواكب وشفت امي وابوي كدام عيني باوعتلهم بحقد حاقدة عليهم ليش عافوني والمن  بقيت ساكتة وابوي ابتسم يكلي  ..

_بوية نيزك تهون تهون ديربالج على اخواتج وامانتي مو تنسينها

_راحت امانتك راحت اخذوها من بين ايدي كواكب مو يمي

راحت امي مسافة وجابت طفلة صغيرة لافة راسها باندج خايفة وملابسها قديمة ومتمزقة مسحت على خدها بحنان وباوعتلي  كالت..

_هاي كواكب اختج مو بعيدة عنجن لاتخلنها وحدها

دفعتها علية اجت تمشي وعيونها مليانة دموع وخوف فتحتلها ادية واخذتها بحضني ابتسمو يباوعولي واخر جملة كالها ابوي بقت محفورة براسي حفر كال  ..

_لاترجعين من تشوفين الدرب بية عاگول فوتي بية حتى لو جرح رجليج اكو من يداويهن وتمرين منه تلكينة ورد

_نيزك شبيج

_هااا شبية

كعدت امسح بكصتي العرك ماخذها وجهي حار عدلت كعدتي واخواتي مكابلاتني رفعت عيوني الهن

_اكلجن ليش بالحلم اني زعلانة على اهلي؟ هاي كل مرة اني اباوعلهم بنفس النضرة لييش؟؟

_شهب: اجوج بالحلم

_اي اجوني بس ليش اني زعلانة عليهم

_نجمة: انتي الوحيدة التذكرينهم بكلشي يصير وتذبين الصوج بيهم بكل مرة تكولين "ليش عفتوني ورحتو" تلومينهم وتعاتبينهم على شي مو بيدهم

_صح نجمة مرات احقد عليهم لان عافوني استغفر الله ربي لا حول ولاقوة الابالله

_شهب: كومي غسلي وتعالي تريكي

_نيزك: منو سوت الريوك؟

_شهب: اني ونجمة من شفنا المطبخ فارغ كمنا سوينا بسرعة

كمت اغسل وعمي يحجي وي اهل   نور الضاهر، مايدرون بتهم شمسوية عمي ما خلة عليها لاغلط ولا سب حتى اهلهم سبهم وسب تربيتهم هما مادري شيكللولة وهو تخبل يسب بسراج كام سد الموبايل واني تحركت شعجب وكف ويانة هالمرة شعجب  !

ابنة بالمستشفى وجنتة وما حاجانة يمكن لان هما الغلطانين لحظة يمكن حقة مو يمنة ولا ياخذة منه احنا ياخذة من كواكب لان هي الخلتهم طشار ونومتهم مستشفيات احنة ما سوينة شي صح هسة افتهمت سالفتة  .

غسلت ورجعت صبيحة من الصبح رايحة للمستشفى وافنان سوت الريوك واخذتة الة كعدو يتريكون سوة وما اعرف شنو يحجون من الصبح  ، دخلت تريكنا واني بعالم ثاني كواكب بيها شي ليش امي وابوي ذكروني بيها ودزوها علية؟ معقولة صار بيها شي؟

ماعرف شلون كاعدة وكل هالنار تحرك بية حررگ اريدهم بس يطلعون حتى ادور كواكب واشوفها دخلت افنان بالباب واكفة بقت كالتلي..

_عمج يريدج كومي يالشفية

_خير ياطير

_خير خير

_صح خير ويمكم هم لاهاي هواي هه

عافتني وراحت واني كمت  ..

_شهب: اكلج شنو يريد منج

_اروح واشوف

دخلت للاستقبال كاعد وثاني المخدة جواة خلة الجكارة بالنفاضة وعدلت كعدتة بقيت واكفة فوك راسة كتفت ادية لصدري وكتلة..

_شرايد كول

_اكعدي بالاول وراج طرادة شنو

اشرلي اكعد كعدت لازمة اعصابي كوة اريد اعرف شنو البراسة شنو  ..

_اليوم يخرج سراج من المستشفى وهذا الوضع بعد مايصرف النة انشهرنا وانفضحنا كدام العالم الى متى نبقة هيج عاجبجن الوضع؟ خل نخلي النقاط على الحروف

_بلة خلي خلي بكيفك يلا اسمعك كمل

_بوية نيزك وانتن بناتنا منا وبينا اسمعي ولا تتسرعين انتي العاقلة الجبيرة فهمي اخواتج الراح يصير  ..

اختج شهب صارت عليها سمعة وانتن بعد محد يدك بابجن بعد الصار وهذا سراج مخبل مايشوف غيرها نزوجها اله ونخلص هذا الحل الاول والاخير صح هو متزوج بس مايضر هو يحب اختج ومتخبل عليها

طفرت من مكاني فاتحة عيوني على وسعهن وجسمي كلة صار يرجف..

_نيزك: شكااعد تحجي انت شكاااعد تحجي عقل عقل اكو براسكككككككك

_سالم: تجاوز لا تتجاوزين جاي نحجي بتفاهم

_وووووين الحجييي بالموضوع ووووينة وينننننة لوووو تمووووت مايصيرررر البالككك خووش

_مو بكيفج يعقد عليها بس يصير زين وانتي هم خل يوسف يعقد عليج المن ضالة كاعدة خل الولد يشوف حياتة ميتين عليجن وانتن ماتريدلجن واحد ماصارت هاي المن رايديجن للغريب ياكلجن لحم ويذبجن عظم ليش انتي ما جزتي من الغريب  ؟

ردت احجي الساني انربط من قوة الصدمة ماكدرت بعد احجي شي بس احس نفسي راح انجلط واموت بكاعي محد يلحك علية من افنان كالت  ..

_ما زوجتج اله من شابة لا عبالج وانتي مطلكة تاخذينة لا نيزك اني ردتة ياخذج حتى ما اخليج بنفسة بس يچز منج ازوجة بت بيت وانتي ضلي للخدمة  كلجن تضلن بهذا البيت ماتطلعن منه للموت

حركت رجلية بلا وعي امشي عيوني ما اشوف شي بيهن ولا اسمع شي غير هالكلام يتردد باذني  .

يتبع  🗿

_____________________

توقعاتكم 😔

لاتنسون التصويت

جميلتي 🤍

خفيفة على اللسان ثقيلة في الميزان صلو على محمد وآل محمد 🤍

﷽

#المنجمة

الكاتبة _كفايه

لاتسون متابعة الحساب

تصويت وتعليق بين الفقرات

_________________________

يا علي مدد  .

☆☆

انسحب الظلام واشرقت الشمس دفأ الجو بس ارواحنا باردة طفت المشاعر من قلوبنا وارواحنا المتعبة الهدوء كان سيد المكان بس صوت  قلوبنا  التتراقص بخوف تنسمع  .

اعين مليئة بالدموع تخشى ان تسقط ندم تارة  واصرار على الرحيل تارة اخرى، تنهدت بحزن واني اباوع بوجوهن واقراهن  درت وجهي على الجامة احتار بيمن افكر وبيمن ابدي هواي هنا هواي براسي اريد بس الوقت حتى انبشهم نبش  .

_شوكت نوصل كواكب؟

التفتت على نيزك وهزيت راسي جاوبتها بصوت مبحوح

_بعد شوية

_نيزك: انتي تندلين بيتة؟

_اي اندلة شبيج غير رحتلة مرة حتى يساعدج ولو ماهو انتي ما تطلگتي

بلعت ريكها بخوف وعصرت امير بحضنها تشرد بنظراتها مني عبالها ماحس بخوفها ولا ادري كل ماينجاب موضوع زواجها لو اسم زوجها ترجف خوف لحد الان عواقب الزواج الاجباري مدمر نفسيتها شلون اجازف بيها مرة ثانية  ..!

واخيراً وبعد وقت تعب نفسيتهن وصلنا المنطقة جانت راقية بمعنى الكلمة دليت السايق منين يفوت وصلنا لبيتة واسترجعت ذاكرتي ذاك اليوم الدكيت بابة طالبة مساعدتة وما ردني وخيبني ما انسة وكفتة ويانة للموت ابقة ممتنة اله ودينة برگبتي مستعدة ادفع حياتي ثمن حتى ارجعة هو النقذ نيزك من مستنقع مليان بالوحوش البشرية نهشو لحمها نهش جبيرهم وصغيرهم ماعدهم رحمة ولا حظ ولا بخت لو ما هو جان نيزك مو ويانة  .

دفعت الكروة ونزلت بيدي جنطتي لبستها بظهري واخواتي نزلن نيزك لافة امير بعباتها لف يكول راح يلكفونة منها وتسحب بالبنات عليها نزل السايق غراضنا وراح بقينا بنص الشارع مايتجرأن يتحركن خطوة خايفات يردهن اي خالهن يردهن لان اخوالهم مو كفو واسوء من سالم للاسف، سحبت الجنط كدامهن وكتلهن  ..

_لا تضلن واكفات بالدرب اتحركن

وكفت الجنط يم الباب ودكيت  الجرص مرة مرتين وكفت اباوعلهن  بعد شوية ويبجن والله يرجفن يكول ماخذتهن للكصاب يكصبهن  شكد يخافن هاي احنا بعز النهار شحال اني بنص الليل وافتر بالشوارع  !

رجعت ادك الجرص من جديد شبيهم ذولة نايمين مثل هسة هما يكعدون لان عدهم دوام دكيت الباب بيدي عطرتة تعطر اجن اخواتي تقربن مني  وجوهن تتلاطم كلمة وحدة مني  ويكلبنها مناحة صحت بيهن بحركة   ..

_كواكب: شبيييجن ما تگللي شبيجنننن تتلاطمن بعد بعد ابجن مااااا تبجن

_نيزك: صوتج صوتج العالم نايمة

_كواكب: هم كالت العاااالم هم ولجن اني شعلية بالعالم راح تخبلنيييي اخر همي العالم

_نيزك: كواكب ليش مايطلعون ليش

_مادري مو جاي ادك شبيهم ذولة مكبسلين

_نيزك: استغفرالله استغفرالله كواكب راح اموت من الخوف

_كواكب: دوومج انتي ميتة من الخوف شكبرج تصيرين بعددد هاي بدال ما تقوين اخواتج تخوفينهن بالزايد

_نيزك: ارجعي شوفي وين راحو ذولةة

رجعت ادك بالباب ومحد يطلع شمرت جنطتي من ضهري وتسلقت الباب اباوع بالكراج حتى السيارة ماكو والباب مقفل بقفولة بهتت ملامحي وطفرت انكت بدية خليت عيني بعين نيزك المليانة خوف

_نيزك: ها وينهم؟

_مو هنا

ابتعدت اشيل جنطتي وهي تخبلت لزمتني من متني تصيح بية :-شنووو مو هنااا شنووو

_اهدي اهدي اني محسبة احساب لكلشي لا تخافين هسة احلها

_كواكب كواكب وياي ررركزي وياي هسة حسو بغيابنا وخابرو عمي شنسوي هسة شنسوي اذا خالي مو هنا وين نروح

نبتت اصابعي بزندها وهمست باذنها

_صووتج صوتج اذا ايسنة من خالي اشوفلجن بيت للايجار نكعد بية ونسكت

_منين فلوس ناجر بيت

_عندي فلوس حتى اشتري بيت مو بس أجر بس صبرج علي

فتحت عيونها بصدمة وسحبتني عليها بقوة

_نيزك: منيلج فلوس بس لاصرتي تشتغلين بالحرام

_والله خبصتيني بالحلال والحرام

_منين جبتي الفلوس منين

جاوبتها بابتسامة خبيثة

_بگتهم الفلوس اني الاخذتهن محد باكهن طفرت عليهم وبگتهن ولا تكولين حرام وحلال فلوس ابوي ذني وهما باكوهن منيلهم ذولة الفكر فلوس هما حتى اكل ماعدهم يشترون حلال اهلنا او اهلجن اخذتة وراح اعيشجن بية

نترت ايدها مني بقت مصدومة واخواتي يسمعن مامصدكات ابتسمت نجمة ما مصدكة كالت

_قبل لاتباك الفلوس سمعت حركة حتى خفت عبالي جني

_كواكب: اي وانتي جنتي بالحديقة تنوحين مثل الصخلة الارملة

_نجمة: هههه اي بس ولاتوقعتج انتي عبالي هما باكوهن ولج خليتني الناس مالخ بينهم

_كواكب: اني كلتلهم من طردوني كتلهم اخلي بيتكم عالية سافلة واخليكم محد يباوع بوجهة الثاني وسويتها بفترة قصيرة كلش وحتى سامر بالسجن من وراي

نجمة: ضحكت ومشت للشارع بقينا مذهولين معقولة بنية هيج سوت بيهم لعبت بيهم لعب بس سامر شلون هي  ورة سجنته مافتهمنا   !؟

شالت جنطتها لبستها بضهرها وكالت

_اني رايحة ادور بيت للايجار ابقن هنا مو تتحركن اني هم ما اتاخر بلكت خالي يرجع بين ما اجي

راحت ونيزك كعدت على الرصيف وابنها بحضنها بس تنود بية تكلة:-دللول يبني دللول عدوك غريب وساكن الجول دللول

_نجمة: عوفي امير شبيج مجلبة بية خنگتية خنگ

_نيزك: يمة  غابت شمسنا وعدمن نبات بلا وليان صفينا الراح والراجع يباوع علينة غطينا وياج يمة  غطينا ولو تراب المكبرة بارد علينة

_شبيج نيزك كولي يا الله شبيج لاتخافين ماطول كواكب ويانة تنحل فلوس وعدنا بعد شكو؟ ندبرها صدكي ماطولنا سالمين وسوة

سحبت اموري من حضنها امشية الشارع فارغ بس احنا كاعدين صاحت نيزك من مكانها

_اذا مارجعت كواكب نرجع للبيت نطلعلنا سالفة منا منا احسن ما يسحلونا من يرجعون

_شهب: انتن ارجعن اني ما ارجع لو تموتن ااااروح وي كواكب اعيش

كامت نيزك  سحبتها من زندها تصيح بوجهة بعصبية:-لا تقارنين رروحج وي كواكب ااانتي ووين وهي ووين لجج هاي ذيبة ذيبة تمعط معط محد يتجرا يباوع بوجهة انتي الفاهية تدبرينها كواكب وي الجلاب عايشة ومايهمها ترجعج للشط وترجعج مو عطشانة لا ناسية العطش كالت مثل كواكب كالت

نزلت دموعها شهب وكالت بحركة

_شهب: والله والله بس ارجع اشمر روحي كدام السيارات واموت حتى اخلصصص منكممم تعببت من هاي العيشة خااانگيني خنگ لا اطلع لا امشيي لا مدرسة عايشة برعب وحابسة روحي بالغرفة هيي هاي هم حياة مليت اريد اعيش مثل العالم

صفكت اديها نيزك بيأس وكعدت بمكانها تكول

_اني بعد مالي دخل بيجن عيشن شلون ماتريدن هاي الشوارع وجولن بيها براحتجن خلني احافظ على ذرة العقل البراسي مسحولين مسحولين روحن رروحن اختارن دروبجن هي موتة موتة

خلت راسها بحظنها وشهب كلبت وجههة ماتحجي شي مسحت وجهعة  بس عيونها مغوركة بالدمع حقها والله حقها محد يحس بمعاناتها مخنوكة خنك وساكتة بس وصلت حدها من رادو يزوجونها اله  ..

بقيت اللعب اموري والطف الجو المشحون  التفتت على الباب الينفتح طلعت مرة عمرها يطلع بالوسط تعدل بشالها باوعتلنة وكالت:-خالها انتو جايين على الدكتور همام؟

_نجمة: اي خالة ماكو ليش وين راح

_والله يا خالة سافر قبل فترة زوجتة مريضة

باوعت بعيون اخواتي باسى نيزك غمتت راسها بحضنها تهز رجلها بتوتر كتلها:-خالة ماعندج رقمة

_لا والله يا خالة ماعدنا تواصل وياة هيج من بعيد لبعيد

هزيت راسي وسكتت كالت:-خاف محتاجات شي الله عليجن

_نجمة: سلامتج خالة رحمة الله والديج هسة شوية ونروح بس تجي اختي

دخلت وسدت الباب كعدت على الرصيف وشهب بصفي حضنتها خلت راسها على متني ودموعها نزلت مسحت عيونها الحلوة بيدي اكلها  ..

_نجمة: لاتبجين شهبة كلشي ينحل صدكي ترة هسة اليزوج بالغصب ينحكم ويدخل سجن كلش كلش اذا مالكينا حل  نروح نشتكي علية بالمركز

_شهب: هه ترة هو مو وحدة كلها وياه تشهد ضدنا هسة يلوفها علينة واحنا ماعدنا شهود ولا دليل سالم حتى دليل يطلعلج وكلشي يكلبا ضدنا ترة مو سهل هو

_عوفي سالم وخيستة والله لعبت رواحتنا منهم هسة احنا شحصلنا منهم عوفيهم خل نرجع مثل قبل

رفعت راسها مبتسمة

_شهب: تذكرين نجمة مال هاي الاغنية اني وردة بيضة شكلي جميل

ضحكت وكتلها

_نجمة: اي يا محلا جمالي لمن اميل هههه جنتي تكولين اني الوردة البيضة لان بشرتي بيضة مو انتي

_شهب: ترة صح هو اني الوردة البيضة وانتي وردة حمرة لان خدودج حمر مرات يصيرن

_نعمة الله اهمشي وردة

_امير: واني

_انت ورد الورود

اخذتة ابوس بية وادغدغ وهو يضحك بصوت عالي ويريد يفلت روحة مني  انفتح الباب نفس البيت المرة الطلعت منه بس هالمرة مو هي لا غيرها مرة جبيرة بالعمر لابسة شيلة سودة وثوب اسود بيدها عوجية خشب ارتجت على الباب وصاحتلي  ..

_تعاي حبوبة تعاي

رحتلها وصلت قريب منها كتلها:-ها حجية محتاجة شي

_بعد جدتج اروح فدوة لهل حسن لا يبعدي ما محتاجة شي بس اسال انتن ليش بالشارع كاعدات جنت كاعدة بالمطبخ اتريك واتنوعلجن من الشاشة كسرتن باب كلبي ما تكليلي سالفتجن شني

ابتسمت بحزن ودنكت راسي كتلها

_حجية اجينة لخالنا وطلع مسافر

_جا ماترجعن لاهلجن شلون تظلن هنا

_والله يا حجية احنا سالفتنا طويلة هسة نروح يمكن

_وانا حبوبتجن تسرسح على السولف جيبي اخيتاج وتعالن سولفلي واحنا نشرب چوي (جاي)

_ها لا هسة تجي اختي ونروح ما نطول احنا

_لا تخافن اني حبوبتجن والزهرة گلبي دوة نار عليجن عرفت وراجن سالفة دشن حبوبة البيت فارغ بس انا ومرة ابني وحفيد واحد بغرفتة ولا اله غرض بالناس صيحي اخياتج

هزيت راسي ماعرف ليش كلبي ارتاحلها شكلها بية قبول عجيب وطريقة كلامها تخبل رحت لنيزك جانت تباوعلنا صرت كبالها اكلها ..

_نيزك الحجية تكول خلي يدخلن بالبيت محد بية بين ما تجي كواكب احسن ما باقين بالشارع

_نيزك: من كل عقلج نجوم؟ عرفة ولفة امشي كليلها هسة نروح ما نطول

تحركت اروحلها اكلها وهي كان عرفت كلام نيزك اجت علينة بطرك ثوبها تمشي صارت كدام نيزك تكلهة: امشي حبوبا امشي جوة نشرب استكين جاي ونسولف سوالف حبايب بين مايكضي شغلجن جا تظلين هنا بدال هاي اكعدي وي حبوبتج امشي يام الوليد امشي حبوبا

كامت نيزك وهي اخذت امير من ايدة ولا استغرب يكول يعرفها مشة وياها وكلنة لحكناها يكول صدك بيبيتنا او مرة تعودلنا حتى نيزك جانت معترضة بكلمتين خلتها تمشي وياها، دخلنة بيتهم بية حديقة صغيرة بصف الاستقبال وحمامات بالركن دخلنة مطبخهم بالبداية صاير بس ماشاء لله يخبل اثاثة راقي ونازك بنفس الوقت يفتح النفس نظافة وترتيب بية طاقة ايجابية عجيبة مشغلين دعاء كميل وريحة الجاي المهيل تارسة المطبخ المرة الطلعتلنا واكفة  تكلي بيض  شافتنا وكالت بابتسامة  ..

_يا هلا ومرحبا نورتن حبايب البيت بيتجن

_نيزك: تسلمين عيوني منور باهلة الباري يحرسكم

باوعتلنا المرة الجبيرة وابتسمت كالت

_صلوات على محمد وحدة احلى من الثانية اعمارجن متقاربة الوالدة جابتجن على الاربعين

_نيزك: لا اني الجبيرة وراي بتلث سنوات صارت نجمة وشهب قريبة على عمره نجمة بفترة صارت

كالت المرة الواكفة على الطباخ

_فدوه شلون اسامي تخبل مثل صاحباتها بس شنو معناها ليش هل الاسامي

كعدنا على الكراسي المحاوطة الطاولة كالت نيزك

_وبعد عدنا اختنا كواكب اسمها

_يا فدوة الباري يخليجن بس بنات ماعدجن اخو

_نيزك: ما عدنا ما تشوفينة متبهذلين بهاي الدنيا

_الحجية: سهلة حبوبا سهلة الله الحارس والله الباري سبحانة وتعالى حطن عينجن بعينة وهو يعاين حالجن

_نيزك: ونعم بالله حجية هو منتظرين رحمتة علينة

_الحجية: تعالن حبوبا احبجن انا هم نسيت ما حبيتجن كومن لية بعد مابية حيل اكوم

كمنا باستنة وحدة وحدة شلون حجية تنحط بالكلب تمنيتها بيبيتي لو وحدة من اقاربنا كالت

_سهلة يما وين ريوگج

_سهلة: صار عمة

_نيزك: رحمة الله والديج حجية احنا متريكين مانريد شي هسة شوية ونروح

_الحجية: خايبة لا تسميني حجية احس روحي عجزت سمني باسمي يحبوبا

_نجمة: شنو اسمج حجية

_اسمي ذهب

ابتسمت كتلها:-حلو اسمج ذهب فعلاً يمثلج انتي هم ذهب

_ذهب: خاب من اروح فدوه لهلحلگ المعسل شلون تحجي يبعدي انتي الذهب

جابت سهلة الريوك خلتة كدامنة بيض خبط بيض عيون عسل مربى كيمر جبن جاي وخبر تحمي بية بل اوفن خلتة كدامنة نيزك وجهة صار احمر من المستحى..

_نيزك: حجية ذهب احنا ما جوعانين هسة طالعين دايمة سفرتكم وبيت العامر ان شاءلله

_ذهب: فنجن ترحن اذا ما تكابلني جا انة اريد اسولف عليجن وانتي زيبک مدري شسمج استجني خل البنيات ياكلن وجوهن صفر وانتي وكلي الفريخ البحضنج

سكتت نيزك تباوعلنة ماعرف ليش اني وشهب اخذنا راحتنا والله حتى نفسيتي تغيرت من دخلت بيتهم تحس اكو سكينة مثل بيتنا مابية خير  الحجية ذهب تجيب وتخلي كدامنا اكلنا وهي تسولف وتسال بينة  ..

_ذهب: هذا الوليد ابنمن

_نيزك: ابني حجية

_ذهب: انتي الزيبگ عندج فرخ دهر دهر ولا مبين منين جبتية من فطر الحايط

ضحكت نيزك تمسح بشعرة وهو يباوع للحجية ويضحك كرصتة من خدة بلطف تكل لنيزك  .

_ذهب: جا ابوة وين

_نيزك بحركة: بجهنمم

_ذهب: يااء فلك ميت الزلمة

_نيزك: البس احمر وادك واركص بس يموت وشرط اشغل اغاني والعب جوبي على گبرة

_ذهب: يااء فلك

_نيزك: من اشتعلت روحة هل ملعون

_ذهب: يااء فلك بس لا شاردة منه جنج غزال

_نيزك: لا حجية مطلكة نعلعلة روحة حجية واليرحم اهلج لا تجيبين طارية لان تلعب روحي واريد ازوع

_ذهب: مبين خيسة ابن خيسة

_نيزك: كلش وداعتج انتي اخيس شخص على الكرة الارضية

_ذهب: من لفة فلگ كون هيج

_نيزك: اي فدوة اروح لحلكج فلكين وتلث فلكات لفنة وطمنا هالعار ابن العار الفكر ابن الفكر

_ذهب: بسج يالزوبك خلي يولي كونة خيسة سولفلي اهلجن وين وهذا الوليد الجان وياجن ليش عافجن كون تكولن ماعدنة اخي انا اعاين عليجن اول ما اجيتن ودكيتن الباب

رفعت راسي اشوف الشاشة مكابلتها الشارع فارغ

_نيزك: والله يا حجية هاي اختي مو اخونا راحت تشوفلنا بيت للايجار لان خالي ماكو وسالفتة بطية

_ذهب: يا فلك طلعت بنية

_نيزك: اي بنية سودة علية من الشغل والركضة ماطكتها عافية وتشتغل بالسوك بعد لبست ملابس ولد وكصت شعرها الناس ماترحم الابنية

_ذهب: يا فلك حتى فلك عمت عين الاغم اختج تشتغل بالسوك وهذا حالها صدك عمت عين الاغم

_نيزك: اي والله يا حجية صدك عمت عين الاغم متعوبة اختي كلش متعوبة لا حالها مثل البنات ولا شكلها شكل بنات

_ذهب: اهلجن وين يمة

_نيزك: ميتين حجية ادعيلهم بالرحمة والله جانو ناس ماكو منهم امي مدرسة وابوي مدير مدرسة وهيج فد اخيار ويحبون ذاك وهذا ويواصلون الناس كلها سودة علية يا بوية عمت عيني عليج يمة

دكت على رجلها بحركة واحمر وجهه من ذكرهم

_ذهب: الف رحمة ونور تنزل عليهم بكل وكت عبن راحو وخلو بنيات مستورات شريفات مثلجن

_نيزك: الف رحمة على والديج حجية يلا احنا نترخص والله الكعدة وياج ماكو احلى منها بس احنا هذا حدنا نتشكر منج و..

قاطعتهة تكلها:-خاب ما تسكتين وين مولية اختج الولد ما رجعت عاينيلها منا من تجي عود اطلعيلها هسة ترحين تكعدين بالشارع تانيها يمي

رجعت نيزك كعدت بس تلوب مامرتاحة لان ناس غربة تستحي وماتريد تثكل على احد شربت ذهب جايها وباوعت بوجوهنا  كالت

_شني ما سولفتلي سالفتجن جا مو كتلجن اني اخرب على السوالف بحلوكجن عظم ما تسولفن اختجن تطول جا وين تلكة بيت بساعة سولفن الوكت طويل

تنهدت نيزك وذبلت عيونها بحزن كالتلها

_شسولف حجية منين ابديلج والله اني كلبي محمل ويريد ينفجر سنين حابسة بگلبي سنيين

_ذهب: سولفي يحلوة سولفي جا هي كل حلوة يبجون عيونها منين ماتطيب روحج احجي حبوبا

_نيزك: والله يا حجية جنة عايشات اميرات اربع بنات وابوي مدير وامي مدرسة وما احجيلج على لبسنا لو اكلنا لو طلعتنا كلة زين وراقي عايشين احسن عيشة بس ما ادوم الدنيا ولا العز يدوم دارت بينا الدنيا مو خوش دورة وعيشتنا بذل  .

جانت امي تعالج على ولد ابوي ياخذها للدكتور تراجع راحو والروحة روحة سوو حادث بالطريق امي ماتت بساعتهة ما قاومت وابوي نقلو للمستشفى بقة اكثر، اسبوع بالمستشفى

_ذهب: ويللاة يمة ويلاة

_فاق ابوي وحجة ويانة صار عندة وعي كلنا يا الله مابية شي راح يعيش جنا صغار احنة وكلشي مانفتهم  هنا عمي النذل مبصمة على كلشي يملكة وراها بكم يوم انطاج عمرة

مسحت عيونها صارن حمر اني اباوعلها وگلبي يتفتت من القهر جانت ايام مأساوية عشنا بدون روح تمنينة نموت بذاك اليوم  دموعي تنزل وشهب كامت للحديقة اخذت امير وياها كملت نيزك بلوعة وحزن وذهب منتظرة على عجل تعرف التكملة   .

_صفينا لا ام ولا اب بس عمي سالم هو ابونا وهو امنا وهو الذيب وهو الماكلنة باع بيت اهلي واحنا ماندري جنا متخبلين على اهلنا بس انوح اشترى بيت راقي وكعدنا بية من فلوس بيتنا من عرفنا بايع البيت مارضينة وحاجيناه كتلنا كتل بوكتها  لان صيحنة وحاجيناه واستمر سالم يلعب بفلوس اهلنا توظف بفلوسهم وشغل ولدة وماخلى وهما جانو ينامون بدون عشا هسة ما كلنا شي خل ياكلون ويلبسون بس يخافون الله بينا بس لا سالم مايخاف ربة انذل مخلوق بعد زوجي وعيالي  .

زوجني لابن خالي غصب واني طفلة شفت الويل اخوالي هم انكس منهم ولو ماخالي همام هددهم يشتكي عليهم لان يعنفوني يلة طلكوني بس بعد شنو بعد ما تخبلت الله وكيلج  وحامل بطفل واني طفلة 

نزلت دمعتها مسحتها بعنف وكملت

_جبت ومرت عمي حطت راسها من راس ابني يا اخذة لاهلة يحيرون بية يا رادت تبيعة وتخبلت تخبلت الله وكيلج لو ما كواكب اني بمستشفى المجانين هي ماخلتهم يتدنولي ويعوفوني بحالي وهم بهذلو احوالها كتل ويكتلونها حتى طرد برة البيت طردوها وخلوها تشتغل وتخلي بيدهم ما تدخل للبيت الا بفلوس ونامت بالشوارع ليلها

شحجي وشكول شهب بطلوها من المدرسة ونجمة يخدمون عليها تركض ليل مع النهار حتى يرضون ويخلونها تكمل دراسة فوك كل هذا ابنهم عينة على اختي هو متزوج ومكبسل يردون يزوجونها اله لان مرتة مايصير عدها جهال واني يعقدولي على ابن عمي الثاني هم غصب وهل طلعنا من البيت لبيت خالي بلكت يساعدنا ويخلينة عندة

مسحت دمعتهة ذهب بشيلتها وكامت باست نيزك من راسها تمسح على ضهرها بحنية  ..

_ذهب: يحبوبا ما ياكلونها يكلج نام مظلوم ولا تنام ظالم لان ربك وي المظلوم على الظالم هسة انتن الله وياجن والوياة رب الكون محد يكدرة لا سالم ولا ربعة

_نيزك: ونعم بالله

ذبت حسرة بقهر وسكتت هذا جزء بسيط من العشناة والشفناة التفاصيل تموت قهر ولو نذكرها تشعوط رواحنا، رفعت راسي  للشاشة اشوف اجت كواكب تمشي شافت مكانا فارغ وهي لطمت على كصتها بحركة  عبالها رجعنا شمرت الجنطة من متنها وكامت تصرخ بنص الشارع وتضرب رجلها بالكاع مبين تغلط علينة ضحكت نيزك وكالت:-روحيلها تخبلت عبالها رجعنا

_راح يصير عدها سكر من ورانا

_ذهب: حكها والله تحركن الكلب جا هي فوك ما تساعدجن تغدرنها وترجعن روحي صيحيها احبها

طلعت اصيحها شافتني اجتني تركض صايرة نار وجههة مطعون دم صرخت بوجهي بعصبية  ..

_وووووين ررررررحتتتتتن وووووين

_صوتج فدوة صوتج هنا يم الحجية تصيحج

_يا حجية ولجن شبسرعة تعرفتن على الناااس ودخلتن بيتهم

_شبيج هسة مرة جبيرة تموووت تموووت كواكب تفوتج لو ما شفتيها امشي تريدج نيزك يمها

عتيتها عت وهي تخزر بيه بطرف عينها على ساعة تسطرني على عيني وتطفيها دخلت جوة ذهب واكفة مبتسمة اول مادخلت كالت:-هلا باخوهن هلا بحاميهن والله انا من شفتج كلت ولد بس طلعتي زلمة و كفو بتصرفاتج تسوين زلم مشوربة

طبعاً نيزك ما سولفتلها على كواكب بايكة الفلوس بس كالتلها شلون تشتغل ودافع عنة وتنكتل، تقربت عليها وكواكب على وجههة طيف ابتسامة باستها براسها وخلت ايدها على ضهرها ماعرف ليش شكل كواكب تغير وجناتها وردت دنكت راسها بخجل اي كواكب تخجل والله شعبالم  لان عاملتها بحنية وهي مامتعودة على شخص يعاملها بحنية عدانا لذلك اسلوبها جاف  ..

