تحميل رواية «احبك .... وانت» PDF

البارت التاسع عشـر

بقلم وردة عمري ..

رافد ..

دنكت راسي واني اسمع كلمه غاليه ...احسها زرفت كلبي لهل درجه مجبورة عليه .. سهله .. ضربت ايدي علئ فخذي وكمت ..

ـ كوم ياسر وياي ..

سهر حجت ..

ـ اخذوني وياكم اريد اشوفها اخاف سوه بيها شي ..

ياسر دار وجهه عليها خزرها ..

بس اني حجيت

ـ لا تخافين سهر .. هسه اني اخوجن ومسؤول عنجن .. صدكيني مراح يمر بينجن ضيم واني موجود ..

ـ الله يحفظك لنا رافد ..

درت وجههي لغاليه .. بنتها بحضنها .. تشبهها .. مثلها ... منزله راسها عليه وتلعب بطرف فستان الطفله .. تنهدت وطلعت بسرعه ..

ياسر كال

ـ ادري هذا تخبل شنو خاطف البنيه وحابسها وين ..

ـ بالبيت الي بــ... "منطقه بعيدة في اطراف بغداد "

ـ هذا صدك يحجي ماخذ البنيه لهناك جان خطبها من امها وخلص شفتها شلون ماترفض ..

باوعت عليه وخزرته من. ركبنه بالسيارة هو بالصدر يمي ..

ـ يعني تشوفهن ارخاص .. ياسر

ـ يعني سمعت ..

هزيت راسي وشغلت السيارة

ـ وساكت ليش .. هي تحلم تلوح اضفرك لو تعلمت علۑ المذله والمهانه ..

ـ ياسر ...اسكت. 

ـ انت منطيها علئ مايها المفروض تأخذها بيوم الي عقدت عليها ..

ـ ياسر كافي

ـ شنو دوم راح تضل تباوع لحلكها وشتكول وانت ساكت بس تحمس بروحك هي اكو مرة بالدنيا تستاهل تسوي هيج علمودها

ضربت علئ ستيرن

ـ دا كولك كافي ... كـــــاااااااافي ..

سكت ياسر ودار وجهه عني .. واني العصبيه فولت عندي ..

الصمت ساد لا ياسر حجه ولا اني حجيت شي ..

وصلنا للبيت الي بيه ايهم وهاجر .. نزلنا .. دكينا الجرس .. مرة ..  مرتين .. فتح الباب ايهم اول ماافتحه... ايهم ضربته بوكس طيرت عينه .. له .. وهو طاح بالكاع

ـ لك جبان جايب البنيه للمنطقه مقطوعه ماتستحي .. ماتخجل ..

رد هو يكوم ويمسح الدم من حلكه ..

ـ ردت اتفاهم وياها واني ادك عليها ما ترد شسويلها يعني ..

دفعته ودخلت .. طلعت .. هاجر تمشي اول مااشافتني .. ركضت عليه ..

ـ لحك عليه رافد .. رجعني لاهلي الله يخليك.  

لزمتها من ايدها ..

ـ تعالي لا تخافين ..

ياسر وايهم وراي ..

حجه ياسر

ـ الا واحد يكتل الثاني الا يرتاحن بنات رنا .. نسوان! 

اخذتها ودخلنا للجوة ..

كعدت وكعدت هاجر يمي .. وياسر علئ الكرسي وايهم كال

ـ رايح اغسل وجهي واجي ..

راح غسل وجههه ومخلي كلينكس علئ حلكه ينشف بيه ..

تلفتت علئ هاجر ..

ـ هجورة اطلعي تفرجي علۑ المسبح برة .. والحديقه وخليني اخذ حكج من هذا الخبل ..

هاجر ..

طلعت .. لبرة ...وكفت علئ طرف المسبح ...اباوع علئ الماي ..

لحد هاي اللحظه ممصدكه الي دا يصير .. ايهم خطفني من وسط الناس ومن بينهم وجابني لهنا شيريد يثبت بهذا الموضوع .. معقوله .. تغيير بهل ايام الي عفته بيها. 

ممــدا استوعب رغبه المفاجئه حتئ يتزوجني ..

معقوله راح يرجع لتقلباته بعد فترة .. يمكن اكون نزوة بالنسبه له لا اكثر ولا اقل ..

واني شنو المفروض اسوي وسط كل هذا الارتباك الي اني بيه .. مااكدر ابقئ بهذا البيت وخليه يلعب بحياتي علئ كيفه ..

ممعقوله يلعب بيه وبخياتي لهاي الدرجه ..

مااكدر اتخيل ان الموضوع بالنسبه له مجرد نكته .. نكته ثكيله .. متضحك لا لها اي معنئ ..

علئ حسابي وحساب عقلي .. ومشاعري ..

بس لا .. هو جاد ..

جاد بموضوع الزواج .. لعد ليش اني مفرحانه ولا احس بالسعادة ..

حتئ كلبي انكمش اول مااشفته .. مااحسيت بالفرح الي احسه قبل اول مااشوفه ..

مو بطلت وتركت الشركه بكبرها له .. ورحت ادور شغل بعيد عنه .. شيريد بعد اجه وراي ..

شنو معنئ الي سواه بيه قبل اشهر?  شنو معناها وهي حطمني وحطم كلبي مثل قطعه زجاج بيدة ذبها بالكاع برادته وتفرج عليها شلون تتكسسر وتتحطهم ..

وشنو معنئ الي صار اول ماادخلنا للبيت ..

احس وجههي صار نار واني اتذكر لي صاررر.  

ياربي شلون حتحمل فراكه بعد الطمغه الي طمغها بكلبي وعقلي ..

شلون لمس شعري ...شلون .... شلون

لا شعوريا شلت ايدي تلمس ركبتي واني اتذكر شلون حضني ..

حساس الشعور بالذنب والخطيئه خلاني اخجل من نفسي شلون هيج شي يصير بيناتنا وبأي صفه ..

ـ هاجر

التفتت شفته يوكف بعد كم خطوة عني ..

اول مرة اتبهت ملابسه الي لابسهن ..

بنلطون جينز وقميص اخضر فاتح ..

جان وسيم لدرجه كلبي راد ينقسم بالنص من تأثري بيه

ابتسم

ـ لا توكفين بعيد ...ترة بالكوة قنعت رافد يخليني احجي وياج قبل لا ترحين

كلبي هبط للكاع استسلم .. لهل درحه مااستاهل يتمسك بيه ويحاول علمودي ..

ماتحركت من مكاني وانتظرة يحجي الشي الي يريدة ويروح ..

ـ شبيج مرتبكه .. ترة رافد حاجي وي خالتي علئ موضوعنا وهي موافقه اذا جان هذا الي يقلقج ..

خنكتني ...العبرة واني احجي ..

ـ ليش تسوي بيه هيج ايهم .. تعرف ماتكدر اكول لا مو .. تدري بيه .. اني خايفه

فتحت عيوني باوع له ..

ـ خايفه منك

عيونه تغييرت ...حسيته تردد ...للحظه بس واختفه هذا التغيير او التعبير .. تجاهل كلامي تماما

وحجه بين شفايفه بأبتسامه ..

ـ رافد يكول يعقد لنا بحفله ياسر و سهر واكيد اختج غاليه راح يأخذها رافد بنفس اليوم يعني بدل االفرحتين ثلاثه .. وراح تكون الحفله بالبيت مالتنا ..

جنت احرك راسي برفض واهن واني اسمع كل كلمه منه ..

ـ بعد كم يوم راح نعقد هاجر يعني راح اخطفج علئ كيفي عصفورتي ومحد يكولي ليش

هاي المرة كان رفضي اقوئ

ـ لا تسوي هيج ايهم الله يخليك .. احس راح تسبب لي الم مابعدة الم مااعرف ليش بس دا حس بيه ..

اقترب مني والزم ايدي

ـ بعد كم يوم عصفورة راح تصيرين بين اديه .. منو يخلصج مني مااكدر اوصفج حالي وشلون راح يصير انتظاري ..

عاف ايدي ودار وجهه

ـ كم يوم ارتاخي بيهن وجهزي نفسج .. اني رايح .. رافد يرجعج ..

ـ ايهم اوكف

بس ماادار وجهه الي ولا وكف

ـ الموضوع انتهئ عصفورة .. ارجعي نامي وارتاحي ..

راح وعافني بدون حتئ مايبرد كلبي بكلمه منه ... ليش يسوي بيه هيج ... ليش ..

رجعني رافد للبيت واني الف .. فكرة وفكرة ببالي ..

وصلت لبيت خالتي .. وامي وخالتي و سهر وغاليه كولهن لاكني ..

امي حضنتي ..  اخالتي تمسح بيدها علئ كتفي ..

ـ شسوة لج ماما ..

ـ ماسوة شي

جنت ابجي مااعرف ليش .. ابجي ودموعي تسيل علئ خدي ..

حجت سهر

ـ هاجر احجي .. سوالج شي ليش تبجين

ـ مااسوووة شي والله ..

ـ لعد شبيج تبجين

ـ هيج ..

سكتنا .. كعدنا شويه ..

وبعدين رجعنا لبيتنا .. كل وحدة نامت علئ فراشها والف فكرة وفكرة ببالها ..

شراح يصير بقادم الايام شضام لها ..

صافنه .. وعيوني بالسكف .. حسيت رن موبايلي ..

ـ ردي علئ اتصالاتي عصفورة .. ترة ميصير هيج .. اريدج تستوعبين الموضوع .. ردي عصفورة ترة والله اذا مارديتي .. اركب سياراي اجيج بهل لليل لنص بيتكم وتعرفيني اسويها مايلزمني شي.  

كمت بلكوة اخذ النفس .. كعدت كعدة .. وحضنت اركبي ..

ماتكدر احجي وياه .. احس روحي ضايعه .. تايهه.  

مااعرف بشنو المفروض احس.   اهله يعرفون جان متزوج سميه زواج صحيح ماادري ..

كلبي يخوني ويتأمر علئ كلبي وحدسي .. الي دا يحذرني منه بشكل دائم ..

شسوي ....شسوي ياربي

حتئ امي احسها فرحانه لدرجه مااسألتني اذا جنت راضيه او لا كبل اتفقت وانتهئ الموضوع عبالك موافقتي امر مسلم بيه ..

حتئ لو كولت لها علئ الي صار وياي .. راح تفهمني يمكن تعتبرة دلال بنات ..

زين واني .. اني هاجر ...احس روحي تايهه ضايعه.   ادور علئ بر الامان .. كمت تلقائيا واخذت فوني وياي وطلعت .. علئ كيف اخاف اكعد البنات ..

طلعت لبرة ..

وكفت برة بضلمه الليل وهدوءة .. الي مايقطعه غير صوت الهوا .. باوعت بالشاشه فون تنهدت واني اتصل بيه ..

واكيد مانتظرت الرنه الثانيه .. رد عليه

ـ تدرين اتمنيت متتصلين بيه .. وانفذ تهديدي ..

اريد اسيطر علئ نهيار كلبي ومشاعري لمجرد مااسمعت صوته ..

همس

ـ وين واكفه دا اسمع صوت هوا يمج ..

ـ برة بالطارمه

ـ متشتاقين لي

سالت دموعي علئ خدي .. قاومت واني اسأله بالم

ـ ليش دا تسوي هيج

ـ شمسوي ..

ـ اريد اعرف شتريد مني .. شتريد مني صدوك .. ليش تريد تتزوجني .. انته ... انته

جنت ابجي اشهك .. صوتي اكتمه بيدي ..

ـ اني شنو

صحت بصوت عالي شويه

ـ انته تدري مااكدر اكول لا مو .. تدري

انفاسه علت .. احس عبالك واكف يمي .. وتضرب بركبتي ..

ـ تحبيني

لا اراديا صحت ...

اااه

جنت مااعرف الانسان الي كدامي شنو محتارة .. شلون سكن بكلبي هيج وبهاي القوة

مااعرف اذا جان سوال الي شي واقع دا يقررة ...مااعرف شي اصلا ..

ـ هاجر ...

مااكدرت ارد عليه ..

..

ايهم ..

جنت نايم علۑ الجربايه مالتي .. اسمع صوت بجيها ...ناعم .. مثلها ...

شلون اشرح لها شي اني نفسي عاجر عن شرحه لروحي! ?

شلون يفهمها انو اني اريدها بطريقه بدائيه مو طبيعيه ابدا ..

لازم اعترف .. انو هي ماتخدرني .. لا تمتصني ..

ضاعت مني ملامح علتي الاساسيه وضليت غركان بيها هي .. بتفاصيلها .. نعومتها ..براءتها .. طفولتها بكولشي بيها ..

شلون افهمها انو مااعرف شلون تتشكل الكلمات حتئ اوصف لها حالي و مشاعري ..

ح ... خ .... حب ... خيانه

هسه الحروف تتشابك كدام عيني تتخربط بوجودها يمي .. هاي الي قررت ان تصير ملكي بكل ماتحمله الكلمه من معنئ ..

مااكدر اسوي شي ثاني ..

الموضوع اكبر من انو ادعي اني مسيطر وصامد ..

اكبر من قدرتي انو تجاهل احتياجاتي لها

اشوفها بخيالي اروح اركض وراها .. اريدها تسد جوعي .. جوعي للمشاعر واحساسيس عبالي نسيتها وراحت ..

رديت عليهار

ـ زواجنا راح يتم هاجر .. انتي دخلتي دائرتي برجليج .. غضبا عني وعنج .. مابيدي شي

ـ بس انته ماتحبني .. ماتريدني ايهم .. انته حتئ ماتحجي من ااشي الي دا تعاني منه .. والي سبب لك هذا الوجع لليوم ..لهاي للحظه .. ماتكولي شنو الي صار لك .. ماتصارحني بحقيقه زواجك من سميه ..

كمزت من نومتي وكعدت عدل ..

ـ ديري بالج هاجر .. خطواتج عند هذا الحد توكف ...سمعتي ديري بالج ..

صوتي علا عليها واني اكوم حيلي ... كمت اخذ النفس واذبه .. عصبيتي عمتي والخط بعدة مفتوح علئ اذني واني اروح اجي .. وصوتها بالموبايل يجيني تبجي ..

مررت ايدي بشعري وحاولت اكبع جماح روحي .. واضم عصبيتي بصدري.  

واني احجي وياها

ـ كوليها هاجر

ـ شكول

ـ كولي انتي تحبيتي و راح تصيرين لي ..

سكتت وانفاسها تجيني ترجف ..

ـ كوليها هاجر كوليها

ـ مراح اكول شي ايهم انته افهمها قبل لا تطلبها مني .. اني مااصدك انته حسيتها وياي او حتئ وي غيري ..

ببساطه سدت الخط بوجههي .. تجمدت عيوني علئ التلفون ...سدته ..

شمرت موبايل واحس لعبت نفسي من كولشي من الغرفه الي كاعد بيها نفسها .. هاي الشقه الي اشتريتها قريبه علئ الشركه كل مااتعب .. اروح ارتاح بيها بعيدا عن الكل .. احس كرهتها ..

الشقه الي شهدت عليه بحيطانها واني اتكلب من الحركه والحسرة والحقد بسبب الخيانه ..

الي  كتلت روحي وكلبي

احس روحي مخنوك هنا بطريقه غريبه ..

ـ صار الوقت الي لازم اذب هاي الشقه بأقرب حاويه ..

ثاني يوم الصبـــح

هاجر ..

ـ لج مااصدك انخطبتي للاستاذ ايهم واني ماادري .. ونوب يطلع ابن خالتج .. شلون

كمت اسمح كصتي واني اسمع صوت شهد يجي من الموبايل ..

ـ مدا اصدك يعني باجر العرس مالتكم ..

ـ لا بس خطوبه وعقد .. مو عرس شهد

مااكدرت اتحمل اكثر .. كمت ابجي .. مااكو بيدي شي اكدر اسويه .. كلبي عاجز كدامه ..

ردت عليه شهد

ـ هاجر .. ادري بيج تحبيه ...الحب نصيب يروحي مااندري يمته يجي او يمته يصيب كلوبنا ...وانتي هذا نصيبج ايهم .. بس علئ الاقل قاومي شويه .. حاولي تأخرين الزواج لمن تتعرفين عليه اكثر وتشوفين وضعه لان واضح رغم هو ابن خالتج بس بعيد عنكم .. هاجر انتي قويه ...حبي لا تستسلمين له ..

ـ اي هو اني ناويه هيج اسوي .. شهد تعالي باجر مو تتأخرين حبابه ..

ـ اكيد اجي ..

...

يوم الحفـــله ..

سهــر ...ياســر ..

ـ شنو هذا الفستان ..

ـ عجبك مو .. اعرف حلو ..

عضيت شفتي حيل واني الزم زندها الطالع ..

ـ لا يلعب التفس ...

حركت جواجبها كدام عيوني وهي تقترب مني وتهمس

ـ لعد ليش ماتشيل عيونك مني اذا محلو استاذ ..

ضغطت اكثر علئ ايدها ادري بيها تتوجع بس مااكالت ..

ـ محلو لان انتي بيه عبالك ملابسه ملابس ..

جسمج مكشوف كوله ..

ردت عليه بدون مبالاه ..

ـ لا تبالغ .. ترة مطالع شي مني غير اديه و شويه من ظهري ..

ردت اضربها راشدي اطير اذانها ..

ابتسمت كدامي وهي ترمش بصورة مفتعله ..

مال .. ناحيه خدها .. وهو يلمس خدها بشفته ..

ـ روحي نزلي شعرج بلكي يستر شويه من الي مطلعته ..

سوت مثل الي سويته ملت بشفته الي وباست خدي ..

ـ مراح اغير شي .. واني مو عريانه .. اني عروس ...عروووووس بعدين هذا الفستان مصير له الا تسريحه عاليه

سمعنا الهلاهل .. لان احنا قريبين هيج من بعض

ـ كومي سهر لا تخليني اخبل وامد ايدي خرب تستريحج الغاليه عليج .. واسوي شعرج عش القلق

ضحكت ضحكه عاليه رنانه ..

ـ وكول لي انته تغار عليه واني اطيعك ..

عض شفته هو كاعد يمي ودار وجهه

ـ وكول ماتكدر تتحمل رجال غيرك يشوفني بهيج حاله .. حتئ لو جان ايهم اخوك الي هو صار رجل اختي

حجه بعصبيه

ـ هسه سهر انطيج عشر ثواني قبل لا ايجي ايهم وهاجر من العقد كومي وعدلي شعرج ونزليه علﮱ صدرج وضهرج هسه ماكو وداعتج .. وداعه عيونج .. اسويلج فضيحه كدام الناس اخليها تحجي بيها ابا عن جد ...يلا حبي كومي ..

مالت براسها الي .. وهي تحجي

ـ علئ الاقل كولي حلوة سويت كل هذا علمودك

عيوني فلتت مني .. وكامت تحوم داير مدايرها ..

من وجهها ...لركبتها .. لفستانها باللون الذهبي .. الي لازك عليها لزك ..

توسعت ابتسامتها ..

ـ هاي نظرتك كافي حجت كولشي ..

غمزت الي ..

ـ شراح تسوي وي عروس غيري ماتفهم اللغه الي تحجي بيها عيونك .. تفهم سباتك شايمك هي عبارة عن حب وغيرة ..

وكفت سهر ودنكت عليه تعدل بالربطه مالتي ..

ـ انسيت اكولك انته تطالع. تخبل بطريقه وجعت كلبي يابو العيون السود

خلت ايدها علئ كلبها وهي تحجي ..

رادت تتحرك بس اني ماخليها .. لزمت ايدهار

ـ اسبوعين بس ورديه.   اسبوعين .. اردهن لج وحدة .. وحدة وحسابنا طويل ...طوووويل كولش

ايهــم ... هاجـــر

مااعرف شنو الاحساس الي يقودني لها .. شلون المفروض تصرف وياها .. هي تخاف مني واني اخاف من نفسي عليها ..

اقتربت علئ كيف هي مو يمنا .. سهر وياسر كاعدين بصفحه وهاجر واني بصفحه .. بعد ماتم عقد القران بيناتنا ..

كعدت يمها وهي تخفي دموع .. بعينها ..

ـ ليش اجيت ..

ـ سؤال غريب من خطيبتي .. مو هذا ياسر وسهر كاعدين واحد يم الثاني ..

ـ لان ياسر يحب سهر .. انت ليش اجيت

ـ هاجر مو كافي راح نتزوج .. شتريدين بعد

ـ تعرف اني دا توجع ...

فتحت عيوني واني اسمع كلامها الهامس ..

ـ اي والله كلبي يتوجع لان انت ادري بيك تتوجع .. المشكله مااعرف السبب وهذا الشي دا يموتني يكتلني .. تخليني تخبط بداخلي مااعرف مصيري شنو الي اريدة

اسال نفسي اني غبيه ضعيفه .. لو قويه وعنيدة .. شنو طريقه الي تخليك تتخلص من وجعم كولي

المشاهر كلها هاجت بداخلي ..

اااه وتسألين ليش هذا الكلب يريدج.  

رفعت ايدها .. كدامي لمن ردت اقترب منها.  

ـ انته الي دا تلعب بيه هسه .. تخليني احس اني مميزة عندك بس هذا مجرد تخدير لي

كامت  حتئ قبل لا احجي ..

ـ يلا عيني شباب اطلعوا .. شنو مشبعتوا البنات يريدن يركصن .. يحتفلن وانتم كاعدين بنصنه

كمنا اني وياسر . طلعنا ..

سهـر .. تقربت من هاجر ..

ـ هجورة شبيج تبجين يروحي

ـ لا ماكو شي سهر

ـ مقابله هاجر احجي من هسه ترة بعدنا علئ البر ..

ـ صدكيني ماكو. شي .. اكولج مااخبارتي امي .. شنو مخلصن من الصالون هي وغاليه ..

ـ اتصلت بيها تكول فد شوي ويجن . ...

..

غاليه ...رافد ..

الباب الي نسد مااعرف .. انسد علئ كلبي لو عقلي.   الي مدا يتحمل الفكرة ..اني اتزوجت مرة ثانيه .. من منو ..

رافد .. عفت بنتي عند امي.   الي قررت تبات هي والبنات هنا ..

واحس روحي كامت ترجف.   جنت لابسه فستان بسيط.   ابيض .. وتسريحه هم بسيطه ومكياج خفيف .. امي اصرت علئ الروحه للصالون والله لو عليه .. اروح له بشداشه العليه ..

الخوف الي بداخلي يقرا الف .. خايفه من حرارة المشاعر الي عند رافد .. اذا شاف البرود الي. بيه تموت ..

الف مرة سمعتها من راغب ..

انتي باردة ...قالب ثلج .. حجارة ..  عبالك لعابه .. لمن قتل اخر ذرات احساس الانوثه بداخلي وراح ..

كعدت علئ طرف السرير لان مااحس برجليه يشيلني ..

حسيت كعد يمي لا اراديا انكمشت علئ نفسي وبتعدت عنه ..

ـ باوعي عليه غاليه.  

انكمشت اكثر بمكاني راسي خليه بالكاع ..

ـ مااكدر الله يخليك عوفني .. رافد

نزلت وجههي

ـ رافد ترة اني ضعيفه صدكني انسانه محطمه مابيه ذرة وحدة سليمه ..

رفعت وجههي لي احسه تفاجئ ماانكر طلعت حلوة .. بس الدمعه نسابت من عيني

ـ امي ذبتني عليك ذب .. اعرف الي صار وانته تعرف .. بس رضت بيه .. ضحت بيه وقررت هذا حسن شي الي احسن ماابقﮱ مطلكه بعين الناس ..

ـ انتي زوجتي هسه

مااصدك نطقها ..

ـ لا تكولها ..

ـ كوليها انتي .. كوليها وتصدكيها .. اليوم انتي زوجتي ومحد يكدر يحجي وياج كلمه بعد. عرفيها ...فهميها وحسيها .. انتتتي زوجتي

كمت اهز راسي ارفض الي كوله

ـ تذكر من اكولك انته اخويه .. مااشوفك غير هيج

احس الكلمه ضربته بأعماق روحه ..

بحيث رجع لورة .. يمكن لو اكو كلام يقتل .. جان قتلته هاي الحجايه ..

ـ راح تموتيني .. انتي ...يجي يوم وموتيني ...وذنبي بركبتج ..

اكدر اسوي كلشي هسه ...بس لا اني هم جزت روحي منج ..

عافني وطلع .. سد الباب بكل قوته بحيث كمزت من مكاني ..

احساس الذنب ماافاركني .. بس مااكدر ...احس روحي عافت كل رياجيل الدنيا بعد الي صاروياي .. شلون مااعرف ..

كعدت ابجي. .. واندب حظي المصخم .. ليش هيج ..

لو حابه رافد بدل راغب ... جان راح اعيش احسن عيشه ...لو ترجع السنين لورة وةصحح مسار حياتنا ...ونغيير اخطائنا .. مرت الساعات واني علئ نفس كعدتي ..

مااتحركت من مكاني ..

غفيت علئ الجربايه بدون مااحس بروحي ..

سمعت بس صوت الباب من نفتح ونسد .. فزيت .. حيل.  

جان وجهه اظلم .. باوعت علئ الساعه بـ 3 بالليل .. وين جان كل هذا الوقت طلع من 12 هسه الا جه .. مااكدرت اجي او افك حلكي بكلمه ..

ـ باجر اتاخذين الغرفه الثانيه تنامين بيها انتي بنتج وتأخذين راحتج بيها ..

هزيت راسي سكته.  

اخذ ملابسه ودخل للحمام ...واني انهاريت انهيار كامل ..

....

ياسر وايهم ..

جنا اني وايهم نمشي علئ اطراف اصابيعنا .. ولك ..

ـ امي وخالتي لازمات حراسه علئ البنات شلون يطلعن.  

ـ معليك اصلا سهر كوتلها لا تبدلين نامي بفستانج ..

ـ واني مثلك ششفت منها .. اشو اطلعو اطلعوا وهاي هيه ..

دكيت علئ سهر .. ترميشه بسيطه .. وهي طلعت .. وووراها هاجر ..

ومسويه مثل ماكولت لها لابسه شال فوك فستانها وهو من جوة طويل ارتاحيت شويه ..

لزمت ايدها وكلت لايهم

ـ يلا هذا فراق بينيي وبينكم باي

وسحبتها .. من ايدها

ـ ياسر .. ياسر اوكف وين ماخذني مااتفقنا هيج

ـ سدي حلكج انتي معليج ..

بعد فترة ..

بالظلمه بالخفيه .. وبعيد عن العين وكفت سيارتي .. وهاي يمي ضحك ..فرحانه .. مسوين مغامرة وطالعين بالسر مثل الحراميه ..

وطول الطريق وهي تشرح لي شلون راح تكون بدله العرس .. شلون تكون كولها فتحات ومخلعه .. واني ساكت عنها ..

شهكت واني الزمها من كتافها والشال مغطيهن .. ويغرز اصابعه بعنف بيهن ..

ـ شنو راي حضرتج الغي العرس تماما واخذج هسه حتئ تتعلمين الادب والمستحئ

رفعت ايدها وهي تكول لي

ـ ياريت تكدر تسويها .. وياريت اني اكدر ادفعك حتئ تسويها .. بس امي وامك ميستاهلون خطيه يريدون يفرحون ويشوفون عرسنا ..

كام يردردم همس بشي مااسمعته .. وهي يحضني

ـ الله يلعنج يسهر الله يلعنج ..عطرج لازك بجربايتي من يوم الي رحتي

ضحكت وجاوبتني

ـ واني مشتاقه لحبك اكثر من ريحتك ..

سهــر ..

عبالك ذبيت النفط النار .. حسيت بشفته لتهمت شفتي .. بخشونه .... اديه تسللت ناحيه ركبتي للحظه فكرت راح يحضني لكن حسيت اصابعه عند حافه فستاني .. وبعدين صوت شي نشك ..

فتحت عيوني علئ وسعهن واني اسأله

ـ شكيت فستاني من ورة ياسر

بنــات ..

ادعو لي ربي يسهل امري ويفك عسري انه قادر علئ كل شي ..

لا تصيرون طماعين البارت تشمل كل الابطال ..

3200

ولاتنسون امس نشرت لكم ..

الحمدلله نشرت قصتي علئ بيج ست روعه مااقصرت ابدا والحمدلله علئ كل حال

استمتـــــعوا

البارت العشــرون

بقــلم وردة عمري ...

ـ ياســر شكيت فستاني من ورة ..

رفع وجهه لي وكل ملامحه عبارة عن نار مشتعله

ـ بشكل ميخليج تلبسينه مرة ثانيـه

توسعت وعيوني واني ارجع اديه لورة تلمس حافه فستاني .. حتى اتاكد اذا فعلا شكه ..

شهكت واني ارجع اديه لكدام .. كمت اضرب بصدرة .. ودعوعي تسيل علئ خدي .. فستاني جديد شتريته توني وهاي اول لبسه له مو رخيص غالي كولش ..

وفساتيني غاليات عليه مهما كان سعرهن ..

ـ لك انت واحد متوحش وقاسي ليش شكيته ليش .. مراح اسامحك ...ابد ...ابد ... ابــ...

سد حلكي بطريقته الي تعرفت عليها بس وياه ...طريقه تضيف لحبه بكلبي اضعاف مضاعفه ...

مااحسيت بديه الي كانت تضرب بيه الا وهي ترتفع حتئ تحضنه ..

وهو يقبل دموعي تلقفهن بشفايفه .. مستسلمه لفيض مشاعرة واحاسيسه ...و غيرته عليه ..

ـ لج اني لو بيدي جان شكيته كوله

ـ لو تعرف شكد احبك ...شكد ماتقسي عليه احبك اكثر بدل مااكرهك مااعرف حتئ معنئ لهذا الشي

ماجان ردة الي الا اعصار ثاني ... لدرجه حسيت عظامي راح تتكسر بيدة ..

رن موبايلي .. قطع علينا الجنون الي احنا بيه ..

ـ هاي امج والله العظيم امج .. اليوم حسيتها جالي واكف علئ كلبي مااخلتي احجي حجايه وياج ...امج حتى بيوم العرس مراح تعوفنا بحالنا ..

باوعت عليه مراضيه .. هداني بالكوة .. لزمت فوني واني اتنفس بقوة اريد اسيطر علئ نفسي وارجع طبيعيه .. وفتحته ..

ـ الووو هلو ماما ...

اجاني يصوتها يرعد ..

ـ ولج وين انتي يمصخمه واختج وين

ـ شبيج ماما اني وي ياسر وهاجر اخذها ايهم

ـ الله يطيح حضجن كثر مما هو طايح .. ولج بنص الليل طالعات وي الزلم شعجن

سحب ياسر الفون مني واني شهكت ..

ـ خاله ترة سهر ويايه .. يعني مو وي احد غريب رجلها اني

ـ ميخالف خاله ورة العرس شتردون سوو فدوة لعينك جيبها وتعال

نفخ انفاسه بوجههي ضايج

ـ هسه راح اجيبها ...

ايــهم ... هاجـر

سحبني ايهم من ايدي ..

كان بقميص ابيض من الحرير مفتوح شويه تظهر كلادته الجلديه ..

.خليت ايدي بيدة واني احس جسمي كوله يرعش ..

باوعت للباب .. حسيته خطفني مرة ثانيه ..

وهو فعلا خطفني .. خطف كلبي وعقلي وروحي

.. طلعنا لبرة .. بحديقه مالتهم

ـ انتهينا ....صرتي لي وانتهينا .. ياعصفورتي الحلوة

اختفت ابتسامتي شويه .. شويه ..

وبعجز مني .. احسه يباوع على شعري بسبب الهوا العالي شويه ..

رفع ايدة ...

يلمس خصلات شعري .. واحس دكات كلبه مثل دكات كلبي

جنون بجنون ...

نزل ايدة يتلمس كلادتي الي لابستها

جانت شمس ..

ـ الشمس تلوكج .. احسج دافيه مثل الشمس .. بحرارتها

رجف جسمي واني احس بأصابعه .. تمر على بشرتي ..

ـ منو يحتاج الشمس وانتي بيج كل هذا الدفو والحرارة عصفورتي ..

رجعت ايدة حضنت خصرتي .. وقربني له

ـ انتي كل شي بيج يزيد شوكي بطريقه غريبه .

.. تزيد شوكي لج لحد الالم

يديه تستقر علئ خصرتي من الجوانب ..

واحدة منهن تسلل بخفه لبطني .. وترجع تلزم خصرتي .. لمن حاولت ادفعه. ..

كان محاصرني بين الحايط وجسمه ..

انفاسنه اختلطت وهو جنت ضايعه اصلا مااحس شدا يصير وشلون يصير ..

ضحك وهو يحجي

ـ وين تشردين مني ..

عيونه تلمع رغم ظلام الليل .. صفت عليه

ـ ماجان لازم اجيك ..

ضحك مرة ثانيه .. وبشفته لتمس جانب حلكي ..

جنت ارجف بين اديه... احسه انسان عندة تجربه واني مااعرف شي

لازمني حيل ...يمكن خاف عليه لا اوكع ..

همس

ـ بعدي ادك باب برائتج برقه هاجر ...وهاي دكه ثانيه راح جاوبيني

هل مرة جانت دكه خفيفه منه علئ شفتي ..

حسيته جسمه رجف مثل جسمي ويمكن ممصدك هل شي ..

ايهــم

جسمي رجف مثلها ممصدك ابد ..

شنو الي صار له ..

راح يضل يسئل هذا السوال? 

توسلتني ..

ـ ايهم فدوة ...لخليني ارجع

ملامسه ثانيه علئ شفتها

ـ لا تخافين راح اراعي برائتج لقصئ احد عصفورتي ..

ـ ايهم

اسمي ضاع بين شفتها وشفتي ..

جنت ابذل كل جهدي حتئ مااذيها ..

لا اذي شفايفها الرقيقه ..

شنو هذا الطعم الي بيهم! ?

شنو هذا الاغراء البري الي تشيله! ?

لحظات واستجابت وياي واديها علئ كتافي ترجف ..

ومااعرف يمته وشلون وصلن لهناك ..

بعدني اقاوم نفسي واخبالي .. وعقلي تاهه مني ..

اي تاهه مني بطعم شفتها ..

طعم العسل بلسعه الاثارة .. 

عبالك اكو نحلات زغيرونات يكرصن شفتي بوكاحه وهنه يصبن العسل بين شفايفي ..

فجاة نحرمت من كل هذا الاحساس والطعم ..

لمن دفعتني .. تريد تشرد مني .. شردت مني وهي تتعثر ..

واني بعدني دايخ ..

من سكرة عسلها الحلو ..

تلمست شفتي واني اضحك ..

تسيطر عليه حاله من التعجب

ـ شلون بعصفورة زغيرة ماتعرف معنئ البوس تبعثر مشاعرك وتخربط حوالك وتثير بيك كل هاي المشاعر ايهم

ـ شلون حالي اذا راح اعلمها ...كل شي .. كل شي عصفورة

...

غاليـــة ... رافــد

ثاني يوم الصبح ...شفته واكف كدام المرايه يعدل بساعته .. الذهبيه ..

بدلت عدلت نفسي .. لان اكيد علئ اساس اني عروس ..

كدام امي وامه علئ الاقل مالازم يحسون بشي ..

شافني بمرايه ..

ـ همزين بدلتي .. اخاف احد يجينا من عمامنا ..

ـ اني محضرة نفسي لا تخاف ..

