تحميل رواية «احبك .... وانت» PDF

البارت الحادي عشر ..

هاجر

جنت كاعدة مندمجه بالشغل .. احاول اخلص الي بيدي واكثر مااريد اي نقص ..

اراد الحاسبه توكع من حضني لمن سمعت صوته .. وجسمي يخذلني وخلاني اوكف على حيلي

ـ صباح الخير هاجر ..

حجيت واتي اكوم على كيفي .. وخليت الحاسبه يمي

ـ صباح النور هلا استاذ ايهم ..

جنت اعرف رغم كل محاولاتي حتى اسيطر على نفسي صدري يصعد وينزل .. وكلبي يدك مثل الطبل ..

وهو واكف هناك صافن عليه من رجلي ويصعد بعيونه لشعري .. اول مااشافه ابتسم.   الله ينتقم منج يسهر لهل دكه .. ضفرته لي ضفاير وصرت جني وحدة بالابتدائيه .. امداج هاجر بالله ورديه ضحكت عليج وسوتج مضحكه له .. انتي عايزة يخايبه ..

استحيت لدرجه مااعرف شحجي .. كلمات كامت تطلع مني واعتها عد .. عبالك سيارة مسكربه

ـ الحمـد االله على سلامتك

مشه وكف كدامي مباشرا ...وعيونه على ضفايري ..

الله يطيح حظج يسهر .. واني شلون طاوعتها وخليتها تسوي شعري ضفاير ماادري ..

ـ الله يسلمج من كل شر ..

يارب .. يارب يدور وجهه ..

بلعت ريجي بلكوة واني اباوع عليه رغم كولشي صار .. اني افتقدة .. حسيت بغيابه .. وسطوة حضورته شلون تربكني ..

عيوني شكد حاولت انزلهن مااكدرت ... صافنه بتفاصيله واتمعن ملامحه ..

شنو بيه غير مروا بحياتي وشفتهم ..

شكد جنت اشوف شباب بالكليه ولا واحد مله عيني وكدر يأخذ نظرة وحدة مني .. بس هذا بيه شي يختلف يجذب .. وجنه قاصد يجذبني له بكل ماعندة من قوة

اسبوع مر بدون مااشوفه .. صح جنت مشغوله .. ويمكن مااداومت الا يوم بدونه بس احس مشتاقتله ..

واحاول اخفي هل شي مااريد اصدكه ولا اريد عقلي يستوعبه ..

حجه ووجهه يضحك ..

يربي هذا يضحك عليه

ـ معقوله فاتح مدرسه بمكتبي واني ماادري ..

لا اراديا شلت ايدي .. تلمس كصيبتي ..

وكمل

ـ بس حلو الواحد يرجع ويلكي احد مشتاقله مو بالله ..

رجفت اوصالي .. معقوله كدر يقراني بهل بساطه .. توترت وكمت مااعرف شسوي ..

عيوني احسن كامن يدمعن من المستحه ..

ـ وحلو ارجع ولكاج مثل مااعفتج بالضبط ..

كمت احك بأذاني .. هذا طبعي اذا توترت او خجلت .. اكوم احرك بلحمه اذني وافركها بأصابعي ..

حركه شكد حاولت اتخلص منها بس مااكدرت .. ملازمتني مثل ظلي اذا توترت ..

ـ الشغل الي طلبته منج خلصتيه ..

ـ طبعا خلصته ..

ـ شنو مااحسيتي الايام طويله بغيابي

كلامه سبب لي ارباك .. مااعرف ليش عن طريق كلامه ونبرته المختلفه دا يرسل شي .. اشياء هوايه بيها مشاعر نابضه ..

حاولت اغلس عليه واعبر واسوي نفسي ماافاهمه ..

ـ وخلصت جم شغله وي الشغل الي طلبته مني ..

كعدت على الكرسي وهو صار وراي مباشرا ..

فتحت الحاسبه على اساس اشوفه الشغل .. دخلت اريد افتح الملف ماكو ...اضغط .. خايب رحمه لهلك .. ابد .. واني من التوتر والارتباك كمت مااشوف بعيوني .. انفاسه وهي تضرب بركبتي كمت احس بيها .. شويه حسيت اصبعه يبعد اصبعي جانت مجرد لمسه عابرة سبب لي مثل النتله ..

نقر وفتح الملف ..

لعد شبيك وياي يحضي ..

جان مدنك ويقرا .. او يمكن مايقرا ..

بس حسيت بنفسه يخلل شعري ..

عدل وكفته وكال

ـ جنت اعرف بيج بنيه .. سكت شويه وكمل طموحه ..

وخر عني .. واني ضليت بمكاني مااشوف شي كدامي جنت مثل الغبيه يمه ..

احساس التوتر ملازمني .. والكارثه ماكدر اخفي هذا الاحساس كدامه ..

ـ جيبي حاسبتج وتعالي راويني الشغل على المكتب هنا ..

يمه .. واني عبالي تخلصت منه .. كمت من مكاني وقريت شكو سورة حافظتها من القران .. وكعدت يمه حتى اروايه الشغل ..

قطع كلامي

ـ تلوك لج الضفاير حلوات

.....

بعد شفل طلعنا اني وشهد كلنا نكعد بالكافتريا جان ووكت غدا .. من بعيد شفنا استاذ باسل .. سلم واجه كعد يمنا ..

بس شهد عود انكلب وجهها واشوف الخوف والتوتر بعيونها ...

بس استاذ باسل مبين عليه خوش انسان .. كام يذب نكت واني ميته ضحك عليه ..

ضحكت مرة ثانيه عليه وشهد دنت راسها يمي

ـ شبيج هاجر تخبلتي من كعدنا لهسه تضحكين بعدين من يمته تعرفين باسل اها

همست لها

ـ من اخذتي اجازة اجه سأل عليج .. شبيج ترة مبين خوش رجال

ـ اسكتي الله عليج انتي ماتعرفين شي.  

ابتعدت عني .. شنو الي مااعرفه .. صح اني وشهد مو صداقه قديمه .. بس حلوة العلاقه بيناتنا ..

رغم هذا مااعرف شي عن حياتها .. مرات احسها لغز .. هو احنا كل شخص عندة لغز بحياته ..

رجع هذا باسل ينكت ويضحك واني مدري شبيه اضحك وياه .. تخبلت مدري شجاني يمكن لان شفته معقوله ..

ـ الله عليك استاذ باسل كافي والله حموت من الضحك ..

ـ استاذ شنو هاجر ...احنا بعد صرنا اصدقاء كولي باسل وبس مو بالله شهد

شهد تحركت من مكانها ..

ـ والله ماادري بكيفكم .. عن اذنكم ..

وانسحبت شهد من يمنا اول ماكامت كام وراها هو

ـ عن اذنج هاجر

اجيت اصيح وراهم لولا ذاك الخيال الي شفته بالزويه خاتل .. مثل واحد يراقبني ..

شفته شلون طلع وعرفته

ـ ايهم ..

...

ايهم ...

رجعت واحس النار تريد تطلع من عيوني ...يعني مو مثل مااترسم روحها كدامي .. البريئه المرتبكه من كلمه وحجايه .. يعني كل هذا كذب ..

يعني تطلعت تضحك عليه ..

طلعت تعرف تغازل ..

ولك ايهم اذا هي غازلتك انته .. اي لمن ادعت البراءة .. مر عليه وجهها وهي تضحك وي مدير الحسابات .. يمته تعرفت عليه وكامت هيج تضحك وياه ..

ااااخ يا يابه ..

جنت داير وجهي ..

وسمعت صوتها

ـ استاذ ايهم نكمل الشغل

درت وجهي عليها وحس قسوة الدنيا كلها لتمت بيه

ـ من يمته تعرفين باسل مدير الحسابات ..

ارتجفت شفتي من سمعت سؤاله .. اريد اجاوبه ماكو ..

ـ شجنتي تسوين وياه من جنت مسافر اها

شنو قصدة ..جاوبته واني اريد اكله بسنوني

ـ ماكو شي بيني وبينه مجرد زميل عمل لا اكثر ولا اقل

ـ زميل عمل اها! ?

هز راسه وكأنه يتوعد لي ويهز بالقلم الي لازمه بيدة

ـ لا تجين لمكتبي من اليوم لمن اقرر عكس هل شي

ـ والشغل ماكـمـ

بس قاطعني

ـ كولي لمنتظر يدزلي هيفاء بدالج

حسيت بالاهانه لكرامتي .. شنو يعني ...شنو قصدة من هذا الحجي والتصرف .. اااخ نار شعلت بداخلي مثل البراكين .. الحقير .. الما يستحي

جاوبته واني احاول اسيطر على نفسي مااريد اخسر عزة نفسي وكرامتي اكثر مااجنت اعرف اني مثل الكتاب المفتوح كدامه ..

لملمت بعض الاوراق .. الي تخصني ..

ـ ماشي استاذ راح اكول للاستاذ منتظر يدز شهد بمكاني.  

احس الدموع ترست عيوني .. تنفست بعمق حتى ماابجي كدامه ولا تنزل لي دمعه وحدة

ـ بس اني راح اقــد ..

ـ اتجرئي وعوفي الشركه وداعتج لو تلفين هذا البلد شركه شركه دائرة دائرة مراح تشمين الوظيفه شم ..

بعدني فاتحه عيوني وصافنه عليه .. كلامه كان مثل حد السيف بالنسبه لي.  

عفته وطلعت بدون حتى مااستأذن منه .. مايستاهل .. احترمه او خليله اي منزله بكلبي ..

طلعت وعيوني مثل واطلق العنان لهن .. ابجي بحركه والم .. ليش يحجي وياي هيج .. وشلون ...واني ساكته ..

ايهم ...

بس طلعت من يمي .. البرود كله تحول الى براكين من النار .. وحدة مثلها تضحك عليه .. مستعد تعيد نفس التجربه والجرح ليش

ـ سهله هاجر الا ماخليتج تكصين ضفايرج وتنتطينياهن فصل ماتسمى ايهم ..

بحركه قويه زحت كل الاغراض والملفات الي على المكتب وظاهر سمعت الستكرتيرة الصوت ودخلت عليه

ول مااشافت المنظر شهكت

ـ هاي شصاير استاذ ..

صحت بيها

ـ معليج اطلعي ..

وكفت اباوع من الجامه مااريد اشوف انعكاس صورتي بيها .. ماريد اشوف وجههي احس نفسي وحش يصرخ ومحد يسمع صوته ..

شبيك ايهم ليش ضجت مو على اساس هاي لعابتك تلعب بيها وتذبها مو على اساس هاي مجرد مخدر للالم الي تحس بيه .. شنو الي صار .. لان عبالك بريئه .. نقيه .. وفقدت هاي الصفه لمن شفتها شلون تضحك وي باسل .. جنت تعتقد نقيه لدرجه بس تمد اصبعك الزغير بهذا النقاء راح يتلوث ويصير اسود مثل كلبك .. جنت تترجى تأخذ من الاسواد البيك شويه بلكت ترتاح مو ..

  رجعت صورتها كدامي وهي تضحك وتهز بضفايرها ..منظر شل عقلي شل بدون سبب افهمه

والافكار كامت تووالى عليه ماادري منين ..

شبيك ايهم .. موضوع ابسط من هيج .. !?

صارت هاي الحمرة ملاذ لرجولتك المهدور دمها بسوق الزلم .. بعد مااخانتك الي سلمت لها كلبك ووعقلك وكيانك ..

بعد ما اتهدرت كرامتك وكسرت روحك .. شلت ايدي كمت اضرب بيها بالحايط

ـ الله يلعنج .. الله ياخذج ويزود عليج الي انتي بيه

بعد مااتحمل .. لازم كل واحد يأخذ جزاته .. بس من وين اخذها من وحدة شبه ميته .. انسانه بين الحياه والموت وتعاني من ويلات المرض ..

اطيب ايهم مثل هيج عار مراح يموت بسهوله .. واح تأخذ ثارك منها مربع ..

...

هاجر ..

رجعت واني اجر برجليه جر .. دخلت لكيت استاذ منتظر مشغول .. ودخلت وراي شهد واشوف حالها اخس من حالي .. ايااا شبيها هاي .. هسه اني ماكله خوش اهانه من ايهم هي شبيها .. ونوب منتظر شافنا شال راسه وعيونه كل ساعه على وحدة .. ذب القلم من ايدة

ـ خير ياطير شبيجن ...

وكفنا وحدة تباوع للثانيه .. حجيت اني

ـ استاذ منتظر .. استاذ ايهم طلب شهد بدالي

شهكت شهد

ـ شنووو

شلت اديه بأستسلام

ـ اني معليه هو كال

رجعت كعدت بس بعدني ارجف .. شسوي .. ارضخ لتهديدة وظل بالشركه ويجوز يطردني بعد كم يوم حتى يهينيي اكثر .. لو اعرف الوظيفه ولعن ابو اهلها واحفظ ماي وجهي وكرامتي. ...

كعدت .. مبعدني ممصدكه الي صار ..

وحجي وي نفسي ..

شبيج هاجر ...شصارلج .. ولج انتي هيج واحد متكدرين تتحملينه ولا يكدر يتحمل المشاعر الي جاي تحسين بيها له .. هذا رجال ماينعرف قرارة ..

رفعت عيوني لشهد اباوع عليها .. شهد حلوة ...رشيقه وجسمها مرتب .. وحلوة ..

يعني راح تأخذ مكاني يمه ويوميه تروح وترجع عليه .. احس نار الغيرة كامت تأكل بيه من هسه .. ويسولف وياه مثلي واكيد راح تنعجب وينعجب بيها ويمكن ..  قطعت عليه حبل افكاري من كالت

ـ باسل خطبني

ـ منو باسل

ـ شبيج هاجر هو شكم باسل عدنا .. ابو الحسابات ولج

ـ صدوك معقوله والله معبالي يخطبج بهل سرعه

ـ ليش ولج هو كايل لج يريد يخطبني

ـ لا بس شفت اهتمامه بيج

ـ لج خل يولي والله لو اخر رجال بالعالم ماتزوجه وخل يضرب راسه بالحايط

ـ اياااا شهد شبيه خوش رجال باسل محترم ومؤدب وفوك كل هذا اشوف اكو حب بعيونه لج

ـ الله يخليج هاجر لا ظلين تحجين مثل امي ..

ـ اذا امج تحجي هيج فحجيها كوله صحيح ...نصيحه مني اقبلي بيه

ـ هسه عوفينا من باسل .. ايهم المدوحس شبيه وياج ..

ـ مااعرف شافني كاعدة وي باسل واضحك .. ووو

ماتكدرت اكمل عيوني كامن وحدهن يصبن دمع .. جنت مجروحه .. دموعي سالت على خدي والغيرة بعدها تاكل بكلبي

ـ من الاسبوع الجاي انتي راح تبدين وياه

بعد نهايه الدوام مريت على الحسابات وسلمت راتبي .. رغم فرحتي بيه .. بس ماتهنيت بيه هم كل مرة اتذكر الي سواه بيه ايهم .. ممصدكه ممكن يسوي بيه هيج ..

طلعو واني مثل التايهه .. اول مرة احس بقيمه ان للوحدة لها وظيفه وراتب تستلمه اخر الشهر .. طلعت بيه مباشرا للسوك .. افتر واني احس نفسي ممكن اشتري كلشي .. ايدي على جنطتي ... مو حبا بالفلوس لا باحساس بانك تكدر تأخذ اي شي تريدة ..

اشتريت كم غرض لامي ...و غاليه. حتى سهر شتريت لها سترة ورديه حلوة ونازكه .. واني شتريت لنفسي موبايل وخط ..

ورجعت للبيت ..

غاليه متغيرة ... اول ايام كانت بأنهيار تمام .. كلنا خفنا عليها .. بس بين يوم وليله بدأت تسيطر على نفسها ...مانست .. مرات اكعد بالليل لكيها تحن وتون بس صابرة .. كعد وتحط ايدها على بطنها عبالك الي ببطنها يصبرها على فراك لولو ..

دخلت للبيت وبيدي علاليكي ..

واني بباب البيت صحت

ـ ماما .. غاليه ..

امي طلعت من المطبخ ..

اول مااشافتني كالت

ـ اها ولج شنو هذا ..

ـ ابشرج اليوم ستلمت راتبي

تلكتني وهي تأخذ الاغراض مني

ـ يااا صلاوت ماما الله يزيدج ان شاء الله

كلت بكلبي مامن ورة ابن اختج زيادة ..

امي فرحت كلش وهي اطلع بالشغلات الي اشتريتها ..

اشتريت لها دشداشه جديدة وادري بيها تحب شغلات المطبخ شلتها الباقي من الراتب ونطيتها لها ..

ـ ماما هذا الباقي منه اخذيه لج وانتي بعد رتبي امورنا ..

من شافت هيج دنكت وكامت تبجي .. بستها من راسها

ـ فدوة لدموعج ماما لا تبجين

اجت غاليه وايدها على بطنها كالعادة .. كعدت يمي ..

ـ هاي شنو هاجر اكيد مستلمه راتبج ..

ـ اي والله وهاي هديتج ..

خليتها لها بحضنها ..

غاليه ذبلانه مو مثل قبل .. بس احسها تقبلت موت لولو اكثر من الاول ..

ـ لعد و لولو ماجبتيلها شي ..

انصدمت .. رفعت راسي لها ..

ـ لولو! ?

خلت ايدها على بطنها ..

ـ اي لولو ...

احس قالب ثلج وتكسر فوك راسي ..

لزمت ايدها ...واعصابي كوة مسيطرة عليها

ـ لولو الله يرحمها غاليه

ـ والله زرقني بلولو ثانيه هاجر .. مايطفي نار الولد الا ولد غيرة ..

ولولو نارها هنا .. وتأشر على كلبها .. مشتعله .. تحرك بيه و تجويني يوميه .. ولج يوميه بالليل .. اكول هسه تبجي وتكعدني تريد حليب .. هسه تكعد تريدني تحطها بحضني ...افز من نومتي على صوت بواجيها .. انتي وامي وسهر وكلكم تردون انسى .. واني شينسيني يهاجر ...شلون انسه نبض كلبي ..

هسه الي مصبرني هذا الي بطني .. احس بنبضه وعايشه على امل جيته ..

مسحت دموعي السالت  .. وياها

ـ الله يساعد كلبج غاليه احنا مانكول انسيها ابد والله احنا ماناسينها .. نكول ارضي بقضاء ربج وقدرة ...والله على الظالم ..

هزت راسها وسكتت ..

ـ راضيه .. اللهم اني راضيه.. والله ينتقم منك يراغب وين ماحطيت رجلك الله يحرمك من نفسك الي تتنفسه مثل ماحركت كلبي وحرمتني من بنتي ..

...

جنت كاعدة بين امي واخواتي ... واباوع عليهن يسولفن .. غاليه وسهر ويمنى يمنا بس تأكل بالكيك .. الي سوته سهر عود على اساس مسويه روحها شيف علينا بالبيت ..

هي هم استلمت راتبها ..

الجو بدا يكسر والبرد بدا يقل .. جنت ساكته ..

واحجي وي روحي

ـ لا تفكرين بيه هاجر ... ولج خل يولي .. كافي يباوع عليج بنظرة دونيه .. شنو الي خلقه ماخلق غيرة .. حتى لو مر بيج بدون مايباوع او يهتم حتى يشوفج بطرف عينه ..

تذكرت قبل ثلاثه ايام من مر بينه اني وشهد ...وتجاهليني حتى ماباوع عليه ..تحسرت على روحي .. من سمعته يسلم على شهد واني ابدا ولا جني موجودة

يعاقبني ...يعاقبني بقسوة على شي مااعرفه ..

يمكن تفرحني فكرة ممكن يغار من باسل بس دا تعذب ..

ماتحملت .. رحت للاستاذ منتظر وقدمت اجازة مستعجله .. وشهد ابد مااسألت ولا ادخلت بس نظرتها نظرة شفقه عليه

شهد ابدا مااسألتني عن سبب التغيير لي صار بيه .. من فترة حتي مااسألت ليش ادموعي نزلت بسرعه بذاك اليوم ..

شهد ساكته ..

مثل واحد يكلب الموضوع بعقله ..

ضحكت واني اتذكر شهد وباسل ..

جننهم الفارة والبزون ...واحد متجاهل الثاني .. وواحد مايحجي وي الثاني بس عرفت باسل متقدم رسميا للشهد وينتظر الجواب من اهلها ..

بس اظاهر شهد ماتطيقه .. ماافهم السبب ...ماتريدة ...يمكن فعلا ماتحبه وماتشوفه الرجل المناسب للحياتها الجايه ..

دك تلفوني .. شلته ... شهد

ـ هلو هاجر

ـ هلا عيني بالعروس

ـ دولي خايبه ياعروس يابطيخ

ـ ليش يابه مو صدوك عروس والعاشك الولهان موجود يريدلج الرضا ترضين

ـ انتي تافهه كولش

معقوله عشت بعيد عن المشاعر والاحاسيس بحيث كمت ماافرق بين المرة والرجال لي يحبون بعض والي يكرهون بعض

ـ لج شبيها شهد الولد ميت عليج ويريد يتزوجج شبيها هاي

ـ هاجر اني مطلكه

شهكت وكمت من مكاني وطلعت للطارمه ..

ـ شنووو

ـ اي مطلكه وعندي بنيه .. وباسل من اقارب زوجي سابقا ..

ـ صدوك تحجين شهد لج صار شكد اني وياج ليش مااكلتي

ـ عفيه هاجر لا تكولين لحد .. الله يخليج خاصه استاذ ايهم

ـ ليش شنو عيب لو حرام

ـ لا عيب ولا حرام بس الشركه ماتشغل بس الي ممزوجات والي ماعندهن مسووليات

مااريد تزوج واعوف بنتي

ـ وليش تعوفينها شهد .. لا انتي اول ولا اخر وحدة تتزوج وتاخذ بنتها وياها

ـ اخاف من ابوها يسمع وياخذها ...

ـ بس هو يحبج شهد ودا ينتظرج عمري

ـ هو ينتظر رد ابويه هاجر مدا ينتظرني

ـ لج انتي مدا تعرفين نفسج شلون محضوضه ..

ـ مو كوتلج انتي تافهه والله

سكتت مااعرف شكول لها

ـ هسه عوفينا من هل حجي .. يمته اداومين ...

ـ ليش ترة اجازتي بعدها ممخلصه .. صاير شي ترة مصار كم يوم من اجازتي

ـ مبين الي دا تسوينه جاب نتيجه مثل مااخططتي له

بلعت ريكي .. واحس اخدودي كامن يشعن من الخجل .. واسمع صوت طنين بأذني

ـ شنو تقصدين شهد ...

سمعت صوت تنهيدتها

ـ اجانا امر اداري عيني .. يردونج داومين خلال اربع وعشرين ساعه

حسيت انقطع نفسي وكمت لهث

ـ شنو! ?

ورجعت كالت

ـ ماكو يفصلونج وينطوج شهادة سوء سلوك بالداوم وانتي بكيفج

حسيت بخدودي يشتعلن ...يريدني .. اي ...يريدني ارجع للشركه ..

ـ اها شدا تحسين ...متحمسه  مو ... فرحانه انتي! ?

رديت عليها واحس الحجل داخلي يزيد وسويت نفسي ماافهم كلامها

ـ شنو ... مدا افهم منج شي

ردت عليه بصوت هادي

ـ عبالج اني غبيه هاجر .. ولج اني اكدر تخيل وجههج هسه واني دا حجي وكلبج شلون يدك لمن كولتلج سوة هل شي .. لمن تأكد من صحه خطوبتي من باسل .. ولج امس سألني اذا باسل خطبني لو لا وبعدين سألني عنج .. عود كوتله انتي بأجازة ماكو ساعة ووصلنا الامر الاداري

جان كلبي يركض صدوك .. يعني سامحني .. رجعني للشركه لان يريد يشوفني .. يعني يحس شي بأتجاهي

ـ اسمعي ولج هاجر اني اعرف انتي منجذبه له مو بس انجذاب انتي عندج مشاعر له اكبر من الاعجاب .. وهذا شي دا يقلقني عليج والله ..

كمت اهز راسي واريد بس الكاع تنشك وتبلعني .. هيج اني مفضوحه كدام الناس ..

ـ لا شهد انتي غلطـ ..

ـ لا تنكرين .. الله يخليج .. اكدر احس بيج ببساطه .. احس بغيرتج بكل مرة اروح بيها لمكتبه .. بنظراتج وانتي دورين ولو نظرة منه بكافتيريا الشركه ..

عضيت شفتي الدرجه حسيت طعم الدم بحلكي من الاحراج الصرت بيه .. مو احراج وبس الا والخزي هم .. مامتعودة على فكرة الحب .. وشكد اهابها .. واخاف منها ..

ـ اني مثلج جنت هاجر .. جنت زغيرة .. وبريئه مااعرف شنو حب ولا عايشته .. وجذب عليج اذا كوتلج مو حلو حلو الحب خاصه اذا الشخص نفسه الي تحبينه يبادلج نفس المشاعر

ـ واني احس بمشاعر حلوة شهد

ـ يدري بالج هاجر ... ديري بالج ترة الموضوع مو مثل مااتتخيلين

جنت داخلي اسمع نفس صوت شهد يحجي نفس الحجي .. بس قمعته من داخلي

ـ شبيج شهد ترة هو متهتم بيه و

ـ حتى لو مهتم .. هو مو مناسب لج

وتكملت

ـ انتي بعدج طاهرة ...نقيه ماعندج تجربه بالحب يعني خام وبسيطه .. مشاعرج ماملموسه قبل

سكتت ماكدرت اكول شي كل فرحتي ماتت بمكانها بعد مااسمعت كلام شهد .. صح ايهم ابن خالتي بس اني مااعرفه .. معرفتي بيه سطحيه عاديه مثل اي موظف برب عمله

ـ هاجر ترة الي سمعنا عنه مو سهل .. الرجال مار بتجربه صعبه .. ورغم هاي التجربه اظاهر بعدة يحب خطيبته السابقه او زوجته لان اصلا هو جان عاقد عليها

رديت عليها

ـ قصدج يدور على تعويض .. يريد وحدة تعوضه وتعيشه الحب .. هوايه زلم مروا بتجارب صعبه وتزوجوا عاشوا حياتهم

ـ ولج يخبله .. انتي تقارنين الزلم بواحد مثل ايهم .. ترة هذا واحد مو سهل .. اني اقتربت منه وعرفته .. وحدسي بيه ماجذب .. دا يمر بمرحله من الفراغ الداخلي... وانتي مو بحال تواجهينه .. انتي قويه اي .. بس قوتج ماتسوى شي كدام جبروته ..

لا شعوريا شلت عيوني ...وكمت اباوع .. للبنات امي واخواتي وهنه يسولفن ويضحكن .. وغاليه الي كالعادة دا تسولف وي الطفل لي ببطنها ..

رجعت كلت لشهد ...

ـ شهد اني فكرت بالموضوع ترة مو مجرد مشاعر و

ـ لا تحاولين تبررين لي ...انتي ماتحتاجين تسوين هل شي كدامي .. تصرفي مثل ماتريدين اني اعرف الكلب اذا لعب بالعقل يخيل له احلام ورديه

ـ لا شهد لا تتخلين عني هسه واني بهل حال

ـ لا تخافين حبي انتي مثل اختي الزغيرة وراح اضل دوم يمج ...

ـ شكرا شهد مااعرف اذا هل كلمه توفي حقج صدكيني حتى اخواتي مااكدرت اسولف لهن الي بداخلي ..

ـ المهم تعالي بسرعه ترة مدا تحمل سوالف باسل وثكل دمه ..

ضحكت ...

ـ وانتي بديتي تتعودين على ثكل دمه شهودة

سدت الخط بدون ماترد عليه ..

...

ـ صباح الخير ..

وكفت بمكتب السكرتيرة ..

شافتني السكرتيرة ..

ـ العفو ست وداد ... استاذ ايهم داز عليه .. يريدني اكمل الشغل

شالت راسها وباوعت عليه

ـ ماشي هاجر بس خليني اكمل شغلي وي استاذ ايهم وبعدين اكوله عليج ..

وكفت وهي تكول

ـ ترة لحد لان مااصدر هيج امر لي

حسيت دا تجرحني ...وتحرجني بنفس الوقت عبالك دا تتهمني اني اكذب عليها ..

ـ ست وداد ترة استاذ منتظر هو الي دز عليه وكال لي اني مجايه من وحدي ...

اشو هاي كامت تدردم اريد افهم منها شي ماكو .. واخذت الملفات ودخلت له ..

مرت عشر دقايق وطلعت من عندة .. واشرت بيدها الي حتى ادخل ..

رجف كلبي وخدر جسمي لدرجه كمت مااحس بيه ..

كلبي ...كلبي .. ااه الكلب .. ولك اوكف عن دكاتك المفضوحه ..

دخلت بدون مااشوف كدامي .. وسديت الباب على كيف ..

خذت نفس قبل لا اشيل راسي واشوفه ..

كان واكف كدام المكتب مالته متجي عليه .. والابتسامه شاكه حلكه شك .. ابتسامته واسعه اكثر مما يتحملها كلبي ..

عيونه يلمعن .. وي قميصه الكاكوي اللابسه ..

ـ صباح الخير يا بيضاء

كال اخر كلمه بالفصحى ..

بللت شفتي بطارف لساني .. بدون مااحس شفت عيونه تلاحك حركه لساني ..

طلع صوتي خافت

ـ صباح الخير استاذ ايهم .. استاذ منتظر كال لي تريدني ارجع للشغل وياك ..

مازال على نفس وكفته .. ماتغيرت .. احسه مستمتع بالي دا يصير والي دا يشوفه كدامه ..

شكد ضجت من نفسي ليش اني بهذا الضعف كدامه .. منو هو .. شنو هو .. واني حتى حجي مااكدر احجي ..

الله يلعن كلبي الي يسوة بيه هيج سوايه.   ولج هاجر مو هذا الهانج و طردج من الشغل وياه وبدلج بشهد .. مو هو نفسه الي هددج وبسببه كطعتي اجازتج واجيتي بسبب تهديدته

جنت اناقض نفسي ..

امس مااكدرت انام واني افكر بيه .. اشتاقلي .. اكيد اشتاق لي ومااكدر على فراكي ..

وهسه هذا هو كدامي ولا مبين عليه شي

ضجت من نفسي اكثر ..

ـ استاذ اريد احجي وياك بموضوع اجازتي.  

ـ افتقدناج هاجر ... حتى الشركه مفتقدتج ترة

كان صافن عليه بطريقه مااسواها من قبل ..

نظراته الي مااكدر تحملها بعد كل هذا الجفه منه .. بكل الايام الي فاتت ..

ـ استاذ ايهم اني ..

اقترب مني وهو يحجي

ـ خلينا ننطي مهله لل كنز

يقصد شهد .. تعرفين راح تتزوج .. ولهذا اني محتاجج هسه

رديت عليه ناسيه كل الحجي القبله

ـ نعم استاذ ..

ـ وين جنتي بهاي الايام

ـ وين يعني بالبيت اكيد ..

ـ معقوله ..

ـ ليش ممعقوله

كملت بكلبي

"ليش عندنا غير البيت نكعد بيه يا حسرتي "

ـ معقوله تغبين 3 ايام وماتشتاقين لنا

ـ منو كال مااشتاقيت ..

رفه راسه حبيت لعب عليه مثل ماهو يلعب عليه

ـ اشتاقيت للشركه ولشهد ..

ـ لعد محظوظه شهد مو بالله

ابعد من يمي .. وهمزين راح ..

وكمل

ـ يلا نبدي من جديد ..

مد اصبعه كدامي

ـ بس خليج مطيعه ماكو ابدلج من جديد بحلوة شهد

كلمه "حلوة " استفزتني .. وشعلت نار الغيرة بداخلي .. شبيه هذا تخبل.   اشو من دخلت ..

سماني البيضه .. وهسه شهد الحلوة ..

ـ ترة يصير تسميها الحلوة اكيد خطبيها مراح يعجبها الموضوع

اول مااحجيت حسيت بالندم .. اكلني اكل .. هاي جانت عايزة لتمت .. قبل  اخاف شويه شاك .. هسه اتاكد اني اغار عليه

عضيت شفتي .. وهو كدامي كاعد وشابك اصابعه كدامه ..

ـ عادي .. ترة الموضوع بيني وبينج واكيد مراح تكولين لخطبيها .. واكيد مراح اصيحج كدام احد ام الضفاير لو البيضه .. لو الحمرة

جنت احس اكو شي غلط .. واني اضعف من ان ارفضها ..

