تحميل رواية «اقسمت على حبكِ عند الأمير» PDF

#اقمست على حبكِ عند الأمير

للكاتبة ضوء القمر

وحدي والدنيا اتعرِفني شكثر وحدي

لا طفيت ابليل وانمدتلي شمعه

ولا نجم منكم عبر واتعده حدي

شبيدي لو خلّص دربكم يعني جدمي يريد يبدي ؟

آنه صوت الثابتين الماتوالم وي حچيكم

آنه مو عثره لمشيكم

گولو عني ..

الماي مذموم العطاشه

باچر تظل القصيده وكل شبيه الها ايتلاشه .

منسا :وصلنه العمارة بليل استقبلنه سيد صادق اشكد صارلي مجايه هنا

سيد صادق :ياهلا ومرحبا نورتونه

سيد هادي :بالمهلي سيدنه

سيد صادق : السلام عليكم ورحمة الله وبركاته اشلونج علوية

فاضلة :وعليكم السلام ورحمة الحمدلله سيدنه

سيد صادق : منورة العمارة بالعلوية منسا اشلونج بنتي

منسا :العمارة منورة بأهلها الحمدلله بخير

دخلنه جوة ونرجس اجتي ركض عليه اشكد مشتاقتلها

..ااااخ ولج كسرتيني هههه مشتاقلج

نرجس :اسكتي مو كدي والله لج صايرة بعد احلى والله مصيبة اعوفج كم سنه تجين زايدة جمال بس اريد اعرف خاله جانت تاكل من حملت بيج

منسا :هههه ذيج هي واسأليها

نرجس :فديت الضحكه والله لج مشتاقتلج موت

منسا :أي والله اني هم البنات وين

نرجس :عوفج من البنات عندي حجي كومة امشي

منسا :كعدنه نسولف وحجتلي على المشية والتجهيزات وهناك دخل سيد عبدالله احنه جنه كاعدين كلنه بالصالة الجبيرة من نجي نكعد بيها لابسين اكيد عبايات وعلاقتنه قوية أهل وأكثر

سيد عبدالله :السلام عليكم ورحمة الله وبركاته واني اكول ليش العمارة منورة اثاري السادة الياسري هنا هلا بيهم

سيد هادي : ياهلا بالسيد عبدالله العمارة منورة بأهلها

سيد عبدالله : تسلم مولاي اشلونج علوية همزين اجيتي هاي كرعت رؤسنه خبرو السيد خلي تجي وياهم يابه قابل السالفة جبر وهاي كل يوم هيج هه

نرجس :اشلون لعد غير صديقة عمري

منسا :واحلى صديقة ياغلاي

وسوالف وضحك ولمة الحلوة والكلام الحلو ويه اشويه اجه اتصال لسيد عبدالله بالبداية جان يحجي عادي بس بعدين طلع من يمنه

سيد عبدالله : هلا بالغالي

گمرهاشم : هلا بيك عبدالله شسالفة السجلات

سيد عبدالله :وصلنك

گمرهاشم : اي وصلن بس شنو هذا كله انتو صدك تحجون

سيد عبدالله : هاا خير شكو معصب شصاير

گمرهاشم : اشلون مااعصب ليش ماكتلي فصخت العقد ويه ذوله

سيد عبدالله : مصار اهواي على الحجي وبعدين من زمان كتلك هالعقد معاجبني

گمرهاشم : عبدالله لا تخبببلني شنو مصار اهواي واصلا شنو السبب

سيد عبدالله : هسه لا تصيح وهدي لو همه صدك رايدين الشغل ويانه مافصخو السبب متعاقدين ويه شركة عود مناسبتهم احسن منه

گمرهاشم : شنوو ياشركة هاي وليش ماخبرني مو حضرته ماخله ايد ماباسسها وهسه فصخ

سيد عبدالله : هاي بعد هسه ليش معصب

گمرهاشم : يرادلها گعدة وهسه انت اكيد مشغول باجر عود نحجي بس اريدك تعرفلي منو صاحب الشركه

سيد عبدالله : خوش بس هدي اعصابك ليش شاك باحد

گمرهاشم : يااهدي يمعود هو اني هم اكدر ارتاح اي شاك بس اتمنى هو لان ساعتها صدك اسويها دم

سيد عبدالله : اشلللون يمعود هاشم هدي اعصابك كافي الي صار انوب لا تروح بيها نهائي

گمرهاشم : هه ليش عود هسه اني مارايح بيها خليها يمعود على الله لو اني لو هو

سيد عبدالله : هاا بويه على كيفك شيخنه على شنو ناوي واكلك اني جايك احسن

گمرهاشم : لا تجي خطارك اهم عود باجر تعال

سيد عبدالله : بس امانه لا تحرك باعصابك ادري بيك من تعصب بعد هذا هو تقفل

گمرهاشم :اوووف خليني ساكت عود جنت مقرر اسافر وين اكدر اسافر بعد لا وانوب يگلولي تزوج خرب بحظي روح بويه خطارك عيب منهم

سيد عبدالله : ههههه اشو مدري ليش حاس زواجك هذا راح يخليك مرتاح خطاري اهل البيت

گمرهاشم : ههه سيد والي يرحم اموتك لا تحس بشي يخصني يله بويه اودعنلكم

سيد عبدالله :نشوف هه الله وياك

هههه والله مبين راح اشهد على قصة حب دخلت للبيت

سيد صادق : ها سيد خماكو شي

سيد عبدالله : لا ماكو شي سيدنه اطمن

سيد صادق : اشلون وسمعتك عليت صوتك بي شي الشيخ

سيد عبدالله : اكول سيد اشو مسأل عني كد ماتسأل عن هاشم تراني ابنك

سيد عبدالله : ههههه ها بويه ضجت منه خو هذا روحك هاشم اهواي عزيز على گلبي

سيد هادي : صدگت سيدنه هاشم ابن اصول ونعم منه اشلون صار صوابه

سيد عبدالله : الحمدلله احسن وهم التلحم ضلوعه

سيد هادي : الحمدلله زين الي غدره ماعرفتو

سيد عبدالله : بلي نعرفه بس ننتظر الوقت المناسب وكلشي بوكته حلو

سيد مصطفى : مافهمت عليك يعني تعرفو ومخلي بحاله زين ميخاف انو يأذي عائلته وشنو الي يخلي ينتظر

سيد عبدالله : ابو امير السالفة مو من هسه لا السالفة صارلها اهواي وهم قديمه هنا ليش ينتظر مااعرف

سيد رضا : سالفة ثار لازم

سيد عبدالله : جان ثار هسه صارت ثارات والله يعلم شراح يصير

سيد هادي : سيد عبدالله اشو حجيك يخوف لازم السالفة جبيرة

سيد عبدالله : ايي اهواي هم الله كريم تنحل

منسا : بعد الفطور وغسل الماعين كعدنه نسولف هي تسولف وجان انعس خربت ضحك عليه

..اشبيج تره والله نعست اشكد حاولت انام بالسيارة ماكدرت

نرجس : ههه كومي نامي انتي صايرة الحلقة الاخيرة

منسا : اي والله نمت بس شنو ذبيت روحي فزيت الفجر على صوت المنبه همزين مؤقت صلينه ورجعت نمت الصبح كوة كعدنه على الرغم جان عدنه شغل وهي هم مشغولة

نرجس : منسا شرايج بهذا حلو اخلي وياهن

منسا : لا اهواي اشياء صارن خلي بس سلسلة الؤلؤ احسن وهم تنطي اضافة حلوة

طبعا هي راحت للصالون حفت ونتضيف اجتي كلش حلو الحف عليها هي رسموها حلوه بشرتها مو بيضه كولش بس تعتبر بيضة وعيونها سود عدها حواجبها ثخان يعني تتفنن ام الصالون بيهن اشترت فستان لونه وردي تصميمه حلو وهمه مأجرين الها بدلة طبعا ماقبل البدلة مفتوحه لذلك الي جابها جانت ردان شيفون والگصه قلب لونها كان فيروزي حلو

يوم العيد الفجر الكل جان كاعد سبحت ولبست فستان بنفسجي كصه عدلة وشال وردي فاتح بي ورد بنفسجي ونزلت سلمت على الكل وعايدتهم طبعا الكل اليوم مشغول يعني اليوم عيد وهم المهر وخطار اهواي يعني البيت صار الخطار طاب طالع طبعا النسوان الكبار هنه شالن البيت واني بقيت ويه نرجس استحي اتحرك صح نجي يمهم بس استحي وهم اشويه صعبة المهم بقيت يمها لحد الظهر اجتي ام الصالون وجهزتها بمكياج بسيط وحلو وتسريحه بسيطة مجرد مارفعت شعرها ونزلت الباقي برم وخلتلها تاج نازك اما اني لبست فستان لونه زيتوني كصتها كلش حلوة الردان على طولها من بداية الركبة لحد نهاية الردان نقش ذهبي وبيجي يجي من بداية اليد أكثر النقش وينزل لنهاية شي بسيط وبالحزام هم من الخصر ينزل طبقة ثانية بي كسرات لنص ومن جوة الفستان حورية ولبست شالي الي هو اصلا ويه الفستان ولفيته بطريقة حلوة وخليت عليه تاج بسيط كلش وحذاء ذهبي مالبست غير شباحيه بسيطة

نرجس :اوويلي شنو هالجمال شوف الزيتوني اشلون اشلون يخبل عليج اويلي والعيون فديت الحلو

منسا :يسلمو حياتي عيونج حلوة كلبي

نرجس :وين العلوية خلي تجي تبخرلج طالعة كمر عمي الف هيناله الي ياخذج يمه شوف الوجه اشلون يشع

منسا :هههه ولج كافي خجلتيني اتوقع لازم ننزل

نرجس :عمي اذا جنت اخاف على روحي لا هسه اخاف عليج

منسا :ههههه الله الحارس حبي يله طبعا ماخلتني انزل إلا اجت ماما والعلوية امها وقرنه معوذات علينه ونزلت جان الحظور اهواي لان اهل العريس جانو جايين نزلت وكعدناها بالكوشة الي رتبتها الها

..يحلو مبينين اهله زينين شوفي اشلون فرحانين

نرجس :أي امه حبابة واخواته هم ان شاء الله دوم يبقون هيج

منسا :هه ان شاء الله

الناس هواي واني بطبعي مو اجتماعية وهم مو بسرعة اخذ وانطي بالحجي فالي يسألني اجاوب على كد الكلمة وره اشويه دخلت مرة جبيرة مبين عليها الوقار لابسه اسود كله وجها ابيض ومبين عليها الحنية تتوجه على عصا ويها مرة مبين صاحبت ملكه وهم اسود لابسه ووجها منور وويهن بنيه طويله لابسه فستان اسود كلشي نازك شكلها اجتماعية للبنيه بصراحة عجبتني شفت اشلون العلوية ام عبدالله اشلون ترحب وتهلي بيهن وفرحانه بيهن

..اكلج نرجس منو ذني الي اجن والكل استقبلهن استقبال حار

اشوفها ابتسمت

نرجس :لج ذني الشيخه ومرة الشيخ وبنت الشيخ ههه ولج هاي الجبيرة الشيخه ام الشيخ أبو جاسم الله يرحمه والثانية زوجته للشيخ والبنيه همزين اجتي هاي منار بيت الشيخ

منسا :لحظة اسم الشيخ أبو جاسم مو غريب عليه شنو اسمه هو

نرجس :هاا شيخ اسماعيل تعرفي

منسا :هاا عرفته أي ولج صارلي موقف وياه الله يرحمه من توفه اهواي ضجت فعلا كلمة الشيخ مو لاي شيخ تنكال لعد هسه منو بمكانه

نرجس :أي و الله خوش رجال ابنه الشيخ گمرهاشم هو هسه الشيخ بس هو اشلون شيخ الكل تهابه وتسمع منه على الرغم هو بكد عبدالله بس شايل العشيرة كلها الشيوخ عليهم العتب يأخذون بكلام يعني لو احجي منا لباجر قليل بابا اهواي يحبه عمي من يدخل هيبة هسه اكيد جاي هو بس لو اكدر اكوم جان شوفته الج

منسا : ههه خليج حبي بمكانج

طبعا الشيخه انتبهته على وجودي لان ماما كانت كاعدة يمها يمكن تعرفها حسيت بنظراتها عليه خجلت ونزلت راسي اشويه واجتي البنيه

منار : طبعا طول شهر رمضان واحنه بتشدد قوي لان حضرت الشيخ هيج قرر وهم نكعد من الصبح على جدول قاسي مشانه بحيث تعبنه صدك وحتى كمت مااتشاقة ويه احمد هههه اني الي مايمر يوم اذا منتعارك وشهاب مابقى اهواي كال هناك اصوم هناك

..ايي بعد احسن لان لازم وره ماافطر اشرب كرتونه سڤن من وره حجيك

شهاب : ههههه ايياخ شوف المظلومة لعد اني اشرب اثنين عليج كثر ماتضوجيني ههه

منار : وانت حضرتك گضيتها تصنف عليه عود شايف روحه حلو

شهاب : اي اني حلوو واهم احلى منج بعد

منار : خاف تزعل كال احلى منج روح بابا روح

شهاب : ههههه هو اني لو بس اعرف اشلون انتي عمتي واني اكبر منج يمكن اجيت بالغلط هه

احمد :ههه لا ولك لگوها بباب الجامع وربوها ههه لك شوف اشلون عصبت

منار : لان مضغوطين مني اني عمتكم قبلتو او لا وغصب بعد اني الاصل هنا

شهاب : هههه وشكو ننضغط منج

منار :تغارون مني غير

شهاب :هههه والله جدي ماكعد عاقل وجابج النه والا احنه جنه مرتاحين مو بله يمه

ام جاسم :ولكم عوفوها هاي بزر الكعدة صح اجت متاخرت بس كلمة حق تقال جنت اهواي مرتاحه بيها أي جدك ماكعد راحه ابد هههه ولك استحي على وجهك

احمد :هاا يعني تعترفين مالكيتوها بالجامع وكلتو ناخذها

گمر هاشم : خير شكو اشبيكم

منار : تعال شيخ اني عندي طلابة انت مو توكف ويه المظلوم

گمرهاشم : اكيد اشلون لعد خير بويه شسالفه

منار : ذوله ولد اخوك جاي يحجون عليه تقبل يكولون عليه لاكيها بباب الجامع تقبل هيج يحجون عني واني اخت الشيخ هاشم الي الكل تهابه

گمر هاشم :افااا اكص السانه الي يحجي عليج واني اخوج انتي الاصل يشيخه شنو تردين من عقاب الهم اني انفذه

شهاب :هذا هو لعد رحنه بيها خويه احمد أقره الفاتحة وياي اجه الي محد يكدر يوكف بوجه

احمد :أي والله يخوي رحنه بيها النه الله بس تعال هو احنه غلطنه

گمرهاشم : ولكم اشلون تحجون على الشيخه اليوم اقضي بيكم التوبة سرسرية الا اخذ الحگ منكم مربع

احمد : اويلي مربع انوب شيخنه على بختك هو احنه شكلنه

شهاب : اني عن نفسي ماجذبت اشلون اني اكبر من عمتي هاا

گمرهاشم : انجب ساقط واذا غير ابوك استعجل تزوج خليني ساكت الكاع محظورة وهسه شيخه امري شنو العقاب

منار : فديت الشيخ اني ههه اي شي اكوله

گمرهاشم : اي اكيد بس كولي

منار : خوش لعد بما انو حجيتو عليه غصبا عليكم اي شي اطلبه يتنفذ بدون اي نقاش خووش وياويله الي يعترض الشيخ موجود وهو يبسطكم

شهاب : خررب وانتي طلباتج سهلة لا عمي اني انسحب ارجع لاهلي احسلي

احمد :ها ولك تعوفني وحدي

شهاب :وانت شكو كمل هالشهر وترجع والله يستر شراح تجاوبون ولو اني متاكد منكم محمريها

منار : اكووول لا تشوف نفسك مكمل وجاي تقلل منه هسه تجي النتيجة وتشوف وذلك الوكت ياشهاب ان ماخسرتك خسارة فلا اطلع بت ابوي

گمرهاشم : كافي بويه على حجيكم هذا اليوم منخلص

منار : بقينه نسولف وفعلا ثاني يوم راح شهاب وبيت رجع بس اني واحمد وهم علينه حصار ههه كلمنه بغرفته طول الشهر واحنه بدون اي عركة ولا شقه وين اذا مو كل اشويه مانرتاح بس شنسوي بعد اوامر الشيخ قبل العيد بيوم اجه شهاب العصر علينه جانو هو احمد جوة ينقاشون بمادة واني بالمطبخ ههه غير ادلل الكرش المهم المغرب اجوي بيت عهد سلمت عليها ودخلت روان فدوة كبرانه هنا روان عمرها ١٥ سنه بس هي اشويه طويلة

..هلا وغلا برورو

روان : هلا والله بيج عمتو اشلونج مشتاقتلج

منار : ولج عوبة ليش متجين هاا الا عزيمة حضرتج

روان : فديت الي حلو شسوي ماما هالايام مشغولة واني بس كملت امتحانات اخذت استراحة وهاي اني اجيت

منار : بعدنه نسولف وجان اسمع شهاب

شهاب : لك احمد ويننك بويه گلبي كام يوجعني اني وين

احمد : ههه بجهنم الحمرة مثل العار كلشي مابيك

شهاب : انجب عار غير شفت حوريه وكلت شوداني للجنه

احمد : شلك بهاي السالفة

روان : اكول عمه من هذا واشبي هيج يحجي

منار : ههه خطية هذا واحد الله وكعه ببير هه هذا ابن خالج جاسم شهاب

روان : منو شهاب اول اعرف عندي ابن خال اسمه شهاب

شهاب : اني هم مثلج سبحان الله اول مرة اعرف بيج بنت عمتي ماجتت اعرف عمتي هيج انتاج يوكع عدها

روان : عززا انوب ولا يستحي

شهاب : اويلي عمه شسالفة اشدعوة هالكد تحلوين من واحد يكلج حلوة

منار : شنوو لا يا. استغفرالله ولك انت فد واحد احجي لو اسكت

شهاب : لا عمي على بختج اني ابن اخوج الغالي هما تنطين بيه

منار : ههه طبعا الافندي عيونه فاضحته وين متروح روان وراها عيونه من غير الكلام عود يقصدني الافندي هههه اشكد حاول انو يخليها تحجي ماكو ومن راحو خبصني

بصباح يوم العيد بعد الصلاة بدا الخطار الي ميخلص انوب اليوم المهر اخت السيد وعازمينه ماخلصنه من الخطار لحد الوحدة الظهر جهزت نفسي لبست فستان اسود عدل ومن الكتف نقش اسود وبي شذر ذهبي وشال اسود والحذاء ذهبي ولبست عباتي ونزلت اشويه ونزل هاشم

.. اوييلي شنو هالجمال شيخنه اليوم عريس طالع

ام جاسم : يمه محروس بعين الله ولج اخوج دومه عريس ربي هيج واشوفك عريس يوم عيد

گمرهاشم : ههههه ان شاءالله يوم يجي ذلك اليوم هسه امشو تاخرنه

.. اي راح يجي ذلك اليوم بس راح ارتاح هي اكدر اريحها راح يصيرلي وكت الها ابد ما متصور نفسي ابني اسرة واني وكت كله للناس والي يطلب مني مساعدة ماادري اضوج انقهر لو افرح وابني امال اعرف كل الزين المرحلة الجاية من حياتي راح تكون اصعب مو سهل عليه بيوم وليلة اگله نفسي مجبور بتنفيذ وصيه حتى مجاي اكدر اعترف لنفسي اني مستعد كل هيبتي ورزانتي والناس الي تسمعلي وتاخذ بشوري من اوصل هالموضوع اهلي مية علامه استفهام والسبب الحياة الزوجية مو مجرد نوم وتأديت واجب وجهال لا مسؤولية اهتمام اشكد شايل مسؤولية بس من يوصل لسالفة الزواج اوگف من حقها تطلع وتسافر ونكعد سوه ونربي اطفالنا سوه اشلون واني مشغولة واغلب وقتي بالديوان كل هذا بكفه اووف وابن عمي شايل همي حزام ظهري بكفه ثانية بدل مايوگف وياي ويصير حزامي ااخ يطعني انوب بكلي بس هو لا هو العار الي وياه اووف الي قاهرني عمي الي مع الاسف هيج طلعو ولده وانوب رجعلي بسالفة ينافسني بشغلي عباله بسوالفه هاي راح يكسرني ميدري جاي اقوى اكثر خلي اشوف وين يريد يوصل واضرب ضربتي

..يله ادخلو منه وبس اخابر عليجن اطلعن

نزلن وصفيت سيارتي ونزلت جنت لابس دشداشه بيجي والياخه نقش ناعم وبسيط ذهبي وشماغي بيجي والحافه خطوط ذهبي ونيلي وزيتوني وساعتي ذهبية جان الحضور اهواي دخلت عليهم

.. السلام عليكم

الكل.. وعليكم السلام ورحمة الله وبركاته

سيد صادق : حي الله الشيخ هاشم

گمرهاشم : الله يحيك مولاي

سلمت على الكل وعبدالله عرفني على نسيبه عقدلهم السيد واخذتلي صفنه اني هم راح هيج راح يعقدلي بس الفرق اني مااعرف عنها شي ولا هي صار الامر فرض علينه ماادري اشلون راح تكون حياتنه

سيد عبدالله : هااشم اشبيك صافن وين بالك

گمرهاشم : هاا لا مصافن وياكم ليش

سيد عبدالله : اهواي مبين عليك ويانه تره تكدر على الكل تمشيها بس عليه لا ادري بيك جاي تفكر بذيج السالفة

گمرهاشم : خليها بعدين مااكدر احجي واذا حجيت خاف يطول الموضوع خليني ساكت احسن

بعد ماكملو العقد وسلم علينه وگفنه بره نسولف وهم سيد مصطفى جان واگف ويانه وصار كلام بينه

سيد مصطفى : طبعا شيخ هاشم انت شيخ ونعم منك على رغم صغر سنك بس فعلا العمر مو مقياس والكل تحلف وتشهد بيك

گمرهاشم : على راسي تسلم سيدنه هذا من فضل الله وهم فضل للوالد هو قدوتي

سيد مصطفى : الف رحمة لروحه الطيبة بس اريد اعرف شرطة النجف من صار حادث اغتيالك ليش ماادخلت

گمرهاشم : لا امر مني واله همه راد يحققون بالسالفة بس ابو مرتضى اخوي الجيبر شرحلهم الوضع وهم القانون بهيج سوالف مايمشي عدنه خاصه اذا كان ثار واني اخذ ثاري بيدي

سيد مصطفى :معناها بحر دم تصير

گمرهاشم : لا لان اني مستحيل اخلي بحر هذا يصير سيدنه السالفة طويلة بس تصفه والله كريم

سيد عبدالله : يمعودين غيرو الموضوع احسن

منار :مرحبا الف مبروك حبي اتمنالج السعادة

نرجس : الله يبارك بيج يعمري يوم الج بس قبلها المعدل العالي همزين اجيتي كلت هسه متجي

منار : اي والله اهم شي المعدل هه يوو اسكتي الخطار كوة طلعو وهم هسه اكيد بدرب هم الشيخ كال مانتاخر اي علوية هاي الحلوة الي اول مادخلت عيني عليها منو

نرجس : ههه هاي العلوية منسا

منار : لاصدك واخيرا شفتها مرحبا علوية طبعا اهواي حجتلي عنج بحيث اغلب حجينه عنج والله انت احلى من الوصف وخاصه عيونج لونهن مميز

منسا : طبعا خجلتني بكلامه..شكرا حبيبتي والله عيونج الحلوه وانتي هم لونهن كلش حلو ومميز بس هاي شحاجيتلج عني

منار : فدوه تنحبين بسرعة هههه والله اهواي حجي

منسا : يسلمو غلاي

بقينه نسولف والشيخه عينها عليه بحيث كمت اخجل اباوع عليها وره اشويه كالو لا يعقدون عقدت نرجس وسيد ضياء والحمدلله خطية ميته خجل طبعا كلنه لبسنه عبايه الكبار عبيهن بس احنه الي من اهل العروس لبسنه عباية ايرانيه بيضه مشجر اني مالتي بيضه مشجر بورد ناعم اخضر واخذتلي صفحه ميشوفني بيها وهو من دخل مارفع عينه لبسها الحلقة وهي هم وباقي الذهب واخذو صور بس بكاميرا وطلع لان اهواي موجود ولو اصلا مابقو اهواي بعد ماطلعو وهم اغلب الموجودين كامو يطلعون صاحتلي ماما اتعرف على بيت الشيخ رحت يمهن

.. السلام عليكم

الشيخه : وعليكم السلام اللهم صلي على محمد وآل محمد عين الباردة عليج يمه

منسا : تسلمين بيبي

طبعا نظراتها كلش خجلتني تباوع وهي فرحانه واني اشلوني بهيج سوالف اصلا اني خجولة

تعرفنه عليهن بصراحه حبيتهن وملگاهن حلو سلمو علينه وراحو من التعب والهوسة نمنه من وكت اكيد بعد مانظفنه ثاني يوم الصبح بابا كال الظهر نطلع السيد ماقبل بس اني مااكدر عندي دوام وهم اصدقاء بابا متواعدين وياهم يعني منكدر نبقى اكثر المهم الظهر بعد الغدة سلمنه عليهم وتوكلنه راجعين للنجف

بعد مرور شهر على ابطالنه

منار : الوو احمد لك ماسمعت اشوكت يعلنونهن

احمد : وين يمعودة صارلي ساعة ابحث وهم بعدهم تدرين خايف

منار : عززا بعينك يعني تطلع بواحد

احمد : اعوذ بالله لا ولج بس اذا مو المعدل الي اريده اخسر الرهان وتروح السفرة والهدية خررب وسيارة

منار : خايب اشكد بطران انت اني وين وانت وين لك ياسيارة ياسفرة اهم شي المعدل

احمد : للججج ايي طلعنه خررب روحي خلي اشوفنهن واخبارج

منار : شنووو لا عفيه صدك تححي يمه اويلي عليه

سديته واني ماخليت امام مادعيت ولا ايه كل هذا ومرت ساعة وكلشي ماكو بحيث دمي نشف دك جهازي لو حسيت الموت يمي احجي بخوف

..هاا ااحمد بشر

احمد : اممم اوك راح احجي بس اكو شرط شتطيني يله اگلج

منار : خاييب احجي والي تريده مو گلبي وكف

اسمع شهاب يكله

شهاب : لك لا خطية لا تگلها عود بعدين ماتستاهل

احمد : هاا هيج رأيك يعني مااكول خلي اگلها ونشوف

منار : همه يحجون واني قطرة دم مابقى بيه عطت بيهم

..وللككم ياظالمين تحجون لو اشلون

شهاب : ههههه على كيفج عمتو ليش معصبه اول وتالي تعرفين خلي اشوف نحرگ دمج

منار : اهئ اهئ ولك شهااااب والله اموتك تحجي لو اشلون

شهاب :هه واذا ماحجيت شتسوين هاا يله شوفيني

احمد : كافي ولك حياتو منو الف مبروك ناحجه بمعدل ٩٦ بعد شتردين

منار : من الفرحة ماادري شكول..الله عليك احمد اااخ يمه گلبي

احمد : اي والله اشبيج

منار : يمه الف الحمدلله وانت

احمد : هههه اني هم بس اعلى منج ههه لا جذب ٩٥ بعد الا اني وياج نفس الكلية طب اسنان خرب بيومي مصخم عبالي اروح لغير كلية امالي راحت اشكد فكر

منار : وعلي ماكو فكر غيرك ولك ٩٥ ومتريده ولك انت ٥٠ اهواي عليك عار مو بيدك

شهاب : مو بس عار وهم مطي هم ولك طب اسنان هاب الناس متخبلة بس تريد هالكلية وانت حضرتك متريد تف عليك

منار : ولكككم ادبسزززية اليوم وعلي متخلصون مني اني هيج تسون بيه بسيطة

احمد : ههههه لعد اشلون ناخذ حقنه منج نسيتي لو اذكرج

منار : هين اعلمكم

سديته منهم ونزلت اركض وفرحانه واصيح توني نزلت الدرج واشوف هاشم واكف بكل هيبة وشموخ والبسمه على وجه اووف اشكد احب هالبسمة وهالنظرة احس ابوي واگف كدامي لا والله هو نفسه بابا رحت شمرت نفسي بحضنه

گمرهاشم : ههه الف مبروك غاليتي جنت اعرف انتي كدها وراح تجيبين المعدل الي تردي

منار : الفضل الك تعرفني اني كل ذيج السنوات ما جنت احب اقره الا على كد الامتحان وهلي اول سنه من العالم لحد ماامتحنه اقره اسكد جنت اضوج بس من اشوفك اشلون تتنظر مني اشد حيلي اكثر الله لا يحرمني منك يروحي انت

گمرهاشم : هه ادري بيج وكلشي سويته لمصلحتج وهاي انتي اثبتي انج كدها على الرغم الي صارلنه بهاي السنه مو اشويه بس انتي جنتي كدها عبرنه كل هالسنين واجه وكت الي انتي تعتمدين على نفسج وتكونين كيان الج ومستقبل الي يرفع راسج بين الكل واني وياج بكل خطوة ان بيوم غلطتي او وكعتي اني بس الي ترجعيله راح تلگيني سند الج وحزام ظهر

منار: والله فديت الشيخ ومرت الشيخ وابنهم عمي هي گوة انت الشيخ وبس ويگولون ليش تحبي هو اكو احسن من اخوي وحزام ظهري يمه اوويلي اشكد احبك الله يديمك على روسنه دوم

گمرهاشم : ههه ام اللسان هو اني اكدر عليج امين اي يحلو شنو تردين هدية

منار : هو انت هديتي شريد بس بما انو انت كلت بعظم اللسانك شنو اريد استعد للي راح اطلبه بس مو هسه

ماما وحبوبه اهواي فرحنه وماما جانت ناذره نذر وهم قررنه نروح زيارة للنجف اهواي مشتاقله لبابا

گمرهاشم : وره يومين كدرت اخذ الاهل للزيارة خطية منار اهواي تعبت تستاهل كلت لازم انطيهم من وقتي بس سافرت واني خايف على شي حاس اكو شي ااااه الله يستر طلعنه الصبح ووصيت الزلم على الديوان وعمي كاظم هم هو اكثر واحد اعتمد عليه وهم مااكدر اتاخر وصلنه بعد ثلاث ساعات للنجف طبعا اني من الحادث الي صار مااجيت زرنه الامير وصلينه ودعيت يريح گلبي ورحنه للمقبرة الوالدة والشيخه شبعن بجي يمه ومنار هم اعواي مشتاقله حاجيته

..اشلونك بويه انت زين اكيد جلي تشوفنه وتعرف اخبارنه الميت يعرف اخبار عزازه بويه مكانك اهواي فارغ محد كدر يسد مكانك كل لحظة اتمناك يمي حملتني مسؤولية جبيرة وخليتني باختبار جبيرة وحمل ثكيل اشكد ردتك وياي وتسمعلي وتنصحني اااه بويه على گبرگ صوبوني على گبر نزف دمي حسيتك اخذتني بحضنك حسيتك متت مرة ثانية من شفت حالتي ليش بويه ماگمت ياريتك گمت بويه تدري الي غدروك هم نفسهم جاي يغدرون بي وحگ علي حداي الباب والي سكن هالارض اخذ بثار منهم اااخ ياريت ماعرفت شنو گلك يابه اشكد تحملت ورغم هذا ماانطيت بيهم بس اني لا مراح اسكت وراح اردلهم الصاع صاعين

المفترض هسه اعاتبك لان وگفتلي مرة وهم علوية وخايف تشور بيه يابه ادعيلي انت يم ملك جبار رحيم الي ببالي ميصير

بقيت اسولف وياه وقريتله قران

..يله بويه ماعدنه وكت

وهم كوة كامن طلعنه من المكبرة ودخلنه لمطعم عائلي تغدينه وبعدها طلعنه لكربلاء زرنه وقررنه نبات والصبح نطلع حجزت بالفندق نمتلي وقبل الفجر طلعت لحضرت الامام الحسين اصلي هناك بس گلبي مقبوض حاس صاير شي اذن وصلينه بعد مازرنه وقريت قران ودعيت طلعت وجان يدك جهازي تفاجأت باتصال حازم لازم اكو شي صاير

..الووو هاا حازم

حازم : السموحه شيخ بس لازم ترجع محتاجيك

گمرهاشم : اشلون حااازم احجي بويه شصاير

حازم : هاا اا ماادري شگلك شيخ

گمرهاشم : تحجههه اگلك شصاير لاتخليني اصيح

حازم : شيخ بس هدي واني اگلك

گمرهاشم : احجيي ولك

حازم : المزرعة الي يم النهر احترگت نص منها

گمرهاشم : اشللللون انت شتگول اششلون احترگت وانتو وين جنتووو فهمني

حازم : شيخ احنه مندري وهمزين لاحگنه المزرعة لوما ستر الله جان راحت كلها راحت بس الحمدلله تلاحگنه

گمرهاشم : تعصبت گلش جنت متوقع راح يصير شي مستحيل يبقى ساكت كل هالمدة هيج بس اشلون ماحسبها عدل..حاازم اهواي اضرار صار بالمزرعة

حازم : تقريبا شيخ الجزء الي قريب على النهر كلها راح للاسف واكثر شي النخل راح بيه

گمرهاشم : استغفرالله لا حول ولا قوة الابالله حاززم شدد الحراسه الصبح اني يمكم اريد عيونكم مفتحه عدل بووويه انتبهو من الي حواليكم

سديته منه واني فاير من العصبية ماكدرت ارجع للفندق واني هاي حالتي يمكن الي يحجي وياي كلمة افلش وجه جنت بعدني قريب يم مولاي ابو الفضل باوعت عليه وگتله

..مولاي اطلب منك القوة وطولت البال جاي على الله وعليك اريدكم وياي

رحت توضيت ودخلت صليت رگعتين ومن طلعت تصدقت رجعت للفندق وخبرتهم يجهزون نفسهم

الشيخه : خير يمه اشوفك مو على بعضك

گمرهاشم اخذت نفس وزفرته بيه صرخه للسمه : ماكو شي يمه اطمني لا يظل بالج

يله بويه وينكم لازم ارجع عندي شغل طلعنه وطول الدرب ضايج ومعصب والاهل من شافو حالتي ومعصب ماحجو وياي رجعنه للعمارة ذبيت الاهل وطلعت گبل للمزرعة

سلام : ولكممم ساقططين لييش مااحترگت كلها انيي شكككلت

..شيخ صدگنه سوينه الي طلبت بس مدري اشلون حسو على الرغم احنه جنه مسيطرين على الوضع

سلام : انجبوووو ساقطين وللكم ولا واحد منكم بي خظظظ خرررب لييشش هيج حظه كااعد

غسان : كاعد ومخلي رجل على رجل وماخذ راحته والچگارة بحلگه ويلعب بالمسدس..كااافي تصييح مو صرعتني وبعدين نص المزرعة محترگه هالمرة نصها المرة الجاية كلها

سلام : انتتتت اسسكت اني محترك دمي وانت هيج مرتاح ولللك هاااي اشوكت يمووت بس اني اله موته بيدي اني بسيطة ياهاشم هالمرة هم كدرت تطلع المرة الجاية لگبرك گبل مااكون اني سلام

غسان : هو انت دوم هيج تكول بس هالمرة اني الي اقتله هالمرة بايدي اتخلص منه وذوله العاررات الي جوة ايدك تصرف وياهم مطايه مو زلم تفووو عليكم مزرعة صعبة عليكم تحرگوها

سلام : خليك اعرف اشلون اتصرف وياهم بس هسه محتاجهم

اني الك يهاشم وين تروح مني ورواك وراك

گمرهاشم : انصدمت بالي شفته هاي من اجمل المناطق بالمرزعة

شطت نار واشتعلت بيه

يتبع..

