عشق الوحوش والشياطين الفصل العاشر 10 - بقلم Sabreen

الفصل 10
نبدأ بالصلاه على النبي ☺️
نبدأ عند فهد اللي كان بيراقب فريقه
آيات للبنت في فريقها: ها يا نسرين وصلتي لايه
نسرين بتكتم ضحكتها على شكل آيات
آيات : اضحكي يا اختي اضحكي متكتمهاش احسن تفرقعي ولا حاجه
نسرين ضحكت بصوت عالي هي وباقي الفريق جه على صوتهم فهد
فهد بغضب: بتضحكوا على ايه ضحكوني معاكم
طالب: احممم بنضحك على على شكل انسه آيات يا فندم
آيات كانت مديا ضهرها آيات
فهد بجديه: انسه آيات بصولي
آيات قالت: لا لا لا لا
فهد بغضب: قولت بصيلي
آيات لفت بس كانت حاطه ايدها على وشها
فهد بسخريه: لا والله وانا كده شوفتك شيلي ايدك
آيات هزت راسها وقالت: وربنا ما ينفع حد يقولوا حاجه
نسرين بتكتم ضحكتها وقالت: مينفعش يا فندم وشها مضروب اوي
فهد بجديه للطلاب: اتحركوا من هنا
وشاور على آيات وقال: وانتي قدامك 5 ثواني بالظبط علشان تشيلي ايدك
الطلاب جريوا بسرعة اما آيات فمشلتش ايدها وكانت بتقول في سرها: احيه اعمل ايه مينفعش يشوف وشي المعجون ده طب اعمل ايه أجرى مثلا ولا...... قاطعه شعور بأيد فهد الخشنه بتشيل ايدها من على وشها
فهد لقاها طولت شال ايديها من على وشها وقال بنرفزه: بقولك أمر اتنفذيه عل.....
قاطعه لما شاف وشها كان في كدمه تحت عينها الشمال وكدمه في خدها اليمين وكدمه كمان جمب شفايفها من تحت ناحيه الشمال وكانت حاطه على الكدمات دي مرهم بس كان شفاف
آيات كانت مغمضه عنيها جدا وحسيت كأني كهرباء مسكت فيها لما ايده مسكت ايدها
فهد بص للكدمات دي بوجع حس بقلبه مع انها كام كدمه بس رفع ايده وكان هيلمس الكدمه اللي على خدها......
آيات فتحت عينها شافته لسه هيلمس وشها راحت بعدت عنه بسرعه وشديت ايدها منه وبصت في الأرض
فهد : احممم مين اللي عمل في وشك كده
آيات وهي لسه باصه في الأرض:
كككنا بنهزر انا والبنات
فهد بنرفزه: بالضرب
آيات بجديه وبرود : لو سمحت نادي على باقي الفريق مينفعش وقفتنا كده
آيات راحت للشخص اللي هيسعفوه وفهد بصلها بصه طويله ومشى وقال في نفسه
'' ليه حاسك بتبعدي مش عارف ليه بتبقى قريبه وفجأه بتبعدي حاسس فيكي حاجه غريبه مش عارف هي ايه ''
اما آيات بصت على طيفه بحزن وقالت بحزن ووجع:
مينفعش مينفعش تدق كفايه بقى مش هينع احب اوعي تنسى اصلك يا رسيل
..........................................
عند أمل
طارق بضحك:وشك بقى كفته يا أمل
أمل بغيظ: عقبالك يا اخويا
حنين: ههههههه هو انتوا متعودين كده
أمل بضحك: علطول و....
مالك جه وراء مالك وقال بصوت عالي:
كفايه ضحك يا انسه
أمل بخضه: الله يخرب بيتك ايه يا جدع حد يخض حد كده داخل زي القطر كده ليه
شاهندا: الله يخربيتك بتقولي ايه
مالك ده كله بيحاول يكتم ضحكته على شكلها والكدمات اللي في وشها وقال:
ايه اللي عمل فيكي كده هو ده هزار بنات برضو
أمل بمرح: ده أقل حاجه والله ده حتى دول كام كدمه بس مش كسور ولا جروح
مالك بضحك: هو في كده برضو
أمل فجأه اتكلمت ببرود : احمم هو في حاجه يا كابتن
مالك فاق لنفسه واستغرب تحولها وقال بجديه: كنت جاي اقولكم كفايه ضحك واشتغلوا
طارق بخوف: حححاااضر يا فندم حاضر
مالك مشي وكان بيبص على أمل من بعيد واستغرب ليه بقيت بارده مره واحده واستغرب نفسه هو اصلا مش بيحب الضحك ولا الهزار بس معاها غير
..........................................
