تحميل رواية «عراك التماسيح» PDF

عراك التماسيح  " منه عماره "

فتحت عيونها بتثاقل لتجد نفسها جالسه فوق مقعد خشبي هزيل مربوطة الأيدى والأرجل ، دلف أخر من كانت تتوقعه الى هذا المكان المهجور ووقف قبالتها ، فقالت بصدمه : إنت

أرتسمت إبتسامه ساخره على وجهه وهو يجاوبها :

- ايه رئيك في المفجأه دى ، أظن محدش فيكم توقع إنى أنا البوص

رددت بصدمه : مش معقول .. إنت الـبـوص

لم يرد ولكنه إكتفي بإبتسامه تصل من الأذن الى الأخرى

فقالت هى متصنعه الثبات والشجاعه :

- ومش خايف بعد ما عرفت إن انت اللى كنا بندور عليه أقول لـ اللوا

رد بفحيح أظهر رائحة فمه الكريهه :

- دا لو خرجتى من هنا عايشه

كانت جمتله كفيله بدب الرعب بأوصالها .. إبتلعت رقيها بتوتر ،، وبعدها بثوانى ولج هذا الشاب الي الداخل قائلاً بتسائل : هيا دى يا باشا ؟؟

أجابه : ايوا هيا

نظر لها الأخر متفحصها قائلاً :

- خسارتك في الموت يا مزه

رمقتهم بإحتقار وخوف فأردف " البوص " :

- عجبتك يا ".." ؟؟

رد وهو يتفحصها بنظرات شهوانيه جعلتها ترتعش وهى جالسه محلها : جــــداً يا باشا

- وأنا مش هاستخسرها ف أوفي رجالتى ودراعى اليمين وهاجوزهالك

إتسعت مقلتيها بخوف فقال الشاب :

- جد يا باشا

رد "البوص" : جد ، ثم وجهه حديثه لرجاله قائلاً بخبث :

- يالا علشان نسيب العرسان مع بعض

خرج الجميع من المكان بينما إقترب منها الأخر

تعالا خفقان قلبها وإتسعت مقلتيها بزعر قائله :

- إنت هاتعمل ايه إياك تقربلى وإلا آآآآ

نظر هو الى رباط يديها وساقيها وأردف بسخريه مقاطعاً إياها : وإلا ايه .. هاتعملى ايه يعنى

نظرت هى الى نفسها بعجز ، وردد قلبها إسمه بطريقته الخاصه هذا الذى تكبرت عليه مؤخراً

وقالت بنفسها مستنجده به ودمعاتها قد أخذت مجراها على وجهها : إنت فين تعالى بسرعه ارجوك ..

إقترب منها الأخر مناظراً اياها برغبه جليه على محياه .. وقام بجذبها لتسقط أرضاً بين زراعيه ووووو ........

هابتدى فيها بعد الإمتحانات بإذن الله

((عراك التماسيح ، منه عماره))

كان يقود سيارته وبجانبه أخته الجميله رمقها بحنان وأردف بعد أن غمز لها : بس ايه الجمال دا كله ..

ردت بضحك لإثارة حنقه : يا حبيبى انت كبرت خلاص بطل بقا الحركات دى ههههه.

رد بضيق : فشر .. إتكلمى عن نفسك بس ، دا انا لسه شباب.

أستأنف وهو بناظرها بضحك : وبعدين الشباب شباب الروح يا حياتى آآآ..

وقبل أن يكمل جملته قاطعته صارخه : حــاســب .. حــــاســـــب.

نظر أمامه بسرعه ليجد سيارتان ضخمتان تعترضان طريقه ويقفا أمامه مانعين أياه من السير قدمًا، ضغط هو على " الفرامل " بسرعه للتوقف السياره محدثه عجلاتها صوت مرتفع للغايه إثر إحتكاكها بالأرض.

ترجل رجل قوي البنيه من السياره التى أمامه ويبدو عليه بيات النيه بالشر، بينما أزال هو "حزام الأمان" وكاد أن ينزل ولكن يدها منعته وهى تردد بخوف : انت رايح فين يا عاصم؟ بلاش تنزل أحسن.

أزال يدها بهدوء وهو يرد أمرًا إياها :

- ماتخفيش يا دينا وخليكى فى العربيه ماتخرجيش مهما حصل.

خرج هو من السياره مغلقًا إياها عليها من الخارج  أما هى إنصاعت لأوامره وهي تتمتم : يارب أسترها ...

وقف أمام رجل بهيبته المعتاده قائلاً بحده :

- هــو فـى ايــــــه ، إزاى تـقـطـع الـطـريـق كـدا ؟؟!!

لم يرد الأخر وإنما باغته بلكمه قـويـه أسقطته أرضاً ..

شهقت بقوه وهى تناظر أخيها المسجى أرضًا، حاولت النزول فعليًا لكن الباب مغلق.. بينما قام هو من الأرض وسدد العديد من اللكمات للرجل ترتب عليها نزول عدة رجال من السيارتين وحاوطه وأخذ كل منهم يلكمه ويركله فى مناطق متفرقه من جسده.

حاول هو الصمود وتفادى ضرباتهم بكل قوته ولكن الكثره تغلب الشجاعه ومع كبر سنه وضخامة أجسادهم إستطاعوا التغلب عليه بسهوله، وبعدها بدقائق .. كان ملقي على الأرض والدماء تخرج من جسده .. كل هذا تحت نظرات هذه التى تصرخ بهم ان يتركوه.

وبعد إنتهائهم من النيل منه .. جثى أحدهم جواره وقال هامساً له بفحيح : ابقى سلم لنا على الدكتوره يا..

أكمل بسخريه : باشا ... وقولها ان دورها الجاى لو مابطلتش تحشر نفسها فى اللى ملهاش فيه.

وبعدها توجهوا جميعاً الى سيارتهم وذهبوا مثلما أتوا.. بينما همس هو بإعياء واضح : سـ ر يـ ـن.

أخذت هى تضرب الباب بعزم قوتها ولكن كيف وهو مغلق ... لوهله تذكرت أن أخيها يضع مفتاح أخر إحطياطيًا بالسياره.