عيونه نزلت علئ ايدي الفارغه .. من يوم جاب الي الحلقه .. مالبسته ولا خليتها بأصبعي ..

ـ يمكن بعدج مجاهزة فد مرة غاليه

دار وجهه عليه علئ الاقل ..

ـ كدام الناس لبسيها ..

نزلت راسي ..

ـ راح لبسها ..

نزل قبلي واني عيوني ادور بالغرفه .. ريحته منتشرة بالمكان ..

فتحت الكنتور وطلعت منه العلبه الي بيها الذهب الي جابوا الي خالتي ورافد بعد الخطوبه ..

لبست الحلقه ..

صفنت عليها .. واني احركها بيدي ..

وين راح تصفه بيه الدنيا ..

شلون راح تكون حياتي ماادري ...

سمعت الهلاهل جوة ..

غمضت عيوني وسالت دمعه علئ خدي .. كلبي ينبض ..

مسحت دمعتي حيل ...وعدلت نفسي ...

ولفيت حجابي عدل .. ونزلت ..

امي اول مااشافتني ...وجانت شايله عبير ..

كامت هلهل ...عبير تحرك الي بيدها تريدني اشيلها ...

اني هم نزلت بسرعه اخذتها من امي ..

امي باستني ..

ـ مبارك ماما عساها زواجه الدهر ..

خالتي وراها ..

هم باستني ..

ـ مبروك خاله .. منه المال ومنج العيال ان شاء الله ..

والبنات باركوا علي ..

وحتى الولد ..

خالتي انطت لي هديه .. كلادة ذهب حلوة ونازكه ..

شويه ودخلوا علينا عماتهم ..

يهلهن .. وعيونهن علينا ..

سلمن علئ خالتي وامي واني وراهن ..

بس احسسهن مو طبيعيات عيونهن عليه ..

ـ مبروك عمه رافد .. واخير فطرت ..

وحجت بهمس بصوت مسموع وماسموع .. يمكن يريد تسمعنا بقصد ..

ـ ببصله ..

انخطف لوني ...صوفرت بنتي بحضني.  

ـ تسلمين عمه الله يحفظج

الي صار بعدها .. مااعرفته ولا حسيت بيه .. كلام ...بسامير .. طعنات بالكلام ..

كمت من يمهن .. مثقله بهموم الدنيا .. ليش الناس ماترحم ..

لا المزوجته ترتاح .. لا ماممزوجته ترتاح .. لا مطلكه ترتاح .. منو يرتاح بهاي الدنيا منو يرتاح من كلام الناس .. لسنتهم عبالك مناشير تنشر باللحمنا .. بدون روحه ..

كمت للمطبخ ..

جنت احس بروحي منهزمه ..

رافد هو هم راح يخون ثقتي بيه .. لا مااكدر راح اتحمل هذا كوله.  .

مااتحمل دمرني كأمراة حتئ لو مامعتبرته زوج لي ..

مستحيل يقتل انوثتي او لي بقئ منها ..

الي صارت علئ ايد راغب مشوهه

غسلت وجههي بالسنك مااعرف ابجي علئ حضي وقسمتي لو ابجي

روحي الميته

نذكرت كلام بنت عمته وهي تندس بأمها واني كاعدة يمهم مو بعيدة

ـ مدا اكدر استوعب .. رافد ابو النسوان متزوج هاي

ـ حضوض يمه بس اخلصت العدة اخذته ..

ـ يكولون رافد مغصوب علئ هل زواجه .. لان ياسر طلبها له بخطوبته ونغصب يقبل

ـ منو كالج ولج ..

ـ بت خالي غير جان وياهم بالخطبه ماما

ـ وليش يسوون هيج خاف يستر عليها من فضيحه طركاعه سودة ممصدكه هاي مرت رافد

ـ ماما لا ظلميها ترة هم حلوة

ـ ادري حلوة ...بس انه كلت عكب هذا الصوم علئ يفطر علئ وحدة ايه من الجمال مو هاي

كمت من يمهم ماتحمله كلامهم .. كله ..

شلون رضيت هذا علئ نفسي ..

ليش ماقاومت اكثر ورفضت رافد بكل قوتي ..

مو كافي لي شفته من راغب ..

طلعت من باب المطبخ مااعرف وين اروح .. اتمنيت اختفي ..

ـ غاليه ..

جان واكف بنهايه المرر ..

صعدت للغرفه دون حتئ ماارد عليه ..

...

رافـد

ضربت الحايط ...بيدي ..

كررتها مرة واثنين لمن حسيت ايدي .. سار الالم بيها ..

من شافها صعدت للغرفه لهسه وهو بهاي الحاله ..

لتزمت الصمت وياها طول النهار ..

بعد مااكدر اكبت او اتحمل اكثر ..

طلعت من غرفتي .. لابس بس سروال التراك ..

حافي .. وشعري ينكط ماي ..

لان توني سابح ..

وكفت كدام بابها .. اخذت كم نفس اريد هدي روحي ماتكدر احس نار ومشتعله بيه ..

بدل مااهدئ احتركت اكثر واكثر ..

فقدت صبري واني ادك الباب. 

همزين عبورة نايمه اخذتها خالتي وياها ..

سمعت صوتها من ورة الباب قبل لا تفتحه ..

فتحت الباب وهي تفرك بعيونها ..

لابسه تراك ابيض للركبه ...

وشعرها مكفش من النوم ..

تفرك بعيونها وتسال بأستغراب ..

ـ شكو رافد صاير شي

عصبيه صعدت عندي فول ..

يعني اني كاعد واتكلب مثل السمجه المزوهرة ..

وهي نايمه .. ماعليها ولا مهتمه ابد

حرمت النوم علئ نفسي بسببها ...بسببها .. هي

صحصحت شويه .. وسألتني

ـ خالتي بيها شي رافد احجي.  

مااتحملت اكثر ...دفعتها وسديت الباب ..

باوعت عليه بخوف وهي ترجع لورة

ـ رافد شبيك ...

كمت اتقدم وهي ترجع لورة

ـ نايمه واني النار مشتعله بيه .. ليش تسوين كل هذا علمودة مو ..

اتوسعت عيونها وهي باوع عليه .. نظراتها كتلتني .. واني احس كلامي صحيح .. تفكر براغب رغم كولشي سواه بيها

لزمتها من اكتافها ..

ـ ليش تفكرين بيه ليش .. بعد كل هذا الي سواه بيج تفكرين بيه غاليه .. تفكرين بيه بس كوليلي ريحيني

فتحت عيونها تتحداني

ـ مااكولك

هزيتها حيل ..

ـ غاليه صبري بدا يخلص اذا ما حجيتي ...وربج اسوي شي ماايخطر علئ بالج .. لا تلعبين وياي ترة تندمين

غاليــه ..

حسيت كلبي يرجف لان اذيته ..

معقوله ...رافد مثل راغب .. هم عندة نسوان ..

وسوالف ليل .. اي ليش لا .. لعد شلون صابر كل هاي السنين ومامتزوج ..

الا اذا عندة ...مهما كان هو رجال بالنهايـه ..

يغار ...يغار عليها من رجال مات بالنسبه لها ..

بس فكرة اني انتقام من اي احد كدامي يشبه راغب سيطرت عليه ...

كلام ببنت عمته بأذني يرن ..

"رافد ابو النسوان " ...

ـ اي افكر بيه رغم كل الي سواة بيه بالنهايه اني احبه .. ماحبيتك انته.  

صاح بصوت .. اديه رفعهن لشعري لزمه من ورة ...جر راسي لراسه .. ولازم شعري بكل قوته

ـ اكتليني ...اكتليني غاليه لا تسوين بيه هيج .. اكتليني الف مرة ولا تعذبيني بيج اكتليني قبل لا تفقد سيطرتي .. واطلع كل قهري بيج ..

جر شعري حيل .. ورفع راسي لفوك ...

صحت ..

ـ اااالا

عدتها مرة ومرتين وثلاثه بوجهه ..

وجههي اتشنج واني احاول بيديه افك قيدي منه ..

رافد ...

مقاومتها ...شعلت نيران بيه ..اكثر واكثر ..لزمني اكثر قيدني ...

ـ لااااا ... لا لا تصرخينها بس بوجههي اني وحدي .. صرخيها بوجههم كلهم مو بس اني ..

زادت مقاومتي وي عنفه الي ..

كمل كلامه وعيونه فاتحهن علئ وسعهن ..

ـ تذكرين سألتيني مرة من يمته احس هيج اتجاههج ..

كمت هز براسي ... لا ...لا

بس هو واصل انفجارة ...انفحار راح اروح اني وياه بيه ..

ـ اساليني يمته ماحسيت اني احبج ...جوابي لج ...صفر ...صفر من الايام ..

تجمدت ...شعري بيدة بعدة ..

وكمل

ـ صفر من السنوات .. صفر من ايام .. صفر من الساعات .. حتى من اللحظات .. صفر .  صفر ...صفر

كرر الكلمه بقسوة اكبر ...واكثر ...

ـ ماكو لحظه مرت بدون مااحس اني احبج ...

رافد

نحولت نظراتها من حقد النفور ...

نفور عفوي تلقائي ..

يمكن مااكدرت تمنعه هو تباوع عليه ..

اخيرا واجهت مشاعري لها وحقيقه هاي المشاعر ...يمكن جنت ابين لها بتصرفات .. بالكلام .. بس مايوم جنت واضح مثل هل يوم ..

ذبحتني ردة فعلها ...وخلت عصبيتي ..  تزيد اكثر ...واكثر ..

هزيت راسها بيدي .. لان بعدني لازم شعرها ..

ـ تلعب نفسج مني .. خل تلعب نفسج مثل متريدين .. بس اني مو اخوج ...مو اخوووج

ماجنت يوم من الايام اخو لج.  مو ذنبي لمن حطيتوا صفه الاخوة عليه ..صفه ماختاريتها ولا رضيت بيها.   مو ذنبي احس هيج اتجاههج وماكدرت اكتل كللي بصدري ..

تسللت تعابير الالم لوجهها ..اقتربت بوجههي وسندت جبيني علئ جبينها ..

ـ تعرفين وين خلصت ليله عرسج ..

غمضت عيوني حتئ لا اشوف ردة فعلها ..

ـ بالمستشفئ ..ارتفع ضغطي وصلت للباب المستشفئ ووكعت ونقلوني الممرضين

حسيت جسمها يرجف ..

اصابعي تتحرك علئ راسها من ورة

ـ محد يعرف ...وماكلت لبشر حتئ امي .. عبالها رحت اتونس

فتحت عيوني بوجهها لكيتها مصدومه .. شاحب يمكن قطرة دم ماكو بوجهها ..

اصابعي تسافر بين خصل شعرها ... وشكد تأثر بيه ..

ـ تمردي ...اصرخي ...بس مو عليه اني علئ كل .. امج .. اخواتج .. الناس .. انهشيني اني هم ...بس لازم تعرفين .. انتي مرتي .. مرتي .. واكو حدود لازم تلتزميها .. وي الكل ...تعرفين شنو الكل حتئ وي روحج

فجاة فلتها ورجعت لورة ...

ـ ماجنت افكر بيه بس اردت اضايقك

ـ شتقصدين ..

ـ مااقصد شي ..

ـ جنتي تجذبين عليه يعني ..

ـ يمكن ردت انتقم منك لانك ...

ـ لان شنو

تقدمت اتجاهها وتراجعت للخلف وتكول بشجاعه

ـ تزوجتني بهاي الطريقه ..

هزيت راسي متفهم ..

ـ روحي كملي نومتج ..

...

ايهــم ... هاجــر ...

ـ بعد اذنج خاله اريد اخذ هاجر اشوفها البيت الي راح نسكن بيه ..

درت وجههي له

ـ متفقنا هيج .. اتفقنا نكعد وي اخواتي. 

ـ وين اكعدج حبابه .. رافد اخذ الطابق الفوك .. وياسر اخذ الغرفتين الجوة ..وحدة ضم بيها غراضه القديمه وحدة سواها لختج .. ضلت بس غرفه خالتج .. شنو رايج انطلعها ونكعد بمكانها !?

ـ لعد وين نسكن اهااا بذاك البيت المهجور .. مااروح له لو تنطبق السماء علئ الارض

ـ ناخذ امج ويانه ..

سكتت واني اباوع لامي .. صح منو يبقئ وي امي اذا رحنا كولنا ..

امي حجت

ـ لا عيني دبروا نفسكم اني اكعد وي اختي .. كضينا العمر ابعاد .. خلي نخلص تالي عمرنا سوة

رجعت درت وجهي ضايجه علئ ايهم. 

شال ايدة مستسلم. 

ـ همه ميردوج ...

كمت واحس النار مشتعله بيه .. شنو يعني راح يكعدون كولهم سووهه واني خارج الدائرة ليش ..

طلعت .. وايهم وراي ..

ركبت بسيارته ...ضايجه ..

ـ عصفورة شلج بهل ضوجه ..وحدنا احس مانكعد وي العشيرة حسرة عليك البوسه

درت وجههي عليه ..

ـ طبعا تفكر بس بهاي السوالف

عمزلي وهو يضحك

ـ ليش اكو احلا من هاي السوالف .. وشلون سوالف ماتعرفين منها بس البوسه ..

درت وجههي عنه ...خجلانه .. شكد ميستحي هذا .. ابد نازع المستحئ ..

باوعت حلقه مالتي بيدي .. تلمع .. واسوار بيه جرس اي حركه تصدر مني ...يطلع صوت عبالك خلخال . 

جانت هديه حلوة منه ..

هو رجال كريم ...سخي بكل شي ..

بس كون يسخئ بكلبه الي هم ..

اني خطيبه ايهم .. منو كال كل هذا راح يصير او حتئ فكر بيه .. سبحان الله ...دار الزمن ..وغاليه تزوجت رافد ...وياسر اخذ سهر ...واني طحت بهذا الخبل ..

ـ هاي وين ماخذنا اشو طلعت علئ ترابي .. الله يخليك ايهم اذا راح علئ ذاك البيت مااروح

مو للبيت ..مكان هادي نسولف بيه براحتنا ..

ـ وين ماخذني ...ايهم

ـ راح اخطفج للمرة ثانيه

ـ كافي اني مو ارنب وانته ثعلب تتسلئ علئ حسابه حضرتك

فعلا طلعنا لمكان فارغ .. صحراء

ـ ليش سهر تباوع عليه بغل احسها مـاتحبني خاصه امس .. كلتي لها شي خلاها تكرهني ..

ـ هو اني كدام نفسي ماحجي بالشين بيك تريد احجي كدام سهر

ـ ادري بيج عصفورتي الي تساندني بالسراء والضراء

استرخئ ايهم رجع الكرسي لورة ...عبالك حينام ..

ـ هاي شنو راح تنام بالشارع

رد عليه هو يطوي ايدة ويخليها جوة راسه

ـ البارحه الليل كوله مانمت تعبان

رجع الكرسي مالته كولش ...بحيث صار عبالك سرير زغير ..

ـ كوم لعد خلينا نرجع للبيت وانته نام ..

ماكو جواب ..

ـ ايهم ...اكعد ...

ندسته ...ماحسيت روحي الا واني مسحوبه ..

شهكت وعيوني فتحت علئ وسعهن ...كلبني وصرت جواه ..

وايده مقيدة حركتي ..

كمت ادفع بيه .. ادفر برجليه ماكو ...ضجت كولش ..

شال ايدة خلاها علئ خدي

ـ هدي عصفورة مراح اسوي شي اكثر بس اريد احس بيج ..

حسيت ...من الخجل وجههي راح يطك ...ردت ابتعد عنه بجسمي بس لزمني. 

ـ ابقي مثل ماانتي ...اذا تحركتي حركه وحدة حيصير شي مو زين ...ماادري شلون خليني مدمن عليج هيج ...

ماادري شلون اواجه كل هذا الغزل ..

بس اني باشرته بالسوال ..

ـ ليش انته هيج وحيد .. احسك بعيد عن اخوتك عن رافد وياسر ...حتئ عماد مااشوفه ابد

ـ لعلمج عماد اخذ مرته وسافر ...

ـ سافـ ر !

ـ اي

ـ ليش

ـ يعالجون عندهم مشاكل بمساله الاطفال وراحوا ..

ـ ما اني بعيد مو بعيد .. بس مو قريب مثل ياسر لرافد ..

باوع عليه ..

ـ بعدين تعالي ...ياقريب ...يابعيد الي دا ناقشه واحنا بهذا الوضع المغري ..

الموضع مو مناسب عصفورة والمكان ضيك مااكدر اناقش بيه تفاصلينا يحتاج مكان اوسع من هيج

ـ مااقصـد ...هيج .. انته ...صاير ...ابدا ...ابد مستحي ..

ماتحسيت الا لزم وجهي

ـ كولي تحبيني هاجر ..

ماادري ليش بجيت ودموعي سالت بخدي ..

كول انته تحبني ...ليش تطلبها مني واني محتاجتها منك مثل مامحتاجها مني .. ليش

ماتكولها ...

خله وجهه علئ خدي .. حسيت بخشونه لحيته علئ جلدي ..

ـ احب ملمس لحيتك علئ جلدي.  

شال وجهه مستغرب ...

ـ واذا حلقتها

ـ بذاك الوكت راح احب ملمس جلدك

ايــهم ...

جنت اعرف مجاي تغويني .. جانت تحجي ببراءة ببساطه .. بأنفتاح عاطفي بس.  

مااصدك شلون احس بكل هذا اتجاهه واني بعدني متمسك بوحدة ثانيه متعلق بيها وهي خانتني ! شلون ?

اطلقت رصاصه علئ افكاري بكلمه وحدة

ـ اني احبك

فقدت اخر ذرات سيطرتي واني اسمع منها كلمه احبك ...

كل الي صار بعدها عبارة عن عاصفه ...هزت كياني ..

وكيانها .. هي .. جانت تشهك بكلمات ماجنت اسمعها ولا افهمها ولا اعرفها .. عبالك ساد اذاناتي عنها ..

فستانها الدكم مالته جان يعاني اصابعي حتئ ماينفتح ...واني جنت غركان ...غركان ...

فجاة بدت ...تقاتل .. برجليها واديها ...

كعدت ...صحيت ...بعد ماكنت علئ شفئ ان افقد سيطرتي ..

بلكوة كدرت امنع نفسي منها ...كأنها مخدر من النوع الي افضله ..

كان نوع قادر علئ تخدير الم ونسيانه .. فعلا وياها نسيت كل الم سابق لي ..

جنت لهث من العاطفه الجياشه الي كنا بيها ...رفعت راسي عنها.  

جانت لهث مثلي .. بس من مقارمتها الشرسه لي

صافنه عليه وبعدين صرخت بوجهي

ـ ايااا ماتستحي .. ماعندك ذرة حيا انته .. وخر عني ...والله صرخ اخلي الشجر العالي يطيح علئ راسك وراسي وراس سيارتك الغاليه ...وخـررررر

لزمت ايديها حتئ امنعها ماتضربني .. واني صافن عليها .. هاي شنو ...شمسوي بيها

شفتها مورمه ...شعرها صاير عبارة عن عش عصفور .. ركبتها حمرة ...هاي هيج اني مسوي بيها ..

ضحكت حيل

ـ مااستحي ...مااسحتي مو ...مرتي تكول لي ماتستحي وامر عحيب هذا اصلا عيب

ـ لك وخر ...عني وخر .. والله العظيم ...فلا اطلع وياك لوحدنا بعد .. شنو جايبني تضحك عليه وخرر ماكو ...تضل اضربك .. وادفر بيك ..

جنت اضحك ...واضحك ...ممصدك الي داصير لي .. والي يصير لها ..

ـ براحتج ...اضربيني ...ادفرني ...احبيني براحتج .. كل ماقاومتي اكثر راح تفتحين باب من ابواب جهنم عليج خلينا نعبرها سوة عصفورتي ..

....

ـ عصفورتي ...تعالي وساعديتي ..

كم مرة كوتله لا يكول عصفورتي علئ الاقل بالشغل وكدام احد من الموضفين ...بس هو لا عليه ..

كم مرة كوتله بالشغل نتعامل كسكرتيره ومدير ونتعامل مع بعض بجديه .. بس ماكو لا حياه لمن تنادي .. ادري بيه مخليني بدال هنادي حتئ يتسلئ بيه ..

عضيت شفتي وضوجه فول .. ادري شيريد ...هسه .. شراح .. يطلب منها مثلا ..

افرك له كتافه مثل قبل كم يوم ...لو اطكطك اصابع حضرته الغاليات .. اوووف ..

نوب باجر عرس سهر وهو حتئ اجازة ماكو ...

كاعدات يتحضرن بالصالون واني هنا مزروعه عبالك خراعه خضرة ..

المغرور .. شكد مزعج .. مايبطل لا استفزاز ولا دلال عبالك ولد زغير

وكفت كدام الباب واني اعترف لنفسي ... انه يعرف دلال ...ويعرف يدلل هم

عندة طاقه ماتخلص ويسوي الاثنين سوة

وواني كمت اشرد منه ...احس مشاعرة منفلته واني ماكدر تقبلها كولها واتعامل وياها ..

دخلت ...لكيت شعرة رطب ... ارداناته مرفوعات ومفتوحات ..

يعني اخذ حمام بالشغل مدا تقبل انو يسبح بالشغل .. بس بعد اجتماع لمدة طويله يحتاج يجدد نشاطه .. بالماي البارد ..

مد اديه لي وبيهن .. الدكم المفصوله ..

ـ تعالي وخليلي الدكم لان شلعن كلبي .. مااعرف اخليهن وحدي

تأففت واني اشوفه شلون يضحك ...من يوم عقدنا وهو يضحك هل ضحكه الي تذوب عقلي وكلبي ..

اخذتهن منه ...لمسه لمست كف ايده ..

لمسه ...بالحلال .. كل ماتذكر يرجف كلبي ..

اخذت الدكم منه وكمت اشكل بيهن

ادري شنو هل تعقيد هذا .. ليش الدكم المفصوله ...شبيها دكمنا من شنو تشكي مااعرف .. بعدني دا اشكل ورن موبايله

ـ اوكف لا ترد ..راح اخلص

ـ ليش تتوقعين .. ارد واعوفج

سكت تلفونه .. وحسيت ايدة وصلت الخصري ..

ـ مابستج الصبح عدل ..

ـ ايهم ...ايهم ...ميصير هيج نسوي ..حباب ...ونوب بالشغل بالله دخل علينا ..

بعدني ممكمله قاطعني ..

ـ لج اني افكر بيج طول الليل .. والنهار صرت مثل المخبل بيج ...لو مخليتنا تنزوج وي سهر وياسر ...

ـ سهر وياسر صارلهم اشهر مخطوبين اني وانته ماصار لنا اسبوع من انخطبنا ... ااشفنا من الخطوبه احنا ..

رجع تلفونه يدك مرة ثانيه .. بس ماارد .. شالني بين اديه وكعدني علئ المكتب

ـ ايهم ...ايهم ...والله مايصير ...مايصير حباب .. عود من تنزوج ..

ـ انتي زوجتي ...زوجتي كم مرة لازم اعيدها حتئ تفهمينها حضرتج .. لا تخلين حدود بيناتنا ابد ...لو قابله تنزوج وي ياسر وسهر جان هسه احنا بالبيت مالتنا ..

ـ وانته هسه دا تعاقيني .. وخرر عني .. اني مااكدر اتزوج بهل سرعه شفتهمت ...

ـ وشتريدين تفتهمين ...ماادري

ـ اريد افتهم سالفه سميه شنو عبالك نسيتها ..

عصرني حيل ...احس تغير ...صارت عيونه ظلمه بعد ماجانت مكحلتهن الفرحه وكلمات الغزل

ـ هذا الموضوع تنسينه ...تشيلينه من بالج تماما ...فتهمتي ..  فتهمتي

هزيت راسي بقبول بخوف ورعب .. احس اكو دوامه من الظلام راح تلفني بدون مااحس ..

ورجع يدك موبايله هو عيونه عليه ..

فتح تلفونه عيونه عليه ...

ايهـ م ...

فتحت التلفون وعيوني عليها ..

ـ استاذ ايهم حبيت اكولك ست سميه واهلها رجعوا لبيتهم

رجعت ...

رجعت ...الخاينــــــه

شلونكم بنات شخباركم ...شموركم ..

فدوة لتعليقاتكم ...لتصويتكم ..

باجــر عندنا عرس ..

ورديه و المتجمــد الشماالــي .. اي يروحي

كشخوا ...بدلوا ...ورتبوا اموركم ..

اعلقــوا ..

وصوتوا ..

واستمتعوــــوا ..

احب اشكر المتابعات الجميلات الي اشوف تعليقاتهم .. افرح ...اسعد ان القصه عجبتهم .. وتعبي مراح هدر ...احب اشكر كل كلمه طلع منكم ... واعرف هذا رد لتعبي.

شكـــرا لكـــــــم

احبكـــــــ م

اللهم لا اسألك رد القضاء وانما اسألك الطف فيـــــــه ..

شلونكم بنات شخباركــم

طبعا اعتذر منكم عن بارت اليوم ...الله يخليكم اعذروني ..

والله عندنا خطار .. اختي خطيه هي واطفالها .. وتعرفون الاطفال هوسه .. غير الوكفه ..

وهي خطيه من زمان مجايتنا ..

يعني تخيلوا دا اكتب لكم .. ولعب ختيلان وي الجهال ..

اعتــذرونـــي وان شاء الله اعوضكم ببارت باجــــــر

وتعرفون بارت اليوم مهم ...لا ادرت اكتبه واخاف مااتوفق بكتابته خاصا بيه احداث حلووة .. وزواج اجمل ثنائي .. ورديه و المتجمد الشمالي ...يعني مشاعر واحاسيسـ.. 

اريد اوصلها لكم وتحسوها ..

اعتــذر جــدا منكم ...

البارت الحادي والعشــرون ...

بقــلم وردة عمــري ..

كلنا نايمين فوك السطح .. الدنيا ليل .. والنجم يسطع بالسما .. كلنارفارشين ونايمين ..

عيوننا علئ نباوع للسما ...شكد صافيه .. ولا غيمه بيها ...القمر طالع .. و الهوا نسماته حلوة .. بس صوت انفاسنا تصعد وتنزل .. درت وجهي

سهر ..

غاليه .. وبنتها

امي .. يمنئ لي حاضنه امي ... حيل ...

درت وجههي ورجعت اباوع علئ السما ..

شوف الدنيا شلون غيرتنا ...وين جنا وشلون صرنا ..

ومانعرف شنو النهاية ..

كولشي جاي يمشي حسب الاصول ..

غاليه واخيرا تزوجت رافـد ..

الي خلص سنين عمرة منتظرها ..

احساسي يكول مفرحانه هيه ..

مااشوف فرحه عيونها مثل اول ماتزوجت راغب ..

يممن بعدها مامتعودة عليه ..

بعدها ماشايفه الحب الي لها بعيونه ولا مقدرته ..

احس راح يجي اليوم الي يصير رافد روحها وعمرها ..

مو سهل الي مرت بيه .. وحدة بسنه وحدة تموت بنتها ..

وتتطلك وتتزوج ويصير عدها طفل ثاني شي مو سهل ومو اي وحدة تتحمل

سهر الي تضحك للهوا من فرحتها ..

وفوكاها مسويه مفاجاة لياسر والله يساعدة عليها شلون راح.

يتحملها وتحمل ورديها باجر ..

وامي ...اااه ياامي شكد تعبت بحياتها ..

شكد ضحت وبعدها تضحي ..

يمكن مرات اشوفها مسترخصه بينا .. بس يمكن هي حالها حال اي ام تريد تشوف بناتها 9مستقرات مرتاحات .. وتشوف ولد اختها انسب ازواج لهن ..

واني ..

اني الي مااعرف مشاعري وين راح توديني ..

وايهم الي ماعرف اذا كان يحبني او لا ...

مااكالي كلمه حب وحدة ..

يتغزل بيه اي ..

يدللني صح ..

غامرني بحنانه مااكول لا ..

بس مااسمعت منه كلمه حبيبتي ..

عمري .. حياتي .. انتي روحي ...

اسمع كلمه محتاجج .. اريدج بحياتي.  

انتي منقذتي...

كولهن احسهن له مو الي ..

رغم يفرحني .. يطيرني للسما

بس ابقئ محتاجه كلمه

"احبج "

غمضت عيني ..

واني اذكر انفاسه الحارة تضرب بركبتي ..

دافيه ... يخلي جسمي كله يقشعر ..

ويرعش ..

شكد اتأثر بيه واحبه ..

سهر ...

ليله احلئ ليله بعمري ....

تجمعنا كولنا ...نمنا فوك مثل ايام قبل .. كل وحدة منا فرشت فراشها وتمددنا ...

بعد ماتعبنا من الركص ...

مااسويت حنه ...بصراحه لان ماعندي احد اعزمه .. ولا عندي احد يفرح وياي غير اخواتي ..

ردت اخذ راحتي واني وياهن ...

خلينا اغاني ..

ساجدة عبيد ...

مااقصرنا ...بالهز ...

لمن كل وحدة منا طاحت صفح ..

وبعدها قررنا ننام فوك ..

مددهه بفراشي .. يمر عليه الهوا البارد الطيب .. اغمض عيني واشمه ..

اووف اليوم حتئ الهوا حلو ..

بيه ريحه فرح ..

تلمست شعري ..

راح يعجبه ياترئ .. اعرف يحبه هيج مثل ايام الكليه ..

راح يكولي احبج باجر ..

اريدة يكول ...اني اخليه يكول ...

ياسر حب بعد تعب ...بعد خيبه صابت كلبي ..

وكسرته ...

ياسر طيب جروحي الي جانت تنزف .. رغم

مااكال احبج ...بس احسها بكل حركه منه ...

بكل عصبيته ...غيرته ..

كلاماته القاسيه ..

شكد احسه قاسي .. كلامه جاف ..

بارد ...

بس عيونه نار ...

تحركني ...اذا تقربت منه ..

غمضت عيني وضحكت ...واخيرا سهر ...الدنيا ضحكت لج.  

وانطتج الي تحبيه ويحبج ..

خليت ايدي علئ كلبي ..

يركض .. ينبض حيل ..

خوف علئ ارتباك .. علئ لهفه ..

كولهن سوة ..

خوف طبيعي ...مثل كل بنيه ..

ارتباك من باجـ ر

ولهفه ...لشوفته .. لعيونه الي مراح يشوفن غيري ..

حضنت مخدتي .. ارسم بخيلتي الالاف القصص عن باجـر ..

غاليـة ..

بنتي بصفي ..

تذكرت من جابني رافد بالسيارة لاهلي ..

طول الطريق كنا ساكتين ...ما يقطع صمتنا الا صوت انفاسنا العاليه .. وصوت عبورة وهي تناغي ...

كنت صافنه من الجامه

. ماحسيت الا السيارة واكفه عند الباب .. ردت افتح الباب .. بس هو مد ايدة وسدة ..

ـ اوكفي اريد احجي وياج ..

ـ شتريد مني

طلع فلوس من جيبه ..

ـ هاي فلوس لج شما تحتاجين تتصلين بيه وتكولين لي

دفعت ايدة ..

ـ مااريد شكرا مامحتاجه فلوسك ..

ـ غاليه ...غاليه. ليش تخليني اطلع من طوري وعصب ...والله صدكيني بعدني لحد هسه محترم قرارج ...محترم الي مريتي بيه .. وعاذرج لان طريقه زواجنا مو طبيعيه ...فلا تخليني انسه كل هذا واطلع الوجهه الثاني اخذي الفلوس اشتري ملابس لعبورة ..

ولج واي شي تردينه دكين عليه افتهمتي ..

جنت منزله راسي واسمع كل كلمه تطلع منه .. شلت راسي وخليت عيني بعينه

ـ اذا انته هيج متحمل علئ نفسك ومتحملني ليش صابر عليه طلكني ...

فجاة حسيت بفكي بين ايدة ينعصر .. وعبير بيناتنا نعصرت ..

قرب وجههه مني .. وعيونه يطاير منهن الشرار ..

ـ عيدي مااسمعت شكلتي ..

فكي حسيته حيطك بيدة ..

عيني طفرت منها الدمعه .. من الالم

ـ ليش تخليني اذييج ...شمسوي لج اني .. مطالبج بشي... من يوم الي تزوجج ازعجج بطلب ... مخليج علئ راحتج ...ليش تأذيتي بكلامج .. ليش كولي ..

عاف فكي ...ماعافه نهائيـا .. كام يحرك بهامه علئ اثر ايدة الي بين بفكي ..

اخذ ايدي وخله الفلوس بيدي وعصرهن حيل ..

ـ مثل ماكوتلج سووي ... اريد لبس متستر لا تضحك عليج ورديه وتلبسج مشلح يلا انزلي

اخذت بنتي ونزلت بسرعه ...

وعيوني يجرن بالدمع ..

مو فكي اياذيني .. ولا ايدي الي نعصرت بيها الفلوس

كلبي .. كلبي معطب .. عطلان ...

مجروح ... ملتهب جرحه ...شلون اكدر احب ...او عيش حياة طبيعيه ...واني هذا حالي ..

شلون اكدر ..

اعيش حياة طبيعيه واني .. دفنت بنيه بعمر الورد جوة التراب ..

لليوم مااكدر ..

اشوف كبرها ...ومكتوب عليه اسمها ..

لليوم بعدة كلبي بيه صوابها شلون يطيب ...

اني مريضه اعترف ..

راغب .. موت ثقتي بنفسي ..

كبرياء الانثئ بداخلي ...

موت مشاعري ..

وبالاخير اخــذ روحي بنيتي ..

عيوني صافنه علئ الليل ونجومه ..

شحلاه الليل ..

شحلاته ... بسماه الصافيـة .. بنجومه الي تلمع ...

كمر الكامل ..

باوعت لسهر حاضنه المخدة ونايمه والبسمه علئ وجهها ..

عسئ حظج احسن من حظي يروحي

عسئ فرحتج تكمل وتعيشين احلئ حياه وي ياسر ..

عسئ روحج ماتشوف غير الفرح والسعادة ..

وخلي روحي متعلعله بضيم الماضي .. وحايرة بالحاضر وخايفه من المستقبل ..

صـباحاــا ...

مااحسيت الا الماي البارد انطش علئ وجههي وكلي .. ماي

شهكت واني افتح عيوني .. الشمس طالعه ..

تضرب بوجههي مااشوف الا خيال فوك راسي ...

اريد اعرف منو هاي ماادري ..

ـ ولج كومي ...ورانا شغل وحضرتج نايمه ...عود عروس عشتوا ...

سويت روحي بعدني اتمغط .. كمزت ركض .. هاي هاجر وسوالفها ...

خبله ..

وهي تركض واني وراها نزلت اول درجه .. واني جلبت بشعرها ...

سحبها حيل ..

ـ انتي ماتبطلين سوالفج هاي .. ولج بالله صارت بيه سكته قلبيه بسببج وروح شابه بيوم عرسي

اهز براسها حيل وشعرها بيدي

ـ سهر حبابه هزي .. شعري .. فدوة لج يوجعني ..

ـ لعد من طشيتي الماي علئ وجهي شكالت لج روحج

ـماتكلت شي .. امي كالت كعديها ..واجيت اكعدج هاي هيه

هديتها ...

نزلت كدامي ..

ـ خايبه شفايتلنا تصير بيج سكته قلبيه .. احنا ناكل لحم .. وياسر ندور له علئ مرة وماكو اكثر من النسوان هل ايام

ركضت وراها وهي تركض وتضحك ...