مااقبل بيها

اقاومها من صدوك

ـ حتى اني ترة ميصير احنا موضفات عندك مو لعابات كل وحدة منا تنتطيها لقب

سالتني بنبرة ثابته

ـ شنو راح تمنعيني

ـ لا ماامنعك بس انبهك .. ميصير تسوي هيج

جان بنفس وضعيته .. صافن عليه وماغير من وضعيته

ـ يجوز اكدر اتنازل عن لقب شهد بالحلوة .. بس انتي مااكدر احب اكولج ام الضفاير احسها تليق بيج من صدوك

ـ ترجاك ايـ

ـ شكد عمرج هاجر ...تصدكين مااعرف شكد عمرج ..

ـ عمري 26 سنه

ـ تدرين اني شايب بالنسبه لج .. عادي اعتبريني مثل منتظر مو يضحك ويشاقى وياجن

ـ استاذ منتظر مايسوي هيج ومو لهل درجه ..جبير ترة

بس كلت اخر جمله ...عبالك فتحت عليه باب من الضحك .. كام يضحك .. وكأنه عمرة ماحس بالراحه مثل مايحسها هسه ..

ـ تصدكين صار شكد مااضحكت هيج من زمان

....

رافــد

جنت هايم بشوراع اسطنبول .. افتر بيها شارع .. شارع ..

اتذكر اتصال ايهم 

وصوته هو يحجي اجاني

ـ اها رافد

ـ بشرني سويت الي كوتلك عليه

ـ وزايدة مو بس الي كتلي عليه

ـ شكد انتطيته

ـ مبلغ مايستاهل ينذكر صدكني

ـ شكد ايهم لا تشل حالي

ـ عشر الف دولار ..

ـ بس

ـ بس

ااخ ... شكد رخيصه لعدة .. يدري بيها حامل وباعها .. وانته رافد مستعد تبيع العمر لخاطرها وهذا النذل بدلها 1000 دولار بس ..

سديته منه ..

رجعت لحاضري .. غاليه .. حرة .. حرة .. وهذا الشي يخليني مثل المقسوم نصين.   نص يكلي ارجع ...ونص يكلي ظل بمكانك لا تتحرك ..

ماادري ليش مرت ذكرى ابويه لمن جان يتوسل بأمي بعد مااعرفت بيه متزوج غيرها .. ابويه لي كضه سنين عمرة .. يدرس بمصر ويدز فلوس حتى يدرسهم .. شكد دز لامه رسايل حتى تجيبهم وتجي ...بس ماكو فايدة امه جانت متمسكه بالعراق وهو هناك متعلك بمصر الى ان تزوج عليها .. وعرفت ..

عرفت ... بيه متزوج .. سافرت له فجاة ولكت هناك متزوج ..

اجه وراها .. ترجاها .. مو بس ترجاها .. ركع على رجليه كدامها .. كدام عيوننا .. بس حتى تسامحه ..

جنت اكول كل لحظه مرت عليه .. هسه تسامحه ...هسه تحفظ كرامته الي هدرها كدامنا وتكومه من الكاع. وتسامحه .. بس صار العكس .. طردته ..

نفته من البيت مثل ماينفي الملك العبيدة ..

من يومها راح .. لا يعرفون عنه شي ... ولا مر عليهم .. ماعدا بعض الاخبار الي توصل لهم

من بين وبين ...اخر مرة سمعوا بيه بتركيا .. وهذا الجاب سعد لهنا ...يدور عليه ..

وهذا الي مأثر على ياسر مخليه يتصرف هيج وي سهر وهذا الي مزود نار ايهم ومخليه يشوف النسوان كلهن سوة .. خاصه بعد سوايه سميه بيه

وانته رافد .. الي كسرتك .. وخسرتك كرامتك تستاهل ترجع لها ..

سوت بيك مثل مااسوت امك بأبوك .. واكثر .. فضلت واحد ثاني عليك ..

ترجع لها ..

بعد كل هذا ..

اااه من النار المشعوله بكلبي .. جمر .. يجوي الكلب ويحركه حرك ..

كعدت على وحدة من المساطب الموجودة على الطريق.  

اشوف الناس تمر ..

ناس رايحه وناس جايه واني بمكاني ..

يمكن البعد احسن .. البعد حل .. هسه ..

المهم .. هي حرة .. حرة ..

شكد حلمت بهاي الكلمه وهسه صارت ..

رجعت فتحت الموبايل .. واتصلت بامي

ـ هلا يوم شلونج

واجاني صوتها تعبان ..

ـ يمه رافد ..

وبجت صوتها مكسور

ـ ولك يوم صدك كلت لك سافر .. بس ماكلت لك اكطع بيه .. ليش هيج

ـ الله يخليج يوم اني اتصل بيج حتى اطمئن عليج نوب اسمعج تبجين ..

ـ غير شتاقتلكم اانته واخوك .. ارجعوا يوم كافي عبالي اكدر اتحمل مااكدر على فراكمم ..

ـ الله كريم .. نرجع ان شاء الله

...

ـ رافد غاليه اطلكت ..

كأنها داست على الجرح ..

ـ ادري

ـ اريدك تتزوج غاليه بس تخلص عدتها ..

....

شلونكم بنات شخباركم ..

طبعا اليوم البارت

برعايه ايهم وهاجر ..

والقفله ..

مو تنسون التصويت .. والتعليق ..

صوتوووووووا حبابات ..

وعلقوا على الفقرات

قراءة ممتعه ..

البارت الثاني عشر ...

ـ اني اريد رجال يحبني ...يعشكني على كوله امي .. اريدة يحب تفاصيلي .. كلي انته تحبني واني اتزوجك من عين باجر

صفنت عليه متعجبه ..

شنو هل الصداع الي بداخله وتفضحة عيونه! ?

عاض على شفته بقوة عبالك يمنعهن من الكلام او بتصريح حبه الي ..

عيونه بس الي يشعن بالمشاعر والاحاسيس ..

اثنينا كمزنا علي صوت الموبايل وهو يرن ..

مر من يمي .. واخذ سترته من الكاع ...طلع موبايله من جيب السترة .. كل هذا واني عيوني مااتركته ..

ـ هذا ايهم ..

دار وجهه عني .. طبعا ايهم هادم اللذات .. شدعي عليك ايهم هو اني اجر الحجايه جر من المتجمد الشمالي تجي انته تخربها ..

والله حسيته راح يكول ...راح يعترف بحبه الي .. بس وين هذا ايهم اتصاله عبالك لوري حمل وسحكتني سحك ..

ـ الو ايهم .. اني بالمطعم ... اي

سكت شويه ...وصاح بصوت عالي

ـ شنو .. شكلت .. !?

حسيت شي مو زين صاير .. سد الخط من ايهم .. وصاح بيه

ـ جبيبي جنطتج اوصلج للبيت

ـ ليش شصاير ياسر ...

صاح بيه

ـ معليج لا تتدخلين ..

صاح على واحد من العمال ووصاها على المطعم وطلع

رحت وراه للسيارة اركض .. فتح باب السيارة وشغلها واني بعدني ما راكبه السيارة .. ركبت وسديت الباب وهو شخط بالسيارة شخط

ـ شكو ياسر .. احجي شصاير خالتي بيها شي

دار وجهه عليه وعيونه انكلبت من العشق الي كنت اشوفه بيهن لحقد .. خفت بحيث رجعت لورة وجسمي كله انحصر يم الباب.. 

ـ ياسر

ـ اششش ...لج اشش ماتعرفين تسكين شنو ..

يحجي ويضرب بالستيرن ..

عرفت الموضوع بيه أن .. سكتنا وصمت ماكان هادي لا بالعكس كان كله شحنات سلبيه ..

نزلني بالباب وراح .. ضلت عيوني.   وراه ..

شصاير ...ليش هيج تعامل ويايه قبل شويه جان راح يعترف بحبه الي... ويترجاني حتى ادخل حياته وتزوجه .. شكلبه هل كلبه هاي ..

دخلت للبيت واني اجر برجليه جر .. احساس الخيبه والخذلان .. ماافاركني.. 

اول ماافتحت الباب وشلت راسي لكيت غاليه كاعدة بالطارمه ومتمددة .. بطنها بارزة لان هي بنهايه الشهر السادس .. مخليه اوراق بحضنها اول ماشافتني .. كامت تضحك وبعدين حجت بصوت متكسر ..

ـ سهر .. اجيتي .. تعالي .. تعالي شوفي راغب طلكني ..

خلت ايدها على حلكها وكامت تهلهل .. وتبجي ..

ـ كلوووووشششش .. راغب طلكني .. وتضحك بشكل هستيري ..

لازمه ثوب لولو مخليته بحضنها وتشم بيه

ـ ابوج طلكني لولو. ..

ونوب كامت ادك على وجهها وتخمش بيه

ـ ياريتني ماطاوعتج يمه ورجعت .. ياريتني متت بذلك اليوم الكشر ولا دخلت بيته ..

جان انتي هسه بحضني ملوكه يمه ..  جان هسه تلعبين كدام عيوني ..

مااكدرت لزم اعصابي ولا مشاعري ولا دموعي لي سالن على خدي ست اشهر غاليه رافضه تماما الروحه للدكتورة .. تخاف .. تريدها بنيه تخاف تشوف جنس الطفل ويطلع ولد .. شكد حاولنا وياه اني وهاجر وامي وهي رافضه رفض قاطع فكرة الدكتورة  .. كعدت ايمها ..

ـ اذكري الله غاليه ... الله انطاها والله اخذها .. راحت للرحم عليها مني ومنج يكلبي لا تسوين بروحج هيج ..

حضنت راسها لصدري ...واني ابجي واشهك مثل شهيكها ..

لولو ...رويحه طير لرفرفت ... ملاك واسمها عليها ...يمكن اذا ظلت مراح تتحمل ظلم البشر وحقدهم ...

مراح تتحمل يصير عدها ابو مثل ابوها .. يمكن هي اختبار كانت لامها .. وابوها .. والله اعلم بالنتيجه ...

امي جانت كاعدة بعيد عنا ...عيونها تربي علينا .. امي احس هلكم شهر كبرنها سنين .. صدك هي من زمان متعوبه... بس جان تعب جسد .. وتعب الجسد اهون بهواي من تعب الروح ..

كومتها ...بلكوة ...ودخلتها لجوة .. 

نومتها ... وضليت كاعدة يمها امسح على راسها وهي حاضنه روحها وملابس لولو .. عيونها مابطلن بجي لحد مااغمضت ونامت ..

طلعت لامي والي حالها مو احسن من حال غاليه ..

اول ماكعدت يمها

حجت ونبرة الحزن والانكسار مليتها

ـ اختج مشيلتني ذنب يسهر .. تكلي كله من وراج ماتت بنتي ..

دارت وجهها عليه

ـ شنو ذنبي اني ماما كولي لان مااردتها تتطلك .. لان ماردتها تتبهذل وتبهذل بنتها وياها .. وين ادري راح يصير هيج

ـ تحمليها ماما .. غاليه منهارة ... مو سهله ترة الي ماتت بنتها و كسرة كلبها وروحها من الدنيا تدرين كولش زين شلون جانت متعلقه بيها .. ساعديها ماما ولا تشيلين بكلبج عليها

ـ ترة راغب من زمان طلكها قبل اسبوع واني استلمت الاوراق من الشرطي

ـ شنوو.

ـ اي ماادرتها تعرف الا بعد ولادتها خفت عليها لا يصير بيها شي

ـ لعد شلون عرفت

ـ خابرت خالتج رضاب وكلت لها وسمعتني ...

سكتت وهز براسي

ـ انتي شجاج من وكت .. مو هذا وكتج بالجيه

نزعت السترة مالتي وذبيتها بعيد عني ..

ـ ابنج اختج ماادري شبيه اشو اجاه اتصال .. وتخربطت حالته ونوب جابني لها ذبني وراح

ـ ايااااا شبيه ولج ماعرفتي اخاف صاير شي

ـ مكال ... ليش هو يتحاجه فدوة اروح لج .. الله لو جورج كلوني ماجان تجاهلني هيج ..

ـ منو هذا كلوني ولج ...

ـ اهووو ماما اكوم اني احسن لي اروح ابدل ملابسي وانام .. بلكي اكعد ولكي المتجمد الشمالي ذاب ..

صاحت وراي امي ..

ـ تردينا نفيض ولج سهر هنه جم نكاطه طاحت علينا صار لنا 3 ايام فايضين النوب الشمالي يذوب ..

صدوك ضحكت من كلبي .. بس بنفس الوقت خفت ...خايفه من اليوم الي بيه يذوب المتجمد الشمالي ...ياترى باذاك الوقت اكدر اتحمل فيضانه ......

...

ياسر ...

اتصل بيه ...ايهم ...وكال امي بالمستشفى .. راجع من الشغل وداخل للبيت للاكيها واكعه بالصاله .. محاول يكعدها بس ماكو فاقدة تماما .. ماخذها وطالع بيها للمستشفى ..

ماادري شلون وصلت للمستشفى وبياحال .. احس الدنيا صارت ازغيرة بعيني .. دخلت واني ادور علي ايهم .. شفته كاعد ومخلي اديه اثينهن على راسه مدنك .. وكفت شويه اتأمل كعدته ...مكسور .. معقوله امي .. هزيت راسي وحاولت امسح هل فكرة من بالي تماما ..

ركضت عليه متلهف ..

ـ اها ايهم شصار ..

شال راسه عليه وعيونه مدمعه

ـ ماادري دخلوها للنعاش وبعدة الدكتور ماطالع ..

كعدت يمه

ـ اي شبيها مااعرفت

ـ مااعرفت ياسر ..

جان مثل التايهه ..

ـ اني ...اني ...خايف .. خاف بيها شي

ـ لا تكول هيج ان شاء الله مابيها شي

ـ شلتها مثل الميته بين اديه ..

بلعت عضه صارت بلعومي من سمعته يحجي هيج

ـ ان شاء الله مابيها شي .. ترة امي تحملت اشكال اللوان .. مو بهل السرعه توكع ..

طلع علينا الدكتور وركضنا وراه ..

حجيت اني

ـ بشر دكتور شبيها الوالدة

ـ للاسف عدها بدايه جلطه

ـ جلطه! ?

ـ لا تخافون هي زينه ...مبين عليها قويه وجسمها قوي كدر يتحملها ويعبرها هم

ـ حالتها دكتور شلونها

ـ حاليا مستقرة راح انخليها بالعنايه اليوم والباجر نطلعها بس اهاا ديرو بالكم عليها اي انفعال زايد مو زين عليها ..

ـ دكتور الله يخليك اذا تحتاج عمليه او اي شي ثاني احنا جاهزين لا تتأخر عليها

ـ ميحتاج .. حالتها مستقرة وان شاء ماعدها الا العافيه عن اذنكم ..

لتفتت ايهم وراي ..

ـ نخابر رافد ...

صفنت ... شريط حياتي كله مر كدامي .. اخر .. شي توقعته امي نهار بهل السرعه ..

رافد اقرب واحد لامي يمكن صدوك تحتاجه بهيج ضروف .. هو اقرب لها واكثر واحد تكدر تحجي وياه وتشكي له همومها .. رافد صديقها مو بس ابنها ..

ـ اتصل بيه .. بس لا تكوله امي عدها جلطه كوله تعبانه اخاف يقلق ويصير بيه شي تعرف هذا سفر ..

كل لحضه تمر علينا اني و ايهم عبالك سنه ..

...

رافد

ـ اريدك تتزوج غاليه بس تخلص عدتها ..

ـ اتزوجها بس بشرط .. هي تطلب مني بنفسها ..

سديت منها الخط ..

صوت امي يهتز بعقلي .. طلبت مني اتزوج غاليه واني رفضت ..

رفضت رافد حلم عمرك الجنت تكعد وتصحى علمودة .. دفرته برجلك هسه ..

ضحكت على عقلي وشلون افكر .. ليش غاليه راح تقبل بيه ..

راح تكدر تنسى لو تكدر تعيش ..

سحبت شعري بيدي لفوك ..

وكلبي يرد على عقلي ...ساعدها رافد .. هاي البنيه محتاجه وجودك بحياتها .. صير لها الامان والسند .. وانسى ...انسى كلشي صار بالماضي ..

جفلت من حسيت بواحد كعد يمي .. واستغربت اكثر لمن سمعت

كالت بالتركيه

ـ مرحبا ..

جان كلشي بداخلي هايج ...ثائر وهاي تحجي باريحيه وتتمضحك .. هسه منين الله ذبها عليه ماادري

ـ اني اسمي هوليا وانته

باوع بعيوني بعيونها الزركه .. كمت تذكرها شويه ...شويه ...هاي شايفها .. عيونها مو غريبه عليه مرات قبل هل مرة ..

بس وين ..

لمحه بسيطه .. عرفتها ...

ـ وانته اعرف اسمك رفاد ...

رجع صوت الناس والرايح والجاي .. رجعت للمكان .. للزمان الي اني بيه .. وفوك هذا كله للكاعدة يمي ..

ـ رفاد! ?

سألتها

ـ اي احنا هيج نطقه الاتراك .. ممكن تنسى لقاء الاول ارجوك .. كانت وي صديقاتي وصار بيناتنا رهان اذا كدرت الفت انتباهك او ماكدر

وكفت اريد اروح بس هاي جلبت بكتفي وهي تكول

ـ بالمسلسل الكوري اذا راح البطل البطله تعرف مكانه من مكان وجود النجم القطبي رفاد

ـ اضاهر مثكله بالشرب حضرتج ..

حاولت ابتعد واجر ايدي منها بس جلبت بيه اكثر وكامت وكفت على حيلها

ـ مو كوتلك انسى لقاءنا الاول .. جنت احاول العب دور معين خلينا نبدي من جديد ..

ضحكت عليها .. شبيها هاي ..  هسه اني لي خلك بالله للمراهقات ..

ـ وهسه يادور تلعبين بالله ..

ـ اسمي هوليا .. ببساطه ..خلينا نتعرف على بعض من جديد وبطريقه صحيحه اني طالبه سنه ثانيه  .. وانته رفاد جاي بزيارة لخوك هنا يدرس

هل مرة ماكدرت اتحملها ولا تحمل اسلوبها .. سحبت ايدي بعنف منها

ـ اسمعي هوليا .. ترة اني ماعندي وقت لسولف البنات الزعاطيط .. روحي شوفيلج واحد بعمرج ولعبي وياه ماشي ..

رفعت ايدي لها ...

ـ يلا سلام ..

رجعت للشقه .. والف هم وهم فوك راسي ..

نزعت سترتي ...وتمددت على الكرويته ..

وعقلي مخوذ مني .. شنو حالها هسه.   من عرفت راغب طلكها شسوت .. فرحت لو  حزنت .. حست بيه اني ساعدتها لو لا

افكار تروح وتجي لمن نمت ... مادري شكد نمت ماافزيت الا على صوت الموبايل وهو يرن ..

فتحت عيرني بالكوة .. اريد اشوف منو .. ايهم! ?

ـ الو ...ايهم

ـ هلا رافد شلونك ..

من سمعت صوته كعدت على حيلي .. صوته مو طبيعي .. بيه شي

ـ شبيك! ?

سكت شويه وجر نفس .. كأنه يبجي ..

ـ ايهم .. احجي امي بيها شي .. شبيك ولك

ـ امي تعبانه

جنت ضاغط على ايدي اول مااسمعته .. بادت ... اريد اسيطر واسكت رجيف اديه ورجليه ماكو

وماادري شلون طلع مني الحجي

ـ شلون تعبانه فهمني.  

ـ تريدك رافد .. امي مريضه حاليا حالتها مستقرة بس تريدك ...اني اعرف بيها كبل لا تكولها

ـ جاي ..

رجعت للبغداد وشميت ريحتها .. صدوك لو كالوا الغربه موت .. الغربه ضياع .. احس روحي مفاركها سنين مو كم شهر ..

روحي لايبه على امي .. معقوله جوابي هو الخله صحتها تنتكس .. معقوله هيج تريدني اتزوج غاليه ...زين ليش ..

دخلت للبيت واني الف فكرة تجيبني وتأخذني ..

ايهم اول مااشافني ذب نفسه عليه وحضني حيل

وياسر اخذ دور المتفرج من بعيد .. دائما ياسر هيج مايعبر عن مشاعرة واحساسيسه لاقرب الناس له .. اني شكد اكعد وياه واسولف واشكي .. وهو ابد ..

سالتهم

ـ وينها ...

كال ياسر

ـ هناك بغرفتها .. رافد امي زينه ...بس الدكتور حذرنا من اي انفعال او توتر

هزيت راسي له ..

ودخلت لجوة ..

فتحت الباب .. وشفتها نايمه مطروحه على فراشها .. مغمضه عيونها .. ماادري اذا غافيه او مجرد اغماضه ..

دخلت على كيفي وسديت الباب ..

يمكن ماكو لحظات .. فتحت عينها وهي تصيح

ـ رافد ...رجعت ابني ..

ركضت عليها حضنتها وحطيت راسها بحضني .. بستها براسها وايديها

ـ رجعت يمه

ادنت يم بطني وشمت عطري ..

ـ ادري عرفتك ريحتك هبت عليه يبن بطني ..

ضحكت بوجهها

ـ هاي شنو رضاب كالوا عليج مريضه وجيت ركض وعفت بنات تركيا وراي تالي لكاج كلشي مابيج .. ويجوز مناك وجاي ادور لج رجل

ضربتي بيدها ضربه خفيفه

ـ دسكت ...اسكت ... تعلمني بيك واني حافظتك حفظ صايم عن بنات حوا لمن تفطر بيها

شالت راسها لي

ـ تزوجها رافد ...تزوجها يوم

اخر شي جان يتوقعه ممكن امه تطلب منه هيج ...طلب و بهذا الوقت الحرج ..

بهذا الوقت الي هي بيه مريضه مااتتحمل اي ضغط نفسي ولا جسدي ..

ـ يوم الله يخليج

ـ انته مراح تحجي ولا كلمه وغصبا ماعليك اطيعني اني امك .. اني ادري انته تحبها من جانت زغيرة ..

فتحت عيوني علي وسعهن وكلبي كام يتلوى بصدري .. جبيني كام ينضح عرك.

ـ يوم .. انه ...انه

قاطعتني امي وهي تغمض عيونها ..

ـ انته ربيتني .. مثل مااني ربيتك رافد.  كل الي راح تسويه تحول الخب الي بداخلك لها لصفه ثانيه ...الزواج

طنين اذاني زاد والعرك. البارد صار حار مثل روحي وكلبي الحارات ..

ـ يوم الله يخليج هسه انتي عوفي هذا االموضوع بعدين نحجي بيه لمن اطيبين ان شاء الله وتصيرين زينه

فتحت عيونها ..

ـ ماراح اخذ دوة ولا اكل ولا اشرب لمن تكول تم ...وصار وتوعدني وعد رجل تسويه

بلعت ريكي بلكوة .. مديت ايدي لايدها لردت الزمها بس سحبتها مني حيل ..

ـ يوم مستحيل لي تكولينه ...علي الاقل البنيه ماطالعه من العدة. غير هذا كله بنتها مصار لها هوايه من ماتت ماافكرتي بكلام الناس وشراح تحجي

ـ معليه بكلام الناس ... رافد ولك راح يصير عمرك 45 سنه وانته عايش على ذكراها .. ولك مااخليت وحدة ببغداد ماخطبتها وانته كله ..لا ...مااريد ...ماعجبنتي .. تريد تشل حالي تموتني ناقصه عمر ...البنيه طلكت ...اتزوجها ورتاح وريحني الله يخليك .. كافي .. كافي اشوف ازعر اخوانك تزوج وانته واخوتك لا .. ياسر الي كلبه حجر .. وايهم الي نضرب نبص كلبه مااعرف يمته يشفى هذا الكلب ... واني ادري يمكن مرات ...تشوفوني اني السبب بحالتكم

انته تدري ابوك عايش بالنمسا ..

مااكدرت الا انصدم باخر كلمه لها ...

ـ شنووو! ?

صفت عليه بس جانت مو يمي .. غركانه بالمأساة الي مرت بيها ويمكن لليوم ماكدرت تنساها .. يمكن تشوف غاليه تشببها بهاي الماسأة ..

ـ سنين مرت مااكدرت ادور على مكانه .. وين هو عايش .. جنت انته بأخر سنه لك بالكليه .. يومها .. نغريت .. اي نغريت حتى اثبت له اني اكدر اعيش بدونه .. وربيت وتعبت وتخرج ابننا الي ربيته وحدي شكت انطيت لروحي العذر واني ادور عليه .. كلت اني طردته ...اجه ركع على رجليه ووما سامحته .. انطيه فرصه خليه يرجع بيناتنا خليني اسامح واغفر لحظه ضعف مر بيها .. عبالي بعدة عايش على ذكراي مثل ما اني عايشه على ذكراها

بس لا مااصار الي تخيلته واتمنيته ...ابوك طلع متزوج ..

متزوج وحدة نمساويه ويربي لها ولدها ...عايف ولدة ولا سأل عليهم ويربي بولد مو من ولدة ولا من صلبه

كامت امي تبجي بحضني ..

ـ والله مااقصدت احرمكم من ابوكم رافد .. رافد ابوكم هو اختار طريقه بعيد عنه .. يمكن اني قصرت اعترف ماكو واحد بالدنيا مايغلط بس هو داس عليه مرة ومرتين وثلاثه ...

رافد انته تحبها ...تزوجها ...تعيش حياتك لي ماشفت منها شي .. ساعد نفسك بيها وساعدها هي ضايعه مثلك .. انته دليها ودلي نفسك على طريق واحد يجمعكم ..

اذا مااسويت لي اكولك عليه ترة اموت بحسرتي رافد

طلعت من غرفه امي واني مااكدر اصلب طولي ..

وعدتها ..

وعدتها واني ممصدك سويت هيج ..

عقلي يريد يطير من مكانه ...شلون وعدتها هذا الوعد المستحيل. 

بس ليش ...ليش دا احس كل الي دا يصير خبال عقلي ممستوعبه ..

غاليه كدامي هسه ...حرة ...واكدر اتزوجها .. واني هي طلبت مني تزوجها ...

يارب السموات .. يعني اتزوجها وتصير حلالي ..

شي بداخلي كام يفور وثور .. حس عبالك وحش يصيح بيه ويفتح الف .. باب وباب حتي يطلع من سجنه ...

وحش شايل شعله نار يريد يحرك شكو كدامه ..

بس ...لا ...لا

لازم اكو غلط بالموضوع ..

ليش رافض ...ليش واني اسنين عايش بالعذاب ...سنين عايش على الم والحزن .. معقوله لوصلت لمرحله تعودت على الالم لدرجه كمت ارفض الدوة له

ـ المرض اصابك غصبا عنك يرافد والدوة هم اجاك غصبا عليك .. وانته مابين الدوة والمرض كلبك مشتاك لحبيبه.  

كمت اضرب براسي

ـ ولك اكعد ...اكعد اكيد غاليه راح ترفضك .. وشلون ترضى وهي بعدها بنفس نظرتها لك الاخ والسند .. .. اكعد يكلبي ولا تظل تحلم ..

...

سهر ..

ـ شنو راح تبقين صافنه علي تلفونج ...هسه يابه عرفنا جديد .. وحلو .. و الكفر مالته وردي بس شدعوة هيج متعجبه بيه

ـ هاجر لرحمه لاهلج اسكتي انه بياحال وانتي بياحال

جنت صدوك صافنه علي التلفون .. وريوك كدامي مالمسته ولا حطيت لكمه بحلكي ..

ـ لج دكيت عليه 3 مرات يسدة بوجهي الاخ .. ادري اشغل عندة لو مااشتغل عندة

ـ والله الحك انتي تشتغلين عندة لعد ويامن تشتغلين حضرتج

رديت عليها

ـ اشتغل عند رافد هو الي وظفني اما هذا المتجمد الشمالي مااعرفه ولا اريد وظيفته ..

جت هاجر يمي وسحبنتي من ايدي ..

ـ لج انتي كولتي متجمد شمالي .. شتتوقعين من متجمد شمالي يعني .. يصير عصير مثلا

بس والله يجنن مطعكم سهر .. مجنت اعرف بيه هيج حلو ومرتب ..

مااحجيت وياها ولا اهتميت لكلامها ولا كدرت الضحكه تنرسم على وجهي ..

ـ هاي شبيج سهر الله عليج لا تزعلين يااختي مو تعرفين خالتي مريضه وهمه كولشي ولا خالتي ...لج حتى رافد عاف تركيا واجه غير علمودها ..  تريدين ياسر يعوف امه ويجي للمطعم

ـ اني ماكلت يجي للمطعم كلت يرد علي اتصالاتي شدعوة عليه .. ترة مجرد ضغطه زر

ـ تحبينه انتي !?

ـ تعالي نروح للمطبخ نشوف الشيف شسوة ماسوة تعرفين الشغل كله ظل فوك راسي

ـ ترة دا تتهربين من السؤال دادة. 

كمت اتأفف

ـ هاجر حبي مااريد تمارسين عليه طقوسج الي اعرفها .. تحليل شخصيتي .. ترة كبرت علي لعبتج ومو وكتها كولش الله يخليج

ضحكت ..

ـ هاي شبيج ...صدوك تحجين لج اريد اضحكج ترة

ـ مالي خلك عوفيني بحالي ...ويلا روحي راويني عرض جتافج انتي مو عندج .. شغل لو اذا غاب القط لعب يافار

شفت وجهها شلون تغيير وكام ينطي لوان

ـ اها اشوف وجهج صار قوس قزح

ـ اروح احسن لي قبل لا تكلبين عليه

ـ اها خو شردتي

اشرت لي وهي طالعه ...

ـ باي

كعدت علي وحدة من طاولات .. ممصدكه تصرفه وياي ..

ليش دا يتعامل وياي ...المفروض يرد عليه .. يحاجيني .. مو مخليني هيج لا طايله سمه ولا كاع ..

رجعت للبيت حيلي مهدود .. وروحي ..

العصر اخذتنا امي وراحت بينا للبيت خالتي .. اني وهاجر ..

جنت شايله عليه بكلبي ...

وتحلفت بيه الا اراويه نجوم الظهر مثل ماراواني ومرر بكلبي ..

اول ماادخلنا ماشفنا احد ...بس مرت عماد .. بنيه بسيطه .. وبين عليها فقيرة ...رحبت بينا و دخلتنا خالتي ..

امي خطيه اول ماشافت خالتي نايمه .. حضنتها وكامت تبجي

ـ عمت عيني عليج دادة رضاب شنومج هل نومه هاي

حتي خالتي بجت

ـ الضيم دادة ..

عاد اني ضحكت ..

ـ هاي شبيكم ياجماعه شنو راح تسوها منحاحه ترة وداعتج خاله كولشي مابيج تخبلين بعدج شباب ..

ـ ياشباب .. ضل شباب عكب الضيم والقهر

كعدنا يمها شويه ونوب صرفتنا بطريقتها ..

ـ يبنيات روحن كعدتن يم مرت عماد عيب وتعرفن عليها

طلعنا اني وهاجر ...البيت فارغ ..

عيوني ادور منا ...ومنا ماكو ...وينه هذا ... طالع .. مداني واني معدله ومبدله على سنكه عشرة وتالي يطلع ماموجود ..

نكزتني هاجر ..

ـ لج شوفي منو اجه ...

درت وجهي تخيلته هو بس خابت الامال والاحلام

ـ رافد .. الحمدلله على سلامتك

هاجر

ـ الحمد لله على سلامتك رافد .. تخطاها الشر ان شاء الله

ـ الله يسلمجن ... شلونج سهر المطعم شلونه

ـ تمام الحمد لله ...

ـ ندري نعبناج هل كم يوم بس تحملينا تشوفين الظروف انتي بعد

ـ عادي رافد ان شاء ماكو شي

نزلت راسي ..

همست لي هاجر

ـ لج عطشانه اروح اشرب مي واجيج

ـ شبيج سهر ...

رفعت راسي متعجبه

ـ مابيه

ـ معقوله يعني ماسمعتي بالخبر

عقد حواجبه

ـ لج ذاك الخبر ...صدوك يعني

اشو هذا غمز لي

ـ ذاك الخبر المنشور

يمه نخمش كلبي منشور ....دهر صابج يسهر منشور

ـ وين منشور رافد الله عليك احجي ترة شلعت كلبي

ـ لا ...لا مااريد احرجج

عضيت شفتي بقهر ..

ـ رافد! 

ـ جان مزاجج احسن قبل مااتعاشرين ياسر

قبل ماارد عليه حجه

ـ مو المفروض تلبسين حلقه بصبعج الايمن ...لو الايسر احسن عبالي من ارجع لكاكم متزوجين

حسيت خدودي صارن حمر .. صح رافد .. منفتح ويحجي كولشي ...بس والله ستحيت كولش منه مهما كان هو ابن خالتي واخو ياسر .. حجيت بداخلي ليش اني شايفته يحضني اشو طير ونكطع خيطه ...بعد وين الحلقه وين الضيم

ضحك رافد

ـ منشور على صفحه ولجهج ترة المنشور

ـ الله يخليك اسكت رافد ترة اخوك هذا مينعرف له .. واني مالي خلك بعد ابد

ـ اي عمي من عاشر قوم ..