أخذت تبحث عنه بعض ثوانى الى أن وجدته مخبأ بمرئاة السياره الأماميه ..

أخذته وفتحت الباب سريعًا وخرجت راكده الى أخيها.

أرتمت بثقلها جواره ورددت أسمه بنحيب : عاصم.

رد عليها بأنفاس متقطعه : سريـ ـن .. ألحـ قى بنـ تى يا ديـ نا قـ بل مـ يعمـ لو لها حا جه.

لطمت هى على فخذها وأردفت بصراخ ونحيب :  يـاالــــووى ســريــن.

نظرت له ثانيتًا لتجده قد فارق الواقع، فقالت بتوهان :

- طب أعمل ايه دلوقتى .. يارب خليك جمبى.

قامت بسرعه بمد يدها الى جيبه وإخراج هاتفه وأجرت إتصالاً ... فى البدايه لم تساعدها الشبكه في هذا الطريق شبه المهجور او المقطوع، ولكنها لم تيأس وأعادت المحاوله ثانيه.

--------------

كان يجلس هذا الشاب خلف مكتبه فخم المنظر فى هذه الشركه الضخمه يباشر أعماله، كانت بنيتاه تتنقل بتركيز شديد على كل كلمه وسطر فى هذا الملف بيده.

الى أن أخرجه من هذا التركيز صوت هاتفه الذى صدح عاليًا، معلنًا عن قدوم إتصال، تناول الهاتف من جواره وأجاب دون النظر الى هوية المتصل قائلاً : الـوو

جائه صوت عمته وهى تقول بصراخ ونحيب : الـحـقـنـى يــا " إياس "  أبوك بيروح منى

كمن لسعته عقربه إنتفض من جلسته وقال بقلق بائن من نبرته : طب اهدى طيب .. اهدى وفهمينى ايه اللى حصل وإنتوا فين؟؟!!

ردت ببكاد : مفيش وقت أبوك هايروح من بين أديا وأنا مش عارفه أتصرف

سألها بإنفعال : طب أنتوا فين ؟؟.....

أجابته : إحنا فى (...)

رد على عجاله وهو يلملم أشيائه : طب ماتتحركيش من مكانك يا دينا وأنا هاتصرف وجايلكوا فورًا.

قالت هي : أختك يا " إياس " أوعى تسيبها لوحدها لحسن يعملوا فيها حاجه.

جن جنونه فمن هؤلاء ؟؟ وماذا يريدون من عائلته ؟؟ وماذا فعلوا لهم ؟؟ وما علاقتهم بـ أخته ؟؟

كل هذه الأسأله كانت تدور بعقله ، أغلق مع عمته التى لاتزال تبكى سريعًا وقام بإتصال بصديقه ..

إياس بأمر : طارق  تروح لسرين دلوقتى وماتسبهاش غير اما أكلمك.

سأله الأخر بقلق : فى ايه يا إياس ايه اللى حصل ؟؟

رد : بعدين يا طارق إسمع اللى بقولك عليه دلوقتى.

أغلق على عجاله من أمره وقام بالإتصال على الإسعاف لتصل لوالده وعمته سريعاً بعد أن أملاهم العنوان ....

إسـتـوبــ ✋

عاصم الشرقاوى / من أهم رجال الأعمال فى البلده كان يعمل فى المخابرات والقوات الخاصه ولكنه أستقال وهو فى ريعان شبابه لسبب سنتعرف به فيما بعد، يكون الولد الأوسط لحامد الشرقاوى كبير عائلة الشرقاوى وهى من أكبر وأعرق عائلات الصعيد يقيم فى القاهره مع ولديه ويدير شركات أبيه هناك.

دينا الشرقاوى / أخت عاصم الصغيره تقيم معه فى القاهره قبيل وفاة زوجته لسبب غامض أنسانه رقيقه للغايه لم تتزوج الى الآن وعمرها ثلاثه وثلاثون عام يعتبرها أولاد عاصم أختهم ويعتبرها عاصم إبنته لا أخته، وريثة زرقة عيونها من والديها.

إياس الشرقاوى / الإبن الأكبر لعاصم عمره ثلاثون عام ، وإستكمل مسيرة والده فأصبح يليه على التوالى من قائمة أكبر رجال الأعمال في الشرق الأوسط وهذا بجانب أنه طبيب جراح ماهر يعمل بمشفي جده فى القاهره.

سرين الشرقاوى / البنت الصغرى لعاصم الشرقاوى تحضر رسائلة الدكتوراه فى مجال " الحقوق " وأوشكت على الإنتهاء منها .. وهذا بجانب عملها بمكتب محاماه كبير ، وعمل آخر سرى سنتعرف عليه فيما بعد ،، عمرها سته وعشرون ، تلقائيه ، تكره الظلم، لا تترك مظلوم الا وناصرته .. من يراها يظن أنها ليست مصريه بسبب ملامحها الأجنبيه التى ورثتها عن جدتها وأمها، ولكن ما لا يعلموه أن الدماء الشرقيه تجرى بعروقها.

وهذه كانت أسرة عاصم الصغيره ..

مروان الشرقاوى / الأبن الأكبر لحامد الشرقاوى لديه " علي " وهو عمدة البلده التى يقطنون بها.

وأخيراً حامد الشرقاوى / الجد والأب لهؤلاء الأحفاد والأولاد الذين دائماً ما يجعلوه رافعاً رئسه ومفتخراً بهم ،، رجل ذو هيبه طاغيه رغم كبر سنه الا انه من يراه يكاد يقسم أنه لايزال في ريعان شبابه .. أحياناً ما يكون حاد الطباع ، وعيونه زرقاء اللون.

باقي الشخصيات مع الأحداث.

وصل المدعو بـ " طارق " وهو صديق إياس المقرب الى محل عمل سرين، دلف الى مكتبها ليجده فارغ التفت للخروج ليجد من تقف أمامه تناظره بإستغراب.

إقترب منها خطوه قائلاً : إزيك يا " نهله "

أجابته : الحمدلله ...

أكملت بتسائل : إنت بتعمل ايه هنا ؟؟!!!

