تحميل رواية «اقسمت على حبكِ عند الأمير» PDF

#اقسمت على حبكِ عند الأمير

للكاتبة ضوء القمر

عفتني بوكت وجـــــروحــي هامت

وكـمــت اصفـن وافكر عدل  هامت

شكثر مــــرتن ناس اطـــوال هامت

وانت يالكصيرون ماحن گلبك علية

لواني زمــــــن بشدة مــــــن اذاني

وخلاني اتحصر  الشوفة من اذاني

كمت اوكف واندعــي منسمع اذاني

عساالله ياخذحوبتي من الخان بيه

الشيخ كاعد بالديوان وهو يفكر بالي سواه صح لو لا خايف يأذه ابنه بس ولده رجال الكل تحلف بي

سيد صادق:ابو جاسم خير يخوي علامك صافن

الشيخ أبو جاسم :والله يخوي افكر بالي خبرتك بي

سيد صادق: تقصد موضوع المشيخه

الشيخ أبو جاسم: ليش هو اكو غير هالسالفة كلي سيد اني على حك بسالفتي

سيد صادق: شيخ اسماعيل انت شيخ وتعرف الي يفيد العشيرة وابنك كمرهاشم الكل تشهدله بوكفاته ودوم هو بصدر الديوان انت خايف من شي

الشيخ أبو جاسم: اخذ نفس وهو يفر بالسبحه

سيد خوفي عليه من ناس كريبه علينه وخايف تصير مشاكل تدري بيه انه مابيه بعد حيل للمشاكل

سيد صادق: لا ابو جاسم بعدك بحيلك والله يكويك اشوكت ان شاء الله تنقل المشيخه

الشيخ أبو جاسم: إن شاء الله هاي الجمعة انه مخبر الكل يحضر وهم ابو احمد يجي من بغداد

سيد صادق: خير إن شاء الله همه يعرفون بالسالفة

الشيخ أبو جاسم :أي يعرفون وهم موافقين

سيد صادق: على بركة الله

كاعد بالمكتب وافكر ليش هيج قرر بسرعة وليش اني اووف هاي اشلون سالفة راح تبدي المشاكل مستحيل سلام يكعد راحه انتبهت على صوت

..هاا سيد شكلت

سيد عبدالله:هاا اشبيك هاشم خير الرجال اجه يسلم ويسأل وانت بس صافن خير

اخذت نفس واني حاير اشلون راح اتحمل كل هذا

..والله ماادري يخوي الشيخ يريد يسلمني المشيخه واني حاير اشلون

سيد عبدالله:وليش حاير انت مو اول مرة الشيخ يخليك بمكانه واصلا مستحيل احد غيرك يكدر لهالسالفة

..عبدالله انت جاي تفهمني شكول بويه نسيت ذولك الجماعه لو لا

سيد عبدالله:اهوو هم ذولك الجماعه يمعود ليش هيج منطيهم مجال هاا هاي اول مرةهيج اشوفك منطي احد مجال

..يعني ولد عم شسوي متگلي اتگاتل وياهم واذا منطيهم مجال مو لاسواد عيونهم لا وغلاتك بس عمي يوگف بعيني خوش رجال مع الاسف هيج خلفته

سيد عبدالله:ايي خطية عمك ماكتلي جاسم ومهدي شرايهم

..همه اصلا من البداية قابلين لا وبعد باصمين بالعشرة اول شي جاسم مو فارغ ابد يا جامعه يا ندوه يا مناقشات وهم ميكدر يروح ويجي صعبه عليه اما مهدي هذا وحدة دربه مشايفه كافي عليه القضايا بالمركز مو عاد سوالف الديوان ومشاكل العشيرة

سيدعبدالله:هذا هو ماكو غيرك توكل بالله وان شاءالله التوفيق

..ايي ان شاءالله

انه ابن الدله والفنجان  انه ابن الديوان والمضايف والكرم انه تربات  الشيوخ انه الي يگصدني ميرد خايب من ابونه علي تعلمنه الكرم وادينه دومها للمحتاج

اعرفكم عني گمر هاشم ابن الشيخ اسماعيل ابن الشيخ حامد احنه شيوخ ابن عن جد اصحاب مضايف وهلا ومرحب عمري ٣١ خريج كلية هندسة معماري عندي شركة انشائيات وبناء  اني وصاحبي سيد عبدالله راح تگولون ليش هيج اسمك اني ولدتني امي بليلة ولادة قمر بني هاشم وابوي على محبة مولاي ابو الفضل العباس  سامني گمر هاشم  بس الكل يسموني هاشم شكلي صاحب جسم العب حديد بشرتي بيضة لون عيني عسلي حالي حال اي شاب مو ذلك الجمال بس الكل يكول انت على اسم ابو الفضل الله انطاك من جماله شعري بي طول بس شب بسيط شخصيتي نااار فنه الي يدوسلي على طرف بس اكدر اسيطر على اعصابي تعلمت من الحجي ضبط النفس من اني صغير ويه ابوي بالديوان من الصغر متعلم على الديوان ووين  ميروح ابوي اني وياه لحد ماتعلق گلبي بالديوان وصار الكل تعرفني بحكمتي ونباهتي ودوم ياخذون بحجيي اني وسيد عبدالله دوم سوه هو نفس عمري هذا اخوي وحزام ظهري وشيال همي طبعا العائله متكونه من الشيخ  الله يحفظه والشيخه جدتي والوالدة الله يطول بعمرها واخوي الحبير جاسم دكتور جامعي ببغداد متزوج بنت عمي وعايش هناك ودومه مشغول وعنده ولد اثنين وبنات اثنين  اما الي واره اختي الجبيرة  عهد هاي اختي نفس طبع جاسم متزوجه ابن عمتي وعايشه هنا يمه هي معلمة عدها ثلاث ولد بس وراها اخوي مهدي مهدي نقيب بالداخلية متزوج بنت خالي وعنده ثلاث ولد وبنيه كل وكته بالمركز كافي عليه مشاكل الدوام وهو يتخبل من سوالف الديوان صح يكعد من تصير گعدة بس ابد ميدخل

بعده اني ووراي الغالية وبنتي منار هاي بنت گلبي ربيتها على ايدي اهواي متعلقه بيه طبعا الكل يسمعلي حتى اخواني الكبار يسمعون وياخذون بكلامي ودوم ياخذون  رأي اذا صار شي اني ممزوج لان مااحب اربط نفسي بمرة اشكد يحاولون الوالد والوالدة والشيخه بس من افقل بعد هذا هو لو شيصير مااتراجع اذا ضغطو  عليه الا من وحدي وهسه ابوي راح يسلمني المشيخه وهاي بحد ذاتها تاخذ كل حيلي وهم شغلي يعني مفارغ لسوالف الزواج وهم مالي خلك لمشاكل النسوان القيل والقال هيج بالي مرتاح طبعا احنه عايشين بالعمارة من زمن جدي

بعد الظهري رجعت البيت لكيت خطار بالديوان اريد فد يوم ارجع مالگه احد مستحيل  دخلت للديوان سلمت عليهم

هاشم:سلام عليكم

الشيخ والموجودين ردو عليه:وعليكم السلام هلا بالشيخ

الشيخ ابو جاسم:حي الله الشيخ گمر هاشم

گمر هاشم:الله يحيك شيخنه كعدت يمه

الله بالخير

..الله بالخير والعافية

الشيخ ابو جاسم:اي ابو جابر وهسه على شنو ناوين بالمحصول

ابو جابر:شيخنه احنه گلنه هسه نحصده ومناك نوزعه على الباعة وهم اكو من طلبو زيادة بالكمية هالمرة

الشيخ ابو جاسم:خير ان شاءالله هذا هو بويه سوو الي تشوفو وهم مااوصيكم مثل كل مرة لا تخلون احد متنطو خوش بويه

ابو جابر:تأمر شيخنه على امرك

گمرهاشم:بقيت كاعد لحد ماكامو ودخلنه اني والشيخ للبيت

..اكول شيخنه اشوكت ناوين تبلش بمزرعة النخل

الشيخ ابو جاسم:والله يوليدي انتظر عمك ناظم كال هم يريد يرزع وهم عليش مستعجلين ماورانه شي وليدي ان شاءالله الجمعة لازم تكون فاظي لان الكل راح يجي

گمرهاشم:صاار حجي تأمر

دخلنه وكعدنه يم الشيخه وصبو الغدة وره الغدة صعدت لغرفتي اهواي تعبان هالايام اگضيها كله تفكير غيرت ملابسي وخليت راسي انام وجان تنكد الباب اعرفها ماكو غيرها تكد الباب هيج

..تفضل

منار:اكدر ادخل

گمرهاشم:هو انتي بعد دخلتي تعالي بعد اخوج

منار:هلا والله ولو راح اضوجك لان تريد تنام بس شسوي لازم احجي

گمرهاشم سندت جسمي على التاج ورفعت حاجبي ادري بيها متعرف تظم عليه على الكل تظم الا عليه

..ايي ست منار كولي شوراج

منار  وين وراي ماكو هههه هشوم حبيبي

گمرهاشم:لا استلمنه ماطول بيها هشوم ولج راح اصير شيخ هم تبقين هيج تمسيني

منار:والله هذا الي عندي وبعدين اني بنتك من حقي ادلعك همه ليش يغارون المهم هسه خلي اخبرك بسالفة وتغدة بيهم قبل لا يتعشون بيك

گمرهاشم:لزمتها من راسها ولج انتي اشوكت ناويه تعقلين هاا والله خاف عليج هذا اللسانج مو دوم تتعاركين بي سمعتي

منار:اوو هاشم شعري ليش خربته وبعدين شمسويه هو اني شعندي غير لساني فديته سلاحي الفتاك هسه المهم خلي احجي

گمرهاشم:احجي فضيها

منار:احزر اليوم من اجه على نبع الحنان ولعب بعقلها

گمرهاشم:هاا منو وليش نبع الحنان هينه

منار:يمعود هاي لو تطلب من امك روحها تسلمها

گمرهاشم:اهووو بس خالتج المصون

منار:اووف اكو غيرها سعديه خانوم المهم يردنه يزوجنك والعروس خلود ونبع الحنان تعرفها اشكد تحب خلوده

گمرهاشم:ههه والله عبالي وحدة بيها خير خلود هاي اني لو منها ادفن نفسي عود شايفه روحها حلو

منار:اكوول شيخ هاشم هااي اشكد قديم روح شوف هسه اشلون صايرة غير صايرة چنها نناسي

گمرهاشم:لفيت راسي وكلت لو تصير زليخه مااگلبها هو جعفر ولابس حجاب خليني ساكت هه صايرة نناسي روحي خليني انام وراي شغل وهم انتي على شنو مخليج انتي احجي لو لسانج بس بالمشاكل انتن حلنها مالي خلكجن

منار: ياا شو نمت هشوم تره صدك احجي اهووو خرب بالحظ هو صوجي كتلك لو بس اعرف هالحجر هم يجي يوم ويحب اااخ بس خلي يصير اللي بالي الا اسبوع ان ارگص

وجان يشمر المخدة  بوجها وطلعت وسدت الباب وراها

بعدمرور يومين اجه يوم الجمعة اليوم الي راح يسلم الشيخ ابو جاسم المشيخه لابنه گمرهاشم

منار:اوووف شنوو هاي والله ظلمم يعني اني شمحصله بله منهم هاا

الشيخه:يمصگوعه علامج بس تتدردمين هاا اشتغلي وانتي ساكته

منار:حبوبه حتى انتي عليه والله نوم مشابعه يعني تاكل دجاج ناس تتلگه العجاج هاا يصير بعدين وين الطباخين مو عساس يجون

حسنيه:وللج مناار اليوم اموتج لو بس تشتغلين كد ما تحجين جان الشغل خلص ولج يمعزايه هسه يجون اخوانج يريدون الاكل وانتي بس تتحطمين امششي كملي شغلج

منار:صاار نبع الحنان هو اني اكدراحجي والحكومه هناا اوييلي عليج يانفسي جان يجيني صاروخ من امي خلتني اگمز ورجعت اشتغل هيين اني اعلمكم هين يشيوخ بسيطه

گمرهاشم:اليوم الكل راح يجي الشيخ عازم العشيرة كلها وهم كل الشيوخ الفخذ من الصبح اجوي طبعا من البارحه منايم بس افكر اشلون راح اكدر اشيل كل هالمسؤولية وحدي ربي عليك توكلت سبحت ولبست دشداشه نيلي وشماغ بيجي بنيلي رشيت عطري،Boos الاسود ولبست محابسي وسبحتي بايدي وساعتي بقيت صافن على شكل بالمراية

..ايي ياهاشم گدامك درب طويل اشلون راح تكدر عليه جهز نفسك من هسه للمشاكل انتبهت دك جهازي

..الوو صبحك الله بالخير يخوي

سيد عبدالله:صبحك الله بالنور هلا بالشيخ البارحه منمت مو

گمرهاشم:ايي والله سيد منايم

سيدعبدالله.اوويلي ولك هونها يخوي ولك الي يسمعك يكولن مستحيل هذا الشيخ هاشم علامك مصعب الامور كل احنه وياك

گمرهاشم:عبدالله هسه اختلف الوضع هسه الكل نظره عليه واهواي ينتظرون الزله عليه وهم گلبي مامطمن

سيدعبدالله:هاشم على بختك شو خلي گلبك بحالة يمعود استر علينه  ماكو غير العافيه ويله جهز نفسك اكيد الشيوخ على وصول

گمرهاشم:هاي اني مكمل انت جاي مو

سيدعبدالله:اي اشلون لعد

گمرهاشم:هلا بيكم

طلعت من الغرفة دخلت للمطبخ شربت چاي وطلعت اليوم كلش مالي شهيه اخواني جانو جاين عمامي وزلمنه وشيوخ وبعد راح يجون اباوع لابوي طاير اليوم من الفرح طبعا سلام العار بس يخوزر لا ياچلب ونذل ااخ مع الاسف انت ولد عمي صار الظهر والكل اجه الديوان غص بالشيوخ والسادة بعد تسليم المشيخه نچبو الغدة والكل حمد بكرمنه والحمدلله بعدها الشيوخ وابوي حجو والكل وافق على انو استلم المشيخه كام ابوي ولبسني صايه جدي وعباته هذني متوارثات من جدي لكل شيخ يسلمتها يلبسهن مجرد مالبسني الصاية والعباية حسيت بثقل المسوؤلية الي صارت برگبتي

بارگلي

الشيخ ابو جاسم: الف مبروك  المشيخه عليك شيخ گمر هاشم ان شاءالله  تكون گدها

گمر هاشم: تسلم شيخي وتاج راسي ان شاءالله  بفضلك وبفضل هالوجوه الخيرة

بعدها الشيوخ كامو يسلمون عليه وكل الموجودين كعدت بصدر الديوان وكم شاعر كامو يمدحون

بعد شهرين الشيخ حالته صارت بالنازل وكل التحاليل تكول گلبه تعبانه لحد مافد يوم جنت معزوم بمشيه رحت اني وسيد عبدالله  وابوه السيد صادق  وحمايتي وكم زلمه جنت كاعد وهناك ودك جهازي خلاني اكوم من مكاني والكل تفاجأ بيه الاتصال خلاني مااعرف دربي

سقت بمل سرعتي اني ادعي الله مو الي ببالي بس ااخ هذا گلبي احسه راح يلچم

مرحبا طبعاهذا اول بارت وهالمرة بيها الطابع الديني وكلها شيوخ وسادة اليوم القصة من اهل العمارة هل الكرم والجود والنخوه اصحاب مضايف اذا عجبتكم اكمل وياكم وشوفوني تفاعلكم

يتبع..

محتاجة دعم لهالقصة مجاي تطلع عند البحث عنها ادخلو على حسابي واضيفوها 🙏🙏🙏🙏 واريد تصعدوها وتصوتون الها فضلا وليس امرا

#اقسمت على حبكِ عند الأمير

للكاتبة ضوء القمر

وضن باجر تبوك دنيه عافيتي

وشني نفعي بعد لو راحت منيتي

الحقيقه عازتي وادم تلمني.

بحضن موعازتي وادم تلمني.

الحقيقه اجروح البكلبي تلمني

الحقيقه استفحل افراكك عليه

بعد شهرين الشيخ حالته صارت بالنازل وكل التحاليل تكول گلبه تعبان لحد مافد يوم جنت معزوم بمشيه رحت اني وسيد عبدالله  وابوه السيد صادق  وحمايتي وكم زلمه جنت كاعد وهناك ودك جهازي خلاني اكوم من مكاني والكل تفاجأ بيه الاتصال خلاني مااعرف دربي

سقت بكل سرعتي اني ادعي الله مو الي ببالي بس ااخ هذا گلبي احسه راح يلچم

سيد صادق: وليدي على كيفك بالسرعة مو هيجي

گمر هاشم:سيد بعد مااكدر احس صاير شي

ماكو الدرب ساعتين ونص سويته ساعة خابرتهم لکيتهم بالمستشفى وصلنه هناك کبل نزلت شفت جابر من بعيد

..هاا جاابر الشيخ اششبي

جابر:شيخنه والله ماادري شکلك بس الطبيب لسه ماطلع

گمرهاشم:خررب وللكم اشبي عفتها مثل الورد شصاااار احجي

جابر:شيخنه هو مجان بالديوان الشيخ اليوم موصل الديوان

گمر هاشم: استغفرالله

عفته ورکضت على حازم ابن عمي وعمامي هم چانو موجودين امشي لا وعلي ارگض بس اريد اريح هالگلب الا حاس راح يفارگ عزاز

..هاا السلام عليكم بشرو الدكتور طلع

ناظم: لا وآنه ابوك انت اهدي تعال اگعد

گمر هاشم: ياا اگعد واني گلبي نار

نص ساعه  وطلع الدكتور رگضنه عليه

.. هاا دكتور بشر الشيخ  بخير

الدكتور نزل راسه بأسف وكال

الدكتور: ماادري شگلگم بس گلبه اهواي تعبان بقت يم ربگم ادعوله الي علينه سوينا 

گمر هاشم بعصبية: انتت شتكووول هااا شننو سوييتو الي عليكم فهمنني ابووي ليش هيج حالته صاارت

عمي ناظم كام يهدي بيه

.. مو هيجي بويه صبر خلي نفهم منه

الدكتور: اني مقدر وضعكم مو سهل فقدان العزاز بس الوالد اجانه وهو ضاربته جلطه وللاسف  هاي المرة قوية ماعدكم غير الله ادعوله اي منو بيكم گمر هاشم

گمر هاشم: نجنت منزل راسي من سمعت اسمي

..انني گمرهاشم

الدكتور:هاا الله يحفظك طلب يشوفك بس مو اطول الك اقل من ربع ساعه

گمرهاشم:من طلبني هذا هو حاس بروحه راح يفارگنه لبست ملابس خاصه ودخلت عليه جان بغرفة الانعاش والاجهزة على گلبه اووف مو الك هالنومه يالغالي كووم ابو جااسم كوم الي الكل يحلف براسك المن عفت ديوانك تراني بدونك مااسوه هيج بسهولة تريد تفارگنه مو نذرت بنفسك تزوجني هاا بويه راح تعوفنه گلي عزيزة گلبك من تسٱلني ليش ماهو وياك شرد عليها بووويه گوم بغلات عزازك گوم

طبعا احجي وياه واني مثل فاقد الي يتمنى هذا كابوس يخلص وماكو شي

اشرلي اجي يمه رگضت عليه واني ابوس بيده وراسه

..بويه گوم على حيلك موالك هالنومه

باوعلي بتعب وگوة يحجي وياخذ النفس

الشيخ ابو جاسم:وليدي وعزيز گلبي اريدك دوم مرفوع راسك ودوم الناس تحلف بيك لا تخلي احد يغدر بيك وليدي انت شيخ الشيوخ اريد اموت وآنه مرتاح عيونك على اخوانك واخواتك امك وجدتك بامانتك گمر هاشم من سميتك ما.اخذ نفس وكال..ما غلطت اريدك للمحتاج عون وللظالم شوكه بعيونهم مابيه حيل احجي وصيتي يم جدتك وليدي شيخنه عينك على اهلك وناس

گمرهاشم:يحجي واني دموعي يجرن اني الي ماابجي كدام احد ابجي گدامه هذا مو ابوي لا قدوتي وفخري هذا الي امشي بزودي بفضله اااخ مو هين فركاه

..يابه ان شاءالله مابيك غير العافيه عمرك طول

ماكدرت احجي اكثر وهو منا حالته اهواي تعابه وهم خلص وكتي بسته من راسه وطولت بيها اوووف يگلبي اشلون بيك احاجي عيوني واگلها

شبعي شوف منه خافن يروح وتظلن بحسرة النظرة كون تعمى العين على فرگاگ

احاجي واني بويه المن وصيت بيه هاا كلها عفتها عالراسي امانتك ثكيلة يابه ااااخ يازمن

طلعت اجر بنفسي جر بقينه كاعدين والمستشفى انگلبت علينه شيوخ وسادة وناس اهواي واني مالي خلك اگابل احد سالفة هيج وحدة طاح مداخله عقلي اكو شي بس خلي يكوم بسلامه ونحلها اخواني مو احسن مني اباوع الكل برگبتي گبل ما جنت اشيل هم هو موجود هسه اشلون ربي رحمتك ظليت لازم القران واقراله الخوف ماكل گلبي لحد الساعة خمسة الفجر شفنه الاطباء والممرضين يراگضون واني اشوفهم اشلون يحاولون برجعون نبضه اووف وهناك وگف گلبي ويه وگفت دكات گلبه هنا وكعت من طولي والصدمة هنا خلتني اكره كلشي بحياتي ظلمت الدنيه بعيني   واخواني مو احسن السيد كعد يم

سيد صادق:آنا لله واناإليه راجعون البقيه براسك شيخ هاشم گوم الكل عينه عليك كلنه على هالدرب استغفرربك گوم وليدي

گمرهاشم:مولاي راح الغالي راح ابوي راح الي جنت امشي والكل تصيح باسمه اااخ يگلبي اللهم لا اسٱلك رد القضاء ولكن اللطف بنا

سيد صادق:بقية لله وليدي كوم اكرام الميت دفنه

گمرهاشم:سندت نفسي وقوية گلبي بس ياقوة وخميتنه راح ادفنه ربي رحمتك اخذها والكل يبجي عليه امرت الشباب يجهزون كلشي كملنه شهادة الوفاة واخذنه للبيت هناك راح الكل يجي واصلا امو من البارحه موجودين راح يسوون عراضه دمع عيوني جف وصلنه للبيت هناك اسمع صياح اهلي دزيت حازم عليهن

ناظم:ابني هاشم دخلو الشيخ للبيت خلو يدعنه الحريم

گمرهاشم:عمي بس ندخل العياط يصير ماله والي هسه اشويه وادخله

اخذت نفس واني گلبي صاير جمر كوة واكف اشل ن ادخل للبيت وهو ماكو والديوان الي يبجي عليه بويه عفتنه ورحت هيج رحت يغالي بسرعة ااااه يشمعة بيتنه دخلو التابوت واسمع نعاوي امي والشيخه واخواتي ااااخ يگلبي ما ردت اشوف احد وخاصه امي والشيخه دخلت من وره صعدت بدلة اسود وطلعت وگلبي نار شيطفيها راح خيمتنه الغالي ابو الملگه وهلا

گتله كوم احضني وبوسني اترجاك

بويه شبيك ساكت هذا مو ملگاك

تلاکيني جن ملگة الطفل للعيد

هااا بويه كمت الموت ماخلاك

روحي وكلبي اخذه بويه اخذه هاك

مادري الضرورة اتعلت بجفاك

يابويه تعال البيت مابي روح

شو حته السوالف فاهية بلياك

والبيبان طلعن حبات الطول

يومه يسألن وين طولك ذلك

الايام الكضت وعيونه تحوم

سولتنه سهر ويه ذكرياتك

هنا كاعد جنت وهنا تغديت

هنا مديت سجادة صلاتك

بيتك ناطرك ويدك يعود

وهدومك يبويه امتانياتك

الغيرك مايصيرنه جذب هيهات

اليفك زرارهن كون بغلاتك

مشتاكيلك بكد الطيبة البيك

ولك وحشه بكد كسرت بناتك

ماكدرت ابقى جوة واسمع بواچيهن اهواي يلچمن الگلب چلماتها للشيخه وهي تنعي ابنها

اووف يكلبي اشلون بيك بغياب عزازك طلعت وانتظر بره

سيد عبدالله: هاشم شد حيلك

گمر هاشم:اختنگت بعبرتي من كال شد حيلك ااااه يابويه عبدالله اهواي تعبان محتاجه يمي

