تحميل رواية «الحرباء» PDF

سمعوا صوت حنان بتصرخ من جوه طلعوا جرى على الاوضه ونرمين قالت

نرمين : خليكوا هنا انا حاشوف فيه ايه

دخلت لقت حنان على الارض وامانى نازله فيها ضرب وتلطيش وتضربها بالرجل فى بطنها جريت مسكتها بعدتها عنها

نرمين : امانى انا قلت ايه كده حتموت

امانى : تموت واللا تروح فى ستين داهيه بنت الكلب الفاجره

نرمين : لا يا امانى انا ما اقدرش اتحمل مسئولية روح قدام ربنا لا هى ولا اللى فى بطنها لكن صدقينى عقابها عندى حيبقى كبير قوى

بصت للبنات وقالت

نرمين : البنت دى تتحبس فى البدروم تحت ومافيش اكل غير عيش وملح وبس وتكتروا الملح علشان يعطشها وما فيش نقطة ميه لحد ما تنطق

خرجت هى وامانى وعلى الباب بصت للبنات وقالت

نرمين : كلامى يتسمع بالحرف البنت دى لا رحمه ولا شفقه معاها واللى حتصعب عليها تاخد حسابها وتمشى مفهوم ؟

&;&;&;&;&;&;&;&;&;&;.

تلات ايام فى البدروم ما شافتش النور ومافيش غير العيش الناشف متغرق بالملح ينشف ريقها وتتحايل عليهم تشرب ماحدش راضى

سعاد : ما اقدرش انتى عاوزه تقطعى عيشى ؟ الدكتوره حالفه لو واحده ادتك نقطة ميه حتمشيها

حنان : ابوس ايدك يا سعاد بق ميه مش قادره حاموت

سعاد : خلاص اعترفى للهانم وهى ترحمك

حنان : حاعترف

فضلوا سايبينها لحد ما نامت من القهر على الارض ونرمين دخلت هى وامانى ونرمين داست بالجزمه على وشها صحيت مفزوعه ما عرفتش ترفع وشها عن الارض الخرسانه

نرمين : حتعترفى ؟

حنان : ابوس رجلك يا ستى حاعترف

نرمين : انطقى

حنان : من سيدى ادهم

نرمين : هاهاها سيدك ادهم مين ؟ جوزى ؟

داست اكتر على وشها فعصته فى الخرسانه

نرمين : سيدك ادهم حيبصلك انتى يا جربوعه يا لمامة الشوارع

امانى : مافيش فايده مش عاوزه تبطل كذب الحربايه بنت الكلب

حنان : ما باكذبش اسالوه والله ما باكذب حتى كان سكران ومش فى وعيه

نرمين : وانتى بقى استغليتى الفرصه وخليتيه ينام معاكى وهو سكران ؟ ما تنطقى يا زباله وقولى اللى حصل بالظبط ده لو عاوزانى ارحمك والا ودينى اخدك العزبه وهناك حتلاقى التلات ايام دول رحمه

حنان : رقبتى حتنكسر كان سكران وكتفنى واخدنى غصب صدقينى والله ما &;.

نرمين : ما تحلفيش كذب يا بنت الكلب تعالى يا ادهم

دخل ادهم بهدوء ووقف جنب نرمين ساكت

حنان : ادهم الحقنى يا ادهم

ادهم : ادهم كده حاف يا قذره ؟ الكلام اللى بتقوليه ده حصل امتى ؟

حنان : حتى انت حتتخلى عنى ؟ طب انا خدامه حتتخلى عن ابنك اللى فى بطنى ؟

ادهم : لسه مستمره فى التمثيليه دى يا بنت الكلب يا زباله ؟ انطقى يا بت لما كتفتك واخدتك غصب وانا سكران على كلامك ده حصل امتى ؟

حنان : رقبتى رقبتى يا ستى ابوس رجلك رقبتى حتتكسر حاموت

نرمين : ما تموتى واللا تغورى فى ستين داهيه كلبه وراحت ولا ليكى اهل ولا ليكى ديه عندى حتتدفنى هنا فى البدروم ماحدش حيسال عنك انطقى يا بنت الكلب