أجابها وهو يحك مأخرة رأسه : جيت علشان سرين امال هى فين؟

نظرت له بضيق لا تعرف سببه وأجابت : جوه عند أستاذ " فهمى ".

- تمام ، شكرًا

ثم توجه للدلوف فأوقفته ثانيتًا متسائله : انت رايح فين يا أستاذ طارق؟!

أجابها بحرج : هاستناها جوه.

ردت بضيق وهى تذهب : تمام ، براحتك.

،،، بالمكتب ،،،

كانت سرين تجلس أمام أستاذها قائله :

- القضيه دى تـعـبـتـنـى، دا غير أن جمال غير متعاون معايا يا أستاذ.

إبتسم وهو يشجعها : بس أنا واثق إن تلمذتى قدها.

تنهدت وهى تقول : بصراحه القضيه صعبه بس دا بيزدنى عـنـد.

وبعد عدة دقائق خرجت سرين من مكتب أستاذها ولكنها تذكرت شئ ما .. فنزلت الى الأسفل لأجله ....

مل طارق من الإنتظار فقرر التوجه الى مكتب " فهمى "

إستقبله الأخر مبتسماً وقال: أهلاً يا طارق إتفضل.

طارق بحرج : إزى حضرتك يا أستاذ فهمى؟

فهمى : بخير الحمدلله.

طارق بتسائل : امال فين سرين ؟؟

أجابه : خرجت من حوالى نص ساعه.

إنتفض الأخر وقال : ايــــه !! نص ساعه.

نظر له بإهتمام وقال بقلق : فى ايه يا طارق؟

----------------

قبل دقائق لما حدث مع " سرين ".

تذكرت أنها أعطت بعض الأوراق الى مكتبه بجانب مكتب المحاماه لتقوم هذه المكتبه بتصويرها ،،

لذا توجهت الى الأسفل لجلبها ...

وفى طريقها للذهاب إعترضها هذا الغريب قائلاً : دكـتـوره سـريـن؟

أجابته عاقده حاجبيها بإستغراب : أيـــوا أنـا.

- طب ممكن تتفضلى معايا حضرتك.

رمقته بتفحص شاك وعدم ثقه وهى تقول :ليه؟ وإنت مين أصلاً ؟ وعاوز ايه؟

وقبل أن يجيبها شعرت بضربه قويه فوق رأسها .. تهاوت على أثرها قواها، وسقطت فاقده الوعى، غير مدركه لما يحدث حولها.

- يتبع .... -

أيه رأيكم أكمل ولا لأ 😍

- ميه .. ميه وواحد .. ميه واتنين

أردف بهذه الكلمات هذا الشاب وهو يمارس رياضته المفضله الا وهى الضغط.

- كنان باشا

إستوبـ ✋

كنان الدهشورى، مُلقب بـ التمساح.

عمره 35 عام ، طويل القامه، عريض المنكبين، وعيناه حادتان كالصقر يستطيع من خلالهم قرأة الشخص الذى أمامه، يعمل ضابط برتبة مقدم، يكره الكذب، وعندما يتولى قيادة قضيه تكون مُنتهيه، والده لواء فى الداخليه، ويمتلك شركه صغيره يشرف عليها صديقه لأن معظم أوقاته يكون فى القوات الخاصه، أما صديقه الأخر فيهمل معه فى القوات الخاصه،

نرجع تانى 😍

- كنان باشا.

أردف بهذه الكلمات رجل كبير السن يحمل معه كوب من القهوه والأخر ماء ومنشفه صغيره.

قام كنان من وضعينه أخذاً المنشفه والصينيه المحمله بالأكواب من هذا الرجل قائلاً : تسلم إيدك يا راجل يا عجوز.

أكمل بعتاب : وبعدين ايه باشا دى ، دا إنت اللى مربينى.

إبتسم الرجل له وقال : طبعاً يا ابنى انت ابنى اللى ماخلفتوش.

ضحك كنان وبعدها جلس على أريكه بالغرفه وتسائل :

- أمال فين بابا ياعم مصطفى

أجابه : راح القوات الخاصه من بدرى وبيقولك حصله علشان عاوزك ضرورى هناك

إرتشف كنان من القهوه سريعاً وقام قائلاً :

- طب دا أنا يادوبك ألحق أحصله

~~~~~~~~~~~~~~~~

وصلت الإسعاف وقامت بنقل عاصم الى مستشفى والده وبعده بدقائق قليله وصل إياس الى المشفى

هرول الى عمته قائلاً بلهفه وقلق :

- دينا ايه اللى حصل.

إرتمت هى بين أحضان ابن أخيها والتى تعتبره أباً لها لا أخ وقالت من وسط شهقاتها :

- عاوزينه يموت ، عاوزين يموتو أبويا يا إياس الدكتور بيقول حالته خطيره.

ضمها إياس اليه قائلاً بحنان وهدوء رغم خوفه لا بل ذعره الداخلى على والده :

- إهدى يا حبيبتى ان شاء الله هيكون كويس .. بس إحكيلى ايه اللى حصل

قامت هى بقص له ما حدث معهم من بين شهقاتها ،،

وقف هو يستمع اليها وهو يجز على أسنانه ويده ويكاد ينفجر من شدة الغضب ، وبعدها أردف بغموض وغضب : هما مش مكفيهم اللى عملوه زمان .. بس ورحمة أمى ما انا سايبهم.

~~~~~~~~~~~~~~~~~~~~~~~

على الجهه الآخرى ،،

أخذت تفتح عيونها بتثاقل وتغلقها وهكذا حتى اعتادت على اضائة الغرفه.

وضعت يدها على رئسها موضع الضربه، وتمتمت بألم : آآآآهـ'ه دماغى.

نظرت حولها بتركيز لتكتشف أنها بغرفة مكتب، ولكن قبل أن تعطى أى ردة فعل.. دلف هذا الرجل الى المكان بهيبته المعتاده قائلاً : حمدلله على السلامه يا سيادة النقيب.

إعتدلت سرين من نومتها على الأريكه سريعاً متمتمه : سيادة اللوا.