سيد عبدالله: اذكر الله هاشم خليك قوي امك واخواتك وجدتك كلهن عيونهن عليك

گمر هاشم: رفعت رأسي  للسمه ودعيت الله يقوي گلبي صارت بالثمانية  والكل تقريبا اجه سوو عرضاه وشعراء كامو ينعون الشيخ وشيوخ هم اهواي حرگو گلبي وزيدو همي وحزني تقريبا ثلاث ساعات واحنه على هالحال بعدها خلوه بسيارة وطلعنه للنجف يم الامير الكل راح ويانه وبقيت كم زلمه وشباب علمود يجهزون للفاتحه رحنه وبينه ثلاثين سيارة ومناك هم تلاگونه وصلنه خلال ثلاث ساعات للنجف غسلو وكفنو ورحنه للامير زورنا وهم صلينه عليه ورحنه للمگبرة اووف اباوع اشلون نزلو بالگبر والسيد يلقن بي وسواله كامل التلقينات وقره يم راسه دموعي نزلن واني اشوفه اشلون يهلون عليه التراب والنعاي ينعه اااه يبويه صوابگ بالگلب وشيطفي نار الگبر ثنيت رجليه يم گبرة وحاجيته

..بويه گوم المن نايم هنا اشلون ارجع بدونك بويه انت تكره الكعدة وحدك يله بويه گوم ديوانك يبجي عليك هاا يابو جاسم حلالك المكان استغفرالله وكمت قريتله قران وودعته رفعت راسي لصاحب الارض وهذا الوادي

..موولاي اليوم ابوي ضيفك نخيتك نخوه واني ادري متردني امانتك ياعلي اوگفله

الحمدلله على كل حال بليل ردينه جانو الشباب مجهزين للعشة للحرازه دخلت الديوان اظلم اباوع على صورته الي ماليه المكان وضحكته الحلوة  مابقت بس صورهم اااخ يازمن وره اشويه اجاني احمد

احمد:عمي حبوبتي والشيخه يردن يشوفنك

گمرهاشم:ليش صاير شي مااكدر هسه الوادم هنا

احمد:هنه من زمان رادنك

گمرهاشم:خوش اشويه وادخل

ترخصت من الكاعدين ودخلت من المطبخ دخلت ولكيته يغص بالنسوان استغفر ربي اني منا مالي خلك احد على صوت سلامهن اجت امي والشيخه

ام جاسم:وللك يمه يهاشم اجت وابوك ماهوه وياك اشلون انطاگ گلبك تخليه اوحده سودة بوجهي اشلون تردن وابوك ماردن وياك طلعت وياه وترد وحدك احوو على فرگ الحباب  يهاشم يمه انطفه نور بيني ويامن بعد اتسامر والمن اعيشن ونور عيني بگبرة عساني ميته ولا هاليوم

گمرهاشم:كلام امي خله الكل  يبجي حاضنها وابجي على بجاها شكول واني ناري بصدري تسعر

..اذكري الله يالغالية ياشمعة بيتنه

كوة كدرت اسكتها ولو اصلا تعبت من كظ البجي واللطم والشيخه ماقصرت والبنات كل هذا بركبتي ايام الفاتحة بقت مستمر من اول يوم احنه ناصبين الچوادر لحد يوم عشرة اله الشيوخ ومعارف الشيخ اهواي وهذا احنه على وگفه وحدة النوم مشابع منه واصلا من يوم دخل مستشفى واني طعم النوم مضايگه  وهم مرات انام بالديوان ادخل البيت على كد السبح والتبديل ومرات انام الوادم طابه طالعه  اخواني وعمامي وياي بس جان شغلة ببالي سلام وغسان ماشفتهم غير مرة وحدة مدري ليش حاس مسوين دكه الله يستر من الجاي امي والشيخه ومنا وعهد اهواي تعبانات وخاصه امي ومنار اهواي متعلقات بي هسه صارن روحهن بيه ايي يهاشم حملگ ثگيل 

في مكان اخر حيث الهدوء السكينة تجلس فتاة كلها هدوء والسبب لكونها البنت الوحيدة

..اهوو هاي اشلون سالفة يعني اني اشوكت اخلص من ملل الي عاشيه بي حتى الكتب ملن مني الدوام يتاخر لازم اشوفلي حل الى متى ابقى هيج هسه لو مرت صوفي هنا مجان حسيت بهيج صافنه بكتاب يحجي عن الحرب يعني بله بشرفكم اكو هيج الي مثلي كتاب رومانسي شعر قصص مو حرب ااه

سلام اني منسا اي بابا حب هالاسم وسماني عمري ٢٣ خريجة كلية تخدير شكلي بيضة وحلوة والحمدلله عيوني خضر زيتوني وكبار ووسعات وهم هنه احلى شي احبه بابا يكلي عيونك عيون الريم شعري جوزي وطويل اهواي احب اعتني بي وجسمي مو سمين.ولا ضعيف عادي او وسط ماعندي اي زيادة بي طولي طبيعي طبعا اني البنت الوحيده لاهلي واحنه سادة ياسريه من سكنت النجف الوالد الله يحفظه استاذ بالحوزة وماما هم عندي ثلاث اخوان اكبر مني مصطفى ورضا وكرار مصطفى الجبيرة ويجي وراه رضا وكرار توم بس ميشابهون واني وراهم باربع سنوات ماما بعدي ماحبلت وهم بابا احنه عنده كافي

اخواني كلهم خريجين مصطفى معيد بجامعه النجف متزوج بنت عمي وعند ولد وبنات اثنين اما رضا وكرار بعدهم عزابيه اثنيهم خرجين صيدلة حالتنه المادية الحمدلله زينه مو ناس طاگين لا الحمدلله تخرجت وهاي السنه كعدت اول اشهر وبعدين داومت لان اهواي تعبت واني بسرعة اتعب وهم طلعت الاولى على دفعتي قدمت على تعيين والحمدلله طلع احنه عائلة اهواي هادئة حتى الي يجينه مثلنه عايشين بمنطقة قريبه على مرقد مولاي الامير مجرد ماافتح شباك غرفتي تبين المناير افيييش على هيج منظر ترد الروح

الاهل راحو وعافوني عود التوم يمي وذوله اول مااجو راحو نامو نزلت للمطبخ كلت خلي الهي نفسي وهم اغير المود اشويه طلعت مواد للكيكه بالجوز بقيت نص ساعة  اسوي بيها وخليتها بالفرن رتبت المطبخ وخبطتت الكريمه وخليتها بالثلاجه وره ساعة كملت الكيكه وطلعتها تبرد رحت كعدت واراسل بصديقتي وبت خالت امي نرجس اني وياها نفس العمر

.. الوو

نرجس: ياهلا والله  بالعلوية اليوم منين طالعه الشمس

منسا: ههه غير اكو خطية مشغول بطلابها وبعدين ياشمس ولج الدنيه مغرب

نرجس: ههه حبي انتي دوم شمس تضوين بكل وكت اوويلي على عيونك اكلج ليش متجون علينه

منسا: هههه يروحي انتي الشمس  اي والله مشاقه لكعداتنه والله حبي لو بيدي اجيج باي وقت يعجبني بس السالفة مو يمي يم السادة  والعلوية اني لا محل لي من الاعراب

نرجس: هههه افاا هاي منو تحجي مالها محل من الاعراب غير الخيط والمخيط بايدج

منسا: هههه يمعودة مو بكلشي وبعدين اني دوام والسيد والعلوية هم وعلى عساس انو عدهم عمرة على مااظن بعد ماادري بس بلكي يقبلون نجي

نرجس: اووو بلكي

منسا: بعدنه نحجي واتفاجات بالي اجه هااي اشكد صاير مجايين عزاا بس لا صاير شي مستحيل  هيج يجون

يتبع...

شرايكم بالغلاف حلو لو الأول احلى

#اقسمت على حبكِ عند الامير

للكاتبة ضوء القمر

#بدموع الحزن تتحنه #بيباني

#كل يوم اليمر #حاير افكر #بيك

#وحدك  بالكلب #ماشاركت #ثاني

#انت اول #شخص افتحله #بيدي الباب

أآلـجًُـسـر مـاآ يـرِتــفـع

        األا #بـرضـاةة ألگگـاآع ..

          ,,

       وإأنـي #بـُزوديٓ آرتــفــع ..

          مــحـد #يٌـعـلـيـنـي

‌

منسا : بعدنه نحجي واتفاجات بالي اجه هااي اشكد صاير مجايين عزاا بس لا صاير شي مستحيل  هيج يجون

..نرجس بعدين نحجي هسه راح اروح اجانه خطار

نرجس:اوك حبي

منسا: باوعت من الشباك شباك الصالة جبير عريض ومطل مباشرتا على بابا بس احنه مسوين حديقة كدامه شوفت ماما وام سمير دخلن ووياهن بنيه همزين ماما دخلتهم للهول وبابا وأبو سمير وابنه اهوو اشكد مزعج ابنهم الله يستر من جيتهم رحت للمطبخ اشويه واجت ماما

فاضلة :وينج منسا

منسا: هنا ماما

فاضلة: جهزي الضيافة وجيبيها وكعدي واحد من اخوانج

منسا: صار بس اشعجب اليوم خماكو شي

فاضلة :والله ماادري هسه بعدين نحجي بسرعة جهزي وجيبيها

منسا :تدللين

جهزت العصير ومن الكيك هم وخليت الجاي بالهيتر وصعدت لذوله ادري بس اروح لكرار يمك يتلاطم رحت لرضا دخلت غرفته خررب الغرفة مو بس تنطي واهس للنوم لا والله اغرك بالنوم ههه

منسا :رضا عيني شو اكعد بابا يردك

طبعا هو نايم يحجي هه

رضا :كليله نايم

منسا: هاا والي يحجي وياي هسه منو كوم ياعيني عدنه خطار سيد يمعود شو اكعد

رضا:روحي لكرار تعبان ونعسان

منسا: سيد صدك تحجي لكرار هه هذا عنده النوم شي غالي دكوم ياعيني وبعدين هسه بخمسة العصر

رضا :شنووو بالخمسة هاي ليش هالكد نايم مو كلت  تكعدوني من وكت بسرعة امشي كعدي لاخوج

منسا: هااي صدك تحجون والخطار وبابا سيد رضا تره الخطار بيت ابو سمير

التفت عليه وهو رافع راسه

رضا :ابو سمير هذا اشعنده

منسا: ما اعرف بس تعال ودي الضيافة عفيه بسرعة

نزلت وعفته رحت لبست شال ووديت الضيافة اني مو من النوع الي من يجي ضيف ابقى يمه ابقى اشويه واروح البنيه كامت تحجي وياي عرفتها مرته لسمير ايي واخيرا  تزوج

رنا :انتي بيتهم الوحيدة

منسا: أي حبي بس اني

رنا :هاا حلو بس انتي مدللة

منسا: ايي بقيت اشويه واندكت الباب وطلعت

..هاا كرار

كرار :اريد اطلع اشلون وذوله استغفر الله

منسا:ههه وزين منو بيقى يم بابا هاا

كرار :لعد اشلون ابقى عندي شغل هسه اشوف مصطفى

منسا: خوش

وره نص ساعة اجه مصطفى طبعا  بيتهم مو بعيد عنه بس مجايب فاطمة وياه بقيت بالمطبخ اكيد يبقون على العشة كلت اطلع الدجاج توني احل بيهم وسمعت أصواتهم بره اشويه علت

..هااي اشبيهم وعلي عرفت وراهم شي بعدين طلعو واني بعدني صافنه وصوت ماما فززني

..على بختج علويه فزيت

فاضلة :هاا اسم الله شكو واكفه هنا هاا

منسا:اخذتها وكعدنه على التخم

اكول ماما شكو اشعجب اليوم جايين

فاضلة :منسا لا تسألني وهم مالج دخل خوش ويله جهزي العشه

منسا:عافتني وراحت ااخ علويه الحجي ميطلع منها لو شماتسوين رجعت اكمل العشه تبلت الدجاج ودخلته الفرن دخلو بابا ومصطفى

سيد هادي :الله يساعدهم اشلونها بت ابوها

منسا:رحت بسته من ايده

هلا ويساعدك سيد الحمد لله اشلون سيد مصطفى

مصطفى: هلا بالعلوية اشلونج شنو ممداومه اليوم

منسا:لا داومت بس رجعت العصر خلص داومي

مصطفى: هاا واي واشلون الدوام تمام

منسا:أي الحمد لله

مصطفى: الحمدلله أي شطابخه عشه

منسا:تتعشه يمنه مو

مصطفى: أي

منسا:خوش لعد مسويه دجاج شوي بالفرن لعد جيب فاطمة والجهال

مصطفى: أي هو رايح اجيبهم

منسا:راح وكمت طلعت التمن وخليته على النار وجهزت السلطة ولبن وعدنه دولمه مامستويه هم خليتها على النار صار الآذان صلينه واجوي الولد ومصطفى ومرته وجهاله وصبينه العشة وكملنه بعد العشة واكفه اني وفاطمة اغسل ماعين

..ايي ام اموري شكو ماكو

فاطمة :الحمدلله اكلج اريد اجيج باجر للمستشفى

منسا:هاا خير شكو بيج شي

فاطمه:ولج ماادري حاسه نفسي حامل

منسا:صدك والله اي بالخير من اشوكت

فاطمه:شوو مكيفه ولج زنوبه بعدها صغيرة

منسا:واني شكو متكولين لنفسج

فاطمه:امم ولج اخوج مكيف بس ماكتله

منسا: فرضا طلع اكو حمل شتسوين بله

فاطمه: لا عفيه لاتكولين حامل والله مااكدر ولج زينب بعدها صغيرة وهم تغار ومنا اموري اشلون بله

منسا:هههه السيد موجود هو يربي وهم انتي تاخذين اجازة شكو بعد

فاطمه:اووف بله شحجي صار ساعة هاا ولج مااكدر وانتي من كل عقلج سيد مصطفى يربيهم وداعتج بس اول بداية وبعدين وينج تعالي لجهالج كلهم هيج والله

منسا:هههه والله كاسرة خاطري يعني شنو بيدي هسه خلي يجي والله كريم عود ذبي على علوية والسيد وعلي يكيفون

فاطمه:هه ادري بيهم

منسا كملنه الغسل وتعديل رحنه كعدنه يمهم جانو يحجون بسالفة ابو سمير رحت اجيب كيك الهم وصاحتني امي

..هاا ماما

فاضلة:تعالي ماما جهازج

منسا:اي جايه خليتلهم الكيك واخذت جهازي جان دكتور

..الوو اهلا دكتور

د.نصير:اشلونج بنتي

منسا:الحمدلله عمو

د نصير:باجر هم عندج عملية

منسا.باجر الصبح لا بس يمكن الظهر

د نصير:خوش لعد علوية باجر بالست انتي بالمستشفى عدنه عملية

منسا:صاار دكتور

دنصير:يله اخذي راحتج

منسا:الله وياك

سيد هادي: هاا بنتي شكو

منسا:ماكو بابا بس باجر الصبح عدنه عملية ولازم قبل الست هناك

سيد هادي:منو ياخذج

كرار: اني اخذها احنه طالعين باجر من وكت

سيد هادي:هذا هو

منسا:من الثلاة بقيت كاعدة بالخمسة جهزت نفسي لبست فستان بيجي وشال عريض ورحت كعدت كرار لكيت كاعد نزلت سويت نسكافية الي واله وطلعنه

كرار:اشجعب بس دكتور نصير يطلبج

منسا:لا مو بس هو اهواي بس اكثر شي عمو نصير لان اغلب الي يسويلهم عمليات ضغطهم كوة ينزل واكيد معروف عني اهديهم

كرار:ههه والله هاي حلوة اشلون بله علويه

منسا:هه والله اشبيك ذلك اليوم خطية وحدة عدها عملية قيصرية وساعة همه يحاولون ينزلون ضغطها ومنزل عاد صاحوني وكلمه منا سالفة منا لحد ماكام ينزل ههه والله مرات انصدم بنفسي يعني اني مو اجتماعية ولا لسان بس ويه المريض من اسولف وياه احس نفسي مو اني

كرار.عفيه والله خليج دوم هيج هو شغلكم هيج يله عيني خلصت الكروة

منسا:لا حرمات يله الله وياك

دخلت للمستشفى لكيت الكادر اغلبه موجود بغرفة العمليات اجهز بالاجهزة ودخلوها جانت بنيه يمكن عشرين او اكثر رحت يمها

منسا:سلام

زينه:وعليكم

منسا: الحلو شنو اسمه

زينه:زينه

منسا:عاشت الاسامي اي ليش هيج خايفه

زينه: خايفه من العمليه هاي ثاني مرة وهم ضغطي هيج

منسا: لا مو خوش حبي حجي احجيلي عنج

كامت تحجيلي عن نفسها خطية گلبها ضعيف وهاي العمليه الثانية خلال نص ساعة نامت واجه الدكتور

د نصير:هاا علوية بشري

منسا.هلا عمو هذا هو بلش وان شاءالله ناجحه

دنصير: والله كفواا يله شباب

منسا:بدو يسولوها العملية والحمدلله نحجت العملية بس طلعت تعبانه رحت ارتاح ومهرة واشواق وياي

اشواق:بنات اكو شي لازم اكوله بعد ماكدر

منسا:خير ولو مبين من وجهج مو خير

اشواق:لا منسا عفيه لا تكولين هيج والله اني كوة ساكته

مهرة:احجي شكو

اشواق:راح اتزوج

منسا:عاابت واني عبالي فد مصيبة شي

مهرة:عااا هوو كوولي هوو

اشواق:اششش ولج اي هو قبل يومين اجوي اهله وبابا سأل عنهم والكل حمد بيهم وبصراحه اني مرتاحه

منسا:لحظه لحظه شكو احد يفهمني

مهرة:اوو ولج منسا اانتي متدرين يالسالفة اني اكلج تذكرين ذلك اليوم عملية البنيه الي جابوها بيها توم

منسا:اي اشببها

مهرة:امها  من شافت اشواق من دخلت عليها واشلون تحجي وخطية اشواق اهواي خجوله

اشواق:هااا مهررة قابل جذب

مهرة:اسكتي خلي اكمل اي عيني الام حبتها للاخت وره يومين اخوها اجه وعود يسأل عن حالته اخته وذلك والاستاذ طلع داز امه واجوي خطبوها

منسا:يااا خونه كل هذا واني ماادري عالعموم الله يهني سعيد بسعيدة

كمل يومي بروتين عادي وطلعنه اني ومهرة لان خابرني كرار

..يله اخوي اجه اروح

مهرة:وين اخوج السيد خلي اشوفه هم حلو

منسا:عززا ولج عيب

مهرة:يمعودة خلي نشوف نعمه الله

منسا:ههه متصيرلج چارة رحت للسيارة جان لابس قميص اسود ونظرات طالع شييك

..سلام عليكم

كرار:وعليكم السلام ورحمة الله وبركاته اتاخرت عليج

منسا:لا متاخرت عبالي رضا يجي

كرار:رضا بالصيدلية هسه نروح عليه

رحنه جباه ورجعنه للبيت وماكو اي شي جديد

گمرهاشم:حااازم وينك بويه

حازم:امرك شيخ

گمرهاشم:شخبار المزرعة صار اهواي مارايح

حازم:المزرعه الحمدلله المحصولها خير من الله وهم ان شاءالله يومين ونحصد الحنطة

گمرهاشم:الحمدلله مااوصيكم بعد الهمه اريد حازم اي شي تحاجو او يصير تجيني كبل ماشي

حازم:على أمرك شيخ تأمرني بشي

گمرهاشم:لا سلامتك

بكعدت كاعد وحدي صار شهر على وفاة الغالي ومن يومها واني مو ذلك هاشم لا صرت انسان جامد وصارم اكثر بين قوسين وفاة ابوي هدت حيلي والب شاغل بالي الي مكتوب بالوصيه لحد هسه ماقريتها ماادري ليش حاسه بيها شي

سيد صادق:السلام عليكم ورحمة الله وبركاته

گمرهاشم:كمت استقبله وعليكم السلام ياهلا بسيدنا حياك الله تفضل مولاي

سيد صادق:الله يحيك شيخ هاشم

گمرهاشم:مولاي الغالي اشلونك احوالك وين عني عسى المانع خير

سيدصادق:اي والله حقگ بس هالايام جنت مشغول وهم ماجنت هنا شنو عبدالله ماخبرك

گمرهاشم:اي خبرني كال انت بالنجف

سيدصادق:اي عدنه ندوه بالحوزة وهم ان شاءالله نروح عمرة

گمرهاشم.بالخير ان شاءالله مقبولة مقدما

سيدصادق:ان شاءالله اي شيخ جايك بطلب

گمرهاشم:تأمرني مولاي عيوني الك

سيدصادق:سالمه عيونك تعرف بيت او انور ال

گمر هاشم: اي اعرفهم اشبيهم

سيد صادق: يردون يزوجون ابنهم يطلبون منك الاذن

گمر هاشم: سكت بعدين فكرت الناس من حقها تفرح

.. مولاي خلي يتزوجون وبالخير عليهم الموت حق على الكل رحم الله والديهم لان قدرو وضعنه خلي يتوگلون

سيد صادق. ونعم منك شيخ هاشم  ان شاءالله  يوم نفرح بيك

گمر هاشم: ههه سيد حلمك بعيد اني اصلا ممفكر بالزواج كافي عليه امور العشيرة

سيد صادق: بس  هاي وصيه ابوك جان يتمنى يشوفك عريس وابنك بحضنك

گمر هاشم: اي ادري شسوي مولاي الزواج  مسؤولية  وهم يرادالها بال فارغ واني ماعندي هالوكت يعنب امور العشيرة ومنا الفصول والشغل والديوان ومشاكل الناس انوب اتزوج زين خلي نفرض قبلت مو من حقها اكعد وياها انطيها وقت تكعد تسولف اربي الجهال وياها اونسها مو اطلع الصبح  ماارجع الليل هم ظلم هذا

سيد صادق: اي حقك بس اكيد الي تاخذها تقدر وضعك انت شيخ وراح تاخذها مو حي الله بت الاصول تعرف من غير محد يگلها انت بس انوي والله يسهل

گمرهاشم:ههه والله يامولاي ابد مااتخيل نفسي متزوج شوفت عينك من استلمت المشيخه واني ملتهي ولا عندي احد اعتمد عليه خليها على الله سيدنه

بقينه نسولف وعرفت اخبار المنطقة لحد قبل الاذان راح دخلت للبيت والعصر عندي فصل دخلت للصالة لكيت الشيخه

گمرهاشم:هاا الله يگويهم

الشيخه:هلا بنور عيني هلا بالشيخ ويگويك وليدي

گمرهاشم:اشلونج شيختنه صحتج احوالج

الشيخه:والله يمه ماطولن اشوفن وچهك وطولك كدام عيني انه بخير گلي انت احوالك

گمرهاشم:اني بخير دامج بخير شو الجماعه ماكو

الشيخه:امك بدارها تصلي وهاي العلنفص بالمطبخ عودن تطبخ

منار:هااا شييخه جااي تشكيني يم الشيخ هو هاي اني مداريتج

الشيخه:هدر صابج عبن انتي وحدة لسانها متبري منها گودن يكسر راسك

منار:لالالا شيخه هاي اني هيج اصلا اني فقيرة معقولة شيخ هاشم يكسر راسي ليش متگولين اخذ حقي مثلج

الشيخه:لا يابوي تاخذين حقج ولج انتي تلحگيني بس السان والا انتي رجل دجاج متحلين

منار:لا شيخه هيج نتخارب اني بس لسان عمي والي يتعارك ويدافع عنجن هاا اااخ يازمن هسه صرت مااحل رجل دجاجه

الشيخه:اي عبنج خوثه

منار:هااا شيخه راح نتخارب وبعدين اني تربيتج يعني مثلج اخذ حقي

الشيخه:لا ياعلنفص على هالكدة ولج تچفي شري لا بالعصه اخليها تلعب على ضلوعج

منار:اممم شيخه تره گوة مسيطرة على لساني

گمرهاشم:اباوع عليهن وخال اديه على خدي ومرتچي وصافن عليهم اليوم اول مرة اشوف منار مثل گبل تسولف وتراد

..ايي بعد ليش مسيطرة فلتي ولج شمسوي من دكه هالمرة

منار:باوعت على حبوبتي واشرتلها لا تحجي والامير علي يگلبها عزا

الشيخه:ها ماكو شي يمه لا يظل بالك سوالف حريم بس هاي لسانها ميسكت

گمرهاشم:هاا متأكدين ماكو شي

منار:اي شيخ ماكو شي

گمرهاشم:اذا سوالف نسوان لاحد تحجي تعرفني اتخبل منها واذا شي ثاني كولن

الشيخه:اطمن يشيخ ماكو شي كوم صلي واذكر الله

گمرهاشم:ان شاءالله

منار:راح وتقربت منها

..حبوبه اشلون اذا عرف راح يعديها

الشيخه:انتي اسكتي وهذا لسانج ضبي وهو ميعرفن شي

منار:شنوو حبوبه وتردين العمر كله اسكت لا والله مااطلع بت ابوي اذا ما اكسر روسهن بس هين اني الهن امهات المگل

