تحميل رواية «الاصداف» PDF

bmbsh_beme

باوعت الفرع عبارة عن ورد الوان وبيوت المقابيلنه بيها مرشات مال ورد ناعم

جان منضر مبهر متوقعت يسويها  عيوني غوركت من الموقف الفرع جان كله ورود ناعمه والورود تتناثر بالفرع والهوى محلي المنضر الورد يتطاير والفرع كل بيت طالع منه شباب وزلم كبار يباوعون. ومصدومين بنات. عالسطوح

واني والبنات طبينه وره، الباب ومصدومات ايه وسارة يتساءلن شنو صاير

واني وبراء الابتسامه شاكه حلوكنه سمعنه صوت ضرغام صار وره الباب وهو يتحمحم ويكول

ضرغام..... ردتها تمطر ورد هاي مطرت ورد هيلين اليه اليوم بليل جايب الشيخ وجايكم

طب ابويه باوعلنه عاقد حواجبه وطب للبيت

ايه... شنو هاي

براء....هذا العاشق المتيم ضرغام يريد هيلين

سارة... هذا هو اللي البارحه سولفو عليه

براء.... اي

ايه... ليش مكالو ضرغام

براء... شمدريني

ايه... هو نفسه نفسه ضرغام

هزيتلها راسي بمعنى اي نطت يمي وكالت..

ايه... من ايمت تحبون بعض

هيلين... من هواي

ايه... واني اخر من يعلم

براء... عوفو هاي السوالف هسا خل نطب جوه ونعمل كعك وليدي يريد كيك

ضحكنه طبينه جوه واني احس بطني بيها فراشات حسيت نفسي جسمي خفيف مو ثكيل عبالك انسانه ما مار عليها الهم انسان شخصيته ووسامته ورجولته ما تنوصف يضحي ويحبني ويهمتلي مالي عيوني وكلبي

احس الشي اللي سواه محالي الماضي اللي اذاني ونساني كلشي خلاني اتناسا كلشي

براء.... هيوووو مو جاي نحجي

هيلين.... ها

براء... ليه ساعه احجي وين صفنتي

هيلين.... شنو

براء.... وين الككو

اشرتلها عالشكردان كتلها..... بهذا

براء.... هههههه مصطورة يمه حقج

سارة... شلون راح ينضفون الفرع

براء.... ههههههه يولي هو ورد

ايه..... سارة احنه وينننن وانتي وينننن اكلج هيلين

هيلين... هااا

ايه...... ما عنده اخوه هذا ضرغام

هيلين... مع الاسف الشديد لا

ايه... الوحيد لامه

هيلين.... هههه اي

ايه... امدا حضي

ضحكنه وهي كامت تضحك ويانه وتكول

ايه.... ههههه والله شي حلو ورومانسي

هيلين..... باوعت تلفوني يتصل

رفعت عيني البنات يباوعن للتلفون كالت براء...

براء.... روحي جاوبي

هيلين... تمام لعد ايه تندل كلشي اذا ردتو شي اني شوية واجي

ايه... روحي عمري اني هنا اخذي راحتج نسيبنه ينتضرج

طلعت من يمهن للحديقه ابتسم من هسا صار نسيب

باوعت منتهي. الاتصال اتصلت عليه جاوبني كبل..

ضرغام.... ها اشون غزالتي

هيلين بحنيه وعيوني مغوركه... يروحيي

ضرغام...... اليوم ينطيج يعني ينطيج

هيلين.... قافل

ضرغام... قافل

هيلين.... ضرغامم

ضرغام.... عيونه

هيلين... احبك

ضرغام..... اني ما احبج

هيلين.... هااا

ضرغام.... ههههه اشون ما احبج

حجيت وياه شوية وترخصت منه ميصير اخلي البنات وحدهم طبيت يمهن سوينه كيك

والفرحه مسايعتني جان موقف خيالي كأنو بالمسلسلات مو واقع كرصت روحي كلت خاف حلمانه وابويه جان الضوجه عنده ملياررر

بليل اندك الباب احنا كاعدات ناكل سمعنه صوت حسام طب للاستقبال وصوت ضرغام وزلم ما اعرفهم

ايه جانت بالمطبخ اجت تكمز كالت..

ايه.... ولجن امتلت الاستقبال جايب ضباط وواحد نقيب وكلهم عسكري طبو للاستقبال

امي.... هذا الرجال الحوك

براء كرصتني

كتلها اخخخ مو كرصه عكربه وطبت مرت عمي سلمنه عليها وكعدت يم امي وسهام يسولفن عالهوسه اللي اجو والرتب مالتهم

سهام.... يلا سون جاي وخلو كيك اذا بقى

ايه.... ايه موجوده وكيك ما يبقى اصلا خليتهن يسون هواي لأن عرفت حتصير كعده

امي... لعد روحن حضرن يلا بسرعه يلا بناتي

رحنا للمطبخ براء كاعده عالكرسي واني بديت اسوي جاي حجت ساره

ساره... هلونه وين خليتن الكيك

هيلين... بالثلاجه بالبوكس الوسط

طلعت سارة البوكس واني خليت الجاي عالنار وكعدت كبال براء وسارة توزع الكيك بالصحون

ايه واكفه كالت...

ايه.... شنو بس اني حيموتني الفضول

راحت بأتجاه باب المطبخ فتحت باب المطبخ واني وكفت دشوفها شتسوي

قربت يم باب الاستقبال واني وسارة واكفات بالمطبخ سارة شوية بعيده دتوزع الكيك واني واكفه كبال ايه همستلها

هيلين بهمس... لا يطلعون وعود ننفضح يولي

ايه بهمس... اششش اسمعي

خلت اذنها قريب عالباب اباوعلها مركزه

شوية واجت تمشي على كيفها طبت للمطبخ وحاصره الضحكه سدت الباب وكالت بهمس والضحكه شاكه حلكها

ايه..... بدو يحجون بالخطبه

غابت ابتسامتنه عبالنه خبر مفرح اكثر ههههه رجعت كالت...

ايه.... تعالو خل نستمع فدوه

جريتها ومشينه اني وياها وساره وبراء ورانه وكفنا وصوت غريب كال....

الغريب....انت شارط عليه وهو منفذ الشرط

ابويه...... لا ما شرطت شي كتله وجانت من باب المزح لو مطرت ورد ما انطيها

ضرغام.... حجي ماكو داعي لكل هاي البنيه تنطوها يعني تنطوها

ابويه... دتشوفون حجيه بدون احترام

ضرغام..... ابو هيلين جاي احاجيك باحترام ليش تطلعني من طوري

ابويه.... البنيه ما انطيها واني كتله لا تتعب نفسك وتجي تخطب

ضرغام.....الرجال لازم يكون كد كلمته وانت كلت اذا مطرت ورد انطيك اياها وهاي الفرع من الراس للراس مرشات ورد وصار الردته وهسا نقره الفاتحه

ابويه...... واذا فد يوم اجت زعلانه لو سمعت ضاربها ومأذيها

ضرغام..... تنكسر الايد التنمد عليها

سمعنه صوت ابويه كح وتحمحم لزمت ايد براء وغمضت بخوف واني استمع دعرف رد ابويه شنو

حسيت كلماته جانت مي بارد وانذب على كلبي وهو يكول

ابويه...... مبروك عليك بنتي من هاللحضه بأمانتك

طبينه بهدوء للمطبخ واني حابسه فرحتي واباوع للبنات عيوني غوركت من الفرحه براء باوعتلي وكالت...

براء.... شو دتبجين غير واحد يفرح

تقربت سارة حضنتني من جها وحده وكالت....

ساره... دموع الفرح

نزلت دموعي والابتسامه شاكه حلوكنه طبت امي كالت...

امي... شبيج يمه ليش تبجين

واجت باتجاهي

سارة.... خاله غير فرحانه

امي... ليش شكو

براء.... عمي وافق

وصلتني امي حضنتني وكالت...

امي... مبروك يمه انتي تستاهلين هيج رجال

هيلين... الله يباركلج

بدو يباركولي البنات وطب انسام

احنا كبل سكتنه سوينه نفسنه مندري بشي

انسام....شصار جايجن

ومد ايده للبوكس اخذ كيكه اكلها وشرب ميه من الثلاجه واخذ صينينة الجاي ورجع اخذ صينية الكيك

وداهن ورجع للمطبخ باوع لبراء وكال...

انسام.... ها حبيبي اشونج

براء... زينه الحمدلله

انسام.... خوما يوجعج شي

براء هزت راسها بمعنى لا

انسام طلع كيكه من البوكس وقربها يم حلك براء ديطعمها

براء.... ما ليه نفس قبل شوية اكلنه

انسام... ميخالف اكليها

براء... ما اكدر عمري

خله الكيكه بحلك براء وبراء بالكوه اكلتها واحنا نضحك

راح انسام وسارة اخذت كيك وجاي لمرت عمي وامي وسهام  براء باوعت علينه وكالت..

براء... يوما اللجن وتجربن لعبان النفس والدوخه

رجعنه، ضحكنه كالت...

براء..... ايييي لا تضحكن يولن والله تعب

هيلين.... ميخالف من يجي بحضنج يهون عليج، تعب حمله تسع شهور

ايه... أي والله صحيح

براء..... الله كريم

بقينه كاعدات بدو يطلعون وابويه بالاستقبال هو وعمي وحسام وانسام

امي اجت للمطبخ كالت...

امي... ابوج يصيحلج بالاستقبال وهم تعالن شيلن الاستكانات

رحنه للاستقبال لمينه صحونة الكيك والاستكانات وبراء انسام صاحلها تكعد يمو ما يقبل تشتغل

لميناهن ورجعنه كعدنه يمهم كال ابويه

لهنا وينتهي البارت 50لأن سويته قسمين

للي يسأل ليش مجاي تنزلين وقتو بوقتو لأن التفاعل كلش ضعيف والتصويت كلش قليل مبقالي واهس حتى اكتب بسبب قلة التفاعل

رواية الاصداف

بقلمي الكاتبة... bmbsh_beme

تصويتكم كرزاتي احبكم

انستا تبعي انزل بي تغشوشات wraa444

bmbsh_beme

كلام عن الحب الحقيقي تمت الكتابة بواسطة: Samer Hamdan آخر تحديث: ١٨:٠٩ ، ١٤ أبريل ٢٠٢٢ ذات صلة أصدق أقوال الحكماء والأدباء في الحب ستجعلك ستغير نظرتك أجمل الحكم في الحب الحب الحقيقي هو الحب الصادق النابع من القلب، والذي لا تشوبه تداخلات المصالح أو أي أمور أخرى، وهو رغبة الإنسان بوجود من يحبّ قربه لا أكثر، لو أردت التكلّم عن الحب وصدق مشاعره سيطول الحديث، كل ما أمكنني فعله أن أجمع لكم بعض الكلام الذي يصف الحب الحقيقي وصدقه. كلام عن الحب الحقيقي الحب الحقيقي.. هو أن تزرع في طريق من تحبهم وردة حمراء.. وتزرع في خيالهم حكاية جميلة.. وتزرع في قلوبهم نبضات صادقة.. ثم لا تنتظر المقابل.. ! الحب الحقيقي.. هو أن ترمي لهم بطوق النجاة في لحظة الغرق.. وتبني لهم جسر الأمان في لحظات الخوف.. وتمنحهم ثوبك في لحظات العري كي تسترهم.. تم لا تنتظر المقابل.. ! الحب الحقيقي.. هو أن تبيع دموعك كي تشتري لهم الفرح.. وتتراقص بينهم ألماً كي تمنحهم السعادة.. وتبكي بعيداً عنهم كي لا تفسد فرحهم.. ثم لا تنتظر المقابل.. ! الحب الحقيقي.. هو أن تتحول إلى عكاز كي ترحم عجزهم.. وتتحول إلى مرآة كي تقوم عيوبهم.. وتتحول إلى مطر كي تبلل جفافهم.. ثم لا تنتظر المقابل.. ! الحب الحقيقي.. هو أن تخترع لهم الهواء عند اختناقهم.. وتنزف لهم دموعك عند عطشهم.. وتقتطع لهم من جسدك عند جوعهم.. ثم لا تنتظر المقابل.. ! الحب الحقيقي هو أن تشعل أناملك كي تضيء لهم الطريق.. وتحرق أيامك كي تبث فيهم الدفء.. وتمنحهم عينيك بدون تردد كي تنير لهم الظلام..

كعدنه بالاستقبال اني واهلي وبيت عمي كلهم الاستقبال كلها ريحة جكاير

ابويه كال...

ابويه...... هيلين

هيلين... ها بابا

ابويه.... مدام بيت عمج هنا خل نحجي ونتفق كدامهم خوش حتى لا تكولين اهلي ضلموني

هزيت راسي بمعنى اي

ابويه.... اني زوجتج قبل هالمره وجان زواج فاشل بسبب هيثم واهله انضلمتي وجنت اني سبب هذا ضلمج

هزيت راسي بمعنى اي

ابويه.... بنتي ضرغام خوش رجال وشفتي شسوه لخاطر ياخذج

هيلين... هزيت راسي بمعنى اي

ابويه..... انتي انفصلتي قبل هاي المره هالمره اذا تتزوجين صعبه ترجعين تنفصلين

هيلين... هزيت راسي بمعنى اي والكل مركزه ويانه

ابويه...... يعني مو تتزوجين ووراها بفترة تكولين اني ما ليه كعده عندو واريد اتطلك

هزيت راسي بمعنى اي

ابويه... اني عارضت. لأن ما اريد ازوجج وترجعين تنكسرين هاي كدام عمامج اكلج اذا توافقين بي وتتزوجين مو وراها تكولين اهلي ضلموني

هيلين... هزيت راسي بمعنى اي

ابويه.... هاي انتو تشهدون على حجيي موو.

كلهم كالو اي رد انسام كال

انسام.... عمي لا تفكر مجرد تفكير ضرغام يأذيها

ضرغام رجال فاهم صايم ومصلي وحقاني ورجال كد كلمته اني اعرفه كلش زين بس فضات عينه بالكفاية وحسام يعرفه هو وياه علاقتهم قوية

ابويه هز راسه بمعنى اي

حسام.... صح بس ما نضمن ما يجي يوم يكاونها

رجعت مرت عمي كالت....

مرت عمي... ماكو رجال ومره ما تصير بيناتهم مشاكل احنه شياب ومرات تصير بيناتنه مشاكل وتنحل وبعد كل مشكله الاشخاص يتفاهمون اكثر

ابوية.... خوس لعد هيلين بوية شتكولين موافقه

خجلت منه معرف ليش كتله...

هيلين... بكيفك

ضحك عمي وكال.... موافقه يعني هذا هو حجي باحر يجون النسوان وتتفاهمون على كلشي

بقينه نتعلل لحد ما راحو بيت عمي وكلها راحت نامت واني رحت لغرفتي

طبيت للغرفه فتحت نت باوعت

ضرغام دازلي....

ضرغام....... كتلج اخذج يعني اخذج

دزيتله...

هيلين... احبك

ضرغام..... بعد وكت

هيلين.....جنت اتعلل بيت عمي عدنه وتوهم راحو

ضرغام... وانسام وحسام هم يتعللون وياكم

هيلين... اي

ضرغام... شعدهم وياجن

هيلين... هههههه شنو شعدهم غير بيت عمهم

ضرغام... ايي

هيلين.... وين انت

ضرغام.... بالبيت تجين

هيلين.... ههههه وين اجي

ضرغام.... علينه بس تطلعين الدرج اول غرفه

هيلين.... لا عيني ما اجي

ضرغام.... ليش ولج

هيلين... شسوي اجي يمك

ضرغام..... ههههههه

هيلين... ليش تضحك

ضرغام..... شتكولين نعقد هذا الاسبوع لو الوراه

هيلين... شبسرعه بعد اليوم صارت، الخطبة

ضرغام.....اختاري يلا

هيلين..... لا الاسبوع الوراه لأن دا اشتري ملابس

ضرغام... يتدللو الحلو حبيبي

هيلين... ها

ضرغام... اني اروح انام وراي كعده من الصبح

هيلين.... اخذ راحتك

ضرغام.....تصبحين على خير

هيلين...... وانت من اهل الخير

ضرغام.... باي

هيلين....باي

راح ضرغام واني رحت نمت ثاني يوم من رجعت من الدوام سبحت ونمت والعصر كعدت صليت واندك الباب طلع ابويه وصوت نسوان طبن للاستقبال

اجه ابويه للهول وكال لامي...

ابويه... اهل ضرغام اجو

امي... هيلين سوي جاي وجيبي

راحن امي وسهام واني سويت الجاي ودكيت باب الاستقبال واحس احتريت من الخجل

اجاني صوت امي كالت...

امي... تعالي يمه

استحيت اطب يمهن كتلها

هيلين... يمه تعالو اخذو الجاي

امي...... لا تستحين تعالي

طبيت للاستقبال واحس عيونهن عليه وزعت الجاي نسوان اثنين كبار واخت ضرغام وسجى وزعت الجاي ورجعت افتريت عليهن سلمت عليهن واخت ضرغام كالتلي تعالي يمي

كعدت يم اخت ضرغام امه تبين ضايجه

ضحى..... يمه اخويه هم يعرف يختار حقه يطش الفرع ورد

ابتسمتلها بخجل رجعت كالت...

ضحى... شوفي الصدف تتذكرين من اجينه عليج علمود جاروشة سجى

ورجعت التفتت على امها وامي وهاي المره الوياهن وسهام وكالت...

ضحى.... قبل فترة كلش طويلة رحنالها للعياده جنه منعرفها وهي وضرغام رادو يتعاركون وهسا صارت من قسمته

ابتسمو الحبايب عده امه

اني كلش ضجت من شفتها ضايجه خفت ارجع لنفس الضيم حجينه شوية وراحن اول ما راحن امي كالت....

امي.... ليش هيج امه شبيها مطنكره

سهام... لا تحكمين عليها يجوز بيها شي لو قاهرها شي

عفتهن وطبيت للبيت انكضه اليوم عادي بالليل باوعت ضرغام نشط وما راسلني عفته ما راسلته

شوية واجاني رسالة منه كاتب..........

ضرغام...ليش متراسلين ابد الا اني اراسلج

هيلين.... ليش

ضرغام.... اني حاي اسألج

هيلين... شبيك ضايج خوما اكو شي

ضرغام... خل نتخابر ما ليه واهس الكتابه

هيلين... اوك خابر

عرفته ضايج من شي

خابرني جاوبته

هيلين... هلا عيوني

ضرغام... بيج المهلي وين انتي

هيلين... بالبيت

ضرغام... بغرفتج

هيلين... اي

ضرغام... اي

هيلين... ضرغام

ضرغام... ها عيوني

هيلين... امك اليوم جانت ضايجه من اجت علينه خوما اكو شي

ضرغام.... لا ماكو شي بس ضايجه مني لأن جبت المشاية وما كتلها

هيلين... اممم

ضرغام... اي

هيلين.... شبيك عيوني والله اعرف ضايج من شي

ضرغام.... كلشي ما بيه لا

هيلين.... لا تكول كلشي ما بيه

ضرغام.... كلشي ما بيه حبيبي لا تلحين

هيلين.. شنو لا تلحين صوجي خايفه عليك وجاي اسألك

ضرغام.... تالي

هيلين... انوب تالي شوية اللخ تطردني

ضرغام... اهوووو

هيلين..... شوف حتى ما كتلي لا ما اطردج مبين جاي ازعجك

ضرغام... هيلين حبيبي لا تلحين وتضوجيني

هيلين.... لا تخاف ما اضوجك اخذ راحتك باي

ضرغام.... باي

نرفزتني بأسلوبه

تمددت دنام رجع اتصل عليه عفته ما جاوبته

دزلي رسالة

ضرغام... جاوبي لا تقهريني. خلي نتفاهم ترا تعبان ومنعول هوفه هوفايه

من شافني شاهدتها اتصل عليه جاوبته بقهر

هيلين... الووو

ضرغام....... شكو تتزعلين ما تكليلي كتلج تعبان ليش تزودينها

هيلين بدلع... هذا هم تفاهم ضرغام

ضرغام..... استغفر الله لو يمي على هذا اسلوبج الا اليحج براشدي افر وجهج

هيلين..... فوك ما اني مغثوثه تغثني وانوب تتهدد تريد تضربني باي

ديحجي سديت الخط بوجها دزلي رسالة

ضرغام... تسدينه بوجهي موو خوش

شفتها وما رديتله متعصب واذا اردله راح تزيد وانوب اني عصبيه هو باجر تبرد. اعصابه ويعرف غلطه

من هسا يكلي اضربج نمت واني مقهوره ابد ما ارتاح الا انغث ثاني يوم رحت لدوامي ومن رجعت العصر خابرني ما جاوبت شكد راسل ما رديتله

بليل اتصل ما جاوبته طلعت لغرفتي شغلت الضوه وراها بدقايق اندك باب البلكون

هيلين...روح ضرغام

ضرغام.... فتحي الباب

هيلين... ما افتح

ضرغام.... تراىما عندي مانع اكسره هسا

رحت للباب فتحته طب ورد الباب وراه باوعلي تخصر وينفت بتعب كال...

ضرغام.... وتالييي

هيلين.... إني لو انت

ضرغام... شفتيني جنت ضايج عليش تزيدينها

هيلين... لو شكد ما ازيدها شنو تكلي اضربج

تقرب يمشي باتجاهي ويكول..........

ضرغام....من اعصابي ما اضربج وفتح ايدينه يعني تعالي بحضني

هيلين.... هزيت. كتوفي بمعنى لا

ضرغام... كافي دلال تعالي

ابتسمتله ورحت باتجاها كتله....

هيلين.... بس يجي يوم ترفع ايدك عليه كبل اعوفك

ضرغام.... هاه تهددين

هيلين... اي اهدد

صرت قريبة منه حضني قوية حسيت راح تتكسر عضام جسمي وكال...