_ذهب: ها يلنجرة شسويتي

_كواكب: رحت ادور بيت للايجار بس ما لكيت

_ذهب: وين راح تاخذين البنوات

_كواكب: يمكن اخذهن لبيت دراهم بين ما اشوف بيت

_ذهب: وين صايرة دراهم هاي

_قريب على بيتنا بس خايفة يجون هناك لان يدرون دراهم مرة وحدها واحنا نأمن ونروحلها وخاصة احنة نعرفها يتوقعون نروحلها ويلكفونا

_جا انتي نجرة مافكرتي بغير حل

_كواكب: فكرت هسة اخذ اخواتي لمنطقة اعرفها بيوتها رخاص اجر بيها واني اعيشهن اشتغل من الصبح لليل والله ما اخليهن يحتاجن شي

_كفو من اصلج بعد بيتي انا تعجبني النساوين النجرة والصلفة بس منيلج فلوس ايجار؟

_عندي حجية مدبرة امري مو كواكب التخطي خطواتها بدون تفكير

_ذهب: عمت عين الاغم من يسمع بطاريج

ابتسمت كواكب تباوع لنيزك طولت صفنتهن كالت ذهب:-شرايجن تأجرن بيت هنا قريب عني حتى اجي عليجن اسمع سوالفجن الحلوة وانتن هم تجن علية

_كواكب: يا ريت والله خاصة المنطقة أمنة بس ماكو مساع جنت يم الدلال ماكو بيوت للايجار اكو كم بيت كبار وغالية

_ذهب: انا عندي بيت فارغ اكعدن بية بين ما الله يفرجها عليجن

_كواكب: نأجرة حجية كلشي بفلوسه مانكعد بية بلاش اذا توافقين نكعد بية؟

_صار يالنجرة اليريحج سوية كلمتج تمشي انا مرة فقيرة اسمي ذهب

_كواكب: والله والنعم منج ذهب بت الذهب

_ذهب: فلك فلك ولا يكول بت بس وجهج حلو عويناتج تلصف لصف شوية لو تطولين شعرج وتلبسين ثياب ترجعين بنية احلى البنات

ضحكت كواكب وكلنة ضحكنا على كلامها صدك كواكب لو تكعد وتطول شعرها وتغير لبسها تصير تخبل هي معانيها حادة وحلوة بس مخبره شكلها بلبس والشعر  ، عافتنا ذهب ودخلت صاحت بصوت عالي:-هيوووو عليششش ولككك علييش ماتسممعععع تعااال اررريدك

رجعت توكف ويانة تكل لكواكب:-حبوبا اسويلج لفة تاكلينها

_كواكب: اي والله سويلي ترة اني ما استحي اذا جوعانة حتى اذا اشوف فاتحة ادخل بيها اكل

_ذهب:عظامة طلعتي

_هو الياكل بالفاتحة يطلع عظام شنو هاي لاا ترة عادي واني  اهم شي بطني لان لو ما اكلت ماعرف افكر واشغل عقلي

_ذهب: بالعافيه يبعد حيلي

سوتلها لفة ترستها جبن وكيمر ومربى صاحت بيها كواكب:-بسج حجية راح تصعدين السكر عندي

_ذهب: يااع جا انتي عندج سكر

_والله راح يصيبني عن قريب هاي اذا ما بية واني ماحاسة بية

_ذهب: يلة اكلي اصبلج جاي

_لا هيج ما احبة اكلج هذا البيض محد ياكلة بعد؟

_ذهب:لا ياهو الياكل  هسة ينذب بالزبل والله انقهر على النعمة كون عندي بطن واكل مثل كبل بس شسوي اباوع واتحسر

_اني اكل بدالج ولا يهمج سويلي لفة لان تعرفين لازم الواحد يوازن باكلة لفلة حلوة ولفة مالحة

_ذهب: على گلبي انتي والزهرة اكلي حبوبا عوافي والشحم دافي جا مثل اختج سادة حلكها يكول احسب عليها

ضحكت تاكل  بالفة دخل ولد شاب شافنا رجع ليورة صاحتلها:-تعال حبوبا عليش ذني مثل اخياتك لا تستحي

دخل مستحي شكد حلو شكلة ويا حياء شايل وهدوء واضح علية مدنك عيونة ما رفعهن ابد

خلت ايدها ذهب على متنة تكلة  ..

_حبوبا عليش ذني مثل اخواتك اريدك توديهن لبيت الساقط ابن الساقط العايفة متروك تاخذ المفاتيح من غرفته وتاخذ البنيات اله يكعدن بيه

هز راسة وراح شوية ورجع مبدل ملابسة ومعدل شعرة دخل بيدة المفتاح اشر براسة يلا

_ذهب: امشن وراة حبوبا عليش خوش عليش مو مثل اخوة الساقط سقوط لا هذا عليش اشرف وانزهة واحد باحفادي يروحولك فدوة ذولاك الصايعين والدايحين والساقطين

سحبتة تبوس بية وهو مبتسم مبين شكد تعزة الواحد يكولها لله الولد ينحب بسرعة هسة اني اول مرة اشوفة بس حبيتة طلع وطلعنا وراة بعد مانيزك مطرت ذهب باشكال الشكر والله ماعرفنا شلون نشكرها كواكب بيدها لفتها تاكل لكمة من هاي وترجع لذيج اشرت لذهب بيدها تكلها  ..

_عمي خلي الصياغ يعزلون ذهبهم مغشوش طلع هنا الذهب الاصلي

_ذهب: يااء دهر دهر

_كواكب: خاب وعلي فد حبيتتتتج هاي ثاني مرة يدك گلبي مرة لدراهم ومرة الج والله ذهب انتي خوش ذهب ما مغشوش

_ذهب: يروحولج فدوة احفادي بخويطهم ماعدا عليش ترحيلة فدوة

_كواكب: صار بس هذا لان حباب مبين اما الباقين ما اقبل اروحلهم فدوة

ضحكنا كلنا ومطرتنا الحجية ذهب باشكال الدعاوي الحلوة حتى نفسيتنا تغيرت وگلوبنا لانت وين احنة محرومين حتى من هيج كلام العدنة يدعن علينة بالعمى هاي الغريبة شلون ردت روحنا وطلعتنا بموقف ما ننساة للموت منو يسوي سوايتها ويدخل لبيتة بنات من الشارع مامعروفة قصتهن  ؟

علي يمشي كدامنا واحنا وراة شوية مشينا مو هواي كم بيت وكف كدام باب فتح باب الشارع ودخل جوة الباب بقة مفتوح نباوعلة فتح البيبان رجعلنة بدون مايحجي شي دخلت وراة كواكب تشوف البيت طلع وهي وراة سلم المفاتيح الها  وراح صاحت وراة..

_تعال اوكف ما كتلي شكد ايجارة مبين غالي كول شكد

التفتت عليها ورفع اكتافة بمعنى ماعرف صاحت بية كواكب: هو شنو ماتعرف غير شكد حتى ادفع نكعد بلاش شلون ترهم

هز راسة اي والابتسامة مافاركت وجههة ابتسامة هادئة تبعث الاطمئنان بالمقابل رفع شعرة الكثيف  وحرك اكتافة  بمعنى ماعرف وراح بدون كلام  ..

_كواكب:-يااا ياااا شفتن وولجن ما يرد علية لبسسني وووولككك علييييش ما تحاجيني

وكف والتفتت سوى حركة بيدة ما فهمتها حتى اخواتي ما فهمن كالت شهب:-هذا اخرس يكلجن ماكدر احجي

بهتت وجوهنا وهو اشر على شهب يهز براسة ياكد كلامها سوى باصبعة اوكي بمعنى كلامج صح  اوووي يروحي مثل الكمر مو ولد والله وما يحجي سودة بوجهة البال ميس راحتلة كواكب  تكلة  ..

_اسفة صيحت عليك عليك العباس سامحني فدوه سامحني ولا تشيل بكلبك علية ماعبالي ماتحجي

هز راسة لا وابتسم كالت شهب:-شبيج ما زعلان يكول

هزلها براسها يايد كلامها  وراح نيزك سحبت كواكب ودخلن للبيت بعدها احنة دخلنا  انبهرنا من البيت صح صغير كلش بس مأثاث من كلشي  وراقي من كلشي جاهز كل الغراض بية  ذبينا غراضنا وكعدنا على القنفات الموجودة بالصالة  ..

_نيزك: ما شاءلله

_نجمة: ولا حول ولا قوة الا بالله

_شهب: والله اكبر

كلنا باوعنا الكواكب وكفخناها شردت تصيح

_ااخ ااخ شبيجن ملاية لو ختمة

_نيزك: هسة دكمليها وكولي الحمدلله انمونة خو ما انمونة

_كواكب: دعوفي الصمونة بطني وكليلي هذا البيت شكد سعرة يطلع

_نيزك: والله مادري غير تشوفين ذهب شتكول حتى نعرف ناجرة لا

_نجمة: بنات فدوة اجرنة خلينة نعيش مرتاحين كم يوم بية وانام هنا على القنفات اااااالله لكككككك اااالله

تمدتت على القنفة ارافس ماعرف اجتابني شعور فرح على سعادة على حماس احس العيشة هنا غير

_كواكب: هاي شبيها الفرخة كضوها تخبلت علينة

_نجمة: كواكب بداعة نيزك اجرية النة

_نيزك: اني شعلية تحلفينها بداعتي

_نجمة: حتى تكشفينها على حقيقتها اذا تحبج ما ترفض

_كواكب: بعد لا تفكرين ولا تحجين رجائاً ابقي ساكتة مثل قبل

_نجمة: ولا يخلن الواحد يتحمس ويحلم

_نيزك: اسكتتتتن اسمعني زيين كواكب تعالي تعالي يمي

_كواكب: من بعيد كولي شتردين

_الفلوس شلون بكتيهن

_هههههههه لعبتي هاي من نامت طفرت عليكم افنان نومها فطيسة واني اندل المفتاح واندل مكانهن هاء اها صارن بقبضتي

_شهب: والله لو نموت مانفكر بيج انتي اخذتيهن

_كواكب: اي ولا هما يفكرون بية  لان طارديني ومو بالبيت هسة عوفنا من هذا الحجي الفلوس خير من الله اشوف البيت شكد ايجارة ادفع واشوفلي شغلة نطلع فلوس منها

_نجمة: ونعييييش عيييشة سعيدة بنااات اني من هسة ما تشتغل اريد ارتااااح

_كواكب: واني ماعرف اشتغل وكلشي ما اسوي من هسة اكلجن

_نيزك: هسة بس خل نستقر اني اشتغل بس لا تتعاركن

_نامت شهب بصفي وامير فوكنا راحت نيزك تدور بالبيت تشوفة كالت:-بنات هاي غرفة مقفولة

_كواكب: عوفيها يمكن بيها غراضهم هسة اروح اتفاهم وي المرة وارجع

راحت كواكب واني اكمز بالبيت واضحك فد فرحانة هيج وكون نبقة عايشين هنا دوم والله ويرادلها حظ وبخت جبير رحت فتحت الثلاجة بيها مسواك ومعلبات هواي ضحكت بصوت عالي اصيح للبنات

_ووولجن تعاالن شوفن هذا بيت كلشي بية حتى مسوواگ

اجت نيزك ما عاجبها الوضع كالت :-هذا البيت جانو كاعدين بيه ناس قبل فترة مو طويلة مامعقولة هذا البيت للايجار بعدة بغراضة شي غريب شلون اجرتة

_نجمة: شنو الغريب نيزك يمكن انتقلو لغير مكان وعافوة بغراضة شبيج ذولة ناس طاكة عدهم غيرة شايفة بالمسلسلات يغطون الاثاث من التراب ويسافرون

_نيزك: كلتيها نجمة مسلسلات والله كلبي مامرتاح لهذا البيت

_يووووووووووو انتي مامرتاحة للدنيا كلها الا تخلين احتمالات سلبية اكعدي واسكتي بفلوسج

راحت ما حاجتني تطلع ملابس لاموري تبدله واني كعدت على الطاولة افر بعيوني شهب نامت على القنفة واني ايدي توجعني وراسي لازم افتح الخياطات بدت تأذيني خرب بيهم لا دوام داومت  حتى الشركة ماشفتها بعد امداهم اي والله يوم واحد داومت فكروني وكعدوني هسة اروح بيدي هاي لو وجهي المحصف

اكيد ميس هسة تنوح علية يا روحي يا ميوسة صدك هسة متخبلة ماتعرف اخباري واني غبت فرد غيبة بالعادة ابد ما اغيب ولا عندي موبايل اطمنها دخلت كواكب كتلها..

_ها انطيتيها فلوس

_اي وكالت الغرفة عوفنها بيها اثاث سالتها عليها

_اكلج كواكب موبايلي مو تدرين بية صارلة قرن واحترك اريد موبايل والله استحي داومت شركة وموبايل ماعندي حتى هسة صديقتي ماتعرف شي عني ولا ادري شاخذو ما اخذو

_صار بعيوني اشتريلج ارقى موبايل من ذهب افنان الساقطة

_ولازم اروح للمستشفى راسي يأذيني وايدي اشوف شكد وتنحل

_العصر نجمة ذكريني

نزلت ورحت وراها اضحك واحضن بضهرها نيزك مددة بالكاع وابنها بحضنها كعدت كواكب سحبت امير من حضنها ونامت بمكانة تكلة  ..

_كواكب: كافي خالة ماشبعت انطي مجال لغيرك صارلي دهر ما شايفة اختي

دنكت نيزك باستها تمسح على شعرها وتبعدة من عيونها امير انتحس وهجم على كواكب يسحب بيها

هي تحرگ بكلبة تحضن نيزك ضربني امير يكلي  ..

_وهريها هتولي ما اهبها

_كواكب: ااااااه هيج صارت اموري ماتحبني وولك

_امير: اتي سبيرة عوفي نانا اني زعير (صغير)

_كواكب: لا والله ويني وين الكبر تعال نام بحضني العب وياك ختولي نانا كالبة خلقتها گلب وويع

_نيزك: انوب كلبتي علية الخايسة

_كواكب: انجبي لج صح اني بالشوارع افتر بس مو خايسة اسبح عد دراهم وابدل ملابسي هم

_نيزك؛ اسفين يابة اشاقة وياج

_كواكب: اخر مرة هالمرة سماح تعال اموري قطعة من الگلب روح خالتك وعمرها

اخذتة تلعب بية وهو يضحك فرحان خطية هسة يلة طلع صوتة جان مصدوم من الصار والهوسة الكلساع صايرة مرت ساعات من العمر تنحسب كلنا متجمعين نايمين سوى نضحك ونحشش سعادة ملت كلوبنا بهاي الساعات القليلة سوينا اكل كلنا مجتمعين نتشارك ونحظر اكلنا ويا محلاة من اكل رغم بساطتة بس بية نكهة تخبل من ايد نيزك هاي لان فرحانين

شكد حلوة هيج الحياة ناقصها امي وابوي رجعنا مثل قبل ماخذين حريتنا بالبيت نضحك بصوت عالي نسولف نتعارك نلبس براحتنا نيزك لابسة تراكات وضافرة شعرها يسحل وراها ضحكت على شكلها طلعت تجنن جانت مبهذلة بالدشاديش العراض والشال ماتنزعة دقيقة من ورة عيونهم النكسة  .

اجلنا روحتنا للمستشفى تكول نيزك بعد وقت مو هسة مر اربع ايام على وجودنا بهذا البيت كواكب طلعت تجيب مسواك  ملثمة تلثم تخاف من الشرطة وهم منهم،

اني جنت  بالاستقبال كاعدة على القنفة اباوع لنيزك تمسح بالكراج لابسة تراك قديم عدها نص ردن يخبل عليها مقسم جسمها تقسم وشعرها ضافرتة مدنكة تمسح ودندن بصوت مسموع ابتسم على شكلها الحلو ونفسيتها الانفتحت  .

انفتح الباب فجاة ودخل رجال جمدت بمكاني من الخوف رجلية ماتن نيزك بقت مصدومة حتى ماتحركت بس فاتحة عيونها والرجال يباوع عليها بصدمة جان طويل ضخم شوية و اسمر عكد حاجبة وكال باستغراب:-انتي شجابج هناااا

_نيزك: ااانت شجابببكككك هناااااا

_ضرغام: صووتج صوتج لج هذا بيتي

_نيزك: بيتك شنو هذا بيتنااااا

_منين صار بيتج بالحلممم لج ماتكليلي شجابج

_بيتنا هذا اجرناه

فجاة نيزك كطعت كلامها ودخلت تركض جوة هسة يلا حست على روحها وانتبهت لملابسها اموري طفر من ايدي طلع واني بقيت مايشوفني بس اني اشوفة شاف امير وفتح ادية يكلة تعال اموري صار يضحك بصوت وراحلة يركض رفعة من الكاع يبوس بية بقوة ويلاگفة يضحك فرحان من شافة فحط شالة بحضنة يكرص بخدودة ويبوس بادية ويرجع يعضهن..

_ضرغام: حلووويات وولكك شنووو كيييكك ااانت

طلعت نيزك لابسة عباية وجههة احمررر من بعيد حاجتة:-ترة هذا البيت اجرناة مالك حق تدخل بهلطريقة واحنا ماندري

_ضرغام: اشم ايدي ماجرين بيتي واني مادري غير محد كلي الله وكيلج اجيت ادخل ومن شفتج عبالي جاي اتحلم البيت فارغ صارلة فترة

_اي حجية ذهب اجرتة النة كالت فارغ

_ضرغام: كون صهروها وعادو شغلها من جديد تسوي المصايب ومحد يدري مامبلغتني ماجرة البيت

_اي بس لاتحجي عليها ترة خوش مرة

_لا حقج خوش مرة اني المو خوش يلا اني بعد استرخص صرت غريب اطلع بس غراضي مو شمرتنهن عاد

_قصدك البلغرفة

_اي البلغرفة هو البيت كلة غراضي

_مافتحنة الغرفة بقيناها مقفولة اذا تحتاج شي ادخل اخذ والبيت اذا تريدة كللنة حتى نشوف بيت نطلع بية

_لا يابة ابقو اني ما كاعد بية اتصرفو باليعجبكم اخذي راحتج

نزل امير وطلع لحكة امير دنك علية كلة تروح وياي

هز راسة امير يضحك كال لنيزك:-عادي اخذة شوية وارجعة

ترددت وهو كال:-شوية شوية

_نيزك: بس مو تتاخر لا تجي كواكب وتسويها عزا علية

_ضرغام: وهي شعليها ابنها قابل

_ماتعرفها بعد

_رب اليعرفها مايحتاج تعلميني بيها يلا اخذ اموري وارجعه

راح اموري وياة مكيف وفرحان سدت نيزك الباب ونزعت عبايتها خلت ايدها على كلبها تتنفس رحتلها وشهب اجت وراي سالتها  ..

_منو هذا نيزك

_شوف الصدف شوف سبحان الله طلع البيت بيتة والله مامصدكة

_هسة غير تكول منو

_ضرغام هذا ولد صاحب معرض سيارات هناك يم السوك شوية مرة رحت ادور على كواكب وكالولي شوفيهم يمكن يعرفون مكانها رحت سالته عليها ودلني بيها

_وكواكب وين تعرف هيج شكول

_ترة كلش حباب اخذ ابني للمستشفى والله خوش ولد حتى دفع الفلوس وجاب علبة حلويات لاموري خوش ولد

_قصدج رجال لان جبير مو مال ولد

_نفس الشي بس لا تجيبن طاري لكولكب اروحلجن فدوة ترة كبل تسحلنا من البيت وتروح تجهول بينة لو تكعدنا بالشارع ولا تكعد بيتة تموت منه بودها تكتلة موت

_شهب: هي كواكب شلون تعرفت علية وليش تكرها

_نيزك: مادري صاحبة مدورلها شغل اعتقد تعرف صاحبة وعن طريقة تعرفة ماصار بينهم توافق الضاهر

_نجمة: والله صدفة يابة شوف طلع بيتة بس ذهب شلون تاجرة بدون ماتكلة

_نيزك: يمكن ما كاعد يمهم واتصرفت منها لان شافتنا محتاجين كالت ليش فارغ خل يكعدن بية

بقت نيزك تتنظر امير تلوب رايحة راجعة ماكو شوية واندك الباب فتحتة اسمعها تكلة:-ليش اشتريتلة والله مو زين علية

_ضرغام: خل ياكل ماعلية

تشكرتة ودخلت بيدها اموري مخلي العلاكة على كلبة  رفع راسة لامة يكلها بابتسامة:-هادا هباب اني اهبة

شالتة تبوس بيه تكلة:-هو منو المايحب ابني الحلو اليموووت منووو

نزلتة اجاني يركض فتح العلاكة طلع كيكة انطانياها

_امير: هاي زبتها الس

بست ايدة وراح لشهب انطاها نستلة وكعد بحضنها ياكل..

_نيزك:-مو تخلنة ياكل هواي انطية وحدة واخفيهن عنة

اندك الباب راحت فتحتة اجت كواكب بيدها مسواك انطته لنيزك تعزلة واجت يمي كرصت خدي وطلعت من جيبها علبة فتحت عيوني مامصدكة موبايل جابتلي صرت اكمز من الفرح وكواكب تصيح بية

_ووولج ررراسج لا تنفتح الخياطات

_نجمة: رب الما انفتحن من ضرب سالم ينفتحن من التكمز عوووفيني فرحانة عووفيني موباااايل يمة ما اصدددك صاررر عندييي

حضنتة على كلبي ابوس بيه اتذكر ميس اشترتلي موبايل بس ماكدرت اخذة لان غالي شكد حاولت وياي كتلها اذا ما رجعتية ازعل عليج الله يذكرج ياروحي يا ميوسة بالخير  فتحتة يخبل بناتي بية كفر نااازك ولزكة مخليتلة كواكب

_كواكب: بية خط وفعلت نت هم شوفي دروسج لاتبقين هيج

دمعت عيوني من الفرحة حضنتها اجعص بيها وابوس

_والله انتي كواكب احسن البنات واحسن الناس انتي تصحين تكونين ابو وجد وعم وخال

_كواكب: هسة جاملي وكليلي خالة وعم وجدة لو كلة مذكر

_نجمة: لا والله مو قصدي أصلاً انتي احلا البنات والطفهن اختي الغالية الاموت بيها

_كواكب: بس لاتحمين رجائاً

_نجمة: والعباس كواكب انتي تخبلييين وام البنين أصلاً جاي احجي الحقيقة حتى كصت شعرج تجنن

_كواكب: بعد غير الموبايل محتاجة شي كليلي

_سلامتج كبدبددد

_نيزك: كواكب شوفيلنا شغلة نشتغل بيها حتى لو بالبيت نشتغل اني وشهب كاعدين وانتي بعد ماتطلعين بعيد اكعدي ويانة لاتنسين مطلوبة للشرطة انتي

_كواكب: يمعودة طزز بيهم وطززز بالشرطة التدافعلهم خيولون جلاب

_نيزك: حجي يفيدج منا ورايح نشوف شغلة وهذا حالج تغيرينة لبسج اسلوبج شوية شوية من تكعدين ويانة يتغير

_كواكب: خاااب دطيررري

_نيزك: يااااا ولج هاي عليمممممن كوواكب

_كواكب: عليج ترة ردت اعفط بس كلت عيب هاي نيزك النازوكة مو مال اجرها بزبج

_نيزك: حتى اشگ حلگج هاي سوالف الولد بطليها

_كواكب: عود خوش

كلبت عيونها وطلعت تفتر بالكراج تحوس صدك هاي مامتعودة تكعد بالبيت حقها والله مخلصتها بالشارع اوووف نيزك جانت تكشر خضروات وتخلي بصينية وشهب تغسل بالسلگ وتنظفة خليت موبايلي على الشحن  ..

_اليوم دولمة اااامممممم

_نيزك: اي روحي افرشي حصيرة بالكراج هناك نسوي

اخذت حصيرة فرشتها وهنا جابن غراضهن وحاجاتهن كعدنا كلنا نسوي وكواكب تلكط بالكشمش

وكلساع نيزك صايحة بيها:-خرب كواكب خلصتيهن

_كواكب: شبيجن هو كشمش خل اكلة منو الياكلة ترة محد يحبة وخاصة وي الدولمة ذيج المرة مرة جابت لدراهم دولمة وغضنفر ما اكلها لان بيها كشمش بس الحمدلله ضلت بس الي

نيزك تلف وتحاجيها:-منو هذا الاسمة اصعب من حياتي؟

_واحد يجي يم دراهم

_اي

_شنو ايييي شنووو

_وانتي ليش تعصبتي جاي اسئلج منوووو

_ووواحد تنخاة يجيبلها بخورات وغيرها مرات اشوفة يمها

خزرتها نيزك بطرف عينها وسكتت تكمل لف اخذت امير توكف بالشارع صاحت بيها نيزك:-ووولج ادددخلي شعندج واكفةةة بالباب ولد انتي وولد

دخلت وركعت الباب وراها تذمر وتصيح:-اهووو شلون سالفة نيززك لا تخنگيني اني متعودة مو مثلجن اطللع

_نيزك: كتلج منا ورايح تتعودين على وضعنة

_كواكب: بطرانة والله باجر ادور شغل هاي الكعدة ماتعجبني الفلوس راح ناكلهن ونظل نصفح بالحيطان

سكتت عنها نيزك لان تعرفها عصبية وهي عصبية وحدة اضرب من الثانية، سوت نيزك جدريتين دولمة وخلتهن على النار ثنينهن رحت اسالها:-المن طابخة جدرين

_نيزك: من كعدنا بالبيت وليجاي كل يوم سهلة تجيبلنا صينة والله استحي ارد المواعين فارغة كلت اسوي صينية اخذها الهم

_خوش تسوين والله

بقت تسوي بالتمر بقيت اساعدها سوت مقبلات وزلاطة وتمر كرات بالسمسم وفواكة خلصت ذني ونصت الجدر راحت تسبح وكالت ابقي يمة بس يستوي طفية  ..

_كواكب: اكلج نجمة

_ها

_اني اريد اطلع

_وين مولية ماتكعدين

_شوفي ترة اني ميت سالفة براسي لاعبالج فارغة مثلجن خرررب ااانة

_ان واخواتها شعليها

كفختني على ضهري وطلعت ترافس بالحيطان كالت شهب:-ارتاحيتي الا تكفخج لج هاي مال شقة

_شقة لو فندق

_هههههههه ماتضحك

_لا تجذبين ضحكتي

_امداج

_امداج انتي الفاهية

عيبت علية وراحت تلعب اموري هي شهب هاي شغلتها وكلت امير بدلتلة نومتة سبحتة حايرة بية اكثر من نيزك اجت نيزك مبدلة كالت روحي بدلي ترحين وياي

رحت اركض لبست صاية ولفيت شالي على السريع طلعت شالت الصينية على راسها وطلعت لاكتنا كواكب رفعت حواجبها وتخوصرت صاحت  ..

_خيرررر وين ررايحات

_نيزك: اروح اشوف ذهب وارجع مواعينهم سويتلهم اكل عيب يرجعن فارغات

_كواكب: جيبن اني اخذهن انتن ارجعن

_نيزك: شهب كتلج اريد اشوف ذهب واحاجيها بشغلة

_كواكب: شوفن كلجن لا عبالجن تمشن براحتجن لان ماعدجن واحد يردجن  والله والله اكسررر ضهرررجن كسررر بس تعاندني وترحن بكيفجن راح اخليجن بس هالمرة يلا مو تتاخررن يلة

طلعنا نيزك تهز بيدها واني كوة حابسة ضحكتي يمة لو ضحكت شيخلصني وعلي ذني اخواتي طبكات

_نيزك: خبلة خبلة هالبت

_دسكتي هسة انتي شلونج

_انجبي نجوم

_انجبت نجوم

سكتت عنها اني بت فقيرة اسكت احسلي  وصلنا بابهم دكيت الباب شوية وفتحة الولد الاسمر نسيت اسمة ابتسم ونيزك كالتلة:-السلام عليكم

_ضرغام: وعليكم السلام هلا تفضلي بس جيبي انزل من راسج

الصينية نيزك شايلتها فوك راسها اخذها منها واخذ نفس عالي كال :-هو صح ليش مكلفة نفسج وتعبانة بس اجت بوكتها ميت جوع هاي دولمة؟

_نيزك: اي دولمة، اكلك هذا بيتكم

_بيتنا تقريباً

_شنو تقريباً اي لو لا؟

_اي بيتنا

_الحجية ذهب وسهلة شيصيرون منك

_سهلة امي والحجية ام ابوي

دخل للمطبخ وتلكتنة ذهب بوستنة وذاك الاستقبال الحلو استقبلتنا دخلتنا جوة وماقبلت لان جايبين اكل  ضرغام جان يكلب بالدولمة كال..

_هسة لان اني راح اكل كلتي لا تجيبن لا بوية جيبن اني اكل

_ذهب: دهر دهرك يمدهور جا انت بس للاجل اهمداك

_ضرغام: الكرامة وصلت لراس الشارع شبيج ذهب شبيج ماتكليلي

_ذهب: طاح حظك وحظ ابوك الاغم

_ضرغام: رحمة الله والديج ابنج وتمونين علية ما اعاتبج

_ذهب: عوف لعليش وياك مو تسرطة سرط

_ضرغام: اهمشي عليش

_تروحلة فدوة لا والله سبع فدوات، تعالن يمة تعالن امشن وياي نكعد نتسامر شوية

_ضرغام: اني ما اكل بشر ماتكعدن هنا ترة اني هم اسلطن على السوالف

_ذهب: لا هلة ولا مرحبا بيك ارجع منين ما جنت عبنك ترفع ضغطي حتى بسوالف النسوان يخلي راسة

_ضرغام: ما اخلي راسي بس اذني شبيج نحاسة

_امشي مزنجر ويحجي علية

_الله يعابيج يلماتخافين من الله كدام البنات تتنمرين علية

غمتة ذهب واحنا نضحك عليهم حتى هو يضحك مبين علاقتهم هيج كعدنا بالصالة على القنفات وسهلة اجت سلمت علينة تنهدت نيزك وكالت لذهب

_بيبي اني اريد اشتغل بس حايرة ماجاي تجي براسي فكرة اجيت اخذ شورج تعرفين اني ما مكملة دراسة وحتى اخواتي بس نجمة تدرس فمحتارة بالشغل

_افا تحتارين وذهب موجوده

_والله خطرتي بالي كلت اكيد تطرح علية فكرة

_وصلتي يمة والف رحمة على البطن النگلتجن عبن تدورن شغل بالحلال شوفن الشريف يلكة شغل بس شوية يطول خلگ انتي من گلتيلي اريد شغل خطرت براسي تشتغلن بالبيت تبيعن خبز تدرن الفرن بعيد والمنطقة كلها تشتري انتن مبينات نادرات تخبزن وتبيعن

_نيزك: بس شلون الناس تعرف احنا نبيع

_ذهب: اني اخبر الدلالة تخبر اهل المنطقة وانتن لا تظلن على شغلة وحدة هم اطبخن كبة دولمة هاي الشغلات البسيطة واهل المنطقة كلهم موظفين يحبون هيج شغلات وانتن بالبيت يجون يشترون منجن

_الف رحمة على اهلج والله ماي بارد ونزل على كلبي جنت مترددة من هيج فكرة لان اكول منو ياخذ وشلون يعرفون

_الدلالة تنشر على الحالة وكل نسوان المنطقة متابعاتها وانتي هم اكتبي لافتة على البيت والله الرازق

ابتشرت نيزك وبينت اسنانها جابت سهلة جاي وكعدت ويانة شربنا الجاي ونيزك ترخصت كالت ابني يبجي دخلنا المطبخ وضرغام بعدة على وكفتة ياكل

_ضرغام: اول مرة اكل دولمة هيج طيبة

_نيزك: بالعافيه

_اني اول زبون الج كل يومية تحظريلي جدر دولمة نفس هذا

_ان شاءلله

يريد يحجي ومن شاف ذهب سكت رجعنا لبيتنا ركضت على الموبايل صار بية شحن خليت بية رقم ميس شكد اتصلت ماكو ماحافظة حساباتها بس الرقم مافتحت علية خط شكد ضجت عبالي ترد والله مشتاقتلها العوبة   ..

تعشيت وشربت علاجي مالي خلگ من الالم نعست نمت و كعدت الصبح راسي يوجعني بعد ماكدر اتحملة الخياط ياذيني كالت كواكب بدلي اخذج لبست بسرعة وطلعنا للمستشفى رادت نيزك تجي بس ماخلتها كواكب كالتلها ابقي بالبيت..

  دخلنا كصينا باص ورحنا ننتظر سرانة كالت كواكب خل نصعد بالمصعد ايدتها  مابية حيل امشي رحنا وكفنا كدامة جان نازل انتظرنة دقايق وانفتح رفعت راسي وفتحت عيوني بصدمة اخر شخص بالعالم اتوقع اشوفة اليوم اباوع لكواكب هم نفس حالتي مصدومة تباوع مامصدكة لزمت ايدها وهما نزلو من المصعد يباوعولنا  ..

يتبع  ......

_______________________

شلونكم قلب قلبي 🤍

رايكم بالبارت؟

توقعاتكم

وها كواكب طلعت طلعتها البنية 😂

لاتنسون متابعة حسابي

عزيزاتي الحلوات 🩷🩷

اي استفسار هنا

خفيفه على اللسان ثقيلة في الميزان صلو على محمد وآل محمد 🤍

﷽

#المنجمة

الكاتبة _كفايه

لاتنسون متابعة الحساب

تصويت وتعليق بين الفقرات

يا علي مدد .

بارتين طبگ ❤️‍🔥

♢♢

كعدت الصبح راسي يوجعني بعد ماكدر اتحملة الخياط ياذيني كالت كواكب بدلي اخذج لبست بسرعة وطلعنا للمستشفى رادت نيزك تجي  ماخلتها كواكب كالتلها اني اروح وانتي ابقي بالبيت، دخلنا كصينا باص ورحنا ننتظر سرانة كالت كواكب خل نصعد بالمصعد رحنا وكفنا كدامة جان نازل انتظرنة دقايق وانفتح رفعت راسي وفتحت عيوني بصدمة اخر شخص بالعالم اتوقع اشوفة اباوع لكواكب هم نفس حالتي مصدومة لزمت ايدها

وهما نزلو من المصعد ..

بلعت ريك متوترة احس روحي سخنت مامتوقعة اشوفهم بهيج مكان دنكت راسي  العب بيد كواكب رفعت عيوني اله  يباوع  لحالتي باستغراب كال:-نجوم بابا سلامتج شنو صاير وياج؟

باوعت لايدي المجبسة يباوعلها باوعت بوجهة بزعل  كواكب كلتلة:-حادث

رد بخوف وحزن

_فقار: الحمدلله على سلامتج محد بلغنا اكول ماكو

_نجمة: اي والله استاذ بعد ماتواصلت وي احد

هزيت راسي باسى وكواكب تخزر بيهم خزر تباوعلهم من فوك ليجوة كالتلي بصوت مسموع  :-منين ذولة تعرفينهم؟

_استاذ فقار مدير بالشركة وهذا الاستاذ ابو عيون الملونة ماعرف اسمة بس يصير ابن عمة مو استاذ يصير ابن عمك ميس كلتلي هيج ؟

_فقار: بالضبط ابن عمي الغالي ضغيم

طبطب على ظهرة يباوعلة بابتسامة وهو يباوع لكواكب باستغراب مايحجي شي كال استاذ فقار

_شنو ضيغم جنك  تعرفها؟

ابتسم ورفع شعرة كال بابتسامة:-اووو كواكب هاي شلون ماعرفها

خزرتة بحقد كالت

_كواكب: معثور مو بيدك

_ضيغم: صدفة سعيدة منجمتي

_كواكب: شو صار بيها ياء تمللك خيررررر

_ضيغم: دخيل ربج ماجنت منتبة اسف عمي طلعتي تعرفين وتركزين بالكلام اكثر مني

_كواكب: ترة اني دارسة لا عبالك تعبر علية

ابتسم مدنك راسة يحك بلحيتة يريد يضحك والله يريد يضحك بس كاتم ضحكتة خرب روحج كواكب شبيج مجلوبة تصيحين على الناس انوب مو اي ناس ابن عم المدير ..!!!