سكت شويه وبعدين سألني

ـ سهر شلونها ... سكت وكمل شلونها غاليه

كلت اي صارلك ساعه تسولف وتحجي حتى سأل عن غاليه .. هو هنا مربط الفرس

جاوبته جواب مقتضب

ـ زينه

ـ عرفت ...وكام يتحمحم

ـ عرفت بطلاكها

هزيت راسي واني اذكر حالها من دخلت عليها

ـ عرفت

ـ شسوت

ـ اتمنت لو صاير الطلاك قبل لا تموت لولو .. الندم والحزن ماكلها اكل .. غاليه تقريبا على حافه الانهيار رافد .. كولنا نحاول نساعدها ...نقويها ونسندها .. بس يمكن مو احنا السند المناسب لها بهيج حاله

رفع راسه الي مصدوم من كلامي

ـ شتقصدين ..

بس بهل لحظه طلعت امي

ـ اياااا ...اياااا هذا رافد ...هلا بيك يمه الحمد لله على سلامتك

واخذته بالاحضان

ـ الله يسلمج خاله شلونج شخبارج

ـ بخير يمه كونك بخير ..

دارت وجهها عليه

ـ وين اختج هاجر يلا هم يلا نرجع

ـ شنو سالفه خاله دضلوا على العشا ..

ـ لا خاله البيت مو فارغ واخاف كلشي يصير ..

رجف كلبي لكلمه البيت مو فارغ ...اعرف تقصد غاليه .. ضلت عيوني متعلكه بسهر وحجايته شتقصد اني السند المفروض اكون وياها بهيج ضرف ...بصفتي شنو .. ومنو

ـ لعد خليني اوصلكم

.....

ياسر ..

نزلت من سيارتي وركنتها قريب على المطعم .. دخلت امشي بالممر الي رايح للمكتب .. حسيت بكعبها وراي ...يضرب بملبي قبل لا يضرب بالكاع .. الله ينتقم منج سهر .. كعب ..

لو ادري فلا نطيتج الراتب .. مشتريه كعب .. مالتفتت عليها .. خليتها تلاحكني واني مستمتع بخطواتها وراي ..

واخيرا وصلت الي تلهث .. بس هي الظاهر اعند مني .. حاولت تخفي تعبها .. رفعت راسها لي

ـ صباح الخير

التفتت لها علي كيف ...صافن علي ملامح وجهها الي شتاقيت له مثل ماشتاقيت لصوتها الناعم

ـ صباح الخير

شويه كامت تدرم عليه بنبرتها العمليه .. عود على اساس مسويه روحها مديرة المطعم بغيابي .. وغياب رافد .. عيوني تباوع عليها بكليتها .. وجهها .. عيونها .. خشمها .. ارموشها كلشي بيها حلو ..

والوردي الذابحتني بيه ذبح ..

لابسه سترة وردي ..

عيوني تعلكت بوردة صطناعيه مثبتتها بدنبوس .. لونها كحلي .. حاطتها فوك الكلب مباشرا

كلبها هي .. باوراقه الورديه الي اريد اشلعهن ورقه .. ورقه

كعدت من صفنتي بيها وعليها .. لمن صاحت بيه ضايجه مني .. ادري بيها ضايجه مني بس ماتبين عليها ..

ـ شبيك ياسر .. ممكن تركز وياي الله يخليك .. وعوفك من التركيز بيه هيج .. ترة عدنا طلبيه مستعجله و  ... اااه ياسر

خطفتها بخشونه من جانبين خصرها .. دفعتها للحايط .. وهي تتلوى بين اديه تريد تخلص روحها مني ماكو .. واني اضحك من كلبي ...

ـ عوفني ياسر ...شبيك تخبلت

ـ صايرة تلعبين النفس بالوان الوردي واني دامجتها بالكحلي ..

كامت تضرب بيه بيدها ورجليها ..

ـ لك انته شنو ماعندك احساس هذا الي طلعت بيه من اسبوع كامل غاط بيه

املت لها واني اهمس باذانها

ـ اني واحد ماعندي احساس واني ورديه تلعبين النفس ياترى شنو نوع الاطفال الي راح نجيبهم للدنيا ... اكيد لعبون النفس مثلنا

كملت واديه تتحرك على سترتها

ـ اتصل بيه النجار .. وكال جربايتك الورديه خلصت وجاهزة

دفعت اديه عنها ...وهي تصيح بيه

ـ وعروستك الورديه مجاهزة عيني ...شنو اني لعبه بكيف حضرتك ..

توقف بيه الوكت تجمد كلشي بيه .. وبعدين حسيت نار وكامت تحرك بيه ..

ـ عروستي .. عروستي واخيرا سهر

كملت وهي تحاول تبعد اديه مرة ثانيه .. بس وين اني ملزكهن بصمغ امري ماينشلعن

ـ انته نسيت ودا تتناسى حضرتك لخد الان متقدمت بشكل رسمي لي يعني هسه اني حرة وممكن اقبل بأي واحد .... ااااه

اصابعي انغرزت بخصرها ..

وحس نار العاطفه ...صارت نار غيرة تأكل بيه اكل

ـ اكسر اعضامه ...عضمه ...عضمه

سهـر

كمت باوع عليه واني ارجف .. شتاقيت له وحتى للعنف الي دا يعاملني بيها ..

تجاهله البارد لي خلاني مثل النار وكايدة عليه ..

ـ الي ماتعرفينه ست سهر امس امي فاتحت الموضوع وي امج يعني صارت رسمي مو بالله

تبخر كلشي من راسي

...

ـ شنووو....بس امي مكالت لي

ضحك ضحكه غريبه

ـ مو اني كلت لامي توصيها متكولج .. ردت اكولج بنفسي يمدلله

رجعت ادفع ...اريدة يبعد ماكو عبالك حايط مبني كدامي مو بشر ..

ـ حتي لو كلت لامي .. اني مراضيه ..

ـ معناتها راح اشوهه سمعتج .. علي طريقه رافد .. وين مااشفتج ابوسج .. وخليهم يحطون جيش جرار حتي يمنعوني عنج

سمعنا صوت رافد وهو يضحك

ـ وانته شخليت بالسمعه ولك ..

كمت افور ...افور .. والنار صعدت الراسي مخبل هذا .. شوف شسوة بينا .. وجههي من الخجل و العصبيه كام ينطي لوان والله صدرت قوس قزح .. من يطلع

لزمني من ايدي

ـ بارك لنا رافد .. خلص سهر صارت خطيبتي

دفعت ايدة

ـ والله تحلم اصير لك مرة ..

تلاشت ضحكات رافد وي رنه الموبايل ..

يتبــع

صباح الخير بنات ..

عذروني لان تأخرت عليكم ..

بس والله ضرفي مااسمح انشر امس

للاسف طلعت عدنا حاله مصابه بكورونا بالبيت

اريدكم تدعوله الله يخليكم ...

لا تنسونه بالدعاء ..

واعذورني اذا تأخرت او راح تأخر لان لو تعرفون البيت شصاير ماتعتبون والله ..

وحتى البارت مااعرف شلون كتبته بالكوة طلع مني ..

فلتمس العذر منكم ..

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

شلونكم بنات .. شخباركم .. طبعا مشتاقتلكم هوايه .. الله شاهد عليه ..

مريضنا الحمد لله ...اليوم فتح عيونه .. اليوم كدر يأكل ...اليوم الا رجع شويه زين

الحمدلله وشكر ماقصروا عنه الله وبنيه وال بيته .. الحمدلله الف مرة ...

لان حالته كانت شويه صعبه وللاسف الصحه عندنا صفر ...يعني تخيلوا تأخذة للمستشفى يكولون ماكو اوكسجين ... تشوفه يختنك كدام عينك وماتكدر تسوي شي .. شيصير بيك .. الحمدلله مرت المرحله الصعبه ..

بعد ماظاهرة نتائج النهائيه .. وان شاء الله تطلع سلبي .. الله يشفي كل مريض بحق مريض كربلاء

شكر كل شخص سأل عني ...كل متابعه تحملت وماتذمرت .. كل كلمه طيبه طلعت منكم .. كل دعاء طلع من كلوبكم الطيبه .. اشكركم جزيل الشكر ...

انتظروني باجر بنفس موعدنا ببارت جديد ...

ولكم هذا الغش من بارت باجـــــر

.............

جنت كاعدة ... مخليه ايدي على بطني ... ومغمضه عيوني ... احس بحركات بنتي ..

اي بنتي .. مراح اقبل الا ببنيه ..

يكولون الولد سند ..

بس مااريد سند .. اريد بنيه ترمم كلبي المعطب .. روحي المجروحه .. وتخيلها .. اخيل شكلها ...عيونها ...نعومه بشرتها ..

لولو ...اكيد راح تكون نسخه منها ..

يمكن هذا ظلم .. للطفل الجاي ...ارسم له شكل وتخيله لولو بس مااكدر .. غير اتخيلها لولو ..

دخلت عليه امي .. جانت عند خالتي رضاب لان كالوا مريضه خطيه وراحت لها هي و هاجر و سهر ..

شفتها مترددة ...كعدت يمي .. واديها يفركن وحدة بوحدة

ـ شبيج ماما ...خالتي رضاب شلونها

ـ والله خالتج زينه الحمد لله زينه

ـ لعد شبيج ماما اشوف بوجهج حجي و لسانج معكود ليش

سكتت ... عيونها ادور على الغرفه الا عيوني ماتصد بيهن .. استغربت ..

خليت ايدي على ايدها

ـ شبيج يوم احجي ..

حاولت اقلل من ...توترها ...

ـ ماما

ـ خالتج رضاب خطبت سهر لياسر

جنت اعرف سهر معجبه بياسر ...صح مااكالت لي بس سمعتها هي و هاجر يحجون ..

دعيت من ربي الله يفرح كلبها .. ويخلي قسمتها احسن من قسمتي ..

ـ صدوك ماما .. اي وانتي شنو كولتي لها

ـ اني اتمنى غاليه ليش سهر تلكه احسن من ياسر وين بس

ـ بس شنو ماما

لزمت ايدي حيل

ـ غاليه هاي الدنيا تريد لي يلزم ضهرنا عليها .. ويمكن هذا الي راح يصير سبب لج قبل لا يكون سبب لسهر

ـ شنو قصدج ماما مفتهمت

ـ رنا تريدج لرافد .. هذا شرط زواج سهر من ياسر ..

السلام عليكم شلونكم بنات شخباركم ..

زعلانين ادري والله ...بس شسوي ضرفي جان ضدي .. والله جنت بحال بس الله يعلم بيه ولليوم بعدني بس اهون من الايام السابقه .. اذا كوتلكم مااصاركم يوم من استقرينا تصدكون .. والله العظيم جنت مااكدر احك راسي مو اكتب .. بس الحمد لله عدت ان شاء الله ..

اجيتكم بحداث حلوة وبارت طوويل وحلو

وقبل القراءة

ننعئ فقيدة الواتباد ست الاء احمد "ام غايب " فقدنا كاتبه راقيه .. وانسانه واعيه .. احسن الله مثواها ورحمها الله .. و اصبر ذويها ..

وكل عيـــد وانتـــم العيـــد ... يا احلئ عيـــــد

اسمتعوا ....

لبارت الثالث عشر

بقـــلم وردة عمري

ماهذة الحياة العقيمه التي كلما اردت منها خيرا .. اخذتك  بالشر .. رغما عنك ..

....

غاليـــ..  ة

جنت كاعدة ... مخليه ايدي على بطني ... ومغمضه عيوني ... احس بحركات بنتي ..

اي بنتي .. مراح اقبل الا ببنيه ..

يكولون الولد سند ..

بس مااريد سند .. اريد بنيه ترمم كلبي المعطب .. روحي المجروحه .. وتخيلها .. اخيل شكلها ...عيونها ...نعومه بشرتها ..

لولو ...اكيد راح تكون نسخه منها ..

يمكن هذا ظلم .. للطفل الجاي ...ارسم له شكل وتخيله لولو بس مااكدر .. غير اتخيلها لولو ..

دخلت عليه امي .. جانت عند خالتي رضاب لان كالوا مريضه خطيه وراحت لها هي و هاجر و سهر ..

شفتها مترددة ...كعدت يمي .. واديها يفركن وحدة بوحدة

ـ شبيج ماما ...خالتي رضاب شلونها

ـ والله خالتج زينه الحمد لله زينه

ـ لعد شبيج ماما اشوف بوجهج حجي و لسانج معكود ليش

سكتت ... عيونها ادور على الغرفه الا عيوني ماتصد بيهن .. استغربت ..

خليت ايدي على ايدها

ـ شبيج يوم احجي ..

حاولت اقلل من ...توترها ...

ـ يوم

ـ خالتج رضاب خطبت سهر لياسر

جنت اعرف سهر معجبه بياسر ...صح مااكالت لي بس سمعتها هي و هاجر يحجون ..

دعيت من ربي الله يفرح كلبها .. ويخلي قسمتها احسن من قسمتي ..

ـ صدوك ماما .. اي وانتي شنو كولتي لها

ـ اني اتمنى غاليه ليش سهر تلكه احسن من ياسر بس

ـ بس شنو ماما

لزمت ايدي حيل

ـ غاليه هاي الدنيا تريد لي يلزم ضهرنا عليها .. ويمكن هذا الي راح يصير سبب لج قبل لا يكون سبب لسهر

ـ شنو قصدج ماما مفتهمت

ـ رنا تريدج لرافد .. هذا شرط زواج سهر من ياسر ..

صفنت عليها ...اريد استوعب الي حجتته امي ... اريد افهم كلامها ..

اسحبت منها ايدي على كيف .. ورجعتها على بطني

صوتي طلع مبحوح ..

ـ وانتي شنو رأيج

ردت اسمع منها ... اسمعها وهي تضحي بيه للمرة الي مااعرف شكد ..

مثل مااتضحت بيه بكل مرة اجيت اشكي من راغب لها .. ورجعتني على عيني .. ضد رغبتي ودوس على كرامتي وتكسر خاطري .. واخر شي بنتي راحت نتيجه خضوعي وصمتي

رفعت راسها لي

ـ اقبلي بيه غاليه ولج هذا رافد لو دورين الدنيا كلها مراح تكلين احسن منه .. وتردين الصدك اني فرحانه بيج اكثر من سهر .. لان انتي تعرفين وضعج منو يخطبج وانتي بهل وضع خايبه .. وداعتج هاي فرصتج الوحيدة واحسن فرصه .. شكلتي ..

كلمه من امي .. احس تكتل بيه جزء ...جزء ورة جزء .. يموت بيه وكدام عيني .. ارمش ..

وطاحت دمعتي على خدي ..

ـ الوضع الي بيه اني انتي السبب بيه ماما ...

فتحت امي عيونها على وسعهن

ـ شنو ...ليش اني الضربتج على ايدج وكتلج روحي تزوجي المصخم الملطم راغب .. منو انتي كلتي لو هل مركب لو ماركب .. ولج مو انتي الي خطبج رافد ورفضتيه واخذتي هل زباله

صحت بيها

ـ اي انتي ...ماما ... بس انتي مادكتي رجلج وكفتي كدامي وكلتي مايناسبج يغاليه .. مو زين يغاليه ... ومشيها كولي اني الرضيت بيه .. وكولي اخذته غصبا عنج ...كم مرة اجيت وشكيت .. كم مرة بجيت وصحت .. كم مرة دكيت رجل وكلت مارجع وتالي ترجعيني واني مكسورة ... واني مذلوله بدون حتى مينزل من روحه شويه ويجي ياخذني .. وتالي شصار يمه شصار .. خسرت بنتي ...لولو .. انسيتيها .. لولو لطولها شبر شلون تندفن بكبر وينسد عليها بابه .. بنتي ماتت بين اديه .. شردين اخسر بعد .. حتى بعد ماتضحين بيه ..

ـ عمري ماضحيت بيجن لا انتي ولا خواتج طول عمري اركض لجن ...واكد عليجن .. واخذ لكمه من حلكي وخليها بحلوكجن هاي تاليتي يغاليه هيج تحجين وياي.. لان ماردت اخرب بيتج ...مادرت بنتج تعيش بين ابو وام متفاركين وكل واحد بيت

ـ  ... ياريت لو متفاركين وكلمن بمكان ولا بنتي راحت مني .. اسمعي يوم اني مراح اضيع عمري ولولو مرة ثانيه .. وسهر عساها لا تزوجت ياسر .. قابل بس هل ياسر بالدنيا .. ومال اتزوج رافد كطنه وشلعيها من اذانج

لزمت ايدي من ردت اكوم

ـ غاليه .. لخاطر اختج .. ولج يمه تحبه .. ويحبها

ـ تحبه ...يحبها اني معليه .. تعرفين يعني شنو معليه بعيد عني وعن بنتي.. مامضطره ابدا حياتي من جديد بهيج طريقه بالغصب .. خالتي لو صدك تريد سهر لياسر ماطلبت هيج طلب يوم .. بعدين تعالي اكولج تتوقعين سهر راح تقبل اذا عرفت بهذا الشرط ..

دخلت علينا سهر واحنا نحجي ..

جان وجهها يضحك بس شويه ...اختفت الضحكه من شافتنا او يمكن سمعتنا

جنطتها بمدتنها ...تهدلت ..

ـ اي شرط ..

سكتنا .. امي كامت تباوع عليه وتفرك بيديها يمكن خايفه لا اكول .. للحظه اجيت انطق .. واكول لها ..

بس فتحت حلكي امي حجت

ـ خالتج رضاب خطبتج لياسر .. سهورة

ضحكت ...وحسيت بفرحتها .. وماسايعتها الدنيا ..

حضنت امي ..

ـ ادري .. ماما .. ياسر كال لي ..

امي كانت تتصنع الفرحه او يمكن فعلا فرحانه ...او تشوفني فرحه سهر حتى ارضخ وارضئ ..

ردت عليها امي

ـ صدك هذا ياسر طلع مو هين ..

ـ فرحانه ماما ...فرحانه كولش ..

ـ الله يسعدج ويهنيج ياماما ...

خليهن وطلعت ...بس داخلي يغلي .. يغلي ..

احس نفسي بدوامه ماجاي تخلص .. العله مو برافد ...العله بيه .. انه مو مال زواج بهاي حالتي ...اني حتى العدة بعدني مااطالعه منها ...بنتي بعدها بطني .. ماادري شمنتظرني .. شلون ادخل حياة زوجيه واني هستوني طالعه علاقه فاشله .. خسرانه بيها خسارة جبيرة ..

خسرانه بنتي الي بعدها وردة مغمضه ماشمت من الهوا الدنيا شي.   وردة جنت منتظرة يمته تكبر ... بس مااشفت منها شي ...راحت وهي بعدها تعد عمرها واحد

كعدت بنص الطارمه وانه محتارة ..

عيون سهر من دخلت علينا جانت تضحك .. عيونها عيون عاشكه ..

شلون خالتي تشرط هيج شرط ... وليش ..

معقوله تقبل بوحدة مثلي لرافد ..

وحدة مطلكه .. رجلها كتل بنتها .. وحامل وعلى ابواب طفل جديد ..

شسوي ...شسوي ...اوكف بوجهه اختي .. الي روحها طايرة بين السما والكاع ... وارفض وخلي نارهم تاكل حطبهم لو اقبل .. وارجع ابلع الموس من جدة وجديد ..

لا ...

ماكدر ..

ماتحمل اصير تحت رحمه رجل ثاني .. حتى لو كان هذا الرجل هو رافدد..  اخاف .. اخاف اني اظلمه ... مو هو يضلمني ..

بعدني كاعدة ...و صفنه تأخذني والثانيه توديني ..

حسيت بسهر كعدت يمي ...

ـ شبيج غاليه ...حتى كلمه مبروك ماسمعتها منج ...اخاف زعلانه لان راح انخطب ترة والله ناويه اشرط على ياسر ست اشهر الا تنزوج مجرد خطبه

بلعت ريكي ... ورديت عليها

ـ شدا تحجين سهر ... عمري الف مبروك ...وشايفه الخير ان شاء الله وصدكيني مازعلانه بس تعرفين روحي مو مثل قبل

ـ داوي روحج غاليه .. ابنج الي جاي يريد ام قويه .. مايريد ام ضعيفه ... يريد وحدة ادافع عنه حتى مايخسرها ولا تخسرة مثل ....وسكتت

غصه صارت بكلبي .. وكلام سهر مثل الي صحاني ...

ـ مثل لولو ...كمليها .. جنت ضعيفه وماكدرت ادافع منها ...وخسرتها .. اطمئني هل مرة اكله بسنوني الي يكرب صوب بنتي مراح اخسر مرة ثانيه لو على موتي .. كلام سهر مثل ضربه على راسي خلاني اراجع القرار الي اخذته واصر .. عليه ..

مراح ابدي حياه جديدة بهاي الطريقه ..

مراح اكون صيد سهل لا خالتي لا لامي ولا لرافد ..

اني حرة ....

حرة ....

خليت ايدي علۑ ايد سهر ..

ـ تحبيه ..

وجهه سهر تغير .. كل مشاعر الحب والعشك ضهرت علۑ وجهها .. عمري مااشفتها هيج .. رغم كانت مخطوبه وعايشه قصه حب قبل .. بس مااشفت العشك والحب ظاهر عليها بهاي الطريقه

ـ اموت عليه لج غاليه .. ماادري شلون وليش حبيته رغم ماهو شكد قاسي ويايه .. مااسمعني كلمه حب وحدة.   بس احس بيه .. بغيرته .. احس عيونه شلون متلهفه عليه من يشوفني يوميه الصبح ..

نخلطت مشاعري .. بين الخوف و الاصرار .. شلون .. اذا خالتي مااقبلت الا اني ل رافد ..

شنو الحل ..

اااخ .. يغاليه

معقوله ارفض .. سهر .. جانت عيوني عليها .. ابتسم وجهها يضحك عيونها يلمعن ..

ضلت فكرة تجيبني والثانيه توديني مااعرف الحل شنو ...

ايهــم

"كل هاي الفرحه لان رضت شهد بباسل "

يشوفها كدامي شلون فرحانه وتضحك وماتكدر تضم فرحتها عليه ..

رغم ادري بيها حست دا استهزء بيها وبفرحتها بس ماهمها الموضوع ابدا ..

ظاهر حالها .. حال اي بنيه مراهقه .. تحب سوالف الرومانسيه والحب .. و ماتقاوم شعورها بالاثارة كل ماتشوف اثنين يحبون بعض ..

ضيقت عيوني .. مااعرف ليش ضجت .. اي ضجت من فرحتها .. حجيت بنبرة حادة ..

ـ ترة انتي تسجين خيالات رومانسيه بكيفج .. يجوز صديقتج هيفاء سعت بجمالها حتۑ تأخذ باسل رغم تعرف بيه رجال مزواج ..

لوجنت طعنت واحد بخنجر بكلبه .. ماجنت حصلت علۑ تعابير مثل تعابير وجهها

حجت واحس روحها الطفوليه مجروحه ..

ـ هيفا۽ بنيه محترمه وحبابه وحدة مثلها مدور صيدات مثل باسل .. شكد حاولوا يوكعوها كدام عيني وماقبلت

ـ شبيج زعلتي من الحقيقه .. ترة الحقيقه ماتزعل ..

هاجر

احس بالوجع بداخلي اعرف سببه .. وتجاهل السبب ..

رجعت حجيت احاول شكد اكون قويه وماهتز ..

ـ اما باسل .. يجوز فعلا مزواج .. اني مااعرف تاريخه .. بس الي دا اشوفه هو معجب بيها صدوك .. اكدر اشوفه شلون يباوع عليها بنظرة حب

كتل فرحتي ...شوهه احساسي البريئ ..

اشوفه كدام عيني فرحان لان كدر يكتل الابتسامه علۑ وجهي .. رغم الانزعاج البادي علئ وجهه ويحاول يخفيه .. بكل قوته

تحرك من ورة المكتب مالته .. واني نزلت راسي علۑ الحاسبه اكمل شغلي .. احس اريد اطمس راسي بالحاسبه وبعد مااشيله ..

احاول اخفي دمعتين ثكلن علۑ اجفوني واخاف ينزلن ويشوفهن ..

حسيت بيه اقترب مني .. واني كلبي كام يضرب مثل الطبول ..

سمعت همسته وهو يحجي بنبرة خطفت روحي

ـ يجوز .. يمكن اني مااكدر اشوف واحكم علۑ الامور مثل ماتشوفينها .. يمكن اني غلطان .. وانتي تشوفينها احسن مني واصفئ مني ..

نزلت دمعه مني مسحتها بسرعه واني ادور وجههي له ..

اويلي شكد شفته حلو بعيني بهاي اللحظه ..

عيونه يلمعن .. عبالك يدزن لي رسايل غرام لكليبي المتعلعل

ولحيته يمه .. شكد حلوة عليه اللحيه الطويله .. مو كولش طويله بس حلوة ونازكه .. احس اضافت رجوله اكثر .. عبالك هو الرجال الوحيد بالعالم

واني اشوفه ..

هيج .. الرجال الوحيد بالعالم

ماكدرت انطق واني احجي بكلبي

"اااه يكلبي شكد ولهان بيه "

ضحك لسبب غامض مااعرفه شنو ...ورجع يكول بجديه كذابه

ـ ديلا عوفي سوالف الحب والغرام وكملي شغلج ..

مشئ مسافه قليله ودار وجهه عليه .. غمز لي

ـ منريد براءتج تتلوث من هسه بعد وكت للحب عيني

احس وجههي صار احمر دم .. الحرارة صعدت لراسي من الحجل ..

وكلبي وي كل دكه

يصيح

احبك ..  احبك ... احبك ..

ايهم ..

جنت اعرف الي جاي يصير بيها .. اعرف النسوان. وادارسهن دراسه .. خبازهن وعاجنهن علئ ايدي

راح يجي يوم وتجي بنفسها وتعترف ..

بس بعد وكت .. والوكت كدامي وهي هم كدامي ..

احساس بالرضا غارك بيه .. طغۑ علۑ كل احساس ثاني ..

ورجعت لشغلي بطاقه غريبه عجيبه ..

ثانــي يوم .. جنت اباوع عليها ..

كمت اعرفها مثل خط ايدي ..

اعرف يمته تسوي روحها تشتغل حتۑ تشرد من تلميحاتي لها .. ويمته تشتغل فعلا مثل هسه.

كل شويه وراجعه للحاسبه .. اصابعها رفيعه .. حلوة عبالك ماتضغط علۑ دكمه لا .. عبالك تعزف علۑ بيانو ..

عبالك تركص باليه ..

بالله شلون راح يكون مظهرها اذا ركصت باليه ..

اي هاي الركصه الحزينه ..

بهذا جسمها الرشيق ..

اول مرة عيوني تستكشف جسمها وباوع عليه بنظرة رجوليه ..

ا

لبسها كوله محتشم .. تنورة طويله .. وقمصان ردن ..

وشعرها ترفعه ذيل حصان .. و بيه كم خصله نازله .. وجهها مابيه قطرة مكياج

هـه شبيك ايهم ليش هي تحتاج مكياج .. ماتشوفها تضوي كدامك جنها كمر ..

ماادري شلون كمت افكر .. بالله شلون اذا اني اختاريت فستان علۑ مزاجي ولبسته ..

الي وحدي ..

رجعت عيوني علۑ جسمها ..

فستان .. احمر .. اي احمر يخبل يطلع عليها .. بخيوط رفيعه من فوك ..

والكصير كولش بحيث تبين سيقانها ...

اممممم .. احمر لون ناري .. حار ..

شديد الحرورة ..

ـ يعني باجر الا ترحين

تحرك راسها العصفوري .. اي والله عبالك راس عصفورة .. مو شابه عمرها 26 سنه ..

عبالك تحاول تجمع افكارها حتى تعرف شنو اقصد

ـ وين

ـ عقد شهد وباسل مو كولتي يوم الخميس يعني باجر ..

رمشت اكثر من مرة بحيرة

ـ طبعا لازم اروح تعرف عي ماعزمت غيري من صديقاتها

هاجر

توترت واني اشوف تعابير وجهه ضايج ..

ايااا شبيه هذا ... شنو ان شاء الله مايريدني اروح ..

شبيه ..

نزل راسه

ـ تعرفين السكرتيرة راح تترك الشغل بعد كم يوم وراح تجي وحدة تصير بمكانها

ـ اي .. اي كالت لي ست وداد ...

مارفع راسه ولا باوع عليه

اعرف ست وداد شكد علاقته قويه بيها .. وشكد تهتم بادق الامور الخاصه بيه

كال بنبرة حزن وجعت كلبي ..

ـ راح افتقدتها

ـ اكيد حتزورك وتطمئن علئ امورك

مجرد مااحجيت هيج .. رفع راسه لي .. الحزن كان طاغي عليه .. اشوفه شلون صافن عليه .. ويفكر .. عيونه يتحركن .. على وجههي .. ماكدرت ماحس بالوجع علمودة .. راح يفقد رفيقه دربه من يوم اسس هاي الشركه لليوم وهي وياه ..

جنت اتمنى لو اكدر اعوضه حتى لو بروحي

بس كون يطلب ..

انتظر ..

انتظرة يعبر عن حاجته لي ..

اعرف كولش زين محتاجني ..

احسس بيه مبقيني لسبب معين .. سبب هو يعرفه ويتقصد مخليني يمه ..

مااعرف شنو هو ..

وماامرات اكول ماريد اعرف .. كافي اختارني حتى ابقى بجانبه ..

مااتخيل نفسي بعيدة عنه ابدا ..

.....

يوم الخميس

جنت كاعدة بسيارة واحد من الجوارين اجرته امي حتى يوصلني لبيت شهد ..

اويلي امدا حضي .. يشغل بيها وماكو

ياربي كون تشتغل .. وين الله .. وين اهل البيت ماكو اسمع بس صوت الجريخ بيها ومدا تشتغل ..

اووف يعني لازم انزل .. واروح اجر سيارة من راس الشارع .. اويلي شيسوصلني .. وعود اني معدله نفسي ومخليه مكياج .. بس الحمرة شويه طوخ .. لبست قميصي ااي اشتريته من استلمت راتب.  وخليت شويه كحل ..

بلكوة طلعت من امي .. ماارضت اطلع هيج .. شلون مخليه كحل .. شلون مخليه حمرة .. اي بس اني هيج .. هاي امه محمد كولها تخلي ..

نوب هاي السيارة وكفت وماتحركت من مكانها ..

نزلت احس روحي حطك ..

اووف شبيه حظي .. نايم دكعد شويه .. على الاقل وي السكراب ..

مشيت لمن وصلت للراس الشارع ..

رجعت شعري لورة واني امشي ..

امي وغاليه وسهر مااعرف شبيهم او بالاحرى غاليه وامي .. سهر فرحانه لان ياسر راح يجي يخطبها .. بس غاليه وجهها يخطف الوان .. ويتساسرن هي وامي .. واحس غاليه ضايجه من امي ..

رجعت افكر بوضعي .. شكد اتمنى لو اكدر لكول لوحدة من اخواتي على مشاعري اتجاة ايهم .. بس مااكدر .. لان مااعرف مصير هاي المشاعر شنو .. المشاعر الي دا تتمكن ني بوم وره يوم ..

بعدني امشي .. مااحسيت الا سيارة لونها فضي خففت سرعتها وكامت تمشي يمي

ـ يحلوة ماتريدين واحد يوصلج

دهر صابج هاجر ...من وين طلع هذا هو وسيارته .. كمت امشي بسرعه هو وراي بسيارته

ـ هاي شبيج .. ترة راح يسيح المكياج من الحر دصعدي يا عيني

صحت بيه

ـ امشي لا اخرط وجهك واسويك خريطه ..

ضحك حيل وهو بعدة وراي

ـ اويلي يابه اموت على العصبي

مااحسيت الا سيارة رياضيه حمرة مرت من يمي خطفت .. خطف. 

شفت الولد شلون كام يصفن على السيارة و الظاهر انعجب ببيها .. استغليت الفرصه وركضت ركض ووكفت على الرصيف ...اريد سيارة توكف ماكو ..

باوعت لساعتي .. اذا مالكيت سيارة راح تأخر هوايه

والله واشوفلك سيارة .. واشرت لها .. السايق اشر الي ااسبقه كم خطوة لكدام .. مشيت وهو وراي .. فعلا ماكو مكان يوكف بيه حتى اركب وياه .. السيارات تشخط شخط من يمنا .. راد يوكف .. وهاي السيارة الحمرة شخطت يمنا .. بحيث حفت ورجعت لورة مرعوبه ..

