تحميل رواية «أقدار~للكاتبة ضاقت أنفاسي» PDF
بقلم BlackButterfly002
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
البارت الاول ** ** ** ** ** بنرفزه طالع أمه : قلت لك ما أبيها أمه بقهر منه طالعته وهو مكتف يدينه : وبعدين معك أمها كل ما تشوفني تقول تقدم لها فلان وعلان ولا تنسى البنت ما يعيبها شيء ذكيه وحلوه وتذكر تراها ابنة عمك ! وأصغر منك بسنه تدرس سنه اولى تخصص هندسه قاطعها بجعرفه وهو يرجع شعره للخلف : سألت عنها تقديرها بالجامعه مو ذاك الزود وبعدين أنا قلت لك ما ابغى وحده تقرب لي تأففت أمه : صدق ابوك لما قال ندور لك عروس من الحين علشان نحيرها لك لوقت ما تتخرج بس الظاهر رح تصك الاربعين وما رح تلاقي وتركت الص...
رواية أقدار~للكاتبة ضاقت أنفاسي الفصل الاول 1 - بقلم BlackButterfly002
البارت الاول
**
**
**
**
**
بنرفزه طالع أمه : قلت لك ما أبيها
أمه بقهر منه طالعته وهو مكتف يدينه : وبعدين معك أمها كل ما تشوفني تقول تقدم لها فلان وعلان
ولا تنسى البنت ما يعيبها شيء ذكيه وحلوه وتذكر تراها ابنة عمك !
وأصغر منك بسنه تدرس سنه اولى تخصص هندسه
قاطعها بجعرفه وهو يرجع شعره للخلف : سألت عنها تقديرها بالجامعه مو
ذاك الزود وبعدين أنا قلت لك ما ابغى وحده تقرب لي
تأففت أمه : صدق ابوك لما قال ندور لك عروس من الحين علشان نحيرها لك لوقت ما تتخرج بس الظاهر رح تصك الاربعين وما رح تلاقي وتركت الصاله وطلعت وهي مفوره
من العصبيه
طالعته أسيل وهي رافعه حاجب وتناظره بنص عين : ما أدري ليه مستعجلين بعدك صغير
و تراك زودتها بطلباتك
احسن شيء روح على الخياط وفصل تفصيل
أحسن لك
لانك مستحيل تلاقي
طالعها بغرور : والله هذي حياة لطول العمر
مو يوم ويومين
والمسأله يبغى لها روقان وتفكير
انا اخطط للمستقبل مو نلعب قاعدين
وشروطي للي حاطها لازم ألاقيها وما رح اتنازل عن شرط واحد
ناظرته أسيل باستخفاف وهي رافعه حاجب : كل شيء ولا تتنازل يا أخوي
وحركت شفايفها دليل على السخريه
وقف بغروره المعتاد وأعطاها نظره خلتها تعدل
شفايفها وتمحي أثار السخرية وطلع من الصاله
تأففت بعد ما طلع وقلبها للحين يدق بقوه
تخاف من تقلب مزاجه إذا عصب ما يعرف احد
**
**
**
**
**
ركضت باتجاه الباب وركعت وهي تتنفس بسرعه
من اثر الركض
رفعت رأسها وأخذت نفس لما سمعت الباب انفتح
رسمت ابتسامة طفوليه بريئه : وين عيشه ؟!
ناظرتها وهي عافسه ملامحها : مو فاضيه
يلا بسرعه ارجعي لبيتكم
ردت بحماس طفولي : بس عيشه قالت لي بالمدرسه بعد العصر نلعب
وببراءه كملت : وقالت لي عيشه ما رح تكونين إنت موجوده
ناظرت عيون هالطفله للي تلمع ببريق غريب : اسمها عائشه مو عيشه !!
حكت رأسها بطفوله : ايه نسيت
حست نفسها مشمئزه وهي تناظر شعرها : روحي على جدتك خلها تنظف شعرك من هالجيوش
ترى ما لي خلق تعدين عائشه والبنات بالقمل للي معسكر برأسك
ارجعي لجدتك بسرعه
ردت بحماس طفولي : الحين اروح لجدتي أقولها تنظف شعري
وبعدها أرجع ألعب
وغادرت وهي تركض متحمسه
تنهدت وهي تناظرها وقفلت الباب ورجعت للداخل
**
**
**
**
**
دخلت البيت متحمسه وهي تركض باتجاه جدتها للي جالسه بالحوش جلست على ركبها عند جدتها وتكلمت وهي تلهث : يمه خالتي ام سعود قالت لي علشان تنظفين شعري وألعب مع بناتها
مسكتها من اذنها بحزم : مو قلت لك تنظفين المطبخ ؟!
برطمت شفتها بطفوله : نسيت
تركت اذنها : حسبي الله على عدوك
كل عقلك باللعب !،
متى تعقلين ؟!
اذا شفت رجلك معتبه باب البيت احش رجولك
فضحتيني بين هالجيران
حشى شعرك مزرعه للقمل ما في طريقة الا
غطست رأسك فيها
نعبو رأسك من وين تستوردينه ؟!
وبصرخه : انقلعي على المطبخ أشوف
تخصرت بعد ما وقفت وهي ماده بوزها : يعني ما رح تنظفين شعري علشان ألعب ؟!!
مسكت النعال وحذفته عليها بدون ما يصيبها : الحين أراويك كيف تلعبين يا قليلة الحياء
ابتسمت بطفوله وهي تشوف عصبية جدتها وبسرعه توجهت للمطبخ
**
**
**
واقفه عند الشباك وتراقب الباب الرئيسي
عفست ملامحها بخيبه : ماما رجعت !
اسماء وهي مستلقيه على بطنها ورافعه رجلينها وتحركهم يمين يسار وتكتب واجباتها : والله لأقول لأمي عنك
قبل ما تطلع نبهت عليك ما تلعبين بالشارع
عائشه وهي تراقب لعل وعسى امها تطلع للزياره : والله كيفي أبغى اطلع ما لك دخل
لفت بسرعه لما حست شعرها انشد : انا وش قلت لك.؟!
وتخططين كمان متفقه معها لما أطلع للزياره
تلعبين بالشارع ؟!
فتحت عيونها متفاجئه : مين قالك ؟!
وبتذكر : ساره قالت لك!!
اسماء وهي تكمل حل واجباتها بسخريه : قصدك فأره مو ساره
عائشه بدفاع عن صديقتها : حرام تشتمين الناس علشانهم فقراء تشوفين نفسك عليها ؟!
ام سعود زمت شفتيها باستخفاف : عشتو !!
وإلي ما يرد على امه وش نقول له ؟!
عائشه بندم طفولي : آسفه ماما خلاص ما رح اطلع للشارع
ام سعود بتهديد : يا ويلك اذا طلعتي للشارع
إنت وأخواتك المهابيل
اسماء اتربعت : حنا مهابيل ؟!
ام سعود وهي طالعه من الغرفه : يا ويلكم اذا طلعتم !
دخلت نهى الكبيره وهي تناظر امها واقفه عند باب الغرفه : لا تخافي يمه ما رح أخليهن يطلعن للحوش
هزت راسها ام سعود واخذت سعود وطلعت من البيت
****
**
**
**
قفلت الجوال وناظرته وهو نازل من الدرج
تكلمت بشماته : عزام يقولك ابوي روح حق
ام سعيد وجيب الطلبيه
وختمت كلامها بابتسامة شماته
ناظرها بعصبية : وش قصدك من هالابتسامه ؟!
بلعت اسيل ريقها بخوف : ولا شيء
وباعتراض : اتصلي فيه وقولي له مو فاضي
الحين
المغرب امرهم
بتردد خافت يهب بوجهها : بس قال الحين يروح يجيب
قاطعها بغضب : خلاص قفلي حلقك
وتركها وطلع
مطت شفتها بقرف شايف نفسه بقوه
بس يستاهل تعرفه ما يحب احد يطلب منه
طلبات
يحب يشتغل بكيفه
**
**
**
**
دخلت تركض وفتحت الباب بكل قوه
وقفت وهي تلهث : نهى
السيارة السوداء رح تيجي بعد شوي
نهى وقفت وهي تحط يدها على فمها : اسكتي لو كانت أمي كان فضحتينا
وبعدين وش أعمل لها ؟!
عائشه بطفوله : مو انت قلت لي لما تيجي السياره أخبرك
نهى بتصريف : علشان اشوف السياره يعجبني لونها
خلاص انقلعي برا
كشت عليها عائشه وطلعت من الغرفه
اسماء قفلت الدفتر : قومي نشوفه
نهى سحبت كتاب وتوجهت خارج الغرفه : بسرعه قبل ما يروح
**
**
**
**
نزل من السياره وطرق الباب ناظر للبيت الملاصق وهو يبتسم على البنت ماسكه الكتاب بيدها والكتاب مقلوب
وجالسه تناظره
دوم يشوفها لما ييجي
ما ينكر جمالها بالرغم من صغرها توقع انها معجبه فيه
بس غروره ما يسمح يناظر من هذي الطبقه
فتحت ام السعيد الباب : حياك الله يا وليدي
عزام عفس ملامحه وناظرها بفوقيه : مستعجل
دخلت ام سعيد وهي تستعجل حفيدتها بالاغراض
نزل عزام نظره على طفله مرتبه وملامحها حلوه : لو سمحت ؟
رد بهدوء : نعم ؟!
عائشه بتفكير طفولي : كم اشتريت سيارتك ؟!
عقد حواجبه باستغراب : ليه تسألين ؟!
عائشه ببراءه : أبغى اشتري مثلها لأختي لما أكبر
اشرت على نهى هذي اختي تحب سيارتك
تحب تشوفها لما تيجي هنا
وتقول لي إذا جاءت السياره أناديها
هز رأسه والحين عرف السبب دوم لما ييجي
تكون جالسه عند باب بيتهم وهو ظن انها معجبه فيه
استخف افكاره بعدها صغيره ما يتوقع تعرف هذي الامور وبفضول سأل بهدوء : اختك بأي صف ؟!
عائشه حكت راسها : اولى اعدادي
هز راسها وتأكد انها صغيره وما تفهم بهذي الامور بس غروره صور له انها من المعجبات
طلعت معجبة بالسياره وبنفسه صدق بنت فقر
أخذ الجبنه واللبنه من سارة وتوجه للسيارة
بدون ما يناظر جهة نهى
وغادر الحاره بهدوء
قفلت نهى الكتاب وناظرت اسماء بخيبه : راح
اسماء وهي تناظر حولها : ادخلي بسرعه قبل ما تيجي أمي
هزت راسها وبسرعه دخلوا البيت
**
**
**
**
**
تلعب مع عائشه بالحوش ومستمتعه معها باللعب
نهى بتحذير جالسه على الكرسي وتناظرهم : أنا نبهتك يا عائشه ترى امي إذا رجعت وشافت ساره هنا يا ويلك
عائشه تتابع اللعب بدون مبالاه: ما يخصك !
اسماء وهي تلعب معهن الطوف : خلاص نقول لها جاءت لنا ودخلت غصب عنا وطردناها ورفضت ترجع لبيتهم
عائشه تخصرت باعتراض : انا ما أكذب !
رح اقول لها انا احب ساره وابغى ألعب معها
وناظرت ساره : صح يا ساره ؟!
ابتسمت ساره ببراءة وهزت راسها بالموافقه
نهى بتوعد : خلي حبك ينفعك يا عشعش
طنشتها عائشه وهي تلعب
قاطع لعبهم دخول ام سعود ناظرتهن بتوعد لما شافت ساره
ودخلت للبيت بدلت ملابسها
وطلعت للحوش : يلا يا بنات نبغى نتعشى
عائشه ناظرت امها بتكذيب : بس حنا ما نتعشى الحين !!
ام سعود خزتها بعيونها بتوعد : كيفي الحين نبغى نتعشى
وناظرت ساره : يلا روحي عند جدتك الحين
تلاقينها تدورك
عائشه وهي تحضن ساره : لا أنا عزمتها على العشاء
ام سعود ضغطها وصل الف وهي تشوفها حاطه راسها براس ساره
تقدمت وهي تناظر عائشه بتوعد وأبعدتها عن ساره : يلا ارجعي بيتكم يا ساره مره ثانية تتعشين عندنا
هزت ساره راسها بابتسامة وتوجهت خارج البيت تركض
قفلت ام سعود باب الحوش بالمفتاح حتى ما ترجع ساره ودخلت
البيت وهي ناويه على عائشه
عائشه طلعت من المطبخ وهي مختصره: ماما تكذبين ما في اكل بالمطبخ ؟!
ام سعود اقتربت منها بصوت حنون : جيعانه يا ماما ؟!
هزت راسها عائشه رأسها بطفوله وهي تتكتف
مسكتها ام سعود من يدها وخلعت نعالها ونزلت فيها ضرب : كم مره قلت لك ابعدي راسك عن هالزفته ؟!
صايره حاتم الطائي بالكرم !!
وقفت ام سعود عن الضرب ورفعت يدها بتهديد والنعال بيدها : خلي هالحركه تتكرر
عائشه وهي تبكي : لانك بخيله ما تبغين تخلينها تأكل !
فتحت ام سعود عيونها بصدمه من كلامها
هذي للي تبغى تضربها وتخلص عليها لسانها طويل
تقدمت وهي تمثل انها تضربها
وبسرعه هربت عائشه وهي تتحلطم
ابتسمت ام سعود على حركة عائشه
وبعدها ناظرت بحده نهى واسماء : وليه تخلينها تدخل ؟ !
كم مره قلت ما ابغى احد يدخل البيت وانا مو موجوده ؟!
نهى بدفاع :،يمه عائشه دخلتها
وانت تعرفين هالساره لزقه
ام سعود بحزم : ما ابغى هالحركه تتكرر
مو فاتح الحوش منتزه
اسماء عفست ملامحها : ان شاء الله
قاطعتهم عائشه رجعت للصاله وهي تمسح دموعها : والله لألعب مع ساره هذي صديقتي
وأحبها
ضحكت أم سعود بداخلها على حركتها
بس حاولت تخفي ابتسامتها صرخت عليها بتمثيل : عائشه
ونهضت ام سعود نفسها بتمثيل لضربها
وسرعان ما هربت مره ثانية للغرفه
**
**
**
**
طلعت من بيت ام سعود وصارت تمشي بخطوات بطيئه
رفعت نظرها للسماء والشمس بدأت بالغروب
امنيتها تكون عندها اخت مثل عائشه تلعب معها طول الوقت !
وقفت باب بيتهم حطت يدها على بطنها
وهي تشعر بالجوع
بلعت ريقها وهي تتمنى لو رضيت ام سعود
تتعشى
عندهم !
وش رح ينقصهم لو تعشت عندهم ؟!
فتحت الباب بهدوء وقفلته خلفها بهدوء
وهي تتذكر اليوم ما اكلت الا على الفطور لبن
جدتها صايمه اليوم الخميس
وما عملت غداء
دخلت على جدتها وهي تناظر جدران البيت القديم عكس بيت عائشه حلو ومرتب
قاطع نظراتها ام سعيد : بسرعه جهزي معي الفطور
ما في وقت عن الاذان
بابتسامه لا تغادر شفتها دائما : ان شاء الله
دخلت اسم يطلق عليه مطبخ
ناظرت الفطور زيت و زيتون ولبنه وجبنه
بلعت ريقها وهي تتخيل سفره بيت ابو سعود اكيد كل ما تشتهي النفس موجود
تنهدت واخذت الصينيه وحطتها قدام جدتها
ورجعت تجيب الشاهي
حطته وناظرت جدتها جالسه تدعي وهي رافعه يدينها
نادت جدتها تقول لها تدعي ربنا يرزقهم فلوس علشان تأكل دجاج ولحمه : يمه
اشرت لها بيدها تسكت حتى تكمل دعاء
قطع دعاء الجده الاذان
شربت الجده كوب المويه وسمت بالله وبدأت
تفطر
وساره تأكل بهدوء
ناظرت جدتها بنظره محرومه: ليه
ما نطبخ دجاج..
قاطعتها الجده بحده : قولي الحمد لله
غيرك مو ملاقي هاللقمه !
وانت تتكبرين على رزق الله !
هزت راسها بالنفي : مو قصدي بس يعني تنويع
خزتها ام سعيد : قاعده على بنك علشان هالتنويع
اقول كملي اكل بلا كثره حكي
ابتسمت بألم وتابعت اكلها بصمت
وهي تتخيل عائشه قاعده تتعشى افضل انواع الاكل
**
**
**
**
دخل البيت قرفان حاله من هالدوام رمى نفسه على الكنبه بعد ما رد السلام
سلموا عليه البنات بهدوء وسعود بحضنه
ابو سعود بقرف : مليت هالدوام قرفت هالتدريس !
ام سعود وهي تمد له القهوه : ان شاء الله
يطلع لك نقل هنا وترتاح
عائشه ببراءه: انت يا بابا تتدلع كثير
معلمتي لما تدرسنا ما تتعب
لانه ما في شيء يتعب بس انت تتدلع !
نهض نفسه وناظرها وهو عافس ملامحه : اقول بلا كثره حكي
وقلدها بسخريه «تتدلع»
ام سعود بشبح ابتسامه وبنفسها صادقه عائشه : العشاء جاهز
ابو سعود خزها : اشوف عاجبك كلام هالملسونه ؟!
ام سعود ببراءه اشرت على نفسها ببراءه : أنا ؟!
نهى تقاطعهم بضجر : يلا جوعانين
ام سعود وقفت :،يلا العشاء جاهز
بسرعه غسلوا يدينكم وتعالوا
**
**
**
في اليوم الثاني
ام سعيد بصراخ : ساره يا ساره
عفست ملامحها بنعس وتوجهت للحمام غسلت وجهها وطلعت لجدتها :،صباح الخير
ام سعيد : وين الخير الساعه 6.30 وبعدك نايمه
ساره وهي تفرك عيونها : يا يمه اليوم عطله
ام سعيد وهي تشتغل : بلا عطله بلا بطيخ
الحين مرزوق يمر ويجيب الحليب
هزت راسها بطاعه وتوجهت للباب لما سمعت صوت الهرن
فتحت الباب وابتسمت لما سمعته يقول بصوته الغليظ : بسم الله الرحمن الرحيم
حملت معه الحليب للداخل
مرزوق يكلم ام سعيد : ترى عجلي بالجبنه
ام سعيد باعتراض:،حنا للي نتعب فيهم وتعطيني اجره قليله ؟!
زيد شوي..
قاطعها بحزم : ولا ازيد فلس واحد
لا تنسين انا اشتري الحليب وادبر زبائن
بس انت تأخذين اجره يدك
على وش أزيدك ؟!
مو معجبك الحين أرجع الحليب وأشوف وحده
قاطعته بقهر : خلاص اسكت
طلع من البيت وام سعيد تدعي على طمعه وجشعه
ما يعطيها أجرتها إلا بالقطاره
وعندها إلتزامات من وين تجيب ؟!
ابتسمت بألم وهي تشوف ساره متحمسه بالشغل
علشان تكمل بسرعه وتروح تلعب
**
**
**
على الفطور مجتمعين ابو عزام غمض عيونه للحظات : يا سلااااام
بحياتي ما ذقت اطيب من هاللبن
ام عزام بتأييد : حتى الجبنه ما شاء الله
وناظرت عزام : ذوق يا عزام صدقني رح يعجبك
عزام عفس ملامحه بقرف وصد بوجهه : ما احبه
اسيل رفعت حاجب بتكذيب : صورتك للي منزلها على صفحتك بالنت وانت تفطر مع خالي
وحاط اللبنه بحلقك كيف صارت ذي ؟!
رد باختصار : ما يخصك
وناظر ابوه للي يكلمه: وش صار على موضوع ابنة عمك ؟!
عزام بهدوء ناظر ابوه : بصراحه مو ناوي الحين اخطب
عالاقل اكمل البكالوريوس وما اقدر احيرها طول هالفتره
وهذي دنيا تتغير
وختم كلامه «الله يوفقها مع غيري »
عفست ام عزام بوزها ما عجبها كلامه وبنظرها هالبنت ما تتعوض
اماابو عزام هز راسه بتفهم : يلا عجل علشان تجهز نفسك لصلاه الجمعه
**
**
**
**
نهى عافسه ملامحها بقهر: متى يطلع بابا لصلاه الجمعه ؟!
اسماء وهي ترتب الغرفه : ليه ؟!
نهى لوت شفتها : نسيتي اليوم مسلسل «.....»
ما بقى عليه الا 5 دقائق
اسماء ضربت جبهتها : ناسيه !
وش الحل ؟!
دخلت عائشه باستغراب: ما ادري كيف بابا مدرس تربيه إسلامية!!
نهى واصله حدها ردت من طرف خشومها : ليه ان شاء الله؟!
عائشه باستغراب : تدرون بعده ما لبس !!
تأففت نهى : يا حبيبي
عائشه تكمل : المفروض انه
قاطعتها نهى بعصبية : المفروض تنقلعي من وجهي اشوف !
تركتهم وطلعت عائشه من الغرفه
اسماء صفرت بتعجب : يا لطيف شو فلسفجيه هالبنت !!
مين يصدق إنها بثاني ابتدائي !!
**
**
**
**
طرقت الباب طرقات متتابعه
فتحت ساره الباب وابتسمت لما شافتها
دخلت عائشه بفرح : جهزي حالك بسرعه
بابا رح يأخذنا للمنتزه والالعاب يلا تعالي
ابتسمت ساره بفرح : لحظه اقول لامي
ام سعيد ناظرتهم : وش فيه ؟!
عائشه وهي تمسك يد ساره : طالعين وابغى ساره تروح معنا
ام سعيد ناظرت ساره مستانسه وفرحانه
تنهدت : خلاص روحي
انا طالع لوحده من الحريم لا تتأخرين !
ساره بابتسامة وسيعه : ان شاء الله يمه
طلعت الجده من البيت
عائشه تستعجلها : يلا بسرعه بدلي ملابسك
ساره ناظرت ملابسها وهزت راسها بهدوء
عائشه بابتسامة: انا برا انتظرك بالسياره
طلعت تركض باتجاه السياره
ام سعود وهي تحط الاغراض أشرت لعائشه تركب مع أخواتها
ركبت أم سعود السياره وقبل ما يحرك أبو سعود وقفته عائشه : استنى
ام سعود باستغراب : وش فيه ؟!
عائشه متحمسه : ساره رح تيجي معنا
ابو سعود حرك السياره بسرعه: صدق ما عندك سالفه!!
ام سعود بحده : كم مره قلت لك لا تروحين لها ؟!
ما ردت عائشه وهي تناظر من القزاز الخلفي
ساره وهي تحس بالاحراج من تصرف أمها وأبوها
**
**
**
طلعت من البيت بسرعه علشان تطلع معهم وما تأخرهم
ركضت أسرع لما شافت السياره حركت
اشرت لهم بيدها علشان يشوفونها وتروح معهم
تعبت من الركض وجلست على الرصيف بتعب وهي تناظر السياره بعيده
كان نفسها تروح معهم وتشوف الالعاب !
لامت نفسها أكيد تأخرت عليهم علشان كذا حركوا....
بررت لنفسها انها ما تأخرت بعد ما طلعت
عائشه من عندها
لانها ما لقت شيء جديد تلبسه فطلعت خلف
عائشه
وما تأخرت !
وقفت بهدوء ولفت ادراجها وهي تحس بالخيبه كان نفسها تروح بس وتلعب
مسحت دمعه غصب عنها تسللت من عينها
وقفت عند بيت عائشه ناظرته لدقائق
وعادت بعدها ادراجها للبيت
دخلت البيت فاضي هادي
توجهت للتلفاز شغلته وجلست تتابع افلام الكرتون
بهدوء
استغربت مر وقت وجدتها ما رجعت
بدأ البيت يسوده الظلام
توجهت للاناره وشغلتها تخاف من الظلام
ورجعت مكانها بهدوء تناظر كل شوي الباب
زفرت براحه لما سمعت الباب انفتح
وركضت باتجاه جدتها بفرح : تأخرتي كثير !!
عقدت حواجبها : انت ما رحت مع عائشه ؟!
ساره بخيبه ناظرت جدتها : لا
وابتسمت بفرح : خلاص المره الجايه اروح معهم
علشان خالتي ام سعود ما تزعل اني ما رحت معهم ..
ام سعيد وهي تجلس على الكنبة وبتحقيق : وليه ما رحتي ؟!
ساره هزت كتوفها : طلعت بس ما لحقتهم صاروا متحركين
ركضت خلف السياره وأشرت لهم بس ما سمعوني
أم سعيد طالعت حفيدتها الخبله ما تدري لمتى تبقى كذا وبغضب : يالخبله ما يبغون يأخذونك
هزت راسها بعدم اقتناع : لو كانوا ما يبغون اروح معهم
كان ما قالت لي عيشه !
زمت أم سعيد شفتها بضيق : غبيه
روحي اعملي لي شاهي ترى راسي مصدع
هزت راسها بطاعه : ان شاء الله
قلبها يتقطع على هذي الطفله قلبها طيب
وعلى نياتها
ما تدري كيف رح تواجه هالحياه ..
**
**
**
**
**
....
ابو سعود اخذ نفس الارجليه وهو متكي : يا حلاوة العطلة
نهى جلست عند أمها : ماما أبغى عصير
أم سعود : خلي عينك على أخواتك ما يبعدون
من هنا
جلست عائشه بضجر : ملل اففف
ام سعود : انتظري نجيب لك مهرج !
عائشه : ما ابغى مهرج أبغى ساره ألعب معها
ابو سعود وهو رافع حاجب :ما ينفع اللعب الا مع هذي الساره !!
إلعبي مع اخواتك
قاطعته وهي ماده بوزها: مملات ما ابغى ألعب معهن !
اسماء جلست وضربتها على رأسها : أموت علشان ألعب معك !
نهى وهي رافعه حاجب : الحين تفضلين ام القمل
علينا ؟!
عائشه بغضب : لا تقولين عنها كذا...انت ام القمل والجرب
ام سعود بنهر : عائشة !
عائشه بقهر : ليه يتمسخرون عليها لانها فقيره !
ابو سعود بسخريه : للي يسمع يقول من غنى ابوك !
الله يخلي القروض والا كان بنشحد اللقمه
ام سعود بحنق من اصراف زوجها :- والله ما دمرنا غير القروض متخيل كم عليك ديون
وغير ربعك للي مستقرض منهم
ابو سعود بضجر : وبعدين ؟!
حنا جايين نستانس مو للنكد
وأخذ نفس من الارجيله
عائشه تناظر ابوها بتذكر : صحيح بابا تذكرت
ابو سعود بهدوء : وش فيه ؟!
عائشه بابتسامة : تعرف إمام المسجد بالحاره ؟!
ابو سعود رفع حاجب باستغراب وش جاب سيرته : ايه
عائشه كملت : أخته صارت تدرسنا تربيه اسلامية
ابو سعود بلامبالاه : وش اعمل لها اروح اخطبها يعني ؟!
خزته أم سعود بعصبيه
ضحك على رد فعلها : كونها موظفه تساعدنا بالمصروف
وش رأيك ؟!
وغمز لها
ام سعود ناظرته بنظرات ناريه : جرب وشوف
ضحك على رد فعلها وبعدها ناظر عائشه : وش فيها معلميتك ؟!
عائشه بحماس : قالت لنا ما يصير ننهى الشخص عن فعل سيء
ونفعل مثله
وطلبت نعطيها مثال
ابو سعود بملل : ناويه تعملي درس هنا ترى راسي مصدع
عائشه بحماس : لا يا بابا بس أنا رفعت إصبعي
وجاوبتها
قلت لها مثل بابا
فتح عيونه بعدم فهم !
تابعت كلامها بحماس : قلت لها بابا يمنعنا نحضر أغاني ومسلسلات بس هو يحضر عادي
حتى مره بالصدفه شفته حاط على رقاص
قاطعها وهو يسند نفسه ويعدل جلسته : حسبي الله على عدوك
وش هالكلام ؟!
مسكها من إذنها : ما لقيت الا هذي تقولين لها !
هذا أخوها يدور لي الزله ويشهر فيني
انت هذا لسانك الطويل لازم دوم يبربر
قاطعته وهي تحاول تبعده عن إذنها : والله بس أعطيتها مثال مو قصدي
ترك إذنها وبتحقيق : وش قلت لها كمان ؟!
مدت بوزها وهي تفرك اذنها : قلت لها ما يسمح لنا نندخن ونشرب ارجيله و هو دائما يدخن
قاطعها بغضب : وغيره وش قلت لها ؟!
عائشه بتذكر ابتسمت : صح بابا قلت لها
إنك تضربنا اذا تكلمنا بكلام شوارع ووصخ
أما إنت عادي تتكلم بكلام وصخ
عض على شفته بقهر وناظر زوجته للي حاطه يدها على فمها تكتم ضحكتها : عجبك كلام هالزفته ؟!
فضحتنا
ام سعود هزت رأسها وهي كاتمه الضحكه
بعصبيه ناظر عائشه : وقسم بالله لو أسمع مطلعه حرف برا البيت ما تلومين إلا نفسك فاهمه
عائشه لوت بوزها : أنا وش قلت ؟!
انفجرت أم سعود ضحك على براءة عائشه
أبو سعود بغضب : وش قالت معلميتك بعد هالفضائح ؟!
عائشه ابتسمت : ما قالت شيء
بس أكيد قالت وين ابوه يمنعه عن هالاخطاء
وقف وخزها بعيونها : وين أبوي ؟!
صدق انك قليله أدب بعدين نتفاهم على طول لسانك
مثل لسان الكلب يلق
قاطعته : بابا حرام تشتمني
طالعها : مو انت اعطيتي للمعلمه مثال
وانا اعطيت مثال على لسانك الطويل
حاست بوزها ما عجبها كلام أبوها
**
**
**
تناظر جدتها تشرب الشاهي ملت من الجلسه : يمه تتوقعين وش تعمل عيشه الحين ؟!
ام سعيد بنرفزه من تعلقها بعائشه : وش تبغين فيها ؟!
ساره ابتسمت : بس اشتقت لها
حاست بوزها ام سعيد ورجعت تطالع التلفزيون
ساره ناظرت جدتها ببراءه: يمه أخاف ام سعود تزعل علي لأني تأخرت عليهم
يمكن فكرت اني ما ابغى اروح معها
واخاف تمنع عيشه تكلمني
قاطعتها بعصبيه من الغباء للي معشعش بعقلها :وبعدين مع هبلك الزايد قلت لك الحرمه ما تبغاك تلعبين مع بناتها ليه رازه وجهك عندهم
ساره بعدم اقتناع : لا هي تحبني بس علشان القمل
ما تخليني ألعب مع عيشه
ام سعيد ناظرت التي في وهي تردد : خبله خبله
وبعدها طالعت ساره : يلا وقت النوم الحين
باكر عندنا شغل كثير قومي نرفزتيني من خبالك
قومي
بطبعها الهادي وقفت بدون اعتراض : ان شاء الله
**
**
**
**
**
نهى ترسم احلام زينها لها الشيطان
ناظرت اسماء : شفتي ما أحلى سيارته
معقول ييجي يوم وأركبها ؟!
اسماء ميلت شفتها بسخريه : ما اظن تركبينها
ما شفتيه كيف رافع خشومه للسماء !!
وبعدين وش جاب لجاب ؟!
اكيد رح يخطب من طبقته مو مثلنا
نهى ما عجبها كلام اسماء : وحنا وش ناقصنا ؟!
اسماء : لو باعك ما تجيبين حق سيارته
نهى طنشت كلامها : كيف اخليه يعرف بحبي له ؟!
اسماء بتفكير : اكتبي رساله له على الورقه
نهى بخوف من الفكره : لا لا اخاف
وبعدين كيف اعطيه الورقه
اسماء بتفكير : اممم مع عائشه الخبله
نهى بتردد : لا خلاص انسي اخاف امي وابوي
يعرفون
اسماء بلامبالاه : بكيفك
وبتذكر ضربت جبهتها : صحيح امي قالت لي
اناديك تبغاك ضروري
وقفت نهى وضربتها على كتفها : غبيه الحين جايه
تقولين
وطلعت بسرعه لامها
**
**
**
كملت شغلها بسرعه وطلعت للشارع وركضت لما شافت عائشه مع بنات تلعب
اقتربت وهي تبتسم ونادت بصوتها الناعم : عيشه
ناظروا البنات لها ووقفت بعد ما شافت إبتسامة عائشه
عائشه بابتسامة : تعالي ذول بنات خالتي
سوزان بضحكه سخريه تناظر ساره: تقول عيشه !!
ضحكوا البنات عليها
ابتسمت على ضحكهم وبتبرير: عادي ادلعها
عائشه مسكت يد ساره: ايه اسمعي عيشه
هند لوت بوزها بقرف: ما نبغى نلعب معها
سوزان : ايه ما نبغى نلعب معها
عائشه بحده: غصب عنكم تلعبون معها
امل بجعرفه: فستانها يقرف ممزوع وقديم يع
ساره ببراءه : ايه وانا اركض الصبح وقعت وتمزق
وبابتسامه لما ارجع امي رح تخيطه لي
ويرجع جديد
امي تقول انه الفستان حلو علي
وابتسمت لمديح الجده
انفجروا البنات بالضحك عليها
عائشه بقهر من سخريتهم لها : لا تكلمينهم
تعالي نلعب مع بعض !
ساره ناظرتهم ببراءه : ليه ما اكلمهم ما قالوا شيء!
عائشه بحده: يا غبيه يتمسخرون عليك !
تعالي نلعب هناك
وقفت محتاره ومنحرجه كيف تترك البنات : لا حرام خليهم يلعبون معنا
قاطعتهم اسماء وهي مسرعه لهم : تعالوا ماما جهزت الحلويات
ركضوا البنات باتجاه البيت
بلعت ساره ريقها وهي تتخيل أصناف الحلويات
مسكت عائشه بيدها وابتسمت: يلا تعالي
هزت راسها وركضت معها باتجاه البيت
دخلت بفرح واخيرا رح تأكل حلويات جدتها
ما تعمل لها هذي الاشياء
سبقتها عائشه وهي توجهت خلفها قبل ما تدخل
وقفتها نهى وحطت يدينها بإعتراض : لا ماما قالت ممنوع
ساره بتبرير :،بس عيشه عزمتني
رفعت ساره نظرها لام سعود : وش تبغين يا ساره ؟!
نهى جاوبت عنها :،تبغى تدخل
ام سعود بإعتراض :،لا وين تدخلين ؟!
عيب عنا ضيوف يلا بسرعه ارجعي لجدتك
ساره تعتذر ببراءه : خالتي انت زعلانه مني لاني ما رحت البارحه معكم ؟!
ضحكت ام سعود على هبلها : ايه زعلانك منك
والحين بسرعه ارجعي للبيت
ساره ضاق صدرها من زعل ام سعود : انا آسفه خالتي خلاص المره الجايه ما رح اتأخر عليكم
ام سعود ضحكت : عشتو
الاخت ناويه تنشب لي بكل طلعه
اقول انقلعي عند جدتك بسرعه ارى مو فاضيه لك
ساره :،بس عيشه عزمتني
قطعت ساره كلامها وهي تشوف الباب تقفل بوجهها
ناظرت الباب بصدمه
ظلت واقفه للحظات ومثبته نظرها على الباب
بلعت ريقها وهي تسمع اسماء: ماما ابغى من هذا الحلو
لفت وجهها واعطت للباب ظهرها وهي تحس
لعابها رح ينزل
مشت خطوات بطيئه وهي تبلع ريقها
وهي تتخيل الحلويات
وتكلم نفسها
منعتني أدخل علشان تأخرت عليهم بالطلعه !
والله مو قصدي !
وش فيها لو كان عندهم ضيوف ؟!!
والله ما اعمل شوشره ورح اجلس مع الصغار
مؤدبه !
ليه ما خلتها تدخل ليه ؟!
مشت بالشارع وهي تمسح دموعها تبغى حلويات
ليه مكتوب عليهم الفقر والحرمان ؟!
رفعت نظرها للسماء والدموع تنزل من عيونها الصغيره وهمست وخي تتذكر كلام جدتها : الحمد لله
**
**
**
**
دخلت ام سعود بابتسامة : اففف نشبه هالبنت
ام سوزان : مين ؟!
ام سعود جلست ومعها طبق الحلويات : حفيده ام سعيد تطرديها وملزقه
ام سوزان : كان دخلتيها مع البنات
ام سعيد وهي تقسم الحلويات : بلاك ما شفتي ملابسها الحين توسخ لي البيت
ناهيك عن المدرعات للي برأسها
وانا عندي 3 كشش مو فاضيه اقعد انظف
ام سوزان : من هالناحيه معك حق
بس لو اعطتيها صحن
قاطعهم سعود وهو يمشي تدعثر وضرب الطاوله
وانقلبت الطاوله بما فيها
وصارت الحلويات والعصير فوق بعض مع القزاز للي تكسر
ام سعود وهي تناظر كل تعبها وتجهيزاتها على الفاضي تكلمت وهي شاده على اسنانها : كله من عينها هالساره
حسبي الله
وناظرت الحاضرين عيونهم على الاطباق للي تكسرت واعتلت ملامحهم الخيبه
**
**
**
**
رواية أقدار~للكاتبة ضاقت أنفاسي الفصل الثاني 2 - بقلم BlackButterfly002
بسم الله
البارت 2
**
**
**
**
دخلت البيت بخطوات بطيئه ناظرت جدتها
تنظف الحوش
وقفت ام سعيد وناظرت ساره واقفه تناظرها
والدموع بعيونها
ابتسمت بشماته : طردتك ام سعود ؟!
تستاهلين كم مره قلت لك لا ترزين وجهك عندهم ؟!
بس انت ما تسمعين الكلام !
تعالي نظفي الحوش معي ترى احس ظهري يبغى ينكسر من الوجع
فتحت عيونها باستغراب وهي تشوفها
واقفه مثل التمثال ما تتحرك : علامك مثل العمود واقفه ؟!
خذي المكنسه تعالي كملي عني ومدت لها المكنسة
تناظر جدتها وتتأمل الفقر للي عايشينه
لمتى هذا الحال ؟!
ما في شيء تتمناه وتلقاه وكأنه مكتوب عليهم
الحرماااااااان
ليه ما يعيشون مثل الجيران ؟!
كل حياتها شقى وشغل بس ما تشوف فلس واحد
هي طفله لها متطلبات خاصه بسنها مثل باقي الاطفال
قاطعتها ام سعيد : علامك أكلم الجدار انا ؟!
ساره ناظرت جدتها بعيون محرومه وبنبره رقيقه: يمه اعملي لنا حلويات
قاطعتها بعصبيه : هذا للي استفيده انا من ام سعود
جالسه تتفنن بالطبخ وتيجي تتشهوني عندي !!
كم مره قلت لك الحلويات مضره بالجسم
اذا اكلتيها اسنانك تخرب وتصيرين قد البقره بالسمنه
خذي نظفي الحوش خليني اشوف لي شغله ثانيه
هزت رأسها باستسلام واخذت المكنسة
وهي تقنع نفسها بكلام جدتها
انه الحلويات مضره بالصحة
وبداخلها نفسها تصرخ «ابغى لو لقمه من الحلويات »
بلعت ريقها وهي تكمل تنظيف الحوش
طفله تشتهي مثل باقي الاطفال
تفكر لو فجأة يطلع لها كنز مثل أفلام الكرتون
غمضت عيونها وهي تخطط وش رح تعمل فيه
تخيلت نفسها تلبس احلى الفساتين
قدامها طاوله كبيره عليها كل انواع الاكل وكل ما تشتهي النفس
وحلويات من كل الاصناف
تجلس على الكرسي وتأكل كل الموجود
على الطاوله
وسرعان ما اختفت احلامها وهي تتخيل جدتها
ترمي كل الاكل وتحط قدامها جبنة ولبن
وتجبرها تأكل منه
طردت كل الافكار بعد ما نقزت على صراخ جدتها : ساره وجع
ناظرتها باستغراب علامها تصرخ
ام سعيد بغضب : الباب يدق ما تسمعينه ؟!
حكت رأسها وبتبرير: آسفه ما سمعته
وتوجهت للباب تفتحه ورسمت بسمه على محياها كالعادة
ناظرت ابو عزام واقف عند الباب تكلمت بابتسامة : هلا عمي !
تكلم وهو يناظرها بهدوء : ام سعيد هنا ؟!
ساره هزت راسها : الحين اناديها
ورجعت خطوه للداخل : يمه في رجال عند الباب
تقدمت ام سعيد بخطوات سريعة اتجاه الباب : هلا ابو عزام !!
ابو عزام بثقل : الله يحييك
ام سعيد باستغراب: خير ان شاء الله !
ابو عزام بهدوء: خير ان شاء الله
وطلع ظرف ومده لها : بصراحه عملنا حمله اعمال خيريه
وسجلت اسمكم
وهذا الظرف فيه فلوس لكم وفي اغراض بالسياره
ابتسمت ساره لما سمعت انه فيه فلوس
بس ناظرت جدتها للي تكلمت بحده : صدقه؟!
ابو عزام رفع حاجب : ايه صدقه الناس تبغى الاجر
قاطعته بحده: حنا ما نمد يدنا للناس
نشتغل ونعيش بعرق جبينا وبكرامتنا
مو بحاجة لصدقتكم
الله يغنينا من فضله
ابو عزام : بس
قاطعته بحده : اتمنى ما تكرر هالفعل مو بحاجة
لصدقتك
والحين اسمح لي عندي شغل
سكت للحظات ما يدري وش يقول لها وبصوت منخفض : يعطيك العافية
وتركهم وركب سيارته وحركها وهو متنرفز من ام سعيد
قفلت ام سعيد الباب ومشت خطوه للداخل
وقفها صوت ساره الناعم تكلمت بخيبه امل : ليه ما اخذت الفلوس؟ !
طالعتهابغضب : مو حنا للي نمد يدنا للناس
حنا نفسنا عزيزه !
خلي عندك كرامه ولا تذلين نفسك علشان كم فلس
سكتت وكل تفكيرها بالظرف للي فيه فلوس
ومتحسره لو اخذته جدتها
وش رح ينقصها ؟!!!
***
***
***
**
دخل البيت وللحين متنرفز من ام سعيد
ومن ردها صدق ما تستاهل فلس واحد
بس الواحد يبغى الاجر
وهو مبسوط على حاله يبغى يقدم لهم
زفر بضيق وناظر ام عزام تكلمه : علامك ضايق خلقك ؟!
ابو عزام عدل جلسته : ولا شيء
ام عزام بضيق : ليه ما تكلم عزام وتقنعه يتزوج
ابنة عمه تراها ما تتعوض والاسبوع الجاي
في ناس جايه تخطبها
قاطعها بنرفزه : وش تبغين ازوجه بالغصب
وبعد ما يجيب بزر يتطلقون !!
خلاص ما يبغاها هو حر عمره لا اعرس
ناظرته بقهر من رده : وليه تكلمني كذا ؟!!،
زفر بضيق طلع قهره من ام سعيد فيها : قال لك عزام ما يبغاها وليه تعيدين وتحنين فوق رأسي
!!!
وقفت بغضب من أسلوبه وبقهر : الحق علي ابغى الزين لولدك
وطلعت من الصاله
رد بصوت منخفض : ولدك ولدك مو كأنه ولدها
افففف صجت رأسي بذي السالفه
وش هالحريم يضيقون خلق الواحد
استغفر الله
**
**
**
**
**
نهى جالسه متربعه على السرير وحاطه القلم بفمها وتفكر بعمق والدفتر قدامها
اسماء : يلا خلينا نكتب الرساله بسرعه
سحبت نهى القلم من فمها وناظرت اسماء : وش اكتب ؟!
اسماء بحماس : اكتبي
بسم الله الرحمن الرحيم
الحمد لله رب العالمين
ضربتها نهى بالقلم على راسها : غبيه تبغين اكتب خطبة جمعه ؟!
اسماء حكت مكان الضربه بتفكير : اكتبي
بسم الله
الاسم نهى .....
الصف اولى اعدادي
المدرسه
قاطعتها نهى بضجر : وبعدين معك يا غبيه ليه انا داشه إمتحان
اسماء هزت راسها : ايه صحيح
وحطت اصبعها الابهام بفمها تفكر
ورفعت حواجبها لما لمعت الفكره براسها : اكتبي رساله بالانجليزي
نهى عقدت حواجبها باستغراب : وش اكتب ؟!
اسماء بطفوله : اكتبي
ماي نيمز نهى
ماي فاذر
قاطعتها نهى بعصبيه: حشى وش رايك ارسل له دفتر العائله؟!
اففف من غبائك !!
اسماء ابتسمت : وش رايك ارسمي قلب حب
كبير
نهى فتحت فمها عجبتها الفكره وناظرت اسماء : تعرفين ترسمين قلب الحب ؟!،
اسماء وهي تدق على صدرها : اعجبك
وسحبت الورقه ورسمته بحجم كبير
عفست ملامحها نهى: هذا قلب حب
للي يشوفه يظنه صخره
هاتي ارسم انا
رسمت قلب حجمه متوسط
قاطعهم دخول ام سعود : نهى
بلعت ريقها وناظرت امها بخوف: وش فيه ؟!
ناظرتها ام سعود بشك واقتربت منها : وش تعملين ؟!
نهى وهي تكمل رسم وتحاول تظهر طبيعيه : ارسم تفاحه يا ماما
ناظرت ام سعود الورقه وهي تشوف مرسوم تفاحه وعليها ورق : هذا للي فالحه فيه !
نظفي المطبخ بسرعه
نهى براحه : ان شاء الله
**
**
**
في اليوم الثاني بالمدرسة
بالفسحه طلعت ساندويتش اللبنه وأعطتها لعائشه
اخذتها عائشه وتذوقتها : الله ما اطيب هاللبن
وبتساؤل: ليه ما تبغين ساندويتش حقتك
تراها طيبه
قاطعتها ساره بمراره: ما ابغى
ترى قرفت معدتي اللبن ومشتقاته
عائشه تتكلم وهي مستمتعه بالطعم: بالعكس لذيذ
عفست ملامحها : قرفته الفطور لبن وجبنه الغداء لبن وجبنه العشاء لبن وجبنه
نفسي يوم ارجع على البيت ألاقي
اخذت نفس وقطعت كلامها و حطت يدها تحت خدها
عائشه باستغراب : ليه سكتي ؟!
ابتسمت كعادتها : خلاص انسي
والحين قولي خالتك كم بنت عندها ؟!
عائشه : 3
ليه تسألين ؟!
ساره هزت كتوفها بابتسامة: كذا سألتني جدتي !!
عائشه عفست ملامحها: جدتك هذي ما اطيقها
نكديه وعصبيه ودوم تصارخ !!
ليه ما تتركيها وتيجي تعيشين معي !!
ساره : لا تقولين عنها كذا حرام
تزعل اذا سمعتك تقولين عنها كذا !
عائشه تخصرت : وليه دائما تجعر مثل صوت البقره لما تنادي عليك ؟!
ساره بحرج : عيب تقولين كذا ؟!
عائشه تغير الموضوع .بحماس طفولي : انا رايحه اشتري وارجع لك
وراحت تركض بعدها بدقائق رجعت وحطت المشتريات بحضن ساره وابتسمت لها : خذي
ساره بتردد: هذا مصروفك ؟!
عائشه بلامبالاه: عادي نتقاسم
سكتت وهي تحس لعابها رح ينزل وهي تشوف المشتريات
تذكرت جدتها دوم تلقي عليها محاضرات
ما تأخذ من احد شيء
بس ما تقدر تقاوم وهي تشوف المشتريات بحضنها
بلعت ريقها وبدأت تأكل متجاهله كلام جدتها
عائشه بفرح وهي تتقاسم مصروفها مع ساره
رفعت رأسها شافت من بعيد نهى تتحلف فيها
طنشت ورجعت تسولف مع ساره ولا كأنه حد يناظرها
**
**
**
**
عائشه وهي تحاول تبعد يد امها عن اذنها
بس ام سعود شاده بقوه : انا اعطيك مصروفك علشان تفتحين جمعيه خيريه ؟!
عائشه والدموع بعيونها: حرام ما معها مصروف
قاطعتها ام سعود : وش دخلني فيها ؟!
ابو سعود : فكيها يا ام سعود
طنشته وهي تمسك شعرها وتشده : وقسم بالله
لو تعيدين هالحركه ما يحصل لك خير
عائشه وهي تحاول تفك يد امها : مصروفي وانا حره فيه !!
وقف ابو سعود وفلت شعر عائشه من يد امها : وبعدين معك مو كذا التفاهم واسلوب التربيه!
ام سعود : مو شايف
قاطعها وهو يؤشر لها تسكت وبعدها ناظر عائشه
ودموعها على خدودها اقترب منها ومسح دموعها وطبع قبله على جبهتها
ام سعود بغيض : ما احد مخرب هالبنات غيرك!
ابو سعود وقف وناظرها : كل شيء عندك بالضرب ؟!
ام سعود : يا الله يجيبها للطريق الصح
عائشه وهي ماده بوزها تتريق على امها : طريق والا بطريق
خزتها امها بعيونها : عائشه
ابو سعود ينهي الموقف : خلاص
اسمعي يا عائشه عقابك محرومه من المصروف اسبوع كامل
علشان مره ثانيه توزعين مصروفك
انا اتعب واشقى واجمع الفلوس وانت توزعينها
قاطعته بانفعال : دائما جالس على الكنبه ما اشوفك تتعب وتشقى
ابتسم وهو يتكتف : لو ما كنت تعبان كان ما اخذت اجازه اسبوع
عائشه وهي تهز رجلينها : نسيت انك تعبان وانت حامل بيدك الجوال طول اليوم تطقطق عليه
ابو سعود بلامبالاه : المختصر
محرومه من المصروف وبلا كثره حكي
ردت بقهر وتمرد : مو على كيفكم !
انت تدرس تربيه إسلامية وين التصدق على المساكين ؟!
مد بوزه : يا هالتخصص ذلتنا فيه
كملت كلامها بغبن طفولي : لو اعرف مدير المدرسه كان قلت له عن بخلك خله يفصلك
لانك ما تستاهل تكون استاذ
وتركتهم وراحت لغرفتها
ناظر ام سعود : اشوفك ساكته للملسونه ؟!
ابتسمت بشماته : دوبك تتكلم عن اساليب التربيه
هذا انا جالسه اتفرج واتعلم
رجعت عائشه وقفت وبصوت عالي وتوعد طفولي: والله لاروح للمدرسه وتعطوني مصروف لي ولساره
ناظر زوجته : عشتو
هذا الناقص اصرف على بنات الجيران
عائشه بطفوله وتردد كلام كانت تسمعه من امها : بدل علبه الدخان تصدق على الفقراء والمساكين
تقدم خطوه بتهديد : عائشة
وقسم بالله اذا وصلت لك ما يحصل لك خير
انقلعي على غرفتك اشوف
خافت من نظراته وبسرعه رجعت لغرفتها
**
**
**
*
نظفت المطبخ وهي تحس بالتعب من هالاعمال اليوميه
طلعت على صوت جدتها الغاضب : نعم يمه
ام سعيد بعصبيه مسكتها وضربتها : كم مره قلت لك ما تأخذين شيء من احد
خلي نفسك عزيزه !
ساره وهي تحاول تتجنب ضربات جدتها،: ما اخذت
قاطعتها وهي تزيد ضرب : وتكذبين بعد !!
الحين ام سعود جاءت تشكي انك اخذت مصروف ابنتها
تركتها ام سعيد وهي تلهث من التعب : وبعدين مع نفسك الرديه ؟!
رمقتها ام سعود بنظرات ناريه وهي تشوفها متكوره غلى نفسها
للحين مقهوره وهي تتذكر شكل ام سعود
وهي تردح وتقول ساره اخذت مصروف ابنتها
ومو قاعده على بنك علشان تصرف على ساره
زفرت بضيق ودخلت للبيت وهي مفوره من العصبيه
متكوره على نفسها وتبكي على حظها العاثر
طول عمرها محرومه من كل شيء
ولما فتحت لها الدنيا واعطتها عيشه من مصروفه
كان هذا الثمن ضربتها جدتها ضرب
ليه مو من حقها تأكل وتصرف مثل باقي الاطفال ؟!!
ما طلبت من عيشه شيء هي أعطتها من خاطرها !!
هي اعطت عيشه ساندويتش ليه ما احد تكلم
بس لما اكلت من مصروف عيشه كل قام ضدها
وكأنه مكتوب على جبينها
الحرمان طول حياتها
رفعت رأسها للسماء وهي تمسح دموع يتيمه
وتتمنى تموت مثل امها وابوها
وتروح للجنه فيها كل شيء مثل ما قالت لهم المعلمه
رجعت تكورت على نفسها ودموعها رجعت تنزل من جديد
مسحت دموعها لما سمعت طرقات على باب الحوش
وقفت وتوجهت للباب وهي تمسح دموعها بيدينها الصغيره
**
**
**
واقف ينتظر الباب ينفتح وعيونه على البنت للي تناظره وتبتسم له
رد لها الابتسامه
عفس ملامحه بقرف لما انفتح الباب
وشافها عيونها متورمه من البكاء وشعرها كالعاده جدوله مو نظيف ومنفوش وكأنها طالعه من معركه وغرتها مقصوصه بطريقه مضحكه تكلم بسخرية : وش فيها صنوايت زعلانه؟!
ناظرته وهزت رأسها بالنفي والغصه بحلقها
وبالرغم من للي مرت فيه ما تقدر تتخلى عن ابتسامتها ابتسمت والدموع تلمع بعيونها
ناظرها بقرف وهو مو طايق هالبيت بعد ما خبره ابوه عن جدتها وكيف كلمته
قهره ابوه لو مكانه ما أشتري من عندهم علشان تتأدب بس ابوه كاسر خاطره الطفله تكلم بقرف
: وين جدتك ام سعيد ؟!
بسرعه ناديها قولي لها ابغى الطلبيه بسرعه
وابتسم بسخريه على نفسه صاير طرطور احرجه ابوه قدام صديق ابوه وقال له عزام يعرف البيت ورح يجيب لك
صرخ بعصبيه وهو يشوفها واقفه تتكلم مع بنت بنفس عمرها : يا زفته تعالي هنا ؟!
**
**
**
عائشه وهي ماسكه يدها وتعتذر : هذي نهى الزفته قالت لامي
ولا تهتمي منهم هالبخيلين
اقترب منهم واقفات مطنشاته ويتناقشن باندماج
تكتف وهو يناظرهن
عائشه بحنان وهي تمسح على راس ساره : عورتك جدتك لما ضربتك ؟!
عفس ملامحه بقرف و هو يناظرهن لو يعطونه مليون ما لمس شعرها
ساره ابتسمت بألم وكشفت عن يدها : هنا يوجعني
عائشه عفست ملامحها بحزن وتأثر وهي تشوف مكان القرصه ازرق : يا حبيبتي ولا تهتمي لجدتك
اصابه فضول يعرف ليه ضربتها جدتها
عائشه تكمل بعناد : غصب عن جدتك كل يوم رح اعطيك مصروفي
مو على كيفهم
ساره ابتسمت لها : وش قالت لك امك ؟!
عائشه ضحكة قصيره : قطعت اذني
ولوت بوزها وهي تكمل : وبابا حرمني من مصروفي
اسبوع
بس لا تهتمي لما ينتهي العقاب رح اعطيك من مصروفي بدون ما تشوفنا نهى ونتخبى
قطعت كلامها لما رفعت رأسها وشافت عزام واقف فوق راسهم ويناظرهم احتدت ملامحها الطفولية : ما تستحي على وجهك تتجسس علينا ؟!!
ابتسم وتكلم باستخفاف : لا يالخطيره
ومسك ساره بطرف ثوبها بقرف ودفها : مو قلت لك نادي جدتك ؟!
ساره شهقت بتذكر : ايييي نسيت
عزام بقرف : انقلعي خلصيني مو فاضي لك
عائشه مسكت ساره من يدها قبل ما تروح وناظرت عزام بغضب : هيه انت لا تكلم صديقتي كذا!!
اعتذر لها بسرعه
ضحك عزام ضحكه عاليه وناظرها وهي ماده بوزها ومعصبه بحركه طفوليه : يا قلبي على البراءة يا ناس
عائشه رفعت اصبعها بتهديد : اسمع ما امزح معك
ساره بصوت منخفض لعائشه : عيب يا عيشه !
عائشه بعصبية من هبل ساره : ما شفتيه كيف يناظرك !
عزام : اقول يالقويه روحي نادي ام سعيد
ترى بدأ دمي يفور مو فاضي لك
عائشه تتريق عليه : فاضي والا مليان هههه
ساره باحراج من تصرفات عائشه : الحين انادي جدتي
وركضت للبيت بسرعه
تكتفت عائشه وهي رافعه حاجب بغرور : لو مكانها لو تبوس الارض ما رحت انادي
عزام ابتسم بسخريه : ما احد قال لك لسانك طويل ؟!
عائشه هزت راسها بطفوله : ماما وبابا دوم يقولون لي لساني طويل
وتابعت كلامها بصراحه وهي تتربع على الارض وتحط يدها تحت خدها : يا حظها ساره ما عندها ام واب مرتاحه من تحكم الام والاب
بس مسكينه طلعت لها جدتها اعوذ بالله ما تنطاق
غبيه اقول لها تتركها بس رافضه تقول حرام تخاف تزعل
قلت لها نهرب انا واياها لمكان بعيد ونعيش مع بعض وما احد يتحكم فينا بس الغبيه رفضت
تدري انها خبله وغبيه
وش رايك تأخذنا بسيارتك لمكان بعيد
ونعطيك اجره
واقف يستمع لثرثرتها قاطعها بتعجب : الله يستر
الظاهر فضيحة اهلك على يدك
والتفت للخلف لما شاف ام سعيد طلعت له
تركها وتوجه لام سعيد يكلمها
وبعدها حمل الاغراض اعترضته نفس البنت : تبغى مساعده ؟!
عزام ابتسم لها : شكرا
نهى ابتسمت : العفو
عائشه من خلفها : والله لاقول لبابا تكلمين رجال غريب !
وخزتها بعيون متوعده !
نهى حست نفسها تورطت ردت : ناسيه نفسك جالسه معه ساعه قولي عني اقول عنك
عائشه بلامبالاه : عادي قولي انا صغيره
اما انت عيب تكلمين رجال غريب
عزام ابتسم على طفولتهن : انا كلمتها سألتها اذا ابوك موجود علشان اخبره عن طول لسانك
عائشه رجعت خصله من شعرها خلف اذنها وتركتهم ودخلت لبيت ساره وهي تتكلم بصوت عالي : مجانيييييييين
**
**
**
**
في اليوم الثاني
ام سعيد وهي تصرخ على ساره علشان تقوم للمدرسه
قامت ساره بتثاقل وناظرت جدتها وهي تفرك عيونها بنعس : ما ابغى اروح للمدرسه !
ام سعيد رفعت حاجب: وليه ان شاء الله ؟!
ساره نزلت يدينها بحضنها وتناظر الارض : المعلمه قالت لي اذا ما نظفتي شعرك من القمل ممنوع تدخلين المدرسه
قاطعتها بلامبالاه: اقول قومي بلا هذره
غصب عنها تحضرين مو على كيفها
اذا كلمتك اليوم قولي لي اجي للمدرسه وامسح فيها الارض
ساره هزت رأسها بهدوء وتوجهت للحمام
بعد ما تجهزت نادتها ام سعيد ومسكت يدها بهدوء : ليه تأخذين مصروف عائشه ؟!
ليه لما اعطيك مصروف ترفضين تأخذين ؟!
رفعت نظرها لجدتها : انا ما اخذت من عيشه
هي اعطتني غصب عني
لو ابغى مصروف كان طلبت منك
بس انا ما احب اشتري وابتسمت بعيون لامعه
ام سعيد مدت يدها : خذي مصروف
هزت راسها ساره بالرفض وركضت باتجاه الباب وهي تلوح لجدتها بابتسامه : سلاااام
بعد ما طلعت من البيت مشت خطوات بطيئه باتجاه الشارع
وهي تحس بالغصه رفضت المصروف لانه قليل وما يجيب شيء مثل البنات
وتخاف اذا طلبت من جدتها تزيد المصروف تزعل منها
وجدتها ما معها فلوس من وين تجيب لها ؟!
مسحت دمعه وهي تتمنى يتحسن حالهم
متى الفقر يتركهم ؟!
**
**
**
**
الابله بعصبيه وهي تؤشر على ساره بقرف : مو قلت لك لا تداومين وشعرك كذا ؟!
رفعت نظرها بخوف وبسرعه نزلت نظرها للارض
وتفرك يدينها من الخوف
الابله : كل يوم تيجي شكوى من الامهات !!
وش ذنب بناتهم ينعدون بسبب قذارة اهلك ؟!
مطت ساره شفتها بألم والدموع تلمع بعيونها
الابله تابعت بعصبيه : قومي اشوف
وقفت ساره باستسلام بدون اي كلمه
الابلة اشرت عند سلة الزباله : بسرعه روحي وقفي هناك اشوف
توجهت ساره بدون اعتراض
وقفت ورفعت عيونها شافت
البنات يضحكون عليها
ساره بمكابره ابتسمت وهي تتطالع بالبنات
الابله بعصبيه : على وش تضحكين يا حظي ؟!
على قذارتك ؟!
نزلت ساره نظرها للارض وهي تحس نفسها رح تنفجر بالبكاء بأي لحظه
بدأت المعلمه بالشرح
وساره تناظر الارض خايفه ترفع نظرها وتزفها المعلمه
مر الوقت وهي تحس نفسها تعبت من الوقفه
بدون شعور جلست على الارض تريح رجلينها
وسرعان ما فزت على صراخ المعلمه : وقفي
اقتربت منها المعلمه : مين سمح لك تجلسين ؟!
رفعت رأسها ساره وسرعان ما نزلته وغطت وجهها بيدينه
الابله بعد ما ضربتها كف بتوعد : يا ويلك اذا جلست !
ورجعت تكمل شرح الدرس بقلب بارد بدون الشعور بطفله
تناظر الارض بتعب وذل
وش ذنبها حتى تعاقبها الابله ؟!
وش يطلع بيدها ؟!
كيف تنظف شعرها من القمل ؟!
جدتها نظرها ضعيف ....وين تروح ؟!
ما تتحمل الوقوف اكثر ...تبغى ترمي نفسها بفراشها وتنفجر بالبكاء
ما صدقت لما رن الجرس
وبسرعه جلست على الارض لما طلعت الابله
تجمعوا البنات حولها يضحكن عليها بتعليقات مختلفه: يا حرام طلعتها المعلمه
_الابله لئيمه وقفتك
_ليه ما تنظفي شعرك علشان ما تعاقبك
_شوفي وجهك احمر مكان الكف
_ اكيد يوجعك
ردت بابتسامه مزيفه : ما يوجع عادي
_ما تعبتي من الوقفه
ردت بنفس الابتسامه : عادي احسن من الجلوس
قاطعهم دخول نفس الابله ردت السلام
وناظرت ساره واشرت لها توقف
وقفت ساره باستسلام ما باليد حيله
**
**
**
بالفسحه
عائشه والبنات قالوا لها وش صار
ناظرت ساره بقهر على حالها : تعبتي ؟!
ساره بمكابره والدموع تلمع بعيونها : لا عادي
عائشه بقهر : الله يأخذها جعلها للكسر
غبيه لو تموت ما ارد عليها
قاطعتها وحده من البنات : تضربها اذا رفضت
عائشه بقله حيله : وش رايك تهربين من المدرسة؟!
ساره هزت راسها بالرفض بصوت فيه الغصه: لا جدتي لو عرفت تزعل
تبغاني ادرس واكون من الاوائل
وقفلت على الموضوع بابتسامة طفوليه: خلاص طنشوا الموضوع
**
**
**
**
استغربت ام سعيد من لما رجعت ساره من المدرسه
وهي جالسه : وش فيك جالسه ؟!
ساره هزت راسها بالرفض : ولا شيء
زاد استغرابها بالعاده تتحرك كثير
توجهت للمطبخ وبعد دقائق طلعت وهي تعمل مفاجأة لساره : تعالي شوفي وش جبت لك !
وقفت ساره بتعب وتوجهت لجدتها وابتسمت لما شافت طبق من الحلويات
جلست عند جدتها وبلعت ريقها : هذا لنا ؟!
ام سعيد ابتسمت لها : ايه لنا اشتريته لك ؟!
ساره مو مصدقه : متأكده ؟!
خزتها ام سعيد: وبعدين معك ؟!
غمضت عيونها للحظات وهي تشعر بالسعاده
واخيرا طبق حلويات امامها
تحس نفسها بحلم واي لحظه تصحى منه
وبسرعه صارت تأكل قبل ما يختفي ويطلع حلم
والجده تناظرها بحزن وشفقه بس ما يطلع بيدها شيء .......
**
**
**
جالسه بالصاله وتكتب واجباتها ناظرت ابوها : بابا متى تروح للدوام ؟!
أبو سعود يطقطق بالجوال : ليه تسألين ؟!
عائشه رفعت حاجب : لانك كاتم على نفس نهى واسماء !
نزل الجوال وناظرها : نعم ؟!
عائشه ببراءه : ايه قالوا انك كاتم على نفسهم بجلستك !
تنرفز من كلامها : والله؟!
وليه ان شاء الله كاتم على نفسهم ؟!
رجعت تحل الواجب وتتكلم : علشان مسلسل ...وانت مانعهم يحضرون
قاطعها وهو ينادي بصوت غاضب : نهى اسماء
يا نهى يا زفته
دخلت نهى واسماء الصاله باستغراب : نعم بابا
ابو سعود بعصبيه : نعامه ترفسك انت واياها
انا كاتم على أنفسكم؟!
نهى واسماء بصوت واحد : مين قال ؟!
عائشه رفعت القلم بيدها وهي تقرص بعيونها : انا سمعتكن قلتن كذا ؟!
نهى وجهها صار احمر : كذابه
اسماء نفس حالة نهى : ايه كذابه
عائشه فتحت عيونها : والله العظيم قالوا
بالغرفه
علشان مسلسل ... قلتم عنه كذا
نهى بنكران : اول مره اسمع بهذا المسلسل ؟!
عائشه بتصميم : كذابه متابعيته
فيه واحد اسمه عمر يحب صاحبيته ويطلع معها للسوق هي ما تحبه تحب صاحبه وقال لها تتزوجه
قاطعها ابو سعود : خلاص اسكتي انت هذي السوالف تعرفينها حتى!!
وش عرفك بالحب ؟!
عائشه بطفوله : اعرفه لاني احب كونان ورح اتزوجه لما اكبر
ضرب على جبهته بصدمه من هالجيل
اذا هذي للي بالصف الثاني تقول كذا
وش يقول عن نهى واسماء!!!
وقف بغضب وقرب من نهى واسماء واعطاهم للي فيه النصيب وبتوعد : والله لو اسمع وحده فيكم
حاضره هالمسلسل الا امسح فيها الارض
عائشه باستغراب : ليه تمسح فيهم الارض عندنا
ممسحه للارض
ابو سعود بغضب: انت اسكتي ما ابغى اسمع صوتك
واذا سمعت كلام الحب هذا الا
قاطعته بضجر وهي توقف وتلم اغراضها : حتى الحب عندكم حرام
افففف
وبسرعه هربت لما شافت ابوها وقف يضربها
ابتسم و هو يسمع صراخها اكيد وقعت بيد نهى واسماء
**
**
**
**
ام عزام وهي مجهزه نفسها : يلا يا عزام تأخرت !
عزام ابتسم : خايفه جدتي تخصم عليك اذا تأخرتي ؟!
ابو عزام ناظر زوجته : اخوك خلف هنا ؟!
ام عزام هزت كتوفها : ما ادري
بس اكيد طالع للبر ؟!
وش تبغى فيه ؟!
ابو عزام : ولا شيء
طلعت ام عزام مع عزام وبعد ما حرك
ناظرته : ترى جدتك طل يوم تسألني متى تخطبون له ؟!
عزام : يا يمه الحين خليني اتخرج ويصير خير
ام عزام : بس راما بعد يومين ملكتها
قاطعها بلامبالاه : الله يوفقها
وابتسم وهو يتخيل طيف عائشه تكبر ويخطبها
بس المشكلة صغيره كثير !!
ورح يتأخر بالزواج حتى ينتظرها
و نفس الوقت ما تناسب مستواه بس ما يدري تلفت انتباهه
**
**
**
**
في اليوم الثاني
ساره وشوي تبكي : ما ابغى اروح للمدرسة!
ام سعيد بهدوء غريب : اذا ما رحت للمدرسه كيف تدخلين الجامعه ؟!،
ساره هزت راسها بالرفض : ما ابغى اروح للمدرسه
وقفت على حيلها بعد صرخة جدتها : ساره
قومي انقلعي انت ما يمشي معك الدلع
بسرعه الحين تتأخرين على المدرسه
توجهت للحمام وهي حامله كل الهموم فوق اكتافها
خايف تروح للمدرسه ...ما تبغى تكون مضحكه للبنات ...
وتتعاقب وتبقى طول الدوام عند الزباله
وكأنها شيء قذر ...
كل ما تتذكر عقاب المعلمه ونظرات البنات
تحس قلبها يوجعها
وش ذنبها ؟!
مو قادره تفكر بحل للخلاص من هالقمل
صار عندها عقده منه !
غير نظرات البنات متقززات منها !
وش تعمل بنفسها ؟!
توجهت للمدرسه وهي خايفه
رن الجرس وبالطابور كانت تناظر الارض
خايفه ترفع نظرها وتشوفها المعلمة
اصبحت بالنسبه لها رعب تخاف منها
دخلوا الصف وكانت مرتاحه لانه الحصة الاولى
كانت انجليزي
جالسه تتمنى ما تنتهي الحصه حتى ما تشوف الابله
من خوفها ما عادت تركز بدروسها الخوف مسيطر عليها
انتهت الحصة وبدأت تقضم اظافرها
الحين رح تيجي الابله هدى
غمضت عيونها وهي تشعر بمغص ببطنها
لما سمعت صوتها دخلت
الرعب للي دب بقلبها ما سمح لها تفتح عيونها
حست بخطوات المعلمه فوق رأسها
بلعت ريقها بصعوبه
وسرعان ما فتحت فمها بآه من الالم
وحطت يدها على ظهرها مكان العصا على ظهرها
الابله بقسوه معروفه عنها : وش قلت لك ؟!،
كم مره أرسلت استدعاء لاهلك حتى يجون للمدرسه !
وجوال ما عندكم انتم بأي عصر عايشين ؟!
نزلت نظرها ودموعها على وشك النزول
ماسكيتهم بالغصب
ما تبغى تبكي قدام احد ما تبغى
الابله بحده: انت ما تفهمين الكلام ؟!
اعطيني يدك أشوف
ساره رفعت نظرها بتردد وخوف وقلبها يدق طبول من عصبيه المعلمه وماسكه العصا تبغى تضربها
ساره وبصوت على وشك البكاء: اخر مره
الابله سحبت يد ساره وضربتها بالعصا
وبصرخه : ارفعي ايدك
ضربتها 5 عصي بدون رحمه او رأفه
ودفتها بقرف :،احملي مقعدك وحطيه هناك
وقفت ساره وهي زامه شفايفها حتى ما تنفجر من البكاء
وحطته جنب سله الزباله وجلست
وهي تناظر الارض
وبقلبها تردد ما ابغى ابكي ما ابغى
ماما انا شاطره ما رح ابكي
بابا انا شاطره ما رح ابكي
انا كبيره ما ابكي ما ابكي ما ابكي
وسرعان ما دفنت وجهها على الكتاب طلعت منها
شهقة غصب عنها ما قدرت تكتمها
الابله بعصبيه : ولا نفس
وناظرتها بحزم لثواني ورجعت تكمل الدرس بكل برود وقسوه
حطت يدينها الصغيره على فمها تمنع شهقاتها
تطلع غصب عنها
**
**
**
**
رجعت للبيت والدموع تلمع بعينها
من أي قلب مخلوق قلب المعلمه ؟!!
ما في قلبها رحمه لما تضرب طفله بالابتدائي ؟!
تذكرت لما ضربت نفس الابله زميلتهم لانه
مريولها عليه بقايا عصير
شديده وقاسيه لدرجه الجنون !!
متى تكمل الصف الثاني وترتاح منها ؟!
فتحت الباب بشويش وسرعان ما ابتسمت لما شافت جدتها كالعاده بالحوش هي مصدر الامان لها : السلام عليكم
ام سعيد تنظف بالحوش : وعليك السلام والرحمه
اخذت نفس ساره وتكلمت بفرح عكس الجروح للي بقلبها : يمه
قاطعتها ام سعيد بعجله : عجلي بدلي وغسلي وصلي وتعالي ساعديني جارتنا رمزيه رح تزورنا
سكتت هذي هي حياة جدتها كله جد بجد
حياتها كلها شغل بشغل ما عندها شيء ترفيه او
قاطعتها بنرفزه:،عجلي قلت لك مو تتأملين
ابتسمت على طبع جدتها وتوجهت للداخل
**
**
**
**
مجتمعين على الغداء عائشة بضيقه : بابا اطلب منك طلب ؟-
ابو سعود وهو يمسك الملعقه باستغراب : مني انا ؟!
عائشه بطفوليه: ايه انت لانك جالس بالبيت الحين لا شغل ولا مشغله وتقدر تنفذ طلبي !
ابو سعود حط اللقمه وناظرها : ما ادري على مين طالعه لسانك يبربر وقلدها بسخريه «لا شغل ولا مشغله »
الله يكفيني عينك حاسديتني على الإجازة !!
وش هالبنت هذي !!
ام سعود ابتسمت : خلينا نسمع طلبها
عائشه مدت بوزها بطفوله
ابو سعود حط يده تحت خده : وش طلبك ؟!
عائشة تذكرت موقف بالمدرسه وحولت عليه خافت تنسى : اول شيء اقول لك وش صار اليوم وبعدين الطلب
تابعت كلامها وهي تشوفه يهز راسه : اليوم تضاربت مع رنين
ابو سعود : مين رنين ؟!
ساره لوت بوزها : ابوها يدرس معك بالمدرسه
اسمه حسن
لوى بوزه ابو سعود بوزه بقرف من هالطاري: وليه تضاربتي معها ؟!
عائشه بغضب : تقول عنك انك ما تعرف تتدرس
وغبي وابوها اشطر منك
وقال ابوها المدير وانت تشتغل عنده
قهرتني وضربتها
نهى : ليه ما طنشتيها ؟!
عائشه رفعت حاجب بغرور : انت ما تتدخلين ؟!
نهى عفست ملامحها : مالت عليك
ضحك ابو سعود عليها وهو يتخيل حسن المدير
ام سعود : مو حسن هذا السائق للي يوصلكم لهنا
هز راسه ابو سعود وما زالت اثار الضحكه على ملامحه
عائشه بتفاخر : قلت لها اصلا بابا هو المدير اخذ اجازه على كيفه وضحك عليهم وقال انه مريض
وهو مثل الحصان
وقف وهو فاتح عيونه : حسبي الله
ما لقيتي الا هالبنت تقولين لها ؟!
وبعدين مع لسانك الطويل ؟!
ضرب على جبهته بقهر : هذا ابوها الفتان كل شيء ينقله للاداره
شد على اسنانه وهو يردد : لا حول ولا قوة الا بالله
ام سعود بحده لعائشه :، مو قال لك ابوك ممنوع تنقلين شيء برا البيت ؟!!