الشيخه:ولج يمعزاية اخوج تعبان لا تزيدين همي عوفيهن ذني عگارب سود اخافن عليج يمه بس اراويج بيهن ساعة السودة من اخذنهن لولدي اووف يضيم گلبي

منار:اووف ياحبوبه كل هذا وترديني اسكت لا ما بالحيف بس الي واكف بعيني هاشم بس الايام بينه

گمرهاشم:بعد الغدة اخذتلي كسرة وكعدت علمود الفصل خابرني جاسم كال احمد جاي عليكم مبين من صوته اكو شي  وره ساعتين اجه احمد

..هاا احمد اشوكت اجيت

احمد:اشلونك عمي

گمرهاشم:الحمدلله شو وحدك واشبي هيج گالب الخلقه

احمد مابي واجيت وحدي گلت اغير جو يمكم

گمرهاشم: اي هلا بيك ادخل اني راح بفصل تحب تجي وياي

احمد: هاا يله بس اغير ملابسي

گمر هاشم: يله بالعجل دخل وانتظرته يطلع اشويه وطلع احمد عمره ١٨ سنه السنه هو سادس ركب وطلعنه

.. ايي احمد شكو ماكو ابوك امك اخوانك

احمد: الحمدلله  شيخ الكل بخير

گمر هاشم: الحمدلله والسادس اشلونه

احمد: غضب من الله يموت

گمر هاشم: ههه هانت ان شاءالله 

وصلنه لمضيف الشيخ ابوعلوان جان الفصل واحد من عشيرة ابو علوان متصوب والي مصوبه من عشيرة شمري

شيخ ابو علوان:ياجماعة الخير ولدنه صوابه جبير ويمكن يسكط اشلون نلم السالفة

الشيخ ابو وثاب:شيخ ابو علوان اي شي تتطلبو احنه جاهزين بس مو سجن

ابو المتصوب:شيخ ابني سكطت رجله ومتريدني اشتكي علييه هاا لو انت بمكاني مراح تشتگي هاا ياجماعه الخير احد يرد

الكل كالو حقك بس مو هيج

گمر هاشم. بقيت اسمع اريد اشوف ليوين يوصلون الاصوات تعالت واحد يكبس والثاني يرفع

.. ياجماعه الخير  اسمعوني

الشيخ ابو علوان: تفضل شيخ  هاشم

گمرهاشم: مشكور شيخنه اول شي الله بالخير  عليكم

.. الله بالخير والعافية شيخ

گمرهاشم: ليش نكبر السالفة وهي تنحل ابو ازهر عمي الله بالخير عليك الولد صوابه جبير لو نكدر نعالجه

ابو ازهر: والله ياشيخ الاطباء يگولون يحتاجله عمليه وهم مانعرف اذا تنجح لو لا

گمرهاشم: لا ان شاءالله تنجح وهم اني بنفسي اذا احتاج اسفر للخارج بس يعمي الولد اذا اشتگيت عليه راح ينسجن وهم هو بعده صغير والسجن راح يخربه ميصلحه اخذو فصل وان شاءالله  انتو اهل وهي ساعة شيطان والسالفة صارت بشقه الحمدلله ابنك مراح بيها

ابو ازهر: تسلم شيخنه بس وليدي اذا سگطت رجله اشلون

گمرهاشم. كول ياالله عمي كتلك وهاي اني ادگلك صدري بنفسي اسفره

ابو ازهر: والله مااعرف اشلون اشكرك شيخ

گمرهاشم: الشكر لله خلي نفضها للسالفة وهم الغير يتعض

بعد كلامي اتفقو ينطون عشر ملايين وراح يتم التنازل عن القضية تشكرو مني

.. الشكر لله بويه واني ماسويت الا حق الله وهم هذا درس الكم والنه وللكل السلاح مو لعبه وتصير بيد جاهل استخدامه بويه انتبهو على هالسالفة اهواي شباب راحت من وره هالسوالف انتبهو على ولدكم

بعدها الفصل الحمدلله تم چلبو بينه بس ماكدرت رجعنه بليل وبعد العشه

.. احمد تعال هنا

احمد: اي عمي كول

گمرهاشم: اي اشوكت ان شاءالله ناوي تخبرنه ليش متعارك ويه اهلك

شفته دنك راسه وجنه حاير

الشيخه:يااا ولك يمسودن ليش متعارك

احمد:حبوبه همه ميخلون احد يرتاح

گمرهاشم: ولك احجي عدل كول شكو شمسوي

احمد:والله يعمي كلت لابوي اريد ادخل كلية فنون اول بداية عباله اشاقة وياه بس من شافني اللح تخبل شنو هيج كلية تدخل واسبوع احنه نتعارك وامي هم مقابله يعني اني حر بالكلية الي اريد ادخلها موو مغلطان يعني كوة مااحب ادخل طب ولا هندسه

گمرهاشم:اي وماكو غير الفنون ولك هو الوضع اشلونه بالعراق علمود تروح فنون وبعدين الي يدخل فنون غير عنده موهبة شي انت بله شعندك

احمد:شسالفة عمي تره اني اعرف ارسم وامثل واصلا اني اريد ادخل قسم تمثيل

گمرهاشم:والله عفيه خوش قسم ولك شو مدري اشلونك شنو تمثيل هاا ولك العراق ماعنده تقدير للفنان وبعدين منا لحد ماتشتهر منو يصرف عليك هاا ابوك مراح يقبل ليش متعوف هالسالفة ودخل غير كلية هسه عوف الطب والهندسه اكو غيرها رزح علوم قانون اداب بس مو تمثيل

بعدنه نحجي وجان يدخل جاسم هلا كملت السبحه

يتبع..

#اقسمت على حبكِ عند الامير

للكاتبه ضوء القمر

الخان الملح وياك

بالك تماشيه 💔

لو ينطي لحم اجلاه

هم لا تثق بيه 🥺

.

فَـر گـلبي من طـرواك وبـروحي صارت

جَفلَـة الـغافي وبـاش يَـم راسـه ثـارت!

گمرهاشم:والله عفيه خوش قسم ولك شو مدري اشلونك شنو تمثيل هاا ولك العراق ماعنده تقدير للفنان وبعدين منا لحد ماتشتهر منو يصرف عليك هاا ابوك مراح يقبل ليش متعوف هالسالفة ودخل غير كلية هسه عوف الطب والهندسه اكو غيرها رزح علوم قانون اداب بس مو تمثيل بعدنه نحجي وجان يدخل جاسم هلا كملت السبحه

..هلا بابو احمد

طبعا  شكله معصب وهو منا ضخم يباوع على احمد يريد يملخه بس ضابط نفسه

جاسم :هلا بيك خويه ولك انت اشوكت تكبر هاا وتحس على روحك احنه شحجينه مو كلنه هالسالفة تنسد كلت لو لا

احمد:يابه بس اسمعي يعني مو من حقي اختار الكلية الي تعجبني والقسم الي اهاوه هاا عمي بروح العزاز كلامي بي شي

گمرهاشم:احمد حبيبي حجيك صح بس مو هذا القسم زين خلي نفرض قبلنه

جاسم:شنووو قبلنه هاشم صدك تحجي

گمرهاشم:هاا ابو احمد كلت نفرض ماكلت قبلنه هدي يخوي اي احمد افرض قبلنه وانت دخلت هالقسم وكملت اربع سنوات وبعدين مصرفك يبقى على ابوك عود اشوكت ميشوف اعمالك المخرجين ولو يقبلوك لو لا شي ثاني تره الفن والتمثيل موهبه وهم مهارة واغلبها وراثه بروح جدك عدنه احد هيج عنده هاا

احمد:لا

گمرهاشم:عليك نور فانت ليش من هسه تريد تضيع عمرك على خالي بلاش كمل سادس وجيب معدل زين وكمل كلية وراه تحصل على تعيين وشفت نفسك بعدك تحب التمثيل ادخل مجال التمثيل بس هسه وضعك مو مال تدخل من هسه اني علمودك والا هي عادي مابيها شي التمثيل حلو ولو هالايام التمثيل فقد المصداقية صار مجرد لعبه للهوات طيعا مو الكل بس شباب هالوكت هاا اشكلت

منار:هو انت شبقيت حتى اذا جان مفكر يجبركم وخليته ينسه الفكرة

گمرهاشم:انتي اسكتي احسن انتي بعد انگس منه هم طالعة بسالفة جديده بس بعدين اتفرغلج

منار:هاا الله يرحمني جنت خوش بنيه حبوبه بداعت ابوج سويلي ثواب على روحي وهاا اهم شي الحلويات

الشيخه:ياا فلك طرج انتي تموتين انتي گطو بسبع ارواح

منار:يمه اسم الله اعوذ بالله

جاسم:منار كافي

گمرهاشم:هههه اصلا اليوم عاقلة ولو لازم ندير بالنه من العاصفة المهم احمد شكلت

احمد:والله يشيخ جنت اتمنى تساعدني توكف وياي بس طلعت انت اصلا مراضي وهاي بعد المحكمة نفذت الحكم واني عليه القبول فقط

منار:الله عليك يالنجم هلا بيك بفريقي

گمرهاشم:لا ربحنه العمه وابن الاخو شدو روسكم يگرعان.وغلاتك علمودك وهسه الايام تثبتلك اهم شي هسه اتنبه على دراستك

احمد:ان شاءالله عمي

جاسم:الحمدلله اقتنعت المهم ابقى هنا راجع ذني الشهرين ونص ويه عمك

احمد: شنوو اراجع ويه منار لا عمي وعلي تصير ح،ب بالسوس

منار:انجب لك اني عاقلة كول لروحك هالحجي

احمد:هااا انتي عاقلة عمي شتردين انطيج انتي صدك انتي عاقلة

منار:اشلون يريدني هسه اكومله ب٤٥ لك بابا اني عمتك احترم شنو شايفني مخبلة

احمد:قابل جذب غير نصير مكاتل واني اروح بالرجلين

گمرهاشم:اشلون يعني من هسه بدينه اسمعو اثنينكم تقرون سوه وفنا الي يسوي مشاكل لتشوفوني هادي وياكم وعلي ابي طالب اعلگكم بالبنگة سامعين ومن باجر تبدون

جاسم :سمعتو بعد مااحجي كلام الشيخ كافي كوم نزل غراضك من السيارة

احمد :هاا جايب كل غراضي كتبي وملازمي

جاسم:أي امك حطت كلشي اسمعني زين انتبه على دروسك مو تكضيها لعب فاهم شيخ الك مطلق الحرية اكتل اضرب سوي الي يعجبك اذا شفته مقصر بدورسه

گمرهاشم:خوش حجي يله كوم نزل غراضك

احمد:صار منار يله جهزيلي غرفتي

منار:هااا خاف مترضه امشي لك ولا انضف هو اني بيه حيل

احمد:لا والله ارضه تنظفين وانتي الممنونه بعد

منار:ليش عيني احد كلك اني خدامه كلمن يخدم نفسه

احمد:والله هذا شغلجن وغصبا عليجن هم يله منور حبيبتي نضفي غرفتي

ام جاسم:كافي انت وانتي بسكم بس تتناكرون جنكم ضراير هاا وانت روح غرفتك جاهزة ام انور مصار اهواي من نضفتها الله يعينه عليكم اشلون اثنين اجتمعو

منار:ههه دولة وعلم

الشيخه:ايي مشاءالله طرگاعه سودة

گمرهاشم:ابو احمد علمود هالسالفة اجيت

جاسم:لا يابه بس باجر عندي ندوه واجيت وجبت غراض هالارعن اكوم اصلي

ام جاسم:ياا يمه بلا عشةلعد صلي خلني اصبلك عشه

جاسم:لا يالغالية لا تعبين نفسج متعشي نزلت بمطعم

بعدها الكل راح لغرفهم ونامو والشيخ من كثر التعب بسرعة نام

گمرهاشم:ثاني اليوم صبح كعدت سبحت ولبست دشداشه جوزي وشماغي ولبست محابسي وساعتي ورشيت عطري ونزلت يم الشيخه والوالدة وجاسم هم جان مبدل وكاعدين بالصالة

..صبحكم الله بالخير

الشيخه:هلا يمه صبحك الله بالنور

جاسم:هلا صباح النور

ام جاسم:صبحك الله بالنور اكعد خلي اصبلك چاي

گمرهاشم:اي والله يالغالية راسي مصدع اي يخوي وين نودتك

جاسم:هنا قريب عليه بجامعه الاداب

گمرهاشم:خير ان شاءالله اي حجيه محتاجه شي رايدين شي

ام جاسم:لا يمه سلامتك اريدك سالم

گمرهاشم:سالم راسج حجيه

بعدنه نسولف ومن سمع الا البيبان ترگع واصوات من الطابق الثاني عفتهم المخبايل بدت سوالفهم

..يله اروح اني اذا صار شي بس خابروني

جاسم:اني هم رايح يله ثيمالا

الشيخه: الله وياكم يمه. يمه متصيحين على ذوله اشبيهم من صباح الله

ام جاسم: تركيهم شيخه خلي نشوف اشلون تصفه

منار: كعدت الصبح اليوم من وكت على الرغم من عطلت لسه واني بالعركات يله اكعد بس اليوم هه الله هاديني باوعت ساعة سته ونص  اهووو غسلت وجهي رتبت شعري طلعت كتبي كلت اقره ماطول المود زين والله قريت اول صفحه  وجان انعس

.. لا والله قريتي وجبتي معدل

فتحت جهازي وجاي اگلب وشفت مقطع واحد مسوي مقلب باخو منگعه مي عاد هنا اني ابد مو خبيثه

.. ههه والله وجبتها لنفسك ياحمود عندي بطل مي مليته مي ورحت على كيفك على غرفة احمد غرفته يمي غرفتي دخلت كليته نايم چفي ههه ورجل طالعه والثانيه جوة اللحاف ضحكت بخبث

.. ههه والله اليوم اخليك تنسه اسمك

كمت اذب بالمي على وجهه اول بداية نقاط خفيفه حس ومسحهن وبعدين گبيته كله على وجهه گعد مخترع

احمد: خرررب هذا يانعال

منار: لا ياحقير اني نعال

احمد: خررب اليوم وعلي محد يخلصج مني اني تذبين عليه مي

منار: هو كام واني افلتت بحيث الباب ارگع بالحايط ويرگض وراي واني دخلت غرفتي ورگعت الباب حيلل والهث من الركض

احمد: افتحي الباب لا اموتج اني هيج تسوين بيه

منار: لو تموت ماافتح ههه وبعدين مو زين اگعدك من الصبح باباخليك نشط  وراك امتحانات

احمد :والله يامنار ان ماطلعتي متلومين الا نفسج سمعتي

منار:هههه ماكو امان شنو اني هيج كارهه روحي روح اسبح وعود بعدين

احمد:هين وين ترحين مني اني الج

منار:ههههه خربت من الضحك خطية خليته يفز من احنل نومه بقيت بالغرفة ورجعت اقره ماسمعت بعد صوته عفته ادري مراح ينسه هالسالفة كملت فصل جنت قاريته جعت كلت خلي انزل اكيد هسه هو بغرفته والله فتحت الباب على كيف باوعت ماكو احد خوش نزلت البيت هدوى بس صوت حبوبه وامي

..هذا وين راح

شافتني امي واكيد نبع الحنان لازم تنطيني تحية ورساله شكبرها

ام جاسم:والله زين طلعتي خاتون شمسج عالية هسه كعدتي هاا

منار:يمه الناس تكول صباح الخير مو هالحجي وبعدين المفروض اليوم تفرحين لان كاعدة من الصبح اقره تصدگين كاعدة بسته ونص هاا

ام جاسم:لا بالعافية منج من الشيطان هاا وهذا كله تقرين بله مشفتي الساعة

منار:والله يانبع الحنان وذيج كتبي تشهد عليه هسه خلينه المهم تني جوعانه اريد ريوك

الشيخه:ام لسان ساعة بهدعش ياريوگ كولي غدة احسن

منار: عادي شيخه اتريگ وهم اتغدة بس بعدين

ام جاسم:روحي اكلي بس خلي اخلص من لسانج

منار:هااا هيج صارت خوش لعد بعد كم شهر من اروح لغير محافضة ادرس مو تبجين لا تكولين ماكلت

الشيخه:يااا هيج وترحين بعيد خايبه اطگن اصبعتين غير بس ادري بيج خايبه هنا تبقين نايمه على گلبي

منار:افااا يشيخه انتي معقولة هيج تتمنين ابعد عنج لا مااصدك اكيد مو من گلبج موو

الشيخه:لا من كل گلبي ولي عني الله يعينه الي ياخذج امه داعيه عليه

منار: هااااا لا يعني اصلا يشكر الله صبح ومسه لان اني مرته

ام جاسم: ايي گصدج يدعي الله يخلصه منج هسه فضيها روحي اگلي

منار: افاااا هاي انتن امي وحبوبتي هيج لعد الغريب شيحجي عليه هذا هو اني قررت بعد ولا احجي وياجن ولا اسويلجن هاا واشوف بعد الي يدافع عنجن خلي اشوف منو يوكف بوجه ذنيج عفتهن ورحت للمطبخ مالكيت احد بس ام انور تطبخ

.. صباح الخير  خاله

ام انور: هلا يمه صبحج الله بالنور تتريگين

منار: اي والله بس هسه اني اسوي عدنه گمير مو

ام انور: لا يمه اكعدي اني اسويلج هسه اي عدنه

منار: لا تعبين نفسج بس كليلي مشفتي احمد

ام انور: والله يمه الصبح نزل تريگ وبعد مشفته

منار:اممم هذا وين راح اكلت وطلعت بالحديقة ماكو بالاستقبال هم ماكو رجعت لامي

..يووووم

ام جاسم وووجع وخرس اشبيج

منار: ههه حفيدج وين

ام جاسم:جاي يقره وين يعني واشعدج وياه تره سمعنه الصبح صياحكم شمسويه هاا

منار:انييييي حشه كلشي ممسويه بس هو حفيدج يتدلع هسه وينه معقولة بغرفته يقره

ام جاسم:ايي واضح كلشي اشكد عاقلة اي بغرفته

منار:صعدت لغرفتي اقره مانزلت للغدة وجريته للاربعه العصر

..ااااخ يابه اليوم اني چساچه خررب اول تالي توني اريد اطلع ودك جهازي باوعت لكيته احمد

..هااا خير

احمد:الناس تكول الوو مو هااا انتي عود بنيه

منار:اي بنيه خير شتريد

احمد:ههه منو يكول تعالي جيبي ملازمه هذا الخره

منار:ياهو منهم

احمد:هههه لا اهواي الاحياء اكو غير

منار:لا يا حقير ولك هذا العشق

احمد:ايباااخ العشق هسه جيبي اريده

منار:احمدد

احمد:خيير

منار:هااي لعبه منك لو لا

احمد: هااا طلعتي جبانه لا تخافين موهسه دجيبيها للملزمة

منار:اوك جايتك

طلعت من غرفتي ورحتله كبل فتحت الباب

..هلاااا اني اجيت

احمد:بس اريد اعرف انتي صدك عمتي لو لا

منار:عاابت لهالوجه مو صوجك صوجي هااك

احمد: ايي والله عفيه وين وصلتي

منار: بكل فخر بقه بس فصل

احمد: جذب

منار: والله اشبيك

احمد: واني صارلي اسبوع اقره خرب بحظي المصخم

منار: حيلل

منسا:كعدت الصبح كل العادة اطلع مرات من وكت اليوم ماعندي بدلت ونزلت دخلت للمطبخ

..صباح الخير مولاي

سيد هادي:صباح الورد هلا ببنيتي اشلونج باباتي

منسا:بسته من ايده وراسه..الحمدلله بخير دامي اصبح بيكم

سيد هادي:عسى دوم اليوم عندي عملية

منسا: اليوم ماادري هسه اروح

فاضلة:يله امي اكلي مو تبقين على لحم بطنج

منسا:يسلمو غلاي شنو اليوم مداومين

فاضلة:لا اليوم عدنه اوف سيد شنو حاب تتغدة

سيدهادي:والله شيطلع من ايدج طيب ونعمت الله علوية

فاضلة:الف عافيه عيوني

منسا:احم احم نحن هنا واني متكولين شتردين تتغدين

فاضلة:ههههه شنو تغارين جن بنيه عندي تتدللين شنو تردين

منسا:فدوة لكلبج ميدلل عليج ضالم والله بصراحة مقلوبه ولو اني راح ارجع متأخرة بس اذاتكدرين

سيدهادي:علويه گلبج على گلب ابوج

منسا:يسلملي قلبك غلاي ها علوية شفتي السيد رايد مقلوبة مو اني

فاضلة:ههههه تدللون يابه احلى مقلوبه اليوم تاگلون

رضا:ان شاءالله دوم الضحكه يالغالية

فاضلة:ان شاءالله

رضا:صباح الخير مولاي

سيدهادي:صباح النور اخوك وين

كرار:ها سيد صباحكم معطربذكر الله

رضا:هااا

كرار:خيرر اشبيك

رضا: سلامتك سيدنه

منسا:يله شباب تريکو هم يله نروح

كرار …يابه بعدنه تونه كعدنه

سيد هادي: اني اوديج بابا خلي اخوج على راحتهم

منسا: خاف مشغول

سيد هادي: لا بنتي ماعندي اوصلج بدربي

منسا: هذا هو  ماعندي شي اني

سيد هادي: يله لعد تنوكل محتاجه شي علوية

فاضلة: لا سلامتك

منسا: طلعنه طبعا اني بالدوام ماللبس عباية بس لبسي كله فساتين وهم مو ضيگات ولا اهواي عراض لا زينه واني هم مو سمينه جسمي مو بارز والشال عريض وطويل بس مرتب  وصلني للدوام وراح دخلت للمستشفى دخلت لغرفة الكادر

منسا:صباح الخير

اشواق والموجودين:صباحج ورد هلا علوية

منسا: هلا بيكم

مهرة:اوويلي يابه شنو اليوم الشمس نازله يمنه

اشواق:لا ولج هي الشمس كلها يمنه دومها

مهرة:اي والله علوية دخيل جدج ارحمي بحال گلوبنه

منسا:جنت البسه بالروب واسمع كلامهن طلعت

..ليش هو شكو

مهرة:ولج قلبي الصغير لا يتحمل كل هالجمال لا وانوب العائلة كلها

منسا: ههه تره مو ذلك الجمال بس عيونكم حلوة وبعدين انتي حلوة مناقصج شي

بقينه نسولف واشواق كالت الخطوبة بهاية هلاسبوع طلعنه ويه اشواق طبعا اشواق اكبر منه وره اشويه سمعت اسمي ينادون عليه

دكتور حسين:شسالفة متكلولي ليش لساتها مانزل ضغطها هاا بابا ماعدنه وكت

..دكتور المريضه خايفه وهم دكات گلبها قويه

د حسين:استغفرالله اشلون سالفة امشيي نادو على منسا بسرعه

..نادء علوية منسا الرجاء حضروك الى غرفة العمليات بقسم الجراحه

منسا…يله خلي اروح همزين جنت لابسه ملابس العمليات صعدت بالمصعد هاي مو اول مره ينادون عليه اذا مكنت بنفس الكادر ومرات اشوف اهواي اشخاص يضوجون لان ينادون عليه بس اني شنو بيدي ااه انفتح المصعد وصار بوجهي شاب بسرعة نزلت راسي اريد اعبر جان يسولف من شافني بقت ساكت وجان وياه ايسر انوب تاخرت وهذا بعده

..ممكن طريق مستعجله

اشرف:هاا اي تفضلي

منسا: عفتهم ومشيت لصالة العمليات

اشرف:لك هاي شنو منو هاي الكمر

ايسر …اسكت اشرف فنك تفكر بيها تره مو هينه وهم الكل هنا يحترمها وعلي لو تموت متباوع بوجهك

اشرف:ليش يابه بت منو حتى هيج تكول وبعدين اني دكتور اشرف

ايسر:اول شي هاي الي هيج اخذت عقلك من اول مرة هاي علوية بت سيد يعني مو حي الله وهم الي قبلك حاولو ومكدرون واصلا تفشلو خليك بعد عنها

اشرف:اممم علوية كلت والله واني اكول هالجمال رباني اثاري علوية لا يابه اشبي مخيل اعلگ روحي ويه السادة

