تحميل رواية «عذاب بت الشيخ ..ج1» PDF

رفل :  من جنت صغيره تقريبا عمري 10 سنوات جان عمي بلسجن وبوكتهه طلع وجنه مسوين حفله. ومحتفلين

وجان الكه اعماتي كلهه كاعده اجيت وياهن ... وجان

  عمتي : منا انزفهه وهيج البسهه وراح تطلع حلوه .

عمتي :   اجت العروس

رفل :   اني شنوو ؟

عمتي:   راح تزوجين ابن عمج الف مبروك

رفل : حسيت  نفسي نكسرت حسيت بنار بداخلي اشتعلت  رحت ركضض لبابا 

رفل : بابا شنو هاذ الحجي شنو تزوجني ل ابن عمي (بشار )

بابا (عامر )  : غير ابن عمج شلون لعد ميصير ابن العم منو اله غير بت عمه

رفل: شنو هاذ الحجي انعل ابو عمي لابو الي ينطيه المره

(عامر : ولجج رفوله  سبينه بوجهي !!  ما انطيج اله  الا اني جوه التراب

  رفل :  ضليت ابجي  ونقهرت كلش لان زغيره جنت .

.

.

      وجان يسمع عمي بلحجي  وتخبل

عمي  : بس ازوجهه وثاني يوم ارجعهه لهله اله اكسر خشمه

رفل : اريد اشوف كلامك الي يمشي لو كلامي

    تحديت عمي  وعاندت وكفت كدام اخواني واني معانده وبعد ما مرت سنين وكبرت شوي صار عمري 14 سنه

وبلشو يجون خطابه عليه ..  بس جان من يجي احد يخطبني  ينهون ويخربون الخطوبه .. بس اني اصلن ما اريد ازوج 

       وفد يوم اجو ناس ساده يكونون  يقنعوني انو اقبل بأبن عمي بشار  بس اني ما قصرت

  السيد : رفوله استهذي برحمان واقتنعي  بزواج بأبن عمج لان اصير مشاكل وابن عمج راح يطلع من العشيره وانتي السبب وعمج راح تخرب علاقته وي ابوج ..

   رفل : عمو هاذ زواج مو يوم ولا يومين هوه مو لبس واكدر اغيره هاي عشره عمر واني ما احبه .

    السيد :قنعتيني وانتي بهاذ العمر وزغيره وقتنعت حرام اذا انطوج  والله

    رفل : يي عمو شسوي اخواني ضدي يردون يجبروني

السيد : لا انشاء الله يتغير كلشي مدام ابوج وياج  يله اني اترخص بعد

. وجان السيد يطلع ويشوفه اخويه احمد وكله انو  ما اقتنعت 

شفت اخويه عيونه صارت شرار بيهه حسيته راح ياكلني من بعيد وجان ياخذ السلاح ويجي نحوي ركض ....

اخوهه لازم السلاح وركض نحوهه يا ترا شنو صار ؟

شصار وي رفل ومنو يكون من نصيبه رفل ....؟

تكمله القصه انشاء الله اكملهه ..

الباراتات الاخيره نارر 🔥😩 بس قهررر

وجان يجي يركض نحوي بلسلاح وعيونه مليانه شرار وكره وحقد .....

وجان يوجه السلاح عليه براسي ضبطط !!!

بصياح وعياط وعصبيه جان يكول ....

احمد : شنوو !! ما توافقينن ! شوفي وهاذ السلاح براسج مخليه لو توافقين لو افجر راسج وانهي حياتجج واخليج مثل لكل وحده مثلج .

رفل : بعين صلفه . اموت مره وحده افضل انو اموت كل يوم .. اذا انت كدهه يله اكتلني

وجان اغمض عيني وبس اسمع صوت الطلقه

اكيد مايكدر يرميني ويكتلني لان راح يكولون ليش كتلوهه اله بيهه شي وراح تدمر سمعتهم

بأختصار (من حجي الناس والكال والكلت )

رفل : رحت ركض لغرفتي واني عيوني مليانه دموع وحزن قفلت الباب وبقيت ابجي بحركه وقهر اكول هيج اخوي يريد يكتلني علمود واحد ميسوه يكتل اخته من ابوه وامه بقيت افكرر واني ميته بس من البجي

وبهذيج اللحضه عرفت محد ويايه بس بابا وهم مجاي يكدر اخواني .

رحت لشغلي لان كله عليه وهاذ بعد خلصت شغلي وكلشي واني فكري مشوش وبنفس السالفه اخواني يباوعون عليه بنضره كره وحقد ويعتبروني خدامه مو اختهم وجانو يكلولي راح نخليج تبقين عانز وتبقين تخدمينه وتخدمين نسوانه صار ليل خلصت شغلي رحت لفراشي انام بس وين اكدر انام وهاي حالتي بقيت ابجي بحركه وافكر انو اخاف ينطوني اله بلغصب

وجان تسمعني ماما ..

ماما : هاي شنوو !! تبجين رفولتي تنزل دمعه بسبب واحد ميسوه دمعتج .

رفل : ماما رحموني ما اريده ما اريدده !! والله اكتل نفسي وابليكم وما احبه ما اطيقه.

ماما : اسم الله ماما فال الله ولا فالج حبيبتي صح اخوانج كبار والهم كلمه وابوج ما كادرهم وانتي تدرين ميسمعون الكلام ويسون الي براسهم بس

شوفي اني هم راح احاول ومدامني موجوده بهاي الدنيا وخشمي يتنفس الهوى ما اخلي دمعتج تنزل مره بعد وما اخلي واحد يجبرج على شي .

رفل : صددك! ماما والله فرحتيني انطيتيني املل حياتتي احبج يا احلى ماما بلدنيا .

ماما : يله نامي وكافي بجي لتعيديهه وتبجين هااا اكتلجج اخلي بشار يكتلج . شكلتي ؟

رفل : ويععع لجيبين اسمه يمي حته اسمه تلعب نفسي منه اكتليني وسحليني بس لجيبين اسمه يمي

خلي انام احسلي تصبحين على خير يا احلى ماما بلدنيا .

ماما : وانتي بالف خير حبيبتي .

وجان تبوسني وتروح صح فرحت وتأملت بس شنو الفايده

واني عبالك خدامه بنكلادش مو اختهم يعاملوني بطريقه ابشع من الخدامه بنفسهه تعبت وصبرت كلت اختهم ومراح يتحملون ويتغيرون بس ماكو وجنت هم اشوفهم وي اخواتي يضحكون يشاقون واني لا جني موجوده اصلن جنت ابجي واشتاق لحنان الاخو بسبب واحد كلشي ماكو وفاشل وحته وجهه مينطاق تكرهون اختكم !!

استمريت على هاي الحاله لمده سنتين عايشه عيشه الخادمه .

وجان يجي هاذ اليوم الي راح تتغير حياتي كلهه بيه

جان بوكتهه مواسم موسم الزرع جان تعطل الكاروبه

وجان تبلش قصتي من الكاروبه....

خلي اعرفكم عن نفسي هلوو . اني اسمي زين عمري 24 سنه .ابن الشيخ اسماعيل الي يصير صديق ابو رفل الشيخ عامر . علاقتهم كلش قويه لدرجه ما تتصورون اني اشتغل اكثر من شغله بس اكثر شغل هي الميكانيكيه جنت اروح لبيت ابو رفل لان اني صديق اخوانهه .

طبعا اني بعيدآ عن المدح بس البنات كلهن جانن يتمنني ويركض وراي بس اني مثل ما تدرون انسان مؤدب وخلوق ومتدين 📿🙏😂.

المهم جنت اشتغل بمكاني مالت الشغل الميكانيكيه طبعا وجان يجي ابو رفل .

الشيخ عامر : السلام عليكم عمو زين شلونك .

زين : هلا بيك عمي الحمد الله مشتاقين .

الشيخ عامر : ولله جيتك عنايه انت تفهم بهاي سوالف التصليح والميكانيكيه

زين :يي عمي كول خادم اني .

الشيخ عامر : والله عطلت الكاروبه وتدري موسم زرع ومحتاجك تصلحهه .

زين : تدلل عمي من هاي العين كبل هاي العين شوكت تريد اجي عليكم .

الشيخ عامر : تسلم عيونك بعد عمك باجر ريوكك يمي خوش .

زين : انشاء الله عمي باجر يمك .

الشيخ عامر : يله مشكور عمي واترخص اني .

زين : هلا بيك عمي مرخوص الله وياك .

ثاني يوم اصبح رحت لبيت الشيخ عامر جانو الولد مو هنا طالعين بس الوالده ام رفل تلكتني وسلمنه كعدنه وسولفنه وكمت افتح بلمحرك .

وجان تجيب الجاي وتجي وكعدنه نشرب جاي ونسولف . خلصت سوالف والكاروبه كامت بلسلامه الحمد الله

وجيت اروح بس كرم بيت الشيخ عامر ميخلص تعال هم للغده يمعودين خلي اروح ماكو اله تتغده شسوي

كعدت اتغده خلصت غده وشفت الولد اخوان رفل الي يصيرون اصدقائي فترينه شوي وكعدنه .

وجان تطبك سياره بلباب وتطلع الوالده ام رفل .

ملاحضه !! جنت ما اعرف عدهم بنيه وهم اصدقائي وما جنت ادري .)

طبكت السياره طلعت الوالده ام رفل وطلعت وراهه بنيه !!

زين : شفتهه واني مصدوم يعني شفت بنيه مشايف مثلهه بحياتي حسيت اول ما شفتهه دخلت كلبي

جانت لابسه عبايه وربطه سوده بياضهه مثل الثلج ما شفت فرق بينهه وبين الثلج خدودهه رماني عيونهه عسلي وشفايفهه ورديه خدود تفاح الخشم رسم والطول ماشاء الله لوما الكعب يجوز بطول ايدي لا اشاقه حلو تقريبا 158cM

اتخيلو جانت مدنكه وتمشي بستعجال حته لا اشوفهه وكدرت احفض تفاصيلهه كلهه ياربي شهل انسان الي خلقته سبحانك ربي مبدع بكل شي دخلت كلبي حسيت راح يطلع من مكانه . وجان اسئل اخوهه احمد . طبعا الحمد الله ما جفصت

زين : اكلك احمد من وين هاي الخطار الي عدكم ؟؟

احمد : لا خويه هاي اختي .

نصدمت ! لان ما جنت ادري عنده اخت وفوكاهه حلوه اول مره انجذب لبنيه واضل افكر بيهه

رجعت للبيت واني افكر بيهه واتذكر تفاصيلهه واني مبتسم وامشي واني مبتسم عبالك خبل.

هاي شنو نسيتوني . رفل تعالو اسولف الكم شصار ويايه من اجه زين .

رفل : جاي انضف تدرون شغل البيت ما يخلص بس جانت ويايه مرة اخويه الي هيه اصير مثل صديقتي او اختي موضع اسراري ابتسام . اجت ماما

ماما : رفل ماما كومي سوي جاي عدنه خطار صديق اخوج اجه يسوي الكاروبه خاف هم اطلعين بلغلط

رفل : اوك ابقي هنا حته من يكمل انطيج ياه ابتساااااام كومي ويايه للمطبخ .

ابتسام : كايمه خو اله اني ما تتحركين .

رفل :.....

رفل : خلصت الجاي وماما تتنتضرني بلغرفه انطيتهه الصينيه وراحت .

وهناا !! جان اخطف من شباك وشفت شخص ورجعت للشباك وشفته وياريت ما شفته

ياربي شنو هاذ تخربطت مشاعري عيوني صارت بيهه لمعه كمت ما احس بنفسي بقيت صافنه عليه بلشباك .