عائشة عقدت حواجبها : انا وش قلت؟!
ناظرها ابو سعود وهو رافع يدينه لو يطلع بيده كان خنقها : انت اخخخخخخ منك !
ومن لسانك !
مطت شفتها وما عجبها كلامهم ليه يناظرونها كذا ما عملت شيء
اسماء لعبت بحواجبها تحاكرها
انقهرت منها :،سدي حلقك يا
ابو سعود بغضب وهو متأكد اذا وصلت السالفه لحسن رح يعمل له مشكله مع الاداره ويملح ويبهر على كيفه : خلاص اسكتي
ما وصلنا من لسانك الا المشاكل
عائشة : طيب بعدني ما طلبت الطلب ؟!
ابو سعود يتابع اكله :،ما في طلبات
كملي الغداء وانقلعي من وجهي احسن ما اطلع حرتي فيك
ام سعود : شوف وش طلبها يمكن في مصيبه من طلبها
طالع أبو سعود عائشه وهو رافع حاجب : وش طلبك ؟!
عائشه مدت بوزها بزعل : خلاص ما ابي شيء
سديتوا نفسي عن الكلام
طالعها بنظره قويه : قولي طلبك احسن ما
قاطعته بضجر : خلاص الحين اقول
سكتت للحظات وبعدها تكلمت بهدوء : ابغاك تروح تشتكي على الابله هدى
اليوم ضربت ساره لانه فيها قمل
رفع عيونه للسماء وهو ماسك نفسه : الله يجيبك يا طول البال !
غثتيني طلب طلب طلب وبالاخير هذا طلبك ؟!
عائشه بضيق :،يعني ليه تضربها ؟ !
وبعدين القمل ربنا خلقه يعيش براس ساره
حرام وين يروح يعيش اذا طردته ساره
بس الابله راسها مصدي ومسكر مو راضيه تستوعب هالكلام !
انا رحت لها وقلت لها القمل مو وساخه بابا كان راسه مليان قمل وكان يفتخر فيه
فتح عيونه بصدمه من كلامها مين مسلط هالبنت عليه : من وين جبت هالكلام ؟!
انا راسي كله قمل؟!
عائشة غمزت له بطفوله : ضحكت عليها
علشان تعرف انه القمل شيء عادي
ام سعود بشبح ابتسامه : وش قالت لك الابله ؟!
عائشة عفست ملامحها بكره : طردتني انا وصديقتي
اسماء : مين صديقتك ؟!
عائشه بابتسامة : سحر ابنة ابو سالم
وقف عن الاكل بغضب : لو اذبحها ما احد يلومني !!
عائشة رفعت حاجب : انا وش عملت علشان تذبحني ؟ !
توجه نحوها وبسرعه هربت صرخ : تعالي يا زفته
مسكته ام سعود : هدي يا ابن الحلال
بعدها صغيره وما تفهم
ابو سعود بقهر : قهرتني هالزفته
**
**
**
**
وقفت قدام المرايه الصغيره ما تدري وش الحل
حتى تتخلص من معاناتها
مسكت شعرها مجدل طوله لنصف ظهرها
ناعم وجميل وش الفائده من جماله
وتعبت جدتها فيها
ما عندها الا تتخلص منه ما تبغى شعر
حتى البنات ما يتمسخرون عليها !!
والابله ما تضربها وتعاقبها !!
وام سعود تخليها تلعب مع عيشه !
وتريح جدتها من غسله وتمشيطه !
مسكت المقص وبدأت تقص بشكل عشوائي
تبغى تتخلص منه وترتاح
كانت تسقط خصلات شعرها على الارض بعشوائيه
بعد وقت كملت وناظرت نفسها بالمرايه
ونزلت نظرها للارض
شعرها منثور على الارض
نزلت على الارض تبغى تلمه وترجعه لشعرها
ما تدري كيف قصته كذا ؟!
لفت وجهها بخوف لما سمعت صوت جدتها على الباب :،ساره !
**
**
**
رواية أقدار~للكاتبة ضاقت أنفاسي الفصل الثالث 3 - بقلم BlackButterfly002
بارت 3
وقفت قدام المرايه الصغيره ما تدري وش الحل
حتى تتخلص من معاناتها
مسكت شعرها مجدل طوله لنصف ظهرها
ناعم وش الفائده من جماله
وتعبت جدتها فيها
ما عندها الا تتخلص منه ما تبغى شعر
حتى البنات ما يتمسخرون عليها !!
والابله ما تضربها وتعاقبها !!
وام سعود تخليها تلعب مع عيشه !
وتريح جدتها من غسله وتمشيطه !
مسكت المقص وبدأت تقص بشكل عشوائي
تبغى تتخلص منه وترتاح
كانت تسقط خصلات شعرها على الارض بعشوائيه
بعد وقت كملت وناظرت نفسها بالمرايه
ونزلت نظرها للارض
شعرها منثور على الارض
نزلت على الارض تبغى تلمه وترجعه لشعرها
ما تدري كيف قصته كذا ؟!
لفت وجهها بخوف لما سمعت صوت جدتها على الباب :،ساره !
وش هذا ؟!
وش عملت بشعرك يا مجنونه؟!
اقتربت منها والشرار يطلع من عيونها
وقفها كلام ساره بنبره باكيه منكسره : ما عملت شيء ؟!
خلاص راح شعري
وطالعت جدتها والدموع على خدودها: خلاص الابله ما رح تضربني !!
وتخليني اجلس عند الزبالة !،
وما رح تتعبين لما تغسلي شعري وتمشطيه
وابتسمت بألم : كذا افضل
طالعتها وهي حاضنه شعرها وشكلها يكسر الخاطر
تقدمت وجلست على الارض : :وش اسم هذي الابلة ؟!
ساره وهي تمسح دموعها وصوت محبوح : ابله هدى
وقفت الجده بغضب وسحبت ساره من يدها : غبيه وهبله طول حياتك كذا !!
متى تستخدمين عقلك هذا ؟!
ما اقول الا الله يعيني عليك قومي معي اشوف
صرفه لشعرك هذا !
**
**
**
**
ناظرت أم سعيد : اكثر من كذا ما ينفع
معي
هزت ام سعيد راسها وهي تناظر ساره وشعرها طوله 1سم اقصر من شعر العيال : الله يعطيك العافية
ناظرت ساره نفسها بالمرايه وصارت تبكي
ام سعيد وقفت بغضب: تستاهلين
شوفي كيف خربتي شعرك ؟!
امشي قدامي اشوف امشي
طلعوا وساره تمسح دموعها : يمه متى يرجع شعري ؟!
ام سعيد بجمود : يبغى له وقت !
ساره بخيبه : كذا اصير مو حلوه !
والبنات يضحكن علي !
ام سعيد تتكلم بدون ما تناظرها :،انت حلوه بكل حالاتك
ابتسمت بطفوله : يعني انا الحين حلوه مثل عيشه ؟!
ام سعيد وقفت ونزلت لمستواها : انت احلى بنت بالعالم كله
توسعت ابتسامتها ساره بفرح ونسيت موضوع شعرها وطبعت قبله على خد جدتها : شكرا يا احلى ام بالدنيا
همست الجده بحزن والدموع بعيونها : الله يرحمك يا مها
وتابعت طريقها للبيت وقلبها يتمزق من الحزن على ابنتها للي فقدتها بيوم وليله
**
**
**
عائشه فتحت الباب وعقدت حواجبها باستغراب : مين انت ؟! وش تبغى ؟!
ساره ضحكت بطفوله : انا ساره يا دبه ما عرفتيني ؟!
عائشه فتحت عيونها بصدمه : ساره ؟!
ليه قصيت شعرك ؟!
دخلت ساره بابتسامة : على الموضه !
عائشه رفعت حاجب باستنكار : غبيه !
ساره هزت رأسها بضحكه طفوليه : جدتي قالت لي حلوه !
عائشه : الا قولي بشعه جوكر تقرفين وغبيه
وبغضب : ليه تقصينه ؟!
أكيد جدتك البخيله قصته حتى توفر مويه وشامبو
قاطعتها ساره وهي تهز راسها بالنفي : لا مو جدتي انا قصيته بنفسي
عائشة بتحقيق : وش قالت جدتك ؟!
أكيد ضربتك صح ؟!
ساره ابتسمت وهي تناظر نهى تطالعها باستغراب : لا ما ضربتني ما ادري وش صاير بالدنيا ؟!
واشرت لنهى بيدها : نهى
تقدمت نهى باستغراب : وين شعرك ؟!
عائشه عفست ملامحها وهي تناظر نهى : يعني وين شعرها اكيد قصته !
وش هالاسئله الغبيه ؟!
وبعدين وش دخلك فيها ؟!
نهى ضربت عائشة على رأسها : انت اخرسي
ما كلمتك !
عائشه هجمت عليها وضربتها بظهرها : الله يأخذك
بعدوا عن بعض لما سمعوا صراخ ابو سعود : نهى ،عائشه
تقدم منهم بنهر : صغار بعدكن ؟!
عائشه تخصرت : هي للي بدأت !
نهى : انت
قاطعهن : خلاص ولا كلمه
عائشه تتريق : كلمه ولا حرف
ابو سعود خزها بعيونه :عائشه
وسلط نظره على ساره : وانت يالمخبوله وين شعرك ؟!
ساره ضحكت بطفوله : راح
عائشه :،بابا ابغى اقص شعري مثلها
ابو سعود مط شفته : نعم ؟!
عائشه تعيد : اقص شعري مثلها علشان نصير مثل بعض
نهى : والله لأقول لماما عنك !
عائشه بنظرات ناريه لنهى : قولي لجد جد جد ابوي ما رح اخاف
ابو سعود : ما تخافين مني ؟!!
عائشه ابتسمت وناظرت ساره : قولي لبابا وش دائما اقول عنه بالمدرسه !
ساره هزت رأسها وناظرت ابو سعود : حرام دائما تقول تخاف انك تضربها لانك حمار وغبي
وتضرب مثل المتوحش
وبخيل و
ابو سعود مسك عائشه من اذنها :انا لازم اقص لسانك انا حمار ؟!
عائشه رفعت يدينها تشرح : لا مو قصدي انك حمار
قصدي انك تضربنا قبل ما تفهم السالفه مثل الحمار
وقلت غبي لانك حتى لو فهمناك السالفه ما تفهم
شد اذنها اكثر وبعدها تركها ما يدري وش يقول لها عقلها ضارب وما تعرف تتكلم مثل الناس
كم مره نبه عليها توازن كلامها بس ما في فائده
رح يستخدم اسلوب ثاني : اوكي يا عائشه
لانك ما تحترميني
ما رح اخذك معي الحين للالعاب
وخليك منطقه هنا
عائشه ببراءه : كذاب انا سمعتك الحين قلت رايح عند صديقك
حمر وجهه منها هذي البنت مستحيل تطلع معها بنتيجة : انا كذاب ؟!،
تعالي معي يا ساره رح اخذك معي للالعاب لوحدك
ساره ابتسمت بفرح : صدق ؟!
رفع حاجب بعدين نازلات تكذيب فيه : ايه صدق يلا تعالي
ساره بفرح : بس اقول لجدتي اول
ابو سعود وهو يشوف نظرات عائشه بين مصدق ومكذب طلع باتجاه الباب : يلا تعالي الحين نقول لها وبعدها نروح
هزت راسها وطلعت معه بفرح مو مصدقه نفسها واخيرا رح تروح للالعاب
ناظرت ابو سعود بعيون تلمع من الفرح تتمنى لو ابوها عايش وتروح معه
شعور جميل متأكده بقرار نفسها أبو سعود يبغى يعوضها عن ذيك المره
وصلوا باب بيتهم ناظرته بابتسامه : انادي جدتي علشان اقول لها
نزل خلفها وقبل ما تدخل مسك يدها : لا تكوني صدقتي يالخبله ؟!
تراني مو فاضي للبزران ادخلي عند جدتك
واذا سألتك عائشه عن الالعاب بتقولين لها انك رحتي معي
ويا ويلك اذا ما قلتي لها كذا
ما رح اخليك تلعبين معها فاهمه ؟!
ناظرته بخيبه بعد ما كسر احلامها : تكذب علي ؟!
ابو سعود ضحك باستخفاف : اه كذبت عليك يالمثاليه انت وصديقتك الخبله
وضحك ضحكه قصيره وتوجه للسيارة وغادر
المكان
واقفه تناظر السياره بصدمه ليه ضحك عليها ؟!
وش ينقصه لو اخذها معه ؟!
فتحت الباب وهي تحس الغصه بحلقها
دخلت البيت وجلست عند جدتها بهدوء
ام سعود ناظرتها بطرف عينها وللحين مقهوره على شعرها : علامك رجعت ؟!
هزت رأسها وبصوت خنقته العبره : مليت !
طالعتها بعدم تصديق تعرفها لو يطلع بيدها تنام عند عيشه ما قالت لا والحين تقول ملت !!
متأكده انه ام سعود طردتها كالعاده : بما انك ملانه قومي اعملي شيء اشربه
وقفت بطاعه وتوجهت للمطبخ بهدوء
جهزت الشاهي وتوجهت لجدتها حطته قدامها ورجعت جلست بهدوء
تناظر التلفاز مع جدتها اخذت نفس وسألت : يمه
ناظرتها ام سعود : نعم ؟!
ساره مو عارفه تصيغ السؤال : ابوي مثل عمي سعود
يعني
وسكتت مو عارفه توصل سؤالها
ام سعيد عفست ملامحها بقرف : ابوك العايب وش جابه على بالك ؟!
مطت شفتها ما تدري ليه لما تسألها عنه تقول نفس الكلام وما تجاوب ردت بصوت كله حنين لابوها : نفسي اشوفه
ام سعيد :،وش تبغين بالشوفه ؟!
الله لا يجيب ذيك الساعه للي وافقت على زواج مها منه
ساره مو فاهمه شيء : طيب كيف شكله ؟!
ام سعيد تقفل على الموضوع : قلت لك ما اتذكر شكله وانتهينا ؟!
قومي حلي واجباتك احسن لك من القرقره
وقفت بدون اعتراض ومن داخلها ضيق
ليه مو من حقها تعرف ابوها ؟!
عالاقل تشوف صوره له !
حتى امها ما تعرف شكلها !
بس وصفتها جدتها لها !
تتمنى تسأل جدتها عن اهل ابوها بس تخاف
من رد فعلها !
تحس نفسها تعيش بغموض ما تعرف شيء
**
**
**
**
في اليوم الثاني
ام سعيد والشرار يطلع من عيونها : ما رح اسكت
ما لها صلاحيه تضرب البنت وتحطها عند الزباله
المديره : خلينا نحل الموضوع بتفاهم
ام سعيد بغضب : ما في تفاهم !
شوفي البنت كيف عملت بنفسها حتى ما تضربها المعلمه !
صارت تكره تروح للمدرسه والسبب حضرتها
واشرت على الابله هدى
المديره اعطت هدى نظرات قويه وبعدها ناظرت
ام سعيد : حقك علينا وان شاء الله ما يتكرر
قاطعتها ام سعيد : انا الحين طالعه للوزاره ورح اشتكي عليها وهي تعرف انه الضرب ممنوع بالمدرسه
هدى وجهها احمر : بس ساره راسها
قاطعتها المديره : خلاص يا ابله هدى
وناظرت ام سعيد: خلاص امسحيها بوجهي
وبإذن الله ما رح يتكرر
ام سعيد : بشرط انها تعتذر لساره قدام البنات
عن طريقة تعاملها
المديره هزت رأسها بهدوء : وهذا للي راح يصير
بدون ما تقولين
المفروض يا ابله هدى تتصرفين تصرف ثاني
بدون اهانه الطالبات
ابتسمت ام سعيد بنصر مع انه بداخلها نفسها
تمسح فيها الارض
**
**
**
عائشه بابتسامة : كفو جدتك والله
مع اني ما احبها بس عجبتني
ساره بفرح : واخيرا ارتحت من هالشبح
صارت تبتسم لي كلما تشوفني
عائشه بتذكر : انقلعي يا دبه
البارحه رحتي للالعاب وتركتيني !
وبرطمت شفتها بزعل
ساره ناظرتها بخيبه : اي ألعاب ؟!
ابوك البخيل طلع كذاب !
عائشه بدهشه: قولي والله ؟!
ساره بقهر : وهددني اذا قلت لك يمنعني ألعب معك
عائشه بقهر : ويهدد بعد ؟!
تخيلي لما رجع يقول لي انك انبسطتي بالالعاب
وكل يوم رح يأخذك معه !!
ساره بطفوله : ابوووووك يالكذب
واليوم قلت لجدتي وضربتني تقول وش مطلعك
معه لوحدك !
عائشه رفعت حاجب : خايفه يخطفك ؟!
اصلا بابا قرفان شيء اسمه بنات
دوم يقول لو يطلع بيدي كان بعتكن وخلصت من ازعاجكن
ابتسمت ساره وما علقت
عائشه كملت بحماس : وش رأيك تتغدين عندنا ؟!
ابتسمت ساره للفكره وهزت راسها بالموافقة
**
**
**
**
دخلت عائشه البيت ومتحمسه :ماما ماما
دخلت الصاله وناظرت ابوها : ماما ماما
ابو سعود حط الجريده : وش فيه ؟!
عائشه طنشته وهي متحمسه : ماما ماما
طلعت ام سعود من المطبخ وتنشف يدينها : وش فيك ؟!
عائشه تتكلم بسرعه : وش طبختي ماما ؟!
رفعت ام سعود حاجب باستغراب : ليه تسألين ؟!
عائشه مستعجله : بسرعه احكي يا ماما
ام سعود : ما طبخت اليوم
قاطعتها عائشه بصرخه : لااااااااا
بسرعه ماما اطبخي عندنا ضيوف واعملي كبسه
بسرعه بسرعه
ام سعود باستغراب : مين الضيوف ؟!
ابو سعود وقف باهتمام : مين جاي ؟!
ام سعود تلبكت : والله ما بعرف
وضربت على جبهتها : حتى المجلس اليوم ما رتبته
وناظرت عائشه باهتمام : مين الضيوف ؟!
عائشه بفرح : عزمت ساره على الغداء
قطعت كلامها لما شافت نعال امها موجه لها وتفادت الضربه
ام سعود بغضب : قسم بالله ازنخ منك ما شفت
انقلعي انت وساره برا اشوف
ابو سعود: جايه تركضين ضيوف ضيوف ضيوف
وبالاخير
طلعت ام القمل ؟!
عائشه انحرجت واشرت لابوها بصوت منخفض : وطي صوتك بابا ساره برا الحين تسمعك !
ابو سعود بسخريه : لا ما اقدر خايفه على مشاعر
سوير الوسخه !
ليه من متى عندها احساس وكرامه؟!
تطردها من الباب تطلع لك من الشباك !
اقول انقلعي على غرفتك وقولي للقرده للي برا
تنقلع لجدتها
هذا الناقص والله !!
و رجع انسدح على الكنبة
ام سعود واقفه تناظر عائشه : تعالي خذي ساندويشه لها
عائشه بقهر واحراج من تصرف اهلها : ما ابغى
تفكرينها شحاده على بابك ؟!!
وتركتهم وطلعت لبرا
ناظرت الحوش ما شافت ساره انقهرت اكيد سمعت كلام ابوها
دخلت للبيت وبعصبيه : راحت بسببكم
ابو سعود بلامبالاه : بقلعتها
**
**
**
**
كانت واقفه تسمع عائشة وهي تقول لاهلها
عندهم ضيوف والبسمه على محياها
تنتظر عائشه تقول لها تتفضل
ابتسمت بطفوله وهي تتخيل ام سعود تطلع
وترحب فيها
وابو سعود يقول لها كل يوم تعالي تغدي عندنا
فتحت عيونها بصدمه من رد فعلهم !!
تذكرت جدتها ما استأذنت منها
طلعت من بيتهم وتحس بحلقها غصه
وتقنع عقلها الصغير يمكن ما معهم فلوس يعملوا غداء وانحرجوا منها !!
دخلت بيتهم وهي تحس بداخلها ضيقه!!
اخذت نفس قبل ما تتدخل على جدتها وتحس خاطرها مكسور
ام سعيد وهي تحط الغداء : علامك تأخرتي ؟!
يلا بسرعه غسلي وتعالي تغدي عملت لك كبسه
تقربت من جدتها وفتحت عيونها بصدمه : كبسه ؟!!
وركضت باتجاه المطبخ تغسل ونسيت سالفة
ابو سعود
جلست تتغدى وهي مو مصدقه دوم تسمع عائشة تقول امها طبخت كبسه
اول مره تذوقها مستغربه كيف جدتها عرفت تطبخها ؟!
ام سعيد هزتها من كتفها : ارفعي جسمك وكلي شوي شوي حنا مو بسباق
ساره هزت رأسها ورجعت تكمل أكل بنفس الطريقه
تخاف الاكل يختفي بأي وقت
**
**
**
ابو عزام طالع اسيل : انتبهي على اخوانك
اسيل تأففت: ليه ما اخذتهم امي عند جدتي؟!
ابو عزام كمل بدون ما يهتم لضجرها : قولي لعزام يرجع امك لاني مشغول
وطلع وتركها تتأفف
قاطعه رنين الجوال رد بهدوء :وعليكم السلام ......الحمد لله بخير ....والله يمكن اسبوع ما شفت خلف !! اكيد بالبر جواله مقفل .....والله ماادري هالانسان كيف يفكر ؟!! .......ان شاء الله مع السلامه
قفل الخط وهو مستغرب إلحاحه انه يكلم خلف
ما يدري وش سالفتهم ؟!!!
**
**
**
**
جالس قدام الحلال ويفكر كيف يجمع اكبر قدر من الفلوس
طلع جواله حتى يتصل وهو يفكر يبيع كم رأس من الغنم
عقد حواجبه لما شافه مقفل ؟!
شغله واول ما شغل رن جواله عقد حواجبه ورد بصوت خشن : هلا ......الحمد لله ...جوالي مقفل .....ايه طيب وش فيك ؟.......انا عند الحلال.........اليوم او باكر يمكن ارجع ما ادري ليه
.........نعم ؟!
اسمع مو فاضي لذي الخرابيط .........ما ابغى اسمع .....متى ما ماتت جدتها نروح نجيبها
وغير كذا ما عندي !...... بلا خلف بلا بطيخ .......روح انت انا بالنسبه لي ساحب يدي عن الموضوع .....ولا مستعد ارسل فلس واحد ما معي ......هذا انت قلت عرضنا على جدتها ورفضت خلاص بكيفها ........لا تقهرني بكلامك ..... يصير خير ......خلاص قلت لك افكر وارد عليك ....سلام
قفل الخط بغضب هذا للي ناقصه
وعلى طول اتصل يكمل شغله بالحلال
احسن له ....
تنظف بالحوش قاطعها طرق على الباب
تركت للي بيدها وبسرعه توجهت فتحت الباب وهي تبتسم كعادتها
عفس ملامحه باستغراب ولد لابس فستان تكلم مطنش المنظر : وين ام سعيد ؟!
ساره بابتسامة ناظرته : الحين اناديها لك
قاطعها بقرف : انت ؟!
ساره بطفوله توسعت ابتسامتها :-ايه انا ما عرفتني لاني قصيت شعري؟!
جدتي تقول لي شعري كذا حلو
وقالت اني احلى من عيشه
عفس ملامحه بانقراف : والمستأجرين للي برأسك وش صار فيهم ؟!
ساره فتحت عيونها بدهشه: كيف عرفت انه شعري فيه قمل؟!
تكلم بسخرية : يا حظي عن بعد الف كيلو تنشاف من كثرها مدرعمات
ناظرته ورفعت حاجب :بس
قاطعها بنرفزه : اشوف اعطيتك وجه !
انقلعي بسرعه نادي ام سعيد بسرعه
ساره ابتسمت بطاعة : ان شاء الله
دخلت ساره والتفت للخلف لما سمع صوت : هيه انت ؟!
قصدي لو سمحت
طالعها باستغراب: وش تبغين ؟!
عائشه مدت له الورقه : خذها وقعت منك ؟!
عقد حواجبه: مين قال انها وقعت مني ؟!!
عائشه ببراءه : نهى قالت لي
أخذها وفتحها وهو رافع حاجب
مرسوم قلب حب وسهمين مكتوب
نهى والسهم الثاني علامة استفهام
قرأ تحت القلب كلام حب وخرابيط
انصعق بنت بالعمر هذا تراسل ؟!
وهو يفكرها بريئه وصغيره على هالسوالف هذي
؟!
طلعت كل حركاتها مقصوده !!
يحس أصابه صداع مو قادر يستوعب !
رفع نظره وشافها واقفه تناظره وتبتسم
تقدم منها وقف عندها وهمس بحده : هذي رح أوصلها لأبوك يا قليلة الأدب !
فتحت عيونها بصدمه وخوف من رد فعله
وقبل ما تتكلم رمى الورقه بوجهها وبتوعد : لو تنعاد هالحركه
وقبل ما يكمل اخذت الورقه وهربت لداخل بيتهم
رجع وهو مقهور من حركتها
فعلا بنات ناقصات عقل !
وين أهلها عنها ؟!
عائشه رفعت حاجب : ليه رجعت الورقه ؟!
رفع حاجب بقرف كره هالحاره بزياده بعد حركه نهى فعلا بنات فقر رد بغضب : إنت أي ورقه تلاقينها تقولين انها لي ؟!
وش هالناس المتخلفه هذي ؟!
استغربت عائشه عصبيته
ضرب برجله باب البيت بعصبيه : خلصيني يا زفته !!
طلعت ساره وابتسمت وهي تحك راسها باحراج : نسيت أقول لك جدتي مو هنا
وابتسمت بغباء
ولع من حركتها مسك نفسه ما يخنقها ويطلعها جنازه هذا للي ناقصه ! ناس متخلفه ما تفهم !!
ناظرها بنظرات قاتله وغادر الحاره بسرعه
وهو حالف ما يرجع لهذي الحاره
**
**
**
**
دخلت البيت بسرعه لغرفتها وقطعت الورقه وقلبها يدق بخوف وهي تتخيل انه أعطاها لأبوها
صارت دموعها تنزل من الخوف
وقفت اسماء فوق راسها تناظرها : تخيلي لو أعطاها لأبوي !
قاطعتها نهى بقهر : انقلعي كله بسببك ورطتيني
أنا غبيه رديت عليك
وصارت تقضم اظافرها بخوف: أخاف يرجع يقول لأبوي !
أسماء باستبعاد: لا لا
وبعدين الورقه معك لا تخافين
نهى وقلبها للحين خايف : الله يأخذه ما يستحق
**
**
**
**
عزام بغضب : والله لو أموت ما أروح أجيب شيء !
ابو عزام وبيده فنجان القهوة : وش صاير ؟!
عزام بقهر : واقف ساعه وبالاخير طلعت مو بالبيت
تبغى تشتري روح إنت أنا مليت من هالحاره
وتركهم وطلع لغرفته
ام عزام : بعينك الله روح جيبهم إنت
ما ادري عنك لو تجيب من عند خلف أخوي
قاطعها : ما أبغى شغل العمال
شغل هالحرمه عاجبني وطيب وانت بنفسك قلت نفس كلامي
ام عزام هزت رأسها بالموافقه : صحيح والله
شغلها مرتب
ابو عزام : خلاص بأي فرصه أمر عليهم
**
**
**
تلعب طوف مع عائشه باستمتاع
عائشة باعتراض : غش غش اسماء غشاشه
انقلعي
اسماء وهي تضحك : لا لا
ساره تبتسم على ضحك أسماء : حرام خلها تلعب
عائشه ضربت ساره بخفه على كتفها : يا غبيه تراها غشاشه
ودفت أسماء عن الطوف : انقلعي
أسماء جلست عند نهى : أعوذ بالله منك
أمه داعيه عليه للي رح يتزوجك
عائشه رفعت حاجب بغرور : لما اتزوج ما رح اخليك تقربين من الكوشه
بس ساره تيجي عندي
وحتى ساره لما تتزوج ما رح تخليكم تقربون من الكوشه
صح يا ساره ؟!-
قبل ما ترد ساره ضحكت نهى بسخريه : مين رح يتزوجها ورجعت تضحك
اسماء وهي تضحك: تخيلي شكلها جالسه على الكوشه والقمل طالع نازل من شعرها !!!
نهى ووجهها احمر من الضحك : تخيلي ههههه
تخيلي ينزل القمل يرقص ههههههه
اسماء وهي تمسح دموعها من الضحك
ساره ابتسمت ببراءه : عادي اقصه قبل العرس
نهى وهي تضحك اكثر: تخيلي شكلها عروس صلعه هههههه
ساره : طيب وش اعمل ؟!
وناظرت عائشه
مسكتها عائشه من ثوبها وهزت بقهر : يتمسخرن عليك يا غبيه !
ساره ببراءه : كيف يعني ؟!
نهى وقفت وعلامات الضحك اثارها موجوده: ما ادري كيف يا عائشه تتحملين الغباء للي جالسه عندك
ساره تناظر حولها: ما في احد جالس عند عيشه ؟!
اسماء وهي تتوجه للداخل مع نهى ضحكت : تدور على الغباء
صدق انها غبيه
عائشه بغضب : لا تتكلمي مع نهى واسماء
ساره بإحراج : كيف إذا كلموني استحي اقول لهن ما أبغى اكلمهن
عائشه وهي تتابع اللعب : غبيه غبيه طول عمرك
**
**
**
**
في اليوم الثاني جالسه بالصاله بملل
استغربت طرقات للي على الباب جدتها طلعت
وقالت لها تبقى بالبيت وما تطلع لوقت رجوعها
توجهت لباب الحوش وفتحته
وسرعان ما شافت نهى واسماء داخلات : جدتك هنا ؟!
ساره باستغراب : لا
وبسرعه دخلت نهى البيت وخلفها اسماء مستعجلات
قفلت الباب ودخلت خلفهن باستغراب
نهى وهي تحاول تشغل التلفاز : افف كيف يشتغل
بسرعه بسرعه
اسماء سحبت ساره : بسرعه شغليه اشوف
شغلت ساره التلفاز وسحبت منها نهى الريموت تبحث عن القناه وصرخت بفرح : هذي هي القناه
جلست نهى وجنبها أسماء على الارض وفاتحات عيونهم عالاخير
خايفات تروح عليهن لقطه
ساره جلست على الكنبه وسألت : وش تحضرون ؟!
نهى بدون ما تناظرها : قفلي حلقك خليني اتابع هذي الحلقه الاخيره
هربنا من بابا علشان نحضرها تطلعين لنا انت ؟!
سكتت ساره وهي تناظر معهم وحاسه بالملل
بعد مرور وقت انتهى المسلسل
نهى بخيبه : خلاص انتهى المسلسل
اسماء ناظرت ساره بتهديد : يا ويلك اذا قلتي لعائشه انا جينا نحضر المسلسل فاهمه
نهى بنفس النظره رفعت يدها بتوعد : يا ويلك
والحين انقلعي اعملي لنا عصير
أسماء بقرف :،يع نشرب من هنا
ساره ببراءه : والله اغسل الكأسه كويس
قاطعهم دخول ام سعيد ناظرتهن بشك وش جايبهم هنا : وش جايبك هنا انت واختك ؟!
نهى تكلمت بسرعه : ساره خايفه تجلس لوحدها
ونادتنا نجلس عندها لوقت رجوعك
والحين خلاص جيتي
وناظرت اسماء واشرت لها بعيونها : يلا بسرعه
اسماء هزت راسها : يلا
وطلعوا من البيت ركض قبل ما تكشفهم ام سعيد
وتخبر امهم
ام سعيد بعد ما طلعوا : صحيح كلامها ؟!
ساره هزت كتوفها : ما ناديتهم
ام سعيد جلست بتعب : خلاص انسي
ساره بابتسامة : اروح ألعب ؟!
ام سعيد كانت تبغى تعترض بس تراجعت : روحي بس لا تتأخرين
ركضت بفرح خارج البيت
**
**
**
**
عائشه باندماج تتكلم : لو شفتي بالتلفاز البنت ما احلاها
لابسه فستان زهري و شعرها مربوط ذيل
وواقفه عند الاشاره وتبيع ورد
ساره بتحسف : يا ليت شفتها
عائشه بتفكير : وش رايك نعمل مثلها ونبيع ورد ؟!
ساره ناظرتها بتردد
عائشة تقنع فيها :، مو انت بحاجه فلوس وتشتري كل شيء تتمنيه ؟!
ورح تشتري فستان حلو مثل فساتيني وش قلتي ؟!
وقبل ما تتكلم تابعت عائشه : واذا جمعنا كثير
اعطي جدتك تشتري لكم اكل
ساره عقدت حواجبها : من وين نجيب الورد ؟!
عائشه بتفكير : امممم لقيتها
وابتسمت
عند امي في سله ورد جديده اشترتها البارحه
رح اجيبها ونروح نبيع عند الاشاره
وش قلتي ؟!
ساره هزت رأسها بالموافقه
عائشة وقفت : انتظري برا الحين اجيبها ونروح بسرعه
ابتسمت ساره وطلعت برا تنتظره
**
**
**
عند الاشاره ساره ابتسمت بخجل : استحي
عائشة مندفعه : لا تستحي اللحين لما تصير الاشاره حمراء نبيع
هزت رأسها ساره وناظرت الاشاره صارت حمراء
اقتربت عائشه من سياره ودقت على الشباك وطبقت نفس حركات البنت للي بالتلفاز
نزل صاحب السياره القزاز وعافس ملامحه : نعم
عائشه ابتسمت ومدت له ورده أخذها وناظر الورده بقرف
ورماها بوجهها
عائشه عصبت من حركته: اشتري الورده
ابتعدت لما شافت الاشاره فتحت وصارت حمراء
عائشه ناظرت ساره : الله يأخذه
وقح
ساره ابتسمت : اجرب انا الحين ؟!
هزت رأسها عائشه بالموافقه ولما صارت الاشاره حمراء
اقتربت ساره من سياره وطقت على الشباك وراسمه ابتسامه جميله
ناظرها صاحب السياره وابتسم لها واخذ الورده :،شكرا
وصد وجهه
استحت ساره تطلب منه فلوس
عائشه دفتها بخفه وناظرت صاحب السياره: هات الفلوس حق الورده هذي !
رفع حاجب : ذي بفلوس ؟!
عائشه وهي تتخصر : ايه بفلوس حسبالك نوزع مجانا ؟!،
رماها عليها : اغليها واشربي مويتها
وحرك السياره بعد ما فتحت الاشاره
عائشه ضربت الارض بقهر : بخيلين ؟!
ساره ابتسمت : وش رح نعمل ؟!
عائشه بغضب : غصب عنهم رح يشتروا منا
رح نحاول مره ثانيه
وبعد محاولات عائشه تقفز من الفرح باتجاه ساره : بعت ورده
ساره بسعاده : انا بعت وردتين
عائشه بفرح : اعطيني اروح اشتري فيهم من البقاله
ساره بتردد : ابغى اجمعهم واعطيهم لجدتي
عائشة سحبت منها الفلوس : غبيه لا تحرمي نفسك
والحين اشتري اشياء تجنن
انتظريني هنا ما رح أتأخر
ساره هزت رأسها بابتسامه ورجعت تبيع للسيارات
وراسمه احلى ابتسامه على محياها
باعت ورده ناظرت حولها ما شافت عائشه وبسرعه اخفت الفلوس بثيابها
تبغى تعطيه لجدتها ..... حاسه بفرح داخلها
متشوقه ترجع للبيت وتفرح جدتها بالفلوس
قاطع فرحتها شخص يمسك يدها والثاني
تكلم
بس ما فهمت وش قال من الخوف والرعبه
تبغى تصرخ بأعلى صوتها لما سحبوها للسياره بس حست صوتها
خذلها
حاولت تفلت منهم تبغى جدتها !
تصرخ بداخلها يمممممممه
بس ما في صوت لها
تتمنى
ترجع لجدتها بسرعه وتحضنها!!!
بس فقدت الامل
لما تحركت السياره
**
**
**
عائشه طلعت من البقاله وتجمدت لما شافتهم اخذوا ساره معهم
ركضت توقفهم وهي تصرخ : ساره ساره ساره
وتلوم نفسها هي السبب !
لو ما فكرت كان ما راحت ساره !!
رمت الاغراض على الارض وهي تنحب
ما تدري وش تعمل ؟!
كيف ترجع بدون ساره ؟!-
وش تقول لام سعيد ؟!
وبسرعه ركضت للبيت وهي خايفه ....
**
**
**
دخل البيت وهو يضحك بصوت عالي
ناظرته ام سعود وهي رافعه حاجب : اشوفك مبسوط ؟!!
ابو سعود وهو يحاول يوقف الضحك رمى نفسه
على الكنبه ودخل بنوبة ضحك ثانيه وهو ضاغط
على بطنه : مو ههههه قادر ههههه
ابتسمت ام سعود على ضحكة زوجها وأصابها الفضول تعرف سبب الضحك
بعد دقائق أخذ نفس والإبتسامة مرسومة على محياه : اسكتي عملت بساره مقلب من الآخر
أم سعود بإستغراب :،ساره حفيده ام سعيد ؟!
ابو سعود : ايه في غيرها ؟!
ام سعود : لا ما في المهم وش المقلب ؟!
ابو سعود ابتسم : كنت مع ربعي بالسياره
وشفتها تلف على السيارات تبيع ورد
ام سعود بدهشه :،ام سعيد اكيد ما تدري !
أبو سعود : اكيد ما تدري
علشان كذا قلت لمحمد وخالد يجيبوها للسياره
اخخخخ لو شفتي وجهها
ورجع ضحك من جديد
ام سعود باستغراب : ما عرفتك ساره ؟!
ابو سعود :،تلثمت بالشماغ ما عرفتني !
واستلمها خالد بصوته الثخين يهدد فيها
اذا رجعت تبيع مره ثانيه
وقعد يقول لها يبغى يذبحها ويقطعها ويرميها للكلاب
تصدقين ما نزلت من السياره الا عملتها على نفسها
أم سعود ناظرته بقهر :حرام عليكم تعملون فيها كذا !
هذي طفله !
ابو سعود بتبرير : والله موقصدنا شيء بس علشان ما تكرر الفعل
هذي طفله لو سمح الله حد خطفها طلوعها غلط
ام سعود بغضب: مو بالطريقه هذي !،
ما لقيت غير خالد؟!!
انا الكبيره لو يقول لي مرحبا ارتعب من صوته
كيف طفله ؟!
قطعت كلامها لما شافتها دخلت البيت
**
**
دخلت البيت وجهها أصفر لو تعصرها ما تلاقي
فيها نقطه دم
أبو سعود استغرب حالها : وش فيك ؟!
عائشه وكأنه أبوها ضغط على الزر بدأت تبكي بصوت عالي
أم سعود وقفت على حيلها : وش فيه ؟!
ابو سعود اقترب منها وجلس ركبه ونص : وش صار ؟!
حد ضربك ؟!
عائشه تكلمت بس ما أحد فهم عليها من البكاء
أم سعود جلست جنب ابو سعود ومسكت يدها بحنيه : وش فيك يا ماما ؟!
عائشه بصوت متقطع : خ ط فو ها
ابو سعود رفع حاجب بعدم استيعاب : وش تقولين ؟!
عائشه ناظرت أمها وأبوها : ساره خطفوها
ام سعود حست قلبها وقع وصار يدق طبول : مين للي خطفها ؟!
عائشه : سياره وقفت وأخذتها
انا ما لي دخل ؟!
ابو سعود خاف انه بعد ما نزلها حد خطفها ناظر زوجته : جيبي لها كأس مويه خلينا نفهم السالفه !
ام سعود ناظرته مو وقته يتأمر عليها
راحت وبسرعه رجعت جابت كأس المويه
ابو سعود غسل وجه عائشه بعد ما شربها
وناظرها بعد لحظات : مسحي دموعك وقولي لي وش صار بالضبط ؟ !
عائشه وصوتها يهتز : تركت ساره عند الاشاره
قاطعها : وش تقولين ؟!
الاشاره ؟!
ام سعود : وش تعملين عند الاشاره ؟!
عائشه رجعت تبكي من اول وجديد وهي تتذكر ساره
ابو سعود بنرفزه : رجعنا للبكاء ؟!
عائشه : انا
ودفنت وجهها بكفيها بطفوله وهي تبكي بصوت عالي
ونهى واسماء واقفات يناظرن بهدوء
ام سعود بنفاذ صبر : تكلمي
تراك حرقتي قلبي !
ابو سعود وكأنه فهم الموضوع : إنت كنت مع ساره عند الاشاره ؟!
عائشه هزت راسها بطفوله وهي تمسح دموعها : تركتها ورحت عند البقاله اشتري
ام سعود : من وين الفلوس ؟!
عائشه بصوتها الباكي : من الورد للي بعته مع ساره !،
ام سعود حطت يدها على صدرها بشهقه : كنت مع ساره تبيعين ورد ؟!
أبو سعود ناظر زوجته: شفتي قليله الحياء ؟!
وبغضب : وفكرة مين هذي ؟!
عائشه مدت بوزها بطفوله وهي تشوف نظرات ابوها وبطفش: انا الحين اقول لك ساره انخطفت
وانت تقول فكره مين ؟!
ناظرها بحده : جاوبي ؟!
عائشه زفرت بضيق : انا للي فكرت علشان يصير معنا فلوس كثير
فتحت عيونها ام سعود من هالبنت : من وين جبت الورد ؟!
عائشه بلامبالاه : باقة الورد للي اشترتيها البارحه
ام سعود بغضب قاطعتها : وش تقولين ؟!
حسبي الله البارحه اشتريتها
ابو سعود بشماته : تستاهلين دفعتيني مبلغ علشان هالباقه !!
ام سعود بغضب تناظر عائشة : انا لو اطحنك تحت اسناني ما احد يلومني
عائشه مدت بوزها : كل هذا علشان الباقه ؟!!
ضحك ابو سعود بصوت عالي على شكل زوجته
وبعدها بلحظات تذكر الموضوع الرئيسي
وناظر عائشه يبغى يربيها :،هذي ساره انخطفت وانت السبب
والحين رح تيجي الشرطه ورح نقول لهم انت السبب
وخلهم يحطونك بالسجن !
والحين رح اتصل فيهم !
مسك الجوال وبسرعه مسكت عائشه يده وهي تبكي بخوف : والله ما اعيدها !
لا تتصل بالشرطه والله والله ما اعيدها
ابو سعود يلعب بأعصابها : الحين رح تيجي ام سعيد وتسأل عن ساره
رح نقول لها انت ضيعتيها
قاطعتها بصوت مبحوح من البكاء : توبه توبه
والله ما اعيدها
ام سعود وللحين مقهوره من عائشه وقفت ومعها الجوال : الحين رح اتصل فيهم علشان مره ثانيه
تمدين يدك على الاغراض
قاطعتها عائشه وهي تبوس يدينها : توبه والله ما اعيدها
ابو سعود وهو ماسك الجوال: انا للي رح اتصل فيهم
ركضت باتجاه ابوها تترجاه
ام سعود : انا للي رح اتصل
عائشه ودموعها تنزل بغزاره توجهت لامها برجاء .....
**
**
**
بعد ما نزلوها من السياره باب بيتها
وجهها اصفر من الخوف
دخلت البيت ترجف قفلت الباب خلفها
ناظرت نفسها كيف تدخل وهي مبلله نفسها
وش رح تقول لها جدتها لما تشوفها عملتها على نفسها
رجعت دموعها تنزل من جديد مشت بخطوات بطيئه حذره وتوجهت للغرفة بسرعه حتى ما تشوفها جدتها
**
**
**
**
باليوم الثاني
تناست ساره السالفه ورجعت لابتسامتها
وركضت للباب لما سمعت طرقات عليه
ابتسمت لابو عزام
ابو عزام بنبره هاديه : قولي لام سعيد ابغى الطلبيه
ساره بابتسامة وهي تناظر الولد للي معه :ان شاء الله
ابو عزام ناظر ولده للي يكلمه : هذا ولد ؟!
قبل ما يرد ابو عزام تكلمت ساره بابتسامة : انا بنت !
ناظرها وهو عافس ملامحه :،شعرها مثل الأولاد!
ساره حكت رأسها بابتسامة غبيه : انا قصيته بنفسي !
حلو صح ؟!
رد بجعرفه:،يقرف مثل القرده
ابو عزام ناظرها وهي تبتسم لهم توقع عقلها ضارب يشتمها وتبتسم له : خلاص يا سلمان عيب
تتكلم مع البنت كذا
وبعدها ناظر ساره للي تناظرهم وتبتسم متأكد بقرار نفسه انها خبله : عجلي بالطلبيه
هزت رأسها بطاعه وتوجهت للداخل
سلمان ناظر ابوه : شوف بيتهم !
ابو عزام : اسكت يا سلمان عيب !
حاس سلمان بوزه وتوجه للسيارة ينتظر ابوه فيه
طلعت ام سعيد بخطوات بطيئه وتعب : السلام عليكم
ابو عزام : وعليكم السلام ...ابغى الطلبيه
ام سعيد بجديه : من البارحه تركنا هالشغله
ابو عزام عقد حواجبه : يعني ما في عندك جبنه
ام سعيد وهي تستدير للداخل : ما عندنا
ابو عزام : طيب متى تجهزين
ام سعيد بنفاذ صبر : قلت لك ما نبيع خلاص توكل
ينقهر من اسلوبها الجاف بالكلام
ساره منحرجه من اسلوب جدتها تكلمت مع ابو عزام : اذا تبغى في عند ام
سكتت لما شافته تركها وتوجه لسيارته
حست بضيق كيف طلع زعلان
ما تحب تشوف احد زعلان
ركضت للسياره حتى تعتذر منه بس حرك السياره وغادر
ما تحركت وهي تناظر للبعيد
نقزت لما حست ضربه على كتفها: يا دبه وين كنت ؟!
لفت ساره وتفاجأت بعائشه تحضنها بقوه وتبكي: وينك ؟!
ساره ابتسمت لما تركتها عائشه : انت وين رحتي ؟!
عائشه وهي تمسح دموعها : ظنيت انك انخطفتي؟!!
ساره عفست ملامحها لما تذكرت البارحه : طلعوني بالسياره ورجعوني للبيت
وهددوني اذا رجعت ابيع الا يقتلوني
عائشه عقدت حواجبها : الله يأخذهم
احسن شيء إنك رجعت
ساره ردت بابتسامة بدون اي كلمه
عائشه بتساؤل :وش تعملين هنا ؟!
ساره عفست ملامحها بطفوله : ابو عزام الظاهر زعل وراح
لانه جدتي تكلمت معه بإسلوب مو حلو !!
عائشه : وليه كلمته كذا ؟!
ساره هزت كتوفها : يبغى جبنه وجدتي قالت له ما نبيع
عائشه باستغراب : ليه تركتم البيع ؟!
ساره مدت بوزها : جدتي تقول مرزوق الخبيث
اتفق مع حرمه ثانيه بسعر اقل
عائشه تأثرت : لئيم !
من وين تجيبون الفلوس ؟!!
ساره بحزن : جدتي من البارحه تعبانه
ما ادري كيف نجيب فلوس ؟!!
**
**
**
**
طالعت جدتها وسألتها بخوف : تعبانه ؟!
ام سعيد يا دوب تتكلم : شوي الحين يروح التعب
وسكتت ام سعيد وبالها مشغول على هالطفله
ساره بطفوله : باكر عيشه رح تروح بيت عمها
! قالت لي اروح معها !
بس قلت لها لا !
وناظرت جدتها بتوجس : عادي لو رحت معهم ؟!
ام سعيد وهي تأخذ النفس بصعوبه : عيب
وكملت حديثها :،باكر رح نروح
قاطعتها ساره بفرح وهي تقفز : باكر طالعين
يا سلااام
وين رح نروح ؟!
ام سعيد وهي تمسح وجهها بتعب : باكر تعرفين !
حاست بوزها وكلها شغف تعرف المكان
لانها ما تعودت تطلع من البيت الا للمدرسه او تلعب مع عائشه
ما رح تعرف تنام اليوم وهي تفكر بمكان الطلعه !!
**
**
**
**
عائشه جلست بالسياره وعفست ملامحها : ابغى اشوف ساره قبل ما اروح !!
ابو سعود وهو يحرك السياره : اقول انطقي مكانك
للي يسمعك يقول مسافرين ؟!
عائشه شوي وتبكي : اكيد قاعده تستنى علشان اودعها !
ام سعود ضحكت : تودعك ؟!
ليه وين رايحه ؟!
عائشه مدت بوزها وناظرت الشباك : رايحه على الزفته
نهى بفتنه : مين قصدك بالزفته ؟!
اسماء : اكيد قصدها عمي
عائشه ناظرتهن وهي مولعه اشرت على اخواتها : انت زفته واختك الثاني زفته
ابو سعود بضحكه قصيره : الحجه عائشه تشتم الناس ؟!
غريبه والله ؟!!!
وقلدها بسخريه «بابا حرام تشتم الناس »
ام سعود بابتسامة : جننتوها هالبنت خلاص اتركوها
أسماء بغيره : ماما انت تحبين عائشة اكثر وحده
نهى بتأييد : ايه صادقه أسماء تحبيها اكثر
ام سعود بابتسامة : كلكم واحد
بس لأنها صغيره
عائشه باعتراض : انا مو صغيره
اكبر منك ومن بابا !!
ضحك ابو سعود : كيف اكبر مني ومن أمك ؟!
عائشه بكشره تكتفت : انا لقيتكم بالطريق وكنتم صغار
وتبكون
واخذتكم للبيت لأنكم كسرتم خاطري
ضحك ابو سعود بضحكه عاليه
ام سعود : الحمد لله كسرنا خاطرك ؟!
عائشه ناظرت نهى : إسألي ماما انا حضرت عرسهم وجلست على الكوشه
ضربتها نهى على راسها : غبيه
عائشه عصبت وردت لها الضربه : ماما ضربتني
ورجعت نهى ضربتها وتشابكن بالأيدي
تركن بعض بعد صرخة ابو سعود : خلاص
**
**
رواية أقدار~للكاتبة ضاقت أنفاسي الفصل الرابع 4 - بقلم BlackButterfly002
بسم الله
**
**
**
بارت 4
صحيت بنشاط غير طبيعي وهي متشوقه للطلعه
غسلت وجهها ولبست بسرعه قبل ما تغير جدتها
رأيها !!
توجهت للمطبخ بابتسامة ورفعت حاجب باستغراب جدتها مو موجوده بالمطبخ!!
وبسرعه ركضت لغرفة جدتها وهي راسمه البسمه على محياها
طرقت الباب ودخلت وسرعان ما عفست ملامحها
وهي تشوفها نايمه!!
تقدمت منها وجلست عند فراشها وابتسمت وهي تهزها على الخفيف : يمه يمه
زفرت بضجر : يمه الحين رح نتأخر على الطلعه!
رجعت هزتها بأقوى : يمه يمه
استغربت ليه ما ترد عليها
مدت بوزها بطفوله ضحكت عليها الجده وما تبغى تأخذها للطلعه
حاست بوزها اكيد عيشه صارت طالعه!!
رجعت ناظرت جدتها نائمه بسلام : يمه يمه
تأخرنا !!
مسكت يدها الباردة ودب الرعب بقلبها : يمه ردي علي !!
زعلانه علي ؟!
خلاص توبه ما رح اقول لك اروح مع عيشه !!
بس قومي!
هزت يدها بقوه والدموع تلمع بعيونها : يمه وش فيك نايمه ؟!
طلعت من الغرفه باتجاه الباب ما تدري وش تعمل؟!
قررت تطلع للشارع تقول لعائشة
طلعت للشارع وشافت جارتهم بالشارع تبغى تطلع بالسياره ساره بصوت مخنوق : خالتي !
طالعتها الجاره قبل ما تركب : نعم ؟!
ساره بصوت مخنوق : جدتي ما ترد علي نائمه
مو قابله تصحى !!
ناظرت زوجها بشك :-اشوفها وما رح أتأخر،؟
هز رأسه بالموافقة بعد ما ناظر ساعته
**
**
**
ساره بعد ما دخلت الحرمه اشرت لجدتها : شوفيها ما ترد ؟!
اقتربت الجاره بخوف وقلبها يدق بقوه مسكت يد ام سعيد
وتركتها بسرعه وناظرت ساره بعيون دامعه
ساره ناظرت جارتهم : قولي لها تقوم
وعدتني نطلع اليوم ؟!
الجاره بصوت مخنوق : تعالي معي يا ساره !!
**
**
**
**
جالس مع أخوه مستانس ويتكلم عن الطلاب ونهفاتهم
قاطعه رنين جواله طالع رقم جارهم واستغرب هالاتصال رد بهدوء : السلام عليكم .....الحمد لله بخير.....لا والله مو بالبيت !! ........انا لله وانا إليه راجعون .....متى ......اليوم الصبح ......الله يرحمها .....وساره وين الحين ؟...... خلاص إن شاء الله رح اتصل فيه وأخبره .....مع السلامه ...
**
**
**
**
عائشه طول الطريق تعيد نفس السؤال : كيف ماتت يعني ؟!
ام سعود بضيق : خلاص يا عائشه ترى رفعتي ضغطي !
عائشه : يعني خلاص ما ترجع ؟!
نهى بضجر: وبعدين معك قلنا لك ما ترجع يحطونها بالقبر وما ترجع خلاص !
عائشه بحزن : ويدخل التراب بعيونها ؟!
ابو سعود بصوت متأثر : لا حول ولا قوة الا بالله
عائشه تكلم نفسها : وساره تعيش لوحدها ؟!
وناظرت امها بحماس : ماما خلاص انا رح اروح اعيش مع ساره مع بعضنا
قاطعها ابو سعود ما له نفس يسمع حرف : تقدرين يا عائشه تسكتين شوي ؟!
عائشه هزت رأسها وناظرت من الشباك تفكر بساره
وش تعمل الحين ؟!
**
**
**
**
ساره طالعت عائشة وابتسمت بحزن : قالوا لي ان شاء جدتي راحت الجنه !
وقالوا لي ما ابكي لأنها تزعل مني !!
وبغصه تابعت : بس انا ابغى جدتي ما اعرف اعيش بدونها !
عائشه بحماس: أحسن راحت علشان اجي اعيش عندك
واصير أمك
ساره عفست ملامحها : بس أمك قالت لي رح اروح مع
عائشه ناظرت حقيبه كبيره : ليه هذي الحقيبه؟!
قاطعهم ابو سعود وهو يدخل ويحمل الحقيبه :،يلا يا ساره
عائشه وكأنها مقروصه : وين رايحه ؟!
ابو سعود : عند اهلها !
عجلي يا ساره
هزت رأسها بطاعه ومشت بخطوه وقفت
لما حضنتها عائشة وهي تبكي : لا تروحين!
رح اصير امك انا واعطيك فلوس !
ابو سعود بضجر من عائشه :الحين وقت افلامك ؟!
يلا يا ساره !!
عائشه تركتها وهي تمسح دموعها : أحبك يا حياتي !
ابو سعود بدهشه : يا حبيبي !!
ساره ابتسمت والدموع بعيونها : رح ازورك
كل يوم
ابو سعود بسخريه : الظاهر كل يوم رح تبلط عندنا !
وبضجر يلا يا ساره !!
هزت رأسها وركضت باتجاه ابو سعود
عائشه بقهر من ابوها : كل شيء تتحكم فيه !!
هي حره ما تبغى تروح ؟!
ابو سعود طنشها وطلع مع ساره
وتوجه للسيارة للي تنتظرهم
وقفت ساره لما شافت رجال نزل من السياره
وسلم على ابو سعود
بعد ما حط الحقيبه بالسياره أشر لساره تيجي
تقدمت بابتسامه خجوله
ابو سعود بهدوء: سلمي
ساره بنفس النظرات الخجوله مدت يدها وسلمت
بهدوء
ناظرها وهو قرفان حاله بس سلم مجامله لابو سعود
**
**
**
من اول ما طلعت ما كلمها ولا كلمه ملامحه عابسه
قلبها انقبض منه وزادت دقات قلبها
لما صار يصرخ بالجوال : لاااا اعتبرني منسحب وما رح ابيع !
مثل ما اتفقت معك 10 رؤوس من الغنم ....
ناظرته وهو معصب ويصرخ بلعت ريقها
قفل الخط وبدأ يشتم ومعصب وحالته حاله
نزلت عيونها للارض بسرعه لما سمعت صرخته : علامك تناظرين ؟!
وما انتظر منها إجابه طلع جواله يكمل اتصالاته
تحس رأسها صار يوجعها من صراخه
لفت وجهها للشباك تناظر بصمت ...
**
**
**
ام عزام وهي تناظر أسيل : راح خالك خلف يجيبها !
اسيل ابتسمت : اليوم اتصلت بخوله تبغى تيجي وتشوفها !
ام عزام : الله يستر وما تصير مشاكل !!
اسيل : هي تدري عن وجودها يعني مو فجأة عرفت بوجودها !
قولي الحمد لله يومين ورح تسافر عند خالي محمد
ام عزام بقلة حيلة : الله يجيب للي فيه خير !
وابتسمت بتذكر : حتى عزام اليوم يبغى يطنش كم محاضره ويرجع بكير ويشوفها !
بس انا حلفت عليه ما يطنش محاضراته !
اسيل بملامح هاديه: الكل متشوق يشوفها
بابا وش قال عنها؟!
ام عزام : مو مهتم للموضوع كله !!
متنكد من البارحه بسبب الحرمه للي تبيعه جبنه
اسيل ابتسمت وما علقت
**
**
**
**
وقف باب البيت ونزل من السياره ونزل الحقيبه
واشر لها : ادخلي من هنا
ورجع للسياره وحرك وغادر المكان
ناظرته وهو طالع باستغراب كيف تركها لوحدها
بمكان ما تعرفه !!
تركت الحقيبه وتوجهت مكان ما اشر لها
وقفت عند الباب مدت رأسها بطفوله وناظرت للداخل
رجعلت للخلف خطوه وتذكرت كلام جدتها لازم تستأذن قبل ما تدخل اي مكان
طرقت على الباب بخفه وعقدت حواجبها باستغراب ما احد يرد عليها !
رجعت للخلف وهي تسمع صوت لعب بالبيت للي جنبه وبدون تفكير
توجهت له بسرعه
وقفت لما شافت حرمتين جالسات وحولهم بزران يلعبون
رسمت ابتسامه خجوله كالعاده : السلام عليكم
تسلطت النظرات كلها عليها
انحرجت من النظرات ونزلت نظرها للارض لثواني
رفعت نظرها على الحرمه للي ردت السلام : وعليكم السلام
وسألت الحرمه للي جالسه معها : معك فلوس نعطيها ؟!
هزت الحرمه رأسها بالرفض : مو حامله معي
قاطعتهم ساره بابتسامة : انا نزلني واحد هنا
وقال لي ادخل لذاك البيت بس ما فيه احد !!،
وقفت على حيلها بقهر : انت ساره ؟!
توسعت ابتسامتها ساره : ايه انا ساره !!
تقربت منها الحرمه الصغيره بتحقيق : وين خلف ؟!
ناظرتها ساره باستغراب ما تعرف احد بهذا الاسم ؟!
عدلت سؤالها : قصدي للي نزلك هنا ؟!
ساره : نزلني وراح !!
وبابتسامه :وين ألقى اهل البيت هذاك ؟!
وقفت الحرمه الكبيره بغضب وغادرت المكان !!
ساره ناظرت الحرمه الثانيه بضيق : اسفه ما قصدت ازعلها !!
ابتسمت الحرمه الثانيه ما عليك رح ترضى بعدين !هذي للي دخلت زوجة ابوك
فتحت ساره عيونها بصدمه هذي زوجة ابوها ؟!!!
ما تقدر توصفها !!
وبسؤال طفولي ما قدرت تكتمه : هذي عجوز كيف زوجة ابوي ؟!
ابتسمت الحرمه : لا تسمعك الحين !!
اعرفك بنفسي انا زوجة اخوك خلف للي وصلك الحين !
ساره همست بدهشه : اخوي !
ناظرت الاطفال للي حولها كانت تتخيل اخوانها بنفس عمرها او اكبر شوي !!
مو مقتنعه انه خلف أخوها ؟!!،
ناظرت زوجة خلف وهي تبتسم بسخريه للصغار وتنادي عليهم : تعالوا سلموا على عمتكم !!
عمار اقترب وناظرها بتقييم : تخسى تكون عمتي انا اكبر منها !!
ساره ابتسمت ببراءة : خلاص انت عمي لأنك اكبر!
جودي ناظرت ساره : انت غبيه ؟!
كيف يعني عمار يصير اخو بابا وانت اختنا ؟!
ليان ضحكت : شكلها غبيه
ام عمار ناظرت ساره : إلعبي مع العيال
وتركتهم وتوجهت للبيت
ساره بابتسامة خجوله : انا اسمي ساره !
عمار بكشره : وش نعمل لك؟!
نرقص ؟!
ساره بطفوله : لا لا ترقص علشاني
ليان : مو مصدق هذي عمتنا !
حنا اكبر منها !!
جودي بتحقيق: اي صف انت ؟!
ساره : بالصف الثاني
عمار : روحي إلعبي لوحدك ما نلعب مع بزران !
ليان : خليها تلعب معنا حرام
جودي بحماس : يلا نكمل لعب
وساره رح تكون الخدامه
عمار هز راسه : ايه يناسبها الدور
ابتسمت ساره بسعاده انهم سمحوا لها تلعب معهم !!
**
**
**
**
دخل البيت متحمس ينادي على امه : يمه يمه
طلعت ام عزام باستغراب: وش فيه ؟!
عزام : رحتي عند خالي خلف ؟!
ام عزام ابتسمت : لا والله
انتظر اختك خولة تيجي ونروح مع بعض
عزام بحماس : جدتي وش قالت لما شافتها ؟!
ام عزام ابتسمت : تقول ام عمار انها تركت المكان وهي معصبه !!
عزام ابتسم : تذكرت خيانة زوجها ههههه
خزته أم عزام : عيب استحي على وجهك
ابتسم وتوجه لغرفته
**
**
**
**
جالسه على الكنبه وماده البوز
جلس جنبها ابو سعود بعد ما قرص خدها : وش فيها الملسونه ساكته اليوم !!
نهى وهي تتمسخر على عائشه : كل هذا علشان سوسو ام القمل !
عائشه ناظرتها بنظرات معصبه : انت لا تتدخلين !!
ابو سعود ابتسم : لا الأمور متأزمه !!
عائشه بقهر من ابوها : ليه تخليهم يأخذونها ؟!
ابو سعود يسايرها : طيب لو خليتها وين تعيش ؟!
عائشه بتفكير طفولي : نجلس في بيتهم
وانا أصير أمها !
ابو سعود بابتسامة : من وين تجيبين فلوس ؟!!
عائشه : نشتغل انا وساره !
واعمل جبنه ولبنه وابيع حليب ويصير معي فلوس كثير
واشتري لساره فساتين وأكل كثير !!
نهى قرصتها : اصحي يا هبله تراك مجنونه
ابو سعود تمدد على الكنبه : اخخخخ الله يعيني عليك يا عش عش
عائشه وقفت بزعل : الله يعيني عليك شغل دخان
ركضت لما سمعت صرخته : بنت!!
**
**
**
عمار بفوقيه جالس على الكرسي: يا بطيخه يا بطيخه
ساره بابتسامه تقدمت منه : نعم سيدي!
عمار : انقلعي بسرعه جيبي لي قهوه !
ساره ببراءة : عيب الصغار يشربوا قهوه!
عمار بعصبيه : انقلعي بسرعه بلا قرقره
ليان وهي تحط رجل فوق رجل :انا ابغى عصير برتقال
جودي : انا ابغى نسكافيه وشوفي العيال اذا نايمين !
ليان تناظر ساره : وشوفي ولدي وش يعمل!!
بسرعه تحركي !
ساره بابتسامة : حاضر
ليان باعتراض:- لا بتقولي حاضر سيدتي
ساره بنفس الابتسامه : حاضر سيدتي
وبعدت كم خطوه وهي تمثل انها تجهز
بعدها توجهت لهم وهي تمد يدها وكأنها حامله صينيه : تفضلوا
سرعان ما قفزوا وهم يركضون باتجاه البيت
ناظرتهم ساره باستغراب ليه يركضون كذا ؟!
وش فيه؟!
ركضت خلفهم ولما وصلوا باب البيت
قبل ما يدخلون قاطعتهم صرخه مرعبه : تعالوا هنا ؟!
ناظروا خلفهم برعب وجههم مخطوف
تقدم بملامح معصبه : ليه ركضتم ؟ !
عمار بصوت يرتجف : ماما نادتنا !
رفع حاجب بعدم تصديق بس سلك له وبتذكر تقدم من جودي ومسكها من اذنها : كسرتي اليوم صحن !
رفعت رأسها تتدافع عن نفسها بس سرعان ما سكتت لما استقر كف ابوها على خدها وبصوت مرعب : وقسم بالله اكسر راسك المره الجايه !!
وبصوت عالي : انقلعوا للداخل اشوف
وخلال ثواني اختفوا من امامه
دخلوا غرفه جودي وليان لانها الاقرب
وتنهدوا براحه
وفجأه انسدح عمار وليان على الارض من الضحك
وساره واقفه تناظرهم باستغراب
جودي انقهرت منهم : تضحكوا بلا اسنان !
عمار وهو يضحك : لو شفتي شكلك تحفه ههههه
جودي جلست على السرير بقهر والدموع بعيونها : ترى البارحه طقك يا ليانووووو
وانت يا غبي الاسبوع الماضي طقك طق
سكتوا فجأة وناظروا ساره واقفه تناظر فيهم
عمار بعصبيه : جايه تتشمتين يا حيوانه !
ساره ابتسمت ببراءة : شفتكم تركضون وركضت معكم !!
جودي والدموع تنزل : انقلعوا براااا
ليان رمت نفسها على السرير : هذي غرفتي
مو طالعه
عمار تربع عالارض : وهذا بيت ابوي أجلس وين ما أبغى
جودي بقهر : جلس قرد على رأسك يا زفته
حرك حواجبه وهو يجاكرها .....
**
**
**
دخلت ام عمار الغرفه وناظرتهم : الحين يسمعكم ابوكم ويرجع يطقكم مره ثانيه
جودي مدت بوزها بزعل : شوفيهم يجاكرون فيني لانه بابا طقني !
ام عمار تكتفت : انا حذرتكم !
وبعدها ناظرت ساره : تعالي انزلي علشان تسلمين على أم عزام
ساره بطاعه : إن شاء الله
ليان مطت شفتها بسخريه : يقال إنها مهمه !!
جودي فكت شعرها الطويل تربطه من جديد : قال
وصرخت بوجع لما عمار شد شعرها : ماما شفيه !!!
أم عمار خزته: متى تترك حركاتك هذي ؟!
عمار بدون مبالاه : كيفي !!
جودي ناظرته بغيض : حيوان
ام عمار طلعت من الغرفه وهي تتكلم :،يلا يا ساره !
ابتسمت ساره وركضت خلفها ...
**
**
**
أم عزام ابتسمت على شكل خلف : نفسي اشوفك مروق ومبسوط !!
خلف وهو ينفث من الدخان : ما في شيء يخليك
مروق !
وهذي العله للي نشبت بحلقي !
أم عزام بعتاب: ما يصير تتكلم كذا ! هذي اختك !!
خلف اعتدل بجلسته : أبوي راح يجدد شبابه
هذا للي استفدنا منه !
وإلا رجال كبير وش يبغى بالزواج !!
وسبحان الله كانت القاضيه ما جلس شهرين إلا فارق الحياه ...
ام عزام ما عجبها كلامه : استحي على وجهك
هذا أبوك !!
خلف بقرف :،يا اختي قولي لي شيء واحد استفدته من زواج ابوي !!
إلا قولي مصروف زايد !
ووريثه تقاسم على الورثه !
غير منظرها للي يسد النفس!
وأشر على ساره وهي داخله
ابتسمت ساره بطفوله للموجودين واعتلت وجنتيها حمره : السلام عليكم
خلف باستهزاء : شرفت الأخت المنتظره !!
أم عزام ناظرت ساره بتأمل بشعر قصير كثير
وجهها نحيف يميل للبياض ملامحها حلوه
اول ما تناظرها تظنها ولد بسبب شعرها
لابسه فستان على طولها ما تعرف لونه الحقيقي
باهت من كثر الغسيل !!
ساره تقدمت منها بابتسامه بريئه ومدت يدها تسلم : كيفك خالتي !
للحين ام عزام مصدومه مدت يدها لها
ساره قربت وقبلت رأسها
وابتسمت لأم عزام : أنا ساره !
خلف وهو حاط يده تحت خده بسخريه : الحمد لله للي عرفتينا على اسمك !!
وحنا طول هالسنين وحنا نحاول نعرف اسمك
ساره ناظرته بابتسامتها البريئه : ليه ما سألتني كان خبرتك انه اسمي ساره !
ضحكت اسيل بصوت عالي على أسلوب خلف وعلى جواب ساره !
أم عزام أعطتها نظره لأنها تعرف أخوها ما يحب الضحك كذا
بلعت اسيل ضحكتها وهي تشوف نظرات خلف الناريه
ساره تقدمت من اسيل ومدت يدها : كيف حالك
سلمت اسيل برؤوس اصابعها قربت ساره تبوسها
بس منعتها يد اسيل : دخيلك كله ولا هالبوسه !
خلاص سلامك وصل !!
ساره ابتسمت لها وتوجهت لخلود وسلمت عليها
وقبلت رأسها
خلود وهي تناظرها بفوقيه كلمت خالها : من وين جبتوها هذي ؟!
خلف بدون نفس : جايه تسأليني كان سألتي ابوي
من اي مزبله لقاهم !
ساره ابتسمت لهم بهدوء وحبت تجلس جنب اسيل
وقبل ما تجلس قاطعتها اسيل : لا لا لا
روحي اجلسي بعيد عني !!
ناظرتها ساره باستغراب : والله قصيت شعري ما فيه قمل شوفي راح !!
اسيل عفست ملامحها بقرف : وقمل كمان !
يا حبيبي !!
يستر على عرضك ابعدي عني !!
خلود اشرت لها : اجلسي هناك
هزت رأسها بطاعه وجلست بهدوء وهي تناظرهم وتوزع ابتسامات
ام عزام تضايقت من تصرف بناتها وناظرت ام عمار : ترى عزام جاي !
ام عمار بابتسامه : البيت بيته يدخل
خلف ماسك جواله يطقطق عليه ومتحمس لشغله
بعد لحظات استأذن عزام ودخل وكله فضول يشوف الكائن للي دخل هالعائله بقوه !
دخل بابتسامه وسلم على خاله خلف
وقفت ساره بسعاده وهي تشوف عزام
تقدمت منه : كيف حالك ؟!
ناظرها وكأنه مو مستوعب فرك عيونه
ورجع ناظرها : انت ؟!
ابتسمت له : ايه انا ساره !
نسيتني ؟!
عزام بقرف : من وين انسى هالقمر المخسوف !
ابتسمت على كلامه بدون فهم المغزى : جدتي دوم كانت تقول لي اني احلى من القمر !
ام عزام باستغراب : من وين تعرفها ؟!
عزام وهو عافس ملامحه : تتذكرين لما كان ابوي يرسلني اشتري جبنه و لبن !
جدتها كانت تبيع
ام عزام عفست ملامحها بقرف : حسبي الله
وابو عزام يقول لي انهم ناس نظيفين !!
عزام ابتسم بشماته : كنت ابغى اقول لك بس خفت ابوي يزعل !
اسيل عفست ملامحها بقرف : حسبي الله عليك
ما لقيت الا ذول تشترون منهم !
كان قلت لي بالسر وانا مثل المشفوحه نازله اكل فيها
خوله ابتسمت : الحمد لله ما أكلت
خلف بشماته : خلي ابو عزام ينفعك !
حضرته مو عاجبه شغلنا !
ويروح يشتري من هالزباله
واشر بعيونه على ساره
ناظرتهم بهدوء وهم يتكلمون: جدتي الكل يحب شغلها كثير
وابتسمت بتذكر ما سلمت على عزام مدت يدها : نسيت أسلم عليك
دفها من طريقه وجلس : ترى مو ناقصني قرف
حلي عني
ام عزام ما عجبها تصرف عزام : تعالي يا ساره اجلسي عندي !!
ساره بفرح انها عبرتها وجلست جنبها
دخل سلمان وهو يركض : ماما ماما
ام عزام ابتسمت له : وش فيك ؟!
سلمان قبل ما يتكلم وقع نظره على ساره عفس ملامحه بغيره وهو يشوفها جالسه جنب امه : انت هنا ؟!
ام عزام : وش بغيت ؟!
سلمان رجع ناظر امه : ابغى اروح مع صديقي لل
قاطعه عزام بحزم : اذا عدت رجلك البوابه اكسرها !
اقعد وانطق مكانك احسن لك !!
سلمان بتمرد : كيفي !
وقف عزام على حيله وهو ناوي عليه
سرعان ما هرب سلمان للخارج وهو يتذمر ....
ام عزام ناظرت ساره : روحي إلعبي مع البنات
ساره بطاعه : ان شاء الله خالتي
طلعت ساره وهي تركض وتشعر بالسعاده
ام عزام : أمي بعدها معصبه ؟!
خلف بأسلوبه الجاف : وش دخلني انا ؟!
تزعل على ابوي الله يرحمه !
عزام : بعين الله
ام عمار : هذي اختك ولازم تتحملها !
خلف بضجر : حسستوني وكأني اخوها الوحيد !
لو انها اختك كان تغير كلامك !
ام عزام : الحمد لله انها مو اختي كان رميتها علي !! وبعدين ما في احد موجود هنا غيرك !
خلف بتفكير : افكر ارسلها لاميره!
ام عمار : اميره زوجت عيالها علشان تصفي راسها
مو ناقصها بزران !
خلف ابتسم بمكر : ما عليك انا أرتب الامور
وما رح اسكت مو اختي لوحدي !
اسيل باقتراح: طيب سفرها عند خالي محمد !
خلف بقهر: محمد تارك كل شيء فوق رأسي ومريح رأسه !
وقف عزام بخيبه كان متشوق يشوف البنت الجديده بس خاب ظنه لما شاف ساره: انا استأذن !
ام عمار : اجلس
عزام : عندي دراسه لفوق رأسي مره ثانيه
استأذن وطلع ...
**
**
**
**
ساره بفرح :نلعب مدرسه ؟!
سلمان اشر على نفسه : انا المدير !
عمار : انا السكرتير!
جودي :انا المعلمه!
ليان ابتسمت : انا المرشده !
ساره ابتسمت : انا
قاطعها سلمان بفوقيه : انت الفراشه تنظفين المدرسه !
ساره باعتراض : بس
عمار : مو عاجبك انقلعي
ساره ابتسمت حتى ما يطردوها : خلاص موافقه
سلمان وهو يجلس على الكرسي : غصب عنك
ويلا بسرعه اعملي شاهي للمعلمين !
ساره هزت رأسها : ان شاء الله
واقف بعيد شوي يناظرهم وهم يلعبون
وكيف يلعبون معها بفوقيه
وهي غبيه تلعب وتضحك معهم ومبسوطه !