لبت ورة امي ..

ـ ماما شوفي سهر شلعت شعري كوله

امي بيناتنا .. اني بس اريد انوشها ..

ـ تدورين مرة لياسر ...وداعتج اسويلج وذز واوزعج بثوابي قبل لا اموت وتتخطبين لياسر

دفعتني امي ..

ـ سهر ...بس يالله ...تأخرنا .. تريكي حتئ تروحين للصالون واني اروح لخالتج اساعدها واشوف شعدها ماعدها ..

درت وجههي ..

رايحه للمطبخ

ـ هاي الخبله مااخذها .. خذيها وياج خلي ايهم يحتار بيها ..

ـ انجبي سهر واخذي اختج وياج .. اريدجن اطلعن علئ سنكه عشرة .. انتي بالله عروس بس اخواتج وخاصه غاليه لان تعرفين اليوم كلها راح تتجمع .. والعرس جبير .. خوش سهر ..

هزيت راسي .. لها ..

تريكت وتحضرنا .. اني وهاجر و غاليه .. امي اخذت عبير ويمنئ وياها .. تحضرنا منتظرين السايق الي راح يودينا للصالون .. دزه لنا ياسر ..

وصلنا السايق للصالون وراح .. ام الصالـون جانت بنتظارنا اول ماادخلنا بلشت بينا ..

انتفقنا اني وياسر يكون العرس بقاعه بالفندق الي حجزنا بيه ...

هو رادة بقاعه لان يريد يعزم اصدقاءة وعمامه واني مااعارضت .. وليش اعارض .. بالنهايه هاي فرحتي وفرحته ..

يريد يفرح مثل مااني افرح ..

غاليه صافنه ...

خليت ايدي علئ ايدها .. واحنا كل وحدة علئ كرسي

ـ شبيج غاليه ..

شالت راسها لي عبالك طلعتها من افكارها. 

ـ اها .. ماكو شي ..

اشرت لها براسي علئ الفستان محطوط علئ الكرسي ..

ـ متأكدة رافد يقبل بيه .. ماتشوفينه مكشوف اكثر من الازم

ـاها ..

صفت علئ الفستان شويه وجاوبتني

ـ اها لا عادي ..

هزيت راسي لها واني ممقتنعه ابدا لا بحجيها ولا بتصرفاتها ..

وسلمنا انفسنا ام الصالون ..

مسـاءا ..

الكل متجمع بالقاعه ...كان زواجنا منفصل الشباب بقاعه واحنا بقاعه ثانيه ..

اول ماادخلت القاعه علت الهلاهل .. وصوت الاغاني اعلئ اكثر واكثر .. وياسر مجلب بيدي واسمعه بس يسب ويشتم ..

وغاليه وهاجر ورانا لازمات البدله مالتي ..

واني لابسه برنص فوك البدله .. من الخوف كولشي مااشوف ..

من شفت نفسي بالمرايه قبل لا اطلع مااعرفت نفسي .. شكد حلوة جنت مو طبيعيه ..

وغاليه تجنن ..

اما هاجر ... كانت عبارة عن هاله من الجمال الطبيعي .. تخبل ..

خالتي وامي تلكنا .. يطشن بالجكليت ..

وياسر يصيح

ـ كافي يوم فلشتي راسي ..

ياسـر ..

اول ماكعدنا علئ الكراسي .. ونزعتها غاليه البرنص .. صفنت عليها

شكد تخيلتها تطلع حلوة ..

بس ماتخيلها بهذا الجمال .. شي خرافي ابدا ماتوقعته ولا تخيلته .. ضربت كل احلامي بعرض الحايط وطلعت احلئ بمليون مرة

الفستان الابيض .. شعرها المرفوع كوله .. ووردات منثورات عليه ..

سهر عروستي .. واخيرا عروستي ..

وجهه الضايج يزيد من الاثارة بداخلي ..

ـ شبيك ياسر خبلتني جبنتي تسحل بيه .. شوف البدله شصار بيها

خايفه علئ البدله بنت الاوادم ...لج خافي علئ روحج هاي اذا طلع بيج ضلع سالم اليوم

ماكدرت الا اضحك .. تنهدت وانفاسها .. تقترب مني ..

ـ صدوك .. جذب .. ياسر هاي انته تضحك .. والله عبالي كاعدين بفاتحه مو عرسنا .. اي اضحك خليني احس فعلا اليوم عرسنا ..

عيوني احس النار طلعت منهن .. واني اباوع عليه بسكته يمكن اذا حجيت كل كلامات الغزل بالعالم مراح تكفي وتوفيها جمالها .. انوثتها .. رقتها .. اناقتها ..

مااريد المسها هسه .. لان ادري مراح اتحمل ابدا ..

اخاف اذا لمستها ادمي شفتها ببوسه كدام الناس مااعرف شنوو نهايتها ..

حجت

ـ واخيرا دا تباوع عليه كأانثئ تخصك انته .. والله ايست منك وانت تسحل بيه من السيارة للقاعه مثل خروف جاريه للمذبح ..

كلت بكلبي ماكو فرق .. بس انتي مراح اذبحج .. اكلج اكل ..

ـ فستانج خدعني مثل صاحبته

عقدت حواجبها ..

ـ لا تكول مكشوف ...ترة دا يغطي جسمي كوله

ـ لا بالله وشسمين القماش المخرم الي دا يبرز لون بشرتج كل مايخفيها ست سهر

ذبت نفس قوي ..

ـ ياسر

ـ اها

ـ اليوم عرسنا

ضيقت حواجبي متعجب من كلامها .. متفاجئ .. او مثل اني متفاجئ بكلامها ..

ـ واني اريد افرح ...اضحك .. اركص ..اريد .. شبيك دا تباوع عليه هيج

كطعت كلامها قبل ماتكمل كل الي تريد تكوله ..

واني اباوع علئ تسريحه شعرها ..

ـ شلون ضميتي كل شعرج الطويل  بهاي تسريحه البسيطه

تلمست بيدايه تسريحها وهي تضحك .. فرحانه

ـ عجبتك

ضحكت واني لزم ايدها وعصرتها حيل ..

ـ ياسر ايدي .. شبيك حتكسرها والله

سهـر ..

صحت عليه لان لزم ايدي حيل .. عصرها .. بحيث حسيت اصابع ايدي حنتكسر بقبضته ..

من صحت .. كدام عيوني رفع ايدي لحلكه .. حسيت انفاسي انقطعت .. لعيونه السود .. نتظرة لملمس شفته علئ ايدي .. بس ..

ـ ااااه ... وحش انته ...ااه ايدي

ضحك ياسر بعد مااغرس سنونه براحه ايدي ..

ياسـر

باوعت لها بعصبيه واني اضحك واحجي وي روحي

ـ هدئ ياسر .. بعده الليل بأوله شبيك

رافــد ..

مااعرف شجاني .. اني الي عمري مااهزتني شعرة ... هزتني هاي الكصيرونه كل هاي السنين .. اعرف مااكو احد غريب من النسوان .. كولهن عماتي وبناتهن .. وبنات عمي .. وكم وحدة الاقارب ..  بس الزلم هوايه .. اصدقاءنا وعمامنا .. واصدقاء ايهم .. وعماد ..

والقاعه نترست ترس زلم ..

عفتهم كولهم ...ورحت مثل الحرامي يريد يبوك بوكه ..

اريد اشوفها.  

شلابسه ..

.. شلون طالعه ..

حلوة ...ادري بيها حلوة ..

كلبي يركضني عليها .. مثل الطفل لامه ..

وصلت للقاعه الي همه بيها ...فتحت الباب علئ كيف .. وباوعت .. وينها .. عيوني ادور عليها ... اووف رافد شدا تسوي .. البنات ماخذات راحتهن علئ اساس وحدهن بس ياسر بيناتهن ..

ردت ارجع .. بس عيوني وكلبي اخذني لها .. شفتها ..

ياويل حالي ..

شطالعه ...

رجليها .. الرفيعه .. طالعه .. ومكشوفات لحد الركبه .. فستان باللون الذهبي يضوي عليها مثل صاحبته تضوي .. ويحدد كل معالم انوثتها ..

خفكات كلبي كامت تعلئ وتعلئ .. لدرجه حسيت اذاناتي نطشرن بعد مااسمع بيهن ..

عيوني صعدت لركبتها .. شعرها الطويل الناعم الي يغطي ضهرها ..

ولون حمرتها الاحمر ..

واخيرا عيونها .. عيونها وحدها قصه ثانيه ..

دمي ...دمي يغلي مثل قوي علئ النار ممكن انفجر بأي لحظه ..

شناويه تسوي بيه ..

تريد تكتلني غيرة عليها .. لو حسرة والم

ماادري شجاني ...ودفعت الباب ودخلت .. للقاعه ..

اصوات النسوان علا بالهلاهل اكثر واكثر .. وهي صافنه بوجههي .. بدون ماتتحرك اي حركه وصلت ايمها ..

حتئ هي عروس .. عروستي اني ..

لزمت ايدها خليتها بيدي ..

وعصرتها حيل ..

همست

ـ شدخلك متشوف البنات شلابسات .. وماخذات راحتهن ..

نزلت راسي وحجيت بخفوت بمثلها ..

ـ ترة عادي ماكو غريبات كلهن خواتي اذا مو بناتي ... واذا جنتي تغارين .. فااني مااشوف بالدنيا غيرج مرة ...

نزلت راسها .. تهزة .. مااعرف اذا كان موافقه لكلامي او اسف علئ حالها .. رغم الاناقه والجمال ...بس الحزن طاغي .. تارس ملامحها ترس.  

ـ بيج شي

غاليــه ..

هزيت راسي .. بدون حتئ ماباوع لوجهه ..

قشعر كل جسمي واني احس بحركه ابهامه علئ نبضي يتحسسه ..

حركه اشعلت نار بداخلي ..

حركه غريبه منه ..

رغم حاولت ابين شكد اني منزعجه منه لان دخل لقاعه البنات

.. بس بداخلي شكد ممنوعه لايده الحاضنه ايدي .. قبل لا ايدخل.

التوتر والخوف موتتني .. احسه كوله راح بلمسه ايدة بيدي ..

رجع بيه الزمن لعشرين سنه ...فاتت

اول يوم مدرسه لي ...

جنت لازمه جنطتي خليتها علئ متني .. لازمتها حيل من الخوف ..

واباوع برهبه للمدرسه .. جانت جبيرة وعاليه ...

ماحسيت الا ايد اعرفها لزمت ايدي ..

ـ احب جواربيج الابيض .. حلوات وشرايطج الاحمر البنات كولها حتغار منج

ابتسمت واني اشوفه وجهه يضحك كدامي ..

وكل الرعب والخوف الي جنت احس بيه اختفئ لان شفته ..

كان تأثيرة مثل السحر عليه ..

دوم جان سندي وقوتي

وبعد مااعافتني امي وراحت بباب المدرسه .. هو اخذني ودخلني لها ..

يمشي بيه بممرات المدرسه وصفوفها حتئ يدليني علئ صفي ...

صحيت من ذكريات الماضي علئ نفس الييد لازمتني ..

وابهامه تتحرك علئ نبضي ..

انتبهت له ...همس شي بأذني بس مااسمعته ...

ـ شنو شكلت ..

لحظات طويله هو يباوع بعيوني وصافن .. زادت من رجفتي ..

ـ دا كولج طالعه حلوة اليوم ..

رفع حاجبه بكمل ..

ـ صح الفستان ضد التوصيات ...بس سماح لان عجبني.  

ردت اردة .. اكوله ماالبسته حتئ يعجبك .. اردت اكوله ..

لبسته حتئ اضوجك.   حتئ اكسز كلامك ...بس مااكلت كل هذا الحجي سكتت

لسبب معين حسيت بغصه بلعومي ..

واني صافنه عليه ...الوجهه لي متعودة اشوفه

من سنين طويله رغم سنوات الانقطاع بينا وبينهم

وجهه رافد كان وياي دوم بشكل مختلف حتئ

عن وجود راغب وياي ..

اكو فرق بين ...اذا حبيت ...او تنتمي لشخص معين

غمضت عيني واني سكت افكاري .. احاول ابعدها عن عقلي .. وكلبي ..

شكد فكرت بعد الي صار بيناتنا يوم الي وصلني للبيت ..

ليش اغرك نفسي واني لوم بيها واعاتب ..

ليش مااغض البصر عن كولشي يوجعني .. ويزيد المي

مو بس هاي ..

ليش دا اغذي الالم بضعفي بدل مااغذيه بقوتي ..

حتئ رافد طعن بيه وبتصرفاتي ..

المفروض ذاك اليوم واواجهه عماته مااخليهم يحجون واسمع وهم يعرفون اسمع واني ساكته وشسويت طلعت كل ضوجتي بيه ..

المفروض واواجهم لان هم يستاهلون المواجهه مو هو

يمكن هذا الي قواني اكثر واخلاني .. البس هيج لبس

.. احضر بقوة ومايهمني كلام الناس ـوالقيل والقال منهم

ورافد راح يكون وياي ..

ليش مااستفاد من دعمه لي! ?

خليني انسئ اسباب دعمه لي اذا مااكدرت تقلم وياه. 

خليني اتذكر اسبابي وبس .. اني محتاجه دعمه ووكفته هاي يمي

مراح اعيش بالضل مرة ثانيه

كرهت العيشه بالضل ..

الي تحولت بمرور السنوات لاشباح اطاردني وين ماارحت ..

لحد مااخذت واتمتصت كل روحي بحيث كمت مااعرف نفسي  الحقيقيه ...

رديت عليه

ـ شكرا لك

بعد عشر دقايق ..

لتمن عليه بنات عمه وعماته وبناتهن واحنا بالنص .. احس روحي اختنكت ..

"راح اكدر اتحمل اكثر ماادري "

النظرات لي يباوعن عليه بدون مايستحن او حتئ ينزلن عيونهن عني ..

رافد جانت فرصه عظيمه كل وحدة واكفه هنا ..

واني اخذتها وهنه يشوفني مااستاهل زوج مثله ...

ـ اي رافد يمته تزوجت.  احنا سمعنا خطبت بس مااصدكنا ..

هاي وحدة من اقاربه تسأله كدامي عينك عينك .. ولاكأني واكفه ..

ـ اي صح مو صارت بسرعه .. واحنا هم ماردنا هوسه وعرس هيج احسن مرتاحين

كامن يضحكن ...وحدة تباوع لثانيه .. وعيونهن حسد و غيرة

ـ بصراحه متوقعنا تتزوج هيج لا حفله لا عرس لا عزيمه ادري قابل بوكه هي وتخافون منها

عاد وهو رادها

ـ والله هاي امي اصرت الا بسرعه .. بسرعه تريد بنت اختها يمها لو عليه اني ادك اعلان بالتلفزيون .. بس شنسوي هذا حكم القوي

نرلت راسي ...وشعري غطئ وجههي يمكن الي يشوفني .. يكول هاي تضحك .. بس اني جنت اخفي توتري .. عن الكل ..

ـ غاليه سمعنا عندج بنيه صدوك .. ويكولون الثانيه قتلها ابوها ..

هنا حسيت روحي ...بدوامه ...تلف ...تلف بيه .. ايد رافد عافت ايدي .. كمت احرك بيدي ادور عليها .. بس حسيته .. لزمني من خصري وقربني عليه ..

بعدهن عني .. لان حسيت راسي ثكل وداخ ..

ـ وخرن عنها .. كافي .. وخرن ..

جنت احاول احجي بس ماطلعت مني الا كلمه

ـ كافي رافد

يمكن كوة لزم نفسه حتئ لا يحجي ويخرب فرحه ياسر ..

ويهمس يم اذاني وراسي قريب من حضنه

ـ وحدهن عبالك سعلوة مو بنيه ..

ردت اكعد علئ الكرسي بس رفضت ..

ـ عفيه طلعني قبل لا تشوفي امي لو خالتي ..

ـ وشلون اطلعج وانتي هيج بهذا لبسج تخبلتي .. انتي ..

ـ لعد كعدني علئ الكرسي وجيب صايتي وحجابي من هاجر .. كولهن عدها

كعدني ..

اريد احاول ابين طبيعيه مااكدر ...حاله من الاغماء صابتني .. دم لولو علئ ثوبي الاحمر .. واديه الي حاضنتها كلهن ذكريات رجعن من مجرد سؤال ..

اجتني هاجر تركض وبيدها الصايه والشال ..

ـ شبيج هاجر ...

شلت راسي لها .. خطيه لونها مخطوف ..

ـ مابيه هجورة بس شويه دايخه .. حطلع وي رافد للحمامات اغسل ورجع

لزمت ايدي

ـ اجي وياج لعد مااعوفج

خليت ايدي علئ ايدها ..

ـ لا بقي هنا اخاف سهر تحتاج شي خطيه شلون نعوفها اثنينا

بالكوة قنعت هاجر وعافتني ..

صدوك طلعني لبرة ..

اخذني للحمام ..

واني احس الخسارة .. كل مرة احاول بيها اربح الحرب وي الناس وكلامهم الجارح .. اخسر اشد خسارة ..

غمضت عيوني واحس بيهن الدمع متجمد ..

ليش الناس ماترحم بشر ..

مو كافي الي شفته بحياتي ..

غسلت وجههي .. وحاولت كد مااكدر اسيطر علئ نفسي وابين اني طبيعيه ..

طلعت و

صوت بنات يضحكن وراي خلاني لتفتت .. معقوله يضحكن عليه ..

صرت اباوع لبسي .. شبيه ...معقوله بيه شي يضحك ...

اااه حتئ ثقه بنفسي ماضلت بيه ..

شسوة بيه الحقير ..

ضيعني .. ماعافني الا واني عبارة عن ركام

يـاســر

تحرك رايح جاي بالجناح الي حجزته لنا اني وسهر

وعيوني علئ باب الغرفه المسدود .. شكد اتمنئ كتل كل واحد ورة الباب وخاصه مرتي المدلله ورديه

نزعت سترتي حيل وذبيتها علئ الكرسي وكم اشتم بيهن وحدة وحدة

سهر وامها واخواتها حتئ امي ..

وعيوني بعدهن علئ الباب .. مو كافي انتظرتها السنين الي مرت كولها .. يردوني بعد انتظر ..

صعدنا اني وياها ...ولكيت العشيرة كلها منتظرتي بالغرفه ...امي وخالتي واخواتها .. شنو قابل مهاجرة لو رايحه لجزيرة الواق واق ..

ادري بيها .. هاي سوالفها ..

تريد تلعب عليه بنت رنا

ـ بس سهله اذا مااعلمج اللعب شلون يصير مايصير اسمي ياسر

واخير انفتح الباب .. اول وحدة طلعت امه .. وهنه ووراها .. خالته وبناتها.  

اقتربت مني خالتي وهي توصيني .. عليه

ـ ماوصيك خاله ياسر دير بالك عليه فدوة لعينك

ـ لا توصين حريص اجيبها لج صاغ سليم ..

واحجي بكلبي "اذا مااجبيها لج بسيارة اسعاف سهله .. "

همزين امي وغاليه .. سحبهن خالتي وطلعن يمكن لان شافن حالتي ماتسمح انتظر اكثر

سديت الباب وراهن حيل متقصد ..

بلكي شويه يهدي اعصابي ..

توجهت للغرفه الي بيها سهر واني اقلد صوتها من كالت امي واخواتي بالجناح مالتنا

ـ امي وخالتي واخواتي ...صعدن يعدلن شغلاتي الضروريه .. ادري قابل باقين سنه هو يوم وباجر مسافرين صدوك نسوان ...

ذبيت نفس قوي واني افتح الباب حيل ..

وكعت عيوني عليها وكل حواسي وكفت ..

مو خلاعه البدله الي لونها اخضر وذهبي الي لابستها وكفت عقلي ..

ولا جسمها الرشيق ..الي احلم بيه ليل ونهار يصير لي .جمدت عيوني ..

لا ...شي واحد خلاني اخطي خطوة وحدة وادخل واني اباوع عليها ..

ـ شعرج كصير

هزت راسها .. وشعرها ...يهتز وياها داير مداير ركبتها .. وتبتسم لي ابتسامه دلال

نظراتها فضحت خوفها الطبيعي من ليله العرس ..

فتحت دكم قميصي بسرعه .. واحس عصبيتي زادت اضعاف مضاعفه. 

شعرها حتئ مايوصل لكتافها المكشوفه لعيوني ..

..

مثل ماجنت احلم بيها ايام الكليه .. عبالك الايام السنوات مامرت علينا اني وياها ..

صحت بيها

ـ مثل ماجنتي شالعه كلبي ايام الكليه تذكرين عبالك السنين مامرت بينا اني وياج

وكفت كدامها واني ارجف .. رفعت اصبعها تحذرني ..

ـ ياسر دير بالك تشك بدله النوم

ضحكت بعصبيه كدام وجهها

ـ راح اكسرج انتي شخصيا شنو البدله

لفيت ايدي علئ خصرها وشلتها .. شهكت بوجههي وفتحت عيونها علي وسعهن صفنت بوجهها ممصدك .. اريد استوعب هيالي .. صارت الي بالنهايه ..

باللحظه الثانيه خليت وجهي بركبتها اشم عطرها ..

منهار .. مخبل بيها .. هذا الي حلمت بيه سنين طويله صار الي ..

الشعور الي رجع الي لمن جنت اشوفها بممرات الكليه هي تمشي وشعرها الكصير يلامس فكها وركبته تخليني الليل سهران بس افكر بيها ..

شفتي اول مالمست بشرة ركبتها .. لزمت كتافي حيل ..

واني عصرها بين اضلوعي عصر ..

ـ ياسر مو هيج دا تأذيني والله ...اوكف لحظه

شلت وجههي لها اباوع عليها ..

ـ اكولي انته تحبني ...ياسر كولي احبج

عيوني تحرك عليها عيونها .. شفتها .. شعرها .. ركبتها .. وهي تتوسلني

ـ كصيت شعري علمودك مااستاهل كلمه احبج منك

يتبــع .

شلونكم يروحي ...شخباركم

رغم ماتعبانه بس ماحبيت تبقون منتظرين ..

اللهــم قــد مسني الضر والعســر وان خير كاشف .. فكشف ماقد غم قلبي من الم فأنت اعلم به

اللهم لك شكو ضيق صدري .. وعسر امري .. وظلم البشر الي فوكلتك وانت خير وكيل ..

اقرأوا

واستمتعوا

وعلقوا ...

وصوتوا ..

مااوصيـكم ..

البارت الثاني والعشرون ..

بقلـم وردة عمري ..

ياســر سهــر

ـ كصيت شعري علمودك .. فدوة كولها

ـ ياربي سهر .. انتي وحدة طماعه

لزمت وجههي بأثنين اديها وتسأل

ـ طماعه .. !?

صحت بيها واحس جسمي يحترك

ـ اي طماعه ...اطلبين مني كلمه وحدة تافهه مالها اي معنئ مجاي تحسين بالالاف الكلمات الي دا تجري بدمي لج

عصرتها حيل ..

ـ اااه ياسر ..

ملت بجبيني علئ جبينها .. وانفاسي احسها تتسارع ..

ـ اني راح اذيج .. بس مااكدر منع نفسي .. مرت بيه سنين عجاف مثل سنين يوسف .. واني مافاركتي خيالي وتعذبيني عذاب ماكو احد يتحمله .. اني محتاجج بحياتي متعرفين شكد محتاجج

كمت مااكدر اسيطر علئ قوة جسمي .. واعصرها اكثر واكثر .. واني امشي بيها للجربايه ..

وهي تصرخ

ـ عضامي تكسرت لك وحش انته

ذبيتها علئ الجربايه .. واني ابوس شفتها بعنف مفرط .. وهي تتأوة بين اديه مااعرف اذا جان وجع او متأثره بيه مثل مامتأثر بيها

ـ اي توجعي .. اصرخي .. حسي بيه ... بلكي يرتوي طمعج .. وتطفئ ناري

سهـر

كمت مااهتم بالالم ...الجسدي الي دا يسببه لي .. بحدسي .. عرفت فعلا مايكدر يسيطر علئ نفسه ...وهذا الشي خلاني مخبله .. بخباله هو ...مجنونه ...بجنونه ...

بكل حركه منه ... تصيبني .. بالرعشه ...اشبع انوثتي .. بكل همسه ولمسه ..

لساني نطق بدون حتئ مااحس بيه واني .. اعبر عن حبه .. الي ملئ كياني .. وغزﻲ روحي

ـ احبك ...احبك ياسر ...لو تعرف شكد احبك ...يا...سر ...انته ....دا ...تأذيني

بعــد ساعات ...

ياسـر ...

واكف بباب الحمام ...وادك بالباب

وجبيني ساندة عليه ...

ـ افتحي الباب ...

اجاني صوتها

ـ اروح عني ياسر

ضحكت واني احس بالندم .. واحس بحرارة تنبض بروحي

ـ سهر

كامت تهذي واني اسمعها ...ساعه تهدد بيه .. ساعه تواسي روحها

ـ والله العظيم الا اكول لماما عليك عود هاي وصتك بيه وشوف شسويت بيه .. احس مفاصل عضامي تحركت من مكانها بسبب وحشيتك

ايدي تحرك علئ الباب بشغف .. اصابعي تريد تحفر الباب حتئ بس اشوفها وهي وراها

واني اغمض عيوني اتذكرها بين اديه ..

ـ احمدي ربج كدرت اسيطر علئ نفسي وماكسرت عضامج وبعدهن عامرات

صاحت من ورة والباب واسمع صوت الماي ..

ـ لك خبيث .. شوف شمسوي بيه .. غاضني هنا .. وهنا هم ...وهاي اثار هنا هم

رديت عليها ...اريد اضوجها

ـ مجان لازم بين عليج كل هذا التأثير وانتي تهمسين بأسمي

بلعت ريكي بلكوة

ـ اطلعي من الحمام سهر كافي .. صارلج نص ساعه وانتي بالحمام ...

صوت الماي رجع مرة ثانيه .. بس بقوة اكبـر ...

ـ خليني اعالج اثار وحشيتك علئ جسمي .. يامتوحش ...ياخبيث .. ياجلف .. ياعديم الاحساس

تنهدت بداخلي ..

جنت عنيف وياها اعترف ..

كلي جنت اصرخ بداخلي ... لان احس بعدني مشتاق لها ...اريدها. .. مااشبعان من احبها الي ادا تنطيه بدون حتئ مقابل ...

رغم كل عنفي وياها .. وهي كانت نسجمه وياي تستجيب لك حركه مني .. هذا الي خلاني اجن اكثر واكثر .. ..

لمن يزيد عنفي وياها .. جانت تضربني ...تصيح بيه ..

متوحش .. قاسي ...بس ماجنت احس برفضها الي ...بالعكس ..

هاي انثئ ورديه حياله .. تريد ...لسانها ينطق بغير الشي الي تريدة ..

ترفض .. وبداخلها وتصرفاتها كلها قبول ..

يمكن لحظه الي حسيت بيها .. خافت .. توسلت بيه ...

كون هاي وياها ..

بلحظه الي متلكتها .. وصارت لي ...روحا .. وجسدا ...صارت ملك ياسر .. وموشومه بأسمه ..

واخيرا .. سهر حبيبتي ... حلم عمري ..  صارت لي ...لي وحدي ...بكل مابيها ..

دكيت الباب حيل ..

ـ سهر كافي عاد زوديتها ...افتحي الباب ...

صاحت ...

ـ لا

همست علئ كيف

ـ علئ الاقل خليني اساعدج

ردت مستهزءة ...

ـ ليش يابه حتئ تسويلي عاهه جديدة ...لا شكرا ... مخلينك للعازة

ضحكت ..

ـ لا حتئ ارجع مفاصلج الغاليه لمكانها ...

من صوت الماي عرفت طلعت من الحوض .. وخطواتها تقترب من الباب .. ويمكن تلبس بملابسها ..

ـ لك شكد قاسي ... وجلف .. انته حتئ ماكلت تحبني ...

كامت تضرب بالباب

ـ واني الي كصيت شعري علمودك ومثل ماتحب ...ماكلت تحبني .. اي ليش .. ليش متكول

اصابعي جانت تتحرك علئ الباب .. وتكتب كلمه "احبج " .. كلمه مانطق بيها لساني .. مااكدرت انطقها .. وهي طلبت وتوسلت .. وترجت واني واني مااكدرت انطق ..

مااعرف ليش دا استصعبها لهاي الدرجه ..

اي ليش ماااكدر اكولها لها .. واريحها ..

كم مرة كالتها لي .. كم مرة عادتها علئ مسامعي وهي تفتخر بيها .. وشكد انطتني ثقه بنفسي .. شكد زادت رجولتي .. و اشبعت كل كياني ...بحبها ...لي ..

احس مراح تطلع مني ... ابـدا ...

بس مااحرمتها ...مااحرمتها وخليتها تحس بيها .. ليش ماتكتفي بهذا الاحساس ..

بدل مانطق بيها وهي كلها كلمه من 3 احرف

ـ لج انتي وحدة طماعه .. ومدلله ... بيج خير اطلعي لي .. مو نايمه بالحمام

ـ لا

كم اشتم بيها وبروحي ..

ـ

ـ شتم مثل ماتريد مراح اطلع من الحمام .. اريد اشوفك شسوي

مااعرف اذا كان خبث مني ...لو اشتياق .. بس حجيت

ـ راح نتأخر علئ الطيارة ..

جنا متفقين علئ شهر عسل بتركيا .. وهو اصلا هديه من سعد لان مااحضر زواجنا .. هو جهز لنا كولشي هناك .. حجر فندق .. حتئ الفيز هو دزهن لنا ...

سألتني هي بعدها ماطالعه ...

ـ بيش الساعه هسـه .....

ضحكت بخبث ..

ـ الساعه بالثالثه ...

حسيت بنبرتها شك وهي ترد عليه

ـ مو كلت الساعه بالسته المفروض نروح للمطار .. شحدئ مابدئ تريد تأخذني هسه ...

ـ كلت الطيارة الساعه بالسته يعني المفروض هسه نروح حتئ نلحك نخلص كل اجراءتنا

ونتأكد من الحجز ..

كمت اسمع اللهفه والخوف بصوتها ..

ـ ياربي اي ...ليش مكلت ...اخاف تأخرنا صدوك ..

سهـر ..

لبست ملابسي ...اول ماطلعت من الحمام .. وشفت نظرة عيونه الخبيثه .. عرفت جذب عليه وخدعني .. ركضت اجيت ارجع للحمام .. بس سبقني وهو يكمز عليه ولزمني من خصري

ـ وخر ...عني جذاب انته خدعتني اصلا

كمت ادفع بيدة .. لمن حسيت بيه يريد يفتح حزام الروب الي لابسته ..

ـ دخليني اشوف بنفسي ااثاري علئ جسمج ..

ذابت روحي واني احس بحرارة اشتياقه لي

ـ ياسر

ـ همسي هيج مرة ثانيه بأسمي مرة ثانيه .. وراح تنقلين بسيارة اسعاف لتركيـا ...

هاجــر ...

ـ لج رنا دتعالي عدنا شعندج ماخذة هاجر ورايحه وحدج للبيت .. ضلي هل الاسبوع يمنا لمن يجونا العرسان .. والله راح افرح لو اجيتي ويانه ...

كررت علينا خالتي طلبها اكثر من مرة بعد ماطلعنا من غرفه سهر .. وهل مرة شفتها تصرب رافد بكوعها حتئ ينتبه .. لان كان صافن علئ هاجر الي جانت شايله عبير علئ متنها لان نايمه ..

حبيبتي عبورة طلعت تخبل .. لابسه بدله عروس زغيرة وهي حلوة طالعه جنن .. تعبت من التعب نامت ..

بس رافد محجه ...مجرد نظرات جان يوزعها بيني وبين امي و غاليه .. الي كانت واكفه بجانبنا .. معقوله تفكر تروح ويانه ..

بس عقلي مجان وياهم ..

جان عند ذاك المختفي تماما اليوم .. وينه .. معقوله مصار عندة فضول شلون طلعت اليوم .. واني الي حضرت نفسي علئ سنكه عشرة حتئ بس اعجبه ومنتظرة تعليقه عليه وعلئ لبسي

وينه .. لمحته من دخلت جان موجود .. وهو بس شال راسه وشافني ونزل راسه وبعد مااشفته .. اي .. ليش مو وي رافد ظل ..

ليش راح حتئ قبل لا يزفون ياسر وسهر لجناحهم ..

عقلي كام يودي ويجيب ...جنت لازمه موبايلي بيدي .. شلته صفنت عليه .. اليوم لا مسج منه

لا اتصال .. شصار غير عرف .. واني الي انشغلت تماما ...عبالي مثلي مشغول .. وراح نلتقي بالعرس ..

معقوله ... مشتاقلي .. !?

ردت امي علئ خالتي ..

ـ ماتقصرين عيني ام رافد فدوة لعينج ... خيه بس تدرين بعد مايصير

ـ اي ياعيني قابل احنا غرب فدوة لكلبج اهل احنا ..

ـ ادري دادة والله بس ميخالف ..

ـ لعد اركبوا ويانه نوصلكم للبيت .. وباجر ان شاء الله من الصبح ادزلج السايق يجي ياخذج ويجيبج لنه ...

ـ الله كريم خيه ..

ركبنا بالسيارة ...وبس

خالتي و امي يسولفن ...واحنا ساكتين لا رافد ...الي شارك .. ولا غاليه الي حجت .. ولا اني الي نطقت ...

نزلونا بالباب .. نزلت وفكري مو يمي .. وامي ضلت واكفه يم السيارة ماادري شنو تحجي ...

نتظرت امي يم الباب لمن اجت وفتحت الباب ..

دخلت قبلها اول ماافتحت الباب ..

وامي وراي

ـ هاجر ماما شبيج .. حتئ خالتج صاحت عليج مااسمعتي ..

ـ اها لا مابيه شي ...

فتحت موبايلي ...ودكيت عليه ..

رن ...رن .. ماكو اي جواب .. شمرت الفون علئ الكومدي .. واني اباوع لروحي بالمرايه

شبيه .. مو ...امس راد يفقد سيطرته وياي .. مو امس طرح عليه نتزوج وي سهر وياسر

شصار ... !?

ايــهم ...

بعد مااسمعت ...سميه راجعه .. كل حوالي تغيرت .. تغيرت لمن عفت عرس اخوي .. وخطيبتي ورحت طاير ... بسيارتي ...وكفت كدام باب بيتهم ..

احس النار تشتغل بداخلي .. نار مراح اطفيها .. هاجر ... ماطفيها الا شوفه هل الخاينه ..

نزلت ... راح ادخل بيتهم .. شلون ... مااعرف ..

سديت الباب حيل ..

واتجهت للباب .. الباب تعودت علئ فتحه لمن اتسسلل حتئ شوفها ..

كم مرة عبرت الحايط ...حتئ اشوفها .. كم مرة نفتح هذا الباب لي لمن يشتدد بينا الاشتياق واجي اشوفها ...

كم مرة سألتها ..

ـ لج سميه ليش تصعبين علينا الامور وهي سهله .. وابوج وامج قابلين خلينا تنزوج بس كولي اي باجر كولشي جاهز

جانت جاوبني ..

ـ حبييي احلئ ما بالحب عذابه .. و الاشتياق ولهفه ...اذا راحن كولهن راح الحب خلينا نستمع ولاحكين علئ الزواج

وجنت مثل الغبي اصدك .. اصدك بكل مابيه من معنئ ...