ايسر: اي نشوف

منسا: دخلت لغرفة العمليات لكيت دكتور حسين

نعم دكتور  طلبتني

د حسين: اي يمعودة شو تعالي شوفي هاي احجي وياها بلكي ينزل ضغطها خبلتنه

منسا: ههه صار دكتور

رحت يم المريضة جان تقريبا بالثلاثين او اكثر

.. مرحبا اشلونج يحلوة

.. مراحب مو زينه

منسا: لا ليش موزينه شنو اسمج

رغد: رغد خايفه من العمليه

منسا: عاشت الاسامي وليش الخوف حبي خليج قوية انتي بس هدي نفسج ولا تتوترين لان مو زين لا عليج ولا علينه شنو الي مخلي ضغطج هيج صاعد هاا

رغد: اووف واحد شالع گلبي ومن وراه هسه اني هنا

منسا: لا صدك ومنو هذا الي مزعل رغودة

بديت تحجيلي عن زوجها الي غيرته عليها مو طبيعيه البنج كام ينطي مفعولة وراحت بسبات عميق

د حسين:هاا علوية بشري

منسا:بشل دكتور بس منو وياها من العائلة

د حسين:مااعرف بس اكيد كلهم ليش

منسا:اكو واحد شالع گلبها للمسكينه دكتور عمليتها صعبه

د حسين:والله يعني لان گلبها بي صمام مسدود  وهاي ثاني مرة ان شاءالله تكوم بسلامه

منسا:ان شاءالله

طبعا العمليه طولت اربع ساعات والحمدلله نحجت طلعنه وتگالنا رجال يطلع بهايه الثلاثين او اربعين

رجل رغد:هاا دكتور بشرو اشلونها

د حسين:الحمدلله العمليه نحجت والمريضه بخير بس راح تبقى تحت المراقبه

رجل رغد: الف الحمدلله  ربي

منسا: انت رجلها

رجل رغد: اي نعم

منسا: على كيفك وياها تره تعبانه منك

رجل رغد: ايي اهواي متعبها

منسا  بس اهواي تحبك عينك عليها والحمدلله على سلامتها

.. الغيرة حلوة بس بعقل اكو زلم ماخذه سالفة الغيرة تملك وبعض منهم شك لان الغيرة الزايدة عن حدها مرض الله يهدي مو سهل على المرة من تشوف رجلها غيرته تتحول لمرض وشك

بعد العمليه كملت دوامي عادي بين العمليات والبنات وهم شفت هالشاب اهوو هذا مبين ميعرف ويامن يلعب خلي بعدين يعرف وينسحب

العصر رجعت للبيت وگبل للمطبخ طبعا اكيد غسلت ودخلت فتحت الچداري لكيت العلوية مسويه اطيب مقلوبه

فاضلة: هاا ماما حبيبتي اجيتي

منسا: اي ماما ماماتي يسلمو على الاكل

فاضلة: الف عافية روحي بدلي وتعالي تلگين الاكل جاهز

منسا: صاار صعدت بدلت ونزلت اكلت الحمدلله كبت اصعد انام بس وين واجوي خطار اووف هسه وكتهم انوب صديقات ماما يالله وهم من كرايبنه

گمرهاشم:كاعد وصافن احس بخنگه بصدري

سيد عبدالله:خيرك هاشم اشبيك يخوي

گمرهاشم:ماادري عبدالله احس بخنگه بصدري وهم تعبان يخوي

سيدعبدالله:ياساتر خير اكو شي

گمرهاشم:لا والله اصلا مستغرب لحد هسه الوضع صافي ولو اعرف بعد الهدوء عاصفه

سيدعبدالله:هاا هاشم لا تخوفني سامع شي تره كلنه جوه ايدك

گمرهاشم:كفو زلم ونعم ادري بيك لا مسامع بس ادري بيهم همه من يخنسون وراهم سالفة

سيدعبدالله:هاا والله انت بعد اعلم

گمرهاشم:هسه عوفك من ذني بشر الشغل اشلونه هالايام مغشول ومجاي الحگ اجيكم

سيدعبدالله:الحمدلله الغشل تمام لا يابه لا راحتك

گمرهاشم:الحمدلله البارحه حلمت بالغالي

سيدعبدالله:خير ان شاءالله

گمرهاشم:والله ماادري بس من تجاني جان مثل الباله مشغول وهم كلي مااوصيك بالامانه

سيدعبدالله:يا امانه

گمرهاشم:هو هذا محيرني ياامانه المشكلة خايف تطلع الامانه تكسر الظهر

سيدعبدالله:كول ياالله يمعود اكيد ابوك حاط امانه عند احد

گمرهاشم:اي هم هيج فكرت

سيدعبدالله:زين ليش منروح زيارة لامير وهم للشيخ

گمرهاشم:اي والله محتاج ازور وهم اريح

سيدعبدالله:خوش لعدنطلع بليل

گمرهاشم.هذا هو توكلنه

وفعلا جهزنه نفسنه وطلعنه اني من اطلع اخذ حماية وياي مدري ليش حاس راح يصير شي بس لو گلبي يبطل هالحساس

يتبع..

ذوله كرار ورضا

اقمست على حبكِ عند الأمير

للكاتبة ضوء القمر

من شفت شوگك برد

بردت لهفتي

ومن شفت جدمك بعد

وگفت دمعتي

ليش ابچي على ناس تبيع

وليش الزم درب غابوا؟!

وليش اشري الفرح للناس وهمه بعشرتي باعوا؟!

وليش اشتاگ لليرحون

وهمه عن قصد راحوا؟!

شنو ذنبي من اصيرن زين

وشنو ذنبي من أحب صدگي؟!

وشنو ذنبي من أُوفي لناس وتالي خانوا بعشگي؟!

سيدعبدالله:زين ليش منروح زيارة للامير وهم للشيخ

گمرهاشم:اي والله محتاج ازور وهم اريح

سيدعبدالله:خوش لعدنطلع بليل

گمرهاشم.هذا هو توكلنه

وفعلا جهزنه نفسنه وطلعنه اني من اطلع اخذ حماية وياي مدري ليش حاس راح يصير شي بس لو گلبي يبطل هالحساس

سيد عبدالله :اشبيك هاشم

گمرهاشم:ماادري حاس اكو شي بيصير

سيدعبدالله:ياساتر متكلي اشبيك دوم هيج اااخ من هذا احساسك يااخي بطله

گمرهاشم:ليش هو اني عاجبني اشبيك سيد تدري حاس نفسي كبرت عشر سنوات يوم عن يوم تكبر المسؤليه والحمل يثكل

سيدعبدالله:هاشم ابوك من يوم ما وعيت على سوالف الديوان  وهو معتمد عليك وانت من حبك للديوان اتعلقت بي وابوك من انطاك المشيخه جان يعرف منو الي يستحق هالمتصب وانت بعدك يمكن الي جايك اصعب

گمرهاشم:اي ادري اريدك وياي سيد اعرف راح انغدر من ناس قريبين عليه

سيدعبدالله:اني وياك وين متروح

في مكان اخر حيث الشر والحقد والكره

كاعد بالاستقبال مسوي مدخنه من الكد السم الي يشربه والحقد الي مالي گلبه

سلام :أي يشيخ هاشم خليتك اهواي تسرح بس اجه وكت اخليك تتندم على كل كلمه كلتها بحقي ان ماخليتك تتوسل بيه فلا اكون ام امي اني سلام الي الكل يهاب مني انت تصير شيخ عليه لا بالحيف شواربي مو عليه هينه يابن العم

فوزيه:لك هاي شنو انت مخبل هاي شمسوي

سلام:خير يوم اشبيج

فوزية:اشبيه بيه مرض من وراك هو هذا شغلك بس تشرب هالسم ولك فكر بعملة تخلصنه من هذا الي كاعد على گلبي موكافي هالدخان راح تموت من وراه

سلام:وهو يورث چگارة وابتسامه خبيثه على وجه

ادلل يالغالية ان ماخليتج ترگصين من الفرح على موته فلا اكون ابنج

فوزية:وهي تضحك من الكلام الي سمعته

صدك يمه هيج تبرد گلبي

سلام:افا يمه اني ابنج عندج شك بيه كلها كم ساعة او ايام وتسمعين احلى خير

فوزية:هيج وصدك يصير الي ببالي يمه نذر عليه الا اهلهل واطش چگليت بس يمه سلوم اشلون اخافن عليك وشنو ببالك

سلام:يوكم من مكانه ويلبس دشداشته والچگارة بحلگه..الج الصافي يمه ابنج ذيبب الا اخلي امه تبجي دم عليه لا وتلحگه هم واكسر خشمهم العالي هذا

فوزية:اااااخ يوم عيد امتى يجي هاليوم اهواي صار انتظر وانت ماكو شي

سلام:ههههههه ضحك بشرانيه..صبرج عليه يالشيخه غير اتكتك السالفة زين خما نخلي اثر علينه بس وغلاتج اطلع كل ذيج الايام من عيونهم اني طالع رايدة شي

فوزية:وين طالع يمه

سلام:عندددددي شغل ليش تسألين

فوزية:رووح يمه

ايي ينجمه ان ماخليتج تموتين وره ابنج لعد اني تسوين وتتشمتين بيه اني ترفعين خشمج عليه اني تبهذليني لا ومنو بنتج تريد تكسر راسي ااااخ اشوكت يمه سلام تبرد افادي

سلام:الوو هاا غسان وينك بويه

غسان:وين يعني بالبستان خير سويلم

سلام:كل خير جايك انه

غسان: هاا ولك اشعندك شو تضحك وفرحان

سلام: كل خير يخوي كله كم ساعة ويجبولي احلى خبر وابشر بالخير

غسان: اني ماكو شي يفرحني غير اشوف ذلك العار بگبره وره ابوه

سلام: انتظر ويجيك الخبر وغلاتك اخليك الليل متنامه من الفرحة

غسان: عاار احجي شظام عليه تسوي خطط من وراي

سلام: هههه الك الصافي  ليش اتعب حالك خليك مريح

وره ساعة كاعدين وكد جهازي

.. الووو بشر

.. تم مثل متريد كم ساعة وتسمع بي بگبره

سلام: كمز من مكانه العباس عليك

.. افا شيخ وغلاتك شيخ مثل ماطلبت بالهدف اجت

سلام:كفو ونعم هيج الزلم انتو وين هسه

..بعدنه بالنجف

سلام:لك غبييي عااار تطلع هيج ويه جماعتك من النجف روحو على المكان الي اتفقنه عليه بسررعة

..والبشارة شيخ خما نسافر بلاش

سلام…تدلل يمك محيسن اخذو الي يمه كلهن بس هااا فنكم احد يشوفكم لو يتعرف عليكم تره قسما فلا اعرفكم والي علاقه بيكم

..اطمن شيخ محد عرفنه اصلا هسه احنه بالفندق وهسه نطلع

سلام:عفيه عليكم

سده وهو يضحك بنصر وخبث والله خلصت منك يشيخ تفووو عليك تخسسي تصير شيخ عليه

فلاش خلونه نرجع بالاحداث يم الشيخ گمرهاشم

گمرهاشم:وصلنه النجف ويه اذان الفجر دخلنه الگراج سلاح مااخذناه ويانه بقبه بالسيارة بس گلبي مامطمن حاس راح يصير شي تعوذت من الشيطان ورحنه لمولاي ومولاى المؤمنين امير المؤمنين علي

يالي اسمك وين والنفس يسري علي يالي كلك قوة وشجاعة وكرم علي يابو الايتام اجيتك اطلب القوة منك مولاي انت ادري بحالي مولاي لا تخلي الشك بداخلي لا تخليني اشك بيهم ذوله عزوتي ااااه من غدر الخوان اي ولد العمام اخوان وحزام ظهر بس اووف لو الغدر طلع منهم هاي شكبرها يم الله ويم الگمر هيج الاخوة بس صح لو كال المثل الخوة راح ويه صاحبها اهواي جنت مشتاگ لابو الحسن يمه انسه كل همي ومشاكلي يمه اذب حملي يمه اشكي من الزمن والغدر هو الوحيد الي يسمعلي امانتك ياعلي

صلينه وقرينه قران والسيد كال نطلع للمگبرة

گمرهاشم:سيد گلبي يلعب

سيد عبدالله:هاا هاشم اشبيك شسالفة من طلعنه ولحد هسه وانت هيج تحجي هاي ماكو شي والزلم ويانه شنو ممكن يصير

گمرهاشم:ماادري سيد بس اوصيك اي شي يصير امي والشيخه لا يدرن بشي عبدالله مااوصيك بعد

سيد عبدالله: هاشم يمعود لا تخوفني عليك شكو توصيي هاا احنه يم علي وتخااف لا مامقبولة منك

گمرهاشم:اااخ ولك مو خوف على نفسي لا والله وحگ الكاع الي بيها والي نايم بيها وحگ ذيج المنارة مو على نفسي بس اهلي خايف عليهم والغدر يخوي لو كل الناس تحرسك تنغدر

سيد عبدالله: هسه خلي نزور ابوك والله الحامي

گمرهاشم:ونعم منه وصلنه يم گبر الغالي وشكو كلاام جان ببالي راح بيقت كاعد يمه واحاجي

..بويه اشلونك هيج حلالك المكان ولو انت يم علي اشلون مايحلالك المكان بويه ابنك تعبان اهوااااي هيج جنت تشوف الغدر وتبقى ساكت هيج ليش بويه ماخلصتنه منهم ليش بويه كبرت روسهم همه يسوون اااخ لو ذلك اليوم مخليني ادفنه بمكانه مجان هيج هسه شايف روحه اسف بويه لان جاي اعتابك بس تدري بيه مااكدر اسكت عن الظلم

بقينه يمه قرينه يمه قران والسيد قراله زيارة عيوني على الگبر وگلبي يدك بقوة استغفرت الله وكمت ارشم مي على گبره يمكن ماكو لحظات وحسيت على شي دخل بصدري باوعت قميصي نيلي صار اسود لزمت گلبي وفقدت اسمع اي شي اختل توازني وگعت على الگبر اشوف عبدالله اشلون يحجي وياي ويحرك بيه بس مااسمع شيكول بعدها الضوء اشويه تحول ظلام وماحسيت على شي بعد

سيد عبدالله:جنه كاعدين يم گبر الشيخ قريتله قران وهاشم كام يرش مي ماكو لحظات وسمعت طلق اباوع اريد اشوف منين اجت انوب بسرعة اجه على ببالي هاشم التفت عليه شفته قمصيه مدمه ووكع على الگبر احجي وياه اهز بي ميسمعني متت خوف عليه الطلقة جايه بگلبه ابتسم وغمض عيونه طعت عيطه يمكن الكل سمعني

..هاااااشم اصحههه لا انت مميت لا وللك خويه اكككعد اشششلون تروح وتعوفني هااااشم كافي تلعب بحالي اكعدد ولكم السيارة بسرعةةة

..سيد الطلق اجه مناك

سيد  عبدالله:امشششششو شوووفي منو هالعاررر الي غدددر بينه كلاببب وين السيارة شلته بس شنو كوة كدرة العالم التمت علينه شلته بيه مابيه بس اريد اوصل للمستشفى اباوع عليه وجه صار اصفر والشفه بيضه

..ولللك بسرررعة سووق راح يروح منه

وعلي محد يسلم مني ان صاار شي ااااااااااخ تغدرون بينه وللككك هااااشم وين رايح وعاايفني احلفك بالخوة البينه لتروح احلفك بخوة العباس اصبر زعلي اخذ بثارك واخلهم يتمنون الموت وميحصلو ااااااه صرخت من كل  گلبي اني الي ابد مااصيح ولا اعيط دوم  اسيطر على اعصابي بس من شفت هاشم هيج تخيلت هذا مو بس صديقي لا اخوي وعضيدي عمري خسراه بلايا اوووف ياقهر من سرعتنه وصلنه للمستشفى وشلته ارگض بي وشفت الدكتور هو بس شافني كبل اخذو مني وراحو على غرفة العمليات

منسا:طبعا عرفت سبب جيتهن وكالعادة اجوي يخطبون والله ذني بطرانات اني بخبله واقبل بواحد مگضي عمره كلها سفر وسياحه وابن امه بعد ههه لو يموتون حتى وان كان سيد ماما تعرف ردي شنو رفضت من يمها حتى لو زعلو السالفة مو هينه ولا هو مثل باقي الزلم لا شايف روحه نعبر النهر وهو قصير اصلا  بعد مراحو مافتحت اي موضوع ولا جابت اي سيره للسالفة بليل كاعدين نسولف وبابا كال الاسبوع الجاي يسافرون

منسا: واشكد راح تبقون

سيد هادي: هي عشر ايام  ونرجع

كرار: موعساس ترحون مناك لمولاتي ام الخدر

سيد هادي: والله بعد ماادري اذا الله سهل ورحنه بعد احسن خير وبركة

رضا: لوما الصيدلية والدوام جان رحت وياكم بس خيرها بغيرها

منسا: وابقى وحدي بله

فاضلة: لا يمه ليش وحدج انتي الصبح بالداوم والعصر تجين روحي يم اخوج ومن يجون اخوانج تعالي وياهم بعد ليش وحدج

منسا: وهاي اظل الايام كلها هيج اتعب غير واني ماارتاح الا بغرفتي 

سيدهادي:على راحتج بنتي بس علمودج اشلون تبقين وحدج لحد لليل

منسا:هو اني اجي بالثلاثه عود يوم يمهم ويوم همه يمنه واخلي مصطفى يجيب امير يمي لحد ملتجون وخاله ام قيس هنا هم تجي عليه هي كلها كم ساعة ويجون

سيد هادي: براحتج بعد

منسا: ثاني يوم الصبح غسلت ولبست فستان سملئي وابيض يجي عباره عن مثل السترة وجواها قميص بلون ابيض بس طبگ ومن الخصر تنزل التنورة تشويه گلوش وحزام على الخصر فضي واكو على جوانب السترة لولو ابيض لبست الشال واخذت جتطتي ونزلت اكلت واطلعت ويه رضا وكرار طبعا رضا  يداوم بالمستشفى بس مو يمي والعصر بالعيادة وصلوني للمستشفى  وراحو  دخلت وكالعادة بعد اي عملية نكعد ويه الكادر ونشوف شنو الاخطاء الي تصير تقريبا ساعة بالعشرة او اقل جنت واكفه وين دكتور حسين يحجيلي بخصوص عمليه وماانحس الا على شاب شايلي متصوب احنه من خبصتنه ماركزت بالي جابه بس شكله مو غريب

د حسين:بسرررعة جهززو صالة العمليات يله علوية الكادر وين بسسرعة المريض واصل مرحلة

منسا:صاار دكتور واخذناه كبل لصالة العمليات الكادر اجه والدكتور وياه هم دكتور طه وبعد واحد

د حسين:بشروني عنده نبض مو

منسا:عنده بس ضعيف دكتور لازم تبلشون هسه

د حسين:جيد

منسا:اول مره هيج اخاف على احد بصالة العمليات احنه كالكادر طبي لازم نكون مجهزين نفسنه لاي مشكله او حالة تصير بس مدري ليش هالمرة مااريد يصير اي خطا الشاب يطلع بالثلاثين جابو الطبله مالته الطلقة جانت جاي كبل بالقلب من شفت سيف الامام علي واسمه كلت

..امانتك ياعلي تدره لاهله سالم

ماادري ليش هيج كلت المشكله من فتحو مكان الرصاصة صار مكان الفتح قريب على السيف وهم راح يصير بي اثر خلي يصير بس المهم علي ينجي من محنته الشاب جان جميل الله يحفظه طبعا بقينه اربع ساعات ونص والدكاتره اول مرة اشوفهم هيج خايفين

د حسين:علوية ضغطه اشلونه ونبضته

منسا:ضغطه زين بس النبضات اشويه مو تمام

د طه:ابقي مراقبته

منسا.عالرغم هذا مو شغلي بس اني ضابطه هالامور جنته كلنه خايفين على اي لحظة يصفر الجهاز بس الحمدلله تمت العمليه بعد اربع ساعات ونص ولحظات الكل وكف بخوف ودكات گلوبنه قوية خايفين نفقد المريض كلنه حسينه الدم بعد ميجري بعروگنه لحد ما سمعنه نبضاته گلبها رجعن ينبضن بشكل عادي بس هو بقى فاقد اباوع على مهرة وكعدت

مهرة:يمه الف الحمدلله والله خفت يموت لا مااصدك

د حسين:مهرة لازم تقوين گلبج يمكن اليوم عدت على خير بالجايات محد يعرف المريض نص قوته من الطيبيب

مهرة:ان شاءالله دكتور

د حسين:جيد هو شنو اسمه

لمى:اسمه گمر هاشم مدري قمر

د حسين:گمرهاشم ونعم الاسم هذا الشاب حافظه العباس وهسه الامام علي وكفله

منسا:الف الحمدلله

بعدها طلعنه بس شنو جان الردهة مليانه زلم واغلبها معگله بصراحه خفنه والضباط هم جانو موجودين جنت اني وكم واحد وره الدكاتره واجه علينه الشاب الي جان شايله

سيد. عبدالله:اربع ساعات ونص واحنه ننتظر طبعا بس دخلو اني خابرت على ابوي وهمه خلال ساعتين اجوي عمامه واخوانه  بعد شيوخ جانو موجودين بالديوان وسامعين الاتصال اخوه مهدي جاي هو الحماية كلهم اجوي متخبلين طبعا لحد هسه ماكدرنه نعرف منو تلي هيج غدر بينه لا وانوب بنص المگبرة يعني جانو مراقبينه واكيد جانو ورانه بس قسما عظما ان ما لزمتهم مااطلع ابن السيد صادق مهدي وجاسم صارو نار وخاصه مهدي

مهدي:سيد بسس كلللي منو جااان وراكم هااا معقولة مالاحظتو احدد ورااكم

سيد عبدالله:ابو مرتضى احنه من طلعنه مجان احد ورانه وهم لو جنه نعرف مجان لهنا وصلنه بس ااااخ اشلون غدرو اكيد جانو مراقبينه وماكو غيرهم

مهدي: شنوو تقصد يعني تعرفون منو

سيد  عبدالله: ايي بس يبقى الامر يم هاشم  اهم شي  هسه نطمن عليه وراها وغلاته وحگ العشرة والخوة ابجيهم دم اشرته نبتعد

مهدي: شكو

سيد  عبدالله: ابو مرتضى هسه مااكدر احجي شي واخاف اطلع ظالم وهم الكاع محضورة بس خلي يطلع سلامات وكلشي بوكته حلو

بعدها ماحجينه لحد ماطلعو الاطباء وكلنه عيونهم على اي كلمة منهم

.. هاا دكتور بشروو

د حسين: اول شي  ابنكم طلع باعجوبه وهم الرصاصة جانت تبعد شعره بس الله نجاه وشغله ثانيه هو راح يبقى بعناية المركزة لان نتوقع كلشي لحد ما يستعيد وعيه مانكدر نحجي او نقيم حالته لحد ما يكعد اذا كان هذا حادث فالله نجاه واذا عن قصد فاخذو ثاركم ورجاه لحد يسوي ضجه مو زين عليه

جاسم:دكتور بس كلي اخوي بخير

د طه: اطمن حاليا عبر مرحلة الخطر الكبرى بقت نشوف اشوكت راح يكعد وبعدها نچيگ وضعه المهم الحمدلله على سلامته

مهدي:الله يسلمك دكتور وشكرا الكم

د حسين:هذا واجبنه

منسا:طبعا من شفت صادق تفاجأت باوعت عرفت منو هالولد طلع سيد عبدالله طبعا همه يصيرون گرايب ماما امه للسيد عبدالله تصير بنت خالت امي  اخو نرجس وعرفت المريض هو شيخ اول مره هيج اهتم موضوع واريد اعرف شنو راح يصير وخاصه السالفة جبيرة لان الشيخ متصوب مو حي الله عرفني سيد صادق

سيدصادق:مو علوية منسا

منسا:اي بلي مولاي

سيدصادق:حي الله بنيتي اشلونج بابا

منسا:الحمدلله تمام شنو المريض تعرفه

سيدصادق:اي حق المعرفه هذا شيخ عشيرة ال معروفين بالعمارة وهم احنه وياهم عشرت عمر السيد يعرفهم بيت الشيخ ابو جاسم

منسا:هاااا تقصد شيخ اسماعيل مو

سيدصادق:اي نعم تعرفيهم

منسا:مو اهواي بس دوم اسمع السيد الجيبر وسيد مصطفى يحجون بيهم ويحمدون بيهم

سيدعبدالله:السلام عليكم

سيدصادق:وعليكم السلام سيد سلم على العلوية بت ابو السيد ابو مصطفى

سيدعبدالله:علوية منسا ياهلا ومرحبا عذريني ماعرفتج بس شفتي حالي من اجيت

منسا:هلا بيك لا ماكو داعي اي الله بساعدك

سيد عبدالله:بشريني حالته زينه

منسا:اني مو اخصاصي هذا بس اطمن هو بخير حاليا وان شاءالله بس يكعد راح يكون احسن بس اهم شي حاليا بقائه بالعناية لان الاصابة مو اشويه بحيث الرصاصة مأذيه القفص الصدري واكو فطر باحد الاضلاع بس ان شاءالله مابي شي وبالعلاج يطيب

سيدصادق:الله يسمع منج منين اجت هالمصبه راح يبدي بحر الدم الله اليستر من الجاي

سيد عبدالله:همه الي بدو سيد بس متحلفلهم بس الله يعلم

سيد صادق:سيد عبدالله مااريد اي مشاكل هسه اهم شي صحه هاشم

منسا:شفتهم اشلون متأذين عليه حقهم اني من يمي تأذيت لس ليش مااعرف

يتبع ..

