تحميل رواية «الحرباء» PDF

نرمين القاضى شابة جميلة ٢٥ سنه نرمين خريجة كلية طب اسكندرية ووالدها كان جراح معروف لكن هى ما بتشتغلش وهى انسانه محبوبه من الجميع تمتلك اخلاق وطيبة الملائكه ورقة الزهور وجمال نجمات السينما وبراءة الفراشات

بعد وفاة والدتها شعر والدها بقرب الاجل وانه فى ايامه الاخيره وصمم على اتمام زواجها من المهندس ادهم النشار خطيبها وجارهم من الطفولة وحب عمرها كله وهو مهندس معمارى شاب ٢٨ سنه طويل وسيم انيق رياضى وبيعشقها لحد الهوس وهى بتبادله نفس المشاعر

ادهم بعد تخرجه تولى ادارة شركة المقاولات اللى اسسها والده ونجح يخليها من اكبر الشركات فى سوق العقارات وبنى عمارات وفيلات وقرى سياحيه واخيرا اتجه لبناء الكومباوندات السكنيه وعايش معاهم بقالهم خمس سنين فى فيلا انيقه فى حى زيزينيا الراقى وبعد وفاة كمال القاضى والد نرمين جابت اختها الصغيره امانى تعيش معاها وهى لسه طالبه فى الجامعه

خمس سنين من السعاده بين نرمين وادهم ما بينغصش سعادتهم الا عدم الانجاب !

نرمين وادهم راحوا لاطباء كتير معروفين ومجهولين فى مصر والخارج وعملوا اشعات وتحاليل والنتيجه واحده فى كل مره مافيش سبب عضوى واضح يمنع الانجاب عند الطرفين ولا اى موانع ظاهره

ادهم : يعنى ايه يا دكتور ؟

الطبيب : يعنى الموضوع بايد ربنا مافيش اى موانع ظاهره لكن ده رزق ويمكن ميعادكم لسه ماجاش صلوا واتصدقوا وادعوا ربنا يرزقكم بالذريه الصالحه

نرمين : ممكن يكون فيه سبب غير ظاهر يا دكتور ؟

الطبيب : محتمل طبعا لكن احتمال ضعيف وعموما الطب كل يوم بيتقدم والاكتشافات العلميه فيها كل يوم جديد خلوا عندكم امل فى كرم ربنا ورحمته

حوار اتكرر مع اكثر من طبيب ورغم مرور خمس سنين لكن لازال الامل موجود .

نرمين زارت المساجد والكنايس واعطت المحتاجين ودعت وابتهلت فى صلواتها ان ربنا يكرمها بالذريه الصالحه وكانت بتتابع كل يوم الاخبار والدوريات الطبيه ربما يكون فيها جديد وبقى كل المطلوب منها يفضل عندها امل وتنتظر .

كانت سايقه عربيتها المرسيدس وسرحت فى كل ده ونزلت منها دمعه غصب عنها مدت ايدها تسحب منديل تمسح دمعتها وغفلت عن الطريق ثوانى وبعدها فوجئت ببنت شابة بتقع قدام عربيتها فرملت بسرعه وهى متاكده انها ما لمستهاش ونزلت تشوفها والناس اتلمت

واحد : لا حول ولا قوة الا بالله مش تاخدى بالك يا مدام ؟

نرمين : انا ما لمستهاش دى وقعت قدام عربيتى والله ما لمستها

واحده : يعنى هى حترمى نفسها قدام عربيتك من الباب للطاق واللا بترمى بلاها عليكى ؟

نرمين : والله ما لمستها خالص صدقونى والله ما لمستها

واحد ٢ : طيب نحاول نفوقها الاول شيلوا قصادى نطلعها على الرصيف

شالوا البنت المسورقه طلعوها على الرصيف لقوها فعلا مش مخبوطه وحاولوا يفوقوها لكن مافيش فايده

نرمين : من فضلكم هاتوها فى عربيتى اخدها للمستشفى وانا حاتكفل بكل حاجه

الناس شالتها ركبتها فى العربيه وهى اتصلت بقريبها دكتور وليد نائب مدير المستشفى الخاص اللى اسسه والدها وهى شريكه فيه

نرمين : وليد الحقنى انا معايا بنت مسورقه وجايه بيها على المستشفى

وليد : وده حصل بسبب ايه ؟

نرمين : مش عارفه وقعت قدام عربيتى انا جايه فى الطريق وحافهمك

وصلت لقت وليد فى انتظارها والمسعفين نقلوا البنت بالتروللى لغرفة الكشف

وليد : انتى خبطتيها واللا ايه ؟

نرمين : ابدا والله دى وقعت قدام عربيتى لوحدها ومش عاوزه تفوق

وليد كشف عليها لقاها فقدت الوعى بسبب قلة الاكل ونقلوها غرفة اقامه وعلقوا محاليل وجلوكوز ونرمين اتكفلت بكل النفقات

لما فحصوا اوراق البنت لقوا معاها بطاقه باسم ( حنان عبد الله السيد ) من دمياط ومكتوب انها انسه بس الكشف اثبت انها مش بنت ومافيش معاها صورة قسيمه او اى اثبات انها متزوجه والدكتور طمن نرمين انها حتفوق قريب وهى مشيت علشان ترجع تانى يوم .

تانى يوم حنان فاقت لقت نرمين جنبها

نرمين : حمد الله على سلامتك ايه اللى حصل ؟

حنان : انا فين هو ايه اللى حصل ؟

نرمين : اهدى انتى فى المستشفى انتى دوختى قدام عربيتى وجبتك هنا والدكتور بيقول انك بقالك يومين من غير اكل وتعبتى معقول واحده تسيب نفسها يومين من غير اكل ؟

حنان : وحاجيبه منين الاكل ؟ انا بقالى كام يوم بالف فى الشوارع ادور على اى شغلانه اكل منها عيش والاقى حته تتاوينى مش لاقيه انا كنت بانام فى الجنينه اللى فى محطة مصر على دكه خشب واكل من الزباله وبقالى يومين مش لاقيه لقمه ناشفه

نرمين : ليه كده اومال فين جوزك ؟

حنان : انا مش متجوزه

نرمين : ايه اتطلقتى واللا مات ؟

حنان : انا ما اتجوزتش خالص

نرمين : اومال الدكتور بيقول &;. انا مش فاهمه يعنى انتى لسه &; انسه ؟

الوسوم روايات انس توفيق

حنان : انا ما اتجوزتش خالص

نرمين : اومال الدكتور بيقول &;&; انا مش فاهمه يعنى انتى لسه &; انسه ؟

حنان ارتبكت شويه لكن نرمين الطيبه اللى نيتها دايما حسنه وفاكره الكل زيها ما لاحظتش

حنان : اه اه انا لسه بنت

نرمين : اومال فين اهلك ؟

حنان : امى ماتت وما كانش ليا غيرها ومن بعدها بقيت مقطوعه من شجره

نرمين : طب قوليلى ابوكى فين او قرايبك مافيش حد منهم خالص ؟

حنان : يا مدام ولا عمرى شفت ابويا ولا اعرفه ولا ليا حد خالص غير امى الله يرحمها

نرمين : طيب احكيلى اللى حصل معاكى

حنان : بعد موت امى اهل البلد كانوا طمعانين فيا ورحت للعمده يشغلنى عنده فى الدوار وقلت يحمينى وكنت بابات فى الدوار وفى ليله سوده صحيت من النوم مفزوعه لقيته نايم فوقى وكان عاوز &;.

عيطت ونرمين طبطبت عليها وهى كملت

حنان : انا صوتت واتلموا الناس وجت مراته قال دى بتتدلع عليا وهى اللى جرجرتنى لحد هنا ومراته طردتنى وسبت البلد كلها وجيت على اسكندريه لكن برضه كل ما اشتغل فى حته يطمعوا فيا

نرمين : طيب خلاص اهدى انتى هنا فى المستشفى لحد ما تخفى وبعد ما تطلعى حاخدك معايا فى بيتى تعيشى معايا وتشتغلى عندى

حنان عيطت وقالت

حنان : بتتكلمى بجد يا ست &; مش عارفه اسم حضرتك ايه

نرمين : انا اسمى نرمين القاضى وبيقولولى نيرمو

حنان : نرمين ؟ الله اسمك حلو قوى ستى نرمين

نرمين : بلاش ستى دى ما باحبهاش قولى مدام نرمين تعرفى تشتغلى فى البيوت ؟

حنان : انا ما اعرفش غير شغل البيوت

نرمين : خلاص اتفقنا وانا حاعمل لك شهريه كويسه

حنان مسكت ايدها عاوزه تبوسها لكن نرمين سحبت ايدها بسرعه منعتها

نرمين : لالالا انا ما باحبش الحاجات دى ياللا شدى حيلك علشان اخدك على البيت

&;&;&;&;&;&;&;&;&;.