ابتسام : ولج شبيج وخري ليشوفج !!

ابتسام : هيوووو شبيجج متسمعينن انطرشتي !

رفل : هااا شنوو منوو شبيج .!!

ابتسام : شبيج صافنه بياا عالم وخري ليشوفج الولد تباوعين عليه بلشباك عبالج واوي راح تاكليه للوالد شبيج اول تالي .

رفل: بصوت لهفه وج ابتسام اريدددده

ابتسام : نصي صوتج شبيج تردين منو ؟

رفل : هااذ الي يصلحح صديق اخواني .

ابتسام : عزاا ولج اسكتي ليسمعوج منو ينطيج اله متكليلي

رفل : مااا ماا ازوج اله هوه ارريددده

ابتسام: دمشي وسكتي ورانه شغل امشيي كدامي يله .

رفل: ...

طبعا ما اوصف الكم شكد حبيته يعني صدك لو كالو حب من اول نضره بقيت افكر بيه واني مبتسمه اووفف ياربيي ميطلععع من راسي جان شعره طويل تقريبا نص مو كلش اني حبيت شخصيته وكفته من يحجي من يضحك ييي هوه هاذ الي ردته هوه هاذ الي حلمت بيه يعني رجال بكل معنى الكلمه !! .

.....[. يا من تجيد عيونها لغه الهوى .

هل غاب عن تلك العيون مرادي؟ .....]

..... ان المحاسن ابدعت تصويرها .. ؛

في ناضريك وغصنك الميادِ ....]

زين : ضليت افكر بيهه 24 ساعه ييي هي هاي الي ردتهه يي هي شريكه دربي وعمري ييي هاي اميرتي

ما اكدر لازم احاجي امي

رحت لأمي واني مستعجل ومتلهف

يووم يوووم ..!!

ام زين : هاا هاا شبيك على كيفك لتوكع .

زين : يوووم لكيتهه لكيتهه

أم زين : منووو شنووو شلكيتت ؟؟

زين : لكيتهه لكيت اميرتي وشريكه عمري لكيت حبي

يوم فدوه اروحلج جيبيهه راح اموت اريدهه ما اكدرر

ام زين : هوه انتتت يوميه تجيني اخطبيلي هاي وخطبيلي هاي

زين : لاا يوم والله هااي اريده

ام زين : تاخذ بت عمك شنو نسيت غير حجينه بيهه وقرينه الفاتحه

زين : اهوووووو هوه يااا بت عميي ما اريده لا تخليني اطلع من ديني ما اريدهه اريد بت الشيخ

ام زين : اني ما اكلك لا وبيت الشيخ عامر ماكو احسن منهم نفرح بس انت جيب ناس تقنع ابوك يله مو بكيفي اني وانت وتدري بأبوك .

زين : انشاء الله باجر اجيب وادزهم على ابوي بس يوم روحي شوفيهه حجزيهه اي شيي خاف ينطوهه

اذا تزوجت والله عمرج ما تشوفين ابنج بخير وما تشوفين ابنج عريس

ام زين : دكول يالله انت اقنع ابوك واني ادز اختك تروح تشوفهه

زين : خوش رايح احاجي ابوي اذا ما صارت ادز سيد محمد عليه

ام زين : بكيفك .

رحت واني خايف ابوي مايقبل لان يريدني اخذ بت عمي بس كلت صديقه يقبل بلكي

زين : هاا بويه شلونك

الشيخ اسماعيل :هلا بيك بويه

زين : بويه جايك ولا تفشلني

الشيخ اسماعيل : خير شرايد

زين : رايدك تخطبلي مره اني رايدهه

الشيخ اسماعيل : شنووووو ولككك !!

الله يستر من الشيخ بس لا يفشله

المهم انتضرو للبارت الثالث ونشوف زين تالي وياه

🙆‍♀️.......

هاذ شبيه لزين . الشعر

العيون

اللحيه

شكل الوجه

رفل:

بس هيج اكدر اجيب صورة الهه اكثر ماكدر وكم يوم انزل صورة بسيطه لتمارة

الشيخ اسماعيل : ولك شنو اخطبلك !! بت عمك خطيبتك ومرتك .

زين : بويه ما اريدهه كوه وين صايره هاي اخطبهه لخوي محمد.

شيخ اسماعيل :نجببب ولكك قرينه الفاتحه وشكم يوم زواجكم

زين: واللله ما اخذاهه اريد بت الشيخ عامر .

شيخ سماعيل :شنو شنو بت شيخ عامر نجب تريد تخربني وي صاحبي واصلن ماعده بنيه واني كلت بت عمك هاي هيه بت عمك تاخذهه وتسكت كلمه زايده تطلع لو اخوي يسمع ارميك واكسرك فهمتتتت !!!

زين : واني ساكت وعيوني بكصتي رفست الباب وطلعت واني معصب شنو بت عمي ! كوه هيه .

رحت كعدت بره ع شط واني افكر بيهه وكاره الدنيا معقوله تكون مو من نصيبي معقوله احد ياخذهه مني لاا مستحيلل لازم الكه حل ..

اجه ابالي اطلبهه من اخوهه احمد لان صديقي مثل متدرون ويحبني بلكي الله ويقبل واتصرف من راسي وما دخل اهلي بشي رحت جهزت نفسي كأنما رايح عليهم اشوفهم

وكلت بلكي وتطلع مره بعد واشوفهه

تعالو لرفل الي بلشت تعاستهه ونرجع لزين بعدين

رفل : كمت افكر بزواج بسببه بس افكر هوه يخطبني

واني كاعده فجأ !!

ابتسام : رفلل رفلل ويننججج

رفل : هااا ولج شبيجج شكوو

ابتسام : وج صارت عركه عمججج يهدد بابوج اذا ماتخذين بشار يطلع سند من العشيره .!

رفل : بصوت هادء خلي يطلع الله وياه

ابتسام : عزه ولجج تعاركوو

رفل : واني كاعده يم ابتسام دخلو احمد وجاسم اخواني ولازمين السلاح بيدهم !!!

جاسم : تزوجييييينن ابن عمج لو اخلصصص عليج .

احمد : والله اخليج عبره لكل وحده ترفض ابن عمهه

رفل : لحضضضه بس انطوني وقتتت وارجع الكم خبرر

جاسم : ياا خبرر لعبه هيه هسه اطلعين وتكولين موافقه ازوج بشار

احمد : لااا جاسم خليهه بله الج 5 دقايق لا اكثر اختاري الموت لو بشار

رفل : تمام تماام 5 دقايق وارجع الكم خبر

رفل : طلعوو واني بهاي اللحضه فكرت خلاص لازم انهي حياتي بيدي .

ابتسام : رفلل فدوه اترجااج اقبليي ابشارر

رفل : اني اعرف الحل اسكتي

ابتسام : شنوو الحلل ؟

رفل : معليج روحي شوفيلي ماما وين وتعالي .

ابتسام : اوك

رفل : ركضت جبت سم!! وقفلت الباب هاي خلاص اخر لحضه الي بهاي الدنيا خلاص راح اخلص من عذاب اخواني وهاي الدنيا واني عيوني مليانه دموع وقهر وكلبي مليان تعب وهم وحزن شربته واني ابجي .

اجت ابتسام . وعرفت السالفه

ابتسام : رفللل فتحي الباب امج مو هنا طالعه للزرع متدريي رفلللل

ابتسام : هنا عرفت رفل سوت شي بنفسهه . رفلللل ولجج رفللل رحت اركض اصيح اخوانهه

ابتسام : احمدد جاسم كررييم وينكممم الحكووو لرفلل انتحرتت !!!

اجو كسرو الباب طلعوني اخذوني للمستشفى غسلو معدتي فتحت عيني واني ما ادري وين اجتي الدكتوره

الدكتوره : ها حبيبتي كعدتي غسلنه معدتج جنتي مسممه شاربه شي انتي كلش مضر .

رفل : دكتوره ليشش الله يخليجج اريد امووت لتعالجوني عوفونيي . هنا دخلت ماما وهيه تصرخ ومنهاره

ماما : ولجج رفولتييي ليشش هيج يمه وج شون تسوين هيجج

رفل : اريد اخلصصص

دخل بابا وهوه يبجي ليش رفل مو كتلج محد اخليه يجبرج ما تاخذينه ليش هيج بويه .

رفل :كاافي لتبجووون اسفه مصار شي رجعت الكم .

الشيخ عامر : الحمد الله رجعتيلنه بخير .

رجعنه للبيت كلهه اجت تشوفني هاا شكوو شبيج شصار .

رفل : مدري شنو اكلت وتسممت مدري

هاا الحمد الله ع سلامتج

طبعا وره يومين رجعت المشاكل ماجن رجعت من الموت رجعو يهددوني ليش ما امتي اشرفلج اندمج عيشتج . وبابا ما اتحمل كله هاذ الصار ودز وره عمي كله جيب سند وتعال

الشيخ عامر : خويه اشو انطيني ورقه السند مالتك

عمي : ليش ؟

ااشيخ عامر : انطيني اوقع واطلع وفكنه من مشاكلك ومشاكل ابنك

عمي : حتلو وقعت ما تخلص مني وانت اخوي تبيع اخوك علمود مره ؟

الشيخ عامر : زين عندي الك حل ثاني .

عمي : يي يله

الشيخ عامر : هاي بنتي الزغيره ايمان من تكبر لبشار هاي خيارين الك لو تخسرني لو تتقبل هاذ الوضع

عمي : راح افكر وارجع خبر

رجع بابا وكال بلسالفه كدامنه وطبعا اخواني ماقبلو بقو يحجون ويصيحون

جاسم : شنووو ننطي ايمان ماكوو رفل يعني رفل

احمد : يي ماكو ايمان رفل غصبن على خشمهه تزوج بشار هاي هيه

الشيخ عامر : انجبوو ماكو رفل ماتريد ننطي ايمان

بقو يتعاركون واني اسمعهم وابجي بلغرفه

وما احس اله اختي ايمان ترفس الباب وتدخل

لزمتني من شعري وملشتني وضربتني

ايمان : كله بسبببجج راح ينطوني لبشارر

رفل : اني معليي روحي لعمجج هاذذذ

ايمان : انجبي انتي لو قابله من البدايه مجان صارت هاي المشاكل

رفل: هيووو شنو بسببي حالي من حالج حسيي بيه شوفي شون الغصب يصيرر

محد بيكم فكررر بيه وما ازوجج بشارر انتي تزوجيه

ايمان : والله ما ازوجه فهمتيي هاذ رجلجج

رفل :امشييي ولييي

طلعت ايمان وسدت الباب بقوه واني ركض لفراشي ونفس كل ليله ابجي نمت وماحسيت بنفسي

كعدوني طبعا مثل كل يوم الخدامه !!

جنت بره سمعت صوت ضحك طالع من البيت اجيت اشوف شكو؟

وجان الكه ايمان تضحك وخجلانه وكلهن ملتمات عليهه وخجلنهه بحجيهن جيتهن .

رفل : شكو اصواتجن طالعه بره ؟

ايمان : معليج تغارين ؟

رفل : اهوو دحجي عاد

عمتي : غير وي العروسه امونه

عمتي الاخ : يي عروستنه

ايمان: بخجل

رفل : هلو هلو شنو هاي راح تزوجين

عمتي : يي شنو ليش شنو ترفض ؟

ايمان : لاا لااا ما ارفض

رفل : استغراب !

رحت من يمهن خليتهن يكملن ضحكهن وسوالفهن طبعا ماما جانت فرحانه لان راح اخلص من بشار جانت متريده ياخذني .