عفس ملامحه بقرف وتوجه للبيت يكمل دراسه !!
**
**
**
في اليوم الثاني عائشه عامله اضراب: مو رايحه !
ام سعود وهي ماسكه نفسها : اقولك بسرعه ما بقى وقت الحين تتأخرين على المدرسه!
عائشه برفض : ما ابغى
كيف اروح للمدرسه وما اشوف ساره هناك !
ام سعود : كل يوم تطلعين حجه علشان تعطلين واليوم طالعه بسالفه ساره !
عائشه : ما رح اروح اذا ما داومت ساره
ام سعود عصبت ومسكتها من شعرها : خلصيني ترى الحين بالعصا !
عائشه وهي تبعد امها : خلاص خلاص توبه
تركتها ام سعود وهي تناظرها بعصبيه: بسرعه اشوف!
عائشه بضجر : خلاص رح انقلع للزفته !
الله يقطع الدوام والمعلمات والمعلمين كلهم !
ام سعود ابتسمت بداخلها : تدعين على ابوك !
عائشه بعصبية: ماما !!
**
**
**
**
ام عمار وهي تفكر : اخوك خلف طلع للبر من الفجر
وما رح يرجع من اسبوع !
ساره بهدوء : كيف اروح للمدرسه !!
ام عمار عقدت حواجبها : وش اسم مدرستك قلتي لي ؟!
ساره : مدرسه .....
ام عمار هزت راسها : خلاص تعالي افطري
وانا ادبرك !
نزلت ساره معها وشافت عيال اخوها متجمعين عند الطاوله تقدمت منهم بابتسامه وسحبت كرسي
ووقفت لما سمعت صرخة عمار : لا انقلعي اقعدي بعيد عني !
جود وليان بصوت واحد : اقعدي هناك
ناظرتهم بهدوء وابتسمت لهم بالرغم انها حزت بخاطرها
جلست بالجهة المقابله
دخلت ام عمار وجلست بهدوء تتناول الفطور
ساره ناظرت الفطور بفرح : اول مره اجلس على
فطور كذا
ام عمار رفعت حاجب : وش تفطرين؟!
ساره بضحكه قصيره : دائما جبنه او لبنه !
جودي رفعت حاجب : مو عاجبك جبنه ؟!!
ليان ناظرتها بإستصغار : غبيه يا ليت كل يوم
افطر جبنه
وغمضت عيونها : اموت عليها الجبنة
ساره بابتسامة بارده : لو كل يوم رح تكرهينه
عمار بصوت مرتفع يثبت وجوده : اقول انطمي انت وإياها بلا قرقره !
جودي : وش دخلك ؟!
ام عمار بتهديد : وقسم بالله الحين اتصل بأبوكم وخله يتفاهم معكم !
ومسكت الجوال بتهديد
جودي مطت شفتها : خلاص
نزلت نظرها للاكل وبدأت تأكل مثل المشفوحه
وكأنها من سنين ما أكلت !
كالعاده تخاف يطير الاكل او يختفي وهي ما شبعت منه !
ناظروها بانتقاد بس ام عمار اشرت بعيونها يطنشوها .....
**
**
**
**
واقف ينتظر ويهز رجله بعصبيه هذا للي ينقصه تركب ساره بسيارته!
لولا عمته ام عمار والا لو تموت ما ركبت سيارته
زفر بعصبيه مستعجل وينها ما طلعت للحين !!
صار يضرب هرن بشكل متواصل حتى تطلع بسرعه
شافها تركض له مستعجله فتحت الباب الامامي : اسف
قاطعها بصرخه : انقلعي للخلفي واركبي!
ابتسمت باحراج وقفلت الباب بهدوء
ورجعت ركبت من الخلفي بهدوء اخذت نفس وابتسمت وهي تناظره : اسفه على التأخير !
حرك السياره : ترى رأسي مصدع انكتمي !
ساره بابتسامة : ان شاء الله
ناظرته معصب والتفتت تناظر من الشباك
وتلوم نفسها تأخرت عليه وزعل
ما كان قصدها تتأخر !!
كيف تنزل وهو وزعلان عليها رجعت ناظرته بندم وأسف : والله ما كان قصدي أتأخر عليك !
عزام بقرف : بالله تسكتين ترى واصله هنا
واشر على انفه
وقف السياره والتفت عليها : هذي مدرستك !
ناظرت من الشباك وابتسمت بغباء : ايه
وبسرعه فتحت الباب وهي تنادي لما شافت عائشه عند باب المدرسه: عيشه عيشه
وتوجهت للمدرسه بدون ما تقفل الباب
ولع من حركتها ونزل من السياره : وقسم بالله لتندمين يا زفته
**
**
**
عائشة وهي ماسكه بيد ساره وتتكلم بطفوله : ماما غصب عني ارسلتني من المدرسه
قلت لها كيف اروح للمدرسه وساره مو موجوده
بس ماما ما تفهم !!
ساره بابتسامة : عيب تقولين عنها كذا ؟!،
عائشة فتحت عيونها بفرح للفكره للي خطرت ببالها !!
**
**
**
ضجر وهو ينتظر مسك الجوال واتصل واول ما انفتح الخط تكلم بنفاذ صبر: ما في احد !!،
ام عمار بقلق : تأكد يمكن تنتظرك وانت ما شفتها !!
عزام وهو ماسك نفسه : يا عمتي صار لي قريب نص ساعه والمدرسه تقريبا فاضيه !!
ام عمار بخوف : وين طست هالبنت ؟!
عزام بغضب : انا فاضي لها ؟!
والا سواق عندها !
ام عمار تهديه : يا عزام طول بالك بعدها صغيره
ارجع دور مره ثانية الله يوفقك !
عزام بدون نفس : ان شاء الله
قفل الخط وهو يفكر وين طست !!
ناظر ساعته ما عنده وقت ما بقى وقت عن المحاضره وتبدأ !
وما استفاد من البريك لا اكل ولا شرب وهو يدور على صنوايت
زفر بضجر يبغى يفقع وين رح يلاقيها
/؟!!،
**
**
**
نزلت ساره وهي ماسكه يد عائشه : أخاف أمك تزعل !
عائشة هزت رأسها بالرفض : لا تخافين ما رح تقول شيء !
وبعدين انت ضيفه !
وختمت كلامها بابتسامة
مدت يدها تفتح الباب استغربت انه مقفل
ساره عقدت حواجبها : أمك مو بالبيت ؟!
عائشه ضربت جبهتها : نسيت قالت لي الصبح إذا ما لقيتها اروح لبيت صبحيه وأشرت على بيت صبحيه
تعالي نروح !
ساره هزت رأسها بالرفض : لا ما أبغى ننتظرها هنا !!
عائشه بموافقة : خلاص تعالي نلعب طوف هنا !
تلعب مندمجه باللعب ومبسوطه على سوالف عائشه
قاطعهم مرور السياره ووقفت قريب منهم
عائشه بغضب : ما في غير ذي الطريق !،
قطع علينا اللعب !
نزل من السياره وهو مفول من العصبيه مثل ما توقع رايحه مع هالزفته
عائشة فتحت عيونها : شوفي من جاء ؟!
عزام أشر لساره بغضب : تعالي !
وقفت عائشه بالنص و هي تتخصر بطفوله : لا والله !
ساره ما رح تروح معك !
وناظرت ساره تشجعها : قولي له إني صرت أمك !
علشان يروح !،
عزام واصله معه العصبيه : انقلعي من وجهي اشوف !
وانت تعالي خلصيني !
ساره منحرجه من عائشه كيف تتركها تكلمت بهدوء مع عزام : بس عيشه عزمتني على الغداء !
ناظرها بسخريه وهو رافع حاجب : والله !!
صايره مهمه يا ام القمل ؟!
عائشه رفعت أصبعها بتهديد : لا تغلط عليها !
ساره ناظرت عائشه تدافع عن عزام : ما يدري إنه القمل راح
وناظرت عزام وابتسمت : رأسي ما فيه شوف !
قاطعها وهو يسحبها بقوه نحو السياره
فتح الباب الخلفي ورماها وقفل الباب بعصبيه ونفض يدينه بقرف
وقبل ما يركب وقفته يد صغيره : رجعها يا
قبل ما تكمل دفها بقوه على الارض
وركب السياره وحركها بسرعه
ناظرت من الشباك عائشه على الارض
لامت نفسها كله بسببها
حطت يدها على جنبها لما دفها بالسياره
تحس تبغى تبكي من الالم
تحاملت على نفسها وناظرته والدموع تلمع بعيونها وصوت مخنوق : اضربني بس لا تضرب
عيشه حرام
رميتها على الارض!
زمت شفايفها تمنع تساقط الدموع : اخاف انكسرت يدها !
امها مو بالبيت !،
حرام!
وبصوت مبحوح : اضربني بس لا تضربها
وقف السياره والتفت لها : لا تستعجلي على رزقك !،
نزلت نظرها وبصوت مخنوق : آسفه
نزل من السياره مطنشها وحاس بالندم لأنه دف عائشه خاف يكون صار لها شيء !
دخل المحل وهو يجول بنظره على شيء مناسب
**
**
**
بعد ما نزل من السياره شدت مكان الالم
ونزلت دموعها غصب عنها
خافت ييجي بأي لحظه ويشوفها تبكي ويظنها بزر بعدها تبكي
صارت تمسح دموعها
شافت علبة مويه اخذتها وغسلت وجهها
ونشفته بمريولها بسرعه
اخذت نفس وهي تحس بوخز مكان الضربه
شافته جاء ومعه كيس
ركب السياره وحرك بهدوء ورجع من نفس الطريق
وقف باب بيت عائشه وشافها جالسه باب بيتهم
ناظر ساره بحزم: اذا نزلتي اكسر رجلك فاهمه !
هزت راسها بطاعه بدون اي كلمه
أخذ الكيس ونزل من السياره
جالسه باب بيتهم وكأنها متسوله وتكلم نفسها وتتوعد وتهدد!!
لما شافت السياره وقفت بغضب وهي تناظر عزام : وين ساره يا حرامي !
تقدم منها وابتسم : أنا آسف ما كان قصدي ادفعك بس كنت معصب !،
عائشه بعصبية وهي تشبر بيدينها : بسببك ما اقدر اقوم واجلس
ابتسم وهو يشوفها واقفه : كيف وقفتي لما شفتيني يا الكذابه ؟!،
عائشه تغير الموضوع : وين ساره ؟!
عزام ابتسم لأنه السياره مظلله ما تشوفها : رجعتها للبيت
ومره ثانيه ما تتكرر هذي الحركه !،
أهلها قلقوا عليها وهم يدورون عليها !،
كنا رح نبلغ الشرطه !
بلعت عائشة ريقها بخوف
ابتسم على ملامحها الخايفه : أنا آسف وهذي
هديه اعتذار
أخذت الهديه وفتحتها بسرعه
وابتسمت بفرح لما شافت لعبه كبيره !
وبعدها تحولت ملامحها للكشره : ما ابغاها !
تركها بدون اي كلمه وتوجه للسيارة ..
**
**
**
تناظرهم من الشباك وهو يكلم عائشه
كانت خايفه يضرب عائشة مره ثانيه
بس ابتسمت بألم لما شافت اللعبه للي أعطاها لعائشه !
ليه ما جاب لها مثلها !!
حز بخاطرها !!
هزت رأسها بالرفض أهم شيء عندها عائشه
مبسوطه بالهديه وما رح تقاطعها عائشه علشان عزام !
عفست ملامحها بألم وهي تحس بالوجع رجع مره ثانيه !!!
ركب السياره وحرك بدون اي كلمه !
غمضت عيونها لثواني من الالم واخذت نفس
ورفعت رأسها وناظرته بعيون لامعه وصوت مبحوح : أنا آسفه
لا تزعل مني !
عزام ناظرها من المرايه بعصبيه: انكتمي ولا تكلميني !
ساره ابتسمت بحزن ونزلت رأسها : ان شاء الله
ولفت وجهها من جهة الشباك وهي ماسكه نفسها لتنفجر من البكاء
ما تحب احد يصرخ عليها او يزعل منها وفوق هذا
جنبها يوجعها !!
**
**
**
**
ام عمار بقلق عزام ما رد لها خبر وتخاف تتصل فيه ويثور بوجهها تعرفه لما يعصب !
وما تبغى السالفه توصل لخلف لأنها تعرفه
مجنون وما رح يرحمها
وبنظرها ساره بعدها طفله صغيره بريئة !!،
سمعت صوت السياره بالكراج
طلعت بسرعه
وشافت عزام نزل ساره و الظاهر إنه معصب !
عزام مسك ساره من اذنها وبصراخ : والله لو تعيدين هالحركه إلا أكسر رأسك !
الدنيا سايبه عندك !
تقدمت أم عمار بضيق : اتركها !
عزام شد اقوى وهو يناظر ساره : انا وش قلت ؟!
رفعت ساره رأسها وابتسمت بألم وعيون منكسره: ما رح اكررها !،
أم عمار سحبتها من عزام بقهر : قطعت إذنها ؟!
عزام بغضب : تستاهل هالحيوانه !
بسببها راحت علي المحاضره !
ام عمار عفست ملامحها : اعوذ بالله القسوه عندكم وراثه!!
ومسكت يد ساره بحنيه : تعالي معي !!
دخلوا البيت ام عمار ناظرتها : وين كنت ؟!
ساره وهي تحس بالغصه : عزمتني عائشة صديقتي ورحت معها !
ام عمار بتفهم : هذي جارتكم ؟!
ساره هزت رأسها بدون كلام
ام عمار : ما يصير تروحين بدون ما تعطينا خبر !!
ساره بصوت مخنوق : آسفه ما رح اكررها !!
وابتسمت والدموع تلمع بعيونها !
ناظرتها أم عمار وقلبها تقطع عليها وهي تشوف إذنها حمراء : روحي بدلي ملابسك علشان الغداء !!
حمدت ربها ام عمار انه عيالها مو هنا لو عرفوا كان خبروا أبوهم
وهي تعرف خلف وعصبيته !!
**
**
**
**
دخل البيت معصب ومقهور من ساره وبدون نفس : السلام
ام عزام باستغراب لما شافته: وعليكم السلام .... غريبه راجع الحين !
عزام بنرفزه :يعني ارجع ؟!!
ام عزام ابتسمت :-لا مو قصدي بس انت عندك محاضره
قاطعها وهو يجلس وبغضب: بفضل ساره الزفته
راحت علي المحاضرة !
ابو عزام : وش دخل ساره ؟!
عزام بقهر : ابنة عمك المصون رايحه لبيت جيرانهم قال عازميتها جارتهم !!
ابتسمت ام عزام :يا حليلها صاحبة واجب
عزام بغضب : مبسوطة على حركتها ؟!!
ابو عزام : لازم إخوانها يشدون عليها وما يتركونها كذا ؟!
عزام بطفش : هالإخوان كل واحد بجهة هاج !
والشاطر يرميها على الثاني،!
ابو عزام : اذا مو قادرين على تربيتها أنا مستعد اربيها ونأخذ أجر هاليتيمه !!
قاطعه عزام: هذا الناقص تعيش عندنا!
ارجوك يبه خلي افكارك لوحدك انا اخواني قرفانهم !!
ابو عزام هز رأسه : الله يعيني عليك
!!
**
**
**
**
ماسكه اللعبه وتلعب فيها بعد ما خبرت أمها بالسالفه
بس ما جابت سيره ساره !!
اسماء لمست اللعبه صرخت عائشه وخبتها خلف ظهرها : انقلعي !!
اسماء بقهر : خايفه نأكلها ؟!!
نهى قلبها تقطع وهي تشوف اللعبه تجنن تبغى تحملها : من حلاتها هاللعبه ؟!
تقرف!!
وناظرت اسماء : اتركيها بابا رح يشتري لنا احلى منها !
عائشة بسخريه :بالمشمش يجيب لكم !
وبشماته : نسيت ذيك المره لما كنا بالسوق واشتريت انا لعبه وكنت تبغين وحده مثلها
وش قال لك بابا ؟!
وحركت حواجبها تقهرها !.
زمت نهى شفايفها بقهر وهي تتذكر كيف مسح فيها الارض إنها كبيره وتبغى لعبه !
اسماء بغيره: يا رب تخرب ! ،
**
**
**
**
كملت غداء وهي مبسوطه على الاكل أشكال وأنواع !!
ام عمار بأمر : يلا يا جودي نظفي الطاوله انت وليان !
وتركت المكان وتوجهت للمطبخ
لحقتها ساره بابتسامة : خالتي !
ام عمار ناظرتها : نعم !
ساره بابتسامة طفوليه : ممكن أساعدك ؟!
ام عمار ابتسمت : يا عمري !
تبغين تساعديني،!
هزت رأسها بحماس: كنت عند جدتي كل يوم أجلي وانظف المطبخ !
ام عمار ما حبت تكسر بخاطرها وهزت رأسها بموافقة
**
**
**
**
في اليوم الثاني كملت فطور بسرعه خايفه تتأخر عليه
وقبل ما تطلع من الباب لحقتها ام عمار بتنبيه: لا تروحين اي مكان فاهمه !
ابتسمت وهي تهز رأسها: إن شاء الله
وركضت باتجاه البوابة تنتظر عزام
متحمسه للمدرسه
توجهت لسياره عزام بابتسامة جميله فتحت الباب
ودخلت السياره بابتسامة: السلام عليكم
ناظرها بالمرايه وهو مكشر وحرك بدون اي كلمه!
سكتت وهي تشوف ملامحه من المرايه
نزلت رأسها بحزن ليه يعاملها كذا ؟!
أكيد زعلان منها !
بس هي ما كان قصدها تزعله !
بعد وقت وقف وبجلافه : انزلي بسرعه !
رفعت رأسها وابتسمت له : ان شاء الله
نزلت بهدوء وقفلت باب السياره وركضت باتجاه بوابة المدرسه .....
**
**
**
**
ليان كملت فطور وبرجاء: يا ماما خليني اعطل !
جودي تخصرت : اذا ليان بتعطل انا كمان ما رح اداوم !
عمار يثبت وجوده وكلمته تمشي : أقول كل وحده تنقلع قدامي أحسن ما اقوم بالعقال!
جودي رفعت اصبعها :انت ما لك دخل !
انا اكلم ماما !
ام عمار جالسه تطقطق بالجوال تكلمت : رح اعد للثلاثه واذا شفت رقعة واحد فيكم يا ويلكم
عمار بقهر كان ناوي يطلع اخواته ويعطل : وبعدين مع هالدوام للي ما يخلص !!
جودي سحبته من ثوبه باتجاه الباب : امشي لو تجلس فوق رأسها ألف سنه ما اقتنعت !
ليان بقهر : افففففف من الحياه!
وطلعت خلف إخوانها
سلمان واقف ينتظر عمار : ليه تأخرت ؟!
جودي تكلمت قبله : فكر يقنع ماما ونعطل !
سلمان عفس ملامحه بقهر : أمك مثل عزام ممنوع العطل !
يتحكمون بحياتنا !!
عمار بتوعد : إذا ما عطلت باكر ما اكون عمار!
ابتسم سلمان بسخريه : امشي امشي !
وناظر جودي وابتسم : أخوك بس حكي !
هزت رأسها : حكي ويفرض عضلاته علينا !!
**
**
**
**
توجهت لسياره عزام بعد ما انتهى الدوام فتحت الباب بابتسامة : السلام عليكم
حرك السياره بدون ما يرد تضايقت ما تحب
أحد يزعل منها
تذكرت عائشه ناظرته : عائشة تقول لك شكرا على اللعبه
عزام ابتسم وناظرها بالمرايه :عجبتها ؟!
ساره ابتسمت وعيونها تشكي الحرمان : عجبتها حيل !
جابتها اليوم على المدرسه والمعلمه هددتها اذا جابتها رح تأخذها منها !
وابتسمت بألم تكمل : بالفسحه قلت لها ألعب فيها بس
قاطعها : لا تقولين لعبتي فيها؟!
اكيد وسختيها بيدينك ؟!
رفعت يدينها الصغيره والغصه بحلقها : شوف يدي نظيفه !
وكملت وهي تتظاهر بالابتسامه وطلعت اللعبه من حقيبة المدرسه : أعطتني لعبتها القديمة !
وقالت أخذها لي !!
عزام وهو يناظرها حامله لعبة قديمه بحضنها :يعني ما لعبتي باللعبه الجديده ؟!
ردت بغصه : لا
وابتسمت بألم : حلوه هذي اللعبه ؟!
عزام بسخريه : تشبهك !!!
ساره ناظرته باستغراب : كيف تشبهني ولون عيونها ازرق ؟!
ضحك بصوت عالي : فعلا إنك خبله !!!
عزام وهو يناظرها حامله لعبة قديمه بحضنها :يعني ما لعبتي باللعبه الجديده ؟!
ردت بغصه : لا
وابتسمت بألم : حلوه هذي اللعبه ؟!
عزام بسخريه : تشبهك !!!
ساره ناظرته باستغراب : كيف تشبهني ولون عيونها ازرق ؟!
ضحك بصوت عالي : فعلا إنك خبله !!!
أقول انقلعي للداخل بسرعه !
طالعته وهي تمشي للداخل لوحت بيدها بابتسامتها المعتاده : مع السلامة
مط شفته بسخرية من تصرفاتها يحس عقلها ناقص !!
**
**
**
**
اجتمعو على الغداء عمار باعتراض : وش هالأكل؟!
جودي تكتفت : ما رح نتغدى من هذا الاكل !!
ناظرت ساره الأكل وبدأت تأكل بهدوء بدون اعتراض
أم عمار : شوفوا ساره تأكل عادي أشطر منكم !
ليان مطت شفتها بجعرفه : تسخين ؟!
ليه ما طبختي اليوم !!
أم عمار بلامبالاه وهي تتغدى: هذا الأكل موجود للي مو عاجبه يبلط البحر !!
هذا الموجود !
ساره ناظرتهم باستغراب ليه مو عاجبهم كانت تتمنى هالأكل عند جدتها !
بعد وقت رجع عمار وأخواته للأكل لما شافوا ما في فائده من اعتراضهم
جودي بقهر تهمس لإخوانها : مو فاضيه تطبخ 24 ساعة على الجوال !
رفعت حاجب ام عمار وهي تخزها : وش قلتي يا جودي ؟!
عمار بقهر : انا للي اقول من الصبح قرف المدرسه
ولما نرجع ما نلاقي أكل مثل العالم والناس ؟!
ساره ناظرته : لازم تقول الحمد لله
وصرخت من قوة الضربه على رأسها
وبصراخ وقف بعصبية : اخرسي !
لا تتدخلين فاهمه !
نزلت على الارض وهي ضاغطه على جبهتها من الألم
ام عمار جلست على مستواها بخوف : أشوف مكان الضربه !
ساره وهي كاتمه الألم والدمعه بعيونها رفعت يدها وهي تناظر الارض
ام عمار شافت مكان الملعقه حست فيه انتفاخ بسيط وجرح صغير : يوجعك ؟!
ساره هزت رأسها بالرفض
رفعت رأسها بمكابره وابتسمت رغم الوجع وصوت مخنوق : لا
ام عمار وقفت بعصبيه تدور على عمار بس ما شافته
هرب وبصوت عالي متوعد : والله إلا تتعاقب وتشوف !
جودي بفتنه : ماما قولي لبابا عنه علشان يضربه !
ليان : تبغين بابا يضربه علشان هذي ؟!
جودي : لا علشان نقهره لما يضربه بابا ونتمسخر
عليه !
ام عمار بنظره قويه : بسرعه رتبوا مكان الأكل
وبعصبيه
بسرعه !
ورجعت لساره ناظرتها : تعالي احط لك عليها ثلج
هزت رأسها بالرفض بس ام عمار ما خلت لها فرصه
أخذتها للمطبخ !!
**
**
**
**
ام سعود بضجر : خلاص يا عائشة اعطيني الجوال !!
عائشة وهي تناظر امها : يا ماما هذي اخر سالفه ا أقولها لبابا
ام سعود وهي تصك على اسنانها : اخر سالفه !
هزت رأسها وابتسمت : ما قلت لك يا بابا ؟!
أبو سعود بملل لها ساعه ماسكيته من سالفه لسالفه : لا ما قلتي ؟!
عائشة بفرح : ماما قالت تبغى تزوجني !!
ابو سعود بملل : والله ؟!
عائشه بفرح طفولي : ايه
علشان كذا اتصلت فيك علشان أعزمك للعرس
يا بابا !
ابو سعود : والله فيك خير عزمتيني !
عائشة ابتسمت: لازم تيجي علشان تسلم على العريس !
حرام يكون لحاله واقف !
ابو سعود : ان شاء الله بس متى العرس ؟!
عائشة سكتت لثواني تفكر : امممم
ما ادري !
خلاص يوم العرس اقول لك !
ومن الحين ابغى تشتري لي فستان أبيض كبير لي ولساره !
أبو سعود بضجر : خلاص اعطيني أمك !
صدعتي رأسي !
عائشة بقهر : انا ادري ما رح تشتري لي فستان !
والبنات يتمسخرون علي !
خلاص ما ابغى اتزوج !
ام سعود وصلت حدها منها سحبت الجوال بقوه: عمرك ما تزوجتي انقلعي من وجهي !
عائشة وهي تتخصر : والله لأتزوج غصب عنك وعن زوجك !
ضحك ابو سعود وهو يسمع كلامها !
ام سعود : ايه اضحك بدال ما تكسر رأسها على هالكلام !
ابو سعود : بعدها صغيره !!
**
**
**
**
ام عمار وهي ماسكه عمار ناظرت ساره : اضربيه بالملعقه مثل ما ضربك !
ساره ناظرت عمار بشفقه : لا حرام !
ام عمار بعصبيه : اقول لك اضربيه بسرعه !
ساره تقدمت بتردد ومسحت على يد عمار بالملعقه وناظرت ام عمار : خلاص حرام !
ام عمار انقهرت من هبلها: الحين ساحبه عمار وحالتي حاله ؟!
وهذا للي طلع معك !
عمار يتمسخر : اخخخخ وجعتني !!
ام عمار شدته من إذنه بقوه : انقلع يا ثقل دم !
عمار ركض باتجاه الباب وهو يضحك : اشوفك في بيت جدي !!
ام عمار : ناظرت جودي : جهزي حالك انت وليان !
وناظرت ساره بحيره وش تلبسها
وبعدها التفتت لجودي : اسمعي في خزانتك فستان صغير أعطيه لساره تلبسه وتعالي عند دار جدك فاهمه !
ساره بتساؤل : بيت جدي ؟!
جودي : لا يا غبيه !
ذول بيت جدي انا اما انت لا !
ام عمار : بيت عمك يا ساره
انت ابنة عمي !!
جودي بسخريه مثل ما تسمع من الاكبر منها : جدي خلفك على كبر !!
ام عمار : خذي ساره وإلحقيني على بيت جدك
بسرعه
جودي بفرح : ان شاء الله
ام عمار بتأكيد : لا تنسين ساره !
سحبت جودي معها ساره بسرعه وهي طايره من الفرح!
**
**
**
ام عزام بعد ما لبست عبايتها وصلت عند الباب وقفت لما دخل عزام : سلام !
ام عزام ابتسمت: وعليكم السلام....
عزام : وين ؟!
ام عزام تعدل بالشاله : وين يعني لبيت جدك !
اتفقت مع عمتك ام عمار نروح نجلس هناك !
عزام فتح لها الطريق : سلمي
ام عزام : تعال اجلس !
عزام : عندي بحث مو فاضي !
**
**
**
جالسه عند اهلها ومستانسه قاطعهم
دخول ساره وهي تبتسم بخجل : السلام عليكم
وقدمت على الجد ابو راكان وقبلت رأسه وسلمت عليه : كيف حالك يا عمي !
ابو راكان ناظرها وناظر ام عمار وهي متفشله من ساره : هذي ابنة اخوي ؟!
ام عزام ابتسمت :،ايه يا عمي هذي هي !!
ام راكان لوت بوزها : وش هالمخسره ؟!!
ساره تقدمت من ام راكان وسلمت عليها بنفس الطريقه : عساك طيبه يا
قاطعتها ام عمار : وين جودي ؟!
قبل ما ترد ساره دخلت جودي وهي ماده البوز
ام عمار بحده : مو قلت لك ساره تبدل ملابسها ؟!
جودي جلست بضجر : رفضت تلبسه تقول قصير
لو شافتها جدتها رح تزعل منها !
ساره بتبرير : جدتي تضربني وتزعل مني اذا لبست كذا ؟!
وقربت من ام عزام وسلمت عليها بنفس الطريقه : كيف حالك يا خالتي ؟!!
ام عزام ابتسمت لها: بخير الله يوفقك !
ام عمار ناظرت ساره : تعالي هنا اجلسي !
ابتسمت ساره لها وجلست جنبها
وناظرت الموجودين بابتسامة بريئه وبعدها همست لام عمار : ذول امك وابوك ؟!
ام عمار ابتسمت لها : ايه امي وابوي !
ساره ابتسمت بحزن : انا ما اعرف امي وابوي
ولا مره شفتهم !
مسحت ام عمار على رأسها بحزن طفله يتيمه
تبغى بس احد يحتويها !
زفرت ام عمار بضيق على حال هالطفله اليتيمه
لا أم لا أب وما أحد مهتم لها
ناظرت جودي :اطلعي إلعبي وخلي ساره تروح معك !
جودي وقفت بدون نفس : تعالي !
طلعت ساره تركض بفرح وهي حاضنه اللعبه للي حصلت عليها من عائشه !
ام راكان : وليه تستقبلينها ؟!
ليه ما تروح عند إخوانها او أخواتها !
مو ملزومه فيها !!
ام عمار : يا يمه مو مضايقه علي حالها من حال
عيالي!!
ام عزام : ابو عزام يفكر يربيها عندنا !
ام راكان بانفعال : خله يربيها ومن بعدها لا هو ولدي ولا اعرفه !
الجد ابو راكان : اقول لا تتدخلين بأمور ما تخصك !،
**
**
**
**
ساره حاضنه اللعبه وتبتسم تبغى تلعب معهم
فجأة انخطفت اللعبه من حضنها
ناظرت سلمان وهو حاملها ويضحك بصوت عالي
ركضت خلفه وبصوتها الرقيق : اعطيني سوزي !
سلمان وهو رافع اللعبه بيده : احلى واسمها سوزي !!
واشر لعمار وغمز له وبعدها طالع ساره ومد يده باللعبه : خذي
وقبل ما تمسكها رفعت نظرها وهي تشوفها بالهواء طايره
التفتت للخلف بسرعه شافت عمار ماسكها
ركضت له برجاء طفولي : اعطيني إياها !
عمار بسخريه : خذي
ورماها على سلمان !
ناظرت سلمان وركضت له : اعطيني إياها
ابتسم سلمان لما شاف ماجد اشر له وبسرعه
رماها باتجاه ماجد
ركضت خلف اللعبه وبصوت راجي : اعطيني لعبتي !
ماجد ناظر البنات واقفات يناظرن الموقف وبابتسامة مكر وهو يسأل البنات : اعطيها ؟!
ليان مبسوطه صرخت : لا لا لا
ناظرها بابتسامه: وش اعمل لك ؟!
ورماها على عمار
تحس بالتعب وهي تركض من جهة لجهة
وما حصلت اللعبه !
ليه يعملون فيها كذا ؟!
جلست على الارض بتعب وتلهث بصعوبه
كيف ترجع لعبتها ؟!
ماجد بسخريه : علامك تعبتي ؟!
ما تبغين اللعبه ؟!
ناظرته وهي ماسكه دموعها هزت رأسها بالموافقة
ماجد : خلاص تعالي خذيها حزنتيني !!
ساره ابتسمت بفرح رغم قهرها ووقفت بتعب
وتوجهت له بخطوات
سرعان ما تعثرت على الارض ووقعت لما شافته رجع يرميها !!
قبل ما يدخل عزام بيت جده شافهم وهم يرمون اللعبه
وهي مثل الغبيه تركض من جهة لجهة
مط شفته بسخريه على حالها ودخل بيت جده
عمار وهو يلوح بها بقوه : تعالي خذيها
سلمان : يلا روحي خذيها قومي !
رفعت رأسها وناظرتهم والدموع تلمع بعيونها
وقفت بهدوء ومشت بخطوات هاديه بعيد عنهم وجلست على الارض واعطتهم ظهرها
وتكورت على نفسها
بدأت دموعها تنزل غصب عنها قهروها !
لعبتها الوحيدة أخذوها منها !!
باكر إذا سألتها عائشه عن اللعبه وش تقول لها !
بعد وقت رفعت رأسها لما حست بيد على كتفها
ساره مسحت دموعها وابتسمت !
سألها باستغراب : وش فيك تبكين ؟!
ساره ابتسمت وبصوت مبحوح : ما أبكي !
ابو عزام باستغراب : وش تعملين وحدك هنا ؟!
كل البزران دخلوا داخل!
وقفت على حيلها وركضت لما شافت اللعبه
على الارض
والظاهر انهم هربوا لما شافوا ابو عزام
حملتها وهي تحس بالقهر بداخلها لما شافت اللعبة
معفوسه
ابو عزام من خلفها : وش فيك ؟!
كتمتها بقلبها وابتسمت له : ولا شيء !
ابو عزام مسك يدها : تعالي ندخل للداخل ؟!!
هزت راسها بالموافقة وابتسمت وهي تتخيل ابو عزام يكون ابوها !
***
**
**
**
دخلت وهي توزع ابتسامات يحسها فعلا خبله
هبله عديمه احساس
دوم تبتسم !
ساره أول ما شافته ركضت بفرح له : عزام !
عزام لوى بوزه بقرف وطنشها !
ام عمار لما شافت تصرفه نادت ساره : تعالي عندي يا ساره
هزت رأسها بطاعة و توجهت بهدوء جلست
شافت البزران يتهامسون ويضحكون عليها
ناظرت لعبتها وحضنتها بقوه
رفعت رأسها لما دخلت حرمه ومعها طفله عمرها بحدود 3 سنوات
ابتسمت ساره للطفله تحب الأطفال وتموت عليهم
ام عمار بصوت منخفض لساره : هذي زوجة اخوي ام تالا
ابتسمت ساره وتوجهت لها وسلمت عليها : كيف حالك ؟!
ابتسمت لها : هذي اخت خلف ؟!
ام عمار هزت رأسها : ايه اخت خلف !
ابو عزام هز رأسه بالخفيف وهو يناظر ساره بشفقه: الله يسامحك يا عمي !
الجد ابو راكان : كل شيء قسمه ونصيب !
ابو عزام : بس يبه
قاطعه الجد ابو راكان : خلاص يا ابو عزام
لا تفتح صفحات انطوت !!
ساره رجعت جلست عند ام عمار
للي طلبت منها تروح عند العيال تلعب
بس رفضت وجلست بهدوء
تقدمت تالا منها وحاولت تسحب اللعبة من ساره
شدت ساره على اللعبه
شغلت تالا صفارات الانذار : ماما
عزام بضجر : أعطيها اللعبة وفكينا من صوتها !
بطبيعتها المطيعه هزت رأسها وابتسمت بالغصب
ومدتها لتالا
وقلبها يتقطع على لعبتها الوحيده ما تبغى تفرط
فيها !
وعدت لعبتها سوزي اليوم تنام عندها !
عينها على تالا تراقبها تخاف على لعبتها
للي شبه خربت بسبب العيال !
وقفت على حيلها بسرعه وتوجهت لتالا تحاول تسحب اللعبه لما شافتها تحاول تقطعها
اخذتها منها بس وقفت لما بدت تالا تبكي على
اللعبه
ام تالا بانزعاج : يا الله وبعدين معك تالا عندك
ألعاب أحلى من هاللعبه المقرفه !
تالا تهز رأسها وتبكي : ماما ماما
ام تالا سحبت من ساره اللعبه : خلاص علشان تسكت
ولما ترجعين أعطيك إياها !
ساره منحرجه من ام تالا هذي لعبتها
ما تبغى تعطيها لأحد
عزام بحده : وبعدين معك حاطه رأسك برأس
هالطفله ؟!
أبو عزام : لعبتها وهي أحق فيها !
عزام بنرفزه : عاجبك صوت صياحها ؟!
وناظر ساره روحي اجلسي !
ام عمار : عادي يا ساره بعدها صغيره وما تفهم ! تكلمت بصوت مخنوق : عادي
وجلست والدموع تلمع بعيونها
ام عمار بحنيه : روحي إلعبي مع البنات !
هزت رأسها وراحت عند البنات
جودي وهي تتخصر : ليه جيتي ؟!
ما نبغى معنا صغار باللعبه !
اجلسي هنا وناظرينا فاهمه
هزت رأسها وجلست تناظرهم يلعبون
وعقلها عند اللعبة !
بعد وقت وقفت ام عمار : يلا يا جودي !
لينا !
وقفت ساره وبسرعه توجهت لتالا تبغى لعبتها
انصعقت لما شافتها مقطعه !!
بهتت ملامحها بحزن وجلست على الارض تلم
القطع !
لعبتها الوحيده خربت !
جمعت القطع وناظرت ام تالا بصوت مخنوق: قطعتها !!
ام تالا بعدم اهتمام : لعبتك خربانه من أول
ورجعت تكمل سالفتها
زمت شفتها تمنع نزول الدموع
ناظرت ابو عزام منشغل مع الجد بالسوالف
نزلت رأسها وطلعت خلف أم عمار وهي ماسكه دموعها ......
**
**
يوم الخميس
حاولت بكل جهدها تصلح اللعبة وترجعها مثل ما كانت
زفرت بضيق وهي متربعه على الارض وتكلم اللعبه بطفوله : انا اسفه
لاني ما حافظت عليك من تالا الشريره !
رح اخليك بالغرفه حتى ما أحد يأخذك غصب
عني !
أخاف عيشه تزعل مني إذا شافتك كذا ؟!
حضنت اللعبة بقوه : أنا أحبك يا سوزي !
مسحت على شعر اللعبه وبنبره حزينه : تتذكرين لما اشترتك
عيشه من السوق !
أول ما شفتك حبيتك وتمنيت تكونين عندي ! ورجعت لجدتي وطلبت منها تشتري لي لعبة تشبهك !
رفضت تشتري لي ما معها فلوس !
وبصوت خنقته العبره : مشتاقه لجدتي !
ابغى اشوفها !
راحت وتركتني هنا !
سوزي يقولون جدتي خلاص ما رح ترجع مثل ماما وبابا !
وقفت وهي تمسح دموعها
حطت اللعبه على الفراش وابتسمت والدموع تلمع بعيونها : ما رح أتأخر !
وتركت اللعبه وطلعت من الغرفه وتوجهت للخارج بهدوء
جلست بالحديقه و حطت يدها تحت خدها
شافت عمار دخل من البوابه وهو يركض لها
استغربت لما مد لها علبة البوظه : خذي!
ناظرته باستغراب وابتسمت مو مصدقة : لي انا ؟!
عمار ابتسم بمكر وتكلم بسرعه : هذا اعتذار عن ضربي لك بالملعقه
وعن اللعبه
وتركها وتوجه للداخل بسرعه !
ناظرته وهو داخل تحس بالسعاده عمار قلبه
طيب !
مو مثل ما توقعت !
ناظرت العلبه وبلعت ريقها دوم كانت تتمنى
هذي الاشياء !
رفعت نظرها للسياره الداخله ابتسمت
لما شافت أخوها خلف تقدمت منه بابتسامة لما نزل من السياره
مدت يدها تسلم وبيدها الثانيه العلبه : السلام عليكم
تفاجأت بالكف على خدها ناظرته بصدمه ما عملت شيء !!
ليه ضربها ؟!
خلف بعصبيه : كم مره قلت ممنوع البوظه بالبيت ؟!!
انتم ما تفهمون ؟!.
وسحب منها العلبه بقوه ورماها بالزباله : انا فاضي تمرضون وابتلش فيكم ؟!
وبتوعد :وقسم بالله إذا شفتك مشتريه هالزفت إلا اكسر رأسك !
وتركها وتوجه للداخل وهو عافس ملامحه
ناظرت زوله وهو داخل تبغى تصرخ بصوت عالي وتقول مو هي للي اشترت !
ما تدري عن شيء !
ليه يضربها لو قال لها بالطيب ما رح تعانده !
مسحت دمعه خانتها نزلت على خدها
وتوجهت للداخل بهدوء
**
**
**
دخل الغرفه وهو يلهث : فاتكم !!
جودي رفعت رأسها وهي جالسه على السرير : وش فيه ؟!
عمار وهو يأخذ نفس : اشتريت بوظه !
ليان رفعت حاجب : وليه ما اشتريت لنا ؟!
عمار اخذ نفس : اسكتي اقول !
طلعت من البقاله وأشوف سياره أبوي جايه من بعيد
وبسرعه ركضت للبيت ؟!
ليان حطت يدها على خدها : يمكن شافك ؟!
عمار بثقه : لا ما شافني !
وتابع كلامه بعد ضحكه قصيره: دخلت البيت وشفت ساره بوجهي وأعطيتها
العلبه!
وجيتكم ركض !
جودي كشت عليه: يا غبي لو جبتها هنا نآكلها بدون علم بابا !
عمار ضرب جبهته : صحيح لو جبتها هنا!
أنا تعمدت أعطيها علشان تحصل كم طراق يسنعها
جودي تحمست : معقول ضربها ؟!
ليان عفست ملامحها : صوت بابا تحت !
جودي وقفت بدون نفس : يلا ننزل نسلم قبل ما يعصب !
عمار تآفف ونزل مع اخواته !
**
**
**
**
جودي سلمت على خلف : كيف حالك بابا ؟!
خلف بجفاف : بخير
وسلمت عليه ليان بنفس الطريقه
اقترب عمار بابتسامة بعد ما لمح ساره واقفه تناظرهم
مد يده يسلم تفاجئ بالكف على خده : كم مره قلت لك لا تشتري الزفت ؟!
تفكرني غبي ما شفتك وانت تركض !
عمار حط يده على خده يبرر : انا ما
قاطعه وهو يشده من أذنه : ولا كلمه !
الحق على امكم للي ما معها خبركم !
وبصوت عالي : انت تعالي علي !
ساره بلعت ريقها وتقدمت بخطوات هاديه: نعم !
خلف بعصبيه وقفهم قدامهم الأربعة : إذا سمعت أحد منكم مشتري هالزفت إلا ادفنه مكانه فاهمين ؟!
هزوا رؤوسهم بخوف بدون اعتراض
ام عمار دخلت ومطت شفتها على جنب مو عاجبها تصرفاته
خلف ناظرها : تعالي شوفي تربيتك يا مدام ؟!
ام عمار تعرف كيف تصرفه : اخوي ابو عزام اتصل فيني ويبغاك ضروري
فتح فمه : متى هالكلام ؟!
ام عمار حاست بوزها : قبل دقائق!
ويقولك الرجال عنده وينتظر منك الخبر !!
مسك شماغه وطلع من البيت مستعجل
تنفس الجميع براحه !
ام عمار : تعال يا عمار خذ هالصحن لبيت خالك ابو عزام !
عمار بضجر : مالي دخل !
ييجي سلمان ويأخذه !
ساره بحماس : أروح انا ؟!
ام عمار هزت رأسها : تعالي بس لا تتأخرين!
**
**
**
متمدده على الكنبه بملل : اففففف ملل !
ام عزام : قومي اشغلي نفسك بشيء،مفيد !
أسيل وهي تثاوب: نعسانه!
عزام طالعها بطفش : قسم بالله تجيبين الإكتئاب!!
افكر اقابل كتبي أحسن من وجهك !
أسيل مطت شفتها : يا أخي على وش شايف حالك ؟!
قاطعهم دخول ساره تناظرهم وتبتسم : السلام عليكم !
عزام لوى بوزه : انت ؟!
اسيل جلست وناظرتها وابتسمت
ام عزام بابتسامة : يا هلا
ساره حطت الصحن قدامهم : هذا من خالتي ام عمار
عزام ناظرها بحده : كيف تدخلين بدون استئذان ؟!
ساره بتبرير : طقيت على الباب بس ما احد رد !
ام عزام ناظرته بلوم
اعطتهم ظهرها وهمت بالخروج
ام عزام : وين ؟!
ساره ناظرتها وابتسمت : اطق الباب مره ثانيه
ضحكت أسيل بصوت عالي
نهرها عزام بعصبية : عله ان شاء الله !
وش هالضحكه البايخة؟!!،
اسيل كتمت ضحكتها : متخلفة هالبنت ؟!!
ام عزام ما عجبها تصرف اسيل : وبعدين معك يا أسيل ؟!
وناظرت ساره : لا تهتمي لأحد
وقت للي تبغينه ادخلي بدون استئذان !
عزام لوى شفته بقرف : عشتو
دخل سلمان ولوى بوزه بقرف : انت ؟!
التفتت له ساره بابتسامة : ايه انا
جبت لكم صحن فيه ورق عنب
سلمان طلع لسانه بقرف : يع يع
ام عزام بحده: سلمان !
عفس ملامحه : وش فيك ؟!
ومر من جنب ساره ودفها عن طريقه بقرف
وجلس عند أسيل !
طنشت ساره تصرفه وابتسمت : تعال إلعب عندنا !
عزام رفع يده بضجر : خلاص الصحن وجبتيه
فارقي !!
طالعته بطريقه غبيه هز رأسه بأسف : انقلعي على البيت !،
تأففت ام عزام من اسلوب عيالها وبحنيه : اخوي خلف جاء ؟!
عفست ملامحها لما تذكرت الكف وبعدها ابتسمت بتطنيش : ايه جاء وطلع
أسيل بتذكر وقفت: صحيح تذكرت خوله أرسلت
ملابس بناتها ما تبغاهن !،
تعالي يا ساره خذيهن لك !
ساره بفرح : ملابس لي !
وسرعان ما انطفت فرحتها لما تذكرت جدتها
كانت تضربها إذا أخذت شيء من احد ردت بخيبه :،شكرا ما أبغى عندي ملابس !
لوحت يدها للمغادره ورسمت ابتسامة مزيفه : سلااااام
وطلعت تركض من البيت
بعد خطوات مشت بهدوء وخيم عليها الحزن
كان نفسها تشوف الملابس وتلبس مثل باقي البنات !
بس جدتها تزعل منها !
زفرت بضيق وكملت طريقها وهي تتخيل
الفساتين !!
**
**
**
**
ابو سعود تنرفز : خلاص ترى اقرفتيني بذي اللعبه !!
فتحت عيونها عائشه بصدمه : هذا للي طلع معك ؟!
ابو سعود اختنق منها : ايه هذا للي طلع معي !
اعوذ بالله من لسانك ما يسكت !!
نهى ابتسمت على شكل عائشه : بابا راجع من الدوام تعبان يبغى يرتاح !
عائشه بقهر : مقطع الهجر !!
وبترييقه : يبغى يرتاح !
انا الغبيه للي مضيعه وقتي معك !
وحملت لعبتها وهي عافسه ملامحها بزعل
وتركتهم
ابو سعود زفر براحه : انقلعي !
صجت رأسي دودودودودودودودودودودودو
ما تسكت !!
نهى تعمل لها مقعد عند ابوها : دوم نقول لها
لما ييجي بابا تسكت لانك تعبان !
اسماء تكمل : بس ما تسمع الكلام
تقول انك تمثل التعب !
خزهن بعيونه : اقول روحي شوفي الأكل انت واختك ترى ميت جوع !!
عائشه وقفت عند الباب تسمع كلامهم تخصرت : أستاذ تربيه إسلامية وتكذب ؟!
الميت ما يتحرك وما يتكلم وإنت ما سكتت من لما دخلت البيت !
ابو سعود بضجر : يا هالتخصص ذلتنا فيه !
وبعصبيه : انت مين مسلطك علي ؟!
اعوذ بالله !!
فعلا انك ترفعين الضغط وتجيبين السكر !
فتحت عيونها باستنكار : والله ما جبت السكر
انت اشتريته من البقاله الاسبوع الماضي!
ابو سعود حضن راسه بين يدينه : يا رب تعطيني الصبر !!
**
**
**
**
خلف بعصبيه : انا ناقصني مصاريف !!
ام عمار بقهر : تجمع بالفلوس ما ادري وش تبغى فيهن ؟!
خفضت صوتها لعله يلين : يعني البنت بحاجه لملابس !
خلف بلامبالاه : لما يرسل لي محمد فلوس وقتها تروح تشتري !
انا اخذتها تسكن عندي وشرطت ما ادفع فلس واحد !
انقهرت منه : حتى عيالك يبغون ملابس و
قاطعها بعصبية : وبعدين معك ؟!
وش رأيك اصرف الفلوس وأجلس أشحد
علشان حضرتك تتفشخرين !!
وبسخريه : خلي عمي ابو راكان يعطيك فلوس !
ام عمار بقهر : والله أبوي وش دخله يصرف على عيالك !
خلف طنشها وطلع وتكلم وهو طالع : لو أجلس دقيقه الا تفلسيني !!
**
**
**
** يوم الخميس
حاولت بكل جهدها تصلح اللعبة وترجعها مثل ما كانت
زفرت بضيق وهي متربعه على الارض وتكلم اللعبه بطفوله : انا اسفه
لاني ما حافظت عليك من تالا الشريره !
رح اخليك بالغرفه حتى ما أحد يأخذك غصب
عني !
أخاف عيشه تزعل مني إذا شافتك كذا ؟!
حضنت اللعبة بقوه : أنا أحبك يا سوزي !
مسحت على شعر اللعبه وبنبره حزينه : تتذكرين لما اشترتك
عيشه من السوق !
أول ما شفتك حبيتك وتمنيت تكونين عندي ! ورجعت لجدتي وطلبت منها تشتري لي لعبة تشبهك !
رفضت تشتري لي ما معها فلوس !
وبصوت خنقته العبره : مشتاقه لجدتي !
ابغى اشوفها !
راحت وتركتني هنا !
سوزي يقولون جدتي خلاص ما رح ترجع مثل ماما وبابا !
وقفت وهي تمسح دموعها
حطت اللعبه على الفراش وابتسمت والدموع تلمع بعيونها : ما رح أتأخر !
وتركت اللعبه وطلعت من الغرفه وتوجهت للخارج بهدوء
جلست بالحديقه و حطت يدها تحت خدها
شافت عمار دخل من البوابه وهو يركض لها
استغربت لما مد لها علبة البوظه : خذي!
ناظرته باستغراب وابتسمت مو مصدقة : لي انا ؟!
عمار ابتسم بمكر وتكلم بسرعه : هذا اعتذار عن ضربي لك بالملعقه
وعن اللعبه
وتركها وتوجه للداخل بسرعه !
ناظرته وهو داخل تحس بالسعاده عمار قلبه
طيب !
مو مثل ما توقعت !
ناظرت العلبه وبلعت ريقها دوم كانت تتمنى
هذي الاشياء !
رفعت نظرها للسياره الداخله ابتسمت
لما شافت أخوها خلف تقدمت منه بابتسامة لما نزل من السياره
مدت يدها تسلم وبيدها الثانيه العلبه : السلام عليكم
تفاجأت بالكف على خدها ناظرته بصدمه ما عملت شيء !!
ليه ضربها ؟!
خلف بعصبيه : كم مره قلت ممنوع البوظه بالبيت ؟!!
انتم ما تفهمون ؟!.
وسحب منها العلبه بقوه ورماها بالزباله : انا فاضي تمرضون وابتلش فيكم ؟!
وبتوعد :وقسم بالله إذا شفتك مشتريه هالزفت إلا اكسر رأسك !
وتركها وتوجه للداخل وهو عافس ملامحه
ناظرت زوله وهو داخل تبغى تصرخ بصوت عالي وتقول مو هي للي اشترت !
ما تدري عن شيء !
ليه يضربها لو قال لها بالطيب ما رح تعانده !
مسحت دمعه خانتها نزلت على خدها
وتوجهت للداخل بهدوء
**
**
**
دخل الغرفه وهو يلهث : فاتكم !!
جودي رفعت رأسها وهي جالسه على السرير : وش فيه ؟!
عمار وهو يأخذ نفس : اشتريت بوظه !
ليان رفعت حاجب : وليه ما اشتريت لنا ؟!
عمار اخذ نفس : اسكتي اقول !
طلعت من البقاله وأشوف سياره أبوي جايه من بعيد
وبسرعه ركضت للبيت ؟!
ليان حطت يدها على خدها : يمكن شافك ؟!
عمار بثقه : لا ما شافني !
وتابع كلامه بعد ضحكه قصيره: دخلت البيت وشفت ساره بوجهي وأعطيتها
العلبه!
وجيتكم ركض !
جودي كشت عليه: يا غبي لو جبتها هنا نآكلها بدون علم بابا !
عمار ضرب جبهته : صحيح لو جبتها هنا!
أنا تعمدت أعطيها علشان تحصل كم طراق يسنعها
جودي تحمست : معقول ضربها ؟!
ليان عفست ملامحها : صوت بابا تحت !
جودي وقفت بدون نفس : يلا ننزل نسلم قبل ما يعصب !
عمار تآفف ونزل مع اخواته !
**
**
**
**
جودي سلمت على خلف : كيف حالك بابا ؟!
خلف بجفاف : بخير
وسلمت عليه ليان بنفس الطريقه
اقترب عمار بابتسامة بعد ما لمح ساره واقفه تناظرهم
مد يده يسلم تفاجئ بالكف على خده : كم مره قلت لك لا تشتري الزفت ؟!
تفكرني غبي ما شفتك وانت تركض !
عمار حط يده على خده يبرر : انا ما
قاطعه وهو يشده من أذنه : ولا كلمه !
الحق على امكم للي ما معها خبركم !
وبصوت عالي : انت تعالي علي !
ساره بلعت ريقها وتقدمت بخطوات هاديه: نعم !
خلف بعصبيه وقفهم قدامهم الأربعة : إذا سمعت أحد منكم مشتري هالزفت إلا ادفنه مكانه فاهمين ؟!
هزوا رؤوسهم بخوف بدون اعتراض
ام عمار دخلت ومطت شفتها على جنب مو عاجبها تصرفاته
خلف ناظرها : تعالي شوفي تربيتك يا مدام ؟!
ام عمار تعرف كيف تصرفه : اخوي ابو عزام اتصل فيني ويبغاك ضروري
فتح فمه : متى هالكلام ؟!
ام عمار حاست بوزها : قبل دقائق!
ويقولك الرجال عنده وينتظر منك الخبر !!
مسك شماغه وطلع من البيت مستعجل
تنفس الجميع براحه !
ام عمار : تعال يا عمار خذ هالصحن لبيت خالك ابو عزام !
عمار بضجر : مالي دخل !
ييجي سلمان ويأخذه !
ساره بحماس : أروح انا ؟!
ام عمار هزت رأسها : تعالي بس لا تتأخرين!
**
**
**
متمدده على الكنبه بملل : اففففف ملل !
ام عزام : قومي اشغلي نفسك بشيء،مفيد !
أسيل وهي تثاوب: نعسانه!
عزام طالعها بطفش : قسم بالله تجيبين الإكتئاب!!
افكر اقابل كتبي أحسن من وجهك !
أسيل مطت شفتها : يا أخي على وش شايف حالك ؟!
قاطعهم دخول ساره تناظرهم وتبتسم : السلام عليكم !
عزام لوى بوزه : انت ؟!
اسيل جلست وناظرتها وابتسمت
ام عزام بابتسامة : يا هلا
ساره حطت الصحن قدامهم : هذا من خالتي ام عمار
عزام ناظرها بحده : كيف تدخلين بدون استئذان ؟!
ساره بتبرير : طقيت على الباب بس ما احد رد !
ام عزام ناظرته بلوم
اعطتهم ظهرها وهمت بالخروج
ام عزام : وين ؟!
ساره ناظرتها وابتسمت : اطق الباب مره ثانيه
ضحكت أسيل بصوت عالي
نهرها عزام بعصبية : عله ان شاء الله !
وش هالضحكه البايخة؟!!،
اسيل كتمت ضحكتها : متخلفة هالبنت ؟!!
ام عزام ما عجبها تصرف اسيل : وبعدين معك يا أسيل ؟!
وناظرت ساره : لا تهتمي لأحد
وقت للي تبغينه ادخلي بدون استئذان !
عزام لوى شفته بقرف : عشتو
دخل سلمان ولوى بوزه بقرف : انت ؟!
التفتت له ساره بابتسامة : ايه انا
جبت لكم صحن فيه ورق عنب
سلمان طلع لسانه بقرف : يع يع
ام عزام بحده: سلمان !
عفس ملامحه : وش فيك ؟!
ومر من جنب ساره ودفها عن طريقه بقرف
وجلس عند أسيل !
طنشت ساره تصرفه وابتسمت : تعال إلعب عندنا !
عزام رفع يده بضجر : خلاص الصحن وجبتيه
فارقي !!
طالعته بطريقه غبيه هز رأسه بأسف : انقلعي على البيت !،
تأففت ام عزام من اسلوب عيالها وبحنيه : اخوي خلف جاء ؟!
عفست ملامحها لما تذكرت الكف وبعدها ابتسمت بتطنيش : ايه جاء وطلع
أسيل بتذكر وقفت: صحيح تذكرت خوله أرسلت
ملابس بناتها ما تبغاهن !،
تعالي يا ساره خذيهن لك !
ساره بفرح : ملابس لي !
وسرعان ما انطفت فرحتها لما تذكرت جدتها
كانت تضربها إذا أخذت شيء من احد ردت بخيبه :،شكرا ما أبغى عندي ملابس !
لوحت يدها للمغادره ورسمت ابتسامة مزيفه : سلااااام
وطلعت تركض من البيت
بعد خطوات مشت بهدوء وخيم عليها الحزن
كان نفسها تشوف الملابس وتلبس مثل باقي البنات !
بس جدتها تزعل منها !
زفرت بضيق وكملت طريقها وهي تتخيل
الفساتين !!
**
**
**
**
ابو سعود تنرفز : خلاص ترى اقرفتيني بذي اللعبه !!
فتحت عيونها عائشه بصدمه : هذا للي طلع معك ؟!
ابو سعود اختنق منها : ايه هذا للي طلع معي !
اعوذ بالله من لسانك ما يسكت !!
نهى ابتسمت على شكل عائشه : بابا راجع من الدوام تعبان يبغى يرتاح !
عائشه بقهر : مقطع الهجر !!
وبترييقه : يبغى يرتاح !
انا الغبيه للي مضيعه وقتي معك !
وحملت لعبتها وهي عافسه ملامحها بزعل
وتركتهم
ابو سعود زفر براحه : انقلعي !
صجت رأسي دودودودودودودودودودودودو
ما تسكت !!
نهى تعمل لها مقعد عند ابوها : دوم نقول لها
لما ييجي بابا تسكت لانك تعبان !
اسماء تكمل : بس ما تسمع الكلام
تقول انك تمثل التعب !
خزهن بعيونه : اقول روحي شوفي الأكل انت واختك ترى ميت جوع !!
عائشه وقفت عند الباب تسمع كلامهم تخصرت : أستاذ تربيه إسلامية وتكذب ؟!
الميت ما يتحرك وما يتكلم وإنت ما سكتت من لما دخلت البيت !
ابو سعود بضجر : يا هالتخصص ذلتنا فيه !
وبعصبيه : انت مين مسلطك علي ؟!
اعوذ بالله !!
فعلا انك ترفعين الضغط وتجيبين السكر !
فتحت عيونها باستنكار : والله ما جبت السكر
انت اشتريته من البقاله الاسبوع الماضي!
ابو سعود حضن راسه بين يدينه : يا رب تعطيني الصبر !!
**
**
**
**
خلف بعصبيه : انا ناقصني مصاريف !!
ام عمار بقهر : تجمع بالفلوس ما ادري وش تبغى فيهن ؟!
خفضت صوتها لعله يلين : يعني البنت بحاجه لملابس !
خلف بلامبالاه : لما يرسل لي محمد فلوس وقتها تروح تشتري !
انا اخذتها تسكن عندي وشرطت ما ادفع فلس واحد !
انقهرت منه : حتى عيالك يبغون ملابس و
قاطعها بعصبية : وبعدين معك ؟!
وش رأيك اصرف الفلوس وأجلس أشحد
علشان حضرتك تتفشخرين !!
وبسخريه : خلي عمي ابو راكان يعطيك فلوس !
ام عمار بقهر : والله أبوي وش دخله يصرف على عيالك !
خلف طنشها وطلع وتكلم وهو طالع : لو أجلس دقيقه الا تفلسيني !!
**
**
**
رواية أقدار~للكاتبة ضاقت أنفاسي الفصل الخامس 5 - بقلم BlackButterfly002
بارت 5
**
**
**
انقهرت منه : حتى عيالك يبغون ملابس و
قاطعها بعصبية : وبعدين معك ؟!
وش رأيك اصرف الفلوس وأجلس أشحد
علشان حضرتك تتفشخرين !!
وبسخريه : خلي عمي ابو راكان يعطيك فلوس !
ام عمار بقهر : والله أبوي وش دخله يصرف على عيالك !
خلف طنشها وطلع وتكلم وهو طالع : لو أجلس دقيقه الا تفلسيني !!
طلع من البيت وهو يكلم نفسه : وش هالناس هذي ؟!
كل ما تشوفني هات هات عمرها ما قالت خذ !!!
الشاطر يبغى يكسب مني وكأني جالس على بنك !
شاف ساره جالسه بالحديقة اقترب منها وبطبيعه صوته الخشن : وين عمار ؟!
دق قلب ساره بخوف لما سمعت صوته رفعت نظرها له : راح مع سلمان
ضرب الأرض برجله بعصبية: وقته هالزفت يختفي !
وين انقلعوا ؟!
رفعت كتوفها بمعنى ما ادري !
طالعها بقهر وجلس جنبها : روحي على البقاله
تعرفينها؟!
وقفت بحماس : ايه اعرفها ؟!
طلع فلوس واعطاها علبة الدخان : جيبي نفس هذي العلبه
بسرعه لا تتأخرين فاهمه!
ابتسمت بحماس : ان شاء الله !
خلف وهو يجلس مكانها : خذي الباقي لك !
هزت رأسها وتوجهت ركض للبقاله بفرح
دخلتها وهي تبتسم اشترت ووقفت تنتظر يعطيها الباقي وهي تفكر وش تشتري بالباقي!!
ناظرها البائع :وش تبغين ؟!
ساره ناظرته : الباقي!
البائع : ما في باقي هذا سعره (...)
حست بالخيبه كيف قال لها الباقي لها ؟!! طلعت من البقالة وهي تحس بالخيبه !!
زفرت بضيق وهي تناظر علبة الدخان
حست بالرعب دب بقلبها لما شخص سحبها من ثوبها ووقفها تبغى تصرخ بس الخوف اخرسها
التفتت وسرعان ما تنهدت بارتياح لما شافته
هزها بعصبيه : وش هذا للي معك ؟!
ساره ناظرت العلبه وبسرعها حطتها خلف ظهرها
عزام بعصبية : هذي العلبه ليه معك ؟!
وجرها لداخل البيت وهو معصب طفله صغيره
ليه معها علبة الدخان ؟!
وقف خلف اول ما شافهم تقدم منهم : وش فيه؟!
عزام بغضب : الظاهر انها الحيوانه تبغى تتدخن ؟!
خلف بعصبيه،: وش تقول ؟!
وبسرعه انهل بالضرب عليها وبالشتائم !!
حاولت بكل قوتها تحمي وجهها
عزام ابعده عنها
وقرصها بكتفها : يا ويلك اذا شفت رجلك عتبت
البقاله !
زمت شفايفها تمنع البكاء ومدت لخلف العلبه
خلف فتح عيونه بتذكر وضحك ضحكه قصيره : ارسلتها تجيب لي دخان ونسيت
طالعه عزام بغضب يحس فعلا انه متخلف
وشخص ما يقدر يوصفه !!
يستغرب كيف جده زوج عمته ام عمار له !!
رجع نظره على ساره للي تتكلم مع خلف وصوتها مخنوق: البائع يقول ما في باقي !
خلف بضحكة قصيره: غبيه اي باقي ؟!
زم شفته بسخريه وتوجه لسيارته وغادر المكان
ناظرها وهي تمشي للداخل بهدوء زفر بضيق من الغباء للي فيه
ما حاولت تتدافع غن نفسها او تبرر موقفها
متأكد لو يأخذها للمستشفى الا يطلع عقلها ضارب!
زم شفته مو عاجبه وهو يشوفها تركض باتجاه جودي وتبتسم معها !!
مو كأنها قبل لحظات حصلت كم طراق !
المفروض الحين تبكي !!!
**
**
**
**
ساره وهي تكابر بالابتسامه : وين كنتي ؟!
جودي بغرور وهي تلعب بخصله من شعرها : في بيت جدي !
ساره بتساؤل : ليه ما اخذتوني معكم ؟!
جودي : لانه جدتي ام راكان ما تحبك !
ساره بابتسامة باهته : بس انا ما زعلتها !!
ليه ما تحبني؟!
جودي تركتها وراحت تركض بجهة ليان
زفرت بضيق ليه يزعلون منها هي ما عملت شيء
زمت شفتها وركضت للداخل بسرعه وخي تكس نفسها مخنوقه
**
**
**
ام عزام بلوم : ليه تضربها ؟!
عزام بقهر : قهرني اخوك كيف يرسلها للبقاله ؟!
علشان تشتري له سم الهاري !
ام عزام بضيق : عيب عليك هذا خالك !
مط شفته ما عجبه : كله هالخال ما يدخل مخي !
هو واخته ما ادري من وين جايبينها ؟!!
استغفرت ام عزام بصوت عالي
وقف عزام : اروح اقابل كتبي احسن !
وعفس ملامحه وهو يشوفها دخلت وهي تركض. وفرحانه
ام عزام ابتسمت لها : هلا بساره !
ساره وهي تلهث اخذت نفس وابتسمت بطفوله : خالتي تقول لك خالتي ام عمار تعالي اجلسي بالحديقه !
عزام باستغراب : الحين جايه ومبسوطه علشان كذا ؟!-
هزت رأسها بابتسامه : ايه
وناظرت ام عزام : جوالك مقفل !
ام عزام : قولي لها الحين تيجي !
نطت بفرح لقدوم ام عزام وسألت بطفوله :وين سلمان وعبد الرحمن ؟!
عزام دفها بقرف : يا مخلوقه بالله طيري من خلقتي !
ساره ببراءه ابتسمت: ما اعرف اطير ؟!
تفكرني عصفور اطير ؟!!
عزام وهو يمسك جواله : الا قولي بومه !
وتركهم وطلع !
ناظرت ام عزام بابتسامة غريبه وهزت كتوفها بطفوله
!!!
**
**
**
**
بعد مرور شهر
دخلت عند ام عمار بابتسامة : خالتي نظفت الحوش !
ام عمار ابتسمت لها: شطوره !
ساره بحماس : ونظفت عن جودي المطبخ حرام تعبانه !!!
ام عمار ما تبغاها تكون هبلة : وليه تنظفين عن جودي !!
ساره ابتسمت بحنيه : حرام تعبانه
ام عمار مطت شفتها : ولا فيها شيء
بس تمثل عليك يا الخبلة !
لفت نظرها صوره معلقة على الحائط اول مره تشوفها تقدمت بخطوات بطيئه وسألت وهي رافعه اصبعها : من هذا ؟!
ام عمار ناظرت الصوره وابتسمت بحزن : هذا ابوك الله يرحمه !!
لفت رأسها لأم عمار وناظرتها بصدمه : ابوي!!
ام عمار هزت رأسها بالموافقة وطلعت من الغرفه
وهي تسمع ليان تنادي عليها !
رجعت ناظرت الصوره بصدمه اقتربت اكثر وهي تتدقق بالصوره
وهي مو قادره تصدق او تستوعب !
هذا الشايب ابوها !!
رجال كبير كبير مو قادره تتخيل إنه ابوها !!
إذا كان ابوها كذا أكيد امها عجوز مثله !
هزت رأسها بالرفض دوم تتخيل امها وابوها صغار
مثل ام عائشه وابوها !
هي صغيره وهذا الشايب ابوها !
جلست على الارض وهي تناظر الصوره عقلها رافض
يصدق هالكلام !
ليه هي الوحيده ابوها شايب !
ليه ما عندها اب وام مثل البنات ؟!
الخيبه خيمت عليها
وقفت على حيلها لما سمعت عمار ينادي عليها
ناظرته نظره اخيره قبل ما تطلع وهمست بعدم تصديق : ابوي !!
وطلعت من الغرفه وهي تركض تبغى تنسى الشيء للي سمعته !
عمار مسكها من اذنها : ليه تأخرتي ؟!
ساره بتبرير : لما سمعتك جيت
قاطعها : خلاص خلاص
اسمعي بسرعه روحي للبقاله واشتري لي
قاطعته : واذا شافني عزام ؟
عمار بحده : قولي له عمار يقول لك ما يخصك !
وش دخله يمنعك من البقاله ؟!
ساره هزت كتوفها ما تدري !
عمار ،: خذي الفلوس واشتري لي ....
هزت رأسها بطاعه وراحت تركض للبقاله !
ليان بضحكه : مين يصدق هذي عمتنا !!
عمار وهو يجلس بكسل : والله إنها أحسن منك
مطيعه وما تقول لي لا !
ليان تخصرت : هذا للي تبغاه مصلحتك !!
حاطها طرطوره لك !
عمار خزها بعيونه : مين للي يخليها تكمل شغلها
وهي جالسه !!
ليان : اصغر القوم خادمهم !!
وهي اصغر وحده بالبيت !
عمار بجلافه : خلاص انكتمي !
كشت عليه وتوجهت للغرفه عند جودي !
**
**
**
اشترت الاغراض وطلعت من البقاله وهي تتلفت حولها
تخاف يشوفها عزام
حست بالراحه لما وصلت باب البيت
دخلت بابتسامه واعطته الاغراض : تفضل !
ابتسم بسخريه: ما ادري على مين طالعه مؤدبه ومطيعه !
كل هالعائله نفسيات واولهم اخوك خلف
أخلاقه دايما مقفله ويطلع حرته فينا !
ساره ابتسمت له وجلست قباله على الكنبه !
عمار وهو يآكل خزها بعيونها : وش قصتك انت بالضبط ؟!
لما اشتري تجلسين قدامي علشان اعطيك ؟!
رجع يكمل اكل ويتكلم : لو تجلسين من هنا لباكر
ما رح اعطيك !
جودي دخلت وسمعته عفست ملامحها : ابخل منك ما شفت !!
عمار حمل اغراضه وبسخريه :طالع لابوك ههههه
جودي بقهر: يا كرهي له لما نشتري نعطيه
اما هو بخيل وطماع ..
وانت يا خبله لا تروحين تشترين له !
ساره : حرام مين يشتري هو !
جودي فقعت منها : غبيه غبيه خليه ينقلع هو !!
قومي جيبي لي كأس عصير نشفتي ريقي !
طالعتها باستغراب ليه معصبه وردت بهدوء :إن شاء الله !
**
**
**
**
نهى شدتها من شعرها : اقول لك روحي طلعي الزباله برااا
عائشه وهي تحاول تبعدها عن شعرها: تخسين!
نهى ولعت من عنادها : والله اقول لأمي !
عائشه فكت يد نهى وتخصرت : والله ما اطلعها !
وبغرور : انا ما احمل زباله !
ام سعود بحده : ليه صوتك طالع !
نهى بقهر : مو راضيه تطلع الزباله !
ام سعود بحده : ثلاث ثواني إذا ما طلعتي إلا
عائشة بقهر : ليه انا اطلعها !
ام سعود بحده : بدون اعتراض خلصيني !
ضربت رجلها بقوه واخذت وطلعت وهي مولعه من العصبيه وتبربر
حطتها بالحاويه ورجعت وعند الباب التقت مع أبوها تخصرت : عاجبك عاجبك اخر عمري اصير اجمع زباله !
ابو سعود ابتسم : ما فيها شيء !
فتحت عيونها باستنكار : لو شافتني وحده من صاحباتي !!
وش يقولون عني !
ابو سعود ابتسم : يا بابا المسلم يحافظ على نظافة بيته ويأخذ حسنات !
طالعته وهي رافعه حاجب : وللي يدخن وش يأخذ حسنات والا سيئات ؟!!
احتقن وجهه وصار احمر
هالبنت جالسه له على الكلمه !!
ابو سعود بغضب : كل يوم عليك ترمين الزباله
عقاب على طول لسانك !
حركت ملامحها باعتراض : انا وش قلت ؟!
ابو سعود بحزم : ولا كلمه !
زمت شفتها بقهر وغبن : يا ليتني ما شفتك عند الباب !
لو جلست عند الحاويه احسن لي
قاطعها بحده : بنت!!
ركضت للداخل وهي تبربر !!
**
**
**
**
**
ام عمار نادتها :،ساره !
ساره بسرعه توجهت لها : نعم !
ابتسمت وهي تتمنى بناتها مطيعات مثل ساره : ليه تلبسين ملابسك القديمه !
ساره ابتسمت : ما ابغى اوسخ ملابسي الجديده !
ام عمار ابتسمت على تفكيرها : عادي اشتري لك جديد !
اخوك محمد ارسل لك ملابس !
ابتسمت بهدوء اخوها وما تعرفه !
ام عمار تبغى تفرحها : ا لحين خلف على الطريق
!
ساره باستغراب وخجل : محمد أخوي يعرفني ؟!
ام عمار حزنت عليها : ايه ارسلت صورتك له !
ساره ابتسمت بخجل : وش قال عني ؟!
ام عمار تجاملها : اكيد قال عنك حلوه !
ساره فتحت عيونها بعدم تصديق : بس البنات هنا
يقولون اني مو حلوه !
ام عمار : لا تردي على احد !
انت احلى وحده !
ساره ابتسمت بألم: جدتي كانت تقول لي اني احلى وحده !
ام عمار مسحت على رأسها: البنات يغارن منك !
ساره باحباط: العيال يقولون اني مو حلوه !
وابتسمت تشجع نفسها : الابله قالت مو مهم الشكل
اهم شيء الخلق !
هزت رأسها ام عمار : صحيح اهم شيء الخلق !
لازم نتمثل بالأخلاق الحسنه !
ساره ابتسمت بانفعال : وما نشتم احد ونسامح الجميع !
ام عمار هزت رأسها وناظرت البوابه وهي عافسه ملامحه : هذا اخوك خلف جاء !
نزل من السياره وتقدمت تسلم عليه بفرح : السلام عليكم
خلف سلم عليها كالعاده مستعجل
ام عمار سلمت بهدوء : وين اغراض ساره ؟ !
خلف رفع حاجب :اي اغراض ؟!
ام عمار بقهر منه ومن تصرفاته : للي ارسلهن اخوك محمد !
حك راسه بتذكر : ايه ايه تذكرت
وناظر ساره : شفت بالطريق بنت ما معها ملابس واعطيتها الملابس !
زعلتي ؟!
ساره حست بالخيبه وابتسمت بخيبه : عادي !
ام عمار ولعت من كذبه : قول انك بعتهن !
خلف بحده : انت وش دخلك ؟!
ام عمار بقهر : مال يتيم مو من حقك !
خلف بعصبيه : وبعدين معك !
قسم بالله اني اقرف البيت لأجلك !
ام عمار بقرف : انا قرفت الدنيا كلها بسببك !
وتركته ودخلت البيت !
ناظر ساره : وش هالحرمةهذي ؟!
يا كرهي لها ؟!
