تحميل رواية «اقسمت على حبكِ عند الأمير» PDF

#اقسمت على حبكِ عند الأمير

ضوء القمر

شما تهب نسمة شمال بليل

ياحلوه أهب

والشوگ بظلوعي رطب

كلش رطب

أسمع الزقات بشفافج

وأكول فراخ ماشبن

بعد بيهن لعب

كبرن ايام الحنين سنين

ياطفلة وغده الزهدي جسب

هبت بنومي شمال الليلة

واستبرد ع دموعي العشب

ياشمالية الهوى الاول كلف

ياشمالية الهوى الاول ....

منسا ..شيخ اريد اروح لاهلي

گمرهاشم اهواي طوختها اني اعرف اشلون احل هالمشكلة بس من كالت تريد تروح لاهلها هنا فعلا خلني اتخبل نرفزتني بكلامها لهاي الدرجة حضرتها مصدكه كلامهن

..الله كريم

منسا عفته وصعدت بس گلبي نار عليه اني هم صوجي ماكان مفترض اعصبه زيادة وهو مناقص بس احتاج ارتاح محتاجه اكعد وحدي وافكر دخلت غرفتي ماطلعت كلش مالي واهس حاسه نفسي مريضه وتعبانه خليت راسي على المخدة وحاولت انام بي شاغل بالي اشلون انام واني معصبته بس كلامها والله صعب يمكن صدك يحبها وعلمود وصية ابوه قبل واحتمال لا ميحبها وهاي لعبة منها بس اشلون اتاكد ومن اسأله ميجاوب ودوم يكلي بت خالي وبس بس اريد اعرف الي قبل ال بس شنو من كلام بعد صراع طويل ويه افكاري الي محتله كل وقتي وهاده حيلي نمت بلكي اكدر ارتاح طول هالايام نومي قليل وحتى اكلي ماعندي شهية لشي وعمتي عبالها حامل اووف اشلون بلوة اجت على راسي استسلمت للنوم

گمرهاشم منسا اهواي مضوجني وضعها والسالفة بدت تاخذ مجرى ثاني خابرت على منار بلكي حاجيه وياها ومثل متوقعت حجتلي السالفة كلها

..يعني توقعي جان بمكانه

منار :هاشم اني همين مثلها مخبلي هالموضع شنو الي يخليها هيج واثقة

گمرهاشم :والله ان سويت خير انگلب عليك وان ماسويت كالو مو زين يعني توهمت بيوم ساعدتها تجي حضرتها تخرب حياتي هلا انوب انتي الثانية اشبيج بابا غريبة عليج سوالف بت خالج لو شنو منار بهاي ماعجبتيني صدك جذب بويه اشبيجن لخاطر الكعبة

منار :هسه ليش عصبت جاي نتاقش تره وبعدين اني شمدريني انت مساعدها لهاي الحقيرة خلي ساكته من وراها البنيه حالتها حاله

گمرهاشم :وهاي الثانيه ليش من اكلها شسالفة ماتحجي يعني اشلون ها اشلون مو كافي عليه طلايب العالم انوب مرتي هم والله راح اتخبل مو جنت رجال كل همي الديوان وشورطني اااخ لوما وصيه الحجي اني اتزوج

منار ههه ضحكت عليه وعلي ادري مو من كل گلبه بس خطية دومه المشاكل والطلايب لازم هو يحلها الي مثله هسه لاعب شاطي باطي :ههه الله عليك شيخ العلوية ماحبيتها

گمرهاشم :اوووف يابعد اخوج

منار :هلا والله الشيخ واكع ومحد مسمي عليه اوويلي والله والعلوية اخدت گلبك ونايم بالعسل

گمرهاشم :اي كلش واضح عليه نايم بالعسل ورطه وعلي دخيلك ياعلي روحي بويه خلي اشوف دبه لهالورطة من الله ياخذ بت خالج مووخلفه حشه هو منين الگاها من بت خالج لو ابن عمج ااااه الحمدلله

سديته منها وصفنت العلوية اهواي غلطة كان مفترض تخبرني ومن سألتني ماكان سؤالها وافي علمود اسولف بس هين يامرام اني اعلمج يمكن ذيج الگرصه نسيتيها دخلت للبيت جانن كاعدات قلبها خبرت خالي بانو بنتك جاي تسوي مشاكل ويه مرتي وهذا الشي ميعجبني خطية خالي استحه لان هاي مو اول مرة بعدها دخلت الافنديه جانت مسويه عرض ازياء بت استغفرالله ابوج زين ولو اهواي منطيج حرية

..الله بالخير

الشيخه :هلا يمه الله بالخير والعافية

گمرهاشم :يحفظج الله شيخه التفت على مرام واشرتلها تطلع مااريد الحجي يصير كدام امي ومرته خالي

.. اي ست مرام شمسويه من سالفة جديدة

شفتها وجها كام ينطي اللوان وحجت بارتباك

مرام :ااني م ممسويه شي ليش

گمرهاشم جنت كاعد مقدم ظهري رجعته وخليت رجل على رجل وافر بسبحتي :لا تثوليها واحجي تره اكتهن هسه كلهن احجي احسن

مرام : شنو احجي ومنو هذا الي وازك عليه معقولة تنطي ببنت خالك من وره واحد ميسوه اضفري

گمرهاشم الحقيرة عرفت تقصد منسا لا ياا.. عصبتني :هاي الي تحجين عنها تاج راسج وكل وحدة مثلج سمعتي شوفي مرام لحد هاللحظة اني ممسوي شي بس قسما لو احطج ببالي محد يخلصج مني اتچفي الشر احسلج لا عبالج مااعرف بسوالفج وداعت العزاز اندمج سامعه كلمة وحدة مااسمع وعلي ابن ابي طالب لو اسمع اقل حجاية متخلصين مني خليني محترمج لا تنسين سوالفج كلها يمي وبس اكول كلمة وحده ابوج وضياء يندموج لا عبالج ابوج منطيج مجال وحرية هاي هناك الي يجي يمي فنا يفگ حلگه ويهين اي كان يخصني احجي شحاجية للعلوية

جان تحجي باستهزاء

مرام :هه يعني هسه كل هذا علمود العلوية ههه والله حلوة علمود متزعل

گمرهاشم :شوفي يامرام لحد هسه ضابط اعصابي لو تفلت متخلصين ساامعه حلگج هذا لا تعوجي واحجي مثل الاوادم ليش تخليني ابهذلج هسه خليني محترم خالي ليش تخليني اسبه هسه من وراج ولج مكافي سوالفج التعبانه اصلا زين مني مخليج على سوالف شوفي هالمرة حجيت مرة ثانية اطير راسج فاهمه

عفتها ودخلت هاي ماتجي بالعين والاغاتي الا بالرزايل والتهديد تعرف نفسها كل الزين متكدر عليه  وجها كام ينطي اللوان الخوف مبين عليها بعدج ماشفت شي هين يامرام

صعدت لهاي الخبلة لو بس اعرف ليش تسكت لكيتها نايمه كعدت على الكرسي وبقيت اباوع عليها انتظر اشوكت تكعد شكلها بريئ كلش اباوعلها واتئمل كل معانيها اريد اثبتلها حبي كل اعتقادها مااحبها بس لو تعرف حبي الها ماجان كل هذا صار بقيت نص ساعه ابلوع عليها وانتظر تكعد كعدت وعيونها سحرني من هيج تباوع

.. نوم العوافي

منسا :كعدت ولكيته كاعد كبالي ويباوع عليه اموت  على كعدته هاي الي كلها رجولة وشهامه 

..الله يعافيك من اشوكت هنا كاعد

گمر هاشم  :من زمان يله كومي مو تردين ترحين لاهلج اوديج بطريقي

منسا من كال هيج اهواي ضجت واصلا هو زعلان مني كمت جهزت نفسي اصلا مااكدر ابقى اهواي بس محتاجه اشويه ارتاح كملت وهو هم كمل وأخذ الجنطه طلعنه وطول الطريقة ساكت بس أحسه مروش وهم حركته كانت حلوة جان مرتچي ايده على الباب وكفه على حلگه اكو طيف ابتسامه على وجه ليش هيج فرحان لا وانوب فتح شعر لسيد عريان كانت القصيدة

انا بلياك كَلبي شما يدگ يبرد

يا باب الفرح ، والحزن مد الشوف

خايف لا يهب عالي الهوى وتنسد

يا أسود رمش هنيال لون الليل

چي لنه ويه عينك دوم يتودد

فضلك عـ الحسن إنت آخر العنكَود

وبستان الورد لولاك ما ورد

يا زفه عرس ضحكتك تالي الليل

ويا عين الصكَر بالزعل من تحتد

يالتدلع غنج واليحب مو كَصاي

وأنت اعله الچتل مبخوت تتگصد

يا صوغة هدايا وفضفضاك الليل

لا تلتم بديه لا هوى وتنشد

عودني إعله بعدك وانت أبو الطيبات

بلكت عالصبر يمعود أتعود

كَالولك حلو وخلوك بيه إتجور

والكلك شوصف بيك وشعدد

أشو لامو حلو وما تشبه الغزلان

ولاريح الگرنفل بيك لو ورد

ولا عينك مسافة وبسمتك سلوان

ولا كل اليشوفك عمره يتجدد

ولا الله إبتلاني وخالط الجيلين

ولا عمري إعله شربه ماي يتفرهد

ولا تزهي بشبابك ، ماخذك طغيان

ولا إنت العزيز البيك بس أركد

ولا صوتك شجي وحچايتك ناكَوط

ويشفافك نظاره الماحواها أحد

ولا غاوي ولذيذ وتشبه النعناع

طيبه وطيبتك كل يوم تتجدد

ولا طولك مصيبه ومثل كل الناس

حسنك مو حسن وخدك مو مثل كل خد

ويا أسهل من إسمي وصعب حد الغيظ

وطلاسم لو ردت وياي تتشدد

صدكَني أحبك حب غريب الطور

وأحب صبرك علي وما گلت لحد

منسا كل كلمة ويجر ونه ويكول

گمرهاشم :ايي صح السانك سيد

منسا ماسألته عن شي بعد ساعات دخلنه النجف بس حاسه بشي غريب شنو من احساس مااعرف افسره باوعت على الطريق مو طريق بيت اهلي

..هاشم هذا مو طريق اهلي وين ماخذني

گمرهاشم :هسه نوصل وتعرفين عدلي عباتج

منسا :هاا اوك

عدلت عباتي وعرفت الطريق الي راحين عليه اشلون مااعرفه وهنا الي يجي ميرد خايب هنا موطن كل مؤمن مهموم محتاج الراحه هنا عند قبر من تتشرف الملائكة لخدمته هنا ملاذ هنا القدسية هنا الايمان الصادق هنا تحس نفسك فارغ من كلشي لان تذب حملك وانت متاكد متطلع الا وحاجتك مقضيه

..هاشم ليش هنا اجينه

گمرهاشم :عندي حاجه طالبها من الامير وان شاءالله مگضيه

منسا :ان شاءالله دخلنه والاجواء كانت ولا اروع القبة المذهبه والانوار الي مزينه المكان لا الامام هو الي منور الدنيه كلها وكفنه بالحصن وكلي

گمرهاشم :علوية اريدج ادخلين وتصلين وتدعين وخلي زيارتج بنية قضاء الحاجة اريد من كل گلبج تكون النية الج نص ساعة وانتظرها بنفس المكان من اكمل راح اوكف هنا مقابيل ضريح الامير

منسا ليش كل هذا وشنو حاجته :ان شاءالله بس اكمل اطلع

دخلت ولفحت خشمي ذلك العطر الفواح والزكي الي من عطور الجنه ونسمه هوى باردة على گلبي وصلت يم شباك وكلي امل بي ميرجعنه خايبين طفت على ضريحه ولساني يلهج بالزيارة المخصوصه بعد صليت بنيه قضاء الحاجة بجيت اي جنت كلش محتاجه ابجي اريده ينور طريقي بعد دعوات كلها امل بالقادم ودعت سيدي ومولاي  الامير طلعت لكيت هاشم  بنفس المكان كله هيبة وشخصية ورجولة شهامه شيخ من صدك وسبحته الي ابد متفارق ايده وصلت يمه

.. تقبل الله منا ومنكم صالح الأعمال شيخ.

گمرهاشم بعد مانويت افض السالفة كلها اخذتها مثل مارادت لاهلها والامير هو اهل النه كلنه اريد اقسمها عنده على حبها طلبت تصلي بنيه قضاء الحاجة واني دخلت كملت ثلاتي ودعائي ويگضي حاجتي كملت وطلعت انتظرها طلعت وجها منور دخيلك ياعلي حاجتي يمك

.. اللهم آمين صليتي

منسا :بلي الحمدلله

گمرهاشم وكفنه مقابيل الامير : علوية انتي سألتي اني شنو بالنسبة الك واني كلتج انتي ززجتي  وام بيتي هسه هنا كدام الامير راح اخبرج بكلشي بداخلي الج

اشهد يامولاي اني اقسمت على حبها عندك

علوية احبج اي كلمة الها اهواي معاني واجيت هنا وعند سيدي علي لان ماكو اقدس من حبه لسيدتي فاطمة عهد عليه ليوم الدين ميفرقني عنج غير الموت لا مرام ولا اي وحدة  تكدر تاخذ مكانج صح يمكن بالبدايه كنت مجبر اقبل بالوصية لان جنت رافض الزواج مو علمود شي لا بس لان وقتي كله للديوان بس قسما بمن احل القسم وهاي كدامي ضريح مولاي من شفتج واني كل يوم اشكر الله وادعي للشيخ بالرحمة لان الله رزقني بيج اي علوية اعشق كل حرف باسمج وكل مسامه بيج انتي دخلتي گلبي بدون اي مقدمات وصرتي ملكة على عرش گلبي

تقربت منها اكثر واني اباوع على عيونها الي كلها فرح وفخر ودموعها الي جرت

علوية اريد اخذت عهد منج وهنا تكوليها تقبلين تكونين زوجتي على حب علي وفاطمة

منسا مااعرف شنو اكول كلامه خله گلبي يرگص كلام حلو والاحلى قسملي عند سيدي ومولاي علي على حبه الطاهر الي لساني وكف مااعرف شرد شنو اريد اكثر من هذا وهو اكبر دليل على حبه

.. گمرهاشم انت حجيت واقسمت على حبك الي وهنا هم اقسملك على حبي الك اشهد يامولاي اني احبته ولا حب كحب علي لفاطمة

نعم اقبل بطلبك وعمري كلها اتذكر هذا اليوم

نظرات بينه كانت تشهد على صدق مشاعرنه نتظراتنه كانت اكبر من ان تقارن بكلمة خجلت اهواي من حبه الي

گمرهاشم :الف الحمدلله يامولاي مارديتني

يله ورانه ليلة طويلة خلي نترخص من مولاي الامير

منسا سلمنه على الامام وطلعنه وين مااعرف توقعت نروح لبيت اهلي بس وكفنه كدام فندق الامير

.. ليش وكفنه هنا

گمرهاشم :غير عرسان ولازم يكملون ليلتهم يله بوبه انزلي

منسا :انت صدك تحجي حاحز فندق

گمرهاشم : اكيد يله وبعدين نشوف

منسا نزلت واخذني من ايدي وعدل عباتي وهو يهمسلي بكلامات حلوه

گمرهاشم :دخيل ربج اشلون راح اكدر على ترافتج اخاف عليج  مني واني اليوم ماطلع منا الي ومسوي الي براسي

منسا  عرفت شنو يقصد حسيت نفسي الليله ليلة عرسنه

تشابكن ادينه دخلنه للفندق اول مادخلنا صعدنه كبل للجناح وكان اكو واحد منتظرنه يم الغرفة انطه المفتاح لهاشم فنح الباب دخلنه كانت الغرفة مال عرسان التصميم والفخامة والتزين كلش حلو اول مادخلنه ودخلو الجنط هي جنطتي بس هاي منين اجتي هاشم سد الباب تقرب يمي

الابتسامه على وجه شكبرها قرب راسه وصرنه ميفصلنه غير الهوى اخذ شفايفي بوسه كلها حب وعشق شعور حلو ومشاعر ولا احلى كام يتفنن مثل شخص متمرس بالبدايه كنت خجلانه بس بعدين بادلته اخنتكت وهو حس عليه دگات گلوبنه قويه جانت

گمرهاشم : عروستي اهواي تاخرنه على هاي ليلة

منسا  اخذني من ايدي وكعدني بحضنه وكام يفتح بشالي وعيوني بعيوني نزع الشال ودفن راسه برگبتي ومن مكان البنض بده يطبع ملكيته وره فترة رفع راسه وكال

گمرهاشم :كومي گلبي اسبحي وغيري ملابسج ذيج الجنطة راح تلكين بيها ملابس واني انتظرج

منسا  كمت من حضنه واني ميته خجل اخذت الجنطة وفتحها هو كان بالغرفة الثانية فتحها كان بيها سيت نوم ابيض كلش حلو ونزاك اخذته ودخلت للحمام سبحت وكملت ولبسته همزين ماكان اهواي فاضح مشطت شعري وخليت عطر واشويه مكياج كان موجود بالجنط بصراحه

اهواي خجلانه اشلون اطلع كدامه بقيت اروح وارجع اشلون اطلع بعد صراع ويه نفسي طلعت لكيته كاع ويمكن جاي يسولف لان كان يضحك

گمرهاشم :سيد رحمه لجدك روح تره عريس وانت جاي تعطلني

.. ههه شوف من اكول نايم بالعسل تكلي لا هين وين تروح

گمرهاشم :ههههه الله وياك سيد

سديته واباوع على الملاك الي دخل اووويلي هاي ناوية على موتي رحت يمها ورفعت راسها دخيلك ياعلي

.. سبحان الله ولا غلطة سبحانه اشلون صورج علوية رحمه للعزاز ارحمي بحالي نراني رجال موكد هالجمال

منسا ضحكت بخجل :واني شمسويه

گمرهاشم : اوويلي فديت الضحكه لا يابويه مامشسويه شي بس اتسودنت من وراج الشغلة متفيد تعالي خلي احجيلج على فصل ناوي اخذه من زمان انتظر الوقت الي اخذه

منسا :اي فصل ومن منو

گمرهاشم :وحدة علوية اخذت گلبي وخلتني حاير بزمان واني عاهدت نفسي اخذ الفصل مربع منها وماكو اي رجعه

منسا :هاا

گمرهاشم : يبعد ال هاا واهلها تعالي بويه

منسا :اخذني وحطني على السرير بدته بشفايفي كان هادئ كلش وياي يحاول يبعد الخجل مني  وبده يطبع ملكيته على كل جزء بجسمي لحد ماصرنه روح وحده كل واحد بينه يريد يثبت حبه للثاني كان يتعامل وياي بكل لطف وكل اشويه يكول خايف عليج ياترفه

گمرهاشم :علويه بويه توكلي بلله وخلي نتمم زواجنه وسلميني نفسج

منسا  كنت خايفه كلش وهو عرف سكوتي علامة رضى بده يتقرب مني كان رقيق وياي ويخاف لا يأذيني كانت لحظات اجمل ماتكون الله جمعنه على حب علي وفاطمة بعد لحظات جمعتنه صرت مرته شرعا وقانونا رفع راسه وباسني براسي

گمرهاشم : الف مبروك يروح هاشم ياشيخه گلبي اسف اذا اذيتج بس شوگي كان اقوى مني

منسا دفنت راسي بصدره خجلانه منه :هاشم عفيه والله خجلانه

گمرهاشم : ههههه فديت الخجلان تخجلين وانتي بحضني افا عليج ان شاءالله مايبقى خجل

ليس هناك اجمل من الحب الصادق وليس هناك اجمل من حب علي وفاطمة الحب المقدس حب لله خالص لوجه اعجز عن ان اصف الحب الي يكون بحب الله 

منسا بعد ماكملنه شغلة سبحنه وهسه نايمه بحضنه  مايفصلني شي عنه وعيونه تتكلم سوه

..هاشم

گمرهاشم :اريد اسمع اسمي كامل بشفايفك

منسا :انت ليس تخجلني

گمرهاشم :ليش بويه شمسوي هو كله طلبت اسمع اسمي

منسا باوعت بعيونه وبكل حب كتله : شيخ گمرهاشم

بس كملتها واخذ شفايفي الا اخنتگت يله عافني

گمرهاشم :اوييلي هذا العسل الي يستاهل تصبر علمود تضوگه صدقه لربج امري بويه

منسا :هه شنو الي خلاك تقسم هالقسم

گمرهاشم :تصدگين اذا كتلج ماادري كل الي جنت افكر بي هو اشلون اثبتلج حبي بطريقة محد مسويها ودعيت من الله والامام علي يوفقني لان جنت خايف اهواي افقدج

منسا : ليش تكول هيج

گمرهاشم :سالفة طويلة بس لازم اعاقبج على شغلة انتي اشلون من احد يحجي عليج  متردي ليش ماخبرتيني على سوالف ذني العارات

منسا :ماطول انت بظهري مااحتاج ارد وهم اني مو لسان هذا طبعي

گمرهاشم :اااخ من طبعج هذا لازم تتعاقبين علمود مرة ثانية ماتكرر بس تدرين اني اشكرها على شغلة وحدة لوما سوالفها التعبانه ماكان هسه انتي بحضني واني ميت على هالعسل الي مااشبع منه اوويلي عليج شسويتي بيه ايام واني محروم ولو شيخ حيدره يجي ياخذج مني افصله كن العشيرة خلي اشبع منج قبل لا ياخذج مني

منسا : وانت شدراك راح يجي

گمرهاشم : الله يعلم الغيب واني ثقتي بي كلها شهر شهرين ويشرف هسه عوفينه خلي نصلي علمود اخذ راحتي

منسا قضينه ثلاث ايام بالنجف معزولين عن الكل ايام من العمر حسيت نفسي عروس هاشم الي جنت دوم اكول ماعنده هالسوالف من كد ما جاد بحياته ولا مبين عليه انو رومانسي بس بذني الايام ثبتلي عكس الي جنت متصورته بعدها رجعنه للعمارة والسيد عبدالله استقبلنه وباركلنه

سيد  عبدالله : ادري ماصار سنه وجددتو شهر عسلكم حسو بالناس الي بيها جفاف

گمرهاشم : اسمع منو يحجي ابو الجفاف

سيد  عبدالله : ههه وغلاتك جفاف العلوية مسويتها حصار حامل وماشاء الله الدكتوره اهواي تفتهم  

گمرهاشم :احم سيد خلي اودي العلويه اجيك عندي سالفة وياك لازم نخلصها اليوم

منسا هههه السيد فد شي دخلت للبيت وحسيت الكل يعرف احنه وين جنه بس تفاجئت ماكان في احد غير الشيخه والحجية والفرحه شكبرها على وجوهن

مشت ايامي البقية بحب وحنان واخلاص هاشم خاف كان قبل زايد بحيته هسه زاد اكثر

بعد مرور شهر حسيت بنفسي عندي اعراض حمل بالبدايه كان شك بس فديوم جنه كاعدين ناكل ومباشرتا رحت ذبيت من راسي متت هاشم  يمي ويمسح على ظهري