نرمين روحت على بيتها قعدت مع امانى اختها وحكت لها كل حاجه

نرمين : مش عارفه يا امانى البنت صعبانه عليا تصورى انها مش عارفه انها مش بنت ؟ تكون الصدمه نستها واللا يكون حد خدرها وعمل فيها حاجه من غير ما تعرف

امانى : وليه ما تكونش بتكذب دى اشكال قذره ما تآمنيش للى زيها

نرمين : بلاش سوء الظن ده دى غلبانه خالص وجاهله وما تعرفش اى حاجه انا حاجيبها تخدمنا واحاول اتستر عليها حتى لو اكلم دكتور وليد يعمل لها عمليه واقول له ان ده عمل انسانى

امانى : تكلمى مين يا نهار اسود انتى عاوزه دكتور وليد القاضى اللى متربى على ايد بابا يعمل عمليه زى دى ؟ اوعى تفكرى حتى تكلميه فى حاجه زى دى وبعدين انتى ازاى عاوزه تجيبى واحده زى دى تدخليها بيتك دى شكلها حربايه ويمكن تطلع حراميه واللا وراها مصيبه

نرمين : ما قلتلك بلاش سوء الظن ده اومال عاوزانى ارميها فى الشارع ؟ انتى بس ابقى عامليها كويس علشان خاطرى

امانى : طيب حتقولى لادهم ايه ؟

نرمين : حاقول بنت غلبانه وحاجيبها تشتغل عندى

امانى : لا قصدى على &;..

نرمين : مش حاجيب سيره طبعا ده لو يعرف انها مش بنت من غير جواز مستحيل يسيبها تقعد دقيقه واحده فى البيت

امانى : والله يا نرمين انا حاسسه ان البنت دى حربايه وانتى مش حتبطلى طيبتك الزياده دى لحد ما تتقرصى وشكلها هى اللى حتقرصك

الوسوم روايات انس توفيق

خرجت من المستشفى مع نرمين وفى الطريق اشترت لها هدوم للبيت والخروج وداخليه

حنان : والحاجات دى حادفع تمنها ازاى ؟

نرمين : لا دى هديه منى واى حاجه تعوزيها قوليلى انتى دلوقت بتشتغلى عندى وملزومه منى

حنان : كتر الف خيرك ربنا يقدرنى على رد جمايلك

وصلوا عند الفيلا ونرمين دخلت بعربيتها وحنان شافت جنينه كبيره فيها الورود فى كل مكان بتنسيق بديع واشجار فاكهه وزينه وبرجوله وحمام سباحه متغطى بحاجب رؤيه من كل الاتجاهات وعند المبنى ما كانش كبير قوى لكن كان مبنى بطراز بسيط هادى مريح للعين بدون بهرجه

اول ما دخلوا لقت اكتر من شغاله بيجروا على نرمين واحده تاخد شنطتها وواحده تجيب عصير ونرمين قعدت فى الهول وقالت

نرمين : اسمعى انتى حتشتغلى عندى هنا واحعمل لك شهريه الف جنيه زى باقى البنات واكلك وشربك وكسوتك عليا وتقدرى تفتحى حساب فى البوسطه تحطى فيه فلوسك وتاخديهم فى اجازاتك

حنان : طيب حاعمل ايه فى الاجازات واروح فين ؟

نرمين : روحى بلدكم زورى اهلك

حنان : ماليش اهل انا مقطوعه من شجره وعمرى ما سمعت عن واحد قريبى والبلد دى مش عاوزه اروحها تانى انا مش عاوزه اجازات

نرمين : خلاص خدى يوم فى الاسبوع تنزلى تتمشى فى محطة الرمل او اى حته تشترى فستان او حلق براحتك فلوسك وانتى حره فيها عاوزه تحوشيها براحتك حتنفع لما تتجوزى

حنان اترعشت ولونها اتخطف

حنان : ات .. اتجوز ؟

نرمين : اه طبعا مسير كل بنت للجواز ويمكن حد كويس يتقدملك وانا برضه حاساعدك فى جوازك مش حاسيبك اعتبرينى انا اهلك

حنان ركعت على الارض قدام نرمين ومسكت ايدها تبوسها وعيطت ونرمين سحبت ايدها وطبطبت على شعرها بحنيه

نرمين : الله مالك بيعيطى ليه ؟

حنان : مش مصدقه نفسى ربنا يخليكى يا ست الكل انا حاعيش خدامه تحت رجليكى طول عمرى

نرمين : طيب بلاش العمايل دى وقومى انا قلتلك ما باحبش بوس الايادى ياللا روحى الحمام غيرى هدومك وتعالى شوفى شغلك

جت بنت من البنات جايبه لنرمين شبشبها وحطته جنبها على الارض وقالت

سعاد : عاوزه حاجه تانى يا دكتوره ؟

نرمين : ايوه يا سعاد خدى حنان معاكى دخليها الحمام وبعدين ابقى عرفيها البيت

حنان : ودى تيجى ؟ اومال مين يقلعك الجزمه

ومسكت رجل نرمين عاوزه تقلعها الجزمه ونرمين سحبت رجلها منها وقالت

نرمين : انا ما باحبش حد يقلعنى الجزمه انا مش صغيره

حنان : ازاى يا ست الكل احنا كلنا خدامين تراب رجليكى

ورجعت مسكت رجلها قلعتها الجزمه ولبستها الشبشب ونرمين سابتها وقالت

نرمين : المره دى بس ماشى بس انتوا مش خدامين انتوا بتشتغلوا بشرفكم وانا ما باحبش كده خالص

&;&;&;&;&;&;&;&;&;&;..

حنان كانت بتبذل مجهود كبير فى الشغل علشان تكسب رضا نرمين عنها لكن العيب اللى فيها انها كانت بتراقبها ليل نهار وعينيها وقلبها مليانين غيره من نرمين اللى عندها كل حاجه وهى ما عندهاش اى حاجه وخصوصا وهى شايفه الحب اللى بينها وبين ادهم جوزها اللى كان واضح انه بيعشقها ويغير عليها وخصوصا من ابن عمتها الممثل المعروف والدونجوان صاحب المغامرات النسائيه كريم رشدى وحصل بينهم خناقات كتير بسببه وكل الشغالات سمعوهم وحنان فكرت تستغل غيرته لصالحها لحد ما جتلها الفرصه

حنان لاحظت ان نرمين وامانى اتعودوا يسافروا العزبه خميس وجمعه من كل اسبوع واحيانا ادهم يسافر معاهم واحيانا يستنى علشان شغله

بعد مرور شهر تقريبا بدات حنان تحس باعراض الحمل لكن كتمت سرها عن الكل بعد ما عملت اختبار واتاكدت وكان لازم تتصرف بسرعه وفى الفتره دى كان ادهم مشغول فى مشروع كومباوند قرب برج الغرب وبيرجع دايما متاخر وفى يوم الخميس نرمين وامانى سافروا العزبه ومعاهم نهى الشغاله وحنان سهرت للخدمه لحد ما وصل ادهم متاخر وحضرت العشا وراحت اوضته

حنان : العشا يا سيدى يلزم خدمه تانى ؟

ادهم : لا شكرا حطيه عندك وروحى نامى انا مش محتاج حاجه تانى النهارده

حنان : الا قوللى يا سيدى هو قريبكم الممثل ده اسمه ايه ؟

ادهم : انتى قصدك على مين ؟

حنان : الممثل الابيضانى الامور قوى ده اللى بيمثل افلام حب وكده

ادهم : قصدك كريم رشدى ؟ هو بييجى هنا ؟

حنان : يووووه كتير قوى بييجى للهانم اومال انا عرفت انه قريبكم منين اصل الهانم بتاعتنا ست محترمه مش ممكن تدخل حد غريب بيتها الا لو كان قريبها وعارفاه وواخده عليه

ادهم : واخده عليه ازاى يعنى ؟

حنان : اصل شكله دمه خفيف قوى لما بييجى بيقعدوا فى الجنينه وما بتبطلش ضحك ربنا يفرح قلبها كمان وكمان الهانم بتاعتنا دى سكره واى حد يشوفها لازم يحبها بس هى بنت اصول ومتربيه ومش اى حد تدخله بيتها وتقعد معاه وتضحك كده الا لو كان قريبها وعارفاه ومتعوده عليه قوى تصبح على خير يا سيدى انا صاحيه ولو عاوز حاجه تحت امرك