بعد اسبوعان
الكل كان بياكل بهدوء بسبب وجود الشباب وبعض الظباط الآخرين
على طاوله يحيى والباقي
شمس قامت وقالت:انا هروح اعمل مكالمه وجايا
يحيى بخوف: هما الكل ساكت كده ليه
علاء: علمي علمك الهدوء ده مريب معرفش ليه تحس اني الكل بيتكلم بهمس ولا حاجه
روان بلامباله وهي بتاكل:
عادي يعني مفيش حاجه دول تقريبا كام ظابط جداد أو جايين زياره للكتيبه دي فالكل هادي زي اول اسبوع معرفش ليه الخوف ده
آيات بصت حواليها: هو فعلا في حاجه انا حاسه اني في عاصفه داخله علينا
مريم لسه هتتكلم
سمعوا صراخ أمل على مدخل المطعم وهي بتقول: يا آيات يا روان أجروا وربنا حبيبه المره دي هتقتلنا انتوا عملتوا ايه
الكل بص على أمل
آيات وروان بصوا لبعض وقالوا في صوت واحد: هي فين؟؟؟
لسه أمل هترد وإذا بقذيفه تدخل
أمل خافت من حبيبه بس مسكتها جامد
حبيبه صراخ: والله لاقتلكم خلاص انا خلاص جبت أخرى منكم
روان بهدوء وهي واقفه وجمبها آيات : اهدي بس يا فواز وقولي هو احنا عملنا
حبيبه بغضب: وحياه امك انتي وهي وانتوا مش عارفين عملتوا ايه
آيات بغباء: عملنا ايه انا مش فاكره
روان : نكونشي عملنا مصيبه واحنا نايمين
آيات بتكمله: أو مش عارفين
حبيبه بجنون وصراخ: سيبيني عليهم وربنا لاقتلهم
أمل بصراخ مماثل: عملتوا ايه يا حماره منك ليها خلتوها تبقى كده
يحيي بمحاوله التهدأه: اهدي بس يا انسه حبيبه قولي في ايه
حبيبه بغضب: التيشيرت بتاعي كان لونه اصفر غسلوه وبقى بني منقط يرضى مين ده
مريم بخوف: خلاص ده كله علشان تيشيرت هجبلك انا واحد
روان بتذمر: قوليلها دي مفضله التيشيرت علينا
آيات بردح: وبعدين يا اختي انتي حطاه جمب الكلور وهو اللي اتقلب عليه احنا مالنا
علاء: خلاص يا انسه حبيبه تيشيرت وراح هما هبجبولك غيره
آيات وروان بصوت واحد عالي:
ابدا ما يحصل
حبيبه بجنون: انا كنت حطاه على الغساله ايه اللي جابه الكلور جمبه
آيات بتفكير: تصدقي صح هو الكلور كان جمب الغساله
روان بتكمله: رحنا احنا حطناه جمب التيشيرت
آيات بغباء: قوم بقى ايه الكلور اتقلب عليه ورحنا احنا حطناه في الغساله
روان وآيات بتذمر وصوت عالي:
ده جزاتنا يعني علشان غسلنا ليكي
أمل بصراخ: الله يخدكم انتوا الكل والغساله حد قالكم اغسلوا خليتوا لونه بني وبعدين بصت لحبيبه وقالت :
وبعدين ماله البني ما حلو
حبيبه بغضب: غسلوكوا انتوا التلاته في غساله مجاري
أمل سابتها وقالت: لا Excuse me انا مالي ليه تدخليني معاهم
حبيبه كانت لسه هتمسكهم مريم مسكتها وقالت:
الله يخدكم هو ما كل يوم خناق فرجتوا علينا الناس وكملت بصراخ: هتفلت مني
..........................................
على طاوله الشباب
كانوا بيتفرجوا زي الباقي وكأنهم بيتفرجوا على فيلم أو حاجه روتينيه
فهد بغيظ: هو كل يوم ولا ايه
عدي بضيق: بصراحة مش عارف اقول ايه
سيف بخبث: وانتوا مالكم بيهم هما بيعملوا الكلام ده في الراحه يعني لو هما عملوها في وقت التدريب يبقى تتصرفوا
بصولوا بغيظ لاني سيف بيحاول يكشفهم وَيخليهم يعترفوا بس هما بيعاندوا مع نفسهم غير انهم مضايقين اني كل اللي قاعد في المطعم بيتفرج عليهم والبنات مش في دماغهم ده حتى سيف بس مش بيبين
..........................................
شمس دخلت وشافت الوضع ده جريت عليهم ومسكت حبيبه إللي كانت هتفلت من مريم
شمس بصراخ: في ايه
حبيبه بغضب: بوظوا ليا التيشيرت
شمس بغضب: وده كله علشان تيشيرت معاكي غيره
حبيبه بصراخ: التيشيرت ده جايبه زين اجيب منين غيره انا دلوقتي
عدي بص عليها وعينه احمرت من الغضب وقال في نفسه: مين زين ده
واللي زاد الطين بله كلام مريم وهي بتقول: مين زين يعني حد مهم في حياتك
شمس بصت لروان وأمل وآيات اللي كانوا واقفين جمب بعض:الله يخدكم ملقتوش غير التيشيرت اللي زين جابه
وحاولت تهدي حبيبه : خلاص يا حبيبه هقول لزين يجيبلك واحد غيره
آيات بغباء وصوت عالي: وانا بالله عليكي يا شمس قوليلوا يجيبلي واحد رصاصي
روان وأمل بنفس الصوت: وانا برضو يا شمس قولي لزين يجيبلنا لأحسن هو بيطنشنا كتير
شمس بصراخ: هقولوا يجيب أسد ياكلكم انتوا الكل يا شويه مستفزين
روان وأمل وآيات بتذمر: الله يا شمس ما انتي بتعرفي تقنعيه اما احنا لا
حبيبه بغضب: سيبيني اكسرهم بس
البنات باستفزاز: لو مش عاجبك طلقني
شمس سابت حبيبه وقالت :اولعوا انتوا الكل بقى
آيات جريت وقالت بصراخ: يا لهوي سابتها هنمووووووت
روان وأمل جريوا وراها وهما بيقولوا: اجرررري يا مجددددي
حبيبه جريت وراهم والكل قعد يضحك عليهم لأنهم شبه الأطفال بيتخانقوا وبعدها يجروا وراه بعض
شمس مشيت وراهم وهي بتقول: إلهي يقتلوا بعض لاني اللي هيعيش هقتله اصلي انا فاضيه أصلح مشاكل جوه وبرا
..........................................
حد شامم ريحه حاجه انها حريق الشباب الغيره تملأهم الان وكلهم حتى الوحش في دماغه السؤال ده مين هو زين اللي عاوزينه يجيب ليهم تيشيرتات
سيف في نفسه: وانت مالك انت تعرف تقنعه ولا لأ ولا حتى مين زين
عدي في نفسه: بيجيب ليها تيشيرت ولا كمان زعلانه علشان باظ مين زين ده
اما الباقي كانوا في نفس الحاله الغيره الشديده ولو كانت تحرق لكانت أحرقت البنات
..........................................