گمرهاشم : خيرج بويه شسالفه

منسا مسحت وجهي : ماادري بس شاكه بنفسي

گمرهاشم :الي ببالي علويه

منسا :احتمال بس خلي تعدي هالايام واتاكد

گمرهاشم :خلي نروح هسه مو احسن صارلج مدة هيج حالج

منسا :لا بس هالاسبوع يخلص نروح

طلعنه والشيخه والحجية فرحانات بيه

الشيخه :اللهم صلي على محمد وآل محمد يمه بالخير عليكم يتربى بعزكم

گمرهاشم :ههه شيخه بعدنه مامتاكدين

الحجية :ان شاءالله خير اخذها منه العلوية حامل بالشيخ حيدره

منسا :ان شاءالله

يومها هاشم متخبل عليه ومراسبوع وحللت وفعلا طلعت حامل باول شهر يومها هاشم ذبح لوجه الله ووزعه كله للفقرة مادخل قطعه للبيت طبعا منار هم طلعت حامل بس سابقتني وكرار طاير بيها واهلي اكثر بعد ادعي من الله يسهل علينه ويطلعون بخير وسلامه طول هالايام هاشم يطلع يطب علويه مشتيه شي ههه واني كل مشتهيتي على حامض حلو وعطره الي ماانام الا وهو يمي حتى من ياخذني للدوام ابد ميستعجل بالسياق يكلي اول اشهر تكون صعبة عليج فديته للشيخ فديوم بعد مااجيت ذبني وراح عنده فصل اشتهيت حلو دخلت المطبخ هالحجي العصر الشيخه والحجية جانن يم عهد طلعت كل الي احتاجهن وسويت كيكه بالبرتقال كملتها وجاي ازين بيها شفت النوتيلا واكلت منها ماحسيت الا على ادين تحاوط خصري وعطره الي اعشقه ودفن راسه برگبتي

گمرهاشم : اول مره اشوف حلو ياكل حلو بويه هاي بس علويتي هسه

منسا :هههه هذا ابنك غير كل اشويه على شي

گمرهاشم :نچر على ابوه من يشوف امه حلوة يطلب حلو شو باعيلي اكول اكدر اني هم اكل من الحلو

منسا :ايي ليش لعد اني عبالي على النوتيلا بس شو هذا اخذ شفايفي انوب احنه بالمطبخ صح محد بالبيت بس كلشي يصير بعدت عنه

.. هاشم احنه بالمطبخ لايجي احد

گمرهاشم :محد يجي اليوم يتعشون يم عهد وهم اني فاقل الباب يعني ماخذ احتياطي فاا تخافين كافي سوالف وتعالي وياي عندي سالفة وياج

منسا اريد اكمل ماخلاني شالني وصعدنه لغرفتنه وهناك ابد مو عاقل بعد لحظات بحضنه كان رقيق كلش ويخاف عليه من الهوى 

منسا طلعت انشف بشعري شفته عاگد حواجبه رحت يمه

.. خير هاشم بيك شي

گمرهاشم :اووف هالعار راح يخبلني

منسا :منو هذا

گمرهاشم :شهاب اكو غيره يعني

منسا : ليش اشبي ليكون نفس السالفة عفيه هاشم تساعده والله ضايجه علموده

گمرهاشم : الله كريم الي اكدر عليه اسوي بس السالفة مو اشويه منسا عدها ولد عمام يعني همه احق بيها وخاصه ابن عمها راديها

منسا :عززا لا عفيه خطية شهاب مستاهل اذا دره هذا خبل

گمرهاشم :هو بس خبل خليني ساكت هسه اني جوعان اريد اكل

منسا :من عيوني هسه احلى سفرة اجهزلك

گمرهاشم :لا بويه اريد من الحلو من ثريد

منسا : هههههه اشلون بيك تونه سبحنه راح اجيبلك من الحلو الي ابنك طلبه

مشهد من البارت القادم

   شهاب :روان لازم نحجي

روان :بشنو نحجي ليش هو بقى شي نحجي بي

شهاب :روان لازم تسمعيني ادري راح تكولين انت جذاب وماحاربت علمودي بس اكو اشياء تجبرنه ناخذ قرارات تهدم كل الي بنيناه ادري صعبة وغلاتج اتمنى الموت ولا اعوفج ترحين لغيري بس شنو بيدي اسوي وماسويته كدام عينج شفتي ماخليت شي ماسويته حتى العالم فشلتها وياي عبالج سهل من عمي هاشم يدخل بالسالفة ويرجعو شيخ عشيرة ويردو وابوي لو عمي مهدي بعد شنو اسوي اذا ابوج وعمامج دكو رجل متروح لغير ابن عمها ومشاء الله ابوج منطيهم الخيط والمخيط شنو تردين اسووي هاا اخذج واشرد انزل رؤس عمامي واهلي ولج وحك علي امير المؤمنين من يوم شفتج واني ومسودن تعرفين شنو ولج الليل ماانامه الا اتخيلج كبالي ضحكتج عيونج كلامج كلشي بيج حبيته ولج اتمنى ذلك اليوم مشفتج ولا تعرفت عليج ولا حبيتج لو ادري حبي الج راح ينتهي هيج فلا احب ولا اعلقج بيه

روان هو يحجي واني دموعي عشره اباوع عليه عيونه حمر يحجي بعصبية يسكت اشويه ويرجع يكمل بهدوى مو بيدي حبيته اي حبيته خلاني احبه لا اعشقه تعودني عليه فتحت عيني عليه اشلون مااصير اله اااخ يانار گلبي :لا تحجي كافي انت السبب بالي اني بي انت فتحت عيوني على الحب وخليتني احبك واتعلق بيك بنيت احلام على حبك الي ابد متوقعت هيج راح تعوفني لا تحجي شي خلي اكمل اي اريد اطلع كلشي بگلبي حب ثلاث سنوات تريد هيج تضيعهن مستحيل اسامحك لان خليني احبك وانت طلعت ماتستاهل حبي لا تكول اهلي وعمامي من خرا بيهم ولكم ليش اني من احب هيج يصير بيه

يتبع...

اسفة لان تاخرت عليكم بس صدكوني هالبارت كوة كمل كل اشويه طالعلي شغلة

#اقسمت على حبكِ عند الأمير

للكاتبة ضوء القمر

بيّچ وِصفت والناس أوف تِجر أوف

تشبۿ ملامح وجهِچ الـ بِسم الله

منسا اول اشهر حملي كان عادي حتى وحامي زين ماتعبت بي وهذا الشي اهواي ساعدني وحتى بالدوام مقدرين وضعي اما هاشم اوويلي يخاف عليه كلش مرة من المرات جنت جاي اجهز نفسي للدوام وهاشم يباوع عليه

..خير شيخي ليش صافن اكو شي

گمرهاشم :اي والله اكو ليش متسمعين كلامي وتبقين بالبيت هالفترة اخذي اجازة

منسا كملت لف شالي ورحت يمه كعدت :وليش اخذ اجازة ماعليه شي ليش هالخوف ياعيني

مد ايده وسحبني اله وخلاني بحضنه

گمرهاشم :اشلون مااخاف يروحي انتي اشعندي غيرج اخاف عليج انتي شغلج كله بصالة العمليات وادويه ومعقمات واشياء ثانيه كل هذا وتكولين ليش تخاف

منسا :وغلاتك الاطباء والموجودين مقدرين وضعي وهم مو دائما ادخل وحتى دكتورتي مستمرة وياها وهي طمنتني على وضعي وبعدين اني خليت حرز السيدة فاطمه وانت مو يم الامير اقسمت واني بالي قسمت بي امنت روحي يمه بعد هذا مو كافي وهسه تاخرت شيخي

گمرهاشم :دخيلك ياعلي بويه هو اني اكدر عليج امانه منسا امانه عليج ان حسيتي بيوم تعب بس گليلي واني اتصرف خوش اكوم بس بشرط

منسا :ان شاءالله وعد مني اخبرك شنو الشرط

گمرهاشم :يصير الگمر بحضني مااضوگ العسل

منسا :هههه متاكد بس تضوك

گمرهاشم :هههه اكيد

منسا اخذ راحته الشيخ وماعافني الا دك جهازه عدلت وجهي وهو راح بدل وكملنه ونزلنه والشيخه والحجية ميخلني اطلع الا ريوك كامل اشكد طيبات وكلمه اليمه متوگع من السانهن احس براحه وياهن الحمدلله

تمر الايام الحلوة ويه الاحباب بسرعة ذلك اليوم كنت حامل بشهر الاول وهسه اني دخلت بشهر السابع حللت طلع حامل بولد ان شاءالله يشرف شيخ حيدره او الميرزا حيدره اني وهاشم ماجنه نريد نعرف شنو جنس الطفل بس زملائي طلبو من دكتورتي تاخذلي سونار اذكر بيومها كنت توني طالعين من صالة العمليات ونادو عليه بصالة ثاني من رحت لگيتها ظلمه اشويه وانفتحت الاضوية كانت الصالة كلها نفاخ ارزق وابيض وورد هم عرفت الطفل ولد مسويلي حفلة اهواي فرحت بيها اما هاشم من خبرته بيومها وصه على ذبايح ووزعها للفقرة ومنار هم طلعت حامل بولد احنه خلفنته اكثرها ولد عدنه قلة بالبنات هي تسبقني بشهر

منار طبعا الحمل شالع گلبي ومنا الدوام ومحاضرات الي متخلص صرت بس اكمل محاضرات اخابر على كرار يجي ياخذني طلعت من الكلية وكرار واكف ينتظرني صعدت وسلمت

كرار :اشلونها بطتي

منار :عفيه سيد لا تكول بطة

كرار :ههه شسوي غير انتي صايره بطة وبطنج كدامج

منار :من وره ابنك غير

كرار :فديت ابني وامه بس خلي يجي واني أعلمه الج معذبج هذا

منار :هههه خلي نشوف صدك كرار ان شاءالله من اجيب بسلامه خلي اخذ حبوب مانع لحد مااتخرج عفيه

كرار :الله كريم شقاسمه الله يصير خلي بسلامه وبعدين نحجي

منار :جديات سيد تره مااكدر

كرار :واني شكلت ان شاءالله بس كومي بسلامه والله كريم

منار وصلنه للبيت ومشت باقي ايامي بشكل عادي والحمدلله المرحلة الاولى خلصت بسلامه صح كنت اغلبها اخذ اجازة بس الامتحانات شديت حلي بيهن هسه اني بشهري فديوم كاعدة ارتب باغراض طفلي واتصل عليه شهاب

.. ياااهلا والله معقوله شهاب متصل لا لازم اكو شي

شهاب :هههه سلمي اول وبعدين قصفي لو ماتكدرين على نفسج

منار : ههه تريد الصدك اي مااكدر أشلونك اشعجب اجينه على بالك جان بقيت لحد ماجبت مو احسن

شهاب :وعلي صوجي خابرت خلي اسولف  بس تقصفين صدك جذب 

منار :من سوالفك حضرتك متكلي شمبقيك هناك ماتجي

شهاب :على اساس متعرفين ليش باقي هنا المهم اشوكت يشرف قردج

منار :قرد بعينك فديت ابني ولك لا تحجي عليه تره يشور

شهاب :اوييلي عليج من هسه يشور المهم اريد ارجع بس عندي طلب

منار :صدك تحجي واخيرا راح ترجع خير شنو طلبك

شهاب :اريد اشوفها

منار :منو هاي

شهاب :يعني برأيج ها اكو غيرها بنت اختج

منار :اممم ايي واشلون بله تشوفها لبت اختي

شهاب :شنو اشلون اشوفها غير ترحين لبيت جدي وهناك تخليها تجي

منار :انت خبل اول شي هسه اني مااكدر اسافر و ثاني شي منو يكول تجي وتعال تريد تقنعني انو انت متحجي وياها ابد

شهاب :شنو السالفه منار صدك تحجين يعني ليوين اظل انتظر يله اشوفها وسالفة احجي وياها او لا هاي خصوصيه

منار :خاب انجب ابو الخصوصية يعني كلامي صحيح تحجي وياها اشكد صارلكم

شهاب :هه اي احجي وياها بي شي تقريبا اربع اشهر

منار :بدون علم اهلها شو سكتت متحجي

شهاب :شحجي هاا منار صدك تحجين اكيد بدون علم اهلها وبعدين هي محاجيه ويه غريب ابن خالها وهم تعرف حدودي ماكو داعي تعلميني

منار :مااعرف شكول حتى لو حجيت مراح تسمع مني وانت مخبل بس متخاف عليها ابوها يدري بله نكول عهد عمتك متحجي ابن اخوها بس عامر متشدد

شهاب :اطمني كل كلامي وياها مراسله وهم مااتصل بيها لان اخاف عليها هسه مراح تساعديني

منار :ماادري اشوف ولو صعب بس خلي اشوف سنو يطلب بيدي انت كلي اشوكت تجي

شهاب :انتي بس روحي هناك وتلكيني موجود

منار :شنو انت وره البيت قابل وتجي ها اشبيك شهاب

شهاب :هسه شلج دخل اني اجي اشلون مااشلوم المهم اجي هاا شكلتي

منار :ماشي بس اكو شغلة تدري بيها

شهاب :شنو هي

منار :شوف هو لازم اكلك خما نضم عليك

شهاب :خيير كولي شكو

منار :هسه شكو عصبت خلي احجي

شهاب :متحجين لازمج

منار :ااخ منكم نسخه ثانية من هاشم بالعصبية المهم تدري ابن عمها رايدها

سكت واسمع كسر يمكن قلم

شهاب من كالتي اني جنت اعرف بس اتخبل من هاي السالفه كان بيدي قلم كسرته وحرجت ايدي بس مو كد حرج كلبي :اي اعرف

منار :لعد من حضرتك تعرف شكو مطور علاقتك بيها شهاب على شنو ناوي تدخل حرب

شهاب :اي ناوي ادخل حرب منار مراح تحسين بالي احس بي

منار :والله مااعرف شگلك غير الله يقدم الي بي خير احنه شنريد غير نشوفكم مرتاحين بس من هسه اگلك تره دربك طوويل اهواي وكله تعب

شهاب :ادري

كملت وياها وصفنت معقولة تصير لغيري ونتام بغير حضني تصير ام لغير جهالي اشلون راح اكدر اتحمل كل هذا اااخ عساني ذلك ماشفتها ولا اشوف كل هالعذاب اشكد حاولت اطلعها من گلبي بس الي صار زاد حبي الها وعقلي تعلق بيها اني الي جنت اكول مستحيل  احب وكعت بحب كله عذاب بس من اصفن واتخيلها كدامي بضحكتها الحلوه وعيونها الي اعشقها انسى كل هالتعب صرت ماانام الا اسمع صوتها وصلت وياها لمرحلة الجنون اي حبي الها بجنون  اشوكت يربي تجمعني بيها ربي طلبتها منك.كلما اكول هذا كلها راح يصير سوالف لازم يجي على بالي سالفة عمامها ااخ يالقهر خوفي لا تروح مني واضل بحلم مااريد اكعد منه

احمد :ها يابه صحتني

جاسم :اي تعال فهمني اخوك اشبي هيج قافل ميرجع

احمد :ليش يابه انت متعرف ليش كل هذا يعني متعرف شهاب

جاسم :استغفرالله ولك ابني هو هيج تنحل الامور يعني يريد بنت عمتك كتله اخطبها الك واذا انطوها بيها خير واذا ماانطوها بعد قسمه ونصيب

احمد :حجي شهاب هالحجي ميمشي عنده لو هي لو ماكو وبعدين شدعوه عليهم هيج الا لابن عمها فرضا البنيه ماقابلها وياخذها غصب

جاسم :يطبه مرض هذا الي عندي خلي يبقى بلا زواج يعني اذا عمامها يردوها ناخذها غصب هو هذا حجي اشو اخوك مدري اشلونه

احمد :والله اني مليت من الحجي ذلك ابنك وحاجي سوو الي يعجبكم شمحصل اني من هذا كله

جاسم :انجب واحجي عدل مو صرت دكتور تغير حجيك فاهم خابره يله

احمد :هو هذا حجيكم دوم خابرت على هالعار الي دوم متعبني

..الوو يخوي اشلونك

شهاب :ياهلا بالدكتور الحمدلله شعجب اجينه على بالك

احمد صوته مرتاحه خرب اكيد كان يحجي وياها هذا ينسه روحه وياها خرب بهيج حب انوب مااكدر اغلط عليه غير اسلحه الوالد تلعب على ظهري :شهاب الوالد وياك فاتح سبيكر

شهاب مو اكول السانك ماغرد :هاا السلام عليكم حجي

جاسم :طايح الحظ هو انت تعرف ابوك

شهاب هه الوالد حامي عليه :خير يابه صاير شي ليش معصب

جاسم :ولك كلت اريد اكمل دراستي هناك كلت ميخاف من حقه ورحت وكملت وسنين ماتجي غير كم اسبوع رجعت كلنه ياالله الحمدلله رجع ويعيش بينه تسافر مرة ثانيه من وراه سالفة مالها معنى شتسمي هالتصرف هاا قسما ياشهاب ان مارديت اجيك واعرف اشلون اسحلك وخليك عاقل وارجع وبت عمتك نخطبها الك انطوها خير ماانطوها قسمة ونصيب سامع

شهاب تعصبت كلش من حجي الوالد بس لونجي للواقع فعلا تصرفي غلط بس مااكدر ارجع بعد عالاقل هنا اكدر انساها الهي روحي بالشغل :يابه سالفة ارجع اعيش عمري كله بالعراق هاي مااكدر اضمنها الك بس اذا تريد اجيكم كلما اكدر

جاسم :ولك ليش تعصبني ها احجي هندي اني شنو حضرتك تجي اشوكت ميعجبك

شهاب :يابه اني حصلت على الاقامه هنا وهم حاليا اشتغل بشركة مااكدر وخاصه اني رئيس قسم اشلون اعوفها واجي اعذرني حجي وسالفة الخطوبة مو هسه وكتها اني اجي واخليكم تخطبوها

جاسم :بعني سويت الي براسك واخذت الاقامه مو خوش يشهاب ابقى هناك وخلي يفيدك عنادك طبك مرض

شهاب ادري مو من كل کلبه بس موبيدي وغلاتك مو بيدي : حجي اني صارلي خمس سنوات شي طبعي اخذ اقامه وبعدين من تريدني ارجع وين اشتغل وعندك الي يعيني بشهادتي ونفس مكاني هسه اكيد لا موو خليني هنا احسن

جاسم :هو هذا حجيك هاا ولك انت جبير اخوتك هاي بدل ماانت تلمهم وتصير سند الهم حضرتك مسافر متت اني اشلون هم تبقى هناك

شهاب :عمرك طويل يابه لا تكول هيج واني حزام ظهر لاخواني وهمه مو صغار مثل ماعلمتني اعتمد على روحي همه هم لازم يعتمدون واني ماعايفهم عيوني الهم اذا مقصر كلي

جاسم :اي مقصر وكلش مقصر ابني اريدك ترجع من اطلع انت وياي اريد الكل تعرفك يصيحولي ابو شهاب وشهاب محد يعرفه العن الشيطان وارجع ولك گلبي وگلب امك نار عليك متكلي شعاجبك بالغربة ها تعال هنا وافتحلك شركة واني اساعدك اشكد متريد بس ارجع ولك لو انت من الشباب الي ادور سوالف اكول مگضيها لعب بس انت كل همك شغلك مامليت تكعد وحدك واكلك وحدك ها ولك احنه مشتاقين لكعداتك بينه كل يوم اكول هسه يدخل من الباب ويرجع للعراق صار امنيتي اشوفك الصبح كاعد ويانه تشاقي ويه اخوك صعبه هالامنية

شهاب كلامه اهواي اذاني كل الي كاله حقهم واكثر اني مقصر وياهم اني هم مليت من الوحده : صار حجي مثل متريد ان شاءالله بس اكمل شغلي هالفترة كلش مشغول حقكم على راسي

منار بيوم جنت عازمين بيت حماي سيد مصطفى وكاعدين بعد العشة ولمه حلوة طبعا عندي ألالم بس مو كلش تروح وتجي صعدت اجيب تلفوني واني بالغرفة حسيت بالم مااهتميت كله كالعادة بس وصلت الدرج هنا انتهيت كلش صحت ومي الطفل نزل

.. كررررارر الحگلي

كرار كاعدين نسولف ونضحك ومااحس الا منار تصيح كبل طفرنه عليها لكيتها على الدرج تبجي وتصيح من بطنها سويت الدرج طفرتين وصلت يمها ومنتهيه : منااار حاجيني تكدرين توكفين لولا عباتج وين

منار متت الم فضيع وابجي :سيد عفيه مااكدر ودييني راح اموت ذيج عباتي بالكنتور

كرار جابتلي فاطمة عباتها وامي يمي وتقره ايات شلتها لان متكدر تنزل

..مصطفى السيييارة بسرعة

طلعنه من البيت وهاي تصرخ ركبتها السيارة وامي يمها وكبل للمستشفى اهواي خفت عليها الله يسهل عليها الم الولادة تعادل كسر ٤٠ ضلع انتهت وخاصه هي بچر ماوصلنه الا وهي ميته تعب دخلنه للمستشفى همزين كان موجوده دكتورتها دخلنها والعلوية وياها مصطفى ورضا هم وحتى السيد اجه

سيد هادي :ها سيد كرار بشر

كرار :ادعيلها سيد بصالة الولادة

سيد هادي :ان شاءالله سهلة الزهرة توگفلها اكعد وليدي وكول يالله

رضا :راح تفشلنه سيد شو اكعد هسه تكوم بسلامه

مصطفى :ان شاءالله سهلة حقك سيد رضا هسه يجي يوم وتجرب هالموقف

كرار السادة يحجون واني لساني ماوكف عن الدعاء ربي امانتك هي والسيد مرت نص ساعه وطلعت الممرضة

الممرضة :الف مبروك جايت ولد يتربى بعزكم

كرار من كالت فرحتي ماتنوصف :الف الحمدلله بشريني هي اشلونها زينه

الممرضة :هي والطفل بصحة زينه اشويه وتكدرون تشوفهم

سيد هادي :الف الحمدلله على سلامتها وسلامة السيد يتربى بعزكم سيد كرار

كرار بست ايد السيد وراسه :الله يبارك بيك وتربي بعزك سيد الله يحفظك النه

مصطفى :الحمدلله على سلامتها وسلامة الطفل ابو مجتبى

كرار :الله يبارك بيك سيد

رضا :فرحانلك اهواي كرار يتربى بعزكم يخوي بس ها من هسه اني اربي ساامع

كرار حضنت تومي ونصي الثاني الغالي رضا :ههه انت ابو الثاني وغصبا عليك تربي فلوسك المن عود من تتزوج اخذه منك

كلهم ضحكو والسيد وزع هدايا على سلامة منار والسيد الصغير

منار الم الولادة اشكد مااحجي قليل جنت اهواي خايفه اشلون اولد بس الحمدلله دكتورتي كانت موجوده والله سهل عليه ولادتي وشرف سيد مجتبى الدنيا صرخات الم ووجع ودعوات من العلوية طلع الدنيا تعب مو طبيعي وكل التعب راح من شفته نور عيني خلوه بحضني كان ناعم سبحان الله على خلقه ابدع بي طلعوني من صالة الولادة على كرسي وطفلي شايته عمتي استقبلني كرار باس راسي وبسمه على وجه

