تحميل رواية «عيلة الجيار» PDF

" زين خرج وسابهم ولما دخل لقي يوسف و يزن و يونس حوالين فريده!! "

يونس: لا يا فيرو شكلك هتبقي بيزنس وومن شاطره

زين بأندفاع: فيرو مين ياض انت !!

يوسف بضحك: قلة ادب يا باشا ده لسه قايلها من شوية ايه شعرك الحلو ده

يزن: حصل وانا شاهد قمه قلة الأدب

زين مسكه من قفاه وشاله وقعد هو جمبها: اتلقح هنا

" كلهم ضحكوا وادهم متابع الحوار من بعيد.. و فريده لاحظت انوه واقف لوحده لكن بمجرد ما اتلهت مع خناقات يزن ويوسف كان ادهم خرج "

يونس: بقولك انا الى هبقي اجمد واحد في الشركه

فريده: عبال ما تخلصوا خناق كده هجيب حاجه وجايه

" خرجت ادور عليه لاقيته قاعد زي ما يكون بيفكر في حاجه و ماسك ورقة "

- أدهم..

لف وبصلي: أيوه

= ايه قاعد بره ليه

حاول يبتسم: بقالي كتير في الزن ده فا بريح منهم..

- مش بيبطلوا خناق

= دي حياة الولاد عموما

ضحكت: اه.. دي حقيقة بس حبيتهم مبسوطه اني اخيرا تخطيت كل الحواجز

- فريده انا كنت عايز اقولك على حاجه.. كمان فيه حاجه لازم تشوفيها..

= حاجه ايه؟ قول؟

"خد نفس وبصلها وبص للجواب الى في ايده "

- خدي

فريده بصتلها وخدتها: ايه دي؟

= عاوزك بس تبقي هاديه..

- فيه اي يا ادهم ما تقول

= بصي.. وقت لما كنا بنتخانق كتير.. في الفترة دي يعني جدتك جتلي في في مره..

فلاش باك #

- فاضي ياحبيبي شوية؟

= أكيد اتفضلي

"قعدت و كان معاها الورقه وحطتها قدامي"

- اي دي؟

= دي رسالة.. كتباها لفريده عشان لما يجي الوقت وامشي يمكن ملحقش اودعها

عقدت حواجبي وبصتلها بقلق: ربنا يديكي الصحه..!

ابتسمت برضا: متقلقش يحبيبي.. انا بس عارفه انها هتزعل اوي لكن لما تقرا الورقة دي هتهون عليها شوية بس خليها معاك لحد ما تحس انها بقت كويسة وبعدين اديهالها فاهمني؟

هزيت راسي بالموافقة وبصتلها: بس ليه انا؟.. واحنا اكتر اتنين بنتخانق وكمان عملت معاها حركه مش حلوة و كنـ

قاطعتني: انا مش بنت امبارح.. انا ربنا اداني الصحه لحد دلوقتي فا شوفت كتير.. وانت جواك كويس وانا عارفه انكوا هتخافوا عليها انا بفهم في الناس وبعرف الى قدامي.. وانت هتعرف تبقي جمبها وتوصلها الى انا عاوزاه..

باك #

" دموعي نزلت وكنت ببصله وانا مش مصدقه.."

- من وقتها.. وانا شايل الجواب معايا و بطلت خناق معاكي محبتش احْون ثقتها فيا وحبيتها تشوف اني قد ثقتها..! لحد ما اطمنت

" مسحت دموعي وخت المنديل من ادهم وحاولت اهدي!.. فتحته عشان اقراه "

- فريده حببتي.. وبنتي.. يمكن ربنا مطولش عمر ليلي بنتي لكن عوضني بيكي انا فخورة اني ربيت بنت زيك يافريده حتي لو أوقات كنتي ضعيفه كنتي بتبيني القوة وعمرك ما تعبتيني او كنتي طايشه ولا عمر الفقدان الى حصلك خلاكي وحشه بالعكس انا كنت كل يوم بشوفك صابره وعشان كده ربنا هيعوضك وهتفضلي وسط عيلتك و هيحبوكي.. الحياة لسه قدامك يا فريده واعرفي اني دايما هكون جمبك وحاسة بيكي حتي لو مشيت.. لكني هبقي حاسه بيكي و هفضل فخورة بيكي وفخورة اني كان عندي بنت وحفيده زيك..

" بعد ما فريده خلصت الجواب الدموع كانت مغرقه وشها والى شافها هي و أدهم من بعيد كان زين واستغرب مالها وخرج لهم من غير ما حد يلاحظ "

أدهم: اهدي يا فريده!

زين: فريده مالك! حصل ايه؟؟

" فريده حضنته وعيطت وهو طبطب عليها بـ حنيه "

" قعدوا بره و زين كان ماسك الجواب بيقراه وفهم مالها.. بص لأدهم بمعني معرفتنيش ليه وادهم قلب عينه بمعني مش عارف.. "

زين: ممكن تهدي طيب.. انتي مفروض تبقي مبسوطه بالجواب ده ، فريده دي كانت بتحبك اوي!! وعاوزاكي بخير دي كل طلباتها

" هديت شوية و بدأت اتكلم معاهم "

- انا ضيعت السنه! ضيعت كل حاجه!

زين: فداكي!

أدهم: لا لسه..

" بصاله بمعني ازاي فا كمل "

- انتي ممكن تدخلي الامتحانات تعرفي اني مفاتش غير مادتين؟ ولسه الامتحانات شغاله لسه فاضل اربع مواد!

= يعني هعمل اي في الى فات و اعمل اي في الاربع مواد!

- المادتين شلتيهم هتمتحنيهم تاني السنه الجاية الاربع مواد الفاضلين اقدرك اذاكرهم ليكي

زين: أيوه.. أدهم شاطر فعلا انتي هتقدري؟

بصتله وانا بتنفس بعمق: لازم اقدر..

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" و فعلا بدأت انا و أدهم مذاكره كنت حتي بروح معاه الشركه ونشتغل و نذاكر سوا.. "

" فات تلت ايام و كان انهارده معاد امتحان الماده.. و زين خدنى يوصلني "

زين: هدي نفسك ومتتوتريش

- حاضر

= وخليكي فاتحه موبايلك ومتتكلميش مع حد سامعه؟ متتكلميش مع حد يا فريده

- حاضر

= انا بقولك اهو انا خلاص مش هتفاهم بعد كده لو حد بصلك هعجنه

ضحكت: انت بقيت باد بوي

بصلي بأبتسامه جانبيه: بسببك

- على فكره والله بقا انا مببقاش قصدي وكل مره بـ

قاطعني: انتي هبـ.ـ ـله يا فريده اكيد عارف! وبعدين لو فاكره اني بضايق لما بتردي فا لا انا عاوزك تعملي الى انتي عاوزاه طول مانا قريب منك عشان هعرف انا اعجنهملك

- متنساش اني اديت واحد بوكس قبل كده انا مش جبانه..

= تربيتي..

بفرحه: ماشي يلا بقا وصلنا اهو سلام

- افتحي موبايلك اوعي تنسي

= اوكيه باي

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الشركه | مكتب ادهم ||

" كان قاعد سرحان و بيفتكر حواره مع زين لحد ما قاطعه دخول مصطفي "

- اي يا معلم انا عمال ارن عليك؟

= مختش بالي فيه ايه؟

- عرفت حوار المؤتمر الجديد بتاع المهندسين ده

= انت عبيـ.ـط يا درش ولا ايه هو فيه حاجه تخفي على ادهم الجيار ولا اية

- مانا لاقيتك فـ دنيا تانيه قولت متعرفش

= عيب عليك اعرف و بظبط الحوار بعت لهم من يومين تقريبا

- انت ازاي كده مفيش حاجه بتعدي من تحت ايدك

= لا يحبيبي انا أدهم مش مصطفي

- يعم اقعد انا لو مش متجوز ورايق زيك كده كان زماني حاطط عليك

ضحكت وبصتله: هو الجواز وحش؟

= الحقيقه.. لا مقدرش اقول كده انت عارف اني كنت بحب اميرة مش هقدر اقول برضو مفيش بينا مشاكل وكل ده لكن الحب يهون

ادهم ابتسم بحزن مكتوم: معاك حق.. الحب بيهون اي حاجه

مصطفي بصله وهو مضيق عينه: هو ادهم باشا الجيار وقع؟

أدهم بصله برفعه حاجب: ادهم باشا الجيار مبيقعش

مصطفي ابتسم وغمزله: هتقع..

" خرج وسابه و أدهم كان حاسس انوه تايهه.. لكن بيكتم مشاعره.. زي ما دايما اتعود..! "

" وبعد ساعات من الشغل وادهم كان زهقان لقي الباب بيتفتح و فريده داخله بأبتسامه واسعه وفرحانه"

- ادهم !!! انا مش مصدقه !

بصلها وابتسم: ايه عملتي ايه!

= تحفه !! حليت كويس جدا يا ادهم انا مش مصدقه

" كنت فرحان جدا لفرحتها وفخور بيها! "

- شاطرة يا فريده.. كنت واثق فيكي

ابتسمت له: بجد!

- ايوه.. زي ما واثق فيكي كده في شغل الشركة برضو

= يعني هحط على يوسف؟

أدهم: ده كدا كدا وتخدي الواد يونس في سكتك

- حرام عليك غلبان اوي

أدهم بقلبه وش: مين ده؟؟ ده عيل تنح وشايف نفسه

بصتله وانا بضحك: زي مين كده تفتكر؟

أدهم بأدراك: فريده انا مش تنح كده

ضحكت جامد: انا مقلتش حاجه!

>>>>>>>>>>>>>>>>>>>>>>>>>>>>>>>>>

صلي على محمد

|| في الفيلا | على السفرة ||

" بعد يوم طويل اتجمعنا كلنا! ومن وقت لما جيت من السفر وكلنا في الفيلا حولين جدو.. و مع بعض وحقيقي دي من اجمل ايام حياتي..! "

هدي: ما تاكل يا أدهم و انتي يا فريده مش بتاكلوا ليه كلتوا بره؟

" ادهم برق لها متتكلمش "

فريده كتمت ضحكتها: احمم لا خالص هناكل اهو

يونس: الا قولي يا ادهم مين احسن بقا في الشغل انا ولا فريده

يوسف: هو نزل امتي ده؟

أدهم: ده مخه تعبان!! فاكر نفسه كده اشتغل عشان راح كتب ملف بالعافيه وبعد كده فضل قاعد يراقبني بعمل ايه فاكر انوه كده هيتعلم

ناديه: ده حبيب قلب ماما مخه جوهر وذكي

" كلهم ضحكوا عليه وهو اضايق "

يونس: ايه يا ماما هو انا عيل

يوسف: اصلا لسه بدري وكمان انت بتدرس

عبدالعزيز: خليه يدرب مع حد يا أدهم طالما احنا في الاجازه وانت كمان يا يوسف

يوسف بغرور: انا اوردي نزلت كذا مره وعارف شوية حاجات و رتبت مع خالو وليد يعملي جدول تدريب

يزن: شوفتوا؟ هيعلم عليكوا كلكوا ده

زين بص لفريده: محدش يقدر يعدي فريده

أدهم: الصراحه اه

يوسف: فريده مننا وعلينا المهم يزن و يونس هما الى هعلم عليهم

ناديه: مالك بعيالي بقا ؟ ما تشوفي ابنك يا هبه

هبه: انا معرفوش

يوسف: بتموت فيا امي دي سر نجاحي

هبه: معرفوش.

عبدالعزيز بص لزين: شايف؟ كله هيشتغل في الشركه مش انت رايح تدخلي طب وتسافر بره

وليد: جبتلنا الكلام

زين ابتسم وغمز لجده: مش لايق عليك الجو ده يا عبدالعزيز باشا انت قولتلي اعمل الى انا عايزه عشان انت راجل ديموقراطي وبتحبني

عبدالعزيز ضحك: الواد بياكل بعقلي حلاوة

هدي: طالع لابوه صايع

وليد: جرا ايه؟ قدام الأولاد كده؟

أدهم بنكش: ياه عليكي يا ماما كل ده عشان كان بيضحك مع موظفه في الشركه

هدي: ايه !!

وليد في سره: تفو على تربيتك

أدهم: ايه ده انتي متعرفيش؟

هدي بصت لوليد: مين دي؟؟

وليد: انتي بتصدقي ابنك؟ ده بيحب يولع الدنيا بعدين انا كل الى بتعامل معاهم في سن عيالك و بركز في شغلي مش بتمرقع الدور والباقي على الى بيطلع المؤتمرات يلاغي بنات

أدهم بأحراج: احم انا خلصت اكل يلا بعد اذنكم بقا

" وبعد حلقه النكش الأسرية دي طبعا الى قعدت ساعات كل الكبار نامو بدري واحنا نزلنا كلنا في الجنينه قعدنا سوا وشغلنا فيلم "

يزن: الواد ده شكله هيموت

يوسف: بطل نبر بقا اسكت

فريده: لو حصله حاجه هزعل اوي ده أطيب واحد فيهم

أدهم: ده البطل اكيد مش هيموت

يونس: لا بيموتوا عادي

ادهم: اخرس انت

" فضلنا متابعين و اتصدمنا في الآخر من نهاية الفيلم البطل مات لأنه كان بيفدي اخوه !! "

زين: مخلاص بقا يا فريده بطلي عياط

يونس: ماهو كله من اخوك قولتلك اختار انا الفيلم

يوسف: انت كنت مختار فيلم كرتون

يونس: لو سمحت الا الكرتون

يزن: خلاص يا فريده متزعليش قوموا ارموا يونس في البسين

"فريده ضحكت على جملته"

أدهم: ما تـ يلا يا رجالة؟

يونس زعق: واد انت وهو محدش يهزر معانا

يوسف فضل يضحك وهما بيقربوا عليه: ليه يا بيضه! بتخافي

يزن: بيخاف اه

أدهم و يوسف شالوه وهوا فضل يفرك ويشد فيهم ولما حدفوه كان ماسك فيهم فا وقعوا معاه فضلوا يضحكوا جامد و زين و يزن و فريده كانوا ميتين برضو فا راح يزن زق زين "

زين بعد ما وقع: اه يا بنالـ !!!

" زين غمز لفريده تزق يزن وتاخد حقه فا زقته فعلا لكن يزن مسك فيها برضو وهي بتقع و الاتنين وقعوا الكل فضل يضحك لكن فريده نزلت تحت ومكنتش بتعرف تعوم زين راح ناحيتها بسرعه و جابها وهي كلبشت فيه وهي بتنهج جامد و شرقانه"

ادهم: طلعها.. طلعها بسرعه

" يوسف طلع اول واحد و زين ناوله فريده و قعدت على حرف البسين وهي عماله تكح "

زين طلع جمبها كان قلقان اوي وفضل يخبط على ضهرها: اهدي اهدي انتي كويسة

خت نفسي بأعجوبة وبصيت ناحيه يزن: هقتـ.ـلك يا يزن

" فضلوا يضحكوا و أدهم جابلها فوطه وهي خدتها نشفت نفسها "

يونس: وانا مجبتليش فوطه وانت عارف اني مناعتي ضعيفه

كلهم ضحكوا وادهم بصله بزهق: انت يابني محسسني اني خلفتك ونسيتك

يونس: اها مانا مسميش فريده بقا

" ادهم وفريده بصوا لبعض و فريده ابتسمت"

زين: انت هتقارن نفسك بالبنت الوحيده في العيلة

فريده: زين انا عايزه حقي من يزن

يونس: ياريت بقا ترموه فالبسين لوحده

يوسف: اسكت بدل ما نقوملك تاني

زين: احنا لازم نصْرب يزن في الحتة الى بتوجعه

فريده بعدم فهم: يعني ايه؟ فين بيوجعه

ادهم: لا دي كناية عن الجيتار بتاعه ده اغلي حاجه في حياته اغلي من يونس اخوه

يزن: ده اغلي مني انا شخصيا ولو حد لمسه هعجنه

فريده: لا حرام بلاش صعب عليا

يزن بتمثيل الرسمية: انا هصلح غلطتي يا فريده هانم

" سابهم وقام وبعد شوية رجع وهوا مخبي حاجه ورا ضهره وقف قدام فريده ومد ايده بشوية ورد أحمر "

- بقدم اعتذاري يا فريده هانم

فريده ضحكت جامد وخدته: وانا قبلت!

يوسف صْرب كف بكف: ضحك عليها بشوية ورد من الجنينه

أدهم بصله بنص عين: انت ياض قطفت ورد من الجنينه بتاعتنا ؟؟؟

يزن بص ليوسف: يأخي منك لله

"ادهم قام ورا و يزن جري وفضلوا يجروا ورا بعض لحد ما أدهم مسكه ورفعه وراح رماه في البسين تاني "

يزن: والله يا ادهم ماشي

" طلع وكان مضايق وشكله يضحك اوي اليوم انتهي على كده وكل واحد طلع اوضته ينام.. لكن اليوم ده هيفضل مميز اوي بالنسبالي.. و الوقت عدي و خلصت امتحانات و بفضل أدهم بعد ربنا عديت من كله كويس.. كل حاجه كانت تمام.. لحد الوقت الى زين قرر يرجع فيه ألمانيا..! "

>>>>>>>>>>>>>>>>>>>>>>>>>>>>>>>>>>

استغفروا

|| في الشركه | مكتب ادهم ||

زين: هاه خلصتوا

أدهم: انت هتقعد تزن بنراجع شغل اتهد

فريده: مش مرتاحه لأخوك

أدهم: طب خديه و روحي زهقني اصلا

زين: ايوه يلا

أدهم: متعتبش مكتبي تاني

ضحكت: طب انت هتكمل مراجعه

أدهم: اه خلاص مش مشكلة اهم حاجه تخديه من هنا

" وفعلا نزلنا ومكنتش فاهمه زين ماله.. تعابير وشه مكنتش مريحه انهارده.. "

- انت مودينا فين بقا

= في كافيه هيعجبك جدا هنروح

- لا يا زين ممكن تقف ثانيه

= ليه

- معلش.. اركن ثانيه

" زين ركن العربية وبصلها وهي اتكلمت بهدوء"

- مالك؟

= مفيش حاجه انا كنت عاوز نخرج سوا و

قاطعته: لا انا كمان بفهمك على فكره زي ما بتفهمني بالظبط وانت بقالك شوية متغير يعني بنخرج وبنقعد وكل حاجه بس انت اغلب الوقت سرحان

- انا مكنتش عايز اقولك دلوقتي

= لا قول فيه ايه!

- انا هرجع ألمانيا بس مش هقعد النص ترم الى فاضل وارجع انا جالي تدريب في مستشفي كبيرة هناك طول فترة الاجازه بتاعت السنه يعني مش هعرف انزل غير بعد فترة كبيرة اوي

= يعني ايه مش فاهمه.. قد ايه؟

= حوالي عشر شهور..

بصتله بعدم استيعاب وبعدين فكرت: خلاص هرجع معاك

- لا يا فريده.. مش هينفع

= ليه! انا كده كده كنت بفكر في ده حتي لو كنت هتقعد الترم التاني بس كنت هاجي معاك هو مش احنا

قاطعني: مش هينفع تيجي المره دي

- يعني ايه يا زين؟ ليه؟ ايه الى فرق

" زين سكت وكأن الكلام صعب عليه ومش راضي يطلع.. قلبة كان واجعه حرفيا عشان مكنش عايز المواجهه دي تحصل "

بصلها وهو بيحاول يتماسك: عشان بحبك

فريده بصتله بعدم فهم: وانا كمان بحبك! انا بحبك من بدري اوي!! انت عارف انك اقرب حد ليا!

بصلها وعيونه بتلمع: وعشان انا عارف ده فا مش هينفع انت متعرفيش لو بتحبيني فعلا ولا ده شعور بس عشان انا اقرب حد ليكي انا مش هقدر استغل ده واستغل انك لسه مش متأكده من مشاعرك

فريده برفض: هو ايه الكلام ده؟؟ انا متأكده من شعوري! انا بحبك

- مش هينفع طول الوقت تبقي عايزه تفضلي جمبي والا مش هتعرفي تتصرفي! خلينا نبعد و وقتها هتكتشفي مشاعرك

بصتله بعياط: لا يا زين انا مش عايزة اسيبك!!!

زين مقدرش ودموعه نزلت وبعدين مسح دموعها بأيده: انتي لسه بتدرسي لسه صغيره على كل ده انا هفضل معاكي يا فريده كده كده مش هسيبك بس لازم تخدي وقت لازم تفكري بعيد عني وبعدين انتي قولتيلي انك عاوزة تفضلي معاهم علطول ومبسوطه عشان بقا ليكي عيلة فا الأحسن تفضلي في وسطهم

فريده بنرفزه: انا مش صغيره ومش عيلة! انا بحبك وعشان كده عاوزة افضل معاك لكن انت مش بتحبني!!!

" نزلت وسابت له العربية بقمة الغضب"

- يا فريده استني!

- هو انت مودينا فين بقا؟

= في كافيه هيعجبك جدا

- لا يا زين ممكن تقف ثانيه

= ليه

- معلش.. اركن ثانيه

" زين ركن العربية وبصلها وهي اتكلمت بهدوء"

- مالك؟

= مفيش حاجه انا كنت عاوز نخرج سوا و

قاطعته: لا انا كمان بفهمك على فكره زي ما بتفهمني بالظبط وانت بقالك شوية متغير يعني بنخرج وبنقعد وكل حاجه بس انت اغلب الوقت سرحان

- انا مكنتش عايز اقولك دلوقتي

= لا قول فيه ايه!

- انا هرجع ألمانيا بس مش هقعد النص ترم الى فاضل وارجع انا جالي تدريب في مستشفي كبيرة هناك طول فترة الاجازه بتاعت السنه يعني مش هعرف انزل غير بعد فترة كبيرة اوي

= يعني ايه مش فاهمه.. قد ايه؟

= حوالي عشر شهور..

بصتله بعدم استيعاب وبعدين فكرت: خلاص هرجع معاك

- لا يا فريده.. مش هينفع

= ليه! انا كده كده كنت بفكر في ده حتي لو كنت هتقعد الترم التاني بس كنت هاجي معاك هو مش احنا

قاطعني: مش هينفع تيجي المره دي

- يعني ايه يا زين؟ ليه؟ ايه الى فرق

" زين سكت وكأن الكلام صعب عليه ومش راضي يطلع.. قلبة كان واجعه حرفيا عشان مكنش عايز المواجهه دي تحصل "

بصلها وهو بيحاول يتماسك: عشان بحبك

فريده بصتله بعدم فهم: وانا كمان بحبك! انا بحبك من بدري اوي!! انت عارف انك اقرب حد ليا!

بصلها وعيونه بتلمع: وعشان انا عارف ده فا مش هينفع انت متعرفيش لو بتحبيني فعلا ولا ده شعور بس عشان انا اقرب حد ليكي انا مش هقدر استغل ده واستغل انك لسه مش متأكده من مشاعرك

فريده برفض: هو ايه الكلام ده؟؟ انا متأكده من شعوري! انا بحبك

- مش هينفع طول الوقت تبقي عايزه تفضلي جمبي والا مش هتعرفي تتصرفي! خلينا نبعد و وقتها هتكتشفي مشاعرك

بصتله بعياط: لا يا زين انا مش عايزة اسيبك!!!

زين مقدرش ودموعه نزلت وبعدين مسح دموعها بأيده: انتي لسه بتدرسي لسه صغيره على كل ده انا هفضل معاكي يا فريده كده كده مش هسيبك بس لازم تخدي وقت لازم تفكري بعيد عني وبعدين انتي قولتيلي انك عاوزة تفضلي معاهم علطول ومبسوطه عشان بقا ليكي عيلة فا الأحسن تفضلي في وسطهم

فريده بنرفزه: انا مش صغيره ومش عيلة! انا بحبك وعشان كده عاوزة افضل معاك لكن انت مش بتحبني!!!

" نزلت وسابت له العربية بقمة الغضب"

- يا فريده استني! فريده!

مسك ايدها و وقفها: هو انتي رايحه فين!

= عايزه امشي لوحدي

- لوحدك فين بس ممكن تهدي ونتكلم

بعدت ايده عنا وبصتله و خرجت منها ضحكه سخريه: لحظه واحده.. انت متفاجئتش اني قولتلك اني بحبك

زين بصلها وسكت وهي كملت وهي بصاله في عينه: عشان انت كنت عارف صح؟ انت كنت عارف عشان كده واحنا في المانيا قولتلي مفروض اتعود ابقي بعيد عنك! لأنك مش بتحبني صح؟؟؟

قرب لها وقال بتعب: فريده

قاطعته وبعدت: متقربش يا زين! رد عليا!

انا كنت حاسه انك بتحبني!! ولما قولتلي بحبك رديت عليك بكل تلقائية عشان كنت حاسة!!!

مكانتش حاجه جديده! انت مقلتش بحبك بس عملتها! عملتها بتصرفاتك معايا! وبقربك ليا فا كنت عارفه انك بتحبني ليه كنت بتعمل كده لو مش بتحبني!؟

- لا مش صح انا بعمل كل ده عشان بحبك!

لو انتي فاكره اني عاوز ابعد تبقي غلطانه! انا بعمل كده عشانك انتي متعرفيش لو فعلا بتحبيني ولا لاء!!

رديت بعصبيه: بطل تكلمني كأني عبيـ.ـطه !!!

- انا مقلتش كده !!!

" بدأت اصواتهم تعلي وفريده ردت بقمة الغضب"

- انت فاكر انك فاهمني اكتر من نفسي !!!

= وليه لا؟؟؟ !!!!

زين خد انفاسه بسرعه وبصلها بعد ما هدي: انا مش عايز يجي يوم و اجرحك!!!! انتي ليه مش فاهمه؟

انا مش عايز ابدا ابقي سبب في زعلك مينفعش!! صدقيني كده احسن ساعات البعد بيريح! ولو فعلا المسافات مغيرتش حاجه.. وقتها هنرجع سوا ولو محصلش ومشاعرك اتغيرت انا برضو هفضل جمبك انا عمري ما هسيبك او هخسرك انتي مهمه عندي يا فريده..

"كانت بصاله بتعجب وساكته"

- بعدين انتي هنا وسطهم هبقي مطمن عليكي أكتر كلهم هنا بيحبوكي والى كنتي قلقانه منه محصلش محدش فيهم بيكرهك او مش حابب وجودك.. لأن انتي تتحبي يا فريده انا والله بحبك اوي و كل الى عايزة.. احافظ على مشاعرك عشان خاطري افهمي ده!

" دموعي كانت نازله زي المطر الى فاكر الحب سهل يبقي غلطان! انا دلوقتي مكنتش عارفه اعمل ايه وتايهه لأول مره احس اني تايهه بالشكل ده معرفش هل عشان زين هيسبني؟ ولا عشان ممكن يبقي معاه حق!

اسئلة كتير فضلت تدور في دماغي لدرجه اني حسيت نفسي بيروح في دنيا تانيه مسكت دماغي بألم وانا حاسه ان ضغطي علي جدا ودايخه لقيت زين قرب بسرعه سندني و ركبني العربية.. "

كان سايق بقلق: انا هاروح اول مستشفي تقابلني بسرعه..

= انا كويسه! مفيش حاجه

- لازم نطمن

= قولت اني كويسة! عايزه اروح!

" فضل طول الطريق يبصلي وهو سايق وانا كنت سانده راسي على الشباك و ساكته كنت عايزه اعرف هيسافر امتي.. بس مكنتش طايقه اكلمه"

" وصلنا الفيلا فا دخلت وطلعت اوضتي مكلمتش حد.."

>>>>>>>>>>>>>>>>>>>>>>>>>>>>>>>>>>>

صلي على محمد

|| في الفيلا | الجنينه ||

- بس.. ده كل الى حصل

= مش عارف يا زين.. حاسس انك غلطان مع انك مش غلطان

- يعني ايه بقا الكلام ده؟

= يعني انت مينفعش تسيبها مره واحده كده؟؟

- اعمل ايه مانا قايلك اني عاوزها تقعد معاكم

= وبعدين؟

- لما تبعد عني هتفهم مشاعرها لكن دلوقتي هي متعلقه بيا عشان من اول لما جت كنت اول واحد يقف جمبها

= لا يا زين متعلقه بيك عشان بتحبك

- ادهم هو انت ايه الحب بالنسبالك!

ادهم سرح و بصله: انك تقع من غير ما تحس.. ومتبقاش عايز تبعد ابدا

زين برفض: لا يا ادهم ساعات بنضطر نبعد عن الى بنحبهم عشان ده بيكون احسن ليهم! وهنبقي قمه في الانانيه لو اخترنا نفسنا وفضلنا مقربين

ادهم بصله بتفكير وابتسم بسخريه: معاك حق.. ساعات لازم نبعد فعلا

- انت مالك انهارده انت كمان؟

= انا حاسس اني عايز اسافر انا كمان متخدني معاك

- يارب صبرني

= الواحد مش عارف هيرازي في مين الخمس شهور الى انت هتغيبهم دول

زين بصله بأدراك: احمم.. ءء

" يزن شافهم فا خرج لهم "

- يا رجالة

زين: لا طب اسيبكوا انا بقا

يزن: لا اصبر يعم الواد يونس معاه حوار

أدهم برفعه حاجب: حد عمله حاجه؟

يزن: لا مش كده بس واحنا في دبي كان بيحب واحده وعرف من شوية انها اتخطبت وفاضله شوية و يروح يحجز تذكره برج القاهرة ويرمي نفسه

زين: اتحْزوق !

يزن: هو مكنش قايلها اصلا يونس بيكتم مشاعره بجد بيعرف يكتمها اوي لدرجه تفتكر انوه معندوش مشاعر ولا بيحس ومش بيبان عليه اي حاجه

زين: طب من غير تفاصيل نادوا الواد يوسف وتعالو ندخل اوضته نشوفه

يزن: قافل على نفسه الباب

زين: ومين جاب سيره الباب بس

يزن: يعني ايه

زين: شايف الشجره دي؟

أدهم ضحك: انا بالنسبالي هجيب السلم آمن..

انا مش هعمل زي فيلم الى بالي بالك معلش..

" وفعلا نادوا يوسف و حطوا السلم وطلعوا منه

على البلاكونه بتاعت اوضته يونس

ادهم و زين و يوسف دخلوا

و يزن راح ينادي فريده "

" يونس اتفاجئ بدخولهم "

- ايه ده !!! انتوا جاين لي منين!!

ادهم: ثبتوا الواد ده على الكرسي

يونس بعصبيه: بقولكم ايه محدش يهـ

" وقبل ما يكمل كلمته شالوه وحطوه على الكرسي "

يوسف عمل بأيده شكل مـ. ـسدس : اثبت بدل ما اعجنك وافر تك مخك

" يونس زعق بعصبيه "

يوسف: بطل جعير هتفضحنا

" زين فتح الباب و يزن وفريده دخلوا وقفلوه تاني"

يونس سكت وبصلهم بنفاذ صبر: طب وبعدين يعني ؟؟ انتوا اجننتوا !! ربطني على الكرسي كده ليه؟

فريده: انتوا عاملين فيه كده ليه!