طفرت الحايط بسهوله لان ناصي .. ودخلت ..

كل جزء بالبيت حافظه .. واكيد اكثر جزء حافظه غرفتها .. هي ..

طرقات حفيفه علئ الباب كفيله تصحي النايمه خلف الباب اذا جانت نايمه ..

طرقات اكيد راح تعرف صاحبها ... المفروض ماتفتح الباب .. المفروض تخاف ..

المفروض .. تقفله مو تفتحه بوجههي ...

بس ... بس ...

فتحته ...وهي بكامل اناقتها وكأنها تدري بيه راح اجي ...

وكفنا واحد صافن علئ الثاني ..

شعله من النار ...تكونت ...انطلقت من اعماق روحي. 

وعيوني غصبا ماعليه راحت تباوع عليها وعلئ فتنتها ..

حلوة .. بكل مابيها من معنئ ...

عيونها الي عرفتهن طول عمري .. من ايام المراهقه .. من كان عمري ست عشر سنه ..

غركت بزراك عيونها .. شكد تشبه هاجر ...وشكد تختلف عنها ..

الخيانه .. والخلاص. 

البراءة ... الثلوث ..

الصدق .. الكذب ..

كولهن فرق ..

صوتها همس اسمي .. خلا الصوت العالي الي بأذني .. يعلئ اكثر واكثر .. ضجيج بداخلي

مااجنت اعرف جاي اتقدم ناحيتها .. وهي ترجع لورة ..

ـ ايهم ...

ااه من نبرات صوته الي جان يموت بيها

الي جان يعشك كل همسه منها ..

صوتها ...نبرات يستعذبها .. لسنوات ...وسنوات

سنوات اذوك حلاوتها وما مل منها ..

سديت الباب برجلي .. ماتتهميت اذا جان راح ينسمع لو لا .. لان جنت مستعد اسوي كلشي في سبيل ...اخلص من الظلام الي بداخلي

يعني هاي سميه كدامي ...صدك! ?

هاي الي حبيتها من يوم صباي لليوم ..

وعافتني بعد ماذبحتني من الوريد للوريد ..

همست

ـ ليش ماخابرتيني جان اني بنفسي جبتج من المطار انتي واهلج ..

بلعت ريكها بلكوة وتباوع عليه ..

ـ جنت راح اجي حتئ اشوفك ... اااه

جنت اعتقد ...النار راح تخفت وحدها لو عفتها .. بس .. لا كل خطيئه حساب ... والا عمر الخطيئه مراح تموت ...

راشدي مني رجعها لورة اكثر ...واكثر

فتحت عيونها .. علئ وسعهن وهي تباوع عليه .. ممصدكه اني ضربتها يمكن ...

اقتربت منها مرة ثانيه

ـ ايهم سمعني اول شي .. انتظر و اااه

راشدي اقوئ وصوت انفاسها توصل الي ..

وراشدي الثالث والرابع ... والخامس الئ ان فقد كل واحد بينا ونسئ العــد

لمن وكعت علئ الكاع كدامي ...شعرها منفوش .. خط من الدم سال من خشمها .. وسال وصل لحلكها وركبتها ...

جنت اعرف سميه قويه ...وكحه .. ماتعودت لا علئ الضرب ولا علئ الاهانه ..

همست بغضب

ـ ماجنت اعرف كمت تضرب النسوان

صرخه .. منها صدرت لمن نزلت عليها ولزمتها من شعرها ..

كمت وهي وكفت وياي بخوف ...ورعب بين عليها .. القوة الي ظهرت لحظات بعيونها اختفت تماما ...

خليت وجهي بوجهه ..لزمت فكها حيل واني احجي بصوت ناصي كدام وجهها

ـ انتي مو من النسوان ...انتي مجرد حشرة ...لا طفيليه ...تعيشين علئ الناس تمتصين احسن مابيهم وتعوفينهم .. حالج حال الي خنتيني وياه متصيتي منه .. الي جنتي تأخذينه مني وعفتيه

اصابعي .. مرت من خشمها ...لحلكها ..

الدم جان ينزل وي ايدي .. خليت اصبعي بين شفايفها ..

ـ ضوكي دمج سميه ضوكيه ....  وكوليتي شكد ريحته فاسدة

.لركبتها .. خليت ايدي علئ بلعومها ..

كامت تتفل بالدم .. تحجي

ـ ايهم ...شبيك تخبلت انته .. كافي .. كافي اطلع منا

اصابعي انزلت بسرعه لركبتها البيضه .. خليت ابهامي علئ بلعومها وضغطت عليه

فقدت تماما واني اضغط .. اكثر ...واكثر ..

اختنكت ...وكامت تريد بس تخلص نفسها مني .. بس ماكدرت ..

ـ شصورتي .. انسيت .. تصدكين حتئ اني تصورت نفسي نسيت ... بس ..

عرفت بالفترة الاخيرة مانسيت شي وكولشي ضال بداخلي لدرجه الانتقام الظلم من اي مرة تنتمي لجنس حواء شما جانت ..

بجت وهي جوة ايدي ورحمتي

ـ ايهم ارحمني ...الله يخليك .. اني دا اتعذب .. والله اتعذب اكثر منك والله

صرخت بيها واني اعوفها

ـ عذاب شتعرفين انتي عن العذاب .. تتذكرين الي وعدتيني بيه سميه .. اول بوسه لنا اني وياج .. جان عمرج خمسطعش سنه وكوتليها لي .. اني مرتك ايهم .. راح اصير لك وحدك لمن اموت .. كلتي اني زوجتك بروحي وجسمي .. كلتي تشوفين الزلم كولها بيه اني

تتذكرين هذا الحجي لمن كلتيه وانتي مراهقه زحفين زحف لكلبي لمن اخذتيه

اختلطت دموعها وي دمها .. عيونها لي تحولت من الازرق للاحمر القاني ..

شعرها الي تهمشه بيدها وهي تتوسل بيه وتترجاني

ــ اغفر لي ايهم ..بعدني اني الي تعرفها ...سميه الي حبتك وحبيتها من الزغر .. ماجنت بحالتي الطبيعيه والله .. وهو استغل ضروفي وتسلل لحياتي مثل مرض خبيث .. والله اتعذب واحبك بخبال .. عذابي ماتكدر تتصورة شلون عشت اكثر من سنه واني عايشه بيه

فدوة ايهم انسئ .. خلينا نرجع مثل قبل

ضحكت مستهزء بكل كلمه كالتها .. اباوع عليها هاي صدوك تحجي .. تريد اسامحها ...ونرجع مثل قبل .. تتحلم ..

ـ العذاب بعدج ماشايفته ياخاينه .. اني احفظج واعرف شنو الي راح يعذبج ويوجعج .. تعرفين يمته تعيشين بالنار الي عشت بيه .. من تضوكين الي ضكته .. يوم الي راح تفقدين الي نخلقتي له .. عبالج دوم تضلين مدلله ومميزة وكلها تباوع عليج! ?

شفتها شلون تغيرت ملامحها .. وصفر لونها

ـ شـ ...شتقصد

دفعتها عني

ـ راح تعرفين قريبا جـدا ...راح تشوفين بعينج .. واني اتلذذ .. هنا .. راح ارتاح .. راح ارتوي وتطفي ناري

اقتربت مني ...لزمت ياخه قميصي بعد ماشافت ايدي

ـ شنووووو .. هاي الحلقه .. جاوبني ...

ماجنت اقل منها بالجنون ...واني استمتع بعذابها كدامي .. مثل ماخططت تماما

شلت ايدي كدامها ..

واني لزم الحلقه بأصبعي الثاني

ـ هذا ...هذا كلب مرة ثانيه

صدرها يعلئ وينصه .. حسيت بيها راح تموت

ـ مستحييل ...

باوعت عليه .. من راسها لمن وصلت الرجليها

ـ لا مو مستحيل سميه ..من خنتيتي لليوم واني امنت ماكو مستحيل بهاي الدنيا

رجعت لورة وهي لي تقدمت لي

ـ يعني تحبها! ?

رجفت .. اختفئ كلشي مو حلو جنت احسه ..

عبالك هسه صحيت من الي جنت بيه ..

صحيت وكمت ادور علئ شي ..

شئ ماموجود عند سميه ...

ـ اكتشفي هل شي بنفسج

وعفتها وطلعت ..

..

هاجـر ...

جهازة مغلق .. !?

اي وين راح ..

معقوله ضاج مني وزعل لان رفضت نتزوج وي ياسر وسهر ..

اني ضايجه منه من تصرفاته الي دا اتأثر بيها .. دون حتئ مااعرف اسبابها ..

ضايجه من نفسي لان دا اضوج وتأثر بيه بهل شكل ..

دا اتأثر بيه هوايه .. اخذ منه هوايه .. اني مثل مايعاني تماما ...رغم مااعرف من شنو دا يعاني

.

احزن اذا اشوفه حزين ...

اضوج اذا اشوفه ضايج ...

اضحك اذا اشوفه يضحك ..

ليش اني متعلقه بيه لهل درجه ..

حتئ سهر هل مرة نصحتني .. اتمهل شويه بسالفه الزواج ...

شهد انطتني نفس النصيحه ...

شكد حاولت وياه يتسرخي ...ويفضفض الي بالي بداخله .. بس ماكو جبل ماتهزك ريح

بس بعد ماعندي صبر ...

شنو الحجه الي راح اخر بيها زواجنا اكثر .. ماادري كل حججي خلصت ..

اصلا امي كوة ساكته تريد هل زواجه تم اليوم قبل باجر .. حتئ تاخذ يمنئ وتروح تسكن وي خالتي والبنات ..

تريد تخلص هل زواجه علئ خير ..

تمددت واني احس نفسي ...تعبت ...تعبت كولش

واني كل شويه ...اتصل بيه ..

ـ وين انته حبيبي! ?

ثاني يوم الصبح ...حضرت نفسي حتئ اروح للشركه تريكت وعيني علئ الموبايل حيجي اليوم لو لا .. امي ويمنئ يروحن لبيت خالتي رضاب ...

شويه ودك فوني ...ممصدكه واخيرا ...اجه .. تعودت من يوم الي نخطبت بيه .. وهو يجي يأخذني للشغل ..

سحبت جنطتي بسرعه واني اصيح

ـ ماما اجه ايهم حروح

ـ الله وياج ماما

طلعت بسرعه ...متلهفه مشتاقه .. اريد اشوفه ...ليش امس اختفئ

فتحت الباب ...وركبت بالسيارة ...

سلمت عليه بس مارد ..

ردت وجههي عليه لمن ماسمعت صوته

ـ ايهم .. شبيك

جان وجهه شاحب ... عيونه حمر .. مشئ بينا .. وبدل مايخذنا للشركه كام يمشي بالشوراع .. بالافرع ..

عبالك يدور علئ شي ومــدا يلكاه ..

وكف علئ الرصيف .. بدون ماينطق كلمه ...

رجعت حجيت وكلبي ممرتاح .. احس اكو شي مو طبيعي

ـ وين رحت امس دورت عليك هوايه ملكيتك وتالي دكيت عليك ماكو مغلق لو تعرف شكد شتاقيتلك .. مصدكت عفتني ورحت بدون ماتشوف كشختي ولبسي ...

لتفتت عليه واحس عيونه فارغه .. مابيهن اي معنئ ...اي نظرة .. من النظرات الي اعرفهن

ـ امس الليل كوله مانمت كضيت الليل كوله واني افتر بالبيت ظلمه

احس الظلمه راح تبلعني هاجر .. احس الظلمه مراح تخليني اشوف النور والضوهه

ماادري ليش خنكتي العبرة ...مديت ايدي .. لخدة لمست لحيته .. نزل راسه .. وفجاة تغيرت ملامحه ..

تحولت من هادئه .. غضب ..

شي اني مافهمته ..

ـا ايهم شبيك .. لا مراح اسال شبيك .. بس اكولك اني يمك مراح اخلي شي يبلعك .. اثلان اني يمك واني اعرف انته اقوئ من كولشي .. وعندي ثقه بيك .. اني اعرف منو انته .. وحبيتك لان انته ...مو اي احد ثاني .... وهذا الي يخليني باقيه يمك .. وراح ابقئ طول عمري يمك ...

فتح عيونه .. انقبض كلبي اكثر ...

هذا احساس بالذنب لو شنو! ?

ايهم ...

محيت احساسي بالذنب نفضت راسي اريد اطلع كل هاي الافكار من داخلي ..

وحل محل نفس الجوع مثل كل مرة بس هل مرة اكثـر ..

ـ طبعا راح تبقين يمي .. لان اني مراح اخليج ترحين هاجر .. خلي هذا بعقلج وكلبج ..

سحبتها الي اني عصرها بقوة بين ضلوعي .. اريد احس بالامان ..

عفتها فجاة واني باوع لوجهها .. عبالك دا احفر ملامحها حفر بدماغي حتى انسى شكو ملامح ثانيه نحفظت بيه ..

اما هي رفعت اصابعها تتلمس شفتها بالم .. يمكن فعلا دا امارس عنف قوي عليها ماتتحمله وحدة برقتها ..

شغلت السيارة ونطلقت للشركه ..

هاجـر ..

مااطلبني طول اليوم ..

حسيت فعلا محتاج يبقى لوحدة ..

حسيت دا تعارك وي نفسه حتئ يلكي ذاته ..

يمتى اعرف شسوت بيه سميه .. اعرف خانته بس شلون! ?

مرت ساعه ثانيه وهو يرفض مقابله اي شخص ..

بس حسيته عبالك منتظر احـد

كل ماكوله .. هذا واحد يريد يشوفك .. او يريد يتصل بيك يرفض .. حتى لو كان الموضوع مهم يرفض .. اول مرة يسأل منو ...بلهفه .. وبعدين اذا سمع الاسم يبطل .. يعني منتظر احد بس منو .. ماادري! ?

كمت العب بترجيه مالتي واني افكر .. وعيوني على بابه .. !?

لميت شعري .. وسويته ذيل حصان بس مو عالي نازل شويه ..

ماكدر اتحمل بعد .. مااكدر اخليه وحدة بدون مااعرف شدا يصير .. ليش هيج يصير

كمت من مكاني ...فتحت الباب بدون مااستأذن .. وسديت الباب وراي ..

باوعت عليه لكيته متجي راسه على الكرسي ومغمض عيونه ..

وقبل حتى مااحجي سألني

ـ اكو احد يريد يشوفني

رديت واني اتقرب منه ..

ـ اي اني ..

ابتسم ابتسامه زغيرة ...زغيرة بحيث كوة لاحضتها .. اي شصار بين ليله وضحاها ..

ماغير وضعيه جلسته ولا حتى فتح عيونه .. بس حجه

ـ تعالي عصفورة محتاجج

واني بلهفه كلبي رحت عليه لمن وصلت له ..

وكفت يمه تركت حريه اذا يريد يقربني اكثر او لا ..

سحبني من ايدي وكعدني بحضنه .. حسيت نفسي طفله كاعدة بحضن ابوها .. احساس طاغي على اي احساس ثاني ممكن احسه بهل لحظه ..

ـ شوفت لسهر بدله العرس الي اختاريتها.   تخبلت عليها كالت كولش حلوة

رفع ايدة لمن خصري ...لركبتي ...بدون مايفتح حتئ عيونه

ـ قصدج اني لي اختاريتها عزيزتي .. زين وانتي هاجر .... انتي عجبتج

ـ انته دوم مميز بأختياراتك .. اذا جان لك او لغيرك نفس الشي

ضحك ضحكه خفيفه ...ايدة لزمه ياخه قميصي

ـ وانتي اكثر شي اختاريته مميز وحلو وانيق

لو جان الموقف ثاني جان انفجرت بوجهه وهو يكوم يضحك عليه ..

بس ماجنت عندي الرغبه انفجر او اعصب بوجهه

بس اريد اضل هيج قريبه عليه ..

شكد اتمنئ لو هو قريب عليه مثل مااني قريبه عليه ..

اصابعه ..فتحت اول دكمه بقميصي بدون حتئ مااحس جنت صافنه عليه .. اول مانتبهت ضربت ايدة

ـ مراح اتبطل سوالفك مابيها ذرة مستحئ! ?

بس جان يراوغني الزم ايدة يدفع ايدي .. لزم الثانيه مد الاولئ لزم عظمه الركبتي ..

ـ عظمه الترقوة ظاهرة عندج اكثر من لازم ..

دفعت ايدة عني .. كعد وابتسامته على وجهه ..

اول ماشفت عيونه بطلت اقاوم ...صفنت عليه

ـ ايهم

يمكن اسمه كان سر .. بدون مااحس بلحظات .. كنت بين اديه مثل الالعابه .. ايده تحاول تزيح قميصي عن جتفي ..

شفته اخذت شفتي بأعمق بوسه ..  مااكدرت الا ابين تأثري بيه اول مااحسيت يدة بدت تتجاوز الحدود لزمتها ..

ـ ايهم اوكف ...عود ورة العـ

بدون مانحس انفتح الباب علينا ..

شهكت حيل واني اكوم من مكاني .. ابتعدت عن ايهم .. ورجعت عدلت نفسي ودكمت قميصي ... حتئ بدون مااشيل راسي واباوع منو فتح الباب علينا بدون حتى مايستأذن ..

همسه وحدة. خلتني اجمد بمكاني .. مثل ماهو متجمـد

ـ سميه ..

ابتعدت تلقائيا عنه .. واني اشم عطر .. عطر شميته مرة وحدة بعرس عماد اخو ايهم .. عطر عرفت شكد غالي ومو اي واحد يشتريه.   عطر خاص بيها هي سميه ..

وبكلب ينبض شلت راسي حتى واجهه سميه ...

ويارتني مااشلته ..

سميه راجعه مثل قبل واكثر ..

جمال .. اناقه ...شكل ..

شي خرافي .. اذا اني بنيه هيج باوعت عليها .. شلون هو

حجت هي

ـ شنو هاي الحثاله جابيها ومكعدها بحضنك فوكاها ..

درت وجههي لايهم الي جان بعده كاعد .. واني بعدني بنفس الصدمه .. صدمه سميه الي رجعت بكامل قواها وعافيتها .. وجمالها

كام من مكانه ..

ـ انجبي سميه ...لزمي لسانج احسن لج انتي تعرفين كولش زين منو تستاهل هل كلمه

ضحكت بهيستريـا

ـ هاي الي خطبتها ايهم .. هاجر ... الصهباء الثانيه بالعائله .. ليش خطبتها لان تشبهني .. تذكرك بيه مو ... صح .. لان عدها عيون مثل عيوني .. شعر يشبه شعري.   عبالي صدوك نسيتني والله .. طلعت تتناسى وخاطب هاي

جنت اريد اتنفس مااكدر كل نفس بيه انقطع ..

واني انتظر ...

شنتظر ليش اكو واحد معبر وجودي اصلا ..

انتظر اني ارد علئ هاي سميه وعلئ كلامها الي احسه كتل كلبي.  

لو انتظر ايهم يكذب كلامها ويساندني ويدافع عني ..

ضحك ضحكه قاسيه ...نزلت عيوني شفت ايدة شلون ترجف قبل مايضمها بجيبه ..

ـ خليني اصحح لحضرتج .. هاي زوجتي مو خطيبتي .. عاقد عليها وزواجنا بعد ايام

وانتي منو حتئ ابقئ علئ ذكراج ..انتي هامش .. لا والله الهامش هوايه عليج .. انتي اصلا مالج اي وجود بحياتي فاهمه

صدري يوجعني .. يوجعني .. لان حسيت كل الي دا يصير مخطط له .. ايهم خطط حتئ يأخذ بثارة من سميه عن طريقي

ماادري شلون طلع صوتي

ـ سميه ...اني

دارت وجهها ودموعها تجري

ـ منو انتي وتوجهيلي كلام ...لج شحال لمو ماامس جنتي تلبسين من ملابسي .. ترة يضحك عليج انتي بالنسبه له فار تجارب لا اكثر ولا اقل

فتحت عيوني عليها .. واني اسمع كل هاي الاهانات تطلع منها .. شطت نار .. بعدني اريد اهد هليها ... دفعني ايهم وصوته عليها

ـ لج طايحه الحظ ... فاجرة .. شلون تتجرئين وتحجين هيج وياها والله اكص لسانج وعلكه بركبتج اذا لغلطتي عليها بعد

ـ سميه اني زوجته ...تعرفين شنو زوجته ...وبعد كم يوم عرسنا .. واكيد راح اعزمج حبي قابل اخليج بلا عزيمه ..

ـ انتي دا تتحديني .. حبابه راح تشوفين مني شي عمرج مشايفته بحياتج .. ويمكن ماتعرفين سميه زين اني اعلمج بيها .. وعلمج اني شنو بالنسبه له ..

صار ايهم بيناتنا .. ..

ـ منو انتي سميه ...

ـ اني حبيبتك الوحيدة .. حتئ لو صرت طليقتك .. مهما صار راح اظل حبيبتك الي مراح تنساها لمن تموت

ماابتعد عنها ...شفته .. جانت شويه وتلامس شفتها واني جنت اباوع عليهم .. شنو هذا الحب الي بيناتهم .. شغف ..

صراع يكتل اني ماافهمه ولا شايفه مثله ..

ابتسم ايهم ..

ـ خليني هم اصحح لج لهل معلومه .. انتي حاليا زوجتي الاولئ مو طليقتي ..

ضربه ...جانت مثل الصاعقه ونزلت علئ راسي

ـ ايهم ....

.....

يروحي ...عود كولن البارت قصير ..

شلونكم ...يروحي انتم ..

البارت حلو ...اي والله يخبل .. اريدكم تتفاعلون ..تعلقون بين الفقرات ..

وطبعا القنبله الاخيرة ماريدكم تنسوها ..

احبــكم ..

ادعولي .. لا تنسوني بالدعاء

استمتعــــوا ...

البارت الثالث والعشرون ..

بقـــلم وردة عمري ..

ايــهم ... هاجـر ..

ابتسم ايهم ..

ـ خليني هم اصحح لج لهل معلومه .. انتي حاليا زوجتي الاولئ مو طليقتي

ضربه قاضيـة

متمايل جسمي واني اسمع حجي ..

همست

ـ ايهم

بس جان ملتهي عني .. مو وياي .. تعيش صارعه وي وحدة ثانييه تشبه بالقوة .. تماثله بالعزم ..

كال ايهم واحنا بعدنا علئ نفس الوكفه .. مقابيل سميه يتحداها .. وبنفس النبرة حجه وهو يأشر اليه

ـ سميه اقدم لج زوجتي الثانيه هاجر ضرتج

جنت اعاني من انهيار ممكن يصيبني كدامهم همه الاثنين .. بس شفت بعيني سميه شصار بيها .... انهيارها كان واضح علئ ملامح وجهها وعيونها .. نظراتها تشتت .. تبعثرت

جانت تتحطم علئ كيف وايهم جان يتلذذ بهذا الشي .. يراقب تحطمها ..

حجت سميه وعيونها ...انترست دمع ..

ـ شنو قصدك .. الاولئ .. شنو الثانيه فهمني ...

شفت ايدة شلون رجفت وهو يحجي وياها .. اختفت نبرة الانتقام .. خفتت ..

ـ لعد شعبالج .. اتصال من حضرتج .. بعد ماانكشفت خياتنج طلبين الطلاك اطلكج هيج بسهوله ..جنتي تتوهمين ايهم يكدر يسوي كل  المعجزات علمودج .. بس هاي المعجزة ماكدرت اسويها لج .. مو قبل مااخذ ثاري سميه انتي تعرفيني كولش زين .. تعرفين اخذ ثاري وبدم بارد

سميه انتهت حتى لو جانت تبين قويه .. جانت قوة ظاهريه مو اكثر .. حطمها وصح بدم بارد

حتئ ايهم انتهئ ...ورة قوته الخارجيه جان اكو الم .. ووجع بين علئ ملامحه

بس اني .. اني هاجر ...جنت اجمع حطام روحي من الاثنين .. بسكته ..

رجع حجه ..

ـ اباوع عليج وانتي مكسورة ..ذليله ...وانتي دا تستوعبين الي دا اكوله لج ..بالضبط مثل ماتخيلت وجههج بكل الاشهر الي مضت .. تخيلت شعوري وانتي اتشفئ وتلذذ بكل لحظه وانتي هيج ...تتعذبين .. وماتكدرين تسوين اي شي ...لج انتي وحدة خاينه .. فاجرة .. وفوكاها مغرورة .. غرورج خلاج تتخيلين راح تبقين دوم بالمرتبه الاولئ .. بس هذا الغرور اني كسرته لمن خليتج بالمرتبه الثانيه .. لا مو الثانيه الاخيرة .. هذا هو كتلج سميه .. هذا موتج من تخسرين غرورج .. وكبريائج عندي هذا موتج .. تهزمج مرة ثانيه وتاخذ مكانج وانتي عاجزة بين تباعين بعيونج هذا انتقامي منج

ابتعد عنها وكمل

ـ خليني اوضح لج اخاف بعدج ماتستوعبتي .. انتي بعدج مرتي وعلئ ذمتي.. لان اني بعدني ما طلكتج لحد هاي اللحظه

ردت عليه سميه

ـ اخذت ثارك مني ...عرفت شلون تكتلني واني عدله

ايهم جانت ملامحه جامدة مابيها اي حياه .. واني لهث وراه مثل. واحد يركض يريد بس يأخذ النفس اني هيج.. 

حجيت وي نفسي

ـ توجعي هاجر ...اصرخي اذا تردين ...لج ابجي ...بس مو كدام هذوله الاثنين لا تنهارين هسه فدوة اروح لج

رجعت سميه لورة .. وبعدها عيونها بعين ايهم

ـ عبالك كتلتني .. اني موتي مو بغروري وكبريائي لا .. اني موتي بيك انته

بدون ماتحجي بعد اي كلمه ...طلعت ...ركضت ...طلعت شاردة ..

كدام عيوني شفته شلون انحنئ ضهرة من طلعت .. تلوئ يمكن من الوجع الي دا يحس بيه

مال بظهرة ويدة خلاها علئ حافه المكتب يسند نفسه ...

تحركت من مكاني اريد ابتعد ..

خطواتي ماثابته .. احس الافكار تتزاحم بعقلي .. لدرجه كامت تلعب نفسي ..

مااعرف شيسوي وراي ايهم ...

بس رجليه دا تحركني ...تريدني اطلع ...كولشي بيه يكول اطلعي .. لا تبقين هنا

اريد اطلع من الباب الي طلعت منه سميه

سميه .. احس روحي نعصرت عصر ...

تنهدت بصوت مسموع واني احس الالم يطلع وي النفس مالتي ..

الباب جان مفتوح كدامي .. غمضه عين مااحسيت الا نسد .. مثل الضوء القوي من يمر كدام عينك هيج بالضبط ..

همس

ـ وين

رديت واني ارجف اريد اتبعد عنه

ـ اني رايحه

همس احس اصابعه مثل قيد حديدي ونحطت علئ زندي .. اصابعه تحفر بلحمي ..

ـ مامرت نص ساعه من كوتلج .. انتي باقيه ...تعرفين شنو يعني باقيه

حاولت اخلص نفسي منه .. احاول اتكتم عبرة الي بصدري و عصبيتي

ـ عوفني ايهم ...لك عوفني

مااحسيت الا دموعي سالت علئ خدي ...مادريت بنفسي الا واني اشهك .. روحي تريد تطلع وي كل شهكه ...

مااحسيت بنفسي لمن هو كال لي

ـ لا تبجين هاجر ...اني مااريدج تبجين ...ومااريدج ترحين هم .. انتي بدمي

صرخت غصبا ماعليه .. واني اضرب صدرة بديه

ـ انته جاذب ...واحد جاذب كل هذا سويته حتئ تنتقم من سميه بيه .. هذا دوري ...وخلص خليني اروح

بواجيي زادت ...حضني غصبا ماعليه ..اريد افلت منه ... اي محاوله مني حتئ اتخلص منه تفشل ...

ـ انتي بدمي ...بدمي

ضليت ابجي والوجع احسته استشرس عليه ...ومااعرف شنو الي دا يصير .. ولا ادري شدا يصير

شفته لامست اذني ...

ـ انتي بدمي .. اطلبي اي شي اسويه لج بس مال اخليج تروحين .. انسي ..انسي فكرة الروحه تماما

شفايفه وكعت من اذني لركبتي ..

ـ ليش اخليج ترحين ...لج هذا خبال محد يستوعبه ..

خفت صوت البجي مالتي .. للحظه جنت راح استسلم له .. لبوساته علئ ركبتي .. بس تذكرت الي صار ...كمت ادفع بيه .. ماريد استسلم اكثر

رفعت اديه ..خليتهن بين صدري .. وصدرة ..وكمت ادفع بيه ..

اريد اخلص نفسي منه ماكو

ايهم ..

احس نفسي متزلزل ...كل الي كدامي عبارة عن صور ...صور مكررة متوقفه ...ماكو شي يتغير كدامي كل شي علئ حاله ...

واني بوسط هذا الزلزال ماكو ارض ثابته اوكف عليها غيرها ..

هي ..  هاجـر

غاليــــة ....رافــد ...

الطريق كان شطوله ...صح كاعدة بالخلف ...بس عيون رافد عليه ...بكل حركه جنت احسه مراقبني ..

مااكدر اشيل راسي. . عيونه جانت مرة حزينه ...مرة مشتاقه ...مرة غاضبه ..

نزلت راسي ...اول مااوكفت فتحت الباب بسرعه ونزلت .. شلت عبورة بين اديه ..ومشيت كان اشبه بالركض ...ماريد يصير بيناتنا اي موقف ..

دخلت بسرعه .. واحس الرجلين تمشي وراي .. وصوته

ـ اوكفي غاليه الباب مقفول .. خليني افتحه

اوووف .. غمضت عيني واني اتنفس بقوة ...حضنت عبورة حيل لجسمي .. اريدها تحميني مو اني احميها ...

تراجعت للخلف .. حتى اسويله مجال .. انحنئ حتئ يفتح الباب ..

فتحه ...واني دخلت كبل ..

رجليه تركض قبلي علئ الدرج ..

ورجع صوته علئ ..

ـ حنام يم امي اذا تخافين انزلي انتي وعبير نامي يمنا ..

وكفت ...بمكاني ...اختار ...البعد ...هو اختارة .. مو اني

جليت صوتي ...اريدة يطلع ..

ـ لا حنام فوك ماعلينا شي ..

صعدت ...انتفست مرتاحه ..

خليت عبير بكاروكها ..

ودخلت ...للحمام ...سبحت ...احس كل قطرة ماي تنزل عليه تبرد ناري ..

ورجع احترك من اتذكر حجي الي سمعته بالعرس ..

لفيت نفسي بالبرنص .. وطلعت ..

نشفت شعري بدون ماامشطه .. لبست دشداشه قصيرة .. وبسرعه خليت راسي علئ المخدة اريد .. نام ...انام ... وانسئ وكولشي صار وسمعته اليوم ...

غمضت عيوني اطلب النوم ...وصدك غفيت ..

مااردي شكد مر من الوقت ...حسيت علئ حركه بالغرفه ..

صوت رجلين يتقربن مني ..

كلبي احسه راد يطلع من صدري لمن شميت عطرة .. هو ...شجابه ..

غمضت عيني حيل .. مااريد احسسه اني كاعدة ..

انفاسه ضربت بكصتي ...حسيت بشفته وهي تنطبق عليها حيل .. ظل هناك شويه ...حسيت بيه يشمني ..

يشم عطري ..

خشونه لحيته ...وي نعومه ..بشرتي ...خلتني ارجف ..

همس يم اذني ..

ـ بردانه ...

كل شي بيه وكف ...تجمد ...يعرف بيه كاعدة ...يدري ..

سحب الغطئ من جوة ...رجليه وغطاني ...

ـ نامي ...رجعي نامي ...

رجع باسني بكصتي ..وطلع ...

فتحت عيوني بعد مااسمعت صوت الباب من انسد ..

وصوت باب غرفته ينفتح وينسد .. مااعرف شصار بيه ...دموعي سالت علئ خدودي بدون حتئ مااعرف السبب ..

رافــد ...

حدسي نبهني ...راح اشوفها اول ماافتح الباب .. ونفس الحدس نبهني .. يعني مانامت مثلي بعد مااعرفها تقريبا الفجر واني اجر روحي المنهارة من يمها ..

يعني مثلي .. ماكدرت اترك التفكير بوضعنا المقعد .. الي مدا ينحل ..

لزمت يدة الباب ...اول مافتحتها صارت بوجهي ...هي بنتها ...عبورة ..

عبير اسم اني اختاريته لها ..  اول مانحطت علئ ايدي .. شميت بيها ريحه امها ...سميتها عبير ...

ضحك الي وامها شايلتها ..

ـ صباح الخير ..

ردت عليه بصوت ناصي بلكوة سمعته ..

عضيت شفتي .. بعصبيه ..واني اشوف تراها الي لابسته ..  وبعدين حجيت ..

ـ جيبيها وروحي غيري ملابسج راح اخذج وياي للمطعم ..

لحظه حسيت دا تسلئ واني اشوفها شلون انصدمت بعد مااسمعت عرضي الغريب عليها

حجت

ـ اني مااكدر ...البارحه ..انـ

قاطعت كلامها

ـ علئ الاقل انتي نمتيلج كم ساعه قبل مااكعدج .. شتكولين عليه اني عيوني مااشافت النوم

شفت وجهه شلون صار احمر ... دارت وجهها عني ...يمكن خجلت ...

بكل مرة دور وجهها عني تستفزني ..

ـ جبيبي عبير خليها عندي وروحي غيري ملابسج يلا بسرعه

شفت بعيونها عناد .. تريد ...ترفض مرة ثانيه ...بس اني قاطعت عليها هذا الشي

ـ دري بالج تلبسين شي ..ضيق لو كصير ... 

ـ شعليك بيه اني لبس بكيفي

ـ بالج تلبسين شي ضيق وتعاندين ...صدكيني ارجعج شايلج شيل علئ جتافي .. وراح ابدله لج بنفسي ومراح اتردد فأحسن لج سوي لي كلته لج .. وخليني معبر فستان امس ومغلس عنه يلا

نزلت ...شفت امي كاعدة تشرب جاي والريوك كدامها ...واني الاعب عبورة ..

ـ صباح الخير يوم

ضحكت بوجهي

ـ صباح الخير بعد روحي يهلا بهل صباح

تقربت منها وباستني بخدي

ـ ادري كل الامهات تشوفن اولادهن هيج حلوين لو بس اني

امدت ايدها لي ..

ـ دجبيها ...جبيها هاي الحلوة هل ايام صايرة مدتفشه ..

اخذتها مني وكامت تبوس بيها ..

ـ فرحان من شفتج تتريكين هنا مو بغرفتج يحلوة شنو رأيج تجين ويانه للمطعم ..

ـ ويانه ليش منو انتم لي رايحين

ـ رايحين اني وغاليه وعبورة للمطعم نتريك .. شنو رأيج تجين ويانه

صوت علئ الدرج ...خلانا احنا الاثنين ندور وجههنا له ...شفت غاليه واكفه .. اشرت لروحها

ـ هاا شلونه

نزلت نظراتي لبسها ..كان مستور وي حجاب بسيط .. جان مناسب وانيق وحلو عليها

بلعت ريكي واني احاول اسيطر علئ انفعالاتي

رديت بهدوء وبرود متعمد

ـ اي زين ..  يليق بيج

برودي وياها انطاني نتيجه ارضتني اني ..