اسفه اذا البارت قصير بس لان مختص بالحادث حبيت بس للحادث يكون وان شاء الله الجاي اطول مو تنسون صوتو وعلقو 😊✌الي بصورة الفوك لبس منسا اليوم

#اقسمت على حبكِ عند الأمير

للكاتبة ضوء القمر

انا بلياك كَلبي شما يدگ يبرد

يا باب الفرح ، والحزن مد الشوف

خايف لا يهب عالي الهوى وتنسد

يا أسود رمش هنيال لون الليل

چي لنه ويه عينك دوم يتودد

فضلك عـ الحسن إنت آخر العنكَود

وبستان الورد لولاك ما ورد

يا زفه عرس ضحكتك تالي الليل

ويا عين الصكَر بالزعل من تحتد

يالتدلع غنج واليحب مو كَصاي

وأنت اعله الچتل مبخوت تتگصد

يا صوغة هدايا وفضفضاك الليل

لا تلتم بديه لا هوى وتنشد

عودني إعله بعدك وانت أبو الطيبات

بلكت عالصبر يمعود أتعود

كَالولك حلو وخلوك بيه إتجور

والكلك شوصف بيك وشعدد

أشو لامو حلو وما تشبه الغزلان

ولاريح الگرنفل بيك لو ورد

ولا عينك مسافة وبسمتك سلوان

ولا كل اليشوفك عمره يتجدد

ولا الله إبتلاني وخالط الجيلين

ولا عمري إعله شربه ماي يتفرهد

ولا تزهي بشبابك ، ماخذك طغيان

ولا إنت العزيز البيك بس أركد

ولا صوتك شجي وحچايتك ناكَوط

ويشفافك نظاره الماحواها أحد

ولا غاوي ولذيذ وتشبه النعناع

طيبه وطيبتك كل يوم تتجدد

ولا طولك مصيبه ومثل كل الناس

حسنك مو حسن وخدك مو مثل كل خد

ويا أسهل من إسمي وصعب حد الغيظ

وطلاسم لو ردت وياي تتشدد

صدكَني أحبك حب غريب الطور

وأحب صبرك علي وما گلت لحد

منسا :من شفت كدامي حالته اخوانه واهله اجه ببالي ذلك اليوم الي جان اسود علينه يوم مستحيل انساه اووف الله لا يرجع ذيج الايام عشنه بذلك اليوم اخوي مصطفى هم تعرض لطلق ناري وجان بوكتها غدر واجت الرصاصة بطنه يومها أنكلبت الدنيا علينه وخاصه هو مجان هنا جان بمنطقة وصاير عركة بين عشيرتين بيومها بابا وماما خطية اهواي تعبو وتأذو شفنه أيام بس الله يعلم بيهن شهر كامل واحنه حالتنه حاله لا ليلنه ليل ونهارنه نهار وخاصه من كال الأطباء مأذيته كلش بعد شهر من الفره من طبيب لطبيب قرر بابا واخواني يسافرون بي وصدك خلال الأسبوع كملو كل الاجراءات وسافرو وبقو هناك شهر ونص لحد ما الله شافا والحمدلله صح تعبنه وعشنه ابرق وقلل وسهر هو اني اشلون كدرت امتحن ماادري جنت بوكتها سادس بس الشي الوحيد الي جنت خالته ببالي الله ميعوف احد والحمدلله صح المعدل الي جيته مو نفس الي جان رايده مصطفى بس الحمدلله دخلت طب قسم تخدير وهم حلو قسمي واهواي مرتاحه بي وخاصه جنت الأولى على دفعتي والفضل يرجع لله ثم صوفي ابو امير من اشوفه بعد التعب الي شافه اهواي ارتاح هو مو بس اخوي لا ابوي الثاني من جنت صغيرة جنت متعلقعه بي انتبهت على اشراق

..هاا حبي تحجين وياي

اشراق:أي اشبيج صافنه خير

منسا: ماكو بس تذكرت أيام جانت عصبه علينه

مهرة :أي صدك لاحظت عليج التوتر والقلق على الشاب الي سوينالنه عملية

منسا:ايي الله يشافي لان عشت نفس هالحالة واجوي ببالي اهلها اخواته اكيد هسه كلبهن نار عليه 

مهرة :ليش انتو شنو صار الكم

منسا:امم احنه قبل اربع سنوات اخوي الجبير تعرض لطلق واجت الطلقة ببطنه شهرين ونص احنه نعالج بي يله اشويه تحسن جنه خايفين يروح من ادينه بس الله رحم بينه ونجاه النه

اشراق :يمه اسم الله الف الحمدلله بس اشلون صار

منسا:جان معزوم سم صديقه جان وكت الظهر فسامعين طلق وعياط وكذا فطالعين وجان اكو عركة مدري فصل عشاير وجايه طلقة بي ااااه اسكتن لا تذكرني والله أيام مااتمناها للعدو

مهرة :يعمري اسفين معبالنه هيج المهم هو بخير وهذا أهم شي والحمد لله

منسا:أي والله الف الحمدلله

اشراق :هسه عوفونه من الحزن وذيج الايام راحت خلونه بايامنه هسه وكولولي شنو البس بالمهر

منسا ومهرة: شنووو عاااا وأخيرا

اشواق :اييييي ولجن ممصدكه تدرن جنت خايفه من بابا وعمامي بس الحمدلله من مااعترضو اوو جنت شايله هم

منسا:حبي اذا من قسمتج والله راد شي لو من  كان  يكون ميكدر يمنعكم

اشواق :لج انتي عسل والله فديتها للي تنطيني كلام كله طاقة ايجابيه

مهرة: واحنه عيني ننطي سلبي

اشواق :ههه لا يعمري هو اني شعندي غيرجن غالياتي المهم هسه محتارة شنو البس فستان لو بدلة

منسا:امم شوفي البدلة والا الفستان الاثنين حلوات  نصيحة اشتري فستان هم يفيدج بأكثر من مناسبة والبدلة اجريها مو احسن

مهرة :أي والله واني هم من رأيها اضربي عصفورين بحجر

اشواق :خوش لعد لعد خلي اشوفجن فستان عجبني

منسا: بعد هالاستراحه كملت دوامي واجه بابا عليه وطلعت ركبت يمه

..السلام عليكم

سيد هادي:وعليكم السلام ورحمة الله وبركاته اشلونج بنتي

منسا:الحمدلله تمام انت اشلونك

سيد هادي: ما طول انتو بخير اني بخير

منسا:عساك دوم بخير يا تاج راسي ويحفظك النه ياغلاي

سيد هادي: آمين ههه شو تعبانه اليوم

منسا:أي والله الصبح جان عدنه عملية طولت اربع ساعات ونص وهم جانت العملية كبرى لان المريض جان على شعرة من الموت بس الله نجاه

سيد هادي: الحمدلله بس شنو حالته

منسا:متصوب والطلقة جايه بكلبه إلا اشويه والفقص الصدري واحد من ضلوعه صار بي فطر

سيد هادي: سترك ربي شنو جندي لو لا

منسا:لا بابا شيخ من الجنوب أي صدك سيد صادق جان موجود جاي وياهم والي عرفته هو ابنه للشيخ الي رحتو قبل شهرين مدري ثلاثه تعرفه

سيد هادي: لا صدك معقولة ابن الشيخ اسماعيل متاكدة بنتي

منسا:مااعرف بس السيد كال هذا الشيخ ايي اسمه جان كمر هاشم

سيد هادي: لا صدك مو خوش سالفة هاي

منسا:مااهتميت وصلنه للبيت سلمت على ماما وصعدت بدلت ما نزلت اتغدة لان متغدية سبحت ونمت ماكعدت إلا قبل المغرب بساعة نزلت جوه يم ماما

..سلام

فاضلة :وعليكم السلام صح النوم

منسا:صح بدنك ماماي اشوكت طيارتكم

فاضلة :هذا الخميس ان شاء الله

منسا:خليت رأسي بحضنها..راح اشتاقلكم اهواي ماادري اشلون راح اقضي ذني الايام بياكم

فاضلة :يروح امج لوما دوامج جان حجزتلج ويانه بس انتي توج بديتي بالدوام وهم مااكدر من هسه اخليج تاخذين اجازة مطولة

منسا:لا ياغلاي اني هم هسه مااكدر وان شاء الله تنقسملي عمرة واروح

بعدها كمنه سوينه عشه الي عرفته من ماما بابا ومصطفى رايح على صديق الهم اجوي على العشه ماسهرت اهواي بالدعش صعدت غرفتي ونمت ثاني يوم الصبح طلعت للدوام وصلوني الولد وراحو دخلت ويه دخلتي طلع بوجهي نفس الشاب الي شفته ويه ايسر بعدين عرفت من البنات هو دكتور طبعا كلما اشوفه وعيونه عليه واني اتخبل من هالشي والكل يعرفني اني ما احب هيج سوالف نزلت رأسي ودخلت ومااهتميت اله فد نوب طبعا طول هالاسبوع وهو عيونه مافاركتني ويحاول بقدر الامكان يحجي وياي البارحة سافرو ماما وبابا اهواي ضجت لان ابقى وحدي هالشي اهواي زاعجني من اني صغيرة عايشه وحدي جنت اتمنى تكون عندي اخت بس مامقدر الي يكونلي اخت اليوم جنت اهواي ضايجة مدري ليش هيج اني اذا ضجت بعد هذا هو اقفل جان عدنه عملية نحجت الحمدلله طلعت بره اشم هوى وهم اخابر ماما

أشرف: بس اريد اعرف اشوكت راح ترفع راسها من اباوع عليها و الله صرت اتمنى نظره منها اااخ

ايسر :انت خبل لك بابا اصحه هاي مو أي بنيه ولا حي الله لا ٧اي العلوية منسا الكل يحلف برأسها خليك بمكانك أحسن تره متحصل شي

أشرف: لك ايسر اشلون اخذته لكلبي ولك احس يومي ناقص بدونها هو اني شنو اريد عمي بالعباس ليش شوفت عيونها كافيه هنه غير عذاب اوويلي وكل شتطلب اني جاهز بس خلي تباوعلي

ايسر :أشرف خلي نكون واقعيين اني وانت تعرف اهلك منو يردون شنو نسيت بنت عمك لو شفت غيرها مو كتلت نفسك عليها

أشرف: يمعود يابت عمي يابطيخ هي بيش الكيلو ولك هاي تسواها بس اااخ من اهلي هو اني فد يوم  ردت شي وصار

ايسر:اشرف نصيحه مني يخوي عوفها تره تطبع خسران من الحرب وهم احسبها عدل اشلون تقبل تزوج وحدة اهلك مراضين عليها وبت عمك احسن من الغريب ولو احنه دوم نطرب عالغريب

اشرف:يعني افهم منك انسها

ايسر:اي

گمرهاشم:بعد الي صار مااعرف شصار وراها بس آلم موتني احس سچاچين بصدري وصدري كله يون عليه فتحت عيوني بس كوة وهم مااشوف النظر عندي مشوش بعد عدة محاولت فتحت عيوني باوعت غرفه بيضة واضوية اهواي ماكو احد يمي بقيت صافن بالسكف وافكر منو الي هيج غدر بيه معقولة الي ببالي بس اشلون عرف بروحتي واني مگايل لاحد وره اشويه دخل عليه دكتور وممرضين وياه

د حسين:الحمدلله على السلامة شيخ

گمرهاشم:الله يسلمك دكتور

د حسين:گلي تحس بآلم قوي لو لا وهم تذكر الي صار

گمرهاشم: آلم مموتني احس بثكل على صدري اي اتذكر اشكد صاري هنا

د حسين: مو اهواي اجيت بالعشرة الصبح وهسه بالخمسه العصر

گمرهاشم: هاا طلعتو الرصاصة

د حسين: طبعا طلعت من الموت بقدرة الي مصوبك جان ضابط المكان بحيث الرصاصة مأذيه القفص الصدري  صح ماكو اي كسر بس اكو فطر باحد الاضلاع وهم كانت على شعرة من مركز القلب وعمليتك جانت كبرى وآلم عادي انت طالع من الموت والرصاصة مكانها اهواي خطير بس الحمدلله  كدرنه نطلع الرصاصة وان شاءالله  مابيك غير العافية

گمرهاشم: تسلم دكتور بس مطوله كعدتي هنا

د حسين: ليش حاب تعوفنه ههه اطمن شيخ حاليا نكدر نكول انت بصحة زينه بس راح تبقى هنا تحسبا لاي مضاعفات وخاصه نبضات گلبك بعدها مو مستقرة وهم السفر عليك هسه مو زين راح  تبقى اسبوع وبعدها  نشوف الشرطة هنا راح يطلبون اقوالك

گمرهاشم: ميحتاج ثاري اخذه بيدي وهم هذا من ولايتي اعرف اشلون اخذ حقي

د حسين: مثل متريد براحتك شيخ گمرهاشم  تشرفنه بمعرفتك الله يخفظك لشبابك

گمرهاشم: اشكرك دكتور

بعدها دخلو ابو احمد وابو مرتضى والسيد وعبدالله  وعمامي واشوف الخوف بعيونهم

جاسم: الف الحمدلله  على سلامتك يخوي منين اجتنه هالنصيبة

گمرهاشم: الله يسلمك يخوي الحمدلله  جان مكتوب هالشي بس الله شگفها

مهدي: سلامتك ياشيخ طمني اشلونك

گمرهاشم: الله يسلمك  يالغالي احسن

مهدي: وغلاتك ووروحه للغالي ان ما خليتهم يتمنون الموت فلا اطلع ابن ابوي

گمرهاشم: تسللم ابو مرتضى ونعم منك ادري بيك بس خليهم اعرف اشلون اخذ ثاري

مهدي: انت بس گلي منو هالعارات خلي اشفي غليلي منهم ولو گلبي موچر منهم شفتهم

گمرهاشم:لا مشفتهم بس اعرف منو

ابو سلام: ابني منو خلي ناخذ بثارك

گمرهاشم: باوعت على عمي اااخ يالقهر حسافة ذولة الساقطين ولدك انت ذهب بس اشباه الرجال الي من ظهرك لا والله ذولة مو منك ذولة ولد الشيطان  غمضت عيوني بقهر

..مووهسه عمي كلشي بوكته حلو خليهم هسه متنوسين الي جايهم موت احمر

بقو اشويه وطلعو بقى بس عبدالله اباوع عليه اشوف بعيونه خوف بنفس الوكت اهواي اسئله

..خير اشبيك صافن متجي تسلم

سيد عبدالله:اخذت نفس ممصدك بعد المنظر الي شفته بي كلت ميطلع منها لحد هسه الرجفه بجسمي خوفي عليه خوفت اب على ابنه من دخبنه عليه جان تعبان بس يمثل القوة بس عليمن عليه الي اعرفه مثل مااعرف نفسي هذا روحي هذا عضيدي اني وياه روح وحدة طلعو كلهم وبقيت يمه سحبت كرسي وكعدت يمه

..انت شتكول شنو لازم اسوي هسه

گمرهاشم:هههه تبجي على صدري ههه

سيدعبدالله:لا ياا استغفرالله ليش تخليني اغلط واسب وكل شفت الموت تعرف شنو مثل مشفته اني شفته لك لحد هسه الرجفه بجسمي من شفتك حسيت هذا هو عمري خلص اااخ لو هسه اعرف مكانهم جان وعلي بن أبي طالب الي هسه كاعدين بارضه ماابقي احد منهم

گمرهاشم:ونعم من السيد اين السيد كفوو والله هذا حزام ظهري الي اشد حيلي بي ادري بيك تعلميني اني وياك روح وحدة سبحان الله من جمع بينه هالخوة سيد كلي الشيخه والوالدة عرفو

سيدعبدالله:لا اطمن ماعرفن بس احمد عرف

گمرهاشم:لا معناها هي عرفت

سيد عبدالله:هاشم اول وتالي راح يعرفون

گمرهاشم:ايي وياك بس ذني تلگاهن ناصبات عزا هسه تلفوني وين هسه تلگاه حارگينه بالمكالمات

منار:هسه غير يرد ايي ليش ماشيله خررب

احمد:هاا اشبيج تحجين ويه روحج سالمين

منار:اسكت انت

احمد:هااا ليش يابه شكو

منار:ولك عمك هاشم ميرد على اتصالاتي واني گلبي نار عليه

احمد:هاا لا ان شاءالله ماكو شي هسه اشوف على منو اتصل

طلعت وعفتها طبعا اني عرفت عمي متصوب سمعت حازم يسولف وخابرت ابوي وكلي من كلي وكع گلبي كلشي ولا عمي هاشم اهواي احبه بس لو اعرف الي غدر بي ااااخ جدتي والشيخه حسن اكو شي بس خبرهم ابوي انو مخابرهم وكايلين اله ماكو شي بس الشكبة عود مو زينه وهم عدهم فصل هنه بين الصدكن وبين لا

منار:العصر جنت كاعدة يم حبوبتي اقره وجان تندفع الباب بكل قوتها وتدخل الي متسمه وجان تذب ذلك الحجي الي خله امي توكع من طولها اني من سمعت نار وشبت بصدري مدري منين اجتني القوة وجان اخنگها

يتبع...

اقسمت على حيكِ عند الأمير

للكاتبة ضوء القمر

گـــون اليخــون النــاس

يطلـــع وشـــم بيــه 

خاطـــر يضــل منبــوذ

محــد يخاويـــه

شيب الذي ابهامتي هموم الوكت دجتة

وسوالف بالكلب خنجر غدر دجتة

ومن الشماتة ملح جابت الة ودجتة

بسجين عمية وتكص كلبي وضكت كصتك

وتك ايد كص الدهر وسيف الغدر كصتك

شو بس علي من اجي تلطم لطم كصتك

مثل المغيسل صفت كصتك مثل دجتة

(مرحبا حبايبي آسفة على تأخير بالبارت البارحة بس اريد اوقف القصة تعرفون شهر رمضان ان شاء الله على الأبواب واني مااكدر بشهر رمضان اكتب فراح اوقف القصة وان شاء الله بعد اكمله وان شاء الله أول يوم ان الله قاسم نعيش انزل هدية الكم واليوم بارت طويل احبكم )

منار:العصر جنت كاعدة يم حبوبتي اقره وجان تندفع الباب بكل قوتها وتدخل الي متسمه وجان تذب ذلك الحجي الي خله امي توكع من طولها اني من سمعت نار وشبت بصدري مدري منين اجتني القوة وجان اخنگها

خلي نرجع اشويه

فوزية :كاعدة واتصل عليها سلام

..هلا يمه سلام

سلام :يمه البشارة

فوزية :كول يمه الك الي تريده

سلام ضحك بحقد وهو يلعب بسلاحه : ابشري يالشيخه هاشم كم ساعة ويعلنون عن موته

فوزية :شنووو ببخت محمد عليك

سلام :وغلاتج واني ماحالف جذب

فوزية وجان اطكها بهلهوله :يمه اغديلك فدوة عرفت عد كلمتك وصدك سويتها عفيه بولدي افييش بردت كلبي هسه انام واني مرتاحه بس اشلون هيج صار ومنين عرفت

سلام : زلمه ووفيت بكلمتي موومهم اشلون ومنين الج الصافي بس يله ثيمالا

فوزية :صار يشيخ الله وياك

اييي هسه گلبي مرتاح اااه لازم اروح اواسيها ههههه حگ علينه مرت حماي عساهم بجهنم

لبست عبايتها وركض على بيت الشيخ ابو جاسم

دخلت بقوة وذيج النية الگشرة ببالها وصاحت

فوزية :ياااا كاعدات اشو لا تطلمن لا تبجن شني السالفه شني مادرتن

ام جاسم :طبعا اني گلبي حاس صار شي وهم من الصبح اكو شي كاعد على صدري وخانگني بالي ين هاشم وميرد على تلفونه واجت هالمسمومه وذبت ذلك الحجي

..خيرج ام سلام شمالچ على شني نلطم ونبجي

فوزية :هاا مو سمعت خبر كلت هسه الكاهن ينوحن وعزا مسويات

الشيخه : فوززية شماج جايه مثل غراب البين شوراج هالمرة

فووية :يااا شيخه اني غراب البين المهم  ماتعررفن مو شيخ هاشم يكولون مات

ام جاسم :هي كالت هيج لو حيلي كل راح ووكعت من طولي

منار :شنووو انتي شجاي تحجين منين هالحجي الي ماله معنى هااا شوفي قسما بالله ان بالعتي اللسانج اكصه الج

فوزية :ييي بت نجمه اشلون اطلعين يا ماتستحين هيج اهلج ربوج ولو هههه همه يخلي يربون نفسهم بالاول وبعد

بعدها ماكملت وجان تهجم عليها منار وتخنگها

منار :ولج اكووول عيب مرة جبيرة ومرت عمي بس لا هسه اذا اخنگج محد يلومني اصلا حلال خنگج صدك بلا حيه

فوزية :وخررري ايدج يا الگ.. وخررري انتي بكد زري تخنگينيي

وصارنه وحدة تكتل بالثانية طبعا همزين منار طويلة لان فوزية مو طويلة كلش وهم سمينه وسمينه. صار الصياح وعياط ام جاسم بعدها فاقدة وام أنور تحاول تكعد بيها والشيخه ضغطها هبط وذني يتعاركن على اصواتهن نزل احمد

احمد :بعد مااعرفت بعمي متصوب وحالته مو تمام تخبلت ممت بدمي بس ردت اعرف منو الي غدر الشيخ بس كلام ابوي انو مااخبر احد وخاصه اشوف جدتي والشيخه يلوبن عليه واكيد كلب والدة ويحسن بس ماحجيت وخاصه هو محذرهم اذا صار شي ميحجون العصر كاعد اقرة بس كوة لان روحي بخشمي صايرة اشويه واسمع صياح وعياط

..سترك ربي شسالفة نزلت اركض اريد اعرف شكو نزلت واشوف جدتي واكعه وام أنور  ترش على وجها مي والشيخه كاعدة بمكانها بس شكلها فاقدة زهرة يمها واباوع هناك واشوف هاي الغضب عمتي منار هي ومرت عم ابوي ام سلام وحدة تضرب بالثانية صايرة مليخه بينهن بقيت مصدوم شسالفة

صحت بصوت

..منااااار اشلوون هيج تتصرفين

منار :اسكتتت انت خلي اطفي نار كلبي هاي ما تستحي شوووف شسوت

فوزية :وخررري منييي طايحه الحظ

منار :اني طايحه الحظ  يالعكربه شو تعالي خلي اوكفج عد حدج

وكفشتها من راسها

احمد :مصدوم من تصرفهن خو عمتي منار ولا عبالك بعدها صغيرة كدرت تضرب ام سلام استغفر الله هو احنه ناقصين رحت فازعتهن بالكوة وخرتهن

..كافيي مو عيب مناار هو هيج اشلون تضربيها وانتي ام سلام روحي لبيتكم كافي المشاكل الي صارت

فوزية :طاحيي الحظ ماااعتب عليكم لان كلكم بلا تربية ولا شرف اني اعلمكم ان ماخليتكم تبوسون رجلي فلا اطلع ام سلام

منار :لج انتي ميفيد بيج كل هالضرب شو تعالي جلدج بعده يحكج

احمد :مناااار كااافي بسسس روووحي ام سلام

راحت بس كلبت البيت اباوع على جدتي على الشيخه لو منار

منار :مابردت غليلي تففو على هيج شكول لزمت احمد من ياخته واني عيوني بكصتي

..احجيييي هاااشم بي شي هااا انت تعررف شي وظامه علينه جاااوبني

احمد :اشش ماكو شي بس على كيفج والله مابي شي بس اهدئي شوووفي جدتي اشلون صايرة والشيخه .ضربتني على صدري حيل