جلس على الكرسي : روحي خلي الزفته ليان تعمل لي شاهي ؟ !
هزت رأسها بطاعه : ان شاء الله
استغرب رد فعلها يتذكر لما محمد مره ارسل هدايا لعياله وباعهن
وقتها ناموا وهم يبكون !
اما هذي عادي الوضع عندها سألها :- زعلتي علشان الملابس؟!
ناظرته بهدوء: ما زعلت لأنه يمكن البنت بحاجة
الملابس اكثر مني
وختمت كلامها بابتسامة طفوليه بريئه!
هز رأسه باستغراب: خلاص روحي
والمره الجايه اجيب لك غيرهم !
توسعت ابتسامتها بفرح وتوجهت للداخل بسرعه!!!
**
**
ام عمار وعلامات القهر واضحه على ملامحها : قهرني بتصرفاته !
هزت رأسها بفقدان امل : ما اقدر اتحمل !
هذي يتيمه كيف يتصرف بأغراضها على كيفه !
ابو راكان بغضب مكبوت : الله يهديه !
عموما خذي فلوس واشتري وفرحي هاليتيمه !
ام راكان باعتراض : وحنا وش دخلنا ؟!
ام عمار بتأييد : مو ملزوم فيها يبه !
ابو راكان بحزم : كلامي واضح !
ام عمار ابتسمت بدون نفس وللحين مقهورة من خلف : ليتك سالم يبه وربي يجزيك الخير
يوم انك تفرح هاليتيمه !
مو مثل اخوانها مو داريين عن هوى دارها !
كل واحد لاهي بحياته !
ام راكان تنهدت : يعين الله !
ام عمار بوجع : وقسم بالله قرفت الحياه معه !
ابو راكان ما يبغى يخرب بيت ابنته :اصبري ولك الاجر !
واذا قصر عليك بشيء أنا موجود ما يردك لسانك !
زفرت بضيق :،الله يخليك لنا !
والله احيانا اتمنى ما ييجي البيت
اذا عصب يطلع حرته بالعيال ويطقهم!
ام راكان تهدي فيها: يا ام عمار ما فيها شيء
لو طقهم كل أب يطق عياله !
نسيتي أبوك كم كان يطق إخوانك ويطقك !!
ام عمار بقهر :،بس يكون في سبب للطق مو على الطالعه والنازله !
ابو راكان بسخريه: ليه هو يجلس بالبيت علشان يطقهم!
وزفر بضيق ما يدري وين كان عقله لما زوجها لخلف ؟!
خلف ما يقدر يوصفه شخص متخلف بخيل طماع
!! لو يرجع الزمن ما أعطاه ابنته لو يجيب لبن العصفور!
بس خلاص النصيب حكم والحين بينهم عيال !
كم سنه ويصير عمار رجال والبنات كبار!
**
**
**
بالحديقة للي مشتركه بين العوائل
ابتسمت ساره بطاعه : إن شاء الله
عمار مسكها من يدها بقوه : اقول لك روحي جيبي من البيت الشوز الاسود بسرعه !
سلمان سحبها لجهته: انا قلت روحي اشتري لي من البقاله
أنا طلبت بالأول !
عمار بعصبيه شدها: اقول انقلعي بسرعه !
ساره تاهت بينهم الشاطر يسحبها لجهته !
سلمان بحده: والله لو ما تركتها إلا أدفنك هنا !
وناظرها بعصبيه : اقول لك انقلعي على البقالة !
ماجد يناظرهم بتفكير : خلاص تروح للبقاله تشتري لك وبطريقها تجيب الشوز لعمار !
ناظرتهم تشوف ردهم وهي ضايعه بينهم !
عمار زفر بقهر : انقلعي بسرعه !
سلمان شدها من اذنها : والله لو تأخرتي الا اكسرك فاهمه !
هزت رأسها بطاعه
وركضت بسرعه حتى ما تتأخر عليهم
ماجد جلس وهو يناظرها تركض : مو مصدق انها عمتك يا عمار !
سلمان جلس جنبه وابتسم : أنا مثلك مو مصدق !
عمار جلس وتربع قدامهم: وانا مثلكم أتخيل شكل عمتي اميره وجنبها ساره مو راكبه معي !
**
**
**
**
أخذت الشوز وبسرعه انطلقت وهي تركض
خايفه تتأخر ويزعلون منها
وصلتهم وهي تلاهث بتعب تقدمت منهم واعطت كل واحد اغراضه
سلمان ناظر عمار : مو كأنها تأخرت ؟!
عمار ناظر ساعته وبعدها ناظرها بحده : وين كنت ؟!
وليه تأخرت ؟!
ساره بتبرير : انا آسفه والله ما كان قصدي أتأخر !
ماجد ضحك بصوت عالي وهو يناظر عمار : صدق إنها خبله !!!
وتتأسف بعد !!
ورجع يضحك على ساره
ناظرته باستغراب ليه يضحك ومع ذلك ابتسمت
سلمان بأمر : روحي بيتنا وجيب عصير بسرعه لا تتأخرين !
ماجد ابتسم بخبث : لا من بيتنا ابعد!
سلمان باعتراض : ما عندنا وقت !
خلاص روحي من بيتنا
ساره رفعت حواجبها باستنكار: كيف اجيب من بيتكم ما في احد ؟!
سلمان ناظرها باستخفاف: قولي للشغاله تعطيك وتعالي بسرعه!
او افتحي الثلاجه وجيبي ولا تنسين في الثلاجه الكيكه!
ساره بانحراج هزت رأسها وتوجهت لبيت سلمان
دخلت البيت نادت الشغاله ما أحد رد عليها
توجهت للمطبخ ناظرت ما في أحد
فتحت الثلاجه وبلعت ريقها وهي تشوف الكيكه
طلعتها من الثلاجه وحطتها على الطاوله ورجعت أخذت العصير
احتارت كيف تحمل هالأغراض كلها مره وحده
خطرت لها فكره
وحطت العصير بكيس وحطته بساعدها
حملت الكيكه
وتوجهت خارج البيت حست الطريق بعيده
تحس يدينها ما تتحمل أكثر
ناظرت مكان العيال بس ما في أحد !
استغربت وين راحوا ؟!
التفتت تبحث عنهم تعثرت ووقعت على الأرض
وكانت فوق الكيكه للي اختربت !
رفعت نفسها وناظرت الكيكه اختربت بلعت ريقها بخوف !
فجأة حست بالثلاثي فوق رأسها
سلمان وهو يشوف الكيكه اختربت عصب سحبها من يدها: الله يآخذك !!
عمار قرصها بخدها بقوه: عميه ما تشوفين ؟!
ساره تحاول تخلص نفسها منهم وهي تعتذر: آسفه!
والله مو قصدي !!
ماجد وهي يناظر ملابسها متوسخه من الكيك : لازم تتعاقبين !
ناظرته ساره بعيون لامعه تبرر موقفها : تعثرت
قاطعها عمار بغبن وهو يشوف الكيكه :انكتمي!
سلمان بخبث :وش رأيكم نربطها بالشجره عقاب لها ؟!
ابتسم ماجد بمكر : موافقين ؟!
ساره ناظرت عمار بتوسل لعله يرحمها ويتركها
بس خابت ظنونها لما قال بحماس : موافق!
مسكها سلمان من يدها بقوه وسحبها باتجاه
الشجره ينتظر عمار يجيب الحبل !
ماجد بتحسف : لو معنا جوال كان صورناها !
سلمان : لو عبد الرحمن هنا كان انبسط !
ربطوها بالشجره حاولت تفلت منهم
بس صعب حجمها صغير بالنسبه لهم !
بعد ما ربطوها تكلم ماجد : هذا عقاب لك !
سلمان : يلا بسرعه تأخرنا !
ناظرتهم وهم يبتعدون عنها حاولت تفلت نفسها
ما في فائده
تنهدت باستسلام ونزلت رأسها بألم
تبغى تصرخ بأعلى صوتها وتنادي عيشه تدافع عنها !
تتمنى لو ابوها عايش ويدافع عنها !!
ناظرت العشب الأخضر زمت شفتها حتى ما تبكي !
رفعت رأسها لما شافت رجلين قدامها
رفعت راسها باستغراب !
ابتسمت بفرح لرؤيته وعيونها تلمع بالدموع!
عقد حواجبه وهو يناظرها بفوقيه
ساره والابتسامة مرسومه : كيف حالك ؟!
رفع نظره للسماء ما يطيقها يصيبه اشمئزاز لما يشوفها !
ومع ذلك رد الجواب: بخير بدون شوفتك !
واعطاها ظهره متوجه لبيت جده
نادته برجاء: تعال ساعدني ؟!!
ابتسم بسخريه كان على الشرفه وشاف كل شيء: لما ارجع من بيت جدي
إذا ما فكوا الحبل اقطعه اوكي!
كالعاده هزت رأسها بطاعه وسكتت وهي تنتظره
يرجع من بيت جده او واحد من العيال يفكها !
إلتزمت الصمت طول الفترة وهي تناظر الارض
بهدوء ......
تحس يدينها انشلت أذن المغرب وما أحد معه خبرها !
تبغى تدخل الحمام ما تقدر تتحمل أكثر !!!
الغصة خنقتها وهي تحس بالعجز !
وكل شوي تعطي لنفسها امل يفقدونها !
قطعت افكارها وهي تشوف عمار فوق رأسها
**
**
**
دخل عمار بيت جده وخلفه ساره تمشي بهدوء
والدموع بعيونها تلمع
أول ما شافها فتح فمه نسي أمرها والظاهر الحين العيال تذكروها !
عمار بعصبيه دفها : شوفيها يمه عملتها على نفسها ؟!
ساره ناظرته باستنكار واحراج والكل يطالعها
ام عمار وقفت : ليه جبتها كان رجعتها تبدل ملابسها ؟!
عمار جلس : بدلت وجبتها !
ام عمار جلست وناظرت ساره للي وجهها احمر
وباين رح تنفجر بالبكاء بأي لحظه: اجلسي ساره !
ام راكان بوسوسه : اخاف ما غسلت
قاطعتها ام عزام : يا خالتي البنت غسلت وبدلت ملابسها !
ليه هالوسوسه الزايده ؟!
وناظرت ساره : عادي يا ساره كل للي بعمرك يعملونها !
تعالي اجلسي عندي !
ساره باحراج من نظرات البزران وضحكهم عليها جلست وهي تمسح مكان الحبل بيدها بهدوء!
ام راكان بتعنيف : تظنين نفسك صغيره للحين تعملينها على نفسك ؟!
نزلت رأسها باحراج مو بيدها غصب عنها !
ام تالا وجهت كلامها لام راكان :،يا خالتي ما يصير تحرجينها كذا !
ام راكان حركت يدينها ببراءه : انا وش قلت ؟!
شدت قبضة يدها بقوه تبغى تبكي من الاحراج
رفعت رأسها لما همس لها بصوت منخفض : ساره!
ناظرته وابتسمت تحاول تخفي للي بداخلها
خانتها دمعه نزلت على خدها مسحتها بسرعه وردت بصوتها الطفولي : نعم !
عزام وهو يشوف نظرات جدته متضايقه وهي تشوفها جالسه على الكنبه ما يحب احد يضايق جدته كلمها بصوت منخفض : روحي اجلسي على الكرسي الخشبي هناك !
ناظرت مكان ما اشر بعيونه وهزت رأسها بطاعه: ان شاء الله
وقفت وراحت جلست بهدوء ناظرته وابتسمت له بطفوله
طنشها وانشغل بالجوال ...
ناظرت جودي والبنات يضحكن ابتسمت بهدوء
وقف جنبها : اعطيني الكرسي !
ساره وقفت علشان يأخذه وباعتذار: انا آسفه علشان الكيكه !!
سلمان دفها بالخفيف بقرف واخذ الكرسي وبتوعد: حسابك بعدين يا زفته !
وين تجلس ما تدري تخاف تجلس على الكنبه ويزعل منها عزام!
جلست على الارض بهدوء وتناظرهم كل واحد منشغل مع الثاني
لمحتها أسيل وهي جالسه على الارض : ليه جالسه على الارض ؟!
تعالي اجلسي هنا!
واشرت على المكان للي جنب عزام !!
نهضت نفسها بابتسامه سرعان ما بلعتها لما شافت نظراته الحارقه !
ام راكان : لا تجلسي على الارض الحين تبردين !!
قاطعهم دخول ابو راكان ركض الاحفاد كلهم
وسلموا عليه بمحبه له
ابتسم من قلب ابو راكان وهو يشوف احفاده حوله !
شجعت نفسها وتقدمت تسلم عليه بابتسامة
سلم عليها وهو يسأل عن حالها
قبل ما ترد تكلمت ليان : لا تخليها تقرب عليك
عملتها على نفسها اليوم !!
طالعت ليان باحراج كيف فضحوها ونزلت
رأسها باحراج وخجل
بس تفاجأت لما حملها ابو راكان وجلسها بحضنه: وش فيها ؟!
وانت بعمرها يا ليان كم مره عملتيها على نفسك ؟!
ومسح على رأس ساره بحنيه : لا تهتمي لاحد
بعدك صغيره !
ابتسمت بخجل له وما ردت !
ابو راكان باسها على خدها : الله يحفظك !
صار وجهها احمر من الخجل !
بس بداخلها فرحه من تصرف ابو راكان !
سلمان بغيره ناظرها وهو يتوعد فيها
ام راكان بطبعها ما تحب البنات : خلاص نزلها تراها مو صغيره!
وقف ابو راكان وهو حاملها بحضنه : تعالي
اعطيك هديه جبتها لك بالسياره !
توجه للباب ...
كل العيال انقهروا واعترضوا ليه ساره الوحيده ؟!
اسيل : لانها مطيعه اعطاها هديه !
سلمان بغيره وقهر همس لعمار : والله ما تفرح فيها !!
دخلت مع ابو راكان وهو ماسك يدها
تركت يده وركضت بفرح لعزام ومدت له بالهديه: شوف وش جاب لي ؟!!
ناظرها وهي مبسوطه بالهديه وبدون نفس همس : طيري ؟!
ورجع يطقطق بالجوال !
اسيل سحبت منها الهديه وابتسمت : الله لعبه حلوه !
وغمزت لها : وش رأيك تعطيني اياها !!
ام عزام نهرتها : لا يسمعك اهل خطيبك يقولون مزوجينا بزر !
اسيل ضحكت على كلام امها !،
جودي باعتراض وشوي تبكي من القهر : ليه يا جدي جبت لساره بس؟!
ابو راكان جلس : تراك كبيره سنتين زمان ونزوجك !
صار وجهها احمر بخجل : جدي !
ابو راكان ناظر ام عمار : ترى بناتك مو صغار
للحين دايرات مع البزران ويلعبن !!
المفروض الحين يتحجبن !
ليان باعتراض : ما نبغى نتحجب..
قاطعها بغضب: نعنبوا ابليسك !
اطول مني ودايره مع العيال !!
الحق على ابوهن للي جالس عند الحلال وتاركهن !
ام عزام بتأييد : صحيح المفروض على الاقل محجبات !
ام عمار بترقيع : يتحجبن لما يروحن للمدرسه !
ابو راكان بغضب يناظر جودي : اذا شفتك انت واختك بدون غطاء يا ويلك فاهمه !
هزت راسها وهي عافسه ملامحها مو عاجبها !
أم تالا : اول اعدادي خلاص لازم تتحجب مو صغيره !!
ام عمار سكتت ما عندها شيء تقوله مع انها تشوف عيالها صغار
مو باين عليهم !
وخاصه عمار ملامحه طفوليه مع انه ثاني اعدادي !
بس حركاته الطفوليه ما تخليها تعتبره كبير !
ابتسمت وهي تشوف شكل جودي وليان منتفخات
من القهر !!
ابو راكان : وانت الثاني طول الوقت وانت ماسك هالجوال ارحم عيونك !
ابتسم عزام وهو عارف انه جده مقهور منه للحين
على خطبة ابنة عمه للي رفضها : ان شاء الله
ام راكان عندها العيال مميزين على البنات : علامك تكلمه كذا ؟!
ابو راكان رمقها بنظرات حاده وما علق واكتفى بالسكوت !
**
**
**
**
عائشه جلست على طاوله الاكل وبدأت تفك شعرها
نهرتها ام سعود : ليه تفكينه الحين ؟!
عفست ملامحها ووقفت وهي تبكي
ام سعود ناظرتها : تعالي تغدي !!
عائشه وهي تبكي : ما ابغى كلكم تصرخون علي!
ام سعود وهي تتصنع الهدوء: مين صرخ عليك ؟!
عائشه مدت بوزها بطفولة: إنت !!
ام سعود : أنا ؟!
طيب خلاص تعالي تغدي يا ماما !
جلست وعفست ملامحها وهي تناظر الاكل : كفته ؟!
ام سعود وهي ماسكه نفسها خزتها بعيونها : تغدي وانت ساكته !
عائشه بطفش رمت الملعقة: ما ابغى كفته!
ووقفت بزعل !!
ام سعود طفشت من دلعها وعنادها صرخت: انقلعي من وجهي ما في غداء اشوف !
وناظرت نهى كملي اكل ونظفي المكان عمرها ان شاء الله ما خلطته!
وأعطت عائشة نظرات ناريه !
بعد لحظات ما شافتها الا وهي راجعه مكانها بهدوء
وتتغدى بهدوء !
ابتسمت ام سعود بداخلها تعرف بناتها ما يمشن الا بالعين الحمراء والتطنيش !!
**
**
**
**
ام عمار وهي ترتب البيت صرخت : بسرعه يا جودي !
عمتك اميره على الطريق بسرعه خلصيني !!
جودي بطفش : كله علي ؟!
ام عمار وهي تشوف ساره ترتب معها : الله يسعدك يا ساره !
يا ليت تتعلمين منها يا جودي !
جودي بغيره وقهر: لو ابني لك قصر ما عجبك !
دخل خلف مبسوط لاول مره : جهزتي الضيافه ؟!
ام عمار بدون نفس : ايه جهزتها !
**
**
**
ام عمار وهي ترتب البيت صرخت : بسرعه يا جودي !
عمتك اميره على الطريق بسرعه خلصيني !!
جودي بطفش : كله علي ؟!
ام عمار وهي تشوف ساره ترتب معها : الله يسعدك يا ساره !
يا ليت تتعلمين منها يا جودي !
جودي بغيره وقهر: لو ابني لك قصر ما عجبك !
دخل خلف مبسوط لأول مره : جهزتي الضيافه ؟!
ام عمار بدون نفس : ايه جهزتها !
خلف عفس ملامحه بكره:علامك تقولينها كذا ؟!،
ام عمار لوت بوزها : كيفي !
خلف بتوعد :،يصير خير !
طنشته متأكده ما عنده سالفه ومو طالع بيده شيء
اهلها عندها وإلا متأكده لو يستفرد فيها كان شافت نجوم الظهر !!
دخل عمار البيت مستعجل : عمتي وصلت !
مسكه خلف من إذنه: متى تعقل وتصير رجال ؟!
تراكض مثل البزران !
عنبوا إبليسك فشلتني وما صرت رجال مثلي !!
ام عمار بنفسها يبقى بزر ولا يصير رجال مثلك
امحق رجال !!
قاطعهم دخول اميره مبتسمه : السلام عليكم
خلف بفرح وبخاطره أخيرا بفتك من حمل زايد ومصاريف : هلا هلا والله بأختي العزيزه نور البيت !
رفعت حاجب اميره بتشكيك من متى هالترحيب ؟؟
السلام يا الله يرده عليها حتى لما تزورهم ما يجلس بالبيت !!
وش للي استجد عليه ؟!
اكيد عليه حراره !
ومع ذلك جاملته وابتسمت له : الله يطول بعمرك !
وبعدها سلمت على ام عمار
وتقدموا البنات وسلموا بخجل !
تقدمت ساره من اميره بابتسامة خجوله سلمت وقبلت رأسها !
ما تنكر الصدمه للي تلقتها وهي تشوفها كبيره بالسن !!
كل إخوانها كبار بالعمر !
معقول ما في اخ او اخت بعمرها !
خلف ابتسم بسخريه : هذي أختنا المنتظره !
طالعتها اميره بتفحص وبعدها ناظرت خلف : تعبت من الوقفة خلينا نجلس !
جلست اميره تسولف مع ام عمار وخلف
وبعض التعليقات على العيال !
كان تهميش واضح لوجود ساره !
اما ساره كانت تناظر اميره بتمعن وتبتسم بسعاده
لوجود أختها بالرغم من فارق السن !
خلف وهو قاعد على نار : وش رأيك بالعنزه الجديدة ؟!
وأشر بعيونه على ساره للي توزع ابتسامات
أميره بدون ما تناظر ساره تكلمت بوجع: والله يا خلف ما لي نفس اشوفها واتذكر الماضي ونكده ! ام عمار تضايقت من تشبيه خلف تكره اسلوبه الهمجي المتخلف ناظرت أميره : البنت ما لها دخل !
اميره هزت رأسها بتفهم : أدري ما لها دخل !
خلف انتفخ وجهه لما حس من كلام اميره رفض لوجود ساره وبغضب: بس هذي أختك مو أختي لوحدي !
الشاطر رماها علي اشوف !!
أميره باستنكار : وش تبغى أخذها عند زوجي واربيها وانتم يا إخوانها جالسين!
وإنت تعرف ما أطيق البزران ما صدقت عيالي يكبرون والكل يعرف هالشيء!
أم عمار بهدوء: بس ساره غير !
بنت هاديه ومطيعه ورح ترتاحين معها !
اميره عفست ملامحها باعتراض: اشوف تبغين تتخلصين منها وترمينها علي !
بما إنها مطيعه خلها عندك !
ومطت شفتها بانتصار!
ام عمار عفست ملامحها بضيق : لا تظنين اني متضايقة من وجودها بالعكس ساره حبوبه
واعتبرها مثل بناتي !
ناظرتها ساره وابتسمت على كلامها متأكده يتكلمون عنها بس مو فاهمه وش السالفه بالضبط !
خلف بقهر : مو على كيفكم !
اميره انقهرت منه والحين عرفت سبب هالترحيب يبغى يدبس ساره فيها بس حامض على بوزه تكلمت وهي رافعه حاجب : لا تنسى زوجي عندي تبغى يقول وين إخوانك عن اختك راميينها ؟!
خلف كتف يدينه وهو ماسك نفسه : طيب ما تبغينها على الاقل ساهمي
واشر لها بالابهام والشاهد دليل على الفلوس !
فهمت من حركة اصابعه يبغى فلوس ردت وهي ماسكه نفسها من طمعه وجشعه : وش تبغاني اقول لزوجي اعطيني فلوس لأختي أخوي عجزان عن مصروفها ؟!
تبغى تفشلني عند زوجي ؟!
ناظرها بنظرات ناريه وبخاطره الله يفشلك انت وزوجك من زينه عاد !
ام عمار راحت تجهز الشاهي وراحت خلفها ساره تساعدها !
خلف خلاص قفلت معه : والحل ؟!
اميره هزت كتوفها ما لها دخل : وش اعمل لك ؟!
وبعدين وش رح يزيد مصروفها عليك ؟!
اكلها من اكلكم ؟!
وابتسمت بسخريه !
انقهر منها كان حاط كل آماله عليها تأخذ ساره !
عض شفته بقهر منها
اميره بنبره هاديه : وبعدين لو تدري امي اني أخذتها الا تزعل مني
ومو مستعده اغضب امي علشان هالمتطفله!
ناظرها وللحين مقهور منها وبخاطره والله ما احد متطفل غيرك يا حشره يا بقره يا
قاطعهم دخول ام عمار بالضيافة !
مد بوزه بغضب وهو يشوفها ترتشف من الشاهي يقال برستيج وحالتها حاله
وبخاطره
جعلك بالسم للي يهريك !
قال برستيج !
يرحم ابوك لما كنت تشربين من حنفيه الحمام !
الحين صايره برستيج مالت عليك وعلى زوجك الاهتر الحيوان !
قاطعته وهي تبتسم بطريقه قهرته : علامك تناظرتي وكأني ماكل حلالك ؟!
كتم غضبه وهو يخزها : ولا شيء !
اميره شرقت بقطعة المعمول كحت بسرعه توجهت لها ساره بالمويه
خلف ناظرها وابتسم بشماته وبخاطره تستاهلين وبمجامله : اشربي مويه !
شربت اميره وخزته بعيونها وبخاطرها ما احد نقم عليها غيره
جالس مثل البوم يجح فيني !
والله لأكون شوكه بحلقك يظني هبله يضحك علي !
هذا الناقص اتفشل عند أهل زوجي !
خلف بمحاولة اخيره : طيب خذيها بس اسبوع
قاطعته بحده : ولا يوم مستعده أخذها !
شد قبضة يده بقهر ماسك نفسه عليها فقعته
تابعت كلامها : ترى امي كلمتها البارحه وتقول مستحيل ترجع وهذي هنا !
خلف انفجر : وبعدين ؟!
وين اروح فيها ؟!!
حسستوني اني مخلفها !!
خافت اميره من عصبيته : انا وش دخلني هبيت فيني؟!
خلف بغضب: الشاطر يقول ما لي دخل !
ووقعت برأسي !
خلاص خليها عند محمد علشان ما تشوف هالبومه!
واشر على ساره !
استغربت ساره ليه يقول عنها بومه !
ام عمار تهدي الوضع : هدي شوي !
خلف بعصبيه : هو للي يشوفكن يبقى فيه عقل ؟!.
قسم بالله تطلعون الواحد من ثوبه !
اميره بتفكير : طيب ما لها اخوال؟!
خلف ناظر ساره بحده : أخوالك وين ؟!
ساره ببراءه : قصدك خالي أخو أمي ؟!
خلف بغضب : ايه خالك اخو امك !!
ساره ببراءه : الكبير والا الصغير ؟!
خلف بنفاد صبر : الكبير الصغير الزفت اي واحد فيهم !!
ساره ابتسمت ببراءه : ما عندي أخوال !
ولع من هالغباء وبصرخه : انقلعي قبل ما ادفنك
وقف وسحبها من طرف ثوبها وبصراخ: ليه تسألين الكبير او الصغير دام ما عندك !
وش هالغباء يا ربي ؟!
ودفها بقوه : انقلعي على الغرفه !
تضايقت اميره من اسلوبه مع ساره متأكده كل عصبيته ما يبغى يصرف فلس واحد !
تكلمت بقهر منه : تعال اجلس ابغاك بسالفه !
ناظرها بعصبية وجلس وهو يزفر بغضب: نعم ؟!
ابتسمت بدون نفس :،اسمع انا مستعده ارسل لها مصروف شهري
وناظرت ام عمار : أي شيء يخص ساره من ملابس ومصروف كله علي !
خلف حط رجل على رجل مو عاجبه : وش تفرق ساره عن ليان وجودي ولا مره شفتك صرفتي عليهن فلس واحد !
وإلا هذي اختك وحنيتي عليها !
فتحت عيونها بصدمه صدق انه حيوان وبخيل وما يستاهل !
لو تلف العالم ما تلاقي بجشعه وطمعه !
يبغى اصرف على عياله وهو جالس لكن هين يا خلف المتخلف
وقفت بعصبيه واخذت شنطتها : اقول لك ما رح اصرف لا على ساره ولا غيرها !
وما لي دخل بأحد جعلكم بالطقاق !
وتركتهم متجاهله نداء خلف خلص طق قلبها من تخلفه !
ضرب جبهته بقوه خسر عرض من الاخر بسبب جشعه وطمعه ناظر ام عمار تناظره بشماته : الله يأخذك كله منك !
ضرب الارض بقوه : كلكم ترفعون الضغط حسبي الله عليكم !!
ام عمار بشماته ابتسمت وبخاطرها تستاهل من هالحال واردى !
**
**
**
**
في اليوم الثاني جالسه بالفسحه مع عائشة وتبرر موقفها : ما عندي اخوال !
من وين اجيب اخوال !
عائشه عفست ملامحها بقرف : لانه غبي ما يفهم !
ساره بضيق: الظاهر زعل مني لأنه ما عندي اخوال ؟!
عائشة : بالطقاق خله يزعل ويطق راسه بأقرب طوفه !
فتحت ساره عيونها باستنكار: لا لا هذا اخوي عيب !
مالت شفتها عائشة : وش يعني اخوك ؟!
المهم ليه يبغى اخوالك ؟!
فتحت فمها بفهاوه: ها
عائشة بتفكير : اكيد يبغى يرسلك لهم !
ساره ابتسمت على عائشه : اقول لك ما عندي اخوال كيف يرسلني لهم ؟!
عائشه : تراك خبله الكل يضحك عليك ويتمسخر عليك وانت فاتحه فمك وكأنه مصيده ذبان !!
ساره هزت رأسها بالرفض : لا
عائشة قاطعتها: إلا بس انت ما تدرين عن هوى دارك !
صحيح ما قلت لك بابا يبغى يدرس تستر!!
عقدت حواجبها ساره بعدم فهم
عائشة وهي تحرك يدينها بشرح: يا غبيه تستر
يعني بصير ءءءءءء سكتت ما عرفت لأنها نفسها مو فاهمه شيء
وبسرعه غيرت الموضوع : بعده الغبي يجيبك المدرسه ؟!
ابتسمت ساره : ايه عزام
عائشه بطمع طفولي : ما قال لك انه يبغى يجيب لي لعبه ثانيه ؟!
ساره هزت رأسها بالرفض : لا ما قال
**
**
**
**
واقف قدام باب المدرسه بضجر حاطينه سرفيس محسسينه إنها ابنته وهو ما يدري ؟!
متى ينتهي الفصل وينقلونها مع اخواتها وتنقلع من وجهه !
نزل القزاز لما سمع طق على القزاز : مرحبا ابو الشباب !
رد بطرف خشومه متعمد: نعم ؟!
عائشة بفشيله : كذا تستقبلني وانا من زمان ما شفت خشتك ؟!
عزام بضحكة قصيره :وش بغيتي ؟!
وناظر ساره واقفه جنبها وتوزع ابتسامات: انت اركبي بسرعه !
هزت رأسها ساره وركبت بهدوء
رجع ناظر عائشة : بسرعه وش بغيتي؟!
عائشه ابتسمت وبانت اسنانها المقلوعه: اللعبة للي اعطيتني إياها طول الوقت تبكي !
رفع حاجب باستخفاف: والله ؟!
اجيب لها رضاعه ؟!
عائشه بابتسامة عريضة : لا تبغى لعبة ثانيه تلعب معها !
عزام خزها بعيونه: كأنه خلف قدامي !
اقول انقلعي من هنا اشوف !
وحرك السياره مطنشها : والله حاله!
وش هالناس هذي ؟!
ناظر ساره بالمرايه بعصبيه: متى يخلص هالفصل !
ساره ابتسمت ببراءه: إسأل الابلة سعاد هي تعرف !
عزام ناظرها بتوعد : تتمسخرين علي ؟!
ناظرته باستغراب علامه زعل !
وقف السياره قدام البيت وقبل ما تنزل سحبها من اذنها : مو انا للي تتمسخرين عليه !
ساره بتبرير : والله ما اعرف ابله سعاد تعرف !
ترك اذنها بقرف فعلا انها خبله وعقلها ضارب : انزلي خلاص انزلي !
ناظرته وابتسمت : مو زعلان علي لاني ما اعرف متى ينتهي الفصل !
شد ثوبه بقهر : اشق الثوب واطلع منه !
وش هالهبل هذا ؟!
وبصرخه : انزلي !
نزلت بخوف من صرخته وتوجهت للداخل وهي تركض
بعد ما دخلت ابتسمت براحه وهي حاطه يدها على صدرها
**
**
**
**
ابو سعود جالس يدرس فيها وارتفع ضغطه منه : يلا لماذا شربت سعاد الحليب ؟!
عائشه : قصدك ابله سعاد ؟!
ابو سعود ضغطه ارتفع : لا سعاد للي بالدرس مو ابلتك !!
فتحت فمها بفهاوه : هاه
ظنيتك تسألني عن ابله سعاد!!
تدري بابا هذي الابله ما احبها دوم لما تشوفني تصرخ
«ادخلي على فصلك »
ابو سعود خزها : اتركينا من ابله سعاد وجاوبي !
عائشة عفست ملامحها بتذكر : وش السؤال؟!
ابو سعود ماسك نفسه : لماذا تشرب سعاد الحليب ؟!
هزت كتوفها : وش يدريني عنها؟!
ما قالت لي !
ابو سعود نفذ صبره : بالدرس مكتوب هذا هو
تشرب سعاد الحليب لانه مفيد
قاطعته : ايه تذكرت بابا
ابو سعود ارتخت ملامحه : الحمد لله انك تذكرت
يلا قولي ؟!
عائشه بفرح : خلف اخو ساره يدور على اخوالها
صرخت بوجع لما انضرب الكتاب برأسها : انكتمي يا زفته !
لي ساعه اشرح لك وانت عقلك مع ساره الزفته !
عفست ملامحها وبدأت تبكي
ابو سعود بصراخ: ولا نفس انكتمي !
ما اسمع النفس !!
تخصرت ودموعها تنزل: يعني اموت
وتكورت على نفسها: كلكم ما تحبوني وتضربوني وتصرخون علي !
سحبها من يدها وهو عارف عائشة وافلامها : كملي الدرس وبعدين اعملي هالفلم خلصيني!
طالعته بقهر :-يعني شو شو
كله دراسه دراسه دراسه
ابو سعود طنشها ومسك الكتاب : ماذا تتناول سعاد بوجبة الافطار؟
عائشة بقهر : زفت بحلقها وش دخلني فيها؟!
جعلها تموت وانفك منها !
اقرفتوني ماذا تشرب سعاد وماذا تأكل؟!
كتم ابو سعود ضحكته عليها
ام سعود جلست : احفظي الدرس علشان ما نقرفك !
ناظرها وهو ماسك ضحكته: بسرعه جاوبي قبل ما اجيب العقال !
عفست ملامحها بقهر وهي نفسها تمسك هالسعاد وتطلع حرتها فيها !!
**
**
**
**
كمل دوامه بالجامعة وتوجه للبيت وهو قرفان نفسه من ضغط الدراسة
دخل وشاف سلمان وعبد الرحمن يلعبون بلايستيشن وبعصبيه سحب السلك : كم مره قلت لك ممنوع اللعب حتى تكمل حل واجباتك ؟
سلمان بقهر: خلصت واجباتي!
عزام بحزم : بسرعه كل واحد يقابل كتبه اشوف !
ما عندكم امتحانات؟!
عبد الرحمن باعتراض: يعني كملنا وش نجلس نأكل الكتب ؟!
عزام :-مو غلط تأكلهم يمكن يصير فيك فائده!!
سلمان وهو شاد على يده :شاطر علينا شوف نسرين 24 ساعة على التي في وما احد يقول لها شيء !
عزام بحزم : كلامي واضح بسرعه كل واحد يقابل كتبه !
طلع سلمان بقهر وخلفه عبد الرحمن
ناظرهم وهم طالعين ورمى نفسه على الكنبه بتعب
اهم شيء عنده الدراسة يكره الاغبياء يبغى اخوانه يكونون من المتفوقين!
بس اللعب شاغل بالهم !
دخلت ام عزام البيت وجلست عنده : يعطيك العافية يا يمه !
عزام ابتسم مجامله: الله يعافيك !
عند جدتي كنت ؟!
ام عزام : لا والله عند عمتك ام عمار !
البارحه كانت خالتك اميره عندهم !
تخيل وخبرته بكل شيء صار !
عوام ابتسم بسخريه : يعني خالي خلف ما يعرف خالتي اميره ما تطيق البزران !
ويبغى يعطيها ساره !!
وميل شفته بسخريه
ام عزام : المشكله امي رافضه ترجع وساره موجوده !!
عزام عدل جلسته :،بسيطه يرسلها عند خالي محمد وهي ترجع بيتها!!
ام عزام بسخريه: الحين تظن زوجة خالك محمد تهلي وترحب مثل ام عمار !!
الحين تلاقيها هي وامي مثل الديوك !
اوام عمار تقول انه خلف يقول لو لها اخوال كان ارسلها لهم !
عزام مسح على وجهه بتعب : ما علي منهم ابغى الحين الغداء ميت جوع!
ام عزام وقفت بابتسامة : يخسى الجوع
**
**
**
**
جالس بمكتبه وهو ماسك نفسه : يا خلف ما يصير وش هالكلام ؟!
خلف بعصبيه : ام عمار قالت لك ؟!
ابو عزام: لا اميره قالت لي !
تبغى تفضحنا عند اهل زوجها يقولون عنا مو قادرين نصرف على هالبنت !
خلف بقهر : ايه مو قادرين نصرف عليها !
الكل رفع يده عن الموضوع وكأني الملزوم فيها !
ابو عزام يخفف من نبره صوته: يا خلف هذي اختك
قاطعه خلف : وهذي ابنة عمك وابوك عمها !
ابو عزام بهدوء: خلاص اليوم اخذها عندي
وانسى انها اختك !
رح اعتبرها وحده من بناتي وأحتسب الاجر من ربي!
خلف بقرف من هالموضوع ويكره المثاليه للي يحاول يظهر فيها ابو عزام : الخلاصه وش بغيت؟!
ابو عزام انقهر من رده : ولا شيء
خلف : خلاص خذها عندك ومبروكه عليك
بس لا تيجي باكر تشتكي منها !
ابو عزام فتح عيونه باستنكار: انت بعقلك كل واحد يقول لك اخذها
خلف بغضب يكره المثاليه الزائفه بنظره: شفت بس مجرد كلام !
تيجي فوق رأسي تغثني بالمثاليات وانتم شغل الكلام
وعند الفعل ما نشوفكم !
على كل حال اختي عندي وانا بحل موضوعها
سلام
وقفل الخط
ناظر ابو عزام الجوال بقهر من اسلوب خلف!
مع إنه كان جاد بالموضوع بس استنكر طريقه خلف اي واحديقول له شيل ؟!
وش هالناس هذي!!
ما يدري ام عمار كيف متحمله للحين ؟!!!!
**
**
**
**
جودي وهي ترقص بفرح : ماما مو هنا ماما مو هنا !
ليان نطت بفرح :-وش رايك نرقص ؟!
جودي مطت شفتها بسخريه : ما تعرفين للرقص !
ليان مسكت ريموت التي في حق الصاله وصارت تدور بالقنوات: الحين تشوفين رقصي!
استقرت على قناه
جودي ما عجبتها وحاولت تسحب منها الريموت
كل وحده تشد بأقوى ما عندها !
ليان وهي تسحب فيه. وشاده على اسنانها: هاتي يا حيوانه!
جودي شدت اقوى وما بين المد والجزر
بحركه غير متوقعه طار الريموت بالجو
ارتفعت الانظار عليه والشاطره تبغى تمسكه
قبل الثانيه !
وسرعان ما صرخت جودي لما شافت الريموت ضرب بالفازا
خلال ثواني كانت الفازا قطع متناثره على الارض
شهقت جودي وليان حطت يدها على فمها بخوف
وعيونها طلعت من مكانها من الخوف
نزلت جودي للارض ومسكت قطعه من القطع المكسوره
رفعت رأسها برعب لما شافت خلف واقف يناظرهم
والنار تطلع من عيونه معصب وبصراخ : جعلكن للكسر !
مين للي كسرته ؟!!!
جودي وقفت برعب ورفعت اصبعها وهو يرجف
واشرت عليها
فتحت ساره عيونها باستنكار : انااااااااا
***
***
***
رواية أقدار~للكاتبة ضاقت أنفاسي الفصل السادس 6 - بقلم BlackButterfly002
جودي وهي ترقص بفرح : ماما مو هنا ماما مو هنا !
ليان نطت بفرح :-وش رايك نرقص ؟!
جودي مطت شفتها بسخريه : ما تعرفين للرقص !
ليان مسكت ريموت التي في حق الصاله وصارت تدور بالقنوات: الحين تشوفين رقصي!
استقرت على قناه
جودي ما عجبتها وحاولت تسحب منها الريموت
كل وحده تشد بأقوى ما عندها !
ليان وهي تسحب فيه وشاده على اسنانها: هاتي يا حيوانه!
جودي شدت اقوى وما بين المد والجزر
بحركه غير متوقعه طار الريموت بالجو
ارتفعت الانظار عليه والشاطره تبغى تمسكه
قبل الثانيه !
وسرعان ما صرخت جودي لما شافت الريموت ضرب بالفازا
خلال ثواني كانت الفازا قطع متناثره على الارض
شهقت جودي وليان حطت يدها على فمها بخوف
وعيونها طلعت من مكانها من الخوف
نزلت جودي للارض ومسكت قطعه من القطع المكسوره
رفعت رأسها برعب لما شافت خلف واقف يناظرهم
والنار تطلع من عيونه معصب وبصراخ : جعلكن للكسر !
مين للي كسرته ؟!!!
جودي وقفت برعب ورفعت اصبعها وهو يرجف
واشرت عليها
فتحت ساره عيونها باستنكار : انااااااااا
ليان قاطعتها بسرعه : ايه انت انا شفتك لما كسرتيها !
فتحت عيونها بصدمه من كلام ليان
حست لسانها عاجز عن نطق حرف واحد يبرر موقفها بعد ما شافت نظرات خلف لها وكأنه إعصار !
**
**
**
**
دخلت البيت بصدمه وهي تشوف خلف يطق ساره بدون رحمه
ركضت بسرعه وسحبت ساره والشرار يطلع من عيونها: جعل يدك للكسر ان شاء الله!
خلف وهو يلهث ناظرها وللحين ما طلع حرته
يتمنى ام عمار تحت يده ويطلع حرته فيها
بس مستقويه بأهلها
اخذ نفس ورمق ام عمار بنظرات كره : اصبري على رزقك رح ييجي يوم وأكسر كل عظمه بجسمك
وبهمس لا تستعجلي على رزقك !
وتركها وطلع من البيت
ناظرته وهو طالع من البيت وبنفسها جعلك ما ترد للبيت يا ناس ما اطيقه !
وش حظي للي رماني عليه ؟!
يا رب لا اعتراض بس!
عضت على شفتها بقهر وناظرت الكائن الصغير للي متخبي خلفها
مسكت يدها وقلبها يتقطع وهي تشوفها تبكي بصمت !
تستغرب من هالطفله ما تصرخ ما تشكي مثل باقي الاطفال !
رفعت رأس ساره والدموع تنزل على خدودها بغزاره
مسحت دموع ساره بحنيه : خلاص يا قلبي لا تبكي !
نزلت ساره رأسها بهدوء ودموعها رافضه الوقوف !
ام عمار بضيق على حال هالبنت : ليه ضربك ؟!
ساره رفعت رأسها وبانكسار فتحت فمها ترد: للل
وقطعت كلامها بشهقه ما قدرت تكتمها !
حضنتها ام عمار بقوه : خلاص جعل يده للكسر
الله لا يوفقه !
ناظرت بناتها واقفات يناظرن بملامح مخطوفه سألت بهدوء: وش صار ؟!
ليان بتردد: كنا
قاطعتها جودي : ساره كسرت الفازا وضربها بابا
ناظرت ام عمار القزاز على الارض ما انتبهت
له اول ما دخلت !
رجعت ناظرت البنات ومتأكده بقرار نفسها مو ساره للي كسرتها سألت بحده: جودي انت للي كسرتيها والا ليان ؟ !
ليان بخوف وتبرير: مو انا جودي للي رمت الريموت وجاء
قاطعتها جودي :كذابه هي كسرتها
صرخت ام عمار والنار يطلع من عيونها : وليه حطتوها بساره ؟!
وقسم بالله
قاطعتها جودي وهي تبكي : والله يا ماما خفت لما شفت بابا بوجهي !
فكرت اذا قلت ساره ما يضربها لأنها أخته !
وركضت بسرعه لساره وحضنتها باعتذار : اسفه والله مو قصدي !!
ناظرتها ام عمار بغضب : صدق المثل « تقتل القتيل وتمشي بجنازته »
**
**
**
**
بعد العصر جالس سلمان يتكلم بحماس : وجاء خالي خلف وطقها طق !
ام عزام بانفعال : وليه جودي تكذب وتحطها بساره ؟!
عبد الرحمن : علشان خالي ما يطقها !
ابو عزام كتم بداخله وهو نفسه يمسك هالخلف ويكسره تكسير !
زفرت ام عزام بضيق من تصرفات خلف عياله ما سلموا من يده ولا حتى هاليتيمه !!
قاطعهم دخول ام عمار ردت السلام بدون نفس وجلست !
تقدمت ساره وهي تبتسم وسلمت على ام عزام
وابو عزام
تقدمت من أسيل تسلم عليها
مسكت اسيل يد ساره وعفست ملامحها بقهر من خلف
وهي تشوف كف يد ساره مكان العقال لون ازرق
سألتها وقلبها يتقطع : يوجعك ؟!
ساره ابتسمت بمكابره تحس الدموع بأي لحظه تنزل وهزت رأسها بالرفض: لا
ناظرها عزام وباين البكاء بعيونها سألها بفوقيه : ليه ضربك ؟!
ساره وكأنها مذنبه : لأني كسرت الفازا !
اسيل بقهر من خالها خلف : انت كسرتيها ؟!
هزت رأسها بالنفي
مسكها عزام من ثوبها بانقراف : تراك ترفعين ضغطي
قاطعه ابو عزام بعصبية : عزام !!
ناظر ابوه وهو رافع حاجب : وش فيه ؟!
ابو عزام ظهر على وجهه الانفعال والزعل : عدل اسلوبك !
وقف ما عجبه كلام ابوه وبقهر دفها على الخفيف وطلع بملامح فيها الزعل !
ام عمار مطت شفتها بقهر : اعوذ بالله القسوه وراثه !!
اسيل بتأييد: صادقه يا عمتي !
ما ادري على وش شايف عمره
وناظرت ساره واقفه تتابع بصمت : اجلسي الله يكون بعونك !
جلست ساره وهي تبتسم وتناظرهم بهدوء
ام عمار بضيق خلق: قسم بالله ما اقدر أصبر من كذا !!
مو صاحي ضربه جنان بجنان !!
تعالي يا ساره
تقدمت ساره بهدوء عند ام عمار : نعم خالتي؟!
ام عمار كشفت على ذراع ساره : شوف شوف مكان الضرب !
ومسكت فستانها ورفعته وكشفت عن ظهرها : هذا بني آدم ؟!
هذا وحش !!
ساره بانحراج نزلت فستانها وهمست : عيب يشوفوني !
ابو عزام بضيق : اخخخخ لو يرجع الزمن !
ام عزام :،الله يهديه
تذكرين لما طق عمار وتنوم بالمستشفى ؟!
ام عمار وخلقها ضايق : وقسم بالله العيال يتعقدون لما يسمعون انه جاء !
وما يرتاحون حتى يطلع !
أسيل : طيب حاولتي تكلمينه بهدوء يمكن يغير من طبعه !!
ابتسمت ام عمار بسخريه : إسألي امك بما انه اخوها !!
ام عزام بصراحه : والله خلف ما ينفع معه الكلام بهدوء
من يومه طبعه حار وبسرعه يعصب
ويضرب عكس إخواني مو مثله !
**
**
**
**
اليوم الثاني
عائشه وهي حاضنه يد ساره بحزن : يعور ؟؟؟؟
ساره ابتسمت : لا !!!
عائشه بتأثر : اخوك وحش !!!
ليه ما ضربتيه ؟!
ساره باستنكار: كيف اضربه هذا اخوي !!
عائشه :،عادي انا اضرب أخوي سعود
ساره : أخوي كبير عيب اضربه،!
عائشه بتفكير : وش رأيك ننحاش ونعيش مع بعض لوحدنا ؟!
علشان ما احد يضربنا او يتحكم فينا ؟!
فتحت ساره عيونها بدهشه: وامك وابوك كيف تتركيهم؟ !
عائشه بلامبالاه : عادي ازورهم بالاسبوع
ناظرتها ساره بنظرات محروم ونبره حزن : لو عندي ام واب ما اتركهم ولا لحظه اجلس معهم طول الوقت !!
مطت عائشه شفتها بطفوله : لو عندك أم واب الا تهجين من كثر طلباتهم يقرفونك
عائشه تعالي عائشه روحي !
وش هذا ؟!
ما يملون من اسمي ؟!
ساره ابتسمت بألم والدموع تلمع بعيونها : أمك وابوك يحبونك
عائشه ابتسمت : وش عرفك ؟!
ساره بحزن : لو احد ضربك يدافعون عنك
تتذكرين لما ضربك ابن صبحيه وش عمل ابوك !!
عائشه عدلت جلستها وابتسمت بفخر وهي تتذكر : شفتي كيف طقه ؟!
وبصوت منخفض تابعت : اقول لك سر ؟!
هزت رأسها ساره
تابعت عائشة بسعاده : أحس ماما وبابا يحبوني اكثر من اخواتي !!
انا سمعت امي تقول لابوي انها تحبني اكثر وحده
وتنتظر رجوعي من المدرسه لانها مشتاقه لي !
حز ساره بخاطرها كلام عائشه ما في احد ينتظرها
او يشتاق لها !!
تكلمت ساره بضيق : حرام تنحاشي امك رح تخاف عليك !
عائشه هزت رأسها : خلاص لما نكبر رح ننحاش
اتفقنا ؟!
ساره ابتسمت بدون نفس وهزت رأسها بالموافقة
**
**
**
**
طلعت من بيت ابو عزام وهي مبسوطة وبيدها هديه من اسيل
توجهت للبيت بطريقها شافت عزام متوجه لبيت جده ابو راكان
ركضت له وهي تلوح بالهديه : عزاااام عزااام
وقفت عنده وهي تلهث وتبتسم بفرح : شوف اسيل وش اعطتني ؟!
قاطعها صوت أخوها خلف ما تدري من وين طلع لها : ما تستحي على وجهك تنادي رجال طويل عريض باسمه ؟!
قولي له عمي عزام !
ناظرته بنظره غبيه وهزت رأسها بالموافقة: ان شاء الله
ورفعت نظرها لعزام بفرح طفولي : عمي عزام شوف
ومدت له الهديه
ناظرها بدون نفس ورجع يناظر خاله خلف مو طايقه لا هو ولا اخته !
تجاهل يد ساره الممدوده وببرود:عن اذنك يا خالي
وتركهم وتوجه لبيت جده ابو راكان
حز بخاطرها رد فعله نزلت يدها بخيبه
ناظرها واقفه تناظر عزام وقع نظره على أماكن الضرب
وركز نظره على الهديه للي بيدها
سحبها بهدوء و ابتسم بمكر : ساره
بلعت ريقها وناظرته وقلبها يدق طبول: نعم !
خلف : امممم بما انك كسرتي الفازا رح أخذ هذي الهدية تعويض
فتحت عيونها باستنكار هذي الهديه لها ناظرته بتردد: بس
مسك إذنها : اسمعي انا لما اقول شيء ما ابغى اسمع اعتراض او مبررات تنفذين وانت ساكته !
تفهمين !!
هزت رأسها وتوجهت للبيت وهي تركض
وبداخلها قهر !!
تبغى تبكي هذي الهديه لها كيف اخذها ؟!!
دخلت بهدوء وهي ماسكه نفسها ما تبكي قدام عمار و جودي !
جودي بتحقيق : وين كنتي ؟!
جلست ساره جنبها وبصوت مخنوق : عند بيت عمي ابو عزام !!
عمار :-سلمان بالبيت ؟!
ساره ما لها نفس تتكلم ردت بصوت منخفض:ايه
وقف عمار مستهم : خليني اروح له
وسرعان ما جلس لما شاف ابوه خلف دخل
طلعت منها آه غصب عنها لما حست شيء ضرب كتفها
ناظرت خلف وهو يتكلم : اشبعي فيها
على بالي شيء محرز وله قيمه!!
صدق انها اسيل سخيفه !
وتوجه لغرفته
عفست ملامحها بألم وهي حاطه يدها على كتفها
وتناظر الهديه كيف اختربت
حست بداخلها قهر بس ما تقدر تحكي او تعترض !!
تناول عمار الهديه وباستغراب: هذي لك ؟!
وقبل ما ترد تابع كلامه بسخريه : لا تقولين ابوي جابها لك هديه !!
نزلت نظرها للارض بانكسار وفيها الغصه: هديه من اسيل !
عمار انقهر من تصرف ابوه ومد شفته مو عاجبه
جودي بهمس: لازم ينكد على الكل
ما يقدر يعيش
عمار تأفف بضيق وهو يسمع صوت امه وابوه واصل عندهم : بدأ مسلسل النكد
وقسم بالله حياه تقرف !
كله صراخ بصراخ مشاكل !
وبقهر كمل : نفسي نجتمع على سفره اكل بدون مشاكل مثل باقي الناس !
نفسي أحس اني عايش بجو اسري متفاهم
قسم بالله تعقدت كل العيال مبسوطين مع اهلهم الا حنا ؟!
جودي بضيق : لو عايشين ايتام احسن لنا
عمار بسخريه اشر على ساره : هذي يتيمه بس ما خلصت من ابوك !
نازل فيها طق !!
نزلت ساره رأسها باحراج وبحزن على حال عيال خلف
ابوهم مو سائل عنهم !
بس شاطر يطقهم !
ما يهتم فيهم!!
تسأل نفسها باستغراب معقول لو امها وابوها عايشين يعاملونها نفس معامله خلف لعياله !!
ابتسمت بسخريه ابوها شايب كبير وامها اكيد عجوز كيف يضربونها ؟!
ناظرت جودي تمسح دموعها وبصوت حزين تتكلم : نفسي احس إنه ابوي !
دوم يطقنا ويكرهنا !
ليه يعاملنا كذا ؟!
قاسي وطول عمره رح يبقى قاسي !
ساره بتأثر وحزن بكت على حال عيال اخوها
خيم الصمت لثواني قطعه عمار لما ضرب ساره على رقبتها بخفه : ليه تبكي يالخبله؟!
سؤاله صادف مرور خلف من الصاله ناظرها وهي تبكي وبتهديد: ولا نفس ما ابغى اسمع صوت
مثل البزران تبكين على هديه مقرفه !
كتمت ساره انفاسها بخوف منه
اعطاهم نظره حاده : النفس ما ابغاه اسمعه منكم !
وتركهم وطلع من البيت
عمار بضحكه ضرب ساره على ظهرها وهي كاتمه نفسها بيدينها : خلاص خذي النفس طلع !
وانسدح على الارض من الضحك : حتى النفس ممنوع
جودي بسخريه :باكر يقول لنا النفس بفلوس !!
وناظرت ساره للي مستمره بالبكاء رفعت حاجب باستغراب : ليه تبكين الحين ؟!
ساره قلبها تقطع عليهم من معامله خلف لهم
عمار فهم سبب البكاء تكلم بحب لأمه :، صحيح ابوي ما يحبنا وقاسي معنا !
بس ربي عوضنا بأمنا صح يا جودي ؟!
جودي ابتسمت : صحيح لو ماما مو هنا
كان زمان هجيت من هالبيت !
رنت بإذنها « هجيت»
«هجيت »
« هجيت»
« هجيت»
ساره بنفسها جودي جالسه بالبيت علشان أمها
بس هي علشان مين جالسه هنا ؟؟؟؟
**
**
**
**
**
لابسه بيجامه باللون الزهري ومتربعه على الكنبه
جنب ابوها : بابا
ابو سعود وبيده الريموت : نعم !!
عائشه تقلد أمها بالكلام : اطفي هالزفت خلينا نسولف مع بعض !!
واشرت على التلفاز
ابو سعود بدون ما يناظرها وعيونه على الشاشه : روحي نامي
عائشه نفس كلام امها : يعني التي في احسن مني تسهر معه !
ابو سعود ناظر ام سعود :،البنت حافظه كلامك عن ظهر قلب !!
ام سعود بدون نفس : وهي صادقه !
مو عاجبك جلستنا !
ما رد وعيونه على الشاشه
عائشه : الابله تقول الاب الناجح يجلس مع عيالها
ويتكلم معهم ويلاعبهم !
وبقهر : حظنا ابونا فاشل وامنا 24 على الجوال
ما في احد يسمعنا !
عدل جلسته وهو رافع حاجب ما تصدق كلامها انها بهذا العمر : اوكي !
وش عندك ؟!
وناظر ام سعود : خلينا نسمعها ونشوف وش عندها ؟!
وباسلوب فيه سخريه : تفضلي يا حلوه
فضفضي ...فشي غلك ....حنا نسمعك !
تكتفت ام سعود وهي تناظرها بابتسامه
عائشه ابتسمت بفرح : اول شيء اطفي الزفت علشان اعرف اتكلم !
ابو سعود عقد حواجبه : وتتشرط بعد !!
اوكي وناظرها : تفضلي المايك معك !
عائشه عقدت حواجبها : بابا ما تعرف انه الكذب حرام ؟!
وين المايك ما اشوفه ؟!!
ابو سعود بضجر : بدأت المحاضره !!
وبعدين معك تحاسبي على الكلمه ؟!!!
عائشة رفعت حاجب بانتقاد : انت ما تقبل النصيحه لانك متكبر ومغرور !
والمغرور الله ما بحبهم
قاطعها وهو يسحبها من بلوزتها بغضب: الله يأخذك
انقلعي على غرفتك !
صدق انك ما تنعطي وجه !
عبست ملامحها وبمسخره: وجه والا رجل
وبسرعه ركضت لغرفتها لما شافت ابوها وقف معصب !!
ام سعود بقهر : ليه تدعي عليها !!
ابو سعود جلس وهو يزفر بضيق : قهرتني !
وبعدين انا بقلبي اقول يأخذها للمدرسه !!
ام سعود وهي تثاوب : اعوذ بالله لسانها طويل
اخواتها كله نايم إلا هي جالسه !!
قاطعتهم وهي تتخصر : مو حرام عليك تدعي علي !!
ابو سعود خزها بعيونه : تستاهلين !
يلا انقلعي لفراشك ونامي مثل اخواتك !!
ونهرها لما شافها واقفه مكانها : بسرعه !!
مطت شفتها مو عاجبها : انا مو مثل بناتك مثل دجاج المزارع ينامون المغرب !!
وبثقه كملت : اذا نعست انت وماما خلاص روحوا ناموا
انا ابغى احضر
قطعت كلامها وركضت بسرعه للغرفه لما وقف ابو سعود : حسبي الله !
وش هالبنت هذي ؟!
انا أعرف العيال على الساعه 8 ينامون !
وهذي طقت الساعة 1.30 بالليل وهي صاحيه !
وفاتحه عيونها مثل البومه تجح فينا !!
ضحكت ام سعود على تعليقه
وناظرت عائشه للي رجعت وقفت وهي تتخصر : اذا انا بومه أنتم امي وابوي !!
يعني طالعه لكم !
ام سعود مسكت أبو سعود وهو ناوي يعطيها قرصة إذن : اتركها تراها صغيره !
باكر تكبر وتعقل !!
تذكر نهى واسماء نفس الشيء وهم صغار ! تعوذ من الشيطان وجلس وهو يتوعد لو رجعت مره ثانية الا يكفخها!!!
**
**
**
**
ابو راكان بمجامله : وينك يا خلف ما تنشاف ؟!
قلنا نيجي نشوفك !
ام عمار لوت بوزها وبنفسها وش تبغى بشوفته للي تغث !!
خلف ما فاته شكل ام عمار بس طنش ورد : والله مشاغل يا عمي،!
ابو عزام باستغراب : علامك تركت تجاره الحلال؟!
خلف : التجاره بالسيارات افضل !!
ابتسم عزام بسخريه متأكد من فشله !
ام عزام بحب اخوي : الله يوفقك !
ام راكان : اخوك محمد نازل بالعطله هنا!!)
خلف هز رأسه : احتمال كبير !
ام راكان : وأمك للي رافضه ترجع وابنة شريكتها هنا !
خلف بدون اهتمام : مصيرها تتقبلها !!
ما تلومنا حنا ما لنا دخل !
تزعل على زوجها للي
قاطعه ابو راكان بضجر : بالله تقفلوا هالموضوع !
دخلت تركض متحمسه وقفت لما كلمها خلف : ليه تركضين؟!،
ساره متحمسه كثير : ابغى آخذ عصير واروح للعرس قبل ما ينتهي !!
الكل عقد حواجبه باستغراب : عرس ؟!!!
ساره ناظرتهم وابتسمت بفرح : عرس سلمان !!!
**
**
**
**
سلمان واقف وماسك بيدها
قاطعتهم ليان : خلاص الحين تنزلون عن الكوشه
علشان تتصورون !
سلمان يمثل بثقل : ما نبغى صور !
عمار باعتراض : لا ابغى اتصور مع اختي !،
سلمان : لا قال انا برفض الصور والحين نروح للبيت
يلا جودي تعالي
قطع كلمته لما حس بالنعال بنص وجهه !
ناظر جهة الضربه ونشفت عروقه من الخوف وهو
يشوف العائله كلها متواجده تناظره والشرار يطلع من عيونهم
وخاصه خلف !!
بلع ريقه وغمض عيونه وهو يتشهد
وبعدها ما يدري من وين تجيه الكفوف والرفسات !!
**
**
**
بعد ما نالوا للي فيه النصيب جلس خلف وهو معصب: هالكلاب هذي نهايتها ؟!!
ام راكان ما تحب احد يمد يده على الاولاد تكلمت بقهر : الخطأ راكب بناتك طول الباب ويلعبن مع العيال
!!
خلف بغضب : وقسم بالله للي اشوفها طالعه بدون غطاء إلا أكسر رأسها !!
الحق على امهن
قاطعته ام عمار تقهره : ما صار شيء تراكم مكبرين الموضوع !
البنات عقلهن طفولي ويلعبن ببراءه !!
ابو عزام بحده : اوكي البنات صغيرات ؟!
والعيال صغار ؟!
ابو راكان بتوعد : حسابهم عندي !
وش هالمسخره هذي؟!
متى يكبرون بعدهم يراكضون ويلعبون مثل البزران !!
ام راكان بدفاع : اوه وبعدين ؟!
تراهم صغار وش فيها ؟!
عزام بكشره : بالله يا جدتي لا تدافعين عنهم
تراهم زودوها
طول وقتهم لعب لعب !!
وهذي اخرتها الله يستر منهم ؟!!
خلف قاطعه بقهر : انا ما قهرني إلا عمار الحمار !!
ابتسم عزام بدون نفس وناظر ساره جالسه تناظرهم بهدوء : وانت وش دورك بالعرس ؟!
اسيل وهي كاتمه ضحكتها : توزع عصير
وحطت يدها على فمها تكتم ضحكتها وهي تتذكر شكل سلمان ماسك يد جوري وفرحان
وجوري عامله نفسها مستحيه
وفجأه النعال بنص وجهه
ساره ابتسمت بهدوء : ليان قالت لي اكون الطقاقه !!
خلف بغضب : قفلي حلقك وانقلعي للغرفه
احسن ما اكسرك مثل الحيوانات للي بالداخل !!
ناظرته باستغراب ما عملت شيء !
وبسرعه ركضت للغرفه لما صرخ عليها !!
ابو راكان بلوم لخلف : ليه تصرخ عليها كذا ؟!
ام عمار بقهر : ابو طبيع ما يجوز عن طبعه
وتركتهم وتوجهت للمطبخ !!
**
**
**
**
مرت الايام وحصلت ساره طراق من جودي وليان
والعيال لانها بنظرهم هي للي فسدت عنهم !!
لفت ساره الحجاب على رأسها من بعد ذيك السالفه
ممنوع وحده تطلع بدون حجاب وممنوع اللعب مع العيال !!
ام عمار ابتسمت لها : يا عيني وش هالقمر ؟!
ابتسمت ساره وهي تعدل الشاله : عمي عزام يقول لي قمر مخسوف !
وش قصده !!
ام عمار ابتسمت على كلامها: يلا جهزي نفسك
اخوك محمد على وصول
ابتسمت ساره بتوتر من لقاء اخوها !!
كيف رح يكون فض وعصبي مثل خلف ؟!
~~
~~
~~
خلف بالمطبخ تكلم بصراخ : الحين اهلي على وصول مو مجهزه الاكل للحين؟!،
ناظرته ام عمار وهي كاتمه غيضها ومن بين أسنانها تكلمت : خلف !
خلف بنفس خايسه :،بلا خلف بلا بطيخ !
تبغين تفشليني ؟!
أم عمار ردت بصراخ : وبعدين معك ؟!
كل شيء تتدخل فيه ؟!
ما تشوف الأكل جاهز ؟!
الحين أبغى أشوف وش الي مو جاهز ؟!
يلا تكلم أشوف !!!
ناظرها وبعدها ناظر الأكل ومط شفته ما في شيء ناقص بس يحب ينكد عليها :المويه ما اشوفها ؟!
ناظرته تبغى تأكله وتقطعه : المويه الحين نمد لهم خرطوم المويه يشربون منه
و أعطته نظرة سخرية !
مسك معصمها ويتمنى يفتته يكرها وبغضب: وش قصدك ؟!
تتمسخرين بأهلي ؟!
قاطعهم عمار بعجلة :،بابا عمي محمد وصل !!
خلف توجه لعمار يطلع حرته فيه : بزر بعدك تقول بابا ؟!
شده من إذنه : وقسم بالله إذا سمعتك تقول بابا إلا
قاطعته أم عمار بعصبية وبعدته عن عمار :،بعدين معك ؟!!
ما خليت حد من شرك !
طالعها بسخرية : خلي عنك يا طيبه!!
انتبهي لا يطق لك عرق
دخلت وهي تركض المطبخ بفرح : خالتي !
سكتت لما شافت خلف بالمطبخ !
ناظرها بازدراء وهي لابسه الشاله بعشوائيه على فستان : علامك سكتي يا ابنة الشايب !!
رجعت ساره خطوه للخلف بتردد لما شافته يكلمها
وقبل ما ترد تكلمت أم عمار بغضب وهي رافعه أصبعها بوجه خلف : اسمع مو تطلع حرتك بالعيال
لأنك صرفت كم فلس بالعزيمة ؟!،
خلف وهي صادقه مقهور من الفلوس للي صرفها
علشان العزيمه رد عليها يستفزها : وإنت ليه معصبه ؟!
كل هذا لأني ما عزمت ابو راكان وإخوانك ؟!!،
أم عمار بقهر تحسه ما يحترم اهلها ولا يقدرهم : لا تفكر اهلي ميتين على اللقمه عندك!!
أبوي بفلوسه
قاطعها بعصبية : مو عاجبك العيشه هنا روحي عند ابوك المليونير وإخوانك وماله داعي تنفشي ريشك بفلوس أبوك
أعطته ظهرها وهي ترتب بالأكل وبحسره : لو يطلع بيدي دقيقه ما جلستها هنا !!
كتف يدينه وناظرها بسخريه : ليه مو عاجبك عيشتنا ؟!
وش ناقصك ؟!
زفرت بضيق وناظرته : روح استقبل أخوك مو وقت هالكلام !
رمقها بكره وطلع من المطبخ بدون كلام !
ناظرت عمار وساره يناظرونها بصمت تابعت شغلها بدون تعليق
صحيح تسكن في بيت حلو بس ما يتقارن مع بيت أهلها وإخوانها !
عمرها ما فكرت بالماده والفلوس بس يقهرها
بتصرفاته !
خلف وإخوانه مثال للفشل كان معهم فلوس
بسبب طيشهم وكسلهم طيروا فلوسهم !
حتى ابو خلف نفس الشيء فاشل وما يحسن التصرف بالفلوس !
محمد بعد ما انتقل من هنا مسك فلوسه وتغير
وصار وضعه ممتاز !
مو مثل خلف ما تدري وين يروح بالفلوس !!
اما أخوهم نادر
ابتسمت بسخريه لذكراه
وقطعت أفكارها لما سمعت صوت خلف يناديها
عفست ملامحها بقهر وأخذت نفس وهي تدعي بداخلها ربنا يعطيها الصبر !!
**
**
**
**
ام محمد جلست بعد ما سلمت على أم عمار وحاسه بنار بقلبها وهي تشوف ساره
للي تذكرها بخيانه زوجها بنظرها !!
صدت للجهة الثانيه مو طايقه تشوف وجهها !
تقدمت ساره ومحمد ماسك يدها وجلسها جنبه
ومسح على راسها : أخبارك يا حلوه ؟!
ناظرته ساره وابتسمت بخجل : بخير !
أم محمد بغضب ناظرته : ما بقى غير تحطها بحظنك !
خلف وكل عقله بالفلوس للي دفعهم بالعزيمه مولع ما في احد جاي إلا امه ومحمد والأكل للي عمله ؟!!
ناظر محمد وسأله : وين زوجتك والعيال ؟!
محمد ابتسم ورجع يمسح على راس ساره : والله أم محمد معزومه عند أهلها والعيال راحوا معها
أم عمار براحه وبنفسها أحسن
وناظرت خلف وجهه منتفخ ابتسمت بشماته
متأكده الحين يحملونه على المستشفى تكلمت بشماته : ليه راحوا ؟!
والأكل للي طبخناه مين يأكله ؟!
وناظرت خلف بابتسامة : لو خبرتونا كان ما حسبنا حسابهم !
خلف ماسك نفسه ما يكسرها يكره نظراتها الشامته
محمد حك رأسه بإحراج : والله نسيت !
**
**
**
**
بعد الغداء ألقى خلف جسده على الكنبه مو قادر يتنفس
ام محمد ناظرته : الله يسامحك ما رحمت نفسك
أكلت وكأنك طالع من مجاعه !
خلف واصابته التخمه : خلهم يعملون شاهي بسرعه !!
محمد ناظره : ارحم نفسك وين تحط الشاهي؟؟
لو نفتح حلقك الا نشوف الاكل !!
وناظر جودي : قولي لأمك ما تعمل شيء الحين !!
جودي هزت رأسها وناظرت ساره : روحي قولي لأمي
قاطعها خلف بعصبيه : قومي انقلعي إنت
عمك قال جودي ما قال ساره !
فزت جودي بسرعه وطلعت من الصاله !
ام محمد بغضب: علامك هبيت بالبنت كذا ؟!
وش فيها لو راحت هالقرده !
اصغر القوم خادمهم !
طنشها خلف وغمض عيونه
تناظر اخوها محمد بابتسامه صحيح انه كبير بالعمر وأكبر من خلف بس جذبها له حنانه وتعامله معها !
وقع نظرها على زوجة أبوها وسرعان ما نزلت نظرها لما شافت نظراتها الحارقه لها !
ما تدري ليه تناظرها بهذا الشكل ؟!
خلف اعتدل بجلسته بعد ما حس انه ريح شوي من الأكل وناظر محمد : هذي أختك !
شفت المسخره ؟!!
أصغر من عيالنا !
محمد تنهد وما تكلم ينتظر خلف يكمل كلامه
متأكد بعد هالمقدمه في مصيبه !
خلف بهدوء: شوف يا محمد ترى من اول ما جبتها وهي ساكنه عندي وكأني انا للي خلفتها !!
محمد ببرود : الزبدة ؟
خلف ابتسم : الزبده انا حطيتها عندي والحين عطلة
وإنت تبغى تستقر هنا
يعني بالمختصر خذها عندك !!
محمد احتدت ملامحه : وش مضايقك بوجودها عندك ؟!
اذا على مصروفها انا اتكفل فيها وأعطيك زياده !
أم عمار دخلت على كلامه وبداخلها تغلي يبغى يرقي زوجته او يخاف يزعلها ردت بإعتراض : بس خلف مو أخوها لوحده !!
محمد كلمها بهدوء يقنعها : يا أم عمار البنت صغيره وأنا ما عندي بزران كل عيالي كبار !
ما لي خلق للبزران !
ام عمار بعناد :-مستحيل لو تعطينا فلوس العالم !!
أعطاها خلف نظره حارقه السالفه فيها فلوس ورجع يناظر محمد بجديه : كم رح تعطيني مصروف لها ؟!
قبل ما يتكلم محمد وقفت أم عماربعصبيه : خذها من هنا وأنا طالعه من هنا وخلي عيالك عندك
ناظرها بحقد دوم تخرب مخططاته
ام محمد تهدي الوضع : صلوا على النبي يا جماعه !
وناظرت خلف تقنعه هي ما تحب زوجة محمد وما تبغى تريحها وتعرفها ما تطيق أي دخيل على بيتها تكلمت بخبث : أم عمار صادقه مو مجبوره تقوم فيها
أنا أقول يوم عندك ويوم عند محمد وكذا انتهت المشكله !!
محمد ما عجبه اقتراح أمه : تبغون تشتتون البنت ؟!
خلاص البنت عندي مو عجزان عنها !
أم محمد ابتسمت بسخريه لمحمد : نشوف
خلف هم وانزاح عنه : تعمل خير !
**
**
**
**
وقفت عند الباب ورافعه خشومها بالسماء اتفقت مع محمد بعد الغداء تيجي لبيت خلف
بعد ما دخلت وسلمت على أم عمار بدون نفس
ما تطيقها جلست وحالها يقول يا ارض اشتدي ما عليك أحد قدي !!
أم محمد دخلت بالموضوع بسرعه تبغى تقهرها
: هذا محمد أخذ البنت عنده تعيش !
ناظرت ساره وبعدها ركزت نظرها على محمد للي كان وجهه ألوان !
محمد انقهر من أمه كان يبغى الموضوع يكون عن طريقه ويقنعها !
زوجه محمد رفعت حاجب : والله محمد مو ملزوم فيها لوحده !،
وإخوانها موجودين !!
ام محمد بخبث : تبغين تكسرين كلمة زوجك ؟!
زوجه محمد بمكر : اوكي ما عندي مشكله !
بس تدفعون لنا فلوس مصروف لها
قاطعها خلف بغضب : ادفع فلوس !!!!
وإلتفت على محمد : اسمع نرجع للحل الاول
يوم عندي ويوم عندك وغيره ما عندي !
ابتسمت زوجه محمد بانتصار لما شافت شكل خلف !
محمد بملل : خلاص اعملوا للي تبغون ما لي دخل !
وبعدها وقف : يلا يا أم خالد
وقفت ام خالد وهي تناظر ام عمار بابتسامه افتزازيه
شدت ام عمار قبضه يدها بقهر منها !
وقفت ام محمد : وانا استأذن ابغى ارتاح في بيتي .....
**
**
**
**
بعد العصر
طلعت تلعب بالحديقه بما انه الحين عطله وما عندها دراسه
تحس بالطفش ما في أحد تلعب معه
جودي وليان من بعد ذاك الموقف ما يلعبون
تحسهم كبروا !
ونسرين ما تلعب معها طول وقتها داخل البيت
ومع العيال ممنوع اللعب
ملل !!!
فكرت تروح لبيت أخوها محمد بس استحت
وكنسلت الفكره !!
ناظرت حولها وقررت تجلس تحت الشجره
أفضل شيء
جلست وهي تناظر حولها ببراءه تتمنى
لو جدتها عايشه وتسكن معها بهذا المكان
أحسن من الخرابه للي كانت تعيش
فيها !
زفرت بضيق أم عمار قالت لها باكر تروح عند أخوها محمد تنام !
رفعت نظرها وشافت سلمان واقف فوق رأسها
ابتسمت له : هلا
سلمان مط شفته مو عاجبه وجلس قريب منها :وش تعملين هنا ؟!
ساره وهي تعدل الشاله : طفشت قلت اطلع شوي برا !!
سلمان : رحتي عند خالي محمد ؟!
ساره تنهدت : لا
وطالعته وابتسمت : باكر رح انام عندهم !!