يوسف: سمعنا انوه مضايق

يونس بص لـ يزن بعيون بطق شرار: هو ده الى مش هطلع سرك بره !!

يزن: مهو مطلعش بره الفيلا اهو.. ههه

يونس بزعيق: هههه ايه !!! ده انا لما اقوملك بس !

تفو على منظرك ومعرفتك

زين: حلو اوى يعني الإشاعات الى سمعناها صح انت مضايق

يونس: طب فكوني وبطلوا هزار !! أدهم خليهم يفكوني

ادهم: حاضر.. بس هتتكلم معانا

" يونس سكت وادهم فكه وهو قام من على الكرسي نط على يزن يعجنه وفضلنا نسلك بينهم "

أدهم: اترزع بقا فرهدتوني !!! ايه اليوم الى كله مشاكل وحْرا على دماغكم ده !

يوسف: قولنا مالك بقا؟

يونس: انا مش هتكلم !

يزن: البنت الى بيحبها اتخطبت

يونس: متخلنيش اقوملك تاني انا مكنتش بحب حد !

يزن: كداب

يونس كان هيقوم ادهم مسكه: معرفتهاش ليه ؟

"يونس مردش وقلب وشه فا ادهم كرر جملته"

- ما كنت تقولها مقلتش ليه؟

يونس بزهق: انا لسه صغير لسه يعتبر عيل مخلصتش حتي تالتة ثانوي

يزن: مش ده السبب الوحيد

يونس: هو انت مبتسكتش؟

"فريده فهمت الموضوع"

- خلاص يا يونس متزعلش هو فيه ناس كده مش بتحس

"زين ضحك بهدوء على تلقيحها"

يزن: هو الى معرفهاش اصلا عشان فيه واحد تاني كان معانا هناك بيحبها فا يونس قرر يسكت بدل ما يعرفها

يونس بعصبيه: انا قولت مش فارق معايا !! الموضوع انتهي خلاص وانا مش مضايق هي مش اخر واحده في الدنيا يعني كمان انا مش هرجع اصل دبي تاني

يوسف: صح انا من رأيي تنسي كل ده يا يونس! وتستقروا في مصر! حتي لو خالتي عايزه تسافر اقعدوا انتوا و زي ما قولت انت لسه صغير يا يونس لسه قدامك الحياة الجامعية كلها بنات

زين: عنده حق وانا ادعم كلامه

" فضلنا نتكلم لحد ما يونس ضحك وفك.! "

يوسف: يعني خلاص كده على العهد يا رجالة؟ اتفقنا نفضل سوا وحولين بعض؟

يزن: اتفقنا ولو ماما رجعت دبي هنفضل هنا سوا مع جدو

زين: جدو هيفرح اوي بالخبر ده

يزن: مفيش احلي من لمة العيلة وكل ده بفضل فريده

" ابتسمت بهدوء وكنت ساكته "

يونس: انتي مالك يا فريده شكلك مضايق

فريده: لا مفيش عادي

يونس بمرح: متيجي نرتبط انا وانتي طيب؟ اكسبي فيا ثواب انا مجروح دلوقتي

فريده بغيظ لـ زين: اه موافقة طبعا يا يويو

زين: هو ايه الى موافقه يا يويو !!!! وانت ياض اتلم بدل ما احدفك من البلاكونه

"ضحكوا كلهم وادهم حب يرخم على زين"

أدهم: لايقين على بعض.. هو يادوبك فرق السن بس

زين: ادهم!

يوسف: وعشان كده انا انسب ليها من يونس..

زين بنرفزه: متتلموا بقا الله !

فريده بهدوء: طيب يا شباب

انا هقوم عشان عايزه انام

اه صح..

نسيت اقولكم ازاي..!!

مش زين مسافر

يعني الخطه بتاعت هنفضل سوا كلنا دي

هو مش هيعمل بيها.. وهيقعد عشر شهور تقريبا

صح يا زين؟ ابقي احكي لهم انت بقا.

" قومت وسيبتهم في صدمتهم و كنت شايفه تعابير وشه وانوه متغاظ.. "

أدهم: ايه الحوار ده بقا ! ما احنا كنا لسه بنتكلم ؟؟؟ مجبتش سيرة العشر شهور دول ليه ؟؟

زين: جالي تدريب في الاجازه هعمل ايه؟

أدهم: انت بتكرر نفس الحوار تاني؟

زين: يا ادهم كنت هقول

يوسف: يسطا انت ايه سفرك من الأول اصلا متتلقح هنا

"ادهم قام وسابهم وفريده نجحت تقلب عليه الترابيزة"

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| تاني يوم | على الفطار ||

" طبعا الكل بيفطر في صمت لحد ما واحد صاحبنا قرر يرمي البلوي "

يزن: احمم.. انا و يونس يا جدو قررنا نقعد هنا علطول

ناديه بلعت وبصتلهم بعقدة حاجب: نعم؟ انتوا بتقرروا من دماغكم؟

عبدالعزيز: لحظه يا بنتي.. وحياتكم الى كلها هناك الاجازه خلاص قربت تخلص

يونس: اكيد يا جدو هتقدر تحولنا ورقنا بسرعه ونرجع نعيش في مصر معاك مش حضرتك قولت الفيلا و الشركه تحت امرنا!

عبدالعزيز ضحك على تفكيرهم: أكيد ده مكانكم..

ناديه: انت بتوافقهم يا بابا!؟ انتوا ازاي تقرروا حاجه زي دي من نفسكم

يونس: احنا مش صغيرين

ناديه: لما نشوف رأي ابوكم ايه في الموضوع ده

يزن: يا جدو عاوزين نفضل هنا!

يوسف: وانا كمان يا ماما هفضل هنا

هبه: ده شكلها موضه و دايره بقا؟

ادهم كان متابع بصمت وبعدين بص لزين واتكلم: طيب بالمره و زين مسافر وهيقعد عشر شهور

وليد: عشره؟

هدي: عشره ازاي يعني؟؟ الترم التاني عشر شهور؟

" و حرفيا كله مسك في بعضه لحد ما عبدالعزيز علي صوته بحده "

- خلاص ايه احنا مش كنا قايلين بلاش كلام على الاكل

ناديه: يا بابا دول اجننوا خالص!! الاستاذة الاتنين عندهم ثانوية عامة!!! تنقلوا وتضيعوا عليكم السنه؟

هبه: وانت ؟؟ عاوز تسيب الجيزة وتقعد في القاهره!!

عبدالعزيز بغلب: ممكن تهدوا!! انا الى هقرر

" الكل بص ناحية عبدالعزيز "

- يزن انت واخوك لازم تكملوا السنه دي بره مينفعش تضيعوها.. وبعدها انزلوا مصر وهقدم ورقكم في الكلية هنا

ناديه بأعتراض: يا بابا ازاي بس نـ

عبدالعزيز قاطعها: خلاص بقا.. ده بيتهم برضو! وانا عايزاهم جمبي

كمل وبص ليوسف: انت نفس القصة لما تخلص السنه بتاعتك تعالي اقعد زي ما تحب

وليد لزين: وانت ايه حكاية العشر شهور دول؟

زين: جالي فترة تدريب هناك في الإجازة..

أدهم كان خلص أكله فا قام: الحمدلله..

فريده: انا كمان خلصت الحمدلله خدني معاك الشركه

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| على الطريق ||

- مالك ساكتة ليه؟

= مفيش عادي

- انتي مضايقه بسبب حوار زين ؟

= اخوك طلع مخه تعبان اكتر منك

"أدهم بصلها وهو مضيق عينه وهي ادركت الى قالته"

- انا مش قصدي

ضحك على شكلها: خلاص انتي هتعيطي فاهمك بس زين عموما مش قاصد يضايقك

= انت متعرفش حاجه..

" ادهم محبش يعرفها انوه زين حكاله غير لو هي حكت"

- ما علينا ريحي اعصابك كده عشان انهارده فيه اجتماع ويوم مهم اصلا شوية وهتلاقي بابا و عبدالعزيز باشا في الشركه..

= لسه قدامهم شوية خناق

ضحك: بصراحه.. الله يكون في عونهم بقا

>>>>>>>>>>>>>>>>>>>>>>>>>>>>>>>>>>>>

استغفروا

|| في الفيلا | غرفة المكتب ||

" بعد الخناقة ما اتفضت هبه كلمت جوزها تشتكي له و ناديه كذالك و هدي و وليد كانو بيتكلموا مع زين.. اما عبدالعزيز بقا فا كان قاعد مع محامي في مكتبة "

- كده كل حاجه مع حضرتك اهو و الورق كله مظبوط

= وعملت ايه في موضوع العربية

- جاهزه برضو سيادتك

= اهم حاجه في كل ده طقم الحرس.. انت متعرفش الفترة الجاية هتبقي عامله ازاي يا خالد

- ولا تشيل هم سيادتك! انا منسق كل حاجه مع الجهات مش عايزك تكون قلقان

= لا قلقان خصوصا بعد ما حصلت طفره واحفادي كلهم هيبقوا حواليا.. يبقي لازم اقلق واحط عيني في وسط راسي.. انت اكتر واحد عارف يعني ايه يبقي في شركة زي شركتنا وسط سوق عملاق وتبقي شركتنا اكبر شركه منافسة للكل!

- انا فاهم الى حضرتك خايف منه محدش بيحب يكون فيه كبير في للسوق وكل حاجه رايحه لحسابة بس احنا مفتحين عينا كويس اوي.

= ماشي المهم ان محدش يحس بحاجه انا مش هعيش عيالي و احفادي في قلق

- اكيد مفهوم.. بعد اذنك

" خالد خرج و وليد شافه سلم عليه وبعدين دخل لعبدالعزيز "

- خير يا بابا؟ حصل حاجه

= مفيش يحبيبي ده انا كنت بجهز حاجات تخص وصية سهير عشان فريده يلا نروح الشركه بقا هنتأخر

>>>>>>>>>>>>>>>>>>>>>>>>>>>>>>>>>>>

|| في اوضة يزن و يونس ||

يزن: خلاص بقا يعم انت قماص كده ليه؟

يونس: بتفضحني في قلب العيلة وتقولي قماص؟ انت بجح اوي يا يزن وربنا لاقولهم على البت الى كرفتلك وقالتلك احنا اخوات

يزن: ايه ! ايهههه طب و برستيجي ؟ انت اخ مش جدع

يونس: من بعض ما عندكم !!

" ناديه دخلت عليهم ومعاها الموبايل "

- اتفضلوا بابا على الخط كلموه

يونس خد الفون: احممم.. عبدالرحمن باشا وحشتني براحه بس ليه الزعيق؟..

كل حاجه بالتفاهم يا والدي..

اصلا يزن هو الى عمل كل حاجه..

اها عايزه؟

يزن خد يحبيبي بابا هيكلمك..

" يزن بصله بتوعد وخد الفون.. "

>>>>>>>>>>>>>>>>>>>>>>>>>>>>>>>>>>

|| في الشركه | غرفة الاجتماعات ||

عبدالعزيز: اظن كده كل حاجه واضحه

فريده: عندي سؤال حضرتك

عبدالعزيز: اتفضلي

فريده: شايفه اننا ممكن نحط برامج إضافية في وجود أجانب زي اننا نعملهم رحله لأماكن سياحية ومتبقاش الإقامه مقتصره على الشغل وبس ده غير انوه هيفيد السياحه هيعمل بينا وبينهم مرونه وثقة ان ميبقاش التعامل بينا محدود او روتيني

" ادهم بصلها بفخر والكل عجبته الفكرة"

وليد: هايل جدا.. خصوصا ان كل الشركات بتتعامل معاهم بفكره انهم يكسبوا من بعض بس.. واحنا لما نقدم حاجات زي دي بنعمل بينا وبينهم رابطة اهم من الشغل

عبدالعزيز: انا موافق تقدروا تبدأو

أدهم: بالفعل مرتبين كل حاجه يعني.. حسينا الفكره هتعجب سيادتك فا اوردي اشتغلنا عليها..

" انا وادهم كنا فرحانين وكنت شايفه في عيونه الفخر بيا.. خلصنا الاجتماع وجدو كمان عبر عن فرحته بالي بنعمله.. وقالي انوه مبهور اني اخدت على الشغل بسرعه وفهمت حاجات كتير وكمان بقدم افكار! "

- يعني خلاص ياجدو قربت اتعين رسمي؟

عبدالعزيز: أكيد يا فريده المهم دلوقتي اني عاوزك نخلص شوية إجراءات..

" استغربت فيه ايه ولكن نزلنا وروحنا البنك و أكتشفت ان جدو مكنش معرفني كل حاجه في وصية تيته .. الى مكنتش اعرفه انها سيبالي مبلغ كبير جدا في البنك.. ولما سألته بستغراب ليه معرفنيش وقت الوصية قالي انوه خاف اتسرع و اخد الفلوس دي ارجع اعيش بيها بعيد عنهم.. مكنتش عارفه اقول ايه غير اني حضنته! وفاجئني هو بحاجه تانيه كبيرة! "

- انا قولت اصالحك برضو وجبتلك حاجه

= ايه!

" خرجنا بره و لقيت عربية قدامي لونها ازرق غامق بتلمع حرفيا! "

- جدو لا متهزرش!

= لا مش بهزر

- بتاعتي !!!!

" هز راسه وانا جريت عليها اشوفها بأنبهار !! رجعت حضنته بقوة "

- انا بحبك اوي يا جدو اوي

= بتعرفي تسوقي؟

- مش اوي بس هتعلم !

ضحك: ماشي يا فريده اهم حاجه تخلي بالك على نفسك

" هزيت راسي بفرحه.. روحت وبعدها هو رجع الشركه وبعد ما اليوم الجميل ده خلص كنت قاعده لوحدي في الجنينة والعربية مركونه بعيد عني بشوية وانا عماله ابصلها بفرحه.. زي الأطفال لحد ما لقيت زين داخل من البوابة و جاي ناحيتي "

- يا اهلا بالي فضحتني بدل المره اتنين..

" زين كان يقصد ان اول مره قالها متقولش انه مسافر قالت لأدهم وتاني مره قالت للكل في الاوضة عند يونس انوه مسافر عشر شهور..! "

= افضحك ليه؟ هو انت عامل حاجه غلط

- فريده انا عارف انك زعلانه بس ممكن نتـ

فريده قاطعته: مش انا كان متقدملي عريس ونسيت اقولك؟ بس يلا ملحوقه اصلي بفكر أوافق عليه!

"زين بصلها وتعابير وشه مش مبشرة بالخير.."

- يا اهلا بالي فضحتني بدل المره اتنين..

" زين كان يقصد ان اول مره قالها متقولش انه مسافر قالت لأدهم وتاني مره قالت للكل في الاوضة عند يونس انوه مسافر عشر شهور..! "

= افضحك ليه؟ هو انت عامل حاجه غلط

- فريده انا عارف انك زعلانه بس ممكن نتـ

فريده قاطعته: مش انا كان متقدملي عريس ونسيت اقولك؟ بس يلا ملحوقه اصلي بفكر أوافق عليه!

"زين بصلها وتعابير وشه مش مبشرة بالخير.."

- يعني ايه؟؟ هو مين ده الى اتقدملك ؟

فريده ببرود: واحد معايا في الجامعة طلب مني يجي

- لو بتهزري الأحسن تفكك من الشغل ده !!

= مش بهزر! تحب تيجي الكلية اوريهولك؟

زين قبض ايده وحاول يمسك نفسه: و الكلام ده من امتي و ليه انا معرفش؟ ازاي اصلا معرفش وانا كنت علطول معاكي و بوصلك؟؟

- لا عادي كان فيه ايام بروح لوحدي.. وبعدين انت شاغل بالك ليه! انت مسافر ركز في السفر أحسن وخليك في مستقبلك بقا

" قومت عشان اطلع واسيبه وقف قصادي"

- احنا لحد دلوقتي عمرنا ما اتخانقنا! فا متعمليش خناقة من الهوا يا فريده انا عايز اعرف كل حاجه حالا انتي فاهمه؟؟

" مش هنكر ان نبرته اتغيرت وكان مضايق وغيران! طب طالما كده؟ امال ازاي قادر يسبني عادي! "

= الموضوع ده من بدري وانا قولتله هبقي اخدلك معاد مع أهلي وبس

زعق: هو انتي مجنونه !! معاد ايه وزفت ايه

" اتفاجئت انوه بيزعق فيا لأول مره! "

- انتي عارفه لو عرفت انك كلمتي اي حد بعد كده؟ وانا بقا هعرف هو مين و هعجنهولك يا فريده

" و طبعا زين هيقدر يعرفه بسهوله زين اصلا يعرف الجامعه كلها تقريبا.. فا انا قررت اجيب ورا "

- هو مظهرش تاني اصلا ريح دماغك !! وانا اديتة رقم غلط عشان وقتها مكنتش بفكر في الموضوع ده ولا الكلام ده احنا كنا في اول الدراسة الترم الأول

= لا مش هريح دماغي انتي بتخبي عليا انا ؟؟ اوعي يكون ده الى مسك ايدك ؟؟

- لا مش هو بطل افوره يا زين!

= انا بأفور؟ اني اعرف انك اتكلمتي مع حد و طلب يتجوزك وعايز معاد اهلك ده عادي ؟؟

بصتله بعناد: اه عادي! هو انا هفضل قاعده جمبك؟

بصلي بقمه النرفزه وقالي بتهديد: اه هتفضلي قاعده !! لحد ما انا ارجع عشان لو حصل غير كده وفكرتي مجرد تفكير بس انك تبصلي لحد غيري

" لاقيته سكت فا بصتله بتحدي"

- ها قول هتعمل ايه لو بصيت لغيرك؟؟؟

= هفرتكلك دماغ يونس يا فريده

"ضحكت غصب عني على طريقته و هو مش قادر حتي يهددني انوه هيعملي حاجه.. فضل باصصلي وانا بضحك وساكت مش مدي اي تعبير"

- على فكره انا بكرهك اوي يا زين.. بجد بكرهك

= وانا بحبك..

" و هنا كنت خلاص نسيت كل حاجه.. و كل الزعل.. هو اه قالي بحبك قبل كده.. لكن المره حسيتها مختلفة! "

"كنت بصاله بكل الحب الى في الدنيا وهو كمل"

- ده الى عاوزك تعرفيه وانا بعيد اني بحبك ومش هحب غيرك ولا انتي تفكري تبصي لحد غيري فاهمه؟ انا مكنتش عايز اسافر واحنا مضايقين.. لأني هسافر كمان تلت ايام من دلوقتي..

بصتله: ايه!! بالسرعه دي!!

ابتسم: جدو قالي ان شغلك مع ادهم بيتطور وكان فرحان اوي بيكي.. انا كمان فخور بيكي وعاوزك تفضلي هنا يا فيرو.. عاوزك تكبري في الى بتحبيه و تخلصي دراستك ، تبقي مرتاحه وناجحه!

- وانا كمان عاوزاك احسن دكتور في الدنيا يا زين

= خلاص مش زعلانه يعني؟

- لا..

بصيت بعيد: على فكره الى هناك دي عربيتي

بصلي وضحك: على فكره انا الى منقيها مع جدو عشان عارف لونك المفضل

بتعجب: كداب!

- ابقي اسأليه

= انت مش بتديني فرصة ازعل ليه

- مقدرش..

ممكن انتي بقا متزعلينيش و تفهميني

بستغراب: افهمك ايه؟

زين بنرفزه: مين الواد ابن الـ**** الى اتقدم لك ده عشان انا مش هعدي الموضوع

ضحكت على طريقته الى اتحولت: خلاص بقا

= لا مش خلاص اصلي مش هسكت غير لما اعرفه

- اسمه اسر..

= وكمان عارفه اسمه!

- يا زين هو الى كلمني وقالي اسمي اسر وقعد يهري وبعدين قالي عايز رقم والدك اديته رقم غلط مش عارفه بقا من وقتها راح فين! ومكنش موضوع مهم عشان كده مقلتش

= لا يحببتي مُهم..! اي حاجه تخصك مهمه وعايز اعرفها فاهمه؟

- هفكر

لمس على راسها بخفه: بطلي لماضه

- طب هتعلمني اسوق؟

= لا العربية دي ديكور مش هتركبيها

- زين متهزرش!

= هعلمك حاضر.. و أدهم يبقي يكمل المسيرة بعد لما اسافر

- بطل كل شوية تقول هسافر عشان بتفصلني!

" ادهم دخل الفيلا على جملتي "

= ومين سمعك يبنتي..

زين: اخويا؟

اخويا الى بيقوم عليا بابا وماما على الفطار منور !

أدهم: ونبي يا فريده قولي للي معاكي يكتم عشان لو اتكلمت هزعله جامد اوي

- معاك حق والله يا أدهم.

زين: بقا كده؟ طيب ومالو تعالي لما نشوف الحوار ده

فريده: لا انا طالعه بقا مع بعض انتوا..

" طلعت وسيبتهم وانا عارفه ان كده كده زين هيضحك عليه ويصالحه زي ما عمل معايا.. "

>>>>>>>>>>>>>>>>>>>>>>>>>>>>>>>>>>>>

صلي على محمد

ادهم: ضحكت عليها ازاي وعرفت تصالحها؟

- زي ما هضحك عليك دلوقتي

= فكك مني يا زين لأني مش طايقك وهفضل مش طايقك يحبيبي

- ليه كده يا ادهومي

= واد؟ بطل محن

- يا ادهم وربنا كنت هقولك لولا الواد يزن قاطع كلامنا امبارح!

= ماشي..

- متبقاش تنح كده!

= كلمني عدل بدل ما اقوملك!

- طب خلاص؟ انت عارف ان السفر بعد تلت ايام؟ مفيش وقت نزعل وكمان عيال عمتك ماشين عاوزين نقضي كان يوم فالذيذ كده فا خلاص تقبل الموضوع انا بقالي سنه بقنع في امك

= امك يا بيئة؟

- الست هدي هانم والدتك !!

اتنهد بقلة حيله: انا بكرهك يا زين اوي

- منك لله علمتها للبت

ضحك: فريده!؟

- اه..

- طب انا قايم عشان جدو كان عاوزني

= هو وصل؟

- لا لسه مانا عايز استحمي الأول انت مش شامم ده ريحتي بقت حْنارْيري خالص

زين ضحك جامد وغمزله: حْنرْير ها؟؟ فاكر ؟

ادهم حدفه بالجاكيت وطلع.

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| ليلا | في مكتب عبدالعزيز ||

"ادهم دخل لقي عبدالعزيز و وليد "

- زيزو باشا و وليد باشا مع بعض؟ ده حدث بقا ها خير؟

طلع ليا بنت عم كمان ولا ايه؟

عبدالعزيز ضحك: ابنك داخل رايق اوي..

وليد: طول عمره..

- ايوه يا زيزو باشا مبدئيا كده ولعه معاك العربية الجديده بتاعت فريده

وليد: خلينا نتكلم في المهم الأول طيب ونهزر بعدين

= اه.. ده كده فيه حاجه فعلا اتفضلوا..معاكم

وليد: انت طبعا شايف شغل فريده هايل ازاي

= اه لسه كنت عاوز اقول لحضرتك يا جدو مش لازم نستني لما تخلص السنه الأخيرة عشان تتعين من رأيي تتعين دلوقتي

عبد العزيز: وانا مكنتش عاوزاها تتعين من اساسه..

بصله بستغراب: ايه! ازاي ده؟

عبدالعزيز: شوف يا أدهم.. انت الكبير فا انت الوحيد الى مفروض تعرف الموضوع ده واكيد هتفهمه عشان كده جبتك دلوقتي.. سوق العمل حاليا بقي كله شبه بعضه.. الا الشركة عندنا عشان احنا بنتميز عن اي حد ومش بنشغل عندنا اي حد..

= تمام و دي حاجه كويسة! احنا فعلا اكبر شركه منافسه لباقي الشركات و ده بمجهودنا!

وليد: وانت فاكر دي حاجه سهله؟ او ملهاش عيوب.. تعرف الموضوع ده بيعمل عداوة شكلها عامل ازاي؟

= لا معلش يا بابا ممكن توضح؟ احنا قدام اي حْطر حاليا ؟ من اي حد يعني؟؟

عبدالعزيز: زمان ايام جلال عمك الله يرحمه.. كان عندنا موظف شاطر كده زيك و فضل يكبر و يكَبر الشركه معاه

وقتها الموظفين مكنوش يكملوا عشرين على بعض كنا لسه بقا بنكبر الشركة..

وفي يوم الموظف ده وهو مروح عمل حد.ـثه و التحقيقات فضلت شغالة واكتشفوا ان العربية الى خبطته كانت تبع واحد اسمه انور المحمدي ده راجل طلب يشاركني وقتها وانا رفضت لأني كنت عاوز الشركة دي ملك للعيلتنا بس

ادهم خد نفس عميق: الله يطمنك يا جدو.. و طبعا حضرتك بتقولي الكلام ده دلوقتي عشان انا من الناس الشاطره في الشركه و الدور عليا بقا ولا اية؟

وليد: لا انور اختفي من وقتها بعد ما اتسـ.ـجن طبعا و شركته انتهت

عبدالعزيز: انا مش قصدي انت وبس ولا قصدي اقولك تخاف.. انا بتكلم عشانك انت و فريده و كمان اولاد عمتك ؛ لانها جت من عند ربنا والكل بقا حابب نبقي سوا ويشتغلوا في الشركه و ده احب ما عليا..

لكن من وقت الى حصل وانا شايل هم وخايف عليكوا ومرضتش اعرف حد المواضيع دي محدش يعرف غير وليد. و دلوقتي انت عارف..

وليد: الشركات حوالينا زادت و مع ذالك احنا الاسهم بتاعتنا عمرها ما اتأثرت و لا عمر شغلنا وقع و كل سنه بنكبر عن السنه الى قبلها فا كل ده طبعا هينتج عنه ان ممكن ناس تتفق علينا و هتدور بأي شكل ازاي توقعنا و تمحي الشركه من السوق وتسببلها خساير

" ادهم كان عمال يفكر في كلامهم.. بقي حاسس انوه تحت ضغط.. "

- الموضوع كبير للدرجه دي يا جدو؟ ممكن ناس تآذي حد فينا عشان الشغل؟

عبدالعزيز: انا مش عاوزك تشيل هم يا حبيبي.. انا بعرفك ده عشان تعمل حسابك تخلي بالك على فريده.. و يزن و يونس و يوسف كلكوا عاوزكم سوا وتخلوا بالكم على بعض انتوا الى هتفضلوا لبعض..

وليد: و متقلقش كده كده احنا عاملين احتياطاتنا و انتوا متأمن عليكم كويس

عبدالعزيز بص لأدهم: كل الى عايزه منك بس ان يبقي عندك فكرة بالبشر الى بره عاملين ازاى و وحشين قد ايه وطبعا تعيين فريده رسمي ده انا مقلق منه و

أدهم قاطعه: لا متقلقش يا جدو.. كلهم اخواتى

ومحدش هيقدر يقرب ليهم..

وانا من دلوقتي هركز في كلام حضرتك.. والمثل بيقول اعرف عدوك.. وانا هدرسهم كلهم كل الشركات المنافسة هدرسهم كأنهم شغلي الوحيد الفترة الجاية.

عبدالعزيز: وانا واثق فيك ياحبيبي.

>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في نايت كلوب ||

" بعد ما خلصت كلام مع جدو طلعت على البار عشان اقابل واحده كنت اعرفها تبقي شغاله تبع شركة من الشركات الى حوالينا. "

" جت بنت و ادهم شاور لها فا قعدت بأبتسامه واسعه"

- بقي طالبني بنفسك مش مصدقه..

= لما تعرفي الأول ليه

قعدت وبصتله بمياعه: خير قررت ترجع لأيام زمان؟

- لا انا جايبك عشان شغل يا سارة.

= ايه؟ شغل ايه؟

- انتي لسه شغاله في شركة W o g صح ؟

= اه لسه بس شكلي همشي قريب

- اشمعنا؟

اتكلمت وهي بتشرب كاس: فلوسهم وحشه وانت عارفني... مصاريفي كتير!

" نهت كلامها بضحكه "

= لا انا عايزك تفضلي هناك.. و هتخدي الى انتي عاوزاه وعاوزك تعملي اي حاجه تخليكي تتنقلي مكتب زياد النصراوي

- لا افهم بقا .. هو ايه الموضوع؟

= ولا حاجه مشوفتيش قبل كده واحد عايز يعرف معلومات عن حد؟ انا كدا كدا اقدر اجيب اي حد وانتي عارفه.. بس قولت ساره اولي بالشغلانه دي

غمزتله: اشطا يا دوما اتفقنا هشوف دنيتي واكلمك مش هتيجي نرقص شوية؟

ادهم بجديه: الى بينا شغل ها؟ يلا سلام

" سبتها و قومت وكده كنت مطمن من ناحيه شركة من الى ممكن اشك فيهم.. وكنت محتاج اعرف معلومات عنهم.. كنت خلاص خارج لحد ما شوفت موقف قدامي بنت بتحاول تبعد عن واحد من المكان وهو ماسك ايدها بتحكم غريب "

- بقولك ابعد عني انت مجنـ.ـون ولا ايه يا شهاب

" روحت وقفت قصاده و هي كانت خايفه "

كان لسه ماسك ايدها وبصلي: خير يا نجم فيه حاجه ؟

- انت ماسكها كده ليه ؟؟

= واحد و خطيبته انت مالك !!

ردت بعصبية: اوعي سبني انا مش خطيبتك

ادهم طبطب على كتفه: طب سيبها ياحبيبي احسن لك

زقه بقوة: اوعي يعم كده

" الزقة بتاعته مأثرتش فيا وهو كان شكله شارب وصايع مش دريان بحاجه وهي شكلها مش لايق على المكان اصلا بصتلها "

" شلت ايده من عليها و صْربته بونيه جامده وقع وبعدين شاورت للجردات "

- خد يا زيكا امسك الزبون ده طلعه بره شكله غايب خالص وهيقرفكم

" وفعلا خدوه وانا رجعت ابص للبنت "

- انتي تمام؟

= اه.. اه كويسة

- طب اتفضلي اخرجي

" خرجنا انا وهي وكانت خايفه وعماله تتلفت حواليها وانا كنت مستغرب الموقف.."

- انتي بتعملي ايه في مكان زي ده؟؟

= يعني ايه؟

- يعني انتي ولا شكلك ولا لبسك ولا اي حاجه لايقه على المكان الى كنتي فيه ايه دخلك جوه؟

= وانت مالك بقا !