منار :جذذذاب هاالشم بي شي  بس انت سااكت وللك احجي

احمد :أستغفر الله وغلاتج مابي شي هو صح تصوب بس بخير

منار :يمممه متصوب ولك اشلون ووين ومنو مصوبه احجي

احمد :شحجي يمعودة خلي اشوفه حبوبة

عفتها ورحت كوة كدرنه نكعدها وهم بصعوبة تجر النفس والشيخه اشويه أحسن

ام جاسم : يمه احمد بروح جدك برد كلبي على وليدي

احمد بستها من راسها :وغلاتج يايمه الشيخ مابي وان شاء الله يرجع هو بس اشويه هو تعبان بس صدكيني مابي شي  وهسه اخابر عليه

.اووف اشلون سالفة هاي وعلي بس يدري يلعب بيه لعب خابرت على رقم عمي بقه اشويه ورد عليه

..الوو السلام عليكم

سيد عبدالله :وعليكم السلام ورحمة الله وبركاته هلا باحمد

احمد :وبيك أكثر مولاي بس الشيخ كاعد

سيد عبدالله : لا والله قبل اشويه نام انطو مهدئات ونام عليهن

احمد :هاا الحمدلله زين اشلونه هسه أحسن

سيد عبدالله : احمد كول يا الله مصار اهواي من صحه لازم نشوف حالته اطول لا بس صاير شي

احمد : الله كريم هاا لا مصار بس الشيخه وجدتي يردن يطمنن كلبهن نار عليه

سيد عبدالله : شنووو واشلون درن

احمد : هاي سالفة طويلة بعدين اخبرك بيها بس هسه اشلون ذني مراح يسكتن وخاصه كوة كدرنه نسيطر على ضغطهن هاي اذا مو اليوم نمنه بالمستشفى

سيد عبدالله : إنه اخوك السالفة جبيرة شصاير كلي

احمد :هسه مااكدر عمي بس من يكعد عمي خابرني ضروري علمود يطمنن عليه

سيد عبدالله :صار تدلل

سديته منه وافكر منو عرف وبلغهم معناها اكو احد جاي يراقب بينه طبعا طلبو منه محد يبقى بس مرافق واحد الجماعة مقبولو يرجعون بس انجبرو والسيد وابو احمد وابو مرتضى حجزو فندق واني كلت اليوم ابقى يمه طلعت بره وهم اصلي  عبالي اشوف منسا يمكن طالعه همزين امو عرف هنا رجعت للغرفة لكيته كاعد

سيد عبدالله : هاا أشلونك هسه

گمرهاشم:ردت اخابر الحجية والشيخه اكيد هسه گلبهن نار بس اجوي كم زلمه وبعد ماكدرت وهم تعبت وآلم موتني عاد عبدالله راح على الدكتور وانطاني مسكن ماادري اشكد مر وكت بس يمكن دنيه ليل محد يمي النومه هاي كسرت ظهري احس نفسي مشلول الله ينتقم على كل واحد يغدر بيه ااااخ وين تروح مني تطفر للسمه الگاك وحگ هو علي بن أبي طالب مااكون ابن ابوي اذا ماطلعت روحك عاااار عمركم كله تبقون عارات حسافة يجمعنه دم ااااخ لو بيدي اگطع هالربط بس القدر اقوى

..احسن انت وين جنت

سيد عبدالله : رحت اصلي وهم اشم هوى

گمرهاشم:  تقبل الله

سيد عبدالله :من الجميع.شفته صافن

..هاشم اشبيك

گمرهاشم :ااااه كول شنو الي مو بيه وللك الي من دمي يغدرني ياااحيف بيهم بس شسوي الدنيا دومها غداره

سيد عبدالله :ايي هاي شنسوي بعد بس وغلاتك وحگ الي احنه بارضه لاخذ بثارك بس اصبرلي انتظر شغلة تصير وبعدها كلشي يحلى

گمرهاشم : على شنو ناوي عبدالله مااريد يصيرلك شي همه يردوني مو انت لا تخليني اقلق عليك

سيد عبدالله : ابتسم بهدوى.لا تخاف ضلعي بس مااني الي اشوف ضلعي ينغدر وابقى ساكت لا وحگ هو العباس الي حببني بيك وخله خوتنه ينضرب بيها المثل لو اني هيج صار بيه انت شتسوي

گمرهاشم : هو خلي احد يفكر لو مجرد تفكير يمسك اخلي يتمنى الموت ميحصله انت روحي عبدالله شتوقع اسوي اعوفك لا والله ابد

سيد عبدالله :والله كفووو وثلاث انعااام شيخ الكل على راسي ضلعي هسه عوفنه من هالحجي وخابر الحجية والشيخه لان خطية گالبيها على احمد

گمرهاشم :اشلووون منو خبرهم بويه اني شموصي هاا ليش تخلوني اعصب هسه تلگاهم واكعين اشلللون بله

سيد عبدالله :هسسه غير ينطي مجال بويه على كيفك جرحك جديد لا يلچم محد مخبرهم منه احمد يكول سالفة طويله هسه خابرهم خلي يرتاح كلبهم واني طالع بره

گمرهاشم : الله يستر

طلع وخابرت على احمد

احمد : بعد ماكملت اتصالي كوة سكتنهن ومنار عيونها صار حمر بحيث ماقربت منها يمكن اذا اكلها كلمة تذبحني ومنا هي ضايجه على عمي اااخ هههه بس والله ممت ضحك اشلون تتعارك والله ينشد بيها الظهر اثاري جدي مخلف اربع ولد مو ثلاثه بس اذا عرف عمي هناا تصير معركة تكوم متكعد حتى قرايه بعد مالي واهس خاف جنت اشويه عندي واهس هسه كله راح بليل كاعد بالحديقة لان جو البيت متوتر وهم كلمن بغرفته الله يستر من النسوان اذا سكتن اتصل بيه عمي

احمد :الوو عمي

گمرهاشم : هلا بويه اشلونك

احمد : مااصدك الف الحمدلله على سلامتك كلي انت بخير عمي والله روحي طلعت من سمعت الخبر تمنيت روحي يمك واحميك

گمرهاشم :  كفوو زلمه من ظهر زلمه ههه على كيفك بويه مابيه شي بالريش لا تخاف هسه كلي جدتك والشيخه اشلون درن

احمد : اووو ههههه هاي سالفة طويلة انوب ماادري اضحك لو انقهر ااه المهم درنه وهسه كلمن حابسه روحها بغرفتها وتبجي وتنعي عليك هسه غير يفهمن انت مابيك شي

گمرهاشم :السالفة طويلة هاي بعدين افهمها هسه روح يمهن وافتح سبيكر مابيه احجي بس علمودهن

احمد :صار شيخنه

دخلت للبيت ورحت لغرفت الشيخه لكيتها تصلي

..تقبل الله يمه الشيخه اشلون صرتي احسن

الشيخه : منا ومنكم من اسمع صوت عمك اني اصير بخير

احمد : عساج دوم بخير تفضل شيخ نسمعك

گمرهاشم : تقبل الله يمه اعذريني يالغالية قلقت راحتج

كامت تبجي وتمسح دموعها بشيلتها

الشيخه : هاي انت صدك يمه اغديلك بسع فدوات لصوتك ليش يمه ماادير بالك على نفسك هاا يمه الدنيا مو امان اشكد گتلك لا تطلع بلايا زلمك هاا لو صار عليك شي اسم الله عليك احنه وين نروح بعد عينك

گمرهاشم : السموحه يالشيخه وغلاتج الزلم وياي بس صارت بعد وهاي اني الحمدلله بخير مابيه شي جني البخت يمه اني محروس ب علي بن أبي طالب

وجان اطب ام جاسم ومنار على صوت الشيخه

ام جاسم : يمه وليدي يالغالي هاي انت والله گلبي نار عليك

گمرهاشم : اروح فدوه لكلبج يالغالية اعذريني كافي تبجون بويه شسالفه اني بخير اجت بالريش

سمعت صوت الذيبة اشكد مشتاگله هو حزام ظهري  وبنتي اسمع شهگتها اوويلي بويه رويحتي تبجي

..افاا الذيبة تبجي لالا مو مقبول منج واني اكول مأمن على الجماعه يمج اثاري انتي تبجين

منار : ليش الي سمعته والصار اشويه والله جسمي كله يرجف من الخوف عليك ااخ لو اني زلمة فلا اعوفك هاشم

گمرهاشم : كفو من بت ابوي كولي بعد اخوج

منار : انت زين بغلاتي يمك جاوب

گمرهاشم : وغلاتج زين وان شاءالله اصير احسن وكلها كم يوم واجي

المهم اطمتو عليه واني هم بعد مابيه وهم مو زين عليه اسولف اهواي انتبهو على نفسكم حازم وامجد يمكن اي شي تردون يمكم واقروووو زين فاهميين لا تشوفوني بعيد عنكم وبالقران بس اشوف قصور منكم ماخلصون مني سمعتو وانت احمد سمعت

احمد :بامرك شيخي

سده وسولفنه اشويه وامي الجيبرة كالت اريد انام وجدتي هم عفناها وطلعنه كاعد بالصالة  وباوعت على منار

..اكوول يالذيبة

منار : شكوو ماالي خلكك

احمد : لا على بختج اصلا انتي مفترض يسمج غضب ااخ لو يدري عميي بسوايج جان لعب فلك

منار : اااه راح يعرف بس مو سهله وبعدين تعال شنو غضب اني الي كلي انوثه تكلي غضب وانت ملاك هاي اشبيك تتلفت مضيع شي

احمد : اييي انوثتج جااي ادور عليهاا ههه

منار : هاا لا يااا حقيرر اني اعلمك اليوم منو يخلصك مني

وكامت تركض وراه وذلك خربان ضحك

احمد :هههه ماعندي مشكله خلي تكتلني تضربني اهم شي كدرت اطلعها مو الحالة الي بيها   وما ارتاحت لا اخذت بحيفها مني ههه

گمرهاشم : بعد اسبوع بوجودي هنا الدكتور قبل يكتبلي خروج بس على مسؤوليتي خلال هللاسبوع كدرت امشي صح اتعب بسرعة بس شي عن شي  أحسن الولد ما قصرت وياي عافو دوامهم وبقو يمي على الرغم اشكد حجيت وياهم بس ماقبلو اما ذولك في ملح وذاب بس وين يرحون وراهم والزمن طويل

اتصل بيه حازم

..الوو هاا حازم

حازم :شيخ اكو شي لازم تعرفه

گمرهاشم : كوول حازم شكو

حازم : شيخ جماعة ابو طبر صار اسبوع ونص ملكو وهو هم مختفي وكدرت اعرف همه وينه اني شاك شاكر وجماعته همه وره السالفة كلها بشنو تامر شيخ

گمرهاشم : عفيه عليكم هيج اريدكم دووم خليكم مراقبيهم واي حركة منهم تبلغوني بسرعة حاازم اياكم تتصرفون من غير مااعرف ساامع بلغ الشباب ينتبهون زين لا احد يحس عليهم وخلي ينتبهون على نفسهم خووش بويه بعد مااوصيكم

حازم : تأمرر شيخ مثل متريد

گمرهاشم : ايي ياسلام عبالك من تسافر مااكدر اجبيك هه اهواي مستهين بيه بس والله والي خلق سبعه موتك على ايدي

طلعنه من النجف ووصلنه للعمارة بعد ثلاث ساعات استقبلوني الزلم وشيوخ ذلك الاستقبال والخطار ياطاب وطالع حتى تعبت وهم الناس قدرت حالتي اباوع على عمي كاظم اشوفه خجلان مني اااخ ياعمي الله بلاك بمرة وولد يفشلون ويسودون الوجه بس وغلاك ان ماربيتهم الك ولو ذيل الچلب ماينعدل حجيت وياه وطيبت خاطرة بعد الظهر يله كدرت ادخل للبيت وهم لزمني ماعافني الا علي يابو علي ومنار هم بعدها صعدت غرفتي باوعت على شكلي وجهي اصفر وايدي الايسرة اشويه صعب احركها اتذكرت شغله

..اشللون نسيت هالسالفة اكيد خربو الوشم دكيت على عبدالله

..الوو سيد

سيد عبدالله : خيير مامليت من وجهي اسبوع مگابلك وكاعد يعمي اريد اشتاقلك مااكدر

گمرهاشم : اهوو كام يتمنه علينه عمي رايد اسألك وحتى بطلت خاف تعباناك

سيد عبدالله : هههه كول عيني

گمرهاشم : هاا هسه صرت عينك

سيد عبدالله : هسه تحجي لو اشلون عمي مو فارغي بس كول وخلصني

گمرهاشم :ههههه لازم گطعت رزقك مووو حييل  المهم اكلك ماعرفت اذا الوشم الي بصدري قربو منه لو لا اخيك مااريد انصدم بعدين

سيد عبدالله : والله ماادري بس لحظة خلي اسأل واردلك جواب

سيد عبدالله : الوو السلام عليكم

منسا  :وعليكم السلام اهلا سيد اشلونكم

سيد عبدالله :احنه بخير نسأل عليكم

منسا :عسى دوم بخير

سيد عبدالله : تسلمين بس سؤال اذا ممكن

منسا : اي تفضل

سيد عبدالله  :من سويتو العملية لصاحبي تذكري مو الوشم الي بصدره خرب لو لا

منسا : صفنت بعدين  تذكرت  .. لا ماخرب بس مكان الخياط صار جوة السيف يعني راح يبقى اثر بس مووقوي بس ليش السؤال

سيد  عبدالله  : ها خوش  حجي  هه والله الشيخ يريد يعرف ويكول علمود لا انصدم من افتح الضماد

منسا  : هاا اي حقه بس تدري الامام علي  وگفله لان صاحبك جان موات لا محاله بس الحمدلله 

سيد  عبدالله  : اي والله اني خليته امانه يمه الله يكون بعونه يله اترخص  اخذي راحتج  اسف على الازعاج

منسا  : لا عادي اهلا مولاي

سديته منه واني صافنه شخص مثله شنو الي يخلي احد يكتله منين الشاب مو شراني ولا صاحب مشاكل  وهم شيخ عشيرة يعني مو حي الله  هه ولو هو منو يسلم من الناس هو الامام علي  ماسلم البشر العالي يسلم

خلال هالاسبوع  حياتي  اقل من عادي اصلا ماكو شي  اتسله بي الملل والضوجه تقرة الف خطوبة اشواق مااكدرت اروح  واصلا جنت ممقرة مااروح احاول اخلص من هالملل لو انان لو اباوع برامج علمية لو احجي ويه  فاطمه  لو نرجس على صفنتي اتصلت بيه مهرة

.. الوو هلا مهرة

مهرة : هلو اشلونج شكو ماكو

منسا : تمام ولج مصار اهواي من عفتج شبسرعة اشتاقيتي

مهرة : هاا مو اكو سالفة بحلگي مااكدر  ابقيها بي لازم احجيها

منسا :  ههههه والله عرفت اكو سالفة لان ملاحظتج صار اسبوع وانت تصفتين عليه كولي قلبي شكو

مهرة : دكتور اشرف

منسا : اشبي هذا الثاني

مهرة : لج جاي يستقتل علمودج تتصورين البنات والدكتورات الي وياه ولا هاماته خو هاي ام عطوب حمر ملاك مدري شيطان متخبله عليه وهو ولا معبرها ولاكان موجوده كل همه انتي ههه والحلو انتي ولا معبرته وهم شالعه گلبه للمسكين

منسا : ويعني شسوي مثلا اروح اتوسل بي علمود ينساني ولج كلهم هيج وبعدين اني ميهموني ذوله كلهم اني جاي أدي شغلي وبس مو اروح اتمعشك اذا هو يحب على نفسه ميهمني لو مدري شيسوي

مهرة : وياج حبيبتي بس اذا الولد قصده زواج هم ترفضين وهو مناقصه شي من كلها  حاويها

منسا : لا مو كلها مهرة هو لو صدك مثل متكولين نية زواج يجي من الباب مو يدور علاقة وكذا واني من المستحيل  اقبل بهالشي وانتي ادرى اشكد حاولو قبله وجاوبي جان اقوى فلا تكليلي زواج والحجي

مهرة : ايي تعلميني بيج هه صدك ذلك اليوم تدرين منو شفت وهم انصدمت منه بس بنفس الوكت عرفت فعلا حبج

منسا : عن منو تحجين

مهرة : ههه اي حقج لج يمان اشبيج طب اسنان الي اشكد دز عليج وانتي جنتي دوم ترديهم المهم متزوج وحسب كلامه مو اختياره لان لو اختياره مجان متغير حالته وهم الافندي مسمي بنته على اسمج تتصورين

منسا : امم تره ماكو رجال ينجبر على شي واذا على الاسم عادي قابل بس اني اسمي منسا اهواي اكو مثلي

مهرة : لا حبي انتي وحد لان ماكدر يحصل عليج ولا تكونين الا فبشنو ينسي جروحه يسمي بنته على اسم الي اخذت گلبه ههه

منسا : هههه والله انتي رهيبه عادي موومهم الله يزرع  حب زوجته بگلبه

مهرة : امين صدك هذا الشيخ من طلع من المستشفى  والبنات ضاجن وگلبن الخلقه هه خطية اشكد تمنن كلمة منه وخاصه سمر وجماعتها سحلن روحهن عليه

منسا : ههه صدك تحجين ليوين وصلنه هو هذا شغلهن هيج سوالف يموتن عليهن لو عملية  ماادري دكتور خايفه يصير خطأ استغفر الله خليني ساكته

مهرة : هه بس تدرين الصراحه هو كلش حلو يااخي لو هيج الشيوخ لو لا اوويلي جمال وادب واخلاق لا وانوب صديقه الي وياه ههه

منسا : اسكتي ولج هذا سيد وهم كرايبي وابشرج متزوج وعنده ولد هاا

مهرة : لا عفيه ليش هيج جان خليتيني احلم براحتي خررب بس تعالي الشرع حلل اربعه مابيها شي

منسا : ايبااخ ام مابيها شي لو انتي بمكان مرته تقبلين هاا لا اكيد

مهرة : هاا اي هم صح غير اموته زين ما عنده اخو منا منا ههه انتو كلكم بقلاوة تموتين الواحد وتخلون الي مابي سكر يصير عنده  خوب اخوج  اويلي ولج ليش هيج شايف نفسه

منسا : ههههه منو تقصدين كرار ولج الله لا يبليج بكرار صعبي نار ماعنده نفاهم بشي ميعجبه واذا كال خلاص يعني خلاص واصلا همه مقررين ميتزجون هسه

مهرة : اووف

سلام يصيح ويعيط ويكسر هذا وكذا

..وللكم سااقطيين مو كلتو مااات هااا انتو تلعبون عليه اليوووم محد يخلصكم مني

شاكر : شيخ والله الطلقة اجت بگلبه اشلون هيج طلع منها وهم احنه سوينه الي علينه ليش تصيح علينه هذا مجان اتفاقنا كتلك اكتله والي صاار مجان بالحسبان وبعدين انت السبب كتلك نخرب سيارته وميطلع منها سالم بس انت عاندا

سلام  :والله خوووش العار شاكر صاير يعلمني شنو لازم اسوي بس اعرف شغلي وياك واصلا انت بعد متفيدني وهم راح تكون ورقه يلزومها عليه

سحب المسدس ووجه على شاكر شاكر هم راد يسحب مسدسه بس مالگاه وجان سلام اسرع منه وخله طلقة براسه ووكعه بمكانه

..وهي يكون تخلصت من اثر ضدي هين يشيخ هاشم مو مشكلة ماتموت هسه باجر عگبه يجي يوم واگتلك بيدي وضرب طلقة على صورت هاشم اجتي بگصته

گمرهاشم  :كاعد بالديوان وعقلي الف فكره بي سوالف اهواي جاي تصير لازم الگه حل سلام مختفي راح يصير اسبوعين ودخلنا بالثالث

اجه حازم يركض

حازم : شيخ صار الي جنه خايفين منه

گمرهاشم :شنووو تحجه ولك شصار

حازم : شيخ شاكر واثنين من جماعته لگوهم مگتلونين

گمرهاشم : وكفت على طولي..اشششلون منو گلك ومن اشوكت

حازم : قبل يومين هالحجي وهسه شاكر راح يدفنو

گمرهاشم : لاااااا مو هيج لازم يصير لا يانذذذل عبالك بسالفتك هاي تخلص عوود لا انت اهواي وفرت عليه

يتبع..

#اقسمت على حبكِ عند الأمير

للكاتبة ضوء القمر

بهل وكت مرغوب ابو وجه الثكيل

ومحد بحاله ابو نيه الواضحه..

ياهو اشيله بعيني يومين ويطيح

كمت اشكن ناس جادر فاتحه

التعتذرله وهوه متجاوز عليك

يرخصك ويتقوه من تصالحه

مرهاشم  :كاعد بالديوان وعقلي الف فكره بي سوالف اهواي جاي تصير لازم الگه حل سلام مختفي راح يصير اسبوعين ودخلنا بالثالث

اجه حازم يركض

حازم : شيخ صار الي جنه خايفين منه

گمرهاشم :شنووو تحجه ولك شصار

حازم : شيخ شاكر واثنين من جماعته لگوهم مگتلونين

گمرهاشم : وكفت على طولي..اشششلون منو گلك ومن اشوكت

حازم : قبل يومين هالحجي وهسه شاكر راح يدفنو

گمرهاشم : لاااااا مو هيج لازم يصير لا يانذذذل عبالك بسالفتك هاي تخلص عوود لا انت اهواي وفرت عليه

حازم :وهسه شيخ شتأمر

گمرهاشم رجع كعد ويفر بالسبحة ومعصب وعيونه حمر وعروگه واضحات : حاليا منسوي شي خلي نشوف شراح يصير روح هسه واريدكم تفتحون عيونكم زينن حازم اي شي يصير تبلغني

حازم : تأمر شيخ

گمرهاشم :حاززم جهز الزلم وخليكم دوم مجهزين السلاح وكثر بالزلم

حازم : على أمرك

گمرهاشم : السالفة جاي تكبر وسلام كل يوم يزيد مينقص اااه حسافة ابن عمي لا والله اتبرى منه ومن كل واحد مثله

رحت  ويه حازم وانور اشوف الرزع صار اهواي مرايح وهم اشوف الحلال وصلنه الظهر

انور : شيخ منوره المزرعة اليوم بجيتك

گمرهاشم : هه تسلم

وينهم الفلاليح دخلنه للمزرعة مشاءالله كفوا من الشباب هذا الشغل العدل

حازم : اكيد شيخ كلشي مثل ماطلب الشيخ وطلبك وشباب ممقصرين

گمرهاشم : اي الله يرحمه

اجوي فلاليح وثنيت على شغلهم من ادخل المزرعه احس براحه نفسية الهوى النقي وريحت الزرع والمنظر الي ينسيك همك بقينه للعصر ووصيت الشباب يشددون الحراسه كلشي يصير مفهوم

..تامر شيخنه على امرك

..طلعنه من المزرعة وطول الطريق افكر على شنو ناوي هاي المرة

حازم :شيخ

گمر هاشم :كول بويه اكو شي

حازم :هو مو اكو شي بس اتوقع لازم تعرف

گمرهاشم : رفعت حاجبي كول شكو

حازم :شيخ قبل يومين لاحظت شي غريب ولو مرة هيج اسمع

گمرهاشم : حازم تحجه عاد شسالفة

حازم :معمل الحنطه هم يبقى بي عمال غير الحراس

گمرهاشم : شنوو معمل الحنطه لا محد يبقى بي بس الحراس ليش ششايف

حازم : عجيب لعد اشلون يگولون احنه الشيخ مخلينه بي والي اعرفه انت كل زلمه تخلي تخبرنه عنه

گمرهاشم : حاازم بويه ماتحجي عدل ويا جماعة ذوله اني حاطهم اني مجايب عمال من زمان

حازم : امم هنا الحجي شيخ اكو واحد يخون بيك واعتقد قرب منك لان يحجون بزودهم وهم تصرفاتهم غريبة وهم مشبوهه

گمرهاشم : نار وكبت بيه منو هذا الثاني الي يغدر بيه مو كافي عليه الي من دمنه..حاازم اتصرف من يمك راقبهم واي حركة يسووها تبلغني بيمن يلتقون ويامن يكعدون ومنو همه

حازم : تامر شيخي

گمرهاشم : المن اصد وجهي واشد ظهري بي اشو كلهم يطعنون بيه ان صرت خوش زلمه الكل تغدر بيك وان صرت مو خوش هم نفس الشي اااخ ابوي اشلون جان ساكت عليهم ماادري ولو العتب على الي ربوهم  رجعت للبيت تعبان حدي بس اريد انام  سلمت على الشيخه  والحجية وصعدت لغرفتي نمت من التعب وهم صوابي بعده الي مثلي هسه مرتاح مكضيها طلعات من يومي متحمل مسؤولية حتى شغلي الي تعبت ودرست عفته ماعندي مجال اله الديوان  اخذ كل وقتي من غير الطلايب كل يوم وتعال حلها عفيه ناس ماوراكم بس طلايب غفيت بلكي اخلص من التفكير

احمد :  اكول منور

منار :انت ليش متكعد راحه هاا ليش دوم تخليني اهينك

احمد :خرب مو لسان رشاش هو اني شحجيت

منار : تعرف كل الزين اتخبل من واحد يكلي منور اسممممي مناااار مو منورر مااحب هالاسم

احمد : صاار عمي يا كلمه ردي لمكانج

منار : اي هيج احسن غرد اشعندك

احمد : عمي معقولة لحد هسه ماعرف بالي صار ذلك اليوم

منار  : يايوم وشصار ولك

احمد : هاا علينه يالذيبة نسيتي عركتج الي سويتيها ولو حقج من كثر ما تتعاركين تنسين اكيد

منار  :اي صدك على ذكر العركة ذكرتني وهي تهجم عليه وتخنگه.