كرار :الف الحمدلله على سلامتج يانور عيني ام مجتبى الغالية

منار :الله يبارك بيك يتربى بعزنه شفته

كرار :ايي يشبهني اهواي

منار :ههه لا اكيد يشبهني

سيد  هادي :الحمدلله على سلامتج بنيتي والف مبروك

منار فدوه لكلبك عمو قمة بالحنية والحنان حسيت ابوي موجود باسني براسي وتمحدلي بسلامه

.. الله يسلمك سيدنه يتربى بعزكم ان شاءالله

رجعنه للبيت ووخابروني اهلي امي وجدتي فرحانات كلش وخطية منسا من هسه خايفه الفرحة بولادة الطفل الجديد كلش حلوه السيد ذبح على سلامته وسلامتي وكرار ورضا يتعاركون رضا يكله اني اربي وكرار يكله بليل يمك بس ههه الله يحفظهم مر شهرونص على ولادتي جانت بالبداية صعبة بس العلوية وياي ابد ماعافتني وامي ملتهيه ويه منسا داخله بشهرها ان شاءالله تكوم بسلامه

منسا بعد مرور تسعة اشهر شرف للدنيه الشيخ حيدره الفجر كانت ولادتي بسرعة بسرعة كانت والله سهلها عليه هاشم طاير بحيث كل اشويه يجي

گمرهاشم :ها بويه اشلونج هسه

منسا :اني زينه الحمدلله شيخ

گمرهاشم :غلاي

منسا يحجي وياي ويباوع على حيدره :فرحان

گمرهاشم :انتي شتشوفين بس فرحتي ناقصه

منسا :ليش اسم الله

گمرهاشم اباوع على ابني اشلون نايم طفل كله براءة احمراني :لان الشيخ اهواي جان ينتظر هاليوم كان يدعي من الله يبقي لحد يجي هاليوم ويأذن باذنه بس احنه نريد شي والله يريد شي ااه الحمدلله على كل حال

منسا بصراحه اهواي انقهرت هاشم متعلق بابو اهواي وكل فرحه اشوف فرحته ناقصه لان يتذكر ابوه اني ماعشت وياه ولا تعرفت عليه زين بس من كان يجي علينه اطلع اسلم عليه ومن اشوف البسمه على وجهه كلش افرح من اسمع كلام بابا عليه اهواي اصفن بي كان انسان محترم ورائع فعلا شيخ يختلف عن الكل مو كلمن لبس عگال ودشداشه وكعد بمظيف صار شيخ لا المشيخه لاهلها بس والشيخ ابو هاشم فعلا شيخ وعلى الكل ومن سلمها لابنه مو عبطا لا بس يدري شنو مربي كن رجال الي الكل تحلف بي وتشهدله بمواقفه وكفاته  فزنني هاشم

..هاا عيني

گمرهاشم :هاي وين صفنتي خير

منسا ابتسمت :لا ماصفنت بس تذكرت الشيخ كان عندي ذكريات وياه اكول انت راح تبقى مگابل ابنك وعايف ديوانك

گمرهاشم :ههه لا اني مگابل علوية گلبي ابني اكو الي بکابله صدك السادة على وصول

منسا :ههه مگابلني الي لازم ماعندك فصول وصدك منار وياهم

گمرهاشم :ههه لا بويه فصولي كلها يمج لا منار متجي الشيخه مانعتها لحد مايطلع اربعينج ماادري شنو وهاي السوالف الي ماادري شنو

منسا جنت مشتاقه كلش اشوف السيد الصغير بس بعد مو زين نكون بنفس المكان لا النه ولا للجهال طبعا البيت من الصبح هو مگلوب والحجية كل اشويه جابرتني اكلك والشيخه توصي بيها

بعد مرور شهرين اليوم هاشم وكرار قررو يطهرون الجهال كالو احسن الهم طبعا هاشم وعمتي اخذو حيدره وزورو الامام علي عليه السلام ماكدرت اروح وياها وهناك متفقين على عزيمت الطهور قبلها اهلي سوو حفله وعزيمه اله واليوم طهروهم البارحة كانت الحفلة كلش حلوة فدوة لعينه الشيخ الصغير اني ومنار كاعدات خايفات وره ساعة سمعنه صوت الطلق ومباركين لهاشم وكرار

منار :لج خيه هاي اشلون بينه وعلي اكوم ابجي على بجه

منسا :هههه ونعم خوش ربيناهم لعد

فاطمة :ههه اي والله بس الامومه شي فطري من الله وبعدين منور احنه يمج ومنسا الشيخه والحجية يمج اصلا ماكو داعي للخوف

منار :اي والله الله يخليهن والا اني الله وكيلج اريد الي يهتم بيه هههه

روان واكفه بالمطبخ اجهز صواني الكيك وخابر شهاب فتحت خط

.. الوو

شهاب : يابعد الوو واهلها هلا بالهصوت اشلونج وردايتي

روان يالله هالولد يوم عن يوم يعلقني بيه  :ياهلا بيك اني تمام

شهاب :عسى دوم يارب اي شكو ماكو انتي وين وشنو هالاصوات

روان : اني بيت جدو اليوم مسوين عزيمه طهور شيخ حيدره وسيد مجتبى

شهاب :هلا بالشباب واخيرا شرفو الله عليج خالتج صارت ام اوويلي اشلون مربية اجيال لا والمصيبة سيد

روان : لا اصلا خالتو فديتها لايگتلها الامومه

شهاب : ههه والله خوش منار صارت ام اكول يحلو وين انت هسه

روان :واكفه بالمطبخ اجهز صواني الكيك

شهاب : اوويلي كيك ويجهز كيك هاي وين صايرة

فتحت الباب واشوفها واكفه تجهز بيهن مامنتبه عليه مديت ايدي واخذت قطعة رفعت راسها وشهکت 

.. اششش يمعودة راح تفضحينه

روان :هااي اشوكت اجيت وليش مكتلي

شهاب قربت يمها واني ذايب بعيونها اشكد جنت انتظر اشوفها :هاي توني اجيت واول واحد هو انتي شفته مشتاگلج بكد رحمه الله دخيل ربج شسويتي بيه

روان عيونه التقن سوه اني الي جنت اخاف اخلي عيوني بعيون احد بس من اشوفه انجبر اخلي عيوني بعيونه الي كلها عشگ اليه بقيت عيونه تحجي

..اشتاقيتلك

شهاب :تدرين ادفع عمري علمود بس اسمع هالكلمة الي اهواي احبها منج روان احبج

روان نزلت راسي بخجل هاي اول مره اسمعها منه واحنه واكفين سوه

شهاب :ارفعي راسج ياتاج راسي خلي اشبع من ذني العيون

روان بعد مرور ثلاث سنوات على ذلك اليوم الي اجه الي شهاب بي وقرر يبقى بالعراق كان احلى شي هو وجودة بالعراق وكلما اروح لبيت جدو يجي اصلا السادس هو ساعدني بي وكدرت اجيب معدل زين وادخل الكلية جنت اريدها طبعا بعلم ماما واحنه حبنه يوم عن يوم يكبرها بس الي مخوفني ومضوجني هو ابن عمي رافد رافد ضابط بالجيش ملتزم وعصبي بسبب طبيعة عمله بس الشهادة لله عمري ماشفت شي موزين عليه غير سالفة حبه الي وهم مناقصه شي بس عيوني متشوف غير شهاب  ماادري شهاب اشلون راح يقنعهم خايفه اهواي وخاصه ابوي مستحيل يرفض رافد بعد ايام واحنه تناقش بسالفة يجي يخطبني خايفه كلش اليوم راح يجون گلبي مامطمن

منسا :هاشم تتوقع راح يرفض ابو صلاح

گمرهاشم :اتوقع كلشي منه لان يعز رافد اهواي والولد مناقصه شي

منسا :وشهاب شنو ناقصه هاا اشو زلمه بالف

حضني من خصري وخله راسه على گصتي 

گمرهاشم :اي بويه كلامج معدل زلمه بالف بس تبقى العمام الرأي الاول والاخير الهم لازم اروح الجماعة منتظريني هسه اريد احضنج وهاي بالنص

منسا :هههه تحمل وبعدين هاي حبيبت گلبك

نزل على بطني وباسها طبعا لو حيدره هنا جان گلبها يغار عليه

گمرهاشم :بويه جومانه اشوكت ناويه تجين مشلوع گلبي ويه امج هه يله ادوعناكم ادعونه

منسا :بسلامه وان شاءالله مسهل دربكم

گمرهاشم :اللهم امين

نزلت وهذا الافندي صايرة كتله من العصبية والتوتر : ابن الاوادم شكو هذا كله ها خليك هادئ

شهاب :عمي هي مال هدوى رحمه الجدي غير مسموط سمط

گمرهاشم متاكد راح نرجع مثل مارحنه بس مااريد اكسر بخاطره وهاي مو اول مرة الكل عبالهم اول مرة بس لا سبق وهم رجعت صح الكلام جان بيني وبين عامر بس هسه راح يكون بحضورعمامها  :خير ان شاءالله يله نتوكل

شهاب بعد ثلاث سنوات اجه اليوم الي اهواي انتظرته اني متاكد وحاسب حساب ارجع بس احاول مرة ومرتين لحد ماتصير الي اخذت عمامي والسادة هم يعني مشيه رحنه وصلنه الهم ودخلنه كان كل عمامها موجودين وابن عمها رافد هم الولد ماعندي مشكله وياها المهم كعدنه   سلام وعليكم السلام بدو بكلام عادي وسيد صادق حجه بالاول

سيد صادق :على محبة الله ورسوله واحنه اهل وجايكم بشغلة وان شاءالله متردونه

واحد من عمامها : كل الهلا بيكم سيدنه الي نكدر عليه من عيونه تاخذه امر سيد

سيد صادق :كفوو ونعم منكم ان شاءالله خير من رخصت الشيخ والموجودين احنه جاين نخطب كريمتكم لابنه شهاب

شهاب هنا صار هدوى والعمام واحد يباوع على الثاني اما ابوها ماعنده كلمة بعد اخوانه الكبار

ابو رافد :والله ياسيدنه جيتكم على عيني وراسي وشرفتونه واحنه اهل من زمان  بس مثل متعرفون اذا المحروسه عدها ولد عمام وكان واحد اله نفس بيها بعد منكدر ننطيها لغيره واحنه من زمان حاجزيها لابن رافد

گمرهاشم : على راسي كلامك ابو رافد بس الراي هم للبنيه واحنه مو من عوايدني مجبر البنيه على شي

ابو رافد :اكيد شيخ بس البنيه النه اعذرونه

شهاب كوة كاعد ماگبلت الديوان عليهم ابن عمها خرا عليه هسه حلت بعينه لو لان حبها شهاب اشكد حظي مصخم اباوع على ابوي معصب وعمي مهدي هم هو حجه وياهم اما عمي هاشم تعتبر عيبه لان يخطب بنت اخته لابن اخوه ويردو بتصرفهم هذا اهواي خربو علاقتنه بقو يحجون واحد يكبس واحد يرفع والي خسر بيها هو احنه وخاصه منكدر مدخل وابن عمها رايدها وهم زمان اااخ هسه حضرتك طلعت اويلي على گلبي بس كامو سلمت وطلعت ماانتظرت احد

بعد ايام اني مختفي طلبت اشوفها وكدرت اشوفها كانت بالكلية اخذتها لبيت جدي وكعدنه بالبستان اباوع عليها متغيرة وعيونها جواهن سواد حاولو اهواي عمامي وابوي الي كان رافض بعد ذيج الكعدة بس علمودي اما عمتي اصلا مابديها شي حتى الشيخه ادخلت ونفس الشي كعدت اگبلها واني مو اقل منها حالتي حالة زين ولحد هسه واكف بس مااريد تصير مشاكل ومحد راح يتعب يتأذه غيرها وغيري بله اني رجال واتحمل بس هسه بنيه ترفه متكدر اخذت نفس قوي وعلي بيه صرخه توصل للسمه رحمتك ربي 

شهاب :روان لازم نحجي

روان :بشنو نحجي ليش هو بقى شي نحجي بي

شهاب :روان لازم تسمعيني ادري راح تكولين انت جذاب وماحاربت علمودي بس اكو اشياء تجبرنه ناخذ قرارات تهدم كل الي بنيناه ادري صعبة وغلاتج اتمنى الموت ولا اعوفج ترحين لغيري بس شنو بيدي اسوي وماسويته كدام عينج شفتي ماخليت شي ماسويته حتى العالم فشلتها وياي عبالج سهل من عمي هاشم يدخل بالسالفة ويرجعو شيخ عشيرة ويردو وابوي لو عمي مهدي بعد شنو اسوي اذا ابوج وعمامج دكو رجل متروح لغير ابن عمها ومشاء الله ابوج منطيهم الخيط والمخيط شنو تردين اسووي هاا اخذج واشرد انزل رؤس عمامي واهلي ولج وحك علي امير المؤمنين من يوم شفتج واني ومسودن تعرفين شنو ولج الليل ماانامه الا اتخيلج كبالي ضحكتج عيونج كلامج كلشي بيج حبيته ولج اتمنى ذلك اليوم مشفتج ولا تعرفت عليج ولا حبيتج لو ادري حبي الج راح ينتهي هيج فلا احب ولا اعلقج بيه

روان هو يحجي واني دموعي عشره اباوع عليه عيونه حمر يحجي بعصبية يسكت اشويه ويرجع يكمل بهدوى مو بيدي حبيته اي حبيته خلاني احبه لا اعشقه تعودني عليه فتحت عيني عليه اشلون مااصير اله اااخ يانار گلبي :لا تحجي كافي انت السبب بالي اني بي انت فتحت عيوني على الحب وخليتني احبك واتعلق بيك بنيت احلام على حبك الي ابد متوقعت هيج راح تعوفني لا تحجي شي خلي اكمل اي اريد اطلع كلشي بگلبي حب ثلاث سنوات تريد هيج تضيعهن مستحيل اسامحك لان خليني احبك وانت طلعت ماتستاهل حبي لا تكول اهلي وعمامي من خرا بيهم ولكم ليش اني من احب هيج يصير بيه كمت ابجي من كل كلبي هو اني من ذلك اليوم وعيوني مافارگهن الدمع

..ليش شهاب انت مو واعدتني هيج هنت عليك تعوفني بعد ماتعبت عليه وسگيتني بحبك هيج تخليني اروح لغيرك گلي اشلون تقبل انام بغير حضنك ها اشلون يلمسني احد غيرك ويشم عطري ويتغزل بيه تقببل اشلون هاا ولك هذا بس الك نبض اشلون تعوفه تدري جنت اخاف من اقره بقصص الحب كنت اخاف احب وينكسر گلبي وفعلا ثلاث سنوات عيشتني بحب الي جنت احلم بي وهسه تعوفني لا تكلي عمامج عمامي كل همهم بناتهم تروح للغربة عساني لا اجيت ولا شفتك انت اختاريت تعوفني ماشي يشهاب بس صدكي راح تتعذب مرتين من عذابي

شهاب كل كلمة تكولها خنجر بوسط گلبي لو ذابحيني ولا تحجيها كوة ساكت بس مجبور مراح تفهم شي ادري ظلمتها وكسرت گلبي واني گلبي مامكسور وللج ااخ لو تشوفين نارالي بگلبي تحرك الاخضر ويابس من تبجي تمنيت اسمح دموعها الي جمر على گلبي

سامحيني يااجمل لوحه رسمتها عيني واجمل قصيدة سمعتها اذني واقدس ايه رتلها لساني واجمل معزوفه لحنها قلبي يااجمل ذكرى حوتها ذاكرتي واقدس عشق مر في حياتي

يگول

  حنيت الك

وبغيبتك طبني عشگ

وبعد العشگ طبني مرض

شنهو البعد يجرالي؟

ميت ولك بس النفس

هيج اني بعدك حالي

#مجرووح

يتبع...

اسفة بس البارت كلش حزين 😔 الله لا يحرم حبيب من حبيبته

#اقسمت على حبكِ عند الأمير

للكاتبة ضوء القمر

.

آي #ملچوم

عايش؟

#باقي_بس_هدووم

اليصدلي؟ اايگلي شوو

#مهموم💔

ييييي #مهموم

هوه الولفه مو ويا

#مو _يگضي_العمر_محروم

يشايف خير

!!شفت الموت من زفوك

الف عالخير ..

بشرني بحضن چتالي شخبارك..

روان اصعب شي هومن الانسان الي تسلمه گلبك يخسرك وكل ايامكم الحلوة واللحظات تروح بلحظات قليلة اي حبي اني وشهاب راح بلحظات اكبر غلطة بحياتي هو حبي اله مااكدر اكول جذاب ولا يهون عليه بس كسرت گلبي وجرحي اكبر اشكد تمنيت يحاول اكثر صح مو هين من خوالي يتفشلون وهمه شيوخ وخالي هاشم مايوم راح لخطبة وتفشل بس حظي وحظ شهاب الي ماكعد

رجعت للكلية ماخلاني ارجع وحدي بس انجبرت ارجع وياه طول الدرب معصب واقل كلمة يمكن تخلي يسوي حادث بس وصلت نزلت بسرعة وبس شفته راح اجرت تكسي ورجعت للبيت همزين اهلي ماموجودين دخلت غرفتي وشبعت بجي كرهت كلشي كرهت حياتي كرهت عمامي حتى اهلي اي ابوي دوم يسمع كلام اخوانه واحنه لازم نكول نعم شنو ذنبي اعيش ويه شخص مااريده اوييلي على گلبي اشلون راح تصبر جانت يمه لعبه زجاجية هداها الي شهاب راقصة باليه شلتها وبكل قوي شمرتها اطشرت بالحايط ودفنت راسي بالمخدة وصرخت

..اكرررهك شهاب ليش خليتني احببك ليش كله مني صوجي اني محد خسر غيري عساج بحرگت گلبي

شهاب نزلتها وطلعت مباشرتا ماادري وين بس اريد ابقى وحدي اشكد مااحجي واعتذر مراح تسمع مني اشكد اتمنى تكرهني وتنساني وتعيش حياتها ويه ابن عمها صح صعبة عليه بس هذه نصيبنه من الدنيه لو الي كان الله سهل بس مو الي نار بگلبي شكبرها تحرك الاخضر ويابس دمي فاير منظر دموعها ميروح من بالي اشكد ماتعابت بيه مراح اكول شب حقها

فزيت على صوت هورن واكف بالسيطرة وتفاجئت اني بكربلاء

.. هاي اني شجابني هنا معقولة هاي اشوكت وصلت عبرت السيطرة ودخلت خليت سيارتي بالكراج نزلت وحيلي مهدود امشي بس جسد رجليه تمشيني وعقلي حاير بزماني ماحسيت نفسي الا واني واكف بين الحرمين وكفت واخذت نفس قوي وزفرته

.. مولاي اجيتك وكلي امل بيك مولاي ريح گلبي مولاي محبوبتي امانتك

توضيت ودخلت للحصن بس دخلت لفحتني نمسه هوى باردة غمضت عيوني اريد اخذ اكثر من نمسات الهوى وصلت يم الضريح وكعدت يمه واحاجي بكل ذكرياتي الي جمعتني بيها ماحسيت على نفسي الا واني نايم وره فترة كعدني رجال جبير مبين على وجه الطبية

الرجال : اكعد ابني صارلك ساعة ان شاءالله مقضيه حاجتك

شهاب عدلت كعدتي ونزلت راسي باسى : حاجتي مختلفه حجي

رجال : خيرك وليدي اشوفك مهموم وانت بمكان كل الهم ينزاح بي

شهاب اخذت نفس :ايي حجي كلامك صح وسالفتي طويلة ماادري اذا عندك خلك تسمعها

رجال : سولف وليدي بلكي ترتاح

شهاب :ايي والله يابه سالفتي بدت قبل ثلاث سنوات اني كنت ادرس بالخارج بعد ماكملت دراستي رجعت لاهلي وناسي فبيوم جنت يم بيت جدي وشفت بينه سبحان الله دخلت گلبي من اول ماشفتها بعدين عرفت هالبنيه تكون بنت عمتي بسبب دراستي بالخارج وخمس سنوات هناك من اجي مالتقي بالكل فمن شفتها كان اول من شفتها وگلبي رف عليها خاصه اني ماعندي سوالف ادور بنات وغيرها جان كل همي دراستي فاول حب يختلف مشاعر احاسيس جنون وخاصه من تكون نايعه من الگلب اهواي نصحوني اعوفها واترك هالحب وهي جانت صغيرة كانت بعمر ١٦ بس الحب ميعرف اعمار اهواي تعبت يله حبتني وايام تروح وايام تجي واشهر وحبنه يزيد تعبت عليها وكنت دوم وياها وصلت لحلمها ودخلت كلية وثلاث سنوات احنه حبنه سطر اجمل مايقال بحق الحب الحلال طول ذيج السنوات عمري ماتعديت حدودي وياها فتحت عيونها على حبي وكل مرة كان يكولي تره دربكم صعب بس جنت دوم اكول لعيونها كلشي يهون جنت كلشي متحمل بس سالفة ابن عمها رايدها هذا الي جان قاهرني وشالع گلبي المهم قررت اتقدم الها ويردوني مرة ارجع عشرة احنه شيوخ وعمي شيخنه مو هين عليه من يدخل مضيف ويطلب ايد بنت اخته لابن اخوه ويردو صعبة هاي وعيبه من دخلنه جان جوابهم النه ابن عمها رايدها واحنه منطي بناتنه واحنه بلد تسود بي نظام العشائر ومعروف ابن العم اذا نفسه ببنت عمه مال اي احد غيره حق بيها واني مشه عليه هالنظام الي خسرت گلشي بسببه

اخذها الي ماتعب بيها اخذها الي ماجان يسهر على راحتها اخذها على الجاهز مرة معدلة اخذها وهو ميعرف شتحب شتكره حياتها صفاتها ايي اخذها على الجاهز واني الي انتظر اشوكت اشم عطر شعرها واعد الليل اشوكت يخلص علمود بس اسمع صوتها ربيتها على ايدي ورويت گلبها بحبي اخذها وهو ماتعب بشي جاهزة مجهزة وردة بعمر شبابها

واني بقيت اصفگ باليدين طلعت منها خسران المشكلة كسرت گلبها ودموعها كل هذا يمكن اصبر عليه بس تحجي وتقهر گلبي خناجر بگلبي ونار متطفه ابد وهاي قصتي ويه الي حبيتها ووصلت هنا ادعي ينسيها حبي وتكمل حياتها

الرجال :هاب الدنيه يولدي لو بيدنه شي ماجان دفنه الي نحبهم جوة الگاع ولا غلطنه بعمره بس كلمن ونصيبه ااااه يمكن انت احسن من اهواي ناس وثلاث سنوات بس شتكول على الي حبهم ١٢ سنه وحبيبته بليلة عرسهم تموت اي لا تنصدم الي كدامك رجال بعمر ٥٥ صارلي ثلاثين سنه قافد محبوبتي وذلك يوم وهذا يوم ونفس حبي الها من عمري عشر سنوات حبيتها ربينه سوه وكبرنه سوه وحبنا كبر ويه عمرنه وتعبت عليها وبعمر العشرين ردنه تنزوج واجه يوم الحنه ورحت حنينها بس جان گلبي يكلي لا تطلع اشبع منها يمكن هاي اخر اللحظات وفعلا بس طلعت وجنت ملتهي بحتني بليلة بعد الفجر ماطالع ويزفولك اكثر خبر يجرح الگلب بدل مايزفوها اليه عروس زفيتها عروس للمکبرة ماتت وطبع الحنه بابديها بعده مانشف ثلاثين سنه واني كلما يجي عليه الليل عبالك البارحة زفو خبر موتها عالاقل حبيبتك موجوده وتشم الهوى وتسمع اخبارها شحال اني الي ماعندي غير گبرها وريحه ملابسها وذكريات وحزني لليوم عليه حتى هاللون من يوم مامات واني منازعه