خالتي تقول يوم عند اخوي محمد ويوم عندهم !
سلمان رفع حاجب : ليه كذا كل يوم عند واحد ؟!،
ابتسمت له ببراءه : اليوم تشاجروا إخواني الشاطر يبغى أعيش عنده
آخر شيء اتفقوا كل يوم عند واحد !!
قطع كلامهم ضحكه بصوت عالي
رفعت نظرها للي واقف ومتكي على الشجره ابتسمت له : عمي عزام !!
ناظرها وهو يضحك بصوت عالي لابسه الشيله بشكل مضحك ولابسه فستان حفر لحد الركبه مدموج بألوان كثيره وتحته لابسه بلوزه لونها بني
وتحت الفستان بنطلون لونه نهدي !!
ما في تناسق
وزاد ضحكه بعد سالفتها انهم يتشاجروا مين يأخذها !!
صدق من قال انها خبله !
سلمان رفع حاجب: ضحكنا معك !!
دخل عزام بنوبة ضحك ثانيه مجرد ما يناظرها
ساره ابتسمت وهي تناظر سلمان : شكله اخوك مجنون !
للي يضحكون كذا يكونون مجانين !!
تركهم عزام وهو يضحك بقوه
دخل بيت جده جلس على الكنبه وضغط على بطنه
صار يوجعه من كثر الضحك !!
ناظروه بإستغراب ليه يضحك كذا !!
اشر لهم يتركوه بحاله وهو يحاول يهدي نفسه
وبعد جهد جهيد اعتدل بجلسته ومسح على وجهه
وهو يتعوذ من الشيطان
وبعدها بلوم ناظر عمته ام عمار : يا عمه ليه ما ترتبي لبس ساره ؟!
ام عمار : هالبنت غريبه ما تبغى الا فستان بأكمام وطويل !!
اقول لها بعدك صغيره تقول لا عيب !!
وبتساؤل ناظرت عزام : ليه وش لابسه ؟!
وقبل ما يرد أشر على ساره وهي داخله توزع ابتسامات ودخل بنوبة ضحك ثانيه
أم عمار كتمت ضحكتها :،ساره !!
ليه لابسه كذا ؟!
بسرعه روحي خلي جودي تلبسك بسرعه !
ساره بهدوء : خالتي جودي تعطيني ملابس قصيره !
ام عمار هزت راسها بقله حيله : عادي لو قصيره
بعدك صغيره !!
يلا بسرعه ارجعي بدلي الحين ازعل منك !!
هزت راسها بطاعه وتوجهت للبيت ...
ام عمار رفعت حاجب وبانتقاد : الحين هذا للي يضحك ؟!
ام عزام بتأييد : الظاهر عقله ضارب اليوم
وانا على بالي عنده سالفه وهو يضحك !!
ام راكان بدفاع :،علامك انت واياها عليه ؟!!
خله يضحك على كيفه !
حتى الضحكه ممنوع عندكم !
ام عمار : نفسي افهم ليه تفرقين العيال عن البنات ؟!
عزام بابتسامة:قل اعوذ برب الفلق ..
لا تصكيني عين وتطردني جدتي !!
ام راكان بحب : صدر البيت لك !
ام عزام باستغراب: وكيف وافقت ام خالد تعيش ساره عندها!
مطت ام عمار بقرف : لا تجيبين سيرتها يجيني مغص !!
ام راكان :، على وش شايفه نفسها ؟!
ام عمار بكره : لو شفتيها يا ارض اشتدي ما عليك حد قدي !!
ولابسه عبايه اخر مديل وكأنها بنت العشرين !!
لكن انا اراويها اذا ما جلست لها على الدقه !!
ابتسمت ام عزام على ملامح ام عمار !!
ام راكان بتشجيع : وقفيها عند حدها وإلي بطلع فيك بعين اطلعي عليه بعيونك الاثنتين !
عزام ابتسم : ايوه يا جده حرضيها !!
ام عزام : الله يصلح الحال !!
قاطعتهم ساره وهي تدخل بعجله : خالتي خالتي
!!
وقفت ام عمار وقلبها نقز : وش فيك ؟!
ركضت بسرعه واختبأت خلفها : عمار بيضربني !
دخل عمار معصب ويدور بعيونه عنها : وين راحت ؟!!
ام عزام : وش تبغى فيها ؟!
وليه تبغى تضربها ؟ !
عمار بقهر : حسبي الله عليها !
فضحتني بين ربعي بهذا اللبس وكأنها متسوله !!
واقترب من امه يبغى يمسكها بيدينه
وام عمار حاجز بينهم وبقوة مد يده وسحب شيلتها ورماها على الارض : اذا شفتك متحجبه ادفنك هنا !
سامعه !
مثل الغبيه !
جن جنونها وهي تشوف شيلتها على الارض وبسرعه مسكتها وهي تحطها على رأسها وتلف الشاله بنفس الطريقه
مسكها عمار من كتفها : وش مطلعك للشارع ؟!
ساره وتحاول تفلت نفسها : جودي قالت لي اروح للبقاله اشتري لها
وقبل ما تكمل كانت يد أقوى سحبتها من عمار
واستقر كف يده على خدها : كم مره قلت لك لا تدخلين البقاله ؟!
هزها بقوه وهي مثل الريشه بيده :كم مره نبهتك ؟!
ليه ما تسمعين الكلام ؟!
أم عزام عصبت من عزام وسحبت ساره منه : لا تضربها !
ام عمار علامات الزعل بانت بوجهها : عزام ما اسمح لك تمد يدك عليها تفهم !!
ام راكان دائما بصف العيال : خليه يربيها دام اخوانها راميينها ؟!
وشهوله تدخل البقاله ؟!
ما تستحي على وجهها؟!
ام عزام بحنق : اخوانها موجودين هم يحاسبوها !!
وبعدها صغيره
ام عمار بتأييد : ايه اخوانها موجودين
ناظرهن عزام وهو مكتف يدينه : صدق إخوانها موجودين ؟!
وانا على بالي ما عندها إخوان ؟!
وبعصبيه : اي أخو للي يرسل اخته للبقاله تشتري دخان ؟!
اي اخوان تتكلمون عنهم ؟!
وناظر ساره بتهديد : وقسم بالله لو اشوف رجلك
عتبت باب البقالة الا احش رجولك !
وبصرخه «سامعه»
هزت رأسها بخوف منه وهمست بصوت يرتجف : ان شاء الله
ورجع جلس مكانه وناظرها بحده: انقلعي إلبسي مثل العالم و الناس !!
هزت رأسها
وطلعت تركض بسرعه من البيت
لما حست إنها بعدت عن بيت ابو راكان وقفت وهي تلهث
وبدأت تمسح دموعها
ليه الشاطر يضربها ؟!
عزام يضربها اذا دخلت البقاله !!
وعيال خلف يضربوها اذا رفضت تروح البقاله !!
على مين ترد ؟؟؟؟؟؟؟؟؟؟؟
**
**
**
**
عائشه بطفش ناظرت ابوها : بابا من لما بدأت العطله وحنا بالبيت !!
ملل وطفش وووو
قاطعها وهو مندمج بالجوال : روحي إلعبي مع أخواتك !!
تأففت وناظرت أمها:، أقول له اخواتي مملات وما أحب ألعب معهن !
يقول لي روحي إلعبي معهن،!
الظاهر عقل زوجك ضارب
وسكتت لما ضرب الريموت برأسها وتكلم بعصبيه : صدق إنك قليلة أدب وما تنعطي وجه !!
تراك زودتيها بالكلام !!
تتكلمين معي وكأني بزر عندك !
انقلعي اشوف على غرفتك !
ام سعود وهي حاضنه عائشه أعطته نظره لوم
وبترقيع : علامك عصبت البنت تمزح معك !!
ابو سعود بعصبيه : ما ابغى تمزح معي
وخلها تنقلع على غرفتها اشوف !!
ام سعود حركت عائشه : خلاص ماما روحي على غرفتك !
عائشه وهي تبكي : إن شاء الله أموت
علشان ترتاح مني وتبقى جالس على الزفت !
رد وهو يطالع بالجوال ويسترق النظرات بطرف عينه : إنت تسهلي وما عليك !
أم سعود قلبها نقزها وبعصبيه : وش هالكلام ؟!
وحضنت عائشه بقوه : بعد عمر طويل يا ماما !
عائشه مستمره بالبكاء
ناظرها وقلبه تقطع عليها ما يتصور يفقدها
وبسرعه وقف وحضنها بقوه بعد ما رفعها بالهواء : حبيبة أبوها زعلانه !
بعد عمر طويل يا بابا !
عائشه وهي تمسح دموعها : بعدمي زعلانه !
ابو سعود ابتسم : وش يرضيك ؟!
عائشه ناظرته : ابغى اطلع للملاهي !
عفس ابو سعود ملامحه ونزلها من حضنه : اسمع خذيها على بلاطه !
زعلانه طقي رأسك بأقرب جدار
متر واحد مو طالع من البيت ما صدقت تيجي العطله علشان أبقى متمدد على الكنبه !
انقهرت عائشه منه : لأنك كسوووووول
وبسرعه ركضت طالعه لما شافت نظرات أبوها
**
**
**
**
طلعت من عند جودي بعد ما لبست
وقفها صوته الغاضب : ساره !!!
إلتفتت له وردت بارتباك : نعم !
اقترب منها وأشر عليها : وش هاللبس ؟!
مو قلت لك تتحجبين ؟!
ردت ببراءه وهي تؤشر على الشال : لابسه حجاب !!
تكلم بغضب : اي حجاب وسيقانك طالعه ويدينك ؟!
قاطعه صوت من خلفه : اتركها بعدها صغيره
واقترب منها وسحب الشاله : ما لها داعي !!!
طلعت من عند جودي بعد ما لبست
وقفها صوته الغاضب : ساره !!!
إلتفتت له وردت بارتباك : نعم !
اقترب منها وأشر عليها : وش هاللبس ؟!
مو قلت لك تتحجبين ؟!
ردت ببراءه وهي تؤشر على الشال : لابسه حجاب !!
تكلم بغضب : اي حجاب وسيقانك طالعه ويدينك ؟!
قاطعه صوت من خلفه : اتركها بعدها صغيره
واقترب منها وسحب الشاله : ما لها داعي !!!
خلف بعصبيه : انا قلت لها تتحجب !
محمد ببرود اعصاب : وانا اقول ما تتحجب !
بعدها صغيره على الحجاب !!
خلف بعصبيه : لا تخرب البنت بأفكارك !
وناظر ساره بحده : انقلعي إلبسي طويل !
هزت رأسها بخوف وهمت بالمغادره بس
يد محمد وقفتها : لا تردين عليه السنه الجايه ان شاء الله تتحجبين !
خلف بغضب : تكسر كلمتي يا محمد !
محمد ابتسم بمكر :،اكيد لا
خلاص دامك تبغاها تتحجب خذها للسوق واشتري لها لبس طويل
كذا ما ينفع حجاب وسيقانها طالعه !
احمر وجه خلف ضغط محمد على الوتر الحساس (الفلوس) وبقهر : عمرها ان شاء الله ما لبست
وتركهم وطلع !
ابتسم محمد وناظرها : وين رايحه الحين ؟!
ساره ابتسمت باحراج : لبيت عمي ابو راكان
خالتي ام عمار هناك
هز رأسه بتفهم : خلاص روحي الحين
نطقت بهمس مع ابتسامه جميله : شكرا
وركضت بإتجاه بيت ابو راكان
ناظرت خلفها ما شافت محمد وبسرعه لبست الشال ولفته على رأسها
تحب الحجاب واستحت تقول لمحمد إنها تبغى الحجاب !!
...
**
**
**
**
كملت فطورها وناظرت ام عمار توجه الكلام لها : جهزي نفسك وروحي عند أخوك محمد !
هزت رأسها بإحراج ما تبغى تروح بس نفس الوقت ما تحب تجادل احد
جودي بإعتراض : طيب وش فيها لو عاشت عندنا ؟!
ليان بتأييد : ايه خليها عندنا !
عمار بنغزه وهو رافع حاجب : ايه تبغون طرطوره لكم
ساره تعالي وساره روحي !
ساره ناظرت جودي وليان وبتبرير : لا هم يحبوني !
قاطعت ام عمار كلامهم : لو عندي ما طلعت من البيت
بس جكر ببعض ناس !
جودي باستغراب : وش قصدك ؟!
عمار ابتسم لساره : يلا روحي لبيت عمي محمد
رح تنبسطين هناك لأنه عندهم شغاله !
ساره ابتسمت ببراءه : انا أحب الشغل !
جودي عفست ملامحها : أقسم بالله إنك متخلفه !
احد يحب الشغل ؟!
ليان بحالميه : آه يا ليت أبقى جالسه بكيفي
ما أحد يقول لي قومي
والخدم حولي ..
ضربها عمار كف على رقبتها : اصحي يا حلوه تراك ابنة خلف !!!
ليان بعصبيه : كسر يكسر يدك !
ام عمار بصرخه : خلاص
وبعدين معكم ؟!
ليان شوي وتبكي : شوفيه كيف ضربني !!
ام عمار وهي تغمض عيونها : يا رب تعطيني الصبر !
ساره ببراءه،: في بالسوق صبر اشتري منه !!
انفجر عمار واخواته من الضحك عليها
ابتسمت ام عمار على كلامها وبحسره : يا ليت الناس بريئه مثلك !!
جودي بتأييد : صحيح ماما ساره طيبة وهبله وعلى نياتها !!
عمار : مو مثلك خبيثه ولئيمة !
أم عمار بضجر : الحين نرجع نتشاجر من تول وجديد !
عمار اطلع من البيت وجودي وليان على شغلكم
وانت يا ساره روحي مثل ما قلت لك !
هزت رأسها وطلعت من البيت بضيق
ناظرت بيت ابو راكان وعياله تمنت
لو تروح تعيش عند بيت ابو عزام احسن من عند إخوانها
بس مو بيدها تعترض
توجهت لبيت محمد بخطوات هاديه وقلبها يدق طبول
وقفت عند باب البيت وطرقت عليه بهدوء
فتح لها الباب وناظرها بإستغراب : نعم !
ساره ناظرته بإحراج وصارت مثل الطماطم : انا ساره !
عفس ملامحه : مين ساره !
ساره ما تدري كيف تعرف بنفسها وبتوتر : تعرف خلف ؟!
انا أخته !
رجع عفس ملامحه : مين خلف ؟!
إنت شكلك مخربطه بالبيت ؟!
بيت مين تبغين ؟!
ساره وقلبها يدق بخوف معقول خربطت بالبيت
ردت بصوت مرتجف : بيت محمد !
هز راسه : هذا بيت ابو مهند
شفت مخربطه بالبيت !
ساره تفشلت : آسفه
ولفت تبغى ترجع وهي تناظر حولها
متأكده انه بيت اخوها محمد !
وقفت لما سمعت صوته وهو يضحك ويناديها : تعالي تعالي
رفعت حاجب باستغراب : انا ابغى بيت محمد
مو بيت ابو خالد !
اقترب منها ومسك يدها : يا الخبله اخوك ابو خالد !
ادخلي اشوف !
وسحبها للداخل وهو يبتسم
دخلها الصاله رفعت ام خالد حاجب :،صارت مرسليتها !!
مهند : شوف يا خالد هذي عمتك ههههههه
ناظره خالد باستصغار : وش للي يضحكك ؟!
مهند بكلام متقطع : تخيل جدي لو عايش
يمشي جنبها وهذي ابنته
شكلهم يضحك !
ام خالد بجمود: لا تهبل بالبنت اتركها بحالها !
ساره تناظرهم وجهها احمر وبأدب تكلمت : أنا ساره !
مهند بمزح : قرأنا بالجريده اسمك !!
أم خالد أعطته نظره : وبعدين معك ؟!
وناظرت ساره : لا تردين عليه
اجلسي هنا !!
مهند يقلد ساره بطريقه مضحكه : انا مهند
وهذا اخوي خالد متزوج وعنده بنت
وهذي أمي
وعندي أخوات متزوجات بعدين تتعرفين ع
قاطعه خالد بضجر : وبعدين معك ما تعرف تسكت ؟!
مهند وقف : يا أخي روق الواحد يصبح يضحك
وانت ماد البوز!!
طنشه خالد ورجع يطقطق على الجوال
وام خالد توجهت للمطبخ ...
ناظرت ساره مهند وهو طالع وبعدها إلتفتت على
خالد تتأمل شكله
دخلت ام رغد وابتسمت : شكل عمتك معجبه فيك !
خالد ناظر ساره تتأمل فيه ابتسم : حلو صح ؟!
انحرجت ساره ونزلت رأسها
ام رغد جلست جنب خالد وابتسمت : الحين تقول لها عمه ؟!
خالد ابتسم بسخريه : تخيلي شكلي اناديها
(عمتي )
ام رغد بنظره تقييم : شكلها مسكينه وهاديه !!
خالد حك ذقنه : الظاهر كذا !
بس جدتي ما اتوقع تتقبلها !
مع انها ما لها ذنب ؟!
وابوي حاول يقنعها ويفهمها انه البنت ما لها دخل
بس راكبه رأسها !!
ام رغد : الله يهديها
وناظرت ساره : بأي صف يا ساره ؟!
ساره وقلبها يدق طبول : بالصف الثاني شعبه ب
ام رغد : يا حليلها صغيره !!
دخلت ام خالد الصاله : تعالي يا ساره ادلك على غرفتك !
هزت راسها بطاعه : ان شاء الله
**
**
**
**
ام عزام تحاول تقنعها : يا يمه مو ذي الدرجه !!
ام محمد بعناد : ممنوع تدخل بيتي
سلمان : طيب لما اخوالي يسهرون عندك وين تروح ؟!.
ام محمد بكره : خلها تنطق مكانها !
خلود : والله يا جدتي انها هالبنت حبوبه وعلى نياتها !
وما لها ذنب بجدي !
أشوفها تيجي تجلس بس تبغى رضى من حولها !
أم محمد بحقد : اسكتي وش عرفك هذي تتمسكن حتى تتمكن وباكر تشوفين كيف رح تطلع انيابها !
عبد الرحمن باستخفاف بجدته : جده تراك تبالغين
تراها هالساره خبله عبيطه ما تدري عن هالدنيا !
ام محمد عصبت : الصغار ينكتمون لما الكبار يتكلمون !
صدق قليل أدب ..
ابتسم عبد الرحمن على ملامح جدته المعصبه
ام محمد لما شافت عزام يدخل ،: تعال شوف اخوك هذا ما يحشمني ولا يحترمني
وأمك جالسه ما قالت له شيء !!
عزام بابتسامة سلم عليها: جدتي عندنا نور البيت
يا هلا
أم محمد : اجلس جنبي وأعطيني أخبارك ودراستك ؟!
عزام بابتسامة : الحمد لله بخير
أم محمد خزته بعيونها : مو ناوي تخطب وتفرح أمك المسكينه ؟!!
عزام : مو الحين لما اتخرج من البكالوريوس يصير خير
أم عزام بملل من ولدها : خليه على راحته
خلينا نشوف وين رح يلاقي المواصفات الخياليه للي حاطها !!
يا خوفي تقع على رأسك
عزام بثقه : لا تخافي يمه بتشوفين اختياري
وغمز لها
خوله رفعت حاجب بعدم اقتناع : نشوف !!
**
**
**
**
**
واقفه تناظر ام خالد بابتسامه : صباح الخير
أم خالد ناظرتها : هلا صباح النور
وبعجله كملت كلامها : اذا تبغين فطور روحي خلي الشغاله تحطلك
ساره بانحراج هزت راسها بالرفض ما تبغى
ام محمد وهي تعدل شيلتها : خلاص روحي
لبيت خلف
أنا طالعه عندي موعد بالمستشفى
وما في احد بالبيت !
هزت رأسها بطاعه وتوجهت لبيت خلف
طرقت الباب ودخلت والهدوء يعم المكان
ناظرت الصاله لما سمعت اسمها : ساره !!
ساره ابتسمت : صباح الخير خالتي !
أم عمار عقدت حواجبها : علامك جاية الحين الساعه سبعه الصبح ؟!!
ساره بهدوء : خالتي قالت لي
قاطعتها ام عمار وهي مفوله من العصبيه من ام خالد : مو على كيفها تمشي هالعالم !
وتقدمت من ساره وسحبتها بعد ما لبست العبايه : تعالي معي
طلعت برا البيت وشافت ام خالد جالسه بالحديقه
وتشرب قهوه ولا عبالها
توجهت لها وبعصبيه : مو على كيفك ترسلينها الحين عندي !
ارسلتها لك البارحه بعد الظهر
ترجع بعد الظهر فاهمه !
حطت كوب القهوه وبغضب : بأحلامك
نامت عندي البارحه وبدأنا بيوم جديد ! !
يعني الحين عندك
وحركت حواجبها تستفزها
أم عمار اعصابها فالته ما تطيق ام خالد والعضب تملكها : والله والله والله ما تدخل بيتي الا بعد الساعه 2 بعد الظهر وغير كذا ما عندي
وتركتهم وراحت وهي تبربر
واقفه تناظر ام عمار راجعه لبيتها
نزلت رأسها بإنكسار وين تروح ؟!
إلتفتت لما حست بخطوات خلفها شافت ام خالد
وهي متوجه لبيتها وتردح بصوت عالي : والله ما تمشي كلمتها علي
ونشوف مين للي تمشي كلمته
ودخلت وقفلت الباب بقوه !
اخذت نفس وهي تحس بالغصه ما تبغى تبكي
وين تروح الحين ؟!
انتقل نظرها بين بيت خلف وبيت محمد
لثواني !!
نزلت نظرها بحزن وقررت تجلس تحت الشجره
هذي الشجره تحب تجلس تحتها
جلست وتكورت على نفسها وسمحت لدموعها بالنزول .....
وين جدتها ليه تركتها وراحت !!
تتمنى ابوها الشايب عايش !!
مسحت دموعها تحس نفسها ما تستحق البكاء
او الشكوى او الدلع كل هذا بنظرها لا تستحقه
تحس نفسها ناقصه عن جيلها ....
لو كان عندها ام واب كان بكت عندهم او تدلعت او شكت لهم ...
بما انها فقدتهم بنظرها عند مين تبكي ؟!.
عند مين تتدلع ؟!
اخذت نفس ورجعت تكورت على نفسها
قاطع عالمها يد هزتها : وش تعملين هنا ؟!
رفعت رأسها وابتسمت اول ما شافته : عمي عزام صباح الخير
رجع سألها : وش تعملين ؟!
ابتسمت بهدوء،: شبعت نوم وجيت اجلس هنا !!
نهض نفسه وهمس : متخلفه
حد يترك الفرشه وييجي يجلس تحت الشجره
ابتسمت وما ردت
قبل ما يمشي : ادخلي داخل الجو الحين يصير حار
هزت رأسها بطاعه وبعد ما تركها رجعت اسندت رأسها على الشجره
وين تدخل وكل وحده قفلت الباب ؟!!
ابتسمت بألم وداخلها شعور بالذنب هي السبب بالشجار للي صار !!
**
**
**
**
**
جالسه تفطر مع أخواتها ومرتبكه
بلعت ريقها بخوف لما سمعت ابوها ينادي عليها
ومعصب !!
نهى ناظرتها : بابا ينادي عليك ما تسمعين !!
عائشه بتوتر : سامعه
اسماء بنهر : وليه ما تردين ؟!
عائشه : ما ابغى أرد
دخل معصب : إنت هنا ؟!
عائشه بالرغم من توترها ردت : لا هناك
هذا خيالي جالس يفطر !
ضرب الطاوله بقوه واهتزت الصحون من قوه الضربه : لا تستهبلين علي!
عائشه بتوتر : تراني مو من طلابك تعاملني كذا،!
ابو سعود خزها بعيونه : إنت لمتى تبغين تفضحيني بين هالجيران ؟!
متى تعقلين ؟!
عائشة بخوف : انا عاقله
ابو سعود بتحقيق،: ليه طاقه ولد الجيران حجر
والحين رأسه مفلوع
ام سعود دخلت وبعصبيه : مجنونه كيف تضربينه بحجر !!!
نهى بخبث : الحين رح يتصلون بالشرطه ويأخذونك
عائشه فزت برعب : ليه يشتمني ؟!
ابو سعود بنهر : حتى لو شتمك تضربيه بالحجر،؟!!
اسماء بلقافه : وش قال لك ؟!
عائشه مدت بوزها : يقول لأصحابه شوفوا هالصاروخ !!
ابو سعود هز رأسه بتوعد : وقسم بالله لامسح فيه الارض هالوقح
وطلع من البيت
ام سعود قلبها نغزها قلبها وخافت على عائشه : اسمعي من يوم رايح ممنوع تتطلعين للشارع لوحدك
حتى الزباله انا بطلعها
ابتسمت عائشه بفرح ارتاحت من الزباله : لو ادري من زمان كان قلت له يقول لي صاروخ او طياره
ضربتها ام سعود على رأسها : غبيه
**
**
**
باستغراب لما شافها نفس المكان اقترب منها وهي مستلقيه تحت الشجره
وتغط بنوم عميق
هزها على الخفيف : ساره ساره
فتحت عيونها بصعوبه وهي عافسه ملامحها
عزام باستغراب : مو قلت ادخلي داخل،؟!
ساره حكت رأسها : كم الساعه ؟!
عزام ناظر ساعته : 12
رجعت اعتدلت بجلستها بهدوء
نهرها عزام بعصبية : وبعدين معك إما دايره عند البقاله
او جالسه هنا ؟!
ادخلي داخل ما تحسين الجو حار ؟!
صدق من قال انها ما تحس !
وبصرخه :فزي على حيلك وادخلي !
هزت رأسها بطاعه وقلبها يدق من صرخته
تقدمت خطوه ورجعت ناظرته بحيره والغصه بحلقها : وين أروح ؟!
عزام خلاص قفلت معه من الغباء للي فيها : انقلعي لبيت خالي خلف او محمد !!
زمت شفايفها بحزن : بس قالوا الصبح لي للساعه 2حتى يفتحوا الباب
وحكت راسها بقلة حيله !!
عقد حواجبه : نعم ما فهمت ؟!
بسرعه روحي لبيت خالي بسرعه بلا خرابيط!
هزت رأسها بهدوء
مط شفته بسخريه : مثل الغبيه بس تهز رأسها !!
تقدمت خطوه ناظرت بيت خلف ومحمد وبحيره على مين تروح ؟!!!
***
***
***
**
**
قبل ما يدخل جذبه صوت الصراخ برا
استغرب وهو يسمع صوت عمته أم عمار
وبسرعه توجه لمكان الصوت
ام عمار بردح : والله ما تدخل الا بعد 2
مو انت للي تمشين كلمتك علي !
ام خالد وهي رافعه اصبعها :كلمتي تمشي عليك بالغصب مو بكيفك
قاطعها عزام : تعوذون من الشيطان !
ام خالد اشرت على ام عمار : هذا الشيطان بكبره
تدخلت ام عزام وهي تلهث من العجله بعد ما وصلها صوتهم : وش فيكن ؟!
ام خالد : شوفي اخت زوجك ما ادري عنها حاقده علي !
ام عمار بقرف : مسكينه يا حرام !!!
اسمعي خذيها على بلاطها انا حلفت
والحين اعيد الحلف والله ما تدخل البيت الا بعد الساعه 2
ام خالد بلا مبالاه : عمرك ما دخلتيها انا وش دخلني
بالاول وبالأخير تبقى ابنة عمك
وبسخريه أخت زوجك !
ام عزام فهمت الموضوع : طيب وين المشكله ؟!
ام عمار تخصرت : حضرتها مرسليتها من الساعه 7 الصبح !
انا ارسلتها البارحه بعد الظهر
المفروض ترسلها بعد الظهر
ام عزام ناظرت ساره .......
##
##
قبل ما يدخل جذبه صوت الصراخ برا
استغرب وهو يسمع صوت عمته أم عمار
وبسرعه توجه لمكان الصوت
ام عمار بردح : والله ما تدخل الا بعد 2
مو انت للي تمشين كلمتك علي !
ام خالد وهي رافعه اصبعها :كلمتي تمشي عليك بالغصب مو بكيفك
قاطعها عزام : تعوذن من الشيطان !
ام خالد اشرت على ام عمار : هذا الشيطان بكبره
تدخلت ام عزام وهي تلهث من العجله بعد ما وصلها صوتهم : وش فيكن ؟!
ام خالد : شوفي اخت زوجك ما ادري عنها حاقده علي !
ام عمار بقرف : مسكينه يا حرام !!!
اسمعي خذيها على بلاطها انا حلفت
والحين اعيد الحلف والله ما تدخل البيت الا بعد الساعه 2
ام خالد بلا مبالاه : عمرك ما دخلتيها انا وش دخلني
بالاول وبالأخير تبقى ابنة عمك
وبسخريه أخت زوجك !
ام عزام فهمت الموضوع : طيب وين المشكله ؟!
ام عمار تخصرت : حضرتها مرسليتها من الساعه 7 الصبح !
انا ارسلتها البارحه بعد الظهر
المفروض ترسلها بعد الظهر
ام عزام ناظرت ساره وعقدت حواجبها :،ساره انزلي عن الشجره !
ساره هزت كتوفها ورسمت احلى ابتسامه بريئه تخفي خلفها أحزانها : عادي خالتي ما رح اوقع
عزام بحده ناظرها : انزلي عن الشجره احسن ما احش رجولك !
ام عمار : ساره انزلي
قاطعتها ام خالد بسخريه : حنونه ما شاء الله
ومن الصبح طارديتها !
ام عمار بتبرير : انا ما طردتها !
لا تكذبين على لساني انا تركتها عندك !
ساره جالسه على جذع الشجره وتناظر ام عمار
مطت شفتها بألم طفولي
قاطع نظراتها صراخ عزام : انزلي
تمسكت بقوه بالجذع لاخر لحظه من سقوطها
بسبب صرخته
من خلفهم بسخريه : انتبه لا يطق لك عرق !
عزام مط شفته بعد ما إلتفت له : سخيف
ضحك مهند ضحكه قصيره وهو متوجه نحو الشجره : اووووه عمتي سويره هنا !!!
وبضحكه على شكل ساره :ومحجبه بعد !!
رفع يدينه وهو مبتسم : تعالي يا عمتي أنزلك
أخاف تسقطين ومن وين نجيب عمه صغيرونه
مثلك ؟!
جدي الله يرحمه مات ما في غيرك !
ابتسمت له بطفولها حملها بيدينه وقبل ما ينزلها
باسها بخدها : يا ناس ما احلاها
استحت ساره ونزلت رأسها بالأرض بعد ما نزلها
عزام بقرف : يا حبك للمبالغه
وين الحلى للي فيها ما ادري
عباره عن شكل متسوله
مهند جلس على مستواها : قول انك تغار منها!
وحك ذقنه بتفكير : بس يا عمتي الحلوه مو كذا اللبس ؟
احد يلبس بنطلون بيجاما تحت فستان ؟!
وبتذكر ناظر من حوله بابتسامة : صحيح نسيت اسال !
وش سبب هالتجمع !
اكيد في مصيبه !
ام خالد بفوقيه : اترك عنك السوالف وتعال البيت
وقفتها ام عمار بأمر : خذيها معك وبعد 2 بترسليها !
ام عزام زفرت بضيق مو عاجبها تصرف حريم إخوانها
مهند باستغراب : وش السالفه ؟!
خبرته ام عزام السالفه وهي مغبونه
عزام تربع على الارض بسخريه : نشوف اخر هالمهزله !!
وقف مهند وابتسم : لا تتربع ولا على بالك
انتهت المسخره
وحمل ساره بين احضانه : اشوفكم بعد الساعه 2
ام عمار بخوف : وين رح تأخذها ؟!
مهند وهو ماسك ضحكته: اوقف عند المسجد اشحد عليها تنفع
وضحك بصوت عالي !
ام عزام بعصبية : وش هالكلام يا مهند ؟!
انت ما تستحي على وجهك !
عزام ابتسم : والله يمه صادق
ام خالد بحده : مهند وش هالكلام ؟!
ام عمار بسخريه خزتها بعيونه : انتبهي لا يطق لك عرق !
ام خالد بكره : ما يخصك قفلي حلقك احسن لك !!
هزت ام عزام راسها بفقدان امل مستحيل تختفي هالعداوه بينهن !!
مهند ابتسم : انا رايح للبقاله أشتري لعمتي
الحلوه
وناظر ساره وغمز لها :،صح ؟!
هزت رأسها بخجل
قاطعهم هادم اللذات : انت ما تستحي على وجهك تأخذها للبقاله ؟!
ناظره مهند باستصغار : والله كيفي عمتي آخذها
وين ما بغيت !!
لا تتدخل !
عزام طنش كلامه وناظر ساره بتوعد : انزلي بسرعه !
بلعت ريقها وناظرت مهند ما تدري وش تعمل ؟!
تحرك مهند متوجه للبقاله ومطنش عزام
ولا كأنه موجود !!
ام عزام بقهر : بالله لا تحطون هاليتيمه اداه لانتقامكن من بعض !
عزام انقهر من مهند وقف على حيله وناظر حريم اخواله وبحده : تراها بنت تاركينها برا
لو طلعت هجت ما احد يدري عنها
وكل وحده مقفله بابها من الصبح !،
وين صارت هذي ؟!
ام عمار حركت شفتها ترد
قاطعها عزام : يا عمتي تصرفك ما يصير
خلاص ارسلتها الصبح وش صار بالدنيا ؟!
حاملتها على ظهرك ؟!
ام عمار حاسه بغلطها لانه ساره ما لها دخل بتصفيه الحسابات
تابع عزام يحل المشكله : خلاص اتفقوا على الساعه 10 وفكونا من هالسالفه !
وزفر بضيق وش هالعيشه كل يوم في بيت !
المفروض تعيش عند جدته ام محمد !
لازم يحاول معها ويقنعها حتى ما تزيد المشاكل
لانه يعرف عمته مع ام خالد عباره عن نار وقاز
ما يجتمعون !!
**
**
**
**
**
في اليوم الثاني
في بيت ابو راكان جالسه تلاعب تالا
ومبسوطه معها
ام راكان تناظرها : الحين يفقدونك روحي للبيت !
ساره بدون ما تطالعها منشغله باللعب:،ما في احد يفقدني
خالتي ام خالد عند اهلها !،
ابو راكان بهدوء يناظرها وهي تلعب وتضحك ومبسوطه : اتركيها يا ام راكان !!
ام راكان قبل ما ترد كحت بقوه
بسرعه فزت ساره وتركت اللعب وتوجهت للمويه
واعطتها لام راكان
اخذته ام راكان وشربته بعد ما سمت
ساره ناظرتها بإهتمام : حلقك يوجعك يا جدتي !!
حطت ام راكان الكأس جنبها وردت وهي تعدل صوتها : صرت جدتها !!
ابتسم ابو راكان وما علق !
تابعت ساره بحرص : لا تأكلين مثلجات !
اخوي خلف يقول لا تأكلون علشان ما تمرضون
وابتلش بالمستشفى !
ابو راكان بضيق من سيره خلف : الله يهديه !
ام راكان بهدوء : روحي كملي لعب
ابتسمت وهزت رأسها: ان شاء الله
رجعت تلعب باندماج مع تالا
رفعت رأسها لما سمعت صوته دخل :،سلمان
طنشها وجلس عند جدته : جده طلبتك قولي تم !
ابتسمت الجده متأكده السالفه فيها عزام : تم
سلمان بقهر من اخوه : في مباراه لنا اليوم
وحضرته رافض !!
وكل العيال رايحين الا أنا !
ام راكان حطت يدها على كتفه : خلاص اعتبره الموضوع تم !
ابتسم سلمان بفرح وحماس للمباراه : الله يطول بعمرك
ابو راكان خزه بعيونه : وش مهبب حتى يعاقبك !
سلمان يبرر : والله ما عملت شيء
بس يبغى مني أدرس منهج السنة الجايه !
يا رب هذي عطله لازم يغثنا بالدراسه !
الناس تعطل وترتاح من قرف الدراسه !،
ابو راكان عنده التعليم درجه اولى : وليه ما تحضر من الحين للفصل الجاي ؟!
قطب سلمان ملامحه بقهر وتكتف : بس يا جدي كل العيال...
ابو راكان يكمل كلامه بحزم : لا تقارن نفسك بالعيال
حنا عيالنا غير اهم اولوياتك الدراسه
ولا تناظر عمار الفاشل واشكالهم !
شوف الفرق بين عيالي وعيال اخوي ابو محمد الله يرحمه !!
ولا واحد منهم فلح بالدراسه الا محمد دبلوم !!
ومط شفته بتكبر
ام راكان بتأييد:،صادق جدك نبغاك تصير مثل ابوك واعمامك يرفعون الرأس
سلمان هز رأسه : ان شاء الله
ام راكان : خلاص روح للمباراه وانا اكلم عزام
نط سلمان بفرح من مكانه قبل ما تكمل ام راكان كلامها
وطلع مستعجل ...
تأملها وهي متربعه وتناظر زول سلمان وتبتسم
بهدوء
ناظر زوجته بنظره غموض : وش تتوقعين مستقبل هالطفله ؟!!
ام راكان بشفقه : دام خلف اخوها ما اتوقع لها مستقبل !!
ابو راكان وعيونه تتأملها : ما احسها تشبه اخوي
ام راكان ومسلطه نظرها على ساره : يمكن تشبه اهل امها !!
حركت رأسها وشافتهم يتآملون فيها
استحت وابتسمت : تبغين شيء يا جدتي !!
ابو راكان ابتسم لها : لا ما تبغى شيء
كملي لعبك !
رجعت تكمل لعبها مع تالا والابتسامة مرسومه على وجهها !!
**
**
**
**
عزام بقهر : انا اراويه حط جدتي واسطه له
ام عزام : اترك الولد رح تطفشه من الدراسه
كل العيال يلعبون
عزام ما عجبه كلامها : تراك تخربينه بترقيعك !!
ام عزام : اتركنا منه وقول لي وش رأيك بالموضوع ؟!
عزام رفع حاجب بتفكير : انا أفكر بعد التخرج
قاطعته :،بس مجرد خطوبه وبعد التخرج يصير خير
ابغى اشوفك عريس !
ابتسم على لهفة امه : طيب وش مواصفات العروس؟؟
ام عزام بفرح انه اعطاها مجال : العروس انا شفتها ما شاء الله عليها
تقول للقمر انزل واقعد مكانك !
قاطعها بملل : ما نبغى لا تقعد ولا تنام كملي !
ام عزام : اففف منك
المهم سنه اولى ومن الأوائل على دفعتها !!
عزام بتفكير : وش تخصصها ؟!
ام عزام متحمسه : فنون جميله
قاطعها بفجعه : نعم ؟!
تحطمت آمالها بعد رد فعله
تابع عزام كلامه : من جدك تبغيني اتزوج وحده هذا تخصصها ؟!
والله مهزله !!
ام عزام لوت بوزها : بس البنت حلوه كثير !
وقف عزام متنرفز : اخطبيها لأبوي دامها عاجبيتك
وقفت ام عزام بغضب : صدق انك قليل
أدب
أروح أتصل بأسيل احسن من الجلسه معك !
**
**
**
**
صلى المغرب وقرر يروح لبيت جده
دخل وسلم على جدته : اخبارك يمه !
ام راكان وهي ماسكه السبحه : الحمد لله بخير !
سأل باستغراب : وين جدي ؟!
ردت بهدوء : يبغى يروح لابو مفلح
هز رأسه وعقد حواجبه لما شافها متوجه لهم
وحامله صينيه الشاي : هذي وش تعمل هنا ؟!
ام راكان تناظرها بخوف : انتبهي الشاي
لا ينكب عليك
ساره بابتسامة : لا تخافي يا جده
حطتها بسلام وتربعت على الأرض وابتسمت وهي تناظر عزام : كيف حالك يا عمي ؟!
عزام خزها بعيونه : اشوفك مبلطه هنا ؟!
ام راكان : من الظهر وهي هنا !!
طالع جدته وبعدها اعطاها نظرات حاده : انت ما تستحي على وجهك !
اعوذ بالله لزقه ما تنعطي وجه !
وطالع بجدته بتحذير : جده لا تعطينها وجه
ما استبعد عنها تجيب فرشتها وتنام عندك !
ام راكان ما تحب خلفة البنات : قول لجدك كل ما يشوفها يلاعبها
ويضحك لها !
والبنت على الحنيه تركض !!
لا عندها اب ولا ام يسأل عنها !
ومقصوفة الرقبه زوجة محمد من الصبح طالعه
لعند اهلها !
عزام تنرفز من زوجة خاله :،وكيف تتركها هنا ؟!
ام راكان لوت بوزها : تقول مو مستعده تنحرم من اهلها وتنربط علشان ساره
وخالك محمد المحترم حط زوجته عله على قلب ام عمار ورجع سافر من ثاني يوم !
قطعت كلامهم وهي توزع الشاهي متحمسه: أعطيني رأيك بالشاهي
ساره مدت لعزام الشاهي : تفضل !
رفع يده بالرفض : ما ابغى !
ام راكان ناظرته بعد ما تذوقت الشاهي : خذ منها والله انه طيب !
مط شفته بقرف : فكيني منها !!
ام راكان ابتسمت وهي تناظر ساره : كل يوم تعالي واعملي لي شاهي
يا زينه زمان ما ذقت مثله !
عزام ناظر ساعته الفضيه : ومتى ترجع زوجة خالي ؟!
ام راكان : والله ما ادري عنها !!
حتى خالد البارحه راح مع زوجته لاهلها ومن بعدها يبغى يسافر مع زوجته !
عزام ناظر ساره بشفقه: يعني البيت فاضي !
ام راكان عفست ملامحها : كل عيال ابو محمد ما يدخلون رأسي !!
تدري اليوم ما شربت الدواء !
فزت ساره بحماس : اروح اجيبه ؟!
ام راكان هزت رأسها : ايه تلاقيه
قاطعتها ساره : اعرف مكانه وطلعت من الصاله !!
بعد دقائق دخلت وهي حامله الدواء
اعطته لأم راكان وناولتها كأس المويه : تفضلي !
ساره بسعاده : وش رأيك يا جدتي كل يوم آجي هنا واعملك شاهي واعطيك الدواء !!
عزام مط شفته : قلت لك ما تنعطى وجه !!
قاطعهم رنين جوال ام راكان ردت بهدوء
وبعد ما كملت مكالمتها ناظرت ساره : ام خالد رجعت
روحي لها
عزام بسخريه : واخيرا شرفت !!
ساره بتردد : عادي ابقى هنا لوقت رجوع عمي ابو راكان
قطعت كلامها وحطت يدها على فمها بعد صراخ عزام : انقلعي على البيت بسرعه !
ما تنعطين وجه !
اكره ما علي البنت اللطعه !!
هزت رأسها بخوف من عصبيته وبسرعه طلعت خارج البيت
**
**
**
**
خلف بعصبيه : ما يطلع لها تترك البنت وتروح لأهلها !
محمد ببرود : طيب وش الحل ؟!
يعني زوجتي متى تروح لاهلها ؟!
خلف : تروح باليوم للي يكون الدور عندي !
محمد وهو ماسك : إنت ما تفهم أقول لك أمها
دخلت المستشفى وراحت لها !
خلف ورأسه يابس : ما افهم ولا أبغى أفهم !
ولا حضرة زوجتك فوق غلطها تطلع علينا بالصوت !
محمد قاطعه بغضب : خلف احترم نفسك !!
ما أسمح لك تتكلم على ام خالد
قاطعه بقرف : تسمح ولا عمرك سمحت
مره ثانيه اذا طلعت
قاطعه بصراخ : مين حضرتك تهدد بزوجتي !!
وحتى تكون بالصوره ترى باكر طياره ام خالد
اصلا انا الحمار للي فكرت ارجع بالعطله !
وقفل الخط
ناظر خلف الجوال وكأنه بركان : شفتي يمه ولدك الكبير وش عمل ؟!
ام محمد بضيق وهي تشوف عيالها متزاعلين : هدي حالك
قاطعها بغضب : مو انا للي خلفتها انا اراويه
وقسم بالله الا
ام محمد مسكت يده بترجي : خلاص يمه خليها تيجي عندي
سكت وهو يناظر امه وتكلم وهو يفتح رساله وصلته فتح عيونه بفرح وهو يشوف المبلغ
وبخبث ناظر أمه : خلاص خليها عندك
بس لا تخبري محمد !
ام محمد بضيق : اففف من عصبيتك نسيت اخبرك
نادر باكر جاي ورح يستقر هنا !!
خلف رفع حاجب،: والمدام راضيه تيجي هنا !!!
ام محمد : ايه موافقه !
خلف طالع الغرفه : وأكيد رح يسكن هنا ؟!
ام محمد : اكيد
لا شغل ولا مشغله !!
خلف : مين خبرك انه رح يرجع ؟!
اخبره ما عنده جوال ولا حتى المدام ؟!
ردت بهدوء : أختك اميره خبرتني
جارتها اختها متزوجه هناك وقالت لها
خلف بتنبيه : من الحين انا مو متكلف بالعزيمه
مفلس وما معي اعطي العيال مصروف !
خزته ام محمد بعيونها : ومتى كان معك ؟!
لا تخاف الاكل عندي !!
خلف : خلاص لا تنسي تتصلين علي وتخبريني بوقت الاكل علشان
قاطعته بقهر من بخله : هذا للي يهمك كرشتك !!
***
**
**
**
رواية أقدار~للكاتبة ضاقت أنفاسي الفصل السابع 7 - بقلم BlackButterfly002
نصمت
لتسير حياتنا على ما يرام
فالأيام لم تعد كما كانت ( نقية)#
**
**
**
**
أم خالد مسحت على رأسها وهي تناظر ساره تحس بالندم لانها تركتها وراحت لآهلها بس كانت مضطره
ضميرها أنبها هذي يتيمه ما لها دخل بمشاكلها مع ام عمار
ما تدري كيف الحين حست انه هالبنت وحيده ما لها أحد
تحس قلبها يتقطع عليها وخاصه بعد ما رجعت ساره من بيت ابو راكان وهي ساكته سألتها باستغراب : وش فيك ساكته ؟!
ساره هزت رأسها بالرفض : ما في شيء !
ابتسمت لها : باكر رح نطلع للسوق مع بعض !
ساره ابتسمت بفرح وبتردد : بس باكر عند خالتي ام عمار
هزت كتوفها بلامبالاه : عادي !
وبعدين باكر أخوك نادر جاي !!
عقدت حواجبها : بس انا ما اعرفه ؟!
ام خالد تنهدت بتفكير : وش رأيك تسافرين معنا ؟!
وتعيشين عندنا على طول ؟!!
ساره استحت وهزت كتوفها : ما ادري،!!
ام خالد دخلت الفكره براسها : الحين أكلم محمد
ونشوف ؟!
هزت رأسها بالموافقه وبداخلها رافضه اذا سافرت ما رح تشوف عائشه !
ومع ذلك سكتت ما حبت ترفض وتزعل ام خالد !
بعد ربع ساعة رجعت ام خالد : أخوك موافق وعجبته الفكره !
و رح تيجي مع مهند بس نرتب امورك !
هزت رأسها بطاعه : ان شاء الله
**
**
**
**
في اليوم الثاني
ام عمار تناظر نادر وبداخلها سخريه صدق من قال خروف !
محمد ونادر خرفان مو زي حظها بخلف !
كان في حريم مو سائل عنها !!
ام محمد تناظر نادر : وش تشتغل الحين ؟!
نادر بكسل مستلقي على الكنبه : اشتغل سائق فرشه !!
وضحك بسخريه بصوت عالي !!
ناظرته ام عمار وبداخلها صدق سخيف!!
ام محمد ما عجبها رده : تتمسخر علي !!
زوجة نادر : الله يهديك يا خالتي سؤالك ما له معنى !
وش هالسؤال ؟!
انت تعرفين نادر ما يقدر يشتغل ظهره يوجعه !!
نادر بتأييد : وبعدين ليه أشتغل واتعب
وانا ما عندي عيال !
ما في غير انا وهالقمر وين ما نيجي نلاقي لقمة الأكل !
ام عمار بنفسها تحمد ربها خلف على الاقل يشتغل
مو مثل نادر !
ام محمد بقهر : ربي بلاني بعيال فاشلين !
شوف عيال ابو راكان شيء يرفع الرأس !!
ابتسم بسخريه : تبغين أصير مثلهم وأضيع عمري وانا اقرأ طلاسم !!!
الحين فكونا من هالسوالف البايخه
وين الغداء ؟!
ام محمد لوت بوزها : انتظر يشرف خلف !
جوري : بابا قال يا ويلكم تأكلون قبل ما ييجي !
نادر بضجر : ومتى يشرف ؟!
ام محمد بضيق خلق خزته بعيونها: اصبر
ليان تناظر ساعه الحائط : متى ترجع ساره ؟!
نادر ناظرها باستغراب : ساره أختي ؟!
جوري : ايه
نادر ناظر امه : وش قصتها هالبنت ؟!
سمعت انه ابوي متزوج ؟!
ام محمد بغضب من هالسالفه : الحمد لله انك تدري ؟!
داير خلف زوجتك ومو سائل عن أهلك !!
نسمع اخبارك من الناس،!!
متى تعقل وتصير مثل العالم والناس ؟!
زوجة نادر بترقيع : تعرفي يا خالتي نادر يشتغل باليوميه يعني لو فكرنا نزوركم ما رح يحصل فلوس !!
ام عمار رفعت حاجب : على اساس انه ما يشتغل ؟!
وكيف الحين جاي وتارك الشغل ؟!!
ابتسم نادر : طردوني من الشغل !
زوجة نادر ما عجبها رده وتكلمت بترقيع : قصده
هو ما عجبه الشغل وتركه !
نادر تكلم بلامبالاه : بقلعتهم والله لو يترجوني ما رجعت لهم !
هم للي خسروني !
انا اراويهم كيف يطردوني !
ام محمد مو داخل رأسها سوالفهم كل واحد يقول سالفة : والحين جالس بدون شغل !
زوجة نادر : رح نجلس هنا كم يوم وبعدها نرجع للقريه
نادر : ايه اشتريت بيت من الورث للي طلع لها
قاطعته ام محمد وهي ملخبطه : كيف قالت اميره انك رح تعيش هنا ؟!
نادر مط شفته بسخريه : ما لقيتي الا اميره تنقل لك الخبر ؟!
تراها تسمع السالفه بالمقلوب !!
وبعدين انا ما تعجبني العيشه هنا !
ابغى مكان كله هدوء وراحه !
لو تشوفين يمه المكان للي رح ننتقل له يجنن يريح البال !
جمال الطبيعه كله فيه !
دخل خلف ورد السلام وتكلم على طول وهو يسلم على نادر : بسرعه
جهزوا الاكل تراني ميت جوع !!
هزت رأسها ام محمد بخيبه من عيالها للي هم كل واحد بطنه !!
**
**
**
**
ام خالد ماسكه يد ساره بإحكام بعد ما كملت تسوق
ابتسمت على شكل ساره وهي تناظر الناس
وتوزع ابتسامات !!!
استغربت لما لوحت ساره بيدها وهي تنادي : عيشه عيشه عيشه
لفت نظرها بنت ركضت لهم بفرح لابسه فستان لنصف الساق
ساره رفعت نظرها لام خالد بفرح : هذي صديقتي عيشه !
عائشه حضنت ساره بقوه وابتسمت : وينك يا دبه ؟!
وناظرت ام خالد بانتقاد : فكي يدها ابغى أمسك يدها مثل العالم والناس !!!
تلقائيا فكت ام خالد يد ساره وهي مستغربه من وقاحة اسلوب عائشه !
عائشه بابتسامة وهي تمسك يدين ساره : كذا احسن !
وبلقافه وش تعملين هنا ؟!
لا تقولين خلف البخيل جابك هنا ؟!
مستحيل انا ما اصدق ؟!
معقول يطلع من جلده فلس ؟!
ورفعت نظرها لام خالد : هذي زوجة خلف ؟!
مطت شفتها بقرف وهمست بصوت منخفض وصل لمسامع ام خالد : اكيد بخيله مثل زوجها ؟!
ليه شكلها كذا مثل ابله سعاد كله ألوان!!
ما تستحي على وجهها !!
وينه خلف ما اشوفه ؟!!
وصارت تتلفت حولها
ساره نزلت رأسها باحراج وهي تشوف وجه ام خالد احمر !!
ام خالد بغضب : انت كيف تصاحبي هالأشكال ؟!
ومسكت يدها بعصبيه : اذا سمعت انك كلمتي هالبنت الا يكون حسابك عسير
عائشه وقفتها : انتظري وين رايحها ؟!
هذي صديقتي !!
ام خالد بغضب دفتها : ابعدي عن طريقي
وطلعت وهي تسحب ساره خارج المكان
وساره تلتفت للخلف تناظر عائشه ...تبغى تركض لها وما تتركها
وبنفس الوقت ام خالد ماسكه يدها بإحكام
ما تقدر تتركها !!
***
**
***
**
نهضت نفسها ووقفت تطالع ساره وهي طالعه
وبصوت عالي صرخت : الله يأخذك يا زوجة خلف!
زمت شفايفها حتى ما تبكي وسرعان ما رفعت
رأسها لما حست إذنها انشلعت من مكانها : وين طسيتي ؟!
عفست عائشه ملامحها لما شافت امها
ما تركت لها مجال ترد وسحبتها وهي تتوعد فيها : وقسم بالله اذا بتختفي مثل الحين إلا نرجع للبيت وما نشتري لك
عائشه مقهوره وامها زادت عليها ردت بضجر : تتحججين علشان ما تشتري لي
صايره مثل بابا بخيله !
قرصتها ام سعود : لسانك الطويل رح ييجي يوم واقصه وأرتاح منه
مطت شفتها مو عاجبها : الله يسامحك
ام سعود قاطعتها : بدت الشيخه اقول امشي قدامي !!
تراني مصدعه خلقه !!
**
**
**
**
خلف يتكلم والاكل بحلقه : انسي هالسالفه
لانه محمد اتصل فيني ويبغى يأخذها معه
ام محمد قرصت عيونها بتفكير
محمد ولدها فيه حنيه مو مثل خلف متأكده لو راحت ساره رح تعيش حياه حلوه ورفاهيه
وهذا للي ما رح تسمح فيه
إلا تنغص عيشتها وتخليها تحت نظرها وتنتقم من الماضي وبحزم ناظرت الموجودين : انا قلت ساره رح تعيش عندي!!
ام عمار قلبها نغزها مو مرتاحه لخالتها منعت ساره تدخل بيتها و الحين تبغى تعيش معها !!!!!
خلف ما عجبه كلام امه بنظره فرصه وجاءت إنه محمد يأخذها يخاف باكر امه تتراجع وتقع برقبته وهو عياله مو متحمل مصاريفهم
وحدد نظره على امه : وش غير رايك كنت رافضه وجودها ؟!
ام محمد بهدوء : مو عاجبني كل يوم واحد منكم حاذفها على الثاني
خلاص انا أربيها وكلام الناس ما يرحم !
خلف باعتراض : قلت لك خلص محمد يبغاها خلاص فكينا منها
ام محمد رفعت اصبعها بإتهام : انت تبغى ترسلها
لمحمد خايف تصرف عليها كم فلس
قاطعها ونواياه دائما مكشوفه : ايه خايف اصرف كم فلس!
وبغضب تابع كلامه: انا عيالي قرفانهم
ابتلش ببنت الشايب !
نادر ناظره بحده: احترم نفسك تراه ابوك اذا ناسي،!
ام محمد ناظرت نادر: اتركه ترى الحياء متبري منه !
ما يحترم لا كبير ولا صغير !
خلف بسخريه : اشوفك تدافعين عن الشايب
فوق ما حط على راسك طبينه وتدافعين عنه !!
ام محمد صار وجهها احمر من الغضب
تكره احد يذكرها بالماضي وكيف صارت مسخره للحريم نفضت اطياف الماضي وبغضب : خلف !
نادر اعطى خلف نظرات ناريه : يا اخي ما تحشم احد انت ؟!
ناظره خلف ووقف عن الاكل : استعجلوا بالشاهي انا بالصاله
ام محمد بغضب : هذا للي يهمك كرشك !
زوجة نادر : هدي يا خالتي مو زين لك علشان صحتك !
ام عمار تهديها : طنشي كأنك ما تعرفي خلف !
ام محمد كتمت غضبها وجهها احمر من الغضب والقهر !!!
**
**
**
**
**
**
وقفت ساره عن المشي وبتردد
ام خالد ناظرتها باستغراب : ليه وقفتي تعالي ندخل
ساره بتردد : بس خالتي ام محمد مانعيتي ادخل بيتها
واخاف تزعل مني،!
ام خالد ابتسمت بخبث : تعالي ادخلي يمكن لما تشوفك تصيبها سكته قلبيه ونرتاح منها
وسحبت ساره من يدها وهي تبتسم بخبث هدفها تقهر ام محمد
دخلت وتوجهت للصاله وابتسمت لما شافت رد ملامح ام محمد
ردت السلام وسلمت على نادر وزوجته
والتفتت على ساره : تعالي سلمي على اخوك نادر
هزت راسها وسلمت عليه والابتسامه مرسومه على ثغرها
نادر رد لها الابتسامه ومسح على راسها : كيفك ؟!
ردت بخجل : بخير
وسلمت على زوجة نادر وفرحت بداخلها وهي تشوفها تبتسم لها
ام عمار ناظرت ام خالد بنغزه : صايره كريمه وحنونه !
ام خالد جلست وحركت جواجبها بطريقه مستفزه : ايه طول عمري كريمه
خلف يناظر الاكياس بحسره : صدق انك مو صاحبة بيت ولا عندك مسؤوليه !
الحين تضيعين فلوسك علشان تشتري ملابس لذي الهبله!
لو اعطتيني الفلوس اصرفهن على عيالي
قاطعته ام خالد بقرف: تبغى فلوس اجلس باب المسجد واشحد على كيفك !
ام عمار انقهرت من كلام خلف وهي تشوف الشماته والسخريه بعيون ام خالد
ام محمد مقهوره من خلف وزاد قهرها لما شافت ساره : خلاص
نادر باستغراب وهو يناظر ام عمار وام خالد : انتم للحين خشبكم مو متراكب ؟!
نفسي اعرف سبب هالعداوه ؟!
ام عمار تكتفت : لا عداوه ولا شيء
بس ناس سخيفه وما تقدر تتقبلها !
ام خالد اشتاطت : ما احد سخيف غيرك !
وحركت ام خالد حواجبها تغيزها : قولي غيرانه مني
لانه زوجك مو معبرك !
ام عمار انتفخت من القهر نفسها تذبح خلف للي ما يسوى صار يحكي عليها
قاطعهم خلف بقرف : يا كرهي للحريم !
ما ادري كيف للحين محمد مستحملك ؟!
صدق حريم سخيفات وعقل ناقص
زوجه نادر بردح : والله ما احد عقله ناقص وبخيل وغثيث غيرك !
ما ادري كيف ام عمار مستحمله ثقل طينتك للحين !!
خلف عصب من كلامها وناظر نادر: اشوفك ساكت لها وهي تشتم في !!
نادر بلامبالاه:انت للي بدأت تغلط على الحريم
قاطعه خلف بعصبيه : خروف ورح تبقى طول عمرك خروف لها
مثل اخوك محمد اكبر خروف بالدنيا
ام محمد ضاق صدرها رددت بصوت منخفض : لا اله إلا الله !
زوجة نادر : اصلا
قطعت كلامها لما شافت ام راكان داخله
دخلت ام راكان وسلمت على نادر وزوجته : قلت أجي واسلم عليك !
نادر رجع استلقى على الكنبه: الله يسلمك
ام راكان رفعت حاجب بانتقاد : لعنبو ابليسك
مختفي ولا كأنه لك اهل !!!
زوجة نادر ردت قبل زوجها : والله يا خالتي مشاغل الحياه !
وبعدين عيالك ما ينشافون هاجين من المنطقة جاءت على نادر !!
ورفعت حاجب تنتظر إجابتها !
ام راكان بسخريه : مقطع حاله شغل !
ترى اخباره توصلنا جالس بالبيت لا شغل ولا مشغله
وعايشين على الصدقة !
زوجة نادر احتدت ملامحها : متى ما طقينا بابك وقلنا لك تصدقي علينا وقتها تكلمي،!
وجهي كلامك لبنتك للي عايشه على صدقة أبوها
وأشرت بعيونها على ام عمار،!
ام عمار احتقن وجهها من الغضب وقبل ما ترد
تكلم خلف : هذي انت قلتيها ابوها مو احد غريب
وما فيها شيء لو صرف على ابنته واحفاده
اما زوجك للي عايش على الصدقه !
ام محمد ضاق خلقها بزياده من عيالها ما يجبون الا الهم واذا اجتمعوا لازم يتشاجرون
نادر ناظر زوجته بفخر : خلاص انا ومها قررنا ننتقل لبيتنا الجديد ونشتري كم رأس من الغنم ونعتمد على نفسنا
قاطعته ام خالد بسخريه : ومين يقوم بالغنم ؟!
نادر بفخر ضرب صدره :-انا
ام راكان ضربت كف بكف : عز الله رح يفطس الغنم من الجوع
ام عمار بالرغم من قهرها ضحكت وهي تتخيل شكل نادر : تخيلوا شكله يعطي الغنم فلوس
تروح الغنم تشتري للي تبغاه علشان ما يقوم هههه
نادر ناظرها باستخفاف : يا اخوان بالله اضحكوا لها بريال
ام راكان بدفاع : والله ابنتي صادقه تراك من يومك عجزان وكسول
همك الاكل والنوم !
ام محمد بعصبيه : خلاص قفلوا هالسيره !
تراه طق كبدي من سوالفكم !
ام عمار ناظرت ام خالد وهي تناظر ساعتها لوت بوزها : علامك ما سافرت ؟
ام خالد رفعت حاجب : قاعده على قلبك ؟!
ام عمار هزت كتوفها : شوفتك تجيب لي الغثا..
قاطعتها ام خالد بدلع تقهرها : تيارتي بعد المغرب
خلف لوى بوزه بقرف : يا شين السرج على البقر !
ام محمد بنفاذ صبر : خلاص وبعدين معكم !
ام خالد بتذكر ناظرت خلف : لا تنسى تجهز اجراءات السفر لساره !
ام محمد بحزم : انا قلت ما رح تسافر يعني ما رح تسافر
ام خالد ما معها خبر : بس خلف اتفق مع محمد
قاطعتها ام محمد : قلت لك ما رح تسافر ورح تعيش عندي انت ما تفهمين !
انقهرت ام خالد من ام محمد واسلوبها : خليت الفهم لكم !
مو على كيفكم تتحكمون بالبنت !
خليها تختار وين تعيش ؟!
ضحك خلف بسخريه على ام خالد : حنا وين عايشين ؟!
قال تختار ؟!
وناظر ساره بسخريه للي تناظرهم بهدوء : وين تبغين تعيشين يا حلوه ؟!
ساره ببراءة طالعته بدون ما تتكلم خافت تختار واحد فيهم يزعل الثاني
ما انتبهت إنه يتمسخر عليها !
طالع خلف ام خالد بحده :،اسمعي افكارك التعبانه هذي لا تعلمينها للبنت
قال البنت تختار !
وبصراخ ما له داعي : البنت ما لها رأي عندنا
الرجال هو للي يقرر
وغيره ما عندنا !
فاهمه !
ام خالد انقهرت منه :،لأنك متخلف وصدق للي سماك خلف من التخلف
اصحى الناس تطورت وانت بعدك عايش بالجهل !
خلف : خليت التطور لك ويلا تمقلعي من هنا !
ابتسمت ام عمار لما قال لها كذا !
ام محمد : خلاص قلت لكم البنت عندي وانتهينا !
ام خالد بقهر من تخلفهم :،انت تربيها ؟!
ام محمد رفعت جاجب : ليه شايفيتني غول او ما اعرف اربي ؟!
مثل ما ربيت عيالي اربيها !
ام خالد بنفسها صدق انك غوله وبقهر قبل ما تطلع :، والله لما اشوف عيالك اشك بتربيتك
وناظرت نادر وخلف باستصغار
وطلعت من البيت وهي تبربر على ام محمد وعيالها
وما خلت شتيمه الا قالتها !!!
**
**
**
ام راكان بعدم تصديق : من جدك تتكلمين ؟!
هزت أم محمد راسها بالموافقه
ام راكان بدهشه : الظاهر انها اختي محمومه !!
متأكده ؟!
تراك ما تدانيها والحين تأخذينها عندك ؟!
نادر بسخريه : نزلت عليها الحنيه فجأة !
ام محمد بغبن تناظر ام راكان : البركه فيك كل يوم عندك
وما اخذتي خاطر لي !،
ام راكان بلامبالاه : للي يسمعك يقول كل يوم اناديها
مو كأنها لزقه ان طردتيها من الباب تدخل من الشباك !
وبعدين البنت على الحنيه تركض خلف ابو راكان
ام محمد : ايه ايه قولي هالكلام واضحكي علي فيه
تابعوا كلامهم ونقاشاتهم وهي جالسه تناظرهم
بصمت وقلبها من الداخل تبغى تصرخ بأعلى صوت ما تبغى ام محمد
بس سكتت لأنه مو بيدها تختار
ما عليها الا ترضى بالحياه!!
**
**
**
**
قبل ما يدخل البيت وقف وهو يشوف امه طالعه من البيت : وين رايحه يمه ؟!
ام عزام : ابغى اسلم على نادر زمان ما شفته !
سلمت عليه!
هز رأسه بالنفي : توجهت لبيت جدتي بس شفت زوجة خالي محمد طالعه وتردح وتكلم نفسها
وصوت نقاشهم طالع !
فما حبيت ادخل واوجع رأسي بسوالفهم
عندي بحث لازم اسلمه !
ام عزام : الله يوفقك
خليني اروح اشوف وش فيهم !
تركته وتوجهت لبيت امها
**
**
**
**
**
حاضنه اللعبه وبابتسامه : ماما انا لما أكبر رح ألبس مثل نهى ؟!
ام سعود هزت رأسها : ايه
عائشه بفرح : متى أكبر علشان أتحجب ؟!!
نهى عفست ملامحها مو عاجبها ما تبغى تتغطى
: باكر لما تكبرين بيتغير كلامك !
عائشه ناظرتها باحتقار : تظنين إني مثلك يالصايعه ؟!
فتحت نهى عيونها باستنكار : تدرين انك
قاطعتها ام سعود وهي تناظر عائشه بحده : وش هالكلام ؟!
عائشه بلامبالاه : شوفيها ما تبغى تتحجب وتتغطى علشان الشباب
قاطعتها ام سعود وهي تضربها على فمها :انت ما تستحي على وجهك ؟!
وش عرفك بذي السوالف !
وقفت عائشه وهي تجمع الدموع بعيونها : هي قالت لاسماء ما ابغى اتحجب علشان الشباب يشوفوني
سكتت لما هجمت عليها نهى وشدتها من شعرها : كذابه !
فكتهم ام سعود عن بعض وأعطت نهى نظرات ناريه : انت الكذابه هذي وش يفهمها بذي السوالف !!!
هذا وانت ابوك شيخ تعملين كذا ؟!
عائشه وهي تمسح دموعها : مين قال انه بابا شيخ ؟!
بابا صايع مثلها
سمعته يكلم بالجوال ويقول يا حبيبتي !
ام سعود تركت نهى ومسكت عائشه بتحقيق والنار تطلع من عيونها ،: متى سمعتيه يقول ؟!
عائشه ماده البوز بطفوله والدموع بعيونها : البارحه !
ام سعود والنار تغلي بقلبها : وش قال لها ؟!
انطقي !
عائشه بعدت امها : لا تكلميني كذا وكأني أصغر عيالك !
ام سعود ماسكه نفسها بالقوه : تكلمي !
عائشه : البارحه نزل من السياره وهو يكلم بالجوال
انا كنت خلفه بس ما شافني !
ام سعود انحرقت اعصابها : كملي !
عائشة تتلفت حولها تخاف ابوها يكون موجود : ايه
سمعته يقول يا حبيبتي وش تبغين ؟! انا الحين باب البيت.....خلاص بعد المغرب نطلع انا وانت
وسكتت لما حست بيد امها على خدها : حسبي الله
لعبتي بحسبتي وبالاخر هذي سالفتك !!
الحين رح اخبر ابوك انك تتجسسين عليه !
عائشه نسيت الكف وبخوف : بالله عليك يا ماما لا تقولين !
والله ما اعيدها
ام سعود بنظرات توعد : بتشوفين !
انا بالي راح بعيد ابوك يا غبيه كان يكلمني يا متخلفه !
عضت شفتها بطفوله وناظرت امها : ماما انت صايعه !
نهى بتوعد : والله لاقول لبابا عنك بتشوفين !
عائشة تورطت ناظرت امها : ماما شفيها !!
ام سعود ناظرت نهى بتوعد : اذا قلت لابوك سالفة الشباب رح اخبره فيها
بهتت ملامح نهى وسكتت
وناظرت عائشه : وانت أي حركه او شيء يعمله ابوك
تعالي خبريني فاهمه !
عائشه تكتفت : آسفه لانه حرام التجسس !
ام سعود فتحت عيونه : ما شاء الله شيخه !
اليوم رح اقول له
عائشة هزت كتوفها بطفوله : عادي قولي له
وانا اقول له انك تبغيني اتجسس عليه !
وتركتها وطلعت وهي تركض برا ......
**
**
جالسه جنب مها بهدوء وتناظر القريه للي انتقلوا لها بهدوء وتحس بداخلها ضيق تبغى ترجع
ريقها نشف الجو حار
التفتت لام محمد وهي تكلم نادر
رفعت نظرها لمها للي جالسه جنبها وبتردد : ابغى
قاطعتها ام محمد بعصبيه : وش تبغين ؟!
اسمعي لا تزعجينا بطلباتك ترى مو فاضيين لك !
مها : خليها تطلب يمكن تبغى الحمام هبيت فيها كذا ؟!
وناظرت ساره : وش بغيتي ؟!
ساره بلعت غصتها وهزت رأسها بالرفض ما تبغى شيء
ام محمد بكره : صدقتيها تراها كذابه !
نادر ناظر من المرايه ساره بإهتمام : تبغين تروحين للحمام ؟!
ساره هزت رأسها بالرفض
نادر : قريب نوصل استحملي شوي !!
ام محمد : وش هالسياره المتخلفه !!
ليه ما تغير هالسياره ؟!
مها تكتفت : اذا معك فلوس أعطينا نجددها !
ام محمد التفتت لها : وش دخلني انا ؟!
شايفه جالسه على بنك ؟!
نادر طالع امه بنص عين : يمه !
تنهدت ساره ورجعت تناظر من الشباك
وهي مستغربه صحيح البيت للي عاشت فيه مع جدتها كان قديم بس البيوت للي حولهم بناء جديد
كانت تظن انه بالعالم كله ما في بيت قديم الا بيت جدتها !!
وقف نادر عند باب البيت بفرح: وصلنا القصر !
ام محمد خزته بعيونها : قصر ؟!
أي قصر هذي خرابه الظاهر عيونك ضاربه !
نادر بدون اهتمام: أهم شيء عجب المدام !
مها وهي تنزل من السياره : يجنن هالبيت يا خالتي !
وغمضت عيونها : يا حلاة الهدوء والطبيعه الخلابه !
ام محمد تلتفت حولها : أشك ما عندكم نظر
وين الطبيعه ؟!
نادر : يمه وبعدين ؟!
ما غصبناك تيجي معنا حنا عاجبنا الوضع
وانت اصريت تيجي !
فلا تخربين فرحتنا بالبيت الجديد !
ام محمد نزلت وناظرت البيت بدون نفس :- خلاص رح اسكت لو نجلس بخيمه ما عندي اعتراض !
نادر بدأ ينزل بالاغراض : نفسي أعرف وش يدور برأسك ؟!
كنت تتمسخرين علينا لأننا تركنا المدينه وانتقلنا للقرى
والحين أشوفك تاركه بيتك وجايه هنا!!
ام ابتسمت بخبث : اعتبرني صرت خبله مثلكم !
وبصراخ كلمت ساره : تعالي شيلي مع اخوك
مالت عليك وانت وهالشاله تقول متسوله عند الاشاره !
مها بانتقاد وهي تحمل بالاغراض : لازم تشجعيها يا خالتي مو تحطميها !
ام محمد بحده : رجاء
خليك بنفسك ولا تتدخلين فيها
انا المسؤولة عنها !
مها ناظرتها قبل ما تدخل وبنفسها مالت مصدقه حالها مسؤوله للي يسمعها يقول مديره
مطت شفتها ودخلت
ام محمد ناظرت ساره ما في احد غيرهم نادر دخل وبحده : احملي هذي الحقيبه بسرعه
ناظرت ساره الحقيبه ما تدري كيف تحملها اكبر منها
وبطاعه هزت راسها : ان شاء الله
مسكت الحقيبه وجرتها بصعوبه كيف تدخلها
بعد تعب دخلتها وتحس ظهرها انكسر
رفعت رأسها لما صرخت عليها ام محمد : غبيه انت تجيبين هذي الحقيبه ؟!
قلت لك احملي شيء صغير
هذي نادر يحملها مو انت يا غبيه !
ناظرتها ساره وهي مستغربه من كذبها ورسمت على ثغرها شبح ابتسامه : اسفه
مها مسحت على راسها : شطوره
هي تبغى تساعدنا صح ؟!
هزت ساره رأسها بالموافقه
نادر ابتسم لها : يا عيني عليك
روحي جيبي الاغراض الصغيرة بس
يلا يا بطله !
تحمست ساره وابتسمت له : ان شاء الله
وطلعت تركض متحمسه !
**
**
**
*
**
**
اسيل كل ما تتذكر تضحك بصوت عالي
تنرفز منها عزام : وبعدين معك ؟!
اسيل مسكت ضحكتها : كلما اتذكر شكلها
وهي تقول لا تزعل يا عمي عزام لاني رح اروح !
ام راكان ناظرتها بانتقاد : وش للي يضحك بالموضوع ؟!
اسيل وهي تضحك : تخيل شكلك يا عزام تروح تنتحر لانها راحت !!
عزام بدون نفس : ههه ما تضحك !
ام عزام بشفقه : مسكينه هالبنت تدور على الحنيه !
سلمان : دوم عزام يطقها وين الحنيه ؟!
اسيل ابتسمت : علامك زعلان انت الثاني ؟!
لا تقول لانه ساره راحت ؟!
سلمان مط شفته بقرف : ما تهمني اصلا!
ام عزام : والله البنت حبوبه وهاديه
شفتي كيف جوري وليان يبكون عليها !!
سلمان : ايه يبكون راحت الشغاله من عندهم
يبغونها للطلبات !
حتى عمار يقول لي ما ابغى تروح اذا راحت مين يشتري له من البقاله ؟!
ام راكان بحيره : انا نفسي افهم وش قلب ام محمد
وغيرت رأيها وراحت مع نادر ؟!
وش تبغى بساره ؟!
عبدالرحمن : واضح جدتي كبرت بالعمر وتبغى
شغاله متنقله ههه
سلمان طالعه باستصغار :-يا غبي بعدها صغيره
عزام بغموض : والصغير يكبر !
ام راكان طالعته : وش قصدك ؟!