حنان : من .. من شهرين

نرمين : هاهاهاهاها طيب ازاى يا زباله سيدك اغتصبك من شهرين وانتى داخله على الخامس ؟ ايه ساحر ؟ متحوزه هودينى ؟

ادهم : انتى لسه حتكدبى يا بنت الكلب حتى بعد ما جبنا الدكتور وكشف عليكى وعرفنا كل التمثيليه المحبوكه بتاعتك ؟

مسك شعرها وزاح رجل نرمين من على وشها وقعدها على ركبها وبصلها بغل

ادهم : وقعتى بينى وبين مراتى ستك وست اهلك كلهم ده لو كان ليكى اهل انا حاقطع من لحمك وارميكى لكلاب العزبه

نرمين : برافو يا ادهم هو ده الصح فى العزبه تتقطع وتترمى للكلاب باللى فى بطنها ولا من شاف ولا من درى ومش اول مره نعملها احنا حتى كلاب العزبه سمنت وربربت من لحم الغوانى

حنان : لا لا حانطق حاقول كل حاجه

نرمين راحت قعدت على كرسى بهدوء وحطت رجل على رجل وامانى رايحه جايه بعصبيه وادهم وقف جنب نرمين وحط ايده على كتفها

امانى : ما تنطقى يا بنت الكلب احنا حنتحايل عليكى ؟

ادهم : تنطق واللا لا انتى مش اتاكدتى ان الموضوع مش منى ؟ سيبيها تغور فى ستين داهيه

نرمين : لا مش بالساهل كده لازم اعرف كل حاجه واهم حاجه ليه عملت معايا كده

شاورت للبنات جرجروا حنان رموها تحت رجليها

حنان : عطشانه حاموت من العطش ادينى بق ميه وحاقول كل حاجه

نرمين : عاوزه تشربى ؟ هاتولى قزازة ميه

نهى جريت جابت قزازة ميه ناولتها لنرمين وحنان مدت ايدها بلهفه لكن امانى مسكتها من شعرها بعنف رجعتها لورا ونرمين بتحرك القزازه فى ايدها

نرمين : طبعا انتى عارفه كلاب السكك بتشرب ازاى وانتى حتى ما حصلتيش كلاب السكك

فتحت القزازه وصبت الميه على الارض وحركت التراب فى الميه ببوز جزمتها وقالت

نرمين : لو عاوزه تشربى وطى اشربى ببقك زى الكلاب

حنان : حاضر حاضر

نرمين تفت فى الميه وضحكت وقالت

نرمين : علشان تبقى ميه بسكر هاهاها

امانى سابت شعرها وحنان وطت تشرب الميه من على الارض ونرمين داست على راسها بالجزمه جامد

نرمين : عمرى ما كنت قاسيه ولا شريره ولا عمرى ظلمت حد انتى اللى خليتينى كده اشربى يا كلبه يا بنت الكلاب

ادهم : ما كنتش اتصور ابدا انى اشوف المنظر ده

نرمين : ايه صعبانه عليك واللا ايه ؟

ادهم : ولا تهمنى اصلا انا مش مصدق ان اشوف نرمين الطيبه اللى زى الملايكه تبقى قاسيه كده

نرمين : عاوزنى اعمل ايه دى واحده جرحتنى واتهمتنى فى شرفى وكانت عاوزه تخطف جوزى منى وبتعايرنى دى واحده خربت حياتى كلها حاعمل فيها ايه غير كده ؟ نرمين الطيبه الملاك الله يرحمها ما تنساش تبقى تاخد عزاها اللى موجود دلوقت اللى قدامك لو مش عاجباك انت حر ولو عاوز تدور على نرمين التانيه ما تتعبش نفسك مش حتلاقيها

الوسوم روايات انس توفيق

كان احساسها بالذل بيفكرها بالذل اللى عاشت فيه طول عمرها لحد ما وصلت انها تحس انها فعلا حشره وما بقاش عندها رغبه ولا قدره تقاوم اى حاجه

حنان : عاوزه تعرفى ايه ؟

نرمين : كل حاجه من يوم ما اتولدتى امك وابوكى واخواتك مين اهلك فين واهم حاجه اللى فى بطنك ده جبتيه منين ؟