ابتسم وهو يجلس مشيراً لها على الكرسى المواجه للمكتب امامه، بينما تحركت هى اليه وجلست قائله بتسائل : هو ايه اللى حصل؟ وحضرتك ليه جبتنى بالطريقه دى؟

أجابها : للأسف مكنش قدامنا حل غير ان نجيبك كدا لأن وصلنا خبر إن حياتك فى خطر.

إبتلعت ريقها بتوتر وهى تقول : حياتى أنا؟

أجابها : أيوا يا سرين ودا يدل على حاجتين إما حد عرف انك شغاله معانا هنا ف السر أو كمال الشناوى اتغاشم.

أخذت كلماته تتردد فى عقلها علم احد انها تعمل فى القوات الخاصه بسريه لتردد بعقلانيه : معتقدش ان كمال الشناوى اتغاشم لأنو مش ماشى بدماغو .. هو ماشى بدماغ اللى أعلى منه.

اللواء (مهاب) : علشان كدا إنتِ لازم تختفى الفتره دى

ردت : أيوا يا فندم بس إختفائى الفتره دى لو هما عندهم شك إنى بشتغل هنا هيأكدهلهم

اللواء : مفيش حل تانى يا سرين، إنتِ ممكن تسافرى تقعدى مع جدك فى الشرقيه فتره وبعد القضيه دى ماتنتهى أنا هعلن انك بتشتغلى هنا يا سيادة اليوزباشى.

أخذت سرين تفكر بكلماته وردت بعمليه : تمام يا فندم علم وينفز.

سألها بتردد خارج نطاقع العمل: آآ أخبار عاصم ايه يا بنتى ؟؟

نظرت هى اليه قائله : والله يا عـ آآآ

قاطعها رنين هاتفها، نظرت الى هوية المتصل لتجده إياس فقالت بحرج : بعد إزنك لحظه واحده بس.

- إتفضلى يا بنتى

ردت ليأتيها صوت أخيها الخائف والمشحون بالغضب والقلق : سرين إنتِ فين؟ إنتِ كويسه؟ حد عملك حاجه؟ طمنينى.

ردت بإستغراب : بس بس ايه يا ابنى مالك أنا كويسه جداً.

تنفس هو الصعداء مرددًا : طب ماتتحركيش من مكانك أنا هاجى أخدك، إنتِ فين؟

أجابته : أنا مع سيادة اللوا يا إياس.. ايه اللى حصل لكل دا؟

إياس : سرين بابا فى المستشفى.

انتفضت من جلستها مردده بخوف : ليه؟ ايه اللى حصل لبابا؟

قص لها ما حدث، بينما إستمعت هى له وعيناها تكاد تنفجر من جحوظها.

سرين : خليك مع بابا ودينا يا إياس ماتسيبهوش وأنا هاجيلك ماتقلقش عليا.

وافق على مضض شديد، وبعد أن أغلقت سألها اللواء بقلق :فى ايه يا سرين ؟؟

أجابته : بابا فى المستشفى وأنا لازم أرحلوا

قال بتردد : آ أنا هاجى معاكى يا بنتى

وقاموا سريعاً متجهين الى المشفى.

~~~~~~~~~~~~~~~~~

كان يجلس هذا الرجل البغيض على مكتبه ويقف أمامه رجاله الذى تولوا مهمة ضرب عاصم، فبادرهم بسؤاله : عملتوا ايه؟

أجابه أحدهم : تمام يا باشا زى ما أمرتنا وعاصم الشرقاوى دلوقتى فى المستشفى والداكتره بيقولوا حالته خطيره.

إبتسم بشر مرددًا : طب روحوا انتوا وابقوا عدوا على الحسابات.

أنصاعوا لأوامره وخرجوا فرحين

بينما تمتم هو : المره دى كانت قرصة ودن بس يا عاصم يا شرقاوى، أما نشوف بقا الدكتوره هاتعمل ايه.

دلف أخاه الى المكتب قائلاً : أكرم شوفت اللى حصل لعاصم الشرقاوى.

إبتسم " أكرم " بخبث ، قائلًا : طبعًا شوفت.

سأله أخاه بتوجس : أوعى تكون ليك يد فى اللى حصل؟

لم يرد عليه أخيه بل إزدادت إبتسامته الخبيثه إتساعاً ، فصاح الأخر : إسمع بقا إنت متدارى وقدام الناس والحكومه ماشى فى السليم أنا اللى أسمى معاهم والبت المحاميه دى بتنخور ورايا وأنا مش ناقص.

رد أكرم بفحيح وبرود : غلط ، غلط يا كمال .. مش معقول خايف من حتت بت لو شاورت بس ألاقيها هنا قدامى وأفعصها تحت رجليا

رد كمال : تقصد ايه ؟؟

أكرم بهدوء تـام : ركز .... ركز يا كمال أنا مش ماشى بدماغى ، بلاش تعمل حاجه غبيه تلفت الأنظار ليك، جايلنا أوامر إننا نهدى اللعب اليومين دول علشان بعد كدا ورانا شغل كتير اوووى فركز لأن أى غلطه البوص مش هيرحمنا.

إبتلع الأخر ريقه بتوجس مفضلا

الصمت .....

~~~~~~~~~~~~~~~~~~~

وصل كل من سرين ومهاب الى المستشفى هرولت سرين الى أخيها قائله : إياس، ايه اللى حصل لبابا؟

أخذ إياس نفس وزفره براحه وهو يجيبها : الحمدلله بابا كويس ماتقلقيش.

توجهت هى بأنظارها الى دينا لترى شبه إبتسامه على وجهها فتأكدت من سلامة والدها.

صافح إياس اللواء مهاب والذى بدوره أخبره عن ضرورة إبتعاد سرين هذا الفتره لسلامتها وإتفق معه إياس على هذا أمراً سرين بالسفر الى جدهم ومعها دينا التى قبلت على مضض بعد إصرار عليها مؤكده عليهم أخبارهم لها بحالة عاصم لكى تطمأن عليه.. وها هما الآن بالسياره متجهين الى الشرقيه.

~~~~~~~~~~~~~

فتح عاصم عيونه بتثاقل وهو يردد اسم ابنته ليقترب منه ابنه مرددًا : حمدلله على سلامتك يا بابا.

عاصم بإعياء : إيـ اس .. سر ين.

إياس : ماتقلقش يا بابا سرين عند جدى دلوقتى وعليها حراسه محدش هيقدر يقربلها متتعبش انت نفسك بالكلام.