ضرغام...... اريدج تبقين قوية

هيلين..... اني من زمان قوية

حجه وصوته مليان بحه وحنيه

ضرغام.... اني شكد قوي بس من تصيرين كبالي حيلي كله ينهد اصير كبالج واحد كلبج رجيججج

هيلين.... خليت راسي على صدره ومبتسمه على كلامه رجيج يقصدها رقيق رهيف بس هو هيج يكولها. واحسها حلوه بلسانه

رفع وجهي باس كصتي وبعدني عنه كال...

ضرغام... اجيت اراضيج واروح لأن اسياد عدنه ويم باب الحوش ينتضرني عمر الناركيلا

هيلين... تدخنها

ضرغام.... ما احبها بس مرات ادخنها جنت قبل ادخنها بكثره هسا حولت عالجكاير

هيلين..... ما زينات الجكاير

ضرغام..... لا تخافين ما عليه شي يلا حبيبي اني رايح

ابتسمتله تقرب كرص خدي وراح

ثاني بليل امي كالت اجت اخت ضرغام وكالت باجر نروح نحضر لأن اسبوع الجاي العقد

كتلها تمام

كالتلي اجلي المراجعات يومين هيج

كتلها... هم هيج

خابرت السكرتيرة وانطيتها خبر اني وضرغام حجينه شوية وكالي باجر اوديكم للسوك وراح حسيته ابد مو على طبيعته اكو شي صاير لأن يبقى ضايج واحس بي واحس اكو شي مضايقه وكلما اسأله يضوج ويردد كلام واحد وهو لا تلحين

الصبح امي كعدتني تحضرنه لبست عبايه سوده وجواها بنطرون لأن العبايه بس من الخصر مسدوده وشال مكياج ما خليت لأن ضرغام بليل تحلف بيه اذا مخليه مكياج يرجعني اغسل

نزلت جوه شايلة جنطتي وبابا واكف يبتسلمي

طلع محفضته وطلع خمسه وعشرينات ما اعرف شكد

شالهن وكال لأمي...

ابويه.....هاي 200الف خاف ما يكفن الفلوس

امي.... لا ما يحتاج 300هواي هو بس اخذلها بدله واصلا على اهل العريس بس هم اخذلها شي اني

ابويه.... ميخالف اخذيهن

امي....خليهن عود نضيفهن على فلوس الجهاز مالتها

ابويه.... بكيفجن

سمعنه صوت هورن ابويه كال...

جا ضرغام هذا هورن سيارته

طلعنه للباب سلمنه عليه وجانت ضحه صاعده بحوض الوره رحنا دنصعد بحوض الوره ضرغام اشر لامي بمعنى تكعد بالصدر

حجت امي...

امي...... نفس الشي يمه

ضرغام.... لا حجيه اشون نفس الشي تعالي هنا

راحت امي بالصدر واني صعدت بحوض الوره يم ضحى

ام ضرغام ما جايه خطيه مره جبيرة بالعمر يتعبها السوك

الطريق كله ضرغام كل شوية يباوعلي

وصلنه السوك حجه ضرغام

ضرغام....... من تكملون مسواك خابروني اجي اخذكم

رديت اني...

هيلين... انزل ويانه

ضرغام... اضوج من السوك وهسا للمغرب ما تخلصن

هيلين... ميخالف انزل ويانه

ضرغام.... شينزلني

هيلين.... اريد اشتري على ذوقك

ضرغام....... عود من تنزلين تجهزين كلام اجي وياج واختارلج هسا هي بدلة

هيلين.... تمام وعد

باوعلي بالمرايا وكال...

ضرغام... ايمت انطيتج كلمه وما وفيت

هيلين.... ابستمتله وكتله تمام لعد

نزلنه للسوك اشتريتلي ملابس علمود عقد المحكمه رغم عندي بس كلهن شايفني بيهن ضرغام

واشتريت فستان ابيض مرتب للعقد

وضحى اشترت عبايه وفستان لسجى رغم سجى ما جايبتها بس تكول اعرف قياساتها

خابرنه ضرغام علمود يجي ياخذنه اجه جان ضايج لدرجه حتى بالمرايا ما باوعلي وعيونه تجدح نار مبينه بيهن العصبيه رغم حجيه ويه امي كلش محترم وحلو بس اني ضحى ما حجينه وياه لحد ما وصلنه ههههه نخاف منه حتى نبرته تبين عصبيه

رغم مبين عليه يحاول يصير هادء وما يبينلنه بس واضحه على ملامحه ونبرته

اجو البنات العصر شافو ملابسي كالو كلش حلوات

بليل ضرغام ما راسلني ضل بالي اخر ضهور الصبح كلت خل اراسله بلكي فاتح نت

راسلته كتبتله...........

هيلين... وينك ضل بالي عليك

ساد نت اتصلت عليه عالخط مغلق

حيل ضل بالي حتى ما اعرف اشون نمت

ثاني يوم الصبح شفته دازلي

ضرغام.... حبيبي جنت نايم

كتبتله.... نايم تخلي بالي عليك عالاقل كلي دنام وروح تعرف شصار بيه

ما شافها وراها اكثر من ساعه تلفوني اجاه اشعار كبل فتحت التلفون لكيت رسالة السكرتيرة...

بخصوص المراجعين

رديتلها

والضوجه تقره الف ليش يتأخر هيج بالرد

ما راسلني راحن البنات وما اجاني منه رسالة

بليل دزلي

ضرغام... جنت ملتهي صديقي يمي

رديتله..... ايي

ضرغام.... هيلين

هيلين... ها

ضرغام..... اريد احجي وياج بموضوع

حسيت كلبي نغزني كتله..

هيلين... اي احجي

لهنا وينتهي البارت اعرف مو كلش طويل وراح احاول اكتبلكم بعد لأن هالاسبوع استراحه مراح ادرس احاول اكتبلكم وما اقصر وياكم

تصويتكم كرزاتي احبكم نفر نفر

رواية الاصداف..

بقلمي الكاتبة...bmbsh_beme

الانستا تبعي انزللكم بي تغشوشات...wraa444

بقلمي الكاتبة..... bmbsh_beme

ما أقوى الحب حقاً، وكيف يستطيع أن يحيا في بلد لا تغادره رائحة الموت.

هيلين.... اي كول

ضرغام....اريدج منج وعد

هيلين.... على شنو

ضرغام... متعوفيني بيوم

صفنت على كلامه  خفت عبالي اكو شي من كال موضوع وليش هيج ديحجي  شكو رديتله...

هيلين.... لا مستحيل اعوفك بس ليش هيج دتحجي

ضرغام.... ماكو شي هيج

هيلين... ضرغام

ضرغام... عيونه

هيلين.... ضرغام انت صارلك كم يوم ضايج وكلما اكلك تتهرب كول شبيك

ضرغام.... هيلين

هيلين... عيونها

ضرغام.... اروحلج فدوه هالموضوع سدي

هيلين..... بس ليش

ضرغام..... اششش كافي لا تلحين

عفته على راحته بقينه نحجي تقريبا ساعتين سولفلي على سجى وكالي بنت اختي المتوفيه وحجالي كلشي يخص الماضي حتى صدمني من حجالي عن قصة ضحى كلش غريبة ممعقولة بنيه هيج تسوي بدون سبب الا ما يكون اكو سبب

اول مره يحجيلي عن ماضيه

مر الاسبوع وباجر العقد النهار كله مخبوصين بالتحضيرات لأن بابا كال يجي يعقد شيخ وترحون للمحكمه تعقدون

شي بيه يريد العقد وشي بيه ميريده خايفه يتكرر وياي الماضي وارجع افهم روحي انو ضرغام يختلف عن هيثم واهل ضرغام يختلفون عن هيثم

خايفه اي خايفه من كلشي خايفه حتى من الاشخاص اللي محاوطيني خايفه وخوفي بدون داعي بدون تفسير على شنو خايفه ما اعرف

بليل بيت عمي عدنه تعللو دا يروحون واني والبنات اتفقنه يباتن عدنه ......

ايه ...بابا اني اريد اضل ابات

عمي.... وين تباتين بابا هسا راح تنامين نفس الشي هنا وبالبيت

هيلين... لا عمو دنتعلل سويه

عمي... خلي تبات

التفتت على براء وسارة واشرتلهن بحواجبي براء كالت لانسام...

براء.... انسام اني هم فدوه اريد  ابات يم البنات

انسام....ابقي

سارة باوعت لحسام حسام اشرلها بحواجبه بمعنى لا

امي.... خليها حالها حال البنات

حسام.... لا حجيه ما اكدر بلياها الغرفه فارغه

ضحكنه على كلامه بس سارة ضاجت

سارة.... بس هاليوم خليني ابات حالي حالهن

حسام.... لا

سارة كلش ضاجت اخذها ما خلاها تبات حتى فرحتنه خربت طبينه للمطبخ كالت ايه...

ايه....خرب ونستنه حسام افندي

براء..... خطيه رادت تبقى

جاي نحجي وما حسينه غير سارة كمزت على ايه من وره الباب

ايه...... يمه اسم الله خوفتيني

سارة... ههههه

براء... شجابج

سارة.... كمت. ابجي يم الباب وخلاني ارجع

ايه.... همزين يولي والله ضجنه

سارة...هههههه هلكد اني غالية

براء..... وين اكو بغلاتج لا تحمين يولي

ضحكنه كلنه

طلعنه لغرفتي نتعلل وسوالف وضحك باوعت احاني اتصال من ضرغام كالت سارة....

سارة.... روحي احجي وياه هسا اشتاكلج

ايه.... يبوو هيلين شوية وكليله دروح يم البنات

براء.... يولن باجر عقدها عروس حتصير عوفيها تحجي وياه روحي حبيبي معليج بيهن احنا لبين ما نكمل ايدين ايه انتي تجين

هيلين.... هههه على حسبتجن للصبح

براء.... هههههه ايدين ايه جنهن ايدين حسام

ايه.... تقشمرن بعد

ضحكنه طلعت جاوبت ضرغام...

هيلين بهمس... الووو

ضرغام.....هلا بكلبي وغراضه

هيلين... ههههه

ضرغام... شو تحجين وتضحكين بهمس

هيلين... البنات بغرفتي وجاي امشي دا اطلع للحديقه

ضرغام.... لا تهمسين بحجيج اطلعي بره ونحجي

هيلين بهمس... ليش

ضرغام... استغفر الله توني صليت وانتي تحجين بهمس ودلع

طلعت للحوش وحجيت واني امشي

هيلين.... تصلي

ضرغام..... ليش شكالولج عليه

هيلين...... لا بس عبالي متصلي

كعدت بالمرجوحه وحجيت

هيلين.... طلعت تصلي

ضرغام..... بعد كلبي اصلي وكل جمعه صلاتي بالجامع

هيلين.... يفدوه

ضرغام.... وانتي تصلين

هيلين... اي الحمدلله

ضرغام....اي عفيه

هيلين.... الله يعافيك

حجه ببحه.......

ضرغام....باجر تصيرين مرتيي

خجلت منه بقيت ساكته

ضرغام... شو سكتي

هيلين بخجل والكلمه كوه تطلع.... مو انت تخجلني

ضرغام.... اروح فدوه لليخجل

هيلين..... تحبني

ضرغام.....شعندي غيرج اي احبجج

هيلين بدلع... بس اني ما احبك

ضرغام.... ههههه دكولي والله

هيلين.... لا ما تكول

صوته يضحك كال....

ضرغام... كلمة تحبيني قليلة غير العاشقه المتيمه

بقينه. نحجي ونسولف لحد ما راح نام واني رحت يم البنات وشيرة وهوسه للصبح بقينه كاعدات توضينه وصلينه وما اجانه نوم

نزلنه تريكنه وبدينه نرتب بالبيت

لل9 الصبح كعدو اهلي سوينالهم ريوك

وطلعنا لفوك براء راحت تسبح بغرفة سهام وايه وسارة كعدو طبيت سبحت طلعت طبت سارة واية مخلتني اسشور شعري هي سشورتلي اياه

خوش دلال

شوية واجت براء وايه راحت سبحت رجعن بدينه نخلي مكياج وما خلصنه لل11 مبقه وكت ابويه كال الشيخ يصلون الضهر بالجامع ويجون

براء خلتلي مكياج كلش خفيف وراحت تمكيج سارة وايه سوتلي شعري

كملنه مكياج واني مكيجت براء وايه هي تمكيجت لأن كالت اريد اخلي مكياج طوخ

كملنه مكياج  كالت ساره...

ساره.... حيللل بنات الساعه 12وربع

بدينه نتراكض  لبسنه وترتبنه وعطر ونواعم اكسسوارات

اجت امي كالت...

امي.... لهسا ما خلصتن

هيلين.... مبقه شي كملنه

امي... يلا انزلو لأن اجو كرايب ضرغام النسوان والزلم هسا طلعو من الجامع الساعه 1الا ربع يلا

نزلنه جوه باوعت كاعدات بالهول ضحى اول مشافتنه ابتسمتلي

سلمت عليهن  ام ضرغام ردت السلام بعدم رضى حتى البنات انتبهو براء اشرتلي بمعنى ميخالف اهدي وكعدنه يمهن وبراء مخبوصه بيه كل شوية تعدل شعري ام ضرغام كالت لأمي...

ام ضرغام.... بنتج قبل لا انفصلت ما صار عدها ضنه

امي ضاجت من سؤالها وجاوبتها ب

امي... لا

ام ضرغام... ليش تطلكت...

امي.... قسمه ونصيب ما زينين وياها

ام ضرغام....شكد ردت اخذله بنت عمه هم عزبه وهو اعزب بس هو راد هيلين

من سمعتها كالت هيج انغثيت مغثه اول مره شخص يجيب طاري انفصالي حسيتها دتكلي ما اريدج اريد بنت عمه

ضحى. غيرت الموضوع وكالت....

ضحى.... منعرف ايمت يجون الزلم

دتحجي واجو الزلم وصارت هوسه بالاستقبال

شوية وانسام طب للهول سلم وكال....

انسام.....يلا هلونه دا تعقدون

لبست الكبع مال العرايس اجرتو ايجار

لبستو غطاني تغطي

حيلي يرجف وعيوني غوركت تذكرت بيوم اللي عقدولي على هيثم لزمت فستاني بقوه وطبيت وره انسام

مشيت وراه وصلنه يم ضرغام كعدت يمه ولازمه الفستان بكل قوتي احس راح ابجي سألني الشيخ اذا موافقه لو لا وحسيت الرجفه صارت بأيدي وبشفايفي قويت لزمتني على فستاني لدرجه  حسيت اضافري حتتكسر

حسيت بدفو على ايدي باوعت ضرغام لزم ايدي اني سيبت الفستان شبك ايده بأيدي وكال...

ضرغام.... اهدئي

اخذت نفس عميق ولازمه ايد ضرغام حسيت بالأمان من. لزم ايدي

رجع سألني الشيخ وجاوبته بنعم. وضرغام كذلك

طلعت من يمهم رجعت للهول

اول ما طبيت الهول بس شلت الشال من وجهي بجيت

امي يمي تقره ايات والبنات متوترات يسكتون بيه وبراء تهفيلي

واني ابلع بريكي ودموعي تنزل

امي اجت تبجي الا شوية والبنات هم

اجت ضحى باوعتلي وكالت....

ضحى.... عمري شجايج ليش البجي

ابجي من كلام ام ضرغام احس صدك هو ليش اخذني وهو اعزب واني منفصله واني خليته يبتلي بيه والمفروض ما اوافق راح اضل اتعير بهالشي رغم اعرف افكاري غبيه بس ابجي

اجت امه واللي عرفته هاي الوياهم مرت عمه باركولي واني ابجي كالت امه...

ام ضرغام.... هاي دموع الفرح

كلت بكلبي يا فرح 

باركولي وراحو اجه بابا شافني باجيه كال...

ابويه.. شبيها ليش تبجي

براء..... متريد تعوفكم من هسا

اجه بابا صار قريب مني كال...

ابويه....يا بابا هذا عقد ما ياخذونج هسا

حضني ورجع كال...

ابويه... واذا اخذوج ما بعيدين ما بيناتنه بس الفرع

هزيت راسي بمعنى اي باس راسي والتفت على امي كال....

ابويه.... المحكمه لازم الصبح ف اجلناها على باجر وراح للاستقبال

واني طلعوني البنات فوك

اجت امي كالت...

امي.... حسام جا على ساره

باستني ساره وباركتلي  وراحت وايه راحت وياها براء كالت. لامي كولي لانسام خلي بليل يجي ياخذني

راحن رجعت ايه طبت للغرفه كالت...

ايه... براء انسام يكول خلي تجي

براء.... كليله تبقى لليل

ايه... كلتله وكال لا خل تجي

براء..... كليلي تكول ما اجي لليل

راحت ايه وبراء التفتت عليه كالتلي

براء.... اعرف ليش دتبجين

باوعتلها. وعيوني مليانه دموع

براء... اي عرفت غثج كلامها وانتي كبل انقهرتي هيلين هاي عود انتي التفتهمين تعرفين انتي ما ناقصج شي والانفصال ما الا اي دخل انتي انسانه قوية وعندج كرامه ورفضتي الذل واختاريتي الانفصال بالعكس انتي احسن من الف بنيه يولي الف واحد يتمناج اخويه من الناس من شافج من جيتي تسلمين على امي كاللها اريد اخطبها دشوفي شحلاتج اذا يصير عرس كلها تخطبج من امج واذا منفصله شي عادي انتي انسانه كامله مناقصج شي

انتي ضرغام يحبج ويريدج ليش تقهرين بنفسج ماكو شي يقهر

هيلين.... راح تضل تعيرني

براء.... ضرغام موجود واحد يكدر يندك بيج افا عليج متعرفينه شكد يحبج

هزيت راسي بمعنى اي كالت........

براء.... ضرغام عوض اللج انتي انضلمتي عد هيثم وضرغام عوضج امه مع الايام تعرف طيبة كلبج وتصير احسن من امج عليج هيلين لا تفكرين بالسلبيات

الماضي خلي على صفحه

جاي تحجي واتصل عليها انسام

جاوبت كالت...

براء.... هلا حياتي

براء... شبيك

براء.... اني شعليه

عافتني وطلعت يم الباب شويه واجت كتلها....

هيلين... شكو

براء... ضاج علمود ما رحت يكول مرتين ادز عليج ما تجين حتى فشلتيني كدام اهلي

هيلين... يبوو

براء....من اروح للبيت اراضي

هيلين... لا تزعلينو

براء... ليش منو الاهم انت لو هو

هيلين... هو اكيد هذا زوجج

براء... بس هو ممحتاجني انتي محتاجتني

هيلين... لا عمري لا تتكاونين وياه علمودي

براء... لا ما نتكاون من اروح للبيت اراضي اصلا يمكن رضى لأن كال وره العشه اجي نتعلل واخذج

هسا شوفي خل اكلج شي مهم

هيلين.... اي كولي

براء.... الماضي شنسويله

هيلين.... صفحه ونطويها

براء.... لا صفحه ونشكها ونذبها بالزباله تكرمون

شوفي هيلين محد يفيدج غير زوجج وضرغام يحبج ويريدج لا تخلين الماضي يأثر عليج ضرغام راح يعوضج عن كلشي وهيثم طلع من حياتج جان يجي بحجة سارة وسارة هسا هنا

واذا يجي بغير حجه ف اني متأكده مراح يرجع يأثر عليج اما عمتج

يا هلونه عمتج حاولي تكسبينها دحكي مرت عمج يلي هي هسا عمتي اول ما رحت عدهم حسيتها تغار لأن زوجت مدلل كلبها وشافت اهتمامه بيه وحبه بس اني شسويتي

هيلين... شسويتي

براء.... صرت اني اتحسبلها بكلشي يعني مرات ضرغام يشتريلي كرزات وبقلاوه وزنود الست علمود حملي يجيبهن بليل اني ثاني يوم الصبح اطلعهن واطعم عمتي ومن اكعد وياها اضل اكللها هنيال انسام على هيج ام واكللها خابصني بيج يضل يسولفلي عليج

اتجنب العصبيه لأن هاي تزيد المشاكل

حاولي تتناسين الماضي وتباعين لمستقبلج اللي انتي بيدج تخلينه احلا

ابتسمت لكلامها كلش ارتاحيت لسوالفها رجعت كالتلي

براء... هسا تبدلين وتسبحين وتنامين اني انزل يم سهام شوية

راحت براء واني سبحت ونمت كعدتني امي باوعت الساعه ب8حيلل شكد نمت راحت امي واني وكفت لفيت شعرس كباية ونزلت جوه جان انسام موجود بالهول كاعدين وبراء يمه يسولفون ويضحكون

اول ما شافتني براء غمزتلي واشرت بحاجبها على انسام يعني تراضينه ابتسمتلها

ابويه وعمتي وانسام باركولي وامي باركتلي

امي بالمطبخ كالت....

امي... هيلين حضري السفره يلا ماما

حضرت السفره والميه ورحت يمها باوعت مسوية دولمه

كعدنه تعشينه شكد حلوه اللميه

ولمينه العشه كعدنه تعللنه شوية كالت براء...

براء.... هيلين

هيلين... ها

براء..... السكرتيرة راحت تتحول لغير محافضه يلزمج سكرتيرة

امي... اخت ضرغام كالت بس تكملون عقد المحكمه نبدي نجهز للعروس بهذا، الشهر حتى شهر الجاي نزف

براء... شبسرعه

امي... غير هم هيج يريدون ف بنتي انتي لازم 3شهور توقفين عيادتج

هيلين.... هواي 3شهور

امي.... ام ضرغام كالت سنه توقف دوامها بس اني ما قبلت وكتلها 3شهور انتي هم علما تستقرين وبداية زواجكم حتكضوها عزايم كرايبه يعزمونكم

هزيت راسي بمعنى اي

بقينه تعللو عدنه وراحو بنو راحت وهي توصي بيه ما انقهر كلامها قنعني صح بس لهسا كلام ام ضرغام مراح من بالي

طلعت لغرفتي شبعانه نوم كاعده اباوع مسلسل وحتى النت مطفيته اباوع عالابتوب احاني اتصال عالخط باوعت ضرغام.........