الي بالصورة الفوك تشبه منار

#اقمست على حبكِ عند الأمير

للكاتبة ضوء القمر 

ماضل جفن لليل يحتام

وشعدنا مثل الوادم انام

من جم سنة بعناها الاحلام

وخلص دمعنا من اول العام

شما يمشي بينا الوكت كدام

نتعب مثل قمصان الايتام

هو المثلنا ابيش ينسام

نار الحجي وگلوبنا خيام

عزاز وضحكنا صاير لثام

دور كسرهن بيهن شضام

تلكه بخواطرنا شكثر جام

ومنين ما تندهنه نندار

فطر حجي وگلوبنا كبار

ماعدنا غير التامر وصار

وبعيوننا مدثر نبي وغار

اه يا جرحنا محني الاكتار

جوية دما بمطلاع مسمار

اشراف ونزفنا مكحل الاخبار

ببيوت اهلنا وجنا خطار

هذا الوكت لاهل السبح صار

وهذا الوطن ماخذنا للنار

موتى بكبرنا وندفع ايجار

🖤🖤

گمرهاشم : انصدمت بالي شفته هاي من اجمل المناطق بالمرزعة

شطت نار واشتعلت بيه بقيت صافن شنو ممكن اسوي وشحجي خليت ايديه بجيوبي ومرت كل ذيج گعداتنه وسوالفنه ولمتنه الحلوة كل بقعة من هذا الجزء من المزرعة بي ذكؤى حلوه بي سالفة انجت هنا كعد ابوي هناك سولفلي عن ايامه هنا كعدنه واحد يرد عالثاني بشعر هنام ضحك وهناك تضوءه كل كعدة وسالفة وضحكة مرت ببالي غمضت عيوني بقهر جان اهوواي يحب هالمكان ومن سألته ليش تحب هالمكان من غير كل هالزرعة وكبرها ما يحب غير هالمكان جان رده

..هنا التگيت باول انسانه حبيتها هنا اول عشگ دخل گلبي وهنا بنيت كل احلامي هنا گعدت واني اتفرچ عليها ااخ يا اول عشگ احس نفسي رديت لايام صباي ايي امك هي الانسانه الي حبيتها وماجنت ادري هي نفسها اختيار امي

گمرهاشم :  اااه السموحة يالغالي حرگو مچانك بس وغلاتك اشوفهم الموت على اصوله

حازم : شيخ بشنو تامرنه

گمرهاشم التفت على حازم واني احاول اضبط اعصابي : خلي الفلح تشوف شغلها وشنو تحتاج هالگاع حاززم اريد هالمكان يرجع مثل گبل سامع بويه اني مو كلت كثرو من الزلم على المزرعة والمعمل ليش ماسويتو الي طلبته

حازم : شيخ حطينه زلم بس صار وغافلونه السموحه منك شيخ

گمرهاشم : لا تعتذر بويه الي صار بعد صار بس هذا درس الكم فااهميين بعد مااعيد حازم انت وانور والشباب تشدد بالحراسة هالمرة المزرعة الله اعلم المرة الثانية وين انصبو كامرات بكل المزرعة وانتبه شنو انتبه على زلمك مو ياهو الچان تحطه افتحو عيونكمم عددل ..هذا المكان مثل كبل  يرجع  سمعتوا

عفتهم ورجعت للديوان هذا مناوي ينعدل ابد اني منين الگاها منك من اخوك اثنينكم عارات ااخ لوما الدم حسافة محسوبين عليه والا اني الشيخ هاشم الكل تسمع كلمتي وتاخذ بشوري انتو ولد عمي بس اريد افهم الله من ياطينه خلقكم اشو الابو خوش زلمه والناس تشهدله بس الام هي ساس البله من الله ياخذكم ويخلصني منكم

رجعت يس مالي خلك ادخل للبيت لان اكيد الشيخه تكوم تسأل دخلت للديوان جنت قبل يومين متواعد ويه جماعة واجو وهم بالف ياعلي حلينه سالفتهم بس اريد افهم ليوين بعد نوصل وننطي بنات توهن بلغن استغفرالله ربي بعد شتسوي بينه قبل الظهر دخل سيد عبدالله

سيد عبدالله : سلام عليكم

گمرهاشم : وعليكم السلام ياهلا

سيد عبدالله : زيارة مقبولة ان شاءالله

گمرهاشم : امين يارب اشلونك سيد شخبارك

سيد عبدالله : اني بخير بس عوفك مني اشبيك معصب صاير شي وضعك مو طبيعي

گمرهاشم : ههه كول شنو الي مابيك ااااخ يخوي تعبت من غدر الناس

سيد عبدالله : هاا شسالفه شصاير هالمرة

سيد عبدالله : ليش ماعرفت بالي صار بالمزرعه

سيد عبدالله : بالمزرعه لا خير شصاير اني قبل ساعتين اجيت جنت ببغداد

گمرهاشم :احترگت المزرعه

سيد عبدالله : اشلللون انت جاي تحجي شحرگها ومتى هالحجي

گمرهاشم : البارحة هالحجي صاير بليل تقريبا ب١٢ بليل او بالوحدة وحتى زيارة مالحگنه بسرعة صارت طلعت الزيارة من عيوني

سيد عبدالله : كلها المزرعه احترگت

گمرهاشم : لا ربك ستر مو كلها بس اجمل مكان بيها الي يم النهر كلهااحترگت

سيد عبدالله : انه اخوك مو خوش سالفة لا حول الله زين منو اله غاية بحرگها

گمرهاشم : ليش اكو غيره ااخ ولك هسه لو يخلو كدامي اقطعه ولك خليني ساكت اشلون لحد هسه ماانجلط انتظر خبر من شخص واريد اشوف شيسوي

سيد  عبدالله : مافهمت شتقصد هاشم على شنو ناوي

گمرهاشم : اووف اهواي اشياء ناوي عليها تريدني ابقى ساكت لحد ما يگتلني لو يگتل احد من اهلي ولك هذا مستعد يسوي كلشي علمود بس يحصل على الي يريده

سيد عبدالله : هاشم اي شي تسوي لازم اعرفه مال اعوفك وحدك هاي سالفة فااهم رجللي على رجلك مامستعد افقدك كافي الرعب الي عشته بذلك اليوم الي لحد هسه خايف عليك لا هم برجع ذلك اليوم

گمرهاشم : ليش هو اني اكدر بدونك اطمن كلشي راح تعرف بس خلي يوصلني الخبر وكلشي احجي لا تخاف مااموت قبل يومي الروح بيد الله

سيد عبدالله : الله يستر من افكارك المهم هسه شراح تسوي على المزرعة

گمرهاشم : ماكو امرتهم يرجعون المزرعة مثل قبل وهم واشدد الحراسة اكثر اكو خونه بين العمال بس انتظر الوكت واكشفهم

سيد عبدالله : العمال بس ذوله اغلبهم فقرة

گمرهاشم : لا اكو جماعة مراقبهم من زمان تصرفاتهم غريبة والا المزرعة شيحرگها وهي مسيچه اذا مو من الداخل ميكدر اصلا جانت الخطة حرگ المزرعة كلها بس الله ستر وفشلت خطتهم

بعد يومين جنت جنت كاعد ويمي جماعة جاين بفصل طولو يله انحلت السالفة وره مطلعو اجاني اتصال خلاني من صدك اتمنى اشوف شكولهم اشلونها هسه

..تسلم ياغالي ماقصرت

..شيخ مثل طالبت هسه همه مو بس غرگانين بالدين لا وهم شركتهم خلال يومين او يوم وتعلن افلاسها وهم اكو لجنه راح تكشف كل شغلهم

گمرهاشم : كفوو والله هذا الشغل الزين هسه الي مطلوب منك شكو رقم سيارة بطاقة اي شي استخدمته ينحرگها اتلفه مابيقى عليك شي مو علمود شي بس اخاف عليك يعرفك وهم سافر خلي يهدئ الوضع

..شيخ اطمن اي شي ماخليت وراي اصلا شغلي كله بعلم الحكومة وهم لا تنسى هذا شغلي وياهم وهم محد يعرفني هسه انت لو شفتني متعرفني

گمرهاشم : عفيه عليك تسلم حبيبي لا عاد اشلون مااعرفك صاحب فضل عليه

..لا شيخنه انت صاحب فضل عليه لما انت جان انب هسه شابع مي ورد هاي اذا تذكرني اعذرني مااكدر اجي اودعك لان طيارتي بعدها ربع ساعة بس وعد عليه اجيك من تخلص منه

گمرهاشم : لا صاحب فضل عليك ولا انت سددت دينك وماكو بينه اي فضل لا تعذر ادري بيك صاحب واجب سافر وانت مأمن

..ايي هسه اكدر انام مرتاح

خابرت عليه منار

..الوو ها بويه

منار : شيخ تكدر تجي للبيت

گمرهاشم : هسسه ليش صاير شي

منار : لا مصاير بس اكو شخص جايك بشغلة

گمرهاشم : ومنو هذا

منار : هسه تعال وانت تعرف

گمرهاشم :يله جاي

سديته منها منو هذا وشعنده طلعت من الديوان ودخلت للبيت

..يالله بويه منار

منار : هلا بيك تعال ادخل محد غريب

گمرهاشم : منو يمنه وشسالفة

منار : هسه ادخل وهي تفهمك

گمرهاشم : هي تفهمني غير اعرف منو

منار : اوو شيخنه ادخل يروحي

گمرهاشم دخلت وياه للصالة جان موجودة الشيخه والحجية امي ومرة كاعدة حاولت اعرف منو بس ماعرفت منو : السلام عليكم

الشيخه : هلا بالشيخ هلا بالغالي تعال يمه محد غريب هاي مرت ابن عمك

گمرهاشم : بالمهلي شيخه يا ابن عم

ام جاسم : هاي مرت سلام

گمرهاشم : من كالت سلام انصدمت اشعدها..هلا بيج خويه امريني شنو اخدمج

ابتسام : تسلم شيخ اسفة اجيتكم بدون موعد وادري بيكم انتو تتخبلون من سلام وعمتي ام سلام بس اني جايه ماعندي احد اطلب منه وهم اكو حجي لازم تعرفو

گمرهاشم : كولي اختي ميردج غير السانج

ابتسام : مااعرف اذا اسمحلي احجي كلشي لو لا

گمرهاشم : لا احجي هنا كلشي يعرفون

ابتسام : طبعا ما اعرف منين ابدي احجي لان الحجي اهواي واني كل هالوكت ساكته لان مااكدر احجي وهم ساكته لان اعرف انتو مراح تسكتون عنهم

اني أول متخطبني سلام عبالي خوش زلمه معدل وينشد بي الظهر جنت دومن اكول اني اخذت خوش زلمه وخاصه نسوان اخوتي  مجانن يحبني وابوي قلبه قاسي وامي الله يرحمها مكانت صاحبت السان ومن تقدملي سلام فرحت بس جان كلش قاسي واشكد جان يضرب بس عمي جان يوكف  بوجه سلام على الرغم مجان يكدر عليه بس يبقى زلمه امه چانت دوم توزه عليه وتغلط عليه وتصيح واشكد طفتني من البيت بس عمي جان يرجعني اني هنا من اشوف عمي اشلون مكسور خاطره من وره ولده ومرته اتحمل علموده بالبداية جنت اكول بلكي الله يرزقني بولد يغيره بس من شفت اشلون هو وامه واخو غسان اشلون يردون يكتلون الشيخ ويسون مشاكل وعمي أم سلام دوم تسوي مشاكل وتلعب بعقول وولدها واصلا همه معايزين حقارة وخباثه واشكد سوت سحر الكم بس مجان يفيد وياها او انتو يمكن تكشفو اني ماجنت اعرف بيها بس مرة سمعتها تحجي ويه وحدة وتتفق وياها على سحر كره وحقد ومشاكل ومن شافتني اني ماسكتت وكمت احجي عليها بس هي تخبلت وحطتني وملختني وجان بوكتها مرة غسان يمنه هم كتلتني ومن اجه سلام هم ماقصر خلاني اموت من الكتل المهم اني عفتهم ولا ادخلت باي شي ومشت الايام لحد ما سمعت سلام وامه اشلون يكلها كم يوم ويجيج خبر موت الشيخ يقصد الشيخ اسماعيل

گمرهاشم : لحظة انتي تعرفين شنو الي سواه سلام بابوي

ابتسام : اي بس عرفت بوكت كلش متاخر الي سواه سلام مجان هين ابد وبسوايته كان سبب بوفاة الشيخ

منار : بس سلام شنو شسوه

گمرهاشم : بعدين منار اني احجيلج اي بويه كملي

ابتسام : اي من ذلك اليوم واني صرت اراقب كل حركة منهم واكثر واحد هو سلام لان دوم يتصل ويلتقي بجماعة وهم اسمعه يحجي ويه امه ومن يجي غسان طبعا همه من اني اجي محد يحجي واصلا دوم يطردوني وعمي اصلا ميكعد وياهم حتى اكل بالكوة يقبل يكعد واصلا عمتي دوم تتعارك وياه وهو مابي حيل يتعارك عمي تعب من يوم مااخو مات وتغير حالة ومن عرف بالي سواه بيك والجماعة الي دزهم عاف البيت وطلع وكعد بالبيت الي جان مأجرة

گمرهاشم :  من اشوكت هالحجي وليش مااجه النه

ابتسام : اني هم حجيت وياه ودوم يكلي بياوجه اباوع عليه وابني وصله للموت اني كل هذا الي صار واني خايفه لا احد يموت لان ذوله ناوين يكتلون كل واحد يوكف بوجهم واصلا هو حاليا يفكر يطلب من عشاير توكف وياه واكو كم عشيرة قبلت واغلب شغله همه يخلصوها اله..شيخ اني مااريد ابقى على ذمته احمد الله الف مرة لان ماخلفت منه ولد ساعتها اكتله للولد ولا يطلع مثل ابوه وعمه صار شهرين افكر اشرد منهم بس خايفه يكشفوني وساعتها طلقة وحدة بس يخسر عليه

گمرهاشم : اشللون خيتي شنو تشردين انتي بت ناس اشلون هيج تفكرين

ابتسام : شيخ اشلوون ماافكر اشرد واني كاعدة ويه ناس كل همها تقتل علمود تحصل على الي تريده هاا والله اجتني ايام اتشهد قبل ماانام باي لحظة يدخل عليه ويكتلني لو عمتي الي تشوف دم سنونها ولا تشوف وجهي والزوج الي بس بالاسم اني ماحصلت لا من اهل ولا عيال ليش اخسر عمري واني اكدر انقذ نفسي من هالمله الي عايشة وياها

گمرهاشم  تحجي وغيرتي اشتعلت شنو من اخوه واهل الي يعوفون بتهم ليش اخلف اذا اني مو كد هالمسؤولية كبل صارت كدام عيوني اختي عهد ليش هيج يصير بيها ذلك الوكت مستعد ادخل السجن بس علمود اخذ حقها حجي ودمعتها على خدها حسافة محسوبين على الزلم وهو انگس خلق الله اخذت نفس :  حقج خيتي ماالومج بس هم مو من صالحج تشردين اهلج حتى وان كانو مو خوش يبقون اهلج

ابتسام : شيخ اني داخله على الله وعليك كلشي مااريد بس اطلك منه وساعة ماابقى هنا حتى اهلي ماارجع الهم

گمرهاشم  :  مافهمت عليج وين ترحين اذا مو لاهلج

ابتسام :اسافر اني جان مفترض من زمان اسافر بس الي موگفني عمي والا الطلاگ اطلب بخلع بس عمي اشلون اقنعه واني جايه عليك تقنعه شيخ بستر اخواتك لا تردني

گمرهاشم : اووف هاي اشلون سالفة.. صار اختي اني احجي ويه عمي والي اكدر عليه اسوي بس يبقى الاساس سلام

تشكرت المرة مني وراحت والله حسافة الزين ياخذ وين العار وسالفته متمر هيج لا وحگ علي الا اندمه طبعا منار ماعافتني وظلت مثل ظلي بس تريد تعرف شسالفة واني مااكدر احجي خاصة لو عرفته السالفة تخصها جان ادمرت بس كدرت امشيها عليها وامي منا الثاني

ام جاسم : يمه هاشم صدك تريد تقنع عمك

گمرهاشم : اي ليش لعد المرة اجتني وطلبت مساعدتي ارفض يعني

كامت تصيح

ام جاسم : اييي ترفض مابيه حييل كاافي الي صار من وراهم لا بخيرهم نفعونه ولا بشرهم بعدو عنه وللك شفت الظيم منه ومن امه تريد تساعد مرته هاا هااشم يمه تچفه الشر واترك السالفة هي تحلها

گمرهاشم : شسالفة حجيية اكلها المرة اجتي تريدني اساعدددها واني غيرتي ماتسمحلي اعوفها هاي بدل ماتكولين اي يمه عفيه عليك

ام جاسم : على شنووو صخاام الوجه ولك يمه يهاشم موكاافي الي سووه بيك هاا مو كااافي موتو الغاليي ولك لسه نار فراگه بصدري ولك لا تشوفني ساكته وكاعدة واسولف ولكم حسو بيه مو كافيي ابووك راح الغالي الي الكل تحلف بي وراح وهو مقهوور ولك يمه لساتني ارجف من سمعت بصوابك يمه شحصلنه منهم هاا جااابو لو صار لاخوانك شيي ربحيي بيمن احجي يااشيخ

گمرهاشم  انهارت امي بالبجي واني كدام دموعها ضعيف هاي امي هاي البقى من ريحه الغالي ثنيت رگبي وبست اديها : كافي بغلاتي يمج كافي ادري انتي اشكد تعبانه وخايفه بس اني ابن ابوي علمني لو عدوي طلب مساعدة مني ماارده مو عاد مرة ونختني اشلون ترضين ابنج يكولون عنه ماوفه بوعده وبعدين ليش الخوف هاا اني الي كدامج زلمه من ظهر زلمه اقدم صدري للموت والنفس هاي مياخذها غير ربها

ام جاسم : ونعم منك شيخ عليه وعلى الكل بس برضاتي عندك خلي عمك هو يحلها

گمرهاشم : يالغالية اشلون اعوف عمي وحدة واطمني اني مراح ادخل بشكل مباشر بس لازم افي بوعدي

بيومها كوة قبلت وهم اشكد حاولت تمنعني والشيخه بالبدايه جانت صافه وياها بس بعدين حجت وياها وخلتها تسكت وفعلا حجيت ويه عمي وكال اني راح احل السالفة كالت اذا ماسوه شي ادخل

طبعا سلام وغسان هالايام فراگانين بالديوون وهم شركتهم فلست هنا جانت ضربة قاضية الهم لان اغلب الي مسانديهم كل همهم الفلوس وهسه همه تقريبا فلسو يعني صارت المشاكل وحدة وره الثانيه

مرت الاشهر وقدمت لمنار انقبلت جامعه بغداد طب اسنان واحمد هم انقبل طبعا كوة علي ياابو علي يله قبل يدخل مابقى غير شهر على سنويه الشيخ واكيد عزيمه جبيرة قررت اسوي مجلس احسن خلال هالايام جنت احاول اشلون افاتح الحجية بزواجي من بت السيد وخاصه ابوي اكثر من مرة اجاني بالحلم ويوصيني على العلوية وهذا الشي الي مخليني انجبر استعجل

قبل يوم السنوية جنت كاعدين اني وسيد عبدالله حسيته عنده سالفة

گمرهاشم : كول سيد شنو السالفة الي ببالك

سيد عبدالله : ماادري شكلك بس هو لازم تعرف

گمرهاشم : عبدالله خير قلقتني خيرك شسالفة

سيد عبدالله : هدي اعصابك السالفة تخص العلوية

گمرهاشم مدري ليش هيج عصبت من ذكر العلوية  :ليش  اشبيها

سيد عبدالله : صار شهرين يتقدملها خطابة وهي ترفض بس هالمرة جايها صعب ردهم

گمرهاشم اني سمعت هيج لو حسيت براگين وانفجرت براسي : شنووو خطابة هاا سيد البنية موگفيييها الي ليش ميحجوون ويردوهمم هاا وبعدين منو هذا الي صعب يرفض

سيد عبدالله : على كيفك هااشم هو بالصياح خلي افهمك اشلون تريدهم يگولون موگفيها ومحد من اخواتها يدري وهم انت لا رحت ولا انطيت خبر والسالفة صار عليها اربع سنوات تعرف شنو اربع  سنوات هاا اشللون كلي والسيد مستحيل يجي الك ويگلها هاك بنتي اعقلها هااشم لو تفض السالفة وتتقدم رسمي لو تشوفلك حل

گمرهاشم : اي صح اني هم غلطت بس شوفت عينك اطلع من شي ادخل بشي بس هذا هو هو اني مقرر بس تطلع سنويه الشيخ اروح اطلبها رسمي

سيد عبدالله : ان شاءالله خير

گمرهاشم : سنوية الشيخ جانت جبيرة والي اجو بالفاتحه اجوي واكثر العزيمة جبيرة حسيت ابوي اليوم مات لا حسيت كأن اليوم اووف يعزاز گلبي رحتو وخليتونه بحسرة شوفتكم..اكو كم شاعر جان موجود وكم شيخ كامو يشعرون للوالد شعر حزين ومدح اله

الوادم ما طلعو لحد الليل تعبت من كد الكعدة وكل اشويه سلم والحجي الي ميخلص وطلايب الي تنحجي بالديوان

بعد ماصفت العالم وراحت بقيت وحدي بالديوان واتذكر كل سوالف ابوي حجيه المعدل

ااوووف ياليل اشكد صرت اكرهك كد ماشايل حزن وجاثي على صدري عزاز دفنت تمنيت اني بمچانهم تمنيك عدل واشمر روحي بحضنك واسمع دفو صوتك من تگلي

بويه هاشم عزيز گلبي اوويلي عليك ياليل شمطولك عفيه مگابر هالكد تحب عزازنه

الصبح رحنه للنجف مارجعنه لثاني يوم من رجعنه جنت تعبان حيل وخاصه جنت سهران عيوني مااخذت نوم نمت ماكعدت للعصر همزين جان ابو مرتضى موجود المهم كعدت سبحت ولبست دشداشه اسود تعطرت ونزلت رحت على غرفة الشيخه لگيتها تصلي كعدت على السرير انتظر تكمل تشهدت وسلمت

..تقبل الله شيخه

الشيخه : منا ومنكم يمه يمه هاشم تحجه

گمرهاشم :لازم جنتي منتظرتني

الشيخه : اي ومن زمان هم تحجه

گمرهاشم : يالغالية انتي تعرفين بسالفة وصية الوالد

الشيخه : اعرف

گمرهاشم : اي لازم تخطبوها اهواي طولت السالفة عيبه بحقنه لحد هسه لا حس ولا خبر

الشيخه : اللهم صلي على محمد وآل محمد يمه ساعة المباركة هيج وافرح بيك الله يعلم اشكد جنتن انتظر هاليوم

گمرهاشم : اي شوفو شنو تحتاجون وهم انتي احجي ويه الحجية بعد مااوصيج وان اطوني خبر علمود نروح مشاية ترفع الراس

الشيخه : شتگصد كملو كلشي غير انت ويانه

گمرهاشم : شكو رايح انتو كافي اخطبوها واتفقو على كلشي وهذا هو

الشيخه : والعلوية ماتردن تشوفه

گمرهاشم : لا بيوم المهر اشوفها واني اعرف الشيخ شمختار

الشيخه : اي يمه بس هذا حگك تشوفها وتشوفك

گمرهاشم : اني من ناحيتي ماكو داعي اشوفها كتلج مطمن من اختيار الوالد واما هي فهي شايفتني ولا تگوليلي وين شافتك يله اني اترخص

الشيخه : وين ولك تعال ليه خلي نسولف

گمرهاشم : حجية ماكو شي نحجي بي السالفة محسومه من زمان روحن خطبهن وشهاب ياخذجن

الشيخه : يااا فلك طرك ولك انت مسودن

گمرهاشم : عفتها وطلعت اذا ابقى تجبرني اروح وياهن واني مااكدر المهم ثاني يوم منار وعهد طايرات من الفرح خو منار عبالك اول اخو عدها يتزوج طبعا اني اعتذرت من السيد وهم كتلها اريد كلشي يكون بالحلال اشوفها كلشي يصير المهم ردو الجماعة وجانو طايرين منار بس ترگص ههه خبلة

منسا : طول الاشهر مگضيتها دوام وبيت وبس واكيد زيارات بوكت العطلة اكثر من مرة تقدمولي خطابة وجنت ارفض ليش هيج بدون اي سبب يمكن شفت نفسي مامستعدة وهم اشوفها صعبة افارق اهلي وهم بابا جنت دوم اشوفه مراضي بالي يجون لحد مافد يوم الي تقدملي كان سيد معروف بالنجف هنا بابا جان مبين عليه العصبية وحاير اشلون يرفضهم اني من ناحيتي اصلا مموافقة مااعرف بابا شنو مخبرهم وبعد اي حس مالهم

بعد فترة يوم جمعة جنت قبلها بيوم تعبانه من كد العمليات فبقبت نايمه ماكعدت الا قبل الظهر نزلت شفت ماما مخبوصه تجهز حلويات وهم فاطمة يمنه شسالفة

..اكول علوية شسالفه حلويات وكذا منو راح يجي

فاضلة : هسه يجون وتعرفيهم وبعدين اشبيج اليوم هالكد نايمه

منسا : والله يالغالية تعبانه كلشي وهمزين اليوم عطلة

فاطمة : اي والله حقج اهواي اتعبون

منسا : فديت الي تحس

طبعا حاولت اعرف منو جاي ماخبروني بعظ الغدة اني وفاطمة رتبنه البيت والمطبخ وبعدها صعدت سبحت وكلت اقره روايه او كتاب واني اقره ماحسيت على نفسي الا واني غافيه ماادري اشكد وحسيت على فاطمة تگعدني

..شكو فاطمة

فاطمة : كافي نوم ولج كومي بدلي خطار جاين يله

منسا : ويعني واني شكو

فاطمة : اهوو لج بابا كومي ولا اسئلة يله كدامي غسلي بين مااشوف شنو تلبسين

منسا : عرفت الشغلة جاين خطابة بس ليش هالمرة الوضع هدوئ وفاطمه البسمه على وجها حتى ماما كمت غسلت طبعا مختارلتي فستان فيروزي يجي من الاكتاف حلقة دائرية كلها نقش بلون ذهبي وينزل عدل لحد الورك بي اشويه نفش وحزام على الخصر طبعا ضرب على لون عيوني فتحهن شعري جبرتني افتحه هو طويل يضوج يعني من اكعد لازم اخلي بحضني اذا مفتوحه لان طوله جوه رگبتي ولونه جوزي معتنيه بي سويت ظفيرة هنديه وصار كلش حلو ولبست كلادة باسمي وره اشويه دخلت عليه فاطمة

..هاا شكو

فاطمة : فديت الحلو اني لك شنو هاي اوويلي يمه هنياله الف هنياله يله امشي

منسا : نزلت وياها واني ماعندي اي معلومه عن الخطابة المرة شلت صينية العصير وفاطمه الكيك ودخلت وانصدمت من شفت الشيخه ومرت الشيخ وبناتها وهم العلوية ام عبدالله مستحيل ابد متوقعت همه طبعا اول مادخلت والشيخه ذلك الاستقبال وملگه الحلو

الشيخه : اللهم صلي على محمد وآل محمد يمه محروسه بالزهرة من عيني وعين خلگ الله يمه مهنه وليدي يمه عسى دوم هالوجه يضوي والبسمه على الوجه تعالي ليه

منسا : كلامها اهواي حلو وخاصه لهجتها رحت يمها وباستني والشيخه جنتها هم مقصرت اسوف الفرح بوجهن وماما هم اول مرة ماما هيج فرحانه استغربت ماادري اذا هي مجامله لو صدك مااعرف المهم ظلو يحجون بالبداية بسوالف عادية وبعدين بلشو يحجون بامور الزواج وغيرها ومن كالت اني طالبة ايد العلوية لشيخ گمرهاشم هو فخامه اسمه كافي احسه عنده غيره مشهامه مو اي واحد يستحق هيج اسم اجه على بالي الوشم الي واشمه على صدره هو فعلا ذلك هو مجرد ماتباوع عليه او تسمع اسمه تنجبر تكول فعلا هذا شيخ

بقن يسولفنه بس شو احسهم مجهزين وهم مثلي الي ماخذ مواقفة يعني شفهم هسه من الحجي هذا كلها

معقولة بابا ينطيني بدون مياخذ رأي

يتبع....

#اقسمت على حبكِ عند الأمير

للكاتبة ضوء القمر

من تعاتب عاتب الروس  الثگال

ولا تجامل صيت  بفياي الچذب

ماتخيط  العنبر  خيوط  النخال

الطير يحزن لو كسر عود الشلب

.....

وشيل راسك من يمر بيك النغيط

ودهدي سترك لوشفت ذنب المرز

وخلي محچالك على زمور  النياب

وهيه  حيره الگاع  تطلگ من  تنز

ولاتذل روحك بصبخه وانت فيض

على المامش  راهيه  خيوط  الدرز

الما يطيب بسمسم  حلوگ الحصاد

يبات  عدنه  ونگدر  نطيبه  بحرز

......

وبالمضايف لا تغث حلگ الدلال

ودير بالك لا تداوي بكل عشب

ولا ترخي جدامها ابوكت النزال

بالمزامط تطفح ضهور  الشهب

منسا :بليل جنه كاعدين عالعشة وبابا حجه

سيد هادي :أي علوية الجماعة اجوي

فاضلة :بلي سيد اجوي والكلام وياهم يريح اشكد ارتاحيت الهم انت شرايك سيد

سيد هادي : والله للامانه شيخ گمرهاشم ونعم منه صاحب أخلاق رفيعه وابن أصول والكل تحلف بي كافي هو ابن الشيخ اسماعيل الله يرحمه بس الرأي الأول والأخير الج بنتي

منسا :اباوع على بابا احس عنده حجي بس مثل الحاير اشلون يحجي بعد العشه نظفت المطبخ وثعدت لغرفتي واني افكر ليش تقدملي بس اكيد امه والشيخه الي مخططات لهالشي بس هو شنو موقعه زين اني شنو اريد اقبل لو ارفض ليش احس بابا موافق هو بصراحه الي سمعته انو الكل تشهدله وتحلف بي وشهامته ورجولته بس ليش من شفته بذلك اليوم حسيت بگلبه قاسي وشكله هم على الرغم جماله احسه لغز صعب حله

بقيت افكر لحد ماغفيت ثاني رحت للدوام كان يومي عادي حاله حال باقي الايام بعد الظهر رجعت للبيت جابني رضا بس جان صافن وهم ماحجه اي شي وهم  مو من عادته واني هم عفته رجعنه للبيت اول مادخلت سمعت كرار يصيح تفاجئت لان احنه صوتنه ميطلع

..رضا شكو شصاير

رضا : ماكو شي ادخلي

منسا : اشلون ماكو شي وكرار يصيح اول تالي صوتنه يطلع

دخلنه الوضع جان متوتر بابا مبين عليه العصبية ومصطفى هم اما كرار فصاير كتلة نار سلمت ردو بس بثكل تفاجئت وهم بقيت ساكته اني بهيج مواقف ابقى ساكته اصلا محد ياخذ مني كلمة توني صعدت الدرج وسمعت كلام كرار

كرار : منسا انتي قابلة بالسالفه كلها

منسا  طبعا حجها بغضب التفت عليه ردت اجاوبه بس بابا سبقني

سيد هادي : كررار مو وكت هالحجي هسه روحي ارتاحي بنتي

منسا اني بقيت بين متحيرة بين ابقى واسمع الكلام وبين اصعد اغضل اصعد صعدت لغرفتي بس جذب سمعي كلامي 

كرار : سيد بس فهمني كل السنين وانت ساكت ليش احنننه موو اخوتها هاا ياناس راااح اتخبل اربع سنوات هااي وين صايرة

منسا : بقيت صافنه شنو اربع سنوات عن شنو يحجي لازم اكو شي اني مااعرفه والا كرار ميعصب هيج دخلت غرفتي وكعدت بكل هدوئ واني افكر بكلامه حاولت اوصل لنتيجه بس فشلت من التعب والتفكير كوة كمت غسلت وغيرت ملابسي ونمت مااريد اسمع او افكر بشي من التعب بسرعة غفيت

سيد هادي : سيد كرار مو هيج الحجي يكون اهدئ وكلشي ينحل

كرار :اشللون ماتكلي اشلون

مصطفى :كرار شسالفة يخوي شنو قابل السالفة عيبه الناس طلبوها وهي جانت طالبة واكيد السيد مينطيها وهي طالبة واذا على سيد تحسين مصار شي قسمه ومصارت شنو يعني  بعدين اصلا العلوية مقابلة

كرار : ابو امير انتو ليش مجاي تفهمون يعني حلوة بحقي اسمع من السيد مخطوبه من گلي بقيت صافن اريد ارد مااكدر والله صعبة اختيي موگفيها اربع سنوات واني ماادري ادري احنه مالنه كلمة

سيد هادي : كرااار لا تنسه الامر اول واخير الي واني لوما متاكد من الجماعة فلا انطيها طول هالاربع سنوات والشيخ كلما يجي يحجي بالسالفة لا عبالك سااكت بس اختتك طالبة ودراستها مو اشويه وهم اني الي رفضت انطيها بعمر صغير واءا على السيد محلوة منه يگلك اختك مخطوبة هي عاي الاصول  اني انطيت كلمة للشيخ من زمان والي طلب بنتي رجاال الي تحلف براسه واخلاقه مو اني الي اشمر بنتي وين ماجان هاي وحيدتي ونبض گلبي اني لو بيدي ماازوجها بس مااكدر سنه نبينه هاي ومو من حقي ابقيها يمي العمر كله

كرار  هنا كل هذا الحجي ماعجيه وهم مقابل بالسالفة كلها 

كرار : بما انو انتو مقررين ومنطين كلمة اني ماعندي اي كلام بس خلووها ببالك بعد عقدهم اعقد على اخته وخلي اشوف اشلون ماينطيها

سيد هادي : اشللون هالحجيي سيدد على اي اسااس تريد تعقدد على اخته هااا تريد تخليها راس براس

كرار بعصبية بس صوته مارفعه بوجه السيد: ايي لريد راس براس وشتردون تسمووها سمووها هذا الي عندي وبقت يمكم بعد اترخص اني

سيد هادي : وييين تعال خلي نكمل حجينه

كرار : سيدنه حجيت كل الي عندي وما عندي غير هالحجي

سيد هادي : مال تاخذها راس براس هااااي سالفة تريد اخطبها الك بالاصول بس بعد زواج اختك وكااافي عصبية اني مااخذ قرارتي منكم اعرف شنو الي يناسب بنتي واما صديقك احنه مانطينا اي رد حاله حال غيره اجه ومصار نصيب مفهووم

مصطفى : اكيد سيد القرار الاول والاخير الك وللعلوية واحنه وياك واني لوما اعرفه لهاشم هم فلا اقبل على رغم صعب عليه اشوفها بعيدة عنه بس احنه نشتري الرجال الي يصون المرة وانت سيد كرار كل عمرنه ننصح بالناس هسه تريد تاخذ اخته وحدة بوحدة هذا مو حجي

فاضلة : سيد اني من يوم ماشفت بنته للشيخ جان بخاطري اخطبها لواحد من السادة وبما انو سيد كرار هيج قرر نخطبها اله

سيد هادي : اني ماعندي مشكلة نتشرف ناخذ منهم كريمتهم بس بهاي الطريقة مستحيل سمممعت كرار تريد تفشلني وياهم

كرار مااعرف ليش هيج كلت هاي مو اخلاقي ولا تفكيري بس منسا عندي خط احمر وغالية اهواي عليه اختي مو اشويه ومو اي احد يستاهلها واكيد اخته كريمته هم غالية عليه اصلا اني مجان عندي علم عنده اخت بس من سمعت العلوية ومنسا يحجون ببت الشيخ واشلون امي تريد تزوج واحد منه اجت على بالي يله هو اني اخءت قرار ومستحيل اتراجع عنه

..لا سيد معاش الي يفشلك استغفرالله المهم اني كلت الي عندي اشويه ماتفهموها فهموها طلعت وعفتهم على الرغم مصار اهواي من راجع من بغداد  ضجت اهواي يعني اختي من اربع سنوات موگفيعا هسه يله اعرف هسه لو ابن عمي مااكول شي بس غريب حتى وان كان صديق الوالد السالفة صعبة مدري اشلون وصلت لمرقد الامام فعلا محتاج ارتاح اشويه توضيت ودخلت لحضرته لفحتني اجمل عطر بالكون الراحه النفسيه هنا مو طببعية هنا دوم اذب همي صليت وطلبت من ابونه يوفقني بقراري مااريد بيوم اتندم على قراري بس اني ورطة روحي بعد استغفرت ربي وبقيت كاعد لحد المغرب رجعت للبيت جان السيد وسبد مصطفى كاعدين بس الوالد ضايج مني رحت يمه وبست راسه

..السموحه سيدنه حقك على راسي رفعت صوتي بحضرتك اعتذر منك بس مو سهل عليه وانت تعرف العلوية اشكد غالية عندي

سيد هادي : اني مزعلان منك وليدي حقك تعصب وتضوج لان ماعندكم خبر بس اطمن العلوية بأمانه رجال الكل تحلف بشهامته وانت هم اريدك تقدر كريمته ادري بيك مو من كل گلبك هذا القرار بسانت قررت بعد ولازم تتحمل قرارك

كرار : ان شاءالله مولاي

صعدت لغرفتي وكعدت بسريري ومخلي راسي بين اديه وافمر اشلون راح اتعامل وياها ماجنت متصور هيج قرار اخذ يخص حياتي بحالة عصبية اخذته مااكدر اتراجع بعد اشويه واندكت الباب

.. تفضل 

منسا : وره ساعتين كعدت على صوت اشعارات شفت الاشعارات وبقيت كاعدة اشويه واندكت الباب

..تفضل

جان بابا ياهلا بالغالي اليوم منورني

سيد هادي : اشلونها غاليتي

منسا : عدلت كعدتي واجه كعد وخليت راسي بحضنه دوم اسوي هالحركة احس نفسي بعدني صغير وهو يلعب بشعري..دامي اشوف هالبسمه على وجهك اني بخير

سيد هادي : عسى دوم بخير اخبار الدوام اشلونه

منسا : تمام روتين عادي حلو دوامي سيد ممكن سؤال

سيد هادي : جيدا جواب

منسا : سيد كرار شجان يقصد بكلامه

سيد هادي : السالفة طويلة واني جاي احجيلج

منسا بقيت بحضنه واريد اعرف شنو هالسالفة الي خلت كرار هيج يعصب لابد اكو شي جبير

سيد هادي : السالفة يا بنت ابوج قبل اربع سنوات تذكرين من كلتي ساعدة رجال بحضرة الامام