تاني يوم
كانت حبيبه قاعده في طاوله لوحدها وبتهز رجلها بعصبيه
وكان وراها طاوله الشباب بياكلوا الغداء لاني حبيبه ملقيتش ترابيزه فاضيه غير دي
شمس جات ومعاها البنات وقعدت جمب حبيبه اما البنات قعدوا قدامها وقالوا بوجع بسبب ضرب حبيبه امبارح ليهم وكأنهم كيس ملاكمه
روان وأمل وآيات باعتذار: احنا اسفين صلاح
حبيبه بصتلهم وقالت: مين هيقول لزين يجيب واحد جديد ها
امل وهي ماسكه دراعها بوجع: الله ما تقوليلي انتي هو انتي هتغلبي يعني
شمس بصتلهم بتحذير
روان بتذمر: الله ما انتي شايفها عملت ايه امبارح ده انا جسمي مكسر ومش عارفه احركوا
آيات بدراما: اكمننا يعني مش بنتكلم هتيجي علينا بالقوى
روان وأمل : قوليلها
حبيبه بغيظ: امشي يا بنت انتي وهي من قدامي امشي
روان بغيظ لشمس بتتطردنا
شمس قامت وقالت: قدامي يا كلاب يلا
البنات قاموا بتذمر ومشيوا وراء شمس وبعد
5 دقايق
تليفون حبيبه رن برقم غريب
حبيبه : الو
الشخص بلغه اجنبيه: مرحبا يا صغيره
حبيبه بصوت غاضب: ينفع اللي حصل ده يا زين
ركزت حواس الشباب مع نطق الاسم ده
زين: ههههههه حسنا يجب عليكي الهدوء
حبيبه بغيظ: انت بتضحك ولما اقتلك بناتك تبقى ترتاح
زين: حسنا لا تحزني سوف أتى بتيشرت جديد لكي
حبيبه : لا انا عاوزه اتنين مش واحد
زين بغيظ: يا فتاه احترميني قليلا انا بسن والدك
حبيبه بذهول: قد ابويا ايه يازين ده انت اللي يشوفك يقول عندك 30 سنه مش عندك شحطه في سننا احنا الخمسه عندها 18 سنه
زين بغيظ:حسنا قد محي الاحترام من قاموسكم لا أجد أيكم يحترمني
حبيبه باستفزاز: هاته لونه أخضر يا زين المره دي
زين بفقدان امل: حسنا سأجلب لكل واحده فيكن تيشيرت
حبيبه بتذمر: لا انا بس هما لأ علشان يبقى يبوظوا تاني
زين: هذا ظلم
حبيبه : والله يا زين لو جبت ليهم لقصهم قدامهم زي ما عملوا في بتاعي وانا اعملها عادي
زين بملل: حسنا يا مجنونه أعلم انكي سوف تفعلينها
حبيبه بتذمر طفولي: متقولش مجنونه بس
زين: ههههههه حسنا يا فتاتي لكن سوف أتى لكل واحده منكن واحد حتى انا لا اعلم لما انا سوف اشتري فلتشتري كل واحده منكن واحداََ لها
حبيبه بضحك: علشان انت زوقك حلو يا زين ومميز
شافت البنات داخلين وهما ماسكين علبتين

حبيبه وهي بضيق عنيها: بقولك ايه اقفل كده لأنهم شكلهم جايبين ليا قنبلة
ز

ين بضحك: حسنا وداعا صغيرتي
البنات وصلوا لحبيبه وادوها علبه وقالوا:
افتحيها
حبيبه : مش مطمنه
وفتحتها وابتسمت جدا لما شافت كيكه بالتفاح
وبصتلهم بفرح
أمل بضحك: مرضى يا كبير
حبيبه : مرضى يا باشا
وبصت على العلبه التانيه وقالت: ودي فيها ايه
روان : لا لا لا لا دي لينا احنا
حبيبه : يا سلام
آيات بغيظ: ورحمه عبد السلام مش كفايه احنا التلاته واحده وانتي لوحدك واحده
حبيبه : طيب بطعم ايه؟؟
أمل : هههههههه بالشوكلاته يا سيتي وخدي الشوكه اهي
حبيبه بتساؤل: هي شمس فين
آيات وهي بتفتح العلبه وقالت:
والله ما اعرف هي قالت نروح نجيب التورتتين وهي هتعمل حاجه مهمه وجايا
وبعدين بصوا لحبيبه وقالوا بشك:
بنت انتي تعرفي هي فين
حبيبه : لا والله وهي شمس من امتا لما بتختفي حد بيعرف هي فين وبعدين دلوقتي هتيجي ونعرف
البنات ابتدوا ياكلوا الكيك باستمتاع
اما الشباب فحسه براحه شويه لما عرفوا اني زين ده يعتبر في مقام ابوهم بس لسه مضايقين انه هيجيب ليهم تيشيرتات
(متملكين 😾)
🌹🌹🌹🌹🌹🌹🌹🌹🌹🌹🌹🌹
بعد ١٠ دقايق
:اااااه يا شويه واطين
البنات بصوا لقيوا شمس قدامهم
روان ببسمه بلهاء: انتي جيتي
شمس بسخريه: لا دي رساله مسجله
وكملت بغيظ: ولا واحده فيكم سابت ليا حته
آيات : الاه هو انتي مش عندك السكر
أمل بتكمله فبالتالي مش هينفع تأكلي
البنات بصوا لحبيبه اللي كانت مندمجه في الاكل وليه لأ وهي بتعشق الكيك بس قاطعها قفه لولبي من شمس
حبيبه بتذمر: اااااااااه ايه
شمس بغيظ: جاتك اوه في نفخوك مش بتردي ليه
حبيبه : هقول نفس الكلمه اللي قالتها امل
الكيك أهم غير كده لا
أمل وهي بتاكل: انا كنت وقتها بقصد الاكل على فكره
شمس : اممممم طيب خلصتوه افتحوا الواتس بقى
البنات باستغراب: ليه؟؟
شمس بغموض: درش باعت صوره
حبيبه طلعت تليفونها وقالت: ومالوا
البنات فتحوا الواتس ووصلتهم صوره ليهم هما ودرش
روان بزهق: وحشتنا الايام دي بصراحه انا زهقانه هنا
البنات : ومين سمعك
وصلت صوره تاني وهما سكتوا سكوت غريب
شمس ببرود: لاحظت يا حبيبه انك بتنامي كتير
حبيبه ببرود وهي بتاكل : وانا بنام لوحدي
شمس بابتسامه بارده: لا وأمل كمان
آيات بصت لامل وقالت: اممممم أمل فعلا بتنام كتير
أمل ببرود: ظريفه
روان بهدوء: طيب وانا
أمل ببرود: خفي اكل
روان بمكر: هتخفي معايا
شمس بنفس المكر: اكيد وآيات كمان
وبصت لامل وقالت: صحيح يا أمل قابلني سؤال قبل كده ماده.....مدتها اد ايه
أمل بخبث: 8 ساعات يا شمس
حبيبه ببرود: حبيبه يلا علشان نجيب برشام صداع ليا من الصيدليه
أمل قامت بهدوء: تمام
شمس ببرود: روان روحي معاهم
آيات: وتأتي من حيث لا تحتسب لسه بنقول زهقانين
شمس : حكمت ربنا
آيات قربت العلبه: على فكره سبنا ليكي من الكيكتين
شمس بضحك: هههههه لا بجد
آيات بضحك: اااااه والله
شمس بخبث: طيب يلا نجيب عصير هو فيه كيك من غير عصير
آيات بمكر: لأ
..........................................