_فقار: نجوم هاي اختج؟

_اي استاذ هاي كواكب اختي

_فقار: اتشرفنا انسة كواكب

ابتسمت بوجههة وصفنت علية خررب خررب ولج كواكب لا هسة يكوول غير شي قطعت صفنتها من كال ضيغم:-ماعندة شي لاتصفنين بوجهة

_كواكب: لتدخل

_ضيغم: صار بس عادي احجي وياج على انفراد

_كواكب: لان هاي اخر مرة تشوفني فموافقة

راحت كدامة مكتفة اديها وهو مبتسم بلطلافة شكد لطيف مبين ومحترم هالاستاذ بس راح اموت كواكب منين تعرفة صارو قريب مني اكدر اسمع اصواتهم ..

_ضيغم: شنو صار، وياج كواكب؟

_ماعرف شكول وحتى لو ردت اكول مايخصك شي

_صح مايخصني بس ناوي اساعدج لان طلعتي بوجهي

_وراح اختفي عن وجهك شرايك؟

_يمكن صدفة ترجعني التقي بيج

_كلشي جائز

_اساعدج بقضية الدعوة العليج

_لا لا اني شاردة ومشردة اخواتي بس افتح القضية يلكفوني والله ماتصير خير

_انتي سالفتج كلش معقدة

_التعقيد يمي ويوكف يا معقدة ضيم

_فقار: حلوة هالصدفة نجوم؟

التفتت على استاذ فقار ابتسمت وكتلة

_ها استاذ اي كلش

_ايدج توجعج؟

_شوية هيج

_مكسورة هي؟

_اعتقد تمزق ما انتبهت شنو كال الدكتور

_فقار: تأذيج نجوم

_ها لا استاذ بس استاذ انت مريض شو مابيك شي ليش جاي للمستشفى  !؟

_لا مو مريض نجوم

_هم كلت شكلك مابية شي

_فقار: تريديني اتمرض نجوم؟

_يااااا استاذ صدك جذب ليش خو تعزل الشركة بعد كلها مرضى

ضحك يروح لضغيم اجت كواكب سحبتني من ايدي ودخلتني للمصعد الثاني لان هذا تحرك اباوعلها صفنت ورجعت باوعتلي متوترة كالت ..

_هذا الرجال منين تعرفينة نجوم؟

_فقار قصدك؟ هذا مدير كتلج مال شركة

_ها شركة !

_اي رحت مرة وحدة داومت علساس يدربوني ميس صديقتي عدها واسطات هواي اصلاً يصيرون اصدقاء ابوها

_نجوم نجوم

_هاا

_اريدج تجمعيلي معلومات على فقار

_ياااا

_حبابة نجوم اذا داومتي يمهم حاولي تسحبين لسانة

_غير تكليلي ليش تريدين معلومات عنة؟!

_هيييج يعجببببني

_اييي بس صوتج انفضحنا

نزلنا من المصعد وهي حالتها مو طبيعية متوترة ماعرف اوصف وضعها كعدنا ننتظر سرانا وهي تهز برجلها مكتفة اديها كامت تفتتر بالمرر مدنكة راسها بالكاع واديها ليورة شابكتهن رفعت راسها باوعتلي واجت يمي  كالت: حباب استاذ فقار؟

_اي كلش بس البشر ماينعرف معدنة من اول لقاء

_لا لاهو حباب واضح

_شبيج كواكب؟

_كواكب ماتعرف روحها شبيها نجوم ماحب واحد يسالني هذا السؤال لان ماعندي جواب الة

هزيت راسي وسكتت عنها بس والله گلبي يتگطع عليها كواكب بالذات انقهر على تشتتها وضياعها الله اعلم شنو بداخلها من ضيم وقهر مرات احسها تشيل هم الناس فوك همها  .

وصل سراي واني صرت ارجف اخذتني كواكب هي تحجي وي الدكتور كالتلة تاذيها غيرلي العلاج وخلاني احرك اصابيعي بصعوبة كملنا منة بعدها صعدنا للمضمدة تفتح الخياطات والله كمت ارجف والدمعة بوسط عيني واكفة بعد مراجع واحد وادخل ما تحملت وانفجرت بالبجي مخلية ايدي على عيوني ومنطية وجهي للحايط كواكب حارت شنو تحجي وياي تمسح على ظهري وتكلي ..

_عمري نجوم شبيج ما تاذي تخليلج مخدر لاتبجين بس تتاذين ماخليها تكملج

_كواكب والله توجع

_ماتوجع نجوم امشي اجة دورنا راح يروح

تسحب بية واني وجهي عبارة عن دموع وخشمي يسيل امسح بية بيدي الصاحية ماعرف شنو من حظ شايلة ولا اعرف شنو من صدفة خااايسة لابعد الحدود شافني شافنييي تسحل بية واني بهذا وضعي ابتسم على شكلي الحقير واجة يكل الكواكب

_قبس: لا لا شنو جاهلة  وتسحلين بيها مو عيب بنية جبيرة عاقلة فاهمة متخرجة وتدور وظيفة هذا حالها !!!!  لا نجمة لااا تبجين هسة اشتريلج جبس بس تسكتين

_نجمة: انجببب يلا ولي منا كوواكب ماتشوفيننة شيكول علية اكتلية بسجينتج واني ادخل سجن بمكانج

_كواكب: خيرررر سالمييين

_قبس: اووو كواكب هاي كواكب ضلت بنفسي شوفتها

_كواكب: دخيلك ربي مدري منين تطلعلي هاي الشكول انت منووو وشتررريد؟

_قبس: سلامتك ضلعي والله لو انتي جاية تداومين عدنا جان صرتي ضلعي الثاني بدال سمار الخيسة

_كواكب: ديلة امشي منا سرانا راح يروح لا تعطلنا

_قبس: ولا يهمج اجيبلج اكبر دكتور بس كولي

_كواكب: ديلة بلة لان فكر كامت تطلعلي هاي الشكول الطاكة لو عندي فلوس انقرضو

_قبس: احنا واحد ولو فلوسك فلوسي ضلعي

_نجمة: من كون كسرو عظامك ان شاءلله

_هاج اكلنس خنينتج سالت عيب امسحيها منا دكاترة راح تفضحينا

مدلي اكلنس يريد يمسح وجهي احس اختنكت من الفشلة وقلت ادبة دفعت ايدة وصرت ابجي بالزايد

_قبس: لا يا خطية يا نجمة تبجين مثل الجهال ما ياذونج نجوم تؤ تؤ تؤ شوف ايدها مكسورة وخطية وجهج بيه زراك شوية

مسحت وجهي اسحب كواكب من ايدها واگلها

_نجمة : كوااااكب دچييية دچييية واني ادخل السجن بمكانج يلا دجية

نفخت بملل وسحلتني كدامة تصيح بالمراجعين:-سررانا هذا سرانا صارلنة شكد منتظرينة

دخلتني واني بس ابجي وامسح بدموعي جابت  اكلنس تمسح بوجهي وتحجي وي الممرضة فتحو الخياطات واني انتهيت رغم خلتنلي تخدير

طلعتني كواكب تحضن بية وتسكتني يكول جاهلة صدك حتى نسيت عليمن ابجي من الوجع لو من الفشل!

عدلت شالي بيدها تضم بشعري وتمسح بعيوني تكلي

_خيولي لاتبجين

_فشلني هسة يفضحني يم استاذ فقار والبنات

_مايسويها ولو سوواها امسح بية الشركة وكولي ماكالت

_اي عفية دجية يستاهل

هزت راسها تسلكلي  طلعنا نمشي وصار كدامنا استاذ فقار حاضن مرة متوسطة العمر ويمشي بيها  وضيغم وقبس محاوطينة من الجهات هي تحجي وياة  وهو يسمعلها مدنك راسة الها مرينة منهم وكواكب عينها عليهم باوعتلها المرة تكل لفقار وتاشر عليها  .

_شوفها شوفها تباوع علية اني مو حلوة تضحكون علية

_فقار: لا يمة تخبلين انتي

فعلاً هي تخبل بشرتها سمرة وعيونها واسعة ملونة لون سمائي فاتح نفس لون عيون قبس ملامحها تخبل تقربت عليها كواكب تكللها:-اني باوعت عليج لان جمالج جذبني مو العكس انتي حلوة

ابتسمت بفرح تكشر عن اسنانها كملت كواكب بابتسامة دكلها

_هاي عيونج يخبلن ملونات وبشرتج هم تخبل

اشرت المرة على عيون كواكب تكللها بحماس:-مثل عيوونج حلوات حلوات

_كواكب: اي صح بس انتي احلة بهواي

عافت فقار وتقربت على كواكب لزمتها من اديها واحس كواكب صارت ترجف ماعرف طبيعة هالبنية بس كلش توترت وجهها صار احمر تباوع بوجههة المرة تحجي بقهر وحزن طاغي على ملامحها تكول

_اني اني تحلمت بيها هي زعلانة مني هسة

_كواكب: منو

_هي هي زعلانة مني تريدني اجيها

سحبها فقار لحضنة وهي تريد تفلت منه تحجي وي كواكب كالتلة كواكب بصوت يرجف:-عوفها ماتعوفها تحجي

_فقار: مريضة

_كواكب: حتى لو حتى الكلام ما ياذي المريض

مدت ايدها لكواكب تكلها اخذيني سبحبتها كواكب بصفها تحجي وياهم:-خلوها شوية وياي تحجي بلكت ترتاح هسة هي محتاجة تفضفض لشخص غريب

لزمت وجهة كواكب تديرة عليها تكلها:-هما ما يعرفون مايعرفون اني احبها وهي تريدني عبالهم عفتها هي تريدني تجيني بالحلم كل يوم كل يوم ما تخليني انام تكلي جوعانة اني جوعانة هي ماتاكل هناك ماعدها اكل ويكتلونها يكتلونها جسمها ازرك محد يساعدها اني ما احبهم لان محد يساعدها منهم

دموعي نزلت على حالتها شكلها يقهر تحجي بحركة والم ودموعها تجري سحبها فقار لحضنة يبوس براسها ويكلها:-والله يمة ما خليت اشكال الثوابات سويتلها كل يوم اتصدق للفقرة بثوابها شبيدي عليها وعليج

كواكب صافنة عليهم وعيونها مغوركة سحبتني من ايدي وكالتلهم:-انصحك تاخذها لاهل البيت هناك ترتاح نفسيتها ولاتنطونها علاج نفسي وهاي السوالف

كلها تأثر عليها بشكل سلبي 

هز راسة كلها ان شاءلله

باوعتلها نظرة اخيرة وكالتلها:-فرصة سعيدة خالة

الله يبرد گلبج ان شاءلله فرصة سعيدة فقار

_فقار:-تشرفت اني كواكب

ابتسمت وسحبتني ابتعدنا عنهم اول ماوصلنا الدرج كعدت كواكب على الباية تخلي راسها برجليها تفرك بية دنكت عليها اسالها بخوف :-شبيج كواكب مو على بعضج؟

رفعت راسها عيونها حمر مدمعة كالت بخفوت

_كواكب: اني نقطة ضعفي النسوان الكبار وخاصة المتأذيات منهن بس اباوع بوجوهن احس بوجعهن ومرات يذكرني بامي وحنيتها ذني ما لازم يزعلن نجوم بس اااخ من الدنيا اااخ تبجيهن عيونهن الحلوة تخربهن تغار من الحلوات وتشمر عليهن بانواع الحزن

_الله يباوعلها ان شاءلله

هزت راسها وكامت لزمتني من ايدي ابتسمت بفرح وسعادة جاي احس بيها لازمة ايدي يكول بنتها الصغيرة تحسسني بحنان امي من جانت تاخذنا وياها  .

رجعنا للبيت لكينا سهلة عدنا ونيزك لابسة عباتها كالت:-همزين اجيتن جنت منتظرتجن حتى اطلع

_كواكب: لا اله الا الله سالفة مالت اطلع مايبطلنها وين طالعة نيييزك؟؟

_اشتري غراض وحاجات حتى نشتغل اروح وي خالة سهلة هي تعرف احسن مني

_كواكب: امشن يلا اروح وياجن

_نيزك: والبيت يبقة فارغ ترة كلشي يصير نسيتي كواكب هما جاي يدورون علينة  !

_كواكب: اني ما نسيت بس جنج انتي نسيتي وهل طالعة

_نيزك: شلون يعني نكعد ونسكت مانريد نطلع نشتغل

_كواكب: بلة شافوج شتسوين يالمسعدة

_نيزك: كواكب اطلع اطلع متفقة وي المرة وهسة فرغت حتى تاخذني

_تلثمي وروحي الله وياج ماتطلعين وشكلج طالع حتى اذا تلاكيتي وي چلابهم مايعرفونج

هزت راسها بيأس وراحت تنقبت طلعت بس عيونها تخزر بكواكب تكلها:-وهسة

_كواكب: لا هاي هي عاشت ايدج بس لو تغطين عيونج احسن

_نيزك:-كوووااكب شنو السالفة شلون اشوف درربي

_كواكب: تشوفين عادي بس شوية الدنيا مثل الظلمة

ضحكت خالة سهلة وكالت:-سبحان الله ماعدجن اخو يحاسبجن عدجن كواكب واكفتلجن على التعسة

_نيزك: والله الزلم ماتدقق مثلها هيج هيج ليزر تسويلنة ليش لابسة الوان شعرج عباتج حجابج وين طالعة يبووو تغث تغثث

_سهلة: بعد احسن غير تخاف عليجن من ولد الحرام وهي ماخذة دور الام والاب عليجن

_كواكب: جيب اليفتهم دروحي هسة روحي وعيونج طاكة طگوگ

خزرتها نيزك بضوجة وراحت شهب تضحك عليهن من خزرتها كواكب دخلت تركض التفتت باوعتلي وصاحت:-وااانتي شكووو هنااا ماتدخلين جووة مو راسسج ياذيج

هزيت راسي بخوف ودخلت سترك ربي احفظني منها بقت شهب تلعب باموري واني رحت لتليفوني فتحتة ولكيت ميس شكد متصلة ضحكت بفرح ورجعت اتصلت بيها فتحت الخط ..

_نجمة: ها الخايسة العوبة ام الثقافة والتنعوص وين جنتي ولا تكول صاحبتي وين راحت هالفترة ماتت عاشت تفووووو عليج يا خاااينة

_ميس: دوكفي خل اغسل وجهي من تفالج وارد عليج

_دنجبي انجبي يلة احجي يالمكارة

_ميس: وووولج نجووووم ررراح اجيييج والقررران

_لا شافج هو انتي مسيحية منيلج هاي الكلاوات تحلفين بالقرآن هو انتي قاريتة؟

_ميس: والعباس راح اطفر عليج من الفوون املخج

_اسم الله الزهرة ماصدك انتي مسيحية عمي المسيحين لطيفين املخج شنو هاي ماعدكم بالقاموس

_نجوم نرجع وحدة وحدة انتي اختفيتي لا عندج فون واعرف اخبارج من خلالة وبيتكم الجديد ما اندلة منين اعرف بالعتها وساكتة انتي ماتدرين حقج شلون كلبي نار عليج بس انتي وحدة عار نكارة

_ديلا رجعت علية اي ست شخبار المعفن تلاكيتي وياة لا

_اوووووف

_هاي شنووو

_غيري الموضوع لان السالفة مليوصة

_اها انتي تحجين بية من تزوجون خوش خوش

_نجوم ارجعي للدوام ترة ماطايقة الوضع بدونج

_اليسمعج يكول وياج وياج افتر

_حتى لو المهم وياي بنفس المكان

المهم ما گلتيلي  شنو صار وياج؟

ذبيت حسرة طويلة وبديت اسولفلها الصار بالتفصيل اسمع بس شهكاتها توصلني مصدومة كملت وهي حتى ماردت علية:-ميوسة الصار مايطلع لاي بشر بس يمج

_امني بس نجوم شلون بيجن هسة والله كلبي حيطلع من الخوف عليجن

_الله موجود شيكدرون يسوون كلشي ينحل هسة نيزك راح تفتح مشروع هي وشهب بالبيت وكواكب هم تشتغل واني اساعدهن بالاكدر علية والله يدبرها سهلة سهلة

_والله ماعرف شنو اكول الله عليج نجوم اي شي تحتاجين اني موجوده بس اتصلي بية

_وداعت المعفن ادري مو جديدة علية

_______

_نيزك:خالة بعد شنو نشتري؟

_سهلة: ها هية كلشي جبناة

_زين شلون نشيل هاي الغراض كلها

_خابرت عليش هسة يجي يحملنا

ابتسمت بانكسار من ذكرت اسمة:-خالة هو ابنج مو

_لا يعيني ابن رجلي اني عندي بس ضرغام

رفعت حاجبي بتعجب وكتلها:-امة وين عبالي انتي امة؟

_امة عافتة وتزوجت من جان صغير واني ربيتة

_شنو من ام هاي تعوف طفلها وهو بحاجتها

ذبت حسرة وابتسمت بانكسار كالت:-هلوليد دمرتة امة هسة هو اخرس من وراها تمرض وهملتة ماراجعت بية وهو طفل خلتة كلش تمرض وصل الموت ركضنا بية بعد خسر صوتة

رجف جسمي ودموعي تجمعت بعيني كلتلها بصوت يرجف :-يعني خالة هو مو اخرس من الله !

_كلشي مابية من جان صغير يحجي بس كتلج امة السبب هملتة

_هسة هي وين؟

_سافرت الله لا يهنيها دمرت مستقبلة وهسة هي بالخارج عايشة

_وهو مايشوفها يروحلها او هي تجي

_يتعقد بس ينجاب طاريها احنا اهلة لا امة ولا ابوة ثنينهم بس بالاسم

_حتى ابووووة هم !!؟؟؟؟

_ابوة هم دايح كليوم بمكان

_خالة انتي منفصلة ؟

_سهلة: لايخالة بالاسم رجلي لايمة ولابصوبة حاسبتة حالة حال الغريب مرات يجينا ويروح مايضل هواي

سكتت گلبي مشعوط هسة شنو ذنبة علي  ابتسمت بحزن وكتلها :-طلعت الدنيا مليانة قصص بس مامعلونة للناس حتى ضن كل واحد بينا قصتة ماكو مثلها بالتعاسة بس بالحقيقة اكو مئات القصص الاتعس من قصتة

_اي والله يخالة قصص اشكال بس الباري يدري بيها

مسحت وجهي بحركة وكعدت استريح خليت كدامي المسواك والغراض صفنت افكر بـ علي شكد انقهرت علية رغم هي ماحجت تفاصيل حياتة بس اني حسيت بكل الم وجع مر بية .

من تكون الام سبب دمار ابنها شكد صعبة كل مايريد يحجي يتذكر امة السببب بكونة اخرس وخسر النطق بسبب اهمالها وهسة هي عايشة حياتها !

_هسة وكت صفناتج عيونج طاكة

_هااا

_ضرغام: امشي كومي صارلي شكد كدامج ماحاسة علية

كمت من مكاني اعدل بعباتي كتلة:-ما دري بيك والله

_ضرغام: اي غير سارحة بعالمج الوردي

خلة الجكارة بحلكة وشال الغراض ابتسمت باستهزاء وكتلة:-ماكو عالم وردي

_ضرغام: اكو عالم وردي معقولة ما شايفتة؟

_لا مامر علية من قبل

ابتسم بمكر وهز راسة شكلة يريد يضحك بس خايف الجكارة توكع من حلكة حسيتة يقصد شي صفنت افكر بكلامة عالم وردي شنو يعني؟ وكفت فاتحة عيوني على وسعهن افتهمت قصدة الخايس كال عالم وردي كال التفتت علية شافني وراة خزرتة بحقد وعبرتة صاح وراي:-عيونج غطيهن فرد مرة هسة انتي غطيتي وجهج غطيهن منظر مخليتهن

عكدت حواجبي وكتلة:-ميخصك بكيفي اتنقب اغطي اطلع انت شكو !؟

فتح عيونة مستغرب من ردة فعلي راساً عفتة ودخلت بالسيارة كعدت يم سهلة كتلها

:-خالة مو گلتي اخابر علي يجي ياخذنا ليش هذا

_سهلة: والله مادري عليش وين يلة هما اخوان ماكو فرق

هزيت ايدي باستهزاء وكتلها:-رب الفرق شجاب الثوم على الحلقوم

_ضرغام: الثوم يسلم عليجن

التفتت بسرعة علية فارزة خرب شوصلة هسة شمر الغراض بالسيارة وشرب الجكارة عيونة مقلصها علية خازرني شمرها وكال:-اني ثوم وعلي حلقوم؟ هاي ليش لان اني اسمر وعلي احلى مني شبهتيني بالثوم؟

حجيت بتوتر:-لا لا والله مو هيج قصدي

_ضرغام: افتهمت قصدج عدل بس ليش ثوم ماتخافين من ربج حتى بالمركة ماينوكل

_نيزك:-لا مو شوف

خلة ايدة مقاطعني بلعت كلامي وهو  صعد بالسيارة ساقها واني بقيت متفشلة وساكتة طلعت مني بدون قصد ماعبالي يسمعني لو ياخذ بخاطرة علية، شغل اغاني وامة ترزل بية ..

_سهلة: ولك طفي اللطام تريد تترسنا ذنوب وياك

_ضرغام: هسة الا تسمعيني اسكتي حجية خليني مسلطن على كولة ذهب

_سهلة: بس هي دواكم انتم ماتمشون بالعين والاغاتي

صوت الاغاني عالي يطرش طرش ودخان الجكارة خنگني خنگ ضليت اكح اختنكت اريد افتح الجامة ماعرف منين تنفتح فتحتها خالة سهلة طلعت راسي وفتحت النقاب اتنفس طفة الاغاني هو وفتح جام الصدر صارت تهوية بالسيارة ..

_سهلة: خنكت البت طيح الله حظك

_ضرغام: ماعرف عندج حساسية من التدخين

_ماعندي حساسية بس انت هواي دخنت

وصلنا لبيتنا نزل الغراض ضرغام ودك الباب فتحتة كواكب وانصدمت عيونها يريدن يطلعن من مكانهن من شافته هزت راسها بعدم تصديق تصيح لاااا ما مصدكة تشوفة هنا  .

_ضرغام: هلو كواكب ام دجة

_كواكب: الاااا انت الااا انت شجابك متكللي شجاابككك

_ضرغام: صدف وداعت المعثور صدف كعدتن بيتي بالصدف

_كواكب: بيتككك شنووو بيتكككك

انلاصت انلاصت هسة الا تحجييي خرب انة هسة شحجي خازرتني وهذا يتحوقر وياها يبتسم من يشوفها عصبية لزمتها. من ايدها اهمسلها:-عيب من خالة سهلة عيب كواكب صدفة والله صدفة صارت

سكتت بس لو بيدها تلعب السجينة على وجههة دخلت الغراض من ضرغام حك راسة وابتسم كال

_ضرغام: اني اول زبون الج اريد جدرية دولمة مثل ذيج السويتيها وحبشكلات داريني سوي مقبلات وسوي اشكال الاكلات ماتخسرين اني اشتريهن كلهن

ابتسمت بفرح وكتلة:-بعيوني صار

_ضرغام: بالتوفيق

خزرتني كواكب تهز راسها متحلفتلي دخلت جوة وسهلة وياي تسوي بالتنور جابتة الي خطية كالت مانستعملة عدنا مشمور ضال حرامات ليش تشترين

سوتة وراحت بدلت ملابسي وكعدت اني وشهب نحظر دولمة نشتغلها جبت كل غراضها نجمة اجت تساعدنا وكواكب فوك راسنا واكفة ..

_كواكب: شلون هذا بيته

_والله ماعرف

_يعني بيتة بيتة

_اهووو شلون سالفة ترة كاعدين بية بفلوسنا ايجار عمري مامان علية خففي توتر خففي

_ماعرف ليش يطلعلي خرب شكلة

_نجمة: ليش تكرهينة ترة مبين حباب

_كواكب: لججج منووو هذااا الحباب ضررغام حباب ضررغام وجهة البعيجي حبااب!!!!!!

_نجمة: شبيج هسة اني كلت مبين مبين

_كواكب: ترة مبين مو حباب انتن شنو ماعدجن بصيرة مو يكولون سماميهم في وجوهم الزين يبين زين والموزين واضح ذاك هو انتن معدومات البصيرة؟

_نيزك: شلون هسة نريد نشتغل لاتصيحين فوك روسنا

_كواكب: اسمعني كلجن البعيجي لاتحجن وياة ولا تباوعن بشكلة اي تعاااامل ماتتعاملن وياة والي تصرف مايعجب وي التتعامل وياة

خزرتني بحقد وطلعت

_نجمة بهمس: هاي شبيها

_والله مادري

رجعت تلبس بحذاتها تحجي بعصبية

_اني راح اطلع

_وين بس لاتشوفين بيت غير هذا للايجار؟

سكتت ماتحجي صحت بيها:-لا تترعنين وين نلكة بيت مثل هذا جاهز من كل الجوانب خلينا كاعدين وساكتين لا تفترين بينة ترى حيل بعد ماعدنا

_كواكب: ررررايجة افجررر تطلبيني ما ارروح اشوف بيت اكعدي بيتة اكعدي على ريحتة

_يااا واني شكو اعرفة يعرفني شبيجج انتي

_سلامتج سلامتج اني اولي

_ووووين مولية تعااي

_لجهنم تريدين ترحين وياي

طلعت وراها صحت:-ياصوب جهنم مالتج صايرة

جاوبتني وهي تلبس الشفقة براسها

_كواكب: اشوف تاليتها شنو ادور شغل راح

_كواكب لا تنلزمين

_يمعودة وين قابل الشرطة تفتر بالشوارع لازمين صورتي بيدهم

ضحكت وهي طلعت سديت الباب وراها ادعليها ترجع سالمة رجعت اكمل الدولمة كالت شهب

_شكد نسوي كدورة؟

_مادري كالت سهلة اجت طلبات البارحة الدلالة ناشرة رقمي وجايتها طلبات لباجر نطبخهن غدا

_شهب: اي شوفيهن شكد ولا تنسين اكو كمية صغيرة واكو كبار شوفي شكد من هاي وشكد من هاي

_هم صح هسة شلون

_روحي شوفي خالة سهلة وجيبي رقمها هي ورقم الدلالة تفيدنا حتى نسوي بيج وهي تنشرلنا

ايدتها وكمت غسلت ورحت لبست اموري چلب وياي اخذتة ورحنا لبيتهم هو يريد يلعب بالشارع راح يركض واني واكفة بالباب اصيح بية :-تعال حبيبي تعال

_ضرغام: عبالي علي هاي

التفتت علية فتح الباب يباوعلي ابتسمت  واموري شافة اجاة يركض شاله يبوس بية ويلاكفة بالهوى باوعلي وكال؛-اطلبج اعتذار

_اعتذار على شنو !؟

_ها يعني اني ثوم؟

_هسة انت على هاي ترة مو قصدي هيج طلعت

_تزوجيني نيزك

فتحت عيوني بصدمة وجهي صار نار ضحك وكال:-ترة مو قصدي هيج طلعت

كلبت عيوني خزرتة  وهو اخذ ابني ودخل جوة طلعت خالة سهلة حجيت وياها على الموضوع وفهمت كلشي اخذت رقمها وذهب صاحتلي رحت اسلم عليها لكيتها كاعدة بالصالة وضرغام قريب منها مخلي امير بحضنة يلعب بية سلمت عليها وطلعت.

اسبوعين كاملات مرن واحنا نشتغل ماكاعدين اسوي دولمة وكبة والخبز اجلتة هالفترة ناوي اكبر المشروع واضيف اكلات اهل المنطقة حبو الاكل وصارو يطلبون بكميات بما انو كلهم موظفين الحمدلله كلشي مشة وحياتنا هادئة ما نواجة صعوبة بشي  بقة صعب علينا موضوع التوصيل وكواكب كالت علية اني ادبرها نجمة رجعت تداوم وكواكب تغط غطات ابد ماتحجي شي من نسالها...

الفرحة غامرتنا بشغلنا الجديد وبحياتنا الجديدة لا مشاكل لا حرشة وصياح البيت هادئ صوت الادعية من الصبح نشغلة ونتريك بهدوء وشهية بعدها نشتغل وريحة الطبخ تارسة البيت والمنطقة ..

اندك الباب راحت شهب فتحتة مديت راسي اشوف   كواكب دخلت على الدراجة ضلينا فاكين حلوكنا صفطتها على الحايط نزلت وكالت

_شبيجن ترة اشتريتها هاي مستعملة اساعدجن بالشغل

_بس لا توصلين بيها اكل؟؟

_اي اشتغل عدجن دلفري

ابتسمت وهي بادلتني الابتسامة دخلت تكلب بالجداري تلكط وشهب تتعارك وياها ماتقبل هاي اقوى عركة بالبيت وي محلاها كواكب تتونس من تتعارك وي شهب لان على طول خانسة خابرتني خالة سهلة رحت افتح عليها خط..

_هلا خالة شلونج

_اريد جدر دولمة وين جدري؟؟

_ها هلو ضرغام

_ضرغام: لا تسلمين علية هسة اني جوعان خلگي بـ..

_كمل ليش سكتت

_اخاف اخدش حيائج

_ها لعد اسكت احسن

_يلة ام امير دزيلي جدري لو اني اجي اخذة

_لا فدوه لاتجي كواكب هنا هسة تسويلها هوسة

_ترة كواكب عاضها جلب ماتشوفينها مجلوبة

_ترة ما اقبل تحجي عليها

_يمعودة شلون عايشات وياها مادري

_والله ماكو احن منها علينة ولا اكو احد يخاف علينة اكثر منها

_واضح ام دجة لاتحاجنها لا دججن

_يااء هسة شبيك وياها بس كون اعرف

_ماعندي شي وداعت عيونج بس هي شادتها وياي

_اي واضح على العموم راح يوصلك الاكل

سديت الخط منة وجفلت بمكاني من شفتها دخلت گلبي صار بلعومي دخيلك يا علي بس لا سمعتني احجي وياة شمرت المنشفة وتقربت علية اني بقيت جامدة لزمت ادية ثنينهن رفعتهن وباستهن ذبلت ملامحي ابتسمت بحزن وكالت بجدية ..

_كواكب: اليصير مرايتك يندل حسرتك وين

تركت ادية وكعدت على القنفة تمشط بشعرها كعدت يمها وخليت ايدي ورة ضهرها حضنتها رجعت راسها علية سكتت شوية ورجعت كالت

_كواكب: اكثر واحد يعرف منو نيزك اني اعرفج اكثر من روحج واخاف عليج اكثر من روحج

باوعت بعيوني وكالت..

_ الحب هو خدعة توكعنا بحفرة مليانة اشواك محد يتاذى غيرنا بيها ماكو غريب يحبج حب فطري منا لله نيزك حبيتي مرة وشفتي شنو صار بيج اني خسرتج بوقتها حتى انتي خسرتي نفسج لاتحبين مرة ثانية نريدج احنا

شددت حضنتها ابوس براسها:-ماحب كواكب اني كلبي مات من زمان لاتصدكين گلبي يدك لشخص اني كل همي نعيش سوة مرتاحين والله بفلوس الدنيا ما اعوفجن ولاتنسين اني عندي ابن ما اتخلة عنكم بيوم كبرت وفهمت الحياة زين جبت عمري ندمانة لان ماسمعت منج من جنتي تكليلي يوسف جبان يوسف يكسرج من ذاك اليوم اني وياج كواكب بكلشي امشي واني مغمضة

_كواكب تفديجن بروحها وتحرك اليتقرب عليجن

حضنتها مبتسمة احسن بالسكينة محاوطتني من اكون بقربها كواكب اليشوفها يكول ماعدها مشاعر ولا تحب احد بس هي العكس والله العكس مليانة مشاعر وحنية من ماتت امي صارت هي بدالها رغم اني اكبر منها بس احسها امي شلون الابنية تروح وتحجي لامها كلشي يصير وتشاورها اني هيج وي كواكب  .

_نجمة:خااااايناااات ماتستتتحن انتن يعني واحناااا واحناااا يبووووو عليجن

_شهب: ولا يكول اخواتهن بس هنا اخوات ريا وسكينة

_نيزك: بس لاتغارن تعالن تعالن

_نجمة: شكرا مانريد تعالي شهبتي خليهن ذني وحدهن واحنا وحدنا

حضنت شهب تعصر بيها تغورنا عود ضحكت وكمت ضربتها على خدها وبستها:-لاتزعلين غير مرة نسوي حضن جماعي

_نجمة:اي واني اول وحدة تحضنيها

_صار بعيوني

نجمة وشهب النهار كلة سوى يسولفن ويضحكن يمكن يردن يعوضن الايام المايحجن بيها سوى كواكب طايرة بيهن من الفرح واني ازيد والله واخيراً اجتمتنا ولتمينا الحب يحاوطنا كل هذا ويبقى خوف من المجهول متاكدين محد يعوفنا بحالنا  .

