تحميل رواية «الاصداف» PDF

بقلمي الكاتبة bmbsh_beme

الأصداف

أدركت أنني لم اعد اهتم بنفسي

هيلين.... لا سهام هاذهوا اني اصلا لو يزفوني سكتة بسكتة هم عادي... رد بابا... ليش بنيتي.. جاوبته ... لأن مجبورة على هالشي كله ما بيكم واحد حس بيه

حتى صحتي تدهورت محد كال شبيها ليش وين حنيتكم وين حبكم طلع حبكم دغش كله مع الأسف عليكم

اخر كلام اكللكم ما اريد لا حنة ولا خطوبة واذا هم جبرتوني عليهن اقسم بالله حتخسروني وانتو بكيفكم بعد

عفتهم وطلعت لغرفتي واشهك وابجي

درست وتعبت جنت اكول راح احب واتزوج عن حب جنت افكر اخذ شخص يتقبلني ويحبني مو رافضني

وحتى كرامتي انمحت ميريدي الرجال كالي تدمرين حياتج انطاني اياها مقدما حتى باجر شيسوي بيه يكلي كتلج لا تلوميني

نمت وثاني يوم رحت عالدوام وبنو تقنع بيه وما قبلت كمت ابجي سكتتني كالت بس لا تبجين ما اضغط عليج ورجعت النهار كله يقنعون بيه امي وسهام ديسوون حنه وقفلت

مر الأسبوع وصار وقت العرس

أجت براء يمي هيه وأيه وشيره وهوسه وبراء تهون عليه ميخالف وتستقرين وايه نفس الحجي مليت من حجيهم حتى صديقتي الروح بالروح مدا تحس بيه

صبح يوم جديد تفاءلت بالخير وكلت الكاتبة الله يصير ما يتقبلني لا يتقبل قابل ميته عليه اتطلك منه بس يغلط وياي

طبعا اهل هيثم سكنهم الديوانيه بس عشيرتهم وأهلهم يتبعون لغير محافظة والعرفته عنهم حتى سكنهم جديد بالديوانيه والبساتين مشترينهن

ما الهم اي ربط وأي صلة بأهل الديوانيه بس سكنهم الجديد بيها

رحت للصالون وايه وبراء ما عافوني أذن ضهر نحنا بالصالون بعدني ممخلية ميكب او الافضل نكول مكياج خلتلي أساس المكياج وكالتلي انتضري اكمل

تسريحة العروس وارجعلج جان اكو عروس اللخ والمساعده مالتها تخلي مكياج للاطفال لأن مو محترفه ومساعدة اللخ عالأضافر اني مقبلت اخلي

اضافر اضافري طبيعيات طولهن كلش حلو ومداريتهم كاعده انتضر وأذن ضهر طبيت للمغاسل غسلت وتوضيت وطلعت صليت ودعيت ربي يفتحها بوجهي

وكعدت انتضر دوري صاحتني أم الصالون باوعت لوجهي كالت... مو خليتلج أساس وينه..... غسلته....

وليش تغسلي..... توضيت وصليت.....

وتتوضين وتصلين وهيج الأساس كله يروح بربج هذا هم حجي

كامت تصيح وتحجي... اني تعبانه وهلكانه تسمحينه ليش يعني لأن منطين فلوس تستغلون الواحد

خجلتني لأن كلها التفتت عليها بس مهتميت اني من النوع اللي اذا شخص يخجلني اعامله ببرود واحرك اعصابه

رديتلها ببرودة دم

والله المكياج مو اهم من الصلاة خوش وبعدين هوا أساس

ديلا يلا اكعدي خل امكيج وجهج فضينيي

عليمن جاي تصيحين

مجاي اصيح بس دا امكيج وجهج

كعدت غمضت لحد ما كملتني مكياج وسوتلي التسريحه باوعت الوجهي جان كلش حلو المكياج بس مفرحت بي ابد باوعتلي ام الصالون وكالت

... اعذريني خاف صيحت عليج بس والله لأن تعبانه

... حقج اني هم غلطت المفروض اتوضه للصلاة قبل لتخليلي المكياج

... يلا ما صار شي الله مصلي على محمد طلعتي كلش حلوه وانتي ملامحج مرتبة

تسلمين عمري

باوعتلي وكالت.... مجبوره

غمضت عيوني وفتحت بحركة بطيئة يعني أي

الله يسعدج

تسلمين

بنو وأيه وسهام يباوعون لمكياجي ومنبهرين بي

لبست الفستان جاي يشدولي القيطان مالته باوعت عمه سهام جاي تبجي قربت عليها بستها وكتلها

....ليش البجي سهوم

والله كلبي ما ينطيني عليج هاي من خطبوج لهسه اتوسل بأمج وأبوج اكللهم لا تنطوها بس ما بيدي حيلة ولو بيه حيل المشي اخذج ونطلع ما اخليهم

يزوجوج البيت راح يفرغ بدونج كمت ابجي وياها وأيه وبنو يبجون شويه وعطروني ورتبوني وأيه وبنو طلعو يخبلون وسهام ما قبلت تخلي ام الصالون تمكيجها

ايه مكيجتها ايه تمكيج بيها وهيه كل شويه تكول لأيه اهم شي المكياج خفيف كعدنه ننتضر شوية وأجت سيارة انسام دا ياخذنه

طلعنه لسيارته صعدت سهام بالصدر وأني وبنو وايه بحوض الوره

أنسام... الله مصلي على محمد الحلوه مالتي شطالعه اليوم... براء خجلت وابتمست شال كلينس وانطاها كاللها هاي خليها بيدج خاف جراثيم شي

أيه.... واختك لازم ما تشوف عيونك بس الخطيبه

هههههه تغارين ولج

اي والله اغار شنو متكول اختي حلوه

يابه انتي هم تخبلين والله اثنينجن حلوات

باوعلي وكال... هيلين والله كلبي مينطيني اباوعلج يعني خلص حنفاركج العياده بلياج مالها طعم... دنكت وبچيت والبنات يسكتون بيه يخافون على مكياجي..

وصلنه طبب السياره للحوش ونزلت صارت الهلاهل حضرولي مكان كعدت واحتريت رغم الجو طيب كتلهم شغلو.المكيف

كاعده والخوف بكلبي منو صدك حتخرب حياتي متوتره حيتغير كلشي البيت ومكاني وكلشي حعوف اهلي والله شعور صعب اترك البيت العشت بي طفولتي حفارك اهلي وغرفتي وعيادتي وكعداتي ويه بنو وشقانه وضحكنه

كرصتني براء وكالت....خوب هاي شبيج اصفريتي

بنو والله معرف بكلبي احساس خوف توتر قهر كلهم سوه

هاي عود انتي ام السان بالمحادثه لسانج هطوله خايفه

من شفتها صارت صدك خفت

لتخافين والله عادي هسه تشوفين

معرف حايره وخايفه حيتغير كلشي

انتي قصدج عالتغيير

رديت عليها .. اي لعد شنو

امداج عبالي

شعبالج

هيلين شبيج متعرفين اني كلني جفصات ونيتي خره

انتي دومج هاي نيتج

ههههه الله كريم

اي والله الله كريم

نيتها طارت واني مجان قصدي شي شويه وسمعت صوت الهورنات والطلقات أيه خافت وبراء لزمت ايدي وهمستلي

حاسه بيج بس فرحت حتى تفرحين ما ردت اقهرج اني اكثر منج مقهوره ولا تكولين صاحبتي مدايره بال بالي كله يمج وشايله هم بعدج عني

وباجر من تكعدين. تخابريني

طببو الديجي وكمت ما اسمعها شتكول

باستني ولبست شالها وطلعت للهول انسام ما يقبل

طبت أمه وخواته يركصن كدامه وطب هيثم شكد جان حلو شكله

حسيت راح اموت من كد التوتر والقهر والخوف اجه كعد يمي وأمه خلت ايده بيدي

معرف احساس لمسة ايده جان كلش غريب

جابو الحلقات

دنلبسهن

لبسته حلقته ولبسني الحلقه للنص الا اني لبستها شويه ركصو البنات اكثر شي ركصو افنان ونور وساره حركن الجو حرك تحضيرات عرسي كلهن امي حضرتهن ما رحت اني

كالو يلا دتمشي السيارات دوب نلحك الى ما نصل ف تونه وكفنه وجاي اعدل فستاني لأن كلش ثقيل

طب ابو باسم وابويه

اجو يمي ابو باسم كال لابويه.... هاي بنيتك صارت بنيتنه وحالها حال بناتنه وايمت متريد اجيبلك اياها تشوفها بابا باوعلي وعيونه مغوركه اجه باسني من

راسي واجت امي باستني وسهام هم ويبجون واني ابجي بستهم وروحت الزعل لحد ما ودعتهم وصار وقت طلعتي من البيت اللي عشت بي طفولتي راح اطلع من كل محافضتني مو بس بيتي

طلعت أني واهلي ييجون ورايه طلعنه بالسيارات جانت السياره مبيها بس اني وهيثم ونور جانت مليانه زينه وورود ما بيها اي شي نازوكي

هيثم يسوق واني يمه ونور بحوض الوره

اني ماسكه الورده وراسي مغطي بالكبع ودموعي تنزل عالورد وعلى أيديه ضليت أبجي لبين ما حجه

هيثم... طلع كلينسه انطاني وكال شيلي هذا من راسج الجامات مضلل لا يخنكج هذا الحجاب مدري شنو

رفعته وأخذت منه الكلينسه باوعتله وكتله يسلمو

وبقينه ساكتين حتى اغاني ما شغل الطريق بعيد حيل هلكنه الطريق كله وهيثم يمشي مو كلش سريع اجاه اتصال وجاوب...

الووو ها حميد...

بويه شبيكم شاخطين هسه واحد بيكم يندعم وين نلحكه مستشفى واحنه بطريق سريع

لا شنو اشخطها اني هم سوكو بطيئ ولا تمرمرون كلبي

ديلا ولي مشكتلكم

سد الخط وكامت تعبر سيارات العرس من يمنه شاخطين صدك

خلال ثواني صارت السيارات ما تبين

حجت نور.... هاي سوالف حميددد ما يجوز

هلكنه الطريق كله وهذا هيثم افندي مكضيها ينافخ جنه حيه كوبره

وصلنه سيطرة محافضتهم وكفونه وكامو يحققون ويه هيثم اكو عسكري منطينه ضهره جان يغسل

كال للمنتسب اللي وكفنه.... مشيهم مشيهم مدام عرس صوته احس سامعته هذا المنتسب

معرف شدخلني هسه..

طبينه المحافضه ووصلنه البيت واشتغلت الطلقات والهوسات والأغاني طببوني لغرفة والتمت الجهال يمي احس اختنكت شنو هاي

باوعت لبنيه صغيره كاعده بالارض وتباوع عليه وعالفستان

جنت بعمرها من اشوف عروس اكول شكد حلوه البس فستان واصير عروس وهيج الكل تهتم بيه بس مجنت متوقعه حيكون شي عادي

اجت ساره جايبتلي ميه خطيه

صار الليل واجو عليه مرت باسم وام باسم كالولي... يلا بنيتي كومي على غرفتج هم ترتاحين

كمت وياهن وأجرجر بالفستان طلعت للطابق الثاني وهنا شايلات وياي الفستان

طببوني للغرفة نفسها القديمة عيوني تفتر بالغرفة تذكرت اول مره من شفتها انبهرت بيها كالولي كعدي

ارتاحي بين ما يجي رجلج وتتعشين صدك جنت كلش جوعانه هذا ايمت يجي اريد اكل

شويه وانفتح باب الغرفة باوعت هيثم جان وجهه محتقن يريد يطك طب وقفل الباب غير خرعني

باوعلي وكال... شنووو هلكد تردين تجربين جحيم هيثم

باوعتله شديحجي شديكول شنو جحيمي اني شعليه كتله... يا جحيم شدتحجي انت

اجه لزم شعري حسيته حيتقطع... اخخخ شعري الله يوفقك كضيت عمري معتنيه بشعري ملخته اخخخ شعري

وتستهزئين شو انتي لسانج طويل وتعرفين اللي لسانه طويل شنسويله

هيثم شدتحجي فهمني

انتي اختاريتي هالشي وكتلج اني ونبهتج.. صك على سنونه وكال.... حب حياتي حب خمس سنوات تجي وحده ما تسوالها فلس وبلا كرامه تجي تخرب كلشي بنيتو

عيونه تريد تطك ويحجي بعصبية يطول الكلمة لأن ميكدر يصيح .... شلون ترضين شلون تقبلينننن خابرتج حتى تخربيننن ليش ما خربتي

part 11

اني هم مجبوره مثلك عالاقل اني مره وما اكدر افرض كلامي الا انت رجال وفرضو عليك تتزوجني

مصختيهااا

دتحجي بغير لغو لو شنو مصختيها منين جبتها

كفخني راشدي..... كتلججج لا تستهزئين لا بمحمد هسه جيلة وبراسج واكللهم غسل عار طلعت مو شريفه

بجيت... شتريد مني ليش هيج دتسوي شنو ذنبي

ولج عيونها من حبيتها ما بجيتهن بسببج بقت ليلة كاملة تبجي ما سكتت صك على سنونه... شفتي حركة كلبها اليوم تركص كدامي تريد تقهرني وهيه كلبها مشتعل

واني شعليه بيكم اني ما جبرتك عليه انت جيت خطبت واني وافقت وبعدين شنو خطبتني وتحجي وياها شنو ما بعينك اني

لا ما بعيني ولا يجي يوم واخليج بعيني

حيجي يوم وراح تندم على كل حرف كلته اليوم وخرر عن شعري وخررر

تخسين هههههه هاي بأحلامج ويجوز بأحلامج هم ما تصلينها ههههههه سمعتي لو لا

سمعت بس عوف شعري الله يوفقك... دفعني وراح للكنتور. اخذ ملابسه وطب للحمام يسبح

كلت استغل الفرصه واغير ملابسي قبل ليطلع وخل بندك بيه انوب واني اعلمه هيلين منو

فتحت الكنتور طلعتلي تراك لونه ماروني كعد توب ويه اضافري والحمرا يكعد توب بدلت وكعدت يم المرايه افتح شعري طلع هوا من الحمام بس بالخاولي ما التفتت عليه خجلت

لبس دشداشه وتعطر وكعد عالتخت شويه

وجابو العشه اخذ الصينيه وسد الباب نزلها بالأرض بس ما اكل كال.... شعرج عوفي نزلي خل نتزقنب هسه... كلت بكلبي هسه. نزلي اكلي ونتزقنب سوه ياهو بيهن اخذ

اكل انت اني اتأخر الى ما اكمل شعري... شو هوا فتح تلفونه وبده يقلب لحد ما خلصت شعري رفعته بطوقه ونزلت كعدت كباله كتله.... ها ناكل جوعانه

احد ماسك عليج الأكل اكلي بده ياكل واني هم اكلت بس ما كثرت كضيتها مركة

خلصنه اكل اخذ الصينينه ونزل وداها ورجع شلح الدشداشه وتمدد عالتخت

يربي ساعدني هسه شسوي وهذا مشلح ونايم

قربت من جهة اللج تمددت بطرف التخت

الف فكره ابالي ليش هيج سوه ليش حينام معقولة ميريد يتقرب مني يلا بعد احسن اني ما ميته عليه

نمت كعدت الصبح لكيته نايم دا اكوم من فراشي كال.... وين موليه

دبدل وانزل جوه

رجعي لفراشج

رجعت ما عارضت

اجه تقرب مني مباسني ما حضني مجرد اخذني لأن مجبور صار كلشي بدون حنية علمود النشيان مو اكثر حتى يثبت شرفي

التفيت بفراشي وهوا راح يسبح حسيت نفسي مثل الدميه اليحركها اشون ميريد لعد شكد اني رخيصه تزوجت شخص ميريدني

احس غصه بكلبي

اخذت ملابسي ولبستهم وهوا طلع وكف كبال المرايا يمشط اني كمت للكنتور

اباوع ما بي ولا تراك كله دشاديش كلت

... شنو هاييي

شبيج شكو

ماكو ولا تراك هسه شلبس

ممنوع التراك هنانا.

شنو ممنوع اني اريد تراك هسه

باوع عليه وكال.... ابقي هنا لي باجر شسويلج عافني وطلع

حسيت حطك من كثر العصبيه اني وين والصخامين الدشاديش وين

جريتلي وحده لونها تركوازي ولفيت شال اسود خليت مكياج خفيف غسلت ملابسي وشلت الفرشة ذبيتها بالغساله وجاي اطلع سلة الملابس اجه هيثم

باوع عليه وكال فضينه يلا دننزل

ليش وين جنت

جنت بالسطح شسوي لا اطيك لسانج ولا. اكدر انزل وحدي لازم ننزل سوه

هسه بس اشر الملابس

عود من نرجع شريهن

يصير بيهن ريحه كلت هيج وطلعت شفت واحد من الجهال كتله وين تشرون الملابس

ردت بنيه شويه جبيره كالت... عمه ملابس النسوان بالبيتونه

اخذتهن ورحت شريتهن ورجعت كتله... اني خلصت ننزل

اي يلا

نزلنه تلكتنه الحجيه هلااهل وهوسات

شو هاذا كدام الكل طلع الكلينسه وانطاها اياها

اني من الفشله لو مشكوكه الكاع وبالعتني اخيرلي

شسالفه ما عدهم حيه ما يستحون جان بينه وبينها شدعوه هيج

ردت الحجيه اي عفيه عفيه مبارك كللللليشش

ورفعت الكلينسه وكالت... هاي شفتووو هاي نيشان مريت هيثوم

وكامو يباركولنه هوا راح للاستقبال واني كعدت يم الحجيه حجت الحجيه... يمه كومي عاونيهن شنو تتخوتنين من هسه

كمت من يمها رحت عالمطبخ واحجي ويه نفسي

... شنو العروس من هسه يكربون عليها شسالفه

من تفكيري دعمت نور كالتلي... ها حبيبة شبيج

ما بيه شي شجاي تسوون

جاي نسوي الغدا يلا خلي ايدج ويه البنيات

يلا طبيت للمطبخ كالت ام هيثم.... اي الله جابج طبكيلنه التمن

عمه ما اعرف

عزااااااا شتعرفين عجل اذا تمن ما تعرفين

رديت عليها.... معرف كلشي حجيت هيج وعوجت حلكي

اكفي يم الطباخ يلا هسه اني اعلمج وانتي اشتغلي

يربييي شيخلص الأسبوع على خير واطلع بيت وحدي وارجع لشغلي شهالهوسه ما متعوده على هيج والبيت وصخ مدري شلون يشتغلن النهار كله يشتغلن بس اضاهر شغلهن من فوك ليفوك كتلها

تمام...

وكفت يم الطباخ شغلته باوعت. عليها كالتلي.... شبيج تتصفنين حبيبة يلا تحركي خفي ايدج

شسوي

طلعي جدر من هنا .... اي خلي عالطباخ وخليله زيت لا تخلين هواي... ♡♡♡

تمام

طلعي تمن من هذا السطل..... هذا..... اي هذا خلي 7كلاصات بالجدريه...... اي جاي احسب كامت تصيح احتركككك التمن شجايج حبيبة كامت بسرعه اخذت الجفجير وكامت تكلب بالتمن واني اخليها تمن وهيه تكلب خليت 7كلاصات هما هواي سبعه دوب تكفيهم

يلا جيبي ماي خلي يغطي التمن

تمام كمت اخلي ماي لحد ما غطه التمن كالتلي كافي

خلي كسيسن ماجي وخاشوكتين ثلاثه ملح

تمام خليت

هسه من ينشف الماي نصي جوه التمن

تمام

راحت هيه واني واكفه يم الطباخ وصافنه

شجابني بنصهم بعدني عروس استلموني شغل وما رحموني اجت بنيه صغيره كالت جده تصيحلج

رحت يمها نسوان تسالمت وياهن وكامن يباركن حجت الحجيه.... وينج من نزلتي اختفيتي حبيبة النسوان جايه تباركلج حدري يمي

كعدت يمها والنسوان تسأل واني اجاوب

تقريبا نص ساعه واتذكرت التمن ركضت للمطبخ باوعت ريحة المطبخ تخنك شنو محد شافه او اشتم ريحته

فتحت الجدر التمن نصه محترك

اني ابد ما احب الفواين سديت باب المطبخ اخذت التمن كبيته بسرعه واحس ايديه شكد ما استعجل بطيئات رجعت كبل خلين زيت

شويع وخليت سبع كلاصات ميه انتضرته هسه ارتاحيت محد شاف

كعدت انتضره كل شويه اباوع عليه لحد ما نشف تذكرت امي جانت تخلي علاكه عالتمن معرف عليش

اني هم جبت علاكتين لان الجدر جبير خليتهن وغطيت الجدر وكل شويه اباوع التمن راحو الناس الجايه تبارك والبيت شويه هده شويه وطبت نور وأمها الماچنه عمتي تصير هههههه كالت... يلا يلا. الزلم جتلهم الجوع خبصوني وبالذات هيثم تالي كتله دصبر خل العالم تفض اذا نفرغ بحلك منو

كالتلي... حبيبه يلا شوفي تمنج مستوي وفرغي

اخذت معلقه(خاشوكه) وضكت التمن

ضربت على كصتي وكلت... خرببب

حجت نور....شبيج شكو

باوعتلها كتلها... لا هيج ذبانايه صارت على كصتي وطكيتها هههههه

انداريت عنها وأني حايره التمن ناسيه وخليله ملح وفاهي

كلت..... عمه.... ها حبيبة.... المركه اذا فاهيه شتسويلها.... اخليها ملح هم ينرادلها سؤال ههههه

الحمدلله معناها التمن هم مثل المركه

جبت ملح وماجي كيسين خليتهم عالتمن بس بدون ميشوفوني وخلطته عود معدله رتبته بالصحونه وكملته وبدينه ننقل الأكل لأم كلهم منجمعين بالهول

كالت يلا ابدن فرغن اجت فرغنه الأكل اجت مرت باسم عالريحة مال الأكل

يسرى..... افيششش ريحة الأكل طبت لخشمي وجوعانه

نور.... هاي كل حامل. تكضيها كاعده

يسرى... هوا جايتلي يومين ثلاثه اتونس وارجع لبيتي

شفت نور ما ردتلها رجعت كالت... اكلج نور اريد ليمون دا اشتهي الحامض... ردت عليها عمتي.... اي يجوز ولد ابطنج... اي عمه اكلي بالبيت بس حامض وابو الجهال يكلي راح تكعين اذا تضلين بس تاكلين حامض

دردمت بكلبي.... هوا انتي شكدج شكبرج يا توكع اصلا هسه اذا ضربتني راشدي تلطخ راسي بالحايط

نور.... شجاي تبسبسين (تدردمين)

جاي اغني ويه نفسي

كالتلي.... هههه مدام صوتج حلو نهار سمعينه شتغنين

كلت بكلبي شسمعج جاي اتنمر على مرت اخوج وانوب اذا مرت اخوج سمعتني تعجني وتخبزني وتتعشه بيه

هيلين.... صوتي محلو يلا امشي خل نودي الاكل نقلو كلو شبقه

يلا امشينه نروح نتعشه اخذنه اخر كم صحن ورحنه دنتعشه

كعدت يم هيثم وجانت يسرى يم باسم بس شايله جمال العيون كبار ولونهم اخضر وبيضه ثلج وخشنه بس خشانتها تجنن صاحبت خصر بس صدك اذا تضربني تلزكني بالحايط هذا ثاني نفر لازم اتجنب اتعارك وياه هيثم ويسرى خليت عليهم خط احمر بقائمتي هههههه

كعدنه دناكل ميته جوع وانوب ما متغديه عصافير بطني تزقزق وكعدت مترهيه عود اني طبخت التمن

لهنا وينتهي البارت حبايبي تصويتكم

بقلمي الكاتبة(bmbsh_beme)

♕الأصداف ♕

بقلمي الكاتبة (bmbsh_beme)

الاصداف

وقال بصوتٍ خافِت في السجود : إني ضائع لا تترُكنّي يا الله .

وكعدت مترهيه عود اني طبخت التمن احس نفسي مسويه فد انجاز عضيم

تونه سمينه دناكل وجان يكمز باسم يهوععع ويتفل التمن وكلها انخبصت بي هذا الينطي ميه وهذا اليطبطب على ضهره وهذا اليصيح شبيك تالي كال... التمننن ليششش هيج

يمه كلبي شبيهن تمناتي غير يخبلن

كال منو طبخ التمن

نور وعمتي باوعن عليه

باسم.. باوع عليه وكال... انتي طبختي

هزيت راسي.. ايي شبي

ضوكي واحجي ما كذبت خبر شلت الخاشوكه وضكت التمن الملح يتكركط بحلكي بالكوه بلعت اللكمه كمت أتمتم معرف شكول الكل كامت تضوك التمن وتتفل وتتهوع واني من الخجل ردت ابجي

حجه هيثم... ما بيجججج خيرر تسوينننن تمنننن ولي من كبالي ولييييي

طلعت من يمهم وابجي يعني ما اعرف شسوي وعمتي سكتت ما كالت اول مره تطبخ هسه شمدريني اني اشون اعالج تمن الفاهي

كعدت بغرفتي. ابجي واندك باب الغرفه  شي اكيد اجاني المتخلف ما كفاه صيح عليه كدامهم

فتحت الباب ساره

ياااا هاي شبيج ليش تبجين.....

رديت... والله ما اعرف شسوي صار فاهي وخليتله ملح

ساره... تعالي ههههه والله معرف اضحك لو ابجي

تعالي اعلمج باعي مسحي دموعج يلا مسحيها

.... وين هيثم

كاعد يغمس الخبز بالمركه وياكل هههههه

انتي ابقي ضحكي واني ابجي

لا حبيبتي بعد ما اضحك بس باعيلي

اي

التمن من تخليله الميه مالته لازم تضوكين ملوحته

واذا جان التمن بعده ممستوي وشفتي فاهي اخلطي مي وملح وفرغي المي فوك التمن ونهاية الميه لا تفرغيها حتى لا ينزل الملح بس ملوحته

اصلا بعد ما اطبخ

هههههه يلا امشي اكلي هسه

ما اكل روحي انتي اكلي الف عافيه اني اريد انام

شتنامين امشي تغدي

ما جوعانه روحي حبابه اريد انام

راحت ساره واني نمت حسيت على هيثم اخذ المخده باوعت شال مخدته وطلع بطانية ودوشك من الكنتور وفرشهن ونام

ليش هيج ديسوي اني ما رايده قربه مني بس دا احس ناقصني شي ويسوي هيج او يمكن لأن ما يحبني يحب غير وحده زين ليش تزوجني لعد ليش يحبها واني على ذمته بقيت افكر لحد ما نمت صبح صباح جديد كعدت على اتصال بنو. ب6يا هاي شتريد هسه جاوبتها

صباحووووو

يا صباحو شعندج تتصلين

شفتج ما خابرتي كلت اخابرج يابه مبارك جوازتج..