منسا :أي بلي اذكر هو مو نفسه الشيخ ابو جاسم

سيد هادي : بلي هو بعد ماساعدتي وتعرفت غليه قوت علاقتي بي كان شيخ ونعم منه اخلاق عالية صاحب حنگه وحكمه الحجي وياه يشرح النفس وهو هم اهواي يحب يحجي وياي المهم مااطول من خلال هاي الاشهر عرفت طيبة گلبه وحنيته وفد يوم فاجأني بطلبه الي هو طلب ايدج هاي جنت انتي اول سنه للج بالجامعة اني بوقتها بقيت حاير انتي بعدج صغيرة والشيخ اعرف اخلاقهم واصلهم وابنه هم مو اقل من ابو گتله انطيني كم بوم واردلك خبر وهو اكيد كان جواب براحتك المهم ثاني يوم صار فصل وطلبو مني احضره وطلبت من الشيخ وسيد صادق يجون وياي والله هناك الشيخ ماقصر كلامه كان ذهب وكدر يحل السالفة بدون ظلم فاكو واحد من شيوخ كال اني انطيك بنتي كنه الكم هنا الشيخ انحط بموقف محرج هو مياخذ ابد هدية ومن باصول الديوان اذا انطت مرة هدية موسهل تنرد بس الشيخ عرف اشلون يرد الهدية كلامه كان سد حلوگ للكل كال مرت الشيخ  ماتجي عليها ضره ومحد ياخذ مكانها هي الشيخه فقط هنا كان موقفه كلش عجبني رغم مامو اي شي بينه على ذيج السالفة بس كافي موقفه بعدها كتله هي بعدها صغيرة وتوها جاي تدرس كال واني راح انتظر اليوم الي تشرف بيتنه وتحمل باحفادي اتفقنه يوگفج للشيخ ابنه گمرهاشم واجت ايام وراح ايام واشهر وكال بكل مرة التقي بي يذكرني بيج كال دوم يسمج چنتي العلوية وجان مقرر على العام الفات يتقدمو رسمي بس الي صار كان صدمه وهي تدهور حالته الصحية وانطه المشيخه لابنه والصدمه الاكبر هي وفاته الي مكان بالحسبان واشكد جان يتمنى يوم يشوفج ببيته بعد وفاة الشيخ هنا لازم يكون النه حجي ثاني لازم نعرف راسنه من رجلينه ومن حجيت ويه سيد صادق  خبرني انو الشيخ حاسب لكلشي يعني اكيد كاتب بالوصيه واني بقيت انتظر والسيد صادق انطاني خبر بانو بعد سنوية الشيخ يجون

وهاي همه اجوي صح هو مااجه لان يريد السالفة تتم على خير وبحلال واني قبلت بهالشي لان اعرف اخلاق هاشم

منسا : بابا يحجي واني مصدومه كل هذا صار واني ماادري زين اني صاحبت الأن اشلون يظمون عني

..بابا شنو افهم من كلامك يعني موافقتي او رفضي واحد

سيد هادي : لا طبعا الج حق الاختيار

منسا كمت من حضنه وخليت عيوني بعيونه : اشلون اي حق الاختيار بابا انت منطيني وهم منطي موافقة مبدئيه الهم يعني كل هذا مجرد اشكاليات

سيد  هادي :  لان اعرف شنو الي يناسبج والجماعة ماعدهم علم صح هاشم بس يعرف والا اصلا همه جاين يخطون ميعرفون بالسالفة غيره واني اعرف بيج مراح تفشليني

منسا حرت شجاوب يعني اني مجبورة اقبل انب مامعترضه عليه لا شاب ونعم منه بس سالفة اربع سنوات موگفيني هنا المشكلة  :وشنو لازم احجي

سيد هادي : فكري ورديلي خبر واني واثق من قرارج

منسا: باسني براسي وراح بقيت صافنه بكلامه شنو لازم اكول يعني متاكد مني راح اقبل لا مستحيل افشله او ارفضله طلبه حايرة محتاجه احد يساعدني ويفكر وياي  بس منو راح يفيدني بعاي السالفة فكرت اجه ببالي سيد عبدالله

..اي والله ماكو غيره بي اشلون احجي وياه استحي اشلون سالفة هاي

تشجعت وخابرت وانتظرت يرد

سيد عبدالله : الووو

منسا : سلامُ عليكم

سيد عبدالله : وعليكم السلام ورحمة الله وبركاته ياهلا بالعلوية اشعجب مرينه على بالج

منسا : انتو على بالي سيد

سيد  عبدالله : هههه والله اني اشوف بس نرجس على عالبال

منسا : غير صديقتي واختي وانت اخوي اسأل عليكم دوم بس صدك مشغولة بالدوام

سيد عبدالله : تسأل عليج العافية هسه تجين يمنه وكل يوم نشوفج

منسا : شتقصد لازم تعرف بالسالفة

سيد عبدالله : اي اكيد اعرف اشلون لعد هاشم اني وياه الروح والقلب

منسا : اكدر اسأل

سيد عبدالله : عن هاشم مو

منسا : اكيد

سيد عبدالله : اي تفضلي شنو تريد تعرفين ولو افضل تعرفين كلشي منه بس كولي بالخدمة

منسا : خادم ربك هو سؤال واحد مقتنع بالسالفة الي صارت قبل اربع سنوات وهم يعرفها

سيد عبدالله : اشوفي اكلج شي هاشم مو لان صديقي وعشرت عمر وياه لا ابد بس رجال ونعم منه عمري ما شفته منه العيبة دومه رزن وهيبة صدكني شخص مثل هاشم الف من تتمنى  اشكد حاولن وياه بنات بس دوم يبعد نفسه اصلا خلص الجامعة بس اني وياه حتى اصدقاء مو أي واحد لا يختارهم من بين الكل واذا على سالفة هاي هو مجان يعرف صح ابوه جان يلمحله بس أي معرفه ماعنده غير قبل ست اشهر يله عرف وهو ماعنده مانع اصلا واثق من اختيار ابوه بعد شنو عندج

منسا :أشكرك سيد تعبتك وياي ان شاءالله خير

بعدها سديته وافكر بكلامه يعني هم مثلي انجبر ولو ماكو رجال ينجبر بس حياتي اشلون راح تكون

المغرب اجه كرار رحت لغرفته ودخلت لكيته كاعد بس شكله ضايج

..مرحبا

كرار : مراحب تعالي ليش واكفه

منسا : ضايج

كرار : اجذب اذا كلت لا

منسا : بسبب هالسالفة

كرار : اني صح انقهرت لان ماعندي علم بس شاهد الله اني هاشم اعرفه خوش زلمه بس لو علاقل عاقدين الكل يعرف بدل ما كل هالوكت احنه مندري اهم شي ان انتي ترتاحين انتي قابلة بالسالفة

منسا شگوله رأي اصلا مراح يقدم او يأخر نفس الشي : الرأي الي انتو تكولو اني اكوله

كرار : يعني موافقه ولو منكدر بعد نكول غير هيج

ابتسمت الها من اشوف عيونها كل حزني يروح احس براحه

..لج انتي شنو اشلون راح اكدر بدونج اوووف الله يساعدنه على غيابج

منسا :هه فديت اخوي اني اجبره كل يوم اجي ههه

بقينه نسولف ووره يومين انطيت موافقتي شفت الفرحه على وجه بابا وماما وحتى رضا وكرار

منار :ولللك احمد حقييير وينك

احمد :من مات احمد كود شكوو تصيحين هاا

منار :هههه اريدك تساعدني بالركص الشيخ راح يعرس كلوووش عرس الزين هيل وطش بالولايه

احمد :خررب بحظي تريدني اني الدكتور أحمد اركص لا ربحنه

منار :طننن لعد اني شنو جيس حب غير دكتورة هم عابت ولك لو منك هسه اروح اجيب فرقه

شهاب :خيير شكو شسوون بالفرقة

منار :استلم اجه الثاني ولكم هسه مفترض منكم تركصون الشيخ وأخيرا راح يعرس

شهاب :هههه هو هم هيج راح اركص للصبح بس بالعصا مال الشيخه ومنو السبب انتي

منار :الله ساعتها اطير من الفرح هيج وكود تسويها والله احبنها للعصا ههههه

احمد : خو انتي تكيفين بس ولا يهمج انتي ويانه خما وحدنه ننكتل

منار : هههههه

بدينه نجهز للمهر بس هاشم ساكت اصلا اعرف بي يضحك جذب اشكد جان ابوي يتمنى هاليوم تجمع بعيوني الدمع بس مسحتهن فرحت اخوي مااريد شي يخربها اسبوع كامل نجهز كملنه كلشي بحيث ماما ماخلت شي مسوته الكوشة وباقي التجهيزات واصلا عهد راح هي وزوجها الهم علمود تكمل التجهيزات اما هاشم وصه على بدلة كال هو مو بدلة كلش لا فستان بس تصميمه كلش نازك ستور وحلو لونه اوف وايت وبي ورد ناعم على الصدر

بيوم المهر الكل مخبوص خطار وشيوخ كومه يوو من غير أصدقائه والناس

..ادري عرس بس مو هيج تره هاي خطبة بالعرس شيسووون

ام جاسم : اشش ولج الناس منا اشتغلي وانتي ساكته هم يله

منار : هو اني اكدر احجي صاار حجية تامرين

طبعا هاشم عزم الامه كلها شكو شيخ عزمه مشاء الله الناس مالت الديوان همزين جاب طباخين احنه بالدعش كملنه كلشي عماتي يمنه وخالاتي يعني هوسه معدله المهم صبو الغدة وكملنن كلشي خلال ساعة لان هاشم كال الجن ساعة وحدة تكملن كلشي ههه مو عباله عدنه العصا السحرية ونكمل كلشي بس والله عماتي وخالاتي والنسوان الاكبار خلال ساعة او اقل كملنه كلشي واحنه رحنه نبدلت لبست فستان چويتي والردان كله نقش ذهبي والشال هم كلش حلو احنه كملنه ونزلنه وننتظر ينزل العريس واشتغلت الهلاهل يمه فدوه لطوله هو كل عريس عريس

گمرهاشم : بعد ماردو الموافقة هنا اني ماادري بشنو حسيت بس ماجنت فرحان ماادري ليش لان متوقعت هيج يكون زواجي اصلا لوما الوصية فلا اتزوج بس اااخ الوصية حكمتني المهم خلال اسبوع جهزت الحجية كلشي ودزيت عهد وعامر عليهم يكملون كلشي الحلقات اصلا اجني هديه من شهاب الافندي مقبل اشوفهن بس اشلون عرف قياسها اكيد منار ساعدته

واكف كدام المراية واباوع على صورة الشيخ اشكد جان يتمنى هاليوم اهواي محتاجه بهذا اليوم بس الزمن اخذه مني غمضت عيوني بقهر واخذت عهد على نفسي مااقصر بحقها اريد الشيخ دوم يبقى راسه مرفوع

عدلت غترتي بيضه وبيها خيوط ذهب واسود ودشداشه اوف وايت ومن الياخه ذهبي وساعتي لون ذهبي وسبحتي هم لبست محبس كان للولد هداليا يوم سلمني المشيخه عقيق ازرك كملت ورشيت عطري Boos اسود ونزلت وبلشنه بالهلاهل الي متخلص ماعدنه وكت طلعنه بسياراتنه اخذت مشيه كلها شيوخ هذا كال طلب الشيخ السيد كال يمي كاعد وعمي هم المهم طلعنه من العمارة تقريبا اكثر م من ثلاثين سيارة طبعا بقيت حاير وين راح اكعدهم وذوله عشيره بس لازم عنده علم باني راح اجيب اهواي بعد ثلاث ساعات وصلنه النجف ودخلنه منطقتهم سدينه المنطقة والحماية استقبلونه السيد واخوانه ونسابته وعشيرته كان ناصب چادر هم خوش سوه المهم بعد السلام وكلام اني خليت سيد صادق وعمي اخوي جاسم ابو شهاب همه يحجون والسيد قبل طبعا بعد الفاتحة السيد كال نعقد المهم طلعنه وياه ودخلنه لغرفة جانت مجهزة بتخم نازك واصلا مبين كعدة بس مكان صراحه عجبني كعدنه واشويه ودخلت ووياها الشيخه ومرة جبيرة مبين عليها الوقار جانت هاي اول مرة اشوفها كعدت قريب عليه مبين عليها التوتر هو اني ناقص توتر وتجين تكمليها حسيت بشعور حلو مااعرف سنو اسمي بس اول مرة بده السيد يعقدلنه والي صدمني المقدم والمأخر اني جنت حاط خمسين بخمسين مو علمود شي بس هيج حطيته وهو مجرد رمز بس من كال

العلوية منسا هادي عقيل هل تقبلين الزواج من گمرهاشم اسماعيل على مهر مقدمهُ قران ومأجرلهُ رؤيت الامام المهدي عجل الله فرجه ان قبلتي قولي نعم

كررها خمس مرات على عدد اصحاب الكساء بصراحه اول مرة هيج اسمع بنفس الوقت عجبني كلش ردت بصوت اني من يمي بقيت حاير اشكد ناصي

منسا : نعم اقبل

بعد ماجهزنه كلشي واجه يوم المهر سمعت ان جايب مشيه سادة المنطقه اهواي خفت جنت لابسه فستان الي جابه الي عجبني ذوقه وهم مستور وهذا جان احلى شي كالو راح نعقد لبست عباه بيضه هم هو جابها ودخلت للكعدة طبعا وياي بيبي ام ماما والشيخه دخلت ولفحت خشمي عطر مبين عطره لان مميز وهم عطر بابا اعرفه كعدت يمه متوتره اهواي طبعا بابا مثل ماطلبت على المهر وانطيت موافقتي بس شنو اشلون طلعت مني ماادري

باركلنه بابا وسيد صادق والشيخه وبيبي بعدها ردت اطلع بس الشيخه كالت اكعدو اشويه هنا اني دوروني متلكوني عززا نبقى وحدنه لا على بختج شيخه

گمرهاشم : لا يمه خليها على راحتها اشويه وادخل البسها الحلقة

شفتها متوتره مو مال نبقى وحدنه بس تقدمت يمها وقربت راسي يم اذنها وهمست

..الف مبروك علوية ان شاءالله اكون كد الامانه

وترخصت وطلعت

منسا : يمه هو هيج كال لو اني جمدت همزين طلع رجعت بالهول وبدت الهوسات وكل هذا واني صافنه بصوته صوت كله رجوله وشهامه تحس بقوة هالشخص من تسمع صوته اشكد شهم لعد على صفتني سمعت هوسه من وحدة كالت

براية حيدر وبالايد شديناها

ومن الصغر للكبر ماهديناها من محمد وعلي والزهرة ردناها

منسا : رفعت راسي ودخل بكل هيبة وعطر سبقه يفرض شخصيه صاحبه رجولته الي تجبرك توگف اله دخل بكل رزانه ومشيه هادئه وبسمه بسيطة على وجه هو حلو وعماته وخلاته يهوسله والشيخه باس راسها وامه هم واجه كعد يمي حسيت بخوف ورجفت احتلت كل جسمي باوعت على ايديه كال مزينها محبس الشذة عقيق ازرك وبي كتابه

گمرهاشم : اسف ماسلمت اول مرة سلام عليكم والف مبروك مرة ثاني

منسا : وعليكم السلام مبروك الك هم

گمرهاشم : طبعا مشاء الله صدك حلوة والشيخ عرف يختار عمي حقه السيد يخاف عليها بس هي اشلون اداوم مفترض تلبس بوشيه عليها عيون دخيلك ربي غصب عنك تصفن بيهن

لبسنه الحلقات طبعا اديها ترجف وثلج هم ههه بويه تعالي شوفي گلبي صاير قالب ثلج لبستها ذهب واجاني عطرها غمضت عيوني واني اتنفس عطرها اشكد هادئ على صاحبته طبعا الفستان كله مستور الي شغلة وحدة بي ههه هو من وره الفتحه اشويه نازله يعني يبين اشويه من ظهرها من جاي البسها الكلادة شفت  اجمل شامه مثل جوهرة سودة على قطعة من الكطن

يتبع...

انتظروني انزل التكملة

#اقسمت على حبكِ عند الأمير

للكاتبة ضوء القمر

ترفه اهواي

ماظل طير ماحبهَا

حته الدود من تموت ماياكلها يشِربها

گمرهاشم :بقيت صافن على الشامه الي ماخذ حته منها  تعوذت من الشيطان وكصينه الكيك وشربنه عصير بقيت اشويه وطلعت سلمت على اخوانها ماكدرنه نبقى اكثر سلمنه عليهم وطلعنه اسوق واباوع على الحلقة تذكرت من جابتهن منار

..شنو ذني

منار : الحلقات طبعا الذوق فد شي

گمرهاشم : شهاب بذني السوالف محد يلحگه العلبة جانت نازكه كلش فتحتها والحلقتين نازكات حلقتي جانت عبارة عن لوني لون اسود ولو فضي عريضه حلوة اما حلقتها محبس وحلقة سوه المحبس كله شذر والحلقة هم نفس الشي وبيها قطعة الماس طبعا جاهن فضه عبالي راح يجيبهن ذهبي

..منار ليش هاي فضه

منار : اولا فضه درجه اولى وهم مو احنه اختارينه وهم احلى واكو ذهب نفسها

گمرهاشم : ليش منو اختار

شفتها ابتسمت واشرت عليها بعيونها

منار : حلووات كلشي

گمرهاشم : اكيد حلوات بس معبالي راح تكون فضة

منار : تره هسه موديلها وهم انت متكدر تلبس ذهب فالفضة احسن وهم تغير حلو مو بله يحلو

منسا : بلي

گمرهاشم : جبرتنه منار ناخذ صورة وهي تخلي ايدها على ايدي وادخل اصابيعها بكفي

انتبهت على روحي جان السيد يحجي وياي

..نعم سيد

سيظ صادق : مقرر اشوكت الزواج

گمرهاشم : اي ان شاءالله الشهر الجاي

سيد صادق : على بركة الله شهر مبارك

گمرهاشم : رجعنه للعمارة بليل محد بقى كلها راحت بس قرابتي وهم اغلبهم باركولي وراحو كعدت بمكاني تعبان كلش من الهوسه وعبدالله  يمي

سيد  عبدالله : خير اشبيك

گمرهاشم : تعبان من الصبح لحد هسه على وگفه وحدة

سيد عبدالله : مفترض هسه انت فرحان وكذا لو غلطان

گمرهاشم : اي بس يخوي موبيدي اشكد جان يتمنى هاليوم

سيد عبدالله : الله يرحمه هو موجود ويانه وفرحان بيك هسه عوفنه كلي انت شنو شعورك

گمرهاشم : ماادري عبدالله مشاعري شنو مااعرف بس الي اعرفه گلبي مطمن والايام كفيله نتعود على بعض

سيد عبدالله : اخذها مني حجاية هنيالك عليها وهنيالها عليك وكول سيد عبدالله مكال تعال صدك شهر للزواج

گمرهاشم :اي لعد شكو عبدالله صار اربع سنوات من كل عقلك بعد تتاجل السالفة

سيد عبدالله : اي صحيح وياك بس انت مستعد يعني لازم تفرغ نفسك

گمرهاشم : ماادري احاول بس خلي اشوف سالفة دوامها

سيد عبدالله : عبالي تبطلها

گمرهاشم : لا مستحيل اسويها ولو اتمنى بس مااكدر وهم مستقبلها هذا وتعبها مالي حق امنعها منه اني هم عندي وافكر بيهن

سيد عبدالله : ههه ادري بيك لعد خلي السالفة عليه اخلصها الك بس بيا مستشفى تريدها

گمرهاشم : اي والله معارفك بهذا المجال اهواي مااعرف انت شوف احسن واقرب

سيد عبدالله : تدلل

گمرهاشم : مشت الايام والحجية تجهز للعرس الغرفة طلبتها بديكور مصري ملكي طبعا ماالتقيت بيها بس كم مرة من رحنه نحلل ومره رحت عزمونه على غدة ومرة على سالفة دوامها كانت بقمة الذوق هادئة ورزنه من اشوفها احس بترافتها بنزاكتها اهواي شايف بنات واشكد حاولن يحصلن عليه بس مجان يهمني بعمري ماهمتني بنيه بس من عرفت بسالفة الوصية واني تغيرت حياتي صرت افكر اشلون انضم حياتي كل عمري وحدي ما مهتم هسه تغير الوضع صرت مجبر اسأل واطمن وانطي من وقتي ماادري اذا راح اكدر على هالشي لو لا بس ان شاءالله الامور تمشي تمام

كاعد بالديوان واجه حازم مستعجل

... هاا بويه خيرك شكو

حازم : شيخ اكو سالفة لازم تعرف بيها

گمرهاشم : احجي شكو وشنو هالسالفة

حازم : شيخي انت مو طلبت نراقب كل تحركاتهم للجماعة واحنه طول هالفترة مراقبين وهم زرعت كم واحد ثقة مثل مطلبت وجاي تجيني الاخبار اول باول والي صار غسان طلب من شيخ مزعل يساعده والشيخ مزعل انت اعرف بي وسلام هم استغل حيلته وكدر يحصل على مساندة من شيخ خشان وشيخ زامل ذولة دولة وعلم

گمرهاشم : واشلون كدر يوصل الهم ذوله موسهلين وهم يشتغلون بالحرام

حازم :هذا الي صار شيخي بس السالفة الاكبر من هاي جلي يشترون اسلحة وهم مسقطين كم شركة وماخذيها الهم

گمرهاشم :مااستغرب هالشي اصلا استغرب اذا ماسواها المهم خليكم حذرين خوووش اي شي غلطة منكم نروح بيها خليكم دوم مفتحين عيونكم

حازم : بامرك شيخ اترخص

گمرهاشم : مرخوص

ايي يسلام وغسان يعني كل هذا وانتو بعدكم الحقد يمشي بدمكم سهلة وين ترحون نلتقي

منسا : اليوم بعد شهر من خطوبتي من گمرهاشم ماادري احب اكول گمرهاشم كامل احس برجولته وبهيبة احس من صدك شيخ صح ماصار سوالف بينه وهم مرات الي التقينه بيهن اني جنت اهواي خجولة وهو من يشوفني هيج يخليني على راحتي

صاحب شخصيه اهواي رزنه وكلمة الشيخ تلوگله

اباوع على بدلتي البيضة البارحة جانت حنتي جلنت كلش حلوة ماما ماخلت شي مسوته اليه وحتى همه الشيخه والحجية ماقصرن يعني الحنه جانت فد شي واحلى المولد الي سوو الي صح هو مااجه لان خطاره اهواي وهم احسن كافي الارتباك الي اني بي خايفه اهواي ماادري اشلون راح تكون ليلتي كلش خايفه

طبعا بدلتي مستورة ردان كامل مطالع شي مني شغلها كلش حلو اشتراها الي من تركيا اني ماقبلت بس كال اني عاجبني عفته هو حر باوعت على نفسي مكياج بسيط وبارز لون عيوني ولفت الشال بطريقة حلوة والتاج الي مزين راسي كاعدة انتظر وصولهم على حسب مااعرف انو نروح للفندق بكربلاء وثاني يوم نروح للعمارة اهواي حزينه لان مو سهل عليه افارق اهلي صار اسبوع اشوف بابا وماما اشلون الدمع بعيونهم وكرار ورضا ومصطفى واني من اشوفهم مااتحمل اكوم ابجي بس هاي سنة الحياة ولازم نتعود

نرجس : اشبي الحلو صافن ليكون خايفة

منسا : اشلون لعد مااخاف عبالج سهل نسيتي لو اذكرج بيوم عرسج اشلون تبجين

نرجس : ههه غبية ماافهم بس جانت احلى ليلة وانتي اليوم راح تكون احلى ليلة ولج طايرة من الفرح فدوة اشلون لاگين لبعض خلي اگلج على سالفة

منسا : شنو

عززا بعينها عو اني ناقصه وتجي هيج تحجي خرب

..ولج كافي هو اني من غير كلشي خايفة مو عاد بحجيج هذا

نرجس : غير جاي احجيلج لعد عبالج بس بدلة وحفلة

منسا : هههه انجبي تره اعرف وهم دارسة طب واعرف شنو يصير

نرجس : ههه حبي ذلك حجي هنا تطبيق يعني المهمة اصعب بس لا تخافين الشيخ ان شاءالله كدها

منسا : ههه رحبنه لعد

بعدها عرفت اجوي وهم الزفة شكبرها بعد شيخ وناس اهواي تعرفه دخلو اهلها واولهم الشيخه بوجها الي من اشوفها ابتسم من وحدي حبيتها تذكرني بيبي الله يرحمها اشويه ودخل بزيه العربية  دشداشه  بيضة الي تاكل وتشرب عليه تصميمها كلش حلو وخاصة بيها خيوط ذهبي على الياخه والادين وساعته والغترة بيضة هم اني شايفته بملابس رسمي بس هيج احلى عليه وعباية بيجي والسير ذهب وسبحته ذهبية اهواي انييق لدرجة  بابا دخل وياه سلمني اله

سيد هادي : شيخ هاشم انطيتك اغلى ماعندي اريدك تعزها وتقدرها وتحسبها نفسك مااريد فد يوم اتندم لان كل هالمدة بقيتها واني واثق منك ومن اصلك اصيل وابن اصول وهم اوصيها عليك بنتي اريدج تكون نعمة الزوجة للشيخ واريده من يشوفج يكول ونعم سيد من ربى الله يسعدكم ويهنيكم بحياتكم ويرزقكم اطفال صالحين

گمرهاشم : اليوم عرسي من انسانه الي اختاروها اليمن قبل اربع سنوات انسانه راح ابدي وياها حياة جديدة وابني اسرة وياها اني الي جنت رافض الزواج اليوم واكف كدامها ابوها يوصي بيه ويوصيها بيه هاي اول مره احد عليه من اني صغير متعود يوصون بيه بس اليوم لا يوصون عليه

من دخلت واني عيوني ثبتن عليها طالعة كلاك بالابيض متوقعت هيج البدلة تطلع عليها انوب الكل يباوع عليه خرب اشلون سالفة هاي وين اضمها انوب لا يضربونها بعين وين اودي نفسي ربي انت خلقتها عينك عليها بعد ماوصاني ووصاها سلمها الي واني بستها بگصتها حسيت برجفت جسمها وبروده خطية هاي اشلون راح نقضي الليلة المهم عدلت الكبوس ولو كلشي مطالع وهي اصلا لابسه عباية بيضة كلش حلوة ماادري منين جايبتها بس مغطيتها كلها والكبوس جبير  جاي لزگ ويه العباه اخذتها وركبتها سيارتي طبعا اني اسوق محد كعد يمي توسلت بالشيخه والوالدة مقبلن بعد ما ركبتها التفت ركبت وشفت الكل ينتظرني اطلع حركة كبل لكربلاء حاجز هناك ثلاث ايام هي عبالها يوم طبعا طلبت مصورة شهاب جابها الزفة جانت جبيرة وكلها شيوخ المشكلة اني مستغرب الوضع هدوئ سلام وغسان مالهم حس بس مستحيل يمشوها هيج لابد وراهم شي اكيد مال يعدون زواجي غلى خير هاي سالفة ولو هسه همه حايرين بالمشاكل الي سويتها الهم بالشغل

جنت مشغل افراح مااحب الاغاني واذا اسمع فقط للقديم ففتحت قصيدة زواج النور وجودها يمي يخليني اتوتر اني الشيخ گمرهاشم الي الزلم كلها تهابني وبالديوان الكل يشهدلي بهيبتي يمها احس نفسي مقيد احتمال لان مامجبر هالشي من قبل اصلا اني عمري ماحجيت ويه بنية بس عاي مو اي بنيه لا هاي حليلتي مااعرف اذا هالليلة راح تعدي على خير فكرت اكسر حاجز الصمت هذا وافتح موضوع اكيد هسه متوتره اهواي

.. إحم إحم  كيف الحال

منسا بعدما مابابا سلمني شبعت بجي ماما جانت تمسح بدموعها وبابا كوة مصبر دموعه اما الولد فسيد مصطفى جان مبتسم بس عيونه تحجي غير شي ادري بي بس اطلع يعزل نفسه ويبجي اما التوم اويلي عليهم رضا كوة يبتسم اما كرار اصلا مشفته غير مرة وحدة وهم سوه روحه يخابر كرار اهواي متعلق بيه بعدما ودعتهم ركبني بالسيارة يمه بالصدر ورجع ركب طول مااني يمه ماخليت ايه ماقريتها وجسمي كله برجف من غير گلبي الي احسه راح يطلع من كد ماينبض قوي هو بقى ساكت وره فترة كسر عالحاجز رديت بخجل  : تمام الحمدلله

گمرهاشم : ليش التوتر بويه خليج مرتاحه

منسا : هاا اا لا مامتوترة

گمرهاشم صدقة اصلا هه عبارة مرحلة التوتر هسه بس المسها تفقد : تمام

بقينه ساكتين يعني وين صايرة عرسان بزفتهم بس كلمتين يحجون والله لو احمد ومنار وشهاب يعرفون جان مزقوني بالتصنيف هه يله الايام جايه نتعود بعد ساعة وصلنه كربلاء ومباشرتا لفندق   الامراء طبعا الشيوخ بعد مازفونه سلمو وراحو محد بقى وياي بس عبدالله واحمد وشهاب ومنار ذولة اصلا لو بدهم يحجزون الغرفة الثانية ذولة اصلا راح يبقون بكربلاء واصلا لازم وحدة وياها خاف تحتاج شي منار موجودة صعدنه بالمصعد ودخلنه للجناح الي حاحزي طبعا حضرت السيد عبدالله طالب الغرفة تكون ليلة حمرة من كل عقلة يحجي من دخلت انصدمت ورد ونفاخ وشموع وترتيبات

..خرب هذا شمسوي

علويه اخذي راحتج هسه تجيج منار اشويه واجي

عفتها ونزلت لكيتهم توهم طالعين من المصعد

سيد عبدالله : هاا عريسنه عجبتك الغرفة

گمرهاشم اشرت لمنار تروحلها والتفت على عبدالله : انت متكلي شمسوي ادري شايفني قيس لو روميو وهيج مسوي الغرفة مو كتلك كلشي مااريد

شهاب : على بختك شيخنه غير نريد نعيشك ليلة من العمر

گمرهاشم :انت اسكت سوالف هيج تدرون مااحبها استغفرالله المصورة وين

احمد : هاي اجتي

اكول شهاب مبين الشيخ اليوم مراح يسوي للي ببالي وبالك

شهاب : اي وعلي بس تعال الشيخه متعوفه

احمد : حسافة ولي العهد مطول بجينه

شهاب : ههه انجب اشكد سرسري صار

احمد  : موعاد هسه انت عاقل امشي لك شطحت على الترابي لبت عمتك

شهاب : اااه لا تذكرني غير اموت عليها بس هي يخوي قاسية اهواي واني گلبي رچيچ

احمد : خاب انجب ابو گلب رچيچ اطلبها رسمي وفض السالفة الا حب وكذا

شهاب : ليش هي جدتك قابلة وكايل لا تگلي بعدها صغيرة

احمد : وشكو بيها احجزها من هسه والسنة التجي اخطبها

شهاب : اگلك ثور يگلي احلبه ولك اصلا حتى متقبل اوووف الا يشوفوني ميت يله يقبلون

احمد : ههههه هو انت ميت ليش يقبلون

شهاب : كاافي ولك لا تقهر بيه

منسا : بعد مادخلنه للغرفة عجبني التصميم والتزين بس اتوقع هالتزين لعرسان جان يحلمون بهليلة مو اني وياه وخاصه احنه واحدنه ميعرف شي عن الثاني غير اشياء بسيطة ماادري خايفه اسلمه نفسي اريد اتعود عليه يله ذلك الوكت اكون مستعدة لهيج خطوة هو هم انصدم مثلي طلع وكعدت على التخم المنظر كلش حلو والانارة بعد احلى اشويه واندكت الباب

.. تفضل

منار طبعا طايرة من الفرح اهواي جنت انتظر هاليوم وخاصة من عرفت شنو جان يقصد ابوي من جان يحجي وحبوبة جان يگلها

الشيخ : يمه اشوكت راح تنور بيتنه العلوية واشوفها ويه الشيخ ينزلون سوه

الشيخه : الله كريم وليدي يجي ذلك اليوم وان  شاءالله بيدك تزفهم وتشوف اولادهم

الشيخ : اتمنى ميطول ذلك اليوم

منار : اااه اشكد جان يتمناه بس حكمة الله وهو ادرى طبعا احمد وشهاب ماعوفنه ولو شهاب اصلا مقيم يمنه علمود روان ههه وامي وحبوبه ميقبلن هسه يحجن بالسالفه وخاصه هي بعدها صغيرة وعهد هم متطيها هسه بس هذا الغبي شيفهمه عقله محجر ولو ماالومه مبين عليه الحب خطية انقهر عليه وروان خجولة اصلا غلط هسه نفتح عيونها على هيج سوالف وهذا من يشوفها يشحط على الترابي 

مرة واگفه يمي ولابسه فستان رماني وهي حلوة بيضه واجه شهاب

شهاب : اوييلي بويه اشلون بيه وين انطب وجهي ياناس

منار : خيير اشبي ابن الملوح

شهاب : ميت بالعشگ

منار : شنووو

شهاب : ووجع اشبيج اقصد ميت بعشگ بعصير الرمان اهواي احبه وانتي خوش تسوين عصير رمان

منار عرفته الاخ ذايب خرب بيومه عيونه فاضحته لا وانوب مينزل عيونه منها : اكوول احد گلك اني عندي شجرة رمان وبعدين الرمان مو وكته هسه

شهاب : شنو مو وكته لعد وهذا الي يمج طماطة اووف يابه

منار : روان حبي روحي ادخلي جوه شوفي اكو شربت رمان

دخلت والتفت عليه وحضرته سرحان بيها

..هييو اصحه لك خبل تريد تسوي مشاكل

شهاب : وعلى شنو مشاكل بت عمتي واحبها بيها شي

منار : لا مابيها شي بس روان بعدها صغيرة وهم عهد وعامر مينطوها هسه هاي شغلة شغلة ثانية ارگد اشويه شدعوه عليك هيج ذايب ولك بعدها متعرف شنو حب امها وابوها كلش ملتزمين وانت تعرف عامر اشلون يخاف على بنته وانت تجي حضرتك هيج تباوع عليها وذايب راح تفتح عيونها على اشياء جبيرة عليها

شهاب : لعد شسوي وراح انجلط من وراكم اگلكم احبها واريدها انتو قافلين شنو قابل ماكو بعمرها تزوجت خررب بحياتي

منار : ادري والله اشكد تحبها ومتعلق بيها وحقك بس انتظرت اشويه وگتلك خليها عليه اني اعرف اشلون ارتب كلشي بس اصبر علاقل خلي تدخل سادس

شهاب : اوووف هو اني ليش ساكت ومتحمل هم اخاف عليها بس موبيدي من اشوفها انسه كلشي واريد بس اصفن بيها واتغزل

منار : اوويلي واگع وگعه جبيرة سهلة

خطية انقهر عليه بس هسه منكدر نسوي شي لازم يتحمل

العرس كان ضخم لان شيوخ بعد ولو هاشم مجان هيج يريد بس شيوخ وكلهم عرف لابوي لازم يحضرون المهم طلعنه للنجف طبعا ركبت ويه احمد وشهاب احسن وهم اخذ راحتي طول الدرب وذولة يصنفون

منار : ههه اكلكم ذولك الجماعة هسه شنو وضعهم

احمد :اوويلي محترگين من كود بنار جهنم احترگو

شهاب :  هههه اصلا هسه تلكاهم يلطمون على حظهم

منار :هههه أي والله خلونه منها استغفرالله  ناس مجرد ذكرها تسوي عندك قرحه اسكتو احسن

احمد :هو منو الي حجه غير حضرتج

منار :أي وهسه نهيته

شهاب :اكلكم اني راح اسافر بعد اسبوع

منار واحمد :شنوو ليش

شهاب :ووجعا اشبيكم

منار :انجب لا تلغط عليه على احمد عادي بس عليه لا

احمد :ليش بويه عليج حلال وعليه حرام هاا

منار :انجب انت هم مثله تره اني عمتكم سااامعين

شهاب :هههه يابه نعرف غير ميانه هاي اشبيج

منار :ميانه زفرة مثل ذلك اليوم تلكي اكسر راسج

احمد :ولك ليش تكسر رأسها شووف تره مااقبل هاي ضلغتي بس اني اكسر رأسها

منار :شوف الثاني اكلك انت تريد تكحلها لو تعميها اسكتو اثنينكم وانت غرد شكو مسافر

شهاب :تعبان واريد ارتاح بيها شي

منار :لا يابه مابيها شي بس مو شهر وشهرين واطول

شهاب :مااعرف احتمال أكثر

احمد :لا بله ودوامك

شهاب : يابه دوامي شكو غير راح اروح بعثه

منار :بعثه اكول حجيها لغيرنه

شهاب :لا والله صدك احجي

منار :ايي بكيفك سافر بلكي تعقل

شهاب ايي تكلي اعقل هو اني من شفتها لسه مسودن بعيونها من يوم شفتها بالبدايه كلت عادي بس يوم بعد يوم كلما اصفن تجي ببالي اشكد حاولت ويه نفسي بس ماوصلت الا اني احبها ومن اشوفها احس روحي طاير بس اااخ شسوي والكل رافض هسه واذا صغيرة شطالب اني هو عقد بس شسويلهم لازم اسافر بلكي اكدر انساها ولو اعرف نفسي مااكدر انساها : مو مخبل واعقل شو بله اسكتي