حضرت جدر دولمة سفري وي مقبلات لبست عباتي وكتلهن اني طالعة كواكب ماعرف ليش ما حجت شي ولا كالت اني اوصلة مثل كل مرة  بقت على كعدتها واني رحت لبيت ذهب دكيت الباب فتحة علي ابتسم بوجهي واني كتلة:-شلونك علوش

هز راسة زين:-دومك زين ان شاءلله اكلت من طبخي؟

هز راسة اي كتلة:-شكد تقيمة برأيك

فتح ادية ثنينهن ضحكت اكلة:-عشرة من عشرة لا خلص راح اقدم برنامج الطبخ العالمي شو سويتلي واهس

انطيتة الجدر وسهلة طلعتلي ابتسامتها على وجههة مو مرة تخبل كلها طاقة ايجابية سلمت عليها تكلي:-والله ريحتيني من الطبخ هالفترة عاشت ايدج كلها تمدح باكلج

_حبيبتي بالعافيه

_ذهب: ها ولج زيبك ما تطبين جوة

_ها حجية والله راجعة للبيت

_ذهب: تعاي شعدج راجعة للبيت خل اسولف وياج طاك گلبي اريد اسولف

_نيزك: ماتجين لبيتنا تونسينة

_ذهب:دتعاي هسة اخواتج شلونهن

_يسلمن عليج حجية

كعدت بالمطبخ واني كعدت كدامها ذبت حسرة وكالت؛-حبوبة انا اهم بيجن والله

ذبلت ملامحي بحزن وتنهدت كتلها:-الله موجود حجية والله ملينة منهم اني سنين متحملة وساكتة على دكاتهم بس بعد الصار ماتحملت اكثر

_ذهب: يمة ذولة دمهم نكس مايخلونجن يدورونجن

_خلي نعيش اليوم بيومة الله كريم حجية

_انا اول ماشفتجن حسيت بيجن مهضومات ومضلومات وهل فكيت داري الجن

_من اصلج والله ما ننسة وكفتج هاي

_اريدلجن حل يمة ماتظلن هيج وذولة يدورون عليجن

_سامعة شي؟

سكتت دخل ضرغام سلم رديت علية السلام وكف يم الكاونتر كتف ادية يباوعلنا كال:-اني ماعرف عمج ولا ولدة بس اعرف كواكب شغلها قريب علينا تعرفين وكل فترة يجون ولد يسالون عليها اذا احد شايفها بمكان حتى ينطون مواصفاتها من عرفت سالفتجن فهمت ذولة يدورون عليجن

_يعني مايعوفونة؟

_ضرغام: ماكو ناس تعوف بناتها

_هههه بناتهم منين صرنا بناتهم والله لو يعاملونة نفس البشر مافكرنا نطلع من الباب بس هما طاغوت هذا سالم اكبر طاغوت

_ضرغام: سالم مايعوف بنات اخوة والعالم وياة تأيدة

رجفت ايدي بحركة ودمعتي بطرف عيني صارت ماعرف شحجي گلبي يوجعني من القهر كالت ذهب

_خالج مامنة خبر

_نيزك؛ مانعرف شي عنة

_ضرغام: واخوالجن البقية ماعدجن بس هذا الخال

نزلت دموعي حارة تجوي خدي دنكت راسي من ذكرهم اليمرد الگلب احس الغصة خنگتني مسحت عيوني بعباتي وكلت بقهر:-اخوالي ازيد من سالم كلهم كلهم ناس ما تخاف من الله زوجني سالم ابن خالي كل مصايب الدنيا يسويها وهما وياة يأيدونة مابيهم واحد شريف اوصل الموت ماواحد يدخل لو ماخالي همام هددهم بالقانون ورفع دعوى يلة خلصت منهم ومن ذاك اليوم لهذا اليوم ما اعرف. شي عنهم ولو اموت ما اروحلهم ولا ادك بابهم

لزمت ايدي ذهب تمسح عليها بحنية كالت:-انتن بحمايتي ذهب انا ذهب وما عاش اليندك بذهب

_مشكورة حجية بس احنا ما نريد نسبب لاحد مشاكل بس يصير شي نعوف المنطقة ونشوف بيت ماندخل احد بمشاكلنا

_ذهب: من يوم الدخلتجن لبيتي دخلتن بحمايتي وفنة اليحاجيجن اسحك على راسة تهي بهي ولجن انا اشتري الطلايب شراية نامن رغد فلوس وعندي وخلكي للطلايب طويل اتونس بالعرك

_ضرغام: جدي مات من وراج ورة طلايبج

_ذهب: الله يرحمه فقير جان مالة علاقة باحد كل همة الفلوس والشغل وانتم غمان ولا بيكم زلمة بس ابو ود عمت عيني عينة

_ضرغام: ابو ود جيبة ثگيل هل عميتي عينج علية

_ذهب: ياهو البيكم عايز بس هو زلمة السبع

_ضرغام: خلي نفسي مفتوحة للاكل لاتحجين بعد

_ذهب: الغسل كون

كلب الدولمة بصينية صغيرة واجة كعد يمنة ياكل وجهي صار احمر هذا شبية مايستحي كاعد بنصنة ضربتة ذهب دكلة:-يا ما لكيت الا هنا تاكل البيت شكبرة شكدة كوووم كوووم

_ضرغام: هسة خليني اكل على واهس السوالف

_ذهب: سم وقز القرط كوم كوم منا يلة

شال صينيتة وكام يحجي عليها:-رجل تريدين رجل الا ازوجج مخليج يمي دفع نفع بس مغثة

_ذهب: دهر كون اليدهرك يمدهور روح روح يلعايص النايص

_ضرغام: بحلكي حجاية لو ما اخدش حياء ذولاك الناس جان كلتها

راح واني كتلها:-اني رايحة ماخليتية كاعد

_ذهب: خلية يولي كاعد يم النسوان

ذبت حسرة ورجعت كالت بنفس الوقت

_ بس يمة ضرغام خوش زلمة ترة انا صح احجي عليهم من حلات روحي هما صح عدهم سوالف بس عدهم غيرة ونخوة وحمية

_الله يحفظهم الج

_ما كلتلي شكثر صارلج مطلكة

ذبيت حسرة وكتلها:-من جنت حامل راح يصير اربع سنوات تقريباً

_وشكثر، عمرج من تزوجتي

_16 وبال 19 تطلكت ضليت تلث سنوات متزوجة

_وماصار عندج بس وحيد

_لا صارت بنية وماتت بعدها بفترة تطلكت واكتشفت نفسي حامل

_ورجلج الخيسة اااخ لو اكضة كل هذا الجمال ماعرف يحافظ علية

_ابشرج ماتهنة هسة بالسجن هاي رابع سنة اله راح يكملها

ابتسمت بخزن ونهضت من مكاني بگلبي نار تحرگني من ينجاب طاري الماضي العشتة ابتسمت اخفي وجعي وذهب كامت تكلي:-اذا يجونج خطابة تقبلين

_لا

_ليش حبوبا بعدج شابة وصارلج اربع سنوات من تطلكتي لوين تضلين كاعدة

_حجية اني بيا حال ما تشوفين شصاير بينة اعوف اخواتي بهذا الحال

_انتي ماتعرفين انا شلون افكر انطي فرصة لروحج انتن بنات وحدجن رادلجن زلمة يدافعلجن ويعتبر اخواتج اخواتة مايخلي واحد يمسهن بسوء

_الله كريم حجية شنو شبسرعة شفتيلي عريس

_اول ماشفتج لكيتج العريس

_بلة منين هذا الكيتية

_اليتنوع الحلكج مساع

عكدت حاجبي بتسال كتلها:-منو؟

_ذهب: يااا يااا فلك ولا جنج تعرفينة المدهور الياكل ويصيح محد تطبخ مثلها

دخل ضرغام بيدة الصينية كال:-محد يطبخ مثلج

خلة الصينية على السنك وغسل ذهب تباوعلي واني صافنة من الصدمة اباوعلة طلع جكارة خلها بحلكة وشغلها كالت ذهب  ..

_ذهب: هذا ضريغيم المخبل تنوعيلة عدل خاف اغشج بية هسة كولي ترضين بية اني خطبتج الة

عكدت حاجبي وهو كال :-شكو فافونة

_ذهب: ولو انت ماتستاهل بس خطبتلك زيبك عيونها جنهن كلوبات ضاوية

_ضرغام: اول مرة تسوين شي براسة حظ خوش من خطبتيها

_ذهب: مو اكول تكيف وين لاكي هيج وحدة تخبل

واكفة بمكاني جامدة وجهي اشتعل نار ذولة يتشاقون لو شنو نكث المي من ادية يباوعلي كال

_ترة اني خطبتها بس هي مارضت

_ذهب: ياااع وليش ماترضة صدك ولج

فتحت عيوني على وسعهن خازرتة كال

_ضرغام: طگگيهن بعد بعد خاف هنا عايزات

_ذهب: هسة ما كلتي هذا ضرغام ابو الغيرة ابو الحمية ابو النخوة العراقية تقبلين بية؟

_نيزك: لاااااااا

باوعت بعيونة اترقب ردة نفخ دخان الجكارة وكال

_نومت حمامة نمت غطيت راسي بأيدي من گتلي ما اريدك "

_نيزك: اسفة اعتذر

_ضرغام: تكسرين وتعتذرين شيفيد اعتذارج كسرتي گلبي والكسر شيصلحة؟ حوبتي جبيرة يم الله

فوگ الصدمة صدمتين وتلاثة واربعة وخمسة وستة لاا لاا لا معقولة هذا يحجي حتى كمت اشك بنفسي اني حبيبتة وهالكد تأثر من رفضتة  .

_ذهب: جا عود لبختة الج خوش لبخة لو ما لابختة شلون

_ضرغام:يصير الرفض مربع بس  ليش شبية اني نيزك؟

_نيزك: مابيك شي بس ضروفنة تختلف اتمنالك التوفيق

عفتهم وطلعت اركض وجهي مشتعل نار احسة وگلبي يدك بسرعة ذولة صدك يحجون لو يتشاقون من كل عقلهم احنا شاردين وماصارلنة كم يوم من اجينا هنا وهي خطبتني شعرفو منا معقولة بهاي السهولة؟!

دكيت الباب ادية ترجف فتحت نجمة الباب دخلت وهي تكلي:-شبيج نيزك وجهج احمر؟

_مابية

نزعت عباتي وغسلت وجهي بماي بارد كتلها:-وين كواكب؟

_راحت توصل طلبيات

_وانتي شلونج بالدوام؟

_زينة

_نجمة::ابتسمت ورحت انبطحت على القنفة لفيت خصلة من كذلتي على اصبعي ورجعت اتذكر اول يوم داومت بالشركة بعد الصار .

ميس تمشي بصفي لازمة ايدي وابتسامتها شاكة حلكها كل شوية وكالت:-فرحانة اني نجوم برجعتج

ضحكت بفرح وكتلها:-حتى اني والله فرحانة كلشش من شفتج

_يلة يلة رجعت الحلوة رجعت رجعت

_صوتج عيني لا يسمعون

_مايهموني

_اتفق بت الملياردير

شمرت شعرها بغرور وضحكت تعجبني هالبنية ثقتها بنفسها شخصيتها تنحب ميوسة وكفنا كدام المصعد ننتظر ينزل حتى نصعد وميس تسولف ..

_ميس: لج تدرين شنو اتمنى

_شنوو

_اسحل طيبة وغادة سسسحل

_اااالعب واني ابقة اصيح السبع يطلع دم والفاهي يطلع زاهي هي هي الدينو الدينو

_هي هااي نجووم ولج المفروض تسحلينهن وياااااي

_اي اي بس ايدي ماتشوفينها بعدها ملفوفة

_يلة راح اجلها من تفتحين ايدج نتعارك ونسحلهن

_لااا فدوه هسة تعاركي مو بعدين اخاف على ايدي تنكسر ما اعارك اني

_ااامداني اي والله

بقت تلطم واني اضحك عليها اني مال عرك والله انسحل منو يطلعني جفلنا ثنينا و التفتتنا على مصدر الصوت

_مرحبا صبايا

ابتسمنا  وردينا بصوت واحد:-اهلا استاذ

_فقار: شلونكم بنات

_ميس: بخير استاذ

_فقار: نجوم شلونج بابا

_زينة اني استاذ

ابتسم وانفتح المصعد صعدنا اني وميس وهو وقبس صعدو ويانة قبس ساكت وكلعادة عاكد حاجبة محد عاجبة عدلت حجابي مدنكة راسي استحي من اكون وياهم بنفس المكان احس بتوتر  ..

_فقار: شلونة ابوج ميس

_ميس: احسن بهواي من قبل

_فقار:مادام صار زين مايجي يزورنا

_ان شاءلله ليش لا بس هو يطلبكم هواي زيارات

_فقار: عن قريب نزورة ان شاءلله

_نتشرف بيكم

انفتح المصعد شمرت شعرها وسوت بيدها تفضل لقبس ابتسم ونزل نزلت وراة ابتسمتلي وراحت لقسمها وشغلها  انغلق المصعد بقينا بس اني والاستاذ مرتجية على الجدار وصافنة بالكاع رفعت راسي من كال ..

_نجوم شلونها ايدج

_ها استاذ زينة

_شوكت تفتحينها

_بعد كم يوم

_مكسورة هي؟

_اي استاذ اتذكر كتلك مكسورة

_يأذيني منظرها

برطمت بوجهة وكتلة:-صح منظرها مو حلو بس ماكدر اكعد فاتني هواي اسفة اذا ازعج المنظر

هز راسة بنفي وكال موضح:-ما متاذي من المنظر بابا بس احس بوجعج

ابتسمت ودنكت راسي كتلة:-الله يبعدك عن الاذى استاذ

_امين نجوم امين

_نجمة اني استاذ

_المفرد والجمع ثنينهن يضوي

انفتح المصعد طلع واني وراة خفف خطواتة صرنا بنفس المستوى عدلت جنطتي وكتلة:-استاذ عادي اسال سؤال

_اسألي بابا

_والدتك شلون صارت؟

_نفس وضعها

ابتسمت بحزن كتلة :-الله يشافيها استاذ والله خوش مرة مبينة حبيناها هواي

_انتي واختج؟

_اي كواكب

_سبعة كواكب مبينة ذيبة

_اي والله ذيبة

_احب النساء القويات اتعلمي منها حتى محد يتقرب صوبج

كالها بابتسامة هزيت راسي اني اصير مثل كواكب وين وين والله رادلي دورة اشهر عدها يلة اخذ ربع من شخصيتها وقوتها .

دخل مكتبة واني بقيت بالباب دكيت الباب كتلة

_ادخل استاذ

كعد بمكتبة وهز راسة بابتسامة هادئة تغطي ثغرة

_ادخلي نجوم مو مال عزيمة

_هم صح بس هم مو صح ادخل بدون ما استأذن

دخلت وبقيت واكفة وهو يگلب بالفايلات حجة وهو يشتغل:-اتفضلي اكعدي

كعدت اباوعلة بيدة القلم يوقع كال:-بطلي توتر خليج طبيعية بنتي

_ليش هسة اني جنية استاذ؟

ابتسم ورفع راسة كال:-لا بابا بس اخذي وانطي لاتتقيدين انتي طالبة عندي اسألي اي شي فهمتي لو اشرح اكثر؟

_ها اي فهمت راح اسال هو جنت ناوية اسالك هواي سؤالات

_خليني اسمع سؤالاتج بسرعة

طبكت ادية ورفعت عيوني ليفوك افكر اشو الاسئلة طارت من راسي خرب حظي والله جنت محظرتهن باوعتلة وكلت خل اسئل اي سؤال يخطر بالي كتلة

_استاذ اذا خلصنة تدريب عادي اشتغل هنا

_فقار: اكيد عادي

_والله استاااذ عااادي؟؟؟

_والله عادي

_يااء صدك

_شبيج نجوم

_استاااذ فرررحت يعني لكيت شغل واني حايرة بزماني اكول ماكو وظيفة حتى فكرت اشتغل عمالة

_اوووف عمالة فدنوب

_ها لا يعني هيج شغلات منا ومنا

عضيت لساني اردد بداخلي نجوم انجبي لا يطردج بالدفرات على هذا كلامج ابتسمت بفشلة وهو مبتسم ويشتغل بالاوراق البيدة كال:-لاتفكرين بعد نجوم

_ليش استاذ والله اني خوش افكر عقلي متنوع الافكار حتى افيدكم بالشغل اطوركم

_جيد جيد

هذا يسلكلي يااااا شوف شوف عينك عينك جاي يسلكلي انجبي نجوم شيسويلج غير انتي تمستلتين

_فقار: شوكت تريدين تشتغلين؟

_ها

_ماحب اعيد السؤال رجائاً الكفيها من اول مرة بدون فهاوة

_اي افتهمت والله استاذ

_يلة جاوبي

_عادي استاذ اشتغل حتى لو وي الدراسة ماياثر علية وهو اني راح اخلص

_جيد

_صح جيد بس شنو اشتغل استاذ

_حالياً اكو سكرتيرة بس

_ياا سهلة يعني اشخبط بالاوراق

_فقار: لا والله

_اقصد بس كاعدة واكتب

_لا مو هيج سكرتيرة خاصة باسمي شغلج يكون وياي كل اجتماعاتي تحظرين وترتبين مواعيد وباقي الشغل نعلمج علية

_ان شاءلله استاذ

_تعالي اشرحلج

_اشرح

_جيبي كرسيج

_ها

خزرني ودنك بالحاسبة يدكدك بيها كمت خليت الجنطة على المكتب مالتة ودفعت الكرسي برجلي هو متحرك بس يطلع صوت من احركة وكفتة شوية قريب منه وكعدت لازمة صبة ايدي بدة يشرح واني اهز براسي بنص الشرح قاطعتة اكلة:-استاذ

_فقار: ها نجوم عندج اضافة؟

_نجمة: لا استاذ بس اريد شكولاتة من ذيج الانطيتني منها ذيج المرة

رفع حاجبة باستغراب من طلبي البمو محلة ابددد رجع ابتسم وحك لحيتة مد ايدة جوة جاب العلبة خلاها كدامي بلطف كال:-تفضلي بابا

_والله استاذ بس  انت حباب

ابتسم ورجع يشرح واني افتح واكل وبس اهز براسي رجعت كتلة:-استاذ استاذ

_فقار: ها نجوم

_استاذ عطشت اريد مي هذا الككو يعطش

_اطلعي نجوم

_يااا استاذ حتى انت تطردني مو اني اكول بس انت حباب

_افاااا المكتب مكتبج ههههههه

باوعلي وارتفع شاربة كتم ضحكتة واني طنكرت وجهي صار نار   .

_شبيج؟ روحي اكلي واشربي مي وبطريقج لروان تشتغلين وياها بعدها ترجعيلي

_يعني مو تطردني

_مو عيب؟

_صح والعباس عيب تطردون بنية حبابة مثلي

_اي والله صح مانستحي

_اخوك مايستحي ولا عندة ذوق

_يولي

_منو يولي

التفتت اشوف قبس فتح الباب ودخل صار كدامنا عاوج حلكة يباوعلنة طفرت من مكاني خازرتة بغضب ..

_فقار: دك الباب ابني من تدخل كم مرة اكلك

_قبس: ليش عبالك داخل عليك بوضع اااااااااا هسة كلي منو اليولي

_فقار: مرة بحياتك عبر شي تسمعة

_قبس: هسة غير يكلي منو اليولي

اخذت جنطتي ومشيت وصلت قريب من الباب وكتلة:-عليك يكول يولي مايعرف الادب ولا الاحترام وحتى كال مايستحي لان يطرد بنية حبابة مثلج

باوعت لاستاذ فقار فاتح عيونة يباوعلي بصدمة كتلة:-هو الاستاذ مامجذب ترة كلامة صح

_قبس: وووووولج

طلعت اركض من تقدم علية يمة همزين شردت ترة هذا قبس مخبل وملطلط يغلط عادي وحتى يضرب منو اليحاجية  ! وكفت اعدل جنطتي وشالي اتاكد من لفتة ذبيت نفس وكملت طريقي مرتااااحة حل حل حل حركت كلبة الوصخ المغرور جنة خبز مگسب على الصوبة

_هاااااي يحلوو

_عزاا بعينك كمزتني اءء مو عزا بعينك اسفة

_سمار: تقبلت اعتذارج يلة

_عفية

_ها صدك ماتحمدتلج على السلامة

_تسلم

_هسة انتي وين رايحة؟

_اشتري لفات

_جا مشينا نروح سوى اني هم جوعان اجت بوكتها

_يااا شوف هذا رايحة اني عندي شغل يا اكل يا هذا

_دمشي نروح ناكل

_والشغل؟

_ماطاير هسة روان عدها ريست نازلة جوة هي والبنات

_ها خوش يعني عادي

_عادي

غيرنا طريقنا ونزلنا جوة الكافتيريا بعدنا ماداخلين كتلة:-شتاكل؟

_انتي شتاكلين

_شعليك بية هي غيرة انت كول شتاكل

_شعليج بيه انتي هم

_بطلت ما اكل وياك

_لا بشرفج غير نزلت حتى تسويلي واهس بالاكل

_مااا بطلت

_البرگر طيب

_الكباب عروگ اطيب

_ماكو كباب عروگ هنا

_مو كتلك بطلت ما اكل

_ثنين بركر حارة لو باردة

_ماحب الاكل البارد اني

_تمام اكعدي

راح واني كعدت هسة شنزلني انوب اكل وياة ديلا بلة مو عيب علية مو عيب امداني بس هو غشني واني روحي بالاكل برطمت اباوع بالمكان فعلاً شفت روان والبنات ملتمات ياكلن كمت من مكاني ورحتلهن

_هاي بنااات شلونكم

خزرني وكملن اكلهن محد ردت بس روان كالت:-هلا حبيبتي نجوم شلونج

_زينة اني وانتن عيني شبيجن ماتردن السلام مو حاسبينجن مثل البشر ونسلم عليجن كبوور حتى كبوور عليمن شايفات رواحتجن

_طيبة: لج هاي عليمن تغلطين البارحة جاية واليوم تتجاوز

_غادة: عوفيها نشتكي عليها

_نجمة: عادي اشتكن مايهمني اصلاً

خزرتهن ورجعت لمكاني افوور افوررر عيععع عيععع شكد غثة شنو من بشر ذني شكد شايفات رواحتهن على شنو غير افتهم على جمالهن اليملخ اشو كلة تجميل والمكياج لبخ لبخ البشرة تصيح اختنكت اريد اتنفس امداهن اي والله.

_سمار: ها شبيج

_انتو منين تجيبون هاي الشكول لو اني اعزل الشركة وما اوظفهن يمي يععع شلون غثة

_الحمدلله مو انتي صاحبة الشركة جان خليتي بس الحارس

_وكم موظف فقير حباب

_احنا ماندخل باب الشركة

_ما اخليكم حتى تباوعلولها من بعيد

ضحك واني رجعت اتذكرت موقفهن قبل شوية شلون احتقرني برطمت عاكدة حواجبي ..

_سمار: شيفكها بعد

_والله ماعدهن ذوق والنبي ماعدهن ذوق هسة فوك ماواحد يسلم عليك ماترد وتتجاهلة

_يمعودة انسي اجة الاكل

اجة الاكل وفعلاً نسيت بديت اكل واحس حلكي احترك عفست وجهي وفتحت القوطية اشرب منها

_حاار حااار حاار يمة الساني

_غير انتي ردتيها

_فلك طرك كون يمتها ردت حار ليش تجذب انت

_شبسرعة نكرتي غير، انتي كلتلي ماحب الاكل البارد

_ها قصدك من كلتلي بارد لو حار اني عبالي الاكل بارد يعني بايت لو هيج بارد فكلت حار بس مو بية فلفل

_راح اغص الستر ربي الستر نجوم اكلي لاتحجين

اختنك يريد يضحك والاكل بحلكة سكتت عنة اكل وجهي احسة طگگ بس ماكدر اعوف اللفة حرامات منو ياكلها بعد ..

_عوفيها ولج وجهج طگگ

_حرامات بعد تورطت لازم اكملها

هفيت على وجهي وهو ينطيني اكلنس يگلي امسحي اخذت منة وفزيت على..

_فقار: هاي شنو تاكلون؟

_سمار: لا نتزقنب

_فقار: غير يحجي مثل البشر

_سمار: من تسال مثل البشر يعني ماتشوفنا ناكل ليش تسال

_فقار: والله لو ما ابوك جان طردتك من الشغل

_سمار: مدير فاسق يوظف بالواسطات اني شدخلني يااااااااابة راح تموتين عوفيها

كطعت الاكل ورفعت راسي اشوفهم ثنينهم يباوعولي ابتسمت بفشلة وهما سكتو نزلت اللفة ومسحت حلكي بالكلنس باوعت لاستاذ فقار وكتلة.

_استاذ هذا سمار جابلي لفلة بيها فلفل حار وسبايسي حتى ينتقم مني متفق هو وقبس

_سمار:لااااا شلون عقل عندج

_فقار: كالت

_نجمة: استاذ اطردة مو خوش واحد جيبلك واحد حباب غيرة

_فقار: من زمان اريد اطردة بس منتظر شكوة تجي علية وهسة اجت يلة سمار انت مطرود

_سمار: سوف اشكيكم الى الله وخاصة انتي نجوم

_فقار: نجمة اسمها

_سمار: هسة شكلت نيزك

_نجمة: اختي نيزك وووالله

_سمار: لابرررربج

_نجمة: اي والله وشهب وكواكب هم اخواتي

_سمار: امج لو شادة حيلها جانت سمت على اسماء المجرات كلها ماعندج اخو اسمة عطارد؟

_ماعندي اخو وامي ميتة وحتى ابوي هم ميت يلة تذكرتهم وراح ابجي

ذبلت ملامحي بقهر وكتفت ادية دمعتي بطرف عيني بس ينجاب طاريهم مجرد اتذكر شكلهم ابجي .

_فقار: لا بابا نجوم لا تبجين الله يرحمهم كلنا اهلج

_سمار:اعتبريني امج ابوج اخوج اي شي بس لاتبجين

_قبس: هاي شصاير هنا؟

_سمار: تعال واسي نجمة خطية تذكرت اهلها الميتين وراح تبجي

خزرتة ودمعتي مجلبة تجليب حك شعرة وكال بجدية:-نصيرلج اهل سهلة

ابتسمت وعدلت كعدتي:-شكراً الكم اني هسة ماراح ابجي عيب بالليل قبل لا انام ابجي عليهم احسن

_قبس: لا ولج لاتبجين حرام عليج

_سمار: الله يذبج بالنار بس تبجين

_حتى انت الله يذبك بالنار، لان جبتلي لفة حارة

_سمار: مو صوجج والله اني زمال اصيحج

_فقار: منا وبعد لاتصيحها

_نجمة: ترة هي لفة هسة ادفع فلوسها

_بونجور حبايب

قطعنا كلامنا والتفتنا على طيبة وغادة وراي صايرات رد استاذ فقار والباقي لبسوهن ما ردو ..

_فقار: اهلا بنات

_طيبة: استاذ احنا جاينك بشكوة يعني احنا موظفات قديمات تجي وحدة زعطوطة بعدها مامتخرجة تهينى

_نجمة: اني عمري 22 معقولة زعطوطة وترة مابقة شي واتخرج كم شهر بس

_غادة: استاذ احنا ولا مرة اشتكينا على احد بس هالمرة هواي تجاوزت وهي ماصارلها يومين واحنا باعتبارنا موظفات نريد حقنا

_سمار: عدنا لفة مال نجوم سبايسي ماكملتها البنية تريدنها بدال حقجن؟

كتمت ضحكتي وهو يضحك عادي رفعت راسي لاستاذ فقار منتظرني احجي وقبس مبتسم بشماتة رافع حاجبة كمت من مكاني اوكف كدام الاستاذ اكلة

_استاذ هسة هنة يحجن عدهن شهود؟ شمعرفك يحجن الصدك أصلاً اليوم اني وياك بقيت وبعدين اجيت اكل وي سمار شوكت تجاوزت عليهن؟

_سمار: اتفق وياج نزلنا سوة من غرفتك للاكل ماملتقية باحد

_غادة: يعني احنا نجذب استاذ؟

_سمار: يمكن مشتبهات لو يتخايللجن لان نجوم هذا ثاني يوم الها شلحكت تجاوز مو عيب

_نجمة: صح كلش عيب اصلا

اباوعلهن وجوهن احتقنت يريدن ينفجرن خزرتهم وكلت:-استاذ اروح اغسل احتركت وانت سمار ابقى كاعد نتحاسب

رحت للحمامات وهنا بقن يحجن وي استاذ فقار ويتماوعن كون الغسل على هيج شكول، جاي اغسل والتفتت على صوتها ..

_روان: اسفة نجوم على الصار

_عادي اصلا ما زعلانة عليج انتي حبابة

_روان: والله انتي الحبابة

ضحكت واجت تغسل كالت:-لاتحتكين بيهن نجمة

_شعندي وياهن ياعيني بس هنا اول ما اجيت ما ارتاحلي

_اي لان صديقة ميس وهنا يموتن من ميس

_حتى ميس ماتحبهن اكيد يغارن منها

_اي لان ابوها منصب وهي جانت تجي دائما للشركة ماتراهمن

عدلت حمرتها ورشت عطر اتذكرت عطري بجنطتي طلعتة وفتحت القبق بحلكي رشيت شلون ماكان ورجعتة اندارتلي كالت:-احس الروج يطلع يجنن على لون بشرتج اخليلج

رفعت اكتافي وكتلها:-بكيفج اذا مايضر،

_بالعكس اتونس من امكيج اني

اجت تقربت مني رسمتلي شفايفي وخلت شوية لخدودي مسحتهن بخفة ابتعدت تضحك متحمسة

_روان: بداعتي تسطرررر

باوعت لنفسي بالمراية وابتسمت لون الحمرة مخملي ماجنت احط مكياج ولا الون شفتي فحسيت بفرق كلش جبير تشكرت منها وطلعنا سوى لمكان الشغل كالت روان لاتحجين شي وياهن لهنا واني ما شايفة ميس اشتاقيتلها العوبة بدت روان تشتغل وتدربني ونفس الشي تكتب ملاحظات كالت خلي يسجلهن استاذ فقار الج وارجعيلي رحت وهنا يخزرن بية بس ماحجن شي رجعتلهن الخزرة وطلعت ..

وصلت لغرفتة دكيت الباب كلي تفضل دخلت رفع راسة ابتسم ودنك يكمل شغلة كاعد بصفة ضغيم شافني ابتسم كتلة:-شلونك استاذ

_ضغيم: كل الهلا

_فقار: تعالي نجوم

صرت قريبة منه انطيتة الدفتر قرا وصار يشخط بالسجل مالتي رفعت راسي شفت ضغيم يباوعلي توترت ودنكت راسي كال ..

_كواكب تصير اختج؟

_اي استاذ

_ضغيم: ماتشبهج بشي

_فقار: هسة اني وقبس نتشابة لا مو كل اخوان يتشابهون

_ضغيم: بس ذني غير احس كل وحدة من بيئة

_فقار: عوف البنية ولا تلح

_ضغيم: هسة شكلت اني شبيك واكف على لساني

_فقار: من تطلع من مكتبي اسألها اي شي خارج الشغل

_ضغيم: تمام انتظرج برا

خزرة استاذ فقار وهو مخلي رجل على رجل يباوعلة بنظرات باردة باوعلي استاذ فقار صفن بوجهي راد يحجي ونسة كلامة حك راسة يتذكر قلص عيونة بوجهي  وكال:-استمري على نفس المستوى كلش زين نجوم

_ضغيم: كواكب نجوم حلو

_فقار: ابني لاتدخل بكلشي شبيكم اليوم انتو وي اساميهن يعني ماسامعين بهيج اسامي

_ضغيم: هسة اني شكلت شبيككك تدخل بكلشي

خزرة ودنك يكمل بالنقل انفتح الباب بدون سابق انذار رفعت راسي اشوف رجال متوسط العمر بدلة رسمية انيقة ومظهر جذاب و وسيم دخل عطرة سابقة نهض ضغيم من مكانة يسلم علية وفقار هم نهض مبتسم اله مد ايدة يكلة:-نورت يابة

_اسامة: منور بيك وليدي

تبادلو الابتسامات اشرلة يكعد كعد مقابيل ضغيم يخلي رجل على رجل واني بقيت جامدة كون اتبخر هسةيمة راح اموت من المستحى باوعت لاستاذ فقار وهمست بصوت ناصي

_استاذ اطلع اني هسة؟

صرت الطم بمكاني من سمعني ابوة وكال

_اسامة : كملو شغلكم بابا اني ماعندي شي بس جيت اشوفكم

ابتسم فقار يعرفني اله

_فقار: متدربة جديدة نجوم

_اسامة: تشرفنا

_اني الاشرف استاذ

اني الاشرف شنوووو اني الاشرف شگلت هسة اني شكلت يبووي احس وجهي يطلع منة بواخ راح انصهر واموع من الفشلة  اباوع لضغيم يباوعلي مبتسم وحتى فقار بادلتهم الابتسامة وخليت عيوني بالحاسبة فقار يشتغل بيها ويحجي وياهم..

_فقار: شوكت رجعت من السفر يابة

_اسامة: هاي جيتي

_ضغيم: اكول عمي ماترتاح هيج تحب فقار الا تشوفة

_اسامة: شعندي غيرة ابني الجبير شايل اسمي

_ضغيم: وشايل شغلك هم

_اسامة: هي الولد المن تنراد غير لهاي السوالف اكول يابة امك شلونها؟

_فقار: احسن

سكت وابوة كام هو وضيغم طلعو سوى بقيت بمكاني واكفة يكمل البيدة وينطهن الي رفع راسة صفن بوجهي ابتعدت شوية ذب القلم وحك ركبتة راد يحجي وسكت دنكت راسة ورجع حجة بتردد 

__فقار: نجوم شفتج بيها ككو  ؟

خليت ايدي نسيت الحمرة اجت بيدي منها باوعتلة مركز وياي منتظرني احجي ابتسمت واخذت كلنس امسح ايدي واكلة  :: لا استاذ هاي حمرة

بلع ريكة ومسح كصتة اشرلي على الباب ودنك عيونة كلي:: اطلعي نجوم

فتحت عيوني بصدمة ردت احجي لا احرك المكتب شو هاي مرتين كلي اطلعي كمل بسرعة قبل لا احجي واني الفطيرة بسرعة انسى واسكت رفع الاوراق و كال:-خلي روان تشتغلهن

هزيت راسي اخذتهن وطلعت من يمة نسيت كلامة لان كملة بالاوراق  ، سحبت نفس متوترة يمة جنت   بمكان واحد وي شخصيات كبار ومناصب مثل هذول صعبة علية هو اني ماشايفة غير سالم ولدة الحثالة الله يقرضهم ان شاءلله ذولة احسهم من غير كواكب هههههه  .