عبست وجهي واني اباوع على هاي السيارة

شبيه هذا خبل بالله دعمني .. وغسل حتى غسل .. شلون حظ اليوم يربي

اشو المغسول بسيارته المغسوله وكف يمي

استغربت نوب الجامه السيارة مظلله خفت .. اجيت اشرد .. كلت اكيد هذولي عصابه ويريدون يخطفوني ..

اول ماادت اخطي خطوة واشرد بالعزيزة .. نفتح بابها .. وصوت اعلا الي حافظه نبراته عن ظهر قلب .. الي حتى انفاسها حاسبتهم .. وكل نبرة منهن اعشكها وكل نفس ولهانه بيه ..

ـ اصعدي هاجر ..

نصدمت بوجودة .. ادري شجابه ..

نزلت راسي واني احجي وياه

ـ ايهم هاي شجابك لهنا

اشوف عيونه تحوم داير مدايري ..

عيوني .. شعري .. لبسي

صاح بيه بعصبيه .. والعروك ركبته تتنافر

ـ دا اكولج اصعدي اني اوصلج للبيت الغضب شهد ..

لكيت نفسي .. اصعد بدون حتى مااعترض او كول ليش .. لكيت نفسي كعد يمه .. وطار بينا طيور .. ساق بسرعه جنونيه مثل صاحبها ..

مااعرف شكد مر من وقت وهو يمشي بهاي السرعه .. يفتر بينا بالشوارع من شارع لشارع .. ويميل اذا شاف سيارة ويتعداها عبالك يستفز الناس هيج عينك .. عينك ومتقصد ومتعمد

واني جنت كاعدة لازمه باب السيارة بيد والثانيه حاطته على مقدمتها .. وكلبي يطبل .. طبل

ادري شورطني وصعدت وي هذا الخبل ..

اريد اجر النفس ماكدر من الخوف

ـ مو خوش متحبين السرعه .. سترخي هاي شبيج خايفه

رجف جسمي واني لازمه الباب خاف اوكع لو ننعدم

ـ الله يخليك ايهم خفف السرعه .. والله العظيم كلبي حيوكف

باوع عليه بنظرة جانبيه .. يمكن من شاف وجهي شلون اصفر ونفسي كوة يطلع .. انكسر خاطرة عليه .. خفف السرعه

ـ هاا هسه هيج احسن مو ..

ماباوعت عليه ..  ولا اكدر .. اني هسه تحت رحمته .. تحت جبروته .. اني وياه ولحدنه .. بالسيارة .. سيارة تشبه باكيت الشخاط بس تشخطها تنفجر ..

حاولت اخذ نفس .. شهيق .. زفير .. بلكي اكدر اوجهه هذا الموقف الي لا جان لا على خاطر ولا على البال ..

ياللهي شصار ..

نزلت اخذ سيارة حتى اروح لشهد .. ونوب هذا الي مدري من وين طلع الي وكام يتحرش بيه وتالي ..

درت وجههي له

ـ فدوة الله يخليك اوكف هنا ونزلني .. اني اخذلي اجرة واروح

ـ ماانزلج ..

بلعت ريقي بالكوة ..  احاول اشجع نفسي حتى ادور وجهي له ..

جان قريب كولش مني .. كمت اشن عطرة المميز الي يسرق مني افكاري بكل الليالي الي مضت من فوك جلدة مباشرا..  احستها تطلع من مساماته تتدخل مسامات جلدي ..

حسيت بخرارة جسمه لاول مرة .. اول مرة بحياتي يصير رجال مني بهل قرب ..

ملابسبه باللون الاسود .. اضافت لهيبته .. هيبه ثانيه ..

عايف كم دكمه مفتوحات من فوك بحيث مبين جزء العلوي من صدرة ..ومبين من بين حافات القميص .. سلسله تلمع .. بركبته

ونهايتها جمجمه .. مااعرف ليش خفت من منظر الكلادة بركبته ..

رعب صابني منه ..

ماادري ليش خفت منه كوله .. هيئته .. ملامحه .. كلادته كلهن خوفني خلني ارجف واترجاه

ـ فدوة استاذ ايهم .. نزلني هنا ... وعليك بيه اني اروح لوحدي

ـ ماانزلتج

كل شويه يدور وجهه عليه و يباوع من فوك لجوة

ـ اترجاك

ـ تعالي تعشي وياي ..

ابتسم لي ابتسامه حطمتني .. يتدلل عبالك مراهق

بلعت ريقي بالكوة ..

ـ شـ شنووو

ـ شهد كولها وياها الليله وباسل اكيد مراح يعوفها لوحدها ويمكن اصلا يريدها لوحدها حتى يستفرد بيها ...بس ..  اني .. وووحيد

ـ تعرف كولش زين مااكدر حتى لو ماجانت خطوبه شهد مستحيل اقبل واني وياك لوحدنا

مايصير ...الله يخليك كافي وصلني

ـ ليش يابه ميصير شنو نسيتي احنا اصدقاء وولد خاله .. اممم ولو جبير عليج اني صدوك هاجر تشوفني جبير مو شايب عمري بـ 35 وانتي بعدج بالعشرين .. بس هذا الشايب وحيد ويريدله صحبه ومحتاج ...

الج

ـ ايهم كافي شنو هل للعب نزلني هنا

صفن عليه بنظرة غريبه مااعرفت اافسرها ولاكدر من كد الخوف والرعب الي اني بيه

ـ اظاهر مستعجله على الروحه بهل للبس والمكياج ..  تمام راح اوصلج

ردت انطيه العنوان كلت اكيد ميعرفه

ـ العنوان

ـ اعرفه

ـ شلون ..

ـ شي ميخصج ست هاجر ..

ـ شجابك لمنطقتنا ..

ـ فضول اجيت اشوفج شلون حطلعين الليله .. بس مالت الله مريت بيج وماعرفتج .. اقصد لمن جان الولد يحاجيج وانتي ضايجه .. بس درت السيارة ورجعت عرفتج .. صدوك ليش جنتي ضايجه

شكوله ...انعكد لساني .. احس روحي دا تنسحب مني واني كاعدة يمه

ـ هيج .. يذب حجي

عصب ورجع مثل ماجان اول مااصعدت وياه

ـ مدام تعرفين نفطج راح اطلعين لشارع ليش .. تحطين مكياج وتلبسين هيج لبس.   ليش تنتطين سبب لواحد يتحرش بيج لو انتي تردينها

لا هذا زوتها .. واني ساكته مااكدر افتح حلكي بكلمه خاف يتهور .. بس من عصبيتي الزايدة

ـ ترة جوارينه جان راح يوصلني بس سيارته عطلت واطريت انزل

مااحست الا السيارة مالت بيه ..

ـ لج انتي تردين تخبليني منو هذا جوارينج بعد ..

مااصدك الي دا يصير بيه ..

عيوني كامن وحدهن يجرن دمع .. دمعه .. ورة دمعه .. انتهيت فقدت اخر ذرات شجاعتي .. اريد افتح حلكي مااكدر .. وهو لازم استيرن يضرب ويسب ويشتم.  

اادي ليش كل هل العصبيه .. !?

يغار يعني! ?

لعد ليش مدا يفرحني الموضوع! ?

ليش دا احس الموضوع مو موضوع غيرة .. لا الموضوع اكبر اكثر سوداويه ..

بعدين بأي حق يحاسبني .. شنو اني بالنسبه له ..

ليش ميصارحني يشريد مني .. وشدا يحس اتجاهي ..

احسه يريد يتملكني بطريقه همجيه ..

تصرفاته تخوف .. ترعب .. وحبي له ومشاعري اتجاهه تقيدني .. مااتخلنيني اوكف بوجهه واعنادة

شويه وشغل السيارة بس هل مرة ساكتين .. هو ساكت .. واني مثله .. وكف السيارة بعد شارعين عن بيت شهد

..عبالي هاي هيه .. هنا ينزلني .. فتحت الباب اريد انزل بسكته اريد اشرد

بس اتفاجئت بيه من سد باب السيارة ..

ـ اوكفي حوصلج لباب البيت .. بس اول مرة رتبي نفسج ومسحي وجههج لان صار خريطه

مد ايدة نزل المرايه كدام وجههي .. وتفاجئت هاي شصاير بيه .. الكحل ملطخ وجههي ولايصه لوص .. والحمرة رايحه .. فتحت جنطتني طلعت اكلينس .. وهو صافن عليه ماارحمني ولا نزل عينه عبالك كدامه مشهد حزين عاجبه .. رتبت نفسي بالكوة ..

وكفني كدام بيت شهد ونزلت ...كلمه شكر كوة طلعت مني ..

ـ منو راح يرجعج على البيت لا تكولين اخو شهد مدري شسمه

ـ لا جوارينه كال يصلح السيارة ويرجع يوصلني واني انطيته العنوان

وقبل لا يعصب مرة ثانيه

ـ ترة الرجال جبير وبناته بكدي

سديت الباب حيل .. عبالك اريد اطلع حيف السواه بيه كوله .. ماادرت له بال ..

......

ياســر

بعد مااعافهمرافد وطلع .. اخذها سحب لمكبته .. مثل اول مرة حجزها هنا .. اول مرة من فقد نفسه بيها وكانت بيناتهم اول قبله .. اول حبل للنجاة

بس هل مرة تختلف ..

كولشي يختلف .. احساسه يختلف ..

جان يلاعبها .. ساعه لازم خصرتها تضرب ايدة .. ساعه يحسب خصله من شعرها ادفعه .. مرة حرك وجهها باصبعه تبعدة

ـ اووف هاي شبيك ياسر ...عوف شعري .. راح تكطعه ..

صرت حافظها .. وحافظ تصرفاتها .. ادري بيها تتدلل وتحب الدلال .. لزمتها من كتفها حيل

ـ ايااااا ياسر هاي صدوك تحجي مو خلعته لكتفي .. ادري ليش هيج تعاملني بهل قسوة شمسويتلك اني .. عوفني

ـ وين تريدين عوفنج .. وين ترحين ...مكانج هنا يم زوجج

ـ عيني بعدنا على البر لا زوجي ولا خطيبي مو بكيفك هي هيج تفضحنا وتكول للناس خطيبتي

ـ مواهبج بالرياضيات تخرب البيوت العامرة ...لعلمج هو بس رافد كوتله يعني فرد واحد مو سويتها ناس ..

كامت تتلوى بين اديه

ـ ادري شسويت لامي وقبلت بيك حتى مااسألت اذا اني قابله او لا

ـ طبعا خالتي حبيبتي كلبها على كلبي .. وشتردين سوي .. روحي ابجي واشكي عدها ودللي عليها ترة يمي .. بححححح ماكو دلال ماشي

ـ اها هيج صارت ماشي استاذ ياسر الا اعلمك الدلال على اصوله وهذا وعد متي ..

وعافتني وراحت

ضليت صافن وراها .. ياترى اذا عرفت شراح تسوي .. ماادري ..  الله يعلم الي بكلبي لها بس مستحيل اخلي. رافد يظل هيج بهاي الحسرة و الحزن طول عمرة ..

اول مااطلعت من الممر لاكيته ..

ـ اها رجعت .. همزين .. تعال اريد احجي وياك بموضوع

ـ ياسر بعدين هسه ضايج ومالي خلك لروحي

ـ ليش شبيك صاير شي ..

ـ لك هذا الغبي سعد منطي رقمي لوحدة تركيه هناك شفتها كم مرة .. وهسه ثابرتني ثبر بس تتصل عليه

ـ سعد دومه غبي .. رافد تعرف بعد كم يوم الخطوبه اريدك تحضر نفسك

ـ انته تخطب اني شكو يابه

سحبته من ايدة ودخلته للمكتب ..

ذب نفسه على الكرسي

ـ غير اخو العريس يابه لو اني مو بعينك

ـ بنص عيني .. مبروك حبيبي تستاهل تفرح لك

حجيت وي نفسي ..

ـ وانته هم تستاهل ...

عافني وكام ..

صحت وراه

ـ وين ..

ـ معليك لك صرت مرتبط بعد متفيدك هل سوالف ..

ضحكت حيل واني متجي على الكرسي ..

وتذكرت اتفاقنا اني وامي .. بعد مااغلست خالتي علينا بكم يوم وماردت خبر .. عرفت غاليه رافضه الموضوع .. بس مو وكته .. بس ماكو قبول ..

ـ يوم اريدج تتصلين بخالتي وتكولين لها ياسر يريد سهر ونريد نجي نخطب

ـ شنو .. وموضوع رافد .. نتركه

ـ لا عوفيه عليه اني احله ..

وفعلا صار هل شي خبرت امي خالتي بالموضوع راح تصير الخطوبه

رجعت للبيت والف فكرة براسي.  ..

عقلي يدور .. فريت الشوراع .. واني احاول ارسم .. واخطط .. ممصدك معقوله .. راح اسويها .. اي ليش لا .. اضرب عصفورين بحجر واحد .. اريد اساعد رافد .. رافد ياما وكف لنا ...تعب علينا .. ربانا .. كان لنا اب .. بعد ماعافنا ابونا وتخلئ عنا .. وكفت السيارة عند باب البيت .. وخليت راسي على الستيرن .. احس راسي يوجعني .. نزلت .. وسديت الباب حيل ..

ماكو غير هل طريقه ..

سهر تحبني اذا عرفت بيوم راح تسامحني ..

دخلت للبيت واني اخطي .. لكيت امي كاعدة بالصاله .. لاكتني ..

ـ هلا يوم ياسر .. الله يساعدك

ـ الله يساعدج يمه شلونج اليوم

ـ زينه الحمد لله ..

جانت تشرب جاي .. خلت ستكانها على الطبله ..

ـ تعال اكعد اريد احجي وياك بفد موضوع

تنهدت اجر حسرة

وكعدت يمها

ـ اليوم خابرت خالتك كلت لها باجر جاينج. اني والولد ..

ـ ماكو تداعي اني وسهر متفقين

ـ لا ياسر لازم يصير كولشي حسب الاصول .. اي .. تنتفق على الغايب والحاضر ونأخذ موافقه رسميه من سهر وتسولف وياها وتشوف اذا لها شروط

ـ تمام يوم نروح

ـ شسويت بموضوع اخوك

ـ كتلج عوفيه عليه يامي .. انسيه اصلا اني اتصرف بيه ..

عفتها ودخلت لغرفتي ارتاح ..

......

سهر

ـ طول عمرج انانيه مااتفكرين الا بنفسج

صوت غاليه اخترق اذني

ـ اني ماما .. اني انانيه

عفت الجنطه ودخلت عليهن

ـ شبيجن ماما ...

سكتن من شافني ..

ـ شدا يصير غاليه شبيها ماما وياج

سالت دمعتها على خدها ..

سمحتها حيل .. وكالت

ـ اسالي امج هي تكولج

وعافتنا وطلعت ..

درت وجهي على امي

ـ ماما شبيج وي غاليه

اارتبكت امي ..

ـ ماكو شي ماما ... دا اقنع اختج حتى تطلع تسلم على خالتج اذا اجت بس مااتقبل

استغربت ...شجاب الانانيه على هل حجي

ـ وخالتي جايه اليوم

ضحك وجهها

ـ لا باجر  هي والولد حتى يخطبوج وكلشي يصير رسمي ...

ـ ماما اني مااريد استعجل بالزواج

شفت وجهه امي تغير .. واستغربت مني ..

ـ تريدين تفكرين حقج حبيبتي .. بس ترة مراح تلكين احسن من ياسر سهر لا تغلطين غلطه غاليه ...

ـ اني موافقه ماما .. واعرف مراح اكله مثل ياسر .. بس اريد مااستعجل بالزواج بس

ـ هذا الي ناقصنا خطوبه هم سهر .. خطوبه طويله اخاف تصير تالي مثل سالفه اسامه

لزمت ايد امي .. وتلكت بيها ..

ـ الله يخليج ماما مااريد استعجل

ـ ولج مو اني المستعجله .. خالتج حسيتها تريد العرس يصير بأسبوع واحد

ـ ترة ابن اختج ميستحي

ـ بس يحبج وانتي هم

ـ احبه ...احبه .. بس مااريد ازوج قبل ست اشهر .. هذا شرطي ماما .. نسوي خطوبه .. ونعقد وكولشي بس مانزوج قبل ست اشهر

...

كعدت الصبح واني اتمغط بفراشي .. وتلفوني اذاني

ـ صباح الخير ياسر

اجاني صوته مبحوح .. وهي يرد عليه ..

ـ مثل متوقعت اولها استغلال .. بس كوني على ثقه .. تأخري ساعه بعد اكطع من راتبج وقد احذر من انذر

ضحكت واني مرتاحه

ـ اريد اجازة ...من اليوم للخميس .. يعني ثلث ايام تعرف تحسب استاذ ياسر .. واحد ...اثنين ...ثلاثه

سمعت صوته تغير صار حاد

ـ ليش يابه

ـليش متعرف حضرتك  يحوز اتزوج

ـ كافي تتماوعين ست سهر وحجي عدل

نكلبت على فراشي ...

ـ مو امك تصلت بامي وكالت تجون اليوم

ـ انكلبتي بفراشج توج

هزيت راسي واحس نار الخجل طلعت من اذاني ...عبالك يشوفني

ـ زين ليش ماتجين ونحجي وجها لوجهه

ـ نو ... نو ... امي الي هي خالتك متقبل منعت اي زيارة بيني وبينك لمن تصير الخطوبه رسميه

ـ امج ...خالتي ...  اهاا

وقبل ماارد عليه

ـ راح نجيكم الساعه بالتسعه ..

وسد الخط بدون حتى ماا يختم وياي

ضليت صافنه على الموبايل واني ضايجه .. بس لحظه وتغيرت الضوجه للفرح .. نكلبت واني احس روحي تريد اطير من السعادة ..

سمعت صوت هاجر وراي

ـ سد الخط بوجههج

ـ اي

ـ لج شلون متحملته هو هيج يسوي بيج .. معقوله تغيرتي لهل درجه لان تحبيه لج وين سهر العنيدة الي اعرفها

عدلت كعدتي .. وكابلت هاجر ..

ـ ماتغيرت اني هاجر ...بس هو يحبني ويكابر .. يعشكني ولج والله مايتحمل بعدي عنه

وكملت ...

ـ ولج هو عصبي .. مخبل .. لان ميكدر يمتلكني .. مثل مايريد ... ماايرضي هذا الشي غرور كل مرة بالدنيا ..

هاجر جانت صافنه عليه .. حسيت عبالك بعينها دمعه ماتكدر تنزل ..

ـ شبيج! 

نزلت راسها ..

ـ مابيه شي .. وصدوك مناويه تتزوجين الا بعد ست شهر ..

حركت جتافي واني اغمز لها

ـ احاول تفاوض وياه

ـ يعني تعرفين مراح يقبل

ـ راح يتخبل اذا عرف

ـ لعد ليش تسوين هيج تريدين تغذبينه يعني

ـ لا حتى اعلمه شلون يعانلني زوجته .. يشاركني كولشي بحياته .. وشعورة وادق تفاصيله

مااريد ادخل بيته مثل اي عروس .. لا اريد ادخل زوجته وحبيبه وانسانه تشارك حياته

اريد اعلمه شلون يحجي عشك .. بعد ماايمل من السكته

ـ والله تطلعتي مو هينه يدلوعه

هاجر

مااردي ليش حسيت دا احسد اختي .. اختي بنت امي وابوي .. جاي احسدها على شخصيتها .. على حبها ...على حب ياسر لها .. لعد شبيه اني ...ليش هيج حظي اغبر .. وروحي شايطه علمود واحد مااعرف اذا جان يتذكر حبيبته القديمه بيه لو عندة نيه بس بالله يعلم بيها .. دمعتي خانتي ونزلت بدون مااحس وهي تسولف ..

وادعي يارب .. لا تخرب سعادتها .. وهنيها ..

صوت سهر صحاني ..

ـ وانتي شعندج ماعندج هاجر ..

سوالها كان مباشر لي

ـ معندي شي

ـ عيني بعينج بالله ..

نزلت وجههي مااكدرت اخاف احط عيني بعينها .. وتنزل دمعتي

ـ هاجر ...اني اختج .. تعرفين شنو اختج .. احجي

ـ ماكو شي والله

ـ ايهم شلونه وياج

تنهدت

ـ زين ..

غاليــــة

كاعدة بغرفتي .. انود .. وعقلي يجيب .. ويودي ..

احاول امنع نفسي حتى من التفكير .. مااريد افكر اصلا ..

ملت بنفسي لكدام ...

كمت حتى مااطلع من غرفتي .. وامي مقاطعتني ..

واني هم ساكته .. صافنه .. مااشوف بس الفراغ كدامي ...

شعله الماضي .. مرت بيه .. ماايكدر الا مايجلب بركبتي .. ويخنكني .. لازم روحي .. يحركني ..

عبالك عاجبه الي دا يصير بيه .. عبالك عجبته روحي وكام يحرك بيها شويه ... شويه

ذاكرتي صارت اقوئ .. اوضح ..

كمت اللتقط كل صورة من الماضي ..

وبدون وعي كمت اخذ طريقي واني اتذكر ذاكرتي تنتهكني وهو تضرب وجهي بالتفاصيل ..

الي دائما ماجنت اتجاهلها .. خلال السنوات الي عشت بيها كزوجه لراغب

مثل الشعرة الطويله المصبوغه باللون الاحمر .. الي لكيتها على قميصه

وقبلها ...عطرة الي يتغير وي كل طلعه تصير بالليل .. واساله وين رايح .. يجاوب وي اصدقائي واني بالبدايه مثل الهبله مصدكه ..

احس روحي اختنكت والتفس كوة يطلع مني ..

اتذكر اكثر من هذا ...اثر شفته على متنه .. اثر عضه .. عضه ماتجرت يوم اسويها ..

ـ شنو هاي راغب ..

مديت ايدي لها وقبل لا توصل نزلتها

ـ دار وجهه على متنه

ـ شنو

ضحك ضحكه صفره

ـ اي هذا جرو ازغير شفته بالشارع خطيه الجهال يركضون وراه و يضربونه بالحجار واني طردتهم وشلته عضني بمتني ..

شكد حقدت عليه بذاك اليوم ..

شكد روحي شاطت ..

وجنت اتمنى لو هو نايم اخنكته مثل مااخنكني و وقطع نفسي

ورجعت للحاضر

الحاضر ...الي يمر يوم ورة يوم واني مو بيه

الحاضر ... الي يسبقه ماضي جاثم على صدري

حاضر الي امي تريد مني ارسمه وي زوج جديد ومنو ...رافد

صفنت واني احاول انطق ...

ـ اني .. ارجع تزوج ...ومنو ... را... ف ... اااه

صرخت من حسيت وجع قسمني نصين ...

...

ـــ اااااه يووووووووم لحكيني ...

البارت الرابــع عشــر

بقـــلم وردة عمري

ياســر

رفعت راسي شفتها لازمه الصينيه بيدها ... عيوني تفضحها الشوك .. ثلاةه ايام واني اتضئ بنار الشوك .. نار الاشتياق .. وهي مانعه نفسها عني ..  مانعه شوفتها عن عيوني ..

ابتسمت بطريقتي الي تكرهه اكيد .. بلكوة لازمت روحي كدام امي واخواني حتى لا افضح شوكي وحبي لها .. اجينا قبل العشا وجبنا عشانه ويانه وجينا عليهم ..

يمكن رجعت لحظه لمن مدت ايدها وسلمت عليه .. عصرت ايدها بقوة .. وشكد حسيتها ناعمه وي خشونه ايدي جنت مشتاق و عصابي على نار ..

ثلاث ايام ادللت عليه حتى بالاتصالات .. كل ما اتصل بيها تتحجج بحجه .. لو امي .. لو هاجر .. لو غاليه وتسد الخط قبل حتى لا احجي ..

اقتربت مني واثقه من نفسها .. فستانها الاخضر لابستها وشكد لايك عليها .. مكياجها الناعم مناسب لها وضايف لها جمال فوك جمالها

تسريحه شعرها البسيطه .. شنو الي بيها مايجذب ... شنو! ?

تحب تعتني بنفسها يعترف

بس هذا صار سلاحها ضدي

سهر ...

سلاحي صار اظاهر جمالي واناقتي ..

سلاحي الي اعرف بيه شلون يندق .. دق ..

لعل وعسئ المتجمد الشمالي يموع شويه ..

اااه لو يعرف شكد احبه ... شكد كلبي يعشكه ويموت بتفاصيله

معجب بالازرق الذكوري الي دا يمثله ..

حجيت وي نفسي

ـ هاي شبيك تباوع عليه هيج شنو متشوف

عيونه سارحه عليه من فوك لجوة ...وسألت نفسي اذا جان الفستان قصير اكثر من لازم .. طالعه ركبي .. امي شكد حاولت تخليني اغير الفستان ماكو .. راسي والف سيف البس هذا اردت اشوف ردة فعله ..

ـ اعاني من ضعف نظر من الحاسبه .. تعرفين دوم استخدمها

ـ وليش متلبس نظارة ترة متحتاج كل هذا العناد من حضرتك

ماارد عليه وعيونه استقرت بنظرتها .. على شفايفي .. حمرة مالتهن باللون الذهبي ..

رد عليه مستهزء

ـ ممكن تنطيني الجاي مالتي راح يبرد واني احبه يلسع لساني

شكد استحيت منه دوم يخجلي ويفشلني كدامه وكدام نفسي نزلت الصينيه .. له حتى يأخذ ستكانه بس بدل ما يأخذ الاستكان ... لزم ايدي يعصرة حيل ..

ـ عوف معصم ايدي ياسر ترة يوم من الايام راح تكسرة والله

اقترب مني بحيث صدرة انضرب بالصينيه ..

حجه حسيت اعصابه شويه وتفلت منه

ـ راح اكسر عضامج يوم من الايام ومحد يكدر يمنعني ست سهر وصدكيني شكد راح استمتع واني اكسرهن لج

بلعت ريكي ...ووجهي صار احمر ... درت وجهي لباب الصاله لي خليته مفتوح

ـ عوف ايدي ياسر .. عيب اخذ يجي احد ويشوفنا لخاطر ربك

ضحك وسئلني

ـ حلو

ـ لا متوسط

ـ احبه بيه مرورة ليش ماسئلتيني قبل لا تسوينه

ـ ماصار شي هسه اجيب غيرة

ردت اتحرك من مكاني .. بس بعدة لحد هسه لازم معصم ايدي

ـ عوف ايدي ياسر انته بالبيت مالتنا ماصير هيج ترة

بس ماتهتم الاي كلمه طلعت مني وكلتها .. لشر بيدة لفستاني لابسته

ـ هذا هم لابسته غير مرة لو هاي اول مرة

انخطف لون وجهي واحسيت اني غلطت لمن لبسته

بس شديت نفسي .. وجاوبت

ـ طبعا لابسته .. ليش لبس شي جديد بالله

ـ وين لابسته حضرتج وطالعه بيه

ـ عرس صديقتي قبل فترة واشتريته ليش! ?

صحت واني احسه عصر ايدي اكثر وحسيت الالم دب بيه

ـ اكيد العرس جان بس نسوان مو مختلط

ماادري شجاني وعاندت ..

ـ واذا جان مختلط راح تعترض يعني

اخفت .. اتمنيت لو كدرت ارجع لورة

ـ تستقوين عليه لان كاعدين ببيتكم سهر

هل مرة ماكدرت اسكت

ـ اااه ايدي والله كامت توجعني عوفني

ـ كولي الصدك .. العرس مختلط لو كلمن وحدة

ـ كلمن وحدة ارتاحيت ..

خفف من قوة عصرة لايدي .. ومال بوجهه عليه يهمس كدام وجههي .. انفاسه الحارة تضرب بوجههي .. وعيونه بيهن عاطفه جياشه

ـ ماارتاح .. لا لمن اشوفج لابسه واحد مثله لو اكصر منه الي ...الي وحدي

كمت ابعد راسي عنه .. خفت لا يتهور .. اكثر واحنا هنا واهله واهلي برة كاعدين على اساس يخلونه نتفق .. ونسولف

ـ شبيك تخبلت دا اكولك عوف ايدي راح تجي امي

ـ ادري كولش. زين امج مراح تجي .. قبل لا نخلص حجينا ونتفق .. بس ميخالف راح اخاف بيج الله وعوفج هسه .. وموضوع انفرادي بيج راح ينتهي بعد كم يوم

عافني ... تنفست .. وصدري احسه هسه الا دخل الهوا بريتي ..

سمعت صوته وراي

ـ شبيها غاليه سهر .. اشوفها متوترة .. ومرتبكه

ـ مابيها شي .. ليش تسال

ـ ماادري بس حسيتها مامرتاحه .. صدوك هي بيا شهر

ايااا شبيه هذا .. اشو عافني وعاف موضوعنا وكام يسولف على غاليه

ـ داخله بالسابع ..

ـ اها ...

ـ اي

ـ زين خلينا نحدد موعد للعرس ..

ـ ياعرس هو احنا حجينا بالخطوبه حتى نسوي عرس شبيك ياسر

ـ تعرفيني كولش زين اني مااحب اللف والدوران سهر .. خطوبه شنسوي بيها احنا عرس كبل وابوك الله يرحمه

ـ يمته! ?

ـ احتاج لوقت

ضحك ضحكه جانبيه

ـ ليش عيني .. راح تخيطين بدله العرس مثلا بيدج .. اشك والله هوا اني اشك بهذا استكان الجاي مو انتي لي مسويته ..

ـ اني موافقه

نبرته بعدها مستهزءة

ـ لا بالله فرحتيني

مال الي بجسمه بعد مااخله ايدة على اركبه

ـ مو انتهينا من سالفه الرضا والرفض باول بوسه جمعتنا بالمكتب مالتي لو نسيتي

ـ ترة انته متنطاق

ـ كل هذا ماخلاج ترفضيني

حسيت كرامتي انهانت بطريقه معينه .. بطريقه كلامه .. بطريقه استقباله لقبولي له

بس اني مو سهر اذا مااعلمته .. شلت راسي .. وجاوبته

ـ بس تصرفاتك وياي راح تمنعني اتتم هل زواج بسرعه مثل مااتتمنى من سنين

ردد وراي

ـ اتمنى من سنين

رديت بكرامه

ـ اي انت تتمنى يصير اليوم قبل باجر كول جذب .. تريد مرة تدخل بيتك

نبرة استهزاء اختفت وحل محله البرود

ـ وانتي يمتى تتمنين هذا شي

ماادري شلون لتهيت .. مااحسيت شلون تغيير ...صار جامد ...

ـ اني عندي خطه زمنيه ترضيني .. اول شي نسوي خطبه عائليه الاسبوع الجاي .. والعقد بعد شعر .. وبعدين عود نفكر بنوعد العرس

ماادري ليش اجلت العقد لشهر .. يستاهل هذا عقاب له شايف نفسه هو وهيج يحجي وياي

اريدة يحفي وراي لعلمود همسه لو لمسه لو حتى بوسه ..

ـ والعرس

ـ بعد ست اشهر هذا شرطي ومااتراجع عنه ابد

ظل يباوع عليه بنظرات غريبه .. جان ضايج بطريقه ماافهمتها .. عودت عليه يضوج .. يثور

يصيح بوجهي .. يحجي .. بس كان ساكت .. صامت .. جامد ..

جان بحاله اول مرة اشوفها بيها ..

هذا الغضب الجليدي ماشايفته ابد .. حسيته يشوفني .. بشكل مختلف .. عبالك مو اني

اول ما تحركت شفايفه .. نزلت عيوني لهن .. شفايفه مشدودة ...

حجه

ـ عبالج تكدرين تخضعيني سهر لان عندي رغبه بيج

رمشت بعيوني مااني مااعرف شلون فكر هيج واستنتج من كلامي

ـ مااقصد هيج ياسر خليني اشـ....

قاطعني مااخلاني اكمل ..

ـ شلون سمح لج غرورج وكمتي تتوهمين تكدرين خليني مثل المحبس بصبعج الحلو مثلا! ?

عبالج راح اكعد وتوسل بيج .. وفدوة سهر .. ولخاطري .. وخليها باجر .. لا انتي غلطانه وخيالج الواسع هوايه راح بيج بعيد .. بعيد كولش

ماادري شصار بيه حسيت روحي غلطت ...حسيت روحي مثل وحدة اندفعت لمكان اظلم بعد ماكانت بالنور

اجفلت واني اسمع صوت غاليه تصيح .. وطالع من الغرفه .. 

كلنا ركضنا عليها ..

.....

غاليــه ..

صرخت ادفع الباب حيل .. ودخلوا عليه امي .. وخالتي ..والبنات  والولد بالباب ماادخلو

جلبت بيد امي

ـ ماما لحكيني .. يمكن عندي ولادة ..