حنان : ما اعرفش

امانى : ما تعرفيش ازاى يا بنت الكلب احنا مش حنبطل لوع ؟

حنان : والله ما اعرف انا حاحكيلكم كل حاجه

اتعدلت على ركبها ومسحت وشها من الميه والتراب وبدات تحكى

حنان : انا غجريه اتولدت لقيت امى بترقص فى الموالد كنا نلف مع الغجر على الفلاحين نروح اى بلد فيها مولد نرقص ونشاغل الرجاله اللى ما بيشوفوش اللحمه العريانه ونشبط معاهم وننام معاهم وناخد حسنتنا ونعيش فى خيمه قماش بنسميها عشه واحنا الغجر ما بنشبعش طماعين وايدينا طويله مهما اخدنا لازم نعلق من الزبون اى حاجه السرقه داء فى دمنا ما بنبطلوش ابدا

فى ليله كنا فى دمياط فى مولد فى بلد فلاحين قريبه من المركز وامى كانت بترقص ومهيجه البشريه وانا واقفه ورا الخيمه باترقص واهز جسمى على رقصها لقيت اللى بيحسس على ضهرى بصيت لقيته سماره كبير الغجر

سماره : ايه الحلاوه دى يا بت يا حنان انتى كبرتى واحلويتى ما تيجى عندى الليله فى عشتى

حنان : امرك يا كبيرنا قبل الفجر اكون عندك لما امى تخلص ونتعشى

سماره : لا تعالى اعشيكى الليله حمام محشى فى العشه وسيبى امك حتلاقى عندها شغل كتير بعد نمرتها اصلها الليله بدعت قوى

ورحتله العشه وبسطته اخر انبساط وشرب لما سكر وانا شربت معاه بس انا دماغى تقيله لو اشرب البحر ما اسكرش والكبير نام ونسى يخبى صندوق الدهب وعينى جت عليه والشيطان لعب بدماغى وسرقته وجريت على عشتنا اخد امى ونهرب لقيتها نايمه مع شيخ الغفر خلصانه

ادهم : انتى لازم تحكى بالتفصيل ايه القرف ده ؟

نرمين : سيبها يا ادهم انت كنت فاكرها حتحكى تقول ايه كملى يا بت

حنان : الراجل شافنى لبس هدومه ومشى وانا فوقت امى بالعافيه

&;&;&;&;&;-

حنان : ايه يا امه سورقتى تحت الراجل ده باين عليه دكر قوى

صبيحه : ولا دكر ولا نيله ده رابع واحد الليله انتى كنتى مخفيه فى انهى داهيه ؟

حنان : كنت عند الكبير وعلقت منه ده

شافت صندوق الدهب فى ايدى لطمت

صبيحه : يخرب بيييتك تسرقى الكبير يا بت الكلب ؟ دول الغجر حيدبحونا

حنان : مش لو عرفوا يعتروا فينا ؟ حرامى وسرق حرامى يبقى يروح يبلغ قومى يا وليه خلينا نخلع قبل ما الدنيا تنور

صبيحه : يا بت حيجيبونا يا بت حنهرب منهم فين ؟

حنان : ارض الله واسعه وانا من يوم ما وعيت على الدنيا من بلد لبلد ما تقومى يا وليه بدل ما اسيبك واطفش

صبيحه : تسيبينى علشان يدبحونى ؟ هم حيصدقوا انك عملتيها لوحدك ؟ ضيعتينا يا بنت صبيحه

&;&;&;&;&;-

وهربنا طلعنا على طنطا ومنها على مصر وهناك كنت باروح عند نادى اسمه الشمس عنده بنات كتير بتروح تعلق زباين وانا كنت بامشى اتقصع واعلق زباين وما عداش كام يوم لحد ما يوم لقيت شاب شكله روش وراكب عربيه فخيمه طول وعرض قرب منى وفتح الشباك وماسك فى ايده فلوس