جاوبته....

هيلين.... الووو

ضرغام.... فتحي الباب

كمزت لباب البلكون فتحته باوعت واكف بالبلكون اول مشافني كال....

ضرغام وهو يسد باب البلكون... وينج

هيلين... موجوده

ضرغام... ليش مفاتحه نت

هيلين... ما ليه واهسه

ضرغام وهو يلتفت عليه... واني هم ما اللج واهسي

رحت باتجاه باب غرفتي قفلته والتفتت على ضرغام كتله...

هيلين... انت تختلف

ضرغام... ميت تعب تعالي مسك ايدي جرني وياه

تمدد عالتخت واشرلي اتمدد يمه

هيلين... لا ما يحتاج راح اكعد يمك

ضرغام.... ضايج ليش تضوحيني

هيلين... حرام ما يصير

ضرغام... شكد مطفيه غير مرتي اليوم مسكنه عقد

هيلين.... بس اتمدد يمك

ضرغام..... ههههه ليش شكتلج اني

جريت الغطه وصرت يمه بس ما طخيته بقيت متمددت كباله هو متمدد على جهة اليمين ومخلي ايده جوه وجها ويباوعلي  واني متمدده كبالة على جهة اليسرى كال....

ضرغام....شبي حبيبي ضايج

اشرت بحواجبي بمعنى لا

اتدنى باس راسي ورجع تمدد كال...

ضرغام.... ما اكهربج تعالي

هيلين... لا حباب

ضرغام.... هههههه

ابتسمتله خله ايده على خدي وكال...

ضرغام.... ليش بجيتي اليوم احنه شمتفقين

من كال هيج غوركت عيوني

ضرغام..... اعرف امي غاثتج بكلامها حجتلي ضحى امي دتسوي هيج لأن ضايجه مني امي كلبها طيب تجين عدنه وتشوفين حنيتها

غمضت عيوني وفتحت بمعنى اي ودموعي نزلن

مد ايده مسح دموعي وكال...

ضرغام.... من رجعنا للبيت امي تلوب وكل شوية تكلي خابرها واحجي وياها لأن غاثتج

هيلين... عادي

ضرغام.... اروح فدوه لليفتهم تقرب يمي  خله ايده جوه راسي وحضني راسي على صدره غمضت عيوني وهو محاوضني بحضنه هو ضخم راسي على صدره وهو ايده اليمنه جوه راسي واليسره محاوطني بيها

عطره قوي مديت ايدي على شعره العب بشعره  وراسي على صدره ومغمضه  عيوني ما بيها دقايق وحسيت  نفسه صار ثكيل عرفته نام

غمضت عيوني بحضنه وما اعرف ايمت غفيت كعدت على صوت الأذان باوعتله نايم خفت امي تجي ابتعدت من حضنه كعدت يمه

وحجيت بهمس...

هيلين.... ضرغاممم ضرغاممم

ضرغام... هممم

هيلين... اكعد ديأذن فجر

فتح عيونه بنعس باوعلي وكال....

ضرغام.... الساعه شكد

هيلين... ديأذن صبح

ضرغام بنعس... اوووو ما تكعديني

هيلين... اني هم غفيت

تعدل يفرك كصته ويحجي...

ضرغام.... من وفات ابوية لهسه ما يوم نمت بهالسرعه

ابتسمتله جرني بحضنه وكال.....

ضرغام... راح استعجل عالعرس بقربج حتى نفسيتي ترتاح

هيلين... صدك

ضرغام.... اي والله من اليوم ورايح يوميه اجي انام هنت

وخرت من حضنه وحجيت...

هيلين....لا بالله البارحه جنت تعبان وخليتك تنام لا طابتلك

ضرغام..... ههههه صوتج

لهنا وينتهي البارت احبكم كرزاتي.........

........................................................................

.............................. part 53............................

........................................................................

رواية الاصداف.....

بقلمي الكاتبة..... bmbsh_beme

الحياة لا شيء سوى الحب، والحب لا يولد إلا من الصّفح والغفران ... اغفِر وانْسَ.

هيلين.... انسه نفسي انت روح صلي ونام واني هم. اتوضى واصلي وانام

ضرغام... تطرديني

هيلين.... لا ما اطردك بس خاف احد يجي

ضرغام....خل ابوسج واروح

هيلين... لا حباب بدون بوس

ضرغام.... هههه لا الا بوس بوس غير ما بايسج شكد صار

هيلين.... عود من نتزوج

ضرغام.... اخ كلبي راح تموتيني لعد البارحه لعبنه ختيلان غير مسكنه عقد

هيلين.... ميخالف يلا روح لا نمت بحضني وطمعت

ضرغام.... ههههه منو نام بحضن منو غير حضنج هالكده

هيلين..... ها هيج صارت

ضرغام... ما تكدرين تحضنيني انتي ناعمه

تعدلت على اركبي وحجيت بهمه واني اتقرب منه

هيلين.... لا اني هم اكدر احضنك وتقربت حضنته وايديه صدك ما تلمه لأن ضخم ابتسمت بفشله واطبطب بايديه على ضهره

ضحك وحضني وكال....

ضرغام....ههههه هاي عود هستوج متخليني ابوسج هسا بديتي تحضنين وخري عني امي ما تقبل

حجيت واني ابتعد عنه....

هيلين.... تنصب عليه موو بسيطه

جرني حضني وكال...

ضرغام.... وين تروحين شو باعيلي

باوعتله كال....

ضرغام.... هي مو بالحضنه هي بحب الشخص وحنيته ابتسمتله قرب وجها ديبوسني وخرت عنه وكتله...

هيلين.... هاي ابدال متصلي يلا روح شكد طماع

ضحك كرصني من خدي ونزل من التخت تلفوني بجيبه كتله...

هيلين... هسا انكسر واشرت على تلفوني

ضرغام.... لا ما ينكسر جنت نايم على جهة اليمنه ونسيته

ابتسمتله راح واني توضيت وصليت قريت ورقتين قرأن ومرجعت نمت شبعانه نوم

ب7تحضرت ونزلت لكيت بابا متحضر وكاعد بالمطبخ يم امي دتسوي ريوك عاونتها كملنه الريوك

كعدنه تريكنه سهومه نايمه

كملنه ريوك كاعدين ودك تلفون ابويه جاوب

ابويه.... هلا ابني

ابويه.... اي مكملين

ابويه.... تمام

ابويه... الله يسلمك يلا طالعين

سد الخط وكال...

ابويه... ضرغام يكول يلا بس هو جاي ويكول اخذكم بسيارتي ماكو داعي نطلع سيارتين

امي... اي يصدك احسن

طلعنه بالباب ضرغام بالباب واكف شافنه رحنه يمه اني وابويه تسالمنه وطلعنا بالسيارة هو وابويه بالصدر واني بحوض الوره

وصلنه المحكمه ومستمسكات وهوسه ابويه واسطاته هواي بالمحكمه ما تأخرنه  وضرغام يمشيني وراه حتى لا احد يباوع يبقى واكف كبالي

عقدنه بالمحكمه ورجعنه للبيت الطريق كله هو وابويه يسولفون ويتشاقون ويضحكون ولا كأنو جانت بيناتهم معاند وابويه جان ما يطيق ضرغام هسا عبالك صارله سنين يعرفه

وصلنه للبيت وره اسبوع كالو نبدي نجهز وضرغام خابرني كال. وره ما تكملين جهازج اخذج ونروح نشتري غرفه

باجر ننزل للسوك ضرغام ويانه لأن هو هيج وعدني

اجه اخذنه وصلنه للسوك ماسك ايدي ونمشي كل شوية يختارلي شي شفت فستان لابسته اللعبه ضيك حيل رحت يم الفستان وباوعتله كتله...

هيلين.... حلوو

رفع حواجبه وكال.... لا

هيلين.... اريده

ضرغام اجه يمي وهمس حتى لا يخجلني كدامهم....

ضرغام... ضيك ما تشترينه اختاري غير شي

هيلين... ما البسه كدام احد

ضرغام... لعد ليش تشتري

هيلين.... البسه بس كدامك

ابتسم وكال...

ضرغام..... لعد اخذي بس اخذي لون احمر

الفستان كلش ضيق وكله مخروط من الخصر ومشلح ما بي اردان

اشتريت لون احمر وبقالي شغلات لازم اشتريها وضرغام ويانه امي سفردحي تحجي كبل كالت...

امي.... بقه بدلات ناخذلها ودا..... 

طككت عيوني بمعنى عيب امي كالت...

امي.... يا يمه كدامن حاجيه غير رجلج

ضرغام.... معليج بيها حجيه شنو تردون هذا محل

اشر عالمحل طبينه واني الخجل والفشله الف وضحى تضحك عليه

مليان مكياج وبدلات واشكال

الفضيحه مو هنا يا لهويتيييي الفضيحه ضرغام يختار بالملابس والمره اللي بالمحل تنزل وتكله عالالوان وهو وامي يختارون واني اجيت ابجي

وضحى تضحك التفت ضرغام وكال...

ضرغام.... شتكولين هذاك الفوك حلو

باوعت بدله ماروني

هيلين.... ضرغام عيببب ما خليت شي ما اشرت عليه وما اشتريته

ضرغام...غير ادللج

هيلين.... مو هنا يا عيني خل امي تختار

ضرغام.... لا ذوقها يختلف عن ذوق جيلنه

هيلين... وانت شلك بالذوق

ضرغام.... جا غير من اجينه للسوك كلشي اني اختارلج يعني بقت على هاي وانتي كلتي اشتري على ذوقك

هيلين... انت ما تستحي

ضرغام... لا

ورجع كال....

ضرغام... هسا اختاريلج شي كلهن اني وامج اختاريناهن

كلت بكلبي شكد ما تستحي انوب ماخذ الموضوع ببساطه يعيبت العيبه

كملنه ملابس باوعتلي ضحى وكال...

ضحى.... هاي المكياج كله ماركات اختاري شتردين

باوعت ام المحل لضرغام وكالت...

ام المحل..... انت  اختار العروس معتزله

وتباوعله بمكر اني دمي فار كتلهم.....

هيلين... ما اريد من هنا

ضرغام... لعد

هيلين... ما اعرف اشوف

ضرغام.... يلا امشي

طلعنا وضرغام كال...

ضرغام.... ليش ما اشتريتي من يمها

هيلين... ما تشوف عيونها

ضرغام... شبيهن

هيلين... ينرادلهن فكس

ضحك وكال الكلمه وحجيها طويله....

ضرغام....تغاريننننن

هيلين.... لا

ضرغام..... ههههه. واني اكول شبيها

طبينه لغير محل اشتريت مكياج ورجعنا للبيت بس تكسرنه تكسر وانوب خطيه ضرغام ما كال تعبتيني وياي بكلشي رغم اني اتعب لمن اشتري بس تحملني

بليل من التعب حجينه شوية وراح نام

ثاني يوم ام ضرغام خابرت امي واتفقن نطلع نشوف صالون مرتب

العصر اجه ضرغام هو وامه تسالمنه وجها ثكيل مني وتضحك وتشاقي امي عود ليش بس اني بالطريق كالت امي...

امي.....نروح لفلان صالون سمعنه بي خوش صالون

ضرغام باوعلي بالمرايا وكال

ضرغام....هس بلا مكياج حلوه

ابتسمتله

كالت عمتي يلي هي ام ضرغام...

ام ضرغام....على كلامج ام هيلين نروح لفلان صالون 

وصلنه الصالون شفنه مكياجها وما عجبنه اخر شي رحنه للصالون اللي مكيجت براء وامي وعمتي كلش عجبهن واني هم عجبني مكياجهن  وعمتي كالت هذا هو نجي نحجز هنا

اخذنه استراحه نهاية الاسبوع العصر كعدت بلاعيمي قافله

اول ما ابويه سمع صوتي كال بلاعيمج كتله اي

كال امشي اخذج عالمضمد

ما ردت اروح كتله اخذ علاج من البيت

بس ابويه كال   امشي خل نروح طلعت لبست عباتي ونزلت طلعنا بالسيارة رحنه للمضمد اخذت علاج وابر

ورجعنا باوعت ميه ديطلع من جوه الباب عرفت جاي تشطف امي ف صفيت السيارة بالباب ونزلت التفتت لبيت ضرغام وانصدمت بشوفت ضرغام مع الرجال

اللي مره ضربني بالمركز نفسه اي نفسه اللي ضربني

باوعلي الرجال بخبث وما اعرف شنو حجه ويه ضرغام ضرغام تغيرت ملامحه

لهنا وينتهي البارت تصويتكم كرزاتي

رواية الاصداف

بقلمي الكاتبة.... bmbsh_beme

الانستا تبعي wraa444

انزل بي تغشوشات تكملة بارت 53

في عينيك عنواني-فاروق جويدة

قالت: حبيبي... سوف تنساني

وتنسى انني يوما

وهبتك نبض وجداني

وتعشق موجة اخرى

وتهجر دفء شطآني

وتجلس مثلما كنا

لتسمع بعض الحاني

ولا تعنيك احزاني

ويسقط كالمنى اسمي

وسوف يتوه عنواني

ترى.. ستقول يا عمري

بأنك كنت تهواني؟!

فقلت: هواك أيماني

ومغفرتي وعصياني

أتيتك والمنى عندي

بقايا بين احضاني

ربيع مات طائره

على انقاض بستان

رياح الحزن تعصرني

وتسخر بين وجداني

احبك واحة هدأت

عليها كل احزاني

احبك نسمة تروي

لصمت الناس... ألحاني

احبك نشوة تسري

وتشعل نار بركاني

احبك انت يا أملا

كضوء الصبح يلقاني

أمات الحب عشاقا

وحبك أنت أحياني

ولو خيرت في وطن

لقلت هواك أوطاني

ولو انساك يا عمري

حنايا القلب... تنساني

اذا ما ضعت في درب

ففي عينيك عنواني

حسيت كلبي رجف من خوفي طبيت للحوش وسمعت صوت صياح ويبين صوت ضرغام بابا طلع يركض

وامي طلعت تركض للحوش واكفات اني وياها واني الخوفه بكلبي ليش هيج حضي كلما اطلع بمصيبة اوكع بغيرها يعني ما ارتاح

هذا الضابط معرف شنو شجابه لهنا وشجابه يم ضرغام معناها هو نفسه اللي مره سمعت باسمه وكلت عادي هواي بهذا الأسم

زين ليش صارت عركه بس ما يكون بسببي واكفين  والخوف بوجوهنا شوية وطب ابويه...

امي... شكو ابو هيلين شنو هالصياح

ابويه... ضرغام تعارك ويه صاحبه

امي... اشون ويه صاحبه

ابويه... ما ادري طلع عمه والشباب يمه بس صاحبه خشمه احتمال مكسور

اسياد نفسه اي نفسه اللي بالمركز شافني مره وما وياي احد استقوى عليه واسترجل وضربني

طبيت للبيت اتصلت على ضرغام بس المشكله اشكد اتصل عليه ميجاوب يدك الا يفصل وما يجاوبني

ما صارلي نفس حتى اكل احس كلبي دينوكل من الداخل بسبب الصار

هسا اكيد كاله جانت شاردة اكيد شوه سمعتي كدامه

ليش تضاربو معقولة الموضوع ميخصني

نزلت للبيت بيت عني عدنه كعدت يمهن يسولفن واني بالي مو يمهن اني هذا حضي يضل هيج

اذا افرح ابجي وراها

بقو يمنه بليل راحو اكلت شوية ويا اهلي وطلعت لغرفتي وضرغام رجعت اتصلت عليه ب10 و10 مغلق

بقيت لل1بليل الوب وضرغام ماكو

تقريبا ب 2بليل اجتني رسالة...

ضرغام... كاعده

هيلين... وينك ضل بالي عليك

ضرغام... موجود هسا جاي فتحيلي الباب

قفلت باب غرفتي

وفتحت الباب ووكفت اباوع شوية وشفته صار بالفرع تقرب للبلكونه صعد الحايط وكمز للبلكونه  طب للغرفة طبيت وراه وسديت الباب

التفت عليه وأول مره اشوفه بهيج حاله عيونه لونهن احمر دم وتعبانات

باوعتله دنكت راسي ما اكدر احجي شي اخاف يطلع ما عرفان شي وحجه هو

ضرغام.... اني شنو كايل

بقيت مدنكه وكلت... شنووو

تقرب يمي حاوطني وانفاسه على جبيني خله حنجه على راسي وحاضني كال..

ضرغام..... ليش شردتي وليش محاجيتلي

حسيت كلبي حيوكف خايفه يعصب خايفه يضن غير شي ويعوفني حسيت حاضني لأن ديعوفني رديتله. والرجفه بشفايفي

هيلين.... ضربني ه هي هي

ضرغام رفع راسي  بأيدينه خليت وجهي على صدره خايفه اباوع لعيونه وهنا نار من العصبيه كال..

ضرغام... اي احجي وراسج مرفوع احجيلي لتخافين

هيلين....ض ضرغام

رجع لزم وجهي باثنين ايدينه ورفع وجهي اني غمضت كال..

ضرغام.... شو باعيلي

هيلين... م ما اكدر

حجه وصوته تعبان ومليان بحه

ضرغام... اليشوفج يكول الله يعلم شمسويه واني ثقتي بيج عميه واعرف انتي شنو على شنو خايفه بس اريد اسمع كلشي وافهم كلشي

فتحت عيوني باوعت لصدره ما اكدر اباوع لعيونه ليش وشنو السبب ما اعرف غوركت، عيوني واني احجي...

هيلين.... هيثم ضربني بوكتها حيل تأذيت ومجان عندي حل غير اطلع جانت الدنيا ليل طلعت رايده ارجع لمحافضتنه وبنيه كالت اني اوصلج بس كذبت عليه وودتني للمركز

حجيتهن وبجيت بصوت وكلت.... والله ممسويه شي ومجان عبالي حتوديني للمركز

سمعت صوت انفاسه هدء وزفر نفس ورجع هدئت انفاسه

فتحت عيوني ورفعت وباوعت عليه شفته مغمض والدمعه على خده

شفته هيج حسيت الدنيا صغرت بعيني

حجيت واني ابجي...

هيلين... لتبجيي فدوههه

وبجيت لدرجه حسيت راح، اغص

من انتبه حسيت عليه ديبجي دار وجهه عني مسح دموعه وحضن وجهي بايدينه وكال وعيونه نار

ضرغام..... ضربج كدام المنتسبين موو

هيلين... لا بالبيت

ضرغام... اسياد

هزيت راسي اي

ضرغام...... آلله ايد كل واحد يمد ايده على بنيه

دموعي تنزل مسح دموعي وحجه....

ضرغام... على شنو دتبجين

هيلين.... لأن اسياد طلع صديقك يعني شنو وجهك منه

ضرغام.....اخ كلبي لو بس اكدر ارجع الزمه كسرت خشمه وما برد كلبي

خليت راسي على صدره وحضنته كل  حجيت وصوتي رايح مبحوح من البجي والغصه اللي بكلبي ....

هيلين.....دخولك لحياتي جان اكبر سند رجعت قوية بسببك لتشوفني كبالك ضعيفه لأن ما اقاوم حبي اللك احبككك

بقه ساكت لأن تعبان حجيت...

هيلين... اسفه

ضرغام.... على شنو

هيلين.... اني تعبتك وياي كل فتره وسالفة من الماضي طالعه وانت المبتلي والتعبان كله مني

ابتعد عني دنك لزم وجهي ويباوعلي وعيونه حسيت شويه. هدئت كال بصوته المبحوح وعيونه اللي تباوعلي بتعب...

ضرغام...... هذا الدتحجي معرف منين جبتي اني احبج ومستعد لكل شي يكون وياج هيلين لتعتذرين

هيلين... واذا فد يوم غلطت بحقك

ضرغام... انتي ما تغلطين وغلطج تتعاقبين عقاب حلو مثل عيونج وتفظ اعتذار ماكو فهمتي

هزيت راسي بمعنى اي

باس راسي وكال تعالي جرني لحضنه وحضني

حاضني واني احس حتى تعبي راح من شفته اشون حاضني واتفهمني

ضرغام.... هالمره طلعتي بدون متكليلي سماح مرة اللخ اذا تردين تروحين لبيت عمج تكليلي حتى لو جنت ما موجود دزيلي رسالة اني راح اروح وروحي

هيلين بهمس... صبحت بلاعيني قافله ورحنه للمضمد اصلا ما ردت اروح بس ابويه ما قبل

ابتعد عني باوعلي وايدينه على خصري....

ضرغام... لازم اكلتي شي بارد

هيلين... لا بس سبحت وطلعت على برودة المكيف

ضرغام... واشون صرتي هسا

هيلين... معرف والله من كد ما بجيت صرت ما اميز

دنك باس ركبتي  حسيت لحيته تدغدغ ومعرف شعور غريب حسيت شعري جسمي كش هو ماكو شعر بس حسيت هيج ما اعرف شعور اول مره احسه وانفاسه لمن صارت بركبتي كال...

ضرغام... هاي بلاعيمج طابت

ضحكت بخفه وحجيت...

هيلين... حبيبي صاير بندول

ضرغام....   على كولة أحسان دعدوش  انتي مو مال انكليزي وعلى كولة ضرغام انتي مو مال غزل

ضحكنه اثنينه باوع لشفايفي وكال....

ضرغام... ها هم ما نضوك

ضحكت وكتله..... لا

ضرغام.... تعبان ما ليه خلك حتى اكول اي

رفعت نفسي على اطراف اصابعي وبست خده وهو حضن خصري قوي وخله وجهي على وجهي صارت شفايفه يم اذني همس ببحه...

ضرغام.... احبججج

غمضت عيوني ورديتله بهمس.... واني اموت بيك

رجع باوعلي شفت عيونه مغفله كال

ضرغام.... اني رايح لأن اذا بقيت راح اغفه حيلل تعبانن

يحجي وصوته مبحوح

هيلين... اني هم اريد انام تعبانه كلش

باس راسي وكال...