الله يباركلج مو بعد وكت اهلي وبيت عمو من البارحه باركولي

امبلا والله حقج عليه خابرتج دا اكعدج علمود اباركلج لأن اختي اجت علينه وزعلانه وهوسه بيتنه

دروحي درجع انام

شتنامين مو كلتي هيثم شغله يوميه الصبح سويله ريوك وحضريله ملابسه

بنو ابقي وياي عالخط... طلعت بالممر وكعدت عالدرج الينزل عالهول حتى لا احد يسمعني همست.. اي شغله يوميه الصبح بس شدخلني بيه

شنو شدخلج بي هاي كل عقلج لازم تردين يرجعج على امج ههههههه

بنو اني بعدني يومين عدهم تعبت تخيلي البارحه وكفت عالسنك اطبخ

شنو هاي غير تطلعين الاسبوع

ذوله ما عدهم اسبوع وفوك كل هذا هيثم ما متقبلني

وحتى ينام بالارض يفرشله وينام

يعني ما تقرب عليج

بلي تقرب بس مجبور  تعرفين ليش وبعدها صار ينام وحده بنو  الرجال ما متقبلني تخيلي البارحه علمود التمن رزلني كدام الكل

بعدني عروس اني  وهيج سوه بيه وهاي عده الشغل لعد الى ما تطلع السبعه شيسوون ولج النسوان تجي تباركلي حتى ما طلعت عليهن

بنو.... طبعا. اجه ابالي حجي بس استغفر الله.. والله قهرتيني شهالناس شلون راح تتأقلمين وياهم

معرف معرف حايره وما اعرف شراح يجرالي

شوفي اللي حيجرالج راح تتعذبين عندو

واهلو

اهلو هم راح يعذبوج بس راح يجي يوم يحبج ويصير بضهرج

اريده يطلكني

يطلكج بعدج عروس شتكول العالم هيلين فكري شويه باعيلي

وين اشوفج

هههه اسمعيني

جاي احجي وياها  وشفت الحجيه طلعت للحمام......... اسمعج احجي

هيلين دللي بس لا تطلعين عينو

هاي اشون

يعني باعيلي داري احسن مداراه وقبل ليكعد كعدي سبحي واترتبي وانتضري يكعد سويله ريوك وحضريله ملابس

هيلين... اي ويطمع براسي

لا ما يطمع يولي انتي دللي بس شنو ابقي بعيده عنو حتى يعرف عندج كرامه حيجي يوم يفكدج ويحس بقيمتج

هيلين... يمعوده دولي شمداراه شصخام. ما اريد يعرف قيمتي

براء... بكيفج بس اذا بقيتي بحكم اهله راح ياكلوج اكل عالاقل اذا حبج يصيرلج سند

هيلين.... لا يحبني ولا اريد يحبني وشحد اليندك بيه اسبوع لا ومو اسبوع ست ايام ونطلع ابيت وحدنه وارجع على شغلي وكلشي يستمر

براء... براحتج اني نصحتج هسه حبي حروح وراي دوام

ولج لا تحمسيني والله اشتاقيت لدوامي

عمريييي ما بقالج ست ايام وتداومين

الله كريم يلا  اخذي راحتج

تمام باي

باي... سديته من يمها ورجعت لفراشي باوعتله كاعد يراسل واتس بس منو ما انتبهت

تمددت بفراشي دنام لا بنو تريدني ادلل بي واكعد قبله لازم اكعد ب خمسه هههه غفيت سمعت صوته

... اكعدي حضريلي ملابس الى ما اسبح

انت حضرلك شبيك انت متحضر لنفسك... ما حسيت الا وانجريت من شعري جرني وكعني من فوك التخت ويحجي وهوا صاك على سنونه كلمه وحده ما اريد خوشش واذا طلعت وملابسي ما محضره شوفي شسوي.. حجه هيج وعافني وطب للحمام

تهي بهي يدورله ملابس ويدور خدمه شنو خدامته اني وكت الشغل هيلين ووكت الحب حبيبته اكيد جان يراسلها الصبح لأن كضاها يتمضحك ولا يكول

اني مرتي على ذمتي هاي تتسمه خيانه اصلا فما يستاهل اشتغل شي

غمضت مكدرت انام ضليت اتقلب بفراشي ماكو ميجيني نوم  طاح حضك هيثم ما تخلي واحد ينطمر كمت من فراشي ارفع بشعري

طلع من الحمام لاف الخاولي على خصره

باوعلي وكال... ملابسي وين

بالكنتور

يعني الأفهمه من كلامج  ما طلعتيهن

صيحت.. اكولك انت شكالولك عليه خدامهههه شو تزوجتني وما معترف بيه بس بالشغل تردونييييي ما اريد قربك مني بس عالاقل عاملني معاملة زوجة مو معاملة مال خدمممممم

كلت هيج لو كفرت اجه لزم شعري وكال... هاااا يعني تراددين وتعلين صوتج زيننن شكالولجججج عليه مكرننننن ومرتي هيج تسوي وهيج ترفع صوتها عليه

ع عوف شعري ملخته

اعوف شعرج

اي عوفه... صيحتت... وخرررررر

لا تصيحين راح اجرم بيج

دوخرررر عنييييي عوف شعري يا نذلللللل

نذلللل هااااااا بسيطهههه الضاهر انتي مالج ردادددد

وخر عني فتح كنتوره احس احتريت من العصبيه

واختنكت مع انو الغرفه كلش بارده

لبس شورت

وفتح الجكمجه طلع مكص.... كتله.....

ه ه هايي شدتسوي

شدا اسوي هسه تشوفين شدا اسوي

اجه عليه هوا ضخم لزم شعري واني ارافس جوه ايده حيكص شعري ابجي واصيح

الله يخليك عوف شعري والله والله كلشي اسوي بس عوف شعري

ما يرد لازم ايديه ويكص بشعري واني ابجي احس روحي دتروح شعري قطعه من روحي احبه اسمع صوت المكص الحاد وهوا يكص شعري

ما عافني الا وحسيت راسي صار خفيف

باوعلي وكال..... شنو انوب تحبين اخرب احجييييي

ع عوفني الله يوفقك

عافني وراح للكنتور يلبس كعدت بالارض وابجي كرفصت وحضنت رجليه هوا لبس وباوعلي كال....صوتج انوب اذا انرفع بوجهي لو طولتي لسانج اخلي طلقة براسج وميرفلي جفن  حجه هيج وطلع

يا ناس عروس عروس بعدي ليش هيج يسوي شهكت وبجيت والارضيه مال الغرفه ثلج خليت راسي على اقدامي وابجي خايفه خايفه اصير كبال المرايه واشوف شعري من اني وصغيره مهتمه بي وخلطات ووصفات والله حرام عليه يسوي هيج صرختت انت وحشششش مو بشر وحششش الله لا يوفقك عسه حوبتي ما تتعداك

اخابر اهلي هسه اقهرهم ابويه كبل يموت

كمت امشي عالارض واحس بردوتها تخرط بكلبي

تقربت للمرايا شعري لكتوفي وصاير خصل لكتفي وخصل لاذاني باوعت لشعري المتناثر بالأرض واجيت كعدت واشيل بشعري واخلي على راسي وأبجي

بقيت ابجي لحد ما تعبت خليت راسي عالتخت ودموعي تجري

اندك باب الغرفه كلت... منو...

ساره اني حبيبه.. كالت هيج... وفتحت. الباب وفاتت

شافت شعري وشهكت يمههه هاي شنو هاي شمسويه

ما رديت

اجت كعدت يمي وهزتني من كتوفي.... هايي ليش كاصه شعرج تخبلتي

حجيت... هيثم اخوججج الله ياخذه هوا هيج سوه

خلت ايدها على حلكي وكالت.. لتدعين حركة كلب كومي كومي اشوف اشون اعدل شعرج واحجيلي ليش هيج سوه..

عوفيني وروحي

دكومي وربي اكلوج وشربوج افنان ونور  لأن لهسه منازله يكولن مخوتنه للساعه ب7

كومي لا تخليهن هيج يحجن خل نرتب شعرج كومي

كمت كعدتني كبال المرايا وبدت تكص بشعري وتعدل كملت شعري وكالت... باعي شلون عدلته اللج... باوعت. شعري صاير  لأذاني صرختت... هاييي ليش ساره

ولجج هشش صوتج وربي شعرج من وره كلو مكصوص لاذانج بس شكم خصله باقيات لكتفج

ما وكفت بجي شعري احبه اباوع لشكلي المقرف

شعري لأذاني طلعت ولد مو بنيه

ساره... ولج عوبه بس خلي حمره لون احمر الا يطلع يخبل صار كاريه شعرج يجننن... ساره كلش زينه

طلعتلي ملابس وكعدت وكالت طبي سبحي وطلعي دسشور شعرج

تمام

طبيت سبحت طلعت لكيتها شايله شعري وذابته وماسحه الميز هم جان كله شعر من كصت شعري ومحضره السشوار

كالتلي... تعالي كعدي تعالي بدت تسشور بشعري وتحجي... صدك الله لا يوفقه على هيج سوايه عاميته الحيه

هيلين... منو الحيه

ساره... لا هيج

هيلين... احجي ساره لا تغثيني بالزايد اعرفه يحب بس كليلي منو

ساره... اسفه والله جفصت

هيلين... احجي

ساره... قصدي على افنان مو هيه تحبه

هيلين... معناها هيه هاي اليحبها

بس شمدريج انتي

ادري بي يحبها

ساره... يحبها ولو يعرف حقيقتها يكرها

ليش

ولج مو خوش ادميه اول. شي ايدها طويله تبوك

اكثر من احنه بيت عمها وتمد ايدها على فلوسنه لو شافت قطعه ذهب تشيلها وما تكول حرام عيب

ساكته واستمعلها ما ليه واهس احجي

شوفي مره بنت عمي قتيبة متعرفيها يجي يوم تتعرفون كالتلي ايدها طويله وتبوك كتلها لا مستحيل

كالتلي جربيها

اني ما جذبت خبر خليت خمستالاف عالكاونتر وافنان جانت يمي بس ما خليتها تنتبه الخمستالاف اليه ومخليتها تنتبه من خليتها  كتلها كملي غسل الاستكانات اروح اجيب الماسحه حتى نخلص ونشطف المطبخ

المهم طلعت وختلت وره الباب واباعلها باوعت يمنه يسره شافت ماكو احد شالت الخمستالاف وخلتها بصدرها

انصدمت بس كلت ما اتهمها خل ادورلها كدامها يجوز البنيه ضمتها دتنطيني اياها 

رحت يمها كعدت اسولف شويه وكتلها ابقي هنا خل ادزلنه على حلويات كالتلي....اي والله وخل يجيبون جبس حاد ...اجيت لمكان الخمسه كلت اعوذ بالله من الشيطان الرجيم وين الخمسه

ساره...يا خمسه

معرف وينها بس لا شالوها الجهال 

كالتلي... عليش هين ترمينها طول ما تعرفين بالجهال رايحه جايه شوف منو منهم شالها وطلع

هيلين... توصل لهالدرجه

ساره... خليني بضيمي ترا كلهم طالعين على امي بس اني على ابويه كلهم مو خوش اوادم بس جده وهيثم  وابويه زينين نور وأمي يلي هيه أمي وحملت بيه تسع شهور وجابتني مرات اكول تكرهني  بس الله يحملهن وحتى باسم وقاسم طالعين عليها

اهلججج

اي اهلي  امي ونور وباسم وقاسم هيلين خليني ساكته ما اريد احجي البكلبي وافتح جروح

آلله كريم

جاي نحجي طبت افنان وتحجي... وين تلفون هيثم

ساره... شتسوين بتلفونه دازج عليه

لا ما دازني بس شفته ما شايله وجيت اخذه.. باوعتلي وكالت... ياااااا عوععع شني هاي خيه شطالعه احد يلعب بنفسه هيج طالعه جنج ولد ههههههه ولج مقشمره روحج

ساره... تدرين هيثم كصلها اياه هيج هوا يحب  وهوا بيده كصلها اياه

شو هاي احسها راح تطك مدري شجالها حجت... جذب كولي والله

ساره.. والله وداعت كل غالي

عافتنه وطلعت بدون حتى متحجي

ساره... شفتني هيج تعاملي وياها

ترا خطيه تحبه ليش هيج سويتي

لا خطيه ولا شي شفتي شلون كامت تتشمت بيج وتتمضحك ولج جان ما يحبها ولا يتقبلها بس هيه ضلت تتمسكن وتتدلع  الا خلتو يحبها

كتلها لعد ليش خطبني

سكتت ما حجت..

لا تسكتين لعد ليش خطبني

يجي يوم وهيثم يحجيلج يلا اني اترخص خلصي وتعالي... عافتني ونزلت تتهرب ما ارتاح الا اعرف ليش خطبني والسالفه بيها أنه مدام ساره تهربت

باوعت للمرايا تحسرت  على شعري كمت  لفيت شالي ونزلت افنان عايشه عدهم يمكن ساعه وكت موجوده باوعت هيثم مرايح موجود بالاستقبال هوا وابوه

بيت باسم ومرته رايحين شافتني عمتي كعدت كالت

طلعي غسلي المغاسل مغسل اليم التواليت تكرمون ما غاسلاتو اغسلي

بدون ما احجي واكول جوعانه لو شي من قهري على شعري عفتها ورحت للمطبخ اخذت اغراض الغسل وادورلي كفوف لأن اخاف اضافري يتكسرن

وماكو دورت الا تعبت تالي كلت لنور

اريد كفوف

كفوف بهالحر حبيبة

لا كفوف مال غسل

شتسوين بيهن..

اخاف اضافيري يتكسرن

ههه والله بطرانه روحي اغسلي واسكتي ردت افنان.. اي والله ناس بطرانه

ما رديتلهن وردت اتلافى المشاكل اخذت المستلزمات ورحت غسلت المغسل ورجعت طبيت شافتني عمتي كالت

مدام شايله المستلزمات مال الغسل اغسلي مغسل الحمام ومغسل الفوك

يربييي شلون وياهم بعدني ما متزقنبه... حجت ساره.... يمه خل نتريك خطيه ما تريكت وبعدين ننضف

عمتي... سوده عليه ما تكوليلي يا يمه ما متريكه ديلا تريكي وفد نوب تهيري(تحضري) للشغل

هاي من اجيت شغل شغل شغل تعبتت

طبيت للمطبخ اكلت ويه ساره بس احس اللكمه توكف ببلعومي منضر شعري بعيوني شلون انطاه كلبه عيوني غوركن وحسيت كلبي معصور ويوجعني

اكو هواي يتمنون يكصون شعرهم وهسه يكولون تبالغ الا والله شي يوجع الكلب للشخص الشعره غالي عليه

اكلت شويه وكمت اخذت المستلزمات وبديت اغسل بدون واهس اغسل طلعت فوك وبديت اغسل المغسل اجت نور تركض

نور... عوفي عوفي بسرعه غسلي ايدينج وامشي وياي

وين شبيج مدا تشوفيني طامسه بالشغل

امشي غسلي وخلي مكياج شي ونزلي نسوان جايات يباركولج ورادو يشوفوج

وشسويلهم عليش اخلي مكياج خل انزل اسلم وارجع

نور... ولج دمشي... جاي تحجي واجت ساره باوعت لنور وكالت

ساره.... تريدين يشوفنها ويكولن مدللينها ما يشغلونها

رجعت كلت... ماكو داعي انزل وعلى شنو يباركن ليش اني هم محسوبه عروس... رجعت نور كالت... ليش تراج احسن زهاب زهبنالج (جهاز)

وسياكج (مهرج) مليونين عدا الذهب وافخم وارقى صالون وغرفت هيثم كلش فخمه وغاليه

دنكت اغسل المغسل وكلت لنور.... تعيريني بيهن عساهن بالحرك كلهن

نور... يااا شجالج تدعين هينالج والله

سكتتت ما حجيت اخاف لا هيثم يرجع يكملي شعري لأن اذا احجي هسه اسوي هوسه

عفتهن وكملت شغلي خلصت ونزلت شايله السطل مال المستلزمات والنسوان بالهول يباوعن ويتبشبشن

مدرتلهن بال اساسا هيه كم يوم واطلع من هنا واخلص

.

طبيت للمطبخ وكلمن يكلي اشتغلي هالشي لحد ما صارت وقت الغدا وفرغنه الغدا  كعدت يم هيثم حتى لا ينتبهون بيناتنه  شي هسه من يحسن امو واختو راح يبدن يتسألن ويدوخن راسي

كعدت يمه جان يأكل بادي بالأكل ماشالله ابو كرش

معنده كرش بس مدام يحب الاكل لازم اسمي ابو كرش

أكلت بس مو هواي ما ليه نفس الأكل هوا ولا دار بال الحجيه كالت...اكلي يمه لا بس تتصفنين

ساره...حبوبه حتى ريوك ما تريكت مدري شبيها

الحجيه...اكلي يمه بعدين تكعين ونبتلي بيج

كلت بكلبي هوا اني ما اهم واحد بيكم خايفه لا تبتلي بيه علواه اموت ولا جايه بنصكم شو من جيت لهسه ما شفت الخير ولا ارتاحيت

عفتهم وكمت من الاكل نفسي ما تريد الاكل

لهنا وينتهي البارت+تصويتكم عمري

بقلمي...الكاتبة (bmbsh _beme)

الاصداف

بقلمي.. الكاتبة (bmbsh_be

«««صلوا على سيدنا محمد اجرا لي ولكم»»»

(اللهم صلي وسلم على سيدنا محمد)

............................ .................................

وهما بقوا ياكلون ما بيهم الكالي ابقي اكلي جنت عند اهلي اذا اكلت قليل ليش وليش وبابا حتى حلويات يروح يشتريلي وأمي تفحص حرارتي وسهام تكلي نسوي حلويات وناكل حتى براء ام بطن جانت اذا ما اكل ما تاكل

جنت مكضيتها نوم عند اهلي واكول ما شبعانه نوم ومرات اذا امي كالتلي سوي هالشي اكاون واتزعل هسه حسيت بقيمة اهلي

غسلت وتوضيت وصليت ضهر فاتتني الصلاة خلصت صلاة وجانت شوية حارة وخرت شالي من راسي ودنكت اباوع على ايديه وأدعي ربي

ملتهيه ادعي ما احس الا يوسف واكف كبالي ويباوع عليه

كبل رفعت شالي وكلت... متدك الباب اشون تطب بدون متدك الباب

شمدريني انتي بغرفة الحجيه اسف

عفته واجيت دا اطلع كال

افنان تضل تحجي لامي تريد شعرها يصير بطول شعرج عبالي تريد تطول شعرها طلعت تريد تكصه

دنكت بقهر وطلعت ميدري جاي شعري طويل وكصيته رحت جاي يلمون الأكل وأفنان من ضمنهم. شعجب تبقى هنا هيه ويوسف

عاونتهم لمينه الأكل وكملنه وكلهم نامو نومت الضهر

لان كعدو. من الصبح اني جنت ما أنام من جنت عند اهلي بس هنا نعست لأن كاعده من الصبح

تعاونه اني وساره غسلنه الاماعين نور وافنان كلمن طلعتلها حجه وراحن

حجت ساره... عوفي الاماعين والحكي رجلج تلكين الحيه يمه هسه..

شسويلها يعني خليها

كملنه الأماعين وطلعت جان هيثم فارش فراش بالأرض ونايم تمددت عالخت ونمت كعدت على صوت جهال باسم مدري شجايبهم علينه

كعدت بعده ممأذن عصر وهيثم نايم توضيت وكعدت اقره قرأن

كعد هيثم باوعلي ورجع غمض بس مبين منايم

شويه وأذن كمت صليت وحسيت عليه هوا هم كعد خلصت صلاة وهوا طلع من الحمام

كعدت قلبت شويه بتلفوني راسلت ماما وبراء وأيه ونزلت جوه بيت باسم هم موجودين هم كضيناها شغل وطبخ تعشو وكلمن طلع نام وبقينه على هذا الروتين لحد ما خلص الأسبوع

وهيثم على طبعه نفسه ساعه وكت ضايج وينام وحده واني لا اشتغل بشي يخصه ولا اسمع كلامه بشي

حتى يطلب من افنان وساره ونور.. افنان بيتهم يم بيت عيالي بس من تريد تنام تروح لبيتهم ويوسف نفس الرنه ساعه وكت بالاستقبال ويه هيثم

كعدت على دكة الباب الصبح باوعت الساعه ب9وهيثم مموجود كلت منوووو حجت عمتي.... الساعه ب9يلا اطلعي لشغلج راح تعفنين بغرفتج حبيبة حجت هيج وصوت خطواتها راحت

كمت بملل وعيوني نعسانه البارحه سهرت اراسل بنو

سبحت وذبيت شالي على راسي ونزلت لحد هسه هيثم مشاف شعري من اخر مره لمن كصه حتى بالغرفة اخجل من شعري لأن احس طالعه وجه ولد رغم

ساره كالتلي كلش حلو عليج لأن عيونج كبار وصاحبة شفايف منفوخه

ف اضل لافه شالي ومن اشوفه يتمدد بفراشه اشلح الشال وانام

نزلت جوه الحجيه كاعده تباوع للشيخ بالتلفزيون شيخ مال فتوه وتفسير احلام

وهيثم مموجود بشغله ميرجع لل12ويوسف مموجود يجوز بمدرسته لأن العرفته هوا طالب

نور وأفنان كاعدات عالدرج يتبشبشن وام هيثم ماكو

طبيت للمطبخ ساره بالمطبخ وكاعده تكطف الخضرا كتلها

لعد ام هيثم وين

قصدج امي

اي امج

اشون تكولين ام هيثم كولي امي كولي عمتي

ديلا عمتي وين توها جانت فوك

اي طلعت كعدتج وراحت تشتري ملح وبهارات وهاي الشغلات مال الطبخ

صبيلج جاي مدام حار توني صبيت للحجيه

صبيتلي جاي وطلعتلي لبن وكعدت يمها اكل وانسولف كتلها شنو هيثم ما كمل شغله علمود نطلع

ساره... ليش ما كالج

شيكلي

جان ديصبغ البيت

ليش مو مكمله

لا مو مكمل باقيله الصبغ جان ديصبغه

وهيه الارض مالته تجاوز ف الحكومه هدمت البيوت التجاوز وبيتكم من ضمنهن متشوفين كص شعرج هوا بيوم الكص شعرج جانو ديهدمون بيته طلع قهره براسج

ليش ما كتيلي

شفتج مقهوره ما ردت اقهرج بالزايد

وتالي شلون هسه

شنو شلون كال حنبقه هنا

يعني حعيش وياكم

اي

صخام الصخمني

شبيج حبيبة ما ينعاش ويانه

حتى ريوك ما تريكت طلعت لغرفتي واني افكر شلون ابقى هنا اني شغلي ما اكدر اشتغل هنا اني التهي بي لو التهي بشغلهم اللي ليل نهار كرف وهم لو احد يستاهل اعوف شغلي لخاطره هاي كضيت اسبوع زواجي شغل احس كضيت سنه عدهم مو اسبوع

طلبت رقمه وخابرته دك جاوب كال.... ها خيررر

خيراتت ايمت تطلعني ابيت وحدي

شتريدين بيت وحدج يعني

اي عمو مو كال لابويه اسبوع ويعزلون وبنيتكم تكمل شغلها هم

اي ابويه كال هيج وعلى اساس نطلع بس البيت انهدم وما عندي ولا فلس دبني بيت جديد

اني اريد اطلع من هنا

لازم اني بكيفج امشي

مشكلتك اني ما ابقه هنا دقيقه وديني لاهلي احسن شسالفه ما بيكم واحد كد الكلمه

شو تحجين بصيغه رجال وشنو هذا الت... الزايد بس خل يخلص شغلي واجي حسابج يمي دشوف منو المو كد الكلمه

شتسوي مثلا تكص شعري هوا شبقه منه ديحجي وسديت الخط بوجهه

حسيت خوفه بكلبي اول مره اخاف من شخص خايفه صدك يجي يكمل شعري ويكصه يلا كال اخلص شغل واجي الى ما يخلص شغله تهده اعصابه

نزلت جوه كمت اعاون البنات واشتغل وياهن افنان كالت

ترا مجاي تنضفين الأماعين عيني شنو هاي

مرديتلها

شو دفعت كتفي وكالت.... هييي مو دا احجي وياججج....

باوعتلها وكلت... خيررر شدخلج انضفهن او لا صكيت على سنوني.... ديربالج تمدين ايدج عليه خوشش ودفعتها هيه تزحلكت ووكعت على ايدها

وكامت تصرخ وتبجي وتصيح خابرووو هيثممم عليها هاي مالها رداددد

جابولها الجهال الموبايل اخذتو وكامت راحت للهول خابرت هيثم تبجي ومدري شتحجي وترطن رطن هيه تحجي عالسريع

مدرتلها بال كمت اغسل بالاماعين اجت اخت افنان الصغيره كالت لنور جيبي لفاف(باندج) لافنان دتلف ايدها

يوه شكد تكبر الموضوع دزولها باندج نص ساعه اني على فد وكفه بالمطبخ انضف وامسح ومن ما اشتغل تجي ام هيثم على راسي تدك وتحجي وتبسمر

جاي امسح بالكاونتر وما احس الا وانجريت من شعري ونفس هيثم يم وجهي يخوف من اعصابه كال

شو هذا الاسبوع انجلبتي من محد حجه وياججج هاااااا هوا يحجي واني اريد اخلص نفسي من ايده ما اكدر باوعت افنان يم باب المطبخ مضمده ايدها وتبجي وتشهك

جرني لطابق الثاني من شعري واني جوه ايده ابجي اذاني لأن شعري قصير احس فروة راسي حتنشلع

عوفف شعري الله يوفقك جرني الدرج وهوا لازم شعري رافعني عن الارض بسبب ضخامته عبالك شايل حاجه صغيره بيده ويصيح..... شنووو اني وتجيني مره تريد تمشي كلامهااا عليه هااااااا

عوف شعري والله هيه حقيره هيج تكلك اني محاجيتها والله بس دفعتها وهيه سوتها قصه

طببني للغرفة سد الباب وكال.... وعندج لسان تحجين ولججج شنووو من بشر انتي شهالمتانة وجه هاي هااااا

دفعني وكعني بالارض وهوا محتقن داس بقدمه على ايديه حسيت اصابعي تكسرن

شلح الحزام وصار يضرب ويصيح ما عنديي مره تشتغل اني لو ترفع صوتها عليه وتسترجل ويضرب

اريد احمي وجهي ما اكدر حتى على وجهي ضربني

احس الحزام نار وتضرب بوجهي تعبت واني اناشد احد يخلصني منه لحد ما تعبت واني اون وهوا يضرب كأنو مجرمه جوه ايدو وحتى المجرم مو هيج عقابو حسيت الغرفه صارت ضلمه

وكلبي حسيته راح غمضت وما عاد اعرف شصار حسيت على برودة بجسمي باوعت دم يم وجهي بالارض خفت بالكوه حركت جسمي وبرودة الارض بجسمي

انوب الجو بارد بالكوه تحركت اني وكاعده اخذت ريمونت التدفئة من فوك التخت وعليته باوعت للساعه ب2

سندت نفسي دا اوكف حسيت شي بأصابعي يجرح

باوعت اضافري شي مكسر وشي ممكسر والمكسرات طاكات دم تقربت للمرايه

اخذت قصاصه اضافر وايدي ترجف واني اكص اضافري اللي بقو وابجي بابا وين جبتني والله بنتك متأذيه تعبتتت

باوعت للمرايا حلكي طاك دم بسبب ضربة الحزام

اخذت ملابس وطبيت للحمام اسبح واباوع لجسمي اللي صاير يخوف بسبب الضرب

احس الميه توجع جسمي. لهالدرجه أذاني بضربه لخاطر حبيبته زين اني شنو ذنبي اني انجبرت عليه ليش يضربني لخاطرها ويكسرني هيج

طلعت نشفت شعري وخابرت ماما

اول ما دك جاوبتني

ها ماما اشونج

بجيت... أأأ مو زينه

ليش تبجين ماما...