منار شسويله مثلا اذا حضرته ميصبر وهي هم متقبل هسه واصلا اخاف تكبر ومتحبه هي عنودية مو سهلة وهذا خبل الله يهديهم

وصلنه للنجف طبعا ماخلوني انزل خرب بحظب غير ادخل همزين السيارة مظللة واني صافنه شفت واحد طلع معصب كلش انتبهت عليه شايفته هذا اشو ركب سيارته وبكل سرعته طلع صفنت وين شايفته بعدين تذكرت اخوها هذا الي شفته بالصورة الي حاطيها بالصالة  هذا اشبي يمكن ضايج على اخته اني ضجت من يمي هاشم اكيد راح يضوج عليه من اطلع من البيت يمه عززا اكدر بلاهم لا اني ابقى يمهم أحسن على صفنتي ركب احمد وهاشم طلع بسيارته وباقي السيارات حركت طلعنه لكربلاء لان صعبة وهم وقت مظل للعمارة فاحسن يرحون لكربلاء الزفه حلوة واجواء جميلة وصلنه الفندق طبعا الشيوخ والناس الي اجت نزلو سلمو على هاشم وراحو وكرابينه هم اما اخواني وامي والشيخه راحو يزورون ومناك يرجعون احنه اتفقنه نبقى

وسيد عبدالله هم بقى نزلنه من السيارة وسيد عبدالله شافنه

سيد عبدالله : هسه بس اريد افهم همه عرسان انتو سكو باقين الناس مو كلها راحت

شهاب :هههه واحنه عاجبنه نبقى نتونس  بيها شي يابه

احمد :هههه لا يابه مابيها شي زين وانت سيد العلوية مو وياك

سيد عبدالله :هههه لا ناوي اجدد ليلة عرسي بيها شي

شهاب :لا يابه مابيها شي هههه بس شو وحدك

سيد عبدالله :لا الجماعة بغير فندق وانتو حضرتكم راح تبقون هنا

احمد :هههه لا ناخذ صورة ونطلع

سيد عبدالله  :خوش لعد اخذ وياكم

منار :هههه والله حلوة هاي كل واحد يتزوج اصحابه يجددون صعدنه الجناح تونه طلعنه من المصعد ولكينه هاشم بوجهنه اشرلي اروح الها اخذت رقم الغرفة دكيت الباب

..مرحبا يعروس

منسا :هلا تفضلي

منار :وااوو الغرفة رووعه خوش مسويها

منسا :اي حلو

صفنت شنو الفايدة واني خايفة كلشي ماادري شراح يصير

منار : بشنو اساعدج لان المصورة اجتي

منسا : اوك

جاي نسولف اني ومنار الحجي وياها حلو ومبين شخصيتها قوية اشلون راح تكون هي وكرار ههه يمكن يتعاركون اشويه ودك الباب  دخل هاشم ياالله يجبرك تباوع على هيبته نزلت راسي خجلانه منه لان كلما نلتقي عيوني تجي بعيوني

گمرهاشم : بعدين اعلمك تفضلي اختي

رحت للغرفة دكيت الباب اووف هاي البنيه راح اتعذب وياها خايف عليها اخذنه صور طبعا حاولت تخلينه ناخذ صور رومانسيه بس اني مقبلت هي منا كوة واگفه انوب اشبگها لو ابوسها عمي استرو عليه ههه بعدها اخذنه صور جماعية وراحو هذا الحجي ساعة بالعشرة بعد ماراحو بقيت حاير اشلون راح افتح وياها ذلك الموضوع

.. علوية بدلي وارتاحي وتعالي نتعشه

منسا : احسن شي سواها هووطلع واني نزعت الشال طبعا ماسويت تسريحه بس رفعته هو طويل انوب اسوي تسريحه واني لابسه شال ماله داعي فتحته على طوله وجان يدخل هنا اني گلبي راد يطلع عززا طبعا هاي اول مرة يشوف شعري لان بالمهر جان كله مرفوع ومن جان يجي لابسه شال لان نطلع كبل تقرب مني وهو صافن بيه يمه وين انطي روحي

گمرهاشم : طلعت وعفتها بعدين رجعت وياريت مرجعت اوويلي شعرها شلال مغطي ظهرها وصاعد على البدلة ولونه جوزي يخبل صفنت بيها نعمة الله هاي صدك لو گالو الله مكملها بكماله تقربت منها اني اتخذت قرار ومستحيل اتراجع عنه وخاصه شفتها خايفه

..علوية خلينه نحجي وبعدها بدلي تعالي كعدي

منسا : ماشي

گمرهاشم : كعدت مقابيلي وهي خجلانه

اول شي مراح يصير شي بينه لحد مانتعود على بعض وهم انتي تبطلين هالخوف احنه يمكن اثنينه انجبرنه بس الله هو الي راد هالشي واني انطيج كلمة زلمه ومااتسمه على الزلم وشاربي عليه اذا خلفت بوعدي اول تالي انتي راح تكونين الشيخه مرت الشيخ هاشم وكرامتج من كرامتي واي شي يأذيج اني اتأذه اهم شي بينه الاحترام واني مااحجي بهالشي انتي اعرف واني واثق من اختيار الشيخ وان شاءالله اكون كد كلمتي خليني اتعود عليج وتتعودين عليه وان شاءالله ذلك الوكت يكون مستعدين لهيج خطوة وو شعرج مااريد احد يشوفه ولا تفتحي كدام اي احد جوة خاف كلشي يصير عين الناس مترحم وانتي ماشاء الله شعرج طويل وحلو ولو انتي كامله والكامل الله بويه اني راح انطيج وكت وتتعودين عليه والخجل حلو بس مو بين الزوجين واي شي تردي اعتبري تم ماشي وهسه تكدرين تحجين

منسا طبعا الله يحبني وصدك الله يرزقنه على نياتنه هاشم فعلا كله شهامه جنت شايلة هم اشلون راح اسلمه نفسي واني مااعرف شي عنه ولا هو لابد من وجود مشاعر بينه وكلامه كله رزن ومعدل ونعم منه : ماعندي شي اگوله وان شاءالله اتعود عليك وانت هم

گمرهاشم : ان شاءالله خير تكدرين تبدلين اخذي راحتج

منسا : شكرا

يمه طلعت جنت حابسه انفاسي كدرت انزع البدلة ودخلت سبحت ولبست تراك ابيض حلو وبي ورد ناعم احمر الفانيله اشويه بيها طول طلعت ولكيته مبدل لابس تراك رصاصي واسود تعشينه وكعدنه نسولف ويحجيلي عن نفسه عجبني الكلام وياه حلو طبعا كنت مخليه راسي على حافة الكرسي والمخدة بحضني وماادري بنفسي اشلون غفيت بس من التعب غفيت حسيت عليه يشيلني وخلاني على جربايه وغطاني ماكعدت على صوت الاذن من تلفوني التفت لكيته نايم يمه ومنطيني ظهره كمنه صلينه وطلعنه الصبح للزيارة مشن الثلاث ايام بشكل حلو نسولف عن حياتنه طبعا تلفونه ابد مابطل دك كل اشويه وواحد داك بس جان يطفي رجعنه رابع يوم الصبح واستقبلونه ذلك الاستقبال بعد شيخ وعدكم الحساب امه وجدته طايرات بيه اول ايام زواجي ماكو شي بينه غير سوالف عادية وهم اهلها ماسألو عن ذيج السالفة بيوم السبعة كنه مخبوصين لان خطار وكرايب وناس اهواي الحفلة كانت حلوة وبسيطة ماقبلت بشي ضخم بس بعد اكدر احجي اذا الشيخه كالت شي لازم يتفذ لبست سبع تبديلات واحد احلى من واحد اهلي اجوي وثاني يوم يله راحو واصلا مقررين على خطبة منار منار رهيبة سوالفها هي واحمد وشهاب الي عرفت يكونون ولد حماي الجبير بس شنو علاقتهم كلش حلوة

گمرهاشم بعد زواجي الي مضه عليه شهر حياتي ماشيه بشكل اكدر اكول عادي صح وجودها بحياتي جديد عليه بس ضافت لحياتي لمسه هدوئ لمسه حنيه فعلا هي انسانه راقية الكلام وياها ينسيني سوالف الديوان ومشاكلي مرات بدون ماانتبهت على روحي احجيلها عن مشاكل الي تصير بالعشيرة وتجاوبني بكلام كله ذوق حسيت وياها براحه بس هي لساتها تخجل مني ومترفع عيونها بعيوني اشكد احاول اخليها تتعود بس خجلها ااااخ ياخجلها الي مربيلي علة

الشيخه : شيخ هاشم

گمرهاشم : امريني شيخه

الشيخه : اشلونها العلوية وياك

گمرهاشم ابتسمت على سؤالها ادري بيها شتقصد : العلوية وردة من الله اجتي هدية

الشيخه : ان شاءالله يجي ولي العهد

گمرهاشم خرب الشيخه مراح تسكت لحد متشوف منسا حامل : هه الله كريم يمه اشوكت ماالله يامر يجي

الشيخه : ونعم بالله بس بگلك اسع يعبد واسعه وياك موهيچ يشيخ هاشم

گمرهاشم هاك استلم انت جبتها لنفسك : هاا يمه خيرج شسالفة

الشيخه : انت تعرفن شقصد

گمرهاشم : اي اعرف اطمني يجيج الخبر الي تردي تسمعي بست راسها وطلعت كعدت بالديوان وخابرني سبد صادق

..الوو هلا مولاي

سيد صادق : بالمهلي يولدي اشلونك

گمرهاشم : الحمدلله بخير اشوكت  ان شاءالله  راجع

سيد  صادق : ذني اليومين شيخ هاشم جايك بطلب وان شاءالله متردني

گمرهاشم : انت تامر سيد اعتبره تم

سيد صادق : خلي اكول وبعدين كول تم

گمرهاشم : ان شاءالله خير تفضل سيدنه

سيد صادق : بيت السيد هادي طالبين القرب منكم

گمرهاشم تفاجئت بكلامه زين ليش ماهمه اجو : والله والنعم اتشرف بيهم ذولة اهلي قبل ميكونون نسابتي

سيد صادق : هذا كن طيب اصلك لعد اني والجماعة ان شاءالله جايك الخميس

گمرهاشم : هلا بيكم بكل خطوة هلا

سيد صادق : تسلم شيخ كفو منك

گمرهاشم سديته وصفنت منار راح تقبل زين امي وجاسم ومهدي راح يقبلون

منسا بعد مرور شهر على زواجي بديت اداوم هاشم نقلني بمستشفى قريبة هو يوديني ويجبني مقبل غيره يوديني رجعنه وهو راح للديوان سبحت ولبست گلبيه چويتي وتوني جاي البس بالشال ودخل يمكن ماانتبه عليه لان جان مبين اكو حسبة بباله كعد على التخم اشبي رحت كعدت يمه كمت اتعود عليه

..هاشم

باوع عليه وصفن بعيوني نزلت راسي

گمرهاشم : منسا انتي تعرفين باهلج يردون يخطبون منه

منسا هاي اول مرة يكول اسمي اشكد حلو  :  خطوبة هو اني اعرف من زمان قبل عقدنه ماما جانت تريد بس ماادري هسه ليش

گمرهاشم : يعني السالفة مو جديدة

منسا : شتقصد هاشم شنو مو جديدة

گمرهاشم : واضح سؤالي اعتقد وهم منو من اخوانج رايديها اله

منسا : كرار

گمرهاشم استغربت الي اعرفه كرار رافض الزواج : اشمعنى كرار عبالي رضا

منسا :  لا كرار واصلا ماما وبابا رايدين يزوجو كرار مو صغير اما رضا فبعده انت مقابل

گمرهاشم : وليش مااقبل سيد كرار ثلاث انعام منه يستاهل واني ماالگه هيج زلمه لاختي بس القرار بالاخير الها مااكدر اجبرها وخاصه جاي تدرس طب

منسا : اي صح بس كرار راح يساعدها وراح يكون زوج صالح

گمرهاشم مااريد اكرر غلطت ابوي من وگفها الي اربع سنوات لازم احجي وياها اني ادري منار كدها : الله كريم يصير خير تغديتي

منسا : لا بعدني

گمرهاشم : صدك تحجين بويه مو زين عليج يمعودة شيخلصني من حجي الشيخه كومي تغدي

منسا : فدوه الكلبها غير تخاف عليه ههه

گمرهاشم : اووويلي يگلبي لعد اني شكول

منسا : هاا

گمرهاشم : ماكو شي بويه كومي انزلي تغدي

منسا : نزلنه اني وياه وجاي نسولف وضحكت على سالفة كالها واسمعنه صوت ضحك

احمد : لك بويه شني هاااي شيخ گمرهاشم يبتسم لا ووياه حرويته عيد وجابه العباس النم

منار : هههه لك اسكت من اجمل اللحظات هاي للشيخ فدوه غير يخبشووون

گمرهاشم : خير بويه سالمين شنو اول مرة اضحك

احمد : لا شيخ بس منظركم يخبل وين شهاب عنكم اله ونه هالغبي

منار : اي والله اله ونه اااي الغبي شرد ميدري بروحه راح يتعب اكثر

منسا : شيخ

گمرهاشم : عيوني

منسا : تسلم عيونك اشبي شهاب ليش هيج ضاجين عليه

گمرهاشم : ااوف هذا سالفته سالفة يراد كعدة واحجيلج

منسا : ههه والله هيج السالفة طويله

گمرهاشم : ايي كلش يله ادوعناكم محتاجه شي

منسا : سلامتك

گمرهاشم طلعت بس گلبي بقى يمها طلعت بس اشوف حازم وانور يتراگضون

.. خيير حاازم شكوو

حازم : شيخخخ ادخخل للبيت لا يصيرلك شي

گمرهاشم : شنوو شجاي تحجيي وسمعت صوت طلق هااي شكووو

حازم :  شيخ هجمو علينه جماعة شيخ مزعل

گمرهاشم  شطت رگضت للبيت وسويت الدرج شبختين اخذت سلاحي ونزلت وامي ومنسا يردن يعرفنه شصاير دفعتهن وطلعت العاراات هجمو علينه زلمهم اهواي حازم مخبر الرجال واجوي صار بيناتنه طلق وكم واحد منهم تصوبو وانور اجته وحدة بكتفه بس همزين موقوية بس جارحته بقينه ساعتين واحنه واحد يرمي عالثاني صبونه كم واحد وجماعتنه كدرو يسيطرون على الوضع بس شنو اريد الزم نفسي من العصبية مااكدر

.. حاااازم انوووور الزمهممم لا تخلون احد منهم ينهززززم يللله

حازم : شييخ انتبهههه

گمرهاشم : دفعني حازم والطلقة اجت بالباب السياچ  ..كفووو زلم ونعم

حازم : انت بخير شيخ

گمرهاشم : ايي بس شدو حليكم

سلام : شيخ مزعلل اررريد تكتلوو تعررف شنوو

شيخ مزعل :ههه شكو مستعجل هسه يخلصون عليه

سلام : اشللون متكلي واحنه هنا كااعدين

شيخ  مزعل :لعد تريدني ارروح اكتله بنفسي انت خبلل سلللام اني ساعدتك لان عندي مصلحه من هالسالفة فاااهم اسووي الي يعجبني

سلام : مثللل متريد بس اهم شي تخلص عليه  ادري بيك بس خلي نخلص منه وكلشي تريد يجرالك

شيخ مزعل :ههه اي هذا الحجي المعدل مو تريدني اني اروح بنفسي

سلام خرب بگ.... اني اتوسل بيك تخلصني منه ااخ يالقهر بس كله من وره هالعار غسان دومه يورطني ويه هيج نماذج بس هين اني الكم : السموحه شيخ

منسا : بس طلع هاشم ومن نحس الا صوت الطلق صار بفلس كلنه خفته اني انتهيت والشيخه وعمتي كامن يلطمن واحمد طلع يشوف شكو انوب راح بعد مارجع واحنه متنه خوف اني گلبي مات من الخوف هاي اول مره هيج اشوف انوب الطلق زاد واحنه نتباجه

الشيخه : دخيلج يام الحسن احضرينه امانتج وليداتي

ام جاسم : سترك ربي هسه غير واحد يجي يطمنه والله گلبي مناقص

منار :احمد هسه غير يجاوب

منسا كلنه حاطين ادينه على گلوبنه وندعي تمر على خير اشوف عمتي الشيخه ومنار اشلون يبجن اني اصلا جسمي مااكدر احركه ودموعي عشر عشرة دعيت الله بس يرجعه الي انفذ وعدي ساعتين واحنه گلوبنه خلصت بس نريد نعرف اذا همه بخير لولا وره الساعتين دخل ومن شفته يمشي بهيبة  وشايل السلاح ويخابر نسيت كلشي صار وحسيته الفارس الي اجه من حرب مابيها هدف غير لو النصر او الشهادة يمشي وعيوني تتجول على كل تفاصيله منين مااوصفها كله هيبة وشهامه ورجولة وشجاعة احس هالاسم الي شايله منطي كل هالصفات ياالله اشكد راقي هالشخص دخل وبياوع بوجهونه وعمتي حضنته وتبجي وهو يهدي بيها والشيخه وهم ومنار الي كامت تضرب بي اما اني بقيت صافنه مدري شحجت وياه الشيخه وباوع عليه وارسم ابتسامه كلها رجولة على وجه مشه كدامي وگلي

گمرهاشم : علوية جهزيلي الحمام بالعجل

منسا : صعد قبلي واول ماوصلت الغرفة سحبني وشبگني اني هنا جمدت اول مرة يسويها بس من كد خوفي عليه بادلته ودموعي يجرن

گمرهاشم : ههه اوويلي كامت تبجي بويه كلشي ولا دموعج شو باعي عليه رفعت راسها واشوف الخشم احمر والخدود اوييلي اشلون تريدني اكسر وعدي مديت ايدي ومسحت دموعها

منسا : عيونه صارنه سوه هنا اني عاتبته

.. انت شنو متگلي ليش دوم مقدم صدرك للموت هاا ليش متفكر بينه والله متت من الخوف انت مكافك الي صار بيك مو كافي الاثر الي بصدرك عززا اني شحجيت

گمرهاشم صفنت هاي اول مرة هيج تحجي وهم مبين من كل گلبها لا وذكرت اصوابي ضحكت عليه

.. وانتي شدراج بالاثر اني ابد ممبدل كدامج

منسا : هاا ااا لا اني

گمرهاشم خطية وجها كام ينطي الوان احمر لا اصفر هههه : ههه تره ادري انتي جنتي موجودة بيوم عمليتي وجنتي واگفه يمي قربت وجهي من وجها وهمست وكلتها

.. تخافين عليه

منسا : انت شتكول

گمرهاشم : شايف خوف ورعب بهالعيون الي سبتني واني سبب خوفهن

منسا : لعد اخذ هالخوف مني

گمرهاشم : كان اول مرة اسويها ماجنت متوقع من حركتي هاي راح اعاني

يتبع...  

#اقسمت على حبكِ عند الأمير

للكاتبة ضوء القمر

ياقميص اليرهم گدار لجفاك وما اشمه ؟

يا عمر ماردته طشرته لك خرزات گهرب

وأنتَ لمه ، يا درب ياخذني ليك وما مشيته

چان حتى ترابه أشيله وبجرحي اضمه

حيرتني وتعبت حتى الحدايق من گثر مابفيهن عفتني

املتني من الگالك احتام واشمك بس مشيت

بلا وداع وغربتني سنين

ادلل بالشجر واگتب عليهن

هنا احبك

هنا عفتني ، هنا لمتني

هنا گعدنه ووداعدتني

هنا مشيت بلايه موعد ياحبيبي وغربتني

(طبعا اعتذر لان البارحة منشرت بس صار عندي ظرف وماكدرت اكمل البارت وهم مو مال انزل بارت ناقص لذا مانشرت هاي شغلة

شغلة ثانية اكو يگولون ليش تتأخرين وهم داننسه القصة الي عاجبه يقره هلا بي والي معاجبه هو حر اني مجابرة احد يقره واني ابد ممتأخرة نشر بارت بس صارت عندي ظروف منعتني

شكرا للي يتفاعلون ويه القصة واتمنى تكثرون من تفاعلكم وتعليقاتكم

آحـ❤ـبـ❤ـكـ❤ـمـ❤ـ ب ١١ البارت ٢)

كرار :بعد زواج منسا حياتي صارت هدوئ مو طبعي حتى مرات انسه واروح للمستشفى انتظرها بعدين أتذكر هي تزوجت لهاي الدرجة وصلت متعود بشكل لحد ما السيد كال نخطبلك بصراحة هنا فكرت قراري صحيح لو لا تفكيري مشوش بس الي اعرفه اني رايد هالزواج حجيت ويه منسا

..اكول خيتو سؤال

منسا :أي جواب

كرار :جماتج خما وكحه

منسا :يااا هاي صدك تحجي اصلا منور تخبل فدوة لله وبعدين تعال شنو تسأل من تخطبها تعرف كلشي عنها

كرار :وهسه اني شكايل هو سؤال اشبيج

منسا :مابيه المهم اشوكت راح تجون ولو هسه هاشم مشغول بهاي السالفة

كرار :ياالسالفة خير

منسا :اوو سالفة طويلة همزين مراح بيها وحجيتله الي صار

كرار :هاي من اشوكت هالحجي وهسه شسوه

منسا :والله مااعرف هو ميحجي كلشي وهم ميدخلنه بيها

كرار : امم اكيد ميحجي وانتي لا تجبري على شي

منسا : اكيد راح تجون

كرار : ماادري السيد متفق ويه سيد صادق على هاي الجمعه نجي

منسا : اي هلا بيكم

كرار انتبهت على كلامي العلوية

..خير علوية شكو

فاضلة : ماكو شي بس على روحتنه تروح ويانه

كرار :اي اروح

جهزنه نفسنه وطلعنه رضا يسوق واني كاعد وره ماحاس باي شي حلو هو اني ورطت نفسي ولازم اتحمل وصلنه للعمارة يم السيد صادق بعد الغدة اتفقنه نروح للبيت الشيخ

منار : طبعا اكو سالفة صايرة بس محد يحجي رحت على منسا بلكي تعرف دكيت الباب

منسا : تفضل

منار :مرحبا يحلو

منسا :هلا بالحلو تعالي اشوكت اجيتي

منار كعدت يمها وخليت كوشة بحضني : قبلج بساعتين شكو ماكو

منسا : صدك لعد شو منزلتي

منار : اسكتي يمعودة ميته تعب شني هاي والله مو جنت خوش بنيه اشوداني للطب هو اني بيه حيل

منسا :ههه اي والله حقج اني اربع سنوات شفت التعب وكلشي بس انتي اصعب وخاصه كل اسبوعين تجين

منار : اصلا قررت مااجي بس شو خابرني رجلج الشيخ وكلي راح اجي اخذج ومن كتله يابه شكو محجه اي صدك هو شكو شصاير

منسا : ها شصاير ماكو شي

منار :علوية اشلون ماكو شي هاشم مايجيني الا اكو شي

منسا مااكدر احجي بشي وهو اصلا محاجي شي :  ماعندي علم من يجي سألي

منار :اوويلي مكافي هاشم وانوب انتي مثله ههه

منسا :هههه هاي بعد تحملي

منار :هو شمسويه غير اتحمل اكول اشوكت ولي العهد يشرف

منسا من كالت هيج صفنت ورجعت بيه لذلك اليوم مااعرف ليش هيج تصرفت خوف لو خجل بس كل الي اعرفه الي سويته غلط مكان مفترض هيج اتصرف ومن وكتها واني وياه كلامنه صار رسمي واصلا صرت نادر اشوفه يقضي وكته الفارغ بأمور ثانية اتذكر اشلون عصب مني مكان قصدي امنعه بس خجلي ولأن أول مرة فزيت على كرصه :اااخ

منار :وين صفنت يحلو صدك جذب مو احجي وياج

منسا :اسفه حبي اشويه صفنت

منار :ايي يتهنه الي ماخذ عقلك اكوم اني

منسا :هه اوك

طلعت وبقيت كاعدة مااعرف شنو اسوي يعني اني بدل واتقرب منه اخلق حواجز اشلون بيه اشوكت اتعلم وهذا خجلي الي دوم بوگعني بمواقف وياه اااه لبست شال ونزلت جوة كعدت يم الشيخه الكعدة يمها مريحه لدرجة

الشيخه : علامچ يمه ليش هيج تعبانه

منسا : فدوة لكلبج ماتعبانه بس الدوام والعمليات بس لا تخافين

الشيخه : ايي يمه ماكو شي منا منا

منسا : مثل شنو يعني

الشيخه : ههه اثاريج مثل صاحبنه اگصد حمل يمه

منسا يبو اشلون سالفة تريد اطفال ههه والله لو تعرف لحد هسه اني بنيه جان شسوت اكيد متعديها على خير اني اشورطت روحي اووف دوم اوگع نفسي بمواقف محرجة :  هاا لا ماكو لسه

الشيخه : هاا شسالفة يمه اكو شي بينكم احجيلي

منسا توني اريد ارد وجان يجيني صوته الي صرت نادر اسمعه ومن اسمعه گلبي يدك مااعرف هذا الشيخ شسوه بيه لا هو الي يتقدم ولا اني الي عندي هيج جرئه

گمرهاشم  كاعد بالديوان نحجي بسالفة جماعة شيخ مزعل

..انتو اشبيكم شنو نهجم شنو نروح لمنطقتهم اول شي مستحيل اصير مثلهم واعمل عملتهم وثاني شي هو لو بي خير ميدز كم هتلي بس جسد بدون فايدة

حازم : شيخ على شنو ناوي نسكتلهم

گمرهاشم : شسالفة استكلهم شنو انتظر الصبر حلو حازم انت وانور اريدكم انتو بنفسكم تكملون هاي الشغلة خوش

حازم وانور  :عد عيناك شيخ

گمرهاشم :هسه واضج مااريد اي شخص يعرف غيركم السالفة مو هينه

انور : شيخ واشلون تبقى وحدك

گمرهاشم : ماعليه شي واني مو وحدي يس خلصولي هلي الشغلة ومالكم دخل بباقي

حازم : على امرك

گمرهاشم الشباب طلعو وانتظر اشوكت اضرب ضربتي سلام وغسان اكبر خونه وقفاصه ومتعاونين ويه انگس منهم سهلة وفرتو عليه اهواي. غمضت عيوني واجت ببالي من ذلك اليوم واني هاي حالتي حتى كمت ماارجع للبيت في سيبل مااضعف كدامها ادري بيها مو متقصدة تصرفها بس اني استعجلت بتصرفي المشكلة موهنا المشكلة دوم على بالي مااعرف علاقتنه اشوكت راح تتقدم لازم اتقدم اني اذا ابقى عليها بعد سنه  دخلت البيت وسمعت الشيخه تحجي وياها على السالفة الحمل خرب وذلة مراح يتركونه الا يشوف بطنها كدامها  :هاا الله يساعدهم

الشيخه :هلا يمه الله يساعدك ويگويگ  على عدوك  واشوف وليداتك بجاه كلمن عنده جاه

گمرهاشم : الله لا يرحمني من هاي الدعوة الي تسر الگلب ان شاءالله يمه

الشيخه : ادري ان شاءالله بس مته شوف عمرك وليدي

گمرهاشم : سالمين شيخه شسالفة اشو اليوم ناوية علينه

الشيخه : عبنه انتو شلعتو افادي انت ليلك نهارك بالديوان عود تجي بهاية الليل 

گمرهاشم :وين المشكلة شيخه وشنو تقصدين

الشيخة :اشو مدري اشلون تحجي تعرفن كلي زين شنو اكصد

گمر  هاشم اوويلي الشيخه اذا حطت شي برأسها بعد هذا هو أقره السلام على روحك لحد ما تسوي الي تريده  :صار شيخه ان شاء الله تشوفين الشيخ حيدره وتكحلين عيونج بي

الشيخه :يمه ببخت محمد عليك مته هاليوم من سنين نتظره

گمرهاشم :هاا شيخه تراني مو جبير وهيج تحجين

الشيخه :ولك يمه هي على العمر ليش انت اشكد جنت ترفض ملينه واحنه تقنع بيك وماكو فايدة

گمر هاشم :وهذا اني كدامج انتظرت وحصلت على أحسن زوجه بعد شتردين صبرج علينه على شنو مستعجلين خلونه متونسين

الشيخه : اييي هذا هو ربحنه لعد اروحن اصلي احسلي من مگابله وجوهكم

گمرهاشم :ههه چنه العافيه شيخه نخبل وباوعت على منسا

.. اي علوية شو ساكته

منسا :هاا

گمرهاشم : شنو هاا ليش ساكته

منسا : وشنو احجي

گمرهاشم : سلامت گلبج

اوووف يبلوتي اشكد احاول ابعد عيوني منها انجبر اباوعلها اشوكت تتعودين عليه

منسا : شيخ

گمرهاشم : عيونه

منسا خجلت من كال عيونه واني اصلا من ءلك اليوم خجلانه لان كنت جامدة وهم دموعي نزلن راد يبوسني بدل ما يقبلني بشفافي درت وجهي وصارت بخدي هو من شافني هيج دخل للحمام ومن ساعتها مصار بينه اي حجي غير اذا طلب شي :  سالمه عيونك بس اهلي راح يجون ومنار سألت ليش جبتها

گمرهاشم : اهلا بيهم امم بشنو رديتي عليها

منسا : مرديت بشي مالي حق

گمرهاشم : وتمام

عفتها وطلعت اذا ابقى يمكن افضح روحي صرت مااكدر انام اذا مو هي يمي صح مااقرب منها بس وجودها بالغرفة كافي سبحان الله يعني اشلون هيج تعلقت بيها اشلون هيج بسرعة حبيتها مااعرف اذا حب او شخص جذبني عمري ماهمتني بينه اشكد حاولن واكو لحد هسه يحاولن اصلا مخلن شي مسونه في سيبل اخذ وحدة منهن بس هذا گلبي مادگ الا لشخص مااعرف اشوكت راح يفرجها عليه ماادري

احمد : لك شهاب ليش متجاوب هاا

شهاب : ادري سافرت ماخلصت منك وين اولي شرايد

احمد : طبك طوب هاي فوك مااسأل عليك والله انت مو مال واحد يسوي خير الك

شهاب : خيريش عندك سالفة تخص سالفتي احجي ماعندك لا تدوخ راسي

احمد : هو هذا الي يهمك وبس ماعندك غير شي

شهاب : لا ماعندي وانت اعرف شقصد

احمد : يعني شنو بيدي واسوي هو اني مثلك ماعندي اي سلطة وبعدين تعال گلي انت خبل لك بابا هاي طفلة انت من كل عقلك حالها حال محمد

شهاب : ومحمد صغير لا يفهم والبينه بهيج عمر متزوجه واكو عدها جهال

احمد : ادري بس مو يم امك وابوك وعمتك هاي اذا تعرف بالسالفة لان اصلا مجابين طاري الها

شهاب : اااخ من ابوك وامك الا اسويلهم سالفة يله يقبلون هسه همه المتزوجين لو اني والله يلله يعني استغفرالله خليني ساكت

احمد : اااخ من عنادك الي راح يدمرك

طبعا دخلت منار على الخط

منار : لك شبهاب هاي وين غاط

شهاب : خررب حتى هنا لاحگتني

منار :لعد اعوفك تسرح وتمرح هيج

شهاب : كولي طيحان حظ يا تسرح تمرح و الله انتي بطرانه

منار :هاا شصاير اشو مكضيها ونسه وطبات وطلعات وبنات بعد شتريد

شهاب :اووف انتي اعرف شريد

منار :والله عجيب انت يعني هيج حبيتها ولك انت صاحي خاف جاي تلعب

شهاب :هااي صدك تحجيين اللعب شنووو اني طايح حظي وانتو هيج تحجون بس هو مو صوجكم لا والله صوجي ولوووو مااريد احد يصل فاااهمين عندكم سالفة بيها خير كولوها ماعدكم لا تدوخوني ساامعين يله مع السلامة

اوووف ليش محد حاس بيه واذا صغيرة السالفة مو جبيرة حتى الي يسمعهم ميكول كبل جان يزوجون اصغر من هالعمر بس منو يسمع مني اااه يالقهر لا من ولف يصبرني ولا من اخو يساند ولا من اهل يوگفون وياك كل هذا لان بعدها صغير خرررب بالحظ

جانت يمي سراحيه طرشتها تفشلت بالحايط من عصبيتي كمت اريد الم الكزاز وجان تدخل گزازة بيدي كد ما معصب وضايج ماحسيت بيها من دخلت جرت دم رچيت ظهري على الحايط وعيني بسگف اول مرة بحياتي احس نفسي عاشق انسانه من شفتها واني مسودن بيها كلشي بيها حبيته اي اشهر بس عبالك سنين شسويتي بيه روان تذكرت ذلك اليوم

جنت بره ودخلت للبيت سمعت صوت بينه حلو بصراحه جذبني مدري ليش أخذني الفضول اشوف منو دخلت الحديقة وشفت الملاك الي سلب گلبي مني

..حلووو صوتج

خطية هي فزت اسم الله اشبيج فزيتي

روان : هاا لا بس فاجأتني

شهاب : والله اني مفاجأ اكثر منج اشكد جنت انتظر هاللحظة

روان :مافهمت شتقصد واني شلي دخل

شهاب : انتي الكل بالكل اشلون شلج دخل

روان :ولحد هسه مافهمت شتقصد

شهاب كعدت كبالها وابتسمت بهدوى : اكعدي ليش واكفه

روان : هاي كعدت

شهاب : تعرفين اني منو موو

روان : اي طبعا انت ابن خالي جاسم ولو مااعرف بس عمه منارعرفتني

شهاب : وشكالت عني ادري بيها محد يسلم من لسانها

روان : لا ابد محجت شي عنك محلوو بالعكس اصلا مدحت بيك

شهاب : لا صدك لالالا مستحيل مااصدك منار تمدح بيه هااي ياردلها بخت

روان :هههههه ليش مستغرب

شهاب :اووويلي فديت الضحكه وصاحبت الضحكه

روان :هااا

شهاب : ياابه شوف الخجل هههه

روان :عفيه لا تحجي هيج

شهاب :صاار تتدللين

ايي يشهاب وگعت بوحدة تضحك للهوى هذا قرارك وانت تتحمل

منار : عرفت شنو سبب جيت هاشم للبغداد وجيبته الي للعمارة تفاجئت من عرفت اخو منسا سيد كرار متقدملي مدري ليش حسيت السالفة مو خاليه لابد اكو شي هو وين شافني وين عرفني واصلا ليش اني كل هاي الاسئلة لازم الگه حل الهن بس اكيد كل هالاسئلة الجواب عليهن العلوية هي اختارتج وسوالف النسوان اريدج لابني وكذا بصراحه اني جنت مقررة ارفض بس مااريد هاشم يتفشل وياهم يعني اهلها الكل يحلف بيهم ومنسا طيبة وحبابة واخلاق من كلها حاويتها واكيد اهلها مثلها وهاشم مرتاح من ناحية كرار اني شفت كم مرة بس هو اكيد مشايفني بيوم الجمعة من اجوي حجو بالسالفة طلب ان نكعد نحجي اني هم جنت اريد هالشي جنت بوكتها لابسه فستان اسود وبي ورد احمر واصفرناعم وحزام على الخصر احمر وشال ولبست بشت فوگاه دخلت جان يگلب بتلفونه

.. سلام عليكم

كرار كاعد انتظر تجي جاي اگلب بالتلفون وجان تدخل بصراحه تفاجئت ماجنت متصور هيج حلوة الله يحفظها :  وعليكم السلام

بقت واكفه بالباب هاي اشبيها راح اظلين واكفه بالباب ادخلي تره هذا بيتكم

منار خرب فشلني وانت شكو اوكف ادخل شلك دخل انوب رافع حاجبه شنو ماعاجبه حضرته : انتو اهل الدار واحنه الخطار بيها

كرار :  من طيب اصلج اي اشلونج

منار لاصدك هذا صدك يحجي شو عبالك يعرفني : تمام الحمدلله

بدينه نحجي بمواضيع عادي عن الدراسة واسئلة ثانية طبعاطول مااني يمه تلفوني ماسكت هذا الخبل الحقير ال....  خرب اشلون بي وعلي راح يوگعني بمشكلة 

كرار : ليش متردين يجوز شي مهم

منار : لا خلي يولي ماكو شي

كرار : شنو خلي يولي جاوبي احسن

منار : اوك فتحت الشباك لان ينفتح على الحديقة ونزلت غلط سب بهذا الغبي

.. للك ماارد ليش تخابر هاا هو هيج جاي أرفض يعني لا تخابر والله لوما عيب جان لعبت بيك لعب متكلي شكو شعندك

شهاب : روحي طافره جاوبيني الي سمعته صحيح لو لا

منار : شنوو شسمعت بله

شهاب :روان اااه خطبوها

منار : منيلك هالحجي ومنو كلك

شهاب :هسه انتي شجاوووبي وگلبي نار

منار :لك انت غبي هو الك ماانطوها واصلا ماحجو بسالفة انوب يخطوبها بس كلي ياغبي كلك

شهاب :اشششلون العباس عليج

منار :بالعباس الي حلفت بي يشهاب موتي على ايدك لك انت شنو برايك هيج سالفة اني اسكت عنها بس وين تولي تجي واني اعلمك يااثول گلك