ضرغام... تعالي اقفلي باب البلكون وراي

هزيت راسي بمعنى اي

راح ضرغام واني قفلت باب البلكون ورجعت تمددت بفراشي حسيت براحه مو طبيعيه كلبي وتفكيري ومشاعري سكنو بهدوء تام

غمضت عيوني واخذني تفكيري للماضي اللي مريت بي مره جنت نايمه هيثم اجه ضايج ندهني

هيثم... هيليننن هيليننن

فتحت عيوني والنعس بيهن... هممم

هيثم.... كومي حضريلي ملابس الشغل

التفتت للساعه ب5ونص قبل شوية اني صليت ونمت ما اكدر افتح عيوني

كمت من فراشي بكسل طلعت ملابسه وهو طب للحمام ورجعت تمددت بفراشي

هستوني غفيت رجع ندهني

هيثم... هيلين هيليننن هيلين

هيلين... ها شنو

هيثم..... اشون البس الصخام بدون كوي ما تكوينهن ما تصدكين ترجعين تنامين

هيلين... هيثم كاويتهن اني كلما اغسل ملابسك اكويهن واعلكهن بالكنتور

هيثم..... متكسرات كومي اكويهن

عرفته ديريد يتخيبث وياي لأن بليل ضوجته وما كدر يحجي لأن مجان الا حق ف ضملي اياها يريدني احجي حنى يضربني

كمت من فراشي باوعتلهن عدلات كلشي مبيهن كويتهن وهو واكف يمشط

كملت كوي انطيته اياهن حان يكول...

هيثم.... لبين ما البس انزلي سويلي ريوك

هيلين... هيثم الساعه ب6 عفيه خليني انام ب7اكعد اسويلك ريوك

هيثم.... ما يضل وكت

هيلين... ب 7ونص الريوك كامل وانت دوامك ب8

هيثم.... من اكول كلام ما اعيده

استغفرت ربي ونزلت جوه سويتله ريوك وطلعته للغرفه لأن شيخ هيثم ما نزل

طلعت الريوك باوعت لكيته نايم عفته كلت ب7ونص اكعده خطيه نايم يجوز نعسان حتى ب7ونص ياكل وب8الا ربع يطلع لدوامه

غطيت الريوك حتى بس احمي الجاي باوعت لمكاني اريد تروح انام خفت اغفه وما اكعد هيثم وعود انضرب

بقيت لل7ونص جوه بالبيت انضف وارتب وصعدت حتى اكعد هيثم

طبيت للغرفه ثلج بس مانية واحد ينام

رحت يمه لزمت كتفه وندهته ختى يكعد

هيلين... هيثم هيثممم

هيثم فتح عيونه التفت عليه وكال....

هيثم... شكد الساعه

هيلين.. 7ونص

كلت هيج لو كفرت كام من فراشه ولزمني ضرب ووين اليوجعج موتني وهو يصيح راح عليه دوامي وراح عليه دوامي وانتي هم حاسبه نفسج مره وما خله ما غلط

صحيت من تفكيري واني اشوف نفسي بالحاضر والعوض اللي كل بنيه تتمناه موجود قريب مني مثل ضلي ميعوفني وتفهمه اليه حضي دوم اكول اني ما عندي حضي

لا بالعكس حضي حلو لأن صادفت شخص مثل ضرغام يمكن لو شخص غيره مجان سوه هيج ضرب صديثه اللي هو وياه عشرة عمر لأن عرف ضاربني مع انو يعرف زين موضوع قديم ومجان يربطنا شي بوقتها

غمضت عيوني وغفيت 

وره يومين اخذني ضرغام اشترينه غرفه لون ابيض واسود تجنن

اتفقنه نسوي خطوبة ووراها بيومين الحنه والعرس

مرت الأيام  وباجر الخطوبة مالتي

لهنا وتنتهي تكملة البارت تصويتكم كرزاتي احبكم

حنزل تغشوشات البارت الجاي على حسابي الانستا واحتمال انزلهم واتباد هم

حسابي الانستا wraa444

.....

بقلمي الكاتبة...

bmbsh_beme

إنّي رحلتُ إلى عينيكِ أطلبها إمّا المماتُ وإمّا العودُ منتصراً كلُّ القصائدِ من عينيكِ أقبسها ما كنتُ دونهما في الشعرِ مقتدراً صارت عيونُكِ ألحاناً لأغنيتي والقلبُ صار لألحانِ الهوى وتراً.

مرت الأيام  وباجر الخطوبة مالتي

جربت شعور الخطوبة قبل هالمره ف ممتشوقه لهالشي ابدا

كاعدات اني والبنات ديخلولي صبغ اضافر نفس لون البدلة تركوازي

وسارة اجاها اتصال

جاوبت وفتحت مايك كالت لأن دا اشتغل واحنا كاعدات وساره تسولف عالتلفون

سارة.. الوو

نور... وينج من الصبح

سارة... ملتهيه

نور... شعندج

سارة... خطوبة هيلين اليوم

نور.... ها صدك

سارة... اي شعبالج غير طايرين بيها

نور.... شنو لازم سمعت بهيثم رجع افنان وانخطبت

سارة.... شعليها منه

نور.... كليلها هيثم راح يرجع يعقد على افنان خل تموت

سارة... تسمعج لا تضلين تجفصين بحجيج

نور.... اي تسمعيني هيلين هيثم رجع افنان

رديتلها اني...

هيلين... يستاهل الخير

نور... والله تدرين اجت علينه ولبسها الكصير وهو تخبل لأن كدام اخوتي هيج لابسه وتكاونو وثاني يوم سمع رايحيلها خطابة وكال بنت عمي اني اخذها ورجع خطبها

هيلين.... احسن قرار والله

نور.... اي صح وهم احنه نحبها منكدر بلياها

سارة.... يلا روحي عندي شغل

نور.. تطرديني

سارة... باي عندي شغل

سدت الخط سارة وايه كالتلها

ايه.... اكلج شنو صدك هو برضاته خطب

سارة.... والله معرف بس قاسم نفس الكلام كال وقاسم ميجذب

ايه... وحبه وحبه كله جذب بجذب حيال شاف هيلين ما ترجعله رجع لافنان

التفتت سارة عليه وكالت..

سارة.... شوفي اني اخته وكبرت وياه اخويه واعرفه لو باقية عنده جان شفتي وعانيتي الأكثر احسن قرار اتخذتي انفصالج عنه

ابتسمتلها وحجيت....

هيلين.....سدو الموضوع بنات بعد ماكو شخص بحياتي اسمه هيثم تمام وهسا كملو صبغ اني اروح اشوف ضرغام وين صار

عفتهن وكمت من مكاني كعدت بالبلكون واتصلت عليه لأن ضل بالي يوميه هو يخابرني اليوم ماكو

اول ما رن جاوبني...

ضرغام... الوو

هيلين... وينك ضل بالي

ضرغام... بالبيت

هيلين بنتر .. متكول هاي يضل بالها

ضرغام.... اشش هيلين احبج واحترمج واحترم تحترم صوتج

هيلين بهمس... نصيت صوتي كول يلا ليش ما خابرت

ضرغام.... تردين تفرضين كلامج لو شنو

هيلين... اي افرض

ضرغام.... سدي حلكج شنو اليوم احد دازج عليه ترا طافره روحي ما ليه خلك نفسي

هيلين... هففف شبيك

ضرغام.... وين انتي

هيلين... بالبلكون

ضرغام... وشمطلعج للصخمان متكولين احد يطلع منا منا ويشوفج

هيلين... لابسه شالي

ضرغام... طبي جوه

هيلين... محتره ما اطب

ضرغام.... طبييي جوه لا. تخليني اجي ابتلي بيج

هيلين.... هففف باجر خطوبتنه وانت ضايج

ضرغام.... تالي اذا تضلين تنكدين دروح انطمر

هيلين... اني نكديه

ضرغام....استغفر الله هيليننننن

هيلين... عيونها

ضرغام... احجي هيج من الاول عيوني والله تعبان

هيلين... روح نام لعد

ضرغام... طبيتي جوه

هيلين... لا بعد

ضرغام... تكسرين كلامي

هيلين.... ها

ضرغام... ابقي بمكانج اذا ما اجي اذبج من البلكون يلا باي جايج

يحجي من كل عقله ومتعصب رديتله بضحكه

هيلين... ههههه شهالغيرة هياني طبيت

كمت من مكاني وطبيت

البنات ديسولفون اشرتلهم بمعنى ينصون صوتهم

حجيت بهمس ودلع حتى لا يسمعوني البنات..

هيلين... روح نام حبيبي مدام تعبان

ايه كالت بصوت عالي...

ايه.... موعي بعد يولي شهالمياعه

ضرغام.... ههههه هاي منو

هيلين... هاي ايه تكلي مايعه

ضرغام.... هههههه

ايه.... آلله يساعد كلبه عليج كالت هيج واجت تمشي وكالتلي فتحي مايك

فتحت مايك كالت...

ايه... اشونك خويه

ضرغام... الحمدلله وانتي

ايه... الحمدلله بس اكلك شغله

ضرغام... اي

ايه... شلون متحملها

ضرغام.... ههههه

هيلين... تضحك يعني اي

ضرغام... غير صدك شالعة كلبي

هيلين... ها هيج صارت

ايه.... يبوو راح يتعاركون من وراي

ضرغام... لا اشاقيها شعندي غيرها

ابتسمت وحجيت...

هيلين... واني شعندي غيرك

سديت المايك وكتله...

هيلين... حبيبي تصبح على خير

ضرغام.. وانتي من اهله باي

هيلين... باي

براء... لعد اني وسارة هم شعدنه غير زلمنه هيلين لا عايفين زلمنه ومتعللات يمج وانتي وخطيبج دك غزل

ضحكنه كلنه كالت سارة

سارة... بس اني مرتاحه من زلمتي

ايه عقدت حواجبها وكالت ليش..

سارة... يوميه خانكني اذا ما يحضني ما ينام

براء.... ههههه وانتي جنج كتكوت تنمردين

ضحكنه وكعدنه دك سوالف لل 2نمنا وب8امي كعدتنه

كتلهم مغفلة والخطوبة حتصير بليل امي كالت خلوها نايمه الساعه ب8ب10ونص كعدوها

ايه... لعد عمه احنه هم خلينه نايمات نكعد وياها ونرتب البيت خلال ساعه ونكمل

امي... لعد نامو يمه احسن ما تبثون نعسانين وتتعبون بالخطوبة

راحت امي وكملنه نومتنه

كعدتنه امي باوعنه حيل الساعه ب11ونص

بدو يشتغلون واني بالخطف اشتغل ميخلوني

كملنه شغل كالت ايه احنه نروح حتى العصر نروح للصالون  اني طلعت لغرفتي العصر شبحت وبدلت وخابرت البنات كالو جايين

وصلنه انسام

طبينه للصالون

كعدنه انتضرنه دورنه لحد ما اجه دورنه خلتلي مكياج تركوازي وحمره لون ماروني  وعدسات اخضر تجنن صار يجنن ويه التسريحه

لبسوني الفستان ايه وسارة

التفتت للمرايه مو هيلين شكل غير بس الفستان صدره فد نوب اشلاح

كعدت انتضر لأن بعد وكت وبقه مكياج البنات

كملت مكياح براء كعدت يمي وكالت...

براء... اخخ ضهري غير هلكت

باوعتلها وأشرت على وجهي...

هيلين... براء خوما خرب مكياجي

براء... مكياجج

هيلين... اي

براء.... هههه مو جنتي تكولين ميكب

هيلين... جنت

ضحكت وكالت... لا مكياجج يخبل

كملو البنات مكياج

براء لابسه ليموني ما اعرف شعجب اختارت هيج لون بس كلش حلو ومكياجها ليموني والحمره بنيه

ايه لابسه فستان احمر ومكياجها احمر

سارة لابسه اسود ومكياجها اسود وماروني وحمرتها ماروني

لبسنو البنات العبايات واني لبست شال العروسه الابيض

شوية وكالو اجه انسام

الطريق كله ينصف ببراء ويكللها مثل ما مره صورتينه اليوم اصورج انتي وبطنج صدك ليمونه

واحنه نضحك

وصلنه البيت طبب السيارة للحوش نزلت بس الفستان كلش ثكيل والرموش والعدسات متت شثكلهم

امي تلكتني هي وعمتي امي تصلي على محمد وعمتي يلي هي مرت عمي تهوس وتغني وتصفك

اول ما طبيت الأستقبال باوعت النسوان كاعده مليانه الاستقبال

شعور لا يوصف يمكن متصدكون انو احلا شعور بالدنيا النسوان كلها تباوع وايه وسارة وياي لازمات الفستان كعدت اباوع البنات كعدو يم الفستان

هاي التلزم الفستان وهاي التكول عروس

طبت امي شغلت الديجي وكالت لايه وخرو الجهال ودكو وركصو اليوم خطوبة بنيتي

وصارت الهوسات ممصدكه اليوم خطوبتي من ضرغام لا اراديا كمت ركصت وياهن

ضحى تصور بيه

ضرغام ما قبل احد يصور كال حتى اذا ردتي تصورين صورى بتلفون ضحى لأن أمون عليها اكدر اخذ تلفونها احول التصوير عالفلاش واحذفهن

بقينه نركص شوية والبنات كالو كافي هسا يخرب شكلج اكعدي كتلهم جوعانه كالو وره الخطوبة

كاعده وصار صوت ديجي اعلا من ديجي العدنه وصوت هوسات ضحى ركضت عليه لبستني شال العرائس

هيلين... شنو هذا

ضحى... ضرغام هو كال

هيلين... ترا ميصير البسه

ضحى... ضرغام كال تلبسيها اياه واريد وجها ميطلع

هيلين... اهووو

ضحى... شنسوي غير زلمتج اني شعليه

لبستني الشال غطاني حتى اختنكت وكلش ضجت يعني منو حيطب بس ضرغام على شنو البسه

حسيت كلبي حيطلع من صدري نفسي صار عالي واحس احتريت توترت سمعت صوتهم طبو للاستقبال

حسيت بضرغام صار يمي حتى جلدي كزبر خجلانهههه كأنو معرف شديصير

حسيته لزم ايدي لزمت ايده قوي من يلزم ايدي احس بالأمان

صوت شباب هواي بالاستقبال صفكو وغنو شوية وضرغام كال بصوت شوية عالي

ضرغام... شبابب

ردوله... ها عريسنه

ضرغام... ما كافي

رد واحد من الشباب كال.... هستونه بدينه نهوس

ضرغام... كافي

بس كال هيج ضرغام كلهم طلعو راحت الهوسه كال ضرغام...

ضرغام... ضحى تعالي شيلي هذا

معرف على شنو بس حسيت ضحى صارت يمي وشالت الشال من راسي ساعدتها حتى لا يخرب شعري

رفعت عيني وضرغام يمي ما باوعتله ولا باوعلي لأن ملتفتين للأمام وبنيه سافره هي تصور واني اغطي بصدري لأنمن شلحت الشال براء خلتلي شال صغير علمود يغطي الصدر من التصوير  وبنات يركصن ونسوان واكفات اكثرهن يمكن كرايب ضرغام لأن

اول ما اجيت مجانو موجودين

طببو الكيكه والترتيبات وامه كالت...

ام ضرغام... اول شي خل يلبسون الحلقات والذهب وبعدين الكيك

راحو جابو الحلقات والذهب وضرغام التفت صار كبالي

التفتت واني نفسي كلش عالي باوعتله

يباوعلي كأنو دينسخني بعقله يباوعلي هايم ولا كأنو اكو احد حسيت بس نحنا ماكو غيرنه بالاستقبال ابتسمت ودنكت راسي

تقرب كلش ولزم ركبتي لأن ميكدر يلزم وجهي يخرب مكياجي وباس راسي

جابو الحلقات والذهب انطونه الحلقات

انطيته ايدي لبسني الحلقه بس ما مركز متوتر يبين

لبسته الحلقه واخذ الكلاده لبسني اياها وبراء قفلتها لأن ضرغام ميعرف

اجه يلبسني المراود(تراكي_تراجي)

صار يم اذني لزم اذني ايده ترجف همس...

ضرغام... متكليلي اشون البسج واني حيلي انهد شنو هالجمال

خجلت براء قفلتلي اياها لأن ضرغام ميعرف ورحع يلبسني بأذني الثانيه همس...

ضرغام..... لو ادري هيج اشلاح فستانج اخذلج غيره

همست.... بس نسوان وانت رجال ماكو غيرك رجال هنا

ضرغام....وانه شمالني من شفتج رجفت

قفلتلي براء المراود

ضرغام.... رجال مشورب مو كادر اركز

ضحكت بخفه شفته باوع عليه والشال متغير مكانه رجعته غطيت صدري

احس جسمي كله انفخ ليش ما ادري

كصينه الكيك وطعمته من طعمني همست...

هيلين... جوعانه

كلت هيج لو تورطت

رجع طعمني و5 ملاعق(خواشيك) طعمني

ديطعمني انوب كتله...

هيلين... كافي اختنكت

ضحك

كتله بهمس....

هيلين... خل نركص شوية ويصورونه

رفع حواجبه يعني لا

همست.... عفيه حبيبي

ضرغام... من اكول لا يعني لا

هيلين بهمس... ليش

ضرغام... لا

برطمت ما اهتملي ميقبل من يكول لا يعني لا

شوية وراح واني والبنات كضيناها ركص موتت نفسي من كد ما ركصت

ضحى راحت يم ام ضرغام مدري شحجت وياها وجابتها يمنه ام ضرغام ابتسمتلي من ابتسمتلي كملت فرحتي

ورغم كبرها بالعمر كامت تركص وياي واحده من الكاعدات من كرايبها  كالتلها

.... حجيه مو زين عليج

عمتي يلي هي ام ضرغام...... تستاهل جنتي هاي راح تصير بنيتي

اباوع لكرايب ضرغام النسوان كبار وصغار كلهن ضاجن

ابتسمتلها ركصنه شوية وخطيه تعبت راحت كعدت وكرايبها اعتقد كاعدات يسولفن واني كعدت ارتاحيت لأن تعبت

ديروحون ضحى راحت لأم التصوير جانت كاعده كالتلها تعالي صوريورجعت للديجي طفت الصوت صار هدوء

اجت تصور  راحت ضحى لأمها وأمها اشرتلها على امي راحت لأمي وهي وأمي طلعن من الاستقبال شوية واجن شايلات معرف شنو مغلف

ودته لأمها واجت عمتي يمي كالت...

عمتي.... هاي هديه اللج

ضحى... هاي من أمي

أخذتها عيوني غوركت من الفرحه

اشرتلي يعني افتحيها وراحت شغلت الديجي

فتحت الهديه علبة لونها احمر فتحت العلبة

طخم ذهب قلاده ومراود شكلهم نازك يجنن  صح الهديه غالية بس ميهمني السعر يهمني الشخص اللي هداها اليه

تصرف لا أرادي كلت لعمتي

هيلين... يعمري تسلمين... صوتي بالكوه ينسمع

ورحت يمها حضنتها وهي هم فرحانه وياي حاضنتني

راحو اهل ضرغام والناس كلمن رجع لبيته كاعدات اني والبنات ناخذ صور كالت براء...

براء.... بنات شفتو حواسم

باوعتلها بصدمه....

هيلين.. وين تعرفينها

براء.... هي وكفت تسولف وياي وكالت اني حواسم ولكم حسيتها حتموت طكت هههههه كل شوية اباوعلها. تضحك بوجهي وهي ميته مدري شبيها اكلت هيلين بعيونها

كلت بكلبي حويسمم تستاهلين من وراها ردات تخرب علاقتنه اني وضرغام هي تريده وهو ميباوع بوجها

امي احت كالت ارتاحي وبدلي يا يمه خوما تبقين هيج تهلكين

طلعت اني وبراء لأن براء ما تكدر تشتغل والبنات بقو ينضفون ويه امي

ساعدتني بدلت ومسحت مكياجي طلعتلي ملابس وطلعت لبراء دشداشه كلت...

هيلين... اني اروح اسبح انتي هم حتى تغسلين تردين تسبحين هم بكيفج

براء...ديلا لا تطولين

طبيت سبحت وطلعت براء واكفه تمشط شعرها وماسحه مكياجها

هيلين... حرامات مسحتي مكياجج غير تخلينه انسام يشوفه

براء... يطير عقله من المكياج يكول احبج عالطبيعه

هيلين... يمه فدوه دومكم

شورت شعري وبراء طبت سبحت وطلعت ذبيت روحي عالتخت من التعب وهي سشورت شعرها وكالت...

براء.... تنزلين

هيلين.. اي دا ناكل متنه جوع

نزلنه جوه البنات وماما مكملين وجاي يشطفون

حضرنه من كيك الخطوبة وصبينه عصير وخليته بالهول ريحته تجنن امي من تشطف تخلي معطرات

خليت الأكل عالقنفات وكلت لبراء...

هيلين... بنو انتي اكلي اني اروح اصيح للبنات

براء... ديلا لا تطولين

طلعت للحوش سهام وسارة بالحديقه وامي ترش ميه وايه تنشف الحوش

جانن يحجن وسارة كالت...

سارة... اي كل مناسبه هيج

هيلين.. شنو

سهام.... الجهال ناتفين الورد مال الحديقه

هيلين... ابويه اذا شاف الورد منتوف الا يتخبل مداري اكثر ما مداري امي

سهام.... والله حرامات جمال الحديقه بالورد

سارة.... يلا مو زين ما كسرو شتل الورد كله

امي... اي والله

هيلين... يلا كافي عوفن من ايديجن خل نروح ناكل

ايه... دصبري ما بقه شي

امي... لا يمه روحي اكلي اني من يجي ابو هيلين اكل وياه

ايه... قبل لا نضفنه راسلت امي عمو عدنه تغده

امي كالت لعد هذا هو البره من يجي ابو هيلين نطلع نشطف اللي يم الباب

طبينه جوه خطيه براء فارشه الأرضيه وما ماكله

هيلين... شو مماكله

براء... عاللميه اطيب

كعدنه اكلنه بليل راحو البنات وخابرني ضرغام اول ما حجينه كال بعصبيه...