شهاب الحجي يحجي واني من يمي نكسر کلبي اكثر واني اكول ماكو اسوء من حظي اثاري الي يسمع مصايب غيره تهون عليه مصيبته اوويلي عليك حجي شنو من حب بگلبك

.. واشلون عشت حياتك بعدها

الرجال :حياة رجال عزابي بيته وحدة ينام ويكعد وياكل وحده شتوقع من واحد فاقد اعز ناسه ومن الصغر حبهم تكون حياته الها معنى اشكد تمنيت الحگها على شنو باقي وجودي بدونها ماله معنى المن عايش وزهرة عمري جوة التراب

شهاب :هنيالها على حبك الله يساعد گلبك زين اشلون مخلص وقتك

..مخلصها بين المراقد وگبرها ودوامي بالجامعة لوما الدوام والطلاب الله يعلم حالي المهم يولدي شد حيلك وخلي حملك على الله ان شاءالله يرزقك باحسن منها

شهاب :لا حجي مااريد اعيد التجربه مرة ثانية تبقى عزابي احسن

.. لا اياك تغلط غلطتي صح حبي لمعشوقتي نادر بس الدنيه متوكف على احد الله خالقنه هيج نتعلم ونوكع ونرجع نكوم من جديد كمل حياتك وابني عائلية لا تخلي عمرك يگضي بالياويل سامعني اخذها نصيحه مني تعلمت اهواي

شهاب :صح كلامك حجي بس الگلب قفل وماله رجعه بس لو يرجع بيك الزمن تبقى عزابي

.. لا تدري ليش لان كانت كاتبه وصيه اذا متت تزوج واني ماكدرت انفذ الوصيه والعمر يمشي والحيل راح توكل بالله وان شاءالله تشوف الخير كل واحد بينه مياخذ غير نصيبه ويمكن هاي البنيه مو نصيبك

شهاب كلام اهواي اثر بيه بس الگلب ملچوم محتاج ارتاح ودعته وقررت ابقى هالفترة هنا ارتاح

منار كاعدة وحاطه ابني بحضني مقهورة كلش على شهاب بس شنو بيدي اااخ لو بيدي كان اهواي اشياء تغيرت دخل كرار :الله يساعدك

باسني وباس مجتبى

كرار :ويساعدج أشلونكم

منار :الحمدلله

كرار :شو ضايجه خير صاير شي

منار رجعت راسي على تاج الجرباية :امم مقهورة على شهاب

كرار :الله بساعده ان شاءالله يلكه الاحسن

منار :مااظن يفكر بعد بالزواج شهاب من يقفل بعد هذا هو طبع هاشم

كرار :وليش هيج تكولين هاي بدل ماتشجعي وتخلوه يتزوج

منار :اكيد بس اذا راسه يابس شسويه يعني من البدايه گتله شهاب تره سالفتكم صعبة ومال تنجمعون سالفة

كرار :اذا جنتي تعرفين ليش مامنعتي هالعلاقة

منار :اووف مليت واني احجي تعبت منهم بس تدري من شفت حبهم كلت مستحيل ذوله يفترقون بس للاسف صار الي جنه متوقعي اشكد حجينه وملينه واحنه نجيب ونسقل بنفس السالفة

كرار :الله كريم محد مات وره احد الحب عذاب وكله شلاه گلب هسه عوفنه عندي شغلة وياج

منار التفت عليه ومجتبى بنصنه الافندي مينام الا بنصنه :خير ان شاءالله كول

كرار شلت مجتبى وخليته بجربايته واجيتي يمها سحبتها لحضني :ام مجتبى عيني مراح تحنين وتخلينه نسوي اخوه اخت لمجتبى هاا

منار :عززا والله عرفتك من شلت مجتبى وبعدين احنه مو اتفقنه بس اكمل كلية نسوي طفل ثاني شنو الي تتاذه كرار :الي تغير صار ثلاث سنوات خطية مجتبى بدوم اخو

منار :لا والله صدك تحجي وبعدين اني لوما الكلية وطب ليش مااخلف بالعكس اكيف بس غير دوام وتعب ان شاءالله كلها سنتين ونسوي بعد اثنين ونقفل هاا اشكلت حبي ونمت على صدره

كرار العب بشعرها وافكر هم خطية هاي المرحلتين كلش صعبات گلبتها :خوش حجي بس هسه لازم اخذ جائزتي

منار حاوطت رگبته بايديه :وشنو مناسبة الجائزة بله

كرار :مااحتاج مناسبة حتى اخذ جائزة من مرتي مو بله

منار ماخلاني ارد عليه واكيد دوم يفوز عليه وياخذ الي يريده بكل حب وحنيه صرت اعشقه كلش بي وياه احس براحه بعد ماكملنه سبحنه واخذني بحضنه ونمنه

گمرهاشم من يوم المشية وشهاب ماشفته وجنت ضايج من تصرفه عافنه وراح مهما يكن ماكان لازم هيج يتصرف مخلي على راحته لحد مايجي بنفسه ويعتذر مقهور عليه ميستاهل ولو هذا الشي كان متوقع بس هو لازم يضوك لوعتها هي هاي ضربية الحب

منسا :هاشم حبيبي

گمرهاشم انتبهت من صفنتي على صوت منسا فدوه هالحمل اهواي لايك الها تمشي وبطنها كدامها وشيخ حيدره لازم ايدها :هلا بالغوالي شسالفه علوية ارحمي بحالي

منسا كعدت وخليت حيدره بصفي :خير شمسويه وهيج تكول

گمرهاشم :تعال شيخ حيدره حاجز الرحمة عنه شمسويه هالحمل مزيدج جمال واني گلبي رهيف

منسا ابتسمت على كلامه اهواي ثكيل بس يمي يختلف ومن اسأله يگلي كل مكان والا احترامه وقوانينه واني يمج اخذ راحتي :عيونك غلاي هي الحلوه وتشوفني احلى اصلا شوف بطني اشلون صايرة جني بطه

گمرهاشم :ههههه واحلى بطه بويه انتي بعيني وبعين الكل تحلوين وااخ اني المحروم من كل هذا

منسا :صدك انت محروم شيخنه جدران الغرفة تشهد عليك

گمرهاشم :هههههه حلال الله وشرعه واني اطبق شرع الله خما كلت شي غلط

منسا اخذني بحضنه ولفحني عطره الي اعشقه والحمدلله وحامي زين صح بالبدايه ادوخ اهواي بس احسن هسه اني بشهر الخامس وبيه بنوته

:لا ابد ماكو اي غلط صح هاشم شهاب شنو اخباره

گمرهاشم :اوووف خليني ساكت شهاب راح يجلطني اشكد حذرته بس مااخذ بكلامي

منسا :بس هو ماغلط ومن حقه يحب بس هاي القوانين الي ماجاي تلغوها

گمرهاشم :سنلغي منسا صدك تحجين هاي من يومها موجودة قبلنه او رفضنه بس تعال الي يفهم ولو هذا الولد رايها بعد صدك هالحجي لا منعرف بس اهم شي هو روان تعيش مرتاحه

منسا :اي خطية بس هاشم هو ابن عمها يعرف شهاب يحبها من ثلاث سنوات

گمرهاشم :لا ميعرف هو ابوها ميعرف مو عاد رافد متشوفين كلما احجي ويه ابوها وحدنه اخاف عليها اذا رافد دره السالفة تخرب ويمكن تتأذه والسالفة فوك ماهي هسه بينه خربانه تخرب بالزيادة والمشكلة خاف حتى عهد تتاذه

منسا :لهاي الدرجه السالفة صعبه

گمرهاشم :اي اخوان عامر مايفاهمون وهم كلمتهم وحدة عامر الوحيد المختلف بيهك بس شنو الفايدة وميسوي شي بغير علم اخوانه

منسا : ان شاءالله حياتها مرتاحه بيها وميصير شي

شهاب نايم والتلفون ضوجني شلته وجاوبت

..الوو

احمد :وسمم ومررض ولك انت صدك تحجي

شهاب :خير اشبي السانك بده يغرد

احمد :طبعا اذا حضرتك مختفي واني كل المصايب براسي اتوهمت صرت اخوك ها ولك انت غبي لو شنو انت وين هسه وجهازك ليش مغلق

شهاب :احمد مالي دخلك عندك شي احجي ماعندك اقفل خلي انام تعبان مابيه حيل الك اني بكربلاء ارتاحيت يله ولي

احمد :العباس عليك بكربلاء واحنه عبالنه بالعمارة

شهاب :هو جنت بالعمارة بس اشلون وصلت كربلاء ماادري بس المهم هسه اني هنا ارتاح واجيكم رايد شي

احمد :هو انت شخليت لا مااريد بس جهازك لا تغلقه ماشي

شهاب :ماشي

طير النوم كم عيني مااريد افكر بيها راسي يون عليه سبحت ونزلت للصيدليه اجيب دوه مرن يومين واني بكربلاء قررت ارجع لازم اعتذر من عمي تصرفي كان غلط رجعت للعمارة العصر وحسيت نفسي مخنوگ دخلت للديوان مالگيت احد دخلت للبيت لكيت منار يمنه اشعجب كانو مجهزين نفسهم عبالك عدهم طلعه كلهم انصدمو بشوفتي

..اشبيكم ليش متافاچئين بشوفتي

منار اليوم مهر روان بالبدايه ماقبلت اروح واصلا كلش ضايجه بس من شفتها اشلون ضايجه ماحبيت اخرب هاليوم حتى وان كان لازم تتعود حياتها راح تبدي من اليوم اخذني كرار لبيت اهلي حتى منسا كانت رافضه تروح بس هاشم قنعها جهزنه نفسنه وكاعدين ننتظر منسا تنزل ومانحس الا شهاب دخل علينه لابس كله اسود لايك عليه كلش انصدمنه شنكله اليوم مهر روان خايفه عليه

.. هاا لا بس احمد كال انت بكربلاء

شهاب : اي صح وهاي جيتي من كربلاء عمي وين وانتو وين راحين

منار اريد ارد عليه واكله ماكو شي بس هاشم دخله وكتهن

گمرهاشم :شسالفه بويه راح نتاخر على العقد شو

.. شهاب اشوكت اجيت

شهاب من كلام عمي وصفنت منار عرفت اليوم مهرها ااخ يگلبي هيج بسرعة رحتي مني باوعت بتاوجوه وخلقت ابتسامه عادية على وجهي :هاي جيتي بس يمكن اجيت بوقت غير مناسب عبالي عندك مجال عمي خليها من تجي اعتذر وعرفتهم وطلعت

روان كاعدة ولابسه البدلة بس مو البدلة الي جنت احلم بيها من الشخص الي تمنيته اليوم عقد قراني على انسان اختارني مااختاريته السيد ينتظر مني وجواب واني حسيت نفسي مشلوله

يتبع...

اسفة هلى قصر البارت بس كوة جاي اكتب ان شاءالله اعوضكم تعالو ليش التعليقات قليلة هاا كثروو 😊😊😊

#اقسمت على حبكِ عند الأمير

للكاتبة ضوء القمر

بيدك جان كلشي وانت التعافيت

كمت تحلم بعد ما جنت تستنكه

..

انه بعرك النخل حتى اثبت متانيك

النخل ملاني جي ما فاركت عركه

..

اشتريدك والحرب جانت تريد سلاح

وهديد بعشكنه وفزنه عل تفكه

..

وتالي تبيعني حجايه بحلك كتال

بلا حوبه العشك يستاهل اسحكه

..

ومثل ام الوحيد البل معارك ضاع

ست اسنين رادد بس خبر تلكه

..

ورد بيها العمر من الها دز ورسال

وانت بلا بخت كدامي اشكه

..

هم انت شكو .؟ كل ما تجيني تروح

يمن لا هلا ولا .؟ ضل الجف طبكه

شهاب : طلعت من البيت وصعدت سيارتي موعلمود شي بس ما اريد احد ينكسر خاطره عليه صح مقهور بس مو معناها انسه نفسي مراح اموت وراها كل ظنهم راح اعذب روحي وابجي واتكل روحي لا غلطانين جرحي يبقى بكلبي صعبة عليه اهواي اشوفهم مقهورين عليه محد يحس بحساسي الا المار بي ركنت سيارتي عالشط واحاول الهي نفسي وماافكر بالي راح يصير هذا هو شهاب لهنا وبس طلعها من حياتك وعيش حياتك غمضت عيوني ومرت على بالي من شفتها اول مرة اشلون حالها هسه اكيد دموعها على خدها

روان اليوم مهري اي فرحه ماكو اشكد جنت انتظر هاليوم ويه الي اخذ كلبي بس للاسف عمرنه منحصل على الي نريده دموعي عالخدي رجنه مسحتهن ما اريد احد يشوفهن ما اريد مشاكل كافي الي اني بي باوعت على نفسي خلص روان راح تصيرين على ذمة رجال حرام تفكرين بغيره بس عمري ماانسه كسرت گلبي

منار :اوووف هالولد حظه مصخم اشكد حجينه مفاد بي

منسا :اااه اسكتي اهواي مقهورة حتى للحفلة مااريد اورح بس شسوي روان هم خطية بعدها صغيرة وهيج انكسر گلبها

منار :تريدين الصراحه علاقتهم من الاول غلط اولا روان صغيرة مااكلج غلط وكذا بس بهيج عمر صعبة يعني لو روان عقله مو جيبرة ومتعرف شنو حب وكذا اكلج اي غلط والف غلط بس روان تفتهم وتعرف الصح من الغلط عقلها اكبر كن عمرها وكدر شهاب يوصلها حبه وهي ماانجرفت وياه هيج لا عرفت كن حقها تحب وتعيش قصة حب بس العادات الي دوم تهدم احلامنه لوما عمامها وتسلطهم كان اليوم مهرها من شهاب بس بعد قسمة ونصيب شوفيها دموعها كوة حابستهم والله منظرها يكسر الخاطر يعني شيصير لو ابن عمها كال مالي نفس بيها بس حضرت الضابط طلع يحبها اوويلي عليج روان حتى من حبيتي ماتهنيتي بي

منسا :خطية الله يعوضها ان شاءالله رافد يكون خوش رجال ويجبر بخاطرها امشي نوكف يمها انتي خالتها لازم توكفين وياها

منار :اي يله

رحنه يمها وهي عيونها علينه احسها تكلي خلي يوكفون كلشي بس شبيدي عليها اااخ يالقهر

..اشبي الحلو

روان كاعدة ولابسه البدلة بس مو البدلة الي جنت احلم بيها من الشخص الي تمنيته اليوم عقد قراني على انسان اختارني مااختاريته السيد ينتظر مني وجواب واني حسيت نفسي مشلوله امي يمي وخالتي والكل فوك راسي همه يردون شي وگلبي يريد شي اتمنى انطق واكول لا اتمنى بس خوفي من عواقب الي وره هالكلمة همست مرت خالي منسا باذني

..توكلي بالله وانطقي وان شاءالله خير

روان باوعت عليها وعيوني تتوسل بيها تقنعهم يلغون كلشي هذا مو حبيبي هذا فارس احلامي هذا مو شهابي اااخ يگلبي نزلت راسي وطلعت مني هالكلمة بس انجبرت اكولها  :نعم موافقة

مجرد ماكلتها وهلاهل طلق ودخلت گلبي عبالك جنت بسابع سمه وانشمرت للارض وحسيت عليهن يبوسن بيه ويباركن الي واني مثل العابه بيديهن رجعوني لمكاني بذيج اللحظة مااعرف شنو اكول بقيت اباوع بفراغ وحسيت كلشي وكف بس اشوف بعيوني عليهن اشلون فرحانات مااسمع شي تمنيت اصرخ واشرد منا ليش شهاب ليش هيج حظنه اااخ

صحاني من صفنتي خالة منار وتنبهني على دخول رافد باوعت عليه اريد اقارن بينه وبين شهاب مالكيت اي شي رافد صح جسم رياضي وحلو بس شهاب احلى منه واحس شهاب اكثر هيية منه كعد يمي واشوف الفرحة على وجه همسلي

رافد :الف مبروك روان قلبي

روان روان قلبك اااه ماادري اشلون راح اتعامل وياك :مبروك الك

رافد :اهواي انتظرت هاليوم والحمدلله اجه هاليوم ان شاءالله اثبتلج حبي

روان كلامه اهواي كسرني ماجنت اتمنى هالكلام منه بس الحظ والقسمة والنصيب دوم هي تفوز ابتسمت بوجه مجامله والا اني روحي بخشمي بس اريد تخلص هالخربطة واكعد وحدي  لبسنه الحلقات وباقي الذهب هو كان فرحان عكسي الي امثل الفرح ااخ لو يفتح کلبي ويشوف النار الي بي كملنه باقي سوالف المهر واخذنه صور بس غصب عني بعدها طلعو اريد اصعد بس امي ماخلتني وانجبرت ابقى كاعدة بس على اعصابي احس الحلقة والذهب خانكني

يا سولة غدر ..

ووشالت الشوگگ...

يابارد عشگ.. بس بالطعن حار...

على دگتگ شسولف ما يصدكون...

ما سامع بدگتگ ...

حته بسمار...

اطلبك كلب مات

بحسرة الشوگ...

واحلامه برگبتك ضلان صغار...

شهاب بليل رجعت لبيت جدي دخلت للبيت ولكيت عمي صاير نار اول ماشافني خزرني وكلي

گمرهاشم :تعال وراي

شهاب :صار شيخنه

راح قبلي التفت على منار..شكو شصاير ليش معصب

منار :اووف روح امشي هسه تعرف

شهاب رحت وراه لكيته بالحديقه كعدت يمه جان معصب وشاد على السبحه بقوة الا اشويه يطگها

گمرهاشم :وبعدين وياك يعني من ذلك اليوم وانت مختفي وتلفونك ساعة نحصلك ويوم لا من سويت سواتك وعفتنه وطلعت كلت حقه مقهور ومو سهلة عليه بس تختفي ولا بالجذب تشيل تلفون وتعتذر اني مسامحك بس السادة الموجودين مو عيب منهم كلش ماعجبني تصرفك شهاب كل الي تسوي احنه مقدرينه وحقك لو عصبت وصيحت وتعاركت وتختفي وين محد يدري هاي غلطت لو مخبر احد منه ليش هيج اهلك گلبهم نار عليك

شهاب :حقك على راسي واني مستعد اروح واعتذر من السادة واهلي احمد يدري اني وين گلبهم نار واني شكول مرتاح متونس شايفيني اضحك وين الراحة علمود همه گلبهم نار عمي نار الحب والخسران تحرك اهواي اهلي لازم يقدرون وضعي ماادري اشوكت ارجع اعيش حياتي احتاج وكت بس لحد يضغط عليه اني من وحدي ارجع

گمرهاشم :شوف شهاب الحب شي حلو ويامحلاه من يكون بالحلال وحبك لروان طالع من گلبك لو اني شايف بي غلط كان من زمان وكفت بوجهك بس جان صدك حب بس القسمة والنصيب واكو اشياء تجبرنه نقبل بشي احنه منريده ماتدري اشكد جنت اتمنى هاليوم تكون انت العريس بس ان شاءالله يجي هاليوم ولا تكول شهاب ادري راح تكول اني كرهت الحب وگلبي قفلته ومااكدر اكمل حياتي بس خلي اكلك بشغلة انت معايش لوحدك عندك ام واب واخوان واهل يخافون عليك اكو ناس نتظر منك ضحكة ناس تتنظر سالفة حلوة منك كعدة وياهم ناس تريد الخير الك اهلك الي كل همهم انتو شهاب كبير ولد عمامك وخوالك دومك خليك قوي وحزنك خلي بگلبك لا تصير ضعيف دوم اكول شهاب يشبهني واريد صدك تصير مثلي

شهاب كل كلمة كالها صح بس اني تعبان محتاج ارتاح :ان شاءالله عمي هو هم هيج الله يسعدها ويوفقها وان شاءالله اخذت نفس وكوة طلعت مني  ..رافد يسعدها

بعدها ضلينه نسولف ويحجيلي يحاول يريحني ثاني يوم كان مفترض ارجع لبغداد بس منار كالت بس اليوم وارجع واحمد الافندي مسوي العمارة الكرادة اشوكت ماعجبه اجه

..ادري بس اريد افهم اني هنا وانت اجيت البيت منو بي

احمد :هههه محمد شنو مو بعينك رجال

شهاب :لا يابه ونعم رجال بعيني ليش مو بعيني بس مو هيج احمد صدك تحجي محمد بعده بس كلي الوالد اشلون قبل تجي

احمد :ههه اسكت الوالد مو هنا عنده نوده اي كلي اشلونك

شهاب اووف يخوي لو تدري الي بگلبي :هذا لوني شتشوف الحمدلله على كل حال

منار :لك احمد اني شكلت

احمد :اوو اشلون نسيج يله غير مرة

منار :هاا شفتي موكتلج ينسه تربية ايدي واعرفه

منسا :ههه لا خطية اكيد نسه وبعدين هنا محلات الحلويات ماكفنج لو محلات النجف ها

احمد :الف رحمه على اعزازج علوية اندري متگليها للدكتورة

منار :انت حسابك بعدين تدري بيه احب حلويات خاصكي

احمد :اي غيري فلوسي وفلوس ابوي خلصتهن من وراج ومن وره عزايمج همزين خلصت منج

منار :ههه سالفة تفيدج دكتور احمد وراك وراك وين تروح مني وغصبا عليك تزعم فاهم اني عمتك

احمد :اوويلي عليك احمد حتى من اتزوجتي ماارتاح منج

منسا :هههه لعد ويامن تتعارك وتخسر منو غيرك

احمد :هو اني اكدر احجي

شهاب :هه صگارتك وعلي ولو انت وياها رويسيه

منار :لا تحجون عليه احمد اني احجي بكيفي بس انتو لا

احمد :فديتها لضلعتي وعلى عنادهم احلى هدية الج

منار :لا عاد مو احمد الي يگلي اجيبلج هدية

احمد :خرب بالحظ عود اريد انفج شرياتها روحي لعد الي جبته ماكله وحدنه

منار :شنو لا حبي صدك جذب غير انت الضلع الي مينشلع يله حباب روح جيب الهدية تعال لا تطلع ببنتي وشيخلصك مني

احمد :هو الحظ يسويها واطلعين حامل المبتلي احمد جيب حلويات والله شنو اخاف تطلع ببنتي

منسا :هههههه خطية منار هاي انتي شمسويه بي مالك دخل احمد تريد تخسرك بس

احمد :اووف يامرت عمي بس انتي تحسين بيه والا ذوله شابع قهر يعني جدي خلف ونساج وانت اصلا ابوي من زمان مخلفك ذابك عليه عود هو الجبير  