الوسوم روايات انس توفيق

بعد رجوع نرمين حصلت بينهم خناقه جامده والصوت كان عالى وكل اللى فى البيت سمعوا صوتهم

ادهم : انا قلت مليون مره البنى ادم ده ما يدخلش بيتى وانا مش موجود

نرمين : يعنى كنت عاوزنى اطرده من بيتى يا ادهم ؟ ده ما يبقاش ذوق ابدا

ادهم : قصدك ايه يا هانم قصدك انى ما عنديش ذوق ؟

نرمين : مش قصدى كده طبعا انا قصدى انا اللى يبقى ما عنديش ذوق لما اطرد ضيف جايلى وما تنساش انه ابن عمتى

ادهم : اه ابن عمتك وتلاقيه بقى الحب الاول وانا نايم على ودانى مش كده ؟

نرمين : ايه اللى بتقوله ده يا ادهم ؟ هى حصلت تشك فيا ؟

ادهم : عاوزانى اعمل ايه لما اعرف ان الشخص ده بيجيلك كل يوم وما بتبطلوش ضحك وهزار رغم انى طلبت منك اكتر من مره ما يجيش وانا مش موجود

نرمين : ايه الكلام الفارغ ده ؟ لا فيه ضحك ولا هزار ولا بييجى كل يوم هو فاضى ؟ ما تنساش انه ممثل معروف ومعظم وقته فى القاهره وقليل جدا لما ينزل اسكندريه

ادهم : اه قليل جدا وطبعا الفنان لما ينزل اسكندريه لازم يزور الهانم حبيبة القلب تلاقيكى علشان كده مش عاوزه تخلفى منى

نرمين : هى حصلت انك تتهمنى فى شرفى ؟ اسمع يا ادهم مش عاوزه اخد قرار فى لحظة غضب احنا الاتنين حنندم عليه انا حاسافر العزبه انا وامانى واسيبك تهدى وتفكر براحتك وقدامك حل من اتنين يا تجيلى تعتذر وتعرف قيمتى يا تبعت ورقتى على العزبه واعتبرنى متنازله عن كل حقوقى

ادهم : وطبعا الفنان حيزورك فى العزبه مش كده ؟

نرمين ما استحملتش اكتر من كده ونزلت بالقلم على وشه

نرمين : هى حصلت ؟ انا مش حاسمح بكلمه كمان تمس شرفى وسمعتى حتى لو منك انت اقف عند حدك واعرف انت بتكلم مين انا نرمين القاضى التراب اللى بادوسه بجزمتى شريف وطاهر ولو ما كنتش انت جوزى ومع الاسف باحبك كان حيبقالى تصرف تانى معاك

كان مصدوم من القلم اللى فوقه وهى الغضب عاميها وبتبص عليه وعيونها حمره وحايشه دموعها بالعافيه وقبل ما يقول اى كلمه قالت

نرمين : انا ماشيه يا ادهم وانت فكر براحتك ويوم ما توصل لقرار انت عارف عنوان العزبه علشان تبعتلى ورقتى وتقدر سعادتك تتجوز واحده تانيه تخلف منها مع السلامه يا ادهم بيه

&;&;&;&;&;&;&;&;&;&;&;..

ادهم كانت حالته النفسيه زى الزفت بعد سفر نرمين وفكر كتير يصالحها لكن كبرياؤه منعه وبقى بيشرب كل ليله رغم انه اساسا ما كانش متعود على الشرب غير انه كان بيغيب عن البيت باليومين والتلاته ولما يرجع بيكون سكران طينه وحنان حاولت تستغل الفرصه وتستناه بالعشا كل ليله لكن كان دايما بيقفل على نفسه ويقعد يبكى وينادى على نرمين وما يفتحش لحد

لحد ما مر شهر ونص تقريبا على غياب نرمين وحنان بطنها كبرت وبانت وكان لازم تتصرف بسرعه استنته فى ليله بالعشا عند باب الاوضه ودخلت قبل ما يلحق يقفل الباب

حنان : العشا يا سيدى

ادهم : مين قال حضروا عشا سيبونى فى حالى مش عاوز حاجه ولا عاوز اشوف حد

فتح القزازه وشرب منها وقعد يبكى

ادهم : انا عاوز نرمين وبس انتى فين يا نرمين ؟

حنان : سيدى انت بتعيط ؟ الف سلامه عليك من الحزن يا سيدى

حطت الصينيه على الترابيزه وركعت على الارض قدامه وباست ايده

حنان : بكره ربنا يهديها وترجع وتعرف قيمتك وتعرف ان ضفرك بالف واحد زى اللى اسمه كريم المتزوق ده انت راجل وسيد الرجاله

ادهم : سيبينى فى حالى عاوز اقعد لوحدى

حنان : طيب اقلعك الجزمه علشان تاخد راحتك

ادهم : قلت مش عاوز حد انا عاوز ابقى لوحدى

قعد يشرب وهى قلعته الجزمه والشراب وقعدت تدلك رجليه وركبته وتبوس فى ركبته

حنان : معلش انا بكره حاكلمها اترجاها ترجع بس علشان خاطرى اتعشى حط فى بقك اى لقمه تسندك انت ما بتاكلش خالص

ادهم : مش عاوز اكل ولا شرب انا عاوز نرمين وبس

حنان : حاضر بكره اكلمها اخليها ترجع

قعد يشرب ويبكى وحنان قالت

حنان : انت حتفضل تشرب من القزازه كده ؟ اقوم اجيب كاس من المطبخ

راحت على المطبخ واخدت كاس وشوية تلج فى طبق وحطت فى جيب المريله حبايتين منوم ومشرط صغير ورجعت على اوضته

حنان : انا حاصبلك كاس يهدى اعصابك خد

صبت الكاس ومدت ايدها اخده منها وشربه على مره واحده اخدت الكاس وصبت تانى وأخده شربه وقام وهو بيتطوح وكان سكر على الاخر وهى جريت عليه تسنده قبل ما يقع

حنان : على مهلك على مهلك يا سيدى

اخدته عند السرير رمى نفسه عليه بالعرض ورجليه على الارض

حنان : انت حتنام بهدومك مش حتغير ؟ انا حاساعدك

فكت الحزام وقلعته البنطلون وساعدته يتعدل على السرير وقعدت تدلك صدره شويه وقامت من جنبه راحت صبت كاس وملته على الاخر وحطت فيه الحبايتين ودوبتهم كويس وراحت عليه

حنان : خد اشرب ده كمان علشان يهدى اعصابك وتعرف تنام

ادهم : خلاص مش عاوز

كان واضح عليه انه سكران طينه وبيلخبط فى الكلام ومش قادر يفتح

حنان : علشان خاطرى علشان بكره اكلم ستى نرمين اخليها ترجع تبوس ايدك وتستسمحك

ادهم : حتكلميها ؟

حنان : اشرب ده وانا اكلمها انت تؤمر يا سيدى

اخد الكاس منها وشربه وهى قعدت جنبه تدلك صدره لحد ما اتاكدت انه نام وقلعت المريله والجلابيه وطلعت المشرط عورت صباعها وعاصت هدومها الداخليه وجسمها بالدم والملايه ونامت جنبه وسحبت الغطا عليهم

الوسوم روايات انس توفيق

ادهم صحى على الضهر لقى حنان فى حضنه ما كانش فاكر اسمها وما يعرفش انها صاحيه وعامله نفسها لسه نايمه

ادهم : ايه ده مين دى ؟ دى الخدامه الجديده انتى يا &; انتى يا بت انتى اصحى

حنان : ايه يا سعاد بتصحينى ليه انا كان عندى سهر امبارح

ادهم : سعاد مين وزفت مين قومى اصحى

حنان فتحت عينيها واتظاهرت انها اتفاجئت

حنان : يا لهوى سيدى ادهم بيه انا ايه اللى نيمنى هنا

ادهم : انا اللى باسالك انتى اسمك ايه وازاى نايمه هنا ؟

حنان بصت على نفسها وشافت الدم ولطمت

حنان : يا لهوى ايه ده يا لهوى يا لهوى يا لهوى يا مصيبتى يا مصيبتى كده يا سيدى حرام عليك يا سيدى