اجو ناس وبلشت خطوبه ايمان وقرو الفاتحه طبعا جانت متحمسه كلشش ايمان ترسو راسهه بلحجي وخلوهه لزكت بيه

اني فرحانه هم لان خلصت الكاع متشيلني

واخواني ميتيننن قهرر وكرهوني زياده هنا رجعت اتأملت بزين .

خلي نروح لزين .

زين : رتبت نفسي رحت عليهم مجان عند اهلي علم

اجيت لكيت صايره هوسه ناس وخبصه

عبالي مدري شكوو !

سئلت واحد بطريقتي كتله شكو شعدهم بيت الشيخ

كلي والله خطوبه بتهم

زين : اني هنااا ادمرت رجلي مشالتني كمتتت ارجفف لاا مستحيل مو هيه لاا

رحت ركضض دخلت وياهم نصدمو بيه

احمد : اهاا زين هلا بيك هاي شجابك شلونك

زين : الحمد الله وانت بس شفت الهوسه عبالي مدري شكو جيت اشوف

احمد : هاا لا خطبه اختي الزغيره

زين : هاا الشفتهه هذاك اليوم الف مبروك

احمد : لا ثانيه زغيره هم

زين :هااا

طبعا اهنا رجلي مشالتني بعد كعدت من الفرحه والصدمه كعدت شوي وطلعت بره كعدت بلكي المحهه بلكي تطلع يارب واشوفهه

احمد : زينن زيننن !!

زين :هااا

احمد : شعندك بره تعال جوه

زين: لا والله مخنوك شوي دوخه ضوجه بره كعدت

احمد : هاا براحتك بس لا اطول

زين :انشاء الله

ايستت ماكوو ما تطلع يمعوده شلعتي كلبي دطلعيي

صار ليل وماكو هيه ايست رجعت للبيت

شيخ اسماعيل : زييينن !!!! وين جنتتت؟

زين : وي احمد طالع .

شيخ اسماعيل : اذا عندك نيه منا منا اكسرك فهمتتت

زين : اهوو بويه شجلبتت

زين : رحت لمي سولفت الهه كالت

امي : هاا باجر بله ادز اختك تشوفهه واشوف خبصتني عليهه منو هاي

زين : يمه فدوه مو تروح من ايدي كتلج شحده الي يحجي عليهه

امي : صيحلي اختك سميره

زين : يييي تدللل امي الحلوه

زين رحت لختي جبيره اصير سميره .

زين : سمييره سمييرره !

سميره : هااا

زين: امي تريدج ضرورري ضرورري هسه

سميره : بس اخلص البيدي .

زين : لااا بسرعه تعاليي عوفي البيدج

سميره : شبيك شكوو على كيفك جيتت .

رحنه لمي

امي : سميره ماما باجر اريدج ترحين لبيت الشيخ عامر تشوفيت بتهم

سميره : يوم بس ماعدهم بنيه بس وحده ومزوجه

زين : لاااا عدهممم

امي : يي عدهم اخوج شايفه وسائلهم

سميره: شنو ليش

زين : اهوووو

امي : باعي يوم روحي عليهم سوي نفسج مريتي عليهم جنتي بلسوك وشوفيهه

سميره : انشاء الله

زين : اتحمست شوكت يجي باجر . وجان يسمعنه

ابوي الشيخ اسماعيل

باجر اكمل البارت الثالث : شتتوقعون شيسوي الشيخ من يسمع وشراح يصير

الله يكون بعونك زين

سمعنه الشيخ اسماعيل ...

الشيخ السماعيل : شجاي اسون .

امي : بتوتر . هاا جاي نسولف ع زين والبنات

الشيخ اسماعيل : احجوو عادد سمعتكمم تحجون على بيت عامررر شعدكمم

زين : بويه من الاخير اريد بتهم وجاي احجي اريد احاجي اخوهه واخطبهه

الشيخ اسماعيل : كتلك اكسررركك وانتت ما خفتت

زين : شتريد اسويي بت عميي ما اخذهه ......* على بت عمي لو اضل بايره ما اخذهه حياتي لو حياتكممم تره كافييي مصختوهه حته زواج ما اريد بطلت

الشيخ اسماعيل : انجب والكك اصيح عليه.

جان يشمر عليه العكازه مالته طلعت من الغرفه واني طافره روحي وادردم واصيح بساحه .

رحت لصديق بابا هم سيد يصير

السيد : هاا زين سلامات شبيكك !!

زين : عمي شوفلي حل رحمه لروح ابوك

السيد : خير شكوو شبيك حل شنو ؟

زين : ما اريد بت عمي اريد وحده ثانيه وابوي ما يرضه

السيد : غير قريتو الفاتحه عليهه للبنيه جا تلعبون ع ناس

زين : اني ما كتله روح اخطب ولا كلت لعمي رايد بتك من كيفهم لعبو وحجزو لو بيدهم يزوجوني واني ما ادري شمعنه اخوي طه اخذ الي يريدهه ومو وحده 4

واني مو ابنه مثلا كتله خلي محمد ياخذهه ما يقتنععع

السيد : عمي شرايد هسه انت

زين : اريد يخطبلي الي اريدهه

السيد : منو هيه ؟ بت منو من يا اصل وين شفتهه وين عرفتهه ؟

زين : بت الشيخ عامر .

السيد : هااا ولك بت الشيخخ عامرر!!

زين : ييي

السيد : مادري بيه عده بنات وحتلو عنده منو كلك ينطوهه يجوز مخطوبه محجوزه.

زين : عمي لاا بعدهي عرفت عليهه وباجر اختي تروح تشوفهه وهوه صديق ابوي ينطيهه اله بس ابوي قافل

السيد : يعني تريد احاجيه ؟

زين : يي عمي واذا صارت من نصيبي وداعت عيونك اجبلك كلشي تريد واحلى هديه لعيونك

السيد : السالفه بيهه هدايه جا اذا هيج باجر اروح لبوك واحاجيه

زين :عمي روح اصبح حته يلتهي وتروح اختي تشوفهه

السيد : انشاء الله

زين : اعتمد عليك عمي

السيد : دروح لا تكلبهه بينه الله كريم

زين : يله اني اتوكل

السيد : يي خلصت مصلحتك ورايح  الله وياك

زين :هههه لا والله بس مالي خلك كلش رايح للشغل

السيد : يله الله وياك

زين : رحت للشغل مالتيي وتوكلت ع الله اصبر لباجر

رفل رجعت افكر بيه وبيني وبين نفسي شبيج هوه وين شايفج وين يعرفج حته يخطبج اصلن يجوز مزوج خاطب

اني شكو اتأمل بس نفسه الي جنت اتخيله وافكر بيه

وففف تعبتت ييي كافيي ارجعي لعقلج اصحي جعت كلت خلي اكل شي

رحت للمطبخ وجان اسمع صوت رمي وصايح

رفل : يممه شكوووو ياربي سترك

رفل : مااماااا ويننننججج!! شكوو شصايرر

ماما : ماا ادريي !! شكوو

رفل : طلعنه وجان نشوف بشار شايل السلاح ويصيح اله اكسر خشوومكم مره تعزونه علي اني محد يعاند كلامي لو يكسره

جاسم : انجبب ولك مانعز مره عليك رفل الك وهاي هيه

احمد : يي غصبن ع اليرضى والي ميرضى

ماما : كاافيييي الخاطر اللله عوفونه بحالنه

كرهتونه بعيشتنه امشو اطلعو من العشيره ما تستحوون ماعندك ام ابو يلزمونك

رفل : عوفيهم ماما هذولي حته الحيوان يفتهم مو مثلهم

رفل :هنا شافني بشار

بشار : وربج اله اخذج واكسر خشمج اله اراويج منو بشار اله اسودلج عيشتج واكسر كل خشم مال ما اخذج انتي منو وما تقبلين

رفل : ههههههه ضحكني اخذ واحد مثلك اني عابتت لو على جثتي هم حاسب نفسه رجال ويحجي

جاسم : ادبسززززز جايج اكص لسانجج هاذ

رفل : اجاني ركض اني ركضت للغرفه حته اقفل الباب

مالحكت لزمني من شالي وسحبني للغرفه

مامااااا لحكيييي ماماااا

جاسم : اله اربيججج عدلل امشيج عدلل ولج للسانج اطولينه على ابن عمج

ماما : ولكك عوفنه عوفه ولك جويسم عوووفه

راح اصيح ابووك اخليه يموتككك واللله

رفل : مامااا

لزمني من شعري كطع شعري ضربني راشدي خله اذاني اطلع صوت

احمد : عوفه تولي مالنه خلك ابوي يكوم يجب ويصفط حجي علمود هاي

جاسم :خلي تولييي انطوهه مجال زايد

رفل : ولكم اختكمم اني والله

لو تكتلوني منا الباجر ما اخذ يشااارر واللله

ايمان تاخذه

هنا ضربني على راسي خلاني نمت بلكاع .

ماما : والله اله اخلي ابوكم يكسر العوزيه عليكم

ماعدكم تربيه ماحترمتوونييي

رفل:اهئ اهئ مامااا

ماما : يله حبيبتي خلي يولون لا تبجين بس يجي ابوج خلي يعرف يتصرف وياهم

رفل : تعبتتت ماماا اكرهمم اكرهممم بعد ما احبهم

ماما : يلله حبيبتي كافي  كومي غسلي وجهج

رفل : ما اريد اطلعع ما اريددد

ماما : شلون يا يوم هيج اضلين

رفل : اريد اضل وحدي اريد انام

ماما : خاف تسوين شي!

رفل : شسويي يوم هاذ حضيي وراضيه بيه

عوفينيي وحدي اريد ابقه

ماما : لاتنسين اني وابوج وياج واكفين تمام

طلعت ماما واني ضليت ابجي وادعي ربي ياخذ حقي من بشار وابوه

نمت واني ما حسيت بنفسي كعدني بابا

بابا : هاا ولج رفوله شسو بيج بغيابي

رفل : بابااااا حضنته وضليت ابجي

بابا : اني اتصرفت وياهم خلي يولون المره الثانيه اكسر اديهم يله كومي نتعشه

رفل : ما اريدد

بابا : اذا ما تاكلين ما اكل اني واني تعبان وجوعان

رفل : هففف اوك يله

رحنه للاستقبال وجانو كلهه كاعده دخلت وكعدت وياهم ع صينيه خلو وكامو احمد وجاسم

ضليت اباوع عليهم

بابا : معليج بيهم يولون

رفل: تمام

خلصنه عشه نضفت وكلهه نامت اله اني ضليت اتكلب وافكر شنو تاليتي بله شكاتبلي ربي بعد

وجان رجعع لبالي زين اهوو شوون اني بله يضل ميروح من تفكيري

خلي انام احسلي

نمت

ثاني يوم اصبح كعدت تريكنه نضفت خلصت وجان اروح للغرفه ارتب ملابسي

اجتي ايمان

ايمان : رفل رفل اجت بت شيخ اسماعيل

رفل : وشسويلهه شتريد ؟

ايمان : تكول مريت عليكم اشوفكم واني جنت بسوك

رفل : وشسوي مثلا اركص

ايمان :وحمسس

رفل : دروحي يمهه ما اطلع اني

ماما : هلا وكل الهلا بيج سميره

سميره :وبيج اكثر شلونكم شخباركم

ماما : الحمد الله امج شلونهه ما تجي نشوفهه مشتاقين

سميره:ولله هم هيه تسئل عليج بس تدرين شغل ما كاعده

ماما : يي حقهه

سميره : يي البنات شلونهن ماكو مايجن يسلمن عليه

ماما : يي هسه ايمااان ايمااان!!