جنت ارجف من الخوف .. امي خمشت وجهها

ـ دهر دهرج .. ولج بعدج بالسابع صارج عشر ايام

بس خالتي دفعتها

ـ شبيج رنا .. البنيه عدها ولادة وانتي تلطمين

لزمتني من ايدي

ـ لا تخافين حبيبتي ...

لتفتت على امي

ـ دروحي .. روحي جبيبيلها ملابس خل تبدل .. وتتسهل ان شاء الله ..

ركضت هاجر للكنتور .. حتى اطلع لي ملابس .. وسهر ست الباب ..

لبسوني خواتي ملابسي وجمعت لي كم قطعه من ملابس اشترتهن امي من كم يوم ..

وطلعنا ..

ركبت بالسيارة والالم ذابحني ذبح .. يمكن الخوف مسيطر عليه اكثر .. اول ماادخلت السيارة عطرة طك بوجهي .. جانت انفاسي تتعالى وي كل طلكه تجيني اوكتم الوجع مااريد يطلع صوتي .. بس خالتي جانت تشد على ايدي ..

ـ تحملي يوم وصلنا ..

جنت احس وي كلمات امه تلتفاته بسيطه له .. مو كل راسه لا بس يدور وجهه لياسر الي كاعد بالصدر ويرجعه ..

عبالك يريد يلتفت ويبطل ..

وصلنا للمستشفئ نزلوني .. وروحي مفرفحه .. احس اكو شي جاي تنزل عليه ..بس مااعرف شنو هو .. يمكن دم .. يمكن ماي الطفل ماادري

حجيت بالم

ـ مااعرف شدا ينزل عليه ماما ..

ركض ياسر للمرة الي واكفه بالباب بيدها عربانه ..

ـ تعالي خاله عندنا حاله مستعجله ..

المرة ماصدكت .. اجت ركض .. تريد تحصل لها الف ... الفين من ورة هل دفعه

حطوني بالعربانه وركضوا بيه ..

لصاله الولادة ..

ماتسمع بس صريخ النسوان .. مع اني مو اول مرة اجيب ...بس خفت .. اجت الدكتورة فحصتني ..

ـ اي عيني عدها ولادة بس بعدها .. هسه ننطيها ابرة وكولشي تمام

خلولي مغذي .. وضربت بيه الستتر ابرة وراحت .. ماكو نص ساعه .. والالم زاد اضعاف مضاعفه عن قبل .. بل مايروح ويجي صار مستمر ..

بلكوة جبت .. بعد مااشفت غذاب الالم و الطلوك .. لان لولو كانت عمليه قيصريه.  

الله يساعد النسوان شلون تجيب 4 و5 .. شحالهن ..

فقدت بعد مااجبت .. اول مااسمعت صوت الطفل .. سألت الستتر الجيبتني

ـ بنيه لو ولد

ـ بنيه عيني وشلون بنيه تخبل جنها كمر .. اووي بس صغيرة كولش

حجيت بيني وبين روحي

ـ اجت لولو .. غمضت عيني .. واحس بيد امي .. اخذ شعري و تمسح بيه وجههي وخالتي توزع فلوس على السسترات بسلامتي ..

نمت ماادري شكد .. ولا عرف شلون ..

من التعب والارهاق الي جنت بيه .. فتحت عيني بعد مدة ...لكيت امي تلبسني بشالي .. وتلملم بغراضي ..

ـ كعدتي يبعد امج

هزيت راسي ..

ـ بنتي ...

ضحكت امي ..

ـ زينه الحمد لله .. وكامله ومابيها شي بس بالخدج هسه

فتحت عيني حيل ..

ـ ليش ..

ـ هيج حتى يتأكدون من صحتها ويجيبوها ..

نزلت راسي .. بعدة الوجع بيه ... بس اهون ..

اجت عليه خالتي باستني من راسي

ـ مبارك عليج عبير يام عبير تتربى بعزج ودلالج

تعجبت

ـ عبير ...ياعبير .. هاي لولو ...

جلبت بيد ماما ..

ـ ماما هاي لولو رجعت بروحها لي

دمعت عين امي

ـ لا تظلمين بنتج غاليه .. حرام ماما وخطيه الله زرقج بيها لا تردينها يعمري .. عبورة وان شاء الله تنور دنياج ..

ماارضيت ضليت اهز براسي .. وعيوني دمعه ورة دمعه ينزلن ..

لولو ...

يروح امج يريدون انساج وانتي سهم بالكلب .. وتعدئ وظل نابت بيه ..

طلعنا .. الطفله شايلتها امي .. مااشفتها .. بس شفت لفه زغيرة مشيوله بين اديها ..

كالوا صحتها زينه كولش وحالها حال اي طفل عادي مولود بالتاسع .. وهي بالسابع .. بس لازم تنعامل وياها بحذر .. لان جسمها رقيق .. وهش .. ممكن حركه بسيطه تتأذئ ..

اجلوا الرضاعه الطبيعيه .. وكان بدالها سرنجه رشفات قليله من حليب تكفيها الى ان تتعود وتبدي تتقبل معدتها الحليب ..

رجعنا للبيت .. امي فرشت لي فراش والبنات خطيه لتمن عليه .. شفتها بيد امي .. زغيرة بس مو كولش ... وجهها ابيض .. وعيونها كبار .. تشبهني .. وهاجر تضحك .. كل شويه تمد اصبعها على خدها ..

ـ ماما ناعمه حيل ..

وامي تضرب ايدها

ـ ولج غير طفله بعدها دوخري لا تجعصين خدها .. خالتي بقت عدنا اما الولد .. راحوا ..

مااعرف شصار بخطوبه ياسر وسهر او على شنو اتفقوا ..

بس هدأت اكثر وحسيت بلكي صرفوا نظر عني .. وتركوا موضوعي ...

شكد مرت .... اربعين يوم ...

مرن مثل رمشه العين ...بسرعه ..

بنتي كبرت ...وبديت ارضعها .. تعودت عليها .. وهي تعودت عليه بعد ماكانت خالتي وامي معتنيات بيها .. اليوم المفروض خطبه سهر ..

شوفها يمي

كاعدات يبدلن هي و هاجر .. فرحانه ...الله يفرح كلبها .. مثل ماافرح كلبي بهاي الطفله وبرد نارة .. رضيت بأسم عبير .. وحبيته هم ..

ـ لج مو هذا اللون مو حلو ..

دفعت سهر ايد .. اهاجر

ـ معليج .. محلو عود هم عدها ذوق الحمرة

ضحكت عليهن

وهاجر دارت وجهها ضايجه

ـ عود اريد اساعدج بكيفج

رادت تطلع هاجر صحت وراها وغمزت لسهر

ـ هاجر تعالي شبيج زعلتي شنو

ـ اي اضوج لا تكولون الحمرة اكثر هل اللقب

ضحكت حيل

ـ خايبه فدوة تروح لج سهر هي والوردة الورديه مالتها تلحكج اصلا

صاحت سهر وهي تحرك الوردة الي مخليتها بروش بفستانها

ـ لا عاد الا الوردة مالتي ليش عيني بيش طالبينها ..

ـ ماعليج بيها هجورة .. تعالي مدام نامت عبورة مكيجيني ..

اجت هاجر تركض .. صدوك تخليني

ـ اي ديلا ..

جابت علبه المكياج .. بعدها محاطه شي على وجههي .. دك تلفوني .. رساله ..

شلته استغربت .. رقمي جديد ومحد يعرفه .. غيرته لان مااريد شي من الماضي

فتحتها ..

مكتوب بيها ..

ـ ممكن احجي وياج اني ياسر .. اريد اتصل بيج .. بعيدا عن البنات ..

ويمكن يقصد بالبنات سهر ..

باوعت عليهن ..

ـ اها منو

سألتني سهر

ـ هيج صديقه قديمه .. اكولجن هسه اتصل بيها وارجع كملن انتن ماشي

طلعت وايدي على كلبي .. شيريد ياسر .. يتصل بيه .. شعندة .. وعقلي كام يجيب ويودي ..

اول مااطلعت من الغرفه ...دكيت عليه .. ماكو رنه الثانيه شاله

ـ الووو مرحبا غاليه شلونج

ـ هلا ياسر شلونك انته

ـ الحمد لله تمام

سكت شويه وبعدين كمل

ـ غاليه تعرفين شرط امي لمن خطبت سهر

بلعت ريكي .. اخر شي توقعته ياسر يعرف ..

ـ اي

ـ زين شنو جوابج انتي فكرتي بالموضوع

حاولت قدر المستطاع اسيطر على انفعالاتي

ـ مرفوض تماما .. اني ماافكر بالزواج .. بهاي المرحله

ـ هذا المصخم الضال وراج لا يشوف لا يسمع بسببج

ـ والله اني مموصيه عليه ولا منتطيه اي اشارة له حتى ينتظر ياسر

ـ من الاخير غاليه الخطوبه اليوم ماتم اذا ماتوافقين ..

درت وجههي للباب وتذكرت وجهه سهر

ـ وسهر

كانت صوت انفاسه واضحه قويه ..

ـ تحبني

ـ وانت

ـ احبها بس رافد اغلى منها .. عندج وقت تفكرين منا الى ان نجي .. وصدكيني اذا مااوصلت لي اجابه على تلفوني راح اتردد بالرفض ومااعتقد سهر تتحمل رفض ثاني

ـ شكد نذل انته

سدة بوجهي .. احس دموعي نار على خدودي .. العيب مو برافد .. العيب بيه اني مااكدر ادخل تجربه جديدة .. احس حياتي بعد لها .. شلون يسوي هيج .. ياسر هو هذا الحب الي هجم حياتي .. مو .. هذا الحب مثل حب راغب و ياسر الي مستعد يكسر كلبها او يقايضني بيها ..

دخلت اريد .. انقذ اختي ...اريد اكولها .. شلون هذا النذل يهددني .. مايشوفها غير فرصه حتي يرضي كلب اخوة ..

فتحت باب ..

ووكفت وراها .. وهي تعدل بتسريحتها

ـ سهر ..

..

عذروني لقصر البارت ..

البارت الخامس عشر

بقلـــم وردة عمري

قبل الخطوبه بأيام ...

هاجــر ـ ايهم ..

اتنفست حيل واني اطلع من بيت هيفاء .. شفت سيارة جوارينه الي اجرتها اامي لي واكفه شويه بعيد مشيت لها ..  الحمد لله اجه والا شلون ارجع .. تذكرت نظرات اخو هيفاء الي وشكد لح عليه حتى يوصلني واني رفضت ..

ركبت بالسيارة ..

جيرانه رجال جبير .. متعود علينا اي طلعه امي تأجرة لنا تكول احسن من الغريب سألني ..

ـ اها يابه شلونه العرس ..

ـ عمو مجان عرس خطـ

انقطعت الكلمات عبالك لساني واحد لزمه وسكته .. لمن شفت سيارة ايهم واكفه بعيد .. كلبي رجف .. من الخوف

...

جريت نفس مرتاح لمن شفتها تركب سيارة جيرانها .. وشفته بعيني صدك رجال جبير ..

يعني جانت صادقه وماجذبت عليه ..

بس عذا ماينفي خلصت يوم كامل وهي وهذا نمير مدري منير ..

مشيت بسيارتي بسرعه وحس راسي حيطك من التفكير ..

شريد منها اني .. لازم على الاقل الزم عصابي حتى مااخوفها مني

محتاج ابعد ... اي هاجر كامت تأثر عليه كثر من الازم

صار متلكها هوس مو هدف

ضغطت على البنزين و سرعت حيل ..  وانطلقت بين الشوراع بلكي تهدا ناري

....

هاجر ..

دخلت الصبح للمكتب .. صبحت عليه ورد عليه بهدوء .. وباوع عليه من جوة لجوة ..

امس شفته بالكافتيرا .. تخيلت راح تجاهلني .. وكأنه ماشايفني .. بس هذا مصار .. لا تقرتب وسلم علينا واني وباسل وشهد كاعدين .. وكام يباوع عليه من بعيد من الطاوله الي كاعد عليها بشكل ملفت .. لدرجه شهد ضاجت كولش كامت تهمس بأذني ..

ـ لج هذا شيريد منج ما تكوليلي .. هسه لو من هذوله لي يصاحبون البنات ويأخذون المقسوم منهن ويذبوهن اكول بيها مجال .. بس هو محترم وي المحترمات وبنات الناسـ... لعد شبيه وياج تسودن يحظي العوج

اني كتفيت بالصمت ....شحجي وشكول واني اصلا مافاهمه شي .. هذي السوالف ماكامت تلهيني ولا تسد خوفي ..

الي صار يوم الخميس بعدة مأثر عليه .. بعدها الرهبه والخوفه بيه .. كولشي بداخلي تشوش ... عقلي .. كلبي .. حبي له تشوش مو بذاك الوضوح الاولي

صوته طلعني من الي اني بيه

ـ هاجر

ـ نعم استاذ ايهم

احس نفسي ادور بحلقه مفرغه اولها هو واخرها هو ..

سكت شويه ..

ـ بيوم الخميس جنت بحاله خاصه ..

وجهي وحدة صار احمر بدون مااعرف ليش ..

ـ اي

ـ جنت اريد جنون من نوع معين حتئ يخلصني من جنون من نوع مدمر

ـ مفتهمت عليك

نزل راسه مبتسم ..

ـ يوم الخمس خوفج مو بالله? 

مارديت .. شلون ارد واني اكافع حتى اتنفس .. بعدة ميواجهني .. عينيه مااحطها بعيني ..

ـ هاجر اني صرتي جزء من عالمي ... وتلنتمين له .. وبذاك اليوم احتاجيت هذا الجزء حتى افرغ الانفجار بداخلي ..

واخيرا رفع راسه ابتسم ابتسامه ضميتها بكلبي من حلاوتها ..

ـ مجان يحق لي اسوي هيج وياج ...اني اعتذر عصفورة ..

رمشت بعيني ...مرة .. مرتين اريد استوعب ..

ـ عادي مصار شي

ـ يعني بعدنا اصدقاء ..

ـ اكيد بعدنا اصدقاء هو اني اكدر ارفض حتى تنفخني نفخه وحدة . اطلعني خارج الشركه مالتك

حواجبه رفعهن مستغرب ..

ـ انفخج ..

وبعدين افجر بالضحك عبالك عمرة كوله مضاحك .. عيونه يدمعهن .. مااكدر اسوي شي

شسويزعيوني تلاحك كل حركه منه ...وهسه يرجف كدامه مثل رجفه جسمه وهو يضحك

...

بعـــد ايـــام

جنت اشيل عيوني اباوع عليه ورجعهن للحاسبه ..واني كلشي ماشوف منها ..

افتح حلكي اريد احجي ...بس ارجع واسدة .. شجاعني تخوني و ضعفني يتملكني كدامه ..

هو السبب

تعامله الغريب ويايه هو السبب

بين ليله ويوم خله الف حاجز وحاجز بينها وبينه ...حواجز ضبابيه تايهه بيها وماكو اي طريق حتى اشوفه ..

احس .. شلون يركض بدون ماايحسسني او يخليني اشعر بهذا الشي .. يركض وراي اخاف اضيع او افلت منه ..

ورجعت افكر ....وافكر ..

باوعت عليه ..

ـاوووف امداج ومدا قسمتج المعطبه .. وين راحت شجاعتج ولسانج المبشط كلهن طارن يحظي

لملمت شفتي واشوفه مشغول .. وباله ابد مو يمي

مرة على الحاسبه مالته ...مرة بين الملفات والاوراق .. مرة الموبايل

هملني فد مرة. .. بس بطريقه تخلي الحزن يدب .. يدب بداخلي بس

حزن علمودة .. ليش احسه وحيد .. منعزل .. منطوي على نفسه .. شكول عليج سميه .. شسويتي بالولد وحاله ...احسه ماعندة غيري يلزم بيه وفجاة هدني ..

معقوله دا اخدع بنفسي ...لو هي هاي الحقيقه ...فعلا هو وحيد ومنعزل ..

ماادري شلون طلع الحجي من حلكي

ـ باجر عرس شهد وباسل ..

مااشال راسه من حاسبته وهو يجاوبني

ـ اعرف يستاهلون الله يسعدهم

ـ كالت نسوي عرس مختصر ..

ماكو اي ردة فعل .. عبالك ميسمعني اصلا ..

ـ افكر مااروح .. يعني اشوف وجودي ماله داعي ..

هم مااجاوب ولا كأن اكو بني ادم يسولف وياه والي زاد الطين بله لمن كال

ـ امممممم

شنو يعني .. ميسمعني اصلا ..

بضغط على الحاكيه وحجه وي ست وداد ..

ـ ست وداد لازم اطلع حالا عندي شغل مهم بالبلديه .. اريد منج تأجلين اجتماع مدراء الفروع لغير وقت ..

جاوبته ست وداد

ـ حاضر استاذ ايهم ..

مرت الايام بسرعه ..

ايهم

وست وداد .. خلصت ايامها ويانه .. ممصدكه اجه موعد الوادع بينا وبينها .. انسانه طيبه حنونه ويانه كولنا ومشفنا منها شي مو طيب .. صح نظراتها مرات لي اتضايقني بس بشكل عام هي زينه ..

جنت واكفه بيناتهم .. وهو يودعها .. مدت ايدها تسلم عليه .. صافحها خلت ايدها الثانيه فوك ايدة

ـ بني والله جنت محظوظه لان اشتغلت عندك الله يوفقك ان شاء الله

انبح صوته بجوابه .. حسيت عبالك يبجي من الداخل

ـ واني ممحظوظ لان انسانه طيبه مثلج قررت تفاركنا

وكمل

ـ خاصه بهل وكت ..

ـ انته انسان طيب استاذ ايهم .. كبرت نفسك بنفسك ...وسويت لك اسم ومركز .. حياتك مو سهله مثل ميتصورها بعض الناس بس انته كدرت تتعامل وياها ..

سحب ايدها من بين اديها ..

وباوع عليه .. اشر لي بأن اطلع ..

غامت روحي .. حسيت ست وداد اقرب من اي احد له حتى من امه واخوانه ..

ايهم ..

خليت ايدي بجيبي ..

ـ يمكن طريقتي خلتني افقد شي من انسانيتي ..

همست

ـ هاجر ..

ـ شبيها

ـ خوش بنيه

ـ اني خوش رجال وهي خوش بنيه تخططين لشي ست وداد ..

ـ اني مااعرف لي صار بينك وبين سميه بس

رفعت راسي لها سكتت

ـ اسفه اذا اطفلت على حياتك ..

ـ واذا عرفتي شراح يصير .. وشراح يتغير

ـ استاذ ايهم انته انسان شجاع .. قاوم .. لا تخلي الشر والظلام يملي روحك وعقلك .. اني اعرف انته تتوجع ولسبب معين .. لو ماانت كد هذا الالم مااصابك يابني لا يكلف الله نفسا الا وسعها

تشنج جل جسمي واني اسمع حجي ست وداد لهل درجه اني مبين عليه الالم .. والتغيير الي صار بيه بعد سميه ..

طلعت ست وداد .. وتركتني بحيرة ونار تستعر بداخلي ماادري شنو اليطفيها

....

هاجر ..

بعدني بحيرة من ودعتنا ست وداد لليوم .. اصرت نكعد اني وياها .. بمكان معين ونسولف ويكون خارج الشركه ..

شربت العصير مالتي واني اباوع عليها .. اختارينا كافتريا خارج الشركه بس قريبه منها ..

القلق اكل كلبي .. اكل شتريد مني .. كل ماتشيل كلاص العصير تشرب منه .. اسوي مثلها. 

حجيت وي روحي

" عساس انتي متنامين وتكعدين على هذا القلق! ? ولا عبالك حياتج انكلبت لسجه بين القلق والخوف "

رعب وقلق عايشه بيه صار لي اسابيع .. ايهم ماادري شبيه .. مبتعد عني .. وبعدة قالقني اكثر

شكد اتمنى لو اكدر اعوف الشغل وارجع الامنيتي الاولى اصير صحفيه او علاميه بس بكل مرة احسه مراح يكدر يحمل فراكي .. واتراجع

يمكن اني مخبله بس اني هيج احسه .. هيج احساسي يكول لي ..

من اليوم الي اعتذر الي هو تغيير بشكل مربك ويخوف ..

كام ميضوجني مثل قبل .. ماايحجي وياي ولا يدخل بيه .. ولا يذب كم كلمه حلوة يسقي بيها كلبي الذايب بحبه ..

حتى كام مايباوع عليه او يتصفن مثل قبل .. حتى عيونه اشتاكيت لها .. اشتاكيت لضحكته الي تطلع من كلبه

ورغم كل هذا البعد هو مصر يبقيني قريبه منه .. مايخليني اغيب عن عيونه ..

جفلت واني اسمع صوت ست وداد

ـ هاجر اني اريد احجي وياج بموضوع شخصني واتمنى ما تضوجين من تتدخلي ..

بلعت ريكي بلكوة

ـ احجي ست وداد انتي بعمر والدتي وانتي انسانه طيبه ماشفت منج شي مو زين

غلست مااكلت لها شكد كرهت السكرتيرة الي راح تجي بمكانها ...وحدة فد انفه وشايفه نفسها شوفه .. على شنو مااعرف .. ومغرورة .. بيوم الي عرفتني عليها ست وداد حتي ماارفعت راسها وباوعت عليه ..

ضحكت ست وداد ..

ـ هاي ثاني مرة يكلولي انتي طيبه .. ادري لهل درجه شايفني عجوز

ـ العفو .. انتي مو عجوز

ـ معليج بنيتي ...اني صدوك عجوز وبيبيه هم

ـ مو لهل درجه اصلا ايهم يتمنى اطولين بعد ويانه

طال الصمت بينا فترة ..

حجت هي

ـ استاذ ايهم مأثر بيج اكثر من اللازم هاجر

انصدمت بكلامها .. توترت

ـ لا عادي مجرد احترا...

ـ انتي تحبينه بنيتي ..

شهكت واني اخلي ايدي على حلكي .. واحساس بالفشله والعيب اكتسح عقلي وكلبي .. وحطم كل شجاعتي ..

كمت تلفت منا ومنا وماتكدر اخلي عيني بعينها

ـ يبنيه ماكو داعي لكل هذا وباوعي عليه

بلكوة كدرت اقنع نفسي وشلت راسي لها ..

ـ انتي عمله نادرة .. ويمكن مموجودة بهذا الوكت هاجر

كلامها ريحني شويه ...وخجلني بنفس الوقت ..

ـ وهذا الي يجذبه لج .. وبنفس الوقت يرفضه بطريقه معينه ..

عبالك ست وداد حطت الخلاصه بكلمتها الاخيرة ..

ردت احجي ...وي شخص يفهمني .. يعلمني وبنفس الوقت ... يريحني .. اريد احجي بلكي كلبي يرتاح ..

ـ مافتهمت شنو يعني

ـ واني هم مفاهمه شي صدكيني ..

ـ كل الي اعرفه هل ولد يمر بمرحله صعبه مرحله تفصله بين الخير والشر .. مرحله مصيريه بحياته ...وانتي اجيتي بالوقت الضايع ودخلتي بيها وصرتي منها

كلت بكلبي .. حظي وعرفه .. قابل طالبته طلبه ..

كملت وداد

ـ اني اعرفه من زمان .. ايهم خوش رجال طيب .. صدوك هم خبل شويه بس دوم يضحك و يسولف وانكوتي لدرجه مصدكينه .. بس اكو شي صار خلاها يتغير

كلت بكلبي

"سميه لهل درجه يحبها "

ـ زين شصار ماتعرفين ست وداد

ـ سميه ..

رغم مااجنت اعرف بس كلبي رجف

ـ سميه

ـ اي زوجته السابقه

ـ قصدج خطيبته

ـ زوجته سميه واكثر من زوجته حباها حب بس الله يعلم بيه .. بس هي الله يسامحها

ـ شسوت

ـ دري بالج منه هاجر .. اريدج تصيرين قويه .. ادري بيج مراح تعوفينه .. اذا كوتلج عوفيه بس علي الاقل احذري منه .. لان الي دا تشوفينه مو هو .. مو على طبيعته ...هذا انسان اظلم ماادري شنو قرارة

سألت بلهفه

ـ بس كوليلي جانت زوجته لو خطيبته

سكتت

زوجته! 

سميه زوجته .. هيج بدون عرس ولا حتى احد يدري شلون ...معقوله جان متزوجها بدون مندري ...

لعد شلون كانت خيانتها له! ?

صوت ست وداد بعدة يجيني ..

ـ محتاج مساعدة صح .. بس مو عبالج قوتج تكفي حتى تعينينه .. ويااخوفي اني مو كدة ياهاجر .. لان هو اقوى منج بهووووايه

صح جانت تحجي وياي .. بس اني جنت بحاله من الصدمه والسكون .. ايهم جان متزوج .. زواج فعلي ... اااه ينار كلبي ..

روحي احسها احتركت ...وشيشوفني ... منو اني بعينه .. حبيبته الصهبه الي اني اشبهها ياريت الله خالقني سودة مصخمه ولا احساس الي دا احسه

ـ اني بريت ذمتي كدام الله وخلقه .. وجنت عادله بينج وبينه .. كوتلج حقيقته وحذرتج منه

رجعت للشركه .. ارجر بروحي جر .. كلام ست وداد يرن بأذني مثل الجرس ..

يارب شكد بعد اشوف ضيم حتى ارتاح ..

جنت اريد ادخل للشركه .. وسمعت صوت وراي ..

ـ هاجر ...

غمضت عيني .. اوووف هاي الجانت ناقصه هسه لتمت .. جنت اعرف .. والله جنت اعرف من يوم خطوبه شهد واني جنت اعرف هذا راح يصير ..

منير اخو شهد ..

درت وجههي له .. وهو الولد جان مستحي ..

ـ هاجر اريد احجي وياج كلمتين .. مراح اأخرج عن شغلج بس اني مااكدر انتظر اكثر .. موضوع يخصنا اثنينا ..

"اويلي راح يخطبني بدون شك "

....

دخلت واني اشوف مكتب ست وداد فارغ كلبي كام يوجعني وبعدة كلامها مثل الجاكوج يضرب على راسي .. وزودها منير .. الي جنت خايفه منه صار .. خطبني ..

دكيت الباب على كيف سمعت صوته يكول لي ادخلي ..

دخلت لكيته واكف وداير وجهه لشباك... وظهرة عليه ..

جانت وكفه شامخه .. وكفه اسد .. اسد بس مجروح ..

يعني جنت متزوجها ايهم .. لعد ليش محد يعرف شنو سركم ..

بيش دخلت نفسي لمتاهه مااعرف نهايتها ..

ـ وين جنتي

ـ جنت طالعه برة الشركه وي

ـ منير مو

ارتبكت .. وكمت اجر بالحجايه كوة

ـ لا والله جنت وي ست وداد حبت تودعني خارج الشركه وطلعت وياها ومن اجيت شفت منير واكف بالباب منتظرن..  ي

دار وجهه عليه وسألني ...

ـ شيريد منج

كلبي انقبض للحظه انتقام .. غادرة بكلبي ..

ـ خطبني

اقترب مني كان اطول مني .. كان يباوع عليه من علو ..

ـ ورفضتي! ?

ـ لا

ـ معناتها رفضتيه

ـ هم .. لا

ضحك ضحكه مرة .. فعلا حسيت بيها مرة .. اسد يصيح .. يزئر

ـ حلو ...اسلوب حواء متلاعبه ..

سالت دمعه من عيني

ـ وليش تفكر بيه بهل طريقه حضرتك اني مو هيج

تقدم ناحيتي اكثر واني تلقائيا رجعت لورة .. الخوف تملكني .. حسيت بيه اذا لزمني هسه ممكن يأكلني بسنونه ويشرب من دمي ..

حصرني بين الحايط و جسمه .. ايدة ساندها علي الحايط الي وراي

ـ يمتئ راح تكولين له لا! ?

ـ ماادري الموضوع معقد شهد. .. و

ـ لا مو مقعد .. بس مثالي بالنسبه لج .. تريدين تجميعن عصفورين بيد وحدة .. قابل العصافير دوم باقيه على الشجرة لازم تصيدين كم واحد

شهكت واني اشوفه يتهمني بأبشع اتهام

ـ اني .. مو هيج .. انته فاهم مو هيج

كلامه .. كلمه ورة كلمه جانت سم ..

ـ كلجن النسوان صنف واحد .. بس تأخذن دوم تأخذن .. تريدن ..ماتكتفي . تحبن وطعنن  وتخونن وحتى تكتلن كلشي تسون المهم تأخذن الي تردنه وبس

ـ انته تتوجع .. تتالم

فتح عيونه على وسعهن ... ويباوع بعيوني .. مسحت دمعه سالت على خدي بدون حتى مااحس .. وكلبي يذوب .. الله ينتقم منج سميه .. وين ماانتي ..

ـ اني اصلا ممهتمه بموضوع منير ولا اريد افكر بيه من الاساس

غامت عيونه وظهرت الكأبه على وجهه .. بشكل شكك كلبي تشكك

ـ اصلا مو من حقي اسأل ولا احاسب .. منو واني وادخل بهيج موضوع يخصج

ابتعد عني

ـ بس مرات اضعف كدام خبالي اكثر واكثر ..

دار وجهه عني وكمل

ـ يمكن احساسي بالوحدة هيج دا يسوي بيه ..

ـ شنو رأيج عندج شي يسليني و يقتل الفراغ الي ادا احسه بداخلي

حاولت لازم لساني .. قبل لا يفلت مني بس ماتكدرت

ـ ليش طلكت زوجتك ...سميه جانت زوجتك مو بس خطيبتك صح! ?

جازفت .. وجانت نتيجه المجازفه .. نظرات حقد اسود ...اشمئزاز .. صوت جهوري

ـ ديري بالج ياجاهله ادخلين هيج مناطق خطرة .. اخطر بهوايه وعقلج الزغير مراح يستوعب خطورتها ..

صحت بوجهه

ـ هاي المنطقه حضرتك دخلتني لها بنفسك .. ايام واني احاول افهمك .. افسرك .. يمكن فعلا اني اصغر من الشي الي صار لك وماكدر افهمه ...ولا عندي الخبرة بهيج مواضيع حتي اتعامل وياك .. بس عندي كلب صافي .. عقل صافي ... وشجاعتي الي تخليني اوكف كدامك واواجههك وعيني بعينك .. واسالك .. شتريد مني .. اني مدا افهمك .. تشريد مني بالضبط

سكن كولشي داير مدايرنا .. حتى انفاسنا سكنت ..

ـ هاجر اطلعي .. اريد ابقى وحدي .. انتي ماعندج لا جرأة ولا شجاعه حتى تنطيني الي اريدة منج اطلعي

ـ بس

ـ دا اكولج اطلعي شنو متفتهمين .. ولا ترجعين الا بعد تفهمين شتريدين انتي .. واني شريد ...وتجين وتكولينه الي ذيج الساعه مكتبي كدامج

مر اسبوع واحنا على هل حال .. يجي يباوع عليه بنظرات التحدي ويروح .. شي بداخلي يكول ولج ديري بالج منه .. ا

ادري بيه ضايج .. ضايج مني

شسوي اكثر رفضت منير علمودة .. رغم كل الي سمعته والي اعرفته رفضت منيرة علمودة والحمدلله شهد مضاجت .. بالعكس حسيتها ارتاحت يمكن لان تعرف اني اميل لايهم بمشاعري ..

صح مصار شي حقيقي بيناتنا بس يبقى القلق سيد الموقف ..

اويلي من عيونه المعايفتني بحالي ..

احس نظراته تصيح عليه .. يحداني .. والنتيجه ادري بيها مرة مثل العلكم .. خيبه امل تنتظرني ..

شكد تمنيت اتحجج واسولف له عن منير ورفضي له ..

ياترى راح يهتم .. راح يسأل ويكول ليش شلون ..  !?

لو يهمه شي ثاني .. شي يريده مني اني ..

سوال اسأله لنفسي كل الليله .. شيريد مني! ? شنو بالضبط! 

انسحبت من جانب شهد وباسل وتركتهم ..

ورحت وراه ...صاحت وراي شهد

ـ هاجر ...لج وين رايحه ..

حجيت وياها واني امشي

ـ عندي موضوع اريد احجيه وي استاذ ايهم ..

ركضت تقريبا وراه واني اصيح

ـ استاذ ايهم ..

وكف حتى بدون ميدور وجهه لي

ـ ممكن احجي وياك

دار وجهه عليه

ـ انتي تعرفين شرط هاي المقابله هاجر

ـ اعرف

تمام تعالي بعد فد ساعين .. على ماااخلص شغلي

هزيت راسي .. ماادري ليش حسيته فخ .. فخ جبير وراح اوكع بيه.   رجعت امشي صاح وراي

ـ راح اكون بنتظارج

جنت احس هوسه بداخلي .. فوضئ .. فوضئ .. مشاعر .. افكار .. ريح قويه راح تجي تشلع كلشي من جذورة وتروح ..