في تمام الساعه 12 منتصف الليل على سطح مبنى الكتيبه الخاصه بالمقدم حمزه يقف 3 أشخاص ملثمين ويبدوا فتاتين وشاب
شغف : ها دلوقتي هنعمل ايه يا ديانا... نانو عارف انت هتعمل ايه
نانو قال: لازم ندخل المكتب بس محتاجين نشفر الكاميرات الأول
شغف : فبالتالي لازم نروح اوضه المراقبه اللي هي في الدور التالت
ديانا بصتلهم ببرود وقالت: لازم نعدي من جمب الشباك اللي بيوصل لاوضه المراقبه علشان نعرف نوصل المكتب
شغف طلعت رشاش مخدر من جيبها وادته لديانا وقالت:
خدي دي معاكي علشان انتي اللي هتدخلي الأول
نانو : المخدر ده مدته اد ايه علشان محدش يشك
شغف : مدته ساعه واحده بس علشان نخلص
ديانا مسكت الحبل وربطته جامد في العمود وربطته على وسطتها وقالت بهدوء
'' على بركه الله ''
ونزلت دورين ووصل للشباك ولحسن الحظ كان مفتوح وكان في عسكريين بيتكلمه مع بعض دخلت وفكت الحبل من غير صوت وابتدات تتحرك بكل خفه ومهاره ووصلت وراهم ورشت عليهم من غير ما ياخذه بالهم وبعد دقيقتين راحوا في النوم وراحت وشدت الحبل مرتين ونزل الشخصين التانين بنفس الطريقه
شغف : دلوقتي انا هروح معاكم ونقفل الباب ده ولما نخلص ابقى احذف الساعه اللي جينا فيها
نانو : دلوقتي قدامنا كام مكتب ندور فيه؟
ديانا بهدوء: 7 مكاتب هما الأهم على حد علمي ولا ايه
شغف : ايوه 7 وهما الكل في الدورين اللي فوق
نانو : تمام كده قدامنا ساعه بعدها هنتجمع فين
ديانا ببرود: في مكتب المقدم حمزه وده هيبقى آخر مكتب تمام
الكل: تمام
..........................................
في نفس الوقت على مبنى كتيبه الوحوش كان في 3 أشخاص ملثمين كمان بس 3 بنات
جين : دلوقتي قدامنا 5 مكاتب صح
رسيل بصت لشخص اللي قاعد اللابتوب وقال: ها تمام دلوقتي يا M
تكلم Mبهدوء وتركيز: دقيقه كمان
وبعد دقيقة
قالM ببرود: تمام دلوقتي الكاميرات تحت سيطرتي يعني بعد ما نخلص همسح كل حاجه حتى بعد ما نمشي هتبقى تحت سيطرتي
جين بتسأول: طيب والعساكر اللي تحت هنعمل فيهم ايه؟؟
رسيل طلعت رشاش مخدر من جيبها وقالت بمكر:دي عليا انا بقى
وعملت نفس اللي حصل مع الأشخاص التانين بس باختلاف انها كانت لوحدها ومن غير حبال كانت على المواسير وبعد ما خلصت طلعت راسها من الشباك وصفرت بخفوت بحيث التانين يسمعوه والتانين نزلوا وراحوا على المكاتب اللي هيفتشوا فيها
..........................................
نرجع للأشخاص اللي كانوا في الأول
بعد 40 دقيقه ديانا كان خلصت اللي عليها وراحت للمكتب الخاص بالمقدم حمزه وبعد دقايق دخل الشخصين التانين
شغف : طول عمرك بتخلصي بسرعه
ديانا ببرود: اكيد ويلا خلصوا معايا علشان نمشي فاضل 15 دقايق
بدأوا يدوروا على اللي هما عايزينه
شغف : لقيته خلاص
وبدأ يقرأوه وبعد 5 دقايق
شغف : زي ما توقعت مينفعش
ديانا : تمام يعني هنا محدش ينفع اكيد هما هناك
نانو : تمام يلا نمشي يدوب نلحق
وراحوا على غرفه المراقبه ومسحوا الساعه دي وطلعوا على سطح المبنى ومشيوا
..........................................
اما في مبنى كتيبه الوحوش
وخاصا في مكتب المقدم فهد كانت رسيل بتقرأ الملف بتركيز وبعد ما خلصت
'' تمام ينفع ''
وخرجت وراحت على غرفه المراقبه بعد ما خلصت مهمتها
..............................
اما في مكتب المقدم سيف كان M بيقرأه الملف وبعد ما خلص حطه مكانه وبص من الشباك على الساحه الخارجيه بس سمع صوت فتح الباب وراح وقعد وراه الكنبه بسرعه
سيف دخل مكتبه وفتح النور وراح فتح درج المكتب وطلع منه حاجه وكانت سلسله وابتدا يبص على السلسلة دي لوقت طويل عدي ربع ساعه
كانM وراء الكنبه وقال في سره بغيظ:
الله يخدك ده كله عمال تبحلق في ام البتاعه اللي في ايدك دي عظمى وقف
وبص في الساعه اللي في ايده لقى اني فاضل 15 دقايق والساعه تخلص
'' يا رب تحصل حاجه قبل الساعه ما تخلص ''
وفعلا بعد دقيقتين التليفون رن وكان عدي
سيف : في ايه يا عدي
عدي بنعاس: انت فين يا عم الساعه بقيت 1 الليل
سيف قام وحط السلسلة مكانها وقال:
ماشي انا جاي اقفل
طلع سيف من مكتبه ووقفM من وراء الكنبه وقال بغيظ وهو بيبص ناحيه المكتب:
لو مكانش خلاص يدوب امشي كان زمانه عرفت ايه البتاعه اللي كنت بتبحلق فيها واحسرك عليها
خرج Mده وطلع على السطح وقابل الشخصين التانين
جين بغضب: اتأخرتي ليه كده ها
رسيل : افتكرتك اتقفشتي ولا حاجه
تكلم Mبهدوء: لا انا تمام دقيقة بالظبط واخلص
وفعلا بعد دقيقه الشخص ده قال:
تمام دلوقتي كله تمام
جين : يعني انتي دلوقتي هتبقى متحكمه في الكاميرات دي
نكلم Mبهدوء: لحد ما يغيروا الباسورد بس واحنا مش محتاجين حاجه غير اللي اعرفناه
رسيل : تمام يلا
..........................................