ايمان : ها ماما صيحي زينب ورفل يسلمن على سميره

ايمان : هسه

ايمان : رفللل !!

رفل : هاا

ايمان : تريدج ماما تسلمين ع سميره

رفل : كليلهه مشغوله بس شاوريهه

ايمان : معليييي والله عيبب استحي المره يمهه

رفل : يييي فتهمت بس لا صيحين رايحه رايحه .

رحت دخلت جنت مخلي الحجاب ع نص شعري وكذلتي طالعه واني شعري اشكر وسرح مثل المي والكذله تعبر الحنج ولابسه دشداشه زركه واني بيضه

دخلت وشافتني

سميره : الله مصليي الله مصلي صلاووات على محمد

الله يحفضج من العين

رفل :  هلا بيج

سميره ما شايفتج اني وين جنتي مضمومه

ماما :ما تطلع هيه بس يجي واحد تلبد بلغرفه

سميره : ييي حقهه تخاف ع روحه الله مصليي صلاوات عين البارده لعابه خما لعابه

رفل : رايده شي بعد خاله

طبعا ماجنت اعرف شصيحهه كلت الهه خاله

سميره: كعدي شويي اشوفج

رفل :ها خاله والله اتشرف بس مشغوله ماما هنا خزرتلي وبفشله كالت

ماما :هههه والله هيه هيج مشغوله وما تحب تكعد وتفوت شغلهه هههه

سميره : تلحكين ع شغل

رفل: لااا

سميره : يله روحي اني هم اريد اروح تاخرت

ماما : لا شسالفه اله تتغدين

سميره : لا والله ما اكدر لا اتاخر وتدرين بلوالد ميقبل

ماما :هم صح عيديهه بعد مره

سميره : انشاء الله

رفل

بعد ما جرن سالفه بلباب

وراحت رحت كملت شغلي واجتي ماما

ماما : متستحين هيج اسوين فشلتيني

رفل : شنو تريدني اكعد يمهه اعرفهه تعرفني

ماما : يله بله ماكوو عقل انتيي

رفل : شسويتت

ماما: خلي اروح احسلي

تعالو لزين شصار بله ...

زين: اجه اصبح وراحت سميره بس تاخرت انتضرتهه بره واني اطقطق باصابعي

ماما : ها كاعد تنتضرهه شعدك مستعجل ادخل جوه

زين : يووم شو تاخرت

ماما : هااي هل اجت

زين : رحت الهه

سميره : دطيييرررر ولك

زين : شبيججج !!

سميره :والله يا الله يريد ياخذ هاي

يوم يريد ياخذ هاي والله لو يموت ما اتصير من نصيبه

امي : شبيج تفاولين ليش شصار

زين : شبيج هسه غير تحجيي

سميره : يومم يريد ياخذ هاي والله تكل للكمر كوم اني اكعد بمكانك البنيه تجنن ونوب زغيره عمرهه يجوز 15

زين : شفتيهه ادري ادري كمر يي شكالت امهه ما محجوزه مخطوبه

سميره : لا انطو بتهم الثانيه لبن عمهه لان صايره مشاكل رايديهه هيه ع اساس

زين : الحمد الله والشكررر هفففف

امي : والله ما ادري ما مرتاحه ياهو ينطيهه

سميره : مدري معلي اني اكلك زين ياهو هنا

زين : سيد رضى يقنع ابوي

سميره : هااا يله تعبانه اني رايحه

زين : هنا طلع السيد رضى رحتله بأستعجال

طلع وجهه ما يبشر بخير .......

باجر اكمل البارت ال5 بس اتوقعو انتو شراح يصير

زين : هاا بشر سيدنه

سيد : والله كلفني كلي اخذ طه ونسيبكم واروح اذا رضو خير على خير واذا لا اصير مو خوش

زين : يي غير صاحبه ويروحله وينطيهه اله

سيد :كال خاف ما ينطوهه وافشل وتخرب صحبتنه

زين : ما تخرب ما تخرب بس هوه ما يريد

سيد :عمي شتحجي هوه صاحبه ويخاف يخسره

زين : هسه شنو؟

سيد : العصر اروح عليهم

زين : هااا يي خوش انشاء الله مدام هيج غداك يمي

سيد:هوه انت مصالح 🙂

زين : يله يله هههه

زين : تغدينه وخلصنه شربنه جاي واريد ابوقت يمشيي ما يمشي يمعوده صدك جذب دتحركي

نمت وفزيت حركه اشفت السيد طلع لحكته هاا رايح سيد

السيد : ييي توكلنه رايحين

زين : ياالله

صعدت فوك السطح وضليت منتضر واباوع

صارت المغرب رجعو .نزلت ع سريع سويت 4 بايات بايه وحده بركضه

زين : هاا بشرروو!!!!

السيد :يابه رجال متخارب وي اخوه على هاي المره

وانت تريدهه وكال اني اتشرف بيكم بس رايد الشيخ اسماعيل يدخل ويحلهه يجي ينطي الزغيره لخوي واهاي اتصير من نصيبكم لان منهي عليهه

زين : هناا رجلي ما شالتني من التوتر والخوف كلت هوه ابوي روحه ما اقتنع ونوب يروح يحل مشكله النهاوه هسه شسوي ياالله !!

السيد :هاي شبيك زين غير اني موجود والله وداعتك ما اروح لهلي اله اقنعه

زين : فدوه اروحلك مولانه اني بشاربك رايده قفلت بعد

السيد : يي ادري نكسر خاطري عليك

زين :🙂🙂

دخلو لبوي واني دخلت وياهم هم نقنعه !!!

رفل : جنت كاعده يم ابتسام واجه كريم

كريم : كومن سون جاي ل3 نفرات

رفل : كمت سويت الجاي حضرته خلصت انطيته ل ابتسام

لان ماما صاحتني بشغله رحت

ابتسام : دكيت الباب وطلعلي كريم

كريم : تدرين منو جاي وعلى منو

ابتسام :منو وشنو رايدين ؟

كريم : اجو بيت الشيخ اسماعيل

ابتسام : هلا بيهم شرايدين شعجب صار هواي مجاين

كريم : دوكفي خلي اكمل

ابتسام : ييي

كريم : اجو يردون رفل لزين

ابتسام : صدكككك !!

رحت ركض لرفل رفللل رفللل !!

رفل : هاا هااا على كيفج شبيج شكوو

اجتي ركض شبكتني ..!

ابتسام : وج احزري منوو بلديوانيه

رفل :منو ؟

ابتسام : بيت الشيخخ اسماعيل

رفل : ييي؟

ابتسام : يردوووج لزيين .

رفل : جنت شايله بيدي جدر فجأ نصدمت وكع الجدر من يدي رجلي مشالتني بعد كمت ما احس بنفسي

ابتسام :وجج فرحت بس كون ابوج يقبل ينطيج

رفل : وجاسم واحمد وين ؟

ابتسام : ما ادري .

رفل :هفففف ياربي

ابتسام :هاا ولج معتي

رفل :لاا هوه وين عرفني وشافني اصلن شمدريي بيت شيخ عامر عدهم بنيه

ابتسام : خب ثووله نسيتيي اخته من اجتتتتت

رفل : يااا صدددكك ولجج نسيت

ابتسام :يي ولج غير سطرتيهه سطر كامت تصلي وماكو

رفل : ههههه بله روحي اسئلي كريم شنو شصار قبلو

ابتسام : يااربي يقبلون

رفل : ياربب🤲

احمد : ابتسااام ابتسااام !!

ابتسام :هاا خويه .

احمد :وين كريم ؟

ابتسام :يم الخطار بلديوانيه

احمد :خطاار !!! منو

ابتسام : بيت الشيخ أسماعيل

احمد : هااا هلا بيهه ما ادري خلي اروح

ابتسام : يي

رفل : هنا خفت عبالي عرف بلسالفه واجه يسويلي شي

طلعو بيت الشيخ أسماعيل شوي طلعو ما نسمع اله صياح وعياط .

رفل : هاي شكوو شصاير

رحت يم الباب اسمع شجاي يصير بس طبعا عرفت والله كلبي عليه وعلى زين

احمد :والله ما اطيهه اله يجي عمي وبشار ويقتنعون ويوافقين ويحضرون الخطبه

شيخ عامر : انجبوو باجر يجوز يجي الشيخ اسماعيل ويصير خير وليحجي كلمه يمه لو يرد عليه ارميه كلشي ولا صاحبي

احمد : كتلك من هسه بويه ما ننطيهه اله عمي يرضه

الشيخ عمار : انشاء الله نشوف دخلي يجي الشيخ اسماعيل والله كريم

احمد :خوش

رفل : رجعت لغرفتي واني خايفه ومتلبكه يربي بس لا ما يجي الشيخ ياربي فدوه خلصني هففف تعبت بس من المشاكل .

زين : دخلنه نتفتهم ونقنعه

السيد : خويه حاجيتهم وقبلو بس شرط تجي وتحلهه لان عمهه ناهي عليهه والبنيه ما تقبل وابوهه هم ما راضي وكالو ماكو غيرك يخلص هاي النهاوه

الشيخ اسماعيل : ما اروح الصاحبي اروح بس لخوه لا ادري بيه مو خوش رجال وخاف يفشلني وما يقدرني وارجع خايب

السيد : خويه لخاطري واحلفك بجدي محمد ص تمشي ويانه والله كريم وهاذ ابنك كبالك وشوف شكله وانت افتهم

الشيخ : لخاطرك مولانه واذا وما قدرنه ؟

السيد : تمسحهه بوجهي وهاي المشيه لخاطري مو لخاطر ابنك

الشيخ : يله الله كريم باجر العصر نطلع

السيد : يعني هاي هيه مشكور شيخنه

الشيخ : لا شسالفه خويه

زين : مشكور بويه ما انساهه الك هاي

الشيخ : انت اسكت!!

زين :🙂

طلعت واني بنفس الوقت خايف وفرحان فرحان ابوي قبل وخايف خاف ما تصير

ما يقبل هاذ الخبل عمهه

شلون سالفه يالله

صار اليوم الثاني واجه العصر !!

تحضرو السيد وابوي طلعو

ونفس كل مره صعدت فوك انتضرت انتضرت ... طبعا ما تحملت لان حبيتهه من مل كلبي تمنيتهه بس هيه ام بيتي ما تخيلت وحده بمكانهه اول نضره خلتني مثل الخبل سحرتني

انتضرت ودعيت وبجيت هم ييي بجيتت !!

خفت ما تكون الي تعبت انتضرت وماكو وحاره الدنيا نزلت ارتاح شوي ع جربايه اخذتني النومه !!

جنت نايم .

امي : زيتنن زينن يووم اكعدد !!

زين :هاا هاا يوم

امي : رجع ابوك

زين :اه !!!

كمت من الجربايه ركض هيه ركضه وهيه طفره

شفت السيد بره يضحك اجيته واني اركض نفسسس

وصلت يم السيد واباوع لرجلي والكه اليزار (بطانيه الي تكون خفيفه ) الكه اليزار مجلب برجلي اخذته من الغرفه للباب مالت الديوانه سحل وراي (طبعا بيتنه خارجي مو كامل كل غرفه بره مطبخ بره ارض مفتوحه اصار بيه بوكتهه).