..ولككك انت اشلون تكلي اسكتي اهاا اشلون تسكتني بدل ماتوكف وياي تصير عليه هيج ولك انت تصيح بوجهي اليوم الا اكسر راسك

احمد  :عااا عمييي عوفيني اختنگت ساعة السودة الي حجيت بيها ااااخ ولج كااافي لا لا عادي تردين تموتيني اااه ولج راح اموتج

منار : وموتتهم ولك لعد تعيط عليه هااا بدل ماتعاوني وتكتلها وياي تساعدها

احمد : اااخ لعد ترديني اضرب مرة بكد حبوبتي هاا انتو نسوان اني شكو وخرري عني ااخ يمه اريد هو

منار : علمود تتعلم ما تدخل بعرايك  نسواوين فااهم

احمد : ههه بس والله خوش سويتي طلعتي كدها عمي خليتها جوة رجلج لو عايفج بعد يمكن جان وديناها لقسم الكسور

منار : اااخ لو ما موخرني منها جان شفت غليلي بس انت دخلت ولك هاي مو اول مرة هههه مرة لزمتها حتى عض عضيتها ولك هااي اووف حيل مسمومة فلك طرها ولا عبالك مرة رجلها بگبر ههههه بس شنو هالكل هالعرگات وهاشم ميعرف وحبوبتك بعدها ماخلي كلمة متكولها عليه بحيث حتى هي اتعارك وياها يعني بشرفك واحد يسمعني كلام يسم البدن ماارد عليه وهو مسوي روحه شريف وهو انگس خلق الله ولك خليني ساكته يمعود خلي نقرة احسن راسي يوجعني

احمد  :خرررب كل هذا وعمي ميدري انتي كارثه بس اعواي تجاوزي عليها مهما كان تبقى مرة جبيرة  والاحترام واجب شنو موقف عمي لو راحت خبرته بكلشي

منار  :هههه متكله لان تدري كل هي غلطانه وشغله ثانيه اصلا هي تتخبل من هاشم خليك يمعود ادرس

گمرهاشم : كعدت وره ساعة سبحت ولبست دشداشه نيلي وشماغ بيجي بالحافه نيلي ورشيت عطري ولبست محابسي وساعتي وطلعت من غرفتي واسمع عرايگ ذوله الي متخلص خرب هاي اشوكت تكبر وهذا اشوكت يبطل يعارك بيها حشى ولا عبالك عمه وابن اخو لا عبالك شرايچ دخلت عليهم وهمه چفلو

..وللكم انتو تقرون لو تتعاركون هاا

منار  :ااخ كلبي هو هيج هه والله جاي نقره بس جاي تتاقش بسؤال وكبت العركة اطمن احنه هسه بهدنه ماكو حرب لحتى اشعار اخر

احمد : اي عمي حاليا احنه حبايب

گمرهاشم : لا بشرفكم تحجون صدك  حايب اذا حبايب وهيج لو عدوان شتسووون هااا ولكم يا استغفرالله  صوت عالي ماااريد سااامعين ولكم اشلون راح تنجحون ماادري ولكم خايف لا من هشه ابدي ادور على كليات تلفكم

منار : افااا شيخ احنه ندور كلية تلفينه اصلا همه راح يجوون بنفسهم يتوسلون بينه

گمرهاشم : اي مو حضرتكم ماخذين نوبل وعلي داحي الباب ان سمعت مرة ثانيه صوتكم متعرفون شنو اسوي وهاا لا عبالكم ساكت على سوالفكم وادري اكو شي لا أشياء مسويها بس خلصو واني اعلمكم

عفتهم ونزلت فد يوم اريد اشوفهم متصافين ابد ماكو وحتى لو تصافو بخبال هه بس سوالفهم وعركاتهم تضحك منار من يجي احمد تنسه عمرها لان هنا وحدها فمنو يتعارك وياها اني لو امي لو جدتي

مسيت على الشيخه والحجية وشربت جاي وطلعت للديوان  كاعد واكو جماعة اجوي صايرة عركة بينهم على المي

..بويه الله بالخير

..الله بالخير والعافية شيخ

گمرهاشم : بويه ساجه المي مو هي الحاجز بينكم

..اي شيخ هي الحاجز بس بوكت يكون الي الدور يسد المي عني والزرع كله يموت اني بحالتي هاي غلطان واحنه متفقين بيوم عليه مااقعط عنهم بس هو يقطع

..شيخ اتي ماقاطع بس المي اصلا يوصلني ضعيف بهالحالة ختى نص البستان ميوصل

گمرهاشم : زين عدكم ماطور للمي

..اي شيخ بس اصلا هو قديم وهم اصغير ومرات يعطل واهواي نصلح بي ونفس شي يعطل

گمرهاشم : وليش ماتشترون واحد جديد

..شيخ اذا اجيبه راح يصير الي وبس وهو هم

گمرهاشم : لا اله الاالله بويه اشتركو بي اثنيكم وبهاي الحالة كل يوم على واحد استغفرالله عمي ماطور المي عليه وهم راح اسويلكم جدول وامشو عليه تره اذا بيقتو على عرگاتكم هاي تكبر ولا سامح الله تصير دم بينكم وانتو جيران يعني اخوي بطلو سالفة هذا يومي بالري ليش احنه واحدني يهتم لنفسه وبس ويعوف اخو الرسول اللهم صلي على محمد وآل محمد  وصه بالجار بامر الله حتى توقع النبي راح يورثه  وانتو جيران واخوة لا تخلون مثل هيج سوالف صغيرة تخلق بينكم مشاكل بويه موكلشي بالعرگ والصوت العالي اكو شي اسمه تفاهم وعقل اكعدو اثنينكم وحلوهن وحدة اثنين ثلاثه ليش تكبر السالفة على خالي بلاش ويمكن من وره هالسوالف ولدكم تصير عداوة بينهم ويصير الي تتندمون عليه توكلو بالله وخلي گلوبكم دوم متصافيه المثل يكول اني وصاحبي على عدوي مو اني وعدوي على صاحبي والشيطان شاطر اياكم يستغلكم ان شاءالله فهمتو كلام وهسه امر الشباب يجبون الماطور ويشدو الكم

..تسلم شيخ على راسنه والف رحمه ونور على گبر الغالي ونعم منك شيخ وجزاك الله الف خير

گمرهاشم : والوالديك اني ماسويت شي بس شرحتلكم مشاكل ممكن تصير انتو في غنى عنها

ترخصو الجماعه وراحو والله اتفاجئ يعني جاري سنين وياه اتعارك وياها علمود مي استغفر الله  هو هذا احنه العراقين دوم عرگاتنه على سوالف مالها معنى

وره اشويه اجه السيد

... ياهلا ومرحبا بسيدنه وينك غايب عنه مولاي

السيد صادق : بالمهلي وليدي والله اشويه انشغلت واني اسمع اخبارك من سيد عبدالله بشرني جرحك اشلونه

گمرهاشم : ادري بيك مولاي والله ان شاءالله احسن وكلها كم اسبوع اروح افحص

سيد صادق : خير ان شاءالله عرفتو الي غدرك

گمرهاشم : اخذت نفس ونزلت راسي باسئ ورفعته..معروف سيد بس ننتظر الوكت المناسب وكلشي بوكته حلوة

سيد صادق : ايي الله على الظالم بس شيخ حكم عقلك ولا تخلي الشيطان يوزك مهما صار

گمرهاشم :بلا متوصي مولاي الله كريم

سيد صادق : كفو منك صح اريد اسألك وليدي

گمرهاشم : تفضل مولاي اسأل

سيد صادق : قريت وصيه الوالد

گمرهاشم : الوصيه لا والله لحد مافاتحها اصلا من وره هالمشاكل ناسيها بس الوصي بيها شي خطير

سيد صادق : ايي اقارها شيخ اكو امور لازم تعرفها واي شي طالب تفسير اله اني موجود وخلي ببالك ابوك مستحيل يخطي خطوة بدون ميعرف نتيجتها

گمرهاشم كلام السيد قلقني وهم حاس وراه مصيبة : على خير ان شاءالله اليوم ان شاءالله افتح الوصيه بس اكيد راح انصدم مستحيل الدنيا تريحتي بسهولة

وصدك بليل بعد العشه طلبت من الشيخه الوصية بس شفتها مثل الي يدري بسالفة وخايف من رد فعل المقابل الله يستر اشويه وجابت الوصيه جنت كاعد يمها

الشيخه : وليدي خلي ببالك ابوك سوه هيج علمودك اشكد جانت امنيته يفرح بيك بس ااخ الدنيا الي مارحم احد حكم عگلك وليدي

گمرهاشم : استغربت حجيها شسالفه اخذتها ورحت للمكتب اول مافتحتها جان اكو ورقتين الوصيه الاولى يوصيني باخوني وباهلي وناسي ضحكت واني بويه وصيت منو عليه ايي الحمدلله فتحت الوصية الثاني وهنا اقرة واني عيوني صارن بگصتي واحس دمي كام يفور شنو امانه وليش اني ماادري بيها وهنا الصدمة الي عمري ماتوقعتها انو الامانه تكون مرة لا وهم اجباري استعجل

..شنوو ابوي شنسوي لالا مو هيج اششلون ابوي يخطي هيج خطوة طلعت اركض واصيح

..شيييخه وينج

الشيخه : هااا يمه اسم الله شسالفة خير وليدي شكو تصيح

گمرهاشم :  انتييي تعرررفين شموجود بالوصيية مووو احجيي

باوعت عليها واني گلبي فاير وكوة لازم اعصابي خايف افقدها واگلبها عليهم هسه

الشيخه : اي يمه ادري بالوصية بس هدئي حالك واني افهمنك كلشي

گمرهاشم : شتفهمتني حجيه هااا السالفة موواشويه ابد تعررفين شنوو يعني موگفيلي مرررة هااا بس اريد اافهم ليش دوم تخلوووني مواقف واحد اكبر من الثانييي هااا ارررحمو بحالي والله تعبااان يااناس ليش تتصرفون مت ورراي هاا

كعدت واني جسمي كله يرجف من العصبية عقلي وكف من التفكير السالفة مو هينه ابد صعبة اااخ دخيلك ياعلي الصبر ياراعي الصبر

الشيخه : شيخ على كيفك وحگ هوعلي بن أبي طالب  لوما اعرف ابوك حاسبها عدل فلا اطاوعه بس اني وابوك حسبنه لكلشي هسه شكو هيج انگلبت ثور موگفلك مرة بيها شي راح تموت هاا اااخ منك ان ماتجيني ماندم فلا اكون الشيخه ولك خليني ساكته

گمرهاشم : ايي انتي شهمج يابه الف مرة كلت وحجيت وصيحت وعيطت ماااريد اتزووج هي غصبب وبعدين اني مو صغير وتجبوررني اششلون هيج تسوون البنيه شنو ذنبها تعيش ويه وااحد ماعنده وكت لنفسه بويه هي السالفة بس بدلة وعرس هاا انتو ليش مافكرون بكلشي بالقران ان صار شي وعلگت المشاكل كلكم فلا اسامحكم وعفت البيت وطلعت ركبت سيارتي وشحطتها يمكن اذا ابقى افلش البيت على رؤوسهم دووم المشاكل اني يحطوني انوب يكلي امانه اااخ يالقهر

منسا:بعد كلامي ويه مهرة فكرت ويه نفسي ليش بابا كلما يجي احد يخطب يرفض من يمه وخاصه قبل فترة كان سيد على الرغم اني الوحيدة المستفادة من هاي السالفة راسي بارد بس مدري ليش حاسة اكو شي ظامي عليه بس اشلون اعرفه ماما متحجي ومبين اخواني ميدرون يله خليني راسي مرتاح دك جهازي

..الوووو ياهلا والله هلا بالغايبة

نرجس : ههه هلا بالمهلي اني غايبة لو انتي اشلونج گلبي مشتاقتلج موت

منسا : ههه الحمدلله حبي اي والله اني اهواي مشاقتلج بس شسوي مثل متشوفين الاهل مسافرين واحتمال منا لشهر يله يوگفون الخطار زين اني دوامي مااكدر اخذ اجازة طويله بس والله مشتاقه اهووواي وخاصه للبستان والخضرة لج احس روحي بالجنه هناك يمكم اوويلي خاصه من يسگون الزرع وريحتهم فد شي

نرجس : حييل شيوديج للبساتين يمعودة هو احنه منروح بس بالاجازات وهسه صار فترة يمكن شهرين مرايحين

منسا :هاا اشعجب مراحين الي اعرف السيد اهواي يحب الزرع

نرجس : اي بس صار شهر ملتهين بالشيخ ودوم ويا خطية هذا الشيخ جان راح بيها بس الله نجا

منسا : اي شيخ

نرجس : اشبيج صديق عبدالله هسه عوفينه عندي خبر الج الا بشدة وهم راح تنجبرين تجيني

منسا : خيير لحظه لا يكون انخطبتي وراح اخلص منج

نرجس : هاا هيج اني حمل ونايمه على گلبج

منسا :ههه كلش المهم غردي شكو

نرجس : السيد اجه واتفقنه على اول يوم العيد العقد والمهر

منسا : لا صدددك الف مبروك يروحي ايي هذا الحجي الحلو لج ممصدكة اشكد فرحانه بس تعالي منو هالسيد

نرجس : الله يبارك بيج يعمري يعني منو غيره سيد ضياء غير

منسا : جذذذب سوواها وزين عمو اشلون قبل وخاصه هو من غير محافظة اشلوون

نرجس : هو بابا جان اعتراضه على هالسالفة بس بعدين فكر بيها واهم شي انو ضياء وفه بوعده واجه صح اتاخر لان ابن عمه مات وقبل شهر طلع سنويته بس شنو ههه دزه كومة على السيد صادق والسيد اكيد اذا مايصفنلها ماينطي موافقه بس الحمدلله سيد عبدالله قنعه وهم ضياء الكل تشهد باخلاقه واهلها وكافي هو شاريني

منسا :هه والله عمي كفو من السيد بس ليش بالعيد

نرجس : احسن وهم يله وهسه مابقى اهواي على شهر رمضان اسبوع واحد وهم ما الحگ وانتو هم على مايجون الاهل وهو هم ينتظر جماعة يرجعون من السفر

منسا : اي صح

اتتظروني العصر او بليل ببارت جديد واسفه بس لعيونكم كتبته هسه

يتبع...

#اقسمت على حبكِ عند الأمير

للكاتبة ضوء القمر

🍃

ادفني بخاطرك وحييني من تشتاگ!

واقنع لو تصدلي بنظرة استصغار

غير العاشگك يحلم ابيته تعيش؟

اخذ وياك واحد يحلم بتذكار

يالمغير اطباعي امن الرزن للريش!

الگبل چنه جبل هسه اعله جيتك طار

لانت الموحلو وماخابص النظرات

ولا اني الغشيم الماعرفت اختار

من امشي ويه غيرك مو تگول يخون!

اماشي رايد اعرف مابديت تغار

نرجس : احسن وهم يله وهسه مابقى اهواي على شهر رمضان اسبوع واحد وهم ما الحگ وانتو هم على مايجون الاهل وهو هم ينتظر جماعة يرجعون من السفر

منسا : اي صح

نرجس :صدك منسا شخبار الدوام شكو ماكو

منسا :ماكو شي عادي

نرجس :لا عبالي اكو منا منا

منسا :هههه اكو بس تعرفيني كل الزين ميهموني هسه عوفينه تكوليلي شمجهزة للمهر

نرجس :يوو تدرين مااعرف وهم محتارة انتي شرايج مرة اكول نعقد بالأمام ومرة اكول لا بالبيت و محتارة

منسا :امم حلوة بس خليها بالبيت أحسن وهم التجهيزات اريح

نرجس :خوش لعد بس هاا انتي تجين تسويهن عفيه منسا هاي اول مرة اطلب منج انتي ماكو اشكر منج بذني اريد شي نازك وبسيط

منسا :اني والله ماادري عيوني الج بس خلي اشوف السيد والعلوية الأمر يمهم

نرجس :امم بس عفيه حاولي اريدج يمي وانتي وعدتيني تكونين وياي بهيج مناسبة وصدك اصلا اازم تجون من وكت لان المهر أول يوم

منسا :مو انتو مدري اشلونكم ولج الناس أول يوم يجيها خطار تطلع انتو أول يوم ماادري اشلون ضبطتوها

نرجس :هاي بعد لان كرايبه يسافرون وهو عنده شغل

منسا : امم ان شاءالله يوافقون

بقينه نسولف وبعدها سديته منها واجوي بيت سيد مصطفى

..يااهلا والله

فاطمه : بالمهلي كلنه اليوم مااجت احنه نروحلها

منسا :هلا بالغوالي اي والله تعبانه من الدوام وهم مامليتو مني

فاطمه : يااا نمل منج هو احنه اشوكت شايفيج هههه فدوة لهالخدود يمه اللون الرصاصي يخبل عليج ولج وينها عمتي عنج تبخرلج

منسا : ههه فديته للي يخاف عليه ابو امير وين

فاطمه : راح يم الولد كال اشويه واجي

منسا : هلا بالغوالي

جنت بيومها صايرة شاطرة ومسويه سنبوسه وهم قبلها صاج وحلويات اموت عليهن دوم اسويهن هه كلما اسويهن كرار يكلي ادري انتي اشوكت تسمنين وانتي ليل نهار تسوين حلويات بس اني اشكد مااكل حلويات ميبن بجسمي مرتاحه  من هاي السالفة اجوي وره الاذان وجهزنه السفرة بيومها لمتنه جان ناقصها السيد و العلويه وبيت مصطفى  باتو يمنه

گمرهاشم : صفيت يم الشط واني حاير بهاي السالفة يعني منين مااجيبها تطلعلي سالفة بس اريد اعرف ليش هيج تصرف وشنو غايته منها ااااوف منو هالبنيه وين منو وليش هي بالذات لازم اكو سالفة وره هالوصية نزلت من السيارة. استغفر الله

..حازم شكو لاحكيني هاا ماطلبت احد يجي وياي

حازم : شيخ منكدر نعوفك وحدك وانت حياتج بخطر

گمرهاشم : غمضت عيوني بنفاذ صبر..رووح حازم مااريد احد يمي وماكو شي عليه اذا الموت اجه اقدمله صدري مو ابن الشيخ اسماعيل يخاف من الموت لو زلم تحرسه والي يريد يكتلني ميخاف من احد رووح ارريد ابقى وحدي

حازم : بس شيخ مااكدر اعوفك خلينه يمك كلشي يصير

گمرهاشم : اشلون يريدني اذب عصبيتي بي لك بويه رووحو وسلاحي وياي لخاطر الكعبة روحوو

حازم  توه يريد يحجي ووكفه

سيد عبدالله :  حاازم روحو بويه اني يمه

حازم : امري لله تامر سيد

سيد عبدالله : هاا خيرك اشبيك معصب

گمرهاشم : ااااه شكول ليش هي السالفة تنحجي

سيد عبدالله : هاا ياساتر خير يخوي كول قلقتني

گمرهاشم : اليوم فتحت الوصية وياريت مافتحتها

سيد عبدالله :ليش اشبيها الوصية حتى هيج معصب وحالتك حالة اكو شي مو زين

گمرهاشم اخذت نفس :خلي احجيلك السالفة يخوي اليوم السيد طلب مني افتح الوصيه واني ماكلت لا واصلا كان من زمان افتحها المهم اخذتها من الشيخه وكعدت اقره بيها جانن اثنين الاولى يوصيني على اخواني وامور العشيرة لهنا خوش حجي من فتحت الثانية انصدمت واني اقره نص المكتوب

.. ابني گمرهاشم  اني اهواي حملت عليك وذبيت كل الحمل عليك من يوم مااجيت للدنيا واني طاير بيك وفرحتي بيك تعادل فرحتي باخوانك عمري ما فضلت احد على احد بس انت من يومك وياي كبرت وتعملت على ايدي وكلشي يخص الديوان تعلمته يمكن غلطت من ماخليتك تشوف حياتك بس انت كدرت تجمع بين الديوان ودوامك وحياتك وهم خليت مسؤولية جبيرة برگبتك كل هذا لان الوحيد الي اثق بي واكيد راح تسأل ويحز بخاطرك لان وصيتك بالكل وماوصيت احد بيك بس الي اني واثق منه ومتاكد اموت واني مرتاح لان الي وصيته  عليك هو الوحيد  الي راح تشوف الراحه والسعادة وياها عي انسانه اول ماوكعت عيني عليها كلت متصير وتلوگ مهرة لغيرك وهي هسه امانه يم اهلها من يجي الوكت المناسب تصير ببيتك وراح تحافظ على بيتك وشرفك وجهالكم ادري راح تصعب وتصيح وتكلب البيت عليهم بس ادري بعدين راح تسجد شكر على الي سويته گمرهاشم هاي اول مرة راح اجبرك على شي واتمنى تنفذ الي اطلبه السيد صادق والشيخه بس يعرفون بالسالفة السيد راح يحجيلك كلشي ابني اياك بيوم تغلط تره غلط الشاطر بالف الامانه الي موكفها الكل متصير لغيرك لو بعد سنين من اختاريتها مو حي الله لا بت اصول ونسبهم من احسن النسب الكل راح تحسدك عليها اوصيك خليها بين عيونك وحبها من اعماق گلبك ولو اني متاكد حبك الها راح ينضرب بي المثل

گمرهاشم انتبه من غدر الي حواليك تره يغدر بيك ختى الي ماكل وياك بنفس الحصن

..وهاي السالفة كلها هسه كلي شسوي بهالحالة

سيد عبدالله : والله بصراحه انصدمت بس الشيخ مضبط كلشي بس كلي ليش معصب لان وگفولك مرة لو اكو شي

گمرهاشم : عبدالله بشرفك شايف السالفة ضابطه يعني بيوم واحد اعرف موگفيلي مرة واني لا اعرفها واكيد هي هم زين هسه خليك من سالفة مااعرفها بس تعال وياي اول شي منو يكول البنيه قابلة يمكن عاجبها احد يمكن حاطه ببالها انسان بمواصفات اهواي اشياء وهم اني منو يكول راح اكدر اتقبلها بيوم وليلة شنو الي يخلي بنيه تقبل بهيج زواج احنه مو بزمن كبل علمود هالشي عادي وبعدين اشلون رتح اتقبل وحدة اول مرة اعرفها هسه خليك من اصلها لان ابوي اكيد يعرف شنو الي يناسبنه بس اني مجاي اكدر اقبل بهالشي يعني

اووف ماادري سيد رأسي راح يطك من الفكير 

سيد عبدالله :حقك بس هاشم انطي فرصه لنفسك هسه انت مفترض متزوج وعندك أطفال هاي اني مو كدامك وعندي اثنين هاشم اشوكت راح تبني أسرة وتحب وتسمع كلمة بابا وادري بيك كل الزين لوما ابوك موصي فلا تزوج صاحبي واعرفك فكر بنفسك كضيت كل ذيج السنوات وانت تفكر بغيرك هسه اجه وكت تفكر بنفسك كافي الي راح وعيش حياتك وعندي احساس انو الي موگفيها الك مو اي بنيه لا زينة البنات

گمرهاشم : ماادري عبدالله مااريد استعجل لازم احسب لكلشي وهم اذا البنيه جانت مجبورة مستحيل اقبل اتزوجها لو اعرف اسوي اي شي بس مال اخذها غصب مستحيل

سيد عبدالله : هسه انت كبل كلت مجبورة كول ياالله وخلي نشوف السيد وبعدها الف حلال يحلها هسه كوم شوف بيش الساعه راح تصير بالثنتين