تمشيت لغرفتها واشوف كدامي قبس مكتف ايدة وعاكد حواجبة بضوجة يباوع لمكان باوعت للشي اليباوعلة اشوف سمار وياة ولد شاب بعمرة تقريباً حاضنة وطاير من الفرح يگلة ..

_سمار:لككك صافي ضلعي الثاني نورتنااا حياتيش

_صافي: قلبيش انور بشوفتك

_سمار: ماتحتاج حتى تغسل وجهك بعد اوووف يلفراك

_صافي: ينعل ابو المسافات

_سمار: عبالك وراثة عيوني جوزيات فص عيني زنجر من غبت عني

_صافي: ياروحي اشوف عيونك صدك متغير لونهن جانن سود

_اي مو اكلك زنجرن من كثر البجي

_صافي: الشاعر الكبير

_قبس:الشاعر،النعيل  عساك بالعمى اغسلهن عيونك بنفط الكم واطيح زنجارهن

يمة انتبة لوجودي خزرني بضوجة سويت روحي ما اشوفة انوب ضايج لايذب حركته بية تعديتهم وسمار من شافني يكلي  ..

_احد اضلاعي رجعلي

_قبس: احد نعالاتك المكطعات رجعلك

_سمار: شوفي نجوم شلون ينغار

_ها

_قبس: اغار من شكولكم المزنجرة وجهة القندرة

_ميس: هاي شنووو هاي منووو

التفتت على صوتها ابتسمت وهي اجت تطك بالكعب اجت حضنتي وكالت بابتسامة :-منو منورنا اليوم

_صافي: هلو ميوسة شلونج.

_ميس: اني زينة انت شلونك

_قبس:برتقالي لونة انتي شعليج !

التفتت علية فاتحة عيونها بصدمة خزرها بضوجة

_ميس: لا قبس ميصير ترة

_صافي: زين اني ميس انتي شلونج

_قبس: مو قبل شوية كالتلك زينة هي كلساع شلونج ما شلونج

_صافي: ها صدك نسيتني والله

_ميس: راح تشتغل يمنا صافو

_قبس: نعالووو احسن

_سمار: نراضيك بجيس جبس بس اسكت

_ميس: هسة شنو عزيمة على جيت صافي

_قبس: مو مطهرينا حتى تعزمين علمودة

انبلعت وجوهنا من الفشلة وهو عندة عادي يقصف مامهتم كلنا سكتنا كال سمار مغير الموضوع:-ها نجوم شلونها الاكلة

_همزين ذكرتني ادفع الحساب

_ميس: يا حساب هذا

_نجمة: حساب اللفة

_سمار: وقوطية الببسي مو تنسينها

_نجمة: لا ما انساها بس اني ما كملتهن

_سمار: يلة قابل انطيني نص السعر

ابتسمت وكتلة:-خوش بس كول شكد

_سمار: ماعدنة نسوان تدفع فلوس بس عدنة نسوان تعزم اعزميني بدالها

_نجمة: خوش اعزمك على لفة نفسها مو تريد غير شي

هز راسة ويضحك حاضن صافي كال:-اعرفج على وليدنا صافي جان يشتغل ويانة بعدين طلع راح هو وضغيم يشتغلون سوى وهسة رجع النة

_نجمة: اتشرفنا استاذ صافي

_قبس: استاذ كبببل واني اخو المدير ما تكليلي استاذ

_صافي: بس ينغار

_نجمة: اني عندي شغل باي

اشرت بيدي ورحت بسرعة الوضع حامي لاتصير عركة واني انجعص بالنص بس والله سوالفهم وعركتهم حلوة سمار وصافي اصدقاء مبينين وقبس يغار منهم لان هو صديقة سمار هسة تصير مرافس الظاهر  .

رحت لروان البنات بس يخوزرن بية المشكلة اني مامسويتلهن شي شنو هذا الحقد الشايلاتة طبيعي غلست عنهن وكملت اشتغل وي روان  شوية وميس اجت وراي  تنثر بشعرها ولا تبطل هالحركة خزرنها وهي تحاهلتهن اجت سلمت على روان وبقت ويانا كاعدة  ..

_روان:اكول ميوسة ماعندج شغل

_ميس:من الصبح اشتغل حتى ماطلعت ريست خلصت شغلي وشغل غيري مليييت

_روان:بسرعة تعلمتي الشغل

_ميس:أصلاً اني اعرف هواي بس رادلي شوية دفعة

نجوم علموها لان اول مرة تحظر هيج مكان وتتطلع على الشغل

_روان: نجمة كلش زينة بسرعة تلكفها مامتعبتنا

_نجمة: شفتي اني شلون ذكية

_ميس: وين اكو بذكائج انتي نجوم

ابتسمت وبقت كاعدة  يمنا منا لمن خلص شغلنا وطلعنا ميس تحجي تحجي من بدا الدوام هي مخزنة تسولفلي الصغيرة والجبيرة ماتسكت ثبرتني ثبر بغير واني بس اهز براسي شحدي لو كتلها اسكتي لو كافي  .

طلعنا وصار بوجهنا ضغيم فتنا منة وميس سلمت علية باوعلي وكال:-نجمة عادي احجي وياج شوية

_اكيد استاذ

باوعت بوجهة ميس هزت راسها وراحت للسيارة بقيت كدامة باوع بوجهي وكال:

_كواكب شنو قضيتها

_ها استاذ شنو يعني

_تدرين بيها ورقتها احتركت؟

يتبع ......

________________________

يامرحبا شلونكم ❤️‍🔥

شنو رأيكم بالبارت؟

توقعاتكم اطبروني

شسمة بنات الانستا كامو يربطون ثنائيات من ورة تصاميمي داخن البنات 😂

يمعودات ترة مو كل تصميم انشرة تاخذنة كبل صح اني الـ كاتبة بس من اصمم اصمم كقارئة

بكيفي اخبط كل ثنين يعجبوني  🤣

بخصوص التنزيل مو ثااابت بناتتتت

هسة هذا بارتين باجر يطكن عندي اغير الموعد

ان شاءلله الاسبوع اليجي اغيرة اشوف شلون اخلية 🤌🏼

تفاعلكم قلبي ❤️‍🔥

متابعة للحساب مو تنسون ✨

زهراء تصيح هل من منافس عمري الجميلة ❤️‍🔥

حساباتي

خفيفة على اللسان ثقيلة في الميزان صلو على محمد وآل محمد 🤍

﷽

#المنجمة

الكاتبة_كفايه

لاتنسون متابعة الحساب

التصويت والتعليق بين الفقرات

لطفاً💙

يا علي مدد  .

________♦_______♦____________

_ها اليوم  هنا خير؟

_كواكب: هه اليشوف وجهك يشوف الخير برأيك؟

_غضنفر: دولي وجهي يخبل

_اي واضح تخبببل أصلاً انت

_شعبالج اسمراني اشگ شگ

ضحكت باستهزاء الثقة العندة عجيبة يحجي مقتنع من نفسة مية بالمية بس لو نجي للصدك غضنفر شاب حلو مرتب اي مرتب يمكن عبالكم مخربط لااا ابد شكلة وملابسة اليشوفة ينبهر بية بس يبقى كلامة واسلوبة مال ولد شوارع  .

_غضنفر: اوووو احوال صرتي كواكب

يكلب بالدراجة يتفحصها همزين السويج عندي جان شغلها وطار بيها حتى يحرك گلبي ويخليني اتوسل بية يرجعها  هزيت ايدي وكتلة:-ترة دراجة مستعملة وين الاحوال الصرت بيها؟ شمشترية مادكلي

_غضنفر: بس تريدين تشترين شي گليلي سهلة

_نعمة الله عليك ما اكل حرام اني

رفع حاجبة اجة صار كدامي يباوع بوجهي باوعتلة بجمود  .

_غضنفر: شعندج وي صالح؟

_يطلبني فلوس

_فلوسيش؟

_قنبلة صوتية اخذتها منه بالدين

رفع حاجبة بتعجب ورجع عكدهن كال:-شتسوين بيها القنبلة؟

_ذاك اليوم شمرتها على بيت سالم

ضحكت وزدت بالضحك من تذكرت ذاك اليوم وشلون علكتها بينهم  .

_غضنفر: بداعة دراهم سولفيلي شسويتي

_هاي ابن سالم سامر ماخذ فلوس من واحد ماعرف شغل لو هيج المهم العرفتة ما منطي عنوانة الولد اليطلبة  كليوم يجي يسال عنة اهل المحلات لان تدري بولد سالم معروفين الخيسة  بس العالم تخاف ادلية تكلك اني شعلية ادلية بلة يريد يكتلة لو عدهم ثار  اني اروح ابتلي

كطعت كلامي وكعدت على الدراجة هو مقابيلي مبتسم يسمعلي وعيونة متوسعات بفرح كملت بحماس   .

_بيومها رادو يكتلون اخواتي لان مهشمة راس يوسف و ماكو شي ينقذهن منهم سالم بس يلزمها يموتها اني رحت لمحمود يشوفلي ذولة الولد ويخبرهم على عنوان البيت واني سبقتة اشتريت قنبلة وقبل جيتهم بدقايق شمرتها عليهم حتى شكلك هما شمروها وسامر تخبل عليهم شلون تشمر علينة صوتية تعاركو بينهم وصارت بالقنادر تالي متالي صوب واحد منهم ودخل للسجن

_خرررررب ولج الشيطااان الشيطان هذا مامفكر بسوالفج هاي

_شعبالك غير تربيت بالشارع اعرف شلون الوفها واطلع منها

_لا هيج اثبتي انتي بت شارع اصلية

_بالضبط سالم التهى وي ابنة وي الناس بعد فصل الهم  ودفع سد الدين يلا يتنازلون عنة

_شفتة طلع من السجن سامر

_اي فلوس شعبالك فلوس اهلنا وين راحت سالم كلها ابطنة

_هم كالت اهلنا مو اهلج حبيبتي

خزرتة بضوجة وعدلت كعدتي طلعت من جيبي الفلوس وشمرتهن عليه كتلة:-ذني انطيهن اله كلة من كواكب

_وانتي وين رايحة؟

_منين ما اجيت

شغلت الدراجة وهو صار قريب مني كال بضحكة

_خل نتزوج شبيج خاب كبرت

_كواكب:ماتزوج لازمتتتك

_غضنفر:اي غير انتي ماتقبلين تصيرين العروسة شلون اتزوج

_ روح يابة رررروح

_كواكب

باوعت بعيونة من كال بخفوت جاوبتة بنفس نبرة الصوت:-تلاحك روحك لاتخرب مستقبلك عوف السم عوفة لاتشتغل بية

_شسوي شغلي هذا

_شغلك حرام وخطر انت جاي تضيع مستقبلك بيدك تدري؟

_ادري

_اذا تدري عوفة!

_ماكدر محد يعوفني يهددوني ويحركون ورقتي بس اطلع منهم

_تكدر صدكني تكددرر

_ماكدر

_زين هسة انت متندم لان تشتغل هذا الشغل؟

_لاااا ولا راح اتندم

شغلت الدراجة وشخطتها عفتة وراي خلية يغرك خلية الف مرة كتلة يعوف شغلة يكدر يشوف حل والله يكدر بس عقلة محجر قافل على الهلاك انقهر علية وانقهر على شبابة الراح والجاي يروح غضنفر شاب مامعروف اصلة من فصلة عاش بالشوارع يم اهل المحلات بين الارصفة والازدحامات كبر  .

دائماً اسئلة وين اهلك؟ شلون عافوك باي طريقة جوابة ثابت اني ابن حرام وشمروني ويبقى بداخلي رفض لهذا الكلام رفض كلش جبير مرات احس هو ابن حرام فعلاً والكلام اليكولة صدك بس احساس عندي قوي يكلي ماكو شجرة بلا جذر  .

كل شخص بهذا العالم اله جذور والة اصل حتى لو ابن غير شرعي هم عندة اب عندة ام ما انشكت الكاع وطلعتلة الة اهل كلنا النة اهل والنة جذور

ممتدة ولابد عندة اهل بهاي الدنيا الجبيرة المفروض يدور عليهم مايبقى هيج بس هو العكس يكول ما بحاجتهم من كبرت احتاجهم  !

بس الحقيقة مهما كبر الشخص و وصل يبقة اصلة مهم وشي اساسي  .

فريت بدراجتي لبيت دراهم مستحيل اعوفها لو اتاخر عنها وكفت دراجتي بالباب وهي مشتغلة فتحت الباب ودخلتها ماحس الا  طير حط  على عيوني والدراجة مشتغلة كمت ما اشوف وكفت الدراجة راساً ولزمت الطير بعدتة عن وجهي  جعصتة بيدي بعصبية اسود يشبة البعيجي بس هو مو بعيجي اكبر منة يشبهة الغراب اضافرة احسهن خرمشني من حركتي ضربتة بالحايط بقوة وهو صاح

رحت غسلت وجهي احس غشاوة على عيوني مسحت وجهي ودرتة اشوف دراهم واگفة  تباوعلة طايح بالكاع ميت والطيور المثلة حطن فوكة تقربت منها سالتها بذهول  .

_مات؟

_دراهم: مات

هزت راسها وابتسمت بحزن اني اعرف دراهم شكد تحبهن هنا يجن لبيتها لان يعرفن اكو اكل الهن ومحد يأذيهن بيتها بحيث بس يفترن بالساحة ويصيحن بصوتهن المزعج حتى ماتقبل علية من اطردهن  .

حاجيتها مبررة باسى  ..

_كواكب: مو قصدي اكتلة هو مات

_دراهم: احفظي روحج هالفترة مايصيبج خير

عكدت حواجبي بخوف كلتلها:-شلون دراهم؟

دخلت جوة واني وراها كالت

_كواكب: حطت عليج المصايب يكواكب وعيونج مايشوفن غير السواد بعد

كعدت واني بصفها اكلها تفهمني:-ادري بيهن شؤم ذني بس يحطن علية يصير شي وياي بس ولا مرة حطن على عيوني هيج

_دراهم: روحي يم اخياتج لاتظلين يمي

كمت منها وادري ومتاكدة الجاي مو خير الي والنا بس احاول استمتع بيهن ذني الايام طلعت من بيتها واني متلثمة تلثم بس عيوني طالعة حتى جفوف لابسة  .

الخوف شوكت يعوفنة؟ شوكت نعيش حياة طبيعية هادئة؟ عجزت واني ادور جواب لذني الاسئلة  .

رجعت للبيت بوجهي وقريب من بيتنا دورت شغل بالمحلات والاسواق الجبيرة هواي دورت عسا وان الکة شغلة جبت عمري اشتغل بالسوك ابد ماطلعت منه بالمخظر خلصت عمري اشتغل اعرف السوك كلة وناسة ومرات اذا شفت اخواتي محتاجات شي اشتغل وي محمود العصر بالشارع احصلي جم فلس اشتري بيهن الهن احتياجاتهن ابد مامقصرة عليهن شيريدن اجيبة اخلية جوة ملابسي خاف افنان تاخذة منهن وهيج جبنا العمر  .

مالكيت شغل اخر مكان رحتلة اشوف شغل بية جان مخزن غذائية اني اليشوفني يكول ولد مستحيل يشك لان مابية شي يدل على اني بنية الحمدلله جان اكلتني الشوارع و رغم هي شوارع بس ما مرة واحد اذاني حتى بكلام مامرة سمعني واحد كلام مو حلو وهي شوارع مادام اني محترمة نفسي وخافية هويتي محد تقربلي ولا اني اتقرب للناس على كد شغلي وياهم  .

ابو المخزن كيف من اجيت كال الله دزك علية جنت محتاج عامل ابتشرت بفرح وكتلة:-شوكت اشتغل وياك

_من هسة اذا ماعندك شي

_صار يابة

طبكت الدراجة وخليت السويج بجيبي دخلت للمخزن اكو ثنين عمال شباب وصاحب المخزن كاعد على السجلات هذا شغلة بديت بشغلي حتى ماسلمت على الولد مالي علاقة باحد اني 

جان شغلي احمل كارتون للسيارات التجي  .

شلت كارتونة والولد يحملي فوك الخمس كارتونات مال اندومي شلتهن فد مرة خليتهن بالسيارة ورجعت اكمل شغلي بدون صوت الي يسمع شيأمروني اني اسوي بسكوت  .

اني والولد الوياي حملنا فوك الاربع سيارات حمل ذاك العامل ينزل ويحملنة هلكت تعبت بس يا محلاة اني اتونس بالشغل الفلوس تسويلي واهس وطاقة الكعدة تموتني ماعرف اكعد، خلصنا الشغل

ومن ردت اطلع ابو المخزن شالي علاكة انطانياها كال:-هاي سويتلك علاكة اخذها لاهلك

ابتسمت بفرح واخذتها منه اكلة:-رحمة الله والديك يابة

طلعت انكت بملابسي رحت اشغل الدراجة ماتشتغل يمكن خلصت بانزين وصيت الرجال عليها ومشيت للبيت هو مو كلش بعيد كلت امشي  .

امشي بالمنطقة اباوع للبيوت ما شاء الله  راقية وبنائها حديث امنيتي اشتري بيت واجمع اخواتي بيه حلمي هذا من ذاك اليوم العشنة وي سالم ذبيت حسرة وكملت امشي الشوارع فارغة لا طفل لا مرة بالشارع يكول مهجورة مو منطقة بعد ناس مثقفة  يطلعون؟

وصلت قريب من  بيت ضرغام سيارة ابوة طابكة  والباب مالتها مفتوح تقدمت كدام اكثر علي واكف بالباب وابوة يشتغل بسيارتة ابتسمت لعلي ولوحتلة بيدي بمعنى هلو ردلي الابتسامة يهز براسة "زين" رفع راسة ابوة باوعلي انتبهت لنفسي ما رافعة النقاب وجهي طالع رفعتة وهو كال  .

_فرقد: لحظة لحظة

وكفت كتلة: تفضل يابة

تقدم علية كلي بابستامة: انت مو ذاك اليوم ردت ادعمك ورحت وياي للمستشفى

_كواكب: بالضبط

_والله ما انسة موقفك وياي لولاك اني هسة ميت الله يبارك بيك عمو

_ماسويت شي يابة

ابتسمتلة وكملت طريقي  شعور حلو زارني بكلامة شكد حلو من شخص يسويلك شي وتشكرة بكلمات حلوة الكلام الحلو يغير شي بداخلنة هوووواي يغير بس بعض الناس لو شما تسوي الها زين ولا كأنها مايغزر بعينها شي حتى كلمة حلوة ماتگول نسينة الكلمة الطيبة صدقة   !

اسمع ذهب طلعت تكلة:: يا دهر حتى دهر شتسوي طالع ما تطب جوة

_فرقد: اشوف سيارتي خاف ناقصها شي

_ذهب: يااا هاي ياهي التطرك طرگ ووولج هنااااااا

عرفتها علية تصيح ضحكت ودرت وجهي الها رجعتلها امشي :: شلونها ذهبنا الحلوة

_ذهب: دهر حتى دهر انتي بس تتغزلين بية ولا تستحين

_ذهب صافي مصفة ويلمع لمع

ضحكت على تعابير وجهة معقولة تستحي حتى كلامها يضيع من احجي وياها بهلطريقة يصير شكلها يخبل هالمرة  ،بحنية واهتمام كالتلي  .

_ذهب: وين جنتي حبوبا

_هاي جيتي من الشغل

_عمت عين الاغم من يسمع بطاريج اي والله وين تشتغلين؟

_شغل حجية هنا بالمنطقة

_يبعد جبدي محتاجة فلوس كولي جدامج بس احجي

_رحمة والديج ريتج سالمة

_اخياتج شلونهن؟

_يلسمن عليج

_يمن اروحلهن فدوه شلون بنيات

ودعتها رجعت للبيت اضحك لكيت كدامي نيزك من العصبية شايطة تصيح علية :-ووووين جنتي ؟

نزعت البراسي وخليت العلاكة باب المطبخ كتلها

_لكيت شغل هستوني حليت

_وين هذا الشغل؟ انتي ماتكعدين شلووون وياج

_هنا بالمنطقة قريب احمل كارتون سهل خوش شغل يونس هم ويخلص الوقت بسرعة

نزعت البرجلي ودخلت للمطبخ غسلت وكلت لشهب تحطلي اكل رحت كعدت واموري يشبك علية ويبوس بية جاي العب بية ونيزك فوك راسي واكفة تسال بخوف ونتر  .

_نيزك: وين دراجتج؟

_عفتها بالمخزن خلصت بانزين

كعدت يمي عاكدة حواجبها بعصبية تنتر بية نتر

_نيزك: وولج گلبي هذا گلبي ستوتية وتالي وياج وي غطاتج موتيني راح اموت ناقصة عمر من وراج

_هسة شسويت فوك ما اشتغل، شتريدين اكعد واسكت انسيها هاي كواكب ماتكعد ولا تعوف السوك

حجت مبررة تذكرني

_كواكب لا تنسين وضعنة عليج العباس لاتنسين

_هو اريد حل لهذا الوضع مو سالم الخيسة اشرد منه وخايفة اذا ما اخلية هو اليشرد مني فلا يطلع اسمي كواكب

_بس عوفي ساااالم عوفية شلون احنة وياج

_سالم قضيتي ولو يبقة اخر يوم بعمري ابجية

_حطي راسج وياة حطية ماكو غيرج يخسرررر، عوفية يولي واكعدي بالبيت موتينااااا

خزرتها ساكتة جابت شهب الصينية سرفنت ردني اكل واموري يجفص وياي اجت شهب توكلة وهي ساكتة اباوعلها اية من الجمال والهدوء الشعر مثل الشلال طايح واشكر كلساع ترجعة ليورة لو الوجهة اليبرگ برگ من البياض شهب شهبة كلش ومدبدبة خدودها صاعدة  ويريدونها لذاك الخيسة سراج مكبسل ومرتة اخيس منة عمت عيني لو خليتة يشوف شكلها بعد  .

كمت اغسل ونيزك سكتت عني ذبت حركتها بالشغل ادري بيها خايفة علية والله تموت من الخوف والتفكير بس اتاخر تحسب هواي تحسب واني ماعلية شي اطب منا واطلع منا منو اليمي بس ما الومها لان احنا مالنة غير بعض بالدنيا شتريد تخسر بعد   .

حضنتها من ضهرها اعض بيها وادغدغ صاحت بية ماخليتها الا ضحكتها ضحكت على ضحكتها منتعشة روحي والله افديهن بروحي وعمري لخاطر هاي الضحكة  .

دارت علية تضحك وتضرب بية بخفة واني اكلها

_هيج واضحكي خليني ابتشر

_نيزك: لاتشلعين كلبي واني دوم اضحك

_نيزك انتي تؤمنين بالمكتوب؟ يكولون المكتوب مامنة مهروب كلشي مكتوب يصير لو شما نسوي عوفي المياة تاخذ مجاريها بس باوعي عليها هي تصفى

_والله ولا عرفتج شلون تحجين

_اني صح خلصتها بالشوارع بس مو معناها لساني قذر لا بالعكس تعرفت على جميع انواع البشر واختلطت بيهم الفقير والغني والزين والموزين الدارس والامي كل البشر خالطتة وهذا راسي متروس ترس قصص وسوالف وحتى معلومات

_اي عفية استفيدي من الزين ماحب البنية التفشر

_افااا اني كواكب لساني ماكو انظف منه

راحت تضحك وتذكرني: اي بس ما نسيت سوالفج وي افنان وفشايرج عليهن

_خيسة هنا خيسة لو  ...

سكتت وهي باوعتلي باستغراب عفتها ورحت اتلكة نجمة جاية من الدوام شمرت دفترها على الكاونتر تصيح:: ارررريد اكل تلاحكولي متت جوع متتت

راحت شهب تصبلها ذبت شالها وجنطتها اجت يمي تباوعلي ضربتها على خدها وحضنتها:: شلونها النجوم

_زينة اني كواكب بس اسمي نجمة

_نفس الشي

_لا مو هيج كولي المفرد والجمع بالحالتين يضوي

ضحكت واني رافعتلها حاجب راحت لاموري تبوس بية نيزك تكلها:-اليوم بالجامعة؟

_نجمة: اي امتحانات طيحو حضنة بيهن

_نيزك: كدها انتي اكيد

كعدت تاكل واني لفيت راسي ونمت تعبانة وراي شغل  حسيت على نيزك تلعب بشعري وتحجي بصوت ناصي بعدها باست كصتي وغطتني كعدت وحدي على التوقيت البراسي بدلت وكتلهن طالعة

نيزك سكتت كالتلي:: لاتتاخرين

هزيت راسي وطلعت هنا يشتغلن واني رحت لصديق خالي اسال علية اجيتة بالوقت الصح صارلي فترة ادورلة والحمدلله لكيته سلمت علية وسالتة على خالي كال:: هذا الاسبوع يرجع من السفر

فرحت فرح مو طبيعي ماعرف ليش فرحت برجعتة بس جنت حاسة رجعتة تفيدنا بشي مناك رحت على الشغل زين مايتعب خلصنة من وكت واخذت يوميتي رجعت للبيت الدنيا مغرب والقران مشتعل صوتة يسكن النفس البخور تارس البيت نيزك تحظر عشا النة وتركض لشغلها اني ما اتدخل ولا اسالهن شكد طلعتن بس شنو المحتاجاتة اجيبة الهن اريدهن هنا يتعلمن يشتغلن وحدهن بس هي ابد ما تعوفني تشاركني شراح تسوي والطلبيات شكد طايرات فرح بالشغل واني فرحانة الهن الشافنة مو هين هسة حتى نفسيتهن تغيرت قبل نيزك نااااااار والنهار كلة عصبية حتى صوتها يرجف من الاعصاب مايعوفونها ترتاح وتتهنة عذاب نفسي مشتغليلها الانذال  .

اذن راحن تلاثتهن توضن ونيزك اجت كبالي ثبتت تباوعلي كتلها:: ها محتاجة شي

ذبت نفس وكالت:: شوكت تنوين تصلين فاتج هواي كواكب والانسان مايعرف شوكت يودع شلون تقابلين ربج وشدكليلة وين جنت عنك

_كواكب:: اعرف بس اني حاجية وياة هواي هو يعرفني ويعرف بيمن افكر مو هسة اموت اني بعد بعد

_محد يعرف شوكت يموت بيد ربج هذا

_اي بس اني متاكدة لان ادري بعد الدنيا تلوعني وتشلع گلبي يلا ياخذني الموت

لفت شعرها تحجي من جديد

_لا الشغل يخلص ولا المشاكل تخلص الصلاة ماتاخذ منج هواي دقايق دقايق هنا يعني الج وقت تسوين كلشي الا الصلاة؟!!

_روحي نيزك صلي راح يروح موعدها عليج

هزت راسها باسى على حالي وراحن يصلن اني الوحيدة بينهن ما اصلي ولا اصوم حتى الدين ماعرف هواي عنة ولا اتدخل بالدين زيارة هاي الزيارة ما اروح ليش لان يگللي "انتي نگسة ما يصير تدخلين عتبات" هاي اماكن مطهرة وانتي بت حرام  اكيد عرفتو منو اليگلي هذا الكلام اي اي صبيحة وافنان خلني اتعقد من هيج مواضيع حتى يكولن ابن الحرام مايدخل الجنة وبعد وبعد  .

اني اعرف نص كلامهن جذب بس تغير شي بداخلي وگلبي صدكهن بقة عقلي بس هو الرافض لكلامهن وارجع واكول للعالم اني عندي اهل ويجي يوم والكاهم" ماكو مهموش بلا جذر " دراهم كلتلي انتي مو بت حرام يعني مو بت حرام بس گلبي الحقير مو وياي عكس عقلي  .

باوعت للبنات بعدهن يصلن  كلت بين مايكملن اني اروح اجهز صينية نتعشة دخلت المطبخ كلشي ما اندل ولا اعرف وين المواعين

كملن واجن واني بس اطلع شي وارجع نكت ادية اصيح  ..

_صددك جذب وين الغراض دختتت

_نيزك: كدامج كلهن بس انتي مو شغلج هذا

_هم صح مو شغلي صارلي شكد افكر هنا شخلي وهنا شخلي

وكفت اباوعلها تصب والابتسامة على وجههة عيوني متمركزة بيها احس صدري قبط والعبرة خنگتني ما تحملت وطلعت للكراج اعصر بعيوني من الدمع رفعت راسي للسما ماحجي شي احسة يفهمني شريد اكول وعليمن اريد اوصية  .

وصيتة اخواتي كون مايصيبهن اذى ولا دموعهن تنزل بيوم دوم كون الفرحة والابتسامة على وجوهن مسحت وجهي ودخلت جوة نيزك تصيحلي 

كعدنا كلنة ملتمين على الصينية وشهب تدور بالقنوات على مسلسل نجمة تاكل وهي تصيح بيها

_شهب: عوفيلي اكل لاتبلعين بلع

_نجمة: مشكلتج حبيبتي تمنعيني

_شهب: ولج تصيرين دبة دددبة محد يكلبج

_اني نجوم عيني

خلتة على مسلسل تركي تباوع وتاكل فد فاهية وهاي نجمة تلف لف اموري يخبث واشوف نيزك كوة متحملتة كملت واخذتة شايلتة ابوس بية واحجي وياي...

_حبيبي الروح شتريد

_امير: اليد مصاصة ام الالوان

_بس هاي

_واليد اليد اليد

خلة ايدة على راسي يتذكر واني منتظرتة صاحت بية نيزك؛-تعاي عوفية يخبث انتي بيج حيل شايلتة

_اذا مابية حيل لابن اختي المن رايدة الحيل؟

ابتسمت بفرح واني ابوس بية مد ايدة يلعب بشعري ويضحك يرفع بية ماينرفع..

_امير: اتي مسل سعري صعير(انتي مثل شعري صغير)

ضحكت كتلة: اي بس انت شعرك احلة بهواي

مد اصبعة يتلمس بوجهي احسة يدغدغني لزمت اصبعة ابوس بية وهو مكيف بس يضحك كلي بزعل:-اليد تبس ابو النفاخ

رفعت عيوني بصدمة اكلة وين اكو جبس ابو النفاخ خالة

_امير: اتو بس اتي ماتيبين الي

_هسة اخذك وانت اختار البنفسك امداني اذا ماجبتلك شتريد

اخذتة ونيزك طلعت ورانا هو يسويلها باي وينطيها بوسات اشرتلها تدخل جوة هزت ايدها دخلت سدت الباب واني تحركت نزلت امير يمشي واني لازمة ايدة نطيرها بالهوى رحنا اشترينا كلشي يريدة اموري جابة ترستلة علاكة على ذوقة فرح واني فرحانة على فرحتة  .

رجعنة من الاسواق ابوس بية واكلة:: ها هسة تحبني؟

_اهبس بدد البيت

جاي اسولف وياة وطفر من ايدي يركض بسرعتة اباوعلة راح لضرغام هو ولد بالباب هستوهم جايين جلب بضرغام من ورة يضحك التفتت علية شالة كبل يبوس بية ويكلة  ..

_ضرغام: فصعون الفصاعييييين للككككك هلاااااااا مشتااااقين مشتاااقين

اموري حاضنة يضحك وهو طايحلة بالبوس رحت اصيح بية:: ديلاا جيبة اكتلة اكل شهل لعبان النفسسسس

ولا جنة يسمعني التفتت على صوت يكلي:: البوس لعبان نفس؟

خزرتة هذا ضيغم رفعت حاجبي اله ما حاجيتة وصحت بضرغام:: عمييي جيببب الوولد جيبة اكتلة

_ضرغام: هو ابنج شعليج انتي

_شوف مابية حيل اخرب خلقتك نزلة وخليني اولي

_ضيغم: ليش انتي هيج اعصاب؟

_كواكب: من ااااااااالله

_ضرغام: اخذها وياك من تسافر بلكت تغير جو وتتعدل شخصيتها العنيفة

_ضيغم: لو تتغير بالسفر اخذها اكيد

_مشكورين جزاكم الله الف خيرررر خلوني امشي

ذبيت نفس قوي اشوف اموري يباوعلي وياشر على ضرغام يكلي:-اهبة هباب امو

_ضرغام: يروحلك فدوووة عمممك

باسة بقوة وشمة عفست وجهي لعبانة روحي منه  نزلة يكلي:: ماتباوعين بوجهي هالمرة اريد اعرف المستقبل

_مزنجر وجهك شباوع بية

قبض على فكة بعصبية وابتسم بالجذب كال

_ضرغام: حبيبتي المنجمة الحلوة خلينا نبدي صفحة جديدة

حجيت واني امشي اكلة:: ماعندي شي وياك لو وب غيرك ماطول بعيد عن ناسي مالي غرض بيكم الله يوفقكم

_ضرغام: اشو حسيت بالذنب من حجيتي هيج

ضحكت اهز راسي ضرغام تركيبة عجيبة غير عنهم كلهم ماينعرف شينة من زينة،

دخلت البيت ورفعت اموري على السنك اغسل بوجهة اجت نيزك تكلي:: شبية امير تغسليلة

_كواكب: مابية شي بس البعيجي باسة جاي اغسل بوستة

_يااا صدك تحجين

التفتت رافعتلها حاجب كتلها:-شلون ابوسة فوك بوستة ترة لعبان نفس وحرام هم ينباس فوك البوسة

بقت صافنة اخذتة امسح بوجهة لكيت شهب ونجمة ممدودات ومتغطيات بنفس الغطا يتابعن مسلسل اجيت اني وامير كعدنة يمهن اموري يطلع من العلاكة وينطيهن وهنا ماصدكن ياكلن ويباوع اخذتة شهب خلتة بالنص بيدة نستلة ياكل بيها

تمددت يمهن وسبحت الغطا تغطيت شوية ونيزك غطتني وجابتلي مخدة كعدت يمي واني افتح واغمض كتلها..