زين :هاااا مولاي يشررررني

السيد : ابشرك ابشرك زوين كضيناهه

زين :من الفرحه صحت ياالله وبجيت الحمد الله ربيي الحمدد الله

السيد :وبشاره ثانيه هم

زين: وين اكو احلى من هاي البشاره

السيد : اليوم مو ثلاثاء

زين :ييي

السيد :الخميس الخطبه

زين: رجلي ما احس بيهه طحت بلكاع وسجدت لربي واني اشكره الحمد الله كمت بست السيد من راسه وعدته باحلى هديه

السيد : يي وره الخطبه اريدهه😉😂

زين :تدللل هاي العيون

السيد : هاا تره الفضل مو الي ل ابوك هوه الحلاهه بكلمه وحدهه

زين :وينه ابوي ؟

السيد :بلديوانيه كاعد

زين : رحت لبوي ركض بست ايده وخليتهه ع كصتي وبست راسه ربي يحفضكويخليك خيمه النه

ونوب كضني من اذني

الشيخ أسماعيل : شووف ولك زوين هاذ شيخ عامر صاحبي واخوي واذا يوم من الايام زعلت بته لو اجه واشتكه منك والله واقسم بالله اخلص عليك فتهمتت

زين : من عيونيي بويه اني ازعلهه هوه وبت اخليهم على راسي

واني بكلبي اكول اني اخلص على الي يزعلهه مو اني ازعلهه.

الشيخ اسماعيل :يي كتلك اني هسه نحضر للخطبه بعد يومين .

زين : يي بويه امرني

الشيخ :مو هسه باجر نبلش

زين :هاا انشاء الله

طلعت واني متحمس والكاع ما شايلتني من الفرح احس نفسي طير وطاير .

رفل : جنت بلمطبخ انضف وافكر بنفس الوقت اذكر حجي اخواني وحجي بشار وفقدت الامل كلت هاي هيه مستحيل شي يمنعهم ما اخلص بعد نهايتي معروفه اوفف اوففف ربي

هنا سمعت صوت اخواني يصيحون خطار خطار اجو خطار

رفل : عفت البيدي وطلعت اشوف شكو اختبصو شنو اول مره يجي خطار علينه وهل خبصه ؟

احمد : يوم بسرعه جيبلي المي وسون جاي اريد نطلع

ماما: هاا شكو وين؟

احمد :اجه شيخ اسماعيل

ماما : هاا !!! رايحه هسه بسرعه لجج ماما رفللل وينجج !

رفل :هاا

ماما : سوي جاي بسرعه

رفل : منو اجه ماما وشكو !

ماما : اجه الشيخ أسماعيل ورايحين على بيت عمج

رفل : صدككككك ماماا !!!

ماما :بسرعه يلج ولج

رفل: هنا متت يربي معقووله راح تصيرر راح يحلوهه يربي يحلوهه ياربي خايفه كمت ارجفف هاذ اليوم الي راح تنعرف بيهه نهايتي وين شنو مصيري راح يكون لبشار لو لزين ؟

خلصت الجاي دزيته شربو خلصو طلعو لبيت عمي

اني بقيت منتضره على احر من الجمر وخايفه واكل باضافري وابتسام تمدي بيه تفائلي والله كريم

هنا سمعنه صوت الرمي!!!

طلعنه ركضض بره وجان يجي ابن اخويه ويصيح كضووه كضوهه

اني هنا طحت وسندتني ابتسام

ابتسام : على كيفجج كولي يالله ولك علاوي منو كضوهه؟

علي ابن اخويه :كضوو عمه ايماان لبشار !!

رفل : طحت ع الكاع وطحت وياي ابتسام من الفرحه

بس اني ما عرفت اضحك لو ابجي من الفرح شبكتهه وضليت ابجي هنا رجعو

طبعا ايمان ما مفتهمه شكو شصاير

اجو احمد وجاسم طبعا كريم ماله دخل باي شي وين ما يمشون وراهم بس ماشفت منه شي موحلو وابد ما زعلني يصير زوج ابتسام

يي اجو ركض ل ايمان شبكوهه وباسوهه وكالو انتي اختنه لميتينه ختولي هاي وتفلو عليه وكالو فرقتنه هاي مو اختنه

طبعا ما اهتميت ابد لحجيهم فرحاانه بغير عالم اني طايره بعالم زين 😂اجه بابا باركلي وباسني وماما هم كلولي يوم الخميس الخطوبه انشاء الله فرحت يربيي

راح اكون من نصيب زين

وصل الخميسس : اني جنت متلهفه قبل الخطبه بيوم ليلي ما نمته

المهم صارت هوسه اجت ناس ونسوان اختبص الجو واني بلغرفه يرتبون بيه اختي الجبيره رتبتني لان اخواني ماقبلو ادخل صالون اتخيلوو حته صالون حرموني

جانت كلهه كاعده بلستقبال هنا اجت اللحضه وطلعت من الغرفه

جنت لابسه فستان ماروني وشال ابيض بس مو كله نص شعري كذلتي ارجعه وترجع لوجهي لان شعري سرح لدرجه ما تتخيلون

وحته الشال ميثبت اخليه ويطيح

وحته مكياج مداعي من الخجل صرت كلي ورديه وفوكاهه اضحك وما اكدر الزم نفسي

من طلعت النسوان كلهه نصدمت بقت تصلي

خلي اكلكم شي بس لضحكون والله والله الناس من شافتني يكلولي اذا صارت من نصيب زين نسميه العباس ونحلف بيه من كد ماعنده بخت

اجت اللحضه ونسوان بقت تهوس وتركص

هنااا خرب كلشي عليه صار شي خلوني كرهت الخطوبه .

شتتوقعون شصار وي رفل انتضرو البارت ال6 🙆‍♀️

انشاء الله احاول اخلصهه من وكت او بسرعه

رفل : هنا صار صايح بره عرفتهم خواني ايدي ورجلي احسهه ماتت كلت هاي هيه خرب كلشي

هاي هيه رفل خرب كلشي راح زين وراحت الفرحه مني

وجان يدخل احمد وجاسم

جاسم : ما ايدخللل زين ممنوعع واذا دخل اصير بلسلاح

احمد : والله ارميه

ماما : ولكك جاا شلوون ينخطبون من بعيد اشمر حلقه واشمري حلقه ..!!

رفل : كلهه التمت وضالو يصيحون ماكو خطبه ماكو ما عدنه شخص غريب يدخل على اختنه هنا بابا اجه

بابا : يي هوه بكيفكم وخروو مناا يله ما اريد اشوفكم هنا

رفل : بابا هنا طلع واخذهم وياه ورجعن النسوان يبسبسن ويباوعن عليه اني نحرجت ونقهرت بنفس الوقت اريد ابجي بس النسوان كوه لزمت نفسي

وجان يدخل بابا ولازم زين من ايده

بابا : ياالله ياالله اتسترن اجه العريس

رفل :دنكت راسي وفرحت وخجلت يربيي ولج رفل عيب لتضحكين لزمي نفسج

اجه زين كعد يمي

زين : اجينه وجبنه شيوخ كلهه سيارات وختبصنه اني ما احتاج سياره لان اصلن طاير اني بلجو من الفرح

وصلنه كعدنه اتفقنه ع الغايب والحاضر وكالو يله بعد بس المره والخطبه سمعنه صايح بره اصوات جاسم

واحمد محد ادخل اني ضليت ع نار شصار شكو !!

فجأ كام الشيخ عامر : اترخص شوي واجي

كلهه : مرخوص شيخنه مرخوص

زين : ضليت اباوع وراه تقريبا وره 5 دقايق اجه الشيخ عامر .

الشيخ : ياالله خلي نتوكل كوم عمي زين

زين : كضني من ايدي واخذني

هنا كلبي مام يدك سريع كمت اخذ شهيق وزفير توترت وبنفس الوقت متحمس

جان جاسم واحمد مخزرين ويباعون وبعصبيه ما فهمت شبيهم وشسالفه اصلن ما باركو لصديقهم

دخلت وشفتهه كاعده ملاك وكاعد ما شلت عيني عليهه ما اتتبهت على اي شي بس عليهه سبحان الخلقج وسواج صاح عليهه ابوهه الشيخ بابا رفوله تغطي زين

زين : بكلبي اسمججج رفل اسم على مسمى رفل مثلج

حلوو !!

كعدت يمهه مشاللت عيونهه بلكاع ولا رفعت راسهه

تحرك بدمي اريد اباوع بوجهه وهيه متشيل راسهه بس شفت الخجل يقرا الف بعيونهه اجه الشيخ

الشيخ : ياالله ياالله

شيخ عامر : يالله شيخنا توكل

يله باباا كومي يله بويه زين كوم

زين : اخذونه رحنه للغرفه كعدنه منحجي بتفاصيل زياده

عقدنه ما اسمع اله النسوان سطرني سطرر بلهلاهل

الشيخ عامر :الف مبروك بويه تتهنون انشاء الله برفاه ولبنين

زين : الله يبارك بيك عمي بست ايده وخليتهه ع كصتي

رفل : واني خجلانه ومدنكه بصوت هادء الله يبارك بيك بابا

بست ايده وخليتهه ع كصتي وباسني من كصتي

هنا لزم ايد زين وخلاهه بيدي وكال يله طلعو

زين : لزمت ايدهه بحماس واخذتهه وامي طلعت بوجهي هلهلت وكامت تبجي بستهه براسهه وكلت لرفل

زين : رفل هاي عمتج مثل امج

رفل: عمه !!

والده زين : اني عمتج وامج الف مبروك تتهنين حبيبتي لعابتي

رفل : بستهه من راسهه باستني من خدي

رجع لزمني زين حسيت ايدي حتنكسر شفتي كامت تتمركص كوه لازمه نفسي وكفنه وجان اصير يمه ضبط نزل راسه باوعلي !!

زين : كصيرره ؛

رفل : باوعت بعينه

زين : كصيره ؛

ويا حلاه البيج ؟ راسج واصل اكتافي

ادنكلج من تفوتين ..

وارد دعوه بشفافي "

يربي بس وياهه ارتاح ... واحس روحي متعافي .!

ييي جبت العمر بردان !!

وبس وياهه احس دافي !!

كصيره !! وكل الطويلات يرحلج نذر تدرين !!

طويل " واعشق الزقجه

وريدهه صدك مرتي !! .

رفل : بخجل وابتسامه قصيره

اجت ام زين : يله لبسو الحلقات

هنا لبسني ولبسته الحلقه بقه لازم ايدي ويباوع بوجهي مكدرت اتنفس براحتي خلص الوقت بس يباوعلي

زين : لبستهه الحلقه ويا منعم وملاس ايدهه

واني اباوع بوجهه متحملت بعد همست بأذنهه وخيراا صرتي الي .

خجلت ودنكت

والده زين : يله لبسهه الكلاده وتراجي

زين : واخيرا اتقرب الهه

رفل : هناا كام كلبي يدك سريع بصدمه باوعت بوجه ماما وزين

زين كام يباوعلي ويضحك بحماس فرح

واني باوعت وسويت لا براسي هزيت راسي

همس باذني وكلي مطفرين

ام زين : يله يله لبسهه

رفل : وخرت الشال مني

زين : شالت امي الشال وشفت شعرهه مثل المي ولونه اشكر

زين : اخذت الترجيه وتقربت البسهه ياهه وهمس بأذنهه

اني المفتون بضحكتج ..!

اني الضعت بعيونج "

اني الي نغريت بشعرج ..!

رفل : بخجل دنكت للكاع خجلني هواي وترني كلش هذيج اللحضه شنو هاي منين يجيب هلحجي بس معناهه هوه يحبني !!