رفعت حاجبي بدهشه و اتنرفزت: انا مالي ايه؟ انتي مينفعش تدخلي اماكن زي دي لوحدك خصوصا وانتي هبله كده ومتعرفيش حاجه و الواد الى جوه ده كان شارب ومحدش كان هيدري بيكي لو عملك حاجه مستوعبه ده ولا لاء ؟ ما تردي يابنتي !

" لاقيت عيونها بتحمر ودموعها بتنزل خبت وشها بأيدها وفضلت تعيط ! هو ايه ده!؟ "

- لا حول ولا قوة الا بالله انتي حد كلمك دلوقتي

= انت عمال تزعق فيا كده ليه !! وتقولي حد كلمك

" ياربي.. ارحمني يارب "

- اممم طب تعالي اروحك ياحببتي شكلك تايهه من حد والله انتي جيتي هنا ازاي؟؟

= جيت بـ اوبر و هشوف اي حد اركب معاه الا انت

- لا والله!! بجد والله!!؟؟ اي حد الا انا

مسحت دموعها وبصتلي: اه.. انت شكلك يخوف وعمال تزعق فيا خلاص شكرا عرفت انك لحقتني منه خلاص بقا بعدين ما انت كمان كنت جوه معاهم يعني مفيش فرق

" ضحكت غصب عني وانا باصص لها.. وبفتكر موقف مشابه للموقف ده مع فريده.. ساعة ما شوفتها هنا برضو في نفس المكان.. "

- طب استهدي بالله و تعالي اوصلك قبل ما حد تاني يطلع من جوه يضايقك

= لا شكرا اتفضل انت

- يابنتي خلصي يابنتي و اركبي

= لو انت فاكرني بقا عيلة و هبله تبقي غلطان ماشي

- انتي قد الدنيا ياعم اركبي بقا عاوزين نمشي!

" وبعد هري كتير ركبت معايا العربية وكانت قلقانه وعماله تبصلي وانا والله هموت واضحك على العبط الى انا حطيت نفسي فيه "

- بيتك بعيد على فكره حد يجي كل ده؟

= كان لازم اجي..

- ليه بقا؟

= دي خصوصياتي ملكش دعوة!

" ابتسمت على كلمه ملكش دعوة الى عماله تقولها "

- ما علينا ياريت مشوفكيش هناك تاني انتي اخرك تروحي دريم بارك بعد كده فاهمه يا سكر؟

= ههههه دمك خفيف اوي!

- مانا عارف

بصتلها بتفكير: انتي متعرفيش الواد ده ؟

ارتبكت: هتفرق؟

" سكت وكملت سواقه بعدين وصلنا لحد بيتها فا وقفت وبصتلها "

- طب انتي اسمك ايه؟

= اشمعنا بقا؟

- مجرد سؤال ما تجاوبي وانتي ساكته!

بهدوء: حبيبة اسمي حبيبة.. سلام..

قبل ما تنزل رجعت بصتلي: شكرا

" نزلت من العربية وانا فضلت باصص عليها لحد ما دخلت بيتها ابتسمت وبعدين دورت العربية و اتحركت "

>>>>>>>>>>>>>>>>>>>>>>>>>>>>>>>>>

استغفروا♡

|| في الفيلا | علي السفره وقت العشاء ||

يزن: هتوحشني اللمه دي

ناديه: شوف الولد الى هيعملنا فيها دراما!! ده انا كنت بتحايل عليكم تنزلوا مصر يا جرْمه انت و هو

يونس باحراج: احمم جرا اي يا والدتي ؟ كنا غلطانين خلاص بقا

يوسف: اه مكناش مديين لبعض فرصة نقرب اصلا عكس دلوقتي.. وكمان احنا كبرنا الا يونس لسه عيل

"يزن قعد يضحك فا زين بصله"

- انتوا تؤام الكلام ينطبق عليك!

يزن بتكشيرة: شكرا يا يوسف

وليد: خلاص بقا قولنا بلاش كلام على الاكل

فريده: هو فين ادهم صحيح؟

أدهم دخل عليهم: هنا أهو

هدي: ايه كنت فين كل ده مرجعتش مع جدك يعني؟

ادهم قعد وأكل: لا رجعت بس كان عندي مشوار نزلت خلصته وجيت

>>>>>>>>>>>>>>>>>>>>>>>>>>>>>>>>>>

" خلصنا اكل و روحت ناديت زين يعلمني اسوق بقا وطلعنا في شارع الفيلا مرضيش يخليني اسوق بره "

- يابنتي لسه بدري! يخربيتك انتي مين قالك انك بتعرفي تسوقي

= انت الى مش بتعرف تعلم

- انتي الى منشفه دماغك

= انت الى عنصري ومش عايز تقولي اني شاطره

- يعني عماله تعانديني وخلاص تطلعي على الطريق بره ازاي بسواقتك دي ونبي؟

" وطبعا قعدنا نتخانق وفالاخر رجعنا الفيلا "

- انا هطلع اناديهم نقعد سوا شوية عشان انت قفلتني

= اطلعي يختي و ادهم عند البسين اهو.. تقريبا بيفكر ينتـ.ـحر هاروح انط معاه

ضحكت: خلي بالك بس لحسن يحدفك هو

- بعرف اعوم.. مش ناويه تخليني اعلمك العوم؟

= لا كله الا دي.

" زين راح لأدهم و فريده طلعت تناديهم"

- ايه يا ادهم باشا عايز تقع ولا ايه

= انا اوردي وقعت

- وقعت ازاي مش فاهم

= انا مش عارف ابطل تفكير فيها.. معرفش ازاي

- اوبا هي مين دي يا معلم؟

= مش عارف.. طلعت لي فجأة

- واحده واحده وفهمني

أدهم بأدراك: انت مالك اصلا ملكش دعوة

= شوف الواد القلاب !

" كانوا قاعدين بيتكلموا وخرجت فريده وهي بتصرحْ و ماسكه جيتار و يزن بيجري وراها "

- اللحقوني يا زين اعععااا

" الاتنين بصوا بخضه وفريده استخبت ورا زين وهي عماله تضحك وجه وراها يزن و يوسف و يونس "

زين: فيه ايه قطعتولي الخلف !!

فريده: مكنش راضي ينزل معانا فا خت الجيتار وجريت

يوسف بضحك: صْربته مكان ما بيوجعه الخبيثة

يزن بحده: يا فريده بقا هاتيه هيقع منك !!!

يونس: خلاص يا فريده اديهولوا

فريده بهزار: هتقعد معانا ولا هتخده وتطلع!

يزن بغضب شديد و جديه: بطلي هزار تنح و هاتيه بقولك !! الله !!!!

" الكل اتفاجئ من ردة فعله و أدهم خده منها وبصله"

- اتفضل اهو !

يزن خده وبصلهم بأسف: مكنش قصدي اسف

" راح قعد بعيد عنهم "

فريده: انا مكنش قصدي أضايقه عاوزاه يقعد معانا بس مش اكتر!!

يونس: انهارده سنوية جدو.. هو كان مضايق و احنا كنا قاعدين سوا وكان ماسك الجيتار وسرحان موده مكنش احسن حاجه يعني فا عشان كده اتعصب..

جدو هو الى كان جايب له الجيتار ده..

فريده بندم: حقيقي مكنش قصدي..!!! انا هتكلم معاه

زين: استني خليه يهدي الأول

فريده: متقلقش

" روحت لعنده وقعدت جمبه "

- آسفة مكنتش اعرف.. الله يرحمه

= وانا مكنش قصدي أ

قاطعته: محصلش حاجه! انا فاهمه شعورك.. على فكره انت كمان لما زقتني في البسين بالغلط و خوفت و اتعصبت.. مكنش لأني بس مش بعرف اعوم.. كان لأني كنت متعوده دايما انزل مع ماما و هي بتمسكني وبنعوم سوا... كلنا في حياتنا مواقف زي دي ممكن مبتبقاش مفهومه لحد تاني..

بس انا فهماك يا يزن ومش زعلانه حقيقي المهم انت.

بصلي وعيونه بتلمع بالدموع: هو وحشني اوي بجد! بتعملي ايه لما توحشك؟

ابتسمت بوـ.جع مكتوم: بفتكر انها كانت بتحبني ابقي سعيدة و اعيش حياة بحبها و مبسوطه فيها و بتخيل انها شيفاني! وجمبي.. طول الوقت ممكن اشاركك حاجه كده..

يزن بصلها: ايه؟

- ممكن تبص للنجوم واتخيل انوه نجم هناك..

بصلي وابتسم: انا مكنتش بحب العيلة دي قبل ما يبقي فيها بنات على فكره

ضحكت وبصتله: بنات ؟ انا مش قادره استوعب اني البنت الوحيده وسطكم!

يونس راح لهم: ايه؟ هتفضلوا قاعدين لوحدكم بغير!

زين من وراه: روح ياض اللعب بعيد يلا

أدهم: يا تري الأستاذ ممكن يجي يسمعنا حاجه بقا ولا الجيتار ده ديكور بس

فريده بحماس: ايوه يلا!!!

" قعدنا و يزن في وسطنا و بدء يلعب على الجيتار.. واحنا قعدنا نغني.. ونهزر وسهرنا سوا.. عشان عارفين ان زين خلاص هيسافر و كل واحد هيرجع مكانه بمعني اصح.. فا بنستغل الوقت ونفضل مع بعض."

>>>>>>>>>>>>>>>>>>>>>>>>>>>>>>>>>>

صلي على محمد

|| تاني يوم الصبح | قدام بيت في الزمالك ||

" كان قاعد ادهم جوه عربيته.. قدام بيت حبيبه معندوش ادني فكره ايه الى موقفه هنا.. "

" لحد ما شافها نازله من البيت فا خرج من العربية و راح لها بهدوء "

حبيبة بدهشه: هو انت!؟؟

- ايه الأخبار جيت اطمن عليكي..

= جيت كل ده تطمن عليا!

- اه.. عادي يعني انتي كويسة؟

= انا كويسة اه!

- رايحه فين كده؟

حبيبه رفعت حاحبها: لا بقا ملكش دعوة انت شكلك عايز تحْطفني

ادهم ضحك على ردودها: يعني مكنتش هعرف احْطفك امبارح وانتي جوه عربيتي؟

- مش مبرر خد بالك.. انا لازم امشي عشان رايحه الشغل

" قاطعهم دخول الولد بتاع امبارح "

- بقا انا ترمي الدبلة في وشي !!! و مين ده؟؟

بص لأدهم: هو انت !! والله العظيم لاعرفك ازاي تمد ايدك عليا

" ظهر اتنين كمان معاه فا حبيبه زعقت "

- شهاب بطل جنان كفاية !!!

" واحد منهم حاول يصْرب أدهم ولكن أدهم صْربه بمهاره و الواد ملمسهوش حتي و التاني قرب يصْربه وقتها شهاب طلع من جمبه مطـw ـه و اتحرك بيها بسرعه ناحيه ادهم وصْربة "

" أدهم مسك جمبة والـد م نزل منه فا حبيبة صرخت بفرْعه "

- هو انت!؟؟

- ايه الأخبار جيت اطمن عليكي..

= جيت كل ده تطمن عليا!

- اه.. عادي يعني انتي كويسة؟

= انا كويسة اه!

- رايحه فين كده؟

حبيبه رفعت حاجبها: لا بقا ملكش دعوة انت شكلك عايز تحْطفني

ادهم ضحك على ردودها: يعني مكنتش هعرف احْطفك امبارح وانتي جوه عربيتي؟

- مش مبرر خد بالك.. انا لازم امشي عشان رايحه الشغل

" قاطعهم دخول الولد بتاع امبارح "

- بقا انا ترمي الدبلة في وشي !!! و مين ده؟؟

بص لأدهم: هو انت !! والله العظيم لاعرفك ازاي تمد ايدك عليا

" ظهر اتنين كمان معاه فا حبيبه زعقت "

- شهاب بطل جنان كفاية !!!

" واحد منهم حاول يصْرب أدهم ولكن أدهم صْربه بمهاره و الواد ملمسهوش حتي و التاني قرب يصْربه وقتها شهاب طلع من جمبه مطـw ـه و اتحرك بيها بسرعه ناحيه ادهم وصْربة "

" أدهم مسك جمبة والـد م نزل منه فا حبيبة صرخت بفرْعه "

>>>>>>>>>>>>>>>>>>>>>>>>>>>>>>>>>

|| في المستشفي | قسم الطواريء ||

" العيلة كلها كانت موجوده و الكل قلبه هيقف بسبب ان محدش خرج طمنهم و فريده مكانتش مبطله عياط من خوفها على أدهم هي و هدي "

" لحد ما الدكتور خرج و عبدالعزيز و وليد اول اتنين جريوا عليه "

وليد: ابني فين ؟؟ هو كويس ؟؟

الدكتور: الحمدلله سليمه و اتلحق في الوقت المناسب الجـ.ـرح مكنش عميق و مسببش اي ضرر داخلي هو خد عْرز فيه ومحتاج بس راحه و يتغير على الجـ.ـرح كل يوم

عبدالعزيز: يعني هو بخير؟؟ محصلش حاجه نقدر نطمن عليه ونشوفه؟؟؟

الدكتور: هو كويس الدكتوره الى جابته اتعاملت مع الموضوع بشكل سليم و الحمدلله خرج بأقل خساير وتقدروا تدخلوا لما يتنقل غرفة عاديه

" طبعا وقتها الكل ركز مع حبيبة الى مكانتش مبطله عياط و واقفة لوحدها على جمب "

زين راح ناحيتها: انتي الى كنتي معاه؟؟ مين عمل فيه كده؟؟

يوسف: اهدي يا زين الظباط بره اصلا وهيتفتح تحقيق ده شروع في قتـ. ـل

زين: ماشي انا عايز اعرف شوفتي ايه؟ مين عمله كده؟

عبدالعزيز: يوسف خد زين واقعدوا!

"الظباط دخلوا فعلا وبدأو يستجوبوا حبيبة اما الباقي فا كانو كلهم عند ادهم في اوضته"

>>>>>>>>>>>>>>>>>>>>>>>>>>>>>>>>>>>>

- بس حضرتك ده كل الى حصل.. و كل الى اعرفه عنه قولته

= و علاقتك بيه كانت مجرد خطوبه؟؟ ومتعرفيش اي حاجه تانيه؟

- والله لا حضرتك احنا قعدنا اربع شهور بس تقريبا وبعدين سيبته بسبب اني.. ان..

= متتكلمي !

- حاضر.. انه انا شوفته مع واحده تانيه فا رميت له الدبله بس وعشان كده كان جايلي وحصل الى حصل

= تمام هنحفظ اقوالك واحتمال نطلبك في القسم.

>>>>>>>>>>>>>>>>>>>>>>>>>>>>>>>>>>>

|| في غرفة ادهم ||

هدي بعياط: يعني انت كويس ياحبيبي! متأكد انك كويس

ادهم: الله جرا اي يا ماما اقوم اتنطط؟ والله كويس اهو بقالي ساعه بقولك كويس متتكلم يا زين هو انت دكتور على الفاضي

زين: الحمدلله انك بخير! ياريت تبطل مشاكل

وليد: الحمدلله ياحبيبي انك كويس

زين: مين بقا الى عمل كده ؟؟ ومين البنت الى بره دي؟؟

أدهم: هي بره؟

عبدالعزيز: فهمنا يا ادهم حصل ايه؟ ومين دي

- مفيش .. هو كل الموضوع اني كنت.. احمم كنت معدي يعني ولاقيت واحد بيضايقها فا كنت بتكلم وبقوله يمشي وبعدين لقيت اتنين جايين معاه وانا بتخانق معاهم جه هو صْربني ب مطـ..wه فجأة

ملحقتش يعني اعمل حاجه وبس

زين: احنا لازم نجيب ابن الـ&**** ده !!!

يزن: الحكومه هتجيبه امال بتستجوبها ليه

ادهم: بابا هي ملهاش دعوة بأي حاجه!

هدي: ازاي بس وهي السبب في الى انت فيه

أدهم: ايه يا ماما الكلام ده؟؟ رد عليها انت يا بابا كان مفروض اسيب بنت في موقف زي ده؟

وليد: اهدوا وبلاش كلام اهم حاجه انك كويس وهتخرج معانا بالسلامه

فريده: انت قادر تمشي؟ بجد مفيش حاجه وجعاك؟

أدهم: يووووه.. على فكره دول مجرد خمس عْرز

يوسف: حوش والواد كل يومين ياخد عْرزه ومتعود

عبدالعزيز: انا هشوف الدكتور عشان اعرف هتخرج امتي

أدهم ميل على زين: اخرج اطمن عليها

زين بغيظ: نعم يخويا؟ مش لما اطمن عليك الأول

فريده بصتلهم: انتوا هتتخانقوا هنا كمان؟

ادهم: فريده حببتي مليش غيرك اخرجي ونبي شوفيها عملت ايه

" قاطعهم دخول الظباط الى طلبوا وليد و راحت هدي خرجت معاه تفهم فيه ايه"

" و فريده راحت فعلا لحبيبة تشوفها لقتها لسه مضايقه"

- انتي كويسة؟

حبيبة بلهفه: هو كويس؟؟ فاق؟

فريده: ايوه متقلقيش تعالي شوفيه

ردت بقلق: للـ. لا بلاش

فريده: مفيش حاجه متقلقيش تعالي

" دخلت هي وحبيبة و أدهم كان متوقع انها تبقي لسه بتعيط عادي "

أدهم: طب معلش سبونا شوية

"الكل خرج و يونس غمزله وهو ماشي"

أدهم: يابنتي فيه ايه هو كل ما تشوفي وشي تبقي بتعيطي ؟

حبيبة وهي بتمسح دموعها: انا اسفة والله على كل ده كل ده بسببي انا مش عارفه اقولك ايه بس والله انا قولت للظابط على كل حاجه و هـ....

خدت نفسها قبل ما يتقطع وهي بتتكلم بسرعه و عياط فا ادهم اتعدل في قعدته: يا حبيبة اهدي ونبي براحه!! انا كويس اهو؟؟ وبعدين ده بيني وبينه انتي ملكيش دعوه فاهمه؟

- ازاي يعني.. انا السبب

= طب اهدي بس انا الدكتور قالي لولاكي كنت في حاله اسوء من كده انتي لحقتيني

- يعني انت كويس

ادهم بنفاذ صبر: يخربيت السؤال ده

" كان هيقوم من على السرير فا حبيبة قربت بسرعه و شاورت له يفضل مكانه.. وهو فضل مركز مع عيونها فا اتكسفت وبعدت تاني "

- بلاش حركه دلوقتي.. لحد ما الدكتور يكتبلك خروج

= هو انتي دكتوره صح ؟

- اه.. دكتورة أطفال انا لازم امشي بقا.. واسفه مره تانيه

= استني بس تمشي فين انا مش هبقي مطمن عليكي ممكن يرجع ويعملك حاجه.. انتي فين اهلك؟

"حبيبة معرفتش ترد تقوله ايه"

- متشغلش بالك بعد اذنك

= استني! يا حبيبة؟

لفت له: ايوه؟

- ممكن رقمك؟ ولا مش عاوزة تطمني عليا؟

بتوتر: أصل..

= طب ياستي انا عايز اطمن عليكي هاتي رقمك

" حبيبة ادته الرقم وبعدها مشيت علطول فا زين دخله"

- هي دي ياض الى كنت بتتكلم عنها؟

= انا عاوزك تجبلي جدك حالا

- ليه فيه ايه؟

= عاوزه يحط حد عند عنوانها الواد ده هيروح تاني

- هي ايه الحكاية بالظبط

= واد متحْلف انا ملحقتش اعرف منها حاجه بس غالبا كان خاطبها وسابته وهو عاوزها ترجع بالعافيه

- ايه المسلسلات المصري دي

= معرفش بص ما علينا خلي جدو يشوف الحوار ده يا زين لحد ما اقوم انا عشان انا مش هرحم ابن ال

- جزمه ده

ادهم ضحك وبصله: مالك كده زي ما تكون قلقان عليا؟

زين صْربه ف ايده: انت كمان بيتعلم عليك اهو

- لا حاسب مش ادهم الجيار الي

زين قاطعه: بطل غرور و فوق انت واخد خمس عْرز ياض ومش قادر تتحرك

= طب لما اقوملك يا عره انت كمان..

" الظابط دخل و طبعا استجوب أدهم "

>>>>>>>>>>>>>>>>>>>>>>>>>>>>>>>>>>>

صلي على محمد

|| في الفيلا | ليلا | في غرفة ادهم ||

" اتكتب له خروج ولكن مع راحه تامه لحد ما الجر..ح يلم و الكل كان عنده في الأوضة "

يزن: هموت وبعدين كمل

ادهم: ولا حاجه يعم هو خدني على خوانه والله مشوفته اصلا وطبعا بعد ما ختلك الصْر بة بقا مسكت جمبي حسيت بحاجه ساقعه بتنزل

" قعدوا يضحكوا جامد "

ادهم: بس لو ماما سمعت هتيجي تعجنا

يونس: خالتو مبطلتش عياط بجد هنا بيجبوا الطاقة دي منين الستات دول

"يونس سكت لما لاحظ وجود فريده"

زين: انت لسانك فالت

يونس: احمم الواحد مش متعود على البنات في العيله

زين: انتي ساكته ليه يافريده

فريده بنرفزه مكتومه: مش عارفه اهزر زيكوا وهو في الحالة دي ؟

ادهم ابتسم: فريده مفيش حاجه مانا كويس اهو

فريده: كويس ايه وانت قادر تتحرك ده احنا جايبينك متسند يا ادهم !!

يوسف: جت تكحلها عامتها

فريده: انا مش قصدي.. بس معرفش بتعرفوا تهزروا ازاي

يزن: حياة الولاد مختلفة يابنتي!

" الكبار دخلوا يشوفوا ادهم.. ناديه و هبه و عبدالرحمن ابوه يزن و يونس "

ادهم: مكنش له لزوم والله يا اونكل تنزل مخصوص

عبدالرحمن: لا طبعا ازاي انت عندي زي يزن و يونس

يزن: يعني مش نازل تعجنا يا بابا؟

عبدالرحمن: ونازل اعجنكم طبعا.. بس مش وقته نطمن على ادهم الاول

وليد: الحمد لله جت سليمة

عبدالرحمن: مسكتو الى عمل كده؟

عبدالعزيز: لسه التحقيق شغال عملت مكالمه من شوية وقالوا انهم ملقوش الواد في بيته شكله هرب

عبدالرحمن: هيروح مننا فين.. لو محتاج حاجه اقدر اعملها قولي يا عمي

عبدالعزيز: تسلم ياحبيبي

هدي: طب يلا بقا؟؟ الدكتور قال مفروض ترتاح

فريده: انا شايفه كده برضو

" أدهم ابتسم على جملتها بعدين كله راح على اوضته بس هو طلب منها تستني هي و زين "

زين: خير يخويا

أدهم: انت هتسافر بكره خلاص وانا عايزك تفضل معايا

زين: بكره ايه بقا انت فكرتني هأجل السفر دلوقتي

ادهم: لا مش هتعمل كده روح اللحق الترم من اوله وبلاش دلع انت بتتحجج بيا؟

زين: انت عارف اني مش بتحجج

ادهم: وانت عارف اني مش هوافق تقعد عشاني

فريده: و انا شايفه انك تسيبه براحته

أدهم: اممم انتي قالبه علينا كلنا وعليا انا كمان

فريده: والله انتوا مستفزين كلكوا

ادهم ضحك: طب ايه رأيك في حبيبة؟

زين: انت يعم في ايه ولا ايه!!!

فريده: بصراحه يا ادهم.. شكلها عسول اوي وطيبه

ادهم: زين اوعي تكون مقلتش لجدك

زين: قولتله يخويا وقعد يضحك شكله فهم

ادهم مسح على وشه: منك لله ماهو اكيد من طريقتك يا تنح انت الى قصدت تفهمه

فريده: انت وقعت؟

أدهم: ادهم الجيار ميقعش

زين بضيق: يأخي اتنيل بقا غرورك ده الى جابك ورا

ادهم: شايفه قليل الأدب بيكلمني ازاي؟ نهايته انت هتسافر اديني بقولك اهو انا مش سوسن عشان تقعد جمبي وانا متعور

زين: انت ادهم الجيار اه..

أدهم: اه

زين: محسسني انك واخد اسم عيلة الجيار لحسابك

ادهم بغرور: انا الكبير يحبيبي انا الاول والكل بعدي

زين: تعرف.. انت حلال فيك اي حاجه

فريده: زين! بس متقلش كده

زين: ماشي.. بس برضو الموضوع مخلصش يا أدهم

أدهم: فريده ياريت تبقي محضر خير و تقنعيه يغور انا اصلا مش طايقه

" فريده خدت زين وخرجت بغلب.. "

- فعلا حياة الولاد دي غريبة

= انتي لسه مضايقه

- انا مش عارفه اتأقلم علي طريقتكم مش أكتر

= هتتعودي متقلقيش.. يلا تصبحي على خير

- زين استني..

" لف وبصلها وهي كانت ساكته فا ابتسم"

- انت بتضحك على ايه ؟

= عشان فهمت هتقولي ايه

- ليه انت قاعد في مخي؟

زين بصلها وابتسم بحب: في مخك و في قلبك..

فريده ضحكت بغيظ: انا بكرهك

- ونبي بلاش كلام أدهم بالذات يأثر عليكي اختاري اي حد تاني غيره

ضحكت اكتر وبصتله: طيب ها؟ طالما فهمت عاوزة ايه.. قولي بقا ردك

= انا كمان عايز اقعد والله بس فيه حاجه.. و.. محدش هيفهمها غيرك انا متأكد من ده

- حاجه ايه؟

= انا لو قعدت اكتر من كده مش هقدر امشي من اساسه

" فريده فضلت بصاله جملته معناها عميق اوي! وعشان هي اكتر حد تعرض لصدمات فاهمه كويس هو يقصد ايه.. عيونها لمعت بالدموع وهو ابتسم"

- انا مش بقولك كده عشان تزعلي متقلقيش انا تمام انا بس عاوزك تفهمي انوه غصب عني..

>>>>>>>>>>>>>>>>>>>>>>>>>>>>>>>>>>>

بقلمي/ سلسبيل_أحمد

|| تاني يوم | في الفيلا ||

" الكل متجمع وكلنا بنودع زين بدموعنا.. معرفش ليه الوقت جري بسرعه كده! فضلوا يسلموا عليه و وسط كل ده جدو جاله موبايل سابنا وبعد شوية دخل "

- الحمدلله الواد اتقبصْ عليه

" الكل هيص بطريقه غير عاديه كأننا كسبنا كاس العالم"

يزن: كان لازم يعرف بيلعب مع مين برضو

يونس بتريقه: مع ادهم الجيار بنفسه

أدهم ضحك: ماشي يا مضحك

زين: كده همشي وانا مرتاح..

قرب عنده وغمز: وهرتاح اكتر لما تقولي انك وقعت المزه

ادهم: واد احترم نفسك يالا!

يوسف: طب يلا عشان هنتأخر

ادهم: مش هتخدوني معاكم برضو؟

هدي: ادهم!!! كفايه عليك نزولك من اوضتك الدكتور قال بلاش حركه!

" وطبعا ادهم كان مُحاصر.. فا خرجت انا و زين و يوسف نوصله للمطار.. حاولت كتير معيطش ولكن مقدرتش.. انا مكنتش قادره اتقبل الفكره ولا مصدقه اني هقعد عشر شهور معرفش هيجي اجازه ولا لاء! "

زين: هكلمك اول لما اوصل يا فيرو.. متنسيش كلامنا انا عايز ارجع اللاقيكي حاطه على الواد ادهم في الشغل

ابتسمت: هعمل زي ما اتفقنا.

>>>>>>>>>>>>>>>>>>>>>>>>>>>>>>>>

بقلمي Slsbell Ahmed

" وخلاص.. مشي.. يوسف رجعني الفيلا وبعدين روح و البيت فضي تماما لأن كله رجع لحياته يزن و يوسف وعمتو ناديه هيرجعوا دبي عشان باقي السنه وكذلك يوسف وعمتو هبه و زين سافر ومبقاش فيه غيري انا و ادهم.. طلعت اوضته ابص عليه "

- ايه يا فريده ادخلي

= انا هقعد شوية معاك عشان معيطش

ضحك: متقلقيش انا مرضتش اقول قدامه بس اكيد لو معرفش ينزل لنا اجازات هنروحه احنا

- بجد؟؟ هنروح انا وانت

اتنهد: ايوه.. انا مش هقدر اقعد فتره كبيره مشوفوش احنا طول عمرنا سوا

= على فكره يا ادهم.. هو كمان مضايق و متزعلش عشان سابك ومشي هو قالي انوه لو قعد اكتر من كده هيبقي صعب عليه يسبنا.. انا كنت زعلانه منه اوي بس أكتشفت انوه فعلا غصب عنه ولو هنقارن بينا فا انا هنا معاكم لكن هو الى لوحده

- انا فاهم يا فريده ومش زعلان منه خالص هي بس فكره انوه هناك لوحده دي الى مخلياني مش بعرف اقعد على بعضي بس انا برضو عملت حاجه ومعرفتوش

= ايه؟ عملت ايه!

- متعرفيهوش برضو.. انا قولت لجدو على حوار الخناقة بتاعت المانيا دي وخليته يبعت وراه اتنين حراس هيفضلوا معاه طول الوقت من غير ما يحس

= بتهزر!!! انا بجد كنت قلقانه اوي من الموضوع ده

- متقلقيش.. انتوا هتفضلوا دايما تحت عيني

= وانا كمان؟

- وانتي بالذات.

ابتسمت: اشمعنا بقا

= عشان انتي بتاعه مشاكل

ضحكت: والله المشاكل الى بتيجي لحد عندي!

بصلها بحنان: انا عاوزك تبقي مطمنه طول ما احنا حواليكي ان شاء الله مش هيحصل اي حاجه ، بس متبعديش عننا ابدا اوكيه؟

- حاضر.

>>>>>>>>>>>>>>>>>>>>>>>>>>>>>>>>>>>

|| بعد مرور أسبوع ||

" فات اسبوع بحالة اتغير فيه حاجات كتير.. اول حاجه ان الحمدلله ادهم بقي يمشي عادي ويتحرك براحته بس بحذر عشان لسه الجر..ح ملمش.. انا و زين بنتكلم كل يوم! وكمان يزن و يونس و يوسف كلنا فضلنا قريبين.. وكأننا مبعدناش.. واخيرا جدو خلاني اتعين رسمي في الشركه..!! وادهم علمني اسوق شوية بس برضو ممنوع اسوق بره او اسوق لوحدي!! "

|| الصبح على الفطار ||

هدي: يابني اقعد كمل اكلك !