شهاب :خاااب انجبي تموتين شيموتج انتي الغبي احمد گلي واتصل بي مغلق

منار :لا ياعار ولكم انتو راح تخبلوني منين الگها منك من اخوك المهم كافي اني مشغولة بيك خير وزود تعال هنا حارب مو حضرتك هناك وتعارك اني شكو بعدني احجي وياه واشوف سيد كرار عاگد النونه هلا كملت انوب تعال اشرح

..اا شهاب بعدين اتصل بيك اني مو انت باي

سديته والتفت عليه حجه بعصبية

كرار :مووو هذا الي دك سوالف وياه وهيج عندج ميانه احجيها هسه

منار هءا اشبي شنو ميانه اووو هذا من جماعة اغار اذا حجيتي ويه غيري اشلون سالفة وليش ابرر بس عيب مو من اخلاقي : راح يهمك تعرف منو

كرار هاي صدك تحجي اني اعصابي فول وهاي تحجي ببرود اااخ خلي اعقد واني اعرف اشلون اتعامل وياج :اكيد اني متقدم لخطبتج

منار اباوعت بعيونه نار وحمر هاي شنو اشكد عصبي على الرغم يحجي بهدوى : اوك هذا ابن اخوي عايش بأكرونيا وو وراد يستفسر من شغلة بيها شي

كرار ابن اخوها وهيج تحجي وياه شنو اشكبره هذا :ميانه اهواي قوية وشكبره هذا

منار اووو بدت السين والجين : اي عندي ميانه كلش قوية ويه ولد اخوتي وهو اكبر مني ممكن اعرف شنو سبب كل هالاسئلة

كرار لا وتعترف بعد : امم منا وجاي لازم تبطليها مااحب هيج تكون مرتي عدها ميانه يبقون ولد صار واضح

منار هذا صدك يحجي لا اكيد موصاحي ابطل ميانه ليش هو اني شنو الي مستمتعه بي غير هالميانه وياهم :شنو وليش ابطلها تره ذوله ولد اخوتي اني وعمتهم وهم اني من يومي هيج ميانه وياهم وحتى لو كنت مرتك ذوله موغربه

كرار : اني هيج اريد مااحب هيج ميانه وفرصة سعيدة تعرفت عليج وانتظر الموافقة

منار كال هيج وراح هذا من كل عقله يحجي مستحيل ابطل ميانه بس اني اعلمك تريد اوافق مو اي ليش لا اوافق واشوفك منار منو بعد ماراحو طبعا اهلها درة مالت الله بس هو عصبي هو هم زين بس عصبي وماادري شنو لازم اسوي مااكدر ارفض ماكو سبب يخليني  الرفض بس المشكلة اشلون اتعامل وياه خايفه اندم على قراري على الرغم الكل يحمد بي واصلا من حجيت ويه منسا كالت اني مااحجي عن اخوي اسألي شخص غيري لان يمكن ماانطي بي وهم امحد باخوي واگلج شي ميطلع صح ياالله هاي البنيه درة مالت الله هنياله عليها الشيخ فديتهم اشلون حلوين فد يوم كاعدة واجه هاشم

منار :ياهلا بالشيخ منور غرفتي اليوم

گمرهاشم :هلا بيج بعد اخوج اشلونج ان شاءالله تمام

منار :هو الي يشوف وجهك وضحكتك اشلون ميصير تمام الحمدلله اني تمام

گمرهاشم :ام السان اشلون بيج ولج راح تتزوجين سيد ميحبون هيج ميانه

منار :لعد ارفض احسن وبعدين  الي يريدني يتقبلني مثل مااني

گمرهاشم :گويه بعد اخوج ههه اكيد بس لازم واحد يغير اسلوبه مو ويه الكل نفس اسلوب لازم يعرف اشلون يتعامل يعني تتعاملين ويه زوجج مثل ما تتعاملين ويه اخوج او صديق اختج لا الاحترام فوك كلشي

منار :اكيييد شيخي تربيتك اني تره لا تشوفيني يمك گوية وكذا تره الله ووكيلك بس يمك والا اني باول عرگة اشرد خاصه اذا كانت السالفة بيها صياح وعياط

گمر هاشم :أي خطية كلش بأول عركة تشردين والله اشوف أول وحدة تبدين بالعركة ترباتي أيدي واعرفج

منار :ههههه هسه خليني اشويه عاقله اشبيك

گمر هاشم :واني شكايل هسه المهم هذا مو موضوعنه اريد احجي وياج واعرف شنو قررتي

منار :بخصوص شنو

گمر هاشم :هاا منار شسالفة ليش هو اكو غير سالفة خطوبتج

منار :لا راح اخبرك شنو قراري بس عندي طلب

گمر هاشم :خير ان شاء الله كولي واعتبري تم

منار :تسلم ياشيخ الكل شهاب

گمر هاشم :شهاب اشبي صاير شي

منار :خطية تره اشوكت تفتحون سالفته والله مشلوع گلبه ميصير شفو حل للسالفة

گمرهاشم : اااه يعني شنو بيدي مو كتله انتظر يعني اشلون بي هذا حتى من يحب حبه مدري اشلونه مااريد اورط روحي وبه عامر واختج تعرفيها اصلا رافضه زواج بتها بهيج عمر والا عليه اگبعها وانطيها اله وين اكو احسن من شهاب

منار :بس مرايد هسه زواج بس عقد حتى تبقى اله وعهد سالفتها يعني هاي بدل ماتكول ابن اخوب احسن من غيره

گمرهاشم : فرضا كولي قبلو وتم العقد وبعدين منو يكول راح تبقى ومتتغير من دخل كلية هاا هسه طفلة ومن نفتح عيونها على هيج سالفة راح تشوف غير شهاب وهم يجوز بعدين ميعجبها خي ينتظر تكمل سادس والله كريم

منار : وهذا الغبي شيقنعه

گمرهاشم :اني احجي وياه عوفي المهم شنو قرارج

منار هو اني نفسي مااعرف اذا كان فكرت عدل لو لا بس متاكدة من شغلة وهي مراح انزا راس اهلي : الي تشوفه اني موافقة عليه

گمرهاشم ابتسمت  الخجل حلو عليها بس متبين نفسها ضعيفة وهذا شي زين  : اني قراري من قرارج انتي شتكولين اني اوافق انتي موافقة

منار : اي موافقة

بعد اسبوع ردينه الموافقة الهم ومنسا جانت كلش متونسة كاعدة بغرفتي اليوم المشية  وهم العقد ام الصالون جابها للبيت هاشم ماقبل نطلع لان خطار يمه ومنسا كملتها قبل اشويه طالعه تخبل وخاصه هي لابسه فستان ليموني وبي شذر اسود وابيض طالعه ملاك

.. اشوو اهواي فرحانه اليوم شيخلصج من الشيخ

منسا : هو فرحانه بس لا كولي طايرة بس هم ضايجه  لان راح ارجع وحدي انتي راح ترحين هناك واني ابقى وحدي وليش شيخلصني من الشيخ

منار : ههههه وليش وحدج الشيخ يمج وتضوجين خلي اشوف بله هم تضوجين من اروح اصلا بس اطلع منا وره كم يوم اسمع حامل انتي عاي اذا مو اليوم حملج

منسا : عززا لج لا تحجين هيج ههههه والله انتي عسسسل هنيال السيد عليج ولو انتي وياه راح تصيرون توم وجيري ههههه بس من نوع ثاني

منار :ههه همزين خبرتيني علمود اخذ حذري

هي راحت وعافتني لان بعدهم ماواصلين

منسا  كملت تبديل ومكياج ماطلبت شي ثكيل لا خفيف طلعت اشوفهم اشوكت يوصلون دخلت غرفتي ماعبالي هاشم بيها لان ادري طلع تفاجأت من شفته وذيج الهيبة هو ضل صافن بيه : انت هنا

گمرهاشم جنت بره ونسيت شغلة ودخلت اجيبها توني اريد اطلع وجان تدخل بلوتي صدقه لربها اشلون طالعه هاي ويه اوديها بله اشلون وياها راح انجلط من وراها اااه كل هذا واني مشايف شي :اي اجيت اخذ شغلة بس تعالي ان شاءالله هيج ناويه اطلعين

منسا كان مركز عيونه على شفافي لان جنت حاطه لون قوي اشويه وهم معاجبه : ليش لبسي بي شي

گمرهاشم خررب راح تموتني هالعلوية شنو هاللون الي حاطته هو انتي ناقصه : مو لبسج هاي الخربطه الي حاطتها حضرتج اول تالي هيج لون قوي تحطين

منسا : والله موقوي وبعدين منو يشوفني كلها نسوان وهاي اول مرة علمود لون الفستان

گمرهاشم  لا هاي ناوي على موتها اليوم ليش اطولها وهي گصيرة حسبتها عليه ومسحته حمرتها بشفايفي علمود مرة ثانيه  متعيدها هي جمدة من تصرفي بعدت عنها وخليت عيون بعيونها

.. مرة ثانيه  اذا شفتج هيج لون حاطة العقاب اكبر

عفتها وطلعت وخليتها مصدومه بس اااخ اشلون عسل دخيلك ربي انتبهت على نفسي ودخلت الحمام غسلت وطلع للديوان

منسا انصدمت من تصرفه بدون سابق انذار اخذ شفايفي جان مثبت راسي يمكن طولت دقيقة جمدة بمكاني عززا صاير جريئ حذرني اخلي هيج مرة ثانيه وراح بقيت متصنمه بمكاني هناك حسيت على نفسي ركضت على المراية واشوف ممخلي اثر الها مخربها كلها : خررب هاي صدك يحجي اشلون بله لازم احط غيرها هو اني شورطني مو كلت مااخلي اوف مسحت الي بقى وخليت حمرة ترابي جانت احلى من ذيج  

منار كاعدة وره الباب واسمع كلام السيد وصل للمرة الخامسة وهنا لازم انطي موافقتي جسمي كلها يرجف وحتى بردانه يمي عهد وتكلي احجي تشجعت وكلت: نعم اقبل وانت وكيلي

يتبع....

#اقسمت على حبكِ عند الأمير

للكاتبة ضوء القمر

تاهن اسنيني اعله مودك

وجيت ادور عالسنين

الگيتهن خرزات سبحه

إطشرن والدنيا طين .

منار كاعدة وره الباب واسمع كلام السيد وصل للمرة الخامسة وهنا لازم انطي موافقتي جسمي كلها يرجف وحتى بردانه يمي عهد وتكلي احجي تشجعت وكلت: نعم اقبل وانت وكيلي

مجرد ماكلت هيج بدت هلاهل هنا گلبي دكاته الف وجسمي بعده يرجف واحس ببرودة باركولي العلوية عمتي وامي والموجودين كاعدة بالكوشة وصافنة على روحي بالمراية ماادري ليش الخوف ماانتبهت على شي بس من منسا خلت شال تول على متني

..هاا

منسا :يمعودة لا يسوينه عركة اذا شاف هالزنود طالعة

منار :ههه هو صوجي كان مفترض اجيب مستور احسن

منسا : لك يحلو كلشي حلو عليك

منار :فديتها للعلوية مرت الشيخ

عدلت الشال واصلا ويه الفستان الي كان لو سمائي وتصميم حلو اشويه وسمعت هلاهل دخل جان لابس  قاطة نيلي مدري گحلي جان مبين عليه الخجل بس كان صاحب شخصية وثكيل سلم على العلويات وكعد يمي اجاني عطره الي كان يفرض شخصية صاحبه حسيت بانفاسه يمي

كرار بعد ماحجيت وياها صح ضجت من قوة ميانتها بس عجبني شخصيتها مبينه قوية على الرغم ممبين عليها بس بقت ببالي لحد مااردو الموافقة وهنا اني كدرت اسيطر هنا لازم ابدي اغير بعض من تصرفاتها واولهن ميانتها ويه ولد اخوتها صح هيج شي حلو بس مااريد اي احد ياخذ ميانه وياها واحنه شبابنه من نوع باخذون ميانه من يشوفون هيج شخص فلازم اغيرها هاي الي وبس حضرتها اتفقنه على موعد العقد وباقي الامور  واجه يوم المشية السيد اخذ مشية مو اقل من الي اجه بيها اخوها واحنه اصلا اهواي وصلنه الهم ودخلنه لديوان كان الحضور اهواي سلمنه وبدو يحجون بالسالفة وقرينه الفاتحة وعقدلي ابوي مجرد ماانطت موافقتها سمعنه الهلاهل وتم العقد وبعدها رجعنه للديوان وسلمو عليه وباركولي وكعدنه واجاني اتصال من العلويه علمود ادخل شفت هاشم ترخص وكمت وياه دخلني وراح دخلت عيني ثبتن عليها هاي صدك يحجون ولاعبالك كلت اريد فستان مستور استغفرالله كعدت يمها واباوع ايدها ترجف قربت راسي من اذنها

...مبروك

منار :الله يبارك بيك ومبروك الك

كرار : اشبيج ترجفين

منار :هاا ماكو شي

كرار :تمام اشرت لمنسا

منسا :هاا عيني

كرار :بس اريد افهم منو مختار هالفستان الها

منسا :اني وياها ليش عفيه لاتكول محلو ولا تكول غير مستور تره بس اليدين طالعه وهم خاله شال

كرار :اللهم صبرج يروح لج صدك تحجين وذني الزنود شنو والص خررب اخذيها تغير الفستان اريد اخذها ناخذ صور

منسا : لا عفيه شنو تغيره وبعدين ليش متاخذون هنا بالحديقة مكان روعه

كرار :اشلون بله عاجبني اخذها ونطلع نتعشه هاا

منسا :عفيه كرار بس لا تعصب ومن اطلعون هي تغيىه اكيد هسه دلبسها

كرار :ماشي راح امشيها هسه بس اني اعرف شغلي

منار هههه هنا عرفت ليش معصب وعاكد النونه الفستان اوييلي على عقلي فديته بعدك مشفت شي سيد خلي نشوف منو يوكع منو اني لو انت لبسنه الحلقات ويضحك وفرحان باسبحان الله متقلب المزاج اخذنه صور جماعية وبعدها كال نطلع بصراحه ماردت اطلع لان تعبانه بس استحيت ارفض طلعنه للحديقة اول شي ناخذ صور طبعا منسا هي تصور اخذنه اكثر من لقطه وكلهن حلوات واكو وحدة كعدت على المرجوحه وخاله المسكه بحضني وهو يباوع عليه ومخلي ايد بجيبه زالثاني مرتچي على المرجوحه واكو وحدة ثاني اجه من وره وخله اديه اديه الاثنين على كتفي وجاي يحجي وياي معبالنه ناخذها منسا بس اخذتها وكانت حلوة بعدها اجاه اتصال وكال غير مرة نطلع فعلا اترتاحيت  كمنه كل يوم تنواصل ونتعرف على بعض وحجالي عن نفسه مرات تعارك ومرات لا صافيه بس والله تعودت عليه مااحس بيومي كل اذا مانحجي ونتعارك بس هو احلى شي بعد كل عرگة مااكدر على روحي خاصه اذا عادنته اضحك وهو يفور من العصبية اوويلي يطگ عرگ الهواشم بسرعة طبعا صار اسبوعين على خطوبتنه ويعني ومتفاهمين ولو احس اكو شي ضامه عليه بس اوويلي من يعصب لو طلب شي وماعجبني هذا هو يزعل واحمد الغبي دوم يخبث عليه فديوم من الايام جاي احجي وياه وهذا خبلني بالرسايل

..كرار بس اشويه خلي اشوف هالغبي شيريد

كرار :شكو منار ومنو هذا

منار : احمد اشبيك بس لحظه وفتحت اتصال وياه والافندي اجانه صوته

احمد :عميي شسالفة ليش متردين هااا ااخ لو يمي جان عرفت اشلون اخليج تردين

منار :احمممد تره مكالمة جماعية اذا جفصت اموتك سامع

احمد :لا يالحمزة صدك والله واجت لعندي اشلونك سيد سلام عليكم

كرار :هلا وعليكم يابه تره جانت يمك معقولة اشتاقيت لعمتك

احمد : هههه لا سيد هنا مااقبل اني اشتاق والمن لعمتي هو خلي انسه شكلها وبعدين اشتاق

منار :هاا هيج صارت خوش لعد خلي اشوف الي يجاوب عليك لو ردت شي

احمد :ههههه اكول سيد انت اشلون تقدمتلها مقتنع راح اتعبك هاي

كرار : ليش تحجي عليها مااقبل احد يحجي عليها واب اكيد مقتنع

منار :فديت هاا مستر احمد اجاك الرد سريع لولا عندك اعتراض

احمد : ههههه والله عمي زين سحرج فاد بي

منار :عزززا يمعزه لك ياسحر هذا اعوذبالله

كرار :على كيفج يابه تره صدك انتي سحرتيني بس من نوع ثاني

احمد :هااا سمعتي هو كالها خطية ههه

منار هالغبي كام يجفص :اكوول احمد تره التقرير كمل بس ماسويت الك وهسه وكت مابقى اشوكت تسوي لروحك

احمد :لا يالحمزة صدك تحجين اني شكلت هاا واني انتظر وصار ساعة اتصل وانتي حضرتج كاعدة دك سوالف واني

منار : طبك طوب اني شكو وبعدين انت شكو اسولف ولو لا ويله ادعبل حير بروحك

احمد : اوويلي عليج عود هاي اني ابن اخوج يهون عليج باجر انطرد لو الدكتور يصيح عليه واتفشل

كرار :وانت اشبيك ماكتبت تقرير

احمد :هلا انوب السيد هم صاف وياها ههه مووجنت مشغول

منار :ايي خطية يله ولي ولك والا اكلك راح انهي الاتصال احم سيد وسديت الجهاز وخابرت على كرار

..الوو اسفة على قطع الاتصال

كرار :ههه لا عادي بس ليش قطعتي

منار :يمعود هذا مراح يحل عنه لحد مايخليني انطي وعد اكتب

كرار : هو انتي صدك تكتبين اله

منار :اي بس مقسمين التقرير هو عليه الترجمه واني اكتب الانگليزي اصلا مكملتهن بس الغبي مشافهن

كرار :امم تمام اي اشوكت تكملين

منار:ليش بعد تقريبا شهرين

كرار : لازم تبدين تجهزين لان بس تكملين نتزوج

منار : هاا وليش مستعجل

كرار :لعد شكو خما تبقى سنه واصلا لو بيدي هالشهر نتزوج

منار :لا عفيه شنو هالشهر وين الحگ وبعدين دوامي وماعندي وكت اصلا

كرار : لعد متشوفيني مأجل لحد متكملين واني ماعندي شي مكمل كلشي والعلوية جاي تجهز والغرفة هالشهر توصل

منار : امم اوك ماشي مثل متريد بس دوامي اشلون

كرار : اشبي داومج

منار :ابقى ببغداد

كرار :لا خوش عليج مگرن وابقيج هناك لا انقلج بالنجف شلي بدوخت الراس

منار مابيه اجادله اكثر واصلا مو مال اجادل صعبة تصير روحتي ورجعتي اتفقنه بس اكمل نتزوج

گمرهاشم كاعد بالديوان وافكر بعمي كاظم حالته ماعاجبتني كلش كلت اروح اله والهم شسالفة واو اعرف هو تعبان من ولده بس هذا حظه ماحصل على ولد يرفع الراس بيهم قلقان كلش عليه خايف يصير بي شي ساعتها ماادري شنووممكن يصير رحت عليه هو ظل كاعد ببيته الي بالبستان هو يحب يكعد هناك دخلت البستان لكيت كاعد يقره كتاب

..سلام عليكم حجي

كاظم :هلا وعليكم السلام هلا بولدي هلا بالشيخ نور البستان

گمرهاشم : والله المكان منور باهلها اي عمي اشلونك شخبارك

كاظم : الحمدلله كاعد وحدي ومرتاح لا من قيل وقال ولا طلايب كافي الي شفته اكمل الي بقى من عمري وحدي احسن

گمرهاشم اباوع بعيونه حزن جبير واشوفه اشلون مهموم الله يساعد على بلائه كلشي ماحصل لا زوجه بيها ولا ولد ينرفع الراس بيهم

..عمك خيرك ليش المهم اشوفك متعوب

كاظم :اااخ يابن اخوي شحجي وشكول هو الي مثلي وولده منزلين راسه هم يرتاح لا وانوب مفشليني وياك وويه اخوي وين انطي وجهي اتمنى الموت كل يوم بس شبيدي الموت ياخذ عزاز ومااخذني وياهم هنيالهم ارتاحو وبقيت للهم وحدي اااه يهاشم اصلا ماعندي وجه اباوع بوجهك واكعد وياك وعمايل هالبزرة الگشرة من عسى الموت اخذهم وجهي اسود كدامك شگل لاخوي من التقي بي اگله ولدي يگيدون لولدك

گمرهاشم : لا عمي لا تكول هيج انت وجهك ابيض واني مزعلانه منك وعمري ماشلت عليك وانت تعرف اشكد اعزك وانت بمثابت المرحوم واذا على ولدك هاي السالفة اني وياهم لا تشغل باك لابد تصف الامور والدنيا متدوم لاحد

بقيت اسولف وياه بس كوة يرفع عينه بعيني اشكد تألمت عليه حسافة هيج خلفته سبحانك ربي على حكمتك بعدها توسل بي يجي وياي ماقبل هو هنا يرتاح

كاظم : لا وليدي خليني هنا مرتاك كلش وهم المكان يرد الروح

گمرهاشم :والله بدي تجي وياي بس مااكدر اجبرك واني ادري كل الزين اشكد تحب هالمكان صار لازم امشي محتاج شي 

كاظم : سلامتك كلشي مااريد

گمرهاشم :يله اودعناكم

توني مشيت وجان استغرب نبرت صوته

كاظم :هاشم انتبه على مرتك تراها بخطر

گمرهاشم :شنووو عمي شتحجي انت شنوو مرتي بخطرر سااامع شي كلللي

كاظم : خلي عينك على مرتك ولا تسأل كل الي اعرفه هي بخطر لا تخلي احد يوصلها ويجبيها  غيرك

گمرهاشم اني هنا اريد اسيطر على اعصابي مااكدر كلشي ولا العلوية هنا خط احمر ركبت سيارتي وشخطتها واتصل عليها مترد

..خرررب لجج ردي

معقولة توصل بيهم المواصيل يأذون مره حتى واني كان عداوتهم وييااي اني محد الا دخل غيري اااخ لو احد يفكر لو مجرد تفكير يقرب منها اگلبها عليهم اسويها دم هسسه لو بس تجاوب طلعت للمستشفى اريد اطمن گلبي نار عليها مااريد افكر بشي غير تكون بخير من كد عصبي همزين ماسويت حادث خلال نص ساعة وصلت المستشفى ركنت السياره ودخلت مستعجل المشكلة مااعرف باي غرفة سأل الاستعلامات

..خوي بلا زحمه عليج التخديرية منسا وين

..هلا اخي تقصد العلوية

گمرهاشم اشكد باردة واني ناار صاير: اي

..حاليا هي بغرفة العمليات صار ساعتين نتكدر نتظرها بالاستراحة

گمرهاشم من كال بالعمليات ارتاح گلبي اشويه وكدرت اخذ نفس :هاا اوك واشكد اطول

..مااعندي علم بهالشي ان شاءالله ميطولون

گمرهاشم تشكرت منها وطلعت بالحديقة اشتم هوى لان نفسي ضاق عليه اااخ لو يصيرون بيدي اشوفهم الموت الاحمر اشلون يصير

سلام : غسان انت متكلي اشوكت ناوي نتفذ الي گتلك عليه هاا

غسان :وشكو مستعجل تره السالفة تحتاج تخطيط على الكيف مو هيج هااي حرم  الشيخ المصون يعني موحي الله اصبرلي انتظر الوكت المناسب

سلام ضحك بخبث على كلام اخوه :ههههه عفيه عليك اريد كون يمنتى الموت ميحصله الا اشربه من نفس الكاس اني اصير جوة ايده

غسان :هسه عوفنه من هاي السالفه وگلي هذا شناوي عليه

سلام :منو تقصد

غسان :يعني منو غيره شيخ عدنان لازم نسوي مشكلة بينه وين هاشم وهنا نضرب الضربة الجيبرة

سلام وهو يطبطب على كتف اخوه :هه اطمن السالفة كلهن يومين بالكثير وتگب العرگة وحقگ الا اعلگها بينهم

غسان :هو هذا المطلوب

سلام ايي ياهاشم بدينه العد النتازلي كافي اهواي عليت اجه وكت احنه نعله خرا بشرفك انت تصير شيخ لا بالحيف اعوفك

منسا بعد ثلاث ساعات بصالة العمليات طلعنه جنت تعبانه كلشي دخلت للغرفة شربت مي واخذت تلفوني واشوف عشرين مكالمة من هاشم

..عززا هاي شصاير وهي داك خابرت عليه كبل واجاني صوته

گمرهاشم :انتي متگليلي وين

منسا : هاا بالعمليات ليش صاير شي عليك الله

طمني اكو شي

گمرهاشم :انتي وين بويه شو ريحي گلبي

منسا كان يحجي وهو كوة يجر النفس حسيته خايف ومتوتر

..اني توني طلعت انت وين

گمرهاشم : جيبي غراضج وتعالي انتظرج بالحديقة

منسا خفت صاير شي :هااشم بروح العزاز صاير شي وگلبي نار

گمرهاشم :وغلات العزاز يگلبي ماكو شي بس اطلعي وفضيها

منسا بسرعة بدلت واخذت جنطتي وطلعت لكيته واكف بالحديقة وجان يخابر رحت عليها هو من شافني ابتسم ونظرلي بنظره مااعرف شنو افسرها خوف على حب على قلق

گمرهاشم سديته منها واتصلت بحازم يجهزلي كم حارس بعدني احجي وياه وجان تجي الخوف جان بعيونها واشوف رجفه بجسمها ااخ لوما المكان كان لميتها لحضني وطمنت گلبها ابتسمت الها بكل حب

يله خلي نطلع

منسا :هاشم

گمرهاشم غمضت عيوني هيج اسمي حلو : عيونه بس خلي نشمي للسيارة وبعدين اسألي

منسا ركبنه السيارة وگبل التفت عليه  :هاااشم بداعت العزاز طمني شصاير شي

گمرهاشم :وغلات العزاز وانتي منهم  ماكو شي بس جنت مار منا وگلت اجيبها بدربي

منسا : بس انت متصل عشرين مرة وانت متسويها

گمرهاشم جريت ايدها وقربيتهن من شفايفي وطبعت بوسه هادئة على اديها : ههه هسه انتي على الاتصال تره عادي لان ماجاوبتي اول مرة خفت واتصلت اشبيج بويه اطمني ماكو شي

منسا بقيه يهدي بيه صح مو ذلك الخوف بس حاسته ضام شي وصلنه للبيت سلمت على الحجية عمتي فدوة لعينها اشكد حنينه والشيخه الي هي بركة البيت وصعدت لكيت هاشم توه مكمل اتصال اشكد يخابرون عليه هو شافني وابتسم

گمرهاشم : منسا بعدج خايفه

منسا : ااه يعني

بس كلت هيج اجه عليه وحضني تفاجئت

گمرهاشم :اطمني ماكو شي ماطول راسي يشم الهوى لا تخافين واني موجود يله ادخلي اسبحي وصلي وانزلي نتغدة

منسا: ان شاءالله

دخلت سبحت اشويه ارتاحيت صليت ونزلت تغدينه بس هاشم وضعه معاجبني والشيخه هم حست بهالشي

الشيخه : يمه هاشم علامك صافن وحاير

گمرهاشم :اطمني شيخه ماكو شي بس حسبة ببالي لا يظل بالكم

ام جاسم :يمه دير بالك على نفسك مو كله طلايب الناس وحل مشاكلهم تفرغ لنفسك لرتاح

گمرهاشم هه تكلي تفرغ هو اني كلما احاول اخذ نفس لابد ان يصير شي وهالمرة خايف اهواي :الله كريم يمه

منسا بليل بعد ما الكل راح نام جان هاشم لسه مجاي كاعد يمه سيد عبدالله كلت انام لان اكيد راح يطولون بالكعدة توني خليت راسي وجان اغفه ماحسيت على شي وره فترة حسيت على شخص يحاوطني عرفته من عطره بقيت نايمه بس وره مدري اشكد حسيت عليه يغير ملابسه استغربت كعدت على حيلي

..هاشم هاي وين رايح

گمرهاشم :ماكو شي ارجعي نامي عندي شغلة افضها واجي

منسا باوعت على الساعه كانت بالثنتين بليل

..انت صدك تحجي شنو الشغلة الي تخليك هيج وكت تطلع وانوب وحدك

گمرهاشم : اطمني بويه اني اعرف شغلة ومو وحدي لا تخافين ارجعي نامي تقربت يمها وبستها من گصتها جلبت بيه

منسا : هااشم شنو تروح مااخليك عفيه لا تحرك كلبي والله خايفه حل ايديه من دشداشته وباسني مره ثانيه وراح خايفه اهواي مدري ليش احسه اكو شي راح يصير وهم مو زين سترك ربي

يتبع...

اسفه اذا قصير بس الجاي اطول 😁😘

#اقسمت على حبكِ عند الأمير

للكاتبة ضوء القمر

أحَــتـَـاجُ إلــىَصَــرخَــه ُ تـَـفِــجَــر مــاّ بِــدآخـِـلّــي مُــنَ اّلَــمِ

هزينه السما وصحنه 

تلطخنه بچتل هابيل

وبچينه الله

بجينه من الجفن للكاع مانبرد

مثل كحلة بدو ينزل دمعنه اسود

منسا طلع واني تخبلت انوب ماخذ سلاح وين رايح بهالوقت گلبي حاس راح يصير شي المن اخابر واطمن عليه المشكله ميرد عليه واني ميته خوف عليه خفت انزلت اخبر عمتي وتگلبها مناحه وهي تعبانه بقيت حايرة يارايحه يارادة هسه لو احمد هنا  جان راح وراه بس ماكو جسمي كله يرجف اربد اكوم ماعندي طاقة ليش هالخوف كله معقولة صاير شي جبيرة هاشم ميطلع من البيت هيج وكت كعدت بتعب على الجرباية والتلفون بيدي تستحي اخابر على سيد عبدالله وهم عيب ااتذكرت رقم مرته العلوية دكيت عليها وانتظر ترد دك ثلاث دكات وبالرابعه جاوب جان السيد وجان صوته مصدوم

سيد عبدالله  : هاا علوية خير صاير شي

منسا : اسفه كلشي على.اتصالي بس ماعندي غيرك هسه عفيه الحگه

سيد عبدالله :بس على  كيفج وفهميني شسالفه هاشم بي شي

منسا : هاشم طلع قبل اشويه واخذ سلاحه وياه وگلي اكو شغلة اخلصها واجي بس شكلها الشغلة مو هينه عفيه شوفه گلبي نار

سيد عبدالله خررب بس لا سواها وقبل ولا عبالك حجينه

منسا :شنوو انت شدتحجي سيد شنو سواها وقبل شصاير

سيد عبدالله :ماكو شي ماكو شي اطمني هسه اشوفه وبعدين هاشم ميطلع وحده الحراس وياه وحازم وانور

منسا :ماادري بس ميرد عليه عفيه كول السالفة مو جبيرة والله گلبي قابضني عليه

سيد عبدالله :اطمني خيتي شجاج ان شاءالله ماكو شي روحي هسه اخذي نفس وارتاحي وصلي ركعتين لوجه الله وكلها ساعة او اكثر ويجي 

منسا :والله خايفه سيد

سيد عبدالله :ليش الخوف انتي ماخذه زلمه ملاوي الاسود و حي الله شيخ الكل تشهدله بشجاعته وحكمته وان شاءالله ماكو غير العافيه هسه اخابره واشوفه اطمني

منسا سديته اشلون اطمن وگلبي نار والخوف رهيب تعوذت من الشيطان وكمت توضيت وخليت سجادتي وبقيت اصلي وادعي الله يعد هالليلة على سلام بعد ماكملت بقيت كاعدة السيد تاخر ولحد هسه ماردلي خبر الساعة صارت ساعتين وثلاث ساعات وكل هذا ومحد يرد والخوف هنا زاد عني عرفت وتيقنت السالفة جبيرة صار الفجر وماكو خبرمنهم حرت وين انطي وجهي.ويه بداية طلوع نهار هذا اليوم الي كان يوم اسود والصدمة الجبيرة الي الكل انصدم وممصدك الي صار اشلون وليش وشنو السبب

بعد ماصليت الفجر بقيت انتظر اشوكت يردون من الثنتيين ولحد هسه ماكو واني صافنه والخوف ماكلني فزيت على صوت رساله فتحتها والخوف يقره عندي الف كانت من السيد

..علوية احنه جوه ياريت تنزلين وتجهزين الحمام لهاشم

اني بس قريت همزين جنت بمحارم الصلاة نزلت ارگض على الدرج كد ماكنت سريعه كمت امشي على كيف من المنظر الي شفته وخلاني ارجف والف فكرة براسي حتى دموعي جرن من الي شفته اشكد شايفه حالات ومتعودة بس من شفت هاشم ملابسه كلها دم تخبلت اريد اوصل اله مااكدر رجليه متعينني كوة كدرت احرك روحي وجسمي كله يرجف اباوه عليه كاعد ومخلي راسه بين اديه ومحني ظهره ودشداشته كلها دم واديه هم تقربت منه

..هااااشم هااي شنو دم

سيد عبدالله :على كيفج علوية هذا مو دمه لاتخافين

منسا التفت لسيد :شنوو لعد دم منو وشنو صاير هاا منو مات

اباوع عليه شد على قبضت ايده وكام بس فقد توازنه وسندته اني والسيد

..هااشم على كيفك

غمض عيونه ووخر ايدي على كيف وايد السيد هم ومشه على كيف يمشي بثقل مثل واحد توه جاي من حرب جبيرة خليت اديه على حلگي واني ابجي

..سيد دخيل جدك كلي شصاير ليش هيج  حالته

سيد عبدالله : اااه سالفة طويلة علوية لازم اروح هسه عينج عليه

منسا :ووين رايح غير تفهمني شصاير والله گلبي نار منو مات

سيد عبدالله دنكت راسي باسى شكلها اگلها ابن كتل ابنه لو عم قدم نفسه علمود ينقذ ابن اخو  التفت عليها عيونها كلها خوف وتبجي هاي شافت هاشم هيج وهيج حالتها لو تشوف الي شفنا جان شصار بحالها :عمه ابو سلام مات

منسا :شنووو لا عفيه لا تكولها اشلللون والدم هذا شنو

سيد عبدالله :مااكدر احجي اكثر كتلج السالفة طويلة علوية عينج عليه اني رايح

منسا راح وخلاني الف فكرة براسي ودايخه شنو الي صار وعمه اشلون مات ركضت للغرفة اشوفه فتحت الباب على كيف لكيته كاعد بالكاع وراسه على السگف والهدوى الي بي قاتل عيونها حمر دم تقربت منه وكعدت بصفه

..اا البقية بحياتك

گمرهاشم بعد ماجنت كاعد بالديوان ويمي عبدالله وصلني ظرف فتحته وجان بي رصاصه

سيد عبدالله : هالمرة دازيها بظرف شيقصدون

گمرهاشم اباوع على الرصاصه شكلها مو غريب عليه  :والله ماادري شنو يقصدون غير كتلي

سيد عبدالله :هاشم حياتك بخطر اياك تجازف بنفسك سامعني خلي الحكومة تاخذ اجراءاتها

گمرهاشم : انت صاحي شنو ادخل الحكومة بابا هاي سالفه ثار الحكومة ماتدخل بهيج شي وبعدين من كل عقلك الدولة راح تفيدني وداعتك كم شدة يطلع وهم عيب بحقي ادخل ابن عمي عندي اني وياه ثار حگ اخذه بيدي ولو ان شاءالله مابقى شي وتنحل كلشي او اني لو هو

سيد  عبدالله : ماجاي افهم عليك اشلون راح تحلها هااشم ناوي على موتك انت

گمرهاشم : شنو ناوي على موتي الروح بيد الله محد ياخدها غيره لا تخاف مو اني الي اغدر بس مال ابقى ساكت لا هنا واكفه اهواي سكتت وخاطر عمي هم بس بعد مااكدر اسكت خما اظل ساكت لحد ميخطفون مرتي لو واحد من اهلي ويأذو ذوله تربية امهم العار اااخ لو رجال اني ابقى ساكت الها بس حسافة مرة

سيد  عبدالله : اني خايف عليك اهواي هالمرة الموت يحوم عليك اسمعني اي خطوة متخطي الا ورجلي على رجلك سااامع

گمرهاشم : كفووو بعد حيلي ادري بيك محاجه تكول

بقينه نسولف للوحدة بعدها راح واني ظليت افكر لازم اخلص السالفة الليلة وصلت حدها وياه دخبت للبيت وصعدت لغرفتي لكيت العلوية نايمه من اشوفها يرتاح گلبي واحس بهدوء داخلي تمددت يمها وحضنتها مااريد اتعمق اكثر بستها براسها وكمت غيرت ملابسي وفتحت خزنت الاسلحة عندي بالغرفة خزنه صغيرة اخذت سلاحي منسا حست عليه تخبلت من شافتني بهيج وقت طالع تقربت منها وبستها بگصتها چلبت بملابسي طمنتها ارجع وعفتها وطلعت بقت عيونها بخيالي وكلهن خوف عليه تمنيت ارجع واضمها لصدري واكلها ماكو شي بس عهد اخذته على نفسي اليوم ماارد الا وحال السالفة كلها طلعت لكيت حازم مجهز الشباب ركبت سيارتي وحازم يسوق وانور وسيارتين ورانه اليوم لو قاتل لو مقتول وصلنه للمكان الي اتفقنه عليه عدنان العار متفق وياهم