شفت عيونها شلون رجعت ...لنظرات العناد ..

نزلت سلمت علئ امي .. واني وكفت علئ رجليه وشلت عبير ..

ـ افرحوا يمه .. اتونسوا الله يسعدكم بعــد عمري

غاليـ ه ..

اجيت اذب نفسي بحضن خالتي .. وابجي .. يمكن البجي يريحني .. ويطلع كل النار الحقد و الانكسار من داخلي ...بس مااكدرت .. وكفت علئ حيلي من سمعت صوت رافد من وراي

ـ هسه مراح تغيرين رايج وتجين ويانه

ـولك وين اجي غير خالتك هسه جايه .. روحوا انتم بالعافيه عليكم ..

ـ لعد شنو رايج ادز علئ الريوك نتريك كلنا سوة بالحديقه مدام خالتي جايه

ـ لك لا تزعجنا اني وخالتك انريد نسولف نريد نضحك شلون بالله مناخذ راحتنا اني واختي اخذ مرتك وامشي الله وياكم

ابتسم بوجهها ودار وجهه

ـ يلا لعد غاليه ...الله وياج يوم

ـ بسلامه عيوني ..

برودة وياي ...وتصرفاته ...يخليني اتماسك اكثر واكثر .. مارريد انهار ولا بين اني ضعيفه

شراح ايصير اذا فشل هذا الارتباط الي نرفض علينا اني وياه ..  هل مرة مو بس اني الي معلكه بهذا الحبل ....لا اني ...واخواتي ..

رافــد ...

كاعدين بالمطعم ... ادخن جكارة .. انفخ دخانها بعيدا عن المكان الي كاعدة بيه غاليه .. عيوني علئ عبير .. الي دا تلعب وهي كاعدة بكرسيها الخاص ..

رجعت عيوني غاليه ..

ضايجه ...فكرها مو هنا .. عبالك .. بغير مكان ..

سألتها واني اطفي جكارتي واشعل الثانيه

ـ بشنو تفكرين ..

جفلت ..

عبالك جانت بحلم ... وصحت منه وشافتني كاعد يمها .. لا وتفاجئت بوجودي

صفنت بوجههي شويه ...ونزلت راسها

ـ ماكو شي

رجفت الجكارة بيدي من عصبيتي ..

هاي البنيه بدت تعصبني .. وراح تطلع اسوء مابيه ..

ـ ارفعي وجههج .. وحاجيني ..

ماترددت وهي ترفع وجهها عليه ...مصرة اصرار كامل ان تواجهني .. ونطقت وعادت كلامها

ـ ماكو شي ..

ـ اكو كولشي ...كولشي

تنهدت

ـ شتريد رافد

اني حر ..

اباوع عليها شلون مااريد اني حر

حر ..اباوع لعيونها ...

شفايفها ...

وجهها ..

كل شي بيها اني حر ...

نزلت عيوني علئ الحلقه الي بيدها ..

ـ خلي الي اريدة علئ جانب .. وكوليلي بالي ترديه انتي

عيوني راحت لعيونها .. حسيتها تفاجئت من سوالي .. ردت بعفويه

ـ اني احس نفسي تايهه

لزمت كلبي الضعيف ...هذا الكلب الي يردد بداخله

"ماعاش الي يخليج تايهه .. واني لمن عايش غير لج! "

وبدل مااكولها تلي بكلبي ...حجيت بطريقه عمليه ..

ـ شنو رأيج نبدا من الصفر

اخذت نفس من الجكارة وعيوني مافاركت عيونها ..

ـ شغل

ارتفعت جواجبها ...وتوردت خدودها ...يمكن هذا الي فضحها كدامي ...انو هي فعلا تتمنئ تشتغل .. بس اكو شي يمنعها .. عنه ...دارت وجهها لعبير

ـ عبورة

نزلت راسي واني اطفي جكارتي الثانيه ..

ـ كم ساعه باليوم مراح تأثر علئ الاقل لمن تكبر شويه وبطلي اذا ماكدرتي لان اكيد راح تتوكح ...مثل امها الي مابطلت وكاحه حتئ لمن شبت وصارت بعمر المراهقات ..

غاليه ..

رجف كلبي اني اسمع اخر جمله منه ...مو كافي مااكدرت انام .. او تغمض عيوني بعد ااي صار الفجر ... احس بداخلي عواصف تهب بسبب كلامه ...عواصف وماكو تسكن بيه وتسكته

سالته

ـ يعني عندك مكان محدد اشتغل بيه ..

ـ يعني اكو هنا محامي يجي هو وعائلته ياكلون عدنا يمكن اكدر ادبر لج شغل عندة

خفت

ـ محامي ...بس اني مااعرف شي عن هل شغلات

ـ علئ كيفج شبيج قابل يكولج روحي ترافعني بدالي عن هاي القضيه

اني حجيت وياه هو محتاج وحدة تنظم مواعيدة يعني بديله سكرتيرة مالته لان متكدر تبقئ النهار كوله بسبب ظروفها العائليه

ـ اذا هيج اني قابله ..

رافــد ...

رتاحيت واني اشوفها فعلا ارتاحت ..

ـ هسه احنا اجاوزنا الصفـر وصرنا بالواحد .. انتبهي لان الواحد بيه خطوة مهمه لازم تسويها

حسيتها خجلت ..

ـ هاي شبيك رافد ...دا تحسيني احنا بدرس رياضيات ودا تدرسني

ـ عمري مااعلمتج رياضيات تعرفني شكد ضعيف بيها . .. اخاف راغب يدرسج قبل

شتمت نفسي للالم الي شفته بعيونها مااول مااحجيت اسمه ..

ليش .. حجيت وجبت اسمه بالنص ماادري ..

بس راغب حقيقه موجودة بيناتنا مجاي تنتهي ..

كانت راح تكون للابد موجودة ..

....

سهـــر ....ياســر

وصلنا لتركيا .. واحنا بحاله تعب .. لكينا سعد منتظرنا .. سلمنا عليه وبارك لنا ..

ـ هي هاي سهر ...لعد حقه ياسر ترك الاعتكاف .. وتزوجج ..

ضربته حيل علئ صدرة ..

ـ احترم نفسك لك ...يلا دلينا علئ الفتدق وتزحلك انته بعد منريد نشوف هل الجهرة الحلوة

ـ اها هيج صارت

لتفتت علئ سهـر ....

ـ شفتي .. رجلج فوك ماعازمكم وحاجز لكم تطردني ..

ـ اي قابل تشلغم يمنا .. هذا يصير شهر عسل لو بصل ..

ضحكنا كولنا ...وصلنا للفندق وراح .. من التعب نمنا ..  بدون حتئ مانحس علئ اورحتنا ...

ماادري شكد مر من وقت ...بس حسيت علئ سهر تكعد بيه ..

ـ اووف شتريدين

ـ كوم ...كوم وديني لجزيرة الاميرات .. اردي جاييين ننام ...قابل مشايفين نوم ..

شلت راسي لها شفتها مبدله ولابسه ..

ـ خير وين العزم

مدت شفتها تعيب عليه ..

ـ كوم كافي نوم .. اريد اشوف جزيرة الاميرات ..

صفنت عليها ..

ـ زين تعالي يمي .. واني اطلعج لجزيرة الاميرات ..

ـ تحلم .. كوم بدل لا اروح وحدي واخليك ...وخليني اتهيه بركيا ...ماكو احلئ من هيج ضيعه لو تهت ..

ضلت واكفه فوك راسي تنج منا ...لمن كمت ..

...

نتمشئ بوسط شارع بسيط .. خالي من الناس وهادي .. البيوت القديمه متراصفه علئ اطرافه .. باللوان حلوة وزاهيه .. وكفت سهر .. مدت ايديها كدامي وهي تغمض عيونها .. وتشم الهوا حيل ..

الشمس طالعه ...والهوا حلو ...وههي تصيح

ـ حبيت جزيرة الاميرات كون اعيش بيها طول العمر

همست عند اذنها واضحك عليها

ـ اكيد انتي مصخنه مو بالله

لتفتت عليه وهي ضايجه .. وخلت ايدها علئ خصرها ..

وشكد حلو خصرها .. شكد حلو هي تضمه بالملابس الرياصيه الي لابستها ..

كتمت نفسي واني اباوع علئ شعرها الكصير الي طول عمري احبها عليها .. عليها هي وبس

وطوك الورد الي شترته حالها حال اي سائح يمر بجزيرة الاميرات ...

جانت مثل الطفله الفرحانه وهي تشتري الطوك .. حالها حال السياح .. لان الطوك دلاله علئ الاميرات ...

حجت وهي تحرك اصبعها كدام وجههي

ـ انته شكد مزعج بس تريد تخرب عليه فرحتي .. بعدين ليش تكول هيج .. اني حبيتها بطريقه تفوق الوصف ...دا شوفها جزيزة خياليه ...تخبل شوف الطبيعه مالتها شلون تجنن وتخلي الواحد مرتاح .. لا سيارات .. ولا طيارات .. ولا ثلوث بشري

ضحكت عليها ..

ـ وداعتج ماتتحملين بيها يومين .. وتشتاقين للناس وصوت السيارات  .. وفساتينج... الورديه وحذيتج العاليه ...يا قزمه

ـ اني قزمه اني طولي ...اااه

سهــر

حضنته حضن لمن شفت واحد من الجلاب ااي منتشرة بتركيا جاي عليه .. لزكت بيه روحي لزك وغمضت عيوني ..

واني اصرخ ..

ـ ياسر ...وخرة ...عليك الله وخرة سوي شي وابعدة عني ..

حضني حيل

ـ لا تخافين كم مرة كوتلج هاي الجلاب نظيفه مو مثل الي عدنا ...هاي ملقحه ضد الامراض ومنظيفه مدام شايله الترجيه المربعه بأذنها فلا تخافين منها ..

ابتعد الجلب من يمنا بعد ماايأس انو مراح نننطيه شي ..

تنفست حيل بعد مااشفته بتعد ... رتخئ جسمي بعد التشنج الي صابني من شفته ..

ـ اي ليش هلكد جلاب عدهم ...عجيب حتئ اكثر من البزازين ...نوب يجون الي من دون هاي البشر كولها ..

ـ يمكن لان عيونج يشبهن عيون البزونه ..

ضحكت بدلال ..

ـ صدوك ياسر ...حلوات عيوني

ـ يخبلن عيونج .. لو مختارة طوق اخضر جان راح يجي وياهن كولش

تنهدت ...اي هم احسن من ماكو ...يعني كام يعبر .. يتغزل بيه بعد ماايست منه ..

...

سألت نفسي .. اعترف له .. اكوله ليش اختاريت هذا اللون تحديدا ....

اكوله كل الي بداخلي والي بكلبي .. اخاف يظل يضحك .. عليه ..

اخاف يتسهزء بيه .. اني تحمل ايستهزاءه بيه بس مو بهاي الشغله .. ماتحمل انو مراح يفهم معنئ هذا الورد الي لابسته ...

لمست ركبته واني همس له

ـ هذا طوك الورد الوردي ..

باوعت بعيونه ...شفت بعيونه .. انه راح يكول شي يضحك .. شي يستهزء بيه منه ..

تشنج كل جسمي ...بتعدت عنه .. شويه لزمت ايدة خليتها علئ كلبي ..

ـ هذا الطوك مثل كلبي .. يصير وردي بس لك وحدك انته من دون البشر كولها

فتح حلكه يريد يحجي بس اني بسرعه سديته بيدي

ـ لا تكول اي كلمه تضحك ...اترجاك

عيونه اختفئ منهن الاستهزاء ...تغير لونهن .. صارن اوضح .. حتئ ملامحه سكنت ..

ـ ياسر اني احبك.. اااه لو تعرف شكد احبك .. صدوك قبل اهتم بنفسي وانوثتني واحس نفسي مميزة ...بس لمن شفتك ...كمت احس روحي فعلا مميزة .. احس كلبي يورد من اشوف نظراتك لي .. كمت اهتم حتئ بس اشوف نظرات الاعحاب بعيونك .. احبك واحب كلبي لان حبك

صحت لمن سحب ايدة حيل من صدري ...سحبني من ايدي يركض بيه .. ختلنا بين البيوت دفعني علئ الحايط ...وصرت محجوزة بينه وبين الحايط ..

ـ ياسر ...الله يخليك ...لك خبل احنا بالشارع لا تتهور وننفضح ..

رفع وجهه لي .. شفت نظراته رغبات ممتحمل الانتضار اكثر

صدرة يصعد وينزل .. ماادري بشنو يفكر .. .

شلون راح يهدئ واحنا ورانا رحله طويله لمن نوصل للفندق الي حاجزين بيه ..

سحبني من ايدي حيل

ـ تعالي ..

وبعد نص ساعه .. واني صافنه علئ حيطان الغرفه ...سواها الخبل وحجز لنا غرفه بهذا الفندق البسيط رغم اسعارة المرتفعه ..

سد الباب حيل .. صفنت عليه

ـ مدا اصدك تهورت وحجزت لنا غرفه هنا ..

وبدون ان ينطق بحرف واحد اخذني بين اديه .. واني مستوعبه .. وراضيه بكل الي دا يصير

ابتعد عني يلهث ..

ـ انزعي الطوق مااريد يخرب وتالي تكومين تنوحين وتبجين عليهن ..

ـ ابدا مراح يخرب شي كل وردة من هذا الورد بداخلي .. يفتح ويزهر لك وحدك وعمري مراح اوكع او اطيح واني وياك ..

مساء الخيــر بنات .. شلونكم ..

اليوم البارت هم حلو

استمتعــوا ..

اقــروا ..

علقـــوا ..

صوتوا .. 

تابعوا هاي البنوته كاتبه جديدة @Shahrazat_altimimi

Shahrazat_altimimi

البارت الرابع والعشرون ..

بقـلم وردة عمري ..

غاليــه ...رافــد

بعد ماخلصنا النهار بطوله بالمطعم ...رجعنا .. ماعندي اصبر الا اشوفها مرتاحه ...

يمكن هاي راحتها لان كوتلها راح اخليج تشتغلين وي محامي .. واني ماجذبت خبر .. اول مانزلت غاليه السيارة طلعت تلفوني وتصلت بيه ...بس ماارد عليه ...تذمرت اليوم جمعه ولان الجمعه يخلصها وي عائلته مايرد علئ الاتصالات العمل ..

بس مافقدت الامل ...ضليت اتصل بيه ما لمن رد عليه حجيت وياه شويه .. وقنعته يشغل غاليه وياه .. والرجال ماقصر قبل...

ماجان عندي صبر ...اريد اكولها .. اريد اشوف الفرحه بعيونها واني اكول لها ...

مااردت الليله تمر بدون مااكولها ..

من رجعنا للبيت لكيت امي وخالتي كاعدات .. يسولفن ..

وغاليه يمهن ..

اول مااكعدت ...حاجتني خالتي ..

ـ خاله رافد ماتصلت بأخوك .. اشو خابرتني هاجر كالت رايحه وياه ولهسه لا ابو علي ولا مسحاته ..

باوعت علئ الساعه ...شفتها ...بالثانيه بالليل ...فعلا الوقت اتأخر وين اخذها هذا ...

دكيت عليه اكثر من مرة مارد .. اي .. وين راح ...سوالف ايهم ماتخلص كل ساع متخلي بالنت مايكول عيب ...مايستحي هذا ...كلش ضجت منه .. شنو يعني شافاهن بلا رجال استغل الوضعيه ... قابل هاجر غريبه ويسوي وياها هيج ...هاي بنت خالته مو بنت من شارع ....اسنغفر الله ..

كمت من مكاني ووتلفوني بيدي .. وخالتي وراي صوتها

ـ اها خاله رافد خابرته ..

ـ لا تخافين خاله قابل هيه وي غريب غير رجلها ...

المرة هم سكتت ماكالت شي ..

ضليت ادك علئ ايهم بس ماكو فايدة موبايله يدك بدون اي جواب .. وهاجر نفس الشي .. خفت لا صاير شي ...

مانحس الا ندفع علينا الباب .. خالتي ام سميه ...بس مو هي وحدة ثانيه .. لابسه عباتها مكلوب .. وجهها بيه كل شر ..

اول ماادخلت علينا صرخت ...

عبالك واحد عندة ميت ..

بعدني اريد الزمها دفعتني ..

ـ ولج رضاب ماتستحين تتخطبين علئ بنتي  .. ولج جان خجلتي جان كولتي بنت اختي ...

دارت علئ خالتي رنا ..

ـ وانتي رنيوة ام السحورة .. هسه رتاحيتي من وزعتيهن عليهم ولهفتي الجمل بما الحمل.  

تأشر بيدها ...ومن كالت الجمل بما حمل .. شلفطت ايدها بحلكها بحركه عود اكلت كولشي

امي حاولت تصلح الموقف

لان خالتي .. رنا .. مثل واحد وضربها علئ راسها من الصدمه

ـ شنو سالفه دادة ام سميه دا تعالي ياعيني تعالي كعدي ونتفاهم ونسولف قابل احنا غربه

بس مااكعدت و لا هدئ صوتها ..

ـ جان كلتي لروحج عيني .. وانتي تخطبين بنات الفكر لولدج عكب ما خطبتي بنتي .. وعفتوها بلا سبب .. ماتستحون ماتخجلون ...بس انتي وين تعرفين المستحئ مدام مماشيه ام السحورة .. هاي الحيه الركطرة ..

وتأشر علئ خالتي رنا ..

غاليه ركضت عليها دفعتها ..

ـ امي اشرف منج من بنتج انتي ام السحورة وين شايفين سحورة احنا .. اذا تعيرينا بالفكر الفكر مو عار وتنعير بيه .. روحي شوفي بنتج شسوت وعافها .. احنا شعلينا

دفعت غاليه رجعتها لورة

ـ انجبي انتي معليج ..

ـ ماتشوفها شلون تغلط علئ امي شنو معليه

ـ اسكتي اكولج .. اشششش

ـ انجبي لج ام الزلم .. ويوميه نايمه بحضن واحد .. صدوك لو كالوا انطي الحظ .. لـ كـ ... 

وصار ملاطم .. منا كلمه ..  منا كلمه .. ماادري شوكت غاليه طفرت من وراي .. ولزمت ب ام سميه وجرتها للكاع ..

تلمينا عليها ثلاثتنا انريد نخلص خالتي منها ماكو ..

لمن شلتها بكل حيلي ...بيدة الانثين .. وهي تدفر برجليها وتصيح

ـ عوفوني ...عوفوني اريد اطلع حركه كلبي بيها ..

وتضربني برجليها ..

هذيج ماسكتت بعد مااكلت الكتله .. تجعر ..

ـ ام الزلم ... العايبه ..

واشكال الغلط ولوانه ..

حطيت غاليه بالكاع ...رادت تتحرك تهد مرة ثانيه .. بس اني جنت اسرع .. مااحسيت الا وايدي تنحط علئ خدها ..

اعصابي فلتت مني ...واحس نار تطلع من عيوني واذاني .. من عصبيتي

ـ من اكلج اششش يعني ششش ...فاهمه ..

صفنه عيونها .. ودمعه الي تكونت مانزلت ... كلهن شفتهن ...بس درت وجههي كبل لا يرف كلبي عليها و اضعف ..

ـ خاله سميه وايهم جانوا مخطوبين ...وصارت القسمه لا هم اول ولا اخر اثنين يفضخون .. ترة هاي سالفتج ماتسولف هادة علينا لان ايهم خطب .. لعد شتردينه يظل العمر كله هيج. هاي ماصايرة

ـ يرجع يخطب بنتي ...مو خاطب بنت هاي الماتستحي

جريت نفس قوي .. واعصابي تفور ..

ـ هو لو يريدها جان مافسخ الخطبه .. خاله انه اكول روحي لبيتج ..  وذكري الله .. ترة ايهم مايفكر بسميه والي بينهم انتهئ ...وسالفه تهدتج علئ بيتنا راح انساها تماما لان احنا اهل مااريد اسويها طويله وروح اشتكي عند رجلج.. 

خنست وسكتت ... مااريد اكول تخاف من رجلها .. ابس اعرفه رجال حقاني ...وخوش رجال .. واكيد لو يدري بيها ...جايه مايقبل عليها ..

قبل لا تطلع صاحت ..

ـ حسبي الله ونعم الوكيل بيج وببناتج ..

وخلت وطلعت ..

وغاليه اخذت بنتها و صعدت ..

مشطت شعري بيدي حيل ... خطيه خالتي رنا اول مااطلعت ام سميه ...من يمنا حجت .. حسيتها خجلانه ...وصوتها مبحوح ..

ـ خاله خابر اخوك .. شوفه وينه... اريد اروح لبيتي ..

امي جرتها

ـ رنا صدك جذب دادة معليج بيها كلبها محروك علئ بنتها

ـ واني ماكلت شي خيه .. حقها .. بس اريد ارجع لبيتي .. وهاجر تأخرت كولش وي ايهم هم مايصير ام رافد ترة مهما كان بعدها خطيبتها عود اذا تزوجها وصارت براسه بكيفه عسئ مايضل اسبوع شعليه بيه .. بس مادامها بعدها عندي مايصير تضل كل هل وقت وياه ونعرف وين اصلا ..

....

ايهـم ... هاجر ..

درت وجهي واني كاعدة يمه علئ الكرسي .. سالته .. واحس كلشي باهت .. كلشي اختفه اللونه وصار رمادي

ـ وين ماخذني ..

ـ لبيتنا ..

ـ بيتنا! ?

لتفتت له اباوع عليه وهو عينه علئ الطريق .. ليش بعد هذا كوله اكو بعد بيت يجمعنا ..

سؤال سالته لنفسي ..

توجع كلبي واني اذكر كولشي صار اليوم ...ذكريات .. ذكريات قديمه .. ذكريات جديدة

اسئله .. لا تعد ولا تحصئ ... تزاحمت بعقلي ..

يعني اصدكه .. اصدكه من كال لي راح يكول لي كولشي .. !

طال الوكت واني اباوع عليه ...صافنه علئ ملامحه .. دار وجهه لي .. اااه وشكد متغير .. عبالك مرت عليه سنين .. مو بس ساعتين او اكثر .. عيونه حمر ... بيهن وجع مثل وجع روحه. ...

ـ خابري امج كوليها راح تروحين وياي حتئ ماتبقئ بقلق ..

مااسويت الي طلبه مني .. دار وجهه عني واني هن درت وجهي... والسيارة تمشي بينا بالشوارع الي قلت بيها السيارات. ...

رجع عليه يحجي وياي جانت نبترة اقرب لترجي من طلب ..

ـ رجاءا هاجر خابري امج .. الله يخليج سوي الي كوتلج عليه وبعدها سدي تلفونج لان محتاجين اني وياج نبقئ لوحدنا ومحد يقاطعنا ..

طلعت تلفوني ...رغم خايفه اتصلت بأمي بلغتها .. راح اروح وي ايهم ولا تقلق عليه ...سديته من امي ...وشفته غلق تلفونه ..

وداني لنفس البيت لي اخذي اله من خطفني .. دخل قبلي .. اشغل الكلوبات ...

جنت وراها امشي .. اتبع خطواته هو اي كلوب يمر يشغله ..

...

وكفت بنص الصاله واني تأملها ...مااردي ليش رجعت الي الذكريات من خطفني .. بوسته الي .. حضنه الدافي .. كلامه ...اصرارة اصير زوجته واكون له ..

معقوله كل هذا كذب ..

فزيت من لمسني .. من زندي وهو وراي .. درت وجهي له .. اطول مني .. شلت راسي له اباوع عليه .. صافنه وهو مثل حالي .. ماكدر يواجهني اكثر نزل راسه .. نزع سترته وذبها علئ الكرسي ..

مااكدرت اسكت اكثر ..

ـ ليش جذبت عليه .. بخصوص سميه ..عبالي خاطبها وبس .. حتئ من عرفت بيك متزوجها .. عبالي مطكلها ...انته كولتلي مطلكها ..

ـ اني ماجذبت عليج .. كتلج اني منفصل عنها .. وصدك اني منفصل .. مااشفتها صار من عرس عماد ونقطعت قبلها بسنه .. جانت مسافرة ورجعت

انفاسي كامت تصعد وتنزل ..

ـ شفتها .. غير هل مرة اقصد! ?

تبعثرت مني الحروف وتاهت ماكدرت اكمل جمله علئ بعض ..

عيونه ثبتن علئ شفايفي وهن يرجفن ..

ـ رحت لها امس بالليل ...لبيتها ..

احس نار الغيرة اشتعلت بين ضلوعي ..

ـ ليش .. شسويت وياها ..

ـ ضربتها وذليتها ...مثل ماذلتي وهانت رجولتي وشكد استمتعت واني اضرب بيها ..

مااصدك شلون يحجي بهاي اللغه ...بهاي القسوة ...

تقدمت عليه اسأله ..

ـ تجنت تعرف بيها راح تجي مو! ?

ابلع ريكه بلكوة

ـ خمنت بعني جنت اعرف يا اليوم ياباجر يا عكبه ...

رفعت ايدي وضربته علئ صدرة

ـ لعد جنت متعمد مو .. جنت متعمد تبوسني حتئ تشوفك

قاطعني بصوت عالي

ـ ابوسج او احضنج .. اضوك كلشي بيج .. هذا الشي مو بيدي هاجر .. اسويه لان محتاج اسويه ..  احتاجه حتئ اعيش .. حتئ احس اني عدل .. هي كتلتني ...وانتي تحيني ..

صحت بيه ودموعي سالت ..

ـ بس انته جنت اتخطط ايهم ...لا تنكر الله يخليك .. جنت تخطط تأذيها بزواجك مني .. اني البنيه الي اقل منها ماديا ...اقل منها دراسيا .. اقل منها بكولشي. . بالنسبه لها بنيه عاديه ماكو اي شي يميزني ...غير اني شبهها ..

ـ صح يمكن هيه تشوفج هيج ...بعينها انتي هيج .. وصح اني خططت حتئ اذيها بزواجي منج

هزيت راسي وعيوني مثل نهر تسيل .. مدا اصدك ...يعني اني جنت مجرد شي مار .. خطه حتئ ينتقم بيها من سميه

ـ علمود هيج ردت نزوج بسرعه .. جنت مستعجل علئ الزواج .. علمود هيج جنت تخدرني حتئ ارضئ .. حتئ اقبل بالي جنت اشوفه تهور وجنون .. بس بالحقيقه جنت تخطط تشمي علئ خطه وهي تتزوجنتي حتئ تقهر سميه .. شي تخطط له مو من اليوم وامس لا من اشهور. .. اشهر وانت تتخيل وجهها اذا عرفت بيك تزوجت وحدة مو من مستواها لا وعلئ كولتها تلبس من ملابسها .. وهي بعدها علئ ذمتك .. اعترف ايهم ...اعترف جانت هاي الخطه مالتك وجنت تتمنئ لو تزوجنا حتئ تم علئ احسن وجه

ايهــم

ماحاولت اتقرب منها واني اشوفها بعيوني شلون تعاني ...شلون تكتشف الحقائق علئ طريقتها الصريحه ..

شكد اتمنئ لو اكون صريح مثلها .. لو اعرف كلبي وين يسكن هسه ..

بس علئ الاقل اكدر هسه اجاريها بصراحتها ..

مهما بلغ الالم حدة ...لازم اتعرف .. كضيت عمري كوله واني اقاتل .. .. مراح استسلم هسه

ـ جنت مستعجل حتئ اضمنج تبقين وياي .. مااكدر او اسمح بخسارتج .. اساليني ليش ارد بدون اي تردد لان اريدج ...اريدج الي .. اريدج بحياتي لاخر نفس

هاجر ...

كلامه جنت احسه صدوك ...هزاني .. شوش افكاري

ـ وسميـه

دار وجهه عني .. مسحت وجهي حيل ...

ـ لا ...لادور وجهك عندي هل مرة مراح اتراجع .. هل مرة مراح اسكت بكلمه منك.   هل مرة راح كولي كولشي ...ماكو شي يضل مضموم ...ماكو الله اطلع من هذا الباب بعد ماتشوفني وتحلم تشوف خيالي ..

سكت واني احس بالوجع انتشر بكل مكان بجسمي وروحي .. حتئ اني ...قويه ..اكدر اقاتل واحارب حتئ اعرف الي اريدة ..

وهو وعدني ...راح يكول ...ويحجي كولشي ..

ـ راح اكولج

اقتربت منه .. حتئ ضرب صدري بصدرة .. اباوع عليه .. اشوف توترة .. تشنجه ..

جان يرجف ...واني ارجف مثله .. منتظرة .. المصيبه الي راح يكولها الي .. اي مصيبه ..

الي ضامها عن الكل .. واليوم راح تظهر وتطلع ..

مااادري ليش اتذكرت كلام ست وداد اخر مرة ..

"اكو شي صار وغيرة "

اعرف سميه خانته .بس صدوك خانته. ... خيانه حقيقيه

فجـاة اخذني الصدرة ...بين اديه .. عصرني عصر ...عبالك يبث كل المه ووجعه الي.  

عضيت شفتي حتئ ماتطلع مني كلمه "اه " وحضنته مثل ماحضني .. اشم كتفه ..

ـ كول لي شسوت بيك! ?

ـ ياريت ...ياريت لو اكدر ادخلج لصدري وتشوفين جوة ضلوعي شكو ...

مااكدر بعد اتحمل اكثر ...المه ماينطاق ..

معقوله كل هذا الحب الي شفته بعيونها ...له .. وخانته شلون

عصرني حيل لدرجه حسيت ضلوعي نعصرن .. الم بجسمي كام ينبض ...بعد ماتحمله

ـ ايهم احجي .. حتئ لو مافتهمت الي راح تكوله بس علئ الاقل احاول افهم اذا مو علمودك علمود نفسي

قرب شفايفه من اذني ..

ـ خانتني ..

صح سمعتها .. بس من عندة غير ...رغم جنت اعرف .. بس رغم هذا نصدمت ..

يعني صدوك خانته ...يعني خيانتها ...حقيقه واقعه ..

دفعته حيل ..

ـ مستحيل ...شفتها بعيني شلون تحبك وتريدك ... اذا شفتها تحجي وي احد او تراسل احد يعني خانتك

ـ دا كولج خانتني .. عبالج اني اتبلئ عليها .. خاتنتي ..  علئ فراشي الي جمعنا سوة .. علئ جربايتي .. بالبيت لي جمعنا سوة.  خانتني وي واحد مايسوة فلسـ..  صورها وياه .. وهددها واجت اعترفت الي بعد ماراد يشهرها ويفضحها .. ماادري بذاك اليوم شبون لزمت نفسي وماكتلتها .. هددننا بصورها هي وياه ...اخذ صفطه مالت فلوس الا خذف الصور وسلمنا الموبايل وشرد خارج العراق

فتحت عيوني علئ وسعهن .. روحي اجت طلع من جسمي .. وانتي تخيل الموقف ..

تمايل جسمي .. ردت اوكع ..

سميه خانت ايهم علئ فراشه ..

شهكت ...ياربي شنو كل هذا .. شنو هذا اصلا ..

مسلسل تركي اني بيه .. كابوس ...حلم .. زين شنو المفروض اكول ...شسوي .. شحجي

نار الم ...والغيرة .. والخوف

الوجع علمودة ...والغيرة منها ...والخوف علينا انثينا ...

وهو عبالك فهم الي دا احس بيه ...اقترب مني .. حضني ..

وصار يبث جوعه وخوفه الي بطريقته ..

يلهث مال بيه ...خله جيبينه علئ جبيني ..

ـ كوليها هاجر .. كوليها ...اني عريت وجعي كدامج .. حجيت الي يمس رجولتي وطعن روحي وبعثر كرامتي  .. حجيت الي ماحاجيه لبشر .. بس حتئ تبقين وياي.   واسوي اكثر من هذا بس كون تظلين وياي .. كوليها ..

انفاسه تضرب بوجهي ...شلت اديه وخليتهن علئ صدره ..

ـ اني ...باقيه ...باقيه وياك .. مراح اعوفك

هل مرة رجع يبوسي بطريقه تختلف عن كل مرة .. احس البوسه تطلع من كلبه .. سحبني له واثنينا كعدنا بالكاع وهو ماعايفني .. شفته توصل لكل مكان كدامه ..خدودي .. عيوني ..ركبتي ويرجع لشفتي ..

حسيت بيدة بدت تفتح بدكم قميصي وتمد من جوة القميص .. لزمت ايدة ..

ـ رجعني للبيت ايهم ...لا تخليني اتندم اجيت وياك للبيت

جنت اراقب انفاسه بدت تهدئ وانفاسي ترتفع اكثر واكثر ..

احتاج شخص ينصحني ...يمكن سهر ...او شهد .. بس محتاجه احد وياي .. يدليني شسوي .. شنو لازم اسوي .. بدون ماكول الي صار ..

ايـهم ..

وصلت هاجر لبيتنا .. طمئيت عليها .. ضليت واكف الئ ان دخلت للبيت .. ماجنت بمزاج اشوف احد او احد يشوفني .. فتحت موبايلي لكيت .. رافد خابصني خبص بالاتصالات ...اكيد يسأل علئ هاجر ..

دكيت عليه اول ...مالحك يدك الثانيه جاوب

ـ لك .. نذل وينك لهسه .. تدري بيش الساعه ..

ماجان عندي كلب اجاوب او احجي شي

ـ رجعتها للبيت .. خالتي بعدها هنا

ـ خالتك كلبت الدنيا ..

ـ رافد خلوهن اليوم يبان عدكم ..

ـ وانته

ـ اني راجع للبيت

ـ يعني جانت وياك بالبيت ايهم ترة مايصير الي دا تسويه شنو يوميه ماخذها ورايح للبيت صح عاقد عليها بس بعدها مو زوجتك كدام الناس.  

ـ جانت بيناتنا مشكله وحليناها وجعتها صاغ سليم قابل اكلتها يلا سلام ...

سديته منه ...ورجعت للبيت ..

احس كل طاقه بعد مابيه .. استنفذت كل طاقتي .. يمته سيطرت عليه هاي العصفورة ..

بعد الي صار بيناتنا .. ساد الصمت ...ماادري شلون اخذتني النومه ...يمكن من التعب الي جنت احس بيه ...فتحت عيني لكيتها مكابلتني وكاعدة ...عيونها .. كلشي بيها جان يحفر بداخلي شي مااعرفه شنو ..

ووصلتها للبيت سكته ماكو واحد بينا نطق او حجه كلمه .. حتئ من نزلت .. همست بكلمه وداع مامفهومه ..

رجعت اباوع للصاله ...اريد اشوف اي اثر لوجود هاجر ...بس ماكو كولشي اختفئ وراح وي طلعتها ..

جنت مثل الطفل الي يدور علئ امه ..

يمته صارت هاجر مهمه لي لهاي الدرجه ماادري ..

يمته حتلتني .. وخلت كل كياني يريدها هي مو غيرها ...ماادري

تحركت بلتقائيه واني اذب كل جسمي علئ الكرسي ...اريد ارتاح .. دك موبايلي تخيلتها هي ...ابتسمت ... كلبي رف مثل الطير .. بس شفته الرقم غريب .. شلته

ـ الو ...

ـ ليش قافل تلفونك .. جنت وياها مو .. وي هاي العكربه الصفرة ..

بلعت ريكي ..