~~~~~~~~~~~~~~~~~

فى الشرقيه

وقف حامد الشرقاوى بهيبته منتظرًا بلهفه قدوم ابنته وابنة أخيه.. حتى رأى سيارتهم قادمه من الخارج فإعتلت إبتسامه سعيده وجهه.

أوقفت سرين السياره أمام الباب الداخلى للقصر وترجلت منها سريعاً تلقى نفسها بين أحضان جدها الحبيب.

بالدلها هو العناق بسعاده مردد : إزيك يا غاليه يا بنت الغالى؟

أجابته وهى مازالت متعلقه به : كويسه طول ما أنت كويس يا جدى.

رفع أنظاره الى إبنته الواقفه ببرود وأردف بحزن : ازيك يا بنتى ؟؟

ردت بجفاء : الحمدلله كويسه.

ظل هو يناظر ابنته بحزن وهى تبادله ببرود جاف.

نظرت سرين اليهم بحزن وسرعان ما قالت لتغير الوضع : ايه يا جدو هتسبنا كدا على الباب وبعدين أنا ميته من الجوع ونفسى ف الأكل اللى مرات عمى بتعمله.

زاد من ضمها وقال لسرين بحنان وهو يأخذهم الى الداخل : لا طبعاً دا بيتكم ومرات عملك عملالك كل الأكل اللى بتحبيه.

قالت بمشاكسه : أنا بحب العيون الزرقا دى.

رد بضحك : ياسلام على البكش.

دلفوا الى الداخل وبعد العديده من الترحاب بين سرين ودينا وعمهم وزوجته.

صعدت دينا الى غرفتها بحجه أنها تود الراحه بعد هذا الرحله الطويله.

دلفت الى غرفتها لتجدها مثل ما تركتها منذ ثمانية أعوام جلست على فراشها تتحسسه بحزن ودمعاتها تتسابق على وجنتيها.. كم تشتاق الى والدها تشتاق الى ضمه لها بحنانه والشعور بحبه الا متناهى.

شعرت بمن يضع يده على كتفها من الخلف التفتت لتجد والدها يقف يناظرها بأسى.. لم تتردد لحظه بأن تلقى نفسها بين أحضان والدها الدافئه وهى تشهج ببكاء مرير بينما ضمها هو الى صدره بلهفه وإشتياق فهو لم يرها منذ سنوات.

جلس على الفراش وهى مازالت متعلقه به تدفن رائسها بصدره، تأبى تركه.

أردف بحزن على حال إبنته الصغيره : ليه كل دا بس يا حبيبتى؟ ليه الحزن دا!

ردت من بين شهقاتها : أنا محتجالك اوى بابا.

رد : وأنا جنبك علطول ومستحيل أسيبك تانى.

ظلت على هذا الوضع وهو يلقى على مسامعها كلمات جعلتها تهدأ وملئت قلبها راحه وطمئنينه الى أن غفت بين أحضان والدها الحنونه الدافئه.

نظرت عليهم سرين بسعاده وخرجت سريعاً لكى لا تقطع عليهم هذه اللحظه.