.. حازم عدنان متاكد وياهم اني اعرف عدنان ميدخل نفسه بهيج سالفة

حازم :متاكد شيخ اصلا المكان الي قاصدي اله عدنان بعد الي صار كام يتعامل ويه اي شخص  يفيد مصلحته وسلام اكثر واحد يفيده

گمرهاشم : عااار شتتوقع منه بس اليوم نهايته على ايدي

حازم : شيخ ناوي على كتله

گمرهاشم : مو اني الي اوسخ ايدي بكتل احد بس انطي درس اخلي يندم على الساعة الي فكر بيها بيوم يأذيني ويفكر بشي مو اله

اعرف كل الزين الموضوع مو سهل وبيها حياة وموت مو سهل عليه اوجه سلاحي بوجه ابن عمي بس هو حدني على هالشي اشكد تمنيت منوصل لهذا الدرب بس الشيطان الي لعب براسه اااه من القهر ابن العم يوكف بوجه ابن عمه شبقه للغريب

وصلنه ولكيناهم قبلنه واصلين وكلمن مجهز سلاحه حتى وجوهم نور محمد مابي كله شر عيونهم مليانه حقد وكره واحد ميريد واحد عمري ماشفتهم غير ولد عم بس حسافة صگارهم راح الي جان الكل يسمعله بس اااخ من ذلك اليوم الي راح بي مدري ليش احس ذلك اليوم راح ينعاد

.. حااازم انوور محد بيكم يطلق رصاصة فااهميين اياكم

انور : شيخ واذا همه طلقو علينه نبقى ساكتين منرد عليهم اااشلوون

گمرهاشم :انووور كلت محد يطلق احنه منريد ددم جاي نحلها ودي واذا ماانحلت ذلك الوكت اني انطيكم الاشاره

بده كلام بينه وعدنان مثل متوقعت كان وجوده بس علمود يشوف اذا يستمر ويه منو اشكد نغل مستمتع على جدالنه ماردت يكون موجود حتى وان كان نبقى من نفس الدم وتبقى مشاكل بين ولد العم اي تفاهم مصار بينه سلام ماعندي غير لوتموت لو تتنازل اني متهمني المشيخه بس حسافة واحد مثله يكون شيخ

سلام واكف والحقد والكره يطاير من عيونه يريد يشرب من دمه ويأخذ بثار قبل ١٢ سنه : هاااشم ماعندك خيار وانت الي طلبت هالمواجهة والا اني ميشرفني اوكف ويه واحد بسببه راح ضلعي انت بيدك تنهي هالمزله

گمرهاشم  عصبني العار : ولك انت ميشرفك توكف كدامي لك اني تاج راسك وراس كل واحد مثلك ياااعار تفففو عليك حسافة انت ابن الغالي

سلام :ماااكو عاار غييرك واصير عاار اذا مااخذ بثثاري

گمرهاشم اباوع عليه بدي وادفنه هنا هالعار ياخذ بثاره : ولللك يااثار اني الي اخذ بثاااري وللك اني متندم لان ماكتلك ذلك اليووووم ماكان لازم تبقى تفوو عليك

صار بينه كلام قوي واكثر ساعة ماردت اوصلها للسلاح بس العار يبقى عاار عنده الكلام بالسلاح اشد الموضوع بينه ووجه السلاح بوجهي امي منطي لجماعتي اي اشارة مني يطلقون ماكو لحظات وصار الي ماحسبت حسابه صار الي جنت خايف منه عمري مراح انسه الي صار نفس ذلك اليوم انعاد بس هنا الي نقذني عمي سلام ضغط على زناد والطلقه طلعت ماكو اقل ثواني ومااحس الا واحد كدامي صار واخذ الطلقة بدل عني هنا اني جن جنوني نفس نفس ذلك اليوم بكلشي حتى بالطلقة وكع عمي بين اديه اصلا اشلون اجه ماادري مااسمع غير صياح عبدالله هذا شجابه عفت كلشي وكل همي عمي

..عمممي اكككعد لا انت مابيك شي اييي مابيك ااانت ليييش اااجيت وااشلوون عررفت بمكانه عمي بس اتنفس وكلشي بكون بخير

اباوع عليه كوة يجر النفس سابح بدمه والبسمه على وجه مد ايده وخلاها على خدي وحجه بثقل

كاظم :مابيه احجي خل خليني اموت.احسن مااشوف هال هالعار مسود وجهي ابريني الذمه

گمرهاشم اخذت اديه وكمت امسح على وجه كل هذا واني اكول هذا حلم هسه اصحه اي حلم لا كابوس :عممممي بروح الغالي اصبر كلشي مابيك وصحت على حااازم

حاااازم السياره بسرعة ولللك تععالي سساعدني شلته بس شنو حيلي مهدود ركبت بالسيارة وخليته بحضني وهو كوة يجر النفس وكل اشويه مغمض عيونه عبدالله  جان يسوق اصلا ماادري هذا الثاني اشلون عرف

.. سسسيد بسسرعة

عمي خليك مفتح عيونك لا تغمض بسس اصبررلي. بحضني مخلي ونزفه قوه ويبتسم يثگل ماكو دقايق وحسيت جسمه برد تخبلت

.. لالا عممي عميي اااصحه ماابيك شي اكككعد عمممي لكك بسرعة سووق رااح مني

من شفته مبتسم وجسمه برد عرفته سلمها قبل لا نوصل هنا صرخت صرخة احسها شگت صدري كد ماكانت قويه مااعرف شنو اوصف الي اني بي

.. لالللللللللللللللا لالا مووو الك الموت لللليش اااجيتتت لييييش موووكافييي الي رراح لييش انني كان لازم مووت مووو انت لييشش اجييت اااااااااااه يگلبي اشكد بعد تتحمل

سيد عبدالله بعد ماخابرتني العلوية الخوف لعب بگلبي اخذت سلاحي وركبتي سيارتي اني اعرف ويه مكانهم الي متفقين عليه اتصل عليه ميجاوب اشكد عنودي دومه يغلق جهازه بهيج سوالف سويت الدرب ساعة واشويه من وصلت هناك لكيتهم واكفين وسلام موجه سلاحه على هاشم نزلت من السياره اركض اتخبل ولا ينعاد ذلك اليوم هم ينعاد واشوف هاشم سابح بدمه مستحيل ضغط على الزناد ومانحس الا واحد شمر نفسه كدام هاشم والصدمه الجبيرة جان عمه الي هو ابوه لسلام موقف ماينحدس عليه ماادري شكول على الموفق الي صار هاشم هنا تخبل كام يصيح بعلو صوته اما سلام يمكن انشل وكعد بالكاع ميدري شيسوي ركضت على هاشم الي فقد عن الكل كل همه اشلون ينقذ عمي الي بالاساس نسبة نجاته واحد بالمية اشوف حالته تكسر الگلب سبح ويه عمه بالدم ساعدته وشلته وياه للسيارة اشكد هاشم قوي وعنده صبر بوفاة ابوه حالته مكانت هيج فقد كلش حاطه بحضنه ويحاول ميخلي يفقد بس علمود نوصل بس للأسف سلمها بحضن هاشم الي انهار من الي صار هنا هاشم صرخ بصرخة اول مرة هيج اشوف على صرخته حسيت گلبي انمرد ودموعي جرن :  هااشم على كيفك اذكر الله

گمرهاشم : لللك راح كله مني اننني السبب لييش هييج حظي هااا ولك شنو ذنبه اااه

سيد عبدالله حرت شجاوب وشنو اكول وصلنه للمستشفى اباوع عليه صار بحالت هدوى  :  هاشم

گمرهاشم كل الي صار رجعني لقبل ١٢ سنه صار نفس الحادث وانعاد نفس السناريو بس الفرق هالمرة عمي راح صار عندي هدوئ مو طبيعي وصلنه للمستشفى بقيت حاير اذا دخلنه الف سؤال ينسأل اني ماعندي طاقة اجر روحي : عبدالله اتصرف من يمك بعد مابيه

سيد عبدالله باوعت خشمه طگ دم وهم قوي همزين طگ خشمه جان انته حازم وانور جانو ورانه بلغتهم ياخذو للمستشفى ويكملون الاجراءات بدون مشاكل هاي المستشفى عندي ابن عم السيد رئيسها يبقو بالثلاجه لحد ماندفنه واخذت هاشم للبيت لان حالته منتهيه بس ماقبل

گمرهاشم :سيد خلي يسوله شهادة وفاة مااريد اي محظر ينفتح فااهم

سيد عبدالله : بلغت الشباب بكلشي بس هدئ راح تموت

مارد عليه اباوع على الساعه كانت بالخمسة الفجر ماقبل نرجع وره فترة رجعنه نزلته وسندته كان كوة يمشي واحسه راح يوكع عليه دخلته للبيت ودزيت رساله للعلوية الي بس شافته تخبلت وصيتها عليه وطلعت مصدوم من الصار شنكول وشنحجي السالفة جبيرة كلش مو يعقلها

گمرهاشم دخلت للبيت وكعدت بتعب تمنيت مارحت وسمعت كلامها مكان صار الي صار اااه اكل بروح ندم على كل لحظة مارجعت بس الي مخبلني اشلون اجه وليييش سوه هيج اااخ مالي خلك لاي احد صعدت اريد اسبح واذب هالدم الي عليه واشكد اتمنى اذب كل الي صار دخلت منسا وكعدت يمي وكالت البقية بحياتك هنا حسيت كل الي صار صدك هنا اني حسيت نفسي بمتاهة مالها خروج هنا فقدت كلشي حلو احس الحمل كبر اهوووواي محتاج احد يشيله عني ليش مكتوب عليه شيل كل هالهموم تعبت اهواي خليت راسي بحضنها : تعبااااان بكد شعر راسي

منسا من شفته هيج دموعي جرن وحدهن حرت اشلون اواسي من خله راسه بحضني حسيته شايل هموم والتعب هده الله يساعد گلبك اشكد شايل حمل اااه لو بيدي اشيل كل هالتعب منك

اشكد مااوصف الي صار ماانطي حقه هاشم من الي صار وهو حالته حاله واحنه لحد هسه منعرف شنوصار بذيج الليلة الي اعتبرها ليلة سودة طول ايام الفاتحه هاشم ميحجي وحتى للبيت ميدخل بس على كد يسبح ويصلي وبليل يجي ينام كلمة غير لحد يگعدني ميكول البيت كله دخل بحالة حزن العم كاظم كان خوش رجال طيب وحنين بس الي عرفته من منار كل المشاكل الي صارت سببها ولده الي همه سلام وغسان والي مستغربته همه الاثنين ماكو حتى زوجته الي من تجي ترعد ماكو ايام الفاتحه كانت ايام سودة وحزينه من اشوف هاشم  اشلون تعبان حتى وجه اصفر ولحيته طويله مبين عليه التعب حتى كلامه قليل واغلب وقته يكعد وحده وهذا الشي مضوجني وهم خايفه عليه هسه لو اعرف شنو الي صار كان عرفت اشلون اتصرف وياه

بعد مرور شهرين على الي صار

منار كاعدة بالسنتر الجامعة وصافنه بالكتاب الوضع  هدوى وكلش مستغربه هالشي معقولة سلام اله ايد بموت عمي الي لحد هسه احنه منعرف واذا حجو بالسالفه ميحجون يمنه واني متاكدة السالفة جبيرة اوووف اشلون سالفة هاي مااحسيت الا واحد كعد يمي وجر الكتاب عبالي احمد همزين الساني مافلت عززا جان صرت فرجه للطلاب كلها

.. كرار

كرار : لا اخوه طبعا كرار شنو مستغربه

منار :اي والله مكتلي راح تجي

كرار :ماجنت مقرر بس هيج اجه على بالي اجي اشبيج صافنه وحالتج حاله

منار اخذت نفس :وليش مااصفن الي صار هذاكله برايك ميخليني اصفن

كرار هاي متدري بالسالفة وهيج حالتها لو تعرف والله خطية هاشم اهواي تعبان :اي والله حقج الي صار مو اشويه بس بعد هذا المكتوب

منار :اممم الحمدلله

بقينه نسولف وهم جاب سيرت الزواج وكال نأجلها لفترة وبعدها نشوف اشلون نفتح الموضوع

منسا بعد شهرين نكدر نكول شبه رجعت الحياة للبيت بس هاشم مثل ماهو بس الفرق كام يحجي ويانه صح مو مثل گبل بس عالاقل يحجي ويانه والله من اشوفه يحجي لو يناقش ارتاح طبعا دوم هو يوصلني ويردني حتى مرات يعوف الديوان ويجي اشكد اگله ماكو داعي خلي اي احد يوصلني ميقبل الا هو واني مااكدر اجادله وخاصه بعد الصار صار عصبي كلشي واذا ضوجه شي يطلع من البيت وميرجع لحد مايهدى

گمرهاشم عرفت من حازم بانو سلام متخبل وصاير بي حاله نفسية وشبه متخبل حسب الي سمعته صاير يتخيل ابوه بكل مكان ووضعه بالنازل طبعا   عمامي واخواني انجبرت اخبرهم بالي صار والكل تخبل وصار صياح وحالتهم مو اقل مني

جاسم :هااشم ليش مابلغت الشرطة هيج سالفة مينسكت عنها بس اريد اعرف اشلون هيج گدرتو ادفنو والطب الطب العدلي ماسوه محظر

گمرهاشم :واسطه يخوي لعد شسوي برايك السالفة هينه احنه عايزين فضايح

مهدي :هااشم ماكان مفترض تبقى ساكت هيج سلام من كل عقلك يبقى ساكت مستحيل يسكت تذكر الي صار قبل ١٢ سنه هاا مو نفس الحادث لولا متحجي هم راح بيها يوسف تذكر هاشم انت انطيته مجال ماكان صار

گمرهاشم : وشتريد اسووي هاا ادخل محاكم من وراه هاا هو هذا هم حجي ولك هذا عااار تعرف شنو عااار ماحاجه اكلك واكثر منه ماره عليك ولك هذا حله بس الموت شتتوقع من واحد كتل اخوه وابوه هاا

جاسم : هاشم هدي يخوي ماعولنه كمت تحجي والي صار صار لا تحمل نفسك الي صار عمي هو قدم نفسه

گمرهاشم : اشلون مااحمل نفسي ولحد هسه كلمته ترن باذني يگلي لو يرجع بيه الزمن هم اعيدها واخذ الطلقة بدل عنك.. ااااه

حامد : شيخ هاشم يولدي ادري بيك محمل نفسك الي صار واحنه كلنه ضايچ خلگنه على اخونه بس الحگ على ولده الي سبب چتل ابوه واخيه مكافاه الي سواه عادها توبتنه ثانيه ويمكن المرة الجاية وانت نايم يچتلك خليك حذر واحنه وياك بكل خطوة

گمرهاشم :تسلم عمي على راسي ادري بيكم متقصرون ان شاءالله مينعاد الي صار لان ساعتها بس الله يعلم شنو ممكن يصير

شهاب غريب حالت اهلي الوضع مو طبيعي وهم حاس صاير شي

احمد :الووو ياهلا بخوي الغايب

شهاب :ولك عار هو اني الغايب لو انتو الي صار فترة مختفين شصاير

احمد :اي والله حقك ههه كول شنو الي مصار وداعتك صرنه فلم هنديبس خرب اشلون طلايب ومشاكل اااه

شهاب :صير ادمي واحجي عدل

احمد وبديته احجيله الي صار كله وهذا حضرته ممصدك  :لك هالغبي هو اني مصدك حتى انت تكول مااصدك بس والله السالفة مو هينه وعمي هاشم حالته حاله

شهاب :لا حول الله معقولة كل هذا يصير الله يساعد گلبه لعمي واي وتالي سلام العار وين هسه

احمد :مااعرف بس الي سمعته انو حاليا مو بالعمارة وهم غسان مختفي من يوم الحادث

شهاب : ذوله وين ممكن يختفون وهيج عدهم عادي كتل ابوهم 

احمد :توقع كلشي بي المشكلة خايفين لا ياذي عمي بسالفة جبيرة مالها حل

شهاب :شنو هي هيته عمي ليش ساكت لو منه مقدمه للدولة وبعدين عمي مهدي وين من هذا كله

احمد :عمك هاشم مقابل يكول معايزين مشاكل وهم السالفة احلها بيدي

شهاب : هذا هو لعد انتظر الي جاي

گمرهاشم حياتي بعدالي صار تحولت سودة مظلمه اشكد حاولو وياي اطلع من الي بي بس مو بيدي ياناس كدام عيني عمي انكتل لا ومنو كتاله ابنه اشلون يعقلها العقل كله بسبب حقد وثار قديم..جنت كاعد بديوان قبل اشويه رجعت من النجف واجه حازم وبيده ملف

..هاا حازم خير

حازم :شيخ هذا الظرف الك

گمرهاشم :ظرف الي ومنو جابه

حازم :واحد اجه يسأل عنك وكال هذا الملف اله ومحد يستلمه غيرك

گمرهاشم :استغربت ملف وشنو بي اخذتها وفتحته كان بي ظرف صغير ومكتوب بي

..شيخ هذا الملف لازم تقراه عدل بي اهواي اشياء مهمه طلب المرحوم مني اسلمه الك بس اني ماكدرت لان سافرت رجاأ الملف يحتوي على اشياء خطيرة لازم تكون حذر ملازم غيرك يعرف وانت راح تكدر تسلمه الي يكدر يتصرف بهذا الخصوص

گمرهاشم: هذا من عمي

يتبع....

#اقسمت على حبكِ عند الأمير

للكاتبة ضوء القمر

كل حجآيه مكتوبه تجي بـ عيني ،

‏آفز بيهآ ، يتراوآلي قريت آسمك !

‏وآرد اقراهآ واعرفهآ ولآ يمك ..

‏شجآني وكل حچي الوآدم يذكرني !!

‏شجآني ومن يمر ذكرآك ،

‏يرفض جفني يسترني !!

‏شجآني وأيست مني ؟؟

گمرهاشم :استغربت ملف وشنو بي اخذتها وفتحته كان بي ظرف صغير ومكتوب بي

..شيخ هذا الملف لازم تقراه عدل بي اهواي اشياء مهمه طلب المرحوم مني اسلمه الك بس اني ماكدرت لان سافرت رجاأ الملف يحتوي على اشياء خطيرة لازم تكون حذر ملازم غيرك يعرف وانت راح تكدر تسلمه الي يكدر يتصرف بهذا الخصوص

گمرهاشم: هذا من عمي

حازم :شيخ وشنو ممكن يكون بي

گمرهاشم صافن بالملف وكلامها عرفت منو صاحبة الرسالة ابتسام هي الوحيد الي تساعد عمي بس شنو الي بي وميريد احد يعرف :ماادري خلي اشوفه وبعدين النه حجي الي وصله منو

حازم : شاب مااعرف كال موصينه يودي امانه واجه سلمها

گمرهاشم :مبين هالملف خطير زين ومحد عرف بي والا كان صار بخبر كانه

طلع حازم وفتحت الملف وانصدمت من الي شفته كل هذا معقولة ذولة شعاملين لا ياعارات على هاي الدگة اشلون كدرو يشغتلون كل هذا لابد اكو احد مساعدهم الملف كان يحوي مستندات تثبت على تورط سلام وغسان بصفقة بيع وشراء اسلحة لا وهم غير مرخصه وهم عمليات اختلاص لبعض الشركة والادهى من هذا الاسم الي مستخدمي بكل شغلهم هو نفسه اسم شركتي الي بدبي الي هي شركة سيارات بس اني صار تقريباً سنتين موقف عملها ذولة اشلون كدرو يسوون كل هذا عصبت كلش وصرت مفول عصبية لو يحطوهم كدامي افرغ الثواچير بروسهم قبلت بكلشي بس ماال هيج ورطه لا هنا صدك طفح الكيل بس اشلون عمي كدر يحصل عليهن هيج ملفات مستحيل يكدر احد يسرقهن بسهولة عمي اشلون لگاهن سلام مستحيل يخبي عليه هيج ثغرة صفنت بالاوراق كلها ثبوتية وهم عليهن ختم بس نسخه ثانية بقيت حاير والف فكرة براسي شنو ممكن اسوي اذا وصلنه للدولة معناها سجن مؤبد لا محال السالفة مو هينه بيها مشاكل الها اول مالها تالي اوووف يازمن بعد شناوي عليه مصار غير شهرين وكدرت اتعدة الي صار انوب تجيني هالمشكلة ياربي الصبر اشلون راح اتخلص كن هاي السالفة لا مصيبة اذا صدك كل شغلهم باسم شركتي بس اشلون كدرو يشغتلون باسم شركتي رجعت بذاكرتي لقبل اربع سنوات اول مافتحت الشركة عمي دخل وياي شريك وبقى لمدة سنه والي كان مشغلهم اثنين من معارفه معقولة همه الهم ايد زين ليش كل هالفترة محد كشفهم وعمي ليش بقى ساكت اذا كان عنده دليل

بقيت اراجع كل ذيج السنوات ماكو غيرهم همه الوحيدين الي يكدرون يساعدون سلام بهاي السالفة رجعت للبيت مكان في احد الشيخه والحجية راحن بواجب لگرايب الحجيه كعدت وحاير بزماني اشلون اخلص هالسالفة من غير سخائر

.. الووو سيد سلام عليكم

سيد عبدالله : وعليكم السلام هلا

گمرهاشم : انت وين سيد

سيد عبدالله :حاليا بكربلاء ليش واشبي صوتك

گمرهاشم :لا يخوووي اشوكت ترجع

سيد عبدالله :هاا والله ماادري توني وصلت خير صاير شي هاشم اشبيك

گمرهاشم :اوووف كول شنو مصاير دخيل جدك اريدك باجر تجي محتاجك كلش

سيد عبدالله :هاشم لا تخوفني شصاير كوول

گمرهاشم :مصيبة خليني ساكت لا هسه انفجر روح هسه بس باجر انت يمي

سيد عبدالله :اششلون راح ابقى هنا وانت تكلي مصيبة

گمرهاشم :لا تعصبني گتلك من تجي مومال تلفون

سيد عبدالله : انت صدك تحجي غير افهم شصاير

گمرهاشم :سيييد كلت من تجي وخلاص السالفة ماتنحجي بالتلفون بويه روح زور وادعيلنه وياك ومن تجي يصير خير

سيد عبدالله :ماشي ان شاءالله ماكو شي

گمرهاشم سديته ورجعت راسي ليوره تعبان كلش من غير الحيرة والعصبية بدي الزم سلام واخلي عبرة لمن اعتبر فعلا اهواي سكتت وبعد ماعاد بي صبر ولو من صار قتل ابوه وهو مختفي ماخليت مكان مادورت عليه وين وله ماادري راح اتخبل حتى العار امه واخوه ماكو فص ملح وذاب جان يمي مزهريه شلتها ورگعتها واطشرت صعدت الدرج اشلون جاي امشي بعد كل الي جاي يصير بحياتي ماادري دخلت للغرفة واشوف بلوت گلبي مددة على الجربايه وشعرها نازل من الجربايه هو اني منا معصب طاگات عندي وشفت شعرها هيج ذابته تعصبت اكثر تقربت منها ووجهي صار بوجها هي جانت مغمضة عيونها من اتقرب منها انسه كلشي اشكد مااكون معصب يمها كله يروح هاي البنيه كتلة من الهدوى والنزاكة الله رزقني بيها حست على انفاسي لان جنت قريب كلش منها فتحت عيونها على وسعهن ياريت مافتحتهن سحرني وگلبها يدك قوي عيني اجت على مكان النبض بقوة ينبض ادري بيها خايفه حجيت واني بمكاني ماعدلت وكفتي

..انننني شكلت هاا

تتنفس بقوة وخوف وكوة حركت شفايفها

منسا اليوم ماداومت اخذت اجازة حاسه نفسي تعبانه وهم هاشم جان بايت بالنجف عمتي والشيخه طلعن من الصبح عدهن واجب كملت شغلي وكعدت بالغرفة حطيت روايه اتسلى بيها جنت مددة على الجرباية ومنزله شعري احب انزله هيج مدري اشلون غفيت مااعرف اشكد مر من الوقت بس حسيت على انفاس وعطر مستحيل مااميزه من بين كل العطور صرت احبه فتحت عيوني والصدمة هنا هاشم حاط وجه بوجهي ومبين معصب هنا گلبي راد يطلع من مكانه والخوف اول مرة هيج يكون قريب لا وانوب وجوهن متعاكسة سك على سنونه وحجه خفت صاير شي لو سامع شي حجيت بخوف

..ش شنوو

گمرهاشم :اني مو كلت شعرج نعمة الله اشللللون هيج ذابته هااا

منسا هنا غمضت عيوني براحه هذا صدك يحجي شعري ليش ذابته يعني كل همه شعري :تره ماذابته بالطين ولا تراب هو كله منزلته مصار شي

گمرهاشم :شنننو مصار شي انيي كم مره كايل شعرج ديري بالج عليه هاا وبعدين ليش هيج منزلته

منسا خليت اديه على صدره بخفه وحركته وكمت عدلت كعدتي :بله انت صدك تحجي واذا شنو الي صار

گمرهاشم من خلت ايدها حسيت بشعور حلو كعدت وشعرها غطه جسمها ماردت اضعف كدامها مشيت مسافة عنها :مصار شي بس شعرج نعمه واني مااحب اشوف شعرج هيج ذابته

عفتها لان يمكن اذا ابقى يصير غير تصرف واني تعبان مو مال اتعب روحي واني مااعرف اني شنو بالنسبة الها دخلت للحمام وكفت جوة المي تمنيت يزيل كل تعب گلبي مو بس جسمي

منسا اووف ماادري اشلون راح يتغير حالته احسه غامض انوب اجتي هالسالفة الي خلت اكثر غموض يعني هو من ازوجه لسه مابادر وياي بعد ذيج المره الي خربت كلشي المشكله مااعرف ليش هيج يتصرف يعني تصرفاته شكل ونظراته شي ثاني اخجل من يباوع عليه احس بيهن كلام بس ليش ساكت مجاي ينطيني مجال علمود اكدر اساعده ااه واني الخجل الي مانعني وهم اشلون اني ابادر هو الي لازم يبادر عافني ودخل للحمام حتى ماادري اشوكت اجه لميت شعري وكمت حظرتله ملابس وبقيت كاعدة انتظر يطلع طبعا عدنه بالبلكونه كعدة صغيرة وهم مطلة على الحديقة والمنظر حلو كعدت بيها وافكر اشلون اخلي يحجي الي بگلبه صار خمسة اشهر على زواجنه واحنه لحد هسه علاقتنه عادية مااعرف اشوكت راح تبدي حياتنه والسؤال الي اهواي انسألت ليش لحد هسه محملتي ابقى ساكتة مرات ومرات ادر او هو يرد اما الشيخه احسها تعرف انو احنه لسه مكامل زواجنه بس ساكته تريد تشوف ليوين نوصل سمعت صوته طلع من الحمام جاي يخابر وكام يصيح

گمرهاشم طلعت وخابرني انور

..هاا انور بشر

انور :شيخ مالگينه شي وحتى جماعته مختفين

گمرهاشم :اشششلوون ووين ولووو انني مووكلت كل حركة منهم ترراقبووهم

انور :شيخ مثل ماطلبت بس الي صار

گمرهاشم :ششنووو الصار انووور بس اريد افهم زلممك اشبيهم

انور :السموحه شيخ بس ماجنه متوقعين راح يشردون قبل من نوصلهم

گمرهاشم عصبني زيادة :روح انور اشويه وجايكم

سديته منه واكف كدام المراية من عصبيتي كان اكو عطور شمرتهن كلهن

..وووين ولوووو هالعااارات

منسا من سمعت صوت تكسير دخلت وشفت مكسر العطور مالته وكم عطر اليه اول مرة هيج يعصب اصلا هو من يعصب يطلع بره خفت عليه

..هااشم

گمرهاشم ماعبالي منسا هنا عبالي نازلة اكيد تفاجئت بعصبيتي غمضت عيوني بقوة : اسف بويه ماعبالي موجودة هنا

منسا رحت يمه :انت بخير ليش معصب

گمرهاشم باوعت بعيونها شفت قلقانه واهتمام خليت اديه على خدها :ماكو لا تخافين مجرد مشاكل

منسا :اشلون وانت هيج معصب وكسرت العطور لازم اكو شي جبير

گمرهاشم : اجيبلج بدل واحد الف بس لا اطمني ماكو شي اعتذر اكيد خفتي مني

منسا : ميهمني العطر والي انكسر يهمني انت لو متأذي كان شنو استفادينه

گمرهاشم اويييلي يعني اني معصب وجاي احجي وياها بهدوى علمود متخاف ومن كالت يهمني انت هنا مي بارد ونزل على گلبي دخيل ربج اشكد تنحبين ابتسمت وقربت وجهي منها هي خجلت ونزلت راسها همس باذنها

.. اني هاللحظة اسعد انسان لان العلوية يهمها راحتي وصحتي اطمني اني بخير دامج بحياتي

منسا من همس حسيت بمشاعر حلوة داعبت گلبي احست فعلا اني الي مكانه بگلبه باسني بخدي وراح اوويلي عليك شيخ ماادري اشوكت راح تعترف

گمرهاشم عفتها ونزلت لو ابقى يمها انسى نفسي واني مفارغ طلعت للديوان ولكيت حازم وانور ورجال وياهم

..هاا بويه الله يساعدهم

حازم :ويساعدك شيخنه

گمرهاشم دخلنه الديوان : اكعدو واحجولي شصار

أنور :شيخ احنه اول ما طلبت منا نراقبهم بدينه نراقبهم بالبداية ماجان اكو شي مريب بس وره فترة كمنه نلاحظ عليهم يطلعون ويدخلون بس متخفين وهم اكثر من واحد ودوم الاسلحه وياهم من شددنه عليهم المراقبة كامو ميطلعون لحد مافد يوم كلنه خلي نعوفهم ونشوف وين يختفون وصدك عفانهم بس خلينه كم واحد يراقب والي صار خالين المنطقة من زمان وذولة الي جانو يطلعون اصلا جان عملهم بس كعدت بالمنطقة

گمرهاشم عصبوني يعني اني كل هالوقت كدر يلعب عليه هالعار : من اشوكت هالحجي

انور :بعد ذيج الليلة جانو موجودين لحد بعد ماكمنه نزيد بمراقبتهم اختفو

گمرهاشم : لالا ماااكاان لازم تغفلون عنهم خيج ضيعتو فرصة من ذهبب

حازم :شيخ هسه بشنو تامرنه

گمرهاشم فريت سبحتي وعدلت كعدتي : خليهم هسه براحتهم وخلي نشوف وين راح يوصلون بسوالفهم

حازم وانور :على امرك شيخ

گمرهاشم ايي ياسلام جاي تلعب بنار خوش حجي خلي نشوف منو الي راح يفوز

منار خلال هاي الفترة عرفت كم شغلة عن كرار كرار من النوع الي ميقبل بالشقه وسوالف الضحك وكذا مو رافضها بس مو بشكل كامل يعني ميانه زايدة ميحب خاصه البنيه عكسي الي احب الشقة والضحك واصلا اني شقاي وسوالفي بس ويه احمد وشهاب بس ذولة واصلا همه علموني على هيج سوالف الا هاشم ميحب هيج بس اني ماخذته بلساني هههه والله مرات اجفص ببطنه ومرات يسويها ويزعل وبلساني المعسل ارضي هه خو حبوبه هههه هاي سالفة ثانية اصلا اني وياها اذا كعدنه محد يسلمنه خاصه اذا كان مضوجنه اذكر مرة بنت خالي هاي وحدة شايفه روحها وهم لازگه لهاشم ماخلينه بيها وصدك البنيه من ذلك اليوم لحد يومنه بعد مجت

احمد :هاا صخلة اسف اقصد دكتورة

منار :ولك ياصخل وحمار هم اشلون دكتور انت ماادري يمكن غلطو بيك لان متاكدة انت ثور اهواي عليك

احمد :هههههه بدت رحمه الله ولج يمعودة استري علينه احنه بالدوام بس خلي نرجع

منار :متحاجي نفسك يالغبي اشلون تصيحلي صخلة هاا ولك جان كلت عيب بله فات واحد منا وسمعنه ولك عمتك اني من عمى العماك ان شاءالله

احمد :اووويلي على السانج اذا انفتح عمي حگج عليه اسف دكتورة بس شتردين

منار :والله شغلة تفيدك اسف متمشي وياي

احمد :يعني لازم عزيمه هاا

منار :عليك نور وبعد ازيدك من الشعر بيت هدية

احمد :هلووو هدية شنو انوب

منار :من هسه ابدي اجمع هدايا لعرسي

احمد :هو وينه السيد غير يجي وافتك منج ومن عزايمج عمي بعد التوبة اذا كلت كلمة فلوسي كلها عليج حتى تكبيل مجاي اكدر اگبل

منار :هههههه خرب بيومك ولك منو تقبل بيك هاا وتعال اني شكو ذنيج بنات الجامعة وروح لازمتك

احمد :اشو مستهينه اهواي بيه ليش عيني اشبي اشو اخبل كافي اني ابن شيوخ والكل تحلف براسي

منار :ونعم منك ومن شيوخك هههه خيرك وليدي ليش عصبت هااا لازم اكوو موو كولل

احمد :لا يمعودة وين كلشي ماكو على حطت ايدج هو الي يگابلج منين يتعرف على بنيه

منار :هااا رجعنه ولك انت اليوم ناووي على كتله معدلة جلدك يحگك بس اصبرلي خلي نرجع واعرف شغلي

احمد :ههههههه امشي عمي امشي خلي ندخل محاضرة وبعدين نروح نتغدة لا تتطلبين شي اكبر

منار كمنه ودخلنه القاعة طبعا احنه نفس القاعة مااخلص منه ابد :اكلك هاي اشلون بيه اني

احمد :خيير اشبيج مثل الحصان كلشي مابيج

منار : دخيلك يالحمزة اشلون يريدني اخنگه ولك اشويه احترم المهم لازم ابطل هالسوالف التعبانه

احمد : اي سوالف

منار :وفگس بعيونك سوالفنه هاي ولك كرار يتخبل من ميانتي وياكم هيج اشلون هناك وتعودت على هاي السوالف

احمد :هههه بيدج غيري نفسج

منار :من وراكم اني هيج صرت لوما انت واخوك الشفيه جان بقيت البنت الخجولة والهادئة مو هسه من وراكم صايرة شقاوة

احمد :هههههههههههههههه

منار :وسممممم ووجع لك شنو هالضحكة فضحتنه

احمد :اااخ يمه بطني انت بنيه الخجولة والهادئة هاي منو عفيه اذا تعرفيها دليني عليها

منار :گوم منا

احمد :هاا

منار :وعلااا وسطعش لحداا كوم الك لا هسه اعمل بيك عمايل خلي يخلص الدوام واني اعلمك

احمد :لاعمي راح اكوم خلي اسلم على روحي

ههه عفتها وكمت بصراحه احنه خربناها هيج فعلا مكانت هيج من الصغر علمناها هاي سوالف شهاب هو غيرها وخلاها مثلنه ههه بس غير صارت استاذة

منار بعد اسبوع رجعت للعمارة طبعا رجعت ويه كرار اجه اخذني

منار :كرار

كرار :بلي

منار :انت وسيد رضا مو توم

كرار :هه غي بس مامتشابهين ليش

منار :لا بينكم شبه بس ها اسم شبه وصدك ليش لحد هسه متزوج

كرار :بعدين راح تعرفين راح احجي ويه هاشم علمود زواجنه

منار التفت عليه : صدك تحجي بس مصار على الاربعين غير كم اسبوع

كرار :اعرف خلي اشوفه اما نأجلها لبعد متكملين او بعد سنه وانتمى منطول

منار :اني هم مااريد انطول

كرار :خوش لعد اني كملت الغرفة واجوي نصبوها هم والعلوية مجهزة كلشي والعقد كمل مناقص غير نشوف اخوانج شيكولون

منار :اني هم تقريبا كملت جهازي بس سالفة دوامي اشلون بيها

كرار : كتلج خليها عليه انقلج خما تبقين هناك ادري راح اتعبين بالبدايه بس بعدين تتعودين

منار :ماادري اشلون راح اتعود وخاصه احمد مو وياي اشو اني كلت هيج ومااحس غير وكف السيارة

..اشبيك كرار

كرار عصبتني ادري ابن اخوها وميانه وياه ونفس العمر بس مو هيج من انخطبنه لسه كلما نحجي يااحمد ياشهاب واني شنو يعني ادري زواج تقليدي بس مو هيج :انت اششلون وياج يعني ماكو احد هامج غيراحمد هااا تره اني زوجج يعني حبيني تشاقي وياي اضحكي حسسيني احنه مخطوبين يعني لو نتعارك لو تسولفين عن احمد وشهاب

منار انصدمت معبالي هيج ضايج مني اني صدك اهواي احجي عنهم لان اصلا اغلب وكتي كان وياهم وخاصه احمد وفعلا اني كلامي وياه يكون رسمي حتى مااكدر اخذ راحتي اتشاقه وياه لان احسه جامد بس متوقعت هيج حالته :تره انت السبب لان محسسني اني مااهمك وهم ذولة الي شعت وياهم وكبرت وياهم