زين : لبستهه تراجي واشتم عطرهه مثل الورد مينشبع منه

عطرهه ريحته بقت بخشمي ما تطلع

جاي البسهه بلكلاده توترت هيه

جابو الكيكه كصيناهه وكلتهه متقبل اكلت شوي منهه

كتلهه فدوه هيج رقيقه

رفل : ويعع

زين : اكليهه كلهه غير من ايدي متحجي سكوت اريد اسمع صوتهه ماكو

زين : انتي خرسه؟

رفل: هزيت راسي لا .

زين : زين اكلجج

رفل : باوعتله

زين : منو احلى امي لو امج ؟

رفل : ضحكت

زين : يله ع الاقل شفت ضحكتج

رفل :🙂

زين :🙂

كريم : يله زين يردوك

زين : هاا جاي جاي

نسوان انتن شنو ما طلعن

اريدهن يطلعن حته ابوسهه

كريم : يله زينن تحرك

زين : بملل جيت

همست باذنهه . اصبريلي اله كلبج اكله

رفل: دنكت بقلق وخجل

زين : يله ثيملا

رفل :كتله الله وياك

زين : فرحتت واخيراا سمعت صوتجج

رفل : ضحكت ودنكت

زين : طلعت وجانو كلهه بره يردون يرحون

الشيخ عمار : هااا ولك اضل تبات

زين : والله علوواه عمي

كلهه كامت تضحك

الشيخ اسماعيل : يله بويه امشينه

ركبنه ورحنه وصلنه المغرب كلش وره صلاه

رحت توضيت اصلي

واني اصلي اضحك وافكر بيهه عقلي مو وي الصلاه وي رفل

دنكت اسجد اجه ابالي ليشش ما بستهه ليشش

حتلو كدام النسوان بستهه ما احس اله نفسي بست التربه ...

ضحكت ع روحي كملت صلاه تمدتت ع جربايه افكر بيهه وبس حته اكل ما اريد

رفل : طلع زين واخيرا ماكدرت اتنفس متت يوتر بيهه استحي يربي طشت النسوان

هستوني جاي اكوم واجتني ابتسام وزينب وايمان ونسوان جاسم واحمد واختي الجبيره وسن

وسن : فضحتينه تضحكين شبيج

ايمان :شكلجج شكلج

ابتسام :دحجي شنو يشاور بيج

زينب :ييي كولي شنو كالل وضحكين هيج

رفل : وسن والله هوه ضحكني يضحك بيه

كلهن بنفس الوقت : شكلللج !!

رفل : هههه مكال شي بس ضحكني كال منو احلى امج لو امي

ايمان :لجذبين هواي حجه وانتي ضحكتي احجييي شكال

رفل : اهووو دوخرن مني شجلبتن

كمت بدلت اجو جاسم واحمد

جاسم : هااا ولج رتحتيي

احمد : رتحتي هسه ارتاح كلبج

رفل : يي ورحت ركض ع سريع يم بابا لان ادري يسولي شي

تعشينه وبابا كل شوي وكلي شونه زيوني بله

ماما :لو تدري انت شصارر

رفل : خزرت لماما مصار شي شصارر !!!!

ماما : لتخزرين ولج

بابا : شضامين ولكم احجو

رفل : ماكو شي بابا والله

ماما : بتك خلصتهه ضحك وهاذ زيوني مدري شسمه هم خلصهه يضحك بيهه ويشاورهه

رفل : لاا لاا

بابا : ههههه خليهم بعد هم بلحلال

ماما : يي كلهه ضلت تسولف بيهم

بابا : غير بت بوهه

رفل: خجلت ودنكت يله اني كايمه انام تعبانه

بابا : كومي يله حقج من الضحك تعبتي

رفل : رحت انام بس جذب وين انام واني اذكر كلامه واشعاره واني اضحك هفففف يربي

تحمست

نمت وكعدت اصبح رحت احضر الريوك

طلعت بره اجيب حطب للتنور جان الكه بشار بره واكف يباوعلي

هلا والله الله جابهه الي

كمت امشي واسوي حركات بيدي الي بيهه الحلقه والبس الحلقه وانزعهه

واخلي ايدي الي بيهه الحلقه على وجهي كبال عينه والله مو خبيثه بس هوه نسيتوو شكلي

مو كلي اخذج واكسر خشمج

هسه منو اخذني شافني جاسم : واني اسوي هيج والحلقه تلمع بلشمس وشاف بشار يباوعلي صاح عليه ولججج رفلل اجا ركضض !!

انتضروني للبارت ال7 شنو حيصير لرفوله...توقعاتكم شنو ؟

اجه نحوي ركض ...

احمد : ولجج رفللل

رفل : هنا جيت انهزم بس ما لحكت

لزمني من ايدي واخذ الحلقه وشمرهه لزمني من راسي

احمد : اذا شفتهه بيدج مره لاخ اكسر اصابعج فهمتييي

رفل : اوكك اوكك بس عوفنييي

احمد : دفعني وكعت بلكاع

وبشار يباوع عليه ضحك ومشه

كمت ادور ع الحلقه عبالك مخبله

اجتي ابتسام .

ابتسام : شبيج شكو شدورين جنج مخبله

رفل : احمد شمر الحلقه مالتي

ابتسام : عزاا صدكك

رفل : والله ومجاي الكاهه

ابتسام : جايه ادور وياج

رفل : يي عفيه

ابتسام : هاااايي لكيتهه

رفل : هاااااا

وينهه

ابتسام : هاي

رفل:الحمد اللله ربيي هففف

ابتسام : لبسيهه

رفل : لاا ميقبل هم يشمرهه وكلي اكسر اصابعج !

ابتسام : اهووو

رفل : راح اضمهه واجي .

ابتسام : يله تمام

رفل : رحت ضميتهه جوه ملابسي حته خاف يدور لو شي اجيت كملت وي ابتسام الريوك كعدنه نتريك كلنه

باوعتلي ابتسام ورفعت حاجبهه

ابتسام :انطيني من يمج خبزه

رفل : هاج

ابتسام : هاااا رفلل وين حلقتج ليش ملابستهه

رفل : خربب خزرتهه ونهزمت بنضراتهه

بابا : هااا باباا شنو ضاعتت

ماما : وين حلقتج يووم

احمد بقه يباوعلي بحقد

رفل : هاا من خبزت نزعتهه

بابا : دروحي لبسيهه وتعالي اشوفهه بيدج خلي احس بنتي حتزوج

رفل : باوعت ع احمد لاا بابا خليهه بعدين

ماما : كومي لتعاندين ابوج

رفل : تمام كمت لبستهه ورجعت اتريك ..

بابا : يي هسه حلت الحلقه بيدج

هستوهه خلصنه الريوك منحس اله الباب اندك

بابا : احمد بله كوم

احمد : تفضلل تفضلل

رفل : جنت بلمطبخ اسمع بابا يكول ..

شيخ عامر : هلاا هلااا بزين تفضلل

رفل : اجه زيننن !!!

زين : يوم الثاني بعد الخطوبه كعدت متحمس من ال5 الفجرر ضليت كاعد بره واتمشه اصبح واني افكر بيهه وابتسم سوو ريوك كعدت اتريك

ام زين : هاا زين اليوم مو ع بعضك اليوم تريد اطير من الفرحه شكو

الشيخ أسماعيل :خليه فرحان خاطب جديد

ماما : يي هههه

زين : كمت يله اترخص اني

:ام زين : هاا وينن شكلتت !!

الشيخ اسماعيل : معروف وين رايح

ام زين : وين ؟

زين : يله انتو كملو ثيملااا

ام زين : شبيه الولد تخبل

الشيخ اسماعيل : ابنج عاشك

ام زين : ههههه يي

زين :رحت كبل للغرفه غسلت سبحت وعدلت ترتبت عطرت نفسي رحت طلعت للسوك بطريقي اشتريت محبس ذهب وفستان وعطر ومريت تسوكت للشيخ عيب ورايح ايدي فارغه بس لرفوله جايب

زين وصلت طلعلي احمد وتلكاني عمي الشيخ عامر

عمي : هلاا وكل الهلاا بزين تفضل عمي تفضل

زين : مشكوره عمي شلونكم

عمي : بخير الحمد الله انت شلونك ابوك شلونه

زين : الحمد الله يسلمون عليك

هنا دخلت عمتي : هلا بيك عمه زين شلونك

زين : هلا بيج عمه بست راسهه

كعدنه نحجي ونضحك

عمتي : عمه ليش مكلف نفسك ومسوك هلكد

زين : شسالفه انتو مثل اهلي

عمي: يي اهلك احنه بعد عمك

زين :اكلج عمه

عمتي : هاا يوم كول

زين : هذن شكم شغله جبتهن يعني بطريقي يعني!!

عمتي : ههههه فهمتت فهمتت

عمي : ههههه خطيه

زين : انطيهن وسلميلي

عمتي : يي كايمه بله

زين اخذت الاغراض وراحت واني كلبي يريد يطلع من مكانه ويركض وره عمتي لرفل وخايف بس لا ما تعجبهه الهديه .

رفل : عزاا اجه زين توتررت كلش كمت ما اسيطر على شي اذا الزمه بيدي

وسويت الهم جاي واخذوه كعدت اصفن واضحك ويمي ابتسام تخجل بيه

دخلت ماما بيدهه علاليك

ماما : رفوله

رفل : هاا ماماا !!

ماما : تعالي اخذيهن من ايدي

رفل : رحت اخذتهن من ايدهه ماما شنو هذن ؟

ماما : ابتسمت هذن من زيون الج

ابتسام : لكك يمه الحب يمه هلا والله تعالليي خلي نشوف شجايبلج

رفل : كلبي كام يدكك سريعع هفف

فتحت العلاكه وجان الكه علبه

فتحتهه محبس يجنن مثل الدمعه والخرزه لونهه اخضر

ابتسام : ياااايييي يجنننننن شنو هاذذذذ

ماما : بلعافيه حبيبتي رفوله . ماماتي

رفل : تسلميلي ماما

ابتسام : بلله لبسييي خلي اشوفه عليجج

رفل : لبستهه وجان يجنن بيدي

ماما : يجننن عليج تلبسينه بلعافيه

ابتسام : يمووووت راح اموععع

رفل : ههههه

ابتسام : بله بعدد شنو جايب

رفل : فتحت العلبه وجان عطر يجننن

بابا : حجيه حجييه !!

ماما : هااا

بابا : تعالي

ماما : رايحه اني انتو كملو

رفل : تمام

شتميت العطر يجنن ذكرني بزين يوم خطبتنه كلششش

ابتسام : شنوو هاذ العطر يجنن ومبين غالي

رفل : مدري بس شبهته بعطر زين مدري ؟

ابتسام : عوفيي بعد شجايب

رفل : صبريي فتحتهه وجان الكه فستان يجنن

ابتسام : كافيييي راح امووت يريد يموتنه زين شهل ذوقق يجنن يمه وجج رفل هاذ يموت عليجج

رفل : هههه جان الكه وره جوه كلش

فتحتهه وجان الكه

...[عشكتج عشك سبعين ..

كلش صافيه النيه

.................

يحلوه منين ما اندار الكاج اثر بيه ...]

احبجج رفل وهاذ العطر عطري حته اخبلج وين مترحين تشتمين عطري ...

رفل :هناا متتت خجل انتهيت صرت حمره .هههههه

ابتسام : مستحيللل انتوو

رفل :هههه

ابتسام : والله مو طبيعين

رفل : خلي اكوم اضمهن قبل ليجي احمد ويسويله مشكله

ابتسام : يي

رفل : رحت اضمهن دخلت للغرفه خليتهن بلكنتور وطلعت

ابتسام : ها ضميتيهن

رفل : ييي

رفل : وره شوي راح زين ودزالي سلام كعدت اضحك وصافنه وافكر بيه واشتم بعطره ..