ادهم: يادوبك اوصل فريده عشان عندي مشوار مهم..

عبدالعزيز: مشاويرك كترت

ادهم: انا خفيت بقا فا براحتي يا زيزو

وليد: خلي بالكوا على نفسكوا

ادهم: حاضر يلا يا فريده

" ركبنا العربية وانا بصتله بنص عين "

- انت برضو هتروح عندها وترجع من غير استفاده زي امبارح و اول إمبارح!

= لا خلاص قررت هكلمها

- اخيرا! عبال ما تقرر تخليني اسوق لوحدي

= ممنوع

- ماشي يا ادهم خليك فاكرها.

" ادهم وصلها الشركه واتأكد انها طلعت وبعدين طلع على عنوان حبيبة "

>>>>>>>>>>>>>>>>>>>>>>>>>>>>>>>>>>>>

|| في الزمالك | امام عمارة ||

" ركن العربية و نزل.. وقف عند العمارة و سأل البواب "

- هي شقة الدكتورة حبيبة انهي دور ؟

= التالت الشقة الى عاليمين

" ادهم طلع و كان متوتر جدا و كان معاه بوكيه ورد و علبة حلويات.."

" خبط على الباب و لقي حبيبة الى فتحت بصتله بدهشه و صدمه وهو ابتسم "

- احمم.. ناديلي حد كبير بقا

= انت بتعمل ايه هنا !!

- انتي مش شايفه الورد ولا اية؟

= ينهار اسود..

لقي صوت من وراها: مين يا حبيبة

" بص وكانت ست كبيرة "

- مين حضرتك؟

= ممكن ادخل؟

" دخلته و قعدت و أدهم مكنش عارف يبدء منين "

- هو.. والد حبيبة موجود؟

بصتله من فوق لتحت: انت عاوز ايه بالظبط؟

= انا الحقيقة جاي اتقدم لحبيبة.

رفعت حاجبها بتعجب: تتقدم لمين ! وانت متعرفش انها مخطوبة و هتتجوز ولا ايه ؟؟

أدهم بقلبه وش: اكيد حضرتك متقصديش خاطبها المسجـ.ـون !!

قامت وبصتله بعصبيه: وانت ايش عرفك بقا ؟؟؟

"أدهم بص لحبيبة الى كانت تعابير وشها خوف"

- ناديلي حد كبير بقا

= انت بتعمل ايه هنا !!

- انتي مش شايفه الورد ولا اية؟

= ينهار اسود..

لقي صوت من وراها: مين يا حبيبة

" بص وكانت ست كبيرة "

- مين حضرتك؟

= ممكن ادخل؟

" دخلته و قعدت و أدهم مكنش عارف يبدء منين "

- هو.. والد حبيبة موجود؟

بصتله من فوق لتحت: انت عاوز ايه بالظبط؟

= انا الحقيقة جاي اتقدم لحبيبة.

رفعت حاجبها بتعجب: تتقدم لمين ! وانت متعرفش انها مخطوبة و هتتجوز ولا ايه ؟؟

أدهم بقلبه وش: اكيد حضرتك متقصديش خاطبها المسجـ.ـون !!

قامت وبصتله بعصبيه: وانت ايش عرفك بقا ؟؟؟

"أدهم بص لحبيبة الى كانت تعابير وشها خوف"

- هي حبيبة محكتش لحضرتك عمل ايه؟

= انت تعرف حبيبة منين !!!

- فالمستشفي الى شغاله فيها..

" ادهم بص لحبيبة بمعني اطمني.. لما لقي الوضع صعب مع جدتها.. او ميعرفش مين دي! "

حبيبه: تيته هو فاهم غلط أكيد ده مجرد سوء تفاهم

ادهم بعدم فهم: يعني ايه؟

"حبيبه بصتله بمعني مش وقته وادهم بعدها نزل قبل ما جدتها تطرده..! فضل مستني تحت البيت كتير.. لحد ما لقي حبيبة نزلت "

- ايه الى انت عملته ده بس؟؟

= عملت ايه؟ انا مش فاهم حاجه!

- انت ليه جيت تطلب حاجه زي دي!! انت متعرفنيش حتي!

= مانا طلبت حاجه زي دي عشان نتعرف!

- بص.. انا لحد دلوقتي حتي معرفش اسمك ايه.. ومش عايزه اعرف.. انا مش هقدر انكر انقاذك ليا مرتين.. بس انت مينفعش تدخل حياتي ولا انا ينفع ادخل حياتك انت فعلا متعرفش حاجه عني!

= انا عايز اعرف! ايه مشكلتك؟؟ بعدين هو ايه موضوع خطيبك ده ؟ هي جدتك هتخليكي ترجعيله!

- لا احنا موضوعنا انتهي.. تيته بتتكلم عن حد تاني

= حد تاني ازاي؟ انا مش فاهم حاجه

- ومش هتفهم!! انا حياتي معقده اوي! وفعلا مش ناقصه تعقيد زياده انا معرفش انت ليه جيت و لا ازاي فكرت اننا هننفع سوا؟؟

= انتي بتحبي حد تاني يعني!

- انا عايشة مع جدتي من وانا صغيره.. بابا متجوز و سايبني معاها و مكنش حظي ان يطلع لي اب كويس عشان كده تيته خدتني و الزفت الى اسمه شهاب ده كان غلطتي انا.. هي مكانتش موافقة عليه و طلع معاها حق ومشيت ورا وعرفت انوه حْاين من وقت لما شكت فيه اصلا وهي مشدده عليا فكل حاجه و حكمت عليا اني هتخطب لإبن عمي.. ده الى كانت بتتكلم عنه

= وانتي موافقه على ده!!

- لا.. بس انا هعرف اتعامل تيته.. هي هتهدي وهنعرف نتكلم.. بس انت دلوقتي لخبط الدنيا

= انا اسف.. انا اكيد معرفش كل ده!

- وانا مش بلومك.. بس زي ما قولتلك! حياتي معقده وانا فعلا مش قادره اعمل اي حاجه دلوقتي ولا ادخل في اي علاقه.. و من رأيي تراجع نفسك انت اكيد ملحقتش تحبني!

" أدهم فضل ساكت شوية و بعدها هي مشيت.. ركب العربية وكان في طريقه للشركه.. فضل يفكر مع نفسه كتير.. كان متلخبط اوي ومبقاش فاهم مشاعره!! "

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في الشركه | مكتب أدهم ||

" فريده دخلت لاقته سرحان "

- ايه.. عماله ارن عليك عملت ايه؟

= معملتش حاجه.. الموضوع ممشيش

- ليه كده!

= مش عارف.. مش مهم انتي شوفتي الملف الى كنت سايبه امبارح

- بتاع المؤتمر اه.. ماله؟

= المفروض السفر النهارده الفجر انا حاسس تفضلي هنا أحسن الموضوع متعب

- اشمعنا؟

" أدهم كان عايز يطلع لوحده.. لأنه لما بيوصل للمرحله دي من الزهق و اللخبطه بيحب يفضل لوحده احسن.. "

= اصلها مش هتفرق فاهمه لو مش عايزه تطلعي عادي

- لا هاجي معاك..

= ماشي

- انت كويس يعني متأكد؟

= ايوه يابنتي روحي كملي شغل انتي

" خرجت و سيبته.. ومعرفش ليه كنت حساه مضايق اوي اليوم خلص و روحت مكتبة اشوفه فين ملقتوش! استغربت جدا انوه مشي من غير ما يقولي و عرف جدو بس عشان يروحني معاه..! "

>>>>>>>>>>>>>>>>>>>>>>>>>>>>>>>>>

صلي على محمد

|| في كافية | الساعه 10 بليل ||

- خير يا سارة

= لا مش خير.. انا مش عارفه خالص اتعين في مكتب زياد نصراوي ده زي ما قولتلي هو حذر جدا في الناس الى بيختارهم يشتغلوا في شركته..

- يعني معرفتيش اي حاجه ولا اي معلومه؟

= لا فيه حاجه عرفتها.. بيحاول يقلد حاجات كتير عندكم في الشركة و اجتمع مع المسؤولين الماليين كمان عشان يعرف ميزانية الحاجات الى عايز يغيرها هتبقي في حدود كام..

- متعرفيش ايه الحاجات دي بالظبط؟

= حاليا لا لسه

- اهم حاجه بس سمعتي انوه هيضر حد مننا او كده؟ انا على حسب معلوماتي انوه دايما بيصْرب منافسينه بحاجات قدْرة اخر مره كان في شوشرة واسمه جاي في محصْر مع مدير تنفيذي لشركه منافسة انوه زرع لهم محْدرات جوه شركتهم وبلغ عنهم

= بص.. انا فعلا بسمع الموظفين بيتكلموا.. بس هو عمره ما اتمسك عليه حاجه.. زي ما يكون وراه ناس ساندينه..!

- ما علينا.. حاولي تخليهم يثقوا فيكي يا ساره

و انا اتفاقي زي ماهو معاكي

= تمام.. نحاول تاني عشان خاطرك.

>>>>>>>>>>>>>>>>>>>>>>>>>>>>>>>>>>

" و بعد ما خلصت معاها رجعت الفيلا لقيت فريده قاعده في الجنينه فا روحت لها "

- قاعده بره ليه؟

= مستنياك!

"اتنهدت وقعدت جمبها فا بصتلي"

- مالك؟

= مفيش ضغط بس

- حاسه ان فيه حاجه مضيقاك؟

= ساعات مش كل حاجه ينفع تتقال

- متفكرش قول الى مضايقك وخلاص! موضوع حبيبه؟ انت حبيتها؟

= محبتهاش.. ولا حتي كنت معجب بيها.. انا كنت بهرب وخلاص بأني ابقي في علاقة مش عاوزاها لأن الى العلاقة الى عاوزاها مش هتنفع برضو

- طب و ليه مش هتنفع؟

بصلي وضحك: تعرفي.. انا لسه مختش حقي

- مش فاهمه حق ايه

= انتي صْربتيني بدل المره اتنين..

ضحكت: عشان كنت تستاهل يا أدهم

ابتسم: معاكي حق بصراحه..

- طب مش هنطلع نجهز بقا

= يلا..

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

" جهزنا حاجتنا و اتحركنا سوا.. كنت حاسه بشعور غريب ناحية ادهم شعور مكنتش فهماه اصلا! ولما كنا في الطيارة كنت مطمنه لمجرد وجوده جمبي.. "

" وصلنا الغردقة و دخلنا الفندق و كنت مرهقه جدا معرفش ليه"

- انا بجد مش قادره

= عرفتي بقا انك فرهوده؟

- عرفت!

= اطلعي ريحي وانا هجيب الشنط..

- هو احنا مفروض ننزل على كام

= يادوبك ساعتين

- انا ايه الى جابني

ضحك بسخريه: نفسي مره تسمعي كلامي

= فكرني المره الجاية اسمع كلامك.

- عنيا حاضر

>>>>>>>>>>>>>>>>>>>>>>>>>>>>>>>>>>>

|| في القاهرة | شركة W O G | مكتب زياد نصرواي||

- حلو اوي يعني هو خدها دلوقتي و قاعدين لوحدهم في الغردقه؟

= هما معاهم طقم تبع الشركه بس عشان تنظيم المؤتمر طبعا لكن هو وهي المسؤليين بس

- طيب اسمع بقا انا عاوز حد تبعنا هناك يركز لي اوي على البت دي

= تمام.. بس اشمعنا يا رييس البنت؟

بصتله وابتسم بخبث: البنات سهل يضحك عليها.. بعدين دي هتبقي صْربة حلوة اوي ليهم.. دي البنت الوحيده في عيلة الجيار!

ضحك: وحضرتك عاوزنا نعمل معاها ايه بالظبط؟

- هقولك..

>>>>>>>>>>>>>>>>>>>>>>>>>>>>>>>>>

|| الغردقه | غرفة فريده ||

" فتحت موبايلي لما سمعت صوته بيرن و لاقيته زين فا رديت بسرعه "

- زنزون..

= ايه يا فيرو.. ولعه معاكي في الغردقه

- انت لحقت تعرف؟

= اصل أدهم لسه مكلمني

- قالك حاجه؟

= حاجه ايه هو فيه حاجه

" صْربت على راسي من غبائي.. دلوقتي هيفتكر ان فيه حوار! "

- لا مفيش بسأل في العموم يعني

= فريده؟

- بجد مفيش حاجه لو فيه هقولك ما انت عارف قولي انت عامل اي عندك؟

= الحمدلله انا تمام.. انتي اخبارك ايه في الكلية و في الشركه

- في الكلية تمام.. لما بعطل ادهم بيذاكر لي.. و في الشركه برضو انا والله حاسه اني زهقته

ضحك: انا عايزك تقرفيه في عيشته

- والله بعمل كده.. وبخليه كمان يعلمني السواقة ده لو خلفني ونسيني مش هيعمل كده

= انتي براحتك ولو كلمك عرفيني

- لا هو بقا مسالم..

= والعيال عاملين ايه؟ محدش بيكلمني شوية عرر

- مش عارفه مش بنتكلم برضو أكيد مشغولين في الدراسه يوسف محشور قالي انه عنده مادتين كان شايلهم وطبعا يزن و يونس تالته ثانوي

= يلا ربنا معاهم هقفل بقا عشان نازل عندي محاضرات

- اوكيه باي باي

= خلي بالك من نفسك.. باي

>>>>>>>>>>>>>>>>>>>>>>>>>>>>>>>>>>

استغفروا ♡

" وبعد ما يادوبك ارتحنا شوية بدأنا تنظيم المؤتمر و قعدنا طول اليوم حرفيا في شغل وضغط.. و دي كانت اوي مره ليا اشتغل بشكل فعلي و رسمي مع أدهم و في اخر اليوم بعد ما خلصنا كل حاجه قعدنا كنا قاعدين على البحر و في الحقيقه ده كان طلبي.."

- البحر بليل شكله يخوف.. بس بحبه احنا هنرجع بكره؟

= بص بقا عدم التركيز نرجع بكره ازاي واحنا مفروض هنفذ فكرتك وهنعملهم بكره برنامج و رحلات

- طب أدهم.. انا عاوزة نبدء برحله للجبل و نركب بيتش باجي وكده وبعدين نقعد في خيم دي هتبقي اجمد حاجه

= ايه الحماس ده كله

- اصلي عمري ما عملتها بره.. عشان بره مفيش صحرا وكنت عاوزة اول لما انزل مصر اطلع الرحلة دي

= يبقي نطلعها.

- بجد ؟

= ايوه اديني دقيقة هعمل موبايل وارتب كل حاجه

" فضلت اتنطط بفرحه.. قام يتكلم في الموبايل وانا قعدت وفضلت باصه على البحر وانا سرحانه.. بعدين قربت.. كنت بسمع زمان ان البحر بيتكلم.. وبيقول ذكريات! مفهمتش معني ده غير لما شوفت قدامي كل ذكرياتي مع ماما فجأة افتكرت وانا صغيره وبمشي على الشط عشان خايفه و تيجي فجأة موجه توقعني.. فا تجري عليا بسرعه وهي على وشها ابتسامه دافيه.. وبعدها تفضل تلعب معايا وتخدني بالعوامه الصغيرة معاها..! دي من اجمل ذكرياتي معاها.. "

- فريده؟

" لفيت ومسحت دمعه نزلت مني وبصتله "

- مالك حصل ايه!

ابتسمت: مفيش حاجه بس افتكرت حاجه حلوة

قرب وبصلي: حاجه حلوة خلتك تعيطي؟

- عشان مبقتش موجوده

= مامتك؟

"هزيت راسي وانا بمسح عيوني فا طبطب على راسي بأيده زي ما يكون بيلمس طفله"

- انتي عيوطه اوي يا فريده.. انا متأكد أنها جمبك في كل وقت فا خليكي سعيدة.. وافرحي لما تفتكري ذكرياتك الحلوة معاها!

ابتسمت: معاك حق

= يلا بقا نروح ننام؟ عندنا بكره يوم اطول من انهارده.

>>>>>>>>>>>>>>>>>>>>>>>>>>>>>>>>>

|| تاني يوم الساعه 6 الصبح ||

" ادهم صحي على كذا مكالمه فتح موبايله لاقاها ساره فا رن عليها "

- الو ؟

= انا عماله اكلمك من بدري انت ايه ده ؟؟

- فيه ايه !! حد يرن على 6 الصبح

= انا عرفت ان زياد باعت حد وراكم في الغردقه او مخلي حد يراقبكم انت وبنت عمك حاجه شبه كده انا مش متأكده فا قولت اعرفك تخلي بالك !

" أدهم قام بدون تفكير و راح بسرعه عند اوضة فريده فضل يخبط مردتش لف من الناحيه التانيه للفندق عند البسين و بص عليها من الشباك ولكن مكنش مبين اي حاجه فكر يطلب الروم سيرفز عشان يفتح الأوضة لكن قبل ما يرجع لاقاها قاعده ناحيه البحر..! فا راح لعندها بسرعه "

- فريده ! انتي بتعملي ايه هنا ؟

بصتله بصدمه: ادهم انت خارج كده ليه؟

"أدهم مكنش مدرك انوه خارج بفانله كات و شورت"

بصلها وهو بيمسح علي شعره وبيتنهد: بتعملي ايه!

فريده ببراءة: فيه ايه! قاعده على البحر

- قاعده لوحدك على البحر الساعه 6 الصبح؟ ازاي صحيتي بدري كده اصلا يا فريده

= انا مش فاهمه فين المشكلة دلوقتي

- ولا حاجه.. تعالي

= تعالي انت اللبس حاجه ازاي تخرج كده

- طب ماشي يلا

" اطمن انها دخلت اوضتها و راح يغير.. وفريده مكانتش فاهمه اي حاجه رجع يرن على ساره "

- الو انت روحت فين

= معاكي اهو.. فيه حاجه تانيه عرفتيها؟

- لا بس خلي بالكم و تمم على الاوض و حاجتكم يمكن يحط حاجه مثلا او كده

" ادهم سمع خبط على الباب "

= ماشي يا ساره تمام لو فيه حاجه جديده رنيلي

" قام فتح و فريده دخلت وبصتله بشك "

- فهمني فيه ايه بقا؟ هو انا محطوطه تحت الملاحظه؟ مينفعش اخرج اقعد قدام البحر؟ الى هو قدام اوضتي علطول؟ امال لو خرجت من الفندق؟ هو انت يا أدهم بتعاملني على اني طفله بقا ولا ايه ولا أ

حط ايده على بوقها: اييييه ابلعي ريقك !!

شال ايده وهي بصتله بتكشيره فا اتكلم: انا جيت ابص عليكي ملقتكيش فا استغربت مش اكتر.. وبعدين.. اه! مينفعش تخرجي لوحدك احنا هنا سوا

- أدهم انت بتتكلم جد؟ الأمن فكل حته هيحصل ايه يعني!

= ولا حاجه يا فريده انا بس عاوزك قدام عيني فاهمه؟

- طب هنتحرك امتي

= تعالي ننزل نفطر الاول

- أوكيه يلا

" و نزلنا نفطر و الأكل كان جميل بس واحد صاحبنا كان عمال يتلفت يمين وشمال كأن عليه طار.. خلصنا و بدأنا بقا رحلتنا اتجمعنا و طلعنا في باص وصلنا للمكان الى هنركب منه بيتش باجي بعدين نتحرك بيه في الصحرا..! و طبعا ها قد أتت خناقة جديده.. "

- يابنتي هنركب سوا احسن !

= لا انا عايزه اركب لوحدي !

- يا فريده بطلي عناد ونبي انتي اصلا مش بتعرفي

= لا هعرف !

- طب خلينا نركب سوا دلوقتي وبعد شوية نشوف

= اه ده زي العربية كده الى مش بتخليني اسوقها لوحدي برضو!

- فريده احنا هنعجن بعض قدام الاجانب؟

" ضحكت على طريقته الجدية الى مش لايقه على الموقف الهايف ده "

- ماشي بس عارف بقا واحنا راجعين هرجع لوحدي.

= طيب يلا

" طلعنا و ركبت وراه عشان هو راجل مفتري.. وبدأت رحلتنا.. "

>>>>>>>>>>>>>>>>>>>>>>>>>>>>>>>>>>

|| في القاهره | فيلا زياد النصراوي ||

" كان واقف بعصبيه بيتكلم في الموبايل "

- انتوا حمـ.ـير !! انا باعت شوية عيال هفأ ولا ايه مش فاهم ؟؟؟

= يا باشا نعمل اي ؟ هو مش بيخليها تتحرك من غيره!

- تتصرفوا !!! ابعدوه عنها بأي شكل ! فاهمين؟ دي فرصتنا وهما هناك لو رجعوا القاهره مش هنعرف نعمل حاجه !

= اوامرك يا فندم

قفل الخط ورمي الموبايل: حبة اغبيه !

|| في فيلا عبدالعزيز ||

وليد: ايه ادهم طمنك يا بابا

عبدالعزيز: اه الحمدلله

هدي: هيرجعوا امتي

عبدالعزيز: المفروض بكره يوصلوا

هدي: طيب كويس

" شالت الأطباق وقامت مع الداده و وليد بص لعبدالعزيز "

- انت باعت وراهم حد يا بابا

عبدالعزيز: طبعا يا وليد زي العادي يعني

= اصل انا مش مطمن معرفش ليه

- لا متقلقش بعدين حبايبنا هناك كتير

>>>>>>>>>>>>>>>>>>>>>>>>>>>>>>>>>

|| في الغردقه | وقت الغروب ||

- ها يا ريس هنرجع ولا ايه

أدهم: اها هقولهم دلوقتي ونتحرك

فريده: هنمشي بسرعه كده

بصلها برفعه حاجب: فوقي يا ماما الساعه 5 المغرب واحنا خارجين 10 الصبح بسرعه ايه وبعدين لازم نتحرك قبل ما الشمس تغيب ولا عايزه الديابة تاكلنا

بصتله وضحكت: انت بتخاف؟

بجديه: لا انا خايف عليكي انتي لو عرسه عدت من جمبك احتمال يغم عليكي

صْربته في كتفه: رخم

- بعدين معانا أجانب لو واحد اتخدش خطتك هتبوظ

= لا كله الا خطتي معلش يلا بينا

" جهزنا عشان نركب وانا بصتله بنص عين وانا قاعده على البيتش باجي لوحدي "

- يا فريده بقا !

= لاااا نووو هرجع لوحدي

- طيب سوقي براحتك وهركب وراكي

= لا يا ادهم لا لا لا

- خليكي فكراها

ضحكت: حاضر يلا

" طلعنا بيهم و كنا ماشين ورا بعض وهو كل شوية يبص عليا محسسني اني طفلة.. و في نص الطريق تقريبا السرعه بتاعت البيتش باجي فضلت تقل لحد ما بقيت في الآخر ومكنتش شايفه ادهم..! وقفت خالص مني! وهما كانوا بيبعدوا واتفاجئت بحد واحد بيقرب وسايق ناحيتي.. "

" ادهم بص وراه مكنش شايفها فا بص للمشرف الى كان معاهم "

- فريده فين ؟؟

- يا فريده بقا !

= لاااا نووو هرجع لوحدي

- طيب هسيبك سوقي براحتك وهركب وراكي

= لا يا ادهم لا لا لا

- خليكي فكراها

ضحكت: حاضر يلا

" طلعنا بيهم و كنا ماشين ورا بعض وهو كل شوية يبص عليا محسسني اني طفلة مع اني بسوق كويس.. و في نص الطريق تقريبا السرعه بتاعت البيتش باجي فضلت تقل لحد ما بقيت في الآخر الصف ومكنتش شايفه ادهم..! و الباجي وقفت خالص مني! وهما كانوا بيبعدوا واتفاجئت بحد.. واحد بيقرب وسايق ناحيتي.. "

" ادهم بص وراه مكنش شايفها فا بص للمشرف الى كان معاهم "

- فريده فين يا أمجد ؟؟

= مش عارف كانت ورانا

زعق جامد: يا ريس محمد وقف لحظه !! حد تاه مننا !!

" الكل وقف و أدهم مكنش عارف يتصرف ازاي خصوصا ان الأجانب تبع المؤتمر مينفعش يحسوا بأي حاجه.. "

أمجد: طب ارجعوا انتوا وانا هرجع بيهم متقلقش!

أدهم: ماشي يلا ياريس بسرعه

محمد: اكيد ملحقتش تبعد اطمن يا ولدي

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" لقيت اتنين نزلوا من على البيتش باجي و قربوا ناحيتي وكل واحد فيهم مطلع مسـ.ـد س "

- متخافيش

بصتلهم برعب: انتوا مين!

- احنا تبع عبدالعزيز بيه

"اتنهدت بعد ما كان قلبي هيقف"

- جدو! تبع جدو؟!

" وقف واحد منهم يحاول يلقط شبكه عشان يتكلم في الموبايل ولكن كل ده مكملش تلت دقايق و شوفت عربيتين راجعين وتقريبا كان أدهم ... اه هو "

" ادهم اول لما شافها واقفه وباين عليها الخوف و الرجالة حواليها نزل بسرعه و راح صْرب واحد منهم بدون اي تفاهم "

فريده بصوت عالي: اهدي اهدي !!! دول تبع جدو !!

"محمد سلك الدنيا و فريده مسكت في ادهم"

مسكته: محصلش حاجه اهدي يا ادهم !!

ادهم قربها ناحيته وبصلها بتفحُص: انتي كويسه!!

- والله كويسه!! الباجي بتاعتي عطلت وبعدين لقيتهم جايين وكانوا بيكلموا حد يجلنا

" وطبعا بعد ما الموقف اتلم و ادهم اتأكد انهم تبع عبدالعزيز روحو الفندق و فريده شايفه ان أدهم كان خايف بزياده!! فضلت قاعده تسمعه وهو بيكلم عبدالعزيز في الموبايل و متنرفز "

- ماشي يا جدو كنت على الأقل عرفتني ! انا مش فاهم ايه لازمتها ؟

= لما توصل يا ادهم نتكلم

- ماشي

" قفل الخط و اتنهد بتعب فا بصتله "

- انا محتاجه افهم فيه ايه!

= فيه اني قولتلك بلاش تبعدي يا فريده !!

- انا مبعدتش البتاع عطل! و انت مكملتش خمس دقايق وكنت عندي! وجيت لقتني كويسة وجنبي اتنين واقفين مش بيعملوا حاجه؟ روحت صْربت واحد بطريقه هـ..

سكت وبصتله بهدوء: عشان ايه كل ده!

"أدهم مسح على وشه وحاول يهدي"

بصلها وقال بنبره قلق: عشان كنت خايف عليكي

- ماشي بس انا مش صغيرة! وبعدين هما الاتنين دول طلعوا منين فجأة اصلا ؟ احنا متراقبين؟

= لا.. دول حراسه عشان الطقم الى معانا

- ولما انت عارف انهم حراسه للطقم ليه اتفاجئت و صْربت واحد منهم و قولت لجدو دلوقتي كنت على الأقل عرفتني؟ فا مش فاهمه!

ادهم بذكاء: عشان دول حراسه اضافيه جدو بعتهم بعدنا لأن العدد كبير المره دي وانا فعلا معرفهمش! شكلهم جديد عليا! عشان كده خوفت عليكي و صْربته

= و ايه بقا مخليك قلقان بالطريقه دي؟؟ كأني مثلا بيبي ميعرفش يتعامل لوحده! انا كبيرة يا ادهم!

= انا معرفش الكلام ده! الى اعرفه ان الدنيا مش امان وانتي متعرفيش حاجه عن بشاعه الناس! عشان انتي مش زيهم فا عمرك ما هتتخيلي عاملين ازاي في الحقيقة و بيعملوا ايه!!

- يمكن معاك حق.. بس انا مفروض اعتمد على نفسي و زين قالي قبل كده انه مبسوط عشان بجيب حقي وبعرف اتصرف و قالي اعملي الى انتي عاوزاه وانت كمان على فكره قولتلي كده!!

= قولتلك تعملي الى انتي عاوزاه طول مانا معاكي؟

وانا متأكد برضو ان زين كان يقصد وهو معاكي مش وانتي لوحدك ابدًا

فريده بنرفزه: انت بتكلم واحده طول عمرها كانت لوحدها اصلا !!!

- ممكن تهدي؟

= لا مش ههدا غير لما تفهم اني مش صغيره و اني قبل كده كنت بشتغل و بروح وباجي لوحدي!

- الكلام ده بره؟؟ مش هنا! انتي تعرفي ايه هنا؟

سكتت فا بصلها وكمل: بالظبط ولا حاجه يا فريده.. ويمكن كنتى لوحدك قبل كده بس ده اتغير دلوقتي واحنا باقينا موجودين معاكي

بصتله بسخرية: زين مش موجود دلوقتي! وانت ممكن متبقاش موجود برضو!

= لا انا هفضل موجود..

فريده عشان خاطري!!

المره دي انا مش بهرج.. لو سمحتي عشان افضل مطمن متبعديش ولا تتصرفي من غير ما ترجعيلي فاهمه ده؟

- اه ابقي طفله يعني

أدهم بمرونه: انتي احلي الأطفال ياستي و اشقي الأطفال كمان بس نستحمل هنعمل ايه؟

ضحكت وبصتله بجديه: خلاص ماشي.. المره دي هسمع كلامك.. عشان مش عاوزاك تبقي قلقان بس مش اكتر لكن انا كبيره واعرف كويس اتصرف لوحدي

رد بمُسايسه: انتي فريده الجيار.. مش اي حد

= بالظبط كده.

" وخلص النقاش و لو جينا للحقيقة.. انا كمان خوفت اوي لما فجأة حسيت اني لوحدي... وانه مكنش جمبي!"

" يومها روحنا تعبانين الفندق نرتاح.. و الحمدلله محصلش اي حاجه تبع المؤتمر مش متخطط لها وبعد ما الشغل كله كان تمام رجعنا القاهرة.. "

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في شركه WOG ||

- والله العظيم حبه متحْلفين !!!!

= يا ريس والله عملنا زي ما قولت و عطلنا عربيتها لكن فجأة ظهرت رجالة من العدم حواليها! دي كأنها متحصنه ! وعاملين حسابهم كويس اوي في تأمينها

= ايوه يا باشا عرفنا ان الرجالة دي كانت تبع الجيار

- يا فرحتي.. هو ده الى انتوا فالحين فيه !! رجالة الجيار !! وانتوا بقا ايه ؟؟ انتوا مش رجالة اصلا ؟؟

= قولنا نعمل ايه واحنا هنعمله سيادتك

ضحك بسخريه و زعق: تعمل ايه !!! اذا كانت متأمنه بره القاهره بالشكل ده تفتكر هتقدر تعملها حاجه وهي جوه ؟؟؟

= يافندم احنا ممكن نشوف حل و..