ـ منو نطاج رقمي .. منين اخذتيه

ـ مو مهم .. مو مهم شلون حصلت عليه .. تعاشرها ايهم .. شفتك شلون تبوسها .. ممعقوله رجال مثلك صابر عليها وهي ملك يمينك

غمضت عيوني ..واني ممصدك الي دا عيشه ..الي دا يصير .. اسمع صوت سميه وهي تبجي

ـ مااكدر .. ماكدر امحي صورتك من بالي وانه تبوس جتفها ... انته متلهف لها ..

ـ بس هذا الي شفتيه

ـ ياربي .. انته تريدها ..

اعترفت بدون لحظه من التفكير .. بدون تردد

ـ اي اريدها ...اريدها بحياتي ومااكدر استغني عنها لو جان بيه موتي ..

وصرخت ونحبيها علا

ـ واني ايهم ...واني .. بس اسأل كلبك وهو خليه يجاوب كلبك الي ملتكه بكل مابيه اساله واني ...اني حبيبتك ...انسئ فدوة ...انسئ كولشي صار وخليه هو رد عليه .. يعني استغنيت عني تماما ...متريدني ..

رجعت راسي له ...احس نفسي دا عيش حاله من التشتت الغريبه ..

ـ ماادري سميه ماادري لا تسأليني ..

سديت التفلون بوجهها ورجعت فقلته ..

حاله من التشوش .. صابتني .. ضحكات هاجر تداخل وي ضحكات .. سميه .. الوجوة تطمس وتداخل ملامحها .. حتئ ملامحي تتشتت وتتلاشئ

كلشي يدور بيه .. ويهتز .. ماعدئ كلمات هاجر ..

وعدها الي راح تبقئ وياي مهما صار ...

هاجر ...

دخلت للبيت .. واني بحاله من الدوران .. كلشي بيه يدور ...راسي عبالك جنت العب ديلاب الهوئ وهسه نزلت ..

الي صار مو سهل والله موسهل ...لا عليه .. ولا عليه هو ...ولا حتئ علئ سميه ..

جنت اريد بس افراش اتمدد عليه وانام .. اغفئ ...اريد انسئ .. ارتاح .. وشيصير خل يصير

بعدني محطيت رجلي بالصاله تلكتني امي .. تفور .. وجهها احمر وعصبيه ..

ضربتني .. علئ وجهي وكفختني ..

ـ ولج ياادبسز وينج لهسه .. شنو انتي عبالج ماكو راج احد .. لا سداد ولا رداد كلتي يلا خل العب بكيفي .. وحق الله وبيته اموتج بيدي وماتحسف عليج .. خوش

دفعتها خالتي عندي ..

ـ افه عليج ام غاليه شنو ماعندج ثقه بأيهم .. والله زعلت عليج فد مرة .. بعدين لا طلعين حركه كلبج بالبنيه معليها.  

ـ مو هنه جايبلتلي الحجي رضاب ...اني تعبت مليت.   لا زوجتهن خلصانه ولا هنه عندي خلصانه ... الله واكبر ولجن اني هم بشر حسن .. لو ماكو الاحساس راح اهم شي ارواحجن وبس

تعجبت من حجي امي ..

ـ شبيها ماما خاله صاير شي ..

ـ لا يبعد خالتج مصاير ..

ودارت وجهها علئ امي الي كعدت .. لا ماكعدت انهارت علئ الكرسي وخلت ايدها علئ راسها ..

ـ شتفقنا احنا رنا .. مو كولنا مانجيب سيرة ومانحجي ونخلي الشباب بعيدين عن النوضوع حتئ مايأثر عليهم ..

لا اكيد اكو اشي .. شنو بعيدين .. شنو يأثر .. معقوله عرفت ماما سميه خانت ايهم .. عرفوا بيه جان مزوجها حقيقي .. .. منو كال لهم .. واذا عرف ايهم عباله اني حجيت لو كلت .. اوووف مو كافي الي دا يصير نوب تجي الطلابه وتوكع براسي ..

ـ خاله شكو فدوة احجي ..

ـ ماكو شي وداعتج حبيبه .. دروحي لغرفتي اختج نايمه .. وغاليه خلت لج ملابس تبدلين بيها للصبح ...ديلا عيني روحي ارتاحي جنج تعبانه ..

هم اني لا ناقشت ولا حجيت .. رحت للغرفه ...لكيت يمنئ نايمه بالكاع فارشين لها فراش .. وفراش ثاني يمكن لي ...وعليه ملابس .. بدلت ...وتمددت بالكاع ..

شنو من يوم هذا ...يوم اكشر ...

غاليـه ..

سديت بابي .. تلمس خدي .. اثر الضربه بعدة مبين .. ماتصورت يوم من الايام راح اصير شرسه هيج ..

اتذكر روحي شلون مطلت خالتي بالكاع وكمت اضرب بيها ولا جنها هاي العملاق شكبرها ...احسها صارت كتكوت بين اديه ..

ضحكت علئ نفسي .. لعد شكد تغيرت ..  شكد الحياه اخذت بدون مانتطي او انطت بس القليل ..

تلمست خدي ...احمر ...واثر الاصابع معلمه عليه ..

ضربني رافد ..

عيونه الي جانت تهددني وماتراجعت الا لمن ضربني ..

الا تراجعت .. حزت بنفسي ضربني كدام السعلوة .. حزت بنفسي الكلام الي كالته عني ومارد عليها ..

رحت قفلت الباب اخاف يدخل عليه بالليل ..

وتمددت بفراشي .. اباوع علئ عبورة نايمه .. حبيبتي بدت تكبر ...بيت غير بيتها ...عند واحد غير ابوها .. ياترئ الناس راح ترحمها ..

رافد ماكو منه .. لا تجذبين علئ نفسج غاليه .. رافد احسن اب بالدنيا وانتي تدرين .. جان يوم من الايام اب لج .. اخ... صديق .. كولهن ..

بس كلبي شال عليه .. شايل وشال ..

غمضت عيوني .. اريد اغفئ غفيت ماادري شكد ...فزيت من حسيت يدة الباب تتحرك .. واحد يحرك بيها يريد يفتحها ..

ماادري شنو ...القوة الي اجتني .. كمت .. من مكاني طكيت الفقل وفتحت الباب.   وطلت عليه عيونه ...مااعرف حسيته متفاجئ من قفل الباب او من فتحته ماعرف ..

عيوننا لتقن بدون اي كلام ..

وهو الي حجه ..

ـ اتصلت بالمحامي ...من باجر تكدرين ادوامين ..

رافــد ..

شراح يصير لو اخذتها غصبا ماعليها .. عبالها اذا قفلت الباب راح يوكفني اذا اريد اسوي شي ..

اااخ نايمه ...واني عيوني مازارتهن النوم ..

هنيال كلبج .. هنياله ينام ويتهنئ واني اكلب مثل السمجه المزوهرة . 

..

طاح حضي .. واكف وياها لوحدنا بهل الليل يخلي كل الافكار الخطرة تمر علئ بالي.   اشوفها شلون شايله حاجبها .. وشكد تستفزني هل حركه وهي تعرف ..

اصابعي الي بينه علئ جانب وجهها .. لعد بشرتها شكد حساسه جان مجرد راشي تأديبي حتئ ترجع لوعيها .. مااخلتني حتئ اححي اخذت حقها بيدها .. فرهدت خالتي تفرهد ولا جنها هاي البزونه الواكفه كدامي بعصرة وحدة تتكسر بين اضلوعي ..

ـ حجيت وي المحامي ..

اختفت نظرة الزعل .. هاي هي غاليه .. بكلمه وحدة يأخذها الحماس وتنسئ الزعل واهله

ـ صدوك رافد اي وشكال لك

ـ كال تكدرين اداومين من باجر اذا تردين تروحين من الاربعه العصر للسته ونص واني

اجيبج واخذج بيدي

لسوء حظي اقتربت مني اكثر ...وعطرها الخفيفزكمت اشمه .. احس عصابي بدت تفلت مني

ـ من باجر .. صدوك تحجي عود

ـ لعد اجذب عليج ..

ـ شكرا ...شكرا لك والله مممصدكه واخيرا ..

رفعت عيوني لها واني اباوع للباب .. قافله الباب ..

سهله ..

يمكن افتهمت نظرتي رجعت بسرعه لمكانها .. واني تقدمت ...رغم كولشي احس قفله الباب ضوجتني ..

اقتربت اكثر منها بحيث انفاسنا اختلطت سوة ..

ـ عبالج بقفلتج للباب .. تكدرين تمنعيني اذا اريد اسوي شي .. ترة عايفج بمزاجي ..

خليت اصبعي علئ وكصتها ..

ـ افتهمتي بمزاجي ..

انفاسنا اختلطت .. اقربت شفتي اكثر .. لها .. مجرد ماالمست شفتها .. لمسه .. جانت مثل لمسه فراشه .. نعومه .. مو طبيعيه ...رقه .. ذوبان .. نارر... بسرعه ابتعدت قبل لا تحترك بيها ولا هي ولا غيرها يكدرون يوكفوني ..

قبل مااكول ااريد .. مراح اقرب لها .. قبل مااحسها تريد اكثر مني .. مراح لمسها ..

ـ رجعي نامي .. سدي بابج زين ونامي يم بنتج ..

عفتها واكفه صافنه ...واني دخلت وسديت بابي ..

هاجر ..

ظليت بمكاني متصنمه .. شنو الي صار مااعرف .. مجرد لمسه ..بس لمسه .. مااعرف شنو شعوري .. تلقائيا .. سديت بابي ونزلت لجوة ...ماتحملت ابقى بالغرفه .. خسيت لو باقيه جان اختنكت ..

اريد هوا .. هوا يدخل لصدري ..

طلعت لبرة.. اتنفس ..حيل .. وهفي علئ وجههي لي احسه صار نار وكل دم بيه تجمع بيه ..

شفت شخص كاعد منو هاي .. تقربت كثر صوت نشيج وبجي .. هاجر ..

شدا تسوي هنا ..

خاف عرفت بسالفه خالتي وتبجي مو علئ اساس اتفقنا احنا وخالتي منكول لا ايهم ولا هاجر وموضوع ينسي تماما .. لعـد شلون عرفت ..

تكمم حلكها بيدها ...حتئ مايطلع صوت وتبجي بهدوء ..

ـ هاجر ..

بس سمعت صوتي كمزت ..

ـ غاليه شمكعدج بهل الليل ..

ـ انتي شمكعدج وليش دا تبجين .. ايهم سوالج شي .. امي حجتلج شي ..

..

هاجـر ..

حسيت غاليه نزلت عليه من السما .. جنت محتاجه احـد .. احد يحضني ..

ندفعت لها بكل قوتي .. وحضنتها .. حيل ..

يمكن هي تفاجئت بيه ...اول مرة ضلت جامدة ..

بس بعدين لا حضنتني حيل ..

ـ شبيج هاجر ...لج حجي خوفتيني والله ..

ـ غاليه اني محتاجتج ...الله يخليج ساعديني ...دليني .. بس مااكدر احجي اصلا شلون احجي

سحبتني من ايدي ..

ـ تعالي نكعد واحجيلي ...شصاير ترة وكعتي كلبي ولج

جنت اشهك ...مثل الطفل لو بجه ..

ـ كافي حبيبتي ...هدي .. هسه كوليلي علئ كيفج شكو شصاير

ـ الموضوع جبير غاليه .. جبير .. واني احس نفسي مدا اعرف اتعامل وياه .. احس نفسي ضايعه .. خايفه مااكدر اكولج بالتفاصيل .. ماعندي غير بس الله يساعدني وبهاي الحاله مااكدر ...اعوفه .. مااكدر لان احبه .. والله يعيني علئ هذا الحب

ـ ولج احجيلي هاجر ...فدوة ولا توكعين كلبي ...سوالج شي .. ايهم اليوم اخذج للبيت صار بينكم شي ..

ردت اكولها صارت اشياء بس خفت تفهم غلط .. يمكن هي راح بالها بعيد ..

مسحت دموعي حيل .. وضحكت علئ عقل غاليه وين وداها ..

ـ هاي شبيج انتي وين راح بالج .. اظاهر من تزوجتي رافد انحرفتي عن المسار ..

دارت وجهها تهز بيدها ..

ـ والله عبالي سوالج شي غير اكلب الدنيا علئ راسه وراس الخلفه .. لعد شكو ولج شبيج تبجين جنتج ارمله غير افهم ..

ـ خايفه ..

ـ خايفه عادي حبيبتي اي بنيه قبل الزواج تخاف .. دتعالي .. اسويلج عصير ليمون يريح اعصابح ...واقريلح كم ايه ...تهديج ونامي ...وارتاحي ..

مااكدرت احجي شي .. شحجي وشكول .. شلون انطي بيه وهو امني علئ سر بيه حياته ..

سكتت واحس الغصه بصدري متكسرة ...مثل طابوكه ومثكله عليه ..

رافد ..

مرت كم يوم وغاليه مشغوله بالشغل الحديد .. مشغوله عني ولا البيت وعن الدنيا كولها ..بهذني الساعتين .. عبالك تروح سنه مو ساعتين ..

جنت احجي وي روحي .. واني افتر بين الطاولات ..

ودخلت بنيه للمطعم ...حلوة .. ماكول مو حلوة .. اول مادخلت ...سلمت عليه .. وابتسمت بوجهي ...

تقربت منها .. حتئ استقبلها ...حالها حال اي زبون عدنا ..

ـ مرحبا.  

ـ اهلا وسهلا تفضلي ..

ـ شكرا جزيلا والله دلوني علئ مطعمكم كالوا خوش مطعم .. وحمدوا بيه

ـ يهلا بيج نتشرف .. ان شاء الله مانقصر وياج ..

ـ هاي شبيك رافد معرفتني ..

ضيقت عيني .. حاولت اذكرها ماكو ..

ـ اظاهر متذكرتني .. اني ملاك .. جوارينكم قبل .. بنت ابو ياسين ..

فتحت عيوني علئ وسعهن .. تذكرتها .. البنيه مو غويبه خلصت ويانه طفوله وتربت بياتنا واخوها كان صديقي .. تعرفنا كولنا .. حتئ تعرف البنات ...غاليه و هاجر وسهر .. عاشت ويانه فترة مراهقه .. بس مو طويله ..

ـ هاي شنو متغيرة ولا اعرفتج .. تفضلي .. تفضلي .. شلونح الاهل شلونهم ...ياسين شلونه بعد ماشفناكم نقطعت اخباركم

كعدت وكعدت مقابيلها ..

ـ والله شصار بينا تشتتنا . .. بعد ماسافرنا .. ماما توفت ..

ـ الئ رحمه الله .. البقيه بحياتج ..

ـ حياتك الباقيه ...تمرضت وتوفت .. وياسين ستقر هناك بالخارج ...رجعنا اني وبابا .. بس بابا ممستقر يوميه ببلد ...واني هنا كاعدة عند عمي ...وعندي شقه زغيرة مرات اروح لها اذا ضجت ..

وضحكت ..

ـ انته شلونك اخبارك .. خالتي شلونها ..

رجعت لورة .. ورثت جكارة ..

ـ خالتج زينه .. الحمدلله

ـ وانتم .. عماد وسعد و ايهم ...وياسر شخباركم ..

ـ ايهم خطب هاجر ..

سألت متعجبه

ـ شنو .. لعد سميه مو جان يحبها ..

ـ اي صارت ضروف وفسخوا ..

ـ وعماد تزوج بنيه حبها وتزوجها ..

ـ ياسر تزوج سهر وبعدهم بالعسل بتركيـا ..

ضحكت

ـ الله عليك شلون ترهموا .. ورديه وياسر مو اذكرها قبل ماتلبس الا بدله وردي .. وقراصه وردي ...و طوك وردي .. لحد مالعبت نفسي منه ..

ـ تراهموا الحب يسوي العجايب ..

ـ وانت ...

ـ تزوجت غاليه ..

حسيتها نصدمت ...

ـ شلون ..

شلونكم حبايب كلبي ..

مشتاقه لكم اكيد ..

استمتعوا ..

وصوتوا ..

وعلقوا ..

احبــكم

البارت الخامس والعشرون

بقـلم وردة عمري ..

ـ شلون ..!?

سؤالها .. عجبني .. يعني هي سافرت قبل لا تتزوج غاليه ..

انتحيت علئ الكرسي من خلفي .. واني اباوع عليها ..

ـ ليش شلون ملاك ..

جانت بيدها الخاشوكه عافتها ..

ـ لي عرفته واخر اخباركم وصلتني غاليه متزوجه شخص ثاني .. وعدها بنيه منه ..

حاله من التلبد صابتني .. وهي تحجي تقرير الايام السابقه .. سنين مرت عليه مثل سنين يوسف عجاف .. ولا زالت مستمرة .. غاليه رغم مابيتي ويمي .. بس بعيدة عني .. بعيدة هوايه ماعرف شنو الي يقربنا .. ويطوي هاي المسافات بيناتنا ..

ـ طلكت منه ...واني تزوجتها ..

ـ احجيلي من الاول شلون .. وليش اطلكت .. وشنو الي صار

لكيت نفسي... احجي لها كولشي ...يمكن جنت مضغوط . .. محتاج شخص بعيد ...افرغ لها مابداخلي .. نساب الكلام من حلكي بدون اي قيد او شرط .. كولت لها كولشي .. بدون مااضم شي عنها ..

من خلصت ...رجعت انتجيت ..

ـ وهسه ...شنو يعني الحياه بيناتكم منقطعه. .. متحس نفسك مجبور عليها انت.   يعني لان اخوك خطبها لك حتئ بدون ماايكول لك

ـ شدا تحجين ملاك .. غاليه حلم عمري عشت عمري حتئ احققه

ـ بس هذا الحلم تغيير رافد.   انت بنفسك كولت غاليه مو غاليه قبل .. يعني حلمك مو حلم قبل .. يمكن لو اخوك ماخاطبها لك جان ماقبلت بيك .  مو صح

صفنت بحجيها ..

ـ يمكن حجيج صحيح .. بس اني مااشوف غيرها مرة بالدنيا .. ولا راح اشوف ..

باوعت عليه بنظرة غامضه ..

ـ اوكي .. ممكن نتنطيني رقمك

دارت اخذت جنطتها الي معكتها بالكرسي .. وطلعت منه موبايلهـا ..

ظليت بمكاني ...متحركت ..

صافن عليها ...

شالت راسها لي.   ضحكت

ـ هاي شبيك رافد اريد رقمك بس لا تكول متنطيه .. تخاف من المعجبات ..

ضحكت حيل ..

ـ اني منيلي معجبات ...اني رجال فقير ..

ـ انته فقير .. يلا ميخالف افوتها ...واعبرها لك واقتع نفسي انته فقير وماعندك شي .. ديلا انطيني رقمك ...اريد اروح تأخرت علئ شغلي ..

رديت لها رقمي ...سجلته .. وكامت

ـ شكرا جزيلا علئ الضيافه ...مطعمكم حلو ..

كمت وياها ..

ـ تسلمين زورينا ..

ـ اكيد ...مع سلامه .. اشوفك ...ويمكن اتصل بيك

راحت ...

رجعت دخلت ...للمطعم ...اول مادخلت .. رن موبايلي .. طلعته .. جان رقم غريب ..

ـ الو

ـ سلفن رقمي عندك ..

ضحكت ...

ـ يعني اخاف ادك عليك ومتجاوب عبالك وحدة من المعجبات ...

ـ هاي شلزكتي ...معجبات .. معجبات .. لازم اكو واحد مشوهه سمعتي يمج

رجعت ضحكت ..

ـ عود بعدين نسولف بهاي السالفه ...باي

......

سهـر ...ياسـر

ياسـر

"لك انته واحد عديم الرجوله .. مثلك واحد اذا غلبته شهوته ...صار بعيني عديم الرجوله خانتك شهوة جسمك قبل ماتخونني اني .. انته واحد ماعندة القوة حتئ يصير وفي .. ادري شبقئ من معاني الرجوله عندك فهمني .. انت واحد ضعيف ...ضعيف بلا  كرامه ..بلا كبرياء .. تتوسل بيه حتئ تبقئ بس اني نفسي عافتك .. ماريد رجال مثلك "

" اترجاج ...توسل بيج .. سامحيني .. اني اموت اذا عفتج .. ماتحمل اعيش بدونج .. شتريدين اطلكها والله بس .. لا تكولين طلكني .. لخاطر جهالنا ..  "

كعدت من النوم مرعوب .. اريد الهوا .. لكيت نفسي مخنوك .. امسح وجهي .. افرك صدري بيدي ..

لا مجان حلم .. جان مجرد حجي .. كلام مظلم .. اصوات المعالم الوجوة ماكو ...بس اعرفها

اعرف منو همه .. ماكو غيرهم ...سنين وهادي الاحلام ترافقني مثل خيالي .. ذكريات .. الماضي الي مايريد يعوفني بحالي ..

ماضي عاش بداخلي .. وصار يقين بالنسبه لي ..

ابويه ...وامي ..

هذا المشهد الي مااكدر انساه رغم مرور السنين عليه ...اكدر اتذكرة بمنتهئ السهوله ..

جنت اشوف ابويه ..القدوة مالتي .. بالنجاح ...بالشهامه ورجوله ...بس انكسر كل هذا ..

نكسر بعد ماتشفته شلون يترجه بأمي ويتوسل بيها بعد مااعرفت بزواجه .. شكد كرهت ذاك اليوم ..

نطبع بذاكرتي .. مثل كاسيت تسجيل كل يوم ينعاد عليه ..

كمت من الجربايه .. واحس بصدري مخنوك .. و النار مشتعله بداخلي ..

كمت من مكاني بدون حتئ ماباوع للي نايمه يمي .. وطوك الورد بعدة علئ راسها ...

سهـر ..

بعد اسبوع خلص .. جانت احلا ايام عمري .. لولا تصرفات ياسر الغريبه وتغييرة المفاجئ

كاعدين بالطيارة .. دايرة وجهي له .. عاقدة حواجبي .. صافنه علئ زوجي .. الي عبالك صندوك مغلق ..

صافنه ...عليه شلون مسترخي وانايم .. مغمض عيونه .. ومتجي راسه علئ الكرسي ...

بس لو اعرف شصار له بعد ليله الي بتناها بجزيرة الاميرات

ثاني يوم ماجان علئ بعضه .. جان بارد ... بعيد عني .. وضل هيج لحد مارجعنا .. اي ليش شنو الي صار ..

حاولت بكل جهدي اعرف منه شي .. بس ماكو .. كل محاولاتي فشلت .. احسه مثل واحد لابس درع من حديد حتئ محد يوصله ويخترقه ..

يلمسني .. يحضني .. يشمني .. بس سكته ...بدون اي كلام .. حتئ كلامه الدبش الي مثل السم يصير مرات اختفئ ..

مشتاقه .. مشتاقه .. لهوسه العاطفيه .. مالته ..

هذا مايعني مايقترب مني .. بشكل حميمي ...بالعكس مرات احسه متلهف يمته يجي الليل حتئ تبدي هجماته وغزواته .. يحجي باللغه الوحيدة الي يعرفها ويفهمها .. بس مو مثل قبل احسه متقيد .. عبالك يمنع نفسه عني بالكوة .. او يضم نفسه عني حتئ ماشوفه شلون اثر بيه وشلون يذوب بيه ..

مديت ايدي .. حضنت ايدة حيل.   اي وين تروح مدام يمي لازم اعرف سرك .. قابل اضل دوم حارم نفسك مني .. خليت راسي علئ كتفه وغمضت عيني .. واني افكر بحياتي الجايه شلون راح تمون وياه ...

مااحسيت الا بصوته الخشن يهمس بأذاني ...

ـ كعدي دا يوزعون الامل علئ الركاب وراح يوصلون لنا

فتحت عيني علئ كيف شفت وجهه بملامحه الصلبه كدامي .. رجعت غمضت عيني

وحجيت بنبرة وحدة منعسه

ـ امممم .. مااريد اريد انام نعسانه

غمضت عيوني متعمدة .. اريد عنادنه ..

رجع همس بأذاني من بين سنونه

ـ راح تجوعين .. ونوب تكوم نفسج تلعب .. بسج دلع وودلال

ضحكت واني بعدتي مغمضه عيوني .. حجيت واني اتماوع بكلامي

ـ انته وكلني واني نايمه هيج .. واوعدك افتح حلكي علئ لمسه اصابعك

حركت اصابعي لمن لزمت كف ايدة .. واصابعه .. ادري تصرفاتي تضوجه ..

ـ يعني بما انو تعرف للافعال اكثر من الاقوال .. بس غير انته ماعندك اي اقوال تذكر بس الافعال لا اني اشهد .. انطيك جيد جدا بيها

بعدني تلمس كف ايدة ...بس خوفني سكوته ..فتحت عيوني لكيته صافن عليه بنظرة غريبه

ـ هاي شبيك تباوع عليه هيج ...شدا يدور بعقلك المظلم .. مثل ضلام عيونك الي اخبهن واموت عليهن

ضحك .. ضحكه خشنه

ـ تعبيرج حلو الصراحه دا تحسسيني لعابتج مو رجلج

ـ صدكني مراح يعجبك اذا قارنتك بلعابتي .. تدري عندي وحدة احبها ضامتها لهسه عندي .. وعدت نفسي بس يصير عدنا بنيه انطيها لها

اشتعلت عيونه ...شال ايدة لزم بيها فكي .. ضغط عليه حيل .. بأصابعه ..

ـ تعرفين شلون تلعبين .. بس عبالج اني غافل مااعرف .. صدكيني كل سوالفج عرفها عبالج بسلوبج هذا راح تعرفين شكو بيه وشضام مو بالله

ـ ليش ماتسترخي يبو عيون السود ...علئ كيفك ترة الدنيا متستاهل منك كل هذا التحفز .. اني مااستاهل منك ترفع كل قوتك ضدي علئ كيفك ويايه

رخه اصابعه .. وكام يمس بفكي .. عبالك يمسح الالم الي حسيت بيه.   ضحك ... ودار وجهه عني .. حجه وي المضيفه باللغه التركيه الي اني مااعرفها ..

وشكد كرهت انو يحجي وي مرة ثانيه بلغه اني مااعرفها .. الغيرة شتعلت عندي اضعاف مضاعفه ..

وقررت اول ماارجع تعلم اللغه التركيه ..

...

غاليـه ...رافـد

رافـد ..

هاي ماجانت اخر مرة التقي بملاك .. تكررت لقائتنا .. اتصالاتنا ..

البنيه رتاحيت لها كولش .. بيها شي يجذب .. حلو .. تنكت .. تضحك ..

رجعت بعد مالتقيت بيها للبيت .. جان تقريبا نص الليل ..

جانت بعدها الضحكه علئ حلكي .. ماختفت واني اتذكر كلام ملاك .. وسوالفها ..

ـ فتحت الباب شويه .. شفت غاليه نايمه ..

"اي ليش ماتنتقل روح ملاك لجسم غاليه "

ليش ماغاليه تصير مثل ملاك .. "

دخلت للغرفه مالتي وسديت الباب .. ذبيت السترة مالتي علئ الكرسي وكعدت ..

رن موبايلي .. فتحته

ـ الو

جاني صوتها يضحك

ـ تذكرت شي .. تذكر من بكنه بدله سهر الوردي و شككنها .. شلون كامت تبجي وتلطم

ضحكت حيل

ـ بس مو اني البكتها انتي وياسر ..

ـ اوو .. انته جنت المحامي ...صاير لهم عنتر ابن شداد ...بس واحد يقرب عليهم تهد بيه

وشكد ضجنا اني وياسر .. ردنه نضوجك ونضوج ورديه بس تتدلع و تتنغوص علينا ..

كعدنا بالحديقه اني وياسر نخطط .. شلون ننتقم منكم انتم مسويها شله علينا ..

كال ياسر سهر عندها بدله تحبها .. تنزعها اذا رادت تلعب ويانه تخاف لا تتلف .. كوتله ماكو غيرها لعد ابوكها والباقي عليه .. وعينك لا تشوف سويتها وصله ما تلاكي وصله ..

ضحكت حيل ...تمددت علئ الجربايه

ـ بس اخذتي المقسوم بعدها

ـ ماكو جريمه من غير عقاب ...شفيت كلبي غير جان مورم منكم ..

ـ بس انتي بيومها ماكلتي ياسر وياج

ـ تريدني افتن علئ ياسر .. شلون حجي هذا .. غير جنا فريق اني وياه اذا فتنت عليه تخرب

ـ عجبتيني ...

ثاني يوم .. جانت التحضيرات علئ قدم وساق ...لا سهر و ياسر جايين .. رغم احس اكو توتر .. بيني وبين غاليه .. من يوم ماضربتها راشدي وهي ماخذة الصمت مكان وعلاج لها ..

حتئ هاجر وايهم بينهم شي غامض .. سكون علئ توتر ..

بس امي وخالتي تراسين البيت ضحك وسوالف .. وريحه الطبخ واصله ..لسابع جار ..

دخلت للمطبخ .. غاليه تسوي بالزلاطه وامي تكلب بالجدر .. وخالتي تحضر بالمواعين واني انقش منا ومنا ...شافتني امي ضربتني علئ ايدي

ـ ااخ .. هاي عود انتي نبع الحنان ...ماتحنين عليه بدولمايه .. سشالفه نبع الحنان

ـ هاي عادتك ماتبطلها مو صرت شايب ولك .. شفتيه رنا .. ترة من هو زغير هو هيجيكي ياكل قيل لا ينحط الاكل شكد علمت بيه ماكو نفس حطته ..

ـ دادة دخليه .. هسه هو شماكل .. اكل خاله بالعافيه

ـ تسلمين خاله .. والله لا مرتي ولا امي مثلج اثنينهن ميحبني ..

جنت متقصد بأخر كلمه رفعت راسي لغاليه لكيتها تباوع عليه ..

يمكن الكلمه الاخيرة ...صابتها ...واجت بمكانها ..

اي الئ متئ ابقئ صابر .. شوكت تنحل القعدة .. عمري خلص واني صابر وامنتظر وماادري النهايه شنو ..

جنت صافن ...وصحاني صوت الهوسه ...وهلاهل .. اها

كالت وهي بعدها بمكانها

ـوصلوا شنو مسمعت خالتي دا كولك وصلوا ..

هزيت راسي وطلعت وهي طلعت وراي ..

لكيت امي وخالتي مستلمات ياسر وسهر بوسات ومحاضن .. خالتي خطيه .. حاضنه سهر وتبجي .. اول مرة وحدة من بناتها تسافر وتفاركها ..

ـ ياجماعه شنو سالفه قابل جانوا مهاجرين ترة جانوا بشهر عسل ..

سحبت ياسر سلمت عليه ..

ـ شلونك ولك

ـ زين الحمد لله انتم شخباركم ..

ـ تشوفنا بخير

كعدنا كولنا متجمعين .. نسولف ونضحك والجمعه الحلوة ...شويه خف التوتر ...الفرحه بسهر وياسر ...سيطرت علينا ..

بهذا اليوم ماكدرت احجي وي ملاك .. وهي مابطلت دز رسائل و تتصل ..

..

ثاني يوم ...وصلت غاليه للمكتب ورجعت للمطعم ..

غاليه بعدها بعيدة عني .. مااعرف احس روحي دا تتعذب لهذا البعد الي دا احس بيه ..

سحبت نفس من جكارة ودخلت للمطعم وذبيت روحي علئ كرسي من الكراسي .. وسمعت صوت وراي ..

ـ شنو دا تطلع حركتك بالجكارة دا تنتقم منها

رفعت راسي شفت ملاك كدامي .. بأناقتها المعتدادة ..

ـ مساء الخير ملاك ..

ضحكت بوجههي سحبت الكرسي الي كدامي وكعدت .. خلت رجل علئ رجل .. بنيه مثلها تفيض انوثه وجاذبيه .. مو طبيعيه ..

حجت وهي تعصر برجلها

ـ مريت حتئ اتعشئ عدكم .. اليوم جان كولش متعب .. شغل بالكوة خلصته ..

شلت راسي عن رجليها .. وباوعت لعيونها

ـ لوجنت بمكانج جان رحت للبيت .. اخذ فد حمام .. وتعشئ للجربايه كبل انام وارتاح

ـ بصراحه اني تعبانه نفسيا اكثر من التعب الجسدي ..

ـ ليش مديرج رجع يضايقج .. مو حجيتلي عنه مرة كوتلتي دا يضايقج ماعرف شلون

ـاي نفسه ...بس هو مو مديري .. مديري ...هو مسؤول عن التنسيق وتنظيم القسم الي اشتغل وياه .. تعرف اني اشتغل بقناة .. بس هل ايام صاير فد مزعج ويتأمر حضرته بكيفه

بأبتسمت بوجهي

ـ هذا عقاب كل وحدة تقبل بعرض زواج من مديرها

رفعت جواجبي لها اسال

ـ هاي شنو خطبج! ?

ـ اي بس هو مايفهم .. اكوله ماكو اي توافق بيناتنا .. تعصب وهاي النتيجه

نزلت راسي .. واحس بديت افهمها .. دا تضرب علئ وتر حساس .. صح وضحت لي كم مرة من خلال شقاها ...اوكلامها .. بس ماتوقعت تحجي صدك .. البنيه بداخلها شي لي .. شكد ضجت من نفسي .. حسيت ...اكذب لو كلت مااحسيت بس غلست ...احس نفسي اني هم ضحكت عليها ...ليش مارفضتها من اول مرة ...اول اتصال ...اول لقاء ماجان وصلنا لهنا ..

بس اني رجال .. رجال احتاج احس انو اني مرغوب

احتاج احس اني انسان من لحم ودم ..

صار لي شكد واني غركان بمحنتي ..

لهذا الحوار .. بس اني نبهتتها اكثر من مرة ...مستحيل يصير شي .. اني كلبي ملك وحدة وحدة وبس ..

واني محنتي صارت اصعب .. وماكو لها اي دوة ..

صدوك الموضوع صار مينطاق واني عايش لوحدي خاصه هاي الايام ..

احس بديت اصير ممل .. باهت وبديت افقد روحي .. كل واحد من خواني بدا حياته.   بس اني واكف اراوح بمكاني ..

تنهدت بصوت مسموع ..

ـ شاركني ببكولشي يضايقك مثل مادا اشاركك بكولشي يضايقني .. مو احنا اصدقاء. ..

رفعت راسي لها ...لكيتها تراقبني ...عيونها .. ماادري ليش رف كلبي عليها ..

ـ بعدة ابوج مسافر ..

ـ الاصح كول اجه لو بعدة ...ليش هو يمته رجع من السفر حتئ بعدة .. اكولك سر ترة هو متزوج ومبين مرتاح وياها لذلك مايجي

ـ شلون .. لعد ليش ما ضليتي وياهم.. لو ماترتاحين وياها

ـ المرة عاديه .. بس اني مدا احس البيت بيتي احس نفسي ضيفه .. لازم اعرف يمته اروح وماثكل علئ اهل البيت

طفيت جكارتي بعد ماشعلت بيها وحدة ثانيه

ـ غربه بنص الاهل .. اكدر افهم مشاعرج لهذا فضلتي تبقين وحيدة هنا .. علئ الاقل تحسين نفسج ببيتج

ـ اني بعد مااكدر تحمل الوحدة رافد .. اريد واحد يشاركني بيها .. اريد انسان يملي عليه حياتي بضحكته بشقاه .. بسوالفه

تصاعد الدخان بيناتهم ووجهم واحد مقابيل الثاني ...بدون مايحسون ... بذيج الشفايف الي

رعشت لمن شافتهم

لحظات طال السكوت بيناتنا .. رديت عليها ..