دسها والدها فى الفراش جيداً مقبلاً جبينها ، ومحى أثر الدمعات من وجهها وخرج، تاركًا إياها تنعم بنوم هنيئ افتقدته لسنوات.

~~~~~~~~~~~~~~~~~~

جلس كنان أمام والده اللواء(مهاب).. يستمع الى ما يقوله بدقه وتركيز شديدين.

اللواء(مهاب) : اسمع يا كنان، إذا كنت هديلك القضيه دى فمش علشان انت ابنى لأ علشان عارف انك ظابط شاطر وهتخلصنا من المشكله دى بسرعه ودا مش رأي لوحدى دا كمان رأي اللوا مجدى واللوا محمد.

القى كنان نظرات قلقه الى والده وهو يتسائل : خير يا سيادة اللوا قولى المشكله وتأكد إنها انتهت.

رد اللواء مهاب بفخر : جميل يا سيادة البكباشى هو دا اللى كنت منتظرو منك بس لازم تعرف ان القضيه دى مش زى اى قضيه، وانها حساسه جدا وخصوصا إنها بتتعلق بعصابات دوليه وانك مش هاتشتغل فيها لوحدك.

كنان : تمام يا فندم ايه هيا القضيه بظبط آآ..

طرقات على الباب قاطعتهم، ودلف بعدها العسكرى قائلاً : سيادة المقدم علاء وصل يا فندم.

- خليه يدخل!!

دلف شاب طويل القامه عريض المنكبين بشرته بيضاء وعينيه رمادية اللون حاده.

وقف أمام اللواء مهاب مرددًا بإحترام : حضرتك طلبتنى يا فندم.

أشار له مهاب ان يجلس قائلاً : اتفضل أقعد يا حضرة البكباشى.

جلس المدعو علاء وهو ينظر الى صديقه، قائلًا بتسأل : خير يا فندم؟

اللواء: أنا كنت اديتك فكره قبل كدا على قضيه تخص عصابه خطيره.

علاء : فعلاً يا فندم بس حضرتك مادتنيش باقى التفاصيل.

اللواء(مهاب) برسميه : القضيه دى تخص عصابه كبيره متفرعه فى أكتر من بلد ومن خلال مصادرنا عرفناه ان مصر واحده من البلاد دى.

نظروا له بمعنى ان يكمل فأكمل بدقه : الراجل الكبير بتاع العصابه دى مجهول مفيش اى معلومه حتى عنه لا جنسيه ولا دين ولا حتى شكل ولا سن، فى بعض الأقاويل بتقول إنو إحتمال كبير يكون مصرى الجنسيه وإحتمال أكبر إنو إسرائيلى.

نظروا له بتركيز أشد ليكمل : وكمان مصادرنا تأكدت أنه ليه رجاله هنا فى البلد، زى ما يكونوا عنيه فى مصر.

سأله علاء : طيب وهو بيتاجر فى إيه بظبط يا باشا؟.

أجابه : ليه فى كله سلاح على مخدرات ، أثاار ، أدويه متهربه ، ماسبش حاجه الا لما تاجر فيها مجرم درجه أولى ، راجل جبار ومدوخ الحكومه اللبنانيه والإماراتيه وراه بقاله سنين .. ومن خلال مصادرنا إتأكدنا أن رجل الأعمال المعروف كمال الشناوى وهو أحد رجال الراجل دا فى مصر.

رددوا بذهول : كمال الشناوى!

اللواء مهاب: ايوا، وفى كمان شكوك بتحوم حوالين أخوه أكرم الشناوى بس لسه ماتأكدتش وكمان مصادرنا بتأكد آآآ

قاطعه علاء بسخريه : ما هى مصادر حضارتكوا شغاله الله ينور اهيه يا باشا، ماعرفتش بقا بالمره مين هو الراجل دا ؟؟

إبتسم اللواء(مهاب) قائلاً :

- لا معرفتش... لأن دى مهمتكم إنتوا ، إنتوا اللى هاتعرفوا مين هو الراجل دا.

كنان : بس حضرتك مدتناش اى معلومات تساعدنا اننا نعرفوا.

أرتجع اللواء(مهاب) بظهره على المقعد بأريحيه وهو يقول بإبتسامه : لأن دا مجرد تمهيد يا سيادة المقدم أما المعلومات اللى هتحتاجوها فدى كلها عند زميلكم الثالث.

علاء بإستفسار : ليه؟ هو فى حد تانى هايشتغل معانا على القضيه دى.

أومأ اللواء(مهاب) برائسه وهو يقول :

- ايوا ...

أكمل ليصدمهم : سيادة النقيب سرين الشرقاوى

أتسعت أعينهم وهم يرددو بصدمه :

- إاااايــــــــــــــه'ه

-يتبع......-

الحلقه الجايه هاجبيلكم معاها صور الأبطال ان شاء الله وأتمنى الروايه تعجبكم

كنان : بس حضرتك مادتناش اى معلومات تساعدنا اننا نعرفوا

أرتجع اللواء(مهاب) بظهره على المقعد بأريحيه وهو يقول بإبتسامه :

- لأن دا مجرد تمهيد يا سيادة المقدم أما المعلومات اللى هاتحتاجوها فدى كلها عند زميلكم الثالث

علاء بإستفسار : ليه ؟؟ هو فى حد تانى هايشتغل معانا على القضيه دى

أومأ اللواء(مهاب) برائسه وهو يقول :

- ايوا ...

أكمل ليصدمهم : سيادة النقيب سرين الشرقاوى ...

أتسعت أعينهم وهم يرددو بصدمه :

- إاااايــــــــــــــه'ه

كنان بذهول : وإحنا من أمتى يا بابا بندخل الستات شغلنا وآآ

قاطعه والده بإستنكار : ليه يعنى عمرك ما شوفت ستات ظباط

علاء : ايوا يا سيادة اللوا بس آآآ

قاطعه : مابسش

علاء بإعتراض : لأ ازاى ؟؟!! إحنا مش بنشغل ستات معانا

اللواء(مهاب) بتصحيح :

- مش هيا اللى هاتشتغل معاكو يا سيادة المقدم .. إنتوا اللى هاتشتغلوا معاها

كنان بحده خفيفه : ماتفرقش ، إحنا أصلاً من أمتى بنشتغل مع ستات ولا بنشغلهم معانا

- كـــنـــااااان

أردف بها والده بحده وبعدها أردف بحزم :

- أنا قولت اللى عندى وإنتهى الامر .. إنتوا الأتنين هاتشتغلوا مع سرين فى القضيه دى خلينا نخلص

قام الإثنان بعصبيه وغضب ملقين التحيه العسكريه وخرجو من المكتب بينما إبتسم مُهاب بمكر ثعلب

(~_^)(~_^)(~_^)(~_^)(~_^)(~_^)(~_^)(~_^)

- ايه اللى أبوك بيعمله دا يا كنان ؟؟!!