قاطعه: غوروا بره انا مش طايق اشوف حد

>>>>>>>>>>>>>>>>>>>>>>>>>>>>>>>>>>

صلي على محمد

|| فيلا الجيار ||

عبدالعزيز: انا اطمنت عليها.. والحمدلله محصلش حاجه ممكن افهم بقا انت ايه مضايقك

- انك معرفتنيش يا جدو!

= ما انا قولتلك يا أدهم.. محدش منكوا بيتحرك غير بحرس وراه مفروض تبقي عارف يعني

- انت بتلعب عليا يا زيزو باشا؟ مانا متكلم معاك قبل السفر وقايلك هخلي بالي عليها و روحت لها على فكره مكنش حد هيقدر يقربلها ولا انت مش واثق فيا ؟

= انا مقلتش كده يا أدهم انت عارف انا واثق فيك ازاي! ولكن الاحتياط واجب.. وانا كنت عايز اخف الضغط من عليك انا عارف شعورك هيبقي عامل ازاي وانت حاسس انكم في حْطر طول الوقت انا مجرب!

" ادهم اتنهد بصمت عشان كلامه كان صح! "

" سمعوا صوت فريده بتنادي "

- طيب روح شوفها و بكره الصبح فيه اجتماع طبعا متعرفهاش عشان هي عندها محاضرات ولو ضحكت عليك وقالت لك لا معنديش فا لا هي عندها قولها بقا انها اجازه من الشغل بكرة

ادهم غمزله وضحك: تؤ مش بيفوتك حاجه خالص انت يا عالمي

ضحك: ابعد بس عينك دي عني يا ولد

ضحك: الله واكبر عليك يا زيزو

" يا ادهم !! "

- طيب سلامو عليكو

خرج يبص عليها كانت واقفه قدام اوضتها: اخلص اطلع بسرعه

- فيه ايه

= اطلع بس مفاجأه

" ادهم طلع ودخل الاوضة كانت فاتحه اللاب توب و مجمعه العصا..بة كلها وفاتحين فيديو كول "

يوسف: ادهم باشا الجيار بنفسه ده الكول نور

يونس: قصدك ضلم

أدهم: جرا اي يا معفن منك ليي

زين: اه هيضيعوا الشوية الى اتجمعنا فيهم في الخناق

فريده: لا لا خناق ايه نهدا كده لازم احكي لكم يجماعه على موقف حصل في الغردقه واحنا مسافرين

ادهم قلب عينه: يوووه

يزن: متقوليش ادهم كل ايه المره دي ؟

أدهم بصلها بدهشه: تقصد ايه هو انتي قولتي لهم على موضوع المانيا!

زين: يابني دي اسمها فريده الفتانه!! ده انا مهري منها

يونس بشماته: كان حلو الحْنرْ ير يا ادهم؟

أدهم: حط صباعك في بوقك وانت تعرف يحبيبي

يوسف: بووووم ودي

"كلهم ضحكوا وبعدين

فريده بدأت تحكي لهم الى حصل"

- وبس يجماعه وفجأه لاقيته نزل من على البيتش باجي ونط حرفيا مسك واحد من الى كانو واقفين بونيه جاب اجله يا عيني!!

يزن: سوبر مان

أدهم: دى اقل حاجه عندى يابني!

زين: ضهرنا اتحمي يرجالة

يوسف: ادهم بأمانه عليه بونيه.. و يونس اكتر واحد مجرب ولا ايه

يونس: ما تبس بقا بدل ما انزلك مصر اعجنك

يوسف: حصتين الجيم موقين قلبك ولا ايه

زين: لا تلاقيه واكلين كيسين قلبظ

ادهم: منفوخ على الفاضي يعني

يزن: هو اصلا نازل الجيم يموف اون

يونس بصله: اسكت انت ها اسكت خالص الاستاذ بقي رايح يحب واحده و بعدين اكتشف انها كرستينا

" قعدوا يضحكوا جامد و يزن بصله بتكشيره "

يزن: مكنتش بحبها اوي خلي بالكم

يوسف وهو بيضحك: احجزله معاك فالجيم بقا يا يونس

" فضلنا نضحك حرفيا طول الكول

وقعدنا نحكي كتير سوا.. وعلى عكس ما توقعت.. المسافات مخلتناش نبعد! قفلنا الكول و بعدها لقيت أدهم زي ما يكون قالب وشه ؟ "

- ايه مالك؟

= الواد زين المهزق ده

- عمل ايه؟

= وحشني اوي.. فكره اننا بنتكلم كده وبينا شاشه.. بتجبلي حْنقه بجد

" مكنتش عارفه اقوله ايه لأن معاه حق "

- بس اهو بنطمن عليه! ونشوف بعض..!

= اه.. الحمدلله..

انا نسيت اقولك صح بكره انتي اجازه من الشركه

- يبقي اروح الكليه بقا

= اه و تخلي بالك من نفسك ولا تروحي كده ولا كده

- وانا من امتي بروح كده او كده

= انا بعرفك بس

- لا مانا عارفه

= بطلي لماضه!

- لاء!

زقها براحه: طب نامي ها نامي

ضحكت: رخم

- لمضه

>>>>>>>>>>>>>>>>>>>>>>>>>>>>>>>>>>

استغفروا ♡

|| تاني يوم الصبح | على الفطار ||

هدي: صباح النور يا فوفا

فريده: صباح القمر يا هدهد هانم

ادهم: امممم اترحمنا من فقره التلزيق مع زين بقت فقرة تلزيق مع فريده

عبدالعزيز: الغيره هتموتك

هدي ضحكت: انا اتفقت مع هبه تيجي النهارده هي و يوسف

أدهم: اشمعنا

وليد: واحد صاحبنا هيكمل 25 سنه.

فريده بصدمه: ايه! هو انهارده عيد ميلادك!

ادهم: انا اصلا كنت ناسي

عبدالعزيز: لولا ناديه مسافره هي و الولاد كنا عملنا عيد ميلاد كبير.

فريده بتفكير: عادي احنا ممكن نعمله تاني لما ينزلوا!

هدي: طبعا احنا عندنا كام ادهم حبيب ماما

عبدالعزيز: ايوه دلعيه عشان بيغير

ادهم: تؤ ماما انا كبرت على الدلع ده

فريده ضحكت فا ادهم بصلها: اسكتي انتي!

" عملت حركة السوسته على بوقها وسكتت "

- يلا عشان اوصلك

بصت ناحيه عبدالعزيز برجاء: جدو ونبي قوله

أدهم برفعه حاجب: يقولي ايه؟

عبدالعزيز بقلة حيلة: خليها تسوق بعربيتها يا ادهم و انت تبقي معاها

أدهم بسخريه: هي عرفت تأثر عليك يا جيار بيه؟

وليد: ولد؟

عبدالعزيز: سيبه سيبه يا وليد ده غيران قولنا

أدهم: بجد والله؟

هدي: خليها تروح بالعربية بتاعتها ولا هي جاية عشان تتركن

ادهم بصلها: ده انتي أثرتي على البيت كله بقا! بابا مش عايز تقول حاجه ؟

وليد: انضج انت هتبقي 25 سنه

" ضحكنا كلنا على جملة عمي.. و أدهم وافق فعلا بعد الحاح شديد و ركبت عربيتي اخيرا و روحت لحد الكليه لوحدي وهو كان قاعد جمبي بيلطم معرفش ليه "

- ايه رأيك بقي في سواقتي

= زفت يا فريده زفت انتي كنت هتعملي حدثه يجي ست مرات!!!

- انت حقودي خلي بالك اعترف اني بعرف اسوق

= بتعرفي ايه؟؟ انا لازم ابيع العربية دي!!

- طب انا هنزل يا ادهم ومش هرد عليك يلا باي

" نزلنا و شد مفاتيح العربية مني وقفلها

لأني كنت همشي واسيبها مفتوحه!

رجع المفتاح ف ايدي وبصلي بنفاذ صبر "

- خلي بالك من نفسك و افتحي موبايلك لو معرفتش أعدي عليكي السواق هيجيلك متتحركيش لوحدك

= حاضر حاضر حاضر نفس كلامك كل يوم مش بتزهق

- يلا ياحببتي روحي ادخلي يلا عندك محاضرات

"مشيت وانا بدبدب بزهق"

" فضل باصص عليها لحد ما دخلت وبعدين مشي "

>>>>>>>>>>>>>>>>>>>>>>>>>>>>>>>>>>

|| في شركه الجيار | غرفة الاجتماعات ||

" كان عبدالعزيز قاعد و جمبه وليد و الناحيه التانيه ادهم و مصطفي "

وليد: طيب.. احنا طبعا الفترة الى فاتت عاملين شغل كويس جدا في الشركة ومحدش مأثر.. لكن انا عندي تعقيب بسيط.. بالنسبه لصيانة الباصات الى بتتحرك بالناس.. الشهر ده بس حصل عطل اكتر من اربع مرات وده أكيد مش مسموح ابدًا

مصطفي: احنا فعلا كنا هنتكلم في النقطه دي

رد موظف: حضرتك الأعطال دي كلها جديده على الشركه الباصات بيتعملها صيانها في مواعيدها وكل حاجه بتبقي تمام و بتكون خارجه بحالة كويسة يادوبك في اول استراحه بتقف فيها وبتتحرك تاني بيحصل العطل

مصطفي: كأنها مقصوده..!

" طبعا عبدالعزيز و وليد و ادهم فهموا في نفس الوقت.."

أدهم: و ده بقي بيحصل ازاي يا أستاذة؟ فين الرقابة على الباص ؟

- يا أدهم بيه السفريات كلها بليل و جايز يحصل اي حاجه من غير ما ناخد بالنا

مصطفي: ايه التهريج ده؟ السواق و الاتنين مشرفين الى بيطلعوا معاه مسؤلين مسؤولية كاملة عن الباص

وليد: خلاص.. احنا هنشوف الموضوع ده

"وبعد ما الاجتماع ما خلص قعدوا هما التلاته مع بعض"

أدهم: اكيد هو.. زياد نصرواي هو اكبر منافس لينا!

وليد: وايه مخليك متأكد

ادهم: عشان انا زارع حد في شركته يا بابا.. قوله يا جدو

وليد بص لعبدالعزيز فا اتكلم: عرفنا انوه برضو كان سبب عطل البيتش باجي بتاع فريده في الصحرا

وليد: ايه!!! احنا لازم نوقفه عند حده!!

عبدالعزيز: هيحصل.. انا عارف هو بيعمل كل ده ليه عاوز يدمر سمعة الشركه قبل المؤتمر الدولي! في شهر 12 عشان شركتنا تقع من الاختيار طبعا

أدهم: مستحيل! احنا الى بننظمه كل سنة اصلا!! هو بجد فاكر نفسه مين؟ ولا فاكر بالساهل كده يوقعنا

وليد: بابا.. انا بقول نبلعْ ونبقي مأمنين مع ناس تبعنا

عبدالعزيز: متقلقوش هنعرف نتصرف اهم حاجه دلوقتي انكم تخلوا بالكوا من نفسكوا.. و ادهم تاخد بالك من فريده.. بس من غير ما تحسسها بحاجه ماشي؟

- حاضر يا جدو

>>>>>>>>>>>>>>>>>>>>>>>>>>>>>>>

|| في الجامعه ||

" خلصت محاضراتي وخرجت لقيت زين بيرن عليا "

- الو

= ايوه يا زنزون

- انا في بريك قولت لازم اكلمك ضروري انهارده عيد ميلاد ادهم ومكنتش واخد بالي

=اه مامتك لسه قايله الصبح وانا مكنتش اعرف برضو

- طب تعرفي تظبطي مع العيال تاني نتجمع ونحتفل بيه فيديو كول بقا بليل

= يوسف و طنط هبه جايين هحاول اعمل كده

- انتي فين دلوقتي اصلا؟

= انا خلصت الجامعه وبفكر اروح في حتة اجيب هديه ومش عارفه اروح فين واخوك عامل عليا حراسه مشدده وقالي مخرجش لوحدي بس انا بقيت اعرف اسوق فا هشوف محل قريب

- بجد بتسوقي ولا نكش فراخ

= عيب عليك يا زنزون

‐ خلاص اخرجي بس خلي بالك من الطريق

- اوكيه

= خلي بالك من نفسك يا فيرو..

- حاضر الله هو ادهم عداك هخلص واكلمك يلا باي

" و فعلا خرجت من الكلية و قعدت اللف بالعربية والحمد لله الشوارع كانت رايقه.. وقف لما لفت نظري محل شيك جدا.. فا نزلت و بدأت اختار هدية أدهم.. "

" لكنى لاحظت وانا واقفه اتنين شكلهم غريب دخلوا المحل و كل شوية يبصولي فا كنت قلقانه يادي النيله انا هتحْطف ولا ايه ده ادهم كده يشمت فيا!"

"وكنت خلاص اختارت الى انا عاوزاه ورايحه احاسب قبل ما واحد فيهم يقرب مني و يقف قصادي"

- فريده هانم

بصتله بحده: افندم مين حضرتك!

- حرس حضرتك عبدالعزيز بيه باعتني

= جدو باعت حرس ورايا؟ ليه؟

- مش عارف يا هانم المهم ترجعي معانا دلوقتي هو طلب ترجعي الفيلا حالا

= وليه مكلمنيش؟

- هنخلي حضرتك تكلميه في الطريق

" حاسبت على الحاجه الى جبتها و خرجت لاحظت انوه واقف في طريقي وانا فاتحه باب العربية عشان اركب "

- فيه ايه؟ هركب عربيتي!

= الأحسن تتحركي معانا و تسيبي عربيتك

بصتله بشك وعدم فهم: هو فيه ايه بالظبط؟

- إجراءات أمنية حضرتك.

" بصتله بنفاذ صبر وقفلت الباب و اتحركت ولكن قبل ما اركب معاهم لقيت كذا بودي جارد بيتحركوا ناحيتي بسرعه جدا و واحد مسكني بقوة وبعدني عنهم "

" و الباقيين مسكوا الناس الى دخلت لي البوتيك و قامت خناقه و رفعوا مسـ.ـدسات !! "

>>>>>>>>>>>>>>>>>>>>>>>>>>>>>>>>>>

|| في شركة الجيار | مكتب عبدالعزيز ||

" أدهم كان قاعد معاه و بيشوفوا هيعملوا ايه في موضوع زياد نصراوي و بيحكي له عن مصدر معلوماته ساره و وسط كلامهم عبدالعزيز موبايله رن "

- دول حرس فريده.. الو ؟

" عبد العزيز فضل يسمع و تعابير وشه اتقلبت تماما و قال بصدمه "

- نعم ؟؟ طب انا جاي حالا

أدهم بقلق: فيه ايه يا جدو!!

- فريده... نادي وليد و يلا بسرعه

" ركبوا العربيات و راحوا على القسم الى الحرس قاله عليه في اقل من ربع ساعه حرفيا و اول لما وصلوا خدهم عسكري لمكتب الظابط "

" دخلوا و أدهم عينه كانت بتدور عليها لقاها قاعده خايفة وشكلها تايه راح ناحيتها بسرعه وهي قامت فا حضنها بقلق "

- حصل ايه؟؟ انتي كويسة!!

" هزت راسها بالايجاب و عبدالعزيز خدها في حضنه وطمنوها وبعدين قعدوا ؛ الحرس بتوعهم

دخلوا و الجارد بدأ يحكي الى حصل "

- حضرتك الهانم اتحركت من الكلية للمحل الى كانت فيه واحنا كنا وراها حسب اوامر سعادتك وبعدين لاحظنا ناس شكلها غريب دخلت المحل فا استنينا بره لقيناها خارجه و واحد منهم منعها تركب عربيتها و كانوا عاوزين يخدوها بالعافيه معاهم فا ادخلنا وقتها و مسكانهم و طبعا الشرطه استلمتهم كلهم حضرتك.

" فريده مكنتش قادره تتكلم حرفيا ولا فاهمه بيحصل ايه ولكن قالت ان الى اتحكي هو الى حصل. "

" الظابط كتب اقوال الحرس و عبدالعزيز كان مذهول من الموقف و عمل كام اتصال مع معارفه.. وفتح محاصْر قديمه.. ان دي مش اول مره يتعرضوا لحاجه شبه كده.. و وضح ان ده بسبب وضعهم في السوق.. و أدهم وجه تهمه رسمية لزياد نصراوي و طلب حضور سارة تشهد بالي تعرفه خصوصا انهم برضو كان مبلعْين ظابط تبعهم بـ واقعة الجبل..

" و كل ده تم حفظه و العيال اتحولت للنيابة عشان يتأكدوا هما تبع مين.. "

" و في اخر اليوم فريده رجعت معاهم الفيلا و اول ما دخلت هدي جريت عليها حضنتها هي وهبه "

- انتي كويسة يا حببتي حصل ايه!!

يوسف طبطب عليها وبص ناحيه وليد: ايه الى حصل يا خالو ؟

فريده بهدوء: انا هطلع اوضتي

" عبدالعزيز شاور لهم بمعني سبوها فا طلعت "

" ادهم كمان طلع اوضته و كان حرفيا متغاظ جدا من الى حصل مش فاهم ازاي حد يجيله الجرأة يعمل كده !! فضل يفكر كتير في مليون سيناريو لو مكنش عبدالعزيز حاطط حرس دايما!! و مش فاهم ليه فريده مسمعتش كلامه ! كان هيتجـ.ـنن من تصرفها الى حطها في موقف حْطر زي ده ولكن ادهم كان بيحاول يمنع نفسه انوه يتكلم معاها و يلومها عشان الى حصلها مكنش سهل.. ولكن هو مقدرش.. و طاقة الغضب سيطرت عليه..!!"

- انتي كويسة يا حببتي حصل ايه!!

يوسف طبطب عليها وبص ناحيه وليد:

هو ايه الى حصل يا خالو ؟

فريده: انا هطلع اوضتي

" عبدالعزيز شاور لهم بمعني سبوها فا طلعت "

" وادهم كمان طلع اوضته و كان حرفيا متغاظ جدا من الى حصل مش فاهم ازاي حد يجيله الجرأءة يعمل كده !! وفضل يفكر كتير في مليون سيناريو لو مكنش عبدالعزيز حاطط حرس دايما!! و مش فاهم ليه فريده مسمعتش كلامه ! كان بيحاول يمنع نفسه انوه يتكلم معاها و يلومها عشان الى حصلها مكنش سهل.. ولكن هو مقدرش.. و طاقة الغضب سيطرت عليه "

" خبط على الباب الى كانت سيباه مردود و دخل لقاها قاعده في صمت على سريرها و أول لما شاف دموعها غضبه بدء يقل.. واتحول كل الغضب لندم قرب ناحيتها ومسح دموعها "

- متعيطيش!

" بصتلي وعيونها مليانه دموع.. وقتها ادركت اني معنديش نقط ضعف غير دموعها..! "

- خلاص يا فريده الحمد لله انك كويسة

اتكلمت بعياط: انا مش فاهمه حاجه انا كان مفروض اسمع كلامك!

= مش وقته الكلام ده

بصتله بلوم: وانت كان مفروض تعرفني!! مفروض تعرفوني ان في ناس عايزه تآذينا عشان اخلي بالي !

- جدو مكنش عايز يحطنا في ضغط !

= وانا كده مكنتش مضغوطه؟؟

- لا بدليل انك بالفعل خرجتي لوحدك مع اني قولتلك متعمليش ده !! كان هيحصل اي لو سمعتي كلامي وانا كنت مخلي بالي عليكي بعدين انا مش فاهم اصلا لحد دلوقتي كنتي بتعملي ايه هناك؟

زعقت: أدهم سبني لوحدي !

" ادهم بصلها بعدم فهم "

- مش عايزه اتكلم مع حد !! سبني لوحدي

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" خرج من الأوضة وكان متعصب ولما دخل اوضته لقي موبايله بيرن كان زين فا رد عليه "

- كل سنه وانت طيب يا ادهم بيه

اتنفس بهدوء عشان يبان طبيعيي: وانت طيب يا حبيبي

- اول لما انزل ليك عندي هدية بس هدية فريده تسد دلوقتي

= هدية ايه؟

- يادي النيله شكلي بوظت المفاجأة

أدهم بأستيعاب: هي فريده كانت بتجبلي هدية؟؟

- اه.. كانت بتكلمني الصبح وقالت لي انها رايحه تجبها

= وانت قولتلها تروح؟

- ايوه يابني فيه ايه

مسح على وشه بغضب: مفيش يا زين.. مفيش حاجه احنا بس كنا مضغوطين في الشغل فا هي رجعت همدانه

= عشان كده مش بترد انا قولتلها تجمع العصـ ـابة نتكلم فيديو كول تاني ونحتفل بالباشا

- تتعوض يا حبيبي.. انت اخبارك ايه؟ كويس!

= اه الحمدلله يا أدهم.. بس فريده وحشتني اوي بجد..

اتنهدت: و انت كمان وحشتها

- خلي بالك منها يا أدهم.. عشان هي ساعات بتهب منها و بتفضل تعاند على الفاضي و تتعصب كده زي العيال

ضحك وكمل: زي ما كانت قالبه على موضوع سفري وقعدت تعاملني المعامله القاسية بتاعتها.. بس بعد كده لانت..

ادهم بحزن مكتوم: متقلقش يا زين فريدة أختي و يمكن منعرفهاش من بدري بس حقيقي هي زي اختي بالظبط نفس الغلاوة وبخاف عليها ومخلي بالي منها..

زين: انا عارف انك بتكرهني بس انا بحبك

ضحك وخد نفس: انا كمان بحبك يا زين بحبك اوي كان نفسي تبقي معايا دلوقتي

زين بتعجب: ايه ده ايه ده ادهم باشا الجيار بقي حنين كده ليه

- تصدق انا غلطان.. بكرهك

زين ضحك جامد: ايوه كده ارجع يابا.. انت وحشتني اوي والله يا أدهم بس هيجي يوم وارجع واقرفك متقلقش يعني

- ماشي يخويا.. ربنا يوفقك يا زين وترجع بالسلامه

" قفلت الخط معاه و نزلت الجنينه روحت فتحت عربيتها ولقيت علبة هدية فعلا.. ابتسمت بسخرية على غبائي!! واني قد ايه متسرع ومش بفهمها.. خت البوكس و بعدين طلعت خبط على اوضتها كانت طافيه النور فا شغلت الاباجورة "

- فريده؟ اكيد ملحقتيش تنامي يعني

رمت الغطا وبصتلي بعصبيه: انا مش طايقه نـ..

سكتت وبصت للهديه وبعدين بصتلي: ايه ده؟

حطيت البوكس وقعدت: زين لسه قافل معايا.. انا اسف.. مكنش قصدي انتي عارفه اني كنت خايف عليكي

مردتش فا بصلها: كنتي بتجيبي ايه بقا؟

ردت بهدوء: افتحها

" فتحتها لقيت كور صغيره كتير فا ابتسمت "

- ده تشويق يعني؟ الهديه مستخبيا جوه؟

= اممم

" دور فيها لحد ما طلع شوكولاته و حاجات وبعدين طلع علبة صغيره كده شيك بصلها و قرأ الماركه و رجع بص ناحيه فريده بتعجب "

- انتي بتهزري؟

" فتح العلبة و كانت ساعة "

= عجبتك؟

- عرفتي منين اني بحب الساعات؟

= يوم لما دخلت اوضتك اول لما جيت هنا.. لاحظت ساعات كتير كده و محطوطين بطريقه معينه و عرفت يعني انك مهتم بيهم و بتحبهم.. طبعا هما و الجاكيت الى قولتلي اني عايزه اسرقه

ضحك وبصلي: انتي مش بتنسي ها؟.. بس بجد جميلة

- كل سنة وانت طيب

= مش عايزك تزعلي مني..

- مش زعلانه

= حتي لو مش زعلانه حقك عليا.. انتي بالنسبة لي يا فريده حاجه غالية اوي والله.. انا طول عمري كان نفسي في اخت بنت بس تقريبا العيلة دي مش بتجيب بنات.. لكن انتي جيتي ومش بس بعاملك على الاساس ده.. انوه انتي اختي الصغيرة انا بعاملك على انك بنتي عشان انتي طفلة اوي

كانت هتتكلم فا قاطعها: ايوه طفله مهما حاولتي تنكري ده

ابتسمت وبصتله: انا بكرهك

- متسرقيش كلامي طيب

= مش طيقاك اصلا عشان اسرق كلامك

- ماشي ياستي شكرا

= والله؟ مش هتصالحني يعني!

- امال انا كنت بعمل ايه يا لمضه.؟

= معرفش صالحني تاني مش انت اخويا الكبير استحملني

- طبعا يا كتكوتة هستحملك قوليلي ايه يرضيكي

= تعاملني على اني كبيرة يا أدهم وتفهمني صدقني وقتها هنفهم بعض ومش هيحصل حاجه زي دي و هسمع كلامك! انا عارفه انك بتخاف عليا! بس.. انت مش بتديني فرصه افهم!

- خلاص يا لمضه هانم.. المهم دلوقتي انك كويسه! ومش مضايقه

= انا كويسة.

الحمدلله انهم لحقوني انا عايزه اقولك على حاجه انا برضو غلطانه وانت معاك حق انا مش هكدب..

الناس الى كانت هتخدني دي ضحكوا عليا وانا زي العبيـ.ـطه صدقت وكنت هركب معاهم كان مفروض اكلم جدو اسأله الأول هو طلب من حد فعلا يوديني عنده ولا لاء لكن انا مفكرتش.. فا انت معاك حق يا أدهم انا بجد هبله .. هبله اوي !!

" بص لملامحها الى كانت حزينه و ندمانه من الى عملته.. ومكنش هاين عليه تأنب نفسها.. "

- فريده بصيلي.. اول حاجه متوطيش راسك..! خليها علطول مرفوعه! تاني حاجه بقا اديكي اتعلمتي.. خدي المفيد من الى حصل و اتعلمي منه! مش تخدي الوحش و تقعدي تأنبي نفسك عليه! الى حصل حصل خلاص انا مش عاوزك تشيلي هم حاجه طول مانا معاكي هنعدي اي حاجه سوا فاهمه؟

هزيت راسي وابتسمت: شكرا يا أدهم

زق راسها بالراحه: بس يا هبله

ضحكت: ماشي.. انت عملت اي مع زين بقا عشان كنا متفقين نتكلم كول وانا مرضتش ارد عليه عشان ميعرفش الى حصل و اخضه..

- هو زين ميعرفش اي حاجه اصلا.. ولا حد يعرف غيري انا و جدو و بابا عن موضوع المؤذي ده فا الاحسن انوه ميعرفش حاجه خصوصا وهو بعيد هيبقي صعب عليه

واحنا كدا كدا هنوقعه قريب وندخله الحبـ ـس

= معاك حق مش لازم زين يعرف.. طيب تيجي نكلمهم؟

- طيب ابعتي لهم عبال ما أجي هغير واجي

" خرج وانا فتحت اللاب توب و رنيت عليهم و اول واحد رد كان زين "

- ايه يا فيرو بقيتي كويسة؟

بصتله بستغراب: كويسه؟

= اه ادهم قالي كان يوم مليان شغل

- شغل اه.. ايوه

بصلي بنص عين وهو بيمثل الشك: ايه مالك مخبيا حاجه ولا ايه؟

= لا ابدا هخبي ايه يعني انت اخبارك ايه؟ مش مفروض تبقي نايم

- مانا صاحي اخلص كام حاجه

" رفع الكتاب فا فتحت عيني بدهشه "

= كل ده كتاب ؟؟

- شوفتي.. هي الجـ ــراحه بالساهل

"يزن و يونس دخلوا هما كمان"

يزن: فين برنس الـ عيد ميلاد؟

يونس: حتي في عيد ميلاده كاريزما؟

أدهم دخل الاوضة على جمله يونس وحرك اللاب توب ناحيته وبص: انا طول عمري كاريزما ياض

يوسف دخل مع أدهم و بص لفريده وقال بصوت واطي: انتي تمام؟

"فريده ابتسمت وهزت راسها بهدوء"

يونس: اي ده انا شايف يوسف زي ما يكون الاوضة ضلمت

يوسف بصله وضحك: بس يامهزق ادعي عليك بإيه وانت محشور في امتحانات ثانوية مفيش اسوء من كده

يزن ضحك: الحمدلله على نعمه الأدبي يونس قام مفزوع انه سقط في الفيزيا

يونس: اه وهو من كام يوم كان هيعيط بعد امتحان التاريخ محمد علي بعياله و احفاده حطوا عليه

فريده: متقلقوش ان شاءالله خير..

زين: انتي ملكيش دعوة انتي طبعا معاكي الأستاذ ادهم الجيار بنفسه بيذاكر لك

ادهم ضحك: حد قالك تدخل طب ؟؟ كنت ادخل بيزنس ياحبيبي واذاكر لك

يونس: انا هدخل بيزنس هتذاكر لي ؟

أدهم: لاء

" كلنا ضحكنا وكا العاده النكش المستمر.. و في اخر

الكول كله عيد على ادهم و قعدنا نغني له مع انه قال انه مش بتاع الكلام ده بس كنت شيفاه فرحان..! "

" وعدت الأيام.. وبعد ما اتكلمت مع جدو وفهمني الوضع ايه.. بعدها النيابة أكدت ان الناس دي كانت تبع الى اسمه زياد نصراوي و بعد ما كمان البنت الى ادهم طلب شهادتها جت وقالت الى شافته.. اتقبصْ عليه طبعا و شركتة اتقفلت و اكتشفوه انه كان بيهرـ ب حاجات في باصات السفر عنده بس الحمدلله اخد جزاءه "

" وفات شهور.. و في الفترة الاخيرة دي كانت الأجواء هاديه تماما و لكن بنجهز و بنشتغل بكل ما عندنا عشان المؤتمر الدولي لشهر 12 عشان كنا خلاص في شهر 10 و برضو كانت امتحاناتي قربت لكن ادهم مكنش سايبني.. "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في شركة الجيار | اوضة الاجتماعات ||

عبدالعزيز: كده ده اخر يوم ليكي يا فريده

فريده: ليه بس ياجدو

عبدالعزيز: امتحاناتك اولي دلوقتي تركزي فيها و كده كده احنا رتبنا الدنيا الحمدلله

وليد: و وقت لما هتخلصي ترجعي وكمان يوسف هينزل شغل معاكم

أدهم بقلة حيلة: امممم و يزن و يونس الى شبطانين دول كمان اصلنا هنفتح الشركه مولد

وليد: بس يا ولد خليهم يجوا طبعا ده مكانهم

ادهم: انا عارف بس انا معنديش خلق اناهد معاهم كلهم بالذات يونس

فريده ضحكت: هموت واعرف بتكرهوا بعض ليه

عبدالعزيز بضحكه: عشان الاتنين نفس العينه نفس الشخصية و كل حاجه

ادهم برفعه حاجب: حضرتك بتشبهني بالمشمع ده؟

فريده: مشمع؟

ادهم: اسكتي انتي دلوقتي.. ده بيقلدني فكل حاجه انا النسخه الاوريجنال!