الشاب : مصلحه واللا مروحه ؟

حنان : مصلحه

الشاب : طيب اركبى

فتحت الباب ولسه حاركب لقيته داقق وشم فى رقبته بصيت على الوشم عرفت انه من الغجر جيت ارجع لقيت واحد بيزقنى يركبنى بالعافيه واتنين بيركبوا ورا ما اعرفش جم منين ومشيوا بالعربيه واللى جنبى ماسك مطوه لحد شارع ضلمه نزلونى وكتفونى وغموا عينيا ورمونى فى شنطة العربيه لحد ما وصلوا لبيت فى حته مقطوعه نزلونى ودخلونى البيت وشالوا الغمامه من على عينيا بصيت لقيت امى متعلقه فى السقف من رجليها وهى عريانه ملط وهم قلعونى كل هدومى وعلقونى جنبها وشويه لقيت رجلين جايه عليا وحد بيمسكنى من شعرى ويرفع وشى ليه

سماره : حتهربى منى تروحى فين يا بنت صبيحه انتى لو فى قمقم حاجيبك حاجيبك

فضلوا تلات ايام يعذبونا ويضربونا بالكرابيج ويحطوا راسنا فى الميه الوسخه وكانوا بياخدوا مزاجهم مننا غصب وعافيه لحد ما اعترفت وقلت للكبير على مكان الدهب علشان يجيبه ويخلص عليا واخلص لكن بعد ما جابه قاللى

سماره : انا ممكن اخلص عليكى واتاويكى ماحدش حيعرف لك طريق جره لكن حاسيبك علشان تفتكرينى يا بنت صبيحه

غموا عينينا واخدونا فى عربيه لحد محطة المترو بتاعة حلوان وهناك خدرونا ورمونا جنب المحطه ومشيوا وانا اول ما فقت فوقت امى لقيتها بتزق ايدى وتسيبنى وتمشى جريت وراها

صبيحه : غورى بعيد عنى جتك الهم

حنان : اما سايبانى ورايحه فين يا اما

صبيحه : رايحه فى داهيه بعيد عن خلقتك يا جلابة المصايب غورى مش عاوزه اشوف خلقتك تانى

حنان : طب قوليلى ابويا فين وانا اروحله او حتى قوليلى ابويا مين ادور عليه

صبيحه : ابوكى ؟ ههههههه والنعمه ما اعرف ابوكى مين انا عاشرت رجاله بعدد شعر راسى حاعرف ابوكى مين من كل الرجاله اللى نمت معاهم انتى نبت شيطانى مالكيش اب ومن دلوقت اعتبرى ان مالكيش ام

نزلت رمسيس ركبت اول قطر طالع نزلت فى كفر الشيخ فضلت الف فى الشوارع ادور على حته تتاوينى او لقمه تسندنى لحد ما علقت شاب شكله ابن ناس طلع الدكتور الجديد بتاع الوحده الصحيه وعنده شقه ايجار قعدت معاه فتره وخليته عمللى تسنين وطلعلى بطاقه باى اسم والسلام واستنيت لحد ما قبض وعلقت منه الفلوس وهو نايم وخلعت على اسكندريه قعدت ادور على شغلانه او زبون ياخدنى معاه بيته انام عنده ولو ليله وكنت بانام على الرصفان او جوه المحطه واكل من الزباله لحد ما دخت ووقعت فى الشارع وفقت لقيت نفسى فى المستشفى

نرمين : وفوقتى لقيتينى جنبك واكرمتك وراعيتك ودخلتك بيتى وانتى بنت شوارع واول مره تنامى فى بيت

حنان : واحده واطيه تعملى ايه ؟

نرمين : اتفووووووو

تفت على وشها ودموعها نزلت وصرخت بوجع من جواها

نرمين : طيب ليه اذيتينى ؟ ليه ما سرقتيش اى حاجه وهربتى ؟ ليه عاوزه تحطمينى ؟ انا اذيتك ؟ بالله عليكى قوليلى لو مره واحده جرحتك بكلمه حاقول انا الغلطانه واستاهل وبدل ما اسامحك حاطلب منك السماح