دا اجاوبها وطب هيثم انخرط كلبي حيضربني اكيد

جر التلفون من ايدي وكال

هلا عمتي اخباركم اموركم

دومكم

والله الحمدلله

لا ما بيها شي تبجي مشتاقتلكم

صار صار اسبوع الجاي اجيبها واجي تشوفونها

انشاءلله

يلا سالمين بعدين نتخابر لأن معزومين ودا نروح

حجه هالكلمات وسد الخط

باوعلي دنكت راسي خايفه

حسيته رفع ايده خفت ورفعت ايديه حميت نفسي

ذب التلفون عالتخت وكال ما اضربج دا اذب التلفون شبيج خايفه هيج مني هلكد اني اخوف... حجيت

طول عمري ابويه ما مخليني انام جوعانه

وانت صار اسبوع عندك انام جوعانه

ابويه مضاربني ابد

بس انت ضربتني وانتقمت مني

اني تزوجت حتى استقر مو حتى انضرب وانهان

شنو ذنبي انجبرت اتزوجك وانت تحب غيري شنو ذنبي تحبها واني على ذمتك

والله ما اذيتها وانت اجيت ضربت بدون متفهم الموضوع شنو

اني اريد ارجع لدوامي

حجه.... بس حتى لو نعزل ما تداومين اني ما عندي مره تشتغل خوشش خليها ترجيه بأذنج

خفت اي خفت اعانده ويرجع يضربني

فكرت حياخذني اسبوع الجاي لاهلي وعود وما ارجع وياه ابقى يم اهلي واتطلك منه وانعل ابو العالم لابو حجيهم

قطع سلسلة افكاري وهوا يكول

انتي متعرفين شصار بروحتكم من يمنه اني خطبتج برضاتي وبدون رضاتي وجان زواجي منج لمصلحتج وعلمودج

شنو هوا الشي اللي علمودي

يجي يوم تعرفين ما اريد اتطرق لهذا الموضوع اسف على ضربج بس انتي جبرتيني

حجيت بتعب.. شراح يصلح اعتذارك

حيرجع شعري

لو اضافري لو يعالج هاي الكدمات الصارت بجسمي

حجيت هيج ورحت تمددت بفراشي وسويت نفسي نايمه

محد طلع ولا احد اجه يمي لليل اني بفراشي

حسيت عليه طب للغرفه فرشله ونام

مكالو هاي من الريوك مماكله شي

بقيت اتقلب بفراشي لل 3الفجر وقتت تلفوني على صلاة الفجر وغفيت

كعدت على صوت تلفوني طفيت المنبه

طلعت للحمام

ورجعت لغرفتي غسلت وتوضيت

وطلعت لبست شال الصلاة وفرشت السجاده صليت وكملت صلاة ودعيت

ربي بجاه محمد خلصني منهم خليني ارجع لأهلي هاي اسبوع وهيج تعبت عدهم اذا ابقى شهر ينهوني ذوله ناس بلا ضمير وگأنو من اجينه نتونس عدهم جانو غير اشخاص وانقلبو كلهم اني شنو ذنبي افني عمري ويه هيج شخص وويه اهله اللي محساسبيني حالي حال بناتهم

كملت دعاء خفيت اللون الازرق اللي بوجهي بسبب الضرب خفيته بالمكياج

وطلعت كلهم نايمين اريد التهي اريد انسى وجع كلبي

عزلت الهول وكملته وطلعت للمطبخ نضيف بس بي شكم صحن غسلتهم وطلعت للحديقه جسمي يأذيني بس مو مثل وجع كلبي

هسه تكولون تبالغ بس الوجع ميحس بي غير راعيه

بابا معلمني شلون ارتب الحديقه وهما حديقتهم ميعتنون بيها جبت المقص وبديت ارتب بالحديقه صارت تجنن رشيتها وشطفت الحوش وكراج السياره

باوعت سيارة هيثم بالكراج

غسلتها جانت كلها تراب جنها جانت بالوحل

طبيت للبيت مرتب كله رتبت الاستقبال وكملتها وحسيت جوعانه عصافير بطني تزقزق بس حلكي ما يتقبل الأكل

مثل الشخص المعدته متسممه تريد تاكل بس نفسك متتقبل الأكل

طبيت للمطبخ فتحت الثلاجه تذكرت من مره اجيت استحيت افتحها جنت غريبه

طلعت حليب فورته وكصكصت جبن واتريكت مو كلش اكل الخبز فما اكلت خبز

الحجيه كعدت شافتني بالمطبخ كالت حبيبة طلعيلي دهن الحر بين ما اغسل واجي

طلعت دهن الحر وطلعتلها خبز حميته عالطباخ وسويتلها الجاي وكعدت انتضرها هيه بالكوه تمشي

شويه واجت كعدت يمي كالت... انتي مرتبة الحديقه

رديت... ايي وكمت جبت الاستكان والشكر وحضرتهن كعدت يمها ننتضر الجاي يفور حجت الحجيه

ليش يمه هيج مأذايه افنان

حجيت... جنت جاي اغسل بالاماعين واني ممتعوده اغسل اماعين جبيرة وجاي اغسل بالجدوره جدورتكم كلش كبار وتعبانه النهار كله اشتغل وما نضفت الجدر زين ممنتبها عليه اذا نضف او لا من التعب

واتكاونه اني وافنان كامت دفعتني ودفعتها هيه وكعت نفسها وسوت قصة

فار الجاي نزلته وكمت اصبلها كالت... خلي خاشوكه وحده شكر ما اكدر عالحلو حبيبةبيه سكري

عندج العافيه انشالله حجيت هيج وصبيتلها جاي وانطيتهيا وكعدت تاكل وتحجي

افنان مكاره وحياله مثل عماتها وانتي مكاسبه رجلج اكسبي احنه هنا كلنه ملاحضينكم حتى عمج بس ميكدر يحجي وياه ملاحضين زعلكم من بعض منكدر نحجي لسبب مااا

هوا زوجج انتي مو زوج افنان هيه النهار كله تشتغل بمكانج رغم تشتغل بدون نضافه بس تحسينها تسابق خواتو علمود هيه تشتغل انتي اللج الحق بي مو هيه ومع الوقت تكسبي يا عيني بس اطلعي من حقه اغسلي ملابسه حضريله الاكل

بنيتي شوفي اني هنا صحيح عمت ام هيثم بس كأنو هيه عمتي ما اليه كلمه هنا من مات الحجي لهسه وهيثم بس يعرف يتكاون ويه امه علمودي

هيثم اني ربيته اعرفه شكد حنين بعكس اخوته باسم وقاسم.. قاسم متعرفي بس من يكمل هاي السنه يجي. لان يدرس بسكن بالجامعه

بس هيثم الوسطاني جان محد يداري غيري

هيثم حنين ولعلمج انتي ضغطتي عليه مو قليله ينهدم بيته

حجيه حقج صح كل كلامج بس مو يضربني لخاطرها قابل اني مو بشر بعدني عروس عندو

هيج يسوي شسوالها ضربها صيح عليها لا شي اكيد على كولتج الحنين داراها بجفوفه الحنينه وراضاها حجيه باليرضه عليج لا تجيبولي طاري بعد اني بس نروح اسبوع الجاي ابقى يم اهلي وما ارجع

حجت الحجيه... ما اللج غير بيت رجلج هذا سندج وعزج

والله لا سند ولا عز شو صار كسرتي ومذلتي

الله كريم انشالله تتصافون

الله كريم

بقينه اني وياها كاعدات هيه تسولفلي عالحجي اشون توفه واشون عانت وانذلت واشون ابو هيثم خلاها يمه وداراها

لحد ما الكل كعدو

كاعده الحجيه يمي بالمطبخ واني وساره نحضر بالريوك وهيه تنصح بيه رجلج ورجلج دوخوني عبالك رئيس جبير بالبيت

سمعنه صوت هيثم يسأل..... منو غاسل السياره وكلها كالتله مو اني... كال لعد هاي ساره يجوز تريد فلوس هالغاسلتها ههههه

طب هيثم كال.... سوسو عاشت ايديج عالسياره

ردت الحجيه.... هاي مريتك كعدت الصبحيه منضفه سيارتك ومرتبة البيت وحتى الحديقه شغل ايدها

ما رد عافنه وطلع حضرنه ريوك تريكو واني والحجيه كاعدات وهيه تحجي وياي حسيتها أمي

كملنه ريوك ولمينه وغسلت الاماعين ساره راحت لخوالها العرفته اسبوع هيج تضل عدهم

وافنان ونور كاعدات كالعاده عالتلفونات وام هيثم تباوع للمسلسل وابوهيثم مموجود شغله بالبساتين ابد ميعوفهن كل يوم ميجي للمغرب للبيت وجان يوم جمعه هيثم ما طلع اباوعله عينه على أفنان

درت عيني منهم واسولف ويه الحجيه كال هيثم

نور من ايدينج كيكه معدله

هههههه عود مستحي تكول افنان سويلي كيكه من هاي المحتركه

افنان... عاد هيه مره وحده احتركت ولزمتوها عليه

الحجيه...حبيبه ايمت سويتي كيكه هيه مره واحتركت ما بيوم ضكنه من ايدج كيكه ما محروكه

نور... اني ما اسوي شي تعبانه خل هيلين تسويلك كيكه

حجت الحجيه كومي حبيبة سوي لرجلج كيك هذا روحه بالكيك يحبه واهم شي خليله عليه ككو هوا يحبه

كلت بكلبي ولا استحه يدور كيك هسه شلون اني ما اعرف

همست للحجيه... حجيه ما اعرف

افنان... هيه التمن شلون تسوي انوب كيك

ضجت من كلامها وكلت لنور

تعالي علميني وين مواد الكيك

رحت ويه نور علمتني على مواد الكيك وراحت

هسه اني شورطني وكلت اسوي كيك واني كلشي ما اعرف ربي استرنه كون كيكه معدله فتحت نت وطبيت يوتيوب وبحثت... عمل كعك بالكاكاو

لهنا وينتهي البارت +تصويتكم عمري

رواية الأصداف

بقلم الكاتبة ♕bmbsh_beme♕

.......................................................................

وطبيت يوتيوب وبحثت... عمل كعك بالكاكاو

فتحت الفيديو شفته وغلقته اني من النوع اللي بسرعه احفظ الشي

طلعت طاسه لايلون مو ستيل

خليت بيها كلاص شكر وكلاص زيت وخليتهم بالخلاط الكهربائي لحد ما صار المزيج هش

خليت 3بيضات وخفقتهن بالخلاط مع الزيت والشكر

خليت كيس فانيلا وملعتين مال اكل لبن زبادي

وخفقتهن بالخلاط مع باقي الخلطه لحد ما تتجانس المكونات وطفيت الخلاط

ضفت فوكهم طحين منخول وكاكاو وبيكنج باودر صودا وخفقتهم مع باقي المواد لحد ما تجانس الخليط

جهزت قالب الكيك ودهنته بزيت ورشيت عليه شويه طحين

خليت الخليط بالقالب وشغلت الفرن على 180درجه خمس دقايق شويه صار حار الفرن وخليت قالب الكيكه

وسويت قالب ثاني لأن ما يكفيهم قالب واحد

وكل شويه اشوف الكيكه جبت عود نضيف ودخلته بالكيكه شفتها مستويه وطلعتها وخليت اللخ

بديت احضرو الكاكاو كذلك عالنت

جبت جدريه خليت بيها كلاص نشا وكلاصين حليب سائل ونص كلاص شكر وكاكاو مال معجنات نص كلاص خلطتهم وخليتهم عالنار بقيت اخوط بيهم لحد ما ثخن الكاكاو

فرغته على قالب الكيك

وصار قالب الثاني وهم خليتله كاكاو

رشيت فوك الكيكه جوز نركيله للتزيين اباوع لشكلهم يجنن بس خايفه من طعمهم

لا مثل سالفة التمن

خليتهم عالكاونتر وشغلت بانكة المطبخ حتى يبردون

وطلعت كالت الحجيه ها حبيبه صارلج ساعتين بالمطبخ

يمه هسه بس يبرد

بعد روح يمه تعالي احبنج مدام تكولين يمه

هههه فرحت بكلامها احسها امي كلش حنينه وياي دائما من يكاونوني بالبيت هيه تدافعلي

هيثم طلع واني خليت الكيك بمكانه لان الجو بارد معليه شي

وبقه للمغرب ضربو ضرب عالغدا ههههه

اجو المغرب كلهم انجمعوا مقبلو يتعشون كالو كثرنه بالغدا حجه ابو هيثم

شفت شلون كيك بالمطبخ وينه جيبوه ناكل

ساره كالت كومي خل نجيب الكيك

رحنه جبنه الكيك شكله يجنن كصصنه الكيك ووزعنه جان يوسف وافنان موجودين وكلهم منجمعين

ساره انطت هيثم صحن كيك باوعت لأفنان خزرت هيثم وحتى مقبلت تاكل كيك شو هيثم ولا حط شي بحلكه كلت طبه طوب ولا ياكل

ابو هيثم... منو سوه الكيك شو من اخذت ام باسم لهسه ما مطعمتني هيج كيك

الحجيه كالت هاي هيلين سوته.... كال.. عاشت ايدج كلش طيب

ابتسمت وكتله... الف عافيه عمو

ساره... كرصتني وكالت... ههههه شوفي هيثم يباول للكيك ويبلع بريجه والله خطيه هههههههه

باوعتلها بنضره مليانه خباثه وضحكنه رفعت عيني هيثم ديباوعلي سكتت

اكلو الكيك والحجيه كالت.... خلو لهيثم يمه خلوله صحن

ساره جابت صحن وخلت لهيثم قطعتين

ابو باسم.... اكلهن بويه ترا عيني عليهن اذا ما اجلتهن شوية اللخ متلكاهن

هيثم.... اكلهن الف عافيه اني ما اشتهي

كلت بكلبي شلون يجذب هوا كال مشتهي الكيك

يوسف.... عاشت ايدج يوميه سويلنه كيك جا غير محرومين هيج كيك طيب

كلها ضحكت

افنان..... مو امي تضل تسويلكم كيك وحلويات

يوسف... خيه وين كيكات امي ووين هاي الكيكه غير تخلي كيكات امي بجيب الوره..

ضحكنه كلنه اني اضحك بنصهم واتصنع القوه واحس كلبي هش من القهر

اكلو الكيك وتعللو وكلمن راح. لفراشه نام افنان ضلت كالت ابات يم نور

طلعت لغرفتي جان فهد فارش فراشه ومدد باوعت مغمض عود نايم مبين كاعد

غمضت ونومت نفسي شويه وحسيته كام من فراشه

انتضرته يطلع لبست شالي ولحكته امشي على اطراف اصابع اقدامي خوفا منه لا يحس بيه

رايح لأفنان اكيد خل الحكه لو مهما كان يبقه زوجي

وصلت الدرج باوعتله طب للمطبخ

نزلت على كيفي وصلت يم باب المطبخ سويت هجوم وطبيت

حس عليه اندار باوعت

شايل صحن الكيك ودياكل من شافني صفن معرف شيسوي

خله الصحن عاكاونتر وكال.... ترا ما دا اكل مدري منو ماكل منه شلته دطلعه من الثلاجه

اتقربت منه امشي واحجي وحاصره الضحكه .... شفايفك صار عليهن ككو والكيك ميخرب الثلاجه

تجذبيني يعني

تقربت اخذت كلينس من فوك الميز مسحت شفته من الككو وكلت... سويت. الكيكه علمودك

... اخذت الصحن من فوك الكاونتر.... رفعت الخاشوكه يم حلكه وكتله.... لترجع ايدي وطعمته

... ياكل وصافن حاير ميعرف شيحجي... مسكت ايده وخليت الصحن بيهاوكتله... الف عافيه هيه صارت علمودك

عفته وردت اطلع كال.... عادي تاكلين وياي

ايي عادي رجعت يمه كعدنه عالميز وناكل باوعتله مبتسم بوجهي

دنكت العب بالشوكه وأكل

حجه.. مبين تردين تنتقمين

على شنو

هيج دا تخليني اعرف شكد اني ضالم ومو خوش ادمي

هيلين.... تصرفي كان بعفويه والله

هيثم.. چان

هيلين.. كان

هيثم.. چان

هيلين... چان

ضحك وكال.... لا تضلين توازيني وتخليني اضربج

اني ما اوازيك على شي انت عصبي

والسانج الطويل

ينكص

هههههه

معرف حسيته غير شخص مو هيثم اللي يبقى يضربني حجيت... خايفه اروح انام واكعد الكاك راجع هيثم العصبي تدري حتى اخاف منك رغم اني قويه بس صرت اخاف منك بسبب قسوتك

بس لا. تطولين لسانج وكلمة رجال ايدي ما ارفعها عليج اني اكره المره اللي لسانها طويل ومالها رداد

ديحجي وياي ووكع شالي

رجعت خليت الشال على راسي خجلانه من قصر شعري كال...

ترا حيل يلوكلج ومد ايده نزل شالي

خلصت الكيكه واثنينه كاعدين كال...ما نعستي

اي والله نعسانه

يلا امشي اني هم اطلع انام باجر وراي شغل

طلعنه وكلمن راح نام بفراشه

فكرت قبل لا انام وبقيت افكر لحد ما توصلت قرار انو اكون زينه وياه واشوف يتغير لو لا

نمت واني اتحسر على دوامي وشغلي

كعدت على توقيت المنبه صليت الفجر وهوا هم كعد صلى ورجع نام كعدت ب5ونص حضرت ملابسه وخليت دوشمه بالحمام وطلعت السشوار والمشط مالته من الجكمجه (الجرار)

ونزلت للبيت رشيت الحديقه ورشيت سيارته بميه من التراب لأن منطقتهم كلها تراب تضل تتوصخ السياره

كملت وطبيت جوه الحجيه كاعده كعدت نتريك اني وياها ونزل هيثم متحضر ديروح لشغله كال... صباح الخير

ردينه اني والحجيه صباح النور

كعد يم الحجيه يسولف وياها صبيتله جاي ووكقت احمي الخبز كال

هاي عليش تحمين الخبز

اطيب

انطيته كرصة الخبز وكعدت كملنة ريوك كلما ارفع عيني ديباوعلي من يشوفني يدنك ياكل جاي ناكل وطبت افنان

افنان.. صباحوووو هاي جاي تتريكون

هيثم... لا نتعشه تعالي تريكي

كعدت افنان بينه وبين الحجيه نضراته الها كلها حب عكس نضراته اليه احسه جاي يتفصحني

بقيت اكل مدرت بال بس حسيت نار بكلبي مو غيره بس عالاقل لا يباوعلها هيج

كمل ريوك وطلع للسياره بالحوش وصاح هيلين

كمت رحت اشوفه شيريد

وكفت اباب المطبخ وهوا يم الكراج كال... بس جيبي السويج يحجي بصوت عالي لأن شويه بعيد عني

ركضت للغرفه باوعت السويج عالميز اخذته ونزلت

شفته جاي يحجي ويه أفنان ويضحك من شافني مدري شكاللها ولاكتني راحت للمطبخ واني اجيت يمه انطيته السويج وكتله

... لتحسبها غيره مني بس تقديرا اليه حاول تاكلها بعيونك بوقت اني مموجوده مو كدامي تحسسني كأنو مموجوده

هيثم... بس

مخليته يكمل... ميحتاج تكمل اعرف تحبها الله يديم محبتها بكلبك ابتمست ورجعت للمطبخ وكان روتين عادي صار شهر على زواجي يوميه احضرله ملابسه وريوكه قبل ليكعد ومن يرجع من الشغل يطب يسبح يطلع محضرتله ملابسه وكلما يريد چاي يكلي اسويله چاي وكيك كل اسبوع اسويله كيك وياكل منه هواي

كل اهتمامي بس مكان اكو اي نتيجه عيونه تاكل افنان أكل اكثر الأوقات يسولف وياها ومن يشوفني يسكت وميديرلها بال

شغلي للأسف مكدرت انطق حرف واكول اريد شغلي من خوفي لا يتعصب ويضربني او يكص شعري واني شعري بده يطول

كاعدين اني وساره افنان طبت لابسه عباتها شلحتها لابسه جواها بنطرون جسمها مفصل تفصال ويوم جمعه هيثم وعمي موجودين وابن عم هيثم موجود

اباوع لهيثم طكت روحه من شاف لبسها

ما اكللكم ما مغثوثه لا شبعانه مغثه كلشي سويت ومو بعينه يحاجيني كأنو صديق اجفص بسوالفي مرات ويضحكون على سوالفي

باوعت هيثم كاعد يسولف ويتشاقه ولأ كأنو لابسه هيج لبس افنان واخوها محاسبها

عافنه وطلع حتى مكال وين رايح ولأ كأنو اني موجوده دنكت  راسي وتحسرت الله كريم اني ما ابقى بذمته اساسا حعوفه على اهلي شكد ردت منه ميقبل يوديني حتى مرات ابجي وميقبل يكلي لو يريدوج جان جو عليج وحتى مخابره صارو ميخابروني ملتهين بعمتي سهام

بس اني وبراء نتواصل وقليل نحجي جاي تحضر لخطوبتها

وايه نفس. الشي

عفتهم وطلعت لغرفتي لبخت مكياج من الضوجه وكمت اتصور طب هيثم وكال

هاي شدتلوصين

رديت ببرود.. معرف يعجبني

احسه حيطك ما دارلي بال طب سبح وطلع وكف يمي عالمرايا يمشط واني خلصت مكياج جاي ارسم الحمرا لون احمر  وشفايفي منفوخه الحمرا تطلع توب

باوعتله صافن عليه

نزلت عيني منه وبديت اخلي الباودر مال الخدود وطبت افنان للغرفه

افنان... طلعي اريد احجي وياه وتأشر عليه

لا لهنا ووصلت حدها تحملتها هواي

تقربت منها وكلت عليمن عيدي

افنان... عليج

طلعي براااااا وأشرت باصبعي للباب

افنان... لازم مداتشوفها دتطرني

هيثم.... غرفتها ومن حقها تتصرف اليعجبها تطرد ما تطرد بمزاجها وبعد لتدخلين للغرفه بدون متدكين الباب شنو ماكو خصوصيه رجال ومرته تطبين غير تدكين الباب.... جرني بحضنه وباوعلي وكال.... مو صحيح هيلين

هزيت راسي بمعنى اي

افنان غوركت عيونها وتكابر تبجي طلعت وركعت الباب

اني دفعته عني وكلت.... ماكو داعي تتقرب هيج حتى تقهرها اني مو لعبه عندك

هيثم.... ما رد طلع وعافني

نزلت جوه جانت افنان مموجوده رايحه للبيت سوينه العشه اني ونور وتعشينه

وسويت الكيك وخليته عالكاونتر هيثم ما اجه حتى عالعشه

بليل جنت نايمة وحسيت عليه طب للغرفه اندرت عليه...... اباوع عليه لحيته بيها ككو

هيثم.... راح تطكين اضحكي

كال هيج واني انفجرت ضحك طلع جبار البداخلي

حجه... شنو اليضحك

هيلين.... ههههههه خرببب هههههههههههههه افتهمنا تحب الكيك بالككو مو حتى لحيتك تاكل دشوف الجوز نركيلا بلحيتك هوعععععع حزوع

طب للحمام غسل وجهه. وطلع نشف وجهه ونام

ويدردم عليه مثل الشايب..... تتهوع الخاتون ولا تستقر

هيلين.... ترا اسمعك ههههههه ابو الكيك متسويلك محل للكيك

سمعت صوته يضحك

ابتسمت ونمت وجهي متين احس ما يغثني شي كبل انسه اليقهرني

بعد فتره جان هيثم راجع من الشغل وتعبان كلت خل احاجيه عالشغل بلكت يقتنع

حضرتله ملابس طب سبح واني نزلت حضرتله الغدا نزل تغده وطلع نام كعد المغرب اخذ سويج السياره وطلع على اصدقائه بليل من رجع فرشتله فراشه

وطب للحمام غسل اسنانه وطلع كتله

هيلين... هيثم اريد ارجع لشغلي

هيثم... الكلام اللي اكلج اياه ماكو داعي اعيده

هيلين... فدوه لتسوي هيج كل هالسنين تعبت وانت تالي تبطلني حتى الله ما يقبلها

هيثم... لا يقبلها رب العالمين المره لازم تطيع رجلها

مشكلتك اني اريد ارجع

اني جم مره كايل لا تعاندين

بس اني اريد ارجع لدوامي

هيثم.. ما ترجعين واذا ميعجبج هاي اربع حيطان كبالج

هيلين.. لا ارجع انت الطخ راسك بالحايط ارجع يعني ارجع

لا تعاندين هيلين

اعاند شغلي اريد ارجعله

هاااا

ايييييي

صك على سنونه... لا ترفعين صوتج

شتسوي مثلا اريد ارجع لدوامي تضربني اضربني موتني

كلت هيج واجاني راشدي فر وجهي فر مثل كل مره انضربت وانهانيت واجه جاب المقص

شهكت وصحت..... بداعت افناننن لا الله يوفقك لااااا

حجيت هيج عافني وطلع احس جسمي تكسر من الضرب خفت يرجع يكص شعري اني اريد دوامي لا بيه اروح لاهلي واهلي ميجون ياخذوني اخابر امي اكللها شايفه الضيم عدهم تكلي تحملي حتى اهلي استثقلو ياخذوني

بعد ما اجيب طاري دوامي ابدددد كلشي الا شعري لان حيكص شعري وهم مراح يرجعني لدوامي

كمت توضيت وصليت ودعيت ربي يخلصني منهم

مر شهرين على زواجي امي نتخابر اني وياها بس كلش قليل طلعو للهند يودون عمه سهام وميرجعون كالو شهر اكثر منرجع الا تتعالج لأن الروماتيز صاعد عدها وواصل لكلياتها وميعرفون بيا لحضه تتوقف كلياتها

هيثم الروتين اليومي نفسه شغله ميرجع منه لل12وبس الجمعه ميداوم فراشه يبقى بالارض واني عالتخت بس كل فتره احسه يتحسن اكثر وياي

مرات انتبه يباوعلي لو صافن عليه بس ابد ما بادر وتقرب

كاعدين نتعلل ملتمين كلنه وباسم ومرته موجودين وباجر قاسم يجي

كال باسم.... الاثول مالتج اشونه وياج

رديت واني ممنتبها.... زين الحمدلله

اباوع لهيثم فقد من الضحك والكل تضحك وباسم يضحك وكال..... ههههه مرتك سوتك اثول وتضحك امداك

هيثم.... ولك هوينه هوينه هايي مرات تجفص اكبر واكبر

والكل يضحك

واني تفشلت شكد عيب

ثاني يوم كعدت من ال5روتين يومي صارت عندي

توضيت وصليت. ونزلت للبيت تنضيف حتى ساره شويه شويه تخوتنت (عافت الشغل) وصار كله براسي اذا ما اشتغل شي يجي هيثم امه تشكيله ويطلع يضربني يموتني مرات احس تعودت عالضرب

ومرات جسمي يأذيني بسبب الضرب يضربني من يرجع ب12امه تشكيله يطلع للغرفه يموتني مرات اتشاهد جوه ايده من الضرب حتى بالبيت  اطلع

انضف غصب عني وما اكل كلشي بليل يرجع من التعليله مشتريلي حلويات واني ارضه بيهن لأن اجوع اربع مرات كتلني بسبب الشغل من امه تشكيله تشدها مناحا مرتك تعلي صوتها عليه ومرتك تنتر بوجهي ومرتك ومرتك واني مرات بس اكللها تعبانه لو اخذتني النومه بس هوا يصدك امه

مره نايمه اخذتني النومه لل9حسيت انجر شعري

يصيح ويكول شلون تصيحين على امي وترجعين تنامين ويكومني بالكتل اشتغل

صرت اخاف احاجيهم اشتغل سكته بسكته

خلصت شغلي وسويت ريوك كعدو تريكو وراحو عالشغل واني يم الحجيه شويه وطب شاب ضخم كلش حلو ينطي شبه لعمتي طبق الاصل

عمتي كامت  تبوس بيه وتكول يمه وليدي قاسم العرفته هوا هذا قاسم الجان بسكن الجامعه

سلمنه عليه جان تعبان

خل انطيكم نبذه عن قاسم لأن حاجيتله عنه ساره

عمره20

انسان كلش مرح

خاطب بنت خالته وهاي الاشهر يحضر للزواج ويتزوج

كعد بالهول وكلهم منجمعين يمه يسولفون وياه وجهال باسم بحضنه

قاسم... باوع عليه وكال

هاي مو مرت قائد المنزل

كلها ضحكت وكالوله اي هاي مرت هيثم

قاسم... اشونج خويه وهيثم اشونه وياج

الحمدلله زينين

حجه.... دومكم..... وكف وكال ساره حضريلي الحمام خويه كاتلني التعب راح سبح ونام واحنه واكفين نشتغل ونعمل الغده طب هيثم ويبين حلكه يابس هذا شجابه هسه

حجه.... يمه لبسي عباتج. وهيري باسم ابوي بالسياره

شهكت عمتي... اسمالله شاكو

.................. تصويتكم عمري ✨..........................