أردف علاء بهذه الكلمات مستنكراً ما فعله قائده ووالد صديقه منذ دقائق

جلس كنان على مكتبه وأخذ يهز ساقيه بعصبيه من فرط الغضب وهو يقوم بإشعال سيجارته المفضله ماركة (**)

وأردف بحيره مجيباً إياه :

- مش عارف !! أبويا ناوى يجننى يا علاء ....

علاء : عاوزين نركز على القضيه لحسن دى شكلها غويطه اووووى

أردف كنان بضحك بعد أن غمز له :

- عيب يا ابنى إحنا قدها وجامدين اوووى

علاء : ههههه المهم كمان نخلص من البت اللى أبوك لازقهلنا دى

أرتجع كنان بجذعه العلوى مستنداً على مقعده وهو ينظر أمامه بشرود لثوانى قبل أن يقول بشر خبيث :

- دى أيامها الجايه سوده بعون الله ، بقا أنا أبويا يزعلقى علشانها ، لأ وكمان يجبرنا على الشغل معاها

علاء : ااوووبــااا .. التمساح حطها فى دماغووو ، دى أكيد أمها داعيه عليها فى ساعة إستجابه

ʕ•ﻌ•ʔ ʕ•ﻌ•ʔ ʕ•ﻌ•ʔ ʕ•ﻌ•ʔ ʕ•ﻌ•ʔ ʕ•ﻌ•ʔ ʕ•ﻌ•ʔ ʕ•ﻌ•ʔ ʕ•ﻌ•ʔ

تأفأفت سرين بضيق وهى تناظر الأوراق بين يديها بملل

- مالك بس يا قلب جدك

أردف حامد الشرقاوى بهذه الكلمات وهو يدلف الشرفه التى تجلس بها حفيدته تتابع أعمالها

أجابته بسلاسه وبتزمر طفولى ، ويبدو على وجهها معالم الضيق :

- قضيه صعبه اوووى يا جدو

جلس جوارها ، وأردف وهو يناظرها بتشجيع :

- مفيش حاجه تصعب على سرين الشرقاوى أبداً

ردت بمشاكسه : يا سلام على العيون الزرقه الحلوه دى اما تشجعنى

قال بنفس نبرتها : ويا سلام على العيون الزرقه الحلوه دى اما تضحك

لوت شفتيها بتزمر طفولى وهى ترد :

- عيب يا جدى إنت كبرت على الكلام دا

الشرقاوى بضحك : أنا أتعاكس اه ، أعاكس لأ

ضحكت سرين وهى ترد :

- هههههه صح كدا ، براڤو عليك يا جدى

ضمها الى صدره بحنان فهذه المشاكسه الصغيره نسخه طبق الأصل من جدتها فى كل شئ شكلها ، عندها ، مشاكستها ، تلقائيتها ، وتزمرها الطفولى الدائم ، والعديد من الصفات الآخرى

خرجت من بين زراعين جدها عندما رائت دينا مقبله عليهم بتردد ، وأردفت بتردد أزيد :

- صـ صباح الخير

إبتسم الشرقاوى وهو يرى إبنته التى لا تزال فى عينيه طفلته صاحبة الضفائر الصغيره ، ورد بحب

- صباح الياسمين والخيرات كلها

جلست جواره بتردد ، وهى تقول بصوت يكاد يكون مسموع :

- إزى صحتك يا بابا ؟؟

زادت إبتسامته إتساعاً وأخذها بين زراعيه ضاماً إياها

علمت هى بما كان ينقصها ، ما لم يستطع أحد تعويضها إياه

وهو حضن والدها الدافئ وحبه وحنانه النابعان بصدق فطرى من قلبه

تأوهت بألم تدفن رائسها بصدر والدها وهى تتذكر كل السنوات التى حرمت نفسها بغباها من حضنه الحنون بسبب طيشها وسزاجتها

أخرج هو رئسها بهدوء مقبلاً إياها منها وأردف معاتباً برقه ، وبصوت يحمل كل معانى الألم والإنكسار :

- لـيـه ؟؟ ليه يا بنتى ؟؟

هبطت دمعاتها وأردفت بأسف :

- سامحنى يا والدى أنا بغبائى خسرت حاجات كتير اوووى أولهم إنت وأخرهم مهاب الشخص اللى حبيته بجد ومش بس كدا أنا كنت سبب فى قطع العلاقه بينه وبين عاصم

آآآآآآآآآآهـ'هٍ ؛ خرجت من قلب الشرقاوى الكبير كما يُطلقون عليه وهو يستمع الى كلمات إبنته

ها هى اللحظه الذى إنتظرها منذ ثمانية أعوام ... أتت متأخره كثيراً ، ثمان سنوات منتظر إبنته تعود اليه ... منذ أن كانت إبنة الـ الخامسه والعشرون من عمرها

ذهب عقله برحله يتذكر بها ما حدث منذ ثمانية أعوام

Flash Back

- إنتِ إتجننتى يا دينا عاوزه تتجوزى واحد إبنه أكبر منك

أردف الشرقاوى بهذه الكلمه بصدمه وهو يناظر إبنته التى أخبرته لتوها أنها تود الزواج بـ صديق عاصم الصدوق والذى يكبرها بضعف عمرها

ردت عليه بسلاسه :

- وفيها ايه يا بابا مدام بنحب بعض

صفعه قويه لا تعرف من أين أتتها ولكن عندما نظرت بجانبها وجدته هو أخيها الكبير. " مروان " وينطلقا الغضب والشر من عيناه سهاماً مترصده إياها لتميتها زعراً

ركدت اخبأت جسدها الضئيل بحضن وملابس والدها الواسعه ،، ليقول هو بعصبيه :

- والله عـااال يا مروان بتمد إيدك على أختك الصغيره وانا واقف

رد مروان بلهجه صعيديه لا تنتمى له بشئ ، ولكنه يتحدثها عندما يتعصب :

- دى بت جليلة حايه وربايه كُمان ، أنا مش بس هاضروبها ، أنا هاكسر عضمها ، حب ايـه وجلة حايه ايــه !!

- مــــروااااان

أردف والده أسمه بصرامه قبل أن يقول وهو يشعر بإرتجافها بخوف بين يديه :

- دينا لسه صغيره ماتفهمش حاجه وكلمه ورد غطاها إنت ملكش دعوه بالموضوع دا وماتدخلش فيه .....

وقام بجذبها والتوجهه بها الى الداخل وهو لا يعلم أن هذه الصغيره كما ينعتها ستتسبب فى الكثير فى المقبل

Back

دينا : يارتك كنت سيبت مروان يوميها يضربنى يبهدلنى بس ماكنتش وصلت لكدا

- هشششش خلاص اللى حصل حصل مش هانعترض على قضاء ربنا أهم حاجه يا بنتى نتعلم من غلطنا

أردف حامد بهذه الكلمات بحنو أبوى فطرى وهو ينظر لإبنته المستكينه بأحضانه

^o^ ^o^ ^o^ ^o^ ^o^ ^o^ ^o^ ^o^ ^o^

تخرجت سرين من كلية الشرطه بعد إلتحاقها بكلية الحقوق ،،