ضرغام... شعندي هيج مدلعه

هيلين... اني.

ضرغام... اي

هيلين... مو شفتني مخليه الشال

ضرغام.... من اني اجيت خليتي التصوير كله تركصين وصدرج دلع

هيلين... بس ماكو احد

ضرغام.... ماكو نسوان

هيلين.... امبلا

ضرغام... ماكو ولد صغار

هيلين... اكو بس صغار يعني اكبر واحد بيهم 11سنه

ضرغام.... انعل ابو لابو الجابو شمطببهم بنصكم

هيلين... صغيرر ضرغام ليش تضوجني

ضرغام.... لو عمري 5سنوات ما اقبل اني من حضن اضوج

هيلين... هههه مو لهلدرجه

ضرغام بنتر... مشكلتج انتي مالتي وحدي وما احب اشاركج ويه احد

هيلين...ضحكت بدلع

ضرغام... الله كريم اطلعهن منج وحده وحده هو بقه 3ايام وتصيرين يمي واني اعلمج

هيلين... تضربني

ضرغام.... ما اضربج اني مو كتلج اليغلط ما ينضرب يتعاقب

هيلين... ها عقاب انوب

ضرغام... سدي حلكج ترا طافره روحي بالعرس اذا طلع صدرج يا هيلين ما تلومين الا نفسج

ضحكت على سوالفه وغيرته

معرف اشون حضي صار هيج مجنت ابد متوقعه يكون هذا اللي حيصير

توقعت امه حتبقى ممتقبلتني وتوقعت هيثم يسويلي مشكله بس مصار شي من اللي خفت منه حضي كلش حلو 

درست طبعه درس متملك لدرجه مو طبيعيه عبالك اني بس لضرغام مو لغيره ولبسي مدقق عليه

مرات احسه صدك يخنكني من غيرته

اجه يوم الحنه وجانت حنتي كلش حلوه وامي ما خلت قصره ابد باجر زواجي واني الفرحه مسايعتني

لهنا وينتهي البارت كرزاتي الحلوين احبكم تصويتكم

شفتك ما خليت تصويت صوت ههههه

حساب الانستا حنزل بي تغشوشة البارت 55

هذا اليوزر wraa444

باجر العرس

العصر البنات استلموني تعرفون تحضيرات كل عروس باوعت تلفوني يتصل

ايه انطتني التلفون وكالت..

ايه.....قلبي يتصل

هيلين...اي هذا ضرغام

ايه...هلاو قلبي وحبشكلات صايرة رومانسيه

اخذت التلفون وجاوبت هنا صارن عالصامت لا يسمعنه عيب وما اكدر اتحرك دبكت هذا جهاز الشمع يضوج رغم هو والاوراق مالته كلش زين بس يتعب

هيلين...الووو

ضرغام...وينج ساعه ما تجاوبين

هيلين...شكو ضايج

ضرغام...مو سمطني الحر تبريد السيارة عطل الصبح وواكف يم المرطبات كلت اشتريلج

هيلين...ليش تعبت نفسك

ضرغام...انجبي شنو ليش تعبت نفسك اذا ما ادللج ادلل منو

هيلين...هههههه

ضرغام...شتردين يا عصير

هيلين....برتقال

ضرغام...ديلا هسا نص ساعه وادزلج اياه

هيلين...بيد منو

ضرغام...سجى الصبح كله تبجي تكول اريد اشوف العروس ادزه بيدها وخليها يمج بليل اجي اخذها

جاي يحجي وطبت امي اني كبل نزلت التلفون على اساس مجاي اخابر امي اجت يم ايديه وكالت.....

امي...يا يمه شجاجن مزركات ايدها

البنات ساكتين فشله ضرغام يسمع

سارة حجت بهمس...بس هاي لأن نسيناه

امي..يا يمه كتلج مو الا شمع بس انتي وجهج متين

اني احمريت من الفشله

امي.... سويتن ركبتها

اني مكدرت اسكت كبل رفعت التلفون وكلت...

هيلين.... اعذرني بس امي جانت هنا وتوها راحت

اباوع لأمي طككت عيونها وخلت ايدها على حلكها ورافعه حواجبها

ضرغام..... ههههه سويتي ركبتج

هيلين...احم احم تحمحمت كال...

ضرغام..... ههههه

هيلين... ضرغامممم

ضرغام... عيونه

هيلين... حروح اني بليل نحجي

ضرغام....معليج من امج احسن شي الشمع

غوركت عيوني اجيت ابجي كتله...

هيلين.... تصبح على خير

ضرغام... تنامين العصر

هيلين... اي

ضرغام... غير تكملين الشمع

هيلين..... اوففف شورطني شورطني

ضرغام... لا حبيبي ما بي ورطه الشمع زين

هيلين... امي تصيحلي

ضرغام.... روحي شوفي امج وخلي يديرن بالهن عليج من الشمع

هيلين.... تصبح على خير

ضرغام.... هههههه مع السلامه

سديته من يمه باوعت لامي عيوني مغوركه

امي... هسا شسويلج

هيلين... اني لو انتي

امي... عليش انتي ضميتي التلفون اليوم عرسج قابل دا اكلج ليش تخابرينه

ضحكن كلهن واني الفشله تقره الف

راحن من كملنه الشمع اني طبيت سبخت وطلعت جاي اسشور واندك باب غرفتي كلت.... فوتي ماما

انفتح الباب وطبت سجى شايلة عصاير

اجت عليه بستها انطتني عصير وهي بيدها عصير كالت...

سجى... ايمت تتمكيجين

هيلين... باجر سجاوى منو وصلج

سجى... بابا ضرغام

بقينه اني وياها نباوع كارتون بالابتوب وصبغت اضافرها ولبستها طوقات كتلها اخذيهن للمغرب وامي اجت كالت اهلها يردوها كتلها منو جا عليها ضرغام بالباب ينتضرها

راحت سجى

كاعده بليل راسلني ضرغام كال يم ربعي لا تنتضريني

ضجت ردت احجي وياه خليت تلفوني عالشحن ورحت تمددت تعبانه حيل بس لأن باجر العرس ما اكدر حتى انام

سمعت تلفوني يتصل كمزت رحت للتلفون شي اكيد ضرغام ديتصل

باوعت للتلفون رقم غريب

باوعتله عاقده حواجبي

ما جاوبت تقريبا اربع مرات دك الرقم. اخر شي كلت خل اجاوب وجاوبت

هيثم... الوو

هيلين... هيثم

هيثم... اي هيثم

هيلين... شتريد

هيثم... ما رايد شي حبيت اباركلج

هيلين... تسلم يلا باي

هيثم... شرأيج باجر يزفونج لواحد عباره عن جنازه

هيلين بخوف... هاي صدك تحجي

هيثم... ليش ايمت كلت شي وما سويته

هيلين... لا هيثم كلشي سوي وضرغام لا تقرب منه

هيثم... تحبينه

هيلين... اكثر من روحي اللي يأذي ضرغام يأذيني

هيثم... تخيلي عرسج يصير فاتحه وفستانج الأبيض يتلطخ بالدم

هيلين.. هيثم كافي اني تعبت منك ليش تبقى تأذيني

هيثم..... اذا صار عرس باجر يصير موت

هيلين... لا عفيه هيثم

هيلين... هيثم الوو هيثم

هيثم... خايفه

حجيت وشفايفي وايديه ترجف... ايي خايفه

هيثم... ارتاح من اشوف بكلبج خوف

هيلين.... انت مو تحبني لتأذي ضرغام اذيني أني

هيثم... اذا أذيتج مراح تتأذين مثل الاذيه اللي اشوفها بعيونج لمن تشوفين ضرغامج بحضنج مقطوع الأنفاس

هيلين... انت واحد مو عاقل الله ياخذك يا حقير

هيثم.... توسلي

هيلين.... شتريد مني بس لتأذي ضرغام الله يوفقك

هيثم..... ما اريد شي منج وحتى انتي ما اريد اشوف وجهج اريد اءءذيج

بجيت لحد ما تعبت واني اصيح عليه واكله لا فدوه بس لتأذي جاوبني بكل برودة دم

هيثم.... كتلج اذا يصير عرس يصير موت

هيلين بترجي... هيثم

هيلين... هيثم الوووو

باوعت الخط مسدود صفنت

اذا صار عرسي باجر ضرغام ينكتل واذا خربت العرس راح يكلولي ليش وميعوفوني بدون تبرير واذا كلت هيثم هيج كال راح يكتله ضرغام وينسجن

استوعبت اللي جاي يصير وصرخت وكمت ابجي وكعت للارض وأني ابجي

انفتح باب غرفتي وطبو امي وأبويه يركضون امي تقره أيات واني ابجي بصوت عالي وابويه حاضني

بعدني عن حضنه وكال... شبيججج بويه احجي شبيج

بجيت بصوت عالي وكمت اجر شعري ما احس على نفسي شجاي اسوي بس احس كلبي بي نار اجر بشعري وابجي ابويه مسك اكتافي وخضني كال شبيججج احجيي

حسيت الدنيا صارت ضلمه وما اعرف شصار بعدها فتحت امي يم راسي تمسح راسي وتقره أيات وسهام كاعده بالجهة الثانيه

تعدلت كعدت امي كالت...

امي... شبيج يمه

هيلين... كلشي

امي.... شصاير ضرغام حاجاج

هيلين.... لا اريد اخرب الخطوبه

سهام....شكو هلونه احجي مو فتيتي كلوبنه

هيلين... كلشي ماكو اني ما اريد عرس وخلص

امي.... احجي شكو

هيلين... ماكو شي بس اني غيرت رأيي ما اتزوج

امي... مو على كيفج باجر عرسج شتردين العالم تكول تردين ضرغام يكرهج

هيلين... اي خلي يكرهني

امي... وين تلفونج

اشرتلها عليه راحت جابت تلفوني

هيلين... شتسوين

امي... افتحي الرمز

فتحت الرمز كالت...

امي... شكاتبة على رقم ضرغام.

هيلين بغصه... قلبي بس عليش

امي.. دخابره انهي كلشي

من كالت هيج حتى كلبي وجعني اتصلت امي وكالت..

امي... الووو

امي... اي يمه اي

امي.. بيك المهلي

امي... والله معرف شكلك بس هيلين مدري شبيها جانت طبيعيه

هيلين... لا لا تكولين

امي.... اي والله ياريت

سدت الخط وكالت...

امي... نامي يمه هذا هو انحل كلشي

هيلين... اشون

امي... مو تردين تخربين الخطوبة هذا هو باجر نكللهم اخذت سهام وطلعت

واني التفتت انطيت ضهري لباب الغرفه واتمددت ودموعي تجري بقيت ابجي لحد ما حسيت خدي يحركني من الدمع وما سكتت ابجي وكاتمه صوتي

حسيت باب الغرفه انفتح امي من اتمرض لو بيه شي تطب تطمن عليه

انسد باب الغرفه وصوت الخطوات صارت قريبه لحد ما حسيت شخص صار فوك التخت

اجاني عطر ضرغام ممزوج بريخة جكاير عبالي اتخيل بس من حسيت بايده على كتفي كال

ضرغام... تعدلي اكعدي خل نحجي

هيلين... ضرغام.

تعدلت باوعتله كعد كبالي كال...

ضرغام... شكو شبيج شنو هاي السوالف التعبانه

هيلين... ماكو اي سالفة تعبانه مثل ما سمعت

ضرغام... لازم بكيفج هي مو احنه دنلعب

هيلين... ما اريدك

ضرغام....فتح ايدينه وكال... تعالي بحضني واحجيلي شبيج

هيلين.... كلشي

ضرغام... لا مو كلشي احجي احد محاجيج

هيلين... لا

ضرغام... احجيلي شنو واني اتفهمج

هيلين... كلشي

جرني على حضنه وكال...

ضرغام... هاي مال ما اريدك ومعرف شنو هاي مو حجه مدام ما عندج تبرير ما اخرب شي وباجر عرسنه راح اسويلج عرس كلها تحجي بي

بجيت وكتله... عوفني خل نخرب كلشي

لا رد

هيلين... عفيه خل نخرب كلشي اني احبك وما اريد احد يأذيك

بعدني عن حضنه وعقد حواجبه كال... شنووو

عرفت جفصت كتله...

هيلين... كلشي

ضرغام....امج حجتلي كلشي صياحج والبجي وهذا كلامج يعني احد مهددج

هزيت راسي ب لا ودموعي تنزل

ضرغام وكف على حيله طلع الجكاره ورثها اخذ نفس وكال....

ضرغام... احجي شصاير وديربالج تغبين شي ترا دارس التحقيق واعرف تصرفاتج مو طبيعيه احجي

حجيت واني مدنكه وابجي..

هيلين... حلمت بيك تكاوني وتضربني وبعد ما اريدك

ضرغام بصياح... تاليييييي لا تزهكيني هيليننننن احجيييي

ما رديتله كال بصياح وعصبيه

ضرغام...اذا صخمان مهددج بشي احجيييي

هيلينننن.... ه هيثم لا ما هددني

من كلت هيج عيونه صارت بكصته اني كلما اخاف اجفص

ضرغام.... بشنو يهددج الك........

هزيت راسي ب لا وكلت... لا

ضرغام.... ما هيثم مووو

بقيت ساكته كال بصياح...

ضرغام.....تلفونج وينه

انطيته تلفوني

كالي افتحي الرمز

فتحت الرمز

ما اعرف شنو باوع بالتلقون وكال...

ماكو غير اللي مخابرج هذا ما يعرف ويامن ديلعب ويريد يخرب العرس وما يعرف اشون

هيليننن.... ضرغام عفيه لا تندك بي هذا مخبل

ضرغام بصياح... شكالولج عليه جبانننننننن شوفي هيلين ديسوي هيج عباله يكدر يخرب العرس بس العرس يصير وشوف شنو مهددج اذا هو رجال خل يسوي شي راح اعوفه باجر اشوفه شيسوي ووره العرس اني اعرف شسويله واذا كالولي هيلين ما موافقه اروح للديوانيه اموته واخلص منه

طلع وركع الباب قوي

تمددت واني ارجف شسوي شسوي للصبح ما كدرت انام

طبت امي ب7كالت..

امي... ها يمه كاعده

هزيتلها راسي

امي... دكومي اسبحي يلا

كمت بتعب سبحت ونزلت ما ردت اتريك بس امي جبرتني اكل

ب10اجت مرت عمي جنت كاعده يم سهام سهام دتكوي شعري

كعدت مرت عمي شوية وكالت...

شبيج هيلين

هيلين... كلشي

يا يمه شنو كلشي من. اجيت انتي مو على بعضج

امي... شوية تعبانه

واني هزيتلها راسي بمعنى اي

الخوف بكلبي راعبني خايفه على ضرغام اذا صارله شي الا اموت

شوية واندك الباب اجت ضحى كالت ضرغام بالباب ينتضرنه يلا دوب نلحك

كمنه وامي ملتيه تنطي لمرت عمي الاغراض لأن مرت عمي تجي وياي للصالون

اني بالي يم ضرغام لأن يم الباب وخايفه لا صدك يسويها هيثم لأن مخبل كلشي يطلع منه

طلعت بالباب اتلفت بالفرع خوفي لا اشوف هيثم شايل سلاح وجاي يمشي باتجاهنه

صعدت بالسيارة وعيون ضرغام عليه كال لأمي...

ضرغام... اشون صارت

امي... لا زينه شوية احسن

ضحى... بس لا مريضه

عرفت ضرغام ما حاجيلهم شي

امي... اي شوية اخذت برد

ضحى... ما بيج غير العافيه

هيلين... الله يعافيج

ضرغام صف يم المطعم راح شوية واجه جايب علاليك صعد بالسيارة انطه لأمي العلاليك وكال..

ضرغام... هاي تغدو بيهن

امي... لليش مشتري يا يمه

ضرغام....شسويت حجيه اتغدو وهيلين جبتلها سبايسي خل تاكل دحكي على وجها مشحب

امي.... بالكوه خليتها تاكل عالريوك

سمعت ضرغام اخذ شهيق وزفير بصوت عالي وخرزني بعيونه وكال...

ضرغام... تتغدين زين

التفت على امي كال... اذا ما تغدت بس خابريني

امي... يا يمه بردت كلبي بس انت تكدرلها

بقيت ساكته ما حجيت وصلنه الصالون اول ما نزلو امي وضحى كلت لضرغام...

هيلين... خل تلفونك بايدك كلما اخابرك تجاوبني

هز راسه يعني اي

طبيت للصالون شوية وخابرته كال اني بالطريق بقيت احجي وياه لحد ما وصل البيت وكال...

ضرغام... اني راح اكب للبيت وهوسه ما اكدر اخابرج دا اسبح واتحضر

هيلين..... اذا ردت تطلع من البيت خابرني

ضرغام... لا ما اطلع بمكان الشباب موجودين اني اروح اسبح وابدي اتحضر

هيلين... تمام

من كال هيج شوية تطمنت مراح يطلع

مرات تجيني افكار اكول لا يروح هيثم يدز واحد ويخليه يطب لبيت ضرغام. ويكتله

والف حساب ببالي احسب من خوفي عليه

عرفت نفسي شكد احب ضرغام

اكلت بس بالكوه بالجبر امي كالتلي بس ما تاكلين اخابر ضرغام

اجه دوري خلتلي المكياج جان كله بنيات حتى الحمره بني بس صار كلش حلو

والتسريحه طلبت منها شي بسيط واجاني اتصال باوعت رقم ضرغام

جاوبت..

ضرغام... حبيبي

هيلين... ها عيوني

ضرغام..... سويتي شعرج

هيلين... لا بعد دتسوي شعر العروس واني وراها

ضرغام... الفستان من رحت جبته اخذت وياه حجاب

هيلين.. حجابب

ضرغام.... اي حجابب لبسي لا تطلعين ركبتج وشعرج

ما ردت اعاند ولا ردت احجي شي من اجه دوري انطيت الحجاب لأم الصالون وكتلها...

هيلين... لا تسويلي تسريحه سويلي الحجاب

سوتلي الحجاب شكله كلش حلو صار

كعدت ننتضر ضحى خابرت وكالت هسا. عمي يجي ياخذنه

تقريبا نص ساعه وعم ضحى خابر ضحى كاللها اني بالباب

لبسوني شال الفستان غطه وجهي

وطلعنه وصلنه للبيت اول ما طبيت بس كعدت شفت الاستقبال فارغه بس براء والبنات خابرت ضرغام دك الا فصل وما جاوبني

دكيت انوب هم ما جاوبني

عيوني غوركت والخوف سره بعروق جسمي وبدت رجفه ايديه

صفنت خايفه وصحاني من صفنتي صوت براء وهي تكول...

براء.... تلفون احترك جاوبي شبيج

باوعت ضرغام ديتصل كبل جاوبت اجاني صوته

ضرغام.. الوو

هيلين بخوف وغصه... وينكك

ضرغام... موجود بس جنت اسشور وما سمعته

ارتاحيت من كال هيج باوعت النسوان بدت تجي كتله...

هيلين... لعد روح كمل وأني بدت النسوان تجي ما اكدر ابقى اخابر

ضرغام..... روحي ولا يضل بالي ترا الشخص اللي هددج ميكدر يطب الفرع لتخافين هسا هو خايف على نفسه

هيلين... اشون

ضرغام.... هيثم ولو اكره حتى اسمه بس البارحه عرفت هو سبب باللي صار خابرته خليته يتوسل وهسا حتى مو بالديوانيه من خوفه

ابتسمت على كلامه وكلبي ارتاح رجع كال..

ضرغام... اليوم زواجنه لا تضلين معبسه وضايجه

هيلين... لا

ضرغام... ديلا باي حبيبي

هيلين... هلا عيوني

سديت الخط واخذت نفس براحه

بدو يجون النسوان الاستقبال امتلت نسوان

براء... شو لابسه حجاب

هيلين... ضرغام هيج يريد

براء.... اشتغلت الغيره

هيلين... هاي يسموها خنكه

براء... هههه من جنت اكلج تكليلي يغار عليج

هيلين.... يمه اروح فدوه لغيرته خلي يخنكني حبه يكفي ويوفي

براء.... بس لا تحمين هههههه

ضحكنه

بقينه كاعدات لحد ما سمعنه صوت الهوسات والاغاني لبسوني الشال وطبو للاستقبال كلبي دكاته الف متت خوف كأنو اعدامي مو زواجي من خوف على توتر على خجل

اجيت ابجي احس فرحه ما تنوصف وخجل حسيت احتريت

قطع تفكيري لمسة ضرغام وهو يلزم ايدي

هوسات وهلاهل طلعوني من البيت صعدوني بالسيارة بالصدر

اول ما صعد ضرغام وسد الباب كال...

ضرغام... شيلي الشال(الكبع)

شلت الشال لأن السيارة مضلله وضرغام صاحوله رجع نزل من السيارة صعدو بحوض الوره عمتي وضحى وسجى وولد صغير يمكن ضرغام

اجه صعد ضرغام باوعلي وكال...

ضرغام... اويلييي شنو هذا الجمال

ابتسمتله بخجل ضحى كالت... احم احم

ضرغام... لا احم احم ولا بطيخ

ضحى... شنو ما تستحي

ضرغام... مع الاسف الشديد لا

ضحكنه التفت عليه باوع لشفايفي وكال....