بقلمي.. الكاتبة(bmbsh_beme)

شهكت عمتي.... اسمالله شاكو

هيثم... روحي هيري باسم ماكو شي يخوف همسلها وكالتله عمتي... خوش

هيثم... تعالي هيلين اريد احجي وياج.. حجه هيج ومشه كدامي واني امشي وراه وصل لغرفة الحجيه التفت عليه ومسك كتوفي وكال....

هيثم... شوفي هيلين اجيت احجي. وياج بكل هداوه فلا ترفعين صوتج خل نتفاهم

يحجي وحلكه نشفان ووجهه شاحب

خفت من حجيه شكو شيريد يحجي كتله.. هسه دحجي شكو

باوع لعيوني واحسه متردد يحجي بالكوه طلع الحجي من حلكه كال.. عمي يريد ينطي افنان واني عارضت وصارت كعده عشايريه ولازم اخذ اخوتي وابوي واروح اخطب افنان

ضجت من كلامه شنو اني مو بعينه وشنو الكعده العشايريه

اعرف تحبها وتريد تخطبها طلكني وروح اخطبها

عقج حواجبه ونتر.. شنو اطلكج ما اطلك

حجيت بعناد وصوت عالي... لعد ما تتزوج تريد تتزوجها وانت حتى ما طالع من حقي

احتقن جر ايدي وكال.... تردين اطلع من حقج تعالي

دفعته بنتر ودموعي نزلت..... اني مو هذا قصدي اني قصدي اهتمامك وحبك بس مع الأسف متوقعت هيج حتسوي روح اخطبها وألف مبروك عفته وطلعت لغرفتي ابجي

اني ما اتحمل هيج يسوي شنو اني مو بعينه يحبها خل يطلكني ليش يخليني يريد يذلني رغم اني بكلشي زينه وياه

اول ما اجت عيني اجت عالتلفون

ما اللي غير اهلي تعبت اخاف لااقهرهم واخاف لا اقهرهم كافي تعبت اني شبعانه قهر

اخذت التلفون واتصلت على امي اول رنه وجاوبتني

الووو هلا بنيتي

يمههه اريدكم اريد ارجع للبيت

شبيج ماما ليش تبجين شكو

اريدكم اريد اتطلك وارجع يمكم

كافي تبجين وفهميني شكو

شحجي شحجي ديريد يتزوج عليه شحجي

شنو يتزوج عليج بنيتي هدي الأمور كلها تنحل بالهداوه هذا، هم زوجج وعزوتج وسندج خوما تعوفينه

عسه ما ناره تاكل حطبه اريد اتطلك منه تعبت ايمت ترجعون كافييي كافي تعبتتت وانهاريت بالبجي وامي تبجي وياي كالتلي.... هسه اخابر انسام يجي ياخذج تحضري

حسيت عيد عليه حضرت كلشي وكعدت انتضره

ساعتين وسمعت هوسه بالبيت عرفتهم رجعو من الكعده العشايريه اصلا شي اكيد اهلها ينطوها لهيثم هيه النهار كله هنا ما نزلت بقيت فوك ما اريد انزل اشوف وجهه

اندك باب الغرفه

صحت منو اجاني صوت عمتي..... انزلي يلا كافي مخوتنه بغرفتج البيت يلعب النفس امشي نضفي

كلت اتلافى الشر خل انزل انضف حتى ما اسويلي كونه اللخ كل الوقت هيج بس ارتاح وكالت مخوتنه واذا حجيت انطب وانكتل وانهان

نزلت للبيت الصلفه موجوده وكاعده هيه ونور يتمضحكن وساره دتسوي جاي... ويكلي كعدع عشايريه وهيه هيانها مثل الجن كلشي ماكو دتضحك

حجيت ويه ساره... لعد عمي وينه

ساره... من رجع من المشيه رجع للبساتين روحه بيهن ما يعوفهن ابد

بدينه نشتغل

اخذت المكنسه وجاي اكنس الهول جان هيثم متمدد افنان عبرت من يمي داست عالمكنسه وعبرت راحت يم راس هيثم وتكله

حبيبي ما مشتهي شي اطبخلك... من كالت هيج عرفت انطوها اهلها وتمت الخطبه مالتهم

كاللها.. لا تسلمين عافها وطلع فوك

شبي هذا لا يحجي وياي ولا وياها

كاعده وشغل وكرف وطبو الجهال كالو جا عمو

حجت عمتي... باسم اطلع شوف منو

طلع باسم طب وأنسام وياه

شفتهم من الشباك طبو للاستقبال

كلبي ارتاح واخيرا راح اروح واتطلك منه وارجع لشغلي

حجت نور... هذا الصاك منو اول مره اشوفه

كلت بكلبي هوا انتي شعندج غير هذا حلو وهذاك، حلو

هيلين.... انسام ابن عمي

واشجابه لهنا شيريد

حجيت اجه دياخذني.... ردت افنان.... روحه بلا رده انشالله

حجيت... اليسمعج يكول ميته عالعيشه هنا اني مو مثلج حبيبتي اجلب برجال متزوج حتى يخطبني واجي لهالبيت

عمتي... ليش شمسويلج احنه منومينج جوعانه

هيلين.. علواه انام جوعانه بس مرتاحه وبالي صافي تسوه كنوز الدنيا، هاي

عمتي هزت ايدها وعوجت حلكها وتباوعلي بطارف عينها مدرتلها بال

ودينه جاي وكملنه واجه باسم جنت بالمطبخ ويه البنات كال..... خويه اجه ابن عمج يكول دا ترجع وياي للبيت انتي رجلج يدري... جاي يحجي ونزل هيثم كال

على شنو باسم شاكو

باسم.... ابن عم المره جاي يكول اردها وياي

عقج حواجبه.... وين تردين

اريد اروح لبيت اهلي

ماكو روحه

لازم بكيفك انت خطبت وحتشوف حياتك اني ما اريد ابقى عندك صار شكد مداريتك احسن مداراه وزينه وياك بكلشي ومتحمله حبك لافنان ومتحمله مخابراتك وياها واني على ذمتك كل هذا مو بعينك رحت خطبتها

عافني وراح للاستقبال وباسم راح وراه

سمعته تسالم ويه انسام وكاله بلا مطرود بس مرتي اذا تريد تروح روح ما تجي

هذا شديحجي شنو بكيفه ويحجي ويه انسام بدون اي احترام

ردله انسام.... اول شي السلام وبعده الكلام

طبيت للاستقبال شفت انسام عيوني غوركت عبالك شايفه اهلي حجه انسام...

شلونج هلونه

الحمدلله تمام وانت شلونك

باوعلي وكال.. الحمدلله يلا تحضري خل نطلع على وكت

هيثم... مو كتلك مرتي ما الها طلعه من هنا انت متفهم

انسام...فرك لحيته،وكال هيلين تردين الرجعه وياي لو لا

هزيت راسي بمعني اي... كال... هيثم المره متريد العيشه هنا خل اخذها ونمشي على وكت ونتلافه المشاكل

رجع هيثم حجه بنتر.... ما تروح اهلها ما موجودين وين تبقى ابيت عمها وولد عمها عزاب شتكول عليه الناس مكرن داز مرته، بنص ولد عمامها العزاب

انسام... احنه مو ولد عمها اخوتها والعالم احط نعال بحلك العالم

هيثم... اخوتها ما اخوتها كلت ما الها طلعه من هنا

هيلين.....باوعتله وحجيت واني ابجي... اريد ارجع لاهلي تعبت منكم ما اريدكم اريد ارجع كافي الله يوفقك انت مو خطبت وراح تتزوج وتستقر بحياتك شتريد مني.... وكع شالي

خزرني هيثم رفعت شالي وحجيت.... اني طالعه اجيب جنطتي انتضرني انسام فدوه لتروح

حجيت هيج وطلعت وكأنو شخص حيرجعني لسجن واريد اطلع منه كلبي مليان خوف من هيثم

ركضت لفوك جبت تلفوني ولبست عباتي ونزلت امشي باستعجال دنزل الدرج وسمعت صياح بالاستقبال قاسم نايم بالهول طفر عالاستقبال على صياحهم والحجيه وعمتي ركضن للاستقبال

نزلت ركض

طبيت انسام وهيثم متلازمين ويحجون بصياح ولازمينهم قاسم وباسم والحجيه وعمتي

أنسام أشر عليه وصاح..... هاي الكبالي مو هيلين بحياتي كلها مشايف دموعها ومشايفها مكسوره دتشوف الخوف منك شمسوي بيها عضام ايدها حتطلع اذا وكفت بطريقي هسه اسويها عزههه عوفها خل نمشي

هيثم...... اطلعععع برهههه طاب ابيتي وتصيح وتبيع مراجل هيلين ما تخطي عتبة الباب واليتدخل حلكه اشكه... باوعلي وصاح.... طلعيييي فوكككك ما اريد اشوف وجهج

هزيت كتوفي بمعنى.(ما عليه) ودموعي احسها تتسابق

هيثم.... ما تروحين فهمتي لو تموتين ما تصلين عتبة الباب

هيلين.... اذا راح انسام ومخليتني اروح اكتل نفسي اكتل نفسي

هيثم... متروحين شتسوين سوي حجاها بثقه عباله مراح اسويها لو جبانه واخاف

الحجيه وباسم اخذو انسام للحديقه واني

عفته وركضت للمطبخ وكلهم لحكوني مسكت السجينه وخليتها على شرايين ايدي وضغطت السجينه حاده ايدي جرت دم بس موصلت السجينه الوريد

ماسكه السجينه والرجفه بأيدي او الأكثر بكلبي

صرخت... اكتل نفسي بس تقربونننننننن

هيثم.... س س سمعي بس سمعيني ارجعج ارجعج اعوفج ترجعين بس ذبيها من ايدج

حجيت... ما ما اعوفها

جاي احجي واحس بالسجينه بدت تخترق لحم ايدي لأن ايدي طكت دم بس السجينه موصلت الوريد

جاي اباوع لايدي وارجف اريد اضغط اقوه على ايدي بس ما اكدر ما حسيت الا وهيثم جر السجينه وذبها

واني متصنمه بمكاني تقرب هيثم واحس حتطك دماراته

خله راسي على صدره وايده على راسي وايد اللخ خلاها على ضهري كال..... لتبجين مجبور افهميني بس لتروحين اعوضج عن كلشي بس لترحين

دفعته اريد اوخر عنه ما كدرت حجيت والعبره والخوف خانكاتني.... اريد ارجع لأهلي انت مو تحبها روحلها عوفني الله يوفقك تعبت منك تعبت

لأول مره حسيت كتوفه تختض باوعتله وعيوني مغوركه.... وهوا يباوعلي ودموعه شلال تنزل على وجهي مسح دموعي وكال... لتعوفيني انطيني فرصه اخر فرصه ومن بعدها اذا غلطت وياج بأيدي اوديج لاهلج

معرفت اتصرف انهاريت وياه بالبجي رجال ومو قليله يبجي عيونه تتسولني وكلماته تتوسلني وايديه اللي شابكني بيها متريد تعوفني

حجيت... اريد اهليي

هيثم... اخر فرصه رفع ايدي وباس باطنها وكال... هاي ايدج وابوسها لتعوفيني وخرت عنه ساره تبجي والجهال وعمتي يبجون

جاي امسح بدموعي وهوا مسح دموعه وباوعلي. كال.... ها شكلتي

جاي يحجي وطب أنسام تنهد وكال.... هيلين ترحين لو لا

باوعت على هيثم وباوعتله رجع باوع لهيثم شاف شلون تعبان كال.... اني راح اروح اذا احتاجيتي اي شي خابريني.. تقرب على هيثم تسالم وياه رغم هيثم طرده

وطلع رادو منه يبقه للعشه ما قبل حسيت الأمان طلع مع انسام وحريتي هم هيثم سلم على قاسم وبيت باسم راحو وأفنان العرفته راجعه للبيت تبجي من شايفه هيثم بچه وحضني

اول مره اشوف هيثم هيج كأنو طفل ويريد أمه طلع جان بوضع منهار حيل شكد ما هوا قاسي انقهرت عليه اباوع لرموشه مبللات من الدموع طلع عالدرج وكال... لحكيني

لحكته للغرفه طب وكعد عالتخت كال

تعالي كعدي يمي كعدت يمه وخوف وتوتر بيه كال....

هيج اني مأذيج وعيونج كلها خوف مني وتردين تكتلين روحج

هزيت راسي بمعنى اي... جرني حضني باس راسي وكال

مردت اقهرج ولا ردت، اغثج بس انجبرت اخطبها

رديتله... انت كلشي تسوي وتكول مجبور

هيثم... هيلين اني حالي حال اي رجال سمع حجي على بنيه بسببه وخرب سمعتها لازم يسترها

شلون مفهمت قصدك عليه لو على افنان

عليج انتي

اشون يعني شنو اليخرب سمعتي

هيثم... هيلين بيوم الجنتي عدنه جانت افنان يمي بالغرفه وضحكنه وصوتنه، صار عالي

هيلين... اي سمعتكم

ايمت سمعتينه

فكرت اني بوكتها طلعت اشتم هوى بس كتله... جنت طالعه اغسل وسمعتكم...

هيثم... اي وره ما رحتو كاعدين اني ويوسف كال سمعت ضحك بنيه بغرفتك

هيلين... اي

هيثم.... المهم سألني منو الجانت يمك

هزيت راسي بمعنى اي مندمجه وياه اريد اعرف شكو وشنو الحجاه

كتله شهليك... ضحك و

سكت وحسيته احتقن كتله.... كمل ليش تسكت

هيثم.... يوسف كالي ماكو غير ويه هاي بنت صديق ابوك مووو لأن مجان اكو غيرها ولك لعد ليش تبين ثكيله وماكو منها

هيلين... وشكتله اكيد كتله لا

دنك راسه وكال مكدرت اكله اختك جانت يمي سكتت ويوسف ما خله واحد من ولد عمامي هيثم مسوي علاقه ويه بنت ابو هيلين وصارت سمعتج على كل لسان

هيلين... افهم منك بسببك صار هيج وسمعتي هيج صارت بسببك

هيثم... صلحت غلطي وخطبتج سكتت حلوكهم

هيلين.... موحجيك وياي بليل من خابرتني وكتلي الاحسن تخربين اني لو مخربه شجان صار

هيثم... جانت اعصابي مو ثابته معرفت شحجيت اصلا بسبب اعصابي

يعني طعنت بشرفي موووو

هيلين صوتج لترفعي كتلج وارجع اكلج صلحت غلطي وخطبتج

كمت من يمه وحجيت... والله انك واحد ما تستحي

ما احس الا كمز صار ورايه حضني وكال... لا تتلوكين مو اليوم صار الصلح ليش تخربيها يا عيني

لا عينك ولا خشمك امشي روح عني غثيتني ترا

حجه... مو صلحنه الغلط وبس اعقد على افنان اكول ليوسف افنان الجانت يمي

كتله انت خليت بيها صلح... وضحكت معرف ليش وشنو السبب ما غرت منه لمن خطب بس كرامتي خلتني اسوي هيج

دارني عليه وصارت عيني بعينه مسك خصري وعينه على شفايفي قرب ديبوسني ابتعدت عنه

حجه شبيج.... كتله.... لا تتقرب مني خليك بعيد علاقتنه خليها نفس قبل وعفته وطلعت

اني مو لعبه وبالوقت اليعجيه يتقرب وبالوقت الميعجبه ميتقرب خلي يحس اني ما اريد يتقرب مثل من جان يحسسني

بس مراح من بالي تصرفه اليوم وبجيه معقوله يحبني ماكو. غير تفسير

نزلت جوه جانت عمتي والحجيه كاعدات حجت الحجيه.... يمه ايدج داويها ضمديها جا تضل هيج تتجرثم

يمه مبيها شي خدش مو جرح عميق باوعت لايدي الدم ناشف عليها رحت غسلتها ورجعت كعدت يمهن اخذت الريمون ودرتها على مسلسل العشق الممنوع وكعدت اباوع

لحد المغرب واجه عمي وانجمعوا العائلة عمي ههههه لا منهم ولا عليهم لو تنهجم ما يدري

وكفنه نعاون عمتي بالعشه هيه تطبخ واحنه على ايدها كملنه العشه وحضرنه تعشو وسوينالهم جاي

تعللنه وكلمن طلع لغرفته

فرشت لهيثم وتمددت عالتخت هيثم مينام الا يصلي صلاة الليل

وتمددت وافكر شنو حيصير حيتزوجها زين ليش خطبها من الأول خلص صلاة واجه يمي ديتمدد عالتخت كتله

هيلين.... فرشتلك

هيثم... اي فرشتيلي ما انام هناك اريد ارجع على مكاني

كتله اوك هوا نام عالتخت واني اخذت مخدتي ونزلت بالفراش الفرشته لهيثم تمددت

ما احس الا اجه يمي وحجه... وين متروحين وراج وراج

لهنا وينتهي البارت تصويتكم عمري .......

بقلمي الكاتبة(bmbsh_beme)

رواية الأصداف

(صلو على سيدنا محمد صلى الله عليه وسلم)

.........♡..........♡............. ♡..............♡.............

شنو وراج وراج لتضل لزكه وخر عني

ها هيلين صار بيها لزكه هسه

اي لزكه اني مو جنت من تنام وحدك ما اجي اضايقك ليش تجي تضايقني

حسيته ضاج كال.... كومي من فراشي لعد يلا

عفته ورحت لفراشي نمت  خل يحس شجان يصير بيه من ميتقبلني اني مو حنينه ولا كلبي طيب واسامحه هيج

كعدت الصبح حضرت ملابسه وكعدته ونزلت سويت الريوك جاي اخلي شكر بالاستكانات واحجي ويه الحجيه طب هيثم  لابس وكاشخ وعطره يكفخ سابح بالعطر كال

صباح الخير

رديت صباح النور والحجيه ساكته حجه هيثم

ها حجيه اشونج

ما ردتله حتى خجل فشلته الحجيه بس ليش متحجي وياه

توه ديحجي وياها هيثم وطب قاسم كال

قاسم.... اويلييي شمشتاك اتريك وياكم كضيناها بالسكن اكل سفري.... باوعلي وأشر بيده صبيلي خويه صبيلي

صبيتله جاي هوا وهيثم افنان ما شفنه وجهه خلصانين يوميه تضل تبسمر بيه واني اردلها ما اسكت طلعت من يمهم دجيب جاي من المخزن حتى حتى اسوي جاي لباقي العائلة من يكعدون

وصلت باب المطبخ وسمعت قاسم يحجي وكفت وره الحايط هما ميشوفوني واني اسمعهم

هيثم... حجيه مالها داعي ترا كبرتيها

حجه قاسم.... خويه دونن عن التدخل بس مريتك ورده وما ناقصها شي ليش خطبت. ودوخت راسك

رد هيثم بنتر... الشرع حلل اربعه

نزلت الاستكان الحجيه وكالت.... حوبت هاي الطفله ما تتعداك

هيثم... يعني تدعين عليه حجيه

الحجيه... رفعت ايدها بوجه هيثم وبيدها الخبزه.... عافت شغلها لخاطرك واهلها ما توديها الهم ومتحمله ضربك واهانتك افنان ما تصيرلنه جنه كلنه نعرفها مو خوش ادميه بس امك ونور داكات الا افنان وافنان

رد قاسم.... ليش هيه شنو شغلها

الحجيه... غمست باللبن وكالت... طبيبة معرف شنو مال اسنان

قاسم... افااا عليك هيثم شلون هيج تحرمها من شي سنين تعبت حتى تحققو

هيثم.... كام من يمهم يغسل عالسنك ويحجي....

رجاءا لحد يتدخل اني ومرتي ننجاز

الحجيه نزلت كرصة الخبز من حضنها وتوجت على كتف قاسم وكامت دتطلع وتحجي بقهر... والله وكت جنت اكول هيثم وهيثم وماكو منه وانسان حقاني وميأذي احد صدك حجيك اني شسواد وجهي ودخلت نفسي منو اني اصلا

اني لاكيتها سويت نفسي دا اطب للمطبخ احجيه راحت للهول وصاحتني درتلها عالاخبار

وقاسم كاعد يتريك طبيت للمطبخ دكمل ريوك كال

خويه معليج بيهم الله ما يضيع حوبة احد

كتله.. الله كريم كلشي ما اريد بس خلي ربنا ساتر علينه هاي تسوه الدنيا

الله يجبر بخاطرج انشالله حجه هيج وطلع

الله يجبر بخاطرج كلمة شكد تطيب الخاطر كاعده اكل ودموعي نزلت معرف ليش شوك على اهلي لو على صديقاتي لو على شغلي اللي ضيعت شبابي عليه وتالي راح

اكل ودموعي تجري جنت قبل اذا ابجي دموعي تنزل لفرحه مو لحزن هسه احس عيوني تعودت عالبجي

مسحت دموعي وكملت اكل طبت عمتي شافت عيوني شكد حمر ولا كالتلي شبيج

كمل اليوم عادي

مثل كل يوم

بقيت اسبوع اني وهيثم على نفس قبل كلمن وحده اللي تغير فقط جان هوا ميريد قربي هسه صرت اني ما اريد قربه اريده يعرف كرامتي فوك كلشي حتلو كان زوجي

كاعدين وبيت باسم موجودين  حجت مرت باسم

عمه.... اهلي باجر يجونكم

الكل كالت هلا بيهم اهلها من غير محافضه

ثاني يوم اجو عالغدا حضرنه وسوينه وافنان ام وجه المتين اجت دنحضر بالزلطه حجت افنان

عمه ايمت نعقد اني وهيثم

كلت بكلبي شهالصلافه جان استحت

ردت عمتي هالفتره وراح تعقدون بس شيخ ميقبل يعقد محكمه

افنان... يااا لويش عود

ساره... حتى بس تتعيوجين ويطبكن عنده يطلكج ههههههه

حضرنه الغدا وبدينه ننقل الأكل العرفته جايين ام مرت باسم ابوها متوفي وجايين اخوتها ثلاثه اثنين توءم بس كبار.وواحد جاي هوا ومرته وجهاله

بدو ينقلون الأكل اجيت دطب ويه البنات انقل بالأكل هيثم يم باب الاستقبال اخذ الصحونه مني وكال

لا تطبين لجوه روحي للمطبخ هزيت راسي ب اي ورحت للمطبخ

بس ضجت ليش افنان خلاها تطب للاستقبال واني لا

يجوز لأن ولدهم غربه زين ولدهم غربه عن افنان هم

معرف ليش هيج سوه والقهرني اكثر

طبت افنان اخذت جدر التمن تاكل وتحجي ويه نور

فدوه لحبيبي شكد يثق بيه خلاني اطب للاستقبال

شكد انقهرت بس بسيطه يا هيثم اني اللك اذا ما اخليك تنام وفاير دمك بسيطه اسلوبي الخاص اليوم اتعامل بي وياك

خلصو الغدا ونقلو الأكل واني وعمتي  وافنان ونور وساره متغدينه خلينه اكل وكعدنه بغرفة الحجيه ناكل

اخذت قطعه لحم لأن موجود خير هواي مليانه الصينيه

حجت عمتي وهيه تباوع لايدها جاي  تفصخ قطعه لحم بيدها وتاكل... ساره انتي مو مسويه ديت مدري تايت شدعوه هلكد تاكلين صاير ما يتلحكلنه لحم

باوعت ساره مبيدها لحم

تقصدني بس شكد خجلت حسيت الأكل توقف ببلعومي كلت الحمدلله وكمت من الاكل رحت غسلت واسمع ضحك افنان وياهن..