في مكان غريب كان هو بلون عيونه البنيه بيبص حوليه باستغراب بس سمعت صوت بينادي عليه بص حواليه لقاها هي بتبصله بخوف لاني حالتها كانت متبهدله جدا وباين على ملامحها الضرب والألم والوجع والدموع
عدي بقلق: مالك فيكي ايه
حبيبه بألم: انا مش بارده هما السبب في ده كله هما اللي خلوني كده
عدي باستغراب: هما مين؟؟
حبيبه بدموع: متسبنيش خايفه تكون وجع زياده عليا
عدي بحنان: مش هكون وجع
حبيبه بأمل: وعد
عدي بابتسامه: وعد
وكان هيحضنها بس لقاها بتبعد وتقول:
هتتعب كتير علشان توصلي
عدي بصدق: علشانك هعمل اي حاجه
حبيبه بحزن: بس انت مش هتتحمل ده كله
وسابته ومشيت وهو فضل ينادي عليها ويجري وراها بس مردتش
وهو صحي من النوم وبص حواليه لقه نفسه كان بيحلم قام ودخل الحمام وكان تحت المايه وقال بهمس: شكلي فعلا هتعب علشان اوصلك
..........................................
بعد 3 ايام
محصلش اي حاجه وكل يوم احساس البنات والشباب بيزيد بس هما الكل بينكروا ده
وفى يوم الشباب دخلوا المطعم كعادتهم الاخيره سيف وسليم كانوا لسه مجوش اما فهد قال لعدي :
بقولك يا عدي انا ومالك هنجيب الاكل وروح انت شوف طاوله فاضيه
عدي بعدم اهتمام: ماشي
عدي مشي وراح يدور على طاوله فاضيه بس لاحظها كانت قاعده لوحدها على طاوله وسانده رأسها على الحيطه وراها ولقي طاوله قريب منها فاضيه هي مش جمبها بس قريبه منها مع اني في طاولات تانيه كانت فاضيه بس هو حب يقعد قريب منها
قعد على الطاوله وبص عليها بحيره من أمرها تبان هاديه بس هي مش مبينه غير البرود
وافتكر في الحلم لما قالتله
........................
انا مش بارده بس هما اللي خلوني كده هما السبب في ده كله
........................
فاق على هزت سليم ليه وهو بيقول:
مالك يا بني مسهم كده ليه
عدي بصلهم وقال: ها مفيش بحلم بحلم غريب كده من فتره
سيف بصله وافتكر حلمه الأخير
..........................
سيف بص لشمس من بعيد كانت بتبكي وهو قلبه وجعه عليها وراح ليها وقال: كفايه عياط كل يوم بتجيلي في الحلم وتعيطي
شمس بصتله وكانت دي المره الأولى تبصله فيها وكانت لون عيونها مش سوده كانت زي البحر.
شمس بحزن : زهقت مني
سيف هز راسه بلا
شمس بدموع: المسؤليه شديده والحمل تقيل عليا أنا تعبت اوي ومعوتش قادره استحمل
سيف برغم انه مكانش فاهم حاجه بس حضنها جامد وقالت بحنان: اششششش كله هيعدي
شمس حضنته وانفجرت من العياط وهو كان بيحضنها جامد
..............................
فاق لما وصل فهد ومالك بالأكل
فهد لقاهم سكتين قال: وحدوووووووه
الكل بصلوا وسليم قال بضحك:
لا إله إلا الله
فهد : ايه يا جدعان الهدوء ده ولا ايه يا سليم
سليم بمرح: اااه والله دي حتى عيبه في حقنا
مالك باستغراب: هو ليه تحس اني المكان فاضي شويه هما الطلاب بطلوا ياكلوا ولا ايه
سيف بهدوء: لا ده بس علشان في كتير اتعاقبوه فهما بأدوا العقاب وبعدها هياخدوا راحه الغداء
فهد بتعاطف: طيب والله صعبانين عليا
عدي : ميصعبش عليك غالي يا خفيف
..........................................
اما عند حبيبه كانت مغمضه عنيها وبتفتكر لحظات من الماضي
...............................
من حوالي 16 سنه
البنت بخوف: مش عاوزه انزل
شخص بغلظه: هتنزلي والا تروحي في المخزن
البنت بعياط: خلاص والله مش هعمل كده تاني بس مش عاوزه
شاب في الـ 18 من عمره قال لابوه:
خلاص يا بابا مش هتعمل كده تاني
البنت حضنته بخوف وقالت بشهقات وصوت متقطع: وو.. الله..... مش..... هعم... ل... كده تاني..... بس..... مش عاوزه انزل...... ولا... ار.... وح..... المخزن
عماد حضنها ودمع علشانها وقال لابوه: خلاص يا بابا سيبها
شاب في الـ 21 من عمره واسمه عاصم
عاصم بكره للبنت دي : لأ هي غلطت ولازم تتعاقب
البنت هزت رأسها بهستريه بمعنى لا وفضلت تعيط
الأب مسكها ونزلها وقال: قولتلك قبل كده اني بكره الغلط يا زهره قولت ولا لا
البنت بعياط: انا مش زهره مش زهره
الراجل قفل الباب وسابها في الضلمه وقال من وراء الباب: طول ما انتي هنا انتي زهرة
وسابها ومشى ساب طفله عندها 6 سنين تعاني من الخوف
........................