ـ اسالي خبير! ? يكولك اسال مجرب ولا تسأل طبيب

نفس ناعم طلع من بين شفايفها .. شفايف مصبوغه باللون الاحمر .. اي رجال جوعان يطمع بيها .. نزلت عيوني عنها .. واني اشوف بعيونها مشاعر مفضوحه .. وجعني كلبي عليها وعليه وعلئ غاليه

ـ ديري بالج ادورين بيت او وطن بمكان مزتحم بسكانه راح تحسين بغربه اكبر .. دوري علئ مكان يليق بيج .. لكل واحد بينا وطن ومكان. يلتمني له غاليه

حسيت بيها تفاجئت .. فتحت عيونها علئ وسعهن ...عبالك نضرب راسها بحايط قوي

ـ غاليه! ?

انتبهت لنفسي

ـ العفو ملاك

ـ بس رافد

ـ العشا علئ حسابي الليله ..

ـ مراح تشاركني تتعشا ويايه

ـ عندي شريكتي  تنتظرني راح اجبيبها من الشغل وتعشا وياها بالعافيه

لوجنت ضاربها راشدي ماجنت صحت مثل هاي الصحوة .. احسيت نفسي كعدتها من احلامها الورديه ..

ـ يلا مع السلامه

ـ الله وياك ...الله وياك رافد ..

غاليـــه ..

"صفر من السنين ...صفر من الايام ...صفر من الاشهر ...صفر من الساعات .. حتئ اللحضات .. صفر ...صفر ...صفر "

"بعد الصفر يجي واحد "

كاعدة اعيد كلامه براسي ..

اعيد ...وعيد ..

دا ادور علئ واحدك هسه رافد "?

راح اخسرك انت هم "?

غمضت عيوني واني سارحه ...بأفكاري عن الي كاعدة يمي ..

دكتورة فريدة

من ايام واني ادور عليها .. كمت اتقرب منها خطوات خجوله .. ماردتها تحس بيه ..

بس اليوم عزمتها علئ مطعم رافد .. دكتورة فربدة ساكنه بالعمارة الي اشتغل بيها فوك .. اصادفها مرات بالطلعه والطبه وتعرفت عليها ..

خذتها ورحت للمطعم وياي .. تزلنا من السيارة اول ماادخلنا .. صدفت من شفت رافد كاعد وي بنيه .. بس مو كعدة طبيعيه ...لا جانوا متقاربين .. دا يسولفون بشي معين ... مفاصلين عن العالم من حولهم .. ماتحملت خذت فريدة وطلعت ..

ـ حبابه تعالي نشوف لنا مكان ثاني نكعد بيه ..

المرة مامانعت .. اخذتني بسيارتها .. وهي الي اختارت المكان هاي المرة .. كافتيريا زغيرة .. طلبت عصير لي وكهوة لها .. وشلعت جكارتها .. وكابلتني وكعدت واني جنت مااعرف بغير عالم صافنه بالي شفته ..

ـ اها شلونج .. مارتاحيتي هسه ..

فزيت علئ صوتها .. بعدني اريد ارد عليها واحاجيها دك موبايلي ..

صفنت علئ الاسم .. مو صفنت جمد كولشي بيه ...

كتبت له رساله ...واحس النار دا تطلع من عيوني .. اسهله ..

رسلت الرساله .. ودك مرة ثانيه ...رفضته .. وسديت موبايلي .. غلقته تماما

رجعت علئ الكرسي تنفس .. من دريت بفريدة دكتورة نفسيه ..واني افكر .. اني محتاجه دكتورة نفسيه لو لا .. كل مرة اشوفها تصعد وتنزل ...ينعاد السوال عليه ...عبالك وجودها كان لسبب معين ...كان لرادة معينه .. كانت اشارة لي ..

وصار الي صار عزمتها علئ عشا بمطعم رافد .. وجانت هاي خطوتي الاولئ بأتجاه فريدة

ـ هديتي هسه .. ممكن نحجي شويه

رمشت بعيوني ...واني منحرجه منها ..

ـ اني اسفه ...دكتورة اعتذر

ـ لا تتأسفين عادي مصار شي

بس ماكدرت الا انحرج منها اكثر واكثر

ـ دكتورة اني اسفه لان خليتج تفترين بسيارتج بينا من مكان لمكان ومفروض اني عازمتج

غمزتلي وهي ترد عليه ..

ـ اقبل اعتذارج بس بشرط

ـ ليش عزمتيني اليوم لمطعم زوجج ..

توترت اكثر .. احسها قرتني .. وقرأت حساسي

ـ اني ...اني كولت نصير صديقات

ـ شكد عمرج غاليه

ـ اني ببدايه الثلاثينات ..

ـ واني عمري بالخمسين ...

تعحبت عليها .. معقوله

ـ مممبين عليج .. عبالك بعدج زغيرة

ـ هذا الشي بفضل ... اذب همومي وره ضهري .. والاكل الصحي .. والمشي والركض .. و تركت التدخين ...يعني من فترة بسيطه ..

بدون وعي او ادراك رفعت عيني لجكارة مالتها .. طفتها هي بالمطافيه ..

ـ جانت جكارة وداعيه ...وداعتج

بدون وعي مني ضحكت ..

ـ هسه راح تكولين لي لو لا

ـ ليش اخذتني وياج .. لمطعم زوجج..  احسج تريدين ادخليني لدائرة حياتج وخاصه زوجج اخذتيني ومنتظرة مني .. تقرير مفصل عن الي راح اشوفه.   او الي راح انصدم بيه ..

لاتكولين صديقات او صدفه .. علئ الاقل هذا الي حسيت بيه .. وتعرفين اني حساسي ميخيب ابدا ..

مااكدرت اجاوبها او ارد عليها ..

ـ زين البنيه الي وياه تعرفيها ..

ـ لا .. مااعرف وجهها مو غريب عليه شايفتها قبل بس ماذكرها ..

ـ غاليه انتي محتاجتني كأخصائيه نفسيه ..

ـ مااعرف صدكيني مااعرف .. !? اني يمكن محتاجه شخص ينصحني .. احس نفسي تايهه انتي ششوفين اني محتاحه دكتور نفسي ..

ـ زين خلينا نحجي كصديقات .. اولا اني راح احجيلج عن نفسي .. وبعدين انتي احجي عن نفسج ..

سكتت واني اسمع لها وهي تحجي

ـ شغلي اخصائيه نفسيه مثل متعرفين تزوجت دكتور شاكر من. خمس عشرين سنه اختصاصه عظام وكسور ... عندي ولد اثنين منه .. واثنينهم يدرسون برة ...طب ..

بديت استرخي واني اسمع كلامها ...صوتها مميز يهدي الاعصاب ..

ـ امممم ...شنو بعد زوجي اكبر مني بست سنوات .. تزوجنا زواج تقليدي بظاهر .. بس بالحقيقه اني حبيته .. بالخفيه بيني وبين نفسي .. وسويت شغلات معينه خليته يخطبني

كان من اقارب والدي .. وعندة طموح .. انعجبت بيه كولش .. وهو يمكن انعجب بوكاحتي فأرضخ للامر الواقع وخطبني .. وتزوجنا خلال شهر واحد وبتلئ بيه ..

ضحكت واني اشاركها الكلام

ـ من جنت زغيرة هم جنت وكحه .. مانحمل ..

ـ هسه دورج شلون تعرفتي بزوجج

رجع التوتر سيطر عليه بعد ماغادرني ..

ـ ابن خالتي واكبر مني بـ 10 سنوات ..

ـ وعندج اطفال لو لا

رديت واني انزل راسي ...داهمتني كل المشاعر المتناقضه .. خوف علئ توتر .. علئ حزن .. وذكريات مؤلمه

ـ اثنين .. بنات ...

ـ حلو لعد يمته تزوجتوا ..

ـ يعني صارنا فترة .. بسيطه ..

ـ اها لعد البنات من رجال ثاني ..

ـ عندي بس وحـدة ...الثانيه ماتت ...قـ ...تلها ابوها ..

ساد الصمت بيناتنا .. عيونها توسعت .. وشفت نضرة الحزن بعيونها لي .. بس اني ماامدرت غير تنساب دمعه علئ خدي ..

عظم الله لكم الاجر بحلول محرم الحرام .. جعلنا الله واياكم مـع ركب الحسين عليه السلام ..

استمتعــوا ..

اقروا ..

البارت مابيه فقلات .. وخالي من ايهم وهاجــر .. اليوم غاليه ورافــد مسيطرين علئ الاجواء ..

تتوقعون قصه ملاك لهنا وانتهت ...لو بعد اكــو ..

بالنسبه للنشـر بايام عاشوراء هل تريدون يستمـر لو نوقف بهاي الا يام

علقوا هنـا ..

نوقف .. 

نستمــر.. 

احبـــــكم ..

اكيـد مااحتاج اوصي علئ التعليقات و التصويت .. 

البارت السادس والعشرون ..

#احبك_وانت

بقـلم وردة عمري ..

ايهـم ... هاجـ ر

مــر اسبوع ..

اسبوع كامل وايهم بعيد عني .. بمشاعره بأحاسيسه ...بكل شي بيه .. وهذا الشي واضح علينا احنا الاثنين ...

يجي يأخذني من الباب ...يكتفي بتحيه الصباح ....ويرجعني العصر بدون اي كلمه تذكر ...

حتئ البوسه الي علئ خدي اختفت من ذاك اليوم

باوعت للباب المسدود .. هذا الباب وراه الف باب مااعرف شنو الي وراهن اذا نفتحن ..

النهار كوله ينشغل باالملفات وشغل يعاملني كسكرتيرة غريبه .. بطريقه عاديه

ماعرف شلون افتح الموضوع ..

شلون اساله علئ شنو ناوي ..

كلبي يوجعني .. ملما تذكرت ذاك اليوم .. جمال سميه واناقتها .. يمكن دا يفكر بيها هسه .

تتصل بيه! ?

ادور علئ غفرانه! ?

اقبض كلبي اني اتخيل الموضوع صدوك دا يصير ..

زين ليش ماطلكها! ? .. سنه كامله وهي علئ ذمته .. ? رغم خيانتها له? ! .. اي ليش ماايطلكها! ?

الثار ...الانتقام .. حصل عليه! ? شنو بعـد

همست لنفسي واني ارجف

ـ اعترفي هاجر .. سميه بعدها تأثر عليه .. بعدة يحبها يمكن .. لا يكدر يتخلص منها .. ولا يكدر يسامحها ويرجعها ..

"وانتي هاجر ...شنو موقفج من كل هذا .. وين انتي من الي دا يصير! "

احس بنفسي تعبانه ...رغم كل هذا تعب بس بعدني صامدة ..

ماانام نومي قل  .. الافكار تأخذني وتجيبني ...الئ متئ راح ابقئ ساكته مثل سكوته ..

افكر احيانا ...اشرد من كل هذا ...اطلع نفسي من كل هاي المعمعه الي اني بيها .. بس كلبي يضل يرجف ...مااكدر يتأخذ هيج قرار ..

مو بس لان وعدته مااعوفه .. لا لان اني احبه .. واعشكه .. واريده .. لان اني مااريد .. احسه ملك لي ...شي مالتي .. ومااكدر اعوفه .. مااريد اخسرة .. احسه هو الي نمئ وغذئ عندي هذا التملك الي دا احس بيه له .. انطاني من ذاته .. غذاني .. هذا الاسد مالتي شلون اعوفه !?

اني مااخاف من نظرات الموظفين السخيفه. الي .. اصلا اتجاهلها تماما .. نظراتهم تريد تقلل من قيمه نفسي ...بس اني ولا كأني اشوفهم .. بل بالعكس مرات اضحك عليهم وانكت حتئ باسل زوج شهد .. كال لا تهتمين هذولي الموضفات غيرانات منج لان اختارج وتركهن ..

كل هذا مااخاف منه .. ولا اهتم له ..

بس لمن ارجع للمكتب واكعد لوحدي .. يصير الخوف عندي مثل مرض السرطان يقتات عليه ..

اخاف ارفع راسي كل مااسمع صوت كعب عالي يتقرب من المكتب ..

اخاف من عطر نسائي واخد اكدر اميزة من بين كل العطور .. !?

بشكل مباشر .. اخاف من جيه سميه .. مااخايفه من مواجهتها لا اني اصلب من اني اخاف من وحدة مثلها ...اني اخاف من مواجهه سميه وايهم .. هذا الي يخوفني .. ومأرق ليلي ونهاري ...

احس راح تختلف عن المواجهه الي سبقت ..

محتلفه والاوراق كلها صارت مكشوفه!

معقوله تسويها وتجي للشركه مرة ثانيه! ?

اويمكن تطلب منه هو يروح لها .. لان كرامتها مراح تهون عليها مرتين ..

رجفت ايدي ...شلتها واني امررها علئ ركبتي .. وكلبي ينعصر ...عصر ..

مدا اكدر تخيل ...خلوة بين سميه وايهم .. شنو راح تكون نهايتها ..

ممـدا اكدر تقبل الفكرة ...يمكن تغريه ... ويمكن يستسلم لهيج اغراء ..

بالنهايه هي تريدة وتحبه

وهو هم بعدة ... اكو شي لها بداخله .. عدا الثار والانتقام والخيانه ..

تذكرت سوالفي وي شهد .. حجيت كل الي اكدر احجيه .. كولتها سميه رجعت لحياه ايهم .. وبيناتهم مشاكل كولش قويه .. واني مااعرف شلون اتصرف ..

رغم ان شهد دائما تنصحني .. ونصيحتها بالمكان .. نصحتني بالمواجهه .. لازم اكون قويه وصبورة مهما كانت النتائج ...لازم نحط النقاط علئ الحروف ومااضل هيج سعفه بمهب الريح ..

كالت لي الهيه .. كم يوم .. اخليه يحل المشاكل الوحدة .. وماادخل .. اخاف يجي يوم من الايام ويخلي اللوم عليه .. ويكول انتي السبب باللي صار ...

واني اقتنعت بكلام شهد .. شفت كلامها بي شي من الصحه .. تركته لعزلته .. واتمنئ مااطول هاي العزله ..

ايهـم ...

باوع بدون اي مشاعر للرسائل الي دا توصلني ..

"اني احبك ايهم .. عشكك واحس هذا العشك مرض مااكدر تخلص منه .. عله ومالها اي دوة ! "

"الخيانه مو بالجسم ايهم .. الخيانه بالروح ...وانته تعرف اني تؤم روحك .. عمر روحي ماخانت روحك ...والله مجنت بوعيي ...مااعرف شلون صار هيج .. ولا شلون .. ايهم صدكني لليوم مااتذكر الي صار لا لحظه منه .. ايهم انته روحي ...روحي الي تموت روحك بدونها .. الله يخليك سامحني .. سامحني مو بس علمودي علمود نفسك انت هم ..ادري بيك دا تتعذب مثل عذابي .. "

"مصيير تتجاهلني كل عذا لازم ترد علئ تلفوناتي و رسايلي "

"والله ماجنت بوعيي ايهم .. كم اكولك ماجنت بوعيي .. تعرف اني مخبله مرات اتهور وتصرف مو بوعيي ....وهذا التهور هو الي كتل روحي "

"ممعقوله متشتاقلي ...حبيبي .. شفتها بعيني نظرة الشوك بعيونك لحبيبتك "

"مانمت صار لي يومين علئ بعض ...زين تعال ...تعال لي .. اضربني بكيفك ومثل متريد ..

اكتلني اذا تريد مراح اعترض هاي المرة .. بس تعال .. ماااكدر اتصدك انته قريب مني لهل درجه ومااشوفك حبيبي "

وغيرها ...وعيرها من الرسايل الي دا توصل لموبايلي ..  بدون اي توقف .. واني الي اعيد واصقل بيها .. اقراهن بدون اي ملل او كلل ...

جمود صابني .. جمود بعمق روحي ..

العواصف الي جانت بيه قبل كلها اختفت .. انتهت .. وبقت روحي مثل ارض قاحله .. ارض مابيها اي شي اخضر ..

ايام وايام واني متعتزل عن الناس وبس افكر ..

حتئ جازفت وعزلت نفسي عن هاجر !

ابعدتها بس مو بشكل نهائي .. لا خليتها كدام عيني .. اتصل بيها واني داخل قوقعه عزلتي ..

اعترفت لنفسي سميه بعدها دا تأثر بيه رغم كولشي صار .. كلبي يرجف وي كل رساله توصل الي .. بس مجرد ماقراها لكي نفسي .. غارك اكثر بجمودي وبرودي ..

البارحه .. اخذت قراري .. فكرت واخذت قرار نهائي .. كافي الي صار كولش كافي ..

كم دكه علئ الباب وبعدها بينت عصفورتي ..

مترفع راسها الي .. وكفت وهي تعتذر لان قطعت عليه خلوتي وعزلتي لنفسي.  

زغيرونتي ...مشتاقه لي واتي حارم نفسي من عدها .. مو بس علمودي.   عمودنا احنا الاثنين ..اخس دا حملها فوك طاقتها .. دا حملها شي اني ماامدر اتحمله.   .. واحس راح احملها اكثر !

اني ارضي صحراء .. صبخه .. وهي الوحيدة الي تكدر .. تخليها تخضر من جديد .. تحييها ..

ابتسمت واني اشوف ارتباكها .. ارتباكها حلو ...بيه لذة ..

ماتعرف اذا تقترب اكثر لو تبقئ بمكانها ..

اليوم اكو شي مختلف .. احساسي مختلف ..

تحركت مشاعري .. واحس بالاشتياق .. للعسل من بين شفايفها ..

احسه يصيح عليه بعد طول الحرمان ...

همست وعيوني تمشي علئ طولها .. وشكد. يعجبني طولها .. احتشامها ...لابسهرقميص اصفر تبين منه معالم انوثتها بشكل هادي ... محد يلاحظه غيري .. لان اني الوحيد الي يركز بيها ...تنورتها السودة الطويله ...حبيت احتشامها ...احس هاي المرة بس الي محد له حق يباوع او يشوف شي منها غيري .. وهذا الشي يخليني احس بشي من الغرور والرضا

ـ تعالي عصفورتي ..

تفاجئت ...رفعت راسها ممصدكه ...عيونها علئ وسعهن .. وماتحركت من مكانها .. شكد وجعني كلبي عليها ...هاملها اسبوع كامل وماشكت ..

مانتظرتها تجي ...لا اني كمت ورحت عليها ...كمت فاتح لها صدري..  والشوك يفور بدمي ..

خدودها صارن حمر ... والخجل اخذ محله منها .. وهي تذب نفسها علئ صدري ..

شفايفي مالن ...لشفايفها ..

حسيتها مترددة ...

ضجت واني اصب كل شوكي ...و اشتياقي لها ...بعنف لمن ذابت بين اديه .. تبخرت كل الضوجه بعد ماحسيتها بادلتني بنفس الحرارة والعاطفه .....

حضنتها حيل. واني اخلي راسها علئ صدري .. راسها صار فوك كلبي الي ينبض مثل الطبل ..

سمعت صوتها الناعم يهمس ..

ـ شتاقيتلك. ...

ضحكت واديه تفتر بكيفها .. ضميتها اكثر لصدري ..

ـ ترة بعد ماعندي صبر .. يمته نتزوج! ?

تصلب جسمها بين اديه بعدت نفسها عني ..

ـ اني ماعندي مانع .. بس

ـ بس شنو .. هاي الشغله مابيها بس اعتقد اخذنا وقت حلو بالخطوبه واني نااريدها اطول اكثر .. اني راح ارتب العرس الخميس الجاي

هزت راسها .. العصفوري بالرفض ..

شاطت روحي واني اشوفها ترفض ..

ـ شنو يعني ... مدا اتفتهم هاي الحركه يعني رافضه .. ليش

ـ مو قبل ماتحل المشاكل

ـ ماكو اي مشاكل بيناتنا هاجر واذا اكو نحلها وانتي ببيتي ويمي ..

ـ انته تعرف اني شكد احبك ... اموت عليك وماكو اي شي راح يغيير هذا الحب لك بكلبي بس

رجفت واني اسمع منها هذا التصريح بالحب .. 

ـ المشاكل بينك وبين سميه لازم تنحل ...ايهم .. مو قبل ماتحط النقط علئ الحروف وكل واحد يعرف مكانه .. اريد افهم راح اصير زوجه ثانيه لك لو شنو موقعي بالضبط

ـ للاسف راح تصيرين زوجه ثانيه هاجر لان انتي تعرفين اني جنت متزوج

درات تتحرك من يمي وتبتعد بس اني لزمتها ... لزمتها حيل ورجعتها لمكانها .. ماسمحت لها تبتعد اكثر

ـ بس الاكيد انتي زوجتي الوحيدة حاليا ..

ـ شتقصد ...ممكن افهم الله يخليك .. ترة مدا اتحمل مراوغاتك و حجيك الي كوله اللغاز ..

ـ اليوم من الصبح رحت للشيخ وطلكت سميه .. وانطيته للمحامي حتئ يصدقه بالمحكمه وانتهئ وكولشي .. ويجوز يوصلها اليوم لبيتها واذا مو اليوم باجر ..

ـ واني كوتلج اسوي اي شي حتئ تبقين .. ..

...

رافـد ...غاليــه ...

ساد الصمت بيناتنا بعد مااسمعت اخر كلمه ...مني شفت الحزن بعيونها .. واني مااكدرت غير ان تنساب دمعه وحيدة حزينه علئ خدي .. وانتي تذكر وجهه لولو .. وهو مدمه ..

مخسوف جزء منه بعد مارتطم بالحافه البايه .. ممصدكه وكعه حسيتها خفيفه تسبب كل هذا الضرر لطفله بعمر سنتين ...

شكد سإلت نفسي ...ليش .. لو ميت الطفل بطني بذاك اليوم ولا ميته بنتي ... بس من اجت عبير .. صارت لها معزة بكلبي مثل لولو .. بذاك الوكت جنت مستعدة اضحي بيها بس كون ترجع .. اضحي بنفسي بس كون اشوف وجهها كدامي .. بس اااخ شكد الضنا غالي ..

ـ تزوجتيه عن حب ..

ـ منو ...رجلج الاول

ـ اي

ـ يقرب لج

ـ لا غريب تعرفت عليه بالكليه وحبيته وتزوجته ..

ـ والثاني ...

ـ ابن خالتي ..

ـ تحبيه ..

صفتت بوجهها ...

ـ جنت اشوفه ...اخ ... صديق ...سند ...بس هسه ضاع عليه كولشي .. كمت مااعرف بأي خانه اخليه ..

نزلت راسها فريدة وايدها تحرك بكطف الجكارة الي بالمطفايه

ـ شكد تمنيت ضامه جكارة ثانيه عن شاكر ..

ماادري ليش بهاي لحظه .. ضحكت .. ضحكه طلعت من كلبي واني اشوفها محتارة بقصتي .. حياتي الي عبارة عن دائرة مغلقه .. الي يدخل بيها يدوخ ..

اجه علينا النادل .. ...

طلبت هي كهوة ...واني عصير ..

ـ شنو رايج تحجيلي من البدايه .. لان اني اعرف اسمع للناس صديقتي ..

بعد فترة تراجعت عن طلب العصير واخذت كهوة مثلها ..

مهوة حلوة ...حسيت وي كل رشفه من كل كهوة ينساب الكلام بكل سهوله وسلاسه .. حسيت نفسي احجي لنفسي مو لانسانه توني تعرفت عليها ..

اصلا منتبهت للكهوة ...الي طلبتها الي فريدة بعد العصير .. لكيت نفسي تلقائيا دا اشرب منها .. وي كل موقف .. احس التوتر .. يقل ..

التشتت الي احس بيه اختفئ .. احزاني تندثر ..

حجيت وي نفسي واني اشرب

" طعم الكهوة يجنن "

دموعي الي نشفن علئ خدي .. مامنعن الابتسامه الي ضهرت علئ شفتي ..

ـ شكرا لج. دكتورة فريدة .. اخذت منج ساعات وانتي تسمعين مني .. اخذت من راحتج وساعات شغلج مااعرف شلون اشكرج ...كلمه شكرا قليله جدا بحقج ..

ـ ماكو داعي تشكريني حبي .. صدكيني اني احب اسمع من الناس .. واحب اكون صداقات جديدة .. 

رفعت راسها لي

ـ غاليه اذا تحبين تجين للعيادة مالتي وانحجي اكثر ماعندي مانع ..

ـ اي ...شكرا لج ..

اشرت براسها لموبايلي المحطوط علئ الطاوله ..

ـ خابريه اكيد عسه قلق عليج ..

وكفت هي تلملم حاجياتها ...بهمه ..

ـ واني حروح حتئ يجي هو يأخذج

رفعت راسي لها .. اسألها

ـ اسئله ..

ـ عن البنيه الي شفناها وياها .. انتي الي راح تحددين .. انتي فكري شنو انسب قرار لج اخذي ولا تتأخرين ..

راحت فريدة وضليت اني كاعدة .. اخذت موبايلي واني اباوع علئ شاشته المطفيه ..اخذت نفس قوي .. وفتحته ..

فتحت عيوني علئ وسعهن .. من الصدمه ... شهكت من عدد الرسائل والاتصالات .. الي واصله الي من رافد ..

رن موبايلي ...واني كمزت من مكاني ..

سيطرت علئ نفسي بالكوة واني افتح الخط .. بس فتحته .. وصلني صوته وهو يصيح .. مبين عليه العصبيه .. ومفول من الغضب ..

ـ وحق الله يغاليه اذا شفتج هسه اخنكج بيدي .. راح احبسج بغرفتج واريد اشوف ياطاح الحظ يطلعج منها .. امنع عليج الاكل والشرب لمن اخليج تتوسلين اسامحج ..

خنكتني العبرة وانتي اتذكر الماضي القديم لمن جنت اسوي شي .. جان يهدد ويهدد وبالنهايه مايسوي اي شي ..

ـ رافد ..

ـ انتي بخير وكولشي مابيج .. وتنطقين وتحجين .. وماتردين عليه ...لعد بس تعرفيت تكتبيت الرسايل المستفزة ...

وجع كمل وهو يعيب علئ صوتي وشلون احجي "

ـ اني وي صديقه ومااريد ارجع للبيت هسه لا تخاف عليه " ادري انتي تخبلتي تسوين بيه هيج انتي ماتفكرين بغير بنفسج ...متفكرين بالناس والاذيه الي دا تسببينها لهم

تنفست حيل واني اسمع كلامه ..

ـ كافي تضعفيني هيج .. !

ـ اني بكافتيرا ..... تعالي اخذني ترة تعبانه كولش

كام يسب ويشتم بنفسه ..  وسدت الخط ..

عشر دقايق ولكيته واكف فوك راسي .. ينفخ مو هوا من حلكه لا نار مشتعله ممكن تحركني بأي لحظه ...

ماتكدرت حتئ ارفع راسي له ...او احجي كلمه وحدة .. ذب سويجه وكعد .. بمكان فريدة ...وجهه ماينوصف .. ملامحه .. عيونه تريد تطلع من مكانها .. وهو يباوع علئ المطفايه الي بيها جكارة فريدة ..

حجه من بين سنونه ..

ـ وي منو جنتي كاعدة? 

ماارديت عليه وانيدصافنه بتفاصيل وجهه ..اشوف بيه شي مااشفته قبل ..

اشوف بيه ذاك المراهق ... الشاب الي جان بكل تفصيله من تفاصيل حياتي ..

ـ واحد من الولد الي يشتفلون عندي شافتج دخلتي وطلعتي من المطعم ...وجانت وياج مرة غريبه ..

صوته كان يشع بالتوتر ...وشي ثاني مااعرفته ..

فجاة تذكرت المنظر الي شفته وخلاني ترك المطعم واطلع ..

ذيج البنيه جانت تباوع عليه نظرات .. اعجاب ويمكن حب .. وهو جان يستجيب لها .. عاجبه الموضوع وكاعد كبالها .. ويحجي وياها ويبادلون الكلام ...

بس ماادري ليش هل مرة ماحسيت بالغدر ..

او الطعن بالظهر ...

شنو الي قار الي بعد مااحجيت وي فريدة مااعرف ..

يمكن لان صارحت فريدة بحقيقه الوضع ...

وضعي اني ...

مال بجسمه الي .. بعد ان تكئ بكوع اديه علئ الطاوله ... وعيونه نار ...هاي نار الغيرة لو شنو ...التوتر ... 

ـ جنتي وي هاي المرة لو شفتي شخص ثاني ..

لساني مدا يطاوعني حتئ احجي ...اوضح ...جنت احس نفسي بدوامات ...اطلع من وحدو اطيح بالثانيه ...

واني مستسلمه ...مو خنوع مني ...ولا خوف ...نوع من الخدر ...او السكينه .. صافنه علئ حياتي الي عبارة عن حزورة .. حزورة بدأ حلها يتوضح لي شويه ... شويه

ـ شبيج ...شصارلج .. ليش هيج هاديه وصافنه عليه. .. عبالك مخدرة ...

باوعت بعين رافد..  الي فقد السيطرة علئ نفسه .. ومد ايدة ولزم ايدي حيل ..

ـ انتي جنتي وي احد وسبب لج هاي الحاله ...منو هذا غاليه لمن هاي الجكارة

سالته واحس الدفو .. لان لازم ايدي ..

ـ منو تتوقع انته! ?

ـ راغب مثلا

كمت اسحب ايدي من ايده .. اريد اخلصها ماكو ..

ـ هذا اسلوبك الي تعاملني بيه رافد ? تكعد وي وحدة طامعه بيك .. وتريدك ...ونوب تجي عليه تتهمني جنت وي راغب ...

عصر ايدي حيل ...

ـ ولج اني اغار .. شتعل من الغيرة ...وراح افقد صبري وياج غاليه .. راح تخبليني انتي ...

يمته استوعب الحقيقه الي دخلت حياتي ...حقيقه مشاعر رافد.   ويمته اعود عليها ..

حتئ خيانه راغب .. جنت مسوعبته اكثر من مشاعر رافد اتجاهي ..

حسيت صوته صار اقرب ... وانفاسه تضرب وبوجههي ..

ـ مرة ثانيه اذا شفتني وي وحدة ...لا تشردين ...تعالي وواجهيني .. وشلعي عيوني اذا باوعت علئ غيرج .. لج خلي عندج قوة ودافعي عن حقج

ـ انته مو حقي ..

ـ اني كلي حقج .. خلي هذا بعقلج المتحجر بلمي تستوعبينه ..

دوامه ثانيه اخذتني ...احسن نفسي عبالك واكفه علئ كاع .. وتميل بيه .. تفتر .. حسيت نفسي راح اوكع بالكاع ..

ـ اي ستوعبيها ... وحفظيها ...قبل مايضيع عقلي مني ...

هتز جسمي ...حسيت عبالك دا انصدم بحايط ...قوي ..

ـ انته تخون مثله ...انتي مااريد .. واتنازل عن اي حق لي بيك ..

بعدها ايدي بيده ...عصرها اكثر ...احس اصابعي ... تكسرن بيدة

ـ ساليني منو هي وراح اجاوبج ...

ـ اساليني ...لا تسكين ...اساليني وانتي نار .. معصبه ...اريد اشوف عصبيتج ...

باوعت عليه كل النار والعصبيه نفجرت بداخلي عليه ..

ـ منو هاي الي كاعد وياها .. رافد ...شتريد منك ... وانت شتريد منها ..

ـ مرة ...مثل غيرها من النسوان ...حالها حال اي مرة بالدنيا

سالته واني تعذب بداخلي ...

ـ تخون رافد ...

ابتسم ابتسامه مرة ...

ـ اني ...اي اخون ... اخون كل النسوان بيج ... اخونهن مثل. مااخون رجولتي واجلدتها كل الليله بالحرمان .. الي مراح تكتمل ولا تشبع الا بيج انتي .. اخون روحي العطشانه الي علمتها ماترتوي الا من سلسبيل روحج انتي ...

ونهار اخر ركن من الذاكرة .. كولشي صار مشوش ...

هو هذا رافد !?

هو هذا الي يحجيلي كلام عن وجع كلبه ... عن حبه الي لي ماقريته ولا مرت عليه عيوني ييوم من الايام ...

عاف ايدي ...وكام علئ حيله ..

ـ اني كول نروح ...امي هسه قلقانه علينا .. وانتي هم مبين عليج التعب ..

ـ رافد ...

شفتها بعيوني .. احلئ مرة بالدنيا هاي المرة ...مثل اول مرة حلت بعيني وشفتها حبيبه لكلبي وعقلي وروحي ..

عيوني تاهت وهي تشوف احلئ انسانه تشوفها عيوني ..

ـ رافد ..

نسيت حتى اجاوب او ارد عليها واني صافن فيها .. شنو الي بيها مو حلو ..

ـ هاي صديقه جديدة تعرفت عليها ......

رفعت حواجبي لها ...ممصدك

ـ هي طبيبه عدها عيادة بنفس العمارة الي اشتغل بيها ..

وكملت وهي تأشر علئ جكارة

ـ وهاي جكارتها ...

مااحسيت الا واني امد ايدي واسحبها ..

ـ واني مراح اكولج منو البنيه ...كافي تعرفين مشاعري لج .. شلون اشوفج بعيوني ...ويكفيني اشوفج تحاولين تقتربين مني ..

ـ اني مدا اقتـ ....

اقاطعت كلامها ..

ـ لا تكملين .. وخليني .. متعلك .. بهاي القشه .. بنيتي .. حتئ لو جانت مجرد سراب كافي اني اشوفها قشه ..

عاف ايدها  وكمت يلم بغراضها ويخليهن بالجنطه ولعلكها بمتنها ..

ـ لا تقلقيني مرة ثانيه عليج .. لا تسدين تلفونج .. وتنقطعين فد مرة  عني ومااعرف وين انتي وشدا تسوين ...

ـ اسفه خوفتك عليه ...

ابتسمت رغم المي ...بس الم حلو ...

علئ الاقل هي يمي ..

وبعدي استطعم حلاوة حبها بالحلال ...

جانت رحله الرجعه للبيت ... طويله اني ردتها طويله كمت اسوق علئ كيفي بعدني مامستعد فاركتها ...تروح وتسد باب عليها يحجبها عني .. لمن وصلنا للبيت. .. وهي ساكته بنفس الهدوء الي ستقبلتني بيه بالكوفي من رحت لها .. دايرة وجهها .. وغركانه بالافمار مااعرف شنو هيه ..

من وصلنا للبيت وطفيت السيارة كبل لا تنزل سألتها ..

ـ شبيج ... بنيتي ... ليش هل هدوء والسكته بيج شي.   دا احسج مختلفه وهادئه بشكل مو طبيعي .. صاير لج شي ..

رفعت عيونها لها ...وبدون مااترد علئ سوالي .. كالت

ـ تصبح علئ خير ...

نزلت واني اباوع لخطواتها .. بكلب يشتعل بنار الوصال ... المؤجــل ...

يتبـــــع ...

عظـــم الله لكم الاجر بحلول محرم الحرام .. جعلنا وياكم في ركب الحسين عليه السلام ..

اللهم وضــر انت وحدك قادر علئ كشفــه ..

شلونكم بنات شخباركم ..

البارت حلو .. اي والله يخبل ...فأريدكم تشدون حيلكم ويايه ...وتعلقون .. وتصوتون .. وتجازون تعبي ..