هاي مو اول مره كل مره مرات تسمعني حجي وهيثم كاعد وللأسف يسكت رغم يشوفني اعوف الأكل

رحت للمطبخ ما اريد ابجي اريد التهي

طلعت الزاهي وكمت اغسل بالاماعين بحركة كلب اغسل كملت الأماعين وكعدت بالمطبخ اجت نور كالت.... روحي لمي الأكل كملنه أكل

ما اللي خلك اتعارك وياها وانوب الناس هنا عيب شيكولون

رحت لميت الغدا عاونتني ساره شالت صحونة الزلطه عود عاونتني وغسلت الاماعين وكملت

طبت عمتي كالت نضفي الطباخ

استلمت الطباخ تنضيف استغلونؤ لأن يعرفون ما اكدر احجي والناس موجوده

شويه وطب قاسم كال جاي

خيوط صارت رجليه من التعب هلكت متت كملت وطلعت لغرفتي هسه لو صدك اسوي عركه ما اشتغل بعد هلكت

طبيت للحمام سبحت وطلعت مشطت شعري اللي شويه طولان صاير لكتوفي

وسشورت ونمت

كعدت على صوت هيثم بالغرفه باوعت الساعه 6المغرب حيل شكد نمت

هيثم كال... علي التدفئة لأن الجو جان بارد دنيا شته

عليت الدفئة وطفيت الضوه دا اطلع كال.... كعديني ب 9دناملي جم ساعه

كتله اوك ونزلت افنان رايحه

كلت لساره... ساره اجيتج بطلب

ساره... مو يتدللو الحلو شتردين

هيلين... شو منطلقه ولج شكو

ساره... امشي نروح فوك

طلعنه فوك للغرفه اللي من اجينه عليهم كعدنه بيها

كعدت وكالت تعالي اكلج

تقربت كعدت يمها نصت صوت التلفزيون وكالت

شفتي ذوله التوءم

ايي شبيهم

اجو يخطبوني او بالأحرى يخطبونه اني ونور الهم

صدوك

هههه اي

اي وشقررو اهلج

ساره اخوتي وافقو وكالو ليسرى (مرت باسم) من تروحين انطيهم الموافقه

جانت تحجي وفرحانه عبالك عن حب ديخطبها

هيلين... عن حب

ساره... لا تقليد ليش

مو اشوف الفرحه ما سايعتج

ساره... هيلين اني من النوع الكلبي فطير وما اخذ حقي من احد والخطبوني خطبو اختي هم يعني خطبونه للتوءم راح اعيش ويه اختي بنفس البيت والشاب كلش حلو حتى عيونه خضر

رديتلها.... هههه كلها عيونهو خضر

ساره... مو هما هم كرايبنه بس كلش قرابه بعيده قرابة اجدادنه ف اكثرنه عيونه خضر

عمري تتم على خير وسعاده وموفقيه

تسلمين عمري ومكتيلي شنو الشغله

هيلين... اريد اعمل شعري بروتين شعري شويه صاير بي كسرات وابد ما مخليه على شعري لا صبغ ولا بروتين

ساره... باعي ميفيدج بس اكو يسوي الشعر سرح اسمه كرياتين

هيلين... لا يحرك الشعر هذا

ساره... نوعيات

هيلين... اهاااا

ساره... تسوين شعرج

هيلين... اريد اغير شويه

ساره... صبري اليوم اطلعج عروس ههههه اروح اخلي قاسم يجيب صبغ وكرياتين وحبشكلات وياهن

جابت ورقه وكامت تكتب كالت مراح نسوي شعري اليوم بروتين لان شغله 3جلسات راح نكويه اليوم

هيلين... تمام اعتمد عليج

ساره.... ما اخيب ضنونج شوفي شراح اقلب شكلج قلب

هيلين... هههه ديلا

كتبت معررف شنو وشنو بالي مو وياها جنت اتراسل ويه ايه

راحت دزت قاسم ورجعت يمي كعدت

تحسرت ودنكت راسها وكالت.... اعذريني عالحجته امي اليوم ترا ما اكدر افتح حلكي وياها شفتي قبلها اشصار

جاوبتها... لا عادي تعودت

مره ساره راددت امها علمود امها سمعتني حجي عالأكل  وصياح ومدري شنو وجان باسم موجود وضربها راشدي وجر شعرها وهيه تبجي ويصيح عليها

ساره... هيلين قاسم يتأخر كال ارجع من الكوفي ب8يجوز اكثر وامر اجيبهن...

كتلها عادي

بقينه كاعدات ننتضر

صارت الساعه ب9وقاسم ماكو وساره تندب حضها وتكول راح العجي مات العجي كتلو العجي وين دزيت العجي

تالي طكيت كتلها.....

ههههههه خرب حضج رجال وطالع يتعلل وين يروح ولو يسمعج تكولين العجي الا يعجنج ويخليج بالفرن

ضحكنه وكعدنه باوعت ياااا الساعه 9ونص طلعت هيثم لسه نايم

هيلين.... هيثم هيثممم اكعد

كعد وعيونه مغفله باوعلي وكال خليني نايم ما انزل اتعلل

هيلين.... هيثوميييي اكعودددد

اندارلي وكال... ها صار بيها لواكه ومياعه دكعد. يلا ما افشلج كاعد

نزلت لاكيت قاسم كال... هاج خويه هاي الوصيتوني عليهن

اجت ساره كالت ها همزين جيت يلا امشي هيلين

قاسم... هههه همزين جيت علمود هذنه الردتو اشتريهن مو عليه

ضحكنه وطلعنه على غرفتي

كالت ساره.... خل اطرف شعرج

لا لا حبابه لا تقربين المقص منه

ولج بس اعدله شوفي اشونه ونصبغه ونكوي (كبس تسريح بالكاويه) 

رديتبها يتعجب... صبغ شنو

طلعت باكيت الصبغ بدت تفتحه وتحجي.... شعرج لا احمر ولا اسود وصيته على لون اسود

هيلين... بس يكولون حرام الاسود

ساره... مو اسود كلش

تمام يلا

قفلنه باب الغرفه وبدت تصبغ بشعري وتسولف

كالت..... ها تردين تصبغين وتكشخيله

ضحكت وكتلها اكشخ واترتب لنفسي

ساره... ههههه تالي ما تالي حيشوف ترتيبج ويكعد يمطك بيج(يبوس بيج)

ضحكنه

متدري اني مراح اخلي يحضني اصلا مو يبوسني الا احرك كلبه

صبغتلي شعري وكعدنه ننتضر الصبغه تثبت

نص ساعه وثبتت الصبغه كلت لساره.... ساره خل اسبح فد مره

ساره... ديلا انتضرج

طبيت تفيعت وطلعت جانت بشرتي تبين كلش بيضه على هذا اللون سشورتلي اياه وبدت تطرف واني ايدي على كلبي اخاف تاخذ منه هواي

كملت شعري كالت

تعالي ابرمه احلا من التسريح

كتلها اوك

بدت تبرم شعري(يعني يصير ملفلف)

كملت برم جان شكله يجنن ويه لون الأسود

حجت ساره... واوووو جنج ذنه اليبرمن شعرهن وهوا قصير عالأنستا ولج صار يجنن اليوم اخويه يتخبل

جريت الحمرا لون احمر وخليت ومسكرة رموشي وهنا طوال طلعت دشداشه من الكنتور كصيره وضيكه لون احمر ولبست سنسال احمر

بسن ما كملت شعري والتحضيرات باوعت الساعه ب11ونص

حيلل ساره كالت اروح اكله مرتك مدري شبيها

كتلها لا ميحتاج نزلت ساره

واني وكفت ارتب ميز المكياج كملته ورحت للتخت ارتبه وعليت التدفئة جاي ارتب

وحسيت باب الغرفه انفتح عرفته هيثم ما التفتت حسيت صوته راح ما تحرك انداريت لكيته صافن عليه كتله

هلوووو ما رد هايم هايم هايم هههههههه قربت منه وعبرت ايدي كبال عيونه غمض وفتح وكال

هيلين وينها

كبالك هيلين... وضحكت بدلع.... ومشيت رحت للميز اخذت تلفوني وحسته حضني

وخرته وكلت... هيثم شتفقنه

هيثم... اني ما اتفق خلي ابقى حاضنج

وخرت ايديه اللي لافهم على خصري ورحت لفراشي تمددت وكتله

هيلين لا تبقى حاضني ولا تقرب مني

حجه بقلة صبر..... يعني مرتبه هيج علمود تحركين كلبي مووو

لا احرك كلبك ولا شي شفت هامله نفسي وكلت خل اهتم شويه بشكلي وصحتي

باوعلي وكال.... ليش دتسوين هيج

هيلين... انت مو متحبني وحتى متغار عليه شتسوي بيه

هيثم.. منو كال ما اغار عليج

هيلين.. شوف مكلت منو كال ما احبج واذا تغار فغيرتك عليه علمودك امي عرضك مو غيرة حب

ومنطي حرية التصرف لأفنان الا اني حتى للاستقبال ما خليتني اطب حجيت هيج ورجعت يم الميز شكلت تلفوني عالشحن

تقرب مني وكال.... ناس غربه شلون اخليج تطبين بنصهم

بس هما باسم كال كلش مؤدبين وحبابين وغرييين عن افنان هم

تقرب مسك وجهي ونفسه بوجهي وكال.... احبج ومن غيرتي عليج مردتج تطبين للاستقبال لأن اعرف اني مو مالي عينج وراح تدحكين لغيري

وخرت ايديه وحجيت بنتر.... ما مالي عيني هيج ضنونك مووو هيج ثقتك بيه هيثم صفكت وكلت بصوت شبه عالي.... مشكوررررر على هاي ضنونك

حجيه قهرني ششايفني وهيج يكول بس يحسب مثل افنان

وقربت للكنتور اخذت دشداشه طويله وبدلت دشداشتي حتى مهتميت لوجوده ولا خجلت منه

جاي ابدل وره باب الكنتور حتى ليشوفني وهوا يحجي..... فهمتيني غلط قصدي لأن متحبيني ومجرد خادمتني

لبست الدشداشه الطويله وخليت شال على راسي وحجيت.... خادمتك. مو اني خدامه تريد تكحلها تعميها...

شلت مخدتي واجيت يمه كتله.... انت واحد مريض نفسي حتى حجي متعرف تحجي وعندك نفسك فوك الكل

حجه... وين رايحه وين تردين نامي هنا

مرديتله طلعت بوجهي ولغرفة سارة

اذا ابقى يمه الا انجلط ويصير بيه حاله نفسيه وكلامه غثني

تمددت بغرفة سارة نومها ثكيل كعدت صليت الفجر ورجعت نمت كعدت عالمنبه ب9نزلت جوه كملت شغل وسوينه ريوك دزيت ساره كتلها... ساره روحي كعدي هيثم علمود شغله

ساره... يبووو والبارحه ترتيبج وشكلج جا شبيكم كعدت لكيتج نايمه يمي

هيلين... عود بعدين احجيلج روحي كعدي

صبيت جاي وكمت اصبلهم وجهال باسم وهوستهم واحد من الجهال كب الجاي ومرمروني واهلهم لو يهجمون البيت ما يحاچونهم

نزل هيثم راود منو يتريك ما قبل

همزين بعد احسن خل يطلع للشغل يخلصني منه

وعمتي توصي بباسم يجي اسبوع الجاي علمود العقد مال هيثم

راحو بيت باسم ومر الأسبوع كله واني ما انام بالغرفه انام يم ساره ومخليت احد من اهله يحس

اربع مرات يجي يريد يراضيني واكوم ابجي ويعوفني ويطلع

رابع مره اجه جنت توني جاي افرشلي انداريت طب للغرفه

كتله... شتريد ليش اجيت

هيثم.... كافي زعل خلي نبدي صفحه جديده

هيلين.... ما اريدك اني

هيثم... بس اني اريدج

هيلين... قصدك تريدني خدامه ووقت خدمتي ما اشوف احد خاف يعجبني شي لان اني بلا ضمير وما احسب عندي رجال موووو وبجيت

هيثم... بده يتقرب ويكول لتبجين

رديت.... بس تقرب او تجي للغرفه انوب اخابر بيت عمي يجون ياخذوني

هيثم... الله يهديج... وعافني وطلع

الحجيه شويه شويه كامت تحجي وياه

خلص الاسبوع وصارت وقت العقد

كاعدين بليل وعمي كال لهيثم

عمي.. ترا عمك يكول طولتوها تعقدون وتزفون لو انطيها لغير قسمه

كلت بكلبي واني اكول عليمن صلفه طلع ابوها اض.... منها

هيثم... كلولهم ايمت ميردون نعقد

حسيت اختنكت وضاج خلكي

حجه عمي وهوا يطفي يسحب اخر نفس من الجكاره.... بويه هيلين راضيه على هاي الجوازه انتي لو لا اذا مراضيه هسه كلشي يخرب وماكو لا عقد ولا كلشي

هيلين... لا عمي... باوعت لهيثم وكلت... شايفين الف خير هوا وياها

عمي طفه الجكاره وكال عجل باجر ناخذ الشيخ، ونروح

وخلي ام باسم وام البنيه يحضرن للعرس

نور طارت البس هالشي واسوي هالشي وعمتي هم

هيثم تنرفز وطلع ابد مو عاقل هالرجال

اجه ثاني يوم وهوا يوم عقدهم زوجي حيروح يعقد على مره، ثانيه وتصير بذمته

لهنا وينتهي البارت تصويتكم عمري

واعذروني اذا اكو سحكات

بقلمي رواية  الأصداف

bmbsh_beme

شبيهة بطلة الرواية 👇بس البطله شفايفها على. اكبر

واية الاصداف

بقلمي الكاتبة ♡bmbsh_beme♡

حضرو جبس وتعليله وكعدو اقرو كثرتلكم هالمره ههههه

كعدت الصبح كلهم كاعدين هيثم نايم

دزيت ساره تصعد تكعدو وبديت اعمل الريوك

وعمتي طايره عبالك اول مره تزوج هيثم

نزل هيثم بملابس الشغل وكال

هيلين الدشداشه بغرفة الحجيه البارحه جبتها من الخياط اكويها

هزيت راسي ب اي

حجت عمتي.... يمه وليدي تعال تريك

هيثم.... من ارجع اكل دروح على هذا النذل اتصل عليه ميجاوب يعرفني دا اخذ اجازه هسه اروح عليه واني اعلمو

عمتي.... يمه تجفه شرهم بعدين تنطرد

كال... هم اجيب ابويه بطريقي.. يلا مسلم عليكم وطلع

واني كملت شغلي وخليت الغدا عالنار لأن كالو ب12نتغده ونروح

باوعت ساره ونور كاعدات يحفن ويتصبغن كعدت يمهن وكلت لساره

سوسو عمري متعمليلي حواجبي

نور.... شسالفه مره تكولين اعمليلي ومره سويلي

باوعتلها بنضره مو عاجبني حجيها وكلت.... مرات احجي مثلكم لان تعودت ومرات لا وبعد ماكو داعي تدخلين كلمن. وحجيه

ساره.... مو يتدللو الحلو تعالي

عافت حواجبها وكعدت كبالها كالتلي... خل احف وجهج كله حتى يطلع شكلج

هيلين... بكيفج بس اهم شي حواجبي لا ترفعينهم ميعجبني

نور... وكت وكت هههههه عقد رجلج لو اني بمكانج جان حبست نفسي وكضيتها الطم

دريتلها.. ترا ما ليه خلكج وانتي بطرانه خلي يتزوج عالاقل اخلص منو

نور.... تخلصين منو

اي اخلص تعيني افنان عالاقل هيه تداري وتغسل ملابسه وتسويله الأكل واني بس عليه بشغل البيت اففف شرتاح

نور... دخل يسمعج تكولين هيج

وما يسمع قابل خايفه منو

يعني ما تخافين منو

ما اخاف بس من ربي

ساره... كافي تحجن وانتي لا تتحركين دكمل حواجبج

ههههه يلا كمليهن حبيبتي كمليهن اريد اكشخ واروح وياهم عالعقد

ردت ساره.... عفاج لا تهتمين ولا تخلين شي بكلبج

كملنه حفافه وصبغت اضافر ساره وساره دتصبغ اضافيري

طب هيثم باوعلنه وكال عوفن هاي السوالف وفرغن الغدا يلا دا نلحك نروح

طب عمي وراه واحنه كمنه نحضر بالغدا وبدينه ننقل الأكل ونور يم هيثم تبشبش عرفت حتكله وما تكول قابل خايفه منو هههه عود اني ما اخاف وهوا من يركعني راشدي اذني تطلع حراره

تغدو  وكملو غدا اني متغديت حتى عالريوك مكان اليه نفس اكلت شويه وعندي دوخه دائما ادوخ من وره زواجي باسبوع لهسه ادوخ

ومستحيل حمل هيثم بس بيوم زواجنه تقرب مني

واصلا البارحه سبحت  من الشهريه جنت مجازه

ساره ونور طلعن يتحضرن واني نقلت الأكل وجاي اصب الجاي وطب باسم ويسرى والجهال

سلمت عليهم وطب للهول واني جاي اصب چاي اجت يسرى يمي كالت

بدت تغسل وجهه وتتوضه للصلاة وتحجي.... شلون تقبلين زوجج يتزوج عليج اني لو باسم يسوي هيج ما اضل عندو دقيقه

دريت واني جاي اصب چاي... مهنايين هوا وياها بالعكس فرحانه ووديتلهم الچاي وهيه فرشت السجاده وبدت تصلي

رجعت لكيتها كاعده يم الصوبه انطيتها الچاي

ووكفت اصبلي جاي حجت يسرى

تخوط استكان الجاي وتحجي.... هيلين خاف ضاغطين عليج اعتبريني اختج واحجي

اخذت استكاني وكعدت يمها وكلت...ونعم منج اخت عمري انتي بس ممجبوره برضاتي

ماسكه. استكان الجاي وحجت.... زين ممقهور مضايجه

شربت رشفه من الجاي ورجعته وكلت اني ما اريد غير راحة البال وهوا خطب بعد واني وياه اصلا ممتراهمين

يسرى... هيثم نضراته اللج مليانه حب لتخسري

هيلين... مختل عقلي

يسرى... مو مختل بس معمول اله سحر

هيلين... مو سحر بس هوا هيج طبعه

يسرى.... خاف افنان وره السحر

هيلين... مو سحر اني اكلج السحر اله هواي اعراض وهوا معنده هاي الأعراض

يسرى... هوا باعي باسم وقاسم وهيثم ميمشون غير بكلام عمتي يا خيتي لو شايفتني اول من تزوجت باسم حبيته وحبني وعمتي رادتله بنت اختها ولأن مصارت وباسم جان يمشي بشور امه بوكتها

الا تعبت ومليت تالي كلت لباسم يا اني يا اهلك انت تمشي بكلام امك وما عندك كلمه وتخبل وراها بيومين جا خطبني

ياما عانيت عدهم من ضرب وأهانه وجوع وما عفته لأن جانو. ينتضروني اتطلك منه وبنت خالته تاخذه وسويت بالقصد وما اتطلكت

هيلين.... الله كريم تهون

يسرى... دا احسج وحده من خواتي وكلبي مكسور عليج وعسه كلمن عنده ايد بجوازت هيثم تطلع بي حوبتج

جاي تحجي وسمعنه صوت شخص جا وسكتنه

باوعنه هيثم كال..... كويتي الدشداشه

رديتله.... اي كويتها

طلع كدامي وطلعت وراه طب للغرفه وشلح قميصه والبنطرون وعدل الدشداه ديلبسها اني انداريت خجلت منه

كمل لبس طلعتله ساعه وسبحه نفس لون الدشداشه

وكتله

.... هيثم ذوله راهمين ويه الدشداشه البسهم

هيلين

هااا

تحبيني

ما شفت منك حب حتى احبك

شسويتلج اني

كلشي سويت

هيثم... مثلا. شنو

زين عوف امثالك شنو الشي اللي يخليني احبك

تقرب مني اخذ الساعه والسبحه خلاهم عالميز وكال

اني احبج

الحب مو بالكلام بالافعال وانت من اخذتني لهسه ضرب واهانه والاضرب من ذنه اليوم عقدك على غيري

هيثم.... مو كتلج احبج ومجبور

هيلين...حجيت بقلة صبر وصاكه على سنوني... مليتتتت مليتتتت من جبرك شكولك وتكول مجبور الف. مره كلت مجبور ليش مجبور لان طعنت بشرفج ورجعت صلحت الغلط بس شلون صلحته بضرب واهانه وزواج عليه ولا كانو اني بعينك كل هذا الحجيته شويه كلبي مليان حجي

يلا جاوبني ليش مجبور على افنان هم طعنت بشرفها ومجبور تصلح غلطك

مسك الساعه وداس عليها بيده ويضرب عالميز ويحجي وعيونه بعيوني..... افنان اني اخذتها وابوها راد ينطيها لغيري لو ماخذها غيري وشافها مأﺧوذه راح يكتلوها ويكولون غسل عار عود شنو ذنبها هيه

.

حجيت واني امتمت بالحجي.... ش شن شنووو اخذتها ا ايمت

هيثم.... موضوع وراح اني وره زواجي منها بفترة راح اطلكها

هيلين.... ايمتتتت اخذتهااا احجييي قبل زواجنه لو وراه

هيثم.... وره زواجنه

يعني خنتني جنت كبالككك ويمك وقريبه منك وانت هاجرني ورحتلها ليشششش ها ليشششش وانهاريت بالبجي

هيثم... هيلين مو صوجي هيلين هيه غرتني رجال وانغريت بيها شسوي

رديتله..... تصوم وتصلي ومتدين ومسوي هيج شي مقززز الله لا يوفقك

احجي وادفع بي دطلعه من الغرفه... اطلع اطلععع بره اطلع بعد ما اريدك

طلعته بره وهوا يريد يحجي ما انطيته مجال وسدست الباب

دك باب الغرفه وكال.... هيلين خل نتصافه ونفتح صفحه جديده

طلكني مبقالي كعده عندك طلكني

هيثم... فتحي الباب هيليننن فتحي البابببب

ما افتح وليييي لا تشوفني وجهك يا خاينننن

ما حسيت الا الباب انفتح واندفعت من وره الباب

باوعتله طب وقفل الباب وكال... خل نتصافه ونفتح صفحه جديده وهسه حتى افنان ما اخطبها وانعل والديها هيليننن

باوعتلها بنضره مقززه لأن مدام اني على ذمته وزينه وياه وهوا هاجرني وكليه انطاه يروح لغيري يسويها مره ثانيه وبعدين اذا يخرب الخطوبه اني اكسب خطية البنيه اجتني فرصه اعوفه دموعي تنزل شلال ابجي واشهك وشفايفي ما اكدر اسولف من رجفة شفايفي

غمضت عيوني ودنكت اخذ نفس وحجيت بهدوء والغصه بصوتي وبكلبي.... طلكني اعتقني

تقرب واني شفايفي ترجف وايدي ترجف واحجي لا تقربببب مني يا وصخ لا تقرب

اكلج اخرب الخطوبه ونبدي صفحه جديده واني تكليلي طلكني اني وصخ

ايي لتقربب مني

تقرب صار يمي وحجه بقلة صبر... انييي وصخخ

خليت ايديه احمي نفسي وحجيت واني ابجي... اللي يريد يخرب خطوبة بنيه هوا ماخذها ومقرب منها وما فكر بيها حتنكل لو حتدمر واللي تقرب لوحده بدون حتى ميرفله جفن وهاجر مرته ومكضيها على اي شي يضربها شتحرى منه حقير وصخ نذل لتقرببب مقزز

حتندمين على كلامج هيلين حتندمين

م م ما ما اندم عوفني

ما اضربج لتخافين واندار ديطلع ركضت للموبايل وشغلته دتصل على اهلي ما احس الا وجر التلفوم من ايدي وركعه بالحايط صار تراب

صرخت لاااااا وركضت لتلفوني ما بي اي امل

حجه وهوا يطلع تلفونج وكسرته شتسوين هسه وطلاك ما اطلك وكلامج اندمج عليه

طلع وعافني واني اباوع لتلفوني والم القطع اللي تكسرت وابجي واحجي يا ضالممم الله ما يوفق الضالم ومراح تتوفق مختلل عقلييي

لميت قطع التلفون ورحت خليتهن بالكنتور وابجي

قفلت باب الغرفه وتمددت والتفيت بفراشي وابجي معندي احد اشكيله

صليت ضهر ونمت مو نمت بس مغمضه اجذب على نفسي ومفكرت شنو يصير بعد بحالي تدمرت حياتي من اجيت لهنا تركت شغلي تركت عنايتي بنفسي تركت شكو شي احبه من اجيت لهسه مطالعه باب الحوش

العصر صار صوت الجهال عرفت اجو مطلعت

المغرب اندك باب الغرفه عمتي تصيح اكعدي خاتون بطلي سوالف المكر اطلعي لشغلج

غطيت راسي ومرديت

شصير اني بناتها موجودات كلها براسي يعني

بقت تدك بالباب وصوت اليده مال الباب دتريد تفتح الباب متكدر

بقيت كاعده ومغطيه راسي والجو بارد احس احتريت للاذان كمت صليت ورجعت لفراشي اذن عشه صليت وطبيت للحمام سبحت ورجعت لفراشي حتى شعري عفته مبلل ما سشورته

ومحتره احس اختنكت وخرت الغطه عني

ودفو الغرفه بس شعري مبلل حسيت المخده هم تبللت وحتى ملابسي لان ما تنشفت كبل لبست وطلعت

نمت واحس بردت

ومره احتر ومره ابرد

تعب جسمي حسيت صار عندي خمول وانوب جوعانه حتى عالريوك ما اكلت غير شويه وما متغديه ولا متعشيه غمضت وما ادري شصار بعدها

فتحت وجع بأيدي توجعني

باوعت هيثم كاعد يمي وهوا كاعد مغمض ونايم

كحيت كاتلني العطش

فز هيثم وكال... ها يروحي اشون صرتي

دريتله بصوت بلكوه يطلع... ليش شبيه

هيثم... مبيج غير العافيه انشالله... باس راسي وكام ديطلع باوعت اني مو بغرفتي بغرفة مال مستشفى

حجيت... هيثم ليش احنه هنا

فتح باب الغرفه مدري شحجه ورجع يمي فتح بطل الميه وكال... تعدلي شربي ميه يلا

تعدلت حركت ايدي كال هيثم.. لا تحركين ايدج لا تأوت الكانونه شربني ميه بيده ورجع مددني

شويه وطب دكتور فحصني وكال هاذهوا طلعوها بس اهم شي تستمر عالعلاج

هيثم.... زين دكتور ونجيبها من تخلص علاجها

لا ما تحتاج مراجعه

طلع الدكتور وطبت الحجيه كالت.... ها حبيبه شسويتي بينه ليش هيج يا يمه

محجيت تعبانه وجوعانه

حجيت... جوعانه

هيثم... دزيت قاسم يشتريلج

كعدو يمي شويه واجه قاسم جايب معلاك وعصاير

اكلت ولبسوني عباتي وطلعوني من المستشفى

والطريق كله الحجيه مخليتني بحضنها وهيثم مشال عيونه عني الطريق كله يباوعلي بالمرايا وكل شويه يسألني خوما يوجعج شي واكله لا

وصلنه البيت نزلت كتلهم مبيه شي عوفوني وحدي امشي وعافوني ومشيت للغرفه طلعت وكلهم تحمدولي بالسلامه وافنان موجوده