ادهم طبطب على كتفها وحنان بصت فى الارض

حنان : عمرك ما جرحتينى لكن اعمل ايه ربنا مسلط عليا شيطانى يزقنى لهلاكى وكل مره باقع على جدور رقبتى وما باتعلمش الاول كنت ناويه اطمنك من ناحيتى واكسب رضاكى واسرق سريقه واخلع لكن لما عرفت انك ما بتخلفيض وانا حامل الشيطان كبرها فى دماغى لما انتى ما بتخلفيش وانا فى بطنى عيل ما تعرفوش عنه حاجه طب انا ممكن اسرق منك كل حاجه حتى جوزك وبدل ما اخلع منك اخلعك وبدل ما اهرب اتستت ويبقى كل ده ملكى انا وابنى واجيب له اب ما يحلمش بيه وحاولت اشاغله اخليه ينام معايا لكن لقيته كل ليله بيسكر ويقعد يعيط وينادى عليكى ما لقيتش سكه غير انى احطله منوم واعور نفسى واخليه يفكر انه نام معايا

نرمين : وانا ذنبى ايه تعملى فيا كل ده ؟

حنان : ذنبك ايه ؟ ذنبك انك عندك كل ده وانا ما عنديش حاجه

نرمين : دى مشيئة ربنا يمكن ربنا ادانى علشان عارفه حق الفقير فى مالى يمكن رزقنى علشان ضميرى نضيف ويمكن عطانى علشان يختبرنى انتى تحقدى عليا ليه ؟

حنان : انتى عاوزه واحده تربية موالد زيى عاشت عيشه وسخه زى اللى عشتها تفهم كل ده ؟

نرمين سكتت شويه وبصتلها بغل وقالت

نرمين : انا نفسى اقطعك بايديا اهرسك تحت رجلى زى احقر حشره مش عارفه اعمل فيكى ايه قوليلى انتى اختارى موته تليق بقذارتك اختارى عقاب يساوى اللى عملتيه

حنان : سيبينى لحال سبيلى انا وشيطانى نكمل سكتنا مع بعض

نرمين : بالساهل كده ؟

حنان : احسن ما توسخى ايدك بدم نجسه زيى انا الشيطان ضحك عليا كتير انا اول واحده تسرق كبير الغجر وفاكره نفسى ذكيه وحاهرب اتارى الشيطان ناصبلى خيه عامللى كمين ووقعت فيه علشان يكسرنى وما حرمتش ولا اتعلمت واللى عملته معاكى برضه كان كمين وبرضه وقعت فيه بس اوعدك دى اخر مره اخليه يضحك عليا

نرمين : وانتى فكرك انا ممكن اسامحك ؟ تفتكرى حاديكى فرصه تانيه ؟

حنان : ما استاهلش فرصه تانيه ولا استاهل تسامحينى بس فكرى تسيبينى لحال سبيلى وانا اوعدك مش حتشوفى وشى تانى

نرمين : مش دلوقت مش حاسيبك دلوقت لسه لما يجيلى مزاج حارميكى فى الشارع اللى جبتك منه

الوسوم روايات انس توفيق

جهزوا اوضه لحنان فى البدروم نزلوا فيها سرير وكل هدومها وبقوا ياخدوها الصبح تخدم تغسل وتمسح وتكنس وتاكل واخر اليوم تنزل تنام فى البدروم وممنوع منعا باتا تشوف نرمين او حتى تلمح طيفها ورغم ان البنات كانوا بيشتموها ويكلموها بقرف لكن ما بيتقلوش عليها فى الشغل علشان الحمل والدكتور وليد كان بييجى يتابعها مره كل اسبوعين

حنان استسلمت للوضع تماما لدرجة احيانا كانوا ينزلوها الجنينه تنضفها والباب مفتوح وهم ناس مسالمين ومحبوبين لا فيه امن ولا كاميرات مافيش غير غفير لكن ما فكرتش ابدا تهرب حتفضل لحد ما نرمين تطردها وساعتها حتمشى من سكات لا حتتحايل ولا تترجى تمشى وبس وعلى قد ما هى خايفه من اليوم اللى حترجع للشارع على قد ما هى مستنياه بفارغ الصبر لانها حاسسه ان ده بيت نضيف وانها نقطه سوده فيه

&;&;&;&;&;&;&;&;&;&;..