وليد ضحك: يلا يا بابا لحسن مش هنخلص معاه حصة غروره وجبت

" نزلنا من الشركه و ركبت انا وادهم عربيتي اتكرم عليا وسابني اسوق وهو جمبي "

- بقولك يا أدهم.. بعد الامتحانات هنروح لزين زي ما قولتلي صح.؟

= اه.. لما نشوف اخرتها معاه

الى شكله مش عايز يرجع ده

- متقلش كده! هيرجع اكيد

= ما علينا انزلي بقا ذاكري شوية حلوين كده وهاجي اكمل معاكي عشان عندي مشوار

غمزتله: اوكيه.

>>>>>>>>>>>>>>>>>>>>>>>>>>>>>>>>

صلي على محمد

|| في مستشفي تخصصي | قسم الأطفال ||

" دخل أدهم و اخد دور للكشف بكل رسميه و جديه وفضل مستني لحد ما دوره جه.. "

الدكتورة رفعت راسها وبصتله بصدمه: انت؟

- لا خيالي.. عامله ايه؟

بتعجب: انت بتعمل ايه هنا

= مفيش.. بقالي فتره مراقبك و بتابع اخبار الواد المهزق الى كان بيضايقك وبعدين بالصدفه الباحته عرفت انك فسختي خطوبتك يعني مع الى جدتك اجبرتك عليه ده فا قولت ايه بقا ؟

- ايه!

= ايه ياحبيبة خليكي لماحه فرصتنا نتعرف

- انت واخد دور في مكان شغلي وجاي تقولي كده

= امال هاجي فين؟ عند جدتك عشان اطرد

- كويس انك عارف! هو الموضوع مش خلص؟

= لا مخلصش انا بفكر فيكي كل فتره مش راضيه تروحي من بالي بصراحه انا عمر ما حد عمل فيا كده

ابتسمت بأحراج: طب وبعدين

- مش هتقوليلي اسمك ايه؟

ضحكت على طريقته: اسمك ايه؟

= أدهم الجيار.. أدهم.. وليد.. الجيار.

فتحت عيونها بدهشه: انت بتهزر صح

- لا فيه ايه؟

= انت جدك عبدالعزيز الجيار؟

صاحب شركه تنظيم المؤتمرات وكان عامل مؤتمر كبير جدا للدكاترة من ألمانيا و

قاطعها: ايوه ايوه انا عارف اني مشهور و

قاطعته بحماس: انا نفسي جدا اتعرف على جدك!

أدهم: جدي؟؟ طب وانا ايه الدنيا ؟

ضحكت: مش قصدي بس أصلي بشوفه علطول في الاخبار و كده

أدهم: طيب خدلنا معاد مع جدتك وقوللها تهدي شوية علينا بقا

- انت بتهزر ؟

= يوووه دي هتقعد تتصدم.. انا وقتي ضيق مانا كمان شغال في الشركه انا اهم درع هناك

- أيوه.. بس انت مش بتظهر كتير انا عارفه اسمك لكن مشوفتش شكلك كتير

= اصلي مش بحب اظهر كتير عشان مكلش الجو وكده.. و كمان المعجبين كتير مش ناقص يكتروا

بصتله بنص عين: انت مغرور؟؟

- يوه.. ده لقبي المفضل يابنتي شوفتي هنعرف بعض بسرعه ازاي؟

" خد ورقه وقلم من قدامها وكتب رقمه "

- ده رقمي عشان لو مسحتيه

هرن عليكي و نأكد المعاد ياريت متتأخريش يا حبوبه..

" سابها وخرج و هي في صدمه حرفيا.. "

>>>>>>>>>>>>>>>>>>>>>>>>>>>>>>>

استغفروا♡

|| في فيلا الجيار ||

" ادهم وصل و اتفاجئ بـ عمتة ناديه

و طبعا طبعا يزن و يونس! "

فريده: شوفت المفاجأه

يزن: الفرحه هتبظ من عينه

يونس: ده بيبصلي بقرف شاهد يا جدو

عبدالعزيز: لا انا مش هدخل في النزاعات دي

" سلم على الكل و بعدين قعد معاهم.. "

يونس: وحشناك مش كده

ادهم: اه طبعا كلهم وحشوني معادا انت

يزن: محدش بيطيقك غيري

يونس بص لفريده: فوفا

ادهم بصلها بتحذير: لو قولتي حرف انتي حره

ضحكت بحيره: انا بحبكوا كلكوا

يونس بغيظ: شايف؟ طالما فوفا حبتني خلاص مش مهم انت بقا

أدهم خد فريده: طب تعالي بقا لما اقولك حاجه بعيد عن المتسولين دول

"فريده ضحكت و خرجوا للجنينه"

- ايه؟ روحت لها؟

= اه.. و قولت كل حاجن معرفش ازاي بس كنت بتكلم عادي.. هي شخص مريح جدا

- انا لسه عند رأيي هي عسولة وحساكو لايقين على بعض بجد اوي..

= يارب جدتها توافق عشان اكلم جدو و بابا و نروح

- وتخدني معاك!

= ادعيلي بس

- عنيا.. بس اهدي على يونس و يزن شوية

= لا انا مش طايق نفسي اصلا و شوية و يوسف هيخلص و ينط لنا

- انت اصلا بتحبهم ومداري

= شوف البت!

- يلا ندخل طيب عيب

= يلا يختي.

>>>>>>>>>>>>>>>>>>>>>>>>>>>>>>>>>>>

|| بعد ايام | في الزمالك ||

" طبعا ادهم مبطلش زن على حبيبه و خد معاد قريب و روحنا و معانا جدو و عمي وليد.. "

" خبطنا و الى فتح الباب راجل شكله يدي انوه طيب يعني.. "

- اتفضلوا..

" دخلنا نقعد و كنت شايفه شوية توتر من أدهم فا بصتله وابتسمت بمعني اطمن.. وبعدها دخلت جدة حبيبة و بعد تعارف و حاجات تقلدية جدو بدء يتكلم في الجد.. "

- احنا جايين نطلب ايد الانسة حبيبة لحفيدي أدهم وانا عارف طبعا ان سبق و هو جه لوحده يتعرف وحصل سوء تفاهم بس ادينا جينا اهو مرة تانية

اتكلمت جدتها: ايه رأيك يا عاصم.. عاصم ابني في مقام ابوها بالظبط.

وليد: اكيد طبعا البركه فيه و فيكي

عاصم: والله هي لما حبيبة قالت لنا سألنا و عرفنا انتوا مين طبعا استاذ عبدالعزيز غني عن التعريف.. بس..

" كان محرج يتكلم فا اتكلمت جدتها "

- عاوزين نفهم اشمعنا حبيبه؟ ولحقت تعرفها امتي عشان تطلب ايدها مره واحده؟

أدهم: احمم.. حضرتك انا قولتلك الى حصل يوم لما جيت اول مره.. و موضوع الولد الى كان بيضايقها احنا منعرفش بعض ولكن من وقتها انا معجب بيها.. وحبيت ادخل البيت من بابه عشان نتعرف لكن انا فعلا معرفهاش قبل كده

عاصم: متأخذناش.. حبيبه زي ما قولت كانت مخطوبة لولد للأسف اخلاقه مش كويسة و ده عيبنا عشان مسألناش عليه كويس و بعدها اتخطبت لحازم ابني ومحصلش نصيب بينهم فا احنا شايفين انها مشتته ومش عارفه تختار ولا تاخد قرارتها

عبدالعزيز بمرونه: وهي من امتي الستات بترسي على بر؟ احنا نديهم فرصه يابني و انا اضمنلك أدهم ده برقبتي ده تربيتي انا

وليد ابتسم: هو ابني لكن هو تربية جده فعلا..

" و من هنا لهنا.. وافقوا!! وجدتها مكانتش معارضه حسينا برضا منها بعد كلام.. ماهو برضو الناس الكبيرة بتكبر الى معاها.. وليهم كلمه و وزن.. حبيبة خرجت و قعدت معانا وقرينا الفاتحه.. كانت حقيقي جميلة و فرحانه.. و شوفت في عيونها لمعه وهي بتبص لأدهم.. اتمنيت وقتها ربنا يتمم ليهم على خير! و اتفقنا على معاد الخطوبة.. "

>>>>>>>>>>>>>>>>>>>>>>>>>>>>>>>>>>>

|| في الفيلا ||

ناديه: مبروك يا حبيبي الف مبروك

هدي بدموع: يعني خلاص يا أدهم هتتجوز

ادهم ضحك: يا ماما لسه بقول يا هادي!

وليد: خليه يتجوز يا هدي ونخلص منه

يونس: انا بقول كده برضو

ادهم: جرا ايه يا حج هو انا باكل حتة من البيت

وليد: شوف الواد

عبدالعزيز: ابقوا كلموا زين فرحوه بالخبر ده

يزن: ده هيشمت فيه

أدهم: علي رأيك بجد اكتر واحد هيفرح فيا

فريده: حرام عليك.. ده هيفرح لك!

" او يمكن هيفرح فيه.!! خرجت الجنينه و عرفته اني هقوله وانا بكلمه.. "

- زنزون..

= قلب زنزون يا فيرو.

ضحكت: عايزه اقولك خبر حلو

- قولي

= ادهم هيخطب

- بتهزري؟ مين

= حبيبة فضل يحاول ومكنتش عايزه اقولك لحسن الموضوع يبوظ بس مشي

- يعني ادهم هيخطب!!

"فضل يضحك و انا فهمت بيضحك ليه"

= انت فرحان فيه زي ما قال

- هو قال كده؟ عشان عارف انوه كان بيتصرمح وانا كنت بقعد اقوله يرحم نفسه هيجي يوم ويلاقي واحده تلمه و يقولي لا مش هتجوز

= اهي جت.

- بس والله فرحان له

اتنهدت تنهيده طويله: زين؟

= امممم عرفت والله هتقولي ايه

- مش هينفع متنزلش

= معاكي حق.. تعرفي يا فريده.. بيني وبينك انا تعبت اوي و انتوا وحشتوني ومبقتش قادر الغربة دي ابشـ ـع حاجه ممكن حد يمر بيها انا حاسس اني لوحدي اوي ومفيش اي حد جمبي الناس هنا طبعها صعب اوي مش زي مصر.. يعني بجد حاسس بخنقه.. مش طبيعيه.. لكن الى مصبرني اني خلصت الترم الحمدلله وفاضلي بس شهور التدريب و بجد عمري ما هبعد تاني لو حصل ايه

" كنت ساكته و دموعي نازله.. في صمت مكنتش عايزه يعرف اني بعيط "

- فريده؟ انتي بتعيطي يا فيرو؟

بدموع: لا

ضحك: صوتك كله عياط.. مكنتش بحب اشتكي عشان كده والله.. امسكي نفسك انا خلاص قربت انزل و صدقيني هحاول اخد إجازه واجي الخطوبة بس متعرفيش أدهم عشان لو معرفتش ميزعلش

- زين انا عايزه اقولك على حاجه.. انا بجد بحبك اوي انا في حاجات كتير عايزه اقولها لك.. بس مش عايزه اقولها وانت بعيد

= وانا كمان يا فريده.. بس هانت.. انا عاوزك قوية لحد ما ارجع اتفقنا؟

- حاضر

= يلا باي و اوعي لسانك يفلت و تقولي لأدهم اني هنزل ولا تعرفيه اني مضايق او اي حاجه

- مش هقوله بجد متخفش

حسيت بحد ورايا: ايه ده الى مش هتقوليه بقا؟

يتبع..

اتنهدت تنهيده طويله: زين؟

= امممم عرفت والله هتقولي ايه

- مش هينفع متنزلش

= معاكي حق.. تعرفي يا فريده.. بيني وبينك انا تعبت اوي و انتوا وحشتوني ومبقتش قادر الغربة دي ابشـ ـع حاجه ممكن حد يمر بيها انا حاسس اني لوحدي اوي ومفيش اي حد جمبي الناس هنا طبعها صعب اوي مش زي مصر.. يعني بجد حاسس بخنقه.. مش طبيعيه.. لكن الى مصبرني اني خلصت الترم الحمدلله وفاضلي بس شهور التدريب و بجد عمري ما هبعد تاني لو حصل ايه

" كنت ساكته و دموعي نازله.. في صمت مكنتش عايزاه يعرف اني بعيط "

- فريده؟ انتي بتعيطي يا فيرو؟

بدموع: لا

ضحك: صوتك كله عياط.. مكنتش بحب اشتكي عشان كده والله.. امسكي نفسك انا خلاص قربت انزل و صدقيني هحاول اخد اجازه واجي الخطوبة بس متعرفيش أدهم عشان لو معرفتش انزل ميزعلش

- زين انا عايزه اقولك على حاجه.. انا بجد بحبك اوي انا في حاجات كتير عايزه اقولها لك.. بس مش عايزه اقولها وانت بعيد عنى فاهمنى!

= وانا كمان يا فريده والله.. بس هانت.. انا عاوزك قوية لحد ما ارجع اتفقنا؟

- حاضر

= يلا باي و اوعي لسانك يفلت و تقولي لأدهم اني هنزل ولا تعرفيه اني مضايق او اي حاجه

- مش هقوله بجد متخفش

حسيت بحد ورايا: ايه ده الى مش هتقوليه بقا؟

- يزن! انت هنا من امتي؟

= متخافيش ملحقتش غير اخر جمله

بصتله بنص عين: احلف

- الاه بجد مسمعتش انا جاي اناديكي عشان عاملين مولد وبنهيص لأدهم وهو شوية و هيمسكنا كلنا يعجنا

ضحكت غصب عني: طيب يلا ندخل..

" وبعد ربع ساعه بس حرفيا من الطبل و الغنا ادهم جاب اخره مننا وجض "

- لا لا انا ماشي مش قادر بجد كملوا انتوا

فريده: رايح فين ؟

= كنت نازل مع صحابي اصلا وعمال أأخر في معادهم

يزن: خدنا معاك

ادهم: مانا سايبكم هنا عشان تيجوا ورايا اه

يونس: اخرج براحتك كدا كدا قاعدين لك

ادهم: ماشي.. يا منفلت

فريده اطلعي انتي ذاكري

فريده: يا ادهم اخر امتحان مش بيتذاكر له!

- بقولك ايه؟ اطلعي ذاكري بدل ما اللغي اتفاقنا

= حاضر!!

>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

" خرجت اخيرا وخلصت منهم.. و روحت الكافية الى بنتقابل فيه انا وصحابي لقيت مصطفى قاعد "

- ايه يا نجم

= ايه يادرش عامل ايه

- فل الفل.. محدش عارف يتلم عليك انت

= يعم ما احنا كل يوم في الشركه سوا.. الدور و الباقي على حازم هيجي دلوقتي يقول عليا ندل و مش بسأل و يقعد يهري

- انت شكلك رايق

= اه.. مش انا هخطب

مصطفى بتلقائية: فريده؟

بستغراب: فريده؟ اشمعنا؟

- عادي..

ضيق عينه وبصله: لا مش عادي

مصطفى وهو بيحك راسه بتفكير: شكلكوا كان.. مش عارف.. بس كنت فاكر انكوا سوا

أدهم بنفي: لا طبعا فريده بنت عمي و زي اختي؟

مصطفى بص لعيونه: مش حاسس.. انا عارفك و كنت بشوفكم سوا و بشوف نظراتك ليها؟ و كنت حاسس انك بجد بتحبها مش مجرد بنت عمك او زي اختك و

أدهم قاطعه بنرفزه: هوا فيه ايه ؟ انت هتعرف اكتر مني يا مصطفي!

- انا مقلتش كده!

= طب خلاص يعم فكك من الحوار ده ملكش دعوة

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في الفيلا ||

" كنت قاعده زهقانه بعد ما خلصت مذاكرة و ادهم اتأخر.. خرجت من اوضتي و دخلت اوضة زين.. وفضلت اتفرج على صوره على الحيطه وبعدين فتحت الدفتر بتاعه و افتكرت.. "

فلاش باك #

- بصي.. الدفتر ده في اوله حاجات انا كاتبها لو عايزه تقريها عادي يعني

= لا دي خصوصيتك

- انا وانتي واحد

ابتسمت: أوكيه كمل

= لو في وقت حبيتي تكتبي فيه اي حاجه جواكي

او حاجه حاسه بيها يعني.. اي حاجه

تعالي اكتبيها هنا.. عشان اشوفها اول لما انزل

عشان انا عارف ان هيجي وقت مش هتبقي حابه تبعتيلي فيه مسدج

- امممم و عرفت منين بقا

غمز: عشان عارفك

= ممكن ميحصلش على فكره!

- ماشي يا عنيده.. عموما اوضتي كلها بتاعتك لحد ما ارجع أمانه معاكي

= اوكية يا زنزون.

باك #

" بصيت للاوضة و مسكت القلم عشان اكتب له في الدفتر زي ما قالي و بعد لما خرجت لاقيت أدهم خارج من اوضته "

- ايه ده انتي هنا؟

= احم.. اه انا كنت بـ..

قاطعها: فاهم فاهم..

بصيت للي ماسكه في ايده:

ايه الجاكيت الحلو ده اول مره اشوفه معاك

= ده بتاع زين

" سابني ونزل و كان غريب معرفش ماله! بس قولت عادي يمكن مشغول في حاجه "

>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

|| في الجنينه ||

" ادهم كان قاعد و ماسك الجاكيت و سرحان بيفتكر ذكري بينه و بين زين "

- انت جايب جاكيت بـ 5000 جنيه ؟

= اه ملكش دعوة وهاته بقا

- انا الى دفعت للراجل فلوسه

= ماشي هديهملك

- لا انا بقي عجبني الجاكيت وهخده

= ما تنجز يا ادهم عندي خروجه وعايزه !!

- لاء.. لو مش عاجبك ابقي اشتكيني زي ما بتعمل علطول شبه العيال كده

= انا عمري ما اشتكيتك اصلا! انت الى سمعتك سبقاك وعارفين انك بتاع مشاكل

- تصدق انك تنح اوي و مش هتخده برضو

= ولما اخد حاجه من حاجتك بتزعل؟

- اياك تلمس حاجتي

= ماشي يا أدهم

" عيونه دمعت.. فتح موبايلي و رنيت عليه مردش فا رنيت مره تانيه.. "

- الو ادهم بنفسه بيكلمني؟

" ابتسم لما سمع صوته وكان ساكت "

- يابني؟ الو روحت فين

= ايوه معاك.. عامل ايه؟

- الحمدلله كويس

= ملحقتش احكيلك على موضوع الخطوبة..

هخطب حبيبه..

- فريده متتوصاش يحبيبي لسه كانت مكلماني من شوية وقالت لي.. مبروك يا معلم

= انت هتيجي صح؟

زين اتردد وخد نفس عميق: مش عارف

- انا عاوزك تبقي هنا

= حاضر يا ادهم هحاول بس النظام صعب هنا ومفيش اي إجازات دلوقتي

- الخطوبة اخر الأسبوع

= هحاول والله انا اكيد عايز ابقي معاك

- زين.. انت مش زعلان مني صح؟

= لا ليه بتقول كده؟

لمس الجاكيت بأيده وابتسم بحزن: فاكر الجاكيت؟

- جاكيت ايه؟

= من كام سنه كده جبت جاكيت بـ5000

خرجت منه ضحكه: اه ده الجاكيت الى انت ملبستوش ولا مره كنت بس واخده مني عشان ترخم عليا

" زين لقاه سكت فا كمل كلامه "

- مش زعلان يا ادهم صدقني انا قولتلك قبل ما أسافر انا كنت مقدر الضغط الى انت فيه ومش شايل منك في اي حاجه ايه خلاك ترجع تفتكر تاني!

= أصلي كنت بقلب في حاجتي ولاقيته

انزل بقا..! عشان ارجعهولك

ضحك: لا ياسيدي خليه اعتبره هدية العيد ميلاد

- اه انت بتوفر بقا عشان متجبليش هدية ماشي ياسيدي مقبولة

= لا لا هديتك محفوظه.

- هستناك ماشي؟

= ماشي.

" قفلت معاه واتنهدت بهدوء.. ازاي قادر يعديلي كل الى عملته معاه و قد اي كنت بضايقه ملقتش سبب غير ان زين بيحبني حب غير مشروط.. مهما حصل بينا بيقدر يبقي صافي و يحطلي اعذار.. وفضلت افكر لحد ما خدت قراري خلاص.. "

>>>>>>>>>>>>>>>>>>>>>>>>>>>>>>>>>>

صلي على محمد

|| بعد يومين | في الشركه | مكتب فريده ||

" كنت قاعده وملاحظه تجاهل ادهم ليا..

مش عارفه ليه بس بقول الخطوبة قربت فا هو مسحول في كذا حاجه و موضوع ان زين مأكدش انوه جي برضو يمكن مضايقه.. لقيت الباب بيخبط فا اتنهدت"

- اتفضل

= ايه يا فوفا

- يونس؟ بتعمل اي هنا!

= خلاص بقا انا قولت انزل كنت مستني تخلصي امتحانات عشان لو احتجت أسألك في حاجه مكنش بعطلك لأنك عارفه ابن عمك بيموت فيا ولو كنت نزلت وقولت له هبقي معاك في فترة التدريب كان هد الشركه فوق دماغي..

ضحكت: على فكره أدهم برضو لو سألته مش هيقولك حاجه هو بس بيحب يطلع يطلع وينزل على النيش

ضحك جامد: وينزل على مفيش يابنتي ده انتي مبوظه امثال مصر كلها

- ما علينا .. بيحبكوا برضو

يونس: ادهم مستحملني في الفيلا بالعافيه لكن مش هيستحملني هنا كمان الطيب احسن

- خلاص عموما ابدء و براحتك لو احتجت اي حاجه تعالي قولي ..

" و شوية ولاقيت يوسف دخل "

- انا جيت لكم ياصيع

يونس: اخيرا ؟؟ انت مخلص بقالك كتير مجتش من بدري ليه

يوسف: خالتك يعم كانت عماله تروق في الشقة و تقولي مش هنسيبها متوسخه وحوارات ولسه موصلها الفيلا وجيت على هنا ادهم فين؟

- لا ادهم سيبوه شكله مشغول

يوسف: يعني انتي مكانه بقا

فريده: اممم ده كله هيجي عليا انا.. فين يزن بالمره؟

يونس: يزن قاعد في البيت قلقان من النتيجه

و بيجلـ ـد ذاتة في الاخر بيتريق عليا انا

يوسف: طب وبعدين هتسيبوا بيجـ ـلد ذاتة؟

يونس: هعمل ايه طيب لما نروح نبقي ننكشه

" أدهم كان معدي في الدور وشاف يوسف و يونس عند فريده فا فتح الباب و دخل "

- خير؟ ايه التجمع ده وانت كمان جيت

" يوسف سلم عليه وبعدها يونس بصله "

بهزار: اظن احنا في وش بعض 24 ساعه مش هنسلم

أدهم بجديه: انتوا جايين تشتغلوا طيب ولا تقعدوا؟

يوسف: لا يا باشا نشتغل بعد اذنكم بقا انا

يونس: انا لسه بتعلم مع فريده

أدهم: اممم عَلم في المتبلم

" قال جملته وخرج وفريده كانت ماسكه ضحكتها بالعافيه.. "

يونس: شوفتي؟ شوفتي !! بعدين بتضحكي على ايه مستحيل تكوني فهمتي جملته

- بصراحه لا بس بالاحساس حساها تريقه

= ماشي يا فريده ماشي

- يلا يلا نشتغل.

>>>>>>>>>>>>>>>>>>>>>>>>>>>>>>>>>>

استغفروا ♡

|| في مكتب ادهم ||

" كان قاعد ومشغول او قاصد يشغل نفسه عشان مكنش عاوز يفكر في اي حاجه! لقي موبايله بيرن وكانت حبيبه.. "

- الو؟

= ايوه عامل ايه؟

- الحمدلله يا بيبه انتي اخبارك ايه

= كويسه.. انا كنت بكلمك عشان تيته قالت لي أأكد عليك المعاد بعد بكره و قالت لي لو فيه اي بنات حابيين يجوا من بدري يتفضلوا

ابتسم بسخريه: عيلتنا مفهاش بنات غير فريده الى جت معايا

- بتتكلم جد!

= اه والله

- طيب ومامتك؟

= هقولها كده هي و فريده ولو هيجوا هعرفك.. بس يعني احنا ممكن نيجي كلنا سوا افضل

- طيب زي ما تحب باي

= استني.. هتقفلي علطول كده؟

ابتسمت بكسوف: مش عايزه اعطلك مش انت في الشركه برضة

- اه.. انا مشغول اوي فعلا.. بس لو عايزه تعطليني مفيش مشكله

ضحكت: ماهو انا كمان مفروض اكمل شغلي

= امممم ماشي ياستي خلي بالك من نفسك.

- وانت كمان.. باي.

>>>>>>>>>>>>>>>>>>>>>>>>>>>>>>>>>>

|| في الفيلا | ليلا ||

" اليوم انتهي اخيرا.. وكان يوم متعب شوية دلوقتي بس حسيت ادهم وهو بيعلمني كان بيتنرفز ليه ويطلع ظرابينه عليا يونس كمان على الأبيض خالص و التدريب صعب عليه لأنه لسه صغير كمان.. "

عبدالعزيز: ها يونس عامل ايه

فريده: لسه بدري جدا بس هو بيحاول يعني اهو

يوسف: اظن انا في حتة كويسة

وليد: انت لسه فاضلك سنتين كليه اتقل شوية

هبه: لسه كنت بقوله الكلام ده الشغل مش هيطير طول فتره الامتحانات الشغل في الشركه كان واخد عقله وشغال زن زن زن يلا نروح لجدو

ناديه: انتي هتقوليلي..

شاورت على يونس: البيه خلاص قرر يدخل بيزنس برضو عشان يشتغل في الشركه

وليد: انتوا عاوزين ايه من العيال؟ الستات دي مش بيعجبها حاجه صحيح!

هدي: قال يعني انتوا الى بتثبتوا على قرار؟ هما بيتكلموا عشان عارفين عيالهم كل شوية بقرار شكل

يونس: لا احنا مش عيال وعارفين عاوزين ايه

يوسف: بالظبط.. احنا هنكمل في الشركه سوا

يزن: احممم طلعوني من الحسبة دي

ناديه: اهو ادي اول واحد تراجع

يزن: مش تراجع.. بس انا حابب ادخل اقتصاد وعلوم سياسية

يوسف: الى هيحبـ ـسنا اهو

يونس ضحك: انت واعي يابني لكلامك ده من امتي و ده طلبك يعني؟

يزن: عادي! هو من امتي وانت عايز تشتغل في الشركة

عبدالعزيز: خلاص كملوا اكل وبطلوا تسبقوا الأحداث لسه النتيجه هتطلع ربنا يقدم الى فيه الخير

وليد: اي يا عريس ساكت ليه؟

أدهم: لا ابدًا .. نسيت اقولك يا ماما انتي و فريده صح حبيبه كلمتني وقالت لي لو حابين تروحوا البيت عندهم بدري يوم الخطوبة هيبقي معاها صحابها وكده

فريده: مش عارفه ايه رأيك يا طنط

هدي: الأحسن نروح كلنا احنا لسه منعرفهمش

أدهم: براحتكم عموما.

" ادهم قام بدري واحنا كملنا عشا في هدوء عكس العادي لأن كل واحد بيحضر للخطوبة وكذا حاجه شغلاه.. "

" بعد لما طلعت اوضتي لاقيت زين كان مكلمني من بدري ومختش بالي فا رنيت عليه.. "

- زين.. معلش مختش بالي غير دلوقتي و

قاطعني: فريده..

انا مش هعرف اجي

بصدمه: زين انت بتهرج!

- لا.. انا كنت عارف ان تعاملهم هنا صعب و مسمحوش بأجازة خالص مش عارف اعمل ايه

" لاحظت نبره الحزن الشديد في صوته "

= ادهم هيضايق..وانا كمان! كنت عاوزاك تيجي لسه هستني شهرين يا زين عشان تنزل؟

- مش بمزاجي والله يا فريده انتوا بجد وحشتوني اوي وانا زهقت بس مش عايز اضيع كل الى بعمله في لحظه غضب لو عليا اسيب كل ده وانزل

= طيب اهدي.. انت معرفتوش صح؟

- لا هو بعتلي مسدج و رن عليا وانا مش قادر اقوله.. فريده انا عايزك تتكلمي معاه أدهم هيضايق اوي و مش هيبين ده عشان عمره ما بيبن مشاعره اصلا ولا بيعرف يعبر عنها.. انا عارف اني بحطك انتي كمان في موقف مش حلو.. وحاسس ان موضوع التدريب ده هيفضل يجي عليا انا كان نفسي ابقي جمبه في يوم زي ده

عيوني دمعت: مش عارفه اقولك ايه يا زين.. انا عارفه ان انت كمان مضايق بس ده مستقبلك ومفيش حاجه بتيجي سهله.. وبعدين انت قوي يا زين و انا متأكده انك هتبقي من اكبر دكاترة الجراحه في العالم كله.. مش بس مصر.. حلمك لازم تتعب عشان وتضحي

- انا عمري ما كنت هقدر اكمل كل ده من غيرك يا فريده.. انتي فاكره ان انا بس الى ببقي جمبك وبساعدك لكن انتي مأثره في حياتي اوي صدقيني وعامله فرق انا معرفش من غيرك كنت هعمل ايه

= وانا دايما معاك.. خليك عارف ده

" و بعد ما خلصنا وطمنته قفلت معاه وانا عماله افكر هقول ايه لأدهم.. "

>>>>>>>>>>>>>>>>>>>>>>>>>>>>>>>>>>

" خبطت على باب اوضته فا فتح "

- فيه حاجه ولا ايه؟

= لا.. عايزه اتكلم معاك

- ماشي.. ادخلي

"دخل وقعد على السرير وانا كنت واقفة بفرك في ايدي بتوتر فا بصلي بنص عين"

- خير يا فريده؟ عملتي حاجه؟

= للل.. لا

- طب بطلي لعب في ايدك هتفرتكيهم

= طيب.. انا كنت عايزه اقولك يعني..

هو... زين.. يعنى مـ

وقف وبصلي بأستيعاب: زين مش هيجي ؟

بصتله واتنهدت وانا بحاول اواسيه: هو حاول والله يا أدهم و قالي انوه

قاطعني: ومكنش عارف يكلمني يقولي ؟؟ مانا بكلمه من بدري !