ضرغام... شنو شفايفج كبرانات

هيلين بخجل... لا ام الصالون كبرتهن بالحمره

ضرغام.... اهاااا

الطريق كله مشغل اغاني وهو وسجى يغنون وصلنه للقاعه طبينه الدخوليه تجنن شي كلش فخم

بقينه بالقاعه بليل وره العشه عمام ضرغام كلهم بدو يروحون بقو بس بيت عمو اللي ساكنين يمهم وبيتين اللخ ما اعرفهم

اجه للقاعه كدرت اركز بضرغام لأن قبلها جنت مكبعه مكدرت اشوفه زين

طب يمشي شالح الجاكيت وباقي بالقميص شايل الجاكيت بأيده اكتافه العريضه ولحيته اللي محدده وشواربه انيق كلش هو وجاي يمشي لبس الجاكيت

شخصيته وحركاته تشبه بطل مسلسل الطائر المبكر اسمه جان

باوعلي غمزلي واجه كعد يمي اني دنكت خجلانه

بقه كاعد يمي وكل شوية المصورة تاخذلنه صورة وملتهي كل شوية واحد يجي يمه ياخذ صورة

كالو كافي دا نمشي واني ضجت لأن ما ركصنه حجيت بهمس

هيلين... ضرغام

ضرغام... عيون ضرغام.

هيلين... راح ازعل منك يعني راح نروح وما ركصنه

ضرغام باوعلي واني ملتفته اخجل اباوعله...

ضرغام.... حبيبي والله اشوفها عيب شنو نركص

هيلين... لا مو عيب لتخليها بنفسي

ضرغام... من نرجع بالغرفه انضل نركص الا تكولين كافي

هيلين... اذا ما ركصنه هسا حتى بالغرفه ازاعلك وما اركص وياك

ضرغام.... لاااا الا هاي

هيلين... بكيفك بعد

ضرغام... هسا اشوفه اشون اصبري

راح شوية واشتغلت اغنية واجه ضرغام

صار كبالي وانطاني ايده كال...

ضرغام.. نركص بس. ما نصور

هيلين... اي عادي خل ضحى تصور بتلفونك.

ضحك فتح الكام انطه التلفون لضحى كاللها صوري

لزم ايدي ونزلنه بايتين(درجتين) جرني عليه وخله ايدينه اثنينهن وره ضهري واني خليت ايديه على صدره وبدينه نركص

شوية وتغيرت الأغنية طلعو اغنية اليسا.... عبالي حبيبي....

رفعت عيوني باوعت لضرغام ديباوعلي ابتسمتله

وهو يباوعلي بهيام كأنو يريد يحفظ ملامح وجهي وأني اباوعله بخجل عيونه تلمع ورموشه الكثيفه

خلصت الأغنية ووكفنه عن الركص كال ضرغام...

ضرغام.... كافي تعبنه

حواسم كمزت يمنه كالت... ها ما كافي ركص

ضرغام..... تعبان بس ما اريد عروستي تزعل وركصت

حواسم....ههههه دومكم

ابتسمنالها واني ابتسامتي مو من كل كلبي

رجعنه بالسيارات بالطريق بيت عم ضرغام راحو من غير طريق عمتي كالت وين راحو ضرغام كال رجعو للبيت

وصلنه البيت نزلنه ضرغام وياي دمرني الفستان

وبيت عم ضرغام طبو لبيتهم

طبينه للبيت عمتي وضحى بدن يهوسن ويصفكن واني لازم ايدي ضرغام غرفته هم بطابق الفوك بقو يغنون ويصفكون لحد ما طبينه الغرفه

راحو عمتي وضحى

لهنا وينتهي البارت تصويتكم كرزاتي

...... حسابي الأنستا wraa444

طبيت للغرفه بارده ثلج المكيف مشتغل حسيت ببرودة لأن بره حاره

باوعت للغرفه عيوني تتجول بيها شفت الخشاب بس مشفت باقي الترتيبات شكلها يجنن

الغرفة ابيض واسود

والمكيف والبرده ابيض

والتخت فرشته ابيض

ارضية الغرفة بيهت نفاخات بداخلهن اضويه

والميز اني وصيت ضحى متخلي عليه مكياج بس العطور يصير نازك بس الميز عليه المكياج

والغرفة سويت يعني الحمام داخل الغرفه

وعطر الغرفه كأنه عطري ويمكن عطري

جو الغرفة يجنن غمضت وفتحت بهدوء استنشق العطر اللي بالغرفة

نفسه عطري الخاص

يمكن بس اخلي راسي عالمخده انام

باوعت ضرغام ديشلح الجاكيت وكال...

ضرغام... حبيبي خل اساعدج تغيرين ملابسج حتى ناكل

هيلين... لا اني هسا اكدر اغير ملابسي انت اخذ راحتك

ضرغام.....العشه بالمطبخ اروح اجيبه وانتي كملي

ردته بس يطلع حتى ابدل لأن الاكل اشتره من المطعم اكل جاهز

فتحت الحجاب طبعا افضل شي العروس تلبس حجاب

بس شلحت الحجاب ورفعت شعري بالطوقة بأهمال لأن كاويته وريحته تجنن

خليت غسول المكياج ومسحت المكياج بحركه سريعه

ومديت ايدي اريد افتح الفستان ما وصلته ما اعرف اشون جاي افتح بالفستان. طب ضرغام كال..

ضرغام... وهاي جا الأكل هاي شنو ما بدلتي

هيلين.... مو لأن مسحت مكياجي وهاي ف هسا بقه الفستان

ضرغام باوعلي وكال.... بدون مكياج احلا ابتسمتله وحجيت...

هيلين... اني ابدل الفستان واني افنح علاليك الأكل

ضرغام.... لا اني دا ابدل

مشيت باتجاه الحمام كال..

ضرغام.... راح يتدمر فستانج جيبي هسا اني افتحلج اياه واجه يمشي بأتجاهي من كد ما توترت بس جريت القيطان انفتح الفستان

هو حاي يمشي باتجاهي كبل كتله.... لا فتحت القيطان ميحتاج شفته ابتسم

امشي بصفحه ضهري. طالع وصلت للكنتور فتحت الكنتور طلعت روب وواكفه مستحيه منه كال...

ضرغام.... ما تبدلين

بقيت ساكته

ضرغام... تستحين

هزيت راسي يعني اي

كال... بويه هاي اتداريت بدلي يلا

التفت على صفحه وشلح حتى يلبس تراك باعتله ضهره اشون شكله لأنصاحب عضلات بقيت اباوعله بفهاوه معرف اشون انتبهت على نفسي بدلت بسرعه ولبست روب طويل واسد بالروب كل شوية علمود رجليه ما يطلعن

كعدنه جاي افتح العلاليك

باوعت لضرغام يباوعلي مبتسم ابتسمتله ودنكت اكمل فتح العلاليك رفعت عيني شفته يباوع لرجليه

باوعت رجليه طالعات شكد خجلت كبل غطيتهن ضحك وكال...

ضرغام... شتغطين دا تغطين

هيلين بخجل... لا بس بارده

ضحك وجر العلاليك من ايدي كال وهو يفتح بالعلاليك.... اذا ابقى انتضرج نتريك بيهن مو نتعشه ضحكنه وتعشينه كملنه عشه كال...

ضرغام... على وضو

هيلين.... اي

ضرغام... شيلي الأكل حتى نصلي

هزيت راسي بمعنى اي

رحت للكنتور طلعت شال ولبست روب احمر فوك الابيض لأن لازم جسمي يتغطه

وكفت روه ضرغام صلينه

خلصت صلاة رحت يم الكنتور فتحت باب الكنتور وصرت وراه حتى ليشوفني شلحت شالي والروب الاحمر توني دا اخليهن بالكنتور حسيت بضرغام صار صار وراية وحضني

خله راسي يم راسي وسد باب الكنتور اخذ الروب مني والشال ذبهم بالأض ويشم بشعري

ولاف ايدينه على بطني لزمت ايدينه قشعر جلدي دارني صار كبالي باوعت لعيوني وكال...

ضرغام... احبججج

دنكت خجلانه باس راسي ورفع وجهي بأيده وايده الثانيه لازم خصري كال...

ضرغام.... منو جان يوميه ينكد عليه

هيلين... هزيت راسي بمعنى لا وكلت مو اني

ضرغام... منو كل مره يشلع كلبي

هيلين... مو اني

لزم أذني وكال...

ضرغام... لعد منو غيرج سحل كلبي اكلج هيلين لا تضوجيني تكولين ماااا مثل الطفلة

ضجت من صدك غوركت عيوني وبرطمت رفعت وجهي باوعتله

من شافني ضحك بصوت عالي وكال.... ولجج جبانه هههه

باوعتله مبرطمه باوع لشفايفي وكال....

ضرغام..... ها نضوك

دا احجي وقاطعني باسني

.

.

.

.

شكد ادب سززيه وين وين رجال ومرته احنه شعلينه

هاي هسا حينامون ناس تعبانه

نايمه حسيت ذبانه على عيني بعدتها ورجعت على عيني الثانيه بعدها رجعت على خدي بعدتها بأزعاج وفتحت عيوني

باوعت ضرغام كاعد لازم شعري ويخلي على وجهي واني كل ضني هاي ذبانه

مفتحه عيوني وبعد بيهن نعس ابتسمتله وحجيت..

نعسانه خليني انام شوية اللخ

ضرغام... صارلي ساعه من كعدت وكلبي مينطيني اكعدج

هيلين بتعب ونعس.... بس شوية

تمدد يمي حضني جر ايدي خلاها على شعري وكال...

ضرغام... العب بشعري حتى ارجع انام

بقيت العب بشعره وهو كاعد مسوي نفسه نايم لحد ما غفيت

كعدت شبعانه نوم على صوت تجويد باوعت ضرغام ديصلي

تعدلت من فراشي بقيت اباوعله اشون يصلي ويجود صوته مبحوح كلش حلو خلص صلاة باوعلي كتله...

هيلين... جان كعدتني نصلي سوية

اجه كعد يمي عالتخت ومنزل رجلينه للأرض كال..

ضرغام... ما صخيت اكعدج من نمتي بقيت كاعد التهي بالتلفون اخر شي اذن ضهر كمت سبحت وصليت

فتحت عيوني على وسعهن وحجيت...

هيلين.... ضهرر

ضرغام... الساعه وحده اني من خلصت صلاتي صايرة ب1

هيلين... يااا ضرغام شكد عيب بقينه نايمين

ضرغام...... لا ما عيب

هيلين... هسا العالم تجي تبارك تكول وين العرسان

ضرغام...... ليش منو اهم راحتنه لو العالم

ضحكت بسته من خده حضني وكال....

ضرغام.... كاتلني الجوع

هيلين برطمت وحجيت بدلع..... يروحيي جوعان

حجيت لو تورطت باسني حسيت روح اختنك

كمت سبحت وطلعت بدلت وهو هم بدل الاتراك بدشداشه بيضه طلع شكله غير اكتافه عريضه نجنن عليه الداشدشه لبست دشداشه لون حليبي كتله دناخذ صورة

وكفنه كبال المرايا نصور واني اسوي حركات وهو يضحك

كملنه صور حضني باس راسي تذكرت عطر الغرفه كتله...

هيلين.. ضرغومممم

ضرغام.... تسحلين كلبي من تكولين ضرغوم

ضحكت بدلع كال.... عيون ضرغوم

هيلين... عطر ال

بعدني ما مكمله كال...

ضرغام... اي عطرج اشتريت يمكن 3علب ووصيت ضحى ترش بالغرفه

هيلين... لازم متغار عليه

عقد حواجبه وكال...

ضرغام... شكو

هيلين... اشون ترش الغرفه عطر وكلمن يجي يشم العطر

ضرغام... ما اغار لا بس وصيت ضحى ما ترشها عطر الا قبل لا تطلع كتلها رشيها وافقليها

هيلين... اها يعني ما غرت لا احد يشم عطري

ضرغام... لا

ضحكت ضحكه خفيفه على سوالفه مسوي نفسه ميغار هو من يغار ويتعصب يكلي اغار عليج من حضن امج

مسك ايدي وطلعنه كل شوية يبوسني  باوعت الطابق الثاني مبي ولا نفر 

اول ما وصلنه الدرج باسني

هيلين بهمس....يااا لحد يشوفنه

ضرغام.....هههههه

سمعت الهوسه مال الجهال باوعت الهول كاعيدن بي عمتي وضحى وحواسم وامها

والجهال دتلعب عمتي من شافتنه ابتسمتلي خجلت لأن شي اكيد شافوه من باسني

جاي ننزل الدرج ضرغام كال..

ضرغام... ديربالج لا يوكع الطفل

باوعتله وكوه لازمه الضحكه كتله...

هيلين... يا طفل

ضرغام... ابني اللي ابطنج

هيلين.... ههههه شبسرعه

خزرني باوعتله بخوف رجع ضحك ضحكت وياه ونزلنه اخر بايه من الدرج

ضحى وام حواسم بدو يهلهلون واجه ابو حواسم وبدو يباركولنه

حواسم حضنتني حسيت راح اختنك حتى حضنتها بخباثه حويسممم

باركولنه كالت ام حواسم...

ام حواسم...... من الصباحيات ننتضر بالعرسان العرسان توهم طلعو

ضرغام... تعبانين حجيه

ضحكت وكالت...

ام حواسم... اي يمه الله يساعدكم خطيه لعد هيلين شتكول فستان وصالون وحنه هلكت

ضحى.... خويه نردون غدا ريوك ياهو منهن

ضرغام التفت عليه واشر بحواجبه يعني شتاكلين

هيلين... ريوك

ضرغام....هيلين جيبولها ريوك واني اريد شي دسم كاتلني الجوع الريوك ما يشبعني

حواسم..... ههههه دومك تحب الأكل تدلل هسا اني وضحى نحضرلكم الغده

راحو البنات ضرغام كعد واشرلي اروح يمه كتله...

هيلين... اعاون البنات

عمتي... لا يمه شتعاونين غير عروس ما تمدين ايدج بشي الا تطلعين السبعه

رحت كعدت يم ضرغام وضرغام يسولف ويه ابو حواسم وعمتي وام حواسم يسولفون

شوية وسكتو ضرغام وابو حواسم ضرغام اخذ جكاره ورثها واني اخذت تلفونه وكتله

هيلين... شكد الرمز

ضرغام...مواليدي

كتبت مواليده طلع غلط كال

ضرغام... حافضه مواليدي

هيلين... ايي وانت حافظ مواليدي

ضرغام.... انتي مو  صار عمرج 20

عقدت حواجبي وكتله.... عبالي تعرف مواليدي حتى عمري حاسبه غلط لأن متعرف مواليدي ضجت من كل عقلي ضجت

اخذ التلفون خلاه كبالي وسجل مواليدي فتح الرمز

تفاجأت رمز تلفونه مواليدي لو بيدي ابوسه من خده واعضه خجلت وفرحت

اول ما اخذت التلفون اجت ضحى كالت يلا تعالو صار الغده

رحنا لغير غرفة محضرات الريوك انواع الأكل قيمر واحبان والبان وبيض ولحم قواطي وجايبين الضرغام تمن ومرك وقلية لحم

ضحى... هذا هو حواسم اني اصب جاي للعرسان واجيب جاي واجي تقصد تصب جاي وتاخذ جاي للكاعدين بالهول

حواسم... يا عيني انتي هلكتي وابنج ما ينعاف اني اصبلهم جاي

ضحى... ديلا عفيه حواسم وهم اسبحه وابدله تبده عليه الميه هسا يصخن

حواسم... تدللين بنت عمي

راحت ضحى وحويسمممم كابلتنه

صبتلي جاي وراحت ودت الجاي ورجعت كعدت يمنه كالت....

حواسم...... تاكلين البيض

هيلين... اي ليش

حواسم... اني ما احبه ياي اشون تاكلينه تعرفين منين يطلع

ضحكت على تفكيرها

حواسم.... جديات جاي احجي

رجعت ضحكت اباوع لضرغام بالكوه لازم نفسه ديريد يضحك بس ميريد يخجلها واني ضحكت هي خجلت كالت...

حواسم... اتغدو اني اروح للهول

طلعت حواسم  ضرغام هز راسه وابتسم

تريكنه اني من اجوع اكل بدون ما انتبه لليمي لأن جوعانه وعند البطون تعمى العيون

جاي اكل ضرغام ياكل بسرعه طلع غسل ورجع كعد يمي حصني بأيده اليمين باسني وابتعد اني جاي اكل كال..

ضرغام.... لعد شكد جوعانه

باوعتله مكدرت احجي حلكي بس اكل ابتسمتله

ضحك اني خليت لكمة.اللخ بحكلي كال...

ضرغام.... احبجج

ابستمتله واشرت على كلبي وسويتله قلب

ضرغام..... هههه. ام بطن لا تغصين

كملت اللكمه وحجيت بهمس

هيلين... جوعانه

ضرغام.....اكلي حبيبي اريدج تسمنين

اكل واحجي وياه...

هيلين.... ليش تريدني اسمن

ضرغام.....علمود صحتج

هيلين... لا جسمي هيج. حلو وصحي

شبعت طلعت غسلت ورجعت لكيت ضرغام بالهول وحواسم طلعت من الغرفة شايلة الصينيه دتلم الأكل

كعدت يمه شوية وكال اني طالع

راح ضرغام كاعدات اني وضحى كالت...

ضحى... امج وعمتج اجو يباركولج ورجعو كالو العصر نجي نباركلها لأن انتي جنتي نايمه

هيلين... ها ايمت اجو

ضحى... ب10هيج

هيلين... اييي

مرت شهر على زواجي تعودت على ضرغام وأهله وروتينهم ضرغام كلش زين وياي بس لازم ما اللح عليه لأن يضوج من الملحه

عمتي وضحى كلش زينات وياي وطبعا البيت ما يخلى من حواسم اذا ما تجي العصر تجي بليل

بس مبتعده عني واني هم ابتعدت عنها اغار من نضراتها لضرغام ما اريدها  تباوعله ما احب نضراتها الا

جاي العصر اندك. الباب طلعت سجى طبت هي وحواسم

بقينه كاعدات نسولف اني وضحى وحواسم يم عمتي كاعده

ضرغام جان نايم اذن عصر

هيلين...كمت ضحى كالت

ضحى... وين رايحه مو كاعدات

هيلين... ضرغام كال كعديني العصر

ضحى.... اي والله اني هم اكوم اصلي

صعدت فوك ضرغام نايم

جريت الغطه واتمددت يمه اباوعله عيونه ملامحه هالرجال شكد احبه اباوعله والعب بلحيته وهو غاط بالنوم

حركت انفي على أنفه

هم ما كعد

همست... ضرغامممم

يووه ليش مدا يكعد

هيلين.... ضرغومممم

كمت العب بلحيته وهو نايم لأن جان كلش تعبان ف نايم نومه ثكيله

بسته من خده قوي لف ايدينه على خصري وتنفس براحه وديريد يكمل نومه حجيت اني

هيلين... مو كلت كعديني العصر اكعد ديأذن

ضرغام... خليني شوية واكعد

هيلين.... حجيت بمياعه ودلع... اكعوددد اشتاقيتلك

ضرغام... بلا كلاوات منو هسا مخلي بحضني

دا احجي اندك باب الغرفه كلت.. منوووو

حواسم.... انيي

دا اكوم افتح الباب ضرغام كال كليلها شتريدين من مكانج

هيلين... شتردين

حواسم... وين ضرغام

ضرغام همس... نايم نايم كليلها

هيلين... نايم

حواسم... فتحي الباب دطب اكعده عندي موضوع وياه

همست... شهالصلافه لخاطر محمد

هيلين.... بعدين عود

حواسم.... لا هسا

ضرغام.... تالي حواسم خلينه ننطمر

حواسم... اسفه اخذ راحتك

طلعت حواسم ضرغام استغفر وغمض كتله..

هيلين... لا تنام اكعد

ضرغام.... اششش بلا صوت

هيلين... اذا ما كعدت اعضك

ضرغام... عضي

تقربت حلكي على خده واضحك بخباثه ميدري راح. اخبث انوب هو اشونه ينكرط عضيته قوي صاح

ضرغام... خرببب

هيلين... انت كلت عضي

ضرغام... وشمدريني سنون لو شنو

ضحكت وكتله..

هيلين... تكعد لو ارجع اعضك

ضرغام.... شكد تلحكين شفتي حواسم بس حجيت وياها سمعت كلام

من كال هيج ضجت اني بلا شي يعرفني شكد اتحسس منها

كمت من يمه بدون ما احجي مشيت دا اطلع كال.

ضرغام... وين

هيلين.... دنزل جوه

ضرغام... تعالي

هيلين.... ما اجي

فتحت باب الغرفه كال..

سمعته ضحك وكال...

ضرغام... شكد تغارين هيج ما تتحملين شقه

هيلين.....اني اروح اصلي انت ضل نايم حتى ربك يغضب عليك

طلعت واسمعه كال تعالي هلونتي

ما رديت سويت نفسي ما سمعته نزلت جوه حواسم بالمطبخ وضحى بالهول تشرب ميه توها مخلصه صلاة

توضيت ورحت اخذت السجاده وكفت صليت سمعت صوت ضرغام كال لسجى.....وين الحجيه

ردتله سجى... راحت للاسواق

عرفته نزل خلصت صلاتي صفطت السجاده ورحت يم ضحى كعدت يمها

طب ضرغام وجها وايدينه مبللين متوضي ديصلي

ضحى... سجاوي انطي ضرغام المنشفه

اخذ المنشفه نشف وجها بده ينشف ايدينه باوعلي غمزلي اني عقدت حواجبي والتفتت على ضحى حجيت وياها

هيلين.... اخبار اطفالج مو على اساس اليوم يجيبوهم

ضحى..... ماخذينهم بيت عمهم وطالعين سفره على اربيل

هيلين... اهااا اي

ضرغام اخذ السجاده ووكف يصلي حجت ضحى بصوت يعني ميسمعه ضرغام

ضحى... صايرين ميردوني من يجون لهنا

هيلين... ليش

ضحى... لأن عايشين عد اجدادهم ممتعودين عليه

طبت حواسم للهول اخذت الريمون ودارتها عالمسلسل

رديت لضحى..