ادهم : هو ايه اللى حصل يا بت اتكلمتى

حنان : اللى حصل ؟ اللى حصل مصيبه انت ضيعتنى ليه كده يا سيدى ده جزاتى انى حاولت اواسيك ؟ ليه كده يا سيدى انا بنت ناس يا سيدى حرام عليك

ادهم : يا بت انا مش فاكر اى حاجه اتكلمى قولى ايه اللى حصل

قعدت تعيط وتندب وتلطم وهو مذهول مش فاهم اى حاجه ولا فاكر ايه اللى حصل ولا دى مين اصلا وفى الاخر هديت شويه

ادهم : انتى اسمك ايه

حنان : خدامتك حنان يا سيدى

ادهم : طيب يا حنان انا مش فاكر اى حاجه اهدى واحكيلى اللى حصل علشان افهم

حنان : اللى حصل انك كنت سكران وانا دخلتلك العشا قلتلى تعالى قلعينى الجزمه باقلعك الجزمه مسكت لا مؤاخذه &; صدرى حشت ايدك قلتلى مالك يا بت انا زى اخوكى انتى خايفه اشربى دول وانتى تتطمنى وناولتنى كبايه فيها خمره قلتلك ما باشربهاش قلتلى دول بس علشان خاطرى شربتهم وكان طعمهم مر قوى وكنت حارجع وانت قعدت تضحك وقلتلى بس علشان اول مره خدى اشربى دول كمان شربتهم ولقيتك بتصب تانى قلتلك كفايه قلتلى علشان خاطرى واللا عاوزه تزعلينى شربتهم وما حسيتش بالدنيا غير لما صحيت لقيت دمى مغرقنى وشرفى &;.

ورجعت تعيط وهو بقى مصدوم

ادهم : انا عملت كل ده ؟

حنان : اه والنعمه يا سيدى هو ده اللى حصل انا شرفى ضاع ابوس ايدك يا سيدى ما تفضحنيش انا فى عرضك ابوس ايدك

ومسكت ايده قعدت تبوسها وهى بتعيط

ادهم : خلاص يا حنان اللى حصل ده مسئوليتى وانا لازم اشوف حل ما تخافيش ماحدش حيعرف ما تخافيش

&;&;&;&;&;&;&;&;&;&;&;

كان كل يوم حالته بتسوء اكتر وكل ليله يسكر ويفضل ينادى على نرمين لكن العناد خلاه يرفض يكلمها ومر اسبوع على الليله اللى باتت فيها حنان فى حضنه وهى بتتجنبه خالص لكن بطنها اللى بدات تكبر وتبان كان لازم تتصرف بسرعه

فى ليله رجع لقاها مستنياه عند اوضته وهى بتعيط

حنان : الحقنى يا سيدى مصيبه

ادهم : مصيبه ايه ؟

حنان : انا حامل

الخبر عمل عنده بلبله ما بقاش عارف يفكر يعنى ايه ؟ يعنى حيبقى اب ؟ الحلم اللى بيحلم بيه طول السنين دى ينام ويصحى يحلم بيه حيتحقق اخيرا ؟ لكن ازاى دى مش نرمين دى حنان مش مراته بس معنى كده انه ما عندوش عيب ويقدر يخلف لكن كده يبقى العيب من نرمين الخبر ده ممكن يقتلها

حنان : انا لازم اموت نفسى انا اتفضحت

ادهم : لا لا يا حنان اوعى تعملى كده الغلطه غلطتى وانا لازم الاقى حل

حنان : مالهاش حل دى مصيبه انت مستحيل تتجوز خدامتك

ادهم : ات .. اتجوزك ؟

حنان : ده الحل الوحيد بس انت مستحيل توافق عليه علشان كده مافيش غير انى اموت نفسى

ادهم : لا لالالا يا حنان اصبرى عليا شويه انا مش عارف افكر واوعدك الاقى حل يحافظ عليكى وعلى اللى فى بطنك

الوسوم روايات انس توفيق

فضلت تضغط عليه وتلح كل يوم

ادهم : يا حنان ارجوكى ما تضغطيش عليا سيبينى اشوف حل بهدوء

حنان : يبقى لازم انزل اللى فى بطنى قبل ما اتفضح

فكر ادهم بشرود يعنى بعد الحلم ما بقى حقيقه يضيع ؟ مستحيل هو مافيش حل غير انه يتجوز حنان لكن كده مش حيجرح نرمين ده حيقتلها ما يقدرش بس فى نفس الوقت ما يقدرش يتخلى عن حلمه انه يبقى اب

ادهم : لا يا حنان لا اصبرى شويه خلينى احلها واحافظ عليكى وعليه من غير ما اخسر نرمين

حنان حست بالغضب وقالت وهى بتكتم غضبها

حنان : امرك يا سيدى فكر براحتك بس &; بس على فكره انا حاولد بدرى على السابع اصل انا بنت سبعه

ادهم : يعنى ايه ؟

حنان : يعنى امى ولدتنى بعد سبع شهور يعنى كلها ست شهور وكام يوم وتلاقى ابنك فى حضنك

ادهم : ابنى ؟

سرح فى الكلمه اللى بيحلم بيها بس حنان فوقته من الحلم

حنان : اصل دى وراثه فى عيلتنا امى ولدتنى على سبع شهور ومش انا وبس اخواتى الاتنين ولدتهم على سبعه

ادهم : هو انتى عندك اخوات ؟

حنان : هاه ؟ اه اه عندى اتنين ده مش كده وبس دى حتى خالتى ولدت عيالها على سبع شهور وحتى امى وخالتى ولاد سبعه مش قلتلك دى وراثه كل عيلتنا كده

ادهم : طيب ارجوكى ما تضغطيش عليا وسيبينى افكر بهدوء

حنان : امرك يا سيدى فكر براحتك واللى تؤمر بيه حانفذه المهم تحافظ على ابنى ما يبقاش ابن حرام وتحافظ على نرمين قصدى &; ستى نرمين

&;&;&;&;&;&;&;&;&;&;.

قررت تغير الخطه وبدل ما تستناه بالعياط والنكد استنته فى اوضته بالعشا وهى مبينه فرحتها وسعادتها

حنان : العشا جاهز يا سيدى

ادهم : ماليش نفس للاكل خالص

حنان : انت شايل الهم ليه يا سيدى الف بعد الشر عليك من شيل الهم انا ممكن اخلصك من اللى فى بطنى ده خالص ولو ان يوم المنى يوم ما اخلف من سيدى وتاج راسى

ادهم : لالا يا حنان اوعى تعملى كده اللى فى بطنك ده ابنى وانا باشوف حل يحافظ عليه وعليكى من غير ما اجرح نرمين

حنان : انا مش مهم انا مش عاوزه حاجه كل اللى عاوزاه ابنى ما يبقاش ابن حرام اتجوزنى حتى فى السر اتجوزنى حتى لو عرفى احسن ما ابنى يبقى ابن حرام والناس ترفضه وتشاور عليه وتقول ابن الحرام ابن الزنا اللى جاى فى الضلمه

ادهم : يا حنان انتى عارفه انى باحب مراتى واللى بتقوليه ده حيجرحها معنى كده ان العيب منها

حنان : اتجوزنى حتى لو عرفى وبعد ما اولد طلقنى وحتى اكتب الواد باسمها وتبقى هى امه وهى اللى تربيه وانا راضيه افضل خدامه وكفايه عليا اعيش جنب ابنى من غير ما اقول له انى امه

ادهم كان حاسس بحيره بين حبه لنرمين وبين رغبته فى ابن ومش عارف ياخد قرار وحنان قررت تهدى اللعب وتغير الخطه تانى وتولع نار الغيره فى قلبه سكتت شويه وطبطبت على كتفه

حنان : انا حاسيبك براحتك فكر فى ابنك وفى الست نرمين وانا مش مهم

&;&;&;&;&;&;&;&;&;&;.