شهاب : ويعني حضرتك ماعاجبك غير انت اخوي وشيال همي

احمد :هو اني شمطيح حظي غير هالحجي

منسا حلوة لمتنه وكعدتنه احمد اجه بعد ماخابرته منار علمود شهاب الي جاي يضغط على نفسه وضام بگلبه خطية كلنه گلوبنه نار عليه بس هذا حظه ومحد ياخذ غير نصيبه

روان بعد يوم خطوبتي كرهت كلشي صرت انسانه منعزله قليل احجي بس كدام اهلي عادي طبيعي وكلما اشوف الحلقة تخنگني العبرة مابيدي شي غير اتحمل واعيش حياتي مااكول نسيته ولا كرهته بس الهي نفسي باشياء ثلنية علمود مااذكر شي عنه مر على خطوبتي اسبوعين  رافد يتصل نحجي بسوالف عادية ماادري اذا راح اتعود عليه لو لا بيوم جان عندي ريست قررت الم شكو هدية منه فعلا فتحت الخانة وكل ذكرياتي وياه رجعتي نزلن دموعي وكمت اشمر بالهدايا بالكرتونه مااريد يبقى ذكرى اله يمكن غيري يحتفظ بس اني مااكدر اخاف تصير مشاكل واحنه في غنى عنها جمعتهن كلهن وقررت انطيهن لخالتي منار ترجعهن اله مشت باقي ايامي بروتين عادي مااعرف اي اخبار عنه واصلا خابي منار متحجي شي يخصه واحتمال سافر راح يبقى الذكرى الحزينه على گلبي وعمري مراح انسه هالذكرى اما رافد يعني بديت اسمعله واحلل شخصيته من وره اتصالاته الي مرات اضوج ارد عليه بس لازم ارد عليه ومن يكوم يتغزل هنا تخنگني العبرة ودوم اندب حظي لان حبيت لوما حابه كان حياتي احسن

شهاب تمشي الايام حالها حال الي قبلها بس الفرق الي جان شاغلي وقتي صار غير مسموح الي الكل توقع ارجع اسافر واني مقرر اسافر بس مو العمر كله لا علمود شغلي الي راح يكون بين شغلي هنا وهناك

بعد اسبوعين بشهر السادس خابرني صاحبي

.. الوو

خليل  :عمي منيح  سمعنه صوتك 

شهاب :ههه والله مشغول وانتو على بالي وغلاتكم

خليل :شو سيد شهاب ما بدك بتجي على اكرونيا

شهاب :هه حاليا لا مشغول هنا بس ان شاءالله على الايام الجايه اي شخبارك

خليل :بنشكر الله تمام الا اسألك شو مابدك الفستان

شهاب :اي فستان تقصد

خليل : لاه لاه خي شو نسيت فستان الي طلبتو مني وخبرتني اجهزو الك

شهاب هذا بشنو ذكرني اتذكر من شفت البدلة اهواي تمنيتها على روان وطلبت منها يجهزها لان جانت بعدها بس رسمه جنت اريد تلبسها بيوم الحنه 

خليل :شهاب فين رحت شو صار

شهاب :هاا وياك ماكو شي اي الفستان كمل

خليل : اكيد بدو يكمل بس ماخبرتني لمين هو اكيد لحبيتك صح

شهاب اااخ حبيتي راحت مادري ليش هيج :لا لشخص عزيز عليه اشوكت راح ادزه

خليل :حلوو بيستاهل هيك هدية منك

شهاب :اكيد يستاهل كتلك عزيز على گلبي 

خليل :ينهنالو المهم انت امتى بدك يوصل

شهاب :مااعرف انت اشوكت ماكمله اشحنه

خليل :خلاص مثل مابدك ان شاءالله يوصل بالكتير اسبوعين منيح

شهاب :منيح

منار اليوم حنه روان واكفه صافنه واني اتذكر هدية شهاب

منار :شنو هاي شهاب

شهاب :بدلة

منار :المن هالبدلة

شهاب :لصاحبتها غير

منار :اقصد روان بس ليش

شهاب : سالفة طويلة بعدين احجيها الج المهم توصل هالبدلة الها بس هاي ممنوع منعا باتا تگليها مني

منار : لا والله لعد منين اگلها

شهاب :گوليها من خالج الشيخ  هاشم

منار :صدك تحجي

شهاب : اي والله هاي شغلة شغلة ثانية اريدج تجيبلي كلادة بحرف اسمي تلگيها باغراضها

منار : انوب وهاي وين الگاها شنو هالتعب اكيد راح ادزلك هداياك

شهاب :واني مااريد شي غير هاي الكلادة

منار : استغفرالله راح انجلط من وراكم

روان بيوم حتني الصبح خالتي منار اجتي عليه وجانت جايبة وياها جنطة مال بدلات ومن فتحتها كان بيها بدلة كلش حلوة بس منين ماادري

.. خاله هاي منين وليش جبتيها

يتبع...    

#اقسمت على حبكِ عند الأمير

للكاتبة ضوء القمر

يا حزن ياريت اعرفك

جنت اسويلك حديقة ياسمين

وممشه من كاشي الفرح جدام بيتك

ياحزن ياريت اعرفك وين تسكن

جنت اكلك لا تجيني

وتمشي كل هاي المسافة

آنه وحدي جان اجيتك

يا حزن وحياة حزنك ماعرفتك

چنك مغير مشيتك

حاط ريحة رخيصة كلش

يا رخيص شگد بچيتك

روان اصعب موقف من تنجبر على شي انت مارضي بي وتنجبر تسكت وتقبل وانت الممنون هنا تحس نفسك مقدم نفسك للموت بكل سهول هذا حالي هالايام لحد  هسه احاول اتقبل حياتي الجديدة بس صعبة على الرغم رافد كلش حباب ودوم يحاول يسعدني بس اني من يوم ردو شهاب

اشكد اتمنى افز من ذلك حلمي المذبوح كل يوم يمر عليه اكول هسه اصحه وكل هذا مصار بس للاسف واقع وعمر الواقع ماتحول وهم

كاعدة اجهز نفسي اليوم اروح اجهز نيشاني وباقي اغراضي اي واهس ماعندي بس لازم اتعود منا وجاي حياتي راح تتغير لازم انسه حياتي قبل ثلاث سنوات اتصل رافد

..الوو

رافد :صباح الورد على الورد

روان :صباح الخير

رافد :اشلونج حبي

روان غمضت عيوني اريد احس نفسي عروس تجهز لنفسها ويه خطيبها وتنسه حبيبها :تمام الحمدلله وانت

رافد :ماطول اسمع هالصوت اني بخير حبي كملي اني جايج

روان :اي كملت بس نطلع وحدنه

رافد :اي وحدنه احسن واني مخبر عمي والجمعة ان شاءالله نروح لبغداد هاا

روان :اوك على راحتك

رافد :يله اني بالطريق

روان :هلا بيك

وره نص ساعة اجه وطلعتله وطول الدرب يسولف واني اسولف وياه مجاملة مرات يكلي احسج جامدة بس اجاوبه انو هاي طبيعتي وفعلا اني هيج بس ويه شهاب ااخ يشهاب ماخله شي مااشترى كل محل ندخله يجب ويحط

..رافد تره اهواي اشتريت واني اصلا عندي هم

رافد :مايهم عادي اني حر اريد اجهز مرتي بكلشي عندج مانع

روان :هو كن حقك تشتري الي يعجبك بس اهواي اشتريتلي

رافد :عندج دوام وان شاءالله تتعيين يعني تحتاجين ملابس واني احب ادلل مرتي يله عيني خلي نروح لغير مكان

روان بصراحه عجبني حلو الرجال من يدلل مرته وميقصر عليها بشي اكو زلم يتخبلون اذا المرة اشترت اكثر من قطعة وهي ماتحتاجهن جهزلي من كل قطعة عشرة حتى ملابس النوم الي جبرني ادخل اختار عززا اشكد فشلة هو بقى برى واني دخلت همزين بنيه ساعدتني بالاختيار من عرفت عروس هه وخوش ساعدت ماخلت شي يعتب وين قليل الادب اختارته ههه بصراحه كوة اخذتهن بس عروس على كولتهم ولازم كذا بس مستحيل البس هيج رديت كم قطعة واختاريت استر بعد ماكملنه من الملابس واله هم اشتره طبعا اغلب لبسه رسمي وكاجول بين وبين بس الرسمي اكثر رحنه على سوگ الاثاث

..ليش اجينه هنا مو اشترينه غرفه

رافد :اشترينه الغرفه والبيت يبقى بلا اثاث خاتون

روان :بيت اي بيت تقصد

رافد :بيتنه غير اني عندي بيت وحدي من زمان جنت ابني بي وقبل كم شهر كمل وبقى بس الاثاث اني وياج نختاره يله گلبي خلي ننزل

روان هنا رافد ثبتلي انو يريد سعادتي بصراحه مااحب احد يدخل بخصوصياتنه وخاصه بيت عمي ابو رافد اهواي على الرغم اخوانه كلهم موظفين بس كلهم بنفس البيت لان عمي ميقبل احد يطلع منطي لكل واحد شقة بالبيت تصميم البيت على شكل شقق بس اني اشوفه مووحلو كلمن بيته احلى صح جمعتهم حلوة بس تبقى الخصوصيه احلى دخلنه على مجمع للتخامه افترينه وعجبني تخم لونه نيلي ومشجر بذهبي

..هذا حلو

رافد :اي اني هم عاجبني شوفي بعد

روان :اوك بقينه نفتر وكفت يم واحد يصير لونه اخضر مشجر بورد حلو وهم ملكي..ها هذا هم حلو هو الاستقبال شنو لونه

رافد :ابيض والسگف مشجر

روان : حلو

بقينه نفتر وقررنه للاستقبال الي اول واحد عجبني واخذنه للهول واحد ليموني وابيض حلو عجبني والصالة اختاريت وردي فاتح وازبري والبرد هم ودخلنه على قسم المواد المنزلية واشتريت من كلشي واصلا هو المطبخ مجهزة بعد الفرة تعبت دخلنه لمطعم وتغدينه ورجعتني للبيت دخلت مباشرتا نمت ومشت باقي ايامي بالتجهيز والصالون والبدلات كال اسويها بقاعة الحنه والعرس ماقبلت ماكو داعي بس الزفة وصدك حجزنه القاعة وكلشي تم بقى يوم العرس

حجزت بدلة لونها ماروني ووحدة لونها ذهبي

روان بيوم حتني الصبح خالتي منار اجتي عليه وجانت جايبة وياها جنطة مال بدلات ومن فتحتها كان بيها بدلة كلش حلوة بس منين ماادري

.. خاله هاي منين وليش جبتيها

منار كرار وصلني لبيت اهلي وهو راح عنده شغل اجيت قبل الحنه بيوم جنت اهواي خايفه على شهاب لان طول هالفترة وهو ساكت مو مثل قبل يشاقى ويضحك ويتعارك اتغير اهواي اشكد مشتاقته لسوالفه وتصنيفه عليه حتى ضحكته احسها جذب بس علمود يبن هو مو مكسور بس طبعه يظم بگلبه ولو ادوس ببطنه مستحيل يگلك شنو يوجعه طبع عمه بس هاشم عنده سيد عبدالله بس انت منو الك دخلت للبيت ولكيت منسا وحاطه بنتها الصغيرة بحضنها

..يمه فدوة للبنات

منسا :هلا وغلا نورت العمارة اليوم

منار :يروحي منورة باهلها يمه فدوه للحلوات لج اموت على بنتج اني اشوف الخدود لو اتخبل

منسا :ههههه على كيفج وياها ادري بيج بعد متعوفيها

منار :لعد اشلون لازم تتحمل اني عمتها اوويلي ولج من هسه اكلج اذبح واصلخ اذا ماانطيتوها النه ساامعه

گمرهاشم :هاي منو تريد تذبج وتصلخ هاا

منار :ههه هلا بالشيخ الله يحيهم

گمرهاشم حضنتها وبستها براسها بيتي هاي :يحيج الله اي بويه شكو تصلخين

منار :من هسه اكلك شيخ وهاي كدامي الشيخه وامي بنتك متصير لغير ابني هاا اشكلت

گمرهاشم :ههههههه يستاهل سيد مجتبى وين نلكه احسن منه بس بنتي غالية عليه مو هيج بسرعة ننطيها

منار :والله هاي سالفة تفيدك جومانه النه رضيتو وان مارضيتو هاا سيد مجتبى خوش حجي

مجتبى بعده صغير بس الحجي من يكون عليه يفتهم كبل كال ايي فدوة حبيبي امه

..هاا هاي ايني كالها يله شيخ كولها

گمرهاشم :هههه تعال بعد خالك شكول

منار :نگبعها وناخذها

منسا :يمه عيني من هسه تردين تگبعيها وتاخذيها هاا ولج مصارلها غير شهرين ونص

منار :ههه اي مو نريد نربيهم سوه هسه مو زين تخلصون منها

گمرهاشم :ليش بويه منو كلج مالنين منها غير عصفورة البيت هاي

منار :ايي واحنه غربان البيت

منسا :هه لا انت ضوءة البيت

بقينه نسولف ونضحك منار من تجي تگلب البيت سوالف وضحك

كاعدة اجهز نفسي بعد ماجهزت جومانه اتذكرت ولادتي الها الف الحمدلله طلعنه بسلامه جنت اهواي خايفه عليها اكثر ماخايفه على نفسي جان وقت الفجر نايمه وسخونه عندي وحالتي حالة وداخله بشهري ومنا حيدره هم مسخن خطية وعندي تقلصات وروحي بخشمي احاول انام مااكدر لحد ماحسيت بعد هذا هو راح اجيب وجسمي اشتعل نار بديت اصرخ

..هاااشم الحگ عليه

خطية هو طول الليل وياي

گمرهاشم :هاا علوية اشبيج بس لا تطلگين

منسا كوة احجي وافتح عيوني ومنا الطلوگه :اي شيخ عفيه راح اموت

بسرعة كام لبسني عباتي والجنطة اصلا اني مجهزتها وعمتي وياي ماكدرت انزل خطية شالني ودخلني السيارة وهو خايف اكثر مني مخابر على غصون دكتور خفر ومخبرها تجهزتلي صالة الولادة ماوصلنه للمستشفى الا علي ابو علي ماخليت امام مانخيته انوب حرارتي اترفعت ومنا آلم صرت فلم دخلوني ودكتوري اجتي وانوب الحر كتلني والدكتور خايفه عليه وعلى الطفل يصير بيها شي

گمرهاشم خايف كلش افقد عزيز مامستعد گلبي نار العلوية حالتها حرجه ربي رحمتك لا اسألك رد القضاء ولكن اسألك اللطف بينا كاعد على نار جسمي كله يرجف خايف تروح مني شهاب جان يمنه اجه عليه

شهاب :هاا عمي بشر

گمرهاشم :ماادري محد طلع

شهاب :على كيفك عمي كول ياالله ان شاءالله سهلة

گمرهاشم :ونعم بالله بس العلوية حالتهاحرجه خايف عليها لك شهاب اموت لو صارلها شي

شهاب :ان شاءالله مابيها شي وهسه تطلع هي طفلها بخير وسلامة

اباوع لعمي منتهي يخاف على العلوية كلش ماجنت متوقع بيوم عمي هيج يعشق مرة كان لاغي سالفة الحب من حياتي بس من دخلت العلوية وبعدين عرفت سالفة الوصية اهواي حبيت علاقتهم وحبهم الي مثل اجمل حب الي هو الحب بيما يرضي الله فعلا يستحقون يكولون عنهم العشق المقدس عمي الي موگف الديوان وزلم مشوربه متكدر ترفضله طلب وعصبيته حزمه من السالفة تخص العلوية يصير رماد مرت الساعة والساعتين ودخلنه بالثالثة وماكو اي خبر عمي وجه صار اصفر احس الدم جمد بوجه يا رايح يا جاي واذا كعد متوتر ولازم السبحه ويسبح وكل اشويه مسغفر وره اربع ساعات ونص طلعت الممرضة وركضنه عليها 

گمرهاشم : بشريني اشلونها العلوية

الممرضه : الف مبروك جايت بنيه وهي الطفلة بخير العلوية تعبانه

شهاب مجرد ماكالت هيج وعمي سجد لله شكر بعدها طلعت حبوبتي والدكتور ووياها الطفلة الي كان مبين عليها التعب ودخلوها خدج وعمي كل همه العلوية

منسا فتح عيوني لكيت نفسي نايمه وهاشم نايم يمي وعمتي هم باعت الطفلة ماكو كوة فتحت حلگي وحجيت

.. ه هااشم

بسرعة فز

گمرهاشم :هاا ابوي انتي الف الحمدلله على سلامتج

منسا :بنتي وين

گمرهاشم :لا تخافين يروحي انتي بنتنه بخير وهي بالخدج

منسا :الله عليك بيها شي حلفتك هاشم

باسني براسي وهو مبتسم

گمرهاشم : وغلاتج مابيها شي بس اشويه تعبانه ولان انتي جنتي مسخنه يوم ويطلعوها ليش هالدموع

منسا :خايفه عليها اهواي

گمرهاشم : مابيها شي صدكي حتى لو بيها لا سامح الله اخليها لا وقمر العشيرة مااخلي دكتور ودولة تعتب عليه بس ماكو شي وهسه تجي الدكتوره وهي اطمنج

منسا جنت خايفه كلش بس من اجتي الدكتورة وطمتني وشفتها ارتاحيت اشويه بس جانت تعبانه لان اني جنت مريضة الحمدلله الله لطف بينه اباوع على هاشم ممصدك طلعنه بسلامة اول مادخلنه بعد مابقينه اسبوع ذبح لوجه الله وبيومها ماخله احد ماانطاه اهلي اجوي والحمدلله عدت على خير فزيت كن صفنتي على ادين يحاوطن خصري وانفاس برگبتي

..هاشم

گمرهاشم :روحه وگلبه خير يگلبي ليش صافنه

منسا درت عليه واني احاوط رگبته وهو مخلي گصته على گصتي

..جنت اتذكر ولادتي بجومانة والتعب الي شفته

گمرهاشم :الف الحمدلله عدت على خيراكول مو حرام عليج تخليني هيج من اكعد بالديوان ابقى صافن وسارح بيج شتكول عليه الوادم

منسا :ليش شمسوية هالمرة ياشيخ گمرهاشم

گمرهاشم :تسأليني شوفي نفسج طالعه گمر بليلة كماله واني مااتحمل هيج شو تعالي وراي شغل مو مال انتظرج تردين

منسا ههه والشيخ دوم يسوي الي براسه وكوة عافني وخلاني اعيد مكياجي ومنار تصيح منا ومن شافتهن نزلن اول ما وصلت يمها كالت

منار الصبح حضرت الافندي شهاب جبرني اروح اودي البدلة والله شنو هي الها ومتصير لغير رحت عليهم ودخلت غرفتها لكيتها تريد تروح للصالون

..هاي بدلة

روان :هو جاي اشوف بدلة بس منو جابها

منار حرت شكلها خرب بيومك شهاب على هاي الدكة :هاي من خالج هاشم مختارها هو ومنسا وكالو متحله الا عليج

روان فتحت الجنطة وطلعت البدلة كانت فد شي كلش حلوه ولونها وردي فاتح من الصدر كله مستور وورد ابيض كلش حلو وينزل تنوره شيفون وردي هم على الخصر كله نشغل بالورد الابيض وبعدها تنزل الطبقة القماش الي من النوع الواكف بالحاشية كلها ورد ابيض وشغل ومن الظهر هم حلو بسيط حلو

..خالة فد شي كلش حلوه منين جابوها

منار :هي هدية ليش بعد كل هالاسئلة يله ماظل وكت امشي والبدلة تلبسيها هنا

روان البدلة كلش حبيتها احساس حلو من شفتها بعدها طلعت للصالون واستلمتني ماعافتني الا للوحدة رجعت للبيت وهوسه وكذا الحفلة كانت حلوة بالبدايه كنت ضايجه بس ماردت اخرب فرحت امي واخلي العالم تاخذ عليه نظرة مقابلة وعروس مغصوبة اهم شي محد يحجي بعدها بساعات لبست البدلة وبقيت بيها لحد مااجه رافد وحناني وعجبته البدلة بليل اجه خالي

منار بالحنه واجه على بالي سالفة الكلادة وكلام شهاب

منار :صدك تحجي

شهاب : اي والله هاي شغلة شغلة ثانية اريدج تجيبلي كلادة بحرف اسمي تلگيها باغراضها

منار : انوب وهاي وين الگاها شنو هالتعب اكيد راح ادزلك هداياك

شهاب :واني مااريد شي غير هاي الكلادة

منار : استغفرالله راح انجلط من وراكم

..هسه بله وين الگاها صعدت لغرفتها عود اريد اعدل مكياجي دخلت غرفتها وسديت الباب

..وين ممكن الگاها بديت ادور بالمجرات مالكيتها بكتنورها هم ماكو جان يم الجرباية مجرات فتحتها ولكيت علبة لونها احمر فتحتها لكيت الكلادة وظميتها وطلعت همزين محد لاحظ لحد الليل اجه هاشم خرب نسيت اخبر

..ولج منسا بسرعة تلاحكي هاشم

منسا :ليش شكو ولج

منار :حاجي على البدلة بسرعة

منسا :غير تذكريني يله هسه اكله

قبل ميدخل حاجيته

.. هلوو حبي

گمرهاشم : هلوين

منسا :هاشم اكلك على شغلة شوف من تدخل وروان تشكرك على البدلة جاوبها وانت تعرف كلشي

گمرهاشم :شنو بويه ماافتهمت شنو بدلة

منسا :هسه بس كول الي كتلك عليه وبعدين اكلك

گمرهاشم :امم السالفة مبين وراها شي

روان :خالو

گمرهاشم شفتها اكو حزن بعيونها حبيبت خالها ااخ لو كان بيدي بس ان شاءالله تكون حياتج سعيدة : بعد خالج الف مبروك ان شاءالله السعادة لگلبج واي شي تردي اني موجود

روان حضنت خالي الي بي ريحه شهاب ااخ يشهاب مراح تروح من بالي  : الله يبارك بيك ويدومك علينه تسلم اريدك سالم شكرا على البدلة كلش حلوه وحبيتها

گمرهاشم باوعت البدلة حلو متاكد ذني سوالف شهاب :ولو تدللين جم روان عدنه

منسا اخذنه صور وبعدها رجعنه شهاب جان موجود  بس شكله بكسر الگلب بس مبين عليه

شهاب نار وتاكل بروحي بس اليلة وباجر بحضنه باجر تصير ملگيته عليها باجر ياخذ زهرتي باجر حلمي يخلص للابد طول الليل نايم سهران والكلادة بيدي بيها عطرها هسه اكدر اعيش حياتي واني مطمن ولو ياراحة تجيني والي حبيتها راحت احجي واضحك جذب مااعرف ليش اجيت هنا يمكن اريد اقتنع روحي بعد مترجع اي هو الي لازم يصير

روان بس ليلة وباجر اني ملك رافد انسان مااملك اي احاسيس ومشاعر اله غير ابن عمي    طول الليل واني احاول انام بس عيوني مترضه تغفه ولاهي راضيه تنزل دمعه صبح الصبح عليه والبنات كلها فرحانه الا العروس الي خايفه من الي ينتظرها خايفه من گلبها وحياتها قبل مااوصل الصالون وصلتني رسالة وانصدمت كانت من شهاب من زمان انقطع عني اخباره واصلا واحدنه حاظر الثاني رسالته كانت

..الى من سرقت قلبي وعجلته ملكا لها تمنياتي لكِ بالسعادة من كل قلبي

..ميهون عليه اكلج الف مبروك بس ان شاءالله حياتج كلها سعادة ورافد يستاهل سامحيني روان اريد اسافر واني مرتاح عليج ومأمن مكانج ثقي بعد متشوفين وجهي

#هو الليــل

#لو يدري اليـــحب سهـــران

#چا طلع گـــمر بـــي

شيــــب.. !!