**
**
**
*
رواية أقدار~للكاتبة ضاقت أنفاسي الفصل الثامن 8 - بقلم BlackButterfly002
متربع على السرير والاوراق مبعثره قدامه
ويكلم بالجوال : الحمد لله بخير !
صالح بضحكه : شفت ولد خالك وش منزل على صفحته ؟ !
عزام عقد حواجبه باستغراب : مين ولد خالي ؟!
صالح : علامك مسطول مهند ولد خالك محمد !!
هز راسه : وش منزل اصلا ما ادخل صفحته !
صالح بضحكه صغيره،: تراه ولد خالك انهبل نزل صورة خالتك على صفحته
قاطعه وهو معقد حواجبه باستنكار : وش تقول ؟!!!
خالتي !!!
وخالي محمد يدري وزوج خالتي اميره يدري ؟!
وبعصبيه كيف ينزل صورتها هالديوث ؟!
عقد صالح حواجبه باستغراب : زوجها ؟!
اي زوج ؟!
عزام بغضب : تراها متزوجه وعندها عيال !
قاطعه صالح بضحكه : وين راح تفكيرك،؟!
ترى انا اقصد خالتك الصغيره!
عزام بإنكار : انا ما عندي خاله صغيره !
ما في غير خالتي اميره !
رد باستغراب : مو جدك تزوج وعنده بنت صغيرة !
ضحك عزام بسخريه : قصدك ساره !
بس هذي مو خالتي !
صالح عقد حواجبه : كيف مو خالتك ؟!
يا غبي خالتك ! علامك اليوم مسطول !
قاطعه عزام : يا غبي مو خالتي !
انت للي مسطول !
وقسم بالله لو تطلع خالتي لأنتحر !
وضحك بسخريه
صالح بتحليل : يا غبي
الحين امك رضعت من ام محمد صح ؟!
عزام يكمل معه بسخرية: ايه
صالح يتابع : وصارت اخت لعيال ابو محمد
من الرضاعه !
عقد حواجبه عزام وهو عافس ملامحه: طيب!
صالح : الحين هذي الصغيره تكون أخت امك يا خبل !!
عزام بنرفزه من غباء صالح : وش مفطر اليوم انت ؟!
هذا انت قلتها امي رضعت من جدتي ام محمد
مو من ام ساره علشان تكون أختها !
صالح متأكد وبتحدي : روح إسأل أي شيخ
وبتشوف اذا ما كانت أخت امك!
عزام بنرفزه : اقول طير من هنا تراك نرفزتني بكلامك
سلام
وقفل الخط وهو يفكر بكلام صالح بس مستحيل تكون خالته
لان ام محمد هي للي ارضعت امه مو ام ساره !!
جمع الاوراق وهو يفكر بذي السالفه
تذكر انه مهند نزل صوره لساره
أصابه الفضول يشوفها
فتح جواله وأصابته الصدمه وهو يشوف الصوره
ساره حاظنه الغنمه ومبتسمه ولافه الشال على رأسها ولابسه فستان لنصف الساق تحته بلوزه لنصف الساعد
ضرب جبهته بقهر : الله يأخذك يا مهند على ذي الصوره فشلنا !!!
عدل قميصه وقرر يطلع يكلم امه بكلام صالح !!!!
***
***
***
مر الاسبوع على ساره وهي تشعر بالفرح وتقضي وقتها مع الغنم
ام محمد ومها طول وقتهم عند الجيران
ونادر طول وقته نوم وأكل !
نادر مستلقي تحت الشجره وهي تراكض خلف الغنم وتسرح فيه
اقتربت من الغنمه ومسكتها وهي تكلمها : انا زعلانه منك ليه ما تجلسين مع صديقاتك ؟!
اشرت بيدها الصغيره : شوفي صديقاتك مؤدبات وما يبعدن عني !
قاطعتها الغنمه : ماااااع مااااااع ماااع
ساره عقدت حواجبها : تبغين مويه ؟!
بحركه سريعه ركضت الغنمه عنها فتحت ساره عيونها باستنكار
قاطعها صوت نادر : ساره يا ساره
ناظرت وركضت باتجاه نادر بحماس : نعم !
نادر اشر جنبه بكسل: اعطيني علبة المويه !
ناظرت ساره العلبه جنبه لو يمد يده يمسكها
بحياتها ما شافت بكسله وخموله
اعطته العلبه بابتسامه : تفضل !
نادر وهو يتثاوب : اسمعي ارجعي البيت وجيبي الغداء هنا
والا أقول لك خلاص جيبي هالخبلات وتعالي
اشر على الغنم بسرعه !
هزت رأسها وراحت تركض بحماس
ونادر يناظرها باستغراب من وين تجيب الطاقه والحماس !!
ما في كلمة كسل بقاموسها !!!
**
**
**
**
**
**
ابو عزام باستغراب : والله سألت مشايخ كثير و قالوا إنها اخت ام عزام !
ابو راكان : والله انا مو داخله برأسي كل الوقت وانا احسب انها مو اختها !
لانها راضعه من ام محمد !
وناظر ام عزام : وش شعورك والحين طلع لك أخت !
ام عزام ابتسمت : اهم شيء خلف ما يدري
عز الله الا يرميها علي !
عزام وهو ينافخ :،يا ليتك ما شربت هالحليب للي ربطك بالعائلة المتخلفه !
سلمان باعتراض : والله لو تموت ما اقول لها خالتي !
انا اكبر منها !
اسيل بابتسامه : والله طلعت ساره خالتي !!
ام راكان مو عاجبها : لو تسألون مره ثانيه !
ابو تالا : يا يمه يعني نسأل ألف شيخ علشان تقتنعين ؟!!
ام تالا بضحكه تناظر ام راكان : ليه متضايقه يعني كنت راسمه تزوجيها لعيال ابو عزام !!
ام راكان عفست ملامحها : هذا الناقص نأخذ أخت المتخلفين !
والا البنت ما عليها كلام حبوبه وهاديه !
طالع عزام جدته وهو منقرف من سيرتها
اسيل بتأييد : صادقه يا جدتي البنت حبوبه
صح ماما ؟!
هزت ام عزام راسها بهدوء بدون اي كلمه !!
ابو راكان : مسكينه هالبنت بس تبغى تعيش
تركض خلف الحنيه !
تبغى اهتمام بس حظها رماها على إخوان فاشلين !!
عزام بسخريه : وش رح تطلع يعني !!
اكيد فاشله وغبيه مثل إخوانها !
ابو راكان وهو يناظر للبعيد : عندي إحساس غير !
بتشوف هذي البنت رح يكون لها مستقبل باهر
بس انتظر ورح تشوف بعيونك !
ابو عزام هز كتوفه : هذي دنيا كل شيء فيها جايز !!
ام راكان تطالع زوجها : وش قلت خلينا نروح نزور اختي محمد !
ابو راكان وهو ماسك اعصابه : وبعدين ؟!
انا لو يطلع بيدي كان تبريت منهم وانت تراكضين خلفهم ؟!
وتركهم وطلع حتى ما يفتح باب النقاش
عبست ملامحها عندها فضول تروح لذي القريه
ناظرت ولدها ابو عزام وكأنها تشكي له
هز رأسه بتفهم : رح احاول اقنعه بس ما اوعدك !
وتركهم وطلع بهدوء خلف ابوه !
**
**
**
**
ام محمد جالسه بإستمتاع طول وقتها عند جارتها ام هزاع جازت لها سوالفها
وما تعجبها الا الجلسه معها وما تمل منها
عندها سوالف وقصص غصب عنها تنجذب لها
هزت رأسها بإنصات لام هزاع وهي تلومها : خبله وليه تركتيها من البدايه عند إخوانها ؟!
خذيها إنت وخليها تشوف نجوم الظهر !
وخليها تخدمك طول عمرها !
ام محمد بخبث : ومين قالك رح ارجعها لاخوانها؟!
تراني حلفت بنفسي الا اخذ حقي من امها عن طريقها !
وأطلع كل القهر والوجع للي بداخلي فيها !
حطت ام هزاع يدها على فخذ ام محمد وتكلمت بوجع : جايه تقولي لي هذا الكلام ؟!
تراني جربت الطبينه ووجعها !
للحين ما نسيته محفور بقلبي !
واشرت على قلبها !
ام محمد بحقد : حسبي الله على الرجال
ام هزاع :،ما قلت لي من وين تعرف زوجك على ام ساره ؟!
ام محمد عفست ملامحها بكره : الله يأخذها
والله ما عرفت كيف لعبت بعقله وتزوجها !!
ام هزاع بحماس : وش كان رد فعلك لما سمعت بزواجه ؟!
ام محمد وهي تناظر للجدار وكأنه الماضي ينعاد قدامها : لما وصلني الخبر كان له متزوج شهرين
انجنيت قلبت الدنيا فوق تحت
حتى زوجي ما كان عنده الشجاعه يرجع البيت على سواد وجهه
بعد يومين عمل حادث ومات .
ام هزاع ضحكت بشماته : ما تهنى بالعرس !
ام محمد بحقد : خله حرق قلبي قبل ما يموت
وبنبره حزينه : تبغين الصدق قلبي محروق على فقدانه للحين!
حسبي الله عليها خربت علينا حياتنا !
ام هزاع : طيب وش صار على ضرتك ؟!
ام محمد بخبث : ارسلت لها اخوي
الله يرحمه
وهددها اذا ما تنازلت عن كل شيء الا نأخذ للي في بطنها !
وتنازلت بدون اعتراض !
وسمعت انها ماتت بعد الولاده وفي ناس قالوا
انها تركت البنت عند امها وهربت
ما احد يدري وش الصحيح !!
وحنا ما سألنا ولا فتشنا لانها ما تهمنا
اهم شيء انها تنازلت وما لها شيء عندنا !
تابعت كلامها بزفره : حتى سمعنا انه عمرها اقل من 14 سنه
مطت شفتها بقهر : شفتي المسخره ؟!!!
صرت علكه بحلوق الحريم !
حسبي الله عليها !!
ام هزاع : وش تحس فيه الحريم لما يسرقون الرجال من زوجته ؟!
**
**
**
**
في اليوم الثاني
سمعت صوت سياره استغربت وطلعت وقفزت بفرح : خالتي ام راكان
وركضت على السياره قبل ما توقف
سحب بريك ونزل من السياره وهو معصب : الله يأخذك !
الله ستر والا كنت تحت العجل !
غبيه انت تركضين على السياره قبل ما توقف ؟!
نزلت راسها للحظات للارض وحز بخاطرها كلامه
من شوقها لهم ما انتبهت
اخذت نفس ورفعت راسها وابتسمت بطفوله : اسفه عمي عزام !
وركضت له وحضنته بقوه : كيف حالك ؟!
ناظرها وهي حاضنيته بقوه مسح على رأسها وهو منقرف بس ما حب يكسر بخاطرها
اسيل خلفهم : ما تبغين تسلمين علي ؟!
ابتعدت عن عزام وتقدمت لها بلهفه وشوق
سلمت عليهم بفرح : تفضلوا خالتي داخل ؟!
ام راكان رافعه حاجب : من صدقها ام محمد تاركه العالم وجايه لذي الخرابه ؟!
دخلوا وساره تبغى تطير من الفرح بشوفتهم : وين خالتي أم عمار ؟!
جودي وهي تناظر المكان : ماما رفضت تيجي،!
ليان : كيف عايشه هنا :!
غبيه ارجعي معنا ؟!
ساره تبغى تهرب معهم بس ام محمد جالسه لها بالبلعوم ردت بفرح عكس للي بداخلها : عادي
حلو الجو هنا !!
ام راكان عجبها مناخ هالقريه وطبيعتها وتفكر تقنع زوجها يبني بيت كبير بذي المنطقه !
**
**
**
**
جالس بالحوش ويناظرها وهي تنظف بزريبه الغنم ابتسم بسخريه وبنفسه متعوده ساره على حياه الفقر !
ورجع يكمل مكالمته بمسخره : لو تدري انا وين ؟!
رد الطرف باستغراب : وين ؟!
ابتسم وهو يفتح الكاميرا ويصور المكان مباشره : شوف هذا بيت ولد عمك نادر !!
وعلق بسخرية : على فكره خالي نادر حسسني انه مشتري فيلا !
رد وهو مستغرب من المكان: من جدها خالتي ساكنه هنا ؟!
عزام وقف : خليني اراويك خالتي الصغيره !
اقترب من ساره : وش تعملي !!
ناظرته ساره وابتسمت : انظف !
تبغى شيء اجيبه لك ؟!
عزام رجع يتكلم :،شفتها
قاطعه وهو يضحك : قول قسم هذي خالتك ؟!
كذاب !!
مستحيل !
ورجع يضحك من جديد
عزام : حتى تتأكد شوف
ناظر ساره : وش اسمك ؟!
ردت ببراءه وبابتسامه :عمي عزام ناسي اسمي ؟!
عزام هز راسه : ايه ناسي
بلا قولي وش اسمك ؟!
واسم إخوانك !!
ساره ناظرته باستغراب وابتسمت : اسمي ساره
اخواني
خلف ومحمد ونادر وفي كمان اخت
حطت اصبعها في فمها : نسيت اسمها !
وبنبره ضياع : بس ذول للي اعرفهم !
رجع يتكلم : صدقتني الحين !!
ضحك باستغراب : والله مو مصدق !
ونادى بصوته : عبود تعال شوف عزام وش يكذب !
عزام قاطعه : جعلكم ما صدقتم !
اتصلوا بجدتي ام راكان وإسألوها !!
الحق علي اكلمك وانت تكذبني !
انقلع
وقفل الجوال
وعفس ملامحه بقرف وهو يشوفها تنظف وسخ الغنم وريحة الغنم تفوح
يعد بالثواني يرجع مل من المكان وقرفه
زفر بضيق ودخل عند جدته وهو عافس ملامحه !!
**
**
**
**
جودي ملتصقه بجدتها ام راكان بخوف وهي تناظر الغنم : يمه تخوف !
ساره وهي تمسح على ظهر الغنمه وتضحك : ما تخوف !!
ليان عفست ملامحها بقرف : يعووووووو
ام عزام وقفت بعيد عن الباب بخوف : ساره ابعدي عنها يمكن فيها امراض ؟ !
ام محمد واقفه جنبها بتمني : ان شاء الله يمكن تفطس هالساره وأبرد حرتي فيها !
ام عزام بضيق : حرام عليك يمه !
وش رايك اخذها عندي ؟!
ام محمد وهي تناظر ساره بحقد : انسي سالفه انها اختك انسيها !
ترى كل السالفه مو داخله عقلي،!،
هذا الناقص انا ارضعك واتعب عليك وتصيرين أخت هالخبله ؟!
والتفتت لها بحزم : انسي مجرد تفكير تأخذينها او واحد من اخوانك !
خلاص صارت ساره تحت مسؤوليتي وانا المسؤوله عنها !
ام عزام كتمت وما حبت تجادل
وسلطت نظرها على ساره تحاول تقنع جودي وليان يقتربوا من الغنم !،
عزام ناظر جدته ام راكان : تأخرنا يا جده
نحتاج وقت حتى نوصل !
ام محمد تقدمت باعتراض : انتظر ابغى اعرفها على ام هزاع !
عزام سحب يد ام راكان : عز الله راح ننام هنا !
امشي يا جدتي على السياره !
تركت ساره للي بيدها وطلعت من الزريبه لما سمعت انهم رايحين
تحس قلبها انتفض تبغى ترجع معهم !
من لما جاءت هنا ما لعبت كل وقتها مع الغنم
وتنظف البيت !
ركضت خلفهم لعند السياره تبغى تدس نفسها بين البنات وتطلع
قاطع خطتها يد عزام بعدتها عن السياره : وين ؟!
ناظرته والغصه بحلقها تبغى تبكي تصرخ
ما تبغى هالمكان شجعت نفسها تعبر عن للي بداخلها وتقول له يأخذها معهم : انا ابغى
بس في شيء قاطع كلامها وهي تطبع اصابعها على خدها الصغير : ومن منى لك راي ينسمع ؟!
انقلعي داخل اشوف !
ناظرت زوجة ابوها وداخلها مخنوقه من تحكمها فيها !
ممنوع تبدي رأيها او تقترح او تبرر !
لازم تنفذ بدون اعتراض !
ام راكان تنرفزت من ام محمد : ليه ضربتيها خلها تقول!
وناظرت ساره : وش تبغين ؟!
اخذت نفس ساره وهي تعود نفسها يكون الوضع ريلاكس !
ولامت نفسها وهي تستحقر نفسها مين هي حتى تطلب او تقرر الروحه من نفسها !
ابتسمت بس مهما كابرت تظهر ابتسامة الالم والقهر فيها : ابغى اقولكم مع السلامه !!!
سحبتها ام محمد من فستانها بتحقير : جايه تركضين علشان كذا ؟!
صدق انك مختله عقليا !
غبيه خبله !
انقلعي اشوف للداخل !!
اقتربت ام عزام سلمت على ساره وباستها على جبهتها : مع السلامة
اسيل ابتسمت واشرت لها : سي يو
جودي : تعالي معنا
قاطعها عزام وهو معصب ومستعجل : انقلي داخل السياره !
هذا الناقص علي !
تنثبر هنا !
وتوجه للسياره مستعد يتحرك !!
ناظرتهم وهم يبتعدون تحس قلبها طلع من مكانه تبغى تلحقهم !
سحبتها ام محمد للداخل : بسرعه نظفي الغرفه !
هزت راسها بطاعه بدون ما ترد لو فتحت فمها
رح تبكي وما رح تمسك نفسها !!
هذا قدرها تعيش مع زوجة ابوها !
***
**
****
***
***
جالس بمكتبه يقلب بالاوراق قاطعه رنين الجوال
رد بهدوء وهلال ثواني انقلبت ملامحه وهو يسأل :ايش اي طريق؟!
وانقطع الاتصال .....
في سما دنياي انت احلى بدر
ومن هموم الكون تصبح لي صدر
تزرع الافراح تمنعني الكدر
انت نور بدنيتي واحلى قدر
انت رحمة من اله العالمين
في حياتي بلسم جروح السنين
من عرفتك تمسح دموع الانين
انت نور بدنيتي واحلى قدر
من هو غيرك يايبه في طيحتي
يمسك ايديني تهمه فرحتي
انت انقى لون يرسم لوحتي
انت نور بدنيتي واحلى قدر
قسوتك تعليم يانبع الوفا
درع يحمي لي ظلالي والدفا
شوفتك قربي حبيبي لي شفا
انت نور بدنيتي واحلى قدر
يانديم الروح ماتشكي سهر
تتعب وتتحمل انواع القهر
انت عنوان السعادة والطهر
انت نور بدنيتي واحلى قدر
كم غلطت بحق نبراس الغلا
اسف اسف يابعد كل الملا
مابي غيرك ابو ولا فلا
انت نور بدنيتي واحلى قدر
جالس بمكتبه يقلب بالاوراق قاطعه رنين الجوال
رد بهدوء وخلال ثواني انقلبت ملامحه وهو يسأل :ايش اي طريق؟!
وانقطع الاتصال ...
وقف بقلق وهو يشوف ساعته قريب أذان المغرب
قلبه قارصه من هالمشوار!
وبسرعه بحث هلى رقم اسيل واتصل
**
**
**
**
طلعت من البيت بحرص وهي تشد على الورقه
بقوه حسب التعليمات
شافته واقف قريب من البقاله وأشر لها بيده ابتسمت له وتوجهت بدون ما تنتبه للعيون للي لمحتها
وقبل ما تقطع الشارع سحبها من الخلف من كتفها ولفها لها وهو مستغرب خروجها وقت المغرب حتى ما انتبهت له سألها بتحقيق : وين رايحه ؟!
ارتبكت لما شافت ابوها وبسرعه خبت الورقة خلف ظهرها : للبقاله !
شك بحركتها وحس انها تخبي شيء عنه وبحزم : وش معك ؟!
هزت راسها: ولا
قاطعها قبل ما تكمل وهو يسحب يدها بقوه
وفتحها !
عقد حواجبه وهو يشوف ورقه بيضاء مطويه
معطره !!
وما ترك مجال للتفكير عن محتواها
بسرعه فتحها
وبدأ وجهه يتغير ويتحول للاحمر من اول حرف الى اخر حرف بالرساله !
يحس الدنيا اظلمت بوجهه والسماء اطبقت فوقه
فتح اول زر من قميصه وهو يحس بالاختناق
كيف صار هذا الشيء ؟!
من متى ؟!
لذي الدرجه مغفل ؟!
قبض كف يده وعصر الورقه وكل الغضب
تلبسه
ناظرها بصوت غاضب وعيون تقدح شرار : لمين هذي الورقه ؟!
رجعت للخلف خطوه وهي تشوف نظرات ابوها اول مره تشوفه كذا !
ما تدري وش بالورقة حتى حولته كذا ؟!
ردت بخوف لما هزها بقوه حتى تجاوب : نهى اعطتني اياها قالت لي اعطيها لنواف
وأشرت على مكانه قبل شوي
بس استغربت لما ما شافت احد
وقبل ما تلتف لابوها صرخت وهي تحس يدها رح تنقطع وهو يسحب فيها بإتجاه البيت !
بكت بصوت راجي انه يتركها ...
بس ابو سعود سيطر عليه غضبه وما عاد يميز شيء !
دخل البيت واول ما وصل الصاله
رماها على الأرض بقوه
ونزل فيها ضرب وعائشه تصرخ وتبكي وتستنجد بأمها
طلعت ام سعود على صراخهم وانفجعت وهي تشوف زوجها يضرب بعائشه
حاولت تبعده عنها صرخ عليها ؛ اتركيني اقولك !
صرخت ام سعود وهي تشوف صغيرتها تسقط على الارض لا حول ولا قوه لها
وبسرعه دفت زوجها وحضنتها وهي تمسح على وجهها : ماما قومي !
أبو سعود بدون رحمه صرخ: جعلها تموت وهي واخواتها وارتاح منهن
وبصرخه اقوى نادى : نهى نهى
كانت واقفه قريب من الصاله بس من الخوف ما قدرت تتحرك
شخصت عيونها وهي تشوف ابوها
فوق راسها
وما ترك لها فرصه تحكي او تبرر
كل شيء واضح قدامه !
وهو المغفل للي المويه تمشي من تحتيه وما يدري عنها !
سحبها للغرفه وقفل الباب وهو يشوف اسماء بالغرفه !
زفر بقهر وغضب وهو يتوعد فيهن !
يبغى يبكي من القهر اصعب شعور العرض
لما تحافظ على بناتك وتتفاجئ بتصرفات طايشه
تنزل راسك بالارض !
صرخ صرخة موجوع بأعلى صوته : والله ما ارحمكن !!!
**
**
**
**
ام سعود تعرف حركات عائشه تتظاهر انها فقدت الوعي لما تقع بذي المواقف
هزتها بخفه : قومي ماما ا بوك راح !!
قومي بسرعه !
فتحت عيونها وما قدرت تكتم شهقاتها
غطت وجهها بصدر امها وبدأت تبكي
وام سعود تمسح على رأسها : خلاص يا ماما
قلبها قارصها حاسه انه في مصيبه لانه زوجها عمره ما ضرب البنات بذا الشكل !
عائشه من بين شهقاتها : ماما يدي توجعني !
طالعت ابنتها وكيف مكان الضرب بدأ ينفخ
ويتلون : اشوف يدك !
مدتها ودموعها تنزل بغزاره
غمضت عيونها ام سعود بوجع وهي تشوف يد عائشه منفوخه !
وبتردد سألت خايفه من الاجابه تكون صادمه: ليه ضربك ؟!
عائشه بصوت مبحوح من البكاء : اعطتني نهى ورقه اعطيها لنواف وقالت لي رح يعطيك حلاوه
وبابا مسك الورقه وشافها
ورجعت تبكي من جديد بطفوله : انا وش دخلني ؟!
ام سعود بهتت ملامحها وش هالفضيحه ؟!
نهى للي بعينها طفله تعمل كذا ؟!
عمرها ما قصرت معها ليه تجازيها كذا ؟!
وما لقت الا نواف ؟!،
امه عباره عن اذاعه رح تصير سالفتهم على كل لسان !
ضربت على جبهتها بقوه وش هالمصيبه؟!
وقفت لما شافت ابو سعود طالع من الغرفه
وكأنه بركان ثاير
ابعدت عائشه عنها بسرعه وركضت له :وين رايح ؟!
ابو سعود بغضب : والله لأذبحه
ام سعود تحس الروح تطلع منها : فكنا من الفضايح
تعال خذ البنت للمستشفى
قاطعها وهو يناظر عائشه بكره وحقد : جعلها تموت ونرتاح من لسانها للي ما ييجي منه الا المصايب
وطلع بعد ما ضرب الباب بقوه !
جالسه تناظر المشهد ونظرات ابوها واسلوبه ينعاد قدامها !
غمضت عيونها بوجع من اسلوب ابوها
ومن وجع يدها للي تحسها انشلت مو قادره تتحمل الوجع
وبدون شعور صرخت بقوه وبعدها احتضنت الارض بلا حراك !!
***
**
**
**
**
ضرب كفر السياره برجله بقهر : افففف وقتك !
ام راكان بضجر : وبعدين معك ؟!
اذكر الله !
عزام بغضب مكتوم : والنعم بالله !
بس انت شايفه الشمس قريب تغرب
اسيل وهي متربعه وجالسه جنب أمها : الجو حلو يجنن !
عزام عفس ملامحه : يجنن !
الحين نشوف لما تغيب الشمس ويحل الظلام
وانت جالسه ما تشوفين الا الضبع هاجم عليك !
اسيل وهي تحصن نفسها : اعوذ بكلمات الله التامات من شرما خلق !
ام عزام بنهر : ترى مو ناقصين ذي السوالف !
تراني والله خايف
قاطعتها ام راكان : تعوذي من الشيطان !
ولا تخليه يلعب فيك !
ما في شيء يخوف واذا طلع ضبع !
خير يا طير ؟!
الا اضربه بحجر بنص عيونه اخليه ما يشوف دربه من الخوف !
عزام ناظر خلفهم وجحظ عيونه بخوف وصوته يرتجف : بسرعه على السياره فيه ضبع جاي لجهتنا يركض
قاطعته صرخات ام راكان وهي تقفز وتركض للسياره : اويلي اويلي
لا بالله خلاص هذي نهايتي !
يا حسرتي على شبابي !
ودخلت السياره وهي تقفلها وجسمها ينتفض نفض !
جلس عزام على الارض وهو يضحك بقوه وماسك بطنه من الوجع : اه يا بطني
ورجع يدخل بنوبة ضحك
وساره جنبه تضحك : ششش شفت هههههههههه
ام عزام انقهرت منهم وقلبها يدق طبول : هذا مو مقلب ؟!،
ما تستحون على وجهكم !
احمدوا ربكم انه بنات خالك نايمات بالسياره
والا كان انهبلوا !
شوف جدتك يا ...
ضحك على امه المعصبه وناظر جدته وهي تنزل من السياره
معصبه بعد ما عرفت انه مقلب : لا تكلمني يا عزام !
جلست عند ام عزام : وقسم بالله للحين قلبي يدق بقوه احسه رح يطلع من مكانه !!
اسيل وهي تضحك : وين دروس الشجاعة ؟!
ورجعت تضحك وهي تتخيل شكل جدتها
ام راكان بقهر : ادري انه كله من تحت راسك
فتحت اسيل عيونها بدهشه : انا ؟!
حرام عليك يا جده هو غمز لي
قاطعها عزام بخبث: لو تدرين يا جده انها صورتك بالجوال !!!
ام راكان بنهر : انت ما في وجهك حياء؟،
وبتوعد وقسم بالله الا اقول لابوك واذا ما خليته يلغي خطوبتك ما اكون ام راكان !
والله لأطلع هالضحك من عيونك !!!
اسيل عفست ملامحها وشوي وتبكي : انت يا جده ليه تفرقي بين العيال والبنات ؟
حرام عليك !
يعني عزام للي عمل فيك مقلب وحطيتي حرتك فيني
كل هذا لانه ولد ؟
ام راكان بتهكم : ايوه لانه ولد !
تراني اكره البنات ولما اسمع فلانه جابت بنت احسه يوم عزاء !
وازيدك من الشعر بيت ترى لما امك جابتك وجابت خوله يومها عزيتها وقلبت البيت مناحه !
ابغى عيال مو بنات !
ولوت بوزها مو عاجبها !
اسيل بقهر من كلامها : الظاهر يا جدتي نسيتي انك بنت !!!
ما ادري ليه تميزون العيال ما ييجي من عندهم الا المشاكل !!!
ام راكان ابتسمت : يا زين العيال شوفتهم تفتح النفس!
واشرت على عزام !
مو مثلك انت وبنات عمك تسدون النفس!!!
اسيل لوت بوزها : دامني اسد نفسك خلاص كل وجبه تلقيني بوجهك علشان تنسد نفسك
وتنحفين
ورفعت حاجب بخبث : علشان جدي ما يعمل مثل جدي ابو محمد ويتزوج الثانيه علشان يجدد شبابه !
ام عزام بنهر : اسيل وش هالكلام ؟!
انكتمي احسن لك !
ام راكان وقلبها مولع بس مجرد فكره انه يتزوج عليها بس الكبرياء جبرها ترد على اسيل ببرود : عادي خله يتزوج !
وبثقه لانه ما رح يلاقي مثلي واصلا مستحيل جدك يعملها
زفر عزام بضيق من ذي السوالف وناظر ساعته قلبه مو مرتاح لهذا المكان : علامهم تأخروا
ام عزام : قريب يوصلون لا تحاتي يا ولدي !!!
،،،
،،،
،،،
،،،
،،،
مها ناظرت ساره جالسه والسكوت مخيم عليها
جلست جنبها على الارض ومسحت على شعرها بحنيه : وش فيك ساكته ؟!
رفعت راسها وناظرتها ورسمت شبح ابتسامه : وش اقول ؟
ابتسمت لها وحست انها متضايقه تبغى تروح مع راكان لانها من لما غادروا وهي على جلستها وساكته : تبغين تروحين معهم ؟!
ردت وصوتها مخنوق بس تحاول ما تظهر : ما ابغى اروح ما اقدر اترك خالتي هنا ؟!
سألتها حتى تعرف مين للي منعها تروح : طيب ما قالوا لك ترجعين معهم ؟!
ردت بصوت مخنوق وحابسه الدمعه : جودي قالت اروح معهم بس
عمي عزام رفض
سكتت وهي تزم شفايفها حتى ما تبكي !!
قاطعهم دخول ام محمد وهي توجه كلامها
لساره : صليتي المغرب !
هزت راسها بالرفض
ام محمد بنهر : قومي لا بارك الله فيك
مها ناظرت ام محمد بلوم : مو كذا الاسلوب ! انت تنفريها من الصلاه !
لازم بإسلوب
قاطعتها ام محمد باستخفاف : اقول اترك عنك السوالف
وقومي صلي انت الثانيه الحين يفوت وقتها !
مها: ترى يا خالتي للحين ما اقام الصلاه !
ومسكت يد ساره : تعالي نصلي
وقبل ما تطلع تكلمت بنغزه : قبل ما تحاسبي هالصغيره على الصلاه شوفي
ولدك نايم ما صلى !
ام محمد بفجعه : هالكذاب يقول لي صليت !
الحين اراويه يكذب علي
وطلعت متوجه لنادر وهي تتحلف فيه !
،،،
،،،
،،،
،،،
،،،
ناظرت امها جالسه تنتظر يكملون تجبير يدها
ودموعها تنزل بهدوء
الدكتور بلطف : لا تبكين يا حلوه !
ما ردت عليه ودموعها مستمره بالنزول
خال عائشه : انتبهي مره ثانيه وانت تنزلين الدرج
شوفي كيف صار فيك !
ام سعود زفرت بضيق وقلبها قارصها
زوجها طلع من البيت وتتصل فيه وما يرد عليها !!
حتى اخوها كذبت عليه وما قالت له السالفه
ما تبغى تزيد فضيحة بناتها
ولما يكبرن مين يتزوجهن !!
رددت بنفسها يا رب استر على بناتي
ناظرت الدكتور لما كمل : سلامتها
ومسح على شعر عائشه وابتسم : انتبهي مره ثانيه علشان ما تتعورين !
وتركهم وطلع
ام سعود والضيق باين بصوتها : يلا يا عائشه
اخوها يخفف عليها : لا تضايقين نفسك
شوفيها ما فيها الا العافيه !
هزت راسها بقلب ميت وبداخلها اي عافيه
ونهى واسماء ما تدري وش حالهن
حملت عائشه مثل المجنونه بعد ما فقدت الوعي
وقفت عائشه بتردد ما ابغى ترجع البيت تخاف ابوها يطقها مره ثانيه
بس امها ما تركت لها مجال مسكت يدها السليمه وتوجهت خارج المستشفى !!!
ابو سعود وهو ماسك الولد من ثوبه والناس إلتمت حولهم : والله لأذبحك واشرب من دمك
الولد يحاول يفلت نفسه
وبمساعده الناس للي فكت بينهم أفلت من قبضة. ابو سعود بأعجوبه !!
ابو سعود بصراخ وهو يحاول يفلت نفسه من الرجال للي ماسكينه : اتركوني عليه
نواف يتكلم بقوه عين : روح ربي ابنتك للي تراكض خلفي !
ابو سعود جن جنونه وللي ذبحه الرجال للي ماسكينه
وش هالفضيحه هذي ؟!
وقف رجال محايد : ترى يا ابو سعود الغلط عليك
انا اكثر من مره اشوف ابنتك الصغيره تتلصق فيه
المفروض تنتبهون لها !
وناظر نواف : وانت بنت صغيره عيب عليك تستغلها
نواف يبغى يفضحها خاربه خاربه : مو الصغ
عرف ابو سعود انه يبغى يقول الكبيره ويفضح ابنته بعد ما اكتشف انه الناس تفكر عائشه للي تلاحق نواف
وبقوه ما يدري من وين دبت فيه
هجم بقوه بعد ما حرر نفسه من الرجال
وضرب نواف بوكس على فمه وبصراخ : انكتم انكتم
فرقوا الناس بينهم وغادر نواف المكان وهو يهدد ويتوعد والدم ينزل من فمه
،،،،
،،،،
،،،،
دخلت البيت وبعدها بدقائق. دخل ابو سعود
مثل الثور الهايج : وين كنت ؟!
ام سعود بصبر : للمستشفى
واشرت على يد عائشه
اقترب وعيونه تقدح شرار : ليه تأخذينها ؟!
جعلها تموت هي والخنزيرات للي بالداخل !!!! وبصراخ اشر لعائشه : انقلعي على الغرفة ما ابغى اشوف وجهك !
ركضت عائشه للغرفه قبل ما يكمل ابوها كلامه
ناظر زوجته : عجبك اخر تربيتك ؟!
ردت بحده : لا تكلمني كذا؟!
كأني مسكت يدها راسلي. فلان وعلان !!
رفع اصبعه بإتهام : انت السبب طول وقتك على الجوال
او دايره من بيت لبيت !
ناسيه انه عندك بنات لازم مراقبه
قاطعته بتهجم : قول لنفسك طول الوقت على الزفت او نايم او طالع ......
ويبقى السؤال
مين الشماعه للي نعلق عليها الغلط
الام او الاب او المجتمع ؟؟!!!!!!
عشرون عاما قد مضت .. عام مضى من بعد عام
واليوم لم يثبت لنا .. من ودنا غير السلام
ومشاعر مكتومة .. إخراجها منا حرام
ما خان أو خنا ولكن .. الزمان لك احتكام
يا صاحبي إن أسدلت من بيننا ستر الظلام
فلأنت نور مشرق .. يجلو عن العين القتام
إن يحجبوك عن العيون .. فأنت في جفني تنام
الشمس نبصر نورها .. بالرغم من كثب الغمام
سأراك في البسمات في النسمات في بدر التمام
وأدراك صوت بلابل .. وشذا يفوح به الخزام
يا أيها الطير الذي .. جاب دنيانا وحام
بلغ أخيّ محبتي .. بلغه ما عشت السلام
####
###
##
#
يتبع بارت 8
بعد مرور اسبوع ناظرته بقهر من اسلوبه : مو طالعه من هذا البيت !!
تابع كلامه وما اخذ اعتبار لاعتراضها واكمل كلامه بنبره امر حاده : اليوم بعد العصر رح ننقل الاثاث
وخبري الكلبات للي بالداخل يجهزن
قاطعته بعصبيه من تطنيشه لها : وبعدين مع ذي الحياه ؟!!
وضربت كف بكف خلاص انا قرفت الحياه هنا !!
صار لنا اسبوع عايشين بجحيم !
قاطعها و هو يكتف يدينه ببرود ظاهري ومن داخله نار مو راضيه تنخمد : البركه ببناتك !
ردت بغضب : هذا انت قلتها بناتي مو انا ؟!
طول الاسبوع تكلمني وكأني انا للي قلت لها راسلي ؟!
وبنبره رجاء : خلاص انسى هالسالفه
قاطعها باستنكار : انسى ؟!!!
مستحيل !!!
وبتعجب تابع كلامه : كيف تبغيني انسى
وكلام الناس يذبحني !
تدرين انه الناس يظنون عائشه هي للي تراسل نواف الزفت ؟!
تابع بغصه يقولون هذي وهي صغيره تعمل كذا
عيل لما تكبر وش رح تعمل ؟!
ما يدرون انه البقره الكبيره هي للي
زفر بضيق وما كمل كلامه
تنهدت ام سعود والضيق مو راضي يفارقها من اسبوع : الناس باكر رح تنسى لا تكدر خاطرك !
ناظرها بسخريه : هه الناس تنسى ؟!!!
الناس تنسى كل شيء الا الشرف مستحيل ينسون هذي السوالف !
وبندم : اناالحمار للي سكنت بهذا الحي وتركت اهلي
لانه هنا الايجار ارخص !!
وش استفدت من الفلوس ؟!
رح نرجع لمنطقة اهلي ونسكن قريب منهم
قاطعته بتحذير : بس من الحين هذي السالفه اهلك لا يدرون عنها ل
قاطعها بقرف من هالسيره : مو مجنون اروح افضح نفسي
وناظرها باستفزاز قولي هذا الكلام لنفسك واقضبي لسانك
عن اخواتك واهلك
**
**
**
**
مسكت حجر من نوع الطابشور ورسمت على جدار البيت رسمات طفوليه بعمرها
تعبر عن الافكار للي بداخلها
قاطعتها ام محمد بسخريه : وش ترسمين يالطرمه ؟!!
ناظرتها وابتسمت بطفوله
ام محمد ميلت شفتها بسخريه وهي تشوف
رسوماتها اقرب للخربشه اشارت على رسمة بنت بشعر قصير : هذي انت تشبهك سبحان الله !
وتابعت وهي تمط شفتها بقرف : تقرفين مثلها !
ونقلت نظرها لرسمة رجال كاتبه فوقه بابا
ضحكت بسخريه : هذا ابوك ؟!
تراك مخربطه و سحبت من يدها الحجر ورسمت شايب بس ما اتقنت الرسمه ما تعرف تستخدم الطابشور : هذا هو ابوك شايب عايب انجن على اخر عمره
وجاب بنت اصغر من احفاده !!!
وإلا أقولك شوفي ذاك الشايب أبوك مثله بالضبط !
لا تظنين أبوك صغير بعمر نادر
تراه كان شايب على حفة قبره وتشبشب على اخر عمره
ركزت نظرها على الشايب وهي تسمعها تثرثرفوق راسها !!!
مو قادره تستوعب انه ابوها شايب !!!
ليه هي الوحيده ابوها شايب ؟!
ما شافته ولا جلست بحضنه مثل باقي الاطفال !!!
حتى أمها ما شافتها ولا تعرفها ؟!!
تركوها
قاطعتها ام محمد وهي تشدها للداخل : ادخلي
اعملي شيء نشربه قبل ما اروح لام هزاع
هزت راسها بطاعه ودخلت بهدوء وبداخلها بضيقه وحزن وشعور بالنقص انه أبوها شايب !
حتى بالقريه ينادونها بنت (ابنة ) الشايب !!!
تكره هاللقب ويشعرها بالنقص عن باقي جيلها
ومع ذلك تسكت لأنها ما تملك شجاعه وقوة شخصيه ترفض هاللقب للي إلتصق فيها !!
**
**
**
**
**
ضحك من قلبه على كلامها : الله يسامحك يا خالتي !!
ام محمد : هذا انت كم سنه ما شفتك وانت بذيك الديار وشهوله تنتقد وجودي بذي القريه ؟!!
ابتسم : يا خالتي من عقلك تاركه بيتك ورايحه لذي القريه ؟!!
اكيد عيال عمي غسلوا مخك !
ام محمد بضيق وهي تحس بكلامه سخريه لعيالها وهذا الشيء بحد ذاته يضايقها : وبعدين معك ؟!
ضحك بهدوء : الله يهديك يا خالتي وانا متصل فيك اطمئن عليك بعد ما شفت المكان للي عايشه فيه !!
ام محمد : عزام هو للي صور المكان ؟!
ابتسم : تبين الصدق ايه عزام صور لي المكان
وبصراحه ما صدقت انك راضيه تعيشين هنا ؟!
ردت بنرفزه : ترى هالعزام رافع خشومه وشايف نفسه وانت بعد مثله !
قاطعها بتذكير لماضيها : ترى طالعين لك
بس الظاهر من عاشر قوم اربعين يوم صار منهم
ردت بضيق وهي تحس انها تسرعت بقرار تواجدها هنا وكيف تخلت عن برستيجها وبتبرير للموقف : ترى مو مطوله هنا
بس العطله ووقت المدارس رح نرجع بإذن الله !
يعني اعتبرها طلعه لتغيير جو !!
رد بتفهم : اها
و كيف ابنة عمي عندك ؟!
اخاف تشتغلي لها شغل زوجات الاب ؟!!
رفع ضغطها بذي المكالمه : لا تخاف تراها حيه تشتغل من تحت لتحت !!
مثل عمك الشايب واكيد امها
قاطعها يغير السالفه : الله يرحم الموتى وعمي الله يرحمه
والبنت نصيبها تيجي لذي الدنيا
ام محمد بهدوء : كل شيء نصيب
كيف دراستك ؟!
واخوانك وش اخبارهم ؟!!
ابتسمت بفرح وهي تسمعها تقول رح يرجعون
لما تخلص العطله
واخيرا رح ترجع عند اهل ابو راكان وابو عزام
**
**
**
**
**
ام راكان بيدها السبحه وتناظر الموجودين بهدوء
سلمان بنرفزه : جده شوفي تالا تبغى تيجي معنا !!
ام راكان : وين امها ؟!
عبد الرحمن : طلعت فوق
ام راكان وقفت بضجر : وقتها تترك هالعله
هنا
مسكت تالا من يدها : اجلسي هنا
تالا ترافس برجلينها وتبكي وتبربر بكلام مو مفهو م
ام راكان وهي ماسكه يدها : اقول اجلسي وبلا ثقل دم !
لو انك ولد كان سكتنا عنك
اما بنت وتتدلعين !!
ام عزام ابتسمت على كلامها : نادوا امها والله ذبحت رأسي بصراخها !!
دخلت ام تالا واخذت تالا وهي تهدي فيها
ام راكان بقرف : خذيها بعيد تتدلع علينا !!!
ام تالا ما عجبها الكلام اخذتها وطلعت ما تدري ليه يفرقون بين البنت والولد ؟!!!!
ام عزام وتحس المكان عم بالهدوء : ايوه كذا
وبتذكر خليني اتصل بعزام اذكره
امي اليوم راجعه
ام راكان : البارحه كلمتها وقالت تبغى ترجع ما بقى على المدارس الا ايام !!
ام عزام باستغراب : احس العطله مرت بسرعه !!
مسكت الجوال واتصلت عليه : السلام عليكم ......وينك ؟!! .......ما ابغى شيء بس ابغى اذكرك ما اتنسى تجيب جدتك .......متى اتصلت فيها ؟!! .....طيب خلاص مع السلامه
قفلت الخط وناظرت ام راكان للي تنتظرها تتكلم: يقول مشغول اليوم واتفق معها باكر يجيبها
ام راكان هزت راسها : ما ادري كيف امك تحملت تعيش هناك طول مده العطله الصيفيه ؟!!
انا اعرفها في راسها موال بس ما ادري وش هو بالضبط !!!
ام عزام بلامبالاه : بكيفها
وابتسمت بهدوء
ام راكان بلقافه : وش فيك تتبسمين ؟!!!!
ام عزام توسعت ابتسامتها : تذكرت امي لما قلنا لها ساره تكون اختي بالرضاعه
ضحكت ام راكان : تتذكرين وقفت بصراخ والله ما تكون اختك انا للي رضعتك وشهوله الكلبه تصير اختك ؟!!!
كملت ام عزام بضحكه قصيره : تتذكرين لما قالت حليبي وحره بكيفي ما ابغى تكون اخت لك
ام راكان ابتسمت : الله يهديها تراها متى ما ضرب عقلها ما ترسل ولا تستقبل !!
**
**
**
**
طالعتها مها وهي عافسه ملامحها من لما اتصل فيها الظهر عزام وقال لباكر رح ييجي يآخذها والحين بعد العصر وهي نفس الجلسه وقالبه بوزها
ام محمد بوحشيه : علامك تناظريني اول مره تشوفيني ؟!
ابتسمت مها بنعومه : يا خالتي خلي ختامها مسك !!
ام محمد وانفجر صبرها : اي مسك !!
ترى اذا ما رجعت اليوم بموت خلاص !!
مها عقدت حواجبها باستغراب : الحين حنت الرجعه !!!
طول العطله وانت مبسوطه وش قلبك ؟!
ام محمد وملامحها عابسه : خلاص طقت الرجعه ا لحين ما ادري كيف جلست هنا ؟!
وين كان عقلي؟!!
وبقهر تابعت : ولا استفدت شيء من الجلسه هنا !!!
مها بعدم فهم : تستفيدي ؟!!!
وش قصدك ؟!
ام محمد بكشره : ما يخصك
وين الزفته ما اشوفها ؟!!
مها عرفت مين تقصد : راحت للبقاله
قاطعتها تبغى تطلع حرتها بأي شيء : طول وقتها بالبقاله ما تشبع من السم للي تشتريه !!
ما خربها الا نادر ما يعرف يخبي فلس بجيبته !!
مها ابتسمت : يا خالتي خلينا نأخذ اجر بهذي اليتيمه
قاطعتها بحده : ذبحتينا بذي الكلمه يتيمه يتيمه
ترى و انا بعد يتيمه ام وابوي ميتين !!
ضحكت بخفه على عقل وتفكير حماتها : خلاص الحين اعطيك تشتري من البقاله
ناظرتها ام محمد بانتقاد : تتمسخرين علي !!!!
مها بنغزه: والله يا خالتي ما ينفهم لك
ذاك اليوم تتصدقين وتمسحين على رأس ابنة ابو عقاب لانها يتيمه وتقولين نبغى الاجر
وساره عندك مو يتيمه ؟!
والا لانها ابنة ضرتك
قاطعتها ام محمد بتهجم : اشوف فيك يوم
ويتزوج عليك نادر بدل الوحده ثلاث
مها بطريقه مستفزه : مستحيل نادر يعملها !!
ام محمد ناظرتها ببغض : انا متأكده انك ساحره ولدي وصار مثل الخروف بيدك !!
ابتسمت مها : صادقه يا خالتي تراني سحرت ولدك
بالسحر الحلال !!
وبجديه : لا تفكري انه الفلوس والعيال أساس السعاده !!
انا ونادر ما عندنا فلوس وعيال ومع ذلك عايشين حياتنا بسعاده وانت شفتي بعينك!
ام محمدقاطعتها : كيف سعاده وما معك فلوس ولا عيال !!
مها ابتسمت وبنغزه : هذي انت يا خالتي معك فلوس وبيت وعيال
بس ما اشوفك مبسوطه!!
وفوق هذا زوجك تزوج عليك !!
وعيالك ما اشوفهم حولك كل واحد بجهة
وانت تراكضين خلفهم وما حد عبرك !
قولي لي متى اميره زارتك !!!
خلف للي داير على راسه و ما يعبر احد
والا محم
قاطعتها بضيق من حال عيالها : خلاص اسكتي !
انا ما يهمني لا زوج ولا عيال و لا شيء
اهم شيء نفسي وبس !!!
وجعل الباقي بالحري..
وسكتت قبل ما تكمل لانه هالكلام مو من قلبها
بس مقهوره من حال هالدنيا
نفسها عيالها يكونون حولها لكن للاسف كل واحد لاهي بحياته بعيد عنها !
قاطع افكارها رنين جوالها ردت باستغراب : هلا عزام !!
***
***
***
***
واقف باب البيت بضيق ما خبر جدته انه جاي يأخذها متأكد رح تزعجه من كثر الإتصالات وين صرت !!
فقرر ييجي بدون ما يخبرها
اقترب وسلم عليها بهدوء
ام محمد بعتاب : علامك ما اعطيتني خبر !!
عزام بنفسه يا ليل ابو لمبه : ما بغيتك تقلقين علي !
هزت راسها بتفهم : خلينا نطلع الحين
تعال احمل معي الاغراض لاني مستعجله
ابغى اطلع من هذا المكان !!
دخل خلفها بهدوء وأخذ الاغراض ووضعهم بالسياره
وفتح باب الامامي لجدته
وجلس مكانه وقبل ما يحرك طلعت مها تركض من البيت : انتظر انتظر
فتحت الباب مها وهي تلهث : علامك يا خالتي ناسيه ساره!!
ام محمد ضربت جبهتها : نسيتها من السرعه !!
وينها الحين ؟!
مها هزت كتوفها : ما ادري بعد الغداء طلعت للبقاله وما رجعت !!
ام محمد بتفكير : يمكن راحت عند نادر
قاطعتها بنفي : لا نادر اخذ الغنم وراح مع جارنا
وقال لها ما تلحقه !
نزل بعصبيه من السياره هذا للي ناقصه : وين ألقاها الحين ؟!!!
مها رفعت حاجب : هدي لا يطق لك عرق !!
طالعها بدون كلام محترم انها زوجة خاله
ضحكت مها على نظراته : ادري الحين تقول يا ثقل دمها !
ام محمد : رحم الله امرئ عرف قدر نفسه !!
عزام بنفاذ صبر : وين ألقاها الحين ؟!!
مها : شوفها عند البقاله للي عندالزاويه !!
واذا ما لقيتها في بقاله بالجهة
قاطعها بضجر : خلاص
وتركهم وراح
مها مدت بوزها : علامه يكلمني من رؤوس خشومه !!
ام محمد بشماته : هو كذا اسلوبه مع للي طينتهم ثقيله !!!
**
**
**
**
واقفه عند باب البقاله وتشرب عصير وتناظر العيال للي يلعبون قريب منها
وتبتسم تحس بالفرح بداخلها ام محمد قالت باكر رح يرجعون
خلاص رح تترك هالمكان وتفارق مها ونادر
كانوا معها طيبين
وما حرموها من شيء حتى ام محمد وقت الاكل تجبرها تأكل كثير
رح تشتاق للغنم للي قضت اغلب اوقاتها
وهي تراكض خلفهن
قربت المدرسه ورح تلتقي بعائشه مشتاقه لها
كثير
رح تخبرها عن القريه وعن الغن
قطعت افكارها وهي تحس بشخص يسحبها وبعصبيه كلمها : وش تعملين هنا ؟!!
ناظرته وابتسمت بفرح لشوفته : عمي عزام
عزام يحس روحه بأنفه وهو يدورها وبحده : ليه تروحين للبقاله البعيده !!
وكم مره قلت لك ما تدخلين بقاله !!
وليه واقفه عند العيال !!
وما ترك لها فرصه ترد سحبها بقوه متجه للسياره
تبغى تصرخ وتقول له فك يدي
بس ما عندها قوه تقول له
لما اقترب من السياره ترك يدها : انقلعي اركبي !
بدون ما تطالعه ركضت للسياره
وما انتبهت لوجود مها !
اقتربت مها وناظرت عزام من فوق لتحت وفتحت باب السياره واقتربت من ساره
قبلت راسها وابتسمت لها : انا ونادر رح نشتاق لك !!
ام محمد جالسه بالكرسي الامامي وبسخريه : على وش تشتاقين يا حسره !!
مها طنشتها ومسحت على راس ساره : مع السلامه !!
ابتسمت لها ساره والدموع تلمع بعيونها : مع السلامه
عزام بخلق ضايق : خلصوني !
وقفت مها وكشت عليه : مالت عليك يالعصبي
ابتسم على كلمتها وعلى طريقتها بالكلام
وركب السياره
و حرك بهدوء تنهدت ساره براحه
بس سرعان ما نقز قلبها لما تكلمت ام محمد : ليه تأخرتي بالبقاله ؟!!
مو دايم اقولك اشتري وارجعي على طول !!
ناظرتها وهي ترفع حواجبها باستنكار أول مره تسمع بذي السالفه !
ناظرها بالمرايه بتوعد : انا كم مره قلت لك لا تدخلي البقالة ؟!
ناظرته بتوتر وهي تفرك يدينها : اسفه
نقزت على صرخته : هذا الشاطره فيه(اسفه )
تعملين السبعه وذمتها وبالاخير تقولين اسف !!
وش ابغى بأسفك ؟!
وبتوعد حسابك بالبيت لما نوصل !
بلعت ريقها بخوف وما علقت
ابتسمت ام محمد بنصر تعمدت تقول كذا لانها تعرف عزام لما يعصب !!
زفر بضيق وناظرها وهي منزله راسها وتناظر بالارض
حس قلبه عوره من منظرها وبصوت حاول يكون هادي : ساره !!
رفعت رأسها وابتسمت له : نعم !!
استغرب منها توقعها تبكي بس الظاهر انها عديمة احساس
ام محمد بكره : نعامه ترفسك
عزام ناظر جدته ورجع ناظر ساره متغيره خلال هالعطله صارت اطول وامتن : الظاهر إنك طول العطله تأكلين برسيم ؟!
والتفت على جدته و ابتسم
ام محمد : هذي البنت مو طبيعيه تقول انها طالعه من مجاعه تأكل اكثر من 6 وجبات باليوم وبالغصب نبعدها عن الاكل !!!
طالعتها ساره باستنكار ما تدري من وين تجيب هالكلام !!
كل يوم غصب عنها تخليها تأكل كثير !!
عزام رجع ناظراها بالمرايه : لازم تخففي عنها الاكل باكر تصير بحجم البرميل !!
شوفي كيف متنانه ما كانت كذا!!
تدرين لما كنت ادورها بالبدايه ما عرفتها !!
ساره ابتسمت وسألته بطفوله: نسيت شكلي ؟!!
ضحك ضحكه قصيره وناظر جدته : أحد ينسى القمر المخسوف واشر على ساره !!
ضحكت ساره بفرح وهو يقول عنها قمر !!
ام محمد بتذكر : انت مصورها لعمك مناف !!
ابتسم وهو يتذكر التعليقات : ايه صورتها له !!
تدرين خطيبته ما صدقت انها ابنة عمه !!
ام محمد : ليه ما تخطب اخت خطيبه عمك مناف !!
يا عليها جمال ذباح !!
ترى مناف كان مثلك حاط مواصفات خرافيه ولما شاف خطيبته تخرفن وبنفس الاسبوع خطبها !!
وش رأيك
قاطعها بكشره : ما احب اخوانها !
فتحت عيونها بإستنكار : وش دخلك بإخوانها ؟!!
اهم شيء البنت !
رد ينهي الموضوع : ما اطيق اخوانها تبغين يكونون اخوال عيالي !!
هزلت والله !!
طالعته ام محمد بجعرفه : اشوف ست الحسن للي رح تتزوجها !
ابتسم وما رد
**
**
**
**
**
**
**
اول ما نزلت تبغى تركض مشتاقه لهم كثير
بس وقفها عزام وهو يمسكها من كتفها : تعالي خذي اغراضك وبسرعه على البيت وتسبحي
لانه ريحتك قتلتني
حشى انت تنامين عند الغنم !!
ردت ببراءه : لا انام بغرفه خالتي
ام محمد بحده : بسرعه على البيت يا ويلك اذا رحتي هنا او هنا بدون علمي !!
هزت راسها بطاعه : ان شاء الله
اقتربت من بيت ام محمد ونزلت الاغراض وركضت لبنات خلف وسلمت بحراره
جودي بابتسامه : واخيرا رجعتم !
ليان : الحمد لله على السلامه !
متغيره كثير
وناظرت جودي لتأكيد كلامها : صح
جودي هزت راسها بتأييد : ايه صح
ساره ما علقت على كلامهم وبلهفه : وين عمار؟!
وخالتي ام عمار ؟!!
جودي : امي شوي وتيجي مع جدتي ام راكان
اما عمار طالع
قاطعتها صرخة ام محمد : ادخلي لا بارك الله فيك
وبسرعه توجهت للداخل وهي تسمع ام محمد تبربر
**
**
**
القلوب أوعية، والشّفاه أقفالها، والألسن مفاتيحها، فليحفظ كلّ إنسان مفتاح سرّه.
•••
•••
•••
•••
ابو راكان يمسح على راسها بحنيه : كيف العطله كانت ؟!
ابتسمت بحماس : حلوه
ام راكان ابتسمت بسخريه : ما ادري وش الحلو وانت جالسه بمكان يقرف !
ساره ببراءه : ما عجبتك الغنم !!
ابو راكان بضحكه قصيره على شكل ام راكان !
ام عمار ابتسمت : انا لو يقرب مني الغنم خطوه انهبل !
ساره متحمسه وفرحانه بشجاعتها : لا تخافي من الغنم لأنه حيوان أليف !
اسيل عفست ملامحها بقرف :،يعوووووو
سلمان كش على اسيل : مالت عليك يقال برستيج !
وبدآ ينفخ صدره ويمدح نفسه : انا ما اخاف من الغنم !
مستعد اذبح الغنم وانا مغمض عيوني !!
دخلت جودي بعجله وهي تناظر ساره : جدتي تدور عليك ومتحلفه فيك !
فزت بخوف وطلعت وهي تركض
بإتجاه بيت ام محمد
وبلعت ريقها وهي تشوفها واقفه عند الباب والشرار يطلع من عيونها !!
تقدمت وبخوف : نعم خالتي !
ام محمد بشراسه : يخلخل عظامك قولي امين !
انا ادورك من ساعه وين طاسه ؟!
ساره تبغى تبرر موقفها
بس قاطعتها ام محمد وهي ترفع اصبعها بتهديد:ولا كلمه !!
ما ابغى اسمع اي تبرير فاهمه !
هزت راسها بطاعه : ان شاء الله
ام محمد اشرت لها تدخل خلفها
اخذت نفس ودخلت خلفها بخطوات هاديه !
ام محمد : صحيت من النوم ناديتك وما رديت ؟!!
ساره بإعتذار : اسفه ما سمعتك!!
بغيتي شيء مني ؟!
ام محمد تجلس على الكنبه : ايه ابغى مويه
واعملي شاهي رأسي مصدع !
وبعدها انقلعي برا
هزت راسها متحمسه حتى تكمل بسرعه وترجع لبيت ابو راكان !!
جهزت كل شيء وحطته قدامها : تفضلي !
ام محمدوهي مستلقيه على الكنبه : اسمعي روحي عند عمك ابو راكان يبغى يأخذك للسوق وتشترين اغراض للمدرسه !!
وقفت بفرح : الحين اروح
وطلعت تركض بفرح مو مصدقه طالعين للسوق !
رح تشتري ملابس للمدرسه والوان ودفتر رسم !
دخلت مبتسمه-: السلام عليكم
ام راكان : رجعتي ؟!!
وبنفسها صدق انها ما تنعطى وجه !
تتلزق بالواحد !
ساره اخذت نفس تعبت من الركض : خالتي قالت لي علشان اروح معكم واشتري
ام راكان رفعت حاجب وهي عارفه بخل أختها : معك فلوس ؟!
انحرجت ساره وقبل ما ترد تكلم ابو عزام : انا قلت لام محمد ترسلها واشتري لها على حسابي مع بنات خلف!
ام عمار بانحراج :،ليتك سالم يا يبه!
لو يطلع بيدي ما اخذت منك فلس بس المشكلة هالبخيل وش الحل معه ؟!!!
ما ابغى بناتي يشعرن بالنقص
قاطعها : لا تهتمي
نبتغي الاجر من عند ربنا !
ام راكان لوت بوزها ما تهمها الفلوس بس تنقهر من خلف البخيل : المفروض غصب عنه ينفق على البنات مو على كيفه !
لو تسمعون مني وترفعين نفقه عليه
خله يصرف ورجله فوق راسه !!
ابو راكان اشر بيده بإستخفاف : شوفوا هذي للي تبغى تفضحنا بين الناس !
ارفع قضيه نفقه على عيال اخوي !
وش تبغين الناس تقول
قاطعته ام راكان بضجر : يا هالناس للي ذبحتنا فيهم !!
ابو راكان بنبره غاضبه : وبعدين معك !!
انا ابغى اصرف على حفيداتي وما احد له عندي !!!
ام عمار خافت تصير مشكله بينهم : صلوا على النبي !!
عم المكان بالصلاه على الرسول عليه الصلاة والسلام..
ابو راكان الحين أتصل بعزام يأخذكم بعد المغرب
ام عمار بانحراج : ان شاء الله
***
**
**
جالس بالسياره ينتظر وينافخ بعصبيه ويكلم بالجوال : انا الحمار للي جلست هنا !
لو سافرت ادرس برا كان ارتحت !
عزام تعال عزام روح وكأني سواق عندهم !!
ليت يدي انكسرت قبل ما اتعلم السواقه !
يا حظك انت واعمامي مرتاحين !!
افففف شيء يرفع الضغط !
ضحك على انفعال عزام : هدي يا ابو الشباب ما في شيء يستاهل كل هالعصبيه !!
زفر بضيق : يعني خالي خلف داير وتارك زوجته علينا !
نغزه بتذكير : ترى انت تتكلم على اختي !
وش فيها لو اخذت عمتك للسوق !!
عزام ارخى رأسه على المقعد : اوكي عمتي اخذها على عيني ورأسي !
بس بنات خالي مو ملزوم فيهن !
ولا ملزوم بأخته ساره !!!
وعفس ملامحه بقرف !
قاطعه وهو ماسك ضخكته : لا تنسى تراها خالتك !
تنهد بقرف : يا اخي لا تذكرني
وقسم بالله شوفتها تغثني !
احس نفسي اناظر خلف !،
سكت وهو يسمعه يضحك بقوه
ابتسم عزام شبح ابتسامه : اشوفك تضحك !!
انهى ضحكته بابتسامه : والله ضحكتني
خلف مره وحده !
ترى انا شفتها وش جابها لخلف الضخم !
وبتساؤل صحيح كل عيال عمي عليهم طول وضخامه !
عزام مط شفته : واكيد ساره رح تطلع مثلهم بالشكل والتصرفات
رد باستبعاد : مو شرط تطلع مثل اخوانها بالتصرف !
لا تنسى الفرق بالسن بينهم والناس الحين تطورت
وكل شيء تغير !
وحياة زمان اختلفت !!
عزام بابتسامة وهو يناظرها تركض للسياره بحماس : جبنا سيره القط اجى ينط !
وقفت عند شباك السياره وبفرح : اخبارك يا عمي !
عزام بضجر : يا ليل ما اطولك
ورجع يكمل مكالمته : للي يسمعها تسآلني عن اخباري يقول صار لها سنين ما شافتني !
مو كآنها كل شوي ناطه بوجهي اخبارك يا عمي !
ضحك بقوه على انفعال عزام وطريقه كلامه
عزام :،اضحك وش عليك !
ما اقول الا يا رب تيجيك بنت نسخه من ساره
ووقتها علشان اضحك عليك من قلبي!
رد مناف باستبعاد : كيف تيجي وانا حلو وانيق وزوجتي مثلي
عزام بغبن : على سابع جد جابت ثور ابرق !
ساره بحماس كلمته : اركب السياره !
عزام يشكي لمناف : اكره ما علي تركب سيارتي لأني لازم بعدها اروح وانظفها تنظيف !
عقد حواجبه باستغراب : لذي الدرجه قذره !!
عزام هز كتوفه : ما ادري انا اشوفها قذره
مناف بحماس : بالله بالله يا عزام صورها الحين
عندي فضول اشوفها الحين !
عزام بكسل : طير مو فاضي لك !
هذي عمتي ام عمار جاءت اكلمك بعدين !!
قفل الخط وناظر ساره وابتسم لها : تفضلي يا ساندريلا اركبي !
توسعت ابتسامتها : ان شاء الله
ركبت وناظرت عزام بحماس: متى نوصل للسوق !!
إلتفت لها وبتعجب : حنا حركنا علشان توصلين !
ابتسمت بانفعال : متحمسه اروح اشتري للمدرسة !
ابتسم على حماسها وا علق وهو يشوف ام عمار تركب من قدام
جوي وليان فتحوا باب السياره ويتشاجرن : انا رح اجلس عند الشباك وانت اجلسي بالوسط !
ليان بردح : لا والله ما تجلسين !،
جودي حاولت تسحب ليان للي متمسكه بالباب
صرخ بعصبيه :-وبعدين مع هالحركه ؟!،
متى تكبرن مثل البزران !!
ليان بقهر:-أنا سبقتها !
طالع عمته : خلصوني وقسم بالله 5 ثواني
اتحرك واتركهن !
ام عمار التفت بعصبيه : جودي وليان بعدين !
جودي بعناد : والله الا انا اجلس عند الشباك !
ناظرها عزام بنظرات ناريه : يا جعل الشباك يخنقك !!
انقلعي اركبي !
حركت حواجبها بالرفض : والله ما اجلس بالوسط !
نزل من السياره بعصبيه : وش رايك تجلسين مكاني !
نزلت ساره اختصار للمشاكل : خلاص انا اجلس بالوسط !
عزام برفض : لا اجلسي مكانك
قاطعته ام عمار : خلاص يا عزام مشيها
وساره تجلس بالوسط
ناظر ساره للي هزت رأسها بالموافقه
زفر بقهر : انقلعن واركبن
ليان دفت جودي : انقلعي انا من هذي الجهة !
جودي تتخصر : لا والله
قاطعهم صرخت عزام : وبعدين !!
خلال ثواني كل وحده جلست مكانها من صرخته المرعبه !
حرك السياره وهو مولع : والله ما يركبن معي هالزفتات مره ثانية !
هذي المره طوفتها علشانك يا عمه
ام عمار : متى يكبرن ويعقلن !
والله ساره اصغر منهن وفيها عقل اكثر منهن !
لوت جودي وليان كل وحده شفتها مو عاجبهم كلام امهم
ام عمار ناظرتهن : وقسم بالله ساره احسن منكم
يا ليت عندي بنت مثلها
ناظرها عزام من المرايه : صادقه يا عمتي انها احسن وحده بالبنات
بس احس فيها عرق خبل وهبل
صح يا ساره !
ابتسمت ساره بخجل وهم يمدحون فيها
ام عمار بصدق :ما شاء الله عليها
ما عندها مشاكل ومسالمه وسنعه
والله لو تشوفها لما اكون بالمطبخ تذبح حالها علشان تساعدني
مو مثل هذا الجوز يهربون من الشغل !
عزام بقهر من بنات خاله : بعين الله !
وطالع ام عمار : وش رأيك تأخذين بناتك وتتسوقين على كيفك
وانا اخذ ساره واشتري لها ؟!
ام عمار بتردد : يمكن ما تعرف مقاس
قاطعها : يا عمه هي اختراع صاروخ !!
ما عليك انا اخذ ساره وأتصل فيك بعد ما اكمل !!
**
**
**
**
**
نزلت من السياره وهي تحس بالامتنان لعزام
ما خلى شيء والا جاب لها منه !
حط لها الاغراض على الابواب ابتسمت له :،شكرا
طالعها وابتسم وزادت ابتسامته باستغراب
وهي تكمل كلامها بخجل : انا احبك هالكبر
وفتحت يدينها توصف مقدار حبها له !!
قاطعتهم ام محمد بزجر : انت ما تستحين على وجهك تقولين هذا الكلام !!
عيب هذا الحكي !
عزام ابتسم على كلام جدته
ام محمد ناظرته باستنكار : اشوفك تبتسم عاجبك هالحكي !
علشان باكر تتعود هالكلام تحكيه للطالع والنازل وتفضحنا عند العربان !
رفع حواجبه باستنكار ما صار شيء وجدته كبرت الموضوع !
ام محمد بغضب : ادخلي لا بارك الله فيك !!
ناظرتها ساره بخوف ودخلت بدون اعتراض !
عزام بعتاب: ترى هي خالتي يا جدتي وكلامك
قاطعته بحده : مو خالتك !
لاتصدق هالكلام ...
تكلم ينهي السالفه : تصبحين على خير
وتركها وهو يحس بضيق من كلام جدته
زفر بضيق واشغل نفسه بالاستغفار
**
**
***
ام محمد مسكت ساره من اذنها وبتأنيب : إنت ما تستحين على وجهك تقولين هالكلام !
وبتهديد قسم بالله لو اسمعك تقولين هالكلام الا احرق لسانك القذر !
هزت راسها بخوف بدون ما تتكلم!
ام محمد جيبي الاكياس اشوف وش اشتريتي؟!!
هزت راسها بحماس وضحكت
حطتهم قدامها وبدأت تفتح الاغراض وتطالع ام محمد تشوف انطباعها عن الاغراض
وام محمد تناظر وتهز راسها بهدوء
كملت ساره عرض اخر قطعه وشاقه الابتسامه
تنتظر تعطي ام محمد اعجابها
بس استغربت لما شافتها اخذت معظم الاغراض وبحزم : ذول رح اخبيهم للايام الجايه
مو قاعده على بنك كل يوم اشتري لك !
ناظرت ساره الاغراض للي على الارض
وبرضى : ان شاء الله
وبحماس لملابس المدرسه الجديده : خالتي اروح ألبس ملابس المدرسه علشان
قاطعتها بتحطيم : ما له داعي !
وش رح تطلعين يا حظي !
قرده لابسه ثوب ازرق !
بالله روحي شوفي وجهك مثل البومه !
وبأمر : خذي الأغراض وحطيهم بغرفتك بسرعه !
ردت بنبره محطمه : ان شاء الله
**
**
**
**
جالسه بالغرفه وتسمع لنهى واسماء بملل
نهى بإحباط : كان نفسي اشتري اغراض المدرسه بنفسي !!
اسماء ناظرتها بقهر : كله بسبب وقاحتك !!
فتحت نهى عيونها : ناسيه انه انت الراس المدبر
طول الوقت تقولين لي
شوفي شوفي يناظرك يحبك معجب فيك !!
اسماء هزت كتوفها وناظرتها بسخريه : لانك خبله كنت اضحك عليك وانت صدقتي !!
تنهدت نهى وناظرت عائشه وبجديه : كل بسبب عائشه غبيه اعطت بابا الورقه !
ناظرتها عائشه بقرف وبنبرتها الطفوليه : تستاهلين ليته للحين يطقك !!
نهى رفعت حاجب بغرور : عادي !
تدرين هنا نقلنا افضل
واقتربت وهمست لاسماء : شفتي ولد الجيران
قاطعتها اسماء بوعيد : جربي تعيدينها وقسم بالله الا اخبر بابا انا !
لوت بوزها : امزح معك كل شيء تصدقيه !!
ناظرتها اسماء بتكذيب بس سلكت لها :اه صدقتك !!
نهى بملل : تدرين كل الضرب للي حصلته بكفه والدروس للي يعطينا إياها كل يوم بكفه !
مليت ساعه كامله محاضرته
حسسني وكأني بخطبه الجمعه !
جالسين ممنوع نتحرك ونتكلم !
اسماء بتأييد : متى يعتقنا من الدروس هذي !!!
يتعامل معنا وكأننا طلاب بالمدرسه ممنوع نتنفس !
وبهمس حتى ما تسمعهم عائشه : دروس بابا ممله الله يعين طلابه اكيد يطقون بالحصص !!
مطت نهى شفتها وهي تهز رأسها بتأييد !!
وقفت عائشه وطلعت من الغرفه بملل من سوالفهم
أبوها تغير عليهم من بعد ذيك السالفه
انحرمت من اللعب برا بسبب ذيك السالفه !!
جلست عند امها بالصاله بضجر
ناظرتها ام سعود وابتسمت وهي تشوف ملامح الملل مرسومه على وجهها : وش فيك يا ماما ؟!
ناظرتها عائشه بطرف عينها بعد ما تكتفت : تعملين نفسك ما تدرين ؟!!
ضحكت ام سعود ضحكه قصيره : وش اعمل رأس ابوك متنح مو راضي تطلعين تلعبين!!
عائشه شوي وتبكي : كل الاطفال يلعبون الا انا ؟!!
ام سعود ابتسمت وبداخلها راحه الايام للي مضت كانت بالنسبه لها عذاب
مع الايام ابو سعود خفت عصيبته ورجع يكلم البنات بس بحدود
وللحين عامل عليهم حصار ممنوع يطلعن الا للضروره !!
عائشه تناظر امها بنرفزه : ماما انا اكلمك !!
ام سعود هزت كتوفها ما يطلع بيدها شيء : روحي لأبوك وقولي له هالكلام اما وش دخلني !!
عائشه خزتها بطفوله : انت وش دخلك ؟!!
وبعدين انا زوجك هذا ما اكلمه لو اموت ما تكلمت معه !
هوالخسران !!
ضحكت ام سعود عليها : يا شيخه طول الوقت تقولين حلال وحرام
والحين ما تكلمين ابوك ؟!!
زمت عائشه شفايفها وعيونها تلمع بالدموع : الابو ما يكسر يدين ابنته !!
ام سعود طالعتها : يالحقوده للحين مو راضيه تنسي هالسالفه !
وبعدين بابا ضربك لأنك غلطتي
ردت على امها بقهر : يقوم يكسر يدي !
انا وش دخلني الزفته قالت لي اعطيها له علشان يعطيني حلاوه !!
ام سعود بتنبيه : مره ثانية ما تعملين شيء الا لما تخبريني فاهمه !
عائشه بضجر : طيب خلاص فهمت قلتي لي الف مره حلاص ما تملين من ذي السالفه !
الحين ابغى اطلع ألعب !!
بلعت لسانها لما شافت ابوها دخل البيت
قلبها يدق بقوه تخاف يكسر يدها مره ثانية
رد السلام بحزم وبداخله يكتم ضحكته على عائشه بعد ما سمع كلامها وهو واقف عند الباب
ام سعود ابتسمت له :، وعليكم السلام
جلس ابو سعود بهدوء
وبدأ يتكلم مع ام سعود
وهي جالسه تفكر وتفكر توصلت انها تطلع من الصاله
وقفت بهدوء ومشيت خطوات هادئه
قبل ما توصل لابوها
ناظرته وقلبها يدق مشتاقة له زمان ما جلست معه تكلمه
وبدون سابق انذار ألقت نفسها بحضنه وهي تبكي بصوت عالي وتردد : اسفه يا بابا
والله ما اعيدها !!
تفاجئ ابو سعود من تصرفها وناظر زوجته للي هزت له رأسها وابتسمت
هز رأسه وحضنها بقوه وهو يمسح على راسها
يدري انها صغيره وما تدري عن شيء وما تفهم بس غضبه اعماه وقتها
وخلاه يتصرف بدون وعي
وبنفس الوقت يبغى يكون حازم مع البنات لانه هالزمن يخوف
بعد وقت ابعدت نفسها عن حضنه وهي تمسح عيونها وبصوت مبحوح : سامحتني ؟!!!