طبعا احنا نمر ايام محرم .. اعذروني لو صار ضروف وتأخرت او قصرت البارتات ...مااريد اوقف القصه ..

وان شاء الله مااقصر وياكم ...

يلا استمتعو ..

احبـــكم ..

.

#احبك_وانت .. البارت السابع والعشرون

وردة عمري ...

سـهر .. ياسـر ..

كاعدين بالمطبخ الصبح .. او بمعنې اصح اني وياسر ... واكفين بالمطبخ .. حضني. وصار صدرة علې ضهري ..

دفعته ...

ـ ياسر هاي شبيك اخاف احد يجي ويشوفنا ..

ـ ترة مدا نسوي شي عيب او حرام ...

دخلت علينا غاليه .. شهكت اول ماشافت وضعنا.   ياسر ابتعد ... من شافها .. الي اعرفه عن غاليه .. خحوله جدا ...رغم زواجها ...بس خجلها ماغادرها .. اول ماتشوف موقف محرج ...تطلع من المكان ماتبقې بيه .. بس تفاجئت بيها دخلت ..

وتحيتها كانت جافه ..

ـ صباح الخير ...

ردينا عليها ..

ـ صباح النور

سحبت الكرسي وكعدت مكابلتنا .. وتباوع علينا .. خاصه ياسر مخليه عينها بعينه .. ماادري حسيت بالحرج .. ليش .. احس العرك تجمع كوله بكصتي .. وكمت امسح بيه بكف ايدي .. رجعت كملت الريوك ..

ـ شلونه شهر العسل سهر .. درت وجهي عليها لكيتها ..

رافعه حواجبها لياسر بتحدي غريب ..

مااعرفزشنو المفروض تكون الاجابه بالضبط ...

جاوبتها مغيرة الكلام نهائيا ..

ـ تركيا حلوة لازم انتي ورافد تزوريها ..

ـ ليش! ?

سؤالها مااعرف .. شنو معناها .. بس ياسر جاوبها ..

ـ شهر عسل .. هديه مني لكم ..

ضحكت ...

ـ مثل هديه العرس ...بصراحه شكرا خوش هديه .. راح اهديلك مثلها قريبا ان شا۽ الله يمكن رافد مايستاهل هيج هديه منك ...بس انته تستاهل هيج هديه مني ..

حسيت كلامهم اللالغاز ..

ـ ليش شنو هدالكم ياسر بالعرس غاليه اشو اني مااعرف بهذا الموضوع ..

درت وجهي علې ياسر لي واكف يمي

ـ ياسر انته هادي هديه لغاليه بعرسها ماادري.  

ـ لا مو بالعرس بالخطوبه .. بيوم خطوبتنا اني وياج هديت لهم هديه هي ورافد وجمعتهم بالحلال .. مو صح غاليه ..

كامت غاليه من مكانها ..

ـ غير ياسر هددتي حتئ تزوج رافد واذا ماتزوجته .. مايتزوجج انتي ...

اشوف ياسر وجهه كام ينطي اللوان ...وغاليه وجهها جامد ..

واني بينهم ...ماادري اصدك لو شنو ... بس جمدت ...عقلي يعيد الكلام .. ويحلله الف تحليل ... بعدني بغمرة افكاري وتحاليلي ... ضحكت غاليه

ـ هاي شبيج ...بس لا صدكتي ولج ..

اووف ...تنفست براحه ..

ـ صدوك جذب غاليه اكو واخد يشاقئظ هيج شقا ترة محلو والله ..

كحت وهي تضحك ..

ـ بصراحه ياسر هدالنا الحلقات ... وبصراحه ذوقه مااشاء الله يخبل ..

باوعت لياسر ... جامد ماكو اي شي ممكن اقرها علئ وجهه .. وهو من ايام هيج .. متباعد .. عني .. بعد ماطكيت البيض....وكملت الريوك ..

حجه ياسر ..

ـ سهر ممكن تجبين موبايلي من الغرفه ...

طلعت من عندهم ...قاصدة الغرفه ..

.....

ياسر ..

اول. مااطلعت سهر .. كمت من مكاني قاصد مكان غاليه ..

اعصابي تلفت ...من كالت لسهر الي كالته ...حسيت روحي راح تطلع من جسمي واني اسمع شلون تعترف لسهر بالحقيقه .. روحي غارت بجسمي .. وكلبي .. يمكن اكثر مرة تدك بيها بهاي السرعه ..

ـ انتي تخبلتي غاليه .. قسم برب السموات ...سويها مرة ثانيه .. اموتج ...امحيج عن وجهه الخليقه .. هذا الحجي هسه اناكل وفوتتها ...بس مرة ثانيه راح يكون له ثمن غالي صدكيني فلا تتحديني وتخلين راسج براسي ...اكسرة بدون مايرف لي اي جفن ..

كامت .. من مكانها ..

ـ قبل من هددتني جنت مكسورة ...ظهري محني ...روحي محطمه واضريت اقبل لان خفت علئ اختي ...بس ماكو شي يمنعني اكول ...غير شي واحد .. سهر .. يوم الي اشوفك تفكر تكسر بيها تفكـر اها .. راح اكسرك قبل كسرها. . والي صار احسبه ثار .. جرة اذن بكيفك ..

ـ خافي علئ نفسج غاليه ...اني مايهمني احد ...صدكيني خافي علئ نفسج وعدلي حيلتج وي رافد .. لان مو يوميه تلكين واحد يحبج بكدة ... واني اذا سويت شي مو بقصد ااذيج بقصد ادليج علئ انسان انتظرج سنين .. غاليه .. سهر زوجتي اكسر روحي قبل مااكسرها .. بس انتي لا تكسرين برافد اكثر .. لان اذا زاد كسرة ممكن يموت .. واذ مات انتي اكثر وحدة خسرانه .. فكري بكلامي.

تركت غاليه تتلاطم الافكار بداخلها .. اعرفها ..  انسانه مهزوزة. ... بعدها عايشه بعقدها التفسيه .. بس يمكن هذا كلامها .. خلاني اوعئ ان غاليه بدت تفيق من حاله الغيبوبه الي هي بيها ..

عفت المطبخ .. وطلعت ورة سهر .. احس البيت اليوم يختلف .. عيوني باوعت للباب .. حسيت نفسي ملهف اكثر واكثر .. جانت سالفه الموبايل حجه حتئ تطلع من المطبخ ...

مااخفي خفت من كلام غاليه ...خفت لا تلاحظ حقيقه الكلام .. بس الحمدلله مرت بسلام ..

سألت نفسي .. معقوله هذا تأثير .. ورديه عليه .. !? بدت تملي البيت بوجودها المفرح وكمت اخاف لا يروح هذا الفرح ...!? حتئ غاليه الي جنت احس بااحقد اتحاهها لان معلقه رافد بهذا الشكل ...اختفئ هذا الحقـد ...

جانت عيني علئ الباب الي طلعت منه سهر ..

كمت اريد اروح وراها ..

ـ ياسـر ...

درت وجهي لغاليه ... اشوفها انسانه مهزوزة ... عبالك الي قبل شويه جانت انسانه ثانيه .. عبارة عن قشرة ...ونكسرت وبين الضعف .. البيها هسه ..

ـ ياسر. .. طريقتك بجمعنا اني ورافد ببيت واحد غلط ...جنت محتاجه وقت حتئ اكدر لملم شتات نفسي .. حالتي ماتسمح بهيج علاقه وانت جبرتني اقبل

ـ لو تبقئ عليج مراح تقبلين العمر كوله ...يمكن جنتي محتاجه احد يدفعج حتئ تقبلين ...حتئ رافد نفسه جان محتاج هيج دفعه ...والا راح يبقئ ينتظر العمر كوله ...غاليه رافد ماكو منه لا تخسرينه بأسلوبج ...

ضحكت واني ممصدك دا انتصح غاليه تتقرب من رافد وتحتفظ بيه .. رافد انتظر هواي يتساهل يعيش حياه ...ويصير عندة اسرة وبيت ...

جملتها الاخيرة .. جانت عبارة عن امل ...لحياتهم الجايه ..

ـ احاول

تحركت خطوات هاديه .. ناحيه الغرفه

ماكو فائدة من تأخير تأثير الموضوع عليه اكثر

لازم اتعود علئ وجودها .. لازم اتعود انو هي راخ تشاركني غرفتي مثل ماتشاركني حياتي

وي كل خطوة اتذكر يوم من ايام الكليه ..

كل يوم شفتها وكلبي ينبض شوك لها ..

وصلت للباب واني بعدني اتذكر الماضي .. كل ليله كضيتها واني ...اتخيل تصير سهر زوجتي ...مرتي ملكي ...

واخيرا صارت هنا ...ماكو شي يفصلني عنها غير هذا الباب .. وهاهي صارت بين حيطان الغرفه الي شهدت علئ حبي لها ...

سهر ام الشعر القصير .. والعيون اللوزيه .. وكبرياء الانثوي الشامخ ...والمستفز لكل ذرة رجوله بيه ..

بلعت ريكي واني اشوفها كاعدة علئ الجريايه .. تميل بجسمها تشم ريحه الفرشه المفروشه علئ الكاع ..

ـ حبج لشم الاشيا۽ صار مرضي واني بديت اقلق عليج ...تردين احجز لج عند دكتور مختص ..

بعدها منحنيه ..دارت الي وجهها باوع عليه ووجهاا معبس ..

ـ هاي شبيك ياسر .. دا اشم ريحه محلوة بالفرشه ..اعتقد لان جانت مخزونه.   يراد لها غسل ..

ضحكت واني متعمد اغيضها ..

ـ هاي هيه المشكله عادي نغير ريحتها ..

سهـر ...

ـ ترة ملكيت الموبايل .. تدورت عليه ...و مالكيته ..

شفته شلون دخل وسد الباب وراه.. دار وجهه وقفله .. دار وجهه لي وانتي اشوف نظراته الي انفاسي انقطعت ...عني .. احس كل تظرة مثل هاي منه تسرق انفاسي ..

حجيت واني اشوفه .. دا يفتح دكم قميصه ..

ـ اريد اسبح اول شي ياسر ...

بس عبالك ماسمعني تقدم نحوي .. ودكم قميصه مفتوحه ..

ـ انتي بمكان تأخرتي عليه سنوات ...ممصدك اخيرا وصلتي

شع كلبي واني اشوفه .. اخيرا رجع لطبيعته ...اخذني بين ذرعانه وهو يميل بيه للجربايه ...

رجع بطريقته الي عبر بيها عن مشاعرة .. حر .. منطلق ..

بعد ايام من الجفاء بتركيا ..

رجع .. رجع واني شكد مشتاقه .. !?

رافـد ...

العصـر ..

مااعرف شجاني رجعت من المطعم .. عفت الشغل وجيت ...فاتح باب النطبخ واباوع لغاليه وبنتها وهنه كاعدات بالحديقه ..

تلعب بيها تكمزها .. وتدغدغ بيها ...البنيه حلوة ...وبدت تنفش .. تخلي الواحد يحبها .. و كلبه يرف عليها ..

كلبك يرف عليها لان بنتها رافد... لان امها ماخذة كلبك وعقلك .. اعترف .. واني متعرف ..

احسها وي عبير ترجع طفله ... تلعب وتضحك ...وتسولف وياها عبالك جبيرة وتفهم عليها ..

اشوفها شلون تضحك من كلبها .. اليوم ماعدها شغل .. وهذا اليوم يعفيني من القلق والخوف عليها ...

مابيدي الا اخاف عليها .. مابيدي الا اتخيل انواع من  الافكار السودة

اول وحدة بيهن اخاف احد يضايقها بكلمه ...وانتهي تلتقي بشخص معين وواحد ينعجب بالثاني ...

غمضت عيوني واني اسب واشتم بروحي ..

بعدني لحد الان مااحس نفسي رجلها ...

يمكن لان هي مدا تعاملني علئ هذا الاساس ..

واني مستمر اذكر نفسي واذكرها .. متشبت بحقيقه هذا الارتباط بيناتنا .. بدون اي رابط روحي يبناتنا ...

حجيت بصوت ناصي

ـ الصبر .. يرافد ...الصبر ....الصبر

حسيت بيد حنينه نحطت علئ متني .. لتفتت لامي لكيتها تسبح بسبحه لونها ابيض ماشفتها عدها قبل ..

كالت وهي ترفع السبحه كدام وجهي ...

ـ وحدة من جارتنا رايحه للعمرة ورحت لها تنطتنياها هديه ..

ابتسمت واني ...اميل عليها ابوس خدها

ـ تريدين تروحين للعمرة يحلوة ...ترة بعدج زغيرة علئ كلمه حجيه ..

ضحكت علئ كيفها ...بعدها مريضه .. جسمها ضعف مو مثل قبل ..

ـ واني اني افكر لو انروح اني وياك وحتئ غاليه وبنتها نأخذها ويانه ونشوف اخوانك كون واحد منهم يريد يروح ويانه بعد احسن شنو رايك

خليت ايدي علئ متنها واني احضنها ..

ـ اي يوم اروح كولنا قابل شعدنا

ـ كول ان شاء الله رافد

ـ ان شاء الله يوم

سـهر ...ياســر

جنا بالمطعم .. يشمي الشغل بشكل عادي ...لمن دخلت بنيه .. ووحدة ثانيه .. شفتها ضحكت لرافد اول ماادخلت ... هو هم ضحك لها وكمل طريقه رايح لمكتبه .. شفتها ضاجت يمكن متوقعه يجي يكعد يمها ...

مااعرف شنو الي خلاني اوكف يمهم ... بس كلبي ماارتاح ...حسيت اكو شي مو خاليه هل بنيه ..

البنيه الي وياها .. حجت

ـ تخبلتي ملاك ..

"ملاك " اسم مو غريب مثل ملامحه صاحبته الي مو غريبه ..

لتفتت لها الي اسمها ملاك ..

ـ. شنو! ?

سكتت البنيه يمكن انتبهت لوجودي .. سويت نفسي مو يمها ودا اشتغل .. حتئ صحت واحد من عاملين حجيت وياه بعصبيه ...ودزيته عليهم يشوف طلباتهم .. راح لهن .. طلبن ريوك ...

رجعت البنيه حجت ...

ـ انتي تعرفين كولش زين شقصد ...انتي دا تحومين علئ رجال متزوج .. دا تسمعيني لو لا لج متزوج

فتحت عيوني علئ وسعهن ..

"البنيه تريد رافد وتفتر عليه " ...

شكد ماتستحي ونوب تعرف بيه متزوج ...

النادل خله كدامهن الاكل .. وهي ولا عليها تأكل .. الحقيرة .. فتحت حلكها خلت بحلكها لكمه وحجت ...

ـ نظرة لوجهه لتعبان .. وعيونه الذبلانه ...تكفيني حتئ اعرف هو بقمه التعاسه والنهايه زواج مثل هذا مجبور عليه ودا يجيب كل هاي التعاسه مراح يكمل حبي

"مجبور عليه "

"رافد مجبور علئ غاليه منو جبرة ...وليش .. زين شلون ....معقوله ياسر فاجئ رافد من خطب غاليه له مثل مافاجئها ..."

ـ لج هو مو كالج احنا ضروفنا خاصه ليش مدا تفهمين ..

ـ انتي اعجبه ...

"تعجبه "

ـ وانتي

ـ اني شنو ...

ـ لج بابا شدا تحسين تجاهه ...لا تكولين عندة فلوس من هاي السوالف لان فلوسكم متلتله علئ كلبج وكلب عمي ... شدا تشوفين بيه هيج مجلبه بيه غير افهم .. ترة انتي كلتي بلسانج ...عندة علاقات هوايه .. وماكو وحدة بيهن كان جدي بيها ...لا تكولين اعجبه لان طابور المعجبين بيج مينتهي ...

ـ مااعرف .. شنو الي دا يشدني له ...بيه شي يجذبني ...

رفعت الي اسمها ملاك راسها .. وهي تهز ايدها

ـ بالله عليج لا تكولين لان رفضني .. ولا تكولين كرامتي ...وكبريائي ...وكل هذا الكلام ..اعترف ...يمكن بالبدايه كان مجرد صديق طفوله ولتقيت بيه ...هم مو صديق طفوله .. جارنا ...لان هو اكبر مني بهوايه ...بس شفته شلون معجب بيه .. مرات احسه دا يباوع عليه من شاشه عرض .. ماتمت للواقع بصله .. شلون افسرها لج مااعرف ...

كل الي دا اسمعه منها ...دا يرجعني للماضي .. فستان وردي مشكك ...دموعي وهي تجري واني ااروح اشكي من ياسر وملاك لان شكو فستاني الوردي الي احبه والي اشتراه ابوي بعد تعب شغل يوم كامل ..

معقوله ...هاي ملاك .. مو سافرت شجابها علينا .... شرجعها .. لا المصيبه حاطه عينها علئ رافد تريد تأخذة .. زين شلون تعرف كل هل معلومات .. معناتها رافد عندة علاقه بيها .. او يلتقي بيها علئ الاقل ..

ـ بعدها كل مااتعرف عليه اكثز يشدني له اكثر ويجذبني له اكثر واكثر ..

لا هاي سالفه خطرة كولشـ...اي لعد غاليه وينها من كل هذا ...رافد تعيس فعلا بهل زواجه لو ههاي ححه حتئـ يصاحب البنيه ويعلكها بيه .. بس رافد يحب غاليه ...يحبها لو مايحبها مااضل مل هل سنين بدون زواج .. رغم علاقاته الي يحجون عليها بس يحبها ..

شدا يصير لازم ...اعرف ...غاليه شنو وضعها وي رافد ..

مشيت واني ببالي الف وفكرة وفكرة ...فتحت الباب علئ ياسر لكيته .. كاعد .. وابتسم ابتسامته الاستفزازيه نفسه ...هيج يرفع حاجبه ...ويبتسم يمثل واحد معاجبه .. مجانت بمزاج اقبل هيج ابتسامه او اقبلها .. اصلا جانت اخر اهتماماتي ..

خليت اديه علئ المكتب ونحنيت عليه .. اساله ...

ـ ياسر انته جبرت رافد يتزوج غاليه .. !? ليش خطبت غاليه بيوم خطوبتنا اصلا

انخطف لونه ..

تغيير تماما .. اختفت الابتسامه وتنحنح

ـ شجاب هاي السالفه علئ بالج هسه

ـ مو مهم المهم جاوب علئ سوالي مو جاوب سوال بسوال .. رافد انجبر علئ غاليه ...

جاوبتي جواب قطعي

ـ لا

وكمل

ـ رافد سنين منتظر غاليه ...سنين وهو عايش علئ حبها ...ردت اسعدة .. ردت يعيش حياة عاديه قبل لا تخلص سنين عمرة بالانتظار ..

ـ لعد كول لاخوك خلي يتحترم نفسه مو مثل قبل ويصاحب هاي ويترك ذيج ...

ـ انتي شدا تحجين ...الي سمعته ...وعفته وطلعت ...ماادري الي سويته غلط لو صح ... اخاف كبرت الموضوع هو زغير ... اوووف ..

....

غاليـه ...

طلعت من مكتب المحامي .. شايله بيدي اوراق جريت نفسي حيل .. واني اكعد علئ الكرسي مالتي ..

اكتب طلباته وبعض ملاحضاته علئ شغلي ..

تنفست مرتاحه بعد ماخلصت كل شغلي .. والحمد لله ماكو .. شغل جديد اليوم ...

ـ مساء الخير ..

توترت قبل لا ارفع راسي واني اعرف مصدر الصوت وصاحبه .. صوت فاركته من زمان .. من يوم تزوجت مااشفته ولا سمعت عنه شي .. لعد شجابه .. كم مرة اليـشفته بيهن قبل الزواج ...وبعدها خطبني ...ورفضته بأدب ... مو مثل رافد الي سويت مااسويت لان خطبني ..

باوت طوله هو مستند علئ الباب المكتب الرئيسي .. وهو بنفس النظرة يباوع عليه .. ونظرات غريبه وابتسامه اغرب .. حجيت واني اوكف علئ رجليه ..

ـ منذر ..

بقئ علئ نفس ابتسامته و وكفته

ـ اي منذر بنت عمي ...والله زين عبالي نسيتيني ..

حاولت اكون طبيعيه .. رجعت سيطرت علئ نفسي وخوفي

ـ شنو انته عميل عدنا

ـ عميل جديد

كعدت ...بمكاني ولزمت قلمي وحاولت ابين عمليه جدا ...

ـ هلا وسهلا بيك ...تفضل تريد موعد! ?

حسيته يضحك عليه مبين من نبرة صوته

ـ اي والله اذا تسمحين

ـ شنو نوع القضيه ..

رجع يبتسم بوجهي ...ونظرت طالت الي .. من حجابي ...لملابسي .. لوجهي .. ـ

ـ انتي مرتاحه بهذا الشغل ...

رديت عليه بنبرة رسميه ..

ـ الحمد لله ...معرفت شنو نوع قضيتك ...

ـ ليش ماتوسط لج واشغلج بمكان احسن من هذا ..

عفت القلم ...

ـ شتريد مني منذر .. شخيرك شسامع ...

ـ سمعت بيج اطلكتي وتزوجتي مرة ثانيه .. بس يكولون مجبورة مدري هو مجبور ..اسال اكول مو جنج تسوعتي بالزواج من ابن خالتج مةل ماتسرعتي من تزوجتي الاول .. لو يمكن هاي مرحله انتقاليه بالنسبه لج .. يعني لمن توكفين علئ حيلج ويطلكج رافد بعدها .. يعني اتفاق بينج وبين  رافد حامي الحمه .. طول عمرة مسوي يروحه حامي الحمه والنسد لجن انتي وخواتج ...

ضربت المكتب حيل بيدي ..

ـ حتكول شنو نوع القضيه لو شلون ...

ـ اكدر هسه اشتمي عليج عند المحامي وخليه يطردج من الشغل .. يمكن راح يصير هذا الشي من صالحي يخليهم يشغلونج بالمكان الي اشتغل بيه ...بدل هذا الشغل اصلا ميليق بيج ..

ـ لك انته شتريد مني .. شنو هسه حضرتك تذكرت عندك بنات عم وجاي تسأل وتتنشد

ـ اريدج تعترفين ..  علئ اقل زواجج من راغب .. اعترفي بالندم ..

ـ شتحصل اذا كلت اني ندمانه ...ان جان ندمت او لا شراح تستفاد ..

ـ يمكن يرضي كبرياءي ...

ـ كل هاي السنين الي مرت وبعد كل الي صار وكبرياءك بعدة مجروح .. و مراضي ومناسي ...

كام من مكانه ..

ـ يلا امر مرة ثانيه ...اخذ موعد...

لزمت القلم حيل بيدي .. غمضت حيل ..

ـ انتي قويه هاجر ...انتي قويه لا تخلين زلمه مثل هذا مغرور .. الله ينتقم منه .. شجابه هذا عليه ...اني عايزة بالله

فتحت عيوني اخذت موبايلي اتصل برقم واحد

ـ دكتورة فريدة ممكن اشوفج .. طبعا اني اسفه دا اخذ اكثر من جلسه هذا الاسبوع بس محتاجتج ...

ردت عليه فريدة ...

ـ تمام حبي اخر مراجع حيروح .. تعالي

شكرتها ...ورجعت اتصلت برافد ... طلبت منه يتأخر فد ساعتين الا يجي ...

وهو هم ماكال شي ...

محد يعرف اني دا اراجع عند دكتورة نفسيه حتئ رافد نفسه ميعرف ..

رافد الي بعد نفسه عني حتئ ارتب وضعي .. وشكد انتي ممتنه له ..

دوم يفكر بيه قبل نفسه حتئ! 

يخجلني ان بعد هاي السنوات الي مرات والايام الي مرت علينا واني عمري ماافكرت شيريد رافد او شنو يفكـر .. !?

دوم واني وياه ...افكر اني شريد !?

دكتورة فريدة ...هي الي نبهتي لهذا الشي .. مو بس هذا الا خلتني اعرف ماكو احد يساله بشنو تفكر او شتريد ..

كولنا عاملنا بأنانيه ...انفكر بأنفسنا وبس ...وهو تقبل انانيتنا بصدر رحب

كعدت اتذكر .. ثاني جلسه لمن رحت لدكتورة فريدة ...

شلون دا تباوع عليه واني اقص عليها قصه حياتي من طفولتي ...لمراهقتي ...ووجود رافد الدائم لي ...لحبي لراغب وزواجي منه .. عن اخواتي .. وامي ...لولو ...وعبورة ...ماخليت شي مماحجيته ...حتئ عن خالتي ...الي من تزوجت رافد لليوم مااسمعت منها كلمه مو ححلوة ...بالعكس دا اخلي عدها عبير وتتونس عليها ..

وتحبها ..

جاوبتني هي

ـ تعرفين انتي محظوظه.. رغم حياتج المشوشه و المتشابكه بس انتي محظوظه

ـ محظوظه! ?

ـ طبعا ...تعرفين شنو مشكلتج غاليه ...انت حالج من حال البشر دا دائما تشوفين النص الفارغ من الكلاص .. وهذا الشي دا يحبطج ... فتتخيلين حباطج الكلاص كوله فارغ مو نصه ...

وكملت

ـ علئ عكس رافد ...يشوف النص المليان ومقتنع .. بيه ومكتفي .. ويمكن هاي مشكلته .. كولكم دا تأخذون من نصه القليل .. الي عندة .. مغركم بيه بدون ماتسألونه اذا محتاج شي .. سوا۽ انتي او اخوانه ... بدون حتئ متسألونه اذا جان فعلا مكتفي لو مجبور علئ القناعه

طلعت من هاي الذكرئ متعجبه .. مثل قبل يومين من طلعت من فريدة ..

رافـد ...

باوعت لموبايل بعد ماتصلت بيه غاليه ..

احساس بالفراغ احس بيه بداخلي ..

ياسر رجع يطلب مني اصبر عليها ...وانطيها فرصه .. وقت ترتب بيه وضعها

زين واني منو ينطيني هاي الفرصه .. !?

منو ينطيني الامل! ?

رن موبايلي مرة ثانيه ...جانت امي ...اكيد تسال عن غاليه ...لان عبير تعبتها ..  اول مافتحت الخط سمعت الصياح والبواجي من الطرف الثاني ...

غاليـه

بعـد نص ساعه ..

ضلت سمع فريدة مني .. عن منذر ...ومنو منذر ... انتفعل وي كل مرة اكول منذر ...شكد اضوج منه ...اكرهه من زمان ...من جان يجينا للبيت ويباوع عليه نظرات سافرة حقيرة ..

سكتت واني لهث .. تفاجئت بفريدة لمن انطتني كلاص ماي ...وهي تبتسم بوجههي .. اخذته منها وشربته كوله ..

ـ هاي جلستنا ...الثالثه ويمكن الرابعه اذا حسبنا جلسه الكوفي .. لذلك راح احجي اليوم وراح اكوت صديقه نصوحه اكثر من معالجه نفسيه ..

ظليت منتبهه لها ...

ـ تعرفين شكد انتي محظوظه بوجود رافد بحياتج .. لازك بتفاصيلها .. لدرجه واحد مثل منذر غيران منه .. يبنيه يمحظوظه شكد احسدج واموت غيرة منج

دائما فريدة تضيف لمسه مرح ونكته علئ حجيها ...تخليني اضحك ..

رجعت حجت بجديه ...

ـ موجود دائما يمج من طفولتج وانتي تحسين دا تلتمين له .. وحتئ وقت مراهقتج .. لمن صرتي شابه وتزوجتي .. وصرتي ام

ـ متعودة علئ وجودة كأخ وسند وصديق ..

ـ لج يامغفله .. تدرين جم وحدة تتمنئ برجلها كل هاي الصفات ..

كلبي دك حيل واني اسمع منها هل حجي

ـ شدا تحجين فريدة .. ياربي تدرين مدا تخيل نفسي يصير بينا تقارب جسدي ...والله تلعب نفسي بس افكر هيج ...

ـ لعد ليش قبلتي تتزوجينه ...لا .. لا تكولين لخاطر سهر ...انتي بينج وبين نفسج تعرفين مو هذا السبب الرئيسي ...غاليه ..

فتحت حلكي حتئ ارد عليها .. بس مالكيت الاجابه الشافيه والوافيه لهذا السؤال ..

ـ تنتقمين من راغب بيه مو! ? تعذبينه بسلطه علئ مشاعرج .. او يمكن تنتقمين من امجبيه لان دا تحسين تزوججن برخص مثل ماتكولين .. او لان شالتج وذبتج علئ ظهرة .. او خلانه لج شخصيا .. لان عرفتي دا يباوع عليج كرجال عاشك .. مو اخ مثل مانتي تفكرين ..

رجف عيوني افتحت علئ وسعهن .. واني اسمع كلام فريدة ومااكتفت .. كملت

ـ او يمكن دا تنتقمين من راغب بس .. اكيذ رجال مثله عايش وياج قصه حب ويعرف برافد قبل خاطبج وله رغبه بيج راح يحس بالغيرة منه .. ويحترك بنارها ...

تعجبت واني اكتشف بدواخلي بهاي السهوله .. والبساطه ..

وبهاي القباحه ..

هاي الافكار لي جنت افكر بيها .. قبل ماتزوج رافد اصلا .. بوقت الخطوبه .. بعد ماحطمني راغب ورماني مثل عظم ماله عازة ..

وماادري وين وله بيا داهيه سودة ..

ـ جنتي انانيه غاليه .. وماحستي بيه .. فكرتي بس بنفسج مافكرتي بيه .. الانانيه بحر تجر صاحبها للقاع وتخلينا نخسر اعز ناسنا ..

عيوني غوشن بالدمع ...مااعرف ليش .. ماادري ليش تخيلت رافد شايلني واني زغيرة ويلاعبني ويضحكني مثل مدا يسوي و عبورة ..

ـ اطلعي غاليه من نطاق وجعج .. الي مسيطر عليج وحسي ...انو هو شريكج بهذا الالم الي يمكن يعانيه اضعاف ماا انتي تعانينه ... اذكري هو مثلج دا يتألم او اكثر منج حتئ .. لا تشردين من حقيقه هو يحبج ...لازم تتقبلينها .. كأمر واقع وتتعاملين وياها .. ماكولج تتقبلينها بوضعكم الحالي .. لا اريدج تتقبلينها بالماضي اول شي .. انه جان يحبج بشكل مختلف من زمان .. وبشكل مختلف عن الي انتي تعرفينه .. يحبج ويعشكج كمرة وبعدة وراح يبقئ ان شاء الله .. حاولي باوعين لوجعه من جديد .. اطلعي من جلد غاليه وشوفيه انسان يتالم ...يتوجع .. تخيليه هو عايش بوجع وانتي جنتي متزوجه وسعيدة يمكن .. علئ الاقل اول زواجج ..

نذهلت واني اشوف حياتي من منظور مختلف .. من منطقه مختلفه تماما .. مااعرفها ولا شايفتها ولا منتبهه لها ..

وهي بعدها تحجي ..

ـ انتي تكولين مدا تتخيلين نفسج .. وي رافد بتقارب جسدي ...لعد كم مرة انتي كنتي وي زوجج وهو جان يتكتوي بنار فاركج .. وحارم نفسه من النسوان علمود حبج .. يمكن حتئ يشايفج وياه .. لعد شكد متحمل علئ نفسه .. تخيلي لمن عرف من الاهل والاقارب انتي حامل بحملج الاول .. شصار بيه .. وهو يشوفج له .. طفله من احد ثاني .. هذا الاحساس ميتقارن باحساس النفور الي تشكين منه ...

غمضت عيني واني اتخيل انهيارة من رفضته من خطبني .. اتخيل وجهه بعد مااعترفت له اني احب راغب وريدة ...و فضلته عليه .. اتذكر ابتسامته .. وكلامه لمن كال ..

ـ اتمنئ تنسعدين .. واختيارج ما تندمين عليه يوم ..

كل هذا مر عليه مثل شريط فيلم ..

ـ اني مااكولج روحي ذبني نفسج عليه وصيري رهن اشارته .. لان الشعور بالذنب مايبني حيله زوجيه سعيدة حبيبتي .. وهم هو مو غلطج لان حبج بسكته مااعرفتي الا بعد ما ملك كلبج واحد ثاني .. انتي هم عانيتي بما فيه الكفايه .. ماكولج ضحي بنفسج لخاطر رجال ماتحبينه ...بس لازم تنفضين تراب الضعف .. المتراكم بداخلج من سنين. بس تذكري رافد رجال وتحمل وصبر هوايه .. تقبلي ممكن يضعف كدام مرة .. مثل الي شفناها وياه بالمطعم ويمكن لحظه ينهار ويتقبل خسارته و يفضل يبدي من حديد وي وحدة ثانيه غيرج ...مرة تقدرة و تسعدة

كلبي احسه غار بين ضلوعي واني اسثع منها هل حجي .. باوع لعيون فريدة وهي تحجي ...

ـ اني ماريد ...اضغط عليج واعيد واكررر ..بس اني اوضح لج الامور شلون ممكن تمشي .. شفت هوايه نسوان ...بنات شابات منهارت بسبب خيانه رجولتهن لهن ..

لزمت ايدها ..

ـ شلون ...شسوي الله يخليج ساعديني ...

ـ اريدج .. ترجعين .. بشريط. حياتج ... لطفولتج ...لمراهقتج .. وصباج وتشوفينها بطريقه جديدة ...ورافد وياج بيها بكل خطوة ...شوفيها بروح مختلفه .. ركزي بالتفاصيل مرة ثانيه بس بعيونه هو .. مو بعيونج انتي .. عيشيها .. خليها تتغلغل لدواخلج .. مثل عطر جديد تداعب حواسج ..حسيها بكلبه العاشك مو بكلبج الي حبه كأخ

ـ هذا رجلج غاليه .. لا تنسين هاي الحقيقه او تغفلين عنها .. مثل خيانات راغب لج .. لا تغركين نفسج بالماضي وعيشي حياتج من جديد .. وتضمين كولشي خايفه منه ..

اني قريت هاي العبارات قبل ..

الحب نصيب والفراك قرار ...

الحزن نصيب والفرح قرار ...

وجود شخص مثل رافد بحياتج نصيب والاحتفاظ بيه او تركه قرار ...

كولنا مانملك النصيب ..

بس اكيد نملك القرار ..

واجهي الماضي بنظرة جديدة .. قرري ...غاليه ...قرري .. حتئ تريحين نفسج ...وتريحين هل رجال من هذا العذاب

يتبــع ..

بنات شلونكم شخباركم ...اعذروني تأخرت ..لان عدنا شغل تعرفون عاشور وايام عزاء ...قرايات وتطبخ وشغل ...وصدكوني رجليه خيوط .. صايرات من الركض .. وبعدنا ...يوم السابع ..

ادعولي بنات .. احنا بنات 3 مظلومات ...ظلم من الاهل .. والناس .. بدون سبب غير الغيرة و الحسد. الله يبعد عدكم كل الناس السيئه والي ادور علئ ضيقكم .. وتعسير اموركم ..

شتتوقعون شﮠو قرار غاليـه ...راح تنقذ علاقتها وي رافد لو تركته لغيرها ..

وسهر راح تسكت لو تضل تنبش الا ان تعرف الحقيقه ...!?

وهاجر اويلي منتظرتها طركاعه سودة مصخمه! ?

استمتعو ..

اقروا ..

علقوا ...

صوتوا ..

باجر اكو بارت! ?

اكولكم ان شاء الله اكو ..