#هــــو الليـــل

#لو ســـامع شكــــو بًـ صــدري

#اذا مايــبجي كلـــش عيب

يتبع..

اسفه لان البارحه مانزلت بارت بس النت عندي البارحة مااشتغل وهم البارت مهم وهاي نزلتلكم بارت اريد تفاعلكم وصلو التفاعل لل ٢٠٠ احبكم

بدلة روان

#اقسمت على حبكِ عند الأمير

للكاتبة ضوء القمر

تدري استاحشت من دونك الروح

يكحل اعيونها وضيها وهواها

يهلبت منك

شلونك ، صرت زين ؟

وأگلك فاهيه اسـنيني أمداها

روان رسالته هاي كانت اخر رسالة وصلتلي بعدها اي خبر مااعرف عنه العرس كان حلو ورافد جان كلش فرحان واني طول الحفلة خايفه بالي راح يصير بعد اشويه وره ثلاث ساعات زفونه للفندق الخوف كان فضيع دخلنه للغرفة ومبين عليه التوتر ورافد لاحظ هالشي بالبدايه تعشينه وسولفنه اني نعست بس جنت خايفه وهالشي لازم يصير وفعلا تقربلي حاولت احس وياه بالي يحسه وجنت كلش خايفه يأذيني بس الحمدلله جان رافد يخاف عليه اكثر هالرجال اشكد يحبني اتمنى اكدر اقدمله الي بستحقه سافرنه شهر عسل لتركيا وهناك مو نسيت انما تعايشت ويه الواقع رافد طاير بيه ويسوي اي شي علمودي ماشفت منه غير الدلال بستحق انو اعامله بمثل بعد ماقضينه شهر هناك رجعنه دخلنه البيت الي كان تصميمه حلو ونازك والاثاث محلي اكثر بديت حياتي جديده وان شاءالله ارتاح

بعد شهرين من زواجي واكفه اجهز الاكل وانتظر رافد يطلع من الحمام اليوم مدري اشبي احس نفسي دايخه ولعبان نفس جهزت الاكل وكعدنه ناكل ويحجيلي عن القضايا الي تجي توني شربت لبن وجان بسرعة معدتي گلبت ورحت للحمام تقيأت متت رافد واكف يمي يفرك بظهري

رافد :خير حبي اشو وضعج معاجبني

روان غسلت واحاول اشتم هوى :مااردي صار اسبوعين هيج

رافد : بعد اشويه نروح للمستشفى  هسه تعالي ارتاحي

روان :خلي انظف المطبخ

رافد :عوفج من المطبخ هن الماعين اخليهن بالغسالة والاكل الباقي  اظمه تعالي ارتاحي   

روان دخلت الغرفة انام والعصر طلعنه للمستشفى حللت وبقينه ننتظر وبعدها طلع نتيجة التحليل حامل فرحت اهواي اما رافد كانت فرحته متنوصف  خبر اهله واهلي ويخاف عليه وقضية اشهر الحمل رافد مدللني الحمدلله نساتي جانت زينه بس اول ثلاث اشهر ضوجني شفت اهتمام رافد بيه يزيد اكثر يوم بعد يوم وهالشي خلاني افكر اني شنو انتظر مثلا اترك رافد لا مو من اخلاقي وهم هو ابد ممقصر وياي قبل مااكول يجيبه وصار عدنه طفل الي احسه راح يبني العلاقة بينه وابادل رافد هالمشاعر الحمدلله صح ماحصلت على الي حبيته بس الله رزقني برجال يحبني وان شاءالله اكدر انطي حب بعد تسع اشهر الحمدلله ولدت ابني ايهم وحياتي ماشيه بنتي دوراستي ورجلي ورافد

شهاب بيوم عرسها وصلت مرحلة بس اريد شي ينسيني تعبت من الفكير رحت للصيدلية واشتريت شريطين فاليوم ورجعت لوما شغلي ماجان بقيت بس عندي شغل احمد يسولف ومنار والعلوية واني بس جسد وياهم طلبت عصير وخليت بي اربع حباب فاليوم اول بداية عادي بس بعدين كمت انعس وهناك سيطر عليه النوم وبعد ماادري بالدنيه

احمد كلش قاهرني شهاب على الرغم كاعد ويانه ولا عبالك بي شي بس هو متأذي كلش

منار :احمد

احمد :خيرر ياطير

منار :ووجع ولك من احجي وياك تكول بلي خوش

احمد :اي مو اني العبد مالتج خير شتردين

منار :شهاب وين

احمد :ليش مو عفته يمكم وين راح

منار :ماادري خايفه عليه معقولة يسوي شي بنفسه

منسا :لا اسم الله عليه يجوز بالاستقبال

احمد :رايح اشوف

دخلت للاستقبال شفته نايم عبالي كاعد بس من قربت منه رايح بسابع نومه معقولة اجني منار ومنسا

منار :هذا صدك يحجي نايم

احمد :شوفي اصلا بسابع نومه

منسا جان يمه كلاس عصير اخذته اكو بي بودر ابيض

..شهاب شارب فاليوم

منار :فاليوم

منسا :اي والا اشلون ينام هيج نومه وهم ميفكر بشي وينسه واحتمال جبير ماخذه اكثر من حباية خلوه نايم بلكي يرتاح

گمرهاشم :خير شصاير ليش هنا لكلكم

احمد :ماكو شي عمي بس جنه ندور على شهاب ولكيناه هنا نايم ولو الاخ ماخذ منوم

گمرهاشم :منوم صدك تحجون

منسا :اي صدك وهسه شهاب لو مدري شتسوي ميكعد

گمرهاشم جنت خايف يسوي شي بي الحمدلله اخذ منوم وفضل النوم على اشياء ثانية

شهاب كعدت بس شنو دايخ وراسي يون عليه باوعت هاي اني بعدني بمكاني جانت الساعة بالخمسة العصر باوعت على التلفون جان يوم سبت اوو اشكد مايم عبالك جنت مخدر جسمي كله يوجعني وبعد بيه نومه صحصت وكمت من شافوني كلهم سألوني اشلون صرت بقيت يمهم ومحد فتح وياي اي موضوع ثاني يوم الصبح رجعت لبغداد وهم بقيت اسبوع وقررت اسافر واصلا هالمرة اهلي يردوني اسافر اغير جو وهذا احسن شي

كاعد بصالة الانتظار اقل من نص ساعة واطير طيارتي اباوع على الكلادة بيها عطرها وضميتها لصدري ورجعتها للجنطه نادو علينه وكفت اباوع على البوابه واني اودع احلى ذكرياتي هنا هنا التقيت باحلى ذكرى صادفتني هنا اول حب الي هنا اول جرح الي هنا اول كسرت گلب هنا اول محطات حياتي الي توقعت راح ابقى بيها للابد مع الانسانه الي اختارها گلبي وعقلي بس قدر الله وماشاء فعل وكلشي قسمة ونصيب اتمنالها السعادة هنا فقلت گلبي للابد من الحب واذا بيوم فكرت اتزوج الحب الي اكدر انطي هو فقط من اجل احترام العشرة الي بينه مااعرف اشوكت بعد ارجع بس اكيد من ارجع لازم اكون باني نفسي من جديد ركبت الطيارة وودعت كلشي بحياتي قبل ثلاث سنوات لازم ارجع شهاب الي عايش الدنيا طول بعرض ميهمه شي واضمد جروحي واضمهم بداخل گلبي واقفل عليهن

گمرهاشم الحياة عبارة عن تجارب وكل واحد بينه ياخذ نصيبه من الدنيه محد احسن من احد بس كلمن وقدرته على استخدام عقله وحياته بالشكل الصحيح 

..كاعد بالديوان واجه حازم يركض

..خييرك بويه علامك

حازم :شيخ شيخ مزهر ورجاله  واكفين بباب الديوان بسياراتهم

گمرهاشم وكفت على حلي  :اشلوون شيخ مزهر اشعنده طلعت ويه حازم زلمنه وكافين وشايلين اسلحتهم وشيخ مزهر وجماعته هم

..خيير اليوم شيخ مزهر زايرنه

شيخ مزهر :هنه كلمتين ماعندي غيرهن لو تسلمونه ابن عمك لو تصير بحر دم وياكم

گمرهاشم استغفرالله هم العار مو جنت مرتاح ولو اني مناسي بس اشويه مرتاح من سوالف :بشنو مأذيك ابن عمي

شيخ مزهر :كتال اربعه من زلمنه وكل واحد منهم يعادل عشرة

گمرهاشم :عجيب لعد اشلون كدر عليهم

شيخ مزهر :شتقصدد بكلامك هذاا هاا شيخ هاشم ثاري وياكم

گمرهاشم :وااني ماعندي شي اقدمه ادخلو جوة ونتافهم المشاكل متنحل بالسلاح

دخلو جوة وطلبت من حازم يخبر جماعتنه والسيد صادق خلال نص ساعة الكل اجه والديوان انمله زلم حجيت

..اي شيخ مزهر انت كلت ثاري وياكم واحنه ماعنده شي وياكم واذا على ابن عمي العشيرة متبريه منه واني اكولها هنا بديواني وهالوادم الخيرة تشهد سلام ابن عمي وغسان احنه متربين منهم وعمي الله يرحمه طلب هالشي وتم التربي منهم فاذا عندكم ثاري وياهم اخذو منهم عسى ماتقطعوهم احنه ماندخل روحو دورو عليه وين متلگوهم همه الكم

شيخ مزهر :شيخ هاشم متاكد من كلامك هذا تره بحر دم عمره ميخلص

گمرهاشم :فوتو بفالكم وفن واحد منكم يقرب على واحد منه متخلصون مني واني حذرت وهالناس تشهد ياويلكم اذا اندكيتو بينه كلامي ياجماعةالخير بي شي غلط

..لا شيخ كلامك صح وكفو منك

شيخ مزهر : هذا هو لعد احنه كتالين لولد عمك

ش

گمرهاشم :براحتكم سوه الي يعجبكم

اني مااخلص من هالعارات اشوكت اخلص منهم ااخ يگلي اشكد بعد تتحمل الغلط من الحجي كان مفترض من زمان يربيهم بعدها شيخ مزهر  طلعو بس ماعاجبهم كلامنه واني مستحيل اضحي بواحد من عشيرتي من وره هالحثالة بقينه نحجي بهاي السالفة الي فورت دمي

منار الحياة تمشي بس اكيد مو مثل مااحنه نريد ولابد من وجود مشاكل بالحياة وحل هالمشاكل هو التفاهم ينحل كلشي روان حياتها بعد ماكانت جامدة والحزن مرافقها بعد ماولدت اول طفل الها حست بالنعمة الي عايشه بيها وشافت مدى حب رافد الها وهالشي خلاها تعيد التفكير بكل تصرفاتها وتفتح صفحة جديدة لحياتها وتنسه الماضي الله خلى النسيان نعمة النه مو كلشي نريده نحصله مرات في اشياء تكون سبب تعاستنه وسبب بهدم حياتنه واحنه كل همنه نحصل عليها وفي اشياء تنكره وجودها بحياتنه بس وجودها سبب راحتنه واصلا الراحة لم تخلق للدنيا اما شهاب بعد ماسافر قرر يكمل حياته مثل مامقدر اله وقرر يكمل دراسته وهالشي اهواي حلو ويفيده اما احمد فلحد هسه قافل على سالفة الحب بس الي جاي لاحظه دومه صافن جنت كاعدة بمكتبه الجامعة انتظر احمد والاخ من اجه شو الاخ صافن وضارب تغله

..هييي يالاثول اشبيك

احمد :خرب بحظي حتى من اصفن تخربينها عليه وتعالي هيي شنو

منار :متگل لروحك هالحجي هاا شو حضرتك اجيت لا سلام ولاكلام بس صافن معقولة الي ببالي وغمزتله

احمد :اهوو كامت تحلل ماكو شي اطمني مجردة صفنه

منار :اگصها لايدي اذا طلعت مجرد صفنه ولك اني عاجنتك وخابزتك تعلمني اوويلي عليكم راح انجلط من وراكم عود اجيت اشويه اتونس يمك صوجي اخابر كرار يجيني احسن من مگالبه وجهك

احمد :ههه صدك تعالي اشكد صايرة تتزعلين الله يساعد السيد عليج

منار :اااخ لوما منا الطلاب وعيب جان عرفت اشلون ابهذلك ان شاءالله  تحب وحده تشوفك نجم الظهر بعز الحر حقير

هه اشكد مانتعارك بسرعة نتراضه هذا احنه مخبايل اهواي مشتاقه لكعدتنه وسوالفنه بجامعه صح هي سنه وحدة بس عبالك سنين السنه احنه مرحلة رابعة وصعبة حتى مرات مااحگ اكل ومنا مجتبى وخطية عمتي تساعدني بي بس هو من يشوفني اقره يتخبل عليه الا يخبث وكرار مرات على الواهس اهج منهم ومن اجي الگاهم نايمين فدوة لعينهم صدك خابرت كرار لان خلصت شغلي هتا وهم ورانه طريق احمد لح علينه نبقى بس منكدر وحتى زعلو بس واعدناهم على المرة الجاية

منسا رجعت من الدوام ولكيت جومانه بحضن الشيخه تلعب وعمتي يمها

.. السلام عليكم

الشيخه : وعليكم السلام ياهلا اجتي الماما

منسا جومانه صارت تفتقدني مثل حيدره من جان صغير بعده يفقدني بس احسن اخذتها واني ابوس بيها وهي تضحك  :يمه خما عذبتكم

ام جاسم :ياا بنت الغالي هاي شنو عذبتنه غير ضحكت البيت يمه فدوة للبنات غير مونستنه

منسا :هه فدوه لعينها جاي تفقدني مو

ام جاسم :اول متكعد اي بس بعدين من تشوفني لا زينه

منسا :ااه طول الدوام افكر بيها

الشيخه :لا تشيلين هم يمه هي بس فترة الصبح وهم حالها حال اخيها وهذا هو صار عادي عنده

منسا :يا عادي غير كل اشويه الگاه مخابرني

ماما اشوكت تجين وهاي اني كل اشويه عايفه شغلي وارد عليه ههه

ام جاسم :هههه حقه يمه هو منو يكدر على فراگج

منسا :فدوة لگلبج يمه اي صح الشيخ بي شي

الشيخه :ليش سمعتي شي

منسا :لا والله بس شو من اجه صافن وهم مبين معصب وساكت صار شي

ام جاسم :والله يمه مندري الديوان بعيد عنه منسمع شي هسه يجي ونفهم منه

منسا اجه هاشم ومن سألته الشيخه بالبدايه ماقبل يسولف بس بعدين حجه والسالفة كالعادة تخص سلام ااوف اشوكت نخلص منه بليل نايمه بحضن هاشم وهو يلعب بشعري بس صافن وهم حاير

..گمرهاشم

گمرهاشم التفت عليها :كولي بويه ادري عندج كلام احجي

منسا :شصاير ليش هيج صافن ومحتار

اخذ نفس قوي حسيته مهموم اهوواي واحسه طلعها من كل گلبه

گمرهاشم :ايي محتار اهواي الدنيا عمرها تريح احد وهاي اني من اول مادخلت الديوان ووعيت على سوالفه الديوان وكلام الشيخ بدت حياتي تاخذ مجؤى ثاني خليج بويه مااريد ادوخ راسج

منسا :ماشي بس اكو سؤال اهواي شاغل بالي ممكن تجاوب عليه

گمرهاشم :كولي بويه شني سؤالج

منسا :شنو سبب العداوة بينك وبين سلام

گمرهاشم :اوو سالفة طويلة منين احجي وهم اوجع راسج

منسا :اول ماازوجنه واني هالسؤال ببالي بس ماسألت وهم مااريد اضوجك عادي شنو وراي سولف

گمرهاشم :حيل اربع سنوات ضامه هالسؤال ايي يامحفوظة السلامة والبگة هاي السالفة صارلها عشرين  سنه جان عمري وكتها ٢٢ سلام من يومه راعي مشاكل ودوم يغار مني كان يحاول بكب الطرق علمود يبهذلني ويقلل من قيمتي وخاصه جان شايف نفسه هو وبس جان عنده اخو توم سبحان الله مختلف عنه تماما يعني من تشوفين تصرفاته تكولين مستحيل من نفس البطن حنين وزلمه معدل صاحب نخوه اخو اخيته سلام جان يحبه كلش يوسف الي هو اخوه ماجان يحب المشاكل سوالف العركات وكذا لا كل همه دراسته لحد مافديوم جنه اني ومهدي اخوي بالبستان نصيد وصادف سلام ويوسف موجودين بالبدايه عادي سوالفنه عادي لحد ماكام سلام يچفص بالحجي ويحجي بزوده ويقلل مني حاول يستفزني وفعلا كدر بس اني ادري بي يريدني اسوي مشاكل بس كدرت اخذه بلساني بس ذلك وين كلمة مني وكلمة منه وجان حضرته يرفع السلاح بوجهي هو خبل يسوي الي براسه ولا يمه شي حاولو وياه مفاد مقبل بنزل السلاح اني خليته براحته وهو اصلا مناك متحامي عليه كلمة وحده مني خلته خلته يندم على السواه ونه حياة شخص من وجه السلاح عليه وجان ضاغط عليه كلنه انصدمنه من حركة بوسف الي ابد متوقعنه يويسها ويخسر حياته اي دفعني واجت الطلقة بصدره هنا ابتسم ومات اني نخبلت وسلام جن جنونه اني حملت نفسي سبب الي صار وانگلبته حياتي سودة يوسف كان خوش ولد ماأذه احد ابد وجان دوم يخجل من سوالف سلام خطية راح ضحية سوالف اخوه التعبانه وااي دوم مفشل عمي وسلام من يومها علن الحرب والثار عليه وختمها الخسيس بگتل ابوه وهسه هو وين مندري وسوالف بعد شحجيلج كوة والمشكلة مو هنا المشكلة العشيرة كلها متأذيه من سوالفه اشوكت اخلص منهم هو وذلك العار الثاني ماادري بس وين يرحون مني وراهم وراهم والزمن طويل

گمرهاشم  الصبح توني نزلت واجاني اتصال خلاني انصدم معقولة هيج البشر ظالم نفسه

يتبع...      

#اقسمت على حبكِ عند الأمير

للكاتبة ضوء القمر

اريد ارتاح

لو ليله

ياهو اليخسر احچايه

ويگلي شبيك وحچيله

ياهو اليشتهي عيوني

وافرغ ضيمي وبچيله

بهت بيه ضوه العشرين

العمر يركض بكل حيله

گمرهاشم الصبح بعد ماكعدت اريد اودي منسا للدوام واجاني اتصال متوقعت راح يجي يوم واسمع هالشي صح اهواي اشتغلت علمود هالسالفة بس بهالسرعة لا

..متاكد مازن من كلامك

مازن :اكييد وابصم بالعشرة البارحة بليل القو القبض عليه جان توه نازل من الطيارة الجاية من السويد وهسه حاليا بالسجن اني رحت شفته بدون ميشوفني بصراحة ماعرفته واحتمال جبير يطلع مريض لان حالته مو طبيعية مو سلام الي تعرفه ومتاكد لو شفته متعرفه

گمر هاشم  :استغفرالله الله يمهل ولا يهمل زين هسه باي سجن

مازن :بسجن ال ببغداد ناوي تروحله

گمرهاشم :اكيد بس من بعيد

مازن :امم في خبر ثاني

گمرهاشم :وهو

مازن :مرتك عمك ماتت باثر سرطان بالدم من شهر هالحجي

گمرهاشم انصدمت كل هذا صاير واني ماادري :اشلون عرفت

مازن :كتلك راح ارقبهم كلهم وسلام امه وياه بصراحه ماتوقعت ياخذ امه وياه ولو لوما ياخذ من شي مجان اخذها واصلا حسب المعلومات الي وصلتلي طول ذيج الفترة هي بالمستشفى سلام شامرها للاسف لحد ما ماتت وحدها واصلا المرض واصل مرحلة عدها حتى ماطولت اهواي وهم ميته وحدها محد جان يمها اما سلام وره اسبوعين يله جاي ومن جاي مامهتم ماخذها دافنها وبس اما غسان اصلا هذا من الحادث الي صار مسافر واحتمال جبير لروسيا تعرفه هذا واحد كل همه يربح فلوس وعنده الكتل شربة مي

گمرهاشم :ادري تعلمني بي اصلا متاكد تلكاه يشغل ويه عصابة جبيرة واحتمال هو رئيس العصابة بس امهم معقولة وصلت بيهم المواصيل هيج يتركوها تبقى امهم وخاصه سلام جان يسمعلها

مازن :توقع كلشي هو الي يكتل ابوه وبيقى واكف شتوقع منه

گمرهاشم :عندك علم اذا راح يخلي محامي لو لا

مازن :اكيد بس قضيته خسرانه وخاصه اكثر من واحد واولهم شيخ مزهر تدري لوما الضباط كان كتله نهائي

گمرهاشم :يستاهل بس مكتلي وصبحي

مازن :صبحي هههه سألتني عن الغالي مو كتلك اختفه من ايدي بقيت وراه لحد مالكيته وضيفته يمي اشلون ضيافة يستاهلها وداعتك خليته يتمنى الموت ويتوسل بي بس حتى اتركه بس شنو طلعت كل ضيمي بي

گمرهاشم :ههههه لا صدك كفوو والله بس بشرني خما نهيت عليه ادي بيك انت من تضيف احد كريم كلش ابو مرتضى ميلحگك

مازن :وغلاتك نسيته حليب امه تعرفني اذا عندي ثار ويه واحد وعاد اني اشلون احبه لصبحي اوويلي غالي عليه كلش وداعتك لا اهتميت لعمره ولا لشيباته اااخ ولك هذا عامل عمايل اريد شغلة مسويها تشفعله ماكو شنو هالبشر اشوكت يتعض بعالعمر الي نجاوز الستين وهاي سوالفه انت لو تعرف باي وضع لكيته ولك اني شاب مااسوي سوايته هيج واحد خسيس وقليل ناموس مثل صبحي ماشفت

گمرهاشم :ادري بي سوالفه كلها تعبانه شترجه مو واحد راضع ويه البليس عمي ابليس اتبرى منهم بس تعال كلي اشلون سحلته

مازن :هههه هيج قذاره وخيسه اشلون برايك ينسحل خليت الشباب يلعبون وياه بس شنو وحقك لو تشوفه متعرفه لكيت الشباب مسويله عملية تجميل ههههه