كرار :انيي السبب يعني الغلطان بكل هذا اني موو الله عليج فد يوم سولفنه اذا ماجبتي احمد وشهاب بحجينه اوك وياج متعلقة بيهم مابيها شي ذولة ولد اخوج وانتي عمتهم بس منارر انني رجلج هناك يمي هم هيج نظل نسولف بيهم ولج مرة اريد نسولف نكعد بدون متذكرين سوالفكم اريد احس بنفسي خاطب اتغزل نضحك نسولف بمستقبلنه مو نگضيها لو هيج لو عرگات

منار دنكت راسي اشكد اني غلطانه بحكمي عليه وفعلا ماجنت انطي من نفسي وونسولف بمستقبلنه كلها سوالف ماالها داعي :لهاي الدرجة ضايج مني ومعصب هم

دارني عليه ورفع راسي باصبعه

كرار : منار اني مضايج منج ابد بس معصب اي لان فعلا من تحجين اغلب الوكت بيهم احسدهم وهاي اول مره بحياتي احسد احسدهم لان ماخذين كل تفكيرج وكلامج اريد كون مثلهم هيج اخذ بالج

منار ماعرفت شجاوب :كرار تره همه وحد وانت وحد همه ولد اخوي وغالين عليه بس انت الرجال الي اسنتد عليه الي احتمي بظهره رجلي وابو بيتي وابو ولدي ومكانتك تبقى اعلى منهم اني اسفة على كل لحظة مضت ماعرفنه اشلون نستغلها بس ان شاءالله الايام الجايه تثبت معزتك عندي

بعدها باسني بخدي وهاي كانت اول مره يسويها بس فعلا حسيت باهتمامه وصلنه العمارة فرحانه كلش هنا احس براحه واصلا اخذ راحتي ماادري اشلون راح افرقهم طبعا الكل فرحان بيه كرار بقى وثاني يوم راح على شنو اتفقو ماادري بس كرار كان مبين مرتاح شسالفه مااعرف لان ماكدرنه نحجي جان مستعجل بس عرفت من امي متفقين هو والسيد هادي الي هو عمي بس يخلص هالكورس نتزوج والزفه تطلع من بيت اخوي جاسم جنت اتمنى منا اطلع بس بعد صار الله لايوفقك سلام كل من وراك من عسى متشوف الراحة بعمرك

منسا بعد مكمل الشهر اليوم كانت حنت منار فدوة الله اشلون طالعه تخبل طبعا حضرت الحنه ورجعت ويه اهلي للنجف لان مااكدر اخلي ماما وحدها على الرغم كوة اقتنع هاشم اجي

منسا :هااشم عفيه خليني اروح هو اسبوع

گمرهاشم :انتي صدك تحجين اسبوع شسالفه بويه شدعوة

منسا جان واكف يلبس بغرته : شيخ لعد اشلون العلوية وحدها واني اخت العريس وهم الوحيدة اشلون مااحضر

گمرهاشم :اني مو مانع روحتج بس اسبوع اهواي

منسا :والله مااهواي هو بيوم السبعة ارجع ويه عمه عفيه شيخ هاي اول مره اطلب معقولة تردني

گمرهاشم بويه هو اني اكدر :اوويلي بعد علوية گلبي تطلب عمي موافق بس هاا بالسبعة انتي هنا مفهووم وهم بالحنه ترحين وياهم ولو صعب علينه بس نتحمل شنسوي بعد بشنو تامرين

منسا ابتسمت :سلامتك ياشيخ الشيوخ

رضا :علوية وينج عيني

منسا :هاا عيني كول

رضا :يابه منور البيت بالعلوية منسا بس اريد اعرف الشيخ اشلون قبل تبقين

منسا :هههه كوة قبل وهم شرط بالسبعة ارجع وياهم مكتلي شنو ردت

رضا :اي ذكرتيني صينة الحنه وين

منسا :هااي جهزت وهم على اتم الجهاز عفيه مو تنسه خلي اموري يصور كلشي

رضا :صاار عيني

منسا :يوم الك ان شاءالله

رضا :عود افكر

منسا بعد ماالناس راحت ومحد بقى احنه ميبقون بس من الصبح يجون لان قربين اباوع كرار فرحان متوقعت هيج وخاصه من اخذ هالقرار بحالة عصبية وتهور بس الي اشوفه فرحان ان شاءالله دوم اني متاكدة منار راح تسعده ثاني يوم جنه مخبوصين خطار والطبخ وكذا ولازم نطلع من وكت على السريع جهزنه كلشي وقبل ساعتين جهزت نفسي لبست فستان اسود سادة الادين بيها نقش ذهبي ولبست فوگاه بشت طويل لونه اخضر شذري كلش حلو وهم طويل طلعنه لبغداد ناخذها من بيت حماي ابو شهاب جاسم طبعا ركبت ويه رضا وماما وبابا وحدهم وصلنه هناك وكانو هاشم موجود من شافني كبل اجه عليه

گمرهاشم :لاتنزلين ابد

منسا :لا عفيه ليش

گمرهاشم :بويه وين تنزلين زلم منا وناس كوة خليج هسه همه اشويه ويطلعون وبعدين تعالي هاي شنو الگحل

منسا :والله محاطة اهواي وهم بقى من البارحه لان نوعية اشويه قوية

شفته عصب اوويلي عليك لعد لو مخليه مكياج جام شكلت

گمرهاشم :ايياج ترفعين راسج فااهمه وهم راح اوصي سيد رضا يمشي قبل الزفة

منسا : صار

اشكد يغار المهم بعدها طلعو وفعلا شفت هاشم واكف ويه رضا واجه رضا مبتسم ويضحك وگلي الشيخ يأمر ميطلع شي منج ههه طلعت الزفة ورجعنه للنجف وكبل للفندق وزفينه العرسان فديتهم طالعين يخبلون ورجعنه للبيت

منار كاعدة بالغرفة بعد مازفونه راح يودع اهله دخل بقاطته البيجي والربطة ماروني السترة بيها خط ماروني كلش حلوة عليه اصلا طالع حلو وهو مناقص تقرب مني والابتسامه على وجه كانت ليلتي على كد ماكنت خايفه كدر يسحب كل خوفي وتمت شغلتنه على خير صح تأذيت بس كان تعامله كلش رقيق وياي دعيت الله يديم المحبة ويجعل زواجنه خير علينه بس ماادري شنو راح يكون مضموم

مازن :انت شتكول هااشم صدك تحجي

گمرهاشم :قاابل السالفة بيها شقه

مازن :بس اشلون

يتبع...

مووتنسون التعليقات 😍😍

#اقسمت على حبكِ عند الأمير

ضوء القمر

خلهن موكتهن خاطر احجيهن

يجيني الليل واكعد وانفرد بيهن

وافتحهن مثل فتحت جناح الطير

واراويك الجروح الما مراويهن

منار الصبح كعدت على همسات جنت خجلانه كلش من كرار احنه طول فترة الخطوبة مصار بينه أي شي

كرار :اشلون يعني مراح تكعدين وشلعتي گلبي وعطرج هذا الي سباني

منار خجلت كان رافع جسمه ومرتچي على ايده والايد الثانية يمررها على خدي : صباح الخير

كرار :يسعدلي صباحك يحلو يله كومي جهزي نفسج علمود نروح نزور الامير وبعدها نرجع للبيت الناس منتظرتنه

منار ابتسمت :ان شاءالله ماتاخر

توني اريد اكوم وجان يسحبني عليه واخذ شفافي ببوسه هادئة وهمس بهدوء

كرار :ان شاءالله اكدر اسعدج دوم يله تاخرنه

منار ابتسمت وهمزيت راسي وكمت دخلت سبحت ولبست ملابسي وهو هم كلمنه وطلعنه خله الجنط بالسيارة وطلعنه لزيارة قبر سيدي ومولاي امير المؤمنين كانت الزيارة اجمل ما يكون كان يوم جمعه وهم صادف مولد الامام الجواد من دخلت حسيت بالراحه والسكون الداخلي امانه مجرد ماتدخل تحس نفسك بجنه اي همه جنه الله على الأرض سبحان الله تنسه نفسك وكلشي مجرد من تنظر للضريح صليت ودعيت بالتوفيق والنجاح بحياتي ودعيت للكل بعدها استأذنت وطلعت لكيته السيد كاعد يقره هو شافني واشرلي رحت يمه لخد ماكمل

..تقبل الله

كرار :ومنا ومنكم يارب اشلونها الزيارة

منار :اعجز عن الوصف اتمنى دوم التوفيق للزيارة والله لا يرحمنه هالنعمه

كرار : اللهم آمين

منار بفينه نسولف واخذنه صور بعدها كمنه تريگنه

كرار :منار بالبيت راح يكون اسمج علوية

منار :ليش تسميني هيج

كرار :احنه متعودين وهم ان شاءالله  تكون ام السيد واصلا السيد رضا وسيد مصطفى راح يسموج هيج

منار :ماعندي مناع بس لقب علوية جبير عليه

كرار : لا انتي كدها وان شاءالله دوم مكانك مرفوع هاي شغلة شغلة ثانية احنه بالبيت ناخذ راحتنه يعني مانتقيد بشي يعني لبسج راح يكون محتشم وانت تعرفين هالشي مااكول لبسج لازم كدام السادة عباية وكذا لا لبسج العادي الي مايظهر الي مفاتن وهم افكر اعزل

منار :لا عفيه سيد كلشي ولا نعزل اتخبل من الوحدة يعني من اني صغيرة عشت وحدي صح بيت شيوخ وليل نهار خطار وناس طابه طالعة بس يبقى احس بوحدة وخاصه ماعندي احد وياي الشيخه والحجية دوم سوى وهم عمري وين وهنه وين واختي مو دائما تجي وحتى من تجي ماتبفى اهواي لذلك من يجي احمد وشهاب افرح بيهم لان عمرهم نفس عمري مو عاد هسه بعد ماتزوجت هم ابقى وحدي

كرار :هههه صار تدلل شيخه منار مانعزل ولو اني علمودج تاخذين راحتج بلبسج بكعدتج وهم صح الوحدة محلوة من تكبر عائلتنه ذلك الوكت نعزل

منار :ان شاءالله

سولفنه بمواضيع ثانية وبعدها دخلنه المنطقة كانت راقية وهادئة بيوت حلوة طبعا ماقبل انزل بعباية سودة لبست عباية ايرانية بيضه وجنت لابسه فستان تصميمه راقي لونه ليموني وبي ذهبي وهم كلش حلو كانو منتظرينه واكفين بالباب ناس اهواي اتوقع عمامه وخواله وولدهم دخل السيارة بالگراج نزل وفتحلي الباب ونزلنه وذبحو جوة رجلي ذبيحه لوجه الله دخلنه كبل للبيت واستقبلتني منسا والعلوية

منسا :ياهلا وغلا والله بعرسانه الحلوين الف مبروك

كرار :الله يبارك بيج علوية

منار :الله بيارك بيج حياتي ام حيدره

منسا : يسلموو غلاي يله ادخلو برجلكم اليمنه وسمو وان شاءالله دخول الخير والسعادة والبركة

فاضلة : اللهم آمين  اللهم صلي على محمد وآل محمد الف مبروك  ان شاءالله  بالرفاه والبنين ان شاءالله  زواج الدهر ويوم انشوف السادة

كرار :مشكورة يالغالية على هاي الدعوة ان شاءالله وانتو موجودين ويتربون بعزكم

منار طبعا السيد هادي دخل وهم باركلنه ودعالنه اني وكرار بسنه راسه بسنه ايده مقبل والعلوية هم والسادة هم سلمو وباركو والخطار هم لا اكلكم ولا تكولولي احنه للثنتين يله كدرنه نصعد لغرفتنه طبعا ماقبلت اصعد وهو مو وياي وهم عيب كل اشويه احد جاي بعدها راحو الخطار ومحد بقى الحلو بيهم من بكوم واحد من الخطار البقية هم وره باشوبه يطلعون هو كان يمه اصدقائهم جاين يباركون بعد الغدة دخل وصعدنه للغرفة

كرار :تفضلي عروستي لمملكتج الخاصة وان شاءالله  تعجبج

منار ابتسمت ودخلت بميني :شكرا  سيدي الفاضل

جانت الغرفه كلش حلو تصميم تركي لونها ماروني النزله بيضة كلش حلوة وعليها ورد واصلا الغرفة مزينه بطريقة نازكه ورود وشمع والاضاءة حلوة التفت عليه

.. منو زين الغرفه

كرار تقربت منها وحضنتها من حضرها :عجبنج

منار واني اخلي اديه على صدره :اي حلوة اهواي

كرار بستها برگبتها :شغل العلوية منسا

منار :والله مرت الشيخ مو هينه فديتها

كرار رفعت حاجب :شنو تفدين وليش تفدين

منار ابتسمت :لا تگولي هم تغار من منسا

كرار :اغار وليش اغار اعرف كل الزين انتي الي وبس وهذا كلامج مجرد كلام

بستها ورحت غيرت ملابسي ومددت على الجربايه

منار :راح تنام

كرار :لا راح العب طبعا انام تعبان وبعد اشويه يجون جماعتي تعالي نامي

منار رحت طلعت ملابس :مو جايني نوم

كرار :براحتج بس افضلج تنامين

منار اني مجنت نعسانه بس تعبانه دخلت للحمام غسلت ولبست دشداشه خفيفه لونها وردي فاتح بدون ردان وفتحت شعري تربت اغراضي الحلو بالغرفة الكتنور بمكان معزول يعني غرفة صغيرة للتبديل بعد ماكملت شفت شعندي من رسايل بديت انعس رحت تمددت هو حس عليه حضني ونام

منسا طول ايام وجودي يم اهلي على كد ما كنت فرحانه بزواج كرار ومنار اكو شي مضوجني مااعرف شنو بس مشتاقتله اهواي بس اريد ياخذ القرار الي يخص حياتنه مااعرف الى متى تبقى هيج وانوب سالفة ليش ماحملتي الي يمكن مية مرة سمعتها واني نفي الجواب بعدنه منريد هسه طبعا ماما مامقتنعه بجوابي بس عايفتني احل الموضوع بنفسي متريد تتدخل بحياتي تكلي انتي صرتي مرة متزوجه ولازم تاخذين قراراتج بنفسج

طبعا يتصل بيه ادري بي مشغل وخاصه هالفترة ماادري شعنده هو اصلا ميحجي مستودع اسراره سيد عبدالله على الاغلب شغلهم ومشاكل الي جاي تصير من وره ابن عمه منار كدرت تكسب كرار الي جان ماخذ هالزواج فقط لان وگفوني اربع سنوات  اصلا الي جاي اشوفه كرار مرتاح وهذا الشي هو مفرحنه واكثر شخص هو بابا كان خايف لا كرار ميكون فرحان بس من كعدنه وياه وحجالنه ارتاحينه وان شاءالله حياتهم كلها تفاهم وسعادة ماما طايرة بمنار الي كسبت الكل بلسانها الحلو وكلامها المعدل بعد تربية الشيخ هاشم مو حي الله  هسه اني ارجع للعمارة واني مطمنه على اهلي لان الكنه الي اخذناها كدها واكثر صح صغيرة بس عقلها جبير

منار باجر السبعة مالتي راح يجون اهلي واكيد بيت خالو علي اوويلي ومرام وياهم اشلون طرگاعة هاي  : اشبي الحلو صافن

منسا :هلا بالعروس ماصافنه بس جاي افكر

منار :عمي يهنيال اخوي بيج اكول يحلو أي شي تسمعي لا اديرين بال اله

منسا :شنو تقصدين شسمع ما فهمت اكو شي

منار اوو نسيت هي مجانت موجودة من اجوي هلا هنا اكدر العب براحتي :امم انتي معرفتي منو اجه مو

منسا :اووو منور عفيه لا تخوفني احجي

منار :ههه لا ولا اكول بس اريدج انتي تردين لا أي كلام تسمعي ولو اعرف كل الزين هاشم ميخلي احد يسمعج كلام

منسا :منار تره خوفتيني عفيه كولي شنو كلام شنو هاشم ميخلي احد يسمعني شسالفة

منار :ههه لج لا تخافين يعمري اشلون سالفة عساني ما فتحت حلكي وحجيت ولج انتي مرت الشيخ ليش هالخوف

منسا :بربج منار كل هالكلام وتكليلي مااخاف صدك تحجين

منار :يمه عززا بعيني لو يدري هاشم جان اخذ مني فصل حبي انتي سوي الي اكلج عليه وبس ماشي بعدين تعرفين شقصد وهسه كوليلي شنو البس حايرة  

منسا : منار بغلاتي عندج كولي شنو تقصدين

منار :اهوو يروحي انتي ياغلاي ليش هيج تفكرين اطمني جاي احجي هيج لان وره مرحتي اجوي كرايبنه واكيد اكو بنات يعني خاف يحجن شي شاتي انتي شنطي والا اكلج رديهن ولو اعرف بيج السان ماكو بس اريد افهم ليش كل هذا الخجل والطيية عمي الف هنياله بس لازم تكونين صاحبت السان علمود لا احد ياكل حقج

كرار :هاا منار بدينه بالخطط

منار رفعت رحاجبي :اشللون خططيش

كرار كعدت يمها :ههه مو جاي تكليلها لازم تكونين صاحبت السان وهاي لو بعد سنه ماتتغير اختي واعرفها

منار :اي صح بس مو خطط وهم هي مرت الشيخ يعني لازم تكون قوية ومحد يدوسلها على طرف هه لا حبي هذا يفيدها لازم تصير قوية

كرار گرصتها من خشمها :اي واشلون بله تغيريها

منار :خشمي اشبيك هه والله لو عليه بشهر واحد اخليها ام لسان وتاخذ حقها بس اني مو يمها ولازم هي تبني شخصيتها علمود من يكولون مرت الشيخ تلكل يحسبلها حساب

كرار :اوويلي عليج متزوج دكتورة لو شيخه بديوان  بس اللسان الطويل موحلو للبنيه

منار :ههه متزوج دكتورة وشيخه بنت شيوخ وزوجت سيد الكل تحلف بيهم اي وياك بس خما طويل وبدون فايدة لا بعقل استخدم لساني

كرار :والله ونعم وثلاث انعام من اصلك اصيلة وبت اصول ام السيد اكيد يله عيني اروح تردون شي

منسا اباوعلهم اشكد حلو منار خلت كرار يتغير مو كلش بس احسن اكو مواضيع كان يرفض النقاش وبيها وهم من يقفل على شي بعد هذا هو :لا والله بعد جان رحت ليش تسأل اشو عبالك ولا شفتني انت ومرتك اخذتوني صاحل فاصل

كرار رحت يمها وبستها من راسها :افاا العلوية ضاجت حقج عليه اشعندي غيرج هو بس انتي واني ومرتي تدلل عليج مو بله

منار يارب دوم الفرح اشتاقيت لهاشم وحنيته متظرهم كلش حلو السادة اهواي يحبون منسا اصلا يتخبلون اذا كالت اخ اتذكر هاشم عنده كلشي ولا احنه ربي يديم نعمة الاخوة النه  :اكييد كم منسا هي وحدة وهم فريدة ام الشيخ حيدره

كرار :حلوو اسم مميز سلام الله عليه ابو الحسن

يله طالع تردون شي

منسا منار..سلامتك

منار ثاني يوم كانت السبعه اهلي كالو نجي قبل الظهر جهزت نفسي العلوية كالت سبع تبديلات تلبسين وبدلة جابلي كرار وام الصالون جابها للبيت لان مسوين غدة وهم خطار ومنكدر نطلع والاكل جابو كل جاهز متفقين ويه مطعم

..عفيه منسا مااريد اكل مو جوعانه 

منسا :شغلة تفيدج حبي يله اكلي لو الا سيد كرار

منار :ههه لا والله فعلا مااشتهي تريكت متاخره

منسا :حتى لو يله تره اني لسه مااكلت كلت اكل وياج

منار :يمه لا عيني اني موصيني عليج يمعودة تعالي ناكل صدك جذب

منسا :هاا منو موصيج

منار :مو شغلج المهم اكلي

طبعا طول ما منسا يمنه وهاشم يخابر يطمن عليها صح يخابرها بس لازم ياخذ التقرير مني هه واني مااقصر صوت وصوره احب الخير لاخوي مو بيدي واخلي يتگله على نار هادية بعد ماكملنه اجوي اهلي واكيد ذني السعالو وياهم خلود ومرام اشلون اموت اني اعشقهن

منسا بيوم السبعة جهزت نفسي وهم اغراضي لان ارجع وياهم خلصت اجازتي لبست قفطان مغربي لونه سمائي وتطريز ذهبي كلوش حلو وخليت مكياج خفيف كلش مجرد شي بسيط بس الحمرة كانت وردي عكس على لون عيوني القفطان وكعب ذهبي شعري طلبت منها تلمه كله بطريقة حلوة بعد ماكملنه نزلنه واهل منار اجوي كان في اشخاص اول اشوفهم

..اكول يحلو منو ذوله اول مره اشوفهم

منار :ههه اكيد لان اصلا ماحضرو بالعرس وهم صدفه اجوي يامحفوظه السلامه ذولة بيت خالي علي عايشين بركيا صارلهم خمس سنوات وصدفة اجوي

منسا :اممم هلا بيهم بس اشبيها ام الفستان الاسود

منار تقصد مرام طبعا ست مرام كاشخه على حباية ونص عبالك عروس لابسه فستان اسود مجسم على جسمها خرب هاي متبطل سوالفها :هااي هههه اسكتي مربيتلي علة هاي مرام وذيج ام الفستان المقلم خلود بنت خالتي

منسا :بس مرام حلوة

منار :شنوو خاف تزعلين ولج كله عمليات الله وكيلج لو اشوفج صورها كبل ماصدكين ليش تخلين اگص بالعالم

منسا :ههههه هو انتي شبقيتي

جان تجي الي اسمها مرام

مرام :هلووو منور اشلونج

منار بدت السوالف التعبانه :هلا بيج مرام اني تمام وانتي

مرام :لج شنو هاي هيج الزواج يحلي صايرة حلوة اني تمام

منسا هاي اشبيها هيج تحجي يمكن خلل بنظام النطق  :منار حلوة من كاعها تحتاج شي يحليها

منار كفوو :يمه فديت الغالية مرت الغالي والله انتي الجمال كله

مرام :ليش هاي منو واي غالي ماعرفتينه عليها

منار : صار اعرفج ليش لا بت خالو هاي العلوية منسا مرت الشيخ گمرهاشم وشيخه البنات على سن ورمح وهم حماتي التخديرية منسا بعد شنو خاية تعرفين

اني كلت هيج لو تخبلت هي متدري منو زوجته وخاصه هي تحب هاشم بس وين اني الج اشوفها معصبة وهم معاجبها كلامي

مرام :اممم اذن انتي مرت هاشم

منسا :بلي اني مرت الشيخ

خلود :هلوو صبايا اشلون منار بشريني اشلون الزواج

منار انوب اجت الطرگاعة الثانية :هلا خلود تمام الحمدلله

خلود :منو هالحلوة

منار الافندية كالتها بمياعه : مرت الشيخ گمرهاشم العلوية منسا

خلود :هاا هاي مرت هاشم

منار : ايي اشبيجن متفاجأت شنو مشايفات هيج جمال لو ما اتوقعتو

مرام :ليش عيني احنه ناقصين جمال بس هيج اتوقعنه هاشم يتزوج وانتي ادرى موو

منار هاي خبله بعلي عبالها اذا سوت عمليات تجميل هاشم بگلبها :لا عيني ذلك زمان ماكان يقبل يتزوج بس من شاف منسا تغير وتزوج

خلود :اي الف مبروك بس الي اعرفه انو من زمان متزوجين اشعجب لسه ماكو حمل

منسا :مقررين نرتاح ونتونس بزواجنه وبعدين نفكر بالاطفال

بقنه يسالن اني اتخبل من هيج هسه عرفت شنو تقصد ولو ماعرفت كل كلامها بس بديت احلل الكلام طبعا الحفلة كانت حلوة والشيخه امشي وتقره معوذات عليه كلما اجي يمها تكلي يمه محروسة بالزهرة يمه اقري المعوذات خابرني هاشم صعدت غرفتي وفتحت خط

..الوو

گمرهاشم  اجاني صوتها اوويلي اشكد مشتاق :بيج شي ليش تلهثين

منسا :مابيه شي بس صعدت الدرج وهاي اخذت نفس

گمرهاشم :ليش مستعجلة

منسا :غير راح نجي اجهزت اغراضي

گمرهاشم :لا خليج لا تجين وياهم اني اجي اخذج

منسا :هاا ليش ابقى

گمرهاشم :راح اجي اسلم على منار واخذج وهم احسن مااريد ارجع واخاف عليج

منسا ابتسمت همزين هو راح يجي ارتاح وياه :اوك مثل متحب بس اشوكت تجي

گمرهاشم :موجود بالنجف بس عندي شغلة اخلصها وامر عليكم

منسا :خوش لعد مو تتاخر على العشة

گمرهاشم :لا يابه اي عشة شغلة ساعة وهم ماابقى اهواي

منسا :ابد لا تحاول تبقى على عشة وبعدها نطلع

گمرهاشم :ههههه بويه وكت ماعندي وادري بروحي اذا ابقى على العشه نتاخر والسيد مراح يخلينه نرجع فجهزي نفسج واصلا عازمج على عشه

منسا :بس لحظة خلي

منار اهلي راح يرحون ومنسا ترجع وياهم صعدت الها :حبي يله راح يطلعون

منسا :مااروح هسه اشويه ويجي هاشم وارجع وياه

منار :صدك اي احسن كليله مو يتاخر

منسا :هه صار

الوو تسمعني

گمرهاشم :اسمعج بويه انتي مجهزه نفسج

منسا :بلي بس اغير ملابس الحفلة

گمرهاشم :لا خليج بيهن اريد اشوفج بيهن بس المكياج مسحي ولو خلي اشوفه خاف قوي

منسا :هههه شيخ تعرفيني مااخلي مكياج قوي وهم من تجي تشوفه

گمرهاشم :ههه اي ليش تحطين هو انتي بلا مكياج وسابيتنه مو انوب بمكياج

منسا خجلت :هه صدك ماحاطة غير المسگارة وحمرة خفيف مكياج بسيط

گمرهاشم :بويه انتي مكياجج من الله هي كوة يله اخليج هسه اشويه واجي في امان الله

منسا :بحفظ الله

سديته وباوعت لنفسي القفطان كلش حلو عليه وحتى المكياج لميت شعري ولبست شال ونزلت جنطي كعدت ماكان باقي احد حتى خطارنه رايح كاعدين وفاطمة مضوجها الحمل هي بشهرها خطية بطنها وره ساعة خابرني هاشم

گمرهاشم بعد حنت منار اجوي بيت خالي علي بصراحه متوقعت جيتهم وخاصة همه من زمان مسافرين المهم استقبلتهم ومرام الغضب لا والله نقمه عاد اني اشلون ارتاحلها اااخ بالبدايه ماعرفتها بت الاوادم شمسوية بروحها ولا عرفتها صدك نعمة الله محد يقدرها عبالك بعملياتها راح اباوع بوجها لوشي اصلا كبل مااباوع عليه مو هسه وكله جذب خرب بغيرتك خالي شنو هاي اهواي متطيها انفتاح ولو همه مناقصين اول ايام كانت تبين نفسها عاقلها وكذلك لحد مافد يوم جنت بغرفتي توني راجع من الديوان كان عندي طلابة صغيرة حليتها مااحس الا الباب تندك

..تفضل

مرام :مرحبا هاشم

گمرهاشم لا هلا ولا مرحبا ماعاجبني جيتها لغرفتي :هلا رايده شي

مرام :لا بس هيج جاية اسلوف وياك بيها شي

گمرهاشم بت الاوادم عصبتني تريد تسولف لا وانوب بالغرفة :انتي تعرفين شكلتي

مرام :اي اشبيك غير ابن عمتي دااسولف وياك

گمرهاشم  غمضت عيوني بقوة وسگيت على سنوني :اطللعي بويه احسن ماالعب بيج فلقه فااهمه مااعدنه بنات يدخلووون غرف شباب

هي من عصبيتي ضاجت ونزلت وگفت بالصالة الفوك

..حجييية

ام جاسم :هاا يمه خير اشبيك

گمرهاشم :حجية غررفتي محد يصعدها ولا احد يدخلها مااشي

ام جاسم :هاا ليش صاير شي ومنو داخل غرفتك

گمرهاشم :نااس تعرف نفسها ميحتاج اكول منو

ام جاسم :مثل متريد زين اقفلها وخلي المفتاح بجيبك

گمرهاشم :هو هم هيج محتاجه شي

ام جاسم :لا يمه سلامتك بس لا تعصب

اووف منج مرام عرفتها راح تصعد فلك طرج شنو هالاستخفاف اخوي ماعرف يربي صج الغربة تغير

گمرهاشم بعدها بيومين صرت كلما اشوفها اخزرها طلعت للديوان كان سيد عبدالله ومازن يمي

گمرهاشم :الله يحيهم هلا بالغوالي

سيد عبدالله :الله محي اصلك بالمهلي اكثر

مازن :هلا وغلا هلا بالشيخ هاشم بويه شسالفة هيج الزواج مخليك مرتاح وزايد جمال

گمرهاشم :هههه ولك انت متجوز من سوالفك هو اني نفسي بس حضرتك غايب عنه مثل مااني متغيرت

مازن :هاي سالفة تفيدك بله سيد بروح جدك مو متغير وصايراحلى اي عمي نايم بالعسل مثلي نايم بالبصل

سيد عبدالله :لا صدك هذا منو الي نايم بالبصل ههه ولك انت  مگضيها من دولة لدولة وتكلي نايم بالبصل

گمرهاشم :شفت بله هذا شحجي وياه هاا شوف سكت

مازن :هو انتو شخليتو بيه ههه لا والله جد احجي متغير هاشم وصاير احلى

گمرهاشم :وغلاتك نفس مااني بس كول انت لان غايب فترة تشوفني متغير والا اني المشاكل تركض وراي

مازن : اي صدك تعال گلي شسالفة الي حجيتلي عنها

گمرهاشم وحجيتلهم السالفة كلها وشوفتهم الملف

مازن :انت شتكول هااشم صدك تحجي

گمرهاشم :قاابل السالفة بيها شقه

مازن :بس اشلون هيج واصلا اشلون كدرو هيج يغافلونه

گمرهاشم :هو هنا المشكلة اششلون راح اتخبل عقل مضل براسي

سيد عبدالله : هاشم زين عمك وين جان هسه يله جاب هالملف معقولة جان يدري بالسالفه ماخبرك

گمرهاشم :لا متاكد عمي ميدري لو عنده علم جان مستحيل يضم عني هيج شي

مازن :خلي نفرض عمك مجان يدري هالملف منين حصل عليه وليش بذلك اليوم يله سلم الملف كان يعرف راح يصير هذا وهم صبحي من زمان مختفي

گمرهاشم  :مااعرف بس سالفة عمي اشلون عرف بلقائنه اتوقع كان يدري لان اكثر من مرة كان يىيد يحجي ويسكت لحد ما بعد ميكدر يسكت اكثر لو من بهني بذيج الساعه ماادري وكتها شنو ممكن اسوي بس اكبر غلطة من سكت وهو الي راح ضحية كل هالمشاكل بس وغلاتكم وحگ علي ابن ابي طالب اخذ بثاره مااكون ابن ابوي ومااتسمه گمرهاشم اذا ماخليتهم يعدمو لا بيدي انفذ الحكم

سيد عبدالله :هاشم هسه لحد الان مختفي

گمرهاشم :البارحة عرفت مسافر العار لدبي ومناك يمكن طالع بس عبالكم اخلي وهو مسوي كل هالمشاكل لا رفعت دعوة عليه يعني راح يلقون القبض عليه

مازن :هسه خلونه بهالسالفة اني متاكد صبحي وره هالسالفة هو الوحيد الي يكدر يساعدهم

گمرهاشم :صبحي انت متاكد مازن صبحي من زمان منقطعة اخباره بعد ماتعارك ويه عمي

مازن :هنا مربط الفرس صبحي ليش تعارك ويه المرحوم لان المرحوم عرف بسوالفه بس ماكان عنده دليل وهم صبحي محد يلحگه بلسانه قفاص اگشر مستحيل يعترف على نفسه

گمرهاشم : تدري اذا كلامكطلع صحيح شنو معناها صبحي قفص علينه لان كدر يسحب هالمعلومات منا وهم ساعد سلام وغسان بهاي السالفة

مازن :انطيني يومين واجيبلك تقرير كامل

گمرهاشم بقينه نسولف بالمشكلة الي وكعت على روسنه بيوم سبعة منار كلت اروح للنجف هم ازور وهم اسلم عليها بلغت الشيخه والحجية منسا ميجبوها وياهم رحت للنجف بعد ماكملت الفصل الي عندي زرت وكملت جان وكت المغرب دكيت على منسا

..الوو علويه

منسا :هلا شيخ

گمرهاشم :هلا بيج عيني اني بالباب

منسا :صدك تحجي واكف بالباب طالعه الك

گمرهاشم سديته ونزلت وياي اشويه علب حلويات وكم هدية فتحلي الباب سيد مصطفى سلمت عليه ودخلني جوة واجه السيد

سيد هادي :حي الله الشيخ هاشم

گمرهاشم :الله يحيك سيدنه

كرار :السلام عليكم حي الله النسيب نور البيت شيخ هاشم

گمرهاشم :الله يحيك سيد كرار البيت منور باهله الف مبروك ان شاءالله بالرفاه والبنين

كرار :الله بيارك بيك ونعم منكم شيخنه

منسا :امشي يمعودة شالج عدل

منار :شكو مستعجلة يروحي هااا وغمزتلها

منسا :اسكتي منااار ماكو شي من الي ببالج بس منكدر متاخر

منار :عود صدكت ههه

دخلنه يمه اني شفته صار اهواي ملابس زي مدني فديت اخوي الغالي الي كله هيبة ورجولة وعطره وابتسامته الي تخليني من وحدي ابتسم يمه احس ابوي دخل عليه رحت عليه وشبگته

..مستاقتلك اهواي

گمرهاشم اشويه ودخلت منار ومنسا وهاي شافني وابتسمي وعيونها دمعت واجت عليه شبگتني

.. يروح اخوج اني هم شو باعيلي ليش هالدموع

منار رفعت راسي وكتله : حسيت بابا دخل عليه شميت عطره بيك

گمرهاشم  من كالت هيج اخذت نفس الله يرحمه جان يكول بيدي ازفها :ان شاءالله اكدر اكون ولو جزء بسيط مثله صدكتي جنت يمه وسلامه الج

منار :صدك والله حسيت شفته بالحلم فرحان كلش

سيد هادي :الله بنور گبره ويخليها روضة من رياض الجنة بنتي ان شاءالله خير الحلم

منار :اللهم آمين ان شاءالله

منسا من دخلنه بقيت صافنه اول مرة اشوفه بالزي المدني دوم لبسه دشداشه بس من شفته هسه طالع فد شي كلش حلو عليه الزي الرسمي انوب لابس قميص اسود وبنطرون بيجي كلش حلو واصلا هو جسمه رياضي معتني بي باوع عليه ابتسم يمه هنا اني خجلت كعد اشويه واشكد لح بابا ومصطفى وكرار ورضا بس ماقبل وكال المرة الجاية واني هم مااكدر اتاخر لازم اداوم باجر سلمنه عليهم وطلعنه ركبت بالسيارة والتفت عليه

گمرهاشم :على كيفج علينه علوية هسه اني اشلون اسوق بله

منسا : مافهمت اني شدخلني

گمرهاشم هه اوو تعال اشرح والمكان ميسمح الفستان ياكل ويشرب عليه دخيلك ربي احرسها انوب عيونها الي سابيتني : ههه ماكو شي بعدين نحجي اي كوليلي اشلونج شخبارج

منسا :الحمدلله تمام انت اشلونك

گمرهاشم :ايي الحمدلله على كل حال

منسا :هاشم انت ليش هيج غامض

گمرهاشم :اشلون يعني اشبيني

منسا :ابد متحجي ولا تخلي احد يشاركك بهمومك ويساعدك تدري اتمنى اعرف شنو الي متعبك علمود اساعدك

گمرهاشم : ههه علوية اهواي تحللين شخصيات صح اني غامض من اني صغير هيج هيج وابد متغيرت بس سيد عبدالله يعرفني وهم علي يابو علي يله عرف اشلون يتعامل وياي واذا عليج مااريد اتعبج اخاف على گلبج لا يتاذه لان لو احجيلج يوگف شعر راسج

منسا :بس اريد احس بالي تحسه اريد اشاركك واكون سند الك مثل ماانت سند اله كل شخص يحتاج شخص يسولف وياه الي متعبة مو صح

گمرهاشم دخيلك ربي الف الحمدلله على رزقك ااخ چلماتها دوه لجروحي :الحجي اهواي ان شاءالله بس صدكيني علمودج مااحجي وهم كتلج موكلشي ينحجي واذا عليه مجرد مااشوفج اني ارتاح انتي بلسم لجروحي بعدين راح تعرفين شنو اقصد

منسا بقينه نسولف بسوالف عادية ونزلنه يم مطعم اكلنه وبعدها كملنه طريقنه اهواي مرتاحه وياه ان شاءالله تتغير حياتنه ونكدر نبديها مثل مانريد بس اني خجلانه وهو جاي يعودني عليه بس ساعات وصلنه العمارة دخلنه للمنطقة والي لاحظته مزيد عدد الحراس اخاف من هيج وضع اني ماصدكت رجع يسولف ويضحك ويانه دخل السيارة للكراج ونزل فتحلي الباب ودخلنه

منسا :البيت فارغ عمه اشلون وضعها بعد منار

گمرهاشم :هههه اول ليلة جانت تبجي بغرفتها واول يوم ساكته وحجيها ويانه قليل بس هاا تكدرين تكولين بدت تتعود بعدين انتي موجودة وين تحس بفراغ

منسا :ههه البنيه بالبيت نعمه ان شاءالله اكون عند حسن ظنها

دخلنه ولكينه خطار عدهم واول مادخلنه هاشم جان لازم ايدي الشيخه بس شافتنه هلهلت

الشيخه :كلووش يمه هلا بسورها ونورها هلا بالغالية مرت الغالي نور البيت

منسا باوعت على هاشم الي يبتسم بفخر ورحنه عليها بستها من راسها

..والله انتي نور هالبيت وشمعته يالغالية الله يحفظج النه مشتاقلج شيختنه الغالية

الشيخه :يمه ام الحسن تحرسج من عيني وعين خلك الله يمه هاشم دفعت صدقه

گمرهاشم :اي شيخه دفعت مثل ماطلبتي وهاي العلوية جبناها بعد

الشيخه :ليش هو البيت يحلى بلياها ام حيدره الغالية

منسا طبعا مدري ليش احس الشيخه متقصده هيج تحجي هي صح دوم هيج حجيها بس اليوم اكثر بعد وطبعا خلود ومرام ذني معاجبهن العجب

نزلت اجيب مي وجان اسمع حجي خلاني انصدم ابد متوقعت هيج شي معقولة

يتبع..