حجه هيثم... افنان اذا تردين تروحين خل قاسم يوصلج قبل ما يطفي السياره

ههههه طردها طرده محترمه

ردت عليه الصلفه... لا ما اروح ابقى هنا خاف تحتاجوني

هيثم... لا موجودات. خواتي واذا ردت شي هلونه موجوده

صدمني هههههه

افنان.... لعد اخلي قاسم يوصلني كامت لبست عباتها وشالها وطلعت لأن فشلها هيثم

طلعنه للغرفه نضيفه مثل الورد  تمددت بس ما اكدر انام وهيثم متمدد يمي

باوعلي وكال... اوف منج شسويتي وهيج حبيتج مرمرتيني اليوم

ابتسمت بتعب اول مره هيج يتصرف وياي احسه غير هيثم

قرب راسه وباس خدي

غمضت عيوني عل كيف وكلت بتعب... ترا لهسه ما اريد احجي. وياك هيثم

هيثم.... بويايي ولج لتسوين. هيج حركات مو

هيلين... مو شنو

هيثم... صيري زينه والله كريم

هيلين... شقصدك

هيثم... خله وجهه كلش قريب من وجهي وانفاسه بوجهي كال...شنو من دكتوره انتي خاف واسطات تعينتي وضحك

لا مو بواسطات تعبت ووصلت لهيج مكان

لعد ليش بهيج شي شايله فطاره

على شنو

هههههه خرب حضج هيلين شو نامي احسن ما

ما شنو

تعدل نام على ضهره ويضحك ويكول نامي نامي

ما نعسانه اريد انزل جوه

انزلي وخلي امي تشيلج الكانونه عليش خلوها

حجيت.... لعد اني شنو هسه اني اشيلها

حجه... ليش مو تعيينج طب اسنان

وكفت كبال الميز طلعت كلينسه واحجي... اي بس اعرف بشغالات الابر والكانونات

شلت الكانونه واخذتها اذبها بره لأن هنا تسوي ريحه مطيبه

حجه هيثم... قبل لتطلعين طفي ضوه الغرفه لأن منايم الليل

هيلين... تمام

وطبيت سبحت ريحتي مستشفى وسشورت طفيت ضوه الغرفه  ونزلت

لكيت عمتي وافنان ماكو كالو راحن على جيرانه علمود الخياطه مال ملابس افنان للعرس هههه الصلفه مراحت مع انو انطردت

كعدت يم ساره والحجيه جاي تعجن حنه

كل فتره تتحنه

كعدت يم ساره ونور تباوع للحلقه

حجيت.. ساره

ساره... ها

تعالي احجيلي

ساره... شحجيلج

شلون رحتو عالعقد واني شوداني عالمستشفى

ساره.... اموت عالسوالف تعالي نسوي جاي ونكعد بالحديقه لعد

ههههه هيه سالفه هالكدوتها

ساره.... معليج هسه اضيفلج بهارات وأكشن

هيلين.... ههههه امشي ام الأكشن امشي

رحنه نسوي جاي واكفات ننتضر الجاي

ساره دتقلب بالتلفون واني صافنه على حضي

تلفوني صار تراب بي كروب الدكاتره وصديقاتي واهلي تذكرت الخط

حجيت ويه ساره.... ساره منو نضف الغرفه

ساره..... منو غيري متعرفين نور مخوتنه متسوي شي

لمن لميتي التلفون ويه وديتي الخط

انطيته لهيثم وبعدين تعالي ليش هيج تلفونج

هههه على كولتج نشرب جاي واضيفلج اكشن شويه

ضحكنه وصار الجاي اخذنه وطلعنه للحديقه كعدنه نشرب جاي ونسولف

هيلين... اي ابو السوس. احجيلي

ساره... هههه ابو السوس شنو

هيلين... لقب جديد

اباوع لساره شكلت اردانها خاطت الجاي واخذت رشفه وكالت اييه خل احجيلج

فطستني من الضحك... طابه لحرب لو شنو ولج

ساره... انجبي خل نحجي ترا جاي تهينين المذيعه مال النشره الأخباريه

هيلين... ههههه هاي شجابها على هاي

ساره.... دولي صوج الديبثلج الحدث

سويت حركه امو سديت حلكي بسحاب وابتمست.... اهمممم

اي ابقي هيج ساكته خليني احجي

باعي

تحضرنه وكملنه

جده... انتو روحو واني اضل هنا هم هاي الطفله وحدها وهم تعبانه شيوديني

بابا.... اي يمه ابقي هنا وشتحتاجين خابرينه

جده.... سلامتكم وليدي

دزيت رساله لعمر خطيبي كتبت

حروح ويه اهلي نعقد لأخويه

عمر... وين رايحه شيقربولج

دا اكتب واجه هيثم اعصابه طاكه كال يلا مشينه ما لحكت ارد، لعمر يحضي

طلعنه ف مسافة الطريق قريبة يم بيتنه بس الشارع يفصل بيناتنه

طلعنه

وصلنه هناك رحبو بينه

اباوع على افنان سابحه بالمكياج يمكن ههههه استغفر الله ما اريد اجفص

طبينه سلام وكلام

خل اسوي تلفوني صامت كل شويه طن طن وعمار ما راد عليه

سويته صامت وكعدت شويه وكالو اجه الشيخ يعقد

........................... part 18...............................

بقلمي الكاتبة. ♕bmbsh_beme♕

«««««««استغفرو لعلها حسنه لي ولكم»»»»»»»»

                ( استغغر الله العلي العضيم)

باوعت تلفوني ديتصل همزين صامت باوعت الاسم عمار

جاوبته

ساره... هلاووو

عمار... وين العقد يصير

ساره... ابيت عمي

عمار... عدهم شباب

ساره... اي عدهم

عمار.... حلوين

ساره.... يخبلون

عمار..... هههه روحي حبيبي جنت اتشاقه وياج اثق بيج واعرفج كد الثقه

دجاوبه واجت نور تكول.... امشي امشي يلا ديعقدون

عمار... انتي وين

ساره... ابيت عمي

عمار... يعني رحتي قبل لا ارد عليج

ساره.... اي

عمار... خوش روحي لعد احضري العقد

عفته ورحت عقدو  والعصر رجعنه جده بقت بالبيت علمود هيلين متكدر تخليها وحدها

وصلنه البيت الحجيه دزت قاسم يشتريلها حنه

وهيثم اباوعله وجهه ميكصه السيف وبس ينفخ

كال طالع ويه ربعي صايره كعده مال شيوخ رايحلها

راحو هوا وبابا وباسم كال ما اكدر اجي للكعده وراي رجعه للبيت

المغرب تقريبا راحو باسم ويسرى والجهال

وقاسم وبابا رجعو

جده... يمه هيثم وينه

ابو باسم... من كملت الكعده راح ويه صديقو

جده... وين راح

قاسم... حجيه راح يدخن نركيله بالكوفي

جده.... هاي مريته ما نزلت لهسه خطيه مكسوره الضهر كله صياحهم هيه وهيثم

قاسم... خاي الحنه مالتج هههههه غير دورت مدري جم دكان يلا لكيتها كملت كعدت الشيوخ واني ادورلها الا خابرت ابويه وهيثم كالو خلصت الكعده جايين اخذوني للسوك جبتها واجيت

جده... عفيه وليدي عفيه هاي امك كلما تروح للسوك اوصيها ما تجيبلي انطيها بس نوم

بليل اجه هيثم وسوينه عشه وامي تحوص تريد هيلين تنزل ههههه خطيه هلكت الصبح

هيثم كال.... هيلين وينها

امي... وينها يعني بغرفتها تتمكر ما تقبل تنزل

هيثم... ساره خليلها اكل حصتي وحصتها

خليتلهم أكل واجه هيثم للمطبخ جنت اخليهم ميه

ها خويه كملتي

ساره اي

هاك الصينيه خل اشيل المي شلت الدولكه والكلاص والخبز وكتله يلا امشي

شال الصينيه وطلعنه

هيثم... ساره مفتاح النسخه الثانيه بجيبي ويه نزلت الميه والخبز خليته بايدي اليمنى  ومديت ايدي اليسرى طلعت السويج

هيثم هذا السويج

هيثم... شبيج فطيره هيانه ويه السويج

فتحت باب الغرفه وطببت الميه والخبز خله الصينيه عالميز وكال تعيشين هاذهوا روحي

باوعت للكاع التلفون مكسر

ساره... هيثم هاي شنو التلفون مكسر

جاي يكعد بهيلين ويحجي

ولج عوفي العناد واكعدي

وهيلين متكعد

كال بعدم انتباه.... اي

دطلع توني وصلت الممر دنزل الدرايج واسمع هيثم يصيح ساره

ركضت كتله هاي

هيثم.... عباية هيلين ركضي ركضي

توترت واني ادور على عباية هيلين جريتها وانطيته اياها وهوا الا شويه يبجي من خوفه

ساره... ش ش شبيها شبيها

هيثم... ما اعرف حرارتهت مرتفعه بس ليش متكعد

شال ساره ونزل يركض ويصيح وخبص البيت ركضنه وياه اني وقاسم

والحجيه بالكوه لبست واجت ويانه

اجينه دنصعد حجه قاسم... ساره انتي وين

ساره.... مو مو منو يعاون هيثم بيها جده ما تكدر

يلا صعدي  الطريق كله هيثم يضربج راشديات يريدج تكعدين

سمعنه صوتج ونيتي

هيثم كال الحمدلله

وصلنه المستشفى وهيثم وجده يلوبون بس ارتاحينه من سمعنه صوتها

اخذوها وفحوصات تالي. طلع صخونه وفقر دم. حاد

خلولها مغذي وبقو يمها واني تعبت رجعت ويه قاسم

وصلت البيت كبل نمت جانت الساعه تقريبا ب11ونص 12الا ربع

نمت والصبح خابرنه هيثم كال مبيها شي تون بس ما تدري بنفسها صخونتها قويه على شعرايه وتنشمر (تنصرع)

وكال انطوني ساره

ساره... ها هيثم

هيثم... خويه طلعي نضفي الغرفه وخليلي الخط بمحفضتي

ساره.. ليش محفضتك شجابها مو يمك

هيثم... لا البارحه نسيتها خلي الخط بيها ونضفيها وحدج لا تطببين احد وياج

ساره... تدلل خويه

هيثم.. تسلمين يلا مع السلامه

ساره... مع السلامه

راحلهم قاسم

وافنان اجت علينه من صباح الله خير بعد عقدو عاد شتورطنه بس هههه كامت تاكل بروحها من.خابر هيثم وعرفته يم هيلين بالمستشفى الليل كله  كالت

افنان... ليش راح هيثم وداها ما يروح قاسم وعمتي

ساره... يعمري لو شايفين هيثم الا شويه يبجي عليها

افنان... شدعوه شهالجذب

ساره... هسه يجي وشوفي الليل كله كاعد يمها ما نايم.... هههه كلت بكلبي شمدريج الليل كله كاعد يجوز نام

افنان... خل بس نتزوج اخليها تتحسر عليه

حتى ما اخلي يعدل بيناتنه يوميه اخلي ينام يمي

ضحكت على تفكيرها متدري هيثم يموت بهيلين

وعاد جابوج الضهر جنتي حيل زينه تطمنه عليج وجه الجنيه كلشي ما بيج

هيلين... ههههه

ساره... ولج هيلين عمار اويلييي لو تشوفي

هيلين... شبي

ساره... ولج سوالفه تنكرط كيوت

هيلين... هههههه كيوتت شنو غير رجال ههههههههه

جاي اضحك وسكتني هيثم وهوا يكول

يباوع بضوجه وكال.. طبو جوه شمطلعكم بالهبرد

ساره... يا برد الجو طيب وشوف الشمس

هيثم... ميخالف الهوا بارد

ساره... دعوفنه هيثم مو زين شمس هسه شويه وتمطر وما نشبع من الشمس

هيثم... لا احد يطلع عالسطج ويشوفجن طبن جوه

ساره... انت كول اغار على مرتي

محجيت وياه اني طبينه جوه وهوا رجع طب ورانه وكال

اني رايح اشوف ليش فاصلين سجاد من الشغل وارجع

هيثم راح وشويه واجو عمتي وافنان

افنان كالت

شنو انتي مو مريضه صدك لو كالت عمتي كلها سوالف مكر

رديتلها... اكلج مو هيثم كالج روحي شبقاج

ساره... بكيفي وأشرت على مخها على اساس هيه عدها مخ

صار العصر  وكلنه كاعدين بغرفة الحجيه والصوبات واني كاعده يم الحجيه وصينية الجاي يمي صبيتلهم وشربو جاي  واتكاسلت اشيلها كلت من اطلع اشيلها  وساره يمي تراسل معرف منو بس حسيتها ضايجه ونور وافنان يقلبن بالفيسبوك وافنان كل شويه تكول لنور

شرأيج بهذا فستان العرس مو يجنن وحبيبي يلبس القاط اويلييي

طب هيثم وسد باب الغرفه حتى تبقى دافيا

كال...حاره طفوهن

عمي  ... هاي لأن جنت تمشي استحريت

اجه كعد يمي واشر عالصينيه مال الجاي وكال صبيلي

هيلين.... خل اروح احمي برد

هيثم... لا تكومين انتي تعبانه كومي ساره نور وحده منچن تحمي الجاي

ساره... كومي نور احمي الجاي

نور... ما تروحين تحمينه انتي

هيثم... وتاليييي

عمتي... ما تخلي مرتك شلون تكول لخواتك

رد هيثم....يمه مرتي مريضه

عمتي.. ضل بلا جاي ما يحمنه خواتك

حجيت... هسه اني احمي

خله ايده على رجلي وكال... لا تكومين انتي كومي افنان احمي الجاي

كامت افنان  وهيه ضايجه

حمت الجاي وجابته خلت القوره وكالت... الف عافيه حبيبي هاي حميتلك الجاي

هيثم... تسلمين

كلت خل اخبث مدام سوت هيج بسه قابل بس هيه توز عمتي عليه وتخبث

راحت كعدت يم نور واني يم هيثم

هيلين... بردانه

هيثم... افااا عليج يخسه البرد جر الصوبه يمي

هيلين... بهمس هيثمم

باوعلي وهمس.... هااا

هيلين احس خدودي نار صارت

مد ايده على خدي وكال هههه كلشي ما بيج لا توسوسين

انطيته ايدي وكلت.. ايديه يمكن حارات

مسك ايدي وكال بارده ايدينج هاي هيلين صايره تتدلع

ضحكت باوعت لافنان حتموت

هيثم كرص خدي وكال بهمس خل اشوف بطنج حاره لو بارده

عمي راح عالبساتين وعمي راحت تنام مدري اول مره اشوف واحد ينام العصر هيه كل شويه تنام لو النوم عليه مرتبه عمتي تستلم جوائز هههههه ساره كامت ضايجه دتطلع وقاسم كاللها جيبيلي بطانيه بطريقج

راحت جابت بطانيه لقاسم تمدد وتغطى وكام يلعب بوبجي ونور وساره كعدن يسولفن ويانه

هيثم... هيلين اكلتي

هيلين... اي مو طعمتني معلاك

هيثم... يعني من اكل المعلاك

اي

ليش انتي ما تاكلين

اكل وياك عود عالشعه فد مره

هيثم... اني راح اكلج عالعشه

ء

ضحكت. وكتله تاكلني شكالولج عليه انوكل

كل هذا الكيك الكبالي واني احب الكيك

قاسم... خويه روحو لغرفنكم تغازلو مو هنا

اني باوعت لافنان غمزتلها ورفعت حاجب

حسيتها حتموت تسويلي بسيطه بأيدها واني ضحكت بصوت عالي هيثم لف ايده على راسي وسد حلكي وكال

ولججج صوتج

باوعت لعيونه بدلع شبي صوتي

هيثممم... خرببب سكتلج اني امشي كدامي

وين... دنام

مو نمت

لا صديقي ما خلاني انام طاردينو من الشغل وكل شويه يخابر كلع نومتي زقنبوت

يااا حبيبي ما نايم

اي ما نايم وتدرين شمحتاج

حجيت بفهاوه... شمحتاج

هيثم.. حضن طويل كون للصبح

الحجيه... يمه الله يديمكم شوف شحلاتكم لوما غير ناس تدخل بنصكم تبقون هيج

قاسم.... خويه مو زودتوها كبالكم عزاب انتو شنو ما تخافون ربكم

هيثم.... ههههه خل اخذ مرتي كبل لا ننطك بعين

الحجيه... عيني بارده عليكم يمه

افنان... هيثم وصلني للبيت عفيه

هيثم.... هسه قاسم يوصلج اني دطلع انام تعبان

اباوعلها حتبجي من القهر والاعصاب

افنان... وليش مو انت

هيثم... تعبان..

افنان.. مشكلتك

هيثم... يلا هيلين امشي خل نطلع

هيلين... همست... تعبانه شيلني

هيثم حجه بصوت عالي.... ههههههه ششيلج ولج من وديناج للمستشفى غير شلعتي كلبي

هيلين... ها يعني اني هيج اشلع كلبك عفته ومشيت

وهوا جا يمشي وراي ويحجي.... هههه تعالي اشيلج دشوف تعالي

فتحت باب الغرفه وطلعت لحكني  وما احس الا وشالني  واني اريده ينزلني ما يقبل

هيثم حتوكعني نزلني

امشي ما انزلج اخذني للطبخ شال علاكه خلاها بحضني وهوا شايلني ضخم كلش

صعدني للغرفه وهوا شايلني فتح باب الغرفه وطب شايلني

حجه... اشون صرتي

هيلين... حيل زينه

اكيد

اي اكيد نزلني

. ههههههه اشتغل العناد هاي نزلتج نزلتي عالتخت واكفه عالتخت وافتح بالعلاكه حلويات

هاي ليه

اي لعد المن بس هاه من تاكلينهن يعني تراضينه

هيلين...لا هاك ما اريد

تخصر وكال واذا اشتريلج تلفون

واذا رجعت غلطت بحقي

ما اغلط

لعد تجيبلي تلفون واراضيك

هيثم...لا هسه نتراضه واني اجيبلج تلفون باجر

هيلين....تمام تراضينه كعدت عالتخت اكل حلويات وهوا طب سبح وطلع بس بالخاولي على خصره دنكت بحجة أكل خجلت منه

افتح حلويات وأكل لبس شورت واجه كال

وين كاعده مو بارده تغطي

تغطيت وياه ولزكت بس اكل من المستحاه انوب هوا هيج متمدد يمي

حجه...لازم ما تطعميني

هيلين...ليش ما اطعمك هاك..مديت ايدي بدون ما التفت هاي اخر قطعه بقت

هيثم...شبيج ديري وجهج عليه

هيلين....ميحتاج هيج مرتاحه

اخذ الككو اكل منه وانطاني الباقي اكلته ومبقى شي التهي بي وهوا متمدد على ضهره

لهنا وينتهي البارت

تصويتكم عمري لخاطر تعبي 🥺🥺💔

اذا تردون شبيه هيثم كتبولي بالتعليقات

معرفت شسوي شلت علاكه الحلويات ذبيت الأكياس بالزباله

ورجعت تمددت وغطيت وجهي لأن ميته خجل

حجه هيثم... لا تختنكين

هيلين.. لابردانه

ما احس انجر الغطه وجرني بحضنه باس راسي وحجه

... انتي ليش دائما تسامحيني

رديتله... لأن اذا يوم غلطت بحقي بعد كل هاي المسامحات من اعوفك ما اهتم واكول طلعت من حقه وانطيته هواي فرص

يعني يجي يوم تعوفيني

اذا غلطت بحقي مره ثانيه كبل اعوفك لأن هواي سامحتك

هيثم.... بس اني بعد ما اغلط بحقج

نشوف

احسج ما مصدكه

طبعا ما اصدك لأن كل مره اصدك بيك وارجع انصدم

مو فتحنه صفحه جديده ونسينه الصار

لتكول فتحنه صفحه جديده الماضي العشته وياك ما نسيته ولا انساه بس اتناساه واجذب على نفسي واكول انساه

الله كريم شنو لسعج بردانه

ايي

ههههه عليج سوالف طبعا لمن اكول فاهيه تكليلي ليش

حضني قوي حسيت حتتكسر عضامي باسني وكال... يلا نامي استخطيتج مريضه

ليش شمسويه اني هااا

ههههه ما مسويه شي هههههه نامي نامي

نمت وكعدت الصبح لكيته مموجود وين راح اليوم جمعه معنده دوام غفيت وكعدني صوت باب الغرفه حسيته حيتكسر

وعمتي تصيح... كافييي نوم عفنتي يلااا كومي كومييي

كمت من فراشي فتحت الباب واكفه بوجهي ومخصره والاصابع محنيه والعين مكحله وتباوعلي

حجت بنتر وتكبر

.... كافي نوم يلا اني نازله لحكيني عود دنروح نحلب الهوايش

ياااا هاي يا هوايش

شنو ما تعرفينهن

بلي اعرفهن هههه اغسل واجي وراج

نزلت هيه واني غسلت وجهي وصليت صبح بليل من تعب الصخونه ما كعدت على صلاة الفجر

ونزلت وراها باوعت هيثم يم الحجيه يشوفها مقاطع بالتلفون ويضحكون

وافنان. ونور عالتلفونات

وساره وقاسم نايمين

اخذت المكنسه اكنس الهول حجت عمتي... عوفيهن وامشي نشوف الهوايش

هيلين... عمه يا هوايش اخاف اتقرب منهن اخذي نور

افنان... ترا الهايشه هيه تخاف منج

وضحكن هيه وعمتي ونور

حجت الحجيه... عوفيها وين ماخذتها هيه وين والهوايش وين

عمتي... انتي لا تدخلين اني وجنتي ننجاز

يمه انصدمت شهالصلافه خطيه الحجيه سكتت ما حجت حجه هيثم

هيثم.... اني شمنبهكم

عمتي... يمه ما تشوفها شلون تحاجيني

اباوع لهيثم اللي سكت ابدما عنده كلمه

عمتي... يلا انتي اللخ لبسي عباتج طلعت جبت عباتي ورجعت واكفه تنتضرني

شلنه السطوله وطلعنه ثاني مره اطلع الاولى عالمستشفى وهسه عالــبقرايات هههههه

مشينه جانت شمس بس الهوه بارد ما مشينه هواي ووصلنه بساتين مكان كلش جبير

طبينه للبساتين جان بي شلون الغرف

حجت عمتي... اخذي السطلات وروحي كدامي عالدامات اشوف عمج واجي

هيلين... يا دامات

أشرت عالغرف الكبالي اخذت السطوله ورحت باوعت ثلاث بقرات يمه شنو هاي

وكفت بعيد عنهن وكل شويه اكول راح يهجمن عليه شويه واجت عمتي كعدت يم البقره وكالت روحي كعدي يم هذيج انتي

هيلين... عمه والله اخاف منهن

عمه بعينج هيلين عليش جبتج اني

خليني كلشي اشتغل بس لا تقربيني منهن اخاف

دتعال تعالي... كامت من مكانها وخلتني اكعد بمكانها وكالتلي الزميها حلبيها يلا

يااا شنو شلون تمسكون صدرها ودوها عالمعل يحلبونها بأجهزة

اباوع لعمتي مسكت بطنها وتضحك

واني معرف شنو السالفه صدك يعني واحد يصير عنده خجل شلون يلزم صدرها

عمتي حجت والضحكه شاكه حلكها..... حلبيها شنو مشايفه واحد يحلب هايشه

لا بس شايفتها بالمعامل

عمتي اخذت سطل وكعدت كبالي وتعلمني واني اتهوع وجلدي يتكصكص من صدرها وخطيه البقره ما تحركت من القهر حقها شلون بيها واحنا نلزم بصدرها

جان شي غريب وهم حسيت بلعبان نفس

شفت السطل امتله حليب حسيت مسويه انجاز

وعاونت عمتي بالباقي

دنطلع عمتي طلعت كدامي كالت اودي السطوله للبيكم واجي

واخذت السطولل للبيكم باوعتلهن وكلت... ترا مجبوره الزم صدرجن عمتي تخلي رجلي يضربني واحنه ما نتحارش بيجن ترا علمود الحليب تعيشن ورحمالله والديجن... اجت عمتي كالت يلا دزيتلهن بوسه بالهوه وطلعت ويه عمتي هم رجعنه، مشي وصلنه البيت واستلمته شغل وتنضيف وعمتي واكفه تطبخ الغدا

كملنه غدا وكعدو يشربون الجاي واني واكفه اكنس

حجت عمتي.... اكول لمرتك العود حلبي الهوايش تكلي شلون الزم صدرها خطيه

الكل كامو يضحكون على شنو ما ادري

كملت كنس وصلينه ضهر واتغدو وكلمن طلع لفراشه نام ينامون الضهر

اني ما نمت بقيت كاعده عملت كيك وحلويات وأكلنه اني والبنات وافنان تكول مطيب وهيه فاكه حلكها مترين وتاكل

اخذت كيك الهيثم وطلعت جان نايم همزين لأن لو مشتم ريحتي اسبوع ما ياكل من وره البقرايات

طبيت سبحت وطلعت اسشور كعد على صوت السشوار

كال... شنو هذا الصوت

دا انشف شعري

واحد ما ينام

جبتلك كيك

وينه

هههههه هيانه انطيته الصحن ورجعت كملت شعري ورحت تمددت

اتمددت على صفحه صرت كباله جان ياكل

حجيت بضوجه... انت ما تنعطه وجه كوم روح لفراشك نام

هيثم... مو تراضينه

ما نتراضه الا تجيبلي التلفون

هيثم... ترا جان دروب انصب عليج بي علمود انومج بحضني

هيلين... هيثم اريد اخابر اهلي

اخذ تلفونه وكالي هاج خابريهم

وكروب الدكاتره

يا كروب شنو هذا انوب

جنت داخله بكروب ويه اصحابي بالمجمع الدكاتره والدكتورات ودائما اتواصل وياهم عليه

عقج حواجبه وخله صحن الكيك عالميز الوراه وحجه.. يعني جنتي تتراسلين ويه شباب

هيلين... مو وياهم بس هوا كروب شباب وبنات وكلنه نحجي بي

كام من فراشه وراح لباب الغرفه قفله وكال... يعني مرتي من اتزوجتها لهسه هيه تحجي ويه زلم عالكروب واني ما ادري

اني وانت ما اختلطنه دكلك

حجه وهوا صاير احمر من العصبيه

واذا ما نختلط تخونيني يعني

شدتحجي يا خيانه

تقرب مني ولزم شعري صاك على سنونه وحجه... جاي تتشاقين مووو

هيلين... بس خليني افهمك مثل الاخوه ومنتطرق لمواضيع غير الدوام اساسا يا خيانه بو اريد مجان كتلك بس اني على نيتي حجيت لان ما بيها شي

كلت هيج لو كفرت ولزمني شبعني ضرب اخر شي نزل يمي واني بالكاع منتهيه رفعني من دشداشتي وصاح... كل هذا من وراييييي