_نعسانة اريد انام

_نيزك: نوم العوافي يروحي نامي

_يلا نامي انتي هم تعبتي طفي الضوة حتى انام

هزت راسها وراحت تسد البوبان شهب غسلت وبدلت لاموري نجمة نامت خطية تعبانة انتظرت نيزك اجت نامت يمي خليت راسي بحضنها غطتني

تلعب بشعري حجيت بصوت نعسان  ..

_نيزك لاتضعفين ابد اني حتى لو مو يمج بس احس بيج

_شكو

_ماكو شي بس اكلج خليج قوية خلي كواكب وجودها وعدمة مايأثر

دنكت باستني:: الجسد بدون الروح عبارة عن جثة يسارعون حتى يدفنوها وانتي روحي

رفعت راسي اباوع بعيونها افههما

_نيزك لاتبجين البجي مايحل اي مشكلة الصمود وحدة المهرب

_گلبي راح يوكف شضامة

_مو الا ضامة شي بس لانعيش بوهم وننسة المنتظرنة

_اسكتي لاتخوفيني والله لو ما انتي موجوده حتى مايغمضلي جفن وانام شايفة البيت بدون اب وام شكد ماينطاق وصعبة صعبة بنات يكعدن بيت مابية اهلهن بس والله من بعد الراحو حسيت انتي اهلنا صعبة بدونج نعيش

ضحكت وغمتت راسي بحضنهل نمت مرتاحة مافكر بشي اليريد يصير ما اوكفة كعدت الصبح لكيت شهب واموري نايمين لان بقو سهرانين يتابعون مسلسل  نجمة كاعدة  تتريك ونيزك تحظر بجنطتها وتسالها شتخليلها  ..

_خليلي عطر نازوكة

_نيزك:صار وبعد؟

_نجمة:كلنس وياج هم وحمرة خليلي

رفعت نيزك حاجبها وهي ردت بضحكة

_نجمة:شبيج خفيفة اخلي مو طوخ يعني واحد شفتة بيضة ماترهم بية مرض اسم الله

_نيزك:بعد جريدة احجي

_نجمة: غير افهمج

_موبايلج خليتة واخذت رقم ميس حتى اتصل بيها لو ردت احاجيج

كعدت تريكت وياها وهي تحك بيدها كتلها

_شوكت تفلينها؟ توجعج

_نجمة: لا بس تحكني اريد افتحها

_اذا خلصت المدة افتحها الج

_لا يمعودة انتي وين تلحكين اروح اني وميس اذا خلصنة من وكت

كملت اكل وطلعنا سوى وصلتها للشارع صعدتها بيدي  ورحت لشغلي خلص الشفت الاول من وكت كلش رجعت للبيت لكيت نيزك جاهزة تريد تطلع رفعتلها حاجبي قبل لا احجي شي  كالت مبررة   .

_خالة سهلة عدهم عزيمة وكالتلي اطبخ الهم اني انطيتها كلمة اروح

_عزيمة مال شنو هاي؟

_نذر الحجية مسوية

_وهما شنو ماعدهم نسوان تطبخ

_مادري والله

_اذا ماعدهم نسوان يجيبون طباخ ليش انتي

_واني هم طباخة واعرف اطبخ كلشي وبكميات فدزو علية لان يعرفوني

ذبيت نفس وكتلها:: روحي بس مو وحدج اني بعد شوية اطلع شهب تبقة وحدها نجمة مو هنا اخذيها وياج هي واموري

هزت راسها بتفهم وكالت لشهب حسيتها  طارت من الفرح خطية مامصدكة ركضت ركض لبست واجت سهلة تاخذهن وصيتها عليهن قبل لايرحن  ..

_خالة البنات امانة الله ماريد واحد يسمعهن كلمة لو حرشة منا منا

_سهلة: وياي منو اليحاجيهن

_هو اني لان وياج اخليهن تاخذينهن وترجعينهن امانة الله والرسول ذني اعتبريهن مثل بناتج خالة مو يصير عليهن شي

ضحكت المرة ونيزك كالت:: شبيج يمعودة وين رايحين احنة هسة نرجع

رفعت حاجبي بضوجة اشر على شهب اكلها

_اختج مو تعوفينها تغفل عنج ابقي كاعده يمها لاترحين منا ومنا واموري مو تعوفنة يطلع كعدنة وياجن ترة كلشي يصير

_نيزك: وبعد

_ديربالجن لاتحتركن بالجدورة ترة تسلخجن ابنج لاتخلينة يم النار وانتي لاتشيلين شي حار خليهن يساعدنج

طلعن وهنا يضحكن على كلامي وهوسي الزايد مو بيدي والله بس اخاف عليهن اتاذة من يتاذن ولو بيدي رحت وياهن بس عندي شغل، صعدن بالسيارة ذهب موجوده كعدن يمها فتحت الشباك تكلي  ..

_ذهب: ماتجين وي اخياتج حبوبا

_رحمة الله والديج ذهب عندي  شغل

_جا الشغل مايخلص مسوية عزيمة انا ما الله يهديج وتجين

_لا ماكدر بس جيبيلي غدة وياج دزية بيد البنات

اشرت، على عيونها تكلي:: صار من عيوني ولو ردتج حاظرة وي الجماعة

_غيرها بغيرها ان شاءلله لاتنسين تخيلي وذر لحم واخواتي امانة برگبتج

_ذهب: يا ولج انووب

_هو شنو انوب غير انتي اخذتيهن وياج ماطولهن وياج انتي مسؤلة عنهن امانة ذني ااااامانة

ضحكت بتفهم تكلي:: وانا اخلي الامانة بروحي  _تسلم روحج ذهب

خالة سهلة تضحك علينة  كعدت امير بحضنها تبوس بية   علي يسوق الهن سويت لاموري بيدي والهن اموري يشمرلي بوسات ونيزك ضلت عينها علية دايرتها راحت السيارة واني دمعتي بطرف عيني صارت  والغصة بلعومي دخلت للبيت سديت الباب وكعدت بالكراج خليت راسي بيدي ودموعي بدت تنزل بحركة بجيت من حسيت باحساس مو حلو احس راح ارجع ابتعد عنهن وهاي المة تخرب بقيت الوم بروحي  شلون وافقت يطلعن وحدهن بدون لا اعترض بلة صار شي عليهن ويرجع عقلي يتعارك وي گلبي ويكرر جملتة "المكتوب مامنة مهروب"  .

كمت غسلت وجهي وطلعت من البيت بعد ما طبكت  الباب وراي رجعت لشغلي واني بالي مو وياي

ياخذ ويودي بسوالف قديمة ويزودها بجديدة  .

_الدنيا دوارة يا ابو فلان صارت عليهم لو ماصارت

اسمع ابو المخزن يسولف وي واحد صدك الدنيا دوارة ويا يوم دور واشوف سالم شارد من عدنة ويخاف نلگاة هم يجي يوم ويعيش العشناة بسببة!

واني افكر بعمايلة السودة ويانة وشلون اخواتي تعذبن بسببة ومن ايدة امراض جسدية ونفسية صارت عدهن لليوم اعراضها باقية لو اني الخلاني افتر بالشوارع واحاول افكر بحل لامري احاول استوعب اني منو ولمنو اروح واني ماعرف احد

گلبي انقبض والنفس ضاك بصدري ايدي بادت وحيلي راح فاتحة عيوني بخوف  اسمع صوت سيارات الشرطة  تدوي بالمكان غريب مني بداخلي اكول مو يمي ليش الا اني مطلوبة للشرطة واني والله ماخفت على نفسي ولا اخاف عشت بالشوارع تخوفني شرطة وسجن بس خفت بعد ما اشوف اخواتي وافاركهن  وخفت عليهن منهم اذا لزموهن شيسوون بيهم يجرمون بيهم اجرام اني متاكدة

الصوت كلش قريب استجمعت قوتي و طلعت من المخزن اركض صارت بوجهي الدوريات والشرطة الملتمة حرت منين اطلع وهما محاوطين المكان والاسلحة مرفوعة بوجهي يكول عبالك كاتلة واحد

صارت عيني بعين سالم واكف وي الضابط يگلهم هي  وهما باشراة هجمو علية استحوذوني يكلبشون ادية نترت روحي منهم بقوة بس مو كادرة افلت منهم  وهو يضحك بانتصار ويگلي بوعيد   ..

_سالم: الا اخليج تخيسين بالسجون

هزيت راسي اگلة بوعيد والشرطة تكلبش بادية

:: يدور الزمن واخليك بمكاااااااني

ضحك بشماتة وحقد عيونة يلمعن بفرح كلي بين وسط الجنود والوضع الا اني بية  .

_راح اسوي سواية بخواتج الساق* لا صايرة ولا دايرة وتوصلج الاخبار

طگگت عيوني بعصبية احسهن يردن ينشلعن من مكانهن صحت بغضب وتهديد صوتي احسة انشخط من الصريخ   .

_كواكب: امثثل بجثتتتتك بس تأااااااذيهن المووووت ارحمللللك والله ارررحملك بس تبجي عيونهن لككككككككك سااااااااالم تعرررف كووواكب شتكدرررر تسويلللككك

ضحك بحقارة وشماتة كال:: اليوم هنا يطلبن مني ازوجهن ولدي وما ازوجهن

انشمرت بسيارة الشرطة واني ارافس واريد بس اوصلة واملخة تملخ بس مانعيني الشرطة والله لو ماهمة مقيديني جان مووووووتة ضربت على الجامة بحركة واني ارجف بعصبية وخبال  اصيح ..

_اخليكمممم ررررمااااد وانثررركممم جوة رجليهن بس توصلووووون صوووبهن  .

يتبع  .....

_____________________________

خفيفة على اللسان ثقيلة في الميزان صلو على محمد وآل محمد 💙

بارت خفيف على كد تفاعلكم 🫰

هسة خلوني اصمم على هذا البارت والقبلة وبعدين ارجع اكتب البارت البعدة واقرا الكوزات التراكمن علية 😂

توقعاااااتكم اكيد احب اشوفها ❤️‍🔥

طبعاً جنت نايمة لان كهرباء ماكو لكبتها مشتعلة كلت خل انشرة 😔

﷽

#المنجمة

الكاتبة_كفايه

لاتنسون متابعه الحساب

تصويت وتعليق بين الفقرات لطفاً 💙

يا علي مدد .

_____________________________

_شبيج نجوم

باوعتلها بضوجة وذبيت نفس رفعتلها ايدي

_نجمة: متاذية اريد افتحها

_ميس: امشي نروح شنو منتظرة

_ااه

_اي امشي يا عيني مو كالبة خلقتتج كلاب

_لا تصيحين يلاا

طنكرت بوجهة وهي ابتسمت تلاطفني بما احنا بالجامعة فسيارتها ما تجي بيها اتصلت بالسايق بقينا ننتظرة كاعدين على المسطبة والغراض مخلينهن بالوسط ساكتين وعيونة على الناس تروح وترجع فارغين ماعدنا شي .

_ما تحجين؟؟

_نجمة: ماتحجين انتي كلة علية

_حتى الحجي مرة عليج ومرة علية!!

ردنا نتكامش واجلناها من اجة طالب يمنة كلش باوعت بوجهة ميس رفعتلي حواجبها باستغراب التفتتنا علية نرد السلام من سلم باحترام كال .

_عادي احجي وياج ميس

_عفواً؟

_ما اطول هواي كم كلمة

شمرت شعرها ورة ضهرها وبغرور جاوبتة

_كولهن ماكو غريب نجمة اني وياها واحد

خجل من كلامها وردها اشرتلها بحواجبي بعيوني تروح وياه تشوفة شيريد ماكو قفلت بعد الولد بعد ما شاف ثباتها كال بصرحة وبدون لف ودوران .

_اني فاروق خريج جاي اقدم الماستر وشفتج كم مرة عجبتيني الصراحة فاذا توافقين نتعرف فترة حتى اجيب الاهل نطلبج على سنة الله ورسولة

فتحت عيوني بصدمة ومن يمي خجلت اباوع لميس عادي عدها رفعت عيونها اله وبرود كالت

_كل التوفيق الك وان شاء الله تنعجب بوحدة غيري

_شنو افتهم من كلامج؟

_ميس: صح الافتهمتة اعتذر منك سد الموضوع

كامت من مكانها تجمع بغراضنا اشرتلي اكوم كمت وياها ابتسمت وكالتلة:: نسترخص السايق اجانا جنا منتظرينة

عافتة وراها واني اركض طلعنا جذب لاسايق ولا بطيخ اخذتني لكافتريا قليلين البيها لان الطلاب بالمحاظرات ميس منزعجة بشكل مو طبيعي وتلعب باضافرها معناها اكو شي كلش مضوجها

_نجمة: ليش ما انطيتية فرصة مبين خوش ولد وشخصية حتى حالته المادية زينة

رفعت عيونها مدمعة اكلت شفتها وكالت

_ميهمني كل ذني صدكي

_لعد شنو اليهمج هذا مو اول واحد يصارحج ليش هيج ترفضين من المرحلة الاولى وهسة راح نتخرج وانتي ترفضين رغم هما جديين ويريدون خطبة كبل

_مو بعيني صدكي

_ها انتي بعينج المعفن الخايس مو

ابتسمت كوة مسيطرة على دموعها

_ماتكليلي منو هذا غير كمت اشك حتى بحارس الشركة شكو واحد شكلة مبين بية عفونة اكول هذا المصيبة كلهم الشباب مرتبين وعطرهم يفحفح منو هذا الخايس ؟؟

_بالعكس مو خايس ولا معفن أصلاً يلمع لمع

_اويلييي اويليييي لعد كل هاي السنين اني عبالي معفن واجرب صدك طاح حظج بلة بلة كملي

_اي ومن كد ما ابيض اكول سودة بوجهة لان ادري ما يأثر بية

_اويلييي يابة منووو هذا

ضحكت بفرح وخدودها وردن دكيت ايدي بحماس

_دخلتي الشركة علمودة منو منو حب سنين هذا لكككك اويلييي

_انفضحنا ولج صوتج

_ديلا عوفي صوتي احجي لا تغلسين كولي ماكو مهرب هالمرة

_اي بس لا تنصدمين

_منووو

_قبس

عفست وجهي بقرف ودكيت على رجلي

_صدكككككك ولج تحبين هذااا الدايح الملطلط!!!؟ يعععع شايفة روحة شوووووفة ولا يتحاجة شحبيتي منة؟؟؟؟؟

_بعد حبيتة

دنكت راسها خجلانة واني من الصدمة رجعت افكر واعيد الكلام من جديد معقولة هاي دتحجي صدك لو تشاقة من اباوعلها اتاكد من كلامها تبرم بخصلة من شعرها صافنة وتبتسم اكيد تذكر شكلة خليت ايدي على خدي عيوني عليها عقلي راح يوكف هذا الخابصتني بية يطلع قبس !

_مدا اصدك عود صدك تحجين؟؟؟

_ها نجوم شبيج

_راح انفجر ووولج شحبيتة منه ليش هو ينحب !!

_عبرت مرحلة اني احبة

_لااا لاا دخيلج كولي غيرها

_لا جد قبس لطيف

_مو كلتي صديقي اعتبرة!!!

_اي ماكدر ابين مشاعري لان اعرف بالة مو وياي ماريد احد يعرف سر هذا اعتبرة اخلية بروحي وما اطلعة

_سرج بكهوة اقصد بير اشو انتي تخبلين وين يلكة مثلج

_الگلب من يدك مايباوع للشكل

_بس انتي مسيحية من غير ديانة وهو مسلم شلون

_ادخل للاسلام لخاطرة

_واهلج يقبلون

_ماعرف بس اعرف ادافع عن حبي ادخل للاسلام واستشيع اذا راد حتى اتحجب واغير لبسي اليريدة يصير

_طاح حظة مايستاهلج بنية جمال واخلاق ولطافة وهو غثة وخطاف البنات الحلوات

_اخلية يعتذر منج على الموقف الصار بس اتم الامور

_ما اريد اعتذارة يولي ااخ شلون حظ عندة هذا ميس البنية الجميلة المغرورة تطيح على وجهة علية !!

_بعد حصل وحبيتة جنت اروح وي بابا ومن دونهم هويتة صرت اروح كل مرة بس حتى اشوفة واحجي وياة وحتى التدريب رحت بس حتى ابقى وياة بنفس المكان واروحلة يشرحلي

_اويليييي كل هذا واني ما اعرف من امداااني صدك غبية طلعت

_استحي نجوم والرب يعني ماكدر اكلج احب وهاي التفاصيل لو يبادلني المشاعر اجيج واني كلني فرررح اسولفلج بس هو مايبادلني

_سودة بوجهة اليلمع وين يلكة مثلج يبوووو

ابتسمت بخجل تهفي على وجههة اي شفتو طلعت ام لسان والعيارة والغرور تستحي !

طلعنا بعد ما اجانا السايق واني بعدني ما مصدكة قبس نفسة الخابصتنة بية هواي علية هاي الصدمة

سكتت ما حاجيتها بعد لان صدك تخجل لان انكشف الحبيب المجهول وظهرت هويتة.

وصلنا للمستشفى فتحت ايدي واخيراً اريد اركص بجفية لان خلصت منها وارتاحيت موتتني جانت غسلتها كلها وصخ وريحة وميس نشفتها الي وترش عليها عطر .

_اي هسة يلا اكدر اتقبلها من فتحها تسودنت كلت خل يكصها احسن

_ميس: مابيها شي الحلوة رجعت

_عساها بحضك وبختك ياسراج يا نعال المكبسل

_طايح الحظ السكط شلون يتجرا ويمد ايدة عليج العايب

_لا عاب حلكج عايب شايب نعلعلة علية خلصت عمري انضف خيسهم الخايسين

_اتخطي نجوم لو ما تنظفين الهم وتشتغلين هسة انتي مو وياي

_هم صح هذا المسكتني عليهم يشدن وياي ويبطلني يخلن احلم اطلع من البيت

طلعنا من المستشفى للمعطعم ميس جلبت الا نروح بمناسبة فتح ايدي اكلنة واخذنا صور تونسنا وكتلها توصلني للبيت بطريقها اول ما وصلت للمنطقة جمدت بمكاني من شفت سالم وابن عمة وياة بالمنطقة ضميت راسي واني ارجف اصيح بالسايق يرجع .

تمشي السيارة واني سن يطك بسن من الخوف كلبي احسة راح يوكف ميس لازمتني تهدا بية وتكلي :: اخواتج مو بالبيت طالعات مو نيزك ذهب عازمتها وياها تروح

_اي صح كالت اقنع كواكب واروح بس خاف كواكب لزموها لان هنا قريبة

_يمعودة شيلزمون منها كواكب ماتنلزم وقابل شنو يريدون يسوولها

_ترة دعوتين ضدها مسجلين دجت سراج وجسمة بعيني شفتة مشگگتة ظهرة من الطول للطول ماعرف شلون طلع منها ومرتة هم سجلت دعوة مو هين الصار

_دكولي يا الله ماكو شي هسة هي بالشغل

سكتت بس احس اذني بيها طنين غمضت عيوني اتخيل نفسي رجعت لكربهم شفت الدنيا والراحة من طلعت من بيتهم الاسود معقولة يرجعوني اله مرة ثانية ؟!

صرت بس جسد امشي ورة ميس والخوف ماكلني اخذتني وياها للبيت امها استقبلتني بكل حب واخوها اصغر موجود بقيت اكل بروحي وميس موبايلها مايسكت تتصل وماملحكة محد يرد عليها

اخر شي اتصلت بقبس واجتني تطمني كالت .

_لا تخافين عد ضرغام هسة هنا

_ياخذونهن مالهم حق يبقن عدهم تصير، عشاير راح

_هسة يحلونها مادام تدخلو بيها بيت ليث تنحل وذهب بيها هسة تلوفهم لوف

سكتت ماعندي غير الدعاء ورب العالمين يخلصنة من سالم مر اليوم واني عد ميس ثاني يوم ماكدرت ابقى اخواتي ما سامعة صوتهن راح اموت خوف عليهن صاير بيهن شي ومحد يكول !

من الصبح كعدت كعدت ميس اريدها تكوم توصلني لان ما اندل شي ..

_ماتكووومين كوومي وكتج نايمة

_اوووي شبيج خليني انام بعد

كالتلها وغطت راسها سحبت الغطا منها وسحلتها سحل راحت تحجي علية بصوت عالي .

_ميس: انعل ابوة الياخذج هذا ملحة زايدة نعلعلة

_امشي حبيبتي بدلي بسرعة منتظرتج جوة

نزلت جوة امها مجهزة الريوك لو ما العيب منها ولا اكلت بس استحيت افشلها روحي طلعت بين ماكملت ميس العوبة واخذتها اسحب بيها .

_ميس: طيرتي ابرستيجي شبيج اووي

_نجمة: وجعوووي امشي بلا تنعوص وكتج احنة

_رادلي اغيرج بوحدة مثقفة انتي بعد ماتفيدين

_اي حتى تنوصن وتعوجن بحلوكجن محد تعيب على الثانية

شغلت السيارة وطلعنا خايفة ومتوترة جان تركيزي مو وياي ولامفكرة بالموضوع لو ماميس كالت .

::هسة اخواتج بعد محد يحاجيهن ولا يكدرون يطالبون بيهن لان متزوجات بس انتي شلون؟

_شنو يعني

_السالفة ما اعتقد فضت بيوم واحد خاف سالم يطالب بيج وتكونين نصيبة

جسمي صار ينتفض من الخوف بعد ما استوعبت كلامها تراجفت اطرافي وكتلها::صح اني وين اروح

مايخلوني وحدي وي كواكب لان يكرهونها وهي مالهم غرض بيها بس اني لا

_سهلة حبي لاتخافين هسة نروح للمركز نقدم بيهم شوكة حتى محد يكدر يتعرضلج وبمكالمة مني اخليهم يسحلونهم سحل

_فهميني حبابة

_شبيج حبيبتي اذا ما تواصلتي وياي لو اختفيتي معناها انتي بخطر وهما مأذينج فالشرطة راساً تسحلهم من نقدم شكوة راح يوقعون عليها مايتعرضولج

_يعني بعد ما يحاجوني اذا شافوني

_ولا يباوعون بوجهج لان انتي عابرة السن القانوني دمشي وياي وشوفي شلون راح احشي حلوكهم فلوس اخليهم يشتغلون عدل

_مو هيج هواي عليج

_ يمعودة خليني اجرب مغامرات ملل وكأبة صايرة

_ها اذا هيج تمام بلكت انعجب بضابط شي منا منا كون طوووويل

_اي حتى تنكسر رگبتج علية ديلا ما لكيتي غير الضباط

_اهووو ترة بطلت ما اقدم شكوى بعد

_لا يابة امشينا حتى ازوجج واخلص لضابط بين ما يجي خالج وتروحين

_اليسمعج حمضت على، كلبج ولا يكول يوم واحد حتى ماينحسب يوم ليلة

_دمشي خلينا نشوفلج ضابط

خزرتها بطرف عيني هي تضحك واني صرت اطگطگ من الخوف مجلبة بيها تمشي ولا يهمها ولا تخاف هالبنية العيون تجادح جادح علينة همست بخفوت .

_ميس: فعلي وضعية الطز لا تموتين

_عيونهم تريد تاكلنا

_لحمنا مر يسم البدن محد يتقربلة لاتخافين

سحبتني من ايدي واني وياها مثل الطفلة كلشي هي سوتة حجت المقتل للظابط كلة بالتفاصيل ورشت بهاررررات وملح خلت الضابط يحمى واخر شي من كملنة خلت على الميز مبلغ نثرت شعرها بطريقتها المعتادة وكالتلة .

_فلوس الغدا هذا

سحبتني قبل لايحجي بين ما طلعنا يلا رجعت للحياة شغلت السيارة وطلعت تشغل اغاني وتفتح جام السيارة خليت ايدية على وجهي احس نفسي مصخنة .

_ميس: شايفة يانجوم باشارة والله الا يسحلون سالم وولدة البية خير يتعرضلج بعد

_ان شاء الله بجاة ام البنين كون يكفون عنة

وصلنا لبيت ذهب محد موجود الحمدلله نزلنا دكيت الباب فتحة علي::هلو علي شلونك

هز راسة بابتسامة عيوني صارن جوة البيت كتلة باستعجال وخوف اسألة:: البنات يمكم؟؟

هز راسة اي وفتحلي الباب ادخل ركضت جوة ومن الخوف نسيت حتى ميس صارت بوجهي شهب الوجهة مطعون دمممم مجرد ماشافتني شهكت تبجي ركضت علية حضنتني بكل قوتها انهاريت بيدي واني احس روحي راحت شهكاتها شكتن گلبي دموعها ماتوكف ذهب من جوة تباوعلنة وتحجي

_ذهب:: بسجن يحبوبا كافي بجي انعل روح التبجيجن

اخذتها غسلت وجههة لزمت ادية ترجف وصوتها كوة يطلع من الشهكة ..

_شهب: كواكب بالسجن تدرين

فتحت عيوني بصدمة واحس حيلي راح نزلت دموعي بقهر اهز راسي لا مسحت وجهة وكملت.

_شهب: ضدها دعوتين قتل

هنا ماكدرت بعد اوكف على رجلية بعد ماكرت وكعت وميس رفعتني تصيح اسم الله اخذتني ذابة حيلي عليها كعدتني وركضت تجيبلي مي لزمت شهب كوة احجي .

_شلون لزموها شلون

_الشرطة اخذتها من الشغل سالم جايبهم

_من دجت سراج هاي قضية والثانية مال مرتة تعتبر محاولة قتل؟

_اي هنا

شهكت اتذكر شكلها من طلعت مكيفة بشغلها ولا يهمها تعب اهم شي تساعدنة ومانحتاج احد تخلينة

بجيت اللطم على عيوني بحركة وميس كوة لازمتني .

_نجمة: راحت ميس اختي هسة بالسجن شيطلعها راح شبابها عمرها خلص تعب بتعب من ورانة

حاضنة شهب وثنينة نبجي ممرودة رواحتنا من القهر عليها ماقصرت ويانة والله ماقصرت .

رفعنا روسنا على دكة شفنا ذهب واكفة كدامنة ادك عوجيتها الخشب بالكاع وبصوت عالي راس شامخ كالت .

_ذهب: وداعت كل دمعة طاحت من عيونجن اختجن ترجعلجن لو اعرف ابيع حالي ومالي ما اعوفها بالسجن وسالم برا مرتاح .

مسحت عيوني وهي اجت باستنا واخذت مي تقرا علية وترش علينة تكللنا.

_ذهب: واخو زينب ما اعوف واحد يمسجن بسوء طلعتن بوجهي بعد ومن دخلتن بگلبي احرگ علمودجن

سكينا صارت برواحتنا بعد كلامها النزل مثل المي البارد على كلوبنا المحتركة .

_ذهب: هسة ضرغام من الصبح طلع يشوف قضيتها وشوف بعد يدفع فلوس يوكللها محامي لا تخافن روحن يم اخيتجن الجبيرة هسة .

بقت ميس يمها واني كمت اشوف نيزك وشهب وياي مسحت عيوني اكل للشهب:: وين نيزك؟

_هنا

اشرتلي على غرفة مقفولة كالت:: من البارحة طلعت تحجي وي ضرغام وبعد مارجعت ادك الباب ماتفتحلي

دكيت الباب ما كو لا فتحت الباب ولا صوت الها ينسمع بقيت اكل شفتي من الحيرة باوعتلها بقلق

_شبيها

_ماتعرفينها رجعتلها الحالة

_كولي تنتهي هيج منو يطلعها منها اذا هي كواكب ومو هنا !!!

_هي على كواكب هذا القهر

بقينا واكفين احجي وياها من ورة الباب عسى ترد

_نيزك فدوه افتحي الباب نيزك

ماكو رد ولاحركة رجعت حجيت،:: ابنج يريدج شبيج نيزك شنو السالفة كومي شوفيلنا صورة حل خو مانبقى عند الناس .

باوعت بعيون شهب فص عينها جمد هزيتها يلة رمشت كالت بفهاوة:: تدرين نيزك صارت زوجة ضرغام

من قوة الكلام والصدمة فتحت عيوني وحلگي على وسعهن بعدني ما مستوعبة كملتها علية من كالت:: حتى اني صرت زوجة العصبي

بقيت مطگگة عيوني بوجهة اريد استوعب ماكو شنو تزوجن هنااا بعد فترة يلا صحت بوجهة كلمة وحدة بس:: شلووون!؟؟

_دنكت راسها وبرطمت شفتها حجتلي كل الصار بالتفصيل كملت علية تكلي:: لو ماكواكب انسجنت نيزك ما تقبل والله وحتى اني بس انجبرنا لان بس نطلع منهم يذبحونا موت هو اول ماشافني داس على راسي لو باقي شوية شنو يسوي

_شهب ماجاي استوعب هسة انتن صرتن نسوان متزوجات

_اي كالو كدام الناس لان سالم كال لضرغام انت شعليك تدافع الهن هنا بناتنا ضرغام كلة نسوانا ذني وبسرعة عقدولنا

_يعني تطلكن منهم

_اي هما هيج كالو بس تفض

_منو هذا العصبي العقد عليج؟

_قُبس اسمة الاشگر

احس گلبي وگف من كالت اسمة الا هو قبس لاهيج ولا هيج فوك ما اني كارهتة فوك ماميس تحبة ومغرمة بية لو سمعت شتسوي سحبتها علية اكلها بتحذير:: ماريد ميس تعرف قبس عقد عليج

_ليش؟

التفتنا ثنينا من شفنا ميس ورانا والله احس الدم توقف بجسمي بس تسمع ما اتخيل شنو يصير بيها بقيت اباوعلها متجمدة يمكن سمعت بس من ابتسمت يلا تنفست وهي اجت حضنتني تبوس بية

_ميس: محلولة نجوم نخلي الها احسن المحامين تطلع لا تنقهرن

اتصل عليها ابوها شوية وطلعت تكلي:: اذا ردتي تجين بس اتصلي بية ادز الج السايق ياخذج لو اني اجيج

طلعت وراها وصلتها ورجعت دموعي تنزل عليها هذا هم قهر جديد صار شكد اني اعرف بيها معحبة يشخص بس لاطشة ماتكلي منو هو طلع قبس ولافكرت ابد بية لان هي كلش ثگيلة كدامة عبالي غيرة .

_شهب انتو تتطلكون مو؟

_بكيفهم

_ميس ماتعرف بالصار، اريدها منا لمن تنحل الامور بلكت نروح لغير مكان ونرجع

_شنو ميس تحبة؟

_اي

همستها اباوع بعيونها هزت راسها اي متفهمة فهمتها:: من زمان جان تروح للشركة علمود تشوفة حتى هسة اخذتنا نتدرب يمهم هم علمودة وراحت للقسم الهو بية

_ان شاءلله ينجمعون باقرب وقت ميس حبابة وتستاهل الخير

_يعني ماضايجة

_ليش اضوج اني الولد حتى اسمة ما اعرفة هو مجرد عقد علمود سلامتنا بس نشوف حل ترجع المياة لمجاريها .

_عجبني تفكيرج اموري وين؟

_اخذتة خالة سهلة تشتريلة خطية شصار بية

كعدت بالصالة صافنة بوضعنا اندك الباب راحت شهب طلعت وراها لا ذولة الخيسة علي فتحة دخلت سهلة بيدها اموري وعلاليگ محملين شافنا اجة يركض شالتة شهب تبوس بية وهي يحجي بفرحة ويكلها :: زابتلي هواي العاب

_سهلة: يستاهل الحلو الحباب اموري

خلة ايدة على حلكة باسها وشمرها عليها يكلها:: اتي هبابة اهبس (احبج)

اجتة تبوس بية وتضحك فرحت على محبتهم اله اموري كل اليشوفة يحبة الحمدلله وهو مايستغرب

اخذتة شهب للغرفة طلع العابة المشتريتهن اله خالة سهلة وطلع حلوياتة اجة بيدة اربعة انطاني وحدة يكلي:: هاي الس وهاي لسهب وهاي لتواتب وانانا

وين نانا وكواكب بعد اخذتهن شهب منة تكلةة:: خل نلعب بعدين ننطيهن الهن

لهتة بالالعاب كعدت بالصالة رجعت اباوع للباب بلكت ينفتح وتطلع نيزك سهلة تشتغل بالمطبخ كمت اساعدها وهي ماقبلت كلش واكفة يمها والباب تعطر، خطية علي طاحت رجلية راح يفتحة وجمدت بمكاني من شفت صبيحة وافنان دفرن الباب ودخلن يصيحن بصوت عالي..

_ووين ذني السا* الـ** ملفينهن عدكم تعرفون شبيهن مابيهن طلعوهن الي طلعوووهن

طلعتلها سهلة وهنا يردن ياكلنها بالحجي

_صبيحة: انتممم شنووو من بشرر تاخذوون وتلفون لبيتكم بنات دايحات بالشواع ما مخليات احد بنفسهن ابني هذا ابني لاعبب بيها لعب واخذتوها

من سمعت هذا الكلام احس الهوى انگطع عني شنو من قابلية عدها ترمي علينة هيج كلام واحنا بنات صاينات انفسنا شهب الغرفة ماتطلع منها شلون تحجي عليها هيج كدام الناس الغربة وصوتها عالي الكل يسمعة !

_ذهب: شوفن ولجن تمشن منا برجليجن لو تطلعن مكسرات؟

_افنان: حجية انتي مبينة خوش مرة ومن اهل الله البنات احنة نعرفهن يجوز غشنكم وتحايلن عليكم هسة اني اجيت اكلج بنات الشوارع طلعيهن من بيتج لا ينگسنة

_ذهب: ماكو نگس غيرجن ماتوصلن لذرة من شرفهن وحيائهن ياساقطاات

_صبيحة:: اابني انجلط البت يريدهااا

جفتت البيت تدور على شهب ونيزك طلعتلها بيدها مزهرية شافتها رجعت ليورة من بعيد شمرتها عليها بس ماصارت بيها بالحايط اجت سوتها طشار صرخت نيزك بصوت عالي وطفرت عليها وكعت عبايتها وكلبتها نامت عليها نيوم صرت اشوف بس شعرها تشمرة من اديها وصبيحة تصيح لمت المنطقة افنان تريد تطلعها بس تخاف لا نيزك تجلب بيها ويعرفن بنيزك مخبلة تموتهن .