شافت فيلم لكريم رشدى وفكرت فى فكره تخلى الغيره ترجع تولع فى قلبه ويمكن يطلق نرمين خالص حملت الفيلم على فلاشه وراحت على اوضته بالعشا حطته على الترابيزه وحطت الفلاشه فى الشاشه اللى فى اوضته وقعدت على الارض تشوف الفيلم لحد مشهد معين وقفت الفيلم وقعدت تستنى

اول ما سمعت صوت عربيته شغلت الفيلم بسرعه وعملت نفسها متابعاه وهو دخل

حنان : حمد الله على السلامه يا سيدى العشا جاهز

ادهم : انتى بتعملى ايه هنا ؟

حنان : حضرت العشا وقلت استنى اخدمك وابقى تحت رجليك ولما اتاخرت قلت اسلى نفسى واشوف اى فيلم لقيت فيلم جامد قوى لقريبكم سى كريم رشدى

بص على الشاشه وعينه احمرت من الغضب ونار الغيره ولعت فى قلبه وقعد وهى بيبص على الشاشه وحنان صبت كاس

حنان : تاخد كاس يفتح نفسك على العشا ؟

مسك الكاس فى ايده وعينيه بتتابع كريم على الشاشه وحنان ما سكتتش

حنان : فيلم جامد قوى والبطله اللى معاه كمان جامده قوى تصور الوليه الناقصه متجوزه راجل زى الفل شباب وطول وعرض وغنى وامور ومخليها مش ناقصها حاجه معيشها ملكه فى قصر وعندها بدل العربيه تلاته ورايحه تحب واحد عليه شوف الجبروت بتاع النسوان اشرب يا سيدى اصبلك كاس كمان ؟

اخدت الكاس من ايده صبته وناولته ليه تانى وهو بيتابع اللقطه اللى على الشاشه

&;&;&;&;&;-

البطله : جوزى مسافر فرنسا اسبوع حيعمل صفقه يكسب منها عشره مليون دولار

البطل : يعنى حنفضل اسبوع براحتنا ؟

البطله : هو ده كل اللى يهمك ؟

البطل حضنها وقال

البطل : حيهمنى ايه اكتر من انك تبقى فى حضنى ؟

البطله : العشره مليون دولار احنا بعد ما يخلص الصفقه نخلص منه ونبقى مع بعض على طول ومعانا عشره مليون دولار

&;&;&;&;&;&;

البطل باسها بوسه طويله وادهم بكل الغضب اللى جواه حدف الكاس على الشاشه كسرها وخرج زى المجنون

الوسوم روايات انس توفيق

الساعه اتنين بعد نص الليل والجرس بيرن باصرار وخبط جامد على الباب

كريم بيبص فى الساعه ومستغرب وخرج بص من العين السحريه وزادت دهشته لما شاف ادهم فتح الباب

كريم : ادهم خير يا ادهم حصل حاجه ؟

لكن ادهم هجم عليه بعصبيه وخنقه وهو بيقول

ادهم : انت دمرت حياتى قتلت كل حاجه حلوه فى حياتى وانا لازم اقتلك واخلص الدنيا من شرك

كريم : اعقل يا ادهم فيه ايه ؟

ادهم : مش حاسيبك لازم اقتلك زى ما قتلتنى

كان اقوى منه بكتير حتى وهو سكران ووقعوا الاتنين على الارض وادهم بيخنقه وكريم بيقاوم ووشه بقى احمر ونفسه راح وما لقاش غير انه يصدر ركبته فى صدر ادهم ويزقه بعيد عنه ويقوم يجرى على اوضة النوم وادهم وقف بيتطوح من السكر وجرى وراه

اول ما دخل اوضة النوم لقى كريم واقف جنب الكومود ومسدسه الشخصى فى ايده وبنت عريانه فى السرير بتحاول تغطى نفسها بالملايه

كريم : اقف عندك يا ادهم ما تجبرنيش اتهور واضرب بالنار

ادهم : اضرب اضرب يا جبان كده صح . كده صح قوى طلقه وتخلصوا من الزوج الغفلان ويخلالكم الجو مع بعض وفى بيتك يعنى دفاع عن النفس وتطلع براءه وتبقى دى النهايه السعيده وتفوز بحبيبة القلب

كريم : انا مش فاهم حاجه انت بتتكلم عن مين ؟ انت قصدك ايه ؟

ادهم : قصدى ايه ؟ قصدى نرمين نيرمو هاهاها كويس انى ما لقيتهاش فى سريرك

كريم : اخرس انت فاهم انت بتقول ايه ؟ استنى ولا كلمه زياده قومى يا بت البسى هدومك وغورى من هنا

ادهم : عاوزها تمشى ليه علشان ما يبقاش فيه شهود ؟

كريم : اخرس يا ادهم ولا كلمه ما تقومى يا بت بسرعه

البنت قامت وهى بتترعش وملفوفه بالملايه وبتدور على هدومها ولبستها بسرعه وقبل ما تخرج كريم قال

كريم : استنى يا بت خدى دول ومش عاوزك تنطقى بكلمه انتى ما شفتيش ولا سمعتى حاجه مفهوم ؟

البنت : حاضر حاضر

اخدت الفلوس وجريت بره الاوضه وباب الشقه اتفتح واتقفل

كريم : انت سكران يا ادهم ؟

ادهم : اما فايق وعارف كويس انا باقول ايه انا عرفت كل حاجه

كريم : عرفت ايه انا ونرمين ؟ دى بنت خالى دى نرمين كمال القاضى اللى ضفرها اشرف منك ومن اهلك انت بتتهمها بالخيانه ؟

ادهم : ومين يشهد للعروسه هى الشريفه الطاهره اللى تقعد مع عشيقها فى غياب جوزها فى الجنينه قدام كل الخدامين يضحكوا ويهزروا ويوشوشوا يا ترى حتعمل ايه فى اوضة النوم وماحدش شايفهم ؟

كريم : ايه الكلام الفارغ ده ؟ مين اللى ضحك عليك وفهمك كده ؟ اذا كنت دخلت بيتك وانت مش موجود ده على اساس اننا اهل ودول اولاد خالى لكن لا كان فيه ضحك ولا هزار ولا اى كلام فارغ من ده اللى بلغك الكلام ده بيخدعك

ادهم : ومطلوب منى اصدقك ؟ كويس انك ما انكرتش انك دخلت البيت فى غيابى

كريم : يا ادهم افهم انا رحت البيت عندك فعلا وانا اسف ان كان ده ضايقك لكن انا رحت زياره قصيره جدا وموضوع مهم وللاسف ما حصلش ولا كان فيه ضحك ولا الموقف اصلا كان يستدعى ده انت عارف انا رحت ليه ؟

ادهم : ياريت تقوللى وسيبك من الكلام اللى وصلنى

كريم : انا طلبت ارتبط بامانى ويوم الزياره نرمين كانت بتبلغنى انها رفضت

ادهم : امانى ؟

كريم : ايوه امانى يا ادهم حب عمرى كله اللى كانت بتبادلنى نفس مشاعرى لكن رفضت لانها شايفه ان سلوكى مشين والشيطان بيتحكم فيا وانها مش حتقدر تتعايش مع نزواتى ولا تتحمل خيانتى ليها رفضت وقالت ان ده قرار نهائى وانها رافضه اى حد يكلمها فى الموضوع ده تانى

مسح دمعه نزلت منه وكمل

كريم : امانى يا ادهم هى حب عمرى كله وهى الوحيده اللى فى قلبى لكن رفضت ولما نرمين بلغتنى انا بكيت بحرقه يمكن اكتر من يوم وفاة والدى الله يرحمه ويومها نرمين قالتلى معلش يا كريم حاول تصلح من نفسك يمكن ربنا يهدى قلبها وقتها انا بوست ايدها وقلتلها انتى عملتى اللى عليكى وزياده وامانى عندها حق انا فعلا لا اصلح اكون زوج لواحده محترمه زى امانى وشكرتها ومشيت

حط المسدس على الكومود ودموعه نازله غصب عنه وقال

كريم : يومها انا خرجت وانا مش عارف اخد قرار احاول اصلح من نفسى وانضف واخلى عندى امل واللا استسلم لنزواتى وافقد الامل نهائيا واديك جيت على غفله وشفت بعينك انى مش حاتصلح وان امانى عندها حق ترفضنى

ادهم : يعنى انت مافيش اى علاقه بينك وبين نرمين ؟

كريم : ولا عمرى فكرت فيها غير انها بنت خالى واختى وبس امانى يا ادهم هى الوحيده اللى فى قلبى وحتفضل الوحيده فى قلبى واملى الوحيد وبعدها ما عنديش امل ولا رغبه فى الحياه كلها

ادهم : انا اسف يا كريم مش عارف اقول ايه

كريم : اسف دى تقولها لمراتك اللى ضفرها برقبتك

ومسك المسدس من على الكومود وقال

كريم : اسمع المسدس ده مرخص قسما بالله افرغه كله فيك لو ما صالحتش مراتك بكره

ادهم : هو انا لسه حاستنى بكره انا حاطلع عليها حتى لو ابات قدام بابها لحد ما تسامحنى

&;&;&;&;&;&;&;&;&;