ساعتين .. شطولهن صارن ..واني اشوف كل الي بالشركه يطلعون واحد ورة الثاني وماابقئ احد بيها  وشقصرن لمن وصل الموعد ..

...

رحت اني اجر شجاعتي جر .. دخلت له ...وخاتنتي كل القوة الجنت متشبثه بيها .. اتمنيت لو اكدر ارجع واشرد من وين امااجيت ..

جان كاعد منتجي على مكتبه ..

بأنتظاري

لحظه حسيت بخوف رهيب بداخلي .. اتمنيت لو سكرتيرته موجودة وماطالعه .. عيونه باردة .. لدرجه رجفت واني بمكاني ..

ـ تعالي ياحلوة شبيج ...ترة حتى حيطان المكتب مشتاقتلج .. ويوميه تسألني عنج

نزلت راسي واحسه حيطك من الخجل ..

مااخططت .. لا عرفت شكول

ـ اكيد ماجايه حتى تسكتين هاجر .. احجي مااشتاقيتي لي مثل مااني شتاقيت ? محتاج اسمعها منج عصفورتي الحلوة .. عطشان لها ..

جان صوته لي مثل المنوم المغناطيسي ..

كلامه جان مثل المخدر الفعال لعقلي ..

ـ ايهم اني ...اني

رجفت لمن شفته اقترب مني .. اقتراب اقرب من ذاك اليوم .. اقرب .. واقرب .. لدرجه حسيته نفسه يضرب بخدي ...يشم شعري .. يشم عطري .. مالمسني .. بس هاي الحركه مني جلتني اادوخ اذوب ..

ـ انتي شنو يا عصفورتي الحلوة ..

اهتز كلشي بداخلي وي الكلمه .. اني وكعت بالفخ .. وكعت بيه واني راضيه ومستسلمه ..

مااحسيت الا بشفايفه وهي تهمس يم اذني

ـ تحبيني! ?

حسيت روحي طايرة بجناحات العشك .. هزيت راسي ووكع كلشي .. راح .. اختفئ ..

اختفى الصوت الدافي وكساها البرود .. اختفت نبرة الخافته .. وصارت حادة

ـ مدام تحبيني ...اكيد ماعندج مانع اعلمج الحب على طريقتي يا زغيرونه

شفايفه اقتربت من شفايفي .. شهكت واني ارجع لورة مصدومه ...فاتحه عيوني على وسعهن ..

ماحيبني ...لا حتى معجب بيه ..

هو بس يريد يلوث البراءة الشافها كدامه ..

ـ شبيج ماتحسين بالرغبه شلون الرجال يشبع رغبه المرة ويعلمها شلون تحب

صرخت بيه ودموعي تجري

ـ ليش هيج ...تسوي ليش .. مو تعرف اني مو هيج

....

ـ سهر

دارت وجهها عليه .. احلى مرة اشوفها بيها اليوم .. سهر انيقه كلشي بيها انيق .. روحها .. لبسها .. سوالفها ..

ضحكت بوجههي احلى ضحكه ..

ـ شلوني

ـ تخبلين .. الله يساعد ياسر عليج شلون راح يتحمل هل جمال كوله

ـ مو بالله لعد متحجين وي هل خبله .. من بطلت من الشركه لليوم وهيه مسودنه علينا

باوعت لهاجر ..

فعلا هاجر متغيرة .. صح تضحك وتسولف .. وتنكت .. بس تريد تضيع شي بيها .. شي كاسرها .. من الداخل ..

مااكدرت احجي شي .. واحس ببلعومي عظم .. عظم لا اكدر ابلعه ولا اكدر واطلعه .. نظرة شملت كولشي بالغرفه ..

بنتي هي نايمه .. بكاروكها ..

هاجر الكاعدة وعيونها غاطيهن الحزن مغلفتهن بالتصنع .. وسهر الفرحتها ماسايعتها .. مانستاهل وحدة منه تفرح .. وحدة يدخل لكلبها الفرح ويسكن بيه .. شلت موبايلي اكتبت رساله مختصرة ..

ـ موافقه

بدون شرط او قيد .. بدون حتي تفكير موافقه وخلص ..

ـ كافي تصفن هاجر وتعالي كملي مكياجي .. وكومي انتي هم بدلي ولجن مظل عدنا وكت ..

ـ ماتكولين لهاي الغبرة ..

واشرت هاجر على سهر

ـ من الصبح لهسه واكفه على المرايه .. الله اكبر اكل شرب غير مرايه تشوفين وجهج بيها وتوخرين لا سهر لازكه فد مرة

ـ عروس اني حبيبتي .. عروس

ـ الله رحمنا وفكنا منج وداعتج .. الا اشمر سبع حجارات وشكو شي وردي بالغرفه خلي استاذ ياسر يبتلي بيه ..

صحت بيهن

ـ اوووف بسكم ديلا خلصن ولجن

كعدت هاجر تكمل مكياجي ..

ـ امي دزت على عمامي

كالت سهر ..

رديت عليها

ـ اي تكول الاصول اصول ولازم يعرفون

ـ لعد ماوكفوا ويانه بالي صار لج ولو هذا مامحسوب ومابيه اصول ..

ـ كلمن ضرفه سهر .. الناس ماملزومين بينا.  

ـ سوال ولج غاليه بس سوال مراح يأخذ منهم شي

ـ الله لا يعوزنا ..

سكتت واني كاتمه الحسرة بكلبي .. حسرة اخ ...يوكف لنا بالحلوة والمرة ..

دخلت علينا امي .. بعد ماتكملنا .. هم مرتبه نفسها .. واشوف الفرحه بعيونها .. حتى بعرسي مااشفتها

ـ صلاوات على محمد شطالعات .. كمر ..

ـ غاليه بيت خالتج دزو صينيه وترتيبات وتعالي رتبيها ماما .. يلا الناس على جيه

..

كليت دازين صينيه اسمها صينيه البخت .. حلوة مرتبه ومزينه .. وياها كلاصاتها وقران وكيك جاهز وعصاير وجكليت .. رتبت كولشي على الطاوله والتخم الي اشترته سهر بالقصاد.  

عمامي اجه كم واحد منهم دخلتهم امي للديوانيه ..

..

وياسر هم مامقصر جايب وياه هوايه ناس ..

دخلت علينا خالتي بالهلاهل و وراها مرت عماد البنيه فقيرة وحبابه ..

كولشي غاب عن بالي .. واني كاعدة يمهن حتي من دخلت سهر ولا انتبهت لها .. جان كل عقلي يم الناس الكاعدة .. صوت يجي مشوش بس نسمعه ..

ويمكن اني اسمع اكثر وحدة بيهن لان كل عقلي وفكري يمهم ..

بدأ الحجي بالصلوات .. والكلام الطيب ..

وبعدين طلبوا يد سهر لياسر ..

وقبل لا يقرون الفاتحه سمعت صوت ياسر

ـ عمي اسمحولنا وقبل لا تقرون الفاتحه .. احنا نطلب غاليه لرافد .. حتى تصير الفرحه فرحتين

غمضت عيوني .. وتحسرت على حظي ..

سهر كمزت من يمها

ـ شنو .. شدا يحجي ياسر خاله ..

امي كالت لها

ـ شبيج ولج اكعدي بمكانج ولا تتحركين .. خالتج كالتلي واحنا موافقين ..

باوعت على امي بنظرة مااخلت عينها بعيني ..

ـ بس محد كال لي ماما .. غاليه ماتحجين

ـ فعلا سهر امي كالت لي بس ردت يتأجل الموضوع شويه مصارت

سكتت سهر بس انكلب وجهها .. خطيه ماادري احس خربت فرحتها ..

اندك الباب علينا ..

فتحته امي .. وصاحت ..

ـ تفضل .. تفضل عيني ابو علي .. يبنات هذا عمجن سلمن عليه

سلمنا عليه من بعيد .. وهو واكف

كال

ـ غاليه عمي الناس طلبوج لخوهم شتكولين

جاوبت عليه

ـ قابله عمي

ـ بالخير يابه ...شايفين كل الخير

الوراها كل الي صار روتيني ...عبالك اني مو بيه فلم .. تابعه .. العقد .. وصوتي واني اكول قبلت .. وصوته وهو يهمس قبلت زواجها ..

لو ياسر الي رفض يعقد .. لو ما خالتي الي راسها والف سيف يعقدون وعقدوا وهم مكلبه ووجهوهم ..

وكل واحد منهم كاعد بطرف القنفه ..

حتى من ياسر لبسها الذهب وباسها براسها .. جانت سهر بحاله من الضيق الغريب ..

واني جنت لاهيه عنهم تماما ..

بس صوت خالتي فززني

ـ غاليه خاله شغلتج صارت بسرعه .. اعذريني لو جنت ادري والله اجيب لج احسن حلقه واحسن ذهب

ـ عادي خاله مصار شي

..

يتبــع

استمتعــــوا .. اكتبوا رايكم ..

اتمنى هذا البارت يوضح لكم اي غموض تحسون بيه اتجاة القصه ..

ويفتح لكم ابواب لفهم الشخصيات بشكل ادق ..

البارت السادس عشر ..

بقــلم وردة عمري ..

ثم يلتقيان بعد كسر دون جبر .. وصمت دون كلام .. لقاء حاسم ... اما يموتان .. او يموتان لا خيار ثالث لهما ... !?

احداث ماقبل الخطؤبه ..

ايهــم ..

طلعت من المكتب هايم على وجهي .. شسويت اني ... شسويت ...دمرت انسانه مالها اي ذنب.   مالها ذنب غير ان هي صهباء مثل سميه .. مالها ذنب غير انو حست بمشاعر اتجاهي واني استغليتها شر استغلال .. شلون سويت هيج بيها ماادري ..

افتر بسيارتي .. وين اروح ماادري ..

اعترف ايهم سميه كدرت تزرع الشر بداخلك بأبشع طريقه .. الخيانه ..

وهي على اسمي ...زوجتي قولا وفعلا ... لوثت شكو شي ابيض بيك ..

اخذني عقلي لبيتها ...لبيت سميه .. حان موعد الحساب ..

نزلت واني عازم على فضحها كدام اهلها ..

دكيت الباب بكل قوتي .. ماكو ...

دكيت لمن فلشت الباب .. طلع واحد من جيرانهم ..

كال

ـ عمي لا ادك الجماعه سافروا ..

حسيت روحي دخت ..

ـ سافروا

ـ اي عمي صار لهم شهرين ..

ـ مااتعرف عمي وين سافروا

ـ والله ياابني ماعندي خبر بس حسب مااسمعت لاربيل هناك استقروا

رجعت ويدي علئ خاصرتي ...

احس كل المواجع هاجت من جديد .. سميه سافرت ..

يعني انتهى كلشي

لا ماانتهئ ...

...

ايام تمر من حولي واني ادور على سميه واهلها .. نسيت حتى هاجر او تناسيتها ..

جنت كاعد بمكتبي

ودك موبايلي

ـ اها بشرني لكيتها ..

اجاني صوت واحد من معارفي طلبت منه يسأل بأربيل ويجيب خبرها

ـ والله شكولك ماكو شي اكيد بس اكو ناس يكولون غيروا مكانهم من فترة ومنتقلين لمكان جديد ..

ـ تمام اريدك تسال بعد وتوصل لها لا تقصر بهذا الموضوع ابد

ـ صدوك جذب استاذ ايهم انريد بس نخدمك احنا

ـ تسلم حامد خادم ربك

سديته منه ..

هاي ... الخاينه ..

كل ساع بمكان ويوميه ببلد واني حالي .. حال

ريحه الانتقام ملت ريتي ..

اي .. الريحه ترست خشمي لقوتها .. ريحه دم

الدم اني عطشان حتى اريقه ...

اااه .. والعصفورة ..

بهت كلشي داير مدايري من يوم الي طلعت من مكتبي .. اليوم الي طلعت مني شاردة خايفه على نفسها لا تفقد اخر ذرة لكرامتها و عفتها .. ماادري شلون بذاك اليوم استقوت ودفعتني بكل قوتها .. وذبتني على الكاع وطلعت شاردة .. ودموعها على خدها تهمل ..

شراح يصير لو بعدها تحبني رغم كولشي صار! ? ورغم صدمتها بيه ..

وشنو يعني اذا عاقبت نفسي ومااشفتها لمدة اسبوعين ..

عقاب لوحشيتي لي اتفلتت مني بالتوقيت الخاطئ ..

عقاب لمحه ضعف صابتني بعد مااعترفت لي العصفورة بحبها لي .. ردت اطلع وراها .. لطلب منها الغفران اللي سويتها بيها .. بس سؤال اكو مرة بالدنيا تستاهل تعاملها مثل البشر ..

سؤال طرق بعقلي .. اكو مرة تستحق اتسامح منها .. كل مااشعر بيه .. تأنيب ضمير لا غير ..

ولذلك عاقبت نفسي لوقت طويل .. طويل كولش .. وشغلت نفسي بسميه متناسي هاجر تماما ..

رجعت الوع نفسي بالخاينه .. لوع نفسي واوعدها بالثار لكلبي ولاسمي و لروحي ..

الثار منها هو راح يريح كلبي وعقلي لا عصفورة ولا غيرها ..

ماكو احد بالدنيا يكدر .. يشلع هذا الوجع الي بداخلي ولو حتى يخدره ..

تحركت مااحسيت الا .. اوراق هاجر تناثرت جوة رجليه .. ابتسمت لا اراديا .. اعترف ايهم هاجر مأثرة بيك بطريقتها ..

اعترافها ممتع لك .. و ...و باغلب الاحيان جنت اتمادى وياها .. وتركت الحريه لروحي تمادئ واتواصل ..يمته ماحسيت اني محتاج لهذا الشي.. 

والطريقه الي اني اريدها لنفسي الثائرة ..

مثل مااسويت ذاك اليوم واني لمس ايدها بطريقه عفويه متعمدة .. حسيت روحي انتشي .. بردة فعلها العفويه .. مااجاي الكي اي سبب يخليها تبقى بالشركه .. بعد ذاك اليوم وبعدها

باقيه ملتزمه باللي طلبتها منها ...رجعت لقسم المحاسبه ..

جزء مني اشتاق حتى يحس شنو ملمس بشرتها ..

وشلون مااشتاق وهي ملكي ..

كلشي بيها لي ..

اغير عليها لان هي لي ..

هي كلها ...بروحها .. بشخصها العصفوري الحلو ..

اضحك وياها .. اقسي عليها .. اهاجمها .. افترسها .. امتص اعترافات العشك منها .. اتعصب عليها .. اهجرها لاسابيع .. كل هذا اسويه لان احس بيها لي .. ملكي ..

ورغم كل هذا هي راضيه .. راضيه مثل مااني مااكدر اخليها تفلت مني .. وتروح

هاجر راح تبقى ماكو شي بالعقل او منطق يمنع هذا الشي ..

عيوني جانت تقرا الاوراق الي كدامي .. الاولى و الثانيه .. والثالثه .. فتحت عيوني على وسعهن ..

شمرتهن بقوتي ...واطشرن .. واني اصيح على السكرتيرة الجديدة

ـ هنادي دزي على مدير قسم الحاسبات اريدة حالا

ـ حاضر استاذ ..

هاجر مقدمه استقالتها .. هذا اخر شي توقعته .. توقعتها تتحمل كلشي ومراح تترك الشغل ..

هاجر ...

جنت كاعدة كدام المرايه .. اجر قلم الكحله بعيني ..

نزلته ..

ورجع عقلي بعث باللي صار ذاك اليوم ..

ورة مااصار الي صار بمكتب ايهم ...نمت يومها ...ودموعي ماانشفن ..

حتى ثاني يوم من داومت عيوني مانشفن دمعهن .. جنت اريد اقدم استقالتي ...بس باسل لكيته بباب الشركه وخبرني انو ايهم .. سافر لمدة اسبوعين .. و طلب من مدراء الاقسام يستلمون الشغل لمن يجي ..

شنو يعني ...خسرت كولشي .. حتي الاستقاله صارت مالها معنى مالها قيمه ..

رجعت للشغل ...اشتغل بكل جهدي .. كمت اكل الشغل اكل في سبيل انسى .. ارجع للبيت مثل الميته اكل وانام ...والبنات خطيه شكد يسألن بس اني مانطي جواب الف راسي وانام ..

وتمر الايام يوم يشبه يوم ابتعدت عن الكل حتى عن شهد الي كمت مااشوفها لان اانتقلت لقسم جديد .. وحتى اني نقلوني لقسم ثاني ... صح مدير قسمي مااعاجبني بس راضيه قانعه .. راضيه بوحدتي .. ومقتنعه بقسمتي ..

الا بذاك اليوم بعد مااتأخرت ..

شويه ..

اول مادخلت انهد بيه رئيس القسم مالتي

ـ هاجر شغلج زين امنت بالله .. بس مو معناتها تستغلين غياب المدير الشركه وتكومين تغيبين عن الشغل بكيفج

ـ استاذ هو منو المستغل غياب المدير اني اشتغل اكثر وحدة بالقسم حتى مااطلع اتغدا اتعبرها استراحه تعويض

ـ ماكو اي تعويض

سحبت ورقه منه ..

وكمت اكتب وبيها واحجي

ـ هاي اجازة لمدة شهرين بدون راتب ..

ـ مامسموح لج اي اجازة لان انتي موظفه جديدة ..

ـ لعد ااعتبرها استقاله

....

ايهـم ..

ايدي ترعش .. اسبوع كامل وهي مستقيله واني ماادري .. شلون لتهيت عنها ...شلون عفتها وغابت عن عيني ..

شلون ماادورت عن السبب الحقيقي ورة اختفاءها من كدام عيوني ..

واني الي كمت مااهتم حتى بالرسائل و الاوراق الي تجيني من شؤون الموضفين ..

كل هذا غرور مني ..

عدم تفكيري وانو هي مستحيل تعوف الشركه لا ماتكدر تفاركني ..

تصورت ماتكدر على فراكي ابدا ..

شلون سوت هذا الشي واني موجود ..

مااكدرت تسويها واني غايب .. سوتها واني موجود شلون! ?

قررت تشرد بجلدها مني .. !?

تنقذ نفسها من ضيم عشكها لي! ?

يارب ... يارب .. راحت ...راحت بدون رجعه ..

راحت ببساطه .. واني الي جنت افكر بس افرغ من الضيم الي بيه ارجعها لي ..

حتى افكرت انقل هنادي .. لقسم ثاني واجيبها اسويها سكرتيرة بدالها ..

جنت احضر الموضوع حتي تصير كدام عيوني مباشرا ..

ولك غبي ...غبي انته ...ايهم وانت عبالك عصفورتك مراح اطير من القفص حتى لو جان باب القفص مفتوح كدامها ..

صدفه سألت ..

لا مو صدفه اني سويتها صدفه وكمت اسأل عن الموظفين واحوالهم ..

لمن وصل موظف الشؤون وكال .. وحدة من الموضفات غايبه .. وقدمت استقاله بخط يدها ..

وهاي هيه الورقه بيدي .. بخط ايدها ..

شلون سوت هيج وراحت ..

شلت موبايلي واني اباوع على رقمها .. رقمها الي حفظته على كلبي .. يمكن حتى هي ماتعرف هو عندي ..

دكيت عليها ..

جنت منتظر اسمع صوتها ..

بس ااي اجاني صوت ثاني ..

ـ الووو. منو ياي

ـ العفو مو هذا رقم هاجر

ـ اي تفضل منو وياي

ـ اني ايهم

ـ ايهم هلا بيك شلونك اني غاليه

ـ الحمد لله غاليه انتي شلونج اخبارج

ـ الحمد لله .. شكو ايهم هاجر تاركه الشغل و حالها مايسر لا عدو لا صديق صاير شي وياها لان دا حاول متكول اي شي

احس كلبي عصرني ..

ـ ماكو شي غاليه خلاف بسيط وان شاء الله ينحل اكدر احجي وياها

ـ والله اعذرني هسه نايمه هيه من تكعد اكلها ..

...

سديت الخط وياها ..

هاجر مراح تروح من ايدي .. لي ..

..

يوم الخطوبه ..

رافد .. ياسر ..

ـ اطلع لك مو سويلك عمله وضميت راسك مثل المخانيث ..

جان التلفون على اذني .. وصوت ياسر يجيني ..

ـ وين انته رافد ..

ضحكت ضحكه طويله كلها مرارة ..

ـ هنا جوة المسبح ..

ـ جايك ..

سديت موبايل منه وذيته بالمسبح .. يمكن جان لازم يكون هذا اسعد يوم بعمري .. يوم احلم بيه .. اتخيله .. ارسمه .. حددة بكل جوارحي ...بكلبي وعقلي ..

بس ماتخيلته بهاي الطريقه ..

من جنا كاعدين بكعدة ياسر ...فاجئني قبل لا نقرا الفاتحه ...لمن خطب غاليه الي .. عقلي مااستوعب واني اسمع صوته الجهوري هوو يصيح بأعلئ صوته ..

ـ انريد غاليه لخويه رافد ..

اتعالت الاصوات .. شلون يصير .. ولازم انفاق .. ولازم راي البنيه ...بس قاطع الحجي الشيخ الي ويانه ..

ـ عمي صلوا على محمد وواحد من عمام البنيه يشورها ويأخذ رايها ان جان رضت كان بها .. مارضت الزواج قسمه ونصيب ..

كام واحد من عمامها ... حتى يأخذ رايها .. وكلبي يدك مثل الطبل ..

معقوله ترفض .. ترفض حبي وكلبي للمرة الثانيه .. معقوله ترضئ بيه وهي بهذا حالها ..

رجع عمها ..

وكال ...

ـ يابه توكلوا البنيه راضيه ...الله يسهلكم يابه

روحي فرفحت مثل طير صار سنين ساكن قرر اليوم يطير .. قرر يهاجر لارضه المقسومه له ..

اول مرة عقد الشيخ لياسر و سهر رغم رفض ياسر بالبدايه .. الي محد كدر يفسرة غيري ..

سهر شرطها ماتعقد شيخ الا بعد شهر .. وكبرياء ياسر رفض يطلب منها انو يعقدون اخاف تحس شكد هو ولهان عليها .. 

لمن ابدا يعقد لنا الشيخ .. ماادري اذني لو اني غلطان ...سمعت صوت نشيج .. صوت بجي ناعم ... رغم مااجانت متلفلفه بالحرام بس سمعته ..

شنو يعني .. اريد افسر واني اطلع من يمهم حتى بدون مااباوع لورة .. شنو يعني .. مراضيه مغصوبه ..

طلعت كبل لسيارتي واني فاير .. ليش رضت .. وليش تبجي .. منو الي غصبها ..

ساعات واني افتر ..

لمن دك موبايلي .. رقمها ..

ـ الووو

صوت بجي مخلوط بصوتها الغاضب ..

ـ عبالك انته واخوك كدرتوا تغصبوني .. تحلم اصير لك مرة لو تضل اخر واحد بالدنيا ..

ـ غاليه خلينا نحجي نتفاهم منو غصبج .. ياسر شسوة لج

ـ لا تسوي روحك البرئي الي مايعرف شي .. اخوك اهددني بأختي .. يخرب الخطوبه اذا مااوافق عليك كل هذا ماتدري بيه شلون ياسر يسوي هيج اذا ماماخذ منك الاوكي

ـ غاليه ... غاليه ...

ـ خليت بيها غاليه انته واخوك .. طول عمري اشوفك اخو لنا الي ماجابته امنا بس .. شوف الظروف شسوت بينا .. فرقتنا .. حرمتنا من لمتنا الحلوة .. ليش هيج ...واجه اخوك كملها يريد يكسر كلب سهر .. تريد تأخذ ثارك رافد .. اخوك يريد يأخذ ثارك لان كسرت كلبك

ـ غاليه اني ماادري بكل هذا صدكيني ..

ـ انته صدكيني رافد انه وحدة مكسورة .. ماكو شي بيه عامر .. انه ماصلح لك رافد انتي منتهيه ..

ـ اريدج بكل حالاتج ..

وسديت الخط منها ...

وطرت لياسر ...

ظليت جوة منتظرة ... نزل يمشي على كيف واني النار بيه مشتعله .. بس وصل يمي ..

لزكته بوكس طيرت عينه

ـ حقير ..

وكع بالكاع

ـ تريد تكسر كلب البنيه الوحيدة الحبتك من كلبها .. والله ماتستاهل

صحت بيه

ـ ولك ياسر تهدد بيهن وهنه نسوان شخليت للغرب

كام وصاح بيه ...

ـ شسوي واني اشوفك تلوب .. كاضي عمرك منتظر وحضرة جنابها سنين نايمه بحضن واحد غيرك ..

هجمت عليه ماادري بروحي .. كمت اضرب بيه بدون وعي ..

مااحسيت الا ايهم يدفعني ووكعت .. بالمسبح ...

سهــر

مر شهر كامل على خطوبتنا اني و ياسر .. شهر بارد .. شهر مر لمن ياسر سافر تارك كلشي وراه ورافد حاله مايسر لا عدو لا صديق ..

هاجر الي تاركه شغلها بدون حتى سبب مقنع .. واتصالات ايهم المستمرة لها وهي يا ما ترفضها او تنطيه لنا احنا نحاجيه ..

ومرات تجي وتكابلني مثل هسه

ـ لج صار شهر من سافر ماكلف نفسه واتصل بيه .. شنو جاريه عندة اني

ـ مو تكولين سألت رافد كالج عندة شغل وراح ...اي بعد شنو .. بعدين مو لهل درجه مو قبل كم يوم اتصل بيج

هزيت راسي لها

ـ وشفتهمت منه ...تالله بالله مافتهمت شي غير سعد مريض ورايح يشوفه .. اي هسه سعد صار عزيز

ضحكت هاجر

ـ ايااا شبيج سهر غير اخوة ...

قربت راسي من هاجر واني اشار لها لرافد

ـ كل مرة يروح هو شمعنى هسه .. لج احس اكو شي منعرفه ..

ـ شنو لي مضايقج سهر مااعتقد بس الاشتياق دا تعانين منه حبي

ـ قبل لا يسافر تعاركنا .. بصراحه من خطوبتنا لليوم واحنا واحد بعيد عن الثاني ..

ـ ولج افتهمنا بس ليش غير نفهم ...ترة انتي وياه دخلتوا تسولفون وطلعتوا ووجوهكم مكلبه

ـ وانتي هم مسألتيني مااعرف بشنو ملتهيه عني .. هاجر شبيج لج احجي شوفي عيونج شلون ذابله وحالج شلون متبهذل

ـ عوفي حالي وسولفي بحالج .. يلا غردي ليله الي اجونه يخطوبنج شكولتي للولد غيرتي احواله ..

ـ لج عبالي راح اكدر اسيطر على الوضع بعد مااجو بذيج الليله وخطبوني .. جنت مصدومه بردة فعله لمن شرطت عليه مانعقد الا بعد شهر و الزواج بعد ست اشهر مو تعرفين .. بس عندة مرض اسمه الكبرياء

ـ عبالي تشاقين صدوك سويتها وشرطتي عليه

ـ اي غير تعزيت وتصخمت وتشرطت .. بعدين الموضوع صار من سيى الئ اسوء ..

يتعامل وياي ببرود مو عبالك خطيبته .. ابتعد بكل مشاعرة عني وصار عبالك واحد خاطبني عن طريق الدايه ام زكي

ضحكت هاجر

ـ مااصدك ياسر هيج صاير مؤدب .. مو جان فاصحج بين العربان

وتباوع على رافد الي جان يفتر بين الطاولات والزباين

ـ شفتي انتي نفسج تستغربين الموضوع .. اني ماصدكت من اتصل بأمي ثاني يوم وكال هو قابل يصير الزواج بعد ست اشهر ولج عبالي يتعرض يصخم بس كولشي ماكو

ونوب ورة عقد المحكمه يسافر بدون حتى مايكولي .. لوما خالتي الله ينطيها العافيه فلا عرفت

ـ اهدي سهر .. عمري اني لازم اروح .. اريد ادور على شغل

ـ وشركه ايهم

ـ شالت جنطتها وكامت ..

ـ موضوعه انسد وصفحه وطويتها ..

طلعت هاجر واني صافنه على حالنا .. حتى رافد .. احسن مني كم مرة اجه للبيت يسأل عن غاليه ...صح ماكو بينهم كلام خاص بس على الاقل يسأل عليها ويطمئن على امورها ..

حسيت روحي تورطت .. ياسر .. لغز .. لغز جبير وبير اظلم خايفه منه ..

كلهم كل واحد بيهم يختلف عن الثاني ولاكأنهم اخوان ..

معقوله غياب والدهم اثر عليهم هل درجه ..

امي تكول جان يدرس بمصر .. يدز فلوس لخالتي ..  وهو هناك .. سنه .. سنتين وهو يترجاها حتى تجي يمه ماكو ...لمن طك كلبه وتزوج ..

كمت امشي واني روحي طالعه .. اول ماادخلت الممر مالت الادارة سمعت صوت اعرفه دخل للمطعم

ـ تعالي ادخلي خوش مطعم راح يعجبج

تجمدت اديه واني بسرعه ضميت نفسي وره الزرع الموجود داخل المطعم .. اريد اسبتوعب الصوت الرجولي الي سمعته ..

واميز هويه صاحبه ..

اسامه ...شجابه

كتمت انفاسي وهو يمر من يمي غافل عني واني ضامه نفسي ورة الزرع عن لا يشوفني ..

كان منشغل تماما بيها .. لازم ايدها .. وهي لابسه ثوب مرة حامل ..

زوجته حامل للمرة الثالثه! ?

اختنكت بعبرتي

ـ مرته حامل ثالث مرة ..

اختار اسامه طاوله معزوله يم الشباك ..

خله العامل كدامهم استكانين جاي .. مثل وماطلبوا .. وبعدين طلبوا ريوك ..

عيونه مافاركت .. وجهها .. هيج الي يحب يسهر .. جانت كدامه هو يباوع عليها ويضحك ..

خله ايده على ايدها

ـ شبيج لهل درجه ضايجه لان راح يجونه بنات حلوات مثلج

ـ بنات اثنين اسامه اثنين وين اروح من امك واهلك وهمه يريدون ولد عبالك مجبت ولد لهم

باوع داير مدايرة يمكن يتأكد اذا اكو احد قريب عليه او ماكو .. ميدري بيه اني جاي اراقبهم

ـ كولي رحمه هاي شبيج .. معليه لا بأم شتريد ولا اخت شتتمنى اني طلبتهم من ربي مثل ماطلبتج كبلهم والحمدلله عندنه ولد كافي

ـ جان اختصرت الموضوع وطلبت بس وحدة سويتهن ثلاثه ليش

ـ والله لو بيدي اطلب ثلاثه واربعه وخمسه وكلهن يشبهنج ..

وكام يأشر على نفسه ..

ـ انتي .. هنا ..

وهنا على كلبه

وهنا على عقله

ـ هاي شبيك تخبلت كافي

ـ والله ممصدك لليوم صرتي مرتي الحمدلله

جنت اذوب واني اسمع حجيهم .. عمري مااشفت اسامه بهل عاطفه هاي حتى وياي .. يمكن لان عمرة ماحبتي مثل ماحب اول انسانه بحياته وماكدر ينساها ..

مااصدك الكلام السمعته منه لها يسترضيها رغم مراح اتجيب له توم بنات ..

ياترئ يجي يوم واسمع من ياسر هيج كلام يذوب كلبي وعقلي ..

حسيت بأصابع قاسيه تنحط على زندي ..

وقبل مااشهك اجاني صوته .. القاسي

ـ يالله شلون مشهد لخنوع رجولي لدرجه لعبت نفسي .. ويستاهل تتنفسين بهل طريقه له

وقبل ماارد بشي .. سحبني ياسر من المكان الي جنت لابدة بيه ..

يتبـــع

رايكم مهم. ....اكتبوا

استمتعوا قبل كتابه اي تعليق .. لان هذا الاهم ..

احبـــكم.💖💖💖

رافـد ..

جنت مشغول بأمور المطعم .. رن موبايلي .. شفت رقم غاليه .. اتنفست بعمق .. وفتحته ..

ـ صباح الخير ..

ـ صباح النور ممكن احجي وياك .. طول الفترة الي فاتو مكدرنا نحجي لوحدنا وامي حاليا ماموجودة والبنات بالشغل . .. اذا تكدر تجي هسه ..

اول ماوصلت للبيت ...دكيت عليها ..

ـ اني وصلت افتحي الباب ..

ردت عليه ..

ـ واني وراه راح افتحه امي مموجودة .. عبورة نايمه مااريدها تكعد ..

كبل باوعت للباب وشفت خيالها من ورة الباب وهي تفتحه .. 