واني دايره وجهي عنه دار وجهي بيده وصاحح

انتي مو مال احتراممممم وضربني على راسي ركعني بالكاع وعافني وطلع

جسمي تكسر صح يضربني جان بس ما يقسى هالمره ضربني بقساوه

بجيت وكمت حيلي مهدود ادور تلفوني دخابر اهلي ماكو تذكرت تلفوني كسره

ركضت لتلفونه بي رمز شكد حاولت ما عرفته

ابجي واشهك

واصيححح بكل صوتييي اريددد اهليييي وابجي واصيح

لحد ما تعبت واني ابجي غسلت وبدلت لأن دشداشتي اتمرمحت(اتدمرت)

بالممر وسمعت صوت هوسه بالهول نزلت جوه البيت مخبوص بيت اهل افنان هوسه وسوالف

وعمتي استلمتني مثل الحيوانه اشتغل جوه ايديهم اخاف احجي ويرجع يضربني تعبت

جاي اكنس كالعاده الجهال وصخين وكل شويه كنس لفت انتباهي صوت عمتي وهيه تكول لام افنان

شبيج حبيبه اليسمعج يكول احنه شكد ضالمين

غرفت هيثم لبنيتج وهيلين تاخذ الغرفه القوك اليمها

ساره... وشنو خشاب هيلين شلون

عمتي... يبقى لأفنان هيلين خبزتها وانخبزت وخلص العرس من شهور كافي عاد هم لو مستفادين منها لا خلفه ولا شي بلكي افنان تجيبله طفل

ذبيت المكنسه وانداريت عليها وحجيت... شنوو غرف هيلين لأفنان بأحلامها تطب غرفتي عروس جديده اللي تدور مره ثانيه لابنها خل تدبرله غرفه خشاب غرفتي ما اطلع منها

افنان... لا بالقصد غرفتج اخذها

اذا اخذتو غرفتي دقيقه ما ابقى هنا

جاي احجي ونزل هيثم مبدل وكاشخ ولا كأنو هستوه ضاربني حجه... شنو هذا الصوت خير شكو

توني دا احجي وعمتي كامت تبجي وتكله

تقبلها تصيح عليه كدامهن وتهيني

حجيت بخوف وبعدم انتباه للحروف الطلعة من حلكي بسبب خوفي منه... تجذب والله ما صيحت عليها

ضربني بالمسباح على وجهي وصاح منوووو يجذبببب اولييي واتقرب جرني من شعري طلعني للغرفه وهوا يجرني من شعري طببني ردت. اطلع دا احجي سد الباب على اصابعي حسيت تكسرو

صرخت وبجيت

خل بس يفتح باب الغرفه اشرد منهم احسن شي

ضليت بالأرض لليل وبلا اكل حسيت بي طب للغرفه ما اهتميت سويت نفسي نايمه شالني خلاني عالتخت وغطاني وتمدد يمي

صارت بيه رجفه من خوفي نام هيثم ومعرف شسوي هسه بس اتحرك يحس عليه نومه خفيف

تكشفت وبرودة الغرفة تضرب بالعضم نزلت عالكيف من فراشي وهنا متت بدمي من سمعته كال

بصوت نعسان بين النايم والكاعد.. شعندج كاعده

حجيت واني اتمالك نفسي... دطلع للحمام

انداريت شفته غطه راسه ونام

طلعت من الغرفه والرعب بكلبي وصلت غرفة الحجيه واخذت الصايه مالتها ولبست من شالاتها معرف شلون تنلبس خليتها اشون مكان

مشايله فلوس شلون بيه

باوعت لحلقتي رميتها يم الحجيه والحجيه تشخر عالكيف اخذت 100من جنطتها باوعت شلحت كلادتي اسمي يم الحلقه علمود اخذت الميه حتى لا يصير عليه حرام

مراح اروح لعمامي لأن حيجون ياخذوني

طلعت وصلت المطبخ وسمعت قاسم يحجي

ولككك لا فنشوك

ها دروبب يمعودددد

ويصيح. يمه لا يحس عليه خرب حضي

طلعت عالكيف والجو ثلج فتحت باب الحوش سوه صوت بس ميسمعوه

وطلعت باب الحوش وجان ادكها بركضه وهيه هالركضه لحد ما نكضت وحلكي نشف بقيت امشي والجو بارد ثلج اصابعي تجمدو

ولابسه حذاء ثكيل تعبت متت

امشي واوكع امشي واوكع

لاكتني سياره

خفت انوب وكفت

سمعت صوت بنيه كالت

يا بنتت يا بنت لتخافين ما اأذيج

انداريت بنيه موكفه السياره ومنزله الجام وتحجي وحدها جانت

البنت... وين رايحه

مشيت حسيت صوت باب سيارتها

نزلت وصاحتلي

لتخافين ترا وحديوين تريدين

هيلين... بجيت وخشمي جامد من البرد

لمحافضه............

اكدر اوصلج للسيطره مال المحافضه وانتي تكملين طريقج لان ما اكدر اطلع خارج المحافضه

ردت بس ابتعد عنهم كتلها... تمام

صعدت وياها جانت السياره كلش دافيه

حجت.... انتي ليش هنا وحدج

هيلين... تيهت الطريق

لا تخافين واوثقي بيه وارتاحي

اخذت نفس قوي شهيق وزفير وخليت ايدي على راسس ورجعت راسي للكشن...

انتي اكو احد مأذيج

هزيت راسي ب اي واني مغمضه

فتحت على صوتها وهيه تكول عمري بس اشتري من المحل وارجع

كتلها تمام ورجعت غمضت عيوني فتره طويله والبنيه ما اجت خفت لا صارلها شي والسياره تصير براسي عود والف تهمه تكع براسي البيه مكفيني

فتحت الباب دنزل ما ينفتح صرخت ماكو احد الناس قليله

بقست فتره احاول افتح بباب السياره وما احس الا اجو منتسبين معرف عسكريين ووياهم نسوان اثنين ضخمات وصاحبة السياره بأتجاه السياره كمت اصيح حتى يجون ينزلوني واجو فتحت صاحبة السياره الباب

وتقربو مني النسوان نزلوني

لوهله جمد الدم بعروكي رحتي بيها هيلين باوعت للبنيه وعيوني تتوسلها بس للأسف غدرت صوجي ثقيت بيها

جرجروني واني ابجي للمركز

وكف كبالي رجال وحجه

انتي شنو منو احجيلي

بجيت وكلت ااااريد اهلي

احجي لا تخليني استخدم وياج غير اسلوب

بجيت وكلت... اريد اهلي

ما احس الا وضربني راشدي ونت اذني جر اذني وحجه.... ايمت نخلص منجن يوميه وحده لو مهزومه لو ك....

مسك فكي وصاح احجييييي

واحد من المنتسيين جان واكف يمنه حجه... سيدي ترا ميصير تضربها....

انت اطلع بره برهههههههه

دنك راسه وطلع وبقه هذا الضربني

حجه... وين اهلج وشطلعج

بجيت وحجيت اهلي....... محافضه

ومن هناك جيتي للديوانيه

هزيت راسي ب لا... اني اريد اروح لاهلي

فهميني

طلعت من بيت عيالي دروح لاهلي

عيالج عدهم علم

كذبت وهزيت راسي ب اييي

صاحححح لا تحذبينننننن بنت الك..... منو زوجج انطيني اسمه الثلاثه رديتله الأسم عافني وطلع

تقريبا نص ساعه وانفتح الباب طبو عمي وقاسم

عمي عيونه تريد تطك من العصبيه وقاسم هم

اخذوني وطلعنه

حجه عمي... ليش هيج تسوين ما فكرتي بسمعة زوجج

لا رد

قاسم... بويه راح اطلع لبيت خالتي لأن قاسم سلاحه بيده وكلشي يسوي

هاي يا خاله ما ادري واول مره اسمع عدهم خالات

رد عمي.. اي امشينه نوديها لبين ما يهده

سمعت بيها سلاح احس كلبي راح اني تاليتي مكتوله على ايده هذا هيثم

عمي... ما تردين ما احاجيج ليش سويتي هيج بويه

بجيت

كال.. لا تبجين بويه لا تبجين اعرف هذا مو خوش ادمي

وصلنه بيت صغير نص قطعه

نزلنه وعمي اخذ السياره وراح

دكينه الباب طلعت مره كلش جبيره بالعمر

سلم عليها قاسم بس وجهه ثكيل وطبينه جوه للهول جان اكو شايب مقعد لهجتها مصلاويه تبين

قاسم... خاله هيثم اليوم ما بوضعه الطبيعي وتعرفين انتي

الحجيه... ليش اشعمل

قاسم... خل نطب واحجيلج وهيلين بس مكان تبقى بس لبين ما يهدى هيثم

الحجيه... روحي داده لهاي الغرفه واشرتلي عالغرفه ارتاحي ونامي

رحت للغرفه طبيت وسديت الباب

واني احس دماغي ما عاد يفكر شلون حرجع لاهلي شلون حخلص من هيثم

تمددت وغمضت ودموعي تنزل بدون صوت

للصبح كعدت على صوت الحجي

يقره قرأن

طلعت لكيته بالهول جاي يقره قرأن ويجود صوته كلش حلو

طلعت غسلت ورجعت باوعت الساعه ب10لعد اني شكد نايمه وبيتهم هادء شافني الحجي أشرلي بمعنى اكعدي

كعدت يمه

اباوع لأيديه تجاعيد الكبر مبينه عليه وشعر ايديه ابيض وبيهن نمش ناعم

اجت الحجيه كالت... داده البيت بيتكي شتردين تاكلين طبخي وكلي واني اشتريتو لبن وطحينيي وبيض سلقتو وحززتولكي طماطه بس احمي الجاي وتريقي

حجيه ليش تعبتي نفسج

ماكو اي تعب داده الحمدلله

صدق الحجي وسد القران خلاه يمه وباوعلي جان وجهه نوراني حجه...

اشبيكي وجهكي تعبان وانتي تعباني مأذيكي عيالكي احكيلي فضفضي

حسيت بي حنية بابا وأحن من بابا لأن بابا شكد توسلت بي وجبرني عليهم وبالجذب ما يخابرني يسأل عليه..

حجت الحجيه عزملها حتى تاتاح نفسيتها

خله ايده على راسي وصار يقره قرأن بصوت عالي واني متحملت دموعي صارت تنزل

كمل تعزوم نفخ على وجهي وكال.... الله يريح قلبكي

مسحت دموعي.. حجت الحجيه.... هاي بيت اختي كلهم مو خوش اويدم بس امي بنصهم مثل الغزال بنص قطيع من الاذياب ومسحت دموعها

حجه الحجي... احكيلي اشبيكي

بجيت وكلت عمو اريد ارجع لاهلي تعبت عدهم الله يوفقكم رجعوني

الحجي... انتي بأمانتنه وما ترجعين لمكان الا برضاتكي

وتقربت الحجيه ساعدته خلته عالكرسي المتحرك

وعدلت شيلتها وكالت

داده انتي اعمل الجاي واتريقي اني اروح اودي الحجي علمود الجلسه مال علاجه

هزيت راسي ب نعم.. بس ايمت ترجعون

الحجيه... حسب دورنه ايمته يجي بس لو العصر لو المغرب

راحت الحجيه وعلمتني اشون اقفل الباب وراحت واخذت الحجي

توضيت وصليت ضهر واني بخوفي لا يجي هيثم وياخذني

وافكر ليش حجيهم يبين موصلي معقوله من الموصل زين شجابهم لهنا وليش ميتواصلون ويه بيت عيالي وليش وحدهم الف فكره ببالي

معرف من يجون احاول اسأل الحجيه واعرف

لهنا وينتهي البارت +تصويتكم عمري

................................♡♡.................................

خليت الچاي عالنار وانتضره يفور واحس دا اسوي شي غلط لان دا اسوي الچاي ابيت ناس غربه

افتريت بالبيت بس غرفة الحجيه والحجي ما طبيتلها..

سعمت صوت الصافره مال الچاي ركضت طفيت جواه وكعدت اتريك جوعانه كاتلني الجوع أكل وما اعرف شنو ينتضرني

خلصت ريوك ووكفت غسلت الأماعين ورحت للأستقبال رتبتها ومسحت البلازمه ورتبت البيت بس هم مطبيت لغرفتهم لأن مو من الأصول

صارت العصر صليت وكملت شغل وأجيت اسوي عشه شلون هسه شطبخ

واني كلشي ما اعرف

تذكرت اخر مره شلون سويت التمن

وعمتي مرات تطبخ كدامي تعلمت اسوي شوربة ومركة بطاطه

سويت التمن وخليته عالنار يتهده

وقشرت البطاطه وثرمتها مربعات وجبت راس ثوم قشرته وثرمته ويه البطاطه

خليت زيت بالجدر شويه احتركت الزيت وخليت البطاطه والثوم

وضليت اقلبها لحد ما حسيتها شويه بدت تستوي

جبت مي حار وخليت فوك البطاطا والثوم بالجدر بس مو هواي هما نفرين وياي ثلاثه

انتضرته لحد ما صار المي يفور وخليت معجون بس مو هواي وكيسين ماجي ورشة ملح  وخطتهم وغطيت الجدر حتى يثخن المرك

باوعت صوندت المي دتنطي عرفت جا المي

اخذت الصونده وشطفت الحوش ونشفته ورجعت للمطبخ المطبخ صاير كبال باب الحوش سديت باب المطبخ بارد الجو

رحت للاستقبال وشغلت الصوبه وسديت ابواب الاستقبال حتى تدفه

وبقيت اقلب عالتلفزيون وكل شويه اروح اشوف الأكل لا يحترك

سمعت صوت الباب ينفتح ولزمني الخوف جا اكيد هوا جا سمعت صوت الكرسي المتحرك وارتاح كلبي

ركضت فتحت باب الاستقبال وساعدت الحجيه بالكرسي

طبو للأستقبال حجه الحجي

.. اللهم صلي على محمد وال محمد اشنو هالنضافه ليش تعبتي نفسكي

هيلين... ما سويت شي

الحجيه... ريحة طبخ

هيلين... ابتسمت بتعب من قهري.... معرف اطبخ بس هاي تعلمتهن من عمتي

راحت الحجيه للمطبخ واني وراها

كالت.... عاشت ايديكي داده خل يأذن نصلي ونتعشه

تمام... طفيت جوا الطبخ تقريبا وراها بخمس دقايق أذن مغرب صلينه والحجيه تعدلت تريد توكف حجيت... حجيه محتاجه شي

دا احضر الاكل معندي شي داده يسلمو

لا اليوم التحضير مهمتي اكعدي اني احضر

رحت للمطبخ حضرت الاكل وسمعت الحجيه كالت... داده اعمليلنه خيار يمكي بالثلاجه

ثرمت خيار

وخليت الچاي على نار هاديه

واخذت الصينيه ورحت

خطيه ياكلون ويكولون عاشت ايدج وعفيه

تعشينه وشلت الأكل وديته للمطبخ واخذتلهم الجاي ورجعت للمطبخ

غسلت اماعين العشه ومسحت الكاونتر ورحت لكيتهم مخلصين جاي اخذت الاستكانات غسلتهم ورحت كعدت يمهم

اباوع للتلفزيون وياهم

لهجتهم تجنن افكر بلهجتهم وشلون عايشين وحدهم وافكر بحياتي شنو حيصير بيها

حجه الحجي... داده زوجكي يريد يحكي معاكي خبصنه خبصه يريد يحكي معاكي

هيلين... اكدر اخابر اهلي من تلفونكم

الحجي....شال التلفون وانطاني اياه وحجه... خابري بينو اشقد متردين بينو اشتراك

اخذت التلفون سجلت رقمي دشوف فاتحه هيثم لو لا دكيت وكلبي يدك ويه الأتصال ما احس الا وشخص كال..... الووو.... هيثم اي هذا هيثم فاتح خطي

كبل فصلته حتى انتبهوا عليه اشون خفت

حجت الحجيه وهيه تدير بالقنوات..... داده اشبيكي ليش خيفي

هيلين... لا ما بيه شي بس توهمت بالرقم

حجيت وياها وسجلت رقم بابا دك الا فصل ما جاوب

ميجاوب على رقم معرف ليش دزيت رساله بنيتك اني جاوبني

ورجعت اتصلت رن وجاوب

خير شتردين

بابا اني هيلين شنو خير

وكفت بعيني كلمتج مال بنيتي وجاوبتج انتي شلون اللج وجه تخابريني

بابا لي.... بعد ما كملت كال

.  متبري منج واني ما عندي بنيه  بنتي ماتت وسد الخط

صفنت والدمعه بعيني نزلت دمعتي نزلت راسي ما اريد يشوفون دموعي وبجيت شصاير ليش هيج كالي شكو شواصلو حجي هل هيج يحجي

الحجيه... اشبيكي داده

باوعتلها وسويت بايديه علامة ما اعرف وبرطمت بجيت...... ما اعرف ابويه تبره مني يكول بنتي ماتت

الحجيه بالكوه وكفت واجت يمي حضنتني وتمسح على راسي وتسكت بيه

حجيت... ابويه يكول بعد ما اريدج اني وين انطي وجهي ابويه تبره مني معتبرني ميته

الحجيه... داده انتو بيكم شي لو اول مره يحكي معاكي هاكذ

هيلين... اوب مره

الحجيه... داده عيالكي عبو براسه حكي ما الا غير تفسير

احجي وابجي.. ليش هيج يسوون طعنو بشرفي وهانوني وضربوني تاليتها يوصلون لابويه ويخربونه عليه يجوز متصدكيني بس تعبوني تعبوني بصباحية عرسي بديت اشتغل واكرف وما حجيت تقويت وحجيت وانضربت وانهانيت وتجوعت

حسيت الحجيه تمسح دموعها

وخرت من حضنها شفتها دتبجي وجسمها يختض من البجي

ما اريد اقهركم واتعبكم اني اعرف مثقله عليكم باجر اشوفلي سياره واروح لبيت عمي

الحجيه... داده عشايرهم ميخلوكي هسه حتى السيطرات الهم علم بيها

الحجيه.... داده ذولي ماكو حدا يقدر يتعامل معاهم

مسحي دموعكي واتوضي وصلي وادعي ربكي

سويت مثل ما كالتلي الحجيه بقيت اصلي وادعي لأذان العشه وصليت عشه وبقيت يمهم كاعده حايره وين انطي وجهي كاتلني القهر زين شكالو لابويه وشيكولوله المفروض ميصدك ويثق بيه حتلو مذنبه ما فكر وين انطي وجهي

ضليت اتعلل وياهم لحد ال11رحنه نمنه

كعدت الصبح ب9 طلعت غسلت لكيتهم جاي يتريكون صاحولي اتريكت وياهم

ونفس الروتين الحجيه تاخذ الحجي واني ابقى بس هالمره الحجيه كالت

داده اذا جعتي اكلي واني من اجي نطبخ مدام متعرفين تطبخين

ومن رجعو. الحجي راد يتعشه البان وتعشينه البان

وثالث يوم ما راحو والحجيه طبخت مقلوبة وتعلمني

اول شي نقلي البطاطه والبيذنجان والبصل والفلفل والطماطه

ونصفطهم بترتيب بالجدر

نرجع نعمل التمن بغير جدر بس نخلط ويه مي التمن معجون.

من يستوي التمن..

نفرغه فوك الحبشكلات القليناهم ونعوفه على نار هاديه شويه وتصير

تجنن واذا تمن محمود بعد تصير تخبل سوينه وياها جاجيك ثرمنه. خيار وثرمنه ثوم ناعم وخلنه وياهم لبن ونخفقهم تجنن طعمها رهيب. تعلموهن..

بابا بهاي ال3ايام كل ما اخابرو يفصلو اخر شي حضرني شكد قهرني تصرفه

وانتهى اليوم رحت لفراشي واني الف تفكير براسي خوما اضل على كلب العالم يصبح الصباح واروح احسن شي اروح لاهلي. من اصلهم اتفاهم وياهم

صبح الصباح كعدت تريكت وياهم

ورحت لغرفتي لبست عباتي والشال

وطلعت شافتني الحجيه وكالت

.... داده وين تروحين

هيلين... اروح لاهلي

داده اكعدي خل نحجي هسه

حجيه اريد اروح لاهلي رد الحجي لخاطري بويه كعدي خل نحجي

كعدت يمهم حجه الحجي... ما يعوفوكي بحالكي اذا ما عافوكي بمزاجم(بمزاجهم) دتخطين خطوه غلط

قنعي زوجكي ورجعي لبيت اهلكي

هيلين... من يشوفني يرجعني للسجن

الحجي... بويه ما اعوفكي تروحين وحدكي ابقي عدنه وكل الهلا بيكي موانستنه بالبيت صار عدنه بنت...

هيلين... تسلمون واني اكدر اروح. وحدي ما عليه شي..

الحجيه... داده زوجي جاي علمودكي البيحه(البارحه) خابر وقال يجي اليوم

خفت من كالت هيج كبل كلت... حجيه مسلمه عليكم وتعيشون عالضيافه وطلعت باب الاستقبال باب الحوش اندك

الحجيه... منووو

هيثم.... انه انه فتحو

يمه شجابه. ويه طلعتي رجعت خطواتي والحجيه فتحتله الباب

شافني وكال... طلعي للسياره يلا

هيلين.. ما ما ما اجي

صك على سنونه... وين جنتي دا تروحين لابسه عباتج

وكفت وره الحجيه مهزوزه هيلين الما تهاب احد صرت ارجف من اشوفه اتذكر ضربه اليه

هيلين..... ما اجي حجيه داخله عندج خل يروح

طببتني الحجيه للمطبخ واخذت هيثم للاستقبال واني اطك سن بسن من الخوف بردت

واكفه بالمطبخ واروح وارجع واطك باصابعي هاي عادتي من اتوتر

ما احس الا وحركة وراي جمدت كبل اندرت

الحجيه

اجت دتسوي چاي

هيلين... هسه اني اسوي

راحت الحجيه واني سويت الچاي وكملته ووكفت اندب بحضي ليش ما كتلها عود تعالي اخذي الچاي شيطببني للأستقبال وهوا موجود

قويت نفسي واخذت الصينيه ورحت

اول مطبيت الاستبقال چان كاعد بس ما خليت عيني بعينه

انطيتهم الجاي ودا اطلع حجه

ودي الصينيه وتعالي

يمه شيريد

وديت الصينيه وكعدت يم الصوبه شويه وسمعته صاح

هيلين لا تمرمرين كلبي تعالي خل نتفاهم

تربعت واني اطك باصابعي ما رحت

شويه وحسيت عليه طب للمطبخ بقيت على وضعي ما حجيت شي

اخذ نفاضه للتتن مال الجكاير  وكعد يمي ورث جكارته وحجه

شبيجج ليش هيج دتسوين مرمرتي كلبي

لا رد

سحب نفس قوي من الجاره وخلاها عالنفاضه ومسك ايديه

شبيج شنو هالتوتر اجيت نحجي بتفاهم والتردينه يصير

هيلين... اريد اروح لاهلي

بس ابوج خلاص تبره منج

رفعت عيني عليه والدمعه بعيني وشفايفي ترجف ... شكتله وهيج تبره مني

من انقهر واتعصب سويه  هيج تصير شفايفي

هيثم... مكتله شي

نزلت دمعتي على وجهي وصلت شفايفي...

مسحها ومرر اصبعه على شفايفي وكال... هيج خايفه مني

هيلين... ما اخاف بس من الخلقني

ورجفة شفايفج

لا رد

مقهوره

هزيت راسي.... كلشش

اني شكول ومرتي خلت سمعتي على لسان الرايح والجاي كلها تكول لكو مرته دتنهزم بمركز الشرطه وكل هذا وجايج بصلح اخذج ولا كأنو شي صار

انت جبرتني

يلا كومي لبسي خل نرجع للبيت

ما ارجع

اذا مرجعتي باجر اجيب افنان عروس للبيت

شتسوي. سوي مو كتلك اعتقني

هيلين ما اريد استخدم وياج غير اسلوب

كتلك ما اجيي ودنكت احمي ايديه والرجفه بيهم

عافني وراح للاستقبال

واني الرجفه لازمتني

اهدي هيلين اهدي هيثم وراح من يمج اهدي تعصبت بسبب رجفة ايديه وشفايفي خليت ايديه على حلكي حتى ليطلع صوتي وبجيت

حسيت ريحة حرك باوعت شعري عالصوبه

بحركه سريعه وخرت ونفضت شعري طارفه جان عالحراره جان احتركت

سمعته راح وشخط سيارته كمت غسلت ورحت للحجيه كتلهم تحتاحون مني شي كالو سلامتج ورحت للغرفه تمددت

ما اعرف ايمت غفيت والصبح حاولت اروح من عدهم جان رفضهم نفسه

كتلهم اريد اروح اني اكدر اطلع ما عليه شي..