گمرهاشم :ههه لك هاي انت شلاعب وهسه وينه هو بعده يمك

مازن :اي بعده بضيافتي الشباب كلما يملون يلعبون وياه وكل الي مسوي بالشركة طلع تزوير بس النغل متعامل ويه هامور مثل ميسمو بدبي شغلته هاي تزوير وغسل اموال وتهديم شركات وشركتنه اسغل وجود عمك وياك شراكه وكدر يسحب منه ملفات مهمه وهم سحب منه الختم وبهاي الطريقة كدر يثبت صلاحيته باستخدام الشركة واجهة لشغله بس وغلاتك كل كتله اكلها تسوه عمره بحيث كام يتوسل بس اعوفه يگلي وليدي ارحم بيه تصدك انقهرت عليه بس من تذكرت قبل ثلاث سنوات سالفة البنيه الي لاعب بيها موته وهسه بس النفس يجره

گمرهاشم :اني من البداية كاره بس شسوي عمي يكلي خوش رجال اثاري هذا الخوش رجال كان سبب انوعمي ميرفع وجهه بوجهي بعد اخوك على كيفك لا يموت بيدك واحنه منريد يموت ناس اهواي ظلمها

مازن :ايي اهواي صار تدلل شيخ راح اخلي اشويه يرتاح ولو مااظمنلك احتمال يومين واجي رايد بعد شي

گمرهاشم :هلا بيك لا سلامتك ياغالي يله ثيمالا

سديته منه وافكر بكلامه ماادري اشلون راح يكون لقائي بسلام ايي يسلام اهواي ظلمت ناس ودمر حياتهم وكل هذا مااخذت عبرة موتك قرب الله يحاسبك على كل عمل اذيت العالم بيها فزيت على صوت منسا

..هاا علوية

منسا :خير اكو شي اشوفك صافن وهم اصيحك مارد

گمرهاشم :ماكو شي بويه شغلة ببالي يله تاخرتي عن دوامج

منسا طلعنه من البيت وركبنه السيارة هاشم ساكت ويفكر منو هذا الي اتصل بي وهيج گلب حاله ماسألته ميحب احد يدخل بمشاكله وصلني للدوام وراح دخلت للمستشفى جان عندي عملية هاي اول اكون موجودة بعملية لتؤم عملية قيصريه بس واحد منهم ميت ببطن امه بيها خطورة العملية وهم هاي ثلاث مرة ندخلها عمليات بكل مرة ضغطها ميقبل يهبط بدينه بعمليتها وبقينه اربع ساعات والحمدلله تمت العملية الطفل مابي شي بس الثاني كان ملتف عليه الحبل السري وميت ببطنها بعد دوام طويل رجعت للبيت تعبانه والجهال لكيتهم يتعاكون حيدره صار عمره اربع سنوات ونص وجومانه عمرها سنه وثلاث شهور يغار منها وهاي بس تضحك

.. خير حيدره اشبيك ويه اختك

طبعا حيدره ينفهم من كلامه وهو مشاء الله ذكي

حيدره :ماما اكلت الكاكاو مالتي انتي مو كتلي لا تنطوها

منسا  دنكت على جومانه الي مستمعه بالكاكاو اوويلي اثنيهم يحبونه وانوب نوتيلا وياه مسحتلها وهي طايرة بشوفتي

.. بس اريد افهم من انتو من هسه هالكد تحبون الكاكاو اشلون بسنونكم هاا ولكم ماما مو زين عليكم عقاب عليكم اسبوعين ماكو

يحجي بحركه حضرته وهو منا يخبل ابو خدود

حيدره :شنوو لا ماما بس اني مااكلت والبارحة هم مااكلت

وكام يعصب

منسا شلت جومانه وغسلتلها وغيرت ملابسها واباوع على حيدره معصب اوويلي طبع ابوه من يعصب طك عرج الهواشم

.. خيير شكو عصبت ميرزا حيدره واذا مااكلت بس من سنونك تون عليك عود تعالي ماما طيبيني كافي اكل غير شي خو الفاكهة متاكلها ابد بيها مرض مو حضرتك

حيدره :مااحب الفاكهة ماا اريد كاكاو

منسا دخلت بدلت وطلعت

.. هاي مشكلتك كم مره كايله لازم تاكل تاكفهة وهسه اريد انام لان ميته تعب.رحت يمه ونزلت لمستواى

... حبيبي انت رجال شنو تزعل على هيج شي

حيدره :ايي اني رجال وشيخ هم  بس احبه

منسا :فديت الشيخ اني

دخل هاشم

گمرهاشم :ها علوية اشبي شيخ حيدره

منسا :تعال الله جابك

گمرهاشم :هاا خير

منسا :اني نعبانه كلش واريد انام وذوله معاقبتهم كاكاو ماكو مو هناك وتنطوهم اسبوعين ماكو

حيدره :لا مااامااا

گمرهاشم :هاا حيدره بويه امك كالت ماكو يعني ماكو

حيدره :بس بابا اني احب الكاكاو اشلون اسبوعين مااكله

منسا :هذا الي عندي وبعدين المجر والثلاجة مليانه متاكل غير الكاكاو شيخ اني كاليتلك لا تجيب

گمرهاشم :هههه ها علوية انوب رديتي عليه بويه نستي اشكد اكلتي بيهم بحملج اذن السالفة منج بدت

منسا :هههه اني جبيرة مو همه بعدهم صغار خو ذيج تاكلها اكثر مما تشرب حليب شوفها نامت ولا عبالك العركة هي سبب بيها

گمرهاشم :هه هسه عوفج منهم اني حيري بيه

منسا اجه حضني وعيونه مركزه على شفافي وحيدره معبس حجيت بهمس

..هاشم حيدره هنا ميصير

گمرهاشم ابتسمت :بويه حيدره انزل يم الشيخه تلكه حاجتك عدها

منسا وصدك بس كله بس ترابة وراه

..صدك هاشم

گمرهاشم :وغلاتج هسه نرجع لموضوعنه

منسا :موضوعيش

گمرهاشم :اني كاكاو

منسا :موزين عليك شيخ واخاف يصعد السكري عندك

گمرهاشم :هههه هو اني من يوم شفتج سكري صعد اظهار راح اتعبيني واني مااحب الانتظار تعالي

منسا بس كمل كلامه هجم على شفافي واحتار اشلون يتفنن يوم عن يوم يزيد بشغفه حبه ولاعبالك صارلنه اربع سنوات متزوجين..شالني وخلاني على الجرباية وراح سد الباب واجه يمي وهناك احتار اشلون يبين حبه على الرغم جنت تعبانه بس صار اسبوع ممتقربللي نعيش لحظات حلوة هاشم الي يهز الديوان يمي يتخلف اعشقه يمكن كلمة قليلة بعد لحظات من الحب والشغف بحضن بعض نمت بحضنه واني امشي ايدي على الوشم

.. هاشم

گمرهاشم :عيونه

منسا :سالمه عيونك هالوشم اشوكت سويته

گمرهاشم :هالوشم اله سالفة ماسويته هيج

منسا :صدك شنو السالفة

گمرهاشم :هه مو كلتي تعبانه واريد انام

منسا :ليش هو خليتني انام بعد ساعة ونص على الاذان احجيلي خلي النومه اطير

گمرهاشم :غير جنه محرومين المهم هاي جنت باول سنه كلية جان اكو واحد كلش يضوج مني عود اني شايف روحي وكذا المهم فديوم وصلت حدها لا يمه ولا يم حاله وحدة يعارك ذبان خشمه تواجهنه وصار كلام بينه يابه انت ليش ضايج مني مسويلك شي ضارك بدون ماادري كال لا يابه احجي بلكي اعرف علتك المهم ماقبل يحجي بس كالي اتحداك تسوي شغلة عمري كله مااكدر احقد عليك او اضوج منك..هاي اشلون سالفة شنو ممكن اسوي اني وعبدالله بقينه صافنين هذا شنو يريد المهم والله عبدالله اذا راد يعرف عن واحد شي يجيب السيرة الذاتية اله والعشيرته عرفت شنو نقطة ضعفه واللع  ساعته عرفت بشنو اكدر اخلي كلما يشوفني يبتسم بوجهي ووشمت هالوشم طبعا كن سويته الوالد ميدري ومات وهو ميدري ولا احد يعرف والولد من شاف الوشم تدرين شسوه كام يبجي كلي كافي الحرف الي خطيته على صدرك شنو اله من مكانه شحال وانت كالت كل هذا ومن يومها الولد تغير تعامله وياي 

منسا :والله زين

بعدها كمنه سبحنه وهو طلع للديوان واني نزلت جومانه ودخلنه للمطبخ الخانم تريد حليب بالكاكاو سويت كيكة الهم ثاني يوم الصبح هاشم وداني للدوام وراح لبغداد شعنده ماادري

منار كاعدة ادرس ومجتبى يمي جاي يلعب واجتني رسالة من ميس

💭 ياهلا ميس اشلونج

💭اني تمام شخبارج ولج

💭هه حالي حالج تعب ولج بس الفرق انتي ماعندج زوج وطفل اليوم شعجب

💭ايي الله يساعدج لا خيه الدور جايني خطيبي بس يشوفني اشويه فاتحه كبل يجي المهم عندي الج خبر بشدة

💭ههه حييل بشرفج كولي شنو

دزتلي صورة لاحمد كاعد ويمه بنيه حلوة وهو مبتسم

💭لج عوبة هاي اشوكت ومنو هاي

💭ثول هو لو اعرف اجيج ماادري صار اسبوع وهاي الصورة اليوم اني اخذتها بس تدرين حلوين

💭اي كلش حلوين خلي اروح اشوف منو وبعدين احاجيج

💭يله اوك باي

منار والله واجيت يااحمد اليوم شيخلصك مني ويكلي ماعندي شي سهله خابرته

.. الوووو

احمد : خررب شطولها هالوو خير شكو مخابره

منار :سم جاي تاكل موو

احمد :ههه اي جاي اكل وانتي خربتي الكعدة بلكي تسوه السالفة الي خليتيني اخرب الكعدة 

منار :اول شي سم تاكل لان حضرتك ماعزمتني وثانيه اكو شي لازم اعرفه موو

احمد :اول تسلمين على السم ههه هو انتي خليتي عليه فلوس وثانيه شنو هالشي

منار :اثول اني جاي اسأل يله المح اشويه ام الاصفر منو

احمد :ام الاصفر هاي منو انوب وغلات بطني ماكو يمي احد لابس اصفر هاي اشبيج بابا

منار :چا شوف الصوره وانت تعرف

احمد فتحت الواتساب وشفت دازتلي صورتي واني كاعد ويه بيان خررب هاي منيلها الصورة

.. اي وشنو يعني

منار :يعني الي ببالي صح موو اعترف لا ابدي اقسم

احمد :هو شنو ببالج هاا

منار :احمد حبيبي احجي سرج بالديوان وداعتك العشيرة كلها تعرف ااا اقصد محد يعرف سرك ببير

احمد :هههههههه بويه عاد انتي ماكو مثلج بضم الاسرار كل العالم تضمين اسرارهم الا اني المهم ماعندي شي

منار :اووويلي بويه اشلون يريدني اقسم عليه واني صار اهواي ممقسمة ولك تحجي لو اشلون هسه كول عندي حبيبة مابيها شي بالعكس اعرف بس كلي منين هي وشنو اسمها ويامرحلة وقسم شنو وصدك حلوة لولا

احمد :بعد متردين شيخ عشيرتهم والجد السابع عشر والي يخبزون يمها هم

منار :لا ميحتاج اهم شي ذني هسه تحجي لو اشلون

احمد :واذا ماحجيت شتسوين بله

منار :ههه عادي ماعندي مانع اجي للجامعة وافضحك كدامها واحجيلها عن صبرية جاسمية ونجمه وبعد اي سليمه وهم اجيكم للبيت وكدام الكل احجي هاا

احمد :خرب بحظي هسه لو اسماء بيها خير جان بيها باب وجواب ادري ذني الاسماء اشلون چهرهن بله

منار :ياا عشتوو يخبلن بس وحده منهن حولة والثاني عرجه والثالثه سودة والرابعة خرسه هههه

احمد :ههههه خرب طلعتي الاكل من خشمي سمم اي والله لو تموتين مااحجي وهاي بلوك

گمرهاشم ذبيت منسا وطلعت لبغداد سيد عبدالله وياي

سيد عبدالله :هاشم ماكتلي ابو مرتضى يدري بالسالفه

گمرهاشم :اي سالفة هن كومه

سيد عبدالله :هه اي والله اقصد السالفة الاخيرة

گمرهاشم :اي دره ويومها رايح عليه ومجنزه وهم مافايخ

سيد عبدالله : كفوو عاشت ايده وانت على شنو ناوي

گمرهاشم :تصدك اذا اكلك مااريده يموت هيج بسرعة اريده يتعذب ويشوف الويل ويطلب الموت ميحصله اريد يبجي دم على طل لحظه دمر بيها الناس ااا عندي حجي من خمسة وعشرين سنه ظامه اريد احجي كلشي

سيد عبدالله :الله على الظالم وزين شيخ مزهر

گمرهاشم :رافع قضية وهو كاسبها بلاشك لان المحامي الي موكله شاطر وهم سلام حسب الي عرفته حياته على الهاوية

سيد عبدالله :منو لازم القضية

گمرهاشم :مااعرف ابو مرتضى هناك ينتظرنه خلي نشوف شمسوي

سلام ساعات تفرقني عنك واطلع كل نار گلبي اااخ مع كل الاسف محسوب علينه ولك الموت قليل بيك ولك انت لازم تتعاقب

يتبع..                 

اعتذر لان تاخر نشر البارت بس جاي اكتبهن كلهن كلت وهم البارحه انصدمت بانو النت خلص وقبل اشويه جددو راح ينزل بارتين فد اشويه

#اقسمت على حبكِ عند الأمير

للكاتبة ضوء القمر

اضحك وانه ريجي العوز         مراه

جرعتة اوماشكيت اوصحت    مرة اه

الوكت كونة يميل عليك          مره

اشكثر بي تكتشف وادم ردية

گمرهاشم وصلنه بغداد بعد ساعات اتصلت بمهدي ودلانه بمكانه رحنه عليه نزلنه من السيارة

..السلام عليكم اشلونك يخوي

مهدي :وعليكم السلام ياهلا نورتو الحمدلله يخوي اشلونك سيد

سيد عبدالله :الحمدلله بخير عساك طيب

مهدي :ااخ يسيد وين وانت تشوف هالشكول مسودة وجهك هذا ابن عمك اقسط واحد شفته

گمرهاشم :لا تكول ابن عمي احنه عمنه مات وماعنده ولد

مهدي :اكبر غلطة من عمك ماكتله راح الزين وبقت الخريه

گمرهاشم :حظ عمك بعد هسه وين مروح

مهدي :للسجن غير هناك مضيفي

گمرهاشم :هسى الضيافة الزينه

مهدي :ههه صدك جذب ابو الكرم اني وداعتك زوعته حليب امه هالعار هذا ولك صار هيكل ووجه ينگط سم اشكد نذل لعد ولو امه منو اشلون ابوه زين ماادري

گمرهاشم :لا كول يوسف اشلون كان وياه بنفس البطن سبحان الله

توجهنه للسجن ودخلنه على الضابط واستلم مهدي سوالف عن القضايا الي متخلص وره اشويه كالو تكدر تشوفه

مهدي :هاشم ادخل وياك واذا كلت لا بعلي ماتخلص مني واصل مرحلة الي يكب عليه مي اخلي دم

گمرهاشم باوعت عليه معصب كلش ااخ لعد اني شكول بالديوان الشيوخ تفتخر بابن العم اني انزل راسي

..ماشي يابه يله سيد تدخل

سيد عبدالله :اكيد خما اعوفك

گمرهاشم رحنه على الغرفة الي مخلي بيها اول ماانفتح الباب انصدمت صراحه سلام الي جان صاحب عضلات وجسم صاير هيكل بس وجه بعده كل سم والحقد الي بعيونه مبين ذلك هو بي اريد اعرف هالبشر مايتعض مايفكر باخرته شنو من مخلوق انت راضع ويه ابليس :واخيرا الباشا سلام شفنا ايي بله كلي عسى الشباب قامو بواجبك على اتم وجه خما قسرو ولو الي جاي اشوفه ممقصرين بكد شعرة كفووو منهم

سلام بكل حقد ضحك بشرانيه :هههههه ادفعكم الثمن غالي مو سلام الي هيج ينهان ساامعين كلها جم يوم واطلع واخليكم تتندمون ياساقطيين

گمرهاشم :ههههه اهواي واثق من نفسك اسمعني زين ايامك معدودة وعود هناك شوفني شطارتك ذني الكم يوم راح تكون نهايتك

سلام : ههههههه اسسسمع هاشم ثاري لسه مااخذته مستحيل اموت واني ماماخذ ثاري وهسه صار بدل الثار ثارين

مهدي : انجب سااقط اي ثار تحجي عنه وانت الي كتلتهم لك هدني عليه خلي اموته

گمرهاشم :هددي ابو مرتضى ميسوه اتعب نفسك اسمع لك لا عبالك اني هين وماادري بسوالفك لا اعرف كل تحركاتك ولك انت شنو من بشر كدام عيونك تكتل اخوك الي من روحك وابوك الي طلعت من ظهره هاي اذا كنت صدك طلعت من ظهره لك بعمري مشايف هيج ساقط ونذل ولك حتى امك ما سلمت منك لك انت الحرك قليل بيك بيك انت انگس خلق الله ولك لسه دم يوسف على متني لسه اذكر اشلون يشهگ ودموعه على خده خجلان ولك لسه وكفت اخوك ماانساها ولك لسه ددم عممممي اشمها بايدي ولسه صوته باذني يطلب السموحه مني ووولك انت بشر كللي بششر لا والله اقسم بالله انت شيطان ولك كل هذا وبعدها عينك گوية ااشوكت تتعض وددم الي كتلتهم بدون سبب لو بعد احجيي وللك خيستك طلعت وفاحت ريحتها تفووو عليك وعلى اخوك العارر

سلام :لا يابن ساقط العار

گمرهاشم هو كال هيج لو دمي كام يغلي اني تغلط على ابوي كنت لابس محبس بي شذر خشن كورة قبضة ايدي وضربته بوكس على وجهه مرة ومرتين وثلاثة بحيث خليت وجهه خريطة من الدم تفلت عليه وطلعت من عصبيتي رگعت الباب وراي هالكلب حرك دمي ولك اني الي دوم الناس تتحرم على الشيخ تجي انت الي كلمة رجال عيب بحقك تشتمه اااخ طلعت فاير اريد بس اشم هوى اختنگت من كد ما عصبت وحرك دمي اجه يمي عبدالله

سيد عبدالله :هالعار فور دمنه بعد ما طلعت هاشم لزمه مهدي نهه عليه خلاه يتقيأ دم كوة سحبته انوب لا يسجنو طلعنه ومهدي مستمر يغلط ويفشر ماخله اااخ يالقهر هيج نماذج بعدها عايشه طلعنه يم هاشم الي جان واصل مرحلة بالعصبية

..شيخ اذكر الله

گمرهاشم :لا اله الاالله محمد رسول الله استغفرالله

مهدي : هالخسيس دواه عندي ان ماشنقته بنفسي فلا اكون ابن ابوي

گمرهاشم :لا تلوث ايدك بدمه هالعار بس وغلات المرحوم حبل المشنقة اله والي مثله

سيد عبدالله :المحامي الي موكله مو هين صاحب سوابق بذني السوالف واغلب موكلينه يطلعهم مثل الشعرة من العجين

گمرهاشم :لو مدري منو يجيب حبل المشنقةاله

مهدي :هاشم ايدك جاي تنزف

گمرهاشم باوعت على ايدي كلها دم بس مابيها شي :لا مابيها شي بس هذا دمه للعار

طلعنه من السجن بعد ماعرفنه انو المحاكمة بعد اسبوع رحنه على بيت جاسم ومن عرف تخبل وكال عندي محامي يودي لسابع قعر بجهنم 

منار نايمه بحضن كرار والاخ جاي يسولف بالتلفون انتظر حضرته اشوكت يكمل طول اهواي ادري شسالفة كمت اگرص بي حتى يحس مگلبك

صدك يحجي ضجت عفته توني اريد انطي ظهري مااحس الا صاير فرگي ولازم ايدي شهكت وگلبي يدك وصدري يصعد وينزل

.. يمه اشبيك خوفتني

كرار :مو رجال كاعد بمكاني ليش تتحارشين بيه هاا واني منا متحلف بيج

منار :اني متحارشه وليش اتحارش بيك ها

كرار :لان تغارين عايفج واخابر

منار :لا ماغرت بس اشدعوه عليك كل هذا سوالف عبالك سنين محاجي وياه

كرار :وفعلا صار ثلاث سنوات محاجي وياه هسه عوفينه منين ابدي هسه اني

منار :عززا شنو كدامك اكل وبشنو تبدي

كرار :هههه غير انتي عسل

منار بس كال هيج واخذ شفايفي ببوسات كلها عشق بادلته والاخ لمساته صار اجرأ لحد ماجردني وطبع ملكيته بكل مسامة بجسمي عشنه لحظات كلها حب ومودة بعده سبحنه طلعت انشف بشعري كملت اجيت نمت يمه وسحبني لحضنه نومه

بعد يومين جنت كاعدين ناكل وفاجأنه سيد رضا من فتح موضوع زواجه

سيد هادي :خير ان شاءالله ساعة المباركة بس اكو وحده ببالك لو تختارلك العلوية

رضا :لا سيد مااعندي خلي العلوية وام مجتبى يدورن على بت اصول بعد ماحاجه اكول

سيد هادي :الله يقدم الي بي الخير

فاضلة :يوم عيد يمه افرح بيك حالك حال اخوانك

رضا :الله يفرح گلبه يمه

كرار :واخيرا ابو حسن ناوي يدخل العش الذهبي اكول ام مجتبى مااوصيج اريدج تختارين وحدة مو حي الله

منار :من عيوني يدلل سيد رضا بس ها اني عمتي راح نتعب اهواي خما نجيب وحدة تغير لمه البيت نريدها تقوي العلاقة وتكون طبتها خير علينه

فاضلة :اي والله يمه حجيج معدل

كرار :هههه رحت بيها سيد شهرين او بعد سنه يله عود يفكرا اذا عجبتهن وحدة لو لا لا وهم تلحگهن استلم بعد اخوك وام امير هم

رضا :هههه خرب بالحظ لعد اروح ادور وحدي احسن على حجيكم هذا ابقى بدون زواج

سيد هادي :ههههه لا ان شاءالله نلگه الي توالمنه خما نجيب اي وحدة

منار :الف رحمه الوالديك سيد ماحجينه غلط بس لا تخاف ان شاءالله نلگها

وفعلا بدينه اني وعمتي نفكر بمنو يمكن نختارها

گمرهاشم بعد اسبوع تقررت المحاكمة اني حرت بس مادخلت بقبت بالغرفة الثانية اسمع المحاكمة وحاول محامي سلام وفعلا الا اشويه يكسبها بس المحامي اي حطه ابو شهاب خوش اشتغل ومحامي شيخ مزهر من غير القضايا الثانية والقضية الاكثر الي كانت سبب بروحته لحبل المشنقة قتله لابوه واخو وانطيت كل الادلة الي تدينه والمحكة بعد ساعات من النقاشات وحاولو كم شخص يدخل ويخرب المحاكمة بس الحمدالله القاضي كان يخاف الله والتقرر الحكم والي هو اعدام شنقا حتى الموت 