وبهذا فهى محاميه وشرطيه فى أن ، ولكن عملها الأغلب كان محاميه ، وعملت شرطيه فى الخفاء بناء على رغبة والدها الذى قبل عملها على مضض

الى أن وردت لها هذه القضيه التى عجزت أمامها كـ محاميه فلجأت لها كـ شرطيه

< Flash Back >

كانت تجلس تتفحص الأوراق أمامها بعنايه تامه الى أن قاطعها دلوف نهله وجلوسها جوارها بصحبة " أحمد "  (محامى تحت التدريب )

رفعت أنظارها التى يشوبها الشرود والتفكير من الأوراق ، وأردفت بريبه :

- الورق دا فيه دليل برائة جمال من القتل وفى نفس الوقت فيه دليل إدانه ضد كمال الشناوى

أحمد بذهول متسائل : كمال الشناوى رجل الأعمال المعروف

أومأت برائسها ، لتقول نهله :

- دليل إدانه !! ازاى ، يعنى فيه علاقه بين جمال وكمال الشناوى ؟؟!!!

سرين : بالظبط ، ولما راجعت الأوراق أكتر إكتشفت أن البنت اللى جمال متهم بقتلها كانت سكرتيرة كمال

أحمد بترقب : يعنى إنتِ قصدك إن كمال هو القاتل ؟؟

أجابته بحيره : تقريباً بس الموضوع وراه لغز ولغز كبير كمان

نيره بتساؤل : هاتعملى إيه دلوقتى ؟؟

أجابتها بثبات : كمال الشناوى .. الراجل دا هو اللى هايوصلنا للى إحنا عاوزينه

أتسعت أعين نهله بذهول وأردفت بتوجس :

- بلاش يا سرين الراجل دا مش سهل بلاش نحط إدينا فى عش الدبابير

تجاهلت سرين كلماتها وأردفت موجهه حديثها لـ أحمد :

- أحمد عاوزاك تجيبلى فايل فيه كل حاجه عن حياة كمال شغلووو علاقاتووو العامه بيته حتى مواعيد أكله ونومه ، مش عيزاك تسيب حاجه إلا وتجبهالى ، وكمان عاوزه فايل عن البت السكرتيره اللى أسمها نهى دى .. عاوزه أعرف كل حاجه عنها حياتها كانت ماشيه ازاى قبل ما تموت ، أدق التفاصيل ممكن تفرق معانا

أحمد وهو يقوم :

- تمام يومين بالظبط وكل اللى طلبتيه يبقا عندك

خرج من المكتب بينما تنهدت نهله بضيق فهى تعلم صديقتها العنيده بحق لن تترك هذه القضيه إلا وتنهيها ، فأردفت بتسائل :

- ناويه على ايه يا بنت الشرقاوى ؟؟

أجابتها بنظرات شارده :

- ناويه أعرف الحقيقه .. أنا متأكده أن كمال ليه دخل بموت البنت دى

Back

وبالفعل بعد مرور يومان كان أحمد قد أحضر لسرين كل ما طلبته و

Flash Back

- إتفضلى يا ستى دى فلاشه عليها كل اللى طلبتيه

إلتقطتها منه وأردفت : شكراً يا أحمد أنا متأكده إن البيانات دى هاتفدنا كتير

وبعدها قامت بوضع الفلاشه فى جهاز الكومبيوتر المتنقل الخاص بها

لتظهر المعلومات أمامها كـ شريط ليس له نهايه

لترفع رائسها بذهول مصدوم وهى تردد لنهله وأحمد الجالسون أمامها :

- كمال الشناوى بيتردد لأماكن مشبوهه لأ ومش بس كدا دا إتعرف على البنت دى هناك لأن هو دا شغلها .. فتاة ليل

نهله بإستنكار : فتاة ليل

أكملت بسخريه : يعنى الصبح سكرتيره وأخر النهار فتاة ليل هاهاهاه

سرين بشرود : أكيد إتعرف عليها من مكان من الأماكن اللى بيروحا

أحمد بتفكير : ودا إن دل فبيدل على إن كان فيه بينه وبينها علاقه

نهله : دا أكيد أمال شغلها عندو ليه من ذاكئها يعنى

سرين : صح لأن حتى موأهلها الدراسى دبلوم هاتشتغل سكرتيره ولأن كمان فى سكرتيره تانيه فى المكتب

أحمد بتسائل : تفتكرى يكون هو اللى قاتلها ؟؟

إرتجعت سرين بجزعها العلوى الى الخلف وهى تردد :

- أنا متأكده إنوو ليه دخل بموتها

نظرت الى الاب توب أمامها مره أخرى فلمحت كلمه بسيطه

إعتدلت فى جلستها سريعاً وأخذت تقرأ مره أخرى تحت نظرات أحمد ونهله المستغربه

رددت بشك :

- صفقه ألعاب ... ومن أمتى وهو بيتاجر بلعب الأطفال ؟؟

أخذت تقرأ مره أخرى الى أن قرائت هذا الخبر الذى كان بمثابة صدمه بالنسبة لها ، رافعت رائسها فجأه وأردفت بصدمه :

- جمال كان بشتغل سواق عند كمال قبل الحادثه بشهر!!

نهله : دى شكلها ولعت على الأخر!!

قامت سرين وهى تأخذ الفلاشه من جهاز الكومبيوتر وعدة ملفات ، وأردفت :

- أنا هاروح للوا ماينفعش القضيه دى أكمل فيها كدا

وبالفعل بعدها بدقائق

كانت جالسه أمام اللواء مهاب الذى بدوره تفحص الأوراق والفلاشه بدقه وعنايه تامه

رفع رائسه إليها قائلاً : إنتِ عارفه إيه معنى ان في صله بين كمال وجمال

أومأت وهى تردد : ايوا يا فندم ، معناه ان ممكن جمال فعلاً يكون قتل

أكمل هو : بأمر من كمال

ردت بحماسه : بالظبط علشان كدا أنا جيت لحضرتك

- وكويس إنك جيتى فى معلومات كتير انا كنت محتاجها .. كمال الشناوى يا سرين بيشتغل فى الممنوعات بأنوعها

- كنت متوقعه كدا وخصوصاً بعد صفقة الألعاب دى

- المشكله بقا مش فيه ف اللى أعلى منه راجل جبار مدوخنا وراه سنين دا غير الحكومه اللبنانيه والإمراتيه اللى بقالهم سنين مش قادرين يعرفوا حاجه عنه لا أسم ولا شكل ولا حتى دين ، راجل حربايه بيتلون بكل لون

بذهول خافت رددت : يـــــاااه للدرجادى

اللواء مهاب : أنا هاعين معاكى ظابط كفئ وتمسكوا القضيه دى سوا وتفضلى ورا جمال لأنو أكيد يعرف حاجات كتيير