- انا عارفه انك مضايق بس فعلا هو غصب عنه

= لا مش مضايق خليه على راحته.. انا اصلا مش محتاجه ابقي قوليله كده

" سحب الجاكيت بتاعه ومفاتيح عربيته "

- طب رايح فين .. يا ادهم اصبر !

" سابني وخرج.. كلام زين علطول صح.. ادهم طلع غضبه و حزنه بالعكس وعمل نفسه مش فارق معاه لكني متأكده انوه مضايق..! "

>>>>>>>>>>>>>>>>>>>>>>>>>>>>>>>>>

|| في كافيه وسط الجبال | المقطم ||

- ايه يا معلم بقالك زمن مش بتيجي

ادهم بصله بتعجب: ايه ده انت بتعمل ايه هنا؟

= انا باجي من وقت للتاني انت الى بتعمل ايه هنا؟

- مفيش قاعد عادى

= طب مرنتش عليا ليه طالما هتنزل..

فيه حاجه مضيقاك؟

- عادي يا مصطفى نزلت لوحدي

قعد قصاده فا ادهم بصله: انت مضايق عشان اخر مرة؟

= لا يمعلم عادي ولا يهمك.. فهمني بس انت شكلك شايط ليه؟ قولي!

- زين معرفش ينزل يحضر الخطوبة

"سكت شوية وبعدين لاحظ ضيق أدهم الشديد

فا طبطب على كتفه"

- متزعلش نفسك اكيد غصب عنه بعدين احنا معاك اهو ينجم انت اه ندل مع الشلة كلها بس كلهم اول لما تكلمهم هيحضروا في ثانيه

" فضلوا ساكتين ثواني وبعدين ادهم بصله بهدوء "

- مصطفي..

= نعم

- هو انت ايه خلاك تقول اني بحب فريده

= معرفش يا ادهم مجرد احساس.. كنتوا علطول سوا

فا حسيت! لكن واضح انوه

أدهم قاطعه: انا بحبها.

مصطفي بصله بعدم فهم: بتحبها ! ورايح تخطب غيرها؟

- و زين بيحبها

فتح عيونه بدهشه: ايه؟

ادهم بص بعيد وسرح: من اول يوم جت فيه وانا شايفها بنظره مختلفه.. مع اني كنت بفضل اضايقها واقولها زيك زي كل البنات بس هي كانت مختلفة عن اي حد عرفته.. ومع الوقت اجـ ـبرتني اخاف عليها واخلي بالي منها و افضل قريب لحد ما حبيتها.. مكنتش عارف اعمل ايه وهل مفروض اصرح بمشاعري دي ولا لاء.. فضلت خايف و متردد بس كنا كل شوية بنقرب لحد اخر حاجه.. الى حصل في المحل الى كانت فيه لوحدها.. وقتها لما وصلت القسـ ـم وشوفتها روحي رجعتلي.. اكتشفت اني بحبها بس كانت متأخر اوي وقتها كانت قريبة من زين اكتر.. ومن ساعة ما جت وهما قريبين يعني واكتشفت انوه بيحبها

مصطفي بصله بعقدة حواجب: كل ده جواك ؟؟ كان مفروض تعرفها يا ادهم !!! كان مفروض تعرفها بـ حبك ده !!! لكن دلوقتي ؟

- عارف..! انا عارف دلوقتي مينفعش.. وانا قررت خلاص هي بالنسبالي اختي و زين مينفعش يعرف اي حاجه من دي فاهم؟؟ انا عمري ما هعمل حاجه تخسرني زين و الأهم من كل ده ان هي بتحبه هو و بيني وبينك.. هو احسن لها مني!! هو فاهمها

= اختك ازاي بس؟؟ انت مش بتشوف نفسك وانت معاها؟ انت حرفيا واقع في غرامها!

بصله بعيون بتلمع: انا طول عمري متمرد.. بتاع مشاكل باخد حاجات كتير لنفسي.. باخد حاجات من زين!!

طول عمري كنت الاخ الوحش يمكن ده عقابي! وانا موافق عليه.. غصب عني هشيل حبها من قلبي يا مصطفي عشان زين ميستاهلش مني كده كفايه الى كنت بعمله معاه زمان زين طول عمره مستحملني وبيضحي عشانى.. اقل حقوقه.. انى احترم حبه ليها

- طب وحبيبه ذنبها ايه في كل ده ؟ ليه هتخطبها!!

مسح على وشها بضيق وبصله: حبيبه؟

- مصطفي..

= نعم

- هو انت ايه خلاك تقول اني بحب فريده

= معرفش يا ادهم مجرد احساس.. كنتوا علطول سوا

فا حسيت! لكن واضح انوه

أدهم قاطعه: انا بحبها.

مصطفي بصله بعدم فهم: بتحبها ! ورايح تخطب غيرها؟

- و زين بيحبها

فتح عيونه بدهشه: ايه؟

ادهم بص بعيد وسرح: من اول يوم جت فيه وانا شايفها بنظره مختلفه.. مع اني كنت بفضل اضايقها واقولها زيك زي كل البنات بس هي كانت مختلفة عن اي حد عرفته.. ومع الوقت اجـ ـبرتني اخاف عليها واخلي بالي منها و افضل قريب لحد ما حبيتها.. مكنتش عارف اعمل ايه وهل مفروض اصرح بمشاعري دي ولا لاء.. فضلت خايف و متردد بس كنا كل شوية بنقرب لحد اخر حاجه.. الى حصل في المحل الى كانت فيه لوحدها.. وقتها لما وصلت القسـ ـم وشوفتها روحي رجعتلي.. اكتشفت اني بحبها بس كانت متأخر اوي وقتها كانت قريبة من زين اكتر.. ومن ساعة ما جت وهما قريبين يعني واكتشفت انوه بيحبها

مصطفي بصله بعقدة حواجب: كل ده جواك ؟؟ كان مفروض تعرفها يا ادهم !!! كان مفروض تعرفها بـ حبك ده !!! لكن دلوقتي ؟

- عارف..! انا عارف دلوقتي مينفعش.. وانا قررت خلاص هي بالنسبالي اختي و زين مينفعش يعرف اي حاجه من دي فاهم؟؟ انا عمري ما هعمل حاجه تخسرني زين و الأهم من كل ده ان هي بتحبه هو و بيني وبينك.. هو احسن لها مني!! هو فاهمها

= اختك ازاي بس؟؟ انت مش بتشوف نفسك وانت معاها؟ انت حرفيا واقع في غرامها!

بصله بعيون بتلمع: انا طول عمري متمرد.. بتاع مشاكل باخد حاجات كتير لنفسي.. باخد حاجات من زين!!

طول عمري كنت الاخ الوحش يمكن ده عقابي! وانا موافق عليه.. غصب عني هشيل حبها من قلبي يا مصطفي عشان زين ميستاهلش مني كده كفايه الى كنت بعمله معاه زمان زين طول عمره مستحملني وبيضحي عشانى.. اقل حقوقه.. انى احترم حبه ليها

- طب وحبيبه ذنبها ايه في كل ده ؟ ليه هتخطبها!!

مسح على وشها بضيق وبصله: حبيبه؟

= اه ليه هتعمل فيها كده!

- انا مش هعمل فيها حاجه.. حبيبه بالنسبالي اكتر بنت عرفتها شدتني.. و عاقلة و متربية و متستاهلش مني اني ابقي واخدها وانا بحب غيرها.. في الوقت الى قررت فيها ارجع اكلم حبيبه كنت قررت برضو ان فريده مجرد اختي..فاهمني؟

= لا مش فاهمك يا أدهم! هو بالساهل تشيل الحب من قلبك؟

- مش سهل.. لكن غصب عني شلته.. فريده هتبقي مع زين ، زين اخويا مستوعب ده؟؟

مصطفي بصله بتفكير: ولو مبقتش معاه؟ وقتها هيبقي عندك فرصة معاها ؟

ابتسمت بسخريه: لا.. فريده بتحب زين بجد!

انت مش فاهم غيابه مأثر عليها ازاي.. وحتي لو يا مصطفي.. حتي لو سابو بعض..!! هي مش هتمشي كده الموضوع اتقفل خلاص و صدقني مينفعش هو باظ من اللحظه الى زين عرفني فيها انوه بيحبها. لكن انا كنت بقاوح وكنت غلط لما بقرب منها زياده.

و على فكره انا فعلا مرتاح جدا مع حبيبه دلوقتي ولما بكلمها بحس اني أحسن ومش بفكر في حاجه تاني وببقي حابب افضل معاها وبعدين انا مش هظلمها احنا هنعمل خطوبة.. وربنا يسهل ونشوف دنيتنا ايه سوا.. بس انا لو هختار شريكة لحياتي احب يبقي حد زي حبيبه.

- هقولك ايه ربنا يريح بالك يا صحبي.

>>>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد

|| في فيلا الجيار | مكتب عبدالعزيز ||

- خير يا جدو الداده قالت ليه ان حضرتك عاوزني.. بعدين ايه مسهرك كل ده مفروض ترتاح!

= قولت محدش بيفهم غيرك اتكلم معاه بقا

ضحكت: من ناحيه ايه بالظبط؟

- من ناحيه ان أدهم و وليد مش هيفهموا كلامي و عيال اوفر.. لكن انتي مسؤولة و هتفهميني.

= امممم مش مطمنه بس قول يا زيزو

- بصي ياستي بقا انا كل حاجه تخصني في المكتب هنا.. الحاجات الى في مكتب الشركه تعتبر ملهاش لازمه اوي يعني.. دول المكانين الى بشيل فيهم حاجتي لكن فيه مكان تاني بقا.. شايل فيه حاجات مهمه جدا و هو يخصك برضو.. وده سبب تاني يعني اني بقولك انتي بالذات عليه...

- مكان ايه؟

= اوضة جلال الله يرحمه..

بصتله بستغراب: بابا؟؟ دي انهي اوضة؟

- دي الأوضة المقفولة فوق.. هي مقفولة من وقت لما سابني وانا محبتش حد يقعد فيها.. كنت بدخلها من وقت للتاني و الداده كل فتره بتنضفها..

"طلع مفتاح من الدرج بتاعه"

- ده المفتاح بتاعها

بصتله وعيوني بتلمع: ده ليا؟! يعني ممكن ادخلها؟

- اه يا فريده.. و خليكي فاكره اي حاجه مهمه هتبقي في الاوضة دي ، الاوضة دي غالية.. وانا عارف انك اكتر حد هيفهم ده.

هزيت راسي بهدوء: شكرا يا جدو.. هو .. انا ينفع ادخلها دلوقتي!!

= أكيد يا حببتي

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed

|| في المانيا | داخل الكلية ||

" حوار مترجم "

- مش فاهم حضرتك يعني ايه؟

دي مجرد اجازه مجرد تلت ايام بس يعني

= ده النظام.. مفيش اي اجازات

- ازاي؟ بعدين انا لقيت قرار جديد نزل اني هرجع في شهر 1 مش 12 ؟؟

= الرجوع في شهر واحد ده نظام السنه الى فاتت دلوقتي نظام جديد

- تمام بس حضرتك كده بتتكلم في تدريب وقت الدراسة ؟ وانا مش هكمل السنه الأخيرة هنا! انا هكملها في مصر؟؟ فا مش هقدر أكيد ابقي بدرس هناك واجي اتدرب هنا؟

= ده النظام.. وقت الدراسة بيكتمل التدريب.. بس بعدد ساعات أقل.

" زين مسح على شعره بعصبيه و خرج من المبني الإداري عشان يكمل الى بيعمله.. و وقتها كان وصل لدرجه عصبيه موصلهاش قبل كده..! لحد ما لقي أدهم بيكلمه "

" زين اتردد يفتح عليه ولكن فتح "

- الو..

" لقي ادهم ساكت فا اتنفس بهدوء واتكلم "

- انا عارف.. عارف عايز تقول ايه و انك شايفني ندل بس والله غصب عني انت مش فاهم انا بقيت محطوط في مواقف عامله ازاي.. انا مبقتش قادر استحمل..

"أدهم لمح في صوته نبره عمره ما سمعها قبل كده"

- مالك يا زين ؟ حصل ايه معاك؟

زين بتعب: عارف لما تحس ان كل الى بتعمله فجأة ملوش لازمه! لما تحس انك حملت نفسك فوق طاقتها مشيت في طريق.. وفجأة في نصه مبقتش قادر تعبت! ومش عارف ارجع ! ولا عارف اكمل.. واقف في النص عطلان! وتايهه!!

- زين اسمعني.. انت مش كده مش انت الى تستسلم وتشوف الدنيا سوده بالشكل ده.. انت طول عمري ايجابي اوعي تخلي السلبية تأثر عليك فاهمني؟ كمل الطريق الى اختارته! انت هتوصل وانا واثق فيك!

متخليش اي حاجه توقفك ولا تحس انك تايهه انت صح

" دموعه نزلت من كلام ادهم معاه ومسحها "

- انا آسف يا أدهم

= لا يا زين.. انا الى اسف.. على كل حاجه..

- انت مغلطتش!

= محدش مبيغلطش يا زين.. المهم نصلح من نفسنا..

كمل الى سافرت عشانه.. ومش مهم الخطوبة

انا مش هحدد معاد الفرح يعم غير تنزل واشوفك بعيني ويمكن نتجوز سوا

ضحك: سوا؟ ازاي

= انا و انت و فريده و حبيبه.. ولا انت ناوي تفضل سايب البنت كده؟

زين مسح دموعه وضحك: انا كنت عايز نتجوز واسافر انا وهي اصلا

أدهم ابتسم: شوف الواد!! ماشي يعم كلها شوية وترجع.. والى انت كنت خايف منه ملوش وجود فريده لسه بتحبك يا زين.

- وانت ايه عرفك بقا؟

= هو انت مستهون بيا؟ ده انا ادهم الجيار!

ضحك: صح معاك حق

- شد حيلك كده واجمد انا في ضهرك.. ومش زعلان فا مش عايزك تشيل هم حاجه فاهم؟ رد ياض فاهم

= فاهم يعم

" وبعد ما خلصوا كلام ادهم خرج من عربيته و دخل الفيلا.. ملقاش حد موجود فا طلع اوضته ينام.. ومدورش على فريده زي ما متعود.. "

>>>>>>>>>>>>>>>>>>>>>>>>>>>>>>>>>>>

صلي على محمد♡

" الايام فاتت و جه معاد الخطوبة.. البيت كله كان مقلوب يومها طبعا خصوصا ان الأغلبية ولاد! كنت حاسه بشرود ادهم يومها.. لأن نصه التاني يعتبر مش موجود خبط على اوضته و قالي ادخل فتحت الباب وكان بيعدل القميص بتاعه و ملامحه حزينه.. بس بيحاول يداري.. "

- ايه الأخبار

= انتوا لسه ملبستوش؟

- كله جاهز فاضل الفستان

بصلها بتركيز: مالك فيه حاجه؟

= انا تمام انت تمام؟

ادهم بتمثيل الامبالاه: ايوه عادي مفيش حاجه

"فريده قربت وحضنته وادهم فضل واقف متحركش"

- انا عارفه انك مضايق عشان زين مش معاك انهارده.. وانكم كنتوا دايما سوا بس احنا كلنا حواليك.. وهو شوية وراجع! هو بجد بيحبك يا أدهم و ده غصب عنه

ادهم بصلها بهدوء: عارف..

هزيت راسي: هاروح اكمل لبس..

>>>>>>>>>>>>>>>>>>>>>>>>>>>>>>>>>>>

يزن: يااااني انا لسه ماسح الجرْمه راحت فين !!!

يونس: تقصد دي؟

يزن بص على رجله: اقلع ياض!!

يونس: متبقاش قفوش امسح التانيه وخدها ما الاتنين شبه بعض

" سابه ومشي و يزن قعد يشتم فيه "

يوسف: الله! ايه الشياكه دي يا زيزو

عبدالعزيز: ولد ؟

يونس: بصراحه شياكه شياكه

وليد: دي اقل حاجه عنده

يوسف: اوبا وليد باشا كمان طالع لابوه!

" ضحكوا و بعدها ادهم نزلهم.. "

ادهم بستغراب: بتكركر على ايه يا هايف منك لي؟

يوسف: كنا بنقيم الاوتفيت وانت كسبت

ادهم بغرور: ده كدا كدا يابني انا

يونس قاطعه: ادهم الجيار عارفين.. ما احنا من نفس العيلة والله يونس الجيار و يوسف الجيار مع حضرتك

ضحك وبصله: بس مش ادهم الجيار.

وليد: طب ايه فاضل مين ؟

يوسف: فاضل يزن عشان يونس خد جزمته فا راح يجيب التانيه

أدهم: فين ماما و فريده

وليد: الستات يومهم بسنه انا بقول نمشي ويبقوا يجوا ورانا بقا

"يزن راح عندهم"

يونس بصله: تسعه مش عشره للاوتفيت

يزن بسخريه: وانت ماينص من عشره

أدهم: اتفق.

" كانوا واقفين و هدي و فريده و هبه و ناديه نازلين على السلم.. يونس تنح اول لما شافهم "

- يلهوي.. مليون من عشره !

" كلهم بصوا عليهم بالذات هدي و فريده عشان .. كانوا لابسين فستان من درجات البينك. هدي بينك فاتح و فريده اغمق شوية.. وكان شكلهم حلو جدا "

يزن: ايه الحلاوة دي!

فريده: حلوين؟

يونس: ده احنا مشوفناش اوتفيتات والله

ادهم: طب يلا؟

يوسف: يلا بينا

" خرجوا عشان يركبوا العربيات و أدهم لقي هدي بتركب هي وفريده و هبه و ناديه في عربيتها بص لعبدالعزيز فا ميل راسه بمعني اطمن.. "

>>>>>>>>>>>>>>>>>>>>>>>>>>>>>>>>>

استغفروا

|| في الزمالك | بيت حبيبه ||

" وصلنا و كنا شايفين تزيين البيت من بره.. و طلعنا وبعد ترحبيات كتير قعدنا و لاحظنا صوت اغاني بدون موسيقي مع طبل.. الجو كان لذيذ اوي وهادي و كل تفاصيل الديكور بجد لطيفه.. فكرة ان الواحد يلاقي بيت بسيط فيه كل التفاصيل والدفا ده حلوة!! و بعد دقايق خرجت حبيبه.. و كل الى فات كوم و حلاوتها بالفستان كانت كوم تاني.. الى اول لما ادهم شافها تنح.. "

يوسف: معلم روح خدها واقعدوا بقالك ساعه متنح

أدهم: احمم.. اخرس

" قعدوا جمب بعض على كرسين معمول وراهم ديكور لطيف و انوار و ورد

طنط هدي راحت تسلم عليهم ولاحظت معامله جدتها اللطيفه على عكس ما ادهم قالي.. مكنش فيه غيرنا و بنت كمان صاحبه حبيبه و عمها.. وقتها حسيت انها شبهي اوي في وحدتها! "

فريده: مبروك الف مبروك يا قمر

حبيبه بأبتسامه: الله يبارك فيكي عقبالك

" روحت قعدت جمب يزن الى عمال يناقر في يونس"

أدهم: شكلك عسول

- شكرا

= طب وانا ايه رأيك؟

- حلو

= تؤ.. حلو بس؟ طب قدري اني مغرور طيب!

- شكلك بجد جميل.. انا عايزه اقولك على حاجه اصلا

ابتسم لها: قولي

= من وقت لما شوفتك وانا بفكر فيك برضو.. ومكنتش مصدقه ان لسه في حد زيك انوه انت دافعت عني و كنت خايف عليا و حتي لما جيت هنا تطمن عليا و لاقيت شهاب.. وصْربته.. بس لما اتـ ـعورت بسببي حسيت ان حياتي معقده اوي على انك تدخلها وتبقي جزء منها

بصلها بحنان: حبيبه متقوليش كده كلنا عندنا مشاكل! وانا حياتي معقدة يمكن اكتر منك عشر مرات..!

وبعدين انا حتي لو مكنتش معجب يعني.. كنت برضو هعمل كده مع اي بنت.. احنا اتربينا على ده

وبعدين مش عاوزك تخافي من اي حاجه بعد كده اولهم الواد العبيـ ـط ده انا لو مسكته هعجنهولك عشان كان سبب اني اشوف في عيونك خوف

ردت وعيونها بتلمع: انا مبسوطه اننا سوا يا أدهم... وفيه كلام كتير عايزه اقوله بس..

ادهم قاطعها وبصلها بحب: بس كفاية كده عشان ممكن اقوم اقولك بحبك قدامهم

برقت بتعجب: ايه!

- انا بقول ممكن مقلتش حاجه.

" قاطعهم عبدالعزيز و راح يسلم عليهم "

- مبروك يا حبيبي مبروك يا بنتي

حبيبه بفرحه: الله يبارك في حضرتك.. مبسوطه جدا اني اتعرفت على حضرتك حقيقي ليا الشرف

أدهم: حبيبه من اكبر المعجبين بيك يا جدو

عبدالعزيز بأبتسامه: يا سلام هو انا اطول

" وعلى الناحيه التانيه كانت صاحبتها جايبه الحاجه الساقعه و يزن و يونس بيزقوا بعض فا يزن خبطها و وقعت و الحاجه ادلقت عليها "

حبيبه: يا لهوي مريم

يزن: ينهار اسود انا آسف اوي

" شال الحاجه الي وقعت و يوسف راح قومها "

- احنا آسفين هاتي ايدك

مريم بغضب مكتوم بصت لحبيبه: الفستان باظ!

حبيبه حاولت تكتم ضحكتها: طب تعالي معايا قومي

يوسف بص لزين و يونس: بقي الفستان الأحمر الشيك ده يدلق عليه حاجه ساقعه اتفو عليكم عرر

ناديه بأبتسامه بتداري بيها الغضب:

ده انا هطلع عينكم لما نروح اصبروا

هبة: شوية اطفال واخدين شوية أطفال

يوسف: لو سمحتي يا امي انا واقف مؤدب

ادهم: منكوا لله..

" حبيبه رجعت بعد ما ساعدت مريم تنضف فستانها "

أدهم: ايه الاخبار؟

حبيبه: متقلقش حصل خير

أدهم بأحراج: و عشان تبقي عارفه يعني هي دي حياتنا بختصار العيله مفهاش حد هادي غير زين اخويا وفريده

حبيبه ضحكت: متقلقش انا برضو بتاعت مشاكل اوي

أدهم ابتسم: لا انتي براحتك

ضحكت: احمم احمم تيته

"أدهم قام وقف لما لقاها قربت ناحيتهم"

- عمها بيقولي انك عايز انزلوا تجيبوا الدبل!

= اه ياريت عشان نلحق نتصور سوا

- انا بحضر الأكل اصبر شوية ما تقوليلة يا حبيبه؟ انتي مش معرفاه؟

حبيبه: ءءء انا نسيت

بصت لادهم: طالما كلكوا هنا و جايين من طريق فا لازم ناكل سوا يعني..

- يا سلام.. خلاص نستني طبعا.

" وفعلا قعدوا شوية و بدأو يحطوا الأكل و فريده قامت تجيب ليهم و مريم راحت حطت اطباق قدام يزن و يونس وبصتلهم بنص عين.. "

يوسف: طب وانا!

- حاضر ثواني

"راحت جابت له طبق ورجعت"

يوسف بأبتسامه: شكرا.. و على فكره الفستان لسه شكله حلو

مريم ضحكت: بالبرتقال؟

- اه.. بالذات بقا بالبرتقال

ابتسمت: ماشي..

يونس: احممم خير؟؟ شايف تعطيف و تلطيف

يوسف: ايه؟ بصلح ما افسده اخوك

يونس: لا حنين.. حنين اوي ياض

يوسف: وانت بومة

فريده: ارحموا نفسكوا بقا شوية!

"حبيبه راحت جابت لأدهم طبق ورجعت"

- يا خبر.. بنفسك

= دوق وقولي رأيك

" كان الطبق فيه ورق عنب و محشي بتنجان وبانيه

و جلاش لحمه مفرومه أدهم داق منهم وعجبه جدا "

- ده تحفه.. حلو اوي!

ابتسمت بفرحه: بجد!

- أيوه بجد

= انا الى عمللاه..

بصلها: لا انا بقول ننزل نكتب الكتاب

" كنت شيفاهم سوا وهما جمب بعض.. وكانو لايقين على بعض اوي! ادهم حد عصبي شوية و مهيبر.. حبيبه هاديه و شكلها عاقل فا حقيقي حلوين اوي سوا"

" بعد ما خلصنا نزلنا عشان يختارو الدبل و روحنا نتصور كمان وكانت اجواء جميلة.."

" و بعد يوم طويل ومفرهد رجعنا الفيلا كلنا.. وكله كان عامل زي الفرخه الدايخه من كتر اللف و الفرك..! اتصورنا صور كتير اوي قررت اهدي كده واروق وابعتهم لزين.. و بعد ما ارتحنا تحت كان مفروض كل واحد هيطلع بقا يغير ويخدله دش.. بس ده كان قبل ما نسمع صوت الجرس.. الساعه 12 بليل! "

" الدادة فتحت الباب وانا كنت واقفة على اول سلمه فا بصيت اشوف مين.. ومكنتش مصدقه عنيا.. كنت حاسة اني بحلم.. لاقيته زين بشنطته واقف قدامي !"

" نزلت جري وانا بصوت من الفرحه و روحتله"

- زين !!!!!!!

حضني وهو بيضحك: وحشتيني يا فيرو !!

مسكت فحضنه جامد: وانت كمان يازين!!!! وحشتني اوي

" بعدها هدي جريت عليه و أدهم حضنه بقوة وفضل حاضنه كتير!! كنت هعيط من المنظر والله و الكل حرفيا بقي يحضنه بقوة ومحدش مصدق وجوده..! و بعد سلامات كتييير و احضان كتيير اوي قعدنا كلنا سوا "

زين: انا سمعت كلامك اهو يا زيزو

" كلنا بصينا لجدو بعدم فهم "

وليد: هو يقصد ايه؟

# فلاش باك

- ايوه يا زين ايه اخبارك يحبيبي

= كويس يا جدو حضرتك عامل ايه وصحتك ايه اخبارها

- انا كويس يا سيدي.. بس عايزك

= قولي يحبيبي محتاج ايه

- عاوزك هنا يا زين..

= تقصد في مصر ؟ عاوزني انزل؟

- ايوه

= ليه حصل حاجه!؟ انتوا كويسين

- اهدي احنا بخير.. انا بتكلم عن خطوبة اخوك.. مش هينفع متبقاش موجود وانا شايف ان كفايه لحد كده.. مش خلصت الترم التاني؟

= أيوه.. انا مش عارف اقولك ايه.. معنديش حجج

- زي ما انت خت برأيي قبل ما تسافر و قولت ان كلمتي هتمشي.. انا عاوزك دلوقتي تيجي على نفسك و تمشيها و كمان انت وحشتنا ازاي قادر تقعد كل ده من غير ما تشوفنا ؟ و لو على موضوع التدريب انا رتبته هتكمله هنا في الجامعة البريطانية

زين بهدوء: حاضر يا جدو..

باك #

زين: جدو طلب مني انزل.. وانا اصلا مكنتش قادر وما صدقت! انا مهما وصفت العيشة هناك صعبه ازاي محدش هيستوعب بجد فا خلاص خت قراري وجيت بس واضح اني ملحقتش الخطوبة برضو..

هدي بدموع: المهم انك رجعت يا حبيبي!

يونس: دي حقيقة.. انت وحشتنا اوي بجد.. اوعي تسافر تاني في عمرك يا زين

"كان ملاحظ سكوت ادهم فا قال ينكشه"

ضحك: مش عايز اقولكم بقا ادهم كان بيكلمني يقولي ايه ادهم باشا الجيار بنفسه

أدهم: احمم طب انا بقول تيجي معايا فوق

يزن: لا بقولك ايه خلي اليوم الحلو ده يكمل وخلينا قاعدين سوا

ناديه: احنا عاوزين نغير الأول

يوسف: محدش هيتحرك من هنا المكان كله مفحْم

عبدالعزيز: انا عايز العلاج بتاعي

يوسف: جدو بس الى يتحرك

هبه بتريقه: معاه حصانه ولا ايه

يوسف: متهزريش تاني يا امي ارجوكي.

" ضحكنا عليهم.. وكملنا فعلا السهره مع بعض كلنا

التعب فجأةه كله راح و النشاط دب فينا واحنا مع بعض عشان خاطر رجوع زين..! وانا كنت طايرة من الفرحه! فضلنا سهرانين لحد الفجر تقريبا!! وبعدها كله بدء يسقط وينام.. "

" وقبل ما اطلع اغير زين نده عليا وخرجنا الجنينه "

- قوليلي بس الاول ايه الحلاوة دي بجد؟؟

ضحكت: متهزرش بقا ده انا الصبح كنت احلي دلوقتي الميكب نصه راح و الفستان كرمش شوية و

قاطعني: انتي حلوة بجد في اي حالة يا فريده

ابتسمت بكسوف: وانت كمان.. ازاي احلويت كده؟ اوعي تكون كنت بتتعاكس يا أستاذ

بصلي بصه طويلة فا ضحكت: ايه بتبصلي كده ليه

- مفيش في قلبي غيرك بجد.. ولا عيوني بتشوف حد احلي منك

عيني دمعت وحضنته: انا مش مصدقه بجد انك معايا اخيرا.. مش متخيل وحشتني ازاي

بص لملامحي بتأمل وبعدين لمس على خدودي: متعيطيش طيب يا فيرو

- متسبنيش تاني!

= مش هيحصل والله

- طب بقولك ايه ادهم زمانه خرج من الحمام روح بقا شوفه واتكلم معاه.. وانا هطلع اغير

= متناميش!

- انا مش هنام لسنه قدام.. هفضل قاعده معاك!

ضحك: هعتبر ده وعد.

>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

" طلع و فتح اوضة ادهم ودخل وهو كان بيلبس "

- يخربيتك خضتني!

" كمل لبس التي شيرت وبعدين راح قعد وبصله "

ابتسم: انت مجنون على فكره.. ضيعت الشهرين ونزلت؟

- مش مهم.. انتوا اهم و على فكره الموضوع كان بوخ و اوفر.. وانت وحشتني مقدرتش..

"أدهم قام وحضنه بقوة"

" بعدين راح طلع الجاكيت من دولابة فا زين ضحك"

- مش مصدق والله الجاكيت بشوكته.. صح استني خليك هنا لحظه طيب..

" نزل وفتح الشنط بتاعته وطلع منها علبه وبعدين طلع له تاني "

- امسك يا معلم هديتك اهي.. وصارف ومكلف

"أدهم بصلها وفتح العلبة وتنح بعدين قعد يضحك"

زين بعدم فهم: هي الهدية بتزغزغك؟

" فتح دولابة وطلع علبة وراها لزين"

- دي هدية فريدة

زين وقتها ضحك: دي جيبالك نفس الساعه.. ايه ده!