كال الحجي

وين متروحين اني والحجيي معاكي واكيد انتي ما تتعبينه وتطلعينه من هوني

بقيت اسبوع وبليل جنت دا انام اندك باب الغرفه

منووو

اني داده

تفضلي حجيه

طبت الحجيه وكالت... هاي هيثم يريد يحكي معاكي

ما اريد احجي وياه

الحجيه... يسمعكي يقول كلمتين بس

اخذت التلفون من الحجيه والحجيه طلعت

الوووو

الوو ها هيلين شكلتي ما غيرتي رأيج

لا ما غيرته ما اكدر ارجع يمك اني

شلون اتعامل وياج انتي

هيلين... اعتقني وطلكني خل اروح بطريقي وانت تروح بطريقك

طريقي لو شكد ما ادور يرجعني عليج

بس اني ما اريدك

بس اني اريدج

سمعت صوت افنان حجت... حبيبييي ويامن تحجي

هيلين.. افنان يمك بهيج وقت

هيثم... اني مو كتلج باجر اجيبها عروس وكلتي شتسوي سوي

يعني تزوجتو

. اي صار يومين

اي لعد انت استقريت طلكني كافي

ما اطلكج وباجر الصبح اجي اخذج

ما اجي

مو بكيفح لو اعرف اجرج جر واجيبج

سديت الخط بوجهه شكد نذل وجايبها يمه

سويت حضر على رقمه وطلعت الحجيه بالمطبخ تشرب ميه حجت

تاكلين طحينيي ودبس(راشي ودبس)

ونحمص خبز عالصوبه ونحكي شويي (الياء تلفضها مرتين)

كعدنه بالاستقبال الحجي نايم يمكن وجابت الحجيه الطحينية والدبس وجابت خبز وجت يمي

كعدنه نحمي خبز عالصوبه والجو بارد والصوبه مشتغله ودفوها

هيلين... حجيه

الحجيه... داده ام صلاح

تعجبت اشون معدهم اطفال وام صلاح

الحجيه.. استغربتي حقكي داده

خل احكيلي شويه عن اهلي واقاربي وحقدهم

هيلين... تمام... شلت الخبز من الصوبه خليته على صفحه

الحجيه..  كنتو صغيره طالبة سيدس(سادس) ابتدائي واحب دراستي كثيغ

ابويي كان فقير كثيغ هوا وامي

عمامي مقبلو اكمل دغاستي (دراستي) من نجحتو من السيدس  فرحتو لأن وصلتو المتوسطه غادو يتغكوني المدرسي(رادو،يتركوني المدرسه) وبعد معانات كثيغه

بابا قبل اكمل.  بس قال تبقين عند خالتكي واختي موجودي تساعدنه على عمتكي

عمتكي يلي هيه اختي بوقته جنت جنانه اشون ومعرف اشنو واني مو خدامي بابا بعثني يم خالتي بالموصل كانو ساكنين بحي الوحده

بقيتو هنوك(هناك)

ادرس واتعب وصلتو الاعداديي

واني ابيت خالتي بابا يبعثلي فلوس ودخلتو مدرسه اهليي

كان المدرس اللي يدرسني الحجي

باوعتلها صدوك يعني الحجي جان مدرس شي اكيد حبج مو

ايي حبني واشقد بقينه نحب بعض لحد ما انتهت السني(السنه)

ابو صلاح كان مصلاوي قحي اشقد غادني بس ابويي بسبب عمامي مقبل  قالولو اشون نعطيها بغير محافضه وحتى من مدرستي بطلوني اشقد بكيتو مقبلو

بابا حب يرضيني ويرضي عمامي لان عشاير فشرط انو ابو صلاح يبني بيت هوني

وابو صلاح اقتنع بس بعد معاناة وكثيغ امور صارت معانه

صرنه هوني وسكنه وحملتو بصلاح بس كنتو اتعب هوني واهلي مشاكلهم كثيغ وام يوسف (ام افنان)

شفتها بجت وكتلها حجيه لتبجين فدوه لعمرج حبيت اغير الجو والطفو كلت بعدين  اسألها شبيها ام افنان وليش منقطعه ويه امها واختها وشنو سبب شلل ابو صلاح   هسه خطيه دتبجي.... حجيه اشون صرتي تحجين مصلاوي حجيت هيج دلطفلها الجو

من عاشر قوما. اربعين يوما صار منهم واني حبيتو لهجة ابو صلاح فصرتو احكي مثلو

عيونها ازرق جنهن بلول يجنن

بقت الحجيه شويه تبجي وشويه تسكت بعدين سكتت وهدت شويه وأكلنه بس اكلت بدون نفس ورحنه نمنه

هل يا ترى يجي ياخذني غصب عني

لو شنو

معرف متت من التفكير

نمت والصبح تريكنه والضهر الحجيه اخذت. الحجي علمود الجلسة مال العلاج علمود الشلل خطيه ما بي غير العافيه

الخوف بكلبي يقره الف لا يجي ياخذني

معرف شلون كضيت اليوم المغرب اجو الحجي والحجيه أمنت شويه

بس هم بكلبي خوف من جيته وما قصر الافندي دنتعلل والباب اندك

طلعت الحجيه فتحت الباب وطب هيثم وجدته

جدت هيثم ولا كأنو ام الحجيه يلي هيه ام صلاح مبين ام صلاح القهر مكبرها

طبو واني رجف كلبي الحجيه وام صلاح تسالمو وتحاضنو كعدو والحجيه اشرتلي اكعد يمها

كعدت كالت... ها يمه طولتيها

دنكت مستحيه منها

كامت ام صلاح دتسوي جاي حجه هيثم

لا تسوين كلشي خاله رايحين احنه ما مطولين يلا هيلين كومي لبسي

ما رديت

هيلننن لا تعصبيني تحركي

ام صلاح... عوفها داده ترتاح هوني

هيثم... لا طلعت عينها ما تكول اني ابيت العالم صارلي شكد

خجلني بقيت بهدومي من الخجل

ام صلاح... داده اصلا موانستنه وبالعكس علواه تبقى هوني

هيثم.... ام صلام ابدال ما تكونين صلح تطمعينها

يلا تحركي لبسي عباتج احسن ما اسوي مشكله...

ما اجي وياك

كام وكف وكال.... تحركي

ما اجي

صاح.... لا تعصبيني يلاااااااا

ولا احترم الحجي ويصيح

ما اجي

دشوف اشون ما تجين

طلع بره ورجع طب كال يلا حجيه مشينه مسلمين عليكم

هففف ارتاح كلبي يعني راح يروح

ما حسيت الا اجه وجرني شالني واني ابجي واصيح نزلني

ذبني بالسياره ودفعته دنزل ضربني راشدي وكال.... هسه كدام العالم انزل اكتلج وصعد بالسياره وشخطها

واني ابجي واصيح ما اجي رجعني رجعني

ولا رد

وصلنه ونزلني ابجي واني من الطفل اجر بنفسي وهوا يجر بيه طببني جوه طلعني، الدرج يكمخ بيه ويجرجر

طببني للغرفه افنان جانت متمدده عالتخت شافتني وكالت هاي ويننن

هيثم.. طلعي بره

افنان... تطردني

هيثم... طلعييي برههههه

افنان طلعت وهيثم قفل الباب واندار عليه وكال.... هسه وين تروحين مني

هيلين... عفيه لا تضربني عفيه

لا ما اضربج شبيج مشتاقلج

قرب مني  صار الحايط بضهري وين اروح منه وهوا يباوع عليه واني ارجف ويلعب بشعري واني دموعي تنزل

هيثم... اشتاقيتلج

درت وجهي عنه وحجيت واني امسح دموعي... بس. اني ما اريدك وخر عني

اخذ ايدي المسحت بيها دموعي باسها وخلاها وره ضهري. ولواها

اخخ ايديي حتنكسر

. هوا اريد اكسر ايدينج حتى انوب ما تمدينها على فلوس احد

يا فلوس

مو بايكه فلوس من الحجيه

ما بكت خليت بمكانهن ذهب

نور كالت باكتهن

وانت تصدك وخر عني

لوه ايدي اقوه واني ابجي واكله ايدي بس عوفها فدوه

تجرين عدل لو اكسر ايدج فهمتي ولسانج اذا يطول ينكص

هزيت راسي ب اي

صار يبوسني مثل الوحش واني ادفع بي وميقبل يوخر واني ابجي

اخذ شفايفي تصنمت ما تحركت اريده يوخر

حجه... شنو جمدتي تجاوبي شنو ماكو احساس

لا رد

دفعني بصفحه وضرب ايده بالحايط وصاك على سنونه وكال.... تسوين بالقصد واني هذا اكثر شي اكرهوا

كلت بكلبي شمدريني تكره شخص ما يتجاوب وياه اساسا هوا ما تقربلي بس بيوم عرسنه وهمزين عرفت يكره هالشي حتى ابقى اكرره ولو اني اصلا ما اتقبله

طلع وعافني واني شلحت عباتي وحيلي رايح من الخوف خل اكضب لساني احسن ما انضرب وانهان

باوعت تلفون ايفان ركضت عليه فتحته ما بي رمز طبيت للارقام سجلت رقم ابويه وخابرت

جاوبني حجيت... بابا اسمعني بس لتسده

سمعته اخذ نفس

بابا شكو شي سمعته كذب بابا مضلومه شبعت ضرب عدهم واهاين تالي اخذت مية الف من جنطة الحجيه وخليت بمكانها ذهبي وطلعت ردت اجيكم كافي تعبت حيجي يوم اكتل روحي وتخسروني تعالو اخذوني فدوه تعالو

حجه ابويه.... ما اعرف اصدك منو هذا الاسبوع نرجع من الخارج ونتفاهم وعود اخابرج نتفاهم واجي اخذج

سمعت صوت خطوات سديته كبل وحذفت الرقم ورحت للكنتور باوعت ملابس افنان

وين ملابسي

عفتهم ورحت تمددت ونمت كعدت على صوت افنان وهيثم يضحكون شنو حلمانه اني

                              👇        ♥

لهنا وينتهي البارت تصويتكم عمري مو تنسون

" لا تصارع خنزيراً في الوحل فتتسخ أنت و يستمتع هو لأن القذارة أسلوب حياته "

- هذا المثل يعلمك أن تحتاط لنفسك من مناقشة الحمقى و تترفع عما يفعلوه

فمن تربى في مستنقعات الجهل و الحقد مناقشته تنقص من قدرك و مكانتك و هو يتلذذ بحمقه و سفاهته

و ما أكثر هؤلاء في زمننا.

<<<<<<<<<<<<<<<>>>>>>><<<<<<<<<<

فتحت عيوني وتعدلت باوعت افنان واكفه يم هيثم وهيثم ديمشط شعره

باوعتلي وكالت

وهيه تأشر عليه وتباوع بطارف عينها... هيثم هاي شلون تبقى بغرفتي

رد عليها وهوا يمشط شعره... شكتلج البارحه اضل اعيد

تقربت منه وحجت... واني عروس شكد ابقى بلا غرفه

كمت من مكاني واني اعدل الغطه مال التخت

... تكدرين تاخذين هاي الغرفه اني حروح لغير غرفه اصلا

رد هيثم.... انتي تكعدين هنا وتسكتين ما اريد اي اعتراض خوششش

هزيت راسي بنعم

افنان... ايمت تاخذلي غرفه

هيثم.... اخذي امي وقاسم وروحي اختاريلج غرفه بحدود 3ملايين وخلي قاسم يهتم بباقي الأمور

افنان... دنطيني الفلوس لعد

هيثم.... اني عود ادزلج اياهن بليل

عفتهم ورحت للحمام اغسل اساسا حخلص منهم خل اتحمل الى ميرجعون اهلي رغم الضرب وكلشي صار ريحني كلام ابويه واخيرا راح اخلص منهم ممصدكه عالأقل ابويه شويه صدكني شغل وكرف وعمتي ما سلمت منها اخذتني للبقرات انوب حلبناهم وهاي ورجعنه

وكفت يم ساره وسألتها... ساره وين ملابسي

حجت بنتر ساره.... موجودات بالجنط الفوك الكنتور افنان رجعتهن تكول حيطلكها عليش معلكه هدومها هنا

حجيت... وشبيج ضايجه

ساره...عمري مو عليج بس مقهوره راح اموت

هيلين...يااا شجاج شكو شبيج

ساره...بيوم الخابرت عمر وحجيتلج

ضليت يومين اراسلو يرد ببرود وما يريد يحجي وياي تالي عاتبته يكلي ليش كبل لا رديتلج تروحين عالعقد

هيلين...يبووو وتالي

ساره...لهسه زعلان واثنينه نكابر

انتي شكتيله

كتله اني شعليه صارت طلعتي فجأة

عمري لا تنقهرين ترجعون تتراضون

افنان وراي ونتراضه

هيلين..ليش...

هيه تراسلو

تراسل منوو

تراسل خطيبي عمر

عليش

عود مجرد اصدقاء وتضل تراسلو وكل يوم تكلي بحجة الشقه تكلي بليل انحشو عليج

كتلها هوا ما يندفع تكلي اكلو طلعت بفلان مكان

وصدك من وره هالشي قافل ما يراضيني عباله صدك اطلع بدون علمه

بس.انتو بعد ما عقدتو شنو ترا براحتج تطلعين

اي هوا من عائلة معقده ومتشددين

يبوووو

اسكتي وخلينه وافنان اخاف لا صدك تطلع دافعتو عليه

وهيثم يدري بيها

.لو يدري جان كسر التلفون على راسي هوا اني ما يدري اتواصل وياه وهاي افنان تغار اخاف فد يوم تخرب بيني وبينو

صارحي وكليلو هيج وهيج

اني وديكول هاي اشون ينت عم عدها

اي احسن ما تخرب بينكم كليلو

انتي هيج تكولين

والله الافضل هيج

اوففف عمري ريحتي كلبي

تدللين

طلعت فوك اخذت كرسي وصعدت نزلت الجنط وطلعت ملابسي فتحت الكنتور طلعت جنط افنان وخليت ملابسي

وطلعتلي ملابس سبحت وبدلت

نزلت جوه الضهر

هيثم راجع حضرنه الغدا وتغدينه

ولمينه الاكل وغسلت الاماعين وكملت وكلها طلعت دا تنام واني رحت لغرفة اللي تاركيها بس للخطار نمت

والعصر كعدو الكل صلينه والتمينه بالهول نزلت افنان مصروعه

افنان... هيليننننن هيلينننن

رفعت الجاي اخذت رشفه وحجيت ببرود... خير

افنان... ليش هيج مسويه بالكنتور

هيلين.... هههههه عالجنط

افنان.... لا تضحكيننننننن بنت الكلب

ضحكت بصوت اعلى ووكفت كبالها دفعتها بأصبعي وصكيت على اسناني... صوتججججج لا تعلينه عليه 

شافتني سويت هيج وجان تدفعني وتكول....بنت الكلبببب بنت الخ..... حراميه.... داشره ما عندج احد

تسب ابويه مووو تايهتلها

وهجمت عليها ومسكتها شبعتها كتل اني لو اتواجه ويه عشر نسوان اطلع نفسي جنت صغيره يسموني السفيها(العرمه) هههههه شعرها صار بيدي وعده خمشتها باضافري وكلها تحاجزز واني فوكها واكتل واضرب واصيح

انچلبييييي عليهههه لأن ماكو احد ورايييي

وجريت شعرها وهيه تبجي

النسوان ما فكوني عنها والزلم ميصير يتقربون لأن بنيه ميصير يلزموني

الا جا هيثم يصيح وخرني عنها وصاح.... شبيجننننن

وافنان تبجي ووجهه مخمش واني بس شعري مكفش اخذت الشال من الأرض وخليته على راسي

وهيه حالتها حاله الشعر منتوف والخد مخموش ويم حلكها ازرك لأن جريت حلكها وكرصتها قوي

وهيه تبجي وترطن كلشي ما ينفهم عليها

صاح هيثم... شكووو فهمونيييي

ردت الحجيه.... اجت افنان تصيح على هيلين وهيلين ساكته ما حجت شي بس كالت لافنان لا تصيحين وافنان سبت هيلين

اندار على افنان وكال سبيتيها

افنان... شوف شسوت بيه

حجيت... اي سبت ابويه وصفته بكلمات ما اريد احجيها وكالتلي ما عندج احد وشوفتها اشون اخذ حقي حتلو ما عندي احد

هيثم... هاذهوا تعادلتو يلا اني طالع للكوفي

انصدمت من تصرفه وافنان تبجي وتكول يا تعادلنه

طلع هيثم تقربت افنان وكالت اني اللج يا حقيره

حجيت... هالمره استخطيتج مرة اللخ اكسر يا ايدج يا رجلج لتشوفيني ضعيفه دارسه الدفاع عن النفس

ومشيت وعفتها

صح اني من اول من كبرت بابا دخلني مجمع نسائي تعليم الدفاع عن النفس والله وطلع بي فايده ههههه

رحت لغرفتي مشطت شعرس ونزلت

هيثم جا المغرب حجه... هيلين حضريلي الحمام

هزيت راسي بنعم بدون ما احجي ما اريد احجي وياه

وطلعت فوك حضرت ملابسه وطلعت نزلت جوه جان ديشرب جاي

كعدنه شويه اني وساره واذن المغرب صلينه وشويه وخلينه العشه افنان لازكه بهيثم واني كعدت يم الحجيه كملنه عشه وشغل واماعين وافنان لازكه بهيثم

طبيت اوديلهم جاي هما كل شويه وكالو جاي

وزعت الجاي وكعدت يم الحجيه نسولف تحجيليعلى هيثم تكول تخبل ودمرنه ردنه بس ترجعين من انتي موجوده شويه طبعه احسن

حجت افنان... هيلين كومي جيبي الشكر

تنرفزت ورديت... خدامتج اني لو شنو

هيثم باوعلها وحجه كومي جيبي الشكر لا اكوم العب الصونده على ضهرج

خجلها بس تستاهل اني بالكوه لازمه الضحكه

الحجيه... فلا ينلام بيها الصلفه ام الزلم

راحت جابتلها الشكر ورجعت يمو كعدت اساسا الرخيص للرخيص

صار وقت النوم وكلمن يروح لفراشه حجت افنان.... اني وين راح انام هسه

هيثم... نامي ويه نور

اني عروس وتخليني يم نور اني اريد يمك

يااا تحجي هيج كدام ابوه واخوه

رجع كال لافنان.... نامي يمي بالغرفه امشي واندار على قاسم كاله... خويه باجر تاخذها هيه وامي ويختارون غرفة اليردوها

طلعنه ورحت باتجاه غرفة اللخ سمعته صاح

هيثم يأشر بيده ويحجي... وينننن

اشرتله على غرفة اللخ

هيثم... هاي شبيج خرسه ما تحجين

باوعتله غمضت وفتحت بقلة صبر

كال... تعالي لغرفتج يلا لا تزهكيني

مشيت رحت طبيت للغرفه وافنان موجوده

حجت افنان... اني انام عالتخت

رديتلها... ايمت اخلص منج

افنان.. باوعت لهيثم وتأشر عليه... تسمعها

هيثم... تالي وياجن

اني ما اهتميت سويت بقصدها رحت تمددت عالتخت

تقربت مني ودفعت رجلي كالت بعصبيه... كومي من هنا يلاا كومييي لا انتف شعرج هسه يلااااا

رديتلها ببرود.... باجر تجي غرفتج وتنطمرين وين متردين

افنان.... هيثم اشون تره ميصير

هيثم.... اهوووو لا تضوجيني افرشيلي يمج بالكاع

هيه سمعت يمها ركضت طلعت فراش وفرشتلهم

واني اضحك بكلبي خلصتني منه

تمددت ودنام حسيت على افنان فتحت الكنتور

تغطيت وغمضت صوتها دتغير ملابسها شكد ما تستحي مو اني موجوده

مدرتلها بال غمضت دنام شويه وسمعت صوتها تكله

اذا رحت لا ترجع يمي ولا تحجي وياي

وين يروح بهالليل

ما حسيت الا الغطه مالتي انجر واتمدد يمي

حجيت... خيررر شتريد

خزرني وغمض عيونه

مدرتله بال انطيته ضهري وغمضت حسيت تقرب وحضني

وخرت ايده عني وحجيت... وخرررر

رد بهمس وثقه... ترا اروح انام يمها

حجيت... روح شسويلك

سمعته يتسغفر وكام راح يمها يكلي اروح يمها عباله دغار

سمعت ضحكها وصوتها تتدلع وتتعمد تسوي هيج لعبت نفسي

غمضت واسمع ضحكها مقزز صوتهم واصل لعندي ولا استحو تقرب منها واني موجوده بالغرفه عباله ديغصني

نمت بس بالكوه من وره صوتهم

الصبح كعدت حتى ما باوعتلهم نزلت جوه ب8طلعت اخذت ملابس وطبيت سبحت

طلعت افنان بوجهي حجت وهيه تتميع... وخريي حبيبتي خل اطب اسبح بس دقيقة اكلج ليش البارحه هيثم بقه يمي

سمعت هيثم صاح افنانننننن

افنان... اي اي سكتنه وطبت للحمام

كاعده اسشور شعري وطلعت افنان مشطت شعرها ولفته وهوا مبلل ولبست الشال هههه شنو شعرها ما يصير بي ريحه عوعععع

شكد رادت تكعد.هيثم ما قبل يكعد تالي ملت ونزلت

كملت سشوار شعري واضافري ما يطولون يتكسرون من اجي هنا لأن غسل وتنضيف

ف طولو من جنت ابيت ابو صلاح ومن يتكسرون يأذوني ف كصيتهم

ولميت شعري ولفيت الشال ودا انزل توني فتحت باب الغرفه دا اطلع حجه هيثم

دا تنزلين جوه

اي

تعدل من مكانه وفتح الكنتور عنده مثل الصندوك فتحه برمز وطلع فلوس كال.... ذنه نزليهن انطيهن لافنان

انت عود انطيها اياهن

هيثم... وانتي مكسره

اخذتهن منه ونزلت جوه

دورت لافنان لكيتها بغرفة الحجيه

وماكو احد  بالغرفه بس افنان والحجيه تصلي

تقربت انطيتها الفلوس وحجيت.... هاي هيثم دزهن

افنان....اي حبيبي ما يقصر اروح اشوف قاسم اروح اشتريلي غرفة عالاقل اخذ راحتي بيها وراحت

ههههه اضحك على عقلها مدري شبيها عبالها كاتلة نفسي على هيثم

شويه ونزل هيثم افنان عملتله الاكل وراح للشغل

للضهر رجع هيثم تغدينه وكملنه غده

وافنان ما راحت اشترت غرفه اذا نامت بالغرفه اليوم انام بغير غرفه اني ما ناقصني لعبان نفس

كعدنه نشرب جاي وحجه هيثم.... ايمت تروحون تاخذون غرفه

افنان... انت تعال ويانه خل اني وانت نختارها

لا اني عندي شغل

افنان... بكيفك لعد باجر نروح شتكول قاسم

قاسم.... ايمت متردون نروح

افنان... حضرت فلوسها حبيبي لو ما عندك

باوعت لافنان هاي شدتحجي

رد هيثم... هيلين انطيتيها الفلوس

هيلين... اي انطيتها

افنان... شنطيتيني

هيلين... انطيتج فلوس وكتلج هاي هيثم دزهن وحتى ما اعرف شكد

افنان... جذابه كلشي ما انطيتيني

هيلين.... شهكت وصحت.... لا تجذبين حراميه طلعي الفلوس هذا رجلج الدزهن مو من جلدي حتى ناخذينهن

افنان كامت تبجي وتصيح ما انطتني

هيثم صاحح اشششششش هسه اصدك منو بيجن

افنان.... طبعا تصدكني لعد هيه مو باكت من الحجيه 100الف

تخبلت اجتني البجيه باوعت للحجيه وحجيت

يمه احجي انتي مو جنتي موجوده من انطيتها الفلوس واني كلشي ما بكت

الحجيه... افنان شنو غايتج انتي هسه شلون بيج طلعي الفلوس

هيثم باوع لافنان وكال  .... وينهن

افنان.... جذابه ما انطتني شي

الحجيه... جيبو القرأن واحلفو

افنان.... اي جيبوه احلف..

الحجيه... استغفرالله استغفرالله تالي صرتي تحلفين عالقرأن جذب هيثم ابني كدامي هيلين انطت افنان الفلوس وافنان. هيه الباكتهن واذا تردون تجيبون قرأن احلف. احلف عادي وانتو تعرفوني اني كلشي الا الحق

هيثم اندار على افنان وكال.... وتجذبين هم

افنان... لا لا هيه الجذابه

بحركه سريعه صار كبالها وكال.... انتي طلعت عينج زايد بهذا الاسبوع وجرها كدامنه وهوا العصبيه بوجهو تخوف وكعلها دك ضرب ويصيح تاليييي اخذ وحده ببيتي بواكه بالكوه جروها من ايده وهيه تصيح وتبجي

وهيه تباوع وتتوعدلي وتصيح اطلعها منج يا حقيره وخشمها يطك دم صاح هيثم..قاسم اخذها لاهلها ما اريد وحده تمد ايدها على فلوسي تبقى ابيتي

ردت افنان..وحبك اليه وحنيتك كلهن راحن عاميتك ام السحوره

صحت...حقج كلمن يشوف الناس بعين طبعه

حجت وهيه ماسكه الجفيه ساده خشمها من الدم

...شنو من بشر انتي ما عندج كرامه وباقيه هنا

ما رديتلها مالي واهس اتناقش وياها اكثر من هيج

حجه هيثم....امشي لبيت اهلج وتوصلج ورقة طلاكج

صاحت....بعدني اسبوعععع متزوجههههه تريد تطلكني شنو يكولون عليها الناس ابن عمها وطلكها باول اسبوع

سحبتج من حجي الناس اول مره رغم جان الغلط غلطج وتعرفين شقصد وتعرفين ليش تزوجتج

هسه كلمة زايده منج احجي لابوج كلشي

اخذها قاسم وهيه تبجي وتتوعدلي

عفتهم وطلعت الغرفتي انتضرت اذان العشه صليت ونمت

حسيت على هيثم حضني دفعته عني وكملت نومتي

كعدت صليت فجر ونزلت جوه شغل وكرف وعمتي كالتلي يلا امشينه نروح نحلب الهوايش رحت وياها ومر اليوم عادي وعمتي زعلانه من هيثم لأن طرد افنان

وره يومين جانو كاعدين يتغدون وحجت عمتي

هيثم ايمت ترجع افنان

رد عليها... يمه خل نتغده

شو صاير ترادد

لا ارادد ولا شي هاي المره ما اريدها ابيتي

اليوم اني اروح ارجعها

اي روحي رجعيها شسويلج ما اللي دخل بيها

لعد خليها باجر نروح نرجعها ونطلع ناخذ غرفه

يعني تالي ما. اتزقنب

صاحت عمتي.... هاي من ايمت تراددني تاكل وتسكت وباجر نروح نجيبها

هز راسه وكمل غده وكضينه النهار ويه المصروع اللي مطايق احد وبس ينفخ

بليل مشطت شعري والتفيت بفراشي دنام واجه هيثم بقه بس بالشورت واتمدد يمي

متمدد على ضهره ويحجي... ها ما رضيتي

ما رديتله

هيثم... خل نتراضه

لا رد

ما حسيت الا وصار يمي ووجهه كبال وجهي وحجه

كافي زعل

لا رد

غمض عيونه وخله كصته على كصتي ونزل شفته راد يبوسني درت وجهي

حجه... يعني اني احبج واريدج وانتي هيج تسوين

رديت... هذا مو حب

حجه لا حب

نزلت دموعي ما اريده يقرب مني

مسكني من فكي ودارني عليه وحجه

هيلين احبج

اذا تحبني لتقرب مني

ليش

لان احس مو محبة بيه

قصدج بس ارغبج ما اريدج مووو هيلين يعني عبالج مو حب مصلحة نفسي

حجيت... اييي

ابتعد عني ونام

جرحته بكلامي بس يستاهل

ثاني يوم من الصبح اخذ امه وراحو لافنان اخذوها جو بحوالي ال4 طبت افنان للمطبخ وتخزر بيه عبالها اخاف وطب قاسم كال روحو لغرفة الحجيه دا نطبب الخشاب ويه الشباب

وطبينه لغرفة الحجيه لحد ما راحو واجه ابن باسم كالو راحو اطلعو

طلعنه ويه طلعتنه طبو بيت باسم سلمنه عليهم وكعدو وسوالف وضحك

بليل هيثم مراح يم افنان نام بغرفتي بليل حسيته حضني دفعته ورجع حضني قوي ونام

ثاني يوم الصبح حجت يسرى كالت اهلي يرودون يسوون خطوبة اسبوع الجاي

وكضيناها الأسبوع كله تحضير وهيثم نفس الروتين يوميه ينام بالغرفه يمي ميروح يم افنان

يريد يحسسني انو هوا هالشي عنده مو مهم ولو يريد جان راح لافنان

حضني وخرته عني رجع حضني قوي ما اكدر حتى اوخر عنه وكال اسف وكل الاسبوع الراح يوميه يكلي اسف وينام بس ابد ما احجي وياه وشكو شي يحتاجه يطلب مني ما اسوي عاد افنان هيه تنصخر على كلشي..

باجر حنة البنات واني معندي شي البسه وردت اروح للسوك هيثم رفض وما قبل وافنان خلاها تروح

بابا خابرته بالختله كالي تأجلت رجعتنه لاسبوع الجاي ضليت ابجي الا تعبت

تصويتكم عمري مو تنسون هاي  اليوم بارتين لعيونكم ✨✨