سهلة تسحب بنيزك تريد توخرها ما تنزاح تضرب بيها وتصيح:: تررردين منوووو كووولي منووو التريدينهااااا لابنننننج

من بعيد اباوعلهن اخاف اتقرب وانكتل بس اشوف وجهة صبيحة دم اكلتها نيزك باضافرها طلعت دمها افنان راحت تفزع وكلنا ردنا نيزك تعوفها مرة جبيرة شوية خفنا لاتموت بيدها وهاي هم مصيبة ثانية فصلت عليها تصيح .

_انعععععل خيررركم انعععلة اخذذذي اختيييي اخذووووها يلةةةة

ذهب تباوع مبتسمة برضا ولا تدخلت ولا حجت حرف تريد نيزك تبرد كلبها بيها بس سهلة خطية تفازع علي ولا تقرب ولا دخل لان نيزك ما لابسة شال شوية ودخل ضرغام يصيح شكو شاف نيزك بهذا الحال وصبيحة تصيح مخنوكة دنكت شال نيزك بكل قوتة شلعها منها بيده بقت ترافس بديها ورجليها تصيح .

_اموووتهااااا خليني اموووتها

_ضرغام: بسج بوية بسج كافي راح تموتين انتييي

اخذها للغرفة بيده باقية رافعة سهلة ساعدت صبيحة تلم روحها وافنان اخذتها شعرها طايح بالكاع نصة وبذاك الحجي والدعاوي يلا طلعن ذهب تصيح وراهن .

_مو اخليها تمرعدجن من جديد

طبك الباب علي وراهن وذهب تضحك بصوت عالي عبالي تخبلت المرة هسة احنا بيا حال وهي تضحك اجة ضرغام فحطان يكلي:: ملابس لاختج طلعيلي بسرعة

هزيت راسي ورحت للغرفة لكيت شهب حاضنة امير وخاتلين بالزاوية صحت بيها:: راحن اطلعلي وين ملابس نيزك

اشرتلي على الجنط مالتنا ماعرف منو جايبهن من البيت اكيدهما طلعتلها ملابس واخذتهن للغرفة لكيتة فاتح ادية ثنينهن على المراية مرتجي ومنزل راسة ونيزك صوتها عالي تصيح .

_اااموتك بدالهااا بس اصبرلي

رفع راسة شافني اشرلي انطية الملابس اخذهن يكلي:: هاي اختج خبلة مو بعقلها

_لا تحاجيها فدوه هي عصبية هسة

هز راسة طلعت بسرعة من الغرفة كعدت يم شهب .

_نيزك:تريد تاخذها انعل والديها واحد واحد السطولة النعولة

_ضرغام:ولد القندرة المعفنة الجربة

_اني اعلمك انت بسيطة

_منتظرج يلة

شمرت المي علية انتفض من العصبية واحس جسمي نار يدوي ما خلاني اكتلها بعد سحبني وشمرني جوة الدوش نكعني مي الحقير خلصت سبح ودفرت الباب اصيح:: ملاااابس وين الملاااابس؟؟؟

_ذني عندي

_انطينيااااهن

_صوووتج لا تصيحين

_هسة اعلمك منو الما تصيح بس اصبرلي

لفيت جسمي بالمنشافة المعلكة ومديت ايدي انطاني الملابس لبست بسرعة حتى ما ادري شلبست طلعت بسرعة اركض اول ما شفتة هجمت علية اضرب بوكسيات بضهرة والله احس روحي مو بعقلي اگلة بحركة.

_من اصير عصبببية لاتتقربلي منووو گلككك تسبحنيييي منوووو

اندار علية وبيد وحدة لزم ادية ثنينهن عتيت روحي منة وبرجلي ادفرة بقوة شمرني بقوة على الجرباية وصار فوكي يحجي بعصبية .

_لاتضربينننن ولاتصيحين بوجهي

نترت ادية بقوة منة لازمهن بقوة صيحت بوجهة

_شتسوووي اصيح واصيح واضرب افتح ادية واعلمك الضرب شلوووون عبالة مررتة انييي

لاحددد يتقررربلي

سكت ماحجة شي يباوع بوجهي تنفست بصعوبة ورجعت حجيت واني احاول اطلع نفسي من جواة

_خرررب رروحك وخرري عني وخررر متتت جنك ثوررر

رفع حاجبة وكال بتعجب: اني ثورر!!

_وخرر انت ماتسمععع شنووو؟؟

_اي بس احترمي نفسج اول

_اييي ديلا كاافي ادية عوفهههن

رفع ادية وعضني بيدي رجع لايدي الثانية هم عضها وتركها كام مني واني طفرت ضربتة راجديين فتح عيونة مصدوم كتلة:: كل راجدي حق عضة عضتين راجديين .

من شفت ملامحة العصبية وشكلة اليخوف باوعت للحمام وطفرت من فوك اركض بعدني دافوت وسحبني من شعري لزكني وي الحايط يتنفس بوجهي حجيت مبررة .

_انت ضربتني بلاول

_اكسرررج هسسسة

_ما اسكتلك اني هم اكو هنا مزهريات اضربك بيهن على راسك ترة

_جربي

_جرب انت بالاول

رص على اسنانة بعصبية غمضت عيوني من ضرب الحايط بوكس عبالي بية صار صاح بوجهي بصوت عالي:: اخررر مررة واول مررة ترفعين ايدج بوووجهي

رفعت ايدي كدام وجهة عيونة صارت تخوف تذكرت هذا مو يوسف الارعن ابتسمت ومسحت على خدة بطرف ايدي كلت بهدوء:: اسفة ترة

_و

_مو قصدي

_اي بس وخري ايدج

انتبهت لايدي نزلتها ولزكت روحي بالحايط فوك ما ملزوكة دفعتة من صدرة وبدون لا اباوع لوجهة كتلة:: وخر اريد امشي

قشعر جسمي من ايدة طخت رگبتي المي ينزل من شعري عليها باوعتلة مركز يرفع بخصلات شعري لازكة على رگبتي بحركة سريعة مني لميت شعري كلة ليورة دفعتة بسرعة وخر رحت الف شعري ماكو شال بس المنشفة شفتة وراي درت وجهي، خازرتة اشر على شعري وبصوت ناصي عينة تكص بية كال:: مشطية قبل لا تطلعين

ما اهتميت لكلامة طلعت بسرعة يم البنات حضنني واني نسيت كلشي حضنتهن واخذت ابني بوستة ورجعتة لشهب رحت امشط شعري على المراية وگلبي يفوررر كملت ولفيت شال على راسي تذكرت ملابسي بقن بحمام غرفتة عيب يريد يسبح رحت اجيبهن لكيتة يدخن والغرفة كلها دخان رحت افتح البردة والشباك رجعت للمروحة شعلتها .

_تشربون بالسم ما تملووون اررحموو رواحتكممم سرطااان يصيرر مايهمكم شيهمكم بعد

_وانتي شعليج

هزيت ايدي خازرتة وهو يباوعلي مقلص عيونة

_نيزك: مو وجهة نعمة شعلية اني صدك

خزرتة ودخلت للحمام جمعت ملابسي بسلة وطلعت لكيتة يطفي بالمروحة حسيت الدنيا افترت بية عصرت راسي بوجع موتني شافني اجاني ابتعدت اكلة:: اختي شنو صار عليها شوكت تطلع؟

_بعد.

_شكد بعد؟؟

_خليت محامي بعدة هذا ثاني يوم الها بعد الناس

_انت لو بيدك تخليها العمر كلة بالسجن شيهمك هم ماتحبها وهم ماتعودلك

_شعندي وياها اكرههة

_اني عندي فلوس ادفع شكد ماتردون لاتبخل بالفلوس ذيج الفلوس بقتهن عندي وراحت ماعايزين احنا

_تحجين صدك يافلوس هاي الاعزها عليج جوة رجليج انثرهن

_اريد اختي ماعرف افكر بشي ثاني عقلي يبقى مايفكر

كلتها ونزلت دموعي تعبانة ونحلانة كوة واكفة على رجلية عيوني تحركني وكلشي بية يوجعني سحبني برخاوة لحضنة واني رافضة ادفع بية بروح خاوية يلزم بيدي يبوسها ويمسح على خدي بهدوء وبصوت خافت يگلي:: وداعت عيونج اشتريها مشترة لخاطر دمعة من عينج

سحبني وياة ماشفت غير منيومني على رجلية ويلعب بشعري دموعي تنزل والشهگة تخنگني من احجي اريد بس ارتاح .

_هي مو بس اختي هي روحي وحگ هو الله هي روحي اتأذة اضعافها بس تتأذة

_هنيالها

_لو ماهي اني مو هنا هسة اني ميتة لو بمستشفى المجنانين سوت المستحيل علمودي صارتلي اخو وابو بوكت العالم عبالها وحدنا

كطعت كلمتي ودفنت راسي ابجي بحركة گلب واحس بايدة تتحرك على ضهري بهدوء مثل الام من تمسد على طفلها غفيت واني الجنت ما شايفة النوم ولا مغمضة عيني .

_شهب: دخلت ذهب علينا وكالت بامر:: يلة حبوبا تجهزن حتى تطلعن

وحدة باوعت بوجهة الثانية باستغراب كالتلها نجمة

:: وين نروح؟

_ذهب:: يم البنات يلا بساعجن

_نجمة:: كلنة لو بس احنا الاثنين

_زيبگ ماتروح بس انتن

_نجمة: اني هم ما اروح ابقة يمها

نيزك مو زينة هسة تحتاجني

_ذهب: جا انتي الشهبة كومي واخذي الفرخ وياج يغير جو

طلعت ونجمة تحجي علية اروح

_امشي شبيج بلة هسة اجة سراج الخبل مو اجن افنان وصبيحة خاف هسة تجي الولد وياخذونج هما يعرفون على ذمة رجال مايهمهم اهم شي تبرد كلوبهم بيج وهسة سراج مجلوط بالمستشفى بعدهم ملتهين لايجون

من الخوف كمت اركض لبست صاية ولفيت شال ونجمة تبدل لامير هو متعلق بية اكثر من امة حتى مايصيحلها ماما يكلها نانا اخذتة هو والعابة مكيف لان راح نطلع طلعت نجمة وراي سهلة راحت وياي ماخلتني وحدي وضرغام اشرلي نطلع مشيت وراة صعدت بالسيارة حركها وبس يتأفاف شوية ودك تليفونة جان رابطة بالسيارة فالصوت اجاني .

_ضرغام: ابشر شصار على القضية

_اكو شهود وتقرير طبي بحالتهم الولد عندة نسبة ضرر اثر الضربة والبنية لحد الان راسها مو زين اكو احتمالات يصير بيها شي بالمستقبل لان الراس خطر

_ضرغام: شلون طركاعة هاي وهسة منا منا

_ماكدر اسوي شي الا يتنازلون عن الدعوة حتى محامي موكلين علساس هي داخلة لغرفتهم وهاجمة عليهم لان مسمعين اخواتها حجي

_من نعلعلة الخلفوهم شبيييية نعااال شبييية هسة ماات ما ماات

_تبقى محاولة قتل والقضية من سالم وابنة اذا يتنازل تطلع ماعليها

_لا هاهية هذا الگ* من كلمتين يتنازل ابن،**

لو بيهم شريف ما***

غمضت عيوني بخوف وهو فقد نزل بيهم فرد نزلة

امة تهدي بية غير يهدأ تالي سكت وطير السيارة بينة نزلنا بالبيت ورجع، لزمت بيد اموري كوة مسيطرة على دموعي گلبي يوجعني على اخواتي وحالهن، طلعت ورد تركض من شمرت روحها علية تبوس بية فرحانة بوجودي اموري كيف يلعب وي رضا كعدت يمة اباوعلة شلون يلعب رفعت راسي شفت ورد صافنة علية رفعتلها كتفي بمعنى شكو ابتسمت وكالت .

_حلوة انتي

_شكراً

_بس ما توقعت راح يعقد عليج قبس

_جان مجبور يساعدني مو اكثر هو زواج على وراق

_ماكو شي اسمة على ورق يصير رسمي ماطولة زواج

رفعت حاجبي مافاهمة شي وهي طفرت راحت جابت حلويات واختها جوري اجت سلمت علية وبقت تتأملني بابتسامة فوك ما اني ضايجة ضجت اكثر وكتلها :: شبيجن هيج تباوعلي؟!

_غير حلوة من حقنا

سكتت وهي كملت:: انتي وقبس ثنينكم شگران بس شخصياتكم كلش مختلفة واحد نار والثاني مي

_هو عصبي

_يعني بس الاغلب اي عصبي مايحب واحد يراددة

_شعلية بية اني

لزمت ايدي تقترب، علية تكلي:: ليش شعليج بية حبيبتي هسة هو زوجج يعتبر لان جديد عليج اعتبريها مرحلة خطوبة حاولي تتعرفين علية وتتقربين منه حلالج هو

ابتسمت باستهزاء اگلها:: احنا بيا حال مانعرف نموت لو نعيش من القهر وانتي تحجيلي بهذا

_هذا خطيبج اسمة قبس تكدرين تصيحيلة قيس للسهولة ترة هو اسمة قيس بس ابو التسجيل ناسي نقطة فمشت علية قبس

هزيت راسي مامهتمة لكلامها اريدها تسكت حتى ارجع افكر بحالنا بس بقت تحجي بقبس وتكول .

_جوري:بس تنحل المشكلة على خير وسلامة وذهب تطلب منكم تسوين عرس..

قاطعتها اكلها:: لاترحين بعيد مايجي هاليوم هما كالو موقت

_غبية انتي لو رفضتي هذا الطلب وين تلكين مثلة رجال بفلوس وجمال وشخصية غيرج يتمننة

_اتزوجية انتي اذا هيج

فتحت عيونها بصدمة وجهها صار احمر عكدت حواجبها وكالت:: اخوي اني اعتبرة ومستحيل تتغير نظرتي بيه للموووووت

كطعت كلامها من اجت ورد بيدها صينية خلتها كدامنة بيها حلويات وفواكة كالت بضحكة حماسية

_ورد: شفتي اني شلون معزبة جبلت كل خزينتي

_شهب: أصلاً اني ما اشتهي

_انجبي تاكلين وياي المن جبتة

هزيت راسي برضا وهي تربعت صاحت للجهال جوري ماقبلت ياكلون اخذتهم غسلت اديهم ورجعتهم كالت:: اني رايحة اقرا اكلو انتو بالعافية

بقينا ناكل بهدوء كمت افتر بالحديقة و ورد لكتني تاكل التفتت اكلها:: بيتكم جبير وانتو شوية

_هو هذا بيت جدي جانو كلهم بية بعدين طشو بقينا احنا كاعدين بية بس هم يجتمعون بية عمامي ونسوانهم من بيبي تطلب منهم لو مناسبة تصير .

_حلو

_اي بس كون اخوي يتزوج وتجينا چنة وجهال يصيرون الله شكد حلو

_شعجب اخوج مايتزوج

_بعدة يشعر بالخذلان والله اشك يتزوج ويثق بمرة بعد الصار

سكتت والتفتنا ثنينا ورانا على اثر الصوت شفنا قبس اشرلنا باصابعة نجي ورد صارت بضهري تدفع بية وتكول:: روحيلة خليني افلت لا يملصني ملصص اروحلج فدوه شهب

_شكو

_قبس:: ماتجييييين

_شهب: عليمن هذا يصيح هسة

_ورد: عليج اكيد عليج تحررركي ولج لايجي يسحلنا سحل ويفر بينة الحديقة

بللت شفتي بخوف تحركت وهي تدفع بية صايرة بضهري بمجرد ما عبرت مسافة طكتها ركضة دخلت جوة التفتت عليها بخوف اسأل نفسي شبيها هاي فزيت من صاح علية

:: هممم خرررسة وهم ماتسمعييين دخيلللك ربيييي

فتحت عيوني بصدمة شبية هذا يصيح هسة منو الاخرس منو المايسمع اجة باتجاهي يصيح

_شبيج انتي ماتسمعين مووو احجييي وياج

_مو اجيت ماعبالي علية

_على جدييي اصيييح ومنعللل والدييية

سكتت ماحجيت شي شكلة صدك عصبي خفت لاصدك يضرب الواحد مسح وجهة وكال بامر

:: يلة اتحركي

مشيت من الخوف للباب باتجاة واحد حتى ما التفتت وراي شهكت من سمعت اموري يصرخ وراي شلون نسيتة رجعتلة اركض خطية من شافني طلعت صار يبجي عبالة اعوفة شلتة ابوس بية اكلة .

_اسكت حبيبي لاتبجي فدووة

_امير: الوح وياس لاتوفيني(تعوفيني)

اخذتة هو والعابة حاضنتة بقوة واكف يباوعلنة برود خزرتة بحقد اكلة:: كلة بسببك اموري صار يبجي

_قبس:: حلووو ان شاءلله كلشي بعد يصير بسبيي تذبينة مثل اختج العرمة كايلج تعوفينة وترحين

_اي نسيت انت خوفتني

_دخيييل اااالله شكووو اخوووف اني سفاااح يبين علية سفاااح اني

سكتت مارديت علية بس فاجاني اموري من كلة

_امير: لا امو انت هباب وسعرك هلو هم

ابتسم ولاول مرة اشوفة يبتسم اجة لامير يكرص بخدودة يكلة:: بس انت خوش ارروح فدووة تعلمن منه صح طفل بس يفتهم

راح كدامي واني بقيت بمكاني داكة رجلية شبية هذا خبل مافتهم شيريد بالضبط بس يصيح اندار علية زفر وميل راسة بنفاذ صبر صاح..

_قبس: ماتجين ادرري اجيي اشيلج

هم سكتت ومارديت علية شكلة استفزازي حيل

من شفتة رجع رحتلة امشي سريع شايلة امير على خاصرتي فحطت كوة اتنفس اخذ امير من حضني نزلة بالكاع .

_قبس: ولد جبير يكدر يمشي شايلتة شكو

_بكيفي لتدخل

_طلع لسانج عبالي خرسة بس وين خرسة واختج نجمة لسانها يرش رش

_لا تحجي على اختي

_دمشي كدامي راح الوكت وانتي تجرين بلسانج جررر

دمعت عيوني من كلامة هذا ليش يحجي علية هالشكل مشيت وراة عبالي يرجعني للبيت بس تفاجأت من گلي .

_قبس: ديربالج على امي هي مريضة شوية

_وين امك هي؟

_بالبيت وين يعني

_يا بيت

_استغفرالله بيتنا شبيج بابا شاربة حليب مطاية

_لا ماكو يمنا يبيعون منه

_طلع الصوج مو بحليب المطي اعتذر لان اخذت غيبتة للمسكين

_وين ماخذني

_حبيبتي بابا عمري افهمي وشغلي عقلج امي مريضة تمام تمام اخوي مو هنا هم تمام واخواتي راحن لبيوتهن واني عندي شغل انتي كلشي ماعندج ابقي يمها داريها

_بس اني ماجايبة غراض النة

_مو شفت بيدج علاكة

_هاي لبسة وحدة لامير

_دبري بيها باجر ارجعكم مو هواي

_بس خاف اخواتي مايقبلن

_شعليهن هنا

_غير اخواتي هنا

_مايحجن اختج الجبيرة كالت اخذها ما نحتاجها بس تسبب غثة بالمعدة

_أصلاً هي ماتكول هيج

_أصلاً كالت وراحت

درت وجهي على الجامة دمعتي بطرف عيني انغثيت منة كلش ماعرف ليش هيج يحجي وياي حتى ما حاجاني وكلي ليش ضايجة نساني هذا

اسمعة يخابر بواحد يكلة .

_ماتجي ادري كافي مامليت من الدياحة ذابها كلها عليه ورايح ااامي طاحت علية ابوك حايرلي بود ماكو بشر غيرها ابقة يلا ابقة معليييك بشيييي

نتر كلامة نتر وشمر الموبايل طبك السيارة كدام بيت راقي يختلف بتصميمة عن بيت جواد فتح الباب اشرلي افوت ماعرف ليش خفت يمكن توتر لان بيت اول مرة افوتة وحدي اباوع لامير ولايمة يكول بيتة شاف زحليكة راحلها يركض واني وراة

_قبس: عوفية يلعب ماعلية

_شهب: خاف يتعور

_مايتعور تعالي وراي.

دخل جوة واني اصتكيت بمكاني رجع صاح علية ادخل رحت امشي كوة شيريد هذا وين اعرفة اني رايحة وياة دخلت للمطبخ كعد يشرحلي على حالتة امة انقهرت وملامحي الحزن بينت على وجهي.

_قبس: هي ماتسوي شي بس تريد تطلع لاتأذي باي شكل من الاشكال تريد تطلع بس اقفلي الباب وابد لا تفتحينة ابقي احجي وياها شوية ولو اخذيها اطبخن سوة تنسة الطلعة

هزيت راسي متفهمة كام يكلي:: احجي لاتبقين خرسة احجي وياها

_صار

_عفية، محتاجة شي؟

هزيت راسي بلا وهو لطم على وجهة بعصبية يگلي

_قبس: لج بنتي احجي لاتبقين صامتة

ردت اهز راسي وبطلت هو عرف اعيد هالحركة

كتلة مبررة:: اني ماحب احجي هو بس هيج اهز براسي

_علساس اني شلون احب الملسونات

كالها وطلع كرص خد امير يكلة:: لاتسوي وكاحة

اندارلي كال:: الاكل جاهز لاتسوين الا للضرورة موجود يمج اني طابخة

راح واني دخلت للمطبخ هو يطبخ كال اني طبخت استغربت وضحكت رجال ويطبخ والله زين كعدت بالعتبة مال الباب اباوع لامير خطية خلية يلعب ويتونس ماشايف غير، الصريخ والعرك جنا حابسينة حبس مل من وحدة وكام اكو حنفية بالحديقة غسل ادية واجة كعد بحضني لف ايدة على رگبتي يكلي..

_نانا ماتو وتواتب ماتو وين لاحن

_نانا مريضة بالبيت

_اهوووو هم مليضة صارت تل يومية مليضة

_حبيبي ادعيلها تطيب

_وتواتب راحت همم لا

كام بضوجة عابس ملامحة التفتت من حسيت شخص وراي شفتها امة ابتسمتلها .

_شهب: شلونج خالة

_هاجر: اني زينة انتي اجيتي تشتغلين هنا يمنا

_لا قبس جابني ابقى شوية يمج

كعدت يمي وخلت راسها بحضنها تكلي بحزن

_خالة محد يفهمني اني ام محد يعرف الام شلون تفكر لو تحس بناتي راحن من عندي بسببي اني السبب ماتن وهنا زعلانات مني زعلانات

عصرت عيونها بقوة تمنع نفسها تبجي وكملت بلوعة

_هاجر: بيوم واحد راحن ياما تعبت عليهن وياما ظفرت شعرهن الحلو بيدي بساع بساع راحن وبقيت اني بقيت تمنيت لو ماعايفتهن بذاك اليوم

_الراح راح لاتبقين تلومين بنفسج حدث مكتوب محد يكدر يمنع المكتوب

_مو هنا المصيبة مايعوفن اروحن ماتعوفني تجيني كل فترة

سكتت صافنة حسيتها رادت تذكر شي خفت لاتجيها الحالة وماعرف اتصرف وياها كتلها بحماس:: خالة نسوي اكل

_لا خالة ما اشتهي

_زين برأيج شنسوي

_امشي كومي انظف البيت من راح فقار صار تراب هذا ما ينظف شي

سحبت امير وياي اكلها:: خالة ولدج ينظفون؟

_اكثر شي فقار ينظف قبس يطبخ اكثر شي

_شعجب يطبخ مايجيب من المطعم

_قبس بالذات ماياكل اكل المطاعم مايستنظف يكوم يسوي لروحة بيدة

هزيت راسي وهي دخلت لغرفة ضخمها كلش باوعت بيها وكالت:: نظيفة هاي غرفتي ختولي امشينا انظف غرفة الولد

صعدت فوك تسولف علية:: الغرف الجوة للبنات والفوك بقن للولد مرة فقار دكت روحها الا فوك تريد وضلت فوك

_زوجتة وينها هسة فوك بغرفتها؟

_لا عد اهلها تطلك منها

دخلنا الغرفة مرتبة ترتيب يجنن وفد راقية والوانها هادئة تدل على الشخص هادئ جانت مليانة عطررر يكول مكسور بيها علبة راحت جابت الادوات اخذتهن انظف ولو مايحتاج بس هما عدهم وصخة كملناها وانتقلنا للغرفة الثانية كالت

_غرفة قيس هاي

هم جانت مرتبة بس ولا تشبة اثاث وتصميم ذيج الغرفة وكان شخصيتين مختلفات كلشي بيها مختلف حتى بنائها بيها بلكونة وانتبهت اكو صور ملاكمين بالغرفة وجيس ملاكمة معلك بالزاوية مو كلش يبين اموري راح يلعب بية وامة كالت..

_يحب الملاكمة قبس جان حلمة يصير ملاكم

نظفتها بسكوت هوسة طلعت بس ظاهرياً نظيفة بس لاباس مو ذيج الهوسة طلعتها تلمع ابتسمت وسحبت اموري ننزل وراها اخر باية وكفت من شفت اسامة واكف يحجي وياها والبنية بيدة لازمها شافني وكال بابتسامة .

_هلو بابا هاي شجابج

_شهب: هلو عمو قبس جابني علمود امة

_هاجر: راح تشتغل يمنة

_اسامة: لا هاي البنية العقد عليها احتمال تصير جنتج بالمستقبل

باوعتلي مامصدكة واني وجهي صار نار ماتوقعت هيج تفرح كلي اسامة:: عمو بلا امراً عليج بس حظريلي الاكل شوية واجي

صاح لاموري راحلة يعرفة على ود يكلة:: صيرو اصدقاء جدو العبو سوة ها حبيبتي شدكولين شوفية ولد حباب وحلو ونظيف هم

_امير: اني هباب امو

_اسامة: تروحين وياة تراوينة العابج؟

_ود: يلة موافقة

سحبت امير وراحت اسامة يضحك فرحان دخل لغرفتة وهاجر وراة راحت رحت للمطبخ كلشي ما اندل لكيتة بكدورتة بس حميتة حتى زلاطة مسوي بدون ملح فرغتها ورشيت عليها ملح وخليتلة فوك رتبتهن على الميز دقايق واجة كعد ياكل

_اسامة: عاشت ايدج بابا

_ادلل

حتى ماعرفت شرد علية من لطافة كلامة اول مرة واحد يشكرني من اسويلة شي ابتعدت وهو كال

_خوما ضايجة

_اجذب اذا اكول لا

_سهلة بابا لا تخافن تنحل هي هاي دنيا بعد الواحد كلشي يتوقع بيها من زين وشين تكضي ان شاءلله

_ان شاءلله

طلعت ودخل قبس مستعجل شاف ابوة موجود كلة

_هاي يابة هنا

_اسامة: ابات هنا

_خوش ابقى يلة امشي لعد

ردت امشي وكال اسامة:: خليها تبقة هنا البيت فارغ نتعرف عليها عوفها

_قبس: هي أصلاً ما تريد تبقة كوة اجت تستحي يابة

_اسامة: تتعود شبيك ماتعوفها

خزرني قبس احجي كتلة:: لا عمو اختي مريضة وابنها يريدها

_اسامة: وينة هالفصعون يلعب وي حبيبة گلبي بعد صار حصتي

راح قبس جاب امير ود وراة مبرطمة تكل لجدها

_اخذ مالتي وراح جدووو

_اسامة: يروح لامة حبيبتي تبجي علية

_واني ما اروح لامي بس هو

_امة تحبة ومريضة هم

باوعتلنة بزعل وامير يسويلها باي كال اسامة

_اجيبة الج لاتزعلين بابا

_اريد بابا اني

_صار هسة اتصلج بية

ودعتهم وطلعت طول الطريق ساكتة ركزت وياة من كال:: انتن شي مايشبة شي

_شلون

_ناس صوتها يطرش وناس اعصاب وناس ضاربتها الفهاوة

_بس لا تقصدني

_لا يابة مو عليج

_هم كلت لان اني مو هيج

سكتت ورجع كال بجدية:: امي شلونها

_زينة أصلاً مابيها شي هي بس انتو ماتقدرون الصار وياها

_عادي تجينها اذا اجيج

_عادي

_شكراً

_العفو

على كد ذني بعد مافتح موضوع نزلني بالباب دخلت يلا راح امير راح لنجمة وذهب سالتني وين جنت ولا عبالك هي الدزتني .

_نيزك: الساعات تمر هلاك بطيء ياكل بروحي اكل ماكدر اتحرك من مكاني ولا كادرة اكوم من فراشي انتظر جيتة دقيقة دقيقة روحي صارت وياة شوكت يجي ويطمني على كواكب حققو وياها اكيد هسة هي بالسجن منو يمها بشنو تفكر معقولة تكول اخواتي نسني لو مايهتمن لامري معقولة .

لفيت روحي بالغطا وكل شوية ارفع راسي اشوفة ماكو مارجع وبالنهاية استسلمت ونمت حسيت شي يمشي على خدي عبالي حشرة طفرت مفزوعة واسمع صوتة يگلي:: اسم الله شبيج

فتحت عيوني صافنة بوجهة اباوع عض شفتة يكلي:: مو عيون دخيلك ربي

عكدت حاجبي خازرتة بضوجة

_ليش تسوي هاي الحركات مال المراهقين!

ارتفع شاربة من ضحك مسح علية يكلي بضحكة

_اليشوفج يرجع للصفر نراهق عمي ولو مامسوي حركة مال مراهقين مثل ما اتهمتيني

بللت شفتي وغيرت الموضوع

_شصار وياك يمتها تطلع كواكب

_جاي احاول وي سالم يتنازل وانطية المبلغ اليعجبة

_هسة شنو مصيرها بيد هالنعال السرسري

_اي للاسف

_بعد ماتشوف الشمس هيج ااخ سالم اااخ

ضربت على رجلي بقوة واعض باصبعي بعصبية

سحب ايدي يعصر مكان العضة ويكول .

_ولج ليش هيج طلعتي الدم اني من عضيتج خفيف شگيتي روحج

نترت ايدي منه اكلة بحدة:: ميخصك اني من اتعصب حتى شعري اشلعة

_مو خوش سالفة والله اكتلج بس اشوفج تأذين روحج

رفعتلة حاجبي بمعنى خير غلس وكال:: كومي اكليلج لكمة عندي هواي حجي يفيد اختج

كام من مكانة وطلع رحت وراة اركض واصيح

_ماتحجي ليش تشرد

_ضرغام: شبيج منو الشارد حبيبتي شبيج؟

_احجي

تخوصرت اعصابي ترجف كوة واكفة على طولي وما واكعة هو يفتح بالاكل مبين مشترية فرغة يكلي:: اشتهيت دولمتج يمتها تسويلي

_هسسسة احنا بيا حااال

_بطلت ما اريد اكل حو يلة

كعد كدامة الاكل كلي:: تعالي اكعدي اسولفلج مو تريدين

كعدت كبالة وهو يسولي لفات انطانياها يكلي

_اذا ما تاكلين اني ما اكل واذا ما اكل ما اسولف

رفعت ايدي افهمة:: نفسيتي مسدودة ما اشتهي اي شييي

نكت ايدة وكام يكلي:: اني هم انسدت نفسي اكوم انام بطلت ما اكل

عصرت راسي بوجع كتلة:: اكعد يلة اكل وياك بس اااكعد

_سمعاً وطاعة

رجع انطاني اللفة اخذتها منه خازرتة بحقد اكل احس معدتي تفوور .

_ضرغام: عليج هو العباس لاتخزرين هيج

_مامسوية شي بس اباوع

_عيونج شلن حالي وبهذلني

عضيت شفتي اهز راسي وهو يسوي لفة الي والة

_احجي ماتحجي

_ضرغام: مايصير احترام الاكل ماسامعة عنةة

_استغفرالله اشوف تاليتها وياك

كمت غسلت وهو بعدة ياكل كلي:: جاي سويلي وياج

بدون ما ارد علية سويتلة جاي كمل اكلة ولم الاكل حتى المواعين غسلهن بطريقة هنا انصدمت لان شكلة مو مال واحد يغسل مواعين اكو حتى جاي مايسوون نشف ادية وكلي:: جيبية وراي اعدل راسي

صبيت ثنين الي والة اخذتة وراة جان يدخن من دخلت طفر فتح الشباك كمل الجكارة واجة اخذ الكوب يشرب ويباوع بعيوني .

_طيب جايج

_جايكم هذا

_اي بس انتي لان سويتية طلع غير

هزيت ايدي وكعدت اكمل الكوب اكلة

_يلة احجي شراح نسوي شاركني حتى اشغل عقلي وياك

كمل كوبة واجة تقرب مني دنك علية يحجي

_ضرغام: نسيت السالفة

خليت الكوب على الميز وكمت بعصبية اكلة

_تضحككك علية انتت صارلك شكد

_عفية

_شفتنيي قشمررر

ردت اضربة على صدرة ماخذني الواهس ماعرف عقلي شخط من الصار، لزم ادية ودفعني ليورة صار بوجهي لزك عيوني يريدن يطلعن من تصرفاتة الماصخة بصوت ناصي ذايب كال .

_عندي هواي سوالف وياج بس لو تقبلين اسولفهن

عرفتة من نظراتة كلامة مو عادي دفعتة ماندفع ردت احجي ارزلة رزالة بطولة وعرضة وما ارتاح عيونة على شفتي يرجع يباوع لعيوني ابتعدت اريد انزل بس قبلها رفعت اصبعي حتى ارزلة سحبني علية بثانية واخذ شفايفي يبوسهن بهدوء لازم ايدي التدفع بية بقوة غمضت عيوني بقوة ادفع بية اطرافي تجمدت ابتعد يباوع بعيوني بحركة كلبي ضربتة راشدي بقوة سحبني عبالي يضربني بس تخبلت من خلة راسة بركبتي يسحب نفس اشتعلت نااار وجن جنوني علية صيحت بوجهة من عافني .

_على ورررق كلتتت وووين الورررق لككك اني ماريد اتزووج ومن گلتلي بس ورررق قبلتتت بس انت ماعندك كلمممة حقيررر ما راح اكوول غيرها

عفتة وطلعت اعصابي شايطة مصدك روحة هذا !