وصل العزبه بعد الفجر رن الجرس وفكر يستنى فى العربيه لحد النهار ما يطلع لكن بعد دقيقه فتحت الباب وهى لابسه اسدال الصلاه ووشها منور زى البدر فى تمامه ودموعها نازله زى حبات اللؤلؤ زادتها حسن على حسنها

نرمين : خمسه وسبعين يوم ؟ هنت عليك خلاص هانت عليك نيرمو ؟

ادهم : انا تهون عليا روحى ولا تهون عليا نيرمو اللى اغلى من روحى

وركع قدامها ومسك ايدها يبوسها ويغرقها بدموع الندم

ادهم : سامحينى سامحينى يا اغلى ما فى عمرى واغلى من عمرى كله

نرمين : مسامحاك مسامحاك يا حبيبى مش من دلوقت لا من ساعة ما خرجت من البيت وانا مسامحاك قلبى ما قدرش يخاصمك وكنت مقدره غيرتك وواثقه ان حد ملا دماغك قوم يا حبيبى قوم خدنى فى حضنك حسسنى ان روحى رجعتلى

قام وحضنها وشالها بين ايديه ودخل بيها جوه وقعد على الكنبه وهى فى حضنه

ادهم : وحشتينى قوى كنت ميت من غيرك وحييت تانى على ايدك

نرمين : وانت كمان يا حبيبى وحشتنى فكرت كتير ارجع لوحدى لكن كنت عاوزاك تدور على الحقيقه بنفسك وتاخد قرارك وترجعلى وانت واثق انى مستحيل ا..

ادهم : ما تنطقيهاش الكلمه دى لازم تلغيها من قاموسك انا اسف اسف قوى يا قلبى

نرمين : طيب قوم صلى ركعتين على ما احضر الفطار نفطر مع بعض

ادهم : يااااااه انا حاسس ان بقالى خمسه وسبعين يوم ما اكلتش

نرمين : حتاكل دلوقت من ايدى يا حبيبى

باس ايدها بحب وقال

ادهم : تسلم ايديكى وعينيكى يا قلب ادهم

الوسوم روايات انس توفيق

بعد الفطار قعدوا فى المرجيحه وهى فى حضنه كان بيشم ريحة شعرها الناعم ويضمها كأنه عاوز يتاكد انها فى حضنه

نرمين : حنرجع بيتنا امتى يا حبيبى ؟

ادهم : مش دلوقت احنا حنسافر النهارده اوروبا واخدك تكشفى فى اكبر مراكز للعقم والخصوبه نروح مركز واتنين وتلاته حتى لو اضيع ثروتى كلها وارجع ابدا من الصفر

نرمين : حنكشف احنا الاتنين واللا العرق الصعيدى نقح عليك وبقيت شايف ان العيب لازم يكون من الست ؟

فكر لحظه يعترف لها بموضوع حنان والحمل وانه متاكد ان العيب مش منه لان حنان حملت منه لكن ما قدرش يصدمها حيقول ويعترف لكن مش دلوقت

ادهم : اصل &; الحقيقه &;. فعلا العرق الصعيدى نقح عليا خلاص يا روحى نكشف احنا الاتنين واكيد حنلاقى علاج انا متاكد ان فيه مشكله الدكاتره ما قدروش يوصلوا لها لكن باذن الله حنعرف نوصل للمشكله ونعالجها ومش حنرجع الا وربنا جابر خاطرنا

نرمين : طيب نرجع بيتنا لحد ما نحجز ونسافر براحتنا

ادهم : احنا حنسافر النهارده احنا معانا تاشيرات مفتوحه لاى دوله فى العالم احنا مش اى حد انا حاحجز النهارده على اول طياره ونسافر لندن باريس برلين اى مكان ونلف اوروبا كلها لحد ما نرجع بالامل

نرمين : اللى تشوفه يا حبيبى المهم تفضل فى حضنى

باس ايديها وقومها يدخلوا جوه وهو بيقول

ادهم : خلاص انا حادخل دلوقت على النت اشوف عناوين المراكز المتخصصه فى العقم والخصوبه وعلى الساعه تسعه اكلم مكاتب الطيران واحجز على اول طياره

&;&;&;&;&;&;&;&;&;&;.

فى مركز الخصوبه الالمانى كانت صدمة ادهم كبيره لما الدكتور بلغهم بنتائج التحاليل والاشعات

شولتز : مشكله بسيطه جدا فى قناة الحالب ما بتظهرش باجهزة الاشعه العاديه وما تظهرش الا باجهزه متطوره جدا مجرد انسداد جزئى فى قناة الحالب بيؤدى لموت الحيوانات المنويه قبل وصولها للمبيض ودى علاجها بسيط جدا ومش مكلف

ادهم : معناه ايه الكلام ده يا دكتور ؟

شولتز : معناه ان العيب اللى عندك لا يذكر وعلاجه سهل مجرد عمليه بسيطه جدا وكمان من عمليات اليوم الواحد يعنى حتى مش حتبات فى المستشفى

ادهم : الكلام ده مش مظبوط انا ما عنديش عيب يا دكتور

نرمين : فيه ايه يا ادهم ده مش عيب دى حاجه زى ما تكون دور برد حاجه بسيطه مش مستاهله كل العصبيه دى

ادهم : الكلام ده غلط ممكن اتكلم معاك على انفراد يا دكتور ؟ حبيبتى ممكن دقيقه مع الدكتور على انفراد ؟

نرمين : فيه ايه يا ادهم ؟

شولتز : واضح ان مستر ادهم صعبان عليه كرجل شرقى يطلع العيب منه انا سمعت كتير عن الشرقيين وانهم يكرهوا يكون العيب منهم لكن ده عيب تافه بسيط مش مستدعى كل ده انا ما قلتش انك عاجز

ادهم : الموضوع مش كده خالص انا ما عنديش اى عيوب من فضلك يا نرمين سيبينى مع الدكتور دقيقه واحده

نرمين : حاضر يا حبيبى بس هدى نفسك

بعد خروجها ادهم قال للدكتور

ادهم : يا دكتور الموضوع مش تعصب شرقى ولا حاجه لكن اللى حاقوله ارجو انه يفضل سر طى الكتمان

شولتز : مافيش مشكله اوعدك انه يفضل سر

ادهم : الحقيقه من فتره اختلفت مع المدام خلاف جامد وسابت البيت فتره ووقتها انا كنت غير متوازن نفسيا ولجات للخمر وبدون اراده غلطت مع واحده من الشغالات وحصل حمل علشان كده باقول ان العيب مش عندى وان التشخيص غلط

شولتز : مستحيل طبعا اكيد انت متوهم او مخدوع انا واثق من التشخيص مليون فى الميه ومش حاقبل انك تطعن فيه لمجرد اوهام فى دماغك عموما ادى الاشعه والتحاليل وتقرير بالحاله مختومين بختم المركز وعليهم توقيعى وتقدر تروح اى مركز طبى تتاكد من صحة التشخيص ودلوقت اتفضل مع السلامه

الوسوم روايات انس توفيق

رجعوا الفندق ونرمين بتحاول تفهم فيه ايه

نرمين : انا ما بقيتش فاهماك يا ادهم فيه ايه ؟

ادهم : معلش انا اعصابى تعبانه شويه يا ريت تسيبينى اهدى شويه

نرمين : الموضوع مش مستاهل كل ده الدكتور بيقول حاجه بسيطه وسهله زى دور البرد

ادهم : معلش انا متاكد ان التشخيص غلط

نرمين : طيب اعمل حسابك انا عاوزه ارجع مصر النهارده قبل بكره

ادهم كان جواه صراع ومش قادر يفكر فى حاجه وكل اللى فى دماغه انه لازم يصارح نرمين بكل حاجه

فضل لوقت متاخر مش قادر ينام وبيفكر مش قادر يوصل لقرار واخيرا طلب قهوه من الريسبشن وطلع البلكون دخن سيجاره وقرر يعترف بكل حاجه دخل عليها لقاها نايمه فى السرير قعد على حرف السرير ومد ايده يدلك رجليها بحنيه

ادهم : نرمين انتى صاحيه ؟

نرمين : باحاول انام

ادهم : نيرمو انا عاوز اعترف لك بحاجه وارجوكى تسامحينى انا غلطت غلطه كبيره جدا وانا ندمان وحاتحمل اى عقاب بس ارجوكى اسمعيني للاخر واتوسل اليكى سامحينى