اسفة على قصر البارت وان شاء الله الجاي اطول

#اقسمت على حبكِ عند الأمير

للكاتبة ضوء القمر

و احچيلي بالظلمة مثلي تختنگ ؟

گلبك يظل يلچمك ؟

و هم مثلي تبچي و تبتسم

من تذكر أيامي گبل ؟

من چنت بيهة مرتبك

و أخجل من اوصل يمك 

منسا بعد ما سلمت على الكل وتعرفت عليهم كانت خالته موجودة ومرت خاله وكم بنيه موجودة خلود مرام اكيد ذني عبالك عرايس لبسهن ومكياجهن اتفاجأ من هيج اشلون هيج يكدرن يخلن هالكد مكياج ميتعبن صار عندي فضول اعرف اشلون جانن

گمرهاشم : يله نترخص احنه

ام جاسم :يمه بعدكم ماتعشيتو

گمرهاشم :لا حجية الحمدلله متعشين يله بويه

منسا :هاشم

گمرهاشم :بويه انتي

منسا :خالتك ام خلود هم جانت مسافرة

گمرهاشم :ههه لا بويه وين مسافرة نايمه على گلبي لا بس بغير محافظة ليش

منسا :هاا لا هيج بس حبيت اعرف دخلنه غرفتنه بس جانت مقفوله

..هاي ليش مقفوله

گمرهاشم :اني قفلتها احسن ولا تكولين ليش يله تفضلي

منسا ماسألت غرفتي مثل ماهي هاشم اصلا يحب الترتيب ويتخبل اذا شاف شي مخربط حطيت جنطي وبديت افل بشالي

..هاشم هاي اول مرة اشوفك بلبس مدني

گمرهاشم :ايي لبسي كان مدني وعربي بس استلمت المشيخه صار كله عربي وذيج الملابس بقت بالكنتور مرات من اطلع لمحافظة بعيدة البس هيج بس ماگلتيلي حلو لا

منسا :انت حلو بكل حالتك بس اكيد بالزي العربي احلى وصار زي رسمي الك

تقرب مني واني اباوعله حاوطني باديه وصرت بنص

گمرهاشم تحجي واني صافن عليها من تسولف تسحرني تخلي الواحد يجبرك تسمعله كافي عاد الى متى نبقى هيج اريد اتمم زواجنه تقربت منها وحاوطتها  :ايي حلو لان عيونج حلوة بس اريد اسألج اشوكت راح تحنين عليه

منسا كان يحجي بهدوى واني توترت :هاا شتقصد

گمرهاشم شفتها متوترة مومال ادخل بالموضوع مباشرتا لازم امهد للموضوع قربت راسي من اذنها :بعدين تعرفين بس عندي طلب اذا ممكن

همست..شنوو

گمرهاشم :رايد اضوگ العسل ممكن

منسا هو كال هيج واني ارتبكت لاكدر ارفض لان مو من حقي اني حلاله وجاي امنعه والله ميرضاها  دنگت بخجل وهو عرف جوابي تقرب بهدوى واخذ شفافي بكل هدوئ كانت اول مرة النه احنه الاثنين شعور مااعرف شنو اوصفه بس مشاعر غريبه وخوف صابني ماادري اشكد مر من الوقت بس اختنگت

گمرهاشم من طلبت منها هيج خجلت هنا اخذت الاذن اخذت شفايفها كانت ترفه كلش خفت عليها كانت اول مرة حسيت بسعادة نعمة الله واني حارم نفسي منها سبحان الله ولا غلطة ابدع بخلقه كان اجمل من العسل حسيت بيها ترجف خفت عليها وهم اخنتگت ابتعدت عنها اباوع عليها وجها صار احمر من الخجل وكوة تجر النفس

..منسا

فتحت عيونها رفعتهن ورجعت نزلتهن

...صار الوقت الي نتمم بي زواجنه بس لازم نبعد الخجل واني راح اخليج على راحتك وراح انتظر الوقت المناسب عفتها ودخلت للحمام سبحت وطلعت كنت تعبان من الطريق اريد بس انام لكيتها تعدل بغراضها تمددت ونمت

منسا بعد الي صار بينه وكلامه خلاني افكر بي فعلا احنه إلى متى نبقى هيج اخاف لا أحد يعرف انو بعدنه ماتام زواجنه ساعتها عيب بحقه وبحقي وخاصه هو شيخ عيب لحد هسه ما متمم زواجه دخل يسبح واني عدلت غراضي بعد مدة طلع كبل نام مبين عليه التعب اني اخذت ملابسي ودخلت سبحت طلعت شفت جدول باجر عندي علمية من الصبح لازم اطلع من وكت نزلت اجيب مي وسمعت حجي خلاني انصدم ابد متوقعت هيج شي معقولة وكفت اسمع جانن يحجي بكلام اول مرة اعرف معقولة

مرام :وداعتج هاشم الي وحدي وهاي اعرف اشلون اطلعها من حياته اصلا اني وياه متفقين على زواج بس اكيد انجبر عمتي واعرفها من تجبر واحد

خلود :اهواي واثقة حبيبتي هذا هاشم مو هو الي ينجبر على شي وبعدين هاي من اشوكت متفقين هو انتي مصار اسبوع من اجيتي

مرام :حجي يفيدج هاشم الي بس كتلك انجبر واذا على اشوكت هالحجي من زمان وهم حجيت وياه وكال ماافرط بيج وانتي ليش هيج ادافعين

خلود : لان هاشم الي اني قبلج ججيت وياه لا تنسين انتي الي عفتي

مرام : خوش انشوف هاشم المن اني مستعدة احارب علموده من كل عقلج اعوفه الجن ولو موته هاي بسالفة وحدة اطيرها

خلود :مرام انتبهي تره هاشم يعرف كل سوالفج فلا تلعبين بذيلج

مرام :لا حبيبتي مو اني الي العب بذيلي وبعدين شنو هالالفاظ شنو ذيلج اووي ناس غير مثقفه

خلود :هه عفت الثقافة الج موتكولين اني اميرة نفسي ههه خلي نشوف منو الي راح يربح انتي وذيج الي ماادري منين اجتي اااخ لو بس اعرف اشلون قبل بيها واني ماخليت شي ماسويته

مرام :ههه لج بابا هاي كلها علمود بس لا يزعل امه وعمتي تريد تمشي كلامها خاصه بعد مامات رجلها

خلود :لا مو لعبة بس اكو سالفة واكبر دليل هو زواج منار ليش خلوها راس براس يعني اكو سالفة واني مااطلع خلود اذا مااعرف السالفة

منسا كلامهن شلني معقولة هاشم مواعد مرام زين ليش ماحجالي اذا كان صدك يريدها ليش قبل بوصية ابوه ليش مكلي وليش يريد يتمم هسه زواجنه ليش جاي يسوي كل هذا معقولة كل هذا مجرد كلام لا مستحيل هو مسويها وبعدين لو صدك هو واعدها ليش مازوجها وهي بت خاله ااه عقلي راح يوكف  وخلود شنو سالفتها هي الثانيه على شنو ناويات وشنو لعبة يقصدن بس اذا صدك طلع كلامهن مستحيل ابقى وياه على شنو ابقى مو كافي كنت موگفيني اربع سنوات واني ماادري بس منو اسأل بقيت طول الليل افكر عيني مااخذت نوم غير ساعة وحدة الصبح غسلت وجهي اكو سواد جوة عيوني وجهي مبين عليه التعب غسلت وطلعت لبست ملابسي وجاي الف بالشال شفته كعد صفنت بي معقولة اني ولا شي بالنسبة الك اني شنو بحياتك

گمرهاشم كعدت شفتها صافه عليه استغربت صفنت :صباح الخير

غمضت عيونها وردت

منسا :صباح النور

گمرهاشم رحت يمها جانت ملتهيه بشالها :اكو شي

منسا احجي وياه بدون ما اوباوع بوجه ضايجه اهواي وهم مالي واهس بشي :لا ماكو شي

گمرهاشم :اكيد ماكو شي  اشو احسج ضايجه كولي علوية شصاير شي

منسا مووكت احجي وياه وافهم منه لازم اعرف اذا هالكلام صح لو لا  :اكيد عفيه تأخرنه عندي علمية من الصبح ولازم اطلع هسه

طبعا احجي وياه واني مااخلي عيوني بعيونه

كمر هاشم  اشبيها اشو ماعاجبني وضعها البارحة مثل الورد شسالفة  :منسا بويه ليش تحجين ومتخلين عينج بعيني صاير شي احجي

منسا :لا شيخ اطمن ماكو شي بس مستعجلة لازم اروح

هو عافني وراح غسل ولبس ملابسه بس مبين عليه معصب مو هسه نحجي خلي افهم كلشي وشنو السالفة وبعدين نكعد ونحلها اني وياك طول الدرب احنه ساكتين وهو يستغفركل اشويه ااخ لعد اني شكول وكلبي هذا الي تعلق بيك وحبك أي اعترف حبيتك بس خايفه من هذا الحب هاشم انت لغز ولازم احلك ولازم اعرف نهايتنه شنو

وصلني للمستشفى وقبل لا انزل كلي

كمر هاشم حسيت اكو سالفة وره سكوتها بس شنو مااعرف لحد هاي اللحظة منسا ما تحجي الي يضوجها وزاعجها خوفي لا يكون ذني الغضب مسمعاتها حجي طول الطريق واني معصب اريد بس تحجي كلمة ماكو هو اني عايز وتكملها هالسالفة اوووف كلما اكول راح تخلص تطلعلي سالفة صفح قبل منتزل

..علوية خاف اتأخر لا اطلعين وجهازج خلي بجيبج خوش بويه

منسا :صار

نزلت وبقى ماحرك لحد ما دخلت ضايجه اهواي ماادري اشلون راح تصفه دخلت لغرفة الخاصة بينه ووغيرت لبسي ودخلنه صالة العمليات طول العملية جان بالي مشغول اشلون كملت العملية مااعرف بعد ما كملت العملية والحمدلله تمت بنجاح طلعت أشتم هوى جنت مخنوكه كلش كعدت بالحديقة وكلام الي سمعته البارحة لساه يرن باذني ذني على شنو ناويات وليش منار حذرتني منهن راسي كام يوجعني اااخ اذا اتصل بمنار خاف ماتحجيلي كلشي اااه منين طلعلي ذني باوعت عندي ساعة خابرت على مهرة

..الوو

مهرة :ياهلا وغلا والله زين تذكرتي صحابج مااصدك اليوم اسمج منور جهازي

منسا :ههه الي يسمعج يكول ابد متسأل ولا تراسل موو

مهرة :لا عمي الشهادة لله كل اسبوعين نتراسل هه

منسا :ههه عابت اشلونج واشواق اشلونها

مهرة :اني تمام الحمدلله واشواق خطية حاليا مكضيتها كلها نوم لان الافندية زالگه وواكعه والطفل مهدد بالسقوط وهاي اخذت اجازة لحد ماتكمل يعنب يمكن سنه

منسا :خطية كالتلي ذلك اليوم وماعبالي هيج متأذيه

مهرة :اي والله خطيه يله ان شاءالله تعدي سلامات هي هسه بشهرها الا انتي اشلونج شخبارج ماكو سيد بالطريق

منسا :الحمدلله هه لا ماكو بعد

مهرة :منسا

منسا :اشبيج

منسا ستكت :اشبيه

مهرة :مااعرف هو اني اسأل بيج شي

منسا اخذت نفس وبديت احجيلها هي الوحيدة هسه تكدر تساعدني مهرة من الطفولة صديقتي اعتبرها اختي : وعاي السالفة كلها

مهرة :وليش سكتي الهن جم مره كايله الج لا تسكتين من يحجي عليج يعني حلوة بحقج مرت الشيخ وذني ال مااريد اوسخ الساني هيج يحجن وتعالي ليش ماسألتي

منسا :اول شي همه خطار يمنه يعني مااكدر احجي وتصير مشاكل ويكولون مرت الشيخ ممربايه وشغلة ثانيه هنه وكحات صاحبات السان واني تدرين بيه بهيج سوالف ماافيد وهم ماسألت هاشم الا اعرف السالفة صدك لو لا خما اروح افشل نفسي

مهرة :ياالله راح تجلطني ولج ليش تسكتين الى متى تبقين هيج علوية دخيل جدج تره اهواي طيية انتي واهواي تراعين مشاعر الغير تدرين لو منج وسامعه هالحجي بالقران مجنزتهن اني يحجون عليه واسكت لا اطم روحي احسن وتعالي اشلون راح تعرفين الحجي صح لو

منسا :هاي اني شسوي طيبتي عامة عليه من اخته غير اعرف

مهرة :خرب بالحظ مو صارت مرت اخوج هسه لو منج حاطة مرت اخوي وافهم الحجي منها مو جاية عليه يحظي

منسا :اي غير صديقتي غير احجي وياج وتساعديني

مهرة :ولج عيني وراسي انتي تامرين بس غير ناكدت من صحت الحجي يله هسه تحجين وياها

منسا :لا هسه مااكدر عندي عملية من اكمل شكرا حبي

مهرة :على شنو شكرا حررت فلسطين ههه اتتظر منج خبر

منسا :اوك باي

كملت باقي يومي لحد ماخلص داومي خابرني كال اشويه اتاخر كعدت اخابر بمنار وحجيت السالفة اشو هاي بس كملت وطگيها بضحكه

.. هاا منور شسالفة اشو تضحكين

منار :هه صدك تحجين علوية على بختج تره كله مجرد كلام فارغ يعني برايج لو صدك هاشم يعوفها احنه عدنه زلمنه اذا عشگت يفقدون يعني لو شيصير ميعوفون الي يحبوها مو عاد شيخ هاشم اذا راد شي وبعدين اني مو كتلج رديهن هاا

منسا :انتي صدك تحجين اشلون اردهن واني ماادري الكلام صح لو لا واحتمال يكون صح يمكن صدك هاشم مواعدها

منار :بله ماتسكتين شنو هالحجي منسا هاشم يتخبل منهن مو عاد يواعدها بزواج وبعدين شفتي شي يدل على كلامها

منسا :لحد هاي اللحظة لا بس ماادري منار بغلاته عندج احجيلي شنو جان بينهم

منار :والله مااعرف اني خلود ادري بيها من حاولت وتكعد هاشم علمود يتزوجها بس فشلت ويومها هاشم گلبها علينه وحتى لوما عيب كان طردهم لان الي صار كان عيب اما مرام فما اعرف الي اعرفه هاشم كان ها يعني علاقته عادي بنت خالي فقط بس مال يكعدون سوه وسوالف ومن ذلك الحجي مااعرف

منسا :شنو سوت خلود

منار :اسمعي منه احسن منسا خليج قوية ذني يردن يفرقنكم ذني عگارب يوم تلگيهن سوه ويوم اعداء خليج حذره منهن واذا على هاشم فهو ميشوف غيرج

منسا :امم يصير خير ولو مامقتنعه بس احاول اقتنع

منار : اوويلي عليج لج خليج قوية صدك منسا

منسا : لج والله البارحة كله منايمه تتصورين ساعة وحدة واليوم العلميات مااعرف اشلون تمن على خير همزين الدكتور ماكان ملاحظ شرودي كان الله يعلم شنو صار

منار :اوويلي كل هذا لالا علوية يمعودة صدك جذب  هاي بله ماتكولين اني واثقة منه هي تحجين

منسا :هو المشكلة هنا لان واثقة منه اخاف يطلع كل هالكلام صحيح ساعتها قراري راح يكون قاسي

منار :لا منسا لا تستعجلي اسمعي منه وصدكيني هو الوحيد الي يساعدج واذا كان الكلام صحيح ولو مستحيل يطلع صحيح بس لازم واحد يتاكد مو بس اياج تغلطين وخلي كلامج عن ثقة هاشم كلشي الا الثقة والاحترام ومستحيل يظلم احد مو عاد انتي الي بالنسبة اله

منسا :اني شنو كملي

منار :لا هو يكلج احسن وهم تسمعين كلشي منه

كملت حجي وياه واني ادري بيها خايفه بس الي عدها مثل هاشم اصلا لازم متكوم عدها لو ذرة شك بس ذني ااخ لو يمنهن اني جان عرفت اشلون اردهن باوعت على الساعة جانت بالثلاثة كرار بعده مااجه كال عندي شغل لان صار عشرة ايام هو ملتهي خابرت على هالثور

..الوو

احمد :السلام عليكم ورحمة الله وبركاته

منار :خير داخل جامع لو شنو اشبيك

احمد :لا ارجو المعذرة من حضرتج حرم السيد

منار :اكوول انجب واحجي عدل مثل الاوادم

احمد :استغفرالله علوية اشلون هيج تحجين

منار طبعا حضرته يحجي وادري بي كوة حابس الضحكه :هجم بيتك على هالاخلاق والاحترام ولك انت منو معرفتك

احمد :العفو عمتي اني احمد اقصد الدكتور احمد

منار :هاا قصدك الثور احمد ياهلا بيك

احمد :اذا اني ثور انتي شنو هاا

منار :كام يخربط بالحجي اكول انجب وخلي نحجي بجد

احمد :لعد شجان حجينه وبعدين اني رجال اخاف ربي واحترم الكل رجاءأ لا تحثيني على ارتكاب الاثام

منار :دخيلك ابو لهب صار سيد اكوول تحجي عدل اشلون

احمد :والله حرت وياج اشلون تردين احجي وياج يعني حجينه مثل كبل كلتي من وراكم صرت احجي مثلك حجينه دين واحترام صرنه ابو لهب اشلون يعني

منار :من وراك اصفالك على كلام هي

احمد :هااا بدينه لو بس افهم السيد اشلون اخذج واشلون لحد هسه ماردج لبيت جدي مزوركه ههههه

منار :ههههه متضحك الحمدلله اني وياه زي العسل على عناد المضغوطين هه

احمد :ههه حلوة هاي زي العسل خاب انتي مال عسل وعليش مضغوطين بالعكس اصلا مرتاح اهواي منج

منار حجيت بجدية وادري جاي يشاقه :بروح العزاز صدك مرتاح

سكت وجر نفس قوي

احمد :تردين الصراحة لو اختها

منار :لا ابن عمها بلكي حلو

احمد :خرب مو جاي نحجي جد الا تخربينها

منار :هههه لالا احجي اكيد الصراحة

احمد :اووف ضايج وروحي بخشمي يعني لوما ملتهي بالدوام جان مادري شنو حالي وهذا الغبي من احجي وياه دوم يكلي مشغول

منار :اي صدك تعال على ذكر هذا الغبي ليش مااجه لسه مو كال اجي هاا

احمد :خليها سكته حرت وياه قافل كلش

منار :راح اخابره ابقى دكيت وره اشويه جان نايم الافندي

..صح النوم عيني

شهاب :انتي شنو متكولين ناس منطمرة ها تعبانه شكو داكه

منار :ههه نامت عليك سليمه كول امين ولك انت فد واحد يعني هاي فوك ماانت تسأل وتخابر احنه الي نتصل بيك

شهاب :اهوو هسه انتي مخابره علمود ترزلين لو شنو

احمد :خاب انجب كلما اخابرك نايم خوش شغل هذا

شهاب :انتو اغبياء لو شنو بابا وقتي يختلف عن وقتكم اشبيكم متكولي

منار :واذا وقتك يختلف اني اشوكت ماعجيني اخابر عندك مانع

شهاب :خاف اكول كلمة وافتح على نفسي بابا بعد مينسد انتي مو عروس شكو تخابرين هيج عندج وقت وبعدين انتي مو طب الي مثلج ماعنده وكت

احمد :ههه كلش مخلصتها كله تسخيت وبعدين تنجح اشلون ماادري

منار :تنجبون لو اشلون وانت يالثور احمد عود جيب مثل درجاتي وتعال احجي هسه عوفنه انت اشوكت تجي

شهاب :وشعندي جاي اذا الي اريده يصير اجي مايصير شكو جاي

منار :انت صاحي شهاب والله تحجي ولك بدل ماتجي وتوكف بوجوهم كاعد هناك وتريد الي ببالك يصير مخبل بعلي

شهاب :هنا لو هناك شنو محصل نفس الحجي وهم يمكن زادو منقصو اي اني مخبل ياناس ماطالب صعب ليش هيج تسوون

احمد :شهاب تره اهواي مكبر السالفة يخوي ارجع ودك على الحديد مو هناك وتريد يقبلون

شهاب :خلي نفرض رجعت ابوك وامك راح يقبلون لو عمتك الي متقبل هسه تزوجها هاا هاي شغلة شغلة ثانية كافي القهر الي عايشه عالاقل هنا مااشوفها واتحسر خليني هنا مرتاح ولو هي ياراحه

منار :شهاب ادري انت اشكد تعبان وحقك ماالومك خو انتو اذا حبيتو بعد هو مو عاد انت ابو الحب بس خلي نحجي بالواقع روان بعدها صغيره وهم عدها ولد عم وابوها مياخذ هيج قرار وينطي بنته بدون مياخذ رأيهم فلازم تخطط بشكل صحيح مو بالعناد شهاب

شهاب غمضت عيوني بعصبية :وشترديني اسوي هاا يعني لو رجعت وصيحت وگلبتها راح يقبلون لا انتي كلتيها ابوها يمشي بشور اخوانه خليني هنا بلكي انساه تطلع من كلبي

احمد :راح تكدر تنساها لو اطلعها من گلبك

شهاب :شنسه منها بس عسى ولعل اكدر ولو شي مستحيل يوم عن يوم حبها يزيد مينقص بس لو اعرف بت اختج شسوت بحالي

منار :والله مو بت اختي ابن اخوي الي راكب راسه من زمان كتلك شهاب تره راح تتأذه شهاب الموضوع صعب شهاب طريقك كله اشواك انت كلت لا اني كدها مستحيل اعوفها بعد دخلت گلبي اتحمل مو هذا الي رته

شهاب :اي وبعدني هذا كلامي بس جاي يساعدني يعني شنو راح يصير لو بس عقدنه عمي مستعد ابقى سنين انتظرها بس المهم اعقد عليها

منار :صعبة قابل هو بس حجي شهاب حاول تنسه خليها على ربك اذا الك لو مو عمامها تاخذها واذا  مو الك هاي بعد قسمة ونصيب

احمد :اسمع الكلام الذهب والله معدلة عمتي وحجيها كله موزون وحكم اتعلم

منار :انجب انت ليش يابه شايفني كدامك جيس حب بيت شيوخ وتربية الشيخ هاشم ونعم منه

احمد : ههه اعد واني منين جاي غير مثلج يوول مشاقلج اشوكت تجين للجامعة

منار :هسه صرت مشتاقلي وماادري واصلا شكو جاية كمل سيد كرار كل اموري واذا تريدني اجي اعزمني واجيك

احمد :اي خوش عليج اعزمج روحي عمي ماعندي شغل وعمل غيرج مخلص فلوسي عليج

شهاب : هههههه ولكم اريد انام تعبان وانتو بعد متخلصون ولوو من يمي

منار :صبر لك اشوكت احجي صدك تره

شهاب :ماادري خلي اشوف وقتي والله كريم

منار :ههه هذا هو استلمنه اجيت وجبت الهدية على حجيك هذا

شهاب :ادري بيج انتي مو ميته عليه لا على الهدية عمي اذا كلش اشحنها الج واخلص منج

منار : اي اكيد الهدية اهم ههه لا والله صدك اريدك تجي مشتاقين نكعد ونسولف ونشاقه ووو كومة

بقينه نسولف شهاب راح هذا الولد مسكين وذيج هم مسكينه مادري ايش احس مراح يمجمعون اتمنى يطلع غلط سديته واشويه واجه كرار

..الله يساعدك

كرار :ويساعدج هلا منار اشلونج حبي

منارطبعا كرار ابد مو مثل الخطوبة كان احسه رسمي بس بعد زواجنه ماخذ راحته وهم احسه رومانسي بطريقه حلوة باسني بخدي ايتسمت بخجل :تمام الحمدلله وانت

كرار :ماكول اشوف هالابتسامه اني زين اي شكو ماكو

منار كعد يمي وحضني :ماكو شي تتغدة

كرار :اي بس لا تكثرين لان اكلت اشويه

منار :صار مم عيوني وسيد رضا ياكل

كرار :رضا مو هنا تلگي هسه طلع عنده عزيمه

منار :انتو مو توم يعني اصدقائكم سوه

كرار :لا مو دائما يله عيني صبيلي تعالي

منار نزلت جهزت الغدة طبعا اني ماتغديت انتظرته يجي اما السيد والعلوية كانو متغدين بالدوام كملت وصحتله

كرار :عاشت ايدج حبيبتي

منار :الف عافية

سولفنه بمواضيع عادية بعدها كملنه غدة زغسلت الماعين ورتبت المطبخ وصعدت لغرفتي غيرت ملابسي ونمت يمه حس عليه وسحبني اله صرت اعشق عطره بالبدايه كنت اخجل بس هسه لا ماانام الا بحضنه غفيت وكعدت على بوسات برگبتي فتحت عيوني

كرار :صار ساعه اتحارش غير تكعدين تحسين

منار ابتسمت عليه وحاوطت رگبته :هه وهاي اني حسيت شنو المطلوب

كرار :اني اگلج شنو المطلوب شو تعالي

منار كمل جملته واخذ شفايفي ببوسه قويه وحركته صار اجرئ كام يتفنن لمساته ويطبع ملكيته على كل مسامه بجسمي شعور جميل الله يخلي بين الزوجين من يكون الحب بالحلال  حسيت من صدك يحبني بس هو لحد هسه ماسامعه منه كلمة احبج كنته منجسمين مع بعض لحظات كان رائعة مشاعر حلوة كان دوم يدعي بالمودة والتوفيق بعد لحظات دامت واحنه بحضن بعض كملنه ودخلنه للحمام مرن ايامي بهذا الشكل كرار الي جنت اكول عصبي ومزاجي يمي ينگلب طفل انسان عاشق عرفت معلومة من عمتي العلوية السادة يدللون زوجاتهم ودم اسمع السيد بالاهتمام والرفق ببينه العلوية فاطمة فدوة اهواي تنحب الحمدلله جابت اهواي فرحت صار اهواي مشايفه طفل رحنه الهم اني وكرار ورضا دخلنه للمستشفى الي جانت بيها جايت ولد سلمت عليها وتحمدتلها

فاطمه :تسلمين حبيبتي ان شاءالله يوم الج ونشوف السيد الصغير

منار :ان شاءالله

رضا :هههه ها سيد كرار جهز نفسك العلوية فاطمة دعت

كرار :ان شاءالله هلا بالسيد مجتبى

السيد هادي :ان شاءالله يجي سيد مجتبى بعدكم باول الطريق

منار كنه اني وكرار شايتله واباوع عليه:ان شاءالله فدوة اشكد حلو تردي اشكد صارلي مشايفه طفل

كرار :اشكد

منار :اخر طفل كان ابن مهدي علي وهس علي سادس بس ان شاءالله ينور الشيخ حيدره

كرار :منو شيخ حيدره

منار :هه ابن هاشم ومنسا اشبيك

رضا :حلو الاسم والله الشيخ هاشم يعرف يتخار اسماء ولو هو اسم ابوه مركب توقعت هو هم

منار : ههه اسمه كان قصة وحجيتلهم القصة الي فعلا كانت حلوة

منسا اسبوع واني وهاشم منتحاجه واذا حجينه تخلص بعركة يعني ليش مجاي يعترف ويكول شنو عنده معقولة الكلام صحيح المشكلة ذني من يشوفني يكومن يحجن بحجي يخليني اموت بدمي ومن احجي وياه لو نتعارك لو يدك عليه واحد ويعوفني ويطلع ومرام كلامها الي مثل السم كلما نتلقتي وكالت هالكلمة

مرام :هه اخذي راحتج هسه بس طلعتج على ايدي وهاشم الي سامعه

منسا :شنو انتي ماتستحين على نفسج جاية مناك لهنا علمود تسوين مشاكل وبعدين اشو اهواي واثقة من نفسج الي يطلع من ايدج سوي بس الايام بينه

كل كلما اذكر كلامها معدتي تكوم تگلب شنو من بشر هاي لعاي الدرجه تحب تخرب بين الناس جنت واكفه بالبلكونه والدمعه بعيني حسيت على ايدين تحاوط خصري وانفاس بركبتي جسمي رجف ودكات گلبي قوية شعور مااكدر اوصفه وهومخلي راسه برگبتي ويهمس بهدوء

.. هااشم وخر عفيه

گمرهاشم :روحه وگلبه اشبيج يروح هاشم  ليش هالجفاء تره ميصير كل هالنعمة واني مشايف شي حسي بيه علوية والله ميت عليج كلشي بيه يريدج الى متى تبقى هيج

منسا يحجي واني مغمضه عيوني بقوة مااريد اضعف كدامه لازم اعرف كلشي ملصت روحي منه ووگفت مقابيله

.. هااشم اني شنو بالنسبة الك

گمرهاشم صار اسبوع واحنه متعاركين وادري كل الزين هاي سوالف ذني الحقيرات بس مال العلوية هيج ماتثق بيه هاي واكفه هو اني متخبل منهن مو عاد احب وحدة منهن اليوم كلت بعد كافي زعل لازم احط النقط على الحروف دخلت للبيت مكان موجود احد صعدت كبل لغرفتي دخلت بهدوء ردت اعرف شجاي تسوي كانت واكفه على البلكونه تقربت منها وحاوطتها بديه ياالله اشكد ترفه هالعلوية دخيل ربج دفنت راسي برگبتها هنا احس براحته هنا مكاني الاصلي هنا كل الحياة احس بي وعطرها الي صار ادمان بالنسبة الي حسيت برجفت جسمها وخجلها الي اعشقه بس هالصد الي مضوجني ويخليني اطلع من طوري بتصرفاتها وكله من وره هالغضب الي يمنه اشوكت يرحون اول مرة اتمنى من ضيف عندي مايبقى بس خطار واكفين على گلبي

.. اشبيج علوية شنو هالسؤال انتي مرتي والشيخه انتي الكل بالكل بعد امي

منسا : لا اني مووهيج انت متوهم لان مجاي اشوف هالشي  هاشم احنه طريقنه وين راح يوصل هاا فهمني

گمرهاشم  لزمتها من عكسها وحجيت بعصبيه :شنو متوهم انتي شجاي تخربطين علوية احجي من النهاية شصاير وهيج گلبج عليه من يوم مااجيتي وانتي انگلبتي احجي شسمعتي

منسا :عوف ايدي هاشم انت لازم تكلي شنو بينك وبين مرام

گمرهاشم  هاي تخبلت : اشلوون شنو بينه يعني بت خالي وبس

منسا :لالا مو بس هيج لوما اكو شي ماكان تحجي بثقه وهي واثقه من كلامها

گمرهاشم عصبتني هاي اليوم مناويه على خير هو انب اشوكت ارتاحيت حتى هسه ارتاح كعدت واني اباوع عليها وهي معصبه دخيل ربج حتى وانتي معصبة تسحرين :اي بله وشنو الكلام الي تحجي بي بثقة وخلت العلوية هيج حالها

منسا :اشو احر ماعندي ابرد ماعندك هاشم انت ليش هيج بارد يعني اكو شي موو

گمرهاشم استغفرالله اشلون تريدني هسه اکلبها :اكيد اكون بارد لان حضرتج مسويه مشاكل على خالي بلاش اني لو عندي مثل متگولين ماكان تزوجت ولا متحمل كل هالمدة علمود اخليج تتعودين عليه اشبيج بابا عقلج وين هيج ثقة ماعندج بيه

منسا :لا مووقصة ثقة وهم احنه الاثنين نعرف اشلون كان زواجنه لا انت اختاريتني ولا اني اختاريت يعني احنه الاثنين كنه مجبرين نقبل

گمرهاشم  صدك عصبتني :شقصدج انيي انجبرت عليج علوية ثمني كلامج تره لحد هسه اني ساكت لان اكول متعرف شنو السالفه بس مال اني انجبر لا هنا مااقبل اني الشيخ هاشم ابن ابوي ماانجبر على شي وخلي بعلمج الكل تعرف وتشهد اجبر ماانجبر

منسا  حجه هيج وعافني وطلع وهنا اني انهاريت كان الحق وياي هسه صار عليه شمرت نفسي على الجرباية وكمت ابجي ليش هيج جاي يصير كنه متفاهمين من اجني لسه وانكلب حالنه

لليل بعد مشفته ومن اجه جان معصب كلش وحتى ماباوع بوجهي ولا اني ومشت باقي الايام هيج وصار اسبوعين على نفس المنوال ياخذني للدوام وواحد ميحجي ويه الثاني بس كدامهم يبين علاقتنه عادية وذني ماشاء الله ابد مو عاقلات ومره شفته كاعد وياها ودك سوالف وضحك لا ويكول ماكو شي يصير خير شيخ لو اني لو هنه

گمرهاشم معصب كلش وجاي احجي بالتلفون ويه مازن :لك ماازن ماتكلي وين وله يعني هو واحد ماكدرت تعرف وين

.. شنوو هالحجي دخيل ربك متكلي مازن تعرف وكت ماعندي والسالفة جاي اطول

.. هاشم شتريد مو جاي ادور عليه وبعدين السالفة ليش مكبرها خليها عليه واني اتصرف

گمرهاشم :ياا اخليها عليك من كل عقلك ماززن تعررف السالفة بيها صخام وجه

بعدني جاي اسولف ومعصب فوول وجان اسمع

منسا اخذت قراري لازم انفذه دورت عليه لكيته بالاستقبال كان معصب كلش ويحجي بالتلفون شنو عنده مااعرف من كد ماعصبي خفت على نفسي وخفت عليه خاصه من شفته كسر المزهرية وايده انجرحت صحت

..گمرهاشم

هو انصدم وفتح عيونه على وسعهن هاي اول مره اكول اسمه كامل ماادري ليش هيج كلت رحت عليه ولزمت ايده

..هاا شنو هاشم غير تنتبه اديك جاي تنزف انت ليش متبطل عصبية

گمرهاشم تحجي واني صافن عليها ولا عبالك جنت معصب وزعلان منها هاي البنيه خبلتني بكلمة وحدة منها يتغير مزاجي مامنتبه على ايدي لان كنت معصب

..تخافين عليه علوية

مارفعت راسها

منسا :اتوقع تعرف جوابي اكعد خلي اجيبلك معقم وكطن واعقم ايدك

توني طلعت ولزم ايدي التف عليه

گمرهاشم :هيج كل هذا كافي هالجفاء

منسا :بعدين نحجي ايدك اهم من كلشي هسه

عفته وطلعت يسألني ليش هالجفاءليش منو السبب مو هو الي مجاي يحجي ويريح گلبي هاشم اهواي جاي تتجاهل اسئلتي وخايفه كن نهاية دربنه جبت علبة الاسعافات وكعدت انظف واعقم بالحرج كان يحتاج خياط لان داخله الگزازه اهواي

..ادري ماحسيت بألم بشي قوي

گمرهاشم :لا لان الحرج بالگلب بس علوية لازم نحجي

منسا عقمت وابد ماخليت عيني بعينه

..لازم تخيطها هنا مااكدر

كمت وكتله

..شيخ اريد اروح لاهلي

گمرهاشم اهواي طوختها اني اعرف اشلون احل هالمشكلة بس من كالت تريد تروح لاهلها هنا فعلا خلني اتخبل

يتبع..

اسفه كلش على التاخير بس تعرفون هاي الليالي اشكد مهمه وهم جرح الامام بس ان شاءالله من اليوم راح يكون التنزيل يومي بس ليلة 23ماانزل اريد تفاعلكم