نرمين عاشت فتره فى منتهى العصبيه زعيق واوامر وشتيمه لكل الشغالات وحتى امانى اختها لدرجة ان فاطمه الشغاله مشيت ما قدرتش تستحمل سوء المعامله لكن سعاد ونهى كانوا بيقفوا قدامها يترعشوا من الخوف لكن اتحملوا وفضلوا معاها

سعاد : احضر العشا يا دكتوره ؟

نرمين : ماليش نفس للعشا مش عاوزه زفت امشى اطلعى بره

سعاد قربت منها وفضلت واقفه قدامها ساكته

نرمين : واقفه كده ليه عاوزه ايه ؟

سعاد : بادور على الدكتوره نرمين الحنينه اللى عمرها ما زعلتنا ولا زعلت حد ولا عمرها قسيت علينا

نرمين : الله يرحمها ماتت مدبوحه بسكينة الغدر واللى قدامك دى اللى باقى منها لو مش عاجبك امشى وانا حاديكى مكافاه كويسه بس لو فضلتى هو ده اللى عندى واوامرى تتنفذ بالحرف مفهوم ؟

سعاد ركعت قدامها وباست ايدها وقالت

سعاد : ما اقدرش امشى مهما عملتى فيا مش حامشى حتى لو عملتى اكتر من كده حتى لو طردتينى مش حامشى وافرش على الرصيف قدام الفيلا لحد ما تحنى عليا وترجعينى

دموعها نزلت ومدت ايدها تطبطب على خد سعاد بحنيه بس سحبت ايدها وزعقت

نرمين : كلكوا بتقولوا كده كلكوا كدابين امشى اطلعى بره مش عاوزه اشوف حد

سعاد : تحت امرك بس اهدى

زقتها بالرجل فى صدرها بعنف وقعتها على الارض

نرمين : مالكيش دعوه اهدى واللا اتعفرت امشى غورى بره

سعاد قامت وهى بتترعش

سعاد : حاضر حاضر حاخرج

وراحت ناحية الباب لكن قبل ما تخرج نرمين جريت عليها وحضنتها

نرمين : سعاد سعاد انا اسفه ارجوكى ما تزعليش منى

سعاد : وغلاوتك يا دكتوره ما زعلانه ولا عمرى حازعل منك ولو قطعتى من لحمى انا بس خايفه عليكى من الحزن ونفسى ترجعى زى زمان لكن والله لو دبحتينى تحت رجلك مش حاسيبك لا انا ولا نهى

&;&;&;&;&;&;&;&;&;&;..

اللى تبات فيه تصبح فيه كل يوم تلهى نفسها فى الشغل وبالليل تنزل البدروم تعيش مع ذكريات عمرها كله . عمرها اللى ما تعرفش قد ايه الدكتور سننها وهى حتى ما تعرفش عندها كام سنه . وهو العمر ايه غير ذكريات وهى ذكرياتها كلها مره بتتمنى تنساها لكن حتى نعمة النسيان اتحرمت منها

&;&;&;&;&;&;&;&;.

نرمين بدات بعد فتره ترجع لطبيعتها وتقلل من عصبيتها وصممت تروح لفاطمه لحد بيتها تعتذر لها وتطلب منها ترجع وبدات تحاول تنسى التجربه المؤلمه اللى عاشتها وتتمسك بالامل وتحلم كل يوم

لحد يوم صحيت بدرى دخلت الحمام وخرجت بسرعه تصحى ادهم

نرمين : ادهم ادهم اصحى

ادهم : فيه ايه ؟ هى الساعه كام ؟

نرمين : لسه بدرى بس عاوزه اوريك حاجه خد شوف كده . شرطتين

&;&;&;&;&;&;&;&;.

آه كم اخشى غدى هذا وارجوه اقترابا

كنت استدنيه ولكن هبته لما اهابا

نهى نزلت البدروم ودخلت على حنان وهى بتزغرط

نهى : خبر بمليون جنيه الدكتوره الهانم بنت الاصول ستى وستك وست الناس كلها حامل ربنا نصفها ونصرها على اللى بيكرهوها ويغلوا عليها علشان ضميرها نضيف وقلبها ابيض

حنان : حامل ؟ بجد ؟

نهى : ايه مش مصدقه ؟ لا صدقى اصل ربنا عادل ما يرضاش بالظلم ودايما مع المنكسرين جابر اصلها مدت ايدها كتير واتعضت من كلاب ما يساووش ضافرها وربنا عوضها حتخلف ولد فى النور معروف اصله وفصله وحسبه ونسبه معروف ابوه مين وامه مين مش عيل ابن حرام جاى فى الضلمه مالوش اصل