گمرهاشم : مالي خلك لاشي اريد اسافر ارتاح بس مربط

سيد عبدالله : عود الله كريم كوم يخوي وهونها وتهون

گمرهاشم : ركبت سيارتي وعبدالله هم راح طول الدرب افكر السيد شراح يحجي مادخلت للبيت هو نوم جايني بقيت بالديوان اشكد حاولت اغمض عين ماكو لحد الغجر دخلت البيت سمعت الشيخه تصلي صليت وخليت راسي على المخدة بلكي تغفه عيني

منار : صباااحكم اني

الشيخه : لعد مبين هالصباح ماطول انتي

منار : لا لا على بختج يشيخه يعني اني وجهي مو وجه خير

احمد : رحم الله آمرٱ عرف قدره نفسه

منار : احميييد اشلون تريدني اگوملك تره هسه بالقوري على راسك

احمد : واني شكو انتي الي كلتي منو خير ورديت عليج

منار : لا انت مبين تريد تتعارك واني صارلي اهواي ممتعاركة بس خلي اعبي الغالية وافرغلك

ام جاسم : كاافي من صباحيات الله خير الناس تكول صباح الخير ياالله انتو تتعاركون ولكم مرة وحدة اريد من تكعدون ماتتعاركون ماكو هسه بس اريد اعرف انتي ام اللسان جنت اتعارك وجبتج واني ماادري بروحي وانت ثاني عود الزلمه امك وابوك فقرة اشبيك تتعارك دوم

احمد : هاا هاي اني اتعارك عمي كفيلج الله بس ويه بنتج اتعارك هههه واذا طلعت اتعارك على عمتي ونعم منها

منار : لا ياطايح الحظ اني هيج اصبرلي

الشيخه : اشلون عاد مكافي مناگر من الصيح انثبرو اشويه كافي مداهر فلك طركم

منار : سكتنه شيخه

اكول احمدو

احمد : شكوو

منار :ووجع البارحة سمعت عياط عمك هاشم وجدتي

احمد :هاا يعني ماحلمان اني

منار : ولك حلميش

احمد :ههه مو البارحه جنت اقره وجان اغفه على الكتاب المقدس ههه

منار : كتاب مقدس شنو هالكتاب ولك

احمد : ههه عيني الكتاب المقدس هو الفيزياء هسه خلينه هو شصاير

منار : گرت عين امك بيك ماادري بس جان فول عصبية ماكدرت افهم عن شنو يحجون بس اعرفها اعرفها

ام جاسم : كاافي سوالف ويله كملو وصعدو اقرو سمعتو اقرررو مو تتعاركون بس اريد اعرف اشلون راح تنجحون ماادري

منار : بكل فخر واعتزاز راح ننجح وهسه تشوفون

گمرهاشم : كعدت على صوت التلفون جان عبدالله رفضته وطبيت سبحت وكملت ولبست دشداشه زيتوني وشماغ اسود وبالحافة زيتوني ونزلت صبحت عليهم وطلعت طبيت للديوان جان السيد موجود

..السلام عليكم

سيد عبدالله وصادق:وعليكم السلام ورحمة الله وبركاته

گمرهاشم : صبحك الله بالخير سيدنه

سيد صادق : صبحك الله بالنور اشلونك سمعت البارحة گالبها عليهم خير

گمرهاشم : والله ماادري شكلك سيد بس الجواب كله يمك خبرني بسالفة الوصيه والامانه  لان لحد هسه واني بس افكر

سيد صادق :حقك ابني بس الوالد الله يرحمه احسن في اختياره لان لوما خاطي هالخطوة جان بقيت العمر نفس ماانت الامانه يشيخ هي بت السيد هادي الياسري تعرفه اكيد ابو مصطفى البنيه ويه الوالد كان الها موقف كلش راقي

كمر هاشم :شنو هالموقف الي يخلي ابوي يوكف بنيه الي

سيد صادق :الموقف قبل ثلاث سنوات جنه اني والوالد الله يرحمه بالنجف وصار الوالد ضغطه هبط ووصل لحالة فقد بيها اني بوكتها ماجنت اعرف بي الربو مشكل عدنه من فترة فبوكتها هي جانت موجودة بحضرة الامام ونفس المكان الي جنه كاعدين اني بالبداية ما عرفتها لان جانت لابسه بوشيه بس من سألت على حالة بوكتها من كد ماجنت مصدوم ماادري شجاوبتها بس هي عرفت حالته وبسرعة ساعدته وهم بسرعة اتصلت بالكادر وهم انطو علاج والوالد من كعد تشكر منها وانتبهت وين شايفها عرفتها هي كرايب العلوية واجه السيد هادي وتعرف على الوالد ومن شاف العلوية الصغير اهواي تمنى تكون كنه اله وصار علاقته بالسيد قوية ووره فترة صار شي خله الشيخ ابوك يخطي هالخطوة

يتبع ...

#اقسمت على حبكِ عند الأمير

للكاتبة ضوء القمر

احسك لغز شنهو انت وشنو اوصافك؟

ولاغيرك نبع بالشوگ يرويني

توصيني على ياهمه توصيني ؟ وحياتي انت ونبض يسري بشرايني

ولوانك مودمع ماضمتك عيني !لوانك موكحل ماشالتك عيني!

يلوموني واحسك تكبر بروحي ويلوموني

وانا بلاشوفتك شينفعن عيوني؟

يشوفي ورجوتي ودنياتي ولوني

وعذابي وبسمتي وشكواي وضنوني

يواهس تضحك الدنيه على شفافك يبو ليل الحلو اليلعب على اچتافك احس روحي تأمن بيك وتخافك واحسك لغز شنهو انت وشنو اوصافك؟

السلام عليكم مبارك عليكم الشهر وجعلكم من عواده وان شاء الله تقبل الصيام والأعمال امسيه سعيدة عليكم آسفة لان جاي اتأخر عليكم بس تعرفون اجه شهر الخير واله مكانه خاصه واعمال فالقصة اما اوقفها او اذا حبيتو بين يوم ويوم علمود لا تنسون القصة والأحداث ان شاء الله تعجبكم الأحداث واريد اشوف تفاعلكم وعليقاتكم اذا وافقتو على يوم ويوم راح انشرلكم حتى أن شاء الله ماتفقدون روح الاستمتاع بالقصة

آسفة طولت عليكم

آحـ❤ـبـ❤ـكـ❤ـ  😍

گمرهاشم : والله ماادري شكلك سيد بس الجواب كله يمك خبرني بسالفة الوصيه والامانه  لان لحد هسه واني بس افكر

سيد صادق :حقك ابني بس الوالد الله يرحمه احسن في اختياره لان لوما خاطي هالخطوة جان بقيت العمر نفس ماانت الامانه يشيخ هي بت السيد هادي الياسري تعرفه اكيد ابو مصطفى البنيه ويه الوالد كان الها موقف كلش راقي سيد صادق :الموقف قبل ثلاث سنوات جنه اني والوالد الله يرحمه بالنجف وصار الوالد ضغطه هبط ووصل لحالة فقد بيها اني بوكتها ماجنت اعرف بي الربو مشكل عدنه من فترة فبوكتها هي جانت موجودة بحضرة الامام ونفس المكان الي جنه كاعدين اني بالبداية ما عرفتها لان جانت لابسه بوشيه بس من سألت على حالة بوكتها من كد ماجنت مصدوم ماادري شجاوبتها بس هي عرفت حالته وبسرعة ساعدته وهم بسرعة اتصلت بالكادر وهم انطو علاج والوالد من كعد تشكر منها وانتبهت وين شايفها عرفتها هي كرايب العلوية واجه السيد هادي وتعرف على الوالد ومن شاف العلوية الصغير اهواي تمنى تكون كنه اله وصار علاقته بالسيد قوية ووره فترة صار شي خله الشيخ ابوك يخطي هالخطوة

گمرهاشم :اني وعبدالله ظلينه واحد يباوع عالثاني..وشنو هذا الشي الي صار

سيد صادق : بعدما تعرف الوالد على كرايب العلوية الي يكون زوج بنت خالتها للعلوية سيد هادي صار بينهن كلام وعلاقة قوية بعد شهرين هذا الحجي صار فبيوم جنه اني والوالد كاعدين وسألني

الشيخ أبو جاسم  :سيد سؤال رحمة لجدك

سيد صادق :تفضل شيخ كول

الشيخ أبو جاسم  :اذا اطلب كريمه السيد هادي راح يقبل

سيد صادق  :شيخ نسبكم الكل تحمد بي ونتشرف انسابكم وسيد هادي يريد الي يقدر المرة والجوهرة الي راح يأخذها والعلوية هي اغلى شي عنده اكيد لهاشم

الشيخ أبو جاسم  :اكيد العلوية مهرة أصيلة وهاشم جيال اصيل وزلمه من ظهر زلمه من شفتها كلت هاي تستحق تكون شيخه لابني واني اتشرف انساب هيج نسب كافي همه أشرف نسب

سيد صادق  :على بركة الله نروح وان شاء الله خير

اتفقنه على يوم نروح وفعلا رحنه بعد مدة وحجينه ويه السيد والسيد رحب بينه وكال أنطوني مهله اخبر الجماعة واشوف رأيهم وهذا حقهم فاحنه رحنه زيارة ومن رجعنه جان اكو طلابه صايرة وطلبو من السيد يجي رحنه وياه وهناك الطلابة مكانت سهلة وخاصه طلبو فصلية مو هينة هالسالفة وصار صياح ومحد رضه وذولك الجماعة جانو قافلين الا فصلية زين هالحالة لازم احد يدخل يحل السالفة  و السيد والوالد كدرو يحلون السالفة بالحكمة والحجي المعدل والكل قبل بحجيهم بس هنا صار الي محد حاسبله حساب واحد من جماعة الشيخ انطه بنته للوالد هنا الوالد ذب القنبلة

گمرهاشم : قنبلة لا تكول سيد

سيد صادق : بلي الشيخ انطاها بالوجه

وكال

الشيخ ابو جاسم : اشكرك بويه بس حليلة الشيخ گمرهاشم ماتجي وحدة عليها على راسي الكل بس ماكو شيخه غيرها

..بعدها انته النقاش والكل بده يطلع واحنه هم هنا السيد كان صافن او حاير لان الموقف الي صار مو اشويه وهم يرادلها صفنه وكعدة وخاصه انو احنه مصار اهواي من حجينه بالسالفة

الشيخ أبو جاسم  :السموحه منك سيد بس اني طلبتها وكلي ثقة بيكم ماتردوني ومن حجيت هيج عشان الكل يعرف انو كني منجي أحسن منها

سيد هادي  : شيخنه ونعم منكم وثلاث انعام واني ماالكه أحسن من ابنك وان شاء الله يكون كد الامانه واني العلوية عندي بكنوز الدنيه ماانطيه إلا للي صدك يصونها ويحافظ عليها بس هسه بعدها طالبة وهم اكيد ابنك ماعنده علم بالسالفة ولا العلوية

الشيخ أبو جاسم :أشكرك سيد الي الشرف وان شاء الله ووعد زلم الامانه تبقى دوم محفوظه اكيد تكمل دراستها واحنه ننتظر اليوم الي تشرف بي بيتنه وتحمل اسمنه ونسلنه يشرف بيكم مولانه اني راح ابقيها يمك امانه يجي الوكت المناسب وتصير حليلة الشيخ وام اولاده

سيد هادي :على بركة الله وان شاء الله احنه أهل

..والشيخ كدر انو يوكف العلوية الك وراحت ايام واجت أيام والعلاقة بينهم زادت صح انتو ماعدكم علم بيها بس علاقة الوالد والسيد قوية ومرت السنين وراحت وكان مقرر انو بهاي السنه تعقدون لان كملت دراسه بس الي صار وشاء القدر انو الوالد  توفه وكلنه على هالدرب والحمدلله طبعا الوالد من زمان كاتب هالوصية كان حاس بروحه مراح يفرح بيك اشكد جان يتمنى هاليوم بس بعد مشيته  الله وهاي كل السالفة

گمرهاشم : السيد يحجي واني منزل راسي واستمعله بكل هدوئ واحسب لكل كلمة تطلع منه واربطها ويه تصرفات الوالد صرت بموقف مااحسد عليه يعني الوالد مكمل كلشي وان ملزم بالتنفيذ

سيد صادق : هاا شيخ هاشم شو ساكت

گمرهاشم : والله ماادري شگلك يعني الوالد الله يرحمه مكمل كلشي يعني ماعندي اي فرصة او مجال للرفض وهم ماعندي خيار غير اقبل بس سيدنه انت كلت العلوية متدري واكيد لحد هسه ماعدها علم اشلون راح نحل السالفة

سيد صادق :  هسه المهم هو انت لاتكول ماعندي مجال للرفض اكو سبب يمنعك كول من هسه

گمرهاشم : اني من ناحيتي مارافض الزواج والي الشرف واكيد الوالد احسن باختياره بس اني اعتراضي هي ماعدها اي علم بالسالفة كلها شنو الي يخليكم متاكدين راح تقبل

سيد صادق : لا اطمن وهم مو قصة متاكدين بس اهم شي عند البنت هو الي يحافظ عليها من صدك ويشيلها بعيونه واني عن نفسي اهنيك عليها بس اتوكل على الله وكلشي يتسهل

گمرهاشم : ان شاءالله خير بس حاليا ماكدر لا اعقد ولا شي وانت اعرف سيد عالاقل يحتاج سنه البنيه من حقها حفلة الي تتمناها والحجية والشيخه هم يردن يفرحن

سيد عبدالله : وانت

گمرهاشم : اني اشبيه

سيد عبدالله : متريد تفرح تره انت العريس

گمرهاشم : ماعرفت شجاوب افرح هو لازم هالشي لان كل شخص يتمنى يتزوج من انسانه تصونه وتحترمه بس ليش محاس باي سعادة ولا حتى راحة خايف اظلمها..اي اكيد افرح

السيد ترخص وطلع

سيد عبدالله : هاشم ادري بيك السالفة كلها معاجبتك وادري بيك حاير واكيد تكول انجبرت

گمرهاشم : اي بس سالفة انجبرت لا مامو رجال ينجبر وهم الوالد من زمان جان يلمح لهيج شي بس ابد متوقعت منه يسويها جنت اظن بالشيخه الحجية اي بس الوالد ابد هسه بعد السالفة خلصانه من زمان وهم مااكدر اي شي اسوي بس كون الي ببالي يطلع غلط ولا تسأل شنو بالك بس كلي انت تعرفها

سيد عبدالله  : اي اعرفها واصلا هي نفسها الي جانت موجودة بيوم عمليتك ووهم واكفه على عمليتك ومن سألتني عن الوشم خبرتني صدك مولازم الباجر تروح تشوف الدكتور

گمرهاشم : امم هنا الحجي اي باجر اروح

الظهر كاعد وصافن ماادري اشلون راح تصفه القرار الي اخذته صح لو لا خايف من اهواي امور غنضت عيوني بتعب اجاني انور

..ها بويه اشبيك

انور : شيخ اكو واحد بباب الديوان يطلب يدخل

گمرهاشم : شنوو ومنو هذا وليش ميدخل

انور : مااعرفنه شيخ بس هو شاب وكال كل للشيخ اكدر ادخل لو ارجع للمكان الي اجت منه

گمرهاشم : صفنت بكلامه هالحجي مو غريب عليه هاا هههه..روح بويه خلي يدخل

دخل شاب عشريني طويل ذو بشرة بيضاء مائلة للسمارة عيون سوادء واسعه والحاجب يشبه السيف وجسم رياضي بثياب سوادء

شهاب : السلام عليكم

گمرهاشم :دخل الافندي همزين اتذكر عنده اهل..هلا وعليكم السلام عمي شدعوة كل هذا استاذ شجابنه على بالك واجيت للعراق خما غلطان بالعنوان

شهاب : هههه والله ياشيخ دوم تقصف بيه فديوم بس ها لا تقصفتي عمي الغالي اشلونك مشتاقلك اهواي اهواي

گمرهاشم : ههه هلا بالغالي وحضنته لك كبران ومتغير هيج الغربة تغير

شهاب :  وغلاتك ياعمي اصعب شي هو الغربة بس غلطة وصارت وبعد ماتنعاد صح هناك مرتاح وكلشي متوفر بس وغلاتك ما فديوم ضحكت من گلبي ماطول اني بعيد عنكم گلبي حزين

گمرهاشم : لعد شجابرك على الغربة يما حجينه وكلنه راح تتندم بس انت دكيت رجل الا اسافر وهاي انت متندم عسى ستفادية من الدرس

شهاب : اي والله لا بعد مااسفر دراسه وكملت وشهادة واخذتها عود اذا عجبني اسافر وارجع عمي بروح الغالي كافي معابت والله من اجيت لسه واني ياهو يشوفني يعتابني گلبي خلص من المعاتب

گمرهاشم : هههه حييل والله كفو منهم المهم اشوكت اجيت

شهاب : قبل يومين اجيت اليوم اجيت هنا هذا السرسري يمكم

گمرهاشم : هه اي وين يروح لعد مناگر هو منار

شهاب :آها ميكبرون ذوله

گمرهاشم : نفس الطبع امشي ندخل

منار : احمدد والقران اذا نگعتني اموتك فاااهم

احمد :شغلة تفيدج عيني تذكرين لو ناسية تراني مناسي وكلت الا ارجعها مربع وكام يرش عليها مي

منار : خرررررب احممد عفيه كافي توهمت ذبيت عليك مي احمدد والله محد يخلصك مني خررب شوف نگعني

احمد : حيييل وبعد حتى طين اذب عليج ههه خطية تنگعت مي وشمرت تراب عليها

اخذنه الواهس وهي الزمي السطل من النافورة وتشمر عليه بحيث الي يشوفنه يكول جهال ههه ماحسنه الا على زمخه خلتنه مثل الصنم ونسمع واحد يضحك

گمرهاشم : دخلنه للبيت وسمع اصوات صياح وضحك شسالفة هاي منار اباوع على الحديقة گالبيها لعب مي وطين وهاي الغضب منگعها وهي هم مناقصة منگعته ضوجوني كلش وهذا الافندي خربان ضحك

.. وسم اشبيك عاجبك الوضع

شهاب :  كوة كدرت اسيطر على روحي مااضحك انوب زمخ بيه هم خرب ههه..اسف شيخ

گمرهاشم  بعصبية حجيت : احمد منار شنوووو هااي هااا بعد شكبركم تصرررون مو عيب عليكم هااا وانتي عود الجبيرة شنو هالصباح والضحك هااا عود انتو ولد شيوخ جاان استحيتو اصغار واكول ميخالف ولللكم هاي بدل مدرسون قسما ان مرة ثانية شفتكم هيج تلعبون العب بخلقتكم لعب وعلي مااتعب كل واحد احطه وابسطة واخلي شهر بالفراش ولكم منا الناس ماخفتو احد يسمعكم ماكلتو خطار تجي هااا متحجون هو هذا لعب

منار :هاشم رزلنه رزاله ناشفه اسبوع مااشوفه وجهي ههه اوييلي اذا عصب الشيخ بعد شيخلصنه..ااا مو تعبنه من الدراسة وكلنه اشويه نرتاح طبعا احجي واني مدنگه بس ارفع راسي اموت هسه عصبيته فول

گمرهاشم :  عفيييه والله الي يرتاح هيييج لعد جهاال انتو مرة ثاني الي يتشاقه هيج ميسلم مني وللكم فد يوم اريد ادخل للبيت مااسمع عرگاتهم ولكم مابقى بس شهر واحد لا ويجوز اقل

احمد : اعتذر عمي اني الغلطان هالمرة هي صدك رادت ترتاح واني كمت اشمر عليها مي

منار : لا اني غلطانه انت اسكت

گمرهاشم : اشكد يتعاركون بس ولا واحد ينطي بالثاني مرات اظل صافن عليهم هه بس اني اعلمهم..كااافي انتو اثنينكم غلطانين وهم راح تاخذون عقاب سمممعتو عقااب ممنوع تكعدون سوه لمدة اسبوع كل واحد وحده يقره حتى على الاكل متگعدون سوه خووش يله جوة كدامي

منار :  من كال عقاب اني واحمد بقنه واحد يباوع عالثاني اهواي ضجت هو بس وياه نشاقه وهم بعد يطول يله يجي طبعا استغربت منو الي وياه لا وهم يضحك اصلا خربان ضحك

..باوعتله واني معاجبني الوضع.. خييير سالمين اشبيك تضحك راح تموت على كيفك ويه نفسك وبعدين انت منو

شهاب : هههه وعلي ولا تتغيرين بالعكس  زدتي من نقصتي بس اريد اعرف اشوكت تبطلين شقاوة ههه حقج متعرفيني ادري بروحي زايد جمال احم احم شهاب اني ابن اخوج

منار : هههه خطية شايف روحه حلو لك احمد اخوك اشبي متشوفه خاف مبدلي

احمد : ههه والله مااتسغرب اكيد يبدلو همه الجماعة اليمه اشلون يخلو على حاله مووو وغمزته

شهاب : انجب لك محد غيرني وانت جنت وياي وتعرف جماعتي

منار : والله اعرفك كل الزين اربع سنوات باوكرانيا بعد ترجع سيد قابل هههه

شهاب : هههه شنو غيرانين مني

گمرهاشم : وييينكم تعاالو انيي شكلت

منار : هو صاح بينه واحنه صار طشارنه ماله والي ههه كمنه نتراكض ندخل اليوم كل معصب مبين الله يستر السالفة مبينه جيبرة خرب بحظي زعلان مني اشلون اعرف منه

منسا : رحت للدوام طبعا بابا وماما ذني اليومين يجون كلت بلكي اكدر اخذ اجازة دخلت للمستشفى جنت مدنگه ومااحس الا واحد يكلي

..هو كل حلو حلو عمي انتي الحلو وبس

منسا : هنا اني انصدمت اشكد صارلي هنا هاي اول مره اسمع هيج رفعت راسي وصفنت بوجه واشوف الابتسامه على وجه انصدمت اكثر

..دكتور ناجي

د ناجي : ههه سلام علوية اشلونج

منسا : والله خفت دكتور شو من عبالي الف الحمدلله طلعت انت اني تمام عمو هه اليوم منور المستشفى اشعجب

د ناجي : ههه اسفين يابه اشلونج بنتي شخبارج منورة بمخديرها الحلوين اني متاكد المريض ميتعب ولا يخاف من التخدير هو بس يشوف وجهج يخدر مو

منسا : طبعا دائما يخجلني بكلامه هو دكتور جبير وكلنه يسمينه نباتي يكول اني احب البنات كلهن حنية بس الله مارزقني ببنيه لذلك يعتبرنه بناته

..هههه مو لهاي الدرجة تره اكو احلى مني

د ناجي : لا اني عندي انتي احلى كافي نور محمد بيج والجمال رباني

منسا : اشكرك دكتور خير خما بيك شي

د ناجي : لا ماكو شي اطمني بس اليوم اجيت اشوفكم وهم اكو طلاب جاي اشرف عليهم  شنو راح نبقى هنا واگفين

منسا : لا طبعا تفضل دكتور اهلا وسهلا بيك

رحنه الكافتيريا مال المستشفى وظلينه نسولف وحجالي عن هاي الدفعة مو مثلنه احنه دفعتنه جانت كلش حلوة حتى الشباب جانو عاقلين مو مثل غيرهم من الشباب بعدها ترخص مني وراح كملت دوامي جان عندي عملية وكدرت اخذ اجازة لمدة ثلاث ايام

..اليوم يجون اهلي طبعا اخواني راحو يستقبلوهم من المطار هالحجي بالتسعة بليل مابقى على شهر رمضان غير يومين

اجوي السيد والعلوية واكيد هوسة وخطار رايح جاي هلكت ذني الثلاث ايام وخاصه اول يوم رمضان جان يمني خطار من كربلاء وماطلعو الا للعصر وهاي كله واني مكاعدة تعبت خطية فاطمة هم معافتني بس زنوب بعدها تتنحس  ثاني يوم داومت نوم مشابعة وشهررمضان صح قلصو بي ساعات الدوام بس هم تعب طبعا همزين قبلو انروح قبل العيد بيوم وصدك جهزت نفسي حرنه للمول اشتري ملابس اني وفاطمة اخذنه رضا وكرار كرار طلع روحنه لا توكفنه هنا ولد امشن منا بالف ياعلي يله كملنه شغلاتنه خو لو مصطفى جاي ههه لا جان رجعنه واحنه كلشي ممشترين بس عود عود سيد كرار احسن قضينه الشهر الفضيل بين الصلاة والاعمال والزيارة وعزايم الي متخلص طبعا احنه صح عزايم هالايام كثرت بس من اسمع نرجس تكول اصلا انتو ذني عزايمكم احنه عدنه مال شخصين ثلاثه ههه واني مكسور ظهري وهي تكلي ذني ولا شي قررنه نروح وره الظهر الاربعاء للعمارة وجهزنه نفسنه ورحنه

يتبع..