هز ابو سعود رأسه : ايه سامحتك !
ابتسمت وبحماس وقفت : اروح ألعب !!
فتح عيونه : صدق انك مصلحجيه!!!
وبحزم : بسرعه على غرفتك
ام سعود ابتسمت : علشاني خلها تطلع تلعب
ابو سعود ناظر ام سعود وهي تغمز له تكلم بحزم : نص ساعه تنزلي تلعبين مع بنات عمك !
واذا شفتك بالشارع احش رجولك فاهمه !
هزت راسها بفرح وبحماس : ان شاء الله
وطلعت تركض قبل ما ابوها يغير رايه !!!
**
**
**
**
بحماس تنظف الطاوله
اسيل باستغراب : ما شاء الله سنعه هالبنت !
خوله تناظر بدهشه : والله انها اشطر مني شوفي كيف تنظف. !!
ام عزام بضيق ما تبغى تثقل على ساره : خلاص يا ساره اتركي هذي اسيل تكمل !
ساره رفعت راسها وغرتها نازله بعشوائيه وتبتسم وهي تنظف : عادي يا خالتي انا احب اشتغل !
اسيل بكسل : البنت متحمسه يمه خلها تشتغل !
ساره بحماس : اعرف أشتغل كل شيء !
دخلت ديما : ماما ابغى الحمام!!
خوله بتعب وبطنها بارز : اففف وقتك الحين !!!
ساره تعرض المساعده : انا أخذها عنك !
خوله بتردد : تعرفين
قاطعتها ضحكت اسيل : تقول تعرف كل شيء
وحطت يدها على فمها تكتم ضحكتها
ام عزام : خوله قومي على ديما
قاطعتهم ساره وهي تمسك يد ديما : خلاص انا اخذها !
وما تركت لام عزام مجال تعترض !!!
اسيل بمحبه : يا حليلها ساره مطيعه !
خوله : يا ليت بناتي مثلها !
ما غير مطلعين المر بحلقي !
اسيل بتذكر : ترى جدتي ام راكان تقول اذا خلفتي بنت ما رح تيجي وتشوفها !
خوله بقرف من سوالف جدتها : فكينا منها ومن سوالفها !
ام عزام رفعت عينها عن الجوال واعطتها نظره : خوله !
خوله لوت بوزها : يعني يمه جدتي والله تزيدها
شوي !
رجعت ساره ومعها ديما : غسلت لها يدينها !!
خوله وهي حاطه ايدها تحت خدها :،شطوره
ساره بدأت تنظف بالارضيه : خالتي ابغى امسح الارض علشان تبقى تلمع !
اسيل اعطتها نظره فكاهيه : هي ترى انت بتهيني شغلي
تراني الصبح نظفتها !
ام عزام : والله انه شغلها احسن من شغلك !
اسيل لوت بوزها : وقتكم الحين تسفروا الشغاله !!
ام عزام بحده : قومي جيبي قهوه احسن من هذرتك هذي !
وقفت ساره : انا اروح اجيب القهوه
وركضت بإتجاه المطبخ
وام عزام وبناتها يناظرن بعض لا تعليق !!!!
**
رواية أقدار~للكاتبة ضاقت أنفاسي الفصل التاسع 9 - بقلم BlackButterfly002
بسم الله
دق بابي ورحــــل !
تـــاركــــاً أوراقـــــة . .
قـــــارورة حــــــبــــــرهـ . .
وأمــــانيــــه الجــمــيـــلــــه . .
ألقى بها
فـ ألتقطتها يــــد القــــمـــــر . .
راح يرنو يبحث بين العُشبِ عن بقايـــا مطــــر . .
ولا مطــــر !!
عن زهـــرة العُـــــمــــر
حمـــراء فتــيـــة . .
عن بــــراعــــم حُـــــبٍ
لم تلوثها ضغائن البشـــر . . !!
وبقيت وحــــدي . .
أرقب النّجــــم . .
أنتظر الخبـــر . .
ولا خــــبـــــر . . !!
فـ خرجت أسأل الدروب عن قلب صغيـــر . .
تمـــرد فجـــأة . . !!
وعنـــا وأستعـــر . . !!
فأجابتني
إنّه هُنــــاك . . !!
مخبـــوء هُنــــاك . . !!
في دعة تحت الظلال . .
قد أعياه السَهر . .
وهدهُـ طـــــول السَـــــفـــــر . . !!
***
****
***
****
ركضت بسرعه تحت الطاوله واندست تحتها
وهي كاتمه نفسها بيدها
دخل الصاله وجلس بهدوء وهو يتصفح الكتاب
وهو معقد حواجبه
رفع نظره على الصاله وهو يحس احد معه بالصاله
حط الكتاب جنبه على الكنبه بهدوء
وقف وبعدها تقدم بإتجاه الطاوله
ابتسم وهو يشوف راسها مندس تحت الطاوله
وباقي جسمها طالع ناداها : ساره !
ردت بصوت منخفض حتى ما تنكشف : انا مو هنا مو هنا !
تقدم منها وسحبها من فستانها مع دخول سلمان وهو ينط : شفتك شفتك !
رفعت رأسها بإحباط : غش
عزام ناظرها وهو رافع حاجب : انت ما عندك بيت !
جالسه تناقزين من بيتنا لبيت جدي لبيت خالي !
وبأمر : يلا ارجعي على البيت
ولا تلعبين مع العيال فاهمه !
حركت شفتها ترد
قاطعها بحده : بدون نقاش
يلا بسرعه على البيت
هزت رأسها بدون اعتراض وتوجهت للخارج
جلس الكنب وهو يكلم نفسه : فاتحين البيت ملعب للبزران !!
طلعت وناظرت سلمان وهو يدور على العيال
اشرت له مكان عمار وهي تبتسم
طالع مكان ما اشرت وابتسم بفرح وبسرعه ركض له وهو يصرخ : شفتك شفتك!!
نزل عمار عن الشجره وهو يصرخ بإعتراض،: غش غش غش
ساره هي للي قالتلك !!
هز راسه سلمان : لا لا انا شفتك
والحين اروح اشوف عبد الرحمن
عمار بقهر : والله الا تعيدون اللعبه
وتقدم من ساره وشد اذنها بقوه: يالفتانه ليه تقولين مكاني !
حطت يدها على فمها تكتم ضحكتها بس ما في فائده
انقهر منها ودفها بقوه
وقعت على الارض تقدم سلمان منها واستغرب وهو يشوفها تضحك بقوه وجهها احمر من الضحك !
ناظرها عمار بغيض : الله يأخذك انت وليان وجودي الفتنه تمشي بعروقكم !!
تركها وهي مستمره بالضحك ومشى مع سلمان : مجنونه هذي قاعده تضحك
ورجع التفت لها وهي مستمره بالضحك
عمار بقهر : روح شوف عبدالرحمن وفكنا من هبلها !!
ناظرتهم وهم يبتعدون عنها
وقفت وتوجهت لبيت ام محمد وهي تضحك
جلست باب البيت لانه ام محمد طالعه وقفلت الباب والمفتاح معها
واخذت نفس ما تدري ليه تضحك
ناظرت يدها تجلطت لما دفها عمار
مطت شفتها بحزن وبدت دموعها تنزل
ما تدري ليه تبكي بس في شيء بداخلها يحثها على البكاء!!
اي موقف يذكرها بجدتها ام سعيد وعائشه !
تتمنى تشوفهم وتشبع عيونها للي انحرمت شوفتهم
وخاصه عائشه تتمنى تشوفها بعد ما انتقلت لمدرسه ثانيه !
مسحت دموعها وقررت تروح لبيت خلف عند ليان وجودي
**
**
**
**
ابو راكان كان يراقبهم من الشباك
هز راسه وطلع لباب البيت وهو ينادي عليهم
سلمان ناظر جده وهو ينادي عليه طالع عمار ومط شفته : يا رب ما تكون محاضره !
عمار مشى و هو عابس مو.وقت جده !!
ابو راكان ناظرهم بحده لما وصلوا له : انتم ما تستحون على وجهكم الواحد فيكم طول الباب
وتراكضون مثل البزران !
عمار بدفاع : يا جدي خلينا نعيش حياتنا باكر نكبر ونقرف الدنيا من
قاطعه وهو يسحب إذنه بقوه : انت بالذات تسكت !
ليه تضرب عمتك يا قليل الادب !
عقد حواجبه بعدم فهم : عمتي ؟!
انا ما
وانفجر بالضحك لما فهم قصد جده : تقصد ساره !!
ورجع يضحك وسلمان معه يضحك
ضرب عمار كفه بكف سلمان وهو يضحك بسخريه : قال عمتي !!
قاطعه ابو راكان وهو يصفعه على وجهه : لذي الدرجه ما لي احترام بينكم !
ناظر جده بصدمه ما توقع الكف وفتح فمه من اثر الصدمه !
سلمان لما شاف ملامح جده بلع لسانه وسكت
ناظرهم بملامح ناريه: وقسم بالله لو اشوفكم تراكضون مثل البزران الا
قاطعه سلمان حتى ما يحط لهم عقاب : والله ما نعيدها
طالعهم باستخفاف وهو يحس نفسه صدق يكلم برزان
تركهم وتوجه للداخل معصب من حركاتهم الصبيانيه !!
**
**
**
**
واقفه تناظر وصوتهم يرتفع بقوه
كل واحد يرد على الثاني بصوت أعلى
تسأل نفسها امها وأبوها عايشين معقول تكون حياتهم كذا كلها مشاكل !
خلف اشر اصبعه بقرف : انت ما تتدخلين بالموضوع !!
ام عمار وتحس الشياطين تناقر فوق راسها : انت مجنون ؟!
هذي ابنتي تبغاني اشوفك تهدم حياتها وانا مكتف يديني !
بس بعيده عن شاربك !
خلف بدون اكتراث لتوعدها : انا اعطيت الرجال كلمه وانتهى الموضوع !
فتحت عيونها باستنكار : انت من وش مخلوق !
البنت صغيره
قاطعها ؛ انا ما اشوفها صغيره !
أطول منك واختصري ترى صوتك يجيبلي الاكتئاب !
تركها وطلع وهي تندب حظها على هالزوج
وبسرعه لبست شيلتها بإهمال وطلعت مثل المجنونه من البيت !!
جودي طلعت من المطبخ وخلفها ليان وملامحهن باهته من كلام خلف !
طالعتهم ساره بفرح : رح تصيرين عروس !!
جودي مخنوقه من كلام ابوها كيف يزوجها و هي صغيره ما كملت 14
صارت دموعها تنزل بغزاره
ساره باستغراب : ليه تبكين !
جودي انفجرت فيها : انقلعي من وجهي
الله يأخذ هالعيشه !
وتوجهت لغرفتها وخلفها ليان
ناظرتهم بإستغراب ليه معصبين !
هزت كتوفها وطلعت من البيت ما تدري وين تروح !!
ركضت لما شافت عزام طالع من بيتهم
وقفت عنده وهي تلهث : عمي
ناظرها وهو يلعب بمفتاح السياره : نعم !
ساره بفرح : جودي رح تصير عروس
اخوي خلف الحين قال خلاص زوجها !
عقد حواجبها مو مستوعب الكلام !!!
ما انتبهت على للي كان واقف قريب وسمعها
وهي تخبر عزام
ما حست فيه الا وهو يلفها له بقوه : وش تقولين !!
رفع عزام راسه : يبه !!
ابو عزام بغضب علق على كلام ساره: اكيد استخف هالخلف !!
وتوجه بسرعه لبيت ابوه يشوف وش هالسالفه !!
وخلفه عزام مستعجل !
ناظرتهم باستغراب ليه عصبوا ؟!!!
**
**
**
**
**
ابو راكان بعصبيه : مو على كيفك تزوجها !!
رد ببرود : والله ابنتي وازوجها على كيفي !!!
ابو راكان بغضب من اسلوبه : خلف لا تتكلم كذا تفهم !!
لوى بوزه باستخفاف : والله!!
يعني متصل وتصرخ بوجهي وكأني بزر
مو رجال
وبنغزه يقهره : وسنة زمان واكون جد!!!
قاطعه : خلف لا تقهرني !!
خلف بأعصاب بارده : يا عمي هبيت فيني قبل ما تعرف مين الشخص للي رح ازوجه !!!
ابو راكان بسخريه : ومين تعيس الحظ!
خلف بخبث : تعيس الحظ
**
**
**
**
نهى بتوعد : وقسم بالله لأخبر بابا عنك طالعه تلعبين برا !
طالعتها من فوق لتحت وبغرور يتخلله الثقة : عادي قولي له !
وبإستهزاء: اذا قدرت ترفعين راسك وتناظرين فيه !!
انقهرت من ردها : والله لاخبر ماما عنك
قاطعتها بسخريه لاذعه: دوبك تبغين تخبرين بابا !!
وبغرور: بابا قا لي ألعب برا وسامحني !!
وحركت حواجبها بطفوله تقهرها !
هزت نهى راسها بتوعد : الحين تشوفين
وتوجهت لغرفة امها بسرعه
دخلت بعد ما إستأذنت : ماما مو انت قلتي لعائشه ترتب غرفتها !
هزت راسها ام سعود
تابعت نهى بمكر : ولا عملت شيء!!!
لو تشوفين الغرفه يا ماما
عائشه ناظرت نهى بغيض والتفتت لامها: والله نسيت !
ام سعود وبيدها الجوال ناظرتهم لثواني ورجعت تقلب بالجوال
نهى انقهرت من رد فعل امها : ماما !!
ردت وعيونها بالجوال : همممم
عائشه ضحكت بنصر على شكل نهى
وسرعان ما عقدت حواجبها وهي تسمع نبرة الامر من امها : عائشه بسرعه رتبي الغرفه قبل ما اقوم
ضربت الارض برجلها وهي تشوف نهى المنتصره عليها
**
**
**
*
جلس على الكنبه وهو يزفر بقهر : حسبي الله عليه قهرني !
ام راكان : لوكلمت اخوه محمد
قاطعتها ام عمار بسخريه : يا حظي ما يكلمون بعض !!
ابو راكان : اما للي قهرني زود يتكلم بثقه،وكأنه هالعريس
ابو عزام قاطعه باستفسار : من وين استدل عليه هالخلف ؟!
ابو تالا بهدوء : يا جماعه الموضوع انتهى !
وبعدين هالرجال للي خطبها ما يعيبه شيء !!
عزام بإستنكار : انت ناسي الفرق بالعمر ؟!!
ام عمار بكره لخلف : شاف الرجال معه فلوس
وما لقى الا ذي الطريقه !
ام عزام ما حبت يعيدوا ويزيدوا بالكلام : دام السالفه انتهت وعمي كلم الرجال بنفسه وليه الحين شادين اعصابكم ؟!
ام عمار بغيض من تصرفات زوجها : لاني ما اضمن يطلع بسالفة الزواج مره ثانيه !!
ابو راكان بثقه : ما رح يقدر يكررها
عم الصمت بالمكان
واقفه تسمع كلامهم بهدوء وداخلها احباط انه زواج جودي انلغى !!
ابو تالا ناظرها وهو يؤشر: هذي 24 ساعه عندنا !!
كل الانظار تحولت لها حست بالاحراج الكل يناظرها
ام راكان : والله ما اضمن خلف يحطها جاسوسه علينا تنقل له كل اخبارنا !!
ابو راكان ابتسم لساره وهو يؤشر لها تجلس جنبه : تعالي
توجهت له بتوتر واحراج
جلست وهي تناظر الارض مسح على رأسها بحنيه : وين خالتك ام محمد ؟!
رفعت عيونها له وابتسمت بخجل :نايمه !!
عزام بصراحه : والله جدتي اسم عايشه عندها !
طول الوقت هنا او عندنا
قاطعه ابو عزام : وش للي حارك ؟!
خلها على راحتها
ام عزام بتأييد : نكسب اجر باليتيمه !
ابو تالا : ما ارتاح لها أحس خلف دازها عندنا !
وبتنبيه : لا يغركم مظهرها الطيب !
ابو راكان بلامبالاه : وافرض خلف دازها !
خلها تنقل للي تبغاه ما في شيء نخبيه !
وانحنى وقبل خدها : صح يا ساره !
طالعته وابتسمت وهزت راسها
عزام بانفعال : انا ما تقهرني الا لما تقعد تتبسم وتضحك !!
على وش تضحكين يا حظي !!
وبصوت منخفض حتى ما تسمعه امه : متخلفه مثل اخوانها !!
ابتسم ابو تالا على تعليقه !!!
ام عزام : لا تنسى يا عزام تطلعنا للسوق
اسيل تبغى تجهز لعرسها ما بقى عليه شيء !!
لوى بوزه يحس نفسه سواق عندهم !!
**
**
**
تنظف باب البيت وشعرها واقف وتثاوب بنعاس
التفتت على صوته الغاضب : يا سلام اشوفك غايبه عن المدرسه ؟!!
ردت ام محمد وهي طالعه من الباب: وش اعمل فيها؟!
عجزت فيها ما تحب المدرسه !
تطلع روحي لما اصحيها !
ناظرتها ساره بعيون مستنكره ما تدري من وين تجيب هالكلام؟!
غصب عنها تغيبها عن المدرسه !!!
عزام سحبها من إذنها بتوعد : لو اسمع انك غايبه الا اكسرك !!! تبغين تطلعين غبيه مثل اخوانك !
قاطعته ام محمد بزعل : عزام !!
ترك اذن ساره وابتسم : ما عندكم قهوه!!!
ام محمد حاست بوزها: ايه عندنا قبل شوي جهزتها !
تركت ساره المكنسه بحماس : الحين اجيبها !
عزام كشت نفسه ما يدري ليه ينقرف منها
استأذن قبل ما ينحرج من جدته بالقهوه !!
طلعت ساره وشافته وهو متوجه لبيتهم نادته : عمي عزام
التفت لها وابتسم عمره ما شاف بنت خدومه مثلها !
**
**
**
***
مجتمعين على سفره الاكل باستثناء ابو سعود للي نادرا ما يجتمع معهم منشغل بالدراسات العليا
نهى : السنه هذي مرتاحين من شيء اسمه ساره !!
اسماء ابتسمت وبتأييد : صادقه زمان ذبحتينا بساره !!
عائشه طالعتهن بعد ما مطت شفتها : وش دخلك انت وإياها !
وبنغزه : نوافووووووووو
ام سعود بعصبيه من ذي السيره : عائشه !!
وش هالكلام ؟!
وقسم بالله لو اسمع هالكلام ما يصير لك خير !!!
نهى وقفت بزعل
ام سعود نهرتها بحزم: وانت الثانيه اجلسي اشوف !
لا تعملين فيها الزعلان !
عارفك علشان تهربين من الجلي
اجلسي اشوف !!
جلست نهى وهي ماده البوز نفسها تمسك هالعائشه وتكسرها تكسير !!
عائشه بدلع تقهر نهى : ماما باكر عندنا اجتماع الامهات
قاطعتها ام سعود قبل ما تكمل : ان شاء الله
عائشه بتأكيد : ماما لا تنسي لانه
قاطعتها ام سعود بضجر : خلاص قلت لك طيب
عائشه : والله اذا نسيت
ام سعود بغضب : وبعدين!!!
**
**
***
***
***
**
تكلمت بإحباط : باكر اجتماع المعلمات
اسيل : سمعت جدتي ام محمد تبغى تحضره
رفعت عيونها لها وبخجل : كل الطالبات امهاتهم صغيرات الا خالتي عجوز !
وبتردد تعالي انت !!
وناظرت بفجعه خلفها وهي تشوف ام محمد خلفها تردح : مستعره مني !!
انا الحين افشلك يا .....
انا عجوز يا ابنة الشايب ؟!!!!
انا للي مضيع وقتي علشان احضر لك وما احسسك بفقدان امك !
هذي جزاتي !!!
ام عزام باستغراب دخلت؟ وش فيه ؟؟
خبرتها ام محمد وهي مثل الثور الهايج
ورجعت تناظر ساره بنظرات ناريه تفلت عليها
وبصراخ : امشي معي اشوف !!
هزت رلسها بتوتر وخوف من صراخها
ام عزام بترقيع : يمه مو قصدها ساره !
اسيل ترقع خافت على ساره من جدتها : يا جده فهمتيها غلط
قصدها ما تبغى تحرجك وتتعبين
قاطعتها ام محمد : لاترقعين!
اسيل بكذب : دوبني أسألها مين تحبين اكثر شخص
قالت خالتي ام محمد !
ام محمد لانت ملامحها شوي وابتسمت بخبث
وبخاطرها انها ما تخليها تدوام : خلاص سامحتها
وناظرت ساره: انا راجع البيت لا تتأخرين !!
هزت ساره راسها بهدوء وقلبها يدق طبول من الخوف
بعدما طلعت ام محمد انسدحت اسيل تضحك
وهي تتخيل شكل جدتها وهي تبربر
ام عزام بحده : وبعدين مع هالضحك هذا !!!!
ما عبرت احد وهي مستمره بالضحك وساره
تناظرها وتبتسم على ضحكها
**
**
**
**
مرت الايام وساره تنتقل من بيت ابو عزام لبيت ابو راكان
وتحس بالفرح بتواجدها معهم بالرغم من وجود منغصات من ام محمد
جالسه عند اسيل وتضحك بفرح وهي تسمع كلام اسيل : رح اشتري لك فستان كبير
وتعملين تسريحه واقول لهم يحطون لك مكياج
علشان تكونين اجمل وحده
ساره بعدم تصديق : والناس تقول هذي احلى بنت بالعالم !!
قاطعها عزام بسخريه : خلي عنك يا صنوايت !!!
ساره ما اهتمت لكلامه وناظرت اسيل : متى رح تشترين لي !!
اسيل بتفكير : باكر ان شاء الله
عفست ملامحها بإحباط : بس باكر انا مو هنا رايحين لاخوي نادر !
ابتسمت لها : عادي اكيد رح ترجعون قبل الزواج رح احطه عند عمتي ام عمار
قاطعهم بإعتراض : وليه رايحه مع جدتي ؟)!!
اتوقع عندك مدرسه !!
وجدتي رح تجلس كم يوم !!
اجلسي عند عمتي ام عمار لوقت رجوع جدتي!!
رح احش رجولك اذا رحت على خالي نادر!
ما نطقت بشيء بس هزت راسها بطاعه
رجعت لام محمد للي خبرتها تجهز اغراضها
حركت شفتها تخبرها عن رفض عزام
بس سكتت لما صرخت ام محمد : ولا كلمه !
في اليوم الثاني توجهت لسياره خلف وهي تتلفت حولها خايفه يشوفها عزام
ركبت وقلبها يدق طبول وهي تتمنى خلف يحرك بسرعه !
حرك ساره وابتعد عن البيت وتنفست براحه
واستمعت لكلام خلف المعترض : ما ادري ليه رايحه لنادر !!
ام محمد مو عاجبها اسلوب التحقيق : والله ولدي ومشتاقه له فيها شيء ؟!!!
خلف ناظرها لثواني بعدم تصديق : ايه مشتاقه !وليه ما ييجي هو ويزورك ؟!!
ام محمد بقهر : من وين يزورني وهو مفلس
قاطعها : مفلس،!!
وصدقتيه ؟!
تراه كذاب عنده فلوس بس يتظاهر بالفقر حتى ما احد يطلب منه
كله من العقرب زوجته للي تحركه على كيفها !!
ام محمد : وانت وين فلوسك دوم تشكي الفقر !!
خلف بتبرير : فلوسي !
الله يكون بالعون بجل ما تساعديني وتقولين ولدي مطفر
قاطعته تسكر عليه الطريق وهي تستغفر بصوت عالي
**
**
**
**
**
**
**
**
**
دخلت خلف ام محمد وهي تناظر ومستغربه
الغنم مو موجود
سلمت عليهم وفي بالها اسئله كثيره
ركزت سمعها لكلام ام محمد وهي تستفسر : وين الحلال ما اشوفه !!
نادر حك رقبته بكسل وهو يناظر مها : اي حلال؟!
بعته كله
قاطعته بدهشه : وليه تبيعه !!
اشر لها بالدخول وهو يتكلم : يا يمه انا مو مسؤولية حلال تعبوني وانا اراكض خلفهم
مها ابتسمت : تدرين يا خالتي نادر باع الحلال من ثاني يوم رجعتم فيه !
كانت ساره قايمه عنه حمل !
ام محمد : خلاص خلي ساره هنا تعيش واشتري حلال
قاطعها يلغي الفكره : انسي مستحيل اشتري حلال
وطالع ساره وش رايك تعيشين عندنا !
ابتسمت وما ردت وبداخلها ما تبغى تعيش هنا
بس استحت ترفض
ام محمد : اترك ساره وخبرني وش تشتغل الحين !!
نادر رفع حاجب بتذكر : خلف للي وصلكم وليه ما دخل يسلم ؟!
ام محمد بترقيع: عنده شغل ضروري
وبداخلها قهر من عيالها وحالهم كل واحد مقاطع الثاني و لا احد يسأل
أخوتهم مثل الزفت !
****
***
****
*****
ناظرها بكره : كله من تحت راسك والا كان الحين نلعب بالفلوس لعب !!!
غمت عيونها لثواني تكتم غيضها وبغضها له : ترمي ابنتك علشان الفلوس ؟!!
ناظرها باحتقار : انت اصلا وش تفهمين بالدنيا ؟!
ربي بلاني فيك !!
تدرين اني اكره اليوم للي صرتي زوجتي فيه !!!
ناظرته ببرود وبداخلها مجروحه : شعور متبادل !
لولا العيال ما كملت معك هالحياه !!
رد بقرف : من زين عيالك !
لا تتحججين بالعيال خذيهم وانقلعي لبيت اهلك !
وارجعي لي المهر للي دفعته لخشتك للي ما تسوى فلس !
تحاول تكتم غيضها وتتظاهر بالبرود بس صعب عليها شين وقوي عين هي للي ضيعت عمرها معه انسان همجي غبي وبخيل
ناظرها باستصغار : ادري متلزقه فيني خايفه اذا طلقتك ما احد رح يطلع بخشتك ويتزوجك!!
ابتسمت بمراره على حظها : ذكي ما شاء الله عليك !
خلف بأمر : اقول روحي اعملي شيء يعدل مزاجي
وشوفي ولدك الهايت وين طس ؟!
بدل ما يشوف شغل يساعدني ويترك هالمدرسه للي ما في فائده منها !!
وقفت وما ردت على كلامه .......
**
**
***
**
اسيل ضحكت على كلام امها : وش يخلصك من امي !
ام عزام بجديه: انا حلفت اذا اعجبتني بنت بزواج اسيل إلا اخطبها لك!!
عزام ابتسم على انفعال امه : يصير خير !
سلمان :-انا يمه اخطبي لي !
ام عزام ناظرت عزام : ترى سلمان ما فتح ولا كتاب !!!
سلمان بلع ريقه وهو يشوف نظرات عزام
وبسرعه ركض لغرفته
عزام بقهر : كله من هالعمار طول وقته معه
ويتعلم منه الكسل
اسيل بدفاع :-عمتي تقول انه شاطر بالمدرسه
قاطعها : عمتي ما تدري عن حالها اصلا عمار
طول السنه غايب !
اكيد رح يطلع لاعمامه !
سبحان الله الغباء عندهم وراثه!!
ام عزام بزعل: يكفي انت الذكي والباقي اغبياء
يكفي غرور انت واعمامك
شايفين حالكم على الناس !
عزام بترقيع : مو كذا قصدي
طنشته وطلعت من الصاله !!
***
****
****
***
****
***
مر ايام الأسبوع بسرعه وساره متشوقه ترجع
ام محمد بأمر : بسرعه روحي اشتري لي من البقاله ......
هزت راسها بحماس: ان شاء الله
طلعت تركض بسرعه وصلت البقاله واشترت بسرعه تخاف بأي لحظه ييجي خلف وما تبغى تتأخر عليهم
طلعت من البقاله تمشي سريع وانفجعت لما شافت السياره باب بيت نادر وتحركت
ركضت بسرعه وهي تصرخ بأعلى صوتها : وقف
ان تبتسم دائما لايعني انك لاتحمل هموما واحزان
«»
«»
«»
«»
»«
مرت الايام والسنين بحلوها ومرها
والصغير كبر وصارت الايام الماضيه مجرد ذكريات عابره ....
ذكريات نتمنى ترجع من جديد حتى لو كانت قاسيه ومؤلمه ....
الطفوله اجمل مراحل الحياه ويذبحنا الحنين لتلك الطفولة .......
**
**
**
**
هزيت رأسي و انا اطرد ذكرى يوم زواج اسيل لانها بتنعاد اليوم
خلاص حفظت السيناريو
لما تصير اي مناسبه وزواج فجأة تدب بخالتي ام محمد صلة الارحام وبتتذكر نادر
ولازم تزوره )!
كل هالفلم حتى ما أحضر العرس بالضبط نفس للي صار بزواج اسيل تركتني عند نادر
ولما انتهى الزواج أرسلت عمي عزام والحمد لله قام بالواجب وزياده زفني طول الطريق على اساس خبرته خالتي اني رفضت ارجع معها :/
زفرت بضيق هذا الاسبوع زواج جودي وليان ربنا رزقهم بإخوان توأم !!
وقفت على طولي وانا اسمع صراخ خالتي تستعجل فيني !
كل شيء عندها بالغصب بحياتي ما شفت انسانه متسلطه مثلها !!
ادري الحين تفكرون اني تغيرت وشخصيتي قويه
وساره الهبله ماتت !!
ابشركم ساره الخبله على قولتهم بعدها عايشه وتسلم عليكم
حملت اغراضي بسرعه وطلعت قبل ما تطلع وتذبحني افففف نيرانيه ما عندها شيء اسمه هدوء !
مثل ما توقعت واقفه متخصره وتناظرني كأني ذابح اهلها : سنه حتى تجهزين !!!
من زين خشتك عاد !!
قاطعتها بإعتذار : اسفه خالتي
مطت شفتها بقرف وهي تناظرني بتقييم : يخلخل عظامك قولي آمين !
ابتسمت على جملتها للي دوم احفظها غيبا : امين
أعطتني نظره قويه : تلقي وعدك
عزام للي رح يأخذنا !!
شهقت وانا امشي للخارج بسرعه يا فضيحتي الحين ألقاه نار مشتعله فتحت الباب بسرعه بدون ما اناظره وقلبي يدق بسرعه
نقزت على صرخته : مثل الهبله مدرعمه عندي
!!
روحي قفلي باب البيت تاركيته مفتوح !
ناظرت خالتي وهي تبتسم جاز لها صراخه علي
وبسرعه ركضت بإتجاه البيت لما صرخ : تحركي !!
***
***
***
ضربت الدريكسون بعصبيه : يعني يا جده ما يصير هالكلام صار لي نص ساعه بالسياره انتظر !!
ردت جدتي بمسكنه : والله يا وليدي انا جاهزه من زمان بس ذي العوبا اخرتنا !!
ناظرت ساره وهي متوجه لنا مستعجله
يا اخي مشيتها تضحك ما ادري كيف تمشي !!
يمكن اقرب تعبير تمشي بطريقه عبيطه يدينها يتحركن مع رجولها بطريقه ملفته للانتباه !!!
هالبنت مسكينه وقلبها طيب وخبله احس فيها
عرق هبل لا تناظروني كذا !
دوم تضحك وتبتسم غريبه عجيبه ما عندها مصطلح كشره او حزن !!
ناظرتها بالمرايه بعد ما ركبت ناظرتني وابتسمت : انا اسفه عمي !!
ابتسمت بسخريه للحين تناديني بعمي مع انها خالتي !
مو قلت لكم خبله !!
حطت جدتي يدها على كتفي : حرك يمه ولا تلتفت لها بنت (ابنة)الشايب
شفتها تناظر جدتي وتبتسم شبح ابتسامه
احسها تتحسس من هذا اللقب مع انها ما عمرها تكلمت !
حركت وانا اسمع سوالف جدتي المكرره ما في شيء جديد
وكل فتره استرق النظر لها تناظر من الشباك وساكته احسها ما زالت طفله صغيره بتصرفاتها العفويه الكل يحبها ما عدا شخص واحد
اكيد عرفتوها
جدتي الله يسامحها !!!
**
**
**
**
جلست على السرير بضجر كان اليوم متعب بالمدرسه !!
متى اتخرج من المدرسه وادخل الجامعه !!
البيت ممل هذي الايام !
ماما اغلب وقتها مجتمعه مع حريم اعمامي !
ونهى و اسماء تزوجوا !!
لا تنصدموا !
احسهم بسرعه طاروا من البيت يا حظهم !
اخخخ لو يسمعني بابا إلا يعلق حبل مشنقتي
بنات اخر زمن
نرجع لسالفتنا : طبعا بابا كمل دراسات عليا
والحين دكتور بإحدى الجامعات !!
يا خوف قلبي بعد وقت يتزوج على ماما ويقول ابغى وحده بمستواي العلمي !!
تتوقعون ابو سعود يعملها ؟!
تدرون يمكن يتحجج بالعيال بما انه ماما ما خلفت الا سعود !
اكيد يبغى اخ لسعود !
حطيت يدي على راسي مكان الضربه وعفست ملامحي بتفاجئ : ماما
ردت ماما بغضب لانها سمعت كلامي ما شاء الله علي اتكلم بصوت عالي : جعلك تعرسين وزوجك يطق فوقك ثلاث !!
فتحت عيوني باستنكار : لاااااا حرام عليك ماما
اسحبي الدعوه !
ردت علي بغضب : أجل جالسه تطلعين لابوك اعذار علشان يتزوج !!!
حكيت راسي وانا مبوزه : يا ماما انا اتوقع للمستقبل بس انت فهمت غلط
اشرت علي وهي عافسه ملامحها : خلاص اسكتي !!
وبسرعه نظفي المطبخ قبل ما ادخله لاني ما رح اسكت لك !
ابتسمت بشقاوه : نظفت المطبخ يلمع لمع !
وغمزت لها !
خزتني بعيونها بعدم تصديق: ولا ملعقة ابغى اشوف
لميت كتوفي وانا اتمسكن : بس ملعقه وصحن
شفتها سكتت وهي تتحلطم : مستحيل تكملي شغلك لازم
قاطعتها بابتسامه : انا يا ماما لما اترك شوي من الجلي علشانك لما تتدخلي المطبخ تلاقي شيء تتسلين فيه
وبسرعه ركضت قبل ما تضربني بالنعال
سمعتم وش قلت ؟!!
بالنعال !!
لا والمشكله يطلعون بالتلفاز يغنون : يمه يا نبع الحنان ...
اتوقع خربطوا بالكلمات لازم يغنون يمه يا نبع
الاجرام !!!
لا تطالعوني كذا ترى امزح بس لحظه سؤال
كيف يجتمع الحنان مع الضرب بالنعال !!!!!
***
**
***
***
وقفت السياره باب بيت خالي نادر
نزلت بحماس ولفت تناظرني : تفضل حياك !
طالعتها وانا أقرص بعيوني للي يشوفها يقول صاحبة البيت !!
توسعت ابتسامتها بعد نظرتي : تعال اشرب فنجان قهوه !
رديت ما لي نفس اتكلم : للي يسمعك يقول بيتك قاعده تعزمين فيني !!
سكتت وما ردت هذي عادتها واكتفت بإبتسامه بارده
تدخلت جدتي : هذي البنت تحشر انفها بكل شيء
وعامله نفسها صاحبة بيت نادر وبيتكم وبيتي وبيت ابو راكان وبيت خلف
تتكلم وكأنها هي صاحبة هالبيوت كلها
ما تدري انها مجرد حشره بذي البيوت !!
ولفت وجهها جدتي ودخلت وهي تبربر على ساره !
ناظرت ساره للي تنزل الاغراض ولا كأنه احد يتكلم عليها والموضوع ما يهمها ابدا
طالعتني باستغراب لما شافتني اناظرها ابتسمت بخجل : فيه شيء ؟!!
عقدت حواجبي باستنكار بالله هذي انسانه ؟!
ما عندها احاسيس ؟!!
جدتي تسمعها كلام وهي ولا على بالها تكلمت بقهر من وضعها : وش تحسي فيه لما تتكلم جدتي عليك كذا ؟!
نرفزتني لما ضحكت ضحكة قصيره وكملت بفرح : ما يهمني كلامها !!
اهم شيء عمي أبو راكان واهله وعمي ابوعزام يحبوني هذا يكفيني !!
لأنهم أهلي !!
استغربت منها واثقه من حبهم لها !!
اقتربت منها انزل منها الاغراض بدون تعليق !
لو 100 اهل ما اسكت عن احد يهيني !!
بس ذي البنت تفكيرها غريب !!
***
***
***
***
كملت تنزيل الاغراض وبداخلي ضيقه ما يعلم فيها الا ربي !!
يظنون اني بدون احساس او مشاعر لأني اسكت وما ادافع عن نفسي !
كلامها يجرحني بالصميم خاصه اذا كان في احد موجود !!
بس ما اقول الا عجوز وربي يصبرني عليها !
ناظرت عمي عزام وابتسمت له : ادخل !!
رد بنرفزه : مو فاضي
غريب هالانسان يعصب فجأة ويخوف
مع ذلك احبه من صغري بالرغم من حدته احيانا معي !
تنهدت بتعب لما شفته حرك السياره وغادر المكان
وبعفويه لوحت بيدي له وبسرعه نزلتها لما تذكرت انه يولع من ذي الحركه !
ما اضمن يرجع ويكنس بشعري الارض !
ناظرت الاغراض احملهن بسرعه لما شفت
ولد ام مصلح عقله مو طبيعي ما ادري من وين يطلع لي
اخاف تطلع خالتي وتعمل لي فلم مثل ذيك المره مع انه مجنون بس خالتي تدور الزله !
صابون نابلسي ما يخلصني منها !!
تبغى بس الزله علي !
دخلت وسلمت على مها بحراره وهي بادلتني الشعور
وبغيت أجلس بس سرعان ما فزيت لما صرخت خالتي :قومي جهزي الغداء مع مها !!
ردت مها وهي تؤشر لي اجلس : والله ما تساعديني !
اجلسي دوبك جايه ارتاحي
مطت شفتها خالتي ما عجبها : طيب روحي نادي نادر من البقاله نبغى نتغدى بسرعه !!
شفتم ما تطيق تشوفني جالسه ومرتاحه هزيت رأسي بطاعه : ان شاء الله
طلعت لبقاله نادر ما خبرتكم انه فتح بقاله
احس هالشغل يناسب نادر يبقى جالس طول وقته !!
دخلت البقاله وكان جالس ويدخن اقتربت له وانا ابتسم : سلاااااام
رد لي وهو يبتسم : هلا والله !
وانا اقول القريه نورت !!
ابتسمت بخجل : منوره بوجودك !
غمز عينه وهو يبتسم : اكيد امي ارسلتك علشان نتغدى!!
هزيت رأسي وانا اناظر محتويات البقاله
وقف جنبي وبصوته الحاني : خذي اي شيء نفسك فيه
البقاله تحت امرك !
هزيت رأسي بالرفض ما احب استغل احد حتى لو من طيب نفسه
هذا الدخل الوحيد له ربنا يبارك له !!
طنشني وصار يختار لي على ذوقه وهو يتكلم : اذا على امي لا تهتمي كلي هنا بالبقاله
انحرجت ما احب اغلب احد : والله ما ابغى
اعطاني الكيس وبحرص :والله ما اخبر امي !
ابتسمت له بامتنان الزياره الماضيه لما جيت البقاله
واعطاني نادر خالتي فضحت الدنيا !!!
وكأني سارقهم من البقاله !!
تنهدت بضيق متى اخلص من خالتي ام محمد
مسك يدي تعالي نرجع وكلي وانت بالطريق
طلعنا وانا اكل بسرعه قبل ما نوصل
وللي يشوفني يقول مفشوحه عمرها ما شافت خير !!
**
**
**
**
نفث الدخان بعصبيه وناظرني والشرار يطلع من عيونه : مو على كيفه ابوك يآخذ المهر !!!
طالعته بهدوء عكس القرف والكره للي بداخلي : هذاك ابوي روح كلمه انا وش دخلني ؟!
فتح عيونه بغيض وهو يشد قبضه يده : نفسي تكونين بين يديني واكسرك تكسير !!
ابتسمت بقلب ميت على كلامه بس شغل تهديد وتوعد وما يعمل شيء : تفكر الدنيا سايبه عندك؟!!!!
للي يسمعك يقول ما عندي اهل وعزوه !!
عفس ملامحه بقرف : من زين اخوانك عاد !!!.
عقدت حواجبي باستنكار مو عاجبه إخواني للي الكل يتكلم عن سمعتهم الطيبه ووظائفهم المرموقه!
ييجي هذا الداشر ويتكلم عليهم رديت عليه بحده : على الاقل اخواني يخافون ربنا
قاطعني بنفس الحده : وش قصدك ؟!
رديت وانا اناظره بنظره تقييم : انت مال اليتيمه ما سلم منك !!
على بالك ما ادري انك مقدم اسمها بالجمعيات الخيريه للايتام وكل الفلوس للي تطلع لها تأكلها !!
بس خلي في بالك ترى للي يأكلون مال اليتيم
قاطعني بصرخه والشرار يطلع من عيونه : خلي هالسالفه تطلع من هنا !
وقسم بالله ما يحصل لك خير فاهمه !
زميت شفتي بقرف وقهر منه ما علقت
خليه يطلع من البيت وارتاح من خشته !
عمركم سمعتم بوحده تتمنى زوجها يطلع من البيت ؟
ايه انا اتمنى يغيب عن عيني طول الحياه وارتاح منه !!
بعد ما طلع قصدي انقلع دخلت جودي وهي تناظر الباب ومتخوفه يرجع مره ثانيه حبيت اطمئنها : خلاص راح اجلسي
جلست وهي تزفر بضيق : مخنوقه !!
عقدت حواجبي: ليه يا جودي ؟!،
الاسبوع الجاي زواج
قاطعتني وعيونها تلمع بالدموع: مخنوقه عليك يا ماما كيف تجلسين بالبيت لوحدك !!!!
ضحكت على كلامها : للي يسمعك يقول طول الوقت بالبيت !!
وبالنسبه لابوك لا تهتمي تراه بس شغل حكي !!
جودي بإقتراح : ليه ما تخلي ساره تعيش عندك
قاطعتها : اسكتي لتسمعك جدتك
ما ادري نازل عليها الحنان تقول ما تطلع ساره من عندها الا لبيت زوجها !!
جودي لوت بوزها : عزالله ما عمرها ساره بتتزوج !!
وبتردد ناظرتني : ماما
امممم البارحه سمعت جدتي تكلم بالجوال وتقول البنت بعدها صغيره خلاص اشوف اخوها وارد خبر !!
مين تقصد جدتي بكلامها معقول ساره ؟؟؟!
سكتت افكر بالكلام واضحه ما يبغى لها تفكير !
بس مين للي خطبها ؟!
اذا على خلف اكيد رح يزوجها اذا في فلوس !
احس نفسي حامل هم هالساره متى تتزوج وتستقر !
لو اعرف احد كان دليته عليها لا تقولون صغيره
ما شاء الله للي يشوفها يظنها بالعشرين !
لازم اعرف السالفه بالضبط قبل ما توصل لخلف !!!
**
**
**
**
بعد العصر
ابتسمت مجامله لام هزاع اليوم جايه تسلم على خالتي
احس ما حد يعبي راس خالتي علي غيرها
قررت اقوم اشتغل اي شيء بس وقفتني بصوتها النشاز : وقفي يا بنت الشايب !!
طالعتها وانا ابتسم إلتم المنحوس مع خايب الرجاء الله يستر وش تبغى مني
: اعوذ بالله حشى تقول انها ناقه واقفه!!
خالتي بتأييد : طولها طول النخلة وعقلها عقل صخله!!
ام هزاع تناظر خالتي : هذي اذا وصلت سن العشرين كم رح يوصل طولها ؟!!
قاطعتهم مها وهي تدخل وتتربع : قل اعوذ برب الفلق !!
قولن ما شاء الله لتصكن البنت عين !
ضحكت على رد فعلهن بنفس الحركه مطن شفتهن بجعرفه !
مها بنغزه : انا اقول يا ام هزاع انك تغارين من طول ساره !
لانك قصيره وكلك على بعضك شبر !
فتحت عيونها : انا
بعدها ارخت ملامحها وبنغزه : ترى البنت الطويله مو مرغوبه
الناس لما تخطب لولدها تختار البنت القصيره او للي طولها وسط !
وتكون نحيفه مو متينه !
تدرين الاسبوع للي طاف حرمه سألتني عن عروس وقلت لها عن ساره
تدرين وش قالت ؟!
قالت احد يخطب لولده زرافه !!
وفوق هذا دبه !!
حتى ولد زليخه كان يدور على عروس وقالت له امه عن ساره قال هذا الناقص اتزوج عمود كهرباء مطفي
قصده انها مو حلوه !
ناظرتها مها بحده : والله انها حليوه وشخصيه وطولها مناسب بس ا لغيره تعمي العيون احيانا
ناظرتهن يتجادلن بسببي ابتسمت بألم
لذي الدرجه طولي بشع!!!
تركت المكان وطلعت وانا مخنوقه !!
وكلام خالتي ام محمد يتعشعش براسي
مين للي رح يخطبني !!
رح ابقى عله على قلبها حسب كلامها !
تدرون اني ما عندي ثقه بنفسي ولا واحد بالمئه ؟!!
خالتي زعزعت الثقه بنفسي دائما اشوف نفسي ناقصه عن الناس بكل شيء !!
تدرون اني استحي اناظر نفسي بالمرايه!
واذا ناظرت بسرعه نزل عيوني !!
مع انه مها تقول لي اني بفتره المراهقه
وكل الحبوب للي بوجهي رح تختفي
وطلبت من خالتي تأخذني للدكتور ردت بكل بساطه
«الشين شين يعني الدكتور رح يحط لها جلد جديد !!»
لا والمشكله قدام ام راكان وام عزام تقول اني رافض اروح للدكتور وتجلس تشكي عن عنادي !!
حتى ما احد يلومها بالتقصير !
تحسست الحبوب للي بجبهتي وبدون شعور فركتهم بقوه اطلع قهري فيهم !!!
نفسي اغمض عيوني وافتحهم ألاقي
: ساره يا ساره جعلك ما تسمعين ان شاء الله
شفتم حتى احلامي تقاطعها اروح اشوف خالتي وش تبغى احسن من الاحلام للي ما تقدم ولا بتأخر !!
دخلت وانا احاول اكون طبيعيه انفجعت اول ما رفعت نظري ....
قال رسول لله صلى الله عليه وسلم: لا يلدغ المؤمن من جحر مرتين،
وتقول حكمة الأجداد: إن خدعك أحد مرة فأنت طيب، وإذا كرر خداعه فأنت أحمق.
المؤمن كيس فطن قد يخدع مرة لحسن ظنه أو كرم طبعه لكنه أبداً ليس بالغر الساذج.
تعلم الذكاء الحاضر والإدراك والنضج الإجتماعي الذى يعطينا القدرة على استيعاب التجارب السابقة.....
)(
()
)(
()
)(
()
تحسست الحبوب للي بجبهتي وبدون شعور فركتهم بقوه اطلع قهري فيهم !!!
نفسي اغمض عيوني وافتحهم ألاقي
: ساره يا ساره جعلك ما تسمعين ان شاء الله
شفتم حتى احلامي تقاطعها اروح اشوف خالتي وش تبغى احسن من الاحلام للي ما تقدم ولا بتأخر !!
دخلت وانا احاول اكون طبيعيه انفجعت اول ما رفعت نظري همست : محمد
استغربت محمد اخوي هنا !!
غريبه صاير بالدنيا شيء حتى ييجي خلفنا
: سلمي على اخوك يا قليله الحيا !
الفجعه نستني اسلم عليه تقدمت وانا ابوس يدينه وراسه حسب اوامر خالتي لازم اسلم على محمد كذا !
انا ما اتضايق بالعكس محمد بمقام ابوي وانا من عمر عياله واصغر !
جلست والفضول ذابحني اعرف سبب الزياره طالعت خالتي وهي تسأل محمد بقلق: غريبه جاي لهنا وش فيه ؟!
صاير شيء ؟!
وبملامح مرعوبه :في احد مات ؟!
تكلم !!
شفتم خالتي مثل الغراب ما تنعق الا للخراب
يعني لازم احد يموت علشان ييجي محمد !!
رد عليها وهو مبتسم على خوف امه : بعيد الشر يا يمه ..
الكل بخير
سكت لثواني وبعدها اردف كلامه بهدوء : ناسيه هذا الأسبوع زواج بنات خلف ولازم احضر
ما لقيتك بالبيت وجيت اسلم عليك هنا ؟!
وباستغراب وهو يناظر المكان بجدرانه القديمه : ليه جايه هنا ؟!
ما تبغين تحضرين عرس البنات !!
ردت خالتي بطيبه : والله يا ولدي ابغى احضر
بس جيت اسلم على نادر قلبي متوله عليه !!
اخخخخ ذبحتني حنيتها مسكينه متوله على نادر مو كأننا قبل اسبوعين كنا عندهم !!
محمد بانتقاد : وليه تزوريه انت ؟!
بدل ما ييجي هو لك ويسلم عليك
قاطعته خالتي بدفاع : يعني اخوك باب رزقه هالبقاله يسكرها علشان يزورني ؟!
ما عندي شيء انا ازوره !!
الظاهر ما عجبه ردها كمل كلامه بهدوء : تراني توصلني اخبارك كل أسبوعين حامله عفشك ورايحه لنادر
قاطعته خالتي بحده : وش رأيك يا محمد كل ما ابغى أطلع من البيت استأذن منك والا من زوجتك ؟!!
فتح عيونه باستنكار : وش دخل زوجتي !!
وبتبربر يمه انا مو عاجبني هالحال كل شوي ساحبه هالبنت خلفك مثل النعجة
واشر علي
محمد يقصدني !!
والله ما دريت اني نعجه والله حاله !!
طالعتني خالتي بحقد انا والله ما لي دخل ليه تناظرني كذا
: أكيد هي للي تنقل لك اخباري !!
ناظرتها باستنكار لازم كل شيء تحطني فيه !
محمد بسخريه : ايه ساره تنقل لي من جوالها للي اشترته الأسبوع الماضي
طالعته باستنكار من وين يطلعون الكذب هذا
شفت نظرات خالتي الناريه وهي تكلمني : يا قليله الحياء جوال مره وحده من وراي !!
مين جابه لك ؟!
ضحك محمد بصوت عالي وهو يناظر خالتي : هههههههه خلف للي اشتراه لها
ارتخت ملامحها وطالعت محمد : ما لقيت الا ذي الكذبه !!
محمد بلوم : يعني يمه لما اتصل معك تتحججين الف حجه علشان ما اكلم ساره ؟!
انت من عقلك كيف ساره هي للي تنقل لي الاخبار ؟!!
وبجديه : انا قررت ساره تيجي معي ما لها قعده معك
نقز محمد من رد فعل خالتي وهي تقاطعه بصوتها للي يرعد ويدينها تشبر : وقسم بالله لو تأخذها لساني ما يناطق لسانك ولا انت ولدي ولا انا اعرفك !
وش قصدك بكلامك تشكك بتربيتي لها !!
انا اخذتها وهي شبر صغيره وربيتها على يديني علمتهاالصلاة والصيام وما قصرت بشيء
تيجي انت وتشك بتربيتي ؟!
انفجع محمد من العاصفه للي هاجمته : خلاص خلاص هدي
اعوذ بالله هبيتي فيني كذا !
خذيها واشبعي منها !!
زفر بضيق وسكت والظاهر مخنوق من امه للي للحين تبربر !!
محمد بجمود : خلاص فكيني من هالسالفه علقتي عليها !
ما ابغى ساره خليها عندك
الحين حنا بموضوع العرس
ترجعين معي والا مع نادر ؟!
ابتسمت على سؤاله لأن الاجابه معروفه !
خالتي بزعل : قبل الزواج بيوم ارجع مع السواق !
عقد حواجبه محمد وما عجبه الرد: ونادر ؟!
خالتي وهي ماده البوز يقال انها زعلانه : نادر ما رح يحضر !
وقبل ما تفتح فمك بكلمه مو مستعد يقفل باب رزقه علشان
قاطعها بسخريه : لا تبررين !
من متى نادر يفهم بالواجب ويقدر احد !
يمه تراه عم البنات كيف ما يحضر ؟!
طول عمرنا رح نبقى مسخره لعمي ابو راكان وعياله
والفضل يعود لعيالك المتخلفين !
قاطعته خالي بحده : قول لنفسك ما تكلم خلف ولا تسلم عليه !
ركضت خلف كلام زوجتك وقاطعت اخوك
قاطعها بقهر : هو قال لك هذا السبب ؟!
ما قال لك حضرته هو للي قاطعني وما يكلمني من سنين
ام محمد بعدم تصديق: .ليه خلف يقاطعك
تبغى تقنعني ماخذ خاطر لام عمار تراني اقولها بوجهك
تراه مو مثلك خروف
هز راسه بقهر : مو هذا السبب !
السبب يمه ابنك قبل سنين يبغاني اخطب جودي لولدي مهند وانا رفضت
وقلت له مهند خاطب وهو معند راسه يبغى مهند يفك خطبته بالله هذا كلام ؟!
وراح لولدي خالد علشان يتزوج جودي وخالد رفض قال له يا عمي انا مرتاح مع زوجتي وهو معند !
علشان كذا قاطعني ولدك وما يكلمني لاني رفضت بناته
تنهدت خالتي والقهر واضح بملامحها ما تدري وش تدافع عن خلف : والله ما ادري وش اقول ؟!
ترى وقسم بالله تقهروني اخوان بس بالاسم ؟!
محمد ينهي الحديث : لا تلوميني قولي لعيالك
هم للي يبغون القطاعه !
خلف مقاطعني ومع ذلك جبرت نفسي وجيت احضر الزواج حتى ما يتشمت فينا احد !
وولدك الثاني نادر ولا كأنه عنده اخوان فضحنا وهو داير من مكان لمكان والناس تتصدق عليه
قاطعته مها وهي تدخل ومتكتفه : والله متى ما جاء نادر ومد يده لكم وقتها تعال تكلم !
وحنا حرين في حياتنا ما لاحد دخل فينا
قاطعتها خالتي : ام هزاع روحت ؟!
ابتسمت على سؤال خالتي حنا وين وهي تسأل عن ام هزاع !!
مها مو فاضيه لسؤالها ردت على عجاله : ايه انقلعت
والتفتت على محمد تكمل : ولا تتكلم عن الأخوه ما شفتك يوم قلت اساعد اخوي
قاطعها محمد بتهجم : وين راح زوجك بالورث للي اخذه ؟!!
ما عندكم عيال ولا بنى زوجك بيت ولا دراسه ولا مصاريف وين صرفتم الورث للي طلع لكم وين ؟؟!!
لوت مها بوزها وردت بسخريه : والله نسينا نستأذن منك قبل ما نصرف اي فلس !!
وتغيرت ملامحها للحده :وش دخلك وين صرفنا الفلوس ؟؟!!
ترى حنا فاتحين بيت ونصرف على اربع اشخاص
بدل ما تساهم بمصروف امك للي كل يوم ناطه بخلقتي !
والا اكلها ببلاش ؟!
وقفت خالتي والشر يطلع من عيونها : تعايريني بلقمتي !
صدق انك قليله اصل !
وبعدين انا اجلس في بيت ولدي مو بيتك !!
مها ردت بطريقه مستفزه : والله للي قال لك انه هذا بيت ولدك تراه يضحك عليك ! ا
البيت هذا اشتريته من فلوسي
محمد بتكذيب : من وين لك الفلوس ؟!
وبسخريه اوه نسيت انه ابوك كان عنده اكبر الشركات !
وبحده : لا تنسين اصلك
اكبر خطأ انه ابوي وافق على زواج نادر من وحده منتفه زيك !
ردت مها بقوه : ومين بترضى بواحد عقيم مثل اخوك!!
وبردح تابعت كلامها : وبعدين لا تتكلم عن الاصل والنسب روح شوف اخوك خلف للي الكل يتكلم انه اكبر نصاب بالعالم !
وش الفائده من الاصل وهذا حاله !
ومتزوج بنت العم للي الكل يتكلم بمناصبهم العاليه !!
وش استفاد من بنت الاصل ؟!
وبنظره حاده تابعت : للمعلومه ترى ابو راكان يتفشل منكم يا عيال ابو محمد لانه سيرتكم تنزل الرأس
قاطعها بعصبيه : رأسنا مرفوع غصب عنك !
قولي انك لحستي عقل نادر وشفطتي فلوسه
: وش فيه صوتكم طالع بكل الحاره ؟!
مها ناظرت نادر : تعال شوف اخوك للي متهجم علينا !
محمد بحده : لا تزودي كلام من عندك أحسن لك !!
نادر اعطى محمد نظره قويه : جاي تهدد زوجتي ؟!!
وقدامي بعد !!
محمد بسخريه : لا تعمل فيها القوي وانت خروف قدامها !
اكيد رح توقف معها ضدي وضد امي وضد كل الناس !!
يا حيف على الشوارب للي تمشيك حرمه على كيفها !
مها رفعت حاجب بنغزه : قول هذا الكلام لنفسك الكل يقول انك طرطور لزوجتك
قاطعها بقرف : انت بالذات تخرسين !
وتركهم وطلع وهو ما يشوف الضوء قدامه
وقفت خالتي وهي تعدل الشيله وناظرتني بغضب : انقلعي وقفي محمد انا راجعه معه ما لي قعده هنا !
هزيت رأسي بفرح واخيرا رح نرجع وطلعت خلف محمد
الحمد لله واخيرا رح أحضر زواج بنات خلف
صرخت بأعلى صوتي وانا اشوفه متحرك بسرعه
ما رح استسلم هذي فرصتي
ركضت لعلي ألحق عليه
انقطع نفسي وما في فائده المسافه بيننا كبيره
وما رح يسمعني !!!
اوووووه احس قلبي رح يطلع من مكانه بسبب الركض
اختفت سياره محمد عن نظري وطارت فرصه رجوعي !
يا كرهي لذا المكان
: اول مره اشوف ناقه تركض وتصرخ كذا !!
: وقسم بالله حسيت بهزه ارضيه وهي تركض
اكيد عرفتم سبب كرهي لذي القريه عيال ام هزاع ما يتركوني بحالي اتمنى تكون عندي القوه وامسح فيهم الارض
طنشتهم وتوجهت لبيت نادر وهم يمشون خلفي
ويتمسخرون علي
دخلت البيت وقفلت الباب وانا ازفر براحه
سرعان ما رجع قلبي يدق بقوه من صرخة خالتي : وين محمد !!
حسبي الله على عدوها خرعتني اخذت نفس ورديت بخيبه : لما طلعت كان متحرك حاولت انادي عليه بس ما سمعني !
ناظرتني بغضب: خلاص قفلي حلقك الحين اتصل بالسواق ييجي يأخذني ما لي قعده هنا
نادر بقله حيله : يا يمه خلينا نتفاهم
ردت عليه بعصبيه وهي تحط الجوال على اذنها : دام هالكلبه الو .....وينك .....تعال علي....وقسم بالله اذا ما جيت الحين الا اسفرك ...اقولك بسرعه ...ايه بيت نادر ...تحرك بسرعه
قفلت الخط وعيونها ترسل نظرات ناريه
_اعوذ بالله وقسم بالله نظراتها تخوف
بدأت ترعد من جديد : انا اخر عمري وحده قليله اصل تطردني !!
وقسم بالله إلا تندم !
نادر بضيق :يمه
زفر بضيق وبترقيع : يمه انا اعرف مها ما تغلط على احد
دفته خالتي من كتفه بحسره : يا خساره تربيتي فيك يعني انا للي غلطت عليها؟!
وزوجتك منزله من السماء ما تغلط !
الله يكثر خيرك
_ طالعت نادر بحزن احسه متورط ما يدري مع مين يوقف !
بس مستغرب تصرف مها اول مره اشوفها كذا مفترسه يمكن
: انت ما تسمعين ؟!
بسرعه جهزي اغراضي ما لي قعده هنا !
فزيت مثل البرق اجهز الاغراض قبل ما تصب غضبها علي !!!
**
**
**
**
جلست بضيق من هالموقف انا متوهق بين زوجتي وأمي !
طالعت امي بنظره رجاء
_ لا تطالعني كذا !
لو انك رجال كان كسرت رأسها !
انسى اذا عندك أم دام هذي على ذمتك !
لما تطلقها وقتها تلاقي رضاي
قاطعتها بضيق وانا اشوفها تصعب الموقف : لو طلقتها وين اروح ؟!!
طالعتني امي شوي وتلطم : انت مو رجال تقول هالكلام ؟!،-
قاطعتها بتذكير : البيت بإسمها
قاطعتني وهي تشد على اسنانها : من خبالك الزائد يا مغفل !
طلقها وتعال اسكن عندي
ابتسمت بألم : مين ترضى بواحد عقيم !
رجعت امي تردح : الف وحده تتمناك انت
ضحكت بمراره : الف وحده ؟!
يمه الله يهديك مين ترضى بواحد كبير بالعمر مطفر ومتزوج وعقيم ؟!
وبجديه حسمت الامر حتى اقفل الموضوع : يمه انا عن مها ما اتخلى !
لو ابعد عنها ساعه امووووت لأني أحبه..
قطعت كلامي وانا اتحسس جبهتي مكان الضربه !
ضربتني بالمفتاح وعيونها مشتعله من الغضب !
_ حبك قرد يا متخلف ! وش عاجبك فيها هالجوكر ؟!
دخلت مها وهي متكتفه : مثل ما عمي الله يرحمه كان على عيونه غشاوه وانعجب فيك !
ردت امي وهي ناويه الشر : وش قصدك ؟!
ابتسمت مها ببرود : نفس قصدك بكلامك عني !
ناظرت مها وانا اغمز لها تمشي الموضوع
وانا متوهق بينهم
ما ادري وش للي قلب حالهم بذا الشكل ؟!
**
**
**
**
**
تحس بالفرح مجتمعه مع اخواتها تحب تشوفهم وتجلس معهم
بعد زواجهم تحس بالوحدة بالبيت
ابتسمت على شكل نهى وهي معصبه : الله ينكد عليه !!
إذا ما نكد علي ما يرتاح !
المفروض يسمونه نكد حسبي الله ونعم الوكيل !!
عائشه حافظه سيناريو نهى دائما : وش صاير ؟!
نهى وهي تناظر إصبعها احمر : شوفي إصبعي كيف صار ؟!
ربي لطف والا انكسر !
اسماء وهي تحط يدها تحت خدها : نفس السبب ؟!
عائشه بحكمه : يأ اختي ليه استيعابك ضعيف ؟!
زوجك يغار عليك وما يبغى يبان منك شيء
خلاص احفظي هالدرس !!
نهى وهي تشبر بيدينها : خلاص أنا وصلت درجه الانفجار !
فقع مرارتي !
والله ما ظهر الا طرف اصبعي بالغلط
عائشه بحالميه : يا حظك تزوجتي واحد يغار عليك ومهتم فيك
قاطعتها نهى بقرف : الله يقطعه من حظ !
ونزلت رأسها تندب حظها : أنا طول حياتي وانا اتمنى زوج فري
اسماء ناظرتها وضحكت بصوت عالي : تتذكرين يا نهى اول ايام بالزواج
ابتسمت بمرارة نهى وهي تتذكر ذاك اليوم : انا على بالي تزوجت خلاص تخلصت من حكم ابوي ورح اعيش على كيفي !
وأنا مصدقه نفسي عروس ونبغى نطلع نتعشى بمطعم
ما خليت شيء الا وحطيته بوجهي
ويمكن علبة العطر رشيتها مشفوحه مكياج وعطور
عائشه باهتمام : انا ما ادري عن ذي السالفه ؟! طيب زوجك كيف رضي تطلعين كذا ؟!!
اشرت لها نهى بيدها : انتظري اكمل هالفلم الرومنسي !
طبعا طلعت من الباب وانا كاشفه وجهي خلاص قررت اترك النقاب وكنت مبسوطه على هذا القرار وحاسه نفسي الحين رح اعيش حياتي !
يا ارض اشتدي ما عليك احد قدي !
وكان المحروس (حسبي الله عليه ) مو منتبه لي متقدم مني كم خطوه
فحبيت ألفت نظره تكلمت بدلع مع مرور رجال من جنبنا : حبيبي
التفت لي وكأنه جن تلبسه سحبني للجناح
وعيونك ما تشوف النور !
عمري ما رح انسى ذاك اليوم شبعت من الضرب
وانتهت الليله وكان احلى عشاء مشبع بالكفوف وشد الشعر والشتائم
تبغون الصراحه ما خلت السالفه من المرطبات علشان ترطب مكان الكف وخدي ما يصيبه جفاف
حسبي الله كل كلمه بعدها يتفل بوجهي !!
كتمت عائشه ضحكتها بكفها وهي تتخيل شكلها
اسماء بابتسامه : احمدي ربك ما قال لابوي كان كنت بخبر كان !!
نهى عضت شفتها بقهر : ابوي ما لقى الا هالمتخلف وزوجني إياه !!
لكن دواه عندي
والله ما ارجع له واذا ما خليته يبوس الارض علشان ارجع له ما اكون نهى !
عائشه : وابوي ؟!
نهى بقوه : مو خايفه من احد !
ورجعه مو راجعه )
اسماء بسخرية : حرام عليك ابنتك صغيره كيف تحرميها من ابوها !
وبضحكه مكتومه : والجنين للي بعده ما شاف الدنيا يطلع ما يلاقي ابوه
نهى انقهرت من سخريتها : خليك بكرشتك احسن لك !
عائشه قطعت كلامهن : صوت بابا وصل ؟!
نهى بأمر لعائشه : قومي قولي لابوي اني مو راجعه لزوجي !
واذا جاء زوجي يصرفه لاني مو طايقه اسمع اسمه !
عائشه ابتسمت وهي تحرك حواجبها : هذا بابا جاء قولي له
دخل ابو سعود ورد السلام برسميه وناظر نهى بأمر : زوجك ينتظرك برا بسرعه اطلعي ولا تأخرينه !
فزت نهى على حيلها : ان شاء الله يبه !
قرصتها عائشه بعيونها : يالقويه !
وين كلامك قبل شوي !
نهى اعطتهن نظره قهر بعد ما لبست وحملت ابنتها النائمه على الكنبه
ابتسمت اسماء بسخريه عليها سرعان ما نقزت لما كلمها ابو سعود : وانت وين زوجك ؟!
اسماء وقلبها يدق : راح مع ربعه
هزراسه ابو سعود وتوجه لغرفته بعد ما طلعت نهى !
تنهدت اسماء براحه : يعاملنا وكأننا طلاب عنده بالقاعه !
كل يوم يزيد جديه
وبهمس وهي تبتسم : ويزيد بخل !
قرصتها عائشه بلوم :ما يصير تقولين كذا
هذا ابونا!
دخلت ام سعود وناظرت اسماء بابتسامه : هلا نور البيت؟!
وين نهى ؟!
طالعت عائشه اسماء وضحكت على نهى !!
طلعت من بيت نادر وهي تتذكر كلام خالتها : انت انطقي عند اخوك مالك رجعه معي !
كانت متأمله تحضر زواج بنات خلف بس كل آمالها طارت !
طرقت الباب ب هدوء وما انتظرت احد فتحته دخلت وهي ماده البوز
_ يا عيني وكاله من غير بواب !
ساره ابتسمت بدون نفس وهي تشوفها جالسه بالحوش : وش تعملين هنا !
سعديه بملل : والله ما ادري وش اعمل طق قلبي
غريبه جايه هنا ؟!
وبلقافه : وش صاير عندكم يقولون صوتكم واصل بكل الحاره !
فتحت عيونها ساره باستنكار من هذي القريه لقافتهم غير طبيعية بجمع الاخبار
هذا الشيء ما حسته موجود لما تكون عند بيت ابو راكان الجيران كل واحد بحاله وما يتدخل بالثاني
عكس ذي القرية للي تحس انهم يتصنتون على بعض حتى يعرفون اخبار بعض وينشرونها !
سعديه وهي تحك ذقنها بملل :علامك منصدمه !
ويقولون في ناقه هاربه من أهلها وتركض بالشوارع مثل المجنونه
فتحت عيونها ساره بتصديق لكلام سعديه
اردفت سعديه كلامها بابتسامه خبيثه : ويقولون هذي الناقه تركض وتصرخ وقف وقف
محمد وقف
عضت شفتها ساره وهي تقرص سعديه بعيونها بعد ما عرفت انها المعنيه : سخيفه !
اشرت لها سعديه بيدها الصغيره المائله للاسمرار: اجلسي اجلسي
جلست ساره بإحباط : وش عرفك ؟!
ضحكت سعديه : وقسم بالله حتى لما تجلسين نفس الناقه
وغطت وجهها بكفيها تكتم ضحكاتها
ناظرتها ساره بملل من ذي السالفه للي ولدت عندها عقده من الطول : جعل الناقه ترفسك يالقزم !
فتحت سعديه عيونها الصغيره باللون البني الغامق : انا قزم ؟!
وبفخر : يا ناقه تراك انت للي متخلفه عن بنات جيلك
انا نفس طول البنات بالصف وما في بالصف غيرك عمود
ساره قلبها مو رايق : اسكتي
سعديه ابتسمت : خليني احزر العجوز الشمطاء تركتك وهجت !؟!
ساره بقهر وشوي تبكي : وعدت البنات احضر زواجهم !
مسحت سعديه حبات العرق من جبهتها من حراره الجو بالرغم من قرب قرص الشمس للمغيب : دامك مو قد كلامك ليه تتفلسفين ؟!!!!
وبتفكير: وش رأيك نعمل لك مثل ساندريلا ؟!
تحضرين الحفلة غصب عن خالتك ؟!
مدت بوزها ساره : مو ناقصه سخافتك تراها واصله هنا
واشرت على انفها !
سعديه : انا مو عارفه ليه انا بس للي تفردين عضلاتك علي ؟!!
قدام خالتك مثل الارنب !
ساره ابتسمت بدون نفس : لا تنكرين حتى انت تخافين من نظراتها ؟!
سعديه مطت شفتها : اعوذ بالله مثل عيون البومه ؟!
المهم خلينا بالعرس وش رأيك تحضرين ؟!
ساره بسلبيه : ما ابغى احضر اخاف تشوفني خالتي !
تراها نبهت علي اذا رجعت رح أحصل شيء ما يعجبني !
سعديه تربعت وهي ترفع يدينها بالدعاء : جعلها تحصل سياره تدهسها وتخلصنا منها!
تضايقت ساره من الدعاء : حرام عليك !
دفتها سعديه وهي عافسه ملامحها : تدرين ام محمد قليله عليك !
انت لازم تعيشين عند وحده تحرقك حرق !
تنهدت ساره وابتسمت وهي تناظر سعديه
كيف ملامحها متجهمه !
ما تنكر تأثرها بتصرفات سعديه تقلدها بكل شيء
طريقه المشي ،طريقه الاكل ،طريقه الكلام ،
تحس نفسها كوبي بيست عنها !
كيف ما تقلدها وهي من اصدقاء الطفوله بالنسبه لها !
تحب الصداقه وتقدس شيء اسمه
ا ل ص د ا ق ه
للحين تتذكر عائشه وتتمنى تشوفها وتجلس معها !
ما تدري كيف صار شكلها الحين ؟!
معقول كبرت وصارت طويله مثلها ؟!
يمكن بعدها صغيره وقصيره مثل سعديه !
يمر بخاطرها تساؤلات عن شخصية عائشة
واهم سؤال
معقول بعدها تتذكرها وتحن لها مثل ما هي تحن لها وتتمنى تشوفها ؟!!
**
**
**
**
**
جالسات بالحديقه بشكل دائري والاجواء تبعث بالنفس الارتياح مع مغيب الشمس
ويتكلمون بأمور حفلة الزفاف بكل اهتمام
استغربوا رجوع سياره ام محمد
اشرت ام راكان بيدها لام محمد وهي مستغربه
من رجوعها الحين ؟!
ام عزام بهمس : غريبه راجعه الحين ؟!
جودي بضيق : شفتي ساره ما رجعت !
تقدمت ام محمد ووجهها احمر منتفخ من القهر
تحس بداخلها قهر المفروض فرغته قبل ما ترجع
سلمت بدون نفس وجلست
- غريبه راجعه الحين ؟!
ام محمد وهي عافسه ملامحها وشوي تنفجر : ما الغريب الا الشيطان !
ام عزام ابتسمت : بس انت قلتي يمه يوم العرس راجعه ؟!
ام محمد وجهها محتقن باللون الاحمر : قلت ارجع واجلس مع البنات قبل الزواج ونودعهن !
جودي : وساره ليه ما رجعت ؟!!!
ام محمد بغبن : الكلبه رفضت ترجع تبغى تجلس عند سعديه
ام راكان بانتقاد : ليه تخليها تمشي مع هالاشكال ؟!
شوفي حركاتها وتصرفاتها همجيه تفشل !!!
ام محمد لوت بوزها : غصب عني تمشي معها !
البنت عنيده وما تسمع الكلام لا يغرك طيبتها المزيفه
تراها تمثل
ام عمار بعدم اقتناع : والله احس ساره مسكينه وعلى نياتها !
خلود بعتب : الله يسامحك يا جده كان رجعتيها غصب والله وجودها يريحني
ام عزام : هذا للي تبغينه تجلسين والناس تبتلش بعيالك
ام عمار بخبث : سمعت انه في عريس متقدم لساره ؟!
ام محمد مطت شفتها بقرف وهي توقف : ما ادري مين للي على عيونه غشاوه ويتزوجها ؟!
انا رايحه اريح شوي من تعب المشوار عن إذنكم
ام راكان بهدوء غامض : إذنك معك !
ناظرت الموجودات بعد مغادره ام محمد : اقص يدي اذا ما كانت فيه سالفه عندها !
**
**
**
**
*
زفر بضيق بعد ما قفل الجوال : اففففف هالحريم غثاء ووجع رأس !
ا بتسم عزام : تنصحني ما اتزوج ؟!
مناف بضيق : قسم بالله يرفعون الضغط !
عليهم افكار غبيه !
كلهم مثل بعض !
لا يغرك بالحريم حتى لو كان معها شهاده دكتوراه
لانه مهما وصلوا درجات بالتعليم يبقى عقلهم ناقص !
وبغضب : تخيل تبغى تنزل للسوق وتشتري فستان ثاني للبنت لانها اكتشفت انه بنت خلود عندها نفس الفستان !
شفت لأي درجه وصل تفكير الحريم !
عزام بابتسامه : مو كل الحريم واحد !
انا من الاول نصحتك ما تأخذ من هالبيت بس انت عاندتني !
وحاولت توقعني معك واتزوج اختها!
ابتسم مناف : الله نجاك يقولون مطلعه الشيب برأس زوجها !
عزام : امي حالفه يمين اذا شافت بنت واعجبتها الا تخطبها وترمي شروطي بعرض الحائط !
مناف هز راسه بتفهم : حتى ولي
قاطعه عزام : الله يكون بالعون
وابتسم بتذكر : تخيل ساره تدور لي عروس من القريه !