حنان : ربنا يديها ويراضيها

نهى : وانتى تعرفى ربنا يا بنت الكلب علشان تدعيلها ؟

حنان : حتى لو ما كنتش اعرفه هو يعرفنى ويا عالم يمكن يرحمنى ويتوب عليا بس مهما كان انا فرحانه وبادعيلها من قلبى

&;&;&;&;&;&;&;&;&;

نرمين عملت حفله كبيره وعزمت كل اصحابها وقرايبها وكانت زى البدر فى تمامه والفرحه مش سايعاها والكل كان فرحان علشانها وادهم كان حيطير من الفرحه وكل شويه يحضنها ويبوس ايدها وراسها وفجاه لقوا كريم رشدى داخل عليهم

نرمين : كريم ؟ ايه اللى جابه ؟

ادهم : انا يا حبيبتى اللى عزمته ده ابن عمتك والاصول لازم اعزمه فى يوم زى ده

نرمين : وده بقى علشان تختبرنى واللا علشان تثبتلى انك اتغيرت ؟

ادهم : اختبرك ؟ هاهاها انا واثق فيكى مليون فى الميه بس ما يمنعش اغير غليكى وغيرتى تبقى زياده شويه ومين يكون معاه القمر ده وما يغيرش عليه من نسمة هوا لو هفهفت على خده

نرمين : الله الله بقينا بنقول شعر كمان يا باشمهندس

ادهم : هو الشعر يتقال فى مين غير فى نرمين ؟

نرمين : خلاص يا عم سماح والماضى كله نسيته

كريم : الف الف مبروك

ادهم : الله يبارك فيك يا كريم انا سعيد جدا انك جيت

كريم : ما اقدرش ما اجيش دول اهلى الف الف مليون مبروك يا نرمين

مسك ايدها يبوسها بشياكه

نرمين : ميرسى يا كريم سعيده انك جيت

كريم : طيب اسيبكم لفرحتكم واروح اشوف البوفيه فين التورته والحلويات

سابهم وعينيه بتدور عليها فى الحفله كلها لحد ما لقاها

كريم : بونسوار يا امانى

باس ايدها بشياكه كعادته

امانى : بونسوار يا كريم اخبارك ايه ؟

كريم : كويس لسه عايش باحضر لفيلم جديد بس بعيد عن الرومانسيه هاملت بس برؤيه عصريه

امانى : حلو التغيير مطلوب برضه ربنا يوفقك

كريم : امانى ممكن اتكلم معاكى شويه على انفراد ؟

امانى : مالوش داعى يا كريم كلامنا لا حيقدم ولا حياخر انا مش حاغير رايى والموضوع ده قفلته من زمان وحتى مشاعرى اتغيرت

كريم : صدقينى انا اتغيرت ارجوكى ادينى فرصه

امانى : افهمنى يا كريم انت خلاص بالنسبه لى بقيت شخص عادى مش كريم اللى حبيته زمان الحب ده خلاص انتهى يعنى حتى لو اتغيرت مش حيفرق معايا بس حقيقى حافرح لانك ابن عمتى

كريم : ميرسى يا امانى انا اسف لو ازعجتك بس لو حتفرحى بس علشان القرابه بيننا ده سبب كافى قوى علشان اتغير وافرحك انا باتمنالك السعاده من كل قلبى عن اذنك

مشى بسرعه من غير ما يبص وراه وامانى بتتابعه بعينيها وهى بتتنهد بحسره وتقول فى سرها

امانى : خساره يا كريم ياريتك تتغير علشان نفسك وعلشان جمهورك

ولفت لقت وليد وراها

وليد : ا ا ا امانى انا اصلى كنت عاوز اقول &;. يعنى &;.. قصدى &;&; هو انتى عامله ايه ؟

امانى : انا كويسه وليد انت عاوز تقول حاجه ؟

وليد : اه لا قصدى اه انا مش &; مش عارف انا &;.