عبالة صدك خطيبتة واني والله مارايدتة ولو تنكلب بارادتي ما اقبل بية، بعد ما ارتاحيت ولا هدالي بال صار الليل ماطلعت بعد ولانمت من الصبح كاعده افكر اروح بنفسي اشوف الوضع .

طلعت على دكة الباب راح علي كالعادة يفتحة سمعت صوت سالم طكت عيوني ورحتلة بدون تردد فتحت الباب اصير كدامة ابتسم من شافني وكال بحقارة..

_نيزك الحلوة شلونها

_هههه شلوني من وراك سالم

_عيب عمج اني

ضحكت اكثر محترك گلبي كتلة من الاخير

:: تنازل عن كواكب وشتريد ننطيك

_سالم: هو اجيت اكلج اذا تهمج وصدك تعتبريها اختج وتردين شوية من تعبها وعمرها الراح والراح يروح بالسجن ادفعلي الثمن وطلعيها

_ادفعة والله ادفعةة

_طلعة كواكب رجعتجن للبيت ترجعن تطلع مباشرة

_بس احنا

قاطعني يكلي:: ادري ادري انتي بس ارجعي ينحل

رجعت ليورة وعلي رد الباب هو يصيح:: جبتي كل عمرج مستقلتها تمشين مصلحتج براسها هسة انتي واخواتج لكيتن ناس تصرف عليجن كواكب تولي خليها هسة تعرف حقيقتجن

سديت اذني اهز راسي ودموعي تنزل لاكاني ضرغام يباوعلي برود وكانة سمع الكلام ملت راسي وكتلة:: ضرغام اختي تستاهل اطلعها .

يتبع...

_____________________

خفيفه على اللسان ثقيلة في الميزان صلو على محمد وآل محمد 💙

راووني حبكم وحماسكم للبارت 🔥

توقعاتكم عيناي

نتركم هنا ونشوف القناة 🫰

﷽

#المنجمة

الكاتبة_كفايه

لاتنسون متابعة الحساب

التصويت والتعليق بين الفقرات لطفاً 💙

يا علي مدد ♛

♦__________♦___________♦

_

ضرغام اختي تستاهل

كلتها ونزلت دموعي عبرني وطلع لسالم اسمة يحجي بصوت عالي وبتهديد يگلة .

_ضرغام: خاف قبل عرضت عليك فلوس مقابل التنازل هسة اختلف الحجي اطلعها وربع ما تشوف

_سالم: التكدر علية سوية

_ضرغام: اطلعها وهذا الاسبوع مو اكثررر

اختفى صوتهم واني دخلت جوة كعدت ماعندي طاقة بعد اجة هو يباوعلي من بعيد رفعت راسي اشوفة ودموعي تنزل من شافني هيج اجة بدون تردد صار كبالي رفع راسي يمسح بدموعي ويكول

_ضرغام: اطلعها وداعت عيونج

_اروح اني ارجع لسالم ما تتحمل التحقيق

_ضرغام: انطيت فلوس لضابط التحقيق ما يأذيها

_بس

خلة ايدة على حلكي مانعني اكمل نهض يكول

_تبقين هنا وهي تجيج

طلع بعد ما شفتة لميت روحي وكعدت بالغرفة شهب تباوعلي بكسرة دنكت راسها ودموعها نزلت تكول بشهكة:: بسببي هسة هي بالسجن اني بخير بس هي مو بخير اذا ما طلعت نرجع نيزك كواكب ما تستاهل

هزيت راسي مأيدتها كمت من مكاني من سمعت هوسة طلعت اسمع سالم رجع من جديد او هو بعدة ما رايح رجف گلبي وباوعت لنجمة اشوفها ترجف وهو يحاجيها .

_نجمة عمي ارجعي وياي منتظرج

هزت راسها لا ودموعها تنزل بخوف وببنبرة لطيفة يكلها:: ليش نجمة اني ما مأذيج بشي احبج اني لا تسوين مشكلة اخواتج متزوجات ببيوت زلمهن انتي شعندج كاعدة عدهم؟

صحت بعصبية:: ماااالك دخللل بيهااا امشي منا لا ارتكب بيك جررررريمة

ضحك بصوت وكال باستفزاز

_هاي اختج مو وذيج المسكينة طيحتن حظ حظها شمرتنها شمرة الجلب

ذهب بالباب واكفة ما طلعت صاحت

_تروح منا لا اجي البسك شيلتي يالاغم

_سالم: حجية دمة ولحمنة نطالب بيه ترضين على روحج بناتكم عد الغريب؟

_ذهب: الغريب احسن منك يالاغم لو بيك حظ وخوش زلمة ما طلعن للغريب يحتمن بية بس انت اغم ولدك اغم منك

_سالم: مالي حجي وي النسوان اروح احجي وي كباريتكم واخذ نجمة حظري روحج راجعلج

_ذهب: اعلى ما بخيلك اركبة يالاغم من كون غمة التغمك وتغم المثلك يالعار السكط

نزلت اشكال المسبات بية رحت لنجمة احظن بيها وهي ترجف بيدي رحت لميت كل ملابسها وغراضها انصكرت صكر حتى لسانها نبلع اخذت موبايلها اتصلت بميس تجي تاخذها "

ماكو نص ساعة وسيارتها بالباب طابگة طلعتلها شهب فتحت الباب دخلت سلمت ونجوم داكتها بالكاع اكلت روحها اكل واني احجي عليها .

_ترحين وياها محد يعرف لا سالم ولا غيرة بس تنحل السالفة وتطلع كواكب من السجن المجن مرة ثانية روحي هسة

_نجمة: اخاف يرجعني ويذب حركتة بية افنان وصبيحة والله يموتني

_نيزك: حتى اطلع رواحتهن كلهن بيدي دمشي امشي

_ميس: الطميي وملخي روحج اوووي شبيج عيني شكو امشي وياي اونسج ونسة عالمية غيري جو

_نيزك: مثل ما كالت ميس غيري جو روحي بين ماتنحل لا تفكرين بينة

سحبتها ميس وذهب جانت بس تباوع انتبهنا الها من كالت:: كون تريدين تضلين وي اخواتج نهايتج مثلهن

رفعت حاجبي عرفت قصدها تزوجها من احفادها نجوم والبنات مافهمن رساً كتلها:: لا حجية تروح نجوم سهلة سالفتها هي أصلاً واصلة السن القانوني ورافعة دعوة عليهم محد يكدر يأذيها

طلعت نجوم وي ميس واني كلبي نار ذهب تباوعلي بعتب سكتت ماحجيت شي وياها لحد الان ماشفنا الا خير منها ومن احفادها بس مانعرف بعد شنو وراهم وهذا الزواج شنو نهايتة حياتنا احنا الاثنين مجهولة ما اريد نجوم هم تنظم النة لحد الان اكل بروحي من اتذكر اني عقدت على ضرغام وكواكب تكرهة وتحذرني منه كلمتها بذني ترن

"الا ضرغام لا تتقربين منه" شكد خايفة منة كواكب ما حذرتني بدون سبب ولا، كرهتة بدون سبب من شفتة ولحد هذا اليوم اني ماشايفة منه الا كل خير مواقفة كلهن رجولة لحد اخر موقف صح ضوجني بس ما انكر زينة وياي .

اخ يا كواكب وشتعرفين عنة اكيد ما تقبل على الصار وراح تتصرف والله اني وياها شتكلي انفذ

رحت لبست عباتي وبقيت واكفة بالصالة سهلة تكلي:: وين يمة

_نيزك: خابري ضرغام اريد اطلع يجي ياخذني لو اروح وحدي .

ذهب هنا ماحجت شي ولا كان جاي يصير شي حتى ما سألتني تسبح بسبحتها وتباوع للشارع من البلازما .

خابرت سهلة ضرغام تكلة:: يمة هاي نيزك تريد تطلع

صاح بعصبية:: وووووين تروح ووووين؟

سحبت الموبايل منها اجاوبة بحدة

_اريد امشي اشوف اختي تاخذني لو اطلع

_مو هي اختج بالمكتب كاعدة

_ضررررغام اطلع؟؟

_حتى احرگج واحرگ البيييييت يماااااااااا

وخرتة من اذني صوتة طرشني طرش امة اخذتة مني تهدي بيه هو عليمن هيج عصبي هسة صيحت واني بمكاني:: ضرغام لا تصيييح كول تجي لو لا؟

_جااااااايج

غمضت عيوني كوة لازمة اعصابي يصيح بوجهي الخايس كعدت انتظرة وامة تگلي بهدوء تفهمني

_سهلة: يمة على كيفج وياة ضرغام عصبي سايسية مسايس مخبل هذا

_على روحة مخبل اني مالي علاقة بيه ولا انحسب علية مرة ترة هي مليوصة لوص مو مال اكعد وتجيني الاخبار

_سهلة: ما ترهم هيج عصبي بعصبية انلاصت

_ذهب: عصبي على روحة مو على بت الناس

_سهلة: يمة يكول ولا تعرفينة بلاعيمة طگت

_ذهب: عوفية يستاهل خلية يشوف النسوان الصدك

لفيت روحي بالعباية وسهلة طلعت مقهورة اني وذهب ثنينا بقينا ساكتين اموري اجة حضني وذهب صاحتلة تبوس بية وتلعبة كاعد بحضنها طلعت شهب وجهة صاير دم عبالي ضرغام اجة كمت اشوفة قبس سلم علية ودخل سلم شاف اموري خربط شعرة وكرص خدة كعد .

_قبس: ها ذهب ردتيني؟

_ذهب: الحجي الحجيتة خو ما طاح بالكاع؟

سكت يفرك بوجهة ويباوع لشهب واكفة بالباب

رجع يباوعلها ويحجي بنتر ينقر على راسة باصبعة .

_قبس: بس ما تطلع منا

_ذهب: سهلة يبن ابني بس خلي براسك هذا الزلمة كرامتة فوگ كلشي

كام معصب وهي لحكتة تحجي وياه بالباب مدنك راسة يسمعلها ويحرك رجلة بتوتر وعصبية باوعت لشهب تباوعلة بتركيز رفعتلها حاجبي وهي دنكت لامير متوترة كتلها .

_ماتشوفينة شكو جاي لو شعليج؟

_ها لا اني مدخلني

دخلت جوة واني بس ردت اشوفها شدكول دخل ضرغام وهما بمكانهم باوع بوجوهم وكال .

_ضرغام: اشم ريحة خطط

_قبس: امشي ولي مني

_ضرغام: اول تالي تجي علينة

_ذهب: من يصير بيتك بالاول عود اسألة

_ضرغام: هسة اني شكلتتتت

_ذهب: خفة هالحس امشي لا تتحاسب على التأخير

رفع راسة خزرني واجة يصيح:: شكوو لابسة عباتج وووين

تقربت منة احجي بهدوء وهذا مو طبعي بس لان اشوفة عصبي خو هم احجي وياة بعصبية ونگب

باوعت بعيونة واحجي..

_نيزك: ضرغام اخذني اشوف اختي حباب

لانت ملامحة وهو مركز بوجهي كال بهدوء

_هسة جنت هناك جاي نشتغل بقضيتها

اكو شهود الجيران حجو الصار وصارت ثقوب نكدر منها نوصل لنتيجة

_احنا هم نشهد اني ونجمة وشهب كلنا شهود والبنات بوقتها حققو وياهن بساعتها استجوبتهن الشرطة

_ضرغام: الضابط الحقق وياهن طار

رفعت حاجبي بتوتر كتلة:: شلون يعني

_ضرغام: مو بس سالم ورة السالفة هما ذولة النعالات ولد عمج بكل حيلهم يدفعون الاكو والماكو بس حتى تبقى بالسجن .

_ليش هي ماعدهم شي وياهم

_عبالهم يلزمونجن من ايدجن التوجعجن وهي كواكب يسوونها وحدة بوحدة يطلعونها بس حتى ترجعن الهم مو يم كواكب هما

_وهسة

_ارجع اشتري الضابط سهلة بس اوصلة كم يوم

_واذا ما كدرت ترجع الضابط

_بجيبي اخلية يرجع يفتح الملفات القديمة بيها اقوال اخواتج والجيران هم اقوالهم موجوده وتقرير بحالة اختج هم

رجعت ليورة ارجف ورجلية احسهن مايشيلني همست بصوت راخي:: اريدها

_تجي

اجة يريد يلزمني وسيارة طبكت بالباب طلع مستعجل وقبس قبلة يصيح بصوت عالي

_خيرررر شكو

_ضرغام: سااالم شتريد ليش تخليني اهينك

_سالم: اريد نجمة طلعها

_ضرغام: شلون بيك انت

طلعت اشوف منو جاي واني بعباتي شفتة هو ويوسف وياة صارت عينة بعيني ذبلت ملامحة بحزن من شافني خزرتة بحقد وحاجيت سالم بصوت عالي .

_نيزك: تحلم تشوووف نجمة واذا عبالك بالبيت تعال ادخل شوفة محد هنا انساها لنجمة انساها

_سالم: اني ماعندي شي وياها خل ترجع محد اله غرض بيها لان نعرف انتن لعبتن بعقلها والا هي اعقل وحدة بيجن .

ضحكت وهزيت ايدي اريد احاجيه وضرغام دفعني جوة وطبك الباب بكل قوتة سحبتني سهلة تلطم على وجهة وتكلي:: المن طلعتي شيخلصنا

عقدت حاجبي اكلها:: هو وين طلعت اني

دخلت جوة اموري يبجي اخذتة اسكت بيه وابوسة شوية وجفت ضرغام للغرفة صاير نااار باوع لشهب اشرلها تجي تاخذ امير وهو يمسح بوجهة يريد يطگ طلعت شهب بيدها امير تركض طبك الباب واجة واني واكفة بمكاني مابية حيل وكوة واكفة بس ثابتة وصامدة .

_النعال ابن النعال شيريد منج؟

_منو

_شيرررررررريد منج شيرررررررريد جاوبيييي

تقرب، علية يصيح بوجهي خفت ما انكر شكلة يخوف دفعتة من صدرة وكل ما ابتعد يتقرب الا ان طخيت بالكنتور صار بضهري خليت ايدي احجي بهدوء وتحذير .

_اخر مرة تصيح بوجهي احجي بهدوء ضرغام

_انععععل ابو ضرغام انعععل ابووووة

راح يدفر بالميز والحايط يصيح خليت ايدي على اذني خايفة منة شبية هذا مخبل لو تخبل على حضي، بعد ما شبع ادفر وارتاح بالحايط رجعلي بهدوء مصتنع يكلي .

_القندرة ابن القندرة شعندة وياج

ملامحة تريد تاكلني اكل راص على اسنانة بقوة جاوبت واني الرعشة احتلتني:: ماعندي شي وي يوسف

اني كلت اسمة لو تخبل بالزايد يضرب بالكنتور بيدة ويصيح بخبال:: لا تذكرررين اسمة بلسااانج لا تجيبينة

عفتة وكعدت مابية حيل وهذا بطران مادري شيحس ماكول اسمة شكول لعد؟ هسة لو صدك مرتة كلت يغار اشو صارلي يومين من صرت مرتك وبالاسم هم .

اجاني يريد يحجي واني صحت بية بعصبية

_نيزك: لا تخليني اخذ ملابسي واهج شردت من سالم الگة سااالم الثاني كدامي

وكان كلامي جان راجدي خلاة يوعة ويحس على نفسة مسح وجهة وبصوت ناصي هادئ كال .

_اني اعتذر ما لازم اصير عصبي عليج المعذرة منج

طلع فوراً بقيت مذهولة بية شكد غريب هالرجال اعصار صار قبل شوية لفيت روحي بالغطا دخلت شهب تركض خايفة تشوفني وتكول .

_ضربج؟

هزيت راسي لا رفعت حاجبي اكلها:: ماعاش اليمد ادية علية نيزك ماتت بذيج الظلمة خلفت نيزك جديدة تفترس وتملخ اكبر راس ماتهاب ولا تخاف احد غير ربها

حضنتني تبوس بية وتكلي:: الله لا ينطيهم لاحكينا يردون نجمة

_ونجمة هالمسوينها خدامة وعبالهم فقيرة وبطاعتهم تسحل شواربهم بس تصحلها الفرصة وتلكة من اليسندها دروحي شوفي لو شيسولها سالم ماترجع

_هو عبالة ترجع برضاها هم

_هه دخلت مراكز حتى تشتكي وتخلي الهم حد شيحجون ذولة

_راح تبقى يم ميس

_لا بس يجي خالي تبقى يمة هما غصباً عليهم مايحجون شي

لفيت راسي ونمت اي اني انام من انقهر وما اريد افكر بشي سلبي النوم ياخذني وياة ولا احس بعد

بين الحلم والحقيقة ايد تمسح على وجهي تخيلت ابوي لان محد عاملني بحنية غيرة همهمت ما اريد اكعد من الحلم على الانفاس الدافية بوجهي فتحت عيوني بذبول بوجهي مباشرة ضرغام صاير يباوع بملامحي بتررركيز شلت ايدي لزمها وايدة يحضن بيها وجهي يكلي .

_ابقي خل انام وروحي لا تتحركين هسة

باوعت للباب مسدود باوعتلة باستغراب وبصوت خافت كتلة:: شتسوي يمي

_مادري

_شلون ماتدري وانت جاي بفراشي

_هاي روحي جابتني غصباً عني

رفعت حاجبي وابتسمت بهدوء كتلة

_ضرغام بعدنا بالبداية ونهايتنا معروفة ليش ادور قرب مسافر بس تجي طيارتة يعوفك

_اني الوطن ولو تلفين محطات الكون ماترتاحين الا بحضني وتشتمين ريحتي

ضحكت بصوت وهو ابتسم مركز بكلامي

_عندك ثقة غريبة ما انصحك بيها

مرر ايدة على خدي بهدوء يكلي:: كلامي صحيح

باوعت لايدة من يمشيها ورجعت سويتلة مثل الحركة ذبلت ملامحة كتلة بحدة:: اني ما تأثرت بلمساتك ليش تتأثر بلمساتي ؟

صفن بعيوني وسحبني قبل لا ابتعد حسيتة مو طبيعي .

_ماعندج شعور وانتي بحضني؟

_تصدك اذا اكلك لا

دفعتة ابتعدت شوية عدلت كعدتي اكلة

_لا يغرك شكلي اني جسد بلا روح ماعندي مشاعر ههههه جثة اني ما انصحك بية الحقد والكرة تارسات روحي ترس وحبي قليل كلش قليل يكفيني واخواتي ويخلص بعد

باوعتلة مبهوت ابتسمت بوجهة رمش بعيونة وكلي

_مايبقة شي على وضعة

_االصحراء لو شكد ما تسگيها مي ما تخظر وتبقة صحراء

_لا دكولين هيج

_ضرغام اني والله ما افيدك

ردت اكوم جلب بية سحبني يكول

_بس نسولف سوالف بدون حتى لمس

بللت شفتي وهزيت راسي خليت راسي بين رجلية اكلة:: يلة سولف اني مو مال سوالف

_مال مشاكل انتي؟

_اي والله بحيث مايمر يوم اذا ماتعاركت واعصابي دوم ترجف

_ارجفهم وحگ حيدر

هزيت راسي بدون ما اكول شي صار هدوء وهو كال:: سولفيلي شلون تزوجتي؟

درت وجهي علية وباستهزاء كتلة:: حدد التقصدة شنو شلون تزوجتي عيب هالسؤال

وجهة احتقن احمررر صار رغم هو اسمر بس بين بية اباوع لايدة ترجف كورها وكال بصوت هادئ عكس شكلة .

_يعني تقليد تزوجتي؟

هزيت راسي اي وكملت:: هما زوجوني اني صغيرة ما افتهم خالاتي ونسوان خوالي هنا لفنها وزوجني لابن خالي تقليد

_اسمة سلوان

رجف جسمي خوف وگلبي زادت دكاتة من ذكر اسمة الخايس ابن الخايس كمت من مكاني بسرعة وطلعت من الغرفة بكبرها ارجف اسمة يرجفني بس ينجاب طارية لو اشوفة شيصير بية !

اربع سنوات ما شايفتة" بذيج الليلة الما مثلها ليلة" اخر مرة اشوفة بقة مثل الكابوس هو وذيج الليلة كملت حملي وجبت وشلت ابني بحضني كلها وحدي وربيتة هم وحدي امير حتى مايعرف اسم ابوة ولاهو يطلع ويشوف الاباء ويسئلني خايفة وشايلة هم لو يكبر شوية ويشوف الاطفال عدهم اباء شكلة على ابوة الماكو اخس منه واقذر .

مر اليوم واني حتى من الغرفة ما طلعت بعد ثاني يوم الصبح شفت ضرغام ماباوع بوجهي من شاف امير شالة يبوس بية وطلعة برة رجع امير مشتريلة كعدت يم ذهب نتريك وگلبي نار ما اتحمل بس اليوم رفعت راسي اشوف ذهب فاكة حلكها تباوع للشارع صرت اباوع وياها اشوف خالي رجع لبيتة بقيت جامدة بمكاني اركز بشكلة هاي سنين اني ماشايفتة بس تذكرتة .

دخل للبيت هو وزوجتة واطفالة واني ارجف طاري اخوالي يمر مثل السم علية يگطع احشائي تگطع ردت اكوم ماكدرت ذهب تحجي بفرحة تكلي .

_خيبة رجع خالجن دشوفي

هزيت راسي وجهي مايتفسر كمت كعدت بالصالة وشهب تحجي وياي علية فرررحانة واني مو وياها عقلي رجع لذيج الايام البيها هو من هدد وصيح عليهم علمودي .

شهب وذهب كالن نروح نشوفة ماحجيت شي اخذت ابني لگلبي وخليت شهب تروح وحدها راد يروح وياها ماقبلت وامير ابد مو مثل الاطفال بس اكلة شي ينفذة لا يبجي ولايعاند راح طلع العابة يلعب بيهن سهلة تشتغل كمت كتلها..

_خالة ما تخابرين ضرغام تشوفينينة شسوى

راحت خابرتة وفتحت الصوت مشغول كالتلي تخابرينة انتي

هزيت راسي لا:: انتي احجي وياة

_بس لا البارحة ضربج؟

_شحدة

انفتح الخط راساً كال:: عمي صدك شحدي

_سهلة: ها يمة ضرغام وين انت هسة؟

_ضرغام: اريد البشارة من ذولاك الناس

باوعت بوجهي اشرتلها تستجوبة

_سهلة: كول يمة بشرنة وياك

_باجر كواكب تطلع من السجن

احس گلبي طار من مكانة ضحكت اكتم بحلكي وسهلة تكلة تضحك فرحانة .

_سهلة: جنك على بشارة يمة

_ضرغام: البشارة ماريدها منج يمة انتي شعليج

باوعتلي وضحكت كالتلة:: لكيتم الملف

_ضرغام: ضيغم لكة الضابط واشتراة

_سهلة: هو الضابط وين جان

_بفلوس اشترو منقول الضابط ومحد ينطي مكانة بس هسة الولد طلعوة من البارحة هما يدورون عنة

_سهلة: هما الولد شوكت اجو

_البارحة ضيغم وفقار رجعو حتى ما ارتاحو كبل استلمو السالفة

_الله ينطيهم العافية ان شاء الله

دموعي تنزل بغزارة لازمة كلبي بيدي يريد يطلع من مكانة ماصدك انحلت وباجر اشوفها رحت توضيت ودخلت اصلي واحمد الله من الفرحة حتى ماعرف شكد صليت التفتت على شهكات شهبة سلمت وفتحت ادية اجت شمرت روحها علية حضنتني تبجي واسمع ذهب تهلهل بصوت عالي اجت علية دنكت باست راسي فرحانة اكثر مني

_ذهب: ولج سهلة سوي كليجة وزعي للجيران

انا بعدني بس تطلع اسوي عشا لوجهة الله ناذرة واريدها تاكل بعد روحي ما اكلت اكل العزيمة

شهب وي سهلة تسوي كليجة واني عيوني بس تهل دمع اريد بس اسكت ماكو اموري يجي يمسح دموعي ويبوس عيوني يكلي:: لا تبسين نانا اتي سبيرة

بست ايدة راح وهم يرجع علية يعيد السواة رحت اغسل وجهي بمي بااارد عيوني صارن نار جاي انشف وجهي وشهب وراي كالت بتوتر..

_خالي همام يريد يسلم عليج

هزيت راسي وبتردد رحت علية طلعت من بعيد سلمت علية داخلي يرجف كل ما اسمع صوتة يذكرني بحالتي القديمة .

_شلونج نيزك؟

هزيت راسي زينة مدنكة ما اريد اباوعله ماحسيت علية الا يحضني بكل قوتة ويبجي بصوت عالي بجيت بحضنة بقهر وهو يكلي .

_همام: خالي تاكلين بگلبي والله بگلبي ماترحن من بالي

_شردت من سالم انتو الاخوال ما رحمتوني لو ضالة عد سالم عمري كلة ولا جايتكم اخوالي ما رحمتوني الكافر ماسووة سوايتكم وياي

_همام: من يوم الطلكتج منهم كطعت علاقتي بيهم كلهم لليوم ماعرف اخبارهم

عفنا العتب والكطع الصار ودموعنا عبرت عن البداخلنا من ضيم بوسني يتعذر ويمسح بعيونة

راح لذهب يتشكر منها هنا دخل ضرغام واني بحضنة خزرنة بغضب عيونة يردن يطلعن ماحجيت اني شي بس خالي عافة وراح يسلم علية مد ايدة وضرغام عيونة علية يخزر بية .

سلم علية وخالي ختمها بـ :: خالي بيتي مفتوح الجن وكلشي تحتاجن جوة رجليجن يجي تجن وياي احطجن بعيوني

_ضرغام: مشكور ماتقصر بس البنات تزوجن بعد يجنك خطار

خالي ذهب حاجيتلة كلشي من راحتلة صار عندة علم باوعلي وكال:: خالي اريدج عندي اشوفج

قبل لا احجي ضرغام كال :: ان شاءلله نجي نزورك بالبيت بس هسة هي تعبانة على غير يوم

طلع خالي وهو يوصل رسالة مبطنة اله" ما رايداتهم تطلكن اني موجود " دخلت جوة اساعد بيهن شي على الخفيف لان مابية حيل من راحت لليوم .

اتصلت بنجوم سولفتلها الصار للعصر اجت لخالي كعدت واكفة بالباب احس روحي جاي تنعصر شفت ضرغام موجود بالبيت بس ابد ما حاجاني حتى بوجهي ما يباوع رحت لبست عباتي ومن شفتة مالة خلگي كتلة راح اروح اني وعلي اجيب غراض من البيت كلت الكلام وطلعت اجة يمشي وراي مباشرة حتى بعدني ما كايلة لعلي صاح بية .

_ضرغام: امشي كدامي يلا عوفي الولد

ذبيت نفس وطلعت بدون لا ارد علية يمشي بصفي واني كل ما اوصل للبيت گلبي ينعصر سبقني ضرغام فتح الباب كوة لازمة دموعي ما تنزل دخلت وبدون لا اباوع بوجهة كتلة .

_ابقة هنا هسة اجي

مشيت ودموعي نزلن ايدي على حلگي اضم بشهگتي هنا جنا نشتغل ونضحك دخلت للصالة شمرت روحي على القنفة اتذكرها جنا ننام سوى هنا شكد جنا فرحانات هي تكول اني اعيشجن ماخليجن بعوز خليت ايدي على وجهي اطلع الكابتة بجيت وبجيت وعيوني راحت من البجي كلبي محترك على اختي منو اليطفية .

حرت امسح بوجهي من شفت ضرغام كدامي سحبني يحضني بدون مقدمات ويبوس براسي

يردد .

_هانت لا تبجين

_احس صارلي اشهر ما شايفتها جبت عمري اركض وراها وارجعها للبيت ما اخليها بعيدة اني

_كافي ولج گلبي كام يوجعني من بجيج

_اختي هاي اختي ضرغام

_كون كلها تحب اخواتها مثلج

_احنة مالنا غير بعض بهالدنيا

رفع راسي يمسح بوجهي حاوطة بدية بجدية كام

_ضرغام: اذا طلعت كواكب شتسوين؟

_خل تجي بالاول بس خل تجي

_لا ترحين مو بكيفج

باوعتلة بعدم فهم وكمت من مكاني اخذت الغراض الرايدتهن وخاصة غراضها سودة علية حتى ماعدها ملابس هواي تحسرت اشم بملابسها من طلعت صار بوجهي يكلي .

_ضرغام: هذا البيت الج يبقى ارجعن مثل قبل لو تبقن يم ذهب

ما حجيت شي والله ماعندي شي احجية عقلي مايفكر بشي هزيت راسي وعبرتة جلب بيدي سحبني علية بقوة ضاغط على معصم ايدي

_ضرغام: اذا ما تريديني تبقين بالبيت ما اجي اني بس بالليل انام بالاستقبال ما اكدر اعوفجن

نترت ايدي منه ما انترت بهدوء كتلة:: الله كريم عوف ايدي ضرغام دا اتأذة

تركها وبلعت ريكة وكف بالكراج يدخن منطيني ضهرة بقيت بمكاني اباوعلة اتذكر اول يوم شفت مكفاة بيها ابتسمت اندار علية نفخ الدخان ابتسم ياشر على المكان واجة يتقرب يكلي .

_ضرغام: من شفتج بذاك اليوم وانتي لزگتي براسي شكد حاولت اطلعج ما افكر بيج ولا اتذكر منظرج بيومها بس عجزت

بهتت ملامحي وهي يكمل كلامة صار بوجهي

_ضرغام: ضفيرتج والتراك الابستة تمنيت ما شفتج بيهن

بتردد ماردت اسالة بس طلعت من حلكي وسألتة :: ليش

_ضرغام:تسأل ليش وهي تطلع العاقل من طورة

مشيت بسرعة من كدامة ماعرف شصار بية بساعتها طلعت للبيت بوجهي ومن لحظتها بعد ماشفتة ولا دخل البيت حتى صوتة ما سمعتة الصبح من غبشة كلنا كاعدين وذهب دك مخابرات وي احفادها اسمعها تكلهم..

_هسة رضيت عليكم بعد جبدي لاتقصرون شني الفلوس هاي عازتها للشدايد

ساعة ساعة احنا مجتمعين ننتظر رجعتها وللظهر ماكو هي .

_كواكب: عندما يسكن العالم تعج الارواح بالعويل

اخر ليلة خلف القبضان جانن ليالي ياما ابشعهن تحقيق قاسي اول يوم جان كابوس بشع من ابشع الليالي العشتها يردوني اعترف اني حاولت اقتلهم

بدون سبب الجزء المعروف سراج حاول يعتدى على اختي ومحاولة قمعهم لنجمة ما تنشمل .

اليس لكل فعل ردة فعل، احجي الصار بكل اصرار واتلقى التعنيف لان مايردون احجي هذا الجزء يردون احجي اليعجبهم بس .

جانت ليلة ابشع ليلة تمنيت لو كاتلتهم كلهم حتى من الفرح بوكتها ماحس بالوجع .

اليوم الثاني كلت ما راح تشرق شمسة علية اصراري بكلامي اليوم يجيب نهايتي بس صار عكس ما توقعت محد أذاني ولا عادو التحقيق مرة ثانية وكانهم نسوني ماعرف شكد مر وقت يلا طلعوني يسحلون بية عادو التحقيق وباصرار على كلامي اني بس دافعت لاخواتي .

حاضنة نفسي افكر باخواتي شصار عليهن هسة سالم النذل اخذهن عندة التفكير والخوف عليهن راح يموتني التفتت اباوع للمسجونات بصفي

بنية شابة وحدة جبيرة الشابة تضحك بصوت عالي وتحجي وي نفسها .

_كتلتة بيدي يمة كتلت كتالج شوفي بيدي هاي

غصت بالضحك والثانية تون من الوجع بلعت ريك من اجو سحلوها بعد مارجعت .

الم تقولو لنا ان العالم مليء بالقسوة !؟

ايام من حياتي ما اريد اتذكرهن ولا احجي تفاصيلهن عشت عذاب نفسي احس بروحي تطلع من جسمي بس يصيرن بعيني اخواتي وصوت سالم ما يروح من اذني .

عيوني تصب بدل الدمع دم عليهن احميهن بروحي هنا احتضنني دافعن عني جذبن كلامهم ويدرن بية صدك ما فرقني عنهن جنت اباوع بعيونهن بس اريد المح محبتهن جذبة مثل ماجنت اتوقع بس ماكو جذب حبني بكل روحهن دافعن على اصلي وعني

يا حنينات الگلب موتني رايدجن .

افراج افراج افراج كلشي يصيح افراج يا كواكب اطلعي اركضي الهن شوفيهن وين هنا .

(نتخطى مشاهد السجن بطلب 🤌🏻)

ناس ما اعرفها تركض حايرة شلون تطلعني وناس تدفع كلشي في سبيل تهلكني الزين والشين من الغريب الغريب اجتمعن واول كلمة اسمعها من ذاك الغريب القريت عيونة .

_ضيغم: الحمدلله على السلامة

هزيت راسي ممتنة بدون ما احجي شي گلبي معصور عصر روحي مكسورة من جوة التفتت اسمع صوت حنون دافي يكلي:: الحمدلله على سلامتج بالنا وياج

بصوت يرجف كتلة:: شكراً

ماكدرت احجي بعد مهضومة اني وحدي بهذا العالم ماعندي اهل لا ام ولا اب كلها غربة اليحن علية واليقسى وياي !

مشيت وهما وراي يحجون يردون يحجوني لان شكلي مو بخير اريد اطيح على وجهي وكون ما اكوم .

_ضيغم: اخذج للمستشفى

اريد بس اتخطاهم ما اريدهم يشوفون دموعي الراح تنزل كلامهم اهتمامهم يخلن هوسة بروحي تعج اسمع فقار يكول .

_اخواتج بخير اطمني بيت ذهب موجودات

وكفن رجلية وحيلي خلص بعد ماطول هنا بخير خلي الدنيا تحترك امسح بدموعي وحايرة شحجي وياهم ردت امشي وابتعد عنهم لان حالتي تعبانه ماريد احد يشوفني هيج .

_ضيغم: وين رايحة امشي لاخواتج طاك كلبهن عليج