أدهم ابتسم: انتوا زي بعض في كل حاجه كده..

زين بسرحان: لسه بحبها.. وهي تقريبا لسه بتحبني

- انت عبيـ ـط تقريبا ايه؟ انجز حدد معاد الخطوبة خلينا نخلص منك انت كمان

" الباب خبط فا زين فتح و لقاها فريده "

- هو هيخدك مني بقا ولا ايه؟

أدهم: ده هيبات معايا كمان عايزه ايه؟

= عموما انا هعديها ها. عشان كنت قالب وشك الصبح و شوية و هتعيط

زين فضل يضحك: هو انتوا بجد لسه بتناقروا قصاد بعض بجد؟؟

ادهم: هي الى قارشه ملحتي

فريده: فاقشه ايه؟

زين: لا متحاوليش ده بيقول كلام عتيق متعلمه من جدو

فريده: طب انا هتنازل و اسيبهولك بس عاوزاه دقيقة

ادهم: دقيقة واحده؟

فريده: اه

ادهم: لا

فريده بصت لزين بقمصه: يا زين!

زين: حاضر جي اهو..

ادهم: الاخوات في اجازه والله.. انا رايح اكلم حبيبه.

>>>>>>>>>>>>>>>>>>>>>>>>>>>>>>>>>>>>

" دخلنا اوضته و روحت طلعت الدفتر "

بصلي بفرحه: كتبتيلي فيه حاجه؟

= كتبت كتير اوي.. بس فيه حاجه لازم تشوفها الأول

" فتحت صفحه معينه و اديته الكتاب.. و ابتسامته بدأت تتلاشي وهو بيقرا.. بصلي بصدمه "

- ايه ده؟؟!!

" دخلنا اوضته و روحت طلعت الدفتر "

بصلي بفرحه: كتبتيلي فيه حاجه؟

= كتبت كتير اوي.. بس فيه حاجه لازم تشوفها الأول

" فتحت صفحه معينه و اديته الكتاب.. و ابتسامته بدأت تتلاشي وهو بيقرا.. بصلي بصدمه "

- ايه ده؟؟!!!!

= هفهمك

" بدأت احكيله كل الى حصل يوم لما خرجت اشتري هدية لأدهم و كنت هتحْـ ـطف.. "

كان مصدوم تماما و باصص لي بدهشه و إنزعاج: انتي بتهزري؟؟. ازاي معرفش حاجه زي دي !!! ده انتوا كلمتوني وكلكوا قعدوا تتعاملوا عادي!!

- ممكن تهدى بس يا زين وتخليني اكمل؟

= تكملي ايه يا فريده بس؟؟ تكملي ايه؟ كان مفروض اعرف!! ده انا قايلك لو حصل اي حاجه تعرفيني بالذات لو تخصك انتي!

- زين انا مكنتش عايزه احْضك وانت بره لوحدك!

انت لو مكاني مكنتش هتعرفني!

بعدين جدو و ادهم قالولي لي بلاش نعرفك.. انا كنت محتاجه اقولك معرفش ليه.. بس.. بس انا وقتها مفكرتش غير اني كنت محتجاك.! صدقني مكنش قصدي اخبي او

قاطعني: انا اسف اني مكنتش موجود! مكنتش عاوز ابدا حاجه زي كده تحصلك في غيابي

مسك ايدي وبص لعيوني: انا اوعدك ان ده عمره ما هيتكرر وانا والله ما ههدا غير لما اشوف ابن ال**** ده

- اهدي اصبر ما انت مخلتنيش اكمل! هو محبو س دلوقتي! وانا كويسة اهو متقلقش ! هو البودي جارد بتوع جدو لحقوني ومحصلش حاجه انا بس كنت محْضوضه..

- كل ده بسبب المؤتمر بتاع شهر 12 انا متأكد

بصتله: اوعي تقولهم اني عرفتك!

= حاضر يا فريده

- طب خلاص بقا متقلبش وشك.. كمل باقي الحاجات الى كتباها

بصلي بنص عين: هلاقي مفاجآت تانيه؟؟؟

ضحكت: تؤ.. خلاص كده

" فتح اول صفحه وبدأ يقرا و كل شوية يبتسم ويبصلي.. وكان ماسك ايدي و ماسك الكتاب في الايد التانيه لحد ما وصل عند صفحه معينة وانا عامله عليها نجمه فا شديت الكتاب منه "

- لا اصبر!!

= فيه ايه!!

- لازم انا الى اقراها دي

ضحك: ماشي.. قولي

خت نفس وخرجته: فاكر يوم لما كلمتك و قولتلك اني عايزه اقولك كلام كتير.. بس عاوزك تبقي جمبي؟ وقتها يا زين كنت متأكده.. بنسبة 100% اني بحبك! انا استنيت مشاعري تتغير زي ما قولت.. وافتكرت ان كلامك صح واني بس متعلقه بيك عشان انت اول حد يكون جمبي.. لكن محصلش.. انا بحبك عشان انت زين! عشان فاهمني.. قادرين نتفاهم وعمرك ما سبتني زعلانه كمان بحب خوفك عليا.. وعصبيتك لما اعمل حاجه غلط بس بحب اكتر حنيتك بعدها وانت بتأكدلي انك بس مضايق عشاني ومش عاوزني ابقي في موقف وحش.. عموما انا لو كتبت قد الدفتر ده 10 مرات مش هوصف انا بحبك قد ايه..

" زين حرفيا عيونه عملت قلوب و فريده وشها كان احمر تماما.. مسك ايدها وباسها.. وبعدين راح جاب دفتر تاني هو كمان"

بصتله بدهشه: متهزرش.. انت كمان كتبتلي حاجه؟؟

- تقريبا كتبت نص الدفتر بس برضو فيه صفحه مميزة.. هقرأ لك دلوقتي..

"بصتله بأهتمام"

- فيرو.. بنت عمي الشقية..! اول لما جيتي هنا و شوفتك كنت حاسك تايهه فاكر اليوم ده كويس و فاكر حركاتك وقد اي كنتي متوتره.. لحد ما قررتي تخرجي و تجري و تسبينا! فا روحت وراكي بسرعه.. وقولتلك ترجعي معايا رفضتي وكنتي متعصبه جدا.. عرفت وقتها انك عنيده لكني حاولت و انتي وثقتي فيا و اتمشينا سوا..

من اليوم ده قررت افضل جمبك.. و ابقي اكتر حد بيدعمك كنت بقول احنا ولاد عم و ده واجب عليا لكن مع الوقت وقعتيني..

مبقتش عارف اتخيل شكل يومي من غيرك حبيتك بطريقه عمري ما كنت اتخيل اني هحبها لحد..

كنت بخاف عليكي اوي وبخاف على زعلك عشان كده كنت بفكر كتير قبل ما اقولك اي كلمه.. او اعمل اي فعل... خصوصا انك كنتي بتثقي فيا وكنت حاسس اني ملجأك.. فا محبتش ابوظ ده لكن وقتها خوفت اخذلك و خوفت يبقي الى بينا مجرد تعود وانا بس فاهمك غلط خوفت اخسرك او اخيب ظنك فا اخبي مشاعري و ابعد.. لحد ما تعدي كل الى انتي فيه وتبقي كويسه وقادره تكوني في علاقة و تقرري عاوزة ايه.. و كنت كل لحظه بعيد عنك.. حبي ليكي بيزيد.. كنت بفتكر جـ.ـنانك و عنادك وضحكتك..

" ساب الدفتر من ايده وقرب ناحيتها "

- وجيت انهارده اقولك.. اني بعد كل ده اخيرا.. بحبك.. بعدد نجوم السما.. وبعدد السمك في البحر.. و كمان بعدد المجرات في الكون..

"بصتله وانا عيوني مدمعه وبعيط فضلت احاول اهدي لكني مش قادره!! "

مسح دموعها وابتسم: فيه ايه طيب؟ طلعتي مش بتحبيني ولا ايه

ضحكت من بين دموعي: انا.. ممـ...

- طب اهدي طيب براحه قولتلك قبل كده بلاش عياط مش بحبك تعيطي!

بصتله: انا كنت خايفه اوي منبقاش سوا بعد كل ده يا زين كنت خايفه من اللحظه دي جدا خايفه تبوظ!! لكن دي احلي لحظه في حياتي انا بجد بحبك اوى

= فيه لحظه تانيه بكره هتبقي أحلي..

- ايه هي؟

= مفاجأة بقا.. دلوقتي نامي عشان عيونك شكلها تعبان ومرهق و فيه معاد فطار الصبح وانتي عارفه مواعيد جدو مقدسه..

مسح على عيوني بأيده: والعيون الحلوة دي متعيطش تاني حتي لو دموع فرح!

ابتسمت: حاضر

" روحت اوضتي.. ومحتاجه اعرف حالا ازاي الواحد يجيله نوم بعد ما حبه الوحيد يعترفله انوه كمان بيحبه! فتحت نور الاباجورة ومسكت الدفتر اشوف الى كاتبه فيه! اكيد مش هعرف انام! "

>>>>>>>>>>>>>>>>>>>>>>>>>>>>>>>>>>>

صلي على محمد

|| تاني يوم الصبح | قبل الفطار بدقايق ||

- انا ظبطلك كل الورق اهو هتبدء براحتك في الكلية بعد أسبوع وهو شهر واحد تدريب

= والله مش عارف اقولك اي يا زيزو

- متقوليش حاجه ياسيدي المهم انك رجعت وبقيت وسطينا

= دي اهم حاجه فعلا تعرف ياجدو.. انا كنت عايز ارجع بس مستني حد يقولي او يجبرني حتي لأني كنت تايهه ومش عارف اتحرك

- انا عارف شغفك في الطب يا زين بس بلاش تضغط على نفسك بالشكل ده تاني عشان متكرهش الى بتحبه

ابتسمت: حاضر يا جدو.. يلا بقا معاد الفطار

- يلا ياحبيبي لا اصبر صحيح

= ايوه؟

- انت ايه مش ناوي تخطب انت كمان.؟

= ختها من على لساني يا زيزو

- هوفر عليك اكتر .. انت وفريده

زين بصله بأرتباك: احم مالنا

= ايه ده هيصيع على جده شكله..

ضحك بإحراج: هو يعني..

- لو فاكرني عايش كده كيس جوافة تبقي غلطان!

= لا محدش يقدر يقول كده

- طيب.. ها هتتحرك امتي

= ده مفيش اي صدمه حتي؟؟

- انا عارف من بدري ياحبيبي من بدري اوي فا مش مصدوم خالص لا

= وايه رأيك طيب؟

ابتسم بسعادة: مش قادر اوصفلك فرحتي.. و فخري بيك قد ايه عشان عارف انك جمبها بالطريقه دي انت قد كده بتحبها يا زين؟

زين بفرحه: بحبها اوي يا جدو..

- طب امسك نفسك شوية

ضحك: طيب عموما بقا.. انا كنت ناوي اتحرك انهارده اصلا بس هحتاج اسرب فريده واتكلم معاكم اصل فيه خطه معينه

= ومالو ماشي.. تعالي بقا نفطر.

>>>>>>>>>>>>>>>>>>>>>>>>>>>>>>>>>>

" خرجنا نفطر و خلاص بما اني اتكشفت لاقيتها قاعده فا قعدت جمبها وانا ببتسم "

- صباح الخير

أدهم بغمزه: صباح النور ياحبيبي

"فريده ضحكت و زين بصله بنفاذ صبر"

يزن: منور

زين: بنورك

يوسف: منور

زين: الله؟ هو فيه ايه؟

يونس: ولا حاجه هو فيه حاجه يرجالة؟

زين ميل على ادهم: هو جدك فضحني؟

أدهم: حبيبي انت فضحت نفسك لما حضنتها امبارح ونظراتكم يعني.. مفيش كده

زين رجع مكانه وقال بقلة حيله: دي كملت حلو اوي..

فريده: ايه فيه ايه؟

- لا مفيش كلي لانشون.. وايه عينك دي مش قولتلك نامي؟

= مانا.. هقولك مانا نمت

- نمتي الساعه كام؟

= يعني.. هو هقولك.. احم.. مش فاكره

- ماشي اصبري عليا اخلص من الحفله الى معموله على حسي دي بس

= ايه؟ مش فاهمه

- كلي لانشون

هدي: يا سلام يا زين لو تفرحنا انت كمان زي ادهم

زين بصلها وعيونه مفتوحه: انتي كمان يا ماما امممم.. طب كلي جبنه يا ماما كلي..

" واخيرا خلصنا فطار و خت يزن على جمب "

زين: حبيب قلبي انت ابن عمتي المفضل

= انت اتفضحت خلاص عاوز ايه

- تفو.. عاوزك في موضوع تاني

= ماشي على حسب قول

- عايزه تاخد فريده و تلهيها في اي حاجه بره

= سهله

- رجولة هشلهالك دي خد بالك.

= خلصانه.

" وفعلا يزن خد فريده بره و فضلوا بتاع نص ساعه لحد ما زين قالهم هو عاوز ايه.. وبعد كده ادهم خرج عشان يروحوا الشركه هو و وليد"

يزن: انا هاروح اشوف حالي بقا وزي ما اتفقنا..

فريده: ماشي

- ايه ده أدهم استني انا مش هاجى معاكم؟

= لا يا لمضة روحي بصي على عينك عامله ازاي ريحي انهارده..

" سابني وخرج.. مالها عيني؟"

" طلعت اوضتي وبصيت في المرايا ينهار ابيض"

"ازاي محستش بيها بتوجعني بكل الورم و الحمار ده"

" الباب خبط فا فتحت لاقيته زين ومعاه كيس تلج و قطره "

- تعالي تعالي هتروحي فين

= لا بجد بقا التلج ده بيوجعها اكتر

- مانا قولتلك نامي! و ريحي!

بصتله وانا ببتسم: كنت بقرأ في الدفتر

- اممممم و قريتي لحد فين

= كله

- ينهار ابيض كله! قريتي بتاع ست سبع شهور في كام ساعه

بصتله بدون مقدمات: بحبك

زين بصلها: بس بقا عشان انا مش همسك نفسي كتير ها ؟ ماشي؟ امسكي بقا كده حطي التلج ده

"ضحكت جامد على طريقته فا بصلها وهو متنح"

- فريده ولا حتي تضحكي الضحكه دي تاني اسكتي

= الله! اعمل ايه؟

- روحي اتنقبي يا فريده اوعي كده انا خارج

= خد بس الله!

"ضحكت و هو خرج.. و كان قلبي بيرقص من السعاده وحاسه اني عايزه افضل اتنطط..!! حطيت تلج وقطره و بعدها ادلقت طبعا لأني كنت مرهقه ومنمتش.. "

>>>>>>>>>>>>>>>>>>>>>>>>>>>>>>>>>>>>

صلي على محمد.

|| بعد ساعات | في جنينه الفيلا ||

يزن: اخوك اتأخر ليه فات 8 ساعات اهو و مفروض انوه خلص شغل انت مش مأكد عليه يجي بدري؟؟

زين: مش عارف هكلمه

" لسه هيقوم يشوف موبايله لاقاه داخل عليهم "

- انا طالع اغير عشان

زين قاطعه: لا طالع فين اهدا كده لما ننفذ الخطه الأول

= طب انا كنت عايز اقابل حبيبه

- يبني ماهي جايه هي وصاحبتها امك عزمتهم جماعه حد يفهمه ده هيتعبني انا طالع انادي بقيت العيلة

" زين طلع جمع العيله كلها تحت و فريده كانت في اوضتها نايمه لسه.. الكل قعد تحت برسمية و زين قال لـ يزن يطلع يصحيها و يقولها ان في ضيوف مهمين تحت.. وفعلا قامت وبدأت تلبس ولما نزلت لقت العيله كلها قاعده و لابسين لبس خروج رسمي.. "

بصتله بدهشه وانا بفرك عيني: انتوا خارجين ولا ايه؟ ومين الناس الى جايه.

عبدالعزيز: اقعدي ياحببتي الناس قدامك اهي

فريده بصت: مش فاهمه حاجه..انا لسه نايمه ولا ايه

عبدالعزيز بجديه: فيه ولد اسمه زين كده.. جي وجايب مامته و اخوه.. و وليد طبعا الوالد.. وجايين عاوزين يخطبوكي رأيك ايه؟

فريده ضحكت: انا مش فاهمه هو فيه ايه..

وليد: جايين نطلب الانسه فريده.. للدكتور زين ها يا انسه فريده قولتي ايه

يوسف بتمثيل الشك بص لفريده: احنا مبدئيا قولنا لهم اننا هنسأل عليهم الأول و علي ابنهم..

يونس بأستفزاز: والاهم نسأل على ادهم اخوه الكبير اصلي مش مرتاح له..

فريده فضلت تضحك: هو انتوا بتتكلموا جد؟

عبدالعزيز بجديه: انتي شايفه ايه؟ ها قوللنا رأيك

فريده بصت ناحيه هبه وناديه بكسوف: انتوا ايه رأيكم؟

ناديه بغيظ بصت ناحيه هدي: مش عارفه مش قد كده

هدي برفعه حاجب: مين ده الى مش قد كده يختي ما تشوفي جوز الارانب بتوعك

يونس: الله الله الله !! انا بتهزق

يزن: وانا كمان..

هبه بتكبر: فريده بنتنا كانت عايزع تتجوز مهندس مش دكتور

هدي: بقولك ايه يا هبه اسكتي انتي

يوسف: يعني اي اسكتي انتي؟؟

هبه: لا مش هسكت

يوسف: استني ياما!! يعني ايه اسكتي انتي؟

فريده دخلت في اللعبه: احمم بهدوء يجماعه احنا لسه بنتفاهم طيب

"زين كان باصص لهم كلهم بتوعد عشان بيبوظوا خطته وبعدين بص لفريده"

- انسه فريده سيبك منهم.. انا معجب جدا بيكي وحابب اتقدم ونعمل خطوبة و كتب كتاب بعدها علطول ايه رأيك؟؟

"فريده فضلت تفكر و مش عارفه تقول ايه بصت ناحيه ادهم وقالتله بجديه"

- ممكن تلعب دور ابن عمي مش اخوه؟

" حرفيا ادهم قام وسابهم وقعد ناحيه فريده و عبدالعزيز كأنه كده بقي تبع فريده بس "

ادهم بصله وبيحاول ميضحكش: احمم وانت شوفتها فين بقا عشان تعجب بيها؟

زين بصله بنص عين: شوفتها في الكلية ياسيدي

يوسف: ايوه احنا مش فاهمين ايه يخلينا نوافق عليك؟

بصله بنظرات توعد..: ما بلاش انت بقا

يوسف: احممم.. اه انا بقول نوافق

عبدالعزيز: ايه رأيك يا فريده

فريده ضحكت: الى تشوفه يا جدو.

" زين اتقدم ناحيتها وطلع علبة عريضة فيها الدبل بتاعتهم و بصلها بحب "

- انتي موافقة؟

فريده هزت راسها بتأكيد: موافقة

" وطبعا الزغاريط ملت البيت..!! و الكل كان فرحان فضلنا نهيص ونرقص بعد ما لبسنا الدبل.. و اكتشفت انهم عازمين كذا حد وخرجت بره لقيت الجنينه متزينه بشكل جميل جدا !! سلمت على حبيبه و جت شباب تبع زين و ادهم و كانوا قاعدين في ركن لوحدهم.. "

حبيبه: شكلك زي القمر

فريده: ده انا ملحقتش بجد اعمل حاجه و الفستان ده مش جديد حتي

مريم: والله شكله تحفه عليكي انتي الى محلياه.

"قاطعهم يوسف الى اخد مريم على جمب وقدم لها كوبايه عصير برتقال"

غمزلها: خدي بالك بقا المره دي ها

مريم ضحكت: اممم ماشي شكرا

- لا بس فساتينك تحفة.

= اه مانا عارفه

- حاولي بقا متلبسيهمش تاني .. اصلي بغير

مريم بصتله بتعجب: ايه؟

= قلبظ بجنيه ، احنا لسه هنستغرب ونقول ايه وبتاع

" ادهم هو كمان راح ناحيه حبيبه "

- ايه الميكب ده كله؟

= والله ؟ هو فين ده

- ماهو على وشك اهو؟ مش ده روج و ماسكارا.. و تنت و كمان بلاشر وكحل؟

بصتله: انت عرفت كل ده منين بقا

ادهم بص لعينيها: انا مهتم بكل حاجه تخص الى يخصني

حبيبه: بس ده ميكب خفيف

- اممم طب اقعدي بقا.. خليكي مستخبيا كده هنا

ضحكت: ماشي..

" كنت واقفة مع البنات وبعدين قفشت زين قبل ما يروح يقعد وسط الرجالة تاني "

- تعالي هنا يا زين

= خير يا قلب زين؟

- انت الى كنت مخطط للموضوع ده صح ان باباك يجي و العيله تقعد كده ويتقدمو رسمي

= شوف فهماني ازاي حبيبة قلبي..

- طب وعملت كده ليه بقا؟

مسك ايدي وباسها وبصلي: عشان مش عاوزك تحسي انك لوحدك ابدا.. كلنا حواليكي وكلنا أهلك و اديكي شوفتي.. العيال قولت لهم محدش يسوق فيها وكله

قعد يهزر عليا و يصطاد في الميه العكره

بس عشان بيحبوكي

عيوني لمعت وحضنته: وانا بحبك

يوسف راح عندهم: واد ابعد ياض عن بنت خالي هنهزر ولا ايه اعرف حدودك يابا

زين بعد عنهاا ومثل الخوف: يا خبر انت قفشتنا..؟ يبقي لازم اكتب عليها حالا

"قعدت اضحك عليهم و لقيت يونس و يزن جايين"

يزن: مالك بيها يا نجم؟؟ شايفك مقرب كده

يونس: اه انت فاكرها سايبه؟ مش هتلمسها غير بعد كتب الكتاب و الفرح فاهم ولا لاء؟؟

"زين بص يدور على ادهم يلحقه وشاور له فا راح لهم"

زين: تعالي يخويا شوف العيال دي

يوسف: الاستاذ الى منعرفوش ده ولسه خاطب فريده حالا مقرب منها اوفر هياكلها تقريبا !

أدهم: الاه الاه انت مجنون ولا اية يابني انت

زين بدهشه: حتي انت؟

أدهم خبط على صدره وجاب فريده جمبه: خدلك مساحه كده بعيد عنها شوية دي تخصنا

زين: مهي دي غلطتي عشان بدخل عيال ندله في الخطه بتاعتي والله

يوسف: دي فريده الجيار يا حبيبي المدلله لعيلة الجيار عارف لو فكرت تقرب تاني؟

" كنت على اخري من الضحك بسببهم و فضلنا مقضيين الوقت هزار حرفيا لحد ما الحفله خلصت وكله بدء يروح وده كان من اسعد ايام حياتي.. الكل كان مبسوط عشاني و دي حاجه فرحتني انا.. اني شوفت الفرحه في عيون كل الى بحبهم! "

>>>>>>>>>>>>>>>>>>>>>>>>>>>>>>>>>>>>>

سبحان الله وبحمده سبحان الله العظيم

|| على الطريق | الساعه 11 بليل ||

- كان يوم جميل اوي وبجد اخوك زين و فريده شكلهم لايق على بعض بطريقة مش طبيعيه..

ابتسم: اه.. و شوفتي يوسف عمل ايه؟؟

ضحكت: شوفت.. مش قادره اصدق انها وافقت يوصلها مريم دايما تتكلم عن الرجالة وحش ومش بطيقهم وكده

- و يوسف علطول بيقول انه عمره ما هيفكر يرتبط بواحده.. بس انا قافشه شكله كده وقع.. زي وقعتي

" حبيبه ابتسمت و بعدها قاطعهم رنه موبايل ادهم شاف الرقم وساب الفون و لكنه رن مره تانيه"

حبيبه: رد براحتك عادي

" ادهم ركن على جمب و فتح الموبايل يرد "

- ايه يا زيكا فيه ايه؟

= أدهم لو سمحت ممكن تجيلي بسرعه على البار

أدهم استغرب لما سمع

صوتها على موبايل الجارد: ساره؟

- لو سمحت تعالي بسرعه

= فيه ايه؟ وايه الدوشة دي

- فيه مشكله هنا.. وانا محتجاك

= طيب جاي

"حبيبه بصتله بستغراب وهو مكنش عارف يقولها ايه"

= هي مين دي!

- بصي انا هعرف فيه ايه و هبقي افهمك

= ايه الى بتقوله ده مين دي الى هتروح لها دلوقتي؟

- حد متعرفيهوش.. صدقيني موضوع مهم خليكي واثقة فيا!

حبيبه اتنهدت بهدوء وبصتله: اوكيه خدني معاك!

= لا مش هينفع! انتي عارفه انا رايح فين!؟

بشك: رايح فين؟ ها؟

أدهم اتنفس بنرفزه بسيطه: مش هينفع تيجي يا حبيبه لازم اروحك انتي اتأخرتي اصلا

- يبقي مش هينفع تروح انت كمان!!

بصلها بتفكير.. مكنش عارف يعمل ايه ومش عاوزها تفهم غلط: تمام ماشي

" دور العربية و حبيبه لاحظت ان الطريق ده مش غريب عليها لحد ما وصلوا عند البار و أدهم لاحظ كذا عربية موجودين بره "

حبيبه: هو ده الى مكان الى انت جي فيه؟؟

ادهم بص حواليه: انا هنزل و متفكريش تنزلي من العربية يا حبيبه

- والله؟؟ يعني داخل تقابل واحده جوة و انا افضل هنا؟

= حبيبه! اسمعي الكلام!

" نزل من العربية و دخل البار و لاحظ ان فيه مشكلة فعلا في المكان لقي البودي جارد واقفين وكذا راجل وبعدها لمح حازم صاحبه بعدين مدير المكان راح له.. "

- ادهم بيه..

أدهم بتكشيره: ممكن افهم ايه الى بيحصل

" بص ناحيه زيكا الى ساره كلمته من عنده واستغرب هي راحت فين "

المدير: حازم بيه عامل مشكله مع خالد الهواري وهو قاعد هناك على البار مستني ياخدها

أدهم: هي مين دي الى ياخدها ؟؟

زيكا: سارة .. هي في المكتب جوه

المدير: لو سمحت خلي صحبك يطلع من الحوار احنا مش عاوزين مشاكل مع خالد بيه!

" ادهم راح لهم يفهم الى حصل ولقي حازم واقف لوحده و كان بيزعق فا دخل بينهم وجابه على جنب و بص لخالد الى قاعد يشرب كاس بمنتهي البرود "

- مين دي الى عايز تخدها معاك بالعافيه ؟؟؟

ساب الكاس و شال السجاره من بوقه وبصله: ادهم باشا؟

= رد عليا؟

- والله دي واحده انا بيني وبينها مشاكل وعلاقات .. شوف بقا صاحبك الى ادخل بينا

حازم بنرفزه: انت بتستعبط ولا ايه؟ عايز تاخدها معاك بالعافيه و اسيبك؟؟ وبتمد ايدك عليها ما تخليك راجل و

ادهم قاطعه: اصبر يا حازم انت

ادهم بصله بنظرات جريئة و تحذيرية: انت مديت ايدك على واحده عارف انها تبع ادهم الجيار؟ وانا هصفي دي بعدين.. و الشو الى عامله برجالتك وعربياتك ولا ياكل ولا يشرب معايا ايه بقا هي المشاكل الى بينكم عشان هي تخصني فا كلامك هيبقي معايا انا..

خالد: بقي كده؟

ادهم: اه

>>>>>>>>>>>>>>>>>>>>>>>>>>>>>>>>>>>

" حبيبه فضلت حوالي نص ساعه في العربية و زهقت فا خرجت من العربية بنرفزه و كانت عايزه تدخل لكن البودي جارد منعوها فا فضلت واقفة قدام المكان.. لحد ما شافت أدهم خارج مع حازم و ساره "

"ساره مكنتش في كامل وعيها وكانت معيطه"

ادهم: خدها روحها.. وكلامنا بعدين مش دلوقتي الحمد الله ان الحوار اتحل

ساره قربت لأدهم وحضنته: شكرا يا أدهم

" مشيت مع حازم و ادهم اتحرك خطوتين شاف حبيبه واقفة وعلامات الصدمه على ملامحها راح ناحيتها بسرعه لما لاقاها ماشية "

- حبيبه !!!

" مردتش عليه وخدت شنطتها من شباك العربية و ادهم اتنرفز جدا من تصرفها "

مسك دراعها: استني هنا انا بكلمك !!!

- ابعد عني انا بجد مش مصدقاك !!!

= الموضوع مش زي مانتي فاهمه !!

- انا مش محتاجه افهم !!!

= طب اركبي العربية !!!

- انا مش هروح معاك فاهم؟ ومش عايزه اعرفك تاني

مسكها قبل ما تتحرك: بطلي جنان واهدي!! خليني حتي افهمك!!! اركبي العربية

" حبيبه كانت رافضه لكن هو ركبها بالعافيه وهي كانت متنرفزه جدا منه.."

- بقولك نزلني !!! انا مش عايزه اتكلم ولا افهم حاجه !!

= مش بمزاجك !!

" ادهم اتحرك بالعربية وفضل سايق و هي طول الطريق مدياه ضهرها ومكانتش طيقاه تماما.. لحد ما وصل واول ما العربية وقفت فتحت الباب فا ادهم نزل وراها واول لما وقف قصادها شاف عيونها مدمعه فا مسك نفسه"

- انتي بتعملي كده ليه مش فاهم انتي حتي مش مدياني فرصه اشرح لك !!

ردت بعياط: انت عايز تشرح ايه بالظبط..!!!! انا شيفاك بعيني و فيه واحده بتحضنك !! انا لو روحت حضنت واحد انت هتديني فرصه اشرح ؟؟؟

ادهم اتنرفز من الجمله جدا وهي لاحظت ده زادت في العياط وبصتله: انت مش طايق الفكره حتي !!!

"سابته وطلعت و هو اضايق من الموقف على بعضه.. الى مكنش مترتب له وبوظ له الدنيا "

>>>>>>>>>>>>>>>>>>>>>>>>>>>>>>>>>>>

|| في الفيلا | وقت العشا ||

" يزن طلع ينادي عبد العزيز "

- يا جدو.. بتخالف مواعيدك المقدسه ليه دلوقتي؟

" مردش عليه فا استغرب انوه نايم وقرب ناحيته فضل يفوق فيه لكنه مفاقش.. صرخ بصوت عالي ونادي زين "

- فيه ايه يا يزن بتزعق كده ليه !!!

= جدو !!! جدو مش بيرد عليا !!

"زين جري عليه بسرعه ومسك ايده يشوف النبض ولكنه ملقاش اي نبض في ايده..