عيوني وعقلي جفلن اول ماافتحت الباب وشفتها واكفه وراه .. بهيئتها الناعمه .. تنهدت بدون حتى ماتسمعني ...

ابتعدت هي اول ماشافتني ووكفت وسط الطارمه ..

ـ عذرني مااكدر ادخلك خلينا نحجي هنا ..

تعابير وجهها ماريحتني .. ماريحتني ابد ..

ـ رافد احنا الاثنين مامناسبين لبعض .. اني مو مناسبه لك صدكني .. اني مو ذيج الي تعرفها والي تربت على ايدك .. لا تغيرت .. الدنيا والمشاكل وفقد بنتي كل هاي الظروف غيرتني .. الله يخليك خلينا ننهي الموضوع بشكل ودي وبدون مشاكل ..

اول مرة احس بالحقد ناحيتها ... ناحيه انسانه كضيت سنين عمري احبها .. عشكها .. واتنفس الهوا الي تتنفسه هي ..

درت وجههي عنها

واني احجي ..

ـ حضري نفسج الجمعه حجي اخذج .. اكيد مراح اشرطين مثل اختج وتردين العرس بعد ست اشهر .. قابل انتي بنت بيت

حسيتها انصدمت من كلامي .. وتراجعت للخلف.   يمكن الكلمه الاخيرة اجت بالصميم ويمكن ماتوقعتها مني

ـ رافد الله يخليك لا تعقد الامور

ضحكت .. بقهر.

ـ اظاهر انتي متعودة على الضرب والذله ومهانه .. صدكيني ماعندي مانع .. ككولهن راح تلكيهن عندي اذا حنيتي للماضي

ماادري شلون اندفعت عليه بكل قوتها .. يمكن قهرتها .. اكيد قهرتها واني اذكرها شلون راغب جان يعاملها

ـ اطلع ... اطلع .. ماريد اشوفك .. صدكني راح انتقم منه .. وحتى منك .. كولكم تردون ادمروني .. تكتلون اخر نفس بيه ..

.....

بنات اريدكم تعلقون ... وتصوتون على البارتات ...

ساعدوني .. ارفعوا القصه بتعليقاتكم واصواتكم ... اعملوا تاك لصديقاتكم ..

انشروها بحساباتكم ..

القصه تستحق واني دا تعب بيها ..

ادري بيكم ماتقصرون .. احبــــكم

البارت السابع عشر ..

بقلــم وردة عمري ..

رافـد ..

جنت مشغول بأمور المطعم .. رن موبايلي .. شفت رقم غاليه .. اتنفست بعمق .. وفتحته ..

ـ صباح الخير ..

ـ صباح النور ممكن احجي وياك .. طول الفترة الي فاتو مكدرنا نحجي لوحدنا وامي حاليا ماموجودة والبنات بالشغل . .. اذا تكدر تجي هسه ..

اول ماوصلت للبيت ...دكيت عليها ..

ـ اني وصلت افتحي الباب ..

ردت عليه ..

ـ واني وراه راح افتحه امي مموجودة .. عبورة نايمه مااريدها تكعد ..

كبل باوعت للباب وشفت خيالها من ورة الباب وهي تفتحه .. 

عيوني وعقلي جفلن اول ماافتحت الباب وشفتها واكفه وراه .. بهيئتها الناعمه .. تنهدت بدون حتى ماتسمعني ...

ابتعدت هي اول ماشافتني ووكفت وسط الطارمه ..

ـ عذرني مااكدر ادخلك خلينا نحجي هنا ..

تعابير وجهها ماريحتني .. ماريحتني ابد ..

ـ رافد احنا الاثنين مامناسبين لبعض .. اني مو مناسبه لك صدكني .. اني مو ذيج الي تعرفها والي تربت على ايدك .. لا تغيرت .. الدنيا والمشاكل وفقد بنتي كل هاي الظروف غيرتني .. الله يخليك خلينا ننهي الموضوع بشكل ودي وبدون مشاكل ..

اول مرة احس بالحقد ناحيتها ... ناحيه انسانه كضيت سنين عمري احبها .. عشكها .. واتنفس الهوا الي تتنفسه هي ..

درت وجههي عنها

واني احجي ..

ـ حضري نفسج الجمعه حجي اخذج .. اكيد مراح اشرطين مثل اختج وتردين العرس بعد ست اشهر .. قابل انتي بنت بيت

حسيتها انصدمت من كلامي .. وتراجعت للخلف.   يمكن الكلمه الاخيرة اجت بالصميم ويمكن ماتوقعتها مني

ـ رافد الله يخليك لا تعقد الامور

ضحكت .. بقهر.

ـ اظاهر انتي متعودة على الضرب والذله ومهانه .. صدكيني ماعندي مانع .. ككولهن راح تلكيهن عندي اذا حنيتي للماضي

ماادري شلون اندفعت عليه بكل قوتها .. يمكن قهرتها .. اكيد قهرتها واني اذكرها شلون راغب جان يعاملها

ـ اطلع ... اطلع .. ماريد اشوفك .. صدكني راح انتقم منه .. وحتى منك .. كولكم تردون ادمروني .. تكتلون اخر نفس بيه ..

لزمتها من اكتافها .. وجريتها لي ..

صدري ضرب بصدرها ..

ـ شتريدين .. اها شتريدين خلصت عمري واني انتظر .. ومتحمل لوعتي وشوكي لج .. ولج كل ليله اموت الف موته لمن افكر انتي بحضن واحد ثاني .. واحد يشم عطرج .. يحط راسه علئ صدرج .. مو كافي تعذبيني

انفاسها لفحت وجهي وهي تحجي

ـ هذا العذاب انته جبته لتفسك...طول عمري اشوفك اخ لنا .. عمري مافكرت بيك حبيب ولا انته حاولت توضحلي .. هسه جاي تعاتب بعد هل السنين .. اذا جنت هسه عايش بعذاب زواجي مني راح يكون عذاب اكبر

دفعتها عني

ـ واني راضي ... حضري روحج عندج ثلث ايام لا غير .. وكمت اعدد لها بأصابعي

ـ واحد .. اثنين ... اثلاثه .. غيرهن يوم زايد ماكو .. وتجين يمي ...

عفتها وطلعت .. وعيني يطلع منهن نار .. راجع للمطعم ..

تذكر الكلام الي دار ييني وبين ياسر بعد ماتعاركت وياه .. طلعت من المسبح بعد ماهدئت وخف غضبي .. وهو بعدة واكف .. رغم ماايهم طلب منه يروح

ـ لك ياسر روح اخوك بعدة ضايج منك ..

ـ خويه انته روح اني ورافد لازم نحجي هسه واذا ماحجينا هسه مراح نحجي ابد ..

جنت اسمع كلامهم ..

شفت ايهم استسلم .. تماما وخله وراح ..

طلعت من المسبح وملابس كلها تنكط ماي ..

وياسر كاعد على طرف المسبح ..

ـ شلون سويت بيها هيج .. احجيلي لك انته متعمد تتقرب منها حتى تجبر غاليه عليه لهل درجه حالتي ميؤوس منها ..

شال راسه لي ..

ـ بالله مال ميؤوس منها .. هي ميؤوس منها .. بس تتوقع اانته هيج ربيتنا رافد ..

كعدت يمه ..

ـ زين فهمني ليش مفرحان بعد مااحققت امنيتك وخطبتها ..

شفت عيونه شلون قست وتحولت.  

ـ لك كافي سنين وانته تتمناها وتريدها من ايام الكليه عبالك ماادري

هسه ايام الكليه افتهم ماكدرت اتصارحها .. مااكدرت تقترب منها .. جانت مغرورة شايفه نفسها ورديه .. ويمكن جانت ادور على واحد مريش وعندة فلوس واحنا جنا ببدايتنا ومو بهذا مستوانا بس هسه ليش .. هسه وضعنا اختلف وحتى وضعها اختلف .. و صارت مرتك بفترة قياسيه لا صير غبي وتضيعها ولا ادخل احد بينك وبينها لا اني ولا غاليه .. تتوقع اذا درت شراح تسوي

ـ مراح تدري ..

نزل راسه بدون حتى مايجاوبني

ـ ولك فهمني انته تريدها لو تلعب عليها وتريد تأخذ ثارك منها

ـ رافد اني احب سهر حيل

مااصدكت وهو يحجيها ..

ـ  لك والله ايست منك وكلت هذا يضحك عليها واخيرا كلتها

لتفت لي ..

ـ المشكله اني احب سهر بخبال .. ومااريد هذا الخبال

حسيت روحي اغلي من الداخل ..

ـ بصراحه هاي مشكله جبيرة ...زين شنو رايك نتبادل الاراء .. رغم الطريقه الي تزوجت بيها غاليه .. بس فرحان .. واعرف هاي الفرحه مراح اتم ..

جفلت واني اسمع صوت السيارة الي وراي ادك هورن وابو السيارة يصيح

ـ يابه شبيك صافن .. زين ماادعمتنا ..

شلت يدي بأشارة اعتذار .. وانطلقت للمطعم ...اول ماادخلت لكيت ياسر .. يجر بسهر من ايدها ..

...

ياســر ... سهــر

قبل ماارد عليه .. اخذني يسحب بيه للمكتب مالته .. شافه رافد .. اجه علينا بسرعه

ـ ياسر شبيك عوف البنيه

راد رافد يحجي بس مخلاها .. بس وكفه ياسر

ـ رافد مو وكته الله يخليك بعدين نحجي ..

ضحك رافد ويباوع عليه .. واني احس فقدت اخر ذرة دم بوجهي ..

ـ لك مخبل راح يوكف كلب ورديه يوم من الايام ..

سهـر

اخفت .. كم ارجف .. مثل رجفه الباب وصوته من سدة حيل .. غمضت عيوني اني اسمع صوته ينسد بهاي القوة ..

صدري ينزل ويصعد بعدة .. لان جنت اراقب اسامه وزوجته واسمع كلامهم .. اقترب الاعصار الهايج ناحيتي .. واني ارجع لورة لمن نضربت رجلي بالطاولة مكتبه الي وراي ..

تقدم ناحيتي وهو يصيح بوجهي

ـ هذا الي تريدنه سهر .. واحد يتوسل بيج ويترجاج .. ويصير لعبه بيدج .. اصحي سهررر. اصخي لان هذا مايصير ولا راح يصير .. ولا تنتظرينه مني .. ومراح تشوفينه من رجال غيري ...فبطلي نظرات الحسرة كلما تشوفينه ...

لزم اكتافي .. عصرني حيل .. وصاح بيه ..

ـ راح تندفنين وياي .. تفتهمين لو لا .. افتحي عقلج الغبي واستوعبي قدرج .. قدرج وياي اني .. واني مثل مااني .. واني مراح اتغير حتى بحلامج

صفنت عليه مذهوله .. ممصدكه الي دايكوله .. وجهه قريب .. وجسمه اقرب وكلشي مشتعل بيناتنا ..

نفضت نفسي .. وتشجعت .. وحجيت بنفس عصبيته .. وتخبلت مثل اخباله واكثر ..

ـ معناتها راح اتظل تحسر ...مدام تحرمني من حقي بيك راح اضل بحسرتي .. مو بس وي اسامه وكل مااشفته اتحسر لا وي كل رجال اشوفه يعبر عن مشاعرة وحبه لحبيبته

فتح عيونه على وسعهن .. وعصبيته علت اكثر واكثر .. بس ماتراجعت تقدمتت ناحيته .. لدرجه انو شفته شويه وتلامس شفتي ..

وكملت

ـ شتريد تسوي .. سوي .. اصرخ .. صيح .. مراح تخوفني ولا راح ترهبني .. اني هم راح اصرخ بحقي بيك بطريقتي

اصابعه نغرزت بخاصرتي هو يبعدتي عنه .. بس مااحسيت جنت لاهيه .. عنه بيه .. مراح اتراجع جنت لاهيه عن عنفه الجسدي اتجاهي ..

مراح يكدر يقمع احتياجي له على الاقل بهاي اللحظه ..

لحد مايعبر عن مشاعرة اتجاهي ويكول لي كل الي بكلبه ..

حدسي الانثوي بقوته .. واحنا بنص هذا الاعصار الي يلفنا احنا الاثنين ..

احساسي كأنثئ اتجاه رجلها هو الي يحركني .. اقتربت منه واني .. اميل بكل جسمي له ..

وصدرة جان صلب مثل حجر الصوان .. بس كل هذا ماوكفني واني لزم قميصه وصارن بيني وبين جسمه .. وسحبته لي وبجرأة ماتخيلت يوم من الايام اوصل لها ..

حجيت وعيوني بعيونه

ـ اني احبك ..

دفعني ...ياسر حيل ...بقوة رهيبه .. جنت بحاله ماتنوصف .. بس ماكتفيت رجعت .. اقتربت منه واني اجرة من قميصه لي .. واني اهمس مصرة

ـ احبك

صاح بيه وحس كل جسمه تشنج ..

ـ كافي لا تكولينها هسه .. كافي

بس ماكتفيت .. لزكت شفتي بشفته .. بسته اني هاي مرة .. بشوق كل الايام الي راحت وهو بعيد عني .. بشكل هستيري ..

جان كل جسمي يرجف .. كلبي يرجف .. كلشي بيه يرجف ..

وكلبه ...يضرب مثل الطبل جوة ايدي الي على صدرة .. بس قاومني .. قاومني هو يدفعني عنه للمرة الثانية .. طحت على طاوله المكتب واني لهث .. اريد اتنفس احس النفس انقطع و ماكدر اتنفس ..

ضحكت ضحكه قويه واني ...اشوف حمرتي شلون دمرت شفايفه ..

صحت بوجهه .. بجراة ماعرفتها بيه ..

ـ انته رجلي .. حبيبي واني احبك

اتخبل وفقد السيطرة وهو يندفع اتجاهي .. بلحظه وحدة دفعني . جان هجومه عبارة عن اكتساح ...

احس اديه كامت تكتشف كولشي واي شي ..

عمري مااحسيت بهاي الخبال العاطفي بحياتي ..

وماكعدت من هذا الجنون العاطفي الا من حسيت اديه كامت تتمادى اكثر واكثر .. والملفات الي علي المكتب تطشرن بالكاع وصارت عبارة عن فوضى داير مدايرنه مثل الفوضى الي احنا بيها ..

حسيت اديه مدتها بجراة جوة البلوزة مالتي ..

ـ ياسر ..اوكف

بس هو جان فاقد كولش ..

ـ ياسر فدوة اروح لك .. احنا بالمكتب .. اوكف راح تفضحنا ولك خبل .. حبيبي اوكف الله يخليك

سكن ...هدأ وهو بعدة على حطته ..

انفاسه تلفح ركبتي .. واصابعه مغروزة بخصري .. ابتعد فجاة مني ..

ابتعد بكل جسمه عندي .. وهو يسب ويشتم ..

ودار وجهه عني وانطاني ظهرة ..

تحركت واني احس بالوجع بكل جسمي .. اويلي يابه شسويت بروحي ..

اديه تراجف واني انزل بلوزتي .. وعدل ملابسي

ـ ياسر

صاح بيه

ـ كافي لا تحجين اسكتي ..

مرت لحظات .. واحنا ساكتين .. الصمت كان سيد الموقف ..

بعدين سمعته

ـ روحي للحمام عدلي روحج ..

طعته ...اصلا ماجان عندي القوة احجي ..اقبل ...او .. ارفض

طاوعته ودخلت الحمام .. تفاجئت بنفسي لمن شفتها بالمرايه .. منو ... هاي .. شعري عبارة عن كفشه .. حمرتي ملطخه ... وركبتي كلها اثار بوساته .. حتى كحلتي سايله عبالك جنت بحرب وطلعت منها .. مادري ليش خجلت .. فتحت الحنفيه .. وكمت ارش بالماي على وجههي الي احسه اشتعل من الحرارة ..

طلعت من الحمام .. بعد فترة بسيطه .. بعد رتبت روحي واستعاديت قوتي .. مندمانه على اي شي سويته .. مااحس سويت شي غلط .. شفته واكف .. ضهرة مسنود للحايط ووجهه الي وعيونه عليه ..

يعني جان ينتظرني ..

ضوء الشمس جان يدخل علينا من الشباك المنفتوح .. يعكس على ووجهه فما اشوفه زين ..

يارب دخيلك .. شكد هو رجولي ..

بلعت ريكي واني احس بالخجل .. وكل وجع زغير ينبض بجسمي .. يزيدني خجل .. على خجل كدامه ..

حجيت على كيف .. واني واكفه كدامه

ـ اريد ارجع اسوي حفله لخطوبتي مرة ثانيه .. لان الاولى كولشي مشفت منها اريد منك حواب تقبل لو لا حتى ارتب اموري

صوته جان جهوري

ـ الله يلعن حفلتج على الخطوبه ماشي ..

كم ابلعم .. يابه كعدنا الاسد من نومته .. بعدة على وكفته .. المتحفزة .. يم الشباك ..

حجيت بالشي الي قررته بالحمام

ـ اني اتنازل عن الست شهر ادري مابقى منها هوايه .. بس ميهم اني اتنازل عنها .. وانته حدد موعد العرس براحتك .. تريدة بعد شهر بعد سنه بكيفك .. مراح اعارضك ابد ..

تقدمت خطوة وحدة ...واني اكمل كلامي

ـ لمن اختاريت مدة الست اشهر .. ماجانت حتى اني اتحكم بيك .. او افرض ارادي عليك ..

بس ردت نتعرف واحد على الثاني لا اكثر ولا اقل .. وحتى تتعلم شلون تعبر عن حبك لي لان اني محتاجه هذا الشي ياسر .. محتاجته هوايه .. اني بنيه اريد احس بأنثوتي يمك

ظل ساكت نظراته بعدها محجوبه عني بسبب الشمس ومااعرف شنو تعابير وجهه

نزلت راسي واني احجي

ـ راح اكولها لك مرة وحدة .. اني احبك ياسر .. زوجتك وراح اكولها كل مرة واني مفتخرة بهذا الشي .. واني قررت اظل وياك للنهايه بدون شروط راح اتحمل النتائج مهما كانت لان اني اريدك بحياتي مثل ماانته تريدني ..

تحركت للباب اريد اطلع .. بس سمعت صوته من وراي

ـ اوكفي بمكانج واياج تتحركين خطوة وحدة .. لن يروح هو ومرته ..

تنهدت وهو بعدة على وكفته .. كعدت على الكرسي .. وهو بعيد عني ..

...

ياســر ..

ماكلفت نفسي واني اسوي روحي مااجاي اباوع عليها ..

ليش اسوي نفسي مجاي اباوع عليها واني اريد اباوع .. اريد شبع منها .. شهر كامل واني بعيد عنها ماشايفها .. يوم ماعقدنا محكمه سافرت وراها مباشرا حتى مانتظرت يوم واحد ..

جنت خايف .. اي خايف اضعف كدامها .. شردت لسعد .. صح جان مريض بس ماكان ذاك المرض القوي مجرد وعكه صحيه بسيطه ..

ابتعدت .. واخفت لا افقد السيطرة على نفسي مثل مافقدتها قبل شوي

ـ " اصبر .. ياسر ...اصبر .. هاي الورديه الي كدامك ..تعرف يمته تحجي وتوقيتها رهيب عبالك موقته .. ولك لا تضعف هسه .. هاي زوجتك .. مرتك .. امتلكها شلون ماردت ومراح ترفض او تعترض ماكو مرة الدنيا تستاهل تضعف وتذل روحك لها .. خليها تدخل حياتك وتنورها .. نورها هي مااريد وحدة غيرها "

ـ اني حطلع ممعقوله بعدهم لهسه هنا

ـ تردين حفله خطوبه جديد ورديه .. ماشي خليها لعد الخميس الجاي والعرس بعد اسبوعين .. اسبوعين بس ورديه

ـ اتفقنا ..

..

هاجر ..

طلعت واني اخط برجليه .. اووف هاي ثالث مقابله وكولشي ماكو ..

يارب ليش ..

باوعت لساعتي .. عندي بعد مقابله .. وهاي اكثر وحدة متلهفه لها .. بقناة تلفزيونيه .. صح اني ممارسه مهنه الاعلام .. بس اني من الاوائل على دفعتي .. .. وكفت بشارع .. اجرت تكسي وانطيته العنوان ... ودعي بكلبي كون تصير .. اريدها تصير وتعدل الدنيا مرة وياي ..مو كافي كسرة كلبي .. روحي الي توجعت وتألمت ..

مو كافي انام ودموعي يجرن على خدي .. شلون خليته هيج يستغلني شلون .. واني خليته يتمادئ اكثر واكثر .. وصلته لمرحله الغرور بنفسه .. اني خليته يسحبني لفخه حتى يوكعني بيه .. شلون جنت اسكت واني اسمع منه كلمات الغزل متستر

عصفورتي الحلوة !?

بنيتي !?

صغيرونتي! ?

مو هاي حجاياته وياي .. واني تحملتهن لا جنت تلذذ بيهن .. واستمتع لمن وكعني على وجهي ..

خلاني اعترف له بحبي ..

وفوك كل هذا حاول يعتدي عليه ..

شلون سويت هيج بنفسي ماادري ..

ـ اها عمو تنزلين لا ترة وصلنا .. 

انتبهت صدوك واصلين والسيارة واكفه كدام بنايه القناة واني ماادري بروحي ..

ـ اعذرني عمو جنت صافنه على زماني .. تفضل هاي كروتك مشكور ..

ـ خليها عمو اخاف ماعندج ..

ـ تسلم الله يحفظك عمو ...

انطيته الكروة ونزلت .. والملف مالتي بيدي .. شهادتي ومستمسكاتي .. وهم سويتهن على قرص حسب طلبهم ..

دخلت ولكيت الدنيا مكلوبه .. يابه .. كولها هاي الناس على درجه وظيفيه وحدة ..

لعد اني منو يعنيني على هل حسبه ..

بنات وولد .. وحتى ناس كبار بالعمر .. رغم رايدين شخص بعمر الشباب ..

بس الظاهر كولها تريد تجرب حظها .. واني اسم الله شلون حظ عندي يتسلس على الباكلا .. كعدت يم بنيه ... يمكن بعمري ..

ـ مرحبا

ـ مراحب اهلا وسهلا ..

خليت جنطتي بحضني منتظر الفرج ..

ـ انتي هم جايه تقدمين سألتني

ـ اي .. بس الظاهر مراح نحصل حتى العظام من الوظيفه على هل شوفه

ضحكت

ـ اي والله شوفي شكد ناس ونوب وحدة من يمتي انتي متخرجه

ـ صار لي اربع سنوات

ـ اياااا صدوك صارج هوايه اني سنه ..

ـ يا هوايه دادة تشوفينهم كدامج اغلبهم خريجين سنوات السابقه يمكن يوصل الواحد بيهم خريج عشر سنين اذا مو اكثر ..

ـ صحيح .. الله يساعدنا لعد شكو درسنا وتعبنا اذا ماكو لا وظيفه ولا تعيين

ـ حتئ تنكعيها وتشربين ميها ..

ضحكت البنيه ..

ـ اظاهر مشلوع كلبج

ـ فد مرة وداعتج ..

بعدني اسولف مااحس الا خيال وكف فوك راسي ..

رفعت راسي .. وعساني لا شفت هاي الشوفه .. الكشرة ..

ايهم واكف بكل اناقته .. وهيمنته .. وسطوته الرجوليه فوك راسي ..

صفنت .. وحلكي لصم .. عبالك ملزكينه بصمغ اميري ..

ونوب هو الي حجه ..

ـ شدا تسوين هنا! ?

البنيه ضلت مرة تباوع عليه ومرة عليه ..

ـ حبيبتي الرجال دا يسئلج .. تعرفيه لو لم خلق الله عليه.  

باوعت عليها وكلت بفهاوه

ـ اها ..

دارت وجهها عليه ...

ـ شتريد منها عمو البنيه جاي تقدم على وظيفه ..

من سمعت البنيه كالت له عمو .. واني افجرت بالضحك .. الله ذب عليه ضحك من وين ماادري ..

ايدي نتلت .. نتل .. وملفي وكع بالكاع .. بعد مااكومني وسحبني وراه

درت وجههي واني اصيح

ـ معاملتي ..

دار وجهه عليه يحجي ويجر بيه

ـ اشششش بالقران اذا سمعت صوتج ... اكص لسانج بيدي .. شكتلج انتي.   مو كتلج اذا بطلتي لو دورين العراق كوله مراح تلكين شغل. .. بس ماصدكتي وهاي النتيجه ..

جان يجر بيه ويحجي ..

ـ عوفني معليك بيه .. شدخلك اني مو استقاليت من شركتك شكو بعد ..

دفعني لسيارة دفع .. فتح الباب ودخلني.  

ـ ايهم لخاطر ربك عوفني .. شتريد مني

شغل السيارة ودار وجهه عليه ..

ـ اششششش شنو انتي متفتهمين اكولج .. اششششش

يمكن كان يمشي بأقصى سرعه عندة .. الخوف تملكني .. ايهم انسان مو عادي.   هذا الي عرفته من خلال عشرتي وياه .. انسان ظلامي .. يحب ايأذي الناس .. ويختار الي اذيهم بدقه وعنايه .. واني وحدة منهم ..

مديت ايدي لجنطتي .. اريد اطلع موبايلي .. اتصل باي احد يخلصني منه او على الاقل اوصل خبر لاهلي اني وياه ..

يمكن قرا افكاري وعرف حركتي .. سحب الجنطه مني وخلها يمه ..

ـ جيب جنطتي مو من حقك تأخذها .. جيبها

ـ وخري ايدج لا اكسرها لج .. واسكتي .. رايحه ادور شغل .. وفوكاها علاميه .. ان شاء الله تريدين تطلعين بالتلفزيون وكلها تتفرج عليج

ـ وليش لا عيني ترة اني خريجه اعلام واشتغلت وياك من لا جارة .. مو عبالك ميته عليك

ـ اها يعني ماميته عليه.   لعد منو الي

خانتي عبرتي وتكسرت بصدري ..

ـ اترجاك عوفني خليني بحالي .. شتريد مني بعد مو كافي الي سويته بيه.  

صدمني هو يكول لي .. بكل جراة

ـ لا مو كافي ..

سكتت عنه درت وجههي لجامه ابجي .. واحاول بكل قوتي مااطلع صوت .. وين ماخذني ماعرف شنو نيته هم مااعرف ..

ـ مو اتصل بيج ليش متردين عليه حضرج .. اها ماتحجين شنو لسانج انبلع فجاة ..

شبيه هذا عائله مخابيل الله بلانه بيهم .. احجي كال اسكتي .. اسكت كال لسانج انبلع .. بلعك البين ان شاء الله ..

شفته طلع بينا لمنطقه مقطوعه .. خفت .. كلبي كام يدك سريع .. شيريد هذا مني ..

ـ ايهم .. ايهم وين مودنيني رجعني للبيت الله يخليك .. واني اوعدك والله حتى شغل بعد مااريد ..

بس ولا كأن يسمعني ..

ـ ايهم .. ايهم شبيك .. امي راح تقلق عليه واخواتي مراح يسكتن لخاطر ربك رجعني .. وكفني كدام بيت .. جبير .. مبني بناء حديث .. طفه السيارة .. واني روحي خفتت وياها .. ونزل ..

دار وفتح الباب ..

ـ انزلي تعالي

ـ ايهم ..

ماكو لا حياه لمن تنادي ..

البيت كان عبارة عن فيلا مو بيت .. يخبل .. احلى حتى من بيتهم .. فتح الباب الخارجي ..

و دخلني .. يدفع بيه .. دفع .. بيه حديقه كبيرة .. ومسبح .. لخاطر ربكم شكد تحبون السبح ..

دفعني للصاله ..

وماكانت تقل بجمالها لا بيتهم .. بشي.  

ـ ليش اتصل عليج مجاوبين ..

ـ لان مااريد اجاوب شنو فهمك ثكيل صاير مفهمتها ..

كلما يتقرب خطوة .. ابتعد اثنين ..

لمن بحركه مفاجئ لزمني.  

كمت اتلوئ بين اديه ..

ـ عوفني .. عوفني حباب والله اني مو هيج والله ايهم اني بنت خالتك اصحى شبيك.

جنت ارجف بين اديه

ـ اي هيج ارجفي بين اديه عصفورتي

جان كل الي دا يصير بين الحلم والكابوس ..

ـ شدا تسوي .. ايهم ..

بس هو ابدا مو يمي ولا عبالك جاي احجي .. شعري جنت مسويته ذيل حصان .. يمرر اصابعه عليه .. وكام يشمشم بيه ..

كمت اتلوى بين اديه .. احاول ابعدة عني .. اريد ازيح هذا الجبل الي كتم على انفاسي

ـ اوخر ..  لك وخر عني ..

ايهــم ..

شعرها .. شعرها ناعم عمري مااشفت لا حسيت بشي ناعم مثل نعومته .. دافي .. مغري

شنو الي دا يصير الي ماادري .. كل الي اعرفه احوالي تخربطت من يوم الي راحت .. وفقدت اخر ذرة من اعصابي من شفتها كاعدة بالقناة .. جنت رايح اسوي اعلان للشركه ورايح اتفق وياهم على الاجور .. من شفتها .. فقدت عقلي جن جنوني ..

اريدها .. كلها بكينونتها .. وهيئتها! ? الي المفروض تأذيني .. بس لا كلشي بيها اريدة وبس

مضى وكت طويل وماحسيت هذا الاحساس اني اريد شي بهل قوة والاصرار ..

مو رغبه بجسمها لا رغبه بيها هي ..

والفرق بين الاثنين جبير ..

يمكن الرجال يكدر يمر على جساد هوايه .. لمن يحس كلهن يتشابهن ماكو فرق وحدة عن الثانيه ..

بس انو يتعطش لمرة وحدة .. هذا امر مختلف تماما .. واشد قوة على مشاعر اي رجل بالدنيا ..

جانت تلهث تحاول تبعد نفسها عني ..

ـ بس كول لي شلون لكيتني هناك شنو انته تراقبني ترة زودتها فد مرة ..

ملت براسي عليها واني اشم شعرها ..

ـ شميت ريحتج واجيت ..

هاجر ..

الي دا يصير فوك طاقتي .. فوك قدرة استيعابتي .. اني وياه هنا بمكان واحد و محد يدري بينا .. ولا احد يعرف مكاني ..

هذا مو حلم هاجر اصحي.   فجاة تذكرت كولشي.   كولشي صار لهذا اليوم ..

رجعت لي قوتي واني ادفعه ..

ـ وخر عني .. ابعد ايدك .. لا تلمستي .. شنو انته مخبل هيج تلمسني ..

ايــهم ..

انتبهت انو هي جاي تضرب بيه وزادت ضرباتها قوة وشراسه ..

فتحت عيوني واني مستمتع بيها وبضرباتها .. الناعمه عبالها تأذيني مااتدري ضربتها عبالك كرصه فراشه مو بشر من دم ولحم ..

بشرتها بيضه صافيه .. صافيه تماما ..

ايدي لفتيها على ركبتها .. وبأبهامي اتلمس خدها ..

جنت الهث مثلها متعجب من نفسي لهل درجه تأثر بيه واني مااحاس على روحي ..

احس بنبضات كلبها عبالك ينبض بركبتها مو بصدرها ..

دافيه ...رقيقه عبالك نسمه هوا باردة ..

ـ عوف ركبتي شتريد مني.   شدا تسوي .. ليش جبتني لهنا .. شتريد مني .. دا كولك وخر ...واخر عني

جانت فاقدة السيطرة مثلي .. اصلا ماجاي تحس بيه ولا بدواخلي ..

كامت تضربني على وجهي .. واني متقبل ضربها لي بنشوة ..

تقربت منها واني احسبها ولزم اديها حتى تكف عني

ـ تزوجيني عصفورتي ..

فجاة ...سكنت ..

كل حركه بيها .. بعدها تلهث ..

تعابير وجهها تحولت لحزن طاغي ومبين عليها ..

ودت عليه بصوت مختنك ..

ـ لهل درجه تشوفني رخيصه ولعبه بيدك .. بلا مشاعر .. بلا كرامه ماكتفين من الي سويته بيه يالله لعد شكد انته قاسي .. حجارة لا والله الحجارة ارحم منك .. شسويت لك وتسوي كل هذا بيه... ليش تلعب بيه وبمشاعري هيج ليش .. مااسويت شي غير انو حبيتك مااذيتك بشي اني

دموعها كامت تجري على خدها .. ورجعت تضرب بصدري بضربات اقوى واقوئ.  

تحجي واني ماارد عليها بشي ..

ساكت ثنتطيها حريه الكلام حتى اتطلع كل الي بداخلها ..

نهارت تبجي .. على صدري ..

خل تروح سيطرتي على نفسي لجهنم .. كلشي بيه ايريدها ... يريدها ....يريدها ..