هيلين..... لتزعلين ضحى بس انتي سويتي هالشي بيدج ليش ما اخذتيهم

ضحى.... ضرغام شكد راد مني اخذهم بس اني مقبلت هيلين اني ما اكدر اتحمل مسؤليتهم امي ما تدوملي وضرغام خوما يضل مبتلي بيهم

هيلين..... ليش يبتلي بيهم وين اكو مثل ضرغام يحبهم ويريدهم وبعدين ضحاوه انتي بعدج شباب شعجب متتزوجين

ضحى... مستحيلل

هيلين.. شنو السبب

ضحى.... ما حبيت غير زلمتي ولا احب ابد ولا اكدر افتح كلبي لغيرة

هيلين.. لهالدرجه تحبينه

ضحى.. فوك متتصورين

هيلين... تزوجتو عن حب

ضحى بأبتسامه مخذوله... أيي

هيلين.... اريد شي يوم تحجيلي اشون حبيتو بعض

ضحى... ذكريات كلش صعبة وبنفس الوقت حلوه بليل نتعلل واحجيلج

تعجبت جنت ابالي زواجها مدبر مو حب

هيلين... شيصبرني لليل هههه

ضحكنه سويه ضرغام خلص صلاة. واجه كعد يمي كال

ضرغام... ضحكونه وياكم

ضحى... سوالف بنات

حضني من جهة اليمه وكال...

ضرغام... شنو هلونتي لهسه زعلانه

ضحى.... بس لا مزعلها

ضرغام....... هي تزعل من حالها

التفتت عليه حواسم دتباوعلنه

وخرت ايده اللي حاضني بيها وكتله....

هيلين... من حالي

ضحى... لا ضرغام كلشي الا هيلين

التفت لسجى كاللها بابا نفاضه

رجع حضني وكال.... لا لا هلونتي هاي ما ازعلها اصلا هي ما تزعل مني

انطته سجى النفاضه رجعت وخرت ايده من كتفي وحجيت...

هيلين... عوفني بعد ما اريد احجي وياك خلي هذيج الوحده هي تحجي وياك

ضحى... يمصخمين منو هذيج الوحده بس لا مصادق بنيه شي

ضرغام... افااا عليج اني ما عندي هيج سوالف

ضحكو طبت عمتي شايلة المسواك ركضت اخذته منها وهم تهزمت من ضرغام خلي حتى انوب ميجيبلي طاريها يعرفني اضوج منها

حاولت اثولها وما اجي يم ضرغام حتى لا اراضي بليل صار وقت العشه احنه وقت العشه كله البان واجبان ما ياكلون الشي الثكيل حتى ضرغام

سوينه العشه تعشينه سويه وشربنه جاي ضرغام وكف شال السويج والمحفضه خله تلفونه بجيبه وكال...

ضرغام.... اني رايح لأسياد اتعلل تحتاجون شي اجيبلكم

عمتي... سلامتك يمه ما نحتاج شي بس شوف مرتك خاف محتاجه شي..

باوعلي كتله... لا ما محتاجه شي سلامتك

باس ضرغام دا يطلع كالتله حواسم..

حواسم.... دقيقه ضرغام طالعه وياك اروح للبيت

هز راسه بمعنى اي كلت بكلبي تضلين لزمه حويسم

طلع ضرغام ووصل حواسم

عمتي كالت...

عمتي... اني رايحه انام يمه

ضحى... يمه ضرغام غفه كعدي اخذي وياج

اخذت عمتي ضرغام وسجى راحت وياها

بقينه كاعدات اني وضحى التفتت عليها وحجيت...

هيلين... اي احجيلي

ضحى.... اي اني من جنت

لهنا وينتهى البارت تصويتكم كرزاتي احبكم نفر نفر

حنزل التغشوشات انستا. يوزري الأنستا wraa444

بقلمي الكاتبة.. bmbsh_beme

........

ضحى... جنت صغيرة بعدني ما طبيت سن المراهقة

امي متكدر تدرسني وشغل البيت ف ضرغام ميثبل اعوف الشغل على امي لازم اعاونها مره راددته رزلني وراها وداني على بيت اهل صديقه اسياد

هيلين..... بلا ما اقطع حجيج الا بالخير بس ضرغام ايمته تراضه ويه اسياد شو صارله اسبوع كل كم يوم يمه واني اخاف اسأله بخصوص اسياد شي

ضحى... هو وياه ميتحاجون مره تكاونو وضرغام كتل ضرغام كسر خشمه ضل اسياد يتردد لضرغام علمود يتراضون وضرغام يطرده

هيلين... اي

ضحى...اي ضرغام فجأة صار يروح لأسياد شنو السبب ما ادري لهسه بس روحاته وراهن شي

هيلين... الله كريم كلشي بوقته حلو كملي ضحاوي

ضحى... المهم اخذني عليهم جانو ناس كلش منفتحين ف اني ما اهتميت طفله اكول اهم شي دراستي شسويلهم منفتحين

بديت ادرس عدهم

جنت اباوعلها بتركيز ضحى سكتت وصفنت باوعتلي وكالت...

ضحى... اذا احجيلج توعديني ما تحجين لأي بشر

هيلين... اي والله ما احجي

ضحى... احلفي بداعت ضرغام

هيلين... ليش متصدكيني اذا متثقين هيج ومتصدكين براحتج

ضحى... هيلين حياتي السابقة موضوعها حساس كلش يعني احتمال اذا ضرغوم عرف يسوي مشكله ويه اسياد وعود ينسجن اسياد واسطاته هواي

هيلين... اسياد شنو خصه

ضحى....يجيج الحجي

هيلين... بداعت ضرغام ما احجي لأي بشر احجي

ضحى... تمام هيلين اسياد جنت اروح وارجع قليل اشوفه كل مره من ارجع اشوف ابن جيرانه بالباب ابن جيرانه جان شباب واني بعدني صغيره يتسالمون هو وضرغام ونطب للبيت

مرت الأيام واني كبرت ملامحي الأنثويه برزت طبيت بسن المراهقة واني ادرس عدهم اخت اسياد كلش حبابه واني جنت شاطره وواجباتي اكتبها فجانت تحبني مرات تشرح موضوع ف اني كبل افهمه تكول منو افتهم ف تشوفيني بس اني ارفع ايدي تخليني اوكف اشرحلهم

الشاب اللي يم الباب هو نفسه زوجي المرحوم من طبيت سن المراهقة صارت بيناتنه نضرات وصار عندي مشاعر تجاها بس لا هو اعترف ولا اني حب بالنضرات

بالأمتحانات جاي تشرحلنه صاحتني كالتلي تعالي وكالت للطلاب اخذو استراحه

اني رحت وياها طببتني للمطبخ وكفت وهي راحت للثلاجه طلعت صحن كيك

كعدت عالميز وكالت اكعدي كعدت كبالها دفعت صحن الكيك كالت اكلي هذا من سويت الكيك حسبت حسابج

اني بالأول مقبلت بس هي اصرت عليه اكلت شوية لأن اني من النوع الأستحي وكتلها ماما علمتني اسوي كيك كلش طيب فكالت نهار ضوكينه كيكج

اني كلت لامي كالتلي عادي اخر يوم الامتحانات كعدت امي يمي وسويت كيك

اخذته ورحت من طبيت انطيتها الكيك بوكتها انطيتها قالب كامل

خلصت امتحانات وراها ضرغام ودالهم هديه لأن نجحت وما شفت اخت اسياد لحد ما بدت السنه الجديده رحت اول يوم جان معدها طلاب

كلش فرحة من شافتني كالت هالسنه محد سجل يمي بس انتي وكالتلي اهلي كلش حبو الكيك السويتي

بدت تدرسني

مرت الايام

مره كاعدات ندرس طب اسياد باوع لأخته ورجع باوعلي كال لأخته

اسياد... هاي هي نفسها ام الكيك

اخته... اي هي

باوعلي وكال...

اسياد... عاشت ايدج عالكيك

رديتله بخجل واني مدنكه... بالعافيه

مرت الايام واسياد بقه يتردد للغرفه لمن نحنا ندرس اخر فترة صار يطب يسولف ويه اخته يبقى يسولف وياها ونضراته تاكلني

اني من النوع اللي كلش خجولة

مر شهر وهو يبقى يتردد يجي يمنه اني صرت اضوج على شنو يجي واخته هم متمنعه كمت من يطب كبل ادنك للكتاب واذا سلم ارد عليه بطرف انفي

اني بالكوه قنعت ضرغام اسوي فيس بوك علمود مدرستي ف مره راجعه من الدوام لأن مرات ضرغام يتأخر بدوامه واحنه نطلع من وقت

ف راجعه وصلت الباب جان المرحوم يم الباب باوعلي وكال.... عندج واتساب

اني ارتبكت خفت احد يشوفنه وضرغام اذا شافني يموتني رديتله بخوف

ضحى... لا ما عندي وروح خاف احد يشوفنه

ردلي... فيس بوك

هزيت راسي بمعنى اي بدون ما اباوعله استحي فكال...

شسمج بالفيس

رديتله اسمي بالفيس وشكل الصورة وطبيت للبيت

ثاني يوم الصبح كعدت دازلي طلب

بقينه نحجي اني وياه فتره بس برسميات اذا يكول مشتاقلج ازعل منه لهالدرجه جنت استحي

كاعده تدرسني كالت

..... من رخصتج ضحى بس اروح اخلي غده لأمي لأن اليوم تأخر وقت غداها بسبب العلاج وانطيها علاجها واجي انتي حليلي ذنه الأسئلة لبين ما ارجع

ضحى... تمام اخذي راحتج

راحت هي واني دنكت احل الاسئلة لأن هي شرحتلي الموضوع بس بقة نحل الاسئلة وهي كل مره تخليني احلهم

حليت اول سؤال انفتح الباب كل ضني رجعت حجيت

ضحى... حليت اول سؤال

اجاني صوته الخشن اللي خوفني ووترني

اسياد...شنو حليتي شو جيبي اشوف الحل

رديتله بخوف...

ضحى... لا ميحتاج هسا تكمل شغلها وتجي تدرسني

تقرب بخطواته صار يمي انحنى صار كبالي باوعلي وحجه

اسياد... شبيج

ضحى... عفيه روح منا

اسياد... بس اريد احجي وياج بموضوع

ضحى... شتريد روح عفيه

مد ايده لزم حنجي اني خفت نترت ايده كمت ارجف كال..

اسياد.... شدعوه هالثكل هذا مو ناكلج

بجيت ورديتله...

ضحى... عفيه روح لا اصيح وافضحك

طلع اسياد من شافني بجيت وبقه شهر هو كل يوم يترددلي وارفض احجي وياه اعترفلي يحبني ورفضته واخته تساعده كل يوم تطلع حجتها شي شكل واني استحي احجي وياها

نفسيتي تعبت منه اني خوافه لا بيه ابطل وادمر مستقبلي مدرستي ما يدرسون زين وانجبر اخليها تدرسني

اهلي حسو بيه وكلما يحاجيني ضرغتم اكله مبيه شي صرت انقهر من اتعصب واتصرف وياها بنرفزه

مره راجعه من الدرس راسلني المرحوم جنت ضايج خلكي بسبب اسياد حجينه شوية وهو حس بيه كال اعرف بيج شي بوقتها اول مره اصعد وياه اتصال اول ما حجينه غصيت وبجيت وهو تخبل بقه يصغط عليه لحد ما جفصت وحجيتله

تخبل كال باجر اكتله بوقتها اني حجيت وردت ماكو قافل

ثاني يوم رحت للدرس اسياد مشفته ثالث يوم

راحت اخته بحجة علاج امها طب اسياد اول ما طب اني وكفت لحيلي خوفا منه حجه...

اسياد... تدزيلي عشيقج موو

رفعت عيني دحجي شفته عينه زركه وحاجبه مخيط

ضحى... عفيه روح حل عني الله يوفقك

اسياد... تردين احل عنج مووو تعالي

كال هيج لو اتخبلت ارجع ليوره وهو يتقدم عليه احد ما لزكت بالحايط جان يتقرب يلزم شعري صاك على اسنانه ويحجي

اسياد.... ولج اني اسياد اكبر راس اكسره

ما اعرف اشون طلعت مني دمي محروك رديتله

ضحى....ههههههه ما انزلك راس طول ما اني عايشه حيوان عوفني

من كتله هيج ضربني راشدي حسيت خدي صار نار كال...

اسياد... اني اللج

تقرب مني يبوس بيه وأني ادفع بي مسك ايديه بأيد وحده وايد الثانيه لازم بيها وجهي انفاسه الوصخه بوجهي واني احاول اخلص نفسي بس ما اكدر هو اقوى مني يبوس بوجهي واني ابجي حسيت راح اتقيء تجرأت لمساته صحت سد حلكي

ضربني راشدي وكعني بالأرض حسيت اضلمت الغرفه وكلبي راح

غمضت عيوني فتحت على راشديات باوعت هو يمي حسيت جسمي يضربه الهوى وجسمي متكسر وجع مو طبيعي

اول ما تعدلت باوعلي بخبث باوعت ملابسي يمه نزلت دموعي غطيت جسمي بأيديه وكف دفر ملابسي برجله وكال...

اسياد..... سوفي كسرت راسج وشرفج وعرض اخوج

وطلع كمت ابجي بهستيريه خسرت اغله ما عندي اصعب سعور ممكن يحسه الأنسان شي ثمين حافضت عليه كل هالسنين يجي انسان يدمره

كلبي مات قهر تفكيري مشوش كلبي يبجي روحي تأنبني كله بسبب دراستي كله بسببها

واجرجر بملابسي وألبس بيهن

معرف اسون ضحى الضعيفه قوت نفسها ووكفت لحيلها واتصنعت القوه طبت اخته للغرفه حجيت وياها شافتني بس معرفت اخوها اعتده عليها شافتني بس ابجي شكد حاولت تعتذر مني ما انطيتها اي رد اجه ضرغام اخذني واني متصنعه القوه ومغبيه عيوني حتى ليشوفهن ويشك بشي ضرغام اذا عرف يموته كبل عود اخويه ينسجن واحنه نديح

رجعت للبيت المرحوم بدى يسألني ورجع يضغط عليه حتى يعرف شصاير ما حجيت غير شي واحد وهو عوفني هو كتله هيج لو تخبل كال اذا ما حجيتي شصاير هسا اروح لبيت اسياد اكتله وانهي حياته وعود خل يعدموني اني تخبلت حجيت للمرحوم احسبي ابجي وأحجي كتله اعتدى عليه

وكتله اني بعد ما افيدك ومعرف شنو

وهو تخبل جاي احجي سد الخط بوجهي وراح

اني بجيت بجي بعمري كله. اوب مره هيج ابجي حتى الأحبه تخلى عني

مر 20يوم والمرحوم ماكو

اني صار عندي دوخه هنا انلاصت اذا طلعت حامل ضرغام يموتني ويموت اسياد ويدمر حياته بالسجون

تركت دراستي بهالفترة انصدمت من كالولي جيرانه جايين يخطبوج

جنت بأعماض البحر وذبولي حبل النجاة

ضرغام مقبل ينطيني بوقته هواي جرحته راد يتبره مني ووافقت لخاطر ما ارفض ويبين عليه حمل واني عند اهلي ما اريد بيوم انزل راس اخويه رغم اني ما ليه ذنب باللي صار بس متوقعت يتقبلني ويخطبني صح انقهرت لمن فجأة اختفى لأن كلت. العشرة البناتنه اشون هانت عليه بس لمن خطبني حتى خجلت

هيلين... من شنو خجلتي انتي ما اللج اي ذنب والمرحوم جان يعرفج مالج ذنب ويحبج لهالسبب خطبج

دنكت راسها وكالت....

ضحى... خجلت اباوع بعيونه بيوم زواجنه واني خسرانه شرفي المهم ما اطولها عليج خسرت شرفي وخسرت اخويه بسبب النذل اسياد

تزوجت المرحوم جنت بوقتها كلش خايفه على مقهورة على مكسورة على مخذوله على خجلانه على متوتره كلهن بيه تقرب مني وجان

هيلين... هنا اباوعلها كامت تبجي كلبي وجعني عليها حضنتها وأسكت بيها كالت وهي تبجي

ضحى... تدري طلع اسياد ما متقرب مني وجان يجذب عليه متتخيلين فرحة المرحوم بهالشي جانت فرحة متنوصف

ابتسمتلها ابتعدت عن حضني وكالت وهي عيونها مغوركه وصافنه.......

ضحى... تزوجنه خلفت من المرحوم طفلين شوقي لأهلي شكد عانيت تعبت نفسيتي بسبب هالشي يعني تخيلي اكثر شخص سندي واحبه تخليت عنه واسياد النذل ما اكتفى من السواه

سمعنه صوت الباب انطبك ضحى كبل سكتت طب ضرغام للاستقبال باوعلنه وكال... جاي زين

رحت سويتله جاي شربنه جاي وطلعنه ننام طلع ضرغام واني غسلت الاستكانات وطلعت

طبيت للغرفة جان كاعد يقلب بالتلفون من شافني عقد حواجبه

استغربت شبي كلت ما اراضي مدام يحمد بحواسم كلما اتذكر من كالي اضوج وكلبي تصير بي نار

طبيت للحمام سبحت وطلعت سشورت وهو عاقد حواجبه مهتميتله

عطرت شعري معطر مال شعر

وعطرت ملابسي

خليت مرطب على رقبتي ريحته كلش هادئة

يزعل بمكاني هو اني الزعلانه ليش هو يزعل وياخذ الزعله مالتي

رسمت عيوني بالأيلاينر ورسمت شفايفي بلون احمر كلش حلو

اني يوميه هيج احب الترتيب

رتبت شعري ورحت تمددت بفراشي حتى متغطيت غمضت دنام على شنو اراضي واني ما مزعلته ولا غاثته بشي

مغمضه حسيت عليه طفه تلفونه وخلاه عالشحن

ما فتحت سويت نفسي نايمه عود تعبانه بسرعه نمت

حسيت بي حضني سويت نفسي نايمه

انفه على انفي وانفاسه الهادئة بوجهي خله ايده على وجهي ومشه اصبعه على حاجبي بقيت متصنعه النوم كال..

ضرغام... نمتي

ما رديتله

باس راسي وكال...

ضرغام... ترا لوما احبج ما اشاقيج واحب اشوف حبج وغيرتج

هيلين...بس مو هيج تسوي لتقارني بهيج وحده

ضرغام.... اني ما اقارنج بأحد جان مجرد شقه وانتي زعلتي بس شبيها حواسم تكولين هيج وحده

من كال هيج بجيت بصوت عالي

ضرغام ضحك وكال....

ضرغام... لا لتبجين لتبجين تعالي حضن راسي

واني ابجي

ضرغام... ليش دتبجين

هيلين... انت بجيتي

دغدغني واني اتخبل والا واحد يدغدني فطست ضحك وهو يدغدغ بيه لحد ما تعبت باوعلي تعبت من الضحك باس راسي كال....

ضرغام.... احبج

الصبح اول ما كعدت سويتله ريوك راح للدوام واني وضحى كعدنه ما صار بيدنه مجال تحجيلي عمتي يمنه

بليل كاعدين نتعلل اندك الباب طلع ضرغام سمعنه ضحك حواسم كلت بكلبي هم اجيتي طبت تضحك بصوت عالي واحنه كاعدين كلش ضجت منها معرف شحجت ويهضرغام وهيج طبت تضحك

كعدت يم ضرغام اندك الباب طلع ضرغام بالباب دك تلفونه اني رحت لزمت تلفونه باوعت مكتوب فاطمة

كذبت عيوني اول شي بس كلبي لعب معرف شنو خلاني اتجرء واجاوب سمعت صوت بنيه كالت... ضرغام وينك

دا احجي ضرغام جر التلفون من ايدي وحجه ويه يلي اسمها فاطمه

ضرغام.... هلا بيج فاطمه

ما اعرف شنو حجت كال...

ضرغام... سويج السيارة وينه

هو طلع يلبس بحذائه ويفتح بالباب

اني سوه هيج لو تخبلت منو هاي وشنو ديصير طلعت وراه للحوش جريت السويج من سجى وطلعت هو بالكراج

باوعتله مرتبك كلش حجيت...

هيلين... منو هاي

جر السويج من ايدي وانطاني ضهره ومشه للسيارة.

دموعي نزلن حجيت..

هيلين... ضرغامم

التفت عليه كال..

ضرغام.... ها

هيلين..... لا تروح

ضرغام بارتباك.... ارجع ونتفاهم

هيلين... ترجع متلكاني اذا رحت

صاح بيه...

ضرغام.... كتلججج ارجع ونتفاهم لا تضلين طفله

ما خلالي اي اهتمام شخط السيارة وراح

طبيت للاستقبال كلهم يباوعولي ضحى من شافني ابجي اجت يمي..

ضحى.... شبيج هلونه شنو هالبجي هاي فاطمه

ما اهتميت يا فاطمه لأن حسيته فضلها عليه رجعت. كالت..

ضحى.... هاي مثل اخته يولي ليس البجي

حواسم كالت...

حواسم وهي تفتح بتلفونها... لا مو مثل اخته

عقدت حواجبي وعيوني مغوركه فتحت تلفونها شوفتني ضرغام واكف يم الطباخ ديسولف اسون تصير القهوه وصوتها تضحك وكل شويه تسأله شي وهو يجاوبها

كمل الفيديو حواسم كالت...

حواسم... هاي صاحبتي اصلا من زمان تحبه وحتى معترفتله بحبها هيان محادثاتي وياها دارت التلقون وصدك فاطمة دازه الفيديو لحواسم وكاتبتلها

فاطمه... اليوم ضرغام علمني اسوي كهوه

غمضت وفتحت دموعي نزلن ولا مره حاجيلي عنها

طلعت لغرفتي جريت تلفوني اتصلت على ابويه كبل جاوبني

ابويه... الووو ها بويه

ابجي واحجي... تعال اخذني

ابويه... دقايق اني يمج

سديت الخط ونزلت ضحى جايه دا تصعد الدرج نزلت وهي كالتلي...