نرمين : خير يا ادهم انت قلقتنى

ادهم : انا خنتك &; غلطت وخنتك بس ما كنتش فى وعيى ما كنتش حاسس

حست بصدمه زلزلت كيانها واتعدلت فى السرير وبدات دموعها تنزل فى صمت وقالت

نرمين : اتكلم يا ادهم قول كل حاجه بصراحه اذا كنت عاوزنى اسامحك

ادهم : بعد ما سبتينى كانت حالتى النفسيه سيئه جدا وكنت كل ليله اشرب لحد ما انام وانا سكران طينه وفى ليله كنت سكران وباعيط وانادى عليكى دخلت عليا البنت الشغاله الجديده اللى اسمها حنان جابتلى العشا لانى كنت رافض اكل وقعدت تحت رجلى تقلعنى الجزمه وتحاول تواسينى وانا مستمر فى الشرب ومش شايفها خالص وكاس ورا كاس ما حسيتش بنفسى وتقريبا اغتصبتها وانا مش فى وعيى

نرمين : اغتصبتها يعنى ايه ؟ ايه اللى حصل بالظبط هى اتدلعت عليك واللا ايه ؟

ادهم : هى غالبا كان بدون ارادتها تقريبا انا اخدتها بالعافيه

نرمين : يعنى ايه مش فاهمه ايه اللى تقريبا وغالبا ما تحكى اللى حصل بالظبط

ادهم : ما اعرفش انا كنت سكران وما حسيتش بحاجه كل اللى فاكره انى لما صحيت تانى يوم لقيتها فى سريرى ودم بكارتها مغرق كل حاجه

نرمين : دم بكارتها ؟ دم بكارة مين ؟ انت بتتكلم عن مين ؟ عن حنان خدامتى ؟ اللى انا جبتها من الشارع ؟

ادهم : هى مالهاش ذنب المسكينه انا اعتديت عليها بالقوه وضيعت شرفها وللاسف انها حامل وده اللى خلانى متاكد ان التشخيص غلط

نرمين : هاهاها ضيعت شرفها ؟ فضيت بكارتها ؟ هاهاها اسمع يا ادهم انا كمان عندى اعتراف انا كدبت عليك بس كذبه بسيطه قصدت بيها احمى سمعة حشره حقيره كنت فاكراها انسانه . الكلبه دى لما لقيتها يوم ما سورقت قدام عربيتى من الجوع وعطفت عليها واخدتها المستشفى الدكتور قاللى انها مش بنت لكن صعبت عليا ودخلتها بيتى وخبيت عليك انها مش بنت علشان ما تطردهاش الحشره الحقيره الكلبه اللى عضت ايد اسيادها اللى اتمدت لها بالخير

ادهم : يعنى ايه انا مش فاهم

نرمين : يعنى الكلبه دى ضحكت عليك وممكن تكون عورت نفسها علشان تفهمك انك اغتصبتها وضيعت شرفها علشان تلزقلك عيل ابن حرام ما نعرفش جابته منين قوللى بقى يا ادهم يا نشار يا عملاق ياللى عيله زى دى قدرت تضحك عليك قالت ايه تانى بنت الكلاب دى ؟

ادهم : قالت انها حامل ومش عاوزه ابنها يبقى ابن حرام وان مافيش حل غير انى اتجوزها حتى لو عرفى او فى السر علشان الولد ما يبقاش ابن حرام وبقالها شهر عماله تزن على الموضوع ده

نرمين : شهر ؟ ده الموضوع قديم بقى

ادهم : لا والله ده الموضوع ده حصل بعد سفرك العزبه بخمسين يوم تقريبا وبعدها تقريبا باسبوع او عشر ايام قالتلى انها حامل

نرمين : اسبوع ايه وعشر ايام ايه الحمل ما بيظهرش قبل شهر ونص

ادهم : ازاى ؟

نرمين : زى ما باقول لك بعد تقريبا ست اسابيع بيظهر حاجه اسمها الكيس الجنينى بيبقى قد الضفر كده وممكن بعد ثمان اسابيع يطلع فاضى ومافيش جنين هى عرفت بعد عشر ايام ازاى بتشم على ضهر ايدها ؟ ده معناه انها حامل من قبل كده واكيد كمان قبل ما تدخل بيتى وكانت مخبيه طيب وبعدين كانت ناويه تشيله فى بطنها حداشر شهر ازاى بنت الكلب دى ؟

ادهم : لا هى قالتلى انها حتولد على سبع شهور

نرمين : هاهاها يا بنت الكاااااالب ايه واخده قرار تولد على سبع شهور ؟

ادهم : لا بتقول امها ولدتها على سبع شهور هى واخواتها الاتنين وخالتها ولدت كل عيالها على سبع شهور وان دى وراثه عندهم فى العيله

نرمين : لا عندها اخوات ولا خاله ولا عيله ولا عندها حد غير امها وماتت والولاده المبكره دى مش وراثه دى قرار طبيب لو لقى خطوره على الام او الجنين استنى استنى انت قلت حاجه ما اخدتش بالى منها هى كانت عاوزاك تتجوزها عرفى فى السر ؟ طيب كنت حتربى ابنك ازاى

ادهم : هى كانت مستعده ان يعنى &; نكتب الولد باسمك وهى تفضل خدامه بس مجرد ان الولد ما يبقاش ابن حرام

نرمين برقت عينيها بذهول بتحاول تستوعب وقالت بدهشه

نرمين : يخرب بيت دماغها هى كمان كانت طمعانه الكلب اللى فى بطنها ده يورثنا احنا الاتنين ؟ يا بنت الكااااااالب هاهاهاهاها بس دماغها سم عجبتنى بصراحه

ادهم : انا &; انا مش مصدق انى انا يتضحك عليا بالسهوله دى ومن حتة عيله جاهله زى دى

نرمين : معلش غلطة الشاطر بالف لكن ودينى وما اعبد لاندمها ندم السنين على قذارتها واخليها تندم على اليوم اللى اتولدت فيه هاهاها وانا اللى كنت بابقى مكسوفه لما تركع تحت رجلى تقلعنى جزمتى واقول بنى ادمه وما يصحش اتاريها كلبه بنت كلاب اقسم بالله لاخيلها تبوس رجلى وتندم على كل اللى عملته فى حياتها من يوم ما اتولدت

ادهم : انا اسف يا نرمين انا مش عارف اقول ايه انا &;

نرمين : ما تقولش حاجه يا ادهم انا مستعده اسامحك لكن بشروط

ادهم : وانا موافق عليها كلها

نرمين : اول حاجه اللى حصل ده ما يتكررش ابدا وتانى حاجه توعدنى ما تحطش نقطة خمره فى بقك بعد كده واخر حاجه باى شكل نرجع مصر بكره

ادهم : لا يا نرمين الا دى اوعدك عمرى ما حاكرر الخطا ده ابدا ولا احط نقطة خمره فى بقى لكن مش حنرجع الا بعد ما اروح مركز الخصوبه واعمل العمليه

&;&;&;&;&;&;&;&;&;&;.

وفى المركز دكتور شولتز كان رافض تماما يعمل العمليه

شولتز : مستر ادهم تشكيكك فى صحة تقريرى باعتبره اهانه بالغه وحقيقى انا مش متقبل حتى زيارتك للمركز

ادهم : يا دكتور انا باكرر اعتذارى الموضوع حصل فيه لبس وانا مستعد لاى ترضيه حتى لو ادفع تكاليف العمليه ضعفين او تلاته او حتى عشره

نرمين : يا دكتور احنا الاتنين بنعتذر لك ادهم كان واقع فى مصيده وفاهم الامور غلط وتقريرك هو اللى فتح عينيه علشان يعترف بكل حاجه ونقدر نوصل للحقيقه

شولتز : العمليه اصلا مش مكلفه ولا صعبه ولا خطيره انتم معاكم الاشعه والتقارير وتقدروا تعملوا العمليه فى اى مركز او مستشفى بامكانيات متوسطه حتى فى مصر لكن انا &;

ادهم : لكن احنا سعادتنا مش حتكتمل الا لو وافقت تجرى العمليه واتاكدنا انك قبلت اعتذارنا

الطبيب سكت شويه وبعدين ابتسم وقال

شولتز : جاهز تعمل العمليه امتى ؟

ادهم : دلوقت لو امكن

ابتسم دكتور شولتز ورن الجرس ودخلت مساعده بلغها تجهز مستر ادهم وتجرى بعض التحاليل والفحوصات الخاصه بالضغط والسكر وخلافه وتجهز غرفة العمليات