خل يروح كل هدف الي لجهنم مدام هي وياي على صدري ..

مايهمني شي مدام هي لي ..

جنت اعرف جاي احرب شي مبهم بيه بس هسه عرفته ..

حضنتها حيل .. واديه تتجول على ظهرها المتشنج بتملك مابعدة تملك ..

انبهار .. انفجار .. ماعرف شلون اوصف الموضوع كله ..

همست يم اذنها بصوت مبحوح

ـ اريدج مرتي .. اليوم ... لا هسه

رجعت تتعارك وياي وتدفع بيه ..

ـ مخبل .. مااريد عوفني

ـ معناتها راح نبقى هنا الئ ان نوافقين ..

يتبـــع

بنــات التصويت ثم التعليق .. لا تنسون يروحي ..

احبكم ..

علقوا على الفقرات ارفعوا القصه

البارت الثامن عشر .. 

بقــلم وردة عمري ..

هاجر

كاعد مقابيلي رجل علۑ رجل واني شايطه .. روحي محتركه هو ولا عليه ..

موبايلي بيدة يكلب بيه بدم بارد ..

ـ ايهم ...ايهم شبيك تخبلت رجعني لاهلي امي هسه قلقانه عليه البنات شصاير بيهن عليه شنو انته حابسني هنا ..

شال راسه لي وغمزلي ..

ـ كولي احبك ورجعج

كلبي مثل السهم وصابه .. اي مو كوتلك احبك شسويت بيه .. كسرت كلبي ...دمرتني وانته تحسسني اني مثل بنات الليل مالهن اي قيمه .. اشهر وانت ترسم عليه طلعت تريد تنتقم من سميه بيه .. اندفعت واني اشيل فازة محطوطه علۑ واحد من الميوزة ..

وكعتها بالكاع بكل قوتي ..

انكسرت صارت اشلاء جزء مايلاكي جزء .. وهو ماتحرك من مكانه بس يباوع عليه

اشرت له ..

ـ شايف هاي الفازة .. شلون تكسرت وصارت تراب .. هيج كلبي .. ايس.. هل كلمه بعد مااسمعتها مني للموت

رد عليه ببرود

ـ لعد نموت ..

ـ انته شتريد هاااا ...شتريد بالضبط

ـ اريدج

جان اكو كلاص مي محطوط علئ الطاوله .. شلته .. وشمرته عليه بكل قوتي .. لو مامنزل راسه جان اجه فيت بيه .. لكن للاسف مال براسه وراح للحايط تكسر .. فتح عيونه وكام يضحك

ـ هاي شنو عصفورة جان كتلتي زوجج المستقبلي

كمت افتر ...

ـ لمن هذا البيت لها ..

ـ ليش تغارين

ـ متزوجها زواج شرعي لعد ليش محد يعرف ..

عيونه تغيرت ... نظرة المزح و المشاغبه الي كانت بيهن اختفت

ـ معليج ..

ضحكت ضحكه استهزاء

ـ اي طبعا تريدني ططوطه تلعب عليها مو .. ايهم رجعني الله يخليك علۑ الاقل خليني اخابر ماما اشوف فد حجه لغيابي ..

ساكت ولا كأن احجي ..

ومن نطق نطق كفرا ..

ـ اني انصحج من هسه تراويني مهاراتج ..

ـ بشنو ان شاء الل اراويك مهاراتي استاذ ايهم.

ـ بالطبخ ..  اني رجال احب بطني كولش .. والكنس والمسح حالج حال اي زوجه مستقبليه

ـ زمن خدمتي راح لك استاذ قبل جنت موظفه عندك وهذا الزمن انتهئ ماشي ومراح ارجع لك لو اعرف اموت .. مراح اشيل استكان جاي يخصك

ـ لا هسه مراح اخليج تشيلين اي استكان اخاف تكتليني قبل لا اخذج ..

ابتسم ببرود رجع ظهرة وهو يتكي علۑ الكرسي ..

ـ اريد فد استكان جاي من ايدج الحلوة اكيد تعرفين شلون اشربه .. المطبخ علۑ يمينج .. يلا اريدج تتعودين

فتحت عيوني علئ وسعهن ممصدكه ...هذا شدا يحجي .. اي جاي ...اي تعويد يحجي عنه .. هذا تخبل رسمي .. دخيلك ربي الله بلانه بالمخابيل ..

صرخت بيه

ـ انته مخبل بابا ...والله مخبل اكيد فيوزاتك ضاربه وطلعن عليه ..

ماارد عليه حتۑ ماكلف نفسه يرفع راسه ويباوع عليه .. ركضت عليه نزلت علئ ركبي حتئ يشوفني بعيونه ..

ـ يمكن انته متدري ايهم اني تغيرت .. مو مثل قبل .. مو هاجر الي جانت تموت بكلمه منك وتحيئ بيها ..

غصيت بعبرة واني احجي

ـ هاجر قبل شهر ماتت بحح انته كتلتها بيدك لمن حاولت تعتدي عليه وردت تساويني وي الي عرفتهن قبل

رفع راسه الي ..

ـ مراح ارجعج لمن .. افرغ هل الافكار من راسج لو اعرف نطول هنا سنه ..

ضرب راسي بأصبعه هو يحجي ..

ـ تدري انته شضيعت عليه ...فرصه طولرعمري احلم بيها .. وظيفه بمكان اني اتمناها وانته اجيت بكل سهوله خربتها عليه ..

كام من مكانه واني كمزت لورة ..

ـ صدوك تعالي لهنا ولج .. رايحه تقدمين بالقناة تريدين تصيرين مقدمه حضرتج .. والله والخلق سبع سموات اكتلج قبل ماتشوفج عين بالتلفزيون

ـ عمري ماتخيلتك بهاذي الانانيه والقسوة ..

رد عليه

ـ ولا اني مااجنت اعرف عندج كلب اسود ..

اسكتت واني انتفس بسرعه .. شسوي ماادري .. مهما كان اني وحدي وياه ببيت مااعرف حتۑ مكانه او منطقته وين ..

ـ روحي سوليلي استكان جاي ترة صدعتي راسي ..

ـ شمدريك مراح اتفل بيه قبل لا اجيبه لك

ـ لان راح تشربين منه قبلي عصفورة .. يلا روحي

ضليت ساكته .. واكفه بمكاني بدي بهل لحظه .. اطفر علۑ ركبته اعضها واطلع روحه بيدي ..

فزيت علۑ صوته وهو يصيح

ـ يلا ...

جبرت نفسي امشي للمطبخ .. واني اريد اموت من الحركه ..

الله يلعني .. شورطني .. وي هذا الخبل .. شلون جاوزت وياه هيج كل الحدود ورحت كلت له اني احبك ...يلا يهاجر تحملي اخباله ..

ذبيت نفس واني ادور علۑ القوري .. الجاي .. الاستكان ..

واني احجي وي نفسي ..

معقوله .. بعد كل الي سواه بيه اسوي له جاي واوديه له بعد ..

ـ شسويتي هاجر ...انطتيه سجينه بيدج .. والله اعلم اذا جان راح يرحمج او لا

درت وجههي جانت اكو مرايه شفت بيها وجههي .. شعري كفشه وحالي حال ..

نوب شعري عبالك صاير عش عصفور ...

ـ مو عجيبه يكولج عصفورتي .. صدك كدامه عصفورة ممكن يجعصني بأي حركه بسيطه منه

درت وجههي

ـ ولج ياعش ياعصفور .. ايهم ضيع منج فرصه وظيفه انتي تتمنيها وتريدها .. وانتي تفكرين بشعرج والعصفور

طلعت بعد فترة قصيرة وبيدي صينيه وبيها طبعا استكان جاي .. بس وصلت له حطيته له علۑ الطاوله الي كدامه .. حيل لدرجه طاحن كم قطرة من الاستكان بالصينيه ..

نزل راسه يباوع علئ الاستكان وبعدين شال راسه لي .. وباوع عليه واني مااقصرت باوعت عليه بطريقه انو ماعاجبني من راسه لرجليه .. بنظرة احتقاريه ..

ودرت وجههي عنه

صوته مثل المدفع قصف وراي

ـ هاجر

وكفت بمكاني بدون حتۑ ماادور وجههي له .. واني اتنفس بعنف .. اريد ارجع اصب استمان الجاي علئ راسه ..

بس اريد اسايسه بلكي يرجعني للبيت .. لان العناد مراح يفيد

ـ هاجر ..

درت وجهي اني اضرب يد علئ الثاني ..

ـ تفضل سيادتك رايد شي بعد

مد يدة ..

ـ تعالي ..

هذا صدوك يحجي ...لا ...لا ماكدر اتحمل ابدا ..

ـ داكولج تـ عـ الـي

كام يقطع بالكلمه تعالي حرف .. حرف

ضليت واكفه بمكاني بعناد بس نظرات التحدي بيناتنا هو الي فاز ..

اقتربت منه .. واني علئ عصابي ..

حضن بيدة خصري بدون حتئ مايكوم ..

ـ عوفني ..

كمت ارفس بيه

ـ لك عوفني شبيك تخبلت ..

كدر يثبتي بسهوله ..

ـ جيبي الاستكان ..

عضيت شفتي .. اريد اسيطر علئ نفسي ..

ـ هاجر جبيبي الاستكان اكيد متريدين تظلين طول العمر هنا مو بالله

مديت ايدي .. وشلت الاستكان خليته كدام وجهه

ـ الجاي ميقدمونه بهاي الطريقه ست هاجر لو نسيتي ..

احسسه يتقصد يذكرني ..

ـ قبل جنت اشتغل عندك مجبورة اضحك بوجهك واني اسلمها لك استاذ ايهم اما هسه لا ..

لزم خصري حيل ..

ـ وهسه انتي خطيبتي راح تصيرين زوجتي .. المفروض هذا سبب اقوئ اتنطيني الاستكان بادب ..

باوعت عليه متعجبه ..

ـ انته دا تبالغ بالموضوع ايهم .. اني اصلا مو مهمه عندك .. رجعني للبيت ووانتهي هاي المهزله ..

ـ لا مدا ابالغ عصفورة .. راح نظل هنا لمن تقبلين ..

ـ تدري انته كاسر خاطري والله

مديت ايدي اشيل الاستكان ..

ورجعتها

ـ حار

ـ مو لهل درجه ..

ـ شلته وتبدة شويه علئ ايدي واني اشيله .. اخذة مني .. ا

ردت افلت منه بس مكدرت ..

ـ تعالي وين .. اشربي منه حتئ اتأكد مااتفلتي بيه

ابتعدت عنه واني اباوع عليه ..

يشرب الجاي ...وعبالك هو بعالم ثاني مو وياي ..

وجنت مصدومه بجماله الظاهر .. رجولته الطاغيه .. تصيب اطرافي بالجمود ..

حجيت بصوت ناصي ..

ـ ايهم ليش سويت بيه هيج بذيج الليله ..

ظل ساكت مغمض عيونه ..

ـ انسي ذيج الليله خلينا نبدي من اليوم ...من هاي اللحظه ..

انترست عيوني دموع .. حتئ ماعتذر عنها ويريدني انساها شلون .. !?

رجعت شعري ورة اذني وبعدني صافنه عليه .. دك تلفوني يمه .. كمزت بحركه سريعه واخذته .. رغم حاول يأخذة بس من ااخذته ماا كام ولا منعني اجاوب ..

ـ الووو سهر .. لج هذا الخبل ايهم خطفني ...اي خطفني .. لج كولي لرافد خليه يجي يأخذني اني ببيت مااعرف هو وين اصلا .. سوي اي شي وتعالواا اخـ

ماتحسيت الا كرصه بزندي .. وايدة تسحب مني التلفون

ـ السانج يابنيه طويل واني متحمل وساكت ..

اخذة مني خلاة علئ اذنه

ـ سهر لا تخافين اختج عندي امانه بااحفظ والصون بس بيناتنا موضوع لازم نحله ..

سد الموبايل .. واني فاتحه عيوني متعجبه

ـ شكالت لك قبلت .. راح تعوفني هنا مراح يجون يإخذوني

ـ لج هاي اختج سهر رومانسيه .. احسن منجن كولجن .. تلكينها تتمنئ خاطفها ياسر وتعيش هاي الرومانسيه بس انتي وينج وين الرومانسيه بهذا شعرج.  

كومي .. كومي ادليج علۑ غرفه تنامين بيها .. وموبايلج هذا حيبقئ عندي هل ايام ..

عقلي كام ميتسوعب .. شنو ...سهر .. لا عاد .. مااصدك .. مو لهل درجه ..

مشيت وراه محتارة .. يعني .. صدوك راح انام هنا ..

دخلني لغرفه .. وظل ساند نفسه علۑ الباب ..

ـ رجعني ايهم الله يخليك ترة مايصير الي دا تسويه

ـ هذا المكان محد يندله ترة حتئ لو حجت سهر ..

وعافني وراح ..

....

سهر .. ياســر

جنت كاعد وي امي نشرب جاي ..

ـ ياسر تقرب من سهر اكثر ماما ...البنيه تحبك وانته هاملها ..

عفت استكان الجاي علئ الطاوله ..

ـ يوم الله يخليج عوفي هذا الموضوع اني اتصرف بيه ..

ـ لك يمه

ـ يوووم ... مااريد اجرحج بكلمه ترة كل هذا الي احنا بيه منج انتي وابويه ..

انتي لي فكرتي بكرامتج ومافكرتي بينا وطردتيه كدام عيوننا بعد ماذليتيه وخليتيه بوس رجلج حتئ يرجع وهو الي مشئ ورة رغبته ونزوته وراح تزوج .. عوفينا بضيمنا يعني عاجبج رافد وحالته .. لو ايهم وحزنه الي تجدد عليه بسبب بنت اختج المصون لو سعد الي تايهه بالبلدان لو اني .. لو عماد وزوجته الي محد يعرف شدا يصير بيناتهم

ـ تلومني ياسر .. تلوم مرة خلصت عمرها تربي .. وهي ام وهي اب بغياب ابوهم الي عبالها مخلصها شغل تالي يطلع مزوج وحدة من الشارع .. تلومني .. الله يسامحك وليدي

كمت عنها وطلعت ..

طلعت افتر بالسيارة واني افكر ...شنو راي سهر لو دار هذا الحوار كدامها .. اكيد مراح تقبل علئ خالتها .. مو بس علئ خالتها علئ جنس حواء كوله .. ليش الوم مرة .. اخذت حق سنين التعب والسهر والمداراه وتالي ماتالي يطلع متزوج ..

كمت اتخيلها وجهها ضايج .. عيونها مضايقتهن وهي تباوع عليه ..

سهــر ..

. واكفه بنهايه الممر الي يروح لغرفتنا اني وياسر علئ اساس عرسان ..

رافد قرر يأخذ الفوك له وحدة هو وغاليه .. شكد حاولنا نأثر علۑ قرار رافد بأخذ غاليه يوم الجمعه الي هو باجر بس بدون فائدة مصر ..

وهي ماحجت مستسلمه للموضوع وساكته ..

رجفت واني اباوع علۑ الغرفه فارغه مابيها اي شي .. وريحه الصبغ منها تعط ..

فرغ ياسر الغرفه ونقل اغراضه لغرفه ثانيه بس صغيرة .. يستخدمها ياسر هل فترة وينام بيها الئ ان تكمل غرفتنا ويتزوج ..

لتفتت للباب المسدود وظليت صافنه علۑ بابها ..

كل باب يسدة بوجههي ياسر يضيف عندي فضول .. يوصل الف .. وضوجه مالها حد ..

شعور القهر تملكني .. مااكدرت امنع رجليه .. واني امشي ناحيه الغرفه الي ساكن بيها فتحت بابها .. مديت راسي ماادري ليش حسيت بالخجل .. ضربني عطرة ...غمضت عيني واني اشمه حيل .. واحس الهوا يدخل بصدري من الجنه مو من عطرة ..

وكمت اردد

ايااا قاسي .. اياااا جلف ...وفوك كل هذا احبه ..

ياســر ..

باوع عليها وهي تتلمس غراضي .. تكلب بيهن وتشمر بكيفها ..

هي بس تتلمس اغراضي ...لمجرد هذا الشعور جسمي رجف ..

اوهام ...هلوسه .. مايعرف شدا تسوي بيه هاي الورديه الحياله .. 

دايرة ظهرها واصابعها تمر علئ ميز الدراسه مالتي القديم .. اطشر بالاوراق الي محطوطات عليه .. بعدين مررت ايدها علۑ الكرسي الي اكعد عليه ..

الكرسي من نوع الخشب القديم .. حسيت نغزات بظهري عبالك لمستي لي .. مو الكرسي ..

اتنفست حيل .. بس بصوت ناصي مااريدها تسمعني او تشوفني واني اباوع عليها ..

شفتها راحت للكنتور مالتي وماحست اصلا بوجودي ..

فتحتها بدون حتئ ماتستحي ..

هاي المتلصصه ماكو شي ماتحشر خشمها بيه .. تشمشم قمصاني .. تشمشم كولشي اوراقي قمصاني .. اقلامي ..

عبالك جلب بوليسي ...

توسعت عيوني واني اشوفها شلون اخذت .. حافه واحد من قمصاني وكامت تشمه عبالك مخدرات مو عطر ..

مااحسيت بنفسي الا واني ادخل عليها .. مااكدرت اتحمل هذا الوضع ..

كمزت من حست بيه اني دخلت لها ..

سديت الباب وراي واني احاول بكل طاقه عندي انظم انفسي واستعيد سيطرتي علئ روحي

اراقب ارتباكها وأتلذذ بيه ..

وخدودها لي وردن وصارن حمر .. بس وين .. ماكو لحظات ورجعت مثل مااكانت استعادت سيطرتها علئ نفسها واختفئ الخجل وخلت عينها بعيني ..

القميص بيدها ...علكتها ورجعته لمكانه كدام عيوني ..

ـ عرفتك مابيها لمسه انوثه فد مرة ..

تقدمت خطوتين واني اهجم عليها ..

ـ ضيفيها انتي وضيفيني وياها خو متخليني هنا ست سهر

سهر ..

خفت .. خوفني من صدوك .. اني اشوف لمعه عيونه .. الي تغيرت .. دهر صابج سهر شدخلتج الغرفه .. غير هذا فضولج ...ديلا اشربي ..

خليت ايدي علۑ صدري ردت امر من يمه .. واني احجي واحاول اكون طبيعيه

ـ خالتي تصيحني .. يمكن

بس هو ماخلاني .. لزم عكس ايدي وهو يحجي

ـ لوجنتي تريدين تساعديها مثل اي جنه نادرة مجان دخلتي الغرفه وكمتي تصولين وتجولين بيها بدون اذن

رديت عليه لان كلامه فعلا ضوجني

ـ غرفه رجلي عيني قابل داخله غرفه رجال غريب وادخل يمته مااريد

ابتسامه كل الي حصلت عليه ابتسامه .. اكدر اوصفها بـ "شريرة " وراها مااحسيت نفسي الا واني مشيوله من الكاع .. ورجليه طارن ..

ـ ياسر ...ياسر شدا تسوي لك نزلني

مااحسيت بيه الا وذبني علئ الجربايه ..

لمن ردت اكوم .. مااحسيت بيه الا وذاب نفسه فوكي ..

اريد ابعد عنه ماكو .. لزك عبالك علج ابو النيوهه ..

ـ الجربايه .. بعدج مشميتيها .. ولا لمستيها

حركت اديه سيطر عليهن بكل بساطه .. وقيدتي بديه عبالك جلبجات من حديد

ـ اها وين شجاعتج ..

صرخت بيه

ـ ياسر عوفني

رديت ضايجه ..

ـ راح تنتطي خالتي خيالات مموجودة ياسر عيب والله

ـ معليج خالتج تكيف اصلا

حاولت اخلص اديه منه وماكو ..

ـ ممكن اعرف ليش دا تشمين بالملابسي مثل المخايبل .. شنو انتي مدمنه مثلا ..

ـ لك انته واحد عقلك محجر والله كرهه متنطاق ..

ـ بدل من ردة فعلج الانثويه ست سهر اشرحينه اني عقلي محجر .. انتي عقلج مفتح باللبن ديلا غردي ست الحسن شنو الفكرة من واحد يشم ملابس انسان غيرة اصلا بس افكر بيها تلعب نفسي

ملامحه تحولت للاشمئزاز يمكن متعمد .حتئ بس يضوجني .. مال علئ اذني يهمس ..

ـ ياترئ شحسيتي وانتي تشمين قميصي ست ورديه ..

صدري يصعد وينزل واني احس انفاسه تضرب اذني .. شفته لامست شحمه اذني وبعدين حسيت بأسنانه نغرزت بيها بشكل خفيف .. كل مشاعري تجمعت هناك واني اجاوب

عليه

ـ يخلق الالفه .. الحب المودة بين الاثنين شي ميعرفه الا الشريك الحقيقي لك

رفع راسه الي متفاجائ بكلامي ..

ـ كل هذا فهمتيه من عطر ممكن يخلونه الف غيري ..

ـ نظرة ذكوريه متخلفه ..

ظلينا صافنين واحد علئ الثاني .. للحظات حسيتها عبالك سنه .. حجيت اني ..

ـ كل رجال او مرة له ريحه جسم معينه .. اذا استخدم عطر راح يتفاعل وي هاي الريحه يكون عطر مميز عن اي شخص ثاني .. مثلا انته ورافد تخلون نفس العطر .. بس راح يختلف لو تفاعل هذا العطر وي ريحه جسمكم ..

حسيته ضاج

ـ راح تشمين رافد همين

ـ دا انطي مثال ..

ـ عمري مااسمعت فكرة سخيفه مثل هاي .. بس مدام هيج خلينا نجربها ..

مااحسيت بيه الا ومخلي خشمه بركبتي ويشم بيه حيل

ـ ريحتج عاديه .. نفسها ماكو اي ختلاف بيها ويمكن الف غيرج يخلنها ..

غمضت عيوني واني ارد عليه

ـ خلص ابعد عني

شفته كانت علئ خدي الايسر

ـ ابعد .. !? لج انتي شكد متناقضه .. امس جنتي تبوسين شفتي بدون سابق انذار وتكولين بكل عين صلفه انته رجلي واني احبك ..

فلت ايدي ...خلاهن علئ خصري حسيته يريد يسوي شي .. بس اني رديته.  

ـ الي صار ذاك اليوم مااخجل منه .. اني سويته بأرادتي .. وكلت الي كلته بأرادتي ومحد يجبرني اكوله الا اذا اني اريد اكول.. ارادتي هي الي تقودتي مو احد ثاني ..

ـ اهاا من هذا بطلني كمتي مااتجين للمطعم ولا تطلعين وياي .. وتتحججين بالحفله اثاري تخافين علئ ارادتج الغاليه لا تفلت منج ..

ـ لا يااستاذ مو هيج اني مااريد اسمع منك تعكر مزاجي وتخرب عليه فرحتي كافي خطوبتنا الي مااعرف شلون صارت اصلا ضيعت حتئ الفرحه علينا ..

ـ اممم طبعا سهر لازم تتباهئ وتسوي حفله وتعزم الصديقات وكرايب وتبين شكد هي فرحانه

تنهدت واني اشيل اديه لزم بيهن وجهه ..

ـ باوع بعيني ياسر .. ارفع عيونك وحطهن بعيني ..

رفع راسه يباوع عليه وابتسامه خفيفه علئ شفته ..

ـ اعرف بيك تحبني .. ماجنت راح اكولها ذاك اليوم بالمكتب مالتك لو مامتأمدة تبادلني نفس مشاعري ..

ماتغيرت ابتسامته .. رغم حسبتها رجفت ..

ـ اذا تستصعب الموضوع لهل درجه انتظر ماعندي مشكله بس ساعدني ياسر ..

خليني ادخل لك .. افتح لي باب افوت منه لكلبك واعرف شبيه مابيه .. اني اريد اشوفك من الداخل ياسر .. مايصير ساد بيبانك ومقفلهن بوجههي ..

حركت ايدي وخليها علئ كلبه

ـ اني اريد اسكن هنا ..

ابتسامته تحولت للستهزاء

ـ اهاا رجعتي تتحسرين .. ترة ماكو شي هنا غير كلبي ورئتي .. يعني دم ولحم واوردة بعد وين سكنين ..

تنهدت واني محبطه كولش ..

ـ ياسر سولفلي عن طفولتك .. عن خالتي وابوك ..

حسيت كل جزء بيه تحجر .. عيونه .. شفايفه .. اديه .. كولشي بيه صار عبارة عن جماد ..

ـ اوكي لا تحجي عن ابوك وخالتي .. عن ايهم ليش فصخ خطوبته وي سميه

ـ شلج بهل شغله .. ايهم وسميه صارت بيناتهم مشاكل وعافوا بعض ..

بعد ساعات ..

واكفه كدام باب الغرفه اباوع علئ غرفه الاخشاب اخيرا وصلت .. مااصدك .. عيوني فاتحتهن علئ وسعهن .. حتۑ النفس اخنتك بصدري ...يعني صدوك سواها ...الغرفه باللون الوردي الطافي والرمادي ..

كان دمج بين اللونين ابداع حقيقي ..

الجربايه تخبل .. الرمادي من الجهه والوردي من الجهه وبعدين نخلطون سوة .. شي فعلا مميز وانيق لدرجه مصورتها ..

ـ ترة مليت من الوكفه العمال صار نص ساعه من راحوا وحضرة جنابج واكفه تباوعين شنو ممليتي عبالك مشايفه غرف نوم قبل ..

بس ماجنت مركزة وياه كل تركيزي بالغرفه .. كانت تخطف الانفاس ..

مااهتميت لكولشي كاله .. ذبيت نفسي واني احضنه حيل ..

ـ حبيبي تخبل .. تخبل ممصدكه هيج حلوة

ـ يعني خلصنا من لعبه الصفنات انتقلنا لعبه الوصف .. ترة مجاي حتئ تمارسين الالعابج اجيت اتأكد من الغرفه ماصايبها خدش واحد وتركيبها عدل ..

....

ضحكت ..

ـ حجي بكيفك اليوم مراح تقلل من فرحتي شما كلت.   اني افهم سبب احباطك لان محصلت علئ بوسه مني لمن جنا محشورين حشر بالجربايه .. اوكف اخابر هاجر تجي تشوف الغرفه حتئ تتخبل

دكيت عليها .. وهو يمي يعدل ويشيل بالكوارتين

دك شويه وشالته

ـ هلو هاجر .. شنوووو ..  لج احجي غيرها ...هاجر .. شنو يعني خاطفج .. ايهم .. رجعها للبيت ايهم .. ماكو سدته ..

ـ ياسر لحك ايهم خاطف هاجر ..

ـ والله جنت اعرف بنات رنا مراح يرضن الا ثلثنها ..

ـ شنو قصدك استاذ ترة مااسمح لك ابد عاد الا اخواتي ..

ـ هو اني حجيت ...تعالي .. تعالي نشوف هاي المصيبه ..

طلعنا من الغرفه ..

ـ خابر رافد ..

ـ اوكفي نفتهم السالفه شنو

ـ شنو تفتهم ياسر اكولك اخوك خاطف اختي وياعالم وين مااخذها شتريد تفهم اكثر

ـ واخويه قابل راح يأكل اختج علئ كيفج يابه ..

ـ يابرودك يااخي .. وعلئ شنو متعبه نفسي .. اني حخابر رافد

سحب مني الموبايل وعصر ايدي حيل

ـ واني شنو طتطل ...ططوهه مو بعينج حضرتج تخابرين رافد

ـ رافد ابوكم ياسر قبل لا يكون اخ لكم ..

سكت .. وعيونه بعيوني

ـ كوتلح انتي اتصرف واذا مصارت نخابر رافد

ـ تفضل ..

عاف ايدي والموبايل بيها ..

طلع موبايله .. اتصل ...اتصل .. ماكو ..

ـ تعالي اوصلج واروح اشوف المصيبه شلون نحلها

ـ شتوصل اروح وياك ورجلك هاي اختي ياسر ..

مشئ كدامي ..

ـ دفوتي ..

اووف يارب من وين اجت هل مصيبه .. ايهم شيريد من هاجر مو كافي الي سواه بيها .. ترددت اكول لياسر اخاف يكول راسمه عليه هو من غير شي شلونه ..

طلعنا لاكتنا خالتي ..

ـ اها خاله سهورة شفتي الغرفه

استغفر الله انكسر واهسي ولا فرحت .. لا تهنيت .. لا خطوبه ولا غرفه والله يستر بالحفله لو العرس شيصير يجوز تنكلب الدنيا ...ادري ليش الفرحه مامقسومه لنا .. رديت عليها واني ارسم الابتسامه علۑ وجههي ..

ـ اي خاله شفتها كولش حلوة

ـ تتهنين بعد خالتج .. حتۑ غاليه اجيبها تشوف غرفتها قبل لا تجي من حقها تشوفها ..

ياسر احسه واكف علۑ جمرة مو كاع ... يريد بس خالتي تخلص حتئ نطلع ماكو ..

ماتحمل ..

ـ يوم حوصل سهر لان عندي شغل

ـ خليها يمي .. اشو بيت شكبرة بس اني بيه

باوع عليه اشرت له بالخفيه بمعنئ لا .. بس هو بعد

ـ اي سهر خطيه خالتج ابقي يمها ..

مااكدرت اكول لا واكسر بخاطرها ..

وكلبي مثل النار علئ هاجر اخاف هذا الخبل يسوي بيها شي .. مااعرف شلون ضليت محتارة ..

باوعت علئ موبايلي .. خليه يروح وحدة واني اتصل برافد بس يطلع ..

رفعت راسي له لكيته يباوع عليه

ـ اوك حظل يم خاله روح انت ..

خله حلكه بأذني وهمس لي ..

ـ اذا تصلتي برافد ما تلومين الا نفسج

نصدمت بيه .. معقوله يغار من رافد عليه .. اخوة ... وزوج اختي ..

طلع وعيني وراه ..

وخالتي يمي ..

ـ تعالي خاله .. نكعد شويه نسولف ..

احس كل فرحه كلبي اختفت حل محلها الخوف و الارتباك ..

كعدت يمها ..

جنت اتمنۑ اكدر اسولف وياها .. احسها متلهفه للسوالف ...تسولف واني بس اهز براسي .. علئ العرس وترتيباته .. وتسالني عن ام الصالون وين اروح وشنو اريد .. وغاليه هم تريد تاخذها صالون حتئ وان رفض رافد ..

المغرب صار .. والدنيا ليلت وماكو احد بين ...دكت امي عليه ..

كلبي كام يدك حيل شأكولها ..

ظليت صافنه علئ الاسم محتارة ...

ـ منو خاله

ـ اها

ـ منو يدك عليج جاوبي ..

ـ امي

ـ لعد جاوبيها اكيد تسال عليج ليش تأخري وجبيها احجي وياه ..

فتحت الخط ..

ـ الوو

ـ لج سهر اختج ماكو مااجت وهل مغرب اجه وهي ماكو

سكتت مااعرف شجاوبها

ـ هسه تجي ماما

ـ تعرفين مكانها ...ليش اتصل عليها اماكو ...ولج ماما اخاف صاير بيها شي ..

ماتكدرت طك كلبي .. اخاف مااكول لها ويصير شي ..

ـ ايهم خطف  هاجر ...

سمعت الشهكه من الجهتين ..

ـ شلون امي كالت

وخالتي

ـ ولج يمه شدا تحجين خطفها ليش الاغبر

ـ مااعرف اتصلت عليها جاوبتني هي وكالت خاطفي ايهم بعدين سحب منها الموبايل وحجه وياي كال لا تخافون عليها هي وياي.  

امي كامت ادك تنوح مناك واخالتي نفس الحاله ..

ـ الله لا ينطيك ايهم علۑ هل عمله السودة ليش ولك ...

ردت امي ..

ـ راح اجيب غاليه واني ..

اتجمعنا كولنا ببيت خالتي .. الوجوة صارت صفر .. مهما كان هاجر بنيه وايهم منعرف شيريد منها ..

شويه ودخل علينه رافد .. وجههه مايتفسر وراه ياسر ...رفعت حاجبي له بمعنئ "اهــا كولنا من اول مرة رافد "

كعد ايم امي ..

وبدون مقدمات ..

ـ خاله ايهم يريد هاجر شتكولين ا

امي كبل كالت

ـ اكيف خاله .. اخذوها مكبعه

همست غاليـه

ـ دوم بايعتنا بالرخيص ..

يمكن الكلمه وكعت اكثر بأذن رافد .. دنك راسه .. حسيته كوة لازم نفسه حتئ مايرد ..

يتبـــع

بنات النشر يومين نشر يوم استراحه ..

اصاب بالاحباط بسبب قله التفاعل ..

اعلقوا .. صوتوا .. واستمتعوا ..