رفع حاجب وابتسم لذكراها : وش اخبارها بنت العم ؟!
نفسي اشوفها دائما لما ازور اهلي تكون بالقريه !
بس اكيد رح اشوفها هذي المره
عزام : ولا رح تشوفها لأنها ما رح تحضر الزواج
جدتي رجعت لوحدها !
مناف بخيبه : على حظي !
عزام متنرفز من جدته : ما ادري كيف تتركها عند خالي نادر !
تدري افكر ارجع للقريه واجرها من شوشتها
مو على كيفها تتصرف !!
مناف :هدي يا رجال البنت عند اخوها وانت وش دخلك!
رد وكأنه مستعر : تراها خالتي !
ضحك مناف بصوت عالي وللي بالمطعم يناظرونه : تدري هذي لوحدها نكته !
وحده شبر وتكون خالتك !!
عزام رفع حاجب : شبر ؟!!
خليك على عماك انت والشبر تبعك !!
الحين اتركني من سيرتها وخبرني عن شغلك ومتى ناوي تستقر هنا !
هز مناف راسه وهو يرتشف من كوب القهوه وبدأ الكلام عن شغله .....
**
**
**
**
**
يوم الزواج
ساره بعدم اقتناع : الظاهر انك مجنونه رسمي !
كيف اروح للحفله ؟!
حتى ملابس للزواج ما جبت !
سعديه دقت صدرها بثقه : لا تخافين
انا ادبرهاورح اخليك تحضرين الحفله غصب عن هالعجوز !
واخلي كل الموجودين ما يعرفونك!
ساره خزتها بعيونها : انت قلم كحله ما عندك ولا تعرفي تحطينه!
سعدية عفست ملامحها : اعوذ بالله منك !
تفكرين اني عبيطه مثلك وما اعرف احط مكياج !
يالغبيه ترى تعلمت عند أروى وعلمتني كيف احط مكياج!
فتحت ساره عيونها بتعجب وبلوم : يا لئيمه ليه ما قلتي لي اتعلم معك !
سعديه بسخريه : انت تتعلمين ؟!!
لو تجلسين الف سنه ما تعرفين تحطين كحله !
انت ما تنفعين الا للغسيل والجلي والتنظيف
مو مثلي !
تصدقين اروى انبهرت من مهارتي تقول وين
مخبيه هالمواهب !!
المهم اتفقنا خلاص رح تحضرين زواج البنات !
ساره ناظرتها باستخفاف : تمزحين !
كيف
قاطعتها سعدية بحماس : انا اتكلم جد !
اليوم رح تحضرين الزواج ورح تستانسين وتدعين لي !
سكتت ساره وداخلها خوف وتردد من جنون سعديه : ونادر وش اقول له ؟!
سعديه ضربتها على كتفها بطريقه شبابيه : لا تشيلين هم نادر لانه وجوده وعدمه واحد !!!!
ساره دفتها : ظهري ابغاه يا حماره !
سعديه بفرح من خططها : اقول تعالي عندنا شغل كثير : )
رواية أقدار~للكاتبة ضاقت أنفاسي الفصل العاشر 10 - بقلم BlackButterfly002
بارت 10
()
)(
(!(
()
)(
حين لـآ يكون من نصيبنآ {شيء آخترنآه} ! و بكل صدق أحببنآه ~ فإنه سيكون من نصيبنآ {شيء أجمل} ~ شيء آختآره آلله لنآ و طبع حبه في قلوبنا . . !
»«
«»
»«
»«
«»
وقفت السياره قريب من باب القاعه أخذت نفس وهي تحس بالخوف وقلبها يدق طبول اول مره تدخل هذي الاماكن
مسكت يدها سعدية تشجعها : لا تخافين !
من حقك تحضرين وتفرحين ببنات اخوك !
واتبعت كلامها بغمزه : يمكن تلاقي عريس لقطه
وبتحريص : انتبهي احجزي لي اخوه !
زفرت ساره بعدم الارتياح بداخلها ندم لأنها طاوعت سعديه
لوحت سعديه بيدها امام وجه ساره : وين سرحت يا ابو الشباب !
يلا انزلي بسرعه ساعه ونرجع لك
وبضحكه : انتبهي لا تتأخرين بعد 12 اخاف يزول أثر سحري ويعرفونك لما ترجعين لحقيقتك الشينه !
تدرين افكر اكنسل زياره خالتي وانزل أشبك واحد من هالمعازيم !
ناظرت ساره ام سعديه وهي تؤشر بيدينها تستعجلهم وابتسمت بدون نفس : الحمد لله انه امك ما تسمع ولا تتكلم كان انجنت لو تسمع سوالفك البايخه !
سعديه فتحت عيونها باستنكار : انا سوالفي بايخه !
والا انت المعقده وما تعرفين تتصرفين
صار لنا ساعه بالسياره خلصيني انقلعي بسرعه ...
فتحت لها الباب ودفتها : انزلي
وقفت ساره برا السياره وهي تشوف سياره الاجره تتحرك
وسعديه تطلع نفسها من الشباك بطريقه محرجه وتلوح بيدها وبصوت عالي : حظ سعيد يا ساندريلا
التفتت حولها ساره باحراج من تصرفها كان بعض الحريم داخلات
أخذت نفس عميق تحاول تهدي دقات قلبها ......
متردده بالدخول طرت لها فكره تجلس برا
تنتظر وما تدخل !
لكن بداخلها شيء يدفعها تروح وتبارك للبنات
وتشاركهن فرحتهن !
طالعت القاعه وهي تردد بنفسها اروح ما اروح
وبالاخير حسمت امرها وقررت تتوجه للقاعه
**
**
**
**
عزام
اليوم كان حوسه بمناسبة الزواج وخاصه انه المعاريس من اقارب ابوي
ولازم نكون موجودين
وقفت قريب من قاعه الحريم انتظر
جدتي ام راكان طالبيتني بالاسم !
ورافقني مناف الملقوف للي ذبحه الفضول
يعرف السالفه
مناف بتفكير : اذا السالفه ما فيها عروس اقص رقبتي !
تنرفزت : تدري اذا السالفه كذا صدق ناقصات عقل !
طلعوني من عند الرجال علشان ذي السالفه !!
مناف باستغراب : شوف ذيك الحرمه للي داخله
بدون ما اناظر : عيب عليك تناظر
قاطعني بتبرير : لا بس مشيتها ملفته للانتباه !
دفعني الفضول وناظرت وبدهشه ساره وش جابها !!
اعرف مشيتها ما احد يمشي بذي الطريقه غيرها !
معقول خالي نادر جاء ؟!
تركت مناف وتقدمت منها وناديتها بصوت متوجس : ساره !
ناظرتني وكانت متغطيه مو باين منها شيء ما ردت ولا بكلمه !
سألتها : وين خالي نادر ؟!
مع مين جايه !
حسيت بالاحراج وانا اشوفها تاركيتني ومتوجه للقاعه !
مو ساره !
سبحان الله نفس طريقه المشي ونفس الطول !
وحتى العبايه نفسها !
وش هالصدفه !
دف كتفي مناف بخفه : قلت لك ناظرها مو تروح تكلمها !
ناظرته وانا للحين مشوش انا متأكد إنها ساره !
**
**
**
**
داخل قاعة الحريم
اسيل تركت الرقص وتوجهت لخوله علشان تنزل ترقص معها !
تقدمت من خوله وهي تعدل فستانها القصير وبدلع : خوله تعالي نرقص !
حركت خوله شفتها تتكلم وعيونها على البنت
للي من اول ما دخلت لفتت انتباه الحاضرين : اسيل شوفي هالقمر !
اسيل فتحت فمها باندهاش : هذي ملاك !!
خوله صرفت نظرها عن البنت : قفلي حلقك فضحتينا مفهيه ترى حلقك وصل للارض !
اسيل غمضت عيونها بحالميه : لو اصير بجمالها واناقتها !
خوله بتخمين : اذا ما خاب ظني امي وجدتي ام راكان يحومن حولها لعزام !
شفت جدتي سلمت عليها وكلمتها وبعدها طلعت
اسيل بتنكيس : معقول هالملاك تقبل بعزام !،
دفتها خوله بغرور : يا بختها يوافق عليها!
اسيل وهي تتأملها: احس اني اعرفها من قبل !
خوله بتفكير : فيها شبه من .....
***
***
***
***
دخلت القاعه بعد ما خلعت العبايه وما خطر لها تعدل نفسها على المرايه قبل ما تدخل
قلبها مو قابل يوقف طبول طبول تحس بالاحراج اول ما دخلت وكل الانظار عليها !
ما تدري اعجاب او شيء ثاني !
ناظرت الحريم وهي تشوفهن متكشخات
شجعت نفسها انها مثلهم ويمكن احلى بالمكياج
ما تدري ليه اليوم كان عندها ثقه انها حلوه
!!
لفت جهة اليسار شافت خوله واسيل يناظرونها وبعدها بلحظات توجهت اسيل وخلفها خلود متوجهات لها بعبوس !!!-
**
**
**
اسيل وهي تتأملها: احس اني اعرفها من قبل !
خوله بتفكير : فيها شبه من بنات نايف !
اسيل انفجعت وهي تناظر للي دخلت القاعه اشرت لخوله وكأنه الصدمه ألجمتها!
خوله انصدمت وهي تشوف ساره تدخل بمشيتها المعتاده
ولابسه جلابيه اقرب وصف لها مقرفه ومحتضنه تحت إبطها العبايه
وبسرعه توجهت اسيل وخلفها خوله
والاحراج خيم عليهن
وبدون اي كلام مسكت اسيل يدها وسحبتها خارج القاعه بهدوء وتوجهت لغرفه فاضيه
دخلت وخلفها خوله للي قفلت الباب وتقدمت منهن !
اسيل بحده اول مره تكون كذا مع ساره : انت وش عامله بنفسك !!!
خوله بنفس الاندفاع : تبغين تفشلينا ؟!
وش هالملابس المقرفه !!
ساره انربط لسانها من هذا الهجوم !
اسيل تابعتك كلامها : وش هالخرابيط للي بوجهك ؟!
مين للي للعب بوجهك كذا !
خوله سحبت ساره ووقفتها قدام المرايه : شوفي وجهك !
رفعت عيونها باستحياء وناظرت نفسها
وكانت الفاجعه ملامحها شبه معدومه
الكحل واصل قريب من اذنها
وفوق عيونها الشدو باللون الاسود الغامق
غير الشفايف للي باللون الاحمر القاتم
ومكبره لها شفايفها حتى وصلت لانفها
وخدودها بنفس لون الشفايف
وشعرها منفوش مع الجلابيه القديمه كانت اشبه بالمجنونه او المتسوله على الطرقات !!
كان نفسها تمسك سعديه وتصكها كفوف على هذي المسخره !
تخاطب نفسها بألم :ناقصني بشاعه علشان تزيدها علي سعديه !
خوله بتحقيق : مين للي حط لك هالقرف !
نزلت راسها ساره كالعاده بسلبيه ما تقدر تدافع عن نفسها !
اسيل رفعت راس ساره : مين جابك هنا ؟!
بلعت ساره ريقها وما قدرت تجاوب !
خوله استدارت باتجاه الباب : اناالحين رايحه لجدتي ام محمد واخبرها بوجودك !
اسيل لما شافت ملامح ساره المرعوبه : انتظري
وناظرت ساره باستفسار : خالي نادر جاء !
اكتفت ساره بالسكوت
رن جوال خوله ردت وهي تناظر ساره
كملت المكالمه وبعدها قفلت الجوال : امي تسأل عني وعنك يا اسيل !
اسيل اشرت على ساره : وساره ؟!
لو معي ملابس كان لبستها وعدلتها بس ما في وقت !
خوله بقهر من تصرفات ساره وقمة الغباء للي عايشيته : جهزنا لك ملابس للحفله ليه ما رجعتي مع جدتي ؟!
ما ادري متعمده تفشلينا والا وش قصتك ؟!
وبأمر : اجلسي بذي الغرفه ولا تطلعين منها الا لما نجيك انا واسيل فاهمه !،
هزت ساره راسها بضعف
ناظرت اسيل وخوله وهم طالعين
وجلست على الارض باستسلام ما كانت تبغى تحضر بهذي الطريقه !
تحمد ربها انها اسيل شافتها قبل ما تصير مسخره للحريم !
زاد التحطيم للي بداخلها والثقه للي زرعتها بداخلها بصعوبه طارت اول ما شافت نفسها بالمرايه ...
صدق المثل الشين شين
كل البنات يحطون مكياج ويزيدهم جمال
الا هي يزيدها بشاعه فوق بشاعتها !
ما تبغى تعترض على خلقة ربنا بس شيء بداخلها يوجعها !
فجأة وقفت على حيلها وهي تتذكر خالتها لو عرفت بوجودها
رح تطلع جنازتها اليوم !
وعزام لو يدري انها جاءت مع ناس غريبه ما رح يرحمها !
ونادر تخاف يفقدها ويروح لبيت سعديه وما يلاقيها !
تحس حطت نفسها بورطه ما تدري كيف تتصرف
وبسرعه طلعت من الغرفه بدون تفكير
لبست العباية ولفت الشاله مثل النقاب علشان تقدر تشوف الطريق وطلعت بعجله
ناظرت حولها ما تدري اي باب يطلعها ما تبغى تدخل وتمر من قاعه الحريم
اكيد في باب ثاني
قررت تتحرك تخاف بأي لحظه ترجع اسيل
صارت تمشي بعشوائيه
واخيرا شافت باب مفتوح للخارج
ركضت باتجاه الباب وهي طايره من الفرحه
وكأنها تاهت بالصحراء ولقت المنفذ
طلعت من الباب وهي تقفز وتصرخ بأعلى صوتها من الفرح : وأخييييييرا
عم المكان صوت تكسير وتحطيم
نهضت نفسها عن الارض بعد ما تعثرت بسبب عبايتها
ناظرت القزاز المتكسر باستغراب من وين جاء ؟!
إلتفتت على اليمين وانفجعت وهي تشوف واحد عالارض والثاني يسند فيه بصمت ....
وقف بصعوبه وبقع الدم على ثوبه انجرح من الزجاج
بصراخ بدون لا يناظرها : انت عميه ما تشوفين !!
ساره باحراج ناظرتهم كانوا بعمر المراهقه صغار ما قدرت تتكلم :ءءء
ناظروها لثواني وصرخوا بصوت عالي : اعوذ بالله من الشيطان الرجيم
جنيه جنيه
وبسرعه اختفوا من امامها !!
ناظرت حولها باستغراب وين الجنيه ؟!
سمعت صوت رجال قريبين وبسرعه رجعت من المكان للي دخلته وصارت تركض تبغى تهرب
تخاف يغرمونها حق للي اتكسر بسببها !!
**
**
**
**
*
داخل القاعه اسيل بهمس قالت لامها عن ساره والموقف للي صار !
ام عزام باستنكار : بس ساره عند نادر !
خوله بتأكيد : اقولك ساره وخليناها بالغرفه
ام عزام بضيق :الله يسامحك يمه ما ادري وش تبغى بهذي البنت !
المهم نعرف مين للي وصلها لهنا !
يا خوفي البنت تسرح وتمرح وامي ما تدري عنها!
اسيل ابتسمت بثقه : ما اتوقع ساره من هذا النوع
اكيد خالي نادر جاء
ام عزام هزت راسها : خلاص انا اعرف بطريقتي اذا نادر حضر او لا !
بس خلي هالزواج ينتهي على خير !
::
::
::
وقفت بالشارع تلتفت يمين يسار وهي تلتقط انفاسها
بصعوبه حصلت الباب ...
الحين
كيف توصل لسعديه وما معها جوال ما تدري كم مر من الوقت بالضبط
عضت على شفتها بتوتر والخوف دب بقلبها
تخاف تخلص الحفله وسعديه بعدها ما شرفت
وش يخلصها من خلف وعزام !!
تعبت من الوقفه جلست على الرصيف وعيونها على الطريق
وهي تحس نفسها متسوله هذا اقرب وصف توصف فيه نفسها !
وقفت على حيلها وهي تحس بطوق النجاه لما شافت سياره
اجره توقف قريب من القاعه وبسرعه ركضت وهي تمسك بطرف عبايتها بشكل ملفت للانتباه !
ما اهتمت يشوفها احد او ينتقدها المهم تركب السياره وتغادر المكان
اول ما ركبت بصوت مرعوب نطقت : حرك بسرعه
اخذت نفس بعمق وناظرت السياره وتجمدت العروق بجسدها صرخت بخوف : وقف وقف
وقف سائق الاجره باستغراب وما تركت له فرصه يستفسر عن سبب صراخها
وبسرعه نزلت من السياره مثل المجنونه وصارت تركض
ناظرها السائق وهو يقسم بداخله انها هاربه من مستشفى المجانين
ركضت باتجاه القاعه وهي تشتم نفسها
غبيه طول عمرها رح تبقى غبيه كيف ما انتبهت اذا سعديه موجوده او لا !
مثل الخبله ركبت على طول السياره !
وقفت وهي تلتقط انفاسها ناظرت حولها وهي قريبه من قاعه الافراح !
جلست على جنب الطريق وهي تحس كل قوتها تبخرت بعد هذا الموقف
غمضت عيونها كله بسبب سعديه
وش الحل الحين !
تخاف تنساها سعديه !
غمضت عيونها لثواني وهي تدعي ربنا !
مر وقت قصير ولمحت سياره اجره توقف قريب من القاعه
توجهت لها بتوجس وهي حاطه يدها على قلبها
اعطاها صاحب السياره هرن حتى تستعجل
وصلت السياره ولصقت وجهها على القزاز حتى تتأكد من وجود سعديه
دفت سعديه الباب وبصراخ : يا حماره اخرتينا !
وش قاعده تناظرين ؟!
لاصقه وجهك بالقزاز وعيونك مثل الغول تجحين فينا !
ركبت ساره السياره وناظرت سعديه بنظرات ناريه : الله يأخذك يا حيوانه !!
سعديه فتحت عيونها وقبل ما ترد على ساره ناظرت السائق : خلاص حرك !
وبعدها ناظرت ساره : وش فيك تنافخين ؟!
ساره انفجرت فيها : كله بسببك خليتيني مسخره للعالم !
سعديه تكتم ضحكاتها ببراعه : هذي جزاتي ؟!
انكسر ظهري وانا أزينك !
ساره بغبن : ليت ظهرك انكسر ولا زينتيني!
فتحت سعدية عيونها باستنكار من الدعوه : حيوانه تدعين علي !
ساره بتبرير: انا ما دعيت انا قصدي
قاطعتها سعدية : خلاص فهمت
طيب ليه مو عاجبك المكياج ؟!
كشفي اشوف تعبي !
نزلت ساره بملل وسرعان ما فتحت عيونها باستنكار
وهي تشوف سعديه تضحك وتتكلم : احمدي ربك انه الحريم ما هربوا من القاعه
وهم يصرخون جنيه !
رفعت حاجب باستغراب وهي تردد : جنية ؟!
وبسرعه عضت على شفتها بإحراج وهي تتذكر كلام العيال !
كانوا يقصدونها بالجنيه ؟!
لهذي الدرجه كانت بشعه ؟!!
وبدون تردد خلعت الحذاء واستقر على راس سعديه : كله منك
سعديه وهي تفرك مكان الضربه : انا وش دخلني ؟!
ردت ساره بقهر من حركات سعديه وهي تقلدها : اروى انبهرت بمهارتي !
وبتذكر ناظرت سعديه : اصلا انت ما تكلمين اروى كيف رحت تتعلمين عندها !
دقت سعديه رأس ساره بإصبعها : قولي هذا الحكي لنفسك يا ذكيه !
ما بقى الا انا اروح عند ذيك ال.... واتعلم منها ؟!
تخسى لو ما بقى غيرها بالعالم ما تنازلت وناظرتها ؟!
وش اعمل لعقلك المصدي يصدق كل شيء
!!
كذبت عليك وانت صدقتي على طول !
ساره بخوف وهي تطنش سالفه اروى : اسيل وخوله شافوني وزفوني اكيد رح يخبرون خالتي وعزام وخلف وع
قاطعتها سعدية بعصبيه : لمتى رح تبقين غبيه الف واحد يتدخل فيك ؟!
عزام هذا وش دخله ؟!
خالتك هذي ما لها كلمه عليك تراها زوجة ابوك الشايب مو امك !
عمك ابو راكان وش دخله !
عيشي حياتك بنفسك مو الكل يتدخل بطلعاتك !
ساره هزت راسها بضعف: ترى الكلام مو مثل الفعل !
وبألم كملت كلامها : انا ما لي ابو ولا ام
يتيمه !
المجتمع يفرض علي انه الكل يتدخل فيني
غصب عني اسمع الكلام وأسكت !،
قاطعتها سعديه : لانك سمحتي لهم يتدخلون بحياتك !
قاطعهم سائق التاكسي بعصبيه : خلاص
مخ انا طار منكم
ساره بهدوء : خلاص اسكتي بلاش يعمل فينا حادث وحنا السبب
خيمت اجواء السياره بالصمت كل وحده ناظرت جهة الشباك
وساره تفكر بكلام سعديه لمتى الكل يتدخل بحياتها
الشاطر يفرض رأيه عليها
كم مره توقف بحيره على مين ترد ؟!
خلاص لازم تنهي هذي المشكله ولا تسمح لاحد يفرض رأيه عليها !
ورح تعيش فراري على كيفها !
حزمت امرها وسرعان ما راودها التردد وهي تتذكر نادر
لازم تسمع كلامه لانها تعيش عنده !
خلاص حزمت امرها ما رح تسمع الا كلام نادر والباقي ما له دخل بحياتها أبدا ....
وقف التاكسي وتكلم بدون نفس : يلا انزلوا
ناظرت سعديه ساره وهي تنزل والهدوء خيم عليها
وبضحكه حتى تغير جو ساره نادت عليها بعد ما نزلت وهي تلوح بحذاء ساره : ساندريلا جزمتك !
وصوبتها اتجاه ساره للي تفاجأت فيها اول ما إلتفتت للخلف وما قدرت تتفادى الضربه
ركضت سعديه بفجعه لها ما توقعت تصيبها
تقدمت لها : اسفه مو قصدي تصيبك !
ساره وهي تكتم غيضها : سعديه حلي عني !
سعدية بتمثيل تحط كفها على فمها بشهقه : عسى ما طبعت نمرة الحذاء بوجهك !
ساره وعقلها يفكر بطلعتها : يا خوفي اسيل تخبر خالتي !
سعدية ضربت على صدرها بثقه : لا تخافين
وبعدين مها معها خبر ورح تغطي على غيابك
واذا سألوك انكري لا من شاف ولا من درى !!
وبعدين لا تخافي اكيد فكروك جنيه بعد ما هربتي
وهنا انكري و انتهت السالفه !
زفرت ساره بضيق : يا برودك بهذي السهوله انهيتي السالفه ؟!
سعديه وهي تحك راسها : على فكره
احم نمرة 40 على وجهك معلمه
وبسرعه هربت لما شافت ملامح ساره الغاضبه !
**
**
**
**
**
بعد انتهاء الحفله
اسيل بتأكيد : انا شفتها وجلستها بالغرفه متأكده !
ام عزام : بس وينها صار لنا ساعه ندورها ؟!
عزام وجهه احمر متأكد البنت إلي شافها ساره بس ليه تنكرت له وما كلمته ومع مين جاءت ؟!
ام محمد بحقد دفين : دوم اقولكم تراها حية من تحت التبن بس ما احد يصدقني !
ما ادري وش تخطط له هالبنت !
دامها تبغى تحضر ليه ما رجعت معي ؟!
ومين الكلب للي طالعه معه ؟!
حس عزام بالاختناق عند هذا السؤال مين الكلب للي طالعه معه ؟!
شد على قبضة يده بقهر وهو يتخيل انها دايره على راسها مع واحد غريب !
هذي بسن المراهقه وما تعرف مصلحتها !
اي واحد يقدر يضحك عليها جلستها مع جدته اكبر غلط !
بس وين العقول للي تفهم وتستوعب هالكلام ؟! ابو عزام قفل الخط بعصبيه : الكلب اقول له اختك مختفيه يقول مو فاضي لكم دورها مع عيالك وقفل الخط !
عزام بغضب : وقسم بالله رجال من القله !
وحنا مو مجبورين فيها خلي إخوانها يدورون عنها او يبلغون الشرطه
وبحزم يلا على السياره
ام عزام بضيق : والبنت ؟!
عزام بصراخ : بجهنم هي واخوانها !
ام محمد احترت من كلمته : لا تغلط على عيالي
وش دخلهم اذا طلعت اختهم هايته وصايعه
قاطعها ابو عزام وهو على وشك الانفجار : حتى لو كانت اكبر صايعه بالبلد أمسكها وأخليها تمشي على الصراط المستقيم !
بس عيالك مو قد المسؤوليه !
يلا عالسياره اشوف !
**
**
**
**
**
**
**
نايمه بفراشها بعد ما غسلت وجهها من الخرابيط
واحداث اليوم تمر عليها
تحس بالندم وخوف بداخلها
ما رسمت او خطر ببالها رح يصير كذا !
رسمت ببالها تدخل القاعه وتبهر الجميع بجمالها
تخيلت نفسها ساندريلا
بعد ما اقنعتها سعديه انه الجلابيه للي اخذتها منها مستحيل تلاقي احد لابس مثلها ورح تكون مميزه فيها !
تخيلت وقتها نفسها ملكة جمال العالم
تدخل القاعه وترقص والكل يؤشر عليها
والحريم تتسابق لخطبتها
تحطمت لما شافت نفسها بالمرايه
كتمت القهر للي بداخلها تحس الوجع للي بداخلها يزيد
نفسها تكون مثل البنات مميزه وجميله
متأكده رح تبقى امنيه تناظرها مثل النجوم البعيده وما تقدر تطولها !
لو انها ...
قطعت افكارها وهي تسمع الصراخ بالصاله
شدت اللحاف وهي تسمع صوته يرعد وخالتها صوتها طالع !!
تحس قلبها رح يطلع من مكانه من قوة الدق
خارت قوتها وغطت نفسها باللحاف وكأنها تمنع احد يهاجمها !!!!
**
**
**
**
جالسه بفراشها تقرأ سوره الملك قبل ما تنام
فزت على حيلها وهي تسمع صوت بكاء بالصالة
وبسرعه توجهت للصالة وهي عارفه صاحبة الصوت
دخلت الصاله وناظرت نهى جالسه على الارض وتتكلم وهي تبكي : خلاص انا ما ابغى اكمل معه !
دخل ابو سعود البيت بعد ما كلم زوج نهى برا
ام سعود وقلبها يتوجع على نهى وهي تشوف أثار الضرب واضحه وبعصبيه : :-جعل يده للكسر !
شوف كيف ضاربها ؟!
ما رح نسكت له !
ابو سعود بأمر : خذي ابنتك وانزلي زوجك ينتظرك !
ام سعود باستنكار: ترجعها بذي السهوله بعد ما ضربها !
ابو سعود بهدوء يتخلله الحزم : لولا ابنتك ما طولت لسانها على رجلها كان ما مد يده !
الحرمه للي تحترم زوجها وتحافظ على بيتها وزوجها وأسراره رجلها يحطها على رأسه
بس ابنتك مو كفو !
وبحزم : انزلي بسرعه لزوجك
وقفت نهى وهي تلملم شتاتها والدموع مستمره بالنزول مثل الشلال
تحس عائشه بداخله وجع لازم ما تسكت...المفروض تتكلم
هذي اختها لمتى حالها كذا ؟!
لو ابوها وضع حد لزوج نهى ما كان هذا حالها
واكيد رح يحسب حساب لأهلها !
بس مشكلة ابوها مستحيل يستقبل اي بنت وهي زعلانه !!
حتى لو نهى غلطانه المفروض ما يكون الضرب هو الحل الاول !!
اخذت نفس تستجمع قوتها وتكلمت قبل ما تطلع نهى : بس يبه هذا مو الحل ؟!
ناظرها ابوها بنظرات ما ارتاحت لها بس شجعت نفسها تكمل دام انه ساكت : مو كل مره تيجي مضروبه وتسكت وترجعها معه بنفس اللحظه ؟!
قاطعها ابو سعود بقلة حيله : وش اقول اذا اختك ما تحترم زوجها !
قاطعته عائشه : حتى لو غلطت المفروض ما يكون الضرب هو الحل
لازم توضح له انه الدين وضع حلول ثانيه قبل الضرب
اول شيء الموعظه الهجران واخر شيء الضرب
بس مو بهذا الشكل !!
قاطعها وهو ينهي الحديث ويؤشر لنهى تلحق زوجها : نهى وانا اعرفها اكثر واحد
ما تيجي للطريق الا بالطق !
وقبل ما يتوجه لغرفته: ثاني مره لا تتدخلين بشيء ما يخصك
خليك بأمورك وانتبهي لدراستك وبس !
وتركها ودخل غرفته
ناظرت امها للي جالسه وحاطه يدها تحت خدها وكل هموم الدنيا فوق راسها وتتكلم بضيق : هم البنات للممات !
اذا نهى مو ماشيه مع زوجها مثل ما يبغى
الله يعيني عليك !
عز الله رح ترجعين مطلقه من اول يوم !
عنيده ورأسك يابس ولسانك طويل !!
فتحت عيونها باستنكار ليه قلبت عليها الحين ؟؟
**
**
**
**
**
**
دخل البيت خلف جدته وبداخله غضب ما يدري كيف يخمده قرر يوصل جدته ويتأكد بنفسه
ولو طلع للي باله صحيح ما رح يرحمها !
طلعت مها واستقبلتهم والنعاس يداعب اجفانها
ام محمد تكلمت قبل مها وهي معصبه : وينها قليلة الحياء ؟!!
مها فتحت عيونها وردت بضجر : الله يطولك يا روح !
جايه تالي هالليل ومزعجيتنا وفوق هذا تصارخين ؟!!
عزام بحده : وين ساره ؟!
مها ما عجبها اسلوبه تكتفت وببرود : انت وش دخلك بالبنت حتى تسأل عنها ؟!
عزام بنفس الطريقه وهو يرص على اسنانه : تراها ابنة عم ابوي !
ومن
قاطعته باستخفاف : اوووه سمعت انها خالتك !
أم محمد بعصبيه : مو فاضيين لهذرتك الفاضيه ؟!
ابعدي عن طريقي خليني اربيها الحيوانه !
وقفت مها بطريقهم وبعصبيه : وقفي عندك !
وش تبغين بالبنت ؟!
مو تركتيها عندنا وشهوله جايه الحين تسألين عنها !
عزام انفجر بوجهها : للاسف ما كنتم قد المسؤوليه البنت تسرح وتمرح وإنت ما عندك علم !
ساره اليوم جاءت لحفلة الزواج
وبصراخ ممكن افهم مع مين جاءت ؟!
جاوبيني !
مها بهدوء : خساره فيك السنين للي درستها الزبال للي مو متعلم عنده اسلوب بالكلام افضل منك !!
ام محمد بردح : تركنا الاسلوب لك يا محترمه دوبك كم يوم طارديتني من بيت ولدي والحين جالسه تتكلمين عن الاسلوب
عزام تكلم قبل مها للي رفعت يدينها للردح : مو وقت مشاكلكم الحين !
وناظر مها وشوي ويخنقها :وين ساره ؟!
مها اخذت نفس : ساره بفراشها نايمه !
ام محمد بتحقيق : متى رجعت من الحفله ومين للي رجعها ؟!
مها بتمثيل فتحت فمها باستنكار : حفله ؟!
ترى الطريق اثر على عقلكم !
اقولك ساره نايمه بفراشها تعبانه
وبعد المغرب راح نادر وجاب لها علاج من الصيدليه !
ام محمد بعدم تصديق :وش يوجعها هالعوبا ؟!
نادر دخل الصاله وهو يعدل ثوبه ومغمض عين ومفتح الثانيه : وبعدين مع صوتكم ما تخلون الواحد ينام ؟!
ام محمد بهجوم : مو ذابحك غير النوم تعال شوف اختك وين هايته وانت مثل الحيط بالدار !
اختك جايه على الزواج والله اعلم مع مين طالعه !
عقد حواجبه وقبل ما يرد دخل وهو يرعد بصوته الجهوري: وينها وينها بنت الكلبه والله لأذبحها !
ام محمد خافت من ملامح خلف والشرار يطلع من عيونه !
**
**
**
يتبع بارت 10
»«
»«
«»
في اللحظة التي تشعر فيها أن كل شيء يعاكس رغباتك تذكر قوله تعالى: {لَعَلَّ اللَّهَ يُحْدِثُ بَعْدَ ذَلِكَ أَمْرًا»:::
:::
:::
:::
دخل البيت خلف جدته وبداخله غضب ما يدري كيف يخمده قرر يوصل جدته ويتأكد بنفسه
ولو طلع للي باله صحيح ما رح يرحمها !
طلعت مها واستقبلتهم والنعاس يداعب اجفانها
ام محمد تكلمت قبل مها وهي معصبه : وينها قليلة الحياء ؟!!
مها فتحت عيونها وردت بضجر : الله يطولك يا روح !
جايه تالي هالليل ومزعجيتنا وفوق هذا تصارخين ؟!!
عزام بحده : وين ساره ؟!
مها ما عجبها اسلوبه تكتفت وببرود : انت وش دخلك بالبنت حتى تسأل عنها ؟!
عزام بنفس الطريقه وهو يرص على اسنانه : تراها ابنة عم ابوي !
ومن
قاطعته باستخفاف : اوووه سمعت انها خالتك !
أم محمد بعصبيه : مو فاضيين لهذرتك الفاضيه ؟!
ابعدي عن طريقي خليني اربيها الحيوانه !
وقفت مها بطريقهم وبعصبيه : وقفي عندك !
وش تبغين بالبنت ؟!
مو تركتيها عندنا وشهوله جايه الحين تسألين عنها !
عزام انفجر بوجهها : للاسف ما كنتم قد المسؤوليه البنت تسرح وتمرح وإنت ما عندك علم !
ساره اليوم جاءت لحفلة الزواج
وبصراخ ممكن افهم مع مين جاءت ؟!
جاوبيني !
مها بهدوء : خساره فيك السنين للي درستها الزبال للي مو متعلم عنده اسلوب بالكلام افضل منك !!
ام محمد بردح : تركنا الاسلوب لك يا محترمه دوبك كم يوم طارديتني من بيت ولدي والحين جالسه تتكلمين عن الاسلوب
عزام تكلم قبل مها للي رفعت يدينها للردح : مو وقت مشاكلكم الحين !
وناظر مها وشوي ويخنقها :وين ساره ؟!
مها اخذت نفس : ساره بفراشها نايمه !
ام محمد بتحقيق : متى رجعت من الحفله ومين للي رجعها ؟!
مها بتمثيل فتحت فمها باستنكار : حفله ؟!
ترى الطريق اثر على عقلكم !
اقولك ساره نايمه بفراشها تعبانه
وبعد المغرب راح نادر وجاب لها علاج من الصيدليه !
ام محمد بعدم تصديق :وش يوجعها هالعوبا ؟!
نادر دخل الصاله وهو يعدل ثوبه ومغمض عين ومفتح الثانيه : وبعدين مع صوتكم ما تخلون الواحد ينام ؟!
ام محمد بهجوم : مو ذابحك غير النوم تعال شوف اختك وين هايته وانت مثل الحيط بالدار !
اختك جايه على الزواج والله اعلم مع مين طالعه !
عقد حواجبه وقبل ما يرد دخل وهو يرعد بصوته الجهوري: وينها وينها بنت الكلبه والله لأذبحها !
ام محمد خافت من ملامح خلف والشرار يطلع من عيونه !
نادر بغضب : وش فيكم اليوم ؟!
خلف بنفس نبره الغضب : وينك عنها لما طلعت من البيت ؟!
اذا ما طلعت جنازه على يدي الليله ما اكون خلف !
ما بقى الا ابو عزام يملي اوامره علي وينتقدني !
عزام قاطعه بحده : ما اسمح لك بكلمه على ابوي !
خلف ناظره ما انتبه له الا الحين و زاد غضبه بشوفته ينقهر منهم ومن النفس للي حاملينها دائما هم الفاهمين والعاقلين وإلي يتصرفوا صح والباقي غلط ويتكلمون معهم بفوقيه ...وبكل كره رفع اصبعه والغضب يشع من عيونه : انت وش دخلك جاي لهنا !
ابوك ارسلك علشان تصور الحدث وترسله التقارير وتنشرون هالفضايح !
يكون بعلمك انت وابوك وجدك ما لكم دخل فينا !
حياتنا ورح نعيشها على كيفنا !
ام محمد تهدي الوضع وهي تشوف وجه عزام صار احمر : هذي جزاته جاي
قاطعها خلف بصياح : ايه هذي جزاته
لا تلفقون حكي من عندك انت وابوك
ترى ساره انا جبتها للحفله بنفسي !
عندك اعتراض !
وش هالناس للي تحشر نفسها بكل شيء !
عزام ناظره باشمئزاز ما في اي تعبير يوصف مدى مشاعر الكره والقرف للي يحملها بداخله لخاله خلف !
عمره ما اعترف فيه قدام احد لانه اسمه يجلب العاروالاحراج
فكيف لما يكون لك اسم بالمجتمع !
ألقى نظره أخيره قبل خروجه !
ام محمد بلوم : كذا الاسلوب هبيت فيه كذا !
خلف ما اهتم لكلامها وناظر نادر بتحقيق : وينك عن أختك تطلع وتدخل وانت ما عندك علم !
نادر شوي ويلطم : بعدين معكم ؟!
اشق ثوبي!
اقولكم ساره طول اليوم مريضه ما طلعت من غرفتها!
وانا بنفسي بعد المغرب جبت لها الدواء !!
خلف بعدم تصديق : شفتها بعيونك بغرفتها !
سكت نادر هو ما شافها وما يدري اذاموجوده او لا !
بس مها كانت تنقل أخبارها وطلبت منه ما يدخل علشان ما يحرجها بسبب تعبها !
ام محمد وتحس مها حابكيتها ناظرته بقهر : جاوب على سؤال اخوك !
مها بنرفزه : يعني حنا كذابين ؟!
ام محمد رفعت حاجب بتكذيب: من لما جينا وانت رافضه ندخل نشوفها !
لانها مو بالبيت !
مها بحده : اقول لك البنت مريضه
خلف بغضب : انا ما همني مريضه تعبانه عايشه
ابغى اعرف
ليه تسمح للي ما يسوون يتكلمون علينا !
نادر تنرفز منه : هذا للي هامك !
خلف بحده : إيه هذا للي هامني !
بسببها راحت علي صفقه !
يكفي هالزواج التافه للي انغصبت احضره
ولو رحت لاشغالي ابرك لي من القعده مع عمك ابو راكان !
ام محمد دون قصد رجعت ولعت الحطب مره ثانيه : هذا للي هامك !
اختك ما ندري مع مين طالعه وتلعب من ور
قاطعها خلف بغضب وكأنه تم شحنه من جديد وبصوته للي يرعد بخشونه : وينها ؟!
وقسم بالله لاخليها تندم انا لمتى اشيل همها !
والله لازوجهاوارتاح من همها !
وتوجه للداخل يبحث عن مكانها !
دخل اول غرفه وشافها متغطيه باللحاف ما يبان منها شيء
رفع اللحاف وهو ناوي يطلع قهره من ابو راكان وعياله فيها !
اول ما رفع اللحاف شافها تغط بالنوم ووجهها ذابل وحول عيونها سواد وحبات العرق على جبهتها !
نادر من خلفه مسك يده : شفت بعينك !
قلنا لك البنت مريضه ما صدقت !
اول ما اتصل فيك ابو عزام صدقت على طول !
خلف وهو يناظر ساره : انا ما ابغى ابو عزام واخوانه
نادر بهدوء قاطعه : ما لهم دخل بالموضوع
وساره انا واثق فيها !.
خلف قبل ما يغادر : انتبه عليها
انا ما رح اطول رح اجيب لها عريس وارجع !
مها فتحت عيونها باستنكار للي يسمعه يقول رايح لمطعم يجيب وجبه وراجع !
وش هالعائله ؟!
يبغى يجيب لاخته عريس ويرجع ؟!
ناظرت ساره وابتسمت وهي تشوف شكلها للي يوحي انها فعلا مريضه
واثار المكياج حول عيونها ساعد على التمثيليه
**
**
**
**
بعد ما تأكدت انه ما احد حولها والكل طلع
من الغرفه
تنفست براحه وهي تمسح جبهتها من حبات العرق بسبب الحر
تحسست قلبها للي يدق للحين من الخوف
ربها ستر والا كان تحطمت تحت يدين خلف !
بس في شيء بداخلها بعث السعاده
بعد كلام خلف راح يجيب لها عريس !
عقلها طفولي وكأنها تنتظر الحلوى !
اهم شيء عندها انها
خلاص رح تودع العزوبيه !!
وتودع خالتها !
وتودع هالقريه !
وسرعان ما حل مكان السعاده الاحباط
وهي تردد بداخلها كلام خالتها : مين للي رح يرضى بوحده مثلك !!
رمت راسها على المخده بيأس وكل الفرحه انمحت وحل مكانها التوتر والخوف من المستقبل !!!
***
***
**
***
**
**
في اليوم الثاني
جالسه بالصالة وبيدها كأسه الشاهي ومندمجه بالسوالف مع ام هزاع دخلت مها وهي لابسه ومتجهزه عندها مشوار ناظرت ام هزاع بكشره قبل ما تطلع ما تطيقها من اول ما دخلت هالحاره ولا قدرت تتقبلها !
ام محمد رافعه حاجب وهي تناظر مها وبتحقيق: ام هزاع تقول ولدها هزاع شاف ساره
قاطعتها مها وهي تناظر ام هزاع بنظرات ناريه : انت متى الناس ترتاح من لسانك وعيونك إلي مثل البومه !
حاطينك برج مراقبه بالحاره !
ام هزاع توترت من عصبيتها وبترقيع : انا ما قلت ولدي إلي شافها !
مها رفعت اصبعها بتهديد : وقسم بالله اذا ما انقلع ولدك عن ساره الا انا اتصرف معه !
وش دخله طلعت دخلت وشعندكم ؟!
ام هزاع بنبره ضعيفه : حنا ما لنا دخل مجر
سكتت وهي تشوف مها تناظرها بقرف وطلعت
ام هزاع مطت شفتها بعد ما طلعت ما عجبها نظراتها : علامها زوجة ولدك تناظرني كذا ؟!
وهبت فيني وما احترمت اني في بيتها !
ام محمد بلامبالاه : فكينا منها هالحيوانه !
هذي ما تحترم احد !
خليني أكمل لك السالفه
ام هزاع باندماج : ايه كملي !
ام محمد : اقولك يقولون طلعت لهم جنيه
وبسرعه هربوا
وخبروا الرجال ولما راحوا للمكان ما شافوا شيء
غير الزجاج للي تكسر !
ام هزاع ما خشت السالفه رأسها : ما عمري سمعت احد طلعت له جنيه غريبه والله هالسالفه !!
قاطعتهم ساره وهي تتدخل وتبتسم وهي تسمع سوالفهن لو يدرون هي الجنيه وش رح يكون رد فعلهم !
ام هزاع كشت عليها بعبوس : انت دوم فاتحه فمك وتتبسمين !
وناظرت ام محمد بجديه : نفسي اشوفها تبكي او خاطرها متكدر !
فتحت ساره عيونها باستنكار حتى البسمه حاسديتها عليها !!
ام محمد مطت شفتها مو عاجبها : هذي لانها بدون احساس !
اتذكر وهي صغيره لما كان يطقها خلف او عزام او البزران تلاقينها تضحك !
انا اعرف البزران يبكون وهذي عديمة احساس !!
ام هزاع : الله لا يبلانا !
انا اذا احد صرخ بوجهي اتحسس ودموعي تنزل على طول !
توسعت ابتسامة ساره : دوبها خالتي مها صرخت بوجهك بس ما اشوفك تبكين !
نزلت عيونها ام هزاع باحراج
ام محمد خزت ساره بتوعد : وصار عندك لسان اشوف بغيبتي!
بلعت ساره ريقها بخوف من نظرات خالتها
نسيت وجودها إلي يسبب لها الرعب لما تغلط !
ام هزاع تمثل الزعل : اشوف اني انهان يا ام محمد في بيتك وانت ساكته !
اذا وجودي مو مرحب فيه ألزم بيتي ويا دار ما دخلك شر !!
ام محمد مسكت يدها : لك صدر البيت تراك صديقه عزيزه على قلبي !
تدرين اني اترك بيتي واجي علشان اجلس معك !
ترى الجلسه معك توسع الصدر !
ناظرت ساره على جنب ومطت شفتها من هالمديح !
ما تدري وين للي جلستها توسع الصدر !
كلها غيبه ونميمه وكذب !
ام هزاع وكبر راسها من هالمديح : تسلمين يا ام محمد
وانت بعد غاليه عندي !
واقتربت من ام محمد وهمست : صرفي ساره ابغاك بموضوع سري !،
**
**
**
يحس راسه انفجر نفس السالفه تنعاد محتار
خطوه جريئه يخاف يندم عليها !
ام عزام وهي تقنع فيه : والله ما تندم إسأل اخواتك شافونها قمر نازل من السماء تجنن !
عزام بتردد : واذا ما عجبني شكلها !!
اسيل كشت عليه : اخاف تنشب لنا تملك عليها اول ما تشوفها !
بس تبغى الصراحه انا مو مصدقه انها اخت زوجه عمي ابو ماجد !
خوله باستغراب : اول مره اشوفها !
ام راكان : عيال اخوي عاشوا برا حتى العيد ينزل لوحده !
وهذي البنت ما شاء الله تخرجت من كلية الطب بامتياز !
وفوق هذا جمال واخلاق !
عزام بحيره : بصراحه متردد لانه عمرها قريب من عمري ما في بيننا الا سنه !
ام عزام : تقارب السن مو شيء
كثير ناس يتزوجون من نفس العمر
بالله لا تخربها على سالفة العمر
وفرحني فيك !
نسرين حبت تعطي رايها : على فكره لما تناظرها تحس انها تشبه ساره !
عزام عفس ملامحه وبصرخه : نعم !
بعدها وقف : كنسلي الموضوع !
ام راكان مسكت يده وخلته يجلس بالغصب وناظرت نسرين بعصبيه : انقلعي على غرفتك
ما تعرفين تتكلمين !،
وبعدين مين طلب رأيك !!!
اسيل ناظرت أختها: بدل ما تكحليها عمتيها !
ام عزام : والله ما تشبه لساره !
وبعدين ساره ما شاء الله عليها يا بخت إلي رح يأخذها !
ام راكان هزت راسها بتأييد : ساره سنعه
قاطعها عزام بضجر : اتركوني من ساره الحين
وخلينا بالعروس !
اسيل خزته : على حساب ما تبغى
عزام تنهد وناظر امه : خلاص خذي منهم موعد
ويصير خير !
اسيل ابتسمت بفرح : واخيرا !
وبتذكر : لو تدري جدتي عنك الا تزفك تخطب بدون ما تدري !
دخل ابو عزام وجلس جنب امه بعد ما رد السلام وبتساؤل : خلاص وافق !
ام راكان بفرح : الحمد لله
بس اكيد ام محمد رح تزعل !
ابو عزام عبس من ذكراهم : فكينا يمه منهم ترى وقسم بالله يرتفع الضغط عندي وخاصه بعد سالفه البارحه !
عزام : تدرين انه مها الاسبوع للي طاف طارده جدتي!
ام راكان بدهشه : طردتها !
وأنا اقول علامها راجعه مو من عادتها !
ام عزام بضيق : الله يسامحها امي وش عاجبها بالجلسه هناك !
وفوق هذا مطروده ورجعت مره ثانيه !
عزام بشبح ابتسامه : تقول تبغى تجلس على قلبها !
ما توقعت زوجة خالي قويه كذا !
اسيل بعفويه : ما ادري كيف للحين متحمله جدتي !
قاطعتها ام راكان وام عزام بصوت واحد : اسيل !
وقفت اسيل وهي تضحك : بسم الله علي !
اروح اتفقد عيالي احسن لي !
***
***
***
***
فتحت لها الباب واشرت لها بالتحيه ابتسمت لها واشرت لها بالدخول
دخلت وهي مبسوطه شافت سعديه عند المرايه الصغيره بحجم اليد ومكسر اطرافها ومندمجه : سلامووووووو
سعديه بدون ما تناظرها : هلا
ساره جلست على الارض وتربعت : انا اليوم فرحانه كثير!
نزلت سعديه المرايه وناظرتها وهي عابسه : وش للي
قاطعتها صرخه من ساره : يا حيوانه مي وين تعلمت تحطين فوق عيونك !
سعديه دفتها بيدها : وعمى !
أذني ابغاها يا زفته !
ساره بقهر : ليه ما حطيت لي البارحة نفس هذا !
سعديه مطت شفتها : يخلف على ام جابتك !
يا متخلفه تراني حطيت لك نفسه !
بس وش اعمل لك يا متخلفه كل شوي تفركين عيونك !
وانا نبهتك عليك ما تفركين عيونك !
ساره بإحباط : يعني انا السبب الحين !
وبعدين طلباتك صعبه كيف ما افرك عيوني
تبغين ابقى مثل الصنم !
سعدية بملل : المهم اخلصي علينا !
وش للي مفرحك اشوفك داخله وشاقه الابتسامه حلقك !
ساره غمضت عيونها وضمت كفيها ببعض وبحالميه : جاني عريس
تفاجأت وهي تشوف نفسها على الارض وسعديه فوقها ومتعلقه برقبتها وبرجاء : دخيلك احجزيني لاخوه امانة أمانه امانه أمانه
دفتها ساره عنها : جعلك بالقرد للي يتعلق برقبتك !
سعدية بهجوم كلامي سريع : انت انانيه وخاينه للصداقه بيننا !
مين للي زينك وداك الحفله !
مين للي
قاطعتها ساره وهي تحط يدها على فم سعديه : بس اسكتي فضحتينا !
سعدية بابتسامه بلهاء : يعني وافقتي تاخذيني لاخوه !
ساره بدأت تسرد بالاحداث : خلف اخوي قال انه رح يرجع ويجيب معه عريس لي !
سعديه باحباط : واةا على بالي ملكتي !
ساره بحماس : خليني اعرفه بالاول وبعده يصير خير !
سعدية بحسد : ذول الاخوه والا بلاش !
بس يا خوفي يجيبلك شايب او مطلق
فتحت ساره فمها بفهاوه : شايب !
سعديه تضرب على راسها : اصحي يا ماما
الحين الشباب يبغون البنت معها شهاده ووظيفه وجمال ونعومه ورقه !
قولي لي بالله وين هالصفات متجمعه فيك !
ساره باحباط : نعومه ورقه !
سعدية بتاكيد : ايه يا حبيبه امك يبغونها ناعمه رقيقه
تدرين انه خطواتك وانت تمشي يسمعونها كل الحاره وكانه فيل يركض او ناقه هاجه من صاحبها !
يعني اذا جاب لك مطلق يا بختك احمدي ربك وبوسي يدك وجه وقفى !
ساره رفعت حاجب وبانتقاد بين طياته السخريه : للي يسمعك تتكلمين يقول
هذي ملكة الاناقه والجمال مو كأنه ريحتك الخايسه يشمونها من اول الحاره !
سعديه باحراج : انا !
وحولت نظراتها للهجوم : صدق انك ما تستحين على وجهك !
اخخخخ لو تشوفك ام محمد قدامها لسانك مقطوع
وعندي يصير لسانك مترين !
إلهي يجيب لك خلف الدب عريس اسنانه طايحات
ويمشي على عصا !
ساره تكمل عنها: الهي يكون له اخو مشلول شايب وازوجك إياه !
للحظات ناظروا بعض وسرعان ما انفجروا من الضحك
سعدية بتذكر : مريم الإسبوع الجاي زواجها !
ساره بعفويه : شايب !
سعديه : شايب لاشكالك خطبها ابن خالها !
ساره بتفكير : طيب مريم ما معها وظيفه ولا. شهاده وتزوجت شاب كيف صارت !
سعديه بتفكير تحل اللغز : امممممم ايه ايه مريم محيره لابن خالها من صغرها علشان كذا تزوجت واحد صغير !
انت محيره لاحد !
ساره بعبوس : لا
سعديه بضحكه قصيره : مبروك عليك الشايب !
وبنغزه : ترى لايق عليك الشايب امك تزوجت شايب
وانت مثلها
واكيد ابنتك رح تأخذ لقب بنت الشايب بجداره
سكتت ساره للحظات وحست كأنه سهم اخترق قلبها وأوجعها من هذي الكلمه !
بنت الشايب !
تكره هاللقب للي إلتصق فيها غصب عنها !
تحس بالاحراج من ذكر ابوها الشايب من بعد ما شافت صورته بصغرها ما عادت تفكر فيه ومسحت كلمة اب من قاموس حياتها
بالرغم من بعض الاحداث للي شافتها تتمنى ابوها يكون معها ويمسك بيدها !
بس وش الفائده من الاماني !
رح تبقى يتيمه من المهد لطول حياتها !
يغلبها احيانا الحنين للجو الاسري المكون من الام والاب والاخوه والاخوات !
لكن تقنع نفسها مو دائما وجود الاب يكون سعاده وهي تناظر حال بيت أخوها خلف ابعد ما يكون جو أسري بالرغم من وجود الاب
الا انه شكل لهم رعب من ذكره وانقطاع اوصال الترابط بينهم !
ما عليها الا تحمد ربها للي اختار لها افضل حال لها
تنهدت وناظرت سعديه للي ما زالت تثرثر فوق راسها
لو كل واحد وزن كلامه قبل البوح ما احد انجرح من الكلام
سعدية : علامك سرحتي !
ابتسمت ساره ولا كأنه صار شيء : انتظرك تكملين ثرثره !
سعديه تنهدت وتكلمت بجديه : ان شاء الله ربنا ييسر لك الخير !
اذا جاء العريس المنتظر انتبهي توافقي على طول استخيري وخذي وقتك بالتفكير !
واذا ما ارتحتي للموضوع ارفضي
وغمزت لها : وارسليه لي !
ضحكت ساره على شكل سعديه المتحمسه للزواج : بعدك صغيره على الزواج !
سعدية وهي تردح : صغيره بعينك تراك كبري قريب
رح ندخل 16
وبتوعد وقسم بالله اذا ما خطبتي لي اخوه الا اذبحك !
وقفت ساره : خله ييجي وبعدها يصير خير
سعدية: متى راجعه لبيتكم !
ساره بخوف : ان شاء الله خالتي تجوز لها القعده هنا !،
ما ابغى الحين اشوف احد منهم بعد اخر موقف
اخاف عزام يضربني
او عمي راكان يزعل علي !
سعدية هزت راسها بفقدان امل منها : ما تطلعين قوتك ولسانك الا علي
وقدامهم وحده هبله غبيه !
وش دخلهم فيك !
ليه تسمحين للكل
قاطعتها ساره : ما اقدر انا احترمهم واحبهم
بشكل ما تتصورينه !
صحيح عزام شديد معي بس هو يبغى مصلحتي
سعديه ترفع يدينها للسماء وهي متربعه وكأنها عجوز : إلهي لما ترجعون يكسر راسك هالعزام !
واشوف حبك لهم وش ينفعك !!
***
***
***
حطت قدامه كوب الشاهي : تفضل
ابو سعود ناظرها وابتسم بثقل : مشكوره !
ام سعود : وش صار على الاكل !
عائشه بابتسامه : نزلته !
ابو سعود بفخر : هذي البنت السنعه !
ام سعود فتحت عيونها : ترى انا للي طبخت بس قلت لها تشوف
قاطعها : تصدقين احس وكأنه ما عندي غير عائشه !
متى اشوفك اكبر دكتوره بالعالم !
ام سعود بنغزه : باكر اول واحد يطق الباب تزوجها مثل اخواتها !!
ابو سعود : عائشه غير !
ما رح ازوجها الا لما تطق 25 سنه
ناظرته عائشه وبداخلها ارحب الظاهر رح اعنس عند الوالد !
وبمجامله لابوها : انا ما ابغى اتزوج ابغى اكمل دراسه !
وبداخلها تصرخ وينه وينه عريس الغفله جيبوووووووه !
ام سعود ما تحب تأخر البنات عن الزواج ما عجبها كلامهم : كله كلام
لو ييجي واحد الا تفتحي فمك وتسبقينا للمحكمه تملكي عليه !
فتحت عائشه عيونها باستنكار : انا !
ابو سعود بحزم : ما ابغى اسمع سوالف الزواج البنت بعدها صغيره !
وخليها مركزه بدراستها !
ام سعود مو عاجبها : نشوف !
ابتسمت عائشه بنعومه على شكل امها !
ما تنكر بهذا السن اي فتاه تحب ترتبط وتبحث عن فارس احلامها !
تشوف البنات بسنها كيف اغلبهم شغلهم الشاغل الشباب!
هي بنفس عمرهم وعندها ميول لذي الأشياء مثل باقي البنات !
بس في شيء يمنعها تنجرف مثل بعض البنات مكالمات ولقاءات ومعاكسات !
دينها يمنعها
اخلاقها تمنعها
تحب دائما تكون مثل النجمه صعبة المنال !
متميزه بتفوقها واخلاقها ومستحيل تنزل نفسها لذي الاشياء !
جمعت المشاعر للي بداخلها وخبتها لزوج المستقبل هو الوحيد الذي يستحق !
رسمت مواصفات لزوج المستقبل وكأنه عندها !
وتنتظره بفارغ الصبر !
تبغى تلبس الفستان مثل باقي البنات !
بس المشكله عمرها تحس نفسها بعدها
صغيره على ذي الامور !
وعندها طموح تصير دكتوره !
وابوها مستحيل يزوجها بذا العمر مع انه نهى واسماء زوجهم بهذا السن !
رفعت نظرها لامها للي تطلب منها تفرغ الاكل وتجهز السفره
ابتسمت وتوجهت للمطبخ وهي تحس نفسها تقدر تضبط نفسها ما تتضايق من طلبات امها وابوها !
ويكون عندها سعه صدر لتحمل الناس !
****
*
**
**
**
***
كل الناس منشغله بأعمالها وهمومها وتراكض خلف هالدنيا
وهن على نفس الجلسه ما تحركن ما تركوا احد بحال سبيله من غيبه ونميمه
ام هزاع ضربت بصدرها : ما ذبحني غير هالهزاع ما يبغى غيرها !
ام محمد بتفكير: وليه معارضه؟!
دامه يبغاها خله يتزوجها !
ام هزاع ما عجبها الرد : ولدي جالس لاشغل ولا مشغله
ابغى وحده متوظفة تصرف عليه وعلينا !
ام محمد : تبغين الصراحه اناابغى ازوجها هزاع علشان تطلعين الاه من عيونها وبعدها بشهر هزاع يتزوج عليها علشان تحس بوجع الضره !
ام هزاع بتوعد : اخخخ لو تقع عندي إلا اخليها تمشي وهي ما تشوف الطريق !
بس تعرفين هالساره ما عندها وظيفه!
وانا ابغى موظفه!
ام محمد بتفكير خبيث: تقدري تخلينها موظفه عندك !
ام هزاع بعدم فهم : كيف !
ام محمد حركت يدينها تشرح وعلت ابتسامه شريره بثغرها : تراها هالساره سنعه تقدرين تستثمرين هالنقطه شغليها بالبيوت تنظف وتطبخ للناس !
ترى هالشغله تجيب لك فلوس كثيره !
وغمزت لها بخبث
ام هزاع بتفكير : ما خطرت لي هذي النقطه !
طيب الحين لو نخطبها من مين ؟!
ام محمد : خليها علي اقنع نادر لانه خلف ما رح يقبل بولدك حتى مهر ما معاه !
كانت واقفه برا الصاله وتسمع مخططاتهن تنهدت بضيق من هالاشكال ما في بقلبها ضمير !
لازم ترجع للبيت عند عمها ابو راكان وما ترجع هنا الا لما يجيب لها خلف العريس !
بس لازم تسمع كلام سعدية وتوقفهن عند حدهم وما تسمح لاحد يتدخل بحياتها !
ما بقى الا الصايع هزاع !
الحين رح تدخل وتمسح بأم هزاع الأرض
اخذت نفس عميق تستعيد قوتها
دخلت وقبل ما تتكلم هبت فيها ام محمد : انت وين دايره للحين !
مو قلت لك نص ساعه وترجعين !
تبخرت قوتها امام ام محمد ما تقدر عليها ضبعتها من صغرها وما تقدر توقف بوجهها وبسرعه ردت باعتذار : اسفه خالتي ما انتبهت !
ام هزاع بكره متعمق بداخلها لبنات الزوجة الثانيه : وجع يطب بأسنانك !
ترى لما اخطبك لولدي لو تعدي رجلك الباب اكسرها !
وبنت الطرمه لو شفتك تكلمينها اقص لسانك !
مطت شفتها ساره بقرف ونسيت وجود خالتها : اتزوج مجنون ولا اتزوج ولدك خريج السجون الحرامي !
ام هزاع : صدق انك قليلة حياء !
هذا جزاء ولدي للي حزن عليك وقرر يكسب فيك اجر ويتزوجك !
ساره وهي تتخصر بسخريه : يبغى يكسب اجر يروح يصلي بالاول بعدين يكسب فيني اجر !
ام محمد فتحت عيونها باستنكار: اشوف صار لك لسان !
كله من سعديه الزفت !
كل هالكلام من تحت رأسها !
شوفي كيف نفس حركاتها وطريقه كلامها !
تقلدها بكل شيء !
وبوعيد : ادخلي على غرفتك وبعدين حسابك !
هزت راسها ساره وبسرعه دخلت !
**
**
**
**
في اليوم الثاني
صحيت الصبح مذعوره من الصراخ وبسرعه فزت وتوجهت لمكان الصوت
الصاله
كانت واقفه وتكلم بالجوال وتصرخ بصوت عالي : ليه انا اخر من يعلم !
انا جدتك يا حمار !
وبعد خاطب ابنة اخوي وانا يا غافلين لكم الله !!
اسمع الحين تيجي وترجعني تفهم
مو راجعه مع السواق !
انت تيجي وتأخذني !،
ولا كلمه اسمع مني وقسم بالله لو ما احضر اليوم معكم لساني ما يناطق لسانك !
يلا انتظرك !
وقفلت الخط ونار دبت بقلبها
حبكتها ام عزام وام راكان وخطبوا بدونها !
لولا ام عمار خبرتها والا كانت مثل الاطرش بالزفة !
ما رح تسمح لهم يبعدونها ورح تروح معهم غصب عن الراضي والزعلان !
التفتت وشافت ساره واقفه بقميص النوم بأكمام طويله يصل لحد الكعب باللون اوف وايت
ما في احد تطلع حرتها الا فيها : وانت الثانيه الناس تسلم !
تقول صباح الخير !
ساره وقلبها يدق وتتصنع الابتسامه : صباح الخير !
ام محمد ردت بهجوم : من وين الخير وانت كل يوم اتصبح بوجهك !
هذا عزام رايح يخطب اليوم وانا ما معي خبر
والسبب انت !
اشرت على نفسها ببراءه : انا !
ام محمد : ايه انت !
لو ما رجعت بعد الحفلة كان عرفت بالموضوع !
وش اعمل بقلبي الرقيق للي ما طاوعني اتركك لوحدك هنا !
فتحت ساره عيونها بدهشه وتعجب !!
قلبها ما طاوعها !
من متى عندها قلب ؟!
ام محمد تابعت كلامها : إلبسي بسرعه وجهزي نفسك
رح يجينا عزام ونرجع معه !
بلعت ساره ريقها بخوف من عزام !
عزام رح يرجعهم !
اصلا ما تبغى ترجع علشان ما تشوفه ويفتح معها تحقيق !!!
صحيت من سرحانها على صراخ ام محمد : بسرعه تحركي !
تحركت ساره وللحين مو مستوعبه شيء !
عزام خطب !
مين للي خطبها ؟!
ما احدخبرها !
وهي طول الوقت تبحث له عن عروس تبغى تفرح فيه !
عزام بالنسبة لها بمثابة الاخ الكبير
تحس بخوفه عليها وحرصه مع انها أحيانا تستغرب بعض تصرفاته !
من لما كانت طفله ويشتري من جدتها ام سعيد
دخل قلبها !
تحس الفرحه تسلسلت لقلبها بمناسبة خطوبته ...
***
***
**
***
تسلسلت بخفه من البيت قبل وصول عزام وتوجهت لسعديه
واسرعت الخطى لما شافتها واقفه باب بيتهم : إلحقيني !
عزام جاي يأخذنا !
خايفه من تحقيقه !
سعديه وهي ترفع عن ساعديها ولا كأنها واقفه بالشارع : تراك زودتيها بخوفك هذا !
ما ادري ليه تحسبين حساب لذي الاشكال !
يا غبيه كوني طبيعية !
لو فتحوا الموضوع ولا كأنه يخصك وجاوبي ببرود !
كوني طبيعية
قاطعها من خلفها بترييقه : مو صناعيه !
التفتت له بقرف : يا شين اللقافه !
انا جالسه اكلم صديقتي وإنت وش علاقتك !
ابتسم هزاع وهو يعدل وقفته بثقه : خطيبتي !
رفعت نظرها ساره للسماء وهي تستغفر بصوت مسموع !
هزاع بأمر يوجه كلامه لساره : بنت الطرمه هذي ممنوع تكلمينها !
سعديه قاطعته بردح : خريج السجون الحرامي صاير له لسان !
انت من عقلك تظن اهلها رح يوافقون عليك !
ورمقته باشمئزاز!
رفع حاجب : نعم !
لا يكون مو عاجبك !
ترى كل بنات القريه يتمنون نظره مني !
بس انا تركتهم وخطبت ساره !
سعديه مطت شفتها بجعرفه : الحين تبغى تقنعي ما عجبك بالبنات الا هالشيفه ساره !
فتحت ساره عيونها من كلام سعديه «شيفه شيفه شيفه»
سعديه تابعت كلامها وهي تغمز لساره تمشي هالكلمه : قول انك طامع بحلالها !
بس احب ابشرك تراها مفلسه ولا تملك ريال
اخوانها شفطوا كل فلوسها !
وكم يوم رح
هزاع قاطعها بقهر من كلامها : انت وش دخلك !
كيفي !
والا حرانه لأني ما خطبتك !
سعديه حطت يدها على قلبها بتمثيل : لا لا قلبي الرهيف ما يتحمل خلاص ابغى انتحر لانك ما خطبتني !
وبجديه :اقول تلايط من هنا وشوف نفسك بالمرايه مثل الضفدع الاسود !
هزاع ظهرت علامات القهر بوجهه : روحي شوفي نفسك بالمرايه عيونك مثل الصراصير باللبن !
ساره واخيرا تكلمت : لا تتمسخر على خلقة ربنا
قاطعها وهو عافس ملامحه ورافع حاجب: انت لا تتفلسفي
روحي شوفي الحجار للي بوجهك مثل الوادي الوعر !
وإلا طولك مثل الناقه
ساره ضحكت على تعليقه علشان تقهره : محتر لاني اطول منك !
روح للسوق واشتري لك نعال بكعب علشان اقدر اشوفك
سعديه ضربت كفها بكف ساره : ههههه حلوه هذي !
تخيلي شكله يوم الزفه الناس تطالع الكوشه ويدورون العريس هههههه
عصب من كلامهم : انت يا قزمه تخرسين !
وانت يا ناقه حسابك بعد ما املك عليك !
وتركهم وراح !
سعديه رفعت حواجبها بتعجب : صدق قليل حياء !
وله عين يخطبك !
وفوق هذا يتكلم بأسلوب خايس !
ساره وهي تناظره بكره : ما رح ارجع هنا الا لما يجيب لي خلف عريس وارتاح
اخاف ارجع وخالتي تحبكها
_ ساره ساره يمالي الوجع !
سكتت ساره وهي تشوف خالتها تناديها ومعصبه وبسرعه تكلمت وهي تمشي : اشوفك بعدين ! سلااااااام
***
ام راكان بتوتر جالسه : يا خوفي عزام ما تعجبه البنت !!
وقتها اكيد اخوي رح يزعل !
ابو تالا : وليه يزعل كل شيء قسمه ونصيب !
ام عمار : ام ماجد تقول المفروض ولا احد يزعل من الطرفين اذا تم الرفض
لانه اختها خطبها كثير ورفضت !
ام راكان بحيره : والله انا ما اعرفها هالبنت
يوم الزواج استغربت انه اخوي عنده بنت بذا الجمال !
اخبرها وهي صغيره !
ام تالا بغيره لانهم خطبوا اخت سلفتها ام ماجد : لا يغرك يمكن مكياج !
ابو تالا : المفروض تقولين لهم تطلع له بدون مكياج
قاطعته ام راكان : تبغى تفشلني !
وبعدين االزين زين !
عسى بس عزام ما يتأخر !
ابو تالا: وين عزام رايح ؟!
ردت بقهر : راح يجيب خالتك ام محمد !
والله مو وقتها اخاف نتآخر على الجماعه !
ابو تالا باهتمام : ليه ما خبرني كان رحت عنه وجبتها !
ساره معها !!!
خزته ام تالا بغيض : وليه هالسؤال !!
ابو تالا بترقيع : بس كذا !
لانها بالزواج ما رجعت معها !
ام راكان بمدح : والله هالساره تعجبني !
سنعه وخدومه وطيوبه وعندها طول بال للحين متحمله اختي ام محمد !
ام تالا بقهر : تحمد ربها انه ام محمد استقبلتها وربتها !
ام راكان : صحيح بس اختي اعرفها صحيح ما تضربها مثل زوجات الاب
بس هالكيتها بالشغل والطلبات
روحي وتعالي !
ام تالا : يعني تبغي ام محمد تخدمها وهي بذا العمر !
ابو تالا : الله يكون بعونها ساره
وان شاء الله ربنا يعوضها بالزوج للي يسعدها
واتبع كلامه بابتسامه عريضه !!
كتمت ام تالا غيضها نفسها تقوم تكسر راسه
تخاف يكون حاط عينه على ساره وخاصه انها ما جابت له ولد !
رح تكون له حجه قويه يتزوج يبغى الولد !
وابنة العم هو اولى فيها !
نفسها تخنق هالساره !
ناظرت السماء وهي تدعي تتزوج ساره بعيد عن زوجها !
ما رح يرتاح قلبها الا لما تتزوج ساره !
من لما كبرت هالساره وهي تحسها كابوس يلاحقها !!!!
***
***
***
***
***
من لما طلعوا بالسياره وام محمد ما سكتت
تردح وتصرخ على عزام !
زفر عزام بضيق وبتأفف : وبعدين !
ترى والله رأسي مصدع !
وليه مكبره السالفة ترى بعدني ما شفتها
يمكن ما يتم النصيب !
ردت ساره بسرعه: ان شاء الله يتم النصيب
بلعت اخر كلامها وهي تشوف نظراته لها من المرايه
بلعت ريقها وتذكرت كلام سعدية لما خبرتها انها راجعه مع عزام
قالت لها اكون طبيعية ولا كأنه شيء صار واذا احد فتح النقاش تنكر بقوه!
ام محمد التفتت لها وهي رافع حاجب بانتقاد : انت وش دخلك !
عزام مط شفته : مثل نسرين يتدخلون بأمور ما تعنيهم !
تظام محمد بتمني : متى ازوجها وانفك !
عزام بانتقاد : يا جده لا تتكلمي كذا قدامها بلاه تفتحي عيونها على هذي الامور بعدها صغيره !
ابتسمت ساره بداخلها وهي تهمس لنفسها : ما يدري انها مفتحه وجاهزه تنتظر الشيخ يكتب الكتاب !
ام محمد بكره : لا تخاف عيونها مفتحه دامها طول وقتها مع بنت الطرمه !
ساره بضيق من هاللقب بس ما قدرت تعترض
خالتها وعزام وخلف ذول الثلاثه ما تقدر تعترض قدامهم او تجادلهم تكتفي بالسكوت
عزام بعجز من هالحال : والله إنك محتاجه تأديب من اول وجديد !
انا بس نفسي اعرف مع مين جاءت للحفله !
وناظرها من المرايه حتى يشوف ملامحها للي رح يكتشف صدقها من كذبها
شتت نظراتها بعد كلامه وهي تردد بداخلها
كوني طبيعية طبيعيه طبيعية
بس القول مو نفس الفعل !
لاحظ عزام تغير ملامحها وقلب وجهها للاحمر وتشتت نظراتها
والتوتر باين عليها !
وللي يشوفها يحلف الف يمين انها عامله مصيبه
وبأقصى صوت عنده صرخ وهو يوقف السياره على جنب ويلتفت للخلف : مع مين طالعه !!!
ارتاعت ام محمد من صراخه وغضبه فكيف بقلب ساره الرقيق الصغير
ام محمد تهديه : هدي يا عزام ما له داعي كل هالصراخ !
ناظر جدته : ابغى اعرف مع مين طلعت ؟!
ام محمد هزت راسها بالنفي : والله ما ادري !
ونادر حلف علي يمين ما افاتحها بالموضوع !!
عزام بغضب : يعني
سكت وهو يسمع نبره صوتها الضعيفه وهي على وشك البكاء خلاص تبغى تعترف وإلي بيصير يصير خلاص ما تقدر تتحمل هالتحقيق والصراخ : انا
قطع كلامها رنين جوال عزام رد بدون نفس : نعم ........قريب نوصل ......لااااااا......طيب الحين جاي
قفل الخط وهو يحرك السياره بسرعه اكبر
ام محمد بخوف : فيه شيء ؟!!!
عزام وعيونه على الطريق : امي تقول على الساعه 5 موعدنا على الجماعه وانا على بالي بعد العشاء !
ام محمد ارتاحت : يمديك توصل !
ورجعت للسالفه نفسها تعرف مين للي وصل ساره تكلمت بتحقيق : نرجع للسالفه مع مين جاءت ؟!
ناظرت ساره خالتها ونفسها تصفقها كفوف على لقافتها !
عزام تذكر السالفه وسألها بهدوء : جاوبي يا ساره على السؤال !
ناظرته ساره بالمرايه وابتسمت بتوتر : اي سؤال ؟!
عزام وهو يأخذ نفس : هذي للي رح تجلطني من كمية الغباء للي فيها ؟!
ام محمد بكره : مين جابك للحفلة ؟!
ساره وتحاول تسيطر على نفسها وتكون طبيعيه : انا ما حضرت الحفله ؟!
عزام هز راسه وبخبث: خلاص فكونا من هالسالفه ؟!
سمعت انها البنت للي ابغى اخطبها كانت لابسه فستان ذهبي
اكيد شفتيها يا جده
وش رايك بالعروس حلوه؟!
تذكرت ساره البنت للي كانت قريب منها ولابسه فستان ذهبي طويل لمحتها وبدون وعي جاوبت : الله ما اجملها تجنن هالبنت
وسكتت وهي تحط يدها على فمها من الخطأ الفادح للي وقعت فيه !
عزام ناظرها بالمرايه بتوعد وبعدها التفت على جدته وهي تمدح بالبنت وما انتبهت على زلة لسان ساره !!
شتت نظراتها وهي تفرك يدينها بتوتر
تتمنى الطريق يكون اطول من كذا !
كيف ترقع هالسالفه ؟!!!!