فاقت حبيبه من الأوجاع دي على صوت شمس وهي بتقول بمرح: ها وصلتي لايه في التفكير من تاني
حبيبه وهي لسه مغمضه عنيها:
لاوضه ضلمه
شمس بهدوء: مش هتسيبي الماضي بقى
حبيبه فتحت عينيها وقالت: في واحده في مره قالت من غير ماضي مفيش حاضر ومن غير الحاضر مفيش مستقبل يعني الماضي هو الأساس اللي لازم نخلص منه هاا مين اللي قالت كده
شمس بهدوء: ااااه انا لما زين قالي كفايه
حبيبه ببرود: شوفتي بقى مين اللي مش مبطل تفكير
شمس قعدت قدامها وقالت بهدوء: مالك في ايه
حبيبه بهدوء: مفيش
شمس : اممممم العبي غيرها يا بت جمال انا حفظاكي
حبيبه بحزن: أسر تعبان وهو في المستشفى
عدي ركزت حواسه معاها وقال في سره بغيظ:
زين وأسر ودرش هي جمعيه ولا ايه
شمس بهدوء:وانتي مش واثقه في تربيتك ولا ايه
حبيبه بصتلها وسكتت
شمس بتكمله: لو انتي مش واثقه انا واثقه من تربيتي لأسر وانا وانتي علمناه ازاي يبقى قوي
حبيبه بوجع : ده لسه طفل يا شمس والحمى جات عليه شديده المره دي اول مره مكونش معاه في تعبه
شمس ببسمه: تصحيح انا وانتي أصله من امتا كان في حاجه تتعلق بأسر وانا وانتي مش فيها ها
حبيبه ابتسمت بهدوء
شمس بمرح: وبعدين ما درش معاه عاوزه ايه اكتر من كده
حبيبه كشرت وقالت بغيظ: وهو انا في حاجه مخوفاني غير درش وتربيته السوده انا عارفه يا ربي ايه اللي خلاني اسيبه معاه
جات أمل وقالت بتمثيل للصوت مصطفى:
-معلش يا حبيبه انا اللي هربيه
-انتي خايفه كده ليه ده انا هعلمه الأخلاق الحميدة
-انتوا هتتاخروا والواد مستقبله يضيع محدش هياخد باله عليه غيري
وقالت بغيظ: وفي الاخر مش عارفه ايه اللي خلاكي توافقي
حبيبه بمرح: بصي هو للحق مقنع جدا بعيونه دي
شمس بضحك :جدا
أمل بضيق: عيونه دي العيله كلها عيونهم زي بعض هو واخته الهبله دي
وإذا بقفه لولبي ينزل على عليها من روان اللي جات مع آيات وكانوا بيجيبوا الاكل
أمل بغضب طفولي وهي يتحسس على قفاها:
طب ليه طاه
روان بغيظ: هو الاحترام مفيش بتشتمي عليا في غيابي طيب احترمي أني أكبر منك طيب
أمل بردح: هما 3 ايام بس انتي هتعايريني
روان باستفزاز: اللي اكبر منك بيوم يعرف عنك بايه
البنات في صوت واحد: بسنه

روان : شوفت يا عبعال يعني انا اكبر منك بـ 3 سنين
أ

مل باستفزاز أكبر: يعني انتي عجوزه
شمس : كفايا لعب عيال وخلينا ناكل
البنات ابتدوا ياكله
حبيبه بهدوء: انا عاوزه اتصل اطمن على أسر
آيات باستغراب: آسر؟! ليه ماله؟؟
شمس : اصلوا...........
البنات بحزن على ذالك الصغير:
هيقوم منها على فكره أسر قوي
آيات بمرح علشان تكسر الحزن ده:
برغم اني مدايقه منه في حكايه الشوكلاته دي بس يلا هبقي ادعيله
حبيبه بمرح: مشوفتيش يوم السفر قالي ايه
Flash back
آسر بزعل: يعني هتمشي خلاص يا حبيبه
حبيبه نزلت لمستواه وقالت بحنان: ايوه يااسوره خلاص همشي بس هجبلك شكولاته وانا جايا
آسر: لا انا مش زعلان عليكي انا زعلان علشان شمس هتمشي ومش هشوفها
حبيبه رفعته من على الأرض بغيظ وقالت:
اااه يا حيوان ماشي
وكملت بصوت عالي يا ماما تعالى خدي ابنك ده بدل ما ارميه من الشباك
Back
البنات بضحك: طول عمره بيعتبره شمس أمه وانتي اللي اخته مع اني المفروض العكس
آيات وهي بتاكل: الأطفال كلها بتحبك يا شمس والله
شمس بغرور: طبعا
حبيبه بغيظ: اتنيلي معرفش على ايه
شمس برفعه حاجب: بقى كده
روان بخوف: لا يا كبير مش كده خالص هو احنا نقدر
شمس ببرود: بحسب
امل بغلاسه: لا اقسمي هيهيهيهي.. اااااااه طب ليه طيب
شمس ضربتها في رجلها من تحت الطاوله وقالت بضيق: كده ولو مش عاجبك اتكلمي
أمل بخوف: لا وعلى ايه انا بكم صم اصلا
آيات : أخص على الرجاله أخص
شمس ببرود: بتقولي حاجه يا يويو
آيات بخوف: لا يا كبير مبقولش
حبيبه: شمس اتصلي على مصطفى يلا
شمس : ماشي
شمس اتصلت على مصطفي وبعد ثواني أتى الرد
مصطفى : هلا وغلا عليكم وحشني يا عصابه
روان بصوت عالي نسبيا:عامل ايه يا اخويا
درش بمرح وصوت مماثل: بخير يا اختشي بت يا أمل عامل ايه انتي والبت آيات لسه قاعده بتاكل شكولاته ولا مش موجوده عندكم
آيات بغيظ: لسه يا اخويا متخافش
أمل بمرح: عامل ايه يا درش واحشنا والله
درش بضحك: من بعض مع عندكم يا اختي
حبيبه : خلصتوا سلامات خلاص ووجهت كلامها لمصطفى وقالت:
مصطفى عامل ايه
مصطفى بغباء: انا بخير والله وانتي
حبيبه بغيظ: هو انا بسأل عنك
وكملت بصوت على نسبيا: اخويا عامل ايه يا ياض انت
مصطفى بخضه: خلاص يا حج بورعي اهدي على أعصابك