احمد : ابتسام وينج

ابتسام :هاا خويه

احمد :وين رفل

ابتسام :ما ادري بيهه خويه

خاف بره طلعت

احمد : لا حول الله

ابتسام :عزاا راحت رفلل رحت ركض لرفل

رفل رفل وينج !!

رفل : هااا شبيجج

ابتسام : احمد يدور عليج

رفل : صدكك شيريد

هنا دخلل احمد للغرفه

احمد : انتي هنا واني ادور عليج

رفل : باباااااااا!!

اجاني ركض وسد حلكي

ابتسام : فدووه خويه عوفهه فدووه كريممم

اجه جاسم يركض .

ابتسام :خووويه الحك لرفل احمد راح يكتلهه

جاسم : حيلللل يطبهه مرض

ابتسام : خووويه فدووه تعال اجه

جاسم : احمد شبيك ليش تريد تكتلهه

احمد : شووف فرحانه بل اغراض

رفل :ماكوو اغراضض جذب باباااا مامااا ابتسام صيحي بابااا

جاسم : اغراضيش !!

احمد : جابلهه زيونهه هدايه وفرحانه

رفل : بدموع لاا فدوووه لاا

جاسم :وينهننننن

رفل : ودنوعي الف الف ماعندييي جذبببب جذب

ركض للكنتور فلش اغراضي ترس الغرفه

طلع العلاكه شكك الفستان واخذ المحبس

هناا خفتتت يلكه الورقه

وجان يشوفهه احمد

احمد : جاسم شوف هاي الورقه شنو ؟

رفل : لاااا لاا لا ماكوو شي عوفهه

جان يفتحهه جاسم ويقراهه

وجان يشككهه ويصيحح

جاسم : ولجج عارر متستحيننن ضربني ضربه حسيت راسي تفلش

رفل : باباااااااا

ابتسام : فدوووه خويه عوفهه

لزموني ثنينهم كسرو اعضامي تكسر محسيت بجسمي بعد ليش هيج سون بيه ليشش خلوني افرح ولوو شيي تعبتوونييي اكرهكممم انيي

وجان ثنينهم يعيطون حيوانننه اربيجج عدللل اله اكص لسانج .

هنا دخل بابا ......

الفستان مثلله بضبطططك بس الون غامق ولورد اقل

والمحبس مثل هاذ كلشششش بضبط بس على شكل دمعه .

اسفه ع الانقطاع بس ضروف وانشاء الله متتكرر

هنا دخل بابا.........

الشيخ عامر :شنهااايييي ولكم

رفل:بابااااا

ابتسام: عميي كتلو رفل جاسم واحمد

احمد : انتت ضل وي بتك وما تدريي بعمايلهه

الشيخ عامر : ولكم حيوا***** امشووو طلعووو بره

لنعل ابوكم لابو حضييي تمدون ايدكم على اختكم خزيي

جاسم : بووييه دشوووف بتك ما تستحي فشلتنه بين الوادم وعلي اكسر اعضامهه

احمد : ادفنهه بيدييي بيديي ادفنهه

الشيخ عمار : انجبوو يلله برررره بررره ما اشوف خلقكتم هاي بررره

احمد : تطردنه علمود ووحده مثل هايي

الشيخ عامر : الهه اسم هاي رفل واختك هاي اختكك والك ابن عمك احسن من اختك ياا وسفففه

ماضلوون هنا يله اذا المحكم هنا اله اخلي دمكم بطولكم

جاسم : احمد لا ندخل بعد خلي هوه تاليته تفضحه بته احنه طالعين من هاي سالفه

احمد : شنطلع منهه تفضحننه

رفل : والله ما مسويه شيي واللله باباا صدكنيي

الشيخ عامر: اعررف بابا اعرف ما مسويه شي

احمد : هاكك شوووف رسايل حب وغزلل ونوب هداايه دشوووف بتكك لو لا

الشيخ عامر : يي ادريي وكدامي دزاهن زين الهه

وانتو شلكم علاقهه اشو بلحلال ومرته عقدو انتو شنو بكيفكم تاخذون وجيبيون

جاسم : يا وسفه عليك بويه هيج مره تسويكك راح جيب النه العاررر على يوم

الشيخ عامر : اطلعووووو بررررره يللللله والله اكسر العوزيه عليكم بررره

رفل : لااا باباا لااا فدوه لتطردهم .

الشيخ عامر : هاكم فوك السويتووه بيهه وبعدهي حنينه عليكم وسفه عليكم وعلى الخوه

احمد : امششينه جاسم خليه هوه يتورط بعمايل بته وبلاخير يضل محتار وشيسوي امشي مالنه علاقه بعد خليه بس والله على يوم راح تفضحك وبيدك تكتلهه

رفل :  شنوو شسويييي

الشيخ عامر : برررره يللله تحركوووو

بابا حبيبتي اني اجيبلج فستان احلى منه خوش

لا تزعلين خلي يولون ابتسام !!

ابتسام : هاا عمي

الشيخ عامر : ضلي وي رفوله وساعديهه بلغرفه لا تعوفيهه وشيصير كليلي

ابتسام : خوش عمي اكيد اني ما اعوفهه

رفل : باباا !!

الشيخ : هاا

رفل : متطردهم موو حتخليهم يبقون فدوووه بابا لتأذيهم

الشيخ : هاذ كله الي سوه وانتي دافعين الهم فدوه اروح الج شهل محنه

رفل :

الشيخ : يله اني خلي اروح يم الولد وانتن رتبن

رفل : خوش بابا

راح بابا شفته طلع كمت ركض ادور ع شيشه العطر يربي هاذي لكيتهه ما مكسوره الحمدد اللله ربيي

ابتسام : ولجج عوفي ليشوفوج

رفل : ماا مااا

رفل : ابتسااام !!

ابتسام : هاا

رفل : شون ارجع محبسيي منهم اريده منوو اخذاه

ابتسام :جاسم اخذاه ليش متكلين لعمي ويجيبه منه

رفل : لا ونوب يتعاركون مره لاخ

اني احاجيه بلكي يقبل لو ادز ماما

ابتسام : خاف يكتلوج مره لاخ والله ما اتحملل بعد

رفل :لا خلي نكف الهوسه واروح يم امي احاجيهه

ابتسام : خوش يله

رفل : رتبت الغرفه اغراضي واني اجمع بلاغراض واشبع قهر شفت ابتسام تشيل بل فستان وي زباله عطت بيهه لااااا ابتساام

ابتسام : هااا شكوو

رفل : بقيه اريده جيبي

ابتسام : شسوين بيه املخخ

رفل : لا اخيطه اسوي مره لاخ

ابتسام : اهااا صدك عودد

رفل : والله هديه من زين اشمرهه تخبلت

ابتسام : حبيب الروح

رفل : 🙂

يله امشينه يمهه انتي هم احجي مو تلصمين

ابتسام : شحجي متكليلي

رفل : نجبي وشحجي احجي مثلي خلي اجيبلي محبس من جاسم حته ما تهنيت بيه

ابتسام : ديله

رفل : رحنه شفت ماما وبابا واخويه كريم ومرت اخويه جاسم كاعدين يشربون جاي دخلت عليهم

الشيخ عامر : هلاا بعروستنه وحلوتنه

رفل : هلا بيك بابا

ماما : شبيهه عيونج ناطه ؟؟؟

الشيخ عامر :كعديي بابا نسولف عليج نشوف عروستنه شنو بله

ابتسام : عموو تريد اطيرر

رفل : ابتساام !!!!

كلهه تضحك وجان يجي بشار يعيطط عمييي عميييي الحككك

شيخ عامرر : الله يستررر شكوو !!!!!

بشار : عميييي جاسم انطلبب دممم .................

الشيخ عامر : شنهييي

رفل : ماما كامت تصرخ ومرت جاسم هم واني ما عرفت شسوي ركض بابا وياه بشار

زين : طلعت من بيت الشيخ واني متحمس انشاء الله تعجبهه الهديه وصلت للبيت

ام زين :هاا يمه هلا بيك وين جنت

زين :بعدن

ام زين : شنهي ؟

زين :ماكو شي يوم عندي شغل مستعجل

ام زين : تعاال وين كلي شبيك .

زين : بحماس مابيه شييي !!

ام زين : ياا ابني تخبل شسوي اخذه للعارفه ؟

زين : وصلت لكيت جماعتي كلهه ملتمه وكعدت وياهم اسولف بحماس ولهفه كمت الحم لان شغلي هيج

واني الحم اجت ابالي رفل صفنت الهه ولوجهه

اخخ شوكت تصيرين يمي تعبت.

وما احس اله طلعت بلحديده رون هاي شسويت !!

كله من وره رفوله دمرتني هههه

رفل : واني ابجي ومقهوره يربييي شسويي مرت جاسم ادك وتلطم وامي ماكو وكلهه ملتمه تواسي بمرت اخويه اني كعدت ركن وابجي وادعي

جان تباوعلي بنضره حقد

مرت اخويه ايناس

ايناس : بعياط كله بسببببججج كلشيي صاررر بسببججج دمرتينننه انتييي سممم حيييه

رفل :ودموعي تجري شسويتت انيي شسويتت

كامتلي تركض

ايناس :اليوم اموتججج والله اخلص عليج

رفل :وخريي منييي ابتسااامم

ابتسام: وج وخريييي ادبس*** وخرييي منهه امشيييي

رفل : معلييي انيي

ايناس : دمرتيننه انتيي انشاء الله تموتين ونخلص منجج والله اذا صار شي لجاسم اموتج خلاص اكتلج وادفنج بيدي وشيصيررر ايصيررر ما خاايفه من احدد

رفل : كافيييي كافييي عاد دمرتونييي على كلشي وصحتوو رفلل رفلل رفللل ماعدكم غير صخم رفل انتي ورجلج عليه درتوو

ما تخافوون الله كافيييي عادد ومالج حق تسوين اي شي هوه انتيي منوو ؟!

ابتسام : كافيييي رفللل كافييي

رفل : رحت للغرفه ركض واني ابجي يربيي شجاي يصيرر تعبتتت شنو هايي شسوويتت بحياتي وجاي يصير هيج بيه ..... دخلت ابتسام

ابتسام : رفولتي كافي لتبجين تبجيني وياج كافي

رفل : تعبتتت ابتساام تعبتت من صدك اريد اموت واخلص

ابتسام : اسم الله عليج يعد يومين وتزوجين هاا شني نسيتي زين

رفل : ما اريد اي شي والله حتلو ازوج يلحكوني ميعوفوني

ابتسام : خب شبيج منو يلحكج هوه ياخذج زين ويطفر بيج ينطيج بعد شبيج

رفل : اه يعني محد يكدر يأذيني

ابتسام :هوه غير خبلتيه يموت عليج هوه لو يدري بهاذ كله يسكت جان اخذج اليوم كبل باجر

رفل : هفففف وجاسمم شون هسه

ابتسام : لتخافين ياخذون عطوه وانشاء الله فصل وتفض

رفل : خاف يسوله شي

ابتسام : اسم الله عليه عمي راح وانشاء الله تنحل

رفل : انشاء الله

الشيخ عامر : وين شيخ اسماعيل خلي يجي هوه وسيد محمد

كريم : يي وصلت الهم خبر جاين بطريق

الشيخ عامر : اخوك وين

كريم : اخذاه احمد وبشار وراحو بيه

الشيخ : وين ما اروح مشاكل مشاكل هسه شيخلصننه

الشيخ أسماعيل : هااا خووويه

سيد محمد : شنهيي سلامات

شيخ عامر : خويه بس اخذولي عطوه منهم كبل لا يستعجلون ويسون شي

مولانه بعد عليك وعلى اخوي أسماعيل

السيد : انشاء الله هسه اودي وره الجماعه بعد ونروح

الشيخ أسماعيل : يله تفضل مولانه

الشيخ عامر يله خويه توكلو بدربكم جيبو الشيوخ هم

السيد محمد : انشاء الله خير . يله توكلو

زين : كاعد اشتغل بدراجه مالتي وملتهي وجان يجيني صاحبي ياسين

ياسين : زينننن زينننن

زين : هاا هاا شني شبيك على كيفك

ياسين : بتعب زينن جاسم جاسم

زين : شكوو شبييه جاسم !!