امانى : وليد انت عاوز تتجوزنى ؟

وليد : وحياة ربنا اه بس مش عارف كل ما اشوفك جسمى يتلبش ولسانى يتربط وما اعرفش اقول كلمتين على بعض

وركع على ركبه واحده قدامها وباس ايدها وقال

وليد : بقالى خمس سنين عاوز اقولها ومش قادر انا باحبك يا امانى تتجوزينى ؟

امانى : يخرب بيتك الناس كلها عماله تتفرج علينا موافقه يا لوح

&;&;&;&;&;&;&;&;&;&;..

واخيرا جه اليوم اللى بتستناه وخايفه منه الدكتور زارها للمره الرابعه معنى كده انها بقالها شهرين فى البدروم والنهارده اخيرا نزلت نهى تقول لها ان الست عاوزاها مشيت وراها وهى شارده فى افكارها

حنان ( سرا ) اكيد حتطردنى حامشى وانا ساكته حازعل وانا ماشيه لكن مش حافتح بقى ولا اترجى يمكن يكون نفسى تسامحنى واعيش خدامه تحت رجليها لاخر يوم فى عمرى لكن لا انا ما استاهلش ما ينفعش اعيش فى البيت النضيف ده ولا ينفع اصلا المس التراب اللى بتدوسه واحده زى نرمين ستى وست اهلى كلهم .

اهلى ؟ يعنى ايه اهلى ؟ هم مين اهلى هم فين ؟ انا نبت شيطانى لا ليا اهل ولا ليا اصل ولا فصل قالتلى حاتكفل بيكى واجوزك وابقى اهلك يا ريتنى رضيت لكن الشيطان الملعون غوانى

نهى : سرحانه فى ايه يا بنت الكلب ؟ اوضة ستك اهيه

حنان : اه اه صحيح

نهى خبطت وفتحت الباب ودخلت وحنان وراها

نهى : البت اهيه يا دكتوره يا ست الكل ياللى خيرك على الكل

نرمين بصت عليها باحتقار

نرمين : طبعا عرفتى الخبر

حنان : مبروك يا ستى ربنا يديكى ويراضيكى

نرمين كانت قاعده رجل على رجل وماسكه شنطتها فتحتها وطلعت زرمة فلوس مبلغ كبير ومدت ايدها

نرمين : خدى دول وامشى ومش عاوزه اشوف وشك تانى ولا حتى صدفه

حنان : اعمل بيهم ايه ؟

نرمين : اعتبرى نفسك سرقتيهم وخلعتى بدل ما تطلعى من المولد بلا حمص اهو تصرفى منهم لحد ما تولدى وتقدرى تشتغلى اصل شغل الشوارع اللى بتشتغليه ما ينفعش مع الحوامل

حنان : كتر خيرك يا ستى

مدت ايدها تاخد الفلوس ومسكت ايد نرمين باستها ونرمين سحبت ايدها بعنف

نرمين : ما تلمسيش ايدى

حنان : عندك حق اللى زيى انجس ايدك اقدر امشى ؟

نرمين : يا نهى ادوها شنطه تاخد فيها هدومها الهدوم اللى انا اشتريتهالها لما جبتها من الشارع بجلابيه مقطعه

حنان : كتر الف خيرك يا ستى ممكن اقول حاجه قبل ما امشى ؟

نرمين : عاوزه تقولى ايه ؟

حنان : تصدقى او ما تصدقيش انا عمرى ما ندمت على حاجه فى حياتى غير اللى عملته معاكى ومن قلبى فرحانه علشانك انا حزينه انى حامشى من هنا بس فى نفس الوقت فرحانه انى ماشيه لانى حاسسه انى باوسخ البيت النضيف ده وانى ما يصحش ادخله ولا حتى اعدى من قدامه انا حامشى واوعدك عمرك ما تشوفى وشى تانى

خرجت حنان وهى فى السابع وبعد تلات شهور لقوا سبت فى الجنينه فيه طفله عمرها شهر ومعاها بطاقة حنان وورقه مكتوبه بخط عيل صغير

《يتيمه مالهاش اب ودلوقت ما بقاش ليها ام لو عاوزه تربيها لله يمكن تطلع احسن من امها ولو مش عاوزه حطيها فى ملجا وادعيلى ربنا يغفرلى 》