وراح لأسر اللي نايم على السرير وقال بهدوء:
حبيبه هو نايم دلوقتي من تأثير الدواء
حبيبه بحزن: هيخرج امتي يا مصطفى
مصطفى بحنان وهو بيملس على شعر آسر:
متخافش انا معاه ومش هسبيه صدقيني
حبيبه : شكرا يا مصطفى انك هتخلي بالك منه مع اني خايفه عليه منك
مصطفى بمرح: سيد عيب احنا أهل متقولش كده يا راجل
حبيبه بمرح: والله ما خايفه غير منك بعد الكلمتين دول
شمس بهدوء: ولاه يا مصطفى انت لوحدك هناك
مصطفى: لا يا اختي معايا ياسين وعمر
آيات باستغراب: وسابه شغلهم؟؟
مصطفى: Sure baby هو احنا عندنا كام آسر
شمس : طيب فين ياسين وعمر؟؟
مصطفى:عمر راح يجيب غداء وياسين في الحمام و..... اهو جه اهو
وكمل لياسين: يا ريتنا كنا جبنا في سيرة خمسه جنيه مكنتش جات
ياسين ضربه على راسه: خفه ياض بتكلم مين
مصطفى فتح الاسبيكر وقال بدراما:
معكم الان البشمهندس ياسين على الهوا
شمس بمرح: ايه يا ابو حمزه وحشني والله
ياسين لمصطفى: هما كلهم على الخط
مصطفى بتأكيد: Yes
ياسين بهدوء: عاملين ايه يا عصابه
البنات بدرما: متمرمطين والله يا حاج
ياسين بشماته: حلال فيكم والله
حبيبه بغيظ: ايه التقطيم ده يا عم هو احنا كنا بناكل منابك ولا ايه
ياسين بضحك: كنتم جايبلي صداع
البنات بصوت واحد: طيب بذمتك مش واحشك الصداع ده
ياسين : أن جيتوا للحق واحشني اوي
مصطفى بكوميديا: واحشني كل يوم مصيبه يا خمس مصايب ااه صحيح عملتوا كام مشكله هناك
أمل بتذمر: ولا واحده وحياتك
ياسين ومصطفى بصدمه: بقالكم شهرين وولا واحده
شمس بضحك: لا ازاي دول كل يوم بيجروا وراء بعض ده حتى الأسبوع اللي فات حبيبه عملتلهم ماطش ملاكمه وانا الأسبوعين اللي قبله
مصطفى بتوتر: ايه دددده بببجد
البنات بصولهم بتذمر
وشمس قالت لمصطفى بخبث: ااااه والله يا درش
حبيبه بنفس الخبث: وانت طبعا ليك نصيب محترم
درش بخوف: احيه احيه طب ليه طاه
البنات بشماته: يااااااه يا درش ده احنا هنعد الايام لحد ما يجي الماطش
ياسين قعد بضحك على منظر مصطفى
درش بصراخ: طب ليه طيب
شمس بغيظ: يعني مش عارف ليه يعني
حبيبه بتكمله: ده احنا كنا هنموت من الشرقه بسببك يا زفت
مصطفى: الاه وانا مالي يا لمبي دول الجزم اللي بيضحكوا دول
روان وأمل كانوا بيضحكوا اما آيات بتاكل وهي بتسمع بس
أمل بضيق: طيب ليه الشتيمه يا فوزي
درش: الاه اومال اضرب واتهزأ لوحدي ده انا حتى تربيتكم
روان بغيظ: تربيه زباله
حبيبه : ظهر الحق عرفتوا انه تربيتكم
روان وأمل : ومالها التربيه يا عمري
شمس : اهدي يا ست فدوه منك ليها
حبيبه ببرود: تربيه متسرش بصراحه
أمل : يعني تربيتك لأسر هي اللي حلوه
حبيبه : اومال
ياسين بتهدا وصوت عالي: صلو على النبي يا جدعان اهدوا التربيه لدرش واحده في الآخر انتوا 5 اللي مربينه ومعرفتوش اصلا
درش بحماس: استنى يا عم
وكمل بصوت عالي: بقولك ايه يا روان وريها البارده دي
ياسين ضربه: انت بتسخنهم على بعض
حبيبه قفلت المكالمه وقالت ببرود يسبق العاصفه: ها بقى تربيه مين اللي مش حلوه
روان بتسرع: تربيتك لأسر يا حبيبتي
أمل بتكمله: وبعدين درش هناك وميتوصاش شهر زمن هيقلب التربيه بتاعتك
آيات وهي بتاكل: الله يرحمكم كنتم اغبيه
شمس بتتفرج عليهم باستمتاع
حبيبه ببسمه بارده : بجد
روان وأمل : ااااه طبعا
آيات بصتلهم وقالت: انا لله وانا اليه راجعون
روان وأمل تتداركوا اللي حصل ولاحظوا اني شمس بتتفرج باستمتاع وحبيبه بصلهم بابتسامه بارده وآيات بتاكل وعامله فيها المذيع للماتش
روان لامل : هو احنا بوظنا الدنيا
آيات وهي بتاكل: جدا بصراحه
امل لروان : تيجي نفلسع
آيات : عين العقل والله
أمل بهمس:أجرى يا مجدي
آيات : وراك يا رمضان
روان وأمل : هوبا
وطلعوا يجروا وحبببه وراهم: تربيتي هي اللي متسرش ولا تربيتكم يا شويه حمير ها
روان وأمل بصراخ: اهدي يا اسماعيل
آيات بتصفيق: جووووووول
البنات طلعوا برا المطعم
شمس لآيات : كبريته يا ساتر متعرفش تقعدي ساكته
آيات وهي بتاكل بلا اهتمام: اهو تغير وبعدين فكك منهم
شمس باستغراب: بت يا آيات انتي بتاكلي كتير كده ليه
آيات ببراءه: انا يا شمس ابدا دي حتى الصينيه التالته بس
شمس بتشنج: التالته وبس كمان
آيات: Yes
شمس بغيظ شدت الصينيه وقالت: طيب كفايه طيب
آيات شدت منها الصنيه وقالت بتذمر: ايه يا شمس ما كله بيروح في التدريبات
شمس شدت الصنيه تاني: تدريبات ايه هي تدريبات صاعقه ولا قوات خاصه