ضحى... وين يولي

هيلين... اذا ليه خاطر عندج تعوفيني

ضحى... يوليي افتهمي منو وبعدين ليس كبل تحكمين عليه هاي مثل اختو

ماشيه باتجاه المطبخ دطلع من المطبخ للحوش حتى عمتي مشتوفني بعدين متخليني اروح رديتلها

هيلين...اخته هيج هو وياها وابيتها هم وفوك كل هذا اكله ترجع متلكاني اذا رحت وهو راح ولا اهتم

احجي وابجي وصلت باب المطبخ اندك الباب عرفت ابويه

مشيت فتحت الباب صدك ابويه اول مشافني كال لضحى...

ابويه... شبيها

ضحى... صار سوء فهم وهي شوية انقهرت

ابويه... يلا بويه مع السلامه

مشيت ويه. ابويه البيت مو بعيد بيناتنه بس الشارع كال...

ابويه... شبيكم بويه

هيلين.... مبينه شي

ابويه... هذا بيت زلمتج ميصير تطلعين منه

التفتت عليه كتله...

هيلين... صح اني ليش جايه عليكم نسيت انت كتلي اذا تتزوجين بعد متزعلين وانت ذكرتني حروح لبيت عمي بويه

حجه بعصبيه.... اني مو هذا، قصدي اشيلج بعيوني امشي للبيت بويه امشي

مشيت ويه ابويه وابجي الغصه بكلبي ابجي واحس حلكي تشخط من كد ما بجيت طبينه للبيت كبل طلعت لغرفتي وره ما طبيت غرفتي بشوية طبت براء...

براء.... شبيجج

مشيت لعدها بجيت وحجيت...

هيلين... ليش اضل ما عندي حظ

حضنتني وكالت

براء... شبي وياج

حجيت وكلبي محروك...

هيلين... الحقيرررر مأمنه بيه وثاقه وهو

براء... وهو شنو

هيلين... معرف حتى اشون احجي والله تعبانه ما بيه احجي شي

بعدتني عن حضنها لازمه كتوفي كالت....

براء.... لتبجين تحركين كلبي هيج

رفعت اكتافي بمعنى شسوي وبرطمت دموعي نزلن

براء... تمددي وارتاحي وبعدين نحجي اليوم ابات عدكم وعود فضفضيلي هسا نامي

هيلين... اي عفيه كليلهم نايمه

براء.... هي امج دزتني عليج تكول شوفي شبيها هي كلبها يرتاحلج

هزيت راسي كالت...

براء... شو تعالي

كالتلي تمددي غطتني باست راسي طفت ضوه الغرفه دتطلع كالت..

براء.... مو تبجين محد يستاهل

وطلعت وسدت الباب

غمضت عيوني غصه ببلعومي احس مخنوكه كرهته من شفته سوه هيج كلت بعد ما اريده تذكرت اني منفصله قبل هالمره بجيت بصوت مخنوك بقيت ابجي ما اعرف للأشكد

لهنا وينتهي البارت تصويتكم كرزاتي

التغشوشه حتكون انستا

يوزر الانستا wraa444

رواية الاصداف...

بقلمي الكاتبة... bmbsh_beme

كرزاتي اعرف متأخره عليكم ومقصره وياكم بس والله ضروفي هواي

نزلتلكم هذا نصف بارت وراح انزللكم انوب

وما رأيُك ان نَعشق بعضنا علنًا ؟ ف والله ماكان حُبنا عارٌ لِنُخفيه، ودَعنا نُوهمُهم انناَمعهُم وِمنهُم ونحن بعالمِنا نَمضي ولا أحدَيَدريِ......

كعدت على صوت امي تندهني

فتحت عيوني بنعس وتعب لأن بجيت عيوني تعبت

امي... يمه زلمتج بالاستقبال هاي شكد صارله

تعدلت وحجيت...

هيلين... شيريد

امي... شيريد يعني غير يريدج

هيلين... ما اريد اشوفو

امي... استهدي بالرحمان يمه

جاي تحجي وطبت براء كالت...

براء... عمه ضرغام يكول يلا لأن عندي شغل

امي... شنو من شغل بهالليل

هيلين بحركة كلب واستهزاء.... تعرفين يا عيني ضل بالو على فاطمه ويريد يرجعلها خايف عليها

براء.... غير تفهمين منه

هيلين...شفهم منه

امي... تفاهمي وياه

هيلين... انتي وابوي مبين متردوني

امي.... احنه دا نحجي لمصلحتج بس مبين طابكات

نزلت امي واني وبراء كاعدات كالت براء

براء.... تردين ترجعين عليه لو لا

هيلين... لا

براء.... لا تضلين غبية ترا تخسرينه هذا مو هيثم الماعنده شخصيه ويكوم ويكعد يطب بيج هذا ضرغام الرزن اللي حجايته توزن بلد وشخصيته قوية ويحبج يولي يباوع لحلكج حتى يعرفج شتردين

هيلين.... اني ما ارجع هسا خلي شوية ابقه هنا حتى يعرف قيمتي

براء.... ما تحجيلي شصاير حيرتوني هو اجه طاكه روحه يريدج ترجعين وانتي تحجين غير شكل

هيلين.... حجيتلها كلشي من البداية للنهاية كالت...

براء... حاسبها مثل اخته غير

هيلين... وياج اني ليش ابيتها وديعلمها عالقهوه

براء... يجوز هاي قديمه

هيلين... براء اكلج فضلها عليه يعني هانت عليه دموعي دموعي تنزل واكله لتروح واني ابجي  كلبه طاوعه وما اهتملي حتى لو مثل اخته ليش ما. حاجاني من بداية زواجنه وكالي هاي البنيه مثل اختي ليش بقه مغبي هالشي عليه اني كتله اذا رحت ترجع متلكاني ليش صيح عليه وما فهمني شنو وانوب يعلمها عالكهوه بعيني شوفتني الفيديو حواسم اشون يعلم فاطمه تسوي كهوه وهي تضحك

غوركت عيوني واني اسولف اجتني البجيه براء كالت....

براء......انعل ابو حواسم لابو الجابها عليكم هاي تغار منج وتريدج بس تعوفين ضرغام حتى يخلالها الجو وانتي شنو مقرره

هيلين... راح ابقى يم اهلي

براء.... هيلين شو باعيلي

باوعتلها دموعب نزلت

مسحت دموعي وكالت...

براء.... ميهون عليه اشوف دموعج هلونه اعرف كلامي يجرح بس انتي انفصلتي قبل هالمره يعني لا تتهورين كبل

هيلين.... براء رجال من هسا يغبي عليه ويفضل غيري عليه واذا عالانفصال ف اني كلام الناس كله جوه ن.... حشه السامع خوش واذا على اهلي اطلع للخارج واعيش وارتاح ترا تعبت اني تزوجت حتى ضرغام يداوي جروحي مو يفتح جروحي هيثم هم ببداية زواجنه فضل افنان عليه

براء.... اششش ابد ابد لا تفكرين تقارنين بينهم ضرغام شكل وهيثم شكل وانتي هسا مقهوره منه مع مرور الوقت تهدئين

هزيت راسي بمعنى اي لأن اني صدك مقهورة منه ومحروك دمي

براء كالت...

براء... كملي نومتج اني انزل جوه وهم اشوف انسام يبات  لو لا انتب نامي وارتاحي

راحت براء اني تمددت بفراشي ودموعي تنزل المفروض يسموني ام دميعه لأن على ابسط الاشياء صايرة ابجي احس صايرة كلش حساسه كل شوية ابجي وعلى اي شي اتحسس ولو هالشي مو قليل السواه ضرغام

بقيت مغمضه واريد انام ما يجيني نوم سمعت صوت البلكونه اندك بابها  دكه خفيفه سويت نفسي نايمه عرفته ضرغام تلفوني قافلته ويه كل دكه بالباب اني اشهك بخنيك وابجي بقه يمكن نص ساعه هو بالبلكون وسمعت صوته راح

بطني وجعتني غمضت عيوني بقوه اريد انام واحس حتى عيوني توجعني ما غفيت ولا عرفت الغفوه شنو لأذان الفجر

كمت من فراشي توضيت وصليت فجر سلمت نزلت راسي العب باضافيري وأحجي...

هيلين... يا ربي ما ليه غيرك سند انت سندي وقوتي يا الله تعبت اختبارك صعب اذاني هيثم حيلللل ما اريد اشوف الأذيه بعد تعبت من كلشي

نزلت دموعي  رفعت راسي كملت دعائي...

اني تعبت حتى من نفسي تعبت احس الدنيا ضدي كلما افرح بشي ارجع اتأذه يا الله ما ليه غيرك يا ربي انت سندي وقوتي قويني ووجهني للطريق الصح يا الله والحمدلله والشكر على كل شي

مسحت دموعي وكمت

لميت السجاده وكمت دا انام راح نضره عالقرءان رحت اخذته وكعدت قريت الفاتحه وفتحت القرءان قريت قرءان شوية حسيت نفسيتي ارتاحت صدقت وشلت القرءان. ورجعت لفراشي لأن قريت قرءان ارتاحيت لدرجه بس غمضت نمت

ثاني يوم الصبح كعدت فتحت تلفوني لأن مقفول سويته صامت من الاشعارات خليت عالميز   ونزلت جوه امي بالمطبخ دتسوي اكل  وسهام يمها ابويه طالع للدوام باوعت للساعه ب 1رحت غسلت وتوضيت وصليت   ورجعت يم امي بالمطبخ كعدت يم سهام وحجيت...

هيلين... براء وينها

امي... براء راحت عالبيت اجه انسام اخذها 

هيلين.... مو كالت دا يبقى يبات

سهام... ما يقبل شكد ردنه منو وبراء من الصبح اجه اخذها

امي....شبيج يمه شو تعبانه

هيلين... لا زينه كلشي ما بيه

امي.... جوعانه تتريكين لو تنتضرين الغده

هيلين... لا انتضر الغده ما جوعانه

كعدت يم سهام كالت سهام...

سهام... البارحه جا ضرغام يرجعج

هيلين... اي

سهام.... كال لابوج خل تنزل ونتفاهم ابوج كاله منك لهيلين كال لابوج احجو وياها انتو بس ابوج كالو عوفها خل شوية ترتاح كال لعد باجر اجي اخذها

بقيت ساكته ما حجيت اندك الباب طلعت فتحت الباب ابويه من شافني باسني وخله ايده على كتفي وطبينه للبيت كعد بالهول واني رحت جبتله ميه وباوعت للساعه ب2ونص  ابويه راح يبدل واني رحت يم امي وسهام حضرنه الغده وكعدنه حتى نتغده ما ليه نفس حتى الأكل روحي طاكه اكلت شوية ورحت، سويت الجاي

العصر اجو بيت عمي كاعدين كلنه بالهول سوالف وشقه واني ابد مو وياهم بغير عالم ماكو غير ضرغام بعيوني

المغرب ردنه من بيت عمي يبقون ما قبلو راحو

طلعت لغرفتي ب8هيج اخذت التلفون شفته محروك بالاتصالات والرسائل من ضرغام

ما اهتميتلهن رتبت غرفتي لأن الصبح ما رتبتها مجان اليه واهس وكملتها اخذت تلفوني واخذت التلفون اتصفح جفلني التلفون من شفت اتصال ضرغام

بسبب غيرتي عصبت منه جاوبت بنتر...

هيلين.... شتريد

ضرغام... شنو شتريد اولي احجي عدل

هيلين.... اجتني البجيه بقيت ساكته والغصه ببلعومي

تنهد وكال...

ضرغام... شبيج ليش زعلانه

حجيت بزعل... تعرف ليش

ضرغام.... جنت مستعجل اني وانتي تتزعلين ما تكليلي اشون شسوي اكعد افهمج لو

هيلين... لو شنو

ضرغام.... اجي اخذج ونتفاهم

هيلين... ما اجي

ضرغام... بلا عناد تعرفيني اكره شي اسمه عناد

هيلين....ما اجي تكره ما تكره مشكلتك

ضرغام.... طافره روحي شيخه هيلين

هيلين... واني طافره روحي منك

ضرغام... تحضري دا اجي اخذج

هيلين.... لا تجي ما اجي روح على فاطمه

كلت هيج لو كفرت

واول مره اسمع ضرغام يكفر

ضل يكفر ويصيح اخر شي كال

ضرغام... انعل ابوج لابو اليجي يرجعج

غلط على ابويه لو تخبلت كتله....

هيلين.... تغلطططط على ابويه....

بجيت بصوت عالي سمعني

هيلين... تاليتها تغلط على ابويه وابوك هيج ضرغام...

ضرغام.... حيش

بعد ما كمل سديت الخط بوجهه احس وجهي صار يطلع منه نار

احس وجهي صار تطلع منه نار حسيت الحراره صعدت لراسي اشونننننن يغلطط على ابويه منو هو ويكفر برب العالمين

منو هو ويغلط على ابويه وغلط على ابوه وابوه جوه التراب

ضجت كلش اتصل عليه مرتين وحضرته اذا من هسا اخلي يغلط على ابويه وانطي مجال يغلط راح بالمستقبل  يكون غلطه على ابويه مثل شرب الميه

اعصابي فارت طبيت طبيت لليوتيوب وشغلت مسلسل وكعدت اباوع لأن دمي محترك وحيل قهرني

هو يصلي ويصوم ليش يكفر. اني ما حجيت  شي اصلا لا عصبته ولا استفزيته هو عبصي زياده عن اللزوم

ثاني يوم العصر اجو عمتي وضحئ اني كبل كلت لامي كليلهم بغرفتها حابسه نفسها وما تقبل تطلع ونايمه اصلا وطفرت لغرفتي لأن عمتي ما يصير اردها وما اريد تصير شغلة مساحاه...

بقيت بغرفتي شوية واجت سهام كالت راحو..

رابع يوم ضرغام بليل دك باب البلكونه وما طلعتله

خامس يوم ما اجه سادس يوم ابويه كال اجه ضرغام كتلهم كلوله ما ترجع

سابع يوم كاعده بالمطبخ كلش ضايجه حيل اشتاقيت لضرغام واحب الكعده بالمطبخ ما اعرف ليش كالو اجه ضرغام طبو للاستقبال هو وابوي وامي راحت عليهم ودتلهم ميه وجاي شويه واجت كالتلي

امي كالت زلمتج لح الا تروحين ديحجي وياج كتلها ما اجي

راحت امي شوية وسمعت صوتهم صار عالي صرت قريبة من الاستقبال سمعت ابويه يكول...

ابويه.. احترم صوتك لا ترفعه

ضرغام.... حجي فتيتو كلبي خل تجي احجي وياها ليش تتهزم ترا اني هم رجال عنده اشغال ودوام ومكضيها رايح جاي علمودها

ابويه.... هي ما تقبل قابل نجبرها

ضرغام صاح بصوت عالي...

ضرغام... هيلينننننن هيليننننننن شوفينييي وجهج

يمه صاح لو اخترعت خفت منه بقيت متصنمه

ضرغام...... خلي تتحضر بليل اجي اذا ما اجت حجت وياي اطلع عليها واني اعلمها

سلم على اهلي وراح امي طلعت مخطوف لونها كالت...

امي... همزين انتي هنا وسمعتي خبال. رجلج

هزيتلها راسي بمعنى اي

راحت امي واني رحت للهول المغرب طبيت للمطبخ امي دتسوي عشه

فتحت الجدر شفت مركة الباميه وجان تلعب روحي ركضت للحمام اتقيأت حسيت احشاء بطني راح تطلع روحي لعبت رغم احب الباميه غسلت وجهي جاي انشف وجهي وصفنت معقولة حامل بهالسرعه يصير عندي حمل ما اعتقد

امي لحكتني خطيه من كتلها كالت خاف حامل كتلها لا 

   بليل كاعدين اندك الباب طلع بابا طب كال براء بالاستقبال معرف اشبيها شوفيها اشبيها

خفت من كال مدري شبيها بس لا انسام مكاونها

ركضت للاستقبال فتحت الباب وطبيت اول ما طبيت

باوعت ضرغام بوجهي رجعت للخلف بخطواتي باوعلي بنضره حاده وعيونه مليانه عصبيه

حجه...

ضرغام.... لا ترجعين ولا تتعبين نفسج اذا طلعتي من الاستقبال الحكج وين ما تروحين تعالي لهنا

بقيت متصنمه وخايفه منه خايفه يضربني مثل ما جان هيثم يضربني

تقرب مني رفع ايده رفعت ايديه احمي نفسي

حضن راسي وكال...

ضرغام... شبيج خايفه ما اضربج

اجتني البجيه اني شبيه بسرعه اتحسس

حجه...

ضرغام... شبيج متكليلي من شنو زعلانه

بجيت حجيت بغصه...

هيلين... منك

ضرغام... غير انتي بدون ما افتهمتي زعلتي

هيلين... ابتعدت من حضنه. شافني باجيه كال...

ضرغام.... اشش لا تبجين

هيلين.... انت دتسوي وياها قهوه وهي تحبك

ضرغام.... هيلين اعرف هاي سوالف حواسم ضحى كلشي حجتلي حواسم بعد بيتنه ما تطبه

وفاطمه اصلا البنيه تزوجت هاي شكد صارلها وهي حالها حال ضحى واني علمتها عالكوه بس هاي قديمه حيل

مسحت دموعي ورديتله...

هيلين... اشون تفضلها عليه

ضرغام... شفضل بنت الاوادم البنيه رجلها طالع لبغداد وبس هي وجدتها كامز على بيتهم حرامي وخابرتني يعني الدقيقه مهمه نسوان وحدهن بالبيت

تذكرت هو غلط وكفر كتله...

هيلين.... انت فوك ما غاثني تكفر وتغلط والتفتت دا اطلع

لزمني من زندي جرني عليه حضني بقوه وكال...

ضرغام.... اشتاكيتلج البيت ما بي طعم بدونج والغرفه من اجيتي لهنا ما انام بيها لأن انتي ما بيها حيللل اشتاكيتلج

شم شعري بقوى وكال.....

ضرغام.....ساعة اعصاب وغلطت شسوي من شوكي لغزالتي

ابتعدت عنه ضحكت ضربت على صدره وحجيت...

هيلين.... هالمره مقبوله منك بس مره ثانيه صدك ازعل واذا فد يوم حجيت ويه احد وغبيت عليه

عقد حواجبه وكال.......

ضرغام.... أءمريني بعد بعد اجيبج ببوكس اطير وجهج روحي جيبي هدومج يلا

باوعتله بدلع وحجيت... واذا فد يوم غبيت عليه

ضرغام... ول ابويه دا اكلج تزوجت البنيه ناسيها اصلا مو قصة اغبي عليج

هيلين... خل اجيب تلفوني والعبايه واجي

طلعت مبتسمه كلبي كأنو جان عليه جبل وانزاح

جبت تلفوني لبست عباتي ورجعت سلمنه عليهم وطلعنه كتله....

هيلين... جوعانه

ضرغام.... خل بس اطب اطلع السيارة وانروح نتعشه بره

هيلين... موو دطب اسلم على عمتي وضحى وابدل

يفتح باب الحوش ويحجي...

ضرغام... اهلي بالديوانيه بعرس

وناكل بالسيارة احسن

انطاني المفاتيح

رجعت لوره طلع السيارة سديت الباب وقفلته

ورحت صعدت يمه كال...

ضرغام... شتاكلين

هيلين..... كباب

ضرغام.... شعجب. مو سبايسي

من كال سبايسي تذكرت طعمه لعبت روحي منه

هيلين... ها صرت بخيل ما اريد لتجيبلي طاري

ضرغام.... ههههه مو بخيل عيوني اللج بس انتي كل مره تاكلين سبايسي

هيلين.... كافي ضرغام لعبت روحي والله ما اريد سبايسي بس افكر بطعمه روحي تلعب

ضرغام....صفن شويه وكف السيارة على صفحه كال...

ضرغام... خاف حامل

هيلين.... هههه شبسرعه

ضرغام... صارلنه شهر متزوجين شنو شبسرعه  انتي اشون وضعج عرفت شيقصد كتله...

هيلين.... اخر مره قبل زواجنه

حسيته حلكه راح ينشك من الابتسامه كال....

ضرغام.... ويسويها حضي وغزالتي تطلع حامل الا اذبح ذبيحه

ابتسمت ودنكت صف يم الصيدليه

كتله...

هيلين... وين

ضرغام..... غير اجيبلج فحص

كال هيج وراح واني خجلت منه احس احتريت من الخجل وانوب هو اشون ما يستحي يشتريهن

راح شوية واجه انطاني الفحص كالي خلي بالجنطه لا يضيع باجر قبل لا تاكلين شي جربي الفحص

هزيتله راسي بخجل

وصلنه يم مطعم وكف السيارة كلش بعيد نزل هو شوية واجه جايب اكل مسلفن

مشه بالسيارة وصل يم الجسر فتح الحام اليمه وجامات حوض الوره وكعدنه ناكل نسمة هوى تجنن

تعشينه مشغل اغاني وفررني بالمحافضه بأماكنها الحلوه ويغني ويه الأغاني

طلعت اغنية كلب شجابك لهذا الدرب كلبببب

كال ضرغام وهو يضحك...

ضرغام.... هاي من جنت شباب مراهق عافتني الاحبها ويوميه اسمعها

اني من يجيب هيج طاري عيوني كبل تغورك وتجيني البجيه

باوعتله وعيوني مليانه دموع ومبرطمه...

هيلين.... ايمت شنو يعني حبيت

ضحك وكال...

ضرغام.... بس لا تبجين جاي اشاقيج شنو من غيره ههههههههههه

هيلين... كول والله اتشاقه

ضرغام.... اتشاقه  يا غزالتي ليش تلحين اني جنت ما احب شي اسمه حب من شفتج عرفت الحب

مسحت عيوني ابتسمت وصلنه للبيت

اول ماطبيت للبيت حسيت ارتاحيت متعوده عالبيت رغم كل جيتي شهر واحد

باوعت لضرغام وحجيت...

هيلين... اسويلك جاي

ما احس الا تقرب مني شالني وكال...

ضرغام... يا جاي يا بطيخ اشتاقيتلج

ابتسمتله

شايلني وينفت تعب هههه طبعا اذا اني شثكلني

هذا تكملة بارت مو بارت، كامل

تصويتكم كرزاتي احبكم