ياسين : كتل ابن بيت عيدان عباس وصارت بلدم هسه

زين : شنهييي صدكك تحجي وابوي راح

ياسين : يييي هوه وسيدد محمد

زين :عفت الغراض ورحت مستعجل

ياسين : وينن زينن ويننن

زين : غسلت لبست طلعت ركض

ام زين : شكو يممه شبيكمم

زين : بعدينن يوم وبعديييييننن !

ام زين : ياا يمه الله يسترر شصاير

زين : توجهت على بيت الشيخ عامر طلعلي ولد زغير

هاا عموو وين الولد

علي : راحو ياخذون عطوه عد بيت عيدان

زين : هاا .. وينن عمك جاسم

علي: اخذوه

زين : يله عمي مشكور رحت للبيت عيدان

ومن بره واسمع صايح وصريخ دخلت للديوان ولكاهم يتحاورون بس بصايح وحلفان

كعدت

ياالله وانطوو عطوه اسبوعين كامو ابوي والشيوخ والساده

وطلعنه رجعنه للشيخ عامر منتضرنه هوه والولد واخوانه

الشيخ عامر : هاا بشرو

السيد محمد : انطو عطوه سبوعين

الشيخ عامر : يااللله

الشيخ اسماعيل : وينه جاسم غير نفتهم شصار وليش

الشيخ عامر : اخذوه عد بيت عمه مشينه عليهم خويه

السيد محمد : يي بله مشونه نفتهم

زين :الله يستر على شنو هاذ كله شصار طلعنه رحنه لبيت عمه دخلنه لكيناهه يشاقي ويضحك ومنونس فخور بنفسه

جاسم : هاا السلام عليكم

الشيخ عامر : وقز القط شسويتت

السيد محمد : على كيفك على كيفك خلي نفتهم

ال

شيخ اسماعيل : بويه جاسم شو اكعد وحجيلنه ياهو العال

جاسم : والله يا عمي الصار كله بسبب ابوي

الشيخ عامر : ولك ابن النع**** وعلي اكسرك تكسر

الشيخ اسماعيل : على كيفككك خويه خلي نفتهم

الشيخ عامر : ولكك خربتنيي وي الوادم خربت علاقتنه وهم دره مالت الللله

السيد محمد : احلفك بجدي محمد كف خلي نفتهم

جاسم بويه !!

جاسم :مولانه امرني

السيد : بس احجيلنه سولف يله

جاسم : مولانه كله بسبب ابوي

زين : خويه يله اعصابك اكعد وسولف النه

جاسم : زين بعد اخوك اسكت انت هم بسببك كلشي هاذ صار

زين : هاااا !!!

الشيخ عامر : ولك احجيييي تريد الحكك وره عباسسس

جاسم : كتلك اختنه لو منطيهه لبن عمهه ماصار هاذ كله كتله اليوم اصبح تذكررر شذكرتككك كتلك راح يجي يووم

زين : من كال لبن عمهه كلبي نغزني ركض الشيخ عامر لجاسم كضه من ايده وخذاه للغرفه وحده هوه وياه

الشيخ عامر : اعذروني بس شوي

السيد محمد : حلفتك شيخ

الشيخ عامر : لا بس نحجي شوي امور عائليه

السيد : يله

الشيخ عامر : سديت الباب وراي ولككك انت شنهيي من بشرر لا تجيب وصفط على اختك

جاسم : اني ما مسوي شي بتك كتلك اجيبلك الفضيحه صارت سالفه بحلك اليسوه ومالمايسوه اخذت التحبه وما خذت بت عمهه اخوانهه ماكدروهه وابوهه وخطيبهه 24 ساعه كاعد عدهم وما يستحون

الشيخ عامر : انجبببب شهل حجييي لا جيب وتلفقق

جاسم : والله بويه ما مجذب بس كتلته لان عيرني يكلي بيك خير ما بنيه دكتك ورفضت كلامك

صار حجي بيناتنه تعاركنه بسرعه بسرعه ومات

الشيخ عامر : شوف وحك الله ومان الله اذا طلع الحجي تلفيق وجذب شوفني عود بعدين

جاسم : تستاهلووون جبت الفضيحه الروحكك كتلكك لا تسو هيجج جيت وسويت العكس جبتهه لروحك خليهه تفيدك

الشيخ : خوش خوش خير على خير وكلامي ما يتغير يبقه ولا تضل تمتمت وتنكز

اخذنه عطوه ونشوف الحل

جاسم : وبتك

الشيخ عامر :دنجبببب وامشي يله اذا سولفت لو حجيت شي ادفنك هنا

زين : طلع عمي وجاسم ثنينهم عمي وجهه ما يبشر بخير

السيد : هاا خويه ......

منايانة غفل والدنيا غدارة 🌏☔

اتهون أشما طفح ميزانهه تهون 🌂☁️

عريان السيد خلف...

الشيخ عامر : هاا خويه متعاركين كلمه منا ومنا ومتلاكفين

الشيخ اسماعيل : شسالفه بعد عمك صدك جذب كتلتك ولد بعمر الورد عريس

السيد : يي والله ذنب هاذ

جاسم : بعد صارت

زين : شكيت اكو شي عدهم وضاميه وجاسم يباوعلي بغير نضرات وشكله ما متوتر ولا ضايج بلعكس

الله يستر وصارت المشكله الا وي عرسي

الشيخ عامر : بعد خويه نأجل العرس وره الطلابه

الشيخ اسماعيل : اكيدد صدك جذب

زين : بكلبي خرببب بحضيي

الشيخ عامر : يله توكلو يمي غداكم

السيد: لا والله مااكدر عدي شغل هواي

الشيخ اسماعيل : يي والله هم اني

الشيخ عامر : يتاجل الشغل

الشيخ اسماعيل والسيد : لااا والله ما نكدر

الشيخ : زين انتت تتغده يمي والله اذا ما تتغده نتخاربب وعلي

زين : هههه كلشي ولا هاي

الشيخ اسماعيل : بويه انت ضل عد عمك

زين : يي ههه باوعلي جاسم شنف ونففخ ومشه

جاسم : اني اضل هنا يم عمي .

الشيخ عامر : دضل

زين : ليش خويه غير وياك انه

جاسم : لا ما اريد

زين : حسيته يكرهني ما يطيقني شلقضيه طلعنه وصلنه لبيت الشيخ طبيت اتغده يمه

دخلت كعدت

الشيخ عامر : يي هسه الغده يجهز

كريم : سلام عليكم

زين : وعليكم السلام

كريم : شنهي الاخبار

زين : يي والله بعد عطوه وع الله

كريم : الله كريم هوه سولف عرفتو شي

زين : يي هوه وبوك سولفو وحدهم كالو عائليه

بس صايره مناوشات بلحجي ومتعاركين

كريم : جاسم وجهه مطكوك

زين : والله وداعتك كلشي مابيه وكاعد ومفتخر ولا جن اكو شي صاير

كريم : لا حول الله شون ذنب هسه والله لو شوفهم ناس دره من الله ذهبب

زين : استغفر الله ربي الله يصبرهم ويكون بعونهم خطيه .

الشيخ عامر : ياهلا وكل لهلا بنسيبنه

زين : هههه هلا بيك عمي وابوي .

رفل : واني كاعد بلغرفه يم ابتسام نكضي وقت حته يمشي وتشوف شصاير وكلبنه على نار

رفل : ابتسام تاخروو والله خايفه

ابتسام : شنو هيه لعبه دم وكتل وعطوه وفصل وعرايك هذن كلهن بسرعه ترديهن يخلصن

رفل : هفففف

هنا دخلت زينب .

زينب : اجووو اجوو واجه وياهم زين

رفل :  هاااا !!

ابتسام : ياللله اجوو

كومينه رفل

رفل : وين اكووم مو تكلج زين وياهم

ابتسام : وشنهييي غير خطيبج

زينب : يي حته يشكهه بنص احمد

رفل :  واو

ابتسام : اهوو ديله عاد انتي روحي شوفيلنه الاخبار وشوفي وجوهم تبشر بخير لو لا

زينب : ييي شني اشتغل عدجن

رفل : دنجبي وروحي

ابتسام : هسه بله نشوف انشاء الله ماكو شي

رفل :انشاء الله

ابتسام : اكلج اشو عمه ماكوو

رفل : هم صدك بس اكيد راحت لبيت عمي

زينب : جيتت

ابتسام : بشرييي

زينب : زين حيبقه للغده

رفل :  بس اباوع بوجهه

ابتسام : خبب عوفي زينن بشري

زينب : نلشي مابيهم يسولفون

رفل : وين كاعد زين

زينب : بلديوانيه

رفل : ييي ويننن

زينب : شمدرينيييي

رفل : هيووو شبيجج ... هنا دخل بابا

الشيخ عامر : شبيجن تناكرن

رفل : هيج ماكو شي

زينب : جذااابه باباا

رفل : بخزره اسكتيي ولج

الشيخ عامر : عوفن عركاتجن هسه نسيبنه هنا يتغده جهزو غده امجن وين ؟

ابتسام : طلعت عمو من رحتو

شيخ عامر : زينب روحي شوفيهه وين

زينب : هسه

رفل : احنه حنحضر اني وابتسام لمن تجي ماما

الشيخ عامر : يله بعد ابوجن

ابتسام : قصدج انتي طبخين اني معلي ما اكض شي

رفل : هلوو ليشش

ابتسام : هوه خطيب منو

رفل :  اباوع  الهه بعصبيه

ابتسام : ههههه اشاقه ديله

زينب : جينننه

رفل : جيتو ؟

ابتسام : قصدهه هيه وعمه

رفل : هاا

ديله خلي نجهز هسه تدخل وتخبصنه بسرعه بسرعه

واحنه جاي نجهز جفت احمد

احمد : بهدوء ارتحتي هسه من سويتي اخوج كتال وبركبته دم !

رفل : ليش اني شنو

احمد : وحمسسسس ونوب تحجييي صللفه مستهتره دمرتينه

رفل : شسويت اني شعليي فهموني كلكم عليه شسويتت الكم .

ابتسام : فدوه على كيفكم خويه فدوه وخطار هنا زحمه

احمد : فضحتينه وخليتي اخوج كتال وبركبته دم وجبتيلنه الحجي

رفل : اني ما مسويه شي وهاذ الحجي كله جذب ولو صدكك جيبووو شاهددد ... اجاني لزمني من شعري

احمد :نصييي صوووتجججج الا ادفنج  وكبرج هناا يصيرر

ابتسام :خووويه فدووه وخر خويه عيببب خطارهنا

ام رفل : هاااا شكوووو شبيكك

وخررر صدك جذب

رفل : مامااا وخررريه مني كطع شعري !!!!

ابتسام : عمه فدوه اروحلج

احمد : اذبحهه كله بسببههه....