آيات شدت الصنيه وقالت: اااااه ماهو ده اللي ناقص قوات خاصه كمان وبعدين مسكت سندويتش 🥪 وقالت: هاكل ده بس
شمس قامت ومسكت السندويتش منها وقالت بغيظ:
طب وربنا ما انتي اكلاه يا بت عادل
آيات بولوله: لا كله الا ده ده انا عيني فيه من الصبح
شمس : يعني مش مكفيكي اللي قبله طب لأ هاا
آيات لفت وحاولت تأخذه وقالت بغيظ:
طب وربنا لاخده يا بت حسن ويا انا يا انتي
شمس بعند: طب وربنا لاكله قدامك علشان أحسرك عليه
الكل كان بيتفرج عليهم حتى الشباب
فهد بضحك: هيموتوا بعض علشان سندويتش
سليم بضحك: طيب تصدق انا عيني بقى في السندويتش ده
آيات مكست السندويتش قعدت على الترابيزه وقالت بصراخ: والله يا شمس لو اخدتي السندويتش لاطلعه عليكي
شمس بوعيد وهي مسكاها: طيب طلعيه يا بت عادل طلعيه
ومسكت منها السندويتش ولسه هتاكله آيات ضربتها في بطنها فشمس فلتت السندويتش وآيات أخدته ولسه هتمشي مسكتها شمس من شعرها بس مش متنازله عن السندويتش ابدا
آيات بصراخ: شعرااااااااااي يا بت حسن هموتك
شمس بعند: هاتي السندويتش
مالك بضحك: يا لهوي على ده سندويتش
عدي بضحك: هههههه تصدقوا بقى عيني فيه انا كمان
سيف ابتسم على شمس وعنادها الطفولي على السندويتش كأنهم في مدرسه مش في الجيش
شاهندا: يا بنات استهدوا بالله ده ما مكانش سندويتش اللي هيعمل كده
الكل سمع صوت هتاف عالي بيقول
-ايوه يا بت شمس اديها متسيبهاش
-بت يا آيات اضربيها في بطنها
-اللي هتموت فيكم التانيه انا هاخد منها السندويتش
ودول كانوا امل وروان وحبيبه بالترتيب
الكل بص عليهم بذهول
شاهندا بذهول: انتوا بتسخنوهم على بعض روحوا فكوهم من بعض
أمل بحماس: بس يا بت سيبيهم ده الماتش مولع
حبيبه بهتاف: حلوه الضربه دي يا بت عادل افلتي بقى
روان : الله عليكي يا شمس اديها في ووشها بقى
كل اللي في المطعم من طلاب وظباط وعساكر قعد يضحك على الخمسه دول لأنهم من اول ما جوا وهما عاملين بهجه في المكان دايما
(دول العصابه يا باشا يعني أين ما يكونوا تكون المشاكل والضحك 😅)
سليم بضحك: اقسم بالله انا كل يوم بكتشف انهم اهبل من اليوم اللي قبله
مالك بضحك: هههههه من ساعه ما جوه هنا وهما شبه الأطفال عراك كل يوم
شمس مسكت السندويتش وكانت هتجري بس آيات مسكتها من هدوماها من وراه ومسكت السندويتش ولسه هتفلسع شمس نطت عليها فوقعوا هما الاتنين على الترابيزه فوق بعض شمس من فوق وآيات من تحت اما السندويتش فطار من ايد آيات والكل كان عينيهم على السندويتش وهوب السندويتش وقع في باسكت الزباله واتفرد خالص وعم الهدوء في المكان
١..٢...٣..
-جوووووووول
وده كان من العصابه
سليم : ياعيني السندويتش راح
آيات بصراخ على السندويتش:
لاااااااااااا السندويتش
وكانت هتجري عليه بس شمس مسكتها وقالت بتأثر مصطنع:
خلاص يا آيات راح خلاص
آيات بنواح: لييييه ده كان بالبسطرمه والزيتون ملحقتش حتى ادوقه
أمل بدراما: خلاص يا آيات اللي راح راح يا حبيبتي
روان بتكمله وهي بطبطب عليها: ربنا يعوضك عنه خير يا قلبي
حبيبه بتكمله وهي بطبطب من الناحيه التانيه: شدي حيلك يا روحي واصبري على الابتلاء
الكل كان بيبصلهم بغباء حتى الوحوش وكأني اللي راح ده ابنها مش مجرد سندويتش تشتري غيره
وقطع الصمت ده صوت يحيى وهو داخل مع مريم وعلاء وأحمد وهو بيقول: في ايه جدعان ساكتين كده ليه
وراحوا للمكان اللي بيبصوا عليه وهما فاتحين بقهم بغباء وكان نص المطعم وفيه آيات بتبص على الباسكت وشمس مسكها وحبيبه وروان بيطبطبوا عليها
مريم باستغراب: في ايه؟؟
روان بحزن: السندويتش راح
علاء بغباء: سيندويتش ايه؟؟!
شمس بحزن مصطنع:سيندويتش آيات
بصولهم بغباء لدقيقه
سيف بذهول: ده كله علشان سيندويتش
مالك : اومال لو كان بني آدم كانوا عملوا ايه
فهد : طب تصدقوا صعب عليا
عدي : هو ايه؟؟
فهد : السندويتش
بصله بغيظ ولسه سيف هيتكلم قاطعه أمل وهي بتقول بفرحه:
بت يا آيات جبت ساندويتشات لينا كلنا
البنات بحماس: ايه ده بجد
أمل : اااه والله
حبيبه بهدوء: طيب تعالوا ناكلوا برا لأحسن الناس معرفش بتبصلنا كده ليه
شمس اخدت الشنطه بتاعتها وقالت: يلا بينا يا عصابه
البنات بصوت واحد: يلا يا كبير
البنات خرجوا وسابوا المذهولين وراهم
مالك وهو بيضرب كف على كف:والله مجانين ومشفتش اجن منهم حتى هما عدوا زين اخويا في الجنان
عدي : ااااه والله حتى عدوا هيثم برضوا
..........................................
(السلام عليكم ورحمة الله وبركاته)

Sabreen 🧡