بالليل رجعوا على الفندق وثالثهم الامل وقرروا يرجعوا مصر فى اقرب وقت ممكن

الوسوم روايات انس توفيق

ملكة داخله قصرها بشموخ وراس مرفوعة

نرمين رجعت الفيلا بعد غياب طويل وراسها عاليه والبنات جريت تستقبلها بكل حب

نهى : حمد الله على سلامتك يا ست الكل نورتى بيتك

سعاد : لولولولولولولوى الف حمد الله على سلامتك يا ست الكل

فاطمه : نورتى الدنيا كلها يا دكتوره الف حمد الله على سلامتك

نرمين : اومال البنت اللى اسمها حنان فين ؟

سعاد : لسه نايمه

نرمين : هاهاها ايه فاكره نفسها هانم ؟ روحى صحيها قوليلها تعالى كلمى ستك وانتوا دخلوا الشنط من العربيه

البنات مشيوا وهم ملاحظين انها متغيره وبعد شويه حنان خرجت لابسه عبايه واسعه تحاول تدارى الحمل اللى بقى واضح قوى لكن نرمين طنشت

حنان : حمد الله على السلامه يا ستى

نرمين : ايه يا هانم نايمه للضهر ؟ مش تعملى بلقمتك ؟ اجرى هاتى شبشب وتعالى بسرعه

حنان : حاضر يا ستى

راحت جابت الشبشب ورجعت

نرمين : على مهلك شويه اتمخطرى كمان اصلها بقت تكيه خلاص تعالى يا بت اركعى تحت رجلى وقلعينى الجزمه

حنان : حاضر حاضر تحت امرك

وركعت بصعوبه بسبب الحمل ومسكت رجل نرمين تقلعها الجزمه ونرمين بتبصلها من فوق

نرمين : تخنتى اهه وربربتى عايشه فى اته محلوله هاهاها فاكره يا بنت &; الناس الكويسين لما لقيتك مرميه فى الشارع حتموتى من الجوع وعطفت عليكى ولميتك من الشوارع ؟

حنان : ا ا انا هو حصل منى حاجه زعلتك يا ستى ؟

نرمين : انا بس باقارن بين منظرك دلوقت وانتى خدامتى وبين منظرك المعفن وانتى شحاته وجربانه كنتى جربوعه قوى الجزمه اللى بتقلعيهالى دى انضف منك وقتها انا قلت افكرك يمكن تكونى نسيتى اصل انتى مقطوعه من شجره تفتكرى لو رميتك فى الشارع دلوقت حتروحى فين ؟

حنان : انا خدامتك من يوم ما دخلت بيتك وانا تحت رجليكى وجميلك &;

نرمين : فيه حكمه بتقول اذا انت اكرمت الكريم ملكته واذا انت اكرمت اللئيم تمردا عارفاها ؟

حنان : وانا اعرف الحاجات دى منين يا ستى ؟ انا ما دخلتش مدارس

نرمين : ما دخلتيش خالص لا انتى ولا اخواتك ؟

حنان : اخواتى ؟ انا مقطوعه من شجره ماليش اخوات ولا حد خالص

نرمين : هههه صحيح افتكرت مقطوعه من شجره زرعه شيطانى مالهاش جدر

كانت حنان قلعتها الجزمه ولبستها الشبشب

حنان : تؤمرى باى حاجه يا ستى ؟

نرمين : وراكى ايه يعنى عاوزه تقومى انتى خدامتى ومافيش وراكى غير خدمتى وراحتى

حنان : انا تحت امرك

نرمين : انا لسه راجعه من سفر طويل وصوابع رجليا مكلبشه فى بعضها ياللا يا خدامتى ادعكى رجل ستك

ومدت رجلها خبطتها خبطه خفيفه فى بطنها لكن نرمين دكتوره وعارفه ازاى تخبطها تخوفها من غير ما تتسبب فى اذى للجنين بس حنان اترعبت وصرخت

نرمين : مالك وجعتك ؟ دى حتى خبطه خفيفه اومال لو خبطه جامده

وخبطتها تانى بس اقوى من اللى قبلها وحنان صرخت

حنان : ابوس ايدك يا ستى بطنى

نرمين : مالها بطنك وجعتك ؟ مش مهم طالما انا مبسوطه ولو اموتك تحت رجلى مش مهم طالما حابقى مبسوطه انا ستك وتاج راسك والمهم انا وبس انما انتى مالكيش قيمه حشره افعصها تحت رجلى

لطشتها برجلها على وشها رمتها على الارض

حنان : اه انا انا انا زعلتك فى حاجه يا ستى ؟

نرمين : اه طبعا زعلتينى لحد دلوقت ما دعكتيش رجلى لما اقول حاجه تتنفذ فى ثانيه هاتى يا بنت الكلب البوف ده وافرديلى رجليا عليه

جابت بوف صغير بكسوه قطيفه ورفعت رجلين نرمين عليه وقعدت تدلكهم ونرمين بتبصلها من فوق وتهز رجلها فى وشها شويه لحد ما قالت فجاه

نرمين : اللى فى بطنك ده منين يا بنت الكلب ؟

حنان : اللى فى بطنى ؟

نرمين : ايه انتى مش حامل ؟ ما بتسمعيش البنات وهم بيقولوا يا دكتوره ؟ فاكره تعرفى تخبى عليا انا كمان ؟

حنان : انا انا انا يا ستى انا &;

لقت اللى بتضربها بالرجل جامد فى ضهرها وتمسك شعرها بغل

امانى : انطقى يا بنت الكلب ردى على ستك

حنان : ستى امانى ؟ ابوس رجلك يا ستى نرمين ستى امانى حتموتنى

نرمين : انا اللى حاموتك وادفنك فى الجنينه ولا حد حيسال عنك يا تربية الشوارع يا لمامه

حنان : ابوس رجلك يا ستى

امانى سابت شعرها وهى اترمت على رجل نرمين قعدت تبوس فيها لحد ما لقتها بتنزل رجلها من على البوف وتقول

نرمين : اتفضل يا دكتور

وليد : مساء الخير يا نرمين حمد الله على السلامه

نرمين : الله يسلمك يا وليد اتفضل اقعد

وليد : ا ا امانى ؟ ازيك يا امانى

امانى : اهلا يا وليد ازيك

قعد دكتور وليد وامانى فضلت واقفه جنب حنان اللى مرميه على الارض تحت رجلين نرمين وامانى رجعت مسكت شعرها بغل وقالت

امانى : بنت الكلب الزباله دى حامل يا دكتور وعاوزينك تكشف عليها

حنان : لالا ابوس ايديكم سيبونى انا &;

امانى : اخرسى يا بت يا بنات شيلوا الحيوانه دى ودخلوها اوضة الضيوف

نرمين : اتفضل يا وليد عاوزه اعرف الحمل فى كام شهر

البنات جرجروا حنان على الاوضه وامانى دخلت معاهم ووليد وراهم وبعد ما قفلوا الباب نرمين رنت على ادهم دخل

ادهم : ايه الاخبار ؟

نرمين : وليد بيكشف عليها وحيطلع يقول الحمل من امتى

بعد شويه خرج وليد وقال

وليد : اهلا اهلا ادهم حمد الله على السلامه يا راجل ليك وحشه

ادهم : وانت كمان يا وليد اخبارك ايه ؟

نرمين : ( بعصبيه ) وليد من فضلك قول لنا الاول ايه الاخبار وبعدين اقعدوا مع بعض براحتكم

وليد : مالك متعصبه ليه ؟ عموما يا ستى الحمل من ١٨ ل ٢٠ اسبوع

نرمين : هاهاها سمعت يا ادهم بيه يعنى اكتر من اربع شهور وهى عندى اصلا بقالها تلات شهور وشويه

ادهم سكت وبص فى الارض ووليد استغرب

وليد : هو فيه ايه ؟

نرمين : مافيش اصل الجربوعه دى كانت مخبيه الحمل ومفهمانا انها لسه بنت

وليد : هى مش متجوزه ؟

نرمين : انت نسيتها واللا ايه ؟ دى البنت الجعانه اللى جبتها المستشفى وهى مسورقه

وليد : انا باشوف حالات كتير فى المستشفى حافتكر ايه واللا ايه ؟

ادهم : الله يكون فى العون يا وليد اسمع انت طبعا حتتغدى معانا

وليد : لالا اعفونى انا عندى &;..

نرمين : جرى ايه يا وليد انت بخيل واللا ايه اتغدى معانا احنا لسه واصلين من السفر

سمعوا صوت حنان بتصرخ جوه ونرمين جريت وهم وراها

نرمين : خليكوا انتوا انا حاشوف فيه ايه

الوسوم روايات انس توفيق