منسا الصبح يوم الجمعة كاعدين نتريگ وهاشم مو على بعضه اشوفه صافن ويفكر هو من يوم ماراح لبغداد هاي حالته اشويه وجان يجي اتصال كام بسرعة من الاكل وطلع يرد بقينه صافنين وره ساعة رجع وجان وجهه هادئ عكس قبل الاتصال

الشيخة :يمه هاشم خير بعد امك

گمرهاشم الليل كله منايم خايف لا يكدر يشردو والصبح كاعد على نار لحد مااتصل بيه مهدي طلعت رديت عليه

.. بشر يخوي

مهدي :الفجر بالخمسة شنقو واني جنت حاضر

گمرهاشم  غمضت عيوني بأسى على عمي الي ماحصل على ولد بيهم خير بس واحد وراح منه بسرعة

: تمام الله يجازي على كل افعاله استلمت الجثة

مهدي :طلبت من جماعة تتكفل بهالشي وهم من مسويله تحليل طالع عنده خبيث وتليف بالكبد وتلف بالكلية من وره السم الي جان يشرفه وهم لگو نسبة مجدرات

گمرهاشم :لا اله الا الله استغفرالله من كل ذنب عظيم تسلم ابو مرتضى

مهدي :على شنو يابه اخذ جزاته وهم اقل من جزاته ان شاءالله عذابه اكبر يله لازم اروح عندي شغل رايد شي

گمرهاشم :لا سلامت گلبك

هو جزات كل واحد اذه الناس لازم يدفع ثمن اغلاطه دخلت للبيت والجماعة بنتظرون مني جواب

..ماكو شي شيخه بس سلام مات

الشيخه :هاا مات اشلون مات ومته هالحجي

گمرهاشم :الشيخه ارتاحي وبعدين احجيلج

الشيخه :لا يولدي احجي من زمان انتظر هاليوم

گمرهاشم :ادري بيها ضاجت يبقئ حفيدها

بس گلبها محروك علئ ابنها وجانت اشكد تتمنى ينعدل بس المثل يكول ذيل الچلب ما ينعدل وسلام هيج ماادري غسان اشوكت يجي الدور خو  هذا اكثر واحد منتظر عقاب الله بي بطنه مليانه اكل حرام كعدت ويه عمامي وخبرتهم بالسالفة بالبدايه ماجان هيج يردون كالو لو احنه كاتلي وبلا هالفضيحه

..اي فضحية العشيرة متبرية منه بعد ليش هالمستحة صح مااكلكم السالفة تفشل ونزلت روسنه بس سلام من يوم كتله لاخوه هو مفصول وعمي بنفسه اعلن هالشي واكو شهدو وبنص اكثر من ديوان بعد شكو

.. ابني هاشم اكو ناس متدري واحنه عشيرة معروفه خما نكمش واحد واحد ونخبره صعبة حتى اثر على قسمة البنات هالعار

گمرهاشم :لا ان شاءالله قسمتهن ماتوكف وفنا الي يجي سيرة عشريتنه بسالفة لو واحد منه اسويها دم

.. زين وغسان  هذا وين وله

گمرهاشم :شارد بس خما للابد يجي الدور

ومن سألو على امهم انصدمو من عرفو ماتت صح هي وحدة لسانها وعمايلها متبريه منها بس تبقى مرة والحسب الي عرفته اخوانها متربين منها وهاي ماتت وهي وحيدة من سوالفها

احمد : صدك تحجين بيان شو عبالك السالفة هينه

بيان :اي والله اشبيك وبعدين احنه راح نبدي مجموعه مو وحدنه

احمد :ماادري لازم تراخيص وعيادة واوو شغل تهواي

بيان :مو كتلك بابا وعمو همه يساعدونه انت ليش خايف

احمد :لج مو خايف بس لازم نبدي اول بداية على ايد دكتور متمرس خما گبل نفتح عيادة

بيان :اوك هاي سهلة نشوفلنه دكتور زين و ندرب يمه بس تعال والتدريبات الي ناخذها بالعطلة شنو جنه نلعب

احمد :اول شي يم دكتور شاب هاي سالفه اخليج تدربين يمه سامعه وثاني شي يبقى التمرس يم دكتور صاحب خبرة شي مهم خما نموت واحد والله شنو جاي نتعلم بي

بيان : اوك وياك بس ليش متقبل يم دكتور شاب تره اعرف دكتور كولش شاطر واني اريد يمه ادرب

احمد :اي مو مرگن علمود اخليج بابا كلت لا نشوف دكتورة او دكتور جبير

بيان :بله شنو يم دكتورة شغلة تفيدك حبيبي ماكو يم دكتور جبير احسن وبلا هالوجع راس

احمد ابتسمت من كالت حبيبي بت الادوام تخبل بحلگها :شنو كلتي قبل اشويه

بيان :اشبيك تضحك شنو شكلت مكلت شي

احمد : لا كتلي احجيها يله

بيان اشو هذا يبتسم ونظرات خرب دوم يخجلني  :اهوو احمد اشبيك كلت يم دكتور جبير احسن

احمد :ههه اي لا قبلها الكلمة

بيان هه الافندي يقصد كلمة حبيبي الا اشعوط كلبك  : ماادري اي كلمة

احمد :اهووو بدت تراوغ لج عمي ليش تشلعين گلبي يعني اشلون وياج تريدني هسه اخابر عمامي ونجيكم مشاية

بيان :هههه تسويها ادري بيك ماعندك مانع

احمد : اي لعد شنو مو بعينج

بيان :لا والله بعيني واكثر بس خلي نتخرج وتعال بس من هسه خلي نتفق اي مراجعه بنيه ماتستقبل عسى ماجگمة سامع واني هم والله ياأحمد ان شفتك بيوم حاجي ويه بنيه لو هيج مجرد كلام عادي ماتدري شسوي بيك ساامع

احمد :اووويلي على الي يغاارون صار هو اصلا لوما الموقف الي صار بينه مجان كعدتنه اني وياج حبيبتي اطمني احنه من نعشگ بعد نقفل

بيان :ههه فديت

احمد :ولج منو تفدين

بيان :شكو عصبت اهلي لان جابوني

احمد : راح امشيها الج هالمرة بس خلي تصير مرة ثانية وعلي ماتدرين شسوي بيج

منسا سيد رضا قرر يتزوج وهالشي اهواي مفرحنه دخل بالثلاثين وهو كلما نگله يكول بعد وكت ادري الوكت مو جاي يمشي امي منار محتارات منو يختارون اتذكرت قبل سنه كرايب امي جانو بايران وعدهم بنيه اني شايفته ثلاث مرات

.. الوو

فاضلة :هلا بيج بيتي اشلونكم شخباركم

منسا :الحمدلله كلنه بخير وانتو شخباركم

فاضلة : بنشكر الله على كل نعمة

منسا :الحمدلله اكول ماما

فاضلة :كولي

منسا : بعدكم مالكيتو عروس مو

فاضلة :اي والله بعدنه عندج عروس

منسا :هو عندي بس مااعرف اذا البنيه بعدها مامزوجه او لا

فاضلة : منو تقصدين

منسا :ماما بيت ابو حسنين بنتهم حور

فاضلة :اهاا اي صدك اشلون راحت من بالي بس خاف اخوج ميقبل اشلون

منسا : وليش ميقبل البنيه مناقصها شي وهم منه وبينه خلي احاجي ونشوف

فاضلة :خوش حاجي اخوج واني هم راح احاجي ام سالم خلي تشوفها البنيه بعدها يم اهلها لو لا

منسا :هذا هو

سديته منها وخابرت على رضا اشويه ورد عليه

.. الوو

رضا :ياهلا بام حيدره اشلونج

منسا :ياهلا بيك الحمدلله تمام انت اشلونك

رضا :الحمدلله بخير

منسا :عندي موضوع وياك انت فارغ

رضا :خير ان شاءالله هسه فد اشويه واتصل بيج

منسا :اوك انتظر

سديته وافكر معقولة ميقبل اني اتذكر رضا قبل سنتين سأل عنها

يتبع...

#اقسمت على حبكِ عند الأمير

للكاتبة ضوء القمر

ترا تعافيت منهّن ، لا يظل بالك

مو آنه الـ يچلّب بعد بـ ذيَالك !

ولا آنه الـ بعد يسهر يتّاني تعود ،

خلني لوحدي أعيش و وحدك أحلالك .

ماشمّك بعد ، لو شيلّه أُمي تصير !

ولا أفطُر بعد لو بيّن هلالَك .

آنه بخير ، وأضحك ، وأختلط بالناس !

مو ذاك القديم الـ وحده ينعالك .

منسا مااعرف ليش سأل عنها واصلا اتي نسيت السالفة وره نص ساعة خابر

..الوو

رضا :هلا عيني كولي شنو الموضوع

منسا :انت مو قررت تخطب وكلت انتو اختارو

رضا :بلي لازم لكيتي الي تناسبني

منسا :بصراحه من ناحيتنه البنيه مناقصها شي وهم مكمله ماستر بعلوم الحياة واكيد راح تتعين

رضا :كل ذني مو اساسيات اهم شي اخلاقها أصولها وبت منو

منسا :اكيد وياك البنيه عرف منه وبينه صح هي صار فترة طولية بايران بس هسه رجعت صار سنه من رجعت البنيه بنت ابو حسنين

رضا :بنت ابو حسنين  منو هاي

منسا :اشبيك كرايب ماما الي بكربلاء تذكر من السيد والعلوية من رجعو من العمرة قبل ثلاث سنوات

رضا : ههه صدك منسا قبل ثلاث سنوات شيذكرني بس بيت ابو حسنين يمكن اتذكرتهم مو حسنين ابنه سوه حادث راح بيها

منسا :ايي عفيه همه

رضا :امم زين ياهي منهن

منسا :هي بس حور بقت ذنيج كلن اتزوجن هاي شكلت

رضا حور احاول اتذكر منو اصلا مشايفها :ماادري روحو وخلي نشوف

منسا :خوش ان شاءالله خير

بقيت اسلوف وياه وماما رجعتلي خبر ان البنيه بعدها ممزوجه وقررنه نروحلهم بعد يومين اخذت اجازة ورحت ويه اهلي ومنار وام امير هم  ويانه السيد وسيد مصطفى اخذنه بعد ساعتين وصلنه رحبو بينه الناس همه قربين اكثر على اهل فاطمة مرت مصطفى كعدنه وسولفنه واشويه ودخلت حور مشاء الله متغيره هي حلوة رسومها عادية مو فد شي مميز عيون جوزي وبشره صافية خشم وحلك متناسقات وطول وجسم هم بيضة وحلوة معانيها حجيت ماما وياهم وفاطمة بسوالف الخطبة وكذا وكالو انطونه مهله نفكر رجعنه للنجف وحجينه لرضا عنها مكال شي غير ان شاءالله خير

منار :هسه ارتاح گلبي

كرار :ليش حبي خير

منار : هههه بيني وبينك جنت خايفه تطلع احلى مني

كرار :وشنو يعني

منار :يعني اذا طلعت احلى مني راح تتفيك واني واني وسوالف التعبانه مال الچناين الي اتخبل منها بس هي اكبر مني ومبينه حباب ولو لازم نجربها هاي جانت عايشه خارج العراق واكيد منطيها حرية خما اخليها تفرض سيطرتها على البيت واحنه نظامنه واحد اخاف على عمتي خاف تشعوطها

كرار  هي تسولف وحسبتها وخليتها بحضني واني اباوع عليها تسحرني بكلامها بعدها منطلقه وجان ابوسها بخدها

منار :هاي شسويت

كرار :بست مرتي بيها شي

منار حاوطت رگبته باديه واني رافعه حاجبي  :لا مابيها شي بس جاي نحجي وانت باغتني

كرار :ههه اي هو هذا الي يسمو الفوز بالمعركة وهم جائزتج انت جنت هالبيت الاولى بعد ام امير وامي معتمدة عليج ومال تجي وحدة تفرض سيطرتها على البيت هاي سالفة احنه من ناخذ مرة نختبرها تستاهل تدخل بيت السيد هادي لو لا ذلك الوكت هلا بيها وبعدين انتي الحلال كله ان جانت حلوة او لا ميهم انتي الاحلى والاجمل كافي ساحرتني والبيت كله متخبل عليج

منار بصراحه اول مره اسويها واصير جزيئة بسته بشفايفي على كيف ووخر شو هذا بس وخرت سحبني وتفنن اشلون يبادل عززا اليوم راح افطس وفعلا ماعافني الا اخذ الي يريده ولا ويكول جائزتج اشو اني الي خسرت وخلاني اضيع محاضره

احمد علاقتي ببيان قوة اذكر اول ماتعارفنه جنت توني طالع من المحاضرة معصب كلش التقرر جان ناقص هالعار منقص منه واني امشي ومااحس الا واحد شمر مي عليه

.. خررب هذا ياااثول شمر المي

انمدر القميص وهم وكع على المحاضرات واني مستمر اندب حظي وجان تطلع بوجهي بنيه دمعتها بعينها بس تمبين روحها قوية

بيان :اسفة كولش اعتذر منك مكان قصدي

احمد خرب هاي صدك تحجي تعتذر : واني اعتذارج هذا وين امشي هو هيج غير تنتبهين

بيان : كتلك اعتذر وهم ادفعلك ثمن الملازم

احمد :تره متهمني الملازم بس خلي عيونج على الدرب مو هيج تنگعين العالم مي

بيان :اسفة بس ماادري اشلون هيج صار

احمد :حصل خير عن اذنج

ومن يومها صرت دوم اشوفها ومن تشوفني تبتسم بخجل ومشت الايام وصار بينه كلام وعرفت هي هم مرحلة رابعه طب لحد ماصارحتها بالبدايه جنت خايف لا حظي مثل حظي شهاب بس الحمدلله طلعت من عدهم هيج واتفقنه على التخرج اتقدملها طبعا منار متخبلة اشلون متكلي منو هاي واسبوعين هي تركض وراي لحد مايوم انصدمت بشوفتها كدامنه وهاي اذا تعاركت وياها تسوي كلشي علمود تضوجني وصدك الافندي وكفت وهاي منو دكتور احمد

احمد :اشوكت اجيتي

منار :لا تغير الموجة كلي هاي منو والا اكلك انت متستاهل احجي وياك اي يحلوة ممكن نتعرف

بيان اني هنا عقلي كام يفسر وحدة منو هاي وليش هيج تحجي معقولة حبيبته

.. اني بيان صديقة احمد وهم خطيبته عن قريب

منار :عزززا لك أحمد تخطب من ورانه ولك شيخلصك بعد

احم : هسه انتي الا تحجين شورطتيني

بيان :ليش بله وتعال كلي هاي منو اعترف

احمد :هلا ارتاحيتي يله دري عليها

منار ههه لعبت بيهم لعب وهذا يكلها صدكي مو الي ببالج بس خلي اشرحلج

.. ههههه لك احمد عوفها هسه اني اكلها تعالي حبي اكعدي خطيبة ابن اخوي الغالي ههه اشبيج مصدومه تره ماعنده برنامج الصدمة اني عمته ايي لا تتفاجأين واني وياه مثل الرويسية يعني تعودي على اخبلاتنه

احمد وعلي يابو علي يله حلت السالفة اني شورطني مو جنت خوش ادمي خرب بحظي المصخم عود اريد اعيش قصة حب اعيش قصة حرب من وره منار

منسا الحمدلله ردولنه المواقفة ورحنه عليهم ورضا اقتنع الحمدلله وحددنه بعد اسبوع العقد والمشية والاسبوع بسرعة خلص من تجهزيات وترتيبات تعبنه بيهن اهواي بعد اخر عرس والفرحة الاخيرة اجه يوم العقد والحمدلله تم على خير جانو حلوين بعد مارجعنه تفاجأنه بالخبرالحلو

منار بيوم عقد رضا جنت مالي خلك ونفسي تلعب والفرحة ناس وخنگه بحيث كوة كملت الحفلة بعد مارجعنه بالطريق وكفت كرار لان وصلت مرحلة وكف السيارة وذبيت من راسي

كرار :اشبيج منار ليش هيج حالج

منار انطاني مي اغسل :ماادري صار اسبوعين على هالحال وهم نحول ونفسي تلعب

كرار صح ملاحظ هالشي يمكن الي ببالي غسلت وصعدت واول مادخلنه النجف رحت بوجهي للصيدلية وسويتلها تحليل وطلع الي ببالي

..الف مبروك غاليتي

منار :لا عفيه لا تكول

كرار :وليش بله تره مابقى شي على التخرج واصلا تجيبن بالعطلة شكو بعد

منار :امم ملابس التخرج خايف يطلعن محلوات عليه اني وبطني ناخذ يصير

كرار :هههههه هذا همج لاتخافين بعدج توتج وهم تخرجكم باقيله ثلاث اشهر يعني اطمني طبتي حلوة

منار :تعال صدك اني مو اخذ مانع اشلون

كرار :عادي مو فد مشكلة يطلع ايكسباير وانت حلمتي بعد يرادلها روحه للقاضي

منار : اممم لا

منسا : الف مبروك يروحي والله حسيت بيج حامل

منار :الله يبارك بيج حبيبتي كد ميلح مجتبى راح يجي اخو مدري اخت

بيومها الكل فرح وعمي فرحان ويكلي يدري بالج على نفسج

شهاب الدنيا تمشي ومتبقى على حالها وهاي اني كملت حياتي بعدها ودراستي ماخذه وقتي من يوم واعدت نفسي واني عايفه والدليل قبل سنه وصلني مسج الي خلاني من صدك انساها وابدي من جديد

💭الحمدلله تعافيت من حبك وعشت حياتي لزوجي وابني وبيتي كمل حياتك من البداية ماكان مقدر النه نكون لبعض راح تبقى ذكرى حلوة كانت بحياتي بس مستحيل اتذكرها واحجي بيها ادري كلامي يمكن يجرحك بس هذا واقع حال عيش حياتك وابني اسرة متاكدة راح تكون اسرة مثالية كلشي يخصك حركته صفحة وانطوت من حياتي وانت هم اتمنى هيج تسوي

.. تحياتي بنت عمتك

فعلا الانسان لازم يكمل حياته هذا هو نظام الكون محد مات وره احد والحمدلله هي مرتاحه بحياتها وهذا اهم شي  اهواي مرات اكعد ويه نفسي وافكر بالزواج بس منو ممكن تكون شريكة حياتي والي اكمل عمري وياها قررت ارجع كافي بعد اشتاقيت للوطن اشتاقيت لمتنه وكعداتنه اشتاقيت لاهلي وسهراتي وياهم اشتاقيت لعركاتنه ويه منار واحمد وصياح عمي علينه وزعل امي والاكل الطيب الي صار اهواي مماكل منه الغربة صعبة اشكد متكون صداقات تبقى تحن لوطنك واهلك وناسك هنا كان محل لرمي ذكرياتي الي اذتني الذكريات الي عمري مراح انساهن الماضي مينسي بس احنه نجذب على نفسه ونكول نسينه والا هو تناسينه والله انطانه نعمة النسيان بس جذب واحد ينسه حبه الاول صح اكو يكمل حياته ويكدر يحب بس مو الي يحب من صدك وهاي اني الشغل والدراسة هي الي لهتني عنها ومن يوم انكتب عقدها على ابن عمها اني اعتبرها بنت عمه وبس وغيرها ماكو

بعد ماكملت دراستي قررت ارجع واني ناوي على زواج العمر يمشي ومحد خسران غيري جهزت نفسي وركبت الطائرة الراجعة للعراق بعد فراق طال الغربة اهواي علمتني اشكد ماتبعد عن اهلك وناسك ووطنك واشكد شايف منهم قهر بس تبقى تحن الهم العراقي ميعيش بغير ارضه بين اهله وناسه بعد ساعات طويلة حطت الطائرة بمطار بغداد اول مانزلت اخذت نفس قوي كلش

.. افيييش ياريحة اهلنه ايي ياوطن راجعلك وراح ابني نفسي بيك

استقبلني احمد ومحمد الي ممصدكين واخيرا رجعت بعد سفر طويل

...ههه اشبيكم ممصدكين راح ابقى بالعراق

محمد :اني عن نفسي مااظن خاف هناك وهم ترجع تسافر

شهاب :لا هالمرة بعد ماكو سفر سفر سياحه اي غيرها لا

احمد :وشنو الي يثبت بله ادري بيك انت اشوكت ما طخن حطيت جوازك وسافرت

شهاب :ههه لا هالمرة ماكو وهسه تشوف

احمد : لازم ناوي على مشروع

شهاب :اكيد ومشروع ناجح

بعدها وصلنه اهلي فرحانين بيه كلش وخاصه امي ممصدكة من سافرت اهواي تاذت عليه بس الحمدلله تعيدت هالسالفة عمي عرف بجيتي وعزمنه يمه رحنه عليهم

گمرهاشم :هلا والله نورت الولاية بيكم يابه بشرنه هم راح تسافر لو مقيم

شهاب بست راسه حگك على راسي شيخنه لا ان شاءالله مقيم وللابد

منار :هلا والله حي الله شهاب يابه جان منتظر اجيب بنتي وتجي

شهاب :ههه لج مشتاقلج اهواي ههه لا اجيت علمود احضر ولادتها خلي نشوف تسوه لا

منار :انجب لك اصلا بنتي تخبل عود الحگها وبعدين احجي

شهاب :هههه يابه الجمال كله هنا بت الشيخ هنا الانتاج كله كيك وبقلاوة

احمد :ليش هو الشيخ ينتج غير الكيك والبقلاوة اوويلي المصنع مابي غير هالكيك عمي متبقينه اشويه النسل ماخذي الكم بس شنو لعد واحنه شنخلف

منار :هههه اكيد صخول قابل مثلنه نخلف كيك

احمد :خرب بحظي كل هالجمال واخلف صخول

منار :ههه اوويلي يابه على الجمال خاب اسكت لا العالم تحسدكم منيلك جمال خليني ساكته لا ابدي

احمد :ههه اكول شنو راح تسميها لبنتج

منار : اووويلي شوف اشلون گلب الموضوع ههه والله ماادري بعدنه ما قررنه خلي اتخرج والله كريم

شهاب سوالف وضحك وسهر واخبار سمحتها جنت منتظرها وبقيت اسبوع يمهم  ثاني يوم الصبح فاتحت عمي بموضوعي

.. عمي عندي كلام وياك

گمرهاشم :اي كول شنو موضوعك واني بالخدمة

شهاب :عمي اني قررت اتزوج وهنا افتح شركة مقاولات

گمرهاشم :شركة المقاولات من زمان ببالي اني اساعدك وهم محد يستاهل غيرك اما موضوع الزواج لازم تتأنه هيج قرار مو سهل بس اذا انت متاكد نتوكل على الله وان شاءالله خير بس لازم مو اي وحدة نتختار

شهاب :ان شاءالله عمي هو هم هي 

كل عام وانتم بالف خير وصحة وسلامة يارب

اهواي يطلبون ببارت واني بس البارحة مانشرت واليوم راح ابدي بالبارت الأخير تعرفون عيد وخطار وهوسة وعزايم يعني ابد ماالحك كلما اجي اكعد علمود اكتب يجي خطار واهواي مشغولة ذني اليومين ان شاء الله البارت ينزل يوم الخميس بليل واعذروني اذا تأخرت تره احنه عدنه مسؤولية مو فارغين